ماردش عليها رجع للبيت كيدق فالحمام حيت لي كان مسدود وهو لي ممكن تكون فيه بدا كيتعصب او بالاحرى كيتخلع عارفها ماغتخرجش ماشي ديالها حتى رجعت وغتخرج بلا شوارو ؟ حتى دوبيل دساروت ماعندووش رااسو ولاا كيززدح علييه وحتى الباب دالزاج باش بدفهو بكتفو غيهرسو…وهي تبان ليه البواني كتتحررك والساروت من لداخل كيضور حتى تحل البااب فوجهو مشى عندها دغياااا سخفانة شد فايديهااا وهي هازرة رااسها للبررد لي دخل عليها فااش حلاات البااب بحال شي واحد كان كيتخننق وفجأة عطاوه جرعة كبييرة من الهوااء صدرهاا كيتههز ويتتحط مرخيية بيين ايدييه عينيها مقلوبيين مااحسات بيه حتى هزها مبااشرة للناموسية كيضور بيها ويسول ويقلب فيها وهي عينيها فصقف ماعقلاش على رااسها كتسمع فصوتوو كيغوووت مععصب وايديه كيغطييو جسمها كيترعدو…
محمد : لبااارح قلت لييك نقلبوك اااش عنندك معععكسة ماااعندش حسك شي حااجة تمشي بيهاا
بالخاااطر…حلي عينيك شوفي فيا هزي النفس(هز راسها عندو كيبعد شعر على وجهها فازك ) نفسيي…بشوياا غيير بشويااا مااتغيبييش حلي عيننك…
ضاار بتلفة هز قرعة دالما وكعدها بشويا كيخوي على وجهها ويبررد فخدوها السخان حمريين حتى كتشههق ورجع طلقهاا ولاح قرعة الماء من ايديه معصب كيفووور غاادي حااي تااالف ماباانت ليه غيير فبااب الحماام هزز رجلييه وضربوو بجهههد حتى تلاااح وطااح الجزء العلوي منووو كاامل مشتت عند رجليه حتى قفزاات حلات عينيها بزز كتشوف مالو ..
محمد :ماابقى لاا باب لاا…تا هاد الحمام نعريو اصل موو ااخر مررة يتتسد ااش بااغة تخبي شكون غيدخل علييك نخبي علييه
خلاها كترجعع النفس كيسمع الحاجة من الفووق كتغوت سد عليها البااب حيت ملاابسة والو باش ماينزلوش وقال ليها مكاين والو عاد رجع جبد ليها حوايجها لي جات قدامو هزهاا وقفهاا مرخيية كيلبسها بشويا دوبيااس كل حاجة فشكل وشكون مسوق غير كيخشي ليها حتى لبسها حوايج خفاف حيت حتى قوة الحوايج غتخنقها..
محمد : وقفي قادرة توقفي ولا نهززك وقفي ينشوف
طاحت مرخية على صدرو مضااربة تهز نفس ماهاقلاش على رااسها..
اسماء : ماابغييتش نمشيي..
محمد ووقف مسايرها : ااه اخا غير نوضي…ماغتمشييش
اسماء : فيين غنمشيو ماقادراش..
محمد جر واحد العباية غير مساايرها : غنمشي نتسارااو…نتغدااو على برا مزياانة يلاه نوضي معايا…
عرفاتو كيطنز عليهاا ماعندها جههد تجابد معاه وقفاات معااه حتى لبسها عبااية طوييلة وجبد واحد الشاال بغى يديرو ليها..
اسماء : لا ديير ليا الكحل ماغيجيش معاها البييج…
زفر النفس بقووة هو فين وهي فيين…وهز شاال كحل قادو ليها على رااسها وخرجهاا معاه للكلينييك…من الاول كان جاي على اسااس ياخدها معاه لييه واخا عارفها غترفض ومغتبغيش تمشي حتى ولا غادي بيها بزز..كان متفهمهاا عارفها خايفة تسمع شي حاجة ماتعجبهاش وكيحاول معاها بشوية بشوية حتى توافق على خاطرها ويمشيو يشووف اشنو عندها وتكون حتى هي مستعدة نفسيا حتى ولا كيبات لييه هادشي كيزيد يكبر والاعرااض كيكترو وحتى الدوايات لي عندو ماكافينهاش…والمشكلة ماقادرش يعرف بشكل واضح اش عندها حيت ماشي مجال تخصصو ماباغيش يريسكي فيها..
ركبها فالطوموبيل القدام مبااشرة لكلينييك فالطريق عيط لكنزة موصيها على تسنييم مابقاش عندو الوقت فين يدوز عندها يجيبها من المدرسة ومن تما تلحق عليهم…
الحاجة كطل من الفوق : ماالهم ااش تهررس؟؟
خديحة: مااعرفتش البيت كلو جاج حتى بارح لقينا فييه الزاج
الحاجة: يكونو دابزو ااش قالت لييه تااني خفت نزل عندهم ويدفعني كي داك نهار ؟؟
خديحة: راه هز طوموييل خرج واقيلاا نزلو عندهاا تكون بوحدها ؟؟
الحاجة: نوضي…نوضي نشوفو ااش كاين اميمتي اويلي ماتمشي حتى تسيفط ليا الولد الحبس اويليي ااش قاالت ليه تاا هرس جاج بييتو…
نزللات احاجة كترعد وخديجة تابعاه كتجري دخللو للدار لتحت والحاجة مستنة تشوف اسماء مرة اخرى بحال داك نهار فاش جيفها ولقاتها سخفانة عند الباب…ساعة من القاو حتى حد فالبييت وزاج د الحماام مفرووع مشتت قداامهم بقاو غير كيشوفو فبعضياتهم مافاهميين واالو…
مدة طرييق وكانو قدام الكلينييك خداها مبااشرة فين كاان كلشي وااجد جيت كان معول غيجيبها خلااها مع الدكتوورة اللي كتفضل تبقى هي ومريضتها على انفراد واخا بغى يدخل فالاخر شاف حتى عيى وخلاها تخدم فراحتها معاهااا…السواايع كيدوزو…
واجراءااات كثيييرة كل مرة خارجين بتحليلة وداخليين بلاخرا وهو غادي جاي مرة كيشوف المرضى ديالو مرة كيرجع عنددهم ماقنعوش كلام الممرضات لي كيسولهم على برا وهو يفتح الباب ودخل عليهم لقى اسماء كتلبس فحواايجها والطبيبة كتحيد ليكات دياالها والنضاراات باينو فيها معصبة جامعة فمها و شافت فمحمد حمرررة حاس بيها باغة تنفااجر ومهدنة بزز قدامو…
د : دكتور…اجي معايا دقيقو عفااك…
ايلا كان ممكن..
خرجات للبيرو وهو عاون اسماء حتى لبساات ووقفات كتشوف بنص عين…
محمد : شوية ؟
حركات ليه راسها بايجاب وخرجو عند الدكتورة لي اشارات لاسماء تجلس قداامها وحتى محمد جلس..
د : ماعنديش مانقول غندخل فصلب الموضوع مباشرة حيت هادشي (تاالفة كتهضر بسرعة كتحاول تختار كلماتها بعناية) ماعندي مانمهد فييه ولا نحااول نبسط ليك الاوموور …بكل بساطة ماكين مايتبسط…
محمد بجدية شاف عندها : اشنو كاين ؟
د : انا عارفة ادكتور عارف اشنو كاين ولكن حاسة بيك باغي تأكد انا غنأكد ليك(حركات راسها ) داكشي لي فبالك هو اللي كاين…مدام شفييع عندها كمية كبيييرة…وكمية كبيرة كنعني بيها ماشي شي حاجة اللي نتساهلو ليها…عندها ارتفااع نسبة كبيرة من الدهون فالدم او فالقلب بشكل خاص…وي كلنا عندنا دهون كلنا…ولكن مدام شفيع عندها بمعدل كبيير وطاالع بكشل انا شخصيا صدمنيي…..
حدرات اسماء رااسها قلبها كيضرب كتسمع ليها ومحمد حتى هو كيسمع فييه مايغمز للدكتورة توصل الفكرة بهدووء ولكن كان كيبان ليه خاص اسماء تفهم اش عندها او بالاحرى تخلع وتخاف على صحتها…ماكينفعش معاها الهدوء حيت غتعكز وتهاون علييه فغيابو..
د : كاينيين بزااف دالاسباب انا ميمكنش ليا نحدد سبب وااحد…ممكن يكون ارتفااع على مستوى الكوليستيروول فالدم…قلة النشاط…التوتر النفسي…تقدر تكون مركزة بشكل كبيير على المواد الغدائية لي متكونة من نسبة كبيرة من الدهون…(شافت فيها مطولة كأنها متوقعو السبب ) ويمكن تكون زيادة فالوزن…ميمكنش ليا نحدد السبب كيف قلت لييك حيت مدام شفيع لي غتقول ليا السبب…
اسماء بارتباك هزات فيها رااسها كتبلل شفايفهاا كيفاش غتقول اشنو كتشرب وهي فهاد اللحضة لي ميمكنش تكدب ولا تخبي فيها…
اسماء : م مافهمتش..
د : شنو كنتي كتاكلي ولا كتشربي ا اسماء..كيجيو عندي حالاات كثيييرة بحالك….بكل صراحة قولي ليا…ايلا كان عندك مشكل تدوي قدام الدكتور الشيباتي نطلب منو يخلينا على انفراد !
شافت فيه اسماء جالس بهدووء كيسمع عارفاه واخا يخرج كلشي غيتعطاه كلشي فضوسي علاش غتخبي مزاال…والطبيبة كتشوف فيها..
د : مايمكنش ليا نعاونك ايلا ماعونتينيش نتي…ماشي صبورتييف ياك مكتمارسيش الرياضة ؟
اسماء حركات راسها : لاا..
د : متوترة عندك مشاكل فحيااتك كترجعي لنفسك ؟ واش نتي من النوع الي كيضعاف ولا كيزيد فالوزن ملي كيتعصب ولا كيتسطريسا مثلا ؟
اسماء :كنضعاف….
بجددية حدرات راسها عندها متأكدو من السبب كتسناها غير تعتارف بيه..
د : مدام شفبع وااش كتاخدي شي حاجة…باش تزيدي فالوزن ديالك..انا عارفة الحواب بغيت نسمع منك نتي وتأكدي لياا ؟
هزات فيها رااسها بلعات ريقها ووحركات راسها بايجاب : كنت كنشرب ولكن شحال هذا ملي كنت صغيرة مااشي دبا…
د : اشمن نوع د دوايات كنتي كتاخدي ماشي بوصفة طبية هادي حاجة باينة…تقدري تعطيني الاسماء ديالهم.. ؟
اسماء : ماعقلتش..كنت كنخلط ولكن شجال هذا ماشي داباا ملي كانت عندي تمنطاش عشرين عام هكااك…كانت كتعطيني واحد صاحبتي كينة وسيرو كنخلطهم وكنشربهم…
دوز محند ايديها على وجهة مزييير حاط ايديه هلى دقنو كيسمع ليهاا عاقدهم …
د : مااخفتيش على صححتك ؟ علاش هادشي علااش ؟ قولي …عطيني سبب وااضح وكاافي نفهم مننك علااش كتاخدي داكشي ؟ (شاف فيها محمد سد عيينيه وحلها باس تسايس بشوية عارف طبيعتهاا هكا كتنفعال مع المرضى لي كيتهاونو على صحتهم) مدام شفيع انا ماشي فنيتي نخلعك ولكن كنحااول ناقش معاك الوضع وااش عارفة هادشي لأشنو كيوصل انا غنقوليك شنو كنتي كتشربي حيت حالااات كثييرة وكثيييرة بحالك كيجيوني..جربتي تشربي اوغاديكس*يون ؟ شربتي ابي*تين ؟ شربتي هاداك اشنو سميتو دردك ؟ شربتي اراكت*يين ؟ ونزييدك مزاال ايلا بغيتي تسمعي وباش نكون معاك صرييحة هادشي لي كنتي كتاخدي هو سبب مرضك…واخا تقولي لياا كنتي كتشربي شحااال هذا ولا ماعرفت هادشي مكيعطييش تأثيرو فدييك اللحضة لااا..واش عارفة شنو مكوناات هاد المرض لي كتاخدو واش عارفين خطورتو….
اسماء حركات رااسها عينيها مدمعيين مخلوعة :عاارفة…
د : وعلااش كتاخديه م مافهمتش علاش هاد العيالاات ولااو مهووسيين بالغلض لهاد الدررجة علااش امدام شرحي ليااا ؟؟
باندفااع ردات عليهاا بصوت ضعييف باغة تبكي مخلوعة على صحتها …
اسماء : نتي مامجرباش ادكتورة كلام ناس شو كيقولو…انا عمري فكررت شي نهار نشرب هاادشي…ولكن بنادم ماكيفوتنيش واخا تقولي ليا كلام بنادم ماكيهمش ولكن راه كيمرض كيبقى يطلع وينزل فيااا…كلشي كان كيعيبني… لا راك رقييقة لا كون غلاضيتي من هنا تجي حسن..كنت غير ايلا مشيت لشي منااسبة كيقولو ليا كون كنتي غليضة غتجي هكاا وكون كنتي هكا غتجي حسن….واخا راه كنت عادية ماشي شيي ضعف ولكن حتى حد مكيقيلك…لعبو ليا بعقليي وحتى انا ماكنتش مسوقة لهادشي ولكن دخلو ليا واحد الفكرة هي ايلا غلااضيت غنولي نبان حسن وكولشي ايجي معايا….هي فاش بديت كنقلب على شي حاجة نزيد بيها الوزن كيفماا كااانت…غير تكون رخيصة حيت كنت كنشربهم بلا خبار ماما مكتبغيش هادشي ومكتعطينيش الفلوس باش نشريهم…شربت بزااف داكشي لي قلتي كنت كنشربو عجبني الحاال فاش غلاضييت فسيمانة وحدة….عجبني الحاال بزااف(مسحاات دموعها ) وكلشي لي كنعرف..ولات كتعجبو فرومتي حيت غلاضيت ولي لبستها كتجيني وبنات العائلة ولاو كيسولوني اشنو كندير ..طمعت وليت باغة نغلاض كثر ويزيدو يتصدمو فيا ومانبقاش نسمع ديك الهصرة ديال رقيقة حيت عقداااتني…واخا قالت ليا صاحبتي غير تلت شهر وحبسي ماتبقايش تشربي داكشي انا لا كنت كنشربو العاام كاامل…وكل ست شهر كنبدل بنوع ااخر…كنت كنخاف نرجع نضعااف..
د : لا حول ولاا قووة ايلا بالله..واش انا على قبل كلام الناس نوض نخرج على صحتي..امدام ايلا قالت ليا هاديك نوضي غلااضي غنووض نقوليهاا لا اختي صحتي اهم ليا سيري غلاضي نتي….وااش ملي غتمشي ليا صحتي غينفعني شي سيرو ولا كينة ب عشرين درهم ولا مانعرف ليه شحال؟ وااش نشري دردك ب ميتين درهمر ونخسر على صحتي خمسالااف درهم….كنقسم لييك ماااترجع كيف كانت..الصحة ايلا نقااصت راه صعييب وصعييب ترجع….ماتقوليش ليا صاحبتي شرباتو تلت شهر وانا عاام ..رااه تخاايلي تخاايلي معاياا كان عندك وااحد الجسم نقي وزويين ومافيه حتى ضرر لحمد الله حتى رميتي علييه واحد الحبة مسوسة خطييرة شنو غيوقع فهاد الجسم واش نغيمرض منهاا…راك بحالا خويتي فكرة دالعافية على جسم من الثلج دوبتيه وهلكتييه بيها…هادو ادوية ديال الحسااسية كيعطيهم لطبيبة للضروووورة…فهمتيني راه الطبيب ومكيعطيهم ايلاا ايدا كااانت للضروورة القصوى عاد كنقدري تاخديهم…ونتوما كيجيكم ساهلة عشرين درهم زعما راك ضحكتي على الطبييب وخديتيه ؟ واخا كتحسو انه داك الوزن ماشي طبيعي حييت دااك الدواء غيير كينفخ كيكون لييك واحد الماء مابين الجلد والعضام ديالك…نتي بنفسك مكتبقايش طبيعية….كتحسي براسك طبيعية ؟ كتنفسي مزيان ؟ كتهزي الثقل مزيان ؟كتحركي مزيان ؟ غير ايلا طلعتي فالدروج كنحسي براسك هي هاديك ؟ كتقدري تكملي لاغولاسيون سيكسيول ديالك مزيان..مستحييل ..مستحيل هادشي لي قلت ليك تكوني كديريه بشكل طبيعي…واخا قولي ليا شحال ونتي كتشربييه ؟
حدراات عينيها كيباان ليها محمد تكى على ركابيه وكفو عند بفمو مشبك كيسمع ليها غير سااكت ماتدخلش وماقال حتى حرف…كيسمع منها هادشي لي فضلات تقولو للطبيبة وماتقولوش ليه هو..
اسماء بخوف وخجل منهم حاسة براسها دايرة جرييمة : ملي كنت صغيرة كيف قلت ليك ف فايام المراهقة تقريباا..كنت كنشربو ومن بعد حبيتو ورجعتر واحد الفترة صغيرة ولكن ملي تزوجت حبست مابقيتش كنشربو…حتى ليومنا هذا..
د : واخا وهانتي وصلتي لغيزيلتا لي كنتي كتقلبي عليهاا حاسة برااسك مرتاااحة ؟ راضية على نفسك؟ مرضيتي دابا …هاد الناس معااك ؟ عاجبهم حاالك ؟ باش نحط فالصورة نتي ماشي اوول حالة كتجي عندك ماتحسيش براسك منبودة ونتي لي كتغلطي لا امدام بزااف منننك كيجيز…وااش فرااسك كااين اللي قدر عليه الله وماات بسبب هاد الادوية هادشي ماشي بحال السرطان او السكري او السل اللي كيبانو كتحسي بييهم…لاا…هادشي مكيباانش حيت ماكتعرفييش فين غيأديك…وااش غيفشل ليك القلب ولاا غيسبب لييك العقم…
شافت فيها اسماء بسررعة كيف شاف فيها محمد هااز حجباانو …لكن الطبيبة كملات كلاامها..
د : ااه العقم وعندي حالة…حالة داازت عندي حتى هي شرباات هادشي ولمدة قصيررة باش تكون فعلمك مددة قصيييرة وبان مفعولو فيها…بنية صغييرة..مراهقة..تزوجات ماقدراتش تحمل ملي سيفطاتها واجد الدكتورة عندي لقينا عندها ترااكم الدهوم فالرحم دياالها تسبب ليها فانقطاع ال(سكتات كتفكر الاسم بعصببية وهي تكمل كتشرح بايديها) رااااه العش ديال البيبي كيمشي كيتقطع فالرحم ديالها…يعني الحمل استحاااالة عندها ايلا ادا وقعات معجزة من عند الله…واحد من القرون تراكمت فيهم الدهون حتى مابقاش كيخدم عندها حتى الاطباء ولاو كيخافو يشدو معاها شي تخيتمون مسكينة هي ولات كترغب شي طبيب يتبع معاها ولحد الان متبعة معايا…واش قدرتي تستوعبي هادشي اللي كنقول ليك ولا لاا؟
دوز ايديه على وجههو مزيير بخووف واسى كيشوف فاسماء كتمسح دموعها بلا صوت قدامو..
محمد : كاين علاج ؟ شنو ممكن نديرو باش نأيفيتيو نوقعو فما كفس من هادشي…شنو فنضرك ممكن يكون ؟
د : اول حاجة غنقول لييك براافو..براافو اللي قررتي انك تجي فبداية ضهور الاعرااض…زيادة الوزن ماشي خطير ماشي مرض ولكن كاينين طرق صحية….كاينين مكملات غدااائية كاينة الصبور ولاا حاولو تقبلو نفسكم كيفما نتوما…الالة اللي بغاني يبغيني بعضامي لي لبستها تعجبني فعيني ماشي تعجب تاحد اخر…(تنهداات مهدنة راسها وكملات )
قلت ليك عندك كميية كبييرة من الدهون المتراكمة على مستوى القلب او الدم بكشل عام (كتقرا الضوسي ديالها وكتمد لمحمد كيشوف معاها)عندنا تقرييا دو فاصون نقدرو نعالجو بيهم الحالة ديالك..
اسماء هزاات فيها راسها : كااين العلاج ؟؟
قيل ماترد عليها الدكتورة حسات بايدين محمد حاوطو ايديها المطلوقين محرك ليها راسو بتأكييد…
محمد : كااين كااين(تحنى باس ايديها والدكتورة كتشوف ) سمعي ليها…
د : غنخلي لييك واحد تخيتمون يمكن يكون قاصح علييك شوية ولكن ماعندناش حل ااخر…غتحاولي تبعدي على السكر قدر الامكان حيت عندك نسبة السكري طاالعة…ماكرهتش تحاولي تقطعيه واحد المدة…الوزن ديالك بيان سييغ غيتنقص..غتحاولي تنقصيه بالصبور…صبوور صبوور كنصحك بالصبور قدماا قدرتي عليها قد ما احسن ومدام انه نتي كيعجبك الوزن الزائد تقدري تاخدي كوتش تعلمي معاها حركات زيادة الوزن وبنفس الوقت تحرقي الدهون دياالك…جاولني تقللي من الشحوم واي مصدر يقدر يجييك منو…اعتامدي ع لى الالياف…الخضر..بوم دو تيغ مثلاا العدس ءءء خودي لووز المكسراات بشكل كبيير شوفان الرووز..واخا…؟
كتكتب فالورقة وكتدوي بنفس الزقت..
د : غنشوفو هاد العلاج الاول واش غينفع ايلا مانفعش غنشوفو الحل الثاني…نعطيك موعد بحال هاد النهار لاسومين بخوشين واخا ؟ (شافت فمجمد مبسمة ) دكتور الشيباتي المريضة ديالي يااك ..
محمد : خودي رااحتك…بالنسبة للعلاج الثااني ؟
شافت فاسمااء وحكات وسط شعرها مابغاتش تدوي قدامها وهو فهمها : من الاحسن نشوفو الاول وندوييو على الثاني…
__________
بعد لحضات خرجات الطبييبة مخلية اسماء كتعطي الدم ديالها لاخر تحليلة حتى خداتهم الفرمليو وخرجات خلاتهم…طالبة من محمد يلحق عليها لشي كلام خلات اسماء غير كتشوف ماعرفاتها شنو باغة تقول لبيه…نزلات كم دالعباية على ايديها ورموشها لاصقين على خدودها حانية رااسها وساكتة مزيييرة كتسمع فيه كيدوي مع راانيا حتى كمل كلامو وخرجات عاد تلفت عندها….بلطف حرك ايديه على خسرها ميل راسو حانيه عندها بحالا كيطل عليها وهي حادرااه ل لحضة رجعاات رانيا شافتهم هكااك ورجعاات خرجات حمررة بارتبااك كترمش…
محمد : علاش هاد الدموع واقفين هنا دابا (دوز صباعو على رموشها بهدووء خطف ديك الدمعة )..كاين العلاج علاش الخوف ؟
اسماء هزات كتاافها كتلعب برموشها : ماكانش كيحسابلي غيوقع هادشي كامل انا راه كنت باغي غير نزيد نغلاض شوية مكانش فنيتي هادشي كامل…كون ماقدرتش نولد و وكون ماولدتش تسنيم دابا…كون مكانتش عندي بسباابهم..
محمد : تسنييم فعمرها سبع سنين اللهم بارك كتمرضي راسك بهاد الافكار ايلا كانو مكتابين ماكينش اللي غيحدهم لييك…(هز ايديه كيمسح ليها دموعها برفق) غتدخلي فاكتئاب بهاد الافكار آ اسماء حاولي على راسك شنو ندير معاه راك تلفتيني….كاين العلااج وماغنتهى حتى نشوفك رجعتي حسن ملي كنتي هزي رااسك..(باس راسها وهزو عندوو) شوفي فيا
علاات فيه راسها بمنضر كيدبح ناسية كلشي نسات صحتها ومرضها من اللحضة لي قالت ليها فيه الطبيبة بلي ممكن دوك الادوية يسببو العقم وعمرها تقدر تحمل ايلا اذا وقعت شي معجزة…نزلو دموعها بحررقة كتنخصص اكثر فاش عنقهاا لصدرو محسسها بدفئوو…
اسماء : ديك البنت مسكيينة لي مقداارتش تولد علم الله بحاالهاا باقة صغيييرة وحتى كلام الناس غيزيدو عليها بييه..يسحابليك دابا غيبقاو يسولها علاش ماغلاضتيتيش راه فينما غتلاقى شي حد غيقول ليها مالك ماولدتيش..واهي عارفة راسها مكتولدش علاش كيبقاو يحكو على الضبرة حشومة علييهم ….ماكيقدروش يسكتو ويدخلو لسوق شغلهم يااريت كل واحد يديها فحياتو ويبعد من الناس ياريت
محمد : ندعييو معاها يرزقها الدرية الصالحة ويرزقنا معاها ماتبكيش عليهاا يلاه صافي..
اسماء : علاش كيسولو على شي حوايج بعاد عليهم….كون حتى انا داكشي ليا العكّر وماقدرتش نولد والله حتى نموووت ايلا جات من عند الله مرحبا بيها ولكن دواا دالمرض بميتين وستيين يحرمني من الوليداات نمووت والله حتى نمووت
محمد سااط بنفرفززة وجابها قدامو و : لا حول ولا قوة ايلا بالله مالنا على هاد الكلاام دابااا ؟ وايلا مكانوش مكتبااين ؟ شنو وعماا تجيبيهم بزز ؟ فيها خير امتحان من عند الله واش مغتنجحيش فييه ؟ واش قالت ليك دابا شي عقم قالت لييك ماغتولدييش علاش كتزيدي من رااسك..؟ باغة تمرضي راسك بزز ولا كيفااش ؟
حساات بنبرتو الغااضبة فصوتو حركات راسها بلا دغيا كتمسح دموعها بكمايم العباية…
اسماء : لاا راه قالت ليا حاملة انا بقات فيا غير ديك البنت مسكينة…
يااه غيتكلم وهو يسكت كيشووف فيها كاسمح فدمووعها بكمامهاا وتشمر على نييفها كتدوي لكن هو مكانن كيسمع حتى حاجة عقلو حبس فدييك الكلمة اللي قاالت…قال وملامح الصدمة علييه…
محمد : نعام ؟ شنو…شنو قلتي..اش قالت ليك ؟؟
علاات فيه عينيها ورجعات حدرات رااسها كتمسح فوحهها حالتها حالة تخلطو عليها الدمووع والخناين والحالة حتى حساات بصباع ايديه كيهزو دقنها معلية فيه عينييها..
محمد : عاودي شنو قلتي ؟ داكشي اللي قلتي دابا عاودي نسمع…شنو قلتي؟…
اسماء بهدوء بلاات شفايفها مزيريين حمرين بالبكى : قالت ليا حاملة…
محمد تلف : ش شكون حاملة البنت ؟ كيفاش حاملة ؟
اسماء : لاا انا…حاملة قلت ليك داك نهار كنت شاكة ولكن ماشي مية فالمية حتى ليوما قالت ليا شنو كتشربي وقالت ليا واش كناخدي لابيلول قلت ليها لا ودارت لي راديو وقالت ليا حاملة ب..بشهرين
رد بهدووء تاابت ولا ردة فعل على ملاامحو..
محمد : شهريين.. !
شاف فيها مطوول وهي كترمش فييه كيبان ليها ساهي كيفكر ورجعت حدرت رااسها كتلعب بعينيها مزيرة بخجل عرفاتو كيتفكر فاشمن ليلة غتكون حملات فيها هادي شهريين..وسط بكاها ضحكاتها ردة فعلو حتى تبسم لضحكتها وهي تحس ببيه حاوط ايديه على خسرها وجرهاا لعندو باس رااسها المحدوور وطبع قبلو على عنقهاا متتننهد من اعماااق قلبو بنفس سخوونة بوورشاات داخلهاا…
محمد : الحمد الله..
_________
كيرددها بين شفايفو بهممس وهي حادرة ايديها كيف كانو مرخيين ماعنقاتو ماحاوطاتو كيف دار ليها ساهية ورااه فالحيط كتحس برااسيها من قبل كان ملي كيعنقها قلبها كيبغي يخرج من بلااصتو ومعدتها كتبغي تزير عليها بحال شي مراهقة صغييرة عاد اول مرة جربات الحب…لكن دابا كتحس براسها عاادي كأنها بردااات من جيهتو….رجع شااف فيها عينيه مبسميين مبشر ملامحو..
محمد : ندوي مع الدكتورة نشوفو واش كاين شي خطر ولا مشكل…ختك غتكون جات اجي بقاي معاهاا ماتبقايش بوحدك…..
حركات راسها بايجاب و قبل مايخرج باس على راسها مرة اخرى برضى عليها وطبع قبلة طويلة على شفايفها عينيه مبسميين فعينييها وايديه كيمشيو برفق فوق خدودها باسها مرة اخرى وشد فايديها خارجيين فرحان وعينيه مبسمين لقى كنزة قدام الباب واقفة وتسنيم فايديها طلقات منها ومشاات عندو وهو هزها عندو غمز لكنزة بعينيها دير بالها عليها ومشى..
كنزة : يااك لبااس قال ليا محمد اشنو وقع ليك فالدار كي بقيتيي باش كتحسي اختي.. ؟
اسماء : بلاتي نجلس سخفانة ماقاادرااش نوقف عطيني نشرب عفااك….
مدات ليها القرعة فايديها شربات منها وحطاتها وكنزة جلسات جنبها كتقلب فيها وتقاد فشاالها باهتماام وحب فعينيها..
كنزة : ااش هادشي كيقوع ليك اش قالت لك الطبييبة؟ ماتخلعينيش خرجت طافجة من الدار حتى ماما تخلعات….
اسماء : ااش قلتي ليها ؟
كنزة :تئ هاهي كتصوني راه عيط ليا قدامها وسمعات كلشي…
اسماء : ماتقولي ليها والو ماعندي حتى حاجة غتخلع وغتخلع حتى بابا ففف….( ماجات فين تجاوب حتى تقطع وهي تنهد ودوزات ايديها على وجهها بتعب وكنزة مستنية تجاوبها) عرفتي دوك الدوايات لي كنت كنشرب بتخبية على ماما..
كنزة : اشمن دوا هذاا…؟؟
اسماء : كنت كناخدو شحال هذا قبل مانتزوج بناصر عقلتي علييه ديال الغلض كنت كنقول ليك شربيه معايا مكتبغييهش…
كنزة : هاداك لي كينفخ العنق كتولي بحال الحمامة ماالوو ؟ ؟ واش رجعتي تشربيه… ؟؟
اسماء : لاا….هوما اللي دارو ليا الديقة و و بحال الشحمة فالدم (نزلات كنزة حناكها بثبااعها مخرجة عينيهاا بصدمة واسماء كملات) قالت ليا طبيبة غتضعاافي وديري الريااضة وعطاتني واحد الريجيم مهم هادش اللي كاين….
كنزة شداات حنااكها : اويلي على الشحمة فالدم اويلي ا اسمااء شحاال عندك اختي اويلي سبعة وعشرين عام وهادشي كامل ومزال واقفة على رجيليك اشمن شحمة تاني فين هاد الغلض و ونتي نهارك تشللتي خمسة وربعين كيلو ومالقيناهاش فيك مقاادة…
اسماء شدات ليها ايديها عنييها مدمعيين : صاافي عفااك اكنزة صاافي مااتبكييش مابغييتش نبكي عيني طابو وقلبي مرييض عفاك صاافي..
حدراات كنزة ساكتة مخبية وجهها بشعرها ولكن كتفها لي كيطلع وينزل بحالاا كتنخصص حسات بيها اسماء وقلبات وجهها حتى هي كتمسح فظموعها وتنفس بزز مارجعات حتى وحدة فيهم هضراات لحضاات وهوما على داك الحاال حتى هزات كنزة عينيها حمرييين مدمعيين بصوت مقهوور كتكون حروفها بزز…
كنزة : شنو المعمول دابا ؟ شنو غنبقاو نشوفوو شنو غنديرو مكاينش حل لهادشي…
اسماء :كاين قلت لييك عطاتني واحد ريجيم عند محمد غنتبعو وندير صبور وقالت ليا كلشي غيرجع ممزيان يعني مدكاين الحل (تبسماات بزز مابغاش تخلعها واخا راه هي غتموت بالخلعة) ماتخافيش…ونزييدك هههه انا ضروري مانضحك فنهار ونبكي فييه فنسف النهار الحمد الله ربي كبير مزال الضحكة كتخرج هههه لبارح فرحت بالكوموند وبكيت تاشبعت فاش تبعني محمد وليوم بكيت على حاالتي ولكن ملي سمعت حالة بنت اخرى فرحت وقلت الحمد الله…
كنزة : مالها ؟
اسماء :حتى هي بحالي نفس المشكل عندنا انا عندي القلب ومسكينة هي عندها فالرحم قالت ليت الطبييبة مستحييل تعاود تحمل مسكينة وباقة صغييرة بقات فياا حسيت بقلبي كيبكي عليها ولكن فرحت فنس الوقت ملي قالتليا حاملة يعني ربي ماحرمينيش من نعمة الوليدات ملي قالت ليا فاللون حاملة م ماعرفتش اشنو نقول بقيت غير كنشوف فيه حيت مكنتش باغاه دابا….كنشوف اني مزال مارصيت رجلي مزال ماتبتة فبلاصتي ماشي وقت الولاد ولكن ملي سمعت هاد البنت قللت الحمد الله ااالف ااالف مررة ملي غنقدر نولد واخا نعرف نخرج نطلب عليهم غير مانتحرمش منهم الحمد الله…الله يرزقها مسكيينة الله يرزق اي بنت نعمة الوليدات ياربي فهاد النهار…
كنزة تبسماات بعبون لامعة: فخبارك ماتصدمش..كنت عارفة ….ماعرفتش ههه كنت حاسة بييك..اشنو غنقول مبروك ولا الله يشاافييك..ياااخ على حيااة ههه تبكييك وتفرحك فنفس اللحضة حتى تولي تالفة ااش تقولي…
اسماء : قولي الحمد الله على كل حال وصاافي ههه
كنزة تنهدااات كتشوف فتيليفونها كيصوني : ماما كتعيط شنو غنقول ليها….
اسماء : ماتقولي ليها حتى حاجة على داكشي غتمرض معايا هي براسها مكانتش كتبغيني نشربو قولي ليها حاملة وصاافي..قولي ليها سخفات فدوش حيت حاملة وعاد عرفاات…
ردات عليها كنزة كتدخل وتخرج فالهضرة خارجة بخلاص الكلام مخبراها بحمل اسماء قطعات عليها كتننهد وتمسح فجفن عينيها من الماسكارا لي داعت…
كتزة : كتززغرت هه وبابا كيقول ليها هنيينا يا هاد المراة ااش واقع…(تبسمات اسماء سااكتة مزال هازة فقلبها من جيهتتهم ) فخبارك مشيت هاد الصباح عند طبيب درت كونطرول..عرفتي شنو قالت ليا عندي…
اسماء بحمااس ضحكات : بصصح ؟؟ اشنو عنندك ؟ شنو قال ليك ؟؟
كنزة هزات حجبانها ضااحكة: مانقولش ليك
اسماء ردات مغبنية : علااش حراام علييك ؟؟
كنزة برفض ولمعة فرحة فعينيها : الاا مامقولش غنديير بيبي شاور ونشوف كل واحد واشنو كيقول اش عندي ههه
اسماء :لااا حراام علييك والله مانقولها لشي حد عارفاني ماعنديش صبر قولي ليا
كنزة : لاا ههههه والله ماغنقول ليك حتى نديرها ونشوف نييت واش عندك شي خبرة فالحمل ولا غيير داوية حتى عماد ماغنقول ليه والو حتى يجي ونديرها ههه
اسماء : عندك وليد بااااينة الولد كيزين وكينور الوجه والبنت العكس كتولي داابلة وعياانة ووجهك تعبان ونتي من نهار حملتي ونتتي منوورة وعاد مازدتي زيانييتي
كنزة : يااك ههههه
هضرة من هنا ومن لهيه وهوما جاالسين كيضحكو ناسيين الواقع واش واقع فييه…لا من ناحية كنزة اللي غير الفم لي كيضحك فيهاا تألمت وتهرست من لداخل من ناحية ختها باسى كتشوف فيها وتبسم مزاال صغيييرة واللي داز عليا حتى حد مايصبر لييه ولا يعاود مزال تبان التبسيمة على فمو فحين هي اسماء غير اللي يجبدها دغياا كتنسى همومها وتبدا تضحك بحال دابا…كتحسها كتحدى مرضها بديك الضحكة اللي ماعرفاتها من القلب ولا فوق الخااطر…
كنزة : دويت مع عابيدين هاد الصباح…دوا ليا مع مول داك المحل…مسكيين بغاني ناخدو ماعرفتش واش مابغاش البراني يشد المحل خداه ولا مافهمتش…
اسماء : شتك حمرتي فداك المحل غاالي علييك…ونتي مساكناش هناا كي غاديري ليها
كنزة : ماعرفتش زويين ا اسماء والله ورخييص عرفتي يجي شي صناك ولاا شي محل ديال ااحوايج خطييير من ديما انا باغة ندير شي خدمة ليا بوحدي مايشاركني فيها حتى حد ولكن مانقدر نديير والو…حتى يجي عماد كومييم كيوريني اشنو نديير كابغيتش نتسرع ونندم من بعد…
اسماء : الله يصلح بيناتكم…عماد ولد الناس عطي فرصة لرااسك وعطيها ليه حتى هو اختي طلاق والله مابغيتو لييك اكنزة..
كنزة : طلاق اختي ماشي حرام ماشي عييب…انا مغيوقعش ليا كيف وقع ليك..ماشي حيت حسن منك ولكن لاا انا هضرة ناس مكدخل ليت من ودن ماكتخرجش من لاخرا…راه يمكن يكون طلااق بعد المراات بداية لحياة جديدة…يمكن ديك الحياة اللي كتقلبي عليها وكتمناايها من شحال كاينة طلااق راحتك النفسية والعقلية فييه هو….مكيهمنيش يلاه بديت فيه وانا ماشي من النزع لي غنعطي فرصة اخرى حيت حتى انا ماغتعطانيش ايلا طحت فالغلط…. معنديش فقاموسي شي حاجة سميتها الفرص الجرادة ايلا نقزات المرة لولاا المرة تامية والمرة تالتة كطييح فالقصف انا علاش غنكثر عليا الخطوات من لول نسدد مانصدعش راسي باش نشد ديك الجرادة…نطلقها الله يعاونها… ونخررج ب بالي هاني راه واخا نعرف نخرج البلااد مايعرفني حتى حد لا انا ولا(سكتات كانت غتقول جنس الجنيين وهي تحبس واسماء ضحكات ساهية كتفكر فكلامها)
اسماء : كملي هههه نتي وبنتك ولا ولدك…
كنزة : ههه ماغتقولبينيش ههه قلتليك نخرج البلاد مايعرفني حتى حد غير نشري راحة رااسي فبتصة مانبقى فزوااج طوكسييك وراجل كوطسييك وحيااة مرييضة انا بنت ناس ااه وهو ولد ناس وبزاااف ونعمة الرجل ولكن كميائياتنا ماتفاعلوش ماتفاهمتااش عقلتي فشكل وعقليتو فشكل علااش غنعدبو بعضيااتناا….ديك الفرصة تانية نعطيها لواحد اخر ولربما يكون خير من لول وحتى هو يعطيها لوحدة اخرى لا علها تكون خير عليا …فهمتي انا طلاق مكيعمرش ليا راسي وماكنهزش همو غير ورقة وكتسنى بجالها بحال زواج..نخلي انا ورقة تعدبني فحيااتي… علااش ؟
اسماء سهات فكلاامها لي تسلل لعقلها حرف بحرف : عندك الحق…كلامك كلو صحييح…
كنزة : نديرو انا وياك بيبي شاور فنهار واحد هههه
اسماء :مزال مانعرف شنو عندي يلاه شهرين ونص نتي راك رابع ولا الخامس واقيلا انا مزاال ههه
وقفو بجوج فاش شافو محمد وكنزة كتلعب بعينيها كتشحم تبقى تشوف فيه تقول عمرها عيراتو ولا سبات ليه العروق وهو عينيه على اسماء مبسميين ووجهو مبشر قلبات ليه الموراال بخبر الحمل وبانت فرحتو على وجهو كرجل خسراات فرحتو اول ما عرف حمل اسرااء ماقدرش حتى يفرح بييه قالو تجهض خبى حزنو ولو انه مكانش منتااضر الولاد فديك اللحضة ولكن مجرد انه فكر بلي فقد واحد الطرف منو واحد الروح صغيرة وحلوة كانت غتجييه بعد تسع شهر ماات ومابقاش ليه وجد كيزييير قلبوو وكيهلكز…فلحضة غير متوقعة دواتها لييه اسماء بخبر حملها…بحال شي واحد متحمس لشي حاااجة غير ملموسة ماشي بحال ملي كيكون خدام فشي اوبغااسيون كيعطي جهدو باش تنجح ويكون ضاامن نسبة نجاحها ماشي مبيعة كيحطها فالسيت ومتأكد عتحقق لييه مئات الالاااف في الاسبوع الواحد…ماشي طوموبيل ولا شي كوموند ككيتسناها تدخل للبلاد لاا هادي روح صغييرة من عند الله كتبكبر نهارعلى نهاار باش تخرج فواحد اليوم وتزااد على مسؤوليااتو وتكون احسن واجمل مسرولية فحياتو….
وهادشي اللي متأكدة منو اسماء مامخليهاش تشك ابدا فابوتو دليل على ذلك تسنيم اللي حضنها بقلب دافى وحضن ابوي والوليدات الصغار كيتحسسو شكون اللي كيبغيهم من القلب وشكون لي غير كيناافق هادي مافيهاش الشك هكا تسنيم فمدة صغييرة ولات كتشوف فيه كلشي لدرجة تسد ليها الشهية وتغبن وتبكي غير ايلا ماشاافتوش…متأكدة غيكون احسن اب وفنفس الوقت تهز العوان لجنيينها ايلا كانت بنت غيكون ليها اب غيوور ويا ويييل اللي يقرب ليها ولاا يحط عليها العيين نفسو حارة وجهدو صعيييب وحتى حكامو صعيب يتطبق…وايلا كان وليد كذلك حسن عوانو لانو بقدر ماا غيكون كيبغييه غيكون قاااصح لييه باش يطلعو على الصح رااجل وقاد بالمسؤولية بحالو…
قرب بااس على راسها بهاد الحركة كيزيد يبين ليها قيمتها عندوو احتراامو وحبو ليهاا ولو انها فقدات الثقة فهاد الحركاات ومزال لحد الان صورتو فداك النهار باقة كتجي قداام عينيها…
محمد :يلااه تمشيو… !
حركات راسها بايجاب مبسمة بزز مارداتش عليه ومشاو خارجيين وايديه ورا ضهرها مزيدهاا قدامو حتى وصلو لبراا وتلفتات فييه…
اسماء : بااما تعدب راسك غتكون خداام ها كنزة توصلني..
محمد : لا انا لي غنوصلك نشوفو احد لاصال دوسبوغ هي لولى…
اسماء : شنو قالت ليك الطبيبة واش ماعندي حتى مشكل غالحمل زعما الرياضة ولا الماكلة اللي عطااتني..
حرك رااسو وتلفت عندها بجدية وصرامة نوعاا ماا..
محمد : علاش قلتي ليها ماتقولش ليا على حملك ؟
اسماء بلعات ريقها بارتبااك : غ غير م هاهي قالتها لييك حتى انا من نيتي وصيتها…
حرك رااسو فلحضة تقلب وبانت فوحهة عاقظ حجباانو عينيه كحليين حل ليها الباب ناطق بحيدة..
محمد : طلعي…
طلعات كتشوف وهو تلفت عند كنزة لقاها غتركب فطوموبيلتها مشى لعندها بقى معاها حتى ديمارات طوموبيلتهاا مشاات قداامو عاد ركب هو جنب اسمااء كيطلع اازاج من جيهتهاا وفتحو من جيهتو..
محمد : من امتى ونتي عارفة ؟
اسماء شافت فيه وفطريقة كلامو : كيفااش …شنو عارفة ؟
بعد صمت رد عليها…
محمد : محسيتيش بحملك حتى لليوم ؟
اسماء : اه..
محمد : علاش قلتي للطبيبة ماتعلمنيش بيه…؟
حدرات راسها وضورات عينيها للزاج بدون جواب وهو صايق بهدوء وتبات مارجع قال حتى كلمة كاتم غضبو ااي حاجة كتخصها ولاات كتتعصبو بسرعة ماكيعرفها علاش مطوية مارفهمش علاش قالت للطبيبة ماتقولش لييه بلي حاملة شنو كان كيضور فراااسها….علاش خبات عليه باك ليبر اللي دفعاات ليه ولحد الان عند بالها ماعارفش بيه علاش مصرة تخبي ااي حاجة كتخصها علييه…؟
تزيير وبانت عليه ولكن حافظ على هدوئو….بان ليها وقف قدام واحد لاصال نزل ونزلات معاه هي وتسنييم دخل كيسول فالغبسيبييون واحد السيد تما وهي كتسمع وتشوف فهاد لاصال كي داير كبييرو وااسع بالبيسين على براا كلو زااج فينما ضارت تشوف وجهها…خرج داك سيد مشاو معاه كيوريهم غرف لاصال…تحمسات باش تبدا تجي لييه حل فيها نفس للرياضة غير بالاثاث والالوان وجمالية المنظر فييه حتى تصدمت ملي سمعات محمد كيسول كيفاش يقدر ياخد ليماشين وداك السيد الي جاو عندو ماشي غيسيبسون وانما كوتش لي غينصحو اشنو ليماشين لي غتبدا تخدم عليهم….تبعاتو بدون كلام حتى سلم على داك السيد وخرجو نيشان لاحد المتاجر الكبييرة خاصة بلواازم الرياضية دوموندا على غداء ليها ولتسنيم وخرج مخليهم فطوموبيل لحضات طوييلة عاد رجع لعندهم ومباشرة للدار….
شافها ساكتة وقالبة وجهها للزاج مادواتش معاه وماسولااتو حتى شي سؤاال يفهم اهتماامها لاشنو كان كيديير…تننهد عاقد حجباانو ومد ايديه شد ايديها بلطف بتبسيمة غابرة ناوي يلطف الجو …
محمد : شنو فنظرك تكون…بنت ولا ولد..؟
اسماء ردات عليه بجفاء وبرودة : مااعرفتش مزال مغيبان…
محمد واخا عارف مصر يجبدها فالكلام : امتى كيبان ؟ على حسب الجنين يمكن ؟
اسماء : ااه…(تلفتات عندو) شنو بغيتي نتا..؟
محمد تبسم حاضي مع الطريق : بحال بحال غير الصورة الكاملة والذرية الصالحة….
اسماء : انا بغيتها بنت…البنيتات كيكونو حنان ودرويشين وخفاف فالتربية..ايلا كانت بنت بغيت نسمييها نسيم بحال تسنيم….وايلا كان وليد بغيت نسميه يعقوب…
محمد : انشااء الله…يتزاد غير على خيير بادن الله..
حركات رااسها مبسمة فوق الخاطر ومرة اخرى كتسلت ايديه من بين ايديه بطرييقة مفروووشة بحجة انها غتقاد شاالها كيف العاادة…هنا سالات معاه زفر الننفس بقووة وشااف قدامو مركز فطرييقو مارجعش شاف فيها ولا دواا معاهاا قلبات ليه الموراال بحركااتها…
حتى وصلو للدار خلاتو طلع عند الحاجة وهي بدلات حوايجها ماجا فين ينزل يبدل حوايجو حتى طلعات للفوق فيين كاينة الحاجة وخديجة غير باش ماتوحدش معاه فالبييت ويبقاو راس فالرااس…سخفاانة ماعندهاش الجهد باغة غير تشرب شي حاجة تبرد عليها عطشها….دخلات عندهم للكوزينة رمات السلام حتى ردات عليها خديجة اما الحاجة كانت حادرة راسها ماجوبتهاش حتى هي مدارتش فبالها…
خداات ليها قرعة ماء دسيدي علي كتعمر ليها فالكاس يلاه غتشربو وهي تسمع …
الحاجة : ياك ا اسمااء يااك ابنيتي… ااش درت ليك انا هااا ؟ ااشمن عييب صرفت فييك حتى تخبي عليا ؟
تلفتات عندها مخطوفة مووقفة الكاس عند فمها مافااهمة واالو قفزااتها…كتشوف فيها هازة ايديها باغة تبكي …
اسماء : ءءء !!
قلبات منها وجهها عااقدة حجباانهاا وخديجة غير تشوف وتعض فضفارها خايف من الصداع لي بانت ليها الحاجة محمرة عليه…
الحاجة : فييناهو هو اللي خاصني نلومو ما نتي غاااااا بنت نااس بعيييدة عليااا مااعندي علااش نلومك (سكتات حادرة راسها دايرة يد على بد كتسووط )
اسماء : علااش اخالتي شنو درت ليك انا ؟ شنو خبيت علييك ؟
الحاجة : هادي هياا خالتي ؟ ولاا غييير بالفم…(هزت صبعها كتحسب) ولدي وربي وكبري وفااش تحمل مرتوو مايصدعش راسو حتى يعلمني…. نتسنى انا واااحد خوور يقولها ليااا خباار نجيبها من البراني ومانجبييهاش منوو هوااا…واش انت لي خاصني نعيط ليهم نقولهاا ولا هوماا..
دخل محمد عاقدهم من البااب هز السروال على ركابيه وجلس جنبها كيشوف عندهم ورجع شاف فيها …
محمد : الحاجة ااش مكاين ؟ اش هاد الغوات ؟
الحاجو : الحاجة يااك اوليدي…وليت الحاجة مابقييتش الواليدة دااابا مابقييتش الميمة وليت الحاجة الله يخلف علييك تلله يخلف علييكم..
حدراات راسها كتبكي وتنخصص وتمسح بالزييف صدمتهم وهو شاف عند اسماء سولها بعينييه…
اسماء بدههشة دوخااتها : ماعرفتش قالت ليا حرام عليك مافهمتش علااش ؟
الحاجة بحدة شافت فيها : ماااحرااامش عليييك…(شافت فمحمد لي تلفت فيهاا بنفس حدتها وهي تحدر صوتها شوية بنفس الصرامة) حرااام علياا انا حرام عليا انا لي هازة همو…ولدي وربي وماتقولش ليا مرتك حاملة يااك اولدي انا حتى يعيطو يباركو ليا…
محمد دوز ايديه على جبينو وقال : شكون قالها ليك ؟
الحاجة : قالها ليا بااك شكون خاصو يعلم لاخر انا ولا هو….عيط ليه السي عبد المتقي بارك ليه وهو عيط ليا و قالها ليا…جاتك صعيبة تهز تيليفون وتفكرني وتقولها ليا ولا انا غير كادر حاطو فالداار علقني فالفيترينا وتهنى ولا شتي اش غدييير ديني لدار العجزة وحطني تما وتنهى مني ومن صداعي مابقييت نهمك ولا تسوق لياا…
محمد : شكون قال هااد الكلاام الواليدة بحالنا بحالكم ليوم عاد عرفنا وجاي نعلموك …مافهمتش منين عرفو هوما ولكن من الكلينيك عندك باش نقولها لييك…نعلي الشيطان علاش نخبي عليك…
الحاجة : حييد كالاك من شحال هذاا ونتوما عارفيين ولاا مانعرف هي عارفة ديك نهار سمعتها كتدوي مع ختها وقالتها ليها (هز راسو فاسماء وهي مدهووشة كتسمع) هي مانلومهاش اصلا كون ماقلتيش ليها تخبي ماغتخبيها…الله يخلف عليكم الله يخلف عليك كنت فرحانة ليك ندعي بلييل ونهار تحمل… هرستي ليا خاطري ياولدي الله يسمح لييك..
محمد بقلة صبرر : غنصعريني الوااليدة كلاام واحد قلتو عاد عرفنا بحاالنا بحاالك حتى هي مكانتش عاارفة ااش كتروني ..هاهي سويليها حتى هي مكانتش عاارفة ؟
الحاجة علاات صوتهاا : سمعتهاااا بودنيي
محمد بصراامة شاف عندها : : الواالييدة راني حداك كانسمع ماتحتااجيش تعلي صوووتك…كلام واحد قلتو لييك راسي كيطبخ عليا….غير قولي كدااب فوجهي هي اللي بقات….قلت ليك يلاه عرفت نعلي شييطااان…ايلا عرفو قبل منك ااش فيهاا شكون هوما بعاد عليناا ؟ ( تننهد كيسوط و كيحك دقنو وتننهد وقرب باس على رااسها فقمة عصبيتو شاد الخاطر بزز) هاهي فرااسك دابا….ماتفرحيش لولدك زعما…
الحاجة : ولدي ديال قلبي ايلا خلاني فرحت بولد ولدي وسمى الكبدة المعاودة على خوه حميد الله يحرمو فهاد نهار ايلا كان وليد نسميها حميد وايلا كانت بنية نسميها فاطمة الزهراء…
حطاات اسماء الكاس بصدمة صدرها كيطلع وينززل كون كاانو شوفاتها عافيو تحرق الحاجة ماتخلي فيها حتى عضم صحييح بغات تموت وطرطرق …كتشوف فمحمد ساكت ماقاال حتى كلمة للحاجة وهي كتحلم وتفشش علييه وبغيتو يكون هكا ويكون هاكااك وهو مبسم كيسمع ليهاا ويحرك راسو بايجاب مطاوعها الكلاام…شداتها بالبكية حساتهم مامسوقينش ليها بحال ماشي هي اللي غتولدو وتحمل بييه وتعدب علييه…سمحات فداك الماء ونزلات من عندهم كتسب وتعاير تحت فمها غا جيب يا فم وقول…كلها كتهز وتحط بالفقصة..
ريسطو جنب البحر…كانت جاالسة لاوية عليها ايزار ازرق ديال الريسطو فوق كتافها رجل على رجل متكية بضهرها على الكرسي والبرد كيطير شعرها مبسمة كتغداا جالسة بوحدخاا واخدة راحتها شادة تيليفون بين ايديها طالعة نازلة فلينستا وليباج كتقلب وسط صور ملابس جنس الجنيين وعلى امثلة دالحلفالات باش دير بحالهم فالبيبي شاور بحماس كبير عينيها كيلمعو وصباعها كيتحسسو كرشهاا باغة غير امتى تكمل هاد تسع شهر وتولد…بمجرد مااشافت جنس الجنين بعد الكونطرول ديال هاد نهاار مشات فكرة انها تولدو وتعطيه بحالا عمرهاا كاانت….ندمات نفسها كرهات النهار لي فكرات فيه ديك الفكرة كيفاش غتقدر تعطيه لوحدة اخرى وهي ولات كتحسب سوايع ودقايق امتى تكمل حملها وتولد على خير وبخير…مواعداه باحسن حياااة…حتى بداو كيطلعو ليها صور ملابس ريااضية وليماشيين والاحدية وهي تفكر اسماء تنهدااات باسى ودخلات سيفطت ليها فوكال فواتساب وطفات تيليفونها ساهية مالقات ماتقول من غير تدعي ليها بالشفااء ويطول الله عمرها لوليداتها وليهم حتى هوما..
خداات الكزموند ديالها وبدات كتعشى فهدوء حتى تفكرات عمااد حاسة براسها توحشاات دلعو وكلامو الزوين وهي تفشش وتعفر عليه وهو مرطب وتاابعها…لحضتها هزات تيليفون وصونات ليه مبسمة كيصوني وكيعاود بدون اجابة حتى تقطع…جمعات ضحكة ورجعات صونات مرة اخرى…
فهاد اللحضة بالضبط وبالتحديد بالامارات العربية دبي..وفالمرقص…
كانت واقفة هند قدام المرااية الكلوز حمر فايديها بسواري كحللة نازلة حتى لتحت ومشبكة من الايدين شعرها مهزوز لفوق مبين رقبتها الرقيية عودها رقيق بحال شي فرنسية بمؤهلات انثوية باارزة…وصديقتها المغربية قدامها كتشوف فيها..
_هاكي جربي هاد العكر زويين..
هند بشك مكتيقش فيهم : لاا ازين هاهو عندي واحد…
_هادشي كامل على السي بالبوليسي الله يجعلها محبة داايماا هههه
هند هزان حجبانها : جمعي عينييك…راه البارح شفتك كتمسكني وتحلوني عليه ماتصوري منو غا نداا ازيين ديالي ردي باالك حاجتي مانبغييش تحط عليها العين حتى نمشي والله يطلييك بييه…
_فبلاصتك والله مانطلقو يخرجني من هناا ونسمح فييه المغرب غيعطيك الخرا لاهوما هو عايشة فوق الساك مهاك..
هند : لا اختي نرجع غير للبلادي…نفطر بالخبز واتاي ونتغدا بالعدس ونتعشى بالشعرية والله يجعل البراااكة مهم حدا ميمتي وخوتي وختي واخا نخدم فقهوة نحك الماعن على قلبي ونكون مرتاحة وهانية ايلا حطيت راسي على المخدة نعس مرتاحة ماشي ناعسة وخايفو نصبح مقتولة ولا نبات خايفة على شعري ووجهو ورجلي وصدري لا نصبح بشي عاهة دائمة من شي مسمومة هنا..
_وصرااحة سعدااتك والله…عندك فين تمشي حنا اختي هند غير خليناا بعدا بعدا هنا مخبين ايلا درنا شي حاجة كنتخلصو عليها تما راه كنا كنمشيو بعشرين درهم خمسين درهم …
هند : كنزة داارت معااكم فوق بخييير قالت ليكم اديكم ضبرو راسكم عاجبكم هادشي بقاو فيه انا غنمشي…
_ششش شي حد داخل سكتي….
سكتات كتضور فعينيها وتقااد فشفاارها ولو انها مكتييقش فيهم ولكن عارفة مغيبعيوش بيها بلي غتهرب حيت ايلا شدوها وبقات غتخرج علييهم وعلر بلاااصهم كيف خرجات على لي قبل منهم…تعرفات وسطهم بشخصيتهاا القاصية مكترحمش ولي طاح بين ايديها مكتعقلش عليه…
كملات وخرجات كتعوج بواحد الطالون قدو قداش خطوة خطوة حتى بان ليها سلطان وسعات تبسيماتها بمجاملة غادا عندو حتى قربت حداه…شد فايديها جاس حداه فبلاصة في اي بي خاوية غير هو جالس وعماد جنبو ميل راسو للوور بشوميز بيضة محلولة على صدرو وسرواال دجيين كتبان فيه ثفاحة ادم كتطلع وتنززل شافتها هند وحدرات راسها هاضة فشفايها وساامتو وزينو العربي القااصح كيقهرها من نهار اللي شافتو فيه كثر من سلطان…
هند تبسمات كتعلب برموشها عينيها كيديرو كيف الجنية: مساااء الخير…
سلطان :مساء الانوار…
هند : كيفك..اشتقت للجلسة معااك…
سلطان دايب فيها : صح ؟
هند : مابكدب…مبين بعيوني الكدب ههه…
ترخيى سلطاان والسكرة لعباات عليييه متكي برااسو كيشوف فيها عينيه معسليين : اي نوع من الافاعي انتي..مم ؟
هند هزات عينيها بغنج كتلعب فصدرو : علاش كتقول ليا هكاا…
سلطان : مبين بعبوني الكدب ؟
تبسماات لتقليدو كتحرك شعرها بواحد الصبع وعبنيها كيهربو لعمااد وترجع ترمش وتبعدهم علييه وسلطان سااهي فيها طيرات لييه العقل بدلعها وحركاتها وانوثتتها عاالم ثاااني…حط ايديه على خسرها جرها لعندو بشويااا حتى طاحت على صدرو مبسمة كتلعب برموشها وتبلل شفايلها كتشوف فعينيه كلاوهم بشوفااتو وهو يقرب وطبع قبلة طويلة عليهم ساد عينييه…اول قبلة ليها منو سدات عينيها بحااالو حتى بعد باغي يرجع للتانية وهي تحط صبعها على شفايفهاا هازو حجباانها بدلع وخجل مصطنع…
هند : ماافي تاني..بغيت ندوي مع ماما…وراح تكون قبلة هدية مني…
سلطان : واحلى هدية…
عماد حداهم كيسمع عااقد التسعود فحجباانو حتى حلهم تلفت فييه مرخي بحال البغريرة قدامهاا وهو يقلب عينيه كيدفل مخيخ ماحاملش المنضر
عماد : هاد ولد الق*بة تاهو جينا نخرجوها غنولييو مخرجينو تا هو (بانت لييه واحد الوحدة جاية قاصداه كتفرنس وهو يهز ايديه مغزف ) سيري ت*ودي تااانتي…!
لاح الدفلة فجنبو وجبد تيليفون من جيبو بعدما حس ببه كيتهز بدون صوت قاد ليه الصوت وقطع على كنزة وعاود صونى عليها من عندو…
عماد : وي كنزة…
تنهداات على طبلتها بعصبيية تنيرفات فاش مجوبهاش …
كنزة : علااش محوبتينيش خمسة دالمرات وانا كنصوني لييك ماسمعتييهش ؟
عماد : كنت محيد لييه الصوت…صافا ؟
كنزة : علاش كتحيد ليه الصوت ماباغي حد يصدعك صوت الصدااع واش فداك المرقص ؟؟ (طاح ليها كلام اسمااء فراسها ورداات برجفة معصبة) وااش هند حدااك ؟ جالس معاها ؟
عماد : كيفاش هاد جالس معاها تاني ؟ وايلا كنت فيه راك عارفة علاش جييت ماجايش نزهى…
لاحت الفورشيط شادة رااسها ككتغلبي بغيرة خااارقة بمرجد ماكتفرك يكون ممكن مشارك الحديث مع هند…
كنزة : ماقلتش جاي تزهى فيه ولكن كترتي اخويا نهار كلو ونتا فداك المرقص واخا تكونو غتخرجو منو الحوهر والمرجاان وماديروش هاد لحالة كون بقيت انا تما نخرجها فنهارها اعماد…واش معاكم هند حاوبني ااه لا …
تنهد بقللة صبر كيدوز ايديه على شعرو..
عماد : معانا… جالسة مع سلطان…راه جالسين عاصرين هنا غا على ديك اللي مخدماهم هنا ديالهم لزا*ل بوها فين غبرات يومين وهي مغبرة وجهها كنشوفو امتى غتبان…
جات عندو وحدة اخرى جلسات جنبو كتكركر وهو يخطف تيليفونبارتبااك لا تسمعها تيليفوو كنزة وهز ايديه محرك ليها نعييف تمشي فحاالها حتى ناضت ورجعو لودنيه…
كنزة : وراك مقصر ههه بصحتتك…انا اصلا طنقول لبيك ديير لي بغيتي مابقيتش كنتييق فيك واخا ماعرفتش شنو تقول ليا كديير…
عماد : راااا على باالك ااش كنديير بلاما تصعري ديلمي فهااد لييلة على قبلك مخلبي القيااامة ديال الخدمة مابياا لاا مرقص لا ق*وي من غدا نرجع نت*ود فحاالي اكنزة…
حدرات صوتها شووية باغة تجبد منو غير داك الكلام اللي كان كيقول ليها ودلعو ليهاا وكلماتو التعبيرية ديال مايقدر يعيش بلا بيها ويديرو اي حاجة على ودها حاسة براسها فهاد اللحضة باغة غير تسمعهم وتبرد نار غيرتهاا الحارقة..
كنزة : ماقلت لييك حتى انا دابا والو بقى تما ولا رجع دير لي بغيتيي انا بيا غير البنات يرجعو…
عماد : شوفي شوفي ماشي بدماغي تالغدا وندوييو سيري تصبحي على خيير ..
محاولة مرة اخرى …
كنزة : صدعتك ؟ سمح لياا اخويا ماعندنا فاش ندوييو لي عندي راه قلتو حل واحد بيناتنا لي غيكون… وماتبقاش تمن عليا درتي ودرتي…راك نتا لي سيفطتيني هنا و(قاطعهاا بقلة صببر كيسووط)
عماد : ديريي اللي بغيتيي شيبتيني باغة الطلاق سيري دفعي لييه الله يعاونا ويعاونك ابنت الناااس ماغنشدكش بزز عليك …
رداات عليه كتغلي ماارضااتش..
كنزة : ابواا عنداك تعكس لياا فييه نعرفك قد الكلمة غير رجع سيني علييه
عماد على صوتوو بعصبيية : واا من دابااا مطلللقة سيري الله يعااونك…(قطع عليها مغززف ) طلعتي ليا ف….كرررض الله ينعل زامل بوها حاالة…(دفع سلطان بكتفو حتى ناض جامع الضحكة كيشوف فيه راسو ثقييل) نوض اصحبي بناقص من ديلمها خدمة…جينا نقديو ولا ن*ويو شفتيها تحليتي ايلا كان ينوض غا على بحاالها نقطع اصل مو من الجدر….
دفع طبلة من قداامو حتى تشتتو المشرووبات قفزات هند راجعة لور كتشوف فيه غادي خارج مكيشوفش قدامو وسلطان نااض وقف تبعو…
فحين كنزة حطات تيليفون بصدمة حالة فمها كلهاا كترعد وجهها صفرر حتى نشف عليها فمهاا بلعاات ريقها مخرجة عينيها مامتيقاش بلي راه صافي رمى عليها الطلااق…هي مكانتش باغة هكا مكانتش ناوية اصلا تعيط ليه وتخاصم معااه…بغات غير تفشش علييه وتدلع عليه شووية تصدمت فطريقة ردو بحالا شي حد اخر جاوبها ماشي عمااد هذاا اللي كيموت عليها…حسات بدموعها غيخونوهاا وهي تهز تيليفون وصااكها جبدات منو الفلوس كتفتف لاحتهم تماا وخرجاات فااشلة نازلة فدروج داايخة حتى حسات بشي حد شد ايديها تلفتاات فييه مصدومة لقاتو واحد الشاب فعمرها تقرييبا مقرب عنددها باهتماام..
_صافا مدمووزييل؟ عندك شي مشكل ؟
حركاات راسها بايجااب : صاافا صافا شكراا…
رخات منو ايديها ومشاات نازلة وهو شاف هنا ولهييه مع جنابو ونزل تبعها..!
خلا الحاجة لفوق عاد عجبها الحال وارتاحت ملي برد ليها خاطرها وحزرهها ورطبها حتى ترخات ونزل لتحت كيحك على رااسو ودقنو وعلى لحيتو المنكوشة وشعروو القليل…مع حل باب دالبييت دخل وهي تبان لييه لاحت واحد الشوميز منزلية ديالها فالشبكة رمات فيه الشوفة وقلبت وجهها كتطرف وتشقى وسط البيت…سد البااب وجرها من ايديها بهدوء وقفها جنب الكوافوز وهي قاالبة عليه وجهها…
محمد : ماالنا…(ضور وجهها عندو بهدوء) قلبتي عليا وجهك حتى انا ؟
ردات علييه كتسوط وتبرد راسها بزز كتحاول تختار كلامها بعناية ماتبانش هي اللي مامزياناش…
اسماء : مادرت ليها حتى حاجة قالت ليا حرام عليك وانا يلاه عرفت راسي حاملة حتى انا..
تننهد بوجه تعب كيدوز ايديه على اثار صباعو اللي بداو كيغبرو غير اثار خفيييف كيبان..
محمد : ياك كنت معاك وعرفت معااك هادشي كيخصني انا ويااك علاش كديري فباالك..باغة تمرضي راسك بسيف ولا كيفاش..فهميني ؟
اسماء : لامتني حيت زعما غنخبي عليها وعلاش غنخبيها بحالا عمرها غتبان(شاف بعييد مقوصة حجبانها بضيق مزيرة) مابغيتش نسمي ولدي حميد…
محمد تبعهاا لعنيهك يرجع وجهها عندوو حتى لمح الدمعة وساط بنرفزة واحد جوج حتى كتبدا تبكي …
محمد : علاش هاد الدموع شكون قال ليك شي كلمة آ اسماء كتمرضي رااسك من والو هني نفسك الله يرضي علييك…
اسماء هزات كتافها بدون شعور كتحرك : خوك امحمد مات الله يرحمو….انا من شحال هذا كنقول ايلا ولدت شي مرة اخرى بغيت نسمي ولدي بيعقوب (بكدب) حيت حلمت براسي ولدت وليد وسميت عليه يعقوب وبنية بغيتها تكون بحال تسنيم ماشي فاطمة زهرة حيت بنت خالتي سميتها فاطمة الزهرااء ومابغيتش نسمي بحاالها…
محمد : شكوون قال لك شيي حاجة دابا …واش حيت قالتها صاافي هي اللي غتكون (حاني راسو عندها بصوت خاافت) يلاه سدينا هاد الموضوع حنا كلام الناس غيبقى غير تابعنا ياك باغة غير راحة راسك وشرييها ماتسنايهاش تجي عندك…قالو ليك غدا العيد قوليهم مبروك العوااشر ونتي على بااالك را مكاين لا عيد لا جوج….واش حيت قالو العييد صافي نقولو كااين…دماغك مديزاكتيفي مكتفكريش بيه…ماتقولش مع راسك لي فراسي فراسي عارفة العيد ماشي غدا علاش غنمرضو مع واحد اخر ونبرهن ليه راه ماشي غدا وهو داير فباالو راه غدا…
كلامة كيدخل من ودنن ويخرج من لاخرا هازة من جيهت الحاجة…
اسماء :كون غير سولتني ولا اقتاارحت عليا ماتقولش ليا غنسميه حمييد انا ماغنخسرش ليها و ولكن حميد لا..
محمد : اشنو فنظرك ؟ نشد معاها الضد هي تقول حاجة ونعكس معاها فحاجة اخرى ؟ علاش انا مانشريش راحتي ونسايرها واييه لي بغيتي غتكون ومرحباا وحسابي فراس ومغندير غير اللي كيبان ليا هو هادااك اللي عجبو مرحبا واللي ماعجبوش حتى هي مرحبا ولكن را غنديرها…را تخداو قرارااات فبلاصني ودوزتهم ودرت بيهم علااش حيت كان راسي خاوي فين عمري قلت مع بالي ندير شي طب ولا نكون شي طبييب… الحاجة والحاج من نهار عقلت عليهم وهوما كيقولها ولدي غيكون طبيب حتى وصلت للاج باش غنختار ماكيبان ليا واالو …علاش ؟…حيت طالع لياا كلشي فراس جرررربت كلشي بعت وشرييت فلانتيغنيت على ربعطاش العام كندخل مع بنادم ل ليغييون بكرافاط كبر مني باش نبان كّدهم فلاج وهوما عارفيني وانا عارفهم عارفين وكلشي مسمكة على كلشي علاش حيت باغين خدمتي اش عندهم مايديرو بشي عمر …..ولكن كان خاصني شي حاجة بخاتيك شي حاجة ملموسة وشي وضيفة لي نكرييها فالواقع لانتغنيت كيبقى عالم افتراضي ايلا غير تقطعت لاكونيكسيون كلش يغيولي كدوب.. قالو طبيب قلت ليهم مرحبا نديرو هاد الطب….
دوز ايديه على شعرهاا وهي ساكتة كتسمع لييه…
محمد :اللي بغيت نوصل ليك اللي فبالك را فباالك كيف قلت ليك كنت باغي شي حاجة ماموسة ودرتهاا وباغي اي_كوميرس وحتى هو درتو وغادي بييه مزيان وكلشي هاني وترونكيل مرتاح فخدمتي بفلوسها كيمشيو لناس محتاحينهم كثر مني مرتاح على ديني ومحقق رغبتي..يعني..شنو ؟ مريح بالي..باش ؟ باللي قالها ليا راسي هي لي كتكون…الواليدة اللي قالتها قولي ليها واخا عجباتك هي هاديك ماعجباتكش لي فراسك فراسك…قوليها ليا ونتناقشو فيها (باس على رااسها مكول كيدوي على جبينها)ماتبقايش تمرضي راسك من والو….ونهار غيتزاد انشاء الله نسميه حتى عليا كيتسالني شي حد !
اسماء اللي فراسها فرااسها لاحت هصرتو كاملة وقالت : بغييتها بنية مابغيتش ولد…
تبسم وضرب جبهتها بدياالو ضااحك..
محمد : بحال بحاال غير الصورة الكاملة ماتكّوليش هاد الكلام….(بعظ كيشوف فيها بمكر) زعما راك بعقلك وناس ديال باك حر وليكونومي…ممم ؟
علات فيه رااسها بدههشة بدون شعوور قالت..
اسماء : شكوون قالها لييك ؟؟
رجع لوور بوجه مبشر هااز حجبااانو بمكر كيشوف فيها…
محمد : شتي على بالك خرجتي من دارك غتقطع عليا خباارك…(قرص نيفها حتى جمعات ملامحها شاادة الضحكة) ماغاافلش عليها مخبية عليا ماغنعرفش كون بغيت ؟
حكات نييفها حابسة ضحكة واخا راه باينة فعينيها وجناب شفايفها باغة تضحك وشاداها…وهو ينزلهم ليهاا حتى طلقااتها كتشوف فيه كيجمع ايديها ورا ضهرهاا مقربهاا عندوو..
اسماء : غير كنجرب ماعرفتش اصلا واش غنقرااه…ايدي..قصحتيني (قلبتت وجهها كضحك)
محمد : بلاتي نشوف (حاني راسو كيطل عليها ) بلاتي حيدي واش كضحكي عليا ؟ جبدتو لك عينيك فرحو ناس غيقراو لينا ويستقلو علينا وتقول ليا سمح ليا انا independent women ممم !!
اسماء هزات راسها راسها مراضياش : مالي عمري قرييت عندي نيفو باك…وقريت الباك غير ماكملتش…حتى انا قارية…
حمع ليها ايديها كثر وهي كتنتر وسطو مبسم فيها بااعجاب عجبو الحال يشد فيهاا…
محمد : الفتنة غتولي تعرف ليا سترونج اندبندنت وومان ( طلق منها وزير جنابها بين ايديه) زيري معانا ولا نحش لييك الركابي اشمن اندبندنت…(جمع حجباانو باستغرااب )كتعرفيها ولا نشرحها ليك؟
اسماء باندفاااع هازة نيفها : كنعرفها وغنولي بحالها…
محمد : شكون هاادي ؟ (شافعها تعصبات وضحك باس على خدها) كنتي قلتي ليا باغة بروكراميينغ علاش مشيتي ل ايكونومي ؟
اسماء : البرمجة كتجيني قااصحة ماعرفتش ايكونومي حسن و وقريبة ليا…
محمد : كون درتي صيونص ومن بعد شي ديبلوم مساعدة وخدمتي معايا
اسماء تبسماات بمجااملة بمعنى لا داكشي لي بقى : لا شكرا…
تبسم لضحكتها وعنقها عندو كيبوس على راسها وهي غير كتشوف شادة فالكاوفوز وراها حاسة بقبلاتو كيتوزعو على وجهها معنقها بدراع واحد حاني راسو ليها …. ويلاه غتهز راسها تبعد حتى طلعو ليها خاطف شفايفها عندو مزيير على جنابها بايديه تانية وهي بحال شي صنمة ماكتجاوب معاه ماحركتش حتى ايديها ورا عنقو ولا على شعرو كيف مواالفة…مسلماه نفسهاا يدير اللي بغى بدون استجابة منها ….
حتى حس بيهااا ولو انه استشعر حراارتها اللي طلعاات وقلبها لي كيبان ليه كيضرب من وسط صدرها …حس بيها مزيرة ااسها وجامدة قدامو مابغااش تباادلو وتبين ليه باسنو حاسة كيف قبل….بعد عليها بهدوء خافي عصبيتو…تلفاتو ودوخااتو تزيير وبانت علييه دغيا قرن حجبانو … او بالاحرى مرضااش بالقمع اللي كدير ليه بحركاتها….شاف فيها مطول حادرة راسها منو مشاافتش فيه وزادت هزات ايديها مسحان بيها شفايفها من ريقو…رصى فيها الشووفة مزيااان على نفس الوقفة حتى لواحد الحضة وهو يرجع لور وهي شافت عندو كيلبس فدجااكيت وكيدوي بصراامة فنبرتو…
محمد: سيري ترتاحي انا غنخرج نشوف ليماشين ندخلهم هاد العشية وغندوز للكلينيك…ماكرهتش نشوفك عشية مرتااحة شووية !…ايلا احتاجيتي شي حاجة تيليفون عندك…(خلا ليها شوفة صاارمة فهمات منها انه مراضيش على تصرفااتها)
اسماء :غنصوني على كنزة تجي عندي محتاجاها كانتبااغة تجي معايا قبيلة ولكن جيت معااك..
حرك رااسو بدون اجابة هز سوارتو وتيليفون والكاسكيط و خرج كيسوط عاقد حجباانو…
فحين كنزة من اللحضة اللي خرجات فيها من الريسطو مباشرة لطوموبيلتها جبدات ساروت بزز كترجف حتى تشتت ليها الصاك باالي فيه وحنات كتجمع وشي ايدين كيجمعو معاها ماردااتش كاع الباال حتى وقفات وشافتو ماد ليها داكشي اللي هز معاها شداتو منو لاحتو فصااك كتلعب بعينيها عامريين بدمووع كان نفس الشاب لي دوا معاها دابا شوية…
كنزة :شكراا …س سمح ليا..
حلات الباب وطلعات وهو طل عليها مرة اخرى باهتمام كيشوف فحالتها…
_واش نتي صافا ؟مكتبانيش هي هاديك !!
كنزة : بخيير اخويا …(كديماري)سممح ليا حيد من الطرييق…
شاف فيها مطول وحل الباب عليها كيدوي…
_سمحي ليا ولكن مايمكنش تصوقي فهاد الحالة بلاتي….
ضربااات فالفولوون بصراااخ فوجهو معصببة خلاتو كيشووف…
كنزة : علاش كتحل لياا الباااب حيد ايديك صافي قلت لييك بخير شكراا…(شدات راسها ثقييل كتننهج) فف بخيير اخويا غير خليني ..خليني عفااكى
بقى وااقف كيشوف فيها وحتى هي كتشوف فيه لحضات وهي تطلق الفولون قالبة وجهها كتمسح فدموعها وتبكي مادوااش مرة اخرى وهو سكت خلاها فخاطرها كتبكي وتمسح حتى تفشااات حادرة رااسها وتنخصييصة كطلع مرة مرة…هزات فيه عينيها بمنضر كيدبح الخاطر ملي شافتو مد ليها ايديه برفق فيها قرعة دالماء هزها من جنب بابا طوموبيل…
_خوودي شربي…علاش كتبكي حتى حاجة ماتستاهل… نعلي الشيطان نزلي ماتصوقيش ونتي فهاد الحالة …
خدات منو القرعة شربات منها شوية وحطاتها وهو كيقلب فجيابو بعدما سمع صوت الصونني دتيليفون..
_ماشي تيليفوني…تيليفونك كيصوني واقيلاا هو ؟؟
كنزة هزات راسها فاااشلة: ماعررفتش..
حلات صاكها لي كان طايح بين رجليها جبداتو لقاتها اسماء مكانتش متوقعة هو يصوني ليها حيت متأكدة مغيصونيش بعد الكلام اللي قالو ودوزات الخط…
اسماء : الو كنزة..
كنزة: آلوو..
اسماء بفززع ردات :ماالكي ؟؟ مالكي كتبكيي ؟؟
غير سمعات ديك الكلمة انفاجرات بالبكى والدموع وصوت عالي نااسية راسها قدامو…
كنزة : قلتيي ليا عطي فرصة اخرى مااكيستهالهااش. نزلت براس وانا لي كنعيط ليه باش نرجعو اللي كان زعما طاوعت كلاامك حتى دليت راسي وليت كنحزر فيه بحالا انا لي غالطة ماشي هو …
اسماء بهدووء مافاهمة والو : غير بشويا مالكي اشنو كاين قولي ليا من لول مافهمت واالو…
كنزة : اناا اللي نزلت براسي…طيحت بكرامتي على قبلو (كتبكي) كنحزر فييه حتى وليت كنطلق فتيليفون انا لي كنت باغة نطلق ولاَّ هو كيطلقني فنيليفون ….مقصر مع البنات ناشط مع راسو وانا هنا كنطيح ونوض مع ولدو وحالتي حالة وفلخر اشنو قال ليا نتي مطلللقة… بحالا انا غير كنسنتااه ايلا طلقني مرة راه نطلقو االف مرررة مكنتسناهش هو وهاد الامارات لي فاارع ليا راسي بيها حتى و كيمن عليا بيها….من غداا نمشي ليها واخا نعرف نموت فيها ومانخلييهش يحل علياا فمو…حيوااان
اسماء : واش عماد ؟ ماالكم ااش وااقع ففف ؟ رااه والله مافهمتش شي حاجة…شرحي ليا بشويا كيفاش طلقك ااش وصلكم لشي طلاق تاني نعلي الشيطان اكنزة
كنزة : سااليناا ماكين لاا شيطان لا جوج بنادم هو الشيطان…طلقنا وسالينا انا وداك السيد واقسم بالله طريقي لاجات فطريقو الله يرزيني فصحتي لا كنت ليه شي حاجة…. الله يعاون….هاد الولد لي جامعنا راه القانون غيدير ليه حل انا مامحتاجاش ليه…!
ردات عليها اسماء مسايراها مابانتش ليها هي هاديك كتبكيي وتغوت حتى بح صوتها…
اسماء : والله مكيحشم كاين شي واحد كيقول هادشي تئ…فيينك نتي دابا واش فالدار فينك ؟؟
كنزة : يلاه غادا للدار…غنطلع تانوصل ونصوني ليك…
اسماء : لا غتمشي للدار هكاك… دوزي عندي..اجي عندي انا غير بوحدي وندويو بشويا صافي ؟….ماتبقاايش تبكي(كترطب وتسايس) ياك قلتي مكيستاهلش علاش كتبكي عليه….يلاه اجي عندي…
كنزة :مابغيتش نشوف حتى حد آ اسماء غير خليني عفاك غنشمي للدار ولا حتى هي بناقص منها غنغبر وجهي لشي قنت…
اسماء بهدووء كتحااول خلعاتها حالتها :واجي عندي نمشي انا وياك لهاد القنت اجي نمشي انا وياك….انا غنلبس وننتسنااك صاافي دوزي عندي نتغداو بحوج وعاودي ليا اش واقع راه باقة بلا غدا فينما بغيتي نمشيو واخا ؟….يلاه اجي..
كنزة : واخا…تقدري تخرجي مابغيتش نجي لتما ودار عندكم عامرة..تقدري تخرجي ؟ ماكينش راجلك ؟
اسماء : لا غنخرحو.. قلت ليكانا غنوجد راسي غيير اجي عندي…انا غنتسنااك ..صافي…
كنزة بهدوء ردات كتمسح فدوعها فاشلة كتنهج : واخاا…
قطعات معاها ولاحت تيليفون كتننهد وتهز النفس من داااخل قلبهاا بزز باش كتطلعها….وعات على رااسها ملي بكاات وفشات خاطرهاا عاد تلفتات داك الراجل مزال واقف عليها…
كنزة : سمح ليا عفاك انا ماشي هي هادييك سمح ليا ايلا غوت عليك بدون قصد..
حرك راسو بتفهم : ماتقوليش هكاك واش نتي بخيير ؟ نوصلك…(شافن فيه وهو هز ايديه مبسم وعينيه كبضورو مكيرتاحش ليه الخاطر ) ماتفهمينيش غلط غير مابغيتكش تمشي فهاد الحاالة..
كتزة : لا شكراا والله…قادرة نصوق واصلا قريبة للدار..شكراا بزااف..
حرك راسو مبسم بايجاب وهي ردات عليه التبسبيمة سد عليها الباب حتى ديماراات وزادت قدامو وحتى هو ركب فطوموبيلتو لي كانت واقفة جنب دياالها خلاها حتى فاتو شوية وهو يكسيري تابعها من لور …
فحين اسماء ديك اللحضة وجدات حوايجها حتى دخلت عليها تسنيم وبدات كتلبسها حتى كتسمع صوت خديجة كتعيط ليها من الفوق دارت راسها ماسمعاتهاش ضاربة الطم عرفاتها غتقول ليها تطلع تغدا…حتى سكتاات وبقات جالسة كتسنى كنزة غير سمعات طوموبيلتها وقفات قدام الباب وهي وتخرج عندها ركبات تسيم لور وهي القدام وزادو مشاو..
رجع محمد لكلينيك غارق وسط خدمتو كيحاول ما امكن يكنف الخدمو فهاد الايام ولو انه الوقت عامر مابين المهام الشخصية والمهنية ايلا انه كيحاول ما امكن يخلق واحد المساحة فارغة مابيين ايام هاد الشهر باش ياخدهت عطلة استراحة ويسافر لشي مكان هو واسماء للراحة كثر من الاستمتاع….
وسط الغينيويو تيليفون كيصوني ماسكتش وهو موقفو محتارم عملو حتى كملو وخرج يلاه غيقلب شكون كيعيط وهو يطلع ليه رقم مامسجلس عندو لكن من خلال الرقم عرفوو ورد عليه فالبلاصة واقف فمكاانو…
محمد : السلام عليكم..
_السلام عليكم السي محمد…معك المحامي جلاال عامر…
محمد : وي عرفتك استاد تفضل ..
بصوت محترم : فضللت نعلمك قلت لا ربما مايكونش فخبارك….انو السيدة المدعي عليها باسم اسراء الادريسي..تخلا سبيلها صباح هاد النهار….ولكن مزال قيد التحقيق لعلمك….
محمد دوز ايديها على راسو كيسوط : علا اساس غيتنفد التحقيق وهي معتاقلة !
_هادشي اللي كنا عارفين كاملين ولكن….(بعد صمت كمل) كنفضل نجي امور مكتناقش على التيليفون..
محمد فهمو : ماعندييش الوقت للطلوع والنزول بان ليا هادشي غير لعب دراري الصغار…..ايلا جبت الادلة من عندي نحطهم اطابل… شي حاجة ملموسة يعني ماشي غير بالكلام…ممكن تسرع العملية شوية ؟
_يكون احسن …وحسن بزاااف…شوف الكلام ماشي ديال التيليفون دير شي وقيتة ودوز عندي نعرفو حنا اش كنديرو وحتى نتا اش كدييرو ونشوفو ايلا لقينا حل اوسط يرضي الجميع ماكرهناش…وحاجة اخرى مع الادلة كنفضل تحضر حتى الضحية بالخصووص كلامها حتى هو غيفييد فالقضية…
محمد : عطيني ساعة ونكون معاك تما…
_واخاا نستنااك….مع السلامة
محمد : فأمان الله…
___
كمل كلامو مع المحامي وغير قطع…رجع كيقلب على الارقام لي صوناو ليه وسط الاجتمااع منيرفي كيسووط ويزفر غير بوحدو حتى بانت ليه نمرة داسماء معيطة لييه كثر من تلاتة دالمرات لحضتها عاود صونى ليها كيتسنى حتى ردات عليه…
اسماء : آلوو…
محمد : اسماء بخير ؟….خاصك شي حاجة …
اسماء : ااه ا انا راه خارجة…خرجت قبيلة جات عندي كنزة و خرجت معاها..
بعد صممت طويل وهي كترمش عاد سمعات ردو جاي مغير ليه الصوت بحددة كيقطر بكلامتو حسات بيه معجبوش الحال..من الطريقة الصارمة لي كيدوي ليها..
محمد : شي مشكل تما ؟
تلفتات شاف فيها جالسة فالطبلة وسط ريسطو هادئ فالطبقة لفوق كانو غير هوما وعائلة اخرى خاوي…
اسماء بهدوء : ماعرفتش مالها مع عماد واقيلا دابزو ولا ماعرفتش يلاه غنشوف ااش كاين عيطات ليا فالتيليفون حالتها حالة كتبكي وشادة طريق ماقدرتش ندير عين ميكة وخرجت معاها….
محمد : شي مشكل كّراف هذا…محتاجين لشي حاجة ندوز عندكم ؟
اسماء : لاا بلاما تعدب راسك غير ندويو شوية ونشوف شنو عندهم حتى ترتاح ماشي شي حاجة…صافي ؟
محمد : بخاطرك….ديري باالك على نفسك….فين جالسيين ؟
اسماء : انا غنسيفط ليك الموقع فواتساب ماعرفتش هاد البلاصة…
محمد : واخا…ايلا احتاجيتو شي حاجة صوني ليا تهلاي ليا فراسك…
اسماء : بسلامة…
قطعات معاه كتننهد وتزفر الننفس بزز حاسة براسها مخنوقة ومزير عكس كيف كانت…. رجعات عند كنزة جلسات حنبهاا غير سمعاتها كتدوي مع المحامي على الطلااق خرجات عينيها وجلسات كتصننت بدهشة حتى قطعاات وشافت فيها مخنزرة ماعتدها خاطر سولاتها بعينيها واسماء تنهداات وردات عليها…
اسماء : حاسة براسي مخنوقة ومزيرة ماشي هي هاديك..ولفت ندير اللي بغيت تخايلي ربع سنيين وانا عايشة بوحدي غير انا وبنتي ماكين لي كيقول ليا حتى فينك ولا اش كديري كنحس برااسي تربطت (كتمعني عليها) هههه شي ناس حريين وباغين حتى هوما طلاق والله مكتحشمي…
كنزة : ماعارفة والو ا اسماء خليني..
اسماء قربان للطبلة بجدية : عرفتي صباح فاش خرجنا من الكلينيك داني محمد للواحد لاصال كرحممق قلت الله اخيرا غنبدل الجو حتى شفتو كيشيري داكشي درياضة باش يديرو عندنا فالدار
كنزة : اويليي
اسماء : ههههه وحق الله يلاه تخايلي معايا غيخسر فلوس صحييحة فدااكشي اللي كيلعبو عليهم الرياضة باش يجيبو ليا انا للدار نلعب فيهم ساعة فنهار هذا ماشي الحماق غيتسطى بالشك اما ايلا كانت هادي غيرة را ماشي عادية…
كنزة : ماشي شك هادااك حتى نتي حطيتي عليه الشك متبقيتي باغة تحيديه…شكون هذا لي باغي مرتو تلعب ليه فالصالون و بخمارها يا حسرة واش حماقيتيي
اسماء :علاش كاع هادو لي دايرين الخمار والحجاب ماعندهم الحق يعيشيو ؟ واش صافي لي دارت الحجاب نحيدو ليها حنا كلشي لا ماتخجرش بوها لا ماتخدمش لاا ماتساافرش لا ماتمشيش لاصاال وهذا هو العذاب الاليم
كنزة : وعمرك بغيتي شي لاصاال تا حيدو ليك قلتيها ليه نتي ومابغاش ؟
اسماء حركت راسها : لا
كنزة : نبصم عليها حتى غيكون هاد لاصال مخلط داكشي علاش جربي قولي ليه تمشيو لواحد نسائي ايلا مابغاش ديك ساعة تانا نحلف ليك عليها ايلا مريض فراسو…وتانيا فين عمركم سافرتو باش تقولي حرمك ياك نتي براسك قلتي ليا قالك فبلاصة شهر العسل غتمشيو للحج وبابا حتى هو معاكم…قولي ليه يلااه نسافرو تشهاي حتى نتي شوية….واشحال فيك ديال تخراج العينين غير قدامي ملي تشوفيه كتولي ترمشي كي الفارة هضري شوية حلي فممك…يااه
اسماء : راه كنخاف نهضر نولي جالسة كنعيط على المحامي يدفع ليا ليا حتى انا ههه
كنزة ردات بفقصة كتغلي : طلقيني فالتيليفون انا غنطلب الطلااق ماشي هو….مع دخلة فالمطار يتلقاو ليه بيها…
اسماء :نعلي الشيطان اكنزة ماتزربيش راه غتندمي واش عارفو شنو يكون كيدير ليك هاد راجل راه كون كنتي بلاصتي كون لحتي حوايجك نتي وانا عارفااك ماكتبغييش الزيار وعماد واخا هكااك مطلووق فعقلو مخليك دايرة لي بغيتي فين عمرك خرجتي من البلاد حتى خرجك هو….مانكدبوش عليه تاني معمر ليك جيبك ناعسة معزة مكرمة فداركم وفلوسك ضامناهم ودار قدها قدااش غير مسدودة فاكادير يتشهى بنادم يدوز فيها العطلة والطوموبيل اخر ما غنات ام كلتوم راه فين محطوطة …
كنزة : سكتي الماطيرياليست سكتي واش نتي عندك كلشي فلوس انا راه ماعندي مانديير بفلوسو ايلا ماحتارمنيش وماقدرنيش..ناعسة معاه(دمعو عينيها بفقصة) ناعسة معاه اعبااد الله وعيط ليا بديك الكلبة ديال طليقتو لي اصلا انا ماعرفتها حتى فات الفوت ودوزتها حيت كون ماكنتش حاملة فديك اللحضة والله مانبقى معاه وعلى قبل الحمل دوزتها وزايد مقصر فالبار وكيقول ليا خداام..خداام الزمر صافي عيت منو ومليييت وطلع ليا هادشي فرااسي كارهة الزوااج وزدت كرهتو (عضاات ايديها بالفقصة كتبكي مجننة ) ضححك عليااا زرب عليااا تجوجت فشهههر وحملت فشهري وغنطلق فعااام…
اسماء : الله يهدييك طلقيي طلقي ايدييك… مصعورة الله يستر
كنزة كتبكي وتشكي عليها: ضحك علياا الحمااار لعب ليا بعقليي عمري نسمح لييه وحتى هاد الولد كيموت عليه والله لا خداااه ولا حلم بيه…
تنهدات اسماء مسكينة من نيتها كتحاول تقنعها زعما مهلي فيها وخرجها البلااد وتساراو برا …على حسب كلام او كدب كنزة عليها مزينة ليها التسافيرة لي سافرت فعينيها…ماعلى بالها لا امارات ولاهند ولا مرقص ولا عزوز ولا عصابة…وسط كلامهم تيليفون كنزة كيصوني ويعاود وهي قالبة على ضهرو حتى زفرات اسماء برزطهم حلاتها محنية عند تسنيم كتدوي معاها وقلباتو شافت المتصل وهي تلقااه عمااد…
اسماء : اويلي كيصوني
كنزة ب بروودة : خلييه يصوني تما والله لا عاودت دويت معااه…يتفرق عليا ويرجع يرطب
اسماء : واش هبيلة ولا مالكي مالك على لعب دراري صغار اكنزة راه بينااتكم ولاد جاببن فالطرييق جاوبيه ولا انا لي غنجاوب..
مارداتش عليها سكتات حتى تقطع الخط واسماء مصدومة من عدد الاتصالات…داز الوقت وهوما جالسين وضلمة دليل كتطييح عليهم..بدا كيعمر عليهم الحال وبنادم داخل خارج والنضراات طبعاا ولو تكون غير بالصدفة كيباانو كيشتابوه ولو كل وحدة وستيلها اسماء لي محجبة وكنزة اللي جامعة شعرها لفوق بوجه تعبان وعينين منفوخين…تعصبات اسماء مع تيليفون كنزة لي كل مرة كيصوني وهي تهزو ونيت مرة اخرى لقاتو عماد…جوباتو كتشوف فكنزة قالبة وجهها…
اسماء : آلوو…عماد…انا اسماء..
سمعات ردو بهدووء وتعب باين فكلاامو…باحتراام قال…
عماد : ختي اسماء صاافا هانية ؟
اسماء : الحمد الله ونتاا لباس علييك..
عماد : ماشفتيبتش اختي ختك ااش كدير..؟ ماتدويش معاها دير عقلها شوية ؟ هذاا زواج ولا لعب كلمة جوج اجي نطلقو واش نبقاو غير زوج طلق زوج طلق…
اسماء : مابغيتش ليكم هادشي والله العضيم حيت انا مجربة ومابغيتهاش تجرب بحالي…راه ختي ومصلاحتها كنعرفها كثر من اي واحد ولكن اعماد سمح ليا الطلاق جا منك ولا منها ؟ ياك نتا لي طلقيتها فتيليفون ولا لا ؟
عماد : قالت ليك غير انا طلقتها فتيليفون مقالتش ليك شكون السباب..ايلا حسبت لك من نهار تزوجتها لدابا شحال من مرة كتطلب الطلاق بررب ا اسما شي واحد مايصبر لكلاامها راا بزاااف شي هضرة كتقول مقصر ماكنتييقش فييك مابقييتش باغاك وانا مسافر لهنا على ودها وهي راه عارفة كلشي كنقول ليها نعلي شيطاان عارفها معكسة وايلا قلت ليها جلسي عاد كيحلا ليها الوقوف ماكتسمعش الهضرة حتى كتجيبها فراسها وكترجع لور وتخليك نتا وااحل سييير موت مهم راه خشات صبعها وجرباات وارتاحت…. وأش غتدير ليها كنمشي معاها حتى انا فالخط ارا غير ترجع للطريق….و والو نفس الحاجة كتعاود نفس الحاجة كتعاااود الصبر كيتقادا عصباتني فواحد لحضة كاره الحيااة زا..كااره مها هاد الحيااة وكتزييد هي بكلامها كتمرض وحق الررب
سمعاات ردو بهدووء ولو انه كلامو ماعحبووش واخاا دبر لي داارت كتبقى ختها ومااتبغيش لي يمن عليها ولا يدوي عليها بالطريقة باش دوا هو…
اسماء : ونتا فلول عرفتيها هكااك اعماد واش هي بين ليلة ونهار غتبدل..لا…كيف كانت غتبقى تقبليتيها هي هادييك ماتقبلتيهاش راه حل واحد لي كاين واخا راه مابغيناهش ليكم ولكن هي كتمرضك نتا…ونتا كتمرضها ااش بقى مايتقاال…؟
عماد : واش فهمتيني اختي اسما ولاا والو..راا فلحضة انا ومعاقلش على راس كتقول ليا طلقني ماشي اول مرة وهي عارفة انا ممطلقهاش…علاش كتبقى تعاود فالهضرة وتخوي فالحجرة كلام واحد قلتو ليها مدام سنينا ديك الورقة عند العدول مانعاودوش نرجعو ليهم
اسماء : راه حتى هي مع الوحم والحمل ماشي ساهلة اي حااجة كتعصب عليها واي حاجة كتبكيها غيير سايس واول تجربة ليها معارفة حتى حاجة وكيجيها هادشي عادي واخا تكون كدير شي حوايج مكيتقبلهمش لعقل…
كنزة باندااع غوبشات: وااش انا حممقة ااش كتقولي حتى نتي ؟ واش واحد يسطيك بالفقصة وفلخر قولي لييه حاملة ماتدييش عليها مالي هبيلة ولاا ؟ عرفي ااش كتقولي حتى نتي…
عماد سمعها ورد كيتنههد: علاش هي تا حملات عاد مشى ليها العقل ؟ فين كان عندها !؟ هارب ليها ومغديرو حتى تهربو لياا معاها…
اسماء شدات ضحكة بزز : وتلااقيتو اخويا عماد ههههه ااش غنقوليك
عماد : عطيها ليا ندوي معاهاا الله يجازيك بالخيير انا غندوي معاها…
اسماء تنهداات كتشوف فيها كتغلب قدامها: واخا خليها غير ترتاح شوية وتدوي معااك مزال معصبة وغير غتزيدو تصعبو الاومور خليها شوية…
عماد : عطيها ليا غير ارييها…
تنهداات ومدات ليها تيلييفون : هاكي..
كنزة :شنوو ؟
اسماء : وغير هاكي …
جهدات ليها الصوت وهي مربعة ايديها قالبة وجهها كتسمع فييه كيعيط ليها من تيلييفون باسمها واسماء كتغنز فيها تجاوب حتى سخفاتو و والو مابغات تقول ليه حتى كلمة..قالبة وجهها للجنب..
عماد : مابغيتيش تدوي معايا…سيري تطلقي انا مامطلقققش موتي تما وحق الرب ديك المحكمة لادخلت معاك ليها…احسن حيط ضربي معاه رااسك وعارفاني ااش كنسوا ايلا درتك فباالي برب لاحيدك منو شي حد…ارتااحي ونعسي وحلمي مع راسك مطلقة….حيت كاين غير فحلمك فواقعك عمرك تشوفييه…
قطع واسماء قاالبة وجهها شادة ضحكة بزز كتشوف فيها بنص عيين كتسووط مزنننكة كتنفاااجر غير تقيصها غطرطق ليها تما..فضلات تسكت وتحافض على هدوئها ماتشوهاش فهاد الريسطي كلشي يدي خبارهم…
ناضو خرجو تحت شتييوة خفييفة كتنقط واسماء جارة تسنيم هازة راسها لفوق وحالة فمها متلقية لقطراات المااء كتسرط فيهم وتضحك وتنقز نشييييطة وحركية بلاا قيااص طلعو للطوموبيل وشدو الطريق نيشان للدار توصل اسماء هي لولا…
كنزة : طلعي الزااج الشتاء بدات كتحهد…
اسماء :الحال كيسخن والشتاء خيط من السماء تبارك الله وريحة الترااب كتحمممق(استنشقااتو ) الله يااربي على ريحة…نزلي تازاج عندك شميه (عضات شفايفها وكنزة كتشوف معوجة سيفتها واقفين فالسطوب ) ناري على ريحة….
كنزة : اويليي كتشمي شي ريحة مكنشمهاش انا ولا شنو ؟ اويلي كتبنن تقول ريحة الشواء طالعة معاها …من نييتك ريحة البني ا اسماء ؟؟
اسماء : زوينة واش كيبنيو تما ؟ بلاتي نشوف حيدي حيدي….اااه راه كيبنيو فديك الدار ريحة جاية من تما ريحة التراب …
شعلات الضو الخضر وهي تكسري حتى وقفاتها..
اسماء : بلااتي بلاتي وقفي حرام عليك بلاتي نشوف…(حبساتها وقفات كتكل وتشوف حتى بان ليها واحد الولد دايز بدون شعور عيطات ليه بايديها) خويااا عفااك…عطيني شوية دالترااب من تماا غير نقيصو…
كنزة خرجات عينيها حشمات: اويلييي…(كسيراات بجههد )اويليي على عطيني شوية تراااب اويليي…
اسماء : وقفي واا وقفي اصحبتي غير ندوي معاه وقفي اكنزة …
نوضوها صباط كل وحدة كتغوت من جيه وتاوحدة ماسامعة لاخراا حتى قلبوها ضحك…
كنزة : عندااك تمشي بصح تاكليه امسخوطة راه يدير ليك الحجر فالكلاوي هههه ديقة والشحمة فالقلب وزيديها الحجر فالكلاوي غيوليو يجمعو فيك بياس ديطاشي(وقفات قدام الدار)
اسماء حلات الباب: سيري سيري فحالك مسمومة الله يستر مالها ااش فيها كاين لي كيتشهى يقيص الثلج وانا مشهية نقيص تراب رااه غير نقيصو ماشي ناكلو….
كنزة : ولد الحاج جاي لينا راسو قاصح وتزيدي عليه بالحجر غيوليو عندك جوج تيمومات….غا واحد غتعطييه البزول و واحد غتعطيه سلطان السلاطين..
اسماء تزنكاات ونزلت كضحك :ومكتوبييش سكتيي من الهضرة الخااسرة حمقة والله سيري سيري بسلاامة ديري عقلك ونعلي الشيطاان…
تنهداات كنزة حادرة راسها والضحكة كتغبر من وجهها بشويا لشويا حتى غبرات فخطرة بحالا عمرها كاانت…وهي اصلا من الاساس مكانش ضحكة كتحسي ليها من فوق الخاطر خارجة شنو معنى الضجكة ايلا كانت العين كتبكي ؟
كنزة: تصبحي على خيير…بسلامة خاالتو زويينة بوسيني..
قفزات عندها باستها ونزلاات تابعة اسماء لي غير شافت كنزة مشاات وهي تلفت شافت مع جنابها وهزات عينيها شافت فنوافد الدار وهي تشد من ايد تسنيم ومشات مع الشارع ديال دار نييت مشية مطولة حتى وصلات للراس ديالو سخفانة كتنهج فين كاينين الحوانت والهريات وحتى واحد الهري مختص فبيع مستلزمات البناء وداكشي….مشات عندو مباشرة مبسمة كتضور فعينيها حتى بانت ليها الرملة قاصتها بصباعها ماعجباتهاش وهو معاونها وهي كتشهى لا بغيت تراب حمر وشوية كحل وفييه نقيطات بيضين وحتى هو مسايرها مسكين باغي غير يبييع عرق ونشف معاها حتى جاب ليها من النوع ترااب لي بغات كيفرنس وهي كضحك مرتااحة وهو غير ترااب ترااب علم الله كي كيبان ليها داير…عمر ليها البلاستيكة مزيان وعطاها ليها خلصااتو ضاحكة كتسد فبزطامها وكتحتت معاه نسات راسها وترخات حتى ساحت لقاتو حتى هو مسالي مشا معاها فتقرقييب الناب..
اسماء : والله ايلا وليتي كتلقى مشكل فينما مشيتي الغلاا وحنا ماعلينا مانديير غير نصبرو
_حشومة وعيب وعار الدرويش مسكين ااش يدير ملي ولات البصلة تلتمية درياال وماطيشة الفرااانك
حركات راسها بايجاب عايشة دور وهي السوق مابقات شافتو ولا تقداات منو من نهار خرجات من دار الكرا…
كحات زعماا راه فاهمة وكملات بعصبية مصطنعة..
اسماء : ااه عنددك الحق والحلييب…للحليب حتى هو…
_لا مزاال الحلييب حشمو وخلااوه فتمنو…
اسماء رخات حجباانها كتبقلل : ءء !! بصح ؟…(بللات لساانها وكملات وهو كيرمش فييها) عرفتي اعمي كون يقاطعوه والله يقاطعوه غير يومين يومين بالحساب شحال انا كنشوفهم كيشتكاااو ويتباكاو غاالفيسبوك والتلفازة واش داباا طاعة الله مول هاد مو الزيادة عندو شي وقت يطل على شي فيسبوك وهو راه متع كيحسب ف فلوس الشهرية…الثمن كيطلع والفلوس كيدخلو الواحد ايلا تزادت عليه غير مية درهم العصر كيلقاه نعس بالفرحة عاد يطل على شي تلفاازة….عرفتي كون يقاطعو غير..غير الحليب شتي واخا مزادوش فتمنو يقطعوه غير يومين ويخلييوه يخسر عندهم وتشوف ايلا مارجعو لجوج درااهم ماسميتييش….م(سكتات مابغاتش تقول سميتها) اودي الله يهدي ماخلق
_اشمن ابنتي يقطعو كيتشكاو ويقولو ماطيشة غالية وتلقايهم كيتقداوها هي لولاا….واللي يتشكى البصلة تلقايه هو لول مدليها من الشرجم …يبكيو على المازوط وسيري طلي فالكّنطرة الطوموبيلات غامستفين باش كيمشيو بالماء ؟ كون يديرو كي قلتي غا يتفاقو مرة وحدة فعمرهم ويقطعو واحد يومين ولا تلتيام ايلا ما رجعو ليهم العقل ورجعو معانا الطريق وحسو بالدروييش نحسن لحيتي..قولي ليا بنت من نتي ماشي من هنا ؟
اسماء :انا ؟ من..من(تلفات خافتو يعرف دار الحاج) من لهييه(باستغراب كيشوف فيها) ….احم انا ضيفة ضيفة من…من مراكش
_كلامك بيضاوي ههه مرحبا مرحبا بييك ههه
اسماء : لله يباارك فييك اعمي….بسلامة الله يعاون..
حدراات راسها ومشاات كتضور فعينيها عاد وعات على نفسها ساحت وتدفكّات حتى نسات رااسها ماقدراتش تكما للدار وهي تشد طاكسي…تكدب فهاد اللحضة ايلا قالت حاسة بهاد الغلاء لي كيحسو بيه جميع الناس..لو كانت فدار الكراا فهاد اللحضة تبكي بليل ونهاار على قصوحية الزماان…شحال قالت زمان ” لي فوق منا كاع ما كيحسو لينا ” لي فوق منا بمعنى الطبقة الغنية نوعا ماا كانت كتقولها غير كلام حتى ولات حاسة بييهاا..فعلا قلييل الاقلة و بحالها مثلاا غير فهاد الحضة لي فيها هي ماقادرااش تحس من اللي كانت كتعاني منو هذا شحال…بقدر ما نساتو ولو انه مكيتسنااس….بما انها كتشوف كلشي موفرر ليها ماكينش الحاجة لي كتحسسها بالنقص باش تقدر ترجع ليها مواجيع ايام الفقر الشديييد لي عاشتو لكن لو جربات ترجع تعيشو غير يوم واحد من المستحيييل تصبر وتقدر علييه…كتننهد وتفكر وتعاود رااضية على نفسها بالقراار لي خداام ورجعت لدارها ولو ان الجرح مزال كيدبر والحماس لزواجها منو تطفى…!
كان مقابل تعيش فرااحة تكسر جناح حريتها وتقبل ب #القفص_الدهبي…بمعناه المطبق وماشي غير كلام عاببر وفقط…..اشتاقت لحريتها فين عمر اسماء كانت تدوي مع الناس وخايفة يعرفوها زوجة من ومنين جات وشكون هي…وهي كتحماق على الجموع والحتييت والكلاام تحرمت منو وميمكنش ليها اللي براني و شافتو تسرح معاه الناب….كانت حرة طليييقة ماعندهاش حدود ولكن كانت راسمة ليها حدود….حتى تزوجات وخدا واحد اخر قلم ورسمهم فبلاصتها هي….راضية بعيشتها ولكن متحسرة لجناحها لي تهرس وضاع ليها….تنهداات هادي هي الحياة لازم تضحي بحاجة باش تربح حاجة…ربحات حب محمد ولو شكو وغيرتو كيقهرو ربحات راحتها وراحة بنتها وعيشة تمناه ااي بنت مع رجل كان غيكون كامل لو لا غضبو وشكو وغيرتو…ولكن مراضياش على سجنها بحال شي عروس الكراكيز تحت خيوطو كتمشي…
غير تفكراتو وهو يبدا يصوني ردات عليه وهي داخلة للدار بالحس كيسولها ويطمن واش رجعات لقاتو حتى هو جاي فالطريق قطعات معاه ومشات بسرعة للحمام خوات واحد البواط دالبلااستيك جبداتها وعمراتها بداك التراب وطلعات اما تسنيم سبقاتها مشات عند خديجة فحين هي طلعات مباشرة للسطح اول مرة تدخل ليه شتييوة خفييفة كتنقط حطات ديك البواط مقلشة وسط واحد الحيط طالع ورجعات كتشوف فيها بحال شي برهوشة صغييرة وعينيها لامعين وبالفرحة وقطرات الما كيقطرو عليها بحال كتقطر العسل على قلبها يلاه غضوور وهي تقفففز مخطوووفة من بلاصتها كتشوف مع جنااابها والحاجة ورااهاا عاقدة حجباانها كتشوف وراها فديك البواط لي حطات
اسماء مسبمة بارتباك كتسد الباب وراها : خالتي..
الحاجة : اش كديري هناا ؟ وعلاش حالة البااب بالبرد قاصح علييك نزلي..
اسماء بتوتر بلعت ريقها : غ..غي راه كان محلول والشتاء كتصب سديتو انا غنزل دابا..
الحاجة :ممم نزلي وطفي الضو…جا هاد الشهر غالي
نزلاات واسماء كتشوف ماعرفتها اش كانت كدير وسط هاد الضلمة…الضدد لي ولا فيها حتى هي نزلات وخلات الضو شاعل كتبركم تحت لسانها….
اسماء :الضو كتخلصييه نتي اخالتي الله يهديك…(دخلات عليهم للكوزينة بتبسيمة صفراء بالها مع البواط دتراب لي حطات لفوق)
خديجة :شحال عيطت ليك قبيلة قبل ماتخرجي ماسمعتينيش واقيلا
اسماء : كون سمعتك نطلع غير مارديتش البال مع بنتي…الجو ديال رمضان كيدخل سبحان الله كيسبق من بعيد
الحاجة : الله يدخلو علينا بالصحة والسلامة ياربي والزرق والبراكة ويرزق كل مسكين وكل ضعييف ياا رب….ماتصومي حتى تسولي طبيب دياالك عاد صومي على حسب الحمل والوحم…اجي علاش توحمتي ماقلتي ليا ما ..؟
اسماء :الله يهديك اخالتي علاش بغييت نخبي واش الحمل كيتخبى…ماتوحمت ما حسييت ببيه ماعرفت انا ولادتي هكاا…عندي شهرين وانا عمري حسيت بيها..وحتى الوحم زعما نقول كنتوحم ما…ماعرفتش ماحسيت بوالو…
سكتات الحاجة مارداتش عليها حتى اسماء ضربات الطم لقاتهم ردو العشى مابقى عندها فاش تعاون خااصة ملي كتلفت تشوف ااحاجة كتلقاها شادة التسبيح فايديها وكتردد شي حاجة تجت شفايفها…دخل محمد وحتى الحاج كلهم مجموعيين الفوق على الكلام واسماء ناضت مع خديجة ايديها كياكلوها وضروي كتبغي تحركهم فالطياب خلااتها مقابلة خبز الدار لي كيبغيه محمد مكياكلش ديال زنقة بخطرة وحتى ماكلتو كيدقق فيها خاصو يكون ناشف ليدام قليبل حتى لمنعدم الخضرة مبخرة اغلبية والملحة ناقصة السكر نااقص حتى هوما علمهم هادشي حتى ولا كيجيهم عادي حتى اسماء ولفاتو معاهم…شدات واحد الكلااص قادااتو بسرعة غير صغيير كتفنن وتزوق فييه بكل ففرح وحب ومحمد كيدوي مع الحاج عينيه كتهرب عندها كل خطرة وكيقلب وجهو عاقدهم من تصرفاتها وحركاتها الغير مبالية وموقفها ديال العشية ماخلااهش فين يزيد يهز…
كيف العادة تجمعو على طبلة وحدة كيتعشاو حتى سالاو واسماء غير كتنقب من هنا ولهييه وبالها مع داك تراب لي خلاتو لفووق غير جمعات مع خديجة داكشي خلاتهم جالسين دايرة السبة بتسنيم وطلعات للسطح بسرعة مع حلات الباب دخلات عليها الشتاء ورجعات دغيا لدااخل مكانوش حاسين بيها فالدار مكيسمعوهاش كاع…نزلات هزات المضل وطلعات دخلات فديك الشتاء هزات البواط كتلعب بالماء وخرجات ولكن هايهايات مع مجمد هو صوت خطاويها وحافضهم غير حس ببيها طلعات للسطح وهو يتبعها لقاها خارجة بديك الطاسة وسط الضلمة شعل عليها الضو باستغرااب وهي شاداه عندها كترمش فييه زعما راه عادي مدايرة حتى حاجة..
محمد : ااش داكشي…
جرها بايده عندو حتى بعداات وهو يسد الباب وراها وجمع ليها المضلة كيشووف…
اسماء : هذاا…تراب…
شاف فيها كتجاوبو من نيتها ورد..
محمد : عرفتو تراب منين جبتييه ؟
رمشاات اش غتقول ليه بغيت نشمو…بللات شفايفها بخجل وقالت كدخل وتخحر فالهضرة حسماات تقول ليه تشهييت نقيصو ونشميو ونلعب بيه..
اسماء : بغيت نزرع فيه…نزرع فيه هادااك…ءء بغيت نزرع فيه القطن شفتها فالتيليفون كيزرعو القطن وكيخرج بحال هاداك…بحال اللي كينوض بحال دوك ديور لي كينوضو فلرض ولكن هوما ماشي ديور هوما ربيعة…دايرة بحال ديور ليهود كيكونو بحال المثلث وهوما ماشي مثلت هوما نبتة ولكن بحال شكل ديال واحد روسوم زرقين قزميين كانت كتفرج فيهم تسنيم…بابا سنفور.. (شافتو بهدوء كيشوف فيها مستغرب ) هادوك…سبحاان الله
محمد حرك راسو مسايرها : بحال ديور فلرض..
اسماء كتلعب برموشها و واحد الحشمة نزلات عليها كحاات : ااه
محمد : سبحان الله …
اسماء : سبحان الله..
شداتو الضحكة دوز ايديه على دقنو وخوا ليها الطرييق وهي غير كتشوف مكرهاتش تحل لرض وتبلعها من هاد الموقف لي طاحت فيه…
محمد : يلاه تنعسي….اري نهز لييك
اسماء : لا غير خلييه…
محمد : عطيني نهز ليك السَّاسْ ايلا طاحو فين غينوضو هاد ديور لرض ؟ يااك ؟
عطاتو ليه فصمت بحالا عطاتو قلبها وحدرات راسها ونزلاات وهو تابعها كيشوف فداك التراب وسط المااء جامع حجباانو حتى نزلو للتحث عطاه ليها جلسات فوق الفوطوي وتسنيم خرجات من البيت طارت كتشوف معاها ااش كدير فحين محمد دخل للحمام….خدا دوش ديالو بعد يوم طويل عاقد حجبانو بلا خاطر غير كيتفكرها مع ديور لرض كتشدو الضحكة وتمشي تغوبيشة لبس سيرفيت موريحة بعدما رييح تحت درااعو وخشى واحد طقية سخونة فرااسو خلا الكليمة تسخن البيت شوية وخرج عندها مع الخرجة بانت لييه خشات شي حاجة ففمها بحال لقمة د طعام ومن داك الترااب علا صوتو بالخف ماشي عندها حتى لاحتو من ايديها قاافزة فبلاصتها كترعد خلعهاا بصوتو…
محمد :اااش كديري ؟ ااش كلييتي شداكشي ؟؟
بلعاتو دغيا ومسحات فمها كتشوف فيه…
اسماء : هاا …ن نعام ؟
محمد : كليتي هادشي ؟؟ حلي ايديك نشوف حلي…
وقفها عندوو قارن حجباانو وهي كترجف مخلكة عليها حشمة وخلعة وكلشي…
اسماء : علاش غنحلها وعلاش غناكولوو …ما…مالي حمقة….
تسنيم جرانطت رجليه : باابا محمد..بابا محمد..هزاتو هكا بحال كورة ل كدير ليا جدة ديال ماما وكلاتها هكاا…
محمد : حلي فمك…حلي فمك نشوف وااش باغة تسطني ولا تمرضي مخك ولاا كيفاش..اش هادشي كاتاكلي ؟؟
اسماء حركات راسها بلا كتبلل وتبعد وجهها من ايديه: والو ماكليتوش علاش غناكلو ماالي حمقة…
محمد :حلي فممك..حليي نشووف…
قلبات منو وجهها وهو يدورو دقنها عندو وقررب شمو ورجع كيشوف فاثار التراب لي بقى فجناب فمها راسو دااخ وسخن كيزدح علييه ملي كيتكفرها اش كلات وفين كان اصلا داكشي وومكن كاع يكونو شي قطوط دارو عليه شي حاجة..
محمد كيفااش كليتي هادشي ؟؟غنفوت فحسك شي دقة اش هادشي واكلة … ااش كتروني شحال كليتي؟!! منااش ونتي كتاكلي فييه…
اسماء حركات راسها ناكرة : ماكليتوش وااش باينة فيا كليتو راه غير شميتو ولصق ليا ف فمي…ط طلق قصحتيني امحمد..
محمد : واااكلة التراب ا اسماء ؟؟ تراب كيتكال واش مرييضة فرااسك ولا باغة تمرضيني ؟ واااش نديك دابا تقيااي كاامل(سكتات ) دااوي معااك جوبيني…
هزات فيه عينيها مدمعيين مرضاتش تحصل..
اسماء : غير لصق ليا و وبلعتو مكليوش علاش ماكتيقش فيا وااش غتبقى تشك فيا هكا رااك قرهتيني قلت ليك ماكليتوش هي ماكليتوش…
طلق من فمها كيشوف فييها عاض على فمو مزييير مابغاتش تدخل ليه لرااسو داكشي لي كلات على كلاامهم دخلات الحاجة زاد تعصب واسماء حدرات راسها كتمسح فدموعها حاسة بالحكرة تجعو عليها بجوج وحكروها وهو كيشوف ويسوط بغضب..
الحاجة : محمد ماالك..مالكم اولدي صوتكم لاحق حتى للفوق ااش كاين ؟؟
محمد :واالو الحاجة ااش خاصك…
الحاجة: غير سوارت د السطح بقى الباب محلول واخت مسدود مامسورتش..وااش كليتي داك التراب
محمد : فين شفتيها ؟
الحاجة: شفتها قبيلة دارتو فالسطح…علااش كتبكي ؟ ماالكم؟
اسماء كتدوي حابسة البكية بزز: غير شميت ريحتو وهو يلصق ليا ف فمي بلعتو وهو يسحابليه كليتو…وانا ماكليتوش..
الحاجة شافت فمحمد كتبرد سوق :وااش فيها ايلا كلاتو راه متوحمة اولدي يدير عقلك مالها لخاطرها…
رد وهو مغدد كيفوور…
محمد : وحم ديال الحماق هذا ؟
الحاجة: راه عادي خليها دير فيه لي بغات ايلا دابا يخرج يضرج فالتربية الله يستر ياربي ويحفض وينجي ليا حفيدي..خليها دير لي بغاات غير خليها ماعندو مايدير ليها راه هذا هو الوحم….
محمد ماقدرش عقلو يتقبلو : كاين شي وحم على التراب الحاجة
الحاجة: كاين على الترااب وكاين على الحجر وكاين على الفاخر وكااين كاع لي يجيها على راجها وكاين اللي يجيبها على ولادها وكاين لي يجيها على رااسها…صافي دووقي خليها تشميه ولا دوقز لي بغيتي..
شافت فيه اسماء ورجعات قلبات عينيها بدون كلام…
الحاجة : دوقيه غير دوقي..
محمد : داقت الله يجعل البراكة..طلقي لهنا داكشي..غنولييو فالمشاكل اري لهنااا..
الحاجة : مافيها والو داكشي ديال ربي دابا راه يجينا خايب و وااعر وهي يجيها بنيين وزويين(ماتسوقش لكلامها حيد ليها داكشي من قدامها ماكرهش فهاد اللحضة يرجع بلور ويبدل التخصص بطب النساء ويعرف ااش كيضور فراسها وشنو هادشي لي كيقولو بالضبط فحين الحاجة شافت فاسمااء حاابسة البكية …
الحاجة: ومالقيتي ابنيتي تانتي علاش توحمي على تراب…باقي شي حد يتوحم عليه…شهرين هادي عاد تفكرتي يا بنتي اسماء تراب وقداامو…!
اسماء : ساروت ديال السطح راه فالكوزينة…
هزاات نفس ولاحتها بنرفزة ومشاات طلعات وهو رجع عندهاا كيسوط منيرفي غير بوحدو شاافها حادرة رااسها تقول ضالمينها كتبكي وتمسح فدموعها تنننهد ساظ على عينييه مهدن رااسو بزز ومشى جلس جنبها عنقها عندو…
محمد : قلت شي حاجة تبكييك؟ دموعك على سبة كينزلو ولا كيفاش ؟
حدرات راسها كتسنط ليه قاطعة الحس مكتجاوبوش رجعات ليه اللومة حتى ولا حاس براسو هو ل داير جريمة ماشي هي…كيشرح ليها ويعاود بلي مكانش فاهم اشنو واقع ولحد الان مفاهمش ومغيعطيهش ليهاا..كيرطب وفنفس الوقت كيقصح ويفرض رأيو وهي غير كتسمع مكتشوفش فيه حتى شوفة….حتى تننهد بقلة صبر والعصااب كيطلع للرااس شحف وعيى معاهاا واش بغات تليين منفخة وزادت فالنفاخة خلاها ونااض يشوف السطح واش تسد وهي دخلات عند تسنيم لقاتها نعسات معلقة كتابها قادتها فبلاصتها ودخلات لبيتها صلاات تما ونعسات حتى هي قبل مايدخل عليها وفعلا كيف دخل عليها لقاها نعسات وخلااتو بقى غيير كيشوف…كتم غضبو من تصرفاتها لي مابقاتش كتستحمل ولا مبالاة ديالها المستفزة شاف حتى عيى ونعس ففراشو معنقها عندو هكااك ….
الاياام كدوز واسماء فدارها نفس والروتين كيتعاود و ولاد جدييد طبعا مع وحمها الخفيف ماشي شي وحم قاصح كيقهر مابقاتش ضارت بالترااب من داك النهار تا كتنوي كتلقاه مقابلها وكدير بناقص لكن بقى حتى جاب ليها واحد العلكة طبية شبيهة تقريبا ب مداق الطين فينما تشهاتو كتااخد منهاا حتى طلعات ليها فالراس ولاحتها…ليماشين دخلو للدار وشكون غيلعب فيهم…معكازة وقاتلها العكز ومع الحمل عاطياها غير للنعاس حتى كيجي وكيزيرها واقف على راسها حتى كتسخف وتعيى عاد كتمشي تنعس ولو انهم ماشي شي تمارين صعاب على حسب الحمل…كملات ملي خديجة حتى هي بغات دير بحالها وبغات تضعاف حتى كيخرج محمد وكتنزل تلعب فوق منهم واسماء غير جالسة كتفرج و تموت عليها بالضحك…تقاد ليها الريجيم وحتى هي ولفاتو دايرة عقلها فالعلاج وباغة تعالج من داكشي غير الرياض لي مكتحملها ماكتقبلها….كتشوفو فكلامو على التيليفون مشغول مع قضية اسراء والميساجات والمهدي لي جا عندو الدار حتى كانو غينوضوها تاني وسيفطو الحاج…واسماء كتشوف غيرمن لور مابغاتش تدخل وماتسوقاتش ليهم كاع شغلها مع محمد اللي من الاول متاقش فيها اما هوما اي حاجة تتوقعها منهم….كانت فرحتها كبييرة ملي تقبلت فباك ليبر وحتى الحارسة بنفسها لي علمااتها بالقبول الضوسي دالباك وبالكوموند الجديدة لي جاابت ليها…
مكانش شاغل باالها الكوموند كيف غدير ليها ….بقدر مكانش شاغل بالها من جيهت محمد اللي كتشوفو مزياان معاها لواحد الحد هي ولا كيدخل ليها شك مرة مرة ايلا تعصب معاها كيخرج يبدل ساعة اخرى حتى يرتاح ويرجع..كلشي مزيان وهاني حتى كيدخلو لبيتهم وكيطفيو الضو….تقلبت الاية على برا كلشي كيشوفهم زوج وزوجة ولكن داخل البيت الزوجية عايشيين بحال شي #خوت هو مكيحاديهاش وحتى هي مكتقربش بخطرة عندو واخا راه بالها تشغل معاه مامسوقاش ولكن تحرك فضولها وبغات تعرف علاش…من النهاار لي رفضات قبلتو ومسحات فمها بحالا عافتو مارجعش قرب ليها ولا حتى تحرش بيها وولا حاول يتحاك لليها كيف كان كيدير وكيف كان اي فررصة بانت ليه مكيضيعهااش بقلة صبر عليها واعجابو بيها….اما دابا ولا ايلاا قررب حتى قرب كيبوس على رااسها وخدها كأقرب حد وكيبعد…!
__________
الايام فرمشة عين كتمشي وايام رمضان واجوائو من بعيد كتعلم…ونفس الروتين تقريبا كيتعاود عند اسماء ولو ان الحاجة كل مرة خارجة ليها بسيرة جديدة كتخليها اسماء وتنززل والحاجة تابعاها كتسوط وتنفخ من الفوق كتسمع حتى لعندها وغير كيدخل محمد كتحط ليهم بالنقطة والفاصلة اشنو دارت معاها مو وحتى هو كيسمع ليها بحالا اول مرة تشكى منها وكيعاود نفس الهضرة وهي كذلك عارفاه غيعاود نفس الهضرة ولكن باغة تسمعها منو وباغاه يقولها ويبرد قلبها بيها ويدوي معاها ويطول فالحديث معاهاا كيف كان شحال هذا كيعجبها الحال فاش كيجلس جنبها ويدرعها بايديه ويحزرها ويرطب خااطرها وهي منفخة عليه حتى كترتاح وتهدن كينهي كلامو بقبلة على راسها وكيخليها وينوض عند الحاجة هاد الاخيرة لي حال وعقل مرة تسوط وتنفخ شوية ترجع تهضر هادي كأن يشئ لم يكن…
اما كنزة من قراارها ماتزعزاات…خلات تيليفون من جيهت عماد محلول ومرة مرة كيدوييو فاطار احداث الامارات والمرقص وشنو الجدييد غير كيجبد ليها موضوع الطلاق كتنفر وتسدو قبل مايبداه بجدية حتى مابقاش كيجبدو ليها…خدات قراارها ولا رجعة فيه كتشوفو هو اصح قراار واكثر من ذلك حطات الدعوة عند المحامي ومشات لاكادير جابت كاع حوايجها لي دات تما ومسائلها لي بقاو فالدار ورجعات بخطرة عكوزتها وعائلتو صاقو الخبار بقاو كيجيو مرة مرة ولكن عناادها مكاانش كيتهرس وعبد المتقي كيغوت فوق رااسها ملي عيط ليه عمااد يدوي معاها دير عقلها وترااجع كيدوي بحالا كيغني عليهاا كتخليه حتى كيعيى ويخرج مسكين كيفور…
كانت جالسة اسماء فوق الفوطوي لي فدار عندها لتحت ب كسيوة منزلية حريرية فلونها المفضل البوردو جامعة شعرها لفوق بواحد المقبط ومخلية نصو محلول طايح على كتافها وتيليفون فايديها كتدوي فالواتساب مع الكليانة التانية بعدما سيفطت ليها الحلوة لي كوموندات عليها….ماعرفات كيفاش تقادها فدار عند محمد دارت سبة بكنزة ومشات لدارهم صاوباتها فنهارها خلاتها لكنزة ورجعات حتى كتبغي تجبد معاه الموضوع وكترااجع مخلياها لمن بعد….
خديجة : عيييت عيييت…والله ماقدرت عييت صافي
اسماء ؛ممم؟
هزات فيها عينيها بحال نقطة العسل وسط الكحل واحمرار الخدود بدا كييير مزال كيشد فيها غير شوية باغة تعاود ديرو تاني هو ولشفايفها…وجهها مرتااح ومنور مع الحماالة زيااانت و وارتااحت وزنها ضعااف غيير شووية ماشي بسيوهلة كينزل ليها…ضحكات كتشوف فخديجة معلقة فديك الالة الرياضية بواحد الصيرفييت طويلة كتقطر بالعرق وتنهد كتدوي بزز…
اسماء :نزلي برااكة علييك ناس كيتريضو غير نص سااعة وكيحبسو نتي كتشديها صباح وعشية باغة تضعافي ولا تغبري
خديحة : نتي كيدير ليك نص ساعة حيت حاملة انا علاش..غيير خليني بغيت نضعاااف مابقيتش كنقدر نوقف فالكوزينة اويلي بزااف وليت كنمشي وننهم تقول ماعرفت ااش عندي…
ناضت عندها كتكسل فالمشية شادة على كرشها و وقفت حداها مبسمة وخديجة مساعفة كتهز رجليها بزز…
اسماء :خديجة مكتفكريش تزوجي..
خديجة: اويليي سكتي يههه دابا تسمعك ااحاجة..
اسماء : والله حتى داوية معا بصح ؟ ماكتفكرييش تزوجي وديري داارك و وليدااتك حتى نتي…
حدرات خديجة رااسها يلااه غتدوي وهي تلقى الحاجة وراهاا قفزااتها ضاارت عااضة فشفاايها بزز واالو واخا دواو معاها حتى عياو متعلمتش الدقان عاد تدخل…
الحاجة مغوبشة: خدييجة..من صبح الله وانا نعيط مالكي مابغيتي تقولي نعاام ؟؟ محمد علاين يدخل والغدا مزال ماترد…
برزات ملامح اسماء بلهفة ملي تدكر اسمو وشافت فالحاجة نص عين كتصنت…
خديجة: هانا جاية الحاجة والله ماسمعتك(نزلات ) صاافي هانا جااية…
الحاجة شاف فاسماء : يلاه وا طلعو شوية الفوق خليتوني جالسة بوحدي كي بسم الله الرحمان الرحيم ونزلتو هنا وش نزل تانا نتشخشى وسطكم…
اسماء شدات ضحكة :اجي اخالتي ديري ليك شوية دالريااضة رراه كتحيد الشحمة وتقوي الركابي…
الحاجة : مممم ديك الحديدة عي لي غترد ليا الركابي…(شافت فيها هازة حجبانها) امتى غتمشي عند الطبيبة تقول ليك اش عندك واش بنية ولا وليد..
اسماء واخدة رونديفو ونكرات : لا مزال مغيبان..
الحاجة : ايوا راه يلاه تاخديه باش تاحنى نعرفو اش كاين…
اسماء :حتى انا باغة نشوف اخالتي باش نعرف ونوجد ليه فين غيجي…
الحاجة: اش غتوجدو ليه ؟؟
اسماء : محمد باغي يوجد ليه بيتو وانا نوجد ليه لباسو وداكشي لي خاصو..
الحاجة خرجت عينيها: ويييل ااشيطان…ومعلميتينيش علاش توجظي ليه ….وحنا فعادتنا ماكنتفايلوش نوجدو للوليد جاي الله يحفض تمشي توقع لو شي حااجة لاا ماتوحديش ليه حتى يتزاد ويكون خير…
اسماء عقداتهم : وشنو غنلبسو ملي يتزاد نولي كنجري فالكلينيك يعطيوني نلبس ليه ولا ليها ؟
الحاجة: حتى لتما ويحن الله ديك الساعة ويااك توجدي ليه شي حاجة ابنيتي حنا راه متنتفايلوش بالتوجاد الله يهدييك خلييه حتى يتزاد مزروبة باقة ليه ست شهر ويلي….ماتتعرفو لا عادات لا توابع ملهوفين على التوجاد من دابا الله يستر…
مباشرة من مكتب المحامي خرجات رقية شادة فاسرااء ضاحكة والفرحة من عينيها كتقطر كل مرة تشوف فيها وتبووس خدها وكتفهاا وتهز ايديها عندها تبوسها واسرااء غير كتشوف لا ضحكة لا تبسيمة ساهية فاش كتفكر وهو غير كيشوفو حتى حد فيهم ماعارف….
كانت معاهم حتى لمياء وقفو قدام الرونج بيضة لي جاو فيها وهوما مستنين عبد الكريم يخرج من المكتب…بتوتر وعصبية كتحرك لمياء رجليها مربعة ايديها حتى دواات نزيررة..
لمياء : امتى قال عندهم الجلسة..
رقية خنزرات فيها : مارعفتش حتى يخرج ويقول ليك…وقت هاد الهضرة..(باست اسراء) على لحبيبة ديالي الحمد الله الوريدة غترجع ليا لدارهم وتنور دار ماماهاا الحمد الله على سلامتك ابنتي..الحمد الله…
اسراء : مزال اماما ماساليناش…
رقية : واش باباك احبيبتي ايخلييك تدخلي لدااك الوسخ وتعيشي مع دوك الهيماج اللي تما..لا احبييبة واخا نعرفو نريبوه على راسهم وماتدخليش لداك العش(باستها) يخليل الوريدة ديالي قادي حجابك احبيبة ولا خنقك نزلييه علييك…
صبراات لمياء تاني حتى عيات وهي تطلقها..
لمياء : واش بابا كيعرف القاضي اماما ؟؟ كيفاش ضامن القضية ؟ من نهار شافو وهو مكيشدش الضحكة ؟
رقية ميقات فيها كتنفخ : القاضي صاحب باباك قدييم…وكيفاش ضامن القضية اش هاد الهضرة غير كيدوي معاه…راه غير تلاقاو صدفة فالمحكمة وجلسو مع بضعهم يتدكرو اللي فات…
لمياء : عاد تفكر(قاطعتها بصرااامة)
رقية : طلعيي ا لميااء…طلعي صافي…
اسراء : انا غنطلع اماما عييت واقفة…
رقية : طلعي احبييبة غير نتاصل بختك حسناء بغات تشوفك هي وراجلها ونلحق عليكم كلعي…
طلعات لمياء كتنفخ وتفش حتى ولات كترعد بعدما ولات ضامنة نهاية هاد القضية..واسراء غير طلعات سدات عليها وهزات الزاج وتلفتت عندها…
اسراء : واش بابا كيعرف القاضي ولا عاد كيتعارفو ؟
لمياء : كيعرفو الااالة وتفاهم هو وياه وحط ليه فلوس صحيحية ومبارك ومسعود غتخرجي نتي هاانية وبريييئة وبنت اخرى مسكييينة كتاكل العصى على حاجة اصلا مدايراهاش…
اسراء شافت فيها مطوولة وتنهدات : يعطيك خاطرك تشوفي ختك فالسجن مع دوك الناس…
قطعات رقية تيليفون كتشوف فعبد الكريم خارج من مكتب المحامي كيضحك هو وباه تسالمو وشدات فبه غادين للطوموبيل
رقية : شنو…شنو قال لييك…
عبد الكريم: غنحضرو للجلسة…واينفوا غيجبد لينا ضوسي ديال اسراء غنجبد ليه الضوسي ديال الحاجة الام ديالو…
رقية : هااا ؟؟ ااش دخل الحاجة فهاد القضية ؟
عبد الكريمر: ساهلة….غيتجبد هي اللي سممات اسراء حتى قصدات الجنين ديالها باستعمال مواد سامة واعشاب مضرة مع ممارسة الضغط النفسي والتسبب فالطلااق وتفريق الشمل…
رقية بصدمة حلات فمها : اهااه…و ولكن حتى انا كنت كنعطي لبنتي العشوب….يعني حتى انا فهاد القضية…
عبد الكريم : ولكن شكون شافك نتي كتعطي شي عشوب…ماكين حتى شي دلييل…
رقية : وحتى هي ماكين حتى شي دلييل باش غيعرفو الناس ولا القاضي… زعما غتدوي اسراء…راه باينة غتجي من ماماها ماشي من مو..
عبد الكريم : اول دليل عندنا تقرير طبي بالضبط المدة لي شربات فيها اسراء داكشي حتى مشى ليها الولد والسبب …وتانيا المراة عندنا العشاب لي باع للام ديالو العشوب…هو الشاهد الوحيد كافي و وافي…
رقية بصدمممة اكثر وقفات كتشوف فيه: العشاب غيشهد فيها…و وقبل ؟؟؟ داك الراجل قبل ؟؟ وكيفاش مشيتي عندو…كيفاش عرفتيه؟
ضور ايديه على ضهرها شاف بعييد كيتنهد وقال..
عبد الكريم : انا علاش كنت خداام كنسمع الكلام والشتم ف وجهي باش نصبر ونجمع لي يكفيني ويكفي بنااتي للعيش والرااحة…ايلا مكانوش فلوسي ينفعوني نحمي بناتي اش غندير بيهم ؟
رقية: صدميتيني…مافهمش كيفاش شهد فيها…قفعلا لفلوس كيشريو اللي مايتقبلوش العقل…حتى الانساان كيتشرى…
عبد الكريم : شاف الفلوس وهو يقول ليا ماكين مشكل انا غنشهد بالحق ماغنكدبش وفعلا الحاجة شرات مني العشوب…حتى الكمية ودواسم كل عشبة ومع الثمن ديالها مانسااهش… تخايلي…
ضحكات رقية وعنقات دراعو كتسول وتعاود وهو كيشرح ليها غاديين للطوموبيل حتى وصلو ليها وقلبو الموضووع ساكتيين هو لي صايق للدار..حتى وصلو للدار..
اسراء : بابا عطيني الكونطاك ..ا ايلا بغيتي..
عبد الكريم : علااش ؟
اسراء بهدوء : ما حاساش براسي مزيان تشهيت غير نشوف البحر ونشم الريحة ديالو كتريحني…غنمشي غير للعين دياب قريب لينا قل من ساعة ونرجع..ايلا بغيتي…
سكتات اسماء كتسوط ورجعت جلسات كتبقشش فتيليفونها وخديجة كتقاد فزيفها مشات طلعات والحاجة تابعاها يلاه غيخرجو وهو يدخل محمد سلم على مو باس على راسها واسماء كتشوف فيه غير حسات بيه جاي لعندها وهي تحني عينيها ب شبه ابتساامة خجولة نوع ماا ولاو بحال شي غريب احساس فشكل فاش كتوحد هي وياه فمكان وااحد….كأنهم عاد غيبداو العلاقة ومزالهم فمرحلة التعارف…حط السوارت وتيليفون سلمات عليه من الخد الخد وجلس حداها لايح ايديه وراها وهي ملفتة عندو…
محمد : كيف الاحوال ؟ هانية…
اسماء تبسمات كتشكي وممبيناش فنفس الوقت : ممم عاد كنت مدابزة انا والحاجة ههه قالت ليا واش شفتي شنو عندك قلت ليها لا حتى انا باغة نشوف لاش نوجد ليه وهي تقول ليا لا متوجديش لييه ماتشري ليه حتى سروال هو لخر حيت مكيتفايلوش بالتوجاد وماعرفت كيموت التربية ولا ماعرفتش…
محمد : استغفر الله العلي العضيم حيدي هاد الكلام من دماغك…الحياة والموت بيد الله هادو غير خرافات…نحاول نرجع غدا مبكر نخرجو ونشوفو شنو خاصك…كنضن البيت نظيدو فداك الفاص واخا غيجي خارج شوية ماشي مشكل..غير حااليا …
اسماء بدات كترطاب معاه وترجع لوضعها القديم : كون غير درناه مع تسنيم…بيتها كبير…
محمد ساهي باعجاب فعيونها المكحليين كيجدبو العين : حتى تسنيم كتكبر وشوية غتبغي تبدل ديكور البيت هي حرة فييه و مغيبقاش عقلها ديما متقبل الطريقة باش زيناه ليها وربما تبغي تزيد تكبرو….خليها واخدة راحتها فيه…فكرت نزيدو نكبره شوية ولكن حتى نوريك شي حاجة ونشوفو من بعد …
اسماء :شنوو ؟ ش شنو هاد الحاجة…؟
محمد تبسمو عينيه : من بعد وشوفيها…
اسماء : واخا…
حدرات رااسها للمرة المليون كتبغي تجبد معاه موضوع الكوموندات لي ولات كتاخد متخوفة من المشااكل ولكن فنفس الوقت باغة تحرر وتكون مدخلوها الخاص وتحس براسها حرة وحتى هي عندها خدمتها وتقدر تعول على رااسها وماشي على شي حد ااخر…مع علات عينيها لقات عينييه عليهاا باعجااب كيلوح خصلات شعرها ورا كتفها وايديه تانية مدوزها على ضهرها جاب ليها تبووريشة طولات الشوف فعينييه وهو بسهو حاضييها…نار الشوق عللات وحمات بيناتهم ولكن شكون غيطفيها وشكون يعطي البادرة من عندو ويتقدم يطفي الثاني…واش هي اللي كتبان ليه نفرااتو حتى مابقات حاملة تشم ريحتو ولاا تقيص فيه ولاا يقرب منها….ولا هو اللي من حركاتها والطريقة بااش رفضاتو نهار كانت القبلة منو والليالي لي كان كيحاول يدوي معاها فيهم يا دير راسها ناعسة وهو عارفها فايقة يا بصح كتنعس قبل منو وتفيق صباح وتهرب قبل مايدوي معاها…حتى حلف يخليها فخاطرها مابقى يرجع يقرب ليها حتى تليين ويرتاح خاطرها من جيهتو…مخلي الوضع للوقت لا ربما يصلح من عندو الشيئ اللي مقدرش يصلحو هو ولو ان العيون مشتااقة لحضن دافئة يجمعهم ويدفي البرود اللي تزرع بيناهم….
رجعات حدرات عينيها بخجل من شوفاتو وهو ماكيتبسم ماكيضحك كيشوف فيها بلاما يرمش بحالا كيحفض ملامحها حتى حكات على نيفها شادة الضحكة…
اسماء : دوا معاك بابا قاليا غيصوني لييك….
من ردو السريع عرفاتو مكانش ساهي كيف ضنات هي..
محمد : دوييت معاه هاد الصباح…
اسماء : عارضينا للغداء ماقلت والو لخالتي حتى تجي ونشوفك اش غدير و واش غنمشيو..
محمد : نمشيو علاش لا…
جمعات الضحكة كتشوف ملي حساتو قررب حتى دق قلبهاا وي متعجبة فرااسها بحالا اول مرة يقيصها حتى حسات بييه باس على راسها بننفس حاارة ورجع طبع قبلة اخرى على خدها ووقف وهي هزات معاه عينيها ماتقبلاتش نهائياا هاد الحركات دياالو وكيفاش كيبعد عليها وحتى ايلا قرب كيقرب بتيقاار…حدرات راسها مزيرة ماعجبها حاال ولفات ددلع وتفشش وتنفرو وهو كيحزر ويرطب فيها حتى قطعو عليها بخطرة….جرها من ايديها عندو منزضها…
محمد : بدلي لباسك واجي معايا…
اسماء بتدمر : عييت حتى لغدا واش ضروري كل نهار كل نهاار مانتساراح حتى نهار وااحد…
ماردش عليها كيف العادة ضروري ماتدمر وتبكي وتشكي عاد تنوض تلبس صيرفييت ديالها اللي خداات على شكل كولون والفوق ديالو مزيرة راسمة جسدها مع صبادري وجمعات شعرها الفوق خرجات لقتو سد الباب لتحت حتى لبسات عاد دخل يلبس هو…وخرج عندها خالقين واحد الفجوة من الدار بليطابي وليماشين بحال صالة دالسوبر كيتريني بيهاا بجدية ماكيينش الضحك حتى سخفات وتكات على كتفو كتنهح عرقاانة… وهي جالسة فوق واحد الماشين بحال الكرسي و واحد الحديدة وسط رجليها كترفقهم وكترجع تجمعهم علات فيه عينيها وهو كيشوف فيها مبسم كيحمع شعرها عرقان لور…
اسماء بشكوى : عييت صافي انا حاملة نفس اخرى عايشة معايا لداخل كنحس بيها مسكينة حتى هي عيات براكة علينا…
محمد : يلاه وقفي براكة عليك…
اسماء : عرفتي كاينة واحد صبور زويينة ديال الحوامل فواحد سونطر متبعة معاهم كنزة زوينة بزاااف…بغيت ندير معاها حتى انا راه فيه غير العيالات لي حاملين وحتى هاديك الاستادة ديالهم مراة
محمد : خاصك تمشي على حركات لي تنقص الوزن ديال تدوب الدهون لي عندك..(نزلات رااسها جامعو شفايفها مازادش معاه الكلمة ) بغيتي ديريها …ايلا كنتي قادرة تأيكيليبغي بينها وبين الصبور ديالك(حركات راسها بايجاب متحمسة) مكنديرش ليك هادشي حيت بغيت نعدبك….هادشي جاي من الدكتورة دياالك ملي غتحس بيك مابقتيش محتاجة نحبسها لك…
اسماء : بغييت نديرها معاهم حتى انا فيها غير العيالات وزوينة…
حرك راسو بلا رد وهي تبسمات متحمسة عرفاتو مارفضش ولو باينة فيه مارااضيش علييه ماتسوقاتش المهم غتمشي حتى هي…
دخل دوش بالخف وخرج خلاها دخلات موراه وهو طلع لافوق كيتفادا يشوفها فالدوش او خارجة منو غيمرض غير راسو ويفوت الوعد لي عطى لنفسو عليها وهو عارفها كي كتخرج منو..وحتى هي حتى تخرج من الدوش عاد تفكر كريماتها وتجي ليه فوق الناموسية دهن الفخاض دهن الصيقان دهن العنق دهن الصدر وكتمشي غير لنقط ضعفو بحالا كديرها بلعاني حتى كيولي عرق فرااسو كيخببط وكيتزير كيخليها وكيخرج…
وجدات راسها ولبسات ووجدات حوايج تسنيم حتى جات لبساتها حتى هي وطلعات عند الحاجة لقاتها حتى هي لبسات هي وخديجة بعدما علمهم محمد بالعراضة وطلعات تا اسماء اكدات عايها وخرجو مجموعين عند الحاجة ام اسماء..
ماشي اول مرة تعرض عليهم وماش ياول مرة تبين تاولييها وصواابها وكلامة اازويين وضحكتها من البااب كتلقااهم بيها لا هي لا عبد اامتقي…وكنزة لي عاد دخلات من اازنقة سلمات عليهم ولبسات لبسااها مستورين شوية على حسب ااحاجة ومحمد عاد خرجت عندهم تغدااو مجموعيين والحاج ما ناض حتى دا معاه الحاجة وخديجة لا تبقى معاهم وتفلت ليهم شي كلمة معيبة ….اما اسماء بقات حتى يرجع ليها محمد عشية …دخلات عند كنزة البيت مع حلات البااب وهي تبان ليها مسحات تحت عينيها دغيا وقطعات تيليفون كتمشر فنيفها و تحاول ضحك واخا عينيها كيلمعو بالدموع…
اسماء : الزيين ديال ختها…
كنزة ضحكات : سيري تبعي راجلك اختي غتبقاي مصدعة لينا راسنا ؟ ماعندك دار تجلسي ليها ؟
اسماء : ياك هي داباا نييت نمشي…(جلسات حداها) بابا مسكيين عندو بريهشة كيعاود ليها ترابي وغتولد ليه بريهيشة اخرى يربيها حتى هي…
كنزة بجدية : غنكري ا اسماء مغنبقاش هنا..
اسماء : شنوو ؟؟ اويلي ؟ عنداك ديريها وعلاش اختي علاش غتكري ؟
كنزة :عييت …بابا راه قاطع معايا الكلام من نهار صاق الخبار وماما دايرة ليا كي جفاف مانبقاش معاهم غنقتل راسي ونخلي بنتي ايلا بقيت اللهم نكري ولاا نبقى يحمقوني..حسيت بييك عاد حسييت بيك ملي هربتي وبغيتي تكري
اسماء عنقاتها كتبكي معاها :متبكييش صافي…صاافي اكنزة عفااك….عنداك اختي تندمي تنازلي على الدعوة فكري مزيان
كنزة : طلاق هو اللي غيكون صافي مستحيل يرجع لي كان…كنتسناه غير يدخل نطلق ونشوف ديك ساعة شنو غنديير…مي باش نزيد نكمل معاه صاافي…اصلا مابقى والو ويدخل باه مرييض شفتو داك نهار فاكادير وعيان بزااف غير غيدخل فالجلسة لولى غنطلقو ونسدو هادشي…
اسماء : يسحابلي هادشي غير خصام ويفوت ماضنييتكم توصلو لهادشي..
كنزة : كون كان خصام راه ثدوز فعايلو مكيتحسبوش لي دار معايا كثر ملي درتو معاه…انا راه قهرتو غير بالهضر اه نعتارف ولكن هو بالافعاال….مخبي عليا مطلق حتى شفتو مع طليقتو ها وحدة…وسط الفرااش كيهتهت بيهاا ها تاانية وزايدها طلقني نيشان فالتيليفون ها تالتة ومعيط لباب كيشكي ليه مني حتى كرهني مابقاش باغي يشوف فيا…خرج للعيب قبل مانخرج ليه انا دار هادشي كامل وكنت كنكمدها غير كنعاير ونكوي بالهضرة ما هو راه كواني بفعاايلو صافي ا اسمااء مكرهتوش ومحاقداش علييه ولكن مستحييل نشوف فيه راجلي مستحيل والله…
اسماء تنهدات باسى لحالتها : ايلا كان الطلاق يريحك ااش غنقول ليك الله يفك جرتك على خير حتى لنهار غتشدي ورقة طلاقك(دوزات ايديها على شعرها متنهدة بحسرة) خسارة اختي الفرحة اللي كانت فعينيك ونتي معاه طفات بحالا عمرها كانت ولا بانت عليك…الله يعوضك بما حسن
عنقاتها عندها ساكتة وحتى كنزة سكتات كتهزز التنهيدة من قاع قلبها وترجع تسهى واسماء تلفات ماعرفات مادير ليهاا ماقدراتش تخليها فديك الحالة وتمشي وهي ملي كتكون عيانة مكتخلي مادير عليها باش ترجع ليها التبسيمة..حتى صومى ليها تيليفون هزاتو كان عابيديين وردات علييه بصوت تعبان قدام اسماء كتسمعو كيقول ليها تجي للمحل وشي هضرة ماعرفتهاش ولكن واضح داوين فيها بينو وبين كنزة حتى كانت غترفض وهي تنقز اسماء…
اسماء : عابديني سلام…وااش كاين نتا تما دابا ؟
عابديني : اهلاا اسماء بخير لباس علييك..اه انا هنا تجي عندي دابا بالخف وترجع ؟
اسماء : واخا صافي هاهي غتجي دابا تسناها تما صافي..
عابدين : صافي يلاه طريق قالسلامة…
قطعات معاه وتلفتت عند كنزة بشويا بشويا حتى قنعاتها تخرج ناضت لبسات عليها غير عباية كحلة ونضاضر على عينيها وصندالة صيفية فرجليها….
اسماء :تسنيم نوضي امامت حيدي ديك الطابليت ونوضي براكو
تسنيم : خالتو شوفي..شوفي سلطاان…خدينا فوطو مع لاميتخيس فليكول
كنزة تبسمات بزز وهزاتها عندها: انشووف احبيبة..هاي هااي على الايباد شكون خدا ليها هادي
تسنيم فرحانة بيها : بايا محمد جاب لي كادو هذا تيليفون قد الكرطابل بحال ديال ابتسام ديال هاداك عمو(عابيدين)…وحسن من ديال ماما…
كنزة : ولكن اخالتو عنداك تلاهاي معاه وتخلي قرايتك… اسماء رادة معاها البال
اسماء : لا راه كيراجع معاها محمد كل عشية وملي كيكون مشغول كيعيطها واحد الاستادة كتدوي معاها من تما….تبارك الله ولات عندها الفرونسي بحال الماء حيت كيشرح ليها بيها دخلات ليها للراس…
تسنيم عنقات طابليتها : نديها معايا…
شدات فيها كنزة وخرجو من الدار قدام انضار واليديها مادواتش معاهم وحتى هوما مادواوش معاها حتى تبعاتها اسماء خدات الادن وخا ما بقى ادن وتبعاتها نزلو لتحت…طلعات للطوموبيل ديالها القديم ما ديالو حطاتها مابقاتش هزاتها ومشاو مباشرة لعند عابيدين..
على نفس الحال وفنفس المكان خرجات هند بسواغي كحلة كلها كتلمع على شكل جيب والفوق ديالها معرية الخصر شوية كيبان وبيرسينغ متوسط خصرها كيلمع معاها…شيرات ل سلطان بايديها من بعييد ومشات عندو كتعوج وتميل بديك المشية الجدابة ديالها حتى لحقت عندو وجلسات مبسمة سلمات عليه من الخد الخد حتى فلتات ليها القبلة وتلقاو شفايفهم ورجعات لور دغياا مامعيقااش…كتضحك وتحدر راسها حشمانة زعما..
هند : كييفك !
سلطان : افضل بشوفتك…
هند كتشوف فيه وتميق كيجيها عنييبة ولسانو لو كثر من القياص طلعات ونزلات فييه…
هند : راحت هيبة المخزن…
سلطان تبسم ودرعها بايديه : شوو؟ بسطي لهتجك افهم عليك…
مالت عليه كتلعب فصدرو وتعوج فعنقها وهو محلول فيها كيدوي فودنيها حتى كتطلق واحد الضحكة كلشي كيشوف عندها….وعينيها على عماد كيبان ليها كيدوي فتيليفون معصب ومنيرفي غير كيسوط….عجبها وانوثتتها جدبات ليها الرجولة لي كاينة بيها فييه..حركاتو وكي كيدوي قاصح وعينيه كيضور كي نسر مخنزرماشي بحال شي مريول كيعوج فالهضرة ويدوي بايديه…باينة فيه ماشي هو هادااك كلو كيغلي…
سلطان: شنو قلتي ؟
هند :ماقلت والو احبيبة…توحشت ماما توحشت دارنا..امتى غنمشي…كل مرة كتقول ليا قرييب نمشييو..
سلطان : قرييب..شوية صبر ونرَوْحَك لبيتك…
هند : قلتي ليا ديك الخطرة….يعني بالمرة الفايتة قلتي لي راح ينسد المرقص صح ؟
سلطان : لا ما رح يوقف…
هند : علااش؟؟
سلطان: بيه امور ما لك دخل فيها انا اللي راح اخدك لبيتك ونروح لشغلي…
جدب انتبااهها عمااد وصوتو وهو كيدوي فتيليفون معصب ..غمزات سلطان مسولاه بعينيها؟
هند : مالو ؟…شنو فيه..معصب ؟
سلطان شاف فيخ ورحع شاف فيها : مشاكل مع زوجتو…
هند: مع كنزة ؟ ماالو معاها..؟
سلطان : خلينا منو….تعالي قربي..
طولات لكلام معاه كتضحك هو وياه وتلعب بايديها على صدرو وتعوج وهو كينهج قدامها مابقاش قاد يصبر كدير ليه بحال شي وليد صغيير كتدوقو من شي حلوة وكتقطعها عليه فخطرة…بالها مع عمااد شافتو هز راسو الفوق كيتننهد ويسوط كينهج حتى جات عندو واحد البنت باينة عليها ماشي من المرقص جلست جنبو شحال كتدوي هي وياه وهند خاضيااهم حتى شافتها شدات من ايديه وناضو بجوج هي غادة كضحك وهو تابعها مرخي…
هند : صااحبك مشى !! فين مشى؟؟
سلطان تبعو بعينيه ورجع شاف فيها كيضحك : جمال بنااتكم مايقاوم…بس انتي احلى واجمل…
هند : و..وا وااش …و واش كيبات معاهم..زعما بيسهر مع البنات و ويمارس د داكشي ؟
هز كتافو وقرب من شفايفها وهي مبعدة كتسنى جوابو..
سلطان : عادي…مين اللي يصبر عزوجتو كل هاد المدة..
خرجات عينيها فاهمة كلامو قايلة فنفسها…” اويلي كيخونها..الحمار “
هند : احم…اعطيني تيليفون بس كدقييقة اتكلم مع ماما..بلييز…(باست شفايفو) دقييقة بس بليييز…
جبد ليها تيليفون ساكت بجدية كينهج ويشوف فيها بلهفة وهي مامسوقاش شدات من عندو تيليفون كتباات نمرة وئام اتاصلات بيها ديك ساعة لا سلام لاكلام قالت ليها تسيفط ليها نمرة كنزة وهو كيشوف فيها مبسم ساااهي حتى هي سيفطاتها ساعتها..
سلطان : هند…
هند مشغولة مع تيليفون : ممم
سلطن : تتزوجيني..!
تدهشااات وهزات عينيها كترمش فييه بهدوء…ل لحضة حدرات عينيها دغيا ودوزات رقم كنزة وبالها معاه ومع كلمتو لي ماعطاتهاش شي قيمة وماصدمهاش ماشي اول واحد يطلبها للزواج فداك المرقص وكيف سيفطت ليها نمرة كنزة صونات ليها ديك ساعة…
فالمحل كان واقف عابدين وكنزة جنبو بوجه شاحب ونضاضر مخبيين عيونها الباكين غير عابيدين لي كيدوي بحال كيتوسط ليها فالمحل ويتشطر معاه ينزل شوية فالثمن ويقصمو ليها على الشهورة ماشي تحطها ثمنو دقة وحدة…واسماء وهي معاهم جاتها كليانة اخرى شدات زيليفون كتدوي معاها فرحااانة عينيها لمعو بالفرحة حتى تفكرات تسنيم وتلفتات مع جنابها مالقاتهاش ..بغات تخرج وهي تشوفها كنزة…
كنزة : اسمااء ؟ (صونى تيليفون فايديها شافت فيه ورجعت شافت فيها) فين غادا ؟
اسماء : نشوف غير تسنيم خرجت قدام الباب واقيلا…
مشات اسماء وكنزة بعدات من حداهم شوية وردات كيبان ليها رقم خاص بلا نمرة طالع…
كنزة : آلوو ؟؟
هند : كنزة….كنزة هادي هند..
كنزة بصدمة حيدات نضاضرها : هند ؟؟ بصح ؟؟ لباااس علييك..؟؟
خرجات اسماء قدام الباب كتقلب غير مابانتش ليها تسنيم قدام الباب…طاح قلبها بيين رجليها جمعات تيليفون كتشوف هنا ولهيه وتقلب وتغوت باسمها حتى خرج عندها عابدين…
عابدين : اسماء…واش مكيناش..
شدات صدرها كترعد وجهها صفر بالخلعة فشلاات..
اسماء : لاااا اخويا مكينااش..ككينااش بنتيي…سنيييم…تسنييم…(شدات واحد البنت) ختي عفااك ماباانتش ليك واحد البنت صغييرة كانت قدام البااب…
حركات راسها ديك البنت بلا ومشات واسماء كضور هنا ولهييه بحال شي حمقة وتقلب كلها كترجف بغات تحماق وتموت وهي كانت غير دابا حداها شافتها مكاملاش دقيقة باش خرجات من المحل حتى طارت داباا من قدامو…
اسماء : تسنييم اويلي بنتيي اعابديين فيينك اماماا…تسنيييم وااا تسنيييم
عابدين شدها مخلووع: ماتخافيش..غير بشويا بشويا عليك بقاي هنا انا غنشووف دييك جيهة…
ماتسوقااش ليه بقات كضور تما وتقلب وتدخل من الحوانت وتخرج شادة على كرشها سخفااانة كتتنهج وتسنيم غبر ليها الاثر…حاسة بكلشي كيضور بيها ماقادراش توقف على رجليها كتبكي وتقلب حتى ولاو الناس كيقلبو معاها….
فهاد اللحضات كانت واقفة الرونج ديال اسراء على بعد امتار قليلة من المحل…هزات واحد الشكولا من شكلها واضح شحال غالية ومداتها لتسنيم جالسة جنبها كتشوف فيها وترمش ب براائة…
اسراء : هاكي خودي احبيبة…
تسنيم حركات راسها بلا : لاء …عندي بحاااللها…
اسراء : هههه بصح ؟
حركات رااسها وهزات الكارطابل ديالها حلاتها بشويا واسراء كتشوف فيها شحال كيووت وزوييونة مطيبزة على اخر مرة تلاقاتها خفييفة لباسها زوين ونقية وشعر شهب على شكل قرينات بابنة متهلين فيها… سهات كتشوف فيها وهي كتجبد فالطابليت ديالها والحلاوي لي جامعة فيهم حتى جبدت نفس ديك الشوكولا..
تسنيم : هاهي..جابهالي بابا محمد…ماعجباتنيش هاديك ولكن هاد الشوكولا زوينة ومضراتنيش فسنينات….دوقي
اسراء ميلات رااسها جامعة ضحكة : شكون جابها لييك ؟؟
تسنيم ب برائة كتجبد وتوريها : بابا محمد…و وجاب لي هاد التيليفون لي قدو قد الكارطاقل شوفي…
حركات راسها بحقد سااهية بلاما تشوف فيها قالت..
اسراء : زويينة…تبغي نمشيو عند باباك محمد ؟
تسنيم : اه نتي خالتو لي لعبتي اللعبة ديالي انا وبابا محمد مع بابا محمد…
اسراء : هي انا عقلتي عليا… ؟
تسنيم : اهاه…
تبسمات اسراء قرصات حنيكاتها الصغار هزاتها بشوية رجعاتها لور…وزاادت صاقت مبعدة من قدام البحر…!
هند : آلو كنزة هادي انا هند…
سمعات ردها بدهشة جااي…
كنزة : هند ؟؟ بصح !! لباااس عليك ؟
تبسمات كتشوف فسلطان حاضيها بعينيه ورداات..
هند : لباس اختي بغيت نقوليك ليك شي حاجة ايلا كنتي مسالية…ندوي معاك
تلفتات كنزة بالها مع اسماء كتسمعها كتغووت باسم تسنييم على برا…ورجعات ردات عليها بفضوول ..
كنزة : وي و واخا قولي…ياك لباس ؟
شدات هند سواغي لي لابسة لين صبيعاتها و وقفات يلاه غتزييد وهو يشدها سلطان وقفها…
سلطان : ل فيين ؟
هند : راجعة دابا دقيقة بليز بدي احكي فشي خاص….(رغبااتو بعينييها) غير دقيييقة عفااك
حرك راسو بايجاب وطلق منها خلاها مشات متبعها بعينييه حتى بعداات وهو يسرح رجليه تلمس تيليفون تاني او التيليفون شخصي ماشي لي كيعطيها تدوي خاص غير بمكلاماتها مسجلين فيه….غير لي عندو جبدو بخفة كيف شعلو حطو على ودنييه مع موسيقى المرقص كيسمع بالتفصييل حواار عماد مع البنت اللي خرج معاها هذا شوية….
فحين هند خرجات نيشان لبرا غادا وكتقلب ماعارفاش فين غيكونو مشاو …حيت ممنوع منعا كليا شي بنت من المىقص تخرج ماشي شي حد او تعاضر شي حد لكن البنات لي كيدخلو للمرقص باش يسهرو ماكيتدخلوش فيهم….
يلاه غدور مع واحد الكولوار وهي تقشع عماد من بعيد واقف و واحد البنت قدامو كتدوي معاه مربعة ايديها وهو خاشيهم فجيبو…
ردات على كنزة كتعاود ليها شنو شافت وهي طول المكالمة ساكتة كتسمع…
هند : ماعرفتش كيفاش غنشرح ليك والله..ولكن هاهو قدامي ماعندي ش حتى كيفاش نصور ليك تيليفون ماشي ديالي….
بعد صمت طوييل ردات عليها كنزة بهدوء..
كنزة: واخا…واخا شوفي هند وصفي ليا هاد البنت… و كيفاش واقفيين وشنو بان ليك منهم ؟
هند : واقفة قدمو مربعة ايديها …هي لي كتهضر هو ساكت شهبة هي ماشي شهبة نيت ولكن شعرها مشهباه طويل بوكلي وهي طويلة شووية مارقيقة ما غلييضة…
مرة اخرى كتسكت وعي حاضياهن فنفس الوقت كتسنى ردها..حتى رجعات ردات عليها بهدوء اكثر..
كنزة : صافي اختي هند شكراا لهلاا يخطييك
هند: سمحي ليا ايلا وصلت ليك هاد الخبار ولكن والله ماقدرت ندير عين ميكة على هاد البلاان…
كنزة : لا لاا نتي درتي غير اللي علييك والله العضيم احبيبة شكراا..(بغات تقطع تشغلات مع اسماء برا) نعاود نصوني ليك فهاد النمرة واش دياالك ؟ درتيها ؟
هند : لا ماشي دياالي دابا نعاود نصوني ليك من عندي
كنزة : صافي عفاك واحد عشرة دقايق وصوني ليا صافي ؟ بغيت ندوي معااك ضرووري..
هند : واخا صافي وقتي ماشي بحال وقتك غير شوية وصني ليا حيت مابقى والو وغنساليو…
ردات عليها بايجاب وقطعت تيليفون كنزة واقفة فنفس بلاصتها كتشووف بلاما ترمش بحالا سااهية…وكلام هند كيتردد فدماغها….حتى رجعات لوعيها بصرخة اخرى من اسماء على تسنيم صرخة كثر من اللي سبقاتها خلعاتها وهزات قلبها…تلفات دغيا و خرجاات عندها بزررربة..!
كنزة : اسمااء…اسمااء مالكي فيين بنتتك فيناهي تسنييم ؟؟
اسماء فااشلة كتمشي وتجي ودموع دايزين بلا صوت: ماعرفتش…تسنييم
بالخلعة غوتات كنزة كتشوف كلشي كيقللب رجال وعيالات ودرااري الشارع عمر وكل واحد كيقلب فجيهة…
كنزة : كيفاش ماعرفتييش عااد كاانت هنااا اويليي عاااد كااانت قداامييي يلا بستيهاا وطلقتيييهاا عاااد دابااا
جلسات فااشلة باختناق كتهز النفس بزز…
اسماء : ماعرفتش ماكينش هانتي شوفي مالقيتيهاش…(كتبكي) تسنييم جيبوو ليا بنتي اميمتي غنتشوا فبنتي…
كنزة بفزع شدات على صدرها : اويلي على مكينااش عااد كاان هناا فيين مشاات…(شافت عابدين جاي عندهم) …عابديين
عابدين كينهج سخفان : قلبت ديك الفاص….نشوف الفاص تانية ماتخافوش غنلقاوها دابا غير تالفة فشي بلاصة صبرو…!
اما هند بقات تما كطل مخبية من بعيد على عماد وهو واقف قدام ديك البنت حتى لواحد اللحضة وهي تشوفو جبد تيليفون من جيبو بااين كيصووني ليه رجع شاف فديك البنت عطاتو شي ورقة فايدييه ومشااات وهو دوز الخط وحط تيليفون على ودنييه غيير شافو ملفت راجع عندهم وهي تهررب من تماا رجعت عند سلطااان فحين عمااد داخل كيدوي حتى وقف فبلاتصتو….
عماد : فيين شفتي هادشي ؟؟؟
_نفس الموقع اللي كنت رسلتو ليك…مرة اخرى رجعات ليه مع الاخت ديالها و بنت صغيرو فعمر الخمس سنوات تقريبا…
عماد طيعاود كلامو مع دماغو بصدمة : رونج بيضة هزات البنت …بنت اسماء هادي متأكد ؟ ماشي شي حد كيعرفوه ؟
_ رونج فاللون الابيض مسجلة برقم ***** عشرة دقايق وتلاتيين تانية باش تحركات مبعدة من المحل…وهوما قدامي كيقلبو الام ديالها و نفس السيد من عائلة مدام برناوي (كنزة)….مدام كنزة كنشوفها خرجت من المحل فهاد اللحضة…كتقلب معاهم…ك كتبكي السي برناوي..
عماد : قطع داابا غير قطع..دير عينيكم معاهم رد البااال…علااش ماحبستيها نتا علاش حطيتك تما تبعهاا تحرك البنت مشاات ونتا كتفرج عليها…
_و مدام برناوي..
قطع عليه عماد بعصبية ماقال ليه حتى حاجة عارفو كيدير غير خدمتو وهي كنزة يرااقب جميع تحركااتها فين مشات وفين جات واشنو واقع ليها وايلا بانت ليه شي حاجة واقعة فشكل يعلمو بيها…بحال اللي وقع فريسطو والحالة لي خرجت فيها كاملة وصلاتو…بحال المدرسة، المحل ، الكوموند لي كتوصل لختها…الخ…..تدهش وتصدم عمرو تحط فهاد الموقف ماقدررش حتى يفكر كيفاش غيتصرف جرب يصووني ليها ولو انه عارف مغتجاوبش وفعلاا المرة الاولى وتانية وتالتة كتقطع علييه حتى كاان غيضرب داك تيليفون مع لرض بالعصااااب لي ركبت فييه لكن عرفها غتكون مخلووعة ومستحييل يكون عندها شي عقل باش تدوي معاه ولا يطيح فبالها يكون عارف اش جرى…
ماجربش بخطرة كاع يصوني على اسماء وهي فديك الحالة ويزييد يكمل عليها ويقول بنتك تخطفااات…ضورها فرااسو بسررعة وهو يصوني نيشان لمحمد….الشخص الوحيد لي غيسمع لييه بعقلو ديك اللحضة ويعرف يتصرف…بسييف باش لقى نمرتو حتى قال مشات وهو يصوني لييه….لحضات قليلة حتى رد…
محمد : السلام علييكم السي عماد..
عماد من هدوئو عرفو ماعالم على حتى حاجة : حتى قلت مغتجاوبش وحق الرب……
محمد :مرحبا…كيف أحواالك !
عماد : الحمد الله اخويا الله يعزك…فيينك دابا ؟
محمد :فالكلينيك….محتاجني نتسناك ولا نجي عندك ؟
عماد: مكاينش فالبلااد انا…غير سمعني بعقلك شوف ركز معايا ماتزربش لله يحن علييك…تا نساالي ونوضح ليك وسير الله يعاونك…
بعد صممت جاه ردو بجدية اكثر وقال…
محمد : خير انشاء الله…
الوقت كيدوز وكأي ام اسماء حتى حد مغيكون حاس باللي حاساه فديك اللحضة حتى دموع تحبسو من عينيها جلسات فالارض غيير كتشوف كلشي كيقلب معاها حاطة ايديها على كرشها بواحد الوجع كيقهر وحتى هو ماحاساش بييه فاااشل حتى شحب وجهها وبياضو شفايفها وكنزة غبراات ماعرفتها فيين مشات كتقلب حتى هي ولا بالها معاها ومع بناها فنفس الوقت…حالها كيبكي الحجر وشي ناس تما غير كيشوفو فيها ويانهدو حاسين بحرقتها تقريباا…!
_ماتخافيبش الالة يكوون خير غير شوية الصبر بنتك دابا وتكون عندك غير تالفة فالزناقي..
_شادة كرشها حاملة واقيلا عطيوها تشرب….عطيونا شي عرقة دالماء..
اسماء : كانت حدايا اختي عاد دابا كانت حدايا بنتي بستها وقلت ليها بقاي حدايا اماما ماتحركيش قالا ليا واخا اماما.. وبقات كضور غيير حديا شفتها خرجات قدام الباب قلت غير تطل وترجع عندي..ولكن مارجعاتش وخرجت ليها مالقييتهاش…(تنهدات المراة بقات فيها واسماء كدوز ايديها على صدرها وتبكي) ااحح اتسنييم ااحح يااربي شياتك ابنتي مكيتسالاوش الله ياربي وفيين دااو ليا بنتيي…
وسط الطوموبيل طلات تسنييم من الزاجة متبعة الطريق بعينييها واسراء طلات عليها مبسمة…
اسراء : عنداك طيحي جلسي اتسنييم…
تسنيم : بابا محمد غنمشيو عندو…ونقولو نلعبو لعبة ديالنا زوينة…
اسراء : هاداك ماشي باباك اتسنيم نتي عندك باباك واحد اخر …علاش كتقولي ليه بابا …
تسنيم : لاا بابا محمد قالي ماتقوليليش عمو محمد وقالي نقولو بابا محمد حيت انا بابا ديالي خاايب بزااف (حزنات ملامحها) ومكنبغيهش هو كيلعب مع ماما لعب خايب كتبقى تبكي ماما ديالي…بابا محمد زويين وكيعيطيني ديماا ديما الشوكولا وكيقول لي نتي بنتي…
مارداتش عليها اسراء سكتات جاية مع الطريق حتى ضارت مع الشارع وطلعات معاه ديريكت من بعيد كتبان ليها الجوقة وناس مجموعين على فقنت وحدة…تفزعات غير وصلات وهي تفرااني قداام اسماء نيشان…
تسنيم : رجعنا عند ماما وفينو بابا محمد ماعنمشيوش عندو..
نزلت اسراء هي لولى وضارت من لهييه حلات الباب وهزات تسنيم نزلاتها حتى قفزات لاصقة فاسراء كيبان ليها كلشي كيشوف فيه وكيقول راهي راهي واسماء جاية عندهاا بللللهفة كتجري مسكينة حتى كتبغي طييح وترجع توققف بحرررقة ملي شاافتها ارتااح خاطرها وكثر ملي تحنات هزااتها كتقلب فييها وتبوس فييهاا وتعنق فيها
اسماء : هاناا ماما ديالي فيين مشيتي فيين مشيتيي عليااا فيين دااوك مابييك واالو.د.كضررك شي حاجة هااا ؟؟
تسنيم خلعاتها شدااتها البكية بغات ترجع لور : ماما..
باستها وعنقااتها كتنهج بحال شي كنز ثمييين وثفات ورجعاتها وراها بحماية مخرجة عينيها ف اسرااء ولاات بحاال شي عاافية شاعلة وخاصها غير فيمن تششد…
اسماء : ااش باقاا باغة عندي اختي اااش درررت ليك افااش اديتك حتى تكويني فبنتي (كتبكي) حسبي الله ونعمة الوكييل فييك حسبي الله ونعمة الوكييل فييك
اسراء تصدمات : ش شنو شنو كتقولي نتي واش حمقة ؟
اسماء : وااا بعديي منيي عطييني تيييقاااار منك لييه هو سيري عندو وبعدو مني ومن بنتي وتفرقو عليا اعباااد الله سيري الله يطليك بيك بعدي مني غبري عليا وجهههك…
اسراء :وااش حمقة هادي واش نتي صافاا شوية ولا مالك ؟ هذا هو خيري ؟
دفعااتها جاهلة حتى طاحت على طوموبيل مصدوومة بخوف كترممش فيها حاضية من حركااتها
اسماء : عطيني تيييقااااار وبعدي منييي خلييتو ليييك سيري عندو سيري عندو….وفرقيني علييك اش باقة باغة عندي شوهتيني ومادعيتك شتتي لياا الشمل وعمري درت بساحتك وااش ادييتك تفرقيي عليا بعديي منيي لوجه الله بعدي منيد..
اسراء بدهشة كتشوف ناس مجمعوعين عليهم تخلعات منهم ومنها : شنو درت لييك واش نتي حمقة ….بعيد عليا انا جبت ليك بنتك حتى لعندك شفتها غادية مع الشارع ماعرفت علامن كتقلب و وهزيتها
اسماء : مااااتهزييهاااش عطيتي تييقااار مااتورينيش كماارتك بعدي نيي ا اسراء بقاي تحكي عليا غتشوفي شي وجه عمررك شفتييه… راني مزيانة مزيانة حكي علياا ومزيااانة وعاودي حكي عليا ومزيان تا لبنتي راااه مانعقل علييك لا نتي لا غيرك سيييري عندو غبري كماارتك سيري عندو خليتو لييه الله ياخد فييك الحق بعدي مني..
يلاه تلفتات اسرااء تحل البااب تهرب قبل ماتاكلها مااحسات براسها غير مجروة حتى فلتو عينيها طاحت لتحت مقلوووبة كتشوف شي وحدة لابسة الكحل كتغووت بااغة تلااح عليها والناس كيفكو والغوات والصدااع ناايض كلها ولاات كترجف
كنزة : وااش محشمتييش…طلق منيي اعابديين(قمشاتو جاهلة تا طلق منها) طللق مني… وااش مكتحشميييش بقاات ليك غير البببنت تاهي وااش مابغيتييش ديريي عقلك علاااش كتقلبي.شوفي فيااا
اسراء كتبكي وترجف بالخلعة : وااش حمقين نتوما انا ماشي هماجية بحالكم نأدي بنت صغييرة بعدو مني هماج…طلقيي مني نتي..
نترات من واحد المراة شاداها وطلعات سدات عليها فالطوموبيل كتبكي وتقلب على الساروت كتشوف فكنزة شي راجل شادها وهي كتنتر باغة تلاح عليها ديمارات طوموبيل وكسيرات من تما هربانة وتيليفون فايديها كتعيط لرقية كتبكي وترجف كااملة مخلوعو من جنابها شعرها واقف…والحوايج تخسرو والشوميز تقطعات من الكتق..كتبكي وتشكي فالطوموبييل…وكتسمع فماماها كتغووت كثر منها..
رقية : ااسيييبة فالبلااد وقفي تمااا ماتحركيش بقاي تما ماتقيييش رااسك خلي شعرك وايلا لقيتي كااع ضربي رااسك وزيدي… احنا غنشوفو عاد الهماجيات ايلا ما ربيتهم هاد ليلة يمشيو حتى هوما يديقو شوية من اللي دقتيه بقاي تماا…
اسراء :مانقدرش اماما ماانقدرش لا (كنبكي) غترجع ليا ختها راه شادها غير واحد الراجل هو لي بعدها عليا…
رقية : سدي علييك دويت معااك هاني جاية فالطرييق
اسراء : واش ختي حسناء لي معاك ؟ اجي غير بوحدك اماما مابغييتت صداع غتدابز معاهم وانا ماباغاش الصدااع…
رقية : ختك حسناء ولمياء و سلوى كلللهم جتيين وااش لقاوك سااهلة السيبة فالبلاد ولاا ؟ بقاي تما ماتحكريش اماما سدي عليك وخليك تماا…كون غير خليتي ختك تمشي معاك من لول حكروو ليا الوريدة دياالي…
مكانش كافي على اسراء تواجه اسماء وكنزة بوحدها…ولو ان اسماء كانت غير بعيدة لور ماقربات ليها ما قاصتها من غير ديك الدفعة لولى لي دفعاتها ورجعت لور من ديما بعيدة على الصداع والمدابزاات حيت بكل بساطة مابقاش عندها الجهد باش تدخل لشي حاجة وتخرج منها خاسرة ما كنزة كون ما مامنعهاش عابيدين نسات حملها ونسات راسها فين وشكون داير بيهم كتبان ليها غير اسراء خاصها تشدها…
اما الناس لي ضايرين بيهم كانت ليهم فراجة قدام البحر كاين اللي قرب يتدخل يفك وكاين لي كيقلب على الهوتة منيين يسرق ساعة مالقا منين يهز… كنزة لاحت صاك ونساتو كون ماهزو السيد لي تابعها خلاه عندو…خلاص ملي لحقاات رقية وبنااتها كاملين بييهم عاد حلات الفراااجة وزهاات شفرة…
عابيدين تعصب :عيقتووو بالله …عيقتو دخلي فحاالك اكنزة(دار عند رقية) بدلي ساعة باخرى الالة صافي ما وقع واالو…
رقية شادة بناتها كتحلف من بعيد : والله ماتبقى فيك الهماجية المسوفجة اسلعة الخاليييج والله حتى نربيييك
كنزة : والو اخالتي ماعندك مااا تصوري ههه ماعندي لا فشييخ ولاا قيد نطلعو انا ويااك تالعمااالة نتي شكي وانا نبكي ايلا مانزلتك شاحفة عرقاانة سخفانة ماولدت فيا ميي غالخلاا
حسناء : احتارمي رااسك جمعي فمك ااش كتقول هادي وااش حمقة ؟
رقية : رجعي لهييه (دفعات حسناء) مافيكم خييير داارتو فيييكم وليني بنتيي… بنتي اناا لي جبدات عليها الخنز ما تخليي الزمر يمشي فيين بغى لااش تهزهادد.
كنزة : زمر رااك والداااه الشاارفة مو جوج زغبيبات وطالقاهم تعوشر بيهم سيري شدي ليك شي مصحف وتسبييح تاقاي مولاك ودعيي لبنتك يشوف فيها مولانا وهي غا طلقت هترت ولات غا دووور وتنبح ها محمد محمد شووفي لااش طلقك احاامضة الفخاض…الخااايبة طللق منيي وااا المعزة غا عود السوشي و ضارب العبااية(مورا عابديين كتنقز وتدفع فدراعها وشي عيالات كيفكو شدتهم الضحكة)
لمياء : طلقي منيي اح اسرااء طلقيي نشوف عاد الكللللبة قربيي قربي الله ينعل ليك الواليدييين
كنزة حتى هي كثر منها باغة غير منين دووز و داك سيد لي كان فطوموبيل واقف قدامها داير راسيو كيفك فنفس الوقت مطاكي على كرشها حابسها مكيخليها حتى تقرب عندهم ولا هوما يقربو عندها ساكت بواحد نضاضر كحلين مخليها ورا ضهرو كتنقز وتدفع فدرااعها وتسب ووتشتم وهو واقف قداامها مع عابيديين وشي عيالاات
حسناء معرفوش باش تجاوبها : يلااه اماما يلااه هاد المسخة ماغيمفع معاها غير البوليس يلااه ماندوييوش نعلها شوفي على كلام كتقوول…
رقية كترععد جبدت تيليفوون :عيطي علييهم داباا والله مانتحرك حتى يديوها قداامي عيطي علييهم…
اسماء : عيطي عليهم واش غتخلعونا راه بنتك دات ليا البنت حتى قالها ليها رااسها عاد رجعتها عيطو علييهم يجييو حيت ايلاماجاو دابا …انا لي غنجيبهم تا لباب الدار
خنزرةات فيها كنزة غا تسكت وهي كتدوي بحالا كتحتت والو القصوحية مكيناش فالصوت ب برودة كتهضر بحالا ما واقع والو واخا باينة فيها الخلعة والعصبية فوجهها ايلا اانها تعلمت فدار محمد عند اي مشكل صوت المراة مكيعلااش وخاصة وسط الشارع….
كنزة : ونمشي ان ومك فين ما بغات توصل توصل… القاضي هز بااك ولا نسييبك…قربيي نفرس مك ونخلص علييك كفالة ونخرج نكمل على ما بديت…هزي اميمتي هزي فتيااة القوة لي جايبة معاك وسيري طبخي قوتك فشي قنت دايرة كي طيزن و وليداتو
غير كنزة وحلو معاها ما اسماء مكتهضرش شادة عندها تسنييم وكتجر فكنزة ترجع لور هضرتها وكلامها خلاهم غير كيشوفو مكيعرفو باش يجاوبوها عيى عابيدين يدفع داير عقلو كيفك غيير تزاد عبد الكريم لي دخل وبغى يضرب كنزة جاهل عليها فاش شاف اسراء وشاف حالتها كي رجعوها ساعة لقى عابيدين فوجهو ايديه سابقينو غيير شاف جاي مقرب هاز عليها ايديه وهو يدفعو ورجع مهاز هو وياااه كبراات القضية ووالهضر كتراات من الاطرااف بجوج ومحمد من الطوموبيل لي جاي مع الشارع شافهم وقف قدامهم مباشر مكاانش متوقع يشوفهم كلهم تما ومفاهمش اصلا ااش جمعهم فديك القنت عينيه كيقلب غير على اسماء من وسط منهم حتى شافها وتسنييم فايديها عاد ارتاح وتهنى باالو نززل مبااشرة عند عابيدين وعبد الكريم كانو مهازيين ديال الصح وقف وسط منهم دفع عابديين صاعر كشااكشو خارجيين مابغاهش يتهدد على كنزة..
محمد : اااش كاااين ااش كااين اسي عبد الكرييم ااش وااااقع
رقية : سوول دااك الهمااج ديال مرتك(قااكعها بحددة حتى تكمشاات)
محمد : اشرييفة كندوي مع السيد لي معني بالااامر غنضررك فخاطرك
عبد الكريم كشاكشوو خارجيين كثر من عينيه كيننهج : اللي واقع اسيدي بنتي من باب الانسانية لقات دااك البنت (شير فتسنيم)الله اعلم فين تنسات وهي هزااتها وجتبتها ليهم وفعوض ما يشكروها شوف على حالة رجعوها فيها …شووفي غاا نتا وحككم ..
اسماء : كيفاش منسية ولقاتها ؟…بنتي تانت حدايا خرجات قدام الباب وكلشيي شاهد كيقولها هي لي جات بطوموبيل و هزاتها كانت عاسة علياا غير نخرج وتدي ليا البنت ماعرفت اش قال ليها راسها ندمت ولا مااعرفت ورجعتها
عبد الكريم : وااش كاين شي حد كيخطف ويرجع اش هذاا كلام كيتقال و وااش ترجعو ليا االبنت فهاد الحالة كون درتو فيها شي كاريثو وغتشوفي وجه اخر…
يلاه غتدوي اسماء شاف فيها محمد كيغليي مع كلام عبد الكرييم حتى سكتت ورحعت لور كتسووط…وهو رجع شاف فيه باختصار قال..
محمد : نشوفووهاد الكاميرات ايلا بنتك راس الحربة برب حتى تربى تخطف ليا بنتي وايلا كانت مرتي اللي كدبت عليها انا لي غنربيها ماشي نتا..
اسراء باندفااع قربااتر:انا غيير لقيت البنت ابابا نشوفو هاد الكاميرات…انا غير شفتها وهزيتها وندمت كون غيير خليتها ومشييت ولا هاد الحالة..
اسماء : وبنتي قالت ليا نتي جيتي عندها بنت صغييرة مغتكدبش علييك مكتعرف لا تحرميات لاا كدوب قولي اتسنيم..قوليي شنو قلتي ليا هي لي جات عندك ولا لا قولي
تسنيم شافت كلشي كيشوفو فيها وهي تحدر عينيها وسكتاات شادة البكية خوفوها…
عبد الكريم : نشوفو هاد الكاميرات اسيدي نشوفوهم…
اول مكان اللي جنب المحل وهو القهوة اللي وبحكم ان عابيدين يلاه بايد فيها مكانش عارف شي حوايج فيها ومن بينهم كاميرات المرااقبة حتى عيطو للسيد بلي كان مكلف بيها عاد قدرو يشوفو الكاميرات…
اللي كانت مسجلة بالضبط شنو كان واقع ومبينة حتى اسماء ملي دخلو المحل وعابيدين لي مستقبلهم كيضحك سلم عليهم بجوج ومرة مرة تسنيم كتخرج طل من الباب وكترجع و اخر مرة فاش خرجات طلات وخرجات منو كطل موراها بحالا هربانة منهم لا يشوفوها وفعلت مشات مع الشارع كتلعب فمربعات واحد الزليج والكارطابل فوق شعرها غادا وكتنقز بيها…الشارع كان طويل بقات غادية معاه حتى دازت طوموبيل اسراء مشات مدة وعاودت رجهات بحالا دارت دوميتور وقفات على تسنيم ونزلت عندها كتبان ليهم محنية عندها كتدوي معاها وتشوف مع جنابها بحالا كتسول فيها وهي تحل ليها الباب ديال طوموبيل…
محمد شاف فاسراء : شنو كّلتي ليها هنا ؟
اسراء : كنت كنسولها معامن جات ولكن ما مكتدويش معايا كتقول ليا غنمشي عند بابا ماقالت ليا والو…انا ماعرفت ماندير ليها هزيتها معايا تبقى عندي فطوموبيل
محمد : اهاه ؟ وكيفاش رجعتيها ؟ وهي مكّالت لييك والو…
كلشي كيشوف فيها وهي بارتباك سخناات وحماارت كتجاوب فييهم…
اسراء : البنت لي بقييت كندوي انا وياها وقالت ليا كاينة ماما ونعتات ليا حتى البلاصة فين كاينة وديتها عندها وهي (شاف فاسماء) بغات تضربي و وختها كتغوت عليا وجراتني من شعري
عبد الكريم : مغيدوزش لييكم بالسااهل هااادشيي… ديريها فباالك غير وجظو راسكم مغنودويش انا البوليس لي غيتفاهمو معاكم…
ب بروودة شاف محمد فسااعة ورجع شاغ فيه…كغلي مع كلاامو المستفز ..
محمد : نوصلك ولا عارف الطريق عندك واحد الساعة فين ديكلاري يلاه توصل فيها…
جمع غبد لكرييم بناتو ومرتو ومشى وهو قداامهم كيسوك ويتحلف ويعاااود طلعو فالطووموبييل وزااد طريق كلها وهو كيمرمد فاسرااء وهي غير حادرة رااسها مابكي وتشوف فيهم ولمياء حداها..
اسراء :هادشي اللي بغيتي…فشتي كتقولي ليا طلبي منهم السماحة شفتي سماحتي فين وصلتني
لمياء بشك : ان فالموضوع ماعرفتش واش هادشي كامل صدف تلقاي البنت فالبلاصة لي فيها نتي شوية كتجي عجب…
اسراء : نتي اصلا عمرك تقتي بيا ولاا تقتي فكلاامي مامعاكش الهضرة..
قلبات وجهها هاربة من اسألتها ولمياء كتشوف فيها وتنننهد خوفا من افكارها وحركاتها حتى كتبغي تهضر و كتراجع…
اما فالقهوة صونى تيليفون فايد كنزة خرجاات عند الباب ردات على عماد لي كيصوني ليها وعابديين معاها فحين محمد جر واحد الكرسي جلس عليه محني على ركابيه شاد دقنو عاقدهم بصمت واسماء واقف عليه كتشوف بصمت…
طال الصمت بيناتهم واسماء غير واقفة كتشوف فبنتها ومرة تشوف عندوز عاقد حجباانو كيسووط بغضب ماعرفااتش اشنو ديير غيرت كسر داك الصمت وتدويد..
اسماء : هادشي بزاف سالات مني وغتمشي لبنتي امحم(قاطعها بحددة)
محمد : فيين كنتي نتي ؟؟
علات فيه عينيها مدهوشة نايض عندها بحال شي عافية كبات عليه قطرة من كلامها لي بحال ليسانس هيجاتو بيها…بلعات ريقها من شوفاتو وحدة كلامو بغدما زرع فيها الخوف منو من النهار اللي جيفها فييه وهي رادة معاه الباال…
اسماء : ءء !
محمد : فيين كنتي نتي ملي دات هي البنت فيين كنتي نتي ااش كنتي كديري…شمن شغل عندك من غير بننتك ؟؟؟ شفتيها فيين (جرها من دراعها مكايس قدام تسنيم كتشوف كيحاول يهضر بشويا مايخلعهاش و زيدها للكاميرة) شفتيي فيين مشاات…شوفي مشات شارع على طولتو ضرباتو ااش كنتي كديري نتي ساعتها….اشمن شغل مهم عندك تا تنسايها حتى تضرب داك شاارع كاملل عاد تقلبي عليها…هزاتها ليوم هي غدا شكون غيهزها غيرجعوها لييك بحال ليوم ؟؟؟ ملي غيولييو عندك جوج غتسمحي فييهم تاهوما وتقدي شغالك همم ؟؟
اسماء : راه هي خرجااات م(قاطعها)
محمد : شكوون هادي لي خرجاات وااش بنت ست سنيين مسؤولة تأمن راسها ؟؟ وااش هادي كتعرف الصح تقرب لييه وتبعد من الريسك شرحيي ليا….(بحددة زعزعهاا) ااش كنتي كديري ؟….انا مانسولكش ااش جابك هنا مدام ماشغلتييش رااسك وصونيتي علميتيني علاش غنسولك الالة…انا لي غنخرج وناخد شوارك ماشي نتي….دابا نسولك غبر على البنت قولي ليا غير فين كنتي تا ضربت هاد الشارع عاد تفكرتييها ؟؟
مارضاتش بكلامو حدرات راسها ورجعات شافت فييه…
اسماء : بنتي كنخاف عليها كتر منك قالت ليا غنطل من الباب ونرجع واش نحبس عليها النفس كي داير ليا واش حتى تربيتي كتشك فيها ؟؟
محمد : تربيتك ماعنديش شك فيها مربيية الالة واخلاقك زوييينة ولكن ديري عقلك هاد العكس والعناد معايا انا مرحبا نقبل بيه …و ولادك حتى هوما تعلميه ليهم ؟…وااش مغيشوفوك كديري عكس لي كنقوليك مغيديروش بحالك ؟ واش تسنيم دابا ايلا قللت ليها ماديريش ديك الحاجة وديجا شافتك درتيها واها دويت معاك عليها ماغتفوتش كلامي و ديرها ؟ كنقول لييك ردي لبال لبنتك وهاد الولاد لي جاين فالطريق… باغة تقراي مرحبا باغة تخدمي مرحبا بشرط كّدي بولادك…كندوي معاك حيت بنتك هزييتها بنتي انا قاد بمسؤوليتها و بمسؤوليتي مكنقولهاش حيت كنفتاخر بيها ولكن كاد بيها ااه هارف راسي كااد ليها و ولو يكون االف ولد ميخلعنيش حيت كّاد بمسؤوليتو…ونتي سولتي راسك واش كادة بيها ؟
اسماء دمعو عينيه بعدم رضى كترجف هزات فخاطرها من كلامو : راه ربيت ببنتي ربع سنيين بوحدي امحمد
محمد بصراامة : مكندوييش تربيتك…حلي عقلك ماتشديش ليا فكلمة وحدة البنت مربية هادي مافييهاش الشك…عارفك كيفاش ربيتها وتربيتها كتبان فيها…علاش تهاونتي داباا ؟ وااش عناد فيا باغة تقراي باي طريقة وتخدمي باي طريقة حتى نسيتي بنتك ؟ وااش منعتك؟ غير قدي بيهم الالة جمعي كلشي وقدي بييهم ومرحبا….كون هزها شي حد فين غنوليو غير شرحي ليا كون هزها شي حد ولا كون هي مارجعتهاش فين غنولييو ؟
سكتات كتشوف فيه فصمت ما قالت حتى كلمة بعيون حمررة شادة البكية من كلاامو لي بدرجة ما كان عادي فهماتو هي بطريقة اخرى وهو تنهد وقلب عينيه منها للبيسي ديال الكاميرات دخل للتسجيل ديال داك نهار كامل مسحو من تما تحسبا لاي حاجة تقدر توقع وتقلب عليها ولا تقلب ضدها….حتى حس بشي حد كيتحك معاه ضور عينيه وهي تبان لييه تسنيم خاشية واحد صبع ففمها وكترمش مع جنابو تننهد مطوول وطفى البيسي وهزها عندو باس على راسها كيمضك صباعو وسط شعرها وهي تكات على كتفو…حمد الله فاش شافها حدا مها مامتخيلش تكون فعلاا لحد الان مخطوفة ولا واقعة فيها شي حاجة…
اما كنزة على برا قطع معاها عماد مكالمة ورجع عيط ليها بالكاميرة وهي داخل الطوموبيل بعدما خرج من المرقص تخوفا من كلامها الروتيني وشكها لي مكيتسالاش…قادت حالتها وركبات نضاضر لعينيها مابغاتوش يشوف عينيها للي تنفخو وحمار بالبكى عاد جوباتو وحتى هو دار راسو مافخبارو مايتعاود حتى عاودت ليه هي كلشي باختصار…
عماد : بلاان…اهاه واش درتو معاهم دابا !
كنزة : صافي قالت ليك مها غتديكلاري بينا زعما بيا انا لي ضربت ليها بنتها ولا ماعرفت ليها يسحابليها غتخلعني بالبووليييس الحاجة لي كتحرق مرة مكتعاودش تحرق انا راا شفت الهم الكحل عاد غيخلعني شي بوليس…
عماد رد كيضحك : النااس تمجهدو ولاا كيفاش ههه
كنزة : عاد تمجهدت مالي كيف كنت ؟
عماد : كنتي بانبينو ديالي كنجبد ليك البوليس كتكمشي
كنزة : شناهي هاد بانبينو ههه (شافتو مييت بالضحك على سؤاالها ما٥همت والو وهي تكمل) كنا وكنتو حتى حاجة مابقات كتخلعني راه غير داك تصخصييطخ اللي مكنحملوش وطلع ونزل عنددهم تئظ..
عماد : ااشمن طلوع ولارنزلو تكمشي بحالك ردي لبال لرااسك وديك البنت لي عندك حضي معاها وجلسي فدااركم انا غنجي هاد سيمانة ونتوالاا زا*ل بوهم نوريهم الدعوة على اصولها…
كنزة : صلح فممك راه جاياك بنت غتربيها شحال فيك ديال تخسار الهضرة ماغنبقاش نخليها عندك ايلا بقيتي كدوي هكا….جات عندك اسية عطاتك لادغيس
عماد : وي جات شوية دابا عطيتها لسلطان هو غيتكلف صاف انا هزييت ايدي لي عليا درتو دابا ديك ختنا لي معاهم تما
كنزة : الباطرونة ديالهم…
عماد : هاديك…غيجلس معاها آطابل ويدير معاها شي حل تعطيه هند بلا مشاكل بلا صداع…
كنزة : وعلاش ماتدخل تربى اعماد راه كي دارتها لهند ديرها لواحد خور…
عماد : هند لي بغات هاد المرض واش هي جراتها ليه جات عندها برجليها شداتها…راه هادي هي خدمة البار را خاصك تفهمي واحد البلان ايلا دخلو البوليس فهادشي را تانا غنتخور السيد لي حال هاد البار هو لي حالو عند الواليد فالاوطيل ايلا مشى غيمشي تاداك لي تمااعارفة شحال ديال الخسارة غتكون فييه…
كنزة : راه هادشي حراام حتى نتوما مدخليين غير الحراام…
عماد : حنا كنكرييو ديك البارتي منو الله يجعلهم يديرو فيها ااوطيل فقلب اوطيل ماكندخلوش الحساب كيدوز من شهر للشهر واخا يبقى خاوي…فهمتي…خلينا من هادشي دابا غتمشي للدار ردي باالك حتى نجي…
كنزة بغمزة مسوله : وايلا جيتي مافهمتش ؟
عماد رد عليها حتى هو بغمزة : راك عارفة اللي كاين…
قلبات الكاميرة للصقف كتحك ورا عنقها شادة الضحكة مابغاتش تبينها لييه وهو كيعط عليها كيبان لبه غير صقف بحسابليه غتقطع كي ديما…حتى وقف عليها عابيدين مد ليها كاس دالماء عاد شداتو من عندو شربات كدوي معاه وعماد كيشوف…
عابيدين : شووية ؟
كنزة : ممم سخفت مع هاد الكلبات شحفووني..
عابيدين : بسييف شي هضور عندك خاصك ديري معايا شي جلسة وتشرحيهم ليا…
كنزة : رضى ولد الشينيوية يقدي الغراض…
عابدين : شكون ؟
كنزة ضحكات طانزة عليه : خو راجلي …
عابدين : متشرفيين الاالة هههه.د.بلاتي نشوف مول المحل ونرجع نسييناه كااع تئ..
حركات ليه راسها ومشى وهي تنزل عينيها فعماد كيشوف فيها مبدل السيفة من عابيدين ولكن فضل مايدويش تولي قاطعة عليه..
عماد : شكون هاد رضى خو راجلك…
كنزة: ولد شينوية ماعرفتيهش ههه…عرفتي شنو قالت ليا ديك الشاارفة ههه قالت ليا سلعة الخاليج بنت الحرام ماعرت كي عرفاتني مشييت تما…
عماد : من هنا نعطيك منو…غا بديك العباية والنضاضر حيدي داك المرض كتباني بحال شي ق*ادة…
كنزة بزعفة من كلاامو: نتا اصلا اخويا لبسي مرضك تا حاجة فيه ماكتعجبك ااش غندير ليك…وصلح فمك تئ…
سكت وهي كتشوف فيه كيقلب على شي حاجة حتى جبد واحد السيكار خشاه ففمو كينفخ فدخانو وقاالت كتلوي فلسانها فاش سمعاتو قرب يجي…
كنزة : قول ليا واش بصح هند سيمانة جاية غتجي ؟
عماد : كنقولو ايلا ماخرج لينا شي بلان مقود من الجنب غنجييو انشااء الله….نرجعو هند لدارهم ونرجعك حتى نتي لدارك غنقاد لوالديك جناب لي ضسرو على البوليس والمحاكم….
هزاات حجبانها من كلاامو وهو كيدوي بجدية ممهد للكلام حول علااقتهم لكن كيف ديما كتقطعو فالنص بحال دابا…
كنزة : نخليك ختي خرجات بسلامة…
قطعات علييه بدون رد منو هازة عينيها كتشوف فمحمد خارج واسماء موراه حادرة راسها مشات عندها ساكتين حتى حد مارجع هضر …غادي قدامهم هاز عندو تسنيم حل ليها الباب طلعت القدام وتسنيم لور وركب حتى هو وزااد مشى …وصلعا للدار تيليفون مكيسكتش بالاتصالات…ماجاوب على تاوحد فييهم حتى وصلها بدون كلام خلاها نزلات دخلات للدار ومشى صايق…دخلت نيشاان لبيتها كتنننهج وتسووط باغة طرطرررق….مخلية الحاجة كتغوت عليها من الفووق مجوبتهاااش…غير دخلات لبيتها سدات عليها وطرطقت بالبكى وكلامو كيتردد فمسامعها ماتنساش ليها ومتقبلااتوش ابدااا….
فحين كنزة بقات مع عابديين فالمحل…وكنزة دافعة الجبهة من خوفها من البوليس كل مرة كتعاود تردد وتحاول تبين لراسها ان ماكين لاش تخااف منهم واخا يجيو حتى للدار يهزوها كيف دارو ليها من قبل…ديك ساعة كان عماد دافع عليها وخرجها وعاد المرة شنو غدير ؟
كنزة : قالت ليك غديكلاري بيا واش يسحاب ليها غتخلعنيي …احنا غنشوفو فين غنوصلو نعاهاا
عابيدين :غا ضلمتو سيدة بان ليا ا كنزة …وا فالكاميرة باينة ماهزااتهااش…
كنزة سكت اعاابديين ااشممن حتى نتا واش هادو كاملة زعما صدفة حتى جلت وشافتها الله يمسخها…داباا قول ليا اس قال لبك هاد السيد على المحل…
عالدين : قلتي ماتاخديهش ساروت رهنيه…
كنزة : زعما ؟ ماعرفتش والله…مهم هاهي الخبار فراسي باش ما كان نقول ليك…غير شد فيه الله يساهل عليه غناخدو راه غناخدو غير نفكر شوية ودابا ترونت مع ختي شفتيها كيفاش مشات هاد الايام نرد عليك…
طوللت معاه الحدييث فاطار المحل لا غير بالها ما معاهااش وقبل مادير شي خطوة كتحسب ليها الف حساب وحساب….كت٠ي تشوف كتلقى راسها ديما محتاجة رأي عماد وحتى المحل ماقدراتش تاخدو بلاما تشاور عماد فيه….تنهدات سايقة طومزبيلتهاا تاالفة وطري قاللي غتشد مااعرفاش غيير غادا نساات المضااربة كتفكر فلامو بعدما عرفاتو سيمانة تقريبا وغيكون هنا واش غتبقى عند كلامها وقراارها واش فعلاا داكشي اللي فرااسهارهو اللي غيكون…ولا غيتبدل الامر…
ممكن زعما يكون غير البعد لي دارها وخلق فجوة غيرة وشك وخوف من الفقدان ؟ ممكن يكون للقرب كلام اخر ؟
______
رجعات كنزة للدار وحيت حتى حد ما دوا معاها ولا سولها حتى هي مادواتش حتى دخلات للبيت وهي تلحق عليها الحاجة…
الحاجة : مال ختك ماجات معاك فين خليتيها ؟ ومالكي دخلتي بكري ما مواالفة ليكم…
زولات عليها العباية بقات بكسوة خفييفة لابساها من لتحت سمكة رقييقة والكرش كبراات واقفة قداامها…
كنزة : مشات مع رااجها..
الحاجة جرات العباية كتجقق فيها وفوجهها لي مخطزف : مال عبابتك طارت ليها صدفة ساداها بايديك….و وجهك مخطوف..ااش كاين
كنزة : والو اماما…تئ والو…تسنيم تلفات وتخعلنا معاها ولكن لقيناها ديك ساعة…
الحاجة بفززع شدات صدرها : اويلييي الله يستر ااش كتقولي…
دخلات عليها وسدات الباب زيراتها تمت حتى حطات ليهة كلشي باختصار باغة غير تفك والحاجة مامرتاحاش كدوز ايديها على صدرها مخلوعة كتسمع ليها حتى كملات وهي تجبد تيليفون كترجف عطاتها تعيط ليها….
كنزة : مغنعيطش ليها صافي عيطي ليها نتي…يلاه مشات مع راجلها باغين يهضرو ولا ماعرفت ليهم نصدعهم تاني…
الحاجة: غير نسول عليها…
كنزة:بلاتي شوية ولا دابا تعيط هي…تئ..
مشات الحاجة كتهضر تحت فمها وكنزة تقلبات تكات فبلاصتها كتسوط شادة على كرشها كتحس الوجع مع جنابها مابغاش يمشي عدبها دماغها سارح وتالف غير كتننهد وتنفخ حتى شافت تيليفونها كيصوني طلات عليه لقاتها عكوزتها وجوباتها…
اما اسماء من اللحضة لي دخلت لبيتها جالسة على الناموسية شادة عندها تسنيم بلاا خاطر كتبوس على جبيينها وايديااتها وخدوودهاا وتعنقها فصدرها….مقادرااش تخايل اشنو غيوقع فيها كون طرات ليها شي حاجة هاد نهار…ساهية وكلام محمد كيغزو داخلها ماتقبلاتوش ابدا وماقدراتش تفهمو باي طريقة….حتى تدق عليها الباب مسحت دموعها دغيت كتنصص وشافت جيهتو وهي تلقاها الحاجة ورجعت حادرة راسها مارضات تبكي قدامها…
الحاجة من الباب طلات : اسمااء…
اسماء : نعام اخالتي..ااش خاصك ؟
الجاجة: ماخصني خيير مالكي ماطلعتي ؟ اش كديري هنا بوحدك طلعي جلسي معانا عيطت ليك تاعيت ماجوبتيني واش مابقى يلحق ليكم صوتي..
اسماء شمرات بنيفها مكتشوفش فييها : كنت كندوي فتيليفون ماسمعتكش..
طلات عليها مستغرربة جاها صوتها فشكل..
الحاجة : ما لكي كتبكي ؟
اسماء : والو…
الحاجة بفضوول : ااش كاين يلاه خليناك عند مك سمينة على عسيلة اش بكاك تاني
اسماء : والو اخالتي غير خليني عفااك…
الحاجة تنهداات بغات تمشي وهي ترجع عندها : نوضي نوضي الله يرضي علييك توضاي وصلي المغرب علاين يودن ياك الحاج قال ليك مابقيتيش تبكي بوحدك بغيتي تمرضي تاني…تاقاي الله غا فاداك الروح لي عندك ونوضي بدلي ساعة باخرى…(مارداتش عليها اسماء غير ساكتة ) شكون دوا معاك غا قولي ليا مع محمد تاني ؟ مالكي معاه ؟
هزاات فيها راسها بعينيين حمريين حكات ليها على الجررحة والحاجة تصدمت وقفت فبلاصتها كتسمع…
اسماء : كيفتش مالي معاه على شنو كندير ليه انا…هاد شي سوليه فيه هو…ليوم كنت هانية حتى جات مرتو لولى كانت غتدي ليا البنت هزاتها فالطوموبيل وزادت حتى تنادم معاها الحال وعرفات راسها ااش دايرة عاد رجعااتها وملي حطييتها بوجها بدات كتبكيي وتكدب فالكاميرة وفالشهود و محمد تاق بيها..
الحاجة بدههشة حلاات فمها : آويلي اش كتقولي…. ونتي شفتيها لعينيك…لواه ماديرهاش غاشوفي ااش كاين خويويفة ماتقدرش عليها…
اسماء مسحات عينيها كتسوط وحدرت رااسها : ااه اخالتي انا لي نديرها انا لي نخطف وانا لي نغدر وانا لي نخوون غير انا….حيت خديتوني مطلقة وهي عزبة انا ندير كلشي وهي لا…هي لي بنت ناس انا غا بنت الحرام…
سكتات تلحااجة كتشوف والصدمة باقة على وجهها…دوزت اديها على شعر تسنييم لي كتشوف فاسماء كتبكي حتى هي مغبنة ملامحها باغة تبكي….
الحاجة : بصاح ابنيتي شكون بغا يديك؟ هزوك فالطوموبيل
تسنيم حركات رااسها واسماء كتشوف فيها : اه نمشيو عند بابا محمد…
الحاجة جلست فاشلة حداها كترمش مدهووشو : اويلي هادي علاش كتقلب…(شتفت فاسماء) واش بصح محمد مداعي هو وياها انا ماكيعاود ليا والو وغير نجبدها ليه يقلب ليا الكلام..
اسماء : مداعي معاها بقات غير شي يومين ولا ماعرفت سيمانة للجلسة لولى راه حتى انا ماكيقول ليا والو غير ايلا سمعتو من تيليفون ولا من بابا حيت كيعاود ليه كلشي هو والحاج…(شاف فيها مصدومة وكملات) كون غير اديتها فشي حاجة نقول غلطت انا عمري حتى جبدتها بالعيب وشوفي اش دارت فيا سالات مني انا نوضت علياا الصدااع ورجعتني خايبة ودوات بسميتي مع داك ل…وزادت لبنتي حتى هي…
سكتو لجوج ملتازمين الصمت على صوت آدان المغرب…ناضت اسماء توضى خلات الجاجة حتى هي طلعات مارجعت قالت ليها حتى كلمة خلاتها كتلون فصدمتها وخرجت سدات على اسماء البيت وخلات باب دياا برا محلول وطلعات….فحين سيارة محمد وقفات قدام الباب قبل مايخرج جبد واحد الوراق كيقاد فيهم و واحد الساروت بحال ساروت ديال دار كيبان جدييد بحالا يلاه خرج…يلاه غينزل وهو يصوني تيليفون فجيبو ورد عليه….
فحين اسماء عاد غتقاد فراشها تكى بتعب حتى صونى تيليفونها وهي تلقاها كنزة ردات عليها ديك ساعة…
اسماء : آلو….كنزة..
كنزة : اسماء….كي وصلتي بقى بالي معاك…
اسماء : ماعرفتش اش بغات عندي ديك الكلبة كون دارت لبنتي شي حاجة والله حتى ندبحها صبرت ليها على حقي بنتي ماندوزهاش ليها غير خليها ماغنعايرها مانقول ليها حتى حاجة ايلا شديتها راه مانغطلقها حتى نطير ليها الروح ديالها
كنزة : وصيي بنتك ا اسماء هاهي ليوم هادي ربي شاف من جيهتك ورجعها وصي بنتك شفتي فالكاميرة ماهزاتهاش بزز عليها طلعات بخاطرها وصيها تبعد من البراني وتهرب منو…
اسماء باست على راسها معنقاها بحنان: كنقولها ليا..
الحاجة نقزاات ورا كنزو : عطيهاا العصا عطييها للرجلييين لي يطلعوو للطوموبيلات بلا شوار عطيها للفم لي يدوي مع البراني كون وقع ليها شي حاجة تقتلك وتقتلتنا تاحنا البسالت…
اسماء بهدوء : ماشي ضروري العصى راه كتفهمني ايلا قلت ليها شي حاجة
الحاجة: فشوشك…فششتيها تا خرجتي عليها…
اسماء : راه بنتي اماما نربيها كي بغيت علاش باغين دخلو ليا فترابيها ياك بنتي هادي…واش كلشي حتى لدابا عاد بانت ليكم مامربياش ومفششة…حتى هو قاليا مامربياش بنننتك و كيدفع هلى مرتو لولى زعما انا لي طلقت بنتي تا خرجات وهي مسكينة جات رجعاتها
كنزة: هو اللي قال هادشي…
اسماء : قالو ليا بالحرف….محمد تبدل اماما ولا كيقول ليا شي هضرة كضرني فخاطري ها بنتك مامربياها ها نتي معكسة معايا وشادة العناد…زعما حيت انا مطلقة ماربيتش بنتي انا راه ربيتها ربع سنين بوحدي ماكينش لي هزها معايا مصروفها حتى نهار واحد وقديت بيها…مكانش يسحابلي نهار لخر غنولي نتعاير بيها..بزاف عليا هادشي اماما مابقيتش قادة على هاد العيشة عييت هو خارج كيضور ليه فالكلينيك وخدام على رااسو وانا محبوسة فالدار وايلا خرجت ما نرجع ايلا ماطرات شي مصيبة ويزيدني كينقص مني…
الحاجة : يهديك الله ابنيتي الله يهديك…
تنهدات كتسمع ليها كتبكي وتنخصص فالتيليفون بحرقة كتشكي ومحمد داخل مع الباب كيحرك داك ساروت فايديه بلت صوت حيت كان غير واحد يلاه وصل للبيت ….غيمد ايديه يحل حتى وقف عاقد حجبانو كيسمعها كتبكي بحررقة بحالا كتهضر مع شي حد…
اسماء : راه عيت اماما كون داك نهار بقيت فدار الكرا وماخرجت منو ولا هاد الحالة لي راني فيها..لاهوما زلطة وراحة البال كرهت كلشي مابقيت باغة حتى حااجة حتى حد مابقا كيحتارمني حتى الحاجة لي فرحت نهار لول غتكون عكوزتي كون تشوفي ااش كدير لياا حررات فيا العيشة مابقيت عارفة راسي واش ناعسة فبتي ولا فصالون كل مرة داخلة عليا وليت نحشم نبدل ايلا ما سديت الباب وايلاا سدييتو طتقوليا علاش سديتي شكون غيدخل عليك…
الحاجة : هادي الحاجة ؟؟
اسماء : اه الحاجة يا حسرة ولكن اصلا محمد مدايرش ليا قيمة قدامها كون كان دايرها ليا كون احتارماني واحتارمت راسها وانا غير مرت ولدها عليها بالتيقار مافهمتش علاش كدخل ليا فكلشي… ندمت لي رجعت…ماحسابش ليا غنرجع لعيشة الصداع والمشاكل ومرتو لولى فينما نصور تخرج ليا من الجنب فينما نضور نلقاها وليت خايفة نخرج مع الباب ودير ليا ولا لبنتي شي مصبة ليوم خطفت ليا البنت غدا علم الله اش غدير..وزايدها كيدافع عليها شحال من مررة راه قلتها لمو واش حيت انا مطلقة الله اعلم…نهار جا عندو صاحبو وقال ليه كندوي مع مرتك ماسولنيش كاع غبر جاا وهز عليا ايدييه شبع فيا ضرب اما هي قالك مشا حتى لعندها وسولها على خاطرها وجاوباتو على خاااطرهاا عاد مشى دعاها…انا كون غير حتى انا دعاني ولا طلقني وماضربنيش وشوهني مع با…
الحاجة: نتي لي بغيتي هادشي نهار لول…نهار طلب ايدييك شرط علييك السكنة مع دارهم وقبلتي قال ليك تجوجي بيا ابنت ناس قلتي ليه مرحبا قبلتي…ما بزز عليك حد حطو ليك سيف ؟ على عنقك…والو تاحد مادوا معاك مشيتي معاه بخاطرك
اسماء كتبكي بخنقة : مابقييتش باغا ماحسابليش غتعيش كفس من لول كنت بوحدي ومرتاحة…كنحس برااسي مخنوقة مابقيت باغة حتى حاجة غير نكون انا وبنتي ممرتاحين مابقيتش مرتاحة فهاد الدار وهاد البييت كنحس بالحيوط غيخنقوني الموت وليت كنشوفها بعيني…كون غير كانت شي معاملة زوينة نصبر عليها واش عكوزتي ضدي وراجلي كثاااار منها ما تلحاج بحالا ماساكنش معاها عمرو ماقال ليك مسكين شي حاجة وخديجة وليت كنخاف ندوي قدامها وتوصل عليا شي هضرة ولا دير ليا شي مشكل بحال لول…..كون غير خلاني بابا جلست بحالي فدارنا وهو بحالا باغي يتهنى مني فسيمانة رجعني…ولا صافي تزوجت وليت بنت راجلي وعائلتو هوما لي يقبلو عليا…وانا خاصني نقبل عليهم…
الحاجة: وأش بغيتي دابا ابنيتي اشنو المعمول
اسماء :مابقييييتش باغة هاد العيشة انا ماشي منافقة عييت مانعطي الوجه الزوين صافي تخنقت…
هزات ننفس كتنخصص وكملاات..
اسماء : درت مع ناس زوين حتى عيت وحتى حد ماصورت منو شي حاجة هو عارفني مريضة وخانقني عيت اماما صافي تقهرت مابقيتش قادرة على العيييشة معاه بنتي كي هزيتها بوحدي نهزها تا دابا بلا مايقول ليا مامربياهاش…صافي الله يجيب ليه هادي لي مربية وتربي ليه ولادو انا ماشي قدو مصالحاش ليه غير اسراء اللي لي صالحة لييه…
كلامها قبل مايوصل للحاجة مباشرة لحق لأداني محمد..وهو قدام الباب سامع لكلامها ولحرقتها اللي كتدوي بيها…شاف بعيد حادر عينيه معلي حجبانو كثر ما معقودين بحالا توقف على الحركة الساروت لي مدلي ايديه وهو قدام الباب مباشرة…غير سمعها سكتات كتكحب وتبكي فنفس الوقت دوز ايديه على وجهو كيغلي ساد عينييه و كاتم نفسو بزز…رجع كيتررعد و بسرعة تقلب بضهرو ومشى خارج كيحك فشعرو مزييير حتى ولا كينهج بالعافية اللي شعلت فيه بكلامها…
يتبع
التعليقات 0