كولها تلاح فبلاصت، زهرة ورشيد تافقو على هدنة على مدووز الخطوبة دبنتهم عاد يفكو حريرتهم وبرغيب باش قبلاتلو واخا اصلا فدماغها داكشي للي كانت غدير ميمكنش تخسر فرحة ديال بنتها واكترية لقاتها طايرة بالفرحة..
خديجة: (متكيين فلببيت) ملاك غدا نمشيو للصالون
ملاك: ممسالياش غدا ماما مسخراني عاود
خديجة: عفاااك ياله معايا تختاري معايا شحال من حاجة
ملاك: راه ماما مخلات فين سخراتني نخلي السخرة ونمشي نشد الركنة معاك فالصالون (مابغاتش تزيد فيه) وغدا نعيمة غتجي مغنحضرش ليها حتى فاش غيوصلو راه من الخدمة للسخرة شوفي مع مريم واش تمشي معاك راها تبغي
خديجة: اه اه شحال وليتي قاسحة
ملاك: (سكتت مركزة مع حمزة فالشات) اممم
خديجة: عرفتي احسن حاجة درتيها هي رجعتي ل..
ملاك: (ضارت فيها) واش مريضة اصاحبتي راه سطولة عمرو حدانا (كتشوف فولاد عمها للي ناعسين حداهم)
خديجة: هههه والله حتى فرحت ليك
ملاك: معندك لاش تفرحي حيت اصلا مكاين والو عقلي معامرش غير بداك تخربيق.. (ضارت للحيط مخلية vu لحمزة ودارت سيري للي كتفرج فيها فالطابليط..)
خديجة: منين جاتك الطابليط
ملاك: شريتها بفلوسي…
~~~~~~~~~~
اصبحنا واصبح الملك لله..
اليوم نعيمة وراجلها غيجيو ويجيبو بنتهم اول مرة، وباش فالغد ليه يحضرو للخطوبة مع دخلو للدار وكان مستقبلهم باها وجدلها هز لبنت وهي دخلت كان حولي فوسط الدار وكولشي عنقها وصلاو على نبي فرحانين ببنتهم وحفيدتهم ذبحو الحولي وتجمعو على كاس أتاي والحلوى تحط لغدا وكولشي نااشط نعيمة لحقات على خديجة للصالون ورجعو بجووج بييهم
مريم: (غير حيدت خديجة الشال بقات مبرقة عينها متبسمة دليل على الاعجاب) تبااارك الله بان فيك الصالون جيتي غزاالة وكايح عليك السر ماشاء الله عليك
نعيمة: ههه قلتها لها حتى انا قلت نمشي ندور بالحالة ولكن قلت حتى يقرب سبووع وندير شي حاجة وااو فمكناس
مريم: حتى انا نمشي ههه
خديجة: ههه خليوني انا نبان زوينة عفاااكم
مريم: ورااك بااينة نتي هي لالة لعرووسة، ورديتي تبارك الله صحتك والوجه تنور ولحنيكات طلعو وجاوك لميش غزاالين
نعيمة: مولاي السلطان غتخليه بلا عقل (بقاو شادين فيها وهي فرحانة غير كظحك عجبها راسها وزادو خوتاتها طلعولها المعنويات كتر وكتر دخلت ملاك معطلة وشالها عوج كملت السخرة للي بقات ليها وعاد الطيابة للي دارت معاها ومشات لمول دجاج زادت شي حاجة ولحم وديسير، سلمت على نعيمة وشدت لبنت للي جابت ليها كورميط ديال ذهب)
نردولك احبيبتي فسااعة الخير واا نوضي الزمرة جيبينا شي زعر وطويل وشنو اخر كتقول
مريم: ههه وبيض ولباس عليه
خديجة: (غمزتهم) هو نيت راه اونفاص معانا (كتبسم)
نعيمة: الاااا متقوليش رجعتي مع حمزة ياك نتي للي مبغيتيش تكملي معاه فاللول
ملاك: مرجعتش هاد زمر غير كتسبق الأحداث هو لاسقني وانا مبغييتش
مريم: توما مالكم بجوج وليتو بحال القط والفار!!! أبعدا فسليت كتكون عقل واحد متافقين علييه
ملاك: (عوجت فمها)
نعيمة: خديجة ورينا خطييبك شنو سميتو حقا
خديجة: سيدي يوووسف هه (جبدت تصويرتو ووراتو ليهم)
مريم: عندك ومخبعاه علية بنت الهم!! (مشات حدا نعيمة كيحنززو ويبرݣݣو) هاي هاي على الزييين وباااين كلاص السيد
نعيمة: (كتزوومي فيه مزيان) ماشي هدا للي كان معاك فلوطيل داك نهار املاك؟!
ملاك: (صدمتها) اشمن اوطيل؟!
نعيمة: فمكناس وهو نيت ديال نهار العرس وللي سهرتي معاه ففاس
ملاك: هه هانتي على لبرݣاݣة.. هو هداك
مريم: واش نتي للي عرفتيهم؟!
ملاك: هههه اه أنا للي عرفتهم بجوج…
خديجة: (معجبهاش هاد الحديث) اوا المكاتيييب وصافي
نعيمة: لا لا بلاااتي.. واش هو للي كنتي كتقوليلي عجبك وعرفتيه مفهمتش واالو!!!!
خديجة: (معجبهاش هاد الحديث للي ضااير) المكاتب وصافي
نعيمة: لا لا بلاتي نفهم!! واش هو للي كنتي كتقوليلي املاك عرفتيه وعاجبك وكذا!!!! (بقات كتشوف فيهن كتسنى منهم جواب) مفهمتش!!!!
ملاك: حتى انا مفهمتش
خديجة: (بعصبية) شنو للي متفهمش!! ملاك نتي زدتي فيه لا؟!
ملاك: (باستفزاز) مثلا!!!
مريم: بشوية هضروو.. شنو واقع بيناتكم؟!
نعيمة: (شهقت) متقولولييييش كان مع ملاك وشوية بغا يتزوج خديجة
خديجة: هو مكانش معاها كان معتابرها غير ختو وصافي من اللول مكانتش عينو فيها ولا حتى عاااجبااه
ملاك: (بقات كتشوف فختها معرفتش علاش بقا فيها الحال) اهاااه عندك الصح
خديجة: (بعصبية) كتهضري بحال انا خطفتوولك
ملاك: (ببرود) سمعتوني البنات انا قلت هاكا!!! (زادت فنبرة الصوت) والا على لغوااات حتى انا كنعرفلو ونفوووتوو لهييييه.. سمعي اخديجة هبطي كواريك معايا بلااااا منحطووولك فسطل وللي جا يطل
خديجة: اش غتحطي واش عندك متحطي!!!
مريم: (وقفت فالوسط) سكتوووو واش حماقيتو
ملاك: محماقيتش تبعدني عليها انا عطيتها التيساع تبعدني.. ياك انا مقلت والو، نعيمة للي عقلت، واه انا كنت مع يوسف مقلنا واالو ولكن هي كانت عارفة نيتي معاه وشحال كنت كنعاود عليه وحيت انا من اللول حديتهم ليه، مشا عندها.. عادي
خديجة: (مشات لجيهتها حيت استفزااتها ومريم وونعيمة وقفو فالوسط) حتارمي راسك لوكان بغاك وكان جا عندك ميشووفش غيييرك هدا اصلا الا فكر فيك شي نهار
ملاك: ههه نعاودلك هضرتو منين كان كيسولك واش مقالت ليك والو ولا فاش كنت كنجي ونقولك راه عاجبني مزالة حاااسبة انا بقا فيا الحال حيت مشا عندك!!!
خديجة: متحمقينيش املاك يوسف كيعتابرك ختو وحتى نتي مكان عندك غراض فيه
ملاك: (بعصبية) وسيري ت*** نتي وهدا للي وامل خ*** وجاب يتزوجك (كيدخل باها ومها يشوفو هاد الغوات علاش واصل لبرا محست غير باها جمع معاها بتصرفيقة على حساب تخصار الهضرة)
رشيد: لاااا مزياااان تبارك الله
ملاك: (بعصبية) مضربنييييش معندكش الحق ضربني
رشيد: (بغا يزيد يضربها وكولشي شادو زهرة طارت سدت لباب ميدخل حد) والله يا مك حتى نذبحك
ملاك: (كتشهق ولكن بلا بكا) مدرت والو علاش ضربني!!! نتا كتحݣرني بزااف مكتحملنيييش حيت جيت مع الحق
زهرة: اويلي استغفر الله سكتووو… رشييييييد
رشيد: والله حتى نعاود لمك ترااابي يا الضاااسرة مزيان تبارك الله مربي سلݣوطة عندي كتطيح الهضرة وتخرج عينها فية
مريم: (دايرة يدها ففم ملاك باش تسكت) صافي ابابا راك دخلتي فوقت كنا كنتناقشو بالظحك وملاك زلقات ليها الهضرة وصاافي نتا عارفها شحال كتحتارمك وكتبغيييك
رشيد: (كيخنزر فيها) والله وكان ماشي الناس للي برا حتى نوري ليمااااك مزياااان الحݣرة
زهرة: بعد لبنت ارشيد
رشيد: واش هي مبان ليها صداع غير منين الناس كاينين وغدا خطوبة ختها
ملاك: زعما غرت هادشي للي بغيت تقول (ردتها مريم اللور قبل متبلزها عاود)
مريم: بابا سير بدل ساعة بأخرى هي معصبة ونتا معصب مكاين لاش!! الشيطان الله ينعلو ويخزييه حضر
رشيد: (بتهديد) مزال رجعلك
ملاك: (بقات شادة فحنكها كتشهق بلا بكا وبحرا مطلع نفسها ولكن بالصوت وكتخنزر اونفاص ليها وكتفكر وكاين افكار سلبية للي كدور فراسها، عيات الام كتسول شنو طرا فهموها كانو كيظحكو مناقشين بالظحك وملاك خسرت الهضرة وجات فودن باها اما خديجة دارت قرب براكة غير شوفات خوتاتها فيها ميمكنش تزاد حتى مها..)
طلعت لسطح بكات حتى تفشت جاتها حݣرة من باها بزااف ومعرفتش علاش ردوها غارت من خديجة علاش مفهموهاااش!!!
هزت تيليفونها هضرت مع حمزة شوية تبدل الجو مابغاتش تبين ليه انها مقلقة ولا تعاود، ولكن كانت محتاجة غير تغزلو فيها ويهضر على احلامو معاها تحس ان كاين شي واحد عندو ملاك مهمة فحياااتو…
حمزة: غير يكملو إجراءات طلاق انشاء الله ونتفك غنديرو خطوبة ولاكط نهار واحد على منوجدو للعرس
ملاك: ياك مبغيتيش العرس
حمزة: معاك باغي كولشي ومن هنا نقولهالك مكاين لا تأجيل لا والو باغي لولاد من شهر اللول زعما حنا منأجلوش وربي هو للي كيرزق غير متجيش من عندنا حنا
ملاك: (حركت راسها باه كابتة تنهديتها) حتى انا هكا كنت باغية، ولكن كفاش خطبة ولا كط ياكما لقاوني نابتة فشي محبق وكنتسناك غير نتا تجي عندي
حمزة: ههه نابتة فقلبي، (تبسمت بلا خاطر)
من مور العرس نيشان نمشيو لشي بلاصة نعيش مع الزين ديالي مزياااااااااااان عاد رجعوو
ملاك: امم
حمزة: مهم غير غنخطبك غنقلب على شي دار للكرا على ميسهل الله فشي دويرة ولكن غتكون بعيدة من الحوومة بغيت نستاااقل ونكونو بعاد
ملاك: حسن حتى انا كنت مبغيتش نسكن فهاد الحومة
حمزة: للي آمرتي بيه غيكون احبيبة (غير كتنهد) واش راكي فسطح
ملاك: منين بديت معاك الهضرة وانا فيه
حمزة: خسااارة وكان كنت تماك نقز لعندك
ملاك: خسااارة، ولكن عارفة فيك غير الهضرة
حمزة: كتحدايني؟!!! (بقاو كيهضرو ويتمعشق فيها حاس بيها باااااردة معاه بحال غير كتسمع ليه باغي يعطيها فرصة تسامحوو ميبركش عليها وكان متأكد نهار على نهار غيبين ليها شحال باغيها من قلبو ومعقول معاها، قطعت منين مريم طلعت لعندها لاوية عليها كاشميرة ومطلعة اخرى فيدها)
هبطي امريم راه البرد عليك
مريم: هاكي شدي لويها عليك حتى نتي (خداتها منها، وجلست حداها فوق الكرسي) عاوديلي من اللول
ملاك: (تنهدت عاودات ليها من نهار عرفات يوسف فلوطيل الخرجات الهضرة فالتيليفون كولشي، كانت اول مرة تهضر بصراحة وتعاود لشي واحد شنو كاين يمكن يفهموها ويفهمو علاش مقلقة) فهمتي دابا
مريم: من عندي هو للي غالط داخل بين لخواتات كيتعزل فييهم
ملاك: لا ماشي هو حيت حتى مرة مقالي كنعجبو ولا كيبغيني ولكن انا كنت كنعاود كولشي لخديجة حتى فاش تصاحبو عرفتها منو هو ماشي حتى منها
مريم: (تفكرت نهار كانت بغات تخرج عندو وكتأكد عليها متعاودش لملاك وعقلت على جملة من خديجة منين قالت ليها “”راه همزة ومنبغيش يطيرولي بيه””) دابا جاوبيني بصراحة واش نتي كتبغيه املاك؟!
ملاك: لا ولكن كان عاجبني وكنت كنتسنى من عندو زواج ماشي صديق كما قالت كنت كنتسنى منو يدير شي خطوة حيت خدمت عقلي معاه ولقيتو مناااسب
مريم: ودابا
ملاك: شوفي هو عزيز عندي ولكن (بتنهيدة) معجبنيش الحال امريم، والله جاني بحال الغذر منها هي هو للي بعيد علية منين عرفتي تقلقت علاش خبااو وقلبت عليه، شحال بقا كيرغب ويبرر ويطلب سماحة
مريم: حتى انا معجبنبش هادشي مبغيتش نوصلو لهاد لموااصل مبغيتكش تحقدي على ختك املاك مبغيتيش شي واحد يدخل بين الاخوة ديالنا
ملاك: حقدت وللي عطا الله عطاا..
مريم: يمكن ربي مدارلكش فيه خير متدييش فباالك
ملاك: فهمووني انا ماشي غيرانة منها على يوسف (بغات تشرح ومعرفتش تخرج داكشي للي عندها فخااطرها)
مريم: والله حتى فاهماك اختي ولكن ودابا صافي هو جاي يخطبها
ملاك: واا تربح بيه ولكن تنساني انا وتضرب على نمرتي
مريم: شوفي واخا نتي صغيرة فينا ولكن عارفة قلبك كبير
ملاك: دابا قلبي كحل مريم نتي عارفاني مكنسامحش دغيا ومغنبركش على راسي نسااامح
مريم: وتبقاو هاكا عرفتي شحال بكات صافي خليها هي خرجت من طلاق وهدا بانلها الضو للي غيعتقها وتبرهشت فهادشي صراحة ضرت فيها ولكن دابا مبقات هضرة معاها
ملاك: صافي امريم عفاك واش تعشاو بغيت نهبط غير نعس
مريم: ونتي متاكليش
ملاك: لا.. شوفي منين كل واحد يشد قنت قوليهالي نهبط…
اصبحنا واصبح الملك لله…
زهرة: (نوضتها معاه) متعاودش تحط يدك عليها
رشيد: راها ضسرت بزااف ازهرة مبقاتش كتحشم ولا تحتارمني وليت زائد ناقص عندها
زهرة: فهم لبنت هي مابغاتش للي تشركني فيك ومبغاتش للي يشركها فيك… لبنت راها كبرت ماشي ديال الضرب كاين بزاااف باش تعاقبها ولكن ضربها ونتا اصلا مفاهمش حتى علاش كانو كيضهضرو ولا يتناقشو
رشيد: هضري معاها نتي ازهرة تحتارمني وتوقرني انا راني باها
زهرة: سير دابا قضي الغراض الناس مع 1 غيكونو هنا وبعدها عليك
رشيد: ان شاء الله.. (خرج من تماك مشا لبيت فين كاين باه وخوه كيفطرو.. ناضو لعيالات كل وحدة وشنو كتقضي من غير ملاك للي غير شادة كرسي كتخرب فتيليفونها حتى شافت ماين حمزة داخلة قلبها ضرب تبعاتها غير بعينيها هازة بلاطو مغطي باينة جايبة شي حاجة منين عرفت الخطوبة كانت هادي هي عادتها دخلت للكوزينة من بعد بقات كتعيط على زهرة)
ملاك: ماماااا مااماااا… راها فسطح اخالتي نجية نعيط عليها
ام حمزة: انا نطلع ليها ابنتي (طلعت، وملاك عضت شنافتها شافت فلواتس حمزة مزال مدخل الواتس حيت كان خدام الليل ممكن يكون مزال باقي نااعس، تبعاتها كتصنت عليهم)
اوا دابا منين عرفنا بحمل لبنت نطلقووها ونضيعوها ونضيعو فحفيدنا؟!!
زهرة: وولدك اش كيقول فهادشي
ام حمزة: تصدم صباح قالهالو باااه سمعتهم كيتغاوتو ولكن باه قالو ها السخط ها رضى حفيدي ولا حفيدتي مبغيتهم يترباو بعاد علية
زهرة: ما عندي ما عدا من هاد الكلمة الصراحة راجلك ماشي شغلو اه منبغيو حتى حد يتربى بعيد على باااه وهو فالحياااة (تفكرت ربيب للي رشيد قالها يتربى بعيد غير باش تسمح ليه وهو يتكفل بيه رمشت بالزربة كتطرد الافكار..) ولكن كولشي كيتحل بالعقل
ملاك: (مخرجة عينها مصدومة كتر ودارت يدها على فمها)
زهرة: اوا وفين هي لمرا؟!
ام حمزة: راه جابها دابا للدار
زهرة: هضرو انجية مع ولدكم بشوية راه حتى هو غيبغي ولادو يكونو معاه وهضري مع عروووستك جبديلها الودنين راها غتولي أم تنسى داك لهبال عليها شوية
ام حمزة: انا مكنت باغية ݣاع هاد زواج من اللول كنت متمنيا تتناسب معاكم
زهرة: كتااب.. المكتاب انجية، مهم نتي رطبي مع ولدك
ملاك: (هبطت بالزربة وعينيها مضببين ممتيقاش حتى كتبغي تفرح، وتخرجلها شي حاجة من الجنب مشات لبيت مها سدت عليها قبل متجي شي وحدة من لبنات بقات كتصوني عليه بالنمرة المرة الأولى التانية والو مكيجاوبش..
جلست متأزمة كتر وكتر سااهية عينيها نشفو من دمووع ندمت علاش عطاتو شي فرصة وظحكت على راسها.. حست بالخنقة والإهااانة، تدق لباب مسحت بيدها على وجهها حلت لباب كانت خديجة ختها)
خديجة: ملاك..
ملاك: ق**** علية نتي عاود (دخلت البيت هزت باليزتها كتجمع حوايجها تحت أنظار ختها هزت وراقها وكولشي للي تحتااج)
خديجة: فين ماشية
ملاك: (محاملاش تهضر معصبة معصبة حتى راسها غيطرطق لثاني مرة غتجرأ وديرها وممسوقااااااش لشنو يوقع لقاتها مها خارجة باليزتها خرجت عينها)
زهرة: أفين ماااشية بالسلامة؟!! (ياله بغاو يتجمعو عاود دفعت بنتها لبيت) دخلي دخلي (سدت لباب) مال مك فين ماشية واش كل مرة هازة شطايطك وخارجة والدة انا عزري مسخووط؟!!
ملاك: (بانفعاال) منهضرش وهادي هنا
خديجة: صافي صافي، انا نخرج
زهرة: اش هاد لقباحات مع ختك حتى نتي دابا يسهل عليك الله ابنتي
ملاك؛ واش حسابلك انا غايرة من هادي (شافت فخديجة) خرجي نهضر مع ماما حيت نتي مبقيتش كنتيق فيك
زهرة: اويلي استغفر الله مالكم وليتو هاكا (خرجت خديجة كتبكي) واش بعقلك تبكي ختك وهي عروسة
ملاك: سمعي اماما (تنهدت ورجعت ليها الشهقة ولكن بلا بكى) خليني نمشي عفاااك اصلا غدا غنبدا لفاس خليني نمشي عفاااك
زهرة: (خرجت عينها) لا
ملاك: (كدور عينها باش متبكييش وحلقها فيه غصة كبيرة وبحرا كتقدر تنفس، محست حتى نطقتها)
حمزة صدقت مرتو حاملة وانا ويااه هاد ليامات كنا كنهضرو عاود بغيتو وتقت فيه
(هنا طاحو دموعها من عينيها ونيفها وكطلع شهقة كبييرة)
وكان كيهضر لية على زواج ومنعرف شنو.. عفاك خليني نمشي اماما والله حتى غنموووت الا بقيت هنا
زهرة: (بقات كتشوف فبنتها وكفاش مقهورة ومغبوونة)
اليوم خطوبة ختك
ملاك: (بقات غير كتبكي قربت مها ليها كطبطب على ظهرها)
خليني نمشي (باستلها يدها كترجاها بغات تجر باليزتها)
زهرة: صبري بعدل ابنتي حتى لغدا وسيري الله يرضي عليك مبغيتكش تخرجي ونتي هاكا بقاي هنا نعسي نقولهم مريضة غير متمشييش ونتي هاكا ومزال خاصنا نهضرو…
ملاك: مبغيتش نهضر
زهرة: تكاااي حتى واحد مغيجي يصدعك…
ملاك: (سمعت لمها حيت مبغاتهاش تصوݣ وهي هاكا وواعداتها مع تفيق صباح تمشي ومكاينش للي يهضر معاها، تكات فنموسيتها مغطية حتى راسها وكتشوف فميساجات حمزة والو مشعلش الكونكسيون وحتى لابيل مولاش صونا عليها وحتى هي متقدرش تعاود لا تصوني لا تصيفطلو ميساج.. بقات صاااقرة بقا فيها راااسها بزاااف..
صونا عليها يوسف مجاوبتش…)
نعيمة: فين ملاك
مريم: مريضة ناعسة فبيت ماما
نعيمة: هادشي معجبنبش امريم
مريم: حتى انا
نعيمة: بففف ولكن كنقول بعدا خديجة متبقاش بلا زواج
مريم: معرفت والله.. حيروووني، فين خديجة؟!
نعيمة: بقات مع ريتاج حاضيااها عرفتي قاديتها جات غزاالة طاح عليها السر بحال عمرها تزوجات
مريم: مزيان
نعيمة: اجي واش ملاك رجعت مع حمزة بالصح!!
مريم: (خرجت عينها بإشارة سكتي) سيري دابا انعيمة مراحناش بووحدنا..
~~~~~~~~~
غيثة: (لبست جلابة حيت خوها مبغاهاش تلبس شي حاجة معيقة ولا قصيرة كانت جلابة مخيطة بخياطة مخزنية مع صندالة بطاالو كبير وشال لحرير على عنقها طالقة شعرها دايره بوكلي من لتحت مع ميكاب سموكي وبارفاان ديال العود ماشي مع المناسبة بقات جالسة كتسمع نݣير مها للي مابغاتش تدخل ليها هاد الخطوبة راسها،
جات خالتها للي غتمشي معاهم)
ام يوسف: شفتي الولد مبغاش خطوبة كبيرة حشمني مع العائلة ماشية نخطب بتخبية بحالا ساارقة
غيثة: راه عادي اماما ياك عمي بن سليمان ولالة مفتاحة غيمشيو معانا
ام يوسف: غيمشيو ولكن انا كنت متمنية خطوبة كبيرة
غيثة: وخالتي مينة!!!
ام يوسف: (خسرت كمارتها) ومناش جاتها حتى تحضر لخطوبة ولدي؟!
غيثة: يعني حتى اورطيغا مغيكونش؟!!
ام يوسف: اوا هادشي للي خصني فخطووبة ولدي سيدي يوسف يكون شمكار ديال لخلا معرفناه حتى واش ولد لحلال ولا ولد لحرام الشفار لااخر
غيثة: (غوبشت) حشومة اماما تتقولي عليه هاكا
ام يوسف: ايييخليك بلخلى بقالي غير هداك السلݣوط دلخلا نوضي عيطي لخوووك حتى هو خلا بنات فاس ومشالي لصفروو
(جا يوسف لابس كوستيم فلكحل ومقاد حالتو باين عليه فرحان، مو مقدرتش تهضر فقط بقات تشكر وتفرح بيه مشاو بطموبيلاتهم دازو على النكافة للي قادات ليهم الهدايا فطيافر وكولشي كان مقاد ومأنتك..)
غيثة: (كانت راكبة مع خوتها ومرت خوها) يوسف علاش مجبتيش اورطيغا معاك ياك تتعمرو هاد الأيام بزاااف
يوسف: مابغاش
غيثة: علاش؟!
يوسف: (مجاوبهاش شاف فلمرايا طموبيلة ديال باه للي تابعو من اللور وعاد الهوندا لكبيرة عاودت سولاتو)
مشغووول اغيثة مشغوول براكة متسولي حتى شرييف مجااش (صونا على ملاك واالو مكتجاوبش، هاد المرة خديجة معاودتش ليه شنو واقع…)
~~~~~~~~~~~
نعيمة: (لبست قفطان سااامبل ديال التسخار ولبست لبنتها كسيوة سخونة حيت لبرد عليها, شافت فختها للي قداتلها ميكاب زوينين وخفيف ديال الخطوبة وحتى لفولار غير لوااتو مباينش شعرها ولكن مقاجهاش لابسة قفطان بيج موبرة منبت مزير عليها من الفوق مبين طايتها وصندالة مخلياها تزيد تطوال)
جيتي زوينة اخديجة صراحة تبقاي ديما تصبغي شعرك بحال هاكا
خديجة: (تبسمت) بالصح؟!
نعيمة: ياك قلتي هو بوكو حبة متهمليش راسك وديما تهلاي فشعرك ووجهك وصحتك
خديجة: داكشي نيت يا ربي غير يكمل هادشي بالخير
نعيمة: ان شاء الله..
خديجة: فرحتي ناقصة بلا ملاك والله
نعيمة: راه صعيبة عليها حتى هي
خديجة؛ علاش كتحسسوزي بحال سرقتولها
نعيمة: شوفي الصراحة انا فهمتها شتي مثلا مثلا حميد وكان كان مصاحب مع ملاك ماشي حتى مصاحب غير ضسر عليها شي مرة ولا حسيت ب1 فلميا انها عجباتو ولا هي عاجبها والله منتزوجووو انا هاكا دايرة
خديجة: هو معجباتوش ها هي تقولك واش عمرو قالها شي حاجة هو من اللول كيحسبها بحال ختو وعزيييزة عندو بزااف
نعيمة: لا كلامها فاللول مكانش معتابرها ختو وكان مهتم بيها بزااف
خديجة: اوا وشنو ندير دابا!!
نعيمة: معرفتلكم هادشي ديالكم فشكل ولكن نتي رطبي معاها حيت ضربها بابا البارح وكولشي ضار فيها غيحسابهم غير غائرة وهي معندها غرااض فهادشي
خديجة: والله حتى كرطب معاها وبزاف عرفتي راه كتعطيني شي هضور واخا هكاك كنصبر
نعيمة: اممم.. مهم انا نخرج نشوف فين وصلو ها بنتي معاك…
ملاك: (قلبها ضرها بزااااف ولامت راسها كتر انها عاودت تاقت فيه وفحبو واهتمامو تخنقت من هادشي للي كتحس بيه خااايفة بزااف من شبح الوحدة للي غير كيدووور بيها للي بغاتو وتمناتو مكيكونش ليها مرة تبكي مرة تنهد وللي كمل عليها لا مبرر من عندو لا اتصاال يعني زايدة نااقصة عرف مرتو حاملة صافي هدا هو المهم يمكن كانو غير مخاصمين وهي بحال البهلة تاقت فراجل مزوج.. حسسها انها وحدة رخيييسة وحيت بذنب كبيييييير دارتو، تحل لباب حتى من تنفسها للي للي كولو تنهيدات قطعااتو)
زهرة: (تحسرت على حالت بنتها فاللول حسابها كانت غيراانة حيت مزال متزوجت وحتى من خديجة للي طلقت مجات فين كملت عدتها حتى تخطبت عاد فهمت حالة بنتها وبقات فيها حيت كانت كتسنى من حمزة يرجع ليها لوكان عرفت راه كانت تهضر معاه مكانتش تخليها…
بدلت حوايجها كولهم لبست حتى هي قفطان سامبل ودارت ذهبها قدات شالها للي كيكون هاابط عليها مدارت والو فوجهها خرجت من تماك طافية الضو الدار عليها
الدار كانو فيها نفس الاشخاص مابغات تعرض على حتى واحد
باش رلي يسخر ليهم حتى العرس وتعيط على العائلة.. صونا عليها رشيد علمها ان العريس وصل..)
ياك صافي كولشي هو هداك
سهام: كوووولشي هو هدااااك (مزال متصرطت ليها كفاش خديجة مع طلقت مع تخطبت.. ولكن متقدرش تهضر بناتها ݣاع مجموعين الا هضرت غيصرطوها بلا مضييغ..
زهرة طلقت المبيخرة لكبيرة دارت فيها بخور ديال الحج كان جابو ليها شيخها كيسمعو الهرج جاي من جيهة ديال لباب حتى كتشوف الناس داخلين تحت ترحيبات رشيد دارت ابتسامة على وجهها وبقات كتسلم على لعيالات، للي دايرة فيهم نص ابتسامة وهازة خنافرها وللي بالصح فرحاانة دخلو من موراهم دراري حطو فوسط الدار الهدايا وصواب الخطوبة للي جابو معاهم… استقبلووهم دخلو مجموعين للصالون رجال جلسو فجهة اليمين ولعيالات فشماال مرحبين بيهم وكانو حاطين خير ربي فوق الطبلة من غير صينية ديال اتااي)
ام يوسف: (كضور عينها الدار كانت زوينة بحال شي ريااض وباين نقااا ولكن ماشي شي حاااااجة كتشوف فهاد الناس لباسهم كلامهم هي من اللول معاجبهاش الحال يعني شنوما دارو ولا كانو مغيعجبهاش وجاوها ناس بسااااااط مش أدي المقااام، سلمو عليها مريم ونعيمة فقط كتسطانع الابتسامة وكانت باااينة عكس غيثة للي باينة فرحانة ومتواضعة وغير كظحك، اما رجال كانو مجمعين ومتفاهمين دغيا باشرو فالمواضييع..)
غيثة: فينها ملاك؟!
مريم: عيانة احبيبة شوية
غيثة: واخا نمشي نشووفها
ام يوسف: (مفهمتش منين كتعرف هاد لبنت وفكرت ان خوها ديجا عرفها عليهم) غيثة جلس الارض تتقوليك عياانة تصح وشوفيها
مريم: (تبسمت) الا بغيتي ماشي مشكل
غيثة: (بابتسامة) صافي صافي معليش خليها ترتاح
مريم: (شافت فنعيمة ديك الشوفة ديال واش شفتي للي شفت ولوخرا ضورت راسها بالي راني عرفت..)
خالة يوسف: فين هي لالة لعروسة
زهرة: مرحباااا كاينة انا نمشي نعيط ليها (ناضت من بعد مجست النبض غير خرجت) اييييه يا بنتي كتلقاي زهرك مع رجال ومكتلقايه مع العݣييزاات
(مشات للبيت) نوضي ابنتي دخلي عند الناس
خديجة: (تبسمت) كيف جاك لعريس
زهرة: تبارك الله ومشاء الله عليه ياله كما وصيتك كلامك يكون قليل وموزون انا ندي هاد لغزييولة حبيبة جدتها لكبييييدة عند خالتها ملاك…
خديجة: (رجعت شالها شوية اللور باينة شوية ديال الفرقة وشعرها للي فرحانة بيه دارت باغفان للي عطاتها نعيمة مشات للكوزينة لقات مها عمرات لبرارد) حم صافي اماما؟!!
زهرة: (منتابهتش لشعر للي باين) صافي ابنتي
خديجة: (هزت لوخرا الصينية دغيا وعطاتها بظهر تابعاها مها بالصينية التانية دخلت للصالون وهنا ݣاع الاعين توجهت ليها من بينهم يوسف للي حل عينو مزيان كيسكاني فجمالها متبسم مفهمتش واش حبها بهاد السرعة ولكن مرتااح معاها.. ام يوسف كتطلع وتهبط فيها كان ولدها قال عندها حقها من الزين وفعلا لقاتها زوييينة.. حتى من غيثة تبهضت فيها حيت كانت كتشوفها عادية اول مرة تشوفها هاكا مقادة وباين فيها السر… بصوت خاافت)
السلام عليكم..
(كولشي رد عليها، مريم ناضت عاونتها وحطت الصينية معاها مشات هي كتسلم لعيالات بالوجه ورجال حنات غير راسها وعاودت قالت السلام عليكم باها تبسم وردوها عليها، جلست حدا مها هزت عينها فيوسف لقاتو كيشوف فيها وباين عاجبو الحال)
زهرة: (بشوية ميات راسها لودن بنتها ودارت يدها على فمها) دخلي شعرك راه كيبان
خديجة: (داكشي للي كانت باغية اصلا بقات كتقاد الزيف غييبير بشوية وجرات الشال للقدام وهي كتبسم بقات الهضرة عادية ديال مرحبا زيد تاكل شنو تشرب ام يوسف مهضرتش غير كتشوف بعينيها كانو طبالي عامرين من لحلاوي المملحات كولشي موجود ام يوسف فقط جغمة ديال أتاي وحطت الكاس مقادرة تهبط مع قرجوطتها واالو)
يوسف: (هز تيليفونو صيفط ميساج لملاك)
“”واش مخاصمين؟! فينك وعلاش مبنتيش؟!!!””
(مفهمش غيااب ملاك اخر حاجة يتوقعها هو ميلقاهاااش فهاد المجمع بغا ݣاع حبابو يفرحو معاه وهي وحدة منهم…)
خالة يوسف: تبارك الله ومشاء الله لعروسة غزاالة (نغزت ختها تهضر)
ام يوسف: (بابتسامة مواصلاش لعينيها) اممم اه زوينة ماشاءالله
زهرة: ربي يخليكم
اب يوسف: (بهاد لكلام فتح الموضوع ديال الخطبة بلكنة فاسية) حنا جينا طالبين راغبيين يد بنتكم لالة
رشيد: خديجة.. خديجة
اب يوسف: لالة خديجة لمولاي سيدي يوسف ابني
رشيد: مرحبا مرحبا بالدار لكبيرة (يوسف غير كيتبسم)
ام يوسف: (اخييرا نطقت) الله يكبر بيك اشريف قولي الآلة
زهرة: زهرة
ام يوسف: مشرفين الحبيبة، واا قوولي الآلة زهرة نتوما بن من؟!!
زهرة: هاا!!
ام يوسف: الشجرة، الشجرة ديالكم والاصل؟!
نعيمة: (فلتت اليها الضحكة على كلمة الشجرة ضارو خنزرو فيها) احم انا نمشي نشوف بنتي يمكن سمعتها بحالا كتبكي (شافت فراجلها لقاتو حتى هو شاد الظحكة وهي طرطق بالظحك وزربت هربت)
ام يوسف: اممم اتبقيييستر اوا سبير شوف بنتك.. (رجعت شافت فزهرة)
زهرة: حنا كنيتنا ملال من آيت ملال شلوح
ام يوسف: اممم ماشي بن؟! خياااار
زهرة: (بحرا شدت لسانها، قلبو الموضوع ام يوسف غير كتطلع وتهبط فخديجة) نوضي ابنتي سيري
خديجة: (خرجت من الصالون بالتاويل وتقاالة مخلية العين عليها)
ام يوسف: فااين ماشا بنتك مشبعناشي حتى من الشوفة فيها
زهرة: (تبسمت وحركت راسها باه مخلية ليها vu وقلبت عينها للخالة) زيدي اشريييفة مرحبا بيييكم
يوسف: (نغز باه) الواليد..
اب يوسف: (رجع لموضوع الخطبة) اوا جماعة مكرهناش تردو علينا نقرااو الفاتحة ونتناسبو معاكم ليلنا الشرف نكونو منكم وتكونو منا
يوسف: ونسمعو حتى رأي لعروسة لا!!! (بالعربية والتاعراابت باغي يشوفها بوحدها وكانت من حقو النظرة الشرعية…)
رشيد: (شافت فيه الزهرة زعما فهم راه موالفين بالخطوبات ديال بناتهم) اهاااه زيد اولدي هضرو وتفاهمو حنا منزيدوكم غير دعوة الخير (وقف وتبعو يووسف كيقاد فلڤيست ديالو.. كانت خديجة فلبيت لاخر فين كاينة نعيمة كترضع بنتها وجالسة حداها كيوشوشو على ام يوسف ويظحكو على الشجرة.. حتى كيعيط ليها بااها ويوسف كيشوف فالدار عجبااتو بزاااف فيها راحة فالعينين وحتى النفسية بداك الورد والفسيفساء.. خرجت خديجة من لبيت حانية راسها وقفت حدا باها باش يعطيها الإذن)
جلس اولدي
(جلس فالجلسة للي كانت على برا مقادينها بطلامك فالابيض كانو مقادين بالخيط د مع وسيدات ديال الموزووون فالݣرونة والبنت اواني الفخاار وفالجنب كراسا بالخشب وزربية ديال الخيط فيها حرف أمازيغي كبيير كانت جلسة خطييرة خلاتوو بلا عقل، جلس كيتسناها تجي عندو شافهم واقفين وقف مفاهم واالو.. حتى أشار ليها باها تجلس فالسداري لاخر مشات جلست وهو دخل للصالون)
يوسف: (شافها باعجاب) هاد الزين فين كان مخبع؟!!!!!!
ملاك: (منين سمعت باها كيعيط لختها بعدت الريدو شوية من على السرجم كطلل من القنت للي جات عينها نيشان عليهم وهوما جالسين وباينة فيعينيهم الفرحة بقات كتشوووف وتفكيرها حاليا كولو فحمزة والشمتة للي دار ليها رجعت جلست فوق النموسية وعينيها منفوخين بالبكى والاعصاب وكتشوف فالارض فين دخلو الكادويات وكانو بزاااف وحاجة تنسيك فحاجة.. شافت فتيليفونها لحد الان حتى ميساج مخسرووش عليها تنهدت بعمق)
أنا للي كلبة كفاش تقتو انه منعسش معاها هاد المدة كااااملة… واخا نكون بالݣروون منتييقش
~~~~~~~~~~~
يوسف: ممنوع اللمس اه فهمتها ومن حقك، ولكن تجلسي بعيدة علية ب3 متر!!؟!!!
خديجة: (ظحكت ولكن بتقالة) شوف من بعيد
يوسف: (مركز فيها الا كان كيشوفها زوينة من قبل دابا ترييييبل كانت زوينة بزاااف) مكنتش عارفك زعرة اول مرة نلاحظ كولشي فيك زويين
خديجة: اممم (جرت الفولار للقدام)
يوسف: قربي شوية، ولا نقرب انا!!
خديجة: (بهمس) عرفتي بابا عندو واحد جويجة فبيتو شاريها خصوووصا لرجال بناتو الا دارو هاك ولا هاك
يوسف: هه (هز يدو باستسلام) مقلت واالو الا نموت غي حيت قربتي بلاش بعدا الا مت نبغي نمووت وانا بين
خديجة: (خرجت عينها فيه) يوووسف
يوسف: ههه خديجة علاش ملاك مكانتش معانا؟!
خديجة: (كانت متوقعة فقط يشكر فجمالها ويتغزل بيها راه دايرة مجهوود) مريضة راك عارف مرض لبنات مقدرااتش تخرج اصلا هي ناعسة فالفراش اما كانت بغات تحضر
يوسف: واش حالتها ݣغااف؟!!
خديجة: لا لا غتولي مزيان ان شاء الله
يوسف: وميصلاحش نشوفها
خديجة: (تبسمت عاضة على شنافتها) قلت شوفتي غتخليك مركز غير معايا
يوسف: مركز احبيبة مركز، وعجبتيني بزااف لدرجة غير مصبر راسي صراحة أنا للي غنتزوج
خديجة: اممم (وقفت) صافي سير دخل
يوسف: تقلقتي؟!
خديجة: لا غير باش بابا ميشكش زعما راه مكنتعارفوش
يوسف: مزال مسخيت بيك بلاتي (جبد تيليفون صورها وهي وااقفة) باش نشوفك بعدا مزيان نزومي كيف بغيت
خديجة: (تبسمت)
يوسف: غنهضر مع باباك على حساب العقد باش يوجد لية لوراق
خديجة: امم، انا مشيت (غمزها وهو جالس كيشوف فيها تبسمت ومشات لبيت الي كانت نعيمة كتراري بنتها باش متفرشهاش وكطل عليهم من مور الخامية)
نعيمة: صيدتي الزيييين اخدوووج
خديجة: (بابتسامة عريضة) ياك؟!!
نعيمة: وانا نفهم علاش مقاتلة مع ملاك ههه
خديجة: (جمعت الابتسامة) غير كتخربقي اختي شي مرات وصاافي اشمن دباز ولا زمر ولا مقاااتلة
نعيمة: وغير كنظحك
خديجة؛ هادشي ما فيهش الظحك انعيمة من لبارح ونتوما منغصين علية الفرحة راك شفتيه وكان بغا ملاك وكان بقا معاها واش مزال شي راجل كيتسرق عيقتو علية والله من ديما حاݣريني وحتى منين بغيت نفرح وربي صيفطلي ولد الناس درتوني خااايبة ومنسوااش وخطافة رجال (بقات كتبكي ونعيمة شادة بنتها كتشوف فيها)
نعيمة: اولا حنا عمرنا حݣرناك بلعكس من ديما كنا خواتات وحتى وحدة مكتعتابر راسها حسن من لوخرا..
وصافي ازمر علاش لبكى غضيعي مكيااجك صافي نهارك فرحي فيه انا ساااكتة راه كنت غير كنظحك…
ام يوسف: (متبعة ولدها للي داخل فرحان مفهمتش دغيا نسا ياقوت للي كتشوفها احسن بزااااااف من هادي من كل ناحية، مع اذن العصر)
حم اوا ساعة مبروكة عليكم ونتجمعو ان شاء الله فساعة الخير..
(وقفت وهو يديرلها راجلها إشارة بيدو انه غيهضر تبسمت نصف ابتسامة وجلست)
اب يوسف: كما شتي اسيدي رشيد لوليدات تفاهممووو حنا منزيدوووهم غير بدعوة الخير
رشيد: الله يكمل بالخير
اب يوسف: ولدي مولاي يوسف بغا الا كتاب من بعد شي سيمانة يجي ياخد وراق لالة خديجة باش يديرو العقد
ام يوسف: (خرجت عينها ولكن متقدرش تهضر ولكن بينت انه معاجبهاش الحال وزهرة غير حاضيااها)
رشيد: ان شاء الله يرجع يلقى لوريقات واجدين
يوسف: (اخيرا هضر) انا نخلي ليك النمرة ديالي اسي رشيد عطيها لخديجة نهضرو فشنو بغات وان شاء الله يكون غير الخير
بن سليمان: (هضر) الله يتاويكم بالخير نبغي نقولك اسي رشيد بنتك غتخليها فعائلة مشرفة غتعتاني بيها وديرها وحدة منهم، ولينا الشرف تقبلو بينا
رشيد: حتى ولدي يوسف راه واحد منا
يوسف: لهلا يحاشمنا اسي رشيد
زهرة: (عجبها العريس، ومعجباتها مو…
استئذنو منهم وتمو خارجين لبرا)
يوسف: غيثة سيري شوفي ملاك كيف بقات (شاف فرشيد) قالولي مريضة داكشي علاش محضرتش معانا
رشيد: اه اولدي راها فبيت مها زيدي ابنتي زيدي مريم سيري مع لبنت
مريم: اجي معايا اغيثة (تبعاتها هي غير سمعت الحوار تكمشت فكاشة ديال مها غامة حتى راسها دخلتها) سمحينا روينة
غيثة: لا لا سمحولي انا للي تهجمت (سمعو جخيرها) اوو صافي بلا متفيقيها غتكون عيااانة مسكينة
مريم: حيت الليل كامل منعسااتش بالحريق
غيثة: مسكينة الله يشافيها، صافي انا غادي نصوني عليها ونطمن عليها بسلامة ختي مريم
(سلمت عليها ورجعت لعائلتها توادعو معاهم ومشاو يوسف مبغاش يدي طيافر باش يعاود يرجع وحتى هوما فهمو وطمرو من غير رجال للي مفراسهم ميتعاود..)
~~~~~~~~~~~
اورطيغا: (كان عند مو) ممشيتيش معاهم
مينا: علاش ديك العاقيسة كانت غتعرضني
اورطيغا: ههه حتى نتي متعرضيهاش اه حقا نسيت انا مغنتزوجش ولكن الا نوبتي تزوجي الحاج متعرضيش عليهم
مينا: الله يمسخك علاش كتبقى تݣول بحال هاكا
اورطيغا: هاي هاي على حرك الݣا وكيف خرج
مينا: اوا راني شحال وانا معاهم كتمشيلي ديك قالي مقلتلو
اورطيغا: اممم وكتسݣم ليك غير معايا
مينا: (زفرت متبسمة) شحال توحشت هضرتي
اورطيغا: اوا بغيتي شي نهار نمشيو لݣرسيف نجلسو غير فاوطيل
مينا: منوطاهاااااااش
اورطيغا: اممم، شحال كتكون الدار زوينة وهي خاوية
مينا: شنو؟!
اورطيغا: (قالها مخشع) عمرني رتاحيت معاهم وعمرني نرتاح
مينا: خلينا من هاد الهضرة (حرك حواجبو بيأس ديما كَتْهَرَّبْ من هاد الموضوع وأصلا هي مرتاحة)
مناويش نتا تزوج وتفقس لية العاقسة
اورطيغا: نسااااي راني قلتها ما مرة ما جوج زواااج الااا انا مرتااااح هاكا،
مينا: يااااا ويلي على هضوور ومديرش ولادك
اورطيغا: نديرهم حتى بلا زواج (ضرباتو لكتفو)
مينا: كون تحشم، راك كبرت اولدي 35 عام فين باغي تزيد، خاصك تزوج ونفرح بيك حتى يانا
اورطيغا: غير فرحي بية هاكا مخاصني مندير بصداع الراس…
زهرة: ( كانت دخلت وخلات حتى لوخرين يدخلو باش ميقولوش خبات عليهم) تبارك الله
سهام: غزاال هادشي (اشنو مكتوب فديك الشنطة صغيرة) ملاك هادي جايبينها لملاك هههه مجهجهم بجوج بيييهم
ملاك: (غير سمعت سميتها قلشت ودنيها ولكن مزال مخبية وجهها تحت لفراش)
خديجة: (كانت عارفة جايب لملاك شي حاجة، بقات كتشوف فتفاصل والحوايج حتى طاحت فتيليفون كان ريدمي 10 فرحت بزااف) الللله جابلي تيليفون
مريم: بصحتك ازين هادشي غزال تهلااااو فيك
نعيمة: صراحة ناس دالخير غير هو بان.. (مها ضارت خنزرت فيها وهي تجمع فمها)
سهام: على مو؟! باااينة لفعة
زهرة: حشومة تقولي على الناس هكاك فين كتعرفيها حتى تقولي لفعة يهديك الله اسهام
سهام: علاه مشتيهاش السيدة بحرا كتنفس
خديجة: مالي أنا غنتجوجو هو ولا مو؟!
زهرة: بجوووج زواج ابنتي راه مكيعنيش غير الراجل راه كتبني عائلة معاهم
خديجة: (حركت راسها، بقات كتشوف فلكادويات وكتشوف فباليزة للي مكتوب فيها ملاك مقدرتش تقرب ليها عرفت ان ملاك شي حاجة مميزة عند يووسف.. خرجو وبقات هي وخوتاتها)
نعيمة: ملااك ملااك نوضي شوفي شنو جاب ليك يوسف
ملاك: ( لا رد.. هي قلبت عليه ومبقاتش بغات تهضر معاه ولا دخل فهاد المعماعة ولكن هو علاش مزال كيسول فيها ويشري ليها لكادويات ياك ثافي ختار خديجة يبعدها.. ياكما من الاول كانت نيتو فقط صدييقة وهي للي زادت من راسها ولكن غير كتفكر حمزة كتعاود تفشل)
مريم: واخا تخرجو نهضر معاها
خديجة: نعيمة اجي قاديلي التيليفون انا مكنفهم حتى حاجة فهادشي (خرجو من تماك)
ملاك: (قبل متهضر مريم عرات على وجهها وجلست) مريم بلا منعاودو عفاك نفس الديسك
مريم: بغيت نفهم واش نتي كتبغي هاد يوسف ولا كتبغي حمزة
ملاك: (تبسمت ولكن من لداخل تبسمت بمرار) لا هدا لا هدا انا لبارح قلت ليك يوسف كفاش بلان معاه اما حمزة شحاااااال هادي لحتو واش نسيتي خديجة باش كتبغي ضرقها على راسها ختارعت قضية حمزة اه هو كيظل تابعني وباغي يهضر ولكن انا معطيتوش وقت ويوسف والله الا غير صديييق وصافي… (مكملت هاد الجملة حتى صوتها رجف بحال قالتها وهي كتندم على الوقت والثقة للي رجعات وعطااتهالو)
مريم: وشنو مالكي
ملاك: صافي تخنقت هنا بابا حݣرني بزااف وهنا كولشي كيشوف فية ديك الشوفة ديال انا غايرة من خديجة حتى واحد مغيفهمني اللهم نتكمش كنتسنى غير يصبح الحال باش نمشي لفاس
مريم: (شافت فلباليزة) هاد يوسف باينة كيعزك يمكن بالصح املاك هو كان كيشوف فيك بحال ختو من اللول
ملاك: (حركت راسها) حتى أنا هكاك دابا هو عزيز علية غير انا مكنعرفش ناافق يعني كنعطي راسي وقت نتقلق على خاطري حتى نتفش مكنبزز علية والو وانا مقلقة على خديجة وقت وغدووز..
مريم: وغتبقاو نتي وخديجة هاكا
ملاك: فهاد الوقت اه
مريم: مكنبغيش نشوفكم هاكا املاك
ملاك: مع الوقت وصافي امريم
مريم: والله انا فاهماااك ماشي مفاهماكش وعاطياك نتي الحق
ملاك: (تبسمت) بالصح؟! انا والله مغاايرة
مريم: عارفة نتي بقا فيك الحال حيت خباو عليك
ملاك: وحيت نكرت انني قلتلها كان عاجبني وعاد لدابا معتاذرتش مني وانا كنشوف راسي نستاحق اعتذار منها…
مريم: (بقات كتشوف فيها) عرفتي وكان كنتي بنتي نتي وياها نضربها لمكم بأحسن نتفة ومكنتي تديه لا نتي لا هي
ملاك: هههه معندي سووق والله ولكن نكون بنتك احسن حاجة ههه (بقاو كيظحكو حتى جابت مريم الباليزة فتحوها كانت بيجامة ببنطوفتها وكسيوة بشالها وصاك وصندالة وباغفان تبسمت)
حمق هدا والله….
يوسف: (دخلو للدار جلس فوق لفوتوي يرتاااح، وكيشوف مو متبعها غير كتصوط عارف مزيان معاجبهاش الحال ولكن هو مرتااح وهاد المرة غيتبع رأيو وكيشوف هو فين يرتاح) الوالدة مقلتيش كيف جاتك خديجة
ام يوسف: (طانزة) ديماااندة
يوسف: هه
غيثة: صراحة غزاالة مكنتش تنشوفها هاكا، صراحة طاح عليها السر
ام يوسف: مناين تتعرفها؟!!
غيثة: ها!!! (شافت فيوسف للي خنزر فيها) شفتها واحد نهار فتيليفون يوسف
ام يوسف: وانا تتقولي معنديش!!!! اجي بعدا شحال فعمر هاد ديماندة للي فرحان بيها؟!
يوسف: 32
ام يوسف: (تبسمت مفقوسة) وعلاش اولدي عليك بهاد زواج دالشرف ونتا قادر تجيبها مولات 18 عام سنان لحليب
يوسف: الشرف؟ 32 جاتك شارفة انا باغي مرا ماشي حولية
غيثة: اويلي اماما انا راه عندي 25 عام واش شرفت هههه مبقيتش سنان لحليب
يوسف: ههه نتي هي الكتكوتة ديالي مزال صغيرة وديما تبقاي صغييورة
ام يوسف: متنظحكش بنتي غيثة مزال صغيييرة، اما هادي راه فايتة تلاتين اويلي استغفر الله باغي يغصب شبابو مع وحدة شااارفة للي واش تولدلو ولا لا
يوسف: غير منصدمكش راه عندي 40 عام انا كبير عليها وبزاف
غيثة: بالصح والله اخويا مباينة فيك شوݣر دادي هههه
ام يوسف: (عصبتها) أطلع أطلع لبيتك وهنيني من صدااعك كولشي عندك ظحك ظحك
غيثة: ههه (زولت الشال من عنقها) انا طالعة نرتاح شوية
يوسف: (بقا متبسم) سمعي هاد بنت الناس رتاحيت معاها وحتى مع عائلتها عجبوني بزااف وجاوني على هوايا
ام يوسف: (بغات تسايسو) اولدي انا مقلتشي العكس الناس باينين درااوش ولكن الواحد تيلبس قدو باش يواتيييه حنا شرفا أداريسا وهوما شلووح
يوسف: عرفتي من ديما كنت باغي نتزوجها شلحة وربي كتبهالي شوف سبحان الله القدر (كيتبهلل)
ام يوسف: يهديك الله اولدي فين عمرنا عرفنا فحياتنا شي شلوح ولا كنتي متمنيها ياك غير هدا عام كنتي باغي تزوج لالة ياقووتة
يوسف: (جمع الابتسامة) انا قريب نتزوج متبقايش تجبدي هاد سمية قداام مرتي ولا قداامي
ام يوسف: مرتك!! وكفاش بعدا العقد فسيمانة اجي ياكما غلطتو والبنت حاملة منك؟!
يوسف: لا حول ولا قوه الا بالله العلي العظيم (ناض من تماك تم خارج جالس فالجردة واخا كان بارد الحال ولكن يهرب من هاد تخربيق مباغيش يسمعو ماباغيش يضيع فرحتو, جبد تيليفونو صونا عليها وهي تجاوب)
منشوفكش زعما
خديجة: ههه صبر غير يخوا البيت باش نهضر معاك فخاطري
يوسف: خدمتي بتيليفونك جديد؟!
خديجة: اه احبيبي شكرا بزااف على لكادويات عجبوني بزااف
يوسف: (تبسم) عاوديها
خديجة: هههه نكون بوحدي ونصوني عليك
يوسف: واخا حبيبة، حقا كيف بقات ملا(سمع طيط طيط)
خديجة: زمر ملاك ملاك بفففف
(طلت على بيت مها مزال مخواتو ملاك معرفت واش غارت منها ولا حقدت ولا شنو هاد الاحساس ولكن حتى فنهارها الاهتمام كولو مشا لملاك..)
~~~~~~~~~~~~
أصبحنا وأصبح الملك لله..
ملاك: (اصلا منعسااتش نعسو فلبيت ب4 بيهم حتى من نعيمة فرشو ليها فالارض هي وبنتها كانو كيتعاودو وهي والو معندهاش الݣانة كطل غير على حمزة والو مدخلش منين قطعت معاه فالليل مولاش دخل لواتس..
غير سمعت باها وعمها وجدها خرجو ناضت دخلت لبيت مها كانت مها نيت مزال كتجمعو وفالقنت كاينين كادويات خديجة) خاصني نمشي
زهرة: صباح الخير بعدا.. وحتى لعشية ابنتي وسيري و ووو هضر معاك حمزة
ملاك: لا (شافت فمها) منسمحش ليك اماما الا عاودتي هادشي لشي وحدة فلبنات اصلا ندمت علاش عاودت ليك نتي
زهزة: (هزت بانطوفتها وضرباتها بيها للكمارة)
تبقاي توزني لمك كلامك انا راه مك ماشي صاحبتك للي تبلزيها معايا هاد الهضرة..
اورطيغا: (فاق معطل شاف فهاديك للي معاه معقلش ݣاع واش كانت معاه ولا دار معاها شي حاجة ولكن علاش ملابسش تريكووه!!! وهي لابسة داكشي خفيييف معرفش حتى واش طرأت شي حاجة!! خسر كمارتو حيت ماشي ستيل ديالو واخر وحدة يبغي بنعس معاها ندم علاش شرب معاها فاقت بتحركااتو)
وفا؟؟
وفاء: (راسها ضارها) بفففف
اورطيغا: ويييه غير سمحيلي مكنتش فراسي معرفتش اصلا علاش نعست هنا
وفاء: هم؟!!
اورطيغا: (كيلبس حوايجو بالزربة) معقلت على والو لبارح
وفاء: (حركت راسها باه)
اورطيغا: نسااو هاد تخربيق ياك حنا عشران نبقاو عشراان فايطار خووت وداكشي
وفاء: ما وقع والو اصلا اورطيغا غير تلاحينا نعسنا
اورطيغا: ياك!! حتى انا هاكا قلت
(هز جاكيطتو)
بسلامة..
(حل باب بيتها جاب الله مكينينش صحاباتها خرج من دارها هابط فدروج حيت هي ساكنة فالطبقة التالتة دخل لدارو نيشان الدوش معاجبوش الحال دوش بالزربة، بدل حوايجو نيشان مشا للمحال ديالو، دخل نيشان لبس حوايجو دالخدمة وبدا مع المتعلم ديالو حيت المحال الوحيد دالحاج للي مدايرش فيه بزاف دالمتعلمين عكس ولادو لوخرين للي أصغر محال فيه 4…)
~~~~~~~~~~
مريم: فين ملاك واش مشات
زهرة: مشاات اتقولي هزيتي بنت وحطيتي بنت وهاد غير مقاتلة مع خديجة شنو دارتلها؟!!
مريم: الاااا غير مع بابا قولو يرخف عليها اماما
زهرة؛ هضرت ابنتي هو قال مكتحتارموش حتى فالزنقة فاش كتلقاه وانا ويااه غنوصلو لمواصل خاايب الا مبعدش عليها
مريم: صافي اماما بردي شوية، ونيت مزيانة جات هاد تسافيرة ينعلو بجوج الشيطان
زهرة: وشنو ندير فالولد امريم؟!! (علاقة زهرة ومريم زايدة نغزة على بناتها كاملين حيت دايرين بحال صحابات وديما حاطين الراس على الراس….)
خديجة: (دقت وحلت لباب وهوما يسكتو، تنواات) مالكم سكتو؟!
زهرة: والو.. دخلي
خديجة: مشات ملاك لفاس؟!
زهرة: اممم علاه كنتو كدابزو داك نهار
خديجة: شفتها مع حمزة وبقيت كنقشب معاها وهي بقات كتغوت
مريم: ونتي غير شتيها معاه لسقتيها فيها صحة وحتى وتشوفيها علاش كتقوليها زعما راه شحال خبات عليك!!
خديجة: هضرت عادي… وملسقتش فيها حتى واحد ياك صافي كيطلق وكيظل تابعها ما مرة ما جوج قلت يمكن صافي غيرجعو
مريم: يهديك الله حتى نتي اخديجة هي هادشي للي مكيعجبهاش داك نهار منين فكت معاه قالت هدا ممنوش وكلها شد طريقو علاش نتي كتبقاي تقولها معاك ما معاااك
زهرة: (تنوات) فين شتيهم؟!
خديجة: منين كانت كتسخر كان موصل معاها السخرة لباب الدار
مريم: ديري عقلك اخديجة هدا راه زواجك الثاني السيد كيبان مرزن ومعقول ومو كتبان قاسحة وكتفلي مزياااان ديري عقلك ونساي عليك هاد الهضوور
خديجة: شنو قلت انا؟!
زهرة: سمعي من ختك، انا نمشي نشوف نعيمة للي غتمشي والله مسخيت بيها وحتى لجلاس مجلستو معاها مزيان
خديجة: وكان غير صبرت ملاك ومشات معاهم حتى هي كطييير
مريم: ملاك بطموبيلتها ازيين مواقفة على حد يوصلها وهي ماشي كطير مشات تلحق لافاك تشوف واش نجحت فالماستر ولا لا ولا دير إجازة مهنية السيدة عقلها عااامر
خديجة: (تقرست هاد لكلام للي توجه ليها ماشي عادي، بقات غير كتشوف وهي تلبدها مريم مدام كتهضر هاكا الا كتشك ولا معاجبهاش شي حاجة ولكن ختها لكبيرة متقدرش تقول ولا حتى تغضب منها هاكا مولفين…)
ملاك: (وكان طاوعت شيطانها وكان شداتها طريق لكازا تمشي عند حمزة نييييشااااان ولكن)
هاد الساعة المازووووط وغالي عليك الله يعطي لديلمك الغراااااااق يا ***** فينما كنتي
(دخلت لفاس مشات لافاك ظهر المهراز نيشان وحتى الخدمة كاينة غير فالاطلس يعني قراب بزااف، حطت طموبيلتها بانلها واحد قدامها لابس لكلاص هاز ملف زرق، الطولة وتبوݣيصة بقات كتشووف فيه واش يشوف فيها واالو.. خرجت من طموبيلتها وتمات داخلة كتصنع الأنوثة ولكن غير كدوز من قدام بنات طويلات وزايدينها بالطالو كتعوج فمها.. مشات نيشان لمصلحة الطلبة…)
~~~~~
يوسف: صباح الخير
خديجة: عاد فقت؟!!؟
يوسف: انا راني فكازا هههه كانت عندي شي خدمة ومشيت انا وخويا
خديجة: اممم مزيان
يوسف: (تسنى منها لا وعلاش مقلتيهاش وكدا ساعة لا وزاد عجبو الحال) توحشتك
خديجة: ههه بالصح؟!
يوسف: بزاااف اليوم الكادو ديالي
خديجة: هههه مزال مفكرت اكبييدة
يوسف: اححح على هاد كبيدة باغي الكادووو بلا متخليني نطمع كتر
خديجة: واخا طمع مغنعطي غير للي باغا انا
يوسف: وماشي حشومة عليك تخليني ملهووف
خديجة: ههههه… (بقات مكملة معاه الهضرة حتى بغا يقطع سول على ملاك واش صحات) ملاك مشات لفاس عندها شي خدمة تمااك غتجلس شي سيمانة ولا كتر
يوسف: وااايلي مفخباريش!!! مالها واش مخاصمة معايا متتهضرش معايا
خديجة: غير مناقشة مع بابا
يوسف: عاود؟! كترو من الخصام لا؟! قالتلي مكاين حتى مشكل مع باباها
خديجة: ماشي شي حاجة غير الشيطان كيحضر وصافي اما بالصح مكاين والو
يوسف: امم انا لعشية هابط لفاس ونسول فيها.. حبيبة شوية ونصوني عليك
خديجة: وااخ (قطعت وبقات مكوانسية معرفت علاش توترت ولا تنكراات تقرست او غااااااارت ولا بقا فيها الحال…)
~~~~~~~~~
ملاك: (خرجت متبسمة حيت لقات راسها la liste d’attente وكاين احتمالية تقرا فالماستر جلست فالسور للي فالساحة كتشوف بنات ودراري وليكووبل بقا فيها راسها كتعيش الحب والاهتمام شوية ودغيا كيمشي مكيطولش معاها هزت تيليفونها دخلت لواتس لدابا مزال مدخل حمزة.. تنهدت حتى جلست حداها وحدة شافت فيها كانت مألوفة ولكن معقلتش عليها بزااف!!)
وفاء: باغدوووون، نتي للي كنتي مع اورطيغا ديك الليلة
ملاك: لهلا يحييك مبقالي غير داك العزي ونتي مااالك اصلا
وفاء: ههه ويلي وكان يسمعك
ملاك: (خسرت كمارتها وهي كطلعها وتهبطها كانت زوييينة زعرة ولا مزعرة ووجها صافي طويلة شوية وطايتها عامرة فين خاصها تعمر لابسة مزير)
وفاء: انا غير سولتك شفتك فمصلحة الطلبة
ملاك؛ شنو بغيتي؟!
وفاء: والو غير بغيت نقولك محيت الماستر مزال معطل واخا تلقاي راسك فديك الليستة راه صعييب دوزي هاد العام، بغيت نصحك دفعي لاليصونص بروفيسيونيل غتعاونك وحتى فالماستر غتقبلي العام الجاي دغيا
ملاك: فات الحال عليه يمكن!!
وفاء: لا لا هضري مع شي رفيق غيعاونك ولا عرفتي انا نهضر مع واحد تنعرفو مزيان اجي معايا… (مشاو رجعو للمصلحة بقاو عاصرين تماك شافتها كتهضر مع واحد جبدت باكية كارو عطاتو يكمي وكيظحك معاه ويهضرو حتى عيطت على ملاك وسجلت سميتها على ميجاوبوها واغلبية غيجاوبوها.. شكروه وتمو خارجين من تماك)
ساكنة هنا؟!
ملاك: لا فصفرو ولكن هاد الوقيتة عندي خدمة هنا شكرا بزااف اوفاء واخا محملتكش تجي تقوليلي هضرة بحال هكاك مهم
وفاء: انا مقصدت والو قلت شنو شفت
ملاك: نتي ماستر؟!
وفاء: اه العام اللول… (بقاو كيتعارفو) حتى بنت حبيبي كدير هاكا ومنها كتستافد من ثمن لوطيل طرونسبور
ملاك: (اي حاجة فيها هوتة كتبقى تفكر فيها وتخمم فيها مزيااان) وحتى هنا الخدمة قريبة ونيت نوجد وراقي
وفاء: لبنت للي معايا مسافرة ومطولة شوية، جلسي معايا
ملاك: (تفكرت اورطيغا) لا لا لا اصلا منعذبكش ووو شكرا والله منقدرش…
رشيد: (كان راجع للدار يتغدا حيت عندو نساب راجل مريم وراجل نعيمة للي غيمشيو باش يوجدو سبوع فمكناس وحتى عائلتها من الحضور سمع ان ملاك مشات لفاس خرج عينو هو عارفها غتمشي اليوم ولكن مجاتش هاد المرة عندو تقولو هاني ماشية وتاخد رضاتو وتشاورو من نهار قصة زواجو علاقتهم رجعت فالحضيض كتر من علاقتو مع مرتو تكره بزااف كانو غير رجال بيناتهم كيتغداو استئذن منهم خرج)
زهرة زهرة
زهرة: (خارجة من بيت لجلاس فين كانو كيتغداو) انعام!!!
رشيد: مشات الكلبة حتى بلا متعلمني
زهرة: اسكت.. بشوية هي مشات دازت حتى لجاميعتها تشوف واش تقبلت فالماستر
رشيد: وبلا متقوهالي والله الا ولات شااانتة وبريها انا بناتي برجالاتهم وكيجيو لحتى لعندي ويشاوروني وهي للي مزالها تحت جناحي بغات تطير
زهرة: نعل الشيييطان ارشيد راك قجيتيها وليتي ضربها وتسبها وتغوت عليها فزنااقي!! نفكرك راها جاتها غير النفس علية ولا حتى انا بغيتني ندير النفس ونخرج من هاد الدار
(شافتو سقر حيت نقطة ضعفو هي هادي)
باززز والله الا بااااز باش تردها ليك كتكرهها فيييك رااجع راسك هي مكانش خاصها تهضر معاك هاكاك وتحتارمك ولكن خاصك تفهمها شوية
(رجعت دخلت تكمل غدااها وكولشي شاد فخديجة والعريس للي مزروب باغي يدير الكاغيط)
سهام: حݣا فخبارو راكي مطلقة
زهرة؛ وعلاه اسهام معاودتلكش قلت ليك راه واحد بغا يخطبها غير باها صيفطو قالو حتى تكمل العدة ديالها نهار كملتها جا
سهام: اممم عجبتيه يا الزغبية ولكن جيتي شهبة حسن هاكا تبقاي تهلاي فراسك
خديجة: اممم
سهام: ديتيه عزري باقي بميكتو ههه
خديجة: اوا الله يجعل سعد بنتك حسن منا قولي امين
سهام: امييين.. غير مو بانتلي حااااااااارة وحتى كلامها بالقواافي وموزوون
نعيمة: حيت بنت القاع والباع هههه خديجة عقلتي فاش كنا كنظحكو على بحال هاد الماركة ههه هانتي طحتي فيها
خديجة: ههه ويييه ولكن بانتلي مو مثقفة وزوينة مهلية فراسها شي حاجة تبهااي بيها قدام الناس
مريم: وحتى نتي هكاك كوني عمري دمااغك وثقفيييه، مهم ماما انا غنمشي راك شفتي دراري شداتهم غير جداتهم ومكتقدرش مسكينة عليهم كيطلقو فشووشهم فيها حتى نوليو نتلقاو فمكناس (ناضت مريم حيت صدعها راجلها بلميساجات من تحت الطبلة حتى نعيمة ناضت كولشي مشا للي شد طريق مكناس للي شد طريق أزرو بقات خديجة كتجمع الدنيا ولكن غير كتلقى الغفلة كتهضر مع يوسف كأي مخطوبين جداد تفكرت ݣاع مجاب ليها الخاتم بغات تحطو غير فسطوري تفقس بيه عائلة طليقها..)
~~~~~~~~~~~~~
وفاء: (حلت ليها باب الدار) كوني هانية الا من جهة اورطيغا هو متيجيش هنا ديما.. مرة مرة وصافي
ملاك: (عجبتها فكرة تكري هاد 10 ايام ب400 درهم، الدار بين الخدمة ولافاااك وحداها كوولشي، ضربت ليها لحساب لوطيل على الاقل 300 حتى 400 درهم فنهار يعني تعطي 400 وللي بقا ديالها وحتى الطموبيل ديالها مغتهزهاش بزااف.. صونات عليها نعيمة)
سمحيلي نجاوب ختي
(بقات كتهضر معاها نعتت ليها فين كاينة) ختي بغات تجي عندي
وفاء: اهاااه طلع مرحبا بيها
ملاك: لا غير لتحت مهم انا نبقى هنا صراحة قنعتيني ههه
وفاء: مزيااان حتى انا لقى وناسة صاحبتي مزال معطلة بزاااااف
ملاك: نتي من فاس؟!
وفاء: لاء تازة ولكن دوزت بزاف هنا فاس قولي عايشة هنا
ملاك: مزيان (دخلت كتوريها لبيت فيه ناموسية كوافوز ماريو صغير ولكن مسدود حيت فيه حوايج لبنت لوخرا مكانش عندها مشكل حيت اصلا باب لبيت بالساروت ومعندها ميتشفر براكة غير لبيت مفرش مزياان، الكوزينة مجهزينها بكولشي رجعت للبيت لقات سرجمها كيطل على الشاريع وكتشوف طموبيلتها لتحت..
غير جات نعيمة هبطت عندها…)
اورطيغا: (مشا لبنسودة هز شي كموند كبيرة فرقها على المطاعم والفنادق للي داير معاهم صونا تيليفونو كانت ليلى) وي الزين دالعااالم
ليلى: ههه انا فاس
اورطيغا: مرحبااا عليها تنقول فاس نوراات
ليلى: ههه (تسناتو يقولها نشوفك) حم مبغيتش تشوفني
اورطيغا: الا كنتي بوحدك معنديش مشكل
ليلى: (تبسمت) انا جيت مع صحاباتي قلت ندوز راس العام هنا انا ويااهم
اورطيغا: (تبسم بمكر فهمها) من دابا ساعة فين نلقاك؟!
ليلى: اممم معرفتش حتى تكمل شنو فيدك وصوني علية
اورطيغا: مشاات
(قطع)
رزقنا يجينا حتى لبين يدينا منشقاااوش عليه …
(رجع كمل خدمتو وتخلص، ضربت 5 دلعشية حط الطابلية فالمحال، وطلع لبرطمة ديال مو دخل دوش حط حوايجو الموسخين فالماكنة كدور عليهم، كانت الدار نقية حيت كل يوماين كتجي مرا كتجمعها وتنقيها بيت مو ديما مسدود وساروتها عندها،
سكسك على حالتو مزيااان، قاد بيتو قلب على بروطيس مالقاهش، هز فلوس ديالو دار باغفان هز باكية دلݣارو سوارتو وتم خارج صونا عليها لقاها فبواط ديال اوطيل زلاغ) بقاي تماك انا جاي (قطع) زلاااااغ!!!
سييييييير على الله…
~~~~~~~~~~~~~
نعيمة: (جالسين كيقصصيو فصلاد فروي للي اونفاص مع نادي التعليم) والله معجبني الحال ولكن من الخير
ملاك: صافي نساي علية انعيمة
نعيمة: لبارح بقيت كنهضر معاها حتى بكيتها وانا نسكت رجعات غير عيشة دميعة ومحسوسة تبدلت بزااااف خديجة هزيتي وحدة وحطيتي وحدة
ملاك: شوفي متعاوديش تجبدي معاها هاد الهضرة انعيمة صافي ضبر راسها اصلا السيدة معلابالهاش وفرحانة وموقع واالو الله يسهل عليها
نعيمة: بصراحة بصراحة املاك واش هو عمرو قالك شي حاجة؟! زعما لمح ليك راه غيكون حتى هو ولد لحراام للي غيشعل العافية بينات لخواتات
ملاك: ما عمرو قالي ولكن براسي كنت مفاهماش واش هداكشي كان تلميحات منو ولا انا عقلي للي كان كيسرح وكنت كنحلم وفهمتو غلاط
(زفرت وتفكيرها كولو فحمزة)
يمكن أنا للي غلطت ديما عقلي كيسرح بعييييد، ولكن خديجة كنت كنقولها كوولشي داكشي باش بقى فية الحال
نعيمة: وغتبقاو مخاصمين؟!
ملاك: ممخاصمينش غير هي مابغاتش تفهم واحد الحاجة تعطيني شوية ديال التيساااع باش مبقاوش نزيدو نتشاحنو
نعيمة: عفاك متبقاوش مخاصمين حنا كبرنا مجموعين نبقاو مجموعين هي غلطت نتي كوني حسن منها
ملاك: صافي سكتي ها حميد جاي (رجع عندها وصلوها للحومة منين هزوها وهوما شدو طريق لمكناس.. طلعت فدروج غير وصلت لفين باتت ديك الليلة وعاد كانت ديال داك كحل العفطة خسرت كمارتها وللي مفهمتش هو كيكرهها علاش غيعطيها تبات فداارو)
لمݣرد لاخر معندو حتى باش يفرش دارو وتفرعين على لخوا الخاوي الله يلݣيها ليه فهاد الليلة…
(دقت حلات ليها لبنت وهي تخرج عينها كانت لابسة غوب فلكحل ولكن معيقة بزااف مشات كتجري لبيتها)
وفاء: اجي عفاك املاك بغييتك
ملاك: (سدت باب الدار ومشات لبيتها لقاتو مشتت بلحوايج ومرون) وي!!
وفاء: (وقفت دايرة يدها على خصرها بحال غتصور) هادي ولا بحالها فلحمر؟!
ملاك: مممم بجوج زوينين (كتشوف فداك صدر للي باين والرجلين للي كيبريو وعاد شعر طويل ومطلوق كانت بلا ميكاب)
وفاء: شنو لحمر حتى لڤلانتاين
ملاك: (مستغربة منها حيت غتخرج هاكا وباين فين غنمشي يا صاحبها يا عاد ضبر مفهمتش واش كرات عند شي وحدة خارجة طريق ولا شنو؟! ) اهااه
وفاء: نتي فين غتسهري؟!
ملاك: علاش نسهر؟؟
وفاء: اليوم راس العام ههه متقوليش غدوزيه فالدار
ملاك: معنديش مع داك تخربيق اصلا (مكيحتافلوش بيه فالدار، كيحتافلو غير بالسنة الأمازيغية)
وفاء: اممم مزيان، دخلي جلسي اصاحبتي الا عجباتك شي حاجة خوديها
ملاك؛ (مع فيها لفضول دخلت كتخطا لحوايج حتى جلست فكرسي وكتشوفها كيف كتقاد لميكاب، مقدرتش تشد لسانها)
غتخرجي بحال هاكا؟!!!!!
بقات زهرة بووحدها كتفكر وتخمم حتى دقت عليها خديجة باش تكلم لجارتها تفكرت بنتها للي مشات مقهووورة من ولدها
(زفرت مع تنهيدة)
الله يدير للي فيها الخير وصافي (ولكن فالاخير عارفة بنتها مكتاخدش كولشي بجدية)
خديجة: شنو اماما نقولها؟!
زهرة: والو انا جاية (خرجت من بيتها ودخلتها لبيت التلفازة فين كانت خديجة جالسة لابسة بيجامتها جديدة للي جابلها يوسف وكتخرب فداك التيليفون طالقة شعرها زعر وروايح عاطية فلبيت كانت فرحانة بزااف بحال اول مرة تخطب وتحب وتزوج..)
نجية: مبارك ومسعود على لبنية والله فرحت ليها من قلبي
زهرة: لهلا يخطيك احبيبتي
ام حمزة: الله يعطيها منوات وعقبال لملاك، خديجة تستاهل كل خير غير هو مع تمشي عندو هزي تولدي
خديجة: ههه ان شاء الله
زهرة: سيري ابنتي الله يرضي عليك عمري كاس اتاي
نجية: مبغيت والو
زهرة: لواااه لواه مكتحلا حتى جلسة بلا اتاي (ناضت خديجة، وشافت فيها) امدرا شي خبار على ولدك
نجية: غييير خلي داك جمل ناعس اختي، طفا تيليفونو وخلانا تالفين باه غيحمااق وانا خفتو يدير فراسو شي حاجة
زهرة: اوا والبنت؟!
نجية: راها فالدار مكتهضر موالو جابت حوايجها كاملين ولكن ماشي بحال اللول دابا غير حانية الراس وكان تشوفي لبارح باها هو يحلف فيها وحنا نفكووه شبعت بكا وشبعتو معاها
زهرة: (زفرت) زواج العائلة شحال خاايب عليها قالو بعد دمك لا يطلييك
نجية: مبغيتهاش اختي ونتي عارفة شكون كنت باغيا وحامقة عليها وخلاو وجهي كحل معاكم.. ولكن باااه الله يسمحلو ويغفر ليه
زهرة: (مكتبغيش تحكر على داك الموضوع) دابا معندو فين يترااجع راها حاملة خاصهم يعاودو يهضرو وبجوج يحنيو الراس
نجية: الله يهديه ويهديها وصافي
زهرة: اميين..
نجية: شفت دوك الناس ماشاء الله تبارك الله معينتهم
زهرة: ههه مالهم؟!
نجية: قالي راجلي كولشي للي فالقهوة شافهم بقا يهضر، باينين لباس عليهم وكان شفتي الطموبيلات باش جاو
زهرة: المووهيم هو المعدن انجية انا غير يتهلالي فيها هادشي للي بغيت
نجية: حتى خديجة مسيكينة صباارة عرفتي راجلي كيقول هادو جاو لصغيرة وانا حيت عارفة كنقولو لخديجة بقا مغااان معايا حتى سول راجلك
زهرة؛ وباقي حاشي نيفو مع بناتي
نجية: الله يسامح اختي زهرة
زهرة: لا اختي نجية قلتهالك داااك نهار مكاين سماحة.. (دخلت خديجة حطت صينية ديال اتاي وطبسيل ديال حلاوي مشكلين وطبسيل فاكية وتمر جلست حداهم ولوخرا بقات كتعاود على ولدها ومرتو وخديجة بقات غير كتشووف حيت حسابلها ملاك وحمزة بجووج عاودت فكرت فيها يمكن هوما بجوج واخا هو مزوج. يمكن غير فهمت غلاط داكشي باش نفاعلت عليها ملاك ديك الليلة…..)
نجية: حقا اخديجة راه هضرت ليك مع الكسالة من غدا بداي تمشي عندها الحمام باش تمسد ليك كرشك ولكن شربي على صباح كاس حليب مع زعفران شعرة عاد سيري وتغلفي مزيان وراني وصيت ليك عبد الهادي يجيبلك حرتوكة
زهرة: حتى انا جبت لحمام نعمرهم ليها بلمساخن تعرݣ عليهم هاد السيمانة
نجية: ان شاء الله ابنتي ميدور شهر حتى تكوني هزيتي
خديجة ان شاء الله اخالتي (باغية وبقوة تحمل من اول شهر مخاصهاااش تزݣل…)
وفاء: (دارت ميكاب سموكي حتى من شعر هزاتو كوب شوفال زغبة مطايراش ودوك بيبي هير منعساهم ببرودوي جايينها خطييرين حطت الكسوة وهي تبهض ملاك كانت لابسة دوبياس كولو مشبك مع سرينغ عينها نيشان مشاتلها ل🍓 حيت باينة نقية بحال وجهها حيدت عينها كتشوف جهة لباب لوخرا لبست كيطمة ومن فوقها مونطو وديك لغوب دارتها فصاك الجلد مع صندالة كانت بصميطات واتروس دلميكاب ودوبياس وملاك حاضيااها)
تبغي تمشي معايا؟!!
ملاك: فين؟!
وفاء: نسهروو
ملاك: انا بانلي هادشي فيه سهرة فششششكل
وفاء: ههه مع صااحبي جاي اليوم ووو نسيت مشريتش ليه كادو قلت نكون كادوووه ههه
(شافتها مظحكتش جمعت الظحكة)
هدا الاكس ديالي كنت مزوجااه اوا دابا كنترونجاو باش رجعو بجوج
ملاك: واخا ماشي شغلي ولكن مفهمتش!!! واش نتي كتقرااي ولا شنو كديري؟!
وفاء: (زفرت) هي قصة من بعد ونعاودها ليييك غير نطلبك عفاااك خلي الضو ديال بيتي مشعوول حتى ضرب ديك 1 عاد طفييه
ملاك: وعلاش؟!
وفاء: محضية هنا وبنادم خاصو غير السبة فين يدووزلي
ملاك: (بقات كتشوف واش تمشي فحالها ولا ترضي فضوولها وتجلس حركت راسها باه ولكن فوجهها مبينا معاجبهتش الحال) واخ
وفاء: شكرا بزااف املاك، هانتي بلا متقدااي الكوزينة فيها كوولشي وعامرة لفريݣو غير جبدي وسخني
(حلت قجر كاين فالنموسية لتحت ديالها)
سقاااطة حتى هي الا بغيتي ندموندي ليك شي عشاا غير صوني علية
ملاك: لا لا متحتاجيش انا نمشي بلاتي ناخد شنو بغيت
وفاء: وعفاااك غير خودي شنو بغيتي اصلا مكاين حتى واحد ولبنت للي معايا شو فوووقاش تجب شهر شهرين
ملاك: صافي خليني على خاطري اوفاء اصلا هادشي معاجبنيش
وفاء: (مابغاتش تحكر) واخا
ملاك: فلوس نعطيهم ليك دابا؟!!
وفاء: لا مالنا مزروبين خودي راحتك (هزت صاكها) انا غنمشي نتلقاو صباح
ملاك: صافي انا غناخد الساروت للي معلق (مشات وفاء بلا متسد بابها عاد بدات ملاك كتبرݣݣ بلا متقيس شي حاجة ولكن راس كيقولها اللهم لوطيل ولا تجلسي مع وحدة معارفاهاش حتى كيف داايرة وعاد هادشي للي دارت على المباشر!!! صونات عليها مها جاوبتها عادي) الو ماما!!
زهرة: مصوناش عليك
ملاك: وااا صافي اماما متمرضيناش اصلا مبيني وبينو حتى هضرة باش يصوني ولا لا ديري مقلت ليك واالو
زهرة: تحلك الفم الحمارة
ملاك: اوا ماما متبقايش تجبدي معايا هاد الهضرة صافي بقا فينا الحال شوية من بعد حتى حاجة مكاينة راه كنبكي ساعة وكنسى بحال حتى حاجة مكاينة راه أنا للي صدقت حمارة.. مهم انا كريت مع واحد الطالبة حسن منمشي نشد لوطيل (عاودتلها غير للي خاص يتقال دوزت ليها مرت حنينها للي كتسول عليها حتى خديجة بغات تهضر معاها وهي تقطع رجعت صونات على مريم بقاو كيهضرو عاودات ليها شنو دارت ولكن ماشي كولشي، غير بغات تجبد ليها موضوع ختها)
مريم وصاافي اختي طلعلي هاد الموضوع فصحتي مهم انا نمشي نتوضااا..
(قطعت وهو يصوني يوسف تنوات غير خديجة تقولو غارت ولا كانت حاطة العين عليك.. جاوبت)
وي يووسف
يوسف: فين اشنيولة شنو بلانك نتي زعما مكتجاوبي مكتسولي درتيلي قلبة ديال العدووو
ملاك: غير كنت عيانة وصافي
يوسف: لا لا شي حاجة كاينة ميمكنش قلبتي علية الفيستا فمرة ااااو
ملاك: والله مكاين واالو
يوسف: واخا نشوفو هاد مكاين والو فينك نجي نشووفك
ملاك: علاش؟!
يوسف: من شحال هادي مكنتيش كتسوليني علاش؟! ودابا منين ولينا فاميلة وحدة مبقيتيش بغيتي تشوفيني
ملاك: (خافت يفهمها عوجة) غير عيانة وصافي ايوسف غدا ونتلقاو
يوسف: فينك نجي عندك
ملاك: عرفتي الدار للي ديتني ليها داك نهار (مجازبش) امطنا تماك
يوسف: اش كديري تماك
ملاك: كريت هنا مع واحد الطالبة
يوسف: واش تلاقيتي باورطيغا؟!
ملاك: وعلاش نتلقاه مالو هو مول الدار حتى هو غير كراااي انا كريت مع شي طالبة كما قلتلك وصافي عندي شي شغل فلفاك وقلت نكري هنا حسن والخدمة غتكون غير قريبة
يوسف: اممم عطيني ساعة نجي عندك (ياله جات ترفض قطع جاتو عجب كمل شغلو وتم ماشي عندها…)
ام يوسف: (شربت 4 فناجل لويزة وبابونج باش تكالما كتشوف راجلها شاد تيليكوموند مبرد كيتفرج فالاخبار وولدها لاخر شاد بيسي ومرت ولدها معنقة بنتها كيتفرجو فطابليط)
شفتكم مبردين بحالا حتى حاجة موقعت؟؟
تشاوفو بيناتهم ورجعو شافو فيها بمعنى شنو؟!
ام يوسف: (هزت كفوفها لسما) يااااا ربي، ياااا ربي، يعطيني غير شوية من برودية قلوبكم
اب يوسف: شنو واقع الآلة الغالية
ام يوسف: عجبكم الحال ولدكم شنو دار؟! عجباااتكم ديك نسووبية لملقطة للي بغانا نتشركو فيييها
اخ يوسف: اه صراحة مفهمتش حتى انا جاني هادشي فشكل لبنت باينة ضريفة وعائلتهم مزيانة ولكن يوسف فاللول كانو عندو شرووط اخرى فزواج
ام يوسف: غنتشوه غنتشوه
اب يوسف: غتشوهي؟! حيت ناس دراوش؟! ولا حيت شلوح
اخ يوسف: اه وحتى قضية شلووح
اب يوسف: عادي علاش شنو فيها ومال شلوح
اخ يوسف: نوو انا ماشي حݣرت غي حيت موالفين فالعائلة تتنزوجو غير من هنا اما انا عندي كولشي بحال بحال
اب يوسف: هدا تيبقى اختيار خوك وخاصنا نحتارمووه وانا شخصيا عجبوني هاد الناس
ام يوسف: وعلاش بالسلامة نحتارمو القرار ديالو وهو محتارمناااشي
اب يوسف: دابا نتي شنو العيب للي شفتي فالعائلة
ام يوسف: شوف انا سهمي ماشي من سهمهم انا فين وهوما فييين ميتعلقوش فشي حاجة للي بعيدة عليهم
اب يوسف: (بقا كيشوووف فيها وغير حشم يهضر حيت غيجيبها فراسو)
حشومة الآلة الغالية ما هي غير شي أيااام قليلة وغتكون مرت ولدك وتكون وحدة منا
ام يوسف: مااا مني ماامنها آش جاب لجاب شوف سمعني اسيد الحاج انا معجبنيش هادشي ومرضيييش قدام لالة مفتاحة وهي تتقولي اش هاد المستوى طحتو فيه وبغيتونا نطيحو فيه (وقفت) يختار يا انا يا هي…
~~~~~~~~~~~~~
يوسف: (مستغرب بزااف وجودها هنا فلبلاصة للي ساكن فيها اورطيغا وللي متأكد منو ان واحد فيهم مكيحمل لاخر خرجت عندو كانت لابسة كيطمة قطنية وسبرديلة وفوقها مونطو ومع شتا كطيح طلعت نيشان لطموبيلتو)
علاش جالسة هنا منين مبغيتيش تبقاي فلوطيل، ياله معايا… حنا دابا ولينا عائلة وحدة مشي معايا للدار بقاي مع غيثة حتى تكملي خدمتك
ملاك: مرتاحة هنا حسن
يوسف: سمعي انا عارف شنو المشكل للي واقع ليك مع الاب ديالك
(زادت تعصبت حيت مابغاتش مشاكلها يعرفهم شي حد)
ملاك: عفاك منهضروش فهاد الموضوع داكشي كيبقى بيني وبين بابا وأصلا مكاين واالو
يوسف: (بقا فيه الحال) باغدوون
ملاك: هانتا شتيني وانا بيخير نمشي فحالي
يوسف: (قاد الجلسة مقابل معاها) مندخلش فمشاكلك مع باباك واخا.. ولكن شنو هو المشكل ديالنا انا وياااك حيت معاجبنيش هادشي وباينة محاملاش حتى تهضري معايا
ملاك: (ببرود) ماااكين حتى شي حاجة
يوسف: سي كاااين ولا علاش هاد القلبة لي درتيلي؟!
ملاك: مدرت والو غير كيبان ليك أحم.. (جمعت لياسها) أأأأأيوسف
يوسف: حم!!! شكون هدا للي شااغل بالك املاك؟! واش شي واحد مخلاكش تهضري معايا داكشي باش جبدتي راسك!!
ملاك: (تبسمت) غير غلطت فسمية او صافي بلا مدير فيها قصة، والله مفهمت كولشي كيبغي يلسقلي شي واحد انا عادي مواقع واالو
يوسف: (بقا كيشوف فيها) نتي راكي عزييييزة عندي بزااف
ملاك: (حنات عينها ورجعت شافت فيه) حتى نتا والله مكاين والو غير الساعة الله الخدمة وصاافي تبرزطت فشي حاجة وصافي
يوسف: عندمن جالسة هنا
ملاك: طالبات كريت معاهم حيت تسجلت ف la licence professionnel صباح وكنتسنى يردو علية
يوسف: مزيان.. مزيان بزااف عقلتي شحال ما عمر الراس
ملاك: ههه نعاود نقوولهالك حيت غتنفعتي فالخدمة وغيتزاد الصالير
يوسف: هه مهم مكاين حتى راجل فحياتك؟!
ملاك: هههه تفتش عليه بالفتيلة والقنديل ومتلقاهش والو ههه راني قلتلك زهري كيطييح غير فنصووصة
يوسف: مع الوقت غتلقاي للي يناسبك، مهم منين مكاين للي يمنعنا يعني نمشيو نتعشااو باغي نتشاور معاك فشي حوايج على ود خديجة
ملاك: نورمال داكشي بيناتكم
يوسف: لا ضرووري رأي ديالك… (صاݣ بطموبيلتو)
ملاك: عفاك منتعطلوش
يوسف: كوني هانية….
يوسف: شنو تشهات لالة ملاك فراس العام
ملاك: (تبسمت وكدور عينها بحال كتفكر) انا صراحة مكنحتافلش بيه
يوسف: قالتها لي خديجة انا كيعجبني نحتافل حيت تنعتابر عام مشا وغنبداو عام جديد يعني تنبغي ندخل ليه بطاقة اخرى نصحح فاش غلطت ننن امم نحقق فيه شنو للي محققتش فالعام للي قبل منو هاكا تنفكر
ملاك: امم مزيان هاكا كولشي تيقول وكيحتافل بشي حاجة ماشي هي ديالنا
يوسف: هههه لالة طهور للي قلبات زلافة ديال لفطور مدايم لا كاس ولا يدو ولا خديم للي تمدو
ملاك: ها!!!
يوسف: ههه والو والو
ملاك: مكنفهمش هاد نقايم ديال فاسة القحيين
يوسف: دابا تعلمي (بقا صايݣ حتى وصلو لكافي نزلو ودخلو للداخل جلسو كانت حتى لانيماسيون فيها..) مرتاحة هنا ولا تبغي نمشيو لشي بلاصة اخرى؟!!
ملاك: (كتشوف لبنات لي لابسة معيق للي لابسة عادي كاين حتى شي عائلات للي لابسة ميني جيب وهو الموت دلبرد) صاڤا.. عادي
يوسف: (هو طلب كافي كريم وهي هوت شوكلت.. شرب جفمة بقا كيشوف وهو يشوف فملاك) انا مزال مقلت الوالدة انّ خديجة ديجا ديڤوغصي
ملاك: علاش؟!
يوسف: مجابتهاش الهضرة
ملاك: ميمكنش ايوسف نتا قبل متخطبها غتكون عاودتي ليها على خديجة ولو غير شوية
يوسف: انا مبغييتش، عارف الوالدة عندها شي شرووط فعروسة ولدها ومبغيتش هاد الشروط تمشي علية وفنفس الوقت مبغيتش نتناوض معاها
ملاك: انا كنشوف مك خاصها تعرف من حقها راه خديجة غتولي وحدة منكم وحدة من العائلة وهادشي مكيتخباااش ماشي عيب ولا حرام
يوسف: انا والله متيهمني واش مطلقة ولا أرملة ولا بنت راسها انا للي تتهمني هي خديجة شفتها عجباتني ورتاحيت معاها بزااف خلاتني نفكر فزواج اوطوماتيك معاها وبديت تنبغييها
ملاك: مزيان
يوسف: انا مبغييتش المشاكل بغيت نتزوج نستاااقر نعيش مرتاح معاها
ملاك: وشنو للي مخوفك؟!
يوسف: الوالدة.. شوية صعيبة مبغييتش نتحط فالموقف ديال نبقى ندافع على مرتي معاها بغيتهم يتقبلوها كما أنا متقبلها مشغل حتى واحد فينا انا وياها
ملاك: هادشي خاصك تقولو ليهم
يوسف: غنقولو ولكن عارف شنو غيجي من مورااه وخديجة دوزت حقها من تمارة وصداااع تمنيت يعاملوها عادي تنقصد الوالدة اما كولشي بيييس فالدار
ملاك: معرفت منقولك ولكن من البدية مخاصش تخبع شي حاجة للي طوال زمان او قصار غتعرف وتماك للي غتكون ردة الفعل خااايبة (بقا ساكت) نتوما كتجمعو الوراق باش تعقدو راه غير فلوراق غتبان من الاحسن تعرف ولكن بطريقتك، خاصك تقولها وهي عادية باش متجيش بحال كتقول شي عيب خاااايب ونتا غير ساترها وكنعرفك كتعرف تقنع
يوسف: (حرك راسو باه) وحاجة اخرى العرس مبغيتوش
ملاك: ههه كترتي علية هادشي راه ماشي معايا كيتناقش هادشي
يوسف: حيت نتي تتفهميني وعندك مع الاقناع ربما لقا عندك شي طريقة
ملاك: ساهلة قول انا مبغييتش العرس انا دوك الفلوس بغيتهم علاش غتصعبها على راسك، نتا مباغيش العرس
يوسف: باغي نتسارا
ملاك: احسن حاجة والله من ديما انا ضد العرس وتسارا برا ياك برا
يوسف: اه.. بغيت نمشي انا وخديجة لــ Zanzibar
ملاك: فين كاينة؟!
يوسف: إفريقيا حتى هي
ملاك: ههه غير دير العرس حسن هههه
يوسف: ههه لا لا بلاصة زوييينة مكرهتش تمشي ليها (جبد تيليفونو كيوريها لبلاصة)
ملاك: وااه بحال المالديف
يوسف: حسن بزااف ورخص ومناظر كتر من خطييييرة..
بقاو مجمعين حتى صونا على خديجة ابيل فيديو وهي تصدم بملاك للي معاه والموسيقى والاجواء كانت زوينة غاااارت منها اه غااارت هي متكية فكاشة وهي مع خطيبها زااهية!! مكرهتش حتى هي تكون معاه ماشي ختها، دوز ليها التيليفون واكيد مغيبينوش خلافهم
ملاك: اهلييين
خديجة: واخيرا هضرتي معايا
ملاك: قبيلة كنت خارجة مع نعيمة (تبسمت) كنا كنديرو الشوبينغ
خديجة: اممم مزيان
ملاك: عرفتي الموت ديال الضحك لعبنا انا وياها وحميد كيحكم شكون كارت كيشي للي غتخلص فينا ساعة جات فيها هههه (شافت فيوسف متعاود ليه حاطة التيليفون مكالي مع قرعة ديال لما) كنا كلعبوها انا ونعيمة ومريم ختي لكبيرة وحتى فاش كتجي ختنا للي فكندا وللي جات فيها تخلص الخطية هه
خديجة: (تقرست بحال ميساج داز ليها بالفن من لتحت لتحت)
يوسف: ههه كنا تنديروها مرة مرة بيناتنا حنا والعشران
ملاك: اه كتجي زوينة وخايبة للي غيخلص لبرووصي هههه
خديجة: (غير كتشوفهم كيضحكو ومستمتعين) نخليكم دابا
ملاك: بسلامة (عطاتو التيليفون، وبقات كتشووف فالاجواء كاين النشاط وكتشوف التيتيز وليكووبل تفكرت حمزة للي مابغاش يتحاايد ولا للي عاد تفكرااتو هزت تيليفونها والو لا اخبار عليه ولكن عرفت من مها مرتو رجعت تسكن معاهم يعني مبقالهاش وجووود فحيااتو وميمكنش تزيد تحشر راسها فحياتو واخا هو للي كذب وطلب ورغب ولكن حمزة قصة وتسالات..
دموندا يوسف على طارط صغييرة وجابوها كيحتافلو بجوج وكان بالصح بدل ليها الجو حتى مكرهتش تعاودلو على حمزة وعلى باها وحتى على خديجة وهي تفرااني…)
~~~~~~~~~~
اورطيغا: (بحال رد الوعي ديالو) كفاش من الفوق؟!
ليلى: حم… حيت مزال فييغج وووو خفت وحنا مزال متباغينا بزاااف باش ن
اورطيغا: (تم واقف مكره لبس الشورط ديالو دغيا)
ليلى: شنو كاين؟! مالك؟ ماالك حبستي؟!!!
اورطيغا: صافي نوضي دوشي ولا شو شنو ديري
(حست باحراج خااااااايب وكببيييير جرت بصبع رجليها لكبير ليزار للي تماك حيت الشومبر كانت سخونة عاد مدت يدها وتغطااات حكمتها لبكية وبكاات،
هزت تيليفونها للي فوق لكوافوز حيدت mode avion منو ودوزت نمرة وهي كتبكي..
تم داخل مغووبش محاملش هاد لبلان قطعت..)
فين نوصلك؟!
ليلى: (زاد عليها) علاش تتعامل معايا هاكا
اورطيغا: (ببرود) عادي خاصني غدا نفيق بكري نوضي دغيا
ليلى: (كتبكي) مكنتيش معايا قبيلة هاكا
اورطيغا: بلا متفرعي لية *** هدا مبلان ما واالو!!
مالي داخل لقبة غير نزور!! وزايدها من لفوق!! منين عارفة راسك فييغج شنو جابك لعندي؟؟
ليلى: (هضرتو كانت قاسحة) حسبتك كتبغيني
اورطيغا: مبغيت حتى ***
(كيجبدو حوايج من ماريووه)
دغيا لبسي نوصلك منين جبتك
ليلى: ندخل للحمام (ناضت من حداه جارة ليزار هازة حوايجها وكتبكي وهو مكره لبس كيطمة ديالو وبقا شاد تيليفونو كانت 1 ونص دالليل شافها تعطلت بزاااااااف مهضرش بقا غير كيتسنى باغي غير يرجع ينعس مستحيل يزيد عليه تهمة اخرى سمع صونيط فلباب استغرب ناض حل مباشرة حتى كيشوف باها اه باها عقل عليه.. ومعاه جوج رجال ومن عينيهم باين عليهم الشر ومناويينش خير وكانو بحال غواال)
اورطيغا: (فنفسو) قو****…
ملاك: (كان رجعها للدار والابتسامة ففمها ماشي بحال ككانت قبل بكل شفافية ومصداقية فوج عليها بلمزيان ومقدرتش تنكر وبالصح محست بوالو معاه من غير أنن كان صديييق حقيييقي ميمكنش شي واحد بلاصتو يتقبل ديك العصبية وداك النفوور للي كانت كتبين ليه ويبقى معاها ويحاول يراضيها جلست جلسة مع رااسها للي مناقش مع قلبها باش تسد هاد الموضووع)
ع🧠: يمكن بالصح مكانش من الاول معتابرني شي حاجة من غير صديقة
ق🫀: ولكن شحال من مرة حسيت فاللول انه معجب غير من كلامو حقا بغيت نشوفك واصرارو فاللول ميمكنش كان داكشي توهم وعاد داك الاهتمام لكبييير
🧠: مع الوقت بين ليك انك صديقة ميمكنش انسان راقي بحالو يلعب بين جوج خوتات وكما الحب كيتعطى الحبيب كيتعطى حتى للصديق
ق🫀: ولكن خديجة براسها كانت كتقولي راه طايح فيك
🧠: ونتي وجاك الاهتمام كبير اعساك هي للي محرومة منو سنين عادي يجيها عاجبااه وحتى نتي يجيك هكاك
ق🫀: وشنو ندير
🧠: كملي حياتك عادي قبل ككنتي حتى قبل من داك حمزة
ق🫀: هداك حريرتو بووحدها الله ياخد فيه الحق
🧠: سمعي موضوع يوسف خاصو يتسد هو صديق وغيكون راجل ختك صافي، وحتى ختك بلا متزيدي معاها مدام هو مكيعني ليك واالو صافي سمحي وديري موقع والو ولكن بحدود…
ملاك: (كتاكل من ديك سقاطة وكتفكر حتى صونا تيليفونها كانت خديجة ابيل ڤيديو) ها مقلنا…
(هاد لمرة جاوبت)
وي خديجة
خديجة: (كانت صورتها كلييير عكس ملاك الي الكاميرا عندها عيانة شوية) فينك رجعتي للدار؟!
ملاك: علاش مقالهالكش يوسف؟!
خديجة: ملاك براكة من هاد المعاملة للي كتعاملي معايا بيها
ملاك؛ (زفرت) انا كنتعامل عادي
خديجة: (كتبكي) نتي مبقيتيش كتحمليني وكولشي شاف هادشي وكولشي ردني انا للي خايبة
ملاك: غير كيبان وصافي
خديجة: شنو درت ليك خايب
ملاك: حتى حاجة واش هادوك ناعسين حداك
خديجة: اممم (دايرة لكيت دورت ليها التيليفون وشعلت الضو موجهة الكاميرا ليهم لقات لبنت ضايرة جيهتها مطرطقة عينها)
ملاك: واش كتعطيهم الراابوور اخديجة شنو يعاودو لمهم غدا نعلي الشيطان وسيري تنعسي راه مكاين واالو
خديجة: متأكدة!!!
ملاك: متأكدة غدا نصوني عليك تصبحي على خير
خديجة: تصبحي على خير..
(قطعت معاها وبقات متكية كان لبيت زوين مصبوغ مزياان النموسية كوافوزات كولشي زوين حتى لفراش) اربي غير شي بيييت بووحدي وبيييييس….
(دارت المسلسل للي كتفرج فيه على مطيب نعااسها… تفكرت ناضت طفات الضو من بيت وفاء ورجعت لبيتها سدت عليها بالساروت وبقات كتفرج.)
~~~~~~~~~
ليلى: (لبست حوايجها غير سمعت صوت باها خرجت من الحمام كتبكي مشات عند باها) papiiii
اورطيغا: (عرف غيسلخوه وغياكلهت فعظامو تبع ليها العين وشاف فيهم ببرود نافخ صدرو ومعوج وجهو) واخا تكون ز*** متعنقش بنتك ونتا لاقيها فدار مع زلال (قرب عندو غير بشوية) مترضاهاش على رااسك ااااا اعموو
…: غادي ندمك
اورطيغا شاف دوك لغوال جايين لعصا فيه فيه وجه ليه اللكمة اللولة وحيت مابغاش توصل لمو كاين غير الدق وسكات مكاين لا غوات لا تخصار هضرة كنسمع غير زدح زدح عيا يدافع على راسو ولكن هجمو عليه بجوووج، مقاتل يرد ضربتو ولكن غلبووه منين بقاو كيركلووه فكرشو صدرو يديه رجلييه هو يدو مكالي بيه غير *** اخر ضربة جاتو ركلة قوية للعين جاتو ديك المقولة الشهيرة ديال “”شكون طفا الضو”” من بعدها دااااخ معرف راسو باش تبلى!!!)
اب ليلى: مغتوقفش هنا مزال نتلقاو هادي غير القرصة اللولة
اورطيغا: (تبسم والدم خارج من فمو حتى ظحك بالجهد واخا واااكلها ودافع الجبهة)
المرة جاية نخرجهالك كتعرج كون هاني ههه
(ضربو واحد بركلة لكرشو)
ا… ههه مزال ال**** غنتلقااو ولكن أجيني ارويييجل بووحدك ماشي جايب جوج بغال معاك
اب ليلى: الحاج بنسليمان دار غلط كبييير ربى لقيط معاه
اورطيغا: ههه هاد لقيط عاد كان **** ليك فبنتك
ليلى: (كانت كتشوف وتبكي جرها باها وتمو ماشيين وهو يجمع الظحكة حيت كلاها بزااف ومقدرش يتحرك من بلاصتو ولباب محلول عليه بغا غير يسدو مقدرش…)
بصعووبة باش بقى كيزحف رد لباب غير برجلو ليمنية معندوش الجهد ينوض يسدو مهم ميبقاش مشرع حيت مغيدخل حد.. عاد زحف لبيتو كيلهت باغي غير يوصل لتيليفونو شاف طبايع ديال الدم فالارض عرف نيفو كينزف حتى من عينو ليسرية الرؤيا فيها غير وااضحة وكيحس الدم تخثر فشفارو وصل لبيت وهو كيلهت مقيووس بزااف هز يدو للي عطاتو لحريق حيت كان مكالي صدرو وكرشو من ركيل ديالهم بحرا جبد التيليفون كانت نفسو غتقطع تلاحلو حدا وجهو بدا كيتنفس بشوية كيرد روووحو عاد هزو وهو دااايخ قلب على نمرة يوسف واخا مكيقشعش مزيااان الوحيد للي جا على بالو اما شفيق الا وصلاتو غينوض صدااع وغتكبر القضية وتوصل الحاج ولمو صونا المرة اللولة حتى تقطع عاود رجع المرة التانية مجاوبش حتى رجع هو مصوني عليه
يوسف: (بصوت نعسان) وي اورطيغاا
اورطيغا: (مقادرش يهضر بزااف) يوسف… اجي عندي
يوسف: (ناض من بلاصتو من صوت لاخر للي بحرا كينطق باين واقعلو شي حاجة مسح على وجهو) شنو واقع؟!! (لا رد) فينك نتا واش فالليدو ولا السعادة؟!!
اورطيغا: السس…سعادة
يوسف: معاك شي واحد
اورطيغا: متقولها لحتى لواحد
يوسف: صافي صافي انا جاي…
(بحرا كيطلع النفس وعيننو غير كتزيد تسد بقا فالارض شحااال مغمض عيينو كيصنت لحريق وسؤال فراسو كيعاااود)
وكان كانت الموت غتجيك دابا؟! باشمن وجه غتقابل ربك؟!
حتى لامتى غتبقى هاكا؟! حتى لامتى غتبقى تابع هادشي!!!
جاه تأنيب الضمير خطيييير واول مرة خااف يمووت وهو فهاد الحالة شحال تطااايف وتقااتل ومخافش كيقول موتووحدة كاينة ولكن هاد المرة!!!! محملش راسو من اللول كولشي كان غااالط!! ولكن تحلف مزياااااان فهاد خينا حيت ضربتو مستحييييل تبقى فيه يردها يردها واخا يعرف تكون اخر حاجة يديرها فهاد الدنيا…
مدة من الوقت سمع الدقااان وتم داخل تابع دوك دمايات مضهشر مكانوش كتاار ولكن وجود الدم بديك الطريقة ومجروور منظر كيخلع وصل لبيت لقاه مليوووح وجهو كولو دمايات عيا يستفسر شنو كاين لاخر بحرا كيقدر يخضر
اورطيغا: ديني لداري فالليدو قبل متكبت القضية هنا
يوسف: (عرف غتكون شي حاجة خااايبة عاونو يوقف سندو عليه كان واااكلها فينما قاسو كيتنغز ويتهز، خرجو للطموبيل برا كانت الدنيا خااوية سد عليه وهو طلع للدار بالزربة هز الجفاف جاڤيل سانيكروا ومسح الدنيا والزربية للي تقاست جمعها دارها تحت نموسية اورطيغا سد باب بيتو بالساروت كما وصاااخ عاد خرج من لبرطمة سادها وتم هابط لعندو)
الا مشينا لشي كلينيك ضروري غيبقاو يسولو كفاش وعلاش وحتى CHU هاكاك. عاد هوما غيعيطو البوليس ولكن
(شاف فوجهو)
ضروووري خاصك تغرز واش هجم عليك شي واحد
اورطيغا: (غير مغمض عينيه اصلا ليسرية مبقاتش بغات تحل)
يوسف: (تفكر وحدة كيعرفها، صونا عليها بريڤي يعرف بعدا واش خدامة جاوبت) وي ماريا انا يوسف… لا نمرتي هي هي غير بغيت نعرف واش خدامة… اه.. ااه لا لا لا حاشة.. قوليلي بغيت نجيب ولد خالي واش الدنيا هانية تم؟!…
اممم شحال دالوقت عندك؟! مزيانة كافية… احسن حاجة… اه ضرووري خاصو يغرز.. صافي مزيان انا 5 دقايق نكون حداك.. لا متجيبي والو شفت فرماسيان حالة ناخدو منها كولشي منزيدش نخلق ليك شي مشكل… (قطع معاها ضار شاف فاورطيغا)
غنديوها للدار عندك تماك حسن..
(لا رد مفهم واالو شنو وقعلو… مشا جاب الفرملية دازو خداو شنو يتحتاج بقات كتسول شنو وقع قالها غير تݣريسا ولكن هي متاقتش مدام هاد التحفظ كامل الا كاينة إن، وصلو لتماك طلعو للعمارة كان صقييير دخلو للدار نيشان لبيتو عاونو تكا استغرب لقا غير مانطة وحدة، لبنت دارت خدمتها بدات كتغرز ليه بين الحاجب والعيين
ماريا: الله يستر ربي حفظك على شوية كانت العين غتخرج ليك
هو كان مقصح حتى ضرصة كيحس بيها بلسانو علاين طير وهو بالحر لحريق دالخياطة والعين حل فمو دخل يدو لبلاصة لحريق نيشان نترها مع غوتة كتلخص لحريق والشمتة زعزعااات دوك لحيوووط لوخرا بقات غير كتشووف صدمها فمو كامل رجع دم)
يوسف: (هو وتشووكا باش تحايد ضرسة هكااك!!!)
ماريا: خاصو ضروري دوا عطيني ورقة وستيلو ايوسف نكتبو ليك ميمكنش يبقا هاكا…
بقاو كيقلبو واالو مكاين حتى شي ستيلو حتى باش يسولو اورطيغا باين دااايخ والالم متمكن منو.. يوسف تفكر ملاك طلع دق عليها محلاتش ورجع صونا باش تعرفو راه غير هو للي كيدق
ملاك: خلعتيتي انا نحل.. (لبست بينوارها ولوات شال عليها وتمات خارجة وعينيها مسدودين بنعاس ووجها منفووخ) مالك ايوسف؟! شنو واقع؟!
يوسف: عطيني ورقة وستيلو ؟!
ملاك: بنيتك؟!
يوسف: (عارفها مغتفاكش عاودلها بالخف دخلت جابت ليه ورقة وستيلو) صافي غير دخلي
ملاك: (بفضول) لا لا نهبط نشوف معاك (شاف فيها) عفاك عفاااك
يوسف: شنو غتهبطي ديري فهاد الوقت
ملاك: وا عفااااك غير نشوف (تم هابط هزت الساروت سدت لباب وتمات هابطة من موراه دخلت للدار كتسمع مرة أنييين مرة يهضر معصب “غير كملي” حتى دخلت كان وجهو مخربق حوايجو فيهم الدم اشمئزت وهي كتشوف فداك المنظر اما هو الألم دعينو ودفمو علاااام اخر عاد ظلووعو شاف فيها وهي مخسرة وجهها كتشوف فحالتو ورجع كيشوف فسقف مشقلب عينو اخر حاجة يسوقلها هاد الساعة، اما هي بقا فيها واخا تعابير وجهها ممساعداهاااش)
ماريا: يوسف باش يعطيوك هاد دوا ضرووري خاص طبيبة تكتبهم ليك وانا هضرت معاها غتعاون معااك ونيت وصلني حيت سالا لبوووز ديالي، وضروري يزول حوايجو وديرلو الكمادات حيت سخانة فيه بزااف على متجيبلو هاد دوا
ملاك: (بقات غير كتشووف وكتسائل شكون دار فيه هاد الحالة حيداتلو ماريا حوايج لفوق بمساعدة يوسف، بقا غير بالسروال شافتوو من لفوق للي بااااين خادم على صحتو واخا سمر الا داك لوين!!! كانو الكدمات باينين فيه بزااف فكرشو ووحدة حدا صدروو كتفو جنبو..)
يوسف: مكاينش للي غيجلس معاه انا نعيط لشفيق
اورطيغا: (بقوة لحريق خرجتلو لا بالغوات) لااااا
ملاك: (جابلها الظحك بحرا جمعاتها منين دارو كيشوفو فيها) حم راه مابغاش
اورطيغا: متعيط حتى لشي واحد
يوسف: ونخليك بوحدك
ملاك: انا نبقى معاه على متجي
يوسف: لا
ملاك: والله ماشي مشكل نبقى حاضياااه
اورطيغا: لا
ملاك: مزال فيك القفوزية غنبقى غير على ميجي يووسف صافي ايوسف انا نبقى معاه نردلو خيرو منين نعست داك نهار فدارو ومخليتلوش الساروت وبقا صاااعر (يوسف معجبوش الحال وللي طمنو هو كرههم لبعضيااتهم كما غيخاف على غيثة هكاك جاتو مع ملاك)
يوسف: مغنتعطلش للي كان صوني علية (ناض خرج من تماك وهي طلعت للدار لفوق جبدت من شانطتها فولار حياتي وهزت مانطة ديال وفاء ودارت فراسها تصبنهاليها وهبطت عندو مشات للكوزينة مالقات والو طلعت للدار عمرت بانيو بالما ودارت فيه ݣلاصوو وهزت لانجيت وتمات هابطة مشات حداه جلست مكيشوفش فيها حتى تحطت يدها وهي كتمسحلو حدا عينو الدم للي يبس فيها دازت لحدا فمو كتمسح ليه ورقبتو اما صدرو مزعمتش تقيسو ومبغااااااااتش، دارت ديك الفولار فلما للي برد مزياان عصرتها ودارتها على جبهتو للي كانت شاعلة العافيا فيها والو محلش عينو محسش، كتشوف كتافو صدروو للي كان فيه شي زغيبات قلال وحدا سرتو ولكرش للي معندوووش، كتشوف ذرعانو لي فيهم شي كيلويات باين كتريني فلاتو مزيااان عاوداتلو العملية ديال الفولار لا هي كتهضر لا هو حل عينيه مرة مرة للي كيزيد يغمضهم بكثرة الألم للي فيه وصااااقر)
شكون دارلك هاد الحالة؟! (لا رد) اه اه شي حسيفة قديمة ولكن راه دݣدݣك بالمعقوووول
اورطيغا: (كيسمع صوت حداه ولكن ودنيييه وراسو تقاااااال.. بلاصة الضرسة كيحس بتوزويييز كولشي عاطيه لحريق مقادر لا يحل عينو ولا يهضر حتى سمع كيجيه تقييل مرة مرة صحتو كتلسعو منين ملاك كتحط فوق جبهتو ديك الفولار الباردة من بعد مكتعصرها..)
ملاك: (بقات كتشوف فيه اول مرة تنتابه انه واخا عزي كما كتقول ولكن زوييين سمورية ديالو بحال شي برازيلي لون موحد بين وجهو وصحتو، معرفتش الموقف فين كاينة واش صحيح ولا غاالط!!! ولكن بغات تبقى كان عندها فضول كبييير تشوفو مدݣدݣ حيت بيناتهم مواقف خايبة وصلاتها تكرهوا، ودابا بقا فيها شوييييييييييية!!!!!! وعندها فضوول تعرف شكون وكفاش وعلاش!!)
واش مغتعلمش طاسيلتك؟!!
(لا رد)
اهيااا ناااري عنداك يكون هاد لخلا مات!!! (دارت صبعها تحت نيفو كتشوف جهة صدرو واش كيطلع ويهبط لقات نفسو ماشي غير سخونة كانت حاااااارة عاودت قاداتلو الفولار طاحت عليها فكرة ناضت بالخف طلعت فدروج كتخلفهم بالزربة دخلت للدار مشات للثلاجة هزت حامضة قطعتها دواور وهبطت لتحت دارتهم فوق جبهتو ونواظرو وعاد حزمت الفولار على راسو دارت يدها على فمها شادة الظحكة وهو يحل عينو ليمنية نص حلة فيها وكانو نظراتو نااايمين وتقاااال.. تفافات)
امم كتحس براسك شوية؟!
(رجعو عينيه تسدوو هزت تيليفونها صورااتو وخلعها يوسف للي دخل وباينة جاي بالزربة جمعت تيليفونها دغيا راجعة اللور
يوسف: (جبد من بلاستيكية صغيرة قطن كان معقم وفيه البنج) مراد حل فمك (حلو شوية) زيد (بقا كيزيد والالم حتى هو كيزيد شاف فبلاصة الضرسة للي كانت جريمة تماااك جبد قطن نقي كينقيلو تماك دوك دمايات عاد حط القطنة لوخرااا للي غير حطهاالو حس بفمو بدا كيبرد وشوية شوية كيمشي داك لحريق حل عينييو ليمنية مزيااان)
يوسف: شوية دابا؟! ديك الفرملية عمراتهالي بنج
اورطيغا: (تبسم بلا خاطرو ولكن مقادرش يحل فمو يهضر)
ملاك: (مبعدة كتشوف فيه وفيوسف للي كيجبد شي رشاشة بقا كيرشها على دوك الكدمات للي عندو ولاخر باينة كيتقسح)
يوسف: وكان مشينا لداري حسن تماك بعدا كاين لفراش اصاحبي
ملاك: راني هبطت مانطة اخرى زيدها عليه ولكن ضروري خاصو يشرب شي دوا دسخانة راه شااعل بلمزياان
يوسف: (معرف واش يعطيه داك دوا حيت فمو مبنج ولكن لوخرا معطاتو هاد دوا الا باش يشربو عطاه دوا غطاه بالمانطة اللولة وزادو التانية)
ملاك صافي غير طلعي نتي تنعسي
ملاك: ونتا شنو غدير؟!
يوسف: انا نبقى معاه على ميصبح الحال باش نمشيو يدير الراديو يقدر يكون كلاها فشي عظم
ملاك: وشنو وقعلو؟!
يوسف: بحالي بحالك مهم سيري نتي طلعي براكة عذبتك معايا
ملاك: ونتا متنعسش مبقالكش لفراش
يوسف: معندي غراض
ملاك: اويلي لا انا نطلع نجيبلك لفراش (مع شافت فيه لقاتو متبع ليها العيين خرجت من لبيت.. وحتى يوسف معتارضش طلعت تابعها لدروج واخا امانة ولكن غتجي ديك لبنت وتفهمها هبطتلو مانطة وحدة للي لقات ووسادة وبونجة طويلة كتطوا مع قصيرة كيبانو هوما للي هازينها)
هادشي للي لقيتلك
يوسف: نتي خملتي ليهم الدار ههه
ملاك: يا حسرة الأمانة شتي عمرك تامني على شي حاجة
يوسف: ههه ميغسي لالة والله بزاف هادشي.. انا غدا تجي لبنت ونفهمها والا معجبهاش الحال غنديك للدار سيف عليك
ملاك: ههه مستحييييل لوطيل كيتسنى… ( تفكرت ) منين يقولك هداك مالو عاودلي
يوسف: للي تيعجبني فيك ماشي فضولية
ملاك: انا وياااك فولة وتقسمت على جوج (كتلعب بحواجبها) تهلاااا (طلعت وهو بقا حتى سدت لباب…)
اصبحنا واصبح الملك لله..
رشيد: (عيا يقلب فماريووه والو مع لوراق حتى زهرة واخا مكتهضروش بقات كتقلب معاه) فين غنكون درتها
زهرة: الماريو كولو تقلب مكايناااش ياكما خليتها فالقهوة ولا طموبيلتك
رشيد: لا لا انا غير شديتها من عند السيد جبتها نيشان للدار عطيتها لخديجة
زهرة: يمكن درتيها فشي جيب دلڤيستا ديالك
رشيد: قلبتهم كاملين
زهرة: ولا يقدر نسيتيها فشي بلاصة اخرى (هزت حاجبها) تفكر مزيان
رشيد: (فهم تلميحها رجعو ملامحو للترجي) الله ينعل الشيطان الزهرة انا غلطت ولكن نتي القلب سميييح
زهرة: القلب سميح!! راه الغدر ارشيد راه بنتي طلقت راجلها على هادشي. ونتا شجعتيها ووقفتي معاها ولا حيت باها ومتبغيش للي يزطم عليها ولكن انا شكون يشجعني وميخليش للي يزطم علية!! سري انا للي تبعتك.. كولشي على ودك نتا نكرتهم وزدت خلفة مدورتش وجهي باش فالتالي تقولي قلبك سميح وغير غلطت خليني سااكتااا
رشيد: غير قولي شنو ندير باش تسمحيلي
زهرة: معندك مدير للي بيني وبينك تهرس ارشيد شحال دي
رشيد: الله يهديك ازهرة
زهرة: (بتنهيدة) الله يهدينا كاملين مهم عاود قلب لبنت ورقة طلاقها خاصهم يوجدو بالجمعة باش نمشيو من تم لسبوع بنتك
رشيد: (مقدرش يقولها ولكن ملقى حتى شي حل اخر)
الولد ملقيت للي يشدولي ازهرة
(خرجت من لبيت زادحة لباب وهو بقا كيستغفر الله وجلس مبقالو جهد باش يقلب من نهار تعرف شنو مخبي وهو مكينعس مزيان مكياكل مزيان حتى كيقول صافي تهدنات كيلقاها غير قدام بناتها كدير الخاطر ولكن غير كينفاردو كتعطيه علاش كيقلب…)
خديجة: ماما بابا واش بدا كيقادلي لوراق راكي عارف حلفلي منولي نخرج باش نقادهم
زهرة: راه كيقاادهم ابنتي كان كيقلب على شي ورقة ديالك باش يديها المقدم
خديجة: صافي راه ديك الكسالة دارت معايا باش تجي هنا وتمسدلي
زهرة: انا نتسنى خالتك نجية تجيبلي داك لحمام
خديجة: واش رجع ولدها؟!
زهرة: مزال، يمكن! مولاتش عاودت جات
خديجة: ولكن عرفتي غير كان كيشوف ملاك جاية كيبقى غير عاس عليها بعينيييه
زهرة: نوضي قادي داك الزعفران شربيه قبل متجي السيدة الحمام درتيه يسخن؟!
خديجة: مزال كان بابا تماك وحشمت
زهرة: سيري ديريه يسخن
(كانت مقادة حمام بلدي فحمامها دغيا كيسخن ليها، عقلها بقا مع راجلها وعلاقتهم وقلبها مضارب مع هاد الطيبوبة الزايدة ديال داك تربية للي معندو ذنب فهادشي كااامل..
جات الكسالة دخلت عند خديجة للي مسداتلها كرشها ودارت معاها تجيبها 3 ايام اخرى… بقات كتفكر غير كفاش دير مع زغب حيت باها مخلاهاش حتى تمشي لكوافوورة وملاك للي كانت كتحايد ليها بالاصيغ مكيناش…)
يوسف: (خرجو من عند طبيب من بعد مدار اورطيغا الراديو على صحتو، وعرف انه معندو حتى شي هرس من غير صبع يدو صغير للي تشعر ليه دار بانضة طبية وعاود داوا لغراز والعين معليهاش ضرر واخا تسدات ليه، خرج من تماك ومشاو لدونتيست للي نيكوليات ليه بلاصة الضرسة وعطاتو شي دوا..
خرج كيعرج شوية بكترة الضرب )
مزال مهداك الله تقولي شنو واقع
اورطيغا: صافي بلان وغنرد صوابو من بعد (دار نظاظرو ديال الشمس) خاص نهضر مع الحاج مقادرش نمشي للمحال معرفت واش يبغي ولا لا!!
يوسف: راه باين غيقولك سير ترتاح
اورطيغا: امم (صونا عليه جاوبو)
صباح الخير الحاج.. اه عرفت مبقى صباح.. شوية عيان ممشيتش.. لا ممشيتش حتى لبنسودة..
(بعد التيليفون على ودنو وزفر من داك نݣير)
راه قلت ليك عياان باينة مقادر نمشي لا هنا لا هنا..
(بقى كينݣر عليه ولاخر معصب مزال فيه الشمتة والحݣرة كطلع وتهبط، محس حتى قطع عليه)
سير الله ينعل ***** فهاد نهار
يوسف: (بقا غير كيشوف فيه هاد بنسليمان معروف دغري بزااف وكولشي كيحتارمو ولكن فالخدمة مكيتفاكش)
شنو؟!
اورطيغا: (زفر ودار يديه فجيابو) صافي اخاي يوسف شديتك معايا بزااف من لبارح منعستي بلا منزيد عليك داابا الله يحفظك ونردهالك فسااعة الخير منساش وقفتك
يوسف: مبيناتناااش اصااحبي، قولي شنو واقع مع الحاج؟!
اورطيغا: راك عارفو الا الخدمة، غتقولو راه تيدفنوني غيقولك قابل شغالك والليل راه ديالك معندوش ياما ارحميني فهادشي
يوسف: ههه وفين تمشي دابا؟!
اورطيغا: بغيت غير نشرب دوا ونمشي نطيح الراس
يوسف: (شاف فالساعة) انا مزال واحد الساعة عاد نمشي للخدمة ياله نفطرو نوصلك سير نتا ترتاح حتى لعشية ونجي عندك اصلا معندي ميداار
اورطيغا: سير اخااي ترتاح هاد الساعة
يوسف: الراحة ملحووقة، (مشاو فطرو خداو دوا للي باقي وصلو للدار، هبط صونا على ملاك كانت فالخدمة وهو مشا لخدمتو مسخسخ دغيا كمل مشا لدارو بدل حوايجو صونا على خديجة) زين ديالي ولالة غزاالتي
خديجة: فين غبرتي علية هاد نهار
يوسف: فالخدمة احبيبة كنت مشيت معطل وبقيت ملهي بزااف هاد نهار
خديجة: وانا نسيتني
يوسف: وااايلي على نساك وانا فينما دورت عويناتي تتنخيل الزين ديالي والله منين دخلت للدار قلت فبالي امتى داك نهار للي ندخل ولقى لالة خديجة تتسناني
خديجة؛ (تبسمت) ان شاء الله
يوسف: شنو دارت حبيبتي هاد نهار
خديجة: واالو راك عارف غير الدار الدار الدار
يوسف: مبقى والو وتخرج حبيبتي تسارا.. حقا فكرتيني نصوني على باباك على حساب يجمع لوراق يقادلك باسبور
خديجة: (متيقتش ودنيها) شنو؟!
يوسف: باسبور.. (مجاوبتش بالصدمة) الووو
خديجة: اه اه انا معاك.. علاش؟!
يوسف: باش نساافرو احبيبة ولكن مغنقولكش فين غنخليها مفاجئة
خديجة: (ناضت كتنقز بالفرحة) ههه واخا (دخلت مها عليها مفهمت والو شافتها غير دايرة يدها على فمها وكتنقز مابغاتش تبين ليه) حم انا نتكلم لماما ونكملو الهضرة
يوسف: واخا حبيبة متعطليش بغيت نتكى…
خديجة: (قطعت) ناااااري يا ماما ناري ياماماااا عرفتي شنو قالي
الام: باسم الله عليك شنو قالك؟!
خديجة: غيعيط لبابا باش يقولو يقادلي الباسبور حيت غيديني للخاريج برا شي فرنسا ولا اسبانيا ولا بلجيكا
الام: (تبسمت) هه الله يسهل عليك ابنتي وشتي هانتي صبرتي واخا صبرتي فدار راجلك لقديم على مجابلك الله راجل جديد كما بغيتيه هههه
خديجة: هههه نااااري والله ممتيقة شتي اماما شحال زوين وظريف وسخي معايا ݣاع ممحسسني انا مطلقة
الام: باينة فيه ولد الخير الله يتاويييكم الخير ابنتي
خديجة: اميييييين امين امييييين.. (بفرحة) الله يسهل حتى على ملاك ونفرحو بيها
الام: امين ابنتي
خديجة: مالكي اماما من لبارح ونتي غير تالفة وكتخممي
الام: غنقول لباك يجيب الولد معندي مندير وسمعت مرت حنينك عيطولها الناس فلبلاد مبغا حد يشدو ولا يربييه وعلى مسمعت مكرفس
خديجة: بففف.. شنو نقولك اماما غتاخدي اجر فيه شتي وكان مكنتش غنتزوج والله حتى نربيه ونهنيك منو
الام: (بتنهييييدة حزن) الله المستعاااان……
الحاج: شتي دابا ولدك شنو عمل!!!
مينا: هو قالك مريض الحاج ونتا عارف ولدي كيبغي يخدم خدمتو
الحاج: اش هاد المرض للي مغيخليهش يمشي يوقف على شغاالو انا منين كنت صغر منو كنت متعلم سخااين تكون فية ونمشي باش ندير بلاصتي بين الݣزاارة ولكن هو مراااضيش يكون ݣزااار عقلو طاااير باغي غير برا
مفتاحة: (دخلت عليهم لبيت حيت كان محلول) اش واقع مال خاااي كيغوت هاكا شنو عملتي ليه نتي ولدك؟!
مينا: (ميقت فيها) واشتاااااا!!! (منين كتعصب كترجع لأصلها) سمعيني امفتاحة فهاد الدار فاي قنت نحتارمك ولكن منين تحطي رجليك فبيتي بلا حتى متسولي ولا تحنحني غتسمعي للي ميعجبكش ياله ضوري تحركي من هنا
(جا يهضر الحاج)
هدا بيتي ختك على العين والراس ولكن باش تجي تݣولي شنو درتلك وعلاش كتغوت مشغلهاش واش دخل ولدي باش كل مرة تبقى تجبدو
(شافت فيها مطرطقة عينها)
بيني وبين رااااجلي وولدي يبقى فالتيقااار ياك هاكا نهار اللول حكمتي عليه يبقى للتيقاار لاش كتجبديه داابا مخليتيه يبقى حدا مو مخليني مهنية بيه مكنعرفوش واش واكل ولا ناعس فخااطرو باش تجي دابا تهضري عليييه!!!
مفتاحة: (مموالفاش للي يغوت عليها) كتعايريني بدراري حيت معنديش
مينا: لا حول ولا قوه الا بالله العلي العظيم واش انا فوكما هضرت تبقاي علية كتعايريني كتنقصي مني وبزااااف على هاد تبهليل الخاااوي راكي كبيرة فالعمر وعقلك مزال صغيير غير محسووسة السلامة يا ربي… (ضارت عند الحاج) هدا الله معاكم نتا مخليهم يضسرو علية مكيحتارموني لا انا لا ولدي وهادشي متافقناش عليه نهار اللول (تمات ماشية لماريووها)
مفتاحة: (بقات كتبكي) هدا جزائي اخويا
مينا: اشريييفة انا متسناي مني حتى شي جزاء مدرتيلي مدرتلك راك ماشي لقيتيني كنسعى فزناقي وجبتيني لداارك انا تزوجت على سنة الله ورسوله وجيت لهاد الدار وعشت فيها 30 عام يعني كيفي كيفففك كما راهي دارك حتى انا داااري ماشي كارية عندك باش تجي طيحيلي جوج دمعات وتقولي جزائي!!!
الحاج: (زيرت عليه يدو ليسرية) نعلو الشيطان
مينا: الشيطان تنعلو ختك للي كل مرة تدخل ولدي فشي حاجة مكتعنيهاش
مفتاحة: خويااا اويلي خويا مشاالي خووويااا
مينا: (مع كانت عاطية بظهر ضارت لقاتو طااح على ظهرو ومن حظو كان جا على النموسية عينيه محلولين ووحتى فمووو ولكن باينة عليه يااااابس بحال ضربو الضو وبقا مصدووم من الشحنة الكهربائية كيشوف فسقف)
الحااااااج اويلي الحااااااااااااج (مشات كتجري لعندو اما لوخرا واقفة على عكازها ومصدووومة رجليها تشللو عليها وهي واقفة كتسنى مينا تطمئن عليه حيت رجليها فشلو وتكوانسااات مقدرتش تلوح خطوة برجليها تشوف خوها ماالو حيت الطيحة للي دار مكتبشرش!!!…)
~~~~~~~~~~~~~
اورطيغا: (دخل كيعرج سد باب الدار نيشان لبيتو تكى بصعووبة هز تريكوه كيشوف كانو كدمات فكرشو كيحس بظلوعو عاطيينو لحريق ولحسن حظو معندوش شي هرس ولا مشكل فالاعضاء بكترة الضرب للي كلا الحريق عندو فراسو وشوية فالضرسة حيت كلاها فاللثة بالنترة للي دار ليها وعاد العين، شعل تيليفونو كانت ابيل من عند ليلى)
مزال ابنت**** عندك الوجه للي يصوني ولكن ماشي انا للي تبقى فية الضربة متبقاش فيك لا نتي لا داك الرعواااني ديال بااك..
(لقا ابيل من عند خوه شفيق وحتى مو جاتو غريبة بجوج مبيناتهمش بزاف دالوقت فهم غيكون غير الحاج تعصب حيت مفتحلوش المحال رجع شفيق صونا عليه مافيه ميجاوب ولا يحل فمو دار سيلونص شرب دوا ودار لغطا على وجهو حيت كان مسخسخ مزياااااان دقيقة كان نااااعس…)
بنات انا التفاعل عندي هو التعاليق راه ديما تنقولها حتى انا تنبغيك نقرا تعاليقكم ونشوف كفاش كتشوفو الاحداث والابطال..
ملاك: (كملت الاجتماع ديالها وخرجت، فضلت تطلق رجليها كتمشى حيت خلات طموبيلتها فباركينغ الحوومة بحكم الخدمة مبعيداش بزااف على فين ساكنة، ديجا كانت تغدات تماااك بانلها محال ديال الحوايج مكتوب فيه صولد 60٪ دخلت ليه بقات كتشوف معجبها واالو خرجت ودخلت لمروة للي حداه قيست ڤيست بسروالو جاو عبارها من غير السروال للي خاصها تنقسو من الطول، خدات ميني بوط بالطالو مع صاكو خلصت وهي هازة الساشيااات عاجباها لبيسة دازت خدات 2 شيلان كتحاول تعمر وقتها وعقلها غير باش متفكرش فحمزة للي لدابا مكلفش راسو حتى بميساج جلست فمحلبة ديال العصائر خدات عصير لاڨوكا وخدات بريوة ومحنشة ديال اللوز كلاتهم وهي كتهضر ابيل فيديو مع نعيمة للي كتوريها تحضيرات سبوع للي غيكون فخم)
حتى انا خاصني نكري شي حاجة دلفريييع
نعيمة: ضرووووري اصلا الجمعة مع تسالي غطلعي عندي
ملاك: داكشي للي كنت دايرة
نعيمة: هضرتي مع خديجة
ملاك: اممم (طلعلها ابيل ديال يوسف) انا نجاوب يوسف
نعيمة: وعلاش كيصوني عليك
ملاك: عادي باقيين كنهضرو
نعيمة: معرفتلكم، زعما محس بوالو وخديجة متكون عاودات ليه والو
ملاك: شنو تعاود ليه اصلا مكاين والو مهم انا نجاوبو راه حتى قبيلات صونا وموليتش رجعت صونيت عليه.. (قطعت معاها وكملت ماكلتها حتى يرجع هو يصوني وداكشي نيت رجع صونا وجاوبت)
وييييي
يوسف: صاڤا ملاك؟!
ملاك: الحمد لله ونت مزيان؟؟!
يوسف: اودي.. عقلتي فالخطوبة ولا نتي مكنتيش حاضرة حقا، واحد السيد من العائلة عزيييز علية
ملاك: (كتاكل) ماالووو؟
يوسف: جاتو كريز وداوه لاكلينيك وانا حااصل فالخدمة ومعنديش حتى كيفاش نسلت نمشي نشوفو
ملاك: مسكين واش مات؟!
يوسف: ها!! لا لا ان شاء الله متوقع ليه والو
ملاك: ان شاء الله، الله يشافيه
يوسف: امين، فينك نتي؟!
ملاك: انا فــــ…ــدوك المحلبات ديال لعواصر للي فالاطلس عرفتي واحد العصير منقووولكش
يوسف: ههه بالصحة والراحة انا بعدا لغدا ملحقتوش
ملاك: عيط على ݣلوڤو
يوسف: ݣلوڤو وعندي ملاك حشووومة حتى لمعاودة
ملاك: قول طامع فية وخلاص
يوسف: هه نصيفطليك لادريس
ملاك: (مشنترة) صيفط
يوسف: شوفي غنطيح عليك رخيييس نتي قريبة من الصيرنووص جيبي 2 بلا زيتون
ملاك: صافي هادشي للي خاصك؟!
يوسف: اه صافي وقرعة ديال الما سيدي علي
ملاك: وييييينو مكتشربش من الروبيني
يوسف: هههه لا
ملاك: صافي واخا انا جاية (مشات للصيرنوص خدات جوج صوندويتشات معقودة كما طلب وخدات حتى هي واحد خدات جوج كانيطات قرعة دلما ومشات شدات تاكسي لخدمتو، غير وصلت صونات عليه طل عليها من السرجم دارلها إشارة تطلع عندو، تمات داخلة كتشوف فهاد المنشئة كان بيرو ديال الصناعة التقليدية طلعت الفوق كانت الدنيا خاوية مكاينش موظفين بزااف لقاتو حدا لباب لابس لكلاص كأي موظف)
يوسف: زارتنا الخير والبركة منين جات عندنا لالة ملاك….
مي حلو: هدا اجر ابنتي زهرة ربي غيجزيك بالخير عليييه
زهرة: (بقات ساهية) عمرني فكرت فنهار للي يغذرني فيه رشيد وعاد ربيييلو ولدو قاااسحة بزاااف وجاتني فوق الجهد
مي حلو: للي غلب يسااامح حتى هو راك شفتيه كيف داير
زهرة: واخا نسامح منساااش انا وياه عمرنا نرجعو كيف كنا من ديما غنبقى نشوفو داك للي غدرني عمرني نعاود نتيق فيه وهاد هاد الولد للي غربي غيزييييد يفكرني
مي حلو: الوقت، الوقت
زهرة: (بزفرة طوييييلة) معلييييش انا للي جيت لعندو رخيييسة
مي حلو: اعود بالله علاش كتقولي هاكا نتي عارفة راسك غالية عندو ونتي الري وشوار فهاد الدار
زهرة: صافي امي حلو بلاش هاد الهضرة علية دابا شنو ندير مع ديك العافية منين ترجع وتشوف الولد
مي حلو: هه هاديك خليها علية
زهرة: هاديك انا ومقادراش عليها لدابا مزال كتقولي معندك كرامة سيري طلقي راسك بحال خديجة هه
مي حلو: زهرة نهضرو بالمعقول ملاك بحال هادشي تخلي راسها فالتيساع نتي قادة على راجلك وهو راه كيبقى باها وعليها بالاحتراام نتوما تنساو وهي تبقى معاه فالعيب ويبقى ديما كارهها
زهرة: اوا مسيكينة تصدمت كتر مني، انا عذراها والا عاود حط يدو عليها والله (حنحن وتم داخل فيدو لبيبي وهاز صويك فيه حويجاتو غير شافتو قلبها تقبط وزاد داك الكره كتر وكتر راها دابا كتشوف نتيجة خيانتو ليها على المباشر وبالدليييل، وعاد خاصها تربيه ماشي سيف عليها ولكن بقا فيها دورت وجهها وهو يحطو لمرت باه للي مدت يدها وغمزااتو باش يغبر جبد من جيب جاكيطتو ساشي صغيرة وحطها حدا زهرة للي بغا يبوس راسها وهي تحنيه كتر واخا هكاك حنا وباسها بلا هضرة، خرج ناضت زهرة طرقت باب بيتها ورجعت كتشوف فداك تربية للي نااااعس)
مي حلو: اه اه مسيكين واش هو للي نادب لراسو هاكا!!! لا لا هادو صباع مطراسييين فحنكوو
زهرة: (جات كطل عليه فكووه من ديك الكاشة للي ملوي فيها)
اويلي استغفر الله هادي طرشة بااااينة شوفي عنقو مسيكين وصباع فين مطراسيين ويلي استغفر الله الله يعطي القطع للي ضرب هاد الملايكة!!!!
(فكولو ديك التحزيمة للي كان محزم حيت ماشي ݣماط هداك وعاد مزيرين عليه)
واش بغاو يقتلووه هادو!¡!! (لقاو ليكوووش عااامر والولد هااابط بالمشݣ وطيااااب لدرجة مسلوخ بالحريق حل عويناتو كيبكي منين قاسوووه تماك بقا فيييهم بزااف لدرجة زهرة بغا عقلها يخرج هي حنيييينة بزاف فدراري صغار قلبولو فداك صويك مافيه حتى زيت ولا شي دهنة حتى من حوايجو للي عاطينو حاالتهم مسخييين)
اش هاد الوحوش للي كان عندهم
مي حلو: على للي سمعت لبنت الله يرحمها كانت يتيمة وغير مرت خوها للي كانت شادة الولد ومعندها حد
من غير خوها
زهرة: واخا يكون شادو كلب وميديرلوش هاد الحالة (شافت) حتى السرة (البوط) مزال مبرات ليه، شوفي كفاش ويييلي استغفر الله (هزت تيليفونها)
اجي دابا عندي نديو ولدك لصبيطار (قطعت حتى بلا ميجاوب)
واخا يكون عدووووها راه غير ملايكة!!!!
مي حلو: الام منين كتمشي كيبقاو ولادها غير يتلاوحو الله يرحمها مسكينة
زهرة: (شافت فالولد للي بقا فيها) الله يرحمها….
خديجة: (كانت فسطح دايرة ابيل فيديو مع يوسف وملاك للي جالسين فالبيرو كيتغدااو ويهضرو مجموعين، وهي غير كتشووف حست بغييييرة فشكل خاااافت هاد الاهتمام كامل يكون حب وهو براسو محاااسش خافت يرجع يفكر مزيان يلقى راسو مرتاح كتر مع ملاك خااافت منها تاخد ليها الامل باش تهرب من هاد الحبس، خافت تاخد ليها احسن انسان شافت فحياااتها…)
بصحتكم
(بقات كطل من سطح وهو يبان ليها حمزة جاي وهاز صاك)
جا حمزة
ملاك: (وجهها تخطف وشافت فختها)
يوسف: شكون هاد حمزة!!
خديجة: ولد الجيران
يوسف: (تسيف عليها) ونتي علاش كتدققي يجي ولا لا!!!!
خديجة: هه غرتي علية؟!
يوسف: (بقا كيشوف مخنزر فيها وحتى ملاك غير كتشوف بحزن ولكن ماشي فيها، بقد مكانت منو هو)
خديجة: هانتا احبيبي نفهمك علاش قلتها بلا منحس هو كان مزوج وبغا يتفارق مع مرتو وصدقت حاملة مهم هوما راه جيرانا ديال بالصح مو مكتخويش من عندنا منين عرف مرتو حاملة واقلة مابغاش وهو يطج روييينة وصاافي
يوسف: معندي منعرف بهاد الخزعبلات اخديجة وكنظن حتى نتي مشاكل الناس معندك مديري بيهم ولا تعمري راسك بيهم ولا تبقاي معلقة كتمنضري فللي جاي وللي ماشي
ملاك: (لا رد قلبها غيسكت حتى الماكلة حست بيها واحلة فقرجوطتها معرفت تصرطها ولا تردها)
خديجة: صافي واخا أنا غير م..
يوسف: مهم حنا غنخرجو من بعد ونصوني عليك (قبل متجاوب قطع هو علاش بغا خديجة حيت بعيدة على هادشي ولكن الطريقة باش قالتها!! معرفت واش كانت غيرة عليها ولا شنو مهم معجبوش الحال..) ملاك ملاااااااك
ملاك: هم!!! (رجعت كتكمل السوندويتش للي معندوش منين يهبط) صافي مشييينا!!!
يوسف: (وقف كيقاد شي وراق وجمع لبيسي ديالو) شكون هاد حمزة؟!
ملاك: (بلعت ريقها) كما قالت ولد الجيران
يوسف: وعلاش خديجة ذكراتو
ملاك: عادي راه قالت مو مكتخويش من عندنا يعني كنعرفوهم مزيان قراااب لينا بحال العائلة
يوسف: ومحاطش العين عليها؟!!
ملاك: (كتجاوب وكتحس براسها مخنوقة بزااف) لا
يوسف: مالكي؟!!
ملاك: واالو غير فية نعاس راك شفت لبارح منعستش بكري
يوسف: امم انا نوصلك من بعد نمشي نشوف داك السيد للي قلت ليك (صونا عليه شفيق) سمحلي نجاوب…
وي شفيييق… لا مزال فالخدمة… اممم مشفتوش… وايلي مزال مفخباارو… اهاااه عطييني لادغيس (دار راسو معارفش) نمشي نشوفو واش كاين تماك.. ياك الحاج مزيان… اممم صافي صافي واخا أنا نرد عليك (قطع معاه)
ياله نوصلك رتاحي فالليل نقدر نجي لعندك غيخصك شي حاجة!!!
ملاك: (مكتسمعش كلمة من عندو باغية غير توصل للدار تكون بووحدها حتى تيليفونها دارت مود أڤيون حتى توصل للدار مبقات عرفت لا ظحك لا تهضر وحتى صوتو تقيل فودنيها بغاتو غير يسكت مكتسمع واالو منو وصلو شافتو بغا يطلع)
فين ماشي
يوسف: نمشي نشوف اورطيغا واش باقي ناعس!! راه لدابا ممشاش عندهم لاكلينيك
ملاك: علاش كيجيه
يوسف: امم الواليد ديالو…..
ملاك: بالصح باه!!! (بقات واقفة حتى حل لاخر لباب شاد فجنبو وحتى وجهو صبح مطبوع كتر من لبارح وحتى عينو بزااف حتى تسدااتلو بقات كتشوف فيه وشاف فيها… حتى كتشوف وفاء طالعة مع درووج غير شافتو وقفت)
وفاء: اورطيغا مالك؟!
اورطيغا: والو، (شاف فيوسف) دخل
وفاء: وااا قولي مالك؟!!!!
يوسف: خاصك تلبس عليك واش مشعلتش تيليفونك فمرة!!
وفاء: (شافتو منخلها يعني غير طلعي باش ميقمعهاش لقات ملاك) زين صاڤا
ملاك: الحمد لله ونت؟! (تمو طالعين ودراري كيشوفو فيهم)
يوسف: كتعرف هادي؟!
اورطيغا: وشنو جابها مع هادي وعلاش هي هنا؟!
يوسف: واش هاد السيدة مزيااانة راها كراات معاها، (مجاوبوش) شوف الحاج بنسليمان جاتو كريز (لاخر شاف فيه منتابه) كانو تيصونيو عليك من قبيلة باش يعلمووك اما حسابلي راها فخباارك
اورطيغا: وفينو دابا؟!
يوسف: مزال فلاكلينيك مهم لبس باش نمشيو (دخل لبيتو للي كيسدو بالساروت) واش هاد السيدة مزيانة للي كرات معاها ملاك
اورطيغا: طاح الحك وصاب غطاه
يوسف: بمعنى
اورطيغا: راه باين
يوسف: (بجدية)
سمع امراد اخر مرة، اااخر مرة تهضر هاكا على ملاك انا نتسناك لتحت.. متعطلش…
(خرج معاجبوش الحال مفهمش علاش كيكرهها هاكا اه بجوج مكيتحاملوش ولكن ميهضرش عليها خاايب.. صونا على خديجة للي مجاوبتش، تم اورطيغا جاي كيعرج شوية داير نظاظر ديال الشمس وصل عندو جلس وهو كيلهت كأنه داير مجهود كبير وكيقاد القب على راسو)
اورطيغا: وهي شنو جلسها مع وحدة الا بالصح كانت متتعرفهاش
يوسف: كرات معاها حيت عندها شي حاجة فلفاك وعاد الخدمة قريبة داكشي باش كراات هنا
اورطيغا: من عندمن كرات؟! وخلات بنات لافاك كاملين وملقات غير وفاء
يوسف: مالها هاد وفاء
اورطيغا: ماملهاش ولكن… مهم هي تعرف الا كانت بعقلها كما تتقول راه غتفرز كولشي…
(بقاو ساكتين حتى وصلو لاكلينيك، كانت العائلة كاملة تماك مع نزل شاف اب ليلى تمشى عادي بارك على راسو باش ميعرجش وعاد هاز راسو ونافخ صدرو يوسف دوخو واش هدا للي كان كيتألم!!! داز من حداااه وهو يضربو بكتفو لاخر مهضرش واورطيغا كان كيتسناه يهضر حتى ضار عاد زير على سنانو واكلها فكتفو ورجلو للي ورك عليها بزااف، يوسف بقا برا كيسلم على شي ناس، كانت غيثة واقفة حدا ماماها للي مجمعين مع شي نسا)
غيثة: اورطيغا (هزت راسها مادة حنكها) صاڤا!!!
اورطيغا: صاڤا (سلم عليها) ونت!!
غيثة: الحمد لله بقا فيا عمو الحاااج (كتحنزز فوجهو للي باين واكل الدق ولكن مسولاتش)
اورطيغا: فين كاينين
ام يوسف: غيثااااا اجي هنا
غيثة: (ممسوقاش) فشومبر 10 الحمد لله فاتها. انا نمشي معاك نوريك
اورطيغا: (حط يدو على كتفها بامتمان) سيري اغيثة تكلمي لماماك من بعد ونشوفك (تم ماشي كيدوز حدا ولاد الحاج للي ممعتابرينوش من غير شفيق كان مع باه لداخل وحتى مو دخل الشومبر كان لقاه فايق، مشا جيهتو) الحاج!! (هز يدو يبوسها وهو يجرها بالزربة… ببرود)
بشوية عليك راك مريض
مينا: (وقفت كتغوت عليه وكتشوف فظهرو) فين كنتي منين كنت نصوني عليك دابا عاد جاي؟!
اورطيغا: (غير ضار عندها طيراتلو نظاظرو حيت بانلها الوجه معنفج وهو بنظرات باردة شاف فيها ولا بنظرة حيت عين مسدوودة)
مينا: دابزتي عاود الكيدار؟!!!
اورطيغا: (ببرود) ماشي بلاصة الغوات هادي الوالدة
شفيق: (شاف فباه للي مخنزر وباغي حتى هو يهضر وهو يسبق) لبارح راه دار كسيدة غير مبغاش يخلعكم
مينا: (بخوف) اويلي على كسيدة وفين وياكما كانت واعرة؟!
اورطيغا: بلا متخافي مكاين والو هاني قداامك حي الحمد لله
مينا: (جراتو عنقااتو) الله اولدي اشمن عين خرجت فيك عااود وعلاش متجيش عند ميمتك تقاابلك وتراعيييك فين جالس وفين عاطي الراس (شافت فالحاج ورجعت شافت فولدها)
اورطيغا: (غير حاط ذقنو على كتاف مو ونظراتو كانت فالحاج قرطاااس ماشي شوفات بلا ميحس براسو، لدرجة الحاج بقا كيدور عينيه، بعد منها) صافي مكاين واالو
مينا: الحاج مسيكييين تخلع عليك بزاااف
اورطيغا: حتى حنا تخلعنا علييه
الحاج: (كيهضر بصعوبة) فاين عملتي هاد لكسيدة؟!
اورطيغا: السعادة علاش؟!
الحاج: وعلاش مفراسي والو؟!
اورطيغا: مكنتش بغيت نخلعكم مهم لباس عليك انا نمشي نرتاح شوية (قبل ميهضرو تم خارج باغي غير يهرب منهم ومن نفاقهم تبعاتو مو بغات تشدو من ذراعو وتقصح)
الوالدة!!!
مينا: شنو هادشي للي راك دير فيه اولدي الحاج عيان ونتا كتقول تمشي شووف كولشي مزال هنا بقا غير شوية!!!
اورطيغا: وشنو نجلس ندير مثلا نصنع دوليبران ولا نعلق السيروم!!
مينا: منك منهم
اورطيغا: وااااناااا ماشي منهم هادو راه ولادو من لحمو ودمو اما انا غير خدام عندو فالمحال وووووووولد مرتو
مينا: (ضرباتو لذراعو وتوعت) براكة من تبووهيل الخاوي هو دايرك بحال ولدو ونتا غير منيييييفخ ومعاجبك حاال
اورطيغا: (حل جاكيطتو هز تريكووه بانلها شحال واكلها وماشي غير هي للي شافت حتى للي قراب تماك) نزيد نوريك
مينا: (ضرباتو لكتافو) الله يقلل حياااك موليتي تحشم من حد (بصوت خافت ميسمعوهاش) دابا يقولو غير ولد مينا دابز شكون عرفك درتي كسيدة
اورطيغا: (مخيخ) خليني نمشي الوالدة راه واقف غير بالبركة (تم ماشي ورجليه شوية كتعرج اما هي شافت فمفتاحة هزت راسها بنفخة ودخلت عند راجلها فين سمعت ولدو كيطاكي ويدافع على اورطيغا وخاصو يرطب شوية معاه حيت قاسح..)
غيثة: اورطيغا
ام يوسف: (غير كتحلف فبنتها للي غير لاسقة فيه دارت عند ختها) اوا ختي معرفنا هاد الموصيبة منااين نزلت علينا معرفت لا أصلها لا فصلها العائلة كولشي تيسول شكون وفين ومنين وانا راسي لتراب معارفة منقول ولا نوري اااانا الغالية للي شان وهما نقولهم زوجت لولدي شلييييحة معندها لا اصل لا مفصل..
اختها: ولبنت زوينة صرااحة
ام يوسف: قول شااارفة ظحكت على وليدي للي يجيبها في العشرينات بلارة وبنت فاميلياااا ااااااح على غدااايدي ومغيدير فية ولدي….
يوسف: (عيا يصوني على خديجة والو مكتجاوبش صيفط ليها اوديو)
معرفت شكون خاصو يتقلق انا ولا نتي للي جالسة فسطح تحسبي لولد الجيران امتى وفوقاش رجع!!!
(صيفطو مكره بقا جالس مع ولاد لفامي وحتى خوه للي جا غير شاف اورطيغا خارج مع ختو مشا عندهم)
غيثة: يوسف مقال لينا والو على هاد لكسيدة وكيف بقيت
اورطيغا: حيت ماشي شي حاجة للي تقال (وقف يوسف) صافي مشينا ياكما باغي تبقى انا نشد تاكسي هانية ختي يوسف
يوسف: غترجع ل..
اورطيغا: (بعياء) بغيت نرتاح شوية راك شايف لبلان
يوسف: امم.. حتى انا نوصلك ونمشي نتكى شوية بلاتي وندووز عندك
غيثة: مغتجيوش لدار الحاج سمعت كولشي غيكونو تماك
يوسف: لا ممساليش
غيثة: فين جالس اورطيغا؟! (هز حواجبو فيها) غير سولت بقييت فيا وصااافي
اورطيغا: (بابتسامة) بسلامة…
يوسف: غيثة سيري حدا الوالدة جلسي حداها
غيثة: حقا ماما سمعتها تتنݣر قبيلة حيت خديجة خطيبتك عمرها سولت فيها
يوسف: ومنين غتجيها النمرة خديجة!! قولها قالك يوسف واش نهار مشينا نخطبو خديتي نمرتها وعطيتها نمرتك باش تسولي فيها وتسول فيك!!
غيثة: بالصح..
يوسف: (لمس على حنكها بلطف) سيري حداها احبيبتي متبقايش واقفة هنا والا عييتي نوصلك للدار معندك مديري هنا..
(مشا عند لاخر للي مدݣدݣ بلا هضرة، وصلو لدارو) متأكد ملاك غتكون مزيان
اورطيغا: قولتي هي بعقلها اوا هنا تبين ليك العقل
يوسف: اممم.. فالليل نجي نجلس معاك
اورطيغا: (صغر عينو فيها) نتا خاطب ختها ولكن هاد الاهتمام بزاااف على وحدة خت خطيبتك
يوسف: قلت جاي عندك ولكن بانلي بلاش
اورطيغا: انا غير بغيت نفهم
يوسف: صافي حتى دابا موقع والو
اورطيغا: وصااافي ايووسف راني م**** فرايي هاد الساعة غير اجي مكاينش اصلا للي يجي يطل علية ولا يضرب فية الفقد
يوسف: صافي يكون خير.. (هبط اورطيغا ولاخر كمل طريقو لدارو للي تسالاو الإصلاحات فيه، عيا كيصوني على خديجة والو مكتجاوبش طلعلو الدم هو للي كان خاصو يتقلق ماشي هي للي حاضية بنادم وحيت مهضرش معاها حس بشي حاجة ناقصاااه على الاقل كيبغي يهضر معاها قبل مينعس…)
~~~~~~~
خديجة: (شادة تيليفونها القديم للي خلات فيه النمرة لقديمة وبقات مصدووومة مطرطقة عينها دارت يدها على فمها بقوة الصدمة الارض مهزاتهاش بقات واقفة كتمشي وتجي فسطح ممتيقاش رجعت شافت فتصاور وكتأكد 7 شهور باش رجعات لدارهم وطلقت واليوم مرت عمر الطليق ديالها دايرين ليها حفلة ديال السااابع وهو جالس على ركابيه كيبوس ليها كرشها للي باينة انها حاااملة ممتيقاش هادشي)
ياك هو عاݣر!!!!!!! كفاش هادشي!!!
لا لا لااااا ميمكنش!!!!!!!
وفاء: (بدلت حوايجها لبست بيجامة دارت شي اتصالات عاد خرجت من بيتها تاالفة دقت على ملاك فبيتها شي دقيقة عاد حلات ليها كانت بلا فولار) اووو غزيييولة بلا فولار
ملاك: شكرا (واقفة وملامحها ميتين بنعاس وفنفسها كتسبها علاش فيقاتها كانت ياله كدخل ليها نعيسة حلوة)
وفاء: ياكما كنتي ناعسة؟!!؟
ملاك: اه
وفاء: باغدوون.. قوليلي مال اورطيغا
ملاك: (هابلة بنعاس) مالو؟!
وفاء: مشفتيش وجهو كيف كان واش دابز!!
ملاك: ختي وفاء وانا مالي يكون شنوما بغا يطرالو انا بغيت غير نعس
وفاء: (تمت داخلة عندها) وصااافي اصاحبتي اشمن نعاس مقلتها حتى أنا للي هاكا عيني من لبارح
ملاك: (عوجت فمها متبعاها بعينها مربعة يدها بضجر) اوا طرف الخبز صعييب
وفاء: (ضارت طرطقت عينها فيها وهي طرطق بالظحك) هههههه اول واحد كيقولي هاكا
ملاك: شوفي انا ماشي شغلي فحياااتك اوفاء ولكن انا كريت معاك بغيت نرتاح منين نجي من خدمتي
وفاء: (تبدلو ملامحها لحزن) الا مهضرتش معاك ولا مع شي حد غندير فراسي شي حاجة
ملاك: ها!!
وفاء: محتاجة نهضر مع شي واحد نسي شنو وقع لي لبارح، عارفة راسي قجرت عليك ولكن معندي هاد الساعة فين نمشي ولا معامن نهضر!!
ملاك: (وفنفسها انا بعدا مكلقى للي يفهمني دخلت جلست فوق النموسية) واخا هضري
وفاء: (جلست فوق الكرسي) السيد للي كنت معاه لبارح دارلي اكبر قااالب طلع اكبر شماتة وانا اكبر مكلخة
ملاك: (بإشارة شنو ولكن بلا متسول)
وفاء: (بتنهيييدة) ضوروووني.. (بألم) معمري حسابلي غيبيعني بحال شي **** تقت فيه بزااف وتسنيت منو بزاااف حسابلي غرجعو ويكون ندم ساااعة!!! احححم معالينا (زفرت) مال اورطيغا؟!
ملاك: ههه للي فيك ممهنيييك
وفاء: عزيييز عندي بزااف داك السيد، واش كان فشي مطايفة عاود!!
ملاك: عاود!! علاش من ديما كيضارب؟!!
وفاء: لا بلعكس واخا مخيييضر ولكن روجوووولة انا نهبط عندو تهبطي معايا
ملاك: وانا مالي حتى نهبط عندو
وفاء: بيناتنا ماشي صاحبتو نتي؟!
ملاك: خليني محتارماااك اوفااء
وفاء: انا قلت هاكا حيت هاكا بانلي
ملاك: حيت شفتيني فدارو انا كنت تماك انا وأصلا مكنتش عارفاها دارو
وفاء: اممم مهم انا نهبط عندو نشوفو ورجع نتي نعسي شوية باش شوية نهردو الناب عفاك متخلينيش بووحدي
ملاك: (تبسمت معاها ابتسامة صفراااااااااااا ولوخرا خرجت كظحك جاتها صرييييحة ورتاحت ليها واخا لا هي من نوعها لا بحالها ومعندهم حتى شي قاسم مشترك…)
وفاء: (مشات لبيتها لبست بينوار رشت بارفان جمعت شعرها كوب شوفال مبغاتش تبقى بوحدها غير تهضر والسلام.. هبطت لعندو عيات دق والو محلش ليها طلعت خائبة.. دخلت لبيتها حيت مجاتش تنوض ملاك عاود…
بقات فبيتها غير كتبغي تغمض عينها كيجي فبالها شنو وقع كتجيها قشعريييرة منظر مقزز لحمها كولو كيضرها كولشي كان فيها الضرب الاغتصاب الاهانة متوقعتهاش منو وهي للي قالت واخيرا غتكون وتبقر على واحد كيمووت عليها وتحاول ترجع تستااقر معاه.. شافت فتيليفونها كان كيصوني قلبت التيليفون ويديها كيرجفو ورجعت مكمشة فوق ناموسية وحاشية راسها بين رجليها وردت الغلط كوووووولوو فيها من نهار رجع كولشي عندها كووول وعادي وحياتها اللور اللور…..)
خديجة: (صونات على ملاك مجاوبتتهاش صونات على مريم) الووو مريم واش راكي بوحدك
مريم: اه دراري فقرايتهم والراجل فالخدمة مالكي؟!!
خديجة: موصييبا اختي موصييبا
مريم: (تخلعت) اشنو واقع؟! ماما لباس عليها!!!!
خديجة: لباس لباس.. انا اختي انا..
مريم: شنوووو!!
خديجة: عمر امريم عمر مرتو حاملة وعندها شي سبع شهور
مريم: ياك مكيولدش!!
خديجة: (كتخبط ففخاضها) السيد عماااين كاملها وهو مكيقدر حتى يق** معايا 8 سنين وانا نرغبو على التحاليل وهو نووون واش بغا وكولشي عارف العيب منو
مريم: 7 شهور باش طلقتو!!
خديجة: اويلي اختي مريم نكون انا للي عاݣرة وبالصح هو لي كان صابر علية
مريم: ياك بيدي درت ليك التحاليل ففاس طبيبة قالت ليك كولشي مزيان وحتى خزان البويضات عندك مزياان
خديجة: اوا وعلاش حملت مرتو؟!
مريم: اختي قضاء الله وقدره يهب لمن يشاء مديريش فباالك صافي نتوما تفارقتو كل واحد يعيش حياتو متنسايش راه مبقى ليك والو وديري لاكط ديالك وتبداي حتى نتي حيااتك
خديجة: الله يا ربي اشنو مخبي لية عاااود
مريم: استغفري الله اصاحبتي.. اجي بعداا منين عرفتي مرتو حاملة؟!
خديجة: صيفطلي فلواتساب دالنمرة القديمة
مريم: وعلاش مزال مبلوكيتيه ياك اصلا قلنا ليك هرسي ديك النمرة!! حتى نتي اخديجة!!!
خديجة: دابا واش انا فوقت هادشي راني خايفة نكون انا لي معيووبة هاد المرة نموووت فيها إلا عاودت تطلقت مبغيييتش نخسر يووسف
مريم: وصاافي حتى نتي استغفري مولاك ربي هو للي كيكتب لكل واحد فينا ارزااقو استغفري الله ونساي عليك ومتعاوديش تهضري مع عمر راكم تفارقتو ونتي داخلة على حياة جديدة ديري عقلك اخديجة ودعي الخير تلقااايه… سيري بلا متفقسي راسك نصوني على ماما..
خديجة: بسلامة ختي (قطعت بقات مخلوعة، رجعت لفين حاطة تيليفونها كان يوسف مصوني عليها 5 دلمراات تأفأفت معندها خاطر تهضر وبقات غير كتصووط…)
~~~~~~~~~
أم يوسف: (شافت الوقت غير كيزيد ومبقى واالو وولدها غيعقد على وحدة محاملاها مباغاااهااا وممستعداش حتى تعطيها فرصة حاااارت شنو ديير ولدها راسو ياابس عليها وشاد فلبنت بيدو وسنانو وعاد كبيرة فالعمر والعائلة ماشي فمستواهم ملقات فيها حتى نقطة ديال الضو للي ممكن تبدا تقبلها كنتها، بقات كتشوف فمجمع العائلة حاسة براسها غدير موصييبة كولشي باغي يعرف مرت ولدها وهي موالفة الشيكي والنخوة وهادي للي غتجيب بعييييدة كل البعد عليها وعلى عائلتها راسها داااخ ومبقات عرفت راسها شنو غدييير….)
خديجة: (جاوبااتو) وييي يوسف
يوسف: (عاد فايق من نعاس) علاش متتجاوبيش؟!!!
خديجة: مخاصمة معاك
يوسف: وشكون خاصو يتقلق انا ولا نتي اخر مرة، اااااااخر مرة اخديجة تبقاي حاضية لية بناااادم شتي يوسف للي تتعرفي غيبان ليك واحد ااااخر (كتبسم من غيرتو) نتقبل كولشي الا تشوفي فشي واحد اااخر، من بين الناس ختاريتك حيت عارفك مربية ومتخلينيش هاد الثقة تزووول
خديجة: اولا هداك السيد راه كان خطيب ملاك وحيت كنتو بجوج بيكم كتغدااو قلتها ليها هي يعني الهضرة كانت موجهة ليها
يوسف: ولووو وهانتي قلتيها كااااااان هي وممعمراش راسها بيه اصلا
خديجة: وشكون قالها ليك
يوسف: حيت عمرها جبداتولي وحتى فاش هضرتي عليها مسوقااتش
خديجة: شووف ملاك هادشي مكتعاودو حتى لشي واحد حتى حنا خوتاتها ومكتعاودش لينا، وبالصح ممعمراش راسها حيت مزوج وقريب تزاد عندو بنت ولا ولد
يوسف: شتي كفاش تتباني داابا بفمك تتقولي بالصح ممعمراش راسها بيه ونتي كتقولها فلان ما فلان مفهمتش تتصغري راسك اخديجة
خديجة: (بحال ضربها بطرشة)
يوسف: خلي عليك هاد نقااايم الخاوية اخديجة، مهم انا هضرت مع بااك قالي مزال شي ورقة متقداتش ليك
خديجة: اممم ملقاش ورقة طلاق ديالي وخصااه ضروري مشا دفع للمحكمة باش تخرج ليه وحدة اخرى
يوسف: واقلة بقات عندي من نهار جبتيهالي وعطيتيهالي فالقهوة
خديجة: (تفكرت) اممم
يوسف: باقية مقلقة!!! زعما راكي عروسة الاهتمام كامل خاصو يكون ليك وتوجدي راسك لحياة اخرى
خديجة: وليتي كتهضر معايا خاايب ايوسف
يوسف: (زفر) حبيبة هاد الايام مخربق مع الخدمة والدار
خديجة: كما قلتي انا عرووسة يعني وقتك خاصك تعطيه لية ولا لا!!!
يوسف: كاينة احبيبة وداكشي للي تندير، مهم انا غنخرج عند صااحبي
خديجة: حتى انا مشغولة مع ماما كتقاد شي حاجة على ود سبووع
يوسف: متعذبيليش رااسك راك عارفة شنو تابعك
خديجة: هههه بانلي نتا للي خاصك توجد راااسك (سمعااتو كيظحك) بسلامة
يوسف: خديجة واش خاصك شي حاجة
خديجة: لا الحمد لله باقي عندي من داكشي للي خليتيلي…
يوسف: تنحس بيك مقلقة مني لا!!
خديجة: اه ايوووسف حيت وليتي كتقمعني بزااف, ملاحظتيش؟! معرفت علاش تبدلتي هاكا
يوسف: لااااا فمرة سمعي نقوولك اخديجة انا هو انا باقي باغيك وكتر من اللول ومقاااتل عليك وباغيك تكوني فداري اليوم قبل غدا الا غوت ولا درت شي تصرف ماشي هو هداك كان غير ردة فعل على شنو سمعت منك وخصووووصا قبيلة، خاصك تعرفي ضروووري انا باغيك مرتي ديالي بووحدي من حقي نغير عليك يمكن تتشوفيني اوبن بزااف ولكن انا فهادشي كرجل رجل تقليدي بحال اي رجل اخر مغريبي، فهمتي احبيبة
خديجة: (حركت راسها باه كانت كتقول فبالها غتعيش بحال عقليتهم ماشي تحايد الفولار ولكن ديك رجل تقليدي مفهماتهاش ومبغااش تحكر حتى لمن بعد وتفهم) هاد الموضوع خاصنا نتناقشو فيه وحنا مع بعضياتنا
يوسف: واخا حبيبة غير متبقايش مقلقة انا نمشي عند صاحبي ونصوني عليك تبقاي تجاوبي
خديجة: واااخ….
ملاك: (فاقت على ڤيبرور تيليفونها ناضت دااايخة معرفتش راسها فين كاينة وشكون هي وشنو كدير هنا!!! بقات شي 10 الثواني كتحك فروة شعرها كتمعن، عاد فهمت اش جابها لهاد لبيت هزت تيليفونها كانت خديجة للي كتصوني جاوبت) امممم
خديجة: موصيييبا املاك مووصيييبا
ملاك: (تفافاااات) مالكي وقعات شي حاجة لماما؟!!!
خديجة؛ لا انا، عمر يا ختي مرتو حاملة
ملاك: خلعتيييني ازمر تفووو
خديجة: وراه خاصنا نتخلعو
ملاك: لا خاصكي تخلعي نتي انا علاش نتخلع اختي!!!
خديجة: ياااك املاك زعما معارفااش الموصيبة للي انا فيها
ملاك: لا معارفاااش ومباغاش نعرف. وقققققفت معاك اختي فواحد نهار وفالتالي العربوون باان رديتيني مغيارة ومعرفت شنو!! سمعي اخديجة حنا خواتات ولكن فهادشي معندي منفعك فيه
خديجة: (بقات غير صااقرة بلا متحس) راه يوسف هو للي ختاارني
ملاك: (تبسمت باستهزاء) دابا يطليييه يخضر معاك (قطعت) خرا هاد زبلة عندها فالراس بلاصة لعقل ايخاان (خ***)
خديجة: (بقات فبلاصتها مكانش خاصها تقولها يوسف ختارني هي بغات تصلح معاها ساعة غير كفسااتها رجعت صونات عليها مكتجاوبش بغات غير تعتاذر.. مشات دقت فبيت مها يمكن تعطيها شي حل على الأقل ترتاح غير نفسيا كتسمع غير داك الولد كيبكي وهي كتراري بيييه)
واااا مامااا حلي خلااص
سهام: ههه مك جاتها المراهقة ديال تربية من نهار شدت ربيب نعاود باانت
خديجة: (ضارت مخنزرة فيها) سيري قلبي ساعة بأخرى
سهام: شناااهواا
خديجة: واااا كما كتسمعي ولا غندير صبعي فودنيااا نغوت لبابا وجدي للي جابو هاد الولد ونقول راه سهام مبغاتوووش وجالسة ظحك على ماما وراكي عارفة شنو غيديرو معاك اسهام
سهام: باسم الله عليك نتي فعار الله (طلعت فيها وهبطت ومشات) الله يستر
خديجة: المرض بقيتيلي غير نتي (رجعت كدق وهي تحلها مها لباب وخنزرت فيها باش تسكت)
زهرة: (بهمس) سكتي راه بحرا نعسلي
خديجة؛ ماما بغيت نهضر معاك
زهرة: (حطات لوليد فوق النموسية بشوووووويية باش ميفيقش)
خديجة: مدايرالوش ليكوش دابا يفزݣ ليك لفراش
زهرة: (ردات عليه ليزار) راني دايرة لميكة تحت كاشتو نخليه بعدا يرتاح مسيكين غير شوية راه طايب بزااف (شافت فيه متحسرة) وكان شفتي صحتو كولها ضرب الله يعطيهم القطع
خديجة: علاش شكون ضربو
زهرة: للي كان عندهم بااك وجدك طلعو لتاهلة يمشيو عندهم
خديجة: عنداك يمشي يجبد شي صدااع يصدق ضارب شي واحد تماك
زهرة: اوا راه ولدو هدا للي كلا طريحة دلعصا وهو مزال لحييمة خرجي خرجي غتصدعيييه (خرجت خديجة وتبعاتها مها واقفين حدا باب لبيت مابغاتش تزعزع معاها باش الا فاق تبقى حداه)
دابا غتفضليه علية اماما
زهرة: واش هبيلة راه خوك ابنتي هدا مالك وليتي هاكا غير محسووسة؟!
خديجة: عمر
زهرة: مال طاسيلتو هدا عمر؟!
خديجة: مرتو حاملة وعندها شي سبع شهور
زهرة: اوا بالزعطة بغيتي نمشيو نباركو!!
خديجة: اماما
زهرة: ياك مكيولدش!!
خديجة: واا هادشي للي كنت عارفة
زهرة: ونتي اش عرفك بيه بعدا
خديجة: امم ختو صيفطاتلي تصاور ديال السابع بغاو يفقصوني زعما راه كركبناااك ونتي للي مكتولديش وزوجنا خويا للي كتولد
زهرة: ياك نتي درتي التحاليل ديالك وكولشي بيخير الحمد الله
خديجة: اه درتهم 3 دلمرات غير هادي عام دارتهملي مريم بيدها وطبيبة نفس الهضرة كولشي عندي مزيان
زهرة: ايييييوا صافي هدا هو المهم ابنتي
خديجة: اوا شنو ندير
زهرة: سيري عند خالتك نجية شوفي واش كملت دوك لحوايج دختك راه مبقى والو وسيري عطي راسك شوية دالراحة
خديجة: واااا ماما واش محاساااش بية
زهرة: اش خاص مك ياك طلقتو لاش مزال كتذكرييه اصلا ونتي قربتي تزوجي
خديجة: وعلاش مرتو حملت!!!
زهرة: لا حول ولا قوه الا بالله العلي العظيم (دخلت لبيتها وسدت لباب مخلية خديجة مفقووسة حتى واحد محسات بيه معاها ومفقوس معاها)
ملاك: (كتجر فرجليها بغات دخل طواليط توجدو باش دوش ياله بغات تحل لباب متحلش كولو كتخرج يد ممدودة خرجت عينها صحصحاات من داك تضهشيرة ديال نعاس) اويييلي (طلت برويسها كتبان ليها وفاء سخفاانة راسها على الأرض ومن تكرشيخة للي معوجة فيها باينة فاقدة الوعي ولا ميتة مهم ماشي ناعسة، دخلت اليد للي تمدات لداخل وجرت يد تريكوها وسدت لبوانيي مطرقة لباب وبقات واقفة مصدووومة كتشوف فلباب للي مسدوود)
اويييلي يقولو انا قتلتها ولا يبقاو طالعين هابطين فية فالكوميساريااات والمحاكم…
اويييييييلي واش مااتت!!!
(بقات غير مطرطقة عينها فهاد المشهد درامي للي كتشوفو غير فالافلام والمسلسلات دابا طاحت فيه نييشان)
على زهر عندييييي بابا كان كارهني دابا يزييييد كتر تفوو تفوو وكان بقيت فلوطيييل حسن لي
(بقات كتمشي وتجي قدام طواليط)
زعما تكون ميتة ويييلي والله ميبقى يعاود يجيني شي نعاس!! شنو ندييير فهاد الموصيبة خاص نعتق البنت غتكون حية ان شاء الله غتكون حية!!!
(بانلها غير يوسف تقولهالو مشات لبيت هزت تيليفونها صونات عليه جوج مرات مكيجاوبش.. لبست بينوار كان معلق من مور لباب جاها طويل قدها بحال شي عباية ولوات شال عليها، مشات كتلست الباب حلالو بشوية بحال خيفاها تفيق هبطت درووج للي شاف تعابير وجهها كانت عادية ولكن لداخل خاايفة ومفاهمة والو دقت بشوية حتى رجعت كدق بالجهد حيت محلهاش شي دقيقة وهو يفتح لباب بالجهد)
اورطيغا: (متوقعهاش تكون هي، طلع وهبط فيها وبدوك درابل كتزيد تبان قصييرة) مالكي؟!
ملاك: (شيرت بصبعها لفوق) وفاء يمكن نتاحراات ولا ماتت (مكملتهاش حتى شافتو كيعرج وطالع فدرووج بالزربة) واش نسد لباب؟!!
(مجاوبهاش طلع وهي تبعاتو بشوية شافتو خارج من بيت لبيت)
راها فطواليط
اورطيغا: (شاف فيها باستغراب على هاد البرود حل بالجهد وهو يزدحها للراس حتى تسمعت)
ملاك: ويلي حتى الا مكانتش ميتة تمووت بهاد الدقة للي عطيتيها، حل غير بشوية!!
اورطيغا: (حنا عندها) واافاااا واافاااا (كيضرب حنكها بشوية شاف باكية ديال الكينات كولهم مطرطقين شاربااهم رجع كيطرشها بشوية كيحاول يفيقها باش ترد كتبغي تحل عينها ولكن الجهد واالو دغيا كيتشقلبو ويتغمضو ليها، وقف وخرج) سيري جيبيلي تيليفوني من لتحت
ملاك: منمشييش
اورطيغا: وعلاش؟!
ملاك: منمشييييش سييير نتا انا نحضييها
اورطيغا: غتحضييها!! على اساس غتنوض تهرب (مشا كيعرج بشوية وهي ديك سيري جيبي بأمر متقبلاتهاش رجعت كطل على لبنت خايفة عليها ولكن معرفتش تصرف!! شوية سمعاتو طالع كيهضر مع شي وااحد حتى وصل لتماك خرجت عندو) خاص نديوها لغساني
ملاك: وانا علاش كتشركني فهادشي خاصك نتا تديها للغساني
اورطيغا: عادي ابناادم واش مموالفاش تديري الخير
ملاك: الخير اه ولكن هادشي راه فيه البوليس والانتحار وسيير واجي وانا ماشي ديال هادشي راه يقتلني بابا ونخلع ماما
اورطيغا: (كيفهمها) انا مقادرش نصووݣ وهي خاص يديرولها غسيل المعدة ولد الحومة طبيب تماك هو للي غيتكلف بيها
ملاك: (خافت من باها) وشكون يهبطها فدرووج
اورطيغا: انا غنشوف
ملاك: (بشك) ياكما دايرلي شي قاالب وباغي تصفيهااالي
اورطيغا: (صدمااتو) عندك لسان قد الطول ديالك وشوييييييية دالعقل….
نعيمة: (كانت فالتوجيدات ديال سبوع بنتها حيت عݣوزتها دارت جهدها مضووبل وبغات دير احسن سبوع لحفيييدتها حيت ولدها حمييد عندو مكانة خاااااصة ديما مهلي فيها وداير ليها الخاطر بزااف وحتى نعيمة كتعاملها مزياااان..
كانت فالصالون كتعتاااني بشعرها حتى صونات عليها خديجة كتعاود وتشكي)
ياكما كذب عليك
خديجة: لا لا راه حفلة نيييت والناس معروضة وشطيح الماكلة والسيدة كرشها لفمها لا لا منظنش يديرها غير باش يفقسني ودابا ولاد لحرام عاد بانو لفلوس والماااكل
نعيمة: وعلاش غيفقسك مفهمتش نتي اشنو مشا ليييك اخدييجة من هادشي
خديجة: راه خفت عائلة يوسف يسيقو لخبار والله حتى يسبيوها فية أنا للي مكنولدش ويوقفولي فهاد زوااج
نعيمة: وشنو عرفهم هوما بشي عمر ولا شي زبل خوي راسك من هادشي اخديجة الله يهديييك
خديجة: خفت بزااف خاصني دغيا نحمل انعيمة
نعيمة: كفاش دغيا تحملي رزني ابنتي كيبانلي متعلمتي واالو من للي فات، زواج ماشي هو سبق فية نتساابق معاك الا مكنتيش مقتانعة وباغية تزوجي وتولدي حيت باغية تكوني أم تربي، تسهري، وتحني غير جلسي ابنتي حدا باباك وماماك
خديجة: (جاتها قسحت معاها) لا مقتانعة
نعيمة: ياك ماما مهلية فيك بلمساخن وكديرو جهدكم صافي خلي الباقي على الله هانا شحال وانا نتسنى وعمرني مدرت هاد الحالة للي راكي دايرااها ربي للي كيكتب اخديجة ماشي حنا للي كنتسابقو مع رزقنا
خديجة: اممم عندك الصح
نعيمة: ديري عقلك اخديجة وكبريييه راك داخلة على ناااس يفهموها وهي طايرة ويردووك جفاف بلا متحسي رزني وتقلي وعييقي راه يوسف ماشي هو عمر والشمالية ماشي هي لفييسية
خديجة: (عطاتها علاش كتقلب) عندك الصح
نعيمة: ياله سيري على منخرج من الصالون ونعيط عليك
خديجة: (قطعت، وبقا جامدة فبلاصتها من ديما غتبقى تحس بالنقص من خوتاتها،
ياك ها هي غتزوج يوسف زوين وكتبغيه ولباس عليه ومن عائلة هاي كلااص علاش مزال كيعاملوها هااكا!!!! طلت لقااات نجية داخلة كتبكي ومشات نيشان لبيت زهرة كدق دخلت وسدو عليهم لباب، مكرهتش غير تخرج عندها فلووس وباها مانع عليها الخروج عكس ملاك للي باقية تحت جنااحو وكدور ودردر على خاطرها وعاد تسافر وتبات برا الدار فوقما رشقات ليها ومكاينش للي حتى يسول ولا يقول علاش وفين..
عاود هزت تيليفونها لقديم رجعت شافت تصاور حتى صونا عليها عمر ابيل فيديو قطعت عليه ورجع كتب ليها)
عمر: من ديما كنتي كتحسسيني أنا للي مكنولدش وصدقتي نتينا للي عاقرة!!!
نتينا مصالحة لا لزواج لا تولي أم منين تبعت شوار مي ربي الحمد لله كتب علية نولي أب ووليت رااجل للي عماين وانا كنعاني معاك فيهم عندهم الصح نتي للي سحرتيلي
خديجة: (كتقرا هادشي وكتحس بالشمتة كفاش ردها هي للي ممزيانش ومتسواش محست حتى ردت عليه)
انا بعدا متأكدة انني حاملة من راجلي ولكن نتا ههه كاين الشك سير دير التحاليل الراجل ههه
(صيفطااتو ودغيا تنادم معاها الحال علاش جاوبااتو ݣاع وحتى هو محبسش من الصونيط طفات داك التيليفون وحلفت متعاود تشعلو مرة أخرى….)
اورطيغا: (جلس طالق رجلو ترتاح، عيط على شي دري يجيب معاه شي واحد وكانو ولاد الحومة ولكن ثقة قطع وشاف فيها الحوايج لابسينها كانت مربعة يديها ساهية ومخرجة عينها وباينة مخلوعة) معرفتيش علاش شربت هادشي؟!!!
ملاك: معرفتش
اورطيغا: مقالت ليك والو هاد نهار, حيت قبيلة كنتو طالعين بزوج بيكم
ملاك: (حركت راسها بلا) ناااااااري عنداك تموووت
اورطيغا: (بغا يخلعها) صراحة غتمشي فيها الا وقعت ليها شي حاجة
ملاك: (خرجت عينها) علاش انا مالي؟! هي للي بغات تنتاحر
اورطيغا: ونتي للي كاينة معاها فالدار
ملاك: انا كارية بيت كما هي كارية وكما حتى نتا كاري (دارت يدها فخصرها بحال غدابز) وزايدون مكاينش للي يمشي فيها قدك نتاا
اورطيغا: (شاد الظحكة) أنااا!!!
ملاك: ااااااه، أنا شاهدة اولا هي صاحبتك نتا وهي قبييلة هبطت عندك وانا نعست حتى فقت لقيتها فهاد الحالة بحال والو سممتيها بداك الكلام عندك ولا شربتيها شي حاجة وطلعتيها لحتيها هنا!!!
(طلعت فيه وهبطت) كولشي متوقع منك
اورطيغا: (بقا غير كيشوف فيها زربت علييه، حتى تدق لباب مشا حل كانو جوج دراري وراهم دخلو هزوها)
ملاك: صبر لبسوها مسكينة بعدا شي حاجة طويلة (مشات لبيتها قلبت جابت بينوار وشال عاونها اورطيغا حتى لبسوها حيت كانت لابسة غير كولون وتريكوه لاسقين عليها،
كان بدا يرجع ليها الوعي شوية وعينيها كيتشقلبو هبطوها فدرووج هو رجع دخل لدارو لبس كابيتوشو دار كاسكيط ونظاظر ديال الشمس وتبع دراري اما ملاك بقات بدوك لحوايج تاالفة مشات جابت غير سوارت طموبيلتها ولوراق تبعاتهم زربانة وكتلوم راسها اش داها لشي مشاكل واخا بقات فيها وفاء ولكن هي براسها بعدات غير باش تخلوا مع راسها وتفك حريرتها، وصلو لتحت بقاو كيتسناوها تجيب الطموبيل تحت الدار واورطيغا مزال كيحاول يفيق وفاء جات حداهم طلعوها اللور وهو ركب حداها وزادت لسبيطار الغساني للي قريب ليهم مسافة 5 دقايق)
ملاك: ويلا عيطو لبوليس
اورطيغا: متخافيش صاحبي غيتكلف
ملاك: ويلا مثلا مثلا عيطو البوليس راه غنمشي فيها بابا يقتلني وعاد خدمتي
اورطيغا: متخافيش حتى الا وقعت شي حاجة غنبعدك من هادشي كامل نتي غير درتي بليزير وصلتينا بحال اي واحد شافما وهزنا لصبيطار
ملاك: (بقات كتشوف فيه وفنفسها واش تيق ولا لا!!!)
اورطيغا: شوفي فطريق (قلبت وجهها كتكره هاد لقمييع ديالو مدخلتش من لباب لكبير مشات من لباب اللوراني حلهم العساس دخلت كانو جوج دراري لابسين طابلية ولكن تحلف عليهم ما هوما فرمليا ما هوما من عائلة الصحة هوما براسهم خاص للي يضرب الفقد بيهم..
مهضرتش بقات فالطموبيل ركبوها فكرسي متحرك وزادو بيها جا هو حنا وطل عليها من سرجمها)
صافي سيري نتي رجعي للدار
ملاك: زعما!!!
اورطيغا: (وقف ضاراه رجليه وجنبو) شنو للي زعما ؟!
ملاك: معرفت… نبقى معاكم نعرف غير واش بقات لباس
اورطيغا: لا معندك فين تبقاي بعدي من المشاكل شوية هي غتخوي معدتها وغردها للدار لعندك معندها معنى تبقاي هنا وتجبدي صداع عليك
ملاك: (بقات كتشوف اونفاص معاها وعقلها خدام تبقى ولا متبقااش حتى ضرب بشوية سطح طموبيلتها)
اورطيغا: ياله سيييري بحال والو البوليس يجي
ملاك: وايلي!!!!
اورطيغا: ياله ياله.. باش متبانيش للناس ويقولو مولات الطموبيل الحمرا للي جابتها كانت م.. (شافها ديمارااات راجعة ماشريال تبسم ݣيداها فطريق وتمات ماشي فحالها حتى بلا متلفت ولا تقول بسلامة…)
يتبع
التعليقات 0