أمال منعستش وحاسة بعينين عليها محست حتى تنهدت تنهيدة ديال جبااااال قالت فنفسها “علاش حتى فرحت وتهنيت فحياااتي رجع هاد الرعب للي رجع كتر من أي رعب عاشتو فحياااتها واخا ولات ناجحة وشحال من حاجة تبدلت فشخصيتها ولكن بلا زهير متقدرش💔
مدام متكاش حداها ونعس الا دمااغو خدام حست بتأنيب الضمير حيت مكيستاهلش هاد الحيرة فين عاااايش… “
حست بيه ناض من بعد متسمع صوت اذان الفجر.. بقات مغمضة عينها دخل للحمام عاد حلت عينها ودمووع دغيا نزلو منها كان ممكن تكوني هادي من بين احسن الليالي للي دازو عندها وفسااعة تقلب كولشي وللي خايفة منووو هي النهاية.. رجعت تكات كتشوف فسقف غير تحل لباب سدت عينها كتعيش فحزن وخوووف كبيييييير قلبها غيسكت الا زهير قرب غير يسمع دقات قلبها غيعرفها فاايقة وخايفة راس كيقولها نوضي عاوديلو كولشي من اول مرة تلاقات فيه بأنوار حتى لدابا تقولو على كولشي على الحݣرة ولغدر للي عاشت فيه تعاودلو على الشمتة للي دار ليها تعاودلو على العفة للي بقات محتافظة بيها وأنها عمرها غلطات معاه ولا دارت شي حاجة خاايبة معاه محست حتى خرجت ليها صوت انييين ودموعها هوادين شعل الضو شاف فيها
زهير: اماال امااال (مشا كيقيسها فوجهها هي مقدرتش تحبس وفات الفوووت باش تجمع قوتها وتظاااهر ان مكاين واالو تكمش وجهها وبقات كتبكي بكل حرقة وعينيها مسدوديييين مقدراااش تشوف فيه بقات غير كتغوت بهستيرية وهو غير كيحاول يفيقها ويسكتها يعيط باسمها وهي وااالو فقط كتلوووم علاش انا؟!!!! حطها فوق حجروو كيلمس فشعرها وحاني عليها كيقرا القران ويديه شادين يديييها حاضنها بكل قوتو حتى ترخااات وحيت بعيااااء كبيييير وهنا فعلا غفلها نعاااس بقا كيشوف فيها بقات فيه وفبالو شنو للي وصلها لهاد الحالة الخااايبة!!!! شاف عنقها فين جرحاتو بظفاارها حطها فوق لوسادة غطاها وطفا الضو جبد صلايتو وصلا الفجر وهاد المرة طول بزاااف وهو فوق السجااادة…)
~~~~~~~~~~~~~
أصبحنا وأصبح الملك لله..
هند: ولييييد وليييد نوووض
وليد: بففف شحال الساعة
هند: 7 ونص خاص تلحق داك الكلب قبل كيمشي ليه زهير
وليد: (ناض داايخ دارو روتينو الصباحي مشا بلا فطوور قاصد أنوار كما توقع طموبيلة زهير تمااك بقا برا صونا على زهير) فينك
زهير: فصبيطار
وليد: امم.. حتى يانا خرجت بكري كانت هند بغات شي حاجة من باتيسري ومن النبووري فيقاتني
زهير: مزيان
وليد: نتقدا وندوز عندك (قطع مشا باتيسري خدا شي تخربيق وداز لسبيطار لقا زهير برا واقف كيكمي) فين
زهير: واش جابك فهاد صباح
وليد: راه ݣلت ليك ولا قاسك زهايمر
زهير: قايسني **** هاد الساااع رووح رووح معندك مدير بهاد القنطة للي هنا
وليد: زهير ݣولي سمو عندك فداك الراس
زهير: (قوس عينو ودار عندو) درك جاتك بنت عمك تهود ضرب الراجل عادي!!!!
وليد: شكون هاد الراجل!!
زهير: أنوار!!
وليد: اممم حسابني شي رااجل.. هي سمو ݣالت ليك
زهير: بحال مݣالت واالو
وليد: يعني متيقتيش سمو ݣاالت مزيااان سير دابا تيق سمو ݣال ولد خوك لحبيب (مشا وخلاه وزهير غووبش بقا متبع ليه العين ضار وهو كيحل باب الطموبيل) للي معندو زهر معندو حتى مع خلا داار بوووه عاد بقا الناس لوخرين (لاحلو هادي خلاه شااعل ومشا فحااالو…)
بشرى: واش درتي يا أنوار وااااش درتي؟!!
أنوار: (راسو عاطيه لحريق بحرا كيقد يحل عينييه هز يدو حطها فوق جبهتوو) واالشتااا!!!!
بشرى: علاه شربتي لبارح علاه؟!!!!
أنوار: (كيغمض عينيه ويرجع يحلهم كيحاول يتفكر) فين انا؟!!!
بشرى: واش معاقلش!! تا.. (صونا تيليفونها جاوبت) وي..
هند: حم الو بشرى انا هند
بشرى: صاحبة امال؟!!
أنوار: (غير ذكرت أمال بقا كيتفكر شنو داار وعينيه كيخرجوو)
هند: اه كنت بغيت نسولك واش فاق انوار؟!!
بشرى: واه عاد
هند: (حركت راسها باه وخطف ليها التيليفون) وليييد
وليد: سلام عليكم ختي دوزيه لية
بشرى: واا واخا.. (عطات لأنوار التيليفون غير سمعت تخصار الهضرة بعدة شوية وكتشوف أنوار كيتفتف وكيحاول يهضر ولكن لاخر مكيخليش ليه مجال….)
خرجت ورادة اللومة لكبيرة لخوووووها فقط.. بقات شي 10 دقايق مع شافت زهير جاي دخلت لقات انوار غير سااقر..)
ها زهير جاي
أنوار: خرجي نتي ابشرى (دخل زهير)
بشرى: صباح الخير
زهير: صباح الخير (شاف فانوار) مبقيت نتا؟!
بشرى: انا نمشي نجيب قهوة تشرب اعمي؟!
زهير: هاد شربت وحدة غير هبطي فطري لتحت (خرجت عارفة غتنوض الݣيييرة… شاف فيه ديك الشوفة ديال وا هضر) هضر!!
انوار: معرفت منݣول (دار راسو طالع ليه الدم) مفهمتش لاش ضارباااني
زهير: حتى نفهم يانا علاه كنتي سكران تحت دااري
أنوار: واش انا واعي واش كنت ندير (بانت فيه معصب وكيهضر بطريقة ديال واحد واصلة ليه لعظم) داابزت مع ديك لخطية للي تبليييت بيها أنا ماشي راجل يانا جالسة هي وعمتي ياااكلو فلحمي واش درت يانا ݣاااااع لهاد لبنت من نهار اللول عرفت راه زواجنا ديال لفااميلة وغياااخد وقت باش نتعود عليها ونعاود نكووولها بزااااف عليها توصلها
زهير: لشكون؟!
أنوار: لشيماااا.. للي ظل تحفر عليها وتسبها وكل مرة شاكة فية ولكن انا للي ضيعتها وانا للي عطييييتها
زهير: واش راك تخرط وتخور
أنوار: زهير لا نتا لا غير راه يفهمني
زهير: 3 سنين ولا كتر باش مفارق معاها لبارح عاد بانت ليك
أنوار: وشكون ݣالك عاد بانت لي شوووف انا ندمت على شي كلام ݣلتو هي مرة الراجل مخاصش نݣوول عليها هكاك
زهير: (بقا غير كيشوف فيه)
أنوار: انا مفهمتش لاه ضربتني مرتك
زهير: (كيربط الأحداث وشحال من حاجة وانوار كيتسنى منو شي كلمة دخل لكبير وليلى بقا كيغوت عليه نوضووه باش يخرج زهير مشا للمحال باغي يبقى بووحدو واخا مكانت عندو ݣانة لشي خدمة…)
كولشي تجمع فالدار عند الحاجة للي عاد كيعاودو ليها محاسبة خبار جاو بناتها ونسا ولاد لكبير نساو السكرة ديال أنوار وكلامو لاسقين غير فضربة أمال لانوار..
عيشة: الخانزة المسخووطة صيفطات لكبيرة وبغات تبع ليها الولد
امال2: مفهمتش لاه ضربااتتو مسيكيييين
عيشة: كون كنت منك نشدها ريشها نوريها تهز يدها على رجال
الحاجة: سكتي ݣالك تريشها ولينا فالسييبا
عيشة: مّا ياكما بغيتينا نعبدوووها منݣدو لا نهضرو عليها ولا نهضرو معاها دير زبلة على زبلة ونتي وخويا لهبيل واݣفين لينا شوووكة
الحاجة: واݣفين مع الحق واش دارت ليك هاد لبنت باش راكي حاݣراها زكرهاااهاا هاك
عيشة: تربيتها الناااقصة
الحاجة: بانلي يانا للي مربييتكش
عيشة: هااا واش ݣلنا مّا كوني معاها مزيان الا بغيتيلها ديك المسخوطة ولكن الا جبدتيها تنكرك
الحاجة: بعدووني نمشي عندها
عيشة: الا حلت ليك لباب (ديجا مشات عندها ومحلاتش ليها خرجت الحاجة هازة مروان للي خاف من داك لغوات مشات عند امال دقت عليها ووالو محلاتش)
مينة: فرقي عليك مّا اعيشة راكي تعصبي فيها
عيشة: وهادشي للي راحنا فيه
مينة: ونسيتي ولد خوك للي سكر وجالس يغوت فليالي
عيشة: راااجل يدير واش بغا يكبر ويدير عقلو
مينة: لا حول ولا قوه الا بالله العلي (تمت داخلة الحاجة) مّا رواحي تجلسي
عيشة: محلاتش ليك القايدة؟!!!
الحاجة: ها عار الله الا ما فرقيني عليك (دخلت لبيت معصبة من كلام بنتها حتى سمعت الهضرة كترت جابو أنوار لدارو هبطو كانو قرعوولو فوق للقرفاادة مغرزين ليه جلس فوق السداري وأمال مرتو كتقاد ليه وهو مكيشووفش فيها.. زهير دخل من اللور بشوية كانت حركاتو بطيييئة ماشي كما موالف داك الحماس والخفة بحال شي واحد برݣاݣ باغي يعرف غير يجبد خبيرااات) ولدي واش صراااا؟!!
أنوار: واالو امّا غير متخلعيييش
عيشة: على سلامتك احبيبي كانت الضربة واااعرة بفففف الله يهدي مااا خلق وصاااافي
أنوار: هضري مع بنتك اعمتي راه كترت علية
امال2: (هربت من حداهم مكانتش متوقعاه يحطها بوجهها وحشمت قدام البقية وحتى الله مزال مجات الفاميلا كولها)
عيشة: معليييش اوليدي صغيييرة ودرك دير عقلها
زهير: (فبالو يعني مدابز مع مرتو بالصح مدام كولشي كيهضر هاكا ولكن!!)
أنوار: راه بزاااف من نهار تزوجنا اما لكلام دلبارح (حرك راسو بحال كيتحلف وشاف بنص عين زهيير)
لكبير: (كولشي راد معاه لبال فالهضرة باش يفهمو شنو وقع لبارح للي يخليه يسكر بييييلا) واش صراااا
عيشة: واالو ااخووويا راك عارف المشاكيل صغاار ديال زواج
أنوار: كبار اعمتي كباااااااار الواحد راه يتزوج باش يرتاح ويعيش مهني (كولشي شنو بقا كيأولها)
الحاجة: حتى مرتك مهلية فيك وتبغيك واش خاااصك معاها الا كانت نݣارة شوية غي حيت رادة بالها معاك..
زهير: مجاتش أمال امّا
الحاجة: لا وليدي مجااتش روح طل على مرتك تكون عياانة؟!!
زهير: (طلع للدار نيشان لبيتو لقاها جالسة مظلمة عليها وضواو مطفيين.. شعل الضو وشاف فيها حاس بشي حاجة مخبية احساس مابغاش يتفاااارق معاه ومن طبيعتو ميقدرش ينااافق خاصو يعرف وأكترية على أمال مرتو ولف كيعرف عليها كولشي جلس حداها وشاف فيها) كيف بقيتي!؟!
أمال: لباس
زهير: نعاود نسولك علاه هودتي لبارح منين سمعتي أنوار يغوت
أمال: (شافت فيه وعينيها كيبريو) هادشي للي هامك؟!!
زهير: جاوبي أمال
أمال: (بقات كتشووف فيه) انا غنݣولك وانا عارفاااك مغتييقش فية انا هودت خفت عليك
زهير: خفتي علية لدرجة مشيتي تݣلبي على لفردي تقتليه؟!! نتي أمال ديري هادشي؟! وعلاه؟!
أمال: (بعصبية) حيت خفت عليك
زهير: غير خفتي هودتي ضربي ضربة الموت؟!!!!
أمال: (سكتت قالبة وجهها نادمة علاش هبطت ولكن وكان مهبطتش كان غيقول شي حاجة للي يا يصدق قااتلو يا ما كفس…)
زهير: من فوكاش ونتي تعرفي انوار؟!
أمال: (شافت فيه هزت يدها طرشااتو ولكن كانت خفيفة صدماااتو ردة فعلها وقفت فوق النموسية وحتى هو وقف مصدوووم) لاش باغي توصل؟!!!
زهير: (جا بغا يشدها وهي تهرب ليه دغيا درب الدورة حكمها وهي تشد فكرشها متوجعة خلاه يتراااجع خطوة) علاه!!!
أمال: (كتبكي) هدا جواابي حيت من لبارح ونتا باغي تسمعو منين مراااكش تيق فية والله منجلس هنا (كتخبط فصدرها) انا هربت من دارنا من كولشي باش نكون معاك حيت حسيت بيك كتيقني وتبغيني حلفت ليك لبارح والله خفت عليك داكشي باش هبطت وأصلا والله مفهمتش شنو للي خلاني نهبط (كتبكي بحرقة) حتى واحد مكيبغيني فهاد الدنيا بقات عليك نتا (جات ماشية وهو يوقفها مخنزر فيها) طلق مني
زهير: اخر واحد فكر يديرلي هادشي للي درتي يدو تكرضت
أمال: (مدت ذراعها) هاك ݣرضها كمل كمل شنو بداو لوخرين عادي ولفت غير كمل
زهير: (مفهمش هاد قوة درااما حتى كتشد فكرشهعاد كيتفكرها حاملة وسؤالو واش الحمل للي داير ليها هاكا!!!) واش عمري ضربتك
أمال: (بعصبية) واااه لبارح طرشتني ونتفتني ودابا باغي ضربني وعاد وانا كنشوف حااااملة نتا منااافق شحال ونتا تسنى نحمل ودابا كتعذب فية هاكا
زهير: انا منافق؟!!!
أمال: خليني نمشي فحاالي مبقيتش حاملة نجلس فموضع معاكم
زهير: (بقا كيشوف فيها ݣلبااتلو رااسو)
أمال: (حاسة بيه ممتيق حتى خرية ولكن كنحس بعياء خطييير) شنو باغية تسمع ودنك ازهير باش نهنيك حيت عارفاااك مشكاك على واالو ولكن اخر حاجة ظنيتها هو متييقش كلامي للي نتا عارفني ذبانة الا دازت من حدايا كنجي نعاودها ليك
زهير: راكي تغلطي بزااف أمال وراكي تحرفي هضرتي اولا انا مشكيتش فيك حيت عارفة يديها منتحكمش فيهم
أمال: من التالي
زهير: مكتشوفيش روووحك غالطة؟؟!
أمال: لا
زهير: حتى وهبطتي عريانة وضاربة السيد من لفوق وضارباني يانا نيييت
أمال: ݣلتك محسيتش براسي لبارح خفت عليك خفت توقع ليك شي حاجة وغلطت منين هبطت عريانة صاافي شي لاخر مغلطتش فيه…
زهير: من نهار اللول مكنتيش تحملي أنوار
أمال: ولدابا مزال هاكا وعمري نبغييه وغير كنافقو منين كنهضر معاه ولا حتى نسلم عليه كنكرهوو انا للي شفت واش دااار انا للي شفت لعبووو والشمتة للي دارلها انا للي شفت روينة للي خلا من مورااه
زهير: وعلاش كنتو نتي وبنتوعمك مكتهاضروش
أمال: عليييييه حيت هضرت ونصحتها وفضلاتو علية الا بغيتي نفرتكوها قدام كولشي جيبو هو وشيما هند للي بغيتي (بقا كيشوف فيها) زيد شنو اخر..
أمال: زيد شنو اخر!!!! شيماااا كانت مع أنوار ومحمد فنفس الوقت نهار خطبها أنوار محمد خويا تصدم بسبابها ضربني زدت كرهتها وكرهت لكلب للي تشفى فخويا مرة وجوج واخا مكنتش نتحاملو ولكن خويا خويا واخا يكون شكون ما بغا جاتني النفس عليه..
زهير: هادشي علاش ضربتيه حيت مكتحمليهش
أمال: ضربتو ازهير حيت كنعرفو خبييث خفتو يضربك راه ديجا غدرك انا مكنتيقش فيه هاكا ݣالي عقلي الا مشيت نتا لمن تخليني انا ومروان وللي فكرشي لمن تخلي مّا جاوني شي افكار خاااايبة
زهير: (كيسمع من نيتو نسبيا هضرت فالحق) صافي درك حاولي على راسك
أمال: بغيت نمشي؟!
زهير: وين باغا تروحي؟!!
أمال: بغيت نخرج (وجهها تكمش باش تبكي)
زهير: معندك وين ترووحي انا غنخرج نجيبلك تاكلي من بعد ونكملو هضرتنا (خرج هي زادت خافت اش باغي يهضر عااود تنهدت قلبها غيطرطق حاسة براسها غتفرݣع مشات لبست حوايجها هزت كارت ناسيونال وكارت ݣيشي ديالها هزت سوارت طموبيلتها وخرجت فسكاات هزت طموبيلتها وزادت مع طريق حتى من تيليفونها طفااتوو……)
زهير: (كتقاد ليها الحاجة الماكلة فصينية وهو عقلو غيخرج)
الحاجة: ولدي مال أمال مجاتش طلت علية نهار كامل
زهير: (زفر) اودييييي خليها حسن راكي شفتي هنا كولشي راد ليها السبة
الحاجة: بشرى للي كانت حداه ݣالت كان غيضربك بالقرعة
زهير: هادشي للي ݣالت حتى هي
الحاجة: مسيكيييينة خافت عليك
زهير: تيقتيها نتي اماّ
الحاجة: وعلاش منتيقهاش حتى من ليلى ݣالتها وأمال مكتحادي حد يمكن شافتو بغا يضربك راه كان سكران ومعارف ميدير
زهير: حتى لوحم كيلعب على مرت ويخليها غير تبكي!!
الحاجة: بزااااف وحمها اللول داز سكوتي يمكن هادي شي بنية غتعذبها وتعذبك ههه
زهير: مخلاااونا حتى نفرحوو من صباح ربي وهي تبكي (قرب حدا مو) راه طرشتني
الحاجة: ههههه الله يعطيها صحيييحتها
زهير: عجبك الحال
الحاجة: الا درتي علاه؟! جيبها اوليدي متبقاش مخلوية تم وللي هضر انا نتبالة بييه
زهير: (هو بيه غير كلام أنوار كانت ديالي وانا ضيعتها حتى كيبغي يتناسااا وكتجي فودنو هاد الجملة) غير خليها غدا وتجي.. (هز ديك الصينية داز من حدا دار أنوار تفكر كلام أمال هو خبيث وانا مكنتيقش فيه ومنساش شنو دار فيك وفخويا محمد وشيما.. مشا عندها لبيت ملقاهاش حط داكشي وبقا كيقلب عليها والو مكيناش كل على طموبيلتها مكيناش بقا يربب ويسب هز تيليفونو دوز نمرتها والو مطفي.. زاد تعصب زدح ديك الصينية بالي فيها وخرج صاااعر فين غتكون دازت اول وحدة صونا على هند والو محمد حتى هو مشافهاش بقا مربووط معارفها فين مشات ولا فين زادت صاااعر حيت عصااات كلمتو وخرجت وخاايف على حالتها وعاد حاملة من الفووق..)
زهير: (معرف ميدير وحيت هي مكتفوتش 90 يمكن تكون مزال قرييبة ركب فطموبيلتو وزاد مكسيري ومن سوء حظو طريق كانت عامرة يعني صعييب تجي فيها وخصوصا ان طريق على قد الحال الا دازت غير صطافيك خاصك تخرجلها شوية باش دوزو بجوج.. رجع وليد صونا عليه) وي وليد
وليد: ݣالتلي هند راك تݣلب على امال؟!
زهير: معرفت اخويا فين زادت!!
وليد: علاه واش طرا بيناتكم؟!
زهير: مااااا كاين والو غير الهضرة ديال لبارح وصافي
وليد: واش السيدة حاملة ونتا مزال كتقجر عليها
زهير: وليد يرحم والديك الا عندك باش تنفعني دييير الا تبقى غير تهضر راسي منفووووخ
وليد: فين تكون مشات؟! ياكما مشات عند خووها
زهير: لا عاد عيطتلو خارج هو ومرتو ومو على برا وانا دابا ماشي لتماك جاع تكون كتسنى فيهم
وليد: صافي الا جات للمحال نصوني عليك
زهير: هاد المرة هي هاربة مني ماشي جاية تݣلب علية (قطع وبقا صاايݣ على اعصابو كيحلف فيها على هاد الخرووج) ولݣاااااااك حتى ميتة نعاود نفصل مك نوريك تخرجي وتعصي حكااامي..
~~~~~~~~~
أمال2: (بقا فيها قال عليها كلام مافيهاش وكبر الموضووع قدام خالها وللي ساكنين تماك وهي مقدرتش تبرقو وتكذب وتقول حتى هي عيوووبو للي مكيتسالاوش كولشي عرفها كتغيير من شيماء وهادشي كيزيد يخليها تكرهها كتر وكتر ناضت ومشات للكوزينة تبعاتها نزهة) بغيتي شي حاجة؟!!
نزهة: لا غير بقيتي فية وجيت نطل عليك يا ختي راجلك مخلى مااا حط فيك
امال2: (تنهدت وبقات ساكتة)
نزهة: هادشي ݣاع مكان يديرو مع ديك الجيفة دشيمااا كانو غير داخلين بجوج خارجين بجووج وديما منفاردين وكان يخليها تلبس وتماكي ودير فروااايح وهي نافخة ريشها
امال2: وكيف طرا حتى تزوجت بصاحبو
نزهة: باينة كانت معاهم بزوج مشا أنوار تبع لوراق وهي بقات مع لاخر باش تعرفيها لفعة شتي أنوار واشرف كانو كتر من الخوت يفرقهم نعاس دابا واحد مراه يشوف فالتاني
امال2: واه كنت نشوفو يجي بزاف
نزهة: ردي باالك وحتى أمال ها هي لبارح هي للي ضرباتو وشكون للي راه يسمع فالهضرة درك نتي يا ختي فقييهها صحييييح
امال2: (بقات كتشوف) حتى حد مجبدها
نزهة: وعلاه يݣدو راه مݣادة الضربة لخالك والحاجة والله يا بوهم ميتنفنفوو معاها
امال2: هاااااااه حتى ماما متحملهاش وشوفي واش ݣدت تجي طل علينا شت خالي ݣبيلة دايلها ماكلتها فصينية
نزهة: هاكاك من نهار تزوجت وجات لعندنا للدار هازة نيفها لسما وبالسيف انا للي ضاربة 8 سنين زواج ومزال ساكنة معاهم وهي جات لݣات كولشي واجد حيدت صباطها ودخلت على كولشي جديد وعاد تكملها مخلية ولدها الحاجة باينة غتكتب ليه حتى هادي بسميتو
امال2: (معندها سوق فالكتبة ولا الورث هي بغات غير الحب هاد الساعة…)
زهير: (طاح ظلام أمال مكاينة حتى فشي قنت فكر تكون مشات عند شيماء صونا على وليد يمشيو يشوف عندها وهو مزال على أمل تحل تيليفوونها… صونا على الحاجة قلقلها والو ممشاتش عندهم عاود عيطلو وليد ممشاتش عند ختو تلف معرف فين يقلب عليها وجدة راه مدينة كبييييرة وهي معندها حد من غير صاحبتها خوها وهو حس بخطر وخااف عليها عيط لصااحبو لبوليسي عطاها سميتها يقلب الا دخلت لشي صبيطار فين غيقلب وفين غيعطي الراس.. صونات عليه الحاجة) مّا
الحاجة: (دخلت بيتها سدات لباب ومشات للقنت كتهضر بشوي) فين مرت ازهير؟!
زهير: (غير مقالتش ولدي عرفها تكون شكت) مجاتش تواليك
الحاجة: واش صراالها باش خرجت طاااجة؟!
زهير: واش جات؟! واش عيطت؟!؟
الحاجة: عيطت وکالتلي نتهلى فولدها
زهير: كفاش تهلاي وفيها بلاتي على رب** نهضر معاها (كفاش مطلعولوش ميساجات راه حلت تيليفونها)
الحاجة: اللقهوااا واش درتي للطفلة واش درتي لديك ليتييمة حتى نتا؟!!
زهير: كفاش حتى يانا؟! مّا راه راني قربت نطرطݣ ݣوليلي فين راها
الحاجة: معرفت بااااز تشوفو لمرا تهلى فيكم وتبغيكم ومتهناو حتى تكحلوها عليها تهبلوها عاد تهناااو (قطعت عليه وجلست عاود صونا عليها مجاوباتوش تفكرت غير أمال للي صونات عليها كتمووت بلبكى حدها كتقول بغيت غير رتاح شوية ورجع حتى عطاتها الاوكي عاد جلست فكرت يكون حادثة أنوار حيت ضرباتو يمكن ضربها حتى هو داكشي باش هربت ومع الحمل والوحم خرجت.. دازت ساعة لاروب جا عندها زهير لقاها كتعشى مع جماعة)
زهير: مّا رواحي بغيييتك
عيشة: جلس اخويا تعشى ولا يمكن راك معشي مع مرتك فدااركم حشومة غير تجمعو معانا
زهير: ماشي شغلك اعييشة
عيشة: (تصدمت اول مرة يرد عليها قدام العائلة)
زهير: مّا رواااااحي (ناضت الحاجة نافخة عليه مشات سبقااتو لبرا ݣاع مبعدين عليهم) فينها امال؟!
الحاجة: واش صرا بيناااتكم لي تخلي مرتك طااجة
زهير: (صاعر) ݣوليلي فينها امّا
الحاجة: (هزت يدها بغات ضربو) ياك لحسك بقالك غير ضربني
زهير: مّا حسي بية راه مرتي هاديييك خرجت بلا خباري وعصاات كلامي وعاد خااايف عليييها
الحاجة: ݣالتلك راها بخييير
زهير: كفاش بخير واش غتصطيوني فين راها نرووح نجيبها
الحاجة: خليها هاد الليلة
زهير: الليلة!!! واش راكي تخوري يااا مّا كفاش ليلة تبات مرتي برا مالي عندي ݣرووون بغات ترتاح ترتاح فدارها يانا نخرج هي لا (ضرب يدو مع الحيط) انا نوريييها هادشي ملييييح كفاش تخرج تبات ليالي براااا مدرتها حتى يانا للي رااجل
الحاجة: (بقات ساكتة هي عارفة ردة فعل غتكون هاكا راه كبر هاكا وهاكا تربى)
زهير: (شد من عند مو التيليفون ناترو ليها غير سمع تبات برا ناضو فيه جنون كيقلب باش عيطات كانت بريڤي) واه أمال هادي منفوتهاليييكش…
عيشة: فين دا مّا خلاها بلا عشاا
مينة: عييشة راكي تݣلبي على شي حاجة هاد الليلة كولي دغيا نروحو لديواانا (ناضت عيشة مشات عند أنوار للبيت فين سمعاتو طرد مرتو دخلت)
عيشة: متنعلوش الشيطان نتوما بزوج؟!!
امال2: (كتبكي) هو للي مابغاش يهضر معايا بحال معرفت شنو درتلو ݣاااع رد اللومة كاملة لية وهي للي ضرباتو ݣااع مجبدها
أنوار: درك هادي واش بغات
عيشة: بغات راجلها يتصالح معاها انا عارفة واش طرا بيناتكم ولدي هي مزالها صغيرة ومتعرفش واش تخرج من فمها صغيييرة بغات تحمل وصاافي
أنوار: حيت مزالها برهووشة ماشي ديال لولاد داكشي باش مبغييتش درك
عيشة: رووحي نتي سيري شوفي ضياافك راه جاو عندك لدارك ماشي عندي
أنوار: هادي دار كولشي بروحي غير ساكن فيها
عيشة: لواه لوااه دارك نتا ومرتك وخاسر فيها فلووسك.. ماشي موضوعنا ولدي نعل الشيطان صافي تصالح مع مرتك شوف حالة باك كيف راها دايرة؟
أنوار: فين زهير مبانش ݣاع؟!
زهير: لا هو لا المسخوطة ديال مرتو
أنوار: تكون حشمت يمكن
عيشة: هاد ضرافات الخاوية للي فيكم هي للي خرجت عليكم مطلعيلها لݣرااااد وولاد تضرب وتزطم علينا كاملييين
أنوار: وا عمتي.. (تم نااايض واخا فيه الدووخة) انا نخرج شوية
عيشة: جلس اوليدي رتااح
أنوار: غير خليني يضربني لهوا شوي باش نجي نعس.. (جر بانطوفتو خرج حاني راسو مافيه للي يهضر مع شي حد..)
زهير: وااه أمال واااااااه هادي هي للي منفوتهااالكش
الحاجة: خليها غير ترتاااح شوي
زهير: (صاعر وجااهل) ترتاااح انا راني نهز عليها خناشي دالرملة فين ترتاح ياك عاايشة ملكة هنا منين ترتاح مني.. (كيضرب فصدروو) عمرك شفتي شي نهار درت معاها شي صواالح ناقصييين ولا طيحت منها منااااش راها ترتاااح!!!! ولكن برااااس مّا لا بقات فعنݣي الا باتت براااا هاد الدار
الحاجة: (خبطت فحنومها) اويلي عليك واش راك تݣووول
زهير: هانتي درك تشووفي واش راح يصرا
الحاجة: (حنات كتضرب بالكايااس (حجر صغييير) باش يسكت) بللللع بللللع يا لحمااار (مشا من حداها وانوار رجع رااسو ساامع كولشي) غير لاامااااا رجعت (تفقست على الهضرة ولحلووف وعارفااه يديييرها معرفت مدير بقات غير ماشية جاااية.. اما أنوار بقا جااامد فبلاصتووو خروج أمال يعني راه وااقعة شي حاجة لي خايبة وخايبة بزاااف…)
هند: (غتهبل معارفاش صاحبتها فين تكون زادت اول حاجة فكرت فيها هي تكون مشات لشي اوطيل) عنداك تكون زادت لبلجيكا
وليد: بلجيكا!!! لا لا ميمكنش
هند: انا وكان كنت منها نديرها راه ضربها وهي حاملة
وليد؛ سمو كتخربقي واش نتي وياها عايشين فشي كوكب اخر كفاش تبقاو تهزو راسكم وتزييدو مع طريق
هند: ياك اوا الواحد معاكم يمشي يشنق راسو حسن ليه
وليد: (جا يهضر وهو يصوني تيليفونو هزو كان زهير) اولدي..
زهير: مراهاش عندك؟!!!
وليد: طلع اصااحبي قلب الدار وكان كانت هنا غنخليك بحال الحنش مݣطووعلو رااسو
زهير: (شاف طموبيلة جاية بقات تقرب كانت ديال محمد صفرلوو) ها خوها جا انا تحت دارك (قطع ومحمد وقف هو غير كيقلب فديك لبارتنير واش راها كاينة حداه ولكن هي خرجت بطموبيلتها)
محمد: (هبط) فينها امال؟!!
زهير: (شحال كيكره هاد الجواب) معرفت
محمد: كفاش معرفتش سمو وقع باش خرجت؟!
زهير: (زفر داير يديه فجياابو حل وليد لباب.. براسو كيفكر شنو وقع علاش مشات ياك هي للي غالطة)
وليد: طلعو للدار
محمد: فهموني فينها أمال درك؟!!
زهير: هزت راسها مخلية ولدها وكولشي وخرجت.. عصات كلامي ونبهت عليها متخرجش
محمد: (تصدم واش لهاد الدرجة ختو فالمشاكل عاد قصة حبهم كان يعطى بيها المثل)
وليد: نعل الشيطان اصااحبي هي خاافت (ضار عند محمد) ولد خوه كان سكر وبقا كيغوت مشاو يسكتوه كان هاز قرعة حسابلها كيضارب هزت عصى وضرباتو غرز شي 20 فراسو وهي خافت
محمد: وعلاه هودت
زهير: (نقز) هاااااه خوها ويسول علاه تهود
وليد: راه خافت عليك ابنااادم واش كولشي ففمو نفس الهضرة الا نتا للي مزال تسول علاه هودت
زهير: نهود عريانة باش دافع علية يانا سبحان الله معندي يديين انا
وليد: عيقتي والله دابا عاد فهمت لاش خرجت واش نتا مكتعرفش أمال راه كبرت فالخووف وغتبقى ديما كتخاف من لغوات ودبااز
محمد: (دار قرب) مكذبش كبرت غير فالخوف
زهير: وقابل عليها كما كانت ولكن باش تبات برا!! سميتي زهير ماشي فريليخيتو ولا معرفت واش يݣولولو (محمد بقات فيه مكيهمش السبب مهم تكون بيخير.. زهير هز عينو ليما فين بدات كتنقط شتا زفر حاس براسو مخنووووق بلا بيها معارفش حتى يدخل للدار بلا بيها ولكن الغضب حتى هو واخد حصة كبييييرة فعقلو وقلبوووو…)
عطا وليد الماتريكيل ديال طموبيلتها لواحد صاحبو فلبوليس للي ضور معاه باش يعرف فين طموبيلتها كما وقع فاش هند هرباتلو.. محمد رجع للدار حيت معندو حتى شي فائدة 1 دالليل زهير جالس فطموبيلتو برا هو ووليد وكل دقيقة كتفووت كيزيد يشعل كتر وكتر.. بانلو أنوار خارج بطموبيلتو عطاه الضو ووقف خرج عندو
زهير: فين ماشي؟!
أنوار: بغيت نخرج شوية (شاف فوليد كيخنزر فيه) علاه راكم جالسين هنا تسناو فشي حد؟!
زهير: (مجاوبوش وقلب وجهوو)
أنوار: (كان صااعر) مالك اخووويا كتشوف فية هاكا
وليد: انا!! (هبط من الطموبيل قرب حداه ولاخر ياله بغا يدفع صدروو وهو ينزل عليه بريووسية حتى طيحوو زهير تصدم اخر حاجة توقعها من وليد للي نزل عليه بابونياات هبط دغيااا كيفك) حساااب لمك مكاااين للي يحدهم ليييك اشماااتة.. حسااابلك نسييت سمو درت مع ختي
زهير: تݣعد اصاحبي غتقتلو (غير كينوضو عليه كيغفلو ويعاود يمشي ليه الفقسة ديال نهار اللول بردها فيه حتى دفعو زهير حتى طاح فالجهة الاخرة مشا كيقلب أنوار للي حسوو تقطع ) انوااار انواااار
وليد؛ خلي الكلب يموووت.. مووتو حسن من حيااتو
زهير: لاه ضااااربو
وليد: نتا بعدا اول واحد دمغوو جابد ليك صداع مع مرتك ومزال تحن فيه
زهير: زيد نديوه لصبيطار
وليد: انا وكان بيدي ندفن مو فداك القمتوفين راه مليووح عاد نديه لصبيطار (مشا زهير كيهزوو حطو فالطموبيل من اللور)
زهير: درتينا غير الخدمة حيد طموبيلتو من هنا
(صاݣ بيه لطبيب وليد مشا بطموبيلة ديالو ياله طلع بانولو قراعي خانزين ديال شراب تماك قاس بيدو الكرسي كانت ميكة شعل الضو قلبها كانت كحلة حست يدو حيت كان فيها شي حاجة وهو يجب تصاور كانو ديال أمال شي 5 تصاور بقا كيقلبهم كولهم كانو على غفلة منها وكلهم محتارمين زاد تغزز كحزها للقنت ومشا لدارو دخل الكراج هز واحد لتر ونص ديال ليصانص جاب بريكة من لكوزينة)
هند: وليد شنو تدير
وليد: والو ولا عرفتي نتي عندك مع الاكشن تفرجي من السرجم (خرج قلب فالطموبيل ديال انوار كانت شارجور ديال تيليفوون تماك شعل لبريكا تحتو حتى طرطق وحطو فلكوساان ودغيا دفات العافية عاد خوا ليصاص فيها فلكوسانات وتحت الموطور ماشي غير لى لحديد برا بعد شد تصويرة ديال أمال شعل فيها العافية حتى غبر وجهها عاد لاحها على الطموبيل بالزربة سد لباب وخلا لكونطاكط عندو بقا كيشوف العافية فيها لداخل هز دوك تصاور بقا كيحرقهم وحدة بوحدة حتى كيوليو رماااد بعد من تماك مزيان وهي زادت شعلت العافية بلا تفرݣيييع.. مشات الطموبيل وحتى شي شيكات ديال الناس كانو تماك للي كرا ليهم الطموبيلات.. طلع لدارو عارف مكاين للي يتبعو ومخلا فيها حتى دليل انه هو هند كانت عجبها الحال دخل دوش وهي طارت لاحت دوك لحوايج فلاماشين كيتغسلوو.. دازت ساعة ونص صونا عليه زهير)
زهير: (واقفين مصدومين هو وانوار فالطموبيل للي بقا فيها غير لكاركااس) واش صرا للوطو ديال انوار؟!
وليد: معرفت
أنوار: (جاتو لبكية ولكن ميقدرش يلووم وليد للي غيتفرݣع ويسرسب كولشي) انا ندخل للدار
زهير: (قطع حيت دابا اخر عمو شكون حرݣ الطموبيل ولا المضاربة دوليد وانوار همو غير فامال للي قرب يطلع صباح وهي مكيناش..)
زهير: (دخل للدار فحيرة كبييييرة كفاش قدرت تسمح فكولشي وهي عارفة نتيجة هاد التصرف للي دارت دخل كانت الحاجة مزالة فبيتها صااقرة اول مرة متنعسش حتى لهاد الوقت جلس كيزفر) شتي وين وصلاتنا
الحاجة: الله يرد بيكم
زهير: علاه اما واش درت؟!
الحاجة: علاه ضربتها؟!! شحال ونتا تسناها تحمل ونهار تݣولهالك ديرلها هاااك نتا اولدي للي ظلمتها
زهير: حتى نتي امّا
الحاجة: ياله ݣولي واش عندك فالراس؟!
زهير: مّا واش دخلت ليك لعقلك علاه هودت فوسط رجال عريانة ضربااتو
الحاجة: ايييخزييت على هاد الجنس الا كان غيحررها عليك وعليها من نهار جا وهي مفرااحتهاش يدخل للدار الوقت للي بغا ميحتارمها واش بحجابها ولا لا!! يهضرها متهضروو (زهير ضار يسمع لمو) كان طالع ليها فجنها أمال كانت باغية غير التيقار
زهير: واش معاودالك شي حاجة على أنوار
الحاجة: اييه عاوداتلي واش دوز على بنت عمها وخوها كان يلعب على كولشي دخل سووسة بين العائلات عاودتلي نهار كلات لعصى على ودوو هو خطب لوخرا وخوها برد جنونو فيها
زهير: وعلاه مݣالتليش نهار اللول كانت تعرفو
الحاجة: اوا اولدي غير الا كنتي مكلخ هو خاطب بنت عمها راه باينة كانت تعرفو
زهير: للي خايف منو امّا هو الا كان حاط عليها العين من شحال دي
الحاجة: انوار؟!!
زهير: (بعصبية حرك راسو) وبراااس مّا حتى عينيه عييينيه يلݣاو وحدة فطنجة وحدة فلعيون
الحاجة: لا لا ميدييرهااش
زهير: (كانت هادي النقطة للي مرضاااه) والله ولݣاااها دلك حتى ندمغ مها
الحاجة: باش نطحنك هاااا السخط ها رضى ال (شافتو وقف وخنزر فيها) الا نتا مݣنوي انا لي راني والدااك ولا نسييت
زهير: سمعي امّا كوولشي نفوتووو الا هادي الا خرجت على الضرب الطرشة اللولة حيت خرجت عريانة ولي كان علية نݣرضها من رجليها باش متعاودش اما شي لاخر معقلتش عليه كفاش ولكن راه عصبتني زيد ضربتني ومدرت ليها والو بلعكس عنݣتها ودخلتها لموضعها وجيت نديلها متاااكل شي حاجة اكثر..
الحاجة: خافت من كولشي.. غير هنا فالدار كولشي راد ليها اللومة
زهير: يردو ولا يݣلسوو قرااان مكانش يݣد يحاديها حتى بصبعو ولكن درك (شاف الساعة كانت 5 ونص دصباح) صعييييب نبقاو بجووج (شاف فولدو للي متكي ومغطياه الحاجة ) ويوسف مولف عليك مغتجييهش صعييبة
الحاجة: نوض رݣد نووض رتاح شوي وحوي راسك من دشي
زهير: (شاف فيها حس بيها كتستهزء بيه) كفاش رݣد!! راه هادشي للي كديريلي فيه نهز ولدي وكماارتي نغبرها (خرج زاادح لباب حتى تخلع ولدوو وهي طلع معاه عارف مو كتحماق على أمال ويمكن ولات عندها بلاصة كتر منو وباااااااردة من غياب أمال رجع عندها) فينها؟! راكي عارفة بلاصتها
الحاجة: (بقات كتشوف فيه بقا فيها الحال منين قالها يمشي بلا رجعة) عارفة
زهير: فينها!
الحاجة: (ضارت للجهة الأخرى مخليااه كيسول حتى بدا يغوت زدح لباب ومشا كيصعر فوسط الدار) صعر بحالك بحال باك تريكة لغوات فينما مشيييتو…
أصبحنا وأصبح الملك لله..
أنوار: (منعسش بالفقصة ديال الطموبيل للي كانت عندو شي حاجة مهمة كأنها طرف من ذكرياتو وحيااتو عاد الشيكات ديال الناس ولكن حتى هو شاغلاه أمال والمشكل الليل كامل زوهير صاعر على مو كيغوت فينها!!! جات عندو مرتو ياله جات تهضر حيت مصدوومة من وجهو للي مخمج واحد العين مسدوودة ومنفوخة التانية محلولة غير شوية وزرقاا جبهة فموو مجرووج وجهو كامل مخربق) روحي من وجهي
امال2: واش صرا ليك؟!!
أنوار: (بلغوات) رووووووحيييي
امال2: (كتبكي) واش درت ليك أنوار من نهار تزوجت بية ونتا محاملنييش واش درت ليك انا غير كنبغيييك وصاافي (رجعت لبيتها كتبكي كانت بغات تصوني على معا ولكن خافت يوقع كيف وقع لبارح ويسمعها كتهضر عليه وينوض يسكر عاود.. سمعت خبيط فلباب بالجهد لبست حوايجها بالزربة سمعت باه وخوتو جاو كيسولو على الطموبيل للي تحرݣت هو غير ساكت عاد وجهو المدمووغ)
لكبير: هضر واش صاري؟!!!
أنوار: (خرجت لبارح تخنقت وبغيت نخرج تعرضولي شي شماكرية بغاو يݣريسيوني ضربووني هربت ليهم وحرݣو الطموبيل من بعد مسرقووها.. حنا راسو شافوه كيهضر مبرد رجعو كيعاودو يسولوه وهو كيجااوب باه على سبة الا حتى مشا غوت ولا شي حاجة غيتفرݣع عليه..)
~~~~~~~~~~
زهير: (ممشاش الخدمة بقا فوق راسو كيتسنى أمال تصوني عليها حيت غير فالليل لقاهم هاضرين 5 الثواني عيا يشوفها هي دارت راسها غضبانة مكتجاوبش ولكن بعدا عرفها بيخير) مصييرها ترجع (تم جاي وليد وهند كيسولو على الجديد هو ناض بنترة طلع لسطح محتاج يكمي تبعو وليد) بغاو يهبلوووني مّا عارفاها وين راها ومبغاتش تݣووول (بعصبية) مع تجي مع نطلݣها
وليد: طلݣها!!! واش نتا مريييض عارف سموو راك تخرج مع فمك؟! طلݣها زعما غتݣطع عليها لهوا راها خدامة بكتاافها تهز راسها وولدها وكاين فظهرها خوها وانا (شنق عليه زهير)
زهير: بلع اوليييد
وليد: عااارفك معصب مكنكووولش هي مغالطااش ولكن متنسااش غير الحمل راه كيهبلهم وعاد خاافت منك باش تعرفها شحال تبغيييك (قشع ليلى خارجة كطل براسها وتقلب واش كيشوفها شي حد شوية مشات ضاارت من جهة ديال جنان خرجووو عينييه..) وحتى نتا غلطت فاش ضربتها..
زهير: (خلاه كيهضر وهبط كيجري….)
وليد: مال دلبغل!!! (ضار طل من سطح مكااين والو تبعو قال ربما أمال رجعت وطلعت هبط كيجري باش يكون معاها…)
وليد: مجاش زهير؟!!
هند: لا ياك كان معاك فسطح؟!!
وليد: كان فسطح معرفت واش شاف هود يجري
هند: (ضارت عند الحاجة) ياكما شافها
وليد: واش أمال راها هنا؟!..
هند: (حركت راسها باه وهزت تيليفونها) الوو ليلى واش راكي عند امال!!!.. قولها راه يمكن زهير يجي عندها.. يمكن حيت شافو وليد تيجر.. جاي.. ههه صافي اختي نمشي نهرب انا… (قطعت وشافت فالحاجة) الحاجة الله يعاونكم
الحاجة: نمشي معاك ابنتي لواه نخليك وحدك
وليد: (مفاااهم واالو دابا عاد كيفهم البرود للي راهم فيه) فينها؟!
هند: فلاتولي ديالها قالها متخرجيش وڤري مخرجاتش هو للي مقلبش مزيان وهي كانت بغات تبقى بوحدها شوية
وليد: (بقا غير كيشوف هاد كيد نسا كيف دااير حتى من مو شافتو كيحماااق ونصراات بنت الناس.. شافهم نااضو تبعهم لسانو معقوود هز بنتو ويوسف ومشا تابعهم)
~~~~~~~~
أمال: (غير عرفاتو جااي حست بحركة فكرشهت بالخوف وماشي من لبيبي هادي حركة سريسرة ديال الخوف تكات فوق لفتووي وتغطات ليلى ملقات مدير جلست فلكرسي كتشوفو من سرج الزاج جاي)
ليلى: اهياااا نااري السلامة يا ربي صوطة وحدة تجيبنا فوهران
أمال: (حلت عينها فسقف دارت راسها بحال ميتة زعزع شبيك لحديد للي على برا) احاااي..
ليلى: (مشات ليلى حلات باب الزاج شافت فيه تبسمت اما هو مغووبش وجهو مكيفسرش صدرو كيطلع ويهبط ااخر حاجة فكر فيها هي هادي كانت غير حداااه وهو هابل وحامق عليها.. جات تحل لباب دبرا خطفلها سواارت حلو ودفعو بالجهد دخل شافها ناعسة فلفوتوي والطلبة فيها صينية ديال لفطوور وعاد شي سقاطة باينة كلاتها فالليل قربلها مطير داك لفراش من عليها)
بلعقل ازهير
زهير: روحي اليلى لولادك بعدا نتي راكي بعقلك مديريش رووحك فبرهووشة (أمال مزال سادة عينها)
ليلى: زهير صلي على نبي
زهير: (كيشوف فأمال للي مغمضة عينها واحد الرأس كيقولو يمشي يدمغها بونياات حتى يطيير دمها وراس اخر بعدا عرفها فين كانت وصل وليد الحاجة هند)
الحاجة: بنتي نتي هناا؟!!
أنوار: (كولشي كيهضر ويغوت راسو تنفخ حس براسو ممرتاحش فمرااا معندو حتى معامن يهضر ولا يخوي باه من جيه مرتو كتبكي كتشكي ختو كتأنبووو.. قرارااتو كانت غااالطة من نهار تعرف على أمال غمض عينو تفكر اول مرة شااافها من اللول بان هي فعاااالم وهو فعاالم هو للي دخل فحيااتها ولدابا مزال كيدخل وعاارفها راها فمشكل وتقدر فأي لحظة تعاود لزهير كوولشي وتمااك غيكون بلان ااااخر.. تم نااايض)
لكبير: فين نايض
أنوار: باغي نخرج
لكبير: جلس لارض الحمار
أنوار: (مرضاش قدام مرتوو) كفاش حمااار واش انا مزال يتݣااالي حماار
لكبير: (باه وقف) ومزال نݣووولها حيت يا لكيدار مدرتيش عقلك الي ݣدك راهم دارو عقلهم
أنوار: اااخر مرة تعاودها
بشرى: انواااار واش حماقيت
لكبير: (خرج عينو فولدو) خليه خلييه.. ويلا عاودتها واش دير؟!
أنوار: (سكت حيت ببساطة معندو ميدييير اصلا هاد التهديد غيكلفو بزااف تم باغي يخرج وباه دفعووو حتى كان غيطيييح غير شد فلحويييط )
امال2: (غوتت خااايفة) انوااار
أنوار: (مع وقف باه جمع معاه بطرشة والنيف كان وااجد باش يشرشر بالدم شد غحنكوووو وحس بحݣرة خااااايبة اصلا من شحال هادي مرتاح ولا عاش مهني) غير قتلني حسن معااايش مݣاااد ممرتاح غير قتلني حسن (هبطوو دمووعو وتفاحة ادم مرصاااتش بالغصة للي حاااسها تماك) والله مكرهت نلوووح راسي فشي قنت نتهنى (بصوت مخنوق) وكان غير مت مع مّا ولا هاد العذاااب
بشرى: (كتبكي) أنوار نعل الشيطان
لكبير: لوووح حيت عييت مندير فيك راااجل ونتا ولا باغي ترجل
أنوار: (بلغوات) ياااو واش بغيت ندير مزاااااال!!!! ݣلتلي نوض تزوج وانا مزال حتى منسييييت مرتي وحرقتها كانت مزالة فݣلبي ݣلتلك واااه زوجتييني ببنت ختك وݣلتي زيتنا فدݣيݣنا ورضييييت وحنيت الراس
امال2: (هنا بدات تبكي وموس حافي كيقطع قلبها طراف طراااف)
أنوار: ݣلت سكن هنا وانا كنت باغي رجع لفرنسا سكت وسكنت مخليتنيش حتى نخرج نسكن فقنت اخر.. ݣلتلي دير مشرووع درت داكشي للي نتا بغيتيه!! واش للي جاك ممرجلش فية ابّا وااااااش!!!!
لكبير: ماااااا تغوتش ولااا
أنوار: ولا واش دير لي بغيييت ابا انا عييييت (تم خاارج باغي غير يهرب تااابعو بااه كينݣر رجليييه دااوه لجنااان)
زهير: (سمعو غوات خرجوو يشوفو كان أنوار تابعو باااه للي على غفلة حتى طاااح على ركاابيه كولشي غوت أنوار ضار لقى باه طايح على ركابيه بحال كيجمع نفسووو ويدوو على رقبتووو مشا عندو)
أنوار: با با !!
لكبير: (بصوت مقطع) جيب لما..
أنوار: (الحاجة كولشي مشا يشوفو خايفين علييه هو طار لاتوليي يجيب لما دخل لقى زهير عاد كيتمشى ببطء يفهم شنو كاين حتى دخل كيجري) بّا بّا لزهير راه يموووت
أمال: (حلت عينها وناضت جلست بلا متحس وهي تصدم من وجه أنوار للي مخربق عين مسدودة منفوخة والتانية ياله منحل وجهو مزوق بيه حمر وزرق وعاد لبانظة داايرة على راسو قالت صافي زهير عرف المستخبي لكبير مات بالفقصة وهي التانية فقائمة زهير بالخلعة هاد المرة سخفت بالصح أنوار شافها وزهير مشا كيطير عليها حيت بانت بالصح سخفانة وانوار هز قرعة دلمااا وطار عند بااه…)
أشرف: (اليوم كان كونترول عند طبيب خدا شيماء ليه من بعد مخلاو مريم فلاكخيش ومرام هازها..) غديري احبيبة غير كونترول
شيماء: كنحس براسي مزيانة وحتى دوك التحاليل للي درت لبارح ݣالو كولشي مزيان
اشرف؛ هادشي للي ݣالنا طبيب نديروه درنااه (بقات معجبة ولكن تصرفات مؤخرا كان زويين معاها بزااف لدرجة رجع كيخرجها نهار اه ونهار لا والسبت كولو كيكونو برا دخلوو عطاه التحاليل للي كانت دارت طبيب شاف فدوك التحاليل)
طبيب: مدام رواحي نديرو كونترول خفيف (دخلت المساعدة ديالو دخل حتى أشرف، دارت ايكو على كرشها طبعا المساعدة هي للي كشفت عليها وهو متبع ديك التلفازة كمل خرج وتبعو أشرف على متلبس حوايجها)
فعلا كاينة كورة صغيرة الحجم ديالها 2 سنتيم خاص تحايد حيت مع الوقت كتكبر ويمكن تكااثر وهادشي للي كيأدي للمرض الخايب
أشرف: يعني ما فيهاش دابا؟
طبيب: خاص تحايد الكورة وتمشي التحاليل وتبقى تجي دير كونترول
أشرف: خاص عملية
طبيب: لا غير بدوا غتهبط حيت ماشي كبيرة
أشرف: صافي واه ݣولي دوا للي نجيبو ليها
طبيب: (تمت جاية شيماء تبسم معاها أشرف كان خاايف من كونصير بزااااف تبسمت معاه وجلست طبيب شرح ليها شنو عندها ولكن بطريقة ماشي تخوييفية… ومذكرش نهائيا حس المرض الخايب حيت النفسية كتلعب دووور كبييرر فتفااااقم الامور بلعكس بقا كيشرح ليها ان مرة مرة خاص دير كونترول باش تعرف صحتها.. عطاها ريجيم ماشي قااسح تنقص شي حوايج للي غير مفيدة لصحتها وتزيد شي حوايج للي يساعدووها وحتى دوا)
شيماء: ان شاء الله (خرجوو من تماك داز لفرماسيان خدا ليها دوا) حتى حنّا كانو فيها كراات فلوالدة
أشرف: وكيف بقات؟!
شيماء: ماتت
أشرف: اعوذ بالله.. شيماااا
شيماء: لا غير ݣلت ليك
أشرف: ولاه تݣووليلي ونتي عندك وحدة صغيرة غيتهود بدوا سمعي يا ر** والله وتزݣلي شي نهار متشربيش دوا والله حتى نݣطع لمك راسك
شيماء: هههه ظحكتيني
أشرف: وهاني ݣلت طبيب ݣال 15 اليوم نهود نعرفها مهودتش والله يا مك حتى نحشي يدي فيه ونترها
شيماء: (تبسمت حيت مفهمة هاد العصبية جاية غير من خوفو عليها) انا براكة علية غير خووفك علية والا بغات تجي الموت تجي عارفة بنااتي مخلياااهم مع اب للي يعوضهم حتى فمهم
أشرف: (جمدوو عينيه فيها حتى تضببو قلب عينو كيحركها بالزربة وخنزر فيها) نعرفك مرا وفحلة عاودي هاد لكلام مرة أخرى (زاد هاز بنتو وهي تابعااه متبسمة حست بحب كبييير وغير خوفو كان عاطيها رزانة كبييرة للي مخافتش من ذكر ان كاين جسم غريب فجسمها خاصو ينزل باش متفاقمش الاوضاع..)
أنوار: بّاااا بّاااا (لاخر كان وجهووو حماار بزااف وكيكح عطاه كيشرب وعمر يدو بلما كيمسح على وجهوو)
ليلى: (خايفة عليه) ديييوه للدار ولا دخلووه لهنا متخليوهش هنا
وليد وانوار دارو ذرااعو فكتافهم هزووه مدخلينا لأقرب بلاصة هي لاتوليي ديال امال فين دخلو لقااو زهير كيف فيها غير شافهم داخلين بخووه سخفان مكانش فاقد الوعي ولكن حالتو لا تبشر بالخير هز أمال بين ذرااعو وخلاولهم لبلاصة فين يحطو خووه
الحاجة: مالها أمال عاود!!
زهير: (شاف مخنزر فمو) والو.. هند شوفي اختي معاك خويا (تم خارج بامال ماشي بيها للدار شاف فيها) يا ر** والله لابقات فيك وبراس مّا حتى نمحنك غاااا صبري على هاد تبرهيش وتفرعييين للي ولا فيييك (داها لدارها كيتحلف فيها حطها فوق النموسية كيشوف فيها داير ذرااعو فجنابو.. مد جوج صباعو حطهم فوق عنقها وصبع تحت نيفها.. زفر جبد غطا غطاااها) نتي للي جا معاك رݣاد.. (كان يوماين منعسش فيها حتى دقيقة.. تم خارج لقا ختو عيشة جااية على رجليها يعني ماشي رااجلها للي جابها)
عيشة: واش صاري على صباح؟!
زهير: واشتا!!!
عيشة: خويا لكبير منوض روينة على أنوار وضربووو واش هو للي كلا لعصى مزال خويا يسبو ويضربو من لفوووݣ ومرتك مكان لي دواها ولا ݣالها حتى علاه
زهير: واش عندك مع امال مرتي؟!
عيشة: واانتا للي واش دارت ليك واش للي عااجبك فيها وهي شباب بلانا
زهير: عاجبني فيها طب*** (عيشة تصدمت وبالحشمة هزت خمارها غطت فمها بيه… حس انها صعرااتو وفيض الكاااس للي عمر حتى تدفݣ عليها هز حجرة وبدأ يشير عليها اما هي ݣفضت وتخبعت بين الطمووبيلات) يااااو بالرب لوكان تعاودي تجبديلي دالهضرة حتى نوصلو يانا وياك لصوااالح مزينييينش
عيشة: (كطل برويسها خااايفة من لكرط للي هجم عليها بييه ومكانتش هادي اول مرة تعصبووو هاك المرة الأولى كانت على كتبة ديال الدار زالورث ودابا على مرتوو) يعطيني لݣطع الا عاودت جبدت ديك لمسخووطة
زهير: (هلل عليها عاد تم ماشي لجنان كينݣر ويصعر)
امال2: (حتى مشا خالها عاد خرجت كتقلب على مها) يا ماما ݣلنا ليك لا تعاوديش تجبديهاالو
عيشة: مشا داك المصعوور
امال2: مشا لجنان راه كولشي تمااك..
زهير: (مشا عند خوه لقاوه كتقلبو هند للي يمكن وليد مشا طار جاب دوزان ديالها بقا اللور حيت شافووه رجع ليه التنفس شوية ومبقاش مخنوق تمت الحاجة راجعة حداه) مّا!! (خرج عينو بمعنى راه واصلة ليه لعظم..)
الحاجة: نعل الشيطان اوليدي
زهير: (مجاوبهاش بقا كيشوف جا عندو وليد) رواح نتا بعدا عاارفك مضهصص بحالي
الحاجة: اولدي… (مشا رجعت متحسرة حدا لوخرين)
زهير: واش صراا؟!
وليد: على للي فهمت دابز هو وبااه ويمكن ݣالو لوح راسي هادشي للي سمعت بشرى تبكي وتݣوولها (تمو خارجين لقاو أنوار مقرد عاطيهم بظهر) غير سير نتا
زهير: رواااح اصااحبي (تمو ماشي عندو غير دار لقااه داير يدو على وجهو وصوت شهقااتو كيتسمعو كان بكا ديال الحر) انوااار!!!
أنوار: يرحم والديكم خليوني وحدي
وليد: (طاالب عليها تم باغي يمشي وهو يشدو زهير)
زهير: انا نشووف خويا ورجع (خلاه معاه) خليك حداه…
وليد: (بقا وااقف مخسر سيفتو وهو كيشوف فيه) علاه مترجعش لفرنسا
أنوار: (كيمسح وجهووو) مخلاونيش
وليد: هرب كما درتي المرة اللولة
أنوار: (شاف فيه) بّا هاد المرة مغيݣدش يسمحلي
وليد: وحتى الا بقيت هنا مغيسمحش ليك بعدا يكون الضرر خفييف انا بية (هو حاضي لباب زوهير دخل لاتوليي.. حنا عندو وتكلم بشوية) انا بية بنت عمي
أنوار: معندي نية باش نضر حتى حد
وليد: انا بعدا عندي نية ماشي غير نضرك ولكن مربووط وكنتسنى نتا تعطيني شي حاجة
أنوار: (وقف كبشخر بنيفوو) مغندير والو
وليد: لا غير دير
أنوار: واش ندير انا درك!!!
وليد: مݣااادش تمشي لفرنسا خرج من هنا معندها حتى معنى تسكن هنا متݣولي لا با لا عمي خوي من هنا متشتتش فاميلة على ݣدها خلي بنادم عاايش حياااتو واش مكيضركش خاااطرك ونتا كتشوف زهير سمو كيدير على قبلك ونتا باش كتردوو ليه
انوار؛ (عاود دموعو طااحو وحنا رااسو حس بخنقة كبييييرة)
وليد: بعد بنت عمي ختي مهضرناش حيت كان الغلط حتى منها ولكن أمال بالرب حتى نذبحك عليها (شاف بشرى جاية عندو غير وصلت حداه الاخت عليه عنقااتو هو بعد مشا لاتوليي كان لكبير فاق وهند حدااه وحتى زهير) انا نرووح للخدمة هند بقاي هنا زهير رواح معايا واحد دقيقة عمي لكبير لباس عليك
لكبير: الله يرضي عليك اولدي
وليد: (خرجو برا) عنداك دير شي حاجة لأمال
زهير: رووح أوليد
وليد: كنهضر معاك اصااحبي
زهير: يااااو رووح بلا متزيد علية حتى نتا…
أمال: (فاقت على لمسات حنان حلت عينها بشوية كانت هند) هند!!!
هند: حساب ليك زهير هههه
أمال: احاااي (تفكرت شنو شافت وجلست) واش هو للي دار فانوار هكاك
هند: ششششت (مبغاتش تسد لباب حيت غيهلل عليها براكة غير الهضرة للي سمعهم ومخلا مقالهم بغذاارين وكتظحكو علية طلاهم مزيان هي وليلى والحاجة..) ماشي هو خوك محمد راه معاه برا
أمال: اربييي شنو هاد الوحلة فين راني
هند: صبري وخليك فالموقف ديالك متنسايش راكي حااملة عندك علاش تعولي هو غيصعر شوية ويسكت
أمال: يا ختي راه قاسح الغضبة ديالو خاايبة
هند: شوفي نتي تبووحطي ولحمل والوحم ومتنسايش تلحلحي مزيااااااان عليه ݣاع داكشي للي حافظة وللي محفظاااش قوليه
زهير: (سمع هند كتهضر عرفها تكون فاقت وخصوصا فهم من محمد انه كان عارف مخرجتش من الدار.. وقف حداها مكشكش هي حنات عينها من دوك النظرات هند مكرهتش تلاح من السرجم للي حداها) هادشي منسوااا عندك ابنت مصطفى
محمد: (لحق بيه اما حتى لوخرين كولشي فدار لكبيير)
أمال: (شافت فيه وقلبها وجعها موالف كيقولها بنت مّا.. ولات حنات عينها كترمش بزااف دالمراات)
زهير: دايراااني ظحكة انا هنا عقلي خرج وغير نݣلب عليك ونتي مخبية فداك لبيت واااش ݣاااعرت ليك ياك منين جيتي لهنا وانا داايرك فعيني
أمال: زوه…
زهير: بلعيييييييي مبقى بينا كلااااام
أمال: (تخلعت وشافت فيه شادة لبكية) نتا للي ضربتني انا خرجت غير باش نن…
زهير: نن.. وااااش ترتاحي ترتاحي مني يانا!! رجعو لها واش درت ليك ݣاااع ضربتك حيت خرجتي عريااااانة (شاف فمحمد) مرتك تهود عريانة حدا رجال واش ديرلها هادشي بلا منهضرو على الضرب
محمد: لعنوو الشيطان اخويااا
أمال: انا خف..
زهير: (صااعر) من امتىىىىى من امتى أمال وليتي تحامي علية باش تهودي عريااانة ومكملاها مخلية عقلي خااارج وطافية تيليفونك فين قيمتي يانا من هادشي
أمال: زوه..
زهير: مبقى بينا هضرة (تم خارج كولشي بقا مصدوووم محمد تبع زهير وهند أمال بقاو غير كيشوفووو)
أمال: (شافت فيها ببراءة وحزن) قو*** هاد المرة
هند: بزاااااااااف…
محمد: نعل الشيطان اصااحبي
زهير: محمد خليك بعيد على دشي لوكان تعرف واش داروولي وكان غتفهم
محمد: فاااهم حتى يانا معجبنيش دشي ولكن بلعقل راك عارف نسا والوحم ميݣد عليهم غير للي خلقهم
زهير: لا واالو.. معندها حتى شي علاقة بالوحم لوكان غير بقات فدارها نتفاهمو ولكن باش تخبا لية فالبيت وانا هااابل مخليت بوليس مخليت حتى قنت نݣلب عليها نعاس يوماين هادي عيني مغمضاااتو وهي مرتاحة مع رووحها وماشي غير وحدها اللومة على مّا حتى هي للي مشاركاها فهبالها
محمد: (تحط بين نارين واش يدافع على ختو ولا على الحق) معليش غير هاد المرة راك عارفها شحال تخااف
زهير: ميغركش منين سمعتيها ضربتها والله محكمتها مليييح ضربة جات فلهوا كتر من وجهها انا مرتي يشوفها الغااشي ولاد لكبير كاملين واش تعرف منين نݣولك عريانة ولا !!!! شوووو محمد خليك اخويا حنا واخا هكاك غنبقااو صحاااب وفوكما حتاجيتني ولا حتاجيتك غنجيييك
محمد: كفاش نبقاو!! علاه سمو بغيت دير؟!
زهير: داكشي للي دارتو ختك ممقبوولش عندي باش تردني ظحكة لا كما عندها قيمة كبيرة عندي مقامي نبغيه ديما يكون كبير.. والسلام عليكم… (مشا ركب فطموبيلتو معصب ومحمد بقا غير كيشوف طلع عند ختو كانت مزال متكية فبلاصتها)
محمد: علاش درتي هكاك كان عليك نجي لعندي غضبي شحال بغيتي ماشي نتي فدارو وهو عقلو خارج بالتقلاب
هند: المدام راني جبتها من لوطيل
محمد: ماشي ديالك أمال ها هو شاااعل وكيكوول هادشي مغيقبلوش
أمال: شنو ݣالك اخويا
محمد: مهم بففف حنا نعاودو معاه محاولة الا متفاهمتوش داري هي داارك
هند: اويييلي لاااا ماشي ݣاع لهاد الدرجة
أمال: (تخلعت) لا راه غير معصب
محمد: مهم ما كانت بغات تجي بلا منجيبها انا نمشي للخدمة ندوز عندو تماك
أمال: علاش خرج؟!
محمد: واه
أمال: (بقات مخرجة عينها مصدوومة.. جا محمد باسها فجبهتها وخرج) لاااااا زهير ميسخااش بية وزايدوون مزال حتى معرف كولشي وبغا يخليني
هند: تأ علاش رجال متيفهمووش حنا خاصنا شي وقيتة للي نجلسو فيها بووحدنا
أمال: مبغيتش نجلس بووحدي اهند مبغيتش ربي ولادي بووحدي فلوس كاينين نخدم ونعيشهم مزيان ولكن انا عمري نعيش مزيان انا كنبغي زهير بزاااف وهو عمروو دار معايا شي حاجة خاايبة الا خلاني والله حتى نقتلو
هند: واش عدااك نتوما فمهم غير لقتيلة
أمال: والله حتى نقتلو يا نكونو بجوج يا ميكوونش بعدا نحزن عليه وهو ميت ماشي حي…
لكبير: )كان رجع مزياان شاف فولدو للي جالس ساااهي وعينيه فيهم حزن كبييير…. نفس الحزن فجنازة مو)
انوااار
أنوار: نعام ابّا
لكبير: فين مرتك اولدي
أنوار: راها لتحت
لكبير: تهلا فيها اولدي راها درويشة وكتبغييك
أنوار: (تنهد وقلب وجهو) نشالله.. (شاف فيه) بّا انا غنخرج بغيت نبقى وحدي شوي
لكبير: فين تمشي؟!
أنوار: معرفت متخافش مغنهربش راه بنتي هنا وكولشي عندي هنا بغيت غير نبقى شوية وحدي (تم نايض خااارج هبط لتحت مشا لدارو هز سوارتو بزطامو تفكر طموبيلتو للي مشاات ولكن تقبلها انها عقاااب بسييط على شنو دار هاد الايااام واخا كانت عندو غاااالية بزاااف هز جاكيطتوو دار كاسكييط ولبس نظاظر فلحكل.. ياله غيسد لباب أمال هابطة من درووج هي وهند شاف فيها وهي كتخنزر فيه حنا عينييه وتم خاارج)
أمال: الله ياخد فيك الحق
هند: امييييييييين… (هبطوو هند مشات تجيب لوليدات من لاكخيش) وطموبيلتك نجيبهالك بلاتي
أمال: غير خليها درك معندي مندير بيها احاااي هند مبغييتش نطلق
هند؛ الاااااا اوييلي على طلقي غير عطيه شوية ديال صبر
أمال: (تنهدت) مصاااب.. (مشات هند وأمال مشات طل على لكبير لقاتو شرب دواه ونعس وكولشي مجموع لتحت غير ليلى لي كاينة تماك مقابلاه..) شنو ندير اليلى
ليلى: ݣلتلك شحال عاوديلي انا راني شفتكم داك امرأة فداركم خارجين بجوج من طواليط
أمال: (وجها حماار) هو للي كيتبعني
ليلى: عاارفة داكشي باش كنت ݣلتلك عاوديلي.. حتى دابا متخافيش الحاجة يانا كولشي معااك المهم ميعرف واالو من عندك نتي وحتى لاخر ميݣد يݣول والو
امال؛ (تنهدت) غير يݣوول والله حتى نقتلو اصلا شحال وانا مشهية يمووت
ليلى: اعووذ بالله وكان تشوفي باه شنو دارلو
أمال: ليلى اخر واحد يبقى فية فهاد الدنيا هو داك الكلب لهلا يوريك شنو داارلي.. (جابت هند يوسف وبقات معاها ساكتين حيت لكبير فاق جا الليل أمال على اعصابها كتسنى زهير واالو مكيجاوبهااش حتى فالتيليفون)
أمال: جاوب ازهير جاااااوب
الحاجة: والو ابنتي؟!
أمال: والو امّا هند ݣولي لوليد يصوني عليه (هند كتصوني على وليد مجاوبهاش) يعني راهم بجووج
هند: وي داكشي للي بانلي.. أمال صبري
الحاجة: ايااا شنييولة صبري راني عارفة داك لمݣنوي والصعرة للي تشدووو
أمال: بففففف على مولانا….
زهير: (جالس فقهوة هو ووليد كيكمي حاط قهوة حداه وطبسيل اللوز كيتقب منو) معجبنيش الحال أخاي وليد
وليد: ونتا نيشان مشيت لطلاݣ
زهير: والله لوكان بقيت فالدار وكان راني طلݣتها من صباح داكشي باش جيت هنا
وليد: نعل الشيطان ماشي شي غلط للي يوصلكم لهكا
زهير: (مبرد) انا بعدا حاس انه غلاط وغلاط كبييير للي يوصل لكتر مكفاش هودت عريانة، لا ديك القضية تخبع تخليني بحال شي مجنوون واش انا ݣد هاد تبرهيييش معندها حتى معنى
وليد: المعنى كان هي خافت منك ماشي نتا ݣلتي تعصبتي عليها كنتي غضربها وهي سخفت (قوس عينو فيه كيسمع ليه وهو كيكمي) دارت راسها سخفاانة ولكن المعنى هو هو الخوف خلاها دير هاكا يمكن ݣاالت ارااا نتخبع ليه ينسى موضوع انها نزلت عندك عريااانة باش تبقى خايف عليها والله غتكون هادي هي عقليتها
زهير: (حرك راسو بلا) أمال ممواافاش تخاف مني غير الا دارت شي حاجة للي م****
وليد: اوا راه عودت عريانة
زهير: وليييد أنوار كيرعرع ويݣول كانت ديالي وانا سمحت فيها وهي كانت ݣالتلي كان واحد بغا يخطبها ومكتااابش
وليد: نتا كتشك فانوار؟!
زهير: (هز حواجبو بجوج وبقى كيكمي)
أمال: شوف انا عرفت شيماء كانت كتهضر مع ولد خوك فعرس خويا (شاف فيه زهير) يعني قبل حتى ميخطبها بلعقل امتى أمال كانت غتكون مع واحد كيهضر مع بنت عمها زائد انا راه كنت نهضر مع هند ديما وكانت معاها أمال وديما كانو ينصحو شيماء تبعد انا كنت كنݣول ربما محمد حيت عارفو كان حاط العين وخطبها مرة وجوج كان باغيها ديال بالصح
زهير: معرفت اخويا هادشي كيدوخ اخر حاجة كنت نبغي نبش فشي ماضي ولا زمر عمرني حتى هضرت معاها يمكن مرة وحدة وسدينا وطوينا
وليد: نتا عارفني منخبي عليك والو يعني من اللول كنت نݣووولك واش كاااين
زهير: (باغي يتييييق… زفر) لوكان تعرف لحكاااية صح!!!
وليد: زهير راك غير تخور ابن عمي مخلي المشكل وماشي من مور الشيطان.. امال شحاال وهي معاك 4 سنين ولا كتر واش مزال محفظتيها ݣاااع
زهير: انا للي كفرني ومكرهت ندوز على مها بمووس حااافي هو تخبع وتخليني نݣلب
وليد: وعلى هادشي تنوض تطلق
زهير: هادشي راه يطييرو فيه رݣااااابي اسيمحمد ونتا تݣولي جات فطلاݣ حيت نعرف أمال وحافظها عارفها صاينة روووحها وصااينة شرفي اما واحد اخر يوريها مباتة برا كيف دايرة
وليد: هي باتت فالدار وهادي تشفع ليها
زهير: واش راها حطاك محامي ليها
وليد: ههه عرفتي زواااجكم كان نقي بزااف منك ومنها حرااام يضييع هكاك غضب زعف عاقبها باش بغيت ولكن باش تفارقوو
زهير: (بقا ساااكت وداك سكات معاجبش وليد للي من صباح وهو يشرحلو ويفهمو) روووح أوليد لداارك
وليد: نتا متمشيش؟!!
زهير: غنبات فالمحال مجاجي ماشي هو هدااك وهي حاملة مااااا حسن نبقى بعيد
وليد: شتي راه هادشي علاش هربت باش تبقى بوحدها حتى هي ون..
زهير: هههه روح أوليد رووح وكان درتي محامي خيير ليك من شي محالات
وليد: ضااايع اولدي.. (ناض مشا زوهير بقا جاالس ساااارح بعقلوو كيكمي ويتمزك لاغنية خداااتو من داك العااالم…)
امال2: مشا ومݣالي واالو
بشرى: (كتشوف فيها زواجهم كان غلطة كبييييرة لا هو كان مستاعد يتزوج لا هي قد مسؤولية زوااج مكرهتش تنوض تطرشها كفاش راجل يقول قدامك هكاك انك غير عبء عليه ومزال كتسول مغضبت مدارت قيمة راااسها) انا نمشي نشوف ليلا
عيشة: بشرى هضري مع خوك هادشي للي راه يدير فيه عيييب وحشووومة
بشرى: واش نݣووول اعمتي وااش ندير!!
عيشة: بزاف ميتݣال ليه ياك هو للي ختار بنتي وكان يهتر بيها مالو دابا تݣلب
بشرى: صافي انا نهضر معاه (خرجت قبل ميبداو يهضرو صونات على أنوار جاوبها) الوو خويا فين راك
أنوار: (زفر) سعيدية
بشرى: متجيش هاد الليلة
أنوار: لا.. خلي معاك ليلا
بشرى: جاوب مرتك اخويا راه كما كان الحال راها مرتك وخايفة عليك
أنوار: غنطلقو انا وأمال مكاين لاش نزيد نعذبها معايا لا هي تعيش مرتاحة لا انا
بشرى: انوااار!!!
أنوار: هادشي للي عندير اختي بّا كما فاهم ان زواج حلال راه حتى طلاق حلال
بشرى: ياك ݣلتي رجعات مزيان
أنوار: غلطت بزااف نهار طاوعت بّا اختي مكانش علية نغبط ونتزوجها راهي مزال صغيييرة
بشرى: منݣدش نهضر معاك هادشي فالتيليفون جاوبها على الاقل علمها مغتكونش هاد الليلة متقررش شي حاجة ونتا زاااعف خليك حتى تبرد
أنوار: (كان كيشيش.. زفر) يكون خير
بشرى: متطولش اخويا الغيبة واش مشيت مع شي صاحبك
أنوار: مبقالي صحااب اختي وزهير مبقيتش ݣاد نحط عيني فييه أشرف راكي عاارفة
بشرى: كاينة انا غدا رواح نخرجوو ونهضرو
أنوار: نشالله ختي ياك با راه مليح؟!
بشرى: الحمد لله غير تهنى عليه وغدا رواح
أنوار: نشالله….
هند: زهير قال غيبات فالمحال ديالو
أمال: علاش؟!
هند: معليش خليه يرتاح
أمال: انا بعدا رتاحيت غير فالدار ودار حاالة
الحاجة: (حركت راسها باه) معليش ابنتي نتي مولات لعقل روحي ترتاحي شوي
هند: انا احبيبة غنمشي وليد شوية غيكون هنا متقلقيش (باستها سلمت على الحاجة وخرجت داية بنتها معاها)
الحاجة: رواح اوليدي رواااح (مشا عندها يوسف كيجري كتوكلو دانون) وكان غير مهودتيش ابنتي خليه ييتفالݣووو بيناتهم
أمال: اودييي (بقات كتفكر خااايفة من هاد التقليقة) يتجوج علية؟!
الحاجة: ههه يا ربي يلݣى سلاك غير معاك نتي
أمال: ياك امّا؟!
الحاجة: ابنتي راكووو غلطت بزوووج شتي وكان الحاج مزالو فالحياة ودرتها والله يا بنتي مطلع علية الشمس ينحرني من لودن الودن
أمال: والله امّا إلا غير خفت عليه أنوار كان سكران بزاااف وشتو هاز القرعة خفت يمشي يعطيهالو للراس يقتلو
الحاجة: واخا هكاك ابنتي ولدي وانا نعرفو دمو حااامي وعاد زيد نتي عينيه يبغيييك ويموت عليك (أمال تبسمت) تبداي تردي لبال كاين شي حوايج للي لواحد ميسامحش فيهم ابنتي زيد ولدي وولاد لكبير مكانوش متفاهمين بزاف
أمال: واه كان عاودلي زهير مسكين بفففف والله مكنت باغية هادشي يطرا انا فاش ضربني طلعلي الدم بغيت غير نبقى وحدي شوية مكانت نيتي فيها واالو وخفت منو
الحاجة: بغيتي تبقاي وحدك سدي عليك فدارك ومكاين قراان يوصلك
أمال: (تنهدت) نوض نعس امّا
الحاجة: روحي ابنتي الله يرضي عليك (ولات رجعت أمال مسدتوليها رجليها بحال كل ليلة عطاتها دوا كان ولدها نعس مشات لبيتها.. تكات جبدت تيليفونها صونات على زهير وقلبها كيضرب كانت متأكدة مغيجاوبش حتى جاوبت تفافاات)
أمال: الوو
زهير: (متكي على ظهرو وداير ذراعو تحت رقبتو) وي!!
أمال: علاش مجيتيش؟!
زهير: (بقا ساااكت)
أمال: (براسها ملفات متقولو غير قلبها كيرجف ويهضر وفمها مسدود)
زهير: (قطع حط التيليفون فالارض وبقا مغمض عيينو…)
وليد: دابا غير بلعقل كولشي تفرش بغيت غير نعرف كفاش كانت علاقتهم
هند: عادي بحال اي كووبل وصراحة أنوار فاللول كان باغيها كان محتارمها حتىىى!!!
وليد؛ حتى سمو؟!
هند: كانت دخلت بيناتهم شيماء شوف داكشي فااات
وليد: لا غير كملي باغي نعرف
هند: منقدرش أوليد شي حاجة كتبقى من الخصوصية للي نقولك أمال كانت ديما بنيتها عمرها غلطت مع أنوار بلعكس هي اللولة كركبااتو
وليد: ونهار الخطوبة
هند: كان موهمها بشي حاجة وكانت خايفة داكشي باش قبلت يجي يخطبها اوا كتسنااه ووجدت وطلع لفوق
وليد: باش وهمها
هند: ولييييييد.. أنوار اذى أمال بزززاف وحتى شيماااء ولكن أمال تكرفس عليها نفسياااا بزااااف عرف ديك النقطة خوتها يقتلوها ظالمة ولا مظلوومة
وليد: غلطتي اهند وكان غير عاودتيلي هادشي كون راني حبستو شحال دي
هند: وليد مكنت معاودالك حتى شكون انا
وليد: امم نسييت كولكم اسرار غير الله يستر معاكم مع الله يحفظ
هند: ههه ماشي لديك الدرجة ولكن واش زهير ڤري يطلق أمال؟!!
وليد: منظنش غير انا عارف غضبتو خاايبة
هند: بحال هو عمرو عرف شي وحدة ݣاع عندنا ماضي
وليد: ياك ازين!!!
هند: ههه متشدش فية انا ولكن مباالغة منوو
وليد: لا بلعكس هو حس براسو تظحك عليه فقضية تخبع كولشي فخبارو الا هو وزيد تعود عريانة وݣدااام ولاد لكبير
هند: اممم حتى هي ضرباتو
وليد: واايلي؟!
هند: بالخوف طرشااتو ههه مسكينة ديك لبنت والله ذنووبها عليكم
وليد: وعلاش انا راه وكان بيدي من شحال هادي
هند: وكان تزوجتيها
وليد: ههه ياك صحابات وحبييبتك وكدا
هند: ولييييد.. طامع فمرت صااحبك؟!
وليد: (دار كيشوف غجنابو) سمو باغية مني يجيني لمݣنوي الدار يريبها علينا
هند: ههه ولكن خاصك توقف مع بنت عمك
وليد: بقالي غير نبوسو باش يقتانع..
امال2: (طلعت لدار الحاجة مهدودة منعست مشاافتو الموراال خااسر وكلام أنوار غير كيتعاود فودنها وكيزيد يأزمها كتر معارفاش مصير علاقتها مع زوجها باش غتسالي من مور كلامو للي حساااتو خارج من أعماااق قلبو لقات صقيييير قلبت على الحاجة مكيناش مشات لبيت أمال والو الدار مجموعة وحتى من لغدا طاايب)
مّا!!!!!! أماااااال!!!
(جات تخرج وهي تسمع أمال كتعيط لولدها طلعت لسطح لقاتهم جالسين أمال كتقاد مسمن والحاجة جالسة باينة كيتعاودووو فشي حاجة حيت غير بانت سكتو)
الحاجة: جا راجلك ابنتي؟!
امال2: مجاش امّا (جلست فوق كرسي مكرهة) بغيت نعرف يانا واش درتلوو
الحاجة: علاه دابزتو داك نهار؟!
أمال: مّااا!!!!
أمال2: كنت نهضر مع ماما وحسابلو نهضرو فيه
الحاجة: اممم حتى نتي يا بنتي من فم لواحد لودن مك متخليهاش فمووضعها تشد رااسها
امال2: (بانفعال) علاه واش ݣلت يانا!!!!
أمال: اوااااا متهضريش مع مّا هاكا واش نتي حمقة
امال2: راها حنّا قبل متكون عݣوووزتك
أمال: ومنين عارفاها حتارمييها
الحاجة: نعلو الشيييطان مالك ابنتي؟!
امال2: نتي كتسبقيها علينا فكوولشي ماما عندها الحق
أمال: سبحان الله للي عندو شي غل وحقد فقلبو يجي يلوحو على أمال سمعي اديك لبرهوشة ما انا ݣدك مانتي ݣدي من دابا متعاوديش تعرفيني
الحاجة: نعلو الشيييطان ونتي امال2 واش هضرة هادي تݣال لمرت خاالك حتارميها
امال2: هي للي كتعمرك علية وكتعمرو أنوار
أمال: اسكت يا لسااني.. مروااان اجي احبيبي اجي
الحاجة: حتارمي مرت خاالك ابنتي
امال2: وفينو أنوار دابا؟!!
الحاجة: (عصبااتها) راه فالكوزينة كيشحر لينا اتااي… وا بناات هاد الجييل شحال حماااقو مكاينة حشمة مكاينة رزااانة مكاينة نفس (ناضت هبطت وأمال كتكمل خبيز ديالها)
امال2: واش باقي كيهضر مع ديك بنت عمك ولا واش كتجيييك
أمال: (هزت عجينة كانت فيدها لاحتها عليها) اقسم بالله وكان متبعديني لا يانا لاطسييلتي حتى نوض لوح مك من داك سطح وااا**** علية حسلك
امال2: مّاااااااااا مّاااااااا… (هبطت كتجري)
أمال: يخخخخ تفو بحالها بحال مها (شافت فالتيليفون واش صونا تنهدت هي مغتصوونيش…)
بشرى: (كانت خرجت لمدينة مشات تلاقى مع أنوار دخلت للقهوة لقاتو جالس تسالمات معاه بليز) أنوار كيف بقيت احبيبي؟!
أنوار: هاحنا…
بشرى: مغترجعش للدار أنوار نتا وزهير بجوجكم خرجتوو
انوار؛ مزال هو وأمال مدابزين
بشرى: على للي فهمت واه وبزاااف
أنوار: عاوداتلو شي حاجة؟!
بشرى: هه وغتلقاه جاالس.. شوف ماشي بالضرورة كولشي يتعرف ونتا غلطتي بزااااف احبيبي فحق أمال ومرتك وفزهير
أنوار: واش ندير؟!!
بشرى: علاش متهزش مرتك وتسكن بعيد مرة مرة سير عندهم ولكن باش تبقى ساكن تم لا الا مكانش اليوم غدا
أنوار: انا وامال2 صعييب نرجعو بجووج
بشرى: أنوار حبيبي خاص تحمل مسؤووليتك القرار فالتالي كان بقى ليك ميمكنش با كان غيجي يزوجك بيها بالسيف عليك صافي تحمل النتيجة ديالك
أنوار: نجلس مع وحدة ممفاهمش معاها
بشرى: قبل المشكل كنتو تفاهمتوو
أنوار: كنت كنسايرها وصاافي
بشرى: نتا عارف الفاميلا طلاق غينوض حرب عمتي مع بابا عمتي مع راجلها لبنت تبغييك بزااف نتا فغنى على هادشي
أنوار: نبقى معذبها وانا معذب؟!
بشرى: وواش باغي؟! الحل بانلك هو طلاق واخا نتا للي ظاالم
انوار؛ حتى انا مظلووم اختي
بشرى: أنوار نتا زلمتي أمال وظلمتي شيماااا كنتي عايش مليح مع مرتك دعاااا علاش زعما حتى جيت هنا عاد بانتلك مرت عمك
أنوار: مبانتليش ولكن راه بففف انا ديك الصفحة بغيت نطويها
بشرى: طلاق الا مكانش تراضي بلاش
أنوار: راه الا خليتها غنتزوج عليها شي نهار
بشرى: تفااائل خير اخويا أمال بنت زييينة تحبك واخا لكلام للي ݣلتي مزالها تحوس عليك وتسااال
أنوار: هانتي فهمتيني انا بغيت مراااااا حتى هي تݣول لا حتى هي تعزها علية وانا نطلبها ونفكر كيف راضيها تكون عندها شخصية
بشرى: بااااز نتوما رجال عندكم اعااقة فالمشاعر خاص غير للي يمحنكم
أنوار: (شرب من العصير) ماشي هكاك ولكن أمال راها بحال بحال شي حيط
بشرى: غير حيت تبغيك اما وكان معندها غراض فيك كون شطحاااتك
أنوار: بفففف (دار يدو على راسو) انا غنشوف شي دار نخرج من تم واخا
بشرى: مديرش السبة ببّا.. وسير راضي مرتك راها غير مدور وتسول علاش مزعفتيش من أمال وزعنفتي منها.. سكتها قبل ميسمعها زهير
أنوار: اخر محاولة غتكون معاها
بشرى: (هزت يدها) ومعاك حتى نتا أنوار دير عقلك احبيبي راك راجل وأب وعندك مسؤووليااات..
امال2: (غير هبطت لدارنا صونات على مها كتبكي وتعاود ليها شنو دارو حناها ومرت حالها لوخرا بقات كطيير وننزل ولكن مصالحش تمشي عندهم)
وحݣا راه مداابزة هي وخالي.. معرفت انا غير سمعت ديك مّا تݣولها كبري عقلك معاه وهوما يسكتو منين شافوني..
ماما بسلامة شفت أنوار وبشرى داخلين
(قطعت مع مها قبل متجاوب شافت فلمرايا كان لكحل سايح ليها ناضت مسحت بالزربة دارت عكر فشنايفها وحتى فحنكها رشت بارفانها ورجعت تكات فالنموسية هازة عنقها حتى كتشوفهم عوجو لدار لكبير)
تفووووو باش يجي يشوفني يانا اللولة!!
(بقات كتفكر شنو غدير باش تصاالحو تفكرت هضرتوو)
“غيكون غير معصب هو كيبغيني ياانا”
(ناضت لبست بينوار ديال بيجامتها لوات شال عليها هزت تيليفونها ومشات لدار لكبير كان كولشي مجموع تماك جلست حتى هي فالقنت ديال السداري بحال شي مسيكينة حانية راسها)
لكبير: رواحي ابنتي حدايا
أنوار: (كيشوف فيها بغا غير شي ردة فعل وااالو… اه فنعاس بدات كتعجبو ولكن واش غيكمل حياتو معاها وهي هاكا لنفس العقلية حتى من المحالات للي دار مداهاش تشوفهم لداابا وهي والو غير مصرة حاجة للي كتعرف كل ليلة تقاد على حساب نعاس صااافي متسولو مالك كنجمع معاه فالصح باغا نعاس ولولاد.. جلست انوفاص ليه حتى بدات كتبكي بصوت شبه مسموووع مكره) عاود لبكى
لكبير: مالك ابنتي
امال2: أمال مرت خالي ضربتني بعجينة فسطح
أنوار: (شاف فيها بغا يهضر ولكن سكت)
لكبير: وعلاه؟!!
جيهان: هاديك راها شنعت بزاااف
امال2: مدرت ليها والو اخالي حتى مّا غو..
أنوار: منين جوج غوتو عليك اذا الديفو فيك ميمكنش ݣاع الناس غيكونو محاميين فيك ونفتارضو مّا غوات عليك ضربااتك نتي غتحني الرااس اما حتى مرت خالك راكم فنفس العمر بيناتكم ولكن مّا تشكاااي من مّا!!!!
لكبير: خلي نعرفو من الطفلة واش صار
أنوار: للي صار هاد الطفلة مبهللة مابغاتش دير عقلها غير لبكى وشكى هادشي للي تعرف دييرو
امال2: (كتبكي ولخناين) حتى نتا كتحݣرني بحاالهم
أنوار: نوضي نديك لدار بااك اختي تماك مكاين للي يحݣرك ولا يݣولك شي كلمة ناقصة
امال2: (سكتت وقفت وخرجت مشات لدارها)
بشرى: (مدخلتش اما لوخرين غير كيشوفو حتى لكبير مهضرش القضية فيها الحاجة حتى واحد ميقد يهضر)
أنوار: ارا سوارت طموبيلتك ابا نديها
لكبير: نعل الشيطان ودوز تجلس
أنوار: بّا (حتى بغا يقولو على طلاق) انا غير غنعلمك فشي حاجة طلاق منطلقهاش مكاين لاش نتخاسرو بيناتنا ولكن من هنا لقدام حتى حد ميهضر منين غنجي ونݣولكم غنتزوج مرة أخرى (كيتسنى شي ردة فعل هو باغي غير يخلعهم ولكن مهضرش.. ناض معصب مشا لدارو لقاها كتجمع حوايجها جلس فالصالة شافها حتى من كادويات عرسها كتنقلهم هوما لوالة سطل الحمام هو التالي حطاه فوق الطبلة بكيسو بكولشي هو غير كيشووف فيها.. وهي كتسناه يوقفها)
زهير: (كان هااااادئ خدام فلبيرو مقابل غير تواصل الشيكات للي شافو ميقوولش عندو مشاكل كبااااار ولكن مهبطش يخدم كنا مواالف فقط كيسني ولا كيشد لفلووس دخل عندو محمد مسح على لحيتو)
دخل اخاااي محمد
محمد: مزال مسديت؟!
زهير: (ببرود) مزال اصلا كنبقى هنا
محمد: نوض زيد معايا
زهير: فين؟!
محمد: ولادي توحشوو عمهم ولا نتا غتقطعها حتى على ولادي
زهير: (تبسم) خليها مرة أخرى امحمد ونرووح عندكم
محمد: اليوم ابا زهير (زهير عرف محمد غيشد فيه واخا معندو خااطر ولكن محمد بقا معاه حتى بغا سدو المحال مشاو نيشان للدار زهير سبق مشا للمحال خدا فيه شي تخربيق لدراري) بلاش عليك اصاحبي راه كولشي موجود
زهير: بزعطة (تمو طالعين دخلو فرحوو بيه واخا مريم جاتها فشكل متجيش أمال معاه فلبلاصة دخلت للكوزينة صونات عليها)
أمال: بالصح اممم
مريم: وعلاجه مجيتيش معاه البݣرة مشييينك
أمال: راحنا مخاريين
محمد: مريم جيبي داك اتااي
مريم: علاه؟! شوفي انا نولي نصوني عليك
أمال: صوريهلي امريم
مريم: باش يعلݣني خووك
أمال: عفاك غير شوفي كيف ديري
مريم: واخا (حطت مريم اتاي وصوالحو مشات تشوف لعشا اصلا كان علمها محمد غيجي شي ضيف بدات توجد شلاضة كبيرة دخلت فتيحة عاوناتها اما زهير كيلعب مع لوليدات للي كيشد ليهم الخاطر وكيبغييوه تحط لعشاا كلاو مريم صورات زهير كيلعب مع دراري صغار فيديو وصوراتو كياكلو صيفطاتهم لامال)
أمال: (غير شافت تصويرتو قلبها تزعزع حست براسها توحشااتو بزااف وللغيبة بيناتهم طوااالت مبغااتش تكون فجوة فعلاقتهم بغات تنقذها كما دابا كتنقذ زواجها… تكات على لوسادة والتيليفون قريب كتزوومي ملامح ديالو توحشت ريحتووةلحيتو حظنووو ظحكو معاها واخا كيشد فيها حتى كتعصب توحشاااتو…)
محمد: (نعساالو لبنت فيدو) انا نديها لمووضعها زهير حضي خوها (غير ناض ولدو نتابه ختو نعست وتبعو كيتماايل باش حتى هو يهزوو ودخل لبيت نعاس)
فتيحة: فينها أمال؟!
زهير: فالدار انا نيت نرووح
فتيحة: ولدي تهلا فيها راني دوزتها عليها كحلة عمر نهار زين مشاافتو معايا والحمد لله عليكم نتوما للي بغيتوها ودرتوها وحدة منكم
زهير: (شاف فيها بغضب) علاش كرهاها؟!
فتيحة: حيت مكان عندي عقل وها ربي يخلص فية
زهير: ربي كيخلص غير فنهار حساب محد الوقت صفااي معاها انا بعدا نشووف بنتك مربية بزاااف الراس متهزووش فالواحد
فتيحة: مربية من عند الله.. انا يانا غير تكرفست عليها عيشتها فالخووف والضرب
زهير: (مفهمش علاش جبدت معاه هاد الهضرة) داكشي داز
فتيحة؛ ملݣات لا باها لا خوتها لا يانا حتى حد.. دابا عاد فهمت علاه فاش كنت حابسااها كانت باغية غير تهرب عندك الحمد لله للي حطك نتا والحاجة فطريݣها.. اما يانا (بدات تبكي) عمرها تسمحلي وانا عمري نسمح لراسي
زهير: (بقا غير كيشوف فيها وحرك راسو باه) أمال ݣلبها زييين وبيض مكتحقدش
فتيحة: حتى الا كرهتني من حقها مخليت حتى حاجة خايبة مدرتهاش معاها لوكان كنت بعقلي كنت نشوف نعيمة وختي كريمة كانو يرجفو على بناااتهم وانا كنت دايرااها غير خديديمة عندي
زهير: (حك على لحيتو بتوتر) الله يسمحلك
فتيحة: (تنهدت كتمسح دمووعها) فضلت لولاد عليها وفالتالي واحد هزني ولاخر لاحني الله يرحمو ويغفر ليه
زهير: (حتى بغا يجبد ضوسي علي وهو ينعل الشيطان السيدة حداه كتبكي بشهييق وعاد يزييدها وميكذبش متأثرش بيها بزاااف حيت باقي حاااقد على شنو دارو لأمال.. تم جاي محمد للي درع مو باش تسكت من لبكى) الله يخلف عليكم انا نروووح
محمد: جلس تباات
زهير: معلييش مرة أخرى خالتي المسااامح كريم راه بنتك ݣلبها زييين عطيها غيييير شوي دالاهتمام تغرقك بيييه.. السلام عليكم (وصل معاه محمد مجبدش حس مشكلاتو مع امال ركب زهير طموبيلتو محس حتى لقا راسو وصل للدار كانو ضواو مطفيين من غير بيتو فدار مو للي كان ضو خفيف بقا كيشووف شحال فالسرجم يطلع ميطلعش يطلع ميطلعش حتى تم ماشي لداارو وعينيه على السرجم طلع نيشان طبع الصالة للي فيها بالكو شعل ݣاارو شاف فالسرجم كيكمي حتى كيبانلو أنوار خرج من دارو كيكمي الشيشة الإلكترونية قوس عينو فيييه دخل فحالو وتكى مغمض عينييه ولكن عقلو خدام 24 ساعة على 24 ساعة…)
أنوار: (دخل للدار جلس فالصالة كيفكر واش كلام ختو صح ولا لا واش هاد العقوبة خاصو يعيش معاها حياتو كاااملة)
امال2: انواااااار
أنوار: رݣدي الخراااااا واش مكتصهطييييييش!!!!!!
امال2: (تمت جاية عندو نافخة حنوكها) مالك عاود؟!
أنوار: غير ت**** من حدايا ولا نخرج ******
امال2: منين هاكا خليني ݣبيييل نمشي بحالي
أنوار: (مشا اتجااهها وهي هازة حاجبها واقفة شااامخة حيت كسبت ثقة خطيرة منين مخلاهاش تمشي محست غير طرشة جات على وجهها حتى دوختها) نعاود ربيك ابنت عمتي الا مدرتيش عقلك
امال2: (طرطقت كتبكي وتعصر فنفس الوقت مقشبل حتى كلمة صحيحة فهم غير ماما وخالي ودخلت للبيت)
أنوار: ياو والله حتى نعيش مك فالعذااااب (جلس معصب خوفو على أمال باش مينوضوش ليها المشاكل مع راجلها كتر وكتر مشا رغب مرتو باش تبقى وطلب منها سماحة على كل كلمة خرجات من قلبو وكانت صحيحة.. على ود أمال وزهير مستااعد يضحي ويبقى مع برهوشة للي كل مرة كيقول دارت عقلها ووالو.. دخلت لبيت لقاها كتبكي بحال شي بنت صغيرة زادت عصباااتو مشا لبلاصتو تكى عاطيها بظهر وهي كتنغزو برجليها حتى ناض بغا يضربها وهي تحشا تحت لكااشة) ياو نسمع نفسك يتحرك نوض نقتل مك (ضرباتها بصقرة وهو بقا حال عينيه هاد الايام مكينعس مكيشووفو كل مغمض عينيه كيتخيل وكان ݣر بكوولشي فاش كان سكراان كفاش كانت غتكون حالتهم بتلاتة كيولي يحل عينو والنوم طاار.. بقا على ديك الحال ينعس ويفيق حتى صبح الحال ناض لقاها فاقت خرج لقا فطورو واجد كلا فصمت وتم خاارج ياله كيسد لباب سمع زهير قال السلام ليلى دغيا حل لباب وتبسم)
عمري تحبي شي حاجة نجيبها لك معايا؟!
امال2: ها!!!
أنوار: الا تحبي فلعشية نجيبك نحوسوو شوي
امال2: واه واه
أنوار: واخا عمري انا رحت (سد لباب لقا زهير طلع فدرووج منين مكلمووش جاتو قاااسحة خرج لقا خوه كيتسناه باش يوصلو معاه..)
عبدالله: واش صرا اللوطو ديالك ديك لحكاية مدخلتش لراسي
أنوار: راني دفعتها لاصيروونص شي 10 ايام ويردو علية
عبد الله: ونتا مشفتيش دوك للي ݣريساوك
أنوار: لا كانو ملتمين
عبدالله: فشكل اخويا هاد لحكاااية
أنوار: اودي حكاااايات كيبقااو فشكل جات على دي…
الحاجة: (غير شافت ولدها قلبت وجهها بقى فيها الحال عمرها قطع لغاها هاد المدة كاملة ومجاش حتى يشوفها لبارح نهار كااامل)
زهير: راكي دوري فوجهك علية (لا رد منها بقات كتشرب قهوة للي عاطية ريحتها حتى لدارو معطرة وريحتها زااااكية.. دخل لبيتها عارف ولدو كيكون ناعس تماااك لقاه مكرشخ تكا على النموسية كيشووووف فيه شد يدو باسها برفق وباسو فجبهتو تم خارج جلس حدا مو وعينو على لبيت فين ناعسة أمال مسدووود وصقير غير صوت القران للي جاي من الراديو ديال مو) كبي
الحاجة: (كبتلو القهوة حط ملوية حداه كيدهنا بالزبدة والعسل وكيشوف فيها بنص عين مشااافتش ݣاع فيه ولكن مقدرتش تنوض من حداه واخا كملت فطوورهاا..)
زهير: ݣاع امّااا!!!
الحاجة: نعام!!!
زهير: مالك ݣالبة علية وجهك!! ياو انا للي خاص نتنيييرڤا منك
الحاجة؛ علاه واش درت؟!
زهير: متبعة برهوشة فهباالها
الحاجة: هداك ماشي هبال هدااك وحم ونتا عمرك تعرف بعذاابو وديك للي تݣول عليها برهوش راهي مرتك وام بنك هازنا كاملين
زهير: (عض من لملوية وحرك راسو) متحسبيليش دشي شوفي عقلي للي كان غيخرج وانا ملاݣيهاش مشتيش شحال كنت خاايف ومرعووود عليها
الحاجة: عارفة ولايني حتى نتا دير لما منين يدوووز
زهير: اشمن ما ولا زرع هي غلطت علاه تعود عريااانة ݣدام رجال انا لدابا مدرت معاها والو
الحاجة: اوا حاديييها ياو والله والله
زهير: (قاطعها حيت كيخاف من حلوفها) متحلفي علية منحلف عليك ها هي حدااك تحاابو بيناتكم كيف بغيتو (وقف حط ليها كاسو فوق الصينية) كبي بعدا
الحاجة: (كبت ليه القهوة) دخل عند مرتك راه عقلها كيبقى غير معاك
زهير: (هز لكاس حنا باس راسها وتم ماشي فحالو.. تفكر انها خاصها تمشي طبيب على ود لحمل مشا ركب فطموبيلتو حط داك كاس القهوة ورجع طلع للدار لقا بنت ختو كترغب الحاجة)
امال2: (نشطت منين هضر معاها أنوار هكاك.. بالفرحة طلعت تصالحهم وعنقت جداتها) والله امّا مبغيتكم تزعفوو علية نتي ومرت خاالي
زهير: (تم داخل) مالك مع مرت خالك
امال2؛ والو غير شي كلام وصافي غير متفاهمناش فواحد الحاجة
الحاجة: لاعساك قللت حياها على مرت خالها وعصبتها
امال2: (حشمت) مّا!!!
زهير: (شاف فيها مخنزر) واشتا!!!
الحاجة: صافي نتا رووح لخدمتك
زهير: متخلينيش نزعف منك ابنت ختي (مشا والحاجة بقات كتأنبها عاد كملت فطوورها معاهم…)
أنوار: (وصل لخدمتو تفاهم مع صحاب الشيكات للي تحرقو ليه وللي متقادش راه حطهم من فلوسو يعني كانو عندو خسااائر كتيرة.. شاف داكشي للي خيطت أمال كولشي تمشا ليه وجا عليه بربح هادشي غير كيزيد يمرضووو العود للي حݣرو هو للي عمااه كان كيقول غتكون مملة متعرفش بزاف دلحوايج صدق كولشي فيها باغيه هو.. نفض هاد الافكار خرج من المحال فوسط لغدا نيشان لعند باه) بّا
لكبير: محدك جيت ياله روحو نتغداو
أنوار: كنت باغي نهضر معاك فشي موضوع
لكبير: متݣوليش فرنسا!!
أنوار: واخا ابّا منݣوولش فرنسا ولكن بغيت نخرج نسكن وحدي
لكبير: كيف!!!
أنوار: نشوف شي دويرة هنا نسكن فيها
لكبير: وعلاه؟!
أنوار: بعيدة ابّا ووو بغيت نعتامد على راسي حتى انا ندير داري يكبرو فيها ولادي
لكبير: علاه ديك الدار للي فيها 100 متر ولا كتر مكفياكش نتا وولادك
أنوار: لا انا بغيت شي حاجة ملكي
لكبير: كلام كبير هدا اولدي.
أنوار: متفهمش غلاط اولدي انا بغيت نسكن وحدي تبقى بنتي معايا
لكبير: ومرتك؟!
أنوار: والله فين غتكون راه باينة تكون معايا
لكبير: لا من نهار خلقتو ونتوما تسمعو فية فرااق علية لا نهار نمووت ديرو واش تحبووو ولكن محدي فالحيااة لا (دار سلهانو وتم خارج)
أنوار: بّا وااااا بّا (ركب فالطموبيل)
لكبير: بغيت تغدا ياله معندك صلاح فشي غدا رووح لخدمتك (ديمارا وزاد مخليييه بقا مكره هز عينو شاف فزهير كيشوف فيه واقف بشمووخ داير يدو من مور ظهرو وكيشوفو من مور باب الزاج ديال المحال هز يدو شيرلوو لاخر مكانت حتى ردة فعل أنوار فكر الا بقى متجنيووو غتزيد تكبر افكار زهير ويؤولها كيف بغا جا الوقت باش يهضروو )
أنوار: افين ابا زهير
زهير: (ببرود) فين
أنوار: غير مع الخدمة وتمارتها
زهير: كيف بقات الضربة
أنوار: (حط يدو عليها ظاحك) يد مرت قاااسحة ههه
زهير: (مكيضحكش)
أنوار: واش بيك؟!
زهير: والو علاه واش بانلك؟!
أنوار: معرفت واش باغي منيرڤي مني على ديك الليلة
زهير: واه
أنوار: شوف ياله نخرجو لشي قهوة بروووحي مخنووق وباغي نهضر معاك
زهير: (كيشوف فيه) احمد انا جاي (تم خارج وانوار تابعو متوتر لجدية ملامح زهير..)
أمال: (مشات لاتوليي ديالها بقات جالسة كتفكر كفاش ترد زهير ليها حيدت شالها وجلست)
“توحشتو تفوووو”
(جلست مفقووسة كانت غتعيش احسن ايام حملها ولكن دابا مفارقيين عمرهم فرقو نعاس واليوم الرابع مشافش حتى فوجهها واش غيكون كرهها ݣاع.. دخلت بشرى عندها وسدت لباب من موراها) بشرى!!
بشرى: صاڤا اماال؟!
أمال: الحمد لله ونتي؟!
بشرى: الحمد لله (جلست فلكرسي مقابل ليها) كملتي التكشيطة ديالي
أمال: (دار لقجر للي من موراها جبدتها) باقي غير شوية
بشرى: اموول بقاتلي غير يوماين ونمشي
أمال: لا كوني هانية دابا غنخدم فيها ونديها تحدد غدا تكون عندك
بشرى: ان شاء الله بشوية عليك ومتنسايش راكي حاملة بولد عمي
أمال: (تبسمت) بنت عمك
بشرى: ههه اممم الله يعطيك زوج الآلة
أمال: احااااااي قاسحة.. نتي ظريفة ابشرى
بشرى: انا ختاريت راحة لبال معنديش مع شدلي نݣطع ليك وتجوجت صغيييرة ومشيت مع راجلي
أمال: وولادك عمرني سولت عليهم
بشرى: عندي ولدي من نهار عرفت ماما ماتت الله يرحمها مبقاش بغا يرجع ومن تماك شحال وانا نجري نحمل مكتاايش
أمال: كولشي مع تيسير الله
بشرى: ونعم بالله راني ݣلت ليك كنشدها مناش خفافت
أمال: عندك الصح
بشرى: واش درتي مع عمي مزال مقسح راسو
أمال: بففف يابس حجرة
بشرى: ههه هاد تݣوليلي انا بمسبتهم تزوجت براني واخا مبغاوش فاللول ولكن لسݣت فيه وهربت
أمال: (تبسمت) تهنيتي
بشرى: اودي الله يهدي ما خلق وصاافي وانوار الا دا
أمال: بشرى عفاك متجبديليش حسوو انا راه مرت عمك صافي مكنعرف لا أنوار لا غيرو
بشرى: انا اكتر وحدة كندعمك فهادشي واه غاالط بزااف ويستاهل لعصى
أمال: انا بغيت غير للتيقاااار
بشرى: مزال يصدعك؟!
أمال: مكنتيقش فيه اختي حتى كتݣول بعد تفهم ودار عقلو فراسو حتى كيخرج بشي حاجة كفس
بشرى: انا هضرت معاه يخوي من هنا
أمال: مصاااب والله مبقيتش حاملة نشوفو يدور حدايا شوفي غير المشكل للي دار
بشرى: متخافيش دابا عمرو يعاود يطوف بيك
أمال: عفاك ابشرى
بشرى: صافي انا سكت الا كنتي خارجة اليوم بلعشية نروح معاك السوق خاصني نتقدا شي حاجة لسميرة
أمال: ختك؟!
بشرى: واه راه ولدت وخاصها شحال من صواالح من هنا
أمال: (حركت رأسها باه) مزيان على سلامتها..
بشرى: كتعرفيها
أمال: (تبسمت) بسلامتها حتى هي عطات من جهدها معايا ههه
بشرى: ههه معليييش المسااامح كريم..
زهير: (مشاو طلبو غدا وجلسو كيتسناوه على ميوجد) اوا!!!
أنوار: واش نݣووولك ازهير بّا مابغاش يخليني نعيش فراحتي
زهير: كيف؟!!
أنوار: بغيت نعزل نسكن وحدي نتا عارفني من شحال كنت نݣوولك نهار نبغي نتزوج نسكن وحدي ايييه فاللول تزوجنا زواج لفاميلة بنت عمتي وكذا ولكن راه شحال من صواالح تبدلوو بغيت نااخد راحتي معاها بّا من جيييه وعمتي من جييه
زهير: واش ديرلك عيشة؟!
أنوار: للي يوقع فالدار بالحرف بالنقطة بكوولشي كيكون عندها وتكملها تصوني علية وتهضر فشي صوااالح ماشي شغلها فيييهم ياااا خويا انا باغي نعييش مع مرتي مباغيش ولاد درك لله تبقى عليها خاصك تحملي خاصك تولدي وكملتها لݣيتهم ديك الليلة يݣولي علية حݣا ماشي راااجل
زهير: (جبد ݣاارو قوس وهو كيشوف فيه) ونضتي سكرتي على هادشي
أنوار: (تنهد) ماشي غير على هادشي انا ضيعت شحال من حاجة من يدي
زهير: (شاف فيه بيرود) متݣووليش راك تهضر على شيماااا مرت أشرف
أنوار: مبغيت نهضر فحد
زهير: جاتني السكرة ديالك بيزاااار كفاش غتسكر غير حيت مرتك هضرت فيك وانا عارف بنت ختي كترعد ݣدااامك
أنوار: ݣلتلك كاين بزاااف
زهير: واخا بغيت نسولك أمال مرتي كنت تعرفها قبل؟!
أنوار: واش دخل شي فشي
زهير: مدخلت والو انا سولتك
أنوار: واه كنت نعرفها راها بنت عم للي كنت خاطبها وماشي معاها
زهير: اممم حيت قبل ݣلتلي مكنتش تعرفها
أنوار: ماشي شي حاجة مكنا نخرجو لا والو انا كان غراضي فشيمااا
زهير: معمرني عرفتك باغي شيما لهاد الدرجة
أنوار: صراحة منين شفتها مع اشرف كفاش تبدلت جات..
زهير: كتشوف فعيالات رجال وتݣووولها بوجهك حمر؟!! ولايني راك ****
أنوار: ماشي هكاك
زهير: وكفاش؟!
أنوار: (شاف فيه) انا وشيما عشنا شي حواايج للي مرتي مزال مدارت منهم واالو ماشي داكشي لي فباالك ولكن هي كانت فاااايقة تهضر تجمع صافي تجمع علية كولشي راه حتى مع دعاا مرتي الله يرحمها كانت عندي مشكل معاها على قبل شيماا شحال دابزنا وانا وياها على قبلها
زهير: (ببرود) مفخبريش
أنوار: شي حوايج سكات عليهم حسن
زهير: اممم
انوار؛ زهير هضر مع بّا نخرج نسكن وحدي مع مرتي..
زهير: (تحط لغدا بقا كياكل ويشوف فانوار معرفش علاش كيحس بيه انه باغي يقنعو بأي طريقة ان شيماء مزال معششة ليه فدمااغ رغم انه مسولو مشك فيه موااالو) كنتي تلقا مع لبنات فيامات لفاك؟!
أنوار: واشتا؟!!
زهير: راك سااامع واش ݣلت لك
أنوار: والله مسمعت مكنتش سامع مليح
زهير: امااال.. كانت تخرج معاكم نتا وشيما؟!!
أنوار: شي زوج دلمرات تلاقينا مجموعين
زهير: (وكان قالو لا كان غيقلب عليه الطبلة) اممم مهم هانتا تغدا انا نرووح للخدمة
أنوار: مكليت والو
زهير: معليييه.. (تم نايض ومشا رجع للخدمة هز تيليفونو صونا على وليد لقاه فالمحال مشا عندو كان كيتغدا) محسابليش تجي
وليد: جيت ݣبيل ݣالي احمد خرجت مع ولد خوك؟! ياك لباس
زهير: والو راك عارف شكا ولبكى
وليد: سمو بغا؟!
زهير: يخرج يسكن وحدو
وليد: حسن يهني لقبيلة
زهير: شوف هند تدي أمال لطبيبة
وليد: وسير نتا اصااحبي (لاخر خنزر فيه) مال طاسييلتك ݣلت شي عييب
زهير: ديها **** هضر مع مرتك يروحوو بزووج لشي طبيبة
وليد: وااخ كول بعدا
زهير: واش مطيبو برجليك هدا؟!
وليد: لا ب***
زهير: غير يݣلبوو على **** (بقاو كياكلو وكيتتاݣرو..
دازو ايام الحال هو الحال مكيهضرش مع امال مكيشركش الماكلة معاهم محد مجاتش عندو وعتاذرات وعرفت غلاطها مغيهضرهاش الحاجة حتى هي مكتهضرش معاه مزيااان بقا غير مخلوي يهز ولدو يلعب معاه ويمشي لدارو يبات كانت علاقتهم تدهورات بزاااف.. أمال كانت خدمت شي كمووند وكانت ضرووري خاصها تخرج توصلها لوسط لمدينة مشات عند الحاجة..)
أمال: مّا خاصني نخرج
الحاجة: وين ابنتي؟!
أمال: نوصل دوك لحوايج لماليهم معرفوش هاد لبلاصة حيت برانيين ويمكن مزعموش يجيو هنا
الحاجة: انا نعيط نݣولها لراجلك
أمال: مبقى عندي راجل هاد الساعة (خرجت مكرهة مشات لدارها لبست حوايجها مقادات والو فوجهها اصلا مبقا عاجبها والو كنحس باحساس خايب لدرجة لا نعاس مقلد لا ماكلة حتى ولدها وكان ماشي الحاجة للي مهلية فيه هزت سوارت طموبيلتها وخرجت حتى من هند مبقى عندها خاطر لجموع معاها)
امال2: (كانت كتهضر مع مها فالتيليفون ابيل فيديو) معرفت ݣالت لمّا معندي راجل هاد الساعة زادت وخلاتها
عيشة: (خسرت كمارتها) وشوووفلك المشلݣ ولكن حݣلووو يستاهل المݣنوي راه يتفرعن علينا غير حنا
امال2: بقا فية خاالي مسيكين عرفتي ياكل وحدو وينعس فدارو وحدووو
عيشة: ومّا؟!
أمال2: ميتفارقوش
عيشة: كلاتلها دماغها المسخووطة وكان فيها الخير تݣااابل غير مها السحااارة الله يعطيها لييييعة فهاد نهار بغيت ربي ميكملش عليها داك لحمل للي شانعة بيه وظل تفقست
امال2: واااه اماما غير كنبان ليها تبدى عليها مّا واش مشهية واش عيانة واش واش وانا كيف ليتيمة غير نشوف بعويناتي
عيشة: وداك لبغل موال مبغى لحمل
امال2: واالو شي مرات نݣول نݣطع ديك الكينة ولكن حلف علية يا ماما الا حملت يطلݣني يحلف ويعاود
عيشة: وعلاه؟
امال2: يݣوول حنا مزالنا صغار ومزال نعيشو حيااتنا
عيشة: امممم اوا زديديه هاد العام
امال2: زعما ميتجوش علية
عيشة: باش ديك الساع نبدا الحرب معاه نيشان منبقى عاقلة واش هو ولد خويا ولا لا
امال2: ماما واش بان ليك نطيب لمرت خالي شي حاجة باش تصالح معايا حيت شي مرات أنوار يعايرني حيت ميهضرونيش
عيشة: تاكل فيه الرهج
امال2: إماما راه كنقنط وكانت بعدا حتى كتخرجني أنوار يخليني نخرج غير معاها
عيشة: للي بانلك ديريه انا ديك لبنت منخملها منحمل لي يحملها
امال2: (بقات ساكتة)
عيشة: سيري ابنتي طلعي حدا حناك ودخلي ݣادي لعشا
امال2: مفيااااش اماما
عيشة: اوا ها باش كتعصبيني واخا ديك اللفعة لسانها ماضي ولكن متخليش مّا تحط يدها فلما ولا تشقى طلعي ݣادي شي عشاا متخليش لفااام يتحلو عليك
امال2: اوووف واااخا (قطعت معاها وطلعت لقات ليلى والحاجة مجمعين دخلت للكوزينة كتفكر شنو دير بانلها داك ليباط ورجعت جلست حداهم) راني نصبت لعشا
الحاجة: الله يخلف عليك ابنيتي…
زهير: (كانت عيطاتلو الحاجة قالتلو على أمال للي خرجت وفين بالظبط قطع مع مو بقا كيشووف شحال ناض ياله طل بانلو المحال عاامر ومكاينش حتى وليد يحضي خصوصا اليوم جاي كليان مهم للي كيتعامل معاه بزاااف وعندو وزن فوجدة.. هبط لتحت عيط على احمد) احمد احمد رواااااح
احمد: نعام ابا زهير
زهير: انا خارج الا جا السيد عيطلي
احمد: صافي واخا ولكن ديك السيدة كانت بغاتك تفاهم مع… (سكت حيت تم داخل وزهير دار ابتسامة صفرة من عينييه)
زهير: رواح من مورايا.. اهلا اهلا بالسي علي طلع معايا لبيرو (طلعو رحب بيه كما موالف جاب احمد ضياافة ليه ولكن كان جالس على اعصابو كيحسب ليها شحال غدير ديال طريق وخاايف عليها من الصوكان فهاد الوقت للي كتكون طريق عامرة بدا كياخد الكمووند) السي علي هانتا شوف لي كمووند انا جاي.. (بقا كيصوني على وليد كان بعيد هو وهند طلع احمد حداه كيوريه شي حوايج جداد كاين فسطوك.. اما هو شدها جرية لبلاصة فين غتكون أمال بالزربة كانت مسافة ديال 5 دقايق بجرا كانت واقفة مع الناس للي كانو جوج رجال ومرا فالاربعينات بقا كيشوف وهو كيقرب قاطع الشارع عندهم كيشوف داك الراجل كيظحك ويشرح لامال وهي غير كتحرك راسها عاد مشات تحل لكووفر حشات رويسها وتبعها داك الراجل كيجبد معاها حتى وقف حداهم كيشوفو فيه وهي ضور لقاااتو وكانت متأكدة غيجي)
زهير: انا نعاونك
أمال: مكاينش لاش (قلبت وجهها للناس)
زهير: (عض على شنافتو صارط عصبيتو سد لكووفر وهو واقف من موراها)
….: الخدمة باينة متقووونة
زهير: واه خدمتها متقووونة (مد يدو) راجلها
…: مشرفين موسيوو
زهير: زهير
….: توفيق ان شاء الله نكونو معرفة الخدمة عجبات بزااف الناس ديالنا فبلجيكا
زهير: اشمن مووضع كنت انا تم (بقاو كيهضرو كانو من نفس المدينة للي كان فيها زهير “لييج” أمال بقات كتشوف فيه توحشااتو ولكن طالع ليها الدم منو بزاااااااااف… كانو خلصوها عن طريق لبانكا هوما مشاو وهي تمات ماشية للطموبيل لحق بيها شدها من ذراعها وتنترت منو) مال مك!!
أمال: شنو باغي
زهير؛ كفاش خارجة بلا متعلمي
امال: كما شفتي (بغات تركب خطفلها لكونطاكد وقطع طريق مخليها بغات تجدب حيت معصبة ولكن الدنيا عامرة الا هزت صوتها غيجي يݣلب عليها داك الشارع ملفات غير تبعاتتو)
زهير زهير وااازمر (ضار خنزر فيها سد الطموبيل وتم ماشي وهي تابعااه) ياو زيدي ݣدااااامي…
زهير: (كان مشا طلع نيشان لبيرو ملقاش لكليان خرج عينييييه حيت على ودو جاب سلعة بملاين وميمكنش يشمي هاكا.. لحقت عليه كتنهج كان بغا يغوت عليها غير شافها باينة عياانة شنايفها كانو بحال لون وجهها الشاحب) روحي هنا انا جاي..
أمال: راه خاص رجع
زهير: (كيغزز فسنانو) هضرت معاك (تم هابط حتى كيبانلو لكليان طالع فدرووج معاه وليد ولقاه كيظحك وتمو طالعين عندووو) حسابلي روحت…
علي: لا لا السي وليد وراني شي حوايج حتى هوما بغييتهم لفيلا للي فسعيدية خاصها توجد فهاد السيمانة حيت جايين ناس مهمين بزااف وغتكون بمثابة دار ضيافة ليهم وقالي على شي خياطة كتصمم لباس التقليدي مكرهتش شي 10 دلباسي تقليديين ولكن يكونو همة
وليد: على أمال
أمال: (غير سمعت هادشي قلشت ومنها ووقفت قريبة ليهم حدا لباب)
زهير: 10!! بزاااف متݣدش
أمال: نقد علاش منقدش مرحبا سيدي ان شاء الله يك.. (ضار بالعرض البطيء خرج عينو وهي تسرط لسانها)
زهير: (رجع شاف فيه لقاه كيتفاهم مع وليد سلم عليهم ومشا رجع شاف فيها) دخلي
أمال: اممم لا خاص نمشي
زهير: بلعي ودخلي (دخلت وهو شاف فوليد) واش كان حااب لتحت
وليد: صطوك لقديم دااه كامل درتلو بروومو وهو محتاج يفرش دغيا مهم كولشي راه مݣاد انا غنمشي درك خليت هند وحدها
زهير: (مد يدو بامتنان) صافي… ( تم داخل قبل ميسد لباب تبعو احمد معاه كلياانة للي صدعاتو باش ينقص ليها) واش صااري
احمد: كليانة بغاتك تفاهم معاها (دخلت كانت صحيحة ولكن طايتها مقااادة لابسة دجين وكويرة ومزعرة شعرها كانت عادية لعين أمال غير شافتها طلع معاها السم فوجهها والغيرة تحركت فيها وعقلها كيقول علم الله شنو كيشوف كل نهار هنا وعاد للي خاصها الخاطر جلس فلبيرو ووجهت ليه الهضرة مع ابتسامة وكانت لكنتها من الشمال يعني لصالح العبارة كانت حلوة فلهضور وصوييت والشكل)
زهير: بربي أنسة وكان فين نقص كنت درت معاك شي حل..
…: وانا زعما عجبني الموديل ومبغيتشي نبدلك
أمال: (ميقت فيها ولكن الا هضرت غتبان زباالة بلا المشاكل للي عندها معاه شافت فيه مع تبسم خنزرت فيه وكتصوط بنيفها حتى جمع التبسيمة محنحن وحاك لحيتوو)
زهير: مهم شوفي واش حبيتي واحمد يتفاهم معاك
أمال: انا نمشي
زهير: (بهدوء) أمال جلسي باغي نهضر معاك
أمال: (غير هضرة معاها هكاك تخلات ليها ولوخرا بقات كتشوف فيها تبسمت بابتسامة صفراااااا فوجهها كتقلي ليها السم خرجت لكليانة وشافت فيه هازة وجهها منيمة عينها نافخة عليه) شنو باغي مني
زهير: (هبط يدو على الطابلة حتى تزعزعت) ياو براااس مّا يا حتى نوري جدك على لخرووج للي وليتي تخرجيه بلا شوارب مزوجة بنعجة باش ديري واش حبيتي!!!!!!
أمال: (بقات ساكتة غير كتشوف فيه وهو كيغوت عليها علاش خرجات بلا إذن منو حتى نطقت) نتا حݣااار (سكت) مكتحسش بية انا حاملة وكنت فرحانة بالحمل ديالي ونتا نكدتيها علية وقاطع الهضرة ولفراش وكولشي والله منسمح ليك ازهير حسبنا الله ونعم الوكيل
زهير: (الواحد يقتلو وميحسبنش عليه بقا غير كيشوف) واش درت ليك باش تحتاسبيني لله..
أمال: محنيتيش فية شنو فيها الا ضربت هداااك نقتلو ݣاااع نتا لاش تقااطع معايا وديرني برااانية
زهير: سمعي ملييح انا نجلس نفكر فيك نعس نفكر فيك ناكل نفكر فيك نتي درتي غلط كبييير
أمال: مالي كفرت؟!!!
زهير: (بعصبية) نهودي عريااااانة ݣدام رجال جاتك سااهلة
أمال: متغوتش علية انا خفت عليك داكشي باش هودت نعاودهالك ألف مرة
زهير: جلسي
أمال: بغيت نمشي نتا داير راسك ملاك مكتغلطش ݣاع كتبانلك غير فية تغوت بحالك بحال للي قبلك كتعرفو غير تغوتو على أمال وضربووها مكاين للي يسمعها ولا بحن فيها والا ݣاااااع غلطت ضروووري دوز عليها الدكاكة حيت مكانش فقامووسكم تسااامحو (خطفت لكونطاكط من فوق بيروووه تابعها بالزربة قبل متحل لباب) الا نبقاو هاكا اللهم طلقني (هنا وسااعو عينييييه منطق بحتى كلمة اما هي حنات راسها كتبكي سد لباب هز تيليفونو دوز نمرة وشاف فيها وهي كتبكي حتى من صوتو تبدل كيهضر بجدية)
زهير: الوو وليد الا كنتي قريب رواح دي معاك بنت عمك للدار على منكمل الخدمة
أمال: (مع قال بنت عمك هزت راسها شافت فيه مكانتش بغات تقول ديك الكلمة بغات غير تلوومو وتقول شنو كتحس وفنفس الوقت تبقى فيه ويعرف انه ظااالمها وكفاش خرجت ديك الكلمة معرفتش) نمشي وحدي
زهير: مزيان راه كاينة طموبيلتها هنا سيرو فيها (قطع جلس فلبيرو بجنبو متكلم مواالو بقا غير ساااهي وعاقد حواجبو اما هي بغات تهضر تبرر ليه ان ديك الكلمة خرجت غير عفوية ولكن شوفاتو كيقولو انه معصب بزااف وسكاات حسن واخا خاافت يطبقها بالصح.. مشا حدا لباب بلا كيشوف فيها) جلسي تسنايه ها هو جاي (قبل متهضر خرج من تمااك تبعاتو من باب الزاج كان خرج لبرا جلست كتلوم فراسها ملقات مدير من غير هزت ستيلو وكارت ديال المحال كتبت فظهر ديالها)
“انا مقصدتش شنو ݣلت فالتالي خرجت وحدها ولكن راه انا للي مظلومة”
حطاتها فالوسط معزولة باينة باش يقراها حتى كيبان ليها وليد وهو داخلين شافتو كبهضر بعصبية تمت هابطة فدرووج مشاةمن حداه هبط لاكاف وهي وقفت حدا وليد
أمال: نمشيو؟!
وليد: ياله اختي الطموبيل الا بعيدة اري نجيبها ليك
أمال: لا لا قريبة (بقاو متمشيين ملقات غير بقات كتعاود ليه شنو وقع وتبكي محست حتى عاوداتلو شنو دار ليها أنوار حتى منين وهمها انه نعس معاها عاودات كولشي بالفقصة) راه انا للي مظلوومة فهادشي كاامل…
وليد: وعلاه مݣلتو واالو وااا الر* شحال فيكم دالاسرااار وكان جيتيني يانا عاودتيلي هادشي كما عاودتيه دااابا ݣاع ميحݣر عليكم الكلب كنت وݣفتووووو شحال دي ولكن نتوما خليتوووه فين يتهز عليييكم ويدييير فيكم سمو بغااااا
أمال: مكنتش نݣد نعاودلك اصلا هند مكنت ݣلتلها واالو حتى مشيت لطبيبة باش نتأكد
وليد: (طاحت فبالو سرتافيكة للي كان لقاها طايحة حداهم واحد لمراات عاد فهم ديالمن) غلطتي اختي أمال بزااف نݣولو خووتك كانو حميييير ولكن انا كنت نوقف معاك وشيمااا خدا منها فلوس؟!
أمال: موحااال
وليد: مزيااااان دايز مشفر كوولشي
أمال: انا والله مهموني لفلوس انا بغيتو غير يبعد مني داك نهار راه كان غيهضر وكان مضربتوووش
وليد: بفففف دم سنااااني يانا داك لحمااار من شحال دي محملتووو ولكن نتوما سباب للي دخلتووه
أمال: (بتنهيدة) الله ياخد فيه الحق
وليد: صبري هاد ليامات هو غيخرج غيخرج غير باه للي مزال معكس
أمال: (كانو وصلو للدار) شكرا وليد بزااف خلي عندك الطموبيل الا بغيت ترجع للخدمة انا مغنخرجش
وليد: واخا.. ولكن نساااي انا غنشوف سمو ندير ومتعاوديش تجبدي طلاݣ على فمك هاد الكلمة ماشي داللعب ونعلو الشيطان راه ولدكم وسطكم ونتي حاملة خاصك الراحة
أمال: (حركت راسها باه.. خرجت طلعت للدار كانو مجموعين جلست شادة ولدها عندها كتلعب معاه بلا نفس دخلت للكوزينة باش نحلو مياكل لقات ليلى كيتعاود تنصب حيت حتى قليل للي كياكل ليباااط من غير أنوار) حتى مروان كيبغيهم غير عطيني شوية نوكلو
امال2: (دخلت) علاش كتعاودي طيبي رامي درت لعشا
ليلى: ابنتي حتى حد مغياكل ليباط وخالك باغي طعام
امال2: ݣلت زعما راني حايدت عليكم لعشا
ليلى: مزيان خير ما درتي وليباك راه يبغيهم راجلك
امال2: واه بزاااف وأكترية منين ذاقهم من يدي حمااق عليهم
أمال: عطيني اليلى
ليلى: (حطاتلها شوية فطبسيل وخرجت) راه خاصك طلبي سماحة من مرت خالك
امال2: حشمت منها
ليلى: أمال قلبها كبيييير نتي غير عتاذري باش متبقاش الغضبة فالدار
أمال2: بالصح براكة غير خالي زهير مبقاش يهضرها ولا ينعس حداها
ليلى: شكون ݣالهالك؟! راه هي للي هاربة منو ههه مع الوحم جاها عليه وهو بسلامتو متفهم مخليها على خاطرها راكي عارفة شحال يبغيها
امال2: ايييييييه…
وليد: (رجع السونار ولكن ماشي عند زهير مشا قصد أنوار نيشان مع دخل مكشكش قشعو أنوار للي كان مع شي كليان عرف القضية مساهلاش وماشي دخلة واحد.جاي يسول فيه ولا يتجمع معاه)
أنوار: سمحوولي شوفو نتوما لموديلات (مشا عند وليد) يرحم بااااك بلا شي شووهة هنا
وليد: من نهاري يا ال*** محملت الشووفة فيك نتا يا لكيدار تلعب على خوتاتي يحساابلك مكاين للي يحااسبك
أنوار: عفاك أوليد غير نخرجووو (شاف فالناس للي تماك كيشوفو فيهم همس) علاه باغي تݣديها هادو راه راه معرفة زهير واشرف
وليد: (تنتر منو) الق*** لاخر (خرج برا وتبعو أنوار للي معرف باش تبلا عاود وشنو سمع من برا) 10 دلمليةن للي سرقت لامال درك يحضرووو
أنوار: (بقا كيشوف فيه هاد القضية 3 دالناس للي عارفينها أمال هند شيماء) معنديش درك
وليد: درك يحضرو ولا بربي المعبوووود حتى نوضو الݣييييرا انا وياك وفينما بغات توصل توصل اما الشي لاخر الذنب على للي عطاك لامااااان انا يا راااجل ومنݣدش نشرك معاك لحديييث
أنوار: غدا والله غدا يحضرووو درك حتى بانكا محاالة
وليد: غدا 10 دصباح نجي لعندك وحضي راسك معايا والله ثم والله مغدووووز سالاماااات (تم ماشي مهلي لاخر غير مخرج عينو.. رجع لكليان كيحاول يركز معاهم… اما وليد ركب طموبيلة أمال ومشا عند زهير للي لقاه فلبيرو غير جاالس كيتحرك بكرسيه وساااهي) مالك؟!!!
زهير: والو غير بنت عمك بغات تطلݣ
وليد: حتى نتا مع الحمل
زهير: (شاف فيه) يمكن زربت
وليد: وراه كلنا ليك زربتي منين ضربتها
زهير: لا زربت حيت تزوجت بيها.. انا ديك السيدة مشاافت مني غير الخير يعني ماشي حتى معذبها فنفسيتها باه تفكر فطلاݣ بلعكس كنت بحال شي حارس ديالها من مها خوتها كولشي حتى ختي لكبيرة ضربتها على جالها عوضتها على كوولشي وكنت ݣااااد بيها وكولشي موفرو ليها يعني منين بغات طلاݣ
وليد: سمو كتخربق اصاحبي كولشي عارف سمو درتي مع امال وحتى هي ولات تهتر غير بيك وندمت علاش ݣالتها طريق كاملة وهي تبكي
زهير: (بحزن حرك راسو بلا يعني كلامك ممقنعنيش) مهم يصبح ويفتح بروووحي مبقيتش مرتاح فدشي
وليد: واش عارفك راسك سمو كتݣووول
زهير: (حرك راسو باه حس بجرح كبيير منها اه كان باغي يربيها هاد الايام على شنو دارت ولكن باش تحس بغلاطها تعتااذر كما هو كيعتاذر فاش كيغلط ماشي باش تجي تقولو نطلقوو)
وليد: شوف ياله نبدلو ساعة بأخرى لا نتا لا هي غير كتخوروو وداك الولد للي بيناتكم وللي جاي فطريق
زهير: ماشي اول ولا اخر وحدين الا بغات حتى تبقى ساكنة تمااك انا نخوي
وليد: ويلا بغات تزوج مرة أخرى غتبقى تماك ولا غتدي ولادها معاها
زهير: تزوج؟!! هي للي عمرها تكون ليها راجل واحد للي قاسها انا ومكاين مورايا حد
وليد: ههه منين متݣدوووش بالحاجة لاه كتفرعنوووو نوض نوض نخرجو يضربك لهوا راك تزمتي هنا…
أمال: (بقات غير كنصوط ذااقت بيها متعشات معاهم مواالو نعست ولدها وجات الحاجة تديه) غير خليه امّا حدايا
الحاجة: دي راااجلك حداك هدا ولدي يانا
أمال: كفاش؟!
الحاجة: علاه فاارقة دار راجلك كوني مرا وفحلة جلسي فديوااانك باش ميحسبش عليك شي حاجة
أمال: راه هو للي فرق
الحاجة؛ بنتي هادي دارك حتى هي ولكن بيتك خليه وحدووو والا ديك الساع هو هرب غيكون كلام اخر
أمال: واش ݣالك شي حاجة
الحاجة: مݣالي مݣلتلو ولكن ابنتي عيقتوو ݣلنا نهار يومين سيمانة ولكن نتوما غير مزايدين حاميين الطرح متهاضرو متشركو ماكلة
أمال: هو اما للي غلط
الحاجة: بجوووجكم دابا كنتي بنتي للي نبغي وجمعي شمل وغدا ديري لحسابك غنمشيو لعرس حفيدة ختي
أمال: مفياش امّا
الحاجة: رجلي برجليك.. (حملات الولد فوق ظهرها ومشات لبيتها تبعتها أمال عطاتها دولها مسدت ليها رجليها ونعست رجعت لبيتها هزت تيليفون تصوني على هند)
أمال: الووو.. بلا تي بلاتي (تفكرت ناضت طلعت لسطح وسدت باب سطح فين مغيسمعها حد حيت ولات تخاف من لحيوط) ياكما ناعسين
هند: لا لا قولي مالك؟!
أمال: معاوداكش وليد
هند: لا اصلا مزال مجا
أمال: بففف (عاودات ليها شنو وقع والكلام للي ضار بيناتهم) والله معرفت هادشي فين يوصل شو فين كنت وفين وليت
هند: أمال نتي غلطتي بالمنطق اختي نتي عارفة شنو كاين يعني نتي درتي هاد الغضبة باش تنسيه وديري مشكل من والو باش تغطي
أمال: ولكن معرفتش نصالحو
هند: هضري بشوية معاه اول حاجة قولو انا تنعتاذر فقط حيت نزلت عريانة ماشي حيت ضربت أنوار حيت بالصح كنت خايفة عليك وهربت من الدار لاتوليي حيت بغيت نبقى بوحدي كما نتا تتبغي تبقى بووحدك محسيت حتى داتني عيني والا غوتوعليك وقالك كنت خايف قولو نتا ضربتني وانا تقلقت بزااف
أمال: والله معرفت اختي براسي مبقيتش حاملة هاد الوضع
هند: خدني الأنوثة
أمال: ومغيتقلقش منين ݣلتلو على طلاق
هند: واخا يتقلق خدمي الانوثة شوية ودلع الحمل راه عندك بزاف دلحوايج
امال: ها هو جا ݣطعي بلاتي ونهضر معاك..
(قطعت بقات كتشوف فيه نزل من الطموبيل كيهضر مع وليد للي حط الطموبيل ديالها ومشا نيشان مشا طلع لدار مو قلبها بقا كيضرب رجعت الايام اللولة ديال الحب والاشتيااق هبطت حلت باب سطح بشوية وبقات فظلام كتسناه واش غيقلب عليها كان صقيير وهي بحرا كطلع التنفس كتسناه يعيط عليها يحيح حتى سمعاتو سد لباب بقات غير مطرطقة عينها تصدمت مقلبش عليها!!! حلت لباب دخلت للدار وسدت باب سطح كان ظلام شعلت الضو بيتها مسدود كما خلاتو مسمعاتوش حتى تحل دخلت للكوزينة مفقووسة حلت الثلاجة جبدت دانون منو) تفووو على جنس ميجييش حتى يݣلب علية انا للي حمارة كنتسنااه به تفوووو تفووتفو تفوووو (ضارت تجبد معلقة من لقجر لقاتو كيعمر قرعة دلما مع ظلام وغير ضو وسط الدار للي مبينو تخلعت حتى شهقت) احاااي.. (بقات كتشوف فيه بالصدمة) تاكل دانون؟!! لا ها هو فالثلاجة نمشي (زادت بقا غير متبع ليها العين)
زهير: لا حوله ولا قوه الا بالله العلي العظيم..
أصبحنا وأصبح الملك لله…
أنوار: (غير فاق مشا عند باه لقاه كيفطر جلس حداه كيهضر حتى) با انا غنخرج نكري حدا المحال ديالي
لكبير: عاود؟!
أنوار: خليني على راحتي ابا الا بغيت نخلي حوايجي هنا الا معجبناش الحال نرجعو
لكبير: شوف خوتك ݣدااش حتى واحد عمرو جا عندي ݣالي بغيت نعزل باك ݣاع خدمتنا لهييه
أنوار: عفاك ابا خليني على راحتي نجرب غير شهر
لكبير: واش معاجبكش هنا؟!
أنوار: بغيت نبقى وحدي
لكبير: ومرتك؟!
أنوار: منين نݣوول وحدي جابد حتى مرتي وبنتي معايا
لكبير: نعل الشيطان اولدي خلينا مجموعين
أنوار: كولشي غيبقى هو هو غير نعاس للي غنعس لهيه
لكبير: صبر روووحك نتا راسك قاسم ومن ديما دير غير واش يعجبك
أنوار: با انا مباغيش تنيييرڤا (ناض زعفان خلاه فالطبلة مع ليلى) واش بانلك اليلى
ليلى: واش نݣولك نتا لي عندك الحق باك يزعف نهار سيمانة ولكن الا شافك كل نهار تجي تشوفو وتسول عليه غيعجبو الحال
أنوار: هي غير نتوكل
ليلى: حسن ليك ولبزاااااف
أنوار: على دوك بزااااف راني هارب اما بروووحي مساخييش
ليلى: (حركت راسها ومشا خرج اليوم الجمعة مكاينة خدمة رجع لداارو كانت امال2 كتجمع الدنيا قالها على الخطوة للي غيديرو مشا يدوش نسا الطوندوز بغا يدوز على اللحية سمعها كتعاود لمها على شنو قالها والمشكل بالحرف دخل عليها ومن نبرة صوتها معاجبهاش الحال.. بالزربة غير شافتو قدامها قطعت مع مها)
أنوار: مبغيتيش تحاايدي منك هاد القاعدة
امال2: مدرت والو احبيبة
أنوار: مدرتي والو (هز داك الطوندوز طوا لبريز وقربلها دارت يدها على وجها وبقا كيخبط فرجليها ويدييها وهي كتغوت ربي للي خلقها بقا كيركلها مغدد من تبرهيشها حتى سمع زديييح فباابو)
ياو والله يا مك حتى نعاودلك تراااابي
امال2: (كتبكي وتشهق) مدرت واالو
أنوار: انا للي درت درك وكل مرة لݣيتك توصلي الهضرة غنعطي لمك علاش تݣلبي…
زهير: (كان بغا يضرب أنوار حتى عاودلو واخا هكاك مخلالووش دخل باش يشوف بنت خوه لقاها كتهضر مع مها كتعاود ليها وتشهق) راه على دشي ضربك
امال2: هئ هئ هئ واش ماما منهضرش معاها
زهير: هضري ولكن فحد المعقول ماشي اول مرة يتشكى منك
امال2: غير معنديش علامن نفوج داكشي باش نعيط لماما
زهير: ديري عقلك ابنتي راك مزوجة شكي على راجلك ماشي كل ما سمعتيه ولا شفتيه توصلييه لمك (كانت ليلى لاحتلو الهضرة ان كولشي كيهضر فامال حيت فارق عليها) للي يطرا فهاد الدار منبغيييهش يخرج
امال2: مدرت والو اخالي
زهير: الله يهديك ابنت ختي وانا دابا سااامعك بودني طلعي لفوݣ حدا مّا وأمال
امال2: (كتشخر بنيفها دارت شال على شعرها وتمت ماشية مكمشة يدها على تيليفونها) عدمني اخالي
زهير: درك نتفاهم معاه طلعي نتي.. (طلعت كتنخصص لقاتهم جالسين غير الحاجة للي كتسولها اما أمال جالسة كتوكل ولدها كسكتو وخضرة معفوسة بالزيت لبلدية تم طالع زهير) حطي امّا إلا كان شي غدا
أمال: جلسي امّا انا نحط (مشات كتحط ليه كسكسوو دارو غير على قيااسو حيت هوما معروضين لغدا حطاتلو ݣصيعة ديال واحد مع كاس لبن وزليفة صغيرة فيها روا ديال كسكسو.. دخلت لبيتها لبست قفطان ثليجة عاد قداتو طلقت شعرها للي طوال وكان الروتين ياله خدامااه قبل كنعرف راسها حاملة صايبات مكياج خفيف ورشت لعطر كتزرب باش يشووفها خلات شعرها مطلوق وتمت خارجة داايزة من حداه عطرها خلاه يهز راسو من الطبسيل كيلقب بعينيه لمحها من اللور دخلت للكوزينة بقا كيتسنااها تبان حتى رجع شاافها كانت تيتييييزة والطالو للي كيتسمع قرب قرب مكتشوفش فيه رجعت لبيتها وهو غير كيشوف ويدور فعينيييه)
الحاجة: الاااالي على بنيتي على مزينااها بنية الله يحفظك من العين
أمال: (تبسمت معاها) كبييييدة (باستها فلهوا ودخلت لبيتها حطت داك الطالون بالزربة) احححح شحال راه يعدم هاد لخصاااارة
امال2: واش معروضين؟!
الحاجة: واه روحي لبسي تمشي معانا تبدلي الجو
امال2: وانوار؟!
الحاجة: انا نهضر معاه (مشات هبطت تقلد راسها وتنخصص وتنهد على الله يسمعها انوار)
زهير: حممم.. وين رايحيين؟!
الحاجة: هادي يوماين باش ݣلتلك اوليدي
زهير: نسيت
الحاجة: عند إلهام راها تعرس لبنتها
زهير: اممم وديك الشيخة نعرفها يا مّا ناضت شطحت ولا دارت هاك ولا هاك
الحاجة: راك تخرج فية عينيك
زهير: (بصوت عالي كيسمعهم ليها) ياووو وباللله العالي المعبوووود حتى نردم الدار وباللي فيييها وبلااااا متنرڤيوني
أمال: (كتبسم من مور لباب) حووووح فيك
زهير: هاني هضرت امّا
(تم نايض باغي يمشي فحالو وهو يمشي جيهة أمال حل الباب لقاها كتعكر واخا هي كانت غير كتجرب لون غامق كيف غيجييها حتى دخل هز داك لعكر لاحو فأرض وعفط عليه) راكي تݣلبي على خلا دار بوووك (بقات كتشووف فيه محيدتش عينها زاد مخليه مجروور ليها كتر حتى بغا يبووسها وهو يرجع اللور) هاني هضرت..
أمال: كنت غير كنجرب لعكر
زهير: نعاود نشووفك دايرااه غنعكر لجدك ب***
أمال: احاااي ما غتسمع (خرج خلاها كظحك على هاد الغيرة..)
رجعت بدات وجهها والابتسامة على وجهها كانت باينة بحال مدايراش المكياج قدات شالها لبست عباية مفتوحة شدتها بحزام رشت رشة من لعطر عاد لبست شربيل وخرجت لقلت الحاجة لابسة
أمال: فينو مروان؟!
الحاجة: هودو باه ݣالك يبقى معاه
أمال: زعما؟! غادي غير يهبلو
الحاجة: خليه معاه باش حتى نتي متبقايش مبرزطة معاه
أمال: ولوخرا
الحاجة: ياله نهودو راه تكون لبست من ݣبيل وليلى تسنى فينا تعطلنا بلاوااالي.. (هزت تيليفونها دارتو فلبوشيط ديالها هبطت كان زهير ومروان كيلعبو كورة حدا الطموبيلات) دخلي عيطيلها
أمال: ها!! عفاك مندخلش امّا
الحاجة: لايكونش عقلك صغير حتى نتي ابنتي عيطي من السرجم
أمال: (حلت لفدريش) اماال امااااال..
أمال2: انا جاية امرت خالي
أمال: (بصوت منخفض) يخويلك جنااب (رجعت عند الحاجة كتشوف فزهير للي حالة فمها فيه واش هدا الوحش ولا هو زاد زيااان ولا شنو هادشي كتحنزز فيه مزيان مكرهتش تعنقو مكرهتش تبووووسوو لحمها كيتشوووكا منين كتشوف ظحكتو وعينيه كيتغمضووو ديك اللحسة وديك الوقفة وديك الهبة الي فيه بقات مفرنسة فيه تمات ليلى جاية جيييهتم حتى هي آخر شيااكة)
ليلى: الزين فين حالة فمك
زهير: (ضار بالزربة لقاها كتشوف فيه قلبت وجهها)
أمال: ليلىىىىىىىىى…
امال2: (تمت جاية عندهم مقادة ولابسة ذهبها وبطالوها) كيف جيتكم؟!
الحاجة: غزااالة ابنتي الله يحبك من العين
ليلى: ݣالك راجلك غير سيري
امال2: وااه راه عيطلي وݣالي سمحيلي ومنعاودش كان معصب وكيݣولي عندي غير نتي فين كنرتاح
أمال: (بقات ميقة فيها كذبة كتبان من بعيد قلبت وجهها) مروااان اجي احبيبي نبوووسك (مشا عندها كيجري باستو وهي كتشوف فزهير للي جبد ضمسة فلوس حسبهم ومد الحاجة فهمت هادوك فلوس زرورة للي تعطي هي وللي تعطي الحاجة تبسمت وهي معنقة ولدها وكيزيد إصرااارها تكون انانية كذاابة اي حاجة غير باش تبقى مع هاد الشخص…) مديرش لبسالة لبابا احبيبي واخا..
زهير: (شاف فيها صويت رقيق والهضرة الحلوة لعب بلسانو فوسط فمو كيعيى يهرب عينو غير كيتفكر شنو دارت وشنو قالت كيكفر ويقلب وجهو حيت مرادف طلقني هي مكنبغيكش وعمري بغيتك ولا رتاحيت معاك!!..
ركبو فطموبيلة ديال أمال مكاينش بيناتهم الهضرة بقا هاز ولدو كيديرو باي باي لماما والحاجة زادت أمال مكسيرية وعينها فالكاميرا للي شادة اللور وحتى لمراية حتى خرجت من لباب لكبير وضارت على ليمن.. طلقت الطالبي وان ديال صوݣي بلاتي وبقاو ناشطين معاها حتى وصلو حيت مبعيداش بزااف دار العرس.. عطاتها الحاجة 500 درهم تزرر عطاتها والحاجة عطات حتى فلوس وليلى وأمال2 لا دخلو كانو غير لعيالات ولبندير والغيوان بااادي.. جلسو شادين بلاصتهم أمال منساجمة مع زريع لي علماتو ليها الحاجة ولكن متقدرش هي تبدالهم وتغني مزال الحشمة كتلعب عليها وخصوصا قدام ناس عمرها شافتهم..)
فتيحة: ولدي مكرهتش نرجع لتاوريرت
محمد: ميمكنش سمو ترجعي ديري تم
فتيحة: لدوييرتي انا ولفت العيشة تم وسط ناسي ماشي هنا مغربين منعرفو حد منمشيو عند حد
محمد: فاميلتي كولها هنا
فتيحة: ماشي على ختك اوليدي انا غير ݣلت
محمد: خدمتي اما هنا ختي منݣدش نولي نبعد ونخليها وحدها ولادي ومريم ولفو هنا وحتى نتي مع الوقت يعجبك الحال وديري مݣاالت ليك الحاجة دخلي معاها لدار القرآن تعمري وقتك
فتيحة: انا ولفت حتي حدايا ونعيمة الا نتا مساخيش اوليدي ديني يانا ومرة مرة رواح طل علية
محمد: وعلاش هاد العذاب علاه باغية تعيشي وحدك
فتيحة: تبقاو تجي نتا وختك طلو علية مرة مرة
محمد: وعلاجه نتي متبقايش هنا دخلي اما لدار القرآن حفظيه وفهمييه وها حفااادك حداااك واش كاين ما حسن منهم
فتيحة: نخاف نكون تقلت عليكم
محمد: واش هازينك اما فكتافنا ولا فوݣ راسنا.. انا بغيت داك الموضع تنسااايه تمشي ليه غير ضياافة انا حاط واحد الارض لبيع وغنشري دار كبيرة هنا
فتيحة: الله يرضي عليك اوليدي.. (كانت قنطت بزااااف) نعيط لختي كريمة تجي ظل معايا شي يامات
محمد: واش اما انا غنمنعها عيطي ليها تجي وقتما رشقات ليها
فتيحة: الله يرضي عليك اولدي..
~~~~~~~~~
امال: (كتسمع فالحاجة كتحلف لزهير ان أمال مكتشطحش خلا واحد الطاقة كبييييرة فيها لدرجة ناضت تشطح بالفرحة وتبعاتها امال2 شدات فيدها كيشطحوو اما الحاجة كتحلف فامال باش تجلس تحركات وميلات غير شوية وجلست والظحكة العريضة على وجهها تقادو طوابل 10 فالطابلة وتحط اول حاجة دجاج محمر كانو 6 فالطبلة بالدغميرة كانت أمال بحال عمرها كلات هي دك والحاجة كتقرب حداها الدغميرة ولفخااض ووللي عرفها حاملة كيعطيها تحط الطبق الثاني نص حولي مشوي كلات منو غير شوية هي كانت هابلة غير على الدغميرة تحطت السفة مقربتش ليها عاد الديسير بدا شطيح عاود مع بغات تنوض الحاجة حطت رجليها فوق رجلين أمال ناضت ليلى تلوز مع هي من الغرب خلات كولشي حال فمو)
أمال: عفاك اما غير هادي ونجلس
الحاجة: جلسي لمك وليتي تردين كذاابة وانا فهاد العمر وزايدون راكي حاملة وݣاع العين جمعتيها عليك
أمال: زهير يقرا علية
الحاجة: غيقرا عليك فالقبر الا مجلستيييش ها ودني منك ومعانا الغااشي توصلو سخوونة
امال2: (صاااقرة كتسجل فلميمواار)
أمال: بفففف وراه عرس وغير لعيالات نشطح غير شوي
الحاجة: نمشيو للدار وشطحي حتى تشبعي وصافي ابنيتي راكي حاملة وفشهور لوالة مخاصكش تحركي بزااف
أمال: نتي ولدك حݣااارة….
(كملو العراسية ديالهم عاود عرضوهم الغد ليه يحضرو لروااح الحاجة ردت عليهم بانشاءالله ومشااو فجو الظحك والنشاط مع الحاجة وليلى وصلو للدار كولها مشات لداارها)
أمال: (كتهضر فالتيليفون) فينهم؟!
هند: اختي قالك غيديوهم لشي بارك حتى انا مبغاوش يديوني قالك جلسة درجال
أمال: اوا اجي عندنا حنا جينا
هند: اجي خوديني بالطموبيل عݣزت نجي حتى لتماك برجلي
أمال: واخا هبطي نتي تسنايني.. مّاااااااا وا مّا (طلت عليها من لبيت) انا نمشي نجيب هند ونجي
الحاجة؛ متعطليش درك يجي راجلك ميلݣاااكش
أمال: لا لا دقيقة منكملهاش (هبطت أمال مشات جابت هند وجايين كيتعاودو شنو وقع فصباح)
هند: أمال فضييييو هادشي
أمال: نتي وكان ضربك كنتي غتسكتيلو
هند: اه حيت انا للي عارفة بيني وبين راسي الغلط للي نقدت راسي منو ونزيدك محدكم مخاصمين هو مزال كيحفر لبارح ورا لوليد تصويرتك وداك لكونطاكط جاب الله وليد هرسو ولاحو
أمال: (ياله طالعين فدروج خرج أنوار لقاهم تمت طالعة)
أنوار: امااال
هند: أنوار
أنوار: سمحيلي أمال مكنتش باغي نضيع ليك زواااجك
أمال: (ضارت عندو) الا عرفتك ندمان بالصح خرج من هنا (جرت هند وتمو طالعين هو بقا غير كيشوف فيها حتى حلت باب دخول سدااتو بقا شحااال واقف تم داخل لدارو جلس فاول كرسي بان ليه..)
امال2: (بدات حوايجها وجات كتمسكن وتنخصص وتنهد) حم تغديت؟!
أنوار: (شاف فيها ببررود) اري داك التيليفون نتي
.امال2: (خافت) علاه
أنوار: جيبي التيليفون
امال2: (دخلت لبيت مسحت الكونفيراساسيون مع مها وختها وتمت جايباه ليه مداتوولو) هاك
أنوار: (طفاه ودارو فجيبو) مزال عقلك صغير على شي تيليفون
امال2: (بغات تبكي) حشوومة عليك
أنوار: التيليفون ولا داركم!
امال2: (حنات راسها كتبكي وهو كيخمم غير فكلام امال) حشومة عليك تخايدلي التيليفون واش انا بزة
أنوار: عرفتي نهار اللول ݣلت راكي بعقلك انا للي منستاهلكش ولكن دابا بنتي لولا كيجيني عندها لعقل عليك
امال2: حشوومة عليك
أنوار: واش نتي غتبقاي غير حشومة علية حشومة عليك بدلي نااقشيني هضري
أمال2: واش نݣول؟!
أنوار: معندك متݣوولي ولكن من دابا لفوݣ نعرف شي كلمة خرجت من فمك نتي علية ولا على الحاجة ولا على اي واااحد فهاد الدار لشي حد غندݣدݣ مك
امال2: (حركت رأسها باه) وتيليفون!
أنوار: نلݣاك درتي عقلك غنعطيه لك توݣضي شوي ابنت عمتي راه شي يامات ورحلو من هنا غتولي مسؤووولة على بزاف دلحوايج حتى الا خرجتك معايا كتحشمينيش ولا قسما بالله حتى تحجبي فالدار ونجيب لالاااك (خرج خلاها غير كتبكي…)
تم داخل زهير هاز ولدو للي شاد لعبة فيدو وحتى وليد كانو موجودين كاسكرووط لحق الحاج لكبير داروه مجموعين وكيتعاودو لحق أنوار للي عيطلو باه مع جلس جات مرتو حتى هي تنهد وحانية الراس..
أمال مرة مرة كتخطف شويفات فيه حرام واش كيشووف فيها حتى طلع ليها الدم ناضت من حدااهم
لكبير: ياو كيف دازت عرايستكم؟!!
الحاجة: ياك راكم غتروحو للفقهة بالليل
لكبير: نشالله زهير!!!
زهير: واه حتى انا نمشي
لكبير: توحشنا شي برطية دياالك
امال2: حتى حنا شطحناااا ݣبيلات
زهير: (هز حواجبو شاف فمو وفأمال للي بقاو كيشووفو)
ليلى: اوا بيناتنا غير لعيالات.. أمال مسيكينة للي تحرمت مجاتش مع الحمل
امال2: (جات تهضر أنوار عفط على رجليها بكل قوتو حتى عينيها دمعوو ومبردتلوش بقا كيعفس) واه هي مشطحتش
أنوار: (حايد رجلو من عليها وبقا مغدد هي وهو عارفين الا هبطو لتحت غيسلخها… اما وليد وزهير بقاو كيهضرو ) بّا غدا نݣلبو على شي دار (درع امال2 بيدو) تكون غير صغيرة على ݣدنا ياك اموول
امال2: (بصوت منخفض خايفة منو ومقسحة فنفس الوقت) واه
لكبير: ضبر راسك
الحاجة: علاه اوليدي تفرق حنا مجموعين هنا خير لييينا (من غير لكبير كولشي شاف فيها بمعنى سكتي)
أمال: حم انا ندي لبز ياكلو
هند: انا نجي معاك
الحاجة: معندك فين تمشي اوليدي الدار لتحت على كبرها وفرشتها وݣاديتها
أنوار: غير بغيت نبقى..
الحاجة: اوا حتى لتحت مكان للي يجي يدق عليكم اوليدي.. خليكم اولادي مجموعين لموت ولحيى وانا مبقالي ݣد مفااات
زهير: واااا مّا
الحاجة؛ واش كذبت اوليدي انا نبغي ديما نشووفكم مجموعين منبغي حد يعزل علية
لكبير: داكشي للي ݣلتلو اما وهو راسو يابس من واااهلي خوتو كبار منو ومݣالوش يعزلو وساكنين فدار وحدة وهو للي ساكن وحدو طااااير
زهير: خليوه يجرب
أنوار: داكشي للي ݣلت نجربو انا وياه شهر ولا شهرين
لكبير: واش راك ظحك علية
أنوار: والله ابا مراني نظحك
الحاجة: راني هضرت أنوار براكة غير الخلعة عليك اوليدي منين حسابلنا متي وݣلبي كان غيسكت خروج من هن مكاااانش (ناضت زعفانة مشات لبستها وكولشي بقا صاااقر)
أشرف: (كان شيماء عندها فحص وكولشي كان بيخير يعني اصابتها بالمرض الخطير مكاينش خرج فرحان من لابو نيشان مشا عند طبيب للي كيتبع معاهم عطاه التحاليل طمنوا ان الامور ماشي مزيان ولكن حذرو من الحمل فهاد العمااين وخاصها تكمل دوا والريحيم لمدة شهرين زائد الصبووور.. خرج من عندو أشرف اول حاجة دار مشا عند الصبي للي خدام معانا) كيف راها الامور؟!
…: ملييح المعلم
أشرف: انا غنسافر شي يامات غندوز نݣولها حتى للي شاد المحال الثاني منحتاجش نوصيك التيليفون بيناتنا وغنخلي ليك فلوس باش تخدم والسلعة للي جات متشدهاش اصلا راه كاين صطووك للي يكفي هاد ليااام
…: وين تروح؟!
أشرف: وين رايح رامي راايح (خلال شي فلووس وبلا ميوصيهم عارفينو كيراقب بلكاميرات وكولشي عندو بلحساب ريال مكيفلتش.. مشا عند زهير للمحال لقاهم كيتغداو هو وليد ودراري لتحت) صحة
زهير: رواح..
وليد: دير يدك اصااحبي
أشرف: (كانت باينة الفرحة فوجهو جلس كيااكل معاهم حتى شاف أنوار هابط فدرووج جاي حدااهم) فين
أنوار: الحمد لله.. شحال صونيت هاد ليااام
أشرف: والله مكنت فمجاااجي
وليد: (فنفسو احسن حاجة أشرف قلب علييه.. غير شاف فاشرف دارلو باشراة ينفاردو) رواح معايا انسيبي بغيتك فشي حاجة
زهير: بزعطة راه نسيبنا كاملين
وليد: تموووت وتعرف واش نكوولو (طلعو لفوق وهبط للي بقى تمااك حتى هو يتغذى) سمو فيها؟!! واش ݣال طبيب
أشرف: الحمد لله ختك سانك سانك ههه
وليد: ههه (كيشوف الفرحة على اشرف زاد فرحو كتر) على سلاااامتك
أشرف: على سلامتنا كاملين.. انا غرووح عندنا نهزها نمشيو نحوسو شوية
وليد: ههه فين؟!
أشرف: مراااكش شحال وهي باغية ترووح لتم ومحد مبرد الجو مغيتكرفسووش فطريݣ
وليد: الله يكبر بيك الله يديييكم على خير
أشرف: اميييين مهم مرة مرة نتا ولا زهير ضربو شي طليلة للمحالات مكنتش عوال نساافر
وليد: احسن بلان والله نتا كون هاني بدلو الجو واش غتمشيو درك
أشرف: درك نيت
وليد: انا نص ساعة نجي نشووفها هي والاميرات ديالي
أشرف: مرحبا مهم غرووح راك عارف شغل لعيالات
وليد: هههه اعاااانك الله الا قلعتي من دابا 5 سوايع متݣوولها لحد….
أمال: (كانت كتخدم فداك الكمووند للي عطاها وليد كتلقى راحتها بزاف فالخدمة ودوك لفلوس كتبنالي دير بيهم دمليج للحاجة للي كانت شافت عند شي وحدة فالعرس وشكرااتو جات ليلى طلت عليها وجابت ليها شباكية كانت مشهياها كلاتها وكملت الخدمة فجو الظحك منين لقات زهير مزال كيغير وبنفس الطريقة حست بالامااان بقات خطوة وحدة يرجعو المياه لمجاريها)
ليلى: نتي معكسة وهو ݣالك متعرفي واالو
أمال: هو بزااف.. صراحة ليلى نݣوولك انا توحشتو
ليلى: هادي كولشي عارفها راه نشوفوك منين تكوني مشرݣة فمك فيه
أمال: ههه ومكنتش باغية يطراو ݣاع هاد المشاكل بيناتنا.. ولكن كنت محتاجة نشووف واش غيبقى معايا وانا متأكدة انه داير عين ميكة ولا علاش كل مرة بستفسر هدا وهدا
ليلى: زعما يكون عرف
أمال: شي حاجة فلداخل ديالو عارفة ولكن هو مباغيش يتيييق داكشي باش دماغو ممعاهش عايش بحال شي حرب نفسية
ليلى: هاي هاي وليتي طبيبة نفسية
أمال: ههه وراه كنقرا علم الاجتماع وداخل فيها حتى علم النفس
ليلى: اممم وحتى لامتى غتبقاو هاد
أمال: الا زربت دابا وصالحتو مزال غيسول فعقلو كفاش انا ضاربها ومعرفت شنو وهي للي جات لعندي داكشي باش كنتسنى يرطااااااااب مزياان
ليلى: صدقتي مساهلاش ولكن ابنتي نقريييك فالعشرة الا حتى كبرت الحفرة وتقطع الهضرة بين الراجل ولمرا كيتولد واحد النفووور
أمال: داكشي باش مرة مرة كنلوح ليه شي حاجة باش يدير شي ردة فعل
ليلى: باااااز يا لالة التسليييم اوا واش ديري مع الحاجة للي لصقات فانوار يجلس
أمال: (بتنهيدة) لوكان مشا مشاكيل حياتي كاملة غتحل
ليلى: هو بغا الحاجة للي مابغاتش
أمال: حيت مسكينة معارفاااش شنو مسكنة تحتها..
ليلى: الله يهديييه وخلاص.. حيدي عليك ونوضي نمشيو نتغداااو
أمال: هاهي جاية الرقاااص (شافت فالتلفازة للي حاطة لفوق للي حابين ليها شنو شادة الكاميرا من جميع الجوانب)
ليلى: غير معا يا ربي السلامة فيها الشين والخايب
أمال: تفوتني غير يااانا ماشي حصلتها شادة تيليفون مّا كتعاود لمها ههه (بقات كدق عليهم ناضو بجوج حلو ليها وداوها معاهم حيت وقت لغدا…)
اليوم العائلة مجموعة فدار الحاجة حتى من محمد ومريم وفتيحة معروضين كولشي كاين… عيشة جالسة حتى نطقت
عيشة: بلحݣ أنوار بغا يرحل
امال2: (شافت فيها الحاجة وخنزرت فيها قدام كوولشي حتى حنات عينها)
الحاجة: (بحزم) روحي شوفي مرت خالك واش راهي دييير
عيشة: (اول مرة معا تعامل بنتها هاكا وعاد قدام الكل)
الحاجة: (شافت فبنتها) الا كان بغا يرحل يرحل
عيشة: كييييف!!
الحاجة: كيف بغا
عيشة: وعلاه يرحلو ودارهم على مزيناتها
مينة: ويلا بغا يدير ديواانو وحدو اختي حنا نمنعووه
عيشة: هاديك للي لتحت دارو هي ومرتوو راها ديوااانو ماشي صلحها وݣادها وفرشها وينوض يݣلب على لكرا
مينة: الا بغا يشري
عيشة: معرفت لدشي حنا من اللول تربينا نبقاو مجموعين ولا امّا
فتيحة: (غير كتشوف بعوينتها ومرة مرة ضرب طليلة على بنتها للي كظحك وكتصرف فالدار كأنها ديالها وعندها كلمة مسموعة تبسمت معاها حيت جات كتحط حداها حلوة وزادت عمرت ليها كاسها)
أمال: زيدي اماما
فتيحة: الله يرضي عليك ابنتي (حنات عينها)
أمال: امين (دورت عينها كأنها كتقولهم ولش سمعتو انا ماشي مصخووطة وولكن الاجواء كانت مشحوونة مشات رجعت للكوزينة)
الحاجة: ضبر راسهم… (جات أمال2 والحاجة خيخت منها…بقاو كيهضرو وهي غير صاااقرة كتفكر ياكما على هادشي بغا يرحل أنوار عاد كترجع السيناريو منين تزوجو هاد الجوج وهو يتناݣر ويضربها وهي متغضب مواالو كل مرة يهدد يا يطلقها يا يتزوج عليها كل مرة سالخها على توصال الهضرة وديك الليلة فين ضارب مع مرتو حتى سكر وتم فين زهير وأمال ضاربو يعني دارت مشاكل.. تحط لعشاا لنسا وحدهم ورجال وحدهم كما العادة الحاجة مبقاتش دوان ولا جمعات ولكن حاولات متبينش انزعاجها من امال2 تفرقو كولها مشا لدارو الحاجة دخلت لبيتها جات أمال عطاتها دوا وبقات كتمسد ليها رجليها)
أمال: مالكي امّا
الحاجة: معرفت ابنتي واش ديك لبنت مزال مبغات دير عقلها
امال؛ على امال2؟!
الحاجة: واه
أمال: دابا دير عقلها امّا نتي ݣاع متفقصي معاها راسك
الحاجة: فوكاش دير عقلها
أمال: مّا… (جبدت بواطة حمرة من جيب بينوارها فتحتها تحت انظار الحاجة للي قلشت راسها جبدت دبليج ذهب وشدت يدها ودارتو ليها الحاجة نسات التقليقة وفرحت معنقة أمال واشكر وتبوس فيها حتى بدا يرخيها دوا نعست فرحانة وأمال خرجت كان صقييير كان باب لبيت فين كينعس زهير مردود مشات طلت برويسها كان زهير وولدو ناعسين تنهدت بحرقة ومشات لبيتهاا حاجة وحدة للي ربحت هي كتشقلب فالنموسية كيف بغات…)
أنوار: (كان كرا دار صغيرة فرشها من عند زهير دار داكشي زوين وللي حته على هواه.. بدون علم شي واحد من غير زهير للي كيتعامل معاه ببرود واخا أنوار داير راسو حمار بغل حيت مباغيش يخسرووو راه هو الوحيد للي واقف معاه فهاد الوحدة للي كيعييش… كان كراها قريبة بزااف للمحال دياالو باش يسهال عليه كولشي ومنها يبعد من الدار وقرر ياك حتى واحد مخلاه يخرج غيخلي امال2 تماك غيبقى يمشي غير من الليل الليل ويبدأ ينقص شوية بشوية… كانت هادي هي الخطوة ديالو امال2 فاش كتسولو علاش كتجي معطل حدها كيقول كنت مشغول مع الخدمة.. هكا تفادت يشوف أمال ويخليها مرتاااحة)
~~~~~~~~~
الحاجة: (مرضت بهادشي فين واصلة أمال وزهير.. غير دخل للدار باش يتغدا وقفتلو مو) رواح معايا اولدي
زهير: واه… (دخلت لبيتها كانت مدخلة أمال تماك للي غير شافتو وقفت) واش صاري
الحاجة: نتوما للي واش صاري مرتك قربت كرشها ت لي لفمها ومزال منعلت الشيطان
زهير: علاش المدام مݣالتلكش باغية طلاق وانا درت عقلي فراسي ومبغيت نطلݣها حتى تولد
أمال: (شافت فيه بحزن) شنو
زهير: (شاف فيها) كذبت شديتك داك نهار وبدينا نهضرو حتى ݣلتيلي انا ممرتاحااش وباغية نطلݣ
أمال: لاااا
زهير: واش راني برهووش ݣداام؟!
الحاجة: اولادي نعلو الشيطان راكووو درتو فيكم الظحك علاه هاد النفخة
زهير: مّا انا تابعني خدمة
أمال: (جلست كتشوف فالحيط عاطيااه بالجنب دايرة يدها على كرشها)
الحاجة: مديرش عقلك؟!
أمال: (وقفت باغية تمشي ودموعها فعينها مباغياش تبكي قداامهم وصلت لباب شدها من ذرااعها واخا هكاك دارت يدها على الساروت تحل لباب)
زهير: نحي يديك من تم
أمال: بعدني ازهير
زهير: (ببرود) مّا روحي تغداو
الحاجة: ديرو عقلكم اولادي وديرو بوجهنا انا ومروان (خرجت سدت لباب عليهم هو حايد يدو من ذراعها محس حتى حط يدو على كرشها حس قاسحة شوية وباينة مقارنة انها معندهاش الكرش)
زهير: شحال عندك دابا
أمال: مكنحسبش
زهير: متشوفيش روحك غالطة؟!!
أمال: (شافت فيه وهضرت بهدوء وعينها كتهرب لشنايفو) غلطت منين نزلت هكاك ولكن انا غير من خوفي
زهير: ومنين تخبعتي فداك القنت مخلياني هابل بالتقلاب دايريني ظحكة (محس حتى هي طارت عليه بااستو وهو مكانش من العاݣزييين عاااش معاها لدرجة هزها بين ذرااعو سد لباب مزيان و….)
أمال: (غير طلعت معاها منين كان كيحايد ليها حوايجها للي كانو كتار حيت كاين لبرد بقات بالديباردوور ووقفت مبعدة) شنو كنديرو
زهير: كنتفاهمو رواااحي
أمال: ولكن ماشي هاكا كتحل الامور
زهير: هاكا انا للي عارف
أمال: غتاخد شنو بغيت وترجع لعادتك وتعزل فرااشك الا بغيتني حتى تحل المشكل عاد نشووف
زهير: (وقف ماشي لجيهتها حتى صعراااتو عاد بانلها المشكل) واش درك؟!!
أمال: نتا ضربتني وانا حاملة وهجرتيني وهادشي حرااام
زهير: هاني كنحلل درك ونتي واݣفاالي فيها
أمال: خاصك حتى تطلب مني سماحة
زهير: اماااااااااااال
أمال: شنو ازهير خاص حتى نصفاااو انا مقلقة منك
زهير؛ بففف (جلس فوق النموسية بسروالو ولفوق عريااان) واش تحبي درك
أمال: نتا للي حبستيني منخرجش
زهير: (شاف فيها) بغيت هادشي يساالي (جارها من ذرااعها حتى جلست فوق حجروو) بزووجنا غلطنا و.. خاصك حتى نتي تفهميني
أمال: شنو نفهم انا لوكان بلاصتك ݣاع منفرط فية
زهير: ياك امداام
أمال: واااه.. للي عندو بحالي خاصو يحمد الله ليل ونهار وكل يوم يزيد صلاة الشكر علية
زهير: ههه واش اخر
أمال: زهير علاش وصلنا لهادشي… نتا ݣلتي مبقيتيش تبغيني
زهير: (باسها من كتفها) منيرڤي منك بزااااف يااااا امل
أمال: (مابغاتش تعاود تبرر علاش هبطت حيت غيرجعو لنفس النقطة) عمري نعاود نهود هكاك مرة أخرى نبقى نتيري من سطح
زهير: (تبسم وعينيه نااايمين كيشوف فيها محس غي رجعت كتبوسو ولكن هاد المرة كتشلقم بدا كيعييق انه غير كيشوف فيها هاكا كتبوسو بلا متشعر تبسم وسط بوسااتها للي كيحس بيهم فيهم رقة وفوسط فمها)
توحشتك أجدك
(دغيا شقلبها بغات تظحك بالجهد وسد فمها)
أمال: زهييير واش مزرووب راه خاص حتى نتفاهمو
زهير: راه اللول للي كيكون مزرووب غير نحايدووه علينا ونهضرو حتى لصباح
أمال: الاااااا هههه
زهير: ياو راه نتكرفس على جدك بالسيف اللهم بالخاطر
أمال: (كتقليلو السم) غنعيط لمّا
زهير: امحاايني وهاد بنت مّا ومدايرة فية (بقا كيشوف فيها والفرحة باينة فيها حط يدو على كرشها) واش بانلك نهربو نتفاهمووو (توݣد) مّا شحال وهي تسبح وتذكر الله ونجي يانا نجوونب ليها موضعها
أمال: هههه أحااااي
زهير؛ سيري جمعي صوالح للي تحتاجي وجيبيلي معاك شي حاجة
أمال: ومروان
زهير: غيبقى توالي مّا مجاتش حنا نتحاسبو وهو وسطنا
أمال: اممم
زهير: غير بݣرة وصافي… (رجع كيبوسها وكانت متجاوبة معاه حتى خرج مخليها متكية متبسمة ليه قاد مسائلو تحت السروال عاد خرج مرجع تغوبشة زعما راه مدرنا والو اما هي جلست كتبسم وناضت مشات لدارها جمعت حوايج لي تحتاج وحتى ليه ونيشان مشات لطموبيلتو لقاتو فوسطها ركبت جرها من عنقها باسها بوسة بالجهد)
مزال نتحاااسب مع جدك..
أنوار: (مشا المحال لقى غير وليد وداكشي لي كان نيت باغي جاب صامصونيط حطها فوق لبيرو) 10 دالمليوون
وليد: (حل الصامصونيط جبد بريكة تحسسها واش الورق ديالو مزور ولا لا تحت انظارو كنوع من الاستفزاز) درك حسن من الشيك
أنوار: مغنغامرش بروحي ونعطيك فلوس مزورين
وليد: بحالك الواحد ميتييقش فيهم..
أنوار: (حرك راسو) عندك الصح.. وأمال واش غتقبل تشدهم
وليد: داكشي شغلها تلوحهم حتى فزبل سمو مصالح نتا ياك ساارقهم وفلوس رجعو لماليهم ولا كنتي تكمل حياتك بحال مراك داير والو
أنوار: لا غير ملݣيتش كفاش
وليد: (سد الصامصونيط) الله يعاون
أنوار: ݣولها ت..
وليد: مبقاش بيناتكم هضرة صافي نسى واش هي عايشة فالدنيا.. الله يعاونك..
أنوار: (خرج لحركات جااامدة بحال شي انسان مبقى عندو واالو مشا لدارو للجي كاري جلس بوحدو فوسط ظلام صونا تيليجفونو كانت عيشة عمتو قلب وجه التيليفون وبقا صاااقر…)
~~~~~~~~~~~
شيماء: (كانت لابسة بوركيني زجالسة حدا لبحر كتشرب هواي وكتشوف أشرف كيلعب مع مريم ومرام الكورة واخا كان لبرد الا كانو مستمتعين بالهواء عاد للي كان كيسوورفي) واش هادو مكيحسووش بالبرد
أشرف: معايا؟!
شيماء: (بصوت أعلى ) واش هادوك مكيحسوش بالبرد كيعومو فالبحر ومزال شتا
أشرف: (شاف فيهم ورجع خنزر غيها) جمعي عينيك يا بالله نجي نتقبهم لمك
شبماء؛ هااااء!!!
أشرف: هادوك راه كيعومو بداك لباس ديالهم مكيدخلهمش لما وجمعي عينيييك براكة عليك تفرجي فية غير انا وبماتك
شيماء: هههه مغياار
أشرف: بلعي لمك… خاصك شي حاجة
شيماء: بغيت لعب معاكم
اشرف: رواحي.. (غير وقفت ركل الكورة سرولها بقاو كيضحكو عليها بناتها جبدتها بقات كتلعب وهو تابعها وبناتهم من موراها خالقين جو الظحك بيناتهم حتى عياااو هز بناتو بجوج وهي هزت صاكها وتابعااه) شوية زين
شيماء: هههه كنا فمراكش صدقنا فأگادير ههه فرحتيني بزااااف
أشرف: تستاهلي ازينة دياالي
شيماء: فية جوووع
أشرف: واش حبيتي تاكلي؟!
شيماء: امممم الحوت
أشرف: كليتيه ݣبيل
شيماء: بغيت شي كوزاميا ديال الحوت
أشرف: ههه مرحبا
أمال: (ناعسة فحضن زهير للي كيفكر فبزاااف دلحوايج أهمها يمحي شنو كيدور ليه فعقلو الا بغا يعيش مرتاح وترجع العلاقة كيف كانت حيت هادشي لحد ذااتو للي كيفكر فيه راه شك وطعن فحقها… لمس بصبعو فوق حنكها بحناان) اممم
زهير: متاكليش احبيبي
أمال: (زادت عنقاتو كتشم ريحتو) بغيت غير نبقى حداااك
زهير: (تبسم) انا روح نجيب شي حاجة واش مشهية
أمال: بيتزا وشي صلاد وتشيز كيك صافي
زهير: امم غتنعسي خفيفة عاد الليلة وكان
أمال: حسن
زهير: ههه (خرج جاب ليها شنو بغات وحتى هو جاب كاملة ليه صونا على الحاجة وهو برا لوطيل سول على ولدو كانو غينعسو طلع عندها لقاها دخلات الدوش حط ديك الماكلة حط سروالو تريكووه ودخل يكمل شنو بداااو لعشية كاملة… وحتى هي طالبة عليها وعاد زادت فالنيفو لدرجة نساااا على شنو كان غيحاسب ولا شنو غيقول.. ضربات 2 دصباح جالسين معنقااه وكتاكل الشكلاط للي خرجاتلو يجيبو ليها)
شفت واش شريتي لمّا مكانش عليك ضيعي فلوسك
أمال: انا ومّا نضيع عليها حتى حياااتي
زهير: (قوس عينو وتبسم باسها فوق راسها فشعرها وطلع شمة طوييييييلة) واش للي ممريحكش فالدار
أمال: كنت باغية غير رجعو كيف كنا
زهير: أنوار!!!
أمال: زوهييييير فين عمرني حتى سوقتلو واش كاين ولا لا ولكن على للي سمعت راه سكن بعيد
زهير: غيبقى يرجع مرة مرة
أمال: مكيهمنيييش ازهير حنا تجمعنا من بعد 3 شهوووور واش غنهضرو على أنوار
زهير: حبيبي حبسي من الخدمة ترتاحي شوي
أمال: حتى انا حسيت براسي عيييت غنكمل غير لواحد لمرا خدمتها وصافي
زهير: اممم وبراااكة
أمال: وعد والله
زهير: (قاس كرشها) طفل ولا طفلة
أمال: هههه مشفتش
زهير: مليييييح
أمال: فوكاش نمشيو لبلجيكا
زهير: ههه ولفتيها عادة
أمال: ههه وعلاش مروان مشينالو وهادي لا
زهير: هادي؟!
أمال: اه نسيت نتا كتبغي غير لولاد
زهير: ولكن نحبك نتي حيت بنييتة
أمال: زوووهييير
زهير: الله يجعل لحبيبتي هاد 6 لي بقاا تولديهم كولهم بنات مهم كاين ولييد
أمال: 6!!!
زهير: بلا مروان وهادشي للي فلكرش
أمال: بنت ليك قنية؟!
زهير: المال والبنون زينه الحياة الدنيا
أمال: نوض تنعس احبيبة نوض ݣالك 6 انا نسني ليك تعاود تجوج
زهير: لا منحرمش ولادي يخرجو كاملين من مقام واااحد
أمال: زوووووهيييير
زهير: تكااي نتي احبيبي انا درك نجي…..
بعد مرووور 3 سنوات أنوار كان خارج من عند طبيب مهموووم مدمر على شنو سمع كفاش نسبة باش يولد ضعيييفة دااخت بيه الدنيا اخر حاجة فكر فيها هي هادي مشا مألم سامح فطموبيلتو للي كانت فيها امال2 كتسناه يجيب ليها التحاليل ديالها ومعارفاش انه حتى هو دارهم جلس فجردة والريح مجهدة الناس هاربين من ديك لعجاجة الا هو للي مصدوووم واخا مقطعلوش لياس وساهل يتعالج على برا ولكن باش سمع كلمة ان الحيوانات المنوية غير نشيطين دخلات لودنيه تقييييييلة…
وقف ومشا كيتمشى مخلي لوخرا مشوووجرة كتسناه فالطموبيل…
~~~~~~~
أمال: (خرجت من الطموبيل ديالها دخلات شي ساعة للمحال للي كانت صغيير حاجة فيه بنت كتبيع لموديلات ديالها ولكن كان محال أنيييق ومأنتك خرجت ودازت لمحال زهير للي شرات حداه.. كان معاه مروان للي فعمرو 5 سنين ونص غير شافها جا كيجري عندها) ههه مشينا احبيبي
زهير: صافي كملتي شغلك
أمال: واه نمشي بكري باش ندي مّا لجيهة ماما باش ميتعطلوش على الدرس
زهير: غير يكملو 10 الاحزاب نديرولهم شي حفييلة
أمال: ضروووري والله راني نفكر فيها
زهير: ان شاء الله احبيبي ياله روحي باش متعطليش وتوصلي هاد جغل لمدرسة
مروان: مبغيتش نقرا بغيت نخدم حداك ابابا
زهير: جيب غير الشهادة ورواح تخدم
أمال: لا مزيااان شنو كتعلم الدري زوهير شحال مرة ݣلت ليك متعاودش تعمرلو راسو بالخدمة خليه يقرااا
زهير: باه عندو باش يعيشو ويعيش ولاد ولادو
أمال: بزعطة خلي ولادي قرااو
زهير: ههه روحي لمك وليتي تخرجي عينيييك ولكن دوااك عندي
أمال: هههه نسااااااااا
زهير: ههه درك تشووفي…
هند: (كانت فالعيادة ديالها حتى شدها حريق فكرشها طفيف حطت يدها عليها) مزال الحال باقيلي سيمانة … (رجع ليها لحريق من بعد 5 دقايق دارت شهيق زفير مزولة الشال من على راسها حيت طلعت معاها صهدة مجهدة) لا لا ميمكنش (بغات توقف رجع شدها لحريق فظهرها وكان نفسو للي شدها فبنتها غيثة هزت تيليفون ها بالزربة صونات على وليد مجاوبش صونات على امال) أمال عتقي انا ت… (طرطقت سقية ونزل داك الماء دااافي بين رجليها) ناري أمال تنولد اجي عندي دغيا
أمال: احااي ياك مزال سيمانة
هند: (بعصبية غوتت والحريق كيجهاد فظهرها) اجي قوليها نتي لط….
أمال: (شافت فزهير واش سمع ولكن من ردة فعل باين سمع حيت بعد راسو وقرس ولدو من حنوكو زعما مسمعت واالو ومانيش منتابه معاك) صافي انا جاية راني غير قريبة ليك
هند: سربي متعطليييش (قطعت كان وليد كيصووني بقات كتبكي) ولييييييد راني تنموووت اجي عندي
وليد: سمو واقع؟؟!!
هند: تنولد هئ هئ
وليد: ݣلت لمك متروحيش للخدمة ونتي راسك يااابس انا جااااي درك (سمعها كتبكي عارفها بوحاطية وولكن ألم الولادة معرووف عليه تاني اصعب ألم من بعد الحرق حي) حبيبتي انا جاي متخافيش راني غير حداااك
هند: اجي دغياااا راه سقية طرطقت لية قبيلة (كانت على شكل راكعة حيت مقدرتش توقف ولا تجلس)
وليد: انا جاي احبيبة غير خلي الخط مطلوق متقطعيش… (مشا بالزربة حدا محال زهير سول عليه احمد قالو مشاو عند مرتو يعني سبقووه بقا كيجري حيت حاط الطموبيل بعيدة فالمحال ديالو هو ومحمد حتى دخلت ابيل فتيليفونو كان زهير للي علمو انهم فطريق دايينها تولد قطع وليد حيت هند باينة نسات التيليفون فالمكتب وقف كيشير لتاكسي صونا على مو علمها باش تجي وحتى على اب هند باش يعلمهم.. شد تاكسي ومشا تابعهم وهو فتوتر كبيييييير…)
~~~~~~~~~~~~
امال2: (ساعتين وهي كتسنى أنوار والو مجاااش شدات تكون شي حاجة خايبة والعيب يكون فيها هزت تيليفونها كتصوني عليه والو مكيجاوبش زادت خاافت مقدرتش تصوني على مها لحمها وجعها بالضرب عاد منين وراها شكون غيخطب الا رجعت لعادتها حطت التيليفون حتى بان ليها جاي مغووبش اوطوماتيك بقات كتبكي طلع ركب وديمارا) مكنولدش ياااك
أنوار: (شاف فيها) واشتا؟!
امال2: طبيب ݣالك منولدش
أنوار: لا
امال2: وعلاه تعطلت
انوار:: بففف طبيب ݣال حيت حنا ولاد العم يعني الا تعطلنا عاادي.. أمال نتي بنت عمي قبل متكوني مرتي الا كان عينيك فلولاد الله يسهل عليك
امال2: نطلقو زعما؟! واش العيب فيك
أنوار: (سكت شحااال وشاف فيها) مكانش العيب (الا قالها اه غيولي علكة عند بزااف ومنهم هي) طبيب ݣال كولشي مليح
امال2: وعلاه مولدناش وعلاه تݣولي نطلقو.. نتا عارف العيب فية يااك (رجعت كتبكي)
أنوار: علاه غيكون فيك
امال2: نتا راك ديجا والد مع مرتك اللولة
أنوار: (تفكر كلام طبيب ان المشكل وقعاتلو من مور العملية للي دار) شوفي طبيب ݣالي نتي مبيك والو انا مكذبتش عليك ومزال نݣولها ابنت عمتي الا عينيك فلولاد وزربانة منشدكش معايا
امال2: انا باغياك نتا
أنوار: متأكدة!! حيت متعاوديش تجبدي حس لولاد حتى يسهل الله
امال2: (كتمسح دموعها) لا
أنوار: (بقا كيشوف فيها عارفها كتبغيييه غير هو للي مبقاش عندو الخاطر للمراهقة شد يدها باسها وكانت اول مرة يديرها ليها) واخا هكاك مغنحبسوش من الطبة ونديرو للي علينا… (جزئيا حس بطاقة إيجابية حيت كان كيتسنى منها حتى هي تمشي..)
فتيحة: مريم بنتي منين تجي أمال والحاجة فيقيني
مريم: غتنعسي اخالتي؟!!
فتيحة: واه ابنتي عييت
مريم: صافي واخا غير رتاحي (شافتها دخلت لبيتها وهي هبطت لتحت فرحانة بدويرتها للي رحلو ليها مؤخرا وكان بناها محمد على شكل ڤيلا.. واخيرا رتاحو من تاوريرت محمد فرق الورث بنات ليلى امال وحتى فتيحة كولشي خدا رزقوو باقية غير الدار للي كيمشيو مرة مرة ليها وفيرما كيستافدو منها وجنان ديال الزيتون.. تبسمت محمد قال لمريم توجد راسها هاد الليلة حيت هي ففترة إباضية وكيقلبو يزيدو لولاد واخا متخوفة من شي توأم تاااني.. وصلت 5 أمال مزال مجات تعطلت هزت تيليفونها صونات عليها) فين البنت
أمال: (كانت شادة ولد هند) ديري ابيل فيديوو
مريم: (قطعت وصونات عليها بقات كتوريها لوليد عطاتها تهضر مع هند بركات ليها عاد وصلو الناس ديال تاوريرت فرحانين اما باها ومها كانو حاضرين حيت قراب.. زهير عاد دخل جايب حوايج هند وجايب معاه غيثة للي كانت فالمدرسة وحتى يونس ولدو التاني والحاجة)
وليد: با وما للي حابين من تاوريرت ووصلو قبل منك
زهير: (حط باليزة لكبيرة دهند للي كانت جامعة فيها حوايجها وحوايج ترابي) هادي هي الله يرحم بيها الواليدين (بقاو كيتناݣرو ولوخرين فرحانين أمال هزت ولدها يونس كتوريه تربية اما مروان كيبعد من حدا غيثة للي كتبقى تعاودلو شنو قرااو مني كان غائب وعاد كتعيق عليه شحال هي مطورة ومتفوقة ومجتهدة ووهو غير كسوول)
زهير: الا نعرف والديك فحل تزوج بيها وجلسها فالدار
وليد: بااااز يا خويا على افكار كتعطي لهاد الولد
زهير: انا ولدي يتضرب على لقرايا
أمال: زوهيييير والله شي نهار حتى نخوي فيك شي فردي
وليد: عاود نتي ولفرادا شتي هادي سجلها تمشي تبقا تصيد الخلووف تحايد منها شهوة لقتيلة ولا شي نهار تصبح صايطة فيكم كاملين
أمال: يبعد غير من ولدي
زهير: (حمر فيها العين) اماال
أمال: شنو أمال متبقاش تݣولو هاكاك خليه يقرا يتفق فراسوو
زهير: وانا ݣلت لا راه عطيتكم الحل يقرا حتى للشهاااادة (كيبغي يشد فيها باش تعصب)
أمال: زوهير
الحاجة: (مشات جيهتم) اللقوا بجوج واش مزال ضاربو كيف لبز
زهير: (درع أمال بيد) راني نظحك المعزة اما بروحي نبغييه يكون شي طبيب ديال لبݣر
أمال: لبݣر!! معليش انا نبقى نداويك خلي غير الولد يقرا وهو يحب بوبي واش بغا
وليد: (طرطق كيظحك اما حتى لوخرين مسمعوهمش حيت كانو مقنتين الحاجة قطرت على حوايجها بالظحك أمال غير شادة الظحكة أما زهير مخنزر فامال.. يوسف هارب وغيثة تابعااه كتقولو توريه شنو قرااو…)
هند دارت سبووع زويين وجمعت فيه ݣاع العائلة كولشي فرحان وضرووري من المشاكل صغاار للي مكيبانوش قدام مالين النية… سمات ولدها أنس واخا كانت باغية غيث ووليد مبغاش ومعجبوش كيفضل الاسامي البسطية والمتداولة عند لكبار وصغاار شيماء معاوداتش تولد حيت طبيب عطاها حتى نبرا لمدة 5 سنين فاتت منها 4 ومتبعة مع طبيب ومبقاش الزمت عليها مرة مرة كتدي مرام للحضانة اما مريم طرونسبور كيجي ياخدها من الدار مرة كتنزل نقدا شنو خاصها وضروووري كل سبت او احد تخرج هي وهند وأمال ولات عندهم عادة بحال كسكسو فدار الحاجة للي كولشي كيتجمع فيها من محمد ومريم وولادهم فتيحة وحتى أشرف ومرتو وولادهم وليد وهند وولادهم كولشي كيتجمع فدار الحاجة..
(مبغيتش نموت ليكم الحاجة واخا كانت من الافكار الأساسية ههه)
أمال باقية كتخيط من لاتوللي لي قادولها زهير وتبيع فالمحال للي شراتو من فلوس ورث ديالها زهير غير صلحو ليها وعمرو باثاث راااقي كيجذب العين ومنها داير إشهار للمحال الثاني ديالو للي فتحو ديال الديكورات يتخخص يقلد المكاتب للناس… هند كانت جمعات فلووس وشرات رونج روفر هدية لوليد هدية حب وشكر وامتنان على شنو دار معاها ومزال كيعطي ومكيتسناش مقابل منها.. كانو مشاكل بين ليكووبل ولكن مشاكل زوييينة للي كتحلي العلاقات وكما معرووف زواج حلاوتو الرومانسية وملحتو المشاكل
انوار بقا كيبعد شوية شوية حتى استااقر بعيد على الدار لكبيرة شرا برطما ساكن فيها هو وبنتو وامال2 كاين مشاكل بيناتهم وحتى هوما كيحلوووها هو مقادرش يبعدها حيت ولفها وبنتو كنبغيها بزاف حيت لقات فيها ام وامال2 كانت كتبغيها بحال بنتها وهي متقدرش تبعد منو حيت من نهار وعات على راسها وكانت كتبغيه وحبها كيزيد يكبر مع الوقت…
اما ولاد لكبيير علاقتهم باقية جامدة مع زهير كما نهار اللول ومرة مرة كينوضو ضشاش بينااهم ولكن داكشي ولا كيجيهم عادي لا هوما كيبفيوه لا هو كيحملهم كان إحساس متبادل كل الطرفين كيلومو بعضيااتهم…
وهنا سالات القصة ديال ݣليع الݣلب نتلقاو فالقصة ديال…
~~~~~~~~~~~~~~~~~~
تسريب من القصة القادمة
….: (غير شاف وحدة جاية قدامو كانت مطرفة ولابسة من غير هدوم شاف فلقصيرة للي معاه للي شافت فيه وقلب وجهو بجدية زعما مشفت واالو حتى دازت من حدااهم مخلية عطرها ضامينو بجووج)
…: (صفرت مندهشة على للي شافت) شفتي
…: خاطينااا داكشي حنا
…: وهااازة ما هاز ݣلبي عودة يا المعلم وشفتي الطرف كيف داير
…: (شاف فيها مخنزر شدها من تريكو من قرفادتها) جاية بتيشورت الرجا وبروطكان ݣلنا معليش مطراسيا لحواجب بحالا مخطط فيك شي بعلوك وزايداها بالخالة ݣلت هانية المهم الاخلاق ولكن باش تزللي على وحدة وانا للي راجل قلبت كمارتي لا رجعي لدااركم
…: تاااا رييييح اصااحبي
…: (بقا جارها شير لتاكسي ركبها زادح لباب) برهووشة مفشلاني..
~~~~~~~~~~~~~~~~~~~
النهاية
التعليقات 0