حرب الهوية
بدون قوة تفكير رفضت ماريا ، هاد الاجوبة بيناتهم عادية ، لانفاق ولاكذب ولا نبقى نبرر لك ، حقا ممسالياش ولا خلي من بعد ، مانمشيش هيا مانمشيش، امورك هاديك تحمل مسؤوليتك فيها
سيدح : ( وقف ماد لها ريان ) طلعيه معاك لفوق
ريان : ( برفض ) نووو بغيت نخرج معاك نشري لي جوي papa
سيدح : تايرجع خوووك ! عاد نخرجووو ، اوك ؟
ريان : ( برفض ) نوووو! جيب جونيور جيبوو داابااا
سيدح : ( مسح على وجهو بإرهاق ) ونزل غير نتصل بميلا ترجع جونيور معاها باش نخرجو !
ريان : ( برفض تيضرب برجليه ) نوووو papa نوو
ماريا : ( هزت صاكها ) الا خرجتيه هز ليه لادودو ديالو و الما و ماتنساش كرسيه فطموبيل ديالي ، الا خرجتي بلا بيه راه تخلص بروصي مع لبوليس وفنفس الوقت تتحميه ( باست ريان وطلعت)
سيدح : ( شي فهمو شي نساه ) فين المربية ؟
ريان : إلي باااختي ( مشات )
سيدح : ( تيجي يحطو و يبكي ) ونزل ! واااا مااماااا وااا بشرى ..( شاف جهة اخرى ) مااانويللااااا
ريان : ( بنبرة بكاء ) papa تتغوت فوذني
سيدح : اوا نزل ! راه اننننن …( شافو يبكي هو يبوسو ) الي فازي نخرجوو زيييد
ريان : اي جونيوغ ؟
سيدح : نقلبو عليييه ! فين لادو دو ديالك ؟
ريان : جو سي با ..
_خرج الخارج واقف تيشوف ! شمن طموبيل يهز ، فين كرسي ريان ….جاية لربع ساعة هو تيدور هاز ريان كل مرة يدير حاجة ، عاد خرجو بسيارة و فالطريق مرو على جونيور هزوه و شدو طريق ، يلاه جا يطلق الموسيقى هما ينوضو ليه
ريان : paPA دير ميغاكيلوس
جونيور : نووو ! PAPa دير شاب نانو
سيدح : ( خطف فيه شوفة ) نانو ؟ مي صافا با لاطيط ، سي غوزا لي علماتك ؟
جونيور : وي سي غوزا ! pAPa فيا جوووع
ريان : ( تيغني مع الاغنية هو يركلو جونيور بدا يبكي ) ااااااععع ضربني ضربني papa ضربني
_سيدح : ( شد فراسو لحمورية طلعت معاه ) جونيوووور اغيييط ! ( تيطبطب على ريان ) صايي مون فيس صاايي
_جونيور : صافي رجعني للدار ! هو بوحدو لي ولدك ؟
ريان : نمشيو نشريو لي جوي !
سيدح : ( ضرب فالفولون ) اااا جوونيمااااغ ، ( جونيور تيهز رجليه ) اتجلس لا ؟
جونيور : دير نانوو ، دبا دير موسيقتي اناااا
_بالنسبة لينا حنا العرب تنسميوه الفشوش او ضسارة زايدة ، آخرتها تنهض فيه ولا تجمع معاه و يتبث مع راسو ، لكن اوربا تيسميوه حق الطفل ، مامنحقكش تغوت عليه اما الا ضربتيه مشيتي فيها ، سيدح كبر هكا فاروبا لفشوش و اكيد ايعامل اولادو كما كابر و فاهم ، اغلبيتهم هكا من غير حالات العنف لي عند الأوربين لان ليس كل مايلمع ذهب …وقف بالسيارة فباركينك و نزل فتح ليهم الباب وبداو فتنقاز حتى دخلو لمحلات خاصة ببيع الالعاب ، تقافة الأوروبين مايقولو لطفل لا جلس لا حط ! يجريو و يهزو و يحطو لي بغاو عن طيب خاطر
سيدح : بغيتي هاد لافواتيغ ؟
ريان : ( حاط صبعو فمو تيشوف ) وي ( شوية حرك راسو بسلب ) نوو
جونيور : ( هاز لعبة سبيدر مان ) papa بغيت هادي
سيدح : ( شدها منو ) اوك papa ( شاف ريان ) زيد شوف شنو بغيتي
ريان : ( تقلب فعينيه ) فيا دودو
سيدح : ( هزو تيطبطب عليه ) دير دودو آ papa
جونيور : papa فيا بيبي
سيدح : ندوزو لاكيس و نمشيو طواليط
_واحد هازو ناعس وبقى جونيور محمقو حتى يوصل لاكيس ويرجع يهز لعبة اخرى حتى تعب و خرجو من داك المحل و دخلو لطواليط وتجهو لمطعم جلسو تفيق ريان ماجا يجلسو تهز جونيور كاس الما هرقو على راسو
سيدح : ( بعصبية ) آش درتي ؟
جونيور : ( فزك كولو ) اااااعععع بااارد باارد
سيدح : ( هز لي بابي اطابل تيمسح ليه ) سي با كغااف papa
_مابغاش يسكت ليه من البكا رافض يبقى بهاد الملابس و هو تيحاول يسكتو حتى ناض ليه ريان تيبكي على لادودو
سيدح : كيسطا ؟ علاش تتبكي ؟
ريان : مادوودو ( تيبكي تابدا يكح ) اععع
_داكشي لي مارباهمش هاد السنين حطوه ليه فخرجة ! وماعندوش حق يغوت ولا يضرب لانهم فقط اطفال ، على وعدو و سعدو شرا لجونيور لحوايج وداز عند مسؤولي المحلات يبحث على لادودو دريان ، عاد رجع وكلهم و اللحظة لي قال هادو هما دراري ناضو تاني لبكا وشكااا
سيدح : ( حط يد على حنكو مصطنع البكا ) شووو لي بكى انبكي معاه ! تانا باغي ماما و فيا جوع وباغي طواليط ..
جونيور : ( تيتنخسس ) بغيييت ميللااا
ريان : ( تيغوت فوجهو ) نووو ! نووو با دميلا ، خدا ليا لي جوي ديالي
سيدح : جونيور عطيه ديالو
جونيور : رميتها
_مع ديك رميتها ريان طاح تيفركل و ينخط و يسخط وجونيور توحش ماماه ، من الاخر هبلووه ..
سيدح : ( جلس لأرض حاضن ريان ) يلاه تتكمل لبكا و نهضروو
ريان : ( رجع دار صبعو فمو ) بغيت طاطا ماريااا
سيدح : داكووغ نمشيو عند ماريا ! ( شاف جونيور ساكت ) صافا بيبي ؟ هانت ضربتي خوك كوليه باغدون
جونيور : وووي ! ( نزل قرب لخوه باسو ) باغدون
ريان : ( حرك ليه راسو تيحرك صبعو) ماتعاودش ترمي ليا لي جوي ديالي ؟
جونيور : ووو و انت ماتعصبنيش !
سيدح : ( هزهم بجوج ) الي لي كوووص ..لاميزووون !!
_فالقصر ليها غرفة خاصة بيها ، ولو عندها برطمة خاصة بيها لكن قادر خصص لها مكان دائم معاهم ، عملت روتينها العادي ، لانها مجرد تتدخل من الخدمة تتاخد دوش و تلبس ملابس مريحة و تنشف شعرها و تشرب شايها المفضل باعشاب مهدئة تتاخد وقتها الكامل فراحة نفسها ، عاد تجهت عند بشرى لي كانت جالسة مع بخثة تيشربو قهوة ، القت التحية جلست معاهم بعد التحيةبشرى بدات تتراوغ فالكلام
بشرى : كي دوزتي نهارك احبيبة ؟
ماريا : ( هزت حواجبها ) نوغمااال ماما كما العادة
بخثة : ( عنقاتها بحب ) خطيك من بشرى راها تعطل لنا لحكاية برك ! انا نقولك واش صاري
ماريا : ( حطت كاسها تتبتسم ليهم ) شي حاجة زوينة آطاطا ؟
بخثة : (بحب)بياان سيغ حاجة شاابة و ملييحة كما ماريا تاعنا ! لو سوجي هو ماماك بغات تقولك بلي جاينك خطاب
ماريا : ( بهدوء ) كفاش خطاب ؟ ههه ماغياج زعما ؟
بشرى : ( تتمشط شعرها بيديها ) ايااه الحبيبة ديالي ، جا الوقت لي تعرفي عليه على شخص يدخل حياتك وديري عائلة ان شاء لله ، سنة الحياة كما تنقولو
ماريا : ( بصمت تتفكر …هزت كاسها تتشرب وقلبت شفايفها ) نو ماما ! ماغياج جوبونس بااا وقتو دبا
بشرى : ( قلبها بدا يضرب تاتشوف فبخثة بمعنى : انقذيني ) علاش آبنتي ؟ او الماغياج من طرف لافامي و كلنا فرحانين بيه
بخثة : ماتسديش لموضوع من الاول بنتي ! عرفي بعدا شكون الشخص لي باغيك!!!
ماريا : ( جمعت شفايفها بفضول ) من لافامي ؟ سي كي ؟
بشرى : ولد خالتك زهور سند ! حتى هو زهرو فالدنيا قليل و فكرنا انا وخالتك نعطيوكم فرصة تعارفو والا فيها الخير كملو مع بعض للزواج
_كما عادتها هادئة ، تتاخد كل وقتها فتفكير ، قاعدتها فالحياة ان لاحاجة تاتستدعي العصبية او تسرع ، نزلت راسها تتحلل كلامهم عاد سألتهم
ماريا : وي سند ! لي كنا فعرسو فلوبلاد ؟
بشرى : ايااه ! ولكن موراها طلق ، ماتفاهموش و قعو دي بخوبليم بيناتهم و تفارقو فمرة
ماريا : ( بنظرة اسف ) ااه تفارقو فمرة !
بخثة : الزواج قسمة و نصيب ابنتي ! سند ولد خالتك و لي نعرفوه خير من لي مانعرفوه ، وطاطاك زهور باغاك لولدها و فرحانة بيك و ماماك باغة سند ، توت لافامي باغة علاقتكم
ماريا : ( تترمش من كلام بخثة ) ااه سي فغي ؟ لافامي كلها فرحانين ؟ مي هو باغيني ؟
بشرى : ( بحب غامر ) شكون مايببغيش العاقلة و الزينة ديالي ! باغيك ابنتي و منتظر جوابك الا قبلتي ان شاء الله ، بداو التعارف بيناتكم
ماريا : ( تنهدت بقوة ) وعلاش هو ماهضرش معايا ؟ باغسكو ليزاغاب تيرسلو والديهم يخطبو هو لول ياك !
بشرى : وابنتي شي حاجة بحال هاكا ، وهو شوية حشومي وطلب يعرف رأيك مبدئيا ، عاد يتكلم معاك!!
بخثة : حنونة ماريا !! مااتفكريش بزااف ، هادا رزق من ربي ، ديري الخطوة الأولى وحكمي بنفسك واش تكملي فلاغولاسيون ولا ترفضي
ماريا : الا رفضت مايكونش مشاكل مع طاطا ؟
بشرى : علاش ترفضي ؟ سند ماعاجبكش ؟ بغيت نقول راه عندو حقو فزين و قاري و ولد الوقت ، اهم شيء مرضي ميمتو و ظريف
ماريا : ( تتحك حاجبها تتفكر صورتو ) وي إلي بُو ( زوين ) و ظريف ، مي خاصني نعرف واش يبغيني انا ؟ وااش يبغي يعيش معايا ففرنسا ؟ واش يسمح فخدمتو و طاطا زهور ويجي عندي انا ؟
_البرائة تتحدث ! ولو انها تتعمل فمصلحة المهاجرين لكن عمرها دارت إسقاط على نفسها ، الاسئلة لي حطت ليس غباء ! بل من قلبها و من حنيتها !! ان الانسان يسمح فبلادو وامو الوحيدة بالنسبة لها تضحية لانها انسانة حساسة عمرها حسبت الامور بنظرة مادية مثل روزا ولا سيدح
بشرى : يبغي آبنتي ! الا تفاهمتو اكيد يجي يعيش معاك!!
ماريا : اااه داكوووغ ، الوغ خاصني نفكر ، اوك ؟
بشرى : فكري آبنتي !
بخثة : خودي وقتك ابنتي
بشرى التزمت الصمت فكواليس طلاق سند ، لان عارفة عقلية اولاد فرنسا تتمشي بالدلائل ، بما انها سمعت سند طلق من مراتو ادا الامر منتهي ! لايهم الماضي ولا اسباب طلاق ، فقط العرب لي تيمرضو راسهم بماضي غيرهم و خاصهم يعرفو اسرارو و يدخلو فمتاهة الشك و ينغصو حياتهم بيديهم ! كملو شرب قهوتهم و ناضت ماريا لغرفتها و بقات بخثة و بشرى تيتهامسو
بشرى : (مخرجة عينيها فبختة)شتي ولادي باش تيفقصوني !!! بديك نفكر!!
بخثة : صايي خليها تفكر ! بلاشي ماريا تقيلة ، اكيد موضوع بحال هدا تفكر وتعاود
بشرى : وااش حبابنا فالمغرب تيعرفو هادشي ؟ تيعرفو الجواب بالزربة ، وانا عارفة ابنتي الا فوت لها سيمانا تقدر تنسى لموضوع فمرة
بخثة :(بحزم) الا نسات فكريها ! زربة ماكاش لاش
بشرى : يااربي توافق ! بغيت لها سند و اختي بااغاها لولدها ! جاب الله داك الكارثة لي وقعت ليه مع اخت مراتو لولى ماذكرتهاش لماريا اما تجلس تفكر ليا عام و مانعرفت !!!
بخثة : سي نوغمال ، ماريا تكره لكذوب و لخداع ، تقدر ترفض فمرة ، ولكن العرب ديالنا شوهو بهاد لمارياج بلون
بشرى : شديت فمي ماقلتش ! ولو يكون زواج بينها و بين سند ، عارفة بنتي ماتسولش فماضيه و ماتيهمهاش !!
بخثة : و لاملاضي دماريا فاخبار سند ؟
بشرى : وخ نقوليه مايفهمش ! داكشي د بنتي معقد وخاصو هضرة طويلة ! مي عارف ان ماريا كانت مريضة فصغرها
بخثة :(بتنهيدة) نتمناو خير لوليداتنا ! و نتمنى روزا دير عقلها و يعترفو بعلاقتهم هي و تيتو ! باغسكو راه لكيرا قربت تنوض
بشرى : ( هزت يديها ) كولشي نقدر عليه الا روزا ! ماتعرفيها لافاش تتفكر ولا شنو باغة؟؟
بخثة : الله يصاااوب ! ( سمعت اصوات سيدح و اولادو ) الله اربي ، رواحي نشوفو لونفو papa واش دار مع ليزونفو
_ميلا : ( حاضنة لي لي ناعسة ) ليل طاح ! بنتك نعست وفاقت و نعست و فاقت ! نبقاو هنا ؟
مامادو : ( مغمض عينيه تلفون على وذنو ) إي فوالا روزا ماتتجاوبش ! كي ندير نرجع انا لتما
ميلا : سي بون انا ارجع لباليي ! جونيور يكون رجع ، مايلقانيش يدير صداع ونت عارف لكريز ديالو
مامادو تيحك للحيتو بقلق شد تلفون تيكتب مساج لروزا رسلو و هز سوارت سيارة قرر يوصل ميلا اولى …
ميلا : مافهمتش انا شنو واقع ؟
مامادو : لي واقع روزا تتخدم ضد ( ضرب يديه على فولون ) من صباح خرجت معانا و رجعاتك بوحدك وهيا زادت تتدور بوحدها بلا ماتعلم
ميلا : من حقها تخرج ! تيتو مايديرش لها الحبس !! صافا با ؟
مامادو : ( وقف بسيارة ) نتي ماتتعرفيش دوك جوج سي با لابين تهضري ! هادوك انا لي عاشرتهم ، راه واحد نهار كان يلاوحها من بالكون ، القرطاس شافتو معاه ! بون انتي نزلي ارتاحي تلفون بيناتنا
ميلا : ( قربت عندو بوجها قبلاتو ) اوك ! جوطيم بيبي
مامادو : ( قبلها وقبل بنتو ) موا اوسي مابيل
_ضرب دومي تور بسيارة و محول الخط للروزا حتى جاوباتو فاخر مطاف
روزا : ( بضجيج ) مي كيس كيسباص ؟ ثلاثين آبيل ؟
مامادو : اونفاااان ! اونفااان لايدي روزا جاوبات ، فين راكي ؟
روزا : انا فلوطيل *** فنايت كلوب ديالو ، كان عندي رونديفو مع واحد المجلة
مامادو : تي ديكووون روزا ! فغيمون تتمرضيني ، نتي عاارفة تيتو عارفك خرجتي معايا
روزا : ( عقدت حواجبها بسرعة ) عااود عااود آش كلتي !
مامادو : سي بووون روزا مادخلونيش فمشاكلكم ! بسبابك تندور فشاريع كي لهبيل باخسكو تيتو ، قالي للا ماجبتيش روزا ماترجعش للقصر
روزا : اه وي ؟ شكون هاد تيتو ؟؟
_ماحسات حتى تلفون تجر من يديها وريحتو ضرباتها فجيوب انفها قلبها بدا يضرب دارت عندو فقمة عصبيتها
تيتو : ماعارفاش شكون تيتو ؟
روزا : ( تتشوف جهة معارفها ) تابعني لهنا دير ليا سكوندال ؟
تيتو قلب شفايفو بعدم هتمام شاف جهة طاولتها والناس لي معاها و بدون سابق اندار جرها من خصرها بقوة تاضرب وجها فوجها و عيونو على شفايفها لامعين و ريحتها زكية
تيتو : منين اصلدلمك خايفة من سكوندال ؟ علاش ماتتجاوبيش فتلفون ؟
روزا : ( زيرت على سنانها ) لاااش مواا ( طلقني )
تيتو : (زاد لصقها فيه وهاجم شفايفها بقبلة جامحة حتى طلقها على خاطرو ) تحركي هزي صاكك و تحركي قدامي
روزا : حكم فراسك !! جيت بوحدي انمشي فاش ترشق ليا
تيتو : ( هيا تتكلم هو عيونو تاكلها ) جربي روزا ! جربي حظك الا ماقلبت امو هاد نايت كلوب راني ماشي تيتو ماغسايي
_دورت وجها بغصة ! دفعاتو بقوة تتمسح فمها و تمشت امامو بلباسها المثير وشعرها ذهبي مطلوق على للحمها ابيض ، نحو معارفها هزت صاكها وقفت للبرهة تتكلم معاهم حتى بتسمو لها ودارت عندو جاية مثل كرة للهب ! بالقوة شدها من خصرها خارجين من اوطيل ركبو فسيارة حتى تسمع صوتها العالي تتصرخ فوجهو
روزا : سي كوا طون بخوبليم ؟؟!
تيتو : ( تيسوق بسرعة و تيصرخ كثر منها ) مااااعندي حتى مشكل من غيرك ! انا حمد الله طرانكيل
روزا : منين انا مشكل ؟ فوتني ! خطيييني
تيتو : ( تيهزز فراسو ) فين مشيتي من صباح ؟
روزا : سي باااطيزااافيغ ! نخرج فين بغييييت ، تتفهم ، فين كنتي هادي عامين
تيتو : ( شد فران تغوت فوجها ) كنت حداااك ! فين نكوون ؟ كانت تتوصلني اخبارك كل نهار و كل ساعة ، حتى اليوم ! حتى ليووم من صباح تنحاول نفهم فين مشيتي
روزا : نمشي فين بغيييت !! انا واحد بنادم لي نقدر نفيق صباح يكولي عقلي سيري هنا ! نمشي ، اون بليس خدمتي هاكا
تيتو : اناااا ماشي ضد خدمتك ! وماااشي ضد خرووجك ! انا عامين وصرف مخلي صاحبي يخلي بلادو و فاميلتووو باش يكارديك نتي فسويسرا بحال ضلك ، النهار لي عطيت لسيد راحة بغيتي طيري
روزا : ماشكيتش علليييك !
تيتو : شنو تتبغي توصلي ليا ؟ كلها يشد طريق ؟
روزا : وي ! كلها يشد طريق
تيتو : ( شاف قدامو تيشير بيديه و تيشير لها ) آلي فاازي ! وريني هاااد طريق لي تشدي ( جرها بغفلة من شعرها بقوة ) باااش نقطعها على دلمممك ! ضسرتتتك بزااااف
روزا : ( تتضربو بيدها و تتغوت ) لاااش مواااا ! شعرررري طللللق
تيتو : ( طلقها بقوة تامشات وجات ) اليوووم نفاريو هاد الهبال
_بقوة حرك رووااايض شاد طريق وهيا مزالة تتغوت و تسب فيه ! هو تيتنهد تتبان ليه يقلب طموبيل و يرجع يتحكم فنفسو مكمل طريقو حتى وصلو للقصر قادر و الغبرة منوضها كي وقف بسيارة نزل فاتح عليها الباب جارها من يديها تينادي على بخثة
تيتو : بخثااااا ..
روزا : ( تتجر فيديها ) طلقني الله يعطيك الحبس ..
_كانو جالسين مجمعين مع بعض ! سيدح و بخثة و بشرى و كارين ، اما ميلا طلعت اولادها ينعسو و ريان طلع عند ماريا ، احساس بخثة ماكذبهاش كانت عارفة تنوض الحرب بينهم لكن الوقت و المكان فين بضبظ ماعرفاتش ، كلهم دارو بانظارهم عندهم هما داخلين تيتجارو
بخثة : واااش صاري ؟ ( تاتشوف فيه وتشوف فيها ) احكي روزا ؟
روزا :(بنفخة تتهز فيديها) سوليييه هو
بشرى : ( شدات فراسها تتشوف ) مالكم اولدي ؟
تيتو : بخثة بنتك تتلعب معايا واحد لعب خايب
روزا : ( بنظرة غضب ) طي ملاااض طوا ؟ نخليك تبقى حاضيني !؟ مااااسوقكش فين تنخرج
سيدح : ( تيعض فضفارو هو يهز يدو فالهواء و نطق ببلاهة ايام زمان) سي طون ميك ، نوغمال يعرفك فين تتمشي !!
روزا : ( بسرعة دارت عندو بغضب ) فيييغم طاكوول طوا
بخثة : هدا ماكان ؟ هدا هو لبخوبليم
تيتو : ( نظف حلقو مهدى نبرة صوتو ) من نيتك بخثة يكون هدا هو لبخوبليم !! بنتك عندها شووفة اخرى ، وانا تنتبرا فيك قدامها ، راه نشوف شي حاجة عليها برب العالمين حتى نقتل_ها
_قادر : (من الخلف)واش هاد الكلام تيتو ؟
_كانت مانويلا تتحاول تخبرهم ان مسيو قادر وصل لكن شكون يقدر يدخل بيناتهم
روزا :(بغضب) راك تسمع تيو ؟
قادر : ( جلس براحة واشار لهم يجلسو و نطق بعياء ) اخبار الخير ؟ واش واقع تاني ؟
روزا : انا اليوم خرجت فصباح …
تيتو : ( قاطعها بنبرة حاادة هاز صبعو بتهديد ) اتهضري نيشان بلا زيكزاك هضري ! سي نو مااتهضريييش نيشان غادي ندخل فدلمك
بشرى : تيتو آ ولدي !!
تيتو : ( بخاطر مخسر هاز يديه محبسها ) الواليدة سيلتوبلي ! ( بنظرة لبخثة و لقادر ) كولتو تيتو داير عصابة ! تيتو مامسوقش لافامي ، ( تيحسب بيديه ) تيتوو كدا وكدا ! تيتو راه تبدل مابقاش تيتو هدا شحال و داير اكثر مافجهدي ، وكنا متافقين نخرج من الحبس و نفدي يامات الهبال و لكيرا نبداو حياة جديدة مي روزا كالك تشد طريق جديدة
بخثة : الوغ روزا !؟ هدا هو تيتو لي كنتي باغاه ؟
قادر : ( تنهد مصغر شوفة فروزا ) احكي ؟
روزا : هوووا ! لي تيمرديني و تيخدم ضد
تيتو : روزا ديري عقلك ! الوقت لي نهزك لشي موصيبة ونخدم رايي ؟ هزيتك جينا لعند لافامي نفاريوها ، فين هاد لاميغد لي تنميرديك ؟
روزا : سي تتمرديني !! جااي تابعني لوطيل وجارني بسييف عليا
تيتو : باغسكووو ماتتجاوبيييش ! كن تجاوبي مانتبعكش برجلي لتما
قادر : هو سؤال ! روزا راك قادرة تعيشي حياتك بلا تيتو ؟ و السؤال الأهم ! قادرة تشوفي تيتو عايش حياتو مع غيرك ؟
_سيدح تيحك فوذنيه تيشوف فيهم و بشرى و بخثة تيتنهدو محنين مع اولادهم تيشوفو فتيتو نزل راسو و روزا تتدور فعينيها يمكن تكون كتعاقبوا او يمكن تكون كتنتاقم منو لانه بالنسبة ليها تخلى عليها و يمكن متقبلتاش ان خبار حبسوا توصلها بحالها بحال كاع ناس في حين أن كلشي كان مخطط ليه و مدروس و كبانلها انه مكنش واضع فيها التقة الكافية بش يحطلها كلشي اطابل و يجيها نيشان و يطلبها تسناه هد العامين إلا انه مشى بلما يطلب و بلما يوضح و كأنه ضامنها فجيبوا و هدشي لكخليها تبين روزا المجنونة و العنيدة معاه لأنها من نهارها و هي كتأكد و تعاود انها جامي تكون ديك لمراة لي توقف حياتها على راجل او تخليه يتحكم فيها و فمسارها و لكن بغات او كرهت لي عاشتوا مع تيتو و لو فمدة قصيرة مغتعرفش تعيشوا مع واحد اخر
قادر : نباتو هنا ؟
روزا : (بعبوس و كأنها متهم كنطق إعترافو بجريمتو ) لافيغيتي نوو مانقدرش
قادر : وعلاه هاد لباكاغ ؟ الحياة اقصر ماتتصورو ، ديرو عقلكم
تيتو : ( عوج فمو متنهد رتاح و فنفس الوقت كاره نفسو لأنه اكتر واحد عارفها و لو تموت عليه خصها تخوي فيه سمها) سي بون قادر ! ماعليه
بخثة : عليه كالا ماعليه ! منين نتوما واحد فيكم مايصبر على لاخر ؟ الوغ اعترفو بعلاقتكم
تيتو : توجوغ معترف بيها
قادر : ونتي روزا ؟
روزا : ( تتنفخ بملل ) سي بووون تيوو
بخثة : خالك راه يحكي على الزواج !!!
روزا : ( برفض قاطع ) تي غيكول او كوا بخثة ؟ راكي تهضري على ماغياج ؟
بشرى : و الحلال آبنتي ، تنبقاو عرب و مسلمين ، ميم نصارى تيقدرو الزواج !!
روزا : ( قلبها تيضرب بقوة و عينيها خرجوا ) زواج ؟ جاااامي ! ( شافت فيه بخطفة ) مزال الحال
تيتو : ( حط اصابعو بين عينيه بتعب ) الوغ شنو باغة ؟ كل نهار لاكيغ ؟ فاش نهضر تكولي ليا شكون انت بش دخل فحياتي ؟
روزا : سي بون ! نوسوم اون كوبل سي تو ، مي لي كخيز ( نوبات ) دياولك نقص منهم
تيتو : من فعااايك ابنت بخثة
قادر : ( وقف ) ديرو وااش حبيتو ، توت فاصون بنت بخثة ماتحكمهاش ورقة الزواج
تيتو : ( رمقها بنظرة حادة ) صمت
بشرى : الله يهديكم ( وقفت غادة مع قادر لفوق )
و كارين كذلك لي نساحبت بعدما بقات مبلوكيا من الدخلة لي داروا فهمت كلامهم و الصداع لي نايض و لكن من ديما علاقتها بتيتو و روزا محدودة يعني رأيها لن يقدم و لن يأخر شيئا تمنات لهم ليلة سعيدة مع قبلة لسيدح حبيبها طبعا و طلعت لغرفتها تا هي
سيدح : زواج يغلبك روزا ؟
روزا : ( بدون صوت ) نيييك طاميغ
بخثة : ( بنظرة لا حول ) اكشاايفي مي حنا ، زواج نو ! آلوغ نديرو فيونساي ؟
تيتو : ( وقف ) بخثة راه خاصها شوهة وحدا اخرى باش نخطبو وندوزو لكيرا اخرى لزواج
روزا : ( قلبت عينيها ) ماتجيش قدام عامين لي سمحتي فيا ! اون بليس الزواج هدا إلفو بيان غيفليشيغ (خص نفكر مزيان)
تيتو : ( تجاهلها طالع الفوق) صمت
بختة: شنو اتفكري ؟ تتبغيه منين ونتي عندك اربعطاش العام ! ماخليتو مادوزتو ، الوغ لازم نهاية لغولاسيون اون ميم طون بداية
روزا : ( بنبرة هادئة ) لاموغ حاجة و زواج حاجة اخرى ، مانقدرش نعيش تحت المسؤولية و الزواج تيدير الملل
سيدح : (ببلاهة)فايتة مزوجة ؟
روزا : ( ماجاوباتوش تتشوف فتلفون ) صمت
بخثة : بنتي روزا حطي تلفون من يديك لازم نحكيو
روزا : واش ماما ؟
بخثة : الزواج ابنتي عمرو كان ملل ولا قفص لي كوبل ! زواج راه سنة الحياة و مشاركة للحياة مع شريكك ، زواج يعطي للعلاقة قيمة و رسمية و تعاون !
روزا : نقدر نعيش هادشي بلا زواج ! تيتو سي مون ميك وانا جوسوي سا موف ، مي باش نتزوج بيه و نبقى نفكر ليه فطورو وعشاه و وقت دخولو و خروجو ! و اوبليجي نشارك معاه كولشي ، نو مانقدرش ، عندي حياتي الخاصة و خدمتي و مزال باغة نزور بلدان و ندير عروض ازياء و بوتيتخ ندير مشروعي بوحدي هادشي الزواج تيعطلو !!
سيدح : ( تيتفوه ) اخخخ ! مي تيتو ماشي ضدك لا فالخدمة ولا فلافي!!
بخثة : فوالا ابنتي ، اول بخوبليم ليك فإيطالي وقف معاك !!
روزا : ميم موا ماما نوقف معاه فاي حاجة ! نتوما تتعقدو الامور بزواج ، هاد الكلمة تنحسها تقيلة ، مزال ماوصلت حتى ثلاثين عام ! نتزوج و انا يلاه صغيرة
سيدح : بقات لك شي ( تيقدر بيديه ) شي تسع سنين ….
بخثة : ( خنزرت فيه ) نوض تنعس ! حابة نعرف انت اش عرفك فزواج ؟
سيدح : (تمدد فوق الكنابي)تنعس هنا انا ! ( تيتفوه ) اخخخ ، بخثة راك تحمقي راسك غدا يبداو يعيشو احسن من لمزوجين ونتي و بشرى تفقصو على ورقة فيها جوج سينياتور
بخثة : راه الحلال ! لحلاااال
روزا : آغييييط ماما ! نص ليزاغاب عايشين دي كوبل فلافخونس سون بابيي
بخثة : الوغ ديرو فيونساي
روزا : جو في غيفليشي ماما ! (غنفكر) ..
_صباح جديد بقصر قادر ، على طاولة الفطور فريق الصباح تيناقش امور فريق الليل مع لي ماحضروش البارح ، و اخر النقاش ان الكل تيبارك علاقة روزا مع تيتو …
بخثة : (بتنهيدة)يكون خير ، نعاود نحاول نقنعها بالخطوبة وصافي!!!
سيدح : ( كما عادتو عاري الصدر ) وما تتعيااوش ، ( تيشرح بيده و يهز حواجبو ) سي بوون ! حسبوهم مزوجين
ماريا : ( شدت فراسها بحريق خفيف ) شنو جاوبات روزا تيو ؟
بخثة : عترفت بلي تتبغيه و باغة تكون معاه ، مي بوغ إين غولاسيون ماغياج مزال خاصها تفكر
ميلا : ( تتوكل لي لي ) طاطا انا نهار تزوجت مامادو كان عندي سبب قوي ، وهو نربي ولدي و نستقر ، لان عائلتي بأمريكا مستحيل رجع لهم و عائلة جونيور لي هي نتما كلها شد طريق
سيدح : ( هز كتافو ) دبا الزواج خاصو سبب قوي ؟ بوغ موا غير نكون باغي ديك البنت سي بون
ماريا : الوغ الحب ضروري ؟
بشرى : الحب آبنتي تيجي مع العشرة
ميلا : وي طاطا سي فغي ، الا كان الشريك محترمك و مساعدك فالحياة و اهم شيء عندو راحتك تبغيه مع لوقت
كارين : مامادو مريحك ؟
ميلا : بيان سيغ !
_ماريا نسحبت مودعاهم لعملها و ميلا هزت لي لي طلعت غرفتها فانتظار روزا تستيقظ من النوم ..
كارين : ( تتبنن فآتاي ) زيدني شي كاس ابشرى
بشرى : ( مدت يديها للبراد تتكب لها ) بصحة
بخثة :(طلعت فيها حواجبها) نقصي من سكر اكارين
كارين : شتي منين مشيت المغرب وضربت نص كيلو شباكية فليلة و مصرالي والو(بإبتسامة) عمرني نموت
سيدح : ( عنقها بحب ) ودرتي لنا الشووهة مكناس كلها تساريتيها بالقفطان
بشرى : ( ضحكها ) ااايه سنين دغيا طارت
بخثة : عمرنا لي تيمشي ابشرى ! اما السنين غادية جاية
سيدح : ( تيتفوه بعكز ) الواليدة ماتهبطوش البلاد ؟
بشرى :مع تسير الله احبيبي ، ماكرهناش اختك توافق على الزواج من سند نهبطو نفرحو بيهم
سيدح : اااه سي فغي ؟ مافخباريش انا هادشي!!
كارين : (اكدت ليه براسها ) قلتها ليك
سيدح : ونتي تتحلمي ( شاف فبشرى ) اي الوغ ؟
بشرى : خاصها تفكر اولدي ! وتشوف واش توافق و خوك تيتو قال نفس الكلام
سيدح : يمشي يحضي روزا داك تيتو ! انا نزوج ماريا لسند ، هداك ولد خالتي ظرييف بزااف ، و عاملنا مزيان فالمغرب ، وااش هو مابقاش مع ديك مراتو ؟
بخثة : يااادخل سوق راااسك
سيدح : ( جبد تلفونو ) سي فغي بخثة انا نزوجها
بشرى : طلقو اولدي مدة هادي بصفة نهائية
سيدح : ماعندهمش دراري ؟
بشرى: لا آولدي
سيدح : ( طلع رقمو هو يحول اتصال ليه و تيضحك مع بشرى و يغمز كارين ) الوو
سند : الو وي
سيدح: ( بداريجة ) آولد خالتي انت ؟
سند : هو هداا ! عاش من شافك ازين سمية
سيدح : يحموالديك خوياا الله يرحم الوالدين
سند : والدينا والديك آسيدي ، صافا امور هانية
سيدح : بخييير ! ( تحاول يهضر بداريجة ) اااشوف !! اا سند ، جيب جوج ( تيهز اصابعو ) جوج حاجاات جوج حاجات ، و شي جوج كيلو ذهب و نزوجك اختي ( تيضرب فصدرو ) اختي انا ، هاديك ماريا اختي راها مَزيااانة
سند : ( حط يدو على وجهو تيضحك ) امرحبا سيدي ، نوجدو دبا ولا حتى تجيو تديوه ؟
سيدح : ( بشرى تتمد يديها لتلفون هو تيهربها ) غير وجد اخوياا ! هااك خالتك هااك
_ماعطاها داك تلفون حتى ويلت و بخثة تضحك و كارين تتهز فراسها بفرحة ولو شي فاهماه شي لا ..
بشرى : الو حبيبي ، كي داير لباس ؟
سند : الحمد الله العزيزة ، نتما بخير؟؟
بشرى : حمدو الله احبيبي ! وماتديش على سيدح راه مقطع الوراق
سند : الله اودي ، عارف لي كاين
بشرى : الا مشغول اولدي سير ربي عوينك ، شنو ماكان انتصل بيك !!
سند : ( تنحنح ) خالتي واش هضرتي مع ماريا ؟؟ واش مابغاتش ؟
بشرى : لا ولدي مزال ماقالت والو ! ماريا فشكل اولدي ، اي حاجة تتعلق بحياتها تتاخد وقت فتفكير
سند : ( عوج لسانو فمو ) مرحبا خالتي ، نطلبو غير الساهلة ، نخليك
_انتهت المكالمة و سيدح خدا تلفونو و ناض طالع لفوق يلبس ملابسو مخلي الثلاثي فقمة نقاشهم و هو رش ريحتو خارج متجه للسيارة مامسوقش وكن تسولو اش قلتي لسند؟؟ يقول لك ماعقلتش …
سيدح : الو !
المحامي : وي الو مسيو احمد
سيدح : ( تنهد ) وي ، نقدر نعرف الجلسة دبال آية باش كملت ؟
المحامي : الا كنتي قريب مني دوز عندي للمكتب مسيو احمد!!
سيدح : داكواغ ! رسلي ليا العنوان
_ نزل راسو منتظر المساج ، اللحظة لي وصلو دخلو فلجي بي إس و توجه مباشرة ..
سيدح : (خدا نفس عميق و تنهد )آية ! يااا آية …
_وصل للعنوان و ركن السيارة ونزل قاطع الشاريع حتى دخل للمكتب و عطى اسمو للاستقبال ودخل فالحال
المحامي : ( بتحية ) تفضل
سيدح : ( جلس فالكرسي تيهزز فرجليه ) ميغسي ! ( شاف فيه ) هانا جيت ، شنو الجديد ؟؟
المحامي : بالنسبة للجلسة مرت مزيان ، آية رفضت تستمر فالعيش مع لافامي داكوي
سيدح : ( حط دراعو على المكتب مركز اكثر ) ماعملوهاش مزيان ؟
المحامي : با دي تو ! شكرت العائلة بزاف ، وفنفس الوقت رفضت تعيش مع امها فنانط او مع الاب ديالها فإيطاليا ( عطاه نسخة من الحكم ) فوالا
سيدح : ( قرا لول و حطو ) فين ا تعيش دبا ؟
المحامي : مستقلة ، كملت سن الرشد بما انها طالبة ، الدولة تكفلت بالسكن و حددت لها شهرية فحدود خمسمية اورو و اعفائها من الضرائب
سيدح : فين تسكن ؟ الحي ؟؟
للمحامي : ( عطاه العنوان ) هدا العنوان
سيدح : اسم لافاك لي تتقرا فيه ؟
المحامي : نسخة الحكم فيها جميع المعلومات
سيدح : ( وقف هاز الاوراق محييه ) ميغسي بوكو مسيو لافوكا
المحامي :(بإبتسامة) نحن فالخدمة
_ منين دخل منين خرج ! اركب فسيارة شاد الارواق بيد و اليد الاخرى شد بيها راسو تيفكر منين يبدا ، الاحساس لي تيحس بيه حاليا هو الضيق ، ضيق فتنفس و تسارع فدقات القلب ، فتح الملف تيقراه بخاطرو ..
سيدح : ( بسخرية ) سانسون اوغو ؟ اش دير لها ؟ ( كمل القراية سد لملف حاطو فالمجر مديماري سيارة ) الووووغ ! نشوفو لافاااك ..
_الجو كان مشمس و رياح دافئة ، كل مرة يتبع طريق فشاشة امامو و حاضي مع سطوبات ، حتى بدا يتعصب ويضرب فالفلون
سيدح: آلي كل عشرة متر سطووب ! مانصوكوش معاكم
_مسافة الطريق و فالاخير وصل لافاك ، وقف بسيارة تيشوف فالجامعة ..
سيدح : جااامي دلافي ! جامي دلافي كنت نعرف هاد لافاك فين جات ولا نوصل ليها برجلي ، مولف غ ليبواط و طريق الغابة …
_نزل من السيارة داخل من الباب و نظرات البنات عليه ، واضح انه ماشي طالب ، كان ضارب دجين وسبادري و بيل مزير على عضلاتو و الوشام واضح فذراعو وهداك ماتيبغيو البنات ، تيتمشى تالف و يدور راسو يمين و شمال لكن مالمحش اثرها بمرة و قرر يدخل للادارة يسأل عليها …. لكن الإدارة جاوباتو ان الطالبة آية غائبة وخرج ركب فسيارتو تيدخل عنوان سكنها
سيدح : (بتذمر)آلي اونكووغ ! كن مشيت لدار ! القاها فلافاك ، منين بديت بلافاااك كالك ماجاااتش
_تيصوك وفنفس الوقت تيحفظ طريق ، بعد ربع ساعة وصل لعنوان ، كان حي هادئ بعيد عن الحي الشمالي و قريب لمركز المدينة ركن السيارة فباركينج العمارة ونزل تيشوف بعينيه العمارة للحظة لي يخطي الخطوة الأولى يقطع شاريع لباب العمارة و هو يلمح بنت اكثر ما يميزها هو شعرها الطويل ، تبث الشوفة فيها تيحقق لكن عقلو تيقول ليه شبه فقط و القلب تيقول العكس و قرر يقطع الشاريع يقرب لها
…كانت واقفة شعرها مطلوق ولابسة شورط دجين قصير وديباغدوغ ابيض و سبادري فرجلها واقفة مع شخص راكب على سكوتر لحظة لي ضحكت وبانو سنيناتها و تسدو عويناتها حس بضو ضربو ماحس براسو حتى نادا عليها بصوتو الرجولي القوي
سيدح : آااااية ….
_سمعت اسمها وهزت عيونها متسائلة شكون ينادي عليها وهيا قاطنة جديدة فالعمارة و الحي باكمله ..لكن الشخص لي شافتو خلاها ترعد كلها
اية : ( بصدمة و نطق بدون صوت ) سييد..ح
الشخص لي معاها كدالك وجهو انظارو للمكان لي تتشوف فيه أية بدون ادارك وقف تيسولها
كنان : شكون هدا ! تتعرفيه ؟
آية : ( بحركة براسها تتنفي ودموع فعينيها ) نووو
الوقفة لي يوقف عليهم طارت تتجري طالعة للعمارة و نفسها شبه مقطوع فالوقت لي سيدح مزال تينادي عليهااا هة يوقفو الولد
كنان : ( هز يديه معترضو ) كيسطا فخيغو !؟ كيس تي فو ؟ ( شنو كاين / شنو بغيتي )
_ مايوصلش لسيدح حتى فكتفو ! الولد مزال صغير و شاب و ضعيف هو تيتكلم و سيدح تينظر ليديه وفاخر للحظة نعل شطيان
سيدح : ( بغضب و امر ) كااس طواا ( قاو_د )
كنان : ( دفعو بجهد ) ماغاديش هاديك لي لفوق صاحبتي وانت جاي تعدا عليها
سيدح : ( بنظرة : اياااه ) صااحبتك !؟ ( بحركة كف يديه جمع ليه لوجه ) الا صاحبتك انا راها مراتي و تحررك لا نحسبك لك سنان لحليب فمك
_ خلاه مشوكي من كلامو !! وطلع تابعها تيجري تيحسب فليطاج و يقرا فاراقام شقق حتى وصل لشقتها و بدا يدق و ينادي عليها
سيدح : أاااية ! اوفغ لابوغط …آاااية
_كانت جنب الباب شادة على حناكها تتحاول تستوعب المشهد هل هو حقيقي او حلم ، للحظة لي دقان فالباب كان هاتفها فجيبها تيرن وطلع اسم كنان وجاوبت بصوت خافت و مرعود
اية : وي
كنان : ( بغضب و صراااخ ) علاااش كذبتي عليااا ؟ كفاش نتي مزوجة ؟
اية غمضت عيونها ودموع نازلين كانه اكد لها انها تتعيش واقع وليس حلم ، قطعت الخط وشدات راسها بانهيار من شدة وجع المنظر ورجوعو لي كان آخر حاجة تخطر على بالها …
سيدح : آاااية !! حلي البااااب
اية : ( بصراخ ) ماااانحلش !
سيدح : ( عض علة شفايفو مغدد ) حلي الباب ! باغي غير نهضر معاك ، ماغااديش ناكلك
اية : الا مامشتيش انعيط بوليس
سيدح : ( ضرب فالباب بقوة ) فااازي ابيييل !!
اية خطت يديها على فمها تتبكي !! عامين و اكثر ! عامين حاولت تعايش و تنسى الماضي و الحفرة لي كانت طيح فيها ، عاشت مع عائلة غريبة عليها و امثثلت للاوامر ، عاشت مع لوحدة و الحزن و تفكك العائلي ، لوقت لي رجعت تقة فنفسها و بنت حياتها و لقت حب جديد هاهو رجع يهدم لها كولشي
سيدح : ( بضربة قوية ) ااااااية ! الا طيط دومااميغ حتى نهرسووو
_فللحظة تفتح الباب عليه و رمقها بنظرة غاضبة و ساخطة دفعها و دخل تيشوف فالدار عاد دار عندها يطلعها و يهبطها
سيدح : قربت لك باش تبكي ؟
اية : قول شنو بغيتي وخرج بحالك !
سيدح : ( ميل راسو تيحك وذنو ) ماااخااارجش
اية : ( بصوت منهار ) علاش رااجع !؟ شنو بغيتي من عندي ؟ ماقدكش …
سيدح : ( قاطعها ) شششش …نتي عارفة فلفوون دووكوغ ديالك ماقصدتش نآذيييك
_ اكد براسو و هو تيرمي خطوات عندها حتى قرب لها بقات ضرب ليه فصدرو نزل نظرو لوجها ! وجها صغير لي ملامحو تغيرو عليه قليلا ، لون بشرتها داكن او بما كان يلقبها “زركا” رجع اسمر و عيونها سود ، زادو تالق و ثغرها صغير انتفخ و تورد و انفها لمنقاد زداد طول و شعرها للاسود خدا لون عسلي و مخرص لاخرو و جسدها الهزيل صغير ، اكتسب وزن و منحنيات انثوية
اية : مابغيتش نعرفك ولا نشوفك
سيدح : ( هز راسو متنهد ) صدقيني تمنيتك تكوني بحال البنات لي دازو من حياتي وماهمونيش ، كنت مانسول فيك ولا نقرب ليك ، مي نتي فعقلي من زمان ومعمرني نسيتك ، طرااو حوايج بزاف وبعدوني عليك ، مي انا رجعت ، ميم ماعارفش علاش رااجع مي لمهم رجعت ولا انتي ولا حتى واحد يقدر يبعدني علييك ! الوغ ديريها فراااسك
اية : ( دورت وجها من كلامو ) الا كملتي كلامك خرج ! ( هزت نظرها فيه بكره ) ماتبقاش تقول الناس انا مرااتك ! عمرني كنت مراتك
سيدح : ( للحظة لي يشوف فيها هربت نظرها ) ماتوقفيش مع دراري مانهضرش ، توقفي مع دراري نبقى نهضر حتى لغدا صباح ..
_الساعة تشير لثالثة زوالا بتوقيت مارسيليا ، بعد يوم مليئ بالشغل و ملفات المهاجرين تتنسى العالم و مافيه ! تسمع دقة على الباب وهزت عيونها متكلمة بصوتها الرقيق
ماريا : آونطخي
_كان زميلها فالعمل يدعى داني ، لي دخل حامل ملف فيديه وجلس تيلقي تحية و تيتكلم فالعمل
داني : المعلومات لي هنا خاطئين و ضروري الشرطة دخل !!
ماريا : ( فتحت الملف تتقراه فنفس الوقت شادة فراسها من شدة الصداع ) سي بيزاغ
داني : ( ميل راسو مراقب ملامحها ) ماشربتيش قهوتك صباح ؟
ماريا : ( بتسمت برقة ) سي شربتها ( شافت الساعة ) خاصني نتغدا باش ناخد الفيتامين ديالي
داني : ( شاف ساعتو كدلك ) بقت عشرة دقايق و نخرجو ، تبغي نتغداو بجوج ؟
ماريا : ( بتفكير وهي تغلق الملف ) اوك !
_خرج داني لمكتبو و بقى واقف مع زملاء لي معهم فالعمل حتى حان وقت الخروج وخرجو مجموعين تيتبادلو حوار منوع مرة عن العمل مرة عن الحياة حتى تفرقو و بقات ماريا مع داني و زميلة لهم اخرى دخلو لمطعم فاخر و طلبو وجبة الغداء وهما متبادلين اطراف الحديث مستمتعين باجواء موسيقى
داني : مذاق الاكل ونت مع الجماعة غير وانت بوحدك !
زميلتهم : مزال تتعيش بوحدك ؟
داني : بوغ توجووغ ! ( بتنهيدة ) ونتي ؟
ز : عايشة حرب باردة مع مون ميك ، مرة مجموعين مرة مفارقين
ماريا : ( تتاكل و تسمع ) صمت
داني : ماريا نتي عايشة مع عائلتك ؟
ماريا : ( هزت حواجبها تتفكر كفاش توصل ليه الفكرة ) تقدر تقول عايشة مع عائلة حقيقية حاليا
ز : كلنا دوزنا فحياتنا هاد العقبات ، مرة تتحس براسك عندك عائلة مرة تتحس راسك بوحدك ، مي العائلة تتبقى عائلة فالاخير ( هزت كاسها بنخب ) زوينة ! خاايبة منك وفيك
داني : سي فغي ! مي نهضرو فالواقع وصلنا لاج لي بنفسنا خاصنا نكونو عائلة!!
ز : الناس لي بحالنا صعيب يكونو عائلة ، اغلب مشاكلي مع مون ميك هما دراري ، رفضت نولد وهو اخر اقتراح عطاني نتبناو !!
داني : فكرة زوينة ! تبني طفل يعنى تتحمي طفل و تتراعيه و تتأمني ليه عائلة و حضن ينتمى ليه
ماريا : شنو الفكرة لي خلاتك ترفضي تولدي ؟!
ز : ( قلبت شفايفها بملل ) مامستعداش نتعذب و نتحمل ألام الولادة و نخسر جسمي
داني : تتفكرو تبناو طفل ولا بيبي ؟؟
ز : طفل ! آن بوكوص لي يضوي علينا حياتنا
ماريا : ( رمشت من فكرتها ) نقدر نتناقش معكم فواحد الموضوع ؟
داني و ز : وي / خودي راحتك
ماريا : شنو فكرتكم للزواج التقليدي ، بغيت نقصد عن طريق العائلة ، نتما عارفين اصلي مغربي و تقافتنا تتآمن بعلاقة الزواج
داني : ااااه بون !! نبغي نقول ليك الزواج المدبر فجميع التقافات ماريا !!
داني : سي فغي ! اون بليس تيبقى تعارف تعارف ، سوا تقدم لك عن طريق العائلة او تعرفتي عليه راسك
ماريا : ( تتشرب من كاسها ) فكرة الزواج كانت بعيدة فتفكيري مي ماما طرحت الفكرة و شجعتني بزااف
ز : ماتخسري والو ! اهم حاجة تكوني تتحسي براحة و كرامتك ماتمسش فهاد العلاقة
داني : هاد الشخص من عائلتك ؟
ماريا : سي مون كوزان
ز : اوووه !! سي فغي لي ماغوكان تيتزوجو اولاد العم و الخالة بيناتهم ، اون فخونس لو كونطخيغ لافامي إل غيسط لافامي ، ماتيتزوجوش بعضياتهم تيخافو من امراض وراثية
ماريا : اهم شيء مايكونش ضد الإسلام !!
داني : ماعنديش فكرة ، ماعندي عائلة ، ماعندي دين نتسب ليه ! الوغ ماريااا كوغاج تعرفي عليه ديري الخطوة الأولى ماعرفتي يكون شخص المناسب
ز : وي ماريا ، انتي انسانة تستاهل تعيش الحب ( طبطبت على يديها ) تنتمناو لك السعادة
_هدا حوارهم وهادي افكارهم ، فئة لي تتشبه لماريا فالعقلية بعيدة كل البعد عن النميمة و القيل و القال ، تكفيهم حياتهم و مشاكلها، تيعبرو على افكارهم بحرية و صدق ، و تيحترمو راي الاخر !! بعد نتهاء الوجبة كلها خلص على راسو و توادعو و ركبت ماريا سيارتها متجهة للقصر …حاسمة قرارها بالفعل …
مسافة الطريق كانت وصلت و القت التحية على مانويلا و طلعت بيتها تاخد روتينها لي هو دوش خفيف و تلبس ملابس مريحة عاد نزلت لتحت تبحث على بشرى لي كانت جالسة مع قادر و ريان و بخثة على صينية الشاي
ماريا : بونسوااااغ
قادر : اياااا جات ابنتي
_ حضناتو بحب و قبلاتو ! و ريان تيدور بيها حتى هزاتو تتكلم معاه ، كما عادتها هادئة و تتكلم بالعبار ، حتى تأكدت انهم ماتيتكلمو حتى فحاجة مهمة او الجو مشحون او هناك موضوع مهم عاد تكلمت
ماريا : ماما انا فكرت و قررت نتعرف على سند
بشرى : (بفرحة ) اوووه خبار زوين هداا آبنتي
قادر : ( هزز راسو بفخر ) صايي اثرو عليك ؟! فكرتي مزيان ؟
ماريا : وي تيو ، تنظن سند تنعرفوه كاملين و شخص مزيان
بخثة : بيان سيغ آبنتي ! الله يبارك ليكم
قادر : ( دور راسو من كلامهم ) اياااياي ! نقولها و نعاودها ، ماريا لي يغبنها الا يقلقها حسابو معايا انا
بشرى : ( هزت براد آتاي تتعمر ليه كاسو ونطقت بصوت محلون ) ابنتك آسيدي ، وماعاش لي يقلقها و سند راه الله يعمرها دار
ماريا : ( نعست على حضن تيو محمية بيه ) ميغسي تيووو !
ريان : ( عنقها بحب ) مون طاطا انااا
ماريا : ( تتبتسم ليه ) مون بيبي طواا
بشرى : الله يدومها محبة ! نعطيك ابنتي رقم سند ؟
ماريا : ( تتفكر ) ماعرفتش اماما !! الا تصلت بيه بشي وقت هو مشغول ؟
بخثة : طانكييط ماشيغي ، تقدري تبعثي مساج
ماريا : داكوغ طاطا ( قيدت رقم عندها )
_كملو حديثهم مثل اي عائلة و قادر و بشرى انسحبو خارجين يتعشاو فالخارج و بعد ساعات القصر انارت اضواؤو و رجع الكل ، كارين و مامادو مع ميلا و اولادهم و روزا و تيتو من غير سيدح ، خداو وجبة العشاء و ماتتسمع غير
_اغيييط / ااط / هانت هرقتيه / مضغ مزيان ..
_الكل تيشارك و يربي فجونيور و ريان و لي لي ، حتى تيتو ضرو راسو و خرج الجردة مع مامادو على مايهدا الجو ..
مامادو : غدا اول ماتش للفرقة ؟
تيتو : وي غدا !! ( حرك راسو بعدم تقبل ) اليوم كنت فالكاغتيي دونوغ ، القضية غادة و تتأزم ، البوليس مابقاش تيقدر يدخل لتما
مامادو : من نهار العرب شدو البيع تما و القرطاس ماتيهداش!!
تيتو : العرب !! واش لي عندو طخوا او كاطخ جينيغاسيون ففرنسا مزال تتقولو عليه العرب ؟ ولاد فرنسا هادوك ، اليوم برجلي دقيت اباخطمون اباخطمون انا و بخثة و شي مسؤولين على الأولاد الموهوبين فالكرة نصهم فالحبس و نصهم مات و نصهم حارك وهو فبلادو
مامادو : حارك ؟؟!
تيتو : لامافخباركش هادي ؟ لي روشيرشي راه تيزورو لوراق بسمية الكور ويعيش عادي ، انا فأيامي ماكنتش نسافر بسمية اخرى او وجهي فالوراق ؟
مامادو : آليس طووومبي تيتو ! انت تدير لي عليك مايمكنش تغير المجتمع فلحظة
تيتو : ( مسح وجهو من التعب ) عندك الحق ، المجتمع صعيب يتغير و الكاغتيي دونوغ نقطة كحلة فمارساي
روزا : ( بدلع ) تيتوووو
تيتو : ( شدها من يديها جلسها عندو ) كيسطااا
روزا : اونسوووغ ؟ ( نخرجوو )
تيتو : ( نزل عنقها مقبلها ) وي نخرجو ! ( هز راسو فمامادو ) فين سيدح ؟
مامادو : اااه منين خرج فالصباح ( عنق ميلا لي جلست جنبو ) نعسو لي كوص ؟
ميلا : وي ( غمزت روزا ) نخرجو ؟
روزا : ( ردت لها الغمزة ) وي !
تيتو : ( شاف فالساعة ) ربع ساعة تكونو واجدين ، فين ماريا ؟
روزا : ( بحركة اصابعها كانها تتكتب مساج ) تتعارف مع سند
تيتو : ديجا ؟!
روزا : اي وي مسيوو
تيتو : ( شدها من يديها ) ألي وجدو راسكم نتما نطلع نشوف ماريا تخرج معانا ..
روزا : ( زايدة قدامو تتشطح ) اوونفان ماريا ترجع تخرج معانا اونكووبل
تيتو : داكشي لي بقى ناقصكم ، خرجو على الولد و سكرووه ارباعة العصابة
_كانت فبيتها جالسة شادة تلفون و مترددة كفاش تواصل معاه ؟؟ نزلت راسها تتحك حاجبها بعد تفكير فتحت الهاتف دخلت مكان المساجات وبدات تكتب فالمساج
📨 : بونسواغ سند سي ماريا ، سي مون نيميغو
_تم الإرسال بنجاح و فنفس الوقت تسمع الدقان فالباب ودخل تيتو بابتسامة
تيتو : صافا ؟ ( تحنى مسلم عليها)
ماريا : وي صافا ! اي طوا ؟
تيتو : مزيان ! تخرجي معانا نسهرو ؟
ماريا : ( غمضت عين و فتحت عين تتفكر ) جوسي باا ..
تيتو : ( شدها من يديها موقفها ) آلي فازي !
ماريا : (بعكز تترجع تجلس ) شكون يخرج ؟
تيتو : روزا و مامادو و ميلا
ماريا : ( ميلت راسها يمين و شمال ) اووك ! بوغ لابغومييغ فوا ..
تيتو : اي وي ماتنخرجوش بزاف ! كولي ليا سي فغي وافقتي على سند!
ماريا : سي فغي !
تيتو : ( جلس جنبها تيمشط شعرها بحب ) بون ايكوت ! باغابوغ كفاش عشنا ولا كفاش تربينا ولا شنو دوزنا فالماضي ؟! تنبقاو ناس عاديين و نورمال نفكرو نديرو عائلة و نستقرو ، مي كاين فرق بين الزواج لي تيكون فلافغونس و الزواج لي تيكون ميكس
ماريا : بحالاش ؟!
تيتو : تاتشوفي ماما كفاش تتعامل مع تيو ؟ تستقبلو ، تتهتم بيه ، تقدر طيب ليه ، ميم فكرو يولدو مي اونفان دكونط تيو قرر بلاش من الدراري خاف على الواليدة ! من هادشي بغيت نوصل لك انه يكونو عندك مسؤوليات و يقدر يكون الامر مختلف على لي كنشوفوه فلي كوبل هنا ففرنسا سي فغي ممكن يكون سند شاب قاري واعي و متفتح و لكن منظنش غيوصل لدرجة ولاد فرنسا او ياخد القالب ديالهم بسهولة كيفما كان الحال ترابيه مختلفة علينا رغم ان اصلنا واحد لكن المحيط مختلف و بالتالي الطبع و الحدود غتكون مختلفة !!
ماريا : ( سكتت تتفكر ) مانظنش رفض هادشي ، الا كان فقدر المستطاع ديالي , بشرط نكون مرتاحة
تيتو : بيان سيغ ! راحتك هيا لولة ، لي بغيت نوصل لك انه يكون فرق شوية فتفكير
ماريا : فكرت فهاد القضية و حاولت نفكر مزيان ، مي قررت نجرب و نشوف
تيتو : التجارب تيعطيونا درس و خبرة ! مي ديري فبالك سند من لافامي وعمرنا سمعنا عليه حاجة ناقصة ، اوكونطغيخ تيتهلا فخالتي و الواليدة منين تتنزل لبلاد تيتعامل معاها مزيان
ماريا : سي فغي ! ميم فالماغياج ديالو كان يخرج معانا ، و كان ضرني راسي و هو رجعني لدار ومارجع حتى تأكد راني رجعت مزيان
تيتو : فوالاا ( وقف ) آلي وجدي راسك و نزلي
_بقات مدة تتفكر فكلامو عاد ناضت تتلبس ملابسها ، لبست غوب فالاسود و طلقت شعرها الحريري مكتفية بوضع احمر شفاه غامق و ماسكارا و رشة من عطرها و هزت صاكها لويس فيتون دارت فيه التلفون ولبست كعب عالي و خرجت من بيتها نزلت عندهم كانو فانتظارها ، كلهم متأنقين و فأبهى حلة ، تيعشقو اي حاجة اسمها السهر …خرجو بجوج سيارات تيتو مع روزا و ماريا و مامادو فسيارتو مع ميلا مخليين اطفالهم مع المربية …
اختارو افخم بواط فمارساي ، جلسة vip خاصة بيهم ، مشروبات غالية و مقبلات فاخرة تتحط لهم ، عايشين الحياة بلحظاتها ، روزا و تيتو جالسين جنب بعض مثل اي عشاق و ميلا ومامادو كدلك و ماريا كدالك مستمتعة بالاجواء
تيتو : ( تيهمس فأذن روزا ) وصيت مانويلا تجيب لك حوايجك لبيتي
روزا : ( بحب خدات شفايفو تتاكلهم على خاطرها بقبلة ) نعيشو لاموغ بوغ توت لافي ؟
تيتو : ( طل على قرعتها لقى فيها نص ) السكايرية لدلمك ، فوتي ؟
روزا : ( رجعت راسها لور تاشدها ) فوووووت ! ( وقفت تشطح ) آيواااا
تيتو : ( شدها من رجليها مخليها تستمتع ) ايااايااي الرب العالي معاك
روزا : ( تتغني مع الموسيقى ) اوووه شكولاااا ..اووووه
ميلا : ( تترقص بمكانها ) آليييي روزااا
_ اجواء حميمية بامتياز ، اللحظة لي ماريا فتحت صاكها تشوف الساعة شافت هاتفها تيشعل ضو ، عقدت حواجبها تتقرا الاسم وكان سند ، هزات حواجبها بحركة من قوة صوت الموسيقى و الصخب قررت تقطع عليه ورسلت ليه رسالة
📨 : تنعتذر مانقدرش نجاوبك حاليا انا فنايت كلوب ..
_بتوقت متأخر كدلك كان جالس مع صاحبو رضوان فالقهوة بسونطر جنب المحطة تتبقى مفتوحة اربعة و عشرين ساعة ،اللحظة لي وصلو مساج من ماريا شافو بوقت معطل و كنوع من المراعاة و الخصوصية قرر يخرج لخارج و يتصل بيها شخصيا لكن جاوباتو بمساج لي خلاه مسمر
سند : ( حقق فساعة رجع تقرا مساج منهد ) امعاااامن اااشريفة سهرااانة !؟
رضوان : يلاه اولد المعلم مشينا ؟
سند : زيد نتحركو الخاوة ديالي
_بسيارة ركبو شادين طريق العودة للمدينة القديمة و تيتكلمو على احوال العمل هما فدخلة لحومة و لمحو جماعة ديال دراري واقفين و بعض الأصوات عالية ..
سند : ( وقف بالسيارة ) شكون هاد خونا لي سخن عليه راسو !؟
رضوان : عرفتي آش دير !؟ رجع مشاريار و بلاصي طموبيل لا تجي فيها شي دقة
_بالحرف نفد لي قال رضوان و رجعو غادين على رجليهم و هو يسمعو تيوجه ليه الكلام
*** : وااارجلة نقصااات فهاد لحوومة
سند : هاااد ولد *** علامن تيقلب ؟
رضوان : خو غذرا هدا !؟
سند : خو زمرة ! زيد لا نصدقو فشي حاجة ، بنادم دلمو مريض
_كما العادة اخ عذرا سكر و بدا محيح فالحومة ، الدراري واقفين تيتفرجو ، كما تيقول المثل شبع خبز ، اللحظة لي دازو من حداه و هو يهرس قرعة لبيرا و قصدو تيهددو
اخ عذرا : ( تيميل غير بوحدو ) انت مااااشي رااجل اولد المعلم
سند : ( ماحس براسو تاشنق عليه ) اتجمع فمك ولا نهرسو ليك
رضوان : ( دخل بيناتهم ) طلللق اسند سند ( دفع اخ عذرا ) مسينا عالله سير اصاحبي شوف فين تلصق
اخ عذرا : ( تزادو فيه عشرة و زير على قرعة فيديه تيهدد ) انا باغي لصق !؟ وااااش حووومة بااااك هادي ؟
رضوان : ( دفعو بقوة ) وااش باغي تجيب مسبتك عليا !؟ سير احشم على عرضك وانت راك تنومرتي فهاد الحومة
_اخ عذرا ترفع و بدا يسب و يعاود بلي كاين ولي ماكاين و صدق سند هو تيشد رضوان لكن المشدات تحولت لكيرا و اخ عذرا جبد الموس بدا يهدد عليهم و لي كان ناعس فاق ولي فايق خرج يشوف و الحومة فثواني تقلبت و الرعب تزرع فاي وحدة عندها ولدها
اخ عذرا : ( تيهدد سند و باغي منين يدوز ليه و الدراري واقفين ليه ) انت ليووووم ياابيا يااا بييييك عندي معااااك حسااااب
سند : ( بعصبية تيهز فيديه ) حط لمضا وخرج عندي فاااص
اخ عذرا : ماااحاطوووش هاد لمضى نغرزوو فيييك
بعض الأشخاص : سير بحالك ابنادم راه ضربك الفيقة وتلقى راسك فسيلون
اخ عذرا : الله يعطيناا معااكم لمؤباااااد ، ليوم نفاريها معااااه ( تيهز يدوو تااايهزها حتى اصوات الناس تتهز معاه من الخوف ) انت تبيييدق اختي !؟ اليووووم نخسر لك وجهك
_بقى تيطلع و ينزل و دراري من معرفتهم الطيبة بسند وقفو ليه مثل الذرع و فلحظة جاية ام عذرا و عذرا ببيجامتهم تيتجراو و مراتو هاز ولدها صغير و فبلاصة ميشوفهم و يحشم عاد مازاد ضسر وبدا يهدد
اخ ع : واااا رب*** مشوهينا فهاد لحووومة
عذرا : ( تترعد و روحها تخرج ) حط اخوياا لموس ونعل شيطان
اخ ع : ( دفعها بقوة غير دراري شدوهاا ) وااا نقتلوووو الليلة نقتلووووو
رضوان : اسير اشياطة آش تقتل ؟
سند : صافي ارضوان امو كاينة
الام : ( بحسرة و خوف ) آوليدي على وجه ولدك لي تيبكي اولدي دير عقلك
إحدى نساء الدرب : اولدي ماشي حرام عليك ميمتك تخرجها فنص الليل بيجامتها
عذرا : ( ماقادراش تشوف جهة سند و تتخبع وجها من الدموع و شادة فصدرها تتوسل خوها) راه تندم اخويا
اخ ع : ورااااني ناااادم و ناااادم
_ تسمع صفارة الصطافيط من دورة الدرب و الناس عاد التقطو انفاسهم من حضور الشرطة لكن لي ضاسر و لاعب عليه الشراب ماخاف ماحشم ، فر و كر مع الشرطة و اخد و رد عاد شدووه مكتف بحال لحولي لاوحوه فصطافيط و امو طاحت تاتبكي و عذرا تتوقف فيها
سند : الله يخليها سلعة
رضوان : زيد بحالنا الله يعطي دلمهم الحبس كلهم
سند : ماعرفت شكون عيط لبوليس؟؟
رضوان : يكونو جيران ! وليلة كحلة
سند : (بتنهيدة و حسرة)كحلة و اسكتي !
_تيبقى لقيل و القال !! ولد المعلم مع نسيبو !! هنا نعود بمقولة كواليس القصة تبقى لابطالها فقط ، طول عمرو بعيد على الصداع ، الا ماشفتيه جاي من لخدمة ولا جالس مع دراري الدرب فيما يرضي الله ماتلقاه فشي صداع ولا مع رفقة السوء ، دخل للدار بالحس مباشرة لغرفتو ولكن قلب الام لاينام
زهور : ( بصوت ناعس من بيتها ) سند جيتي آولدي ؟
سند : اه الواليدة ، تصبحي على خير
_غير تيتنهد كاره هاد الجو وهاد الماضي لي كل مرة يلوح ليه من بعيد ، بعض الاحيان لازمنا مواقف و دروس لي تحيد لنا الجلالة على عينينا ونعرفو شكون كنا معاشرين و معامن كنا طايحين ، خدا دوش خفيف و استلقى بمكانو تيفكر و يعااود حتى داتو عينوو …
***صباحا
_عقد حواجبو من اصوات لي ادات لاستيقاظو و نهض بكسل طرف حالتو و خرج لصالون هو يلمح ام الخير و زهور يلاه يلقي التحية وهيا تقاطعو زهور
زهور : هادشي كامل وقع و انا ناعسة على وذني ؟
سند : آش وقع ؟
ام الخير : قياس الخير داك المزغوب خو عذرا كان بغى يتعدا عليك بسكين ؟
سند : ( جلس تيسوط تيمسح على وجهو ) الله يهديك آ ام الخير ، هانا قدامكم نبشة مافياش ، تبعو كلام الناس
زهور : تما عاود ليا ! قولي ها آش وقع ها ماوقع
سند : نعاودلك لك السخط ؟ البارح مقصرين انا و رضوان فالقهوة فحمرية فسونطر خوينا حنا هاد لمدينة و الحومة ، راجعين ماعلينا مابينا لقينا لهنطقة ، بلاصينا طموبيل عند لعساس خفنا لاتجي فيها شي ضربة
زهور : اوا ؟
سند : اوا راجعين على رجلينا ، طريق وحدة لي كاينة هيا هاديك ، هو يشد فيا
ام الخير : ( حطت يديها على فمها ) الله يمسخو ، اوا شوووف ليك ضسارة
زهور : اوا هدا محلف عليك ! ولا حرشوه؟؟
سند : ماامحلف مامحرش ، اختو تفاكيت معاها و تسالا لفيلم ، وامو و مراتو ولدو صغير لبارح يقطعو فالقلب شكون يفكر يحرشو اابوحدو تينبش على الصداع
زهور : (بسخط)لله يبعدهم علينا تريكة ناقصة
ام الخير : اوا انا راه جات امو ترغبني على النبوري
سند : علاش ترغبك ؟
ام الخير : اوا راه شدوه فالكوميسارية ! كانت جاية معايا لعندك !!
زهور : ( هزت صبعها باعتراض ) انا مزاوكة فيك و الطعام لي شاركنا آ ام الخير مانشوفها ماتجيني!!
سند : كما قالت الواليدة ماتجينا ماتقربنا ، ولدها يمشي يشوف شكون ديكلارا بيه ، انا ماديكلاريت ما عيطت لبوليس !! تمشي تخلص عليه و تخرجو كما مولفين
زهور : اممم باغين سبة للدخول ولخروج
سند : ( بملل من الموضوع ) آشمن سبة الواليدة ؟! صافي ساليناااا ، راه غدا ولا بعدو يخرج يبكي بحال لولية ( دار خارج )
زهور : فين غاادي ؟
سند : (بملل)هااااا لي مابغيتش الواليدة ، واش تمرضي راسك على شمكار ؟ صافي ريح وداز
ام الخير : اوا اجي جلس غير تفطر !
سند : ( تيسول بيديه ) فين هاد الفطور ؟
زهور : موجود غير جلس
_جلس جنب ام الخير تبرد النفس ! و زهور غادة جاية تتحط الفطور
ام الخير : اوا طلق نفس ! صافي
سند : انا هوو لي تيهرب من الصداع و طالق مات النفس
ام الخير : ( تتكب ليه القهوة و زهور تاتشوف فيه ) شرب اولدي شرب ، خلعونا على الصباح
سند : ( سمع التلفون تيصوني ناض لبيت ) اودي اش يخلعوووك
زهور : (بخوف)اويلي لبوليس ؟
سند : الله واعلم
دخل لبيت هز التلفون يشوف المتصل هو يقرا اسم ماريا بقى مدة تيفكر حتى سمع زهور تتنادي
زهور : شكووون اسند
سند : ( عوج لسانو فمو خارج عندهم ) ماريا
ام الخير : ( ضرباتو بكتفها ) اوا قدامي قدام ربح
زهور : اوا جاوبها
سند : قطعت الواليدة قطعت ..
زهور : اوا عيط لها
سند : ( حط الكاس من يدو ) انا رااه خايف نهار تجي بنت ختك تبيتيني فزنقة ..
_توتر ! تلبك ، احساس مثل رياح الباردة تتهب داخلك ، انك تتكلم مع الشخص لاول مرة و كلامكم يكون تيحدد بداية علاقتكم او نهايتها ، رغم انهم اولاد الخالة لكن العلاقات كانت منعدمة قبل ، عندو معاها جوج ذكريات اولهم فالصغر و الثانية اول مرة ادخل البلاد كان فعرسو مع عذرا ، ماسك تلفون بيديه تيلعب بيه منتظرها تعاود الاتصال و فنفس الوقت تيفكر منين يبدا معاها الحديث هو جالس فغرفتو وحيد
سند : دبا منين انا صونيت البارح ! هيا كانت سهرانة و عتذرت و اليوم ! هيا صونات ، شنو دبا انا خاصني نصوني ؟
_انتظر دقائق قليلة هو متردد ، و فاخر للحظة حول لها المكالمة بعد عدة رنات تفتح الخط و تسمع صوتها رقيق بللكنة ماغسايي
ماريا : ( بصوت هادى ) الو
سند : الو ماريا ! صافا ؟
ماريا : وي صافا ميغسي ، نتمنى ماتكونش مشغول ؟
سند : نو ، اليوم الاحد ، نوغمالمون صباح تنكون فدار
ماريا : اه داكووغ ! اسمحلي ماوسلتش على طاطا ، هيا صافا ؟
سند : ( هز راسو مبتسم ) بخير و باغة تشوفك و تتسول غير عليك
ماريا : سي جانتي ! وصل ليها سلامي ، حتى انا تقدر تواصل معايا فاي وقت نقدر نجاوبك
سند : اممم اوك !! كي دايرة امورك فالخدمة ؟
ماريا : طخانكيل !
سند : سي بيان ! الوغ نقدرو نهضر اكثر ؟
ماريا : وي ، بيان سيغ
سند : ( تيحك فحنكو بتوتر ) بون ، الواليدة هضرت مع خالتي على حسب علاقتنا و كنت منتظر جوابك ، يعني نتي موافقة ؟
ماريا : ( سكتت تتفكر ..) وي موافقة !
سند : اللهم يسر ، نتمنى تفهميني و نفهمك و اي سؤال نجاوبك عليه
ماريا : ( ميلت راسها بخجل ) امممم !! تنفضل بلا اسئلة ، نخليو الامور تمشي طبيعي
سند : نقدرو نهضرو فالواتساب ؟
ماريا : ( قلبت شفايفها ) واتساب !! اوك ندخلو ، حنا هنا تنتواصلو بسناب
سند : ( عقد حواجبو ) نقدر ندخل سناب ونتواصلو ماشي مشكل
ماريا : اوك ميغسي !! ( شافت فساعة ) ااااه اانخليك انخرج
سند : تخرجي ؟
ماريا : وي ! اليوم ديمنش لافامي تنتغداو مجموعين
سند : سلمي عليهم ! و تهلاي فراسك
ماريا : ميغسيي ! باي باي
_تقطعت المكالمة و جلس تيبتسم مع الهاتف ونفس الوقت تيحمل سناب و انسطالاه و ضافها برقمها و قبلت طلبو راسلة ليه اموشيون مبتسم ، عاد طلعو ليه صورها
سند : اااه نتي الالة مخبعة هنا ، وانا تنقول مال فيسبوك ماتتحط فيه والو
زهور : ( دقت ودخلت ) سند
سند : احياااني علييك الواليدة ! تتحسبي ليا ؟
زهور : ( بنظرة : مزيتاتك ) هضرتو ؟
سند : هضرناا و مزاال نهضروو ، ( حضنها جتب مقبل راسها ) الواليدة ياك باغة هاد زواج ؟ فرحانة ليه ؟ اوا غير ارتاحي مايكون غير الخير
زهور : انت مرضي و بنت اختي دريوشة ، والله يكمل ليكم ، يكون اولدي فرق فالعقلية ولكن راها مربية و مهدنة
سند : يكون خير الواليدة ! خوي غير راسك و ارتاحي
_اكتفى بهاد الكلام ، لان مكالمة مدتها دقائق لاتحدد منحى العلاقة ، لكن تركت ليه اثر طيب و احساس جميل ، حسها انها فعلا شخصية طيببة و متواضعة و كان نفس شيء لماريا وهيا تتعاود مع روزا هما مجموعين مع العائلة فافخم مطعم ، اوقات عائلة رجعو تيتمتعو بيها ، كانهم تيخلدو دكريات جديدة مع بعض …
قادر : وين سيدح ؟
تيتو : ( حرك راسو بعدم اعجاب ) دوز نهار مع اية و ليل عند صابرينة فلوبيطال
قادر : ( رفع راسو تيشوف فلافامي ) واش هدا حياتو كلها يبقى مع جوج عيالات
تيتو : ( هز يديه ونزلها ) من بعد تيو كن بعد ! مهم مبعد من صداع
قادر : النسا اكبر صداع ، راه مابقاش شخص نورمال ، راه بوكسور و هاد العالم سوشيل ميديا مايرحمش
تيتو : ( نزل راسو تيسمع ليه ) آش دير ليه ؟ تحكم فالعلاقات ديالو ؟!
قادر : ( مسح نيفو بحركات متعددة ) زيرو لونتريمون ماتخليهش فين يتنفس
تيتو : اوك تيووو …
_بعض الناس فسن صغير تيهز المسؤولية ، مكتاب عليهم !! مكتاب عليهم يسكنو وحدهم ، مكتاب عليهم يعيشو احزن اللحظات و افرحها وحدهم، مكتاب عليهم الا ماخرجوش تقضاو لراسهم ماياكلو ماكاينش شكون يوجد لهم ماياكلو ، مكتاب عليهم الا ماشراو دوا الحمى هو الاخير ماكاين شكون يعطيه لهم فنص ليل ..هدا حال آية وحدها !! كاين كثير من الشباب متحمسين يستقرو وحدهم بل من ضمن احلامهم !! لكن الكواليس جد محزنة
آية : ( تتشوف ساهية فهاتفها تيرن ) بدينا عاوتااني
_ علاقتها مع امها رجع تيجمعهم الهاتف فقط ، تربية الفرنسيس علمتها تعتامد على راسها و الفرق فتفكير لي رجع يتوضح فاالعلاقات خلاها تبعد ..بعد عدة مكالمات جاوبات
آية : الو
الام : علاش ماتتجاوبيش ؟
اية : ( حطت يديها على حنكها ) بغيييت !
الام : ياكي يا آية ؟! هادي هي ماماك لي ضربت تمارة عليك فالمغرب ؟ هادي هي ماماك لي جابتك لفرنسا تعيشك احسن عيشة !!!
آية : ( بنظرات باردة و حدة ) صبرتي على تمارة باش بابا يدخلك لايطاليا و دخلتي لفرنسا باش نتي تعيشي مزيان
الام : اياااه !؟ سرري آبنتي ، ولا تيحرشك باك ؟ راه تزوج فاخبارك ؟ ولات عندك ختك ، عندك ابنتي يلعب ليك بعقلك و تنزلي عندو لايطاليا راه باغي غير يفقصني بمراتو جديدة !!
اية : صمت
الام : مالكي سكتي ؟ جاتك النفس على اباك ؟ كن كنتي بنتي كن طلبتي من الدولة تعيشي معايا ولا انا نجي نعيش معاك و نخدمو بجوج و نفقصوه و نخليوه يمرض
آية : ( مسحت دمعة طاحت لها بصمت ) ماتعاوديش تعيطي ليا ، ( بكلمات متقطعة ) ماااا تعااااوديش تعيطي ليااا ، كن كنت بنتك ماتقوليش ليا نخلي قرايتي و نخدم فالميناج!!
_ضربت داك التلفون حتى شاشة تشقت ! شدات فراسها بآنين ، آنين الاستغلال لي تتحسو مع امها ، آنين اليتم لي تيحاوطها من كل اتجاه …
جلست لأرض حاضنة ساقيها تتشوف فالشقة ، مزال لازمها اشياء كثيرة ، والمصروف ماكافيش ، اسهل حل لقاتو هو تنوض تنعس لانها الا زادت شوية في التفكر تصاب بانهيار عصبي
آية : ( بداريجة مهرسة ودموع فعيونها ) ياااا ربي عاااووني ..
****مساءا بقصر قادر
ريان : ( جالس على ظهرو ) papa فيييق papa
جونيور : ( تيجر يديه ) آلي papaa نووض
سيدح : ( عقد حواجبو بعصبية ) راااني فايييق ( دار تاطاح ريان ) فين التلفون ديالي
ريان : ( هزو جونيور ) papa لعبو كرة
سيدح : ( ساد عين وحال عين مع تلفون ) آووو الثمنية !؟ شمن كرة فهاد ليل ؟؟
ريان : ( تيجرو تاهبط ليه سروال ) papa آلييي
_تقريبا عدد الغرف فالقصر مايقارب تسع غرف ! و سيدح ماتيعجبو ينعس غير فصالون الكبير ، ريان من جهة وجونيور من جهة خارجين لجهة الخلفية للقصر مكان مخصص للعب الكرة ، صراخهم و ضحكاتهم ماليين المكان
ريان : ( تيجري بالكرة ) كوووول
جونيور : ( طاح تبكي ) يدددي ااااي يدي
سيدح : ( شدو من رجلو قلب ليه راسو لتحت) ارا نشوووف
جونيور : ( تيموووت بضحك ) وااااحطني ..حطني
ريان : ( تيتهز قدامو ) دير ليا بحاالو papa…
_كارين : ( جاية تتجري ) ويلي ويلي تقلب لهم مخهم
سيدح : ( نزلهم ) شديهم انا طالع ندوش
كارين : ( هزات ريان ) تيو تيسول فيك!!
سيدح : ( وقف فمكانو ) دخلي جيبي ليا سوارت طموبيل سيلتوبلي
كارين : ( هزت صبعها بنفي ) مااانقدرش ! دخل انت هزهم
سيدح : ( شير لريان براسو ) فييان ! ريااان فيان ..
_شدو من رقبتو تيوصيه شنو يجيب ليه و ريان تيهزز فراسو بفهم ، كارين دخلت جونيور هو واقف منتظر ريان ، متجنب رؤية تيو ! فبالو فقط آية لي خلاها من لبارح بلا مايكملو حديثهم
ريان : ( تيجري عندو ) papaaaa
_سيدح : ( شد منو ساروت ) برااافووو
ريان : ( دار تيشير لتيتو ) طون طون لي عطاه ليا
سيدح : ( قبل ولدو ) سير دخل البطل سير
_ تيتو داير يديه للوراء منتظر ريان يدخل .. عاد خاطبو
تيتو : فين سالت ؟
سيدح : خارج
تيتو : اه اوك !! فوقاش ناوي ترجع لونطخينمون ؟ تبقى متبع ليا البنات ؟
سيدح : شمن بنات ؟ لكوتش راه لاسومين بخوشين نبدا معاه !!!
تيتو : تيو تيسول فيك !! رجع سينتا لور شوية وعرف راك تتمشي من جديد فواحد الطريق لي مقودة
سيدح : ( هز يديه بعصبية ) بيتاااان دوميييغد ! سي بووون لونطريمون انبداها ، طريق لمقودة راه تنقاد فيها اون بليس حيااتي هادي
تيتو : حياااتك شد لها طيارة ديريكت لوس آنجلس و عيش كماا بغيتي ، نهار لول تبريت فيك ، راك عاايش مع عااائلة ، اولاادك اصاااحبي تيشوفوك بصدفة و النعاااس ابنادم ماتتنعس فبيت بحال الناس
سيدح : ( تيهزز فراسو ) صافي انولي نعس فالبيت و نبقى نشوف ولادي بلا صدفة ، سي بون ؟
تيتو : ( مشى سامح فيه ) سير اتقااااود من عندي
سيدح : من لول ديرها !
_تيتو قوة الهضرة تتضرو فراسو و سيدح ماتيضرو لا هضرة لا جوج ! ركب السيارة طالق موسيقى تيصفي دماغو شاد طريق لعندها و فنفس الوقت حول اتصال لصابرينة يطمن عليها
سيدح : الو
صابرينة : ( بصوت متعب ) وي بيبي
سيدح : الوغ صافا ؟ طخانكيل
صابرينة : ( بالم ) نوو باا ديتوو بيبي !! اتجي عندي ؟
سيدح : احمم !! بوطيطخ دومان ، ارتاحي و شربي دواك
صابرينة : ( بحزن ) آي ميسيووو بيب !! اي ميسيووو سوو ماتش
سيدح : ( وقف امام العمارة منزل راسو تيطل ) صابرينة نخليك اوك ؟ غدا نكون عندك
صابرينة : اوك بيييب
_نزل من السيارة هاز تلفونو وجاكيط فيديه طالع العمارة فدروج حتى وصل شقتها بدا يدق يدق ولكن لامن مجيب
سيدح : ااااية ( تيدق ) ااااية
_فلحظة تفتح الباب غير شافتو بغات تسدو هو يطاكييه
سيدح : اااااييييه هيييه ، ااااية حلي الباب
اية : ( تتحاول تدفع لكن قوي عليها هيا طلق من الباب دخلت ) صمت
سيدح : ( دخل وسد الباب ) كيسطا ؟
اية : ماشي سوووقك مالي !! ( جلست فالفوطوي ) صمت
سيدح : ( جلس جنبها ) تعشيتي ؟
اية : ( قربت تسخف من برودة دمو ) صمت
سيدح : تي غيبون با ؟!
_وقف مخليها مكتفية بنظر ! دخل للمطبخ وبدا يفتح فثلاجة لقاها فيها حليب و الخبز و البلاكارات فارغين ، بخطواتو دخل غرفة نومها لقى فيها بلاكار فالحيط فيه ملابسها و بدون سرير و خرج عندها جلس جنب تيشوف فالشقة كل الاثاث لي فيها هو هداك الفوطوي جالسين عليه
سيدح : ( بصوت هادئ وحنون ) نخرجو نتعشاو ؟
اية : ( عينيها عمرو بدموع ) بليييز سير بحالك
سيدح : فين باغاني نمشي و نخليك ونتي فلاميرد ؟ منين تعيشي هاكا علاش كيطيتي لافامي داكوي ؟
اية : ( شدت راسها منهارة ) بغيت
سيدح : ( هز حواجبو بتساؤل ) بغيت نفهم ؟! سيلتوبلي شنو واااقع ؟؟
_ مثل بركان هائج تيرمي حمم بركانية هكدا كانت دموعها و كلماتها تترمى شديدة الحرارة وقفت مواجهاه تتخرج كل ماتيضرها
آية : باغسخووو طلعت ليااا هاد الحيااة فراسي و قلت خليني نكمل لي باااقي !! شنوو ذنبي والديا يكونو آستغلالييين ؟ شنووو ذنبي ندوز من داااكشي لي دزت منو ؟ ( اشارت ليه ) انت اكثر واااحد آذاني وخرج عليااا ، علااش جاي تقلب عليا ؟ شنووو بااااغي مني ؟؟ تشوفني عاايشة فلااميرد ؟ هااانااا ، هااا الدار لي عطاوني مافيها حتى علامن نعس ، هاااا لفريكو لي لقيت مافيه حتى عشا ليلة ، بردتي ؟ ولا مزااال
سيدح : ( مخنزر فيها تيسمع ) كملتي ؟
اية : ( هزت راسها تتمسح دموعها ) بليييز سيدح ، الا غير انا وياااك ماكاين مايجمعنا ، ماضينا كحل ، انا على شوية و ندوز الحبس و تسحب مني الجنسية وانت كنتي اتموت ، يااااك مشيتي بديتي حياااتك فلوس آنجلس ورجعتي بوكسور و مصاحب الوغ بعد مني
سيدح : ( فتح فمو بدهشة ) كنتي متبعة اخباري ؟
اية : كنتي تظن انقدر نساك ؟ مااانسيتكش ولا نسيت اش دوزنا عطيتني درس ، ولافامي داكوي ختاريتهم باش يحموني من واليديا و ختاريت نعيش بوحدي لانهم عمرهم يعاملوني بحال بنتهم ..
سيدح : اسمعيني حتى انا !؟ سمعيني كما سمعتك
اية : ولو نسمعك !! ولو تكون عمرك نسيتي ، المهم هو انااا رافضاااك و رافضة الماضي لي تيجمعني بيك ولا حتى الحاضر لي باغي انت تكون فيييه
_للحظة لي تتحس نفسك وحييد ، للحظة لي تتحس بنفسك منفي فجزيرة وحدك و تتقاوم للعيش ، يقدر الانسان يقلل من مأساتها ويقول غير يعطوني الدار وديك الخلصة يلعن بو هاد واليديا ولافامي داكوي ! لكن الكلام ساهل او ربما المحيط المغربي مع المحيط اوروبي كاين هناك فرقات كثيرة !! وقف شادها محاولة منو يهدأها لكن كل مرة حركاتو تيصدموها دفعاتو مستغربة
اية : واش راسك فيه شي مشكل ؟
سيدح : راسي مافيه والو !! انا هاكا داير ، تجلسي تهضري حتى الصباح و العام جاي و العام لي وراه ، ماااغاديش نتفارق معاك ونتي فهاد الحالة ، ميم تجري عليا من للباب ندخل من شرجم ، الوووغ ماعنديش مشكل تعايري فيا ولا تبكي ولا ضحكي خودي راحتك
اية : شنو تاتتقصد بهاد الحالة ؟ الا كنت احسن يرتاح خاطرك ؟
سيدح : ( هز كتافو بعدم معرفة ) جوسي بااا ، جو سي باا ديتو ، باغي نكون معاك و نهضر معاك و نعاود ليك ، يقدر هاد للحظة العالم يآذيك مي انااا جوسوي سييييغ اي سيخطااان منآذيكش ، ( قرب لها بخطوات تيمشط شعرها ) خليني معاك اوك ؟
اية : ( بنظرات شك ) سيدح مادوزتش معاك عام ولا عامين !! ولكن دوزت معاك لي نقدر نشوفو حيااتي كاملة ، عارفاك عشاق ملال وانا مانقصنيش مشاكل
سيدح : ديريني واحد من لاافامي
اية : ماتكذبش على راسك اسيدح
سيدح : مااتنكذبش ! طاميغ سي ماكوزين
اية : ( بنظرة دهشة ) كواااا !؟
سيدح : وي سي فغي ! انا سميتي سيدي احمد الرماش ، جدك سي لو فغيغ دو papa
اية : ( تتكرر الاسم ) ال ر ماااش !!! ( شدت فمها تتفكر ) آمبوووسيبل
سيدح : سي فغي ! ماما قالت ليا هادشي ، فلونكيك لي شدوك بوليس ، تما طلعو ضوسي ديال لافامي ديالك و ديالنا ، الوغ تما تعرفت القضية
_آية جلست تتفكر و ترد السينتة ! كانت تاتسمع بان لجدها اخ ميت وكان فرنسا و ان عند امها ولاد عمها فالخاريج لكن عمرها ظنت يكون سيدح واحد منهم !! صرطت ريقها تتخمم وتنهدت بقوة
اية : شتي من صدقتي من هاديك لافامي دوميغد اسير بحالك جوج مرااات
سيدح : اه سي فغي ؟! عاودي ليا عليهم
اية : ماعشتش معاهم ، وماما لي تتقول عليها طاكوزين راه لعربون باين ، ماتتحنش فيا
سيدح : ( غمض عينو تيحرك راسو بتأثير مصطنع ) دومااااج ! ( هز لها خصلة من شعرها ) نخرجو نتعشاو ؟! اماا كوززين …
اية : مانخرجش
سيدح : عطيني ساروت لاباخطمون
اية : علاش ؟
سيدح : نجيب العشا ورجع ، باش ماتسديش الباب عليااا ..
آية : ( بشدة تعب التزمت صمت ) صمت …
سيدح : سي بون نقلب عليهم راسي …
_قبل ماينزل من للسيارة جبد بزطامو تيتاكد من كارط كيشي ، لان في فرنسا التعامل بالاوراق النقدية قليل ، الكل تيخلص بلاكارط ، دخل سوبير ماركت جار شاريو امامو وتيدور فالأروقة ، ماعارف منين يبدا و لا فين يسالي
سيدح : ( حرك راسو بتساؤل ) اش تتبغي تاكل ؟ شنو تتبغي تشرب ؟
_حالة من الحيرة ! رويدا رويدا بدا يعرف يفكر ولي بانت ليه يهزها ، اي حاجة تنفع فالمطبخ أو للأكل هزها ، يكمل رواق ويدوز لاخر مرورا باللحوم و المشروباات حتى شاريو دار البلان وداز لاكيس منتظر دورو ، هكدا خلص و خرج جار شاريو حتى للسيارة دار كولشي فالكوفر متجه لماكدونالد ياخد العشا حتى رن هاتفو
سيدح : وي روزا
روزا : فين راك !؟ علاش تيتو طلع صاعر؟؟
سيدح : سي غيااان روزا ! هضر ليا على لونطخينمون ، جو سي با اوكوا شي احد تيوصل ليه اخباري كاليه كنت مع صابرينة و آية او ميم جوغ
روزا : (بملل)سي بون ! سي طيزافيغ سيدح
سيدح : جو سي روزا ! مي تيتو تيوصل حتى لعندي و يوصل ليا مساج كما بغى!!
روزا : براكة من الدراما ! ميم يهضر معاك بشوية لي فراسك تديرو ، بون تشاو
سيدح : تشاو تشاو ..
_ كما قالت روزا ، لي فراسو فراسو ، وصل العمارة و بدا ينزل فصيكان و يدخل العمارة مرارا و تكرارا حتى كمل كولشي عاد نزل لعشا طلعو و سد الباب جالس تحت رجليها بهدوء تيشوف فيها ببؤس و حزن ومد يديه يفيقها
سيدح : آاااية ! ( تحركها برفق ) ااااية
اية : ( تتحس بعظامها ضارينها ) خليني نعس
سيدح : نوضي كولي ورجعي نعسي
_ فتحت عينيها تتشوف ف الفراغ و رائحة الاكل شهاتها و جوع حركها ، جلست تترجع شعرها لور و تتحك عينيها تتحاول تفيق و تتشوف فيه تيقرب لها لموني ديالها
اية : ( هزت سندويش ) ميغسي
سيدح : ( حرك راسو بسلب ) با دوكوا
_ تشاركو العشا بصمت ، لاتلفاز يونس ولا حوار يتلف ، فقط صوت حركاتهم
اية : ( مسحت يديها وقفت تتجمع عاد لاحظت تقضية ) صمت
سيدح : ( واقف ورائها داخل لمطبخ ) ماعرفتش شنو تتبغي ، سي بوغ صا خديت لي لقيت قدامي ، ديري كولشي فالفريكو
اية : ( هززت راسها بقبول ) داكوغ ، ميغسي
_ رجع جالس فوق الفوطي شاد تلفون طالع نازل و هي تترتب كل حاجة مكانها ، و عقلها تيفكر فكل الجهات ، ها الامتحانات ، ها الدار ناقصها الفراش ، صاحبها تفارق معاها ، مكالمة امها ركبت فيها الاعصاب و أخيرا همها الجديد مفاجئة الماضي لي لا كانت على بال او خاطر او ممكن نقولوا اللصقة لي تبلات بيها !!!
اية : ( شدت فراسها بتعب نظرها مشى ليه ) ياربي نكون تنحلم ياااربي
_ غسلت يديها وخرجت تتمسحها وقفت امامو مخاطبها برود
اية : ماتمشيش بحالك !!؟
سيدح : ( قلب شفتو تحتية ) نو
اية : هانت بقيتي فين تنعس ؟ ( اشارت لفوطوي ) فوطوي واحد لي عندي
سيدح : نعسي فيه انتي ! انا نبقى حداك
_وصلت للاخر معاه ! دخلت غرفة نومها لبست بيجامة و غسلت سنانها فالحمام و خرجت نعست فالفوطوي بدون كلام و لا مجادلة ، يلاه بداات تغمض و هي تسمع صوتو لي تتميزو بين الملايين و فتحت عيونها تترمش
سيدح : دازت دو زوون إي بليس !! هد المدة كلها كنت تنفكر فيك ليل و نهار ، من بعد ما خرجت من لوبيطال و تيو اكد ليا انك بخير و دوك لي كخيمينال تشدو خاطري ارتاح !!
آية : ( غمضت عيونها بالم ) صمت
سيدح : مزال تنتفكر الليام لي دوزنا ، مزال ماممصدقش كفاش نقزنا ديك لاميغد لي كنا غارقين فيه !! بووون ، دازت ، مي دازو معاها بوكو دافيغ لي خلاونا نتفرقو !! ( بحسرة ) قبل منها خويا الكبير تيتو تشد فالحبس ، درنا لكيرا مع لاكاختيي كونطخ لابوليس ، كان عندي ديجا انذار من لوجيج و فيها فاش تشديت فالحبس و لعبو ليا بعقلي
اية : ( بصوت تنهيدة ) صمت
سيدح : بزاف نصحوني !! بزااف قالو ليا راك غير تتخربق ، مي ماسمعتش ، دابزت مع روزا ، روزا لي كنا تنتشاركو انا وياها لوكسجين و من موراها تخربق كولشي ورجعت تنحس براسي تنخربق ، اللحظة لي بديت نفيق و بغيت نقذ لي بقى !!!كنت نموت ، و اللحظة لي سديت عليك فالحمام كنت قاصد نقدك و نمشي لكاختيي دونوغ نشوف لي يعاوني
اية : ( تتمسح دموعها ) صمت
سيدح : آبخي دي جوغ فقت من لكوما و ابخي كان كولشي مزال مخربق ، ولافامي قررو يصيفطوني اما العسكر ولا نبدا سبور ، ختاريت سبور وختاريت لوس انجلس ، وشرط باش رجع هو نربح بخوميي كومبا ( ميل راسو تيشوف فيها ) لي دغنيغ موا قربت نهبل وانا تنفكر فيك سولت و قلبت ماقدرتش نوصل ليك ..ماقصدتش نآذيك ، حتى انا تغربت و بعدت على اولادي و لافامي ، دوزت دي جوغ نواغ مي صبرت باش رجع لييك
اية : ( بصوت منخصص بدموع ) صمت
_قرب لها ماد يديه لرأسها تيمرر يديه على شعرها مواسيها وهيا ماتتزيد تنخصص
سيدح : ششش ! ماتبكيش سيلتوبلي
اية : ( نزلت راسها رافضة يشوفها و ملتزمة الصمت )
سيدح : تي سي !؟ الوقت لي رجعت وجلست مع لافامي و قاديت الامور لي مخربقاني ، شفت ولادي و جلست مع الواليدة و تلاقيت مع خويا و تصالحت مع روزا ، سولت عليك الواليدة لان كنت عارف المحامي ديال تيو وقف معاك ؛ مي كانت لاكغوند سيغبخيز انك من لافامي ، من واحد لافامي شاد منها غير السمية لان الواليدة تتكرهم
اية : ( بنظرة خاطفة فيه ) شنو دارو لها ؟
سيدح : ( حرك راسو بعدم قناعة ) لومومون لي وقع فيه هاد الحادث لي خلا ماما تكرهم كانت حاملة بيا و ماريا آن بيبي دو دوزن جوكخوا ، اباغ تيتو خويا لي كان عاقل ، لي عارف انهم هربو من المغرب باغسكو لامامان ديال papa بغات تحرق لها الاوراق و تزوجها لو فغيغ دو papa
اية : ( بمرارة و يأس ) عندهم تاريخ مع اوروبا !! انا لي عارفة بلي هاد جدتي ماتت ، و جدي مابقاش فعلاقة مع اخوتو دابزو على لورث
سيدح : ماتيهموناش ! ليس طومبي ، انا هاكا داير الناس لي خارج حساباتي ماتيهمونيش
اية : جيسبيغ تزيدني معاهم
سيدح : ( شد فيديها بقوة ) محتاجاني و ميم موا محتاجك
اية : ( جرت يديها ) ماتكذبش على راسك ، انت عندك عائلة و رجعتو تجمعتو اكثر من اول ، كلامك كولو فيه خويا و روزا و اولادي ! اون بليس رجع عندك مستقبل مستقر مامحتاجني فوالو
سيدح : ( هز حواجبو متنهد ) غوكاغد آية !! بوطيطخ انا من الناس لي ماتيعرفش ياخد و يجيب فالهضرة ، مولف ندير لي عجبني و لي قالي راسي ، ماتنتسوقش لبشار ! ماشي تكبر ولا شايف راسي مي منين عقلت على راسي وانا هكدا ، مي حاجة وحدة متأكد منها ان الناس لي تيعنيو ليا فحياتي و باااغيهم !؟ ( رمقها بنظرة جدية ) هما الناس لي شافوني تنبكي و نضحك و نعتذر و نبرر لهم
اية : آمبوووسيبل سيدح نعاودو نفس الغلطة
سيدح : آمبوسيبل ماتنعرفهاش ، نتي ماشي اختي ولا عدوتي !! هاد الهضرة قلتها لمافامي هوما تيقولو ليا اش بغيتي بآية تتسول فيها وبلي نتي صدقتي من لافامي دو papa لي الواليدة تتكرهم ، جاوبتهم جواب واحد ، آية وخ يكون باك قاتل آبا ! جومونفو
اية: ( سهات تتفكر ) من حق مماك تكرهم !!
سيدح : الوغ اشاك فوا ماتقوليش ليا ! سير بحالك ولا نبعد منك ، مابغيتي يكون بينا والو !؟ جو سوي داكوغ مي حسبيني آن آمي او بيان دولافامي
اية : ( شدات راسها ) يكون خير
سيدح : ( وقف ) جاوبيني فتلفون ! غدا ندوز عندك ناخدو فراش للدار ( جبد بزطام حط لها كارط كيشي ) فوالا ماكاخط لكود هو 1993
اية : ( فتحت فمها بصدمة ) مااابغيت والووو
سيدح : ( قلب عينيه بعدم تصديق ) عمر شي وحدة شدت مني اورو ! كنت تنسمع الناس تيصرفو على صحاباتهم و ماتدخلش ليا الراس ، اليوم فهمت بلي لفلوس ولا المساعدة تاتجي من لخاطر و من لمعزة ( هز تلفونو ) بون نوي
اية : ( بصدمة ) بب …و نوي
_اغلق الباب خارج يركب فالسيارة ، هدا هو سيدح بللقبو المختصر ، هدا هو داخلو لجوهري لي ماقدرت تلمسو حتى انثى قبل…فقط روزا ولكن كانت علاقة اخوية ، كان حنين و حاجتو حاجتها تمرض يكون معاها ، تفرح يكون معاها ، لكن عبر علاقة حب ولا انثى قدرت توصل معاه للقلبو لباطني ، كان لاي وحدة تيقول لها تنبغيك و نتي امرأة حياتي ببساطة كان تيردد فقط شنو بغاو هما يسمعوه ، اما لي باغيه هو ولي باغي يقولو هو !؟ قالو بلحرف لواحد لآية بدون تفكير او كبرياء !! قالها هدا هو سيدح ، بارد و سخون كشخصية غير مبالي و مهتم مع لي بغى ، فرش اوراقو ليها بسبب طلبها للرحيلو و من لآخير عطاها جواب صريح بالعامية
بعد مرور اسبوع ..
_بعض الاحيان حياتنا تتمر منها سنين و سنين تتحس براسك مزال فمكانك ، لا جديد يذكر فقط روتين يعاد ، و بعض الاحيان ممكن ايام قليلة او ساعات تعطيك حياة جديدة و احسايس كدالك ، بمدة قصيرة اعتادو على بعض ، فمدة قصيرة بدات ابتسامتهم تتظهر على محياهم و هواتفهم لاتفارقهم …بمارسيليا الرابعة بعد الزوال جالسة بمقهى مع زملائها فالعمل مثل العادة تيتناقشو و يتحاورو حتى رن هاتفها
ماريا : ( وقف ) سمحولي نجاوب على مكالمة
_كانت مقهى صاخبة بصوت الموسيقى و مليئة بالناس مع فتحت مكالمة التقط ضجيج اولا
سند : الو !
ماريا : وي تاتسمعني مزيان !؟
سند : ( ركب فطموبيلتو حابس عن حركة مركز معاها ) خرجتي من الخدمة ؟
ماريا : وي شي نص ساعة باش خرجت ، و انت ؟!
سند : عاد خرجت دبا ! فين راكي شنو هاد صداع ؟
ماريا : فكافي !! نخليك تااتوصل الدار و نتواصلو
سند : ( عوج لسانو فمو بعدم اعجاب ) عيطت ليك باش نهضر معاك ، اتخليني ؟
ماريا : ( بنبرة أسف ) ماقصدتش !! اوك انا نعتذر منهم
_سند : خليني معاك ماتقطعيش
ماريا : اوك
_الرجل المغربي فاش تيبغي يستولي على الأنثى يخدم جميع اساليب ، تيعطي هتمام بزاف ، يتصل بزاااف ، و يتكلم بزاااف و يسمعك بزاااف ، باقي معاها على الخط وهيا تتعتذر من زملائها و تودعهم و كدالك باقي معاها وهيا تتخلص فلاكيس قهوتها وهكدا تيزيد يتعرف على يومياتها و تفكيرها ، مثلا فالغمرب عدنا تكون مقهوي مع صحابك غالبا واحد يتلصق ليه منتيف و يخلص وهكدا دور على اصدقاء ..
ماريا : فوالا جوسي الافوااتيغ ، ندير هوت باغلوغ ، سي نو يشدوني لابوليس
سند : شمن نوع طموبيل عندك
ماريا : رونو طخواسون سات ، فلوغوج
سند : الحمرا ديال العيللات
ماريا : ( متبهة للطريق ) ميم تكون غوز ! سيدح عندنا فلافامي تيصوك كولشي
سند : ( دور وجهو تيضحك ) هبيل هداك عندكم ، فاخبارك اتصل بيا وقالي وجد جوج جوج من الحاجة
ماريا : ( بدهشة ) سي بااافغي !!
سند : غير تيضحك ، ونتي الا وجدنا لك جوج من الحاجة تقبلي بينا ؟
ماريا : ماعرفتش شنو هيا هاد جوج جوج من لاشوز ؟
سند : ماغياج ماغوكان ، الجهاز ديال لعروسة
ماريا : بون لافيغيتي !! ( بصوت اصدرتو بشفايفها ) مافكرتش ، ديجا فكرة زواج ماكنتش فبالي
سند : علاش ؟ ماكانش عندك دي غولاسيون قبل ؟
ماريا : ( وقفت فسطوب وشافت فالهاتف بسهو تاسمعت صوتو ) نو ماكانش عندي دي غولاسيون …( تتبحث عن كلمة مناسبة ) غولاسيون نفكر بيهم للزواج ، كان تعارف وفاخر تلهيت مع الخدمة
سند : انا بلا مانعاود ليك راكي عارفة كولشي !
ماريا : وي جوسي !
سند : نتي كونطخ خوتك ؟
ماريا : فوالا !! ميم تيتو صافي ديزاني مع روزا ودبا علاقتهم اوفيسيل و سيدح كارثة هداك ، مي صافا ، دبا تبدل شوية
سند : ضروري بنادم تيتبدل ! ( وصل الدار تيتفتح الباب ) انا وصلت
ماريا : ( تتنهد مع سطوب اخر ) انا مزااال !
سند : انا معك حتى توصلي !
_هكدا بدات تتقرب العلاقة ! من مكالمة للمكالمة و من مساج للمساج ، ولو ماريا هادئة و قليلة الكلام سند تيعرف يحاورها و يخليها تجاوب معاه ، سؤال لي طرح عليها بقات تتفكر فيه ، تتفكر فيه من للحظة لي طرحو عليها حتى الليل وهيا فغرفتها و روزا جنبها مع ميلا شادين لي لي تيصابو لها ضفيرات لشعرها
روزا : ( بصوت طفولي ) شكون لابخانسيس ؟
لي لي : ( بخجل ) مواااا
ميلا : ( سمعت صوت جونيور تيصرخ ) فوالا لاكيغ تنوض
ماريا : انا نعاون روزا سيري شوفيه
ميلا : ميغسي
_بهدوء شديد تتضفر لشعر لي لي و ساهية لدرجة روزا تكلمت معاها ماجاوباتش
روزا : ايهوووو !! مااااري
ماريا : ( فتحت فمها ) وووي
روزا : طخانكيل او با ؟
ماريا : ( وجها كتاسب حمرة شديدة تتعلثم ) اممم …اننن
روزا : ( حققت فيها الشوفة ) وافقتي على سند ؟ سي بون بوغ لوماغياج ؟
ماريا : ( حطت يديها على حناكها بقوة الحرارة تتبردهم وضحك ) تتقراي الافكار ؟
روزا : نو ! مي ( آشارت لوجها ) راكي بحال شي مراهقة اول مرة طيح فلاموغ
ماريا : سي فغي سي لابخومييغ فوا نحس بهادشي الواقعي مع انسان واقعي ماشي خيال ..
روزا : ( رمشت بحزن و قربت منها حضناتها بحب ) إلفوو كو تي أوبليي لوباسي(خصك تنساي الماضي) ، دنيا عطاتك فرحة و آموغ جديد و سند واحد الشخص جونتي و تنظن !(ستدركت التعبير) نو تنتمنى تعيشو حياة سعيدة
ماريا : ( جمعت شفايفها متأثرة ) ميغسي ! خاصني نجاوبو دبا ؟!
روزا : بيان سيغ ! رسلي ليه مساج
ماريا : نرسل ليه إين غوب دوماغياج ؟ او بيان خاتم ؟ شي حاجة تتعني بلي موافقة على زواج!!
روزا : هو لي خاصو يصيفطهم ليك ، هو لي طالب يتزوجك ..
ماريا : ميم موا باغااه ! الوغ كما رسلت انا كما رسل هو ، فين الفرق ؟!
روزا شافت فيها وسكتت ، مافيها لي يشرح لها عقلية العرب ، وفنفس الوقت خافت توترها ، قررت تشجعها وتصمت
روزا : سي فغي ! فازي اونفوا لوميساج
_جلست شادة التلفون تتبحث فيه و تقلب ، و روزا مع لي لي تتمشط لها ، فرق العقليات تيتوضح فالقرارات و الفكرة الأولى لماريا او للجالية غالبا أن الزواج هو الحب اولا و التفاهم تانيا ، ليس مثل عقلية اولاد البلاد ان الزواج هو الحياة او انه هو الحلم , وهنا تنلاحظو انها عطات موافقة بعد تفكير بدون ضغوظ او توتر ، لانها لمست فيه شخص ممكن تكون معاه علاقة زوجية و سطرو على ممكن لان دوام الحال من المحال ولهدا تنشوفو الغرب تيتزوجو و يطلقو عادي بدون ذل ولا تشبت بطرف اخر تنشوفو فيه الحياة ..
ماريا : ( رسلت مساج فيه خاتم وعليه كلمة ( نعم ) : صمت
روزا : ( تتشوف فيها وضحك مع لي لي ) خاصني نشري ليك إين غوب دوماغياااج
ماريا : ( بقوة التوتر مزيرة على التلفون تتشوف المساج و هي تقفز ) اوووه !! شاف المساج
روزا : ( ضحكاتها ) ههههه اااغيييط ماريا
ماريا : ( بملامح الدهشة و الخجل ) تيكتب تيكتب
_وقفت بتلفون منتظرة شنو يطلع و روزا وقفت جنبها بفضول لحظات وصلها مساج فيه لبسة العرس بيضاء وكاتب لها بالفرنسية
سند : نكون اسعد واحد …
روزا : ( بصوت عالي كتنقز ) آلييييي سند ااالي
ماريا : ( بفرحة عارمة وإبتسامة ضوات وجها ) اوووه فرحت بزاااف
روزا : ( عنقاتها تتبارك لها ) اوووه ماشيغي تلبس لاغووب بلونش
ماريا : البس ( بداريجة مهرسة ) تاااكشيطة البس انا ..
_الخبر ذاع فالعائلة و كثرة الاتصالات و التمنيات ، ماريا تزوج سند و سند يتزوج ماريا ، و فرحة العائلة كانت كبيرة بالابتسامة لمرسومة على محيى ماريا , وبشرى اكثر
بشرى : حمدتك آربي و شكرتك
بخثة : الله يبارك ليهم ، اول زواج فلافامي نفرحو بيه و يكون بالقاعدة
كارين : مي ايون سومين وصلو للزواج ؟
بخثة : زواج الحلال يسر فيه الله ، راه ليكزومبل د روزا و تيتو سنين و هما مع بعض و مزال يفكرو واش يتزوجو ؟؟
بشرى : (بتنهيدة)نقولو هادوك لبعضياتهم و سيدهم سيدح !!!
كارين : ( بعدم اعجاب ) هداك ماعندو زهر معكم ، راه مون شيغي هلكوه فلانترينمون
بشرى : يبعد ليا انا غ من التريكة الناقصة ويدير لي بغى
بخثة : الله يهديك ا بشرى ! البنت بعيدة كل لبعد على الماضي
بشرى : ( بصوت تتميق ) خليوني هاد الساعة نشوف ماريا و زواجها ، سيدح كي دخلت كي مادخلتش لي فراسو ايديرو
كارين : ( بنبرة حزينة و مدلية شتيفاتها) ماتتحسوش بيه ، سيدح وي دار ديفوط ولكن هو للداخل ديالو ابيض
بشرى : ( بالخاطر هازا لها هبالها ) وي ! سي صااا كارين ضالمينو
_الوقت لي تيتكلمو عليه هو كان فسيارة امام مدرسة ريان و جونيور منتظر خروجهم لان الاسبوع لي مر كان عندو ملئ بالتدريبات ، للحظات خرجو تيجريو عندو بفرح متسابقين و بعض الاباء تينظرو لهم بفرح ، لان مثل هاد المنظر متعودين يشوفوه ، طفل نشيط و فرح ،و آباء مسؤولين و حنونين و عكس هاد المناظر فانت مهدد من طرف الدولة مثلما تيسرد ريان احدى المناظر
ريان : ( جالس فكرسيه بحزام السلامة ) papa عرفتي ميغان ماماها ممنوع تجيبها ليكول
سيدح : ( مركز مع الطريق ) سي فغي ؟
جونيور : ( كدالك بحزام السلامة وكرسي مخصص له ) سي بااا فغي ههههه
ريان : سي ! سي فغي papa , إي باغسكو ( تيهضر و يرتاح ) باغسكو ماماها جابتها ليكول ( تيحسب باصابعو ) دو فواا ! دوفوااا بلابيجاما
سيدح : ميغان جات بلبيجاما ؟
ريان : ماماها !! اي سي آنطيغدي
سيدح : ااه وي ! فوالا سي آنطيغدي
ريان : وي papa
جونيور : papa نمشيو لماكدو ؟
سيدح : ( تيحرك راسو ) وووي !
جونيور : ميغسي pApa
_قاعدة التربية عندهم تيسمعو لأولادهم ! تيناقشو مع اولادهم ، تيلبيو مطالب ولادهم و فالمقابل لازم الولاد يسمعو لآبائهم و يآديو لواجب ولو يكون عبر كلمة = اجلس او اصمت …تنشوفو اولاد الغرب مهذبين و كلمة ميغسي او سيلفوبلي لاتفارق كلامهم اليومي لان ببساطة هادوك القواعد من البيت للمدرسة …
دخلو لماكدو تيجريو و يلعبو ماكاينش شكون يقولهم لا هداو ولا رصاو ، طلب لهم الاكل و هو شاد التلفون مرة يركز معاهم مرة مع التلفون حتى جاوباتو فمساج لي رسل لها الصباح
آية : 📨: جيب ليا سوارت الدار
_فالبلاصة حول لها اتصال ، لانه الفراش وصل الصباح و خلات ليه سوارت الدار باش يفتح للعمال يركبو لها السرير و باقي الأفرشة
سيدح : وي ! خرجتي من لافاك ؟
آية : راني فطريق للدار
سيدح : ( شاف فساعة ) دوزي لماكدونالد لي اونفاص *** راني تما مع ليزونفو
اية : ( حطت يديها على فمها تتوجع ) سييييدح ، جيب ليا سوووارت
سيدح : كيسطا ؟
اية : جي مي غيكل ولوجع فيا تيقطع ، جيب ليا سوارت
سيدح : داكوغ جاغيييف ..( وقف ) الي نمشيو
جونيور : بغيت لبالون
ريان : بغيت لاكلاص
سيدح : ( عقد حواجبو ) هانا نبقى نغوت
ريان : ( قلب شفايفو ) جوفو ان كلااص pApa
سيدح : ( هزهم من قرفادتهم كي لقنية هما تيضحكو و يتركلوو ) الي زيدوووو
_بصعوبة ركبهم سيارة و الضجيج نايض ليه فراس ، ضرب دومي تور حتى وصل عندها لقاها واقفة وقف بالسيارة نازل عندها يعطيها السورات
سيدح : ( لمح وجها مزير وفمها بيض ) تي ملاض او كوا ؟
اية : ( تتزير على سنانها ) تنتقطع …
_كانت مزالة بمقر عملها تتقرا ملفات المهاجرين و مشاكلهم ، تارة زوج مظلوم و تارة زوجة مظلومة و تارة الاثنين …حتى رن هاتفها و كانت متأكدة من المتصل جاوبات بسرعة
ماريا : هاااي
سند : ( بنشاط ) صافا ؟
ماريا : وي ! خرجتي من لخدمة ؟
سند : وي ، راني فلافاج خليت طموبيل تغسل وجالس شاد قهوة
ماريا : سي بيان !! انا تنطريطي لي ضوسي باش نقرر فوقاش ناخد لكونجي نزل المغرب
سند : متصل بيك على هاد القضية ، اوسي نشد كونجي لوقت لي تجي المغرب ، وبغيت نقول لك ليديماغش ديال الزواج
ماريا : اممم ! هاد كونجي يكون ماغياج
سند : ( بحسرة ) ماااكرهتش هههه مي خاصنا القنصلية تقبل هادي اول خطوة
_ رفعت حواجبها بتفاجأ ، مثل اي اجنبي دو جنسية اجنبية او متعدد الجنسية مغربي و تيحمل جنسية اخرى تيعرف قوانين الزواج ، فالطبيعي مثل عدنا فبلادنا هو لي عندهم فبلادهم ، تتجمع وراقك و تقصد العدول وهوما غير بلاكارط و تقصد القصر البلدي ، لكن نهار اجنبي الا اجنبية تتزوج من ولد البلاد ولا بنت البلاد الدولة تتكرهم بمعنى الكلمة و لتبرير ذلك دولتنا تتقول تنحمي مواطني و البلد الأجنبي تيردد كدالك تنحمي مواطني
ماريا : الوغ ! معقد شوية هادشي ؟
سند : القانون هو هدا ! الوغ علميني بالكونجي باش نشوف مع القنصلية والاوراق لي تيحتاجو او واش لازمنا موعد ولا بلاش!!!
ماريا : امممم ( سكتت تتفكر ) لكونجي نقدر ناخدو من غدا ، مي خاصني نهضر مع تيو اوبليجي
سند : تيوو !؟
ماريا : وي عمو قادر ، فبلاصة papa
سند : ااه وي ، خودي وقتك و ردي عليا ، ولي بغى يجي معك مرحبا بيه
ماريا : ( بإبتسامة ) ميغسي ، ااه كولي ، انا نحتاج لشي وراق ؟
سند : انا نسول واحد صاحبي و نجاوبك ، مي نتي خدامة فهادشي ديال المهاجرين ماعندكش معرفة ؟
ماريا : نو ! خدمتي هيا نساعد الناس لي هنا و لي تيتعرضو للعنف او فوضعية غير قانونية فلافخونس ، وزارة الزواج و القنصلية اوطخ شوز ، اون بليس فلافخونس كولشي متبع القانون ، الوغ نزل المغرب نتبعو ليزيطاب
سند : وعليه ! انا نتصل مع صاحبي ونجاوبك
_فالبلاصة قطع المكالمة وحول مكالمة اخرى لمعرفة ديالو الدعو عصام لي على معرفة فهاد القضايا
سند : الو خويا زين لباس عليك ؟؟
عصام : المكناسي عاش من سمع صوتك ، كي داير صافا ؟
سند : و لله الحمد الله ينورك ، غير سمحلي اتصلت بيك على شي معلومات
عصام : مرحبا سند ، الخير تنديروه مع البراني
سند : الله يحفظك ! بنت خالتي ففرنسا ، اوا ربي كتب نصيب و ان شاء الله نتزوجو
عصام : اللهم بارك ! واش زواج زواج !؟
سند : الا صاحبي زواج اووو ( تيضحك ) راك فاهم
عصام : الله يسهل ! هانت عندها جنسية ؟
سند : وي خالقة تما
عصام : قضية ساهلة ، واراقها تبوثية وصافي الا مطلقة تتبث بطلاق ، ماسوقهمش هما لاواش خدامة ولا بدارها ولا دخلها الشهري بنت فرنسا مسهلين ليهم ! وراه حتى القنصلية لي فاس قسمو الشغل ، خلاو هادي لي فشاريع الرئيسي خاصة بتجمع العائلي و الزواج و صحاب الفيزات و بيرجمات و ناس قراية دارو لهم قنصلية جديدة ، خفاف عليهم شغل و بنادم تنظم و دخل بلا رونديفو
سند : الله يحفظك ، او انا اش نجمع !؟
عصام : طلاقك اخويا ترجمو و تمشي عند العدول ترجعو طلاق نهائي ، يعني ديفينيتفمون مع ليكس و باقي وثائق رسلهم ليك كولشي ترجمو
سند : وراه الطلاق مطلقين ؟
عصام : ولو تكون مطلق ، خاصك تأكدو بطلاق نهائي ، ماشي تزوج بنت فرنسا وغدا دير لطليقتك رجوع للزوجية ولا طعن فطلاق ! راه عاقو بقوالب العرب ..
سند : فهمتك ، هانت خويا زين ! نهار نوصل لتما و توصل لمدام نتصل بيك
عصام : مرحبا الله يسهل الامور
_قطع مع عصام تيتنهد و يحك فراسو المغاربة ماعندهم ما كره من ديك الإدارة و طلع و هبط ، وشوف واش تقاد وراقك ولا والو
سند : ( حول اتصال بيها ) الو
ماريا : وي سند !
سند : صافي شدي لكونجي فوق مابغيتي ..الامور مقادة ان شاء الله
_مساءا بالقصر
_مجمعين مع بعض من غير روزا و تيتو معاهم مامادو لي مسافرين لاسبانيا عند روزا عرض ازياء ، جالسة بشرى و كارين و بخثة امامهم ميلا و ولي لي فجلسة شاي بعد وجبة عشاء وسطهم جونيور و ريان واقفين واحد يهضر لاخر يسكت
ريان : نسا ليا مادوودو ( يرجع يعنق فلادودو ديالو و يبوسها ) مادودوو
جونيور : ( تيشرح بيديه ويهزهم ) اي ! اي لافيي إلْ بلوغ ( تيشير لعيونو بدموع ) تتبكي و تشد فكرشها
ميلا : ( تتهبط ليه يديه وتجرو ) الي وقت نعاس
ريان : وي إلْ بلوغ
بشرى : سي صابرينا ؟
جونيور : نو ( فتح فمو لأعلى ) آية
كارين : وداها لوبيطال ؟
ريان : جوسي با كاااغين
بشرى : ( حطت يدها على فمها تتهضر بهمس ) شتي لي قلت ؟ هاهو تيتي نيني عندها
بخثة : خليه الا كانت بحال لي سبقوها غدوة تلقاي عندو الجديد
بشرى : ( نفت براسها ) تيدوز لوقت وخدا معاه دراري لعندها و جلس حتى شافها عاد رجع حطهم فباب القصر ورجع
بخثة : الرب العااالي ! ( وقفت تتشير بيديها ) وينها هاد مربية تنعس ليزونفو
ميلا : انا طاطا بخثة نتكلف بيهم
كارين : نطلع نعاونك (اشارت ريان ) فيان بييي
ريان : ( جارو لادودو تيشير للباقي ) بون وي تولموند
بشرى و بخثة : بون نوي / تصبح على خير
بشرى : ( تتمسد رقبتها ) الله اربي ، ماريا وقادر مزال تيهضرو
بخثة : ( حطت يديها على حنكها ونطقت برااحة ) الله اربي على راحة ، ابنتي فخدمتها مع تيتو و ماريا راها تتزوج بولد الناس و هارون رشيد حكماتو مينورة و ليزونفو بصحة و خير واش باغيت الرب العالي ؟! ( باست اصابعها ) حمدتك و شكرتك
بشرى : الحمد لله ، ايييه الليام ، تعقلي واش دوزنا ؟ ( بنظرة لحزن للماضي ) كنا ندوزو ايام كحلة ما يعلم بيها غير الله ، ولكن ربي كبير
بخثة : ( بنفس نظرة الالم ) ربي كبير بشرااا ! مزال نعقل اول مرة دخل عليا تيتو للدار و عطيتو ديسير و نتي نعستي معنقة ماريا كانك سنين مانعست
بشرى : ( تترجع فالبكية ) ايييه ، هاربة من ناسي فبلادي ولقيت مااكفس فلفوايي ، اااااه على احر دوك لليام
بخثة : وينها دوك لليام ؟ بكينا و ضحكنا و ماجينا رجعو النفس لقينا العصابة كبرو وبغاو يحكمو ماغساي و ينوضو لكيرا
بشرى : اسوء ايااام حياااتي هيا نهار ولدي تيتو تشد فالحبس ونهار سيدح تضرب بالقرطاس و نهار عرفت بمرض ماريا النفسي
بخثة : دازت ابشراا ، واش نقول انا لي راني نخمم ليل ونهار على روزا
بشرى : ( بنبرة حزينة ) الحقيقة ماتزيدها ماتنقصها ، حاليا مع تيتو و فرحانين و خدمت فالخدمة لي باغة و بعدت على مشاكل ، غير تخربقوها
بخثة : ( حطت يديها على حنكها تتنظر لفراغ ) على بالك رسالة لي خلا ليا تيتو هو فالحبس ؟ ( بشرى بنظرة سؤال ) راه حاببني نقول الحقيقة لروزا ، قالي كن غير كنت بسن سيدح ولا ماريا ماعاقلش و ماعارفش مايهمنيش ، مي هو عارف و عاقل ليلة لي جبت روزا وهيا بيبي دو طخوا موا
_فخضم حوارهم رجعت كارين جلست معاهم ومن ملامحهم عرفت انهم تيتكلمو على امور الماضي ونطقت بحنية
كارين : نساو الماضي ! الحاضر زوين مع اولادنا
_ كلمة اولادنا خلات بشرى تبكي و بخثة تحسر ، رغم انها اكثر وحدة تضرت من ابنتها الا انها عتبرت ولادهم ولادها و فرحهم فرحها و حزنهم حزنها ..علاقة ثلاثية يضرب بيها المثل في صداقة …بشرى بخثة كارين
_كان حديث متوسط الوقت ، الكلام لي تقال فيه مهم و ابرزو مساندة و اعطاء التقة ، ماريا بالنسبة لها قادر اب روحي و مرات تتناديه ب papa ، فصغرها كان كثير السفر ولكن كل لقاء لهم كان تيترك عندها بصمة و فعز الشدة وقت مرضها النفسي و ايامها السوداء كان قادر منقذها ، عطاها كل وقتو ومالو و خبرتو الى ان وقفت على رجليها من جديد ، بعض الاحيان تعامل بسيط يصنع للشخص مكان فقلبنا فكيف يلا كان منقذك !!!
قادر : ( بتسامة حضنها جنب تيتمشاو داخلين لداخل ) كما نقولو حنا ليزاغاب توكلي عالله ، الوغ حددتو وقت الماغياج ؟
ماريا : ( حركت راسها بتقل ) نو مزال ، انزل لبلاد نبداو لي ديماغش د الزواج
قادر : ااه داكووغ ! نتي مرتاحة فهادشي ؟
ماريا : وي ! ااااه ( هزت حواجبها ) مرتاحة
قادر : وقتاش تنزلي لبلاد ؟
ماريا : تنظن لاندي بخوشان
قادر : ( ضرب فيهم تيبكيو ) وااش صرا !؟
بشرى : ( تتمسح دموعها ) والو !!
ماريا : ( بتوتر ) وقعت شي حاجة ؟ ماما ! طاطا ؟
بخثة : سي غياان ماشيغي ، تفكرو لي سوفونير
قادر : ماعلينا ، ماريا تنزل لبلاد لاندي بخوشان
بشرى : ( بدهشة ) ماوجدنا والو آبنتي
قادر : ( جلس تيسوط ) واش توجدي ؟ عندها ايون سومين و ترجع ! لوماغياج و آراي ماتوجدي !!
بشرى : وخاصني نعلم اختي و نتي تقوليها لسند
ماريا : مي ماما سند قالي يا با دوبخوبليم ، من غدا نقدر نزل
بخثة : صايي بنتي توكلي عالله ، دوزي رونديفو فالقنصلية ورجعي ان شاء الله ، كما قال تيو لوماغياج ونزلو جميع
بشرى : اوا خاصني نزل معاها
قادر : ( بنظرة حادة ) ماريا ماشي صغيرة و العباد لي رايحة عندهم راهم خالتها و خطيبها المستقبلي الوغ ؟!
بشرى : يمشي واحد فخوتها معاها ؟!
ماريا : سيدح عندو كومبا و تيتو مع روزا فليسبان الوغ تمشي معايا طاطا كارين ؟!
كارين : مايعطونيش كونجي دبا ، سي ديفيسيل
قادر : تروحي توصليها وترجعي !؟ راه ديجا متافقين لبلاد ماتفوتيش فيها لويكاند
بشرى : ( سكتت تخمم ) اوا فالعرس ؟ تقدني لويكاند ؟
قادر : نتما تتبغيو ضيعو لوقت و راحتكم ، وقت العرس كاين شكون يسيرو منAأ حتى ل z و نكون حاضر وتوت لافامي
ماريا : ( بهدوء تتشوف ) صمت
_ تفرقت الجلسة و قادر طلع لغرفة و كارين نعست تما فانتظار سيدح و ماريا طلعت تنعس و بخثة مع بشرى شدو الحديث الطارئ
بخثة : واش بيك بشرى ؟!
بشرى : خفت اختي تمشي بوحدها تنوض ماتعجبهاش شي حاجة ولا هما مايقصدوش شي حاجة و تم راجعة بحالها ، اولادي صعاب
بخثة : طانكيييط ، ماريا عاقلة ، قبل راها شافت لبلاد و عجبها الحال
بشرى : كان معانا سيدح و روزا لقات علامن ترد الراس
بخثة : حيدي شك من راسك ، كما قال تيو راها رايحة عند ختك و خطيبها ، ماتفكريش بزاف
بشرى : قبل مانطلع لعند خالك انوض نصيفط مساج لزهور
_ولو الثراء لي عايشين فيه و المستوى العالي لكن مزال يتحدثو بكل شعبيتهم و يضربو للحاجة الف حساب و يراعيو للصغير و الكبير …
***صباحا
_اشرقت شمس الربيع على قصر قادر ، مثل اي يوم روتين الأغنياء تيتلخص فالخدم لي تيوجدو فطور العائلة و مانويلا لي مسيرة الصغيرة و الكبيرة فالقصر و البستاني لي مكلف بالمساحة الخضراء و المربية لي مسؤوليتها ريان و جونيور صباحا من فطورهم و لبسهم الي ان ياخدهم شيفور او احد افراد العائلة للمدرسة ..
مانويلا : مدام بشرى ، واحد السيدة اسمها صابرينة على الباب
بشرى : ( حطت المجلة من يديها ) صابرينة !؟؟ شكون هادي ؟
مانويلا : ( رفعت حواجبها بعدم معرفة ) شنو نجاوبها امدام ؟
بشرى : سيري قولي …
_فلحظة تمسحت لها من الذاكرة فمرة ، شحال من اسم صابرينة مر على مسمعها ؟؟؟..
بشرى : ( تنهدت بتعب ) دخليها سيلفوبلي للصالون شوفيها شنو تشرب على مانكمل لابيل ديالي
مانويلا : داكوغ مدام
_هزت تلفونها تتبحث على اسمو و تتنهد ، من البارح منين حط اولادو ماشافتو ، حولت ليه الخط مرارا و تكرارا يلاه جاوبها تيلهث
سيدح : وي !!
بشرى : فين راك !؟
سيدح : ( هز فوطة تيمسح وجهو ) آلونتخيمون ماما
بشرى : صابرينة هنا !!
سيدح : ( ضرب ديك الفوطة مع ارض ) جاغييف الواليدة ..
بشرى: هيا دبا !! دبا تكون عندي ..
_ جالسة فصالون بكل اناقتها ، شعرها الاشقر مخرص نازل على ظهرها و اكسسوارات ذهب و الماس مزينة بيهم و شنطتها دو مارك عالمية جنبها مبتسمة لمانويلا لي قدمت لها كاس ماء تحت طلبها
صابرينة : ( بصوت محلون ) ميغسي
مانويلا : ( بتحية راس ) مدام بشرى نازلة عندك دبا
صابرينة : داكووغ ! ميغسي …
بشرى : (دخلت بكل رقي مدت لها يديها فقط ) بونجوغ صابرينة
صابرينة : ( بابتسامة شاسعة سلمت عليها باليد ) بونجوغ مدام بشرى ، فو زالي بيان ؟
بشرى : ( جلست مجاوبها ) ميغسي بوكو ! كولشي مزيان
_دخلت مانويلا حطت لهم فناجين قهوة من جديد تحت طلب بشرى ، لي هاد الاخيرة كل مرة تتشوف فساعتها منتظرة مجيئ سيدح و متجنبة الكلام مع صابرينة ..
صابرينة : مدام بشرى سمحيلي الا جيت فشي وقت غير مناسب ، مي ضروري نتكلم معاك
بشرى : مرحبا بيك ! ولكن ماعرفتش بضبظ الموضوع لي نقدر نساعدك فيه
صابرينة : ( بنظرة حزن ) موضوع سيدح ! علاقتي انا وسيدح
( انتظرت بشرى تكلم لكن اكتفت بصمت كملت كلامها )
صابرينة : انا وسيدح دوزنا علاقة عام و اكثر ، هو عمرو دوز شي علاقة جدية حتى دخلت انا حياتو ، كنت مسانداه و تنبغيو بعضياتنا بزاف ، سمحت فزواجي على اجلو طلقت و تبعتو حتى لأميريكا و هتميت بيه و براحتو حتى من اولادو كنت نفكرو فالوقت لي يتكلم معاهم بتلفون و اعياد ميلادهم ، ( بنبرة بكاء ) ودبا !! ( نزلت راسها تتبكي )
بشرى : ( مدت لها كلينكس ) خودي آبنتي
صابرينة : ( شداتو تتمسح عيونها ) ميغسي
بشرى : هادشي لي قلتي عارفاه ، عارفاك تبعتي ولدي لاميريكا ، عارفاك تتبغيه و باغاه وكنا فلافامي قلنا اون فان سيدح استقر ودار عقلو ، ونتظرناه يعترف بعلاقتكم ولكن لحظة لي رجع لماغساي ! ماعاودش اتلكم عليك والا على علاقتكم
صابرينة : ( قلبها بغى يسكت ) علاش ؟! شنو درت ليه ؟ نعست فلوبيطال طخوا جوغ و تنطلبو يجي غير يشوفني ! مي تبدل بزااف ، و رجع بارد معايا و ما تيتصلش بيا
بشرى : ( بحسرة فخاطرها : آميمتي ميمتي ) على سلامتك آبنتي ماعندي علم انك كنتي مريضة
_هدا الحوار كان عادي كأي ناس جالسين مع بعض ، صابرينة ولو طرف فوالديها عرب لكن تيعتبرو فرنسيين ومن عائلة غنية ، مال و منصب و جمال لكن حبها طاح على سيدح ! مزال تتدافع على علاقتها لانها تتعبر هاد الخطوة حقها وليس عيب او عار ، عكس مجتمعنا ، غريب و ذل و عهر فكري تمشي البنت عند ام صديقها ترغب وتزاوك بكلامنا ، لا بنت مجتمعنا ترضى ولا الام المغربية ترضى بصاحبة ولدها دخل دارها هدا مجتمعنا و تقاليدنا ودينا ولا يصح الا الصحيح ..
سيدح : بونجوغ
بشرى : ( بنظرة غاضبة ) بونجوغ ! ( اشارت ليه ) جلس
سيدح : ( تيشوف فصابرينة مخبعة وجها ) كيسطا ؟
صابرينة : ( بإرتجال ) غيااان ! صافا ؟
سيدح : ( حط تلفون و سوارت حرك فقط راسو ) صافاا وي ..
_بشرى بقت غير تتشوف ! فالاخير دارت اشارة لسيدح تبعها و خلاو صابرينة بوحدها
بشرى : ياك تنقولك مشاكلك مع البنات بعدهم على لافامي
سيدح : شمن مشاكل ؟
بشرى : ماحدك مامعترف بحتى وحدة ! الوغ مانبغيش كل مرة تجي عندي وحدة لداري ، البنت غير تتبكي و تشكي ماعرفت باش نجاوبها
سيدح : ( غمض عينيه تيحك راسوو ) سي بووون ! سي بون
بشرى : والله تنحرش عليييك قادر
سيدح : ( بتعنث ) سيري جيبيه دباا ! انا قلت لها تجي هنا ؟ درت معاها آن غونديفو ؟
بشرى : داكووغ ! هزها وخرج ،تاتعرف راسك من رجليك معاها
_ماجاوبهاش ، ليل كلو هو عند آية ناعس نعاس متقطع ! و صباح بكري اتصل بيه لكوتش يحضر فتدريبات مع اندار تيتو رجع ملتزم ماناقص صداع لكن صابرينة نساها ، او نقولو خطوتها للقصر كانها تتحطو امام امر الواقع
سيدح : ( هز سوارت وتلفون ) فطرتي ؟
صابرينة : ماعنديش شهية
سيدح : نخرجو نشربو كافي و نهضرو
صابرينة : ( بفرحة ) داكووغ
_هزت صاكها خارجة معاه و عينيها على اثاث القصر قربت عندو شدات فيديه وتلعت لوجهو بصعوبة قبلاتو بحب و حنية
صابرينة : توحشتتتتك
سيدح : ( حضنها ) اوسي ( فتح لها باب سيارة ) ركبي
صابرينة : ( بابتسامة ) ميغسييي
_ديمارا خارج من القصر و راسو تيفكر يمين وشمال ، بين علاقة لي ضرب فيها سنة و زيادة و بين آية لي خربقت ليه الوراق ! تنحنح طارد كل الافكار مفضل يشوف الحاضر فقط
صابرينة : ( حضناتو هو تيصوك ) فين نمشيو ؟
سيدح : فين ما بغيتي !!
_استقرو فالاخير على مقهى وفنفس الوقت بار ، وختارو طاولة لهم و طلبو طلبهم ..
سيدح : لابخوشين فوا علميني !
صابرينة : مافهمتش ؟!
سيدح : لباليي ماشي ديالي ، ساكن مع لافامي و تيو عطانا شروط مانفوتوهمش
صابرينة : ماخليتي ليا حتى حل ! ماتتجاوبش فتلفون
سيدح : كيستيون ديال نجاوب فتلفون اخر وحدة تهضر عليها هيا انتي ! باغسكو نتي لي بديتي قطيع الكلام !!
صابرينة : باخسكو بغيتك تحس بغيابي ، بغيت تلاحظ الفرق ، مي طلعت غالطة
سيدح : انا ماجريتش عليك !! نتي ختاريتي تمشي بوحدك
صابرينة : ( بتعب و نهيار ) سيدح اسكو تو ميييم !؟ واش تتشوف حياااتك معايا ؟
سيدح : ( تنهد بقوة تتهز صدرو ) لاميم كيستيون
صابرينة : إي بوغ توجوغ ! عطيتك وقت ، وقت بزااف باش تفكر و عطيتك مساحة مي صدقت انا الخاسرة
سيدح : باغة تسمعي لافيغيتي ؟
صابرينة : ( بنبرة بكاء ) نو ! مااابغيت نسمع والو ( شدت فيديه ) سيدح جوطييم طخوو ، انت حياتي ، الحاجة لي تبعدني علييك مابغيتهاش
_ نزل راسو باسف ، الانسان هو تيتغير ، تغيير تيكون على كل الجوانب، حتى فأنه يقول حقيقة مشاعرو او ينهي العلاقة مثل السابق ! رجع تيفكر بزاف ، مراعي لها تجرح او تمرض من جديد ، هو من منظورو مزال ممأكدش علاقتو مع آية مزال رافضاه و تتبعدو و فالجانب الاخر صابرينة لي تتقربو بكل قوتها و تتعرض حبها مباشرة ..
سيدح : ( شاف فساعة ) خاصني نرجع لونترينمون
صابرينة : نمشي معاك !؟
سيدح : جو سي با لي بغيتي ..
_تابعاه ! خصصت نهارها ليه بقوة الاشتياق ، رجعو لاصال و رجع لانترينمون خاصة بيه ! وهيا جالسة تتشاهدو وتصورو مرة مرة ، مرت ساعات و حتى كمل و خدا دوش و العياء كان واضح على وجهو
سيدح : نوصلك لدار ونمشي نعس عييت بزاف
صابرينة : وي مون شيغي
_ركبو فسيارة وطريق كاملة وهيا تتضحك و تتذاعب رقبتو و شعرو و اذنو هو مراقب الطريق
صابرينة : فوقاش عندك لكومبا ؟
سيدح : ( بصعوبة تيفتح عيونو ) ماغدي بخوشان
صابرينة : كوغاااج مون اااموووغ
سيدح : (وقف بسيارة ) فوالا هانتي وصلتي
_ هزت راسها تتشوف و الدهشة واضحة على ملامحها ، بقوة المشهد الكلام هرب لها ، تجمدت عن الحركة فقط دموع تينزلو هو غير منتبه حتى تشجعت و سألاتو
صابرينة : ماتنسكنش هناااا
_كانه تخوا عليه سطل من مكعبات الثلج ، فتح عيونو على الآخر تيشوق فالعمارة و عقلو كانه تيرجع لمكانو كانه كان غايب عن الوعي ، سؤال لي يشق ليه الراس ، فاااش كنتي تتفكر آسيدح
سيدح : احمم ! باغدون ، بقوة لافاتيك تلفت
صابرينة : ( بضعف و غيرة و نهيار ) شكووون تيسكن هنااا ؟
سيدح : ( دار تيشوف وراء يرجع لوراء و يحرك راسو بعدم تصديق ) شي احد من لافامي
صابرينة : فام ؟ اولا راجل ؟
سيدح : ( بعصبية ) سي باااا طيزاافيغ ! بيتااان
صابرينة : سي بون ! ماقلت والو …
_قلب دورة تيسب فخاطرو و عقلو ايحبس ليه ، هو مع صابرينة و غادي موصلها للدارهم ، آش داه لعند آية !؟
سيدح : ( زاد كسيرا بسرعة ) بيتااان دووو ميغد
_جاء يوم الموعود ، يوم مجئ ماريا للمغرب لثالت مرة فحياتها ، الاولى كانت طفلة ذات عامين جائت مع عائلة مكتملة و رجعت ناقصة بموت الاب و ثاني مرة كانت مع سيدح و روزا و بشرى لحضور زواج سند مع عذرا، ليكون للقدر كلمة اخرى و ترجع المغرب بنية الزواج من نفس الشخص لي حضرت لعرسو
سند : ( تيحط تقضية ) أم الخير الراعي الرسمي للمناسبات
ام الخير بإبستامتها البشوشة لابسة قفطان حرير و مشمرة ذراعها و على خصرها فواطة مطرزة بالرباطى و زيف على راسها وريحة طيبة تتفوح منها
ام الخير : ( تتشوف فطاوة بلكنتها المكناسية ) ايااه يا بابا ، سيدي سند و سعدو بيا ، ( تتشير بفخر ) هانت ها البسطيلة باللوز ودجاج معسلة ، ها الفخد لحولي مشوي ، ها سفة هماوية ! اش بغيت مزال ، نهزو بيك و نكبرو بيك قدام لالة ماريا بنت الناس العزاز
سند : ( بفرحة قرب مقبل لها راسها ) الله يعزك آ ام الخير ، اش عندي من غيركم
_دخلت عليهم بكامل اناقتها ، جلابة دوبياس فلون مسكي و شال حريري على شعرها بميكاب خفيف بارز ملامحها عنقت سند جنب
زهور : شفتي يا ام الخير !؟ ( حطت يديها على صدرها بتمنى ) اناا عاد زوجت ولدي ، عااد الضحكة ماغادي تجمع ليا من فمي ، الله ياربي ما تيسر ولا تعسر
سند : ( طبطب على يديها ) اللهم آمين اللا زهور
ام الخير : اوا الله يجود عليك اللا زهور بتيسير
زهور : آمين ! ولدي كولشي واجد؟؟
سند : ( بنظرة إطمئنان ) كولشي وااجد ، ( شاف الساعة ) ندخل لبس حوايجي من هنا ساعة نتحركو
زهور : الله يرضي عليك اولدي
_ من نهار وصلهم التاريخ المحدد و الساعة و هما تيوجدو لمجئ ماريا ، خدا كونجي من الخدمة و مقابل غير زهور فالسخرة ، هادي تقضية من السوق ، هادي حلويات تحت الطلب ، حتى من الفراش قررت تغير منو شي حاجة ، واخر اللمسات خدا السيارة غسلها و خدا بوكي د الورد لاستقبالها …بنشاط و راحة لبس ملابسو و رش ريحتو وهز التلفون مراقب الساعة توصل باش يتحركو
زهور : عنداك نتعطلو اولدي
سند : ( عينينه فتلفون تيشوف سطورياتها ) الواليدة نديك تبقاي جالسة فالمطار ؟؟!
زهور : اوا ولدي انت تعرف الوقت
_سند : اراو لينا واحد كاس القهوة نقادو لمزاج
ام الخير : (بمزحة ) لا سيدي تنسربيو غير اتاي حلو ، حلي باش تولي
سند : اريه غير يكون برزتو
ام الخير : اوا المسلمين ! زيد آش آخر !!!
_ مرت الساعات ، جلسة الناس لمتولة و الطيبة ماتشبع منها ، فهاد الاثناء كانت ماريا طائرتها تتحط بمطار سايس ، شهيق و زفير لنزول صعب للطائرة و لحظات من بعد المضيفة تترحب بيهم و تعطيهم الاذن بالنزول ، كما عادتها انيقة ولو بملابس عادية ، ماتحتاجش سوايع فالمراية ولا كيلو ماكياج و ساعة برروشينغ و البلاك ، طبيعية بجمالها و شعرها المنسدل مكتفية باحمر شفاه لامع بخفة و رائحتها المميزة لي كتمتلها فهدوئها ، هزت صاكها و اوراقها فيديها تتمشى فالممر لإستكمال الإجرائات و تهز شانطتها وهاتفها تيرن
ماريا : الو
قادر : مابوتيت ! وصلتي ؟
ماريا : وي تيو وصلت ( هزت لباليزة خارجة ) انا فالمطار
قادر : بخون سوان دو طوا ، جوسوي توجوغ لا
ماريا : ( بتأثر ) ميغسي تيوو !!
فتحت صاكها حطت فيه اوراقها وضعت نظاراتها الشمسية و خارجة جارة بليزتها و تلفون فيديها و توتر شديد شدها بخطوات تقال تتمشى و الناس غادين جايين حتى سمعت صوتو تينادي عليهاا
سند : ( هز يديه تيشير ليها ) مااارياااا
ماريا الخجل كتسى وجها شيرت ليه جاية عندو، تتشوف فالأرض و ترجع تشوف فيه حتى وقفت امامو تالفة طريقة تسلم عليه لكن هو جرها من خصرنا حاضنها بحب عندو مقبل خدهااا
سند : على السلااامة الفنون
ماريا : ( حيدت نظاظرها ) ميغسي ! فين طاطا ؟
سند : انا ماعجبتكش ؟ ( شد الباليزة و شدها من يديها ) را هي لهيه
_ اللحظة لي زهور شافتهم جايين عندها دموع الفرحة نزلو تمشت عندها مقدمة لها بوكي الورد وحاضناها بقوة
زهور : على سلامتك الحبيبة ديالي ، ومرحبااا بيك والف مرحباا
_بعد السلام و اللقاء و الترحيب الحار و السؤال عن الحال و الاحوال ركبو فالسيارة شادين طريق ، كانت ماريا جالسة لور براحتها و زهور جنب سند و الاتصالات بينها و بين بشرى تتطمأنها ، عيونها كانو متبعين الطريق ، كل واحد فينا عند رجوعو لبلادو تتشدو مناظرها ولو العادية ، طريقها و اشجارها و ناسها
سند : كي كان الفول مزيان ؟
ماريا : ( تتجاوب بهدوء مبتسمة ) وي صافا !
زهور : مرحبااا بيك الكبيدة ديالي ، نورتي
ماريا : ميغسي طاطا !
_المكانسة عندهم طريق مكناس لفاس بحال لعب ، ماكاملاش حتى نص ساعة كانو فوسط المدينة داخلين للحومة و ماريا غير تاتشوف فالغادي وجاي و مباني المدينة لقديمة واسوارها حتى توقفت السيارة و نزلت زهور فتحت باب الدار و سند فتح باب السيارة لماريا و نزل شنطتها
زهور : ( شادة الباب ) مرحباا بيك مرحبااا
_ تغلق لباب طالعين مجموعين و ام الخير فالدخلة معرضة لها بالتمر و الحليب و الابتسامة رائعة و الاكيد ماريا عقلت عليها من عرس سند
ام الخير : ( بصواب شديد ) مرحباا مرحباا ببنت العزيزة
ماريا : ( غير تتضحك باعجاب سلمت عليها ) لباس طاطا
ام الخير : الله اودي ! لي شاف هاد الغزال مايكون لباس ! باسم الله
زهور : خودي احبيبة تمر
_بتاويل شربت لحليب لمنسم بزهر و تمرة و شكراتها من جديد محيدة سباطها جلست فين جلس سند و صاكها جنبها متبثة و تقيلة تتهز عين وتحط عين فقط الابتسامة مرسومة على وجها …
سند : ( ميل راسو تيشوف فيها ) ياكي ماتنحلمش ؟
ماريا : ( حطت يديها على فمها تضحك ) نووو !
سند : ( مد يديه على شعرها من وراء هابط معاه وتكلم بتأثر ) صافي بليزير و الله
_المغاربة فصواب حدث ولا حرج ، خصوصا مع العزيز الغالي ، بداو ينزلو فالاطباق و الترحاب ، الاكل مغربي نخوة و همة ، البسطيلة كانت تذوب فالفم تقليدية دالمكانسة و الفخد مشوي على خاطر خاطرو و ماريا تتمد يديها تاكل وترجع ترتاح و كل واحد منين يدفع لها حتى وقفت
ماريا : سي بون ! ( بصعوبة تتخرج هضرة بداريجة ) هادشي زووين بزااف انا مايقدرش يزيد
سند : بصحتك ! ( حقق فيها الشوفة ) دوخك لحم ؟
ماريا : نو ! مي راسي يزيرني شوية مع صداع لافيون
زهور : اوا دخلي ارتاحي آبنتي
ماريا : عفاك اطاطا ( سكتت تتفكر تهضر بدرايجة مي ماقدراش حاورت سند ) هاد الما ماشي روبيني ؟
سند : نو ! ( قرب لها القرعة ) مينيغال ، راه وصيتهم قبل
ماريا : ميغسي !
_فتحت صاكها خدات دواها و كل حركة او طلب تتجاوبك بميغسي او ابتسامة تتنتظر منك الإذن لتحرك فاي حاجة ! تربات هكا تحترم الصغير و الكبير و تتقدر الانسان
سند : ( فتح لها غرفتو مدخل شانطتها ) ارتاحي ، بغيتيني انا فصالون
ماريا : اوك ! ( جبدت تلفونها ) سند كاين لويفي ؟
سند : وي ( مدت ليه تلفون دخل لها لكود ) فوالا
ماريا : ميغسي !
_خرج خلاها ترتاح ورجع هو لصالون جنب زهور و ام الخير هما يتحدثو و هو يسمع عينو مع تلفون حتى داتو عينو
ام الخير : ( غمزت زهور ) اوا الولد جاب لمراة و نعس
زهور : الراحة يالله ! تغدى و تمدى
ام الخير : لالا الحمد الله البنية غزالة و متقلة و متولة
زهور : ( بفخر ) شتي بنت اختي شحال فنة ؟ وتبارك الله بمنصبها و قارية و واعية
ام الخير : اوا ربي ! المكتاب ، شوفي مسيكينة حضرت لعرسو كاع ، ولكن ربي كتبهم لبعضياتهم
زهور : ( قلبت عينيها ) آشمن عرس ؟ اشمن عرس ! جاية داخلة عليا بلا موجب شرع ، ولكن كتبها الله ، العرس هو لي ندير لولدي ان شاء الله ، ونعرض معارفي و احبابي و القريب و لبعيد ، عاد نتكشط و لبس و نقاد ونقول زوجت وليدي وحيدت لومة عليا
ام الخير : ان شاء الله ، كولشي قريب عند الله
_الامهات ! الامهات دفئ و حنان ، كل ام تتشوف ولدها امير ، وتبغي ليه الاحسن و امهات جيل سبعينات هم جيل ذهبي ، اكثرهم قاريين و مثقفين و لهم معايير عالية فزواج اولادهم و منهم زهور
****مساءا
سند : ( تيدق فالبيت ) ماريااا
ماريا : ( تتكلم فتلفون فتحت الباب ) وي
سند : ( بنظرة اعجاب ) دوزي تشربي اتااي معانا
ماريا : داكوووغ ! نكمل لابيل ديالي
_ حتى بغى يسولها معامن وتراجع ! رجع جلس تيفكر فيها ، لقى راسو تتعجبو بكل حركاتها وهدوؤها ، شعرها الاسود وعويناتها لمجبدين
زهور : اولدي راه تنهضر معاك
سند : من بعد الواليدة من بعد ..
_الجالية وخصوصا اولاد فرنسا اغلبهم تيعشقو الشاي المغربي ، عدا نسبة منهم لي اختيارها نهار و ليل هو الطاسة فافخم الاوطيلات ، هيا جالسة جنبو شادة كاسها تتشرب و هو رجع بالذاكرة للوراء سنين ملي كانت العصابة جات اول مرة و مدوز معهم فبلاناتهم لي مكطحوش على بال بعد لحظة سهو وجه كلامو لماريا
سند : سيدح غدا عندو الكومبا
ماريا : وي دومان
زهور : كي دار هو ؟ وليداتو ؟
ماريا : صافا طاطا ، اوسي ريان و جونيور راه معاه دبا
زهور : اوا الله يهديه على راسو ، اما بركة عليه من لولاد وهو مزال صغير
_اكتفت بالسمع ! ماعرفاتش باش تجاوبها ، بالنسبة لماريا ليس لها دخل فعلاقات سيدح ولا اولادو المستقبليين ، يولد لي بغى و معامن بغى ، الوقت تيمر و حطو وجبة العشاء لي ماريا اكتفت بسلطة لان لحم فكلتا لوجبتين ماتقدش عليه
سند : دايرة ريجيم ؟
ماريا : با دي تو ! مي لحم بزاف ايضرني
زهور : بصحتك آبنتي ، ماكليتي والو ( تتجمع طبلة )
ماريا : ميغسي طاطا
سند : ياكما تضرك شي حاجة ؟ تبغي نخرجو تبدلي الجو ؟
ماريا : ( بتعب ) نقدر ندوش دبا ؟
سند : لا خاصك تخلصي عاد دوشي
ماريا : ( تتضحك ) نخلص ؟ صافي رجع بحالي لماغساي
سند : ( خرجت ليه الضحكة بصوت عالي ) دخول الحمام بحال خروجو ؟! ( جبد لها حنكها بحنية ) هيا مانخرجوش ؟
ماريا : بوتيطخ دومان ! بوغ القنصلية كاين غونديفو ؟
سند : لا مابقاش !! دخلي دوشي و ارتاحي انا نتصل بصاحبي لي تيخدم تما ، جبتي لوراق لي قلت ليك ؟
ماريا : وي ! فلاشومبغ ، نجيبهم ليك
سند : ( وقف ) انا نوض معاك ، نقاد لك دوش
_فبيت سند دخلو بجوج ! هو دخل للدوش تيقاد لها الما وهيا فتحت لافاليز تتجبد ضوسي لول ، و تفكرت لي كاضو لي جابت لهم هو و زهور ، حطاتهم على جنب حتى خرج عندها
سند : دوش واجد !
ماريا : ( مدت ليه ضوسي ) فوالا لي بابيي
سند : ( فتحهم تيقرا ) اوك !
ماريا : ( بخجل تتحك جبهتها هازة الكاضو لي عبارة عن عطر رجولي ) سي مون كاضو
سند : ( هز حواجبو متفاجأ من لوجيست ) شكرااا ! ( شدو تيضحك ) شكراا بزااف
ماريا : ( حركت راسها مبتسمة ) جسبيغ تكون مناسبة لذوقك ، ختاريتها انا
سند عض على شفتو متأثر و مد يديه لخصلات شعرها مرجعهم للوراء و بنظرات شديدة الإعجاب تيتفحص ملامحها الرقيقة و بشرتها البيضاء مزينة بشامات بدون ارادة مابقاش مكتفي بنظرات بل قرب اكثر و طبع قبلة على شفايفها وبقى مدة محسس قربها و رائحتها
سند : سبقتيني فالكاضو
ماريا : ( بخجل منزلة راسها ) باكغاف
سند : بصحتك دوش ! انا ندوز لابيل ونجاوبك
ماريا : ( دارت هازة كاضو زهور ) سي بوغ طاطا
سند : ( شدو من عندها ) شكرا ! مانسيتيش طاطاك ابنت خالتي ..
_ ماساخيش يخرج ! لكن فالأخير سد الباب عاطيها راحتها ، القبلة لي خدا و قربها خلاوه يشعر بشعور جديد ..تنهد براحة حاط لي كاضو فبيت زهور و خارج التلفون فودنيه محول اتصال لعصام…
سند : الو
عصام : اهلا بولد المعلم صافا؟؟
سند : الله ينورك اخاي ، هانية الوقت ؟
عصام : حامدين شاكرين ، شفت لابيل ديالك قلت هدا راه طالع لفاس
سند : داكشي لي كاين ، اشنو درنا فوقاش نطلع ؟
عصام : اش نقولك اخاي ، مدام رونديفو ماكايناش ، طلع من غدا ، شحال بعدا عندكم فالكونجي؟؟؟
سند : سيمانا
عصام : كي والو ! شو ضرب الحديد ماحدو سخون ، سيمانا مافيها والو ماتعرف شنو يقدر يخرج لك ، ولا يرجعوك على شي ورقة ولا قنصلية يكون فيها شي عيد ! فهمتي ؟ طلع من غدا
سند : فهمتك ! مهم غدا انشاء الله نكون عندك ، نوصل نتصل بيك
عصام : وعليه ! شوف انا رسلك واحد كوبي الاستجواب درب عليه انت والمدام راه طيحو فدوك الأسئلة
سند : الله يحفظك اخاي عصام !
_الانسان نهار تينزل فطريقو زواج فالخارج تتكون طريقو غير معبدة ، قليل القليل لي طريقهم تتكون ميسرة خالية من اي مشكل ، ضروري طلوع و نزول و ترجم هاد الورقة و خرج هاد الوقة و الامر المرير فالامر هو الإنتظاااااار ، دفعتي هاد ورقة !؟ اوا تسنى ..خرجت من دوش لابسة بيجامتها و طالقة شعرها تينشف على خاطرو و ريحة بان دوش مجهدة تتعطي منها اشار لها براسو تجلس جنبو و قربو راس من راس تيشوفو فتلفون
سند : هاد لكوبي لي رسل ليا الولد اكزومبل من لونكيط ديال القنصلية
ماريا : ( تتحقق شوفة ) ااه داكوووغ
سند : ( بدا يقرا ) شنو لونك المفضل ؟
ماريا : الابيض
سند : ( طلع شفايفو بفخر ) الابيض ! انا لبيج ، سؤال تاني ، شنو اكلتك مفضلة ؟
ماريا : اممم ماغوكان ؟
سند : اش تتاكلو فداركم ؟
ماريا : شاك فوا لوشيف شنو تيوجد ، بلا ماغوكان اوبيان اوغوبيان ، انا تيعجبني كسكس و بايلا
سند : انا عزيز علية الدجاج محمر و الحريرة
ماريا : ( تتشوف فيه وضحك ) لحريرة ! زوينة تتعجبني
سند : (بإبتسامة إعجاب) نتي لي عاجباني هاد ساعة ! احممم سؤال ثالت ، رقم تلفون ديالك ، هدا عارفينو ؛ لادغيس ؟
ماريا : ( بداريجة ) ماغريييب مكناس
سند : اياااه ، وانتي ماغساي ! دوزو نيكست …
_كانو اسئلة روتينية ، مثل اي طالب يتمرن على اسئلة الامتحان التجريبية لكن نهار الفرض انت وزهرك و حفاضتك و ذكائك و سطرو ليا على ذكائك لانه مهم ….بعد ليلة هنيئة نامت ماريا فغرفة سند و سند فصالون و زهور فغرفتها حتى حل الصباح و استيقظت هي الاولى توجد الفطور لان سند اخبرها انهم صباح يمشيو لفاس
زهور : صباح الخير
سند : صباح نور ! (تيشوف فطبلة ) فين القهوة الواليدة ؟
زهور : ( رجع تيخلعها ) خلاتها ام الخير ! اوا مسلمين ، راها فطيرموس قدامك
سند : ( بصوت رفض ) تتن ..بغيتها مبريسية !
_جلس تيعاود يراجع فالوراق حتى وصلاتو ريحتها يلاه يهز عيونو وهيا تكلم بصوتها رقيق
ماريا : بونجوغ
سند : صباااح الورد ( ضرب بيدو جنبو ) اجي تفطري
زهور : ( مزال تتعمر فطبلة ) صباح الخير ابنتي
ماريا : بونجوغ طاطا !
_ فهدوء تتفطر و مرة مرة تاتشوف فتلفونها ، تتفحص بريدها و كونط لبانكة تشوف شنو داخل و شنو خارج و تجاوب على مساجات روزا و ميلا
سند : مشينا اماريا ؟
ماريا : وي ! نبدل حوايجي
سند : اوك !
_لبست دجين و بيل مع فيست من لفوق و قدات صاكها و رشت ريحتها و قبل ماتخرج تأكدت من الحمام منظم و غطا السرير مرتب و ملابسها مطويين و كل حاجة بلاصتها عاد لبست صباطها و خرجت عندو لي كان منتظرها فالباب مع زهور
سند : سي بون ؟
ماريا : وي
سند : الواليدة خلينا ليك الراحة
زهور : سيرو اولدي الله يسهل ، الله يرضي عليك و اخبرني بشنو كاين
سند : ( نازل فدروج موراه ماريا ) ان شاء الله الواليدة
_ فتح الباب ماقادر يشوف فبنادم على الصباح ! فتح لها باب طموبيل ركبت هو ركب من جهة الأخرى ديمارا طموبيل و توكل فنفسو عالله و تحرك شاد طريق
ماريا : القنصلية ففاس ، فين كاين لمطار ؟
سند : وي ! ياك مرتاحة ؟ ماهزتيش قرعة الما ديالك ؟؟
ماريا : سي باكغاف !
سند : نوصلو لسطاسيون و ناخدها ليك ..
_مسافة طريق كانو فدخلة فاس من بعد ماتوقف خدا لها الما وليه قهوة ، وصل القنصلية لكن البلاصة فين يحط طموبيل ماكايناش و ضرب دورة ولقى بلاصة عاد حول اتصال لعصام لي دقائق قليلة و صل عندو لسيارة ..
عصام : ( بحضن رجولي ) اهلااا اهلااا ، جابتك القنصلية
سند : دبا كول لي بغيتي ! ( تيضحك فوجهو ) اغبرة هادي !
عصام : اخويا تشدك هادي طلقك هادي ! باش مانضيعوش لوقت ، جيب وراقك والمدام ونتحركو
سند : اوك ( فتح باب طموبيل تحنى عندها ) ماريا يلاه انمشيو
ماريا : ( هزت ضوسي ) اوك
_اغلق السيارة و عصام لقى تحية براس فقط لماريا و تحركو جهة القنصيلة و سند شاد فيد ماريا ماطالقهاش وهيا غير تابعاه وتتسمع لهم ماتتهضر ماتتكلم بحال الأمانة ..
سند : صافا ؟
ماريا : وي صافا !!
عصام : ( بعد ما اتكلم مع السيد لي فبوابة القنصلية ) سند يلاه نعمرو واحد طلب فسيبير لهيه
_جنب القنصلية ماكاينش سيبير واحد ولا جوج !؟ كاين عدة مكاتب مختصة فهاد الامور تتخدم من بعيد مع القنصلية ، تتسهل لك الامور و تتشد مواعيد للناس و تملأ الطلبات و تقدر تعطيك معلومات لاي مسألة تحتاجها ، وهناك ايضا شركات مختصة بملفات الفيزا هي تنوب عليك من الطلوع و نزول و شخص لي واقف عندو عصام عمر ليه الطلب حتى من الوراق تينظمهم من الاولى الى الاخيرة على حسب طلب القنصلية
عصام : ( هز الملف تيضربو مع المكتب تيقاد وراقو ) ناضي ؟
المسؤول : اناضي ، غير يدخل عندهم
_ خلص سند السيد و شد فيد ماريا قاطعين شاريع لجهة القنصلية وعصام تيوصيه ويقريه حتى وقفو مور اربعة لي كوبل آخرين شادين صف ، المغاربة هما هادو تجي القنصلية تقول كولشي يتزوج يمشي لفرنسا ،تمشي لمحكمة تقول كولشي يطلق ….
عصام : انا فالقهوة جالس هنا ! سير و الله يسهل
سند : الله يحفظك ! نخرج ندوز عندك
_ بعد لحظات وصل دورهم للباب ! كاين شرطيين واقفين بعيد و جنب الباب نافدة زجاجية جالس فيها شخص تيتكلم معاك منوراء الزجاج وصوتو تيتسمع لك فالخاريج من الباف
المسؤول : عمرتي الطلب؟؟ ( تيحط لك ورقة على الزجاج )
سند : وي
مسؤول : باسبوراتكم
سند عطاه لباسبورو اخضر مع الاحمر ديال ماريا لي من غيرو مايحلمش يعتب تما ، حقق فيهم عاد اشار لهم يدخلو من الباب لي تيفتحو من عندو تيكون تيدور باعمدة المنيوم كلها تيدخل بوحدو ، فاول واجهة كاين ممر بيه اشجار فالبوابة الثانية لي فيها سكانير سوكيريتي تيطلب منك دوز انت و تحط صاكك يدوز بوحدو كانك فالمطار عاد تتدخل صالة الإنتظار و تعطي ملفك للمسؤول لداخل يدققو من جديد و يعطيك الإدن طلع لايطاج الفوق
ماريا : سي طخوووو
سند : ( توتر شدو ) ماعندنا مانديرو
_طلعو وكانت سيدة فرنسية كبيرة فالسن مسكت منهم الملف و رحبت بيهم و جلسو امامها بجوج
سيدة : الوغ ! نتما هنا لطلب الزواج
ماريا : وي مدام !
سيدة بتسمت لماريا ورجعت تعمر فداك بيسي ، كل هاد الإجرائات القانونية و الروتينية تيدوزو منهم جميع الثنائيات ، هنا تنتكلمو على السيادة الفرنسية لي تتجلى فالبرطوكول ديالهم ، ماكاين لا ولد عمي لا معرفتي ..طلبت من سند يمشي للمكتب المجاور بوحدو ومن ماريا لمكتب امامو كدالك دخل بوحدها وهنا الاستجواب الفعلي بدأ لي خلاهم يتوترو بجوج هما داخلين ..دقت و سمعت إذن الدخول ، كانت شابة فرنسية جالسة فمكتب مليئ بالاوراق و نافدة مفتوحة تيتسمع منها ضجيج الشارع
شابة : ( تتقرا الملف ) بونجوغ مادموزيل ماريا الرماش
ماريا : بونجوغ
الشابة ببطئ شديد تتقرا الملف و تقلب فاوراقو ، وترجع تقلب الأوراق من جديد و لمحت ماريا تتشوف فصورة معلقة على الحائط فيها بنت و محطوط عليها اليد مكتوب فوقها بالفرنسية
” لا للزواج الإجباري”
شابة : هاد شخص هو ولد خالتك ، متأكدة من هاد زواج ؟ كاين حب ؟
ماريا : ( بهدوء تتجاوب ) وي من لافامي ، كاين واحد القدر من الإعجاب لي ممكن يتحول الحب
شابة : تتواصلو ؟ بينكم نقط متافقين عليها فالحياة ؟
ماريا : وي متافقين ، تنتواصلو نهار كامل
شابة : عارفة تاريخ عيد ميلادو ؟
ماريا : وي نهار 04/11
شابة : تتخدمي فبوسط مشرف ، يقدر يتفهم عملك ؟
ماريا : بيان سيغ ! تاهو خدام فشركة ونفس توقيتي
شابة : ( هزت شفايفها بعدم اعجاب ) اوك مادموزيل ( قربت لها وراق ) مضي ليا هنا
ماريا : ( هزت اوراق تتقرا عاد مضت ) سي بون !؟
شابة : وي ! جوابنا يوصلك فمدة قصيرة ، من بعد ما تتعلق لائحة فالمقاطعة التابعة ليكم
ماريا : ميغسيي ..اوغوفواااغ …
_خرجت جالسة فانتظارو ، فتحت صاكها بغات تهز التلفون ، لكن تفكرت لافتة ممنوع الهاتف و التصوير …فهاد الاثناء لي هي دوزت استجوابها فربع ساعة كان سند فالمكتب المجاور المسؤولة لي معاه يلاه رشقت لها تبدا الاسئلة و اول سؤال عطاتو هو التالي
المسؤولة : مدة قصيرة باش طلقتي ( تتقرا فتاريخ ) ثلاثة شهور
سند : وي
المسؤولة : تتكلم الفرنسية بطلاقة ؟
سند : وي ؛ عندي مستوى جامعي
مسؤولة : فكرتي نهار دخل فرنسا شنو تقدر دير ؟
سند : الفكرة بعيدة عليا ، سبب الأول باغي نتبع خطيبتي
مسؤولة : شنو الرياضة المفضلة لخطيبتك ؟
سند : ( تفكر اسئلة لبارح ) ماريا ماشي سبوغتيف مي تتبغي تعوم
مسوؤلة : ( هزت كتافها بعدم تاكيد ) انت انسان قاري و خدام ، علاش تشد طريق طويلة باش دخل لفرنسا ! نقدر نساعدك انا دخل بفيزا بسبب خدمتك
_اسكت ماجاوبش فالبلاصة ، وهيا مترقبة الجواب ، هدا ماكان الا سؤال فخ ، لان هي بالاساس فقط موظفة اش دخلها فشي فيزا ولا باسبور و تاني حاجة كن الخدمة لي فقط محاسب فشركة خاصة خادم بعقد وليس دائم تقدر تأمنلوا فيزا كن نص لمغاربة شدو فيزا..
سند : جاوبتك قبل ، انا هنا لطلب اذن الزواج من خطيبتي ، ماشي باش نشد فيزا
مسؤولة : كوميم ! تتبقى فيزا فيزا
سند : طلبت شي حاجة ضد القانون ؟
مسؤولة : ( بهدوء ) نو ! اممم ..الوووغ ، سند ، انت باك عندو جنسية عراقية
سند : وي ، لكن انا تزاديت فالمغرب و عندي جنسية مغربية و تنتمتع بجميع حقوقي
مسؤولة : وي ، عندك الحق ..( غلقت الملف ) فاخبارك عندنا الحق هاد لونكيط يتعاود
سند :(بنظرة تقة) ماعنديش مشكل!!!
مسؤولة : مضي ليا هنا
_مضى لها و عطاتو اذن الخروج ! مع الخرجة لقاها جالسة منتظراه
سند : مشينا ؟ مابقى لنا هنا والو ؟
ماريا : باااه وي
_ طريق لي دخلو منها خرجو ! ماهضرهم احد ماسولهم احد ، لكن سند لموغاال تقلب ، و بحال الا طلع ليه الدم وماريا شادة فيه و غير ساكتة ، حتى دخلو عند عصام
عصام : ( حقق فيه شوفة و نطق بتساؤل) ولد المعلم ؟!
سند : ( جر لماريا كرسي تجلس ) اصاااحبي ! يعلدمهم هما لونكيطهم
عصام : صبر اصاحبي ! اش قالت لك ؟؟
سند : صبر نشوف لمدام اش تشرب ( قرب عندها ) شنو تشربي ؟
ماريا : كابو
سند : ( هز يديه طلب لها كابو وهو قهوة ) واحد نص ميترو اصاحبي , مالقات منين دوز وهي تكولي عندك فيزا ونسى الزواج
عصام : ( طلقها بضحكة ) ههههه اها و الزواج ؟
سند : جاوبها انت …( تيمسح على وجهو ) مهم ، شوف باش نبقاو خوت واحباب ! ارانا داك لكونط ديالك
عصام : شوف انا نشد منك قهيوتي نهار طبع ! و الله ماطبعتي لاشديت ريال
سند : ( شرب قهوتو ) يكون خير ! ( شاف ماريا مع تلفونها ) مهم ! انا نخليك ، نمشي نتسارا ففاس و نبدل الجو ، ماجاتش ندي طريق و نجيبها و مانساريهاش
عصام : كاينة خويا ! تهلا و شنو ماكان تصل بيااا
سند : ضروري ! ( خلص قهوة وهز صاك ماريا وشدها من يديها ) الله يعاون
الوقت لي سند و ماريا اليد فاليد تيزورو ازقة المدينة القديمة لفاس و فكل سؤال ليها يجاوبها و يشرح لها و ياخد لها صور تذكارية ، كانو جوج البنات يلاه حطتهم الطاكسي و هازين ميكات فيديهم عليهم ماركة اوريفلام وطالعين تيتجراو فالعمارة تيدقو على شقة نهيلة ولي ساكنة فيها حاليا عذرا
عذرا : شكووون ؟؟
البنت الاولى : عذرا حلي انا رقية
_يلاه فايقة ! لابسة بيجامة حرير و زيف حياتي على شعرها مدورة ليه باتشا و بقايا ريسيل تحت عينيها ! فتحت لهم الباب وتكفدت لهم بمزحة
عذرا : صبحنا عالله ، فين كنتو الق_حاب على صباح ؟!
البنت التانية : صباح صباح ماليه الملحة وسر عليه ، راه طناش هادي
عذرا : دخلو !
_عذرا و نهلية اختها محطمين رقم القياسي فصحابات ، هاد رقية و اختها صحاباتهم من ايام القراية ، مشات غسلت وجها ورجعت جلست معاهم حتى نطقت رقية
رقية : اوا اااجي نكوليك اش شفنا هاد صباح !
عذرا : اويلي اش شفتو الخرا ؟ خليني ندير غير الفطور بعدا
رقية : اشمن فطور اصاحبتي !؟ اليوم الالة مشينا انا وختي لفاس دزنا لاوريفلام نجيبو واحد لكموند ، اوا ضربنا لك فولد المعلم
عذرا : ( توكضت قلبها بدا يضرب ) هاد صباح !؟
رقية : ( تضرب ختها بكتفها ) ياكي مع ديك تسعود
ختها : ( تتأكد براسها ) تسعود بيلا ، حنا طالعين هما قاطعين الشاريع للقنصلية
عذرا : مع امو !؟ واش قنصلية لي فاس؟؟
رقية : وهيا لي كاينة تما ! تتزيدي شوية لفوق تتلقاي اوريفلام ، و الخبيرة ماكااانش مع امو ! كاان مع وااحد عويد النذ شااد فيديها وقاطعين شاريع معاهم شي ولد ، هما بقاو واقفين والولد مشى
ختها : ايه ! بقينا حاضينهم حتى دخلو ، مليووون فالمية راه دخل تزوج ويعطيوه الفيزا
_ضربت ضربة وحدة فحناكها و صرخت بالم جارح
عذرا : آويلي على ولد الحرااام !! اويلي على تزوج ! كفاااش تزوج ؟
رقية : اختي لي شفناه بالحرف وصلتو ليك ! كفاش تزوج الله واعلم ، ياك قلتي مزال لمحكمة ماحكمت
عذرا : ( ضربتها اللقوة و شداتها سخانة ) لاختي طلقتو
الاخت : علاش طلقيه ؟ زيريه تما ، هاهو طار ليك
رقية : ولكن البنت لي معاه ( تتغمض عينيها و تهز يديها بقسم ) حق مولانا الا فاايتة شايفاهاا
عذرا : ( حنات راسها شادة فيه تتبكي ) ميييمتي فين نرد الراس ؟؟؟ ميييمتي على زهري وميمووني
رقية : ( بشفقة ) ماتبكيش اختي ، والله الا طريق كلها تندعيو فيه لاهو لاديك امو لي فرقاتكم
الاخت : البكا ماعندو ماينفعك ، نسايه عليك
عذرا : ( بعيون حمراء و صوت باكي ) آش نسى ؟ تلت سنين لمصاحبة و عامين دزواج ، عمرو ضربني ولا عكرني ولا خلاني مخصوصة ولا لقيت عليه نبشة للخيانة ( تتدور فراسها بمحنة ) ااااش نسى اختي ؟ تنبغييييييه اعباااد الله ، الا تزوج راه نتسطى
رقية : اويلي اختي عذرا نعلي شيطان ، ولكن راه شفتووو بعيني وهااا اختي شااهدة ، شادها من يديها و البنت حققنا فيها شوفة مزالة صغيرة وشعرها ضارب لنص فضهرها
عذرا : ( بجنون ) سكتيييي علياااا ! مااتكووليش ليااا
رقية : ( حطت يديها على فمها ) هانااا
عذرا : شتي نسمح فعمري وسند مانسمحش فيه ، واااش انا نعاود لقى بحالو ؟ وااش نعاود نبغي شي احد بحالو ؟ راجلي كان باغيني وفرقونا
الاخت : ختي ديك امو ماعندها فين تنعس و الرج_ال اختي مافيهم تقة
عذرا : جيت سكنت فهاد لبرطمة بحال غارقة فبير ، كنت ساكنة حداهم فارقنا جوج دروبة توصلن عليه صغيرة ولكبيرة
رقية : عيطي لنجاة راها يكون فاخبارها ولا عيطي لنسيبتكم راهم جيران أم الخير
_بنادم تيظن انه تيجري فالخير و يتسارع لتوصال الاخبار دون معرفة الحقيقة ، عذرا قلبها تشعلت فيه العافية من الاخبار لي تتوصلها فتلفونات و يأكدو الكلام و اخرون يشككون ..
_ ولد معلم ام الخير سيمانا هي عندهم تتطيب و توجد
_واايه جات عندهم بنت خالتو
_لاختي ماشفتش ، صبري لبس جلابتي نخرج نجيب لك لخبار
_عذرا : رقية الا وريتك واحد تصويرة تقلعي ليا شكون كانت معاه ؟
رقية : ( اشارت لعينيها ) حفضتها حفيييظ !!!
_ على وعدها سعدها ناضت جابت صور العرس لي فيهم بنات العائلة منهم روزا و كارين و ماريا و اللحظة لي حطتهم طارت رقية و ختها على صورة ماريا
رقية : هاااادي ! هياااا هادي
عذرا : ( شدت تصويرة قطعتها بجنون ) بنت خااالتو ! بنت خااالتووووو اختي
الاخت : علامة ساعة هادي ، ولد لمعلم مخدم لعكس مخلي صاحبتو لي كانت مراتو وتزوج بنت خالتو
رقية : آفرنساا هادي
عذرا : ( بحرقة مذكرة لافيغ فرنسا ) ااايه اختي فرنسااا هااادي ، ولكن ربي ينصرني عليهم
_بعد دعوات كثيرة ، الله يدير ليه و الله يصدف ليه ناضو خرجو و خلاوها دايرة منذبة حقيقية وحدها ، منذبة خاااصة بيها ، منذبة تيشدوها فيها عظامها و تنتف شعرها و عيونها يتنفخو وصوتها يبحاح منذبة بشعار الشمتة
نهيلة : الو
عذرا : ( بصوت منهار ) الو ! ااجي ، ااااجي تسمعي وااجي راه غنهبل
نهيلة : اش واقع ؟ خوك لي مشوهنا راه فالحبس مك راها عاد قطعت معايا خاصها فلوس ! آش يوقع اكثر من هادشي؟؟؟
عذرا : ولد المعلم !! سنااااااد تزوج …
نهيلة : مبروك عليه ! لانتي مزال طامعة
عذرا : ( بجنون ) ماتكوووليش ليا هكا ، اااختي مزال طامعة فيه وباغاه
نهيلة : اختي راكي طيحتي ذل ، اعذرا ! اااختي ، تعقلي العام لي رجلي على رجلك تنوجد لعرسك ! اش قلت ليك ؟ قلت ليك زواجك بسند مايطولش ، قلت ليك زهور و الله لاقديتي عليها ، قلت لك فسخي البيعة و شرية و خليني نضبر لك تبعيني لفرنسا !!!!اوا نتي ولد معلم ! ولد معلم ، هاهووو ختي جمع لك
عذرا : ( تتبكي و تنوح ) اناااا ! اناااا لي طلقت و سنيت على عذابي بيدي ، امااا اختي مانطلقش
نهيلة : دبا تتلوحي ليا الهضرة ؟ سمعي نكول ليك ، كن باغيك كن رجعك ، ماشي يمشي يتزوج ، وشكون هاد ختنا لي خدا ؟
عذرا : بنت خالتو ! شافتهم رقية فصباح اليد فاليد داخلين القنصلية يشدو الفيزا
نهيلة : البااارد و سخووون امولاي يعقوب !! لاختي نتما شحال هادي باش طلقتو ؟
عذرا : ماكاملة حتى ثلث شهور
نهيلة : ( سكتت تفكر ) شوفي راني مزوجة كاوري وعارفة قانونهم ، اجي وخود لفيزا ، بنت خالتو راها زيادة وخلوق تما يعني فرنساوية ، يكونو طلعو يدوزو لونكيط
عذرا : و البنت شافتهم !
نهيلة : اختي الا تتاكلي من غير الخبز كوليها ، واش تتكذبيني انا لي دوزت طريق القنصلية و تيقى رقية لي مافاتت حتى طنجة ؟ اووفين حقا صاحبتك شوافة
عذرا : ( تنهدت بغل ) يدي طاحو ليا ! وسيدة طلبت ليا فلوس صحاح وانا ختي منين ؟
نهيلة : تبريت فيك من زمان من هاد طريق ! ونتي عايشة مع الشمع و البخور
_عذرا : شوووفي ليااا باااش ماكاان ، ماااانزيدش ضربة هنا
نهيلة : ( بعصبية اكثر و نرفزة ) ايه واخة ! انا داباااا نعيط لقنصل يخرج لك فيزااا ( ضربت يديها مع طبلة ) باااش اختي نشوف ليك ؟ باااااش ، بوسطك ولا فلوسك ، دكتورة انتي ؟
عذرا : ماسوووقيش ، ياك قلتي الكونطرات و الكاوريين كاينين للزواج
نهيلة : هاد الهضرة دازت عليها سنين و فرنسا غادة و تتقواد عليها ، مااااابقاااو كونطرااات مابقاااو كوور ، الكاوري لي كنت طامعة فيه صاحب راجلي راه فرقنا جقلة ، داابااا تعطي مسعودة البروودة و تخليني نفكر منين ندوز لولد المعلم
عذرا : شنو ديري ؟
نهيلة : عطا الله مايدار ، كن تشوفي هنا القانون مع العرب تلفي ، نتي ضبري ليا فكنية بنت خالتو ، هاد البلان لي فراسي قدامي واحد الملالية دارتو لصاحبتها
عذرا : فهميني !
نهيلة : الا فهمتك تفهمي ؟
عذرا : نفهم اختي نفهم ، غير بردي ليا هاد العافية
نهيلة : مهم هاد ختنا ، جابت لصحابتها كاوري من فرنسا و دارت معاها تخلصها فيه بالفلوس اللحظة لي يحط رجليه فالمغرب، ولكن صاحبتها لوات على لكاوري اوا سيدة دارت لخطوبة و تصاور و دوزت لونكيط و تتسنى كاباسيطي ، ناضت ختنا لملالية كتبت رسالة لمصلحة الزواج تتقولهم راه مارياج بلون وعمرت لي كاين ولي ماكاينش اوا راسلو القنصلية و عكست لهم ..هااا خصايل لعرب هنا يكويوك و بالقانووون …
_صباح جديد !! صباح يوم الثلاثاء لي العائلة عندها حدث خاص وهو مباراة سيدح ! من داخل القصر مثل كل يوم ، الخدم مهتمين بالكبيرة و صغيرة و ميلا مساعدة المربية على ذهاب جونيور و ريان للمدرسة و بخثة و كارين بعد فطورهم اتجهو للعمل و بشرى تتبقى فالقصر منتظرة رجوعهم الا ماعندها اشغال خارجة و حاليا شغلها هو تلفون مع زهور
بشرى : اوا الحمد الله آختي غير منين داز لونكيط مزيان
زهور : و سند قالي زيروه فالأسئلة ولكن سلكت
بشرى : آش نقول ليك اختي ! راني عشت فرنسا جايا لربعة وعشرين عام ، كل عام قانون تيتبدل و تيتزير على اول ولا جينا نبحثو لقاو العرب دياولنا السبب ، كاين لي خدمةُ ولا خدمتها هو لمارياج بلون عيقو عليهم ، وكاين مشاكل اخرى تايجيب المراة من البلاد و تشد لوراق و طلب طلاق و تشد ليه دار و نص الخلصة اوا فرنسا كثرو عليها العرب و مشاكلهم
زهور : راني عارفة اختي ، فالجمعية عندي تنسمع مشاكل الجالية ، مهم نخليك هاهما فاقو يفطرو
بشرى : لهلا يخطيك اختي
زهور : الله ألحبيبة على راس و العين ..
_قطعت معاها الخط تتستمتع بالهدوء الحالي حتى دخلت عندها مانويلا
مانويلا : مدام بشرى مسيو تيتو و روزا وصلو
بشرى : ( تفاجأت وقفت خارجة للباب ) ياك يدوزو لعند سيدح نيشان
مانويلا : مدام بشرى نعاود نحضر وجبة الفطور ؟؟
_يلاه جات تجاوبها و هي يبانو لها داخلين ! روزا هازة صاكها و نظارات شمسية مغطية نص وجها و تيتو داخل عاقدهم و مامادو ورائهم
بشرى : ( اشارت لمانويلا تمشي ) على سلامتكم
_على سلامتكم جاوبها فيها فقط مامادو اتجه لغرفة ميلا اما روزا و تيتو جلسو بعاد على بعض كلها فين تيشوف
بشرى : ولدي مالكم ؟؟
تيتو : ( حرك راسو بسلب ) غيااان ! صافا
بشرى : ( اعادت سؤال لروزا ) روزا !؟؟
روزا : ( حيدت نظاظرها و خنزرت فيه ) سوليه هو ا طاطا ، ( لحمورية طلعت فوجها ) إل موميغد طاطا
تيتو : ( دور راسو عندها ببطئ مصغر شوفة فيها ) انااا تنمردييييك !؟ ( شار لنفسو من جديد مأكد سؤال ) انااا تنمرديييك ؟
روزا : ( ماحساتش براسها ضربات دوك نظاظر بقوة لارض وقفت تتعاتبو ) باااه وي !! خدمتي مياات مرة كلت لك مااادخلش فيها
تيتو : ( وقف قاصدها و هي بشرى توقف بينهم ) اطط الواااليدة ! خدمتك ؟ و خدمتي ؟ سيمانااا ونا معاك فليسباان ومخلي خدمتي ولي تابعني باش روزاا دوز لٌو شو فخاطرها
روزا : ( تتقادر فشعرها و تهز راسها بعناد امامو ) وي ميغسي ! مي ايكوت ماشي اوبليجي عليك !!
تيتو : ( وقف عن الحركة رمقها بنظرة غاضبة ) فيااان لا روزااا ( تيبعد بشرى ) اجي نهضروو
روزا : ( تتبعد ) هضر من تما !
بشرى : ( تتبعدو و تشوف فيه وفيها ) اشنوو وااقع ؟؟؟ فهموني !!وانت شد يديك
_وصل لقمة العصبية ! خلا بشرى واقفة وضرب الدورة الشرفية فداك صالون وطار عليها شدها من شعرهااا و بشرى عيات ماتجر و فالأخير بدات تتنادي على مامادو
تيتو : ( جارها بقوة ) دبا عاااد جااتك الهضرة ؟! زيدي قدامي
روزا : لاااش لاااااش مي شوفو ! طاطا طاططاااااا
بشرى : ( شدت فراسها ) واااربي !!! اعباد الله
مامادو : ( نزل تيجري ) تيتوو
تيتو : قااا_ود عليااا مايتعبني حتى وااااحد
_الا ناض مايقد عليه احد !! القصر تيكون فهدوء تام حتى تتحضر روزا ولا سيدح لي غائب ايام مع المباراة ، طلعها غرفتهم الفوق بالقوة و تتدور تضرب فيه و دفعو لكن كان قوي عليها حتى هزها بقوة لاحها فوق السرير ورجع غلق الباب و بقى غادي جاااي قدامها تيغلي بالاعصاااب
تيتو : فطيارة وانا تنسولك ! وانا تنهضرك ، خصايلك مابااغاش تحيديهم ؟ زعما تارجعنا لماغساي عاد تخدمي ضد ؟؟؟
روزا : مي سي مافي تيتو ! قبلت نكون معاك وي جاسيم ، (بتأكيد)مي سي مافي اوسي !!
تيتو : (كشير ليها بصبعو)طا في سي مافي ! دخليها لراااسك ، ايطالي ماتعشيش فيها
روزا : ( وقفت امامو تتهز فيديها و تعنثت ) اي فخيغووو !! سطوووب ، ماااتآمرنيييش و مااااتهضرش معايا هاكاا ، فين المشكل نعيش فايطاليا واحد ستة شهور بوغ لوطغفاي ؟ عشت عامين فلاسويس !!
تيتو : ( قرب لوجها تيصرخ ) مااااا تغوتيش ندخل فدلمك ! عامين فلاسويس كنت فالحبس ماشي لخاااطري ، و ماااكنتيش بوووحدك ، خطوة بخطوة محسووبة عندي ، خدمتك ؟! خدمي ففرنساا ! ماقدااتكش ماغسااي ؟ راااه باريس ! من فرنسااا ماتخرجييش ، جاتك خدمة فشي قرينة كحلة طيارة لي تديييك تجيييبك
روزا : ( خرجت فيه عينيها رافضة كلامو ) باااه نو ! ندير لي بغيت
_تيتو : ( دور لسانو فمو بعدها تهز بقهقهة مستهزأة ) هاربة من كلمة الزواج على ود هادشي !؟ اوا سمعي مزيان انا اكثر منك ، مقووووود فريي ، ومااااتنعترفش بالاوراااق ، ولكن تنعترف بالمراة لي باااغي ! ( هز معصمو فوجها ) ولي تتمشي ليا فدمي ، تريح مع كرهاا حدايا ، تخدمي وي ! جوسوي داكووووغ ، مي حداياا ، قدااام عيني
روزا : ( شاحت بنظرها لبعيد تتسرط لهضرة ) نووو
تيتو : ( هزز راسو بفهم ) اوك ! نشوفو نو ديالك ..
روزا : مي خااصك تفهمني ! بزاف عليااا شاك فوا نركب الطيارة غاادة ، جااااية !!
تيتو : ( بصراخ ) مااااتخدميش مع هاد لاجوونس دوووميغد ، صافي ميييم بااا دو موا روزا خرجتك من كارثة ، فين هاد لاجونس ؟ عقلت علييييك ؟؟
روزا : سي فغي لاجونس ماتسواش ، مي لي كونطخا دوطغافاي معاهم مزياانين
تيتو : (شد بين عيونو بتعب وتلفونو تيرن جاوب فالحين ) وي تيو
قادر : وينك ؟! كومبا د سيدح بقى لها ساعتين !!
تيتو : ( بتنهيدة حارة تيخنزر فيها ) جاي تيوو ( قطع الخط ) تحركي بلا بيااااا نصفيها لدلمك ..
روزا : ( جلست تاتشوف و فقط بحركة الفم ) نيييك…
_خرج زادح الباب نازل لتحت و بشرى جالسة تتكلم فتلفون مع بخثة
بشرى : هاهوو
تيتو : ( تحنى هز صاك روزا هز منو الباسبور وشد التلفون من بشرى ) وي بخثة
بخثة : واش صاري ؟
تيتو : لي صاري ، روزا باغة تهز الباكطاج وتعيش فليطالي
بخثة : ياك كنتو بزوج فليسبان و هانية الوقت
تيتو : بخثة بنتك راكي تتعرفيها ، بالله لا عاشت تما ، نخليك تيو يتسناني نروحو لماتش سيدح
بخثة : الله ينصروو
تيتو : آمين
_هز سوارتو و تلفونو و خرج مخلي بشرى تتدعي معاهم ، ركب هو و مامادو فسيارة لي كان منتظرو فيها ومع خرجة القصر نزل الزاج مخاطب سوكيرتي
تيتو : الا عتبت روزا الباب نبغي تكون فخباري
*** : داكوغ مسيو تيتو
مامادو : مي كيس كيس باااس مونامي ؟
تيتو : ( تيتحسر ) واش ماتتعرفوش روزا ؟
مامادو : ( حرك راسو بلاحول ) صمت ..
_من العاصمة الإسماعيلية ، من بعد يوم ملئ بالاحداث صباحا و تجول في فاس مساءا دخلو الدار حتى ليل !! كما عادتها فصباح نظارات طبية فعيونها وجالسة تتفطر و تركيزها مع الهاتف تعرف اخر الاخبار مرة مرة تتهز راسها فتلفاز امامها على فيلم مغربي شي تاتفهمو شي لا
زهور : ماريا افطري آبنتي
ماريا : ميغسي طاطا ! بغيت غير كافي
زهور : ماصبحتيش عيانة ؟
ماريا : نو طاطا صافا ( بسؤال ) نخرجو ؟
زهور : بغيت ناخدك تعزلي جلابة لي بغيتي و القفطان
ماريا : ( تتحلل كلامها ) ااه وي ! داكوووغ طاطا
زهور : كملي فطورك و لبسي حوايجك على مايرجع سند راه سخرتو
ماريا : ( بتسمت لها ) اوك !
_ مثل الامانة ! فين ماخلتيها تبقى ، تسولها تجاوبك على قد السؤال ، كملت فطورها رجعت بيتها تلبس ملابسها و كان سند عاد داخل بتقضية مباشرة للمطبخ و تيسوط
زهور : الحوت زوين ؟
سند : مزيان ! شنو درتو تخرجو دبا ؟
زهور : اوا ندوزو عند الخياطة تقيس ، ربما ماتجيهاش شي حاجة تقادها مهم يبقى الوقت و نتما تخرجو بلعشية ؟
سند : البارح كنا تنهضرو و بغات طلع لطنجة عجباتها
زهور : ياك آولدي مابقى تابعكم حتى ورقة ؟
سند : لا والو ! ولكن الواليدة راه غير مخطوبين لاتنوض خالتي تقول ليك اش داك ؟ انا راه ربي عالم بنيتي ، نحطها فعيني
زهور : خالتك آمناتك عليها بصفتك راجلها ولكن انشاور خالتك ، مهم الا كتاب و طلعتو مانوصيكش
سند : ( حرك راسو ) يلاه الا أ نديكم ! ياك الخياطة صاحبتك ؟
زهور : اياااه
_صعيب تعرفي نية الانسان ، صعيب تعرفي شنو تحفر ليك ولا شنو ناوي ليك ، شخص مثل سند ماشي جديد عليه هاد السلوك الحسن والنية الحسنة ، دخل الحمام غسل يديه وعطر نفسو هو الباب وهي الباب لابسة ديباغدوغ قصير بطنها ابيض تيبان مع سروال سليم و شعرها مطلوق و نظارات فوق الراس دايرة ساعة فيديها تاتبان كلاص لكن عوج راسو بدون شعور عاض على شفايفو من رؤيتها بداك الجمال منيم فيها عينيه
سند : فين الواليدة نزلت تحت ؟
ماريا : راها فلاطيغاس نسات شي حاجة
سند : ( سرط ريقو ) انا نزل نديماري طموبيل ، ماتنزليش حتى تنزل الواليدة
ماريا : داكوغ
_سلوك معروف بيه ، منين تيتعصب تيبقى يسوط ، ركب السيارة مديماري و تيفكر فهاد المشاعر الجديدة عليه ، و لي معصبو هو كيفية التواصل ، واش يقولها بين ليلة ونهار ماتلبسيش هكا ؟ ماتشوفيش هاكا ؟ لوجيك ينكحو … بقى منتظرهم حتى خرجو و زهور فتحت باب السيارة الوراء وعطات الحق لماريا تجلس جنب سند
سند : ( دار تيشوف فيها و فحوايجها تيهضر مع زهور) مشينا الواليدة ؟
زهور : على بركة الله
_طريق كانت قريبة ! لكن زهور فضلت السيارة مابغات تشوف احد الا تلاقى باحد ، دقائق كانو عند الخياطة لي محلها كبير وراقي سند بقى فسيارة ، هما دخلو عندها وكانت فاستقبالهم بحرارة
الخياطة : صلى عنبي رسول الله ! هادي عروستك الالة زهور
زهور : ( بفخر ) اياااه ! عروستي و بنت اختي
الخياطة : مرحبا والف مرحبا نورتو المحل
_ماريا فقط تبتسم ! جلسو مع بعض و المغاربة قبل اي عمل لازمهم حوار روتيني عاد يدوزو المهم ، ماريا غير تتشوف بهدوء حتى قالو لها نوضي تقيسي …تتقيس الجلابة و زهور تتساعدها و تخرجها تشوف فالمرايا
الخياطة : ماشاء الله جميع الوان جاوها مع وجها
زهور : (بإعجاب)غزالة عروستي هاد لغوز زوين
ماريا : ( عجبوها جلالب تتشوف تبتسم ) طاطا نقدر نختار لون لي بغيت ؟
الخياطة : ( طارت تتعنقها ) حلوة هاد البنت عندك حلوووة ! اوا فين مولاي سلطان ؟
زهور : فطموبيل جالس
الخياطة : دخليه يختار مع مراتو ! لمحل خاوي هو ماشي براني
_خرجت زهور مدخلاه هو بالفرحة عليه يدخل ! داخل معاها وعينيه تيبحثو عليها والخياطة تتهضر معاه هو مرفوع
الخياطة : اوا لواااه ! زيد تسلم عليا ونوريك المدام
سند : ( بخجل تيضحك ) اهلا خالتي ! لباس عليك ؟؟
الخياطة : لباس آولدي ! اوا مبروك عليك الله يتبث الغرس
سند : اللهم آمين
الخياطة : ( دخلت عند ماريا قادت لها جلابة فلون لي بغاات و هزت ريدو ) هانت الزين الصافي ها لون لي ختارت الابيض لملكي
زهور : جاتها روووعة
سند : ( عينيه تيقولو شلا كلام مبتسم لها ) ماشاء الله !
ماريا منزلة وجها بخجل و صمت هزت فيه عيونها و نزلتهم نفس لوقت وهاد الحركة حس بيها ذبحاتو و سلباتوو ! كتفت فالاخير بهاد الجلابة و قفطان اخضر و قرب منها سند تيقاد شعرها
سند : بقاي لابساها جاتك زوينة
ماريا : مانعرفش نمشي بيها ! سي بوغ لافيط
سند : لا ماشي لافيط ! بوغ توجوغ ، ( قرب لخصرها تيهزها شوية ) بقاي هزاها من هنا
زهور : ( بنظرة صادمة تاتشوف فيه ) الرجوع الله اولدي ، تلبسها بسيف
سند : ( حشماتو نزل راسو تيحك وذنيه ) لا حاشا بالخاااطر
ماريا : ( ظنت ان بشرى تتوبخو ) سي بون طاطا البسها دبا
زهور : بصحتك اكبيدة
_ ودعو الخياطة و هزو مسائلهم وهما خارجين شدها من يديها فاتح لها باب السيارة حاضي جلايلها تا ركبت وركبو جميع
ماريا : ( تتاخد سيلفي ) زوينة بزاااف هاد الجلابة
سند : ( بدون وعي تكلم ) نتي لي زوينة جيتي معاها
زهور : ( شداتها ضحكة دارت راسها ماسمعت والو ) زوينة آبنتي بصحتك
ماريا : ميغسي طاطا ( ميلت لو راسها ببرائة ) ميغسي اطوا اوسي
سند : ( عض على شفاه تحتية من شدة اعجابو بصوابها ) بصحتك تستاهلي مااحسن
_صوت المشجعين و الجماهير مالين المكان باصواتهم القوية ! دقائق و الكل منتظر نهاية لكومبا ، الكومبا لي كانت فيها ثلاثة جولات ، اول مباراة ليه فماغساي بين مشجعينو الفرنسين الاكثرية منهم العرب و منين تنقولو العرب ابرزهم مغاربة وجزائر و تونس و الآفارقة ..الحلبة كانت محاطة بشباك مغلقة فقط الحكم و سيدح ضد الخصم تيتبادلو ضربات و المصورين و مراقبين للمباراة و مراهنين نظاراتهم على من يهزم الاخر
تيتو : ( تيجمع يديه باعصبية و يتنفس بقوة ) صمت
قادر : ( بهدوء ونظرة حادة ) صمت
_ثواني و سيدح تدارك الموقف مع صراخ مشجعين و وجه ضربة القاضية للخصم لي طاح على ركاابية و نزل عليه بضربات قوية حتى دخل الحكم تعلن على نهاية المباراة تحت تصفير و تشجيع قوى و دخول صحافة و الكوتش للحلبة
صحافي : بغااافووو !! الووغ سيدح
سيدح : ( تينهج و حاجبو تينزل منها دم ) ميغسي
صحافي : كومبا ماكانتش ساهلة و كنتي على قرب من خسارة
سيدح : ( هز راية فرنسا لي لاوحو ليه ) وي الخصم كان قوي ! تنعترف مي ربحت مهم ربحت
_مثل اي كومبا للحظات تتويج و كثير من صور و تهنئات الى تجمعهم فالفيستيال مع تيتو و قادر و الكوتش و المسؤلين عليه من طبيب و تغدية و علامات القلق و نكهة ربح ممزوجة بعدم اعجاب
الكوتش : ( تيشير ليه بعتاب ) لكومبا لي تلعبها زهر ! غير خسر فيها ! عقلك ماشي معاااك
تيتو : ( واقف تيسوط هز قرعة الما تيشرب من المرارة ) كنتي صحيح عليه اصاحبي ! كان خاصك من ضربة الاولى تجيب الكاو
سيدح : ( بعد وجهو بالم من طبيب تيداوي حاجبو ) ااااه بيتاااان
كوتش : ( بجدية و هدوء مخاطب قادر ) كلامك طلع فمحلو ! نهار لي حط رجليه فماغساي هو مرفوع
_كانه ماشي هو لي كان جالس تيتداوى و يتآوه بالم ! ماشي هو لي خرج من كومبا حرق فيها سعراتو ! بسخط تيهز فيديه
سيدح : كومبا و ربحتهااا ! ( تينهج و دم نازل على عينه تيتقطر على صدرو ) وي ! ماشي فنهاري ، مي نحاول
كوتش : ( حرك راسو بعدم تصديق ) عارف مشكل فين كاين ؟! ( نتظرو يشوف فيه وتكلم معاه ) مشكل ان MMA دايرها هواية ، كانت ورقتك رجوع لماغساي سي تو ، كن تتعامل مع MMA انها مستقبلك و خدمتك و هوايتك او ميم طوب !؟ تشمي بعيد ، نص فداراري لي كاينين دبا كلهم بداو من زيرو ، كانو يخدمو باش ياكلو و يجيو لونطخيمون و يلعبو لكومبا و حياتهم تتحط فيها ، انت كولشي عندك واااجد ، ( اشار لقادر و تيتو و لطبيب و مختص اغدية و لنفسو ) عندك فرييق و انت يلاه فالبداية ، شنو خاصك باش توصل للقمة ؟
سيدح : ( تيدوز يديه على راسو ) سي بووون ! نرجع كيف كنت ..
_عم صمت ، الكل ماتايقش فكلامو ! تيتو هز ديك القرعة ضربها مع ارض و كوتش وقف تيسوط من برودة دمو ! للحظة لي يتكلم تيتو قادر وقف بكل هيبتو و نظراتو الحادة هز فوطة مدها لسيدح
سيدح : ( شدها منو حطها على حاجبو وتيحس بقلبو تيضرب ) تتتييي تييوو
قادر : ( طبطب على كتف سيدح ) ماحبش دير عقلك ؟! نديروه ليك ! ( اشار لكوتش براسو ) اي تفقنا عليه نفذو
سيدح : تيووو ! جسيت دي بخوبليم اثرو عليا ، من غدا رجع لونتريمون
قادر : هو ترجع لونتريمون ! مي فهولندا واحد ست شهور
سيدح : ( نزل راسو متفادي يتعصب ) تيووو ! ماااباااغيي
قادر : تيتو مشينا !؟
تيتو : ( بتحية لكوتش ) مشينا تيوو
_خرجو واحد مور واحد بقى معاه كوتش ! خلاوه تما تيغلي باعصااب ، قادر كان قبل حذرو من عدم الامبلاة و رجع تيتو حذرو مرة اخرى واكد عليه يبعد عن كثرة مشاكل فارغة و البنات لكن لي بحال سيدح ولو طبل ليه ليل و نهار صعيب ياخد نصيحة ، خاصو تيطيح فتحذير عاد يفيق
سيدح : ( بركلة قوية لباب ) مييييغد !! تفوووو ، هولندا ولا ز_بي عاوتاااني
_كوتش : وجد راسك من هنا سيمانا نمشيو
سيدح : ( خنزر فيه غمض عينيه تيحك جبهتو) صمت
كوتش : ماعرفش مشكلة لي عندك بضبظ ! مي غالبا قضية فيها البنت ، واحد سؤال عمرك طرحتيه على راسك ؟ ( شاف فيه بتساؤول ) عمرك سولتي علاش الرياضين لي واصلين القمة فاي رياضة علاش تيتزوجو بكري و يستقرو بكري فحياتهم ؟
سيدح : ( هز حواجبو بعدم معرفة ) جو سي با ، بو طخ لقاو لاموغ
كوتش : امور الحب مانقاشهاش معاك ، مي لي ماكد منو ان بنت وحدة فظهرك ومعاك و دعمك و تحسك بالاستقرار احسن من بنات هما غير يرجعوك للور بلا نتيجة ..
يتبع
التعليقات 0