لكوميسير : الو سي إكسيل صونيت غا باش نعلمك بلي لبنت لي كنتي موصي عليها فسجن لأحداث لي فدار لبيضة ياسمين تاجي ، نقلوها لسبيطار فحالة حرجة كاملها حروق فجسمها بعدما لقاوها فلمستودع خاوية على راسها لاسيد
اكسيل : (عقد حجبانو) كي وقع هادشي ؟
لكوميسير : علاما عرفت من لبوليس لي نقلوها لسبيطار مرؤوس السجن ناصر قدم بلاغ على وجود سجينة فحالة حرجة فلمستودع ولغريب ماكانش تما ملي وصلو او مكاين مانخبي عليك لقضية فيها أن شي ريحة مهياش تما
اكسيل : علاش ؟
لكوميسير : مرؤوس السجن ناصر ماشي مرة ماشي جوج كيلقاوه كيمارس لجنس معا السجينات فلمستودع ولغريب ماكانش كيتحكم عليه الى بشي نهار ولا يوماين اتحبس من لخدمة لا غير حيت فكل مرة السجينات كيقولو بلي ماشي اغت*صاب انما هوما لي كانو كيمارسو معاه بخاطرهوم
اكسيل : (عصر على يديه بطليع دم) ياكما تعدا عليها ؟
لكوميسير : كان تريكو ديالها لفوقاني مشرݣ ، ولكن لحمد الله تشريح الطبي بين بلي متعرضاتش لتاشي محاولة اغت*صاب يمكن داك لحياواناها لتما باش اتعدا عليها ولكن هي ختارت تخوي على راسها لاسيد باش تحمي راسها
اكسيل : ايمتى وقع هادشي ؟
لكوميسير : غا هاد صباح
اكسيل : هاد ناصر واش مشا معاهوم لسبيطار ولا لا
لكوميسير : لا مبانش ليا ݣاع تا لبوليس لي معاه كيصونيو عليه والو لموشكيل سيد عندو لمعارف ديما كيهرب من فعايلو مزوج ببنت لكولونير
اكسيل : ايكون مزوج تا ببنت مولاي سلطان ماشغليش فدين مو انا
اكسيل : كي دايرة حالتها دبا ؟
لكوميسير : حاليا راها فلعناية لمركزة حيت بحروق كانو شوية بزاف من حسن حضها متقاسوش ليها لأعضاء لدخلانيين ، ولكن خاصهوم ايراقبوه ليكون لاسيد باقي بزاف المفعول ديالو
اكسيل : فين تصابت بالضبط
لكوميسير : طبيبة قالت بلي عندها تشوهات على مستوى البطن والفخذ والضهر
اكسيل : شدلي داك زمر تاع ناصر واحد تلتيام نكون فكازا او رد لباب لديك لبنت
لكوميسير : كون هاني
اكسيل : (قطع معاه او رجع لداخل لاقي لغالية داها نعاس فوق الناموسية ، خلاها ناعسة او مشا هو حمل ماكلتو عاد جمع الطبلة او تكا فوق لفوطوي ينعس)
#عند صباح#
بقات شحال او هي كاسنا فمها تخرج تݣلس معاها شوي تا عيات هي تمشي دخل لبيتها ، بملامح مبدلة حيدات حوايجها تا بقات بسيفيطمة وشورط عاد مشات تكات فناموسيتها شاعلة ليها التلفازة كتفرج ، كيعجبها تبقا بوحدها فلبيت حيت مكضطرش تبين بلي راها مرتاحة او فرحانة واخة هي عكس داكشي تماما ، كانت كنحس شويا بلإستقرار لداخل ديالها ولكن ملي عرفات باها تزوج تا داك لإستقرار مابقاش واخة تعبت تحاول تقنع راسها صعيب تقبل بلي باها تزوج حيت زواجو كيعني بداية جديدة ليه معا عئيلة جديدة ، عارفة مغيفرطش فيها باها ولكن دبا عندو عئيلة خرى غيتحمل مسؤوليتها ، طلاق باها او مها أتر فيها هي بلأكتر مابين خوتها ديما لاطفال كيكونو هوما لي كيتحملو ألم زواج فاشل ، يمكن كان طلاق هو أفضل حل بالنسبة ليهوم مقارنة بانهوم ايبقاو مزوجين ، ولكن هادا مكيعنيش أنو طلاق كينهي لإضطراب لي كيحسو بيه دراري ، بلعكس تما فين كيحسو راسهوم بلي مابقاوش عئيلة وحدا ، صباح ديما كانت كتشبه لأم ولأب بداك لݣاطو امرأة كتمتل واحد لجيهة او الراجل جيهة او ولادهوم هوما داك لكوفيتير لي كيجمع دوك جوج جيهات او ملي منفصلة دوك جوج جيهات ، كل جيه كيلقا لاسق فيها شوي تاع داك لكوفيتير ، يعني دوك لأطفال كيوليو لوسط بين مهوم او باهوم فين غيلسقو ، أو بعد مودة كل جيهة من دوك لجيهات كتلقا جيهة خرى تلسق معاها بكوفيتير جديد طبعا ، يعني لأب دار عئيلتو لي يعياو ولادو مايكون قرابين ليه كيكونو شبه غراب على ديك لعئيلة او نفس شي معا لأم ، ولكن فلأخير واخة نعياو نقولو كيبقا الطلاق أفحل حل او أقل ضرر بجوج مامفاهمينش لا بالنسبة ليهوم لا بالنسبة لأطفالهوم
صباح : (بقات كتفرج فتلفازة مودة تا داها نعاس)
#عند جود او مجد#
هاد جوج بعدما وصلو لحاجة او صفية لقاو راسهوم بوحدهوم فدار ، ويلا كان هادشي حيعني شحاجة فغيعني حاجة وحدة
مجد : جا وقت زهو ونشاط عيطو لبنات ليلة حمات
جود : لا لا لواليد يالاه خرج فيا الى ساقنا لخبار درنا حفلة فدار بلى خبارو ياكلنا فسما
مجد : شوف حنا واكلينها واكلينها ديما اللهم ناكلوها على شي حاجة درناها ، اما حسن تموت ونتا واكل ولا ونتا فيك جوع
جود : لا هادي عندك فيها لحق ولكن هاه شراب لا
مجد : تا مكاين غا عصير لجزر (سمع سرسار فلباب) هاء ، غيكونو هادو دراري لي جاو
جود : يا ولد لحرام عيط عليهوم مسبقا
مجد : معلوم باش ايقادو معايا الدار باش ملي ايجيو السياح لحفلة اكحبو لفلوس مزيان عاد يمشيو
جود : بلاتي بلاتي دبا واش نتا باغي دير حفلة وتبزنيزة
مجد : باغي ندير حفلة كترض صرف
جود : كي غدير ليها اشلاهبي
مجد : (مشا حل لدراري لباب او دخلهوم راجع لخوه اشرحلو لخطة) سمعني مزيان دبا انا كنعرف واحد لݣيد عشيري كان باغي يمشي معا داك لفوج تاع سياح غدا لواحد سواري ، ايوا وخلصوه فلوس تذاكر سعا داك مول سواري خوا بيه ، ايوا وحصل
جود : علاش حصل ارد ليهوم فلوسهوم ولا يشوفلهوم شي صوارية خرا
مجد : شمن صوارية خرى الله يهديك دبا هو كان متافق معا داك عشيرة ايديرليه صواريا بتمن رخيص باش ايدوز هو على لمباقي
جود : من لخر قول ليا حنا خلنا فلموضوع
مجد : دبا انا عرضت عليه نقوم ليه بلاصواري بنفس تامان لي دار معا صاحبو بشرط اي حاجة سمسرتها من سياح ولا شي سائحة ديتها ديالتي ميشد فيها تا ريال
جود : (عجباتو لفكرة) هادا هو خويا قولي ايمتا عندنا هاد لاسواري ؟
مجد : غدا بليل
جود : يالاه نوض تݣعد يالاه اقدنا لوقت فتوجاد
مجد : باش غنبداو أبعدا
جود : الجردة فاش غنديرو كولشي واحد الجيهة انغطيوها بلݣيطون او نحطو فيها داك لبوف عامر ماكلة او كوكطيلات ، عاد أزوقو داك لاپيسين لي بغا ينقز فيه او جنبو غنديرو دوك جلالب لكبار بلى كراسا لي بغا يرتاح ادخل لداخل
مجد : او مناش اندبرو عليهوم ؟
جود : كنعرف واحد طريجور ايدبرنا على داكشي تا داك لبوف كيعرف شي پاتسريات غيوجدونا كولشي على حساب غدا بليل ، غا هوا دبا كي غنديرو نقرقبو منهوم شي صرف
مجد : هادي هي خدمتي او ها علاش جبت دراري ( دخلو عند دراري لداخل)
جود : (شاف دراري حاطين شي حنادر او شي زرابي او شي طابلو يات ) لاش هادشي ؟
مجد : هادو هوما سرف ديالنا غندربو ليهوم شي جاڤيل او شي ما قاطع تا يكشفو او نطلعو جدهوم لسطح اتشمشو تا يبانو باليين
جود : هاد لقالب قديم ولاو عارفين بيه
مجد : خلي عليا هاد لبلان انا عارف كفاش نخليهوم ايشريوه او يقولو هادا قدم منو ماكاين
جود : هادي فهمناها او لعتروس لاش ؟
مجد : بغيتو ياكلي شوي من هاد زرابي او هاد لحنادر او لهدونات باش ايبانو تكلاو معا زمان
جود : لعفو أخاي لعفو
مجد : جبتولي داك لوبان او تفاح لقديم ؟
دري : واه
مجد : ايتوب عليك يالاه الإخوان الى لعمل
جود : محسن معيطيش ليه اعاونا
مجد : محسن رجع لكازا هاد صباح
جود : بصح ؟ بهاد زربة
مجد : راك عارفو علاش جا بقا كيقلب على ختو هنا تا عيا هو يرجع بحالو
#عند محسن#
كان باقي فلكار متكي على لكوسان او مغمض عينيه بإحباط نفس لبلان كيتعاود فينما كاين شي قنت شك تكون فيها كيمشي ليها عام كامل تسارا فيه كازا كاملة على رجليه كيقلب عليها زنقة بزنقة والو مالقاهاش ، حبس لكار فلمحطة او نزل هو غادي ليه على رجليه تا وصل لواحد لݣاراج تا تصاييب طونوبيلات
دري : خاي محسن جابك الله راني حاصل فهاد لخرخاشة لپياس ديالها والو ݣاع
محسن : (حط صاكو او مشا لبس سالوپيط تاع لخدمة او مشا كيشوف فطونوبيل) مشتيش عند لݣاراج لاخر تاع لحاج تلقى تما شي پياسات
دري : سيفط علي عندو
علي : هاني جيت ها لپياس ديالكوم
دري : يوه وأخيرا تفكات خاصنا دبا غا نركبو هاد لپياس
محسن : ملي تفكات انا غنمشي نشد طونوبيلة لوخرة
#عند شيماء#
كانت راجعة من ليسي لابسة ليها واحد الصاية معا قميجة او فوق منها الطابلية ديالها غا وصلات قدام واحد لخبزة ، حيدات ديك طابلية ديالها خشاتها فالصاك او دخلات لداخل
شيماء : السلام عليكم
لمرا : وعليكم سلام ها طابليتك لبسيها او بداي طياب تاع لمسمن او لخبيز راه لخدمة ليوم على الجهد واحد السيدة طالبة ستين مسمنة لمور لعاصر او وحدة خرى طابة عشرين مسمنة او خمسطاعشر بطبوطة منهنا جوج سوايع
شيماء : (جمعات شعرها لفوق او دارت ليه واحد الزيف باش ميطيعش ليها فلعجينة ، عاد دارت الطابلية او ݣفضات على يديها وعمرات واحد لݣصعة كبيرة بطحين وبدات كتعجن فيه تا سالاتو هي تحطو فجنب مغطياه بلميطة يرتاح طبعا قسمات لعجينة قبل على جوج أو خدات واحد نص زادت فيه لخميرة لبطبوط او حطاتو يخمر فجنب ، او عاودات بدات لعجين تاع مسمن آخر من جديد او حطاتو يرتاح تا هو ، عاد خدات لولاني دارتو كموسات صغار او بدات كطوي فيهوم تا سالاتو عشرين حبة وبدات كطيب فيهوم ، لحرارة قتلاتها ولكن ماعندها تاشي حل من غير هادا بقات على ديك لحال كتخبز او طيب تا سالات طلبية لولة او جمعاتها لمولاتها لي جات عندها ، وقبل متبدا فتانية بانلها خوها مروان لي كانت عندو 11 رعام شاد ليد لزينب لي كانت عندها 6 سنين جايين عندها)
مروان : شيماء
شيماء : (خلات داكشي لي فيدها او خرجات عندهوم) لاش جيتو لهنا مي لي سيفطاتكوم
مروان : قاتلك مي ملي تسالي لخدمة دوزي خلصي مول لكرا راه كان مصدعنا هاد صباح باغي فلوسو
شيماء : صافي واخة نتوما رجعو دبا لدار
زينب : (كتشوف فدوك لحلاوي لي تما باغين ايسيلو ريوݣها) شيما عطيني وحدة من هاد لحلاوي عافاك
شيماء : (مكانوش عندها لفلوس باش تشري ليها شي وحدة) ماشي ديالي احبيبتي مروان دي ختك لدار يالاه
زينب : (بغات تبكي) عافاك شريلي وحيدة
شيماء : زينب دويت معاك رجعي لدار دبا ملي نجي غنجيبها لحبيبتي صافي
زينب : لا بغيتها دابا نتي كتكدبي عليا مغتجيبيهاش بحال ديما
زيرو : (غا شاف شيماء جا كيجري مدلي قلي*واتو او داوي معا زينب) شكون غيهوم لي بغيتي خوك زيرو غيشريها ليك
زينب : ديك تاع شكلاط
زيرو : سعيدة عطيها شي وحدة تاع شكلاط
شيماء : سعيدة ماتعطيها والو مروان دي ختك لدار يالاه
مروان : (جر ختو لي كانت كتبكي راجع بيها لدار او كيدوي معاها) صافي بلى بكا راه قاتلك ملي غتجي غتجيبها ليك
زيرو : حشومة عليك كون غا خليتيني نخلصها راحنا عئيلة زعما
شيماء : زمر حنا ماشي عئيلة فين كتعرفني ولا نعرفك تا نكونو عئيلة زيرو عطيني تيساع راني منصلاحش ليك
زيرو : علاش متصلاحيش ليا اشيماء نتي غا قبلي بيا نجي نخطبك لو غنهنيك من هاد تمارة نهزك نتي او خوتك فوق راسي ، تا هاد لخدمة لي فيها تمارة مغتبقايش تخدميها
شيماء : ربي علامن كطنز هزيتي تا مك او خوتك غا تهزني انا وخوتي ياك تال يومنا هادا باك هو لي كيشري ليك باش تكيف
زيرو : نتي غا تبقي بيا قبلي عليا او غنخدم او نهزك نديرلك عراسية فاعلة تاركة راه قريب ندير لپروجي ديالي بوحدي
شيماء : تخدم ؟ لپروحي ديالك بوحدك ؟ فاش ناوي تخصص بسلامة لحشيش ولا لكيف ؟ ولا ياكما لماريوانا تا نوض جمع عليا راسك كون بغيت ناخدو بزناز كون وا زماني جارة جوج او تالت فكرشي قيلني عليك ازيرو راه والله او يسيق ليك خويا انس لخبار بلي كتعرض ليا تا ينحرك
زيرو : سيري جيبي هاد خوك غيخلعنا
شيماء : (رجعات لداخل مخلياه كينبح بوحدو على برا او هزات ديك لعجينة كتخبز فيها او طيب تا سالاتو ديك 60 مسمنة او دازت عاود كتخبز من جديد لحاصول ماسالات تا طاح عليها ليل او فات لعيشة عاد كانت سالات غسيل لماعن لي وسخات ، او كانو يديها حمرين او منفوخين قريب تحيد ليهوم الجلدة بكترت سخونية تاع لمسمن ، قلبات جيبها لقات فيه غا فلوس لكرا لي تجمع عليها شهراين او يالاه غتمشي تخلصو ، كي غادير دبا ترجع عند زينب بلى حلوة ، كانت صافي لبسات عليها طابليتها او غادة بحالها تا سمعات سعيدة كتدوي معا شي وحدة)
سعيدة : كتسولني شغاندير بهاد لحلوة لوحيها راها تلتيام او هي فتلاجة نحطوها او نرضوها تا نشفاتها تلاجة او مابقا حد باغي يشريها
لبنت : واخة دير عليا پينواري او نخرج نلوحها
شيماء : بلاما تعدبي راسك انا خارجة خارجة جيبي نلوحها
لبنت : واخ هاكي
شيماء : (خدات منها ديك لباطة فاش جامعة كولشي او زادت معا طريق كتقول واش نلوحها ولا نديها معايا تا وصلات واحد جيهة خاوية او حلات ديك لباطة لاقية من كلا شكل كان شاطئ ليهوم شي مورصو ولا جوج داقت من وحدة لقات ماداقها مزيان مخاسراش غا هي شربها لبرد رجعات سدات لكارطونة او دارتها فكارطابلها او مشات قصدات مول أمرا حدث عليه تا خرج عندها ) السلام اعمي ريضا
ريضا : (غوت عليها كان معصب) ماعمك ماهم يحزنون نكون عمك الى خلصتيني فلكرا لي كنتسالك ، راني غا على وجه باك الله ارحمو حيت كان من اطيب خلق الله باقي كاري ليك ايما نجري على مك هي وداك لخانز دراجلها لي مقاد على تا وزة
شيماء : (تحرجات من هضرتو) غا سمحنا اعمي ريضا راك عارف يالاد داز دخول لمدرسي لمصاريف او دراري ….
ريضا : (قاطعها) مقادينش على دراري متولدوهومش لكينة كيعطيوها فابور فسبيطار ، شوفي بلاما تقوليلي تال شهر الجاي نهار منزيدكش راه تا انا عندي مسؤوليات
شيماء : (باستليه يديه) عارفة لي كاين او عاضراك او سمحنا تعطلنا عليك فلخلاص ، ها فلوسك جبتهوم ليك تاع شهر لي فات أو تاع هاد شهر
ريضا : (شدهوم حسبهوم او خشاهوم او سط جيبو ودوا معاها بهدوء) عشرين ألف هي هاديك غا هو خاصكوم من شهر الجاي تزيدوني ربعالاف
شيماء : الله اعمي مناش غنجيبو ربعالاف زيادة وحنا يالاه مكافيين معا زمان
ريضا : كاملنا مقاتلين معا زمان الله يرحم لجميع غا هو أبنتي كاين لي كاري شي دار ب 10 رالاف فهاد لوقت او فكازا راه تا ربعطاش رالف رخيصة
شيماء : ايوا كون غا نقصتينا شوي زيد غا الف ريال الفاين ، ربعالاف بزاف
ريضا : انا قلت لي عندي معجبكومش لحال خرجو ليا من ضاري اوسيرو شوفو فين تكريو بهاد تمان
شيماء : صافي ايكون خير اعمي
ريضا : قول ايه ولا لا
شيماء : واخة صافي غنزيدك فلكرا من شهر الجاي
زادت غادة لضارها وهي كتخمم مناش غتجيب هاد ربعالاف ريال زايدو تا وصلات قدام ضار ، حاولات تخفي ملامحها لحزينة او حلات لباب بسوارت او دخلات عليهوم لاقياهوم كيتعشاو
خدوج : جابك الله زيدي تعشاي راني مخليتش ليك
شيماء : (مشات تا خسلات يديها او رجعات ݣلسات حدا خوتها ولا نقول تزاحمات معاهوم فالطبلة او هزات واحد الضغمة تاع لخبز غمساتها فلمرقة او كلاتها) فين زينب مغتعشاش
مريم : غضبانة قاتلك متعشا تا ترجعي او تجيبي ليها لحلوة تاع لاكريم
شيماء : (ناضت من الطبلة او مشات لقنة فين متكية زينب) زاينو وا زاينو مغتعشايش هاد لكريشة اتبات بجوع
زينب : (كانو عينيها منفوخين بلبكا) لا تا تجيبي ليا لحلوة
شيماء : نوضي تعشاي او نعطيك لحلوة
زينب : (فرحات) بصح جبتيها
شيماء : (كتمسح ليها دموعها) غنكدب عليك يالاه تعشاي او نعطيها ليك (رجعات لطبلة تاكل حاطة زينب فوق فخاضها)
خدوج : خوك انس مبانش ليك شتو غبر من صباح
شيماء : مشا يحفض معا صحابو
دريس : (بطنز) مشا يحفض غيخرجنا طبيب
شيماء : (جمعات الطبلة ممسوقاش ليه او مشات جابت ديك لباطة عادية لكل واحد فخوتها شكل)
دريس : (داق من لحلوة او خسر سيفتو) جايبانا شياطة خوتك صغار موكلاهوم لحاجة لباية
خدوج : تا نتا دراري شعارفين باغين غا يخشيو فوجهوم
شيماء : (عطات ديك لباطة لمروان) سير قسمها معا خوتك او شعل ليهوم تلفازية يتفرجو (دارت هاكداك باش ابعدو عليهوم شوي) دزت عند عمي ريضا قبل منجي لضار
خدوج : خلصتيه فشهراين لي كيتسالنا ؟
شيماء : واه خلصتو او قالك باغي زيادة تاع ربعالاف ريال عشرالاف لشهر مابقاتش قاداه
دريس : ربعطاش رالفريال لشهر كارينا قصر ضاحك عليك او مقولبك
شيماء : سير نتا كرينا قصر ب14 الف ريال ، واقلة ماشتيش لاتمنة تاع لكرا 10 ريال ماتجيبليك تا بيت فيها جوج ميطرو
خدوج : ايوا ؟
شيماء : ايوا يوا انزيدوه ماعندنا مانديرو
خدوج : كي غنديرو نزيدوه مناش جاونا او حنا كنكملو شهر بلكريدي
شيماء : هي الى ناض خدم راجلك كيف قرانو او عاونا شوي فلمصروف انا راه يديا طابو بلمسمن نهار او مجال ونا كنشويهوم فوق لمقلة او زيت ، انس مسكين نفس شي حلقة تبح بكترت تبراح فسوق
دريس : شتيني مخدامش تي ولا شنو
شيماء : لا هو لحق يتقال خدام غا هو فلوسك منشموهوم غا فلݣارو او طاسة اما باش نشموهوم فشي دلاحة ولا بطاطة كيف ناس لا (ناضت او خلاتو كينݣر فرشات لخوتها فلأرض او طاحت تا هي ناعسة دودة حداهوم)
#عند لغالية#
فاقت فصباح لاقية اكسيل يالاه لبس او غيخرج
اكسيل : انا خارج عندي شي غراض مغنرجع تال لعشية او نخرجو لماكلة راني درتهالك فتلاجة ملي يضرك الجوع سخنيها فلميكرو ، ويلى لفطور راني وجدتو فوق الطبلة طيليفوني خليتو ليك تفرجي فيها إلى صونا شي حد خليه ايصوني تا سعيا ليه راسو او ها تلفازة خلاص راني برونشيتها ليك معا لويفي بسلامة
لغالية : بسلامة (غا حدو خرج معا لباب مشات طايرة لحمام محيدة عليها شالها او حوايجها او داخلة فلبينوار بعدما عمراتو بلما او الصابون تا طلع رغوة عاد تخشات فيه كتخني وتلعب بما واخة حريتها) منك ولا مني مابقيش هامني سيدي لا تعدبني لي بيني وبينك سالا 🎶🎶🎶 على بابي واقف قمرين واحد في السما وتاني اغلى من لعين 🎶🎶🎶
سالات لحمام ديالها او لوات عليها واحد لفوطة وعلاما انشفو حوايجها لبسات ليها توني تاع اكسيل لي جاها طويل او كبير ، عاد رجعات لحمام جمعاتو ودازت لطبلة فين كان محطوط لفطور فطرات ليها مزيان او جمعات لماعن هي طلق ليها الشعبي او حزمات او بدات رديح
اكسيل : (كان صايݣ طونوبيلتو غادي يشوف واحد لأرض تا قرب لبلاصة او ضربليه جلدة تاع طريق عاد تفكر بلي نسا الشيك ديالو) تفو على زهر غيخصني نرجع تال لوطيل
قلب الطونوبيل او تم راجع لوطيل تا وصل ليه بلاصا لتحت او طلع لاشومبغ لي ريزيرڤا وبدا كيسمع فشعبي على جهد
اكسيل : (جاه شك) آو زعما نكون خلط فلبيت لا هي هادي انا متأكد (حل لباب بشي ضارب ليه فلغالية مسيفة محزمة طغمة او كتلوز بيها كي شيخة شويا هي طلق سالفها او عطاتها لجديب)
لغالية : (سيدة حامية الطرح ديك لهزة لي هزات راسها كضرب فإكسيل حدا لباب غوتات واحد مولاتي لغوة او بلخلعة زلقات لأرض طايحة على طغمتها حبسات لموسيقى او دوات حانية راسها مقاداش تشوف فيه) ر.رجعتي
اكسيل : ( بانتليه حمرة باغة طرطق تزيد شوي تبدا تبكي ليه داكشي علاش دور وجهو باش ميزيدش احرجها) جيت ناخد غا شيك ديالي نسيتو او غنرجع فحالي (هز الشيك) انا غادي غا خودي راحتك او كملي على رديحك
لغالية : (خرج من لبيت مخليها باغة تغرق فحوايجها او كتبدب فحناكها) ويلي الغالية شافك كتشطحي كي شيخة على مرݣة على فضيحة
اكسيل : (رجع لطونوبيل مضهشر ماشي على شطيحها ولا على لإتارة كاتجيه بحال بنتو لي كتشطح ، ولكن تعجب كفاش ديك لبنت لحشومية تسيفات ملي بقات بوحدها ، يمكن هو لي كيديقها او مكيخليهاش وجود تاخد راحتها ، جابها معاه لهنا حيت بغا اخرجها او ميخليهاش معا لحاجة او صفية فدار بوحدهوم افرسوها فسما)
لغالية : (واخة مشا اكسيل مزعماتش تعاود تنوض تشطح متلقاش او مشات طايرة حيدات توني ديالو او لبسات كسوتها او دارت زيفها ورجعات كتفرج تا بدا طيليفون اكسيل كيصوني مكانتش بغات تجاوب ولكن ملي شافتو مجد جاوبات)
مجد : الو لواليد
لغالية : باباك خارج
مجد : الله لغالية هادي نتي الشكر لله لبيك اللهم لبيك
جود : واش كتدوي معا لبنت ولا كطوف لكعبة
مجد : شوفي لغالية ديالي الزينيالي ختي صغيرة عتقي خوتك ها لعار
لغالية : فاش
مجد : لغالية هانتي الى شتي بابا بغا يرجع ليوم ولا غدا لمكانس شدي فيه ماتخيليهش قوليه نزيرونا شوي عجباتني سعيدية
لغالية : وعلاش
مجد : لحقاش من بعد أو نشرح لختي نتي غا قنعيه يبقا او نعطي لختي نصيبها
لغالية : فيها فلوس ؟
مجد : واه فيها
لغالية : ويلى مابغاش ؟
مجد : قنعيه بوسيه حزريه لموهيم متخليهش ايجي يالاه بسلامة نخليك دبا انا
لغالية : (قطع عليها مجد مخليها حايرة كي غدير تقنع اكسيل ، حارت هي دخل ليوتيوب كتقلب فيه) “كيف اقنع شخصا بلبقاء ؟” “كيف اقنع اكسيل ؟ ” باش غيعرف هو اكسيل ، “كيف اقنع زوجي بشيء” (شدات فمها من داكشي لي طلع ليها مكاين غا “كيف اجعل زوجي يستمعلي ، متعيه في لفراش قبليليه ” سدات طيليفون بعدما مسحات داكشي لي كانت شافت) تفو ابقي ستر على مسخ كيف داير
اكسيل : (سالا ديك لخدمة لي كانت عندو او شد طريق راجع لوطيل ، بلاصا طونوبيلتو لتحت او نزل منها طالع لبيت لي شادين او قبل ميحل لباب دق مزعمش ادخل عليها ليصدق لاقيها كادير شي طرح آخر )
لغالية : (قربات لباب او حلاتو ضاربة فإكسيل) ج.جيتي
اكسيل : (دخل لداخل) تغديتي ؟
لغالية : واه
اكسيل : صافي نمشيو نخرجو ؟
لغالية : واخ
اكسيل : يالاه (عاود خرج هو وياها او ركبو فطونوبيل) شنو تبغينا نسبقو لحوايج ؟ ولا دوران ؟
لغالية : معرفتش
اكسيل : انبلاصي طونوبيل هنا او نمشيو على رجلينا
لغالية : (هبطات من طونوبيل موراه او بقات غادة معاه كتمنضر او هي لداخل ديالها فرحانة تا دخلها اكسيل لواحد لمحال)
لموضفة : (بدات كتدوي غا معا اكسيل مراداش لباب لغالية ݣاع) شحب لخاطر آسيدي
لغالية : (كاتشوف فلبنت او تشوف فإكسيل او تشوف فلبنت او تشوف فإكسيل)
اكسيل : (دار يديه فوق كتاف لغالية) بغيت شي حوايج لهاد فقياس هاد لبنت
لموضفة : (باقة كتشوف فإكسيل) شمن حوايج بضبط بغيتي عصري ولا تاع دار او اشمن قياس ؟
لغالية : (خسرات سيفتها محاملاش لموقف لموضفة متجاهلاها تماما او بدات كتبرݣم) “باش باغة تعرفي قياسي او نتي مكتشوفيش فيا”
اكسيل : شوفي ليها لحوايج قياس L من كل شكل او حنا غنختارو
لموضفة : هي لولة (مشات مودة عاد رجعات هي وشي بنات هازين شي حوايج فيديهوم ، خدات واحد لكسوة بلى يدين او قصيرة او بدات كتوريها لإكسيل بحالا هو لي غيلبسها) شوفي هادي راها يالاه خرجات آخر موضيل
لغالية : (ناضت او تجاهلاتها تا هي او مشات كتشوف فدوك لحوايج لوخرين او كتختار غا لحاجة طويلة او لواسعة او رخيصة مابغاتش تقل عليه)
اكسيل : (قرب عندها لاقيها هازة شي جوج كساوي او تلاتة تاع لپيجامات) غا هادو لي غتاخدي
لغالية : واه
اكسيل : هادو قلال زيدي حوايج خرين
لموضفة : يمكن بنتك معندهاش دراية بشنو لي خارج يمكنلي نعاونها تختار لي يناسبها
لغالية : (صافي فقصاتها كفاش كتجاهلها عاين باين) ماشي انا لي معنديش دراية بلي خارج نتوما لي معندكوم تاحجة تعجب هنا تا هاد خمسة تاع لپياسات بناقص منهوم (ردات لحوايج لوحدة فدوك لبنات)
اكسيل : (شافها معجبهاش لحال) الى معجباتك تا حاجة هنا نشوفو فبلاصة خرى
لغالية : (مقالتش ليه لا ݣاع او زادت معا طريق خارجة وهي معاجبها حال)
اكسيل : واش راك معصبة ؟
لغالية : لا
اكسيل : زعما ؟
لغالية : (فقصاتها هاديك تا تسرح ليها لسان ناسية ݣاع معامن كتدوي) منين دخلنا وهي مطرطقة عينيها فيك تقول نتا لي غتشري لحوايج لا وكتسولك على شنو باغي حيت بنتك معارفاش فلاموض جابدالي غا لحوايج لمقزبين حوايج هادوك البسوهوم ناس مكتملة فيهوم تا نص ميترو تاع توب
اكسيل : إهانة فقلبك من جيهتها
لغالية : (ملي خوات داكشي لي فقلبها عاد تفكرات بلي اكسيل لي نشوفها ضربات طم او مزادتش هضرات ، تبعاتو بسكات لواحد لمحال او هاد لمرة هوا لي عزل ليها لحوايج مكانتش عارفاه بلي عندو دوق زوين ، خدا ليها عرام تاع لكساوي لواسعين تاع لمحجبات ، شي سراول او قوامج تاع لعصري او خلاها هي تاخد لپيجامات فينما كاينة شي وحدة طويلة او فيها لپينوار لي خدات مكتقربش لصحابات نص كوم ݣاع ، ولكن هو بزز عليها تاخد شي پيجامات صحابات شورط ولا غا نصكوم ، حيت عارف لبنات فهاد لوقت كيعجبهوم البسو بحال هكذا ، خدا تاشي پياسات لصباح ولا غتحيح عليه ، لموهيم من لخر كساها من ساسها تال راسها شرالها تا شيلان او زيوفة)
اكسيل : (شاف بلي كولشي خداوه من غير لحوايج لدخلانيين) شوفينا عافاك شي حوايج دخلانيين
لغالية : (كون كان يعدال ليها كون سباتو حشم شويا اشريف ، جراتها لبنت لجيهة فين كاينين مخلية اكسيل بعيد عليهوم شوي ، خدات ليها سيفيطمات معا سراولهوم او شي شورطات تحت لحوايج)
لبنت : (مولف كيجي لمحال رجال كبار مزوجين لبنات صغار ايشريولهوم لحوايج) بقاوليك دبا غا دوپياس او ليشوميز ، هاد لعام جات سلعة جديدة من تركية كاينين هاد لمشبكين ، او حين طروا پياس شوميز معا پينوار او سترينݣ ، نتي سمرة خودي ليك لكحل كيجي معا كولشي او كاين تا هاد غوز بيبي
لغالية : (غرقات فحوايجها ملي شافت داكشي لي جبدات ليها لبنت تي مكاين غا الشبكة طغمة تبان لبزول ايبان ، تا سوتيامات كيبينو او لألوان لمتيرة ، ولموشكيل اكسيل غيكون سمع كولشي تفو على زهر قربات عند لبنت هامسة ليها ) كتعرفي صدرية او سليب فرماجة عطيني منهوم شي جوج شغاندير انا بعاه بوصيار
لبنت : (جاوها بزاف تاع لبنات كيحشمو يتقداو داكشي قدام رجالاتهوم باش ميبانوش مقزدرات داكشي علاش كيطلبو منها شي حاجة مستورة قدام راجل زعما او تحط ليهوم لمقزب بتخبية) هههه كوني هانية انا غنتكلف ليك ولكن شحال قياس صدرك
لغالية : (كدوي بشوي ) علاه تا هو بلعبار
لبنت : (علال لفرشة كتدوي بجهد) كاين قياس تفاح او كاين قياس سويهلة او كاين تا قياس دلاح الى بغيتي
لغالية : (حنات عينيها تشوف بزازلها كي كيبانو او دوات بهمس محرج) كتعرفي لبرقوق عطيني قياسو مكاينش لغالب الله
اكسيل : (داك اهمس كامل لي كان كيسحابلهوم كيدويو بشوي سمعو حيت كانو كيدويو شوي بجهد او على آخر جملة تاع لغالية دور وجهو لجهة لوخرة مخنوق بالضحك) لغالية ساليتي ؟
لغالية : واه
لبنت : راني جمعت ليك كولشي هنا (غمزاتها فلخر)
لغالية : (كي دمدومة مفهمات تا وزة غا فرنسات ليها وصاف)
اكسيل : (مشا لاكيس حط فيها لفلوس صحاح او جمعو ليه لحوايج فصاشيات عاد خرجو من لمحل)
لغالية : (كان فيها جوع)
اكسيل : (شافها طايح عليها الضيم) عييتي ؟
لغالية : (حركات ليه راسها بلا)
اكسيل : معجبوكش لحوايج
لغالية : لا عجبوني
اكسيل : ايوا مالك
لغالية : (دوات بشوي) فيا جوع
اكسيل : (حط الساشيات فلكوفر) شنو قلتي
لغالية : والو
اكسيل : انمشيو نشريو غا لباريزات فاش تجمعي حوايجك او نمشيو نتعشاو صافي
لغالية : (مقالت والو او وبقات غا تابعاه تا شرا ليها ديك تستيفة تاع لباريزات ليفيها سبعة من لكبيرة تال صغيرة بلون لي بغات هي ، عاد رجعو لطونوبيل حطو فيها لباريزات او مشاو بيها تال واحد لمطعم عاد بلاصاوها وهبطو داخلين ليه لداخل)
اكسيل : (شاف ليهوم واحد الطبلة مطرفة على لباشار او مشاو ݣلسو فيها طالبين ليهوم شي شوايات تاع لكفتة ، اكسيل علاما احطو ليهوم لعشا قال ايصوني على ولادو)
#عند مجد فدار#
بعد ما صهرو ليل كامل كيقادو فترتيبات تاع سواري ، او تا صباح مارتاحوش فيه ملي قرب لمخرب لقاهوم لحال واجدين كي رضو دار ولا الجردة تقول تاع شي لوطيل كبير او مقيومة فيها شي حفلة بفلوس اخنوش ، لماكلة على شحال او نزاع لفواكيه لكوكطيل مخلط معا شوية دلويسكي جود لي كان كيقوليه شراب لا لقا راسو هو لي كيخلط فداكشي ، عاد الدار فينما لقاو شي بلاصة عاطية لعين دارو فيها زربية من دوك زرابي باش ايبان داكشي تقليدي او بلي مول دار لي شاري ولا وارتو ، دراري لبسو لباس كلاص تقول غا خليجي لي والدهوم ، او معا سمعو سرسار فلباب قالو صافي سياح جاو
جود : (حل لباب ضارب فصباح) شكاديري نتي هنا ؟
صباح : (دفعاتو ودخلات) جاية لدار با ، شهادشي دايرين فدار شي حفلة ونا مفخباريش
مجد : انا نشرح لختي (عاود ليها كولشي)
صباح : (ضربات فخاضها) آويلي على لكفترة
مجد : أميمة مسكتي خليها بيناتنا
صباح : (شداتو من شعرو) كنتي يا لخانز باغي ضبر على صرف نتا وخوك بلى بيا نعلة الله عليكم هادي هي ختنا
مجد : خلعيتينا المرض قلنا واش راك بعقلك سعا والو طلقي شعري او تشدي حقك من لفلوس
صباح : (عاد طلقاتو) ايوا هاكداك نبغيكوم
جود : سيري طلعي لبسي ديك اللبسة الشلحة لي عندك او ديري معاها دوك لقزادر ديالها غضايفي معانا السياح عندك معا لفرونسي تدوي معاهوم
مجد : الزين ديالي شوفي ليك شي تخربيقة ختارعي شي قصة من مخك او بيعيلي هاد جالوق (عطاها واحد لعقيق قديم مخدوم باللوبان او تفاح او لجوهر)
صباح : (وسعات عينيها) واش هاد لوبان حقيقي
مجد : لوبان حقيقي ؟ قالو على جدك انا هو بوخوس لأول معندي تا فلوس النقرة هاداك مزور
صباح : كون هاني اخويا
مجد : (سمع سرسار فلباب) يالاه طلعي بزربة بدلي ناس جاو
صباح : واخ (طلعات كتجري لفوق)
مجد : (مشا حل لباب مستقبل السياح معا خوه ولي كانو مخالطين ها ميريكان ها سعودية ها ها) Welcome ، Welcome
جود : (دار إشارة لدقايقية ابداو او جاو سربايا معرضين ليهوم بلحليب او تمر)
دخلو سياح لداخل حالين فمهوم فديكورات او تفاصيل تاع الدار تا خرجو لديك الجردة
مجد : (طلق ديدجي لموسيقى او بدات لحايحة هو يبدا طيليفونو كيصوني) جود عتق عتق
جود : شواقع
مجد : باك باك كيصوني
جود : جري يا ولد لحرام جري (خرج هو وياها لبرا كيجريو كيجريو تا بعدو)
مجد : (كيلهت) طلق طلق لقرآن طلق سربي
جود : (طلق لقرآن )
مجد : (جاوب باه) الو لواليد
اكسيل : مالك تعطلتي تا جاوبتي
مجد : الطيليفون كنت ساد عليه بالسنسلة تاع سروال او تعكس ليا فجبيب داكشي علاش
اكسيل : ماعليش شت لقرآن مطلوق حداك تبتي
مجد : غا كنت كنتمشا أنا وجود او دزنا على واحد الدار فيها لعزو ، كون تشوف الواليد ناس كيتمرغو فلأرض بلبكا
اكسيل : ايوا حر لموت هاك
مجد : ايوا فينك نتا لاباس عليك لغالية عجباتها سعيدية تبحرتو شويا فيها تيتيز شويا لقيتيلي لمرا شويا
اكسيل : لقيت خلى دار بوك شويا
مجد : ههههه لواحد ميضحكش معاك ايمتى اترجعو ؟
اكسيل : أنو طريق ليومة
جود : (غوت) شنو ؟
اكسيل : مال جدك كتغوت
جود : لا ماشي معاك الواليد
مجد : ماشي غنرجع بكري اتكون لغالية مشبعاتش دوران فسعيدية
اكسيل : ساليت خدمتي هنا او تابعاني لخدمة تما
مجد : ايوا نتا تعرف نخليك دبا (قطع معاه) قودناها غدا اصبح علينا
جود : يالاه نرجعو لانصدقو مقودينها كتر
اكسيل : (قطع معا مجد او حط طيليفون فجيب)
لغالية : (كان فيها الجوع متسناتش اكسيل ايسالي لاپيل او بدات لماكلة)
اكسيل : (سالاو لماكلة او خلص لعشا عاد رجعو لوطيل ، دخل هو لول لحمام دوش او لبس عليه تما نيت عاد خرج لاقي لغالية بدلات عليها بواحد من دوك لبيجامات لي شرا ليها معا شال بنفس اللون او ݣلسات كتفرج فطيليفون) حطي طيليفون او سيري تنعسي غيخصنا نفيقو بكري باش نشدو طريق لمكناس
لغالية : (تفكرات شنو قال ليها مجد) غنرجعو غدا لدار ؟
اكسيل : واه
لغالية : وعلاش ؟
اكسيل : حيت ساليت لخدمة علاش جيت
لغالية : (بقات ساكة شوي كتفكر فشي حل تا غوتات) و.ولكن حنا باقي ممشينا لبحر
اكسيل : باغة تمشي لبحر ؟
لغالية : واه ، جينا تال سعيدية او مبتبحروش باغة نمشي نعوم فلبحر شحال هادي ممشيت
اكسيل : (جاتو عجب طلب منو شي حاجة) كتعرفي تعومي أبعدا
لغالية : والي على كنعرف نعوم حشومة تقولها ليا ونا بنت كازا لحوتة كدوز منهنا ونا كنسبقها
اكسيل : واخة الالة باغة غا لبحر نمشيو ليه (خرج لبالكو مصوني على واحد سيد كان داير معاه اتلاقاو غدا فلعشية علمو بلي باقي مغيرجع لمكناس ، قطع معاه او عاود دخل لداخل باغي ياخد شي حاجة من جيهة تاع تبدال تا كيضرب فلغالية ݣالسة لأرض او غارقة فلحوايج كطوي فيهوم تا هزات واحد الشوميز ناشراها فسما كتشوف فيها)
لغالية : (كانت كتطوي حوايجها او تستفهوم فيها لبريزة ، بقات كتطوي او كتقلب على الصدريات او سليپات والو مالقاتهومش تا ضربات فواحد لپياسة حمرة مشبكة) شهاد شي (جبداتو من لميكة او هزاتو بيديها تشوف تا كضرب فشوميز حمرة مشبكة او مطلوقة ، يالاه بغات تدوي ضربات فإكسيل واقف مبلوكي قدامها بزربة جمعات داكشي لاحتو موراها وحناكها باغين اطرطقو بلحمورية) ما ما ماشي ديالي والله ما ديالي
اكسيل : (مادواش أصلن شعندو ميقول) جيت غا نهز الشارجور من صاك كملي طويان ديالك
لغالية : (خرج مخليها كتولول ، طوات حوايجها بالزربة او غبرات ديك لفضيحة او مشات تنعس فوق ناموسية فحين اكسيل نعس فوق لفوطوي
#فصباح#
لغالية : (كانت خامرة رجل لايحاها فجيهة او رجل لوخرة فجيهة تا جا اكسيل كيفيق فيها)
اكسيل : لغالية فيقي لغالية
لغالية : خليني نعس
اكسيل : نوضي يالي باغة تمشي لبحر نوضي
لغالية : (فاقت مدوخة) هاني نايضة (ملي حلات عينيها مزيان بان ليها اكسيل شاري لپاراسول لفوطات داكشي كامل تاع لبحر مقاد سوندويشات )
اكسيل : ها لكيطمة تاع لعومان لبسيها باش نمشيو
لغالية : واخ (خدات منو لكيطمة او مشات لبساتها او خرجات عندو القياده هبط كولشي لطونوبيل ، هزات طيليفون او تبعاتو لتحت بسكات ركبات حداه او شدو طريق لبحر ، تا وصلو ليه او نزلو لحوايج دايينهوم لواحد لبلاصة نقية فيها عائلات)
اكسيل : (قاد ليها لپاراسول او لكرسي) ݣلسي هنا نمشي نجيب لما من طونوبيل
لغالية : واخة (ݣلسات فوق لكرسي كتفرج فطيلي مودة تا كنسمع شي بنات كيضحكو او فرحانين)
لبنت : شوفي شوفي ياختي النخوة شخصيا كتمشا على رجليها صدر او لفخاض ناري مي ونا جاية بهاد لپيجامة تاع ستمية
لبنت : سكتي ليسمعك يعلم الله معامن ايكون جا غاشي قرطاسة
لغالية : (جاها لفضول تشوف او شافت فين كيشوفو بان ليها واحد صدر مطراسي طراساج زوين او ممشعرش طويل سيد او فخاضو ، كانت السيدة كتمنضر بلاما تشوف وجهو تا لقاتو واقف عليها سيدة حمارت )
اكسيل : هاكي تشربي
لغالية : (ملي سمعات صوتو عاد هزات راسها فيه مصدومة) نتا هادا
اكسيل : انا هادا كنتي كتسناي شي حد آخر
لبنت : ويلي ماتقوليش هاد لبرهوشة صحبتو متكونش بنتو ويلي والله تا مزرف
لغالية : (سمعاتهوم او غوبشات) مالك معري ضرك صهد
اكسيل : باغاني نعوم بلفوقية ، زيدي تعومي
لغالية : لا غا سير نتا
اكسيل : يالاه يالاه نعومي باغي نشوف هاد بنت كازا لي لحوتة تمشي منهنا او هي تسبقها
لغالية : (وحلات ليها ولكن مارضاتش قدام دوك جرانات او وقفات تابعاه من اللور تا وصل ليها لما ركابيها او لقات اكسيل باقي كيغرق)
اكسيل : يالاه شتك ݣالسة ليا تما
لغالية : لعومة فلكشكوشة ناضية راه تا لحوت كيعوم هنا
اكسيل : (شدها من يديها جارها معاه لداخل )
لغالية : (بقات صابرة صابرة تا وصل ليها لما حدا صدرها هي تيبسليه او بدات كتبكي) والا تا فين دايني غنغرق غنغرق
اكسيل : زيدي لداخل باركة من تعكاس
لغالية : (زاد دخل بيها لداخل هي تلوي رجليها على خصرو او يديها على عنقو يابسة عليه او بدات كتغوت) واعتقو روح بغا يغرقني عتقوني
اكسيل : طلقيني باركة من الشوهة ياك نتي بنت كازا او كتعرفي تعومي
لغالية : (كتبكي او تدوي) واكدبو عليك انا راه مي كانت كتخشيني فلبانيو كنغرق آخر مرة داوني لبحر كانو دارو ليا إبادة او شاديني بلحبل ونا كنعوم غا فلكشكوشة ونتا كتقولي كنعرف نعوم
اكسيل : (شافها معنقاه او صدرها ملاسق معا صدرو رجليها ضايرين بخصرو) لغالية نزلي راه رجليك كيوصلو لما
لغالية : (زادت زيرات عليه) والا غنغرق
اكسيل : (كان ملاهي كيدوي معاها يقنعها تنزل تجات واحد لموجة صمكاتهوم بجوج او غرقاتهوم)
لغالية : (ملي غرقاتها لموجة شربات لما مزيان تا جبدها اكسيل مطلعها لفوق قبل متخنق) كح كح كح
اكسيل : بصحتكم أبنت كازا لما
لغالية : باغي نمشي مابقيتش باغة نعوم
اكسيل : رخي رخي راسك باش اهزك لما
لغالية : ولا عافاك راه غنغرق
اكسيل : مغتغرقيش هاني معاك مغنخليكش تغرقي
لغالية : ايوا ايوا شدني
اكسيل : (مد يديه محاوطها تحت بطانها)
لغالية : (اكسيل عيواض ميشدها جيهة لمعدة حط يديه على صدرها هي صافي ضربات طم او غرقات فحوايجها)
اكسيل : (شافها تكوانسات ليه بغا يدوي عاد شاف فين حاط يديه معا عندها صدر كبير مخسش ݣاع واش يديه محطوطين عليه يسحابلو لعضام لي فوق لمعدة هبط يديه بزربة لكرشها) يالاه رخي راسك باش اطلعو رجليك
لغالية : فين اطلعو
اكسيل : لفوق لما الغالية لفوق لما
لحاصول بقا اكسيل نهار كامل كيعلمها كفاش تعوم ولكن حيت خوافة بزاف والو مابغاتش ، غطس ليه هو شي شوية او خرجو من لما بجوج مشاو تال فين حاطين حوايجهوم او هزو لفوطات كينشفو راسهوم ، لغالية ݣلسات فوق لكرسي او اكسيل تكا فوق الرملة مخلي لپاراسول داير ليه الضل او نعس
لغالية : (بقات كتخدم فطيليفون تا بداو كيصونيو عليها دراري كاميرا جاوباتهوم) سلام
مجد : (كان ݣالس او صباح او جود فداه او هو اوسطهوم) سلام زين قربتو توصلو
لغالية : لا حنا فلبحر دبا
مجد : (عاد رجع ليه اللون) هههههه نتوما فلبحر مزيان مزيان لواليد فين هو
لغالية : ناعس
مجد : تا وريه لينا باش نرتاحو
لغالية : ( تحنات عند إكسيل مبيناه ليهوم فلكمرة) هاهو
اكسيل : (حل عينيه) ياك لاباس ؟
جود : غا توحشناك الواليد قلتينا اترجع هاد صباح سعا مشيتي لبحر تبحر او مالك معري عليهوم تما
اكسيل : تسالني شي حاجة ملي دايرين كمرة قلبوها نشوف داري
مجد : (صور لكمرة لدار) ها داك آسيدي كيما خليتيها
اكسيل : لاباس مابعتوش ليا لفراش
صباح : ايبيعو لفراش ونا معاهوم حشومة ݣاع
اكسيل : هاكداك نبغيك حضيهوم
مجد : يالاه نخليوكوم دبا كملو تبحيرتكوم اتجيو ليوم ؟
اكسيل : واه لعشا نكونو عندكوم
مجد : يالاه بسلامة (قطع معاهوم او رجع لور متكي على لفوطوي دقة وحدة معا خوتو) ناري تسخسخت ليل كامل او حنا كنهزو فداك لباݣاج او كنستفو فدار لموت
جود : ولكن كولشي يهون حداك لفلوس شحال جمعنا
مجد : (جبدر واحد 7 دلبريكات من جيبو) هانتا أخاي بعت ليهوم دوك لهدونات او زرابي بسبعة دلمليون جملة تعاملنا زعما معاهوم هههههههه
صباح : (جبدات جوج بريكات) هاني جوج تاع لمليون
جود : مناش هادي ياكما فتختي ليا سواعدة لبارح
صباح : شوف لكلب شوف هادا داك لعقيق لي عطاني مجد لي بعت بهاد تمان
مجد : (وسع عينيه) كا درتي ليها
#فلاش باك#
كانت صباح لابسة لباس تقليدي لأمازيغي او كترحب بضياف زادت شوي هي طلع لبيتها تشوف كي غدير تبيعو تا دخلات عليها واحد لݣاورية
لݣاورية : (دوات بلفرونسي) سمحيلي كنقلب على لحمام مالقيتوش
صباح : (قلباتها فرونسي معاها) دخلي لحمام ديالي
لݣاورية : شكرا بزاف
صباح : (خلات لݣاورية تا دخلات لحمام هي تجبد داك لعقيق لي عطاها مجد او بدات تبكي بلعاني او غا شافت لبنت خرجات مسحات دموعها بزربة)
لݣاورية : (قربات عندها) علاش كتبكي ؟
صباح : لا والو غا تفكرت واحد لحاجة ملي شت هاد لعقيق
لݣاورية : هاد لعقيق زوين مناش شريتيه
صباح : هاد لعقيق متشراش هاد لعقيق كان تاع جد جدي الله ارحمو
لݣاورية : واش كان ديال جدات جداك ؟
صباح : لا هاد لعقيق قصتو قديمة بزاف ملي كان جد جدي فلأربعين من عمرو كان كيتمشا حدا واحد لواد راه كان فهاد لمنطقة قبل متبنى او شاف واحد لبنت كتغسل الصوفة على حدا لواد أول مرة شافها بغاها داكشي علاش كان ديما حاضيها او تابعها
لݣاورية : (غادة معاها على نيتها) حملي ليا واش تزوج بيها ؟
صباح : لا للأسف لا كان جد جدي ديك ساعة عندو 42 عام او ديك لبنت يالاه عندها 16 ، بغاها او تاهي بغاتو ولكن مكانش يمكن ليهوم اتزوجو حيت فارق السن بيناتهوم كبير بزاف ، او ملي سمع جدي بلي تخطبات قرر ايصايب ليها واحد لعقد كهدية وداع داكشي علاش دار 16 لبانة فيه لي هو عمرها ملي شافها او 42 قطيب من لجوهر لي هو عمرو او معاهوم 26 عقيق من تفاح ، او فطريقو باش يهديه ليها مات او بقا هاد لعقد مواصلش لمولاتو او كنورتوه من جيل لجيل
لݣاورية : (تأترات او بكات معا لقصة) قصتهوم حزينة بزاف
صباح : ولمحزن هو أنو بابا مسكين فقد كل ميملك هاد الدار او فلوسو او تا هاد لعقد قريب افقدو او يبيعو ولكن مالقاش شي شخص موتوق لي ياخدو من عندو
#نهاية لفلاش باك#
صباح : السيدة غا سمعات بغاني نبغيك كحبات لفلوس فلبلاصة ولكن عرفتو جاني تأنيب الضمير من جيهتها
مجد : (كان كيحسب فلفلوس او كيدوي) تا انا بقات فيا مسكينة حنينة ، خمسة ستة سبعة ، ولكن تا فلوسها حنان
جود : (جبد واحد شيك من جيبو) هانا شيك بخمسين مليون لعربون تاع الدار
صباح : شمن دار
جود : (داوي فرحان زعما خلاها) درت معا واحد نصراني نبيع ليه الدار او عطاني لعربون
مجد : هاواي على ولد لحرام آش درتي واش بغيتي تقتلنا وانا لي شاد لعربون من السعودي فدار جيتي نتا باغي تبيعها لنصراني
صباح : ها ميمتي على ولاد لحرام باغين ايبيعو دار باهوم او هو باقي حي هاويلي على شلاهبية
مجد :با بلى تولويل لقاونا حل لواليد ليلة ايكون هنا
صباح : مكاين عندك تاشي حل من غير انكوم ترضو لعربون لماليه الى ساق بابا لخبار بلي بعنا دار بلى خبارو غيعلقنا
جود : عندك لحق انمشيو دبا نعسو شوي نرتاحو او نفيقو معا لعاصر نمشيو عند ناس نرضو ليهوم فلوسهوم
مجد : تا هادي فكرة
طلع كل واحد فيهوم لبيتو دوش او طاح دودة نعس
#عند اكسيل#
بعدما قطعو معا دراري هزو قشهوم او ركبو فطونوبيل راجعين لوطيل دارو النوبة لحمام ادوشو او نعسولهوم شوي عاد فاقو او شدو طريق لمكناس نيشن
اكسيل : (كان تبرونزا شويا بشمس او الجلدة طارت ليه فضهرو مكيقدش على شمس بزاف )
لغالية : (غا دخلات لطونوبيل بحالا سطتي عليها بايݣو جبداتها بواحد مولاتي النعسة طريق كاملة تا وصلو قدام الدار عاد فيها اكسيل ، حلات عينيها مدوخة لاقية غا ضلام قدامها حيت موصلو تال جوايه لعيشة)
اكسيل : (نزل لباريزات من لكوفر او دخلهوم لداخل مخلي لغالية تابعاه من اللور ، كانت الدار مقطوع فيها لحس او تا من ضواو طافيين ، شعل لبولات او كمل طريقو طالع لفوق لبيتو حط لباريزات او بدل بزربة ومشا كيدق على دراري فبيوتهوم)
لغالية : (دخلات لبيت مورا مخرجها اكسيل بدلات عليها تا هي بواحد لپيجامة بسروالها او لپينوار تاع الصيف ديالها ، قادات الشال فوق راسها او مشات تكمل نعاسها)
اكسيل لي مشا عند دراري ايشوفهوم لقاهوم خامرين تقول هادو كانو كيحرتو
مجد : ( كان ناعس معا جود فنفس لبيت ، ضارباهوم لفيقة دقة وحدة على تعياط تاع اكسيل) ناري أصاحبي على حلمة كنت كنحلم بحالا لواليد جا كيفيق فينا
جود : نوض اولدي على سلامتك راه داتنا النعسة تسعة هادي غيكون لواليد وا وصل
مجد : (شد حناكو) ناري قودناها ݣاع مينا لناس فلوسهوم
اكسيل : (حل عليهوم لباب) من صباح وانا كنعيط علاش مكتنعموش
جود : (ناض عنقو) كنا غا مقلوبين بنعاس كي داير لاباس عليك
مجد : (ناض تا هو سلم عليه) لواليد كي دازت تسافيرة ، شتك تشوطتي بشمش
اكسيل : داز مزيان ، تا صباح ناعسة ؟
جود : غالبا واه
اكسيل : يالاه سيرو غسلو يديكوم اوهبطو تعشاو راه يالاه وصل لعشا غيبرد الى تعطلتو
مجد : واخة هاحنا جايين
جود : يالاه نهبطو ناكلو آخر وجبة لينا
#عند لغالية#
بقات ناعسة ليها واحد ربعة تاع سوايع تا وصلات ديك 12 عاد باش فاقت ، ناضت او دخلات ليها لحمام نيشن توضات او خرجات بغات تصلي
اكسيل : (دخل عليها لبيت) ملي تسالي صلى ديالك دوزي عندي لبيرو باغي ندوي معاك
لغالية : واخة (خرج او خلاها حايرة كتفكر فشنو فيكون بغاها زعما ، ستغفرات او قامت صلى)
اكسيل : (دخل لبيرو بيالو او ݣلس ليه فوق لكرسي جابد واحد لوراق كيشوف فيهوم قبل ميرجع راسو لور متنهد او داوي معا راسو) “هادا احسن قرار أ إكسيل من لول هادشي لي كان خاصو يكون” (سمع دقان فلباب) دخلي الغالية
لغالية : (دخلات عندو لبيرو حادرة عينيها قربات تال واحد لكرسي مقابل معا اكسيل او ݣلسات)
اكسيل : (خدا دوك لوراق سنا فيهوم قدامها عاد مدهوم ليها ) هاكي هاد لوراق قرايهوم مزيان او خليهوم عندك
لغالية : (شدات من عندو لوراق قراتهوم او هي موسعة عينيها) ش.شنو هادو ؟
اكسيل : هادو وراق طلاقنا الغالية انا سنيت دبا فيهوم بقات نوبتك تسمي ولكن ماشي دبا ملي تشدي لباك ديالك او ديري 18 رعام وتكوني مسؤولة على راسك ، عاد غنساليو لإجراءات القانونية تاع طلاق ، بالنسبة لدار ختاري لمدينة اي بغيتي او لحي لي بغيتي ونا غنشري ليك فيها دار او ندير ليك شهرية ديالك تا تولي كتسرفي على راسك
لغالية : (تخطف اللون من وجها بحالا طرشتيها او دوات بصوت راجف) ح.حنا غنطلقو ؟ علاش ؟
اكسيل : (تنهد) لغالية نتي عارفة من لول علاش تزوجنا ، كنت باغي غا نعتقك من باك لاغير حاجة خرى مكايناش ، نتي باقة صغيرة غتزيدي شوي او غتبداي تفهمي بزاف تاع لحوايج ، منهنا تا تولي مسؤولة على راسك اتلقاي ليك ولد الناس لي يتزوج بيك او تكملي معاه حياتك ونتي مرتاحة
لغالية : (تغرغرو علينيها داكشي مناش كانت خايفة كتشوفو قدامها فورقة وحدة طلاقها ، هزات عينيها فيه لقاتو باغي يخرج من لبيت ، تعصبات او مقداتش تستوعب هادشي شافت دوك لوراق مودة )
اكسيل : (قبل ميحل لباب اخرج سمع صوت تقاطع تاع لوراق ديك ضورة لي ضار اشوف لقا لغالية لي قطعات دوك لوراق لي عطاها)
لغالية : انا ماباغاش نطلق
اكسيل : لغالية لاش قطعتي دوك لوراق
لغالية : (طاحو دموعها) انا ماباغاش نطلق
اكسيل : راك دبا باقة صغيرة مفاهمة والو ملي غتفوتي 18 نتي براسك غتبغي طلقي او تعيشي حياتك
لغالية : تزوجتي بلى خباري ولكن ميمكنش ليك طلقني ونا مابغيتش سمعتيني انا ماشي مونيكة عندك
اكسيل : ياهاد لبنت كوني تسمعي لهضرة شمن زواج كدوي عليه واش عارفة شحال فارق السين بيني وبينك راه عندي ولاد كبر منك الله يهديك
لغالية : (زادت كتبكي) ماشغليش ايكونو عندك تا لحفايد قدي انا ماشي بنتك انا مرتك ، او ماباغاش نطلق ونا باقة صغيرة شكون غيشوف فيا من بعد بغيتيهوم تبقاو انعتو فيا لا هي لا
اكسيل : (بدات كطلعلو لقردة لسطح) شكون عينها فيك الله يهديك واش راك جايبة لكرش من الزنقة او تكوني مطلقة او من بعد ، زيد عليها انا غنمحي جد هاد زواج من جدر مكاين لي يعرفك فايت مزوجة
لغالية : والا هي لا مابغيتش نطلق
اكسيل : معامن داوي انا (خرج زادح لباب فقصاتو هو كيشرق او هي حتغرب البنت راني قد باك لا منطلقوش أزمر راك غا بحال بنتي لا منطلقوش ، ديالو لي يخشيها فشي سطل او يلوحها فلبحر)
لغالية : (غا خرج اكسيل جهدات فلبكا تا ولاو عينيها حمرين ، بقات مودة بوحدها كتبكي تا ضرها الجوع هي تمسح عينيها او هبطات لكوزينة خدات ليها غا كاس دلما ماتلاتش ݣاع عندها الشاهية التاكل او خرجات لجردة ݣلسات فيها)
صباح : (كانت باقة ناعسة تا تزيرات بغات تدخل لطواليط عاد ناضت قضات حاجتها او كانت عوالة تمشي تنعس تا قشعات لغالية ݣالسة فجردة) شكادير هادي تما فنصاصو تاع ليل شغلي انا فيها نمشي نعس (رجعات تكات ولكن والو طار ليها نعاس لبسات عليها پينوارها طويل او لاحت عليها شالها هي تهبط لتحت لجردة) شكاديري هنا بوحدك
لغالية : (ملي سمعات صوت صباح دغيا مسحات عينيها) والو غا ݣالسة
صباح : (تحنات عندها كل على وجها) مالك ؟ كنتي كتبكي ؟
لغالية : لا غا ضروني عينيا بلما تاع لبحر
صباح : زعما ؟
لغالية : واه
صباح : (والو متاقتهاش) بابا غوت عليك ؟ راه مرة مرة كطلع ليه لقردة لسطح او صاف
لغالية : لا
صباح : دارلك شي حاجة قلقاتك ؟
لغالية : (سكتات)
صباح : شنو دار ليك تا قلقك أ ؟
لغالية : (بقات ساكتة ساكة شوية هي تنفاجر بلبكا عاود)
صباح : مالك عاود كتبكي ؟
لغالية : ب.باك بغا يطلقني
صباح : (وسعات عينيها) شنو ؟ بغا يطلقك ؟ تسطا ؟ درتي ليه شي حاجة تا بغا يطلقك او نتوما يالاه مزوجين ؟
لغالية : قالك أنا صغيرة عليه
صباح : دبا عاد بنتي ليه صغيرة عليه ملي مشا يتزوجك مشافش لعمر زعما وشنو قلتيليه نتي
لغالية : ماقبلتش قالك تا ديري 18 او نطالقو
صباح : قالك تا ديري تمنطاعش او يطلقك ، ايوا صافي لاش كتبكي دبا باقين ليك عامين
لغالية : كي دبا كي بعد عاماين غيطلقني يطلقني
صباح : الهبيلة عاماين راه ولدو فيها الناس او بناو فيها او ماتو ݣاع ، عاماين كافياك خليه ياكل موراك سبابط
لغالية : (براءة) نسحر ليه زعما لا اويلي حرام
صباح : ربي ماقوليلي ياختي هاد تكلاخ وارتاه ولا خادمة عليه حيت راه والله تا بزاف شدانا حنا لشي سحور ، باركة عنا غا شوي تاع تحلوين او تبلحيس او مرة مرة جلابة نمر او ها لغراض مقضي ، نتي خاصك غا ضسري شوي على لواليد او تشوفي الى ميطيح فيك
لغالية : (سطلة مفهمات تا وزة منها)
صباح : أجي دخل عليك لواليد ياك ؟
لغالية : واه كان كيدخل لبيت ونا فيها
صباح : انا لي غندخل فمك بشي راسي ابنادمة ، بلعربية تاعرابت واش فايت ليه حو*اك ؟
لغالية : (ولات حمرة) حشمي شوي
صباح : خلي لحشمة فجنب او جاوبيني ايه لا
لغالية : لا
صباح : واش كنتو ياختي كديرو فليل هاد لآيام كاملة كتقيمو ليل تا مني مشيتو لسعيدية مدار تا مبادرة
لغالية : لا
صباح : لا ماتقوليهاش ياكما لواليد
لغالية : ياكما آش ؟
صباح : ياكما بعد هاد لعوام كاملين تاع لوحدانية ولا بارد
لغالية : علاه كان سخون من قبل زعما كيتغطا نزيدو فلغطا باش اسخن ؟
صباح : (شدات راسها) شعلي ليه لمجمر دغيا يسخن ليك ، كان كيسحابلي خويا مجد هو لمكلخ سعا كاين ماكلخ منو ، شوفي حنا انجربو شي تواشا مصدقوش معاه سيري نتي رفعي الدعوة تاع طلاق ياختي راه تاخديه موعاق او متاخديهش موجورو مابقاش خدام
لغالية : علاش زعما ؟
صباح : اهاد لخليقة كي غديري دراري بلى موطور ، وا كي غاديري تحيدي هاد الدودة لي فيك بلى موطور ، لموطور خاسر تساوي زواج باطل ، سيري طلعي دبا تنعسي تعطل لحال غدا او نكمل ليك الدرس باش دوزي لتمارين تطبيقية
لغالية : انا فيا جوع الى مكليتش مكنفهمش
صباح : ونا كنقول هاد لكلاخ كامل مناش جاك قولي راك مواكلاش كتعرفي طيبي عتقينا بشي حاجة راه تا انا فيا جوع
بعدما كلاو لبنات كل وحدة فيهوم طلعات لبيتها تنعس لغالية فرشات فلأرض او نعسات
اكسيل : (بقا ناعس تا أذن لفجر عاد فاق ضارب ليه فلغالية ناعسة فلأرض او مكمشة بلبرد نزل عندها هزها فوق الناموسية عاد كمل لحمام توضى او خرج يمشي لجامع اصلي معا جود او مجد)
لغالية : (مفاقتش ملي هزها اكسيل او حطها فوق الناموسية ، او مفاقتش حتى فاش رجع او بدل عليه او خرج)
اكسيل : (كانت تمنية تاع صباح فاش لبس عليه او كان خارج)
جود : لواليد فين غادي
اكسيل : غادي لكازا عندي شي غاراض
جود : ديني معاك الواليد عندي شي غاراض فكازا
مجد : تا انا الواليد باغي نضور فكازا
اكسيل : باغي تخلي غا لغالية وصباح بوحدهوم فدار
مجد : تا نتا شغيوقع ليهوم راه لبنات مرة مرة كيبغيو ابقاو بوحدهوم فدار
اكسيل : زيد زيد قدامي نتا وديك لفلسفة ديالك (مشا ركب فطونوبيل مخلي دراري راكبين حداه او شدو طريق)
لغالية : (خبطاتها بنعسة قرب ضوهر عاد فاقت ، لاقية راسها فوق الناموسية ناعسة او اكسيل مكاينش فلبيت ݣاع ، ناضت لحمام بزربة غسلات وجها او هبطات لتحت لاقية كريمة فلكوزينة كتصايب لغدا) صباح الخير
كريمة : صباح النور نحط ليك تفطري
لغالية : لا مفياش الجوع ، اكسيل واش خرج ؟
كريمة : راه مشا هو ودراري لكازا ميرجعو تال غدا
صباح : مشاو لكازا ؟ وعلاش ؟
كريمة : معرفتش قالولي نعلمكوم ، انا طيبت لغدا غنمشي دبا
صباح : بسلامة (تسنات تا خرجات كريمة بحالها عاد ضارت عند لغالية) دبا ملي مكاينش لواليد او دراري شبان ليك نخرجو واحد صحبتي دايرة واحد لحفلة نمشيو ليها او نرجعو بكري
لغالية : (بتردد) ويلى عرف باك ݣاع ميبغي نمشيو
صباح : شكون غيقولها ليه راه واخة مشاورو غيقولك ضاروري تدي معاك خوتك او أنا غادية محشية اوسط لبنات نزيد عليا دوك جوج كيديرولي كي لعسكر ، يالاه يالاه تشوفي لباشار او نشوفهوم تا انا راني غملت فدار
لغالية : (كانت قانطة او باغة غا تخرج) واخ
صباح : يالاه طلعي لبسي حوايجك غنمشيو دابا باش نرجعو بكري
طلعات كل وحدة فيهوم لبيتها بدلات عليها او قادات راسها عاد نزلو لتحت عاود
لغالية : (كانت لابسة ليها كسوة عصرية مفرقرة بصفر او دايرة معاها فولار بلقهوي فاتح ، فحين صباح لبسات صايا معا قميجة بلبرومالين او دارت معاهوم سمطة او فولار بلبيض)
صباح : شهاد زين دوق لواليد هادا هههه يالاه نمشيو درنا نتلاقاو فواحد الريسطو
لغالية : واش هاد لبنت صاحبتك ؟ ايكونو غا لبنات ؟
صباح : هاد لبنات معامن انتلاقاو شي تلاتة تاع لبنات قراو معايا او جوج خرين بنات خالاتهوم ، قالولي غا بنات بيناتهوم نمشيو نتغداو او ندوزو لواحد لقهوة تطفي شموع او نجيو بحالنا
لغالية : او عادي نمشي معاك انا
صباح : تانتي هادوك كيبغيو جماعة بزاف غا هو واش عادي عندك نقول مراة لواليد ولا نقول ليهوم من لعئيلة يابنت خالتي يابنت خالي ؟
لغالية : بلاما نكدبو غيعرفو يعرفو
صباح : واه بصح غا نتي الى قالو ليك شي هضرة ماعجباتكش خليني مني ليهوم صافي ، يالاه دبا (خرجات هي وياها لبرا او شدو ليهوم طاكسي لبلاصة فين دارو معا لبنات)
لغالية : (وصلات هي وصباح لواحد الريسطو تاع لأوبهة) اهيتا جايبة معاك لفلوس انا راه تا ريال ما عندي
صباح : بلاتي نتأكد (طلات على بزطامها) جايبة معايا ربعين ألف ريال موت وحدة لي كاينة غا يالاه ندخلو (دخلو بجوجات لديك الريسطو كيقلبو على لبنات تا عيطات عليهوم واحد لبنت)
لبنت : صباح حنا هنا
لغالية : (شافت فلبنت لي عيطات ليهوم بانت ليها لابسة لمقزب هي ودوك لي معاها او معاهوم تاشي دراري كانو شي 5 تاع دراري) ياك قلتيلي غا لبنات
صباح : واش انا يسحابلي كل وحدة اتجيب صاحبها
لغالية : ويلي صحابهوم او خارجين هاكدا بلعلالي
صباح : زيدي نݣلسو قبل ميبداو ني ني ني ديالهوم ، (مشات وقفات عليهوم مادة يديها لبنات كتسلم عليهوم تا وصلو لدراري قالو غا سلام بلفم او ݣلسو)
لبنت : هههه صباح هي صباح باقة فيك ديك طبيعة تاع مكتسلميش على رجال
صباح : ايوا لواحد هو لي يبقا فسباغتو تبدال تاع لوان ماشي ديالي
لبنت 2 : فين جود او مجد شتهوم مجاوش معاك هاد لمرة
صباح : لقيتيهوم ازين مامساليينش
دري : (كانو عينيه على لغالية) او هاد زين شكايجيك أصباح
صباح : (معجبهاش طريقة باش كيدوي) هادي لغالية مراة بابا
لبنت : (طرطقات عينيها) كوا ؟ مراة پاپاك كضحكي ياك ؟
صباح : علاش غنضحك جاتك عجب
لبنت 3 : نو غا حيت لبنت كتبان باقة صغيرة او پاپاك ماشي شي واحد صغير
صباح : ههههههه شكون كيقول هاد لهضرة نتي أ إيناس معقلتيش قبل متكوني معا كمال كانو كيعجبوك شݣر دادي غي ملقيتي طريق لبابا ، غا هو لغالية ماشي بحالك لغالية بابا هو لي كان طايح فيها او تابعها شتي لفرق
لبنت 4 : هه ايوا مبروك عليك الالة زواج باك خاصنا لعرس
صباح : ههههه الله ايبارك فيك او عقبان ليك تا نتي ها لغالية صغر منك تخطبات من موراك بشحال او تزوجات ونتي باقة متزوجتي لعام لي جا تقولي باقين مخطوبين
لبنت 4 : ايوا ياختي باقي لحال على زواج
صباح : من طبيعة لحال باقي عليه لوقت تا ديري ولادك احضرو معاك فلعرس
لغالية : (مافهمات والو شافت لقرطاس كيتلاح من لتحت لتحت)
لبنت 2 : ايوا احبيبة زواج ماشي غا أجي وتزوج خاص ايكونو كيبغيو بعضياتهوم او مفاهمين عاد اتزوجو والا فيكون بحال ماماك او باباك طالقو او نتوما باقين صغار والى يومنا هذا باقة حتعالجي عند طبيب ، اوپس سمحيلي ياكما جرحتك انا غا دويت عادي
صباح : نو عادي هههه ماشي انا اول وحدة ولا آخر وحدة يطالبون واليديها او تمشي عند طبيب نفساني تعالج ، مي لحمد الله ملي طالقو قبل ميخرجو لعيب او عندك الصح خاصهوم ايكونو مفاهيم عاد اتزوجو ماشي شي كيخون شي او هوما باقي اوصومبل ، آه ها لكاضو ديالك زوايوزاني ڤيغسيغ عقبان لميات عام لغالية يالاه نمشيو
لغالية : (تبعاتها بسكات تا خرجو) دبا حنا لاش جينا ماكلينا ما فوجنا متأكدة هادوك صحاباتك ؟
صباح : شمن صحابات تا نتي هادوك عزيز عليهوم اتشفاو غا لمتقوبة على ختها لمخيرة فيهوم شبع فيها صاحبها تخوار ، يالاه يالاه نمشيو نشوفونا شي قنت ناكلو فيها قرب لمغرب او حنا مادرنا والو (مشات هي وياها لواحد موك كاسكروطات خداو ليهوم مياكلو عاد بقاو كيتمشاو راجعين لدار ، ولكن قبل دازو على واحد لقاعة تاع لعرس لحايحة فيها) لغالية شبان ليك ندخلو لهاد لعرس
لغالية : عارضين عليك ؟ كتعرفيهوم ؟
صباح : لا مكنعرفهومش ولكن راه شحال هادي معرسة خلينا ندخلو نشطو شوي يالاه
لغالية : اويلي ويلا حصلونا
صباح : تانتي غا يالاه واخة يديرونا طردنا زي لكلبة ماعليش (شداتها من يديها او جراتها لداخل تاع لقاعة موقفهوم تا حد كيقول بلي من حباب لعريس ولا لعروسة ، شدو ليهوم واحد الطبلة اللور مدرݣة شوي فيها غا شي شراف او بقاو كيتمنضرو) ياختي ياختي علعرس ايمتى تا انا ندير لعرس ديالي شي عرس مطرطق ولكن عرفتي لخايبة اخليوني تا نقرب ندير لعرس ياو ايموت شي شارف تي راه نعلقو ، أجي نتي مغاديريش لعرس ؟
لغالية : لا ميعدالش
صباح : مات شي واحد فعئيلتك
لغالية : واه
صباح : عوضيها فسبوع او ديري شي حاجة مطرطقة
لغالية : سبوع من تاع باك
صباح : هههههه لواه تاع يزة تي سبوع ولدك ولا بنتك
لغالية : (ضربات طم او عقلها رجع بيها لزمان ملي كانت كتسمع جداها كتقول) “شوفي ابنيتي الراجل الى بغيتي تشديه تقليلو كتافو بدراري ، كان ميصلاحش عمريه دراري ايدير عقلو ، ايولي واخة يعيا يدور بين لبنات ارجع عند ماين ولادو” ، “زعما الى ولدت لإكسيل شي ولد ميطلقنيش ؟ ولكن كي غندير نولد ليه او هو تا شوفة مكيشوفش فيا ، ولكن الى ولدت واخة يطلقني مغيسمحش فيا حيت ولدو غيكون عندي الله ياربي شغاندير معا هاد الراجل انا”
صباح : (شفتها سهات هي تنغزها) اسبحان الله اشريفة تي فين مشيتي كتخممي
لغالية : (فاقت من سهوتها) والو والو
صباح : (بقاو ݣالسين فداك لعرس عاطيينها غا لماكلة لعاصيرات او طورطات تا تحط لعشا هما يدخلو فيه طول او عرض او كيصورو فلعرس تقول تاع باهوم) الله على دجاج مالح فن
لغالية : حاجة شفرة بنينة
صباح : ههههههه شوفي شوفي لعروسة بغاو اهزوها فلعمارية
لغالية : مساكن دراري جاتهوم تقيلة غطيح ليهوم
صباح : لا مضنيتش واش طيح
لغالية : نتخاطرو عليها
صباح : مشات ميتين درهم
لغالية : (بقات حاضية معا صباح لعروسة طيحي طاحت طيحي طاحت ، تا قربو احطوها صحاب لعمارية هي طيح فعلا) جيبي ديك 200 درهم جيبي
صباح : قوستي عليها داكشي علاش شدي ها رزقك او يالاه نمشيو
لغالية : منݣلسوش تا تروح لعروسة ؟
صباح : لا تسناي ا لباب تا يخرجو ليك سروال غني ليهوم ها هو خضر تاع لفجر واجي تي زيدي قدامي عجباتك لݣلسة تقولي لعروسة بنت خالتك
لغالية : هاني غادة هاني (خرجو بجوجات لبرا او بداو كيتمشاو على رجليهوم كان باقي لغاشي كتير) شتي راجلها شحال زوين
صباح : شنو ياختي شتو كيقولك سعد لخايبة فزهرها او شي زهر باقي مشتو
لغالية : واييه
صباح : شتك ياختي كتقولي واييه نتي مزوجة ليا پوݣوص على قدو كشطي زهرنا كاملين او كتقولي ليا واييه
لغالية : باك بوݣوص ؟
صباح : واهو على مكيبان ليا او كيبان لناس زوين سمر او عويناتو رماديين مايلين لزرق على مزيناتهوم طويل او مفورمي ، شعر رطب لحية خفيفة راجل او نص حنين
لغالية : تي داوية على باك ؟
صباح : لي سمعك ايقول انا لي مزوجة بيه ماشي نتي ماشايفاش كمارتو مكتصبحيش عليه كلى نهار
لغالية : دبا ماشي هاكداك هادشي لي قلتي خصوصا وجهو معا طويل ونا قصيرة كنتقابل غا معا صدرو زيد عليها باك ديما معصب او عاقدهوم
صباح : راه غا كيبان ليك بابا فخوتو كاملين هو لمهدن او ماشي بالزربة كيطلع ليه الدم وا هو الصراحة ملي كيتعصب كيقلب الدنيا ولكن بلى هاكداك ديما مكالمي ، نتي خاصك غا تفهمي عقلية لواليد دبا متلا كاينة شي حاجة متيبغيهاش دار مكادارش نهائيا ، مكيحملش لي يبقا اكتر عليه لهضرة او لأسئلة او عدوه الغالية لي يكدب عليه راه تخوري ليه عينيه او متكدبيش عليه ، الى شتي عند مجد واحد طبعة جيهة حاجبو راه بابا سبابو فيها ، كان شوي مجد ضاسر او كيموت على زبايل او شي عام هادا ناض هز لواليد واحد لمرا شي لعيبة من لمكتب كيخدم بيها ايوا ملي سولو قاليه لا ماشي انا حيت خاف ايقوليه انا ويقولو فين هي ومجد كان زلاها وبابا كان عارف بلي هو لي هزها عصبو شيد عليه بكاس لراس ، مكنقولش ليك هاكدا باش تخافي منو بلعكس باش تعرفيه مزيان الى كنتي باغة تقربي من بابا خاصك تعرفي شنو كيبغي او شنو لا ، انا معارفاش علاش تزوجتو ولا حتى كيدرتو ليها ولا طبيعة علاقتكوم ولكن لي كنعرف الى بغيتي تبقاي معا بابا خاصك تحيدي من بالك ديك الصورة النمطية لي دايرة فعقلك عليه ، حيت راه واخة تعياي تقلبي مغتلقايش بحالو ماشي حيت بابا كنقولك هاد لهضرة ولكن حيت فعلا هو هاكدا داير راه غا تعرفي ليه تشربيه ما
لغالية كانت غا كتسمع ليها او ساكتة طريق كامل تا وصلو لدار مدݣدݣات او كل وحدة فيهوم طلعات لبيتها ، حيدات عليها ديك لكسوة او لبسات ليها وحدة فدوك لپيجامات لقصار بمأنو اكسيل مكاينش او مشات تكات فبلاصتها طبعا بعدما صلات ، او بدات غا كتفكر فدكشي لي قالت ليها صباح ، او لحقيقة راها مكدباتش اكسيل عاونها ماشي مرة ماشي جوج غا ملي عتقها من باها او تزوج بيها ، او ملي عطاها حريتها او عاود حماها او تقبلها منين خرجات من لحبس راه تا باها مدارلهاش كيما دارلها هو ، ولكن معا لوقت بحالي بدات كتحس براسها طامعة فهاد الدفئ يبقى او هاد لمعيشة لمريحة تبقا او بلأخص هاد لأمان باش ولات كتحس ، انها تنعس بليل او هي مرتاحة مكتفيقش بلفزعات شي حاجة لي فوق السعادة بالنسبة ليها ، ماباغاش طلق ماباغاش تكون مطلقة حيت مجتمعنا مكيرحمش لمرا كيما بغات تكون ، راه واخة نقولو لي قلنا او تجيبو لجمعيات تاع لحقوق تا نعياو او شيوخ يدويو تال غدا ، داك تمييز او لوم لمرأءة او شوفة الناقصة غتبقا فينا ، خصوصا ملي تلقاي راسك تا واليديك لي ولدوك محنوش فيك ، ماباغاش طلق او مقاداش تعيش معا واحد مباغيهاش او لأهم معندهاش ديك لجرءة انها تخليه يبغيه ولو من ناحية لجنسية مقاداش تجرو لعندها ، لوسط فاش كبرات خلاها ديما ضعيفة شخصية او حشومية ، زيف ديرو تا حدا خوتها حيت منين كبرات او هي كتسمع كلمة حشومة ، هاكدا بقات لغالية كتفكر تا داها نعاس
#عند اكسيل او دراري#
وصلو لكازا معا جوايه لعاصر او تفرقو كل واحد فيهوم غادي يقضي شغلو ، اكسيل غا حط دراري كمل طريقو لاصلاحية تاع كازا ، بلاصا طونوبيل قدام لحبس او نزل داخل لتما تا واحد مهضر معاه حيت بكل بساطة فاش كتعطي فلوسك كادوز فينما بغيتي
لكوميسير : سي إكسيل وصلتي على سلامتك
اكسيل : سي عمر فين داك خينا ؟
لكوميسير : تبعني ها هو هنا
اكسيل : (تبع لكوميسير تا وصلو لواحد لبيت تاع لاستجواب او دخلو ليها لاقين سي ناصر ݣالس تما مبرد)
ناصر : سي عمر غتبقاو شاديني هنا ؟ راني مخلي خدمتي
اكسيل : سي ناصر مالك زربان باقي باغينك تبقا عنا شوي
ناصر : شكون نتا شي بوليسي جديد يالاه نقلوك ؟ عارف معامن داوي انا ناصر مرؤوس السجن او نسيب لكولينير ***
اكسيل : (غفلو بواحد لبونية) متشرفين انا اكسيل لي غيقبط روحك اولد طحبة (تسيف واحد مولاتي تسييفة ، جرو من شعرو او نزل عليه بركولة او لبوكسات) بنت صغيرة اولد طحبة صغيرة قد بنتك ، راه لي بحالك لي خرجو عنا بنت صغيرة على قلة طحبات فزنقة (رجع كيضرب جاعر كتر من لول تا صافي برد شوي ، هو يبرك ليه على قلا*ويه ) هادو هوما لي كلاوك ياك تا بغيتي تعدا على لبنت شبان ليك نهنيك منهوم
ناصر : (ولا كاملو دمايات او سيفتو خصرات) غتندم على هادشي غا صبر الى ساق لكولينير بلي نسيبو تضرب غيربيكوم كاملين
اكسيل : (زاد برك عليه) الى ساك داك ميخي تاع نسيبك أنو ديك لبنت لي حطيتي عليها لعين موصي عليها انا اينحرك ، لي باحالك هوما لي خرجو علينا يصرقونا او يستروهوم فلوسهوم اقتلونا احݣرو علينا او يتخباو مور بواتهوم ولكن سمعني مزيان غنخليك طلب لموت او متلقاهاش حيت عودويا لي بحالك
ناصر : عافاك سمح ليا مكانش يسحابلي بلي ديك لبنت موضي عليها كون كنت عارف منقربلهاش
اكسيل : يعني كون كانت شي بنت خرى مموصيش عليه تكوينها ياولد طحبة عادي (رجع جعر عليه بضرب) ولكن عرفتي شنو انا عندي ليك لحل هاد جوج بيضات باش فرحان غنقطعهوم ليك او نبيعهوم حيت شتي ساويين 360 مليون غلى منك ، (شدو من شعرو او بدا كيدوي عادي) انا راني مفهمتش علاش لوزارة كتشكا ملاقياش مناش تعمر خزينة الدولة او هي عندها موارد قلوانية معمرة ، الى شدينا شحال من مغتصب او متحرش كيعيفو لبنات فريوسهوم او كيهليوهوم ميحملوش راسهوم ، شحال من بنت نتاحرات دمرات بسباب نزوة جات توامل لي بحالك ، غنزيدو عليهوم دوك ولاد طحاب تاع متحرشين لا حقا مدايراش زيف آجي نقيس فيها كيما بغيت ، زائد شمايت لي كيضربو عيلاتهوم او كيخونوهوم لي كيشوفو فعرض خيرهوم ، على سبلي نتا شحال من قل”وة تما او شحال من مليون غنحلو لمشاكل ديالنا منها نحيدو للي بحالك الدودة لي فيه او نحيدو لفقر لي عندها فكرة زوينة ونتا اول واحد غنبدا بيه
ناصر : (خاف على رزقو هو يتحنا ليه على رجليه) عافاك يرحم ليك لواليدين مسمح ليا مابقيتش غنعاود مابقيت نقيص تا بنت
اكسيل : دبا نتا مفهمتينيش راه ماشي مابغيتش نسمح ليك ولكن واش دوك لبنات فاش درتي دوك لفعايل ايسمحو ليك من طبيعة لحال لا اذن انا مفيدي والو معا لأسف
ناصر : عافاك لي بغيتيها نديرها غا رحمني
اكسيل : راحيم هو الله اما انا غا عبد ، من ليوم اناصر نقولك شا شا را را ولا قسما بالله ما تبقا تهز لعلام مرا خرى ويلى مخليت رجال اكويو فجدك راني مكنسواش (دوا معا لكوميسير قبل ميخرج بحالو) علق دين مو واحد تلتيام او حرمو مزيان ويلا سول عليه نسيبو قوليه راه عند آيت اوسو
#عند ياسمين#
هادا تالت نهار ليها فسبيطار ، بعدما تجاوزات مرحلة لخطر نقولوها لغرفة عادية ولكن بوحدها حيت سجينة ما كانوش دايرين ليها لمينوط ليديها حيت كانت معروفة منهوم شوي
ياسمين : (عينيها كانو حمرين بلبكا مكمشة رجليها عندها او غا كتبكي او شعرها لكحل طويل مليوح على كتافها ، صحتها كاملة عاطياها لحريق محاملاش راسها ، هزات عينيها فلمراية لي قدامها او هبطات من بياصها كتمشا وهية كتجر رجليها هزات لحوايج على صحتها شايفة قدامها منصر كيجيب تقية ، جلدتها حمرة او دايرا لبواقات او مخرجة لقيح ، عفات راسها هزات عينيها فوجها كتشوف انعكاسها فلمراية دم مخطوف من وجها بقات مودة كتشوف بفراغ ، هي تمد يديها لواحد لمقص قدامها او بدات كتقطع فشعرها او تنتف راسها وهي منهارة بلبكا كلمى تفكرات انو ناصر شدها من شعرها مخليها مقاداش تحرك كتزيد تكره راسها ، بقات على داك لحال كتقطع فشعرها تا كملاتو مخلياه قل من عنقها ولكن بشكل مفاوت ، هبطات عينيها لأرض كتشوف فشعرها او تشوف فلمقص)
جود : (كان جا لسبيطار ايشوف واحد صاحبو ولكن تلف على لبيت فين ناعس ، بقا كيشوف بيت ببيت تا ضرب فلبيت فاش كاينة ياسمين ولكن تا واحد مكان كيحرس لباب ، كان غيمشي بحالو تا شافها كتبكي او كتقطع فشعرها بقات فيه بنت صغيرة معرفهاش علاش كدير هاكداك ، شوية بانت ليه هازة داك لمقص او باغة تخشيه فيها ماعرف باش تبلى ولي حي دارت تا حل لباب او دخل عليها كيجري محيد ليها لمقص من يديها) واش تسطيتي شكاديري باغة تقت”لي راسك
ياسمين : (كانت عوالة تسالي حياتها او تهنا تا لقات شي حد نتر ليها لمقص من يديها او كيغوت عليها ، هزات عينيها فيه بفضول تشوف شكون هادا) ش.شكون نتا شكادير هنا ؟
جود : واش مهم شكون انا واش تسطيتي تقتلي راسك (جبد زيف حطو ليها على تحت عنقها لي تقاس براس تاع لمقص) شوفي حي جرحتي راسك دم كيسيل ، علاش غتق”تلي راسك بسلامة تا حاجة مكتستاهل تق”تلي راسك عليها سمعتيني
ياسمين : (تي فين هي ياسمين السيدة ولات حمرة حمرة ، كتحس بقلبها بغا يخرج من بلاصتها ، تا طريقة باش شافتو خايف تقول كتجيه شي حاجة جاتها فشكل ، نبرة لقلق فصوتو او طريقة مواساتو ليها كانت بحال لما لبارد كيطفي لعافية لي شاعلة فيها ، كتعرفو دوك لمشاعر ساذجة لي كتراودك اول مرة ملي كتحاكي معا لجنس لقشن فشي موقف سخيف ، مشاعر طفولية )
جود : (هز عينيه فيها لاقيها متوترة بقربو منها كي شي مشة ولا فلوس صغير ، حس بقلبو ضرو فاش شافها بغات تنهي حياتها كانت باقة صغيرة على انها تاخد بحال هاد لقرار ملي شافها كتحاول تنتا”حر حضرات قدام عينيه صورة صباح ملي كانت فبداية إكتئابها قبل حتى متبقى تمشي عند طبيب ، لخنقة باش حس دبا نفس لغنقة باش حس ملي شاف ختو لوحيت باغة تقطع شرايين تاع يديها ، مكيحملش لواحد اختار ينهي حياتو باش يتهنا من لمشاكل ولكن فنفس لوقت عارف شحال صعيب انك توصل لنقطة تفيض لكاس فيك تخليك تبغي تنعس نعسة وحدة ماتعاودش تفيق)
ياسمين : (معرفش شنو جاها فعقلها قربات عنقاتو او بدات كتبكي ، توحشات تعنق شي حد أو يعنقها شي حد)
جود : (تكوانسا ملي عنقاتو ولكن خلاها على خاطرها ملي سمعها كتبكي )
ياسمين : (بقات كتبكي كتبكي تا شبعات عاد حسات براسها راتاحت شوي هي تبعد عليه)
جود : بزݣتيني كاملي
لبوليسي : (دخل عليهوم كيجري) شكادير نتا هنا
جود : نتا لي آش هاد الدخلة داير على لبنت ياك لاباس
لبوليسي : راك اشريف داخل عند سجينة ممنوع عليها الزيارة
جود : سجينة ؟ (ضار شاف فياسمين بعدم تصديق) سمح ليا مشت تا واحد كيحرس لباب اسي لبوليسي
لبوليسي : عطيني لإسم ديالك او لكارط ناسيونال
جود : علاش ؟ كيما قتلك راني غا غلط ميسحابليش راها تحت لحراسة
لبوليسي : تحسبا الى مشات تا هربات او كان ليك يد فهادشي
جود : سميتي جود آيت اوسو ها لكارط ديالي
ياسمين : (فرحات ملي عرفات سميتو او بقات غا كتشوف فيه كفاش كيدوي معا لبوليسي قبل ميشير ليها بيديه او يمشي بحالو مخليها متبعاه بلعين او كتساءل واش تقدر تشوفو من بعد أو تايلى شافتو واش يعقل عليها خصوصا انو عرفها حباسة)
هاكدا كان اول لقاء بيناتهوم او مكدبش داك لي قال دنيا دوارة ، اول مرة فاش تلاقاو كان جود مبلي او ياسمين لا ، كان جود غارق فلغيس او ياسمين باقة محتافضة على براءته ، ولكن تاني لقاء ليهوم بعد ربعسنين كانو لموازين تقلبات جود خرج من داك لغيس او تاب لي خلقو وياسمين ولات بنت وحدة خرى غارقة فغيس لبلية
#بعد مرور 4 اشهر#
لأحوال بكات كيما هي مغير حوايج قلال تغير ، علاقة لغالية معا صباح او دراري نهار على نهار كانت كتزيد تا ولاو حاسبينها منهوم اخرجو مجموعين او يرجعو مجموعين ، ولكن اكسيل من داك نهار لي قطعات فيه لغالية وراق طلاق مكانش كيبقا فدار ݣاع تقريبا كيغيب بسمانة جوج شهر او ملي كيجي غا كيبات ديك ليلة او كيمشي ايعاود اسافر
لغالية : (واخة كانت لاقية راحتها فدار خصوصا انها توالف معا دراري ولكن بالنسبة لعلاقتها معا اكسيل عاد مزادت تعقدات ولا كيسافر بزاف غا باش ميبقاش حداها بعبارة أخرى كيقولها ماباغيش هاد زواج ، فاقت ليوم معطلة حاسة براسها ماشي تالهيه كرشها مرة مرة كضرها او تا نفسيتها زيرو او غا كتشها ، دخلات لحمام توضات او خرجات صلات عاد هبطات لتحت بپيجامة سروالها داير شوي بحال لحولون او فولار فوق راسها ولكن مرخوف شوي ، لقات كريمة بوحدها لي فلكوزينة) سلام
كريمة : وعليكم السلام صباح الخير
لغالية : صباح النور دراري مكاينينش ؟
كريمة : جود او مجد مشاو لافاك اقراو او صباح عندها شي كونكور مشات دوزو
لغالية : مزيان كاين عندنا لقوق ؟
كريمة : واه
لغالية : (فرحات) نقيلي عافاك شي وحدة (سمعات سرسار فلباب) يمكن دراري هادو لي جاو انمشي نحل ليهوم (مشات لباب حلات او عيواض مضرب فدراري ضربات فواحد الراجل كبير او مفورمي او موراه تلاتة درجال خرين معا عيالاتهوم عاد قشعات ليها يزة او صفية)
لحاج : (دقق الشوفة فلغالية بلاما يعيق)
لغالية : د.دخلو مرحبا بيكوم
عزيز : (كان لاسق فيه يحيى ملي دخلو لصالون او ݣلسو همس) ولايني داك خوك شلاهبي معضر سيد ميتلف او ميبغيش اتفاك معاها او لبنت صغيرة وزوينة
لحاج : (كان ݣالس او شاد بيديه عكازو او داوي بفخر ) ولدي شابهني كيعرف يختار
يحيى : علاه نتا كتعرف تختار شوف لوليدة الي كيعرف يختار شي مرات كنسول راسي واش مكانوش مختارعين نضاضر فديك لوقت تا مدرتيهومش او شتي مزيان
لحاج : مك هاديك الكلب ، او زيدون زين ماشي كولشي لموهيم هو صواب او لاحترام
عزيز : تا نوض طحتي فيها طحتي لعما فضلمة
لغالية : (مشات تا عمرات ليهوم أتاي او جات بصينية مخليا كريمة تابعها بلحلوة)
يزة : فين دراري ؟ او فين ولدي اكسيل
لغالية : دراري مشاو يقراو او اكسيل سافر
صفية : وإيمة غيرجع بسلامة
لغالية : معرفتش
يزة : راجلك او معرفتيش ايمتا غيرجع ؟
لحاج : تا نكون انا كنعرف ايمتا كتخرجي وكترجعي عاد ندويو
اكسيل : (دخل عليهوم لصالون) السلام عليكم
يزة : وليدي رجعتي ؟ قاتلنا لغالية كنتي مسافر
اكسيل : يالاه وصلت امي (مشا ݣلس حدا لغالية لي كانت حتخوي ليهوم فآتاي او تمد) عاد دبا جيتو ؟
لحاج : واه
اكسيل : وما لمناسبة
لحاج : خاصنا لمناسبة باش نجيو عندك ولا شنو ؟ او زيدون ماجيتش عندك جيت عند مراة ولدي
اكسيل : احياني عليك الحاج محمد غا كتشوف لعريسات كتنسا ولادك
لحاج : شفيكوم من خير حلاوتها لبنات
اكسيل : لغالية هادا با لحاج محمد ، او هاداك لي حداه عزيز خويا لكبير او لاخر خويا يحيى لي صغر منو رابحة و رقية عيالات خويا ، او ختي صفية راك عارفاها وداك لي حداها راجلها مصطفى او ولد عمنا
لغالية : متشرفين
عزيز : (نغز اكسيل) امامشيتي أخاي تا ديتي زين ولكن راك بانضي طامع ليا فبنت صغيرة
اكسيل : حاسدني ولا
اكسيل : (تحنا شوي عند لغالية او دوا بشوي) فين دراري ؟
لغالية : مشاو اقراو
اكسيل : طلعي لبيت لبسي عليك شي حاجة
لغالية : (مفهماتش علاش) راني لابسة
اكسيل : عارفك لابسة ولكن طلعي ديري عليك شي پينوار طوير ولا بقاي فلبيت الى مافيك لي يلبس
لغالية : (مزادتش معاه لهضرة او طلعات لبيتها ݣالسة فيها شوي عاد دارت عليها پينوار طويل او هبطات عندهوم عاود لاقية دراري رجعو ، مشات ݣلسات حدا اكسيل حيت هي لي كانت بلاصة خاوية)
صفية : ايوا غنبقاو نشربو غا فآتاي لغدا مكاينش ؟
اكسيل : صباح نوضي أبنتي شوفي كريمة واش طيبات لغدا
صباح : واخ ابابا
يزة : علاه اوليدي باقي لخدامة هي لي كطيب لماكلة مرتك شكادير فهمها
اكسيل : مرتي يديها ماشي تاع تمارة
صباح : (رجعات ݣلسات حدا لغالية) هانتي على سي إكسيل مرتي يديها ماشي تاع تمارة ههههه
لغالية : سكتي غيسمعك شي حد
صباح : هاني ساكة
لغالية : (تحط لغدا او بداو كياكلو ولكن هي والو منزلاتش لوجع غادي او كيزيد عليها ، خلاتهوم اوسط لماكلة او طلعات لبيتها تكا شوي)
يزة : فين طلعات هادي او خلاتنا
مجد : لحاجة مفخباريش مكادوزش ليك لماكلة بلى لغالية ؟
صفية : أجي نتا شتك مابقيتي تحتارم حد ياك لاباس
رابحة : صفية جري لفت جري خلي عليك لولد
صفية : راه نيت هاد خلي عليك دري لي خرجات عليه ، كون خليتيه حداك تربيه معا خوتو او باه
اكسيل : كون سكتينا حسن ، كفاش تخليه اتربى معا خوتو علاه جود او صباح جيرانو
يزة : ولكن اولدي راه دري كيبقى تاع مو وباه لي ولدوه
اكسيل : بلاما تبقاو تعصبو جدي دري ولدي انا او لمخير فيكوم ايقول لا او زايدون هادشي بيني وبين خويا ومرتو نهار لول عطاوتي دري او هو باقي بسرتو انا لي درت ليه سبوع ونا لي ربيتو محيدتو بدرع لحد
يزة : عطاوه ليك اولدي حيت كانت عندهوم ضروف ماشي حيت سخاو بيه
مجد : (ناض من طبلة زاعف) انا غادي
يحيى : ݣلس اولدي تغدا لحاجة راه غاداوية
يزة : كفاش غا داوية كدبت عليه
يحيى : لحاجة بيني وبين خويا عطيتو دري رباه او ولدي بغا يبقا معاه او من بعد انا ورابحة معندناش موشكيل علاش نتي يكون عندك موشكيل ها هو ناض ݣاع بلاما يتغدا
يزة : وانا بغيتو غا يتعامل شوي معاكوم بحال مو وباه ماشي بحال عمو او مراة عمو
رابحة : (مرضاتها لحاجة) خالتي مجد راه كبير ايديرنا عمو ومرات عمو ولا تا جداه باركة متبقاي تحكري عليه اكسيل لي رباه او هو باه داكشي علاش ماشي كل مرة تفكريه لا هادا غا عمك ماشي باك
يزة : دبا انا لي وليت غالطة
لحاج : يزة هنينا
اكسيل : (ناض من طبلة زاعف شحال مكيحملش ابقاو ايقولو ليه مجد ماشي ولدك جنونو راه هو لي رباه نهار فاش ولداتو مو فاش خداه هو او دار ليه سبوع مطرطق او رباه او زايدينها بلا ماشي ولدو ، دخل لكوزينة باغي ايصايب لراسو كاس تاع لقهوة ، تا ضرب ليه فمجد ݣلس لأرض حال لباب تاع تلاجة او كيخشي فوجهو قرب عندو او شحطو لراس) يا لكلب دايرلي فيها مقلق منها جاي كتخشي هنا فكمارتك
مجد : (من طبيعتو فاش كيتعصب بزاف كيضرو الجوع او كيولي خاصو غا مياكل) راه فيا جوع
اكسيل : (شافو ضرب لفلفلة خضرة خيزو شكلاط لخبز) ياربي سلامة بحالي فجدك سينتا ، شوف كي ضربتي لخضرة كاملة كي لمعزة ، تجمع عليا منهنا غتكوانسي لمعدة
مجد : (عمر يديه بسقاطات او سد لباب تاع تلاجة) هاني غادي
اكسيل : فين غادي فين حط داك زمر كامل
مجد : وا فيا جوع الواليد شغاناكل انا دبا
اكسيل : ها لخبز حرفي ندغو حط داكشي فوق طبلة
مجد : لواليد
اكسيل : مجد حط ماحدي كندوي بفمي
مجد : هاهو حاط تا لماكلة مناكلوش حنا فهاد ضار
اكسيل : سير سير ونتا كي بوسكة طالع واكل نازل واكل (خلى مجد طالع لبيتو كيسوط او مشا صائب راسو قهوة او طلع لفوق لبيتو باغي ياخد منها شي وراق تا ضرب فلغالية محدة الزيف او معصبة راسها وكتبكي وصفرة) مالك
لغالية : (كان شادها الراضان او لوجع داير فيها حالة)
اكسيل : (قرب عندها قايس ليها راسها ايشوف واش فيها سخانة لقاها مطالعاش ليها) مالك ؟ شنو ضارك ؟
لغالية : (غا كتبكي) ضاراني كرشي
اكسيل : شنو كليتي ليها ؟
لغالية : ماكليت والو
اكسيل : تسرحي نشوف واش لمصارن منفوخين ليك
لغالية : (تكات ليه)
اكسيل : (ضرب ليها على لكرش ولكن لقا بلي لمصارن ممنفوخينش ليها) فين ضارك بضبط
لغالية : (شيرات ليه لتحت صرتها) هنا
اكسيل : واش وصلات وقيتها ؟
لغالية : شكون هادي
اكسيل : هاديك
لغالية : وا شكون هادي
اكسيل : لعادة الشهرية الغالية
لغالية : (ولات حمرة حشمات منو) لا ، معرفتش
اكسيل : كفاش معرفتيش بحالا عمرها جاتك
لغالية : (دوات بشوي) وراه عمرها جاتني
اكسيل : (بدرع باش سمع شنو قالت) عمرها جاتك ؟ عندك 16 او عمرها جاتك ؟ عادي ؟ مفايتش مشيتي لطبيب ؟
لغالية : (حشمات دوي معاه فهاد لموضوع) وراه حنا هاكدا كاملين
اكسيل : شكون نتوما ؟
لغالية : انا ختي ماما بابا خويا مكنبلغوش بكري
اكسيل : تا باك او خوك مجاتهومش لعادة شهرية بكري
لغالية : اويلي لا هوما مكتجيهومش غا غلط
اكسيل : وهو الصراحة خصهوم أمشيو لطبيب دارو دراري او باقة مكتجيهومش
لغالية : (جابلها شك) علاه تا رجال كتجيهوم
اكسيل : لا رجال مكتجيهوم ولكن باك او خوك هاد نوع كتجيه
اكسيل : انا غنمشي نطبخ ليك شي عشوب الى كانو لمصارن غيترخفو ليك كانت هاديك ايخفاف ليك لوجع
لغالية : (كانت كتحس بكرشها كتقطع زيد عليها الرضان تا صافي قالت لموت هادي لي جاتها)
لحاجة : (كانت طالعة لفوق تا تلاقات معا اكسيل هابط)
اكسيل : (بحنية) لحاجة محتاجة شي حاجة ؟
لحاجة : جيت غا نشوفك طلعتي قبيلة لفوق زاعف فين غادي
اكسيل : غادي نصايب لغالية شي عشوب ضاراها كرشها
لحاجة : شكلات ليها ؟
اكسيل : معرفتش كترض من صباح
لحاجة : ميكون عندها باس (خلات ولدها تا نزل او كملات لفوق حالة لباب على لغالية لاقياها كتجري لحمام شادة فمها وقبل متخرج من لحمام خرجات هي غادة عند كريمة) آجي نتي لهنا
كريمة : نعام الحاجة
لحاجة : لغالية بانت لي ليوم ماشي تالهيه ملاحضتيش فيها شي اختلاف ديك لبنية مسكينة ولات صفرة معرفت مالها
كريمة : (بنية حسنة دوات) هاد تلتيام كاملة مكانتش تالهيه نفسيتها عيانة او تا شهية تحلات ليها ولات كتاكل كتر من لي موالفة كتاكل
لحاجة : إيه غيكون داكشي علاش ضراتها لمعدة سيري كملي شغلك أبنتي
صفية : (خرجات تشوف مها فين مشات تا لقاتها ݣالسة فبيتها او غا ساكتة) مي نتي هنا ونا كنقلب عليك
لحاجة : دخلي او سدي موراك لباب
صفية : (سدات لباب او جات عندها) مالك امي بنتيلي ماشي تال لهيه شواقع
لحاجة : ديك زغبية لعباتها مزيان
صفية : شدارت امي
لحاجة : هاد ليامات جاتني لخبار بلي غا كتشها او ليوم شتها خيطي بيطي لحمام كترض الى كانت فعلن حاملة آجا مفكنا منها
صفية : تقدر تكون غا ضاراها لمعدة زيد عليها ها سناء ولدات معاه جوج او رباو تالت او طلقها
لحاجة : لي دارها ليا سناء انا لي زوجتو بيها أنا هادي هو لي ختارها ، سناء كانت منفخة عليه انا هادي تاكلو فسما احياني على سكوتيات أصفية ، الى مشات تا ولدات ليه انا لي عارفة شغيدير ليه راك شتيه دابا وشنو دار ليها
صفية : ياك نتي لي قلتي ديك نهار بلي تا دخيل ميكونش دخل عليها
لحاجة : راه ربعشهور هادي باش تزوجها واخة يكون منعرف شنو مينعسش معاها فنفس لبيت هاد لوقت كامل بلاما يقيصها خصوصا راها ماشي شي خايبة
صفية : راه واخة تكون حاملة معندنا مانديرو ليها امي نخليوها ضبر راسها
لحاجة : باغاني نخليها دݣ لوتاد ايوا تا نكون هبيلة
صفية : مي بلاما تخلعيني يرحم باك راه الى كانت حاملة غتكون حاملة بولد خويا الى مقابلناها ، منقربولهاش بلمضرة
لحاجة : انا مهبيلاش نقتل ولد ولدي (هادشي لي قال فمها ولكن لداخل ديالها معالم بيه غا الله )
لغالية : (رجعات ݣلسات كتسنا فإكسيل يرجع او لوجع باقي مطلقها ، شوي حسات بحال شي نفاخة طرطقات اوسطها او ما سخون نازل معاها مقنطها مفهمات او ناضت تشوف ياقما بالت تحتها ، او ديك لوقفة لي وقفات تشوف كتلقا راسها دايرة رقعة تاع دم فسروالها وقبل حتى متمشي لحمام تحل عليها لباب بلخلعة رجعات ݣلسات باش ميشوفش اكسيل رقعة تاع دم لي فيها من لور)
اكسيل : (مرد لبال لوالو او قرب عندها) هاكي شربي هادا
لغالية : (شدات من عندو لكاس او شرباتو كتسنا فإكسيل اخرج باش تقدر تنوض تخيل راسها او فنفس لوقت مقاداش تا تقولها ليه)
اكسيل : (بانت ليه ماشي تالهيه او متوترة فهم بلي شي حاجة تما) خاصاك شي حاجة نمشي نجيبها ليك
لغالية : (حشمات تقوليه جيبلي أولويز)
اكسيل : نجيبليك تاع لأجنحة ولا بلى أجنحة
لغالية : (ضربات طم حسات براسها فهاد اللحضة بداك لاحراج لي كتحسو لوحدة ملي كيدوز لاشهار تاع الويز او باها وخوتها ضايرين بيها فطبلة ، جاتها فشكل تبقا يدوي معاها على هادشي عادي او يسولها كانت مها او مكتقدش تدوي معاها فهاد لمواضيع او تسولها على شي حاجة معارفاهاش)
اكسيل : (مزادش سولها او مشا خرج مخليها على راحتها)
لغالية : (غا خرج اكسيل مشات كتجري لحمام دابة معاها ليزار تاع ناموسية حيت كانت جلخاتو بدم ، غسلاتو مزيان او غسلات تا حوايجها وبدات كتسنا إكسيل فلحمام)
اكسيل : (مشا لكارفور جاب تقريبا ݣاع نواع تاع أولويز ماعرف مايجيب ليها واش لغليض واش رقيق ، او زاد معا داكشي شكلاط او مشا لاكيس باش اخلص)
لبنت : (غا شافتو شاري اولويز شافت فيه شوفات فشكل او ضحكات هي وصاحبتها كيتهامسو) “هادي باينة موكلاه تقاشر تا جاي كيشري ليها فأولويز”
لبنت : “ياختي لي شاف الطولة وتجريدة يقول هنا نبات ولكن لي شاف شاري يهرب الشوهة أختي راجلي انا راه مكيعرفها تا امتى جاتني لاعساك مشي يشريلي اولويز ايوا نتي غا يشريه ليا او يركبولي نيت”
اكسيل : (سمع داكشي لي قالو كامل ولكن بقا ساكت خلص او زاد فحالو تا عيطات عليه وحدة فيهوم)
لبنت : (شافتو نسا واحد لبكية تاع أولويز او قالت معا كغها نحرجو شوي داكشي علاش غوتات شوي هازة ديك لباكية فسما) آشريف راك نسيتي هاد لبكية
اكسيل : (ضار عندها بنخوة او دوا بهدوء) منسيتهاش خليتها ليك نديها لراجل غيحتاجها
قال هضرتو مخليي ناس كيضحكو عليها او زاد هو راجع بحالو لدار
اكسيل : (دخل لبيت كيقلب على لغالية مبانتش ليه هو يقصد لحمام داق عليها) لغالية حلي
لغالية : (حلات لباب غا شوي او مدات ليه يديها)
اكسيل : (عطاها لميكة ليد او خرج مخليها على خاطرها)
لغالية خدات منو لميكة مضهشرة من لعدد لي جاب ليها ، ستعملات وحدة عشوائية منهوم او خرجات لبرا بپينوار ، لبسات عليها پيجامة نيشن لصحتها حيت كانو بزازلها ضارينها او ضوبلات سراول مطلعاهوم تال لمعدة باش اسخنو ليها لكرش ، دهنات شعرها او خلاتو مطلوق ما فيها لي يجمعو ، او تمشات لناموسية باغة تكا حاسة براسها مقنطة بحالي بازݣة من تحتها او زيد عليها خايفة لتخرج ليها من شي قنة هادا بلى لاحاسيس لمخالطة لي جتاحتها ملي حسات بجسدها ولا فشكل عليها بحالي كبرات بين ليلة ونهار ، لقات ميكة خرا فاق الطبلة عامرة سقاطات هزات ليها غا واحد لحبة من شكلاط او مشات تكات تسنط لعضامها ، نعسات ليها شوي حتى فاتت لعيشة بشحال عاد فاقت على دقان تاع لباب
لغالية : دخل
صباح : (حلات عليها لباب داخلة بواحد لپلاطو فيه لماكلة او ساشية كبيرة فيديها) باقة ناعسة تعشينا وقالي بابا نطلع ليك لعشا راك عيانة ؟
لغالية : ضارني راسي شوية وصاف
صباح : (حطات قدامها لپلاطو) لموهيم ها عشاك قالك بابا ضاروري تاكلي
لغالية : هو لتحت ؟
صباح : لا خرج يتمشى معا لحاج او عمامي وراجل عمتي
لغالية : مزيان (هزات كتشرب من لحريرة سعا وحلات ليها) شهاد شي ؟
صباح : ههههه هادي غا لحريرة تاع عمتي صفية هههههه
لغالية : (حطات صينية فجنب) لما لقاطع هادا
صباح : ههههه لموهيم انا غادة نعس هاد الساشية عطاهاليك جدي فيها لكاضو ديالو وديال وعمامي وعيالاتهوم او عمي مصطفى
لغالية : الله اكتر خيرهوم
خرجات صباح من لبيت مخلياها نايضة لحمام تبدل عليها عاد رجعات ݣلسات هازة ديك الساشية تاع سقاطات كتاكل فيهوم او كتفرج فتلفازة ، شوي جاها لفضول تشوف لكاضويات لي وصلوها ، حلات الساشية لقات فيها واحد صندوق قهوي كبير شوي مديور بلخشب لمنقوش او معاه باطو خرا حمرة عاد جوج ساشيات خرين ، بدات بساشيات لاقية فيهوم واحد جوج ساريات كيحمقو او توبهوم فن ، عاد معاهوم جوج باطات صغار حلاتهوم لاقية فيهوم وحد خاتم تقيل جاها كبير فصبعانها ولكن كان باين بلي ساوي تمان او تا مني شافت روسي ديالو تاع دهايبي تأكدات ، او لوخرة فيها سنسلة تاع لعنق ولكن من نوع لمضفورة او تقيلة ، حمقوها لكاضيات بجوج عاد دازت تشوف لباطة لحمرة لوخرة لاقية فيها واحد لبراسي فيه لبولات بلوان شي حاجة عصرية ، ايوا عاد جا لوقت لي تحل فيه صندوق لاخر ولي لقات فيه واحد لقريعة تاع الريحة او تسبيه او واحد السرتلة تاع دهب فيها 12 ، معا حلاقات تاع لويز بسنسلتهوم ، مدات يديها لريحة مخرجاها من بلاصتها او محيدة ليها لغلاقة حتشم فيها بلاما تسوط
لغالية : (غمضات عويناتها كتستنشق فعبير داك لعطر) الله على ريحة (رضات ريحة لبلاصتها او هزات لحلاقات او سنسلة دارتهام عاد لبسات ديك سرتلة فيديها كتلعب بيها مستمتعة بصوتها)
اكسيل : (رجع لدار بعدما خرج يتمشى ، وطلع لبيتو نيشان حال لباب بشوي باش ميفيقش فلغالية تا ضرب فيها ݣالسة فوق الناموسية طالقة شعرها او لابسة لويز بحال لبنات تاع مشحال هادي ، جاتو فشكل زين عادي وطبيعي شعر طويل مغطي لكتاف او تبسيمة مزينة لوجه ، لأول مرة منين تزوجها احس بقلبو تخطا عدد خفقاتو لمعتادة ، ولأول مرة احس براسو شاف فيها شوفة غير بريئة ماشي كي راجل او بنت قد بنتو انما شوفة راجل لمرتو ، مكانتش شوفة جنس_ية بتاتا انما فقط شوفة فشكل ميمكنش توصف بلكلام ولا لقلام)
لغالية : (جمعات ضحكتها ملي شافتو قدامها او تلفات قرب عندها بخطوات معبورين او تقال ݣلس حداها او ماد يديه معرفات باش تبلات هي تغمض عويناتها كردة فعل )
اكسيل : (حط يدو على جبهتها كيقيس حرارتها) باغي غا نشوف واش فيك سخانة
لغالية : (حلات عينيها او علات راسها فيها متبتة شوفاتها على وجهو ، يمكن هادي أول مرة دقق فيه شوفة منين عرفاتو لاقية راسها ساهية فتفاصيل وجهو شعر بلقهوي مغلوق رطب او مخربق ، وجه طويل او مفيني هه معا عينين لونهوم غريب)
اكسيل : (ملي قاس حرارتها حيد يديه بزربة خاطف فيها شوفة بنص عين قبل ميوقف غادي لحمام ادوش)
لغالية : (تبعاتو بعينيها تا دخل لحمام ساد عليه )
اكسيل : (تخشا تحت رشاشة بعدما حيد حوايجو مخلي لما كيبزݣ فيه او كيعاونو اصفي بالو ، حجبانو كانو معقودين ديك الشوفة لي خطف فلغالية شاف حاجة لي معجبوش تكون فعينيها ديك النضرة تاع لفضول انك تعرف على شخص ، او كلما كان فضولك تجاهو كبير غيكون بالك مشغول بيه داكشي علاش كان خاصو يدير حد لهادشي كامل قبل ميندم من بعد)
لغالية : (فاقت معطلة تا ليوم معا ديك ل3 ، سبقات لحمام هو لول دبدلات فيه او غسلات مزيان عاد لبسات پيجامة طويلة او دارت زيف ، نزلات لتحت عندهوم ملاقية تا واحد فدار)
لحاجة : عروستنا على سلامتك ملي فقتي كون زدتي نعستي ليك شوي
لغالية : سلام خالتي صباح لخير
لحاجة : صباح لخير ؟ ههههههه نوضي أبنتي على سلامتك راه قرب لعاصر لي فطر فطر او لي تغدا تغدا او خرج ݣاع ونتي يالاه فايقة ليا
لغالية : (بقات غا ساكتة)
لحاجة : شكاتسناي ݣفضي على جلايلك او سيري جيبي شيتة او لمرتك او تيد او جاڤيل
لغالية : علاش ؟
لحاجة : لحقاش ، شوفي دارك كي موسخة او قناتها معلكين
لغالية : ولكن اخالتي يالاه سيمانة لي فاتت شدينا لعيالات خملوها
لحاجة : شديتي لعايالات ؟ علاه نتي ابنيتي شكاديري فخدمتك لاش مزوجك ولدي الى كان ايجيب لعيالات اخملو ليه دار تهزي حملي دار او حيدي منها لعفن المعفونة
لغالية : (لوجع واخة كان خفاف ليها ولكن كانت باقة عيانة ، خافت من لحاجة او مشات على سعدها او وعدها هازة سطولة معمراهوم بلما او الشيتة او لكراط او تيد ياوبدات كتكحز فلفوطويات تقال بوحدها او تسيق ولحاجة غا غاية عليها حكي مزيان دفعي لما ، او معا ضار كبيرة كتسيق او تقول شي مسيقات)
لحاجة : (غا سمعات شي تقرقيب طلعات پيجامتها او حزمات راسها وبدات كتسيق معا لغالية
اكسيل : (دخل معا باه لضار لاقي لحاجة او لغالية لي كان باين فيها بدرع باش كتحرك كيسيقو) شكاديري
لحاجة : وليدي جيتي ، عنداك تعفطو برجليكوم لأرض باقي منشفات
اكسيل : (مداهاش فهضرة لحاجة او كمل طريقو لعند لغالية) شكاديري ؟ علاش كتسيقي بسلامة ؟
لحاجة : عييت معاها اولدي قاتلك بغات تخمل تا عييت او نضت كنعاونها حيت بانتلي عيانة
اكسيل : حطي هاد لكراط او طلعي لبيت
لغالية : راه بقا ليا شوي او نسالي
اكسيل : (كيحاول ميغوتش) حطي داك لكراط الغالية او طلعي لبيتك ترتاحي راك عيانة
لغالية : (ملاحضاتش بلي زعاف طالع ليه داكشي علاش شافت فيه براءة ودوات) لا راني بيخير
اكسيل : (صافي وصلات فيه لعضم او كشكش خطف ليها لكراط من يديها بزعاف او قسمو على جوج أو غوت عليها معصب) لغالية قتلك طلعي لبيتك
لغالية : (خلعها ملي هرس لكراط او غوت عليها ، داكشي علاش طلعات لبيتها بزربة قبل ميصدق مهرسها تا هي)
اكسيل : (شاف فلحاجة كيحاول اتملك اعصابو او ميدويش بوقاحة قدامها ولكن الله غالب لغضب عما ليه عينيه) آخر مرة أمي آخر مرة نشوفك كتعاملي مرتي بحال شي خدامة آخر مرة
لحاجة : كفاش كنعاملها كي لخدامة مشتينيش كنعاونها تا تقسم ضهري معرفت شحاف عليها تا بغات تخمل
اكسيل : (رفع شوي فصوتو) علامن كطنزي الحاجة بنتليك برهوش تاع لخلى ضحكي عليا كاين لي كتسيق او جلايلها او رجليها ناشفين ، كاين لي كتخمل هاد لخلى كامل فهاض صهد او قطرة هي لخرة تاع لعرق مافيهاش دوي ، بنتلك كاتبة راه آخر مرة اندوزها ليك اميمتي الى كانت لغالية كتسكت او مكتقول والو مكيعنيش بلي معارفش ولا دايزة عليا دكاكة ليومنا هذا كنحاول غا نشد راسي ، سلختيها ديك لمرة او حضرتك ولكن باش تبقاي تشتفي عليها لا ، لحاج نتا شاهد ليوم بلي وصيتها باش ماشي غدا ملي نريب جدبو هاد الضار قولولي علاش
لحاج : تهدن اولدي عافاك لأعصاب ممزيانينش ليك
اكسيل : شكون خلاك ابا شكون واش مشتيهاش شكادير ، غا حيت متزوجتش لبنت لي ختارات ليا بغات تحرر فيا لعيشة الالة معجبكش نتزوج جي عندي انا ماشي تمشي عند بنت ناس تبغي لي يدير لبنتك هاكدا
لحاجة : (مقداتش تدوي غا ساكة عرفاتو بلتي صافي كشكش)
لحاج : (غا شاف ولدو طلع حمر فلحاجة) هاد لفيلم دزنر ديالك عنق ايسالي وليتي تعداي على بنات الناس
لحاجة : انا ديك لبنت محانلاهاش ولدي تزوج بلا خباري او بلاما نختار ليه انا لمرا
لحاج : تختاري ليه لمرا ؟ باشمن صيفة راه ماشي حيت حنا واليديه نبقاو ندخلو ليه فحياتو سمعتيني اتزوج ما بغا راه واخة ربي آمر ببر لوالدين ولكن راه مكيعنيش دخلي فحياة ولدك خصوصا زواج ، غا باش تقولي طش راه لابر للوالدين في الزواج مواجبش عليه اعلمك غا هنينا من صداعك
اكسيل : (دخل لبيت خابط لباب من موراه او داوي معصب) شقال ليك نتي داك دماغ عندك تا نايضة ضربي لكرفي ونتي عيانة أدوي
لغالية : (تكمشات مخلوعة) أنا أنا غا جاتني ضار توسخات او صاف
اكسيل : وا خلي مها دود شكات عليك ، لحاجة لي قاتليك خملي ياك ؟
لغالية : لا أنا لي بغيت نخمل
اكسيل : (غوت تا صمكها) زايداها ليا بلكدوب كانبو مغنفهمش واش هادي كاملة فيك ضعف الشخصية لي جا يشتف على جدك او نتي غا ساكتة ديك نهار سلخو جدك او ملي سولتك مابغيتيش تدوي علاش ؟ الله وعلم خايفة منهوم ؟ قتلك قوليها ليا انا ناخد ليك حقك لاش تسكتي لاش ولا عاجبك تبقاي كي لخدامة عندهوم شا شا را را
اكسيل : حطيتك أبنت ناس فدار درتليك لخدامة غا باش تهنئ راسك من تمارة او متحطيش يديك فلما ، لقيناك كتحكينا تحت الزيليج ياك لاباس
لغالية : (نفاجرات بلبكا) وا خفت منك…
اكسيل : (قاطعها) تخافي مني انا غول قدامك ولا بنتليك هبيل نضرب بلحجر خدامة عند لحاجة باش لي قالتها ليك ديريها مريضة طلعي لبيتك او سدي عليك عطي راحة لراسك ولا تسنايني تا نجي او دوي معايا لاش تنوضي ديري شي حاجة فوق طاقتك
لغالية : شوف غا اش كدير على لي فاش ليك ولادك لاعساك لي دوا بلخايب على مك ، خفت اينوض صداع بيني وبينها وتختارها هي وطلقني انا
اكسيل : (لقردة كتشطح ليه فوق راسو بلأعصاب قرب عها شادها من فمها او مزيرة عليها) سمعيني أبنتي نقول ليك واحد جوج كلمات الى معزيتي راسك براسك تا حد ميعزك ويلا مقلتي لواحد ضراتني لحاجة تا واحد مغيعرف ولا يحس بشو ضارك ، راك باقة صغيرة تكمدي لولة وتانيا ولكن ملي تكبري او تفيقي وتبغي تربي جناحك غيقطعوهوم ليك او يقولو ليك سكتي كيما كنتي موالفة كتسكتي ، الى ولفتي تحدري راسك لمن والو غيجي لوقت لي واخة تبغي تهزي راسك مغتقديش حيت تا عنقك مموالفش اتݣعد
لغالية : انا ماشي بنتك انا مرتك
اكسيل : من هضرتي كاملة هادشي لي سمعتي ؟ مرتي انا مكيعفطوش عليها الناس مرتي انا مكتحنيش راسها او تخبع بين جلايلها او مرتي انا مكتغطيش على لي ضرها ، مرتي انا كتشوف فعنيا ملي كنكون كندوي معاها ماشي وحدة كترعد من صوتي ، لمرا لي دايرة راسها شيفون لي داز امسح فيها رجليه ماشي مراة إكسيل ، باش تكوني مرتي خاصك تكوني تاج نحطو فوق راسي ماشي جفاف كنمسح فيه رجلي ، لمرا لي متمشينيش على صبعان يديها نولي نحسب لأفعال باش مناذيهاش او لمرا لي متهزش راسها بنخوة وتعفار قدام لعديان ولي تخلي ناس اطيحو منها او من قيمتها ، ولي متخليني نبيع لي قدامي مورايا على قبل شوفة وحدة منها ، ولي متديني وتجيبني بهواها منحسبهاش مرا على ذمتي أبنت سليمان
لغالية : (طلق اكسيل وجها )
اكسيل : (دوا بتحدير) تعتبي برا لبيت ولا تغسلي كاس هو لخر ونتي باقة عيانة نݣرض طواسلك سمعتيني او ها ودني منك واخة يقولها ليك لماليك براسو تحركي غنخلي جدك تقلعي لفايونص من لارض بيديك او تسيقي تحتو نوريك لحداݣة
لغالية : (خرج من لبيت زادح لباب من موراه مقفزها او مخليها شادة لقنة او غا كتبكي)
اكسيل : (هبط لجردة ݣالس فيها كيهدن راسو شوي عاد جبد طيليفون مصوني على دراري لي كانو مشاو طلعو لوجدة حيت صباح عندها شي كونكور)
جود : الو لواليد
اكسيل : امضرا وصلتو ؟
جود : واه راحنا فدار
اكسيل : شمن دار
جود : كريما واحد الدار سيمانة غدا غدوز صباح لكونكور ديالها وغندوزو شي يمات هنا عاد غنرجعو قول لغالية مديناهاش حيت كانت عيانة مغتقدش على طريق
اكسيل : رد لبال لختك او حضي داك خوك قوليه اعطي تيساع لبنات ليصدق فشي مونتيف او نعلقو
جود : كون هاني
اكسيل : لهضرة عليك تا نتا
جود : مالي أنا شكاندير
اكسيل : واه مكادير والو حاليا ولكن مكاينة تيقة تصدق لاسق فشي وحدة تما
جود : لا كون هاني انا غناخد شي وحدة مكتخرجش
اكسيل : ناوي تاخدها ميتة
جود : لا اناخدها حية
اكسيل : فين لقيتي هاد لبنت لي حية مكتخرجش بسلامة
جود : أنلقاها فلحبس راهوم مكيخليوش لحباسات اخرجو
اكسيل : (جابليه الضحك) هههه صافي غا ملي تبغي تزوج غنختار ليك شي حباسة كتسلخ لعيالات لي معاها هههه
جود : الا باغيها تبقى تسلخني ، مجد لي باغي لي تسلخو ماشي انا
اكسيل : تلاح تلاح
جود : هاني غادي راه دوك رهوط تاع ولادك مصدعيني باغين ياكلو
لحاج : (جا ݣلس حداه) ولدي
اكسيل : لحاج
لحاج : ياكما غوتي على لغالية ؟
اكسيل : شوية
لحاج : (شدو من ودنيه جارو منها) شوف لكلب كي مغوت ليا على لبنت يا بن لمصعور لاخر
اكسيل : وغا قولي شكون لي والد انا ولا هي وليت حاس مخي ݣالس معا نسيب
لحاج : شوف كي زايد فلهضرة ، معارفش بحق النعمة
اكسيل : نعمة راك غا كيبان ليك
لحاج : او مالها تا ماشي نعمة بنت زوينة او صغيرة ودرويشة معندهاش معا لمشاكيل
اكسيل : واهنا فين عواجت لفݣوسة الواليد صغيرة او خوافة متصلاحش ليا الواليد
لحاج : علاش متصلاحش ليك ؟ مالك شناقصك راجل اونص بخيرك او خميرك
اكسيل : الواليد راك غا كتدوي واش يسحابليك تزوجاتني جات كاينة فيا راه نهار قتلها سيري مشات
لحاج : (كيحاول اخفف عليه) ولكن راها رجعات
اكسيل : غا حيت مالقات فين تمشي او ملي تلقا بلاصة خرى غنمشي ، زواجنا من لول كان غلاط هاد لعام تشد فيا لعام لاخر ملي توصل واحد لوقيتة او تكبر شوي غتلقا راسها مزوجة واحد قد باها او غتحس لداخل ديالها بلخنقة او بلي غا مغصوبة على هاد زواج ، زيد اتبغي تعيش معا واحد فعمرها داكشي علاش احسن حل ليا وليها هو طلاق
لحاج : ماتقولش اولدي هاكدا ملي كيكونو جوج مفاهيم لعمر كيبقا غا رقم
اكسيل : ولكن ابا انا ممرتاحش ، منبغيش بنتي تزوج واحد قد باها او منبغيش لراسي نكون معا وحدة قد بنتي
لحاج : ستغفر الله اولدي ياك الرسول صلى الله عليه وسلم كان مزوج امنا عائشة على 9 سنوات
اكسيل : هداك زمان ابا وهادا زمان زيد عليها راك قلتيها براسك امنا عائشه رضي الله عنها كانت مزوجة سيد الخلق الرسول صلى الله عليه وسلم ، او ما انا الرسول لي تصبر عليا ولا هي عائشة ، زيد عليها رضى الطرفين فزواج شي حاجة لي ضرورية او بلى الرضى زواج مادايزش راه غا شي ناس كيبغيو اضرݣو شمس بلغربال ، او لغالية زوجها ليا باها بلى خبارها او بلى موافقتها
لحاج : (ماباغيش ولدو أطلق لغالية) ياك لبنت كانت قاصر او باها ولي امرها او هو لي بيديه لقرار
اكسيل : كطنز عليا ابا انا كنقول ليك خاص هي تكون قابلة من لول ماشي باها ازوجها بدرع
لحاج : ها افقيه نجيبو ليك من غدا اعاود زواجكوم او عاود ليها صداق او تا لعرس الله يرضي عليك اولدي غا مطلقهاش شوف شحال من عام بقيتي بلى زواج ليوم ولا غدا ايكبرو ولادك او كل واحد فيهوم يمشي يعيش حياتو ونتا تبقا فرادي مكاين تا معامن تبادل لكلام ، هانتا دوي معا لبنت إيلى كانت باغة لاش تفارق
اكسيل : شعند برهوشة باقة معارفة راسها من ساسها متعرف فزواج ابا راها غا كتدوي مبغاش نطلق ولكن هي معارفة على زواج أو مسؤوليتو تا وزة
لحاج : هانتا غا خليها حداك ملي تكبر شوي او دير عقلها بغات تمشي تمشي خانتا براسك كنقولها باقة صغيرة تضحكو عليها ناس او ياكلوها ذئاب الزنقة اولدي ، قدمت ليك وجه الله او معزتي عندك مشد فهاد زواج خلي طلاق آخر حاجة تلجأ ليها ملي ميكون عندكوم تا حل آخر
اكسيل : (تنهد) علاش ابا مصر نبقا معا لغالية بحالي اول مرة غنتزوج او نطلق ، تا ملي كنت مع سناء او بغينا نطالقو مقلتيليش لا
لحاج : حيت اولدي زواجك من سناء مكنتيش فيه مرتاح مربي ولادك بوحدك او مرتك مسافرة ممسوقاش ليك أصلن من لول عارفك مكنتيش باغي تزوج من لعئيلة ولكن لحاجة بغاتها او حيت نتا مرضي مقلتيش ليها لا ولكن لغالية حاجة خرى لغالية لمكتاب جمعك بيها ونتا ختاريتيها بنفسك ، داكشي علاش متفرطش اولدي فشي حاجة باغيها
اكسيل : (باس راس لباه) ايكون خير أبا ، دخل لداخل راه تحرك لبرد هنا ونتا لابس خفيف
لحاج : نتا غادي لداخل
اكسيل : طالع لبيتي
لحاج : طالع لبيتك هاكداك طويل
اكسيل : نحني ضهري باش نبان قصير
لحاج : (حيد بلغتو او شير عليه بيها)
اكسيل : لواليد
لحاج : سير عمر يديك بسقاطة عاد طلع عندها تحزر
اكسيل : ضاروري (شافو بغا يحيد لبلغة تانية) لا لا صافي هاني غاني باركة متبقاي ضرب غيشوفك شي حد فخوتي او يشدها عليا
عزيز : لي سمعك ايقول عمرو كان كيسلخك ملي كنتي صغير
اكسيل : (ضار شاف خوتو واقفين كيضحكو) ضكر لكلاب ايبانو
لحاج : (وقف موراه او حيد لبلغة وبدا كيسلخو بيها) شوف لحمار شكايقول لخوتو لي كبر منو ، هادا هو صواب
اكسيل : والواليد طلق واش باقي شي واحد كيضرب ولدو او هو عندو 42 عام
لحاج : دير تا ميات عام غنبقا نربي فجدك بلعصا
اكسيل : (ديك لهزة لي هز راسو بانت ليه لغالية خارجة لبالكو او كتفرج هو يقرب من باه هامس ليه) لواليد باركة لغالية كتشوف راه الشوهة
لحاج : ايما هي عاد كتشوف (زاد جهد فضربات)
اكسيل : (دعقو باه طيبلو كتفو) وا زمورا فكو
يحيى : منك ليه
لحاج : باقي زايد فيه
اكسيل : (عاد طلقو لحاج) زعما شرفتي خاصك تضرب غا بشوي هاني غادة بحالي حسن
لغالية : (ملي غوت عليها بقات غا كتبكي فبيتها تا شبعات هي تخرج لبالكو اضربها لبرد تا شافت لحاج كيسلخ فإكسيل شبعات فيه ضحك ديك طولة كاملة او تجريدة ولا كيف دري صغير كيسلخو باه ، دغيا رجعات ݣلسات فوق لفوطوي قنطانة معندهاش فاش تلاهة او فيها جوع )
اكسيل : (دغل عليها لبيت هاز صينية فيها لحريرة تاع لبارح نسختها ليها معا شي بيض او تمر) هاكي كولي
لغالية : (قلبات وجها عليه ملي شافتو داخل او متسوقاتش ليه بحالي مكاينش حط ليها صينية قدامها ولكن غا قشعات بلي لحريرة دلبارح مقرباتهاش )
اكسيل : كولي غيكون فيك جوع
لغالية : مابغيتش
اكسيل : او تنفخي مني تسالي لماكلة
لغالية : على زينتها ماكلة جايب ليا
اكسيل : (تسيفات عليه) دقنيها ايها أبعدا باش تعرفيها مزويناش
لغالية : هانتا ضوقها او رد عليا لخبار
اكسيل : (داق من لحريرة او خصر سيفتو) شكون طيب هاد سم لهاري
لغالية : (كانت معصبة منو نيت او بلاما تشعر زلقات ليها) لفعة تاع ختك لي مطيب داك سم لهاري
اكسيل : ختي ؟
لغالية : (عاد علقت بشو قالت او جات تصلحا عماتها) ماشي شي لفعا
اكسيل : (ضحكاتو) ههههه ختي لفعة او سمها فلماكلة كيتقب لمعدة ، اما فحوايج خرى يعلم الله شكادير داكشي علاش الى مكنتيش تا نتي لفعة غيحرقك سمها
لغالية : (ضرباتها لفيقة على صوت رشاشة لي فلحمام ، ولكن عكزات تنوض من فراشها كانت باغة تزيد تنعس ولكن طار ليها ، بقات غا متكية فاتها لوجع او ولات مزيان ، ضورات راسها باغة تشوف شحال فساعة تا قشعات واحد لكارطونة بيضة فوق لكوافوز ديالها ، مدات يديها تشوف شنو داكشي لقاتو طيليفون )
اكسيل : (خرج من لحمام لاقيها كتشوف فلكارطونة تاع طيليفون) شيرت ليك لاكارطات راهوم فلمجر محيد ليهوم لكادو
لغالية : ديالي هاد طيليفون ؟
اكسيل : (كان كيفرش فصلاية) تاع جيران
لغالية : (ناضت من ناموسية فرحانة)
اكسيل : (غفلاتو لغالية او نقزات عليه بايساه من حنكو)
لغالية : (فرحة لآيفون مقاداهاش باست سيد او مشات كتنقز فلبيت تاع تبدال)
اكسيل : استغفر الله العظيم (بدا كيقين فصلى)
لغالية : (سالا اكسيل صلى او خرج او هي باقة ملاهية فطيليفون كتبقش فيه)
اكسيل : (رجع عندها لبيت لاقيها باقة مخشية فطيليفون) حطي طيليفون او نزلي تغداي
لغالية : (ملاهية) مفياش جوع
اكسيل : (خطف ليها طيليفون من يديها ) تݣعدي تفطري
لغالية : عطيني أبعدا نمرة صباح باغة ندوي معاها
اكسيل : (صدق جا ݣلس حداها او جبد طيليفونو كيقيد فواحد النمرة فلواتس او سيفط ليها ميساج)
لغالية : لمن سيفطي ؟
اكسيل : لمجد (قيد نمرة خرى او سيفط ليها تا هي ميساج) او جود
لغالية : او صباح ؟
اكسيل : تا هي
لغالية : شنو سيفطي ليهوم كتبتي بلي نمرة لغالية هادي ؟
اكسيل : لا
لغالية : وعلاش
اكسيل : بغيت نجربهوم
لغالية : حشومة عليك باغي تسلخهوم
اكسيل : بنتلك ݣزار
مجد : شكون معايا ؟
اكسيل : معاك مريم مروان هادا ياك ؟
مجد : لا ماشي مروان مي الى كنتي محتاجة شي حاجة نقضيوهالك فبلاصة مروان
اكسيل : شوف لكلب دغيا تحلات ليه
لغالية : (لاسقة حداه كتقرا شنو كيكتب هو ومجد) شكون هادي لي تحلات ليه
اكسيل : تا حاجة
مجد : منين نتي
اكسيل : من رباط ونتا
مجد : من مكناس شحال فعمرك
اكسيل : 16 رعام
مجد : باقة صغيرة بطولة لعمر ان شاء الله
جود : شكون معايا ؟
اكسيل : (عاود معاه نفس لبلان) زينب معقلتيش عليا
جود : لا معقلتش
اكسيل : حشومة عليك غنتقلق منك
جود : تقلقي مني هارب عليك سيري أختي هنيني
اكسيل : (خلا جود او مشا عند صباح) سلام
صباح : سلام ، ؟؟؟؟
اكسيل : انا منير
صباح : شكون منير ؟
اكسيل : واحد بغا يتعرف عليك
صباح : فاتحة ركن تعارف انا هنا ؟ مناش جاتك نمرتي ؟
اكسيل : ضبرت عليها وصاف
صباح : ايلى صافي شربو (بلوكاتو)
اكسيل : بنت بوها
مجد : ايوا شكاديري فحياتك
اكسيل : (صونا عليه آپيل ڤيديو او مجد فلبلاصة جاوبو)
مجد : هاي زي… (ضرب فباه) لواليد ؟
اكسيل : (كيعوجو) شكيري فحياتك كتبيع سفنج هادو هوما فعايلك ازهواني مابغيتيش توب
مجد : والله تا حرام عليك مفرحني باطل
اكسيل : شكانقول لجدك انا على لهضرة معا لبنات أدوي ، ياك كنعيا معاك بنات ناس عطيهوم تيساع ولكن بلاتي تجي ، سيفط لخوتك كاملين تاواحد ماشد معايا لخط تاليك نتا خاصك غا سبة باش تدوي معا لبنات
مجد : ونتا مسيفطالك بنت شغانقولها نشيد لوطني
اكسيل : تا ترجع او نوري لولدي النشيد الوطني (قطع عليه)
جود : ماتقوليش لواليد لي كان مطلعها عنا
مجد : واه هو كي درتي تا مجاوبتيهش
جود : (نفاجر بضحك) هههههه حمدتك يا ربي او شكرتك كان يسحابلي زينب مولات لبار كتسالني شي فلوس داكشي علاش مجاوبتهاش ههههههههه
مجد : نتا لمن صدقات انا راه طمعني بتصوير تاع لبنت لي كان داير فلپروفيل
لغالية : (رد ليها اكسيل طيليفون) غا ندوي معاهوم دابا ؟
اكسيل : هبطي تغداي عاد ديك الساعة تدوي معاهوم
لغالية : (هبطات موراه تغدا ولكن ملي لقاتهوم دايرين طاجين تاع لحوت ماتلاتش كلات بقات غا ݣالسة معاهوم او صاف لحاجة او صفية مادواوش معاها ݣاع ضربو طم)
لحاج : (تبسم ملي شافها دايرة جوج دبالج من سرتلة لي شرا ليها) مغتاكليش أبنتي ؟
لغالية : غا بصحة مكناكلش لحوت
اكسيل : قولي لكريمة دير ليك شي حاجة تاكليها
لغالية : فطرت معطلة ملي يضرني جوع غنوض نطيب شي حاجة
اكسيل : (دار واخة براسو او كمل لماكلة)
لغالية : (ملي سالاو لغدا ناضت جمعات طبلة حيت كريمة خرج عندها شي شغل او مشات تقضيه ، اكسيل صايب قهوتو راسو او طلع لفوق ، فحين هي صونات على دراري ݣروپ او بدات كتجمع معاهوم تا او فنفس لوقت كتعجن لمسمن لترضيضة)
مجد : على حصلة حصلنا معا راجلك كنتي تسيفطينا غا ميساج بلي نمرتك هاديك
لغالية : وراه هو لي ركب ليا نماريكوم فطيليفون او سيفط نقوليه لا ولا تخطف ليه طيليفون من يديه
صباح : لعنداك استاهل هو لي كيموت علبنات
مجد : باغاني نموت على دراري متلا ؟
لغالية : (سالات تعمار تاع أتاي) يالاه نخليكوم دبا نمشي نحط ليهوم ترضيضة
جود : يالاه بسلامة
لغالية : (هزات صينية لجردة فين ݣالسين حطاتها ليهوم او تبعاتها بلمسمن او لبغرير او حطات تا من لعسل لي جابو او شي سمن لموهين عمرات الطبلة)
عزيز : علاش هديتي راسك أبنتي
لغالية : عدابكوم راحة اعمي
يحيى : داك لبرهوش تاع راجلك مغيجيش ياكل ؟
اكسيل : شباغي عندي نتا ؟
يحيى : توحشتك بغيتك تجي تاكل معايا
دجاكسيل : (كيعوجو) توحشتك
لحاج : شوف صواب شوف واش عنقتو تكبرو اهاد لمرض
يحيى : شوف لبرهوش تاع ولدك خوتو لكبار كيدويو معاه مكاينش لاحترام ݣاع
اكسيل : (مشا شد لقنة عارف راسو الى دوا اينوض عندو لحاج عاود)
لغالية : (مشات ݣلسات حدا اكسيل لي كان كيتسركل فلأنسطا تا شافتو وقف فواحد تصويرة تاع واحد لبنت)
اكسيل : (كان كيشوف فلأنسطا تا طاح على واحد تصويرة تاع واحد لبنت فلاپيسين لابسة لمايو او دايرة عليها واحد شال من فوقها مغطية بيه صدرها ، لقا مجد دايرلها قلب او كومونطير بلفرونسي)
لغالية : (صغرات عينيها فطيليفون كتشوف فديك لبنت)
اكسيل : (هز عينيه لاقي لغالية كتشوف فطيليفون عاقداهوم) قراي ليا هاد تعليق او قوليلي شمعنا فيه , ياك كتعرفي لفرونسي ؟
لغالية : (قرات لكومنطير) مكتوب هنا نتي زوينة بزاف ولكن كون حيدتي داك شال حسن
اكسيل : او باش جوبات هي
لغالية : كتبات بلي خلي تا نمشيو بجوج لاپيسين او نعطيك شال ديالي تشدو
اكسيل : ولد لهم عاد دبا دويت معاه هاهو عاطيها لتعليقات
لغالية : ياك قريت ليك تعليق اوا طلع من ديك تصويرة ولا عاجبك تشوف فسيدة راه حرام
اكسيل : (مدواش او كمل تسرحيل فلأنسطا)
لغالية : (شافتو داز على واحد دري بوݣوص هي تحبسو) متبغيش نقرا ليك تعليق تاع هادا ؟
اكسيل : مابقاش حرام تشوفي فناس عريانين ولا حرام عليا غا انا نتي لا
لغالية : (ضورات وجها لجيهة لوخرة) مقلت والو غنوض نجمع الطبلة (جمعات الطبلة او بقات فلكوزينة ملاهية معا توجاد لعشا)
طيبات دجاج معا لفريت او ضغمرات لمرقة تا وصل وقت لعشا هي تحط ليهوم اتعشاو
لحاج : اكسيل مغيتعشاش ؟
لحاجة : راك عارفو مموالفش اتعشا منين كان
رابحة : لغالية دويتي معا دراري ايمتى ايرجعو
لغالية : قالولي لخر تاع سيمانة يكونو هنا
يحيى : خليهوم اخرجو نيت افوجو شوي كون غا مشيتي معاهوم تا نتي
صفية : تسافر او تخلي راجلها بوحدو او ضياف ؟ مزيان
عزيز : او مالك ياك نتي كتسافري او تخلي مصطفى بوحدو او تا دراري كتخليهوم او تمشي
صفية : ايوا انا موليت كنخرج بوحدي تا درت دراري اما هي باقي تا مضارش عليها لعام
لحاج : جري بطاطة جري
بعدما تعشاو كل واحد طلع لبيتو تا من لغالية لي مشات لبيتها بتردد ، حلات لباب او دخلات كدور عويناتها فلبيت تا لمحاتو ݣالس على لفوطوي كيشرب فقهوة كحلة ، سدات لباب من موراها وهي كتحس بقلبها باغي يخرج من بلاصتو باقي مولفات وجودو معاها رغم انو شهور هادي وهي معاه ، ماتكلمات ما دوات كملات طريقها نيشن لحمام غسلات فيه او مشطات شعرها عاد دازت لبلاكار جبدات منو واحد لپيجامة واسعة دنعاس ، كانت على شكل سروال بلفوقاني ديالو مدارتش زيف هاد لمرة كتقول زعما تحاول تطلق معاه ولكن صعيب عليها باقة كتحشم منو
اكسيل : (هز راسو فلغالية لي كانت دازت فديك الجيهة باش تاخد طيليفونها ، صغر فيها عينيه قبل ميدوي) آجي لهنا
لغالية : (قفزات من بلاصتها ملي سمعات صوتو ولوان كاملين دازو فوجها ، حسات بقلبها كيضرب فحلقها وجاوباتو بتوتر) ششنو
اكسيل : (شارليها لحداه)
لغالية : (قربات عندو بتوتر او ݣلسات حداه جامعة يديها بين رجليها)
اكسيل : (طول شوفة فعنقها) مال عنقك ؟
لغالية : والو
اكسيل : ملي والو هاد طبعة لي فيه ديالاش
لغالية : (عاد تفكرات) آه هاديك غا زيت لي طارت عليا
اكسيل : شقربك لقليان ولا زيت بسلامة ، ݣلسي هنا متحركيش (حط لكاس تاع لقهوة فوق طبلة وناض مشا جاب واحد لباطة فيها دوك الاسعافات الاولية او رجع ݣلس حداها) جمعي شعرك نديرلك دوا
لغالية : (مازادتش معاه لهضرة وجمعات شعرها لفوق )
اكسيل : (مد يديه لديك لباطة واخد منها واحد لپوماضة وبدا كيدهن ليها بلاصة لحرقة)
لغالية : (حسات بتبوريشة شاداها من صبع صغير تال لقلقولة تاع راسها ، اثر صبعانو لي كانت عليهوم لپوماضة لباردة ، حسات بأنفاسو سخان كضرب فعنقها حيت كان كينفخ ليها على لحرقة ، لغالية ولا وجها حمر بحال مطيشة ضورات عينيها بسر كتشوف فيه او ساهية فمو)
اكسيل : (لي كان ملاها معا داكشي لي كيدير مرادش لبال ݣاع لغالية لي كانت مفيكسية عينيها على شنايفو ، مفاق على راسو تا حس بأنفاسها كضرب فوجها)
لغالية : (لقات راسها مقربة ليه كتر من لول ، حدها شافت عينيه لي عمرها عقلات على راسها فهاد لمدة تاع زواجهوم كاملة بلي شافتهوم عن قرب ماقداتش تا تحدد لونهوم ، شنايفو لي خلاوها كتبلع فريقها وبلاما تحكم فراسها لقات شنايفها لاسقين معا شنايفو بدون حركة)
اكسيل : (حدو دوك جوج تواني لولة تاع لغفيل او الصدمة ، من بعدها بعد عليها مقاد ݣلستو ومغوبش) شكاديري
لغالية : (نزلات عليها لمرݣة ولفضيحة) والو
اكسيل : (شافها ولات حمرة قريب تبكي ليه تما) ماتعاوديش مرة خرى هاد والو ديالك ، لعافية لي متقديش على حريقها عطيها تيساع
لغالية : (قطعات نفس او شدات دموع فعينيها تا شافتو مشا دخل لبيرو ديالو عاد طلقاتهوم ، وبقات تبكي تبكي تا بردات لخاطر عاد ناضت تخشات فبلاصتها ونعسات)
اكسيل : (دخل لمكتب ديالو عاقدهوم او ماسح فمو بلكم تاع يديه) تبرهيش
#عند ياسمين#
بعدما ولات شوية او بدات كتقد تمشا رجعوها لحبس ، ݣلسات فلقنة كيما موالفة كتسنط لعضامها او كترسم فخيالها براءة ، منهار شافت جود مابغاش احيد من بالها عقل صغر مخليها تشبت بدوك لمشاعر لي هرو قلبها لأول مرة لتواني قليلة
أمينة : (كانت كتقول بعدما تشوهات ليها صحتها غتكالما او تبغي دير معاها علاقة ساعا والو مابغاتش ، أمينة تهدا وتسكت لا خاصها ترضها ديالها ، بزاف تاع ناس بحال أمينة بغاو كولشي ديالهوم واخة اعرفو احيدوه من يدين شي حد آخر محتاجها ، مكيهمش شنو دير باش تخلي ياسمين ليها تحت شعار “ياتكوني ليا يا متكوني لغيري” )
لبنت : (قربات عند أمينة) والو زعما مابغيتيش تخرجيها من بالك الحبيبة ديالي انا ممعمرالكش لعين
أمينة : نتي ماداقك مليتو باغة لجديد بضبط باغة هاديك لي فلقنة
لبنت : مرة وحدة الى خليتك تنعسي معاها مرة وحدة تنسايها او ترجعي ليا
أمينة : (مكارهاش غا بوسة منها) واه مرة وحدة باغة ندوقها ، تعفرات عليا باغة نشوفها كي غتولي ملي نشبع منها
لبنت : صافي واخة مشات ليلة تكون ليك
أمينة : كي غديري ليها
لبنت : باش ديري معاها لي بغيتي خاص عقلها ميكونش معاها بمعنا خاص لفريخ ايطير ليها ترفع لسابع أرضها
أمينة : هههههههه نموت فيك انا (قربات لعندها كتبوس فيها من فمها او ضحك معاها)
ياسمين : (هاد لمنضر كامل داز قدام عينيها ماشي مرة ماشي جوج ، او باقي وغيبقى ديمة كيقززها كاين شي مرات ملي شي حوايج كتخالف الطبيعة كتجي زوينة الا الطبيعة البشرية ملي كتبغي تخالف الطبيعة باش تخلقات كتعطي خليط كيروع نفس او يسدها ، قلبات عينيها على داك بوخرار او كملات أحلامها الطفولية تا جاو خرجوهوم باش اتغداو ، او كيف عادتها مشات تطرفات بوحدها كتاكل فسكات)
لبنت : (غمزات أمينة او مشات كتلوى تا وصلات لواحد خاصرة لكمارة كاملها مشرطة) زوباعة
زوباعة : (شادة ݣارو كتنتر فيه بلعلالي قدام لبوليس دار دار باها وعلاش لا وهي بفضلها كيدخلو لفلوس على ضهرها) شباغغة
لبنت : باغاك فشي بلان
زوباعة : (كتدوي بحال دوك شماكرية لمقطعين ) جيني من لخر او قولي شباغة بلا فريع لك”ر
لبنت : باغاك تعطيني لاضروݣ ولا شي تويشية عندك كتبوق بلمزيان
زوباعة : لمن ؟
لبنت : شتي ديك لبرهوشة لي ݣالسة فلقنة بغيتها ليها
زوباعة : (صغرات الشوفة فياسمين) باغة تصفيها ليها ؟
لبنت : بغيت شي حاجة متقتلهاش غا دوخها
زوباعة : عليك بلحشيش
لبنت : الى كان يقضي لغاراض عطيه ليا
زوباعة : باغاه ݣارو ولا هاكاك ؟
لبنت : بجوج
زوباعة : ههههههه شوقتيني بغيت نعرف علاش باغين فيها لخدمة
لبنت : أمينة بغات تكويها منين جات ولك راه عارفاها لبنت تاع حضي تقابيك هههههههه
زوباعة : ملي لقضية فيها تقابي عرضو عنا تا حنا
لبنت : مرحبا تسالي بيها امينة خوديها
زوباعة : نفهم عاطياني شياطة
لبنت : لا حاشة أختي ديرو عليها نوبة هاد ليلة
زوباعة : هههههههه دابا دويتي لقصارة عندي فلبيت جيبوها معاكوم غا نتغداو
ياسمين : (مكانت جايبة لدنيا خبار غا تغدات رجعات لبيت معا لبنات او بقاو ݣالسين تا جاو واحد جوج بوليسيات نقلوهام لواحد لبيت خرا فيها شي بنات ، ياسمين مفهمات والو كتشوف قدامها لقراعي تاع شراب معمرين الطبلة ريحة لݣارو كتعطعط)
زوباعة : مرحبا مرحبا بضيفة ديالنا مالك مبعدة زيدي قربي ماتخافيش راه لبوليس فخبارهوم كي شتينا حنا كنحتارمو لقانون ياك البنات هههههههههه قربي قربي
ياسمين : (زادت تكمشات لداخل شادة دموعها بزز)
زوباعة : (ناضت كتمشا عندها تا قربات ليها او بدات كتربت ليها فوق شعرها) ماتخافيش حنا بحال خواتاتك لكبار باغين غا نلعبو معاك شوي او صاف ياك البنات داكشي علاش نوضي تݣعدي ماحدي كندوي بصواب
ياسمين : (مابغاتش تنوض ليها هي تشدها من شعر جاراها لديك طبلة) طلقيني عافاك
زوباعة : (طلقاتها من شعرها او عطاتها واحد لكاس تاع شراب) هاكي شربي
ياسمين : ممالغيتش نشرب
زوباعة : غتشربي هي غتشربي (كانت كتحاول دفعو ليها لفم)
ياسمين : (حلفات لا حلات ليها فمها)
زوباعة : (شداتها عاود من شعر او خوات ليها شراب فلفم)
ياسمين : (غا حسات بلمرورة نازلة معاها خصرات سيفتها او رضاتو كامل مخنوقة من مضاقو)
زوباعة : تقييتيه واخة الالة جيو شدولي هاد طحبة
ياسمين : (حكموها لبنات بحال ديك لمرة) لا لا عافاك بعدو عليا
زوباعة : (شدات واحد لكاس او خلطات شراب معا شي غبرة بيضة)
أمينة : زوباعة متفقناش على هادشي قلنا غا حشيش لكوكا”يين متافقناش عليه لبنت باقة صغيرة
زوباعة : غتوريني خدمتي بغيتي غا تكويها غنخليك تكويها ولكن من بعد مني ليها (قربات عند ياسمين او بدات كتشرب ليها داك لخليط)
ياسمين : (كانت غا كتبكي معندها جهد باش تفك من لبنات شرباتها زوباعة دكشي او سدات ليها فمها تا تأكدات بلي شرباتو عاد طلقاتها)
زوباعة : (رجعات ݣلسات هي ولبنات كيشوفو فياسمين شنو غدير) فخباركوم حلاوت شراب لمرة لولة حلاوة لݣارو تا هي لمرة لولة تا لكوا لمرة لولة كتكون بحلاوتها ، واخة كتقسحي واخة كتخنقي بدخان ولا كيجيك شراب مر ولكن ݣاع هادشي بحلاوتو هههههههههه
ياسمين : (بدات كنحس براسها دايخة ، مدات يديها كتعكز باش تنوض ولكن رجليها خواو بيها ، عافرات تا ناضت معارفة تا شنو باغة دير واش تهرب واش لا بقات كتجر فرجليها شوي هي تحبس قدام واحد لمراية كتشوف انعكاسها وهي ساكة ، شعرها مابقاش طويل ضعافت او دبالت تا من عينيها ولاو حمرين حمرين)
لبنت : (تخلعات) هادي مالها غا واقفة انوض نشوفها
أمينة : خلينا نشوفو شبغات تصنع
ياسمين : (بدات كتحس براسها كيزند عليها او دنيا كضور بيها او شي حد كيدوي ليها اوسط راسها)
“خاصينها لكتوبة بيعي دهبك او شريهوم ليها انا مالي فيها”
“حلي رجليك بزربة غنبقاو هنا”
“قطعي حسك انا ماشي باك”
“بابا عافاك ديني معاك متخلينيش هنا”
“عمي شكنديرو هنا فين بابا”
“ياسمين بنتي فين كنتي هاد لوقت كامل”
“ياسمين ياسمين لحبيبة دعمتها فيقي ياسمين”
“قطعي حسك”
“سكتي”
“سكتي متدويش”
ياسمين : (دموعها خانوها ، او فلحضة وحدة دوك لأصوات كاملين حبسو دقة وحد)
أمينة : (ضارت عندهوم بهدوء او هي كتفرنس)
ياسمين : (ولات كيف لهبيلة غا كتكركر) ههههههههه سمعو سمعو سكات سكات هههههههههههههه وأخيرا سكات زيدوني باغة هاد سكات ابقا ديما (مشات قربات لديك طبلة او او هزات ليها واحد لقرعة تاع شراب وبدات كتشرب منها تا خواتها ) هههههههههههههه
زوباعة : انا غنبدا (شافتها دايخة قالت صافي هادي هي لفرصة حيت كانت ياسمين بدرع باش واقفة ، قربات عندها ) آشنو ازوينة باش بغاني نبدا (قربات عندها لعنقها باغة تحيد ليها ديك الشبكة تاع لحديد سعا مالقات مناش تحيدها)
ياسمين : (غا كتفرنس او كتدوي بتقالة) هههههه مغتحيدش ليك حيت أنا مخيطاها معا لحمي هههههههه
زوباعة : (شداتها دودة بغات غي تكوي داكشي علاش نزلات وجها لكتفها كتبوسو ليها او يديها تحطات على طغمتها كتعجن فيها)
ياسمين : (بقات غا راصية مدوخة تا حسات بيها كتقيس ليها فطغمتها هي تهرس ديك لقرعة او منعرف مناش جاتها الشجاعة تا خشاتها ليها فكرشها او لعجب كانت مضحك او هي كتقطع ليها فمصارنها) ههههههههه
زوباعة : (تغفلات بداك الزاج حسات بمصارنها كتقطع دفعات عليها ياسمين بحر لألم لي شادها طاحت لأرض كتفركل)
لبنات : (غوتو او جراو عندها كيعيطو لبوليس ايجيو اعتقوها)
ياسمين : (هبطات عينيها ليديها لاقية فيهوم الدم او بدات بزربة كتحاول تمسحو فحوايجها شوي مانعرف شقالها راسها مشات ݣلسات فبلاصة زوباعة او خوات ليها شراب كتشرب او هزات ليها واحد لݣارو شعلاتو وبدات كتنتر منو واخة مرة مرة كتخنق ، او هي كتشوف فزوباعة كتخرج روح)
شي مرات ولا نقول فلحضة وحدة يمكن تلقا راسك وليتي مجرم ، بحال ياسمين لي دخلات لحبس لذنب مدارتوش ، بنت صغيرة بريئة معارفة على لاجرام تا حاجة تا كتلقا راسها ولات دبا كتكمي كتشرب لا او لواعرة ضاربة وحدة بدم بارد معلى بالهاش ، ولكن عرفتي شنو لخايب فهادشي كامل فاش كتكون حياتك كاملة مكتقربش لحوايج لخايبة او فلحضة وحدة كتلقا راسك فأول فعل خايب ليك تلقا راسك ستمتعتي
ياسمين : ” شوفتها كتفركل قدامي او دم كيسيل منها او حرورية شراب دايزة فحلقي ، او داك سكات لغريب لي توحشت نسمعو أخيرا لقيتو ، هادشي كامل ملي تخالط عليا عرفت حاجة وحدة تا واحد فينا مبريء تا واحد فينا مملاك فأول فرصة جاتني او بشوية تاع شراب لقيت راسي غنق”تل واحد لبنت ، معا 0 ذرة ندم بلعكس كنحس دبا براسي عاد رجعاتلي روح عاد نقد نغمض عنيا او نعس مرتاحة …
ياسمين : (دوات بسخرية) علأقل دبا اياسمين راك مشدودة على شي حاجة درتيها ههههههه او علأقل دبا مخليتي تا شي سبب اخلي جود ايشوف فيك ، منين تزاديت او عبد الله كيعاملني كي ديك لجرتومة بحال شي وحدة موسخة ، او مع ذلك حاولت نكون مزيانة باش اعتارف بيا شي نهار ههههههه أنا بنسبة لكولشي خايبة علأقل الى كنت خايبة تاع بصح مغيبقاش فيا لحال ملي يقولها ليا ناس ههههههههه (بهاد طريقة خسرات ديك لبنت لي فعمرها غا 12 رعام براءتها او من هاد النقطة تغيرات حياتها)
جاو لبوليس نقلو زوباعة لسبيطار او داو ياسمين لي فعالمها لخاص لزنزانة لإنفرادية بقات دقايق قليلة فيها او بدات مرة مضحك مرة كتبكي ومة غا ساكة لي شافها كيقول بلي مغيجي فين اصبح عليها صباح تا تفقد عقلها ولا يلقاوها يابسة كيف الجيفة ، بزاف تاع لمراهقين كيخرجو على حياتهوم بلمحدرات ، يا اما كيتبلاو بسباب رفقاء السوء زعمني لهادي نتا ماشي راجل الى مدرتيهاش ، وايلي أصاحبي خفتي من مك ههههههه ، او بزاف تاع لحوارات لي مكتساليش سن لمراهقة هو السن لي كيتبنا عليه لكبر تاع لواحد ، الى محضيتيش راسك فهاد لعمر الى محضيتيش ولادك فهاد لعمر اقدر فأي لحضة اسلك طريق خايبة
#عند لغالية#
دبا يوماين لي دازو من مور ديك لقمعة لي دار ليها اكسيل من داك نهار كتشوفو كتبغي تغرق فحوايجها معرفات تا هي شحاف عليها تبعات داكشي تاع ليوتيوب ديري نتي بمبادرة سهل هيهات هادا واخة تنوض تعدا عليه مغيتحرك فيه والو كي لحجرة
لغالية : (كانت فلكوزينة كتغسل ماعن لعشا تا دخلات عليها لحاجة)
لحاجة : باقي مساليتي دوك لماعن ؟
لغالية : (شللات آخر كاس) هاني ساليتي بغيتيني اخالتي لشي حاجة
لحاجة : (مدات ليها واحد الرزمة) شدي هاد لعشوب طبخيهوم او شربيهوم
لغالية : ع.علاش ؟
لحاجة : لحقاش ، شحال هادي باش راك تزوجتي او باقي مدخل عليك ولدي هي لموشكيل منك شربي هاد لعشوب اسخنوك شوي لعلى وعسى
لغالية : أنا أنا ماباغاش نشرب هادشي
لحاجة : غتشربيه بلهلى يݣزيه لجدك ولدي انا لاش مزوجك الى كان تا فلفراش مغتمتعيهش أدوي لاش جايبك ؟
لغالية : (معجبهاش تدخل لحاجة فلخصوصيات ديالها ، او انها تبقا غا حاضياه نعس معاك منعسش معاك علاش منعسش معاك ، لخصوصية بين الراجل او مرتو شي حاجة ضارورية او خط حمر مامن حق تا واحد انتاهكو ، ولكن لغالب الله لاقية راسها مغلوبة على امرها ماحد باقي اكسيل مدخل عليها لحاجة مغتهداش او غتبقا مبرزطاها ، أنو راجل ميقربش لمرتو كتعني حاجة وحدة فلمجتمع ديالنا هي ماباغيكش او ممعتابركش مرتو ، بقات واقفة عليها لحاجة تا طبخات من دوك لعشوب او شرباتهوم)
لحاجة : (عطاتها واحد لكينة خرى) هاكي هادي عطيها لإكسيل
لغالية : ت.تاعاش
لحاجة : (قربات عندها شادة ليها يديها او داوية معاها بحنية على غير عادتها) سمعيني أبنتي عارفة بلي مغتكونيش كتحمليني او تعاملت معاك خايب ولكن أبنتي خاصك تفهمي باش كنحس تا انا ولدي تزوج بلى خباري او جاب لمرا لدارو مضارب ليا حساب ، ولكن لي عطا الله عطاه بغيتو ايعيش معاك مزيان علأقل ميكونش بحال زواجو لول لي سالا بطلاق ، راجل أبنتي الى مشديتيهش عندك او متعتيه فلفراش غيخليك ، علاش طلق مرتو لولة واخة كان عندو معاها دراري راه غا حيت كانت مكتبغيش تعطيه حقو ونا مابغيتكش تكوني بحالها ، عندي بنتي مانبغيش راجلها اطلقها او مبغيتش تا نتي راجلك اطلقك حيت لمجتمع مكيرحمش لمرا بلى راجل أبنتي ، تسنطي لهضرتي او خلي راجلك قريب ليك (جراتها لعندها معنقاها) سمحي ليا أبنتي عارفة راسي غلط معاك
لغالية : (أكتر حاجة ندمت عليها فحياتي كاملة هو هاد نهار ، نهار لي حسيت بيه بدفء تاع ميمتي فحضن لحاجة ، نهار لي تيقت فيه هضرتها او صحبتها صادقة معايا ، ندمت حيت بقات فيا او تفهمت موقفها او عذرتها ، وندمت حيت كنت مشحال هادي بهاد الصدق او لبراءة ، كان يسحابلي كولشي بحالي لي على قلبو على لسانو ، ولكن كيما كيقولو الطيحة لي متقتلك تقويك ، غا هو انا بلكلاخ ديالي ديك طيحة زادت هرساتني او خلات شخصيتي تزيد تضعاف) مسامحاك اخالتي عارفة لي كاين
لحاجة : لموهيم أبنتي خلطي ليه هاد لكينة معا لما بلاما يشوفها او عطيها ليه اشربها
لغالية : ولكن تاعاش هاد لكينة اخالتي
لحاجة : هاد لكينة باش ابقا يشوفك مرا
لغالية : ولكن اكسيل الى عرف مغيعجبوش لحال
لحاجة : غتعرفي ولدي حسن مني هادي كينة عادية مغدير ليه والو كيشربوها لمزوجين
لغالية : (خدات لكينة من عندها او خباتها فجيبها قبل مطلع لبيتها)
لحاجة : (بعدما خرجات لغالية دخلات عليها صفية)
صفية : مي شتك وليتي معاها كسمن معا لعسل او عاطياها ڤياݣرا امي بغيتيه نيت اقرب منها علاش عطيتيها ليها
لحاجة : انا ماشي لكينة لي عطيتها عطيتها ورقة طلاقها يسحابليك خوك ملي دير ليه لكينة او يعرف غيخليها هانتي غتشوفي طلاقها اتكتبو بيديها
لغالية : (دخلات لبيتها متوتر كتدعي ميكونش اكسيل لداخل ، شعلات ضو مبانش ليها تنهدات براحة او مشات وقفات قدام لكاس تاع لما لي كيكون جبهة اكسيل حيدات من فوقو لغطا او شدات لكينة فيديها مترددة واش تلوحها فيه) “قالت لحاجة بلي مدير والو هي مغضرش ولدها ، الى كانت هادي هي طريقة باش نبقا حداه او ميطلقنيش انا مستاعدة نديرها”
اكسيل : (كان فجردة كيدوي آپيل ملي سالا دخل قاصد دروج اطلع لبيتو تا طاحت ودنيه على كلام صفية ولحاجة)
صفية : ويلي يامي شتيها شارية ڤياݣرا او محيدتيهاش ليها الى مشات تا عطاتها لإكسيل فاش غنصدقو امي
لحاجة : (دوات معصبة) علاه انا دميتها ديك زمرة يسحابلي غا كينة تاع راس ولكن لي فاقصني ايمتا شراتها ايمتا خرجات باش تشريها
اكسيل : (دار راسو مسمع والو او كمل طريقو لفوق داخل لبيت لي كان بابها غا مرضوض تا كتبان ليه لغالية واقفة قدام كاسو دلما) شكاديري
لغالية : (بلخلعة طاحت ليها لكينة عند رجليها مماتوش ايجي او قبل متحنا تاخدها من لأرض لقاتو سبقها او هزها)
اكسيل : (طول الشوفة فديك لكينة او حاول يدوي بلى غوات) شهاد شي الغالية
لغالية : و.والو غا لكينة ت.تاع الراس ضارني راسي او بغيت نشربها
اكسيل : (قرب عندها مخلي شبر بيناتهوم او دوا بهدوء) لغالية شهادشي ؟
لغالية : (كيحسن ليها يدوي بلغوات على هاد لهدوء كتحس بلي فأي لحضة غينفاجر عليها) ل.لكينة تاع راس
اكسيل : (مد يديه شادها من عنقها او مزير عليها) شكنقول ليك انا على لكدوب لكينة تاع راس ؟ لخرا تاع راس هادا دمدومة قدامك مغنعرفش ڤياݣرا
لغالية : (ملي سمعاتو قال ڤياݣرا عاد ستوعبات الدور تاع لكينة لي كانت بغات تعطيه ، تجمعو دموع فعينيها وهي كتحس بعنقها غيتݣرض بتزيار تاع اكسيل) أنا أنا
اكسيل : مكاين بو انا باغة غا لعب لبراهش واخة الغالية (طلقها او رجع لور ݣالس فوق لفوطوي دايلو او برود دوا معاها) حيدي حوايجك
لغالية : (ديك لجملة تاع حيدي حوايجك كانت كفيلة تجمد ليها لما فركابي او سكت ليها لقلب ، مفهمات والو فيه)
اكسيل : (شافها متحركاتش) راني قلت ليك حيدي حوايجك
لغالية : ع.علاش غنحيدهوم
اكسيل : معرفاش علاش كتحيد لبنت حوايجها قدام راجلها ؟ (ناض عندها ملسقها معاه او مزير ليها على فمها داوي بلغوات) او ملي طواسل مك معارفا تا شنو كيوقع بين راجل او مرتو شقربك لشي كينة ولا خرا أدوي راني داوي معا جدك ، فوت ليك ديك ضصارة تاع لبوسة دديك نهار او جيتي ليا ليوم بكوارت خرى ، ولكن نتي الى متسيفت على جدك مغتقاديش باغة غا لكوا أبنت سليمان واخة حيدي حوايجك
لغالية : (جهدات فلبكا) لا مابغيتش
اكسيل : (نتر ليها الزيف من فوق راسها ) لهلا تبغي ، ماباغاش تحيديهوم انا غنحيدهوم ليك بدرع
لغالية : (بدات كتنتر ليه او تبكي عليه تما تا شرݣ عليها لپيجامة مخليها غا بدوبياس شعرها لي تفك معا زيف طاح بطولو عليها مغطي ليها ضهرها ، يديها لي كانو كيرجفو طلعو يغطيو فوق صدرها ، او غا شافتو كيقرب عندها بدات كترجع لور) عافاك خليني نمشي منعاودش والله مانعاود
اكسيل : (شافها كترعد او كتحاول تغطي راسها) مالك كتغطي راسك ياك هادشي علاش كتقلبي مالك خايفة دبا ملي كنتي باغة تقولبيني علاش مخفتيش أدوي
لغالية : (نفاجرات ليه بلبكا) أنا أنا مكنتش باغياك طلقني بحال مرتك لولة داكشي علاش درت هاكدا ، باغة نولي مرتك تاع بصح ماشي غا فلوراق
اكسيل : (زادت صعراتو تا دخل صبعانو فشعرها مزير عليه او جارها لعندو) اهاد لخليقة واش مكتفهميش راك برهوشة تا لكارط معندكش لاسقة فيا دبا يسحابليك انا لمنقذ ديالك غتوصلي واحد لعمر لي تندمي فيه على هاد زواج ، دويت معاك بلعقل قتليك سيري تا تستقري او غنطالقو كل واحد فينا اشد طريقو لا أنا ماباغاش نطلق ، كي دمدومة كتبعي ليا هضرة لحاجة او كتطري فلفعايل ولكن راه برب لكعبة نحلف ليك تعاودي ليا بحال هاد لخرا غنلوح مك لزنقة والله تا نلوح جدك ، كيسحابليك راني نموت فلكوا او نتشها فتقبتك راه دازت قبل منك مرا والد معاها طلقتها حيت فيها كترت هاد لفعايل دزمر سمعتيني ديري عقلك ولا غنتسيف على جدك ، او نعاود نشوفك كتدوي معا لحاجة ولا صفية نقطع ليك لسانك من جدر
لغالية : ( قصحها فشعرها) ونا كان يسحابلي لحاجة بغات تصالح
اكسيل : تصالح ؟ واش عقلك فقاعك كتݣلسي عليه عواض تخدميه يا لخليقة مك لي ولداتك او مفيهاش تيقة لعساك فوحدة مزوجا ليها ولدها بلى خبارها محاملاك مقابلاك واش ناس كيتخورو مرة ونتي مكوزة ليا لي جا يخورك أدوي ، شغاتبغي فيك شغاتصالح فيك ادمدومة ، نهار لول قلت يمكن هادي غا كتحشم حيت معارفاش ناس نهار تاني قلت يمكن مكلخة شوي ولكن دبا تاكدت بلي متكسابيهش ملي سامعة ليا لهضرة وحدة سالخاك غا لبارح
يتبع
التعليقات 0