رجعو دراري لدار بكري غا تغداو رجعو كاملين لاقيين لغالية كتسناهوم حدا لباب
اكسيل : باقي منعستي ؟
لغالية : (حضات ليهوم ليدين تشوف واش جابو شي حاجة) مجبتو معاكوم تا حاجة ؟
لحاجة : شغانجيبو معانا دفوع متلا ؟
لغالية : (دخلات لحاجة او صفية لبيتهوم انعسو مخليينها شادة دموعها غا بزز) مانقصتو تا شوي تاع لحم اوسط لخبز او جبتوه معاكوم ؟
صباح : لا علاه كنتي باغيا نجيبو ليك معانا كون علمتيني نجيب ليك
لغالية : دبا نتي لي معلمكش متجيبيش ليه ونتا أمجد غتكون جبتيلي معاك شي حاجة ياك
مجد : الله اختي مكنت عارفك باغاه
لغالية : ونتا اجود ؟
جود : تا انا مجبت والو
لغالية : (شاف فإكسيل) ونتا محشمتيش متفكرتيني تا بشنتيفة فلخبز
اكسيل : قلتلك يالاه مابغيتيش تمشي
لغالية : (بدات كتبكي)
جود : (شافها كتبكي) علاش كتبكي كلينا غا دجاج تبغيني نجيبو ليك دابا ولا نمشي نجيبو ليك انا ومجد من زنقة ؟
لغالية : ما مابغيتوش بغيت تاع لعراضة فيا جوع(دارت هري بلبكا)
اكسيل : علاش كتبكي دبا نخرجو ناكلو برا ؟
لغالية : (بعدات عليه او مشات عنقات صباح كتبكي)
صباح : صافي صافي متبكيش
اكسيل : (ملي كانت فيها هاديك عرف بلي لهورمونات دارو فيها مابغاو) باركة من لبكا او يالاه نعسو
لغالية : (باقة كتبكي) مغنعسش حداك نتا متفكرتيني غا بشنتيفة تاع لحم والله منعس حداك
صباح : صافي الى مبغيتيش تنعسي حداه آجي نعسي عندي فلبيت
اكسيل : (رجع لور حدا ولادا وبقا غا كيشوف فيها غادة وكتبكي) كتقرا تا كتعيا او يشيبك زمان تجي تال قدام شي مرا وتقولك شكتعرف
مجد : حسنعوانك الواليد فين ايبان لماط قدام لغالية
جود : ويبقا السؤال علاش هادشي كامل ؟
اكسيل : كون نلقا نشد دوك لهرمونات نشوي طواسلهوم على هاد لفعايل
جود : نجيو نعسو حداك نونسوك هههههههههه
مجد : غتنعس امسكين بوحدك كي ليتيم
اكسيل : انا غا ليوم لي غنعس بوحدي نتوما راكوم ديما ناعسين بوحدكوم ههههه
طلع او خلاهوم مفقوصين دخل لبيت ينعس ، فحين صباح فرشات هي ولغالية فلأرض او تكاو
صباح : (شافت لغالية باقة غا كتبكي) باركة من لبكا واش تسطيتي طيبي عينيك على شنتيفة تاع لحم دايرة كي دوك لموحمات
لغالية : واتشهيت لحم تاع لعراضة ماكلتي ولات خايبة
صباح : (قفزات) اهيتا اكوما ؟
لغالية : مكاين بو اكوما راه فيا هاديك
صباح : (رجعات ݣلسات) تا قلت غيتزاد عنا شي بعلوك
لغالية : (شاف فيها او سولاتها) أجي بغيت نسولك كتفهمي شويا فداكشي تاع لعادة فهاد تلتيام نزلات ليا خفيفة بزاف بزاف او لوجع كيشدني شوي او يطلقني
صباح : واش جاتك فوقتها ؟
لغالية : لا تعطلات ب15 ريوم
صباح : تعطلات ليك او جات خفيفة ؟
لغالية : داك تعطال ملي قلبت فليوتيوب حيت أنا ملي شربت لكينة مابديتهاش ملي كانت فيا او قالو بلي عادي تخربق ولكن انها تنزل قليلة بزاف بحال لقطرات معرفتش مناش او تا لوجع كنحس بضو كيشرب معايا
صباح : واحد صاحبتي وقعلها نفس لبلان او لقات بلي عندها ميكروب فلوالدة قلتيها لبابا ايديك عند طبيبة
لغالية : باك خافني لنكون كنولد او كان غيديني عند طبيب تا عرف بلي جاتني عاد تهنا ، او منقد نقول ليه والو
صباح : وعلاش ؟
لغالية : كنمرݣ ندوي معاه كتجيني فشكل
صباح : بلعكس راه بابا عندو هاد لمواضيع عادي جدا
لغالية : واخة هاكداك مولفتش ندوي معاه فهادشي
صباح : ايوا صاف تال غدا او نمشيو نشوفو واحد طبيبة حيت خاصك ضربي لفݣد فراسك قبل ميفوت لفوت
لغالية : ان شاء الله
صباح : يالاه نعشي دبا
لغالية : (سكتات شوي عاد دوات) داك دجاج كان بنين ياك ؟
صباح : (خافتها لاتعاود تبكي) مكان فيه ميتكال كان زافر
لغالية : ك.كون غا درتيلي شي دغمة فلخبز
صباح : لمرة جاية نجيب ليك حقك صافي
لغالية : (بدات عاود كتبكي) كنت باغة ناكل داك دجاج مقابلة معا صدر باك لمعري
صباح : صدر با لمعري ؟ شوف شوفلك لبنت قداماش باغة تاكل شحاف عليك
لغالية : معرفتش صدر باك زوين ولكن كيخبيه
صباح : ههههههه قوليه احيد توني
لغالية : كنحشم منو
صباح : ايوا طر درتو دراري بكري
لغالية : (غا كتفكر لعراضة اودير هري بلبكا تا نعسات)
صباح غا نعسات لغالية نعسات تا هي او مفاقت تا وصلات سبعة تاع صباح ، فيقات لغالية
صباح : لغالية نوضي
لغالية : شنو ؟
صباح : نوضي نوضي راه سبعة هادي خاصنا نمشيو نشدو نوبة عند طبيبة
لغالية : (ناضت مدوخة) واخة غنمشي نبدل عليا
خرجات من بيت صباح او مشات لبيتها نيشن لبلاصة تبدال حيدات عليها پيجامتها او لبسات واحد لكسوة وملي جات دير زيفها حسات بشي يدين محاوطينها من لور
اكسيل : (كان خارج من لحمام تا لقا لغالية كتبدل مشا موراها معنقها) فين غادة
لغالية : (مابغاتش تدوي معاه) غادة معا صباح نقضيو شي غراض
اكسيل : مقلقة مني
لغالية : (سكتات)
اكسيل : دبا غا قوليلي انا شنو درتليك ؟ وصيتيني نجيب ليك حقك او مجبتوش
لغالية : واخة منوصيكش كان عليك تجيبلي حقي
اكسيل : صافي سمحي ليا لمرة جاية منساكش او دبا قوليلي شمن غراض هادا لي عندكوم معا صباح
لغالية : (كدبات عليه) بغينا نمشيو نشوفو شي حوايج او هاد لوقيتة فاش مكيكونش زحام او كترت لغاشي
اكسيل : تسنايني نبدل او نمشي معاكوم
لغالية : لا متمشيش
اكسيل : علاش ؟
لغالية : غاديين حنا لبنات ناشريو شي حاجة فشكل تمشي معانا
اكسيل : (قرب عندها ملسقها معا لحيط) شنو هاد لحاجة لي باغة تشري بلاما نشوفها انا ؟
لغالية : ش.شي حاجة وصاف
اكسيل : باغي نعرف شنو هاد لحاجة ؟
لغالية : (ولات حمرة) ش.شي حاجة تاع لبنات
اكسيل : (عاجبو يشد فيها) قلتي شي حاجة تاع لبنات ؟ سوتيامات ؟ سليپات ؟ ولا ياكما باغة تشري شوميز دنوي
لغالية : لا ش.شمن شوميز باغة نشري وصاف
اكسيل : ههههههه تا ترجعي ونشوف شريتي (بعد عليها مخليها فين تمشي ) بلاتي هاكي
لغالية : (شافتو ماد ليها شي فلوس) لا راه عندي
اكسيل : عندك ؟ مناش جاوك ؟
لغالية : لحاج ديك نهار عطاني شي فلوس
اكسيل : هادوك لحاج لي عطاهوم ليك او هادو انا لي عطيتهوم ليك
لغالية : (خداتهوم من عندو) شكرا ، بسلامة
خرجات من لبيت مخلياه هادي يرجع ينعس ، هبطات لتحت عند صباح او مشاو شدو طاكسي لعند طبيبة النسائية ، لقاوها معامراش بزاف دغيا وصلاتهوم النوبة
طبيبة : (شافتهوم بنات صغار) السلام تفضلو ݣلسو
لغالية : (كل وحدة فيهوم شدات كرسي)
طبيبة : شكون فيكوم لي مريضة
لغالية : انا
طبيبة : شنو لموشكيل لي عندك
لغالية : الدورة الشهرية تاعي جاتني معطلة ولكن قلت يمكن بسباب لكينات ، او ملي جاتني جات قليلة بزاف
طبية : تفضلي معايا نشوفو هاد لوجع مناش جايك ، تكاي فوق لبياص او عري على كرشك
لغالية : (مشات تكات فوق لباياص او عرات على كرشها)
طبيبة : (خوات ليها واحد السائل على كرشها عاد دارت ليها تلفازة )
لغالية : (هو وصباح كي لمزلجات ما قشعو والو فديك تلفازة)
طبيبة : كتحسي برضان كلى صباح ولا نعاس بزاف او صحتك مرخية ؟
لغالية : لا رضان مرة مرة وصاف
طبيبة : مكتشدك دوخة ماتا حاجة ؟
لغالية : لا
صباح : دكتورة ياكما عندها شي حاجة خايبة
طبيبة : (سكتات شوي) لا معندهاش تاشي حاجة خايبة غا هو راه مربي ليها لتحت فرحم داكشي علاش كيشدها لوجع او كتنزف مرة مرة
صباح : ستي قلتها ليك لميكروب هاداك لي تربا ليك لتحت
طبيبة : شمن ميكروب ؟
صباح : لميكروب تاع لوالدة
طبيبة : ما عندها تاشي ميكروب انا داوية على لجنين لجنين لي نازل ليها شوي
صباح : آااا (غوتات شادة فمها او شافت فلغالية بدون تصديق) ياك قلتي ليا بلي هديتي لكينة كي وقع
طبيبة : (دازو قدامها بزاف تاع لحالات تاع بنات صغارات كيمشيو تا كيطريوها او يجيو ايشوفو النتيجة تاع جملة ‘عمرني نخليك الهبيلة راه ربي مزوجنا فسما قبل من لأرض’) لكينة ماشي مانع مئة بلمئة راه شي مرات عائلة شربتيها او تقييتي موراها كتمشي ويلى متبعتيهاش بانتضام مكتغطيش لمفعول ديالها
لغالية : (بقات غا مصدومة عاد تفكرات بلي ديك نهار غا ضرباتها رضات بعدها ، ماعرفاتش تا كفاش تستوعب لخير لداخل ديالها روح صغيرة من لحمها او دمها ، لداخل ديالها كاين لمنقذ ديالها ، احاسيس مخالطين جتاحوها ماعرفات تبكي ولا ضحك ، قادات لݣلسة او مسحات كرشها مهبطة حوايجها ورجعات ݣلسات فلكرسي)
طبيبة : شنو ناوية ديري دبا ؟ كاين شي حد من عئيلتك فخبارو
صباح : (هي براسها تلفات) هي براسها مفخبارهاش تا راجلها معارفش بلي جينا عند طبيبة كان يسحابنا حاجة خرى ولكن لحبالة كانت مستبعدة
طبيبة : (عاد فهمات بلي هادي لي قدامها بنت مزوجة براجلها او دارها ماشي وحدة غلطات فضلام ) معندكش مناش تخافي هادي أول حبالة ليك ياك ؟
لغالية : (عقلها مامعاهاش) واه
طبيبة : ان شاء الله كولشي غيدوز بيخير نتي غا متشطنيش راسك
صباح : قلتي بلي لجنين طايح ليها
طبيبة : لجنين فلحالات طبيعية كيتربا لفوق تاع رحم مي فحالات كيتربا لتحت شي لي كيلزم لأم تنتابه لراسها كتر وكتر حيت اي مجهود بدني فهاد لحالة اقدر يدي لاجهاد الله يستر ، عندك لاسبوع لخامس هادا تقريبا يعني لجنين باقي مشد بلاصتو مزيان يفضل فهاد لمدة تنقصي من لحركة الى لقيتي فهاد لأوائل تبقاي غا متكية ، انا غنكتب ليك شي ڤيطامينات او مقويات غداية خوديهوم او يكون خير
لغالية : (خدات منها لورقة تاع دوا) شكرا
طبيبة : لعفو منهنا 15 ريوم رجعي عندي
لغالية : واخة
طبيبة : (شافتها بغات تمشي) مغتاخديش الصور تاع لجنين ؟
صباح : معا تلفة نسيناهوم (خداتهوم من عند طبيبة او خرجو فحالهوم لبرا ݣالسين فوق واحد لكرسي) ممتيقاش انا غا ضحكت لبارح سعا صدقات بصح ههههههه ناري ميمكنش
لغالية : كي غنقولها لباك انا دبا
صباح : غتقصديه نيشن تقوليه حملتيني اشلاهبي
لغالية : غيتقلق مافيهاش
صباح : علاش غيتقلق كاين لي كيتقلق من لحمل تاع مرتو (سكتات شوي هي تغوت) أجي نتي ياكما لبارح حكيتي شي قنة ؟
لغالية : (عاد تفكرات ديك لقضية) معقلتش
صباح : ياربي تكوني فتي غا لوجه لتصدقي حاجة فيه شي دجاجة يالاه نرجعو لدار شمس عليك او خاصك ترتاحي
لغالية : (شدات هي وصباح طاكسي او رجعو لدار ، طلعات نيشن لبستها لاقية اكسيل باقي ناعس مشات خبعات دوك تحاليل أو بدلات حوايجها ومشات تكات حداه او هي غا كتفكر )
كيقولو بلي الراجل مكيولي أب تا كيهز ولدو بين يديه عكس لام لي ملي كتعرفو بلي اوسطها كتعرف شي حاجة سميتها المونة او كلما كبر ولدها اوسطها كتكبر امومتها ، او كيكبر معاها حبها ليه او خوفها عليه او منو ، إييه كتخاف منو حيت ديما داك السؤال تاع واش نقدر نتحمل هاد لمسؤولية واش نقدر نحميه او نبغيه واش نقدر نسعدو او نكون ام صالحة ليه ، حاملها أسئلة دارو فدماغ لغالية كتشوف راسها مترددة او خايفة متكونش قد احساس لامومة لي حسات بيه لاول مرة قبل نص ساعة هادي ، حطات يديها على كرشها يمكن كانت من لول تكون حاملة باش ضمن بلاصتها ، ولكن بدا ملي فعلن لقات راسها حاملها كان احساسها مختالف تماما على داكشي لي كانت كتخايل ، ملي قالت ليها طبيبة بلي راها حاملة بغات تبكي او ضحك او تسكت تلفات او خافت من ردة فعل اكسيل ، واش غيتقبل هادشي لي فكرشها ؟
اكسيل : (كان ناعس ملي حس بشي حد متكي حداه او بلاما يحل عينيه عرفها من ريحتها ، مد يديه لعندها معنقها) جيتي ؟
لغالية : واه
اكسيل : شنو شريتي
لغالية : ماشريت والو
اكسيل : وعلاش ؟
لغالية : مالقيتش داكشي لي عاجبني او رجعت بزربة
اكسيل : (زاد عنقها خاشيها فيه او غاطس وجهو فعنقها)
لغالية : (معرفاتش تا ايمتى داها نعاس بين يديه مفيقها غا صوت آذات لعصر ايما لمغرب فاتها بشحال)
ناضت بسة وستين كشيفة من بلاصتها مساخياش بلوسادة دخلات لحمام توضات او دازت تا صلات عاد هبطات لتحت كتقلب على اكسيل بعينيها مالقاتوش
لحاجة : داك علامن كتقلبي وا خرج لخدمة بلى غدا حيت لالة لغالية كانت باقة خامرة
صفية : كون زدتي نعستي ليك شوي باقي لحال
لغالية : فقت ليوم بكري مادنيتش نعس تال دابا تغديتو ؟
لحاجة : باغي شي غدا دبا والمغرب قرب ترضيضة منعرف
لغالية : انا غنمشي نعمر ليكوم شي كاس تاع أتاي
لحاجة : لاباس مني باقة عاقلة على صواب
لغالية : (مشات دخلات لكوزينة تقاد ليهوم فترضيضة تا دخل عليها مجد كيعرج)
مجد : لغالية فقتي ؟
لغالية : واه
مجد : شكاديري
لغالية : لقيتينا كنطيب فهاد لمسمن بزربة باش ندوز لبغرير نجيبو وقت ترضيضة هادي
مجد : انا غنطيب ليك لبغرير نتي غا كملي لمسمن ديالك
لغالية : كتعرف طيبو ؟
مجد : وعلوم
لغالية : لعجب ختك مكتعرف طيب تا بيضة
مجد : (سخن لمقلة او ݣلس حدا لغالية كيتجمع او يطيب فلبغرير) صباح مابينها وبين طياب غا لخير ولاحسان ، ملي كانت صغيرة بابا كان كيخاف عليها تجرح راسها بلموس ولا تحرق راسها ملي كبرات شوي عرفنا بلي واخة تبغي طيب نغتصدقش ليها لماكلة كاين لمرات كنوقفو عليها تا تقادها او مع ذلك كطلع خايبة ، لذلك ولينا كنخليوها طيب لناس لي مكنحملوش ههههههههه ولا عرفتي شنو كنت كندير أنا وجود كنجيو عندها نقولو ليها طيبينا شي كيكة او كنديوها معانا لقيسم كنفرقوها معا دراري كياكلو معانا ملي كيكون عندنا غدا شي فرض تاع لماط
لغالية : علاش كديرو هاكداك
مجد : باش ايجينا تسمم غدائي او يتأجل لفرض هههههههه
لغالية : (نفاجرات بضحك)
جود : (دخل عليهوم لكوزينة) ضحكونا معاكوم
مجد : دوز عمر شي أتاي منعنع دوز
جود : (مشا هز لبراد كيعمر فآتاي)
لغالية : (شافت فيهوم او ضحكات) خاصكوم غا لمرا ايما تا شقا كتعرفو ليه
جود : هي الى قلتيها لراجلك راه محرمها عنا
لغالية : احياني كون ضبرتو باكوم ݣاع ميسيق ليكوم لخبار
مجد : هههههههه فخبارك هاداك علامن كتدوي راه كولا راس تاع شهر كيفلي طيليفوناتنا شي مرات كيدير تفتيش مفاجئ شمن غنضبرو وهو عاس عنا صباح مكيقيسش طيليفونها بتاتا
جود : ههههههه ولكن لحق يتقال حنا مافينا تيقة
مجد : نتا مافيك تيقة انا راه كنزبلها بطريقة مفروشة نتا اشلاهبي ، واحد لمرة الغالية جاو عندنا شي ضياف كنا فسيزيام ديك الساعة ايوا معا دوك ضياف جات واحد لبينت الصارخة تقال كانت زوينة غا هي شويا فرفارة ، ايوا بغات دور فمكناس داكشي علاش مشيت انا او هادا او صباح او هي
جود : تفو شتفكرتي المرض
مجد : نتا لي ضواساك حامضين ، ايوا وغفلاتنا انا وصباح او طلبات لهاد النمرة ، او هو بالذاكا ديالو خاف الى عطاها نمرتو احصلو باه ايوا هو يعطيها نمرة لواليد او قال ليها معا لوحدة نصوني عليك ، سيد بقا كل ليلة كيصرق لواليد طيليفون معا لوحدة تا يدوي معاها او يرضو تا حصلو واحد نهار لواليد هههههههه عطاه قتلة تاع لكلاب من تما ولا كيعطي نمرتو نيشن
لغالية : ههههههه لكلاخ عندك ، يالاه يالاه نحطو ترضيضة راه تعطل لحال
صباح : (دخلات عليهوم شايفة لغالية باغة تهز الصينية لكبير تاع أتاي) شكاديري نتي ؟ ونتوما مخليينها تهز تقل او هي ضاراها رجليها
جود : (مشا هز لغالية صينية ومشا حطها فصالون)
صباح : (مخلاتش لغالية تهز شي حاجة او هزات هي صينية لوخرة لي فيها لمسمن او لعسل وزيتون او زبدة)
لغالية : (هزات داك طبسيل تاع لبغرير او تبعاتهوم لصالون خوات ليهوم أتاي او خوات تال راسها أتاي) صباح
صباح : (قربات عندها) شنو
لغالية : أجي هاد لمسمن مافيهش شي ريحة ؟ واقلة دقيق باش صايبتو خاسر
صباح : بلعكس جا زوين او مورق ها بغرير لي دار مجد بنفس طحين او جا زوين
لغالية : لبغرير ديالو جا فن تا أتاي تاع جود جا زوين ريحتو كتحمق
صباح : هههههه حافو عليك عوتاني
لحاجة : مصونيتيش على خوك تعرفيه واش قريب يرجع لعيشة هادي تقريبا
جود : لواليد غيتعطل ميرجع تال جوايه 12 دليل
لحاجة : مسكين وليدي غارق فلخدمة او كون غا كان كيجي ويلقا مياكل بعدا
مجد : لي سمعك الحاجة يقول كنخليوه بجوع لواليد راه ولا الى ضرو جوع كيشد ليه شي كسكروط على برا
لحاجة : معلوم اضرب كاسكروط على برا حيت ممحزمش بلمرا تاع زمان لي يجي يلقاها دايرة ليه مياكل
لغالية : (سيدة ماشي هنا ݣاع كحزات عندها طبسيل تاع لبغرير او حطات لبراد داتاي حداها وبدات غا كتاكل)
صفية : (بقات حاضية لغالية لي ضربات لمسمنة لولة او تانية وتالة تا وصلات سابعة وخوا طبسيل نيت) شوف كي كتاكل بحالا عمرها شافت النعمة مجعوفة
لحاجة : زيدك تا طبسيل الى مشبعتيش
لغالية : (مرداتش عليها او حبسات لماكلة هي ݣاع ، ناضت جمعات طبلة معاوناها صباح ) شنو غنديرو لعشا ؟
صباح : ماعندنا مانديرو انقول لجود امشي يشرينا شي جوج دجاجات او پيتزا من برا
لغالية : حسن تا انا مافيا لي يطيب شي حاجة
صباح : (مشات علمات جود لي فلبلاصة خرج جاب لعشا وجا)
لغالية : (تسنات تا وصلات لعشرة دليل عاد حطات ليهوم لعشا)
مجد : نقصتي لواليد ؟
لغالية : واه نقصت ليه
لحاجة : لعݣز وصل فيك مابغا تا لعشا ماتقديش ديريه
جود : حنا الحاجة لي بغينا لماكلة تاع الزنقة
لغالية : (ولات غا كتشوف لماكلة مكتبقاش تسمع لشي حد بدات غا كتاكل ممسوقاش)
هاد لمرة جود لي جمع الطبلة فحين لغالية طلعات لبيتها ، حاسة بخاطرها مروع مشات لحمام رضات كولشي عاد رتاحت شوي
اكسيل : (معا طناعش قل ربع كان وصل لدار طلع نيشن لبيتو لاقي لغالية مخشية فراشها او غا كتبكي ، قرب عندها مشطون) لغالية مالك علاش كتبكي ؟ ضاراك شي حاجة ؟ قالت ليك لحاجة شي حاجة ؟
لغالية : (عينيها ولاو حمرين بلبكا او غا سمعاتو سولها مالك زادت نفاجرات بلبكا) ف.فيا جوع
اكسيل : (بحالا طرشاتو) فيك الجوع ؟ ماكليتيش ؟
لغالية : (بدات كتعاود ليه على نيتها او هي غا كتبكي) دبا دار مجد لبغرير او عجبني كليت غا شوية سبعة تاع لبغريرات ياك
اكسيل : (عاطيها لخاطر كيتسنط ليها او هو كيربت على شعرها بيديه) سبعة تاع لبغريرات او غا شوية ؟ ليه كملي
لغالية : او ملي وصلات لعشرة تعشينا او ملي طلعت لبيتي رضيت او دبا فيا جوع (تخشات فيه معنقاه او نفاجرات بلبكا كتر من لول)
اكسيل : صافي صافي بلى بكا علاش مكيبتيش لراسك شي حاجة ملي فيك الجوع
لغالية : ماكلتي خانزة مابنيناش
اكسيل : ماكلتك زوينة
لغالية : لا خايبة
اكسيل : صافي يالاه نمشي انا نطيب ليك
لغالية : لا مابغيتش
اكسيل : علاش
لغالية : (خرجات راسها من عنقو) وليت كناكل بزاف غنغلاض او نولي خايبة كي لبيدوزة
اكسيل : مالك وليتي بحال هاكدا غا كتبكي شوف عينيك كي ولاو حمرين غيبقاو اضروك
لغالية : (باقة كتبكي) معرفتش تا انا باغة نبكي
اكسيل : (ضحكاتو) عارفة راسك أبعدا غا كتبكي ، نمشيو نخرجو نتمشاو ؟
لغالية : (تفكرات بلي طبيبة قالت ليها متحركش بزاف) لا مفياش ، تعشيتي ؟
اكسيل : واه كليت على برا
لغالية : شنو كليتي
اكسيل : (خاف تبدا تبكي ليه عاود) كليت غا لخبز او لفرماج
لغالية : غا هادشي لي كليتي ؟ او مافيكش الجوع ؟ (بدات عاود كتبكي) وعلاش انا لي واكلة بزاف فيا الجوع علاش
اكسيل : عادي اضرك جوع حيت كتكبري
لغالية : دبا كتقول انا سباب ياك أدوي كتقول انا لي كنعلف بزاف باش نكبر
اكسيل : (ولا طالب غا سلاك) ماشي هاكدا لي قصدت راه تا انا كناكل بزاف دراري تا هومو يعني عادي لواحد ياكل بزاف
لغالية : (رجعات تخشات فيه كتبكي) لا أنا مكناكلش بزاف او مبغيتش نغلاض
اكسيل : الى غلاضيتي ندخل زين ديالي دير سپور
لغالية : غنبقا ناكل تا نولي كيف لبيدوزة او نخياب او منقدرش تا ندير سپور باش نضعاف
اكسيل : علاش منقدرش ديري سپور غتولفي على لحركات (ناض بغا يمشي لحمام)
لغالية : شمن سپور انا كنقول ليك طبيبة قالت ليا حاولي تا على لمشية ولا غيطيح دري ونتا كتقول ليا سپور باغي تقتلو ؟
اكسيل : (مركزش معا هضرتها مزيان تا دخل لحمام او حيد توني ديالو ، اوحدو بغا احيد الشورط ديالو سترجع ديك لجملة ديالها “طبيبة قالت ليا حاولي تا على لمشية ولا غيطيح دري” ، لبلاصة خرج عندها مغوبش) شمني دري غيطيح ؟ علاياش داوية ؟ شمن طبيبة ؟
لغالية : (عاد تفكرات بلي مقالتهاش ليه ، ناضت كترعد خايفة من ردة فعلو) ا.اكسيل ممشيت ليومة عند طبيبة معا صباح
اكسيل : فين مشيتي ؟ لطبيبة ؟ او علاش انا بسلامة مفخباريش ؟ علاش كادبة عليا او قايلالي غادة لحانوت أدوي ؟
لغالية : (شافتو تعصب عارفاه مكيحملش لكدوب) أنا أنا كنت باغة غا نمشي ندوز على كرشي جات كانت عندي لعادة قليلة ، ح.حشمت نقولها ليك
اكسيل : نتي فينما ضوري يا حاشمة مني يا خايفة ، خلي دبا لهضرة على لكدوب ديالك من بعد أو قوليلي شمن دري علامن داوية
لغالية : ق.قالت ليا طبيبة بلي حاملة
اكسيل : (تشوكا) حاملة ؟ كي درتي ليها ؟ ياك شربتي لكينة ؟ ياك أصلن قلتيلي بلي جاتك لعادة ؟ انا غنمشي ندوش أبعدا راسي زند عليا (مشا دخل لحمام طالق على راسو لما بارد مودة طويلة كيحاول استوعب شواقع تا حس راسو مزيان) لغالية
لغالية : (بقات على برا كتبكي كتبكي تا سمعاتو عيط ليها هي تمشي وقفات حدا لباب تاع لحمام) نعام
اكسيل : مدي ليا لفوطة راني نسيتها
لغالية : (مسحات دموعها بيديها او مشات تا جابت ليه لفوطة عاد مداتها ليه) ها لفوطة
اكسيل : (عينيه كانو فلغالية لفوطة غا سبة مديديه بحالا بغا ياخدها من عندها هو اجرها كاملها لداخل)
لغالية : (لقات راسها فلحمام معاه او لباب مسدود)
اكسيل : (قرب عندها حاط يديه على خصرها) شنو دبا
لغالية : (باغة تخرج من لحمام) ص.صهد أنا أنا غنخرج صافي ع.عوم نتا
اكسيل : (لسقها معاه) شبان ليك نعومو بجوج أ ؟
لغالية : (ولا تحمرة) ل.لا غي عوم نتا أنا أنا مغنعومش
اكسيل : (بحالا مادواتش مد يديه لپيجامتها حيدها ليها او داز لسيفيطمة لي تحتها حيدها ليها)
لغالية : (بغات تبكي سيد خلاها بصدرية وشورط فلول شوي هو احيدهوم ليها مخليها زبطة ، طلعات يديها حاطاها على صدرها باش ميشوفوش)
اكسيل : (حيد ليها يديها) مالك مغطياه
لغالية : (واصلة فيها لعضم تزيد شي شوي تبكي ليه تما ، ملي حيد ليها ليد مشات لسقات فيه مليقة صدرها معا كرشو)
اكسيل : (طلق ليها شعرها او هز ليها راسها بيديه) شنو قالت ليك طبيبة ؟
لغالية : (عاودات ليه على شنو قالت ليها طبيبة)
اكسيل : (كان طلق عليهوم رشاشة بما دافي هي كتعاود ليه او هو كيدوز ليها الصابون )
لغالية : (شافتو ضارب طم) ت.تقلقتي
اكسيل : (تحنا عندها باسها من فمها) علاش انتقلق
لغالية : ح.حيت مكنتيش باغي دراري
اكسيل : (عقدهوم) شكون قال ليك مابغيتش دراري ؟ انا غا حيت مكنتش عوال جاني دراري فهاد لوقت ماشي مناسب
لغالية : علاش
اكسيل : نتي دبا يالاه رجعتي تقراي كان خاصك تا تسالي قرايتك او تكبري شوي باقة صغيرة على لولادة (حط يدو على كرشها) ولكن ماعندنا مانديرو زربان ايجي بكري
لغالية : (دورها مقابل ضهرها معا صدرو او دار ليها شامپوان لشعرها كيغسلو ليها ، تا غفلها بواحد الشحطة لطغمتها غلاتها تغوتي) آي
اكسيل : (لاسق صدرو معا ضهرها او تحنا لودنيها هامس ليها) كونما لبخوشة لي فكرشك محرماها عنا كون وريتك آي تاع لمعقول
لغالية : (فهاد لحضة حمدات الله او شكراتو حيت كانت حاملة اما كان غيعطبها ، ترخات بين يديه مخلياه كيدوش ليها او مرة مرة كيبوسها فعنقها او مور مدنيها)
اكسيل : ( حس بيها ترخات او غا كتفوه) فيك نعاس ؟
لغالية : (غفلها نعاس كون مكانش اكسيل شادها مزيان طاحت)
اكسيل : نعستي اشريفة واخة (قلب رشاشة لبارد مخليها كتخوي عليهوم ما مݣلاصي)
لغالية : (ملي قاسها لما لبارد لوجها ضرباتها لفيقة مخلوعة) هاء بارد
اكسيل : (شافها تكمشات فيه) ههههههه باش توݣضي معايا شوية
لغالية : (بدات كتبكي) حشومة عليك لما بارد
اكسيل : صافي صافي بلى بكا يالاه نخرجو باش تنعسي
لغالية : (طايب خاطرها لوات عليها لفوطة او خرجات لبيت تبدال نشفات راسها او لبسات پيجامة طويلة بزربة قبل ميجي اكسيل او مشات تخشاف فبلاصتها)
اكسيل : (مشا لبس عليه تا هو او تخشا حداها) غتنعسي مݣمطة بحال هاكداك ، پيجامة طويلة تحتها سروال او تريكو حازمة زيف لشعرك كون طلعتي تقاشر ، حيدي حيدي شي پياسة غتخنقي ليا دري
#عند ياسمين#
كولشي تبدل كولشي تغير فيها مابقاتش كيما كانتش ، مابقاتش ملي كتشوف راسها فلمراية كتقول هادي ، بحالا مبقاتش عارفة راسها يمكن فهاد سنين لي عاشت كانت قادة تضمر مشاعر لكراهية كانت كتقد تضحك واخة مقسحة ، ولكن تا حاجة مكدوم يمكن وصلات لمرحلة هي بنفسها مابقاتش قادرة تحكم فلجانب لخايب ديالها ، مابقاتش قادة تخليهوم اعفطو عليها ، مابقاتش ديك لبنت لي كترعد او تبكي وطلب مها لا ولات بنت هادية هادئة تا كتنفاجر نفيجار واحد ، ولكن عرفتو شنو لغريب من بعد هاد تحول كامل او هاد لخيوبية كاملة كان قلبها كيضعاف ملي تحضر صورتو قدام عينيها ، لحمها كيتبورش عليها ملي كتفكر صوتو ، كملات نص عام هنا كملات 195 يوم او هي كتحلم بيه ، من بين لحوايج لي ضروها لداخل ديالها هو انها متعاودتش تشوف ، مكدبوش ملي قالو لقلب حاجة متقدرش تحكم فيها , الى تعطاتها فرصة خرى باش تشوفو مغتخليهش او مغتسمحش فيه ، غتشد فيه بسنانها واخة ميبغيهاش
#عند لغالية#
فاقت فصباح او هبطات لكوزينة نيشن حلاتها او بدات كتقلب فيها
اكسيل : (كان داخل لكوزينة هاز معاه ساشية فيها لپتيپان كان شراه من لمخبزة) علاش كتقلبي
لغالية : دلاح مابقاش ؟ باش غنفطر انا دبا
اكسيل : كولي لپتيپان لعشية نمشي نجيب ليك دلاح
لغالية : لا أنا بغيت دلاح
صباح : (خلات عليهوم لكوزينة) صباح لخير
لغالية : صباح النور
اكسيل : (باس لصباح فوق راسها) صباح لخير
صباح : (حلات لباطة لي جاب معاه) جبتي ميفوي او لحلوة دلاكريم
اكسيل : (قرب عندها او دوي بشوي حدا ودنيها) جبنا هاد لحلوة لخوك زعما صدق باغي غا دلاح هاد الساعة
صباح : ههههههه هاد لعام اتزرع الدلاح
اكسيل : شششش راها كتشوف فينا ههههه
لحاجة : (دخلات عليهوم لكوزينة) ولدي فقتي ؟
اكسيل : (باس ليها يديها او راسها) لحاجة كي صبحتي
لحاجة : بيخير اولدي
اكسيل : صباح وصلي الصينية تاع أتاي أبنتي باش نفطرو او سيري فيقي دوك لحتارف قولهوم ضاروري افطرو معانا ، لحاجة سيري عيطي على صفية بغيت نفطرو مجموعين
لحاجة : واخة اولدي
اكسيل : (بعدما بقا غا هو او لغالية فلكوزينة قرب عندها ميفرنس شدها من خصرها او لسقها معاه هابط عند فمها شادو ببوسة) ها صباح لخير ديالي انا
لغالية : (بعداتو عليها) حشومة غيشوفنا شي حد
اكسيل : او يشوف (هبط على ركابيه مقابل معا كرشها بايسها ليها او كيدوي معاها بحنية تقول ولدو لي قدامو) صباح لخير البخيخيشة ديالي على صباح منوض لحايحة على دلاح
لغالية : (جاتها فشكل تشوفو كيدوي معا داكشي لي فكرشها ، شافت خوتها ملي كانو عيالاتهوم حاملين تا طبيب عمرهوم مشاو ليه معاهوم) علاش كتقول ليه بخوشة ؟
اكسيل : ههههه عاجبني نعيط ليه بخوشة نعيط ليه تا فروج بلدي
لغالية : (طايحة ليها النقشة عليه باغة غا تعصبو) متبقاش تقول لولدي بخوشة
اكسيل : ولدك ؟ انا مسخر فيه ولا شنو
لغالية : دبا باغي غا تشد فيا مالك أصلن كدوي بحالي متأكد بلي دري او ماشي بنت
اكسيل : كان دري هي هاديك ، كان بنت او على ربي ايكون بنت غتكون بحال لعزري حرشة تساليني شي حاجة
لغالية : (بغات تعصبو صدق عصبها مشات هزات طبسيل تاع ميلفوي او داتو لطبلة مخلية اكسيل هاز لماباقي)
اكسيل : (شاف بلي كولشي تجمع على طبلة او بدا كيفطر من غير مجد) فين هي ديك جرانة ؟ ياك قلتلكوم بغيت كولشي يفيق
مجد : (جاي عندهوم مدوخ بنعاس شعرو طالع لاوي عليه لمانطة جر كرسي وݣلس مقادش احل تا عينيه) صباح لخير
اكسيل : شتك جاي بمانطتك
جود : بغيتي فينا الواليد لخدمة وصاف كاين لي كيفطر معا تسعة فلعوطلة
اكسيل : بغيت نفطرو مجموعين كاين شي موشكيل
مجد : بصحتكوم انا مفياش الجوع غنرجع نعس حسن
اكسيل : مابغيتوش تفطرو سيرو تصخرو ليا لبرا
جود : شنو خاصك ؟
اكسيل : سيرو جيبو شي دلاحة كبيرة
جود : دلاحة معا تسعة تاع صباح خلي تال لعشية او نمشيو
صباح : (كانت طالقة ڤيديو ليهوم بجوج كتصورهوم)
لحاجة : حلمتي اوليدي بدلاح لبارح بليل تا صابح كتهترف بيه
جود : بصح الواليد خلي تال لعشية او نمشي نجيبو ليك
اكسيل : غتمشيو تجيبوه دابا ماشي انا لي بغيتو خوكوم صغير لي بغاه
مجد : (ما من لكرسي غادي طالع لبيتو سكران بنعاس) انا غنمشي نعس أبعدا عاد نشوفو دلاح او خوه صغير
جود : هههههه سكرتو على صباح ايمتا طلب مجد دلاح تا انا غنمشي نرجع نعس
لحاجة : (بحالا طرشايها بقات غا مطرطقة عينيها فلغالية)
صفية : (تا هي مصدومة) شمن خوهوم صغير اخويا علامن داوي
اكسيل : (داوي فرحان) الى كتاب انا ولغالية غتزاد عندنا شي حاجة ، مي فين سهيتي
لحاجة : (مدواتش معاه او ناضت من بلاصتها ومشات)
صفية : مبروك مبروك اخويا الله اجعلو من الذرية الصالحة مبروك الغالية (يمكن تكون لغالية مكتسرطش ليها ولا نقولو تا مكتحملهاش ، ولكن خوها عزيز عليها او ولادو مقطرين ليها من عينيها ، فرحات حيت غيتزاد عندو وليد آخر ، او فرحات كتر بشوفة خوها مقاداه فرحة فهادشي لي جاي ليه فطريق)
اكسيل : (ناض تبع لحاجة لبيت) مي
لحاجة : اولدي
اكسيل : مالك نضتي من الطبلة ملي عرفتي لغالية حاملة
لحاجة : (بتاسمات ليه) غا صدمتني اولدي مادميتهاش
اكسيل : ههه تا حنا مادميناهاش
لحاجة : (كتحاول تصطانع السعادة) مبروك اولدي
اكسيل : (ماشي مكلغ باش ميعرفش بلي مو مفرحاناش بولدو غيكدب الى قال انو محس بتاشي خيبة أمل لداخل ديالو ماشي ديما لواليدين كيفرحو لولادهوم ، خرج من لبيت راجع اكمل فطورو تا كيضرب فجود جاي كايجري عندهوم)
جود : (عاد سرا معاه لقالب او فهم شنو قال ليه باه) لواليد شنو قلتي خويا صغير ؟
اكسيل : لغالية حاملة
جود : (غوت شاد فمو) لا ماتقولهاش
صباح : (كانت كتصور فيه اوضحك) قالها
جود : كي درتو ليها ؟
اكسيل : وايلي تا هادي خاصني نشرحها ليك
جود : لا لا ماشي هادي غا غا غفلتونا
اكسيل : تا حنا تغفلنا بحالك
جود : (نقز على باه فرحان) اخيرا درتي شي حاجة مقادة
اكسيل : (دفعو عليه) شوف لكلب قالك اول مرة ندير شي حاجة مزيانة بزاف
جود : (بعد عليه او مشا عنق لغالية) مبروك
لغالية : الله ايبارك فيك
مجد : (هبط عندهوم كيعرج باقي لاوي عليه لكاشة) مالك نتا كتغوت مامخلينيش نعس
جود : شمن نعاس دابا مفخباركش
مجد : شنو لي فخباري
جود : لغالية حاملة
مجد : حاملة ؟ حاملة ماشي انا كنت غا كنحلم
اكسيل : (يالاه بغا يدوي لقا ولدو طاح سخف) مال هادا مجد نوض باركة من تبوحيط
لغالية : (قربات عندو) والله تا سخف تاع لمعقول
جود : ههههههه سخف ؟ مالنا قلنا ليه هو لي حامل
صفية : سير سير جيب لبصلة ولا الريحة
جود : حيدو حيدو شمن بصلة ولا ريحة انا غنفيقو (تحنا عند مجد او جمعها معاه بتصرفيقة)
مجد : (ناض قافز شاد حنكو) ش.شواقع
اكسيل : نضتي على سلامتك
مجد : (باقي تحت الصدمة) واش بصح الواليد غيتزاد عندنا شي بعلوك
اكسيل : غنكدبو عليك متلا
جود : نوض نوض نجيبو دلاح لاتحكو لغالية فتريبية
مجد : هاني نايض متحكيش نتي
صباح : (قطعات لڤيديو او تشتتات بضحك على خوتها عرفاتهوم باقي مستوعبوش بلي غيتزاد عندهوم شي خوهوم ولا ختهوم) هههههههه سيرو سيرو حيد نتا لكاشة فين دايها معاك
مجد&جود : (خرجو لسوق ايجيبو دلاح بتوني او سروال تاع لپيجامة ، ممسوقين لحد مضاربين لحساب لحد)
لغالية : (جات كريمة لي جمعات طبلة تاع لفطور فحين هي مشات وقفات حدا لباب دايرة الزيف ديالها او كتسنا فدراري ارجعو بدلاح)
جود : (جاي هو وخوه هاز واحد دلاحة على كتفو) ها دلاحة ديالك
لغالية : (فمها بدا كيمشي بلما ملي شافت الدلاح)
مجد : زيد منها على ليسر شوي
اكسيل : شكادير ؟
مجد : كنوري لمول لموطور طريق
اكسيل : شمن مول لموط… (ضرب الطم ملي شاف واحد طريپورطير عامر دلاح داخل معا الجردة) شهادشي
مجد : جبنا دلاح بزايد باش ميخصش
اكسيل : (حيد صرفاقتو او شير عليه بيها) ياولد لحرام واش خفتي دلاح
مجد : مال مول دلاح مكيخسرش عندو دلاح
لغالية : (حمراتهوم فإكسيل) مالك نتا باغي ترد دلاح
اكسيل : لقيتي داكشي لي عجبك دخلو داك دلاح حطوه فديك لبيت انا خارج
صباح : فين غادي ؟
اكسيل : عندي شي غراض خاصني نقضيه
لحاجة : (بقات ݣالسة فبيتها تا دخلات عليها صفية)
صفية : مي مالك ݣالسة بوحدك
لحاجة : مامالي والو غا شتك ابنيتي فرحانة
صفية : معلوم غنفرح علاه ماشي خويا مرتو حاملة
لحاجة : هانتي قلتيها حاملة يعني غتنشر عنا زريعتها بمعنى مابقا ليها خروج ولا فراق على ولدي
صفية : ايوا امي معندنا مانديرو لبنت حاملة بولد خويا خلينا حنا نعطيوهوم تيساع الى كان بغا يبقا معاها راه والله ما نفرقوهوم اما الى كانو غيتفارقو راك شتي سناء جمعوهوم تلاتة تاع دراري او طلقو فلخر
لحاجة : كتبهللي عليا شكون طلب طلاق ياك سناء اما ولدي واخة مكانش مرتاح معاها على قبل ولادو كان صابر عليها او على هبالها لاعساك دبا هادي لي عاطياها لتبلحيس او مزوجها بخاطرو (خرجات من لبيت ديالها او مشات قاصدة لكوزينة تا ضربات فلغالية كتاكل دلاح) نتي هنا ؟
لغالية : (حبسات لماكلة) واه بغيتيني لشي حاجة اخالتي ؟
لحاجة : لا جيت غا نشرب نقصي من دلاح راه مامزيانش لداكشي لي فكرشك
لغالية : (حسات بلحاجة تبدلات شوي من جيهتها يمكن حيت حاملة) واخة انسالي غا هاد لمورسو
لحاجة : (دوات معا كريمة) كتري لخضرة فلغدا
لغالية : (بقات غا كتشوف فيها معجبة تا مشات او هي معا راسها كتقول مال هادي عاود ، سبحان مبدل الأحوال ، ردات دلاح لتلاجة او طلعات لبيتها تراجع ليها شوي حيت غيجي عندها لاستاذ تاع لماط ليوم)
اكسيل : (دخل عليها لبيت) سلام
لغالية : وعليكم السلام رجعتي
اكسيل : (قرب عندها ) واه كتراجعي
لغالية : واه لاستاد غيجي ليوم
اكسيل : (غوبش) فخبارك جاني داك حمو مكيقريكش مزيان
لغالية : بلعكس حسيت براسي تحسنت فلماط
اكسيل : يالاه شحال ضرب 345667 ف 689853
لغالية : (بقات غا حالة فمها فيه)
اكسيل : شتي راه قلت ليك مكيديرش خدمتو مزيان غنبدلوه
لغالية : نتا غا كتقلب على سبة باش تجري عليه مسكين
اكسيل : مسكين بقا فيك ؟
لغالية : طاعة الله دري مسكين شدار ليك داخل سوق راسو او دايها فخدمتو دبا نتا غا حيت لقيتيه بوݣوص محملتيهش
اكسيل : (زاد عقدهوم) كفاش بوݣوص نتي أدوي كيفاش بوݣوص ، سمن زين فيه او هو تما كي موكة
لغالية : او مال موكة مديراش زين
اكسيل : واه دايرة الزين ياكما صدعتك نمشي نخليك تراجعي لديك موكة ديالك
لغالية : (تشهات تشوف معصب) فكرة زوينة
اكسيل : (خنزر فيها او قلب الضورة غادي لناموسية متكي فوقها تا بدا كيصوني ليه طيليفون) الو يبا
لحاج : (كان باين من صوتو بلي فرحان) غارش لخبار ام وا ذاي تفست غيفس موريد اي ممي مجد ذجود اوغاتيسينغ كول ايس لغالية لإتارو
{عندك خبار بحال هادي او سكتي عليها ، كون ماشي ولدي مجد او جود مغنعرفش ݣاع بلي لغالية كتولد }
اكسيل : غاس سامحيي ايبا آوذ نك اور غاري لخبار آل اسناط ، ريغ اذغيفش صوناخ صباحاذ ذاي شتيغ اسا سوق اوغا تيليذ ݣتادارت
{غا سمحلي ابا حتى انا مكانش عندي لخبار تال لبارح ، كنت بغيت نصوني عليك ونا نتفكر بلي ليوم السوق مكتكونش فدار}
لحاج : ماشي موشكيل سلذي ذغي اذاش اينيغ ، آوي ثمطوط نش ذيفراخ ذمايش ذولماش غردا ، ݣيظ اتيليم ذا حما اسكا اتحاظرم اي صدقة
{ماشي موشكيل سمعني نقول ليك جيب مرتك او دراري ومك وختك لهنا ، ليل تكونو هنا باش غدا تحضرو لصدقة}
اكسيل : الصدقة نمي ؟ {الصدقة تاعاش}
لحاج : الصدقة نثاروايا ، ضاروري اني الصدقة اوردجين ايدا غلعايلة نغ شان افروخ أمزيان بلى اذاس ني الصدقة واخة ايسول ݣو عديس نمايس اذاس ثيد ني
{الصدقة تاع لولادة ، ضاروري نديرو الصدقة عمر شي دري صغير جا لعئيلتنا بلى منديرو ليه الصدقة ، واخة باقي فكرش مو غنديروها ليه}
اكسيل : واخة ايبا بسلامة
لحاج : سلم على لغالية
اكسيل : مبلغ سلم عليك لواليد
لغالية : (بحالي كان كيدوي حداها بشينوية مقفلات تا وزة) اسلم عليه لخير هانية عندو
اكسيل : هانية غا هو خاصك تنوضي تجمعي حوايجك حيت انشدو طريق لخنيفرة منهنا شوي
لغالية : علاش ؟
اكسيل : حيت لحاج غدا داير الصدقة
لغالية : مات شي حد ؟ عرس شي حد ؟
اكسيل : لا ملي عرف بلي راك حاملة بغا يدير الصدقة
لغالية : بصح ؟ كون غا قلتي ليه بلاما اعدبو راسو
اكسيل : ههههه راك مكتعرفيش لحاج محمد نقول ليه لا ماديرش الصدقة تلقايه تسعشهور كاملة ايديرها صدقات كل نهار موكب خمسين طبلة
لغالية : ههههه زعما
اكسيل : ملي كانت سناء حاملة بصباح قلنا تا توصل ديك ربعشهور او نقولوها ليه ، حيت فلحبالة تاع جود غا عرفها حاملة دار صدقة ملي عرفو دري دار صدقة فسابع دار صدقة او تا لمجد نفس شي ، ايوا باش ميعدبش راسو قلنا نسكتو ملي ساق لخبار غضب كون ما خليناه ايدير ليها فسابع سبعيام كون وا قطع لورقة تاع لحالة لمدنية فاش مقيدني
لغالية : هادشي كامل خرج من لحاج
اكسيل : هادشي غا شويا من داكشي لي كيدير
بقاو كيتجمعو شوي عاد ناضو جمعو حوايجهوم او بدلو عليهوم ، ملي هبطو لقاو بلي تا لوخرين لابسين او موجودين
جود : انا غندي معايا مجد او صباح او لغالية ونتا دي لحاجة او صفية
اكسيل : علاش بسلامة مرتي غتركب معاك نتا
جود : هههه حيت طونوبيلتي تاع شباب او طونوبيلتك كيركبوها غا شراف
اكسيل : ملي نوصلو لهيه او نتفاهم معا ولدي
ركب كل واحد فيهوم فطونوبيلتو او شدو طريق لخنيفرة لي كانت بعيدة عليهوم غا بحوالي جوج سوايع ، بمعنى لعاصر لحݣهوم تما
لغالية : (كانت طريق كاملة او هي غا كترض داكشي علاش كانو كيديرو شوي روطار ، من عادتها مكدوخش فلحديد ولكن فهاد ليامات او معا لحبالة ولات كترض بزاف)
اكسيل : (فات مدينة خنيفرة بشوية ولكن حبس فنواحي ديالها بضبط فأجدير فين كاينة الضار لولة ديال لحاج ، نزلات لحاجة وختو دخلو لدار لي كانت متكونة من سفلية او پروميان ولكن قدها قداش حيت دايرة بحال لفيرمة جات اوسط لبلادات تاعهوم ، بقا هو كيتسنا فدراري ايوصلو)
جود : (حبس طونوبيل حدا طونوبيلة اكسيل او نزلو منها كاملين من غير لغالية)
اكسيل : فين لغالية
صباح : راها فطونوبيل دايخة دارت طريق كاملة غا رضان مابقاش عندها الجهد باش توقف داكشي علاش قالت ترتاح شوي ترد جهد
اكسيل : (مشا حل لباب تاع طونوبيل لاقي لغالية تخطف اللون من وجها) لغالية شوية ؟
لغالية : واه شوية
اكسيل : (قرب عندها هازها بين يديه كي شرويطة ، دخل بيها لداخل وقصد بيتو نيشن حلها بساروت او حطها فوق الناموسية) نعسي شوية باش ترتاحي
لغالية : (مقالتش ليه لا أصلن كانت محتاجة ترتاح دغيا غمضات عويناتها او نعسات بلاما حتى تحيد زيفها ولا حوايجها)
اكسيل : (خرج من لبيت مخليها ترتاح او مشا يسلم على خوتو)
لحاج : فين لغالية ؟
اكسيل : راها ناعسة فلبيت كترتاح حيت داخت فطريق
يحيى : (قرب عندو داوي معاه) شتك نتا مادرتي لبنت مسكينة فين تسخن بلاصتها تا نفختي ليها لكرش
اكسيل : حسدتيني ولا
يحيى : علاش غنحسدك بسلامة
غيتة : (جات نقزات على اكسيل معنقاه) خالي تشهاد لغبور
اكسيل : غا معا لخدمة اخالينو كي غادة نتي معا شي قراية
غيتة : حمد الله هاحنا كنعافرو معاها فين مرتك مغنشوفوهاش حنا ݣاع ؟
اكسيل : راها ناعسة ملي تفيق واراي متشوفي فيها
سعد : شهادشي العميم ديرنا غا نديرو حنا لولة عاد زيد ليك التانية
اكسيل : الى تسنينا لولة ديالك هادا مابقانا هنا
رقية : نوضو غسلو يديكوم باش تشربو آتاي يالاه
لحاجة : مغتفيقش مرتك تاكل
اكسيل : غا خليها دبا ماحدها ناعسة تا تفيق او تاكل
لغالية : (بقات جاراها بنعسة تا وصلات طناعش دليل او مفيقها غا ديك لبولة لي كانت حاصلاها)
اكسيل : (كان متكي حداها باقي منعس ملي بانت ليه ناضت لحمام مشا تا جاب ليها لماكلة لعندها) فقتي هاكي كولي
لغالية : (باقي فيها نعاس) لا انا باغة نرجع نعس
اكسيل : كولي أبعدا او حيدي زيفك او جلابتك عاد ترجعي تنعسي
لغالية : (حيدات زيفها او جلابتها وهزات كتاكل)
اكسيل : (ضحكاتو ملي شافها كتاكل او هي سادة عينيها بنعاس ، سالات لماكلة او كانت غترجع تنعس ولكن هو جرها لعندو مكلسها فوق رجليه) فيقي معايا شوي انعاسة
لغالية : شنو بغيت نعس
اكسيل : من صباح او نتي ناعسة باغة دبا تزيدي تنعسي تا ليل او تخليني انا بوحدي محشوماش عليك
لغالية : (تبورشات بيديه لي كدوز على عنقها او كتافها او شعرها تا حلات عينيها فيه ، شايفاه مقرب منها او داوي معاها بصوت مبحوح فيه نوع من لاغراء)
اكسيل : متوحشتينيش كيما انا موحشك ؟
لغالية : (تخالطات ريحتو معا صوتو او حلفو اغرجوها على طوعها او زاد عليها تا لوحم فهاد شهر كامل گانت كنحس براسها بحالا مشهياه ولا كيعجبها تشوفو معصب ولا بلى توني ، ولكن لحشمة ديالها منو كتخليها تبقى فقوقعتها مخبية)
اكسيل : مجاوبتينيش متوحشتينيش ؟
لغالية : (بقات غا ساكتة)
اكسيل : (قرب عندها تا دمج شفايفهوم فقبلة فرنسية بمتياز طبعا كان لمهيمن فيها اكسيل حيت لالة لغالية معرفات مناش تبدا ليها غمضات غا عويناتها او حلات فمها شوي مخلية لسانو ادخل ليه)
لغالية : (باقا مولفات على هاد لبوسات كنحس بلي كل مرة جايب ليها بوسة فشكل ، حسات بيديه دازو تحت توني تريكو ديالها او ستقرو على صدرها تما بعدات عليه شوي كتشوف فيه يخجل او عدم ارتياح فنفس لوقت)
اكسيل : (كينسا راسو فبحر عيونها زاد لسقها معاه باغي ياكلها) شدرتي فيا أبنت سليمان همم ؟
لغالية : ت.تعطل لحال نمشيو نعسو ح.حيت انا حاملة خاصني نرتاح
اكسيل : (عاد تفكر بلي راها حاملة شي مرات كينسا ، رجع تكاها حداه حاط يدو على كرشها) آح كون مكانتش هاد لبخوشة هنا شندير فيك
لغالية : (ضربات طم)
اكسيل : (باسها فمها بوسة خفيفة) تصبحي على خير
لغالية : (بعدما باسها تحنا تال كرشها باسها تا هي ودوا فرحان)
اكسيل : تصبح على خير البخيخيشة ديالي (رجع تكا حداها وطفا ضو او نعسو معانقين)
#فصباح#
فاقت لغالية بكري ولكن مناضتش من بلاصتها بقات متكية فراشها او مخلية اكسيل معنقها
اكسيل : (حل عينيه ملي حس بيها كتحرك بين يديه أو دوا بتقالة) صباح لخير
لغالية : صباح النور
اكسيل : شبعتي نعاس ؟
لغالية : واه ونتا ؟ ياكما فيقتك ؟
اكسيل : لا لا انا موالف كنفيق فهاد لوقت ، فيك جوع ؟
لغالية : بزاف
اكسيل : ههههه يالاه نوضي غسلي وجهك او لبسي شي حاجة طويلة او مستورة باش نزلو فكرة او نديك تشوفي لبلاد
لغالية : واخة (دخلات لحمام غسلات بزربة او لبسات پيجامة او دارت لفولار او خرجات عندو باش اهبطو يفطرو)
اكسيل : (نزلو لتحت بجوج لاقين كولشي فايق او ريحة لمسم او لحرشة ولقهوة ، والعسل او الزبدة ماليا لمكان دا معاه لغالية تا وقفها قدامهوم )
لغالية : (سلمات على لحاج او ولادو)
لحاج : كي بقيتي أبنتي شوية ؟
لغالية : لحمد الله اعمي
اكسيل : (تسناها تا سلمات على كولشي عاد بدا كيعرفها عليهوم) هادا علاء او ختو رانيا ولاد خويا عزيز ، ولي حداه سعد او ريحانة ولاد خويا يحيى ، عاد كاين رضوان او غيتة وصفاء او مروى ولاد صفية
لغالية : متشرفين
لحاجة : (كانت وݣفضة على يديها حيت هي لي مقادة لفطور) يالاه تجمعو قبل ميبرد لفطور
لغالية : (ݣلسات حدا صباح ولكن مقربات لتا حاجة)
لحاج : كولي أبنتي متحشميش
لغالية : (دوات بصوت شبه مسموع) مكاينش دلاح ؟
اكسيل : دلاحعلى صباح ، لا غيضرك فلمعدة
لحاج : (شافها تقلقات) غي فطري أبنتي ابعدا عمري كرشك خايب تاكلي دلاح على ريق ، هاكي كاس تاع لحليب شربيه راه تاع لمعزة ، غا تسالي لفطور نقولهوم ايجيبو ليك دلاح
مجد : لحليب تاع لمعزة ؟ مروى ايمتا حلبوك
مروى : (حمران فيه عينيها) كاينة شي معزة قدك العتروس
اكسيل : (شد راسو) ها هوما غيبداو عاود
لغالية : (بعدما فطرو شد ليها اكسيل ليد او خرجها لبلادات كيسلريهوم فيها تا عيات او رجعو لدار) هادوك كاملين بلاداتكوم
اكسيل : واه عييت دغيا ايما نوريك لبلادات لوخرين
لغالية : داكشي كامل لي ضرناها او عييت دغيا ؟
اكسيل : مكملنا تا بقعة وحدة غا دبا حيت غلاضيتي شوي داكشي علاش وليتي كتعياي دغيا
لغالية : (بغا قلبها يسكت ملي قال ليها غلاضيتي) غلاضيت ؟ علاش شكون غلضني قد ولدك طالع واكل نازل واكل
اكسيل : (كيعجبو اشد فيها ) مالك حاسداه واكل رزقك ياك غا رزق باه لي واكل
لغالية : ياك آسيدي ايوا شوف ليك دبا مناش دوز ليه رزقك
اكسيل : ههههههه ياك الالة غتحبسي من لماكلة ولا شنو
لغالية : واه انا غنصوم
اكسيل : (سمع دقان فلباب) دخل
سعد : عمي قالك لحاج هبط تدبح لبݣرة او لغنم باش اوجد لحم لغدا
اكسيل : واخة غا نلبس حوايجي
سعد : لغالية قالو ليك لبنات هبطي تجمعي معاهوم او تفرجي
لغالية : واخة (هبطات معا سعد لي وصلها عند لبنات)
صباح : (بنات لعئيلة كاملين كانو ݣالسين فجردة كيتفرجو فدراري لي كانو شادين لحوالة باش ميهربوش)
مروى : جود شد مجد مزيان ليهرب ليك
مجد : (كان شاد واحد لعتروسة او بدا كيدوي معاها) مروى جيتي زوينة ليوم (لمعزة قالت ماع) عارف عارف بلاما تشرحيلي امروى
مروى : (شاف اكسيل جاي) خالي دوي معا مجد
اكسيل : (خربق ليها شعرها) مجد خلي عليك لبنت
مجد : واهي لي كتقول عليا حولي
اكسيل : حشومة امروى تقولي هاكدا واخة خالك يحيى حولي ولكن ماجاتش تقولي بلي والد حولي عاود حشومة
يحيى : (خبطو لضهر) شوف لكلب ، حاشاك
اكسيل : متقلقش غا ضاحك
لحاج : (جاي جار معاه واحد لبݣرة) جي ضحك معا هاد لبݣرة
لغالية : والله تا غيدبحو لبݣرة
رانيا : معلوم غيدبحوها راه بزاف تاع الناس لي غيجيو عندنا
اكسيل : نسبقو لحوالة أبعدا باش اشدو معانا دراري
عزيز : صافي زيد دوز ليهوم
اكسيل : علاش انا نتوما مكدبحوش ولا باغين فيا لخدمة
عزيز : زيد زيد تد’بح
اكسيل : (مشا على سعدو او وعدو كيدبح فلحوالة او كيبدا ليهوم سليخ او دراري كيكملو ، تا سالاو دوك ستة تاع دبايح)
لغالية : (بقات كتشوف فإكسيل لي دبيحة كانت عندو كي لما تقول سيد ݣزار ، بقات غا حالة فمها اول مرة تحضر لدبيحة تاع شي بݣرة ، شافتهوم كفوش تجمعو عليها كاملين تكاوها لارض او حزمة ليها رجليها عاد دوز ليها اكسيل لموس ، او حدها خرجات الروح بداو كيسلخو فيها)
لحاجة : حاولو على لهيتورة راني باغاها
لحاج : وا واخ يحيى سير اولدي حل لحوالة او نتوما البعالك سيرو غسلو لمسارن او الضوارة
لحاجة : غا خليهوم انا غنغسلها انا ولبنات رقية رابحة صفية يالاه
لغالية : انمشي معاكوم تا انا اخالتي نعاونكوم
رقية : غا بقاي راك حاملة
لغالية : ماشي موشكيل غنݣلس لارض او نغسل
صباح : كتعرفو تغسلي دوارة ؟
لغالية : واه نتي مكتعرفيش
صباح : ههههه وايلي على مكنعرفش ماشي تال ديك الدرجة
لغالية : (مشات تبعات لحاجة او بدات كتغسل معاهوم دوارة)
غيتة : الله امسخك فين كتعرفي
صباح : حشمت نقول ليها مكنعرفش انا كبر منها او مكنعرفش
ريحانة : ايوا خاصك تعلمي
صباح : شوف شوف شكون كتدوي بحالي كاينة شي وحدة فيكوم هنا كتعرف تغسل دوارة أدويو ولا عاطيين غا سنطيحة
بعد داك سليخ او تشواط تاع ريوس او غسيل دوارت فصلو لحم مزيان او سيفطوه لطيابة طيبو عاد فرشو لحصاير فلأرض او ݣلسو عليها كيلويو فلكبدة
لغالية : (مد ليها اكسيل واحد لحبة تاع لكبدة مشوية كلاتها)
مجد : (بغا يشد فيه) هاحنا عوتاني على لواليد كيعطي لكبدة لكبدة
اكسيل : (خشا ليه واحد لمورسو تاع شحما فمو) عدي بشحمة الي معندو كبدة
مجد : (دفل ديك الشحمة مخصر سيفتو) غا ضحكنا معاك اناري
لغالية : (بدات كتشوفهوم كيلويو شي حاجة على لعود) شكيديرو تما
اكسيل : كيلويو تاحريشت
لغالية : تاحاش ؟
اكسيل : تاحريشت كيشدو لكرشة او الشحمة او رية كيقطعوهوم خيط طويل او كيبداو الويوهوم على لعود عاد كيشدو لمصارن رقاق او يبداو الويوهوم عليهوم تا كيتغطا كولشي او يحطوهوم فوق عافية مهيلة ايطيبو او هوما كيدورو فيهوم
لغالية : او شحال كيخصها باش طيب
اكسيل : عندك دبا جوج ياك حيت كبيرة منهنا لليل تكون واجدة
لغالية : لليل كطول فجياب
اكسيل : واه حيت كيديرو ليها نار مهيلة باش نقطر داك لما او طيب تا من لداخل
لحاجة : نشوي ليكوم شي بولفاف ولا تا تغداو نيت
اكسيل : هاد ساعة انا باغي غا نعس
لحاج : تا حنا عيينا
لحاجة : ايوا صافي تكاو ليكوم هنا ترتاحو باش ملي ايجيو ضياف تستقبلوهوم ، انا غنمشي نشوف طياب فين وصل
لغالية : (طلعات لبيتها تكا فيها شوي علاما داز لغدا)
بعدما رتاحو شوي او نعسو ، فاقو باش ارحبو لناس او يتسخرو عليهوم تا تغداو كاملين او كل واحد فيهوم رجع لدارو عاد ݣلسو هوما يرتاحو او يتغداو نيت
لحاج : فين لغالية شتها مبانتش ليا مغتغداش
اكسيل : راها ناعسة مابغيتش نفيقها قلت تا تفيق لراسها ، خليتكوم على خير تا انا انطلع نعس راني عييت
لحاجة : سير سير اولدي ترتاح
اكسيل : (طلع لبيتو لاقي لغالية باقة ناعسة قاد ليها لغطا مزيان او مشا نعس حوا فوق لارض مخليها تمرح فناموسية على خاطرها )
لغالية : (بقات ناعسة ناعسة تا سمعات دقان فلباب عاد فاقت مسخسخة شافت جيهة شرجم لقات بلي ضلام لحال)
صفاء : (كتعيط من ورى لباب) لغالية راك فايقة ؟
لغالية : فايقة فايقة دخلو
صفاء : (حلو لبنات لباب او دخلو عليها) زين على سلامتك مني فقتي لينا
لغالية : الله اسلمكوم (جمعات شعرها اللور او ناضت من بلاصتها هزات عينيها فلبنات لقاتهوم لابسين لباس امازيغي تقليدي ليزار بالسبنية او لاكسيسوارات ديالو) هه شتكوم كاملين لابسين هاد لباس
صباح : سيري غسلي وجهك باش تلبسي تا نتي
لغالية : مكنعرفش نلبسو
غيتة : الله اودي امرات خالي حنا لبسوك
لغالية : (سلمات امرها الله او دخلات غسلات وجها او خرجات عندهوم)
رانيا : هاكي لبسي هاد لقفطان لقفازي هو لول او عاد لبسي هاد تقيشرة تاع الراس باش اتغطا شعرك
لغالية : (لبسات داك لقفطان لي كان بلبيض سامپل فيه غا شي طرز ملون فليدين ، او دارت داك الزيف لي كان بحال تقيشرة دخلاتو لراسها مغطية بيه شعرها او عنقها مزيان)
ريحانة : (شدات هي غيتة داك ليزار لي كان قريب لتلاتة ميترو لواوه عليها من لتحت كي الصاية عاد بداو كيدوزوه من جناب تا غطا ليها ضهر او صدر جا بحالا مفصل عليها أختي او رياݣة ديالو مخلي ليدين تاع لقفطان كيبانو ، شدو لعنيبرات تبتو بيهوم ليها التوب على كتافها)
صباح : (شدات السبنية لي كانت كارويات بلحمر او صفر او فيها موزون فجناب طواتها بحال شريط او حزمات ليها راسها بيه عاد رادة ليها موزون لقدام)
مروى : (خدات هي او ختها دبالج تاع نقرة رقاق او لغلاض او تا لققيق تاع لجوهر او لوبان او تفاح داروه ليها لعنق معمرينو ليها هو او يديها) هاد النقرة راها نقرة لقديمة داكشي علاش اتلقاي شوي لكحولية فيها ، او تا هاد لوبان او لجوهر او تفاح حرين خداهوم جدي على حسابك من واحد مول النقرة قديم ، هاد السبنية تا هي راها من نوع لقديم اوتا توب لمارحة لقديمة او لمزيانة فليزور تاع اللبسة الشلحة ، كل وحدة فبنات عئيلتنا كيدير ليها جدي لبسة شلحة من ساسها تال راسها بنقرتها او كولشي داكشي ديالها
صباح : هاكي كحلي عينيك بلكحل
لغالية : (كحلات عويناتها مزيان)
غيتة : هاحنا عاود على الشلحة ديالنا هاكي شربيل باش تكملي لبسة
لغالية : (لبسات شربيل او مشات وقفات قدام لمراية كتمنضر فراسها او فنفس لوقت معجبة بلباسهوم)
صباح : يالاه نهبطو راهوم كيتسناونا لتحت
هبطو لبنات مجموعين سابقين لغالية بشوي لجردة ، او حدها لغالية دارت رجليها فالجردة شافت بلي دراري تاع لعئيلة كاملين واقفين تما او لحاجة او عريساتها تا هوما لابسين تقليدي
مجد : (كان كيقاد ليباف معا لپيسي تا تاكد بلي كولشي مزيان هو يطلق واحد الاغنية شلحة) *اتيسليت ايمازيغن*
لغالية : (مفهمات والو فلاغنية ولكن شافت بلي غا تطلقات بحالا شعلات لوخرين شدو لوسط او بداو فاحيدوس بنات او دراري او لحاج محيح كتر منهوم او كولشي كيعاود معا لكليمات)
اكسيل : (ستغل انشغال كولشي بشطيح او مشا مور لغالية مخني عندها) الشلحة ديالي
لغالية : (ضارت عندو)
اكسيل : لاغنية كتغني عليك
لغالية : شنو كتقول
اكسيل : تيسليت ايمازيغن ، عروسة شلوح
لغالية : علاه انا عروسة شلوح
اكسيل : بنتلك انا فاكانصي راني شلح
مجد : (جا عند باه جارو هو ولغالية) زيدو تشطحو زيدو
صباح : لغالية يالاه
لغالية : مكنعرفش نضرب بلكتاف انا خليوني غا نتفرج
لحاج : (بقا عاكيها لاحيدوس تا شاف ولدو مكيشطحش) حبسو لموسيقى (حبسها مجد) اكسيل شتك مكتشطحش علاش داير انا هاد لقصارة غا حيت مدرتيش لعرس واخة قتلك ديرو
اكسيل : غا شطحو نتوما انا مكنعرفش
عزيز : مكتعرفش ؟ شوفلك شيخة شوف شكون كان كيشد لبندير فعراسات ايت ايمحزان أدوي
اكسيل : شوهنا شوهنا
يحيى : (جاي هاز لبنادر) هاك نتا واحد او هاكو تا نتوما
لغالية : (بقات لوسط او شافتهوم دايرين دائرة عليها تا اكسيل دخلوه اوسطهوم شاد لبندير او بداو ليك طرح هادي تنفع هادي الضر ، هي بقات غا حالة فمها دائرة كبيرة تاع احيدوس او دراري كيضربو او يغنيو بشلحة او لبنات كيعاودو موراهوم ، او غيتة كتصور فيهوم او كتشطح فنفس لوقت)
ديك ليلة كاملة عاطيينها لشطيح او رديح تا قرب لفجر ، ديك لقصارة لي مدارتش لغالية فعرسها داروها ليها هاد ليلة ، كان كل واحد فيهوم منشور فقنت من غير لغالية لي طلعات لبيتها ، حيدات عليها داكشي لي كانت دايرة او طواتو مزيان وخبعاتو فلبريزة ، ومشات تخشات فبلاصتها تنعس
لغالية : (ضرباتها لفيقة على دقان تاع لباب هزات راسها او هي كتحس بصحتها ضاراها او بدرع باش كتاخد النفس ، هزات عينيها فلبيت كتشوف فإكسيل او مجد او جود او صباح غا ݣلسين او احزن باين على عينيهوم تا من لحاج غا واقف مصدوم ، مشات بعينيها لباب شايفة لحاجة هازة فيديها شي حاجة بحال تريبية)
لحاجة : (مشات تا وقفات عليها مادة ليها ديك تريبية) هاكي ها ولدك
لغالية : ولد (خداتو من عندها او دموعها على طرف عينيها ، كتشوف قدامها ولدها لي تسناتو شهور هادي ، تحنات عندو كتشم فريحتو او كتشوف فتفاصيل وجهو صغير ، مخلات فين باستو) الله على حبيبي وشحال تسنيتك اماما ها ، مرحبا بيك اولدي مرحبا بيك عندنا (هزات راسها فإكسيل) اكسيل مغتجيش تشوف ولدنا ، أ ها لبخوشة ديالك جات شوف ايدياتو شحال صغار ، لحاج مغتجيش تشوف ولدي (شافت كولشي ساكت مافهمات والو ولكن فرحتها بولدها نساتها كولشي رجعات كتشوف فيها او على شفايفها واحد الضحكة خفيفة او حنينة ، خرجات يديها من تحتو باغة تغير ليه لوضعية تاع الشدة تا كتلقا يديها كاملها دم ، بدات كترعد مفاهمة والو قالت يمكن الزيف فاش ملوي موسخ بدم تاع لولادة ، حطاتو بشوية فوق الناموسية او مدات يديها محيدة ليه لݣماط تا كتغوت من لمنضر لي شافتو ، ولدها لحبيب ديالها كان كاملو دم تحنات عندو كترعد مقربة لنيفو ، وسعات عينيها ملي لقاتو مكيتنفسش ، بدات كتبكي بجهد) حبيبي نوض ولدي ، عافاك فيق بكي اماما عافاك ، اكسيل مالو ولدي (ضارت عند لحاجة شادة فيها او هي كتبكي بهستيرية) لحاجة قوليلي مال ولدي عافاك ، هاد دم تاعاش عافاك شي حد اجاوبني مال ولدي ها لعار
لحاجة : بشوية عليك أبنتي غي تهدني اعوضك ربي بغيرو
لغالية : (هزات عندها ولدها معنقاه او كتبكي) لا لا ولدي ماماتش ولدي ميخلينيش ولدي انا ميخليش ماماه ياك اكسيل عافاك عيط لطبيب ولدي ، عتقولي ولدي عافاكو
لحاجة : (هبطات عندها هامسة ليها فودنيها بنبرة خبت) لبكا مور لميت خسارة ملي قتلك سيري كان خاصك تمشي ، شتي ها ولدك خلص قسوحية راسك الغالية
لغالية : لا ولدييييي لااااا (ناضت قافزة من بلاصتها شادة على قلبها لي كان غيخرج من بلاصتو كاملها عرقانة ، شادة بيديها على كرشها) لا لا لا ولدي موقع ليه والو ولدك الغالية باقي عايش كنتي غا كتحلمي (نهارت بلبكا ملي جرات رجليها تا حيدات من ناموسية طايحة لأرض) ياربي ولدي لا ياربي
عافرات تا ناضت لحمام توضات او مشات كتصلي او كطول فسوجود بكترت لبكا او دعاء
لغالية : ياربي ولدي ماليه تاشي دنب ياربي مترزينيش فيه ياربي ياربي ولدي مسكين مليه تاشي ذنب (كملات صلى او مشات ݣلسات فوق لفوطوي طاير ليها نعاس) ماديريش فراسك الغالية غا حلمة ، ميمكنش لحاجة ضر حفيدها مخايباش تال ديك الدرجة ، استغفر الله العظيم غا حلمة ودازت
اكسيل : (كان مشا لجامع صلى عاد طلع لبيتو اكمل فيها نعاس تا كيلقا لغالية باقة فايقة) لغالية ؟ شباقي مفيقك
لغالية : (دغيا مسحات وجه مابغاتش ايعرف بلي كانت كتبي) نضت غا نصلي لفجر
اكسيل : (قرب عندها راد ليها شعرها مور ودنيها) كنتي كتبكي ؟
لغالية : لا غا ديك لكحل لي درت كانت حارة عليا بزاف
اكسيل : يالاه نرجعو نعسو
لغالية : ممم خلينا نعسو هنا
اكسيل : لفوطوي مغيكفاناش بجوج
لغالية : لا غيكفا هانتا تكا نتا لول
اكسيل : (مسايرها ، تكا)
لغالية : (طلعات فوقو او تكات )
اكسيل : (كدير ليه شي مرات شي زعمات فشكل ههه ، دور يديه على خصرها او نعس)
لغالية : (غمضات عينيها او هي كتدعي متعاودش تحلم بحال ديك لحلمة)
اكسيل : (بعدما شبع نعاس هو ولغالية فاقو او جمعو حوايجهوم حيت كان خاصهوم ارجعو لدار)
لغالية : (تسالمات معا كولشي او مشات ركبات طونوبيلة تاع اكسيل)
اكسيل : (لاحض بلي ماكانتش على ݣانتها بتاتا غا ساكة وكتشوف فزاج واخة عيا يسولها مالها كتقول ليه والو والو ، قال يمكن لهورمونات هادو لي مأترين عليها حيت منين حملات او هي كي حلات الطقس مرة فرحانة مرة لا مرة مقلقة مرة معصبة مرة غا كتبكي ، شي مرات كيتخالطو عليها ݣاع تا كتولي كتبكي او ضحك فنفس لوقت)
لغالية : (بقا عقلها نهار كامل مشطون بديك لحلمة ماقداتش تخرجها ݣاع من بالها منين فاقت او هي كتحس بقلبها مقبوط عليها مامرتاحاش بتاتا فبالها)
#بعد 5 أشهر#
كانت لغالية نازلة معا دروج بشوية عليها يد شادة بيها فإكسيل او يد تانية حاطاها تحت كرشها لي كانت منفوخة ، لحبالة جات معاها زيناتها فورماتها او غلضات ليها لحناك شوي
جود : (شافهوم هابطين فدروج) لواليد غاديين عند طبيبة ؟
اكسيل : واه
مجد : ديني معاك عافاك بغيت نعرف واش دري ولا بنت
اكسيل : واش فينما توصل وقت طبيبة نمشيو بعرام ملي نعرفو لجنس ديال لجنين نقولها لولادي صافي
جود : دبا حنا فاش كاين لموشكيل شكون لي معكس فينا فينما نمشيو نشوفو شكون تقولنا طبيبة راه عاطينا بضهرو ماباغيش ايضور نشوفو لجنس ديالو
اكسيل : ستر مزيان
جود : تعكاس هاداك
اكسيل : لموهيم هاحنا غادي قبل منتعطلو لغالية يالاه ، آه قبل منسا نرجع نلقاكوم شريتو قزديرة صغيرة نخرج فولادي
مجد : كفاش راه بقات غا تلتشهور او تزاد تريبية وحنا ماشرينا والو
اكسيل : ماشريتو والو ؟ واش نتوما عمرتو لبيت تال لفم او ماشريتو والو
صباح : حنا ابابا يالاه شرينا شي حوايج او العاب كيكونو تاع لبنات او دراري ، دبا ملي غتعرفو لجنس ديالو عاد انتقداو لحوايج لي مواتيين ليه او نسبغو تا لبيت أو زيد او زيد
اكسيل : يالاه يالاه انا غادي
لغالية : (تبعاتو متقلة تا وصلات لطونوبيل بدرع باش ركباتها ، او ملي جات دير سمطة بدرع باش سداتها) كرشي كبرات بزاف واخة انا باقة غا فشهر السادس
اكسيل : (دار يدو على كرشها كيفرنس) لبخوشة ديالي كتكبر دغيا
لغالية : آي (شدات كرشها حيت ركلها) شحال من مرة كنقول ليك ماتبقاش تدوي بجهد راه غا كتسمع ولا كيسمع صوتك كيبدا فركيل
اكسيل : (عاد مزاد تحنا عندو) عارفك البخوشة ديالي زربان تخرج ولكن حاول على مك راه أنا فاش كتجي دقة
لغالية : (عاد مزاد لجنين كيركل فيها او يتحرك) باركة باركة متبقا تدوي معاه راه كيركل بجهد أ إكسيل راه كيضر
اكسيل : هاحنا ساكتين
لغالية ملي تقطع صوت تاع اكسيل عاد حسات بلهدوء سبحان الله منين بدات كنحس بيه كيتحرك لاحضات بلي غا كيسمع صوت اكسيل كيتحمس ولكن بسيف ميولف صوتو او إكسيل منين عرفات راسها حاملة او هو ملي يفيق فصباح تا كينعس او هو غا كيدوي معاه تقول شخص واقف قدامو برجليه ، شحال من مرة كضربها لفيقة معا نصاصة دليل كتلقاه كيدوي معا كرشها لا ولواعرة كتلقاه كيدوي ليه على لخدمة او سلعة تقول خدام معاه ههه ، وصلو لفين كاينة طبيبة او نزلو بجوج داخلين عندها
طبيبة : لغالية مرحبا تفضلي ݣلسي
لغالية : (ݣلسات)
طبيبة : جيتو تشوفو جنس لجانبن ياك
اكسيل : الى بغا يبان
طبيبة : ههههه ايكون خير فين خوتو ماجاوش ليوم
لغالية : بزز باش قنعهوم اكسيل اݣلسو ميجيوش
طبيبة : ههه يالاه جي معايا ندير ليك تلفازة
لغالية : (مشات تكات فوق لبياص معرية على كرشها)
طبيبة : (بدات كدير ليها تلفازة) باقي مكمش
لغالية : دوي دوي نتا ياكما اتحرك
اكسيل : وليتي دبا دوي
طبيبة : (عاودات تلفازة) ها لجانين ضار على سلامتنا
لغالية : (كانت متشوقة تعرف شنو عندها) زرق ولا وردي
طبيبة : ههههه عندكوم وليد الغالية
اكسيل : (كان باغي بنت ولكن ملي جا تا دري فرح بيه فلخر راه ولدو هو) ولاو دبا تلاتة تاع لعزارة
لغالية : (بقات غا ساكة ملي عرفاتو ولد تفكرات ديك لحلمة)
طبيبة : (فيقاتها من سهوتها) لغالية ياكما معجبكش ايكون دري
لغالية : (تبسمات) لا كي دراري مي لبنات خاصو غا يكون بصحة وسلامة
طبيبة : عندك دري غا سمع صوت باه تحرك
لغالية : معرفتش مالو أدوي لي دوا حداه كيبقا هادي ملي يسمع صوت اكسيل كيولي نشيط بزاف
طبيبة : لجنين فكرش مو كيقدر اسمع داكشي علاش كنصحو لحوامل ابعدو على صداع بزاف ، مكيكونش كيفهم شنو كيتقال ولكن كيولي مولف صوتك او صوت باه حيت نتوما لي كتكونو كتدويو معاه بكترة ، لحركة ديالو كيعبر بيها على لحماس ديالو ملي كيسمع صوت باه
اكسيل : نسيت منسولك كي دايرة أبعدا صحتو مزيان ؟
طبيبة : صحة لجنين بيخير غا هوا كيما قلت من لول تاع لحمل هو مربي ليك لتحت درحم عيكون متقل ليك على الرجل ، او زيد راه مقبل يعني خاصكي تحاولي من احنيان باش متخنقيهش او تا صلا يفضل تصلي ونتي ݣالسة حيت السجود او الركوع فيه لحنيان بزاف ، او ردي لبال لشنو كتاكلي من تحاليل ديالك خاصينك لڤيطامينات بزاف ، تبعي دوا ديالك فلوقت
لغالية : كوني هانية
اكسيل : (خرج هو ولغالية من طبيبة راجعين نيشن لدار)
جود : (كان هو وخوتو كي لكوكوط غا كيدورو فدار تا شافوهوم دخلو) امضارا بنت ياك
مجد : صافي غا نسبغو لبيت بلغوز ياك ؟
اكسيل : ههههههه مكاين هاد ساعة غا زرق
مجد : ماتقولهاش دري
صباح : (زغرتات) راني قلت ليكوم دري انا لي ربحت كحبو الف درهم ديالي كحبو
لغالية : نتي فينما ضوري مقمرة على لفلوس
صباح : (تحنات عند كرش لغالية كتفرنس) اراك داخل بربح عليا ازين
جود : هاكي ها رزقك (شير لكرش لغالية) ونتا غا عقل تا تزاد او نرض عاد 500 درهم من فلوس زرورة
مجد : (بغا يبكي قرب تال عند باه او دوا بشوي) شغاندير انا دبا بدوك لبانضات لي شريت نركبهوم ليا ولا شنو
اكسيل : (دوا تا هو بشوي) زيدك تا واحد لعرام تاع لمقابطات شريتهوم
مجد : تخورنا بجوج هههههههه داك بو قل’وة زرفنا
اكسيل : ولدي عندو جوج ماشي غا وحدة
مجد : شتي ملي تخورت فديك ربعين بانضة غا قوليه ايكونو عندو تا تلاتة تلاتة
طلعات لغالية تبدل عليها جلابتها او تراجع ليها شوي واخة مكتمشيش تقرا معا لحبالة أجلات لقراية لعام جاي ، اكسيل مكانش باغيها ضيع لعام ولكن هي فضلات ݣلس فدار تسنط لعضامها تا يدزاد ولدها ، فلوقت لي كانت نازلة فيه لتحت بعدما رتاحت ليها شوي ، لقات دراري مشاو خرجو او رجعو هازين معاهم شي كراطن او شي وراق
جود : جابك الله تجي تشوفي شنو باغة فزواق تاع لحيط
اكسيل : لي فراسكوم هو لي فراسكوم
جود : (مشا ݣلس حدا لغالية هو وخوه) شوفي دبا حنا قلبا غادي نديرو لكاغيط لحيط ، سباغة متعدالش راك حاملة دبا ميعدالش نديروها زيد عليها دري غيكبر او غيخصنا نعاودو ليه سباغة اللهم لكاغيط كيجي زوين او دغيا كيتحيد
لغالية : منكوم لبيت ديرو فيها مابغيتو
مجد : تا هادا نضار
لغالية : فين غادي ؟
اكسيل : نسيتي غدا رمضان او باقي متقيدينا تا وزة
لغالية : (شهقات) غدا ؟ صباح مدي ليا جلابتي نمشي معاه
اكسيل : فين غتمشي ݣلسي معا دراري
مجد : شمن دراري غنمشيو كاملنا معاك نتعشاو نيت برا
اكسيل : زيدو زيدو ليوم لفضيحة (طلع كل واحد فيهم لبس عليه او ركبو فطونوبيل غادين لمرجان ، اكسيل شاف كل واحد فيهوم جار واحد الشبكة او لغالية دايرة عليهوم شاف ديكيپ)
لغالية : مجد او جود عليكوم بمشتقات لحليب او السقاطات او تقاوت ، صباح غتمشي معايا ناخدو لمملحات او لمعلبات او لمعجنات وما جاورها ، اكسيل عليك بلوحوم او لبيض نتلاقاو عند لاكيس
اكسيل جر شاريو ديالو مبعد عليهوم بحالا مكيعرفهومش بعد شي جوج سوايع ، كان اكسيل لي تقدا شي بركة من لحم او لحوت او دجاج ݣالس كيتسناهوم تا بانو ليه جايين بكرارس عامرين عرف راسو ليوم السيزي
اكسيل : شهادشي كامل
لغالية : هادي التقدية تاع خمسطاعشر يوم لولة تاع رمضان
اكسيل : غا 15 ريوم هادي ديال عام
لغالية : راه موحال تكفانا باقي تا لخضرة
اكسيل : علاش متكفاناش مالنا سبوعة
لغالية : راه ماشي غا حنا لي غناكلو فيها قالت ليا صباح بلي فرمضان كديرو لفطور بزايد او كتيد تفطر بيه كل نهار شي مساكين داكشي علاش تقديت بضوبل
اكسيل : ملي هاكداك ماعليش غنمشي نزيد شي لحم
صباح : بابا غنمشي معاك
اكسيل : يالاه
صباح : (مشات معا باها تا تقداو لحم او فرجوعه م دازو على بلاصة تاع نونوسات هي تلسق ليه فواحد دب قدو قداش فايتها فطول او تقيل) بابا شري ليا هادا عافاك
اكسيل : واش لي قدك باقي يلعب بهادو ؟
صباح : وا عجبني ابابا عافاك
اكسيل : سيري سيري جيبيه
صباح : مقدش راه تقيل عليا
اكسيل : (مشا هزو على سعدو او وعدو او بقا غادي بيه تا وصلو لعندهوم او بقا كيتسنا تا جمعو ليه لحساب تاع سلعة عاد خلص او وصل هو وولادو كولشي لطونوبيل او دازو يتعشاو على برا)
مجد : عرفتو الصهد فمكناس كون غا مشينا ندوزو سيمانة لولة فلبلاد ماحد لعوطلة
اكسيل : كان عيط ليا لحاج باش نمشيو لولكن مكنضنش السفر مزيان لغالية آخر مرة داخت فطريق
لغالية : (كان قاتلها الصهد نيت) انا بيخير واخة نمشيو ولكن السلعة لي جبنا
اكسيل : سلعة مضايعاش انشوف معا كريمة تبقا طيب لفطور هي واحد السيدة او يعطيو لمصطفى افرقهوم هو عارف لمن يعطي
صباح : هي غا نشدو طريق لخنيفرة هاد ليلة
اكسيل : لي بغيتو
جود : سيرو هاد ليلة حسن
صباح : نتا ماغاديش
جود : انا ومجد طلبنا شي حوايج مغيجيو تال غدا زيد خاصنا نكملو لبيت لغالي او نلحقو عليكوم
اكسيل : شكون لغالي ؟ ايمتا لحقتو تسميوه
مجد : مغتلقايش ليه حسن من هاد سمية بعد عشرين عام تقريبا عاد غيتزاد شي خونا اذن هادي غتكون سميتو متناقشناش راه ربعشهور هادي باشي حددنا ليه سمية
لغالية : (حدهوم كملو لعشا رجعو لضار جمعو حوايجهوم او نعسو ليهوم شوي قبل ميشدو طريق ، هي كانت غارقة فنعاسها تا بدا لولد كيتحرك او يركلها ملي حلات عينيها لقات كيف لعادة اكسيل لي شاد معاه تجماعت)
اكسيل : (دار لوسادة حدا كرشها او دار يديه عليها كيتحسس حركات ولدو او بدا كيدوي معاه) هانتا خود راحتك فكرش مك لعب او نقز ولكن اولدي ملي تزاد كون مرضي راه الى شبهتي ليا لمجد او كنتي بوزبايل هادا الله اغنمشي نهرب ، هانتا باش تكون هاني كون سكوتي بحال ختك صباح او كون كدابز مزيان بحال خوك جود ، اما خوك مجد غا نقزو جاتك شي جين من عندو رضها هه غا كنضحك معاك واخة بهلول او نية ولكن حنين داكشي علاش كون حنين بحالو ، ولا عرفتي نتا شدير خود سمورية تاع مك او لماباقي خودو مني حيد عليك غا لعصبية او كون بحيلي
~~~~~~
لغالية : باركة متدوي معاه أ إكسيل راه كيقتلني بركول
اكسيل : بغا افيقك باش نمشيو
لغالية : شحال دبا فساعة ؟
اكسيل : جوج هادي غنتسحرو فطريق
لغالية : (ناضت من بلاصتها بدرع ولات كتلقا صعوبة فنوضان مشات غسلات وجها او لبسات جلابة واسعة كانت يالاه خيطاتها)
اكسيل : خاصنا نشريوليك شي حوايج
لغالية : خاصيني شي جلالب او كساوي واسعين بهاد لكرش مابقاوش كيجيوني لحوايج ݣاع او تا لپيجمات مابقاوش قياسي
اكسيل : (مشا موراها مدوز ليها يديه تحت حرشها او هازها ليها) تا نوصلو خنيفرة او ندوز لزنقة ويهران نشري ليك شي پيجامات او جلالب
لغالية : (كنحس براحة ملي كيهز ليها هاكدا كرشها كتحس بلي كتخفاف بهاكداك)
اكسيل : يالاه مشينا
لغالية : (قادات زيفها او خلاتو اهز لبريزة) مشينا
مشاو بتلات ركبو فطونوبيل او شدو طريق لخنيفرة نيشن ، لغالية خلات صباه تركب لقدام او رجعات لور هي متكية معرفاتش مالها حاسة بقلبها مقبوط عليها بحالا مامرتاحاش لهاد لمشية ، حاسة بحالا شي حاجة خايبة غتوقع ولكن كتحاول تقنع راسها بلي مغيوقع والو ، بعد ديك جوج سوايع لقاو راسهوم وصلو لدار
اكسيل : (هبطو مجموعين من طونوبيل او دخلو لدار لاقيينهوم كيتسحرو) السلام عليكم
لحاج : سلام من بعد من بعد زيدو تسحرو قبل مياذن
لغالية : (ݣلسات كتاكل حيت كان فيها جوع ، مكانوش ولاد خو إكسيل كان غا لحاج او لحاجة او ولادهوم بازواجهوم صافي)
اكسيل : دراري باقي مجاو
عزيز : موحال ايجيو فهاد لعوطلة فين مجد او جود هو ؟
اكسيل : راني خليتهوم فدار تاي لحقو علينا
لحاج : مزيان (تسنا تا تجمعات الطبلة او شاف فلغالية مبتاسم) كي غادة أبنتي معا شي تقل
لغالية : ايوا هاني اعمي كنعافر
لحاج : ههه عافر عافر أبنتي راه مابقا ليك والو معرفتوش واش دري ولا بنت
اكسيل : عرفنا الحاج
يحيى : بصح ؟ هي بنت خويا جاية فطريق
اكسيل : ولد ولد خوك
لحاج : كي دري كي لبنت الله ايجيب غا صحة وسلامة
يحيى : انا مفهمتش ولاحد لحاجة ݣاع دوك صحابي لي كنعرف مكاين غا تلاتة تاع لبنات لفوق كاين ݣاع لي موالدش دري جينا تال عئيلتنا او كترنا لعزارة لمخير فينا مفايتش وحدة
مصطفى : (راجل صفية) تا نتا ايحيى كي بنت وحدة كي تلاتة
يحيى : ملي كي وحدة كي تلاتة عطيني جوج من عندك
مصطفى : ههههه واهو كي واحد كي تلاتة ، ولكن تلاتة تاع لبنات حسن من وحدة
عزيز : (صغر فيه عينيه ضاربو بمخدة) عرفا عندك تلاتة تاع لبنات بلاما تبقا تفقص فينا
لحاج : اتبداو عاود بنتي لغالية طلعي ترتاحي غتكوني عييتي
لغالية : (كان فيها لموت تاع نعاس فعلا داكشي علاش طلعات نيشن لبيتها او نعسات)
#فصباح#
هادا كان أول رمضان ليها بعدما تزوجات او هاد لمرة عيواض متفيق معا نبوري تصايب لفطور بقات ناعسة تال تلاتة عاد فاقت خاصر ليها لجو او فيها الجوع ، ناضت من بلاصتها لبسات عليها حوايجها وخرجات عندهوم كدور فعويناتها ، لقاتهوم مجموعين كاملين لتحت كيتجمعو شافت الطبلة خاوية تعجبات او مشات ݣلسات حدا لحاج
لغالية : (جوع نساها ݣاع واش راها صايمة) ت.تغديتو ؟
صباح : (تفرشخو عليها بضحك) شمن غدا الغالية الله يهديك نسيتي بلي ليوم لول فرمضان ؟
لغالية : (عاد تفكرات) يعني تا لمغرب عاد اناكلو غيكون قرب أيأذن ياك
لحاج : باقي أبنتي مودن تا لعاصر
لغالية : هاء ؟ باقي مودن لعاصر (شافت فإكسيل بحزن) تا دلاح مناكلوش غا مورسو
اكسيل : (عارف بلي لحبالة كدير ليها الجوع) دغيا غيوصل لمغرب او آرا متاكلي
لغالية : حرام عليك دبا لغالي غيبقا بجوع شوف مسكين كي ساكت معندوش جهد تا باش اتحرك
اكسيل : لغالي مغيوقع ليه والو منهنا لمغرب
لغالية : (بقات صابرة صابرة تا نفاجرات ليهوم بلبكا)
يحيى : متبكيش اعمينو راه لمغرب قريب اودن
لغالية : (كتشهق بلبكا) فيا جوع
لحاج : (بقات فيه ملي شافها كتبكي او قرب عندها داوي معاها بشوي) هانتي غا أمشيو ندي بنتي تاكل
اكسيل : فين غتديها الحاج تاكل واش كنلعبو هنا
لحاج : اودري يبقا بجوع شوف راها باقة صغيرة مقاداش على صيام
اكسيل : لحاج راه الى كلات دبا او هي مشاكلها سخفة ما مانعاها طبيبة من صيام خاصها تصوم شهران متتاليين
لحاجة : هاداك غا لفشوش لخاوي راها ماشي اول وحدة تحمل حملنا او صمنا وشقينا او مكناش نديرو هاد لحالة لي دارت مرتك ، كتبكي قالك فيها جوع بنات هاد لوقت مقادين على والو
اكسيل : لحاجة كلا وكيفاش كيجيها لوحم ديالها
لحاجة : كولا وكفاش كيجيها فشوشها ملي مقادة على حبالة لاش كتقلب على تريكة استغفر الله العظيم متخليو حد ايصوم فخاطرو
لغالية : (طلعات لبيتها كتبكي او تخوي قلبها كولشي تجمع عليها ديق تاع لحبالة الجوع او تا قلبها لي مقبوط عليها باغة غا تبكي اخوي ݣليبها
اكسيل : (طلع عندها لاقيها باغة تسخف بلبكا ، قرب ݣالس حداها شاد ليها ليد) علاش كتبكي دبا أدوي
لغالية : (قلبات وجها لجيهة لوخرى)
اكسيل : ماباغاش تدوي معايا ؟ شدرتلك انا حيت مخليتكش تاكلي ؟
لغالية : (غا كتبكي)
اكسيل : (دورها لعندو كيمسح ليها دموعها) الله يرضي عليك لما باركة من لبكا شوفي عينيك كي طابو
لغالية : فياجوع باغة ناكل
اكسيل : دبا نتي حاسة براسك اتسخفي ؟
لغالية : لا
اكسيل : انا شغنقول ليك نتي تعرفي راسك واش باغة تاكلي رمضان ولا تصوميه
لغالية : (سكتات شوي من لبكا او تكات فوق ناموسية حاطة راسها على فخضو كي لوسادة)
اكسيل : (هز طيليفونو كيخدم بيه )
لغالية : (داها نعاس او مضرباتها لفيقة تا بقات نص ساعة للمغرب ، مالقاتش اكسيل حداها ناضت توضات او صلات ضوهر او لعاصر لي فاتها وبقات فبيتها تا ودن لمغرب عاد صلات او نزلات بزربة لتحت لاقية الطبلة عامرة تال لفم ، شدات ليها لكرسي او هرسات صيامها)
صباح : لغالية فقتي
لغالية : (ملاهية معا لماكلة حيت فيها الجوع) واه
لحاجة : بديتي لماكلة بلاما يرجعو رجال من صلى شهاد صواب
لحاج : (كانو راجعين من الجامع) خلي عليك لبنت لاعنداك أبنتي غي كولي كولي
اكسيل : (ݣلس حداها كيمد ليها فماكلة تاكل)
لغالية : (بقات كتاكل تا عمرات كرشها عاد ناضت من الطبلة طالعة لبيتها)
اكسيل : (ملي سالاو لفطور ناض هو وخوتو جمعو الطبلة ولكن مغسلوش لماعن حيت قالت ليهوم لحاجة ماشي دابة يتغسلو ، طلع لبيتو نيشن لاقي لغالية كتفرج فتلفازة مشا ݣلس حداها مدرݣ عليها تلفازة)
لغالية : كحاز شوي كنتفرج
اكسيل : عطيني نهرس صيامي او نبعد
لغالية : (غوبشات فيه) ياك يالاه كليتي
اكسيل : هاداك صيام لماكلة انا داوية على صيامك نتي
لغالية : (جرها لعندو تا لاسقها معاه) ش.شمن صيامي
اكسيل : (قرب عندها دامج شفايفهوم فقبلة خفيفة) هاحنا دبا هرسنا صيام
لغالية : (ضرباتو لكتف) ماسخ
اكسيل : هههه شوف كي وليتي حمرة هادا غا بسناك
لغالية : (فكها طيليفون لي كان كيصوني) دراري كيعيطو
اكسيل : (شاف ولادو لي كانو دايرين لكميرة)
جود : لفين الواليد
اكسيل : فطرتو
مجد : واه عاد سالينا ولقيتينا باغين نشدو طريق
اكسيل : غتجيو
جود : واه سالينا لبيت تاع لغالي او راحنا جايين فطريق نوريوها ليكوم دابا ولا تا ترجعو او تشوفوها
لغالية : دخل صباح او وريهانا
جود : صباح عندها تصاور ديالها
مجد : (طلع تال جوايه لبيت أو سد لكمرة) يالاه واحد جوج تلالة
لغالية : (ملي حيد ليد على لكميرا تقابلات معا لباب تاع لبيت لي كانو تا هو دايرين ليه لكاغيط بزرق معا لغيوم بلبيض او سميت لغالي كانت بلكحل ، حل ليهوم لباب مغليهوم حالين فمهوم باعجاب فلبيت ، دايرين لحيوطة لكاغيط بشيبي مفتوح او مخطط بلخفيف او جيهة خرى فيها بلون مغلوق شوي ، دارو لخاميات لزاج تاع لبالكو او دارو ليك باياص بزرق على شكل طونوبيل ، عاد مكتب ملاسق معا ماريو بنفس زواقة تاع لكوافوزات صغار ) جات فنة
اكسيل : صيف جاي نسيفطكوم لشركة تاع لبني
مجد : هههههه باغي فينا لخدمة ، انسيفط ليك الغالية تصاور غنقطعو دبا باش نشدو طريق
لغالية : بسلام (قطعات معاهوم او دخلات لتصاور كتشوفهوم او كتدوي معا ولدها فرحانة) لغالي شوف شنو لبيت لي دارو ليك خوتك ، شتو ساكت ليوم مكيتحركش كيما موالف
اكسيل : بسيف راك عييتيه بلبكا مسكين
لغالية : ياك انا لي بكيت ماشي هو
اكسيل : ملي كتبكي نتي تا هو مسكين كيبكي
لغالية : بصح
اكسيل : عييتيه بلبكا ياك اولدي عييتي
لغالية : (ملي دوا معاه اكسيل حسات بيه تحرك شوي)
اكسيل : يالاه انا غنمشي نصلي التاراويح
لغالية : واش اتصليهوم هنا
اكسيل : لا غنمشيو لجامع لي فخنيفرة باش ندوز لزنقة ويهران نشري ليك لحوايج
لغالية : دي معاك صباح
اكسيل : (خرج عند خوتو لاقي كولشي لابس حوايجو تا من لعيالات حيت مزالفين كيمشيو اصليو تاراويح فجامع) غيبقا شي حد فدار ؟
لحاج : اتبقى لحاجة ضارينها رجليها مقاداش تمشي معانا علاش
اكسيل : لغالية مانعة عليها طبيبة كترت لحركة داكشي علاش اتبقا (مشا لبيت فين كاينة لحاجة) مي
لحاجة : اولدي
اكسيل : (شافها ماشي تال لهيه) مالك امي
لحاجة : والو غا ضارني راسي شوي اولدي بغيت نعس
اكسيل : عافك امي لغالية اتبقا هنا ردي ليها لبال
لحاجة : (قلبات وجها) واخة
اكسيل : (باس ليها يديها او راسها) لعار امي ايما ردي ليها لبال راها متقلة ، مخليها عندك هي ولغالي امانة أمي
لحاجة : كون هاني
اكسيل : (خرج من لبيت أو عاود طلع عند لغالية لبيت)
لغالية : باقي مامشيتيش
اكسيل : غنمشيو كاملين اتبقا غا لحاجة نتي بقاي فبيتك ترتاحي صافي (معرفش حس بشي حاجة مهياش تحنا عند كرشها) ولدي لحبيب ديالي باك ايمشي غا يصلي ويرجع ، نعس اولدي تا نجي او نتجمع معاك ياك
لغالية : لي شافك هاكدا ايقول عمرك غتعاود تشوفو غتمشي غا تصلي وترجع
اكسيل : (باش ليها لكرش مطول لبوسة ماساخيش ابعد عليه) يالاه انا غادي ابابا
لغالية : (خرج اكسيل مخليها باغة تمشي تكا تا تحل عليها لباب ضارت يسحاب ليها اكسيل تا ضربات فلحاجة) خالتي ؟
لحاجة : شكاديري ؟
لغالية : باغة غا نعس شوي
لحاجة : (مدات ليها لكاس تاع لحليب) هاكي شربي لحليب
لغالية : (مكان فيها لي يتصادع معاها داكشي علاش شرباتو) خخخ فيه شي نسمة
لحاجة : نسمة تاع لعسل لحر هاديك
لغالية : آه يمكن باقة باغاني لشي حاجة ولا نمشي نعس
لحاجة : نهار كامل ونتي ناعسة نوضي غسلي لماعن تاع لفطور راه قربو ادودو
لغالية : ولكن اخالتي
لحاجة : مكاين بو ولكن باركة من لفشوش ديالك مقاداش على اولاد لاش تحلي رجليك (قربات عندها) ولا ياكما يسحابليك ضمنتي بلاصتك بهاد دري دازو قبل منك كترو لبز او طلقو بيهوم سمعتيني
لغالية : علاش كديري فيا بحال هاكدا شدرت ليك انا
لحاجة : مدرتي ليا والو غا برهوشة تاع لخلى ضارت ليا بدي طامعة فرزقو ، عييت معاك سيري ونتي لاسقة كي لݣرادة لا وهازالي كتولدي ديك نهار قتلك غا طيحيه ماحدو صغير او سيري فحالك ونتي غا مزايدة فتعكاس ديالك
لغالية : نطيحو راه ولدي هادا من لحمي ودمي او حفيدك نتي
لحاجة : لحاجة لي تجي منك بناقص منها زيدي تغسلي دوك لماعن
لغالية : (شافت تا عيات خافت لتنوض تنتفها هي تهبط لتحت كتغسل فدوك لماعن على سعدها او وعدها)
لحاجة : (بقات غا حاضياها كفاش كتغسل فدوك لماعن)
لغالية ما سالات دوك لماعن تا غفر ليها ربي الذنوب ، طلعات لبيتها بدرع كتحس بشي وجع او عينيها تقال عليها ، تكات فوق ناموسية مغمضة عينيها او غارقة فنعاسها بحال مديور ليها لبنج ، لحاجة بقات كتمشي وتجي متوتر تا سمعات دقان فلباب هي تمشي تحلو بزربة
لحاجة : فين تعطلتي افطيمة
فطيمة : (لقابلة) هاني هاني جيت فين عروستك نعسات
لحاجة : راني عطيتها ديك لعشبة او خليتها تشقا شوي عاد طلعات لبيتها كتجر رجليها
فطيمة : خليني نطلع نشوفها
لحاجة : سربي قبل ميرجعو من تاراويح او تفيق هي
فطيمة : (طلعو بجوجات بزربة لعند لغالية لبيت ، قربات عندها محيدة ليها حوايجها لدخلانيين لاقية دم كيفيض منها ) سيري جيبيلي لما سخون سربي
لحاجة : (كانت موجداه) هاكي واش غيكون مات
فطيمة : علاش مقلتيليش عروستك واصلة شهرها السادس ديك لعشبة مكافياش باش تقتل هادشي لي فكرشها
لحاجة : او شنو لمعمول دبا
فطيمة : نولدوها بلى وقتها
لحاجة : هي مغيوقع ليها والو ؟
فطيمة : ايكون خير
لغالية : (لي كانت بين نعاس او لفياق كرشها ضاراها كتسمع لحاجة كتدوي معا شي مرا ولكن باش تميز شنو كيقولو ولا جهد تنوض تشوف شكون مقاداش يالاه كتمتم بشي هضور) ك.كرشي
فطيمة : (حلات ليها رجليها او دهنات يديها عاد بدات كتخشيها فيها)
لغالية : (كانت كتحس بتحتها كيتمزݣ او بحر لوجع حلات عينيها كتبكي وكتغوت) شكاديري بعدي عليا ولدي لغالي
لحاجة : (شداتها مزيرة عليها) صبري صبري لقابلة بغات غا تعاونك باش ميطيحش ليك دري
لغالية : (لتاني مرة كتيق كلام لحاجة او لتاني مرة كطيح لارض ، ولكن هاد لمرة طيحتها كانت قاسحة بزاف ، ولاو عينيها حمرين كتحس براسها كتقطع او ولدها كان كيركل اوسطها او ليد تاع لقابلة كنحس بيها كتجبدو منها ، غوتات احر من جهدها او بدات كتزاوݣ فيهوم حيت فهمات شنو بغاو ايديرو) ها لعار لحاجة متقتليليش ولدي ها لعار مترزينيش فيه ، خالتي عافاك متقتليليش ولدي شدار ليكوم عافاك حسابك معايا لغالي شنو دار ليكوم ، اكسيل هئ وا اكسيل آجي عافاك بغاو اقتلو ولدنا اكسيل ، عافاك اخالتي تفاهمي معايا او خلي ولدي مدار ليك والو ها لعار اخالتي ولدي مسكين مدار ليكوم والو
فطيمة : (حسات شوي بتأنيب ضمير ولكن فاش طمع كيعمر لعين مكيبقاش بنادم كيشوف قدامو)
لحاجة : (اوملي لحقد كيعمر قلب بنادم كتولي لحجرة كترحم كتر من داك لقلب ) سربي نتي جبديه
لغالية : (بغات تحماق بلحريق او بحر لألم لي كتحس بيه على فراق ولدها) عافاك عافاك لي بغيتيها نديرها غنطلق من اكسيل غي خليلي ولدي عافاك غي خليلي ولدي ، لغالي مدار ليكوم والو ها لعار هئ هئ عافاكو ولدي آلغالي أولدي
فطيمة : (قسحات قلبها او جرات لغالي فارقه على مو)
لغالية : (ملي حسات ولدها تجبد منها او طلة لي طلات على لقابلة لقاتها شاداه بين يديه ، ولدها حبيبها كان باقي صغير بزاف او حمر حمر ولأهم أنو مايت غوتات غوتة وحدة على حر جهدها قبل متفقد لوعي)
لحاجة : (حسات بقلبها تقبك عليها ملي شافت ولد ولدها مايت ) يالاه سيري نتي دبا
فطيمة : ولكن راه سيدة سخفات او غا كتفيض بالدم غتموت بين يدينا
لحاجة : (سمعات دقان فلباب) سيري دبا نتي خرجي من لباب لوراني ماشي شغلك سربي
فطيمة : (خرجات كتجري من تما مخلوعة)
لحاجة غمسات يديها فدم او وسخات حوايجها او نزلات دموعها لي كانو واقفين على طرف عينيها ، او نزلات كتجري حالة ليهوم لباب
اكسيل : (ضرب فمو فديك لحالة) لحاجة مالك
عزيز : مي شواقع مال وجهك مخطوف
لحاجة : (شاداها سخفة او لخلعة ) لغالية اولدي لغالية
اكسيل : (غا سمع لغالية طاح ليه لما فركابي او دوا مخلوع) مي مال لغالية دوي امي (متسناهاش ݣاع تدوي او طلع كيجري هو وصباح لبيت ضارب فواحد لمنضر تا واحد ميبغي ايشوف مرتو فيه ، لغالية غارقة فدمها قرب عندها بزربة لاقي ولدو مسكين حدا رجليها او لحبل السري ممقطوعش باقي زاديهوم ، حس بلموت ديك لحضة معرف اهز ولدو ولا يهز مرتو ولكن لي عارف هو ولدو مات ولي عطا الله عطاه ولكن لغالية عندو فرصة يعتقها) لغالية فيقي لغالية كتسمعيني
صباح : (غا شافت داك لمنضر غوتات او طاحت سخفانة)
صفية : (دخلات على خوها كتجري حيت لوخرين معدالش ليهوم ادخلو) خويا شواقع مال لغالية
اكسيل : جيبي لمقص قطعي لحبل السري خاصني ندي لغالية لسبيطار
صفية : (بزربة مشات جابت لمقص قاطعة لحبل السري) سربي اخويا ديها لسبيطار سربي
اكسيل : (فلبلاصة نزل لغالية پيجامتها او هزها كيجري بيها لطونوبيل)
لحاج : (وسع عينيه فلمنضر لي شاف لغالية سخفانة او كاملها دمايات) اكسيل مال لغالية
اكسيل : (عينيه حمرين او دموع على طرف عينيه) معرفتش ابا معرفتش
لحاج : عزيز يحيى سربيو لحقو خوكوم
عزيز : با ݣلس نتا هنا غيطيح ليك سكار
صفية : (عيطات عليهوم كتبكي من لبيت) رقية مي جيو شوفو صباح معرفتش مالها مابغاتش تفيق
لحاجة : (طلعات كتجري عند صباح هي ولوخرين) صباح بنتي فيقي صباح
صفية : (كانت لوات لغالي فواحد لكاشة صغيرة او بقات هازاه كتبكي) با لغالي
لحاج : (مشا عندها كيجري كيشوف داكشي لي هازة فيديها تا كيضرب فتريبية صغيرة بزاف مادماش ݣاع واش تكون لغالية ولداتو كان كيقول باقي فكرشها ، خدا لغالي من عندها او عنقو وبدا كيبكي)
رابحة : (قربات عندو) عمي ماديرش فراسك هاكدا غيطيح ليك السكر ربي بغاه ربي داه مسكين ماديرش فراسك هاكدا
صباح : (بدرع باش فيقوها قفزات ليهوم كتبكي او تنقز) مي لغالي لغالي مالو ، لغالية مي خويا خويا (شافت لحاج كيبكي او شاد لغالي بين يديه هي تولي كي ديك لمسطية أصلن كانت نسات دولها فمكناس كان خاص خوتها ملي يجيو ايجيبوه ليها او زيد عليها كانت صايمة يعني مشرباتوش من لبارح فصباح) علاش كتبكي ابا
لحاجة : (خلعاتها صباح لي ولات كيف لحمقة) بنتي ماديريش فراسك هاكدا
صباح : (كانت كطرش راسها او تبكي) علاش كتبكيو لغالي ماماتش خويا غا ناعس لغالية ولداتو بكري ، راه غا ناعس لغالي ماماتش يالاه قادينا ليه بيتو كنا كنتسناوه غا يتزاد باش نوريوها ليه ، ميمكنش ايموت طبيبة قالت لبارح بلي صحتو مزيانة ، انا غنمشي عند لغالية (خرجات من لبيت كتجري تا ضربات فجود او مجد داخلين ناشطين)
جود : (وسع عينيه فحالة صباح) صباح مالك ؟
صباح : (مشات عنقاتو او بدات غا كتبكي) لغالي مات اجود
مجد : آشنو ك.كيفاش مات شكتخربقي يالاه دوينا معا لغالية ، بابا بابا (لطلع لبيت كيجري مخلي جود تابعو ، ضرب فيهوم كاملين كيبكيو الناموسية عامرة دم) شواقع هنا فين لغالية ؟ فين بابا ؟
رابحة : (جات عنقاتو كتبكي) لغالية اولدي جينا لقيناها كاملها دمايات ولدات دري ميت
جود : (حس بنفس تقطع فيه قرب عند لحاج كيجر رجليه او حاس بسخفة شاداه كل على ديك لكاشة لاقي فيه خوه مسكين ميت ، هزو عندو وجهد باش يبكي معندوش بقا غا ساكت كيشوف فيه)
مجد : (مسكين ݣلس لأرض او دارها غا بكا ماقدش امشي يشوفو ميت هاكداك مقدش ايشوف خوه مكيتنفسش)
رابحة : (عنقات ولدها فلأرض عارفة شحال عزيزين عندو دراري صغار او شحال كان كيتسنا خوه يتزاد هو بلفرحة ملي عرفو دري صونا عليها يعلمها ، تيليفونو عمرو بلحوايج تاع دراري صغار) صاف اولدي غا متبكيش دبا تعاود لغالية تولد
مجد : مابغيتش دري اخر بغيت لغالي
اكسيل : (رجع من سبيطار بعد شي ربعة تاع سوايع واصلة فيه لعضم او مقسح لداخل ديالو قميجتو كاملة دم ، طلع لبيت لاقي ولادو غا كيبكيو )
لحاج : (وقف ملي شافو) امضرا اولدي كي بقات لغالية
اكسيل : راها فلعناية لمركزة يالاه فاقت غدا فصباح ايخرجوها
لحاج : او ماشي بزربة كون غا زادت بقات فسبيطار
اكسيل : بغات تمشي لدار داكشي علاش جيت نجمع لحوايج ، فين صباح
جود : راها يالاه شربات دواها باش تقد تنعس شوي
اكسيل : (ربت على كتف ولدو او تحنا عند مجد) صافي اولدي باركة من لبكا نوض وجد راسك نتا وخوتك حيت اتسبقونا لمكناس
جود : واخة الواليد مجد يالاه نوض
لحاج : كون غا جبتيها اولدي لهنا راها مغتكونش قادة على طريق
اكسيل : فين غنجيبها ابا لهنا تفكر داكشي لي وقع ليها (ضار عند لحاجة) مي شنو وقع
لحاجة : (شافت فولدها عينيه من لداخل طافيين) م.معرفتش اولدي كنت طلعت عندها عطيتها لحيليب معا لعسل لحر تشربو مزيان للحاملات او رجعت لبيتي نعست ملي ضرباتني لفيقة باش نغسل لماعن لقيتها غسلاتهوم طلعت عندها نكل عليها لقيتها كتعصب او غارقة فدمها بحالا شادخا لوجع تاع لولادة تا دري خرج منها
صفية : ش.شنو قاليك اخويا طبيب عليها
اكسيل : قال ليا بلي دري كان هابط ليها بزاف او حيت باقة صغيرة لجسد ديالها مقدش على لحبالة داكشي علاش شدها لوجع بحال تاع لولادة ، انا غنرجع دبا لسبيطار خليت لغالية بوحدها
لحاج : انمشي معاك اولدي باغي نشوفها
صفية : غنمشيو كاملين غا ستنانا نديرو ليها متاكل او نجيو لسبيطار
اكسيل : انا غنسبقكوم فين لغالي
لحاج : صباح حلقات تا تنعسو حداها فين غتديه اولدي ياكما عند لغالية مغتقدش تشوفو راه مجد براسو مقدش ايشوفو
اكسيل : ضاروري ابا خاصها تشوفو باش تقتانع بلي مات
لحاج : نتا تعرف اولدي
مشا لفين ناعسة صباح لقاها حاطاه حداها او معنقاه خايفاه يهرب ، تحت عندها هزو او باس ليها فوق راسها ومشا لطونوبيل داي معاه تا لبريزة ديالو ، اكسيل حط ولدو حداه بشوية خايف عليه او تحرك بطونوبيل او هو كيصبر راس تا وصل لواحد الجيهة خاوية
اكسيل : (دور عينيه لجيهة ولدو مطول فيه الشوفة او حابس دموعو بدرع ولكن شحال قدو يحبسهوم ، حدو هز لغالي بين يديه أو قرب عندو بايسو نهار بلبكا ، كان كيتسناه اتولد ولكن مكتابش كان كيتسنا اهزو بين يديه أو ملي يبوسو يلقاه كيتنفس او سخون مقادش احل عويناتو ، سعا هيهات هاهو هازة بين يديه أو لحجم ديالو صغر من لي خاصو يكون لونو حمر حمر نفس مكيطلعوش او تا لبرودية بارد بزاف ، عنقو مكمل على بكاها او هو كيحس قلبو كيتقطع ) الغالي سخيتي بيا ابابا أ سخيتي بيا كي غنوريك انا دبا لماماك كي غندير نجي من لخدمة او مندويش معاك احبيبي ، كي غندير نلوح عليك تراب او ندفنك تلحت لارض لباردة
بقا مودة معنق ولدو او كيبوس فيه ضارو قلبو عليه او ماساخيش بيه او كي يدير لواحد يسخا بكبدتو ، مسح وجهو او مشا حط ولدو حداه او كمل طريقو تا وصل لكلينيك ، نزل من طونوبيل هاز ولدو بين يديه مكيبكيش واقف او كيتمشا بنخوة من برا كيبان قوي او ممتأترش او من لداخل معالم بيه غا لي خلقو ، وقف قدام لبيت فاش كاينة لغالية تنهد قبل ميحل عليها لباب او يدخل
لغالية : (كانت متكية فوق لبياص مݣعدة ضهرها شوي ساهية و كتبكي فسكات لائحة على راسها الزيف لي كان داير ليها اكسيل على راسها ملي خرجها من دار ، صحتها ضاراها معا فاتها لبنج لحريق داير فيها مابغات ، ولكن فين ايبان حريق صحتها قدام لعافية لي شاعلة لداخل ديالها فين تبان قدام لكوية لي تكوات فولدها ، دورات وجها لجيهة لباب لي تحل شايفة اكسيل جاي جيهتها وهاز لغالي بين يديه ، دارت يديها على فمها او غمضات عينيها كتحاول تصبر فراسها باش متغوتش)
اكسيل : (حط ليها لغالي بين يديها مطبطب على راسها قبل ميخرج اخليها معا ولدها ، حيت حس بيها بغات تبقا بوحدها معاه)
لغالية : (مدات يديها لي كانت كترعد تلمسات وجهو لي كان صغير بزاف ، حنات وجها عندو بايسة ليه نيفو صغيور او يدياتو او كلما حسات براسها غتغوت كدير يديها على فمها او تسرط غصتها ، وترجع تبوس فيه او تشم ريحتو وهي غا كتبكي) قتلوك اولدي رزاوني فيك احبيبي ، نتاقمو مني فيك ونتا ماليك ذنب احبيبي سمح ليا إماما ماقديتش نحميك سمح ليا اولدي حيت أنا ماماك سمح ليا اولدي حيت وحدة ضعيفة ونية بحالي كانت ماماك ، كون كنتي ولد شي وحدة خرى مكانش يوقع ليك هكدا (نهارت بلبكا كتر من لول) سمح ليا الغالي ولدي ماماك ضعيفة مقادة تا تحميك
اكسيل : (ملي دخل عليها كان سمع غا ديك لعبارة لاخيرة قرب عندها ݣالس حداها شاد ليها يديها) متقوليش بحال هكذا ربي لي كتب علينا هادشي ماعندنا مانديرو من غير اننا نصبرو تا يفاجيها ربي او يعوضنا على مضاع
لغالية : (حطات راسها على كتفو مكملة بكاها)
اكسيل : (ملي حس بيها تهدنات شوي عاد سولها) لغالية شنو وقع ليك ملي مشيت نصلي كنتي بيخير لحاجة قالت ليا بلي جات لقاتك غارقة فدمك
لغالية : (شافت فيه او بقات ساكتة مودة عاد حلات فمها ونطقات) بعدما مشيتي بقيت شوية او حسيت بلوجع بحالا غنولد لحاجة ملي دخلات عندي لقاتني ولدت لغالية بلى وقت ، طبيبة كانت قالت ليا بلي كترت تحراك مامزيانش ليا حيت لوالدة هابطة ليا اقدر غا شوي تاع لعصير نولد
اكسيل : ارتي ليا لغالي او رتاحي ليك نتي شوي
لغالية : لا خليه عندي عافاك
بقات لغالية معنقة ولدها او متكية مقاداش تغمض عينيها كنحس بلغراغ لداخل ديالها ، اكسيل بقا فايق حداها تا صبح صباح عليهوم ، كانت طبيبة كل مرة غادة جاية عندها كطمائن على حالتها
لحاج : (معا تمنية تاع صباح كانو وصلو لسبيطار او مشاو كيقلبو على لبيت فين كاينة تا لقاوه)
اكسيل : (كانت لغالية فاقت ، بغا يخرج ايجيب ليها باش تفطر تا لقا لحاج او لوخرين جاو جايبين معاهوم لماكلة) لحاج
لحاج : كي بقات لغالية اولدي شوية ؟
اكسيل : شوية الحاج شوية
لحاج : غندخل نشوفها لحاجة يالاه
لحاجة : (تفتف) غا غا سير نتا منكتروش عليها
اكسيل : غا دخلي امي
لحاج : (دخل هو ولحاجة عند لغالية لاقينها هازة ولدها بين يديها او غا كتشوف فيه او ساكة تا لبكا مكنبكيش) بنتي لغالية كي بقيتي شوية
لغالية : (ضارت شافت فيه او شافت تا فلحاجة) شوية اعمي
لحاج : (ݣلس حداها كيدوز ليها على راسها بحنية) شوف أبنتي ماديريش فراسك ، ربي كيختابر لعباد ديالو او كيبتالي لمومنين باش ايشوف لي غيصبر ولي لا ، ولدك أبنتي تلقايه فالجنة ان شاء الله
لغالية : عارفة اعمي (ضارت عند لحاجة شادة ليها يديها) سمحيلي اخالتي غنكون خلعتك معايا
لحاجة : (كانت كتسناها تقول هضرة خرى تا لقاتها كتطلب منها سماحة) ماشي موشكيل أبنتي لموهيم خرجتي سالمة
اكسيل : (مشا عند طبيبة لي عيطات عليه باش تدوي معاه ، دخل عندها او ݣلس قدامها)
طبيبة : سي إكسيل مكاين ما نخبي عليك لاجهاض لي وقع لمرتك اتر عليها بزاف لا من الناحية النفسية ولا الجسدية ، جاها نزيف بزاف راجع لضرر لي وقع ليها على مستوا الرحم ، شي لي خلى فرصة لحمل مرة خرى ضعيفة عندها ، خاصها تبع لعلاج ديالها باش تقدر تسترجع الصحة تاع الرحم ديالها او تقدر تعاود تحمل ، زيد لمناعة عندها ضعافت بزاف واخة تحمل الطفل مييفوتش ربع شهور اللولة فكرشها ، داكشي علاش كنطلب منك تقابلها مزيان او لحمل ممنوع عليها منها باتا فهاد لأعوام راه اجهاض آخر غتفقد تا شي حاجة سميتها لقدرة على لحمل
اكسيل : كوني هانية ، واش يمكن ليها تخرج ليوم
طبيبة : الى كنتي قاد توفر ليها الرعاية التامة فدار يمكن الى لا يفضل تنعس فسبيطار
اكسيل : اي حاجة غتحتاجها يمكن ليا نوفرها ليها فدار
طبيبة : اذن يمكن ليك تاخدها
رجع عندها اكسيل لبيت أو شرح ليها داكشي ݣاع لي قالت ليه طبيبة ، عاد جمعو حوايجهوم او خرجو من سبيطار هازين ولدهوم معاهوم باش ادفنوه فمكناس ، لغالية طريق كاملة وهي ساكة تا وصلو لدار ، لقات دراري تما باين عليهوم لعيا تا هوما سلمات عليهوم او طلعات لبيت دايزة على ديك لبيت لي كانت غتكون تاع ولدها لقاتهوم خواوها او حيدو منها كولشي ، كملات طريقها لبيتها داخلة ليها ولاقية فيها شي جوج فرمليات جابهوم ليها اكسيل
اكسيل : (شاف فساعة لقاها لعشرة عرف بلي جا لوقت لي يدفن فيه ولدو معا كل درجة كيديرها كيتمنا كون ولاو ميات درجة ، لقا راسو وصل لبيت ستجمع قوتو او دخل على لغالية لاقيها باقة شاداه بين يديها) لغالية لفقيه جا خاصنا نمشيو
لغالية : (شافت فيه او رجعات شافت فولدها محنية عندو بايساه او دموعها غا نازلين عارفة بلي لحضة لوداع جات ، مشات ريحتو او باستو لآخر مرة قبل متعطيه لإكسيل)
اكسيل : (شد لغالية او خرجو من لبيت أو مشا هو ولادو معا لفقيه كفنو لغالي او داوه لمقبرة دفنوه او رجعو لدار)
مجد : (دارهوم غا بكا تا شوفة مشافش لغالي ، كون شافو توقع فيه شي حاجة )
اكسيل : (دخل لدار ساكت او طلع لبيتو نيشن تلاح حدا لغالية فوق الناموسية ناعس)
لغالية بعدما مشا اكسيل بقات ݣالسة شويا معا صباح لي بانت ليها فشكل بحالا ضعافات فنهار واحد ، عاوناتها تا باش تبدل حوايجها وخرجات مخلياها ترتاح ، لفرمليات قادو ليها السيروم فليد او خلاوها متكية فلبيت بوحدها
لغالية : (شافت اكسيل داخل عليها لبيت ساكت مشا تكا حداها ونعس فلبلاصة ، عارفة بلي واصلة فيه لعضم ماشي ساهل عليه اهز ولدو او يحطو فلقبر او يرمي عليه تراب تا يغطيه بيديه بجوج ، هي براسها مكانتش تقدر تدفن ولدها لاباس ملي باقي شاد او مطاحش لأرض ولا وقعات فيه شي حاجة ، دارت عندو معنقاه)
اكسيل : (لي عمرو دار بقا ناعس ناعس تال صباح تاع نهار التاني عاد فاق لاقي لغالية ، فايقة مد يديه لساعة لقاها ل11 دصباح) واش نعست غا ساعة ؟
لغالية : هههه راك من لبارح ونتا ناعس
اكسيل : ماتقوليهاش
لغالية : والله تا كنتي ناعس من لبارح
اكسيل : مت ماشي نعست كي بقيتي نتا شوية
لغالية : خفاف عليا لحريق حسن من لبارح
اكسيل : دراري مشاو اقراو
لغالية : جود او مجد مشاو لافاك ، صباح مشات عند مها لكازة باش تمشي معاها لطبيب مابغاتش تفيقك
اكسيل : (طلع حاجب او نزل لاخر) مشات معا سناء لطبيب ؟ لعجب
#عند صباح#
معا لخمسة تاع صباح شدات لكار لكازا او من تما شدات طاكسي لدار مها ، بقات كدق عليها والو شافت تا عيات هي تشد طريق عندها لشركة فاش خدامة
صباح : (كتدوي معا سكريطيرة) عافاك واش سناء عساوي هنا ؟
سكريطيرة : وي شحب لخاطر
صباح : واش يمكن ليا نشوفها
سيكريطيرة : عندك معاها موعد ؟
صباح : لا ولكن قولي ليها صباح آيت اوسو هي اتعرفني
سيكريطيرة : ستناي واحد شوي (هزات طيليفون صونات عليها) الو مروى مدموزيل سناء كاينة ، واحد لبنت باغاها قالت سميتها صباح آيت اوسو ، داكوغ
صباح : امضرا ؟
سكريطيرة : مادموزيل سناء عندها تصوير دبا تفضلي تسنايها هنا ملي تسالي تصوير ديالها غتعلمها مروى سكريطيرة ديالها
صباح : واخ (مشات ݣلسات فوق لكرسي او بدات كتسنا فمها تخرج بسوايع عاد بانت ليها خارجة بسروال كلاس او قميجة طالقة شعرها ودايرة نضاضر او كتمشا بلعالي بكل رشاقة)
سناء : (دازت من حدا صباح او دارت بحالا مشافتهاش بتاتا تا خرجات لبرا او هزات طيليفونها مصونية عليها )
صباح : (بقات غا كتشوف كفاش تخطاتها) الو ماما
سناء : خرجي من لباب لوراني غتلقايني كنتسناك بطونوبيل
صباح : واخ (خرجات لبرا او لقات فعلا سناء كتسناها بطونوبيل مشات ركبات حداها) سلام
سناء : (حركات طونوبيلتها مراداش السلام تا وصلو لدار)
صباح : (معرفاتش مالها بقات غا تابعاها من اللور تا دخلو لقلب الدار)
سناء : (ضارت عندها معصبة) علاش جاية عندي لخدمة شحال من مرة كنقول ليك متجيش عندي لخدمة
صباح : مقلتش ليهوم بلي بنتك دزت عندك لقيتك مكيناش فدار داكشي علاش جيت عندك
سناء : مغتجيش أصباح ماتجيش ستنايني فزنقة واش مكتفكريش فيا أبنتي انا سناء عساوي من الصحفيين او للمذيعين لمشهورين فلمغريب ولي تا واحد معارف بلي عندها دراري ، الى عرفو دبا عرفتي شنو غيوقع راك غتشوهيني او تخرجيلي على خدمتي ، دبا نساي عليا هادشي لاش جيتي ؟
صباح : جيت باش تمشي معايا عند طبيب ديالي بابا غا لبارح لي مات ليه ولد مابغيتش نصدعو
سناء : طبيب تاع سنان ؟
صباح : (عاد تفكرات بلي مها مفخبارهاش بلي كتبع عند طبيب نفساني) ع.عند طبيب نفساني إماما
سناء : (طرطقات عينيها) كوا ؟ طبيب نفساني ؟ كضحكي ياك
صباح : داوية نيشن
سناء : من ايمتا وليتي حتمشي عند طبيب نفساني
صباح : عام هادا
سناء : عام ؟ أصلن لاش غنمشي عند طبيب نفساني من لأساس واش لماشاكيل لي عندك واش لماكلة لاش كضربي لحساب ياك واكلة شاربة شمرض غا قولي ليا ، ولكن هادا ميكون غا داك باك لي قالك سيري لطبيب ، كترت لفشوش
صباح : مكنتش كنحس براسي مزيان داكشي علاش اماما قلت نمشي لطبيب
سناء : (شدات وجها بحنان) شوفي أبنتي نتي راك مامريضاش ماهبيلاش تا تمشي عند طبيب نفساني راك غتكوني غا كدوزي من وقت صعيب دغيا اتفوتيه صافي دوا تاع لاعصاب غا غادي اغلضك او يخصر ليك الصحة صافي ، هانتي بجوجاتنا غنفوتو هاد لمرحلة معندك ماديري بشي طبيب
صباح : (اول مرة كتحس بمها قريبة ليها او كدعمها خصوصا انو هي براسها عيات بكترت دويان زيد عليها لموت تاع لغالي شوش ليها دماغها او خلاها على سبة عنقات مها مخشية فيها)
#عند ياسمين#
غادة فداك لكونوار تاع لحبس كتمختر فلمشية او شادة لݣارو فمها مامسوقاش لبوليس حداياش كدوز ، أصلن ولاو عارفينها شادة ستون معا زوبعة ، وصلات لديك الساحة تاع لحبس لاقية لبنات مجمعين تما
ياسمين : (مشات وقفات على زوباعة) فين دكشي علاش وصيتك
زوباعة : عندك فلوسو ولا باغة غا تاخديه يسحابليك كنصدقو
ياسمين : (نفاجرات بضحك قبل متشدها من شعرها) سمعيني نتي مزيان بلاما تجهلي مي ولا بربي تا نطير لجدك الجلدة
زوباعة : طلقيني واش انا خدامة عند جدك
ياسمين : (طارت عليها بقجة) خدامة عندي سباط تحت رجلي الكلبة شبو فيك لبنات تخوار او جاية تحلي عليا فمك
زوباعة : (تخنقات او تا وحدة فلبنات مزعمات تجي تفكها) غا ضحكت معاك
ياسمين : (بعدات عليها او صرفقاتها) متضحكيش معايا مشي قرينتك انا ، او دبا قولي ليا ضبرتي ليا على شي معلومة عليه ولا والو
زوباعة : تا واحد فسيكتور مكيعرفو
ياسمين : كفاش تا واحد مكيعرفو كازا كاملة معارفاهش كتسطاي عليا (عاودات شداتها من شعر) حاجة وحدة لي طلبت من جدك هي تجيبيلي شي حاجة ولا شي معلومة على جود آيت اوسو او مقديتيش
زوباعة : شكون هاد جود بالنسبة ليك تا منوضة هاد لحالة كاملة
ياسمين : ماشي شغلك دبا جبتي عليه شي حاجة ولا والو
زوباعة : غا طلقيني ضبرت على تصويرتو
ياسمين : مناش جاتك تصويرتو
زوباعة : طلبت منهوم اقلبو فلانسطا عليه شوفي واش هوا هادا
ياسمين : (شدات من عندها تصويرة او غا شافتو بدات كتفرنس ) دبا عجبتيني
طلقاتها او مشات شدات ليها واحد لقنة كتشوف فتصويرتو او تكمي
#بعد 3 اشهر#
تلتشهور دازت ، 92 يوم بضبط دازت على داك نهار لمشؤوم ، كيقولو بلي كاينة الضربة لي تقتلك او كاينة لي تقويك ، لغالية ديك لام لي خسرات ولدها وهي باقة تا مفرحات بيه ، ديك لام لي تحرݣات على ولدها ، لغالية نية او درويشة لي كان كيسحاب ليها بأنو مادام كتعامل مزيان غتلقا لمزيان ، سعا هيهات ناس شكال او انواع كاين لي دير فيه لخير او يعض يديك ، كاين لي مينفع ميضر او كاين لي دير معاه لخايب ايدير معاك لمزيان ، عاد كاين لي عطيتيه لي كيرض ليك ، داك نهار لي دفن فيه اكسيل ولدو لغالي تحت تراب كانت لغالية دفنات راسها او تولدات من جديد ، موت لغالي فقد للغالية نيتها او طيبة قلبها الزايدة ، فقدها براءتها او زرع فيها نوع من لانانية او تقة فنفس ، على غير لغالية لي كانت كتلبس پيجامة طويلة كتعتر فجلايلها ، كانت هاد لمرة لابسة شوميز قصيرة بلبلو مارين معا پينوار مشبك ديالها ، ݣالسة قدام مرايتها كتعكر فمها بلون حمر جريء ، عينيها خاويين من لداخل هزات ريحتها رشات منها قبل مدور لجيهة لباب لي تحل
لغالية : (كانت راضة شعرها لجنب ، دارت شافت فإكسيل لي كان داخل هاز واحد الشانطة فيده ، تبسمات ابتسامة هادية) رجعتي على سلامتك
اكسيل : (بقا ها مطرطق فيها عينيه كيقول ياكما غلط فدار ، قبل ميسافر شهراين هادي لاحض بلي تغيرات ولكن مدماش بلي تال هاد الدرجة لغالية لابسة شوميز دنوي لي معقلش تا ايمتا شراه ليها ، معكرة فمها بغات تجلطو مافيهاش سرط ريقو بصعوبة مقرب عندها تا وقف موراها مقابل معا انعكاسها فلمراية) الله اسلمك
لغالية : (ضارت مقابلة معاه ودنيها حمرين )
اكسيل : (تحنى عندها محاصرها بين يديه) شهاد شي ؟
لغالية : (تشجعات او قربات عندو مخلية نفسها اضرب فوجهو) مالو هادشي ماجاش معايا ؟
اكسيل : جا معاك غا هو هادشي بزاف على قلبي غتقتليني
لغالية : (ضحكات او دوات بتحلوين شوي) الله انجيك باقة باغاك عايش ، وجدت ليك دوش ديالك باش ترتاح من لعيا تاع السفر
اكسيل : ههه ياك الالة واخة (بعد عليها كيضحك او مشا دخل لحمام)
لغالية : (ديك زعامة كاملة لي زعمات رجعات ليها برودة ) عادي عادي الغالية راجلك مكاينة حشمة بين الراجل او مرتو
خلاتو كيدوش او هبطات تجيب شي ما كانت دار خاوية حيت دراري طلعو لكازا يقضيو شي غرضات ، ملي رجعات لبيت لقات اكسيل خرج من لحمام او كان لبس عليه توني وشورط
اكسيل : (قرب عندها واخد منها لقرعة يشرب)
لغالية : (طلعات ونزلاتو من راسو تال ساسو جاها فشكل بحالا زيان ولا أصلن هو من ديما زوين غا هي مكانتش كتلاحض)
اكسيل : (قرب عندها شادها من خصرها) فين خليناها
لغالية : (شافتو تحنا عندها بغا يبوسها هي عض على شفايفها) شنو ليوم أبعدا ؟
اكسيل : ليوم ؟ لاربع
لغالية : سبت لا ؟
اكسيل : هههههه غا ضاحك معاك (زاد قرب عندها) ليوم عيد زواجنا
لغالية : ايوا فين لكوضو ؟
اكسيل : سبقي نتي أبعدا لكاضو ديالك او نعطيك انا لكاضو ديالي
لغالية : (بعدات عليه محيدة لپينوار ديالها او رجعات لور تا طاحت على ناموسية مسندة بيديها باش تݣعد شوي ، او معا بقات غا بشوميز لقصيرة زادت طلعات ليها ، شافت فيه داوية بتقة) مزوج بيا انا اوباقي محتاج شي ݣاضو آخر ؟
اكسيل : هههههه شتي نتي كتقلبي عليا والله (طلع فوق الناموسية مقرب عندها )
لغالية : (مدات راسها لعندو بايساه من فمو)
اكسيل : (كيعجبو يشوفها كتشجع او تجرب حوايج عمرها كانت تقدر ديرهام ، لقاها من لجنة وناس او شد ليها شفايفها)
لغالية : (كان فمها خدام معاه ولكن عقلها كان كيفكر فواحد لهضرة قالها ليها)
” مرتي انا مكيعفطوش عليها الناس مرتي انا مكتحنيش راسها او تخبع بين جلايلها او مرتي انا مكتغطيش على لي ضرها ، مرتي انا كتشوف فعنيا ملي كنكون كندوي معاها ماشي وحدة كترعد من صوتي ، لمرا لي دايرة راسها شيفون لي داز امسح فيها رجليه ماشي مراة إكسيل ، باش تكوني مرتي خاصك تكوني تاج نحطو فوق راسي ماشي جفاف كنمسح فيه رجلي ، لمرا لي متمشينيش على صبعان يديها نولي نحسب لأفعال باش مناذيهاش او لمرا لي متهزش راسها بنخوة وتعفار قدام لعديان ولي تخلي ناس اطيحو منها او من قيمتها ، ولي متخليني نبيع لي قدامي مورايا على قبل شوفة وحدة منها ، ولي متديني وتجيبني بهواها منحسبهاش مرا على ذمتي أبنت سليمان”
لغالية : “انا ماشي لغالية بنت سليمان الجفاف لي كيمسحو فيه الناس رجليهوم ماشي لغالية درويشة لي كتسمح فحقها ، انا لغالية تاج فوق راس لعديان انا لغالية مراة اكسيل او عروسة آيت اوسو بلهلا يطريه لجدهوم ، انا لغالية لي حقي غنجيبو بيدي طال زمان ولى قصار ، انا لي دقتي نفديها ولي ضلمني عمر بالو يرتاح”
قطعات حبل تفكيرها او رجعات عايشة اللحضة معا اكسيل لأول مرة بكل لجوارح ديالها
#نهاية لفلاش باك#
ياسمين كانت واقفة كتكمي وكتسنط لداكشي لي كتعاود ليها لغالية ، كانو غا بجوجات فلبيت
ياسمين : (هزات راسها فسما طالقة داك دخان تاع لݣارو او دوات بهدوء) انا مفهمتش علاش مقلتيش لعمي اكسيل بلي مو لي قتلات ولدكوم علاش تسنيني هاد سنين كاملة او باقة كتسناي
لغالية : فداك لوقت اياسمين كنت عيانة لدرجة مقاداش تا نشوف شنو غيوقع ليها ، اكسيل براسو عمرني شتو واقف غا بدرع تال داك نهار او نجي نقول ليه بلي مك هي لي قتلات لغالي ، كنت بغيت ملي نشوف لحاجة كتحاسب على داكشي لي دارت نكون كنضحك نكون درت بلاصتي مزيان باش نستمتع بشوفتها
ياسمين : بعد هاد سنين كاملة مغتكونش بردات ديك لعافية لي فقلبك مغيكونش عمي اكسيل نسا موت ولدو
لغالية : عمر لواليدين اياسمين انساو ولدهوم لي مات ، اكسيل عمرو نسا لغالي او غينساه ، تسنيت هاد لعوام كاملة ديك لعافية لي فقلبي تزيد تكبر باش ملي يجي نهار لي نخرجها فيه تحرقها من ساسها تال راسها
ياسمين : كون رجعتي لداك نهار فاش لقيتيه كيتسناك قدام باب سليمان باش يديك ، كون عاود عطاك لاختيار شنو كنتي تختاري هاد لمرة
لغالية : كنت غادي نمشي ، اوحتى فاش خرجت من لحبس مكنتش غنمشي لعندو
ياسمين : وعلاش ياك كتبغيه او هو مزيان معاك
لغالية : مكدبتيش هو مزيان معايا او اي وحدة تمناه راجل ليها ، ولكن ماشي لغالية تاع 15 رعام لي كانت باغة تزوج ، فلوقت لي كانو دوك لي قدي كيلعبو لقيت راسي هازة مسؤولية ماشي فعمري ، لوقت لي مكانش خاص على لي قد اعرف شي حاجة على لعلاقات بين الراجل او لمرا كنت أنا كندير فديك لعلاقة ، فلوقت لي كانو دوك لي قدي كيديرو لكاشة تحت لپيجامة بحالا راهوم حاملين انا كنت حاملة تاع بصح ، بين ليلة ونهار لقيت راسي مابقيتش ديك لبنت صغيرة وليت مرا ، كولشي كيقول مادام لقيتي راجل يبغيك او معيشك مزيان فكولشي دايز ، لبنت فاش كيتبزز عليها زواج واخة تلقا راجلها مزيان ديك لغصة تاع أنو باها عطا لحق لواحد انعس معاها او هي ماباغاش كتبقى عندها ، تا واحد فئيلتي مرحمني او تا واحد فيهوم مسول راسو فباش غتحس لغالية ملي تقتلو الطفلة لي اوسطها ، مكنتش بغيتك تزوجي فهاد لعمر ولكن لمكتب
ياسمين : الى جاتك دبا لفرصة تمشي غتتمشي ؟
لغالية : (ضحكات) ههههههههه او لمن نخلي حبيب لقلب أدوي يمكن مكنتش باغة هاد زواج فلول ولكن على اكسيل اختي منتفرق ، راني مزوجة بيه ويلى مشيت تا غفلت عليه ايضورو ليا بيه
ياسمين: شحال فيك ديال لغيرة
لغالية : معلوم نغير عليه ، كون غا يفيق ليا
ياسمين : خمشهور دبا ياك
لغالية : 5 شهور او تسعيام هادي باش دخل فلغيبوبة ديالو باقي مابغا يفيق
جود : (بدا كيعيط) ياسمين وا ياسمين
لغالية : راجلك كيعيط مسمعتيهش
ياسمين : سمعتو (ناضت خرجات من لبيت لݣارو باقي فمها كتكمي ، لقات جود كيستناها فبيتهوم ) باغيني فشي حاجة
جود : (هاد شهورة لي دازو بحالا كبروه ، لخاطر مابقاش عندو بتاتا ولا دغيا كيشعل) من صباح ونا كنعيط عليك
ياسمين : (كانت لابسة كسوة حد ركبة طوال بلون رمادي بارد دايرة معاها سمطة كحلة ، جامعة شعرها لور) كنت كندوي معا عمتي فلبيت
جود : طفي عليا داك زمر او يالاه
ياسمين : فين غنمشيو
جود : ݣلستي مبرزطاني خاصيني لحوايج خاصيني زيدي نشريوهوم دبا ماحدي مخدامش ليوم
ياسمين : مالك معصب ؟ واقعة شي حاجة ؟
جود : مواقع والو غا سربينا
ياسمين : (ولفات تشوفو عاقدهوم بلى سبب) هاني راني لابسة يالاه
جود : (شد ليها يديها او مشاو ركبو فطونوبيل غاديين اتقداو شي حوايج)
ياسمين : (كانت كتقاد شعرها فلمراية) ملي نشريو لحوايج خلينا ندوزو نتعشاو برا
جود : ان شاء الله
ياسمين مشات هي وياه تا شراو لحوايج لي بغات طبعا حوايج طوال او واسعين ، ولات كتطلب معاه غا سلاك هي براسها عيات من هاد لموضوع تاع لحوايج ، سالاو من لحوايج او دازو لواحد ريسطو يتعشاو فيها طلبو فلول شي حاجة اشربوها
ياسمين : (حداها بغات تشرب من لعصير ديالها وقف عليها شي ضل ملي هزات راسها لقاتها ماريا) “ونا كنقول ريحة لخرا مناش جاتنا قولي هاد خيتي جات”
ماريا : جود
جود : آه ماريا نتي هنا
ماريا : جيت نتعشا هنا تا نتوما جيتو ياسمين لاباس عليك
ياسمين : لابس لحمد الله ونتي لاباس
ماريا : حمد الله جود وصلك لملف لي سيفط ليك لبارح پاغ ايميل
جود : محليتش لبارح كاين شي موشكيل ؟
ماريا : لمحاكمة الجاية داخل فيها داكشي تاع سياسة
جود : شجاب سياسة اكشي لي وقع
ماريا : الضحية بنت واحد سياسي
ياسمين : (شافت سيدة ݣلسات او بقات كتدوي معا جود على لخدمة منخلينها هي ، شدات طيليفونها وعطاتها غا لتصاور شوي هي تصوني على مجد كميرة تجمع معاه)
مجد : هاي الزين
ياسمين : مراكش فدار ؟
مجد : راني مريح فواحد لقهوة معا غزلان
ياسمين : آه قولي خارج تجوانطا فهاد ليل الكافر بالله
مجد : ههههه حاسداني عاضرك مزوجة بداك لحيط عندو إعاقة فلمشاعر
ياسمين : ديك لاعاقة كتخدم معايا غا انا (قلبات ليه لكمرا) شوف كي كيفرنس دبا
غزلان : (طلات عليها فلكميرا) كاملين هاكدا
ياسمين : الله ايجيب من ايقول لحق راكوم سلالة
مجد : كضلميني امراة خويا ، غزلان لي كاينة هاد الساعة
ياسمين : هههههه يالاه نخليكوم دبا انا (قطعات معاه او هزات فجود لاقياه باقي كيدوي على لخدمة ، شافت تا عيات هي تحيد سباطها او مدات رجليها مطلعاها معا رجليه تحت طبلة ، راجعة بضهرها لور كتشوف فيه)
جود : (دور عندها عينيه ملي لقاها كتقيس فيه برجليها ، شد ليها رجل بيديه محبسها او مخنزر فيها تزݣا)
ياسمين : (جمعات رجليها عندها مغوبشة او رجعات كتخدم فطيليفونها ، تا بدات كتصوني عليها مها) الو ماما
مريم : لباس عليك
ياسمين : لابس
مريم : مال صوتك مريضة
ياسمين : لا ، تعشيتو ؟
مريم : باقي كيطيب
ياسمين : مزيان غنجي نبات عندكوم ليوم
مريم : (فرحات) خلاك جود ؟
ياسمين : خلاني علاش ميخلينيش
مريم : ايوا صافي هاني كنتسناك
ياسمين : صافي واخة بسلامة (هزات طيليفونها او ناضت) سمحي ليا ندوز
ماريا : ياكما غادة بحالك هههه غا ضاحكة معاك
ياسمين : ايوا نتي مفهمتيش راسك تنوضي قلت نوض انا هههههههه غا ضاحكة معاك جود غنسبقك لطونوبيل ماما كتسماني فدار صافي
جود : (مفهم والو فيها تابعها بلعين تا غبرات)
ماريا : ياكما تقلقات ، بدينا كندويو على لخدمة تا نسينا راسنا
جود : وييه نخليك دبا بسلامة (خلص داك لعاصير لي طلبو او مشا تبع ياسمين لطونوبيل لاقيها ݣالسة فلكوسان عاقداهوم ، ركب حداها) مناش خرجاتنا هاد لبيتة عند مك عاود
ياسمين : من لقنة لي خرجات منها ديك ماريا
جود : شدارت ليك لبنت مسكينة
ياسمين : مدارت ليا والو غا جات مزاحماني انا وراجلي شايفانا كنتعشاو عاد جاتها لخدمة او نتا خلاص غا كتشوفها كتحل ليك
جود : ههههههههه كتحل ليا ݣاع ؟
ياسمين : كتحل ليك عاد غا بدات تدوي ليك على لخدمة نسيتيني ݣاع لاش خارجين حنا نتعشاو ݣاع كنتي تعيط ليها تمشي معانا راها مساخياش طلقك
جود : هههه هانا عاود على لمشة ديالي كاعية (جرها لعندو من حنكها بايسها من فمها) فين نمشيو نتعشاو
ياسمين : (بتاسمات ليه) شوف نتا فين تعشا احياتي اما انا غنمشي نتعشا عند مي او نبات عندها
جود : غادة تباتي عندها معامن تشاورتي بسلامة
ياسمين : معا راسي
جود : ياك الالة (قرب عندها داوي بصوت أشبه للهمس) نتي غنمشي تباتي عند مك ونا غنمشي نبات بوحدي مابقيتش فيك
ياسمين : باش لمرة جاية تعلم تشد تاجماعة معا ديك لخانزة او تخليني بوحدي
جود : سامحاس آخر مرة خلينا دبا ندوزو لشي قنة
ياسمين : كتعرف لقنة فاش كاينة دار سليمان تما حطني
جود : والو زعما نتي مصرة
ياسمين : سربي سربي غيفوتني لعشا
جود : هاحنا الالة (حرك طونوبيل موصلها لدارهوم مكانش عوال انزل معاها ولكن ملي لقا مها كتسناهوم قدام دار نزل عندها)
ياسمين : (غا شافت مها مشات نقزات عليها معنقاها او غا كتفرنس) لوليدة
مريم : خنقتيني بعدي غا نسلم على لولد ، ولدي جود لباس
جود : لابس لحمد
ياسمين : لوليدة فيا جوع يالاه نتعشاو
مريم : مالك زربانة ، دخل اولدي تعشا معانا
جود : لا غنمشي انا دبا ياسمين غدا اندوز نجيبك
مريم : ربي مادوز اولدي غدا لغدا راه منين تزوجتو عمرك جيتي كليتي عندنا
جود : (اصرات عليه تا جاتو حشومة اردها ليها فوجها) ان شاء الله ، خليتكوم دبا على خير
ياسمين : (مشا جود مخليها داخلة معا مها لدار)
عبد الله : جيتي ؟
ياسمين : لا باقي
كلتوم : بنتي زيدي ݣلسي تعشاي معانا زيدي
ياسمين : (مشات تخشات اوسطهوم كتاكل كان فيها جوع نيت)
جود : (رجع لدار لاقي لغالية او صباح او محسن ݣالسين كيتعشاو) سلام
لغالية : وعليكم السلام زيد تاكل فين ياسمين
جود : بايتة عند مها صباح لباس
صباح : حمد الله ونتا كي غادي معا شي خدمة
جود : ايوا هاحنا كنعافرو معاها
محسن : دويتي معا مجد ليوم
جود : (ݣلس كياكل) دوات معاه ياسمين قبيلة
صباح : شخبارو ؟
جود : بيخير راه عايشلي لحياة معا لحبيبة
لغالية : ههههه مقالش ليك واش غيجي فهاد لعطلة ؟
محسن : ملي دويت معاه لبارح قالي بلي ضاروري يجي
صباح : غتجي معاه غزلان
محسن : هداي عليا فهادي
لغالية : هاداك لي يجي بلى بيها واخة يعرف ايجيرها فلبريزة او يجيبها معاه
جود : انا مفهمتش شعاجب ديك لبنت فيه كون كنت بنت ݣاع منحاشيها لجدو
لغالية : حشومة عليك مجد قلبو كبير
محسن : من ناحية كبير راه كبير نيت (تزلع هو وجود بضحك)
لغالية : ههههه كيعرف شي واحد فيكوم شركة ****
جود : سمعت بيها علاش
لغالية : من مودة دفعت لشي شركات على حساب سطاج ديالي او هاد الشركة قبلاتني
محسن : وهي شركة مخيرة او معروفة غا هو واش نتي عندك لحق ديريها ولا لا حيت راك يالاه قربتي تسالي عامك لول فتخصص إدارة لأعمال قبلوك تكوني سطاجير ؟
لغالية : عارفة مي انا قدمة على منصب سكرطيرة منها نعمر وقتي او فنفس لوقت ناخد خبرة على لخدمة عن قرب
جود : مزيان نوصلك غدا
لغالية : لا بلاش اندي طونوبيلتي ، مكنتش عوالة الصراحة ندفع ولكن ملي دويت معا لحاج زعمني ليها
محسن : حسن ليك انك تبقاي فدار نهار كامل مازوينش من لافضل تعمري وقتك
لغالية : داكشي لي قلت انا براسي او تا لحاج قالي نفس لحاجة ، تصبحو على خير انا غنوض نعس محسن غتبات هنا ياك
محسن : لا
صباح : غيبات
لغالية : هههههه بات ولا تعلقك صباح يالاه انا طالعة نعس
صباح ناض تا جود طلع لبيتو او بقات هي ومحسن جمعو الطبلة او غسلو لماعن بجوج عاد طلعو لبيتهوم انعسو ، اخيرا او بعد 5 شهور بدات كترجع صباح لطبيعتها كتضحك كتدوي ، محسن فهاد لمدة واخة كانو حوايجو هنا الا انو كان قليل فين كيبات هنا ، بحكم يالاه بادي لخدمة ديالو ديما كيكون مشغول
صباح : (كانت ناعسة على كتفو) علاش مابغيتيش تبات
محسن : غا مولفتش نبات هنا اوصاف
صباح : خاصك تولف
محسن : هههه ياك اشريفة مناوياش وقيلة تمشي معايا لدار
صباح : ههههههه هادي ماشي دار
محسن : دارنا بوحدنا ماشي بحال
صباح : علاش زعما ختك كاينة بنت خوك ماشي شي وحدين غراب عليك
محسن : وراه هنا فاش بقات نيت باك مزوج ختي خوك مزوج بنت خويا كينعس معاها فنفس لبيت ولد لحرام كيعنقها او يبوسها قدامي ، ونا مزوج ختو ولكن راه فشكل والله انا ناعس او حاضر جنابي ليفرع عليا شي واحد من رهوط تاع خوتك لباب ايشوفني شكاندير
صباح : هههههههههه لهاد الدرجة
محسن : او كتر عاد
صباح : دبا تولف معا لوقت
لغالية دخلات لبيت شاعلة الضو او قاصدة لحمام نيشن بدلات حوايجها بپيجامة خفيفة او هزات واحد لبانيو دارت فيه ما دافي او خرجاتو لعند اكسيل هازة فوطة معاها ، او ݣلسات حداه كدوز ليه على صحتو كاملة) مبغيتيش تفيق خلاص مامليتيش من نعاس مطابوش ليك جنابك بتكية ، غدا انمشي لشركة لي كنت تقبلت فيه ، يعني غدا اول نهار ليا فلخدمة ، مكرهتش كون كنتي فايق توصلني تال لخدمة كيما موالف دير دما ، و لكن لغالب الله نتا ماباغيش تفيق ماباغيش تفيق (صبرات تا عيات ولكن دموعها خانوها ، شوفتو هاكدا جتة هامدة كون ماشي لالات لي كيدلو بلي عايش غيقول لواحد بلي مات ، مشات تكات حداه ناعسة
#فصباح#
فاق لغالية بكري باش متعطلش على خدمتها لبسات لباس رسمي او واسع من طبيعة لحال دارت زيفها او نضارها ، مدارت تا حاجة لوجه من غير ليكغو تاع الشمس ، مشات تهز طيلينها نساتو حدا اكسيل ديك لمدة لي بغات تمد ليه باني ليها صبعان اكسيل تحركو
لغالية : (وسعات عينيها فيه مامتيقاش ݣاع ، محسات براسها تا خرجات كتجري عند جود داقة عليه لباب بجهد) جود وا جود فيق
جود : (خرج عندها مخلوع) لغالية شواقع
لغالية : باك
جود : مال بابا وقعات ليه شي حاجة
لغالية : حرك صبعانو اجود حركهوم
جود : (تلف مسكين ماعرف ميدير مشا لبيت باه بجرا ايشوفو) فين طيليفون نعيطو على طبيب
لغالية : (عيطات على طبيب او بقات كتسناه تا جا )
طبيب : (قلب اكسيل) هادي اول مرة ايدير شي ردة فعل منهار دخل فغيبوبة ، هادا كيعني بلي النسبة تا أنو افيق كبرات عندنا ، اقدر فأي لحضة ايفيق
لغالية بعد هاد شهورة كاملين أخيرا اخيرا خبر حيى فيهوم لأمل من جديد ، شافت فساعتها لقاتها تمنية قل ربع جرات لطونوبيلتها قبل متعطل على لموعد لي عندها ، بعد عشرة دقايق تاع طريق كانت بلاصات طونوبيلتها قدام الشركة او نزلات منها داخلة لداخل
لغالية : (مشات عند موضفة لاستقبال) سلام ختي عافاك عندي موعد هنا
لموضفة : لاسم ديالك عافاك
لغالية : لغالية ****
لموضفة : آه نتي سكرطيرة جديدة تاع مسيو رضواني ، تفضلي معايا راه كيتسناك فلبيرو ديالو
لغالية : شكرا (تبعات لبنت لأسونسور تا وصلو لطابق تامن ماقبل لاخير عاد خرجو لبرا )
لموضفة : (وصلاتها لواحد لقسم فيه لموضفين كل واحد محني على خدمتو ، او كملات بيها لواحد لبيرو) تفضلي دخلي هادا هو لبيرو تاع مسيو رضواني
لغالية : شكرا (مشات لبنت مخلياها دقات على لباب تا سمعات دخل عاد دخلات ، كانت كتسنا تضرب فشي راجل كبير شوية فلعمر شايب شوي ، سعا ضربات فواحد الشاي ايكين فأوائل تلاتينيات ديالو طويل او عريض ، شعرو كحل او بشرتو بين سمورية او لحمورية هه)
رضواني : (رجع لور متكي على لكرسي ديالو مطلع حاجب او منزل لاخر) شكون نتي ؟
لغالية : (دوات بتقة) انا السكرتيرة جديدة
رضواني : (شاف فساعتو او دوا بجدية) تمنية او قسم هادي على مكنعرف السكرتيرة كيخصها تجي لشركة قبل من لمودير ديالها أضعف لإيمان تجي معاه فلوقت اولا ؟ او بلأخص الى كانت السكرتيرة ديالي انا كيخصها تضبط وقتها لذلك شهاد التأخر فأول نهار ليك عندنا مكنضنش هادشي فصالحك
يتبع
التعليقات 0