جا طبيب عندهوم كيجري هز اكسيل او دخلو لبيت معا لفراملية ، جود صافي وصلات بيه لعضم او كان خاصو يبقا شاد من جيهة ختو طايحة او من جبهة خوه داير كسيدة معارف تا واش فلت او دبا ها باه الصور لعالي لي كان مسخن كتافو طاح طيحة وحدة ، رجع ݣلس شاد راسو
لحاجة : (دموع حارة نزلات من عينيها وهي كتشوفو كيف لميت قدامها) ولدي ، يحيى ولدي هئ فيق ولدي
مجد : (جاي عندهوم كيعرج شعرو مخربق او محرود من يديه ، دم كيسيل من جبهتو مفاهم والو كيشوف لحاجة منهارة لأرض كتبكي أو مو رابحة تا هي منهارة او غا كتبكي) شواقع ؟
جود : (لي كانو عينيه حمرين بدموع غا شاف خوه مشا عنقو مزير عليه) على سلامتك
مجد : (تا هو غا كيبكي) شوقع لصباح ميمكنش ايكون داكشي لي قال با صحيح ، صباح مديرهاش صباح متمشيش او تخلينا اخويا فين هي خبيتوها ياك كضحكو معايا
جود : غادي تولي بيخير نتا غا ݣلس
مجد : شمن بيخير اجود شمن تكلس ونا ختي معارفها ميتة ولا حية خليتها بيخير او غا هاد صباح دوات معايا قاتلي توحشتك قاتلي مكرهتش كون مكنتيش مسافر نشوفك او تجيبلي معاك شكلاط ناكلوه بجوج كيما كنا كنديرو ملي كنا صغار ، فوت طيارة اجود غا على حسابها باش نجي نشوفها ونتا كتقولي نتاحرات صباح مغتعاودش ديرها هي واعداتني
جود : (عنقو عاود) غتولي بيخير نتا في متخافش غتولي بيخير
طبيب : (خرج عندهوم ) شكون هنا من عئيلة صباح آيت اوسو ؟
محسن : حنا انا رجلها الدكتور قولي كي بقات مرتي
طبيب : لحمد الله تجاوزات مرحلة اخطر او وصلات فلوقت لمناسب خيطنا ليها جرح او حاليا راها تحت تأثير لمهدن ، غيخصها طبيب نفساني حيت حالتها النفسية متدهورة بزاف دازت من انهيار عصبي حاد ناتج عن صدمة او خاصها تعالج منها
جود : واش يمكنا نشوفوها ؟
طبيب : حاليا لا تال ليل
محسن : شكرا ادكتور
مجد : (رتاح من جيهة ختو او ضار شاف فلغالية لقاها غا مصدومة وكتشوف) لغالية مالك واش بيخير
لغالية : (واصلة فيها لعضم) باك ، اكسيل
مجد : ( دور عينيها مبانش ليه باه عاد رد لبال ، صور وجهو كيشوف فلحاجة و مو) فين با
لحاجة : (غا كتبكي او شادة فيحيى) ولدي ايحيى ، خوك ايحيى انترزا فولدي ديرو شي حاجة عتقو خوكوم آعزيز آصفية آيحيى خوكوم غيضيع من بين يدينا ، آوليدي مسكين آحبيبي
مجد : (رجع دم تخطف منو) شواقع فين با اجود فين بابا ؟
جود : تهدن اصحبي غيولي بيخير
مجد : كفاش غيولي بيخير ونا يالاه دويت معاه فطيليفون
جود : (ضرو خاطرو على خوه ، عارفة متعلق بيه لواحد الدرجة متصورهاش ) ملي سمعك درتي كسيدة كان بغا يجي عندك او طاح
مجد : ميمكنش اكسيل مكيمرضش اكسيل مكيطيحش شكتخربقو عليا با ونا عارفو فيكون غا طاح ليه سكار او صاف
يحيى : ولدي ماديرش فراسك هاكدا اكسيل غيولي بيخير
مجد : (حس بدنيا دارت بيه او عينيه عمرو بدموع) ك.كفاش غيولي بيخير راه بيخير ميمكنش توقع ليه شي حاجة (دفع جود او دوا صاعر بحال شي حمق) م.ميمكنش توقعليه شي حاجة فين طبيب فين داوه جيبولي طبيب
رابحة : (تخلعات على ولدها او ناضت عندو معنقاه) شوقع ليك اولدي مالك كتعرج او مجروح
مجد : أنا أنا بيخير فين بابا ؟
رابحة : (تجهدات فلبكا) باك أولدي غيولي بيخير نتا غا تهدن يالاه نمشيو عند طبيب اداوي ليك جرح
مجد : (حيد ليها يديها او بدا كيغوت) انا بيخير انا بيخير ، باغي با با انا ممريضش او تا بابا ممريضش باغاني نمشي نداوي جروحي توماس يفيق ميلقانيش هي لي متكونش كتسمعيني (بعد على مو او مشا كيزدح لباب تاع لغرفة فين كاين طبيب ) حلو حلو باغي نشوف با فين دايينو ، بابا بابا خرج هاني حيت ابابا ها مجد جا حل
جود : (مشا كيجر فمجد لي ولا بحال لحمق غا كيبكي او يغوت) مجد مجد دير عقلك اصحبي خلي طبيب ادير خدمتو
مجد : (بدرع باش جرو جود من حدا لباب ، ولكن حدو طبيب تفح لباب لقا مجد شانق عليه او واقف قدامو) فين با ؟ مالو ؟ شوقع ليه ؟
طبيب : (كانو لملامح ديالو دابلين) معا لأسف لمريض مصاب بسكر او الصدمة لي جاتو قوية مقدرناش نعتقوه منها او دخل فغيبوبة
مجد : (فديك اللحضة بضبط حس برجليه فشلو عليه او لغوات دلخاحة موراه ، محس براسو تا شوية ميتلاح على طبيب باش ادوز لداخل ، تا صدق كل من جود او طبيب كيجرو فيه او هو غا كيعيط او كيبكي او يغوت تا ولا وجهو حمر او عروقو تنفخو ) با فيق وا با فيق هاني جيت ، ها مجد جا با موقعلي والو غا فيق ها لعار غا فيق ، با والله ما وقعات ليا شي حاجة غا فيق والله تا انا وصباح بيخير عافاك ابا لما فيق
جود : (دمعة على عينو ولكن الى ضعاف تا هو شغيوقع ، ضور عندو مجد او عنقو بصعوبة مخلي لفراملية ادقو ليه الشوكة)
مجد : كفاش مقديتوش تعتقوه شنو خدمتكوم الى مفيقتوش ليا با (كان كيحاول ابعد من جود باش يدخل) جود خليني نمشي نشوفو ، جود طلقني راه ميمكنش طبيب غا كيكدب
هاد نهار كان من أخيب لأيام لي دازو على عئيلة آيت اوسو ، صباح لي كانت كتصارع لموت قدرات تشد فخيط لحايات او يتكتاب ليها عمر جديد فلمقابل باها مقدش على فراقها او فراق ولدو او دخل كومة لسبيطار مخلي ميمتو منهارة فلأرض كتبكي عليه او خوتو وباه او ولاد خوتو وعيالات خوتو تاهوما منهارين بلبكا ، اما لغالية فجهد باش تبكي او تغوت مابقاش عندها شدات لقنت او بقات ساكة وغا كتشوف او محسن حداها كيصبر فيها واخة تا هوا بقا فيه لحال حيت اكسيل كان فمقام باه وكتر عاد ، اما مجد فكان شاد ليه واحد لبياض غا كيفيق كيبقا اسول فإكسيل تا كيبغي يحماق او يدقو ليه لمهدئ او يرجع ينعس ، جود خلاص وأكلها لداخل ديالو كيشوف الى طاح تا هو شكون تهز خوتو او باه براسو مكاينش حداه
ياسمين : (غا سمعات لخبار جات كتجري او تا عئيلتها) جود
جود : جيتي
ياسمين : (ݣلسات حداه) صونيت على خالي قالها ليا وجيت
جود : (حط راسو على كتفها كيستنشق عبيرها ارض بيه شوي الروح او لجهد) احسن حاجة درتي كنت باغيك تكوني حدايا
كلتوم : لحاجة كي بقيتو شوية
لحاجة : لحمد الله على كل حال
منى : (جات هي وراضي) لغالية بنتي كي بقيتي
لغالية : مكتاب الله كيتصرف اخالتي
منى : (عنقاتها ) صبر أبنتي صبر قاسح لحال
الراضي : (عنق جود او محسن) شوقع ؟
جود : صباح حاولات تنتاحر دار ليها ربي لخير تعتقات لواليد عتقها بكري او ملي وصلناها لسبيطار مجد دار كسيدة وبابا ملي سمع هاكداك طاح كومة
الراضي : او كي بقاو دبا
محسن : صباح تجاوزات مرحلة لخطر كنستناوها غا تفيق إيلى عمي اكسيل طبيب قال بلي دخل فغيبوبة
الراضي : او ايمتا ايفيق
محسن : (بأسف) فأي لحضة ولا يقدر اطول ولا حتى ميعاودش ايفيق
الراضي : لا اله الا الله او مجد فلت بعدا ؟
محسن : واه فلت ولكن ملي شاف اكسيل فديك لحالة طاح تا هو غا بليبرة باش كيكالميوه
الراضي : الله الطف من حالو
محسن : (بقاو فسبيطار سوايع تا فاق مجد) كي بقيتي أصاحبي
مجد : (ݣالس بحالا مصدوم او غا ساكت)
طبيب : مريضة فاقت يمكن ليكوم دخلو تشوفوها
دخلات لحاجة ولحاح هوما لولين عندها عاد دخل محسن او لغالية او دراري من موراهوم
محسن : (شاف صباح فواحد لحالة حرقاتو فقلبو شادة لبنت او جامعة رجليها عندها نركبين ليها سيروم او غا كتشوف قرب من عندها او ݣلس حداها ) حياتي ، صباح
صباح : (لا حياة لمن تنادي غا ساكتة)
لغالية : (قربات عندها) علاش ساكتة علاش مكتدويش رتاحيتي دبا ملي طيحتي باك كومة ياك رتاحيتي علاش ساكتة علاش
محسن : لغالية ماشي وقت لهضرة هادي
لغالية : وقتها هادي (نفاجرات بلبكا او مشات عنقات) علاش ضربه او ضرب راسك علاش ديري فراسك هاكداك او تخلعينا عليك او تاحاجة مكتستاهل شوفي لحالة لي وصلتي ليها يديك كاملة مغرزة علاش أصباح علاش
صباح : (والو بقات غا ساكة تا بعدات عليها لغالية او بانو ليها خوتها بجوج وبدات كتبكي مخشية فمحسن)
جود : صباح (بغا يقرب منها لقاها غا كتزيد فلبكاهو يجر مجد معاه او خرجو مخلينها معا محسن تهدن تما تا لغالية خرجات معاهوم)
ياسمين : امضرا كي بقات
جود : (عنقها منير عليه او خاشي وجهو فعنقها) خلينا واحد خمسة دقايق هاكدا
#بعد ساعات#
تهدنات صباح واخة باقة مكدوي خرجها محسن تشوف باها من زاج بحال لغالية او خوتها ، طولو كاملين الشوفة فداك سيد لي كانو دايرين بيه لاپارايات او تيويات ، شحال صعيب تشوف داك الشخص لي كان باك او خوك او صاحبك او مك او رجلك شاد لفراش مقاد تا يتنفس بوحدو مقادش احل تا عينيه ، شحال صعيب بين لحضة ولحضة تلقا راسك خسرتي السند ديالك ، كانو كيشوفو من زاج بعيون باكية او قلب كيتقطع كل واحد فيهم كان كيعني ليه اكسيل شي حاجة فحياتو ، ولادو لي كانو كيشوفو باهوم كي داك جبل لكبير لي ميحركو ريح دبا طايح قدامهوم او ملاقيين باش اعاونوه ، باهوم لي مكانش أي واحد ، من برا كيبان قاسح ولكن من لداخل كي لعسل ولادو هوما نور عينيه هوما لي عارفين شحال هاد الراجل دار على قبلهوم ولكن هوما دبا عاجزين ايديرو ليه شي حاجة ، اما بالنسبة لمحسن او ياسمين يمكن اكسيل مكانش باهوم ولكن كان الشخص لي مد ليهوم يديه بلاما يفكر او عتقهوم من داك لغيس فاش كانو غارقين لغيس لي معقل عليهوم تا واحد ملي طاحو فيه
احياني عليك يالغالية بوك لي مولدك او مك لي مرباتك او راجلك شريك حياتك ، خوك لي مولداتوش مك او صاحبك لي متعرف كانو مجموعين فشخص واحد ، كانو مجموعين فراجل واحد احياني عليك يالغالية وشحال قد دنية ضور بيك او دوقك من مرارها ، احياني عليك يالغالية راجل لي هزك من دار باك جفاف او ردك فدارو تاج طايح فلفراش لا حنين لارحيم و شمن عيشة تعيشي يالغالية ونفسك او روحك قدامك ناعسة مابغات تفيق
#بعد مرور شهران#
شهراين على قدهوم دازو على داك نهار لمشؤوم لي قلب حياة عئيلة آيت اوسو من راسها تال ساسها ، اكسيل لي كان باقي مفاق من لغيبوبة ديالو ، طبيب خسر عليهوم حاجة وحدة دعيو ربي ايفيق ، شافو تا عياو لقاو راسهوم تقهرو بلنسية وجية لسبيطار داكشي علاش نقلوه لدار او شدو ليه لفراملية او دكاترة لي يقابلوه ، لغالية كانت حالتها حالة لحاجة غا حاضياها فين جيتي فين مشيتي تا من لفلوس ماكانوش عندها حيت داكشي لي كانت خزنات تبرعات بيه لشي جمعيات قبل ميطيح اكسيل فلفراش ، باعت شي حاجة من دهبها او كرات شي ديور باش تقضي حيت لحاجة هي لي شدات لمسروف مكتبغيش تعطيها ، جود شاف تا عيا لقا لحاجة زايدة فيه داكشي علاش رجع سكن فدار باه هو ومرتو او حيد لحاجة لمسؤولية تاع لمصروف او ولا هو لي مقابل خدمة باه معا لغالية طبعا بلمعاونة تاع جدو او عمامو ، فحين مجد كان عوال افرط فخدمتو او يرجع لمغريب ولكن خوه مخلاهش حلف ليه يرجع ايقابل خدمتو حيت باه مكانش يبغيه افرط فخدمتو ، شاف تا عيا او رجع لتركيا ، محسن هو براسو جا يسكن معاهوم تحت طلب جود حيت صباح حالتها متحسناتش ݣاع غا سادة عليها فلبيت او ساكتة بدرع باش كتاكل اما لهضرة حرف هو لخر مكتخرجوش من فمها , او حدها كتشوف خوتها كتبغي تحماق بلبكى مكتهدن تا كتمشي تنعس حدى باها ، متبعة معا طبيبة مودة هادي ولكن باقي مشافو شي تحسن من غير انا ولات مكالمية او مبقاتش كتجيها حالات هلع
لغالية : (دخلات معا لباب تاع دار لابسة صايا معا قميجة او هازة سوارت تاع طونوبيل تا ضربات فلحاجة)
لحاجة : (مطلعة حاجب او منزلة لاخر) على سلامتك الحاجة ملي تفكرتي بلي عندك دار ترجعي ليها 9 هادي او نتي يالاه داخلة منهار مرض ولدي ونتي دايرة مابغيتي يعلم الله شكاطري برا
لغالية : (تنهدات) سمعيني الحاجة كون ما على وجه ولدك لي ناعس كانت اتكون ليا هضرة خرى معاك ، نخرج فينما بغيت عندك بنتك سيري حضيها
لحاجة : سمعيني مزيان ماحد ولدي مفاقش حتارمي راسك أو باركة من خيطي بيطي زنقة
جود : شواقع ؟
لحاجة : شوف مراة باك لوقت معاياش راجعة يعلم الله فين كانت او معامن
جود : ايوا نتي الحاجة شدخلك ؟ تخرج فينما بغات مترجع تال جوج تلاتة مترجعش ݣاع او من بعد بابا ملي كان او مكانش كيدخل فيها او يحضيها بحال هاكدا
لحاجة : (مرضاتش) عاجبك هاد ديعان ديالها مزوجة عندها ضار تقابلها او قاتلك عاد جاتها لجميعة او كتقابل تا لحوانت تاع باك تقول ديالها
جود : رزق راجلها هي اولى بيه تقابلو ، ويلى غا على لقراية باقة اتسالي لجامعة او دير لماستر او الدكتورة او نحلو ليها شركة ديالها صافي نتي غي خوي راسك من هادشي او حضي صلاتك هي لي نافعاك ، آه قبل منسا كنضن جا لوقت لي ترجعي فيه لدارك تقابلي راجلك
لحاجة : كتجري عليا ولا شنو ؟
جود : مكنجريش عليك الحاجة ولكن بحالا طولتي لحاج برزطني باغيك ترجعي لبلاد
لحاجة : الله اقل حياك وليتي تجري عليا بلعلالي ولكن والله مانزيد نهار هنا نمشي نجمع حوايجي نمشي بحالي
لغالية : (شافت لحاجة مشات دخلات لبيتها) كون غا مقلتيش ليها تمشي غتقلق عليك
جود : تقلق ولا تݣلس زادت فيه مابغاتش تهد ݣاع اللهم تمشي لدارها تهنينا ، دزتي ليوم لهرية
لغالية : واه هي فاش تعطلت كنت كنجمع لحساب عاد ساليت ، باك مسكين شحال كان هاز ولى
جود : انا غنطلع لبيتي بلاما تعيطولي لعشا
لغالية : (جود طلع لبيتو او مشات هي دازت لكوزينة لول) شيماء قريب يوجد لعشا ؟
شيماء : واه
لغالية : مزيان
شيماء : لالة باغة ناخد واحد 3 يام كونجي
لغالية : (بتاسمات ليها) سيري شدي سيمانة يالاه توجدي لخطوبة ديالك على خاطرك
شيماء : غتجي معاهوم ياك ؟
لغالية : مضنيتش مشغولة شوي او منقدش نخلي اكسيل بوحدو (جبدات شي فلوس من ساكها) هادو الى بغيتي تكري شي دار دوزي فيها لخطوبة او تشري راسك شي حاجة
شيماء : لا بلاش علاء تكلف بكولشي
لغالية : غا خوديهوم خبعيهوم عندك
ياسمين : (دخلات عليهوم لكوزينة) عمتي جيتي ؟
لغالية : واه كنتي فجردة ؟
ياسمين : واه
لغالية : سيري هزي معاك شي ملحة او رشاشة تاع قطيع لحم او طلعي عند راجلك عطيه اكمد رجليه او دلكي ليه كتافو راه باينة فيه عيان بزاف
ياسمين : ايديرهوم لراسو خدامة عندو انا
لغالية : (عطاتها لملحة او رشاشة او طلعات معاها فدروج) عاود تخاصمتي معاه شدرتي ليه عاود
ياسمين : واش فينما توقع شي حاجة ترضي عليا اللومة واش انا لي كنجبدو ، هاد ليامات كاملة معرفت مالو غا معصب ماباغي يدوي معا حد نقوليه سلام اخنزر فيا ، ياك اودي لاباس
لغالية : متديش عليه راه محيلتو لخدمتو محيلتو لخدمة باه لي مقابل او زيد عليه لحاجة مصدعاه ملي مكيضربش بلحجر حمدي الله ، نتي غا سيسي معاه دبا غا يفوت هادشي او تقاد لؤمور ديري فيه مابغيتي عصريه
ياسمين : (دخلات لبيت على جود لاقياه مسند على لحيط تاع ناموسية او كيخدم فلپيسي ، مشات دخلات لحمام او دارت لما دافي فلبانيو او خلطاتو معا لملحة عاد مشات حطاتو قدامو) حشي رجليك هنا او حيد توني ديالك
جود : (سد لپيسي او شاف فيها بشك) شباغة تصنعي نتي ؟
ياسمين : خشي رجليك فلما سخون او لملحة كمدهوم غيكونو تنبلو ليك بلوقيف او سبرديلة ، او حيد توني ديالك ندلكليك بهاد لپوماضة تاع قطيع لحم
جود : جيني من لخر شباغة ؟ هاد صواب او لإهتمام كامل بربي تا موراه شي حاجة ، ياكما زبلتيها
ياسمين : (خسرات سيفتها) تفو على ݣنس مكاينش لي يدير فيك لخير ، قلتها لعمتي هاداك سرو يبقا مكوانسي شغلي فيه انا تا ندلك ليه
جود : (شدها من يديها ملي شافها بغات تمشي) صافي غا ضاحك معاك بلاما تقلقي
ياسمين : حيد توني ديالك سربيني باغة نمشي نكمي
جود : (نصل توني ديالو)
ياسمين : (طلعات فوق الناموسية او دازت موراه او دهنات ليه شعرو وبدات كدير ليه لماساج)
جود : (خشا رجليه فداك لبانيو كيكمدهوم مخلي ياسمين كتريح ليه كتافو بلماساج ديالها)
ياسمين : (سالات من كتافو او دازت لعنقو) شاك باقي مشريتيلي لحوايج
جود : دوك لابيجامات لي خديت ليك معجبوكش
ياسمين : كطنز عليا ياك شارلي تلاتة تاع لپيجامات كنبدل ليهوم او مشاريلي تا شرويطة دلخريج غا باش تبقا حابسني هنا فدار كيفما بغيتي
جود : ملي يكون عندي وقت نمشيو نشريو لحوايج صفي
ياسمين : (دازت لراسو كدلكو) هاد لخضرة شهراين او نتا كتقولها ليا فين عمرك ديتيني نشيروم ياك حصل نهار كامل برا الى مكنتيش فلحوانت راك فلمحكمة مكنتيش فلمحكامة تكون معا لالة ماريا كتعشاو حقا عشاء عمل
جود : عاوتاني لموضوع تاع مريا واش معييتيش منو كل مرة تجبديها
ياسمين : (بعدات يديها او دوات معصبة شوي) ونتا مابغيتيش تفهم راسك أو تعطيها تيساع ، شتي انا مشغليش فيك صبر راسك معاها انا عطيني غا لفلوس نمشي نشري حوايجي لراسي
جود : لا الى ممشيتش معاك معندك فين تمشي باغة نعطيك لفلوس باش تشريلي غا لمقزب
ياسمين : شمن مقزب غنشري كساوي راني قنط فدار باغة نخرج
جود : تا منكونش عارفك
ياسمين : واش مكتيقش فيا ولا شنو راني عطيتك لكلمة
جود : (شد راسو لي كان ضارو) مكنتيقش فيك او فهضرتك غا هنينا ملي نكون مسالي غندوز نشري ليك لحوايج
ياسمين : (مزادتش معاه لهضرة مسحات يديها او مشات تكات عاطياه بضهر)
جود : (خرج رجليه من داك لبانيو او مشا تا شلل رجليه او رجع حداها معنقها من لور او بايسها فوق كتفها) غتنعسي دبا
ياسمين : (حسات بيديه تخشات تحت پيجامتها او ستقرات على كرشها) حيد يديك عليا او كحاز لهيه صهد ونا باغة نعس
جود : (زاد تخشا فيها معنقها) منقدش نبعد عليك شندير همم ؟
ياسمين : ديك لهضرة تاع لأفلام سير قولها لصحيبتك ماريا انا عطيني تيساع
جود : سمحي ليا غوت عليك قبيلة
ياسمين : غا قبيلة لي غوتي عليا غا طلع لجدك لقردة جي خرجهوم فيا انا ، ديك سمحي ليا مسح بيها متفرعليش كري بيها أنا
جود : صافي صافي عارف راسي غالط معاك غي سمحيلي منعاودش
ياسمين : ويلى عاودتي ؟
جود : ديري فيا لي بغيتي صافي
ياسمين : بقا فكلمتك
جود : كلمة تاع رجال
ياسمين : هاحنا غنشوفو
#عند مجد#
فهاد شهراين كاملة مكانش تال لهيه رجع لتركيا اخدم ولكن عقلو كامل معا باه كل نهار كيصوني لعلى وعسا اسمع خبار زوينة منو او ملي كيلقا شي يامات روپو ولو غا يوماين كيشد طيارة ايجي يشوفو او يمشي ، علاقتو بغزلان هي لحاجة لوحيدة لي كانت كتخليه اتفاءل او يتمسك بأمل أنو باه قانو يفيق ، نهار على نهار كيلقى راسو غارق فيها او فتفاصيلها خرج من لحمام او لبس عليه واحد الشورط او قبية او خرج من دار
غزلان : (كانت كتسناه قدام لباب) على ثلامتنا ملي جيتي
مجد : يالاه قبل متعطلي على لمسابقة ديالك (مشاو ركبي فطونوبيل بجوج او شدو طريق لفين عندها لمسابقة) باقي مرديتي عليا
غزلان : فاث ؟ {فاش}
مجد : هادي كتر من شهراين باش طلبت منك نكونو فعلاقة او باقي مجاوبتيني
غزلان : (بحرج) باقة كنفكر
مجد : هههه فكري غا هو آخر أجل ليوم الى ربحتي فلمسابقة انعتابرها موافقة مربحتيش الله اعاوني او يعاونك
غزلان : (ضربات طم معاجبهاش داكشي لي قال ليها حسات بضلم الى مربحاتش صافي كولشي غيمشي)
مجد : نزلي هانتي وصلتي
غزلان : مغدحلش ؟ {مغدخلش}
مجد : لا عندي واحد لمكالمة خاصني نديرها (هبطات او خلاتو ݣالس فطونوبيل كيفكر تا دازو جوج سوايع ، عاد خرج من الطونوبيل او بقا واقف كيضربو لبرد)
غزلان : مجد
مجد : (ضار عندها لاقيها عرقانة او حمرة مد ليها قرعة تاع لما) شدرتي
غزلان : (وراتو لميدالية ذهبية ديالها او هي مبتاسمة)
مجد : (قبل ميدوي طيليفونو بدا كيصوني دغيا هزو عندو موسع عينيه او حاس بقلبو باغي يخرج من بلاصتو ملي شاف اسم لمتصل*بابا* جاوب فلبلاصة بصوت كيرجف) بابا ؟
مجد : بابا نتا هادا ؟
لغالية : انا هادي امجد غي انا لي صونيت عليك بلغلط من طيليفوني سمح ليا نتا بيخير ؟
مجد : بيخير (بخيبة امل رجع شعرو اللور او دموع تجمعو فعينيه) باقي مفاق ياك ؟
لغالية : (بأسف) باقي
مجد : (قطع معا لغالية او هو حاس بدنيا ضايقة بيه) ركبي طونوبيل نرجعو بحالنا
غزلان : (كانت فرحانة حيت ربحات ولكن مجد معطاها تاشي أهمية متسوقش ليها ݣاع ، ركبات فطونوبيل او بقات ساكة كيما تا هو باقا ساكت)
مجد : (وصل هو وياها لفين ساكنين او نزلو من طونوبيل طالعين لشقق ديالهوم)
غزلان : (وصلات قدام دارها او حلات لباب باش تدخل) تثبح على حير {تصبح على خير}
مجد : (طول فيها شوفة قبل ميقرب منها ساد لباب بيديه)
غزلان : (قرب منها مجد تا حط جبهتو فوق جبهتها او انفاسو سخونة بدات تضرب فوجها مخلياها تغمض عويناتها )
مجد : (هبط عينيه لشفايفها دامجهوم معا شفايفو فبوسة سطحية متعداتش جوج تواتي او بعد عليه) تصبحي على خير
غزلان : (مستوعباتش تا شنو طرا تا لقاتو دخل لدارو ، حسات بقلبها كيزدح بجهد او جاياها بحال سخفة بدرع باش هزوها رجليها رجليها لداخل او مشات نيشن تنعس ممتيقاش بلي باسها)
مجد : (بفسيتو كانت زيرو بمعنى الكلمة منهار مرض باه كيحس براسو مابقا ليه حد واخة ضايرين بيه الناس ، اكسيل مكانش غا باه كان خوه صاحبو كولشي فحياتو كان اكسيل حاضر فيه ، غمض عينيه بعياء متنهد تا داه نعاس)
#عند محسن#
رجع لدار معطل حيت كان كيصايب واحد الطونوبيل ، دخل لبيت على صباح لقاها ݣالسة فلبالكو او كطل ، تخلع خافها لتنقز من لبالكو داكشي علاش جرا لعندها مخرجها من تما
محسن : علاش خرجتي لبالكو بوحدك مخفتيش ادربك لبرد
صباح : (مدواتش ولكن قربات عندو عنقاتو)
محسن : (فرح مبادلها لعناق حيت اول مرة دير مبادرة فهاد لمودة كاملة فاش مرضات ، بقات غا شوية هي تبعد عليه او مشات ݣلسات فلقنة معنقة توني تاع باها كتشم ريحتو ، كمل طريقو لحمام نصل حوايجو او تخشا تحت رشاشة كيعوم تا تحل عليه لباب او دخلات صباح وبدات كتحيد حوايجها ومشات تخشات تحت رشاشة بحالا مكاينش محسن معاها ) صباح حياتي باغة دوشي ؟
صباح : (مجاوباتوش)
محسن : نعاونك دوشي ؟
صباح : (غا ساكة بحالي مكتسمعوش)
محسن : (قرب عندها معنقها من لور توحشها شاد راسو عليها غا بزز حيت عارف بلي هي فحالة متسمحش ليها دير معاه علاقة غيبات بحالا كيستاغلها ، بعد عليها او دار ليها الصابون لصحتها او شلل ليها عاد غسل ليها شعرها مزان او خرجها لاوي عليها لفوطة ، مشا تا جبد ليها حوايجها عاد رجع عندها نشف ليها شعرها او صحتها او لبسها حوايجها عاد لبس حوايجو هو او مشاو انعسو بجوج)
#عند لغالية#
بعدما قطعات معا مجد دخلات لحمام دوشات او غسلات شعرها عاد خرجات لابسة واحد لكسوة كحلة مإيفازية او نص كوم ، قربات لبلاصة فين ناعس اكسيل ضايرين بيه دوك لأجهزة او ݣلسات فوق لكرسي حداه ، هازة واحد لفوطة مبزݣاها او بدات كتمسح ليه صحتو تا سالات او شافت فيه مطولة شوفتها
لغالية : (خانتها واحد الدمعة مسحاتها بزربة ودوات بصوت حنين) مكنبكيش غا كتحكني عيني عارفاك مكتحملش تشوفني كنبكي ولكن الى بقيتي ساد عينيك هاكدا ماشي بوحدي لي غنبكي ولادك براسهوم مغيصبروش ، جود بعدما طحتي كولشي طاح على ضهرو مسكين تا ولا دغيا كيتعصب على ياسمين او لدابا معرفتش شنو لي خلى ياسمين هادية حيت مموالفاش ليها ، ولكن واخة صداعهوم او مدابزتهوم ملي كيوصل ليل كيقلبوها ضحك هههه ، مجد مسكين ضعاف مكانش باغي يخليك ولكن جود أصر يمشي ايقابل خدمتو مسكين ديما كيصوني يطمأن عليك او عاطيها غا لبكا ، اما صباح (تنهدات) احياني على صباح ضعافت بزاف بدرع باش كتاكل غا ساكة وساهية محسن كيتحرق نهار على نهار بشوفتها هاكداك اما جود او مجد مقادين تا يشوفوها حيت كتبغي تحماق بلبكا مكتكالما غايلى نعسات حداك ولا شمات ريحتك داكشي علاش محسن خدا ليها نفس ريحة ديالك باش تبقا تشمها او تنعس ، (بلعات ريقها بصعوبة مخلية دموع اتجمعوا فعينيها او دوات بحزن) عقلتي على هاد لكسوة كان كيعجبك تشوفني لابساها متحلش عينيك تشوفني لابساها لبستها على قبلك ، أول مرة شريتيها ليا ملي مشيتي لسپانيا كان عيد ميلادي ديك ساعة هههههه قلتيلي لبسيها او حيت كنت كنحشم منك لبست تحتها تريكو بلكول او سروال ، معرفتش علاش ولا بالي كيرجع لدوك ليام لقدام (فقدات السيطرة على دموعها) يمكن حيت بلى بيك رجعت ديك لبنت تاع مشحال هادي ، ديك لبنت لي مكان عندها تا واحد من غيرك لغيبة ديالك رجعاتني لداك لوقت لي مكان عندي فيه حد
#عودة الى الماضي (قبل 4 سنوات)#
•••• : (بلغوات) لغالية
لغالية : (بصوت كيرجف) نعام
•••• : جا لوقت باش تخرجي من لحبس زيدي قدامي تاخدي حوايجك
لغالية تبعات لحارسة فسكات تا وصلات لفين كيعطيو لحوايج لحباسة ، خدات حوايجها لي كانت خلات قبل مدخل لحبس قلباتهوم تا لقات واحد لورقة معا شي فلوس زيرات عليهوم مزيان او سنات فشي وراق او خرجات لبرا
لغالية : (دارت يديها على عينيها بحر شمس لي ضربات فيها او عضات على شفايفها تالفة معارفة مادير بقات مودة ݣالس تما تا كتشوف فديك لورقة او تعاود تشوف مفكرة مولاها او شنو قال ليها قبل من عام هادي)
نرجعو لداك نهار لي كانت فيه شتا خيط من سما او ديك ديك لبنية لي غدرو بيها ناسها وحبابها قبل متغدر بيها دنيا عينيها حمارو بلبكا ، جارة باريزتها او خارجة من دار باها مدلولة ماشي كيف بقية لعريسات لي يخرجو بلغيطة والطبل ، هي خارجة بوحدها وغادية لموتها بيديها حادرة راسها مكتشوفش قدامها ، مخلية شتا كتبزݣ فيها او طيح عليها تا شوية حبسو نقاطي دلما هزات عويناتها كي لمشة باغة تشوف واش حبسات شتا تا كضرب فصدر واحد الراجل عريض ريحتو ريحة شتا ولخريف او نفسو نفس الصهدة وصيف ، زادت علات عويناتها بفضول تشوف هاد سيد لي غطاها بلمض ، تا كتلمح عينين بلون لغيوم فعز لخريف ، ملامح هادية ماتاخد منها لا رضى ولا سخط ، شيب خفيف توزع بين
اكسيل : (حل ليها لباب تاع طونوبيل او دوا بصوت غليض مقفزها) دخلي
لغالية : (رجعات اللور تا بدات عاود كتقيسها شدا او شافت فيه بشك خايفة ) ش.شكون نتا ؟
اكسيل : (مد لمضلة مغطيها) ركبي من بعد أو تعرفي شكون انا
لغالية : (مابغاتش تركب)
اكسيل : لغالية ركبي
لغالية : ش.شك.شكون نتا ؟ مناش كتعرف سميتي ؟
اكسيل : (بصوت هادئ قال) انا ولي أمرك من لآن فصاعدا ، او دبا ركبي
لغالية : (تخطف اللون من وجها او ركبات طونوبيل او هي تالف او غا طدوي معا راسها حابسة دموعها بزز) “دبا هادا هو راجلي ؟ يعني داكشي لي قال خويا عبد الله بصح كبير فلعمر الغالية شارف ، خرتك ادوزيها معا شافر ، ياربي راني ماباغاش هاد زواج ياربي تقلب بينا هاد طونوبيل نتشتتو كاملين نتهنا من هاد دل او لعيشة ولا نتزوج بواحد قد با ياربي “
اكسيل : (ركب لقدام او صاݣ الطونوبيل تا وصل لواحد الجيهة فيها لحوانت او لغاشي هو يحبس الطونوبيل او دوا بلاما يشوف فيها) عارف بلي تفرض عليك هاد زواج داكشي علاش عندي ليك جوج خيارات ونتي تعرفي ، باغة أبنت ناس تمشي معايا تا تقادي امورك او تكملي قرايتك او ضمني مستقبالك او ديك ساعة نطالقو ، مابغيتيش (حل ليها لباب او طوماتيك مو) ها لباب يمكن ليك تخرجي منو او تمشي بحالك مغنشدكش
لغالية : (شافت لباب محلول قدامها او بدون تفكير ولا حتى تردد هزات باليزتها او خرجات معا لباب تاع الطونوبيل جارة باريزتها او غادية مبعدة تا حبسها صوتو)
اكسيل : (هبط من طونوبيلة او تبعها) ستناي
لغالية : (ضارت عندو خايفة يكون تراجع فهضرتو) ش.شنو بغيتي
اكسيل : (وقف قدامها مغطيها بضلو ، مد يديه لجيبو جابد منو واحد لورقة معا شي فلوس او مدهوم ليها ) هادو شي فلوس قضي بيهوم اما هاد لورقة فيها لعنوان ديالي الى جا نهار لي تقطعات بيك طريق او ملقيتي عندمن تمشي أجي عندي انا غنعاونك
لغالية : (بتردد قالت) او طلاقي ؟
اكسيل : ملي تستقري قلبي عليا باش ندفعو لوراق تاع طلاق
لغالية : (شافتو عطاها بضهر باغي يمشي ) شنو سميتك ؟
اكسيل : (تنهد او بلاما ايضور عندها قال) اكسيل ، اكسيل آيت اوسو
هادا كان أول او آخر لقاء بيناتهوم بعدها معاوداتش شافتو او دبا ملي خرجات من لحبس او لقات راسها لا حنين لارحيم تا فلوس لكار باش تمشي عند خالتها منى لداخلة مكاملينش ليها داكشي علاش قررات تمشي عندو هو ، شدات ليها واحد الطاكسي لمحطة لي كانت عامرة بناس)
لݣريسون : (كيبرح حدا لكار) مكناس مكناس
لغالية : (ملي سمعات ديك مكناس مشات بزربة لجيهتو قطعات ليها واحد لورقة او مشات ݣلسات فلور تاع لكار متكية ليها على الزاج كتمنضر او على ملاميحها نظرات حزن وخوف من دكشي لي جاي)
لغالية يالاه حطها لكار فمدينة مكناس ، كانت كتبان كي داك لفلوس تاع درهم خايفة او تالافة معارفة فين تمشي ، شافت فالصرف لي عندها عاضة شنايفها فيها الجوع ولكن الصرف لي عندها يالاه اشد ليها طاكسي لعنوان فين بغات تمشي ، زيرات على صاكها او دازت بين زحام تاع ناس مرة ادفعوها تا طيح مرة اعفطو عليها تا خرجات من لمحطة كتقلب بعينيها على شي طاكسي
لغالية : (مشات قصدات مول طاكسي داوية معاه بصوت منخافض او كيرجف حانية راسها) واخة تديني لهاد لعنوان عافاك
مول طاكسي : (شاف لورقة) حي كورنيط ركبي راك فطريقي
لغالية : (ركبات طاكسي مزاحة معا الناس تا وصلات لداك لحي ، خلصات مول الطاكسي او نزلات كتشوف قدامها غا لڤيلات ، رجعات شافت فلعنوان او بدات كتمشا تا وقفات قدام واحد لڤيلا كبيرة)
لعساس : سلام أبنتي شحب لخاطر
لغالية : (تلفات ليها لهضرة) ها.هادي ضار ا.اكسيل ؟
لعساس : واه ابنتي شكون نتي ؟
لغالية : انا لغالية
لعساس : (تفكر بلي اكسيل وصاه عليها) دخلي لداخل
لغالية : (دخلات مترددة او متوترة كتعكل فجلايلها)
كريمة : (حلات لباب ضاربة فلغالية) شكون نتي
لغالية : أنا أنا لغالية
كريمة : شكون…
اكسيل : (وقف قدامها بملامح نوعا ما كتبان غاضبة او بصوت رجولي نطق بعدما قرب خطوة منها) دخلي
لغالية : (قفزات من سمعات صوتو او على شوية كانت غتبكي غا شدات راسها ، كتشوف غا رجليه حيت حادرة راسها ولا اراديا رجعات لور)
اكسيل : (طول فيها شوفة مصغر عينيه فيها ) كريمة طلعيها لبيتي ترتاح
كريمة : بيتك ؟
اكسيل : بيتك نتي سمعي لهضرة طلعيها ترتاح او قاديلها لحمام وعطيها من حوايج صباح شي حاجة مستورة تجي قدها ، او عطيها تاكل (كان بغا يخرج ولكن قبل دوا معا كريمة بصوت هاني او هادء) تفكرت متخليهاش تخرج من لبيت قولي لدراري بغيتهوم لعشا كاملين هاد الليلة
لغالية : (خرج اكسيل مخليها معا لخدامة)
كريمة : (بلطف) تبعيني منهنا
لغالية : (تبعاتها لبيت تاع اكسيل لاقياها كبيرة او طاغي عليها اللون رمادي)
كريمة : ها لحمام فين جا نتي غي دخلي دوشي علاما نمشي نجيب ليك شي حوايج تلبسيهوم او نغسل ليك تا حوايجك
لغالية : (حركات راسها بحرج) واخة
خرجات كريمة مخلياها داخلة لدوش ، نصلات حوايجها بشوي او مشات تخشات تحت رشاشة مخلية لما ينزل على جسدها ، كانت لغالية بنت جسدها جسد نبت مراهقة عندها مفاتينها على قد عمرها ، بشرتها حنطية مايلة سمورية ، منين دخلات لحبس مخداتش راحتها فتدواش لما يقارب عام او هي محبوسة توحشات لذة لإستحمام بلما الدافي ، مدات يديها لداك الصابون لي طلعات منو ريحة تاع اكسيل ، ريحة كانت فشكل كتفكرها فداك نهار لي خرجات فيه من دار باها او شتا خيط من سما ، دوزات لصحتها بيه او حكات راسها مزيان عاد دارت شامپوان لشعرها لي كان فايت طولو طغمتها
لغالية : (خرجات من دوش لابسة لپينوار تاع لحمام لي كان كبير عليها او ݣلسات فوق ناموسية)
كريمة : (دخلات عليها لبيت هازة واحد لكسوة معا شال) هاكي لبسي هادو راني حطيت ليك لماكلة فوق الطبلة لبسي وكولي ولا حتاجيتي شي حاجة عيطي عليا
لغالية : واخ
بعدما خرجات كريمة من لبيت خلات لغالية بدات لماكلة ديالها او مشات هي عند دراري لي كانو يالاه داخلين معا لباب
صباح : كريمة
كريمة : (بتاسمات ليهوم) على سلامتكوم
مجد : الله اسلمك لواليد كاين
كريمة : يالاه لقيتوه خرج او قالكوم تجمعو على الطبلة باغيكوم لشي موضوع موهيم على لعشا
مجد : (شد راسو) ناري شدرنا عاود جود فكرني فكرني فشي زبلة درناها باقي محصلناش فيها ها لعار
صباح : زبايلكوم مكيتحسبوش حيت بلا عدد
مجد : وراه هادي هي لخايبة معارفينش انا وحدة فيهوم علاش حصلنا
جود : علاما تفكر شمن زبلة درنا انا غنطلع لبيتي ندوش
طلع كل واحد فدراري لبيتو ارتاح ولي بغا يدوش دوش او بدل عليه حوايجو
اكسيل : (رجع لدار معا وقت لعشا ) كريمة
كريمة : نعام سيدي
اكسيل : دراري فدار ؟
كريمة : واه راهوم ضايرين بطبلة كيتسناوك تجي
اكسيل : او لغالية ؟
كريمة : خليتها كترتاح فلبيت
اكسيل : مزيان ( مشا كمل طريقو لفين كيتعشاو او ݣلس مترأس طبلة) السلام
صباح : سلام بابا يالاه رجعتي ؟
اكسيل : واه ، مشيتي دوزتي لفرض لي عندك ؟
صباح : واه مشيت
اكسيل : او كي دوزتيه ؟
صباح : مزيان
اكسيل : (هز عينيه كيشوف فولادو تلاتة بضبط فجود تا دوا) طلع دوش او عاود هبط يالاه
صباح : علاش ؟
جود : (كان باقي صغير فأواخر مراهقتو) يالاه دوشت الواليد
اكسيل : (بحدة) يالاه دوشتي او يالاه كميتي الريحة كتعطعط منك
جود : (معاودش معاه لهضرة) واخ
اكسيل : (شاف فمجد) ونتا لي حداه جبد سوارت تاع لموطور
مجد : علاش الواليد ؟ باغي لموطور فشي حاجة تا محتاج سوارت ؟
اكسيل : داك لموطور غنشخشخ دين مو انا سمعتيني او ندوز ليك نهرس لجدك دوك رجلين
مجد : لواليد راك عارف محتاج لموطور باش نبقا نمشي لجامعة راها بعيدة
اكسيل : هاد لهضرة كنتي ضرب ليها لحساب قبل مدير السيباق معا صحابك تقول طريق تاع باك ، من غدة غتبقا تمشي او تجي لجامعة على رجليك طاكسي هو لخر نسيق ليك لخبار ركبتيه ولا تا طوبيس شتي تا شي صاحبك اوصلك غنهرس ولدي من ضهرو
مجد : ولكن ابابا والله تا يطيبولي رجلي بلمشية
اكسيل : (خبط طبلة بيديه) اتفورو ماشي غا يطيبو مشغليش هاداك ملي كندوي معا طواسلكوم بلعقل مكتسنطوش ، آرا ليا سوارت دابة
مجد : (شاف فختو غامزها تدوي معاه)
صباح : بابا كون غا دوزتيها ليه غا هاد لمرة راك عارفو مرة مرة كيحوفو عليه
اكسيل : كون دخل فشي بنادم بسباب طيش ديالو كي كنا غنصلحو لأمور ديك الساعة بسلامة ؟
صباح : راه ربي حفض موقع والو دوزها ليه غا هاد لمرة
اكسيل : صباح
صباح : (ضربات طم)
جود : (مشا تا دوش او حيد منو ريحة لݣارو عاد عاود هبط عندهوم)
اكسيل : (دوا بصرامة) آخر مرة نشم ريحة داك زمر فداري سمعتيني باغي تكمي كمي برا شغلك هاداك ولكن باش تكميلي فدار بحالا عندي بار لا سمعتيني
صباح : (كتحاول تهدنو) بابا مغاديش اعاود نتا غا تهدن احقا قلتي لكريمة كاين شي موضوع باغي تهضرنا فيه
اكسيل : واش سمعتيني
جود : واخة الواليد
اكسيل : (حنحن) بما اناكوم مجموعين كاملين بغيت نقدم ليكوم واحد الشخص
كريمة : (دار ليها اكسيل إشارة او مشات طلعات عند لغالية لبيت لاقياها نعسات فوق الناموسية مكمشة قربات عندها او حركاتها غي بشوي) لغالية فيقي
لغالية : (فاقت مفزوعة) نعام
كريمة : غا بشوية عليك نوضي راه سي إكسيل سيفطني نعيط عليك تهبطي لتحت
لغالية : ع.علاش ؟
كريمة : معرفتش هبطي وغتعرفي
لغالية : واخ
كريمة : (مدات ليها صرفاقة تلبسها عاد هبطات معاها لتحت وصلاتها لفين كاينين او مشات لشغلها)
صباح : (دوات بتساؤل ملي شافت لغالية وقفات لابسة كسوتها طويلة او عاملة شال كتبان باقة صغيرة وغا حادرة راسها) ش.شكون هادي ابابا ؟
اكسيل : (شاف فلغالية او رجع شاف فولادو) هادي لغالية (سكت شوي قبل ميضيف) مرتي
مجد : (طلقها بواحد الضحكة) هههههههه كنت على شويا غنتيقك ميسحابليش كتعرف النوكات الواليد طلعتي خاطار
صباح : (بشك) بابا نتا غا كضحك ياك فلأخير مغتكونش تزوجتي بلى خبارنا
اكسيل : بنتلك كنضحك ؟
صباح : وراه خاصك تكون غا كضحك حيت ماشي معقول تكلس هاد سنين كاملة او تزوج غا هاكداك او بيمن بوحدا كتبان قد حفيدتك ابابا كضحك معانا ياك
اكسيل : زواج مافيهش الضحك او زيدون راني علمتكوم من قبل بلي غنتزوج
صباح : (بغات تسطا او عينيها تغرغرو) يسحابنا كضحك مناش جاتك لفكرة تاع زواج ابابا مناش ، جود مجد شي واحد فيكوم وي عاجبكوم هادشي لي كيدير فيه بابا
مجد : صباح غا تهدني غنفهمو كولشي
جود : شغاتفهم بابا بغا يتزوج تزوج نتي شضارك
صباح : كفاش بغا يتزوج تزوج واش كنلعبو هنا
جود : صباح هنينا او ݣلسي تعشاي من حقو يتزوج تزوج صافي لا انا لا نتي لا مجد غندخلو فهادشي ياك غا على لعليم راه علمنا شبغيتي كتر
مجد : (بحنان) صباح ݣلسي تعشاي لول او ندويو من بعد
صباح : (نفطات لكرسي وهي نايضة بعنف) ماكاين لا عشا لستا حمص هاد ساعة
اكسيل : صباح رجعي لطبلة تعشاي
صباح : ياك بغيتي تزوج تزوجتي ايوا صافي تا انا مابغيتش نتعشا بزز
جود : (خنزر فيها) عرفي معامن كدوي
صباح : (نزلو دموع من عينيها) هاني طالعة لبيتي ونتوما كملو عشاكوم معا مراة باكوم
جود : بصحتكوم لعشا (ناض من بلاصتو بزربة او مشا طلع عند صباح لبيت)
مجد : (شاف لقضية حماضت) انا غنطلع عندها نشوف مالها بصحة عشاكوم
طلع بزربة تا هو تابع جود لبيت صباح لي غا حلوه لقاوها شخشخات كولشي او ݣلسات فوق لفوطوي كتبكي
جود : شهاد لحالة دبا دايرة فراسك نتي
صباح : (غا كتبكي) واش مسمعتيهش شقال تزوج اجود تزوج ولات عندو مرتو
جود : سمعتو قال تزوجت ماشي سرقت لاش نتي طبخي راسك واش ممنحقوش
صباح : (نفاجرات عليه او هي كتبتي) ممنحقوش سمعتيني ممنحقوش اتزوج ، علاش اتزوج بعد هاد لعوام كامل او ماما ؟
مجد : صباح غا تهدني بابا و ماما طالقو شحال هادي
جود : ربي ما فيقي من داك لخيال ديالك شدخل مك فبا تا يبقا بوحدو على قبلها ، علامن كطنزي نتي غا قولي ليا مك كون بغاتو ݣاع متفرط فيه نهار لول بغيتيه دبا امشي كي لمدلول احزر فيها ترجع معاه ولا شنو ؟
صباح : انا عارفاك مزيان باغي تموت بلفرحة لداخل ديالك حيت تزوج بوحدة خرى
جود : واه فرحان مكرهتش نشطح انا ݣاع حيت مابقا دبا تا شعرة تاع لأمل يرجع معا ديك سناء
مجد : جود راك داوي على لوليدة اصحبي ماشي صحبتك تا تعيط ليها بسميتها
صباح : غا خليه يسحابلو غيطفرو بهاد لعناد ديالو فرحان حيت مو تزوج وحدة خرى من غير مو
جود : الالة فرحان باغي نطير بلفرحة اخيرا لواليد دار شي حاجة لراسو ، واش مكتحسيش براسك أنانية أصباح واش يسحابليك ساهل على راجل ايعيش هاد لعوام كاملة بلى شي مرا حداه ؟ او معا ذلك بابا معاودش زواج غا على قبلنا بلأخص نتي كان خايف يبقى فيك لحال واش ماشي جا لوقت لي يشوفليه تا هو شي وحدة تعمر عليه
صباح : (بقى فيها لحال بزاف) حنا معاه علاش ايشوف لي تعمر عليه حنا مكافيينوش
مجد : أصباح أختي راه كاينين شي حوايج خاصة بزاف كيحتاجهوم لواحد ميقدر ايقول عليهوم لنا واحد منغا شريك حياتو ، شي حوايج مرتو بوحدها لي تقد ديرهوم ليه ، لمرض هو لخر الى مرض مرتو تعاونو ابدل فحين حنا منقدروش واخة حنا غا رجال بناتنا
صباح : (قلبات وجها) خرجو باغة نبقا بوحدي
جود : (خرج من لبيت مخلي مجد تابعو)
مجد : كون غا مكتغوتش عليها أصاحبي راه مساهلش عليها تا هي
جود : خصها دخل لراسها مها او لواليد صافي سالاو
مجد : أجي مجاكش هاد زواج فشكل
جود : من آشمن ناحية ؟
مجد : معرفتش ولكن جاني هادشي فشكل دار لعقد بلى خبارنا او ماشي هنا لموشكيل لموشكيل فديك بيمن تزوج مكنعرفوعاش او كتبان صغيرة زعما يكون الواليد من داك النوع ؟
جود : (صغر فيه عينيه) شمن نوع كتقصد
مجد : من دوك لي كيعجبوهوم دراري صغار ناري أصاحبي ديك لبنت مسكينة شبان ليك نعتقوها من لواليد
جود : سير قود عليا نتا ولأفكار ديالك قالك نعتقوها منو عتقتي تا كغك منو
مجد : تفو على مرض معزيش عليك لي يدير لخير
جود : دير لخير غا فراسك
#عند اكسيل#
اكسيل : (هز عينيه فلغالية) ݣلسي تعشاي
لغالية : م.مفياش
اكسيل : ݣلسي تاكلي
لغالية : (ݣلسات بزربة كتاكل خايفة منو حيت بانلها معصب)
اكسيل : (مكان فيه لي ياكل ولكن تسنى تا سالات لغالية ماكلتها عاد ناض من طبلة )
لغالية : (ملي بقات بوحدها حبسات لماكلة او ناضت بزربة جمعات طبلة او وصلات لماعن لكوزينة)
كريمة : (جات عندها كتجري هازة ليها لماعن) بلاما تعدبي راسك انا غنغيلهوم
لغالية : و.ولكن بزاف عليك
كريمة : مبزاف عليا والو هادي هي خدمتي نتي غا طلعي رتاحي فلبيت
لغالية : (طلعات لبيت أو هي كتدعي متلقاهش فلبيت ، او لحمد الله مكانش ، تنهدات براحة او مشات تكات فوق لفوطوي كتبكي حاسة بديق دار معارفة فيها تاشي واحد أو باين بلي مابغاها تاشي واحد أو مغيتقبلها تاشي واحد ، ندمات لداخل ديالها حيت جات عندو ولكن مكان قدامها تيشي حل ، كرهات حياتها او راسها او عئيلتها لي لاحتها لهنا ، عقلها باقي مقاد يستوعب انهم زوجوها بواحد كبير عليها بزاف او عندو تا دراري ، تجهد بكاها) غدوزي حياتك كاملة معا شارف ألغالية ابقا يقيس فيك او ينعس حداك (كلما تخيلات داك لمشهد كتحس بقلبها باغي يسكت)
اكسيل : (طلع لبيت صباح كيدق عليها والو مكتجاوبوش تا عيا هو يحل لباب او دخل لاقيها متكية فناموسيتها على الجنب ، قرب عندها ݣلس حداها عارفها باقة فايقة مد يديه لشعرها او دوا بحنية) لحبيبة ديالي
صباح : (غا ݣلس حداها تقلبات عاطياه بضهر)
اكسيل : ماباغاش دوي معايا ؟ مقلقة مني ؟
صباح : (غا كتبكي وساكة)
اكسيل : (مد يديه مدورها لعندو) خلينا ندويو
صباح : (صوتها منغنغ بلبكا ) ماباغاش ندوي معاك ، سير ها مرتك دوي معاها
اكسيل : دبا مالك كتبكي او كطيبي فعينيك شوفي فيا غا ندويو
صباح : (ݣلسات مقابلة معاه بعينيها لحمرين) شغانديو ابابا نتا راك مشتي خطبتي تزوجتي عطيني صداق ساليتي او جايبها لينا فتقول هامرتي زعما ضربو راسكوم معا لحيط ولا شوفو شنو ديرو
اكسيل : متقوليش بحال هكذا هاد زواج كان شوي معكس او فيه شي مشاكيل مكانت لا خطبة لاهم يحزنون داز مزروب
صباح : واه داز مزروب لدرجة تا طيليفون مقديتيش تعلمنا فيه
اكسيل : غا باركة من لبكا راني عارف شكون لي مطيب خاطر ماشي حيت تزوجت بلغالية حيت مرجعتش معا مك داكشي علاش درتي هاد لحالة كاملة
صباح : عليهوم بجوج تزوجتي وحدة مكنعرفوهاش او باينة فيها باقة صغيرة ماشي ديالك ابابا ، (زادت نهارت بلبكا) بقيت هاد لعوام كاملة كنقول دبا يهديكوم الله نتا وماما ترجعو معا بعضياتكوم او نعيشي تا حنا بحال لعئيلات لوخرين ولكن والو كل واحد فيكوم كيشرق او يغرب
اكسيل : صباح انا ومك سالينا طلقنا صافي ، عشنا معا بعضياتنا ولكن لقينا راسنا ممفاهمينش او كل واحد شد طريقو
صباح : ملي مامفاهمينش لاش كتولدو دراري او كدخلوهوم فهاد لمشاكل او تخليوهوم عايشين بحال هاكدا ، حياتي كاملة باغة عئيلة كاملة عايشين كي ليتامة مرة هنا مرة لهيه لا عيد نعيدوه بحال الناس لاعوطلة ، وهانتا دبا تزوجتي او غدير ولادك او عئيلتك بوحدك ماما تا هي قانها تزوج هادا لما تكون تزوجات تا هي بلا خبارنا
اكسيل : (مد يديه كيمسح ليها عينيها) متقوليش هاكدا الحبيبة ديالي شحال عندي من صباح واخة نولد تا ميات بنت نتي بوحدك
صباح : راك غا كتقول هاكداك بزاف قبل منك تزوجو او نساو ولادهوم او هانتا غتشوف طال زمان ولا قصار اتبقا توقف فوجهي على قبلها
اكسيل : (عاف بلي ماشي ساهل عليها تقبل بلي تزوج خصوصا انو حطها امام لأمر لواقع تصدمات ، زيد عليها هو عارف انو لحاجة كانت فهاد لمودة كاملة كطمعها بلي قانو يرجع معا سناء ، يعني دبا حاسة بلي لأمل ديالها تاع هاد سنين كاملة تهدم بسباب زواجو من لغالية ، مابغاتش تشوف فيه ولا حتى تدوي معاه او بدرع باش بزز عليها تشرب دواها او تنعس عاد خرج من بيتها او رجع لبيتو)
اكسيل : (دخل لبيت ديالو وقصد لحمام نيشن دوش ليه واحد الدوش خفيف او خرج كيتسارا فلبيت غا بلبوكسور ناسي راسو تا سمع صوت تاع شي نفس بقا كيقلب بعينيه تا قشعها ناعسة فوق لفوطوي ، عاد تفكر بلي لغالية كاينة فلبيت داكشي علاش عطاها بحرية تال لبيت تاع تبدال لبس عليه سروال او توني) شكاتخربق أ إكسيل راك مابقيتيش ساكن بوحدك فلبيت (خرج عندها لاقيها باقي ناعسة) شغاندير معا هاد لمعزة دبا نوضها تنعس فوق ناموسية ولا نخليها ، معندي منهز فيها غا غتفيق اتخلع مني اجا ميسحتها اللهم تبقا ناعسة
مشا تلاح فوق الناموسية ينعس ليه شي شوي حيت تابعو يمشي لبلاد معا صباح واخة كيخمم كي بغا يدير ليها تا داتو عينو
لغالية : (ضرباتها لفيقة معا لخمسة تاع صباح ملي ضرها لعطش شافت جنابها والو مكاين تا قرعة دلما ، وقفات او شافت واش كاين معاها شي حد فلبيت تا ضربات فإحسيل ناعس فوق الناموسية ، تلفات او معرفات مادير هزات صرفاقة فرجليها او خرجات كتسلت معا لباب تا دخلات لكوزينة ، قصدات تلاجة نيشن مخرجة منها واحد لقرعة دلما )
مجد : (كان ناعس تا هو تا ضربات لفيقة كرشو كتغوت بجوع ناض من فراشو او مشا قاصد لكوزينة نيشن)
لغالية : (معا رضات لقرعة لتلاجة او بغات تسدها ضربات فمجد غادي بسدان لعينين بلخلعة قفزات كتغوت) بسم الله الرحمان الرحيم أعوذ بالله من الشيطان الرجيم
مجد : (غا سمع ديك بسم الله الرحمان الرحيم غوت بلخلعة او مشا شد فيها ) بانلك شي جن ؟ بسم الله الرحمان الرحيم قلعوذ برب الفلق قلعوذ برب الفلق قل اعوذ برب الفلق ناري مي انشات ليا قوليها نتي قوليها يمشي
لغالية : (كانت مخلوعة فلول ولكن ملي عرفات بلي واحد من ولاد اكسيل هاداك سكتات او بقات حاضياه شكيصنع لقاتو خواف كتر منها بتلفة مقدش اعرض لقرآن تلف ليه ، محسات براسها تا نفاجرات بضحك) ههههههههه ناري على خواف
مجد : (ملي سمع ضحك ديالها حل عينيه لي كان مغمض او دوا مراضيش) مخايف ما والو كنا بغينا غا نضحكوك شوي وصاف
لغالية : (دارت راسها تيقاتو)
مجد : (حل تلاجة يشوف شنو فيها) على زهر مكاين ميتكال ، كتعرفي طيبي ؟
لغالية : ش.شنو باغي
مجد : لي كان لموهيم شي حاجة كتكال
لغالية : (مشات حلات تلاجة جابدة منها شي صدر تاع دجاج او شي فلفة وشحراتهوم ليه معا لملحة ولكامون او الصلة تا طابو او عطاتهوم ليه)
مجد : لعز (طاح فلمقلة طيحة وحدة ومعا آخر ضغمة جاه لفضول اسولها) شحال فعمرك ؟
لغالية : 16
مجد : كح كح كح (وحلات ليه الضغمة تا كان غيتقج فيها كون ما لغالية لي مداتليه كاس لما يشبو) واش قلتي 16 ولا غا جابلي الله
لغالية : واه 16
مجد : (جاتو لبكية او شد راسو) وامي وامي والدني پيدوفولي (هز راسو فيها او مشا قرب عندها داوي بهمس) شوفي الى كان مبزز عليك ولا خاطفك ولا مابغاش هاد زواج غا قوليها ليا نعيط ليه على لبوليس او لجمعيات ايجيو اهزوه بكافر بالله باغي يرزيك فصغرك نصوني على لبوليس
لغالية : (مصدومة فيه) باك علامن داوي
مجد : ايكون تا جدي لقانون فوق كولشي نسيفطوه يتربى ويلى مقديتيش تدعيه معا عندو لمعارف دغيا يخرج نعاونك تهربي تمشي
لغالية : لا
مجد : هادا مهددك ياك ؟
لغالية : لا
مجد : (صغر فيها عينيه) أجي نتي ياكما داك زغبي تاع لواليد لعب عليك ولا حملك داكشي علاش زوجوك ليه نتي غا قولي ليا نخرج فيه ميخلعنيش نعيط لحاج او عمامي او خوالي اعطيوه قتلة تاع لكلاب نتي غي متخافيش نعيطو تال حقوق لمرقة لمرأة حقوق رجال لا هادي مغتحتاحيهاش ، حقوق الطفل فينما كاين شي حق نحضروه
لغالية : (ولات حمرة بسباب هضرتو او تكمشات راجعة شي خطيوات قلال لور)
جود : (دخل عليهوم لكوزينة) شكادير نتا لبنت خالعها ياك لاباس
مجد : آجي تسمع آجي شحال تكون عند هاد لبنت فناضارك ؟
جود : غتكون ديك كداو تلاتين غا حيت قصيرة كتبان صغيرة
مجد : نوض اولدي على سلامتك ياك قتلك باك پيدوفولي او متيقتينيش لبنت عندها 16 رعام
جود : (تصدم) شنو ؟ 16 ؟ واش هبل ؟
مجد : هانتا تشوف خاصنا نلقاو ليه حل
جود : (هز واحد لمقلة او دوا بجدية) هز معاك لمغرف او لخل او تبعني
مجد : (هز دكشي لي قال ليه) هاني موراك
مشاو طلعو فدروج نافخين صدر كي بيبي مخليين لغالية غا كتشوف فيهوم مضهشرة وكتقول شهاد لعئيلة فاش طحت انا ، وصلو دراري لبيت اكسيل او بغاو افرعو لباب
جود : (كان باغي يدخل فلباب)
مجد : (حبسو) شكادير نتا ؟
جود : باغي نهرس لباب
مجد : (خصر سيفتو) شوف لفم لي كيقول نهرس لباب طر حيد حيد باركة من زحام (مد يديه أو حل لپانيي تاع لباب تا تحل) شتي بكل سهولة قالك نهرس لباب
جود : كنا بغينا نديرو غا شوي تاع لأكشن زعما
(لپارت لاخر غيتحط جوايه طناعش)
جود : (دخل هو مجد على اكسيل كيفوتو او هازيد دوك لمغارف او امثالي بحال لبوليس زعما) وقف او هز يديك
اكسيل : (فاق مفزوع على غواتهوم او معجب) شواقع اولاد طحاب على صباح شواقع ؟
مجد : باقي كتسول شواقع نوض تهز الپيدوفيلي لاخر نوض عمرتو عنا لبلاد
اكسيل : (ناض عندهوم) شحاف على جدكوم هاد صباح تا هازين عليا لمقالي او لمغارف
جود : حبس متقربش مزوج ليا بنت عندها 16 رعام بحال والو تنوض عندنا تبغي تكوينا مافيك تيقة
اكسيل : (تعصب او زاد قرب عندهوم باغي يخلطهوم)
مجد : (تخلع ملي شاف اكسيل قاصدو وبلاما يحس رش ليه لخل على عينيه)
اكسيل : (شد عينيه) أح عيني المرض
جود : (ستاغل لفرصة او لاح على اكسيل ليزار او طلع فوق ضهرو حاكمو مخلي مجد كيحزم ليه رجليه او يديه)
اكسيل : ينعل طواسل مكوم الكلاب ، واش تسطيتو فكوني قبل منوض عند جدكوم
صباح : (جات كتجري متصادفة معا لغالية لي كانت تا هي جاية عندهوم ملي سمعو صداع تا كتلقاهوم كتفو باها معا لكرسي) شكاديرو واش تسطيتو
جود : جابك الله تشوفي باك شدار
صباح : شدار
مجد : باك الالة مزوج بنت عندها يالاه 16 رعام مسكينة
صباح : شنو ؟ بابا واش بصح
اكسيل : والله او تفكوني تا ديالتكوم متعاودش سمعتوني والله لا بقات فيكوم الى معلقت جدكوم فالشجرة راه والدة فيا يزة لكلاب
جود : باقي زايد فيه واش انا غادي كنقرا فلجامعة تاع لحقوق باش نولي قاضي نحارب لمجرمين اطلعي با بيدوفيلي
صباح : (شافت فلغالية) عندك 16
لغالية : (ولات حمرة شادة دموع غا بزز او خايفة)
صباح : لا لا انا غنسخف (يالاه بغات زعما تسخف وقفها مجد)
مجد : الى سخفتي هنا غضربك طبلة لراسك او زيد لأرض قاسحة سيري لحدا الناموسية او سخفي ديك الساعة
صباح : عندك لحق نسيت (جمعات راسها او مشات حدا الناموسية او سخفات)
اكسيل : (كيشوف فولادو او هوا كيتساءل واش تبي هو لي ولادهوم فعلا) آوا ملي كانو ناس اشريو لواقي الذكري فين كنت انا
جود : يا طلقها يا نعيطو لبوليس زعما بعقلك مزوج بنت قد حفيدتك
مجد : آنا لي عندي 18 او عمرني زعمت نكون معا شي بنت مدايراش لاكارط هاجي يا لحاج تشوف شولدتي وشربيتي غا لخلى
اكسيل : ضرب لفخاض باش تبان كي لوليا تجمع عليا نتا وديك لحلقة لي فودنيك
جود : (كان باغي يدوي تا سمع لبكا تاع شي حد ضارو كاملين لقاوها لغالية لي كتبكي تا طابو عينيها )
مجد : (قرب عندها ) مالك ضاراك شي حاجة ؟
لغالية : (كتشهق) لاش هاء لاش حازمينو
مجد : (بغا يموت بلفقصة) هاحنا هاحنا على لالة لغالية حنا مهاجرين لحياتنا او شادينو نتفاهمو معاه على حسابك نوضي نتي يبقى فيك او تبقاي تبكاي عنا
لغالية : طلقوه
جود : ماتخافيش انربيوه
لغالية : (زادت فلبكا او هي كتحرك راسها بلا) لا طلقوه مسكين
مجد : واخة نبغيو منقدوش نطلقوه
لغالية : (براءة) علاش ؟
مجد : واش باغاه ياكلنا فسما نطلقوه دبا يكوينا
لغالية : (شافت فإكسيل) متكويهومش عافاك
جود : غا سيري طلقي راجلك اللهم لعصى ديالو ولا شي فضيحة خرى
لغالية : (مشات كي ديك لقنية فكات ليه لكوردة)
اكسيل : (ملي فكات ليه لحبل دوا بهدوء) جود مجد جريو
صباح : (جمعات لوقفة) اكسيل تهدن تهدن
اكسيل : على هاد اكسيل جري معاهوم
صباح : (معطلاتوش طلقاتها لريح تا وصلات بيتها او سدات عليها)
جود&مجد : (غا شافو باهوم ناض مشاو كيجريو) وا غا ضاحكين والله تا غا ضاحكين
اكسيل : (ماشي من لمعݣازين مشا كيجري موراهوم) وغا جريو حيت الى شديتكوم ندبحكوم بموس حافي
جود : (وصل هو وخوه لواحد الشجرة عالية فالجردة ديالهوم او طلعوها بزربة)
اكسيل : (وقف تحت الشجرة) وليتو عليا قرود دبا هبطو
مجد : والله ما نهبط اللهم قرد ولا بوقل*وة وحدة
اكسيل : الى منزلتيش تا ديك وحدة مغتبقاش
جود : و الله منزلو تا تمشي
اكسيل : صافي على خاطركوم (تكا تحت ديك الشجرة وبقا ساكت مودة عاد دوا) باش تعرفوني حنين غنتفوبر معاكوم منها نقصو لعصا منها نتوانسو ، بدا انا ناوي نجلد كل واحد فيكوم لقليل 25 جلدة ، لذلك غنسولكوم سؤال وعلى كل جواب صحيح غتنقص ليكوم جلدة ويلى كان غلط اتزادحوم جلدة ، نبداو على بركة الله بجود نتا كتقرا لقانون ياك اذن غنسولك فضومين ديالك ، لينفريض كنتي فلمحكمة او لمتهم قتل 5 دناس منهوم جوج بنات او تلاتة تاع دراري ، لقاضي راجل كبير فلعمر او داير نضاضر على ليمن ديالو جوج بنات السؤال كتالي واش لقاضي لابس سليپ ولا لا ويلا كان لابسو باشمن لون
جود : ساهلة ملي حداه جوج بنات مغيكونش لابسو
مجد : كنتي معاه ؟
جود : كون كنت فبلاصتو تا انا منلبسوش
اكسيل : عميق معا حرك مبروك عليك واحد لجلدة ندوزو لولدي صغير لحبيب ديالي دبا نتا داير داكشي تاع لانفورماتيك اذن الى عندك پيسي …..
مجد : حبس حبس قالك عندي پيسي عندي نبݣ هاني نازلة عند راضي بديك 25 جلدة حيت الى جاوبت على شي سؤال غا هاك قلا”ويا اما نحيدهوم او نعطيهوم ليك
#عند ياسمين#
كانت بنت صغيرة عمرها مفايتش 12 رعام خايفة او متوترة ولكن هادية هادي أول مرة ليها فلمحكمة ، ضورات راسها بلعرض لبطيء كتشوف قدامها مها كتنهار بلبكا معا كلام لقاضي
لقاضي : ياسمين التاجي نتي متهمة بجنحة حيازة المخدرات او التجارة بيها العقوبة المنصوص عليها في المادة 689 من القانون الجنائي لذلك لمحكمة كتحكم على لمتهمة بسنتين في لاصلاحية
ياسمين : (معا لأسف كانت هادي أول مرة دخل لشي محكمة ولكن ماشي كمتفرجة انما كمتهمة)
مريم : (نهارت بلبكا) بنتي ماديرهاش ياسمين ماديرهاش
كتعرفو داك لإحساس لي كتحسو ملي كتلقاو راسكوم بين ليلة ونهار غارقين فمشاكل معندكوم فيهوم تا يد ، احساس انك مقاد تا تستوعب شنو ضاير بيك ، باغي تغوت او تكبكي ولكن جهد معندكش هاكدا حسات ديك طفلة لي كانو جارينها لبوليس لقبر دنيا ، طفلة صغيرة كانت براءتها هي راس مالها طفلة صغيرة باغة تقول انا مدرت والو انا مضلومة ولكن حيت عارفة بلي تا واحد مغيتيقها فضلات تبقا ساكة ، ركبوها لبوليس فصطافيط تحت لغوات او شي مرات تا طرش مخليينها تقطع لحس تا فبكاها ، تحرمات من حق حريتها او تا من حق تبكي فخاطرها ، ياسمين وصلات قدام لحبس سارطة ريقها وهي كدور عويناتها لقهويين فلأرجاء قبل مدخل لداخل لاقية ليها عالم آخر ، عالم ميصلاحش لبريئة بحالها
لبوليسية : (حاقدة على كولشي جرات ياسمين بجهد) يالاه تحركي غنباتو هنا حيدي لقزادر لي عندك يالاه
ياسمين : (حيدات حلقاتها او خاتمها عاد تبعات ديك لبوليسية لي كانت اتوصلها لزنزانة ديالها ، ولي كانت عبارة على بيت متكون من ستة تاع لبياصات او ريحة فشكل كتعطعط منها زيد عليها دوك لي كانو لداخل ديالها)
لبوليسية : (دفعاتها لداخل او سدات عليها )
امينة : (كانت كتجلقم ليها معا واحد خيتي او غا بانت ليها ياسمين سفرات قبل متنوض عندها) وووووو واو واو شهاد زين زارنا (دوزات لسانها على شنايفها بقذارة) وانا على شعر لكحل طويل ونا على لعينين قهويين ونا على حناك لمشة يالمشيشة من دابا نقولكوم هاد لقطيطة ديالي
ياسمين : (حسات بردان من طريقة باش كتدوي معاها أمينة او زين شكلها كيعيف ريحة لݣارو ولكيف منها كتعطعط او سنانها صفارو بيه ، خسرات سيفتها او نخلات أمينة غادية ليها لواحد لبياص مطرف ݣلسات فيه)
أمينة : هههههههههه أح أح على تعف
#عند اكسيل#
بعدما سلخ ولادو بجوج طلع بدل عليه لحوايج او خرج يركب طونوبيلتو بعدما وصا ولادو على لغالية
اكسيل : (بعد تلاتة تاع سوايع تقريبا لقاه لحال فخنيفرة ، كمل طريقو تا وصل لأجدير فين كاينة لفيرمة تاع عئيلتو ، حبس طونوبيل او زاد داخل لدار) السلام عليكم
لحاجة : (كانو كاملهوم مجموعين على واحد لبريريد تاع أتاي تا شافو اكسيل داخل عليهوم ) ممي ؟ ثديث ؟ ماكاس ثييد ؟
{ولدي ؟ جيتي ؟ كي درتي ليها ؟ }
اكسيل : أوري ثريد ؟ أذعايذخ ؟ {مابغيتينيش ؟ نرجع ؟ }
لحاجة : (ناضت عنقاتو) لاواه لاواه اممي أذور تيني اوالين مرحبا واس اخاثار ايا ليݣاخ ثديث
{لاواه لاواه اولدي ماتقولش هاد لهضرة نهار لكبير هادا لي جيتينا فيه }
لحاج : دج أربا أذيقيم أيزة ياق ثنغات {خلي دري يݣلس ياق قتاتلاتو}
لحاجة : سامحي اممي قيم قيم أثين ينغايي ومارݣ نش {سمحلي اولدي ݣلس ݣلس راني توحشتك}
اكسيل : (شد لأرض)
عزيز : دراري مجاوش معاك
اكسيل : لا قيمن ݣثادارت {لا ݣلسو فدار}
يحيى : ليݣ أور ثيويد ايفراخ ماخ ثديث ؟ {ملي مجبتيش دراري لاش جاي}
اكسيل : (بطنز) انغايي ومارݣ نش اومانو ذاي ديخ أكعلوخ {قتلني لوحش ديالك او جيت نشوفك}
عزيز : تا جينا من لخر لاش جاي
لحاجة : جا يشوفني ولدي توحشني ضراتك شي حاجة
يحيى : زعما زعما
صفية : مالكوم معاه نتوما اهاد جوج بحالي عمرو جا
اكسيل : (حنحن) احن جيت باغي غا نشوفكوم او نقولكوم شي حاجة
عزيز : هالي قلنا
لحاجة : اهي تا خلي خوك يدوي ، قول اولدي الله اسمعنا خبار لخير
اكسيل : (هز عينيه فلحاج لي حرك ليه راسو مطمأنو او دوا) سيمانة الجاية عندي واحد الصدقة فدار او بغيتكوم تحضرو
صفية : نحضرو علاش لا غا هو ماموالفاش ليك دير الصدقة فهاد لوقت او زيد غا شهر لي فات درتي وحدة
اكسيل : الصدقة تاع شهر ليفات ولفت كنديرها كلى عام ولكن تاع هاد لمرا غير ، هاد الصدقة دايرها على حساب زواجي
يحيى : زواجك هههههههه تا اخويا قتلاتك لقنطة تا باغي دير الصدقة تاع زواجك ونتا تا لمرا معندكش
اكسيل : انا تزوجت
لحاجة&صفية : شنو ؟
لحاجة : عاود اش قلتي تزوجي ؟ كي درتي ليها ؟
اكسيل : جا داكشي مزروب غا عقدها جات نقولها ليكوم
لحاجة : انا غا هاد صباح دويت معا سناء مقاتلي والو احياني عليكوم تزوجتو بلى خبارنا
صفية : شحال فرحت اخويا ملي رجعتو معا بعضياتكوم
اكسيل : (خسر وجهو) واش انا فينما ندوي تلسقوني معا سناء انا وهي سالينا شحال هادي او عمرنا نرجعو سدينا
لحاجة : (بدات كتعصب) كفاش عمركوم ترجعو ونتوما جامعكوم 3 تاع دراري ، بلاتي بلاتي الا ماشي سناء لي تزوجتي شكون تزوجتي سلامة
اكسيل : واحد لبنت مكتعرفوهاش
لحاجة : (ضربات فخاضها) هاولي على لكافر بالله تزوج بوحدة مكنعرفوهاش او بلى خبارنا هاميمتي على شوهتي ولدي تزوج مور ضهري
لحاج : يزة باركة من تولويل دري تزوج شنو فيها
لحاجة : هي لي متكونش ليه دابة ليوم اطلقها ولا راني ساخطة عليه دنيا واخيرة
اكسيل : لحاجة عرفي شكاتقولي اتسخطي عليا حيت تزوجت ، وراه حيت عارفك اديري هاد لحالة مقلتهاش ليك
لحاجة : (بدات كتبكي او ضرب فراسها) هاويلي ميمتي على غدايدي هاويلي تزوج بلا خبار مو ، ها تربيتك أيزة حملي او ولدي او ربي فلخر يتزوج بلى خبارك
عزيز : لوليدة يهديك الله واش كنتي تقبلي ليه اتزوج بديك لبنت
لحاجة : متقبلش عاد او مغنقبلش دخل شي وحدة ماشي انا لي ختاريتها مخلي ليا بنت خالك كاين ولادك او مشيتي تزوجلي بشي خانزة ، مكنتيش باغي بنت خالك قولهالي نختار ليك وحدة خرى
اكسيل : (تعصب) علاش بسلامة خاصك نتي لي تختاريها ليا ، زوجتيني على دوقك فلول او باغة تا فتاني ، مي انا هادشي طلعلي فراسي نتي تزوجتي لي بغيتي جي انا فرضي عليا لمرا باش نتزوج ، او تا دبا انا جاي غا نعلمكوم بلي تزوجت او درت لعقد على لبنت او ولات مرتي بغيتو تقبلوها هي هاديك مابغيتوش ماعندي ماندير ليكوم
لحاجة : (ملي شافت لغوات مداش نتيجة قالت دوزليه من سخط حيت عارفاه مرضي) نقسم ليك بالله الى مطلقتيهاش انا ساخطة عليك دنيا وآخرة
اكسيل : لوليدة السخط خاص ايكوني عندو اسباب ماشي غا آجي وسخط ، ربي سبحانه معطاش لواليدين لحق فسخط باش اردو ولادهوم عبيد عندهوم تا سخط عندو اسباب او زواج ربي مفارضش لقبول تاع لواليدين حيت زواج مرتابط غا بجوج سيد او مرتو لا غير
لحاجة : (بدات فتبوحيط) أي قلبي بغا يقتلني ولد لحرام
صفية : (شدات مها لي سخفات) مي فيقي ، واش عجباتك هاد لحالة لي وصلنا ليها شكون هادي فملك الله لي تعصي مك على قبلها
اكسيل : (عائق بلحاجة او قوالبها ) مرتي هاديك مرتي ، او قولو لحاجة ملي تفيق الصدقة بلخميس متنساش يالاه خليتكوم على خير آه او قبل منسا وامي تي واخة تبقاي سخفانة تال لعام جاي راني منطلقش مرتي
خرج من دار مخلي لحاجة باغة تاكل راسها بلفقصة
#عند لغالية#
بعدما مشا خرج اكسيل بقات بوحدها فلبيت ݣالسة شادها لملل او مزاعماش تهبط عند دراري مكتعرفهومش او كتحس براسها غريبة بيناتهوم
مجد : (دق عليها لباب)
لغالية : (حلات ليه بعدما لاحت على راسها الزيف)
مجد : وجدتي راسك ؟ يالاه نمشيو
لغالية : فين ؟
مجد : نخرجو راه غملنا فدار
لغالية : غا سيرو حوايجي كاملين باقي منشفو
مجد : (جرها) يالاه نمشيو عند صباح تعطيك متلبسي
صباح : (كانت لبسات عليها او بغات تخرج تا دخل عليها مجد معا لغالية)
مجد : عيطيها من حوايجك متلبس باش نخرجو
صباح : أتمشي معانا ؟
مجد : ضاروري مغنخليوهاش بوحدها خصوصا ملي داك باك وصا عليه كان بقاليه شويا او يغنينا ” راني خليتها ليك امنا تهلى فيها او متقلقهاش هاديك حبيبتي ينا راني خليتها ليك امنا “
صباح : ياخويا شكادير لتنمر
مجد : وحيت كنعطي قتلة لتنمر حطوني فالطاولة اللولة قدام المراقب فلباك
صباح : خرج خلي لبنت تبدل
مجد : هاني خارج
صباح : (طولات فلغالية شوفة قبل متمشي لماريو تجبد ليها واحد لكسوة) هاكي قيسي هادي
لغالية : (قيسات لكسوة لقاتها كبيرة عليها)
صباح : واش مكاتاكليش شوف فيك غا لعضام تا حوايجي مجاوكش بلاتي نشوف ليك شي حاجة صغيرة (رجعات كتقلب فلماريو تا جبدات واحد لكسوة كتجيها صغيرة) قيسي هادي
لغالية : (عاد جاتها لكسوة هي هاديك) شكرا
صباح : (صغرات فيها عينيها كتشوف قدامها بنت صغيرة او حشومية وخوافة تا واخة بنت لي معاها فلبيت كتبدل بتخباع عليها) علاش تزوجتي بابا ؟ بنت صغيرة بحالك شعندها دير بواحد كبير بحال بابا واخة بوݣوص ولكن كيبقا كبير فلعمر
لغالية : (مجاوباتهاش قادات غا زيفها فسكات) شكرا على لكسوة
صباح : لعفو
مجد : (بقا كيتسنا لتحت هو وجود تا نزلو لبنات) يالاه فين تبغيو تمشيو
جود : نشوفو لغالية فين بغات تمشي
لغالية : (تطلقات شوي معا دراري) معرفتش
مجد : مكيناش شي بلاصة فمكناس ولفتي كتمشي ليها كتعجبك ؟
لغالية : لا اول مرة نجي أصلن لمكناس
جود : على هاد لحساب نمشيو نتغداو فشي قنة انا راه مايت بجوع
صباح : (كتشوف فلأرض) دراري شكون فيهوم حسن عاليا ولا نسيمة لي ندي معايا
لغالية : (بقات كتشوف فجناب مبانلها تاشي بنت خرى معاهوم)
مجد : لبسي عبد لقادر حسن
صباح : كطنز عليا عبد لقادر تاع شتا هنا فصيف دبا (هزات سباط فيها ليمن او واحد آخر فيدها ليسر) لغالية قوليلي نتي شنو نلبس عاليا ولا نسيمة
مجد : (شاف فلغالية مفاهمة والو) متديش عليها راه هبيلة شوي أيحاجة عندها مسمياها شي حاجة
صباح : كاين شي هبيل قدك
جود : توما طلقونا باغي نمشي نحنجر
مجد : هاحنا جايين
ركبو دراري كاملين فطونوبيل وحدة لبنات لور او دراري لقدام ، جود هو لي كان كيصوݣ طونوبيلة اكسيل حيت بوحدو حاليا لي عندو لپيرمي جوج لوخرين باقين كيدوزوه
مجد : (بدات كتصوني عليه رابحة) الو ما ، والي أقاقا الله الله هههههه يالاه بسلامة
جود : ميجران {شواقع}
مجد : باش على شوي أذيسطيقص اول نحناش {باك على شوي كان ايطرطق لقلب لجداك}
صباح : ماخ مايذيا ؟ {علاه شنو دار}
مجد : اناياسن آس نلخميس دوياث غر الصدقة نيول اينو ، لحاجة غاس تسلى اي ياوالين ثناس واك واك غاس أذاس تلفذ ، ذاي يامز آوذ با أݣيذس لكونطرير يناياس والله اورثيد ليفغ هههههههههه حناش اتسوسم ؟ وايلي اوريذ لفعايل نس ثياسن أسخاف نيغيال هههههههه وليني يبا اورذيكس ايكول يدجات لتوث أݣذور ذاي يعايد ݣوبريد
{قاليها نهار لخميس آجيو بصدقة تاع زواج ، لحاجة غا سمعات لهضرتو قاتليه واك واك طلقها ، هو يشد معاها بابا لكونطرير قالها والله مانطلقها ، جداك تسكت ؟ وايلي ماشي فعايلها دارتليه سخيف لحمير ، وليني مداهاش فيها خلاها كتندب او رجع معا طريق}
جود : ههههههههه نكينين أيعلان لحاجة أتمث سلأعصاب {انا لي شفت لحاجة تتموت بلأعصاب}
صباح : ماتا اتمت أذموثخ نكين ذاي تقيم نتات هههههههه {اشمن اتموت نموت انا وتبقا هي}
لغالية : (كتعرفو ملي كيكون شي عربي راكب الطاكسي معا شلوح او كيسمعهوم كيضحكو او يهضرو او يبقا حاضي جنابو ياكما عليه علامن داويين حيت مفاهم من هضرتهوم تا وزة ايوا بحال هاكداك كانت لغالية زي لاطرش في الزفة مقشبلات والو)
صباح : (ضارت عند لغالية بانت ليها مفاهمة والو) واش كتفهمي الشلحة ؟
لغالية : (حركات ليها راسها بلا)
صباح : يعني راك عربية (دبلجات ليها شنو قالو كامل)
لغالية : واش مفخبارهومش بلي تزوجنا ؟
مجد : تي شكون فخبارو داك شلاهبي دراجلك كان ياكل معانا فنفس الطبلة او مكيقول والو
جود : نزلو هاحنا وصلنا
نزلو كاملين من طونوبيل او دخلو لديك ريسطو لعائلية خداو ليهوم واحد الطبلة او طلبو وجبة عائلية تسناو تا تحطات ليهوم لماكلة او دخلو فيها طول او عرض
لغالية : (تطلقات معا دراري او بدات كضحك معاهوم واخة مكدويش بزاف ولكن لموهيم منساجمة معاهوم ، ملي كملات ماكلتها كانت بغات تدخل لحمام داكشي علاش ناضت او مشات بوحدها)
صباح : (كانت بغات تنوض دير واحد لمكالمة تا تزادحات ليها معا واحد خينا دايزاه ضسارة بدا كيتزلل بيها)
دري : الله ايجيبنا شي بنت الناس كتخاف الله كتعلمنا نصليو
مجد : (وقفو على دري هو وخوه) هاي هاي على ليهودي ديانا باغي يسلم او يبقا يصلي شبان ليك نبداو بأول خطوة لدخول لإسلام
جود : نبداو ليه بشهادتين ؟
مجد : لا هاديك من بعد نسيتي لختانة هي لي كتسبق غا هو فلحالة ديال هاد خينا باش يبلغ فيها لايمان لمراتب لعليا خاصنا نجدرو لجدو
دري : لا لا خوكوم مسلم
جود : ( معطلوهش تلاحو عليه طول او عرض هنشروه)
لبنت : (جاية بعجاجتها) توما طلقو راجلي يا لهمجيين الحياوانات (غفلات مجد بتصرفيقة)
صباح : (تسيفات ولات كي دوك لعيشوريات هزات لكمام على يديها او نقزات عليها كتريش فيها) لهمجيين باقي ماشي لهمجية تاع بصح نتي الكلبة ضربيلي خويا ليوم نتفاهم معا جدك يا خانزت لبيطان مزوجالي نيزار قحباني او جاية تدوي يا لحمارة
لمرا : (شتفاتها صباح) وا عتقو الروح بغات تقتلني عيطو لبوليس
صباح : تي راه تا ملك لموت ميفككش معايا
مول الريسطو شاف لقضية حماضت أو صداع ناض مقدوش افكوهوم هو يصوني على لسطافيك جات جمعاتهوم كاملين , هادشي كولو او لغالية باقة فلحمام ديك لخرجة لي خرجات لقات لبوليس يالاه دخلو دراري لسطافيك ، بجرى تبعاتهوم او هي خايفة وتالفة معارفة مادير سعا فاتوها تا لقات راسها او سط زناقي تاع مكناس تالفة فيهوم
مجد : (كان ݣالس هو وخوه او ختو قدام لكوميسير) سمع اشاف والله تا غا ضالمينا سيد لقيناه واقف على لخوادرية كيقولها بغينا لي تعلمنا صلى قلنا ندخلوه الإسلام واش كاين شي يهودي كيصلي بلاما يسلم ماجاتش
دري : لا عنداك بغاو اختنو ليا
جود : واش عمرك شتي شي مسلم ممختنش ؟
لكوميسير : نقولو ضصر على ختكوم او سلختوه (شاف فصباح) ونتي لاش سالخة سيدة ؟
صباح : ضربات ليا خويا
سيدة : (حاملها منتوفة شعرها فسما) ضرباتو حيت كنت بغيت نفك راجلي من خوتها لي تحتماو عليه هي ضربي
صباح : (دارت ليد على يد جبهة صدرها) تحاماو عليه ياوضربيه ؟
سيدة : اشاف ماشتيش لموقف كي كان راها كانو كيضربوه بجوج او هو بوحدو
صباح : كانو كيضربوه يوضربيه
سيدة : راه كانو ايقتلوه
صباح : كانو ايقتلوه ياوضربيه ؟
اكسيل : (وصل لمكناس ملي قرب لمغرب وقبل ميمشي لدار صوناو عليه كيعلموه بلي ولادو كاملين مجموعين فلكوميسارية ، دخل عليهوم مخنزر) شواقع هنا ؟
جود : لواليد جيتي
اكسيل : شنو درتو ؟ لا بلاتي قبل متقولو ليا شنو درتو فين لغالية مكانتش معاكوم ؟
مجد : (شد راسو) ويلي ويلي نسينا لبنت
اكسيل : عاود آش قلتي ؟
جود : (عرف بلي ليوم لخرة ليهوم) لواليد دبا حنا
اكسيل : (غوت) قتلك فين لغالية ياك وصيتكوم عليها
مجد : (تلفات ليه لهضرة) ن.نسيناها فريسطو
اكسيل : (قرب عندو عاطيه واحد لكروشي لوجهو او تبع ليه تا جود) نسيتوها بزطام ولا تيليفون اولاد لكلاب أدويو نسيتوها هادي هي لأمانة ، (دوا معا لكوميسير) دي عليا هاد زمر اتݣلاصا
صباح : تا انا ابابا ؟ مغتعفينيش
اكسيل : عندك لإعفاء تاع لحبس تا نعفيك بسلامة ، دعيو الله نلقاها قبل ميطيح ليل او مواقعة ليها والو ولا والله تا نعلق طواسل مكوم خصوصا نتوما بجوج
مجد&جود : (كيدعيو الله متكون وقعات ليها شي حاجة ماشي حيت باهوم هددهوم ولكن حيت خافو تكون وقعات ليها شي حاجة)
اكسيل : (خرج كيجري مسبق لريسطو ايشوف واش باقة تما ملقاهاش ، خرج كيقلب فزناقي كي لهبيل او كيصوني على لبوليس اقلبو معاه عليها )
#عند لغالية#
لقات راسها تالفة او درهم هو لخر معندهاش او ضلام طاح عليها ، طيليفون ماعندهاش او نمرة محافضاهاش لقات راسها الحنين لارحيم غا لبكا لي مونسها
لبوليسي : (كان راجع لدارو ماعليه مابيه تا كيسمع الصوت تاع لبكا ديال شي بنت بقا كيدور عينيها تا قشعها ݣالسة على طروطوار مكمشة قرب عندها) مالك أبنتي كتبكي
لغالية : (قفزات مجهدة فلبكا) اكسيل هئ هئ هئ اكسيل
لبوليسي : مالك أبنتي لاش ݣالسة هنا بوحدك واش تالفة
لغالية : (حركات ليه راسها بإيه) إكسيل ملقيتوش
لبوليسي : صافي صافي غا متبكيش انا غنعاونك تلقاي لكلب ديالك
لغالية : (كانت ملاهية فلبكا ممركزاش معاه تا واش صونا لشي صاحبو)
لبوليسي : (كيدوي فطيليفون) بغيتكوم تقلبولي على واحد لكلب ، بنتي وصفيلي هاد اكسيل كيف داير
لغالية : (جهدات فلبكا) معرفتش كيخلعني وجهو
لبوليسي : لكلب من النوع لي كيخلع غا حاولي تفكري أبنتي
لغالية : (تفكرات ملي شافتو مربوط ) شعرو قهوي مغلوق او او عينيه ملونين وقيلة كيسلخ ولادو
لبوليسي : قلبولي على كلب سميتو إكسيل قهوي او عينيه ملونين جاعر عنداك اعضكوم
اكسيل : (كان دايز تا قشعها واقفة معا بوليسي هبط من طونوبيل او قرب عندهوم تا سمع هضرت لبوليسي او غوبش) هاو هاو هاو بلاما تقلب عليا هاني حيت راسي او راني داير لڤاكسان تاع الصعرة
لبوليسي : صافي لقينا… (ضار كيشوف اكسيل قدامو) شكون نتا ؟
اكسيل : انا لكلب اكسيل علاش كنتي كتقلب ، لغالية
لغالية : (غا سمعات صوتو مشات كتجري عندو معنقاه او كتبكي)
اكسيل : (مد يديه كيربت على راسها) صافي صافي بلى بكا
لبوليسي : (عرف بلي كيجي لغالية شي حاجة) سمحلي سميتك غريبة عليا غا لقيت بنتك فزنقة بوحدها كتبكي او قلت نعاونها
اكسيل : شكرا عارف لي كاين خليناك على خير) لغالية يالاه
لغالية : (مشات ركبات طونوبيل)
اكسيل : صافي باركة من لبكا موقع والو كي درتي تا تلفتي
لغالية : (كتعاود او كتبكي) دراري داوهوم لبوليسي هئ هئ هئ كنت بغيت نتبعهوم او تلفت
اكسيل : (كيربت ليها على راسها) صافي صافي موقع والو غا باركة من لبكا
لغالية : كرشي
اكسيل : مال كرشك ؟ ضاراك ؟ ضربك شي حد ليها ؟
لغالية : (قالت بحرج قبل متنفاجر ليه بلبكا عاود) ضارها جوع
اكسيل : (رجع ضهرو اللور متكي على لكوسان مصدوم واحد شوي قبل ميقهقه) هههههههه آويلي على ضارني جوع ضارك جوع او كتبكي خالعاني على والو هههههههه
لغالية : (سمعات ضحكتو الرجولية او لوازنة ، هزات راسها فيه بفضول لاقياه ضاحك تا بانو سنيناتو لبيضين ، جاتها فشكل تشوفو كيضحك اول مرة تشوفو ممعبسش)
اكسيل : (حبس الضحكة او ضار لقاها كتشوف فيه) فوجهي شي حاجة
لغالية (قلبات وجها لجيهة لوخرى او هي حمرة حمرة باغة تموت بلحشمة)
اكسيل : ديمارا طونوبيل او توجه لكوميسارية ياخد ولادو
مجد : (ملي شاف لغالية واقفة حدا الطونوبيل مشا عندها عنقها) فين مشيتي يا صݣعة كنا انتعلقو بمسبتك
لغالية : (غرقات فحوايجها او ولات حمرة مني عنقها مجد ممولفاش تكون قريبة من لجنس لخشن تا معا باها او خوتها مكانتش ضاسرة عليهوم كانو ديما بيناتهوم حدود ، ملي عنقها مجد تفكرات محسن فيه دراري بجوج كانو كيفكروها فخوها)
جود : مغنمشيوش ؟
اكسيل : بلاتي تجي ختك راه باقي مخرجوها
صباح : (تم خارجة من لكوميسارية هازة سباكها عندها او مشمرة على يديها ومغوبشة) خزيت تفو
مجد : تي واش كنتي كتحاربي مالك مݣفضة يديك
صباح : واحد لݣنسة فقصاتني سيدة يسحابلها السيلون تاع باها منشورة ليا تما قتلها جميع رجليك نݣلسو تا حنا ، بدات عليا بربي تشا نشرمل ختشي الى ممشاتش
جود : ضربتيها ولا ضرباتك ؟
صباح : من زهر تاع مها جاو لبوليس نوضوني عليها آما ديالها متعاودش لكلبة لوخرة
اكسيل : (غا حال فمو فصباح كيسول راسو واش فعلن هادي بنتي لي متهز دجاجة على بيضها) ركبو ركبو الحباسة ركبو
ركبو دراري فطونوبيل او رجعو لدار ، اكسيل مشا نيشن لكوزينة طيب ليهوم لعشا حيت كان فيهوم الجوع عاد طلع لبيتو دوش عليه او لبس حوايجو و خرج لبرا ايدير واحد لمكالمة ، لغالية بعدما سالاو لعشا جمعو دراري الطبلة او غسلات هي لماعن فحين صباح شطبات ، عاد كل واحد فيهوم طلع لبيتو او كان عليها تا هي طلع لبيتها تنعس ، وصلات قدام لباب او هي كتدعي ملي تفتحو او دخل متلقاش اكسيل فلبيت ، وشحال فرحات ملي مبانش ليها
لغالية : (مشات طايرة لحمام دوش قبل ميجي لبيت ، او من زربتها نسات تهز معاها شنو تلبس لوات عليها غا واحد لفوطة او خرجات كتسلت)
اكسيل : (سالا لمكالمة ديالو او خرج باغي يتفرج فشي فيلم تا ضرب فلغالية كتحاول تفك شعرها من لپوانيي تاع لباب)
لغالية : (ملي كانت خارجة تشد ليها شعرها معا لباب حيت كان شعرها طويل)
اكسيل : (صغر فيها عينيه كيشوفها شكتصنع او قرب عندها)
لغالية : (حسات بضلم شي حد فوقها هزات راسها كضرب فإكسيل خلعها ، و تفكرات بلي راها لاوية عليها غا فوطة تامن شعرها كيبان ناضت بالزربة باغة تجري تهرب ناسية بلي شعرها حاصل تا شوية متقلعو ، رجعات ݣالسة لأرض مقسحة فراسها)
اكسيل : (ملي شافها حاصلة هبط باغي يفكلها شعرها تا نفاجرات ليه بلبكا) واش نتي فينما تشوفيني تبداي تبكي عارفة راسي زوين ولكن ماشي لدرجة تبكي عليا
لغالية : (اوسط بكاها قالت) نتا كتخلع ماشي زوين داكشي علاش كتبكي
اكسيل : وليتي تقمعي (لها فلهضرة تا فك ليها شعرها) هاحنا فكيناك يالاه تݣعدي
لغالية : (دغيا هزات راسها او مشات متجري لبيت تبدال تا سمعاتو كيقولها)
اكسيل : لبسي شي حاجة من حوايجي حيت حوايجك طاحت عليهوم شتى باقين فازݣين
لغالية : (ملي سمعاتو شقال ليها زيد عليها شافتو يالاه شاعل تلفازة عرفات بلي باقي مغينعس ، خافتو ينوض عندها ولا شي حاجة بحال هاكداك داكشي علاش لبسات جوج تريكويات صحاب لكول مسروال ساداه بالسمطة تاع الجلد او مزيرة عليه عاد زادت واحد التوني او طلعات تقاشر حاشية فيهوم سروال او دارت واحد الطربوشة او من لفوق واحد لقبية ولاحت عليها لقب عاد خرجات عندو)
اكسيل : (هز عينيه فيها باينا ليه كتمشا كي لبيطريق بكترت لحوايج لي لابس ولي كبار عليها بزاف السروال طاوياه ميات مرة ليدين تاع لقبية مدليين) نسيتي ملبستي السباط
لغالية : كبير عليا بزاف
اكسيل : كنتي عوالة عاد تلبسيه ، ايوا شتك مدرتيش لكمامة متعرفي ندوزليك من لفم (تنهد او طفا تلفازة متكي ليه فوق لفوطوي) سيري تنعسي راه تعطل لحال
لغالية : (فرحات حيت مغينعسش معاها فنفس لفراش ، مشات تخشات ليها فالناموسية كتفرنس تا داها نعاس)
#عند لحاجة #
منين خلاها اكسيل او هي حازمة راسها او قافلة ليه لحامض
لحاج : شهاد لحالة دايرة فراسك اهاد لما تقول عندنا عزو
لحاجة : خاصني نوض نشطح على هاد لخبار ولا شنو ، لي كنت نقول مرضي فولادي مشا جاب لمرا بلى خباري خلى سناء بنت خالو كاين ولادو او مشالي لبراني هلالي بنات لعائلة او شاف ليه قنة خرى
لحاج : واش نتيا غا فينما كاينة شي عقوبة فعئيلتك باغة تلسقيها لدري
صفية : سمحلي ابا اكسيل غلط واش كاين شي دري كيمشي يتزوج بلى مو واش كاينة أصلن شي بنت لي تقبل تزوج براجل بلى عئيلتو
لحاجة : ياما لي عارفة علامن ايكون طاح غا على شي بنت لحرام شافت عندو لخير او لخمير او زربات عليه تا ولى اطرطق فيا عينيه
لحاج : الله اهديك على راسك هادا منقول ليك (خرج من لبيت مخليهوم بجوج)
صفية : شغانديرو امي دبا ملي تزوج مقانوش يرجع لسناء
لحاجة : تا منكونش انا هي لحاجة يزة ، نخلي خانزة لفرج دورلي بولدي هاديك لي متكون او كيما كاين زواج كاين طلاق منتسماش الى مطلقتوش منها او وريتها شكنسوا سيري وجدي راسك غدا نصبحو فمكناس نشوفو هاد عروسة لخلا
#فصباح#
خرج كل من إكسيل لخدمة او جود او مجد مشاو يقراو مخليين غا صباح او لغالية تا من كريمة ليوم مكتخدمش ، لغالية ملي خرج اكسيل فاقت موراه او حيدات عليها حوايجو ولبسات واحد لبيجامة طويلة من حوايجها لي كانو نشوفو عصبات ليها الزيف لراسها او هبطات لكوزينة ملاقية مادير قالت تقاد شي مسمن لفطور ، أصلن منين كانت عند باها بقوة انها مكتخرجش ولات كتلاهي راسها فشقا او طياب ، ملي سالات لمسمن دازت عمرات آتاي او تسناتو تا وجد عاد حطات كولشي فطبلة وبدات كتسنا فصباح تفيق تا سمعات سرسار فلباب او مشات تحل
لغالية : (حلات لباب لاقية قدامها مرا كبيرة ولكن باقة شادة وحدتها مرا صغر منها تكون فربعينات)
لحاجة : (معا لفجر جمعات صاكها هي وصفية او شدو طريق لمكناس بلى خبار تا حد ، او معا جوايه ديك لعشرة تاع صباح كانو قدام لباب)
صفية : (هزات حاجب او نزلات لاخر فلغالية قبل مدفعها او تدخل لداخل) حيدي من طريق ونتي لاسقة ليا فلباب سيدك اكسيل كاين فدار ؟
لغالية : لا خرج
لحاجة : مزيان شدي عليا هاد لحوايج شدي
لغالية : (مسكينة مفاهمة والو شدات منها الساك او حطاتو فجنب او دوات بصواب) نحط ليكوم تفطرو
صفية : لا سيري عيطي ليا على ديك لكلبة
لغالية : (بقات غا كتشوف فيها)
لحاجة : راه دوات معاك سيري عيطي لمرات اكسيل ، واش نتي يالاه خدموك هنا ولا شنو
لغالية : أنا أنا هي مراة إكسيل
لحاجة : شنو ؟ بدا نتي مراة ولدي أنا
لغالية : (حسات بنضرات لإحتقار منهوم)
صفية : (بدات كطلع فيها و تنزل) دبا نتي هي ديك السوسة لي دارت بخويا ياك لا وكتعرضنا الدار ضارك زعما
لحاجة : (كانت معصبة تال لحد خصوصا ملي زادت شافتها او بانتلها بنت صغيرة او زوينة واخة لابسة مبهدل ، عرفات لاش ولدها تزوجها هي لي عارفة اكسيل كيقلب غا على لجوهر او متزوجها تا فيها شي حاجة عجباتو)
لغالية : (ملي شافتهوم كيشوفو فيها هاكداك تخلعات او ولا وجها بيض)
لحاجة : (غفلاتها او مدات يديها لعندها شاداها من شعرها او بدات كطرش فيها او تقرص) يا لكلبة يا طماعة صغيرة بواحد قد باك ، أدوي محشمتيش مزوجة بيه او جاية معاه لدار ونتي تا آصلك ممعروفش
لغالية : (كنحس بشعرها باغي يطير من بلاصتو اما حناكها فطابو بطرش او عينيها ولاو شلال) عافاك مطلقيني انا مدرت والو عافاك
صفية : (تبعات مها او بدات على لغالية بركولة او لعضان ممسوقينش تا واش كانت كطلبهوم او كتبكي) مدرتي والو ؟ مدرتي والو ؟ علاه شكون حلات رجلين لخويا ويعلم الله شدارت ليه تا تزوج بيها ، دوي يا لموسخة يا لمشرݣة يا لواسعة ، باغة غا زواج هاحنا غنوريو لطاسيلتك زواج كيف داير
لغالية : عافاك مطلقوني انا مدرت والو هئ هئ هئ اكسيل إكسيل
صباح : (كانت ناعسة تا سمعات الصوت تاع لغوات او لبكا هي تفيق مفزوعة وخرجات كتجري هابطة ليها معا دروج ، تا كتشوف قدامها لحاجة او عمتها محاميين على لغالية بركولة او لعضان او نتيف اما لغالية فكانت حي شرويطة مرعفة او حوايجها مقطعين او غا كتبكي او تزاوݣ اطلقوها آتار طرش على حناكها ، صباح محسات براسها تا دخلات بيناتهوم كتفها او تغوتو عليهوم) شكاديرو واش تسطيتو طلقو لبنت
لحاجة : (والو يبسات على شعر لغالية او معا طويل قادات ليه اللوية على يديها) خليني نوريها تشوف فراجل بولادو خليني نربي طحبة
صباح : (دفعاتهوم بجوج تا فكات لغالية منهوم) لغالية واش راك بيخير كتسمعيني ، واش تسطيتو نتوما شهاد لحالة درتو فلبنت الى عندكوم موشكيل فهاد زواج سيرو عند بابا خلي عليكوم لبنت شنو دنبها
صفية : شداها ضور براجل قد باها
صباح : خرجو عنا بجوجات عطيونا تيساع مافيكوم لا رحمة لشفقة شوف لبنت لحالة فاش وصلتوها ولكين بلاتي ايجي بابا والله تا نقولها ليه ، لغالية نوضي نطلعك لفوق لبيتك (عاونات لغالية تا وقفات او طلعاتها لبيتها مدخلاها نيشن لحمام دوشات ليها او لبساتها غا واحد توني تاع باها باش تبقا مرتاحة او متعݣرش ، داوات ليها لخباشي او لعضات لي دارو ليها فوجها او صحتها عاد عطاتها تشرب واحد دوا) شربي هاد دوا او حاولي تنعسي شوي علاما يجي بابا او يشوف كي نديرو لهاد لحريرة نتي غا رتاحي دبا
خرجات صباح من بيت لغالية او هبطات لتحت ملاقية تا واحد لاجداها لا عمتها عرفاتهوم خافو او خرجو ، لاحت عليها زيفها او خرجات ياكما تلحق عليهوم
اكسيل : (رجع هو ودراري لدار قدقد ولكن مالقاو تا واحد قالو يمكن باقين ناعسين ، طلع هو لبيتو نيشن لاقي لغالية معنقة رجليها عندها او شعرها مطلوق عليها كاملها مغطي وجها او يديها وغا صوت لبكا او شهيق لي كيتسمع منها ، قرب عندها عاقدهوم ) لغالية مالك علاش كتبكي ؟
لغالية : (غا كتبكي مكدويش)
اكسيل : لغالية شوفي فيا او قوليلي علاش كتبكي أ ضاراك شي حاجة أبنتي ؟ كاين لي قلقك وغا هزي راسك أو شوفي فيا (مد يديه هاز ليها راسها او راد ليها شعرها مور ودنيها راد لباب لدوك طبايع لي فوجها او لخباشي ، تخلع او معجبوش لحال بدا كيقلب فيها لاقي عنقها كامل طايرة ليه الجلدة او طبايع فيديها) لغالية شكون دار فيك هادشي أدوي
لغالية : تا حد
اكسيل : (تعصب تا بدا كيغوت) واش باغة تحمقي مي نضتي ضربي راسك تا كتݣولي ليا تا حد ، شكون دار فيك هاد لحالة دوي معايا ولا نتفاهم معاك شكون ؟ (والو غا كتبكي نوضاتلو شيب او شخص واحد طاح ليه فبالو) واش صباح ؟ (غوت) دوي واش صباح لي دارت ليك هاكدا ؟
لغالية : (ملي غوت عليها نهارت بلبكا او رجعات تكمشات خايفة)
اكسيل : (لي لأعصاب وصلولو فين بغاو مافخباروش ݣاع واش مو جات عقلو مشا عند صباح نيشن خرج من لبيت رادخ لباب بجهد او هابط لتحت كيعيط) صباح
مجد : (خلعهوم) شواقع الواليد
اكسيل : فين ختك ؟
صباح : (رجعات لدار بعدما مالقاتش جداها او عمتها) بابا شواقع مالك تغوت
اكسيل : مال لغالية ؟ شدرتي ليها ؟
صباح : (تصدمات فيه) شدرت ليها ؟ كتسولني بلمعقول مقالتلكش شنو وقع ليها
جود : مال لغالية الواليد
اكسيل : لبنت حالتها حالة او صباح بوحدها لي كانت معاها فدار
صباح : دبا كتقول بلي انا لي دربتها ياك ؟
اكسيل : (طالع ليه لخز لراس ) كان معاكوم شي حد آخر
صباح : وا ماشي انا
اكسيل : صباح بلى كدوب جيني نيشان علاش درتي ليها ديك لحالة
مجد : (بغا مسكين أغطي على صباح) بابا غا تهدن ايكون غا شي سوء فهم يمكن صباح مكانتش شاربة دواها
صباح : كفاش مكنتش شاربة دوايا واش انا كتبان ليكوم هبيلة كنشالي بلحجر الى مشربتش دوايا نتعدى على الناس ، سير سول لمصونة تاع مرتك تقول ليك ولا قلبات عليا كولشي
اكسيل : باركة من دخول او لخروج او جيني نيشان علاش درتي فلغالية ديك لحالة
صباح : (تجمعو دموع فعينيها) قلتهالك من قبل ولا لا غيجي نهار لي تبقا تغوت عليا على قبلها سعا متعطلتيش ابابا غا لبارح جات وليتي كتغوت عليا (طاحو دموعها) عندك لحق انا لي ضربتها حيت محملتهاش حيت هي غي مراة با تستاهل لخانزة داكشي لي درت فيها ويلى عاودت شفتها اندير فيها ماكتر
اكسيل : (عصباتو تا جمعها معاها بتصرفيقة) باقة زايدة فيه ياك وصيتك بنات ناس متعدايش عليهوم نايضة كتسلخي فيها فداري
جود : صباح
مجد : (قرب ليها) صباح ختي
صباح : (شدات حنكها) بعدو عليا متقيسونيش كاملكوم بحال بحال لبرهوشة لي عرفتو غا لبارح وليتو تسبقوها عليا هادا هو لمضمون فيكوم ولكن ماشي لغلط ديالكوم لغلط تاعي انا لي كلبة رضيت بلهم او مارضا بيا عاونت لخانزة او ردات لومة عليا ، ربحولي بلغالية ديالكوم هاني خاوية ليها دار صافي
اكسيل : (فاش كيكون معصب مكيشوفش قدامو) غطلعي لبيتك او تسدي عليك تعتبي برا عليها نحش ليك رجليك او حربش نسميك مرا تخرجي منها والله تا نتفاهم معاك
صباح : (طلعات لبيتها كتبكي محاملاش راسها ، سدات عليها لبيت حيت عارفاه ملي حلف ليها راه معصب نيت)
جود : لواليد كون غا ما
اكسيل : جود ماتزيدش تفرعلي كري يرحم باك راه طالعين ليا تبعوها بقاو معاها متخليوهاش بوحدها (طلع لبيت عند لغالية) نتيا واش صباح لي درباتك
لغالية : (لغالية حركات ليه راسها بلا)
اكسيل : (زاد تعصب تا بدا كيغوت) او ملي ماشي هي علاش ملي سولتك بقيتي ساكتة أدوي (شافها طرطقات بلبكا عاود) واش فينما ندوي معا جدك تبقاي تبكاي عليا منين جيتي ونتي هن هن تقول كنحرتو عليك ملي سولتك لاش ݣلستي ساكتة او كتبكي عليا كنتي تحركي راسك بلى متخلينيش نهز يدي على بنتي او نغوت عليها او هي مدايرة والو (هز كاس شير بيه على لحيط بعيد عليها) علاش
لغالية : (تكمشات فلقنة مخلوعة كتبكي كتشوف قدامها اكسيل تسيف فينما كاينة شي حاجة هرسها تا من الزاج كان كيشتف عليه برجليه محاسش)
اكسيل : (بقا كيهرس كيهرس تا خوا الصعرة ديالو كاملة عاد تهدن مشا تال لفوطوي او ݣلس فوق لفوطوي راخي راسو مغمض عينيه كيسمع لسكات مودة تا نتابع لصوت الشهقات تاع لغالية ، تجمع عليه الندم من كل جيهة من ناحية صباح لي ضلمها او غوت عليها او هز عليها يديه كاره راسو على شنو دار او لغالية لي غوت عليها خلعها تنهد او دوا بشوي) لغالية أجي لهنا
لغالية : (زادت تكمشات)
اكسيل : لغالية أجي ميكونش راسك قاسح
لغالية : (خافتو اغوت عليها داكشي علاش مشات قربات ليه خايفة)
اكسيل : (ݣلسات حداه او مد يديه لشعرها هي تكمش خايفة) سمحي ليا راني كنت معصب ، كنخرج على طوعي ملي كيطلعلي دم مكنبقاش نشوف قدامي
اكسيل : سيري جيبي ديك لباطة تاع دوا
لغالية : (مشات جابتها ليه)
اكسيل : جمعي شعرك نديرليك دوا لعنقك
لغالية : (هزات شعرها لفوق)
اكسيل : (هز لپوماضة او دارها ليها فعنقها داهنها بصبعانو) شكون دار فيك هاد لحالة الغالية آخر مرة غنسولك الى مجوبتينيش دبري راسك حيت واخة نعرف من بعد مغندير والو حيت نتي لي بغيتي تسكتي ، شكون دار فيك هاد لحالة الغالية ؟
لغالية : ( فضلات تبقا ساكة مقالت ليه والو خافتو الى عرف مو او ختو لي دارو ليها هاكدا اقدر تنوض معاهوم صداع او يحلفوها فيها مرة خرى ، ولا حتى كيدير ليهوم والو حيت فلأخير مو هادي)
اكسيل : (تنهد) تحملي مسؤولية راسك تفكري بلي نتي لي سكتي
لغالية : (بقات غا ساكتة تا كمل ديران تاع دوا و بغات تنوض تمشي لبيت تبدال تا حبسها اكسيل)
اكسيل : فين غادة ݣلسي الزاج فلأرض دبا تجرحي رجليك (ناض هو هز شطابة او بدا كيجمع فداك الزاج تا نقا الدنيا عاد خلاها تنوض ، او مشا هو رجع ݣلس وبدأ كيحيد الزاج من تحت رجليه حيت كان عفط عليه بلاما يحس)
لغالية : (ناضت بزربة لبيت تبدال لبسات عليها واحد لپيجامة بسروالها او لاحت عليها زيفها عاد مشات تخشات فبلاصتها تنعس ليها واحد شوي حيت كانت مسخسخة)
اكسيل : (دار لفاصمة فرحليه او بقا ݣالس شوي عاد مشا خرج من بيتو قاصد بيت صباح)
صباح : (شبعات بكا فبيتها تا بردات خاطرها ومشات بدلات حوايجها باش تمشي ليكول تاع سياقة ، او ديك لحلة لي حلات لباب ضربات فباها كان باغي ادق)
اكسيل : (تخطاتو صباح بلاما تشوف فيه ولا حتى تدوي معاه) صباح حبيب باغي ندوي معاك
صباح : (مضارتش عندو ݣاع) معندنا فاش ندويو تابعيني ليكوغ غنتعطل عليهوم
اكسيل : يالاه نوصلك
صباح : بلاش حسن ليا طاكسي
اكسيل : (ملي مابغاتوش اوصلها او تا من لهضرة مابغاتش تدوي معاه يعني مقلقة منو نيت ، قرب عندها او عنقها) سمحيلي على قبيلة كنت معصب او ضرت فيك
صباح : عاد تفضلات عنا لالة مرتك او قالت بلي ماشي انا لي ضربتها حتى جيتي كطلب مني سماحة ابابا ؟
اكسيل : صباح انا لي غالط او فهمت عوج ، لغالية معندها تاشي دخل فهادشي كامل
صباح : واه عندك لحق هي ماعندها تاشي دخل انا لي غالطة ، نخليك دبا تعطلت (كملات طريقها خارجة لبرة مخلية اكسيل حاير كيف ايدير اصالحها)
اكسيل : (بعدما مشات صباح هبط لتحت احل لباب حيت سمع سرسار ، لاقي قدامو مو او ختو ) لحاجة ؟
لحاجة : (سلمات عليه بحالا يالاه جات) وليدي
اكسيل : (فهم لبلان مزيان) علاش جيتو ؟
صفية : كفاش علاش جينا علاه معندكش الصدقة نهار لخميس شكون غيعاونك
اكسيل : ياك مكنتوش قابلين هاد زواج شطرا دبا
لحاجة : تا دبا مقابلينش داك زواج ولكن داروهانا الناس مابغيناش نتحاشمو معاهوم
مجد : (جا هو وجود لاقينهوم فصالون) لحاجة جيتي ؟
لحاجة : جيت اوليدي آجي ݣلس حدايا توحشتك
صفية : فين ختكوم ؟
اكسيل : صباح خرجات
لحاجة : (ملي شافت ولدها مادار والو فهمات بلي مفخباروش) ايوا فين هي ديك لمصونة تاع مرتك مغنشوفوهاش ؟ سير عيط ليها تجي
اكسيل : ناعسة ماباغيش نفيقها دبا
صفية : ناعسة ؟ فات لعاصر او باقة ناعسة ياودي ياودي على لمزوجة كنتسنا دراري اينوضو يخدمو عليها ولا كيفاش
اكسيل : بحال هاكداك كاين شي مانع
#عند ياسمين #
كان هادا تاني نهار ليها فلحبس باقة خايفة او حاضيا جنابها طاح عليها ليل او قررات تكا ليها شوي علاما يديها نعاس
ياسمين : (عقلها نعاس او بدات كتعرق او كتدوي وهي ناعسة) لا عافاك عافاك بابا بابا عاوني متخلينيش عافاك لا لا (فاقت مفزوعة شادة عنقها بيديها او كتلهت مخنوقة بدرع باش كطلع نفس ، مودة وهي فديك لحالة تا ستوعبات بلي كانت غا كتحلم بلاما تحس نهارت بلبكا معنقا راسها او رجليها بيديها او شادة لقنة)
أمينة : (كانت كتكمي فبياصها تا بانت ليها ياسمين كتبكي فنعاسها او كتحزر شي حد جاها لفضول او قربات عندها لاقياها مكمشة فلقنة كتبكي) مال لحبيبة ديالي كتبكي أ شي حلمة خايبة هادي انا انهنيك منها هاكي كمي هاد لݣارو او غترتاحي
ياسمين : (زادت تكمشات فلقت خايفة) مابغيتش
أمينة : غا جربي راه اول مرة كامنا مقديناش نزعمو او ملي زعمنا مقديناش نتفارقو عليه هاكي كمي ونسلي لحياة
ياسمين : مابغيتش
أمينة : ونا كنقول ليك كمي يالاه
ياسمين : لا
أمينة : (تعصبات عليها او جراتها من شعرها طارشاها ) يا لطلبة مكتحشميش راني دويت معاك تسنطي بربي تا تكميه بزز على جدك آجيو نتوما عاونوني
ياسمين : لا لا عافاك
جات واحد لبنت ردات ليها يديها لور واخة عيات تعافر باش تفك حكموها مزيان ، او أمينة سدات ليها نيفها او دارت ليها لݣارو فمها ، عيات تصبر متنفش ولكن دغيا لقات راسها مجبرة تنفس من فمها ومعا جرة لي جرات جرات دخان تاع لݣارو لي دخل لريتها خانقها حيت معرفاتش كيفاش تردو ، طلقوها لبنات مخليينها كتكحب مخنوقة او منهارة بلبكا تا حسات براسها ترخات احساس خايب او زوين فنفس لوقت جتاحها مخليها تغمض عينيها براحة لأول مرة بعد عام كامل من لأرق او لفزعات بليل
لغالية بقات ناعسة ناعس تا طاح ضلام او مفاقت غاعلى صوت آذان العيشة ، هزات راسها بتقالة كتشوف واش شي حد فلبيت قبل متنوض تمشي دخل لحمام او هي مسخسخة صحتها حاملها ضاراها ، توضات ليها او خرجات لاوية عليها واحد ليزار او بدات كتصلي وهي كتدعي الله اسهل عليها او يحيد عليها هاد لخنقة لي شاهدتها او يفرج طريقة ولأهم ميفرطش فيها اكسيل
لغالية : (طوات الصلاية او ليزار او قادات الزيف على راسها عاد هبطات لتحت عندهوم لاقياهوم مجموعين فصالون) السلام
مجد : (طرطق عينيه فوجه لغالية) مالك فوجهك ؟
لحاجة : (دارت راسها اول مرة تشوف لغالية ) هادي هي لعروسة لي جبتي صمتي شحال من عام هادي خرتك فاطر هادي
جود : لحاجة حشومة تقولي هاد لهضرة بابا الى سمع هادشي مغيعجبوش لحال
صفية : واه حشومة ضياف من صباح عندها او لالاهوم لغالية ناعسة ليا كاس داتاي هو لخر معمراتوش
لغالية : (خافت منهوم) انا غنمشي نعمرو ليكوم دابا
لحاجة : وقت آتاي هادا ؟ سيري وجدي لعشا
لغالية : واخ
جود : (شاف صباح ممسوقاش او خاشية راسها فطيليفون هو يكحاز عندها داوي معاها بشوي) سيري عاوني لغالية حشومة تخليها بوحدها
صباح : انا مالي فيها ضبر راسها هي لينايضة باغة دير ليهوم لعشا
جود : (شاف تا عيا او ناض هو تبع لغالية لكوزينة لقاها كتجبد لخضرة من تلاجة) انقي ليك لخضرة
لغالية : لا غا خليك غنقيها بزربة نتا غاسير رجع عندهوم
جود : (عيا معاها والو مخلاتو ايقيس والو) انا غادي نشوف بابا من قبيلة او هو فلمكتب ديالو
لحاجة : (غا خرج جود من لكوزينة دخلات هي لعند لغالية) باقي داك لعشا موجد ؟
لغالية : هاني كنوجدو اخالتي
لحاجة : (جراتها من شعرها) اخويليك ضراس شكون خالتك
لغالية : أي أي عافاك
لحاجة : (زيرات على شعرها) قطعي لحس
لغالية : (واخيرا طلقاتها لحاجة تا دمعاتهوم) علاش كديري فيا هاكدا شدرتلك انا
لحاجة : (صرفقاتها) شدرتي ليا ؟ ضرتيلي بدري يسحابلك غا آجي وكون عروسة آيت اوسو ههههه بزاف عليك او لهلا يحييك تا موسخة بحالك تكون منا وفينا ، ماحدي عايشة عمرك تحلمي نحسبك عروستي ، ولى قلتي بزواجك من ولدي ضمنتي راسك نبغي نقوليك كانت قبل منك بنت خالتو شاركهوم الدم قبل ميشاركهوم سقف واحد ، جمعوهوم تلاتة تاع دراري او فلخر طلقها او محارش فيها ، او محدي حية غتشدي ورقتك او ترجعي لبوخرار فاش كنتي ، آه نسمع حسك قلتي لإكسيل شي حاجة على صباح غنعاودليك بحال هاد السلخة فهمتي
لغالية : (خرجات لحاجة من لكوزينة مخلياها كتبكي تا سمعات شي حس هي تمسح دموعها بزربة)
اكسيل : (دخل عليها لكوزينة) لغالية ؟
لغالية : (عطاتو بضهر مكملة نصيب ديالها باش ميشوفش عينيها)
اكسيل : (قشع عينيها) كنتي كتبكي ؟
لغالية : لا غا لبصلة لي بكاتني (زعمات تسولو واخة كانت حشمانة او خايفة منو) خاصاك شي حاجة ؟
اكسيل : باغي نصايب قهوتي ، كتقادي لعشا ؟
لغالية : واه (سالات نصيب ديال طاجين او خلاتو يطيب ، ومشات تقاد لعاصير حاضية اكسيل بنص عين كيجيها فشكل كيبان مقلق او مغوبش واخة كيدوي عادي ، سالا قهوتو او نقا داكشي لي وسخ ومشا بحالو ، بقات متبعاه بلعين تا مشا وبدات كتدوي معا راسها) ” صبري الغالية صبري عئيلتك او محناتش فيك لاعساك هادي لي دخلتي عليها عروسة بلى خاطرها ، صبري الغالية كولشي غيتقاد صبري الغالية هادو هوما عئيلتك دبا او هاد الشارف لي معاجبكش هو راجلك الى فرحتي فيه ولا فرط فيك اترجعي لزنقة ، اللهم لعيشة معا شارف او سقف فوق راسك ، ولا يضربوك حيوط الزنقة كي لقح*بو”
#عند محسن#
كان مريح فديك لبيت لي كاري كيتفرج فطيليفون تا صونا عليه مجد
محسن : ولد لݣزار شباغي ؟
مجد : جمع قلا*ويك اعشيري او نزل عندنا حنا انخرجو من دار دابا نلقاوك لتحت
محسن : (قطع عليه مخليه نايض خارج نيشن لبرا بلكيطمة ديالو مبدلش)
مجد : جود يالاه
جود : دويتي معا محسن ؟
مجد : واه راه كيستنانا
جود : يالاه
صباح : فين غادين ؟
مجد : خارجين
لحاجة : مغتݣلسوش تا تعشاو ؟
جود : تال برا او ندوزو نقصيو شي حاجة (خرج هو ومجد ركبو فطونوبيل بجوج او مشاو تا دازو على محسن)
مجد : افين العشير
محسن : (ركب اللور) لاش معيطين عليا
جود : قول البرهوش غا سالام
محسن : كاين شي برهوش قدك
مجد : هاي هاي على بعلوك كبر او بدا يتهز على لي كبر منو ، ياجدك باقي تا لاكارط مادرتيهاش شحال عندو
جود : 15 رعام ههههههههههه
محسن : كندويو بحالا نتوما بعقلكوم صغير فلعمر او مبرهوش فلعقل بحالكوم
مجد : فين نمشيو
جود : فيا جوع باغي نمشي نقصي
محسن : من دابا نتافقو لاتصدقو مخوريني فلخر كلى اخلص على شنو طلب ماشي تجمعو لحساب فلخر او تفرقوه على تلاتة انا طالب طاكوس بعشرين درهم ونتا طلبلي سوشي ب50 درهم او تبغيني نخلصو ليك
مجد : وامي وامي معامن مصاحب انا غا لمنشار على خوه درهم ما تعطيوه
جود : لحزاق لي نعطيوك لا
دخلو دراري لواحد لمطعم او شدولهوم واحد الطبلة جود ريزيرڤا واحد نص دجاج مجد تا هو فحين محسن خدا ليه غا واحد شلاضة عادية
مجد : شلاضة أصاحبي من نيتك
محسن : (ملي تحطو طباسل هز طبسيل تاع مجد لي فيه دجاج حطو قدامو او حط لمجد فبلاصتو داك طبسيل تاع شلاضة) بسم الله
مجد : (بقا مصدوم كيشوف محسن خاشي وجهو فدجاج او مخلي ليه هو شلاضة) اسبحان الله اولد طحبة شتك دايلي دجاج او مخليلي شلاضة
محسن : سير طلب ليك شي طبسيل تاع دجاج مالك على حالتك ولا حول لخص راه صحي
مجد : (طلب نص دجاجة لراسو مرة خرى)
محسن : ملي طلبتي لراسك انا غنرض شلاضتي (رض طبسيل لجيهتو او دخل فيه تا هو طول او عرض)
جود : (بقاو هاكداك كيقصيو تا شبعو او جا وقت لخلاص) يالاه كل واحد اكحب فلوس داكشي لي كلى
محسن : ها عشرين درهم تاع شلاضة لي خديت
مجد : هاء ؟ او ديك نص دجاجة انا لي طلبتها ؟
محسن : هانتا قلتيها بفمك نتا لي طلبتي نص دجاجة ماشي انا انا طلبت غا شلاضة تا جود شاهد ياك اجود
جود : لحق يتقال نتا لي طلبتي دجاج ماشي محسن
مجد : واناري على قوم وا ناري معامن انا (جبد لفلوس تاع دوك جوج نصوصة ددجاج) فين نمشيو دبا ؟
جود : غنمشيو نتقهواو فديك لقهوة لي يالاه حلات جنب لبحر
محسن : صافي مشات يالاه (خلصو داكشي لي كلاو او مشاو ركبو فطونوبيل غاديين لديك لقهوة)
جود : (ملي دخلو لديك لقهوة) شوفو دراري انا غنخرج نكمي شدونا نتوما شي طبلة نسالي او نجي نلحق عليكوم
مجد : أصاحبي مابغاش يهديك الله تقطعو
جود : ياك نتا قطعتيه ايوا صافي هنينا الله يهدينا تا حنا (ربت على كتف خوه او خرج لطراسة لي فديك لقهوة شاعل ليه واحد لݣارو او غا كيكمي ، تا سمع تكركير تاع شي سيدة ضار كيشوف جنابو ماغريبش عليه صوتها تا قشع سناء واقفة فلقنة او كتكركر ، طفا لݣارو ديالو او قرب عندها باغي اسلم عليها تا قشعها واقفة معا واحد دري كيبان فلعشرينيات ديالو مكانش عوال اصدعهوم قال يمكن على شي خدمة علاش تلاقاو بمأنو صغر منها)
سناء : ساليتي داك لپروجي لي كان عندك فرانسا ولا باقي ؟ آخر مرة فاش تلاقينا تما كنتي يالاه باديه
دري : (كان بوݣوص بمعنى الكلمة ولكن عينيه باينة زايغة ، مخلاش سناء تكمل هضرتها او قرب عندها محاوط خصرها او داوي برمنسية) خلينا من لپروجي متخايليش شحال توحشتك
سناء : (تا هي تلاسقات معاه) moi aussi
دري : (تحنى عندها بايسها من فمها او هي مبادلاه لقبلة بمتعة او قبل متحول لقبلة وحشية قطعوها) شنو بان ليك نكملو سهرتنا عندك فدار
سناء : Oui pourquoi pas
جود : (هاد لفلاش كامل وقع قدامو ، شاف مو كتباوس معا واحد قد ولدها او كون غا كان راجلها ماعليش دير معاه لي بغات ولكن صاحبها ماراعات تا لشنو غيحسو ولادها الى شافوها فديك لحالة ، تعصب او مرضاش مرضاش لواحد الدرجة محملش راسو ، او فلحضة غضب سيطرات عليه خلاتو ميشوفش قدامو تلاح على داك دري بلبونيات مطيحو لأرض او طالع فوقو) تكمل سهرتك فدارها ؟ غتكملها فسبيطار يولد طحبة
سناء : (صدمها جود فاش تلاح على دري كيضربو) طلق دري اجود واش تسطيتي
جود : (بقا كيضرب فدري تا فقد لوعي عاد ناض عندها صاعر) واه تسطيت غتسطيني ربي ماقوليلي مناش مصنوعة نتي
سناء : (ماتسوقاتش ليه او نزلات عند دري كتشوف مالو) هاويلي قتلو سليم فيق سليم كتسمعني
جود : (رجع شعرو لور او بلفقص دموعو نزلو) الى ماماتش انا غنقتلو ، خايفة على تامل دجدو غنصفيها ليه غا صبري
سناء : (وقفات او طرشاتو) هنينا من صداعك مشوهنا بين ناس
جود : مشوهك ؟ شكون داير الشوهة فراسو او ݣالس كيتجلقم معا توامل قدام الناس شكون فين لي داير الشوهة انا ولا نتي واش مكتحشميش على عاراضك ولادك قد السخط ونتي عاد جاتك لمراهقة لمتأخرة
سناء : شغلك ؟ شدخلك فيا باشمن حق كدخل فحياتي بسلامة نمشي معامن بغيت تسالني شي حاجة متنساش راسك أو تبقا تهز عليا قليل ترابي هاماجي بحال باك
جود : هادي هي هضرتك ولدك شافك كتباوسي معا واحد آخر أو باقة كطرطقي فعينيك بلى حشمة الالة باز شتي آنا لي حمار ايما ندير راسي مكنعرفكش
سناء : دير راسك مكتعرفنيش ولا هاد لفضيحة
جود : ها لفضيحة غادة وسيري معا صاحبك الى بقا فيه شي جهد اسهرك ليل اميمتي (خرج من ديك لقنة معصب او كمل طريقو لطونوبيل نيشن راكبها او مكسيري مبعد بلاما حتى يعلم دراري بلي مشا)
محسن : تا هادا واش مشا يكمي ولا يصنعو
مجد : بلاتي نصوني عليه نشوف
محسن : (شاف لومبيلونص جات دات شي حد) ياربي السلامة شكون هادا لي تضرب
مجد : الو جود فين مشيتي أصاحبي
جود : (كان معصب نيت) شدو طاكسي او رجعو بحالكوم لدار انا ديت الطونوبيل
مجد : تا فين مشيتي اصحبي بلا بينا
جود : (قطع عليه)
مجد : شوف لكلب قطع عليا
محسن : فين هو
مجد : راه شاد طريق لشي قنة قالك شدو طاكسي فرجوع
جود : (بقا غادي بطونوبيل تا وصل لقدام واحد لبار هو يبلاصي قدامو او نزل داخل ليه ، عينيه مكانتش كتشوف فدوك لبنات زبطات لي تما كان بالو مشغول او راسو كيقوليه رجع عند داك خينا شعلفيه لعافية هو ومك او فيك تا نتا ، مشا تال لقنة او خدا ليه واحد الطبلة بعدما محب لقرعة تاع لويسكي او داها معاه لتما ، عمر لكاس او جبد لݣارو كيتكيف او يجݣط كاس تا داخ تاع لمعقول)
لبنت : (كانت من بنات ليل لابسة قصير او مزير كتلوى فلمشية او غا بان ليها جود بوحدو مشات قصداتو كتقول الله لقيت بريكول ، ݣلسات حداه معمرة ليه لكاس لي خوا او داوية بتحلوين) مال زين بوحدو خاص لي يونسو ؟
جود : (متسوقش ليها عقلو عامر او باغي ينسا غا همو)
لبنت : (تجرآت او قربات عندو هامسة ليه فودنيه او يديها كتحسس صدرو) تبغي نمشيو نكملو قصارتنا فدار
جود : (شد ليها يديها لي كانت هابطة غادة لمعلم تاعو او نفطها بجهد مبعدها عليه او داوي باشمئزاز) جمعي عليا يديك
لبنت : (والو لسقات) مال زين مقلق يالاه معايا نعطيك لحلوة او غتبرد
جود : (مد يديه شادها من شعرها او مزير عليها تا غوتات بألم) نفضل تقطعو من جدر ولا نعس معاك كي شتي تبي مشايطش عليا نحطو فيك قودي عليا منهنا كترتو غا طحبة على ختها
لبنت : (خافتو افوت فيها شي دقة داكشي علاش مشات فحالها)
جود : (كمل ديك لقرعة كاملة تا مابقاش كيشوف مزيان سيد داخ تاع لمعقول بدرع بدرع باش قدر اينوض من بلاصتو او معا كل خطوة كيديرها كيطيحة جوج طيحات تا وصل لطونوبيل ، ركب لقدام بلاصة الشيفور او تكا مودة طويلة تا بدا كيقشع شي حاجة او فاتو السكرة شوي عاد الضيمارة الطونوبيل او ساݣ تا وصل لدار او من زهرو كانت طريق خاوية ايما شحال من كسيدة كان غيدير غا ربي لطف بيه ، نزل من طونوبيل كيتمايل تا دخل لدار معول اطلع لبيتو نيشن حيت إيلى شافي اكسيل انحرو)
اكسيل : (كانت حطات ليهوم لغالية طاجين تعشاو او كل واحد شد ليه كويس داتاي كيشربو او يتفرجو فتلفازة ، ناض هو صونا ليه طيليفون او خرج ايجاوب برا بقا مودة تما كيدوي على لخدمة تا سالا لمكالمة او كان ناوي يرجع لداخل تا قشع جود داخل كيتمايل ، عقدهوم او زير على يديها غادي فإتجاهو) فين غادي مدرم بسلامة
جود : (تخلع ملي سمع صوت اكسيل او ضار عندو كيحاول ابين بلي ساحي) لواليد باقي فايق
اكسيل : فين كنتي ؟ شهاد لوقت فاش جاي ؟
جود : كنت غا هنا مقالهاش ليك مجد ؟
اكسيل : مجد بايت عند صاحبو ، مشيتي لبار عاود ؟ سكرتي وجيتي عندي
جود : لا لواليد راه غا
اكسيل : (ضربو بونية لوجه او شدو من عنقو مقابلو معاه) وليدها بلكدوب ، ياكما قالو لجدك عليا فاتح فار تا جاي عندي ريحتك كتعطعط اسكايري , (زاد ليه بونية لكرش) شقلت لجدك آخر مرة باغي غا شراب او لبلية ضبر كرك حيت عييت نصح فيك ولكن ضاري منبغيش ادخلها لحرام سمعتيني ياك او قلتيلي كون هاني الواليد كان يسحابلي كندوي معا راجل وبداو او كبرتو سعا كنت كندوي غا معا شماتة ، ولكن اولدي ماباغيش ترجل او تجمع مخك انا انعاود لطاسيلتك ترابي
جرو من التوني ديالو تا وصلو لداك لاپيسين او طيحو لارض وبدأ كيخشي ليه راسو فلاپيسين تا كيقرب اخنقو عاد كيطلعو او يعاود ارضو بعد تانية
اكسيل : (داوي كارز على سنانو) عييت معا طواسل مك هاد لخرى لي كتشرب حرام حرام حرام ، مقتلكش حشم مني انا حشم غا من ليخلقك خاف منو او مرݣ دير لمعصية لي هناك عليها ، عند بالك دبا راجل ملي كتشرب او كتكمي عاجبك راسك تجي كتمايل عليا كي شيخة يسحاب جدك همة وشان ، ونتا كتبان تامل موسخ مكيسوا تا ريال ربيت جدك بدم جوفي قطعت من لحمي باش نكبرك عند بالي كنكبر راجل متحشمنيش تربيتي ملي يسولني لي خلقني ولكن خسارة مربي كلب ميسوى تا بصلة خامجة
صباح : (كانت فصالون معا جداتها او عمتها ولغالية ، تا بغات تمشي تجيب شارجولها هي تسمع باها خرجات بفضول تشوف لاقياه كيغرق فجود ، لاحت عليها زيفها او مشات كتجري عندهوم) بابا طلقو عافاك
اكسيل : صباح خرجي هاد السوق خليني مني ليه
صباح : بابا عافاك طلقو راه غتقتلو عافاك
اكسيل : (طلق جود او زاد دخل لداخل)
صباح : (تحنات عند جود لي كان كياخد النفس) خويا جود راك بيخير ؟
جود : بيخير بيخير نتي غي دخلي لداخل
صباح : ولكن
جود : صباح باغي نبقا بوحدي
مشات صباح او خلاتو طالع تا هو لبيتو ساد عليه او غادي تال تحت ديك رشاشة طالق لما لبارد عليه مودة طويلة عاد خرج محيد عليه دوك لحوايج لفازݣين او تلاح فوق الناموسية مغطي عينيه بيديه او طالق دموعو كيبكي كي داك دري صغير صورة مو كتباوس معا واحد غريب ضراتو فقلبو او شعلات فيه لعافية غصة مقادش اسرطها
لغالية : (بعدما خرج اكسيل او صباح خلاوها بوحدها معا لحاجة او صفية ، او باش تهرب منهوم ناضت كتجمع فصينية تاع أتاي تا شوكاتها لحاجة بداك السؤال لي سولاتها)
لحاجة : شتك باقي موريتينا صباحك اشريفة
لغالية : (طيحولها لما فركابي) ص.صباحي ؟
صفية : واه صباحك الالة ولا ياكما راك صابحة شحال هادي
لحاجة : سمعيني مزيان عئيلتنا مكيدخلو ليها غا لعزبات شاريفات ، او مكيتحسبو مزوجات عندنا تا كنشوفو صباحهوم ، غدا فصباح تجيبي صباحك نشوفو ولا ديالتك ماتعاود لمشرݣات او لواسعات مكيݣلسوش معانا فطبلة وحدة كنرجعوهوم لدار باهوم ولا لزنقة مناش جبناهوم بحالك ، صفية يالاه نعسو تعطل لحال
لغالية : (مشاو بجوجات لبيوتهوم انعسو مخليينها هي كتغسل فلماعن او كتخمم لشنو دير ، شمن صباح اتخرج ليهوم او هي تا شوفة مكيهزهاش فيها ، شمن صباح اتخرج او هي غا نعاس معاه فنفس لبيت واخة لفراشات مفارقين كتخنقها ، كي غدير تعطيه راسها وهي كتشمأز من أنو يقرب ليها ، سهات فتفكيرها تا غسلات دوك لماعن خمسة تاع لمرات ، تنهدات او شللات يديها وطلعات لفوق ، خايفة من تواجدها معاه فنفس لبيت شخص غريب عليها تا عمرو ماقريبش لعمرها تقول تفاهم معاه ، هي حشومية او هو سكوتي ، هي باقة مراهقة او هو راجل دا وجاب فدنيا تا شاب)
حلات لباب تاع لبيت أو دخلات بشوية بلاما دير لحس مقشعات تا حد حيت كان ضلام بقات غا كتمشا بشوية عليها بلاما تشعل الضو
اكسيل : (كان ݣالس فضلام كيشرب قهوتو او كيتسنط لعضامو ، باقي عاقدهوم كيتفكر كفاش كان ولدو داخل لدار كيسهل ، حياتو كاملة كان كيطلب حاجة وحدة ايكون ولدو شادين طريق الله او ميتغروش بشهوات الدنيا ، سعا خسارة معرفش واش هو لي معرفش ايربيهوم ولا هوما لي بغاو ، سمع صوت تاع لباب تحل او لخطوات) شعلي ضو غطيحي
لغالية : (كان يسحابلها ناعس تا سمعاتو دوا هي تغوت مخلوعة) واع (ديك لبركة لي بركات على النݣاصة او شعلات الضو لقاتو واقف فوجها ، عاودات قفزات مخلوعة ) بسم الله الرحمان الرحيم
اكسيل: شفتي شي جن ؟
لغالية : (رجعات شي خطوات لور مبعدة عليه) ل.لا غا تخلعت
اكسيل : (مشات دخلات لحمام خلاتو مصغر فيها لعين او كيدوي معا راسو) “واش لهاد الدرجة انا كنخلع تا كتقفز فوقما ندوي معاها ؟”
رجع كمل قهوتو عاد مشا تكا فوق الناموسية او نعس ، فحين لغالية لي سكنات فلحمام عالله ايكون نعس لموهيم ماتلقاهش فايق ، خرجات من لحمام بعدما توضات او مشات كتصلي ليها شي ركعات او هي كتدعي تفلت من لحاجة او صفية غدا
لغالية : (سالات صلى او طوات الصلاية وناضت باغة تنعس فوق لفوطوي تا لقاتو فازݣ تخوى عليه لما) اوف فين غنعس انا دبا (شافت فالناموسية اكسيل ناعس فواحد الجنب او بقات مودة كتشوف او مترددة تمشي تنعس حداه) “خاصك تولفي عليه كيبقا راجلك الغالية راجلك”
قربات من الناموسية او تكات فجنب مخليا بيناتهوم مسافة او نعسات بزيفها مزعماتش تحيدو
#فصباح#
فاقت لغالية بكري مور لفجر بشوي أصلن منعساتش ليل كامل كتفكر فشنو تقول لحاجة او صفية غدا إيلى سولوها ، تا من اكسيل مزعماتش تقولهاليه اصل ماموالفاش تدوي معاه بقا غا تقوليه جي دخل عليا ، ناضت من بلاصتها بشوي باش متفيقوش او مشات لحمام غسلات وجها او طرفات حالتها ، عاد هبطات لتحت لكوزينة كان كولشي باقي ناعس حيت يالاه جوايه ستة هادي ، عصبات راسها بزيف او جبدات لݣصعة دارت فيها طحين او بدات كتعجن ليها فلمسمن تا سالاتو ودازت لبغرير او تعمار دلقهوة وأتاي تا صايبات لفطور كامل او حطاتو فوق الطبلة معا الزيت او لعسل او زبة ولكوفيتر لموهيم فطور تقليدي بمتياز
اكسيل : (فاق معطل شوي مالاقيش لغالية فلبيت عرفها وا فاقت ناض دخل لحمام غسل كمارتو او توضا او خرج تا صلى ليه الضحى عاد نزل لتحت ملاقي معا جود او صباح فطريق)
جود : (حشم يدوي معا باه) لواليد لبارح سمح ليا جيت سكران لدار
اكسيل : خلينا نسدو لقصة تاع لبارح قبل منخرج فيك عاود ، ونتي فين غادية على هاد صباح ؟
صباح : ماما صونات عليا قاتلي بلي راها هنا فمكناس كانت عندها شي خدمة او اترجع ليوم لكازا قلت نمشي نݣلس معاها شوي فكازا باغة نتبحر
جود : باغة تزعتري فين غادة معاها بسلامة قاتلك يالاه حاشاتها ليك أصلن شهر او هي هنا عمرها دارت معاك تا قهوة ونتي لاسقة فيها معندك فين تمشي باغة لبحر ها طنجة غا كازا لي فيها لبحر ولا ؟
صباح : واش عارف شكاتقول كيفاش لاسقة فيها غادة نشوف مي ، او زايدون نمشي ولا نݣلس ماشي شغلك بابا معامن داوية
جود : لواليد دوي معاها فين غادة عاود
اكسيل : باغة تمشي عند مها خليها او خاصك تا نتا ملي تشد لعوطلة تمشي عندها نشوفها راه مودة هادي مشتيها
جود : (عقدهوم) ما تمشي عندي ما نمشي عندها كولا يشد رجليه عندو
اكسيل : ضبر مخك
صباح : ايوا الواليد تتطلع لكازا وانا ماعندي تا ريال
اكسيل : ياك اشريفة يالاه داز راس شهر او دوزتليك شي فلوس لبانكة سطي فيهوم فيوماين ؟
صباح : علاه مقتلكش دبا سيدي حاميد خسر او صايبتو عند لمعلم حطيت فيه زبابل تاع لفلوس
اكسيل : (كيحاول اتفكر شكون فلقجاوج ديالها سميتو سيدي حاميد) لپيسي ديالك لي خسر ؟
صباح : واه خسر
اكسيل : تا نفطرو او نعطيك
لحاجة : وليدي فقتي ؟
اكسيل : (باس ليها راسها) صباح الخير
لحاجة : صباح النور نعستي مزيان
اكسيل : حمد الله
صفية : شتك بوحدك مرتك باقة ناعسة ولا ؟
اكسيل : لا فاقت
جود : شميت ريحة لمسمن واش كريمة جات بكري (ضرب فلغالية كتحط) لغالية
لغالية : صباح لخير
جود : صباح النور شهاد لحداݣة على صباح ازين
صفية : طر جوج مسمنات هوما لحداݣة
مجد : (دخل عليهوم لدار او هز واحد الضغمة من لمسمن غمسها فلعسل او خشاها فمو) الى ما كانش هاد لمسمن لمورق لبنين حداݣة دوك بوشيارات لمدقسين لي كديري هوما لحداݣة ولا ؟
لحاجة : (مارضاتش) شوف لحرايمي عمتك كادير مسمن مدقس الله يعطينا وجهة ها خوك سولو
جود : (كان كيخشي فوجو تا قطعاتها فيه لحاجة) كح كح
مجد : تا شمن سول خوك ولادها او شاهدين فيها ماشي فايت دارت لمسمن جينا نلعو معا مروى قلنالها شدي لمسمنة قاست ليها لعين شوي ماتعميها ، تا فاش كنا صغار ملي سنا كيتحركو غا كناكلو لمسمن ديالك كيطيحو فلبلاصة ، شوفي لمسمن تاع لغالية كي داير اما بغرير بلاما ندوي تي مانسالكش عمتي جي ديري عندها سطاج
صباح : (كانت كتاكل فسكات تا شبعات هي تستأذنهوم او طلعات خدات شي فلوس من لمكتب تاع باها او رضات ليه سوارت عاد خرجات بحالها)
جود : (كان كيفجر تا سمع سرسار فلباب) واش صاباح لي نسات شي حاجة ؟
اكسيل : انا غنمشي نشوف شكون (مشا حل لباب لاقي لبوليس قدامو) السلام عليكم
لبوليسي : (جبد لاكارط تاع لبوليس وراها ليه) السلام عليكم معاك الدرك الملكي آسيدي واش هادي دار جود آيت اوسو
اكسيل : واه
لبوليسي : واخة تكلمونا
جود : (كان دايز تا سمع سميتو او جا خرج عندهوم) انا جود آيت اوسو شحب لخاطر
لبوليسي : تفضل معانا لكوميسارية
اكسيل : علاش شنو واقع
لكومسير : (شاف ديالهوم كيعرف اكسيل كان يالاه لحق عليهوم) سي إكسيل سمحنا ولكن خاصنا نديو ولدك معانا واحد سيد رفع عليه دعوة تاع لإعتداء او خاصنا نحققو معاه
اكسيل : اعتداء ؟
جود : داك زمر عندو لوجه لي يرفع دعوة هاني غادي معاكوم لواليد نتا غا بقا هنا
اكسيل : هنيني من صداعك باقي لمصايب تاعك مابغاوش ايساليو زيد قدامي ، (شاف فلكوميسير) غنوصلو ليكوم بطونوبيلتي
لبوليسي : لا اشمن
لكوميسير : (نغزو) واخة اسي اكسيل حنا انسبقوك تا تلحق عليها
اكسيل : (تسنا تا مشاو لبوليس او دار عند ولدو مخنزر) علاش ضربتي سيد
جود : كنت معصب او جا فطريقي
اكسيل : رموك دايز تا يجي فطريقك او طحنو سيبة
مجد : شواقع هنا ؟
اكسيل : سير جيب ليا طيليفوني او سوارت تاع طونوبيل
مجد : (مشا طاير جابهوم ليه) هاك ، انمشي معاكوم
اكسيل : تحرك سربي نشوفو هاد لحريرة فين غتوصلنا
ركبو فطونوبيل بتلاتة او مشاو لكوميسارية مخليين لغالية بوحدها معا لحاجة او صفية
لحاجة : (شافت لغالية باقة كتفطر) كتسناينا نجمعو ليك الطبلة ولا شنو يالاه تݣعدي جمعيها او عمري لينا شي كيس داتاي
لغالية : ه.ها آتاي اخالتي
لحاجة : برد ، عمرينا واحد آخر أو جيبيه لينا لصالون
لغالية : (ناضو خلاوها واحلة فلماعن بوحدها ، هزات الصينية وصلاتها لكوزينة او تبعات ليها طباس او رضات لي خاصو يترض فتلاجة رضاتو تا بقا ليها غا لخاوي ݣفضات على يديها او بدات تغسل فيهوم تا سالاتهوم عاد مشات عمرات ليهوم آتاي او داتو ليهوم لصالون)
لحاجة : (غا ضاقت من آتاي خسرات سيفتها او حطات لكاس بزعفة) سهاد آتاي لما وزغاريت مسوس بحالك تا أتاي متعرفيلوش هزيه عليا
لغالية : (مسكينة بقا فيها لحال ولكن كمداتها لقلبها او تحنات تهز الصينية تا حبساتها لحاجة عوتاني)
لحاجة : بلاتي قبل متهزي صينية طلعي جيبينا صباحك نشوفوه
لغالية : (تلفات ماعرفات ماتقول)
صفية : شتك سكتي راه معاك داويين
لحاجة : سيري سيري دي آتاي ديالك لكوزينة شمن صباح ايكون عند وحدة بحالك
صفية : (دوات بعدما خرجات من حداهوم لغالية) اتخليها تمشي هاكداك امي او صباحها
لحاجة : شمن صباح ايكون عندها تا نتي
صفية : زعما تكون متقوبة
لحاجة : تي لا واش مشتيهاش كتمشا قدامو بزيف او لواسع موحال تا واش كتنعس معاه فنفس لفراش
صفية : ياويلي ايوا شنو لمعمول
لحاجة : مغانديرو والو خليها هاكدا تبقا حاشمة منو تا يمل منها او يلوحها شحال قدو يصبر عليها
(🔴 انمشي تا نتعشا او نجي نكمل ليكوم )
لغالية : (سمعات هضرتهوم او طلعات لبيتها ݣالسة فيها او غا كتفكر) ” الى منعستش معا اكسيل غيجري عليا الله ياربي كي غندير انا ياربي ، ويلى مابغاش انعس معايا او جرات عليا لحاجة ياربي شنو ندير انا الى رجعتي لزنقة ولا عند با غنتسطا ياربي” (بدات كتبكي) “ياربي شنو غنديرو انا دبا”
اكسيل : (رجع من لكوميسارية معا دراري بعدما حط فيها زبابل تاع لفلوس باش اسد هاد لقضية تاع جود ، او ماشي عطا لفلوس على قبل ولدو باش ميدخلش لحبس انما حيت عارف ولدو مكيضرب شي حد داك ضرب تا كيكون دار ليه شي حاجة لي ميمكنش ايسامحو عليها ، رجع لدار باغي اجمع حوايجو حيت خرج ليه واحد السفر مزروب حل لباب تاع لبيت ضارب فلغالية)
لغالية : (غا سمعات صوت تاع لباب تحل مسحات دموعها بالزربة)
اكسيل : (قرب عندها) ݣالسة هنا بوحدك ؟ كنتي كتبكي ؟ دارتلك لحاجة ولا صفية شي حاجة ؟
لغالية : لا غا دخلي صابون لعيني ملي كنت كنغسل وجهي
اكسيل : متأكدة ؟
لغالية : واه
اكسيل : نتي تعرفي ، نوضي جمعي حوايجك
لغالية : (تخلعات) ع.علاش ؟
اكسيل : غتمشي معايا
لغالية : ل.لفين ؟
اكسيل : عندي شي خدمة فسعيدية خاصنا نشدو طريق دبا باش يالاه نوصلو
لغالية : جود او مجد ايمشيو معانا ؟
اكسيل : لا غا انا ونتي
لغالية : (طاح ليها لما فركابي ولكن ضربات طم او ناضت باغة تجمع حوايجها)
اكسيل : دي معاك غا شنو تلبسي منهنا ملي نوصلو تما ندوزو نشريو ليك لحوايج
لغالية : واخ (مشات دخلات لبيت تاع تبدال لبسات عليها ديك لكسوة لي كانت عطاتها صباح او دارت معاها الزيف عاد خرجات عندو لاقياه بدل عليه تا هو ولبس حوايجو او هز لوراق ديالو عاد دخل لبيت تبدال هز منها حوايج دارهوم فبريزة ورجع عندها)
اكسيل : يالاه (هبطو بجوج لتحت ضاربين لحاجة )
لحاجة : فين غادي اولدي ؟
اكسيل : غادي انا ولغالية مسافرين
لحاجة : مسافرين تا لغالية غادة معاك مزيان
اكسيل : لغالية سيري سبقيني لطونوبيل
لغالية : (مزادتش معاه لهضرة او مشات لطونوبيل راكبة لقدام)
اكسيل : غتدويو ولا ندوي الحاجة ؟
لحاجة : فاش اوليدي ؟
اكسيل : بلى داك لبهلان عارفين علامن داوي شديك لحالة درتو فلغالية أدويو ولا ياكما حيت شتوني ساكت قلتو هادا فدار غفلوت راه مدارها ليا غا دراري معانا فدار مانبغيش نحشمكوم قدامهوم
لحاجة : ديك لمغصوبة تاع مرتك نزلات عنا لباطل او جاي كتفتاري علينا
اكسيل : لحاجة امي ضربات طم لقيتو لبنت درويشة مقادة على صداع درتو فيها مابغيتو جاب الله كانت صباح شاهدة وقالتهالي ، ولكن امي لقيتيني ماعندي ليك جهد ولكن نتي أصفية آخر مرة يديك تهز على مرتي ولا تا صوتك يعلى عليها ولا قسما برب لكعبة تا نتسيف عليك
صفية : وليتي اخويا كدور فيا على قبل ديك لبرهوشة تاع مرتك واخة عقل فيها
اكسيل : نتي لي خاصك تعقلي على هضرتي راك عارفاني مزيان فاش كندوي معاك ، راه يمشي تا يطلعلي زعاف مانبقا نشوف قدامي لا مي لا ختي ايوا خليوني هاني وقبل منيا بكار عندكوم منهنا جوج سوايع جمعو حوايجكوم بزربة باش تمشيو جود غيوصلكوم لمحطة
لحاجة : كتجري عنا ولا
اكسيل : (شاف جود جاي) طلع لبس عليك باش توصل جداك او عمتك لمحطة
جود : لمحطة ؟ علاه ايرجعو
اكسيل : باش تشوف عييت معاهوم بقاو بقاو يالاه جيتو مابغاوش قالك والو بغاو ارجعو ، او ملي طلع متنساش تقول لمجد امشي عند محمد دهايبي يقوليه غا بيع ديك لݣورميطة عمتك مابقاتش بغاتها
صفية : ولكن أ إكسيل انا
اكسيل : سمعتيها بودنيك مابقاتش بغاتها غا يبيعها ولا عرفتي شنو ماتقول ليه والو شتي بشرف وليت نسا سمحيلي أختي كنتي بغيتي تعطيها لغالية كادو شوي منزبلها او نبيعها
جود : صافي انا غا غادي نلبس نجي نوصلكوم
صفية : بدا بغيتي تعطي لݣورميطة لي كنت باغة انا لمرتك ولا كيفاش
اكسيل : معلوم كان عندك لحق غتجي معا مرتي فضل خليتكوم على خير مرتي كتسناني
خرج من دار مخليهوم باغين ايموتو بلفقصة عارف ختو كنموت على لقزدير داكشي علاش شدها من الجيهة لي ضاراها ، ركب فطونوبيل لاقي لغالية داها نعاس ، ضيمارا او شد طريق لسعيدية
لغالية : (ملي شافتو باغي يدخل لطونوبيل دارت راسها ناعسة باش تجنب أي هضرة معاه ، يمكن كتبان متناقضة فراسها باغة تبقا معاه او فنفس لوقت ماباغاهش اقرب منها ، يمكن حيت من لول ماكانتش باغاه او غا تفرض عليها تزوج بيه او فأول فرصة لقات قدامها هربات منو او من زواجهوم ولا بعدما خرجات من لحبس لقات راسها مجبورة او معندها تاشي حل آخر من غير تكون معاه باش تعيش حياة كريمة كان خاصها تقبل هاد زواج او تقنع راسها بيه ولأهم تقنع راسها او تقبل لإكسيل كراجل ليها و هادا هو لأصعب)
#عند عئيلة لغالية#
سليمان : (دخل لبيت لاقي كلتوم كتبكي) مالك اهاد لمرا كتبكي
كلتوم : كنبكي على لغالية بنتي مسكينة ماعرفها كيف عايشة معا داك الراجل واش كيعاملها مزيان ولا لا واش مرتاحة ولا لا ، او كنبكي على وليدي محسن لي غير مابقا ليه لاتر ميسول مايجي يشوفني ماعرفت واكل ولا شارب ولا مريض ولا صحيح
سليمان : لغالية هي لي حالتها لراسها كون شدات طريق كي بنات الناس مكانش يوقع هادشي اما ولدك هو لي بغا يمشي حنا مجريناش عليه ، او آخر مرة نشوفك تبكي على هاد الجوج خصوصا ديك لي مكتسماش تهانينا من عارها مني زوجناها
كلتوم : أحيانا السليمان على كبدتي احياني على بنتي فاش ترزيت تبعت رايك او فرط فيها معضر محسن فينا حنا لي فرطنا فبنتنا او بعملها برخيص احياني
سليمان : (واخة مكيبينش ولكن لداخل ديالو كان الندم بادي فيه)
مريم : (كانت ݣالسة فبيتها كتنعس فنهيلة لي كانت يالاه رضعاتها او حطاتها فباياصها كتراري بيها او تغني ليها تنعس) آشميشة لالة ماتمشي من دارنا من دارنا تا يجي عمي سوسو او يهز ولدي على ضهر او يساريه من دار لدار تال حانوت لعطار
عبد الله : (دخل عليها لبيت أو قرب عندها من لور بايسها من عنقها او مدوز يديه لقدام شاد بيهوم بزازلها كيعصرهوم ليها)
مريم : (حاسة برضان من لمساتو) عبد الله راني كنعس فلبت غتفيقها
عبد الله: وتفيق ناعسة ليا لأميرة لالة سلمى ، راك مرتي او واجب عليك تخدميني فاش نبغيك ولا غتلعنك لملائكة
مريم : (كتحاول تفك منو باي طريقة ماقاداش تنعس معاه نفسيتها او تا جسدها ممستاعدينش لشي علاقة خصوصا الحال لعلاقة لي جامعاها معا عبد الله ، باغة تلقى اي عضر باش متنعسش معاه) عليا حق شهر منقدرش
(هاد لفقرة فيها شوي د🔞 ولكن ماشي كاملة غا جزء صغير)
عبد الله : عليك حق شهر واخة (حيد لقميجة ديالتو او نصل ليه سروال معا لبوكسور تا بقا كيما خلقاتو مو ، او مشا تكا فوق الناموسية على ضهرو بكل فخر) آجي مصيه ليا
مريم : (معالم بنفسيتها غالي خلقها ماعندها تاشي خيار من غير دير داكشي لي قال ليها ولا غينزض اعطيها قتلة تاع لعصا تأكدات بلي بنتها نعسات ضارت عندو او مشات تا تقابلات ليه معا حجرو)
عبد الله : عري على بزازلك عري
مريم : (حيدات تريكو او سوتيامات لي كانت لابسة مدلية ليه بزازلها لي كانو كبار او معا رضاعة زادو تنفخو)
عبد الله : (ملي عرات على بزازلها قرب عندها شادهوم ليها كيعجن فيهوم) وحوحي مالك ساكتة
مريم : (مكانت كنحس بتاشي اتارة واخة كان كيبوسها او يعجب فبزازلها حاجة وحدة باش كانت كنحس هو باشمئزاز منو من لمساتو من راسها تا هي ، خصوصا دبا ملي كتحاول تسطانع لمتعة بدوك الأصوات لي ولفات كديرهوم بلاما تعنيهوم) آي ، آح أييي أمممم آح
عبد الله : (بقا هاكداك كيقيس فبزازلها تا قيم عاد رجع تكا داير واحد ليد مور راسو) يالاه مصيه
مريم : (تحنات عند تبو صغير شاداه بيديها او متحرك فيه مودة قبل متحنا تخشيف فمها وهي حابسة الرضان غا بزز)
عبد الله : (معا كل مرة كتديه مريم او تجيبو فمها هو كيحص بالصهدة طالعة معاه مد يديها شادها منو شعرها او مخليها كتمص فتبو)
مريم : (بقات على ديك لحالة كتمصو ليه تا جابو ليها فلفم او معا كانت بغات تدفل لمني ديالو هضرة بامر)
عبد الله : سرطيه
مريم : (مرخص ليها غا تسرطو وهي كتلبس فتريكو ديالها مستنياه ايسالي لبيس تاع حوايجو او يخرج عاد ناضت كتجري لحمام دايرة صبعها فمها كترض)
#عند ياسمين#
بعد ديك ليلة لي بززو فيها عليها تنتر من داك لݣار معاودوش بززو عليها تكميه ولكن عاملتهوم ليها كانت كي زفت راضينها كي لخدامة تشطب ليهوم تغسل ليهوم حوايجهوم تا من سليپات او لخرقات تاع الدم دلعادة الشهرية ديالهوم كتغسلهوم ، طواليط هي لي كتنقيها او كتحكها ، هادشي كامل حيت كتخاف منهوم كتخصهوم غا سبة باش ادݣوها او يعطيوها قتلة تاع لعصا كيما دارو ليها هاد صباه ملي داتها عينيها ونعسات تا فاقو على هوما ، بزاف تاع ناس كيسحاب ليهوم الاصلاحية هي فين كيتقادو لقاصرين او كيتراجعو على أغلاطهوم ولكن واش فعلن كاينة شي حاجة سميتها لإصلاح فلإصلاحيات ديالنا ، خسارة عندنا كيدخل لقاصر لإصلاحية على جريمة بسيطة كيخرج واحد آخر وحش بوجه طفل ، كولشي مخالط لقتالة معا صراقة معا لبزنازة ، عواض ميتصلح لقاصر كزيد يخياب حيت بكل بساطة ملي كيكون لإهمال من طرف لمسؤولين على السجناء او شي غافل على شي حيت بكل بساطة بالنسبة ليهوم داك لقاصر مجرم جرتومة مكيسوا تا بصلة ، شحال من قاصر كان غيتنقد من داك لمستنقع كون صلحناه او ما تجاهلناش وجودو بيناتنا
ياسمين : (وصل ليهوم وقت لغدا داكشي علاش خرجوهوم من الزنزانة ديالهوم او داوهوم لبلاصة فين كياكلو ، خدات هي ماكلتها او مشات تعزلات فلقنة كتاكل بوحدها مراداش لبال لدوك لعينين لي كانو حاضيينها ، كان همها لوحيد تعمر كرشها او تسد جوعها واخة لماكلة مكان فيها ميتشاف لموهيم تعتق)
لبنت : (شافت فداك لبوليسي لي كان يشوف فياسمين او قربات عندو داوية بتطحبين) عجباتك
لبوليسي : (كان عمرو فايت الاربعين مقرقب او عينو زايغة كيشوف فياسمين شي شوفات ماشي تال لهيه)
لبنت : تبغيني نجيبها تال عندك ؟
لبوليسي : كون بغيتها كون جبتها لعندي ممحتاجكش
لبنت : زعما زعما ماضنيتش تجي عندك ، هي ماشي بحال لوخرينات كيمشيو معاك او عارفينك غتكويهوم او ترضهوم او عاجبهوم لحال
لبوليسي : (خلاها كتدوي بوحدها او مشا وقف على ياسمين) نوضي نتي عندك زيارة
ياسمين : (ناضت فرحانة كيحساب ليها مسكينة بلي مها لي جات تشوفها هادي سيمانة باش كاينة فلحبس او تا واحد نسول فيها تال هاد لمرة عاد سول فيها شي حد توحشات مها او تا ختها نهيلة توحشاتها واخة مشافتهاش شي بزاف غا شي مرة وحدة ولكن كتبقا ختها ضاروري توحشها ، لداخل ديالها كان عندها تا واحد لامل ايكون تا باها جا يشوفها واخة احتمال مستبعد ولكن مكرهاتوش ايجي يشوفها ، تبعاتو لبرا مبتاسمة تا لقاتو دخلها لواحد لمستودع كيديرو فيه ادوات التنضيف او شي تخربيق او طرق عليهوم لباب) ع.علاش جبتيني لهنا
ناصر : اهدني ماتخافيش جبتك غا باش ندوي معاك انا ناصر لمرؤوس تاع السجن ، شحال باش حكمو عليك
ياسمين : عاماين
ناصر : طالعت على لملف ديالك او عارفك مضلومة داكشي علاش بغيت نعاونك
ياسمين : (كانت باقة نية او صغيرة تقياتو مسكينة او ضحكات فرحانة) واش بصح غتعاوني نخرج منهنا
ناصر : (حط يديه على كتفها باش اطمأنها) معلوم غنعاونك غا هو غيخص شوي تاع لمقابل راك عارفة ماشي ساهل نخرجك منهنا براءة
ياسمين : شحال بغيتي انا غندوي معا ماما تعطيك لقدر لي بغيتي
ناصر : لا لا انا ماباغيش لفلوس ، يكفيني (بدا كينزل يديه معا ضهرها)
ياسمين : (ملي فاتو يديه كتافها او وصلو نص فضهرها فهمات لميساج ديالو او رجعات لور خايفة) لا لا انا مابغيتش بلاما تعاوني
ناصر : (بدا كيقرب عندها) باغة تبقاي هنا عاماين على قدها خليني نعاونك او بلاما تخافي مغتقسحيش داكشي دغيا
ياسمين : (دفعاتو عليها) لا لا انا مابغيتش
ناصر : (شدها من شعرها ملي شافها بغات تهرب لباب) آجي لهنا البرهوشة فين غادة
ياسمين : (معا كان شعرها طويل حكمها مزيان مخليها كطلبو او كتبكي) عافاك خليني نمشي اعمي عافاك والله مانقولها شي واحد خليني نمشي الله يرحم ليك واليديك
ناصر : (جمعها معاها بتصرفيقة تا طاحت لأرض او وقف تا حل ستيلو تاع سروالو عاد هبط عندها كيحاول احيد ليها تريكو لي لابسة)
ياسمين : (بدات كتفركل او ضرب باش ابعد عليها والو تا سمعات صوت تشراݣ تاع تريكو ديالها ماعرفات الجهد مناش جاها تا ضرباتو بݣنݣ لنيفو مخلياه طايح لأرض او وقفات كتجري لباب باغة تحلو تا لقاتو مسدود او بقات كتخبط فيه) عتقوني عافاك شي حد يعتقني باغي يتعدا عليا
ناصر : هههههههه غوتي تا تشبعي تا حد مغيسمعك غا هنينا واجي ماحدي كندوي بشوي غنحاول عليك
ياسمين : (زادت جهدات فلبكا ملي شافتو كيقرب ليها) لا لا عافاك ماديرهاش ديرتي بحال بنتك عافاك (شافتو باقي كيقرب او قبل ميوصل ليها مدات يديها لواحد لقرة تما حلاتها باغة تشرب منها كتفضل تموت على أنو يقيسها)
ناصر : (ملي شافها دات لقرعة لفمها خاف لتنتاحر ليه او يوحل فيها من زهرو نتر ليها ديك لقرعة من جيهة فمها)
ياسمين : (ديك نترة لي نتر ليها ديك لقرعة من فمها تخوا عليها داك السائل قايس ليها كرشها او فخضها او تا ضهرها حيت ملي تخوا عليها من لقدام او واخة كانت لابسة لحاوج كانت كنحس لحمها كيتكال زلقات او طاحت على ضهرها بالضبط فوق لبقايا تاع السائل لي تخوا فلأرض)
ناصر : (تخلع ملي شافها كتغوت بحر لألم لي جتاحها لدرجة أنها فقدات لوعي بكترت لألم ، تحنا عند ديك لقرعة ايشوف العاشر لاقيها تاع لاسيد مجهد ، فلبلاصة عيط لبوليسي انقلوها لسبيطار قبل مياكل ليها الجلدة او يدوز لاعضاء الداخلية تاع لجسم او حل ليه لباب بزربة وهرب لاسباب فيه)
ياسمين : (لي فلبلاصة وصلو لبوليس او نقلوها لسبيطار فحالة جد حرجة ، وصلات عند لأطباء لي غا شافو حالتها نقولوها لغرفة لعمليات بزربة كيحاولو اعتقوها من لموت ، لاقيين بكترت ما كان داك لاسيد مجهد دول ليها لحوايج على جلدتها بسة وستين كشيفة باش قدرو ايحيدوهوم ليها عاد يمكن ليهوم ابداو لعملية)
لغالية كان داها نعاس فطريق حيت كانت فاقت بكري زيد عليها طونوبيلتو اكسيل كانت مريحة او فيها لكليمة دغيا نعسات ، اما اكسيل كان صايݣ فسكات تا وقف ليه فواحد سطاسيون يرتاح شوي او يجدد نشاط ديالو حيت طريق طويلة ، دار بانت ليه لغالية داها نعاس مد يديه لكرسي ديالها بارك ليه على واحد لبطونة تا تكا لكرسي ، لغالية معاقت بوالو انما عاد ستحلات النعسة ، خرج من الطونوبيل او مشا دخل بالزربة لواحد لمحال تما شرا لراسو شي ساشيات تاع لقهوة ، فحين لغالية عمرلها واحد لميكة بشيپسات او سقاطات او لموناضة عاد رجع لطونوبيل لاقيها باغة ناعسة ، حط ديك لميكة لفكوسان لورانس او هز هو طيرموسة صغيرة ديالو لي كان عمر بلما سخون من مول محال او دار فيها دوك الساشيات بلى سكار باش تكون لقهوة قاسة او تشد فيه تخليه اصحص ، ديمارة الطونوبيل او شد لوطوروت او هو كيشرب من ديك لقهوة
لغالية : (زادت ليها واحد سويعة تاع نعاس ، عاد ضرباتها لفيقة لاقية راسها متكية فوق لكوسان او لحال غادي وكيضلام حيت كان قرب لمغرب )
اكسيل : بركي على لبطونة لي فجنب (دوا ملي شافها حاصلة فلكرسي او معارفاش كفاش ترضو لبلاصتو)
لغالية : (بركات على ديك لبطونة مرجعة لكرسي لبلاصتو ، او بقات ݣالسة جامعا رجليها عندها حيت كان محصلها لبول او حشمات تقوليه حبس ليا باغة نبول)
اكسيل : (لاحض بلي راها ممرتاحاش فلݣلسة او بلي جامعة رجليها هو يفهم بلي باغة دخل لطواليط) معندي كي ندير نحبس ليك هنا حيت رانا فطريق لوتوروت ولكن راه قريب نوصلو لواحد باحة لإستراحة فيها طواليط
لغالية : (حركات ليه راسها بواخ او هي باغة تموت بلمرݣة ، زادت زيرات على رجليها او بقات صابرة صابرة)
اكسيل : (مسكين شافها باغة طرطق) الى مقديتيش اصبري نعطيك لميكة
لغالية : ها ؟ (ملي سرات معاها شنو بغات يقصد ولات حمرة ) لا نصبر
اكسيل : (زاد فالسرعة تاع الطونوبيل تا وصل لباحة لإستراحة هو يوقف الطونوبيل) يالاه نزلي ، عارفة فين جات طواليط ولا نمشي معاك
لغالية : معارفاش
اكسيل : (فك ليها السمطة تاع الطونوبيل) يالاه نزلي نمشيو
لغالية : (نزلات من الطونوبيل او بقات تابعة اكسيل او هي شاداهوم غا بزز فأي لحضة طلقهوم ، بقات صابرة صابرة تا دخلات لطواليط ولكن معا جات تهز على كسوتها او تنزل لكولون اوسليپ تا طلقاتهوم تحتها ، ملي حسات بلبولةسخون نازل معاها او حوايجها لي ولاو كيقطرو سرات معاها لفضيحة او قلباتها بكا حاشمة من اكسيل اعرفها بالت تحتها او هي فهاد لعمر )
اكسيل : (بقا شحال كيتسنا على برا دخلو ناس او خرجو من طواليط او هي باقي مخرجات سكنات تما ، زاد تسنا تا سمع صوت هامس كيعيط ليه من لباب تاع طواليط)
لغالية : (جاتها فضيحة تعيط عليه او لفضيحة لكبرا الى خرجات بهاد الشوهة داكشي علاش بدات كتعيط عليه بشوي ولكن معا تلفو انسان ليها سميتو) باين صباح وا باين جود باين مجد
اكسيل : لغالية ؟ باقا مخرجتي ؟
لغالية : أنا أنا
اكسيل : (شافها تلفات) واش بلتي تحتك قبل متوصلي لطواليط ؟
لغالية : (بحرج) واه او حوايجي بزݣو
اكسيل : صاف موقع والو تسنايني هنا نمشي نضبر ليك على شنو تلبسي (مشا رجع لطونوبيل مخليها بوحدها تما او حل الساك ديالو جابد منو واحد لكسوة كحلة كان لقاها كتباع فواحد لمحال فطريق او شراها احتياط عاد رجع عندها) هاكي لبسي هادي او هاد لميكة جمعي فيها لحوايج لوخرين
لغالية : (شداتها من عندو او حطاتها على حاجة ناشفة وحيدات ديك لكسوة معا دخلانيين مخليا غا الصدرية عاد لبسات عليها هاد لكسوة لي شرى ليها جاتها عبار فطول واسعة مكتبين تا حاجة ، عاد غسلات حوايجها او عصراتهوم او حطاتهوم فديك لميكة وقادات زيفها عاد خرجات عندو حانية راسها او حشمانة منو ) شكرا
اكسيل : (شاف عينيها حمرين باين كانت كتبكي جابت ليه ضحك فكراتو فصباح ملي كتزبلها) يالاه نمشيو
لغالية : (رجعو لطونوبيل او تحركو مكملين طريق عاود)
اكسيل : (هبط ليها الزاج لي من جهتها مخلي لبرد كيضرب فيها ، عاد مد يديه واخد ديك لميكة لي عمر ليها او حطها قدامها) هاكي لهي لمعدة ديالك علاما نوصلو قدام شي سناك لما فلمجر لي قدامك (جبد الطيليفون من جيبو او مدو ليها) هاكي تفرجي راه مافيهش لكود
لغالية : (خدات من عندو الطيليفون او دخلات ليوتيوب شادالها واحد لفيلم او بدات كتفرج او هي كتاكل فشيبس او لموناضة)
اكسيل : (بدا كيصوني ليه الطيليفون لاخر) اش بغيتي تا مصوني
مجد : وليني راك شلاهبي غادي لسعيدية او معالمنيش خايفني نقوليك جيبلي لباروك منها
اكسيل : من لخر شباغي نجيبليك منها
مجد : جيبلي شي مرة الواليد ها لعار السلعة تما مليحة صافي
اكسيل : (قطع عليه)
اكسيل : (بعد مودة تاع طريق وصلو اخيرا لسعيدية محبسو فتا بلاصة فيها مشاو نيشن لوطيل خداو ليهوم واحد لبيت أو طلعو ليها )
لغالية : (دخل إكسيل لبريزة فحين هي كانت غا حالة فمها فلمنضر لي كيطل عليه داك لوطيل)
اكسيل : (دخل لحمام مخلي لغالية كتمنضر او دوشليه بزربة او لبس حوايجو فلحمام عاد خرج عند لغالية ) ها لحمام خاوي الى بغيتي دوشي
لغالية : (تكات فوق لفوطوي او كتفرج فطيليفون ماباغاش تعوم او هي ماعندهاش لحوايج لي تلبس ملي تخرج حيت باقي منشفو او منقدش تخرج قدامو بلا زيف)
اكسيل : (فرش الصلاية وبدأ كيصلي داكشي لي فاتو من ركعات)
لغالية : (حطات طيليفون مني سمعات صوت تاع اكسيل او هو كيجود لقرآن سرحات معاه مستمتع بصوتو تا سالا عاد رجعات كتفرج فطيليفون)
اكسيل : (شافها كتفرج مابغاش ابرزطها داكشي علاش خرج بوحدو لبرا ايجيب لعشا)
لغالية : (بقات كتفرج تا بدات واحد النمرة كتصوني عليه فطيليفونو شافت النمرة باغة تعرف شكون لمتصل لاقياها سناء ، مكانتش باغة تجاوب على مكالمة او بلغلاط عيواض متنقص صوت جاوبات)
سناء : الو اكسيل
لغالية : راه خارج
سناء : شكون معايا ؟ النمرة تاع اكسيل هادي ؟
لغالية : واه نمرتو هادي أخالتي ولكن هو راه خرج
سناء : (مارضاتش حيت قالت ليها خالتي ) صافي بسلامة تا يجي
صباح : (خرجات من لبيت) ماما معامن داوية ؟
سناء : صونيت على باك سعا جاوباتني شي برهوشة
صباح : اتكون لغالية هاديك
سناء : شكون لغالية ؟ لخدامة جديدة ؟
صباح : لا لغالية مرات بابا
سناء : مرات باك ؟ علاه اكسيل تزوج ؟ ايمتى
صباح : غا فهاد ليامات لي تزوج او جابها لدار
سناء : او كي دايرة مزيانة ؟
صباح : ضريفة بزاف او زوينة فوجها (واخة وقع ليها داك لفلاش معا اكسيل بسباب لغالية ديك نهار ولكن مغتكدبش عليها)
سناء : فايت فيها زواج عندها شي ولاد ؟
صباح : لا راها باقة صغيرة
سناء : مزيان انا غنمشي لبيتي عندي شي خدمة (مشات دخلات لبيت مخلية صباح ݣالسة بوحدها)
اكسيل : ( رجع لبيت بساشيات تاع لماكلة حاطهوم فوق طبلة) لغالية آجي تاكلي
لغالية : (حطات طيليفونها او ناضت قادات ݣلستها أو خدات منو كاسكروط لي مد ليها) صونات عليك واحد السيدة
اكسيل : سيدة ؟ شكون ؟
لغالية : شي وحدة سميتها سناء صونات كتسول فيك
اكسيل : جاوبتيها ؟
لغالية : مكنتش باغة نجاوبها او بلغالاط دوزت لإتصال
اكسيل : او آش بغات
لغالية : قالت ليها مكاينش خارج ، هي تقول ليا صافي تا يجي او نصوني عليه
اكسيل : (هز طيليفون او خرج لبالكو مصوني على سناء او مخلي لغالية كتعشا)
سناء : الو اكسيل
اكسيل : الو سناء هانية تا صونيتي
سناء : (كانت خايفة) كنت بغيت غي نسولك على جود سمعت بلي هزوه لبوليس لعندهوم لكوميسارية ليوم حيت ضرب شي حد
اكسيل : مكاين والو غا سوء فهم او صاف
سناء : او مقالش ليك علاش ضربو ؟
اكسيل : لا قالك غا عصبو او ضربو
سناء : (عاد رتاحت) خاصو ينقص من هاد لأعصاب ديالو نخليك دبا بسلامة
اكسيل : بسلامة (قطع معاها او صونا لواحد النمرة) الو كوميسير عماد يالاه شت لإتصال ديالك كنت صايݣ ياك لاباس ؟
يتبع
التعليقات 0