جنات: انا بعدا راجلي خاص حتا نتعرف عليه عاد نتزوجو .. نشوف طبعو كيف داير و تصرفاتو واش مزيانة اما باش نمشي رمانة مغمضة لا اويلي متعرفي فاش غطيحي
الغالية: نتي عارفة با و مي لي بغاوهم .. انا منقدر نقول حتا حاجة ضد كلامهم .. واش بغيتيني نعارض كلامهم و يسخطو عليا
جنات: ااا الغالية يهديك الله اشمن سخط ولا رضى واش هدشي فيه اللعب .. راه نتي لي غتزوجي بيه ماشي باك ولا مك باش يقررو فبلاصتك .. و اصلا نتوما حتا تسوال مسولتوش عليهم غير جيتو و قبلتو حقا ما حقا راهم عندهم الدار مبنية و محل للمواد .. تي اش عندوو اااش يكسااب … انا ماشي ضد خدمتو ولا دارو ولا زينو ولا اي حاجة اخرى .. انا ضد طبعو و تصرافتو و اي حاجة متعلقة بيه .. فهمتيني اما الخدمة ولا غيرها نفضل انا نعيش معاه غير بالخبز و الما و نسكنو غير ف بيت ميهمنييش .. المهم عندي هو يكون راااجل معايا و يحطني فعينيه انا غنديرو تاج فوق راسي
الغالية: عندك الحق اختي كلامك كلو معقول .. ولكن متنسايش نتي خالتي و عمي حسن واقفين معاك و سيف الدين دايرك بحال صاحبو ماشي غير ختو .. مخليك على راحتك و متفتح معاك .. ماشي بحالي انا عكسك .. مغتفهميش علاقتي بواليدية
شافت فيها جنات بانت ليها حزنات ملامحها و هي تبدل الموضوع باش ميبقاوش يهضرو غير على خالد و مصايبو
جناات: ايوا معليش دبا نساي هدشي .. عرفتي شفت واحد الالوان ديال العكورا كيحمقو احح ياربي زوينين و حلفت حتا نشريهم .. فالعشية نخرجو بزوجات نييت خاصاني شحال من حاجة كنت دايراها فبالي و ماجاش وقتها
الغالية: واخة و خالتي غتخرج معانا
جنات: من نيتك!! بغيتيها تبقا عطياها ليا غير للنكير حطي هادي هزي هادي .. مغنتفاهموش انا وياها دكشي علاش غنمشيو غير بزوج خليها هي فالدار حتال مرة اخرى..
دكشي لي كان غير وصلات العشية ناضت جنات لبسات تيشرت فالبيض و سروال جينز بضريبات فالركابي .. مع سبادرين سبورتيف .. خلات شعرها مليوح على ضهرها و دوزات ليبستيك احمر على شفايفها .. دارت نضاراتها الطبية لي مكيفرقوهاش و هزات ساكها .. اما الغالية كانت غتلبس جلابتها و هي توقفها جنات
– متلبسيش الجلابة .. هاكي لبسي من حوايج سلوى راه كتخلي منهم هنا و نيت غيجيو قدك و راه حتا هي كدير الحجاب متخافيش
الغالية: لا لا غير خليني فالجلابة حسن .. هي لي موالفة كنلبس
جنات: و بدلي الستايل شوية وراه حتا هذوك مستوووورين بزاف راك عارفة راجل سلوى كيف داير دكشي علاش كتلبس غير المستور اجي هزي منهم
مشات معاها لبيت سلوى فين كانت مخلية بعض من ملابسها .. هزات سروال مفضفض فالاسود عند الكعبة و معاه شوميز طويلة حتا هي فالابيض و بعض الزواق بالاسود .. لبساتهم و دارت معاهم حجابها مدوراه على وجهها الدائري ذو ملامح طفولية مخلياه طبيعي بلا مستحضرات تجميل .. تشبتات فدراع جنات و خرجو من البيت بزوجات لقاو خديجة جالسة كتفرج فمسلسلها المفضل و حاطة قدامها زريعة ..
جنات: ماماتي هاحنا خارجين
خديجة: متعطلوش شوية و رجعو راه دغيا كيطيح الضلام
جنات: متخافيش الحب ووو دوري معايا نخرج بيدية خاويين
شافت فيها جنات بنص عين و خشات يدها فجيب خمالتها لاحت ليها خمسين درهم
جنات: واش دبا كتفلاي عليا ولا كتسطاي عليا و لا كتقولي ليا ابنتي سيري تقنتي مكاين خروج
الغالية بهمس: اويلي زيدي و سكتي قنعي مالكي
جنات: تي اش غنقنع راه هادي متشري ليا حتا داك العكر اللخر .. و ماااااماااا زيديني شوية حشومة عليك
وقفات خديجة كتحلف عليها: والله ف اخر الشهر لا شديتي مني الريال طبيتيهم ليا غير نتي .. نزلي عند بوووك لي ضسرك يعطيك لاش جاية عندي انا
مشات لبيتها كتنكر و تعاود عليها و رجعات هازة بسطامها و عاقدة حواجبها .. جبدات مية درهم مداتها لجنات و ميتين درهم للغالية لي رفضات تشدها محرجة منها
خديجة: تي شدي من عندي
الغالية: لا اخالتي راه عندي والله .. الله يعطيك الخير و غير سمحي ليا منقدرش نشدهم منك
خديجة: شدي خلاص من قسوحية الراس عارفة عندك ولكن هادو لابغيتي تشري شي حاجة تقداي بيهم و دياولك خليهم تحتك لدواير الزمان وراني غير خالتك ابنتي
جنات: ايه خاصينا اريهم ليا ندسهم ليها
بغات تخطفهم لمها و هي تحيد يدها و حطاتها للغالية وسط يدها
-ياله سيرو و رجعو دغيا و عنداكم الطريق و لي تبسل عليكم عطيوه عضم يكدوو
تبعاتهم بالتوصيات تقول عمرهم خرجو و رجعات هي قابلات تلفازتها على راحتها
كانو واقفات بزوجات قدام شاب يتجاوز عمره 25 سنة .. شاد مجموعة من العلب و كيوريهم ليهم و هو كيشرح ليهم بالمهل كل وحدة و تمانها و علاش..
جنات: شوف ا سمير الله يرضي عليك جمع ليا دكشي و نقص ليا التمن شوي .. راني كليانة عندك و ديما جايبة ليك الرواج للهنا و دير المزيان باش نبقاو مزيانين
سمير: الالة كلشي ديالك غير كوني على راحتك
جنات: هاكا نبغيك ياله جمعهم ليا ‘تلفتات للغالية’ زيين ما خاصك والو .. شوفي هاد البارفان زوينة ناخدوها
كانو عينين الغالية مترقبين شخص واحد قدامها .. كتأكد وا واش هو ولا غير تشابه ليها .. خلات عينيها عليه و حطات يدها على جنات كتنعت ليها
-شوفي هداك لي لهيه واش ماشي خالييد
جنات كتشاعي و ملصقة نضاضرها: لا موحااالش هو .. اويلي حتا نتي اش غيكون كيدير هنا غيكون مشا فحالو
الغالية: ولكن جاني كيشبه ليه و نفس الشكل و اللبس .. واقلة هو غير شوفي مزيان
جنات: نفتارضو هو شكون ديك البنت لي معاه ياله .. زيدي الغالية راه غير تشابه ليك و خلاص
بقات كتشوف و مركزة ولكن كانو بعاد بزاف عليها .. مرة كتقول هو و مرة كتقول لا .. تلفات و مرفاتش واش غير كيتشابه ليها اول فعلا كاين هنا و معاه شي بنت..
هزات تلفون تتأكد و صونات عليه .. مجاوبها حتا شحفها عاد جاوب بصوت مدعدع
خالد: الو اش كاين
الغالية: فين اخاليد
خالد: كيفاش فينك!! ياك قبيلة جيت فحالي للدار اش بغيتي
الغالية: مشيتي ولا باقي هنا
خالد: واش كتفلاي عليا!! ياك كنا غادين بجوج و قلتي بغيتي تبقاي عند خالتك
الغالية: ولكن نتا ممشيتيش بلاما تكذب
خالد: ايوا تسناي ندوز ليك مي طامو دوي معاها عاد تبردي
تفكرات بلي غير غادي تدوي معاها و تلدعها بسمها و هي ترفض: لا لا مبغيتش صافي غير سير تنعس تصبح على خير
قطعات عليه و هي قاطعة الشك بلي غير تشابه و زادت مع جنات مكملين دورانهم و تسركيلهم .. تقداو لي خصهم و رجعو للدار مطحطحين مقادرينش يتحركو .. غير وصلو لباب العتبة و هوما يلقاو سيف الدين مربع يديه و شاد مدخل الباب كامل
سيف الدين: اتبارك الله على الزوفري .. كون غير تعطلتي كتر
جنات: ايوا دوماج الغالية عيات اما كون مزالين تم
سيف الدين: هداك وجهك ولا قفاك الله يحرق طاسيلتك .. مخرجة البنت مسكينة عيانة و جالسة حتال هاد الوقت لقيتي السيبة
جنات: و صافي اخويا راه والله حتا تعطلنا غير فالتقدية كنختارو لي يناسبنا
صبح يوم جديد .. كانو مجموعين على طبلة لفطور كاملين كيفطرو في صمت حتا وقف سي حسن و سيف الدين يمشيو لخدمتهم..
جنات: باباتي بيت نمشي للحمام و خاصني باش
حسن: خديجة الفلوس فالمجر عطيها شحال بغات
خديجة: واخة كون هاني .. ياله الله معاك
مشاو الرجال لخدمتهم و ناضت خديجة جمعات الطبلة واخة عيات معاها الغالية تجمعها هي ولكن رفضات خلاتها مرتاحة كيفها كيف بنتها لي مكتهز حتا كاس د الما .. ناصت جنات جمعات لوازم الحمام و حوايجها حتا هوما و هي تعيط للغالية جات عندها
– اجي هزي حوايج من هنا تمشي معايا ونسيني
الغالية: لا لا مبغيتش غير سيري بوحدك
جنات: ولااا متجينيش نمشي بوحدي خااص معامن نمشي معامن نجلس معامن نجمع اويلي نتم غادية ليه كي القردة مقردة بوحدي خايبة فحقي
الغالية: دي معاك خالتي انا مكنبغيش نمشي لداك الحمام لي كيكون مخلط
جنات: غير هاد المرة عفاك .. هانتي نتي غير جلسي انا نجبد ليك ما تلبسي و ياله غير جلسي حدايا
جبدات ليها دوبياس جداد هوما و بيجامة صيفية و معاهم عباية سوداء مع حجابها .. جمعات كلشي و لبسو جلالبهم و خرجو من بعد ما عطاتهم خديجة فلوس الحمام و الطيابة لبنتها عارفاها دايرا كي الامانة متحق متبرد قلب ..
وصلو للحمام خلصو و دخلو و جنات تسلم على هادي و تضحك مع هاديك و تهضر مع لخرا ما دخلات حتا جمعاات مع كلشي .. لقات الطيابة شادة ليها بلاصة حدا الما حطات فيها اغراضها و ناضت كتعمر فالما و تحط و الغالية غير كتشوف و حشمانة تبقا هازة عينيها فالناس ..
عمرات الما و باشرو فالحكان بزوجات و كيضحكو و يتعاودو ساعة و يحكو دقيقة .. حتا دخلات عندهم الطيابة تحك ليهم
– ابنت خديجة مدي ليا خلاص نكسلك راه باقي تابعني الشغل
جنات: واخة هاكي حكي ليا غير ضهري اما شي لاخر راه حكيتو بوحدي
– ياودي مك مواصياني عليك
جنات: يهديك الله اخالتي راني بيدية ممبطولاش .. شوفي الغالية الى بغاتك تحكي ليها اما انا قادة براسي
شافت فيها الغالية الحنيكات حمرين و شفارها مرطبين بالما عطاها جادبية..
الغالية: لا اخالتي شكرا راه حكيت
خلاتهم على راحتهم و مشات بينما لبنات كمبو على مبداو و بقا ليهم غير شعرهم يغسلوه .. ناضت جنات تاني تعمر في الما و تحط حداها .. محسات غير بيد تحطات على ضهرها كتحرك فيها
– حبيبة لباس عليك
جنات: اهلا كريمة لباس عليك اش خبارك
كريمة: الحمدلله ازيين و نتي اش هاد لغبور مبقينا شفناك
جنات: راك عارفة كعما كنجلس
كريمة: ايوا ربي عوين اكبيدة
جنات: جيتي غير بوحدك ولا جبتي معاك لبنية
كريمة: اييه معايا شيباتني مخلاتني نتحمحم على راحتي
جنات: صيفطيها ليا نكمل ليها و عومي على خاطرك
شكراتها و مشات اما جنات رجعات لبلاصتها و هي تسولها الغالية لي كانت مراقباهم حتا كملو حديتهم
-شكون ديك المراة
جنات: مرت حكيم .. هذاك لي رديتي عليه فالسناك عقلتي
الغالية: اااه على انا ننسا شوووهتي معاه
جنات: هههه ايوا الالة هادي مراتو
الغالية: زوينة و كتبام مهلية ههه
جنات: من طبيعة الحااال مهلية راه حكيم هكاك داير كيتهلا فعيالاتو
الغالية: عيالاتو؟
جنات: ايييه راه هديك مراتو التااااالتة ازيين
قبل ما تزيد تسول الغالية كانت هداية جات عندهم هازة لعبة فيدها كتلعب بيها و منزلة راسها و شعرها نازل على وجهها .. شداتها جنات فحجرها كتهضر معاها و تلعب بينما الغالية كانت كتغسل شعرها و جمعاتو و شافت ف جنات
– عطيها ليا نغسل ليها و كملي نتي شعرك
مداتها ليها هي و شامبوان ديالها مكيحرقش فالعينين و بدات تغسل ليها غير بالشوية و خايفة تقسحها و شادة ليها الخاطر حتا كملات ليها و هي تلفت ليها هداية .. دورات عليها يديها الصغيرات على عنقها باستها من حنكها بحنية
هداية: سكرا بزاف نتي ضليقة ماسي بحال ديك مسمومة
ضحكات الغالية على هضرتها و شداتها بغجاتها بالبوسان
الغالية: احح هاد البنت شحاال حلوااا هههه كلهااا على بعضها عسل ههههه
جنات: تي تفرقي على البنت و نتي لصقتي فيها كي العلقة راه يشوفك باها توحلي معاه ههه هذاك تقيسو فعينيه ماتقيسو فبنتو هههه
الغالية: الله يخاليها ليه
كملو تحمامهم و تلواو فالبينوارات بتلاتة عاد خرجو يلبسو حوايجهم و الغالية لصقات على البنت كتلبس فيها و تبوس و تعنق و عينيها غير عليها حتا كملات ليها عاد لبسات و جلسات ترد النفس
الغالية: اححح سخفت والله سخون بزاف
جنات: تسناي نجيب ليك تشربي حتا تخرج كريمة و نمشيو ديك الساعة
جابت ليها ميها باردة شرباتها و شربات هداية لي كانت فوق حجرها معنقاها و كتنشف ليها فشعرها بالفوطة .. تسناو شوية و هي تخرج كريمة كتعوج و تلبس بالمهل و تدهن و تريح على خاطر خاطرها لي بغا يربح العااام طويييل ..
ما خرجات كريمة حتا تفقصات جنات ولات غير كتصوط و تسنا فيها .. عاد تمات جايا كتعوج جلسات كتدهن فالحمها و تريح و تنشف على راااحتها و لي بغا يربح العاام طوييل..
جنات: كون غير بقيتي شوية علاش عاد خارجة
كريمة: ههه براكة من الطنز راك عارفاني يدي تقيييلة و كنبغي نعطي لراسي الوقت
جنات: مالكي اختي كتنكفي راك جيتي غير تحيدي وسخك .. شدي البنت من التبرهييش الخاوي و حنا ساعة لي جلسنا نتسناو فيك
كريمة: و شديها اجنات حتا نلبس و نخرجو و نيت نشربو شي كاس د الليمون من عند با العربي
جنات: هي جاي ليك حكيم
كريمة: و ضروري احبيبة مالي نمشي على رجلي و انا مزال سخونة بالحمام غيصرفقني البرد
جنات: نتي راه مصرفقك ربي ماشي البرد .. هاحنا خارجين نتسناوك برا
هزات البنت على الغالية لي كانت غير كتشوف و ساكنة ماهضرات معاهم ما تجاوبات حاضية غير كريمة و تصرافتها .. حتا نوضاتها جنات و خرجو بزوج الحنووك حمريين و الفيم كرزي بسخونية .. وقفو حدا واحد الباطيسري تما و شدو عصير يبردو بيه .. حتا بان ليهم حكيم جاي عندهم شاد سوارت الطموبيل فيد و الكارو فاليد الاخرى .. غير قرب ليهم و هو يلوحو و لاح حلوى ديال لمسك في فمو باش تحيد الريحة .. هز بنتو باسها و عنكشها على راحتو عاد شاف ف جنات و ضحك
حكيم: فين خليتي عينيك العورة هههه
جنات: العورة هي مك
حكيم: هههه و هي راها شادة القنتة بقيتي غير نتي باقي عندك شويت التشاش عايقة لينا بيه هههه
جنات بعصبية مكتحملش لي يقول ليها عمية ولا مكتشوفش ولا اي علاقة بعينيها دغيا كتعصب
جنات: و الخرااا بعد منيي تفوو مالك مزال مبرهش يخ .. لي شاف الشيب لي فراسك يقول هنا نبات و نتا الله يستر تجمعو فيك غير فعايل لبراهش يخ .. الشيب و العييب
حكيم: ههههههه الشييب غير وقاار اما تصرفاتي غير باش نبقا جووون
جنات: ايوا دكشي ديرو مع مرتك ماشي معايا .. هي لي تقبل ليك على هبالك
حكيم: تأ هديك القطران الغليض مكتفهمنييش هههه نتي العمر لي كتفهميني ‘شاف ف الغالية بضحكة خفيفة و غمز جنات بتساؤل’ اش كتجيك هاد الزبدة البلدية
جنات: فوت عليك البنت ماشي ديال ضحكك البااااسل.. ياك غير شديتي بنتك و خلص معاك داك العصير و الله يعاونك
ناضو هزو صيكانهم و خلاوه جالس مجمع مع بنتو بينما خرجات مرتو ..
الغالية: ناري ياختي مابيناش فيه داير تلاتة لعيالات .. كيف كيدير معاهم زعمة مكينوض بيناتهم صداع ما والو
الغالية: ماكينوض بيناتهم لا صداع لا والو حاكم فيهم؟
جنات: ههههه اويلي لاااا راك فهمتي غلاط راه دبا عندو غير ديك راس البرمة اما لخرينات لا
الغالية: كيفاش!! ياك نتي لي قلتي عندو تلاتة لعيالات
جنات: نن هو راه حياتو معقدة هاد الزعتر .. على حسب علمي و ما عاود ليا سيف الدين بلي مرتو اللولة كانو تطلقو و تفرفو نهار عرسهم كل واحد شد طريق و مرتو التانية مامات هداية مسكينة ماتت ملي كانت كتولد الله يرحمها كانت ضريفة و حنينة .. عرفتي عمري شفت دموع حكيم حتال داك النهار .. كانت نعمة الزوجة .. ايوا بقا 3 سنين هكاك مربي بنتو و ساكن غير هو و مو و ختو لي كتجي مرة مرة تعاونو حست ماماه مكتشوفش مسكينة .. صافي و قرر يتزوج بشي وحدة لي توقف معاه و تكون مرتو و ام ولادو كيف كيقول
الغالية بتأتر: مسكيين .. بقات فيا ديك البنية مسكينة بقات يتيمة عليها كنشوف هديك مرت باها كتعاملها ناقص
جنات: غير سكتي الله يسمح ليها و صافي .. اش تعرفي فمرت لبو راه مكتحملهاش و سبحان الله حتا هداية مكتميلش ليها
الغالية: ربي يكون معاها و يحميها مسكينة
كملو طريقهم و الغالية كتفكر غير فديك البنت لي بقات يتيمة بين يدين زوجة باها لي مكرفصة عليها .. حطات راسها فبلاصتها و تقبط قلبها من الفكرة .. تغرغرو عينيها و حطات يديها على كرشها بخوف .. خايفة حتا هي يوقع ليها نفس الشيء و تمشي و تخلي بنتها ولا ولدها بوحدهم .. افكار روداتها خلاتها تدرف دموعها و تشهق بخنقة بلاما تحس حتا تلفتات ليها جنات لي كانت كتفتح في الباب و شافتها هكاك .. وجهها حمر و عينيها مبللين بالدموع و شهقات خفيفة كتخرج من جوفها
جنات: نتي فعار الله و نبي رسول الله .. مالكي اش عندك .. علاش كتبكي
الغالية: ياك اهئ الطبيب قال لينا صحتي مزيانة اهئ و غنولد بخير
جنات: ان شاء الله احبيبتي كلشي غيدوز بخير … و اصلا نتي مزال بعيدة على الولادة .. استغفري الله و دخلي صلي صلاتك و دعي ربي يفك وحايلك على خير .. ماديري فبالك والو كلشي ف يد الخالق تبارك و تعالى
الغالية: خفت والله عنداك غير ولدي ولا بنتي توقع ليهم شي حاجة
جنات: ما حنا على فالك تفألي اصحبتي مالك على هاد الفال .. زيدي دخلي راه تعطلنا و نساي لموضوع غادي غير يمرضك
حركات راسها بايجاب و دخلات من وراها .. لقاو خديجة حاطة براد د اتاي و جلسو مجمعين عليه حتا دخل كلشي عاد حطو الماكلة و تجمعو عليها …
دازت يومين على الغالية فدار خالتها .. دايرين ليها كي الما القليل .. لي تشهاتو يجيها و لي حباتو خاطرها يحضر و متهز كاس داك اللخر .. تنعس وقت ما بغات و تفيق الوقت لي بغات و حتا خالتها خديجة هدشي لي موالفة لبناتها كديرو ليها حتا هي .. جابت ليها النقاشة نقشات يديها و رجليها و هي الضحكة واصلة ليها للودن .. فرحانة و عاجبها الحال مفششينها بلا قياس و هدشي لي كانت باغة حتا هي فدار راجلها ولكن للاسف لقات عكسو تمااامااا .. لا رجل يبرد القلب ولا عكوزة علامن تحط الراس .. دكشي كلو نساتو فهاد اليومين و عاش النهار بنهارو لا افكار ولا صداع الراس لي يخصر ليها نهارها و مورالها .. و سي خالد عمرو هز تلفون و قال نسول فديك المراة امتا غتجي .. ناسيها و دايرها بحال الى مكايناش .. حتا هزات هي تلفون و صونات عليه باش يجي يديها .. جاوبها من فوق خاطرو و بدون ميهتم خسر عليها جملة وحدة ‘يجيبوك هدوك لي بقيتي عندهم’ هدشي لي قال و قطع .. جمعات دميعاتها مبغاتش طيحهم عليه و هي تجمع حوايجها و خرجات لعند دار خالتها سلمات عليهم كاملين واخة مساخياش ولكن خاصها ترجع لدارها او بمعنى اخر خاصها ترجع للمنفى فين كانت .. سلمات عليهم كاملين و خرجات هي و جنات لي وصلااتها حتال المحطة باش ميتلقا ليها حتا واحد
جنات: داك نص بلاصة دراجلك مغيجيش
الغالية: لا قال ليا مشغول ميقدرش يجي
سكتات جنات مبغاتش تزيد عليها و مشات معاها جهة الطاكسيات .. ركباتها و وصات عليها الشيفور يحطها قريب لفين ساكنة عاد رجعات لدارهم و هي مطمنة عليها و كل شوية تصوني عليها تسول واش وصلات..
وصلات الغالية لدارها و لقات طامو في وجهها مشمرة على درعانها و واقفة ليها كي العسكر
طامو: افين بقيتي دايعة سيمانة هادي تي محشمتيش مخلية راجلك و مخيمة فديور الناس
الغالية: راه بقيت غير عند خالتي و هي لي شداتني قدام خاليد
طامو: هادي اللخرة ليك باقي تجلسي فشي بلاصة غيكون كلام اخر معاك راك مرت الراجل دبا ماشي ديال راسك باش تبقاي فدار فيها للعزارا
الغالية: يهديك الله اخالتي راه غير ولد خالتي بحال خويا وكتر كااع
طامو؛ انا مكنعرف لا خالتك لا جدك لي كنعرف هو متبقايش ورا راجلك و نبينا عليه السلام .. و دخلي درووك بدلي حوايجك و خرجي عندي جلسي معايا راكي غبرتي عليا و عاودي ليا اش درتي فدار خالتك
———–
ايام كتمشي و ايام كتجي و الحال باقي على حالو .. الغالية فدار راجلها متفادية المشاكل مع طامو و كدير شقاها و تمشي لبيتها و نفس الشيء بالنسبة لطامو لي رخفات شوية على الغالية و مبقاتش غير حاضياها و واقفة عليها فالصغيرة و الكبيرة .. فهاد الايام كان رجع حميد من خدمتو و خبر مو بقرارو و بالسكن لي غيسكن حدا ولدو لي كان فالداخلية على قبل الدراسة .. نحبات و تعصبات و غوتات و لاحت اللومة على فتيحة ولكن مدات منهم والو لي فراسهم داروه .. هزو رحيلهم و سلمو عليهم و زادو .. عاد حسات فتيحة بالراحة و الاطمأنان من بعد ما تهنات من فعايل طامو معاها ولكن فجهة اخرى طامو عاااد غتلقا الفجوى منين دوووز للغالية و تبرد فيها شمتة فتيحة لي باتت ما صبحات و سم جوفها تخويه فيها ..
كيف كل يوم ناضت الغالية شربات دواها و طيبات لفطور فطرات هي و طامو و ناضت للسطح صبنات الحوايج لي كانو ضايرين .. ماسلاتهم حتا تقسم ليها الضهر و نزلات طيبات لغذا لي حضر ليه حتا خاليد .. هاد الاخير لي قلالت مناقشاتو مع الغالية و مبقاش كيحكر عليها ولا يدوي معاها بزاف .. و هدشي لي لاحضاتو حتا طامو .. شافت فولدها لي هاز تلفون وسط الغذا كيشوف فيه و مرة مرة يتبسم معاه و غافل على عينين طامو و الغالية لي مراقبينو ..
طامو: ياااوليدي و تا فين سرحتي وانا من الصباح ندوي معاك
خالد: معاك امي اش كاين
طامو: قلت ليك نزلني غذا للمدينة نشوف ختك راها عيانة و نيت نتقدا شلا شغاال خاصيني و حنا واقفين على شهر رمضان
خالد: واخة امي حتا انا كنت غادي اليوم ولكن ملي غتمشي حتا نتي نوخر حتال غذا و نديك معايا
الغالية: و علاش غتمشي شنو عندك تما
خالد: شي شغل نقديه و نرجع
الغالية: ياك غير ديك المرة عاد مشيتي و قلتي نفس الهضرة و دبا راجع تاني اشمن شغل هذا
خالد: و سوقك نتي!! اش دخلك فخدمتي؟ ياك غير واكلة شاربة ماخاثك والو دخلي سوق راسك
طامو: و لواه اولدي راك كترتي من هاد المشي و المجي تاني اشمن خدمة هادي لي شاطناك
خالد: وااالو اميي والو .. واش توما لي غتعرفو خدمتي!! صافي بدلو عليا الهضرة الله يرحم باكم و غذا نوضي بكري باش نديك معايا
جمع الوقفة و ناض دخل لبيتو .. وجد حوايجو و هز الفوطة ديالو و دخل للدوش يخفف عضامو ..
فهاد الوقت كانت الغالية تبعاتو و شافتو فين حط تلفونو .. و غير دخل للدوش مشات هزاتو لقاتو بلا كود ..
ﺑﺪﺍﺕ ﻛﺘﻘﻠﺐ ﻓﻴﻪ ﻣﻦ ﺗﺼﺎﻭﺭﻭ ﻟﻠﻤﻴﺴﺎﺟﺎﺕ ﻟﻲ ﻟﻘﺎﺗﻬﻢ ﻣﻤﺴﻮﺣﻴﻦ .. ﻳﺎﻟﻪ ﻏﺘﺪﺧﻞ ﻟﻠﻮﺍﺗﺴﺎﺏ ﻭ ﺍﻟﻔﺎﻳﺲ ﻭ ﻫﻮ ﻳﺼﻮﻭﻧﻲ ﺗﻠﻔﻮﻥ ﻑ ﻳﺪﻫﺎ ﺣﺘﺎ ﻗﻔﺰﺍﺕ ﻭ ﺗﻠﻔﺘﺎﺕ ﻟﻠﺒﺎﺏ ﺩﻳﺎﻝ ﺍﻟﺪﻭﺵ ﻣﻨﻴﻦ ﺧﺮﺝ ﺧﺎﻟﺪ ﻻﻭﻱ ﻋﻠﻴﻪ ﻓﻮﻃﺔ ﻭ ﻭﺟﻬﻮ ﻣﺰﺍﻝ ﻛﻴﻘﻄﺮ ﺑﺎﻟﻤﺎ .. ﺷﺎﻑ ﺗﻴﻠﻲ ﻑ ﻳﺪﻫﺎ ﻭ ﻫﻮ ﻳﻬﺰ ﺣﺎﺟﺒﻮ ﻭ ﺷﺎﻑ ﻓﻴﻬﺎ ﺑﺎﺳﺘﻔﺴﺎﺭ
ﺧﺎﻟﺪ: ﺷﻨﻮ ﻛﻴﺪﻳﺮ ﺗﻠﻔﻮﻧﻲ ﻑ ﻳﺪﻳﻚ
ﺍﻟﻐﺎﻟﻴﺔ: ﻛﻨﺖ ﻏﻨﺠﻴﺒﻮ ﻟﻴﻚ ﻣﻠﻲ ﺻﻮﻧﺎ
ﻻﺣﺖ ﻋﻴﻨﻬﺎ ﻋﻠﻰ ﺍﺳﻢ ﺍﻟﻤﺘﺼﻞ ﻭ ﺣﻄﺎﺗﻮ ﻭ ﺧﺮﺟﺎﺕ ﻣﻦ ﺣﺪﺍﻩ ﻭﻟﻜﻦ ﺑﻘﺎﺕ ﻋﻨﺪ ﺍﻟﻌﺘﺒﺔ ﺣﺎﻃﺔ ﻭﺩﻧﻬﺎ ﻋﻠﻰ ﺍﻟﺒﺎﺏ .. ﻓﻬﺎﺩ ﺍﻟﻠﺤﻀﺔ ﻛﺎﻥ ﻫﺰﻭ ﺧﺎﻟﺪ ﻭ ﺟﺎﻭﺏ
ﺧﺎﻟﺪ: ﺍﻟﻮ .. ﻻ ﻣﻐﺎﻧﺒﻘﺎﺵ ﻧﺠﻲ ﺍﻟﻴﻮﻡ .. ﺣﺘﺎﻝ ﻏﺬﺍ ﻭ ﻧﻜﻮﻥ ﻋﻨﺪﻙ ﺑﻜﺮﻱ .. ﻭ ﺗﻬﻼﻱ ﻓﻴﺎ ﻭ ﻧﺘﻬﻼ ﻓﻴﻚ ﺍﺯﻳﻦ..
ﻛﺎﻧﻮ ﻫﺎﺩﻭ ﻫﻮﻣﺎ ﺍﻟﻜﻠﻤﺎﺕ ﻟﻲ ﺍﻟﺘﺎﻗﻄﺎﺕ ﺍﻟﻐﺎﻟﻴﺔ ﻣﻦ ﺣﺪﺍ ﺍﻟﺒﺎﺏ .. ﻧﺪﺑﺎﺕ ﺣﻨﻜﻬﺎ ﻣﺨﺮﺟﺔ ﻋﻴﻨﻴﻬﺎ ﻓﺎﻟﺤﺎﻳﻂ ﻟﻲ ﻗﺪﺍﻣﻬﺎ ﻭ ﻭﺟﻬﻬﺎ ﻭﻻ ﺍﺣﻤﺮ .. ﻃﺎﺣﺖ ﺩﻣﻌﺔ ﻳﺘﻴﻤﺔ ﻣﻦ ﻋﻴﻨﻬﺎ ﻭ ﺩﻏﻴﺎ ﻣﺴﺤﺎﺗﻬﺎ ﻣﻠﻲ ﺷﺎﻓﺖ ﻃﺎﻣﻮ ﺟﺎﻳﺔ ﻋﻨﺪﻫﺎ
ﻃﺎﻣﻮ: ﻣﺎﻟﻜﻲ ﻭﺍﻗﻔﺔ ﻫﻨﺎ ﻭ ﻭﺟﻬﻚ ﺻﻔﺮ ﻳﺎﻙ ﻟﺒﺎﺱ!! ﻭﺍﺵ ﺿﺮﺍﺗﻚ ﺷﻲ ﺣﺎﺟﺔ
ﺍﻟﻐﺎﻟﻴﺔ: ﻫﺊ .. ﻣﻢ ﺿﻀﺮﺍﺗﻨﻲ ﻛﺮﺷﻲ
ﻃﺎﻣﻮ: ﺍﻟﻠﻪ ﻳﻠﻄﻒ ﻳﺎﻙ ﻋﺎﺩ ﻛﻨﺘﻲ ﺻﺤﺔ ﺳﻼﻡ .. ﺳﻴﺮﻱ ﺷﺮﺑﻲ ﺩﻭﺍﻙ ﻭ ﺩﻭﺯﻱ ﻗﺎﺩﻱ ﻣﻌﺎﻳﺎ ﻟﺒﺮﻳﻮﺍﺕ ﻟﺮﻣﻀﺎﻥ ﻭ ﻣﻨﻬﺎ ﻧﻴﻴﺖ ﻧﺪﻱ ﻟﺒﻨﺘﻲ ﺷﻮﻳﺔ ﻣﻨﻬﻢ
ﻣﺴﺤﺎﺕ ﺍﻟﻐﺎﻟﻴﺔ ﻋﻠﻰ ﻭﺟﻬﻬﺎ ﻭ ﻣﺸﺎﺕ ﻟﺒﻴﺘﻬﺎ ﻓﻴﻦ ﻛﺎﻥ ﺑﺎﻗﻲ ﺧﺎﻟﺪ ﻛﻴﻠﺒﺲ ﻓﺤﻮﺍﻳﺠﻮ .. ﺷﺎﻓﺖ ﻓﻴﻪ ﺑﺸﻮﻓﺎﺕ ﺣﺎﻗﻮﺩﻳﻦ ﻭ ﺍﻟﻨﺎﺭ ﺷﺎﻋﻠﺔ ﻓﻘﻠﺒﻬﺎ ﻣﻜﺮﻫﺎﺗﺶ ﺗﺨﺮﺝ ﺗﺤﺮﻗﻮ ﻗﺪﺍﻣﻬﺎ ﻭ ﻣﺎﻳﻬﻨﺎﺍﺵ ﻟﻴﻬﺎ ﺍﻟﺒﺎﻝ .. ﻭﻟﻜﻦ ﺑﻐﺎﺕ ﺣﺘﺎ ﺗﻠﻘﺎ ﻋﻠﻴﻴﻪ ﺷﻲ ﺣﺎﺟﺔ ﻟﻲ ﺗﻮﺭﻳﻬﺎ ﻟﻴﻬﻢ ﻛﺎﻣﻠﻴﻦ ﻭ ﻳﺸﻬﺪﻭ ﻓﻴﻪ ﺍﻣﺎ ﺣﺘﺎ ﻫﺎﺩ ﺍﻟﻬﻀﺮﺓ ﻟﻲ ﺳﻤﻌﺎﺕ ﺭﺍﻩ ﻣﺎ ﺷﺎﺩﺓ ﻟﻴﻬﺎ ﺣﺘﺎ ﺣﺎﺟﺔ ..
ﻫﺰﺍﺕ ﺩﻭﺍﻫﺎ ﺷﺮﺑﺎﺗﻮ ﻭ ﺩﺍﺯﺕ ﺧﺪﺍﺕ ﺗﻠﻔﻮﻧﻬﺎ ﺧﺸﺎﺗﻮ ﻓﺠﻴﺒﻬﺎ ﻋﺎﺩ ﺧﺮﺟﺎﺕ ﻋﻨﺪ ﻃﺎﻣﻮ ﻛﺘﻘﺎﺩ ﻣﻌﺎﻫﺎ ﻓﺎﻟﺒﺮﻳﻮﺍﺕ ﻏﻴﺮ ﻳﺪﻳﻬﺎ ﻟﻲ ﺧﺪﺍﻣﻴﻦ ﺍﻣﺎ ﺍﻟﻌﻘﻞ ﻏﺎﺍﺍﺍﻳﺐ ﻛﻴﻔﻜﺮ ﻓﻬﺎﺍﺍﺩ ﺍﻟﺤﺮﻳﺮﺓ ﻭ ﻣﻨﻴﻦ ﺗﺒﺪﺍﻫﺎ .. ﻭ ﺍﻛﻴﺪ ﻣﻜﺎﻳﻦ ﻟﻲ ﻏﻴﻮﻗﻒ ﻣﻌﺎﻫﺎ ﻭ ﻳﻌﺎﻭﻧﻬﺎ ﻗﺪﻫﺎ .. ﻫﺰﺍﺕ ﻋﻴﻨﻴﻬﺎ ﻑ ﻃﺎﻣﻮ ﻭ ﻣﺴﺤﺎﺕ ﻳﺪﻳﻬﺎ ﻗﺎﻟﻤﻨﺪﻳﻞ ﻟﻲ ﺣﺪﺍﻫﺎ
ﺍﻟﻐﺎﻟﻴﺔ: ﻫﺎﻧﺎ ﻃﺎﻟﻌﺔ ﻧﺪﺧﻞ ﺍﻟﺤﻮﺍﻳﺞ ﺭﺍﻩ ﻧﺸﻔﻮ..
ﻣﺨﻼﺗﻬﺎﺵ ﺗﺠﺎﻭﺏ ﻭ ﻃﺎﺭﺕ ﻣﻦ ﺣﺪﺍﻫﺎ ﻟﻠﺴﻄﺢ .. ﺟﺒﺪﺍﺕ ﺗﻠﻔﻮﻥ ﻭ ﺻﻮﻧﺎﺕ ﻋﻠﻰ ﺟﻨﺎﺕ ﻫﻲ ﻟﻲ ﺗﻘﺪﺭ ﺗﻌﺎﻭﻧﻬﺎ ﻭ ﺗﻨﺼﺤﻬﺎ ﺍﺵ ﺩﻳﺮ ﻣﻌﺎﻩ ﺑﺎﺵ ﺗﺄﻛﺪ ﺣﻴﺖ ﺟﺰﺀ ﻣﻨﻬﺎ ﻣﺰﺍﺍﻝ ﻛﻴﻘﻮﻝ ﻟﻴﻬﺎ ﻻ ﻫﻮ ﻣﻴﻘﺪﺭﺵ ﻳﺪﻳﺮﻫﺎ ﻭ ﻫﻮ ﻋﺎﺩ ﻏﻴﻮﻟﻲ ﺍﺏ ﻣﺎﻳﻤﻜﻨﺶ ﻳﺨﻮﻧﻲ ﻣﻊ ﺷﻲ ﻭﺣﺪﺓ ﺍﺧﺮﻯ ..
ﻭﻟﻜﻦ ﺍﻟﺠﺰﺀ ﺍﻟﻜﺒﻴﻴﻴﺮ ﻛﻴﺄﻛﺪ ﻟﻴﻬﺎ ﺍﻧﻪ ﺩﺍﺍﺍﺭﻫﺎ ﻭ ﻓﺎﺗﻬﺎ ﻟﻬﻴﻴﻪ ﻭ ﺯﺍﺩ ﺍﻛﺪ ﻟﻴﻬﺎ ﻳﻮﻡ ﺧﺮﺟﺎﺕ ﻣﻊ ﺟﻨﺎﺕ ﻭ ﺷﺎﻓﺖ ﺭﺟﻞ ﻛﻴﺸﺒﻪ ﻟﻴﻪ ﺍﻭ ﺍﻧﻪ ﻫﻮ ﻧﻴﻴﻴﺖ ﻭ ﻛﺬﺏ ﻋﻠﻴﻬﺎ …
ﻓﻤﻨﺰﻝ ﺳﻲ ﺣﺴﻦ ﻭ ﺍﻟﻼ ﺧﺪﻳﺠﺔ .. ﻛﺎﻧﺖ ﺟﻨﺎﺕ ﻭﺍﻗﻔﺔ ﺟﻨﺐ ﺍﻟﺒﻮﻃﺎﺟﻲ ﻭ ﺣﺎﻃﺔ ﻗﺪﺍﻣﻬﺎ ﻗﺼﺮﻳﺔ .. ﻭ ﺧﺪﻳﺠﺔ ﻭﺍﻗﻔﺔ ﺟﻨﺒﻬﺎ ﻛﺘﺨﻮﻱ ﻟﻴﻬﺎ ﻓﺎﻟﺪﻗﻴﻖ ﻭ ﻣﺨﻨﺰﺭﺓ ﻓﺒﻨﺘﻬﺎ .. ﻫﺎﺩ ﺍﻻﺧﻴﺮﺓ ﻟﻲ ﻣﻜﺎﻥ ﻋﺎﺟﺒﻬﺎ ﺣﺎﻝ ﻋﺎﻗﺪﺓ ﻏﺒﺎﺷﺘﻬﺎ ﻭ ﺟﺎﻣﻌﺔ ﺷﻌﺮﻫﺎ ﺍﻟﻔﻮﻕ ﻭ ﻣﻜﻔﻀﺔ ﻋﻠﻰ ﻳﺪﻫﺎ ﻭ ﻛﺘﺨﻠﻂ ﻓﺎﻟﺪﻗﻴﻖ ﺑﺎﻟﻤﺎ ﺣﺘﺎ ﺟﺮﺍﺍﺍﺗﻮ ﻭ ﻟﺼﻖ ﻓﻲ ﻳﺪﻫﺎ ﻭ ﻫﻲ ﺗﺒﺪﺍ ﺗﻐﺒﻦ
ﺟﻨﺎﺕ: ﻭﺍﺍﺍ ﺧﺪﻳﺠﺔ ﻫﺪﺷﻲ ﻭﻻ ﺣﺮﻳﻴﺮﺓ ﺷﻮﻓﻲ ﻟﺼﻖ ﻛﺎﻣﻞ ﻓﻲ ﻳﺪﻳﺔ
ﺧﺪﻳﺠﺔ: ﺭﺍﻧﻲ ﻗﻠﺖ ﻟﻴﻚ ﺧﻮﻱ ﺷﻮﻱ ﺑﺸﻮﻱ ﺑﺎﺵ ﺗﺠﻤﻌﻴﻬﺎ ﻣﺎﺷﻲ ﺧﻮﻱ ﻟﻴﺘﺮﻭ ﺩﺍﻟﻤﺎ ﻳﻨﻌﻞ ﺗﺮﺍﺑﻴﻴﻚ ﺍﻟﺤﻤﺎﺭﺓ ﻗﺪﻙ ﻗﺪ ﺍﻟﺒﻐﻞ ﻭ ﻣﺰﺍﻝ ﺍﻟﻌﺠﻴﻨﺔ ﻣﺘﻌﺮﻓﻲ ﺗﻌﺠﻨﻲ ﻳﺤﺴﻦ ﻋﻮﺍﺍﻥ ﻫﺬﺍ ﻟﻲ ﺑﺎﻳﺪﻳﻴﻚ ﻳﺮﺿﻚ ﻟﻴﺎ ﻣﻦ ﻧﻬﺎﺭﻙ
ﺟﻨﺎﺕ: ﻭ ﻋﺮﻓﺘﻲ ﺷﻨﻮﻭ ﺯﻳﺪﻱ ﺗﺠﻤﻌﻲ ﻋﺠﻴﻨﺘﻚ ﺍﻧﺎ ﻣﺎﺩﻳﺎﻝ ﻋﺠﻴﻨﺔ ﻣﻨﻌﺮﻑ ﻟﻴﻬﺎ.. ﺍﻟﻰ ﺑﻘﻴﺘﻲ ﺗﺴﻨﺎﻱ ﻓﻴﺎ ﻧﻌﺠﻦ ﻟﻴﻚ ﺍﻟﻴﻮﻡ ﺗﺒﺎﺗﻮ ﻣﺼﺎﺭﻧﻜﻢ ﻣﻀﺎﺭﺑﻴﻦ ﺑﺎﻟﺠﻮﻭﻉ
ﻏﺴﻼﺕ ﻳﺪﻳﻬﺎ ﻭ ﺧﻼﺗﻬﺎ ﻣﻨﻬﺎ ﻟﻌﺠﻴﻨﺘﻬﺎ ﺗﺠﻤﻌﻬﺎ ﻭﻻ ﺿﺒﺮ ﻟﺮﺍﺳﻬﺎ ﻣﻌﺎﻫﺎ ﻭ ﻫﻲ ﺩﺍﺯﺕ ﻫﺰﺍﺕ ﺗﻠﻔﻮﻧﻬﺎ ﻭ ﺟﻠﺴﺎﺕ ﺣﺪﺍﻫﺎ ﻛﺘﺒﻘﺸﺶ ﻓﻴﻪ ﺣﺘﺎ ﺻﻮﻧﺎ ﻓﻲ ﻳﺪﻳﻬﺎ
ﺟﻨﺎﺕ: ﺍﻟﻮﻭﻭ ﺍﻟﻐﺎﻟﻴﺔ ﻟﺒﺎﺱ ﻋﻠﻴﻚ ..
ﺍﻟﻐﺎﻟﻴﺔ ﻭ ﺩﻣﻮﻋﻬﺎ ﻧﻘﺰﻭ ﻣﻦ ﻋﻴﻨﻴﻬﺎ ﻛﺘﺒﻜﻲ ﻭ ﻗﻠﺒﻬﺎ ﺣﺎﺭﻗﻬﺎ: ﻣﺎﻻﺑﺎﺱ ﻭﺍﻟﻮ ﺍﻫﺌﻬﺊ ﺧﺎﻟﻴﻴﺪ ﺍﻫﺊ ﺍﻫﺊ
ﺟﻨﺎﺕ ﺑﺨﻮﻑ: ﺍﻭﻳﻠﻲ ﻣﺎﻟﻮ ﺍﺵ ﻛﺎﻳﻦ ﻭﺍﺵ ﻭﻗﻌﺎﺕ ﻟﻴﻪ ﺷﻲ ﺣﺎﺟﺔ
ﺍﻟﻐﺎﻟﻴﺔ: ﺑﻐﻴﺖ ﻟﻴﻪ ﻣﻮﺻﻴﻴﺒﺔ ﺍﻫﺊ ﺍﻫﺊ ﻭﺍﻗﻴﻠﺔ ﻛﻴﺨﻮﻭﻧﻲ ﺍﺟﻨﺎﺕ ﻫﺌﻬﺊ
ﺷﺎﻓﺖ ﺟﻨﺎﺕ ﻓﻲ ﻣﻬﺎ ﻟﻲ ﻛﺎﻧﺖ ﺣﺎﺿﻴﺎﻫﺎ ﺑﺨﻮﻑ ﻭ ﻫﻲ ﺗﺒﺴﻢ ﻟﻴﻬﺎ ﺑﺘﻮﺗﺮ: ﻫﻪ ﻫﺎﻧﺎ ﺷﻮﻱ ﻭ ﻧﺮﺟﻊ ﻋﻨﺪﻙ ﺍﻣﺎﻣﺎ
ﻣﺸﺎﺕ ﻟﺒﻴﺘﻬﺎ ﺳﺪﺍﺕ ﻋﻠﻴﻬﺎ ﻋﺎﺩ ﺗﻜﻠﻤﺎﺕ ﻣﻊ ﺍﻟﻐﺎﻟﻴﺔ: ﻛﻴﻴﻔﺎﺵ ﻛﻴﺨﻮﻧﻚ ﺍﻟﺤﻤﺎﺍﺍﺭ .. ﻭﺍﺵ ﺷﻔﺘﻴﻴﻪ ﺣﺼﻠﺘﻴﻴﻴﻪ ﺑﻦ ﺩﻳﻞ ﺍﻟﻜﻠﺐ .. ﺩﺍﺍﺍﺭﻫﺎ ﺍﻟﻐﺪﻳﻴﺪﻳﻴﺮ ﺍﻟﺮﻭﻳﻴﻴﺠﻞ ﻧﺺ ﺑﻼﺍﺍﺻﺔ ﺑﻐﻴﺖ ﻟﻴﻪ ﻏﺒﺎﺍﺍﺭﺓ ﺗﻐﺒﺮﻭ ﻣﻦ ﻫﺎﺩ ﺍﻟﺪﻧﻴﺎ ﺍﻥ ﺷﺎﺀ ﺍﻟﻠﻪ ﺑﻐﻴﻴﻴﺖ ﻟﻴﻪ ﺍﻟﺴﺎﺣﻖ ﻭ ﺍﻟﻼﺣﻖ ﻭ ﺍﻟﻘﺮﻃﺎﺱ ﺍﻟﻤﻼﺣﻖ ﺑﻐﻴﺖ ﻟﻴﻴﻴﻪ ﺍﻟﺤﺠﺮ ﻓﺎﻟﻜﻼﻭﻱ ﻭ ﺍﻟﺠﻔﺎﻑ ﻓﺎﻝ*** ﺑﻐﻴﺖ ﻟﻴﻪ ..
ﺍﻟﻐﺎﻟﻴﺔ: ﻭ ﺟﻨﺎﺍﺍﺕ ﻣﺎﺷﻲ ﻭﻗﺖ ﺳﺒﺎﻧﻚ ﺩﺑﺎ ﺍﻫﺊ ﺭﺍﻩ ﻗﻠﺖ ﻟﻴﻚ ﻏﻴﺮ ﺷﺎﻛﺔ ﻣﺎﺷﻲ ﻣﺘﺄﻛﺪﺓ
ﺟﻨﺎﺕ: ﻛﻴﻔﺎﺵ ﺷﺎﻛﺔ ﻓﻬﻤﻴﻨﻲ
ﻋﺎﻭﺩﺍﺕ ﻟﻴﻬﺎ ﺍﻟﻐﺎﻟﻴﺔ ﻛﻠﺸﻲ ﺑﺎﻟﺘﻔﺼﻴﻞ ﻭ ﻫﻲ ﻛﺘﻬﺮﻧﻦ ﻣﺨﻼﺗﺶ ﺟﻨﺎﺕ ﺗﺮﻛﺰ ﻣﻊ ﻛﻼﻣﻬﺎ ﻭ ﻫﻲ ﺗﺴﻮﻟﻬﺎ
ﺟﻨﺎﺕ: ﻭﺍﺵ ﻗﺎﻝ ﺗﻬﻼﻱ ﻓﻴﺎ ﻭﻻ ﺗﻬﻼ ﻓﻴﺎ ﺭﻛﺰﻱ ﻣﻌﺎﻳﺎ
ﺍﻟﻐﺎﻟﻴﺔ: ﻳﻤﻜﻦ ﻗﺎﻝ ﺗﻬﻼﻱ ﻭ ﻗﺎﻝ ﻟﻴﻬﺎ ﺯﻳﻴﻦ
ﺟﻨﺎﺕ: ﻋﺮﻓﺘﻲ ﺷﻨﻮ ﺭﺍﻗﺒﻲ ﻟﻴﻪ ﺗﻠﻔﻮﻥ ﻣﻠﻲ ﻳﺤﻄﻮ ﻋﻴﻄﻲ ﻟﻴﺎ ﻧﻘﻮﻝ ﻟﻴﻚ ﺍﺵ ﺩﻳﺮﻱ ﻓﻴﻪ ﺑﺎﺵ ﻧﺘﺄﻛﺪﻭ ﻭﺍﺵ ﺑﺼﺢ ﻭﻻ ﻏﻴﺮ ﻇﺎﻟﻤﻴﻨﻮ
ﺍﻟﻐﺎﻟﻴﺔ: ﻭﺍﺧﺔ ﺍﻫﺊ ﺍﻫﺊ ﻋﺮﻓﺘﻲ ﺍﻟﻰ ﻛﺎﻥ ﻫﺪﺷﻲ ﺑﺼﺢ ﻭﺍﻟﻠﻪ ﻣﻨﺰﻳﺪ ﻣﻌﺎﻩ ﺧﻄﻮﺓ ﻫﺌﻬﺊ ﻧﻤﺸﻲ ﻟﺪﺍﺭ ﺑﺎ ﺣﺴﻦ ﻟﻴﺎ ﻭ ﻭﻟﺪﻱ ﻧﺮﺑﻴﻪ ﺑﻮﺣﺪﻱ ﻭﻟﻠﻪ ﻻ ﺷﺎﻓﻮ
ﺟﻨﺎﺕ: ﻳﻜﻮﻥ ﺧﻴﺮ ﺍﻟﻐﺎﻟﻴﺔ ﺧﻠﻴﻨﺎ ﻧﺘﺄﻛﺪﻭ ﺑﻌﺪﺍ ﻭ ﺩﻳﻚ ﺍﻟﺴﺎﻋﺔ ﻧﺘﻔﺎﻫﻤﻮ ﻣﻊ ﺩﺍﻙ ﻧﺺ ﺑﻼﺻﺔ
ﻗﻄﻌﺎﺕ ﻣﻌﺎﻫﺎ ﺟﻨﺎﺕ ﻭ ﺑﻘﺎﺕ ﻛﺘﻔﻜﺮ ﺑﺎﺵ ﺗﻘﺪﺭ ﺗﻌﺎﻭﻧﻬﺎ ﺣﺘﺎ ﺭﺍﺳﻬﺎ ﺗﻔﺮﻉ ﻟﻴﻬﺎ ﻋﺎﺩ ﻧﺎﺿﺖ ﻋﻨﺪ ﻣﻬﺎ ﻗﺎﺩﺍﺕ ﻗﻬﻮﻯ ﻗﺎﺳﺤﺔ ﻭ ﺟﻠﺴﺎﺕ ﺣﺪﺍﻫﺎ ﻛﺘﺠﻐﻢ ﻣﻨﻬﺎ ﻭ ﺗﺒﻨﻦ ﻓﻴﻬﺎ ﻋﻠﻰ ﺧﺎﻃﺮﻫﺎ .. ﻓﻬﺎﺩ ﺍﻻﺛﻨﺎﺀ ﻛﺎﻧﺖ ﺍﻟﻐﺎﻟﻴﺔ ﻋﻴﻨﻴﻬﺎ ﻏﻴﺮ ﻋﻠﻰ ﺧﺎﻟﺪ ﻟﻲ ﻣﺴﺮﺡ ﻋﻠﻰ ﺍﻟﻄﻼﻣﻂ ﻓﺎﻟﺒﻴﺖ ﻭ ﺷﺎﺩ ﺗﻠﻔﻮﻥ ﻛﻴﻀﺤﻚ ﻣﻌﺎﻩ .. ﺍﻟﻨﻬﺎﺭ ﻛﺎﻣﻞ ﻭ ﻫﻮ ﺷﺎﺩ ﺍﻟﺮﻛﻨﺔ ﻣﻤﺤﻠﺤﻠﺶ ﻏﻴﺮ ﺍﻟﻰ ﺑﻐﺎ ﻳﺎﻛﻞ ﻭﻻ ﻳﺪﻳﺮ ﺷﻲ ﺣﺎﺟﺔ .. ﺍﻣﺎ ﺍﻟﻐﺎﻟﻴﺔ ﺟﺎﻟﺴﺔ ﻣﻊ ﻃﺎﻣﻮ ﻛﻴﺸﻘﺎﻭ ﻭ ﻋﻴﻨﻴﻬﺎ ﻣﺮﺍﻗﺒﻴﻨﻮ ﻣﻠﻲ ﺟﻠﺲ ﻣﻤﺤﻴﺪﺍﻫﻤﺶ ﻋﻠﻴﻪ ﺣﺘﺎ ﻋﺎﻗﺖ ﺑﻴﻬﺎ ﻃﺎﻣﻮ
– ﻳﻬﺪﻳﻚ ﺍﻟﻠﻪ ﺍﻟﻐﺎﻟﻴﺔ ﺗﻲ ﻣﺎﻟﻜﻲ ﻣﻦ ﺍﻟﺼﺒﺎﺡ ﻭ ﻧﺘﻲ ﺗﺤﻨﺰﺯﻱ ﻓﻴﻪ ﻋﻤﺮﻙ ﺷﻔﺘﻴﻪ
ﺍﻟﻐﺎﻟﻴﺔ: ﻫﺎﺀ ﻻ ﻻ ﺭﺍﻩ ﻏﻴﺮ ﺑﻘﻴﺖ ﺳﺎﻫﻴﺔ ﻭ ﺻﺎﻓﻲ
ﻃﺎﻣﻮ: ﻭ ﻗﺎﺑﻠﻲ ﺷﻐﺎﻟﻚ ﻧﻜﻤﻠﻮ ﺩﻏﻴﺎ ﺭﺍﻩ ﻣﺰﺍﻝ ﻏﺎﺩﻳﺔ ﻋﻨﺪ ﻓﻄﻮﻣﺔ ﻧﺸﻮﻓﻬﺎ ﻛﻴﻒ ﺑﻘﺎﺕ .. ﻋﺎﺭ ﺍﻟﺠﺎﺭ ﻋﻠﻰ ﺟﺎﺭﻭ
ﺍﻟﻐﺎﻟﻴﺔ ‘ﺑﻐﺎﺕ ﻏﻴﺮ ﺗﻬﻨﺎ ﻣﻨﻬﺎ’: ﻏﻴﻴﺮ ﺳﻴﺮﻱ ﺍﻧﺎ ﻧﻜﻤﻞ ﻫﺪﺷﻲ ﺑﻮﺣﺪﻱ ﻏﻴﺮ ﺳﻴﺮﻱ ﻃﻠﻲ ﻋﻠﻰ ﺻﺤﺒﺘﻚ
ﻃﺎﻣﻮ: ﺍﻳﻴﻪ ﻫﺎﻧﺎ ﻏﺎﺩﻳﺔ ﻭ ﺟﻤﻌﻲ ﻫﺪﺷﻲ ﻣﻠﻲ ﺗﻜﻤﻠﻲ ﻋﻨﺪﺍﻙ ﺗﺨﻠﻴﻪ ﻣﻠﻴﻮﺡ ﻫﻨﺎ ﻳﺨﺴﺮ
ﻛﺎﻧﻮ ﻫﺎﺩﻭ ﻛﻠﻤﺎﺗﻬﺎ ﻭ ﻧﺎﺿﺖ ﻻﺣﺖ ﻋﻠﻴﻬﺎ ﻟﺤﺎﻓﻬﺎ ﻭ ﺧﺮﺟﺎﺕ ﺍﻣﺎ ﺍﻟﻐﺎﻟﻴﺔ ﻟﻘﺎﺕ ﺭﺍﺣﺘﻬﺎ ﻭ ﺗﺸﻐﻼﺕ ﻣﻊ ﺷﻘﺎﻫﺎ ﻭ ﻋﻴﻨﻴﻬﺎ ﻋﻠﻰ ﺧﺎﻟﺪ ﺣﺘﺎ ﺑﺎﻥ ﻟﻴﻬﺎ ﻭﻗﻒ ﻭ ﻧﺎﺽ ﻃﻠﻊ ﻟﻠﺴﻄﺢ ﻟﻲ ﻗﻠﻴﻞ ﻓﻴﻦ ﻛﻴﻄﻠﻊ ﻟﻴﻪ .. ﻣﺴﺤﺎﺕ ﻳﺪﻳﻬﺎ ﻭ ﻧﺎﺿﺖ ﻛﺘﺴﻠﺖ ﻣﻦ ﻭﺭﺍﻩ ﺧﻄﻮﺓ ﻣﻦ ﻭﺭﺍ ﺧﻄﻮﺓ ﺑﻼ ﺣﺲ ﺣﺘﺎ ﻭﻗﻔﺎﺕ ﻋﻨﺪ ﺑﺎﺏ ﺍﻟﺴﻄﺢ ﻭ ﻗﺸﻌﺎﺗﻮ ﻛﻴﻬﻀﺮ ﻓﺘﻠﻔﻮﻥ .. ﻃﻠﻘﺎﺕ ﻭﺩﻧﻴﻬﺎ ﻋﻠﻴﻪ ﻛﺘﺼﻨﺖ .. ﻭ ﻛﻞ ﻛﻠﻤﺔ ﻛﺘﻮﺻﻠﻬﺎ ﺑﺤﺎﻝ ﺍﻟﺴﻴﻒ ﻛﻴﺨﺘﺎﺭﻗﻬﺎ ﻭ ﻳﺨﺘﺎﺭﻕ ﻛﺒﺮﻳﺎﺋﻬﺎ ﻙ ﺍﻧﺜﻰ ﻭ ﻛﺮﺍﻣﺘﻬﺎ ﻭ ﺍﻧﻮﺛﺘﻬﺎ ﺑﺎﻻﺧﺺ .. ﺍﻱ ﺍﻣﺮﺍﺓ ﻣﺘﺒﻐﻴﻴﺶ ﻟﻲ ﻳﻘﻠﻞ ﻣﻨﻬﺎ ﻭﻻ ﻳﺸﻮﻑ ﻣﻦ ﻏﻴﺮﻫﺎ ﺍﺣﺴﻦ ﻣﻨﻬﺎ ﻭﺍﺧﺔ ﻳﻜﻮﻥ ﻋﺪﻭﻫﺎ ﻓﻤﺎ ﺑﺎﻟﻚ ﻳﻜﻮﻥ ﺭﺍﺟﻠﻚ ﻭ ﻗﺮﻳﺐ ﻳﻮﻟﻲ ﺍﺏ ﻭﻟﺪﻙ .. ﺣﺴﺎﺕ ﺑﺤﺎﻝ ﺳﻄﻞ ﺩﺍﻟﻤﺎ ﺑﺎﺭﺩ ﺗﺨﻮﺍ ﻋﻠﻴﻬﺎ ﻭ ﻓﻲ ﻧﻔﺲ ﺍﻟﻮﻗﺖ ﺍﻟﻌﺎﺍﺍﻓﻴﺔ ﺷﺎﻋﻠﺔ ﻓﻴﻬﺎ ﻣﻦ ﻟﺪﺍﺧﻞ .. ﺭﺟﻠﻴﻬﺎ ﻣﺒﻘﺎﻭﺵ ﻫﺎﺯﻳﻨﻬﺎ ﻭﻛﺘﺤﺲ ﺑﻴﻬﻢ ﺧﻮﺍﻭ ﻭ ﻛﻴﺘﺮﻋﺪﻭ ﻋﻠﻴﻬﺎ .. ﺷﺪﺍﺕ ﻓﺎﻟﺤﺪﻳﺪﺓ ﺩﻳﺎﻝ ﺍﻟﺪﺭﻭﺝ ﻭ ﺣﻄﺎﺕ ﻳﺪﻫﺎ ﻋﻠﻰ ﻛﺮﺷﻬﺎ ﻟﻲ ﺣﺴﺎﺕ ﺑﻴﻬﺎ ﺗﻘﻠﺒﺎﺕ ﻟﻴﻬﺎ .. ﻣﺴﺤﺎﺕ ﺩﻣﻮﻋﻬﺎ ﻟﻲ ﻃﺎﺣﻮ ﻋﻠﻰ ﺧﺪﻭﺩﻫﺎ ﻭ ﻛﻠﻤﺎﺗﻮ ﻛﻴﺘﻌﺎﻭﺩﻭ ﻑ ﺍﺩﻧﻴﻬﺎ
” ﺧﺎﻟﺪ: ﺍﻟﻮ .. ﺭﺍﻩ ﻗﻠﺖ ﻟﻴﻚ ﻣﺘﺒﻘﺎﻳﺶ ﺗﻌﻴﻄﻲ ﺣﺘﺎ ﻧﻌﻴﻂ ﻟﻴﻚ ﺍﻧﺎ .. ﻻ ﻏﺬﺍ ﻭ ﻧﺠﻲ ﻓﺎﻟﺼﺒﺎﺡ .. ﻭ ﺷﻮﻓﻲ ﻟﻴﺎ ﺷﻲ ﻭﺣﺪﺓ ﻟﻲ ﺗﺒﺮﻋﻨﻲ ﻏﺬﺍ ﻭ ﺑﺤﻼﻭﺗﻚ .. ﻻ ﻻ ﻣﺒﻐﻴﺘﺶ ﻫﺪﻳﻚ .. ﺷﻮﻓﻲ ﻟﻴﺎ ﺷﻲ ﻭﺣﺪﺓ ﺗﻜﻮﻥ ﻋﺰﺑﺔ ﺑﺎﻗﺔ ﺟﺪﻳﺪﺓ .. ﻳﺎﻟﻪ ﺑﺴﻼﻣﺔ ﻋﻠﻴﻚ “
بقاو كلماتو كيتعاودو فودنيها و هي كترمي فرجليها حتا وصلات لعندو .. لقاتو ياله قطع المكالمة و جاي هابط حتا لقاها قدام وجهه .. عينيها خارجين فيه و دموعها سارحين على خدودها لي ولاو حمرين و غينقز منهم الدم بكثرة ما مزيرة .. هزات يدها حتال الفوق و نزلات عليه بكفها لحنكو حتا مال و رجعات عوداتها ليه و الحرقة مزال كتاكل في احشائها .. بغات تهز يدها عليه مرة اخرى ولكن كان السباق و شد يدها دافعها للور بعصبية
خالد: واش حماقيتي لديلمك
الغالية هزات يدها كتضربو على صدرو و سنانها كيتحطو مع بعض: عزبة ياولد لحرااام .. عززززبة هي لي بقااات لييك .. دوزتي كااااع ال**** بقاو لييك غير العزبااات يالحماااار .. محشمتيييش من راسك دوييي .. سييير الله ياخد فيك الحق .. بغييت ربي يطيرك لعندووو و تشوووف العزبااات كيف ظايرييين يالحرااامي الكلببب .. صافي خرجتي ليها طاي طاييي وليتي تخوووني مع **** و تم جاااي عندي انا راه عندي الخدمة و عندي الخراااا بغيييت ليييك الموووت و نتهنااا من كمااارتك اوجه النحس بغيت ربي يطيرك اليوم قبل غذا .. تفووو عليك الحمااار .. كرهت النهاااار لي جيتي لدارنا و قبلو والدية .. كرررررهت النهااااار لي درت بكلامهم و وافقت على همااااجي و عدييم الشخصية بحاااااالك .. واااصل حتال الخيااانة!!! كوووون غييير بناااادم و راااجل يعولو عليييه عاد شوووف ال**** لي يقبلو عليييك يا عيفة الرجال بغيت ربي ياخد فيك الحق تفووو عليك
دفلات عليه و تمات نازلة مخلياه غير حادر راسو مقادرش يدافع على راسو .. عرفها سمعات كلامو و فهماتو مزيان .. حك على راسو بتوتر و نزل كيجري لعندها للبيت لقاها كتجبد فجلابتها بالنفيض و عينيها محبسوش من الدموع .. حسات بالشمتة و الغذر من طرفه .. واخة علاقتها بيه كانت متورترة هاد الاونة الاخيرة .. ولكن رغم ذلك متقدرش تقبل الموضوع و تدوزو بجغيمة الماء .. اهانة في حقها و في حق انوثتها و كرامتها .. تقدر تصبر لفعايل طامو و بروديتو فالتعامل معاها و كلشي ولكن الاااا الخيانة خط احمر و هو تجاوزو .. حتا واحد ما يبغي يتحط فهاد الموقف حيت كيحس براسو ناقص من شي حاجة واخة يكون كااامل ما ناقصو والو .. و هدشي باش حسات الغالية ..
قرب ليها خالد كيحاول يمنعها و يشرح ليها و هي كتدفع فيه و تلبس فجلابتها
خالد: الغالية سمعيني احبيبة راك فهمتي غلط دكشي مامنو والو راه..
غوتات فوجهو و دفعاتو بكل جهدها حتا اختل توازنو و كان غيطيح كون ما كانش الباب وراه شد فيه
الغالية: شنووو لي فهمت غااااالط ااااه !!! بليييي كل يومين كتمشي عند ***** و ترجع تقووول ليا الخدمة !!! ولاااا بلييي مبقااااوش **** معمرين ليك عينيييك وليتي باااااغي العزبااات دويييي اعيفت الرجااال .. الله يعطيك موصيييبة الحمااار طيرك عليا و نتهنا من كماااارتك
” صيفطات عليه بقرعة د الريحة كانت فوق الكوافوزة جاتو فالكتف حتا تقسح .. و بدات لي لقاتها
قدامها تهزها تشير بيها عليه مغددة عليييه و سنااانها قد خيزو عليه باغة تشنق عليه و معندها صحة .. دفعاتو و خرجات كتلوي عليها فالشال و هو تابعها كيمسح فالدم من تحت عينو فين جات فيه ضربة من دكشي باش كانت كتصيفط عليه ..
خالد: الغالية الله يهديييك والله ما كاينة شي وحدة من غييرك راك نتي هي مراااتي و ام ولادي .. راه غير كنت كنضحك و صافي و نتي فهمتيها غلاط
الغالية: كضحك!! ياااك اسي .. بنات النااااس عندك ضححححكة الحمااار !!! وليتي باغي تضحك و علامن علىىىى العزبااات !! محشمتيييش من راااسك .. الشيييب و ناض فييك و مزال فيك فعايل البراهش الله يغرق ليك الشقف .. ” هزات صبعها قدام وجهو محمرة فيه عينيها” براااتي توصلني لدار بااا و ديك الساعة جيب العزبات ولا الق****
خرجات رادخة الباب من وراها و وجهتها داار باها .. ما همهاش الوقت المتأخر و هي غادية بوحدها فالطريق حيت بكل بساطة عقلها كان غااايب مكتفكر فوالو و ممستوعبة وااالو .. لحد الان مزااال كلامو كيتردد فمسامعها و مراضياااش على كلامو .. و ماقدر يعطيها حتا مبرر لي منطقي و يقدر يتقبلو العقل ..
ما حساتش بالوقت ولا الطريق حتا كانت قدام باب دارهم .. دقت دقاات متتالية و بقات كتسنا حتا سمعات خطوات كيقربو للباب .. جمعات بكيتها و مسحات دموعها و شافت في مها لي فتحات الباب و كتشوف ف الغالية باستغراب .. و غير لمحات اتر البكاء على ملامحها نطقات بهلع عليها
رابحة: الغالية .. مالك ابنتي اش واقع ليك ؟ و شنو جابك فهاد الليل
تلاحت الغالية في صدر مها تبكي و تقول مابكيت و صوت شهقاتها كيتسمعو مجهدين ببحة متألمة .. الشيء لي زاد خلع رابحة و دخلاتها و سدات الباب
رابحة: ياتي دوي قولي ليا اش كاين و مالك على هاد البكا كاامل .. ياكما وقعات للدري شي حاجة
الغالية: داك وجه الوييل هئ هئ .. كيخونييي امي هئ هئ سمعتو بودني مقال ليا حد لي نكذبو كلشي داز على ودنية و قدامي هئ هئ
رابحة: اويلي على بن ليهودي لاااخر .. دكشي لي بقا ليييه غير التسلكيييط و هو قريب يتزاد عندو تربية
الغالية: بغيت ليه شي موصييبة ياربي لي تهنيني من كمارتو اهئ كرهتووو كرهتووو و مبقييت حملتووو .. بغيييتو يطلقنيي امييي صافي هداك حرارت معاه العيشة لا هو لا مووو
كلماتها طاحو ف ادن باها لي كان عاد داخل من برا .. خنزر و جمع حجبانو مقرونين وسط جبهتو المجعدة و يديه جامعهم ورا ضهرو .. دخل للبيت فين كانو جالسين بزوجات .. الغالية مزال بجلابتها و عينيها حمريين بكترة البكاء و مها جالسة جنبها حاطة يدها على راسها و كتخمم فهاد المصيبة ..
حميد: اش واقع هنا .. و نتي الغالية اش كديري هنا فهاد الوقت
رابحة: السلكووط لي عاطينها ليه .. جالس يلعب من ورا ضهرها بلا حشمة بلا حياء .. اش غتبقا دير عندووو .. دار باها واسعة و عريضة الى ما هزها هاد الكتف نحطها على الكتف لاخر و داك عيفت الرجال مترجع ليه
حميد: نوضي تكعدي من الهضرة الخاوية .. السيد عاد جا عندي وجهو كااع مضرووب و صفر .. يطلب و يزاوك فيا نرد البنت لدارها و نتي جالسة تعمري ليها فراسها
الغالية: و باااا هذاك هو لي عمرييي نرجع ليييه .. واس باغي ترجعنييي يتكرفصوو عليا كتر ما داااايرين دباااا .. خرجوووو فيا الشيييب و سكت ليييهم ولكن باش يزييد يخوني والله منسمح ليه ولا نرجع ليه
حميد: نوضي الله يرضي عليك دبا تنعسي و غذا تكون هضرة خرااا .. ديك الهشرة ديال يطلقك و تجلسي فدار مطلقة هي لي متكوونش .. انا معندي بناات لي يخرجو مطلقااات و معاهم تيلاد كون غير بوحدك بعدا
الغالية: و اناااا بغيت نطلق ابااا اهئ اهئ واش بغييتو تقتلوووني عاد تهناو هئ هئ باااغين تصيفطوووني عند داك القوم يزيد يتكرفص علياا .. واش عااارف ابااا اش دااار ولا غيير داوي !! انا هداك هو لي مغنرجعش ليه و لي بغيتو ديروها ديروها
رابحة: ما عندها فييين ترجع .. بنتي ماشايطااش عليا نرجعها لداك القوووم و لي عندو باب واحد الله يسدو عليه .. داك الرعواني هو لي منرجع ليه بنتي
حميد: كووون كاانت بناادم و مراا ديال الوقت كعمااا تخليه يمشي يشوف فبلاصة اخرى و يخليها هي فالداار .. كوون راه مايشووفش غييرها و يقابلها غير هي ” خسر سيفتو فيهم ” بحالك بحالها سلعة وحدة النهاار كامل النكيير و الصداع حتا كيطج و يمشي يقلب على البديل .. و دبا كلمة وحدة لي عندي .. غذا نوضي سيري لدارك خالييد راه جبدت ليه ودنييه و سمعتهم لييه و نتي قابلي دارك و راجلك و ها ولدك جاي فالطريق راه هوما لي دايمين ليك اما ديك الهضرة الخاوية ديال الطلاق راه عمرها تكون غير خوي راسك منها ..
زاد و خلاها مصدومة و عينيها بقاو معلقين فالبلاصة لي كان واقف فيها .. لهاد الدرجة تقلات عليه و بغا يردها للجهنم كيف مسمياه هي .. بهاد السهولة تخلا عليها فالوقت لي كانت محتاجاه سندها و ضهرها الحاامي .. في الوقت لي كان خاصو يوقف معاها و يدعمها .. كيقول ليها بكل بساطة رجعي لدارك!! مقدراتش تستوعب كلامو و حسات بحال العقظة فحلقها منعاها من التنفس .. طاحو دموعها بقهر على خدودها و هي كتشوف في مها لي مهضرات متكلمات كتشوف فيها ب الم و ساكتة .. وقفات طبطبات على ضهرها و تبعات راجلها تهضر معاه ..
دخلات عليه مغددة و خبطات الباب بعصبية حتا تلفت ليها مخرج فيها عينيه
حميد: اش كاين مالك كتخبطي علينا فالبيبان
رابحة: اش داك الكلام قلتي البنت هااا .. هادي هي بنتي و هي لي عندييي .. ملي حتاجتك جيتي ضدها محشمتييش
حميد بالغوات: تي اش قلت ليها انا كاااع .. هضرت غير لمصلاحتهاا .. بغيتيها طلق و تعوود جايبة لينا الهضرة و منين ما دازت ينعتوو فيها
رابحة: ينعتووو و لا يزمرووو انا مكايهمني حدد من غييير بنتي ‘بحرقة’ انا مغنخليييش بنتي تعييش دكشي لي دااز عليا معااك .. هي متستاهلش يديرو ليها هكااااك .. و نتاااا فاااش توقف معاها و تدعمهااا جاااي من جيييهتو .. عجبببك شنو دااار لييهااا جاااك على كاانتك بحالك بحالو الله ياخد فيكم الحق كلكم
حميد: رااااابحة تزيدي كلمة وحدة نخسر لمك كمارتك .. راك توحشتي العصااا نييت .. هاديك بنتي و انا كنقلب ليها غير على مصلاحتها مع راجلها
رابحة: هداك هووو لي متبقاااش معاه واخة تنطابق السما مع الارض
كانت غادية خارجة حتا سمعاتو كيغوت
حميد: والله و تعمري للبنت راااسها و مترجعش لدااارها حتا تحرامي علياااا و عليا بليمين متبقاي ليا مرااا
دارت عندو مخرجة عينيها فيه: لي فجهدك ديرو .. بنتي اهم ليا من اي حاجة
خرجات رادخة من وراها الباب و مشات لبيت فين خلات بنتها .. لقاتها ناعسة مغنضة عينيها بجلابتها و يديها تحت راسها .. مسحات ليها على راسها و طفات عليها الضو و خرجات خلاتها ترتاح .. غير تسد الباب و هي تحل الغالية عينيها كترمش و دموعها دايزين .. كلام مها و باها ماز كلو على مسامعها بحال السم كيتقطر على قلبها .. عليها كينطابق متل .. ضرية بدمها و لا حلمة بسمها .. كتحس بكلام باها كلو مسموووم و خناجر كيختارقو قلبها .. وصلات بيييه يهدد مها بالطلاق باش ماتوقفش مع بنتهاا !! اشمن اب هذا لي يدير لبنتو هاكا واخة تكون عدوووتو يوقف معاها .. دبا عاد وعات و حسات بلي راها بوووحدها مكاين لا لي يوقف معاها ولا الدراع الحامي ليها .. حسات براسها مقطوعة من شجرة .. واليديها لي يعاونوها تخلاو عليها ..
غمضات عينيها بتعب مقادراش تحرك راسها بكترة الصداع لي فيها و غمضات عينيها في انتظار يوم جديد ..
ناضت رابحة فالصباح بكري وجدات لفطور على حقو و طريقو حطاتو فوق الطبلة فين كان جالس حميد .. و مشات لبيت بنتها تفيقها تفطر .. حتا كتلقا غير يديها و الريييح .. خرجات كتعيط عليها و تقلب فالدار ولكن ملقاتش ليها الاتر .. حتا تخلعات عليها و مشات تجري عند حميد لي بدا فطورو
رابحة: البنت مكايناااش اراااجل
حميد: و فين غتكون مشاات فهاد الصباح
رابحة: نسولووك نتا لي مخليتي ما قلتي ليها لبارح سمك كلو خويتيه عليها
خنزر فيها حميد و جمع الوقفة و هز ترازا ديالو دارها على راسو و خرج و خلاها هي عقلها غيخرج على بنتها .. فيقات ولدها في عمر 13 سنة دخل ليها نمرت بنتها و صونات عليها كتسناها تجاوب حتا وصلها صوتها التعبان
الغالية: الو مي .. بلاما تخلعي عليا راني غير فالدار
رابحة: و لاش مشيتي ليها ادوييي ياك غير لبارح هلي جيتي
الغالية: بلاصتي فدار راجلي و ماغايدوم ليا غير هو .. نخليك دبا بغيت نرجع نعس راسي ضارني امي .. بسلامة عليك
قطعات معاها و رجعات تخشات فبلاصتها نعسات براحة خاوية راسها من كلشي و في بالها حاجة وحدة .. كما تدين تدان .. كيفما كيعاملوني غنعاملهم و لي بغا يربح العاااام طويييل ..
باها و مها لي كانت دايرا ليهم اعتبار مداروهش ليها و معطاوهاش قيمتها .. فمكاين لاش تبقا هي صابرة و عاطية الخاطر باش يرضيو عليها…
عيطات لجنات من بعد عاودات ليها كلشي .. هاد االاخيرة لي عيرات و تعصبات و سبات حتا بغات تطرطق و هي تسكت ملي شافت الغالية مقالت والو و راضية بهادشي .. واخة هي حسات بالعافية شاعلة فيها كتر من الغالية لي مبينة برودة ملامحها و داخلها معالم لبيها غير الله ..
ايام كتمشي و ايام كتجي .. اسبوع شهر شهرين تلاتة … و هي غادة حتا دازت تمنية اشهر كاملة على الغالية .. نخلات طامو ولات هي و ياها كلمة ب اخرى مبقاتش كتسمع ليها ولا دييير برايها ولات كدير غير لي قالها ليها راسها و معلابالهاش ب طامو تعصب ولا تمرض ولا تموووت كااااع لهلا يرد بيها .. اعتانات غير براسها و ب بنتها لي من نهار عرفات عندها بنت و هي فرحانة واخة منكاها عليها طامو من نهار عرفات و هي تنكر و تبرغم عليها علاااش لي ميكونش ولد بحال الى هي لي كتختار .. مخلاتش كلامها يأتر عليها و فرحات بطفلتها لي كتكبر ف احشائها .. ممعبراش لا كلام طامو المسموم ولا ديال بناتها ملي كيجيو لعند مهم .. كتسد عليها فبيتها و تخليهم ارا مايهضرو و يغوتو والله ماكتفشهم .. شي لي كيزيد يعصبهم و يفور دمهم .. كيشوفوها تبدلات كليا مبقاتش ديك الغالية لي جابو نهار اللول .. الحشمة و الوقار و الصبر و الكلمة لي تقالت ترض عليها ب بسمة و كلام محترم ماشي كيف دابا ولات عاطية القاسح لي جبدها تعطييه علاش كيقلب حتا كتسكتو و متخلي ليه فين يزيد .. اما سي خالد من بعد لي وقع ما خلا باااش حزرها .. ها الدهب ها اللباس ها الكلام المعسوول و هي قلبها كحااال من جيهتو مبقاااتش تحملو و لا تحن فييه .. مكاين غير خاص ارا جييب … دخلات لباباه السيزي للحانوت حتا ولا طاااج من الدار مبقا يحمل يدخل ليها اما واحد بيتو تحرم عليييه .. غير كيفوت العتبة كتعطييه الغالية علاش يدور و تجري عليه و الى دوااا تعطييه عضم يكدو و كلمة بكلمة و ضرية بضربة حتا تهد هو و هي متهداااات .. كلامو مبقا يجي مع كلامها و غطاه مايشاركو معاها هادشي كلو هي لي فرضاتو عليه من بعد ما شدات عليه دلييل ملموس بالخيانة مرة اخرى و بمساعدة جنات لي عوناتها حتا جابو دليل باش يهضرووو خلاوه كي الحنش المقطوع ليه راسو ميقدرش يهضر و خايف من الشوهة ..
داز شهر على خالد كي الوييل مع الغالية .. مخلات ما دارت ليه حتا هرباااتو بزز عليه .. جاتو خدمة بعيدة على الدار و هز ساكو و زااد خلفة مع الطريق مخليها مع مو .. هاكا دازو الاشهر حتا دخلات الغالية في شهرها التاسع و تقلات بالمعقول مبقات قدرات تحرك و لا ديير شي حاجة .. و عيطات على مها تجي تقابلها و تبقا معاها حتا يدوز ولادتها على خير
فالصباح بكري فاقت الغالية على الصداع فالدار .. ناضت بتتاقل من بلاصتها .. لبسات فرجليها و هزات شالها لواتو على راسها و خرجات تشوف شكون كاين حتا كتلقا نبيلة بنت طامو جالسة فالصالون و كتبكي و راجلها واقف حداها كيتكلم مع طامو .. شافت الغالية في مها لي كانت لابسة جلابتها و غادية بحالها
الغالية: اش كاين امي مال هادو
رابحة: نببلة جأت غضبانة من دارها
الغالية: هاكاك .. تخاصمت معاه تاني.. و نتي فين غادية
رابحة: غنمشي نشوف خوتك واش خاصهم شي حاجة و نجي .. رضي لبال لراسك و بعدي من الصداع
الغالية: واخة امي غير سيري .. تسناي هانا جاية ..
رجعات لبيتها هزات منو شي فلوس و عطاتهم لمها
الغالية: شري للدراري شي حاجة غايكونو كيتسناو فيك
مشات رابحة كترضي على بنتها و تدعي معاها .. هاد الاخيرة لي غير مشات مها رجعات لبيتها هزات حوايجها و دخلات للدوش تريح عضامها بينما مشا راجل نبيلة .. خرجات من بعد مدة لا بأس بها لبسات بجامتها عريضة شوي و قصيرة مطويلاش بزاف .. جمعات شعرها و دهنات يديها و رجلها عاد خرجت ملي سمعات صوت راجل نبيلة تقطع .. دخلات عليهم كتمختر و تشوف فيهم و سلمات
الغالية: نبيلة .. لباس عليك.. ياك لباس مالك على هاد المجية
نبيلة: جيت لدار مي لي غتفهمني و توقف معايا و عارفة ب كية الحرقة لي ف قلبي ..
الغالية: ربي عوين انبيلة و مك عارفة اش كدير راه فايت عندها تجربة فهادشي ههه ‘ ضحكات باستهزاء’ … عقلتي اش كنتي قلتي ليا ديك المرة !! ملي ولدك خرج يقلب على مراة برا همم .. قلتي ليا .. كون لقا فيك الفايدة مايخرجش يقلب ف برا و كوون تهليتي فيه و درتي ليه اش بغا مكانش يشوف من غيرك .. و كووون كنتي تقادي ليه و تبرعييه ميخرجش و يخليك .. هادشي لي قلتي ياك؟؟ ههه و قوووليه حتال بنتك راها بحالي ههه غير هي غيجيب الضرة للدار بالشرع و القانون في الحلال و انا دارها عليا بالحرام و عاجبو راسووو .. لمهم ديري بكلام مك راه مكاينش فحالو ههه
ﺧﺮﺟﺎﺕ ﻣﻦ ﻋﻨﺪﻫﻢ ﺑﺎﺑﺘﺴﺎﻣﺔ ﺻﻔﺮﺍ ﻋﻠﻰ ﻣﻼﻣﺤﻬﺎ ﻭ ﺩﺧﻼﺕ ﻟﻠﻜﻮﺯﻳﻨﺔ ﻛﺘﻔﻄﺮ ﺣﺘﺎ ﻭﻗﻔﺎﺕ ﻋﻠﻴﻬﺎ ﻧﺒﻴﻠﺔ ﻣﻜﻔﺪﺓ ﻋﻠﻰ ﻳﺪﻳﻬﺎ ﻧﺒﻴﻠﺔ: ﺷﻔﺘﻚ ﺗﺤﻞ ﻟﻴﻚ ﺍﻟﺪﻟﻘﻮﻭﺵ ﻭﻟﻴﺘﻲ ﺗﻌﺎﻳﺮﻳﻨﺎ ﻓﻘﻠﺐ ﺩﺍﺭﻧﺎ .. ﻣﺒﻘﻴﺘﻲ ﺗﺤﺸﻤﻲ ﻭﻻ ﺩﻳﺮﻱ ﺍﻋﺘﺒﺎﺭ ﻟﺤﺘﺎ ﻭﺍﺣﺪ .. ﻏﻴﺮ ﺩﻳﻚ ﺍﻟﻤﺮﺓ ﻋﺎﺩ ﺟﺒﻨﺎﻙ ﻣﻦ ﻭﺳﻂ ﺍﻟﺮﻭﺙ ﻭ ﺩﺑﺎ ﻛﺘﺤﻠﻲ ﻓﻤﻚ ﻋﻠﻴﺎﺍﺍﺍ … ﻭ ﺍﻧﺎ ﺑﺰﺍﺍﺍﻑ ﻋﻠﻴﻚ ﺣﺘﺎ ﻳﺪﻳﺮ ﻋﻠﻴﺎ ﺍﻟﻀﺮﺓ ﻭﺍﻟﻠﻪ ﻻ ﻛﺎﻧﺖ ﻟﻴﻪ ﻭﺍﺧﺔ ﻳﻘﺘﻠﻨﻲ ﺍﻟﻐﺎﻟﻴﺔ: ﺳﻴﺮﻱ ﺍﺧﺘﻲ ﺑﺪﻟﻲ ﺳﺎﻋﺔ ﺑﺎﺧﺮﻯ ﻣﻌﻨﺪﻱ ﻟﻴﻚ ﺟﻬﺪ .. ﺧﻠﻲ ﺣﺘﺎ ﺗﺠﻲ ﻣﻲ ﻟﻲ ﻗﺪﻙ ﻗﺪﻫﺎ ﻭ ﺩﻭﻱ ﻣﻌﺎﻫﺎ ﺗﺠﻨﻨﺎﺕ ﻧﺒﻴﻠﺔ ﻭ ﻫﻲ ﺍﺻﻼ ﻃﺎﻟﻊ ﻟﻴﻬﺎ ﺍﻟﺨﺰ ﻟﺮﺍﺳﻬﺎ ﻣﻊ ﻣﺸﻜﻠﺘﻬﺎ ﻫﻲ ﻭ ﺭﺍﺟﻠﻬﺎ .. ﺟﺮﺍﺕ ﺍﻟﻐﺎﻟﻴﺔ ﻣﻦ ﺷﺎﻟﻬﺎ ﺣﺘﺎ ﻛﺎﻧﺖ ﻏﺘﻄﻴﺢ ﻟﻮﻻﺍﺍﺍ ﺍﻧﻬﺎ ﺷﺪﺍﺕ ﻓﺎﻟﺤﺎﺷﻴﺔ ﺩﻳﺎﻝ ﺍﺍﺑﻴﺖ ﻧﺒﻴﻠﺔ: ﻭ ﺍﻟﻠﻪ ﻳﺎ ﺍﻟﺤﻤﺎﺭﺓ ﺗﻤﻚ ﻭ ﻣﺎ ﺗﺒﺴﻌﻲ ﻣﻨﻲ ﻭ ﺗﻘﻴﻠﻴﻨﻲ ﻋﻠﻴﻚ ﺣﺘﺎ ﻧﺠﻔﻒ ﺑﻴﻚ ﻫﺎﺩ ﺍﻟﺪﺍﺭ ﺍﻟﻐﺎﻟﻴﺔ ﺩﻓﻌﺎﺗﻬﺎ ﻣﻦ ﺻﺪﺭﻫﺎ ﻣﺒﻌﺪﺍﻫﺎ ﻋﻠﻴﻬﺎ: ﻧﺘﻲ ﻟﻲ ﺟﺎﻳﺔ ﻋﻨﺪﻱ ﺟﻠﺴﻲ ﻓﺪﺍﺭﻙ ﻭ ﻣﺘﺴﻤﻌﻲ ﺻﺪﺍﻉ ﻭﻻ ﻧﻜﻴﻴﺮ ﺩﺧﻼﺕ ﻟﺒﻴﺘﻬﺎ ﻭ ﺭﺗﺨﺎﺕ ﻋﻠﻴﻬﻢ ﺍﻟﺒﺎﺏ ﻭ ﻫﻲ ﺣﺎﻃﺔ ﻳﺪﻫﺎ ﻋﻠﻰ ﻛﺮﺷﻬﺎ ﻛﺘﺤﺲ ﺑﻮﺧﺰﺍﺕ ﻋﻠﻰ ﺟﻨﺎﺑﻬﺎ ﻗﻬﺮﻭﻫﺎ ﻛﻴﺠﻴﻮﻫﺎ ﻣﺮﺓ ﻣﺮﺓ ﻭ ﻳﺒﻐﻴﻮ ﻳﺨﺮﺟﻮ ﺭﻭﺣﻬﺎ ﺣﺘﺎ ﻛﻴﺘﻬﺪﻧﻮ ﺑﻮﺣﺪﻫﻢ .. ﻭﻟﻜﻦ ﻫﺎﺩ ﺍﻟﻤﺮﺓ ﻻﺍﺍ ﻏﻴﺮ ﻣﺎ ﺯﺍﺩ ﺍﻟﻮﺟﻊ ﺟﻬﺎﺍﺩ ﻋﻠﻴﻴﻬﺎ ﻭ ﻭ ﺳﻜﺎﻛﻴﻦ ﻛﻴﺨﺘﺎﺭﻗﻮ ﻛﺮﺷﻬﺎ .. ﻏﻮﺗﺎﺕ ﺑﺎﻟﺠﻬﺪ ﻣﻦ ﺣﺮ ﺍﻟﻮﺟﻊ ﻭ ﺩﺧﻼﺕ ﻣﻬﺎ ﺑﺠﻼﺑﺘﻬﺎ ﻣﺰﺍﻝ ﻋﺎﺩ ﺟﺎﺕ ﻛﺘﺸﻮﻑ ﻓﻴﻬﺎ ﺑﺨﻮﻑ ﻫﻲ ﻭ ﻃﺎﻣﻮ ﺣﺘﺎ ﻧﻄﻘﺎﺕ ﺍﻟﻐﺎﻟﻴﺔ ﺑﻬﺴﺘﻴﺮﻳﺔ ﻭ ﺍﻟﻮﺑﻜﺎﺍﺍ ﻭ ﺍﻟﻐﻮﺍﺍﺍﺕ ﺍﻟﻐﺎﻟﻴﺔ: ﻏﻨﻮﻟﺪ ﺍ ﻣﻲ ﻛﻨﺤﺲ ﺑﻴﻪ ﻧﺎﺯﻝ ﻟﺘﺤﺖ ﺍﻫﺊ ﻩﺀﻩﺀﻩﺀ ﺭﺍﺑﺤﺔ: ﻣﺘﺨﺎﻓﻴﺶ ﺍﺍﻏﺎﻟﻴﺔ .. ﺯﻳﺪﻱ ﻧﺪﻳﻚ ﻟﻠﻄﺒﻴﺐ ﻧﺸﻮﻓﻮﻩ ﺩﻛﺸﻲ ﻟﻲ ﻛﺎﻥ ﻣﺸﺎﻭ ﺑﺰﻭﺝ ﺑﻴﻬﻢ ﻟﻠﻜﻠﻴﻨﻴﻚ ﺍﻟﻐﺎﻟﻴﺔ ﻛﺘﻐﻮﺕ ﻭ ﻣﻬﺎ ﺷﺎﺩﺓ ﻟﻴﻬﺎ ﻑ ﻳﺪﻫﺎ ﻛﺘﻬﺪﻥ ﻓﻴﻬﺎ ﺣﺘﺎ ﺩﺧﻠﻮﻫﺎ ﻟﻠﻐﺮﻓﺔ ﺍﻟﻮﻻﺩﺓ ﻭ ﻏﺒﺮﻭ ﺗﺎﻧﻲ ﻣﺨﻠﻴﻨﻬﺎ ﺧﺎﻳﻔﺔ ﺑﻮﺣﺪﻫﺎ .. ﺩﻭﺯﺍﺕ ﻧﻤﺮﺓ ﺧﺘﻬﺎ ﻋﻠﻤﺎﺗﻬﺎ ﺑﺎﻟﺠﺪﻳﺪ ﻭ ﻋﻄﺎﺗﻬﺎ ﻋﻨﻮﺍﻥ ﺍﻟﺴﺒﻴﻄﺎﺭ ﻋﺎﺩ ﻗﻄﻌﺎﺕ ﻭ ﺟﻠﺴﺎﺕ ﻋﻠﻰ ﻛﺮﺍﺳﺎ ﺧﻮﻳﻴﻦ. كتسنا فيهم يخرجو يطمنىها إلى بنتها لي غواتها كيتسمع من برا
الوجع جهااد عليها و الصداع كيقطع فيها .. التنفس كتحس بيه كيدخل لرئتيها بزز .. شدات ف يد ممرضة كانت حداها كتهدن فيها و نطقات بدموع فعينيها
الغالية: عفاااك عاونيني هءهءهء مبغيتش نمووت هءهء غيعذبوها ليا الى بقات بوحدها هءهء
الممرضة: تهدني امدام كلشي غيدوو بخير غير رتاحي و عاونينا نتي و ان شاء الله خير
حركات الغالية راسها بايجاب و الدموع مضببين ليها الشوفة .. فينما حسات بالوخزات كتغوت لربي لي خلقها حتا دخلات عندها الطبيبة و شافت حالتها .. قرات الملف ديالها و درساتو و شافت فالممرضات لي معاها مخاطباهم
– مغتقدرش تولد ولادة طبيعية .. مغتقدرش تزحم .. صحتها متسمحش ليها غنديرو ليها سيزاريان
فهمو الممرضات قصدها و تحركو كيوجدو و الغالية عطياها للبكا و النحييط خايفة و معندهاش الجهد .. و قربات ليها الطبيبة بابتسامة كتهضر معاها و تهدنها باش متبقاش متخوفة من الولادة..
برااا كانت رابحة جالسة مع ختها كيدعيو مع الغالية و جنات مرة تضحك مرة تحزن .. خايفة عليها من الولادة و في نفس الوقت متشوقة تشد البيبي بين يدها .. هكاك بقاو لبعض لوقت حتا خرجات الطبيبة بابتسامة كطمن فيهم
– مبروك الزيادة .. السيدة ولدات على خير و صحتهم بزوج مزيانة .. يتربى فعزكم ان شاء الله
جنات: الحمدلله على سلامتها .. واش نقدرو نشوفوها عفاك
– وي غنحولوها للشومبر ديالها و دخلو عندها
شكراتها جنات و مشات اما هوما الفرحة غمراتهم و بغاو غير امتا يشوفوهم .. شافت جنات ف رابحة و مشات عندها عنقاتها
جنات: صافي شرفتييي اروييبحة هههه تزادت عندك الحفيييدة غتولي مصدعاك بغواتها ههه
رابحة: الله اودي هذا هو النهار لي كنت نستنا
جنات: مبروك عليكم اخالتي ربي يحفضها من كل شر .. قولي ليا راجلها ماغايجيش يشوفها
رابحة: و شكون عرفو فين كاين بعدا بقا غير يجي … راه شحال من شهر هذا باش دلح مبقينا شفناه
جنات بهمس بين نفسها: بعدو حسن من قربو تهنيااااا
رابحة: اش قلتيي ابنتي
جنات: قلت ليك اش غتسميو ليا ديك الفنيكيشة
رابحة: معرفت ابنتي .. الغالية كانت دايرا واحد السمية فراسها ولكن مهقلت عليها
كملو هضرتهم غير على المولودة الجديدة لي غتزاد لعائلتهم و من بعد مشاو عند الغالية للشومبر ديالها فرحانين و كيباركو ليها و يضحكو معاها .. و هي سخفانة عينيها طابو ليها بالبكا و وجهها كان مزال شاحب ..
كرشها لي كانت منتفخة تفشات و مولودتها كانت فجنبها كتشوف فيها بابتسامة صغيرة كتأمل ملامحها .. شافت فيهم و نطقات بشوق
الغالية: شوف شحال صغيورة ههه مقدرتش حتا نهزها خفت عليها ههه
قربات منها رابحة هزاتها حطاتها ليها بين يديها و كتوريها كيفاش دير ليها و هي فرحانة مقاداها فرحة .. عينيها متزاحوش من على بنتها و يديها كيمشيو و يجيو عليها بلطف و حنان .. نسات بكاها و وجعها و بقات مقابلاها غير هي كتبجغط و عينيها مسدودات كترمش بيهم و يديها الصغيورين بين يدين الغالية كتقبل فيهم ..
قربات جنات كتفرنس مكرهاتش تشدها تاكلها و باست الغالية بفرحة بوسات متتاليات و نطقات بمزاح
جنات: زوج بوسات ليك و زوج للكتكوتة ههه خفت نحط عليها فمي و تعكر ههه كنحس بيها بحال اللحيمة الهشيشة غير تقيسيها تفسخ هههه
خديجة: مال يماك ضحكك حامض .. شوفي ليا الغزالة تبارك الله مشاء الله تشهاي غير تبقاي مقابلاها
جنات: عييت فيك تزيدي شي ولدة معامن نتوانس مبغيتيش ايوا ها الغالية ولدات لينا التوووت البري ههه .. مقلتيش ليا اش غتسميها
الغالية: هي نور عينية و نور حياتي و نور قلبي و النوور لي مضوية عليا ههه .. سميتها نووور الهدى
تبسمات جنات بسعادة فرحانة مع الغالية او نقولو كتر منها .. من ديما كيعجبوها الدراري الصغااار و كتحماااق عليهم .. و دبا ملي شافت الغالية كيفاش فرحانة ب بنتها و مقادراش حتا تبوسها على راحتها خايفة عليها .. طاحو دموعها بتأتر و مشات عنقات مها كتهرنن
و هوما كيضحكو عليها
جنات: كتحمق بالزيين اماما بغيت بحالها هئ
خديجة: راه قراناتك لي ولاو يولدو دبا اما انا شرفت مابقا عندي جهد نربي براكا عليا غير نتي خرجتي فيا ااشيب الخضر
حنات: انا غنبقا غير حدا نور الهدى منتزحزحش من حداها راه سكنااات قلبي و روحي و عقلي ههه غنبقا لاصقة فيها حتا تكبر
الغالية: هههه سيري ديري ولادك و تفرقي عليا ههه غتورتيني فبنتي ولا
ضحكو مجموعين و بقاو معاها مونسينها حتا جات طامو هي و بنتها .. دايرين داك الصواب فوق قلبهم .. شاقو البنت و باركو ليا و رجعو ادراجهم لدارهم واخة عرضاتهم خديجة لدارها يباتو عندها حلفوووو هوما لا مشاو و خلاتهم على راحتهم …
دازت يومين على الغالية فالسبيطار هي و بنتها اليوم كان موعد خروجها .. عوناتها رابحة لبسات حوايجها و دارت شالها و خديجة شادة البنية الصغيرة كتراري بيها و تبسم ليها ..
كملات لبسها و ناضو خرجو فحالهم لقاو جنات لتحت كتسنا فيهم فاللوطو ديال باها .. ركبو معاها و خديجة بدات بنكيرها عنداك تقلبينا .. سيري غير بالمهل .. متخلخليش بينا الطموبيل … صدعاتها ما بردو ودنيها حتا حطاتهم قدام لباب .. نزلو داخلين و خديجة غير كترحب بيهم و فرحانة بيهم .. دخلاتهم للصالون الكبير لي كان كيطل على الشارع بفراش من اخر ما كاين فالسوق .. اكيد ما سي حسن عندو محلات كبااار مهتمين بالاثات المنزلية و كل ما يخص الديكور و مهلي فدارو .. الحاجة قبل ما تبان عند شي واحد كتكون عندو هو اللول ..
حطات ليهم خديجة اتاي و القهوى و دزواها كيتجمعو عليه و يتحتو بيناتهم حتا عيات الغالية و ناضت دخلات لبيت سلوى اخت جنات كتبات تما ملي كتجي عندهم و خلاوه للغالية .. بدلات حوايجها بمساعدة جنات و جلسو مع بعضهم كيهضرو حتا صونا تلفون الغالية .. هزاتو شافت شكون و هي تبسم بسخرية
الغالية: على سلامتك ملي صونيتي تسول فبنتك
خالد: عاد سمعت الخبار الغالية .. راه مقالها ليا حتا واحد .. حتا عيطت للوليدة و قالتها ليا
الغالية: كون كنتي داير راسك فيها كون صونيتي عليا انااا ماشي عليها و تجي تشوف بنتك و هي مزال لحيمة .. ولكن نتا اصلا ممعمرش راسك .. و حتا دبا غير سير غبر حتا تكبر عاد جي شوفها ..
قطعات عليه كتبركم معاجبها حال و جنات كتشوف فيها داخلها الشك .. كتشوف تغيرها المفاجئ و كيفاش ولات كتصرف و ناضت جمعات الوقفة حيداات الحوايج المسخين دارتهم فالسلا و حطاتها و بدات كتجمع مع الغالية حتا صونا تاني تلفونها بمسج .. قراتو و عقدات حواجها .. تنهدات و ناضت قربات لبنتها صوراتها اكتر من 10 صور و صيفطاتهم ليه كيف ما طلب ..
دازو بعض الايام و خديجة تهلات ف ختها و بنتها و لي حلو عليها فامهم كيلقاوها .. استجمعات الغالية صحتها عند خالتها بالراحة و السياحة لي لاقياهم عندها و دوزات موعد مع الطبيب ديالها .. من بعد ناضت جمعات حوايجها و حوايج مها و شدو الطريق رجعو فحالهم و كيف كانت متوقعة الغالية .. لقات الدار مكسورة بالغوات ديالهم و كل واحد و اش كيقول و شنو مشكيلتو .. حازت بنتها لصدرها كتر و دخلات لبيتها مبعداها من الصداع و سدات عليها عاد جلسات كترضع فبنتها و تبسم معاها كي الحمقة .. حتا كملات و ناضت مسحات و طرفات حالتها عاد خرجات تشوف شنو واقع. لقات نبيلة كشاكشها خاارجين على راجلها حول موضووع الضرة
خرجات الغالية من بيتها من بعد ما نعسات طفلتها .. لقات طامو و نبيلة كيتغاوتو و كل وحدة تهضر من جييه مغددين على راجل نبيلة باغيين يغززوه بسنانهم
نبيلة: والله لا كااااانت ليييه .. والله ما دخل عليااا وحدة خراااا .. مالي انا ااااش ناقصنييي لي يجيييب عليا شاااايطة من الخلاااا تشركني فدااااري و شغاااالي
طامو: غييير بردي و تبتييي انبيلة .. غير يجييي و نتفاهمو معاااه .. مكاين لا مرى لا غيرها
نبيلة: بغيت ليه المراااارة ولد الحرااام على اخر يامي نولي حاضية من برهوشة تاعت لخلا
دخلات عليهم الغالية كضور عينيها بيناتهم و هوما يضربو الطم جمعو فامهم و سكتو كيشوفو فيها و يميقو .. جلسات الغالية بعد ما لاحت ليهم السلام و بقات هازة تلفونها كتلعب فيه حتا نطقات نبيلة باستفزاز
– ايوا الغالية .. خالييد امتا غيجي شفتو طول الغييبة و البنت خاص تسجل فالحالة المدنية
الغالية: بحالي بحالك ازيين معرفتو فين غبر .. راه خووك نتي زعمة خاثك تكوني عارفة عليه كلشي
نبيلة: و نتي مرااااتو .. خاص تكوني عارفة عليه الشادة و الفادة و نتي ناسية راسك لي شافك يقول هادي ماعندها راجل لي تهلا فيه .. سولي فراجلك و تهلاي فيه .. دبا مايكة عليه و متسولي متهضري و تقولي مالو يعرف البنات عليا .. و بسيييف ما يشوف فبلاصة اخرى
الغالية: و سبحااان الله كتفكري فيا زعمة ههه .. الالة نصائحك طبقيهم غير نتي اما انا ماخاصنيش بيهم
نبيلة: الحمدلله مطبقاهم و بخير
الغالية بسخرية: لا باينة بخير هه غير من الضرة لي جاية علييك .. شوفي نقولك انبيلة .. انا عارفة و نتي عارفة الرجااال مسكيين بمغرفة وحدة عييينهم زااايغة واخة تكوني اية فالجماال متقنعيهم .. و خوووك مبقات هضرة معاه ملي مو وقفاات فجنبو و دعماتو اش بقا ليا انا منقووول
طامو: و نتي كون كنتي مرى كون تهليتي فراجلك و شديتيه تحتك متخليه لوحدة اخرى
الغالية: ها بنتك تربية يديييك اش دااارت ياك نقزاات حتا عياات و مخلات ما دارت و جايب عليها المراة التانية .. و انا اطامو نفضل يخوني فالحرام باش يتعذب فلاخرة ولا يجييب عليا الضرة و تكون عليه حلالا طيبا .. لحاصول نخليكم تكملو توشويشكم على راحتكم نمشي نشوف بنتي حبيبتي ..
ناضت من حداهم خلاتهم كيتشواو بغاو يطيرو عليها ولكن كلامها كلو حق ..
دخلات هي للبيت من بعد ما بدا يصوني ليها تلفون لقاتو هو لي مصوني عليها
ردات على المكالمة واخة مكرهة محاملاش تهضر معاه ولكن بزز عليها .. سول فيها و فبنتو اسئلة اعتيادية و هي تنطق الغالية كتقلب فعينيها بملل
-امتا غتجي!! راه البنت خاص تسجل فالحالة المدنية و ديير ليها السبوووع .. نتا مبانت ليك الخدمة حتا ولدت انا!!
خالد: قريب غنجي راه بقات شداني غير واحد الخدمة و صافي .. اجي بعدا اش سميتو البنت
الغالية: نووور الهدى ..
خالد: مزيان .. ياله نخليك دبا حتال من بعد
قطعات معاه و مشات وجدات ما تاكل عاد دخلات عند بنتها مقابلاها و حاضنة عليها ممفارقاها ولا لحضة .. لي شافها يقول غير هي لي والدة ..
جا سي خالد من بعد غييبتو لي دامت لاشهر .. قيد البنت فالحالة المدنية غير بالكشايف مع طامو لي وقفات ليهم كي الشوكة فالحلق .. وااالو تسمييو البنت عائشة .. هي تحلف و الغالية تحلف .. حتا وحدة ما تردعاات .. شاف خالد حتا عيا و قيدها على سمية لي ختارت الغالية ” نوور ” حيت هي لي مها و اولى ليها بيها .. تقلقات طامو و غضبات على ولدها و هو يحزر فيها حتا طاب خاطرها عاد رجعات تاني لتشيطينها و لقيان السلوووكا .. عمرات للغالية الضوووسي مزيان و خواتو ليه من بعد التحراااش و تقرااااص باش مديرهاش بيه الغالية .. ناض دخل لبيتو يبدل و هي توقف عليها االلا الغالية ب بيجامة بيتية سروال و الشوميز ديالتو قصيرة و فوقهم بينوار خفييف لايحاه فوقها باش تخرج للبرا … شافت فيه مطولا و نطقات بنرفزة
– نوور مزال ما غادير ليها السبوووع اولا كيفاش!! شفتك مدبحتي ليها ما والو .. حتا داك الفروووج اللخر ما تدبح عليها
خالد: تي اشمن دبيحة ولا غييرها مالك والدة ليناااا …
قطع كلامو فالنص و سكت و هي نشوف فيه هازة حجبانها و عينيها خارجين فيه
الغالية: كيييفاااااش !!!! هي ناااوي دوز لي البنت بلا دبيحة و لا سبوووع .. اويلي واش ضاربك حمار الليل ولا مالك !! واش حماقييييتي
خالد: اللا راك نتي لي هبلتي و هترتي .. منين غنجيب انا فلوس الدبيحة و فلوس السبوع و انا واااحل غير كريديات مع بنادم .. مكاين بو سبووع ولا دبيحة .. مالي حماقيييت نحط فلوسي في الماكلة يجييو الناس ياكلوها ليا و حتا كلمة زييينة مكتسمعيها .. حمدي الله لي تزادت على خيير و على خير اما دكشي راه غير شكليات معندنا منديرو بييه
خنزرات فيه بغات تنفاجر و جلسات حدا بنتها طايح عليها الضييم كتشوف فيها و تبكي حتا بردات و فشات قلبها عاد ناضت طوات حوايجها ستفاتهم فبلاصتها و عيطات على مها جات عندها .. جلسات هي و ياها كيطويو فحوايج نور الهدى لي شراو و جبدات الغالية حتا زرورة لي عطاوها ناسها ملي جاو عندها للصبيطار .. حطات قدام مها دكشي لي كانت جامعة وسط مندييل ابيض و بدات كتوريها فيهم و هي فرحانة كضحك … هزات براسلي ديال الدهب صغيوور ديال لي بيبي ركباتو ل نور الهدى و هزات ليها يدها كتوريها لمها
الغالية: شوفي هاد البراسلي جابتو جنات ل نور الهدى ههه جاها كيحمق
رابحة: واييه زويين تبارك الله .. اصلا جنات عندها الذوق ..
ضحكات الغالية فرحانة و نسات الهم .. كتشوف فالسنسلة المذهبة لي جابت ليها خالتها .. بعمارتها و انيقة من داكشي العصري .. ركباتها فعنقها كتشوف فيها و عاودات حيداتها .. جمعات اللويزة لي عطاتها فاطمة اخت رابحة لي جات طلات عليها فدار خديجة حتا هي و بدات كتحسب في الفلس لي حطوهم الرجال لنور الهدى .. جمعات كلشي قدام مها كتوريها .. و بالصدفة هزات عينيها جهة الباب .. قشعات خيال واقف وراه و شي حد كيتجسس عليهم و هي تنطق بعمد
الغالية: غنحطهم هنا فالماريو باش ميتوضروووش ليا و اصلا مكاين لي يقرب لهناا
شافت فيها رابحة مخرجة عينيها و ياله غتهضر سكتاتها الغالية و نعتات ليها للباب .. قشعات رابحة نبيلة لي كانت طالقة ودنيها و خنزرات .. جمعاات دهب بنتها و فلوسها دارتهم فتخميلتها تحت الجلابة تديهم معاهل قبل مايخليها كتضحك بلا سنان و متبقا تلقا فيه والو غير يديها و الريح .. و ناضت جمعات الوقفة
رابحة: هاني مشيت ابنتي .. ردي لبال لراسك و عنداك الدرية طييح ليك ولا شي حاجة .. رضعيها و قابليها و الى احتاجيتي شي حاجة عيطي ليا .. ماديري تيقة ف حد راه باغيين غير منين يدووزو ليك .. ياله الله يعاونك ابنيتي
مشات مها و ناضت الغالية رضعات البنية رجعاتها تنعس و تكات حداها كتفكر فراسها و فين مزال غادية فحياتها .. العيشة حرارت مع هاد السيد .. بنتو عاد تزادت و مكلفش راسو حتا يجي يشوووفها و يطمن عليها . باش كملها و جملها حتا سبوووع لي من حقها مبغا يدورو ليها .. هدشي غير بنتو و شنو دااار .. كيفاش غتزييد تعييش معاه؟ .. كيفاش غتبقا محافضة على هاد الزواج و هو من اصلو مهدوووم !!
.. كيفاش غتبقا محافضة على هاد الزواج و هو من اصلو مهدوووم !! واخة تبغي تبني زواجها و تحافش عليه مكاينش معامن .. الراجل لي تصبر عليه ما هو راااجل .. و والديه لي يرضوه للطريق غير مزايدين ليه فييه .. تلفات و تروناات و معرفات ما ديير من غير تهز كفوفها لرب العباد يدير ليها شي تاويل ديال الخيير و يشوف من حالها ..
واقفة فالكوزينة كتوجد الغذاء و هي مشطونة مع بنتها خايفاها طيح ليها من فوق السرير .. غسلات الماعن فاش شقات و نضفات الكوزينة عاد خرجات كتزرب فمشيتها غادية لبيتها .. شافت في الباب باستغراب ملي لقاتو مردود شوية و هي عاد خلاتو مفتوووح باش تسمع صوت بنتها .. شكوون لي ردوو!! .. يكوون خالد دخل من المحل؟؟ .. ولكن هو ماكايجي حتا كيطيب لغذا !! .. قربات من الباب بخطى بطيئة بدون صوت و طالقة ودنيها .. دفعات الباب بالجهد بعد ما شافت نبيلة كتقلب ليها بين حوايجها لي في الماريو .. كلو بعتراتوو بالتقلاب .. جراتها الغالية بعصبية من مرفقها بالجهد حتا قفزات نبيلة مخرجة عينيها بدهشة
الغالية: شنووو كديري فبيتيييي و كتقلبيي وسط حوااابجي علاااش كتقلبييي
نبيلة كتمتم: اا..ل.لا راه غير كنت كنقلب على شي بيجامة نلبسها حيت توسخات ليا ديالي
الغالية محمرة فيها عينيها: واش كنبان ليك هبيييلة لهاد الدرجة باش تخرفي عليا هاد الزبل ديااالك!! .. شنوووو كنتي كدييري فبييييتييي دويييي
نبيلة مخرجة سنطيحة ممفاكاااش: متغوووتيييش عليااا و زااايدووون بيت حتا خوووويا و ندخل ليييه وقتما بغيييت
جراتها الغالية مخرجاها: خرجي علياا حتا يجي خوووك و دخلي عندوو و ااااخر مرة تعنبي بيتي بلا شوااري
نبيلة: هاااي هااااي هااااي .. شفتك ضسرتي وليتي كتغوتي عليييينا عاين باين .. راه والله و متزمي فمك و تركني حتا نشتف عليك و نشطب بيك هاد الدااار
كفدات الغالية على يديها و شافت فيها بسخرية؛ هياااا دباااا نيييت و نشوفو شكون لي غيشتف على لاخر..
مخلاتهاش نبيلة تكمل و تلاحت عليها بغات تنزل ليها راسها تحتها .. ولكن الغالية كانت اسرع منها و بعدات راسها عليها و شداتها هي نزلاتها تحتها باش تغلب عليها … دقة مني و دقة منك و الغووواااات نااايض فالدار مكاين غير الله يعطي لخوك الصحة ..
جات طامو كتجري ملي سمعات الغوات و بدات تفرق فيهم و هوما كي اللصقة مبقاو بغاو يبعدو على بعضياااتهم غير بزز ..
ناضت الغالية جمعات شعرها لي تطلق ليها و ف عنقها نازلة قمشة حتال فتحة صدرها حمممرة كتبان مع بيوضية لحمها دغيا بانت عليها .. و نبيلة بشعرها منتوووف نتفااان .. طالع للسماا مبزق لربيييي .. و الوجه كلو مقموووش و منفوخ .. و كاينين بعض القمشات مباينينش ف عنقها..
وقفات نييلة كتشالي ب يديها مراضياش على راسها و بدات تحلف على الغالية
نبيلة؛ والله لا بقات فيك اعود لقماري الى ماخليييتها فيك خلييت الدل .. والله حتا ندمك و نخليييك تحنييي ليا الرااااس و تقووولي غير واخة الالة هي اللولة الاااالة و عقلييي عليها مزيااان راك مزال مكتعرفينيش اش كنسوااا والله حتا نخرج عليك يال****
الغالية بعدم اهتمام: اعلى ما ف خيلك ركبييه و بزاااف علييك انا و لهلاااا يحييي الزمان عليك حتا نحني ليييك الرااااس .. دوووك لياااام مشااااو لي كنت ندييير الخااااطر و انا معندي خااااطر و دبا عاااد غتعرفو الغاااليية شكوون هياااا والله مبقيييت نحدر راااسي لشي واااحد و لي بغا يوقع يوقع .. الى بغيتي لي يحتارمك حتاااارميييه ماشي دخلي ليييه لبيتووو تبقشي فيييه اشفاااارة تسحابي راسك مطوووورة ولكن راك غاااالطة بااااح دكشي علاش كتقلبييي مكااااينش و عمرو يكووون و عمركم تشوووفوووه اتريكا الشفرة ..
دازت فيهم بزوج و برغمت حداهم باش يبعدو من البيت و مشات .. لقات لبنية كتبكي و ناضت غسلات حالتها و مسحات ثديها و بدلات حوايجها عاد جلسات هازة نور الهدى كترضع فيها و ساهية في اللا شيء
حطات كاس ديال الما بنترة و هي كتجمع فشعرها لي كان مزال شاد الريزو و كتدوز يديها على القمشات لي فيها و كتزييييد غييير تحقد على الغااااالية و تحلف علييييها متبقا فيها ..
طامو: و بردييي ابنتي ماشي قالت ليك هاكا و غتشدي فخاطرك و تمرضي فصحتك خليها دبا حتا تهد و ترجع كيف كانت راااه كدير هادشي غير باش يتبعها خالييد و يسمح فميمتو
نبيلة: نقصااات مني و رجعاتنا شفارة الله ينعل **** لي حطها .. بغااات تحكم فييينااا و ديييرنا تحت الصباااط .. والله لا كانت ليها و انا غنتغذا بيهااا قبل لا تعشا بيااا و ترضني شوووهة مراة اخرى
طامو: تي ااااش بغيتي دييري و نتي من الصباح و نتي الدبقي فمك ما سكت .. اش ناوية ديري ليها
نبيلة بضحكة كلها خبث و كتخوف ..المهم من بعد و نثوب اما دبا حتا نخرج ليها عقلها و ترجع طلب فيا نحن فيها
صوت صراخ الطفلة كان كاسر داك الصمت لي مخيم على الدار .. غواتها مخنووق و كتنيين مرة مرة .. هزاها الغالية بين يديها كتراري بيها و تبكي معاها مخلوعة .. عمرها وقع ليها هاكا !! كانت ديما طفلة مهدنة و مافيها غوااات .. شنو السبب لي خلاها تبكي بهاد الحرقة و تنيين بالم مخفي وراء دموعها .. طفلة بريئة عاد خرجات للدنيا ما عارفة فيها والو و مزال ماشافت فيها والو .. مزال ملائكة ..
– شششت كبيدتي طيبتي عويناتك الحبيبة ديالي يا نوور عينية ..
نفخات من مناخرها بغات تبكي حتا هي شادة راسها غير بزز معرفات شنو ديير ليها باش تسكت .. االحليييب و رضعااتها .. تبدااال و بدلات ليها .. منقياها و ملبساها و مشبعاها .. شنو لي مخليها كتبكي هاكا؟ .. علاش مبغاتش تسكت؟ .. شنو ديير ليها باش تهدن و تغمض عيينها .. طاحت دمعة من عينها و هي كتقلب فيها واش طالعة ليها السخانة ولا مريضة .. ملقات فيها والو و زااادت تخوفااات .. بدات تراري بيها من جديد على الله تسكت ولكن بدون جدوى
– نيني يا مومو .. تا يطيب عشانا هئ هئ .. مال بنتي اش ضارها هئهئ .. شنووو بييك احبيبتي هئ هئ .. ياااربي تحفضها ليا ياااربي
حازتها لصدرها كتمشي و تجي بيها .. ملي مبغاتش تسكت قربات ل خالد لي كان مجبد فوق السرير ماجايب للدنيا خباار
– خالييييد نوووض نديو البنت للصبيطار نووض راه معرفت مالها .. خاليييد نوض ..
خالد بعينين مغمضين: سيري تركدي خليني نعس واااه مبقا حد يرتاح معاكم
الغالية: و تنننننعس متنووووض ان شاء الله .. بغيت ليييك غبااارة تغبرك علياااا .. واش بنتك مرييضة و نتا كتشخر مكتحسش بييييها
ناض لايح الغطا عليه و شاف فيها مخنزر: هاني نضت دبا اش غندييير ليها .. اش غنعرف ليييها ياله واش انا طبيييب
الغالية: ياله نديوها للسبيطار راه البنت معرفت مالها النهار كامل و هي تغوت و زادت حتا الليل
خالد: تي فييين غتدييها فهاد الليل و شكووون غيوصلك كااع الى بغيتي تمشي راااه مكاين طاكسيات ولا كيران
حدرات راسها على بنتها كتبكي و تراري بيها و خلاتو هو رجع جلس فوق السرير مقابلهم .. هزات تلفونها من فوق الكوافوزة و صونات على مها..
الغالية: معرفت شنوو ندير ليها هءهءهء مبغاتش تسكت و عينيها حمارو و تنفخو و راسها تقييل عليها كتحرك غير بزز هئهئ
رابحة: ياربي السلامة .. الله يلطف و ربي يحفضها .. ديري ليها شوية القطران حدا قدمها و ماسيه ليها بالشوية و بخريها لا تكون عندها شي حاجة حتال غذا و نجي عندك
دكشي لي دارت الغالية خايفة على بنتها و كتقفقف .. بايتة الليل كامل سهرانا معاها .. و غير طلع الصباح ناضت مفزوعة لبسات جلابة و لاحت عليها فولار على راسها مليوحين اطرافو من الجناب على ضهرها و لبسات صباط و خرجات لقات مها عند الباب جاية حتا هي مخلوعة .. جراتها مها داتها عند شي مراة كتعرفها و شدات من عندها البنية كتقلب فيها و تراري بيها بزز باش غمضات عينها
رابحة: غنمشيو عند الدواية ( مراة كدير دواء طبيعي بالاعشاء للاطفال الصغار) نشوفوها اش غتقول لينا عاد نمشيو للسبيطار
حركات الغالية راسها تابعة مها و عقلها مبلوكي كتشوف غير فبنتها و حالتها المريضة .. وصلو عند المراة لي كانت جالسو فوسط الدار .. ضايرين بيها مبيخرات فيهم عود لقماري عاطيين ريحة زكية فالدار و هي جالسة فوق الطليق و جنبها حاطة صنيديقة فيها مستلزماتها ..
سلمات عليها رابحة باينة معرفة قديمة غير من كلامهم و جلسو قدامها كيعاودو ليها على البنية و مالها .. شداتها من بين يدين الغالية و حطاتها على حجرها كتدوز يدها على راسها و صدرها بحركات خفاف .. حيدات ليها ملابسها الفوقانيين و هزات قريعة صغيرة من صنيدقتها .. دهنات يديها منها و بدات كتماصي ليها فصدرها بحركات دائرية و طلوعا و نزولا مع كرشها .. بقات هكاك لبعض الوقت حتا تهدنات نور الهدى و بدات كتسكت من التنخصيص .. رجعات لبساتها حويجاتها و هزات كاس ديال الما كتقرا عليه فالقرآن و ترقيه ليها و عطاتو ليها كتشرب فيها بشوية و البنت لاوية في يديها .. بنت تلات اشهر كيف غتكون صحتها .. اكيد على قد الحاال و عااد بدات كتشد فراسها .. قرات عليها الدواية القرآن و مداتها لرابحة و هي كتشوف في البنت بنضرة غريييبة و طوييلة .. هزات عينيها في الغالية لي مراقباها اش غتقول بقارغ الصبر و قلبها كيخفق بسرعة جنونية .. غمضات عينيها و حلاتهم و شافت فيها بملامح ممحية
– الى بقات من هنا للغذا جيبيها ليا تاني..
خرجو من عندها ديريكت للمحطة ركبوو و وجهتهم للمدينة .. و رابحة دايرة تلفون في ودنها كتهضر مع ختها .. علماتها ب مجيتهم للسبيطار و نعتات ليها اينا واحد غاديين ليه عاد قطعات معاها
علماتها ب مجيتهم للسبيطار و نعتات ليها اينا واحد غاديين ليه عاد قطعات ملي بانت ليها الغالية نزلات و مشات شدات طاكسي صغير عاد تبعاتها و مشات للمستشفى..
جالسين بتوتر شي كيشوف فشي و الصمت مخيم عليهم .. خديجة جالسة حدا رابحة كيهضرو و تستفسر منها المشكل و الغالية جنبها جنات معنقاها كتسكت فيها من البكاء
-علاش تعطلوو عليا شنو غيكون واقع .. مال بنتي
اش عندها ياك ما شي حاجة خطيرة هئهئ ياربي تحفضها ليا ياربي تشوف من حالها هئهئ
جنات: ششششت براكة من البكا .. نور غتخرج منها سااالمة ان شاء الله ربي غيوقف معاها معندك مناش تخافي وسعي خاطرك و دعي معاها
الغالية: قلبي مقبووووط عليا اجنات هئهئ كنحس بشي حاجة واقعة ياربي تلطف بينا يارب
سكتات جنات معرفات ما تقول و باش تهدنها .. هي براسها ملي شافت نور الهدى تخلعات عليها .. حيت ماشي هاكا شافتها نهار الاول .. و داك الغوات ماشي طبيعي .. عضات على شفايفها كتفكر و الخلعة قلبات ليها كرشها .. تكات الغالية على صدرها كتهدن فيها و خلاتها كتنخصص و دموعها دايزين..
رابحة: دكشي لي بان ليا .. حتا من الدواية هدشي فاش شكات .. و حتا البنت مبقاتش سكتاات من الغوات و راسها تقسم ليها شفتييه قداش ولا خلعني
خديجة: الله يلطف و يجفضها من عندو .. شكون زعمة يكون عندو داك الحرام .. و شكون هذا لي غيشوف طفلة قدها متبكي و يخليه
رابحة: ياودي راك معارفة والو اختي خديجة راهم لفعات سامات واخة يشوفوك كتموتي قدامهم والله ما يعاونوك ولا يحنو فيك .. شوفي البنت النهار كامل و الليل كلو و هي تبكي مكاينش لي حشاها ليها ولا جا يشوف مالها ..
خديجة: ربي يشوف من حالها و يشافيها ..
بقاو هكاك كيتسناو حتا خرج الطبيب كيشوف فيهم و قربات ليه الغالية
– شنو عندها .. ياك ماشي شي حاجة خطيرة
د: راه درنا ليها التحاليل و الفحوصات اللازمة .. دبا منقدر نقول والو حتا نشوف كلشي و نشخص حالتها .. دبا تقدرو تشوفوها …
دخلو عندها كاملين كيبوسو فيها و مراقبينها و رابحة و ختها كيتغامزو و يشوفو فيها كيهضرو غير بالاشارات .. حتا جات الطبيبة خرجات كلشي و خلات غير الام باش ترضع بنتها و تقابلها الى احتاجت شي حاجة
بقاات معاها النهار كامل و التلفون مبغاش يسكت ولا يحبس حتا طلع لييها الدم و هي تخرج عند مها عطاتها التلفون مخنزرة كتشالي بيه
هضرات رابحة مع خالد و عطاتو اسم السبيطار فين كانو و رجعات جلسات معاهم شوية .. من بعد ناضت كل من رابحة و خديجة و جنات مشاو للدار و بقات الغالية مع بنتها مقابلاها و ناعسة حداها ممفارقاهاش .. جا خالد طل على البنية و شافها كيف ولات و رجع خرج .. شدات ليها الغالية في يديها و اصبعها بين يدين نور الهدى لي كانت ناعسة .. تكات مغمضة عينيها من العياء و السهر لي سهرات اليوم و حطات راسها فجنب البياص فين ناعسة نور الهدى ..
بدات العشية كطيح و فاقت الغالية حاطة يدها على حنكها و عينيها معلقين فبنتها .. حكات جهة صدرها لي كتحس بيه مقبوط عليها و بقات مقابلة نور الهدى .. تم داخل خالد هاز بعض الاكل للغالية ف معلبات و حطو فوق الطبلة .. قرب من نور الهدى داعب حنكها باصبعه و ابتسامة على شفايفو .. شوية رجع حرك صباعو على حنكها كامل و تلغات ديك الابتسامة .. حط صبعو كيقيس ليها النبض و يديه كيترعدو .. هز عينيه في الغالية لي كتشوف فبنتها بحسرة و عينيها حمرين بالسهيير و رجع كيشوف ف بنتو .. هز يدها الصغيرة كيقيس نبضها و طلقها فالهواء حتا طاحت جنبها .. شاف فمها لي كان مايل للزروقية و دوز يدو على وجهو مسحو و شاف في الغالية لي رضات ليه البال و هزات فيه عينيها باستغراب .. وقفات مقربة من بنتها و نطقات بصوت مرتجف
– شش..شنووو ك.كاين
خالد بحسرة و عينيه غرغرو حابس عقدة فحلقو قاجاه: انا لله و انا اليه راجعون .. بلاصتها فالجنة ..
هزات فيه الغالية راسها بحال الى مسمعاتش و هي كتنفس على راسها من الفولار لي دايرا .. حطات يديها على صدرها و فمها نشف ليها كتر من حلقها
– ك..كككيفاش .. ش.شش.شنو كتقول
خالد قرب شد ليها ف يدها و نطق بحسرة: قضاء الله و ما شاء فعل .. ربي بغاها و داها .. يعوضنا ربي ان شاء الله
نترات يديها من يديها و قربات من البياص بيدين مرتجفات و رجليها مهازينهاش .. قربات يديها كيترعدو عليها حركات البنت من كتفها و متحركاتش و هزاتها بين يديها كتراري بيها و تمخششها فصدرها .. خلاها خالد على راحتها و خرج برا كيحيح على الاطباء و يغوت عليهم .. كيفاش البنت شابعة موت و هوما مسايقين خبااار !!! معاطينش اهمية لصحة المرضى كل واحد مقابل غير راسي يا راسي .. اما واحد اخر يضبر راسو و يفك وحايلو لراسو .. لي بغا طبيب يمشي بمستشفى خاص احسن ليه من داك التكرفيص ..
تقدم معاه طبيب من تما يتأكد من الامر و دخل للشومبر فين كانت .. لقاها مزال هزاها كتراري بيها و تغني ليها كيف شي حمقة و هو يقرب ليها ب هدوء كيتحاور معاها .. قرب حيد ليها البنت و هي عينيها معلقين عليها و نطقات بترجي نافية كلام خالد
– هي بخير ياك .. غير ناعسة و غتفيق من هنا شوية باش نمشيو بحالنا .. غير كتفشش على ماماها باش تختابر حبها ليها ياك .. هي غتفيييق ياك .. دويييي معايا عفاااااك غتفييييييييق ياااااااك هي غتفييييييق دوييييي معايااااا
دكتور: الله يرزقكم الصبر .. الله يرحمها و يعوضكم خيير ان شاء الله
دخلو كلماتو كيف الخناجر لقلب الغالية .. خلاو قلبها كيدق بسرعة باغي يخرج من بلاصتو .. و عينيها خارجين بدموع ماليين وجهها .. فمها ناشف و وجهها مافيهش حس نقطة ديال الدم .. على اتر كلماتو تغمضو عينيها و جات مسطحة فوق الارض فاقدة الوعي ديالها و غايبة على العالم الخارجي سارحة فعالمها الخااص ..
صوت الطلبة كيقراو في القرآن مسموع ف انحاء المنزل .. الناس شي داخلة و شي خارجة كتعزي .. الصالونات عامرين كاملين بالعزايا و الخيمة لتحت حتا هي .. جالسة رابحة وسط لعيالات عينيها طايبين بالدموع و نيفها احمر بكترة البكاء .. مسحات دموعها بطرف الفولار لي دايرا على راسها و عيطات على جنات لي كانت كتسخر على الناس و تقدم ف اتاي و قايمة بالواجب … جات عندها جنات كتر منها حابسة راسها غير بزز .. عينيها منفوخين و حمرين و نيفها حمر بلا فمها لي كيترعد بكل شهقة كتخرج منها .. كتمسح كل مرة نيوفها بمنديل ورقي و تكمل شغلها معاونة مالين الدار … شاف ف خالتها لي وقفات عند و نطقات بصوت باح بالبكاء
– نعام اخالتي ياك لباس
رابحة: سيري ابنتي طلي على الغالية شوفيها واش فاقت ولا مزال تخرج عند الناس
نطقات جنات باعتراض و هي كتحرك راسها بنفي: لا غير خليها راك شفتي حالتها كيف دايرا .. تقدر تفقد تاني اعصابها و توقع ليها شي حاجة خليها حتا تفيق بوحدها راه مزال مأتر عليها الدوا لي كيدقو ليها ..
رابحة: حااسة بيهل هئ هئ راه كبدتها تشوااات فيها مسكينة هئ هئ مزال بنيتها عاد قالت باسم الله و ها هي مشات عند الله مزال حتا ما شبعات منها اهئ هئ .. الى كانت من عند الله مرحبا بيها و الى جات من عند العبد منسمحو ليييه اهئ هئ .. بنتي مسكينة قلبها محروووق على بنتها .. ماحاس بيها غير الله اهئ هئ
جنات بدموع كيتساقطو من عينيها: نعلي الشيطان اخالتي و سكتي من البكا .. راه نتي لي خاص توقفي معاها فهاد المحنة و تعاونيها تجاوزها ماشي تزيدي تكفسيها عليها .. حنا كلنا مزال مقهورين على نور الهدى الله يرحمها ولكن ما فجهدنا مانديرو هئ هئ بغاها الله و داها ..بلاصتها بالجنة .. ما عرفتي الخير فين كاين ا خالتي .. نطلبو من الله يشوف من حال الغالية و توقف على رجليها و تجاوز هاد المحنة
حنات رابحة راسها و رجعات جلسات مع العيالات .. بينما جنات حطات الصينية من يدها و مشات لبيت فين كانت الغالية .. فتحات الباب و شافت فيها عاطية بضهرها للباب و عينيها مغمضاهم .. قربات ليها بحزن كتشوف فيها طايحة فالفراش و المهدئ داير خدمتو .. جلسات جنبها كتحرك يدها على شعرها و رجعاا بيها الداكرة لنهار ساقة الخبار للواقعة ..
حلات عينيها الغالية بتتاقل كتشوف ف ارجاء المكان .. دورات وجهها كتشوف فحيوط البيت بيضين و هي فوق البياص معلقين ليها السيروم .. تنفضات من بلاصتها ملي طاحت ليها بنتها في بالها و نترات داك السيروم بتنخصيصة و دموع على خدها .. شهقااات بالجهد و هي خارجة قلبها غيسكت من الخفقان متاجعة جهة الشومبر فين كانت بنتها .. شهقاتها غاديين و كيتزادو و هي كتمشا حفيانة ف ممرات المستشفى .. من ما دازت كيتبعوها الناس بانصارهم لي كلها شفقة و حزن .. غير شافت العائلة عند الشومبر كيبكيو و هي طييح على وقفتها كتشهق بالجهد و تضرب فصدرها و غواتهة ولا مجهد و دموعها كيتسابقو على خدودها
– بنتيييييييي هءهءهء و بغييييت نوووووور بنتيييي هءهءههءهء و جيبوليييي كبيدتي نشوفهاااا هءهءهء و بغيت نبوسها و نضحك معاهااااا هءهء و بغيييت نفيييق كل نهار من وسط نعااااسي على غواااتها هءهءهءهء .. بغيييت نفييييق على وجهها و نعس على وجههااااا هءهءهء
طاحت كتبكي و تغوت لربي لي خلقها بقهرة و حرقة من جخة بنتها .. مقادراش تيتوعب غياب بنتها من حياتها .. بين ليلة و نهار مغتبقاس تشوفها ولا تبوسها و لا ترضعها و تطعمها من حليبها .. كتبكي و تضرب فصدرها و جنات معنقاها كتسكت فيها و هي غير مزايدة فيه .. حتا واحد ما قدر يقرب ليها و لا يسكتها حيت حاسين بكيتها .. مخليها كتخبط فجنابها و صدرها و شهقاتها مسموعين بالجهد ..طاحت كتركل و ترعد ليهم فالارض بهيستيرية و جاو الاطباء دقو ليها برا مهدئة خلتها ترخا و يتغمضو عينيها تدريجيا مع اختفاء صوت شهقاتها
لبسات جلابتها و خشات سبرديلة في رجلها مع شال لاحتو على راسها و خرجات هازة الجلابة من القدام .. لقات مها و خالتها جالسين وسط الدار من بعد ما خوات من العزايا .. دازت من حداهم و نطقات و هي غادية
– هانا غادية نجيب دكشي لي قالت ليا الغالية .. على الله ميتعكسوش ليا
خديجة: الله يرضي عليك ابنتي سيري جيبي ليها شغلها و متجبدي صداع الله يحفضك
رابحة: هاكي الساروت ديال الدار و البيت راه بقاو عندي داك النهار
شداتهم من عندها و خرجات مشات على رجليها مغطية وجهها من ااشمس بالفولار حتا وصلات للدار .. جبدات الساروت فتحات الباب و دخلات كتخطوي فالدروج طالعة للفوق .. دورات راسها مابان ليها حتا واحد و مشات لبيت الغالية لي عقلات عليه من اخر مرة كانت عندها .. فتحاتو و دخلات .. حطات لي فاليز و جمعات ليها حوايجها كاملين هوما و جمييع اشيائها مخلات تما واااالو .. سداتها و وقفاتها بغات تخرجها و هي تسمع صوت طامو هي و نبيلة داخلين للدار و كيهضرو مع بعضهم .. خلات لفالييز و قربات من الباب كتسترق السمع عليهم و شيئا فشيئا عينيها كيوساعو و وجهها كيمشي منو اللون .. حطات يدها على صدرها لي حسات بيه بغا يخرج من بلاصتو و يديها عراقو .. مسحات على وجهها و بعدات على الباب كتقفقف ..
نبيلة: اويييليي امييي واش هبلتييي هترتييي اش هدشي كتقووولي
طامو: و دبا غير صارحيني انبيلة الله يرضي عليك واش درتي ليها شي حاجة
بدات تبكي نبيلة و تحلف و تعطي لقلبها: والله امي ما درت شي حاجة هءهءهء راها بنت خوووويا و كانت عزيزة عليا الله يرحمها هءهءهء حشومة عليك تشكي فيا ندير ليها شي حاجة
طامو: و راك نتييي لي تحلفتي عليها ديك المرة راه كلشيييي غيشك فيك غير نتي درتي ليهم شي حاجة .. اححح على نورة مسكينة مشات و هي مزال عاد تربية قلبي ضارني عليها مسكينة .. خالييد ولدي مقسح من جيهتها مسكين واخة ممبينش .. اما الغالية مشيت طليت عليها هاد الصباح باقة شادة لفراش مكتنوضش و مكتهضر مع حتا واحد غير ساهطة و ساهية
نبيلة: بغيت نمشي عندها و ما قديت هءهء خفت يكونو شاكيين فيا و هوما كيقولو لبنت كان مقسوم ليها الراس هءهء .. عنداك غير يكون دكشي لي درت ل مصطفى (راجلها) هو لي ضرها و دار ليها هكاك
طامو: و ياك دكشي دايراه فالسطح و لاخر في صدرك مكاين فين تشوفو
نبيلة: راه غتكون شماتو ولا شي حاجة .. ياربي تحفض .. خاصني نحيد دكشي من تما قبل لا يجيو و يشوفوه و يسحابوه مطري ليهم
طامو: سيري بدلي حوايجك بعدا .. فين كنتي من الصباح عاد جيتي
نبيلة: مشيت عند داك شيبة العاصية دكشي لي عطاني ما قدا والو غير خرج على البنت بلا فايدة ياربي تستر ..
مبقاتش سمعاتهم شنو كيقولو بقوة الصدمة لي تصدمات تقالو عليها رجليها .. جلسات على السرير مخرجة عينيها و فمها كيترعد هو و يديها .. جمعات شجاعتها و ناضت طلات من لباب ما بان ليها حتا واحد و هي تخرج بخطوات بطيئة بلاما دير الصداع .. طلعات مع الدروج لي كيديو للسطح و بدات كضور فالسطح و تقلب .. حتا بان ليها صندوق مكفي على وجهو .. قربات ليه هزاتو طلات تحتو و هي تردو بسرعة مغمضة عينيها و كتقرا فالقرآن و تذكر الله .. بعدات كتجري من تما و هي كتذكر الله و تستغفرو و هي تخرج ف نبيلة طالعة فبيجامة بالسروال معصووور فيها خيرها و الشعر مخلياه عريان سفنجة .. شافت فيها جنات و ركبوها جنووونها ولات كتشوف فيها غير الظلااام و السبب في موت بنت ختها الغالية .. قفضات الجلابة خشاتها فالشورط لب لابسة لتحت باش متعطلهاش و طارت عليها نزلاتها لتحت تنتف و تركل و تعض و تضرب بغات تشفي غليييلها فيها .. غواتهم مسموووع نبيلة كتغوت باغة تفك و تشد فيها حتا هي و جنااات ممخلياش ليها فين تحلحل غلبااات عليها و دارتها تحتها .. مكاين غير الكلام تحت الصمطة و المعيوووور .. كتعضها حتا كتهز سنانها بدمهم و دفارها رسمو خريطة فوجه و عنق نبيلة اما الركالي لي كانت كتاخد بلاما نهضرو عليهم .. مخلات فيها غير لي نسات .. بردات فيها غذايدها .. و ناضت خلاتها مليوحة تما كتشهق و تغوت .. تمات نازلة فالدروج كتجري و هي تلاقا مع طامو .. دفعتها من قدامها و دخلات لبيت الغالية بغات تجر الفالييز و هي توقف عليها طامو بغات تنترها ليها تحيدها ليها
– فين غادية بديك الصاك حطي لهنا ديال ولدي
جنات: غتحيدي من قدامي مزيان مغتحيدييش غنصدق داخلة على اصلكم للحبس و هاااانية
طامو: ايوا الله يعطيييك معامن تدخلي ليييه يا بنت الحرااام تريكة وحدة الله يقطع ليكم الجدررر .. حطي الصاك د ولدي دكشي جاااايبو ولدي ماشي ديالكم
جنات بعصبية: المريييوة د ولدك جايب ليها **** حيدييي من قدامي يا رباعت السحاااارة الله ياخد فييييكم الحق بغييييت ربي يرزيكم فصحتكم يالكفرة بالله لهلااااا يسهل عليكم ياربي بغيييتكم ديما اللوووور اللور يا تريكة ااسحاريييين .. قتاااالييييين قتلتوووو روووح و جالسين بدم بااارد .. هادي هي قتل الميت و سيير ف جنازتو هي ديالكم نتوما محشمتوش لعنة الله عليكم بغيت ربي ياخد فيكم الحق .. حسبي الله و نعمة الوكييييل ف لي كان حيلة و
سباااااب الله ياخد فييييكم الحق تفوووو
دفعاتها و تمات نازلة و هي تتبعها طامو و بنتها لي كانت جاية نازلة شعرها طالع للسما و وجهها كلو مخبووش بضفار جنات .. شداتها نبيلة من يدها بغات تحيد ليها الفاليز و هي تنتر منها جنات نازلة و شادة في الحايط خايفاة منهم يدفعوها .. ما كملات دوك الدروج حتا غفر ليها الله الذنوووب و تمات جراها بغات تخرج .. حسات بشعرها تجر للوراء من طرف نبيلة و طامو طيرات ليها الفاليز من يدها .. غوتات و لاحت يدها على طامو جراتها حتا هي من شعرها و ناض لغوات شي كيغوت على شي .. و شي بغا يتفك من شي .. الحاصووول رونوها بيناتهم .. جنات كضرب ب يديها و رجليها و نبيلة ما حيلتها لجنات ولا مها لي على اخر يامها ولات منتوفة .. طلقاات منها نبيلة و مشات لمها لي كلات دقة من جنات خلاتها ترخى و تبغي طييح و ناضت جنات بالجري جرات الفالبز ممفاكاش حلات لباب و بدات تغوت كتسمع للنااااس
– و سمعوووو العياااالاااات و شهدووووو ا
بالحق .. جيييت نااااخد حواااايج ختييي و تحامااااو عليا الكافراااات السحااارات بغاو يقتلونييي بناااات لحرااام بغيت ربي يلاااقييييها ليهم ليوم قبل غذاااا .. بغيت ربي يبين فيييكم العلاااامة يالمجريييمات .. ربييي يخلصكم .. الله يتبعكم لبلاااا يالخااانزاااات المطووووطاااات يا وجه الحببببببس
مكملاتش كلامها خرجات ليها نبيلة جامعة شعرها بزيف حياتي و لابس صابو في رجلها .. بداو تاني مني منك و وحدة ما تفرقات على لخراااا لصقة ف بعضهم كي التويميات كيضاربو و يتراكلو .. ما حسو براسهم حتا سمعو صوت طموبيلت البوليس و هوما وسطهم كيفرقو فيييهم بزز .. ركبوهم بزوج فاللوطو و زادو بيهم للدائرة عاد يشوفو شنو مشكلتهم .. جلسات جنات على راحتها تفول الكوميسارية د باها مريحة و دمها بارد و هي كتلعب بالسنسلة لي ف عنقها
جلسات جنات على راحتها تفول الكوميسارية د باها مريحة و دمها بارد و هي كتلعب بالسنسلة لي ف عنقها اما نبيلة سنانها ولاو يتقرقبو و هي راكباها الخلعة و التقفقيفة و هي كتشوف ف جوانبها و في جنات مبردة و هي تخرج فيها عينيها
– نتي لي وحلتينا هنااا ايوا شوفي كي ديري تخرجينا
جنات: بغيتي تقصدي نشوووف كي ندير نخرج راسي اما نتي مكرهت يعطيييوك المأبد ان شاء الله
نبيلة: يعطيوها ليك نتي لي ما عندك لا حمد لا محمد اما انا راه ب ولادي و راجلي كيتسناوني
جنات بسخرية: راجلك لي شداه بالسحوور ههه هذاك بلاما تقولي عليه راجلك راه مسكين قادي عليه غير السحورات .. غا يتفسخووو و ميبقا يشووووف فيك لسبيل الله
نبيلة: لهلاااا يحيييك و بزاااف عليييك يا البايرة يا العوووورة ما تشوفي حتا مسكدة و باغة تلاحضي معايا انا و ديري بلاصتك معايا
جنات: باقة تحلي عليا درقوشك والله حتا نوووض نكمل على اصل مك واخة نعرف ندخل عليك للحبس . راه ما عندي لا تالي و لا والي .. ندخل شهر ولا شهرين و نتي تبقاي معوجة العمر كامل و فوووووتي سااااحتي قبل لا تجبديييي عليييك النحل والله حتا نخررررج عليييك الى ما غرقت مك هنااا راه ما ولدات غيا خدييييجة غير لخلاااا
وسط غواتهم جا جدارمي خرجهم بزوجات داهم لمكتب لاجودان .. دخلو وحدة تخنزر بالاخرى شافو ف لاجودان لقاوه كتااااار منهم هااااز شوكتووو
لاجودان: ماااالكم مصدعيييينا ياك لبااااس .. غييير لي حفااات ليييه الجرية ينووض يجببببد الصداااع و يبدا يتناتف
طيحات نبيلة الدموع و بدات تشهق و تحلف: والله اشاااف مادرت انا شي حاااجة .. راه هي لي جااات هجماات علييينا فداااارنا و بدات تضرب فيا هانتا كتشوف حالتي
جنات: لعنة الله عليييك يالمشعوييييدة السحاااارة بغيييت ليك طياااارة طيييرك ابنت لحرااام
قاطعها لاجودان و خبط فوق البيرو: حتااارمي راااسك و زمييي فمك تسحااابي راسك فالسويييقة ولااا
جنات: شووووف اشاااف .. انا مشيييت لدااار ختي نجييب ليها حواااايجها و ناضو هوما تهجموو علياا بغاو يحيدو ليا الحواايج و
قاطعها تاني: و تجييي ختك لدااارها تهزهم بوووحدها اش داك نتي عندهم
جنات: ختيييي مرييييضة و شادة لفرااااش بنتهااا عاااد مااتت بسبااااااب هااااد المجريييييمة السحاااارة هييي لي قتلاتها بغيييت ربي ياخد فيها الحق
نبييلة: لعنداااك اشاف انا والله ما درت شي حاجة راااه غيير كتكذب علياااا و بغاات تطيح عليا البااااطل
لاجودان: سكتييي نتي “شاف ف جناات” وااش عارفة راسك شنو كتقولي راه هدشي ماشي اللعب
جنات: عااااارفة و فاااهمة و متيقنة من شنو كنقووول .. هادي دااارت السحوووور لختي و بنتها لي فعمرها 3 شهوووور .. قتلات لييها بنتها اشااف و هي عاد والداها …
بدات تعاود و تنخصص و تشهق .. غرقاااات لنبيلة الضوااااسا بالمعقوول .. دخلات الضرب و الشتم و المعيووور و السحوور و لي جااا على لسانها مرحبااا بيييه ما خلات ما قالت ليهم حتا عمر المحضر … خلات نبيلة غير كتشووف و تحلف و تبكي معارفة ماديير و خااايفة كترعد .. اما لالة جنااات مبااااردة و واخدة راحتها في تعاويييد .. من بعد ما هضر مع كل وحدة .. عطاهم يعيطو على شي واحد يجي عندهم .. نبيبة عيطات لمهاا و جنات لسيف الدين لي يقدر يعاونها
رجعوهم يتكلاصاو شوية حتا جاو سيف الدين و طامو بزوج .. دخل سيف الدين سول على شنو واقع و عرف المشكل فين كاين و مشا الجدارمي خرج نبيلة و جنات داهم حتال السطافيط هزوهم و مشاو ديريكت لدار طامو .. هاد الاخيرة لي كانت كتقفقف بالخلعة .. وصلو لقدام الباب و يااا صدمتاااه !! لقاو مصطفى راجل نبيلة عند الباب كيدق عليهم حتا بانو ليه نازلين من الصطافيط و تابعهم سيف الدين ف طموبيلتو .. حلو الباب و دخلو الجدارمية و جنات قدامهم كتنعت ليهم فين كاين داكشي و مصطفى تابعهم من اللور كيستفسر على شنو واقع و نبيلة عينيها تنفخو بالبكا و الخلعة طيحات منها النص
طلعات جنات قدامهم و مشات ديريكت لبلاصة المعلومة حتا كتنداهش من شنو كتشوووف .. فيين دكشي لي كان هنا؟ .. يااك عاد شوية دبا لقيتو مغطي بالصندوق؟ .. يكونو غبروووه بنات لحرااام؟ فييين داروووه؟ .. صافي مبقاااا ليا دليييل على كلااامي؟ .. اوييييلي على غدااايدي والله مامفاكة ..
دورات راسها ليهم كتنعت فالبلاصة و هوما كيشوفو مكاين والو
جنات: والله اشاااف حتا كااااان هناااا .. شفتوووو بعينية لي غياكلهم الدوووود .. والله ا سيف الدييين حتا لقييييتو ياك كتيييق فيا والله ما كنكذب ‘ شاف ف طامو’ نتيييي لي حيدتيييه ياااك نتي لي غبرتيييه باش حتا واحد ما يشوووفو الكااافرة .. ماحشمتيييش بقات لييييك خطوة للقبر و كديري فعايل بنات لحرااام بغيييت ربي ياخد فيييك الحقققق يا السحااااارة المشعودة “
.. ماحشمتيييش بقات لييييك خطوة للقبر و كديري فعايل بنات لحرااام بغيييت ربي ياخد فيييك الحقققق يا السحااااارة المشعودة ” تلفتات كتشوف ف مصطفى” شووف اسميتك راااه هدشي كااامل مديووور لييك و نور الهدى مسكينة تكدمات فيها هءهء والله حتا منقووول الحقيييقة تيقو بيا راه غييير خبعووو كلشي
عيااات تشرح و عيااات تبرر و تقووول شنو شااافت ولكن بلا فايدة .. مكاين حتا دليييل على كلامها شي لي معاونهاااش مع الجدرمية و خرجات خلص عليها خوها حتا خرجها و هي بغات ابخ الدم .. شادة الفولار في يديها كتمسح بيه وجهها و عنقها و يديها كيترعدو بالعصااب مبقاتش متحكمة فيهم .. لاحضها سيف الدين و هو يقرب ليها مخلووع كيهدن فيها و معنقها عندو
– ما وقع والو احبيبة غير تهدني و رخي اعصابك واخة؟ فين دوااك جبتيه معاك؟
جنات فمها كيترعد و يديها كيقفقفو: شششفتو بعيييني ا سيف والله ما كنكذب و سمعتهم بودنييي كيهضرو علييه ملي مشيت نجيب حوايج الغالية تييق بيا اسييف
سيف الدين: شششش عااارف كتقولي الحقيقة مي راه خاص دليل على كلامك .. انا تيقتك ولكن القانون كيبغي شي حاجة ملموسة و للاسف حنا وصلنا معطليين ملقينا والو
ياله بغات تهضر جنات و هي تفكر كلام نبيلة ما مها و بلي قالت ليها شي واحد دايراه فصدرها و لاخر فالسطح .. تلفتات كضور عينيها بلهفة حتا قشعاتها غاديا هي و راجلها و هي تعطي رجليها للريييح سااامحة في سيف الدين لي بقا تابعها .. بلا سلام ولا كلام تلاحت عليها كي الزلط كتجار هي و ياها و يدها على صدر نبيلة .. بقاو كيتغاوتو و يتجارو بيناتهم حتا خرجات جنات صريرة صغيرة من صدر نبيلة و هي تخرج فيها عينيها
– شنووو هذا ياااله غتنكرييييه حتا هوااااا .. صااايي راه كلشي تووووضح و كلشييي باااان يا السحااااارة “شافت ف مصطفى” هدشييييي كلوووو دارتو على قبلك و ناضت كتشرك بالله على قبل راجل “ضحكات باستهزاء” واخة يكووون هو لي غيفتح ليا بيبان الجنة والله ما ناخد سخط ربي عليييه .. هااا ربي بين فيييك العلااااامة و دبا عااااد غتشدي القنتة فدار مك و تيسعييي فيها مزياااانة و تييييسعي فيها علااااا راحتك و لكن متنسايش بلي عمرك غترتاحي و نتي عارفة بلي بسبابك و بسباب تهورك و جهلك قتلتي بنت مزال ملائكة مسكيينة مكتتعرف والو و ما عاشتش وقتها فالدنيا بما يكفي .. ولكن من ناحية ةخرى بلاصتها فالجنة و طير من طيور الجنة ..
رجعات للدار خاطرها مهني شوية المهم انها فضحاتها قدام راجلها واخة مشدوهاش البوليس غيتشتت ليها الشمل .. مشات عند الجارة لي خلات عندها الفاليز شداتها و رجعات بحالها مع سيف الدين لي غير وصلها و رجع فحالو .. دخلات عليهم وجهها حمر و عرقانة لي يشوفها يقول كانت كتجاهد .. دفعات الفاليز وسط الدار و مشات جلسات حداهم كتنفخ و تسووط .. شربات كاس ديال الما عاد بدات تعاود ليهم شنو جرا و عروق راسها منفوخين مكرهاتش كون ترجع تكمل عليها .. خلاتهم كيعاويرو و يدعيو فيهم و ناضت دخلات طلات على الغالية لقاتها ناعسة و حالتها تشفي العدوو .. تحسرات عليها ولكن ما عندها ما ديير ليها .. مكتاب الله كيتصرف .. هزات فوطتها و بيجامة و مشات دوشات حيدات عليها العرق ديال النهار عاد جات تكات حداها …
وسط البهو .. كانت خديجة حاطة براد ديال اتاي قدامها فوق الطبلة مع حلويات و مملحات و جالسة مع الجارة كيتعاودو بيناتهم .. خرجات الغالية من بيت جنات و لاحت ااسلام للمراة و مشات للكوزينة عمرات كاس ديال الما شربات و رجعات فحالها لقات جنات كتلبس حوايجها بغات تخرج .. شافت فيها بابتسامة و فرحة و نطقات
– كيف جاني!! هو لي شرييت لبارح
الغالية: زويين نتي اي حاجة لبستيها كتجي معاك
جنات: يخلييك لييلي العمر .. ياله تخرجي معايا راه غتلاقا غير مع شي بنات و من بعد نرجعك حتال الدار
الغالية: غير خرجي اختي بصحتك انا مافياش لي يخرج غير خليني
جنات: الغالية .. انا عارفاك مزال مقسحة من شنو وقع ليك ولكن ماديريش فراسك هاد الحالة .. راه عاااام احبيبة لي دااااز على دكشي .. حاولي تنسايه و تعايشي مع الوضع شوية .. عارفاك مزال مقسحة و بزاااف و حااااسة بيك احبيبة ولكن راه كتستمر الحياة ميمكنش تبقاو رابطة راسك بشي حاجة دازت عليها عااام .. راك شفتييه هو كيفاش كمل حياتو عادي و نزوج مرة اخرى و تلقايها دبا حاملة و لا بغات تولد كااع .. و نتي مزال سادة عليك فبييت و كتبكي و عينيك طابو .. حاولي على صحتك الغالية .. و راك عارفة بينك و بين الله .. نور الهدى بغاها الله و داها عندو و داك المكان لي هي فيه راه احسن من هنا و نتي غتمشي عندها احبيبة ملي يبغي ربي يعاود يلاقيكم .. امني بالله احبيبة و بالقدر خيره و شره .. حاولي تخرجي من هاد القوقعة لي دخلتي ليها و عيشي حياتك كيف ما مكتبها ليك الله ..
حاولي تخرجي من هاد القوقعة لي دخلتي ليها و عيشي حياتك كيف ما مكتبها ليك الله .. الحزن و البكاء مغيرجعش ليك بنتك لبين يديك .. بالعكس راه غير كتعذبيها هكاك احبيبة .. عارفاك متقدرييش تنسايها و عمرك غتنسايها و هي ساكنة ليك فقلبك و تفكيرك ولكن راه تقدري تعايشي مع الوضع الغالية .. المهم غنخليك دبا فكري في كلامي و عطي الراحة لراسك ” باستها فجبينها و الغالية دموعها دايزين” ما تنسايش انا غنبقا ديييما معاك راه غااالية وحدة لي عندي هي نتي و راك غالية على قلبي
باستها و هزات صكادو ديالها و خرجات كتلبس في الكونفيرس ديالها .. سلمات على مها و الجارة و خرجات من الدار ..
في البيت كيف ديما .. شادة تصاور نور الهدى لي كانت صوراتها و هي صغيرة .. كتبكي و تبوس فيهم .. كبدتها تشوات على بنتها و شحال خايبة تفقدي شي انسان عزيز و قريب لقلبك او ساكن فيه و كان هو محور حياتك .. هاكا وقع مع الغالية .. كانت كتشوف نور الهدى هي المحور ديال حياتها و هي النوور لي مضوي عليها حياتها و لكن في رمشة عين انطفئ داك النووور ليرجع ظلام فب ظلام فعينين الغالية .. مبقات كتاكل.. ما بقات كتشرب.. ما بقات كتخرج .. الى ما نوضوها ديير الحاجة مكديرهاااش .. واخة تطلقات من خالد .. واخة شتتات شمل نبيلة و طلقات و خلاتها جالسة فدار مها .. ولكن كيتها مزاال ما بغات تطفا و العافية مزال كتحرق فيها .. عاام كامل مقدرش يطفي العافية لي شعلات من جهة بنتها .. عاااام كامل ما هدنش الكره و الحقد لي حقدات على طليقها و عائلته .. واخة خالد مدار لا ب يديه ولا رجليه .. ولكن كتحملو هو اللومة على كلشي .. كون كان مهتم ب بنتو و باغي ليها الخيير كون عزل ليهم و بعدهم من دوك رباعت المشعويدين .. كون كان باغي زواجو يستمر كون تكلم مع مو و ختو يعطيوها التيساع .. كون و كوون و كوون .. و الهضرة مكاتساليييش
فكرات الغالية في كلام جنات و لي بان ليها كلو على حق .. هاد البنت لي وقفات معاها و سانداتها و دافعات عليها و عونااااتها حتا تفكات من خالد .. واخة باها وقف ضدها و سخط عليها الى طلقات ولكن كانت جنات واقفة في وجهو هي و رابحة و خديجة .. كلشيروقف معاها و كلشي ساندها و مخلاوهاش تحس بلي راها بوووحدها ..
بالعكس كانو ديما في جنبها و ديما الضهر الحامي ليها.. جابوها معاهم باش تنسا لي وقع و تأقلم مع وضعها و رغم ذلك بقات منعازلة .. ولكن حتال امتا؟ .. واخة تحزن العمر كامل مغترجعش ليها بنتها ..
مسحات دموعها و ناضت وقفات قدام المرايا كتشوف راسها غادية و كتدبل .. وجهها ولا صفر و تحت عينيها كوحل و فمها ناشف .. ضعااافت بزااف و صحتها غادية راجعة غير اللور .. حيدات الفولار لي كان على راسها و شافت شعرها الطويييل و الاسود كسوااد الليل .. دوزات يديها عليه كتشوفو خفاف ليها و المشطة مكدوز عليه حتا كتمشطو ليها غير جنات ..
جلسات على كرسي قدام المرايا و هزات المشطة كتمشط شعرها حتا فكاتو و جمعاتو .. وقفات حيدات ديك البيجامة لي كانت لابسة بدلاتها بوحدة بالوان مبهجة و صيفية و ناضت خرجات من البيت لقات خالتها في الكوزينة كتوجد فالكوطي و جارتها مشات فحالها .. رسمات ابتسامة على وجهها و دخلات عندها كتشوف فيها شنو كدير
الغالية: نعاونك اخالتي
شافت فيها خديجة و الفرحة بغات تخرج ليها من العينين شداتها معنقاها بجنب كتبوس ليها فراسها و قرباتها حداها تعاونها باش تنسا شوية
– ديري معايا يديك المرضية نكملو قبل ما يدخلو نحطو ليهم ما ياكلو
هزات الغالية شنو غتحتاج و بدات تخلط ف كيكة و تقاد فيها و هي مجمعة مع خالتها لي كتحاول طلقها معاها و تندامج معاهم .. كملو التوجاد و حولو كلشي فوق الطبلة و دخلات الغالية هزات فولارها رماتو على راسها قبل ما يدخل سيف الدين و سي حسن و رجعات جلسات مع خديجة كيتسناو حتا دخلو و بداو الاكل .. قبل ما يجمعو الطبلة دخلات جنات جلسات معاهم فرحانة ب الغالية لي شاركاتهم الهضرة
جنات: سييييف
هز فيها سيف الدين راسو بلاما يهضر و كملات هي كلامها: سمعت شي هضرة هه .. بصح غذا غتخرج مع حكيم و الدراري بيكنيك
سيف الدين: وي و مغتمشيش غير تهناي
جنات: و علاااش ياك غتمشي حتا كريمة مرت حكيم و بنتو علاااش لي منمشييش انا معاااكم .. والله حتا نمشي انا مليت من الدار و نتا مبقيتيش مديها فيا مبقيتي تخرجني
سيف الدين: بلاما تحلفي .. مغتمشييش هي مغتمشيييش ما فيا لي بقا تابع هباالك
جنات شافت فباها بترجي: و باااابا دوي معاه عفاااك والله ماندير شي حاجة و اصلا غتمشي معانا حتا الغالية نبقاو بزوجات
هزات الغالية راسها كتحركو بالنفي: ل..لا لا انا مغنمشيش غير سيرو نتوما انا غنبقا مع خالتي
حسن: ديهم معاك اسيف و حضي معاهم خليهم يبدلو الجو شوية
سيف الدين: على وجه الغالية اما كون جات علبك نتي والله ما تمشي
الغالية: لالالا انا غير عفيوني مافياش لي يمشي
سيف الدين: ايوا حتا هادي ما عندها فبن تمشي
جنات: و عفااااك الغالية ياله معانا والله حتا يعجبك الحااال غير على قبلي بليييز نبقاو غير جالسين و صافي عفااك
بقات كطلب و تزاوك فيها حتا وافقات بزز منها مبغاتش تحرم عليها حتا هي الخرجة و سايراتها ..
ناضت خديجة توجد العشا و دخلو هوما للبيت و جنات جابدة شراوطها كتقلب شنو تلبس .. هزات سروال جينز باهت شوية و فيه تقاطع فالركابي و قصير من لتحت و طالع من الفوق .. مع تيشرت قصير فوق السرة فالاسود و سبرديلة سوداء .. عاد مشات كتقلب للغالية شنو تلبس و جبدات ليها سروال جينز ازرق مغلوق مع شوميز فالغوز بيبي طويلة حتال ركابي و فيها الفتحات فالجناب مع سبرديلة بيضة و فولار ابيض .. حطات كلشي موجد و ناضت جمعات مع الغالية شوية حتا تحط العشاء تعشاو و كل واحد ناض ينعس في انتضار يوم جديد..
في الصباح وجدات الغالية سليلة جمعات فيها ما يتكال في البيكنيك مع قراعي ديال الما .. عاد مشات للبيت لقات جنات لبسات و كتمشط في شعرها
جنات: الغالية ضفري ليا شعري عفاك .. الى خليتو مطلوق غيبرزطني و الصهد هذا
الغالية: واخة دوري
مدات ليها شعرها الطويل و بدات تضفر ليها فيه حتال لتحت عاد ناضت حتا هي لبسات حوايجها و خرجو عند سيف الدين لي كان كيتسنا فيهم لتحت فطموبيل .. شدو طريقهم و جنات مسكتاتش من البلا بلا و الغنااا حتا نفخات ليهم راسهم .. عكس الغالية لي كانت متكية راسها على الزاج و كتصنط لعضامها .. وقفو قدام عمارة و نزل سيف الدين كيعيط فتلفون و جنات كتعوج في فمها معاجبها حال
الغالية: علاش وقفنا هنا
جنات: باينة غيدي معاه ديك عود السبسي تفووو مكتصرطش ليا واخة يغمسوها ليا فالعسل الحر
سكتات ملي رجع سيف الدين و معاه بنت تكون قد جنات في العمر .. بسروال اسود قصير من لتحت و تيشرت رمادي مع شعر مسبسب اشقر قصير عند كتافها .. فتحات البا اللور و ركبات جنب الغالية مسلمة عليها هي و جنات
نسمة: جنات لباس عليك
جنات: كنت لباس قبل ما نشوفك
سيف الدين: جناات
نسمة: غير خليها هه عارفاها عزيز عليها تضحك .. سيف معرفتيناش بالمادموزيل
سيف الدين: الغالية بنت خالتي .. و هادي نسمة صديقة ديالي
الغالية: مشرفين اختي
ابتسمات ليها نسمة و كملو طريقهم حتا وصلو لوجهتهم ..
غير وصلو .. نزلو كاملين كل واحد شنو هاز معاه و مشا كيقلبو على البقية فبن جالسين حتا بان ليهم حكييم واقف مجبد و طوييل كيبان من بعيد .. شير ليهم ب يدو و مشاو عندو لقاوه مفرش في الارض و معاه حتا كريمة و هداية بالاضافة الى رجل هو و زوجتو حتا هوما جالسين معاهم .. بدا التسلام و شي كيعنق فشي و شي كيبوس فشي حتا طابو ليهم لحناك عاد كل واحد شد بلاصتو مجمعين و كيضحكو بيناتهم ..
جلسات الغالية في جنب جنات لي كانت حدا هداية كتهضر معاها و جنبهم حكيم .. هاد الاخير لي فمو مكيتسدش و غير كيفرنس لي شافو يشد فيه و عاطيها للضحك و نشاط .. قرب جهة جنات كيوشوش معاها..
حكيم: دبا مبغيتيش تعرفينا على هاد القوقة لي جايبة معاك
جنات: فوت عليك البنت معندك ما تعرف فيها
حكيم: و هي بحال بنتي العمر راه مزال صغيرة نحسبها بحال هداية هههه
جنات: دبا مبغيتيش تحشم و تديها فراسك .. سير قابل مرتك و هنيني من صداعك اوه
حكيم: لا لا ديك الكوفرا ممعاها هضرة انا كتحلالي غيير مع التيتيز بحالك
جنات: دبا كتحرش بيا قداااام خويا محشمتييش
حكيم: الى قال شي حاجة نتزوجك هههههه والله حتا نتهلا فييك العمر غير ديري معايا شي حل هههه
جنات: و جييب ليا ستة من الحاااجة و شري ليا فيييلا كتبها ليا فالصداق و العرس نديروه فجزء المالديف و شهر العسل ندوزوه فف
قاطعها حكيم: ربطي ربطي شوية راه سرحاات بزاااف ” شاف في الغالية بتمعن” والله ما عرفت فين فايت ليا شايف هاد الطفلة
جنات: اوييلي معقلتييش عليها ههههه كنا تلاقينا فالسناك نهار ردات عليك ههههه تا بربي حتا النحس جا حتال عندك و عجبو الكرا خخخخ
حكيم: هاااكاااك قول السيدة عندي معاها سوابق ” شاف فيها” زيين متعرفيناش عليك زعمة
كانت الغالية حادرة راسها على التلفون .. غير سمعاتو هزات فيه راسها حتا شافتو مزيان و رجعات حدراتو بلا مبالاة .. شاف هو ف جنات و هز حاجبو فيها
حكيم: اييه هاد الطفيلة ديالك دافعة علينا كبيير ولا
جنات: تفرق عليها احكيم راها مريضة ما صدقنا خرجات معانا اليوم و خليها على راحتها راه معندهاش مع هاد الهضرة .. نووض شوف مرتك تقاشح نتا و ياها و فوت عليك البنت
هزات هداية فوق رجليها كيلعبو بزوجات و هي تشد ليها هداية فالضفرة كتشوف فيها باعجاب
هداية: زوينة ااضفرة ديالك قادي ليا بحالها عفاااك
جنات: نقاااادوها للكبيدة ديالي .. ولكن راه ماشي انا لي قاديتها .. سيري عند الغالية هي تضفر ليك قوليها ليها
ناضت هداية جهة الغالية بخطوات بطيئة و محتشمة و وقفات قدامها مترددة .. هزات الغالية راسها كتشوف شكون وقف قدامها و هي تبسم ملي شافتها .. هزات يدها شدات ليها ف يديها و جراتها عندها باستها و عنقاتها .. بقات هكاك شحال شداها بين يديها و معنقاها مغمضة عينيها .. تضببات الرؤية عليها بالدموع و هي كتفكر بنتها .. كون ما ماتتش كانت غتكون معاها دبا كتلعب مع لبنات و تضحك و شداها بين يديها .. حسات ب يدين صغار دازو على خدودها و صوت رقيق طفولو كيهضر معاها
هداية: متبكييش .. نتي زوينة مخاصكش تبكي
الغالية: شنو سميتك احبيية
هداية: هداية و نتي شنو سميتك
الغالية: انا الغالية .. سميتك زوينة بحالك
هداية: شكرا “بدات كتفرك في صباعها و تحرك راسها بخجل” نقدر نطلبك عفااك
الغالية: امري احبيبة شنو بغيتي
شافت هداية ف جنات و نعتات ليها فشعرها: تقدري ديري ليا بحالها
ضحكات الغالية و باستها من حنوكها بزوووج بحرارة مساخياش بيهم .. دوراتها و سرحات ليها شعرها كتحرك يديها عليه و تبوس ف هداية .. قربات لصاك جنات هزات منو المشطة و بدات كتضفر لهداية و تكلم معاها و البسمة مرسومة على وجهها حتا كملات ليها و ناضت فرحانة كتشوف في شعرها و تقيس فيه و مشات عند حكيم كتوريه
هداية: جاتني زوينة ياك ههه قداتها ليا الغالية ههه ضريفة هي و زوينة
حكيم: بصحتك الحب نتي لي زوينة و كيجيك كلشي زوين .. ياله بوسي الغالية و شكريها
رجعات عندها كتبوس فيها و الغالية عاد لقات راحتها و خرجات ليها التبسيمة .. شداتها عندها مبقات طلقاتها .. و كل واحد كان ملهي مع راسو .. سيف الدين و نسمة ناضو كيضورو بزوج مبعدين منهم و دوك الازواج لي كانو معاهم حتا هوما مشاو يسرحو رجليهم .. جنات ناضت كتجاوب حبيب القلب فالتلفون .. بقات كريمة كتسيلفا بعيدة على البلاصة كل مرة تجلس في قنت و حكيم متكي على جنبو حدا هداية و الغالية لي كانو كيلعبو
حكيم: شنو كيجيوك سيف الدين و جنات
تلفتات فيه الغالية و جوبات فوق خاطرها: ولاد خالتي
حكيم: امم .. بنت هنا نتي؟
الغالية: لا
حكيم: ساكنة فدار سي حسن
الغالية: اه
حكيم: كتقراي
الغالية: لا
حكيم: خدامة
الغالية: لا
حكيم: ربة بيت
الغالية: اه
حكيم: كتخلصي على الهضرة؟
الغالية: ل.. هاا
حكيم: شفتك جالسة عليا غير اه لا اه لا
شافت فيه الغالية و سكتات مجاوباتوش مخلياه كيطلع و يهبط فيها على خاطرو حتا حس براسو عيق و هو يجمع عينيه .. شاف ف هداية كتلعب معاها و تضحك و هو يصغر فيها عينيه بابتسامة
حكيم: قليل فين كترتاح لشي واحد .. سبحان الله نتي دغيا طلقات معاك
بقات ساكتة و اكتفت بابتسامة مزينة وجهها .. حتا عاود نطق من جديد
– عينك عليها عفاك غير نكمي و نرجع
حركات فقط راسها بلا كلام حتا دخلاتو الشك و ناض بعد عليهم جبد كارو كيتنغم بيه و يرد لمجاج على راحتو .. سرح بعينيه كيشوف كل واحد شاد جهة و كريمة (مرتو) هازة تلفون و كتشاطي و تفرنس معاه .. طلق رجليه و قرب ليها بخطى بطيئة ما حسات حتا كان واقف وراها .. نزل براسو باسها فخدها و يدو تحطات على جنبها و راسو فوق كتفها بغا يشوف معاها اش كتصنع فداك تلفون و هي تطفيه و تلفتات معنقاه من كرشو و تعلات على صباع رجليها باستو من فمو
كريمة: كبيدة ديالي توحشتك .. و فين خليتي هداية
حكيم: معرفت اش طرا و جرا حتا سولتي فيها “صغر فيها عينو” شنو باغة من اللخر
كريمة كتلعب ليه فكول تيشرت: ويلي ا حكييم راها عزيزة عليا بحال بنتي حشومة تقول هكا
حكيم مطمر: اييه الجرحة لي في شاربها (شفايفها) انا لي خليتها طاحت على طابلة و الضربة لي فف
قطعاتو كريمة: و صافي نساا ا حكييم واش كتبقا شاد في الحاجة .. عرفتي!! غيجيو عندي واحد صحاباتي من الرباط و ناس كلاص و لباس عليهم .. خاص نكرمهم و نحمر وجهي قدامهم .. و خاصني شي صرف باش نتحرك ابيبي
حكيم: ياك كلشي عندك فالدار و الفلوس كنحطهم ليك كل نهار اش باقة باغة!!؟
كريمة: مقااادييينش ا حكيم راه تابعني شلااا و عاااد خاص نشري ليا حوايج جداد كل حوايجي قدامو و زيد عليها الصالون و شلا حوايج
حكيم: دبا هااز غير باش نقدي حتال غذا و نعطيك
كريمة: و غيير الصباح شفتك جبدتيهم
حكيم هز فيها حاجبو: ايياااه قولي نتي حاضية سواريك .. ايوا الالة هدوك عطيتهم للوليدة باش تمشي للطبيب .. نرجع و نعطيك ا كريمة خلي الخرجة دووز بخير
طلقات منو بنفخة و مشات رجعات لبلاصتها كتنتر و معاجبها حال .. اما هو خلاها تا مشات و جبد كارو اخر كيبرد فيه و يصوني على ختو ..
حكيم: اش درتو ا سارة
سارة: كلشي مزيان راه درنا ليها التحاليل لقيناهم مزيانين و دوزنا ليها حتا على عينيها .. المهم الكونترول ديالها راه دوزاتو
حكيم: ايوا مزياان .. خليك معاها الله يرضي عليك حتال لعشية نجيو
سارة: كون هاني احبيبي نييت ياله نحيد شوقي منها
حكيم: ياله تهلاي
قطع معاها و بقا واقف حتا جات عندو جنات باين من ملامحها غضبانة و معاجبها حال .. درعها من كتافها و بقاو واقفين في صمت .. حتا كسراتو جنات بسؤالها
جنات: بصح انا خايبة؟!
شاف فيها باستغراب كيستوعب سؤالها و رجع سرح بعينيه بعيد: عاد غتعرفيها هه
جنات: سيغيو (جادة) واش تعاملي خايب و قبيحة؟
حكيم: ماكنتش كنضنك كتهتمي بكلام الناس .. الى بقيتي تابعة كلام هذا و هذاك و لاخر عمرك غتزيدي لقدام .. تصرفي براحتك و كيف نتي كترتاحي ماشي كيف ناس كيبغيوك فهمتيني ازيين .. الى جينا نتبعو كلام الناس غنحماقو
تنهدات جنات: عندك الحق .. معرفتش بنادم شنو باغي!! داك الزواق فالهضرة و الصباغة هي لي معنديش معاها .. كنقول لي كاين و دبا رجعت خايبة و منسواش و حاسة براسي
حكيم: زييدي فحالك نساي عليك الزبل ميستاهلكش هه انا لي نستاهلك
جنات بابتسامة: باش عرفتي؟
حكيم: راك كبرتي قدامي اشريفة و وليت حافضك كتر من راسي .. زيد عليها شفتك شحال من مرة و مبغيتش نقجر عليك قلت دبا تفهم راسها ولكن بنتي ليا تعطلتي .. كتبغيه
جنات: بزااااااف
حكيم: كتيقي فيه؟
جنات: تقة عمية
حكيم ضربها لنيفها و زاد: دييك التقة هي لي مخاصهاش تكون .. بون رجعي بلاصتك و نساي حتال من بعد و نهصرو .. بنت خالتك جاها الملل واقيلة
جنات: علاش انا خليتها كتلب مع هداية
حكيم: ديك البنت في شكل واش حتا فالدار هكا مكالمية و مكتهضرش الى ما هضرتيها بزز
جنات: اودييي كل واحد ما عالم بيه غير الله .. زييد نمشيو نقصيو جاني جووووع
زادو بزوج معانقين من الكتاف و كيتحاورو بيناتهم .. هاكا علاقتهم دايرا واخة يتعايرو كيبقاو قراب لبعصهم
واخة فارق السن بيناتهم الا انهم كونو صداقة قوية بيناتهم و حتا خوها سيف الدين ممعارضش صداقتهم حيت عارف صاحبو اش كيسوا .. في خضم نقاشهم و تحاورهم تسمع غوات هداية مجهد و هوما يجريو حتال عندهم .. لقاو كريمة واقفة كتقفقف و الغالية شادة هداية كتبكي و تسكت فيها و هي دموعها دايزين
حكيم: شنووو وقع مااال هداية؟؟؟
حدر عينيه و نزل جلس على ركابيه قدامها كيبوس فيها و يسكت و هي بغات تسخف بالبكا و شادة يدها عندها حمراااااا و بدات كتنتفخ
حكيم بالغوات: دوييييو شنووو وقع ليييها خلاص
كريمة كتقفقف و الخلعة تمكنات منها: ه..هه..هي هي لي حرقااتها .. دفعاتها من عليها حتا تخوا عليها كاس د القهوى
شاف فيها حكيم مخنزر عينيه بحال القرطاس .. بينما الغالية تزاد عليها الزايد ولا غير كتبكي و تشهق و تحرك راسها بالنفي
الغالية: هئ هئ هئ و.والله ممادرت شي ححاجة هئ هئ م.ماشي انااا هئهئ
مشات عندها جنات كتهدنها و هي كتشهق: شششت براكا عرفت ماشي نتي احبيبة غير تهدني ” شافت ف حكيم ” ياله نديوها لشي كلينيك خلاص قبل ما تلتاهب ليها الحرقة ” خنزرات ف كريمة” و نتي الهضرة من بعد ماشي دبا باش تعلمي تلوحي لباطل هلى بنادم .. انا الغالية شارباها ماااااء كتفهمي و عرفاااها اش كتسوااا و عمرها تأدي حتا نملة بقا غير تدفع بنت باش تحرق !! باااز لوجهك مكيتقصرش
جرات معاها الغالية و تبعاات حكيم لي ركب اللوطو ديالو و عطاها هي تسوق بيهم و هو بقا شاد بنتو .. ضرو قلبوو و هو كيشوف فيها كيفاش كتبكي بغات تسخف و يدها ولا حمرا .. وصلو قدام الكلينيك و دخلو عند طبيب .. دوا ليها الحرقة و دهنها ليها بكريم كيهدء من روعة الحريق عاد خرجو شادها بين يده كيبوس ليها في يديها وراسها و حنيكاتها و يهرها و يتمخشش فيها كتا ضحكات
حكيم: قولي ليا ابابا كيفاش حتا تحرقتي .. شنو وقع ليك
هداية: كنت منلعب مع طاتي الغالية و زات كريمة حدانا .. هزيت تلفون بغيت نتصور انا و طاتي و هي تحيدو ليا و دفعاتني حتا تحرقت هئ هئ .. خايبة هي مسمومة مكنبغيهاش
حكيم: صافي اكبيدة ديالي متبكييش .. خليك ما طاطا جنات و طاطا الغالية انا نشري لبابا دوا و نجي
خلاها ليهم و مشا يشري ليها البوماضة للحريق و رجعات هي تخشان في الغالية كي العلقة حتا رجع باها شدها و عطاها تلفون ديالو ..
يتبع
التعليقات 0