الفصل 7

الحاج : رجع ..رجع لوور رد الباال

ماردش عليه محمد ملي شافها تفاعلت معاه وقف كاامل حاط ايديه فوق ليزاار اللي فوق رااسها وضغط عليهاا كثر كيردد نفس الكلماات بيين شفايفو وهي كتحرك راسها من تحت ايديه وجسمها كلو كيتهز ويتتتحط بحالا عمرو تشلل خاصة كرشها اللي كتوجع بيها وهي كتبكي بالصوت بدون دموع غير كتنيين وليزار فوق وجهها مغطيها كاملة..

محمد : اعود باله من الشيطان الرحيم ..بِسْمِ اللَّهِ الرَّحْمَنِ الرَّحِيمِ الْحَمْدُ لِلَّهِ رَبِّ الْعَالَمِينَ الرَّحْمَنِ الرَّحِيمِ مَالِكِ يَوْمِ الدِّينِ إِيَّاكَ نَعْبُدُ وَإِيَّاكَ نَسْتَعِينُ اهْدِنَا الصِّرَاطَ الْمُسْتَقِيمَ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ ….إن الذين كفروا بآياتنا سوف نصليهم نارا كلما نضجت جلودهم بدلناهم جلودا غيرها ليذوقوا العذاب إن الله كان عزيزا حكيما

هزاات رااسها الفوق هو يلبي رغبتها وحيد ايديها من رااسها وهاد المرة ضغط على جبهتهاا زيرهاا من تما كثر مابقااتش لاقية فين تحرك وهي تطلع الشهقة كتبكي بصوت ضعييف بزز باش كيتسمع قاالت..

اسماء: سكت..

محمد:والذين آمنوا وعملوا الصالحات سندخلهم جنات تجري من تحتها الأنهار خالدين فيها أبدا

اسماء:سككت(ب بكاء)

محمد:خالدين فيها أبدا لهم فيها أزواج مطهرة وندخلهم ظلا ظليلا

اسماء : سككت

تخشع الحاج كيشوف فمحمد وهو كيقراا عليها رغم انها كانت ساكتة او بالاحرى اللي فيها هوما اللي كيحاولو يسكتوها هي غايبة عن الوعي…هز رااسو وربع ايدييه بتركييز بعدما لاحظ فولدو محمممر ماناوييش يحبس حتى يطلعهم ويدوييهم بزز منننهم اما على برااا غير سمعو اسماء اول مرة دواات مورا ماغيباات تجمعو قدام البااب كلهم اولهم الحاجة مها وكنزة حداها كيطلو من شق الباب وعيالات ولادها وعمتها وبنتها كلشي وقف عند الباب كيصتنت ويشوف فاسماء كتهضر بحال شي فراجة او شي مشهد مشووق كيتسناو يشوفو كيفاش غتهضر وشنو غتقول…

دمعو عينييهم وكنزة حدراات راسها كتبكي كلما بكات اسماء كتبكي شادة فالبااب والحاجة كثر منهاا شادة زيف على فمها وكتنخصص حاسة باللي حاسة بيه بنتها بما انها دازت من نفس التجربة…

وااحد اللحظة وهو يقرب هشاام عند محمد بارتبااك وقف ورااه

هشام : برااكة عليها اخويا الله يرحم الواليدين الله يجعل البراكة

محمد بحالا ماسمعوش ماتسوق لييه مكمل فقراائتو وهو كيطيير وراه باغييه يحبس

الحاج : خاليه اولدي خااليه ماتخاافش غير كلام الله ايلا ما شافاها ماغيأديهااش..رجع لور خلييه..

هشام: لاا لااا اسيدي برااكة عليهاا شوف كي كتبكي غتحماق بالبكى براااكة تالغداا عوتاني وزيدوها شوية برااكة ل يوم..

كنزة : ا اويليي د دووي مع ولللدك خليييه ..طلقيي منيي خليه يقراا عليهاا ماالك

شافو فيها كااملين وهشام من وسطهم خرج وسد عليهاا البااب وهي بقاات فالبااب مصدوومة والحاجة جرااتها..

الحاجة:ششش سكتييناا

كنزة:كيحبس فييه حتى بدات كتهضر عااد حبسوو اش كتخربقو

الحاجة: خووك عارف اش كيدير سكتيينا….قطعي حسسك ااش دواك ورجال لداخل مكيبيغوش اللي يتصنت عليهم يلاه سيري تجلسي حرمتيها على رااسك وعلينا….

دفعااتها قداامها للصالة وهي بغات تبكي بغات غير تهضر مالقاات ماتقوول ولا اش تخرج من فمها وجلسات فوق الصدرااري كتغدد وهشام لداخل ماارتااح حتى خلا محمد يسكت ويرجع لور مخنزر فييه كون ما حشم يشركو هو واللي فيها من لول مارتاحش ليه خاصة مع اللي سمع من اسماء علييه زاد كمل…والحاج شاف ودو مخنزر فيه هكااك وهو يقري ملطف الجو..

الحاج : عندو الحق اولدي خليها ترتاح غدا انشاء الله ونرجعوو..

مازعزعش محمد نضرو من هشام كيشوف فيه عاقد حجبااانو حتى سمع حس اسماء كتهضر بشويااا وهويتلفت عندها لقااها كتشوف فقرعة دالما فهمها وعمر ليهاا الكاس ولكن هاد المرة ماعطاهش ليها ..

محمد : تجربي تشدييه !

اسماء كتحااول :م ماقدرتش..

محمد:جربي..

اسماء: لاا ماقدررتش..

هشام:مااكتحركش واالو ماكتقدرش الله ديير شي تاويل ديال الخير وصاافي ارا نشربها عطيني..

مد ليه الكاس ووقف حتى هو مابغاش يخرج من تما بقى كيشوف فهشام شربها بشوية متحسر على حاالتها كيتنهد وحدة مورا وحدة حتى كمل ومسح ليها فمها ورجعو لبلااصتو…ومحمد متبعو بين عيينه حتى بعد من قدامو ورجع شاف فيها وهي عرقااانة بحالا خاوين عليها سطل دالما كلها كترجف وتننهج..

محمد:شويا….كتحسي براسك مزياان

اسماء : ممم الحمد الله..

محمد: قادرة تكملي ولا نخليوك ترتاحي حتى لغدا..

اسماء: حتى لغداا براكة عييت..

الحاج: صافي نخلييوها ترتاح ..غدا انشاء الله نكملو واخا ابنيتي..

محمد:غنمشيو دابا ارتاحي شوية…غدا غنرجعو …

تبسماات ليهم بعياء وحركاات راااسها بايجااب..

هشام: ان شاء الله اجيو ترتاحو…..م ماشي اول مرة تهضر هكا وتبكي ولكن ماكتقول واالو كتنوض مسخسخة وعيااانة كثر من نهار لي قبلو

الفقيه : واش كتغيب و كتهضر ولا كتغيب ماكتهضرش…مافهمتش

محمد بقى غيير كيشوف لاهو لا الحاج ماعجبهمش الحاال حيت حبسهم هشام ماشي غير هو وانما اي واحد غيحاول يحبسهم وهوما فوسط القراءة ماغيتقبلوهاش منو..

اسماء: جيب ليا بنتي..هشام كلم ليا تسنييم

هشام: هي لولاا واخااا..

وخرجوو للصاالة لقاو الحاج عبد المتقي فوجهم شاد فعكازو كيتررعد ومشى لعند الحاج ..

عبد المتقي: تباارك االله عليك اسيدي تبارااك الله علييك الله يجاازييك بالخير الله يرحم ليك الواليدين

الحاج: وااجبنا هذاا اسيدي حنى غير سبب للعلاج انشااء الله كلشي بيد الله ماغنديرو واالو..انشاء الله نتبعو معاها ويكون خيير..

عبد المتقي: ااش عندها قالت شيي حاجة سمعناها كتهضر ااش عندهها..

حرك رااسو الحاج بايجاب ودخلو جلسو فالصاالة ومحمد مشى حدا الحاجة مو وهي كتشوف فيه وفالحاج بافتخار وفرحة اللي قدرو يعاونو اسمااء فحين الحاجة ام اسماء دخلات للكوزينة هي وعيالاات ولادها كتجري من جيه لجيه ترحب بيهم وتعاود اما كنزة بقات واقفة ليهم تما تسمع وتسناهم يهضرو ويقولو شنو عندها حتى نحنح الحاج وشبك ايديه قداامو..

الحاج : اش غنقوليك اسي عبد المتقي..بنتك اللي عندها واضح وباين مانكدب علييك ما غنزيد ماغانقص…البنية عندك عندها سحر…سحر قديم ماشي عاد جدييد..

عبد المتقي: ك كيفاش قديم وشكون دايرو لييها شكون هااد ولااد الحرااام هلكوو ليا بنيتي شكوون يكونو

الحاح: الله اللي كيعلم…لا انا ولا غيرو غايعرف.. واش مدييور ليها كيف قلتي ولاا عن طريق العين الحسد التخطي والاسبااااب عدييدة وتختلف…ولكن اللي نقول ليكم سحر قديم مستقر فالبطن والرجلين وهو اللي داير ليها هاد الصداع كامل وهاد الشلل …

عبد المتقي: وشنو نديروو اش فاستطاعتنا نديروو ليها غتبقى هكااك ديما اسيدي

الحاج: ماتخاافش بادن الله…حالتها استعصت للاطبة ولكن غتعالج بادن الله عن طريق القران..وكلام الله خير من الف دوااء…دعيو معاها والله عز وجل يفك حالها بادن الله…نخلييكم الله جييب لشفاء

عبد المتقي: جلس اسي الحاج جلسو شربو كويس ديال اتاي الحاجة فيين بقيتي..

الحاحة:هاناا هانا…(دخلات بالصينية ديالها حطاتها فوق الطبلة وعيالات ولادها كيدخلو فالطباسل موراها)

مالقاو مايقولو رجعو جلسو فحيين محمد غير سمع الاتصاال من التيليفون لقاه المحامي سد عينيه ورجع خلهم نساااه كاع وهو يوقف سلم عليهم واخا عيااو فييه يجلسو لا عبد المتقي ولا الحاجة ولا حتى كنزة بغاتو يبقى ولكن مكانش صالح ليه يزيد يجلس ومشى خرج ودعااوي عبد المتقي والحاجة ام اسماء تابعيينو من غير دعاوي والدييه بافتخار كيشوفو فيييه حتى خرج مشى..

الحاجة: فااقت ..يصلاح ليا نشووفها..

هشام: فااايقة فااايقة مرحبا اللالة دخلي عندها راه بغاات حتى بنتها دخليها ليها اكنزة…

خرج محمد من دار طلع فطوموبيلتو مباشرة…يلاه غيعاود يصوني للمحامي وهو يطلع ليه كيصوني وجاوبو وهو ساايق..فحين الحاج بقى مع عبد المتقي كيهضررو على موضوع العلااج وشنو غيحتاجو نهار الغد باش ييدييرو لييها رقية كااملة…بدون انقطاع..

عند اسماء دخلات عندها الحاجة وكيف البكى اللي بكاتو مع الحاجة ماماها….هاد المرة بكاتو هي واسماء وجلسات عند رااسها كتعاود ليها طول هاد الشهورة اللي غابت عليها اشنو وقع واشنو كاين…. وكان اغلب كلامها شكوى من ناحية مرت ولدها واسماء غير ساكتة كتنصت لييها والحاجة كتزيد تأكد ليها كلام مها..اللي كتقول فيه تعيى العكوزة تكون درويشة وتعيى مرت الولد تكون درويشة ضروري من المشاكل من عدم التفاهم…

الحاحة: ماتفااهمتش ليا هي وخديجة واالو يابنيتي تقولي حطيتي المش والفااار تحت صقف واااحد مكتحملها ماكتقبلها….

اسماء: اسراء درويشة….حتى خديجة درويشة

الحاجة: تاحد مادرويش ابنيتي وااالو…انا علااش زوجت ولدي علااش غير يجيب ليا لي تونسيني هكااك وتهضر معايا وتعمر علياا ماشي تسد عليها البييت نهار وماطال تا يجي هو عاد تخرج طل علينا كي ضيفة…ابنتي ماكنقولو ليها لا شقاي ولا طرفي غير تجلس وتعمر معاه وتهضر معااك وهي وااالو ماتعطييكش اش تحت رااسها..

ام اسماء : من العائلة ….مرت ولدك ..؟

الحاحة: لااا..بعييدة علينا نعتو ليا غير واحد ناس بحال وجهكم درااوش ومشييت خطبتها صراحة ديال الله زوينة ومأدبة وداااخلة لسوق رااسها معايا..غي معايا هادا حق الله وليني مع خديجة تقولي يا بنتي تهزي وحدة وتحطي وحدة ماتحملها ماااتقبلها وانا اللي مايبغيش ليا خديجة اللي هازاني وعمرها قالت اي ماانبغييهش ومانقبلووش..

خديجة: ربي يخلبيك الحاجة الله يطول فعمرك..

ام اسماء: مسكيينة كاتبان فيها درويشة مسكيينة…و بعدييهم على بعضياتهم صافي…اودي الحاجة تانتي علاش تقلبي عليها وتقلبي على صداع راس خلييها علييك بعديها على خديجة وخليها فحاالها نتي ايلا هنات ليك مع ولدك هاديك هي دنيا

الحاجة : درويشة واخا هكااك غير مكرهتهاشاي تهضر معانا وتونسنا وتعمر علينا

ام اسماء: ولوااه تاني اللي ماتهضر معااك ماتشااورك ما تحتت معااك اش عرفك بيها درويشة ولا مادرويشاش ..انا عيالاات ولادي من سيمانة لولا طلقتهم معاياا راحنا غنعيشو على دواام ايلا ماحطينا راس على رااس وتفااهننا واخا ماكاين بو مفااهمة وليني نصبرو ونغمضو عينينا ونميكو والوقت دايزة….الله يهديك ماخلق وصافي..ايوا خرجت تولد ولا مزاال على الله..

الحاجة : مجاابش الله مزالناا نتسناااو..

ام اسماء: ماباغينش يولدو ولا شنو..

الحاجة: اوديي حنا كرهنا..ماخلينا لا طبييب ولا طبيبة المشكلة فالبنية مسكيينة مامكتاابش ليها تفرح بييهم

ام اسماء: الله ياربي مسكينة عااقرة..

الحاحة: اييه مسكيينة ماخللت لا اطبة لا دوايات …عطاتها مها شي عشوب دابا راه مزال تشرب فيهم شي نهار يديرو فيها شي مصييبة وحنا مزال ندعييو معاها شحال من عاقر خرجات تولد حنى مزال نتسناو على مولاانا..

ام اسماء : ولدك مسكيين كون باغي الولااد..

الحاجة: اودي الحاجة ولدي دروش منو ماكاين..على هو كره بنية ولا وليد يجريو بين رجلييه وليني ماجابش الله اش غنديروو..كاان فلول ماباغيش يزرب وليني ملي دعقتو قاليها صافي خرجي تولدي وملي جربات مسكينة ماكتابش ليها

الحاجة: الله يشوف من حالها مسكنية الله يفررحها تئ الله يااربي..كنزة اري ديك الفوطة(هزات فيها عينيها وهي تلقاها ساااهية) كنزااا

كنزة: هاا ..م ماالك

الحاحة: اري ديك الفوطة ونوضي غطي ختك وحيدي عليها داك ليزار راه نعساات مالك سااهية فااش كتخمي..

الحاجة: نعساات مسكينة..

ام اسماء: كتعيى مسكيينة كتولي حالتها را شفتيها وتولي ترررعد ترعد وتنهج تا تنعس عاد ترتاح شوية..اما بنتها هكااك ديما ملي دخل من المدرسة وهي عند رااسها تقرا علييهاا

حدرات راسها الحاجة بقاات فيها وكنزة تنهداات ونااضت حيدات الايزار على اسماء وغطاتها مزياان وتسنييم حدا رااسها شادة نفس القصة كتقرا فييها بصوت هاادئ ورجعات جلسات فبلااصتها مرة تصنت ليهم مرة تسهى حتى ناض الحاج بغى يمشي ماخرج من تما حتى خرج معاه لحاجة وكنزة نزلات معاهم تالتحث ودعاتهم وسلمات على الحاجة حتى ركبو وومشاو وهي توجهات لطوموبيلتها حلات بابها وطلعااات كتجبد فتيليفونهاا قلبات على نمرة دالمحامي وبسرعة دوزاات رقمو بدون تفكيير…لحضات وهو يجاوبها..

المحامي : مادموزيل كنزة..

كنزة:الوو ااسي رفاعي لبااس علييك هاني

المحامي: الحمد الله لبااس علييك

كنزة:الحمد الله …بغيت نستااشرك فواحد المزضوع ايلا جات على خااطرك..

المحامي:مرحبااالله اودي مرحباا مادموزيل..

كنزة:شكراا..ءءء و واحد السيدة من العائلة مريضة..فهمتيني عيانة شوية وملي جينا نشوفو السبب لقيناه سحور..وحتى اللي داروه لينا عارفينهم فهاد الحالة واش ممكن نتابعوهم قضائيا….

المحامي: طبيعة الحاال الالة…السحر بمتابة جريمة كيعاقب عليها القاانون….

كنزة:واخاا و وكيفاش زعما نقدر نتابعهم باش تنصحني..

المحامي: نتي عارفة هاد التهمة اللي كاتقولي فيها خطيرة شوية وفيها حبس وغراامات مالية واش عندك شي دلييل تهضري بيه ولا غي شك..

كنزو:لاا لاا ماكيينش شك..انا متأكدة..و ولكن …دليل ماعنديش …غ غير سمعت….

المحامي: ولكن امدموزيل مايمكنش الدلييل ضوري منو مايمكنش ليك تهضري بلا بيه…شفتي شنو غديري غدا دوزي عندي سمعتي مورا الوحدة انشاء الله صباح ماشي للكلينيك عضية دوزي عندي..

كنزة:واخا شكراا بزاااف سمح لياا ايلا ساليت ندوز عندك

المحامي: وااجب امادمووزيل وااجب مرحباا ..

قطعات معااه وهزات رااسها لفووق لفووق كتنهد حابسة دمووع ماينزلووش من عينيها ولكن فلحظة غلبوها ونزلوو كيف شي شلااال على خدودها وهي تحدر رااسها على الفولون مغمضة عينيها وغير كلام خوتهاا اللي كيطيح بين عينيها…

من اللحظة اللي حطات عينيها على ساقطة دالبااب كتشوف فيهم وتصننت كيفاش كان صلااح كلو كيرجف مزيييرو حمرر والقميجة مفتوحة على صدروو كيشمي ويجي وهشام وااقف علييهد..

هشام: دويتي معاها اشنو درتي….

صلاح: مصيييبة …مصيييبة اهشاااام مشييت فيها

هشام: مالك اش كاين اشمن مصاابة..شنو وااقع

صلاح : مشيت عندها..سولت عليها قالو ليا فالحبس..تشداات اهشاام..

هشام ببرودو هز كتافو : اهاه حناا مالنا الله يعطي لديلمها الغرااق فيه ماشي غير الحبس فيدنا ايلا عندك مايفييد عرفتي فين دارت داكشي….

صلاح: كيفاش غنهضر معاها اخويا قلت ليك فالحبس كيغانديير ليها انا مشيت تما لقيتهم مطوقين ليها البااب ملي سولت قالو ليا تشدات مالقييت كينديير

هشام : مصييبة هادي… شووف كيديير اخويا وهضر معاها داكشي خاصو يتجبد جبدو هضر معاهاا ولا هربها ولا ضبر لمخك جبدو هي جبدو من لول قلت ليك ماتمشييش عندها واللي فراسك فراسك..

صلاح: جبدو..وليت دابا خاصني نجبدو ماشي خاصنا نحبدوه رااااك تااانتاا معايااا اشريييف

هشام شنق علييه بهمس مغدد :اناا قلت لييك سكتها ماشي قتلها مااتبقااش دوخ عليااا اصحبي سكتهاا قلنااا…. تاافقنا نسكتوهاا نرطبو ليها الفم تخلينا نقضيو شغلنا …مااشي نقتلوها كنقوليك خفف داكشي مااتزيييرش ونتا كدير لي فرااسك فكها….بربي وتجبدني على فمك مااانعقل علييك برب حتى نكرك..

صلاح : دااكشي اللي قلت لييها تسكتهاا ماشي تقتلها ااش قلت ليها قدامك هضرررت معاهاا سمعتي كلشي على ودنييك..نهار عيطنا ليها كلشي داز تحت ودنيك وعجبك الحال وقلتي ليا دير لي عجبك دابا وليت بوحدي لحتي كلشي على ضهري..

هشام بعد صمت وبهدوء كمل : سمعت غير هضرة تيليفون الخلاص والمساائل ماحدرتش معاك اخويا …ديت شي تصاور انا …ديت شي خيط ديت شي ورااق …ماعطييتها تا حاجة علم الله اش قلتي ليها …نتا من لول ناوي على كثر انا قلت لييك غير سكتها مااشي عوقها نتاا حاقد عليها انا اخويا بغيتها غير تسكت ماشي تعوق ونوحلو فيها

صلاح بعد علييه بحقد : ولد الحراام نتاا..خطييير مع رااسك نكرتيني داابا صاافي قاالتها لياا نجوى(مرتو) قاالت ليا ماديييرش رااسك فييه

هشام : شوف شوف من لول نتا ومرتك اللي كتخططو وتوجدو نتا وياها لا انا ولا مرتي دخلنا فييكم قلتي لياا جايب لييك الحل قلت لييك شنوو قلتي ليا نسكتوها قلت لييك بسم الله دير اللي بان لييك..كون كنت عارفك تعوقها هكا مانزيدش معااك تالهضرة تا دابا ضبر لمخك هضر معاها ولا ضبر راااسك انا ماتعرفني ماانعرفك ماتبقااش تعيط ليا هكاا قدام الناس شو حالتك كيديرا من بعيد يشك فيك الوااحد…نزل سمعتي قطع الحس ماتقوول واالو غير سكت ماعندهاا ماتقول اصلا واخا كاع تفك ماكااينش اللي غيعرف منيين.جاها داكشي..قطع الحس وضور بحالتك شوية وليتي كي لكلب بالخلعة بحالا غدا غتنوض تهضر….

رجعات تكات على الكوسان حاطة علييه رااسها مكدبة عينيها مكدبة ودنييهاا..مكدبة حتى فمها اللي مقاادرش يخرج هاد الكلام من فمها…فعلاا من زماان وعلاقتهم مع اسمااء ماكتعجبش…فعلاا اسماء كانت ليهم دائما هي ديك الفرد الصعييييب ماكتسمعش لكلامهم ما دايراش ليهم الحسااب واللي فراسها هو اللي كيكون بيهم ولا بلاا بيهم..فعلا اسماء من اول نهار ليها كانت هي البنت المفضلة لا عليها ولا على خوووتها ولكن هي تقبلاتو علاش هوما متقبلوهش علااش من زمان وهوما كيحفرو ليها مزال ماعياوش مزال ماتهدوش لهاد درجة عمات الغيرة عينييهم…!

ماقدراتش تنزل بقات تما فالطوموبيل كتهز نفس وترجعها بعدم استيعاب عقلها لحد الان مزال مامتقبل الفكرة ومقادرش يتقبلها….ومقادرااش تطلع وتشوف فوجه ختها وتضحك كان شيئ لم يكن كانها معارفاش السبب اللي مزصلها لهاد الحالة..

بعد مدة طويلة رجع محمد للدار لقى الحاجة والحاج باباه رجعو للدار سلم عليهم عاد مشى لبيتو غير دخل باانت ليه اسراء حدا الشرحم كتهضر مع مها فالتيليفون مابغااش يتسلل عليها خلاها تهضر فخاطرها ورجع للصالة عند بااه فين كان جالس تما بوحدو شاد كتاب بين ايديه ونضاضر غلى عينييه كيقرا فيه حتى دخل عندو محمد وهو يحطو وقاال كيجمع فنضاضر..

الحاج : ماكتفكرش تبدا تمشي معايا للمركز عرفتي شحال من واحد كيسول علييك..

محمد : دابا نمشي ههه شكون كيسول فيا ههه

الحاج:رااك عارف هههه…

محمد:داباا نمشي..دابا نمشي..نربيهم تاهوما هه

الحاج: ههههه تبارك الله عليك باقي شاد كي علمتك عرفتي تعامل مع البنت ماعندي مايتساالك..

محمد شبك ايديه قدامو : عرفت نتعامل عرفت…ولكن ماسمعت منها والو…اشنو بان لييك الوالييد..

الحاج: مانكدبش علييك اولدي غير مابغيتش نخلع واليديهاا..البنت باينة شبعااانة سحر وماشي كي قلت ليهم عين ولا حسد..لا اولدي سحر مخدوم …

محمد : داكشي االي قلت….ملي جربت نقرا عليها اياات العين والحسد ماكتفاعلش معاهم وماكتعطي حتى رياسكيون ولكن غير كنفووتهم شفتيها كيفاش متولي… نتا كنتي كتقول سحر العين والحسد كيستقر تحت الصدر…وهي هادشي باش كتعاني..مافهمتش

الحاح: حتى سحر المخدوم اولدي كيستقر فالبطن…شوية وكنتي غتواصل معاهم على شوية كون ماحبسش خووها ولكن ماشي مشكل..غدا انشاء الله حنا معاها ديك البنت ماغنتفاكش معاها حتى نعرف اشنو عندهاا مايمكنش دوز على ايدي ونخليها هكااك..

محمد: وجدت ليك الماطريال بلاما تمشي حتى للمركز غدا غنمشي للكلينيك عندي شي شغل تما جاي عندي واحد السيد معرفة داك المجامي راك كتعرفو..مابغيتش نرجعو كانو عندي شي عمليات ولكن دخل د.عبد الرحمان غيدخل فبلاصتي..ونتا سير سبقني حتى نجي موراك …غنسيفط معاك شي درااري يعاونوك من هنا

الحاج: الله يرضي علييك حتى الحاج الفقيه غادي معانا غدا تمشي تجيبو وتلحق عليا..

حرك رااسو بايجاب وهوما مكملين كيهضرو غير فحالتها وفليلة لغد كيف غتكون حتى جابت ليهم الحاجة العشاء وجلسو مجموعين ضايرين عليه تعشاو وكل واحد مشى لبييتو ومحمد لقى اسرااء تخشات فالسريير نعساات وهو بدل لبااسو فلباس مرييح وهز الغطى نعس حداها وهي عاطياه بالضهر حتى حسات بيه وضارت عندو عنقاتو وهو يحط راسها على صدرو خلاها مرتاحة علييه وغمض عينييه نعس…

صبااح الغد بالضبط عند محمد يلاه وهو فمكتب الكلينييك لبس البلوزة دياالو وقاد السمعااات فوق كتاافو بحركات تقال كيخدم بالو كلو مع اسماء وهو يتقد الباب ودخل المحامي..

المحامي : دكتور..صباح الخيير…

محمد:صباح الخيير السي الرفاعي تفضل جلس..

قرب المحامي جلس قدامو فوق البيرو…ومحمد ربع ايديه كيشوف فيه..

المحامي: لهلا يخطيك شكراا ياك لبااس علييك هاني…

محمد:الحمد الله..نتا شوية صافا على اخر مرة؟

المحامي : شوية غير شوية ادكتور…سمح لياا ايلا عدبتك قالت ليا الممرضة لبارح انك ممكن ماتكونش حتى ليوم..ولكن كنضن انا اللي جبتك…كنت غنجي حتى للعشية..

محمد : بالعكس خود رااحتك..مزيان ملي جيتي الصباح عشية مغنكونش..

المحامي: بصح ! غير سمح ليا… قلت حتى لعشية ونجي مابغيتش نصدعك على الصباح ولكن خرج ليا عمل على غفلة فالعشية عندي مراافعة انشاء الله … وعندي موعد نييت مع البنت اللي كانت عندها قضية المشكلة مع طليقها ماصلاتحش ليا نأجل الموعد معااك فضلت نجي بالصباح..ومزيان واقيلا ملي جييت ههه

عقد حجباانو وربع فوق البييرو ميل فيه راسو..

محمد:شكون ؟

المحامي: البنت اللي كان عندها..عند ختها عفواا هه عند ختها مشكلة مع طليقها قضية الاغتصااب والصور عندي معاها موعد عشية بادن الله…كنتي جيتي عندي معاها..

محمد: علاش واش مزال شي مشكل فالقضية على حد علمي الملف تسد….

المحامي: لا لاا الملف تسد كون هاني قضية اخرى كتخص شي بنت من عائلتها… خدات الاستشارة ديالي فيها فقط..

محمد:نقدر عرف..ايلا مكانش مانع..

المحامي :م مايمكنش ليا نخرج مشااكل الناس لشي حد..ولكن نتا ماشي شي حد طبيبعة الحال عارف ايلا شاركت معاك شي معلومة ايلاَّ وشاركتها مع صدييق ثقة كاينة ولا لا..

محمد : مرحبا ….اشنو المشكل..؟

المحامي: لا لا مكاين حتى مشكل لحد الان غير استشارة بسييطة على شي حد من عائلتها يمكن تعرض للسحر وهي شاكة وكتقول متأكدة كتعرف الفاعل دونك مقررة انها تابعو قضااائيا وبغات استشارتي مزال غنهضر معاها ونعرف اشنو الموضوع…..

محمد:اهاه..(تيليفون كيصوني) س سمح ليا واحد الدقييقة..آلوو وي..

كنزة: محمد..

محمد:وي كنزة..

كنزة : ت تقدر تجي دابا….محمد عفااك ايلا قدرتي جييو داباا الله يرحم الوالديييين..

وقف كيسمع غير صوت البكى مورااها وحتى صوتها هي كان مخنووق مابين كلمة وكلمة كتنخصص..

محمد : شنوو واقع !

كنزة: غير جي عفااك..ايلا قدرتي تجي نتا وباابااك الله يرحم ليكم الواليديين امحمد اجييو دغيا…

على عكس ليلة امس، الدار اللي كانت خاوية عمراات…بعض افراد العائلة اللي اغلبيتهم وصات اسماء تشوفهم ماردوهاش فوجهها وديك الساعة جاو كلهم غير كيطلو ويسلمو علييها ويخرجو باكين حالتها ولو تكون حالة عدوهم يقطع قلبهم وييبكييو علييه…عساك اسماء اللي عمرهم شافت منها العيب رغم انهم قاطعين العلاقة بيناتهم ولكن كيبقى الاحترام جامعهم…وكنزة وااقفة عند البااب ماكتخليهمش يطولو الجلسة عندها فالبييت شادة تيليفون فايديها حتى جات عندها الحاجة كتمسح تحت عيونها بصوت باااح مخنوق..

الحاجة : جااي..دويتي معااه اش قاالك لييك..

كنزة : قاليا ..جاااي ففف

هشام خرج من الطواليط: شكوون ..شكون جااي ؟

محوبااتوش قلبات علييه وجهها مخننزرة والحاجة حتى هي قالبة وجهها ماشافتش فييه…!

هشام : مهم عندي مايتقدا فيين صلاح كلميه مبانش ليك من صباح ما بان..

الحاجة: ااش عندك مااتقدي رجال جاين عندها فين غاادي شكون غيبقى معاهم

هشام: ماايتقدا وصاافي داابا نجي قبل منهم فيين مشا صلاح(شاف فكنزة) نتي صباح كنتي واقفة معاه مقالش ليك فين مشى..(شافت فيه وقلبات عينيها محوباتوش وهو يلاه بغى يقيص فدراعها وهي تخطفهاا) رااااه دااوي معااااك …

كنزة:ماااتقسنيييش بعععد مني

خرج فيها عينييه من الغوتة اللي دارت فوجهو حتى كلشي ضار كييشوف فيهم ماارضاش وجرها عندو مخزز..

هشام: دااوي معااك شوفي فياااا غنعااود لوالدين مك ترااابي ناس كييشوفو حدري عينيك…

كنزة: ماااتقيصنيييش مااتحطش عليا اييديييك بعد منيي …ماتقييصنييييش ولا والله مايعجبك حاال

نترااات باشمئزاااز وبعداات منو دااخلة للصالة لبيت ديال مها كلشي كيشووف يلاه بغى يتبعها وهي تحبسو الحاجة مغددة كتهضر تحت سنااانها دفعاتو مشى خرج هاز راسو ماراضيش قدام العائلة وهي تبعااتها حلات عليها الباب وسداتو موراها دااخلة مخرجة فيها عينييها..

الحاجة: اااش وصييتك انا هااا كلاامي كي واالو عندددك يااك قلت لييك حدري راااسك قدااام الناااس وااش بغيتو تفضحوني معاهم واش بغيتيهم يديو ما يعااودو

كنزة : قولي لييييه يبعد مني يبعد من ساحتي ولا والله العضييم حتى نفضحوو هاد نهار قولي ليه يبعد مني..

الحاجة:تااحد مقايصك غا بوحدك سايرة ترطاااي ااش قااليك سول على خوك ضرتي فييه كي شيطاانة ماالكي يابنيتي غطيري امااالكي

كنزة: شبييطااان رااك مربياااه فحجرك اماما… عيب..امي عيييب وعاااار عليييك بنتك كتمووووت بمسبتهم ونتي باالك غير مع ناااس….نااس هوما اللي غيرجعوها ليييك وااش تاتمووت وتقوولي ها نداامتي(شداات فكتاافها مغددة باغة تحمااق) وا ولااادك اللي وكلوها ولااادك اللي سحروو ليهااا دخليها لرااااسك

الحاحة ضرباات حنااكهاا بجووج بالحس كتهضر: ششششش سكتيي سكتي غتفضحينيي مع نااااس سكتيي مافيها مايتقاال سكتي غطيحي عليا رواااح كنتي معااهم شفتييهم منيين جبتي هااد الكلام والباطل مامزيااانش …الله وطيحي عليهم الباااطل تاعاقبتك ابنيتي ماتلا على خييير….صافي غير هوما مايتحاملوش ساحرين لييها منين جبتي هاد الكلام راه خوتها راه جامعهم بزولة وحدة وكرش وحدة سكتي من ديك الهضرة الخاوية وقطعي حسسك….هاااسخط…. هاااسخط هاا رضى لا بقيتي جبدتي هادشي..هااد سخط هارضى لا بقيتي جبدتي خوتك على فمك

شاافت فيها مطووولة كتحرك رااسها بلا بعيووون دامعة..

كنزة: والله امي واخا نكون غنعيش بالسخط على طول عمري مانخليها فييهم شتي غير ولااادك مغرقاااهم مغرقاااهم كي سخطتي كي رضيتي لاكان غير رضى ونسكت على المنكر بناااقص منو غير يوجدو مساسطهم للبرووودة وحق اللي خلقني وخلقهم لاا دار عليهم العاام مع ولادهم…هاني ساكتة على قبل ديك البنت ايلا عرفات تموت ليوم قبل غدا غير بالفقصة هاناا سااكتة….

على غفلة تحل عليهم البااب وهي تسكت كتنهج حتى طلاات عليهم بنت الخالة..

_كنزة اسماء بغاتك….تكلمي ليها عفاك..

كنزة:دااخل عندها شي حد ؟

_ااه غير ماما وخالتي واناا..

ساااطت كنزة ومشات من قدامها دخلات لقاتهم تجوقو عليها فالبييت وهي تخرجهم كامليين كيتعافطو فجلايلهم وسداات عليها الباااب ودخلات جلسات عند راس اسماء وتسنيم مخشية فيها ناعسة شادة كتاابها كتهجا وتقرا فيه…

كنزة: ماالكي اختي اش خااصك….

حركات رااسها بسلب ببطئ شدييييد وغمضاات عينيها مضاربة تحرك شفاايفها اللي صبحو هاد النهار جامديين عليها غير واحد الجنب من شفايفها هو اللي كيتحرك والجنب ديال النص لااخر جامد او مشلل ..!

ماشي غير شفايفها وانما نص فوجهها كاامل …عينيها..فمها خدودها نص بكاملو جمد حتى مااال وتقال عليها ولات غير كترمش بعين وحدة وتكلم بنص المتحرك من فمها الشيى اللي كيصعب عليها تخرح الحروووف بسيف باش كتقول شي كلمة وبسيف باش كيفهموها..

بصوت ضعييف وكلمات متقطعة ماكتجمعهمش وكنزة قربات ودنييها حدا فمها باش تقدر تسمع..

اسماء بصوت ضعييف: ع..يط تي ليهم..

حركات راسها بااه وشدات ايديها من تحت الماانطة هزااتها عندهاا..

كنزة: عيطت لييهم ..وعيطت حتى على محمد هاهو جاي فالطرييق هو وباباه وداك الفقييه وماغيخرجو من هنا حتى تنوضي على خيير…لبارح باباه كيقول لبا بنتك غتعاالج غنتوض على رجليها وغنسافرو عوتاني فينما بغيتي غير نخرجو من هناا غير انا وياااك وتسنيم حتى حد مايمشي معاانا (انفاجرات ببكاء حادرة رااسها) غير قوي راسك بمعزة بنننتك جهدي على رااسك شويا عفااك ا اسماا ختي عاونينا

بهستيييرية كتبوس على ايديها وتبكي بحرقة والدموع شلال فوق خدها واسماء كتشوف فيها وتهز النفس بزز بغاتها غير تهز رااسها فيها تشووف فيها وهي حادرة على ايديها كتبكي حتى تحل عليهم الباب ودخلات الحاجة غير شافتها هكااك وهوما ينزلو دموعها ودخلاات جلسات حدا رجلين اسماء شادة زيف على فمها حتى حركات ليها اسماء غير بعينيها على كنزة وهي تقيص فكتفهاا..

الحاحة: شوفي فيها..شوفي راه بغات تهضر معااك..

مسحاات عينها وهزاتهم فييها وقربات ودنييها لشفايفها….

اسماء بصوت متطع: م..مات…بكيش..كتعدبيني..ايلا تهليتي بنتي بحالا تهليتي فيا…ت تسن..يم فرقبتك اكنزة…ق قولي لما…ما ماتبك..يش…انا مرتاحة ماتعدبو…نيش….

حدرات رااسها كنزة مارجعاتش شاافت فييها ودموعها ناازلين حتى ولات كتشهق مقادرااش تحبسهم ولا تحبس غصتها والحاجة غير كتشوف فيها وتمسد على رجلييهاا الله اللي عالم بقلبها…

اسماء: عي..طي على بابا..

كنزة برد ليها الما فركابي ماقدرااتش حتى توقف على رجليهيا بقات غير جالسة حداها حاساها كتودعهم…والحاجة ناضت قفزاات عيطات على عبد المتقي من البااب دخلااتو مسقوط الدم من وجهو كلو كييرجف مع البااب دخل كيبكي والحاجة عنقاااتو كيبكييو بجوج بيهم وبراا كلشي نلزلوو دموعهم ماقدرشو يدخلو عليهم وهوما ساديين عليهم البااب واسماء غير كتشتوف فيهم وااحد بواااحد وتحقق فملاامحهم حتى كتسهى فيهم وترجع تشوف فلاخر رااخية عينيها وعلاين يتسدو عليها وتسنييم كانت ناعسة حداها حتى شافتهم كيبكييو وهي تنوضي جلسات كتشووف فيهم مغبنة بقاو فيها واخا معارفااش اصلا علاش كيبكييو..

حتى بانو ليها سكتوو ورجعات تقرا فكتابها و عبد المتقي جلس حدا رااسها من لفوق وهي متلية فيه عينيها كتشوف فييه بدون كلام حتى ناضت كنزة وخلااتو جلس قدمها تقاابل مع عينيها ومشات خرجات بعدما علموهم بالفقيه اللي وصل لقاات الحاج والفقييه قلبات بعينيها حتى بان ليها محمد طاالع كيدوي مع شي دراااري..بعدات من طرييق خلات الحاج والفقيه دخلو وهي قربات عند محمد كتمسح فدموعها حتى كتبغي تهضر وينزلو يسبقوها وهو بلطف حااول معاها تهضر يعرف غير اشنو كااين ..

كنزة : م مااعرفتش لبارح نعساات مزيان كيف خليتيها بالعكس ارتااحت وكضحك مع بنتها ونعسنا بخيير..ليوم مع الصباج ملي بغيت ندي تسنييم للمدرسة فيقتها باش تسلم عليها كيف كل نهار وتخرج….حتى بدات كتقول ليا هزي ليا وجهي…كنقول ليهاا حركييه علاش كتهضري بنص وجهك حلي عينيك كتقول ليا لا مانقدرش

عقدوحجباانو بعدم استيعاب مافهمهااش وهي هزاات النفس مسرحة لساانها…

كنزة : نص ليسر من وجهها غير هاد الصباح ماقدراتش تحركوو لا عينيها ولا نيفها ولا فمها حتى فمها كتهضر غير بنص اللي كتقدر تحركو هادشي غيير هاد الصباااح….(تنهداات) دخل شوفها على عينييك ..

بعد صمت حرك رااسو وفااتها ومشى دخل للبييت عندها

بعد صمت حرك رااسو وفاتها ومشى دخل للبييت عندها حيت كانو داخليين تما الحاج مااضيعش الوقت وكل دقييقة فصاالحهم….خرج مع عبد المتقي كيوريهم البلاايص اللي غيخويو فين يحطو فيهم المكبرااات والفقيه جالس قدام البييت قفاازي كيقاد فليكميكرو ويوجد الخيط دياالو فحين محمد دخل عند اسماء وهي غير شافتو دخل مع الباب وهي تهز معاه رااسها كتشووف فيه مطولة كانها كتحفظ ملاامحو بيين عينييها كل انش منو كل تفصييل فييه باغة تشوفو و تحفضو وعمرو يخرج من تفكيرها رغم انهاا حاافضاه عند ضهر قلب…

ولكن الاحسااس باخر نضرة…الاحسااس بالودااع اللي حساتو هاد الصباح….هاد الدار للي كتحس براسها اخر مرة غتشوفها…فقدو ليها داكرتها كتشوف فكل واحد كانها اول مرة واخر مرة تعرف عليه….

حتى جا عندو الحاج مورااه ودخلو بجوج لعندها….

الحاج : كي صبحتي ابنتي شوية ليووم كتباني ليا حسن من الباارح لاا..(بابتسامة رافع معنوياتها)

ضحكاات بسخرية على حاالها وغمضاات عينيها وحلااتها وهو تبسم..

الحاج : ومزال غداا انشاء الله نرجع ونشوفك حسن..

محمد بصوت هادئ : واجد كلشي..دراري تآنسطالاو..

الحاج: خلييتهم كيتقادو شوية نبدااو….تبدا نتا ولا انا….

محمد : غير بدا نتا..

الحاج : ماالك عينيك حمرين مانعستييش مزيان..

محمد:لا (مسح نيفو) مزيان مزيان…

دخلات علييهم كنزة مشات عند اسماء مباشرة وجلسات قداامها..

كنزة: هاهوما جااو قلتها لييك..غيبدااو دابا انشاء الله تولي شوياا على لله يا مولااناا ..

اسماء بصوت هادى غمضات عينيها برفض : م ماشي دابا

كنزة: علااش..علااش مابغيتيش

الحاج: مالها ابنتي !

كنزة : مابغاتكمش تبداو دابا…علااش

اسماء : حتى يجي نهضر معاهم..

تنهدات كنزة كتشووف فيها وتلفتاات عند الحاج وهو بتسااؤل قال

الحاج : شنو قاالت..

كنزة: كتسنى شي بنات يجيو عندها بغات حتى تهضر معاهم وتبداو…خايفة صباح يتزاد عليها تاني الحاال وماتبقاش تقدر تهضر…

محمد : مااكين لا زيادة لاا نقصاان غيبداا دااباا..بلاتي نشوفهم فيين وصلو الحاج غير وجد رااسك..

تلفت ديك ساعة خرج نزل عند درااري لقااهم كيقاتدو فالمكبراات لتحث قادوهم وكملووهم وطلعوهم لفوق عاونهم حتى قادو وااحد قدام البااب بيتها واحد فالبيييت عندها…حيد الدجاكيت لللي صهداتو مع الدروووج من غير الصهدة اللي طالعة مع دااتو وهي غي كتشوف فيهم وحاضياهم اشنو كايديرو فداخلها كتمنى البنات يجييو قبل مايبدااو لكن ماتحقاتش رغبتهاا وفلحظة دخل الحاج والفقييه وحتى محمد وسدو عليهم الباب ماخلاو حتى حد يدخل معااهم من غير عبد المتقي اللي دخلوه هو لول..وكنزة واقفة عند البااب فينما يتحل البااب تقول هشاام جاا ولكن مزال مكاينش ليه الاثر وكتمنى مزال مايجيش..

تقدم الحاج هو لول غطاوها بايزار بيض كيف العاادة وجلس قداامها شاد الميكرو فايدييهم..سمى الله وحط ايديه على جبيينها وبااشر فقراااءة القراان بصوت عااالي مسموع فكل دااار من قنت للقنت وحتى لتحث كان كيتسمع الصدى ديااالو..صوت قوي مع المكبراات ولكن بتجويد وبصوت هاااادئ يرتااج ليه القلب ويتهدنو عليه الاعصاااب..

كيف العادة مع بداية القراااية وبعد اخد ورد من الانفااس والنهيج والتخبطاات غيبااات اسماء تاني ولكن هاد المرة الحاج ماحبسش وكمل فقراااءتو بدون ملل ولا عيااء حتى كيبدا يكحب شوووية وكينوض يرتاح وكيجي يكمل فبلاصتو محمد واحد كيسارح لاخر ولكن اسماء باقة على حاالها غير كتبكي وتنيين وجسمها كلو كيتتتهز وكيتخبط بحالا عمرها تشللاااات….

قدام بااب العماارة وقف الطاكسي ونزلات منو حياة وهند وهوما كيسمعو صوت القرأن كانه جنازة فالحي….

تلفتات حياة شاافت فهند مكمشة ملاامحها وتنهداات بخننقة..

حياة: لا إله إلا الله..

هند : كيرقييوها مسكينة الرقية قاالت ليك ختها جس قيل مايجيو تعطلنا

حياة: عطلتني دييك خيتنا بغيت نجي قبييلة قلت ليها يلااه قالت ليك نمشي نقولها لسعاد ونجي انا ويااها

هند :تحابت هي وسعاد.. فف صدري تزير ليا اختي…

حياة: شتي حتى كنشوفو المووت عاد كنتفكرو اللي خلقناا الله يهدي مااخلق..الله يهدي مااخلق…تحت عينيك زرقيين بزاف ماناعسااش والا مالك..

هند : شوية مانعستش لبارح بكري…الخدمة كثيرة بزاف والله ماكنعس..

حياة : ونتي مولفة على الصاالون الحداش كتنعسي عساك دابا اللي كتخدمي باللليل بااز ليك صرااحة..

ماردااتش عليها هند وطلعو بجوج لقااو بااب دار مسدودة وهي تمد ايديها ودقاات بشويا..وعاودات دقاات بجههد عاد سمعوهم و تحل الباب فوجهم…طلات عليهم الحاجة شادة زيف على فمها كيبان منو غير عينيها حمرييين كيف نقطة الدم مدمعييين اندافعت حياة هي لولا دخلااات عينيها على بيت اسماء اللي كن منو كيصدر صوت القران…

حياة: الحااجة خباار الخييير !!!

خلفها تماما دخلاات هند كتقلب فعينيها قلبها كيضرب فتسعييين وفمها نشف من الريق وهي كتشوف حالتهم وحالة الدار اللي كانت عامرة بالناس وصوت القران العالي كيتسمع حتى لعندهم وجوهم ماكتبشرش بالخير واغلبهم شادين كلينيكس فايديهم مرة مرة كيمسحو تحت عيوونهم من الدموع اللي كتسيل، كرزات على دراع حياة كلها كترجف وترعد حاسة بقلبها غيخرج من بلاصتو..

حياة:الحاجة يااك لبااس كي بقات اسما شوية !

الحاجة:عايني ابنيتي يخرج الفقيه ودخلي عندها..ب.. بغاات تشووفكم

حياة:ايوا الحمد الله ملي بغات تشوفنا ولات بخييير شوية يااك هضراات معااكم بعدا هادشي اللي بغينا

حدراات راسها الحاجة كتبكيي ماقدراات تجاوب على كلامهم وهي تهز حياة عينيها فكنزة كثر من مها عيونها مانشفووش من دمووع حركات ليها راسها بمعنى “اش كاين” وهي ترد عليها كنزة محركة رااسها بسلب حتى نزلو دموعها وحدرات راسها كتنخصص الشي لي خلا هند تطرطق عينييها كلها كترعد ودموعها نزلو وحياة شدات فرااسها…

حياة:الله أكبر…لا إله إلا الله مااتخاافوش الحااحة يكوون غير لخير دعيو معاها ماتبقااوش تبكييو اسماء قووووية….على اللي داز عليها ساااهل قدام هادشي غتنوض منها سااالمة بادن الله غير دعييو معاها لا حول ولا قوة الا بالله..

الحاجة: دخلي ابنيتي مجاتش معاكم ديك البنية لاخرا تاهي كتسول علييهاا..

حياة: هاهي جاية الحاجة غير تدي شي سخرة وتجي….

الحاجة: دخلو جلسو ماتبقاوش فالباب يخرج من عندها الفقيه ودخلو تشوفكم سولات عليكم الصبااح قاالت لياا ماتعاشرناشالنقلييل شركنا طعاام عيطي علييهم نشوفهم..

عنقااتها حياة عينييها دامعيين والحاجة كتبكي قلبها طايب وعينيهاا طابو عليهاا بالدمووع…مالقاو فين يجلسو فالصاالة حيت غير العائلة اللي جالسة تما وعمرو الدنيا وهي تدخلهم الحاجة للصالة الصغييرة جلسات غير حياة وهند شادة فدراعها مزيرة عليهاا كلها ولات كترجف وتررعد وفمها بياااض صدرهاا كينننهج طالع نازل وصوت القران عاالي فالدار حتى ردات ليها حياة الباال وتلفتات عندها….

حياة: ماالكي كلك كترعدي ياكما جاية بلا فطور..

هند : لا لا هه اويلي غ غير شوية تخننقت هههه

حركات ليها رااسها وداارت كتشوف قدامها وتنننهد وهي كتسمع فهند مرة مرة كتضحك وتخبي فكعا بايديهاا ميكات عليها المرة لولا والمرة تاانية..المرة التالتة خنزرات وضارت عندها حيت عيقاات بالضحك وناس دار بداو كيردو ليها الباال..خاصة كنزة الي مخنزرة جيهتهم..

حياة: سكتي شوية اصاحبتي من الضحك واش القرأن نتي كضحكي..

هند كضحك تادمعو عينيها : لااا هههههه غ غير قرايتو شوية جاتني فشكل ضحكني ههههه

حياة : ختهاا كاتشوف فينا سكتي يسحابلييهم غيرك كنضحكو علييها..

هند بهستييرية: هههه ماقدرتش ههههه هانا غنسكت راه هو كيضحكني هههههه

حشمااات حياااة ولات غير كاتشوف فجنابها اما فالداااخل كان هاد المررة الفقييه اللي كيقراا على اسماااء وهي بدون تفاااعل معااهم غير مرة مرة كتنوض تبكي وتنيين وترجع تسكت حاولو مرارا يهضرو معاها ولكن لسانها مربوووط ماكتقدرش تخرج منو حتى كلللمة…

ومحمد بعدم صبر ولاا كيحك فجبيينو مزيير وحمرر كان ممكن لييه يصعب الامور ويهضرهم بزز عليهم غير ايلا ضغط على رجليها ولا على كرشها وحاااول يخنقهم وهوما داخهلاا غيتهزو بزز عليهم ولكن ديجا اسماء كتعاني من الحرييق مااقدرش ومازعمش يقرب ليها ولا حتى يقييص فيها وهذا هو اللي كيخلييه ماكايحضرش مع الحاج باباه للمركز حيت ماشي صبور بحالو ممكن ليه يقراا سواايع وسوااايع حتى يهضرو على خاطرهم بحال لي داير مع اسماء دابا…اما محمد لاا غير ماكيهضرووش معااه كيخدم معاهم العنف…

واحد اللحضة وهوما بسمعو صوت الضحك كيتجهد على برااا…عقد حجبااوو محمد وتلفت شااف فباه وهو يفك ايديه اللي كانت مربعة عند صدرو والحاج حتى هو شااف فيه عااقد ححباانو وغير تأكد من صوت الضحك …

الحاج : شي حد كيضحك براا

محمد:داكشي اللي سمعت..

الحاج : شي بنت واقيلا..قوليهم يعطيوها كرسي ولا تجلس البنت غطييح..

حرك رااسو بايجاب وحل البااب وخرج لقى كنزة عند البااب..

محمد: شكون كيضحك !

شافت جيهتهم معلية حجبااانهاا ومخنزرة وهو شااف معاهاا بانت لييه هند كيضححك بهستييييرية وحياة حشماات كتنغز فيها بقى غي كيشوف فيها وهو يتلفت عند كنزة بصوت خاافت تكمل وهي مكرزة معاااه معلية حجباانها وحركات راسها بايجاب رجع دخل للبييت وهي مشات عند الحاجة ماماها..

كنزة: قالياا محمد خوييو الصاالة نخليو فيها غيير ديك البنت

الحاجة:علاااش

كنزة: مااعرفتش قالياا غطيح وصاافي قاليا خوي عليها الصاالة وعطيها تلبس شي حااجة..(بغات تمشي حبساتها) بلااتي اجي قاليا تاا ولد صغير مايبقى فالدااار كاع دراري صغار يخرجو..

الحاجة: اييه اييه..خرجي كلشي نزلييهم للصاالة لتحث ماتخلي تاحد خرجي تاعيالات خوتك قولي ليهم ينزلو انا غنمشي عند البنت..

مع دخلات الحاجة للصالة عند هند وحيااة وهو يجي مورااها الحااج..

الحاج: السلاام عليكم..

حياة: عليكم السلاام..

الحاجة نيشات فهند: هاد البنية اللي هي اللي كانت كضحك..

الحاج: شكوون

هند؛ انا..ع علااش

الحاج: لا ماتخاافيش ابنتي ماعندك منااش تخاافي..تبغي نقرا عليك شوية دالقرأن…ماعندكش مشكل..

هند وقفات كترجف : ولكن علااش ..علاش غتقرا علياا انا…

الحاجة غمزات حياة مشاات معاها حيت فهمات انها الحاج عرفها غطيح كيف فهماتها حتى هي…

هند: علااش غيقراا عليا ماعندي واالو .. ماكنتش كنضحك عليك غيير ماعرفتش ..حيااة

الحاج : ماتخاافيش ابنتي ماتخافيش ماعندي فين نأدييك…واش فايت لييك طحتي ؟

هند: ءء ل لاا لا عمري طحت

الحاج : درتي رقية شرعية..؟

عند:لاا ماعندي واالوو علااش غندييرها..

الحاج: وااخا ماتخافييش ..الحاجة عطييها تغطى بشي حاجة..نقرا علييك شوية ايلا مكانش عندك مانع..

رجعاات جلسات كضور فعينييها كلها ولاات كترررعد حاسة بداتها ماقادرااش تحكم فيهاا كلهاا منملة عليها بحالا شي حاجة شادااها وهي اللي كتحكم فيهاا..والحاجة دغيا خطفات واحد لعبااية وزيف جابتهم ليها ولبساااتهم من لفوق جيت كانت جاية غير بالدجين وشوميز وشعر عرياان ما حتى الماكياج مدايرااهش..تغطات كاااملة وجلسات قدامو جاامعة رجليها كي قال ليها..

الحاجة : ايديك على ركاابيه..اه خليط هكاك..

حدرات راسها وحطات كل ايد فوق ركبة وهو كح قاااد صوتو وباشر فقراءة القران وهي حاادرة رااسها كتصنت لييه وهو كيقراا عليهاا مرااقب ردة فعلاا..

حتى لواحظ اللحضة وهي توقف بغاات تخرج من صاالة وهو يوقف قبل منهاا حبسها عرفهاا طلعوها كتحرك بدون شعور …

الحاج: اجي اجي فين غادا..

هند: خ خلني نمشي…

بحكراات غرييبة كل جزء كيتحرك فيهاا وايديها كيرجفو هوما ورجليها بغات تخرج ولكن الحاج وقف ليها فالبااب ديال الصالة منعها وهي غير كيقرب حداها كتجري بحالا خايفة منو كيقرب وهي كتبعد منو بمسااافة….

هند: خليني نمشي

الحاج: اجي اجي جلسي هناا..ااه تماا جلسي قداامي…

هند: خلينيي نمشي..

الحاج: انا باغي نهضر معااك وبغيتي تخرجي..بعدا واش نتي ولاا نتا معامن كنهضر

تاكتبغي تجلس وكتنوض شاعلة فيها العاافية وهي كتنننهج سخفاانة..

هند: قولييه يسكت..قووولييه يسكت..

الحاج: نسكتو وتهضري معايا….

هند: قوليه يسكت..

بقات جالسة فبلااصتها وهو طل على الفقييه طلب منو يحبس شوية ورجع عند هند جالسة في بلاصتها كتوجع ومحمد جا حدااه والحاج جلس فوق الصدااري وربع ايديه كيشوف فيها وهي تنوض تااني

الحاج : اجيي اجي رجعي جلسي فين كنتي..علاش كنتي كضخكي عليا قوليا نتا ولا نتي بعدا معامن كنهضر

حرركات وجهها ببكتفهاا بحالا كيتخطف عليهاا حركات غير ارادية وصباع ايديها كيعواجو وتشد بضفرانها فالحيط بحال شي قطة…

هند : ماضحكتش عليك

الحاج: لا ضحكتي عليا

هند كتحرك راسها يلا: مكنضحكش علييك..لا ماضحكتش علييك

الحاح: يعني انا كنكدب كدبت علييك يااك..

هند:بدون رد..

الحاج:علااش كنتي كضحك

هند : مااضحكتش علييك ..ماضحكت علييك انااا ماضحكتش عليييك(كتبكي)

الحاح: علااش كتبكي داباا وااسكتي يلاه سكتي خلينا نهضرو

هند: ماضحكتش علييك

الحاج:اهاه و علااش كتبكي

هند: مااضحكتش علييك هوماا اللي كيضحكو عليك انا ماضحكتش عليييك

الحاج: شكوون هوما….شكون هادو اللي طيضحكو

هند: هوما

الحاج: شكون هوما وريني شكون نشوفهم

ههزات صبعها ناحية البااب كلها كترعد وتبكي..

هند: لهيها..لهيهاا كيضحكو عليك كاملين كيضحكو علييك حيت مكيحملوكش كيضحكو علييك

الحاج: اهااه وعلاش كيضحكو عليا

هند : حيت ماغتقدرش علييهم

الحاج: انا ماغنقدرش علييهم

هند: لا ماغتقدرش علييهم

الحاج : هوما اللي كيقولو هادشي ولا نتاا ولا نتي

هند: انا ماقلت والو هوما اللي قالو

الحاج: شحال من وااحد…

هند: ماعرفتش..

الحاح: شحال من واحد

هند غوتات بصوت رقييق تاكمشو ملامحهم: هوما اللي ضحكو علييك انا ماضحكتش علييه و (قاطعها)

الحاج: ماتبقااش تعصر عليا دابا جاوبني على قد سؤاال شحال من وااحد تما..

هند:تما بزاااف

الحاج: قول ليا شحاال

كل الضحك اللي ضحكات بهستييرية تحول لبكى..كتبكي وتضرب فالحيط بايديها..

هند : بزااااف يزاااف هوما بزاااف كيضحكو علييك حيت غيغلبووك….غيغلبووك عندهم الخاتم ..ع عندهم جوج ..جوج خواتم غيغلبوك نتا ماعندك والو..

الحاج هز فيها راسو بثقة..: عندي الله انا..

هند حدرات راسها وهدات: ابصح….

الحاج: عندي الله هوما اش عندهم ونتي اشنو عندك

هند: انا ..

الحاج: اييه اش عنددك

هند: انا والو..

الحاج: واخاا..قوليا بعدا معامن كنهضر دكر ولا انثى شكوون معايا

هند لهدوء رجعات تهدنات : دكر

الحاج: شكووون ؟ علي صوتك !!!

هند: دكر

الحاج : مزياان شحال ونتا فهااد البنية

هند: بدون رد

الحاج: شحاال ونتا فيهاا

هند : مااعقلتش

الحاج: ماعقلتييش

هند:ماعقلتش …لاا ماعقلتش

الحاج: نتوما ديما ماعاقلينش …مصمكيين.. كتعقلو منين دخلتو وامتى ماعقلتييش..

حرك رااسو بايجااب وكمل …

الحاج: شووف شوف دابا دوي معايا نيشان ماتبقاش تبوهل عليا ولا غنخدم معاك بطرييقة اخرى مااغتعجبكش عارفني اش كنقول..شحال من واحد تما

هند: ماعرفتش..مااعرفتش انا ماعرررفتش..

حرك رااسو بايجاب وربع ايدييه ومحمد جاب ليه لميكرو وهو يشدو بعدما سمى الله ..

الحاج: فأصابها إعصار فيه نار فاحترقت… فأصابها إعصار فيه نار فاحترقت..فأصابها إعصار فيه نار فاحترقت… فأصابها إعصار فيه نار فاحترقت….

كيردد نفس لكمات الاية القرأنية بين شفاايفو وهي كان ديك النار شعلات فيها تحدرااات على ركااابيها كتوجحع وايديها ورجليها كيتحركو بطرييقة غرييية وحيااة كتطل عليها كترعد كتقول يسالي منها يجي ليا وكنزة مخرجيين اول مرة يحضرو لهادشي من غير الحاجة طبعا….والحاج كيردد نفس الكلمات بين فموو بدون توقف….وهي كتوجع بحكراات غرييبة مرة مرة كتغووووت بصووت خشن كانها مااشي هي اللي كتهضر..

الحاج: فأصابها إعصار فيه نار فاحترقت… فأصابها إعصار فيه نار فاحترقت فاحترقت..فاحترقت…فاحترقت..

فاحترقت…فاحترقت..فاحترقت

هند كتبكي: برااااكة براااكة صاافي

الحاج:فاحترقت فاحترقت فاحترقت.. فاحترقت..فأصابها إعصار فيه نار فاحترقت… فأصابها إعصار فيه نار فاحترقت

هند: برااااكة براااكة براكة صااافي

الحاج: فأصابها إعصار فيه نار فاحترقت… فأصابها إعصار فيه نار فاحترقت… كَذَلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَتَفَكَّرُونَ…

سكت لحضاات خلاها كاترجع النفس وهي كلها كتنهج وتطلع وتنزل بحركات غريبة كتبكي وتنييين..

الحاح: تهضر معايا دابا نيشااان ولاا شنوو

هند : صاافي صاافي غنخرج منها صافي

الحاج: هااء..واطبيعة الحال غتخرج منها طحتي فايدي وباغي تبقى يلاه هضر نسمع …قولياا شحال من وااحد

هند: ماغبنقااش نجي عندها صافي مانبقاش فيها… بزااااف بزاااف بييييهم عندهم الخاااتم قوييين..بزاااف بييهم وااقفين عليها

الحاج : لا حولة ولا قوة ايلا بالله اش دارو ليها بيه علاش خداوه ليها

هند: سحروو ليها بييهم..خداوهم هوما ماشي حنا هوما اللي خداوه سحرو ليها

الحاج : سحروو بالتصااور..

هند: اه

الحاج: بالشعر

هند:ااه بالوسخ.. والشعر و..والوراق

الحاج: اهاه…علاش بغاو يسحرو ليها

هند: حييت..واا ح حيت عايشة بوحدها..

الحاج:اهااه زيد

هند كتنيين بوجع بحالا كتحرق: حيت عايشة بوحدهاا

الحاج: اييه من بعد هاهي عايشة بوحدها من بعد

هند: حييت عايشة بوحدها هي وبنتها مابغاوهاش تبقى مرتاحة…

الحاج : اهاا سحر مرشوش..موكول اشمن نوع

هند : مربوط

الحاج : فيين فيين كااين هااد الحسر..

هند: ماعرفتتش

الحاج: فيين فيين كاين قول لياا فيين(ناض قرب ليها)

هند: مااعرفتش ااهى مااعررفتش ( مع وصل عندها وهي نضرب فلرض بجههد كتبكي بهستييرية) كااين هنااا هناااا كااااااين هنااا هنااا…. هنااا كاااين

الحاج: سكت سكتناا سكتنا غتبدا تبكي علياا يلاه سكتي سكت صاافي

هند سكتاات كتنيين تاني: هناا كاين لهييهاا لهييها كااين

الحاج: فيين وريي فيين..فين كااين

هند: رااهو رااهو فييه شاااعل راااهو كيبباان من هناا هاههى اههى كاااين هنااا هناا كااين هناا رااهو

ااحاج: مدفون ولا مرشوش

هند: مربوط ااهى مربوط رااهو كااين هنا هوما اللي داروه انا مادرت والو هوما هوما اللي داروه كيضحكو علييه هوما كيضحكو علييك نتوما كاملين حيت عندهم الخاتم ونتا ماعندك واالو كيضحكو عليك..

الحاج: ماعندي والوو اناا يلاه وريني فينااهو فيين كااين

هند :كاين

الحاج: تورييه ليا

هند: بدون رد..

الحاج: غنمشي معاك توريه ليا ايلا مالقيتوش نتفااهم معااك

هند: كااين لهييهاا تما كااين شااعل تماا كااااين

الحاج: يلااه زييد زيد نشووف وريني فيين..نووض وريني نشووف..

نااضت قداامو غادا كتزيد خطوة وترجع تشوفو واش جااي ورااها وهو تاابعها حتى مشات قداامو وقفات حدا البااب ديال اسمااء وهو يحل ليها محمد الباب ديال البييت ودخلااات وقفات فالعتبة..

الحاج كااين هنااا..

هند:هنااا كاااين هناا ابزاااف هنايااا مااااين ااهى هنايااا كاااااين هنايااا

الحاح: سكت سكت من الغواات زيد وريني نشوف يلاه وريني فيين ..

مشااات نيشاان حداا الماريو غير وصلاات حدااه وهي تطييح على ركابيهاا فلرض بنفس ابحركة ديال قبيلة يحالا سااجدة كتضري فلرض وتبكي بصووت مرتااافع

هند: هنايااا هنااااي هنااي كاااين شاعلة فييه بولة حمرة هنايا كيضوي هنايا….

ابحاجة : هناا فالماريو مع الحواايج

هند : هناا هناا ..

هزات صبعاها لجيهة د لفوقي ديال الماريو وهو هز عينيه بانو ليه غير الباليزات وشبكة دالالعاب ديال تسنيم..

الحاج ايلا جبدت داكشي ومالقييتش..

هند: بدون رد..

الحاج : جبد اولدي داكشي نتا توصل ..

قرب محمد تعلا جبد ليه البااليزااات حطهم قداامها وحلهم كانو خاويين من لداخل وهي قاصتهم غير من الفووق كتملسهم ولاحتهم بعداتهم عليهاا..

وشيرات بايديهاا الفوووق تااني فوق الماريو وهو يتعلا محمد مابان ليه والو من غير شبكة د الالعاب وهو يجرها يلاه غيحطها فلرض وهي تخطفها من ايدو كتهز وتلووح فالالعاب حتى وصلت لعبة تسنيم او الهدية اللي تعطاتها من عند سعاد وهي تهززها بين ايديها هكاك راسها مزاال مفصول على الكسدة وشداتها بين ايديها موركة عليهاا كتبكي والحاج بغى ياخدها..

الحاج اري نشووف..هو هااداا…طلق طلقوو(حيدو ليها)

هند: هو هاادااك هواا هووواا

الحاج: كاين غير هاداا…

هند:هو هاداك هو…

الحاج: يلاه جلس تما ماتحركش من قدامو جلس..

بقات جاالسة حداه حاطة راسها على المااريو كتنهج والحاج جلس قفاازي مد ايديه لمحمد عطاه قرعة دالماء ديال القرأن وقبل مايقيص فالمونيكة بدا كيجود وكيرش الما عليهاا وهو كيفكك فيها عضو بعضو حتى وصل لمنطقة البطن ديالها طلب منهم موس…

ومشات كنزة كطير جابتو ليه ورجعات كتشوف وهو كيفتح ليها فكرشها حتى حلها ليهاا بانت لييه غير الصووفة داحلها وبدا كيحلل فييهاا ويفك فيها بشويا بشوياا حتى حس براسو كيقييص فشي حااجة من وسط ديك الصوفة جبدها على شكل طرف ديال توب رقييييقة مربع وصغيييور قد الدرهم تقريبا وضاير عليه بسكووتش كحلة..جبدو لاحو قدامو كيشوف فيه ويخوي عليه ما دالقرأن …

الحاج : لا حول ولا قوة الا بالله..حسبي الله ونعمة الوكيل..حسبي الله ونعمة الوكيل..

____

خرجات كنزة بخطواات مزروبين من الكوزينة هازة باينو صغير فايديها وموس ومقص صغيير فاتت الحاجة اللي كانت واقفة عند الباب كتشوف ودخلات عند الحاج مدات لييه داكشي اللي قال ليها خداه وهو محني قفازي حاط المونيكة وداكشي لي جبد منها قداامو واللي مزال كيجبد منها ومحمد جنبو عمر ليه داك البانية بماء دالقران من البيدو اللي جابو معاااهم وعطااه لييه

وهو كيردد نفس الكلام بين شفايفو بتجويد ومرة مرة كيقول ايات قرأنية مبطلة للسحر… خدا صورة اسماء كانت وسط المونيكة وسط دااك الصوف عليها شي كتبة وشي تخربييق ورموز ماواضحاش و مامفهومش وخشاها فالبانيو كيمسح ديك الكتبة كاملة واخا كانت مكتوبة بالمداد وصعييب تمسح ولكن كان مصر يمسحها حتى مسحهاا كاااملة وحطها جنبو وهي تحنى الحاجة بغات تهزها…

الحاج : لا لا الحاجة لا ماتقيصييهش خليه مزال خاصو يتحرق

رجعات الحاجة وقفاات جنب كنزة كيتفرجو فيه اشنو كيدير وهو هز دااكشي كامل اللي لقى وسط المونيكة خيوط كتابة على الوراااق برموز وكلمات المرض التفرييق العداب الحزن…خشى كلشي وسط الباينو غرقو فيه وجر عندو المونيكة مزال كايقلب فيها لاتكون شي حاجة الوسط…وهو كيقلب وسطها وهي تحررك اسماااء كلهم شاافو عندهااا والحاج نزل عينيه مكمل شغلو كيقلب وسط ديك المونييكة

حتى حس برااسو تلمس شي حاجة صغيير ولكن قااصحة وبدا كيفك وسط الصوفة حتى جبد شي حااجة ملوية وسط المييكة وواحد التوب بيض وبدا كيحل فييه حيد التوب البيض وحيد مورااه الميكة وهي تبان ليه مونيكة صغييورة تقريبا قد راحة اليد كلها مكتوبة بمدااد كحل ورموووز شيطااانية وديك المونيكة ايديها ملوين لور ومعقودين بسكوتش كحلة بحالا راابطيينها ورااسها كلو عامر بشوكات(فنيتات دالفولار)…

غير جبدهاا قداامها كنزة شهقاااات كتشووف فيه غير منضر المونيكة كان كيخلللع ومحمد دوز ايدييه على وجهوو وشد على دقنو كيشوف مامتيقش ومامستوعبش اشنو كيشوووف بردو علييه رجليه وجلس قفاازي حدا الحااج كيشوووف معااه تا غوتات هند كتبكي فبلاصتها فاش شافتو جبد المونيكة

هند:هاااهو هوااا هواا هاداااك هوااا هوااا

الحاج: سكت صافي شفتو

هند رجعات تهدنات: هوا هادااك..هوااا

الحاج:لا حولة ولا قوة ايلا بالله حسبي الله ونعمة الوكيل

شد راس المونيكة هو لوول يلاه بدا كيفك فالشوكات وجر الفنييتة لولااا وهي تهز اسماااء من فوووق سرير وبالضبط تهزاات من جييهة كرشها كتنيييين وتبكي بحالا باغة تغوووت وماقااادراااش والحاج كيفك مشاافش عندها ومحمد شااد على رااسو مزيير عين عليها وعين مع الحاج….

الحاج : لا حول ولا قوة إلا بالله…اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ…

اسماء بالغوااات صوتها رقيييق : ماااتفكووش ماااتفكووووش مااتفكش (كتبكي ) ماااتفكش ماتفكش مااافتكش

كتغوووت كآنهاا شاعلة فيها العااافية وهضرتها مسرحة بحالا عمرها تشللات خلات كنزة غير كتشووف وهي اكثر وحدة عمرها تاقت بالسحر ولا قالت كاين هادشي جاها بحال شي فلم دالرعب كتشوفو وهي معاهم والحاج حيد الفنيتات كاملين ولاحهم جيهت محمد

الحاح: حسب اولدي شحاال تما حسب لا حول ولا قوة إلا بال شوف هاد الناس علاش قاديين اولدي شوووف البشر…شنو غيقولو ل الله عز وجل شنو غيقولو قدامو حسبي الله ونعمة الوكيل حسبي الله ونعمة الوكييل..

مرة اخرى شد المونيكة والمقص فايديه كيحل ليها ربطة ايديهيا واسماء بدات كتغوت لربي لخلقها كلها كترررعد وورااسها كتهزو وتضربو مع المخدة وهو خدام كيففك فيه ومحمد كيحسب فدوك الفنيينات وغواتهاا فودنييه كيتعاااود تزييير وصدرو تخنق علييه حتى كيتنهد ويعاود يحسب من لوول تااالف…

والحاجة بدات كتبكي وتشهق قدام البااب حتى شاف الحاج فمحمد وحرك ليه عينيه جيهت البااب..ومحمد فهمو وتلفت سدو علييهم وكنزة شدات الحااجة وداتها للصاالون كتبكي جلسات معاهااا كيفها كيف عبد المتقي اللي ماقدرش يبقى فالبييت معاهم وخرج براا لعندهم…

تحث قرااءة الاياات القرأنية والمعودتيين تفك السحر بايدين الحااج حتى عقدة ماخلاهااش ايلا وحتى فكها.. خيووط حلهم كاامليين والمونيكة اللي كانت من الصوفة كلها حلها فماء دالقرأن والشعر فكو كامل زغبات وحلهم حتى هوما والضفراان والوسخ دالحماام وشي وراق وشي جلود لقاهم ريحهتم قااصحة واضح عليهم ديال الحيواناات حتى هوما ملوين وسط داك طريف دالتوب لااح كلشي فالباانيو دالما دالقرأن ونااضت بلاصتو واسماء بدااات كتبكي وتنييين وهو قصد هنند وقف عليها وهي جالسة متكية راسها على الماريو..

الجاج : هاادشي اللي كاااين قول ليا فيين باقي..باقة شي حااجة

هند بهدووء كلها كتلوا : ماعرفتتش..

الحاج: هادشي اللي كاين

هند : ماعرفتش…

الحاج : خدمتيني هاد نهار واش كتقلب نعدبك وااش باغي تحرق

هند:لااا ماتحرقنيبييش

الحاج: مابغيتيش تحرق

هند: لا

الحاج: اهااه يلاه دوي قوول ليا فين كاين مزاال باقة شي حاجة

هند بالغواات كتبكي: باقاااا..باااقاا بغاااو يمرضوها باااقي

الحاج: اييه فين باقي..

هند بجهههد ضربات فلرض: بااقي بزااااااف هوما اللي دااارو باقي

الحاج: ماتغوتش…ماتغوتش هضر بشويااا اش كاين..

هند : ماغتقدرش علييهم..

شاف فيها الحاج مطول وتنهد…

الحاج: نوض نوض اجي معايا تبعني….

دغياا وقفات جنبو زادت قدامو وهو تبعها كيوجهها فين تمشي حتى دخلات للصاالون وجلسات فوق الصدااري ووهو يقرب حط ايدييه على راااسها وورك علييه حتى غوتااااات وباشر فقرااءة القران بتجوييد وهي كتلوواا وتووجع بالغواااات قلبات ديك الصااالة وهو كيقراا عليها بدون توقف

الحاج: وَقَالَ فِرْعَوْنُ ائْتُونِي بِكُلِّ سَاحِرٍ عَلِيمٍ فَلَمَّا جَاءَ السَّحَرَةُ قَالَ لَهُم مُّوسَى أَلْقُواْ مَا أَنتُم مُّلْقُونَ فَلَمَّا أَلْقَواْ قَالَ مُوسَى مَا جِئْتُم بِهِ السِّحْرُ إِنَّ اللّهَ سَيُبْطِلُهُ إِنَّ اللّهَ لاَ يُصْلِحُ عَمَلَ الْمُفْسِدِينَ وَيُحِقُّ اللّهُ الْحَقَّ بِكَلِمَاتِهِ وَلَوْ كَرِهَ الْمُجْرِمُون

هند بوجع كلها كترررعد: براااكة براااكة براااكة عدبتيني براااكة نخرج نخرج نخرج ماانبقااش نرجع نخرج نخرج

الحاج: باقي شي سحر اخر دوي فيين كااين

هند: باااقي بزااف بزاااف بااااقي

الحاج: فيين كاااين

هند:ماااعرفتش مااعرفتش بعيييد بعيييد كحل مدفوون بعييد بعييد بعيييد

الحاج : يلااه سمع..سمع سمعني دابا براكة من الغواات وسمعني..غتخرج سمعتيني غتخرج داابا يااك

هند: نخرج صاافي نخررج

الحاج: وايلا رجعتي

هند: لا رد

الحاج : ايلاا رجعتي

هنظ: مانرجعش لااا

الحاج: يلاه خرج ونعاود نلقااك نتفااهم معااك..يلااه خرج وريني…خرج من رجلييها زييد يلااه..

تلففت عند الفقييه غمزو يكمل باش يمشي هو عند اسماء وفعلاا تقدم الفقييه هو اللي مكلف بااش يخرجو منها والحااج رجع عند اسماء لقاها كيف خلااها…جلس جنبها وجر عليهاا ليزاار غطاها كااملة من وجهها وراسها وكلشيي وحط ايديه على جبينها كيقرا بعد الاياات عليهاا ولكن للاسف مرة اخرى بدون استجابة غير عاديين وحركات غرييبة كتحركهم وكتوجع من كرشها…

حتى تنهد الحاج بقلة صبر ووقف كااامل وقرب ليها وهي مهدنة غير كتنيين وبدوون سااابق انداار حط ايديه على كرشها و ورك بجههههد حتى غوتاااااات وهزااات ايدييه لفوووق معوجة صبعااانها …

الحاج : باغيين غير تخدموووني دوي يلااه دوي سمعني صوتك دويي..

كيزييد يووورك كثثثثر حتى كيبغي يخشي ايييده يغرقها فكرشها وهي كتغووت بجههههد

الحاج: دقتيي شوووية دالعدااااب تعدبتييي دقتي العداااب اللي عيشتتووه فيهااا يلاااه نشووفووو جهدك فيين…

لوااات رااسها تحت الايزار وهي تغوت بصوت رقييق كان وااضح انه ماشي صوت اسماء بحال شي صوت كبيير فالعمر ماشي قد سنها…

اسماء : اناا متااايبة ل الله..اناا متااايبة ل الله (كتغوووت بوجع) طللق منيي طاللق طلق رجلي رجلي رجلي طلق منيي اناا متااايبة انا متااايبة ل الله..

غير تكلماات وهو يبعد ورجع جلس قدامها..

الحاج : مرحبااا على سلااامتك سمعتينا صوتك…قوليا علاش دخلتي

اسماء: مااادخلتش هوما اللي دخلوني انااا مااادخلتش مااادخلتش هوما لي دخلووني البشر البشر البشرر خطييييييير(كتجبدها) البشر خطيييييييير

الحاج : اييه مال البشر

اسماء: خطيييير خاااين واعريين فبعضياتهم خطييير خيطييير البشر خطبيير نتوما خطاار نتوما خطاااار هوما اللي دخلووني اناا ماادخلتش هوما اللي دخلوني

الحاج:خادم السحر ادن..

اسماء: لااا

الحاح: كيفاش لا هوما اللي دخلوك يعني كتخدم ليهم سحرهم يعني خادم السحر….

اسماء: للا هوما اللي ربطوني اناا مادخلتش بسبااابهاا هي كلشي بساااببها هي هي السباااب كلشي سبااابها

الحاج: شكون هي..اسما ؟

اسماء: هي هي السباااب هي اللي نية وكتييق..كتيق كتييق كتييق بزاااف كتيييق هيا اللي عطاوها ليها تااكلها واللي عطاوها لييها تلبسها كيستغلوها هي نية خلااتهم يدييرو فيها مابغاو هي هي سبااب هي سباااااب

الحاج: شحال من واحد بيكم..

اسماء كتنهج : بدون رد..

الحاج: شحاال بييكم بلاما نعدبكم يلاه صافي نطق..انثى ولاا دكر شكوون معايا بعدا معامن كنهضر

اسماء: انثى

الحاج: شحال ونتا دااخل ….(مجوبااتوش وهو ينهض فيها) شحااال نتا دااخل هضر معايا

اسماء بهدووء كتلواا :شي خ…خمس سن…سنيين..

الحاج: قدييم

اسماء: قدييم بزاااف بزااااف قدييم كيجددوه كل مرة كيجدوده وهي نيية نيية بزااااف نية وكتييق كتتيييق كتييق كتييق كتيييق هي السبااب نية بزااف هي كتيييق فكلشيييي كتيييق فييه هي..كلشي

الحاج:شبعان هضرة مع رااسك…ساكت على خزييت لعفريت اللي ولدك..

اسماء: لا رد..

الحاج : سمعتي لااخر اشنو كان كيقول شفتيه ورانا مكان السحر…

اسماء حركات راسها كتبكي بحالا كتشكي عليه : شفتووووو شقتووو ااهى شفتو شفتوو

الحاج : قالينا مزال شي سحر ااش باان ليك كيكدب…

اسماء : ماكيكدبش لا

الحاج تلفت عند محمد : شفتي صراحة بداو كايفضحو فبعضياتهم صافي…اييه ماكيكيدبش

اسماء:لاااا

الحاج: شحال من واحد نتوما قول ليا

اسماء: ماكينش غيير انا

الحاج: شكون اخر

اسماء: بزاااااف بزااااف هوماا بزااف بيييهم

ابحاج: دخلتو تمرضووها فصحتهاا ماشي حشوومة…قووول ليااا ماشي حشومة عليكم

اسماء: انا مااشي معاااهم اناا بوحدي هوما انا ماشي معااهم…

الحاج : علاش دخلو هوماا ااش باغين عندها

اسماء : بزاااف هوما بزاااف واقفيين عليهاا هوما انا ماشي معااهم

الحاح:اش بااغين عندهاا باغين غير تمرضوها هلكتوها مرضتووها هادشي اللي بغيتو ماشي حشوومة..

اسماء: لااا مامرضهاش اناا لااا ..

الحاح: اييه ولاش داخلتو..

اسماء: اناا مانمرررضش اناا…ع عكست ليها دخلت بااش تاحااجة ماتبقاا تصدق ليهاا تاا حاجة اللي تحط فيها ايدييهاا تعكس اناا اللي كنعكس ليها واناا اللي كنخاصمها مع ناس واناا اللي كنشعل ليا العافية مع ناس وكنخاصمها معااهم صافي غير كنعكس انا..انا مامرضتهاش غير وقفت ليها فالطرييق صاافي راا مابغييتش نكحل ليها وجهها تاحد مايبقى يبغييها غيير عكست ليهاا صاااافي….

الحاج : صااافي كتقولها بوجهك حمر صاافي غير هادشي اللي درتي

اسماء : مااااشي انااا اللي درت هوما اللي سيفطوني ميينة مينااا مينااا و فتييحة اللي سيفطوني هوماا اللي سيفطوني ماشي انااا

الحاج: دابا انا ماقتلش قول ليا شكوون…قول ليا شحال من واحد بااقي فيها شي عشرة

اسماء:كتااار كتااار

الحاج: عشريين تلاااتيين

اسماء: كتااارك كتاار …كثر كثر….

الحاج: لا حولة ولااا قوة ايلا بالله العلي العضييم…لااا حولة ولا قوة ايلا بالله العلي العضيييم شكوون مدخلهم ليهاا شكوون نتا مينة وفتيحة اللي دخلوك يااك وهوما حتى هوما سيفطاتهم مينة وفتيحة..

اسماء: لاااا لاااا..لااا لاااا ماشي(بدات كتبكي) ماشي هوما ماشي معايا هوما…هوما ماشي بحاالي

الحاج : شكوون..ادا ملي ماشي فتيحة ومينة شكوون

اسماء: دمهااااا دمهااا دمها البشر خطيير نتوما خطااار نتووومااا البشر خطييير دمهاااا دمهاا اللي دار لهااا دمهاا دمهااااا

الحاج : شكون دمهاا

اسماء: دمهاا…..ماغيقوولووش لييك ماغيقوولوش عاااطين العهد عاطين العهد مايقولووش ومايهضرووش عاطين العهد دارووه ليهاا هي دفنوووه داروه ب لسان كلب باش ماتهضرش هوماااا عاطين العهد بااش ماتهضر هوما

شاف الحاج فمحمد بحولقة ضرو خاطرو ملي سمع الكارثة جاية من دمها ومحمد اللي غير سمع هاد الكلمة فك ايديه اللي كانو مربعيين كيشووف وقوة الافكار كيضورو فباالو خاصة كلام كنزة مع المحامي اللي كتقول ليه عارفة السااحر وهو من دمها ادن قريب لييهم..

الحاج: شووف سمعني سمع غتخرج دابا بلاما نعدبك هاد نهار خرج فحاالك صاافي مزياان..تخرج؟

اسماء: لا رد..

الحاج: تخروجو كامليين شحال مابغيتو تكونو يلاه خرجوو..

اسماء : ماغيخرجوش هوكا..

الحاج: اهااه وعلاش

اسماء: ماغتقدرش عليهم..هوما بزاااف عندهم جوج خوااتم ماغتقدرش علييهم

الحاج: ماغنقدرش علييهم

اسماء: ماغتقدرش عليهم وماغيخرجوش حيت ايلا خرجو غيقتلوهم ماغيقدروش يخرجو

الحاج: يعني خادم السحر اللي غيبقى..

اسماء: ااه ايلا خرجو غيقتلوهم ماغيقدرووش يخرجو ونتا ماغتقدرش علييهم حيت هوما قويين وعندهم جوح خوااتم ماغيخرجروش ماغتقدرش علييهم

الحاج: ولكن نتا غنقدر علييك وغتخرج بلاما نحرقك قدامهم ويضحكو علييك يااك

اسماء: غنننخرج مانبقاااش نرجع غنخرج غنخرج ماتعدبنييش

الحاج: يلااه وريني نشووف خرج بلاما نعديك خرج نشوف من رجليها ليمنا ولا ايدييها اختااار منيين تخرج..

اسماء: لا رد

الحاج:يلااه خرج نشوف منيين غتخرج…ايديها ولا رجليها اختاار..جاااوبني

البنات واحد التوضيح بسييط..

كيف قالت اسماء عطاوهم العهد..هاد العهد كيدار مابين الساحر والجن اللي غيحرسو داك السحر كيتعطى العهد على اساااس عمرهم ينطقو شكون اللي دار السحر ولا شكوون اللي مسيفطهم داكشي علاش كتقول دمها غير دمها اما الفاعل عمرو غيتدكر شكون بسبب داك العهد وقضية الخاتم ماشي خاتم ديال اسماء داك الخاتم كيكون عند الجن اللي كيحرسوو السحر والملك دياالهم كيكون عندو التاج والخواتم..

اسماء: ايدييها..

الحاج: يلااه خرج نشوف..حل اولدي داك الشرجم وحل البااب…

تحرك محمد كيف قال ليه والحاج وقف مربع ايديه كيشووف فيها وكيتسنى فييها تخرج واسماء او داكشي لي فاسماء هز اييديها لييمنى بداات كترجف كاااملة بسرررعة خيااالية ورااسها كيتعوج وكرشها كتطلع وتنززل وهوما كيتسناااو

الحاج: يلاه خرج نشووف وطلق ليها من ايديها ورجليها خليها تحرك علاش كتشللها قول لياا علااش

اسماء: ماااشي اناااا

الحاج: اهاه وفمها علااش كتحبسوها على الهضر ماشي نتتا تاهي

اسماء: لا رد

الحاج: يلااه طلق من فمها رخي ليا وجهها وتحرك خرج يلااه

اسماء: لا رد

الحاج: يلاه خرج بلاما نعدبك يلااه تحرك

اسماء: عاوني..

الحاح: ماقدرتييش

اسماء: عاوني نخرج…

مد ليه محمد الميكرو كيف طلب كح قاد صوتو وبصوت مرتااافع بااشر فقرااءة بعض الاياات..

الحاج: بسم الله الرحمن الرحيم الحمد لله رب العالمين الرحمن الرحيم مالك يوم الدين إياك نعبد وإياك نستعين اهدنا الصراط المستقيم صراط الذين أنعمت عليهم غير المغضوب عليهم ولا الضالين…

بسم الله الرحمن الرحيم ذلك الكتاب لا ريب فيه هدى للمتقين الذين يؤمنون بالغيب ويقيمون الصلاة ومما رزقناهم ينفقون والذين يؤمنون بما أنزل إليك وما أنزل من قبلك وبالآخرة هم يوقنون أولئك على هدى من ربهم وأولئك هم المفلحون ..

رجع لصوتو عادي…

الحاج: يلااه خرجي رااني كنتسنى خرجي كنقسم برب السماااوااات والارض وتعاااودي ترجعي لانتقمت منك انتقااااماااا شدييد يلااه خرجي من ايديها ليمنى خرجي خرجي خرجي يلاااه..(شد لميكرو)إن في خلق السنوات والأرض واختلاف الليل والنهار والفلك التي تجرى في البحر بما ينفع الناس وما أنزل الله من السماء من ماء فأحيا به الأرض بعد موتها وبث فيها من كل دابة وتصريف الرياح والسحاب المسخر بين السماء والأرض لآيات لقوم يعقلون…

وهو كيقراا وهي كترجف كاااملة وكتهز وتححط وايديها لفوووق كترعد بسررعة خيااالية وهو كيقرا عليها بدووون توقف حتى لواحد اللحضة وهي تخبط بسرعة ورجعات لناموسية مهدددنة وايديها زااكيين كلها كتنههج وصدرها طاالع نااازل وهو يطفي الميكرو..

الحاج : على سلاامتك ابنتي الحمد الله على سلااامتك..على سلااامتك..عطيني نشرب امحمد الله يرضي علييك..على سلاامتك

رجع جلس قدامها حيد عليها الغطى لقاهاا كلها عرقااانة كتنهج وعينها كيتحلو بشويا ويرجعو يتسدوو سخفاانة ومحمد عطااه يشرب غير كمل كاسو وهو يوقف مبسم كيشوف فيها..

الحاج على سلاامتك ابنتي..كتسمعيني !

حركات رااسها بايجاب: ااه

الحاج: شووية دابا باش كتحسي مرتااحة شوية..

اسماء بصوت متقطع: الحمد الله….

محمد : كلامها مزاال..

غمض عينيه الحاج ورجع فتحها فهمو اشنو بغى يقول ومحمد ربع ايديه كيشوف عاقد حجباانو والحاج ضار عندها..

الحاج: عقلتي شوية..عقلتي شنو كنتي كتقولي

اسماء: لا…

الحاج: شنو اخر حاجة عقلتي عليها….

اسماء: م ملي دخلتو ..جلستي الحاج حدايا….س سمعت شوية دالقران شوية مابقيت كنسمع والوو..

الحاج شاف فمحمد: شتي كيطلعوها فالبدية ولكن ماكيهضروش..والو ماكيجيوش للخاطر…نخليك ترتاحي ابنتي شوية على سلااامتك..

حرك رااسو مبسم وخرج من البيت مع الخرجة مع تفتح باب دار ودخل هشااام غير شااف الحااج قرن حبجاانو باستفهماام ودخل رمى عليه السلاام والحاج رد عليه وقال..

الحاج:حتى حد مايدخل اولدي الله يردي عليك خليوها ترتاح شوية حتى حد مايدخل..

هشام: ح حتى انا

الحلج: من الاحسن تا حد اولدي..

ومشى الحاج للصالة مابيه لا دخل ولا خرج ولكن هشام بالضبط مابغاهش يدخل عندها من الوقت اللي وقفهم على القراءة مابقاش باغيه يوقفهم مرة اخرى وهو يمشي للصالة لقى هند متكية وحياة حداها والفقيه حتى هو معااهم وهي كاتشرب فالمااء قرب وجلس حدااهم..

الحاج:السلاام عليكم..

الكل رد علييه السلاام..

الحاج:على سلاامتك ابنتي شوية دابا كتحسي براسك شوياا..

هند: الحمد الله

الحاج : حسيتي بشي حاجة سمعتي راسك اشنو كنتي كتقولي..

هند : لا ماعقلت على وااالو قالو لياا بلي وريتهم شي حاجة ماعقلت على حتى حااجة..

الحاج : فعلاا بسباابك فكينا ديك البنت ولو غير شوية الحمد الله الله عز وجل جابك فطرييقها…قلت ليا مفاتش ليك طحتي..

هند: لاا حتى الرقية عمرني درتهاا..

الحاج:كتشوفي شي احلاام فشكل خايبة

هند: ماشي بزاف مرة مرة…كنحلم غير ب…ب بالكلاب حشاكم وشي حيوانات جااهليين..

الحاج: ادن عندك ملك…على اي الحمد الله على سلاامتكم دازت خير الحمد الله..

لداخل فالبيت عند اسماء..

قرب محمد عندها وجلس فوق الكرسي اللي قداامها كيشوف عندها وهي بدات كترتاح شوية مابقاتش كتنهح بنضراات هاادئة شاافت عندو كتطلع نفس وتهزها..

محمد بلطف : شوية..صافا !

اسماء: الحمد الله..

محمد:حاسة بشي حرييق مزال عندك

اسماء: ش شوية….رجليا كيحرقوني ..و كرشي لا مابقاش فيا الحريق وحتى راسي

محمد : راسك شوية؟

اسماء: ماابقاش كيحرقني بحال لول الحمد الله…كنحس برااسي ق قادرة نتفس مرتاحة الحمد الله…صدري تفاجى عليا بحال حاسة بقلبي مرتاح….

حرك راسو بايجاب كيتنهد وحدرو وهي كتشوف فييه بعياء وعينيها مرخييين حتى كتبغي تسدهم ولكن ماقدرااتش قدامو..

اسماء : ص صافي ساليت..ساليتو معايا

محمد: مابقى قد ما فات..

اسماء: ولكن ماكنقدرش نتحرك رجلي ماكنحسش بييهم…واش مزال غنوقف علييهم…!

محمد بصوت هادئ :كلشي بايد الله خلي ايمانك قوي..

اسماء: شفت الموت بعينيا….تمنييت نموت ولا داك العدااب صبررت لكلشي ايلا حريق رااسي عدبني..

محمد : حنا معااك ماكين موت…الحاج حمر فيك ماغيمشي حتى يشوفوك واقفة قدامو غير ارتاحي

اسماء: حسيت ببها قرييبة..كنت كنتمى غير نشوفك ..ن نشوفكم وايلا جات لموت مرحبا بيها

حرك رااسو بايجااب شابك ايديه قداموو وهو يعلي راسو شااف فيها..

محمد : كون ماتلاقيناش فالدنيا

اسماء بسرعة قاطعتو : نتلقاو فالاخرة..

شاف فيها مطول وحدر راسو هي غمضات عينيها حابسة الدمعة بغصة حااارقة فصدرها عنات بكلامها الاخير بزااف بدون شعور نطقااتو ولكن واش فهم ولا مافهمش ماقدرااتش تعرف…استغلاات راسو اللي محدور وخلات دمعتها تنزل العداب كلو اللي عاشتو هاد شهور مكيبان والوو قدام عدااب قلبها اللي كيتحرق من جيهتو وهي عارفاه مامكتابش ليها فالدنيا وعمرو غيكون ليها عندها اخر حل وهي تدعي الله يتجمعو فالاخرة…

ماعااارفااش انه كلامهاا مباشرة وفور ما قالتو فهمو محمد بطريقتو وحدر رااسو غااارق فتفكييرو مابين الخطأ والصحيح…

حتى تفتتح عليهم البااب ودخل الحاج مرة اخرى هو والفقييه اما على براا كان هشاام غادي جاي قدام الحااجة وكنزة غير كتشوف فييه باشمئزااز..

هشام : كتغوووت..درية كتغوت ونتوما جالسين واش بغيتو تايقتلوها مافخباركمش شحال من واحد ماتت فهاد الحاالة

كنزة: ايلاا كانو غيفكوها ويرجعوها لينا ساالمة غير خليها معااهم يديرو فيها اللي بغاو الله يجعلها تنقز من دالك الشرجم غير تنوض

هشام : ك كيفاش غيفكوها غير اجي وفك منااش غيفكوها كون كان سحر فعلا شحال من راقي جا اشمن فكاان فكوها..كيضحكو علييكم راه البنت خاصها تمشي عند شي طبييب صحيييح يشوف اش عندها رااقي ولا تخربييق

الحاجة : كاين سحوور اولدي كااين …(تنهداات بخنقة) كون مجاتش دييك البنية…راه فضحاتو ليهم ديك البنت مسكيينة نطقات بلي كااين واللي مكااينش…

وقف مخرج عينيه بطرييقة مفضوحة وكنزة كاتشوف فيه معلية حجباانها وحتى الحاجة مرة تهز عينيها مرة تحدرهم مقادراش تدخل كلام كنزة عليهم لرااسها باي طريقة ولكن تصرفاتو وكلامو فضحوه قدامها..

هشام: شكوون …اشنو قاالت..

كنزة : قاالت ليه كلشي وحتى شكون هاد الكااافر ولا الكاافرة بالله اللي دار فيها هاد الحاالة ودابا غيقولو لينا شكووون الله يااخد الحق الله ياخد الحق فهاد نهار والله ونعرف شكون اقسم بالله ماتخرج ليه طريفة…

جلس الفقيه ومحمد مع اسماء ودخلات علييهم حتى الحاجة وكنزة اما هشام خرج براا كاع مابقاش دار بييهم لا هو لا صلاح…وداكشي اللي خرجو من مونيكة خباوه مابغاوش يوريوه لاسمااء خرجو الحاج قدام الباب قبل ماتشوفو ماشي فمصلاحتهم تأزم نفسيتها وهو سمح ليهم يدخلو عندهم يضحكو معاها وينسيوها شوية بشرط مايبكي حتى واحد قدامها….ورجع لعندهم جلس شاد ورقة بين ايديه كيكتب عليها وهوما كيتصنتو لييه..

كنزة : ك كيفاش غنصاوبو هاد كاس الزعفراان

الحاج:ماشي كاس دالزعفران تبعو معاياا كاس حبر الزعفران…غتاخدي واحد ربع الكاس ديري فيه الما مع شوية ما ورد شوية الزعفراان وربع معلقة غير ربع دالمسك الابييض حركيييه مزيااان هكا قد ما جلسنا شي عشرة دقاايق صاافي وحبسي وعطيه ليها..

الحاجة : نغلييه فالبوطة ولا بلااش

الحاج : لاا بلااش ماتغلييهش غير خلييه …عرفتو شنو غديرو ماتصاوبو والو غدا انشااء الله نجيبو معايا تمشيو تفوتو العبار شي مادرناه…

الحاجة وعبد المتقي: الله يجاازيك بخيير الله يرحم ليك الواليدييين..

الحاج: وااجب اسيدي وااجب الله يجيب الشفاء..هذا علاج الصباح غير تحل عينيهاا عطيوها هادشي اللي غنجيب ليكم وخليو واحد البيدو دخمسة ايطرو ا رااسها غندير ليكم فيها واحد الورقة فيها كلاام الله بالمداام غير يغبر داك المدااد تشربو كل صباح على ريق…

الحاجة: انشاااء الله الحاج الله يجازبك بالخيير

الحاج: العلاج تاني غيكون مورا صلاة العصر..غنكتب ليك شي ايات هنا خليهم عندك غير يسالي ادان العصر قرااايهم مزيااان شي تلااتة لا ربعة ولا كثر قدما قريتيهم قدما مزياان…وعندك علاج اخر مورا صلاة العشاء حتى و نفس الحاجة غنعطيك شي حاجة قراايها مورااه الصلااة ياك قادرة تصلي صلي غير هكا ونتي ناعسة …

كنزة: ماقدرااتش..شحال هادا جربات تصلي واحد النهار يلاه بغات تنوي وهي تسخف طاحت مرة اخرى حتى هي بغات تصلي وهي تطيح تسنيم فالدرووج مهم كل مرو كتلهى بشي حاجة ماكتصلييش..

الحاج:لا حولة ولا قوة ايلا بالله..تقدري تصلي بعينيك غير بعينيك المهم نتي مانحركييش وماتنوضيش من بلااصتك شي حد يعاونك تيممي وصلي بعينييك..

اسماء: و واخا انشاء الله..

الحاج :هاشي اللي كاااين انشاء الله حنا معاك كل نهار حتى نشوفوك وقفتي على خير وبخييير الله يجيب الشفااء الله يجييب الشفااء..

كنزة: الله يجازيك بخيير عمر خييرك نسااوه عمرنا نسااوه

اسماء : الله يجازيك الحاج الله عدبتكم كامليين نمعايا نشكركم مانوفيش حقكم الله يجازييكم بالخيير…

الحاجة: غير ملي ارتاحتي شوية من الحريق وهضرتي معانا هاديك هي الدنيا فعينياا ابنيتي الله يشوف من حالك الله يشوف من حاالك..

الكل ردد بعدها اميين..

اسماء: فين تسنيم ودرااري ونجوى فين هشاام..

الحاجة: خاارج ابنيتي دابا يجي خارج

تكات كنزة باست على رااس اسماء مطوولة بابتسانة حنوونة كتقاد ليها زيفهاا..

كنزة: الله يااخد الحق فاللي كان حييلة وسباااب الله يااخد فيهم الحق..

شاف عندها محممد مطووول ماشي نضرااات وانما سهى بتفكيير كيجمع فالخيوط ما بين كلام كنزة وكلام الجن اللي هضر فاسمااء بصمت مطوول والحاج باه مرة مرة كيشوف فيه وفهاد السكوت اللي ساكت ماموالفش ليه فحين الحاجة تفكرات حياة وهند اللي بقاو فالصالة بوحدهم وهي تقفز ناضت بغات تخرج عندهم وهو يوقف الحاج محمد وحتى الفقيه غيمشييو عيااو يشدوهم ولكن رفضو رفض قاطع وخرجو والحاج دا معاه داكشي ديال المونيكة وخرجو مشاو وهند وحياة عاد دخلو عند اسماء يشوفوها…

_________

نزلات الحاجة ام محمد من دروج دار وخديجة جنبها هازة ميكاات كحليين فايدييها يلاه كيتزل خطوة خطوة حيت الدروج عرااض وحتى الحيط اللي غتشد فيه بعيد عليها شادة غير بجنب واحد والجنب تاني معكزة على خديجة حتى خرجتت اسراء من الدار لتحت ديال محمد وهزات فيهم عينيها..

اسراء: خالتي خاارجة..

الحاجة: اييه ابنيتي غاديين نشوفو اسماء صونيت لمحمد قاليا جايين من عندها نمشي قبل مايجيو ويشدوني بغيتي تمشي عاودي معانا..

اسراء: لاا اخالتي غير سيرو غتسيفط ليا ماما العشوب اللي خبات ليا خديجة خفتها ماتلقى تاحد فالداار ..

الحاجة: ايوا صاافي ردي بالك ابنيتي راه غدااك فبلااصتو تغدااي وتكاي لييك شووية…

حركات راسها بدون اجاابة وتبعاتهم بعينيها حتى خرجو من داار وهي تلففت بعيوون حااقدة عاقدة حجباانها هازة تيليفونها كتصوني على ختها..

اسراء: اسماا اسماا اسماا الله يعطييك العداب كثر من اللي نتي فيه غير دنوبي خارجين فيك الله يعطييك العدااااب وهاد الصبااح…(مغبنة)آلوو راه مشى عندها تااني غير قولي ليا اشنو غنديير

فجنب الشاانطي طويييل ومجبد على جنابو بجوج غييير الخلا وشي ديور رايبة وبعض الديور عاد كيتبنااااو وااقفة هند بتووتر وارتباااك كتضور فعينييها غادا جااية فييه وعينيها على الساااعة وتيليفون فايديهاا كتررعد وكل مرة كيطلع ليها شعيب كيصوني مقادرااش تجاوب وتلفتااات تاني شافت فالطاكسي الحمر اللي واقف موراها والسائق حال ليه الكوفر القدامي كيقلب فييييه…

هند:خوياا الله يساهل عليك واش مزال معطل …

_ هاني غادي اختي بشويا بشوياا علياا بشوياا عليا الله يجازييك بالخييير

هند : ماقلت ليك والو اخويا غير ايلا كاان معطل قولها ليا نشوف اشنو ندير علاش كتغوت

_كتخليييو بناادم يتصعب وكتقول ليك ماالك مععععصب صبري عليا هاني مضارب معااه بحالي بحااالك تانا راه واحل بحالك فهاد الخلااا

هند: بنتي لياا مقطوع ماغنهضرش معاااك انا

_مقطوع حبل منشور فالسطح انا

هند: اشريييف خليني محتاارمااك بلاما نطلع نشر علييك ماتعصب عليا مانتعصب علييك ندمت كااع اللي طلعت معااك لاهوما خنز طاكسي بيض ولا هاد الحااالة(بدا تاني كايصوني تيليفونها وهي تشوف فه لقاتها حيااة وجاوبااتها) حيااااة ختيي ناااري تعطلت على الخدمة مشيييت فيها مشيييت فيها

حياة: والله حتى كنت عارفاااك غتعطلي علاش ركبتي معاه قلت ليك سيري فطاكسيا بيضة ماكتسمعييش لكلامي قربتي بعدا شويا

هند: منييين راني باقة غاا فالخلا

حياة: ياك قلتي مولات الدار اللي معاها مكتكونش ليوم غير بشويا عليك شوفي شي وحدة تبلاصيك علاما وصلتي غير بشويا

هند بارتباك متهربة من سؤالها: د داكشي اللي كاين بصح ماكتكونش ليووم..عندااك اختي تلاقاي مع مامااا ولا تعيط ليك تسولك وتقولي ليها شفتيني راه مقايلااش ليها انا فكازاا صاافي وصييتك احياة

حياة: مالنا درااري صغار صافي كوني هااانية..ياك شوية لبااس ماحاسة بوااالو قبيلة قرا عليك داك الراقي

هند: لاا عاادي بحالاا ماوقع والو اصلا داكشي اللي قلتو لياا انا مادخلتوش راسي ماعاقلة على واالو مهم الحمد الله عاوناها مسكنيية شويا قطعاات ليااا خاطري والله العضييم مسكينة كانت كي الوردة الله يعفو والله نقبااحو تانعياو ونتسممو تانعيااو ونحسدو تانعياو ومنوصلوش هاد درجة من الشر الله يحفضنا من بناادم والله العضييم..

حياة: والله ايلا حتى انا عيطت لفاتي حيت قبيلة سولات عليها اسماء هي وسعااد قالت ليا مشات عند سعاد ومابغاتش تمشي معاها عندها تالغد تاني وغنمشي انا ويااها مابغاتش تمشي بوحدها

هند: اصلا دييك الكلبة رااه ماعندييش معاها هادي هي صاحبتي وديال قلبي شادة الفراش ومابغاتش تمشي تشوزفها اودي..سيري سيري بسلاامة هااهويماارا دابا يخلينا فهاد الخلااا..

قطعات معاها ومشات كتجري ركباات لور عاقدة حجباانها وهو صاااق بيها نيشاان الكازينو حطها قداامو خلصاتو وحلات البااب نزلااات وهو زاد مشى غير تحرك من بلااصتو وقفات طوموبيل بيضة مووراااه من نوع لامبرغيني لاصقة فلرض ماداتخااش فيها دخلات كتجري يلاه غتفوت ليكاارد لي فبااب الكازينو وهي تلقى شعيب فوجهها شهقااات مخررجة عينييها وهو بدوون سااابق اندااار جرهاا من قفاااها شاد شعرها بين صبااعو مزييير ليهااا وهي شدات معااه فين شااد معصررة عينييها مقصصصحة وهو مغددد كيغوووت وتشااتش كيطير من فمو على وحجههها

شعيب: فيييين كنتي فييين مشيتيي بلاما تعلميني كنقووليك ماتفووتيش العتبة يلاا خباااري فييين كنتيي

هند :طلللق طلق شعري عفاااك الله يرحم الوالدييين انا غنقوولييك غير طلع..

خلفهم تماماا نزل زااج ديال الطوموبيل البيييضة بان منها رااجل نضااضر على عينييه كيشوف فيهم وهند كتجبد رااسها من شعيب مقصصصحة وهو خاشي وجهو فوجهها مغدد عليها

هند : ياااك قلت لييك غادا عند صاحبتي مريييضة قلتهاا لييك غييير صباااح عاد خرجت فاش كنتي ناااعس

شعيب: قلتيها ليااا وااش كضحكي علياا حمار بالدودنيين انا

هند : حاااشة والله حتى قلتها لييك رجع الكااميرات فبيتك وشووف واش دخلت علمتك ولا لاا والله حتى قلتهاا لييك يلاااه وقلتي ليا سيري ماتعطلييش عاد خرجت قلتي ليا الخمسة كوني فالدار ودابا الخمسة ونص تعطلت بنص ساعة حيت طاكسي وقف لينا فالطرييق صاافي والله هادشي لي كاااين..(عسلات فييه عينيها بصوت ملحن)عفاك طلق مني قصحتيني اشعيب..

على كلامها بداا كيتهدن بشويا بشويا وطلق من شعرها عااد رخفااات نفس كتقاد فييه وعينيها كيضورو بارتبااك

شعيب: نرجع نشوف الكاميرااات وحق الله ونلقاك كدبتي ليوم نهارك مايطلع فييه ضو نورييك انا تلعبي عليا

هند: شووفهم نمشي معاك ايلا بغيتي ماعندي علاش نكدب علييك..بفمك قلتي ليا سيري كون قلتي ليا جلسي نجلس مانطيحش كلاامك

شعيب : انا غنورييك غنورييك واش بااقة تفوتي هاد العتبة دخلي يلاه….بييتك نلقاك كضوري هنا ونتفااهمو..

حدراات رااها ومشاات داخلة

شعيب: اجي لهناا نزلي شويا بكري ليوووم جاايين شي رجال من الخليييج زيني رااسك مزيااان بغييتهم فهمهم يتشركو فييك نفعيني بيك شويا من نهار جبتك ماشفت ربااح…غتلقاي شي حاجة فبيتك نزلي بيها اش غديري دااب؟

هند: غنعس غير شويا ماناعساش من لبارح ونوض نوجد رااسي راه باقي الحال..

شعيب: يلاه سيري..

تلفتااات عطاتو بالضهر وزفرااات نفس براااحة دازت عليها طريفة مصيبتها مصيبة ايلا شاف الكاميرة ومالقى تا حاجة ومشاات شاد شعرها عندها كتبوس فيه شوية وماكان غيحيدو ليها من الجدر قصدات الاساانسور مبااشرة طلعات فييه نيشان لبيتها كيف قاليها لقات كارطونة كبييرة وعرييضة فوق الناموسية حلاتها وهي تبان ليها كسوة فالحمر كتبري بالحجر اللي فيها وهي ترجع سدااتها ولاحتها فلرض وتخشاات ففرااشها فينما كتسد عينيهاا كترجع ليها الحاالة اللي حساتها فدار اسمااء نفس الرررعدة ونفس الخوف ورجفان قلبها اللي حسات بيه من الوقت للي عتبات بااب دار رجع ليها فهاد لحضة وهي متكية فوق ناموسية حتى داتها عينيهاا ونعساات….

سمعات الدقاان فالبااب وهي تنوض كنزة حلاات الباااب وخلات تسنييم حالة فمها كضحك هازة فيها عينيها..وكنزة ضحكات لضحكتها..

كنزة: فيين كنتي نتي غااابرة..

تسنيم هزان صبعها معوجة راسها : واالو لعبت فالزنقة شويكييكة وطلعت

كنزة جمعات ضحكة: ياك كنقوليك ماتخرجييش اتسنييم علاش ماكتمسعييش الهضرة دخلي دخلي..ماتقووليش لماماك كنتي خارجة ليوم تنوض لييك..

تسنيم :لعبت غير شويا..

كنزة: هادي هي الحفاااضة وقت لعب هذاا ليوم مامشتيتيش للمدرسة غيبتي زايداها باللعب

تسنيم: ودابا هادي العطلة ماغنلعبش انا فيها

كنزة: اشمن عطلة سبت والحد ماشي عطلة سيري تحفضي…. نلعب لعبي فدااركم زنقة ممنوع ماكينش الخرووج

تسنيم: واجبدي لياا العااابي..

سبقاتها للبيت ديال اسمااء لقاتو محلول ودخبات بانت ليها الحاجة ام محمد وخديجة جاالسين حدا اسمااء وهي تمشي كتجري لعندهم سلمات علييهم وهوما كيضحكو من طبعهاا بشووشة وكدخل رااسها ضاحكة لكلشي وبايسة كلشي ومشات عند اسماء باست خدودها بجوج

اسماء : مالك مغبرة فين كنتي..

اسنيم بدهشة ضورات فيهم عينيها : يااه..ماما…كتهضري..

كنزة : مالهاا مقطوع ليها لساان اويلي على ماما كتضهري هههه

ضحكاات اسكاء وتكعدات بشوياا باست جبينها بحناان وتسنيم غير كتشوف وهي حاطة ايديها على صدر اسمااء مصدومة كتضور عينيها واحد بواحد جانها اسماء فشكل مولفة تشوفها غير نااعسة ومرة مرة كتهضر تقيييلة فحين داباا مبسمة وكتهضر بطلاقة واخا لساانها تقيلة شوية ولكن كلامها كيخرج مقااد ماشي مقطع بزاااف اما كنزة قدام الحاجة جبدات الكرسي وطلعاات كتجبد ليها فالالعااب كتصرف بكل حرية وبعفوية فالاصل كلهم كانو كيتصرفو بطل عفويتهم قدام الحاجة كانها ماشي ضيفة عندهم وحتى هي كدخل رااسها معاهم ماكتخليهمش يحسو ا انها ضيفة بل وحدة منهم بتوااضعها وضحكها ونشااطها..

حتى نزلات شبكة الالعااب عاد ارتااحت وجات ليها تسنيم كتجبد فالالعااب وتختاار باش غتلعب غير مالقاتش المونيكة ديالهاا وهي تغندبن ملامحها وضارت عند اسماء..

تسنيم : ماما لعبااتي مكيناااش

كنزة: اينا لعبة كامليين تماا..

تسنيم: لاااا ماشي كامليين لعباتي ديال عمتي سعاد جابتها لياا فعيد ميلاادي فصالون عند خالتي حياااة ملي لبست كسوة حمرة وفيها وردة هنايا وكانو كاع صحاباتي كامليين بيهم جابتها ليا فينااهيا….ماما…

كنزة: ختي راه عندك شلا مونيكاات انا ولاو كيدوخوني داكشي اللي طاين اشمن وحدة هادي..

اسماء بلسان تقييل:شوفي ليها تما ماكتلعبش بغيرها هاديك اللي مفصول ليهاا راسها شووية ماعرفت اش عاجبها فيها كلها مدكدة ٠بديها ليها..

كنزة : هاديك طوييلة الكرية..؟

حركات اسماء راسها باي٠ااب وكنزة حلات فمهاا بصدمة كتشووف فيها وتشوف فالحاجة ماماها مربوط لبها لساانها كتدخل وتخرج فالضهرة ماعرفات ماتقول لسان تسرط ليها غير محركة صبعها جيهت المااريو شوية كتحركو جيهت البااب دايخة..وتالفة

كنزة: و ما د ديال في الح الحاج

تسنيم كتقلبو: وضرتو ليا لعبااتي

كنزة: كانت قبييلة هي

الححاجة: شووفيها ليها فالصاالة تكون نسااتها تما اجي نقلبو عليها…

وقفاات خارجة وجرات معاها كنزة للكوزينة وهي مخرجة عينييها غير كتشوف وصدرها طالع نااازل مع دخلات للكوزينة وهي تسد الحاجة البااب وراهم..

الحاجة : هضري بشويااا هضري بشويااا انا مزااااوكة عااد ضحكااات على وجه ختك سكتي سترييها سكتي ليوووم يسكت ليهاا للقلب ايلا عرفااات بنت الحراام لي داارت ليهاا ها لعاارواسكتي على وجه ختتتك

كنزة بدصمة : اويليي اماما اويليي اويليي اويلييي(ضربااات خدوودها بجهههد حتى تخطفات الحاجة وشات ليها ايديها) اويلي طفلتهاا طفلتها امِّي طفلتهاا طفلتهااا وخوتها اويلي ااش خلااو للبرااني مايدير اولي على بنت الحرااام اويليي واااش ماا..ماا..ا ااش غنقوول ليهاا ااش غنقووول بنت الحراام اللي كل نهار تسول عليها هي لي دايرة ليها كل نهار كتقول ليا عيطي عليها تحي نشوفها هي للي سباابها اااش فيها مايتقاااال هاادي…

الحاجة: اسكتيي ابنيتي غاا سكتي ااش فيها مايتقااال كنت نقوليها بعدي منها واعطيهاا تيقااار وهي لااا امي صااحبتي لاا مي عشرة الصغر ماخلاات ماكلة وكلاتها معاه مااخلات لبس ولبساتو معاها ماخلات حماام ومشات معااها وااا فنفااسها كانت تخليها تصبن ليهاا حوايجها ودم نفاسها بنتي لي دارتها لرااسها بنتي بنتيي مادارها ليا تاحد بنتي نييية هي سباااب تاحد ماداار ليها….

كنزة : امتى جابتها ليها تسنييم دابا قاالت عطاتها ليها فعيد ميلاادها امتى هادشي..

الحاجة : ديك نهار ملي قلت ليك عرضاتني ختك للعيد ميلاد بنتهاومشيت عندها دييك ليلة عطاتهاا لييها

كنزة: وتسنيم كتلعب بيهاا كل نهار كضور معنقااها..هاا بنية صغيير ست سنييين ماقفلاتها مكودة بنت خووها دمهاا ودارت فيها هاد الحاال بنت خوها ومحناتش فيهاا غتعقل ليا على ختي انا قولي اماما هادي غنخليها انا فداارهم تاكل وتشرب وتنعس مرتااحة انا..انا ماغخرجش عليها ماغنخرجش والدين مها من عين البرااا

الحاحة: لاا يابنتي لااا ماقااديت على مشااكل انا مزاوكة ماقادرة على دوك الشماكرية مكيضااربوش بايهم بدابنيتي دقة وحين تجر ليك الوجه كاامل انا مزاااوكة ماتحرقينييش فكبدتي خلييهم ل الله كبيير…الله يااخد الحق

كنزة: مِّي اناا ماكنضااربش مع من والاا انا ماغنقييصها ماغنحط فيها ايدييه مسخة ديال الخلاا غندير فيهاا رااسي انا غنسيفطها مع لي بحاالها هوما اللي غيتوالاوها ايلاا ماخليتهااش امي كي لكلبة من حبس لحبس راني ماشي كنزة وماولدتي فيا غا لخلااا…

جلساات فالكرسي بارد ليها الما فركااابي والحاجة شادة زيف على فمها كتبكي فصمت ودموعها على خدها كيجرييو وهي كتفكر اش دوزو عليها فالنفاس ديال اسماء فحين كنزة كلها كترعد وايديها عند فمها كتفكر….

كنزة: المحامي تاهو غير كنهضر معاه دقة والحين كيقول ليا دليييل هاداك ماكيهضر معايا بلا بييه كي غندير ليها داابا….شكون شافها من غيرك جابت ليها المونيكة كادو شكون كاان خاصني غير دليييل يشوها هازة دييك المونيكة فايديها ولا عطاتها لتسنيم ولا شي حاجة مايمكنش نمشي عندو ايديا خاويين..

الحاجة : كانو معانا شلاا بنات فالصالون وليني ابنيتي مايشهدوش اناا نقولييك ماتعدبيش راسك معااهم مايشهدوش فيهاا كلهم يخاقو على راسهم مساكن شتي حياة برااسها ماتشهدش فيها تخاف على صالونها يهجمو عليها راهم حاكيميين ديك الجيهة ..

كنزة : مصييبة هادي ونتوما داك العيد ميلااد ماتصورتو فييه مادرتو فيديومادرتو كسيطااات…ماايمكنش تاني…فففف

حدراات رااسها بتفكيير شادة على جبتها كلها كتهز بتووتر والحاجة جبدات تيليفون من طابلية مبعداه على عينيها شوف على قد الحال وبدات كتقلب فالتصاور تقلب وتعاااود حتى طاحت فواحد التصوييرة وعطاتها ليها..

الحاجة: هاكي شووفيش هادي تنفع..

كنزة : اريي نشووف…( خدااتها منها وهي تبان ليها صوور واقفين فيها كامليين وتسنيم واقفة على الكيك ديالها وسعاد حداها شادة ديك المونيكة عندها)

الحاجة: قلبي تما راه كاين شي فيديو كيشطحو فيه ماعرفتو ينفع ولا لاا شوفييه..

بالفعل ضوراات كنزة جيهت الفيديو كتفرج فييه مدهووشة والتبسيمة على وجهها مخرجة عينيها فيه وهي تبان ليها تسنيم شادة ديك المونيكة كتشطح بيها واخا الفيديو مواضحش وتشااش والحاجة مرة تضد لرض مرة تشد غير رجلين مرة تشد غير رااس….ضحكات كنزة بفرحة ولاحتهم ليهاا بجوج فيديو وتصويرها وعطات لمها تيليفون وناضت هي للصالون شعلات الواتساب فتيليفونها لقاتهم دخلو عندها عاد ارتاحت ودوزات رقم تيليفوون ديال المحامي..لحضات وهو يجاوبها..

المحامي:مادموزيل كنزة مرحبا بييك..

كنزة: سلاام السي الرافعي لبااس عليك هااني..

الحمامي: الحمد الله ونتي..

كنزة: الحمد الله ربي يخليك واش كاين فالبيرو ممكن نجي عندك مسألة ضرورية ..

المحامي: تسالا موعد ساعات العمل دياالي انشااء اللعوغداا اجي عندي الوقت الي بغيتي تلقاايني..

كنزة:بصااح..صافي ماشي مشكل غدا ندوز عنندك

المحامي: ياك لبااس شي حاجة كخاف

كنزة : ضروورية ضرووري خاصني نهضر معاك ولكن ماشي فتيليفون حتى لغدا ونجي عندك..

المحامي: واخاا مع السلاامة خليتك على خيير

كنزة: شكرا بسلاامة..(قطعات عليه) هاهي وحدة غتبات ماتصبح انشااء الله فداارهم جاو تالعند خت كنزة وبغااو يمرضوها ايلا ماهلكتطم فصحتكم راني بنت الحراام مالي علاش خدامة وخازنااهم ايلا ماحطيتهم على ختي..هاوحدة مشاات العقووبة ل (بلقاات ريقها وعضات على شفاايفها كتهز فرااسها والحاجة غير كتشوف فيهاا ماعندها ماتقول ومالااقية جهد لييها)

تعاشاات العشية وضلام الليل والجو هااادئ ومع صلاة العشى برد خفيييف محررك وشتييوة بنقيطات كطييح مخلية الكل ساد عليه فمحااالو دافيين مع عائلاتهم فين كانت كنزة فالكوزينة واقفة على الشوا اللي تشهات اسماء كتشوي ليها فالطيحال وايديها فيهم التيلييفون كتقلب فجوجل على اي حاجة تنفعها فقضية الدعوة اللي غترفع على خوتها وحتى على سعاد ..

تتسنيم حداها كل مرة تغوت عليها تبعد من المجمر والحاجة فبيت اسمااء معاوناها تبدل لبااسها….

فوسط ضلام الليل ولاا نور داخل من البيت حلات عينيها فالسقف كتسترجع انفاااسها وتنعش داكرتها وتعقل على راسها شكون وفين كااينة ما ان تدكراات وهي توسع عينييهااا وجرات عندها تيلييفون شافت شحال ساعة لقااتها جووج لاروب وهي تخطف من بلاصتها ناضت كت٠ري نيشاان للحمااام طلقاات الما يدفى ليها وعمرات الجاكوزي وعطرااتو وخرجات تاني كتجري توجد فحواايجها والماكياج وحطات البلاك تسخن لشعرهاا ورجعات الدوش دغيا زرباات عليه دوشااات وخرجات لبسات الكسوة اللي جاب ليا شعيب ركبات العقد اللي كيلمع ماعرفاتو واش الماس ولا دهب ولا اشمن نوع كلو كيلمع بحجيرات رقاق ركبات خاتم فصبعها مع برااسلي رقييق وبدات كتقاد فوجهها بميكااب صااارخ ليلي واااضح مركزة على عيوونها مبحدااهم كيف شي قطة وليلونتي خضرييين ركبااتهم وملمع شفايف احمر مع سنيناتها بيضيين مسطريين وقادت شعرها بووكلي خلاتو مطلوق وراها وناضت كتلبس فالصندالة العاالية حتى هي بحال الكسوة كلها كتلمع وسوميلة ديالها حمرة…

رشات عطرها هاادئ ولطييف وهزات صاك مع تيليفوون وخرجاات كتجري كتقاد فشعرها حتى حسات بودنيها خاويين وهي ترجع كتجري هزات حلااقتها وطفات ضو لي نساتو وخرجات كتجري وهي كتركب فييهم باان ليها الاسااسنوور غيتسد وهي تجري دفعاات ايديها وحلااتو يلاه بغاات تزيد خطوة تطلع فيه وهي تحس بشي حد وقف علبهاا علاات معاه عينيها بان ليهاا كارد كوور اسمر لوه طول من الاساانسور مخرج فيها عينييها مانعها ماتدخلش..

هند:عفاااك معطلة…عفاااك الله يرحم لكي الوالدييك خليني نزل تعطلت عفاااك(تيليفون كيصوني فايديها غير شافتو شعيب قلبها ضرب بجهههد) هفااك اخوويا خليني نزل معاااكم …

طلات مع حنب وهو يبان ليهاا راجل وااقف بلباس يشبه الهليجيين ونضااضر على عينييه نفسو الي كان فالطوموبيل…هو غير شافت فيه حيدهم كيشوف فيها وليكارد مانعينها والاسااسنور كل مرة كيغبي يتسد عليها كترجع تحلو….وهو يشوف فرجالو لي كارد كور حرك ليهم بعيينيه وهوما يفهموه فالسماء وخرجو بجووجهم وهي متبعاهم بعينيها حتى كان غيتسد عليها تاني الاساانسوور وهو تدفع ايديها حلاتو وطلعاات حتى تسد عليهاا وهي تنفس برااحة وتيليفون مزال كيصوني فايديها مابغاتش تجااوب مضاربة مع الحلاقات كتركب فييهم فودنيها…

ركبااتهم عاد ارتااحت وهي تفكر السيد اللي راكب حداها وتلفتات عندو بابتساامة..

هند: شكراا..

حرك راسو بايجاب بدون جواب كيشوف فيها من لفوق لتحت من صيقانها اللي مفتوجة عليهم الكسوة من جناب بجوج وطالعة لاصقة على لحمهاا بتوب ساتان خفيييف ودراعها عرياانين مليوح عليهم غير عقييق خفييف كيبان مدلي والكسوة بسميطات رقااق على كتافها وشعرهاا مدلي عليها لقدام ولور وهي كتهج وتشوف فالنيليفون فالسااعة..بارتبااك حتى كتبغي تجاوبو وهو كيصوني ماكتقدرش خلاتو هكاك كيصوني..حتى سمعات صوتو..

_حاسة حالك بخير ؟

تلفتات عندو بارتبااك مبسمة وقاالت كتحرك رااسها بايحاب والدمعة واقفة فعينيها مغرغريين بلعات ريقها وقالت..

هند: ب بخيير…

مع نطقااتها دمعات عينييها وهو يعقد حجبانو وجبد مشوار زرق مطروز بالدهبي عطاه ليها…

_اوو لا لاا تبكي يا قمر عيونك مو لايق عليهم الدموع لا تبكي..

خداتو من عندوو بابتسامة منكسرة …كتمسح فدموعها خايفة يديع ليها المكيااج…

_شنو صاير معاك… فيكي تحاكيني بسمع لك… احكي شو في يا قمر شنو مزعلك..

هند : واالو غ غير ماعرفتش ههه ماكنحس براسي مزياان..شكراا ..

_خلاص ماتبكي لدموع مز لايقة علييك ياحلوة خلااص مافي شي يستااهل دموعك ينزلو علييه..خلاص ادا كاان حبييب مو يستاهل وادا كان فلوس كمان مايستاهلو ههه لا تبكي

مسحاات دموعهاا ماكرهاتوش غير يسكت صوتو حنيين واهتماامو بيها خلا دموعهاا اللي من زمان مانزلو فلحضة كينزلو كيف شي شلاال غير كيهضر كيعااودو ينزلوو بقلب مجروح غصة حاارقة ملتهبة داخل صدرها حتى مسحات وجهها ومداتو ليه..

هند: شكراا سمح لياا..

_لاء لااء خليه معك..(شداتو كتلعب بيه بين صباعها وهو غير كيشوف فيها باعجاب مفضوح بين عينييه) شو تعلمي هون ها لمكان مايسناب عيونك شنو جابك..؟

هند: بعد المرات كانكونو فبلايص واخا حنى مابغينش نكون فيهاا..دارتها لياا قلة عقلي انا اللي درتها لراسي…

_فيكي تبسطي لهجتك عشاان فهم علييك….

هند : ايلا فهمتي غيضرك تانتا ا راسك غير خلييك مرتااح..

_بس انا حابب اعرف شو بييك لانو مافي شي يزعل القمر بدي اسااعدك ادا قبلتي بمساعدتي طبعاا..

هند؛ لاء شكراا ماكين والو والله شكرا بزاف.. هناا شنو كدير نتا حتى تا جيتي للقمر ؟

_لاء انا ماعنديش شغل بها الاشيااء بس صاحبو ل المكان زوج لاختي اجيت لاشوفو وخلاص راايح..

هند : اه اوك..(تحل علاساانسور) بسلاامة…وشكرا مرة اخرى..

_استني..(مد ليها كارط فيزيت ديالو) ادا حبيتي تحكي شي يوم بستنى اتصالك بفارغ الصبر…

هند : انشاء الله شكرا…(شافت اسمو فالكارط) سلطان..

_وانتي..

هند: هند..

_متشرف بالقمر..

تبسمات ليه مشااات وهو تبعها بعينييه مبسم حتى تلفتات شافت فييه بالصدفة لقاتو كيشوف فيها وضارت قداامها ضاحكة بحالا عمرها بكااات كتقول فراسها واش هدا هو الخليجي اللي دوا علييه شعيب؟

نزلاات لتحت لقاات شعيب كيضور فعينييه وكيف قاليها دنياا مطوقة بالخليجيين وليكارد كور دياالهم غير مشتتين طيف رملة غير وصلات حدااه كتبلع فريقتها وهو يعنقها بجنب وجابها حدااه الليل كاملة ملصقها فجنبو ماخلاها تمشي عند تاوااحد وماتحركتش من حداه وهوغير كتضور فعينيها مافهماتش ماالو كل مرة ضور تقلب واش يبان ليها سلطان ولكن مابانش ليها لا هو لا رجالو طول الليلة…

اياام كتمشي وكتجي وحتى حاجة ماتغيرااات اسماء كيف العادة كل نهار كتلقى العلاج على يد الحاج ومحمد وحتى الفقيه كل نهار على الصباح الباكر مورا العصر حتى مورا العشاء وكيف العادة فكل مرو قرااو عليها كتسخف ببكاء والنهييج ولكن ماكتقول حتى كلمة واخا عياااو يهضرو فيهاا بجميع الطرق خدموهم وحتى العنف اللي كيجرب محمد جربو عيها ولكن بدون جدوى…

فكل نهار كان كيزيد الوضع سوء اكثر كانهم داكشيى اللي فيها كل نهار كيعاقبها على القران اللي كيقرااو عليها تراجعاات حالتهاا لور ونهار على نهار كتطيح عليها بلااصة والوجع كثر عليها كثر من لووول..

خيم الحزن على دار مرة اخرى تقطعات الرجل على اسماء واللي جا شافها مكيعاودش يرجع ايلا القلييل بحال الحاجة اللي كانت كل نهار كتجي لعندها…

ماشي غير حتلتها اللي كانت كتزيد سوء ولكن محمد كيتقاسمو معاها الحاج بدا كيستسلم وكيعيى لانو علا٠و ماقدى ليها والوو كتبان ليه غير كيزيد يهجهم عليهااا لكن محمد ماستسلمش ابداا وكل نهار كزييد حماس وامل العلااج كثرمن النهار اللي قبلو..

تشععكات الاومور فالدااار وكنزة مابقاتش قادرة تصبر وتستمر وتستر على اللي سمعات من خوتها..واخا ماعمرها نطقات شي كلمة من فمها ولكن طريقة تعاملها معاهم كانت مفضووحة وحتى غبرتهم اللي غبرو من دااار قلييل فاش كيباانو كانت باينة انه شي امور كتوقع فالدار ماشي عاادية …محمد غير ساكت وكيشوف ماكيقول حتى كلمة وماكيدخل ماكيسول ولكن عينييه وعقلو كيحصيييو نهار على نهاار كيتأكدو ليه شكوكو…لا كنزة ولا المحامي قدر يعرف منهم شي كلمة حتى لواحد النهار اللي تقادا فيه الصبر وقصد كنزة ماخلااش ليها فرصة من غير انها تقوول ليه كلشي االي عارفة واللي سمعاات..صدمة مكانتش قوية عليه كيفها حيت اللي دارو فيها من قبل مكيبانش قدام هادشي اللي دارو وحاجة متوقعة منهم..

فنفس النهار اللي عرف فيه محمد فالصبااح..وراء لعصر جا الحاج عند اسماء يبدا جلسة العلاج دياالها يلااه قاد الميكرو ديالو غيبداو وهي تغمض عينيها وحلاتهم بعياء…

اسماء: ب براكة…عفاك كيعدبوني براكة عييت..الله يجازيك بالخير درتي لي عليك ولكن عييت عفاك براكة…

الحاج: صبري ابنتي حتى حاجة مساهلة حالتك صعييبة صعييبة ماعندي مانخبي عليك وماشي سااهلة كي لول صبري وربي غينزل الشفاء من عندو..

اسماء: اا ماقدرتش والله العضيم عييت صافي….ص صافي براكة اللهم الموت ولا هاد العداب براكة عفااك..

الحاج: لا حول ولا قوة إلا بالله العلي العظيم….

شاف فيها مطول وهي دموعها نازليين مع جنااب بزز باش كطلع النفس حتى سمع محمد هضر وضار عندو..

محمد: الحاج واحد الدقييقة نهضر معااك..

حرك راسو الحاج ونااض معااهم خرجو لبراا خلاو غير الفقيه مع اسمااء وخرج محمد برا كاع نزل مع الدروج والحاج تابعو عاقد حجباانو باستفهاام ماعاارفش اشنو بغي يقول…مخلين كنزة جالسة فالصاالون شادو على راسها والحاجة قدامها وهشام فالبالكون كيكمي ومرتو حدااه..

اما لتحث وقف محمد على طوموبيل عينيه فلرض بتفكبير عاقد حجبانو والكاسكيط نازلة على وجهو شاف فيه الحاج وحط ايديه على كتافو..

الحاج: ياك لباس اولدي ماالك كتبان ليا ماشي على حالك اش واقع معااك..

ماردش علييه محمد طول نضرو فالأرض شوية وهو يهز عينييه شااف قدامو وربع ايدييه بدون مايشوف فالحااج ونطق….

محمد : الواليد..انا غنعاود الزواج..

غير نزلو هوما وسدو موراهم البااب بعد لحضلات مكانتش طويلة بزااف وهو يعاود يتدق وناضت كنزة مورااهم يسحابليها غير هوما اللي رجعو غير حلات البااب مالقاات تاحد يلاه غتسدو وهي تباان ليها شي بلاستيكة كحل فلرررض قدام الباب…

كنزة :حيدوو الزبل من قدام البااب علاش مخلينو ل داخل و خارج يتخطى فييه تئ..

ساطت وتحناات غتهزو وهي تحس بشي حاجة فيه لداخل فشكل جسم غريييب رطب…طلقاتو ورجعات وقفات وتحنات تاني هزات الميكة عندها وحلات الميكة بفضول عاقدة حجباانها

غير حلااتها ومع وسعااتها وحلاات عليها وهي تبااان ليها قطة كحلة ميييتة وسطو لاااحت المييكة وتخطفاااات قافزة شااادة على فمها بغوووتة زعزعااات كل من فالداار..

الحاج: ياك لباس اولدي ماالك كتبان ليا ماشي على حالك اش واقع معااك..

ماردش علييه محمد طول نضرو فلرض شوية وهو يهز عينييه شاافزقدامو وربع ايدييه بدون مايشوف فالحااج ونطق….

محمد : الواليد..انا غنعاود الزواج..

تلفت فيه الحااج بنضرات هااادئ كيشووف فيه وفالطريقة اللي دوا بيها…

الحاج: كتشاور ولا كتعلم…

محمد بجدية : الحاج انا مكنشاورش فقراراتي كناخد فحياتي نهار كنقول ليكم شي كلمة كيعني انني كنعلم عليها باش تكون فخباركم وماتكّولوش ماعلمتك ونتسمى مخبي علييكم

الحاج : الحاجة ماغيعجبهاش هادشي راك عارف ماكين مايتخبى

محمد : ماكيهمنييش تعجب اي واحد ولا ماتعجبوش ماعندي ماندير اختاريتو ليا على حسب شروطكم وحدرت راسي وقلت مرحبااا باش مانخسر خاطركم وماتكّولوش ماكنسمعش لكلاامكم نتا الواليد عارف الوالدة باغة تحيي فياا خويا اللي مات وحتى انا عارف هاادشي واللي طلبات مني كناخدو امر ونفدو ليها نهار قبل لييلو من اي ناحية بغييتي تسمعهاا خدمة عزلتو ليا طب حيت خويا ماقدرش يكمل فيه وقلت مرحبا وقريتو على حسابكم وسمحت فحلمي قلتو ليا سكنة شريت داار على دوقي وتشهييت نعيش فيها و وقفات ليا فالبااب مانخرجش وقلت مرحبا وبقييت معااكم وسديت ديك الدار وحتى زواج نفس المشكل… خديت قرااري عارف اش كنديير حتى حد ماعندو الحق يتحكم فحيااتي كلامكم على راسي وعينياا لحد الان كنفد اي حاجة طلبتوها مني ولكن من حقي حتى انا نختار فحيااتي ولا….

الحاج بلطف حرك راسو : كنتمنتاو ليك غير الخيير اولدي عمرنا شفنا فيك الشر راك عاررف الحاجة مك نتا هو النور وضو العينيين كي كتقوول لييك من نهار مات خوك وهي عايشة فالخوف من جييهتك

محمد: عاارف وحتى انا كندير اللي فجهدي بااش نبين ليها اني الولد اللي كتمناني نكون علييه

الحاج: ااش غنقوليك نتا قررتي وانا ماغنقول ليك تا كلمة حياتك اولدي واختاار وعزل معامن بغيتي تكمل غير هي ماتضلمش ديك بنت ناس

محمد : ماغنضلم حتى حد واسراء مرتي ومانفكرش نخليها كي بغات كي كرهات ماغنقول والو دابا وحتى نتا ماتقول تااكلمة حتى نهضر معاها ماغندير حتى حاجة بزز عليها وماغنبنيش فرحتي على تعاستها كلشي غيكون بخاطرها…..مابغييتش نحسسها كنفضل وحدة اخرى عليها حيت اصلا ماكينش هاادشي ولا مانعطيهاش قيمة فحيااتي حتى هي عندها الحق عليا وخاصني نلبييه ليها

الحاج: ايوا دابا ايلا كتاب غيوليو عندك جوج دابا كل وحدة وطريقة تفكييرها غيتضربو ليك المشاكل فجوج مراات والصداع فجوج مراات وايلا كتاب حتى الولااد فجوج مراات

محمد : وانشاء الله غنكون قدهاا وغنديرهم فميزاان وااحد غنحاول نوازن بيناتهم قدر المستطاع حتى وحدة ماغتكون مميزة على تاانية من اي ناحية….

الحاج:الله يرضي علييك الله يسر لييك فكل خطوة تخطيها بإذن الله عز وجل للرجل يتزوج اكثر من امراة حتى لاربعة نسااء ايلا كنتي قادر على موئة الزواج والعدل بيناتهم(سكت لحححضة كيتصننت ومحمد قرن حجباانو وشااف مورااه جيهت دار فاش سمعو بجوجهم غووتة حااادة) ااش هادشي؟

باستفساار نااض محمد على طوموبيل اللي كان متطي عليهاا ومشى دااخل بخطوااات مسروعين مخرج عينييه مخلووع والحااج مورااه حتى طلعو للدااار وهو يبان ليه كلهم مجوقين على البااب والفقييه محني على ركاابييه شاد فشي ميكة كحلة

محمد: اااش كاااين

الحاح:ااش وااقع الفقيه ااش داكشي فايدييك

الفقيه: اجي تشوف اسي الحااج اجي لا حول ولا قوة الا بالله, حسبي الله ونعمة الوكيييل فهاد الناس حسبي الله ونعمة الوكييل فييهم..

محمد: اااش هادشي منيين جبتوه..!

الفقيه : لقاتو البنية حطو شي حد فباب الدار ماعرفوش شكون

محمد: حتى حد مادخل حنا واقفين فالبااب..

الحاج: حتى حد مادخل ملي خرجنااا

كنزة: مااعرفتش مااعرفتش سمعت دقاان فالباااب حليت وانا نلقى هادشي وحتى حد مكاااين(تحناات كلها كترررعد وتبكي بهستيرية كتشوف فديك القطة بزز بااش كتحرك) يسحاابلياا ماتت مكاانتش كتحرك

جلس الحاج محني كيشوف فديك الميكة ومحمد كيشوف الفووق ولتحت وهو يتحرك طلع لفووق جيهت السطح مالقى تاحد بحالاا ديك الميكة طاحت من السماء ونزل عندهم لقاهم دخلو لداخل وتبعهم فين بان ليه الحاج فالبيت عند اسمااء وهي متكية مايلة للجنب مغمضة عينيها كتشوف غير لفوق ماكيبانش ليها اش كيديرو فالأرض حيت الناموسية عالية..

هربات كنزة من للصاالون كتبكي مقاادرااش تشوف فديك القطة هكااك وهي نقطة ضعفها هي القطوط ماقدرااتش تحمل منضرها خلااتهم وخرجات للصالة كترعد كاااملة وهشاام من بعيد واقف كيطل عليهم والحاجة مخشية معااهم كتطل اشنو كيديير…

كانت القطة كحلة كااملة وعينيها صفريين كيلمعو ناعسييين ومعمشين كيتلصقو بحالا فيهم الكولا وايديها ورجليها مربوطين بجوج بيهم لقدام وهي ميلة رااسها حالتها حالة دالموت…ماعليهاش حالة دالشفااء ابدااا…

هز الحاج مقص صغيير وهزها لعندو كيفك ليها الخيط اللي مخيطيين ليها بييه فمها بشويا بشويا كيقطعو خايف يجرحها بيه واسماء بدات كتحرك وتزير ايديها بحركات غريييبة والفقيه محني حداه كيرش عليها الما دالقران وحتى على الخيط باش يرطاب شويا ويتحيد ليها من فمها دغيا…حتى حيدو ليها كاامل وهو كيتسغفر ويحلوق على شر الانس….

فحين محمد غير كيشوف والصدمة بااينة بوضوح على ملاامحو جمد بقى وااقف هكااك كيشوف والحاجة حدااه….

اما الحااج فك ليهاا رجليها اللي كانو مربوطين كل جوج بووحدهم باش ما تمشى ما تحرك..

وهو كيفك بانو ليه رابطنييهم بخيوط رقيق وكل الخيط ضاير معاه بزااف ديال الكواغط قااصحين ومربعييين بحال النحاس ماضين كي الزيزوار كاع جرحو ليها رجيلاتها ودم مكبد عليهم فينما كيقيصها الحاج فيهم بالغلط كاتنين القطة بالم وبحركة تقيلة كتهز رجليها عاطياها الحرييق….

ل لحضة دمعو عينييه وبلع رييقو كيفكها وصوتو باح باغي يبكي وهو كيكرر ايات قرأنية كتبطل السحر من هادشي اللي اول مرة كتشوفو عينييه قطعات فقلبو القطة وهي على وشك الموت حاس بيها كتبكي وهي عينيها مغمضيين كتبغي تسدهم ومرة مرة كتحرك رجليها بحرقة من الجروح..

الفقيه : وااحد فديلها صغيير الحاج هاهو عنداك تنسااه

الحاج: مقطع لاا ؟

الفقيه: لاا غير طرف منو شوف (جر واحد الخيط فديلها) هاهو واحد فيين مربوط شوف حتى ودنيها واش فيها شي حااجة

الحاج : عارف هادشي…بطلتي شي سحر من هاد الشكل ؟

الفقيه: لا غير شفتو بالصدفة..ربي كبيير الحااج ربي كبيير القطة مزال فالحيااة ومزال تعاالج(شاف فالحاج وقرب ليه بهمس مابغاهاش تسمعو)كون مااتت الحيوانة ح حتى البنت لا قدر الله تموت..

حرك راسو الحاج بايجااب وبدا كيسرع وهو كيفك فدااكشي حتى حرر القطة من اي عقدة وطلقها خلاها كتلتااقط انفااسها واخا حركاتها تقييلة وهي كلها كترجف غير حطها وهي تغمض عينييه وجابو ليه الباانيو دار فييه ماء دالقران كيف العاادة وهز دوك النحاساات وشي ورااق مطويين ومعقوديين ماشي واحد ماشي خمسة بزاااف ديال الوراق على شكل مكعبات ضااير بيهم خيط رقيييق وبداا كيعقد فييهم واسمااء كتلوا فوق الناااموسية وكتنهج بجالا كتجري فنومها..

ماهزش فيها الحاج عينييه عارفاهاا طلعوها بلاما حتى يقرا عليها ولكن غير من خلال الايات اللي قرا على القطة وعلى السحر طلعوها حتى هي وبداا كيفك فدااكشي ويحل فالعقاادي والخيوطة وهو كيجود بكلام الله ….

يلاه حل العقدة لواالا وبدا يضور الخيط يحل تانية وهي تغوووت بصووووت رقيييق خلاتهم تخطفو من بلايصهم مخلوووعيين وهو كمل كيفك فالعقااادي حتى غوتااات مرررة اخرى وتهزاااات كضرب فراااسها وتصرفق فوجها بالغواااات بلاا هضرة وهو ضور عينيه عند الفقيه غمزو غير بعينييه والفقيه فهمو ومشى غطاها بسرعة من راسها لرجليها وهي كضرب وتقمش فرااسها وصوت التصرفييق كيوصل تالعندهم كون كان انساان واعي من التصرفيقة لولا يدوخ.. حتى ضاار تاني الحاج عند الحاجة وقال..

الحاج: شي حد موضي ونقي يشدها….شدو ليها ايديها وغطيوها..

حيت اسماء فكل مرة كتحرك كتي عليها ليزاار وتجر فعنق الكسوة حت كتبغي تقطعها بحالاا شاعلة فيها العافية ومابغاش لا هو لا محمد ولا الفقيه يقيص فلحمها فضل الحاجة اللي تقرب ليها وفعلاا كانت موضية مشات كتجري دخلاات شدات ليها ايداييها واسماء فحالا فيهااا عشرة غلبااات مها ولااات كتنوض وتجلس معاهاا واسمااء كضرب فوجهها وتجر فشعرها وتغوت وهو كيفك فدوك الخيوطة بسررعة …

ولكن اسماء كانت اقوى منهم فجهد واحد ولا فيها جهد الف شخخخص غير غرق داكشي الوراااق فالماء دالقرااان وهي تغوووت مرة اخرى بجههههد غوتة مورا لااخراا وتضرب فلرض وفراسها والحاجة غير كتبغي تشدها كدفعها غلباتها ماقدرااتش والحاج غمزها مرة اخرى ترجع تبعد منها خلااها كتخبط هكااك جتى تعيى تضرب ماغتقدرش تقرب لييهم فالاخر اللي فيها كيأدي غير رااسو حيت هو لي كيحس اسماء غاايبة…

فك داكشي دغيا وغرقو فالماء دالقران كيمسح المداد اللي كان مكتوب على واحد التصوييرة كتبان صورة كبيرة غير وجه اسماء اللي مقطع منها والحاجة برد ليها الما فركابي جلسات حدااه غير مسح الصورة ونقاها وهي تهزها بدون ادن كتشوف فيها وفور ما لمحات صورة اسماء وهي فعمر المراهقة قبل ماتزوج عرفات صورة وقلعاتها دغيا…

صورة كانو خداوها فالعيد غير هي ومها وعبد المتقي وكنزة وهوما فعمر صغيير عمر المراهقة قبل ماتزوج اسماء..خدا ليها الحاج صورة كيهضر وهي ودنيها كيصفرو وطونسو طلع تالحد وقفاات ماكتسمعش ليه وخرجاات مع البااب بارد ليها الما فركاابي على بونت وغطييح …

اما الحاج غير فك دااكشي كااامل وهو ينوض دغيا وخطف الميكرو من الصداري وقف على اسماء ولاح عليها ليزااار وبدا كيقراا عليهاا وهي جالسة هكاااك مغطية غير بنصفها الفوقااني كضررب فراااسها وشعرهااا بجههههد قوي وهو كيردد بيين شفايفوو…

الحاج: الله اكبر من كل سحر صنعووه ..الله اكبر من كل سحر صنعوه..الله اكبر من كل سحر صنعووه للشل صنعوووه..للشلل صنعوه للشلل صنعووه للشلل صنعووه للشلل صنعووه للشلل صنعوووه…..اللهم ابطل كل سحر على الرجليين صنعوووه

اسماء رجليها كيترعدو بسرعة خيالية: وااااا لاااا

الحاح: اللهم أبطل كل سحر على الرجلين صنعووه(غوتااات اسمااء بجهههد وهزات رجليها كضربهم ببعضهم وهوما كمشو ملامحهم من صوتها)

الحاج: اللهم أبطل كل سحر على الرجليين صنعوه اللهم أبطل كل سحر في تماثل بإبر ودبابيس صنعوه اللهم أبطل كل سحر في حيوااانٍ صنعووه اللهم أبطل كل سحر في حيواان ربطوه اللهم أبطل كل سحر في حيوان دفنوه اللهم أبطل كل سحر في خيط عقدوه اللهم أبطل كل سحر في خيوط عقدوه اللهم أبطل كل سحر معقود مربوط اللهم ابطل كل سحر في رجليين ربطووه اللهم ابطل كل سحر فرجلين صنعووه ….اللهم واكبر من كل سحر صنعوووه… لشلل صنعووه …للشلل صنعووه..للشلل صنعوه…لشلل صنعوه

بدا كيدوز يديه عليها غير من لفوق بلاما حتى يقرب ليها من رجليهاا حتى لرااسها وكيكرر نفس الكلماات بين فمو وهي كتغووت وتخبط ايديها مع الحيط بضربااات قوييين شوية حتى بدات كضحك

اسماء: قوووول قووول ههه قول ماكنخاافش مننك قوول اش عننندك قووول قووووول ماكنخافش مننك ماغنخرجش ماكنخاافش مننك قووول قوووول

سكت الحااج شوية ويعد الميكرو على فمو كيسمع ليها

اسماء: قووول قوول قوول ههه ماكنخاافش منك ماغنخرجش ماغنخرجش قتلني وماغنخجرش ماغنخرجش واخا تقتلني قتلني قتللني مابغيييتهااش مابغييتهااش توقف ماغنخلييوهاش توقف مااغنخليوهاش توقف غنخرج ليها على حياتها ماغتوقفش

الحاج : بسم الله الرحمان الرحيم..بسم الله الرحماان الرحيم بسم الله الرحمان الرحيم…ماغتخرجش

اسمماء: مااخاارجش مااخاارجش واخا تقتلني ماغنخرجوش وايلاا خرجنا غنعاودو نرجعو ايلا خرجنا غنعاااودو نرجعو

الحاج : من اول مرة تحدييتك حتى غتهضر…..تحدييتك حتى غنسمع صووتك.. وسمعتوو..

سكت شوبة وكمل…

الحاج: ودابا كنتحداااك بالله اللي خلقني وخلق جميع هاد العباااد حتى غتخرج سواء محروق مربوط ولا ميت غتخرج هي غتخرج….يلاه وريني جهدك

هداات من حركاتها كتضححك وضررب فالحييط وبضفراانها كتقمش فييه وتنزلوو كامل واخا ماعندهاش الضفراان صغاار كتقمش بييهم..

الحاج : علاش كضحك …كتستهزأ مني..كضحك عليا؟

مارداتش علييه غير كضحك مرة مرة وتسكت ..

الحاج : هضر معايا كضحك علياا علاامن كضحك تكلم….واخا ماهو دينك..(بحدو نهض فيها)شنوو هو ديينك

بصوت تقيييل ثالت بحالا كل مرة كيهضر فيهم واحد..

اسماء: لاا اعرف شيئ عن الدين..

الحاج : طيب…اهااه على اي شيئ دخلت ؟

اسماء : غنمرضها فحياتها غنعدبها ماغنخرجوش واخا تقتلنيي ماغنرجوووش..

الحاج بعصبية : ايوا دابا هضر معانا مكود تبدا تخيط ليا نهضر معاك بالدارجة مدرحة ولا العربية مسرحة ماتبقاش تعوج عليا هنا….يلاه تكلم علاش ماغتخرجوش شحال بيكم هنا شحاال من واحد..

بدون رد منهاا غير كتنهح ماردداتش عليه وهو كيرر كلاامو حتى عيى عرفها ماغتجاوبوش وشاف عند محمد…

الحاج : مابغانيش نغوت عليه…..جن بنفسو..

ضحك الفقييه ومحمد حك جبهتو بضحكة مفقوصة والحاج شعل الميكرو مرة اخرى بعدما سمى الله كيقرا عليها باياات متتااالية وهي كتغوت لربي لخلقها وكضرب فالحيط وتقمش غييير قاص فرجلها ورك عليهاا تما بجهههد وهي تقفز من بلاصتها كضرب فرااسها وهو رجع لور خلااها كتخبط تما وتطبع وتنززل كأن العاافية شااعلة فيها….

واحد اللحضة وهي تنوض من فوق الناموسية وطاحت للارض بجههههد ساجدة كضرب فلرض وضرب فراااسها بجههد…

الحاج عيط على شي حد يشدها….

حل البااب محمد يلاه بغى يعيط عليهم وهو يسمع صوت الغواات بجههد فالكوزينة ودنيا مقلووبة تما قرن حبجانو ورجع عند الحاج

محمد:ماكين تاحد..

الفقيه: انا نشدها اسي الحااج..

الحاج حرك راسو : غطيها….رد الباال

مشى ليها بسرعة حتى غطاها وتحنى شااادها وهي غير حط عليهاا ايدييه وهي توقف ورجليها كيخوييو بيها كتعاود تاني طييح وضرب فرااسها وشعرها والفقيه عيى يشدهاا والو ماتشداااتش لييه…حتى شير ليه الحاج يرجع لور وقرب عندها هو واقف عليها كيقرا بصوت عاالي…وهي كتنوض وتجلس وتوقف علييه بزز مقادراش توقف على رجليها هازة ايديها بحالا باغة ضربوو وجهها فوجهو حتى كتبغي تنزل عليه ولكن هو واقف بدون حركة متأكد انها ماغتقدرش ضربو كيف الفقيه ومحمد واقفين كيشوفو عارفينها ماغتقربش لييهم اما محمد سد الباب علييهم كيشوف فاسماء وهي واقفة مغطية كاملة بالايزار بحركات غرييبة هازة ايدييها على شكل لكمة وبحالا باغة الضرب الحاج وهو كيقراا عليها وهي كتغوت بصوت رقييق كيتقب الودنيين والحااج كيكرر غير ايات الحرق بين فمو وهي ترجع جلسااات كضرب فلرررض وفرااسها ووحيدات ليزاار كتجر فالكسوة بجهههد على عنقها حتى تقطعات عليهااا وبااان الديبااردور لتحتاااني ومحمد تخطف من بلااصتو بسرعة قرب لاح عليهاا ليزار وجمع ليها ايدييهاا بجوج وهي بقوة كبييبرة كطلع وتنزل من بين ايدييه وحتى هو كيطلع معاها ولكن حاكمها واخا تقباات ليه ودنييه بالغواات..

اسماء: تفووو علييك تفوووو عليييك ماغنخرجوش ماغنخرجووووش قتلني قتلني قتلني ماغنخرجووش ماغنخرجوش تفوو عليييك ماكانحملكش ماكنحملكش غنعدبك غنعدبك نتا و والعزييز عليك غندبعك نتا و ولددك حرقتيني حرقتيني غنعدبكم غنعدبها ماغنخرجوش

الحاج بدون مبالااة بيها مكمل قراائتو بصوت مرتااافع كيتردد فالبيت كااامل كثر من الصداع اللي نايض فالكوزييينة مابين الحاجة وكنزة وهشام وعيالات ولادها اما عبد المتقي عند البااب كيسمع علييهم شاد على صدرو بخنننقة وعينيه حمرييين بكثرة دموع على اسماء ضبابو عليه غير كيدهسس بيهم..

اسماء: ماااغنخرجش مااغنخرجهش ههه اااه قوول قووول قووووول قوووول (كتغووت وتوجع بين ايدين محمد بحركات غرييبة وهو حاكمها حتى كتبغي تفلت منو وكيشدها) تفووو علييك..تفووووو علييك مااكنحملكش مااكنحملللكش ماااكنحملكش غنعدبها غنقتلها ماخرجاش مااخرجاااااش…

حبس الحاج لحضاات وقرب عندها وهوما كيسمعو الغوات من الكوزينة كيتجهد ولكن الصوت غير واضح اشنو كيقولوو…بالميكرو ديالو وقف على اسماء وهي ببن ابدين محمد حتى تهداان ورصاات كتعوج ايديها ورجليها كلها كتطلع وتنزل ومحمد بعد عليا كيغطي فيها….

الحاج : مااغتخرجش..

اسماء: لاا..

الحاج: واخاا قول ليا من امتا ونتا فيها….

اسماء : ماشي بزااف…م ماشي بزااف ماشي بزاف ماااشي بزااف واخا تخرجوني غنرجعو واخا تخرجوني غنرجعو

الحاج: شحال من واحد نتوما شكوون كااين

اسماء:كااامليين كاينيين كااااملين ماغنرجووش ماغنخلييوهااش توقف ماغنقوفوهاااش غنخرج ليها على حيااتها ماغتوقفش..

الحاج : اشنو هو ديينك….من هو ربك

اسماء بصوت متقطع وتقييل: لاا اع رف شي ئا عن الدي ن..

الحاح: لا تعرف شيئ عن دين ؟

اسماء لاا..

الحاح: اين تستقر..

اسماء: بدون رد..

الحاج اين تستقر..

اسماء: الرجلين

الحاج: من هو ربك..

اسماء: بدون رد..

الحاج: من هو ربك جااوبنيي..

بعد صمت طويييل مرة كضحك ومرة كتسكت مرة تغوت ومرة تهز وتخبط والحاج غير كيشووف فيها مابقاش عندو الصبر خاصة هاد الجن المتكبر والمستفز زاد مابيه….

الحاج: من هو ربك..؟

الحاج: من هو ربك..؟

اسماء بصوت ضعيييف :الله..

الحاج: مزياان..هل الله امرك بهذاا

اسماء : لااااا

الحاج: الناس من امروك بهذاا..

اسماء: ااااااه..هوووماااا النااااس…الناااااااس

الحاج: الناس…من شر الوسواس الخناس..واخا …ماشي حشومة..ماشي حشومة هادشي اللي كديرو فهاد السيدة..هاد الناس هادو اللي كتهضر علييهم هاد السحرة…موعدهم جنهم ترضى لنفسك جهنم..ترضى لنفسك النااار..

اسماء: لااااا

الحاج: لا ترضى لنفسك النار؟

اسماء: لاا لاا لاااااا

الحاج : اسمع..سمعني مزال عندك الاختياار ان تعبد الله لا اله إلا الله ومحمد رسول الله(قاطعاتو كتحرك راسها بمين شمال)

بدون رد غير كتحرك راسها يميين وشماال بدون ماتجاوبو..

الحاج: واخاا..(هز الميكرو مرة اخرى بعدما سمى الله قال بصوت جوهري وبتجويد ) وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ

وهو كيكرر الاية فكل مرررة واسماااء وقفاات مكعدة وهو جالسة قداامها مقربة لوجهو بحالاا بااغة ضربو وهو بدون حركة كيقراا عليهااا ووهي باغة تخشي وجهها فوجهو….

على براا خرجات الحاجة من الكوزينة كتنهج عينيها معصووورين بالعصااااب وهي تبان ليها مرت ولدها فالباب جرااااتها من ايدييها غادا بيها جيهت البااب وهشاام تابعها كيهضر بايدييه مكشكش داتها حتى لباااب حلااتو ودفعاتها برا.

الحالجة: براااا خرررج تبع مرتك خرج برااااا برااا عليا فيناهي لاخراا فيناهي الخانزة لااخرااا

نجوى مرت صلاح: اشنو مالي انا اخالتي

الحاجة:يميييل لييك ابنت ااحراااام الله يرزييك فالعزييز عليك خرجي علياا برااا هزي برااهشك برا علياا خروجو واخرجو عليااا براااا غتقتلوني

هشام: وامي الله يهدييك ااش كتخربقي سمعيني خلينيي نهضرىمعااك

الحاجة: خررج علياا انا ساااخطة علييك دنياا واخرة براااا انا ساااخطة عليك اناا ساطة علييك(حيداات زيفها وشعرها ابيض بالشييب تسلت ورااهاا وهي كضرب زيف مع لرض) أنا ساااخطة عليكم دنيا واااخراا ماانتوما ولادي ما اناا مكم خرجو عليااا

هشام: وامااادرت ليها والو امي ااامي بالله ماادرت ليها تااحاجة راا هادي هي وراجلها هوماا السباااب مادرت لا بايدي لاا رجلي

نجوى كترعد فمها نشف عليها: الله ينزل علييك النعلة مااشي نتا اللي جيتي عند خوك بغيتي تمرضها وهو تابعك فكلاامك شكوون جبد الكلاام نتا ولا هوااا

هشام: غنضررررب زام/ل بوووك اناا اللي جيت السحاارة انا اللي جبدتها لييه هضري..لا عدااك امي هو (كينهج) هو قال لياا عندي ليك الحل قلت لييه قول بسم الله قاليا نسكتوها نربطو ليها فمها قلت لييه الله يهدييك كتبقى ختتتك حشومة هاادشي

كنزة: الله ينزل عليك النعلة الكدااااب سمعتك بودني ومزااال كتكدب الله ينزل عليك النعلة دنيا واااخرة..قاال ليك نسحروو ليهاا قلتي لييه سيير جبيها دير لي بغيتي الله ينزل عليك نعلة نتاا ك الحماار اليهوووود ليهوود ومايديرو فخووتهم هاد الحاااالة

زوجة هشام: يلااه اهشام ياله بدل ساعة باخرى خليها تقول لي بغات يلااه راك بعقلك..

هشام: واامدرت وااالو سمعيها اش كتقول وامي والله مادرت شي حااجة والله ماجبت ليهاا شي وااحد (طاح على رجليها) والله امي لاغيير غراني بكلاامو والله امي مافخبااري شي حااجة ماقاالش غييدير فيها هادشي والله امي مادرت لا بايدي لا برجلي

الحاجة: هنيتي ارتااحيتو هاا برد خاااطرررك هااهي كاتمووت سمع سممع الغواات هاهي كتمووت هاهي غتخلي بنيتهاا يتييمة وتموووت صافي تهنيتو هادشي على الورث على وسخ دنياا تقتلو ختكم هذا ماربييت فيكم …الله يااخد فيكم اللحق واادعيييتكم ل الله الكفرة بيييه واسااخطة علييكم دنيا واخرة ونقطع كرشي ايلا كانت تحيب ليا بحالكم (ضربات فخاضها)امييمتي مرضية الوالدين وولدت مسااخط واميميتي تجي تشوفي كرشي ااش دارت ليااا…

هشام: واامي ماادرت واالوو وااش كتأمني بالله ..

كنزة: ديير ولاماادييرش المحكاامة اللي غتفك بيينااااتنا والله اخويااا ايلاا مارمييتكم كلكم فالحبس ماولاادت فياا مي غالخلاا

ندافع جيهتهاا بغا يضربها وهي تدفعها الحاجة لور وسدات البااب بجههد فوجهم وكنزة ضاارت ملفتة كتنهج حتى بان ليها عبد المتقي جالس فوق سداااري عينيه مسدوودين الفوق شااد على صدرو بالضبط جيهت قلبو ماكيتحرك ماكيطلع النفس ماكيهزها ووجهو زرااااق كأن روحو كتزهق وهي تلوح كلشي ومشات عندو كتجري دم مسقوط من وجهها..

اما الحاج وجهو فوجه اسماء كيردد عليها نفس الايات وهي كطيير وتنزل …

الحاج: وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ…..(قربات لوجهو اكثر بلكمة قدام عينييه وهي زيرها الحاج من راسها وجلسها فلرض)

الحاج: رجع رجع جلس فبلااصتك ماديرش عليا هاد الحركات البايخة دياالك ماغتقدرش تقيصني بادن الله ماغتقدرش تأديني بادن الله غير جلس محفوضين من عند الله عز وجل والحمد الله…الله عز وجل خلقك وخلقنا لنعبدوه لا لأذية الناس خلقك باش تسمع لكلاامو هو ماشي كلاام واحد اخر يفتي علييك اشنو دير…رسالتي وااضحة دابا غاتوب الى الله عز وجل وتترك جسد هاد البنت بدون عذاب ولاا حرق عطيتك فرصة للنجاة….توب الى الله..تعلن توبتك الى الله ؟

اسماء : لااا الا خرجت نموت ماغنخرجوش تقلتني ومانخرجووش ايلا خرجتيني نرجع مانخجرووش

الحاج: تعلن توبتك الى الله..(بداات كتحرك رااسها بلاا بسرررعة وضفاارها كتجر بييهم الحيط ولرض واي بلااصة) واخااا … نتا خاصك تحرق باش تعرف ان الله عز وجل اقوى مني ومنك ومن جميييع خلقه

تنهد بقلة صببر ونااض بسرررعة حط ايديها على رقبتها وورك بجهههد بصبااعة وهي تبدااا كتغوووت بجهههد وتلوااا بين ايديييه فااشلة وهو زيرها لعندو ودرعها بدرااعو على عنقها مزيرهاا على صدروو والميكروو ف فمو

اسماء: لااا لاا لاا لااا (كتبكي) لااا لااا لااا لااااا

الحاج :قَالُوا حَرِّقُوهُ وَانصُرُوا آلِهَتَكُمْ إِن كُنتُمْ فَاعِلِينَ….قَالُوا حَرِّقُوهُ…قَالُوا حَرِّقُوهُ… قَالُوا حَرِّقُوهُ….

نفس الكلمااات كيكرر بتجويييد وهو مزير اسمااء عندوو ومورك عليهاا وهي كتركل برجلييهاااا وايديهاا ولكن مقادرااش تقيص فييه كتركل فالهواااء وتبكي وتغووت بجهد “لاا” وهو مزيرهااا لعندووووو بدون رحمة كيورك عليهاااا ومحمد كيحرك ليه بايدييه يحبس والحاج كيغمض عينييه ويجلهم مكمل فكلااامو وهي كتركل ووتهز وتخخخخببببط حتى لواحد اللحضة وهي توقف كااملة ورجعات طااحت جاالسة وهو يتحنى عندهاا وزير ليا رااسها مع لرض غير بشويا هاد المرة ولكن هي بحالا كيحرقها باييدييه كتغوت وتبكي تحت منو…..

الحاج : تزيييد تحرق..تزيييد تحرررق هاا دوي

اسماء: لااا لااا لاااا

الحاج : تزييد تحرق..هاا قوول تزيد تحرق من الاقووىى من الاقووى الله ولا نتوكاا من الاقوى

اسماء كتبكي : لا لاا لاالاالالا

الحاج: من الاقوى الله ام الشيطااان هضر معايااا من الاقوى

اسماء بصوت عاالي كاتبكي : الله..

الحاج: يلاه ياعدو الله… تسلم ايلا الله…

اسماء غير كتغوت وتبكي تحت منوو..

الحاج: قل لا إله إلا الله..قل لا إله إلا الله..

اسماء ببكااء غوتات: لا إله إلا الله…

الحاج : إلا الله..

اسماء: إلا الله..

الحاج:محمد رسول الله..

اسماء: محمد رسول الله..

الحاج: اقسم بالله..

اسماء: اقسم بالله..

الحاج: ان اغاادر

اسماء كتبكي:ان اغااادر..

الحاج: ان اغاادر هداا الجسد ولن اعوود..

اسماء: ان اغادر هذا الجسد ولن اعوود..

الحاج : يلاااه خررج..خرج نشوووف يلاااه ( ورك ليها على عنقها حتى غوتااات بجهههد كثرمن لول) اقسم بالله ونعااود نلقاااك هناا حتى نعدبببك..يلاه خرج..خرج نشوووف يلااه …بلاه نكمل الادان نلقااك خرجتي يلااه

هز الميكرو مررة اخرى..وبااشر فالادان وهي مع كل كلمة كتغوت بججههههد ساجدة فلررض وكضرب بايدييهاا بجههههد …

الحاج:الله واكبر الله واكبر اشهد ان لا اله الا الله اشهد ان لا اله الا الله اشهد ان محمد رسول الله اشهد ان محمد رسول الله حي على الصلاه حي على الصلاه حي على الفلاح حي على الفلاح الله واكبر الله واكبر لا اله الا الله

مع كلامااتو الاخييرة غوتاااات اسماااء بجهد اقووى من قبل وفجأة هداااات وطاجت فلرض مغمي عليها بحركات تقال كتهز مرة مرة ايديهاا وكتنهج كلها عرقاااانة والحاج طفى الميكرو وهز فيهم رااسو بملامح بشوشة..

الحاج : الحمد الله..على سلامتك ابنتي…

حل الاب عبد المتقي عينييه بتتاقل بسييف باش كيرمش فالضو كتبان ليه غير شومبر صقفها بيض وقوة الضوااو شااعليين والهضرة كتيرة جنبوو..ميل راااسو وهي تبان ليه كنزة جالسة قداامو مربعة ايديهااا وكتهضر مع الحاجة اللي جالسة فالفوطوي شادة فراااسها بتخمام والحاج واقف جنبهم كيهضروحتى هز فيه عينييه بدهشة..

الحاج: السي عبد المتقي الحمد الله على سلاامتك اسيدي..

تلفتوعندهم كااملين حتى محمد اللي كان واقف على الممرضة بطابلية ديالو والسماعات على كتافو عطاها طابليت وضار لجيهتو..

كنزة: الحمد الله على سلاامتك ابا خلعتيناا

محمد: على سلامتك اسي عبد المتقي..

عيد المتقي: الله يسلمكم..ا اش عندي

محمد: واالو غير الخيير ماكين حتى حاجة عيتي شوية راك لباس الحمد الله..قول ليا باش كتحس..قادر تنفس عادي…

عبد المتقي : رجفة ف فمعدتي..و وصاافي

حرك راسو محمد بايجااب وشاف فالممرضة وهي فهماتو غير من عينييه وخرجات تجيب ليه مايااكل..وهي تنزل عندو كنزة غوتاات فودنييه مخرجة عينيها..

كنزة: با ياك لبااس عااقل عليااا

الحاجة هزات فمها: اويليي على عاقل علياا

عبد المتقي دفعهاا: ومالي سارط عقلي…اسماء خليتوها بوحدها لاش جيتو كااملين ااش كاين..

كنزة: صافي باا بخير غير ملي تفكر اسماء رااه بحير وحتى اسمااء بخييير هانتا سول الحااج راه تفكاات مسكيينة على سلاامتها ماكملااتش فرحتنا بيهاا خلعيتنا علييك دابا عاد كملات الفرحة..

عبد المتقي بفرحة: دخلت علييك بالله الحاج كاين هاد الكلام..

الحاج: كنقولو الحمد الله على سلامتك وعلى سلامتها حتى هي ولكن ماشي متأكدين لازم تبع الرقية كل نهار و واجبة والتحصيين ماشي نعاودو من لول بحالا مادرنا والو حالياا راها لباس عليها…

عبد المتقي: الله يجاازييك بالخيير اسيدي الله يجازييك بالخيير

بغى يشد ليه فايديها يبسوها وهو يبعدها الحااج

الحاج: استغفر الله واجب هذا اسيدي وااجب ماتقولش هكااك

عبد المتقي: نعطييك ماال دنيا وديين ومانوفيييش حققك الله يجازييك بالخييير الله يجازييك بالخييير(خبى وجهو كيكبي) جوج بنياات ليعندي جوج عويناات لي عندي بغاو يعميوني فوحدة…بغاو يعميوني فالعزييزة اسي الحاج الله يااخد الحق الله ياخد الحق

ضحكات كنزة كتشوف فيه من ديما عارفة اسماء هي العزيييزة وكتاخد محنة الواليديين سبق منهم كاملين ولكن ماكتديش على باها عارفة راسها حتى هي عزيزة عندو واخا ماكيبينش ليها…والحاجة غير بدا يبكي هو نزلات رراسها كتبكي معاااه والحاج تنهد..

الحاج: على سلااامتها الحمد الله على سلامتها الله يشافيها والله يشافي جميع وليدات المسلمين كلهم وليداتناا وكلهم مانبغييو ليهم غير لخيير واسماء شفت فيها بنتي وعطيت بيني وبينها عهد حتى نوضها على خير بإدن الله وربي شاف من حالها دارني سبب فقط اسي عبد المتقي مادرت حتى حااجة..

الحاجة : الله يجازبيك بالخييير الله يفرحك الله يساااهل علييك الله يرزقك الجنة نتا والعزبيز علييك الله يخلي لييك ولييدك والله يخليبيك لبييه..عمر خييرك نسااوه وعمر خير الحاجة وخير ولدك سي محمد نسااوه الله يجازيكم بالخييير…

الحاج: الله يجيب شفاااء من عندو يارب..نخليكم دابا على سلاامتك الحاجة وعلى سلاامة بنتك حتى لغدا انشاء الله وندوز نعطيكم المسائل اللي ضروري ماتبعهم معايا انشاء الله كنزة نتي خلاص راه عطييتك شنو ديري حيت مكانش خاصك تقيصيي داكشي بايدييك واللي درتيه عطي حتى لختك ديررو معاك حتى لغدا ونرجع…

حركات راسها بايجااب مبسمة ومشى خرج وهوما كيدعيو مووراه ومحمد حتى هو خرج معاه حتى للطوموبيل..

الحاج: لاا خلي ليك ديالك رجع فيها انا غنمشي فالطاكسي..

محمد: سير فيها نتا انا الي غنرجع فطاكسي صافي سيير غتبقى تلاوح من واحد لوااحد..

الحاج: والله مانمشي فيها عارفك ماكتبغيش الركبة مع البرااني صافي سيير فيها انا نشوف شي طااكسي والله يرضي عليك خليني بخاطري..

محمد تنهد مطوول : بلاتي نشووف ليك شي حد يوصلك تالدار..

جبد تيليفونو دخل لواحد لابليكاسيوون كيقلب على اقرب واحد يكون تما حتى لقاه وعيط لييه يجي لعند ورجعو لجييبو..

الحاج: ايوا تدوي مع الحاجة ولا ندوي معاهاا..

محمد: لا لا خليهاا ندوي معاها اناا الواليدة كنبغي شوية الصبااغة وترطاب الهضر نتا غتقصح معاها وغتبقى شادة من جيهتك خليني مني ليهاا ماشي دابا حتى نجي للدار نشوف اسراء هي لولا ونهضر معاها…

ااحاح: الله يدير شي تاوييل ديال الخيير وسرع اولدي هادشي سرع ماتبقاش لايح عينيك جيهة اخرى لوحها فالحلاال وحيد بلاااك

محمد بشك خافي تبسيمة : كيفاش بلانك ماسولتي شكون بنت من اش كديير ماموالفاش ليك الواليد..اسراء قلبتي راها ربع شهر عاد علمتيني بيها باش نقلب حتى انا..وهادي ماكتسولش عليهاا

الحاج : احيااني علييك راك عارفني عااارف وكدير برااسك معارفش واناا عارفك عارفني عارف وداير راسي معارفش اللي فراس الجمل فراس الجمالة اولدي… ماقلتيش لياا والمهدي صاحبك …

محمد : المهدي صاحبي هههه…قرب يولي اب الواليد فيناهو هادااك

الحاج: امتى تزووج..

محمد حك خلف رقبتو بحياء : الواليد كاين شي بلدان ماشي ضرووري حتى تزوج عاد دير الولاد..تقدر تقلب الاية..

الحاج: زمن السررعة هذاا …قلة الحياء…وليني غتعلمو..؟

محمد: ضروووري قلت ليك هاد زواج مابغيت فيه حتى مشكل..اللي كتهمني فالامر رااك عارفها حتى ماغناخد شوارها انا غنعلم فقط اللي عجبو الحال مرحبا اللي ماعجبوش شغلو هادااك..

الحاج : حيت كان هو باغي يخطب ولا مانعرف داكشي ديالكم مخربق شوية ولا باغي وحدة اخرى..

محمد : ماكينش هاد الهضرة الواليد ماشي اول كرة غنهضر معاه فهاد الموضوع نهار علمني بشي وحدة تما باغيها حتى انا لمحت ليه اشنو باغي وحتى هو فهمني وتقبل الامر عااادي راك عارفو حال وعقل معارفش ااش باغي ولكن هاد المرة مانضنش غيزابي معاها ملي القضية فيها الولاد ادن مابقى ليه فين يرجع….ها طوموبيل جاات ..

الحاج: ديالمن هاادي

محمد: هدا غير واحد لابليكاسيون كيكون شي واحد قريب منك هنا كتعيط ليه ويجي حتى لعندك يديك فين بغيتيي بنفس تمن ديال الطااكسي..

الحاح:خطااف

محمد: تقريباا(حل ليه البااب طلع) طريق السلاامة..ماتسناونييش للعشى بصحة..

دا من لهييه عند الشيفور خلصو وعطاه العنوان الكاامل ورجع لوور خلااه مشى وهو رجع دخل لداخل عندهم لقى عبد المتقي منوضها معااهم بحالا مكاانش مرييض غير شافوه صقلو وحتى هو عرفهم مابغاوش يهضرو قداامو..

محمد: الحاجة من الاحسن رجعو للدار ترتاحو فات الحال متبقاوش هنا

الحاجة: تاهو غيخرررج راه باقي مرييض (شافت فراجلها عاقدو حجبانها) مرييض ضارو رااسو ضرب ليه شي شوكة يزكى علييه

عبد المتقي: كيفاااش ضرب ليه شوكة مالي كنقطع فحوااجي ولاا

الحاجة: لاا رااك مريييض مرببيض رااسك منفوخ بالهضرة سكت شوياا سكت

محمد: ماااكاين بااس مااكااين بااس صافي نتوما غتمشيو للدار وسي عبد المتقي غيجلس معانا حتى لغدا مايمكنش يخرج ليوم خليوه يرتااح…

الحاحة: حسن لييه شدوه عندكم

كنزة بهمس قالت فودنيها: ناري ياختي كتنكري علييه بحالا ماشب نتي اللي كنتي عاد داباا غتسطي بالبكى علييه يخ منو عيني فييه..يلاه نمشيو صافي اصلا خلينا اسماء بوحدها غير هي وبنتها يلاه نمشيو

عبد المتقي: خرجو سيرو ماترجعووش عندي سيرو يلاه دار راه كنعرفها…

خرجات الحاجة مغوبشة فييه وكنزة موراخا حتى محمد خرح معاهم وقفو عند البااب وهو يجمع التبسيمة بجدية كيهضر معاهم…

محمد : مابغيتش نهضر قدامو ولكن هادشي اللي كديرو معاه ماشي معقول..نكون معاكم وااضح سي عبد المتقي وصل لواحد المرحلة اللي اي حاجة تعصبو ولا تستريسييه مامزياناش ليه ابداا…القلب على قد الحاال وطونسيو نازل طالع ايلا بقى بهاد الحالة فاي لحضة تضرب ليه شي بلااصة وغنوليو فيما لا يحمد عقباه..

الحاجة: هو اولدي كيعصب راسو ماكينش الي كيخسر ليه شي كلمة ولا يقول ليه شي حاجة هو غير جبد ليه اسماء ورجع لور كيولييو فيه عشرة شكون قال ليه شي كلمة دابا شكون..

محمد:انا ماعرفتش اشنو وقع ولا اشنو سمع(شاف فكنزة مطول وهي حدرات راسها) ولكن مرة اخرى غنقولها لييكم اي حاجة فيها السطريس.. خلعة بزاف ولا حتى الفرحة بزاف يبعد منها حاولو تخليو الوضع مرتاح حداااه ايلا كان شي مشكلة بعدوه علييه…

كنزة: ماكينش شي حاجة يشربهاا ولاا تهدنو واخا ماكنديرو ليه والو كينوض يحيح ويتعصب علينا من اقل حاجة غير ايلا خلينا ضو شاعل علييه كيبدا يغووت وحنا ماعارفيين والوو وحتى علاش..

محمد: ماعندو مايدير بشي مهدئات ايلا تعصب بزاف مامزيااناش وايلا تهدن بزااف حتى هي مامزياانش ماشي حتى لهاد العمر وترخييوه يبقى غير كيشوف فعينيه مجاتش غنعطيه مهدئ خفييف ومنشط نهار اه نهار لا ياخدو…دابا سيرو للدار ارتاحو ماتخليوهاش بوحدها وغدا انا غنجيبو حتى للدار ماتعدبوش حتى لهناا..

الحاجو: الله يرضي علييك اولدي الله يكتر من متاالك..

محمد : واحب الحاجة..

وقفات حداه كتدعي وتعااود وهو حادر راسو وايديه فجياب طابلية حتى قاطعاتهم كنزة..

كنزة : بغيت شي كافي من حدي هناا تكون الكافيطيريا مزال..

محمد : مزاال عارفة فين جات

كنزة: ااه اه فايت ليا مشيت ليها تسنايني اماما هنا هانا جاية..

خلاتهم ومشات بخطوات سرااع حتى تخزنات عليهم وهي تقصد الغيسيبسيوون وحلات صاكها جبدات البزطام ووراقها خلصات ليلتين عاد رجعاات عندهم مرتااحة خدات كافي ومشااو خارجيين وصلهم حتى لطوموبيل دكنزة مشااو قدامو وهو رجع عند عبد المتقي بقى جالس حدااه وعبد المتقي كيشكي علييه مكشكش بدون مايدكر لي دارو ولادو ومحمد كيسمع لييه عاطيه الخاطر حتى تهدن شوية ونعس عاد وصى عليه الممرضييين وخرج مشى للدار…

ضو مطفي فالدار كاالملة واضح عليهم كل واحد قصد بيتو ينعس وهو دخل لبيتو لتحت نيشان دوش علييه من العيى بدل حوايجو عاد طلع غير ب بانطوفة وتقااشر بيضين وسروال دصيرفييت وتريكو دالخيط سخون دق دقة وحدة على بيت اسرااء وحلو دخل شعل ضو وهي تباان ليه وااقفة فالضلااام شادة كاس فايديها كتنش على فمهاا بسرررعة مكمشة ملامحها باغة تبكي وهو يقرب عندها باستفساار..

محمد: ماالك..اسراء ماالك اشنو شربتيي..

اسراء بارتبااك خبات لكاس : و واالوو..

محمد: ماالك..اسراء ماالك اشنو شربتيي..

اسراء لارتبااك خبات لكاس : و واالوو..

محمد:كيفاش والو اشنو هادشي….اري نشووف..

خدا ليها الكاس وشمو وهو يمكش ملااحو من الريحة القااصحة اللي فييه وعقد حجبانو فيها..

محمد بحدة : اشنو هادشي..اشنو كّلت ليك انا..همم!

ماردااتش علييه كتنش على لسانها تحرق فالوقت اللي حسات بيه داخل لليت وهي تشرب داك العشووب حاريين وسخان من البوطة لفمها حتى تحرقت وهو تنهد وعطاها كاس دالماء تبرد بييه..

محمد: واش مكتسمعيش للهضرة راااه دااوي معاك !!!

اسراء حدرات عينيها بصوت هادئ : غ غير شربتو سخون ..

محمد هز لكاس مرة اخرى قربو لنيفو شمو وبعدو علييه دغياا بقوة ما ريحتو قاصحة ماعرفش كيفتش كتقدر عليه..

محمد: مكتسمعييش للهضرة هاا! يااك قلت لييك ماتبقايش تشربي هاد المرض… علاش كديري اللي فراسك..

اسراء : مكنشربوش بزاف غير مرة فنهار..

محمد هز ايده بغضب : علاش كتشربييه..اشنو فائدة هادشي شحال ونتي كتشربيه شهر شهيرين فادك بشي حااجة شفنا شي حااجة علاش هاد تخربييق..حيدي داكشي اخر مرة نشوفك كتشربييه..

اسراء:واخاا..

محمد: شوية دابا؟

اسراء:شوية مابقاش كيحرق كيف لوول….فف

محمد: اخر مرة نلقى عندك هادشي اخر مرة….دابا دويت معاك هاد لمرة عطيتك لاطونسيون مرة اخرى غنقلبو عليك..تعشيتي..؟

اسراء: ااه كنت بغيت نتسناك وقال ليا عمي غتعطل تعشينا مجموعيين…نجيب ليك عشاك..؟

حرك راسو بايجاب وتمشى ناحية البيرو اللي عندو فداك البييت محني على ركابييه كيقلب وهي خرجات للكوزينة نيشان حطات ليه غداه يسخن وجبدات تيليفون من جيبها دوزات رقم الام ديالها لحضاات حتى ردات عليهاا بصوت نعسان..

الام : آلوو حبيبتي ياك لباس !

اسراء: ماما فيقتك واقيلاا

الام: لا اماما خودي راحتك مالكي

اسراء: بغيت غير نقوليك شربت العشوب اللي عطيتينيي عاد شربت كاس دابا يسحابلي محمد غيتعطل حتى دخل على غفلة شربتو سخون حسيت لسااني تحرق ليا مابغيتوش يشوفني كنشربهم ولكن شافني وخاصم علياا..

الام بخوف : سي فري واااش بزاف صافا شوية داابا ؟

اسراء: لا لا غير شوية ماشي بزاف برد عليا شوية ..

الام : ردي الباال علاش ايلا شربتيهم قدامو اشنو فيها على مصلااحتك ومصلاحتو كتاخدي داكشي نتي كرهتي فييه اشنو بغاك ديري…شوفي احبيبة دابا شربتي داك الكاس مزيان وغتحسي بداتك شوية سخنات علييك كيف العادة يااك

اسراء: لاا ماحسييت بواالو ..

الام : دابا تحسي بيها بلتاتي شوية يخدم فيك دااكشي فداخلك غير لسانك واقيلا عاطيك الحريق مامخليكش تحسي بداتك..دابا سيري ارتاحي ليك شوية ونعسي ماتضيعيش فيك نعاسك وصبحي ناعسة ارتااحي مزيااان ونقصي من الحركة بزااف كيف وصييتك

اسراء: ماكنقدرش نصبح ناعسة الغوات فالدار بزاف واخا عير الحاجة وخديجة ماكنعسش راك عارفة ايلا مكانش الكالم ماكنقدرش نعس ولكن كنحاول…ماكنخرجش عندهم كيف قلتي ليا واخا كتعيى فيا الحاجة نجلس معاهم كتقول ليا عمري عليا ولا مانعرف

الام: شوفي اماما بالحمل ولا بلا بييه خلي شوى دالتيقار مع عكوزتك ديك الهضرة الكتيرة ودخول فسوقك ولا دخلي فسوقهم ماعندك مايري بييه نتي مشيتي عند راجلك مامشيتيش تعمري عليها …جلسي مع راجلك وتسناي حتى يحن الله ووتخرجو من تما انا سكنة العكوزة نهار لول مابغيتيهاش ليك راك عرفيتيني غير خواتاتك الله يهدييهم…تيقار مزيان ابنتي وديك قوة الهضرة ماكتجيب غير المشاكل مافيها باس خرجي صبحي عليهم فطري معاهم تغداي معاهم ولكن قوة الهضرة والحتييت لا ولااا ماعندك ماديري بيهااا وراك شفتي ختك اش واقع ليها مع عكوزتها مدوزاها من عين البراا بالحق ختك اللي بهلولة الكلمة اللي كانت تحطها عليها حتى ولات شادة ليها اللجام ومسيراها بايديها….يلاه احبيبتي نخلييك سيري تنعسي شوية حتى لغدا ونهضروو..

اسراء: بون نوي تصبحي على خيير..

قطعات عليها ووقفات على العشى كتقاد وتصاوب فيه وهي كتستشعر حالة جسمها واش غتحس بالسخونية كيف قالت الام لكن ماكانت كتحس بحتى حاجة من غير لسانها اللي جلدتو طارت بالسخونية حتى جات عينيها على الكسرونة اللي غلات فيها العشوب باقي فيها عبار كاس تقريبا وهي تمشي ليه صفاتو وشرباتو هاد المرة كان برد نزلات عليه كامل على الله تحس بالسخونية اللي قالت الام وهزات بلاطو فيه العشى ومشاات للبييت لعند محمد خلاتو يتعشى وتخشاات فبلاصتها عطاتو بالضهر ونعسات قبل مايجي حداها فحين هو غير تعشى غسل حالتو ورجع للفراش لحضات عينيه في صقف البيت وسط الضلمة حتى تقلب حتى هو عاطيها بالضهر ونعس…

ما دازا هلى نعاسو ساعتين محسووبين بالدقاايق والتوااني حتى حل عينييه كيتصنت لصوت الانيين الخفيييف اللي كيسمع…ماعرفش واش حلم ولا حقييقة ورضى فيلااصتو مركز مع الصوت كيتصنت حتى حس بشي حركة تقييلة فوث الناموسية وحنبو بالضبط عاد وضاح ليه صوت اسرااء اللي كتنيين بحابا كتبكي وهو يشعل الفايووز وتكعد ضاار لعندها كيفيقهاا بصوت هاادئ وهي تلفت عندو بصوت باكي وجخها مكيبانش بالضلاام..

اسراء : كرشيي كتحرقني بزااف امحمد الوجع قتلني ااي..

محمد عقد حجباانو وتهز : كيفاش..بلاتي !!

بالخف ناض شعل الضو عاد وضاحت لييه الرؤية ومشى لعندهاا كيحقق فيهااا وهي تشد فايديه بغات تكعد تنوض وهو يحيد عليها الغطى حتى طاحت عينيه على الفرااش البيض تحتها ولاا احمرررر بالدم عقد حجبانو موسع عينيه وقبل ماتشوف فين كيشوف هز راسها عندو مانعها..

محمد :شووفي شووفي لعنددي..م ماتخاافييش قولي ليا باش كتحسي اشنو عندك

اسراء خلعها بنبرة صوتو : اااشنو وااقع ماالي علاش مانخاافش م مااكنحس بواالو مابقيت كنحس بوالو

محمد : قلتي ليا الحرييق فيين مزال كتحسي بييه شوفي فيا

اسراء: ماكن..ماا ماكنحسش بيييه( حدرات عينيها فين كيشوفه وهي تخرجهم بفزع) ن نااري دم ن مااالي اشنوو واااقع دم دددم امحمد

محمد: مااتخااافيييش شوفي عندي دوييت معاك مااكين وااالو نوضي اجي معايا قادرة توقفي….وقفي نشوف

اسراء: ماقاادراااش (تطوات على كرشها مزيرة بالحرييق كتبكي) كنحس بالوجع كيضووور من ضهري وكرشيي ناااري دم بزااف .. غنمووت ياك انا غنموووت

ماردش عليها خرج دغيا من البييت نزل للداار عندو لتحث كيقلب وسط الدواياات لي عندو تما حتى جر وااحد ورجع طلع لعندهاا عطاه ليهاا مع الماء لحضات حتى هدا عليها الحرييق ولكن النزييف مزاال بحدة كثر من لوول وهو تالف ودايخ كيضور عليها من هنا ولهييه بحالا عمرو كان طبيييب دوخاااتو حتى لواحد لحضة وهي تنزض كتغووت مرة اخرى بالحرييق وهو ينوضها عاونها لسات العباية ديالها وشاالها وهو كيلبس فدجتكيتو وكيشوف فيها شادة على كرشها كتبكي وتنيين بالحرييق غادا جييهت الباااب خرجات سابقااه ومشى وراها يلاه خرج وهو يلقى خديجة فوجهو حاية كدير شال على رااسها مقلووبة بالنعااس كتسول وهو بالو مع اسراااء كتبان ليه كتزييد بزز مافكرش جووج مراات وهزها بيين ايدييه حتى طاح الشاال من على رااسهااا وحرك بعينيه لخديجة…

محمد : قادييه لييه دغيااا

خديجة: يااك لباااس اخويا اشنوو واقع ماالهاا(قداتو ليهاا وهو نزل بيها كيطيير من درووج للطوموبيل نيشان وخديجة تابعااه كتسول مخلوعة

خديجة: انا غنقولها للحاااجة نلحقوو علييكم دابا

محمد : لا ماتعلمي تااحد حتى نصوني لييكم

طلع للطوموبييل فرمشة عين كسيييرا بسرررعة كيصوني لمناوبين اللي فالكبينييك يوجدو رااسهم مالقاش الطبييبة نسائية مزال مادخلاش غيرا لاطبااء للي كاينيين طريق كلها وهو كيوصوني حتى نوضها من دارها من نعااس جاية كتجري لكلينييك ماجا فين يصول حتى لقاها سبقااتو مع لباااب دخلو اسرااء فالكرسي المتحرك وهو غادي مع الطبييبة هي كتسول وهو كيجااوب حتى وصلوو للشومبرا المعاينة دخلات معاها اسرااء وهو بقى عند البااب كيتسنى ماقدرش يدخل معاهاا خليهم فاص ا فااص…

ومشى جلس فالكرسي اللي كااين تما موسع رجلييه وعينيه فلرض بسهو كيشوف فايدييه كيترعدو ودراعو كلو عاامر بالدم فاش كان هازها تلمع كاامل وسد عينيه وحلها كيستغفر داخلو…الخلعة كانت باينة على ملامحو وعينيه اللي غير كيضورو مارااصينش كيشوف فاي مكان ويشتت فافكارو فكل مرو سهى فشي مكان كيطوحو فبالو اسوء السيناريوهاات خاصة كل مرة داخلو فرملية خارجة لاخراا وكل وحدة بلبستها مطبعة بدم ماعرف اشنو كيديرو ليها لدااخل… لحضاات طويلة وهو كيتسنى كل دقيية كدوز علييه بالسواايع حتى وعى على رااسو وناض بسرعة مستااعد بغى يدخل عنندهم حتى تفتح فوجهو الباب وخرجات منو الفرملية بنظرات متأسفة وهو عكسها بنظراات مستفسرة كيحااول يسرق النضر داخل الغرفة يشوف اشنو كاين مبان ليه والو حيت الغرفة كبييرة وواسعة والاسرة مخفية على البيبان..

قربات عندو الطبييبة وحركات ليه رااسها بتأسف خاشية ايديها فالطاابلية..

_ممكن نهضرو شوية دكتور..

محمد: نشوفها ونهضرو….اشنو كاين شنو عندها..

_ماكرهتش تخليها ترتاح بزز باش قدراات تكالما غتكون سمعتي غوااتها اجي معايا عفااك..

دوز ايديه على وجهو كلام طبييبة زاد طيح فيين النص ومشى موراها خطوات تقااال حاس برااسو خوا من سنبين القراية وكاع المعلوومات اللي واخدهم فالطب هربو من دمااغو هاد اللحضة رغم انه حتى كون دخل ماعندو باش ينفعهم تخصص جراحة الدماغ لا علاقة له مع طبيبة نسائية ولكن ماقدرش يفكر شنو ممكن يكون عندهاا ماقدرش يطيح فباالو شي توقع ولا شي فكرة..تبع الطبييبة حتى بعدو شوية على الشومبر ووقف بتركييز كيتصنت لكلامها..

ضوء النهار خفييف بدا كيطلع والممرضيين كيتبدلو شي كيخررج شي كيدخل واللي عندو شي مرييض كيدخل يزيرو كيف الحاجة وخديجة وحتى الحاج دخلو مع البااب كيقلبو بعينيهم شافتهم واحد الفرملية دغيا عرفاتهم وداتهم حتى للشومبر اللي فييه اسرااء بلاما يدقو البااب دخلو عندها بتلاتة بيهم وهو يبان لييهم محمد واقف عليها مبدل التريكو اللي عمر بدم بقميجة جدييدة وطابلية على كتافو بهيئة طبييب تلفت فييهم واسراء قلبات وجهها لجيهة لااخراا كتبكي مابغاتش تشوف فييهم..

الحاجة:ياااك لبااس اوليديي يااك لبااااس ااش وااقع مااالهاا اسرااء..اسراء مالكي ابنيتي ااش عندك مااالكم..

الحاج: بشوياا اهاد المراة خلينا نسمعو اشنو كااين….(شاف فمحمد) قالت لينا خديجة فنص لييل جبتي مرتك للكلينييك اش وااقع ؟

تننهد محمد وشااف قداامو وهو كيسمع الحاجة كضور باسرااء محاولة تهضر معاها واسراء قالبة وجهها مكتجاوبها ماكتشوف فيها…

محمد: الواليدة..اجي معايا خليها ترتاح شوية ااجي

الحاجة: علااش اولدي قول لياا اشنو عندها خلعتوني اااش كاااين ماالكي ابنييتي بغيتيي مك بغيتيها عيطت ليها قبل مانجي هاهوما جاايين فالطرييق الله يابينيتي الله وشحاال خلعتيني الحمد الله حاالة عينييك اشنو عندهاا امحمد ..

محمد: واجي نقولييك اش كااين يلااه….(شاف فالفرملية) رانيا جيبي ليها فطورها ماتعطيها حتى كالمون برااكة غتنزل عندها د.مفتااح خليها فايقة

رانيا:مابغاتش ادكتور تفطر قبل ماتدخل عندها جبتو ليها ورجعاتو..

محمد: جيبييه ليها انا الي غنعطييه ليهاا..اجي الوالييد..

حط ايديه على كتاف الحاج وخرجو معااه والحاجة وخديجة قداامهم وقفو عند الباااب كيتسنااوه يهضر والحاجة كلها كترجف دم مسقوط من وجهها بقوة ما كانت بيضة صفاااارت وهو خشى ايديه فجيب طابلية وتنههد.

الحاج : ايواا اولدي خبار الخيير اشنو كااين قالت لينا خديجة لقات شي حاجة صباح فالبييت ماتخلعناااش الله يرضي علييك اشنو كااين…

محمد : اسراء..وقع ليها اجهاض..

الحاجة ضربات ايديها : والله ايلاا كنت عاارفااااهاا

الحاج:الله واكبر..الله واكبر….(بعدم فهم شاف فيه)ولكن كيفاش اولدي امتى مم

دوز ايديه على وجهو بنظرات هاادئة حجباانو مرخيين بحزن وااضح على ملااامحو قدرات تميزو من بينهم غير خديجةحيت الوحيدة اللي كانت مركزة معاه اما الحاج الحاجة دايخيين مع هاد الخباار..

محمد: ماعرفتش الواليد…ماعرفتش هادشي كيفاش وقع ولا امتى تاكيقولو ليا دارت اجهاض امتى حملااات مافهمتش… غير سيمانة دابا كيقولو ماكاينش الحمل وصعيييب يوقع ودابا كيقولو حاملة فالاسابيع الاولى و وقع ليها اجهاض مافهمتش..

الحاجو: كنت عارفااها والله حتى كنت عارفاها حسيت بيهاا..كاينة اخديجة ولا لا حسيييت بيها…لا بيض ولات تااكلو غير تحطو ليها خديجة طير عليها قلت انا فلول غي ماتفاهمتش مع خديجة قلت ليها ماتبقايش الالة توجدي ليها شي فطور انا نعطيه ليها غير نعطيه ليها تاني تقول ليا زفر اخاالتي زفر مازفر وهو ريحتو على مزينااتها..ومرتاديلة اللي كنجيبو على قبلها تاهي مابقاتش كضور بيها ودجاج حتى هو..

خديجة: ولحامض الحاجة..

الحاجة: و تاني غير تشوف الحامض عينيها يتحل فيييهم كي البنية صغيرة قلتها ليها ابنيتي ولا لا.. قلت ليها سيري شوفي طبيبة ولا قوليها لرااجلك را عينييك ماشي تالهيييه وانا كبر منك ماتكدبينييش..

خديجة: قالت ليها مانقدرش نمشي نخاف تاني نفرح ويقولو لياا ماكيين والو..

الحاجة: والله اولدي تاكنت عارفاااه الله ياااربي الله(جلساات جنبو شادة زيف عند فمها كتبكي حتى ولات حمرة) الله ياوليدي الله

الحاج طبطب على كتف محمد : مادييرش فبالك الله يرضي علييه ربيي كبيير ماكتخسر حاجة تاكتربح ماحسن منهاا…الله يعوضك ويعوضنا فييه خييير الخباار المليحة هي ان شااء الله مزال فيين تولدو لا هي عاقرة ولا نتاا الحمد الله كل شيئ خلي ايمانك فالله قوي اولدي حمد الله..حمد الله على كلشي..

محمد: الحمد الله…ماتبكييش الحاجة واش دابا نسكتك ونتي ولا هي برااكة الحال ماعالم بيه غير الله ماتزييدو تكملو حتى نتوما امنى بالله والحمد الله على كل شيئ..لا اعترااض فقرااره بغاه ماعندنا ماندييرو الله يعوضناا فيه خير واخا بلاصتو ماتعوضش..

الحاجة : ااش غيعوضها مسكيينة ماكيين اللي يعوض الكبيدة ماكين اولدي سولني انا اللي حاسة بيها والله واحد مايحس بيها غييير..الكبدة صعييبة اولدي صعيييبة حسن عواانها مسكييينة حسن عوااانها

الحاج: هي شوية امحمد متقبلة الامر اش بان لييك…

محمد : المشكلة ماشي هنا..اسراء ماشي اول تجربة…ديجا عااودت لياا شي ختها ماشي بزاف غير شي عام تقريبا سيمانة ورا ولادتهاا مات ليها الولد اللي كانت تقريبا اسراء كل دااك سيمانة وهي معاه…ابار على كتلوم رااسها على موتو..الجرح تضبر مرة اخرى…خالعاني حالتها مانكدبش عليكم..

الحاج: لا حولة ولا قوة ايلا بالله…الله يجعلهم ملاائكة في الجنة يااارب..الله يرحمهم

الحاجة: هو داك اللي كان مات مخنوق مسيكين لا كانت قالتها ليا حتى مها….

حرك راسو محمد بايجاب والحاجة ماقدرااش تصبر خااشية راسها بين ايديها وكتبكي حتى جات الفرملية بالفطور دخلو معاها محمد …

يلاه عاونها تكعدات بكلاام هاادئ محاااول يخرجها من حزنها ويعيطها اماال جدييدة تشبت بيييه فالمستقبل حط قدامها البلااطو وبدا كيعيطها تفطر حتى بداا كيمسع صوت الغواات كثثيير وبالكى والهضرة مخلطة بالعربية والفرونسي عرفهم عائلتها جات وهي غير سمعت صوت الام ديااالها قلبات علييه وجهها وبدات كتعيط ليها بالبكى حتى دخلات عليها وهو ناض خلاها عنقااتها كتبكي هي وياها رغم انهم ماعارفينش اصل الموضوع لكن بمجرد انها وسط سريير الكلينييك خلعتهم…

خواتاتها خمسة بييهم بوليداتهم دخلو عليها ومحمد خرج خلااهم كيهضرو بينااتهم عاطيها هي الفرصة تعاود ليهم وتخوي قلبها غير ترتاح شوية…

على صوت الضحك دخلات الحاجة ام اسماء للبيت عندهم فايديها صينية ديال الفطور وهي كتشوف فاسماء جالسة فوق الناموسية حاطة ايديها على جنابها ب بيجامة سخييخنة غوز بيبي فيها ارنب بيض على كرشها وزيف حياتي بيض على راسها كتبان منو ضفيرة شعرها الاسود رغم انه كلو تقريبا طااح غير خصلات خفاف اللي بقاو فيه….رغم الضعف اللي ضعافت بحال شي بنية صغيييورة ولات ورغم المرض مبسمة مرة مرة كضحك ورجليها مطلوقين لتحت شاداهم كنزة كتطلقهم وتجمعهم لحال شي ترويييض كتسرح فيهم الدم وهي شادة فيها واسماء غير كتضحك وجهها منور وعينيها لاامعيين مع بريق الشمس الصباحية فجو شتوي كتطل علييهم من شرجم وريحة اتااي كيتشحر من الكوزينة جاي تالعندهم..

بصوت هاادئ تقيييل شيئا ما مزال مارجعات لصوتها الاصلي..جمعغت الضحكة اللي فالتة ليها..

اسماء: واخا تهضري تالصباح راه انا معاقلة على واالو هادشي اللي كتقولي ليا بحال داكشي اللي كتبغي تفرج ليا فيه تسنييم هادوك مسلسلات الرعب الهندي اللي كتجي ف سبت والجمعة بحال هكااك هههه

كنزة : والله العضييم سولي ماما..اويلي سيد شبعات فيه تصرفيييق عرفتي اول مرة بدا كيقرا علييه قالو لينا هزيتي ايديك حتى هزيتيها ونتي تعطيها لييه للصدر هههه حمدي الله ماجمعهاش معااه

الحاجة: اودي الحمد الله الحمد الله ربي كيبيير….ماتبقاوش تهضرو فهادشي صافي طوييو هاد الكلااام الحمد الله دازت على خييير الحمد الله على الحاج ربي نزلو عليهاا كي ساروت الخييير..شكون قال تاني ترحع لينا الضحكة شكون قال…

حطات الصينيية وجلسات كضور عينيها فالبيت حتى جات على شبكة الالعاب فوق الماريو…

الحاجة : وكون سعفتوني دييك الشبكة تاهي حيدوها عليا من تما مابقيت حاملة نشووف فيها..مابقاتش فيها تييقة..

اسماء: علااش؟؟

كنزة خرجات عينيها فالحاجة وعضات فمها تسكت وهي قلبات عينيها فيها..

كنزة: : اايه اييه حيديها باش تجي تحيير لينا ديك نص ميترو اش جاب مايفكها معااك..

اسماء: مالقاتش ديك المونيكة بغات تسطى ليا لبارح تاجات عند رااسي كتقول ليا فنص ليل نوض نقلب عليها ماعرفتش فين شداتها

كنزة:دابا نبدل ليها ديك شبكة كاملة مابقى فيهم مايدااار نحيدهم ونجيب ليها وحديين جداااد..

اسماء: الحاج مجاش اماما تعطل ليوم لا..

الحاجة: دابا يجي باقي الحاال…بغيتيه..

اسماء: بغيت غير نسولو من لبارح ماشفتو ماهضرت معاه على خاطري شحال من مرة كنبغي نهضر معاه ماقال ليكم حتى حاجة على هادشي ….

الحاجة: م ماقال واالوو ..قاليك غير تخطيتي شي قادوس ولا مانعرف ماديريش باالك الحمد الله على ايديه جات الشفااء(بدا تيليفونها كيصوني وهي تجبدو وشدات على راسها) عمتك تااني كتصوني خفت نقوليهاا وليتي شوية تجمع ليا العائلة كلهاا وتجي وانا يلاه رديت راسي لياا تئ…

اسماء: خليها تجي اماما عطيهم صوابهم مساكن غير عيطت ليهم كلهم جاو عندي انا قلت موحال باقين يتفكروني ..

كنزة:تانا ساعة ولاو كل نهار كيجيو يطلو علييط مانسحابهمش حناان لهاد درحة هههه…

الحاجة: هاهي قطعات كااع خليها تاتعاود تصوني…باك صباح نوضتو للفجر بالحق صلا غير هنا باقي عيان مسكين..قاليا باغي يدير شي صدقة ما صدقة ايلا دارها نعيطو عليهم كاااملين يشوفوك وياكلو اللي قسم الله ونجمعو ونطوييو …هاااهي كتصوني بلاتي نهضر معاهاا نسخن ليكم المسمن اسما تاكلييه..؟

كنزة: لاا لااا جيبي ليها دوك رغاايف اللي جبت فالفريكو سخنيهم ليها المسمن غيضوور ليها غير المعدة…

خرجات الحاجة كتهضر واسماء هزات راسها لفووق ضاحكة ونزلاتهم تشوف فصباع ايديها كتحركهم عاادي وحتى رجليها واخا تقال عليهاا شوية تنهدااات بفررحة…

اسماء: فين درااري تاحد ماباان لياا..من لباارح لاهوما لا عيالاتهم..

كنزة: خليهم علبيك لاش غير صداع راس..شوية رجلك ؟

اسماء: مممم مزيااان..

سكتاات شوية فرحانة بدااتها رجهات لطبيعتها ورجعات دوات..

اسناء: كنزة…عرفتي اشنو تشهييت لباارح..

كنزة: مممم شنو..شنو تشهيتي

اسماء: ماضحكييش عليا..

كنزة شدان ضحكة: ههههه قولي

اسماء: بديتي بالضحك وبغيتيني نقول ليك

كنزةلاا هههه والله مانضحك..

اسماء: تشهييت نساافر..

كنزةنساافروو غير وقفي على رجلييك من غدا نمشييو..

اسماء:ولاا مابغيتيش غير هنا…(علات حجبانها جيهت الشرجم شافت فالسماء) بغييت لهيييه..نسافر فالطياارة..

كنزة فهماتها وجمعات الضحكة وطلعات جلسات حداها :دخلت علييك بالله..

يتبع