الحاجة تنهدات كتسمع فيها كتبكي: بغيتي الطلاق…بغيتي تفرقي معاه…(بدون رد من اسماء) ايوا آجي قوليها لباك وهو يدير ليك حل خلينا زوين مع ناس وخليك زوينة معاكم تلاقيتو خوت تفارقو خوت…
عسرات عينيها من دموع كتبكي بمجرد ماكتقارن كلمة الفراس بساسمها واسمو هو كيتزير قلبها….حاسة براسها مربوطة ايلا قربات معدبة وايلا بعدات عليه محروقة…
الحاجة: غير هي هاد الهضرة ماتبقايش تقوليها وترجعي لوومة ليهم….درويشة ابنيتي ماقلناش وليني تانتي فيك الحق…نهار لول قبلتي شروطو وقبلتي بيهم علاش ديك ساعة ماقلتيش لييه تخنقت ولا تا درتو الولاد ؟ بزز عليك شي حد بخاطرك ابنيتي مابزز عليك حد ؟ ماشي هو يشرط عليك ونتي حادرة رااسك واخا واخا واخا وملي تجربي عيشتهم تبغي تبدليها لييهم علاش ؟ همم ؟ علاش ماتدويش نهار لول ؟خاصك تعرفي المرضية مدامك قبلتي تشركي السكنة مع واليديه ديك السكنة ديالهم هذا زمان وهوما عايشين فيها ماشي نتي لي غتجي لبارح وتشرطي عليهم اش يكون..ولا ملي دق وتدخل عليك تقولي ليها لاش دخلتي…هاديك داارها بييتك سديه عليك بسارتو…اما دار لتحت تدخل ليها وقتما بغات مدامكم عندكم باب واحد وساروت واحد جامعكم دار دارها ونتي مرت ولدها بحال ضيفة عندها تقبلي بشروط دارها وتقبلب بعداتها ونتي حادرة نيفك كي حدرتي نهار لول وقبلتي بشروطو قبلي بيهم تاهوما….
اسماء ردات عليها كتمسح دموعها : ماما انا محتارماها ماكنقول ليها والو كنشقى وكنطيب مع خديجة مكنخرجش من الكوزينة و(قاطعتها بصرامة)
الحاجة: ابنتي…المرضية وهانتي تاني شوفي اش كتقولي ايلا طيبتي راك طيبتي تا لراسك واش تنوض هي طيب ليك ولبنتك…وا الله يهديك عطيني نعطيك عطاوك تسكني تعطيهم ياكلو ايلا بغيتي ديري حر راسك وتحزمي..تحزمي لرااجلك يدير ليك سكنتك بوحدك ما مو وباه بعااااد علييك وبتيقار علييك آسمعتي…هادوك ناس قد واليديك بتيقار عليك…
اسماء : راه كنخاف ندوي معاه اماما علاش قلت ليك كرهت هاد العييشة مكندوي فخاطري ماكنشرط على خاطري مكنتشهى على خاطري ايلا غيير بغيت شي حاجة خاصني نفكر لكلشي عاد نفكر فرااسي…ايلا ضراتني مو بكلامها خاصني نرطب الهضرة ونحليها عاد نعاودها ليه باش مايفهمنيش غلااط …اما هو والله مكنقدر نجبد معاه الهضرة لا عليه لا عليا كيزرب عليا يسد الهضرة ولا ميشاورنيش اصلا حتى نسيق الخبار من بلاصة اخرى وانا غير ايلا خرجت مع الباب خاصني نشاورو واش هو مكيشاورني..
الحاجة : هاويلي واش يشاورك ايلا مشى لخدمتو راه رااجل واش تقارني راسك ليه…هو الراجل ولا المراة واش باك انا ايلا خرج كيشاورني ؟ ايلا مابغاش هاد سيد يصدعك بمشاكلو ااش بغيتي خور…(تنهداات) الخير ما عندو بو والو ابنتي قالوها ناس زمان…جمعتي وطويتي ولحتي كلشي وراك ما بان لييك عيوبو تا دكيتو الوتاد وبديتو توجدو للولاد….علاه نتي بلا عيوب…واش نتي بغيتي هاد راجل كامل مكمووول…راك مشيتي عندو ب بنت آهياا اسماء الله يهديك تي شكون هذاا لي فياخد المراة والربيبة ويديرها كي بنتو ويتهلا فيها تا تنورت تتبارك الله وعطات العين والخير باين عليها…واش نتي مامهلوكاش مع المس ماعرفك نتي تهضري معاه ولا هوما داوين فبلاصتك واش نتي صافية ابنيتي كاملة بغيتيه مكموول…
كنزة شداتها تكايس : ماماا..
الحاجة : سكتي سكتي خلني ندوي معاها…انا مانعياركش ابنيتي وليني مانافقك هذا هو كلام الحق ولي يزينك نتي وخيبو هو راه غير يضحك علييك…والبنية مسيكينة باها لي هو باهاا وماعقلش عليهاا واش عمرو هز تيليفون سول عليها ولا مو ولا خوتو سولو عليهاا…انا هاد راجل لي يهزني ويتهلا فيا ونشوفو بعيني كيطير وينزل نهار كنتي طايحة فالفراش شكون كان سبابك بعد الله…..دار باك مفتووووحة ليك ايلا رجعناك ليه را باغين مصلااحتك ونتهناو عليك.. علاه شحال عندنا منك حنا من نهار جبناك من بيت الكرا بغيناك تبقاي معانا غا شفنا داك ولد ناس بغااك وتانتي بغيتيه لا انا دايمة ليك لا باك دايم ليك لاهوما ديري دارك و وليدياتك يكبرو ويفورصيو عليك…
اسماء حدراات راسها : تبدل اماما مابقااش كي كان مابقاش باغيني كنحس بيه غير كيدير ليا خاطري مرة مرة اما ملي كيتعصب مكيعقلش عليا…
شافت الحاجة فكنزة بمعنى سمعي اش كتقول…
الحاجة: نوضي نوضي هادي غا الوحم قلب ليها العقل ما بيها لا خنقة لا راجل…مرة تبدل عليا مرة مابقيت باغا مرة يرجع كي كان…خويتي ليا الحجرة بااطل…..واش باغاه ولا لا المرضية قولي ليا غا كلمة وحدة نشد معاك الخط…لا نتي ولا هاد لسان اللفعة(شافت فيها كنزة )
كنزة قندشاات : علاش انا مالي دابا ؟
الحاجة: ديرو عقلكم الله يهديك….ديري عقلكم ماتنفعكم نداامة من بعد والو…طيري تا طيرو والله لا يخطي رجال علينا تقوى تا تقوى المراة وراجل لي يهز كتفها وضهرها مايكدب عليكم شي حد…بقاي تنقزي بدوك جوج ريالات لي عندك تا طبيهم وجلسي عيطي على لكواويك
كنزة: كدوي مع اسماء كملي معاها داباا تئ…اصلا لساني قصيير اشمن لسان لفعة تانتي…
الحاجة مميقات فيها : اسماء…وا المرضية دوي معايا…بغيتي تجي عندي جلسي مع ميمتك تا تقربي تولدي مم ااش بان ليك نقوليه يجيبك…
حكات شعرها كتشوف مع جنابها وتمسح فنيفها ماقدراتش تقول لا مباشرة…
اسماء : ر…رااه..را متبعة معاه الدواء…
حدرات راسها بدون اجابة كتسمع والحاجة كتشوف فكنزة وتغمز فيها عاضة فلسانها
الحاجة: ومرضية ميمتها مارديتيش عليا…
اسماء بارتبااك كتشوف مع جنابها : مابغاش الطلاق اماما بغيت غير نرتاح…بغيتو يرجع كيف كان و وصافي…
الحاجة : علاه مالو دابا ومالو كي كان
اسماء :تبدل بزاف مابقاش كيتيق فيا…وحتى انا مابقيتش كنتيق فييه كنخاف ندوي معاه ويدير ليا كيف ديك المرة…غير وصلها ليه صاحبو ناض خنقني…
الحاجة: ايوا هاحنا فيه بيه…تانتي دابا باغة تكوني بالفقصة من مرتو لولى…شكون هذا ابنيتي لي ميشكش الله ينعل الشيطان..ايلا ما غار وشك فيك يشك فمو ؟
اسماء : ويضربني ؟
الحاجة: وابقاي …بقاي تما شد ليا نقطع ليك ماعرت اش باغين تقسموو وااالو يا تصالحو وديرو على وجه الولاد يا تقسمو طريق….
بدون رد من اسمتء والحاجة كتسوط تنهدات وكملات بقلة صبر…
حاجة: ايوا ديري عقلك واش تاتجفرو فيكم الرجال وتهربوهم عاد توليو ها ندامتي… ما نتي ابنيتي عرفت علييك عا التبسييمة واللسان زوين والضحكة مالكي عدتي بكاية بلحق يديرها لحمل…كيهبل ابنيتي كيهبل…نوضي ضوري بالحالة وملي يجي دوي معاه وفكو مشاكلكم خلي الوالبدين فتيقار…ولا ملي تفوت طناش دليل ماتفكريش باك حتى يصبح ويفتح عاد توحشي داركم….قلال الحيى ولااجي ندير لبنتي سكرة تااني..ممم تحلي لساانك ؟
اسماء : الله يهديك اماما غير تخربيق داكشي…تئ هه
الحاجة: ضحكي المرضية يضحك ليك الخير الله ينور ويصلح ويصلح محالك ويهني بالك ويصلح بيناتكم..الله يرضي علييك…
اسماء : اميين اماما الله يكول فعمرك ارتااحيت ملي دويت معاك حسيت بصدري خفاف الله يخليك ليا ويطول فعمرك
الحاجة : ايوا لا بغيتي رضاني وبغيتي تفرحني نوضي نعلي شيطان ودي مع راجلك وحلو مشاكلم ورجعو كي كنتي كي الوريدة معااه مفتجة وضااحكة وهو هازك وقاد بييك خيرو بان فحاالتك نوضي ابنيتي لبسي وضوري بالحالة بعد العشرة عاد تحلى القصارة
كنزة : اويلي ماما راك حاجة هههه
الحاجة : لا حياء فدين مالها غتزين لشيخها راه لراجلها ولبسي الحمر كيجي عليك كيهبل تباارك الله الرحمان ودوييو وفكو مشاكلكم وشرطي وعرفي كي تدوي والله ابنيتي مايخسر لييك سلاح الرجال هو اللسان واالو واخا يبان ليك هكااك منفووخ وهاز نييف وعالي تبارك الله غا لحلحي وتشوفي ايلا ما ولا رطب يتزحلق فايديك…
كنزة: اري صافي اري تيليفون كيصوني نوضي شوفي با باغيك
الحاجة؛ اسماء سمعتيني…اش قلت لييك…
اسماء حشمات : وصافي اماما هه
كنزة: بابا كيسول عليك نوضي..
الحاجة : مشى يصلي …عايني نسول عا..عايني اري تيليفون تاندير و نجي عندك ابنيتي احياني على الحاجة عمرها تفكرتني وقالت نعرض عليها ولا نيطب ليها وانا ديما نعرض عليها عمرها قالت ليا مرحبا بيك تا بضحك…
كنزة: يلاه من صباح ونتي ترطب جيتي تالخر وعورتييها نوضي اماما…
الحاجة: غير كنضحك لا عادااك ا اسمااء غانضحك ابنيتي باك كيحشم واخا يعرضو عليه مايجيش حشمان مع جنابو يحرمها على راسو و عليا….تقول جايين يخطبو فيه…
تبسمات كتسمع فييهم مني منك طلق تيليفون حط تيليفون عنداك البااس يدي تلساقطو نوضب تعشااي اجي تشربي…كنزة والحاجة خطان لا يتلاقيان وحدة ماعاجبة لاخرا ولكن وحدة مكتفوت تانية وكنزة ضاسرة على مها كتر من اسماء كتسحم منهم بلا قياص…حتى مشاات وبقات كتدوي شوية مع كنزة مبسمة براحة نوعا ما ملي خواات وفضفضات ااش عندها كتبوس لتسنيم ناعسة فحضنها حتى قطعت معاهاا وتحنات باسها تدمرة اخرى وهي كتمخشش فيها
اسماء : تسنييم…نوضي اماما…نوضي ابنتي نديك لبيتك نعسي مانقدرش نهزك تقيلة على كرشي نزضي اكبيدة نوضي…
تنهداات ضاماها عندهاا وتكاات راسها على الكادر سااهية خلاتها حتى يجي هو ويهزها ماتقدرش تهزها تقاالت عليها وكرشها بدات كتبان وبان عليها الحمل شوية…صقيييل فالداار وغيير الصمت لي فودنيها رادة البال مع البااب كتسناه غير الوقت لي غيدخل فيه وفنفس الوقت خايفة كيفاش غنجبد معاه الهضرة وشنو غتقول ليه….قررااات لي قالتو لمها تقولو ليه ويدرو حل مع بعضياتهم..ماتسناش واحد اخر يديرو ليهم…ولكن كيفاش غتزعم وتحل معاه الموضوع وتخلييه يتحاور معاها بدون ما يزرب عليها ويسد الموضوع…
السوايع كيدوزو وهي كتخمم….صفلاات الدار والحاجة ماعودااتش نزلاات ولا دوات معاها من صقيل عرفاتههم ماداروش العشاء حيت كون كان الحاجة ماكتجلس تا ضور بيها كلشي عاد تاكل فخاطرها…ماعرفاتش واش حقيقة اسراء كّهماتها ولا شنو وقع…
وصلات العشرة دليل…الحداش…الوحدة …راسها تقل بالنعاس ومحمد ماعليه خبار ما دخل ما بان ليها…طلات فساعة وتنهدات والخوف كيتسلل لدااخلها…مستحيل يكون جا و ومدخلش طل عليها ماشي ديالو واصلا مكيطولش الجلسة الفوق..البيسي فالبيت وخدمتو كلها عندها…حطات تيلييفون وجمعات شعرها بقلقق صدرها كيرجف مامولفش لييه يتعطل قد هكا ابدا وعمرها شافتها عليه….جوج ونص ضربات هنا ناضت وااقفة شادة على صدرها كترجف بالخوف فين مشى ؟مالو تعطل شنو يكون وواقع ليه ؟ غنداك تكون شي اكسيدون بحال لي دار داك نهار وغير ربي نجاه ؟ واش تعلم الحاجة ولا بلاما تخلعها ؟..
اسماء : ياربي تستر ياربي…(كتعاود تصوني) واجااوب عفااك….
《 تذكر انك لن تشفى فالبيئة التي امرضتك ، غادر .. 🥀》
سمعات صوت طوموبيل وقفات على برا وهي تمشي كطيير هزات الريدو وطلات حتى بان ليها الحاج وهي تنزلو وهزات البينوار لبساتو كتزرب تعلمو بعدا هو متبت ماشي بحال الحاجة غير لوات عليها الشال مشات لباب غتخرج مع حلاتو وهو يبان ليها جالس فوق الفوطوي بجلستو المعتاادة غير هاد المرة لايح راسو لور ماعرفاتو ناعس ولا فايق حتى نزلات عينيها لايديها بان ليها شاد شي حاجة كيضورها بين ايدييه حدراات راسها قلبهاا ارتاح ولكن دقاتو ماوقفوش بتوتر وارتبااك كتحرك صبعها فبوانية ديال الباب غير بينها وبين راسها مداابزيين واش نقرب ولاا نرجع فحالي…. عنداك يقمعني ولا بضور فيا نزييد لا نرجع…غير بان ليها تحرك وهي تسد الباب دغيا ورجعات دخلات للبيت عيزيها مدمعين …..الهزة اللي غتهزو جات فالمراية مباشرة بقات كتطلعر وتنزل فحاالتها…عينيها منفوخين بالبكى والدموع دايزيين وشفايفها تشقفو وصفارو طار الكلاصاج ومشى التورييد…البينوار طايح على كتافها والشال مرخي حالتها حاالة بحال شي وحدة مكبرها الزمان بلا وقت كانت كارية ومقهورة جوع وفقر وعصاب مع الخدمة رغم ذلك مهلية فراسها البيجامة ايلا تلبست هاد نهار ماتلبسهاش الغد ليه…حيدات البينوار نتراااتو كتمسح وتعاود فدووعها وهوما دايزيين…كارهة راسها محااملاهش غير مع جنابها ريحتها كرهاتها ولات كتجييها خاانزة واخا تكون عاد دوشاات…هزات البراافان كترش عليها تعاود حتى ولات كتكحب مخنوقة منها عاد ارتاحت وجلسات كترمش قالبة عينيها من المراية مابقاتش حاملة تشوف فيها…بالها تشغل غير معاه علاش مادخلش عندي علاش حالس تما ؟ غيفرق عليا الفرااش ؟ علاش شنو درت لييه ؟ هو اللي نقص مني ؟
مدابزة غير مع دماغها ما بين كيفاش غتدوي معاه شنو غتقول ليه باش غتبدا الهضرة وكيفاش توصلها ليه بطرييقة زويينة ماتخصرش صورتها قدامو…كثرة المشااورااات وماخرجت بحتى نتيجة بحالا داخلة لشي امتحان مصيري ياك تنجح فيه….يا تنجح اختيار ااخر ماعندهاااش….ساااطت بجههههد مزيرة ومخنوقة حتى طاحت عينيها على تيلييفون وهي تمسح عينيها من دمووع وهزتاتو بعد تفكييير دخلات عندو الوااتسااب بعدات تسنييم شووية سرحات رجليها وطلقاات ايديها مضاربة مع الحروف بزز باش كتكتب مامولفاش بزاف والاغلااط كثيييرة كترجع تصحح كل خطرة…
فحين محمد جالس على براا باقي على حالو كيف سمع كلاامها وخرج شدوو فضولوو ماعرفش اشنو باغي يعرف ولمن باغي يسمع بدون شعور لقى راسو راجع وحيت الصقيل لي كان فدار لتحت كاع كلامها كان كيتسمع من البييت…جلس فالصالة حاط دراعو على رجليييه مفرقهم كيتصنننت لكلامها بوضوح….
فضل يجلس ويسمع على انه يدخل يقاطعها و تقطع الكلام وتعطييه الضحكة كأن شيئ لم يكن حيت مقارنة مع هادشي لي كتقول تصدم فديك الضحكة لي كضحكها ليه……تدهش كثر ما تصدم من كلامها شي حوايج سمعهم منها وقعو فقلب دارو وهو مسايقش ليهم الخبار…!! على سبيل المثال الحااجة على حد علمو كتنزل ايلا نزلت تسول عليه….اش غينزلها عند اسماء وهي كطلع عندها ااش غيدخلها لببتها وهو ماانع منعا كليا شي حد يدخل عندو لتحت باسماء ولا بلا بيها فيين عمر الحاجة حتى دقات فبيتو باش تدخل ليه مابقى غير دابا تدخل على مرتو…هادشي علاش حتى لدابا عاد كيعرفو ؟
اما كلام اسماء وشكواها مع المتصل لي متأكد غتكون ختها ولا الحاجة ماتصدمش او كان متوقع فيوم من الايام غيسمع هاد الكلام…عارف حكامو صعيييب وصعيب تولف عليييه اسراء كانت بحالها غير عي سهل منها …من نهار خرجت مع مها بللا شوارو وضار فيها من تما مابقاتش خرجت اصلاا ماماها اللي كتجي عندها…مكتخلي ليه فين بهضر اما اسماء صعيييب تحكم مع تصرفاتها الاخييير تأكد من هاد الامر…ماشي من النوع اللي يتشد ويتزير خاصة انها كانت حررة طلييقة بين نهار وليلة تلقى راسها مقيدة بسياج الزواج وحكامو….
حط ايديه على جبهتو مسرحهم فالصققف بعيون مضلمين وسط ديك الضلمة عاقد التسعود فحجبانو والبيسي قدامو شاعل حتى تسمع عندو صوت ميساج فييه برنيين الواتساب…فتح عينييه وقبل مايطل عليه هو هز تيليفون لي حاطو فالوضع الصاامت لقاه اصلا طافي ماردش ليه البال وهو يدخل للميساج من البيسي نيت لي مكونيطيهه معاه لقى ميساج من عندهاا غير فتحو وهي تطلع لييه واحد الجريدة تكعد فبلااصتو مصغرر عينييه كيقرا باهتمام حررف بحررف…!
_واخا تقرا هاد الرسالة وتقول هادي حماقت علاش كتسيفط ليا ولكن انا ماقادراش نخرج ونقولها فوجهك ديريها ماتايقاش فراسي كنخااف ولا اعتابرها كي بغيتي ولكن مانقدرش نقولها فوجهك لي قلتو لماما قبيلة غنقولو ليك تشكييت عليها كنت حاسة براسي غنطرطق كون مادويتش مع شي حد واخا انا عارفة ماغتقبلش نتشكى منك لشي حد ولكن هاديك ماما ايلا مادويتش معاها هي ماعنديش معامن نهضر وعارفة ماما ايلا نصحاتني كتنصح بالحق ماشي كتحرشني وتعمرني وهي لي قالت ليا نجي نقول ليك هاد الكلام…انا بقى فيا الحال قلتي ليا بنتك مامربيتيهاش نتا واخاا عارف اشنو دوزت ولكن والله ماتحس بيا لي كبرتها هكا وكتشوفها ليوم هكا راه ماشي ساهلة عليا نربي بنتي ونخدم عليها ونصرف عليها ونقريها غير بوحدي بلا عويين متكين حتى لي كيهز تيليفون ويسول عليا ولا عليها واش واكلين ولا شاربين….انا خليت دارنا وخرجت منها غير على قبل ديك الكلمة ديال علاش جات وجابت بنتها لي مابغاش بنتي مايبغينيش حتى انا….ومشيت كريت غير بيت حتى طواليط ماعنديش غير ماتعقدش ليا وماتوليش عصبية ويرجع عليها داكشي لي كتسمع وتمرض ليا ….من نهار طلقت واناا كنعييش فالجحييم حتى حد مكيرحم مكيعونوش ومكيهنيوكش شحال سمعت ديال الهضرة كنسمعها فضهري وكنحدر راسي ونسكت حيت غير انا وبنتي شكون غيدافع علينا كنهرب من صدااع غير على قبلها تعايرت بالمطلقة تعاايرت وقالو ليا خارجة للطرييق وكون غير شافو عليا ش حاجة نكمدها ونسكت انا مكنديير والو وانا عارفة راسي ومكاانش كيضرني كلاامهم ولكن نتا ضريتيني فخاطري جات منننك قاصحة…شكيتي فيااا وانا فرحانة حيت كنحس بيك كتعرفني ااش كنسواا…عقدتني كلمة اامطلقة وزدتي كملتي عليا شكيتي فيا مع صاحبك خنقتيني امحمد انا مريضة ومارحمتينييش ومراتك لولى جلستي معاها وتلاقيتو ودويتوو وخديتو راحتكم حتى دوات على خاطرها حيت ماشكتيتييش فيها..خنقتيني تقهررت عييت مانصبر انا كنت قاابلة على كلشي حييت بغييتك… نهار عرفتك شفتك حلم بعيد انا ملي قالو ليا غتخطب بقى فيا الحال علاش غنكدب ضرني خاطري ولمت نفسي علاش غتشوف فيا نتا واش رااجل كنشوفو كامل مكمول غيشوف فيا انا وخاصة مطلقة وزدتها مرييضة وعلى فراش الموت ولكن ملي قالت ليا ماما باغيك للزواج رجعت تقت فراسي وعرفت ديك كلمة المطلقة كنت انا معقدة بيها راسي وانا لي كنخلي للناس الفرصة باس يعايروني بيه انا لي متحسسة منها حتى شفتك كتشك فيا هرستيني…
قرا الميساج كامل ماجا فين يكملو حتى سيفطت ليه جريدة طول من لولى….
_واخاا رجعت ماقدرتش نرجع كيف كنت ديما كنشووفك كتشك فياا ومابقيتيش تايق فيا وحتى انا مابقييتش قادرة نتيق فيك ولا ندوي معااك شفتك كيفاش وليتي داك نهاار خلعتيني شفت الموت بيين عينيا…كنت باغة نبقى معاك ولكن خنقيتيني حتى وليت باغة غير نرتاح ونهرب من هنا…ماابقيتش لاقية الرااحة انا قبلت بشرووطك قلتي لياا غتسكني مع الدار قلت ليك قابلة وشرطتي عليا الحجااب والخدمة على برا ممنوع وقلتي لياا غتكون عندك دارك وحتى حد ماغيقرب ليك ولكن انا مابقيتش كنلقى راحتي حاسة براسي بحالا ناعسة فالصالة الحاجة على راسي وعيني ولكن عندي خصوصيتي ومكنبغييش لي يشوفها انا غير لحمام ابلا دوشت مكنبغبيش شي حد يدخل ويشوف شنو كنت كندير فيه مكنخرج حتى كنقييه حتى بيتي مكنبغيكش تخرج منو مرون وترجع تلقاه مرون…مابقاتش عندي خصوصية عيوب بيتي كلشي كيشوفوه حتى حوايجك مابقيتش كنقييصهم حيت الحاجة مابقاتش كتخليني هي كتنهز تصبنهم وهي لي كترجعهم(هز حجبانو مكمل) نتا كتشك فيا مابقيتييش باغيني كيف لول كيفاش غنرتاح .. انا حسييت بيك تبدلتي و وليتي كتنقص مني وكتقول ليا ماغتقدريش على الولاد وماغتقدرييش على القراية وعلى الخدمة مابقيتيش كتبغيني واخا كنبغييك بغيت غير تفكر شي نهار قلتي ليا شي كلمة ونقول كتبغيني عمر ك قلتيها ليا وليت كانحس بيك تزوجتي بيا غير حيت بقيت فيك وبغيتي فيا الاجر….
هو كيقرااا وطالع ليه لفوق انها مزال كتكتب فحين فبيتها غير كتبت الميساج الاخير مسيفطة ليه فيه ” هاد الكلام ماقدرتش نقولو ليك قدامك ماغنقدرش ماعرفتش شنو كيوقع ليا ملي كنوقف حداك كتحبس ليا الهضرة فحلقي.انا ماقدراش نعيش فزواج كلو شك مابغيتش ولادي يشوفوك كتشك فياا ومكتييقش بيا وتزيد تزرع فييهم قلة الاحتراام لشي بنت مطلقة…. حيت داك الطلاق لي كيشوفوع عيب راه رااحة ليها بحالي انا لي كون رجع بيا زمان لور غنطلق ااالف مرررة ونعاود نعييش لي عشتو على انني نبقى مع داك الانسان…عمري فكرت مزال نتزوج حيت عارفة الزواج ومشاكلو وانا مابغاش المشاكل ماعنديش الجهد لييهم باغة غير راحة مع ولادي ومعاك ماشي واحد خور…بغيت خصوصيتي تحتارم عيوبي غيشوفهم راجلي و ولادي حيت ماشي ليوم ولا غدا غيعايروني بيهم “
سيفطاتو وخداات واااحد النفس عميييق وطلقاااتو بحال شي وحدة كانت كاانت مخنوقة وفجأة تنعشاات بريح الاوكسيجين عاد ارتاحت وحطات التيليفون ملي شافتو قرااهم لي ليها ليها يتقلق ولا يغضب ولا يتعصب ريحات خاطرها والكرة بين ايدييه واش تبقى تفكر غير لواحد خور واش يتقلق ولا للحاجة حيت مو ماتشكاش منها…تفكر فراحتها وفخاطرها لي جمعت فييه حتى مرضها..!
ناحات فين تهز وتحط راحتها على خاطرها حتى شافت البااب تحل عليها وكان غيير هو طل علبهاا منو وهي مخطوفة ملفتة كتشووف فيه وهو يحرك ليها راسو باش تبعو
محمد : اسماء..آجي …اجي معايا…!
طول فيها شوفة وهي حادرة رااسها كتلون غير تالفة مبعد منو شوفة حشمااانة ومزننكة….حك بين حجبانو شاد الضحكة بزز باش يبقى جدي واخا بانت فعينييه مبسميين….كح مقاد نبرتو ورجع قااال…
محمد : تبعيني للصالة..
سد البااب خلاها توجد وتستوعب على خااطرها عاد تبعو ورجع جلس كيف كان موسع رجلييه وصباعو فوق ااطبلة كيدقدق عليها وعينيه على البيت حتى بانت ليه خارجة منو مكتشوفش عندو كااع كتلعب بعينيها هنا ولهبيه مهرباهم منو وهو حاطهم عليهاا حتى قربات جلساات جنبو جامعة رجليها وايديها عندها كترمش بهدووء واصلاه ريحتو والبارفاان لي خوات عليها كلها ضاارت بيه كيطلع وينزل ويعبر فيها بشويا بشويا على خاطرو حاس بيها متوتترة ومرتبكة حافض حركااتها وايديها لي كتجلس تشبك وترخي فيهم وتلعب بضفارها وصدرها عامر كيطلع وينزل بسرعة كتنف قلبها غيسكت…ماعرفها واش خلعة ولا حشمة ولا اشنو واقع معاها…
محمد : شوفي فيا (بنبرة مرحة) ولا نزل الواليدة نشكي عليها حتى انا….اسماء..
اسماء هزات كتافها : انا مدرت لييك والو علاش غتشكي مني…
محمد : مادرتي واالو !!
اسماء : شنو درت ليك ؟
تلفتات عندو فقصها بهدوئو مع التلفييتة لي غتلفت غوتااات لربي لي خلقهاا بأللم وشدااات ركبتها دغيا وهو تخطف عنددهاا خلعااتو كيشووف معاها فين شادة..
محمد : ماالك بلااتي نشووف حيدي ايدييك بلاتي نشووف…
اسماء : اااححح ضربت ركبتيي (بغى يقيصها حبساتو كتبكي)لا لااا لاا ضربتها مع القنت دزاجة خليها (كتبكي قالبة وجهها) شنو درت ليك انااا اشنوو درت لبيك علاش كدير لياا هكاا
شاف فيها باستغرااب وهي كتبكي شادة على ركبتها …
محمد : خليني نشووف ماوقع ليك والوو بلااتي(حيدي ليها ايدييه وهز سروال دالبيجامة على ركبتها حمرة مامجروحة ما واالو) مااوقع والو غير تقصحتي…
اسماء : حسييت بالضو ضربني فيها حتى رجلي غتمررض تا حاجة ماغتبقى فيا صحييحة…
محمد: ماوقع واالو يلاه صاافي غبير تقصحتيي هاهي مشااات(كيمسدها لبها بشوياا) شووية ؟ نطيروها حتى هي..
مسحات دمعتهاا شداتها الضجكة عاقال نهار حيد ليها الضفر ملي تجرحات فصبعها…
محمد مسح ليها دموعها : شووية دابا ؟ كوضررك ؟
اسماء بعدات وجهها : ضريتي فخاطري…ااي غ غير بشويا….
بقى كيحاول نعاها بشوياا بشوياا حتى فاتتها ورجعات جلسات مبعدة من قنت الزاجة ديال الطبلة وهو رجع سرحها ليها فوق الطبلة وجلس جنبها كيشوف عندها حادرة رااسها مغبنة غبر بوحدها غير غيقيصها غتبكي حتى حسات بييه مد ايديه لسعرها سرحة وراهاا ومدها كثر لكتفها قربها لييه بشويا…
محمد : علاش داك الكلام مكنسموعش منك ؟ علاش ايلا سولتك بهاخط كضحكي وتقولي ليا مرتاحة ؟ علاش تكدبي فراحتك ؟
اسماء : خاصك تحس بياا وتعرفني مخنوقة ماشي حتى نقولها لبيك ماشي كلش كيتقاال
محمد: ولككن هاديشي كيتقاال…اللي ضرااتنا كنقولوها…واش داخل لراسك باس نعرف اسنو عندك حرااكتك وافعاالك لي كيبنو لياا…وي عارف راسي مزيرك وحرمت عليك بزاف ديال ااحوايج ولكن حتى نتي قولبيهم ليا ونتناقشو فيهم ماشي ماتعجبكش شي حاجة وتكمديها وتسكتي علاش ا اسمااء…
اسماء :بحالا نتا كتسمع ليا…
محمد :جربتي تدوي معايا…(دوز ايديه على شعرها ساهي) خنقنك حتى هربات منك الرااحة ضربيها فوجهي شنو لي كيبان لييك كنخنقك فييه قولي ليا…واش خنقتك حيت فرضت علييك تحجبي ؟ مم ؟ ما مرتاحاش فيه ؟
اسماء : عمري فكرت نحيد الحجاب…
محمد: وشنو كاين قولي ليا علاش كتقطري فالهضرة دوي نيشاان….
اسماء هزات كتفها تالفة: مااعرفتش كنحس بيك خانقني حبستي عليا كلشي ماااعرفتش شي حاجة ماعرفتهاش شناهي ولكن حاسة بيك خانقني ومزيرني حرمتيني من شحال من حاجة..قلتي ليا ماتخدمييش وقلتي ليا ماتدوييش مع اي وااحد وكتقول ليا ماتسلمييش …
مجمد : هذا وكان ؟ باغة حرييق راس مع بنادم ؟ شنو ناقصك ؟ مخصصك من شي حاجة تخرجي تخدمي عليها؟ عارفة رااسك حشال تكرفستي وعاد قلتيها علاش شنو دوري ايلا خرجتي تخدمي نتي نجلس نربي ونقابل الدار ؟ بغيتي تحركي من دار مرحبا بغيتي ديري شي مشروع نيسائي مرحبا…واش حيدت ليك شي حاجة من غير ايلا كانت فبالك وحيدتها عليك ماعرفتش…
اسماء : بغييت نخدم بغيت حتى انا تعول على راسي ماناقصني والو ولكن بغيت نتعلم ندير شي حاجة ماعرفتش شنو يقدر يوقع من هنا للقدام بغيت نكون عارفة ايلا طحت عندي باش نوض…
محمد تمعن فهضرتها مزيااان وكمل بهدوء : من حقك…غير قدي بييهم بغيتي مشروعك نديروه هادشي لي كاين حلينا خنقة الخدمة؟ بغيتك مشروعك…يكزن نسائي ماتحكيش ليا مع الرجال وانا معاك بسم الله…من غدا بدايه…
اسماء شافت مطولة كتفكر : علاش كتشك فيا ؟ من امتى بديتي كتشك فيا ؟ حيت كتشك فيا ماكتخلينيش نخرج وكتبغيني نعلمك فين خرجت ياك؟
___
محمد : ماشي من حقي نعرف مرتي فين مشات ومعامن خرجات ؟ ايلا ماسولت فيك نتي فيمن غنسول ؟ شكون عندي من غيرك ؟ مسألة شك ماعرفتش مانقول ليك فيها…المشكل ماشي فيك…ماعرفتش فين كاين يمكن فيا مكنتيقش…صعيب نعطي تيقتي…على بالك خويا شنو قتلو
اسماء : كان مريض ؟
محمد: حميد ماشي مات تقتل ا اسماء…
اسماء بدههشة رمشات عيونها : كيفااش ؟ و واش بصح كيفاش تقتل ؟
محمد دوز ايديه هاة شعرو كاره يجبد هاد السيرة : ايسطواار طوييلة اختصارها….خويا كان باغي واحد البنت على سنة الله ورسوله….واحد صاحبو كان على علاقة بهاد البنت فرقو طريق وكل واحد مشى مع طريقو شنو وقع من بعد خويا بغى هاد البنت والواليد حاضي معاه وكدا راك عارفاه..كان شوية باغي يتفلا ولكن مع الواليد مكابنش هاد القضية جاه نيشان قاليها ناخدها ليا على سنة الله ورسوله…وجدو ليه الامور وداكشي ديال الزواج نهار الخطوبة زهى مع صحابو وعرض عليهم…داز الوقت كلشي مزيان وهاني… حتى مرض حالتو لا تبشر بالخير ضعااف كيبان ليك لو كبتنسل الواليد عرفو عندو واكل شي عجب ولكن فات الفوت ماضربش خميطاش يوم ماكسيمون قال لينا الواليد الله يرحمو هنا فالدار….الحمد الله سبقنا لدار الاخرة غنلحقو عليه…..كيدووز الوقت حتى كنعرفو السيد لي هو صاحبو هو سباابو شاوه شي ناس فليلة الخطوبة عطاه شي حاجة وفعلاا كان هو ملي جات السيدة لي نواها للزواج وقالتها للواليد وبعلمها تعطى لخويا داكشي…قالت ماقدرتش ندوي خافت يقتلها على قولها… ملي سولو القاضي علاش نوا يقتلو ؟ كيقول ليه شي هضرة فشكل…الدرية كانت ديالي وخداها لياا وحط عينيه على حااجتي… انا وعقل الصغر سمعت هضرتو ماحس براسو حتى لقى واحد الكرسي جمعو وطوااه…
اسماء : قتلتيييه ..؟
محمد شداتو صحكة من ردة فعلها : قتلتو وباقي حداك… لاا ماوقع ليه والو خرجوني من القااعة والغوات والصدااع شي كيبكي شي كيغوت كيان كيبان ليا غير هو عيني تغمضو باغي نشوفو مدفون حدا خويا وصافي ولكن فات الفوت خويا مات وقع اللي وقع…اللي كنشوف كيفاش ديك السيدة معاه وتافقو وعطاوه داكشي كان ممكن تقولوه افلان انا وياك ماصاالحيينش علاش هاد التجرجير والحرب كلها ضيعات راسهم وضيعوه حتى هو…(تنننهد بعض صمت قال) الحمد الله…
اسماء بأسى وحزن دمعو عينيها :الله يرحموو…
محمد: اللهم اميين…البلان ديال الوالدة ا اسماء ماعرفتش مانقول ليك الواليدة هاديك ماعنديش مانقول ليها ماعرفتش علاش ولات شادة معاك العكس وكنتي عزيزة عندها مافهمتش هي حال وعقل كل مرة فشكل انا مابقاتش كتفهم ليا (مد ايديه هز واحد الساروت وهي كتشوف فيه تزييير وباينة فيه مابقى عندو خاطر مع جبد سيرة خوه تبددل وهو عمرو دوا علييه) قبل مانعرف هادشي اللي كان من لول كنت ناوي نشوفو شي دار ولادي فالطريق مابغييتهمش يتزيرو مع بعضياتهم…هذا هو الحل لي كيبان ليا…غنجي ندوي معاها غتزييد تهز فخاطرها من جيهتك وتقول تشكيتي منها ومابغيتش يتخلق بيناتكم شي ضدد ولا شي عناد…غير خليها باغة ولدها الوقت لي كندخل فيه غنجي عندها ارتاحي نتي فدارك وترتاح حتى هي …مضنييتش هادشي كيوقع فغيابي من لول ندير ليه الحل…
اسماء : الله يرحمو حراام …هادي كانت باغة غير تفلى بااينى ملي خوك جاها للمعقوول ماالقات مادير فيه حشومة عليها واش بغات تضحك عليك ولا تقدر تكون واقعة بيناتهم شي حاجة ونواوها فيه حسيفة…
محمد: الله اعلم..المعني بالامر رحمة الله عليه وهوما هادشي لي قالو..متسترين على شي حاجة ماعارفينش بيها الله اعلم…بغاها مابغاتوش شنو كان واقع تما الله اعلم…
اسماء : وهوما دابا فيين مشاو…
محمد : كنت تابعو وهو فالحبس وحاط عليه العين كنتسنى فين غيخرج…حتى وصلاتني خبارو تعداو عليه وسط الحبس بقى كيتلاوح بينااتهم حتى ضرب شي حد تهازو بجوج سالات بيه مقتول…
اسماء : فالحبس هاادشي ؟؟؟ (بتردد كتشوف فيه)ش شي حد موصي عليه زعما..
محمد حرك راسو ساد الموضوع: الله اعلم…
اسماء حركات راسها : الله رحمو خوك مسكيين اما هادييك المسخة جهنم ورحمة ليه(تفكرات خوتها وسعاد) لهلاا يسمح لأي وااحد كيأدي خوه المسلم بلا حق انا مانسمحش ليهم دنيا واااخرة…(شاف فيها وهؤ بدون شعور كتظوي)اما هاديك مكانتش كتبغيه انا متأكدة حيت لي كيبغي مكيغدررش وانا كنبغيك مانقدرش نغدررك داكشي علاش ماقبلتش تشك فيا…
تلفت عندهاا هاز حجباانو بشوفة مكرة وهي بعدات عينيها وعات على لي قالت حتى حسات بييه جرها من خسرها لعندو باس خدها ضاحك وهي مزيرة كترجف بين ايدييه حاسة بشعر لحيتو كيقرص خدودها…
محمد : عارف هه..
حتى تفكرت الدار لي خدا وماشورهااش وهي تشوف فيه…
اسماء : خديتي دار (حرك راسو بايجاب بلا خاطر) ماقلتي ليا والو…علاش مكتشاورش معايا امحمد حتى كنفهمها فشكل وكنغلط عاد كتقول ليا شنو كاين علاش كتخبي عليا…
محمد : هاانتي زلكتي تااني شو على نية عتدك…فين خديت شي دار يلاه ناوي شفت وحدة جاتني مزيانة ولكن حتى تمشي معايا تشوفيها …دويت معاك صباح قلت ليك نورييك شي حاجة هي هادي بغيت نجيب ساروت باش تمشي معايا..هذا ساروت ديال الموبل حتى تشوفيها….
اسماء عقدات حجبانها قالبة وجهها تاني :ماكينش شب حد غيعطيك ساروت الموبل علاش كضحك عليا ما ماعندييش ربع سنيين راه كنفههم…
شافت فييه ساكت بحالا مأكد كلامها وهيزتحرك بغاات تنوض حتى رجعها لعندو مامفااكش معانا حتى تلين وترضى هاد لييلة مقتدرش يصبر عليها كثر وترحع ليه كيف كانت وكي ولف عليها…زير فووق ركاابيه مضور عليها ايديه راخف على كرشها وهي قالبة وجهها مكتشوفش عندو باغة تبكي حتى حسات بيه قبل عنقهااا بقبلة حاارة…
محمد : وفهمي هاد العبد لي قدامك رحمييه شووية باغيك واخا مابقيتيش باغاه…انا كنطبخ ليك من بلاصة اخرى ونتي كطبخي للفراق من جيهة اخرى ..
شافت فبه بنص عين كتخايل فالدار الجديدة وقالت بصرااامة زعما انا الري وانا شوار….
اسماء :اختاريتيها ولا مزال…انا لي بغيت نختارها…
محمد : شكون قال شي كلمة نتي لولى…مابغيتش نختار تاتشوفيها..(بعدات منو عينييها كتسمع فيه)وشفي نيتك فيين مشاات…شكون مصالحش للتاني…(زعزعها ب ربكابيه)آدوي ا دراما كوين …
اسماء : ماتبقاش تشك فيا انا ماشي بحال هاديك المسخة لي خطبها خوك مسكيين (هزات فيه صبعها دافعة الجبهة باغة تضسار عليه) ايلا مابقييتش باغاك غنقولها لييك نيشان..
محمد هز حجباانو وعض دااك الصلع حتى خطفاتو عندها : ماتهزيش عليا ايديك ولا غنجيب المخزن يفكني معاك انا مقادرش عليك…
حلاات عينيها كضحححك حتى مالت متكية على كتفو جاتها فشكل يدوي بديك طريقة مرقق صوتو بحالها…
اسماء : مكندوبش بحال هكاا…
محمد : لا غاطرطقي ليا العروق باش تدوي…(هز وجهها عندو)كنشوفك مغيرة ماعرفش مالك ضنيتك تغيرتي مع اللي درت فيك ماشي سااهل عارف طلبت السماحة وخليت الوقت يرطب لي قصحتو…ماضنييتش هادشي كامل بيك…
زيرهاا عندو مقبل عنقهااا بحراارة وشوق حاسة بنفسو سخوونة كضرب فعنقهاا تبسماات بعيون داامعة وضورت ايديها على خلف رقبتو عنقااتو حتى هي بصمت كتسمع فييه كيردد بيين شفايفو
محمد :اللهم اجعل بيننا من مودة ورحمة أ فضلها..اللهم سخرنا لبعضنا البعض…(حس ب بكاائها على رقبتو فزكااتها وطبطب علييها مبسم كيمسح على ضهرها) ششش…
كيسكتها بحركاتو بحالا كيزييد يبكييها كثر حاسة بقبلاتو على رااسها وكانه كيطلب سماحتها خلات لرااسها الحرية لعناقو لايحة كلشي وراها اختارت راحة قلبها وخلات فايد الله يحلوها ومرها…!
🥀《وكيف للقلب أن لا يحن .. 》 🥀
________
ارتاحت لضمتو وبقات هكااك متكية راسها على كتفو حاسة بايديه كيمشيو على كرشها بهدوء حتى غمضات عينييها وتنهدات هازة النفس برااحة وشافت فيه…
اسماء : امتى دخلتي تسنيك حتى عيت وتعطلتي حتى دخل الحاج كنت خارجة نسولو خلعتيني عليك حتى شفت برا….
محمد : ما مشيت فين …كنت هنا…
اسماء : من امتى ونتا جالس فالصالة…
محمد تننهد متحسس كرشها تحت الحوايج حتى قغزات من ايديه باردين: سمعت كلامك كنت باغي نسمعو وسمعتو…ماكرهتش مرة اخرى يتكّال ديريكت تبقاي مرتاحة وانا مرتاح(شاف عندها فجدية)ماتكدبيش عليا فراحتك..
اسماء : غتسمع ليا..
جمع وجهها بابد وحددة وقربها لييه كثر باس على رااسها مطوول كيدوي…
محمد : كيفاش مانسمعش ليك…
اسماء : وعلاش مادخلتيش عندي…
محمد : مابغيناش نعاودو نفس الغلط….
سكتات مرة اخرى ورجعت حاطة راسها على كتاافو…جو خفيييف وسكوت كيجييب الرااحة لا الحاجة طالعة نازلة كتغوت لا تسنيم براسها محرمة اللحضات فايقة غير هوما بجوج وصوت الساعة كدق فكل تانية دازت….ماشافتش فالساعة ومامهتماش بيها مابغاش تنوض وتنعس وتفسد هاد اللحضة لي ايام عديدة وهي مشتاقة ومحسرة ليها…حلات فيه عينيها معسيليين بالنعاس مساخياش مرخية مع حركاتو على كرشها مربح الوجع لي ولا كيزورها هاد الايام وهو يبان ليها ساكت بحالها ….ولكن كيقول شي كلام بين مامسعوهش ليها تبسمات مرخيية وقالت…
اسماء : اشنو كتقول…كنشوفك كل نهار بالليل كتنعس معنق كرشي وكتقول عليها شي حاجة…
تبسم لكلامها بلا مايشوف عندها وهي ضحكات كتشوف فيه حتى بان ليه كح مسررح صوتو…وقال مجود مخليها غمضات عينيها براحة لصوتو الهااادئ كيخليها مخشعة مع كل كلمة كيقول متذكرة القارئ “عمير شميم ” بعد مرضها ولا هو أفضل قاررئ ليها…
محمد : إِذۡ قَالَتِ ٱمۡرَأَتُ عِمۡرَٰنَ رَبِّ إِنِّي نَذَرۡتُ لَكَ مَا فِي بَطۡنِي مُحَرَّرٗا فَتَقَبَّلۡ مِنِّيٓۖ إِنَّكَ أَنتَ ٱلسَّمِيعُ ٱلۡعَلِيمُ (35) فَلَمَّا وَضَعَتۡهَا قَالَتۡ رَبِّ إِنِّي وَضَعۡتُهَآ أُنثَىٰ وَٱللَّهُ أَعۡلَمُ بِمَا وَضَعَتۡ وَلَيۡسَ ٱلذَّكَرُ كَٱلۡأُنثَىٰۖ وَإِنِّي سَمَّيۡتُهَا مَرۡيَمَ وَإِنِّيٓ أُعِيذُهَا بِكَ وَذُرِّيَّتَهَا مِنَ ٱلشَّيۡطَٰنِ ٱلرَّجِيمِ (36) فَتَقَبَّلَهَا رَبُّهَا بِقَبُولٍ حَسَنٖ وَأَنۢبَتَهَا نَبَاتًا حَسَنٗا وَكَفَّلَهَا زَكَرِيَّاۖ كُلَّمَا دَخَلَ عَلَيۡهَا زَكَرِيَّا ٱلۡمِحۡرَابَ وَجَدَ عِندَهَا رِزۡقٗاۖ قَالَ يَٰمَرۡيَمُ أَنَّىٰ لَكِ هَٰذَاۖ قَالَتۡ هُوَ مِنۡ عِندِ ٱللَّهِۖ إِنَّ ٱللَّهَ يَرۡزُقُ مَن يَشَآءُ بِغَيۡرِ حِسَابٍ(37)
فور صمتو حلاات عينيها فيه مييتة بالنعاس كتشوف فيه وهو مكمل بهممس كيقرا بشوياا مع صمت الليل عند بالو كيقرا بجههد فحين صوتو كيتسمع بشويا…
محمد : اللهم صلي على محمد وعلى آل محمد واجعله اشبه الناس خُلقا وخَلقا ومنطقا برسول الله صلى الله عليه واله وسلم….اللهم صلي على محمد وعلى ال محمد واجعله اشبه الناس خلقا وخلقا ومنطقا برسول الله صلى الله عليه وآله وسلم…
اسماء : صلى الله عليه وسلم…و واش حاجة زوينة نقرا على ولدي القران وانا حاملة بيه…
محمد : من الاحسن القران فكل حين وحال مفيد…الايات اللي دكرت من سورة ال عمران..القران الكريم بصفة عامة به خير كبيرة وفضلو عضيم لقوله صلى الله عليه وسلم من قرأ القرأن فليسأل الله به….
رددات خلفو الصلاة على النبي صلى الله عليهم وسلم وتكات على كتفو مرة اخرى مبسمة كتسمع فيه هاد المرة كيقرا بصوت مسمعو ليها ايات من سورة بوسف وسورة البقرة …حتى ارتاحت على صوتو ومشاو بيها عينييها حس بيها ترخاات ونعساات على كتفو…حقق فيها الشوفة وشعرها مخبي وجهها ماتمعنش فراحتو وهو يجمع ليها شعرها لاحو وراها معري وجهها لي تخبى عليه بالشعر وتحنى باس على جبينها بننفس حااارة كيتنهد مشى ليه الخاطر فاش تجبدات سيرة خوه…كان حاجة ماكتكررش فحياتو مشات جمعها وطواها وخلاها لداخل عندو…كاره يدوي فيها ولا يعاود يتدكرها ولو انه عمرها تنسات…
يلاه تحرك غيهزها وهي تخطف من بلااصتها فااقت مدووخة جابت لييه الضحكة هزها بين ايدييه ودخلها لببيت خلاها نعساات فبلاصتها وتسنيم داها لبييتها طفى عليها الضو ورجع قبل مايدخل لفراشو خدا دووش خفيف وهي كتسمع فيه من برا وكضحك مايمكنش شي نهار ينعس ايلا مادوش نقي لواحد درجة هي كتغير منو بعد المرات وكتنوض دير بحالو غير حسات بييه خرج عمضات عينيها دغيا مشدودين مزيرة علييهم حتى حسات بيه تكى حداها حتى مالت بيها ناموسية بجنب ورجعات كي كانت…!
__________
حرارة الاشتياق فديك ليلة مستحييل تريحها وتخليها تنعس ولا حتى هو بحالها…قدرات تكملها وتصبر وتنعس جات البادرة منها تدوي ولكن مستحيل تزعم وتجي منها وتعبر على حبها واشتياقها بطريقة اخرى او بطريقة فراش الزوجية لي كتعتابر افضل طريقة للتعبير اشي اي ج&نس شهوة…الج&نس معاشرة الروح قبل الجسد.. تعبير الاشتياق…برهان…وشهوة مع بهرات الحب…ضناتو بحال كي كان كيدير ديما كيقرا شوية على كرشها وكينعس لكن هاد المررة غير تكى فبلاصتو مد ايديه لخسرها وجرها لعندو بالمقلوب حتى حلات عينيها كضور فيهم وسط الضلام متووترة ومرتاابكة طاحت عينيها على الساعة ربعة ونص ديال الصباح….غير تعول تبقى بلا نعاس هاد ليلة…حاولت تغمض عينيها وتنسي التبوريشة لي هزات دااتها ومعدتها لي كيلعبو الفراشات داخلها شكون قال..يمكن حتى البرهوش فرحان ب باه هاد الليلة غيزورو ويطل عليه…
فررح قلبها وتبسمات مرتااحة وسط داك الصدر…رجع معاها الحنيين والقلب شعلات فيه العاافية حااسة بدفئ وحناان غريييب حاوطها…سكتات قاطعة الحس واخا راه حرارتها وصلاتو ومع الحمل قصة اخرى….الصممت وسكون البيت مع لمسات ايدييه وسكاتهم بجوج ترخات واستحلات ايديه حتى حسات بيه باس عنقها من الخللف بدون شعور زيراات على ايدييه وهي ترجع ترخفها دغياا عاضة على شفايفها ولات حمرة بالحشمة بينات شوقها ليه وعيقات كاع….غمضات عينيها كثر كتحسس بقبلااتو متتابعيين على رقبتهاا وايديه كيضورها لعندو حتى تقلبات لييه بدون استوعاب خطف شفاايفها لعندو لقاها وااجدة ومستعدة لقبلتو بشوق ولههههفة جنونية عنقات عنقوو وسط الصمت غير اهااتها الخفييفة لي كتسمع بقبللاات حاارة واشتاايقهم لبعضهم والاكثر اشتياق الاجساد ملتحمة فوق داك السريير…اشتعلت نيراان الشهوة وراحت الحشمة فكلام فاحش…رجعات اسماء لطبيعتها غير بلمسااتو وقبلااتو على صدرها و وسط عنقهاا رفعها معااه حافض نقط ضعفها ملهووف عليهاا مشتااق لجسدها وليها ولروجها….مامزروبش وكيف العادة كلشي عندو بشويا بلااتي دقة دققة مكيبغييش يزرب فالعلاقة الزوجية داكشي بالخاااطر واخا لقى معاها مشاكل خاصة انها مدة طويلة ما كانت بيناتهم شي معاشرة فضحاتو الغوات والعضان وهو كيصبر تا كيصبر وكتشدو الضحكة وهو كيسايس…صوتها رقييق راد البال لا ينزل شي حد ويحرجها ….تضاعفو الاحساسيس والحنيين بعد البعد فدا فيهم القدييم والجديد ولي جاي ولي بااقي…
حتى كملات المعااشرة ولو انه مكاانش قاانع منهاا لكن تكايس عليها هاد لييلة خاصو مع تنفسها الضيق دغيا ولات كتعيى حاس بيها مابغاش تحرمو ولكن حتى هو جاس بيها عيات…وصحتها اهم رغبتو فيها…!
ضوء النهار كيطلع وهي متكية على صدرو مغطية بايزاار مصحصحة وعينيها محلولين مشى النعاس لي كان شادها فحين هو مغمضهم باغي غير ينعس ومخلاتو حتى بدا كيأدن الفجر زيرها حتى ناضت قدامو توضات باش تصلي معاه فاخر لحضة لقاات راسها مقيدة بين ايدييه وسط الحمام بعد اخد وعطاء خرجات منو سخفانة كتلبس ملاابسها تسناتو حتى سالة وخرج لبس علييه وخرجها معاه تحت ايدييه لمسجد الصغيير صلاو فيه الفجر بجوج خلاتو كيقرا القرأن مابقى ليه نعاس صافي…فحين هي رجعات بدلات الفرااش دغياا حطات واحد جدييدة بريحة زويينة ونعسااات…
________
النهار كيطل بشمس خفيييفة منورة عاطية بداية جدييدة فيوم جدييد ماشي كأي الايام…كان جالس كيف خلاتو اسماء وسط الممسجد الصغيير متكي بضهرو على الحيط وراسو مليوح لور سااد عبنيه وتفاحة ادم واضحة كتطلع وتنزل مع كل خطرة حرك فيها رييقو كيسمع صوت الحاجة وهي فايقة كتقرقب الفوق وداوية مع الحاج ضرب عينيه على ساعة وتننهد من اعماق صدروو لايح نفس قوووية عاد حط التسبيح لي كان بين ايديه رجعو لبلاصتو وناض وقف خرج….نيشان لبيو تسنيم ولات بحال لالاغم كضرب سبعة ونص كتفيق مولفة على المدرسة…
لكن الشيى لي لاحضو من نهار جاب اسماء وهي كتفييق مغبنة ملي كتلقى راسها بوحدها فالبيت كتسنى تشوفو ولا تشوف مها عاد كترتاح كتجيب ليه الضحكة عارفها مولفة اسماء ميمكنش تنعس ايلا مكانت ايديها عليها ولكن بطريقة او باخرى كتنعس بلاما تحس براسها واش هي معاهم ولا لا…لحد الان عند بالها اسماء كتنعس معاها فالبيت وكتفيق قبل منها…
حلات فيه عينيها كترمش معسلين بالنعاس تا جلس حدهاها وجرها من ايديه عندو تنوضها كتنقز مفرفررة كتفرنس لييه حتى جلسات فوق ركابيه كتحك فعينيها…
تسنيم : صباحو زويين…
محمد : هه صباح الخير…
تسنيم ناشطة : انمشيو ليكول ناخد معايا تيليفونة ديالي مكتبغيش ماما…(برجاء)نديها غير ليومة غبر مررة وحدة صافي كلهم صحاب ديالي كيجيبو تيليفون ديالهم …
حرط راسو كيسرح شعرها بايديه صابح شاد رييزواات شهب بووكلي كيلمع وهي مشطونة راسها كيضور من جييه لجيهة حتى قشعات واحد القمشة فعنقو وقاصتها مغبنة ملامحها…
تسنيم : ااحح فيك جريحة شوف هنا (قاص فين قاصتها) انا مافياش جريحة كتقولي ماما ماتقربيش لمشيشات باش ماتجرحش ليك وجهك واش حتى نتا ميشيشة دارت ليك جريحة…
حرك راسو نااشط معاهاا كتحمقوو هضرتهاا قرص نييفها بواحد جوج صبااع…
محمد : واحد المشيشة بحالك…كتشبه ليك…
تسنيم : زوينة بحالي انا ؟
محمد ضحك تفكرها لبارح هلكاتو قميش : زويينة بحالك غير هي مصعورة كتقمش…مامعاهاش اللعب..
تسنيم حالة عينيها من نيتها متبعة معاه : زوينة بحالي وفراشة ديالك بحالي…
محمد : عندي فراشة وحدة…هي تسنيم…
وسعات تبسيمتها وهو كيشوف فيها سبحان الله غير نسخة مثغرة من اسماء خدات انطبااعها كاااامل حتى هي ايلا تمدحات كيعجبها الحاال وكضحك وتبدا تعوج فعنقها…
تسنيم : انقول لماما بابا محمد فيك جريحة هنا وتبوسها ماتبقاش فيها جريحة
حرك رااسو بايجااب كيشوف عندها مطوول متدكر نهار الباارح وهي مارمش فييه حتى نطق بجدية كيمشط سعرخا ب صبعانو…
محمد : مكنمشيشو ابابا مع شي حد مكنعرفووهش…علاش طلعتي فطوموبيل دناس مكتعرفييهمش ممم ؟!
تسنيم : انا ؟
محمد : خليتي ماماك بوحدها وخرجتي بلاما تاخدي الادن وطلعتي فطوموبيل ديال ناس مكتعرفيهمش…
تسنيم : قالتلي نديك عند باباك ديالي محمد…
محمد : مشيتي عندها ولا جات عندك..!
تسنيم : انا عاقلة عليها هيايا كتعلب اللعبة ديالنا وقلت ليها نعلمك تلعبي معانا ….
محمد كيقاد فشعرها وكيدوي بشوياا حار لساانها بشوياا.. :اهمم و مشيتي عندها ؟
تسنيم : قالتلي فين ماماك !
محمد : وباش جاوبتيها ..
تسنيم : لبارح ؟
محمد : ممم سولاتك فين ماماك شنو قلتي ليها !
تسنيم سربسبات لييه كلشي دغيا : قلت ليها ماما لهيها…وقالت ليا فين غادا قلت ليها عند بابا محمد و وقالت ليا رجعي عند ماماااك ماتمشيش بوحدييتك ولكن انا بغيت نجي عندك (غبنات ملامحها كتشكى)ماما مكتسمعليااش ومكتلعبش معايا ماما كتبغي تيلفونها كثاااار مني كتضحك فييه ولكن انا مكضحكش معاياا و..وفاش كتسالي كتدوي مع خالتو وانا ماكتسمعليااش …
محمد : انا علمتك فين غتلقايني ايلا كليكيتي على البوطون الخضرة لي وريتك و غنطلع عندك وتشوفيني(قاصد الواتساب مخلي ليها نمرتو ومعلمها كيفاش تصوني عليه)…قلتي ليها نمشيو عند بابا محمد…
تسنيم : قالتلي اجي نديك اجي نديك عند باباك ديالي محمد …و وصافي و كدبت عليا ورجعاتني عند ماما واخا مكتسملعلياش…
محمد : ومشيتي معاها…شنو دايا نتخاصمو دابا ماتبقايش الفراشة ديالي…!
سكتات حادرة رااسها كتجمع وتوجد فالبكية وهو كيشوف فيها بحالها بحال مها قيصني نبكي واخا تكون هي راس الحربة…كح ودوا بجدية نوعا ما…
محمد : مكنطلعوش مع ناس مكنعرفوهمش اتسنيم اخر مرة….مكندويوش مع ناس مكنعرفوهمش…ايلا خرجتي مع ماماك كتبقاي حداهااا ايلا بغيتيني وريتك كيفاش توصلي ليا …
تسنيم : واش هاديك المراة خايبة بحال ناس لاخرين
محمد : شكون لاخرين ؟
تسنيم : قالت لي ماما كاع ناس خايبين ايلا ماما وخالتو و وبابا محمد و و وسلطان صاحبي و وصافي…ولكن هي كانت صاحب ديالك ونتا زوين ماشي خايب يعني حتى هي زوينة…
محمد : ماماك كانت معصبة داكشي باش قالت ليك هاد الكلام…ماشي كاع ناس خايبين وولكن حنا مكندوييوش مع اي واحد كنتلاقاوه ومكنمشيوش مع ناس مكنعرفوهمش…ايلا بغينا ندويو مع شي حد كنمشيو عند ماماك د وكنسولوها ايلا قالت موافقة كندويو معاهم…وكنمشييو معاهم…ياك !
تسنيم حدرات راسها كترمش : ولكن انا بغيت نجي عندك…
محمد : شفتي كون كليكيتي على البوطون لي قلت لييك غير غتسدي عينيك وتفتحيها غتلقايني قدامك ولكن نتي مانجحتيش ف الاختبار ديالك…
تسنيم غبنات ملامحها مزييرة : انا مابقيتش مجتهيدة
محمد : ايلا عاودتيها مرة اخرى مابقيتي المجهتدة ومابقتيش الفراشة ديالي وغنتخاصمو…باش تنجحي غتمشي غير مع الناس لي كتعرفيهم بحالي انا و ماماك …
تسنيم : وخالتو (حرك راسو بايجاب )وجدو وجدة ديال ماما…وجدو وجدة ديالك بابا محمد (نفس الحركة ) و..و و سلطان (حرك راسو) …غير هادو صافي ؟..
محمد : غير هادو واحد اخر منطلعوش معاه حتى نسولو واليدينا واش زوين داك الشخص ولا العكس…(حركات راسها بطاعة) نوصلك للمدرسة ولا تمشي مع صحابك ؟
تسنيم طلات عليه ميلة شفايفها باغة تبكي : مابقيتش الفراشة ديالك تخاصمنا ؟ مانبقاش نعااوود والله مانبقاش نمشي ماشي معاك و وماما و وخالتو وصافي ..
محمد : ماتبقايش تعاودي ؟ وعد ؟
تسنيم حركات راسها بطااعة : بخوومي…مانعااودش
تبسم باعجاب لحركاتها ولكلامها التابت وايلا دوا معها كدير بكلامو وكتسمع ليييه وكتطبقو بالحرف تبسم وعطاها خدو وهي تضحك وترخفااات من التزييرة لي زيرها وعنقااتو كتفرنس وتحزر وضور بييه حتى هزها مطيرها فالسماء وغوااتها كيتسمع من برا البيت طار ليه الخاطر مع كلام تسنيم ماعرفش غاية اسراء من هادشي مستحيييل بعد لي دارتو ينوي فيها خير ويعتابرها صدفة…القضية جاتو فشكل وموراها شي حاجة حتى هي فشكل…ولوان الكاميرات بينو انه اسراء مااتهاش بزز تسنيم لي مشات بخاطرها وحتى هضرت تسنيم لي كتقول بلي سولاتها فين ماما عاد هزااتها ولكن شي حاجة مفقودة تما…
سمعاتهم اسماء وناضت كترمش مدكدكة ماعندها حتى عضم صحيح تنوض بيه كابرات وناضت بزز عليها ضارت بحالتها دهنات ودوزات كحل خفيف تحت عينيها صبحات مشهياه مباينش بزاف عاد خرجات عندهم لقاتهم خارجين من البيت وصوت تسنيم غتسطى بالضحك هازها عندو…
قربات كتشوف من بعيد ضااحكة صاابحة منورة وفرجة القلب بانت فوجههاا بعييون لامعة رغم التعب لي باين عليها مابغاتش تزاحم مع تسنيم علييه حتى قرب درعها بايد وحدة باس على رااسها وهي ضاحكة…
اسماء : صباح الخييير…
تسنيم : صباحو زويين ماما…
اسماء :صبااحو زويين كبييدة يلاه تلبسي وتفطري حوايجك باش تمشي للمدرسة يلاه اماما فقت معطلة ليوم
محمد : غنديها ليوم رجعي ترتاحي… وجهك شاحب مالك…!
اسماء : لا غير شوية كنحس براسي عيانة ماقادرة نحرك حتى عضم…حاسة براسي بحالا كنت هاازة شي ثقل ماخلا ليا حتى عضم صحييح..
محمد : شي ثقل كثر من ديال البارح….
ضحكاات مبسسمة لكلاامو خارجيين بجوج وهي تحت درااعو لقى الحاج على برا يلاه خاارج وهو يجرو طلعو يفطرو مجموعيين فحين اسماء طلعان قبل منهم لقات الفطوور وااجد تجمعو على الطببلة كيطفرو ويدويو مع بعضيااتهم والحاجة ضاحكة وفرحانة ضور ضور وتشوف فمحمد كيعجبها يفطر معاهم ويدوي ويشاورهم كيف كان مؤخرا غالبا مكيفطرش فالداار غير كيفيق كيخرج للخدمة..
تسنيم حطات ليها الكيك لي صابولت ليها : ماما مسوسة…
اسماء : شنو هذا ؟ اشنو مسوس كولي اماما ولفتي شكلاط حلو …
تسنيم : بغيت شريبة ( مدات ليها الكاس وهي تردو ليها)
اسماء : مالو حتى هو مسوس ياك غير الماء…
الحاجة شافت تسنيم رخات ملامحها من اسماء مغبنة تدخلات : الماء د سيدي علي جاها مسوس عطيها لاخر اري لبها اخديجة ديري الخاطر مع بنيتك ابنتي معارفاش…
عطاوها تشرب وهي كتشوف فمحمد بحالا كتشكي علييه وحتى و غير كيشووف فيا ويشوف فاسماء كتتنهد حادرة راسها باين فيها ماعندها خااطر حتى دوات الحاجة وهو يتلفت عندها بتتااقل شاف فيها…
الحاجة : اشنو دابا اولدي نمشيو قدامك ولا تدينا ايلا ماكنتيش مشغول مانبرزطكش نمشيو قدامك عندهم حتى تلحق علينا…
الحاج عارف ولدو مغيمشيش: عفينا الحاجة نوصلك حتى تدوزي اللامة ونرجعك خلييه مشغول…
الحاجة: واسماء ؟ ماتمشميش معايا..
محمد : مشغول و محتاجها غير سيري الحاجة…
الحاجة : غتلحق عليا ؟ ايوا تمشي معايا اسماء حتى تلحق علينا…
محمد : اسماء طريق قاصحة عليها من هنا لوجدة غتمشي معايا لافراان قرب وسهل….(شاف فيها)خلينا من وجدة يلاه معايا لافران ياك كبعجبك طجين وسط الثلج…
الحاجة : وليني عارضينا ناس اولدي وعطيتهم الوعد نجي مالني درية صغيرة وهوما يسولو ويعاودو على اسماء وسميرة تسول عليها بغات غير تدوي معاها واية كل مرة تعيط تسول عليها هي لولى….وليني تاني ملي واعر عليها صافي ابنيتي معدورة ماكرهتكش تمشي معايا غي تونسيني…
محمد : حتى دابا ماوقع والو سيري لوجدة الحاج معاك قضي غرااضك وتبعوني لافران طريق وحدة من تما عندكم شي ربعة سوايع ديال طريق قدرتو تجيو تبارك الله ماقدرتوش نجي ليكم…
الحاجة : لاا ماتعدبش رااسك لاا حنا نجيو عندك ماكرهتكمش تمشيو معاياا م..الله يرضي علييك اش غنقوول…(شافت فاسماء)والله ماكرهتكش تمشي معايا
تبمساات ليها مرتاااحة خلاتو دوا فبلاصتها اصلا ماعندهااش شغل فيهم ومكانتش باغة تمشي وماعرفاتش كيفاش تقولها لييها ريحها ملي دوا ورفض فبلاصتها وبعدها هي…
اسماء : سلمي عليها الله يواتيهم بالخير انشاء الله…لعقوبة لمرة اخرى..
الحاجة ضحكات : خداها ولد عمها …نوض عليها الحررب مع جدو باش خداها..
اسماء مصطنعة الدهشة: بصاح علااش ؟
الحاجة: مابغاش يعطيها لييه دابزو نيت هنا فالدار نهار لي مشيتي فيه …لغد ليه…كان هاني الدريري مسكيين اتا قاليه غتمشي تخطب واحد بنت ناس قاليه شكون قالييه بنت شي واحد صاحبو من وجدة وهو ينوض لييه فكرني فالحااج ههه قاليه ناخد بنت عمي ولا مانا غتكون ليا شي وحدة ولا هي يكون ليها شي واحد…
اسماء تبسمات : عمي ابراهيم مكيبغيش اللي يقرر فبلاصتو…
الحاج : غير معكس مايلقاش ليها ما حسن منو وحتى هو ميلقاش حسن منها…ضروري من العكس والعناد حتى يشحفو ويدوزو من السراط عاد يعطيه الموافقة…فالاخير شاف تا عيى وعطاها ليه على سنة الله ورسوله الله يجعها ليه زوجة صاالحة ويجعلو ليها بالمثل..
كملوو فطروهم وخديجة كيف حطالتو قدام اسماء هزاتو ماكلاات منو حتى حاجة من غير العصير لي كان قدامها مرة مرة كتشرب منو ومحمد حاط عينييه عليها جاتو مغيرة هاد صباح وماشي على طبيعتها ماعندها خاطر كتبسم غير بزز…
خرج مع الحاج وخلاها معاهم والحاجة حتى هي تبعاتهم للصالة وهي نزلات بنتها وجداتها ولبساتها حتى لحق عليها محمد سيفطها للمدرسة وطلعات هي عند خديجة شوية مشات حتى هي خلااتها شادة تيلييفون واقفة قدام البوطاجي كتدوي مع الكليانة وتنهد غير بوحدها تالفة ودايخة مع الكوموند كي غدير ليها وفين غتصاوبها حتى حسات بيه تلمس خسرها وضورها لعندو و واقفة…شافتو بدل لبااسو عرفاتو غادي للكلينيك..
اسماء : غتمشي داباا..
محمد شاف فساعة : شي عشريين دقيقة نتحرك….تشمي معايا ولا مع الوليدة…
اسماء تبسمات معلية فبه عينيها : معااك…غنشميو لافران…
محمد : نديماريو وفينما جات بسم الله…عاجباك شي بلاصة نمشيو ليها….
باقي ماكملش كلمتو حتى حس بيها عنقات صدرو وحطات راسها عليييه تبشرو ملامحو وضمها عندو…كتمخشش فيه مريحة قلبها وسط دفئ صدرو العرييض كتمخشش وتشمش بحالا باغة دخل فيه…ماغتدخل علييهم غير الحاجة يلاه جاية داخلة حتى كيبان لييه معنقها تتحت درااعو وحاني رااسو كيدوي معاها وهي كتلعب فسنسلة دجاكيت ديالو ماعرفاتها شنو كتقول ليه كيبان ليها غير شفايفها كيدويو..تلونات ماعرفات ترجع ولا تزييد حشماات عمرها شافت ولدها مع مرتو هكااك ولات كتفتف فبلاصتها وهي تحدر راسها ورجعات عند خديجة لبيتها..
اسماء : بغيت نمشي للصالون شحال مامشييت لييه كنحس براسي فشكل ماااعرفتش حتى حاجة مابقات كتجيني هي هااديك…قالت ليا خديجة كنتي كتديهم لشي حمام زويين بغيت نمشي ليه وقلبت نلقى شي صالون زويين زعما نمشيو ولكن مكاينش والاغلبية فييهم رجال كيصوبو حتى لقيت واحد البنت كتجي للديور زعما ايلا احتاجيتها هي تجي عندي…و وبغييت نمشي عند ماما وتجي عندي تما…
محمد : ليوم هادشي ؟
اسماء : ايلا كنتي مشغول غير وريني البلاصة وونقول لكنزة تديني غنقولها للحاجة ديك نهار بغات تمشي ولكن ماقدراتش تقولها ليك لا هي لا خديجة…
محمد : وتسنييم شكون غيبقى معاها تسنايها حتى تجي ونجي عشية نوصلكم ؟ شكون هادي لي غتجي عندكم للدار ؟ كتعرفيها ؟
اسماء : لا لا كنعرفها هذا صالون تيقة ديال بصح كتجي غير بوحدها وكتجيب الماتريال ديالها واخا غالية شوية ولكن بعدا غنرتاح فدالدار حسن من الصالون…
محمد : بخاطرك…نوصلكم عشية حتى تجي تسنيم ماتخليهاش بوحدها…خليها فجنبك ماتفرقيش عليها مابغيناش نفس الغلط يتعااود…دوي معاها وخليك كيف كنتي معاها ولفاتك تسمعي ليها وتعطيها خاطرك ماتخليش شي حاجة تلاهيك عليها…
اسماء : ااخر مرة نطلقها من حدايا ولا نعاودها كون هاني…
_______
الحاجة : هداي هداي واقيلا ولدي تصالح مع مرتو شفتو محوزها عندو فالكوزينة الله علم…
خديجة : علااش مالهم كانو مخاصميين الحاجة لا ؟
الحاجة: مكانوش مخاصمين وليني مهازين ليوم لا صابحبن فشي شكل…الله يكمل عليهم مابغيت ليهم غير الخير…. دير غا عقلها انا ااش بغيت ليها وتحيد عليها الفشوش وديك النفس الخاوية وديك التحساس لي محسسة من مرتو لولى لاش…. هو ماغيرجعهاش والهضرة الكثيرة لاش…تا حملت وقربت تحطو عاد مزال تغيير منها…
خديجة : دويتي مع الحاج بصح محمد دعاها ؟
الحاجة: الله اعلم تانعاود نسول الحاج مانتييقش بيها واخا قالتها ليا مانتيقش بيها الله يسمح ليا واهي مكتحملها ما كتقبلها تكون جبداتها من جنابها…. حتى نسول الحاج عاد نسول محمد…واخا راه الحاج مابقى يعاود ليا تا كلمة….
خرج محمد واسماء بقات معاهم الفوق واخدة راحتها محو العباية غير ب بيجامة منزلية خفييفة مستوورة وزويونة فشكلها كانت غتنزل وهي دير بناقص….خاصة ملي شافت الحاجة هاد صباح ميكة عليها بلهضرة ميكات حتى هي وبقات معاهم لفوق حاضية لساانها مكتقزوش اي حاجة بالعبار كتدوي حطات للحاج فالصالة اتاي كيعجيبو يتنغم بيه فوقيتة الضهيرة حتى صونى تيليفونها من عند كنزة لقاتها سبقاتها فالصالون …
اسماء : كون غير تسنيتيني حرام علييك…
كنزة: وااقلتي ليا رارجلك مكيخلييكش تمشي للصالون تابعة غير هضرتك…
اسماء : وصافي راه غتجي عندنا بنت واخا نعرف نطلبهاا راه كتجي هي و واحد الولد غنقول ليها تحي بوحدها على الله تبغي…
كنزة: ماشي مشكل تانا مادرت واالو غير خارجة عشية سرحت شعري تالغدا ونمشيو لحمام عشية غادا مع عابيدين …
اسماء :فيين ؟
كتزة : غير هنا وصافي غدا نمشييو صافي عفاك خلي تالغدا نمشيو كاملينب بجوج…
اسماء : كنت باغة نمشيو ليوم صافي يلاه تالغدا نقصي الخروج مع عابدين شوية غضسريه عليك وراجلك قريب يجي حتى ايلا ماتفاهمتوش بقاو زوينين فوجه بعضياتكم..
كنزة : سيمانة جاية غيجي…
اسماء : الله يحنن قلبك علييه ااش غنقول ليك فكري اختي فكري مزيااان…
كنزة : يكون خير…سيشوار مجهد مكنسمعكش مزيان بسلاامة شوية ونصوني ليك واخا…
اسماء : صافي يلاه بسلامة…
قطعلت عليهاا ونزلاات يلاه دخلات لبيتها وهي تسمع صوت لكلاكصون ديال طرونسبور فالباب عرفاتها تسنيم جات…دخلات للبيت بالخف رمات عليها عبايتها عاد خرجات حلاات البااب كتشوف فالاستادة ديالها حلات ليها الباب نزلاتها عندها ومدات ليها المحفضة ديالها..
_بون جوغني…
اسماء : بالتوفيق الله يعاونكم…اجي اماما دخلي..
حطات رجليها على العتبة قدام البااب مادة ايديها لتسنيم حتى شدات فيها وزيداتها قدامها مدخلاها…يلاه غتهز رااسها وهي تشوف شي يد حبسات عليها تدخل وشدات عليها البااب….هزاات راسها دغيا فيه و غير شافتو حساات بنصفها السفلي طاح مشلل عليها….وهو يمد ايديه بغى يشدها حتى هربات لبيه لور وفاتتو بغات تدخل وهو يعاود يحبس عليها طرييق…ودنيها تصفورو عليها كتنهج وترررعد كاملة مزيرة عندها بنتها بحالا شافت ملك الموت قدمها ….مابغاتش تهز فيه رااسها كيبان ليها غير فمو كيتحرك كيهضر وهي مرفوعة مكتشوفش قدامها دفعاات الباب فاشلة باغة تدخل وهو يشد دراعها حتى غوتات بجهههد خلهاات بنتها بدات كتبكيي…
اسماء : طللق مني طلق مني ماتقيصنيييش(دفعات لبااب خايفة من ايديه لا يقيصو فييها كلها كترعد) طللق مني(شداات ودنيها قلبها كيضرب دافعة تسنيم قدامها) ماتدويش بعد مني طلق مني ماتدويش ماتوييش بعد مني….(غوتات تااني كتعيط للحاج ملي مابغاش يبعد ليها من الباب) الحااااج..ماتقيصنييش بعد مني بعد مني…
امام كنزة غير قطعات معاها اسماء تنهدتات مطولة عرفاتها غتجبد ليها موضوع عماد وتزيد تخربقها كثر وتدوخها كثر ماهي تالفة ودايخة…دخلات للواتسااب كتضور فييه وصبعها كيمشي غيير للمحادثة ديالهم ماكرهةتش تسيفط ليه ميساج ولا يجي منو ميساج لكن عارفاه ماعندوش مع سوشل ميديا بزاف غير لي خدامين معاه لي كيتكلفو بالكونط ديالو… بقات هكاك حتى دخلات للسطوريات وهي تبان ليها سلوى حطات سطوري بشي خمسة الدقايق دابا دخلات ليهم بعفوية تشوف حتى كتبان ليها حاطة شي ربعة دصور شي جوج غير منضر البحر والجردة ديال الدار ديالهم…
غير حركات ايديها جيهت الصورة تالتة وهي تبان ليها عكوزتها الوسط وسلوى من جنب و روان من الجنب تاني..تدهشات فالصورة حتى هربات التبسيمة من فمها كتقرب وتبعد فالصورة وتعاود وتأكد منها دوزات صورة اخرى كانت فيها سلوى مع روان وهوما على مائدة الافطار مبسميين للكاميرة…
ل لحضة ماتيقاتش عينيها كتشوف وتعاود وتزومي وتعاود…تزيرااات ونار الغيرة شعلاات كتحرق فقلبها مررة اخرى كتنفخ وتسوط حتى ولات كترعد..
كنزة: ااحح بشويا اختي حرقتيني غير بشويا…
_يلاه بدييت لييك !
كنزة : انا كدبت علييك بشويا…هي بشويا(شافتها مانفخ من المراية)طلقي مني..غير طلقيي
_راه يلاه بديت لييك…
كنزة : صاافي غير طلقي دابا بناقص.. شكراا الله يعااونكم(كترعد بالعصاااب) كنقول ليك حرقتيني وكتقولي ليا يلاه بدييت يعني انا كداابة..
_كنزة….كنزة ماوقع والو صافي اشنو كاين…
حدرات راسها للتيليفون خلاتهم كيتقابحو يلاه غتطل على سطوري وهي تلقاها طارت وساعتها نييت وصلها مبساح من عند سلوى…ميساجات متتالية وبعدهم نيشان طلعات ليها كتصوني ليها…طفات تيلييفون و بغات تهز صاكها..حتى اها عتدها المسؤول كيعرفها وكليانة عندهم مابغاوش يخسروها…
_الله يهدييك جلسي انا غنقادو ليك انا ماشي هي…جلسي ماتمشيش هكا…
كنزة قلابة وجهها كترجف شادة دموعها : غير خليني مررة اخرى صاافي…
_الله يهدييك اكنزة..(شاف فديك البنت) طلعي فحاالك نتي غير طلعي
كتزة :مداارت ليا والو غير تحرقت فعنقي شوية صافي ماوقع والو…عطيني نشرب… عفااك عطييني غير الماء
جلسات فاشلة شادة على كرشها كتشوف سلوى كتصوني ليها وهي وكترجع تطفيه دغيا شادة على كرشها ولايد تانية على جبهتها فوق الطابل متكية عليهاا كتنههج ماحسات براسها حتى نزلو دموعها بسرعة كيجريو حاسة بالعافية شاعلة فصدرها….كتبكي وتنخصص نسات فين كاينة وشكون كيشوف فيها وكاع لي كانو تما تعجبو فيها حتى جا السيد لي مكلف بالصاالون عطاها تشرب
_واش تحرقتي بزاف ولا شنو..كنزة
هزات ايديها فوجهو قالية وجهها كتمسح دموعها وهوماي كينزلو بحرقة كتررعد نوضها من وسطهم داها للبيرو عندو وخلا لاخرين رجعو لخدمتهم….
_كنززة …شوية دابا واش فيك شي حرييق نعيطو لشي حد يجي عندك ؟
كنزة : لا لا…ماحسيتش براسي…عطيني غير نشرب…
باستغرااب مشى جاب ليها قرعة اخرى شرباتها ديك سااعة حتى رجع تليفون كيصوني هاد المرة كحات مقادة صوتها وردات عليهاا..
كنزة : آلو …
سلوى بارتباك : كنزة ل لباس علييك ؟ واش نتي فالدار
كنزة : لباس الحمد الله لهلا يخطييك ماكينش فالدار علاش كاين شي مشكل ؟
سلوى : ماما بغات تجي عندك يلاه جات لكازا ليوم..ايلا كنتي فالدار…
كنزة بهدوء: مرحبا اجيو مرحبا بيكم كاينة ماما فالدار…شوية وغنجي حتى انا…
سلوى : و واخا صافي بغيت غير نقوليك ليك..(بتوتر وارتباك فصوتها) سطوري لي شفتي راه روان بصح كاينة هنا ولكن خاصك تعرفي علاش جات ومجاتش بوحدها مع…كع باباها …
كنزة : بصحتكم اسلوى مال المغرب فسمييتي ههه مرحبا بيها…
سلوى : عماد ماعرفهاش كاينة هنا..
كنزة : سلوى عفاك نتي متمحتاجاش تشرحي ليا شي حاجة انا ماعنديش دخل فيها جات ولا ماجاتش ولا يكون عارفهم ولا لا هو حر وحتى انا حرة…شي ساعتين غنكون فالدار ايلا بغات تجي خالتي مرحبا بيها…
سلوى : واخا احبيبة بسلامة و وسمحي ليا…
كنزة : بسلامة تهلاي فراسك..
قطعات عليها لاحت تيلييفون سايطة نفس قوية من صدرها مخنوقة وفاشلة كتشوف بتعب دمااغها غيطرطق بقوة بالتفكير من طريق الصحييحة ولا الخطأ….كتشوف كلشي كيعطيها جواب وااحد وقراارها لي كانت عليه هو لي خاصها تمشي فيه لكن ديما عندها امل ولا غير بصيييص امل يكون تراجع وتصلح العلااقة…واخا كاع اللي داير بيها وكاع لي كتشوف وتسمع بودنيها كيوحي ليها بالعكس…باقة مارتاحتش حتى صونى مرة اخرى تيليفونها طلات عليه لقاتو عابديين وجوبات..
كنزة : عابيدين…
عابديين : اهلا…ساليتي ندوز عندك..
كنزة : وي قريبة ابتسام واجدة شحال مزال ليهم ويطلعو للمسرح ؟
عابديين : شي تلاتين دقييقة…
كنزة: واخا صافي غير دوز عندي قربت نسالي…
عابدين: يلاه صافي …
قطعات معاه وساطت بلا خاطر مابغاش تمشي ولكن مالقات ليه جهد ملي طللبها تمشي تحضر معاه لعرض بنتو فالمدرسة الخاصة للمسرح..بهدما سجل فيها بنتو تقضي فيها هاد العام قبل مايبدا العام الدراسي الجديد فالوقت لي جاو هو كنو ناس كيقرااو ماعندوش كيفاش يدخلها والعام قرب يسالي…
خرجات عند نفس البنت هي لي قالت ليها تصاوب ليها وجلسات قدامها خلاتها حتى قادات ليها شعرها وسحراتو ليها سرجات قدامها علبة ظ الماكياج قادات وجهها بوحدها بالخف عاد عاد خلصات وخرجات عندو كيستناها قدام الباب طلعات جنبو وهو كيشوف فيها وفحلتها باعجاب…
عابديين : هاي هااي ناس تمجهدو…
كنزة : ايوا شتي ههه…(شافت فيه)حتى نتا ماشي سااهل…
عابيدين : ياك ههه…(تبسمات وطلات على ابتسام وتلفتات لقاتو كيشوف فيها) لا لا الخال عندو الزيين…
كنزة : عمتي لباس عليها…
عابيدين : عمتك هبلاات باغة تزوج ولدها باي طرييقة…بنات كازا كلهم تساراتهم وحتى وحدة ماكتاابت هه..
كنزة نزلات المراة قدامها كتقاد فشعرها وهو حاضيها: ياك نتا لي باغي تزوج كتسنى عمتك تجيب ليك المراة اختارها بوحدك..احسن حاجة تختار مراتك بوحدك والله مايختارها ليك شي حد…
عابدين : لو كان التعدد جايز ليكم كي رجال مي العيالات… ناخد بنت الخال خيرنا مايديه غييرنا…
تبمسات لييه بمجاملة وسكتات كترمش وقلبات الموضوع وكملات معاه الهضرة وهو سايق مرة مرة كيضور يشوف عندها وفاطلالتها جاتو فشكل متغيرة على العادي…بقوة ما كيشوفها غير بالعبااية ونضااضر تسناو ليه ملامحها حتى شافها لييوم طالقة علييه الشعر والشوميز فالبوردو وسلسلة رقييقة مزينة عنقها كيشعل مقي وطوانك مستفين فودنيها الرواايح والالواان ونضاضر فوق الشعر دوخااتو….نساها مزوجة ونسى راسو معاها وهي مامسوقااش كتقاد فشعرها من هنا ولهيه وبالها مع تيليفون بحالا كتسنى شي اتصال…طاحت عينيه على ايديها لي ماهازة فيها فيها حتى خاتهم عارفها عندها مشاكل مع راجلها وملي عرفها كتدوي مع المحامي عرفها واقفة على الطلاق لكن عمرو سمعها منها…ل لحضة تخايلها مرتو وداك الحمل منو وهي جالسة جنبو كضرب على شعى تخايل ايديه فايديها وراسها على كتفو…حتى حس بيها شافت فيه ملي عيق عليها وهو يقلب عينيه مرتابك…
__________
اسماء :طلق مني..طلق مني ماتصقيصنيش(كترجف)ماتدويش معايا
هشام : غير سمعيني..اسماااا سمعي سمعي ندوي معاك
اسماء : الحاااج ماتدويش ماتدويش بعد مني (بغى يشدها وهي دفع ايديه) ماتقيصنيش لا طلق مني…
هشام شدها بزز: اسمااء سمعيني غير ندوي معاك وغنمشي…
نزل الحاج مع الدروج كيجري على صوت غواتها كيبان ليه الباب محلول يلاه نازل وهي تبان ليه دخلات كتنهج سخفاانة كلها كترجف حمرة عينيها خرجو بالخلعة غير شافتو مشات عندو دغيا كترعد…
اسماء : الحاج قرا علياا قرا عليا عفااك دا..دار ليا شي حاجة عوتاني جا عندي قرا عليا باش يمشي داكشي قبل مايشد فيا
الحاج شد كتافها: بسم الله عليك مالكي اش شفتي !!
اسماء : قرا عليا عفاك شي حاجة دغيا قبل مايشد عليا قرا ليا ك كان كيقول شي حاجة ماعرفتش عفاك عفاك قرا عليا…
الحاج : بسم الله عليييك الحاجة..الحاجة
كانت الحاجة فنص دروج نازلة مخلوعة …
الحاطو: ماالكي ماالكي ابنيتي كتغوتي امالكي…
خلاها معاها وخرج طل من الباب مع الطلة لولى وهو يبان ليه هشام قدام الباب ماخلاش لييه فين هضر مع طل شنق علييه…
الحاج : اش جابك اعدو الله ااش بغبيتي عند هاد البنت اش كاين تاني…ااش جابك
الحاجة: بسم الله علييك بسم الله عليك اجي اجي تجلسيي خديجة اري ليها ماء دالقران اري ابنتي..حلسي بسم الله عليك
جلسات فاول درجة ديال الدروج كلها كترجف وترعد حابسة البكية فجفن عينيها كتبلع فريقها والحاجة جلسات حداها حتى جابت ليها خديجة الماء رشات على وجهها وفزكات ليها ايديها وعطاتها تشرب..
اسماء وجهها مخطوف: سدي الباب سدي الباب غدخل
الحاجة غمزاتها : سدي الباب غير سيدييه…بسم الله علييك..بسم الله علييك ابنتي اشنو شفتي..
اسماء : تا الهضرة فيها السحور ياك ايلا دوا معايا ….غيدير ليا شي حاجة تاني… دار ليا شفتو كيدوي ماعرفتوش اشنو كيقول .. بغى يمرضني
الحاجة : بسم الله عليك..ماوقع ليك والو اويلي بسم الله علييك هانا معاك ها الحاج معاك نعيط للمحمد يجي عنندك..بسم الله علييك قلبك غيكست يا بنيتي خلعتي بنتك صافي يلاااه…شش يلاه صافي
عنقاتها عندها كطبطب على ضهرها وتسكت فيها عزات عليهاا كترعد بين ايديها كلها وجهها بياض بالخلعة حتى دخل عليهم الحاج تحنى عند اسماء..
الحاج : ماتخافيش ابنيتي ماكين والو شوفي فيا..ماكين والو غير رجمة الله ماتخافيش…طلعو لفوق حيدو من البرودة..طلعي ابنيتي هانا معاك وتخافي ربي حافضك وحاميك من عندو غير ارتاحي..(غمز الحاجة)ديري بالك معاها هانا جاي…
حرركات الحاجة راسها بايجاب وخلاتها حتى ارتاحت شوية عاد وقفاتها وطلعو للفوق للصالة تما مارتاحت اسماء حتى خدات ماء دالقارن جنبها طلقوه ليها فالتلفازة وعنقات المصحف عاد تهنات…خافت وتخلعات ملي شافتو وشافت حالتو…دكرها فالايام لي مرضت فييهم تدكرااتو هو كيف كان كيبن بلي حايف عليها وهو سبب فأديتها..تدكرات القطة الكحلة لي فكها الحاج قدامو وكون ماتت كانت حتى هي غتموت….تكات على كتف الحاجة مرحية كتبكي بحررقة وخديجة بقات فيها ولات كتبكي معاها والحاجة كطبطب عليها وتسكت فيها…
وقفات طوموبيل ديال عابيدين قدام المدرسة الخاصة لتعليم فن المسرح، الوليدات الصغار بحال ابتسام داخلين مع واليديهم….نزلات كنزة طمع عابديين وبنتو شدات فايديها كضحك معاها تحت نضرات عابيدين لي ماعرفش هاد نهار بالضبط جاتو فشكل ومغيرة على المعتاد عينيه بلا شوارو كيهربو عندها….وسؤال واحد فراسو كيضور وربما كون ماحاولش يخطب اسماء هذا شحاال وكون خطبها هي تكون مراتو دابا ؟ تقبل تزوج بيه؟ وعلاش لا ؟
كنزة : هادشي زويين هههه واش كتجيبها كل نهار ولا كيفاش ؟ (شافتو كيشوف فيها ساهي حدرات راسها فابتسام وهزاتو فيه كضحك)واا عابيدييين هههه فين سرحتي قلت ليك واش كتجيبها كل نهار..
عابيدين ضحك : ااه ههه ديما انا مشغول وهي كتبقى مع الواليدة بوحدها ماولفاتش ليا مولفة صحابها وكداب راك عارفة جاتها فشكل جبتها لهنا حسن عجبها الحال….ارتاحت وحتى اللي فيها عجبوها ياك ابابا (حركات راسها مبسمة شادة ف ايد كنزة
كنزة: والله ايلا زوين ايلا كان هكا بغيت نجيب ليه بنت ختي تسنيم وحتى نولد ونجيب بنتي حتى هي هههه ( حطات ايديها على جبهتها من الشميسة وهو كيشوف فيها ضاحك) الجو كيحمق…
عابيدين : يلاه ندخلو…
كنزة شدات فابتسام : يلاه احبيبة ندخلو….الممثلة ديالنا ههه….
دخلو بتلاتة بيهم للقاعة الفخمة الكبييرة بكراسي مستفين بحال ديال سينيما جالسين واحد حدا واحد و المسرح الكبير قدامهم نازل عليه السيتار الحمر….مشى جلس هو وخلا كنزة مشات مع ابتسام بقات معاها حتى دخلاتها لايكاب لي معاها مدة طويلة وهي تما حتى رجعات بانت ليها لاصالة عمرات بالناس وعابدين من بعيد كيشير ليهاا مشات عندو مبسمة جلسات جنبو شادة على كرشها مطبزة قداامها كضحك عجبها الجو والناس والضوااو والكاميرات…
عابين : قلت ليك جلس انا نمشي معاها سخسخناك معانا ههه
كنزة : لا بالعكس هه مشيت كاع الوليدات مشاو معاهم موااتهم مابغيتش نخليها بوحدها ونتا ماغتقدرش تدخل معاها وسط العيالات…(كتقلب)تيليفوني بقى عندك ماعرفت فين حطيتو !!!
عابيدين عطاها صاكها : بلاتي هاهو خليتيه عندي كان كيصوني وااقيلا…
كنزة : انشوف…
قلباتو بان ليها عماد مصوني تلاتة دالمراات وهي تسدو ورجعاتو للصاك مكملة كلامها مع عابيدين…
كنزة : عابيدين بغيت نسولك…واش بتسام مكتشوف ماماها ماعرفتش مكتسولش عليها وحتى فاش دخلنا زعما قلت ليها المرة جاية زعما تجي معاك ماماك ولكن ماجاوباتنيش وبحال ايلا تقلقات…
عابيدين : وي مكتبغيش تمشي ليا عندها…واخا الام ديالها كتبغي تشوفها ولكن هي مكتبغيش ليا…
كنزة : علاش هادشي…حيت ولفاتك زعما !
عابيدين : ماشي مسألة ولف….شوفي كنزة حتى المشاكل كتمرض النفسية….حنا كبار وماقدرناش عليهم صعيب القضية شوية خاصة كانت شوية كتعرف يعني كبرات على عامين تقريبا وشي شهور تفارقنا فهمتي وسط داك المشاكل هي كانت كتشوف كلشي والصداع والغواات داكشي كبر فيها الداخل حتى ولات كتشوف الام ديالها سبب المشاكل حيت كانت كتعامل معاها فشكل بحالا تقولي حر داك الصداع كترجعو ليها طلعات معقدة منها شوية….
كنزة سهات كتصنت ليه: حتى هي مكتسولش عليها ؟ شنو دنبها مسكينة فصداعكم نتوما…
عابيدين : دنبها جات بيناتنا اكنزة…را فعلا بصح يعيى يكبر المشكل بيناتنا الوليدات لي كيخلصو بحال بنتي هي اللي كتخلص لي وقع لينا…قلت ليك كتسول عليها كتجي عندها كتبغي تاخدها عندها تجلس معاها و تبات عندها ولكن هي مزال واخدة عليها ديك النضرة ديال عامين لي قلت ليك…كتخاف منها…
كنزة : كون غير صبرتو على حساب بنتك مسكينة اشمن حياة لي نكره فيها ماما….واش مكانش شي حل من غير طلاق…
تلفت شاف عندها عابيدين بهدوء…
عابيدين : خاصك تعرفي واحد الحاجة اكنزة البلاصة اللي كتمرضي فيها جامي تبراي فيها (حركات رااسها تنهدااات وهو مكمل)…لا من جيهتي ولا جيهتها…لا هي كانت مزيانة ولا انا كنت معاها مزيان مكانش بيناتنا تفاهم…انا كنغرب وهي كتشرق والعناد والعكس لا كلامي قابلاه ولا انا…كنحاول نصلح الامر كنلقاها ماواجداش كتحاول هي تصلح الوضع كتلقاني ماواجدش…يعني كل واحد وعالمو من لول كان لقائنا فشكا وكملناه بالزوااج وابتسام لي خلصات ثمن ديك الغلطة…حيت فاللحضة لي عشنا بجوج بدينا كنتعرفو على بعضياتنا وبدينا كنفهمو اننا ماشي نفس العقلية للاسف كان فات الفوق…
كنزة : كانت حاملة…
حرك رااسو بايجااب وهي غير كتشوف وتسمع لييه وايديها على كرشها كدوز عليهاا بحنان سااهية…
عابدين : كانت حاملة بالعكس كانت مرحلة زويينة …هه زويينة عجبني الحال بغييتها تولدو وحتى هي كانت باغة تولد يعني مكانش عندنا مشكل فالحمل ولا كدا ومكاناش نادمين علييه غير كيف قلت ليك الغلط لي وقع…يعني كون كان عندي العقل ديال داباا…طلاق كاين كاين وامبوسيبل نكملو اونسوبمل كان غيكون الطلاق….فديك الوقت قبل ماتزاد البنت يوقع الطلاق ماشي حتى تزاد وتشوفو وتحضر ليه….
كنزة : بصح كان حسن تزااد ونتا تبين ليها صورة ماماها زوينة وهي تبينك زويين قدامها كان يكون حسن…
عابيدين : فوالاا مي ماتنسايش حنا كنا عارفين غيكون الفرااق غير طولنا و جبدنا العلاقة والمشاكل كيكبرو ومن اقل شيئ كينوض الصداع فهمتيني…
كنزة : فخبارك اغلبية البنات لي كيتزوجو بكاوري كيعيشو معاه عادي وايلا جيتي تشوف راجل مزوجها كاورية ديما المشاكل ولا كتسالي بالطاااق
عابدين :فري كاينة هاد القضية صعييب عقلية العرب تقارن ولا تجمع بعقلية ااكور…العيشة معاهم صعيبة ووخاصة ايلا تزوجتي منهم كلشي عندهم مباح على هاد البلاناات الخاوية باش بدا الصداع..
كنزة شافت فيه بتردد :كنتي كتبغيها…
عابيدين : بغيتها كانت شي حاجة زوينة فحياتي دوزنا تجارب و واحد الوقت فشكااال معاها….ولكن مكتاب ماشي مشكل حتى هي بنات حياتها وانا كنبني حياتي مع بنتي…
كنزة تصدمات : تزوجاات ؟؟
عابيدين : علاش تصدمت هههه ….ماشي تزوجات عندهم عادي تعيشي مع شي حد بلا زواج بلا وراق عارفة هاد القضية…بنات حياتها فبلاصة اخرى ابتسام راه عندها خوها ههه من الام ديالها هه…
كنزة باقة فصدمتها : دغياا قدراات تنسى !
عابيدين : الله اعلم ولكن من ناحيتي واش ضروري يتنسى ؟ لا هاديك تجربة دازت عليا وعليها انا مانسيتهاش ولكن تبدلاات نضرتي… خرجت من داك الدوامة لي حنا فيها بجووج…كيف قلت ليك كتبراي ملي كتخرجي من البلاصة لي ممرضاك…
كنزة : عندك الحق..علاش ماتنسايش..ساهل تنسى زعما ؟
عابيدين :ماشي ساهل ولكن الايام كتنسي الحياة كتنسيك راسك كيفاش ماتنسيكش فواحد اخر…
حركات راسها مبسمة بزز وعينيها دمعو قلباتهم دغيا وغير فكرات فييه صونى تيليفونها باسمو مع بدااية العرض نيشان شافتو هو كيصوني ويعاود وناضت بشويا خرجاات للحماام جوباتو…
فالدار عند الحاجة اسماء على حالها بقات جالسة معاها وهي كطبطب عليها وتسكت وتهدن فيها حتى دخلات عليها خديجة كتجري بتيليفون الحاجة
خديجة : خالتي محمد كيصوني ليك…
الحاجة : اريي نشوف..اري (خداتو جوبات) الو محمد..الو وليدي….ءء ه هاهي حدايا هاهي بغيتيها ..راه تخلعات ماعرفت اش وقع ليها الحاج خرج شوية رجع عندي قال ليا هاني جاي وخرج مشى..بغيتيها…هاهي هاكي…
اسماء : آلو…
محمد : فيين وقف عليك ؟ ااش قال ليك دويتي معاااه
اسماء مرخيية ردات عليه: لا مادويتش معاه ماعرفت شنو كان كيقول ليا ودني كيصفرو ماسمعتوش واقيلا دار ليا شي حاجة عوتاني
محمد : ماعندو مايدير ليك ماتخافيش انا غنجي ونعاود ليك اش كاين…
اسماء تكعدات شوية حسات بيه عارف: علاش شنو كااين !
محمد : دوا معايا الحاج هو لي قالها ليا حتى نجي…شوية دابا ؟ لقيتي راحتك ؟…
اسماء : ااه معايا الحاجة شوية (شدات صدرها والحاجة كتصنت بنص عين) حاسة بقلبي غيسكت..
سمعات صوتو حاي باهتماام وبهدووء كيددوي..
محمد : خلييك معاها نكمل شي شغل وغنجي بالخف ماتنزليش بقاي حداها…واخا ؟
اسماء : واخا..ماتعطلش عفاك….
محمد بدفئ رد : شوية وجاي عنندك..عطيني الحاجة…
مدات ليها تيليفون كتسمعها كتجااوبو باينة فيه كيوصي حتى قطعات معااه …
الحاجة : تكاي ابنيتي تكاي خرجت منك الحلعة واخا تكوني شفتي ملاك الموت قداامك..شكون هذااك خوك واقيلا ايلا ماخفت نكدب بحالا ايلا صوتو هاداك مالكي معاه ؟
اسماء : ماتفكرينيش الحاجة عفاك…(دمعو عينيها)غير خلي داك الجمل ومحمد كيقول ليا علاش ماتصدمتييش من اسرااء انا لي داروه ليا خوتي من لحمي ودمي عاد يخلعني البراني…نتسنى منو كلشي…انا اصلا ماعندي زهر مع تاحد مابقى غير خوتي…
الحاجة : ايوا صافي صافي على ماعندي زهر قولي الحمد الله شربي ليك الماء تكاااي خرجات منك وجهك تخطف هاهو يجي الحاج ونفهمو اش كاين…
بقات هكاك متكية على كتف الحاجة كتحس بايديها ورا ضهرها مرة مرة كتحركهم وتسنييم من بعيد كترمش وتشوف حتى تفكرات الحاجة مها وهي تنوض من تما نزلاات دايرة السبة بتسنيم تبدل ليها حوايج المدرسة وسدات عليها الباب عيطات للحاجة مها بغضب كتبرا ليها تدوي معاه…
اسماء: وعلااش جا عندي اماما اااش بغى تااني واش باغين يفرتكو ليا الشمل اشنو بغى…. اااش بغى عندي..
بصوت باح تعباان كان واضح فيها باكية لكن اسماء مارداتش ليه البال بالغضب لي عمى عينيها…
الحاجة : دويتي معااه مادوبتبيش معاه كاااع
اسماء : علااش غندوي معااااه…ااش بيني وبينو مالي ماعرفاش اااش دااير راااه خفت من الشوهة وهضرة دالناس يقول على لخر دعات خوتها واش انا ماعارفاهمش ااش دارو فيا شكون قال دابا مدارش ليا شي حاجة ولا رش ليا شي حاجة فالبااب شكون قاال..
الحاجة : الله يهدييك ا اسمااء..
اسماء : غيير حشمت نحرشو علييه والله حتى نقول لييه ضربني وااله حتى يفرع علييه ديك العشة لي ضسراااتو دوي معاه ولا غنقولها لبابا يبعدو مني ااش بيني وبيينهم…
ردات الحاجة دغيا كتبرد وتهدن :وصاافي ابنيتي صاافي كون غيردويتي معاه وسمعتي ليه شغاتخسري تصنتي لييه…
اسماء قندشات : ماما واش نتي لي مسيطفاه حيت كتهضري مبردة واش نتي لي سيفطتييه عندي هو باش عرف داري ؟
الحاجة : مايسحابليش مايسحبليبش يديروها بيا قال ليا باغي يدوي معااك هو وصلاح قلت ليهم تجمعو عندي فالداار وانا زلقت من فمي قلت ليهم فين ساكنة… عليها جا…
اسماء : جا بوحدو مجاش معاه لااخر دابا دوي معاا ااخر مرة يحط رجليه عندي ولا رااه المخزن مابعييدش علياا اما ماندوييش معاه وحتى راجلي مايوسخش ايديه فالزبل المخزن…يتفاهم معاهم
الحاجة: الله يهديك وصافي اش وصلك لشي مخزن مايبقاش يجي عندك راك كان باغي يدزي معاك تجي..تجي تشوفي صلاح ابينتي عيان شوية…عياان المسخوط بقى يضور يضور تا لكّاتو عاد جلس…
اسماء : هادو غيير دنوبي ومزال ربي يفرجني فيهم هادي غير البدية….(بحقد)بغيت لييهم كثر من حالتي ونتفرج فيهم..
الحاجة بصراامة : الله يهدييك صاافي وصاافي سكتي من الهضرة الخاااوية لاكانو هوما مساخييط ماتسخطييش كييفهم هاا…اويليي وراه فييه سرطااان ..راه جا السرطان فالحلق ااش باقي مزال تلكّااه كثر من هاادي..راه فعتبة الموت راه ولا كيضور ويتسامح(غلباتها البكية) راه كون غير كنت بدنوبي نقول تصرفو فوليداتي وانا الكلبة هي لخرا ومانقولش لييهم حيدي تا بزربة…
ماجات فين توصل الحمام تجاوبو حتى كان قطع يلاه غتصوني هي وهو يصوني وهاد المرة ابييل فييديو شاافت مع جناايها بجوج وجوباتو بعدما تأكدات انه الحمام خاوي وكلشي كيتفرج لدااخل…
كنزة : آلوو…
بان ليها وسط الكطوموبييل شاد واحد الكاارو مضلم عينيه فييها وحجباانو مقرونين…
عماد بحددة : فيينك ؟؟؟
كنزة ردات بهدوء: خارجة…كندوي معااك من الطوالييط…مالك واش كاينة شي حاجة؟
عماد : ضروري تكون شي حاجة باش ندوي معاك ؟ ضوري الكاميرة
كنزة: علاش ؟؟ كيفاش ضروري تكون شي حاجة عاد نضهر معاك ؟ وعلاش غنهضرو ايالا مكانتش هاد الحاجة…
كيشوف مع حالتها وكيفااش مزينة ومقادة ولاابسة كيزييد يجهل…
عماد : فيين كاينة قولي ليا فينك ؟ خارجة ..معامن ؟
كنزة : علاااش ؟
عماد : كيفاش علاش دوي نيشان معامن بلاما نبداو تاني معامن خرجتي؟ شكون هادااك لي ووقف علييك يطوموبيل هاد ولد عمتك لزا*ل بوه باقي مابغاش يحشم ولا كيفاش ؟ ماعند اصل مو مراة يحضيها
كنزة تعصباات : عماد احتارم راسك ولد عمتي عليك بالتيقاار واش انا كنعاير ولاد عمامك ااش وصلك عندو وايلا خرجت معاه راه ولد عمتي ااش فيها..
عماد : فيها كلشي ابنت الق*بة هو مطلق لزا*ل بوه باغي فيين يشد ونتي حالة فممك تابعاه هاهي داازت …داازت هادي تاهي….وبرب المعبود اكنزة ونلقاك معاه تاني تا نفرع زا*ل بوكم بجوج
كنزة بغضبب رداات كتغوت: نتا ماشي بعقللك والله حتى مرييضة وااش سوقك بععد مني ماشي سوقك خارجة معاه ونخرج مع غيرو وغتشوفني بعينيك معاهم والمخير فخيلك ركبو…
عماد : هادشي علاش باغة الطلااق وزربانة باانت ليك فيه…واخا..واخا…واا الق*وي لا شفتيه برب لا طلقتك اودي اكنزة
هو مكيحشمش منها وهي كثر منو ولفات نكيرو ومعيارو ولا كيجيها بحال سلام علييكم او يمكن هكا باش كيتفتهو…
عماد : وحق الرب المعبود لاا شفتي دااك الطلااق سيري عاوديها لييه وقولي ليه هاهو جاي واحد الخيل غيركب على زا*ل بوه ايلا ماجبت لي تونس بنتو وعمرت ليه الكرش انا لي ولد الق*بة ماشي هو…
قطعات علييه كتنهج وتتنفخ وتففش كتحرق بالفقصة ديال كلاامو والطلاق لي كيحلف عليها لا طلقهاا….وحتى هي كتحلف وتعاود حتى طلق منو…قادات شعرها دغياا دغياا كترجف حاسة براسها مابرداتش فيه حرها مزيان…جبدات العكر عوداتو فوق شفايفها وبغات تخرج يلاه سدات الباب وراها وهو يطلع ليها كيصوني خلاتو ومشات باغة دخل وهو كيصوني ويعاود حتى زفرات بقوة وجوباتو ماقادراش تمنع راسها وتطفي عليه تيليفون بخطرة…
كتزة : نعام اعماد شنو باقة شي حاجة ماقلتيهاش..يلاه قول والله مانبقى نجاوبك..
بهدوء هاد المرة عكس الاتصاال لول…كيدوي وهو كيحاول يختار كلماتو بعناية واخا باينة فييه معصب…
عماد : مالك كتمرضني مالك اش مخرجك معاه ؟ واش حتى انا دابا نخرج مع بنت خالتي ونقول ليك لا بنت خالتي ااش فيها اكنزة احتارميني شوية تبتي..اش خرجك معاه فهميني..
كنزة : شنو فيها ايلا خرجت معاه راه ب بنتو شوف كرشي قدااش واش عاد غينويها فشكل واش نتا مسطي….طون كنتي كتفكر بعقلك كاعما تشك فييه اصلا..
عماد بقلة صبر : دااباا صاافي ماقلناا واالو هزي شغلك ورجعي فحالك وااخر مرة دوزناها ما مرة ما جوج ماتعيقيش…
كنزة باستهزاء ردات : ملي نوقفو قدام القاضي قوليه كتخرج مع ولد عمتها دعيني بتهمة الخيانة الزوجية ربما ندخل الحبس وتبقى ليك البنت ومن لفوق ماتعطينيش التعويض علاش ماكتفكرش هكا…شتي قلت ليك ماعندكش العقل لي تفكر بيه..
عماد : مايعطينيش خاطري حتى نوقفك قداامو ونخليه يسولك على شي حاجة ماسوقش ديلمو فيها..نتي مرتي وبااغييك مااعند تاحد الحق يقرر فبلاصتي وااش يخليك ولا يحيدك ليااا…انا لي باطاغيك ماشي هوما..
كنزة بحررقة ردات : هاد الهضرة فكر فيهاا ماشي حتى خبي عليا طليقتك توريها لياا ختك… ماشي تا تغلط فسميتي وتعيط علياا بسيميتهاا ماشي حتى تسبقك لدار واليديك وهي عارفاك فهاد الايام جاي شكون اسبق انا ولاا هي شكون هي حتى تمشي لداركم وتجلس تسناااك…هادي غير هضرة زايدة ناقصة سول على راسك طلقتيني بفمك وطلاقك تحسب بقات ورقة غتسينى وخليك عزيز عندي بلاما تزيد تعيب صورتك قدامي خليني فين نشكرط لبنتك على الاقل بان ليها زويين هي…
بهدووء رد..
عماد : فكريي مزياان…فكري مابغيتيش تندمي…والندم كيقهرك بررب حتى كيقهر اكنزة
كنزة متضاهرة القوة : ماعندي علاش ندم…
بعد صممت كتسنى جوابو يعد مدة طوييلة من السكات لا هي لقطعات ولا هو….حتى سمعات صوتو بهدووء رد عليها…
عماد : تهلاي فراسك..
قطعاات علييه دغيا وحدرات رااسها غير فالباب ديال القاعة هزاتو بعيون كيلمعو بدموع ضاحكة وسط غصتها وكلامو كيضرب االف والف مرة فرااسها…مشات مبااشرة عند عابيدين جلسات حداه وهو كيشوف فيها وهي مبسمة لابتسام لي كتلعب دورها فوق الخشبة…
عابديين : كنزة …صافا ؟ خرجتي شكل ورجعتي فكشل ؟ بخيير !!
كنزة :ااه ااه ..(ضحكات بزز)ابتسام جات زوينة…
عابديين شد ايديها كيتحسسهم بلطف : ايديك كيرجفو ماشي بخيير تبغي نخرجو ؟
نتراات ايديها دغيا منو كتشوف مع جناابها تلفاات..
كنزة : لاا بخيير ههه غير حسيت براسي عيانة شوية راك عارف مع الحمل …(قلبات الموضوع)ابتسام هي البطلة يااك ! هاداك الولد معاها…
حرك راسو بااه كيشرح ليها القصة كيفاش بدات وفين وصلو وهي ساهية مكتسمعش ليه بغاتو غير يركز مع بنتز ويخليا تفكر و تحلل مع راسها…مافاقت غير على صوت التصفيقات بسهوة هزات ايديها حتى هي كتصفق ماعرفات حتى علاش كيصفقو تا بانو ليها حميع الوليدات عاطين للتحية ليهم بمعنى كملو المسرحية دياالهم وابتسام كتشوف فيهم وضحك وكنزة كتشير ليها ايديها مبسمة حتى سالات ونزلات عندهم كيتصورو وكنزة مجلسها جنبها بقات فيها وحسات بيها بحال بنتهاا كتشوفها كيفاش قدرات تعيش يلا الام دياالها…
سهات كتفكر فيها هي مستحيل تفرق بنتها وتبني حياتها فبلاصة اخرى غير كتفكر راسها كانت باغة تعطيها لسلوى تربيها كتخنق كيفاش قدرات ماماها تخليهيا وتبني حياتها فبلاصة اخرى…مستاعدة تبني حياتها هي وبنتها فقط على انها تعطيها ليه وتبني حياتها فبلاصة اخرى…
خرجو من تما نيشان للطوموبيل وعابيدين كل مرة كيسول مالها ما مالها جاتو تقلبات على غفلة ماعرفش شنو وقع ليها فاش خرجات ورجعات عندو وحدة اخرى…
عابيدين :واش ماتأكدة بخيير سمعتي شي حاجة ولا مقلقاك شي حاجة ؟ مابقيتيش على خاطرك !
كنزة بقلة صبر طلع ليها الدم باسألتو : والله حتى بخيير غير درتي بالك معايا هههه اش غيكون غير مع الحمل شوية كنعيى دغيا وصافي..
يلاه غيدوي وهي تنقز ابتسام على ودنيه قالت شي حاجة وكنزة كتشوف فيها مبسمة ودوزو ايديها على شعرها…
كنزة : مالها ههه…سمعت كنزة هههه
عايديين تبسم ليها : قالت لييك نتي زويينة
كنزة : ههه يخليلي الزويينة نتي لي فنننة بوسينيي..ياك كتفهمني شوية ههه بوسيني
عابيدين : كتفهم كتفهم واايلي ههه …(باست كنزة ورجعات دوات فودنيه تاني وهو يبدا يضحك)
كنزة : مالها…ههه مالها شنو قالت
عابيدين : قالت لييك يلاه معاها للدار بغاتك تعيشي معاهاا….
كنزة : ههههه يلااه معايا نتي وبقاي معاياا فالدار ماتبقايش تمشي عندو..يلاه تبقاي معايا..(باستها) اش هاد الحلااوة والد اعابيدين..
عابيدين :عابديين عواج بالجوع…يلااه ناكلو شي حاجة قبل ما ناكلها هي نييت….
ضحكات كتجبد فتيليفونها عيطات للحاجة لقاتها معصبية كتنفخ علييها وهي تقطع ملي شافتها كتغوت هكاك عرفات تاحد ما جا للدار يعني عكوزتها مجاتش حيت كون جات الحاجة ماتغوت قدامها هكاك وهي كتبين غير الوجه الزوين…
دخلو للريسطو طلبو ااش بغاو وهي نسات غصتها شوية مع ابتسام عجباتها او بالاحرى شفقات وبقات فييها كلاو بتلااتة بييهم كيضحكو….
وتصاور من بعيد كيتصورو ويتسيفطو لعماد لي كيشوف فيهم ويغلي حاس بجناحو مهرسيين ماعندو كيفاش يمشي…قيداتو بالامارات ودارت فالمغرب ما بغات…
حتى كملو داك الغداء لي ولا كوطي عاد خرجو يوصلها نيشان للدار ماسخاش يحطها وعيى فيها تبقى يتعشاو مجموعين و يوصلها ولكن رفضات حاسة براسها عيانة وماشي تالهييه….وصلها للدار وهي حيدات السمطة وتلفتات عند ابتسام..
كنزة : بسلاامة احبييبة….اجي بوسيني….بسلامة تهلا ليا فيها…
تحناات ابتسام باستها ورجعت لبلاصتها وعابديين كيشوف ساهي فيها مبسم حتى شافت فييه بعفوية كتقاد فصاكها وتجمع فحالتها…
كنزة : يلاه بسلامة بيناتنا تيليفون سلم على عمتي…
قرباات سلمات عليه الخد بالخد مع الضورة لي غضور خدها ليه للجيهة تانية جاو شفايفها على شفايفو نيشاان وهو بسرعة خطف شفتها السفلية وسط شفايفو حتى حلات عينيها حساات بيه ااش دار برد ليها الماء فركابي وقلبها ضررب بجههد…قبل ماتستوعب حتى حسات بيه باس شفتها مررة اخرى حال عينيه متحسس ردة فعلها وهي تدفعو بجهههد كتمسح ف فمها كلها كتررعد
كنزة : ااش كدير !! واااش تسطيتييي ؟؟ اااش كيديير الخراا (مسحت فمها عايفة) جممع فممك وااش من نيتتتك..
عابيدين : ااش هاد الهضرة اكنزة غير اكسيدون مااكنتش ناوي
كتزة : شنو ماكنتيش ناوي ااش كيحسابليك راسك واش حمق ولاا شنو ؟؟ درتيها بلعاني ماتقولش ليا اكسيديون …احتارم غير هلى هاد الكرش لي كتشووف فيها ؟؟
عابيدين بزعفة هز ايديه : وصافي غيرا كسيدون دوينا معاك علاش كتكبري الموضوع….(قلب وجهو بهمس) باغة وباغي علاش هاد عزة النفس..
المرض
كنزة حلاات الباب حتى تلفتات فيه مصدووومة من كلامو : واااش تسطتيي وااااش بععععقلك ولااا ماالك ااش كتبركم تماا ؟؟ انا..ا..اناا لي درتهاا..انا لي درتها لراااسي
على غواتها بدات كتبكي ابتسام وهو يزير ايديها بحددة..
عابديين : بشووية دوي بشوياا البنت كتسمع ماكنتش ناوي رااك فهمتي غللط
نتراات ايديها منو بغات تنزل وهو يعاود يشدهم لييها حتى دفعاتو بجهد كلها كترجف كترجف مخطوف فيها لوون كتمسح ف فمها وتعاااود عرفاتو دارها بلعاني وحسات بييه…. شداتها البكية دخلاات كتجري لدارهم وهو تابعها باغي غير يشرح ليها مابغات تسمع ليه و قبل ما دخل شدها حتى دفعاتو بتصرفييقة على وجهو وقمشات عنقو يطلق منها صاعرة صدماتو ودخلات كتجري طلعاات وهو رجع لطومزبيل حمر كيننهج مارااضيش ديمياراا طوموبيلتو وزااد مشى…
_____________
طلعات للداار كلها كترجف والعكر على فمها ساح وضاع فوق خدودها بقوة ماكتمسح فيه مصدومة والدمعة وااصلة فخدها ماحملاتش راسها عافتو وكرهاتو…طالعة كتجري وتلفت وراهاا لايكون تااابعها القلب كيضرب والرجلين فااشليين وداك المنضر باقي بين عينيها معاندها مابغاش يمشي ولا يتسنى…دخلات لدارهم والصدمة والتلفة كثر فاش شافت عكوزتها جالسة وسط الصالة مع الحاجة وعبد المتقي شافتها وضحكات حطات الكاس من ايديها وكنزة بارتباك كضور فعينيها وتقاد فشعرها..
كنزة : خالتي..
ضحكات بزز متوترة ومشات سلمات عليها وعكوزتها عنقااتها كتشوف فيها وتشوف فكرشها…
_مشااء الله تباارك الله مشااء الله كبرااات….ولا هي هادييك نييت هادي كرش ست شهر تباارك الله مابقى قد مافاات…
كنزة ضحكات بزز متدكرة الصورة لي شافت فيها روان معاها: شادة معايا الحساب ههه
_وعلاش مانشدوش و بنت العزيز بغيت غير نها نفتح عيني ويقولي ليا جات للدنيا هاداك هو النهار الكبير عندي..اجسي جلسي حدايا…
ناض عبد المتقي لجامع دوز عينيه على كنزة عاقدهم من لباسها كيطلع وينزل ودعهم وخرج كيسوط..
اما كنزة مشات جلسات حداها كضحك والحاجة كتشوف فيها مبسمة كتحمد الله وتشكرو على عكوزتها فعينيها باينة كتموت على ولدها وكاع لي يجي من جيهتو بحال كنزة وبنتها…ماردوش لبال لكنزة ولخلعتها حيت مولف ليها فرفارة عينيها كيضورو وكلشي فيها كيتحرك مكترصاش وهي اصلا متقمصة دور الهدوء وقلبها غيخرج من بلاصتو…
الحاجة : لالة فوزية مرحبا بيك…(قربت لبها طبسيل)حلوة اسماء دخلت علييك بالله ماخوودي مانرحبش بيك راك مولات الدار..
فوزية : الله يبارك فييه خليني نشوف مرت ولدي ل.الا هدااي عليا واتاها الحمل (ضحكات) وا دابا مابقى وحم الحاجة عطيني مرت ولدي نمشي فحالي..
الحاجة ضحكاات : راهي ديها…
تبسمات كنزة كتشوف فيها ومنضرها مع عابدين مابغاش يطير من بالها خايفة يفضحها لا يقولها لعمتها خايفة يسيقو ليها الخبار وتنوض الحرب فالعائلة زغب رااسها وقف ملي تفكرااتو ماكيخزن تا كلمة من مو…ومو ماكتخزن تا كلمة من الحاجة وداعت خبارها وكلشي غيعرف بفضيحتها…
كنزة كتحاول تصرف كأن شيئ لم يكن : كديرين نتوما لباس عليكم كي بقى عمي وسلوى ودراري كلشي بخييير…
فوزية : كلشي لباس عليه وكلهم كيسولو عليك…غبر عماد وغبرتي معاه جاتني فشكل والله العضيم عيالات ولادي توحمو وحملو على ايدي وجبتيني تا لعزيز فيهم وهربتي عليا ولكن مانتقلقش منك عارفة غير الوحم دايرو ليك كاع دزنا منو….وكاع كرهنا لي لينا ولي ماشي لينا…
سكتات كنزة مارداتش عليها حدرات راسها وعكوزتها كتشوف بحسرة ماعرفات كي دير ولاشنو تقول…
الحاجة: الله يهديهم على بعضياتهم…الله يهديهم ويجمع شملهم…
فوزية: كون غير نعرفو المشكل منين…نلقاو ليه الحل لا هو بغى يدوي ولا هي بغات تدوي..هي كتقول ليه طلقني وهو كيحلف عليها لا طلقها..شوف ابنتي انا عارفة ولدي صعييب حقا صعيييب ومغتزوج تا طرطرق ليا مرارتي تاوحدة ماعجباتو وتاوحدة ماجاتو على الكّانة…نهار دخل عليا مع خوه قال ليا نوضي يلاه مرت العزيز جاية راك عارفاه فيه التبوهيل ههه قلت ليه سير سير من الهضرة وخوه كيضحك كان علمو قبل مني ايوا داك نهار فرحتي تا حد مايحس بيها والله القسااام…
الحاجة : وحمها داز صعيب مزال ختها شوية اسماء ماحساتش بيه كاع شهرين وهي هازة تا قالوها ليها والله ماحسات بيه…اما هادي السيمانة لولى نوضت الحرااقية وحمها حاار..دابا يفوت هادشي ويولي غير تعاود الله يهدييهم…
فوزية : عارفاها اش كتسوا الحاجة ماتشكريهاش ليا عارفة ولدي ااش كيجيب ومعامن كيتلقى ومعامن كيجلس…الله يهديك ابنتي رجعي لدارك راه مسدودة وحيوطها بردو رجعي ليها…ماكينش لي يدوي معاك عمريها ليه مابقى والو ويرجع ليك…راه هاد سيمانة جاي ساقت ليه روان بنت الخليجي الخبار جات قبل مايجي…
كنزة باستهزااء ضحكاات : جاات تستقبلو هه
فوزية : لااا ابنيتي لاا…ماتنويهاش هكاك وعلاه ايلا جات تستقبلو حنا نسكتو ونميكو..راه غير خوتو نوحل معاهم…جات تشوف الحاج عمك ابنتي جات هي وباها ومها وخواتاتها بجوج هاد السيمانة غادين..مادوزناش معاهم قليل ولينا عائلة وحدة وباها خلاص راه صاحب الحاج قبل ما نعرفو حتى انا…ويجيو هوما ولاد اليوم يفرقو العشرة…الله يهديك والله يصفي عقلك من وسوسة الشيطان الله ينعلو ويخزيه رجعي لدارك ويكون خير غير رجعي تاتولدي وايلا وهزي بنيتك بيين ايدييك وشمي ريحتها وسمعي وصيتها وشوفي عويناتها وشوفي اش مسلكك داك الحين..وشوفي واش غتبقاي على نفس الكلام..
حدرات كنزة رااسها كتلعب بصباعها وقاالت بلانا تهزو…
كنزة :المكتابة هي لي غتكون اخالتي….(كحات ووقفات هربانة منها) نبدل حوايجي ونجي مامرتاحاش فهادو….
فوزية: سيري ابنتي بشويا علييك ماتحركييش بزااف راك تقلتي مابقيتيش خفييفة بوحدك..
طلقااتها خلاتها مشات هزات حوايجها وسلتات دغية للحمام كدوش وعقلها كيفكر دغيا كتبني وترييب وتا طريق ما شاداها..
داز الوقت واسماء ماخرجاتش من الصالة بقات مع الحاجة حتى جا الحااج ومحمد جنبها…
محمد بغضب : فاش عينيه هاد السيد ؟ علاش ناوي ااش قال ليك…
الحاج : دوييت معاه اولدي الله يهدي ماخلق ملي السيد نادم وطالب العفو وباغي يطلب السماحة جا يتكلم مع ختو وهي تفزعت منو هذا ما وقع…
بعناية كيحاول يختار كلماتو مابغاش يخسر الكلام على خوتها قداامها..طال زمان ولا قصار كيبقى الاخ ديالها وتاحد ماينكر على الكلمة…
محمد : كاينة شي حاجة سميتها تيليفون يدوي من بعيد يعلم بمجيتو…كنطلبو السماحة من ناس نوقفو ليهم عند الباب ؟
الحاج : شافو العساس قال ليها جاي عندك
محمد : عندي ؟
الحاج :جاي عندك عارفك طبيب ضنو شي مريض من عندك و الله اعلم اشنو قال ليه ودخل…وطرونسبور ديال المدرسة داخل معاه…تلاقاو صدفة و صافي..
طبطب على كتف اسماء…
الحاج : مانبززش عليك ابنتي تقولي سماحة ولا غيرها بخاطرك وايلا كانت تكون من قلبك …غير تدكري حديث الرسول صلى الله عليه وسلم…(( المسلمُ أخو المسلمِ ، لا يَظْلِمُه ولا يُسْلِمُه ، ومَن كان في حاجةِ أخيه كان اللهُ في حاجتِه ، ومَن فرَّجَ عن مسلمٍ كربةً فرَّجَ اللهُ عنه كربةً مِن كُرُبَاتِ يومِ القيامةِ ، ومَن ستَرَ مسلمًا ستَرَه اللهُ يومَ القيامةِ))
حدراات راسها مع نزلو دموعها حابساهم بشهقة متأثرة من كلاامو..حتى كتبغي تهز راسها تدوي وكتقطع فيها النفس…
اسماء : وعلاش هوما ضلموني ؟ (مسحات حفن عينيها) تلاحيت للزنقة محتاجاهم وماسترونيش…علاش نسمح لييهم…
دوز محمد ايديه على وجهو حاني دراعو على ركابييه بلا هضرة بلا كلاام كيسمع…وااحاج كثر منو ماعرف مايقول ولا كيفاش يبسط ليها الامر..عندها الحق فاي كلمة قالتها والسماحة صعيييبة وقاصحة تخرج من فمها…
الحاج : مانلومكش من حقك ابنتي..من حقك ايلا ماسمحتييش من حقك واللي كبر مني ومنك شاهد… ولكن ماتنااسيش الفضل لي غيرجع ليك..الاجر لي غتاخدييه نتي..الحساب علينا كامليين وحتى حد ماكيفوت بلا عقاب…ولكن الفضل لي غيرجع علييك الاجر لي غتاخدييه من ديك الكلمة يستاهل تصبري علييه..لقول الرسول صلى الله عليهم وسلم ((افضل الايمان الصبر والسماحة))
شاافت فمحمد بدوون كلاام وحدرات رااسها كثر ماكتشوفش عند الحاج بخطرة وهو فهمها و شاف فباه واشاار ليه بعينيه يسد الموضوع لكن الحاج كان تابت وباغي يسمع صوتها…
الحاج : اسمااء..سمعيني صوتك …
علات فيه عينيها بمنضر دبح خاطرو ورجعات حدراتو حشمانة من جنابها قدامو…
اسماء : مانقدرش نافقك الحاج…ايلا سمح ليهم ربي نسمح ليهم…
حرك رااسو كيتتنننهد متفهمها وناض وقف طبطب على ضهرها باسى وحنيية…
الحاج : الله يغلبك عليها ابنتي الله يغلبك مانلومكش ماسااله لي داز علييك..الله يطهر قلبك ويغلبك على من عادااك…
غمز لمحمد ومشى خرج كيستغفر الله ويحولق ومحمد جرها وسط صدرو كيطبطب ويكسكت فيها وهي كتنخصص وتبكي وسط عنقو معنقة صدرو بايديها …خلاها بخاطرها ماحبسهاش حتى ارتاحت وخوات لي فداخلها ..
محمد :مكينش لي يبزز عليك شي حاجة بخاطرك….تسامحي ولا لا بخاطرك شش اسماء….شوفي فيا (هز راسها من دقنها لعندو) صافي غتمرضي مااغيرجعش عندك يلاه ارتاحي
اسماء : مااتبقاش تجبدهم ليا بغييت نسااهم يمرض ولاا يمشي يموت انا ماسوقيش فييه والله واخا يهزوه فالصندوق مانمشي عندو…كانو غيتمو ليا بنتي الله ياخد فيهم الحق….ماابقيتش باغة نشوفهم…
محمد : بخااطرك مايغبزز علييك حد شي حااجة
طبع قبلة على جبينها كيمسح دموع على خدوها وهي رجعات حطات راسها على صدرو كتتنهد هازة شهقة من اعماااق خااطرها…
محمد : دويت مع الطبيبة ديالك هاد الصباح ( هزات فيه راسها وهو يبوس نيفها حمر فازك بالدمووع) علماتني فاي لحضة نعرفو ااش عندك…
اسماء : بصح (حرك راسو بايجاب ) قالت ليك داك نهار غتعطيك شي دواء جديد ديالي وغتعطيك هاداك المهدن لي قالت ليا داك نهار….عكاتو لييك ؟(حرك راسو بايجاب ساهي فيها) غتعطيه ليا….واش زويين !
محمد كيزيد شال زالق ليها لور : قااصح شوية غنجيب ليك شي واحد خور..
اسماء : علااش ..انا لي قلت ليها تعطيني شي واحد دقة بطلة مابغيتش هادوك العادين راه كاع مجرباهم ماكيقديت فيا واالو..
محمد : قاصح علييك لا…واش باغة تنساي راسك بحال المهلوس مغتبقايش عارفة اش كتقولي كدخلي وتخرجي فالهضرة …
اسماء : ياك غير معاك حتى ليل ونشربو بغيت نعس ماكرهتش ناخدو دابا حاسة براسي ماشي هي هاديك راسي غيطرطق عليا…(برجااء) عفاك غير خليني نشربو هاد ليلة وايلا ماقدرتش عليه مانعاودش نشربو….غير هاد ليلة و وصافي..
سكت كيشوف فيها كترمش وترغب بعينيها مدمعيين باغاه باي طريقة متدكرة الايام لي كانت مريضة فيهم غير كتاخد داك المهدئ كتنسى راسها ديك لحضة كتنعس ماكتعقلش لا على الم ولا حريق…مدة طويلة وهو معاها فالصالة حتى نزل ونزلات موراه كيجبد الدواء من الكارطابل كيوريها واخا عارفها غتنساااه حتى يفكرو فييها….حتى قشعات واحد وااء…
اسماء :هذاا مازويينش كيسد الشهية..
محمد : مكمل غدائي..
اسماء : ااه كيسد الشهية مازوينش…خاصني نشربو باش يسدها ليا
محمد : ماشي يسدها ليك مكمل غدائي غيعاونك تنقصي الوزن فنفس الوقت يشبع جسمك فيتامينات..شوفي هنا بحال البروتين ..الكرنتين…الكافين اينفوا كتاخديهم كتحسي بأنك شبعانة ومامحتاجاش ل حاجة اخرى…داكشي باش كتحسي بيه كيشد ليك الشهية..
حركات راسها بتفهم كتشوف فيه كيجبد باقي الادوية تنهداات فديك الكمية كاملة لي خاصها تشربها وتبعهم واخا كتنسااسهم..هو ديما مفكرهم فيها بالدقيقة وتانية…حتى جبد كلشي وكملهم…
اسماء : هادوك كامليين غنتبعهم..فين هو الكالمون لي قلتي ليا…
محمد : فوقتو غنعطيه ليك..
اسماء : مابغيتيش توريه ليا باش نا نرجع ليه..ماغانخدوش بلا خبارك…
عنقها تحت دراعو محني عندها كيدوي وهي معلية فيه راسهاا عينيها مزال مدمعين خارجيين…..
محمد : انا مكلف…بدواء فوقتو غنعطيه ليك…(باس جنب شفايفها حتى سدات عينيها) دواء غتاخديه ولكن الكالمون ماغتولفيهش ليا…مرة مرة وايلا كان للضرورة…
اسماء ضحكات: نتا طبيب وكتقول هاد الهضرة…
محمد : ليكالمون حنا ومكنعطيوهش غير حيت عجبنا الحال كنعطيهم..للضرورة فقط… فيهم الادمان اعرااض الجانبية دياالهم كثيييرة ونتي بالاخص فهاد المرحلة ما مزيانش تاخديهم فمرحلة الحمل والرضاعة مكانش خاصها تخرجهم ليك…ندوي معاها قبل ماتاخدييه…
حركات راسها وكلاامو كيتسلل دمااغها بحالا كيقرا عليها طلامييس كيخليها توافق على اي حاجة قاالها..يلاه خرجو من الباب حتى تلفتات عندو بحالا تفكراات شي حاجة..
اسماء : امتى عندك الجلسة مع اسراء ؟؟ مشات من باالي نسيتها…
محمد وقف كيشوف عندها : الخميس
اسماء : بعد غداا ؟؟؟ مابقى والو….شنو فنضرك ممكن يكون
محمد رجع درعها تحت ايديه : حتى لتما ونشوفو اش كاين…
اسماء : علاش عطلوها لهااد درجة..انا..كنت كنعرف شي ناس كيشكيو ليهم فديك سيمانة كتكون لجلسة علاش نتوما طولتوها…
محمد بجدية: صعييبة القضية تخليها فايد لي شدات الرشوة ضدك..يا ترشي ياا تاخد حقك بايديك..
اسماء شاف فييه : نتا مكترشيش…ولكن راه حتى حاجة ماكتمشي بلا رشوة…(وقفاتو باقناع)صافي خليها امحمد عفااك خلينا مرتاحين اش بغينا بشي محاكم يااك تصالحنا…صافي خليها فحالها..نديرو معاها..نديرو مثلا شي ورقة من المحكمة باش ماتقربش لينا حتى ميترو وااحد وصافي خليهاا…
محمد : واش عاجبني لي وصلنا ليه…ولكن داك البشر مكينعفش معاه السماحة…ايلا سمحتي ليها غيتمادى كثر من لي سبقو….البلان ومافيه دابا ماكيواجهوش الوجه فالوجه…كيضربوني بيك..
اسماء : راه يمكن ندمات…من شحال هذا وهي كانت كتهضر مع(حركات راسها مابغاتش تدكر اسمو)..يمكن فاش يلاه تزوجنا و تقدر تكون ماتقبلاتهاش حيت ماشي بزاف باش تطلقتو (باقناع ناطقة عكس ما ماكتفكر فيه) انا بصح فيها شاكة فيها مداتش تسنيم وجابتها دالله الله نوات شي حاجة وندمات من بعد ولا ماعرفت ولكن صافي لي غلب يعف اش غنديرو بهاد المشاكل خليها فحالها…يمكن نتراجعو حنا وتتراجع حتى هي..
شاف فيها مطول محاول يسهل الامر فعينيها بانت ليه مخلوعة وخايفة من القضية..
محمد : البلان دياال تسنييم مكان فنيتها تخطفها ولا تديها…هي شافتكم تما وعسات علييكم من بعيد الفرصة لي بانت فيها تسنيم فلتات من قدامك هزااتها ومن بعد رجعاتها…عرفاتك غتشكي فيها وتقولي بغات تخطفها ويمكن كاع تدفعي بيها شكاية من بعد غيدوزو للكاميرات وغيشوفو تسنيم لي ركبات معاها يعني نتي شنو غتولي…ماشي اول مرة كتشكي فيها وماشي اول مرة تبغي تكوني عدوة ليها…واخا غير مشيتي مكركبة معايا…ماليك حتى دخل فهاد الروينة..
اسماء تصدماات : و وبصح..انا كنت غندعيها والله حتى كنت باغة نديرها…
محمد حررك راسو بايجاب : ماعندي بيها دخل تدخل للحبس ولا لا…ماكناش ناوي نوصلو لهاد السطاج ولكن وليت كنتضرب فالضهر…خيالي وليت شاك فيه خلصت وخلصتي معايا وخاص حتى الطرف لاخر يخلص باش يتسد الحساب وكل واحد يقصد طريقو…
طلعو الفوق عند الحاجة مشى عند الحاج للصالة وهي بقات مع مو جلساات جنبها لقاتها شادة واحد المسلسل تصدماات عمرها شافتها كتفرج فشي حاجة حتى لهاد النهار وجلسات حتى هي كتفرج معاها حتى بداو كيتعشاو ومحمد كيمد ليها الادوية لي غتشرب كاين لي قبل الماكلة وكاين لي وسط الماكلة وحتى لي فلخر دالماكلة ..ماكتعشى حتى فخاطرها وسط الدوايات والهم ديالهم…حتى مد ليها واحد الكاس وغمزها بعينييه عرفاتو الكالمون وخداتو من عندو شرباتو بدون تردد وهو كيشوف ويتنهد مابغاش يعطيه ليها…
كملو عشاهم جمعو الرويينة طرفو الدنيا واسماء رااسها طاح عليها من غير الكالمون الادوية عطاو مفعولهم… خلات الحااجة و شدات تسنيم مسات عليهم ونزلات لبيتها ضارت بحالها دغيا طايحة بالنعااس باغة غير تحط راس…تخشاات فشومييز بيييج كيجي بحال ديباردو والشورط ديالو من الفوق البيناوار مشبك جمعات شعرها الفوق ريحات عنقها و وسط صدرها وخلف ودنيها عاد نعسات وتسنيم مقربة كتمخشش فيها وتشم وتريح من صدرها حتى تفكرات الكريم ديال صييقاانها..
اسماء :تسنييم…نوضي اماما عطيني داك الكريم ماقدرت نوض..نوضي ابنتي..
تسنيم مغبنة : و انا ناعسة…
اسماء : ونتي ناعسة ماتسخرييش لماماك…مممم…(تحنات باست راسها) خلعتك اماما ليوم..
تسنيم هزات كتافها مقلقة : مابقيتيش كتبغيني بحال كيما لول
اسماء عينيها معسليين بالنعاس فاشلة : ماااكينش شي حد كنبغييه كثر من بنتي..
تسنيم حطات صبعها على كرشها : وهذا لي هنا…
اسماء : هذاا خووك ولا ختك اكبييدة عزيزة علييه وديما كيقول ليا بوسي ليا تسنيم فاش تفيق وفاش تنعس(باستها) نعسي اماما قارية بكري يلااه…
جراتها لدفئ حضنها كطبطب عليها حتى نعسات…فحين محمد لفوق خرج من عند الحاج طل على الحااجة بوحدها فبيتها حالة عليها الباب…
محمد : الوااليدة(باس راسها) تصبحي علي خيير…
الحاجة: تصبح على خير اولدي الله يفرحك الله يعااونك…(بغى يمشي وهي توقفو) محمد..اولدي و واش بصح عندك شي محكمة مع اسرااء تاحد ما بغى يقول ليا شي كلمة ريحني كاين هاد الكلام…؟
محمد : يصبح ويفتح ويكون خير نعاود ليك..فأمان الله..
مشى مخليها كتدعي موراااه نزل للبيت لتحت لقى تسنييم نعساات وسطها كيف العادة هزها لبييتها غطتها ورجع لبييتو مدوش كبعد اليوم طوييل لي دوز عاد خرج لبس بانت ليه اسماء كتحرك وهو يجلس فوق سرير متكي على دراعو جنب حرك ايديه فوق نييفها حتى حلات فيييه عينيها معسليين بالنعااس وتبسمات فوجهو تبسيمة زوينة…
اسماء : نزلتي ..م ماحسيتش بيك..فيا النعاس
محمد : نعسي..
اسماء : تسنيييك…ولفت نعس على ريحتك..
تبسم كيمشط على شعرها بصبااعو ونزل بااس شفايفها قيلة ثقيييلة هااادئ وحنيينة …بصوت خافت معسلة عينيها
اسماء : ريحتك زوينة فخبارك ؟ واش كدير شي ريحة نتا مكديرش الريحة كنشوفك ولكن واخا هكاك ريحتك زوينة
خطف قبلة من شفايفها مرة اخر متكي جنب على دراعو كيشوف فيها وايديه على كرشها عراها كيتلمسها…
محمد : مغتنعسيش…
اسماء : بلاتي هه بغيت نشوفو واش غينعسني بزز…
محمد : ااخر مرة تاخديه ديريها فبالك..
اسماء : واخا…(رايخة وجهاا كتحسس شعر لحيتو على خدوظها)شنو بغيتي يكون عندي بغيتي بنت ولا ولد
محمد : بحال بحاب..غير الصورة الكاملة..
اسماء : ولا قول ليا واش بنت ولا ولد غير واحد فيهم انا بغيتها بنت ونتا ؟
محمد باس رقبتها بنفس حااارة كيدوي فيها حتى بورشها : بحال بحال من عندي ماكينش الفرق..
اسماء : كيقولو الاب كيبغي الدراري مكيبغوش البنات…بالعكس انا كيعحبوني البنات..هوما…(سكتها بقبلة اخرى ورجعت مكملة)هوما حسن من الولاد البناات حناان وكيحتارمو وكيبغيو والديهم و واخا يكبرو مكينساوهمش…
سكت كيسمع ليها كلامها ثقييل بحال شي سكرانة مرة مرة كيقبل شفايفها باعجااب سااهي فيها وصباعة وسك شعرها…. وسط جو حميمي رومانسي…ضوء خاافت وكلام هامس…نفس سخوونة…وحركات جريئة منو ولا…
واحد اللحضة وهي تسكت كتشوف فيه بين رموشها حتى تبسمات وايديها على لحيتو ..
اسماء : علاش كتشوف فيت هكا…
محمد تبسم : كيفاش كنشوف فيك…
اسماء : فخبارك عارفاك كتبغيني واخا ماتقولهاش باينة فعينيك…
دخل ايديه تحت عنقها قربها عندو متكية فوق درااعو كتشوف عندو بالمقلوب …
محمد : مغتنعسيش(باس شفايفها) تنعسي ولا نسهرك هاد ليلة …
تبسمات مستقبلة قبلتو مرخية بين ايديه حتى كتبغي تهضر وكيسكتها بقبلاات متقطعة راافض يحبس…
اسماء : ياك بصح كتبغيني ؟
محمد : علاش كتسولي على شي حاجة عارفاها
اسماء : لا ماعارفاهاش..قولها…
محمد رد مبسم فيها: نعسي…
اسماء : واغير قولها مالك شنو فيها عادي انا ديما كنقول ليك كنببغيك علاش نتوما رجال هكا مكتعتارفو بكتى حاجة شنو فيها…امتى بغيتيني..حتى تزوجنا ولا قبل ؟
طاال صمتو كيشووف فيها بدون اجابة وهي على نيتها كتسنى ميييتة بالنعااس…حتى قال..
محمد : نهار عاودتي ليا على مشاكلك مع داركم…حطيتك قدام دارك وتمنيتك تكوني فداري ويجرب شي حد يجبدك بالعيب…
اسماء : من اول مرة تلاقينا…
محمد : يلاه نعسي..
ضربات بصبعها واحد قطرة دالماء نازلة من لحيتو من الدوش لي دوش وخلات ايديها تما كتمشطها لييه بريوس صبيعاتها..
اسماء : واخا ههه….
محمد :كضحكي عجباتك هادي..
اسماء : ولكن فاش تزوجتي مشى كلشي…واش بغيتي اسراء شي نهار..؟
دوز ايديه على خدودها هو جاه نعاس وهي مابغاتش تنعس..
محمد : كنت باغي نبغيها…
اسماء : مكنتيش كتبغيها…
محمد : حاولت كانت على دمتي مراتي…لا هي كتعرفني ولا انا…. هي كتحاول تولف عليا وانا كنحاول نولف عليها داكشي علاش الطلاق جا ساهل بجوج بينا ماعطييناش محاولة باش يكون شي صلح لا هي صلحات الامر ولا انا عطيت فرصة يتصلح…
اسماء :كنتو تقدرو ترجعو زعما كون بغات… !
محمد : الزواج ماشي لعب دراري الصغاري..ماشي غدا غنتخاصمو نوضو نطلقو….قلتي ليا طلقني وحاااولت وحتى نتي كتحاولي تصلحي الامر غير من الطريقة باش دويتي مع الحاجة الام ديالك نصحاتك تدوي معايا ودويتي معايا يعني عندك نية للصلح ماشي العكس…وحتى انا كانت عندي نية ومكنتش غنفرط فيك مدام كنحس بيك باغة وحتى انا باغي فحين كون كان العكس لا نتي مرتاحة ولا انا مرتاح علاش غنعدبو بعضنا…نتس ماعندكش نية للصلح و ولا اناا…اللي نكولوه نقصروه !
اسماء : نتا باغي..
تبسسم قاالب وجهة كيضحك عليها وهي مبسمة مرخيية كتشوف فيه…
محمد : كضوري وترجعي لنفس الحاجة …اش باغة تسمعي(باس رقبتها حت عوجاتها مهرورة كضحك) قلت ليك واش باغة نسهرك هاد لييلة ولا كيفاش..
اسماء : لا صافي غنعس…انا غنعس غدا غنمشي عند ماما عندي كوموند ماعرفتش كيفاش غندير ليها وخاصني نمشي لحمام شربت دواء ومانسيتهاش…(مغبنة باغة تبكي) دوخااتني تئ
محمد باستغراب: كوموند غتوصلك للدار ؟
اسماء : لا انا غنسيفطها …
علا حجباانو بعظم فهم كيحاول يجبد منها الكلاام عارفها مكتقولش ليه شحال من حاحة لحد الان يلاه كيعرفها …
محمد : مزياان…لمن غتسيفطيها ؟ مع ليفرور ؟
اسماء بدون شعور تقلباات وهو خلاها فوق صدرو كيدوز ايديه على ضهرها : لا مع كنزة ختي راه غير شي ستة ديال البلاطوات مولاتهم باغاهم غدا غنصاوبهم ونسيفطهم ليها باش تخلصني تاني…
محمد : تخصلك تاني ؟ شحال من مرة خلصاتك جوج دالمرات؟
اسماء : لا تلاتة….
محمد : شي كوموند ديال الحوايج هادي ؟
اسماء : لا دالحلوة …طلعت ليهم الثمن يلاه…كل بلاطودرتو ليها ب سبعين درهم…(ولا جوااب منو وهي تخشي وجهها فعنقو وقالت) طفي الضو عفاك…
شااف فيها شااكت عااقد ححبانو وهي كتمخشش فصدروو وتعنق بايديها لايحة عليه رجليها…. مد ايديه طفى الضو حال عينيه وسط الضلمة سااهي وهي باقة فايقة غير كتحس بييه حيد ايديه من شعرها كتهزها وترجعا وسط شعرها باش زعما يمشط ليها بصباعو حتى داهاا نعااس وتقلباات على كرشها نعساات وهو يسلت ايديه من تحت عنقهاا ونااض جالس كيتلفت يشوف فيها مطول نااعسة مرتاحة بحالا ماقالت واالو وكيرجع يشوف قدامو…حتى دوز ايديه على وجهوو كيفوور وناض خلاها و خرج من البيت بخطرة…
صبح الصباح واخا ماباين عليه صباح فبيتها…الريدوات نازليين والجو سخيييخن…وسط الهدوووء والسكاات حلات عينيها ورجعات سداتها فاشلة خاصها مدة باش تستاراح من النعاس لي كانت ناعساه…مدات ايديها تلمسات جنابها لقاتو خاوي وهي تلفت مالقاتش محمد حداها ورجعات سدات عينيها قالت غيكون طالع عندهم الفوق وفعلا بعدما خرج تسنيم لطرونسبور للمدرسة طلع عند الحاجة لفوق…
تحركات من بلاصتها ناضت مباشرة لحمام واخدة ليها دوش خفييف وخرجات لبسات كسيوة فالشيبيي مفرفرة من لتحت ومشدودة من جيهت الخصر رمات عليها الشال حاطة وجهها قدام المراية كتفلي وتقلب فييه كيبان ليها توسخ وتجلخ واخا راه كيشعل ولكن بلية الصالون عمرها تحيد منها من نهار كانت فيه وهي سواان ديما لا لوجهها لا لشعرها والماسكات واخا قلة شيئ غير بقشور الخضرة قادية الغراض…خرجات كتفوه وطلعات عندهم لفوق بانو ليها فالصاالة جالسيين صبحات عليهم مع محمد والحاج ومشات عند خديجة للكوزينة…
اسماء : صباح الخيير خدييجة(جلسات)عطيني اختي كاس دالماء..
خديجة عطااتها الكاس : صباح الخيير….حتى نتي كان فخبارك ااش واقع ؟
اسماء باستغرااب غمزاتها: ااش واقع ؟ شفت الحاجة ماشي تالهييه مالها ؟
خديجة : محمد داعي اسراء…قال ليا حتى انا غنمشي معاه للمحكمة نشهد
اسماء حركات راسها : فخباري ولكن بااش غتشهدي نتي ؟
خديجة: غنمشي انا..وغتجي حتى سمييرة
اسماء بدهشة : دخلت عليك بالله…كيفاش وآش جاب سميرة للهضرة زعما على الهضرة لي قالت ليها اسرااء…كانت قالت ليها راها كدوي مع صاحبو
خديجة : ااه داكشي..كيقولو كيفاش هي عرفانك كدوي مع صابحو واصلا المهدي فاش بغى يخطبك فين كانت كتعرفو ولا كيعرفها واصلا منين جابت نمرتو وكيفاش بدات كدوي معاه
اسماء : ياربي هادشي شحال فيه ديال التسخسيخ…وهوما بحال والوو عاطين الرشوة باها راه لبااس علييه اول مرة شفتو داك نهار…غير وجههم يعطيك الخبار
خديجة : ما السي محمد ساهل ليهم هو مايرشييش وليني ايلا جا حتى هو يخدم رشوة راه يغرقهم كامليين الحمد الله ميسر علينا ربي راه غير البشر الله يهدييه كيشوفو الانسان متواضع مكيبغي يبان بفلوسو وبزرقو كيبغيو يطلعو ليه فوق الرااس…دابا تشوفي دابابا يرجعهم هوما نيت لي ضحكة…
اسماء : ولكن دابا راه مامخدمش الرشوة…ياربي دوز هادشي على خير وصافي…اري نعاونك…
وجدو الفطور وجهزوه فوق الطبلة داخل الصالة جلسو مجموعين قالبين موضوع المحكمة واسماء كضور عينيها بياتهم كتشوف فالحاجة بكثرة مايضة تزيرات حتى ولات حمرة ماعرفات تشفى ولا باش تحس تصدمات وبانت فيها صدمتها…هزاات عينيها ونيشان جات فمحمد مضلم فيها عينييه عاقد الحجبااان متبت فيها الشوفة تبسمات متدكرة ليلة البارح وكلامو ليها…مع حطات واحد الحليوة ف فمها حابسة بيها ضحكتها لا تفضحها وهي تفكر اش قالت ليه حتى خرجت عينيهاااا وبلعات ديك اللقمة بزز كتحس بيها نازلة مع ضهرهااا..
الحاج :كي صبحتي ابنيتي شوية ؟
حركات رااسها مزنكة بارتباك كتشوف هنا ولهييه مارجعاش شافت عندو ولو ل لحضة حتى كملو داك الطور وهي تابتة ماتحركاتش حتى شافتو نزل لتحت وهي تنوض نزلات موراه خلات الحاجة مع الحاج..
الحاج مضارب مع واحد المسجل : مااعرفت مال هذا تاني…مدي ليا داك الملقط…(مارداتش عليه حتى هز فيها راسو بانت لييه حادرة راسها ودموعها هلى الكرف كتنهد) الحاجة…يااك لباس مالك كتبكي !
الحاجة : ايوا مكتشوفش افحاج هادشي دوي مع ولدك اش بغينا بشي محاكم انا مابقيت نقدر ندوي معاه مابقاش عندو الخاطر ليا والو..
الحاج : الله يهديك عارف شغلو انا ماعندي مانقول ليه من غير اني نوقف ٠نبو حتى نشوفو اخرتو…
الحاجة بزعفة : كون غير ماخليناش ليه عينيه فالزواج نهار لول هو مكانش كيفكر كاع يتزوج انا لي زوجتو بيها وزدنا كملنا ليه بالتانية وهو غارق وشبعان مشاكل…
الحاج : وابفاها الله يواتييهم الخير مكتاب الحاجة راه كيعيشو كي عشناه قبل منو…نتمنى يفك مشاكيلو قبل ما يجي السي ابراهيم وايلا غيولي هو سابقنا ليهم وحنا كنشوفو من خلفو
الحاجة: السي ابراهيم الحاج نوا يستقر هنا صافي سمح فوحدة وسمح فدارو و ولادو تما…بالحق ولادو كل واحد شاد قنت ماراصينش فار وحدة بحال دار البيضاء بحال وجدة…
الحاج : هادشي لي حاين وبراكة من البكى الله يرضي علييك ولدك بعقلو ماشي صغير تخافي عليه عارف اش كيدير …نعلي الشيطان و وقفي اجي جنبي..اجي شوفي معايا هادشي…
تنهداات وناضت حداه فحين اسماء نزلات موراه لقاتو كيوحد فالكرطابل ديالو باش يمشي..وقفات كتلعب بصبعانها وترمش محاولة تختار كلامها بعناية.. يلاه غتظوي وهو يقفزها حتى هزات فيه راسها مخطوفة…
محمد : شربتي دواك علاش نزلتي ؟
اسماء : واخا انا غتشربو…(بهدوء)ونتا غتمشي لكيلينك مغنمشيش معاك قلتي ليا قالت ليك طبيبة اي لحضة نشوف شنو عندي…
محمد : ماتابعكش شي شغل…ياك مسالية ؟ ايلا كنتي مشغولة نخليوها لمن بعد….
جات قدامو باسى كتشرح وتفسر خايفة يتخاصنو مرة اخرى وخايفة يرفض ليها الخدمة..
اسماء : محمد….ر راه كنت غنقولها ليك
محمد : اهاه…شنو كتسناي…(دوز ايديه على دقنو بغضب) اسماء لحد الان معارفاش الطريق اللي تشدي نيشان…فكري بشوية عليك وعطيني طريق زحدة نمشيو معاها…
اسماء :عارفة….علاش ماغنعرفش…عمري خبيت عليك شي حاجة كلشي عارفو شنو خبيت عليك من غير هادي…
بلا رد منو كملات..
اسماء : كنت غنقولها ليك ولكن كانو كيوقعو شي حوايج مكيخليونيش نهضر ونتا شحال من مرة مكتسمعش ليا
محمد : اسماء الله يرضي عليك بدلي ساعة باخرى..وحيدي داكشي من بالك
بسررعة ردات علييه صدرها كيرجف خافتو يحلف على الخدمة عمرها تحلم بيها وهي معاه…
اسماء : علاش شنو فيها بدار كيعرفوني الناس وشحال من مراة كتقول ليا نوجد ليها كوموند كنختار الكبيرة فييهم باش مانعرمش عليا بزاف وقلتي ليا غندير ليك مشروعك وانا الحلوة لي كنرتاح فيها
محمد بنفس الهدوء : طيبي هاد الحلوة… لي غيعطيوه ليك عطيه ليك وهنينا…
اسماء بتمرد : بغييت نخدم عليهاا….(تمشى وتبعاتو)محمد واش كتسمع لياا..
رمى عليع الدجاكيمت خفييفة وهي كضور بيه من هنا ولهييه تصالحو وتضمن خدمتها بغى يخرج ليها العقل ملي رفضها ليها…هز الكارطابل ومشى خارج وهي كتشوف من ورااه شادة البكية ماتبعاتوش حتى بان ليها خرج من داار وجلسات فبيتها كتبكي وتدمع وتمسح غير حسات بتيليفونها كيصوني مسحات دموعها وكلاتعلييه لقاتها كنزة حوباتها…
اسماء : آلو..
كنزة : صبااح الخييير فينك قلتي ليا غنمشوي لحمام لا نتي لا هو..مزال غادا ؟
اسماء : مابقاتش عندي كانت صافي مرة اخرى..
كنزة : ياك لباس ااش كاين…
حطات ليها كلشي من لول حتى للخر كنزة مرة تضحك مرة تهضر…
كنزة : ايوا شتي قلت ليك قوليها لييه المصيبة هاهوا عرف الله يعطيني وجهك مالقيتي باش تكّري لييه (ميتتة بالضحك) ناري كون قلتي شي حاجة على ناصر..المصيبة كون بديتي تعاودي ليه ايامات ليسي ناري تخايلتها قلبي ضرب ههه
اسماء ردات باغة تبكي : حتى كنقول هنييت وكتخرج ليا شي مصييبة من الجنب دابا شنو غنديير لييه اناا…
كنزة : ااش غديري ليه خليه حتى يتفش اش عندك مادري
اسماء : لاا ..اشمن غير ماغيزيد يتنفخ راك مكتعرفيهش يسحابليك دايا مشى لخدمة غينسى هاد الهضرة ويخدم…راه غيمشي ويبقى يحلل فييها ويحقق وكل كلمة قلتها يفليهل حتى يخرج بشي عجب انا اصلا مديراهش…
كنزة : راه طبييييب سبع سنيين من عمرو وهو يحلل ويفلي حسن عوانك..ايوا اش غديري حتى يجي ودوي معاه ولا سيري عندو..
اسماء : كضحكي عليا اكنزة..اش فنمشي مابغييتش نخرج نزييد نكحلها على راسي…خليه حتى يجي….
كنزة: ايوا بقاي تسناايه حتى يجي سخن م الصبااح سيري غندو وظوي معااه تماا وحلي المشكل قبل نايكبر ويتنفخ ماعرفتي اشنو يوقع من هنا للعشية…
حدرات رااسها كتصنت ليها وكنزة كتوصي وتقنع فيها حتى بدات كتردد فقرااارها وقالت…
اسماء : نمشي عندو ! (ضوراتها فراسها) اصلا انا باغة نمشي عند طبيبة….تقوليا شنو عندي..
كنزة: ايوا سيرو عندو…
اسماء : يلاه معايا…وصليني بعدا ايلا جيت معاك ماشي بحال طاكسي غيدير ليه قصتو بوحدها
كنزة : واخا عدوزتي هنا ولكن ملاهياها ماما..شوية وندوز عندك ..
اسماء : انا كتستناك عندك تعطلي عليا…يلاه بسلامة…سلمي عليها..
وجدات راسها بزربة مترددة واش تمشي ولا تجلس حتى قرار ماشداتو هو هاداك…طلعات عند الحاجة وصاتها على تسنيم وعلماتها بلي غتمشي عندو عاد خرجات عند كنزة وشدو طريق مباشرة لعندو لكلينييك…مدة طريق خلات كنزة فالطوموبيل وحلات لباب غتنزل..
اسماء : انا مشيت ايلا تعطلت صوني ليا..
كنزة : واش نتي هبيلة كيفاش ايلا تعطلت صوني ليا هههه مالو غيدبحك تما…
اسماء : ومهم غير فكوني راه كيغلبني فالهضرة…واقيلا نرجع للدار صافي حتى يجي علاش جيت عندو..
كنزة : وادابا صافي جينا حتى لهنا سيري خلاص ورجعي اش فيها
اسماء : يلاه نمشيو نشوفو المحل لي غتاخدي عيطي لعابيدين…
كنزة : مابقى بو محل سيري حتى تجي ونعاود..يلاه ا اسماء طلقينا نزلي عندو واخا يكون غيقطع ليك راسك
اسماء نزلات مغبنة : بقاي دفعي فيا بقاااي…كون درتي هادشي مع راجلك كون راك حاملة بتاني..عرفتي ويضور فيا اخر مرة نتبع طرييقك…ندمت لي جيت والله العضيم…
سداات عليها الباب ومشات خلاتها كضحك عليها شادة تيليفون كتسناها واسماء دخلات عندو عارفة المكتب دالو نيشاان مشاات ليهاا دقات جوج دقات وحلات البااب دخلات ساعة مالقات حتى حد…
الضورة لي غضور وهي تلقى رانيا وراها قفزاتها شادة على صدرها…
رانيا : مدام اسماء…مرحبا بغيتي دكتور شيباتي تفضلي تسنايه..
اسماء: واش مكاينش ؟
رانيا : وي ..عندو اوبيغاسيون يلاه دخل ليها شي عشرة دقايق دابا…
اسماء : بصح ؟ قرييب يخرج منها ولا مزال
رانيا: شوية ساعتين ونص تقريبا…اللي مزالة تفضلي دخلي
اسماء : ساعتين بزاف تئ …غنخرج ختي كتسناني شكراا رانيا ياك..لهلا يخطيك احبيبة انا غندوي معاه بلاما تقولي ليه والو واخا…
رانيا : براحتك..نتي صافا ؟ كيف بقيتي شوية…
اسماء تبسمات : الحمد الله احبيبة لهلا يخطييك..بسلامة الله يعاونكم…
مشاات اسماء كتشوف مع جنابها وراانيا كتشوف فيها متبعاها بعينيها حتى انضمات ليها واحد الممرضة اخرى…
_مرت الدكتور هي هاديك يااك ؟
راينا : ممم..حااملة جا معاها الحمل واخا مريضة مسكيينة الله يجيب ليها شيفاء..
_هاادي مرييضة؟؟؟ مبينااش عليها و٠هها منور ماشي ديال المرض غزاااالة صرااحة علاش سلمى قالت مابيهاش..
رانيا : سلمى غير مسمومة راه يسيق ليها لخباردوات على مرتو غيتفاهم معاها… واخا هكاك عيانة مسكينة وبزاف كاع غير ايلا ولدات على خيير راه معجزة مكانش خاصها تحمل جهد دالولادة مايمكنش يكون عندها فحالتها…
_الله يجيب ليها الشفاء…
خرجات اسماء عند كنزة مسرعة طلعات جنبها كتقول…
اسماء : سيريي سيري اختي سيري
كنزة : مالكي اش قال لييك ؟
اسماء : مالقيوش…صافي غير سيري حتى يجي للدار لقيتو داخل لعملية هادي اشارة من عند ربي يعني مكانش خاصني نجي الحمد الله…حتى يجي ونطلبو فالدار على خاطري…
كنزة ضحكات : مشكلة هادي هههه واش نتي باغة تخدمي باي طريقة وصاافي غير قولي ليا باغة تخدمي ولا تدوزي الوقت
اسماء : غير جالسة فالدار اختي اشنو كندير…كنقنط وكنمل … فلوسها مابغييتهمش راه نعطيهم لماما ناخد غير شي حاجة…بغيت نتعلم للحرفة ونشد كلياان وقال ليا غندير ليك مشروعك بغيت نشهر حلوتي زوينة وبغيت كلشي يعرفها…
كنزة : علاش ماديريش فيديوهات فاليوتييب…انا كندير بالحق غير شي اشهارات فلينستا.. ديري قناة فاليوتييب ديري ليها الاشهار ماتبينيش وجهك بيني غير ايديك كتطيبي ولا كتصاوبي شيحاجة منها كتشهري حرفتك منها كدخلي الصرف راه فييه الفلوس
اسماء : داكشي اللي بقى ليا…
كنزة : علاش مالكي نتي لولى ولا لخرا شوفي شحال من وحدة مطيب فاليوتيب وعمر وجهها بان وكيدخلو منو زبالة فلوس…دخلي قلبي وهذا هو الحل لي عندك اش عندك ماديري…
حدرات رااسها ساكتة ومشات مع كنزة حتى فطرز فواحد الريسطو وكنزة كتشوف بانت ليها مشطونة ومخربقة فدماغها حتى هي سكتات ماعودت ليها واالو مابغاتش تزيد تخربقها وعي على سبة..كملو فطورهم ومباشرة مشااو لدار واسماء كلام كنزة كيضور فبالها….دخلات لليوتييب وفعلا كيف قالت ليها كنزة لقات شلااا قنوات كيعلمو الطبخ وبلاما يبينو وجههم…
كل فيديو كدخل ليه وتخرج منو بفائدة كثر من ولو انها حسات بالفشل والمنااافسة فلول لكثرة القنواات والفيديوها والملايين ديال المشاركين كيتشايرو…مارتاحت حتى طفى تيليفون فايديها ونااضت حطاتو يتشاارجى حتى دخلت عليها تسنيم من المدرسة بدلات ليها وطلعو الفووق عند الحاجة..شوف فيا نشوف فيك ماكين مايداار الحو هادئ لا هي كدوي لاهوما…حتى ناضت الحاجة مشات تصلي الضهر وهي شافت فخديجة..
اسماء :خديجة…نديرو شي كيكة نحليو ليها ورا الغدا..
خديجة ضحكات : تصايبيها نتي اهااه مكرهنااش…
اسماء : شنو نديرو ؟
خديجة : ديري ديال الشكلاط كتحمق ديريها كّلاص كتعجب الحاج…وحتى الحاجة مسكينة ماعندها كانة ديريها ليها…
تسنيم : عطني شوكولا ماخديتهاش ليوم…
اسماء :نصاوبو كيكو اماما نقادوه انا وياك..جيبي تيليفوني من لتحت واجي…
طلقاتها من ايديها وناضت هي وخديجة للكوزينة كيوجدو ويحطو فالمقادير وخديجة مقابلة الغدا مرة مرة كطل عليه…
داز وقت طويييل…ومحمد عاد قدر يخرج من لوبيغاسيون جلس فالبيرو شاد كافي فايديه كيشربها قبل مايدخل للاجتماع….عينيه فالبيسي قدامو عاقد حجبانو مركز مع شغلو حتى كيسمع صوت شي ميساج فتيليفون…هزو بلاما يشوف جيهتو حتى جابو قدامو وشعلو وهي تبان ليه اسماء مسيفطة ليه شي فوكال…دخل ليه مباشرة بان ليه فيديو وتحت منو جوج فوكالات خدم لول. كيسمع….
اسماء : سلاام محمد شوف هاد الفيديو عاد صورتو هداي تئ هداي اتسنيم خليني نهضر ابنيتي(كيسمع تسنيم كتدوي وتخرشييش فصوت)
تسنيم بابا محمد بغيت شوكولا قوليها تعيطيني شوكولا..
اسماء :كليتي جوج برااكة من البسالات..
تسنيم : بابا محمد اجي عندي
تقطع الفوكال وتطلق واحد اخر مورااه كيسمع تسنيم كتدوي بهمس بحالا سارقة ليها تيليفون..
تسنيم : بابا محمد ماما…ماما دارت ليك حلوة ديال شوكولا زوييييينة و فيها بزاف ديال شكولا بزاف بزااف واخا مابغاتش تعيطيني وحدة اجي باش ناكلوها و(كيسمع اسماء كتقول لخديجة تحيد ليها تيليفون)
خديجة: اري تيليفون اتسنيم
اسماء : عطيها تيليفون صافي خليه يتشارجى
تسنيم غوبشا: كنهضر مع بابا محمد ونتيايا غويتي هنايا تئ و وراه سااامعك
تقطع الفوكال وهو مبسم باستغرااب تسنى الفيديو حتى تيليشارجى وهو يدخل ليه فيه ساعة على قدهاا…حط القهوة من ايديه وتكى بهضرو على الكرسي عاقد حجباانو مركز…كتبان لييه غير ايد تسنيم والبطاجي ديال الكوزينة والهضرة كثيير واسماء مضاربة مع خديجة تصور مزيان…
اسماء : طلعي الكاميرة لفووق..تى للااا لا نزلي شوية عندااك غتخشي تيليفون فالدقييق بشوية…
خدي٠ة : بلاتي شوفي هاكا
تسنيم : عطيني نصور
اسماء : ماتشدييش وجهي(ضورات لكاميرة لوجهها وهي تخبيه وخديجة كتفتف) ولاا قلبي لكاميرة غتحمقيني اخديجة شدي ايديا علاش طلعيتيه لوجهي مسحييه حيدي عاودي واحد اخر…
خديجة : راه غيطفى غي كملي مابنتيش كااملة…
اسماء : واخا….هزي شوية غير شوية تسنييم جلسيي..جلسي هاكي ها شكلاطة يلاه جلسي فين طااالعة للسماء جلسي لرض….صافي مزيان غير نهضر دابا…
خديجة مركزة من نيتها : صافي مزيان..
اسماء : بسم الله..احم…سلام علييكم ومرحبا بيكم فالقناة ديالي
خديجة : دوي بالفرونسي..راه مابقاوش كيدويو هكا بالعربية
اسماء : ااه بصح..واخا تسنااي..احم..بونجوغ..(شافت فيها بغباء) بونجوغ ولا بونسواغ شحال ساعة دابا ؟ الجوج..بونجوغ واقيلا باقي طالع الضو..ولا نقول بونسوااغ…صافي بلاش حيديها نجي وندخل نيشاان..
خديجة :مالك رموك لا ضروري سلام قولي سلام بالعربة ياك وكملي شي لاخر بالفرونسي..
اسماء : يلاه بلاتي…سلام…مرحبا هي بيانفوني بالفرونسي يااك….بيانفوني دو لاشيين يوتيب ديالي..ءء ل ليوما ..تسنيم شناهي ليوما بالفرونسي..
تسنيم حلات عينيها : نخلط ليك..
اسماء : بلااش ندوي بالعربية ..احم ليوما غنورييكم وصفة سهلة وبسيييطة جداا… باش تقادو بيها كييك شكولا…نبداو بالمكونات وندخلو مانقويش عليكم الهضرة خليو لا جييم وديرو ليا مشاركة….لا لا ماشي مشاركة لاخرا …ااه هاديك تابعوني
خديجة : فيين غيتبعوك هنا ؟ الحاج مكيبغييش البراني لا عنداك يجي شي حد …
اسماء : لا اويلي سكتي متابعة زعما…خليني نكمل مهم غنحتاجو اول حاجة لتحضير الكيك طاس ديال الزييت…ناري ضفري تهرس..
هز رااسو لفوق كيدوز ايديه على وجهو غيتسطى بالضحححك يلاه كيبغي يطلق الفيديو تاني كيحسبو مييت بالضحك ورانيا واقفة عمد الباب سمعاتو تصدماات وقفات فبلاصتها كتصنت…وهو جاه داك الفيديو بحال شي سينيما فوج علييه متبعو دقيقة بدقيييقة ماحاسش بالوقت وهوما مرة كيدويو مرة مضااربيين مع تيليفون مرة الحاجة كدخل عليهم كيجمعو ويطويو…
اسماء : من بعد ما ضفنا الخمترات غنحتاجو علبة دانون دانون..شنو هو دانو بالعربية..؟
خديجة : ياغورت..
اسماء : بحالا البرغوت لا يسحابوني يهودية كناكل البخوش…مم لا معجباتنيش خايبة قولي شي وحدة اخرى..
خديحة : قولي جبن…
اسماء : جبن بحال لبن…صافي تعبصت بحال بحال دابا غنجتاجو دانون…عيطين دانون…تسنيم فين دانون ؟(تلفتات فيها وهي تخرج عينيها بانت ليها كلها مجلخة بيه ) فين دانون …كليتيييه ؟؟؟
خديجة : ويلي كلاتو..
اسماء مغددة كضحك بزز : هيهي مهم صافي ماشي مشكل دانون كلاتو بنتي نجيبو واحد خور…
اسماء: من بعد غنحتاجو كاس ونصف ديال السنيدة حبوب…(شافت فخديجة)نديروها ولا بلاش الحاج ومحمد مكيالكوش الحلاوة…مهم انا راجلي مكايكلش الحلاوة مغنديرش سنيدة حيت غتحلى بالشكلاط نتوما ديرو لي بغيتو….
خديحة :ايلا غيديرو لي بغاو علاش غيتفرجو فيك
اسماء : هزي تيليفون غتشخييه ليا فالكيكة غنبقاو لا كيكة لا تيليفون…
ضححك على خديحة حتى هي لي دايرة فيها عقلها وتابعاها كتصور فيها مرة تشد الحاوة مرة تشد ايدين اسماء مرة كيبانو ليه غير الرجليين حتى كملو الخليط وجابو المول خواوه فييه وتحنات اسماء حلاات الفران..
اسماء : كيف كتشوفو دابا الخليط ديالنا واحد غنشودوه وندخلو للفران باش يشد فراسو شوية ونخرجوه…نزلي معايا بالتيليفون دخلي حتى للفران باش تبان ليهم…
تحدراات اسماء كتشخي المول فالفران وخديجة تابعاها بالتيليفون من نيتها خشاات ايديها فالفران حتى قاصت الحديدة غوتات محروقة وطلقات تيليفون واسما دغيا شداتو وسمحت فالحلوة حتى تكبات وسط الفرااان كاااملة سااايحة مع الجناب وتسنييم بدات كتبكي عليهاا وخديجة شادة ا مقيوصة بالفران يديها واسماء باقة كتصور مخشية فيه..
اسماء : ناري تكفحات..مغيديروش ليا متابعة..!
خديجة تحنات عندها بفزع : علاش غيتبعوك مالنا اش درنا ؟
_____
خديجة : علاش غيتبعوك مالنا اش درنا ؟
تلفتات فيها مزنكة لعصبيية وتيليفون كيمشي ويجي شاد رجليهم…
اسماء : شكون غيتبعني الله يهديك متابعة زعما ملي نحط الفيديو يديرو ليا متابعة باش كل مرة نلوح شي واحد اخر يشوفوه ويدخلو يتفر٠و فيه ويدخلو ليا الفلوووس اخديجة ونولي مشهورة كنصاوب الحلوة…
خديجة حلات عينيها : ياااه دابا ايلا صورتي هكا يدخلو الفلوس…سبحان الله و شحال كيخلصوك…
اسماء : فلوس دياال بصح راه كيدخلو الملااين فيييه…(ضحكات كطنز عليها )حتى نولي نتخلص ونخدمك معايا ونخلصك ..
خديجة : الله يخلف علييك…
اسماء : حمقة نتي والله هههه
تبسمات خدييحة كتشوف وترمش ودماغها خدام كيفكر ويحلل حتى رجعات تحنات عندها تاالفة…
خديجة : ولكن علاش غيتبعوك اش درتي ليهم ؟
حط تيليفون من ايديه شاد على جبهتو كيتهزز كامل بالضححك ورانيا قدام البااب شاد فمها كضحك على ضحكو اول مرة من نهار خدمات معاه عمرها سمعات صوت ضحكتو ولا شافتها…وهو كتبان لييه غير الضلمة فالفيديو والهضرة كثيييرة مافهمش ااش بقاو دارو كل وحدة ومنين كتهضر وتسنييم كتغووت وتبكي على الكيكة لي ضاعت حتى سمع صوت الحاجة جات عندهم تاني ورجع سكت كيسمع..
الحاجة : ااش كااين مالكم …مال بنتك ا اسماء
خديجة باقة دايخة : شكون غيتبعنا…
اسماء : اااشمن غيتبعونا فف متابعة سكتي الحاجة غتسمع
هز تيليفون غندو كيخاول يشوف كيبان ليه غيرا التشاش والضلمة وقليل فين كيبان شي وجه…
الحاجة :مالكي ابنيتي علاش تبكي اجي عندي زيديي(مع قربات سدات اسماء الباب ديال الفران و وقفات دغيا) مالكم حامين السوق…مالك نتي شادة ايديك
اسماء بارتباك : كت ك كتسلم عليها…
خديجة ضحكات بزز كتشوف فالحاجة: ااه (باستها)ص صبحت زويينة هاد النهار شوفي كي صبحت مزنكة ..
الحاجة جرات ايديها كتحقق فيها بصراامة: هادي محرووقة !
شاافت هديحة فاسماء ورجعت شاافت فييها مغبينة..
خديجة : تحرقت بالفرااان
الحاجة : الله يستر لااش ااش حرقك بسم الله الرحمان الرحييم دهني ليها شي حاجة تنبل لييك اري نشوف…
خديجة : صافي راه برداات…
الحاجة :ماوقع باس حفظ الله ردي بالك…(شافت فاسماء) ايول مال بنيتك ماالكي ابنيتي تبكي اش حيدو ليك ؟
تسنيم كتبكي وتنخصص شادة فيها : حلوااتي
اسماء ساكتة كتشوف فيها ماعرفات تغمزها ولا تجرها عندها قبل ما تفضحهم خايفة تشوف الحاجة الفران كي رجع وهي قيصيها فعينيها ماتقيصها فدارها واتاتها وكوزينتها حتى بانت ليها جرات تسنيم داتها معاها وخرجات كتدوي…
الحاجة : عجني عجني لبنيتك شي حليوة مالكي مابقى عندك الخاطر ليها….يلاه يلاه جلس معايا تا يجي محمد ويجيبها ليك فيين تبان هادي لي تصاوب لك…
تما سالا لفيديو ومحمد باقي على نفس الحالة كيضحكر ولو انه استغرب نوعا ما فطرييقة كلام الحاجة…وخت كانت عادية ولكن الصراامة والجدية ونبرة الامر لي كتدوي بيها جاتو فشكل بقى غير كيشوف ويحلل فديك الهضرة….وهو يدوز ايديه على دقنو كيصوني عليها ابيل فيديو ماباغييش يحقق حتى يخرج شي عجب يخسر عليه المورال لي طلعاتو ليه بهاد الفيديو….
لحضات وهو كيصوني حتى ردات وهي تبان لييه دخلات للبييت وسدات الباب موراها…
اسماء : محمد…
محمد تكى بصهرو على كرسي كيشوف فيها : ماتزيدييش شي واحد بحالو…
اسماء :عجبك ههه زويين بصح…
محمد : صوري وديري اونفواي نيشان لمحمد ومسحيه من عندك غيبقى عندي
اسماء تبسماات بهدوء: علاش ههه راه غنشرح فيه للبنات ماشي ليك نتا…ماغتخلينيش نقادها ونبيعها غندير قناة فيوتيب ونبقى نصور فيديوات ونحطهم فيه
محمد : باي طريقة تروني دماغك وصافي…
اسماء : واشنو فيها…(رخات ملامحها بعتباء) ماعندكش الكلمة قلتي ليا غندير ليك مشروعك فلخر قلتي ليا لا…ولكن صافي بلاش انا غنديرو بوحدي…
هز فيها حجباانو بمعنى يااك عينيه مبسميين وهي كتحرك فرااسها ضاحكة..
اسماء : غنديرو بفلوس صداقي…
تبسم كيضححك وهي كتشوف فييه مبسمة بعد لحضاات من الصمت حتى رد عليها كيتنهد…
محمد : ماعندي مانقول خرجتي على طوعي الفتنة… قولي بسم الله…اللهم يسر
اسماء بدهشة وفررحة : بصاااح )وااش عجبك الفيديو نسيفط ليك واحد اخر
محمد تكعد باغي الزيادة : كاين شي واحد ؟ اري نشوف
تبسمات حتى تكورو خدودها فالكتميرة كترمش فييه باعجاب بصوت هادئ لابعة ليه على الوثر الحساس ميلة عنقها كتلعب برموشها…وهو ساهي فيها..
اسماء :لا نعاود نصورو غير لي ضحكتي هاديك هي الدنيا عندي..نصور كل نهار اسيدي غير ضحك وكون على خاطرك…
يتبع
التعليقات 0