سيمو دوا مع السيد لغادي حل له للمشكل في الديوانة شكرو وتم غادي اللاوطيل تجاه تلفون شاف سمية وهو يغوبش
هاهي ثاني غادي تضدعني نكارة الخير
سيمو :(جاوبها ببرود)وس سمية لاباس علك خاصك شي حاجة
هي :(كتجاوب بهدوء وبرقة )لااسيمو توحشتك بزاف عرفتي خلتي بلاصتك كيفك انت وكيف امورك حلتي مشاكلك
هو :(تشوف تغيرها الكبير )هانا كنحل فهم نحلهم ونجي
هي :كنتمنا يكون خير احبيبي لخاصتك شحاجة علمني را قلت لماما نتسلف من عندها شحاجة تنتسعو وردوها لي ..وخا كتشوفني قاصحة معاك اسيمو والله تكنبغيه والكلام لقتو ديك النهار احيث معصبة
هو :سمية ماشي وقت الهدرة ديا خلني تنجي وندوو وخا
هي :وخا اسيمو انا جالسة فداري توكان تجي تهلا لي فراصك يلا بيزو
هو :بسلامة
قطع معاها وهو مصدوم من تصرفاتها وحاس ان سمية كتحس بالغيرة وندمات عل تصرفاتها لكن داكشي مهاموش حيث من نهار تزوج بها عارف لاش مزوج بيها …ودموعها مكتهموش ولا ديك التوبة المزيفة
دار التلفون فجييو ومشا عند عويشتو لفهاد الاثناء شدا لحثيث مع مليكة فالتيلي حتا دخل علها سيمو
هي :بلا لمليكة بسلامة تال غدا ونكملو هدراتنا سلمي عل الحاجة ولا رانيا
حطات التلفون وناضت عندو
اش درتي اسيمو داكشي تحل ولالا
هو :(تشوف فها بحزن مصطنع وجلس حط لدو عل خدو ) مزال متحل طلبو مني نخلص الضوبل اعويشة وراك عارفا مزال مبعت السلعة كلها مشكلة صافي
هي :بفف صافي اسيمو متخممش كلشي غادي تحل غادي نشوف اش ندير ونخلصو كلشي انا غادي ندوي مع با للحاج يصفط لنا المبلغ تنهبط لكزا ورجع له فلوسو
هو :(شاف فها بغا يعرف كلشي علها )وانت منن جاوك لفوس
هي :عندي رزقي اسيمو با كان تاجر خلا لي رزقي عند خويا مبغاش يعطه لي وعندي شي بركة مخبياها لدواير الزمان مفها باس نعاون راجلي تيوقف عل رجليه .علا المراة لموقفات مع راجلها كتسما امراة وانا وخا عاد تزوجت بيك مستعدة نعاونك
هو شاف فها وضحك عجبو الحال ،اول مرة يسمع كلام زوين تخليه يحس انة مزوج ماشي مصاحب ….
شاف فها وابتسم وجرها لعندو عنقها
ربي خليك اعويشتي ،خلي لك رزقك انت درتي عل قبل لمدار وانا غادي ندير كل مفجهدي باش حقك يرجع لك من عند خوك
هي :(ابتسمات وهزات عينها فه)بصح اسيمو
هو :(هز.عينو فها باستغراب فاش سمع انها عندها لفلوس وتزوجات بيه )اجي مني انت عندك هاد الفلوس وباك خللا ليك باش تعيشي علاش قبلتي تزوجي بي ..وانت ماشي من دوك النسا لباغين ايتزوجو ويقلبو لصرف علهم انت امراة قادة علاش وافقتي تزوجي بي وكان فيك تعيشي قايدة وتبارك الله كاع صحاب باك معاك علاش مكرتيش وخدمتي علاش وافقتي علي وعارفاني اني باغيك غير من اجل الاطفال
شافت فه بكل ثقة
هي :عندك الحق فكل كلمة ،انا كنت رافضة نتزوج بيك كنت مغصوبة …اسيمو وخا كنت قادرة نبيع دهبي ونخرج نكري ونستنجد بصحاب با لكن مدرتهاش عرفتي علاش
هو : علاش ضرني راسي وبغيت نعرف السر لخلاك تقبلي بواحد مزوج
هي :الجواب بسيط حيث كان خاصني شي طريق لتخرجني من سجن خويا ..ملقيت شي طريق غيرك …كيف انت بغتي منفد لوصلك لطريق الراحة للابدية لكتمثل لك في انجاب الاولاد تنا بغيت منفد لخلني نكون حرة والحرية مغادي نحققها الا بزواجي منك باش نفهمك.اكثر خويا .ابراهيم كان مانعني من الخروج بحجة اني امراة والمراة ممنوع تخرج الا لقضاء شحاجة مهمة لدرجة كلا لي حقي تلوح لي فقط…..داكشي لبغا فكرت شحال مرة نخرج نكري لكن الخروج من المنزل صعب جدا انت معرفش ابراهيم كيف عامل ..بحال شي وحش مستعد ينهش فلحمي باش ياخد لي فلوسي اما مرتو نكارة لخير كتبقا عله بالتحراش تكترضو بحال شي حيوان آلي باغي غير يضرب وبهرس …فايت لي جربت نخرج نخدم لكن رفض ومنعني من الخروج لدرجة خلا كاع صحاب با يوقفو معاه فكرت بزاف نخرج لكن كنت عارفا ان ابراهيم مغاديش يخلني نعيش لو عرف اني بغا نتمرد عله وناخد ورثي علها فكر يزوجني ويرتاح باي رجل المهم منكونش باغياه باش يضمن اني منحلش فمي ونعيش مدلولة فكرت فكلشي انا ماشي مكلخة باش نتزوج ولوح راسي لاي رجل لكن تزوجت باش نعتق راسي حيث كنت متاكدة اني وانت محال نتفاهمو انت كتبغي مرتك بزاف مغاديش تخلا علها ومستحيل تبغيني وانا عمري ماشي صغير باش نجيب لك ولي العهد بهاد للسهولة كثرتنا شهر وجوج عاد نطلقو علها وافقت علك
هو دفعها وخنزر فها من اعترافها
يعني انت بغا تطلقي مني ومبغاش مني لولاد اعويشة
شافت فه حادرا راصها
انت اسيمو جتي تخطبني باغي غير تولد معايا نستي كيف كنت كتقابلني بوجه متجهم ونظرة جاحدة كنتي مكتحملنيش
هو :اش بغتني ندير اعويشة انت معارفاش باش كنت كنمر مشاكل وضغوطات وديون وسمية ومشاكلها كنت مخربق بغيا ترتاح
حطات ادها عل كتفو
والله تحاسا بيك اسيمو وعارفا اش داز علك لكن حس بي تنا بغيت نحس بانك باغيني ماشي باغي اتولد لولاد وترحع لمرتك …مبغيت والو بغيت اجزء بسيط من قلبك وخا 30%والحزء لبافي خله لمرتك انا عارفها صبرات معاك وكافحات مبغيت والو اسيمو غير نعيش باقي حياتي في ظل شي راجل يحمني ويجيب لي حقي وانا مستعدة نكون لك مراة ونص ..وادا تطلب للامر نكون راجل فشي مواقف كتبغي راجل
شاف فها وتنهد مني جبدات لي سمية ..هو الوحيد لعارف ان علاقتو مع سمية دايرة بحال زواج المتعة لا هو تفكر فها بديك الطريقة المثالية انها زوجة وحبيبة ولا هي كتفكر فه انو زوج خاصها تضحي معاه وتساندو هو تشوف فها كجسد وهي كتنظر له كبنك.
رجع شاف فعويشة لولات كتعني له وباغي كمل حياتو معاها …
شكون قاليك اني مباغبش نكمل حياتي معاك انا لالا عويشة منستش اش درتي عل ودي غامرتي معايا وكنت فسابع ارض وطلعتني لسابع سما مستحيل نسا خيرك انت ولتي كتعني لك وانا محتاج امراة قوية فجنبي امراة لتساندني عل الزمان وتعطني لولدات وانت فيك كاع داكشي لبغيت اعويشة وباش نكون واضح معاك انت كتعجبيني وكتخليني نحس براصي صغير وانا معاك كنسا اني بديت نكبر …انت كتسالي معايا …عمرني قلت لك انك كتعني لي بزاف وبغيت نكمل حياتي معاك تال نكبرو ولادنا
هي :(خرجو لها اادموع وبدات تبكي )لا عمرك قلتي لي هاد الهدرة اسيمو كنتي ديما كتبين لي انك غادي تطلقني غير نولد الولاد
هو :(مسح لها دموعها )لا متبكيش زعما بعينا نبداو نترومنساو وانت كتبكي لي مسحي دموعك وقولي لي
كنعجبك انا …كنجيك فارس احلامك ولا فقط زوج والسلام
ضحكات وضرباتو لصدرو
هههه وايلي اسيمو كبرنا عل هاد الكلام زعما قربنا لاربعين وانت كتقول هادشي مشبعتيش
هو :(هز عينو )من ناحية التفلية تكهمت لكن بحالك مجربت تعجبوني لعيالاة المرزنات
هي :ممم زعما احياني علكم الرجال
هو :دبا خلنا فموضوعنا واش كنعجبك ولالا
هي :(تزنكات وشافت فه) اش نقول لك اسيمو فلول كنت كتجني ثقيل كنت كنقول كفاش غادي نعيش معاك وانت هكا قبيح وجلاخة عل راي لحاجة لكن من بعد بديتي تعجبني حيث شفتك كيف دايرة مع سمية ومطلقتهاش وخا مكتولدش وصبرتي معاها وخا امك.مبغتهاش وخا هي ماشي من النسا لمثاليات …احترمتك حيث قليل فاش كلقلو شي رجل تصبر مع المراة وتستر عيوبها وتصبر معاها شفقة ورجولة
شاف فها وحس انها كتقرا افكارو لصعيب شحد يوصل لهم .. معرفش شنو للسحر لفها لتخليه يبغي يعاود لها عل كاع مشاكلو ويحس بالراحة والسكينة وهي فحضنو
واش قلبها لكبير لحامل كومة من الحب والحنان
ولا التضحية لدارتها عل ودو .مستحيل شي امراة عادية تخرج راجلها من ازمتو وتطلعو …شحال كان تسمع من الناس القدام الرباح من المرا والخسار من المراة
وتقولو وراء كل رجل عظيم امراة
شاف فها مبتسم بدا تجبد لحيتو وتتفكر فاش يلا تعرف عل سمية
تكا فوق السرير وبدا يسرسب
انا شي عشر سنين كنت مصاحب مع سمية منكدبش علك كاي رجل مغربي عزيز عله التصاحيب ولعيالاة والزناقي .. شفت سمية فشي كافي عجباتني كانت زوينة وعاطيا لعين ،كانت جالسة مع صحبتها مشيت جلست معاها انا وواحد صحبي.. تعرفت علها عطتها نمرتي وهي خدات نمرتي تصاحبنا تزندقنا …تسلكطنا ووقعات الواقعة …مقدرتش نتخلا علها خصوصا بعد معرفت لماضي ديالها وكيف باها تزوج عل مهم ولاحها وكيف تخلا علهم بقات في مقدرتش نخلها تزوجت بها ضد امي لكن وخا هكاك مكنتش هاني معاها غادي تقولي لي علاش صبرتي غادي نقول لك معرفتش
عويشة شافت فه بجدية
حيث كتبغيها را ثمن سنن ماشي قليلة
هو :(هز هينو وابتسم )ماشي ضروري نبغها اعويشة شحاجة كتربطني كتخلني منطلقهاش المهم خلنا منها انا باغي الولاد منك
هي :هههع الولاد ولا مولدتش لك
جرها من خصرها تطلعات فوقو كتضحك
هو :خلنا نجربو عندي احساس تقولي انك غادي تجيبي لي بزاف الولاد احبيية واحساسي عمرو يخيب شنو رايك نبداو من الصفر …
هي :وخا لكن تكون راجل ونص معايا
هو:(ضحك) انا راجل بزز عل مك منن رجعو نجيب لك حقك من داك لحمار تاع خوك وتشوفي علاش قاد
شافت فه وعجبها ردو
اه حيث لمجبتي لحقي مكاينش لغادي جيبو لي .سيمو انا دبا محزمة بسبع وبغتك تلكل كاع الضبوعا
هو ضحك بالحهد وعنقها من خصرها
اخخخخ عل هاد الكلام محتاج شي ليلة من داكشي احبيبة
هي :مممن وانا فالخدمة اسبعي شنو رايك نبدل وانت هبط جيب لعشا تلقاني موجدة ليك ليلة بلدية ..
هو :(خرج عينو )
مممم نموت فالبلدي
هي :(غمزاتو )ونوض جيب لي عشا مهور وقرعة مونادا متنسهاش ونبرع راجلي اليلة
هو :وخا مطلبتي غير الموجود نجيب لحبي لبغات غير تهلاي في
ناض من بلاصتو تجري وهي كتضحك عله ….
هو :باش بغتي تعشاي
هي :شحاجة عل دوقك مع شي كوكا
هو: مرحبا نصف ساعة ورجع
باسها فمها وخرج يجري …
بقات تضحك عله …وعل تصرفاتة الصبيانبة لكتبين لها انو طفل كبير لكن هذا متعنيش انو رغم اخطائو مخبي راجل داخلو …علها دخل لقلبها وبدات تميل له ومستعدة تحارب باش تاخد مكانة فقلبو وتعيش وتعايش معاه ومع سمية في سلام …
سمية الزوجة الاولا وهي اازوجة الثانية
لكن واش سمية غادي تسكت بهاد السهولة ولا غادي طير عويشة من حياة سيمو !!!
عويشة مراة تاع الزمان عارف شنو الزواج وشنو مقوماتو وعارفا الراجل اش تبغي واش تكره …لهدا قررات توجد لراجلها ليلة بلدية من داكشي للرفيع تنسيه همومو وتنسه راصو .ومنها تقرب منو وتاخد مكانة فقلبو علاش لا …متغامرش بقلبها شوية وتخطف قلبو …الحياة يما غدراتها وعدباتها لكن مكضنش غادي تبقا تغدرها تقدر تتصفها ويكون سيمو راجل معاها شكون عرف !!!
دخلات الدوش دوشات ….نقات جسمها تولا تبري مفه تزغبة …دهناتو بالكريمات …شوشرات شعرها وسرحاتو تولا حرير ….جلسات خدا المرايا كتقاد مكياجها …وكتحط اللمسات الانثوية تخلات وجهها فاتن كلها انوثة وجمال
شافت فراصها فالمرايا عجبها راصها …كتبان زوينة وصغيرة …وعاطيا لعين ةخا ماشسي بحال سمية لكن كل فولة وربي خلق لها كيال وتهي ربي عطاها حقها فالزين وخا زينها بلدي لكن عاجبها راصها ومقتنعة ان الجمال تنبع من الداخل قبل الخارج
اتجهات للبلاكار جبدات منو ديك لغوب لشرا لها سيمو قيساتها جاتها كلها لاصقة ومفضوحة …مساترة والو …عجبها راصها فيها اول مرة تحس براصها زوينة وكتحمق بالزين …ومثيرة
ضحكات بمشاكسة ومشات توجد ليلتها مع سيمو
اما هو مشا لاقرب مطعم شرا منو عشا جاهز …عل شكل طاكوس مع الفريت … ومنساش كوكا
خرج من المطعم مبتسم حط داكشي في طنوبلتو وتم غادي لاوطيل وهو مبتسم
اتصل في الطريق بهشام يوصه عل مليكة
هشام :(جاوبو في الحال )اهلا با سيمو لاباس علك
سيمو :الحمد لله هشام بغتك تمشي مع مليكة غدا متخلهاش بوحدها مع داك للشماتة
هشام :متحتاجش توصني عل مليكة هي اختي كون هاني من غدا نكون عندها ونمشي معاها تال المحكمة
سيمو :داكشي لبغيت بغيت نطرق هاد المسمار ونتهنا من هاد للمشكل وااحمد لله جات من عندها ومبغاتوش وهو مرجعش دار بيها هادي را شحاجة زوينة نتهناو منو فدقة من بعد نعطه قرصة ودن وربي امو
هشام :ههه كون هاني را دايرو فبالي لكن كلشي فوقتو تهلا فمرتك وعيش خياتك.
هو :يكون خبر خلي عينك عل سمية وبعد غدا نصفط شي سلعة خلها فاامخزن ترجع نحاول منتعطلش عارف كيف تزوجت عويشة ووقفات معايا راجل بغيت نسيها شوية فلهم يلا نخليك
هشام :هههه وخا اسيمو عيش ختك امانة عندي تترجع يلا تهلا فراصك
قطع معاه التلفون وتكا وتفكر فمليكتو حتا حس براصو توحشها ودور نمرتها
صونا التلفون شحال عاد وهي تحاوبو شافت نمرتو قلبها ضرب لكن ترجلات وجاوبات بكل صمود
الو وي هشام بغتي شحاجة
هو :(ابتسم من التلفون )توحشت صوتك وقلت نتصل بيك نشوف واش خاصك شحاجة
هي :(كتطنز عله )في الحقيقة مكرهش شي طاكوس مهور …هههع مبغيت والو اسي هشام قلت لك متصلش بي
هو :مممم منقدرش خوك موصيني علك غدا عل الصباح نكون غندك نخلصو اجراءات الطلاق ونتهناو ولبغتي طاكوس نجيبو لك اجي كديرة حبيبتي
هي :(غلظات صوتها )لا مبغت والو منك والطلاق غادي نتطلق راسي ممحتجاش لك اسي هشام وبنتي متبقاش تعلقها بيك بسلامة غادي نعسها
هو :وخا امليكة لبغتي
قطع معاها خلاها كتغلي شاف فبنتها لمخرجا عينها فها
رانيا :علاش كتدوي مع عمو بحال هكا هو ضريف اماما
هي :(شافت فها مصدومة )مكندويش مع عمك نعسي
رانيا :لا شفت سمتو اماما عطني ندوي معاه
مليكة :اففف واش مغاديش تتعسي غدا قاريا واش نوض لمك نسلخك
رانيا :(عوجات فمها وبدات تبكي )لا منعساس بغيت ندوي مع عمي هشام اهئ اهئ عطني ندوي معاه اماما عقاك
مليكة ؛(كتشوف فها مغددة واحد الراس تقول لها نوضي عطها سلخة لعصا تهنها من هاد هشام شافت تعيات وعطاتها للتيلي )خودي البكاية دوي واجي نعسو
ضحكات وخطفات التيلي بدات كتبتسم كانها غادي دوي مع باها لمسولش علها ولا هي سولات عله ولا توحشاتو
خدات التيلي ودورات نمرتو بقات تسنا شحال عاد جاوب
رانيا :عمو هشام أنا رانيا ماشي ماما علاش مجتيش عندي ياك قلتي غادي تجي
هو :(سمع صوتها وضحك)ههعع مسالتش ابنتي كديرة انت كديري شي قباحة لماماك
هي :(شافت فمها لحلا فمها فصعنونتها )ماما وخا تخرجي بغيت ندوي مع عمو عل انفراد
مليكة حلا فمها وجاتها الضحكة من بنتها
كفاااش نخرج اش غادي تقولي ليه كاع كتخبي عل ماماك
رانيا :عفاك اماما خرجي بغيت نقول له واحد للسر نكمل دخلي
مليكة :ههه وخا ابنتي انا خارجا ….كبرتي ولتي تخبي علي
رانيا :(هزات كتافها )داكشي سر اماما من بعد نقولو لك
مليكة :(باستها )وخا هانا غدا نوجد لك حليب بما كملتي
سدات علها لباب لكن مهبطاتش بقات واقفا عند لباب تسمع بنتها اش مخبية علها
رانيا احسات بها خرجات عاد دارات التيلي عل ودنها وعينها مغرغرة
عمو هشام علاش بابا متسولش في ومتبغنيش كاع صحباتي باباتهم تشرو لهم لبغاو وتخرحوهم وتجو عندهم المدرسة لكن هو متبغني لا انا لا ماما وتضربنا انا كنكرهو وبغتك تكون انت بابا
هشام :(سمع حوارها قلبو تهز …مني شاف لبنت صغيرة وحسا بسي حوايج.كبر من سنها )علاش كتبكي ابنتي الاميرات متبكوش مسحي دموعك ابنتي باباك تبغيك امشغول مع الخدمة
هي :لا اعمو هو متبغنيش عمرو عنقني ولا شرا لي وخا ابيمو ولا جا عندي المدرسة ولا لعب معايا ،بحال بابوات هو خايب
هشام :(تسمع لها وقلبو تغلي من داك الشماتة لعندو اجمل عائلة ومعارفش قمتهم ) صافي ابنتي متبكيش دبا تسمعك ماماك وتقلق علك ياك انا كنشري ليك لبغتي فعلاش كتبكي
هي :(كتسمسح دموعها )اه عندك الحق مبغتش ماما تسمعني خفتها تبكي ويبقا فيها الحال شوف ممكن تكون بابا تاع بلعاني
هو :كفااش تاع بلعاني
هي :انا قلت لصحباتي بابا غادي جي عندي المدرسة ومبغتش نطلع كدابة ،بغتهم يعرفو تنا عندي بابا وتبغني عفاك اعمو وخا تجي عندي غدا
هو :(تسمع لها مبهوض عمرو تصور ان هاد لبنت صغيرة قادرا تكون كبر من عمرها وتحس بوقاحة باها وجبروتو وتحس بامها واش دوزات قلبو حن علها وقرر يدير مفاستطاعنو ويكون اب لها )
صافي غدا نجي نديك ابنتي وناكلو الكلاص
هي :(ابتسمات)واو كلاص بصح اعمو ناري غادي نبات نحلم بك امتا يصبح غدا
هو :هههه يلا حلمي ونعسي باش غدا تفيقي بكري يلا قطعي تال غدا ونجي عندك
قطعات التيلي وبدات تنقز فرحانة حيث تهي غادي جي عندها باها وخا اديال بلعاني المهم ميضحكوش علها لبنات ويقولو لها معندكش باك
تكات كتضحك كتحلم بغدا . ..وتسنا الشمس تطلع
مليكة حابسا شهقاتها .وانينها ..كتسمع كل كلمة كتقولها بنتها وقلبها تتقطع علها …مبغاتهاش تكبر قبل وقتها ..مبغاتهاش تكون طلع صورة طبق الاصل علها …بنت حزينة مهمومة وموؤدذة بغات تعيش طفولة عادية مبغاتهاش تكبت طفولتها وتكبر قبل الوقت
انهمرو دموعها بشكل انسيابي وهي كتبكي بكل. وجع وكتقول
سمحلي ابنتي سمحلي مظنتوش يطلع شماتة قلت الزواج غادي كبرو ويدير له لعقل ..وقلت لصبرت معاه غادي ترجل لكن ترجلت انا وهو تبنت …سمحلي ارانيا انا ظلمتك معايا يرتني مصبرت معاه ويرتني مجبتك لدنيا وولدتك مع شماتة
مسحات دموعها وهبطات توجد بنتها لحليب وقلبها وعقلها شارد مع رانيا وهشام هشام حب طفولتها ومراهقتها لقدر يتغلعل في حياتها بحال السرطان وهاهو تتغلغل فحياة بنتها بحال السحر …مني وعات بنتها عل الدنيا وهو فجنبها .. نهار ولدات هو لداها لكلنيك وخلص الفلوس صحاح علها بعد مرماها حسن فسبيطار حكومي و كانت غادي تموت بسبب قلة الاهتمام …نهار خاص بنتها لحوايح لقاتو هو ….كسا بنتها من راصها لرجليها …نهار بغات بنتها الالعاب جاب لها بدل العبة الف ونهار بغات اب هاهو تلعب دور اب في زمن غاب دور فيها للاب
سؤال ؟؟؟؟؟؟؟؟؟
ممعنى الابوة … واش الاب هو فقط لتجيب اطفالو للدنيا وترمهم ويسمح فهم ويحرمهم من ابسط متطلباتهم وحقهم الاساسي لهو الحب وللاحسان بالامان والعطف
ولا الاب هو لتحسسك بالامان وتحسسها بالحب والعطف وتقوم بدورو لتشمل الجانب النفسي والجسدي …لتشمل حب ،اهتمام رعاية وعمل شاف …و.تخدم 24ساعة من اجل توفير الحياة الكريمة لابنائو
كل اب ودرجة وعيو …كاين لتسمح فولادو ويهرب عند عشيقاتو
كاين لمعارفش شنو الرحولة تصحاب الزواج لعب ولهو وتسلية ونهار تتولدو الاولاد تهرب وتلوح المسؤولية للمراة وبريت تقدر مجهودها….عند اول منعطف تنكر جميلها عله وتنسا انها هي لكانت راجل ونهار تحس بجنابو تدير علها راجل ….تلوحها هي وولادو ظنا منو ان هده هي الرجولة
معرفتش واش العيب فينا ولا فزمننا
والا العيب فالرجال لمبقاوش رجال ولا العيب فنا حنا لنسينا انوثثنا ولعبنا ادوار ماشي ديالنا لدرجة سمينا بالرجال واصبح الرجال تنظرو لنا لننا بلا انوثة ومشاو يقلبو عل الاناث وحنا بفثينا لعبو ادوار الرجال …حتا نسينا اننا لسنا لسنا اناث بل نحن رجال خاصنا اموسطاج
سيمو وصل ال اللاوطيل حل باب غرفتو وهو يتصدم
لقا عويشة جالسا كتسناه ولابسا ليه الفستان لشرا له …لخلاها تبان كتهبل … حل فمو فها .. ممتيقش ان هادي هي عويشة. بانت متغيرة . .لا من تسريحة شعرها ..ولا مكياجها لبينها قنبلة درية اما لكسوة فبينات كاع قتابلها خلات سيمو ينسا راصو ويخل فمو ويبتسم بمياعة
عويشة :(شافت فه وضحكات )تعطلتي اسيمو اش هاد التعطيلة يرضيك تخلني نتسناك
هو :(ابتسم وغمزها)اش ندير اعويشتي بقيت تحبت لك عشاك
مشا جلس حداها وهاز عينو فها وتبتسم
واو جتي كتحمقي فين كنتي مخبيا هادشي
هي :(ضحكات )مخبياهم لدواير الزمان .دبا حا وقتهم
قرب منها بغا ببوسها وهي تدفعو برفق
اططط نتعشاو مزال السهرة فاولها
ابتسم بكل رجولة
وخا احبي نصبر لبغا العسل خاصو ضروري يصبر
ضحك بخبث وحط داكشي فوق الطابلة
ناضت من حداه ….لابسا دلك الفستان لمساتر والو كتعوج تجابت جوج طباسل مع جوج كيسان حطاتهم فوق المائدة بدات استف فهم العشا لحايب وهو مقابلها وبغا ياكلها بعينه
كبات كوكا فلكيسان وجلسات
هي :نتعشاو فراصك عمرني كليت هاد طاكوس لكن سمعت انو ولد الناس
هو:هههه صافي علمني نجيبو لك مرة مرة تتشبعي منو واي خاجة بغتها نجيبها لك غير امري
هي :سيمو زير جيبك شوية هاد للازمة بغتك تخرج منها وتستافد وندبرو علاش رحعو لبقنا نصرفو ومجمعنا والو غادي رحعو لنقطة الصفر
شاف فها وابتسم
والله تعندك الصح ..اش ندير ليدي مثقوبة لكن نحاول
هي :ضروري اسيمو دير كونط حط فه الفلوس اسيمو متوصلش لي تتحتاجو وتكون واقف عله شوف امن حالتك دبا ….كون كنت خازن شي حاجة كوت كعما تحاكتي
هو :عندك الصح اعويشة خاصني نزير راسي باش ندير علاش رحع
هي :اكيد يلا كول عارفا هادشي ممقنعكش لكن ديباني ترجعو لكزا ونبرعك شهيوات
هو :(تساخر حداها تشوف فها بنظرة ساقطة )خلك من كرشي انا بغتك تبرعني بشي لاخور ..
هي :هههه يلا كول بعدا
هو :وخا علاش لا
خدا طاكوس ديالو …بدا اياكل فه ومقابلها وهي كتاكل بشوية علها وكل ضغمة كتعطها حقها وكتدوز مكلتها بكوكا بقات كتاكل حتا كملات ماكلتها وشافت فه لقاتو حال فمو فها
هي :ههه تسناني نحيد هادشي ونجي
بقا مقابلها شاد كاس كوكا فاده وحاس براصو راشقا له تصونا واتساب عله شاف للمتصل لقاها سمية
نخلها وغوبش
ماشي وقتك دبا اسمية من بعد
دار التلفون في الوضع الصامت وحطو
عويشة مشات دات الطباسل حطاتهم فوف شي طابلة و شعلات الشعبي وبالضبط اغاني ااداودية
هو سمع الشعبي ابتسم وطلع وهبط فها
باينة الليلة غادي تكون لوز خاصنا غير الشراب كون اعلمتني الغديدرة
هي :هههه كاينا كوكا اش بغنا الشراب اسيمو
هو :تهذا نظر
تحزمات دارات شال فخصرها ودارات لعقدة. عل مؤخرتها وبدات تشطح…شطيح الشيخات …كتخدم خصرها كيف بغات وكرشها تطلعها وتهبطها …اما مؤخرتها كتلوز فها وتشالي بيها بمين يسار
سيمو شاد كاس فادو مقابلها ومبهوض بشطيحها لي واعر . لجننو وخلاه يحل فمو فالؤلؤة لعندو …لي صالحة لكلشي ….مرة تكون راجل معاه …مرة تكون زوجة مطيعة …مرة تكون طباخة ماهرة ومرة تكون عشيقة بارعة بقا حلضيها وهي كتشطح لها وكتهز كلها ….اما شعرها الطويل بدات تحير بيه بكل جراة وهو حال فمو فها….حتا عيا وناض يشطح معاه ….
زير علها من خصرها وتشوف فها تضحك وفمو محلول بحال لبسطام اما هي كتشطح ….مبتسمة
هو :(مقرب منها بدا تبوس فها بجهالة وعينو علها وعل صدرها لتسلم عله )
اخخخ جهلتي مي اعويشة كهربتني كنقرب بك كنحس عمرني مسيت النسا فحياتي
هي :بصح كنعجبك تال هاا الدرجة
مجاوبهاش خشا راصو فعنقها تبوس فها بحنون …وادو عل جسدها لمنحوت …تتلمس فه …بحنان
اما هي مخشيا فه مستسلمة له بالكامل وكتحس بمشاعر زوينة كتطغى علها مشاعر ….مشاعر كلها رغبة وامان …وخب
بقا تبوس فها … باحساس وادو …عل ظهرها كتحل سنسلة لفستانن تتحل وهبطو وبقات صولو …بقا تبتسم عل رزقو وحلوتو اللديدة
اما عويشة تخشات فه ..مني حسات انو عراها ….
هو.:(تبوس كتفاتها بكل حب )حبي غادي تصبري معايا الليلة بغيت رحع امحادي
هي :(شافت فه وضحكات)كنت امبراطور قبل
هو:اكيد كنت اشطر امبراطور لكن الزمان عمل عمايلو في ههعع
شافت فه وضحكات عل امجادو اما هو بقا علها بلبوسان ….حتا حس انو مبقاش قادر يصبر وهو تشوف هاد الشهد كلو ديالو .هزها من خصرها وحطها فوق للسرير وبدا يحيد حوايجو …بالجهالة وهي
كتشوف فه وكتحس ان هاد الليلة مغادي دوز مرار الكرار
اشرقت شمس الصباح عل طيور الغرام
سيمو فاق هو لول شاف فعويشة لي برعاتو لبارح خلاتو يحس انو مزال صغير ومزال بمئة حصان وخا فلعصها لكن ماشي لخاطرو معاها تحس بحلاوة الحياة …وبحلاوة الزواح …تحس انو مزوج فعلا ماشي مصاحب
بقا حاضيها وهي ناعسة وتحس براصو راشقا له علها وعل الحياة . وعل المشاريع معرفش شنو السر لفها لتخليه مرتاح ونفسيتو مرتاحة
قرب منها خاشي راصو فعنقها تبوس فها بكل احساس وهي مغمضة عينها وفايقة لكن دايرة راصها ناعسة …مبعاتش تفلت هاد الفرصة لتكون فحضنو ويهريها قبلات صباحية ..
فيقها بقبلة رومانسية . خلاتها تفيق مبتسمة وقلبها ناشط …شحال هادي محسات بالسعادة تال النهار تقبلها زوجة .
هي :(ابتسمات )صباح لخير كيف صبحتي
هو: كيف لعود ،صبحت ناشط احبيبة
فرق قبلات علها من حر شوقو لها
هو :ليلة البارح كانت زوينة بزاف شحال محسيت بهاد الإحساس
هي :ممم تنا اجي معاش غادي للحمارك
هو :دبا احبيبة نمشي نقضي اااغرض ونجي نخرجك
هي ؛(عنقاتو وتخشات فه)متمشيش معاك
هو :(شاف فها بجدية )لا غادي تجلسي هنا تتجي ونخرجو لفطور غادي نصفطو لك
هي :(غوبشات)وخا لبغتي اكن خاول متعطلش علي
هو :(غمزها )شكون لقدر يتعطل عل هاد الزين كون مالخدمة كون جلست حدا مك هنا.
هي :ههه سير الله يعاونك اسيمو يلا نوض دوش انا نوجد لك متلبس
باسها فخدها وناض يدوش ،اما هي لبسات بنوار رقيق فوق للشوميز وناضت كتوجد له متلبس …حتا خرج عندها لاوي فوطة شافت فه كيف وسيم …ومزال شاد سهات فه
هو :(غمزها )مزال بكوص وطياح اعويشتي متحكرنيش
هي :ههع من جهة طياح راك طياح اجي لبس باش تمشي
هو ؛(قرب منها خدا منها لحوايج )مكرهتش ندوش انا وياك الراس الرأس
هي :(جلسات وابتسمات ) وايلي عل افكار سافلة عندك ههه لبس سير لخدمتك خلني نحمع لبيت
هو :ممم خلي تنجي وندوو دبا دعي معايا نفك حريرتي ونبيع اادار ونرتاح
هي :انشاء الله اسيمو انا داعيا معاك ديما
لبس صباطو وقاد هندامو
ربي خليك اعويشة غادي نصفط لك تفطري نقدر نتعطل.
هي :وخا نتسناك
باسها فخدها …وخرج يحل حريرتو اما هي ….دخلات تدوش باش تحمع الروينة تاع المعركة تاع البارح
____________________________
في المحكمة
دخلات مليكة برفقة مها وهشام لاصر يجي معاها وخا رفضات فالاول لكن امام اصرارو قبلات
دخلات ال القاعة لغادي يتحكم فها فقضية طلاقها
وقفات امام القاضي بكل ثقة وكنشوف فحسن بكل كراهية وهو تشوف فها بغير اهتمام
القاضي :(شاف فهم بجدية ) هادي الجلسة الثالثة لكم كنتمنا تصالحو وترحعو عل قبل بنتكم
هي :(شافت فالقاضي ) لا اسيدي مبغتش رجع له ..هاد السيد جوعني وعيشني فالجوع والقهرة عمرو كساني ولا ووكلني لا انا ولا بنتو مقابل العيالات ومقابل امو لمبغاتنيش لاانا لا بنتي انا بغيت نطلق ومبغيت والو منو بغيت يهز بنتو
القاضي :(شاف فه باحتقار )بنات الناس لعبة مني مباغيش ترجل لاش نزوج ومكرفص لمراة ولبنت
هو :(شاف فها وخنزر )سيذي القاضي هي لبغات تطلق انا مبغتش نطلقها
القاضي: كون لقات داكشي لبغات كون كعما تطلق ….
مليكة :(شافت فه وابتسمات )وخا يقول مبغاش يطلقني ..ورجع لك يرجع كفس من اللول لما نطلق اسيدي لقاضي ويهز بنتو
القاضي شاف فالقضاة لمعاه بداو يدوو عل هاد القضية حتا نطق
ابما انك مقتنعة القانون غادي وقف معاك وباسم القانون والدستور المغربي فانا اعلن لكم انكم مطلقين قانونيا وطليقك غادي خلص مبلغ قدره 1000درهم للبنت كل شهر وهادشي غادي تطبق بعد شهرين واي تراوغ غادي كون لحبس في انتضارو
حسن شاف فها …وغوبش جاتو 1000بزاف محملش راصو واش بغا يتهنا منها وبعيش ولا بغا يتعاقب ويفلس ويتزير
اما هي ضحكات بكل انتصار ….
الله يخلي لنا المخزن 😂😂😂
خرجات من القاعة مبتسمة وهي كتحس براصها حرة ،تهنات منو …ومن احساسها بالعار …وجابت حق بنتها لمعطاهش لها فحياتها وغادي عطه له بزز منو ولا لحبس
تبعها من اللور معصب ….شاف فها مخنزر تطلع ويهبط فها شاف فها مخنزر …ومعاه امو
هو :مضنيش انك ربحتي امليكة ماشي حسن لخلص شحاجة وهو مباغيش
امو :(شافت فها باحتقار)شفتي اولدي اخر ايامنا نمشو للمحاكم ياك قلت لك هادي متتفعكش …نكارة الخير توصلتي لكلامي ها لقلت لك
مليكة :(شافت فها بكره )من يومك وانت شريرة دمرتي عائلة عل قدها ..تبعته تخرجتي عله لكن مصيرك طيحي فشي واحدة تخرج فك كاع دنوبي اخالتي
حسن :(شاف فها ببرود ) يلا امي خليها غادي تاخد مني الزمر خلها تحلم
جر امو وهي بقات تشوف فهم بسخرية تغبرو …الجهة لغادي دور لقات هشام واقف علها
هشام :مليكة نقول مبروك
مليكة :(شافت فخنزرة ) الحمد لله تفكيت فين ماما
هو :راها برا كتسنانا يلا نخرجو
هي :وخا
خرجات معاه عند الحاجة لكانت كتسناهم فلوطو شافت فها
سبع ولا ضبع
مليمة :سبع ااحمد لله تفكيت منو دبا نشوف حياتي نخدم نهز راسي ونهز بنتي عارفاه مغاديش يهزها
هشام :(شاف فها )فاس بغا تخدمي
هي :اي حاجة وخا 2000درهم اامهم نخرج نعول عل راسيى
هو:وخا نشوف لك شحاجة يلا نخلكم ندوز نجيب رانيا نقدرو نتعطلو شوية را ندها ماكدو بغات تمشي له
الحاجة:معرفناش من غيرك اش ممكن نديرو اهشام طول عمرك واقف فجنبنا وفجنب رانيا
هو :را بحال بنتي ااحاجة عارفاني معنديش لولاد والخير موجود هي اولا يلا نخلكم
الحاجة :(دفعات بنتها بكتفها زعما دوي )دير حسابك تعشا معانا مليكة غادب توجًد لعشا ولا حلوة لاكريم نحتفلو بمناسبو طلاقها
هو:(شاف فمليكة لتحطات فشي موقف لا تحسد عليه ) اه وخا علاش لا توحشت طياب الدار
مليكة :(كتشوف فه هازة حاجبها ) علا مك مكتوكلكش
هو :هههه لا شرفات مبقاتش كتعرف طيب
مليكة :ممم وخا مرحبا بيك رد بالك لرانيا مشطونة بزاف
هو :كوني هانية علها يلا نوصلكم باش نمشي نجيبها
هي :وخا
بعد دقائق وصلهم للفيلا حطهم ومشا يجيب رانيا من المدرسة
حط لوطو …ونزل منها وتقابل مع الروض لكتقرا فه …يتسناها تخرج
تخرجات عندو لابسا غوب قصيرة مع ليبة فلغوز …هزا شعرها لفوق ودارا له شي فلالات ….شافتو ..ابتسمات ابتسامة كبيرة وشافت فصحاباتها لخارجين معاها
رانيا ،:شوفو را بابا جا يديني
هوما :(شافو فهشام )واو باباك زوين
رانيا :(حسات باافخر )اه زوين وتشري لي لبغيت يلا باي
مشات تجري عندو وهوما تشوفو فها
حل اديه وعنقها وهزها
هشام :ممم المشة ديالي لاباس علك
هي :اه ابابا انا فرحانة حيث طلعتي راجل ومخوتيش بي
هو :(حل فمو فها )منن كنجببي هاد الهدرة
هي :كنسمع ماما كتقولها لبابا حسن
هو :(باسها ) السمعتيها كتقولها هههع اجي نمشو …ناكلو شحاجة مفكش الحوع
هي :ممم فين الجوع بزاف اعمو
ركبها فلوطو وساق تشوف فها وهي مبتسمة
هو :نمشو لماكدو
هي :(بدات تسفق)واو انت احلى عم اعمو ديني لماكدو بغيت ناكل همبرغر ودجاج كنتتاكي ولفريت
هو:(ابتسم لها وساق لاقرب ماكدو يغديها .تما ويدور معاها ويحاول ينسيها جوع باها لمعارفش بقيمة النعمة لعندو الناس تدفعو لملايين باش يعطهم االه الولاد وسي عاطيه ومعارفش بقيمة الولاد
بعد يومين
في منزل لالا زوبيدة
كانت جالسة ….مبها معاها تدخلات مدام ثريا …مخنزرة .. شافتها زوبيدة طلعات وهبطات فها وفلبسها الزنقاوي لتبين انها بنت الشوارع ماشي بنت للاصول
ثريا :(شافت فها وجلسات )السلام عليم لالا زوبيدة ماشي اصول هادي واش وادك.مخلي بنتي حالتها حالة وغادي مسافر مع مرتو الجديدة حشومة هادشي ….
الحاجة :(شافت فها وتنهدات)علا مالها اش خاصها ياك موفر لها كلشي ممشا تعمر لها الثلاجة وزايدون غادي خدم ماشي يلعب
ثريا :لا الحاجة بنتي مريضة ملقاتش لدوز لها وجاب الله جيت عل الله لقتها مريضة وسخفانة …مكتفدر تنوض خلعاتني وسيمو عمرو مسول فها علها جيت عندك ندوها للطبيب نشوفو مالها واش نخلوها هكا حشومة
الحاجة :(شافت فها لمقدرا تصرف عل بنتها درهم فسبيل الله)تسنايني لبس ونشوف هاد سمية
خلاتها جالسة بحال شي ملكة فالصالون كتسنا فالحاجة تهبطات عندها لابسا جلابتها
الحاجة :يلا نمشو
شدو طاكسي صغير وصلهم لغاية العمارة هبطو …من الطاكسي واتجهو لغاية شقة سمية
حلات لهم …وجهها كلو صفر ولعيا باين عل وجهها
سمية :(سلمات عل الحاجة )اهلان خالتي لاباس علك
الحاجة :(شافت فها)اهلا بنتي مالك اش عندك
سمية :(كتشوف فها مقدراش توقف)معرفتش اخالتي عيانة بزاف مقدراش نوقف ولا عندي شي جهد
الحاجة :يلا لبسي جلابتك.نمشو عند الطبيب تشوف اش عندك
سمية :وخا اخالتي
لبسات جلابتها ودارات فولار لاول مرة وبعد دقائق كانت عند الطبيبة ديال الحاجة
تكاتها فبلاصة الكشف كتكشف علها وااحاجة مقابااها وكتشوف فها …معرفاتش مالها واش عندها ..من ملامحها كتبان مريصة
الطبيبة :(دايرا لها راديو كتكشف علها ) باش كتحسي ابنتي
سمية :بالعيا والسخفة ولمعدة هلكاتني
الطبيبة :(كتشوف فراديو وكتدوي)الدم عندك منتظمة اخر مرة جاتك.
سمية :(كتفكر )شي شهر واسبوع وهي معطلة
الطبيبة مشات عيطات عل شي ممرضة دخلات عندها
الطبيبة :غادي تديري لها تحاليل تاع البولة وبغتها تخرج اليوم يلا متعطليش
الممرضة :وخا ندرها ونهبطها لتحت لمختبر
خرجات معاها ….تدير التحاليل خلات الحاجة مع ام سمية
الحاجة :اس عندها شاكا فشحاجة
الطبيبة :غير يخرجو التحالليل نشوف ةاش حدسي فمحلو
ثريل :واش كاين الطبيبة عندها شي حاجة متقوليش بنتي مريضة
الطبيبة :لا ولكن شكا انها حاملة تكشي علاش بغيت ندير لها التحاليل كاع للاعراض لفها تاع الحوامل
الحاجة :(شافت فها مصدومة وقلبها تضرب )ولكن هي مكتولدش
الطبيبة :الحاجة معارفاش ان كلشي بيد الله وشحال من عقيمة ولدات فالعشية غادي نعرفو اش كاين
ثريا :(ابتسمات في وجه ااحاحة )عل الله تكون حاملة متصوريش شحال وهي مزوجة بلا ولاد …يربي بصح تكوة حاملة
شوية دخلات سمية بعد مدارات للتحاليل
الطبيبة :الحاجة منكن تمشو فلعشية تصفط للممرضة تال عندك تعطك التحاليل
الحاجة :(شافت فسمية لبان علها المرض)وخا اختي اتصلي بي اطمئنني
الطبيبة :وخا
خرجو من عندها …ركبو فطاكسي وكل واحدة في سرحات وكل واحدة وباش كتحس
وصلو للفيلا ….دخلو لقاو مليكة في انتضارهم
شافت فسمية .لباينا غيانة
سمية ياك.لاباس بنتي لي ماشي اال تما
سمية :عيانة امليكة دازات علي هاد يونين
الحاجة :ديها لبيت الضياف ترتاح بما وجدنا له متاكل
مليكة :وخا امي اجي اسمية معايا
طلعات معاها لبيت تاع الضياف وبقات هي مع مها
ثريا :ماشي اصول هادي بتتي را صبرات مع سيمو تقدر تكون خايبة وتكون مكتعرفش تصرف وانت وياها ممفاهمنش لكن هو ميلوحهاش غير تزوج الحاجة كلنا عارفين هاد الزواج كان ضد سمية وغير مبغاتش تخسر لخاطر لسيمة حيث عارفاه تموت عل ااولاد….حققات لي حلمو وصبرات معاه دريها بحال بنتك الحاجة متظلمهاش
الحاجة :بنتك غلطات بزاف ممرة مجوج وانت عيت نميك اثريا …كل همها هوما لفلوس .كون شفتها مايتة علي وعل رلحلها كون غامرت وعمرني خليت سيمو يتزوج علها لكن هي ماشي تاع الزمان
ثريا :عارفاها معندها عقل الحاجة عفاك الحاجة لسمحي لها
الحاجة يكون خير اثريا نشوفو الدكتورا لش غادي تقول وتكون هدرة اخرى نمشي نوجد لها متاكل راها بنت لي ماشي تال تما
ثريا :وخا نعاونك الحاجة
اعتذر لنفسي لاني خسرت نفسيّ فِي سبيل أن أحظىٰ بِقلب ذگـر
في المساء
جات الممرضة جابت لهم نتيجة التحاليل …دخلات لقات كلشي محموع تتسنا النتيجة عل نار
سمية هاد النتيحة هي لغادي ترحع لها سيمو وتطرد عويشة للابد
اما الحاجة فهي ام بغات حفيد متهمش واش من سمية ولا عويشة معم بغات تفرح باحفادها
اما مليكة خايفة ومتوثرة وحسا ان لطلعات سمية حاملة بزاف للامور غادي تغيرو .
الممرضة :(شافت فهم مبتسمة )واحد السلام عليكم سمحولي عل التعطيلة لكن التحاليل مخرحوش بكري عاد خرجو
الحاجة :ماشي مشكل ابنتي امضرا
ااممرضة :(مدات لها للتحاليل دارات مضاضرها كتقرا التحاليل وهي تشهق والدمعة خرجات من عينها )كفاالش حاملة
الممرضة :اه الحاجة سبحان الله شحال جرات وجرات لكن بلا نتيجة كل الاطباء قالو انها مكتولدش لكن ربي كبير اليوم ربي عوضها شكون قال سمية تحمل مبروك علك اسمية
سمية :(كتبتسم وعينها مغرغرة حطات ادها عل كرشها )ممصدقاش اخيرا حملت الله يربي شحال كببر …قلت عمرني مغادي نولد علها خليت راجلي يتزوج …وعلها وليت عدائية
اهئ اهئ انا حاملة اخالتي .. انا حاملة اماما. مليكة اختي انا حاملة. ممتيقاش
الحاجة :(ابتسمات والدمعة نازلا من عينها …وقلبها ترغرف عمرها ظنات ان سمية غادي تولد ليها لكن ربي كبير )مبروك ابنتي واخيرا ربي حقق حلمنا
سمية :اه اخالتي سيمو غادي فرح غادي نتصل بيه دبا
ثريا :(ابتسمات وشافت فبنتها )ربي كبير ابنتي ….
هزات التيلي اتصلات لسيمو لهاد الاثناء كان جالس مع مرتو جلسة رومانسية حتا اتصلات بيه سمية
عويشة :(كانت فحضنو شافتو تبدل لونو عرفات سمية )سيمو جاوب متعرف تكون شيحاجة مهمة تسمية مختاجة لك
هو :(بعد علها مخنزر)اش عندها متبغي كتصل فشي اوقات لاعلاقة
جاوبها بنفور
وي سمية اش بغتي
سمية :(كتجاوب فرحانة )سيمة مغاديش ثيق اش حصل انا دبا عند الحاجة مرضت وداتني لعند الطبيب
هو : ياك مكاين باس اش ضرك
هي :سيمو انا حامللللللة
هو:(خرج عينو.فها ممتيقش )كفااش ياك مكتولديش شي كدبة جديدة هادي
هي :لا والله انا ندوز لك خالتي هي تقول لك اش كاين
الحاجة ؛(خدات للتيلي من عندها )كيف داير اولدي لاباس علك
هو :اش داكشي قالت سميو كتفلا علي ولا شنو
الحاجة :اه اولدي سمية كانت عيانة ودتها للطبيبة وخرجات لها التحاليل عاد وصلو …ربي كبير اولدي سمية حاملة تصور بعد هاد السنوات حاملة
هو :(ابتسم وقلذو بغا يخرج لها وخرجات له دمعة من عينه)حلفي الحاجة سمية حاملة
عويشة سمعاتها كانك كبيتي عاها سطل مثلج ….حلات فمها ممتيقاش داكشي لسمعات ….
عينها غرغرو …من ااخبر معرفات تفرح لسمية ولا تحزن عل راصها
الحاجة :حاملة هاهما النتائج مزال شداهم اولدي واخيرا ربي حن علك وغادي تشوف ولادك
هو :(ابتسم )دوزيها لي
هي :وخا
دوزات ليه سمية لغادي طير من الفرحة
سمية :سيمو امتا غادي ترجع
هو :الليلة غادي نكون عندك تهلاي فراصك بما جيت
هي :وخا متعطلش غادي نتسناك
قطع معاها وهو مبتسم شاف فعويشة
غادي نهبطو …لكزا جمعي لحوايج
هي :خلي تال غدا اسيمو
هو :لا اعويشة دبا خاصني نهبط عند سمية عرفتي متصوريش شحال فرحان خاصني نكون معاها فهاد اللحظة متصوريش شحال تسنيت هاد الطفل سنوات وانا كنحلم …لدرجة اكتئبت يلا جمعي لحوايج
مشات تجمع حوايجها وقلبها مضيوم وكتحس ان الحياة مزال مخبيا ليها شلا مفاجآت وصدمات
جمعو حوايجهم ….لبسو حوابجهم …واتحهو ال مدينة الدار البيضاء وكل واحد باش تحس …سيمو غادي طير من الفرحة حيث حلمو غادي تحقق ويكون اب اما عويشة فقلبها مضيوم وكتحس انها غادي ترجع تعاني مع سيمو .وان الفراق عل وشك البدء
بعد ساعات
كان سيمو فالفيلا رفقة عويشة …لفموقف لا يحسد عليه….دخلات معاه الفيلا بلا متنطق تحرف يكفها الاوجاع لكتحس بيهم والالام لتخترقو قلبها وتحسسوها انها ولا شيء وعمرها كانت شيء فحياة سيمو والدليل كيف تبدل معاها بسرعة البرق ورجع يجري عند مرتو الاستغلالية . تغرورو دموعها لكن مسحاتهم مبغاتش تبين نقطة صعفها خصوصا امامه وامام العاءلة
دخلو الفيلا لقاو .. سمية فانتظارو
شافتو سمية …ابتسمات ابتسامة كلها حب وشوق ومشات تجري تعنقو وتخشات فيه كتبكي وكترمق عويشة بنظرة كلها شماتة
هي :حبيبي واخيرا جتي اخيرا حققت لك حلمك انا حاملة منك
هو :(شاف فها وضحك ضحكة غامضة ) اه الحمد لله ريي كبير اسمية كيف راك لاباس علك
هي :اه مخاصني والو …شفتي اسيمو تكرفصنا عل عويشة انت تزوجتي بيها عل قبل الولاد وانا جبت لك لولاد
عويشة :(شافت فها ببرود )مبروك اسمية على قولك ربي كبير
شاف فعويشة وغمزها
سمية :ممم يلا نطلعو اسيمو كنحس براسي ماشي تال تما بزاف الحوايج غادي نقولهم لك
هو :وخا
شاف فعويشة
عويشة من بعد وندوو
طلعات معاه كتمشا عل لبيض كانها فشهر التاسع ماشي شهرها للاول …عويشة واقفا وكتشوف فهم وعينها مغرغرة اول مرة كتحس براصها مكتفة …ومجروجة جرح كبير …بعد كل تضحياتها رجع لمرتو لاولا جاب الله معطاتوش فلوسها اما كون تخورات اكبر تخويرة
حدرات عينها باستسلام ….هزات شانطنها وطلعات لبيتها
وهي طالعة لقات باب الضياف مفتوح واحد الشوية ….حدرات عينها بغات تمشي لكن مقدراتش متهزش عينها الجهة لغادي تهزها لقات سمية كتباوس مع سيمو تغرغرو عينها بشكل ماسوي ..حبسات شهقاتها ودخلات بيتها كتحس بالجحيم استوطن قلبها
سدات لباب علها وجلسات تبكي …عل مكتوبها وعل حريرتها معرفاتش اش غادي دير وكفاش غادي تصرف
سيمو دبا ولا اب ومرتو حاملة مستحيل يشوف فها ….ولا يتقبلها …ولا الحاجة غادي توقف معاها
تفكرت مها وباها وعينها غرغرو كون كانو حيين مستحيل يقبلو علها هاد الزواج الفاشل
مسحات دموعها ….ناضت ستفات حوايحها فالبلامار وبدلات ونعسات عينها مغرغرة وربي لعالم بيها
اما عند سيمو فحالس مع مرتو جلسة رومانسية ….كتعاود له عل همومها وكتشكي له وتطلب السماحة منو وهو عقلو شارد ومخو خدام
هي :حبببي اطط نحل لباب كنحس براسي تخنقت من الصهد
ناضت بلا عجز علها بسمات لباب شوية .. عن قصد باش تحطم عويشة كثر مهي محطمة
رجعات عندو جلسات فحجرو ….بميوعة
هي :(كتلمس فلحيتو )سيمو حبوبي كنفكر نجلسو هنا مع الحاجة داكشي لغادي نكرو بيه زايد فينا ومتنساش انت فضائقة كبيرة وانا واجب نوقف معاك تتطلع اش قلتي
يلا بغا يجاوبها وهي تبدا تبوس فه …برغبة حتا حسات عويشة دازات وهي تشوف فه
اش قلتي اسيمو انا بغيت نوقف معاك عارفاك مزير وكنت غبية وانانية شوية سمحلي عفاك …علا قبل ولادنا خاصنا نضحو
هو :(تشوف فها متفاجئ شوية من هاد التغيير المفاجئ ).يكون خير اسمية
هي :ممم اجي وعويشة مسكينة اش غادي دير انت تزوجتي بيها عل قبل الولاد بقات في منبعهاش لها اش غادي دير معاها كنظن زواحها منك غادي كون ناقص
هو :(هز عينو فها )اش بغتي فها اسمية خلك فشغلك وفحملك انا قاد يشغلي وعويشة راها مرتي وباغيها سواء ولدات لي ولا مولداتش
هي :(ببراءة )عارفا اسيمو انك قاد بشغلك انا كمقلتش لك طلقها لكن دبا ولينا ثلاثة
دارت ادو عل كرشها وكتبتسم
ولدنا غادي جي ….بغتو يجي ويلقا باه ومو متفاهمين وتبغو بعضياتهم كنبغيك لسيمو وبغيت حقي لعطاه لي الشرع ولا انت بغتي تضيعني فرزقي وفحقي ،ربي متبغيش الفرزيات
شاف فها وتنهد
را قلت لك انت مرتي وحتا هي ….فبلا متورني شغلي اسمية وخا
هي :(عينها غرغرو وبدات تبكي )لكن انا كنبغيك اسيمو وحملت لك اش بغتي اكثر خاصك تشكرني
هو :(ضحك بسخرية ) سمية مزال منسيت لك لماضي بلا متعصبي ديل مي حملتي ماشي نهاية العالم كاع الناس تحملو وخا معرفتش اش هاد للحمل الغريب ياك مكتولديش
هي :(كتدور فعينها ) مبغتنيش نولد ولا كفاش اسيمو داكشي تاع الله .انا مشيت مع الحاجة لعند طبيبتها وهي شاهدة ولا مبغتيش الولاد نطيحو من غدا
شاف فها. محتار ومتايقش بها ومخو تديه وتجيبو
صافي ركدي
هي :مغاديش تكويني ولا ***ولا شنو
هوو:😈😈قحبة انت صلحي فمك ومن للاخر مرشقاش لي
دار لمخدة عل راصو وطفا الضو
تصبحي هل خير
شافت فه بغات تصطا …ولات تدور فعينها ممتيقاش ان هاد الليلة مغاديش ينعس معاها…خنزرات فه وتكات مغوبشة …كتحاول تجمع افكارها لتخربقو لها وتبلونطاو
اصبح الحال ….فاقت عويشة عل النبوري كتقاد في فراشها تدخلات علها الحاجة
الحاجة :(ابتسمات )اهلا بنتي عل السلامة
عويشة :الله يسلمك اخالتي مبروك سمعت سمية حاملة فرحت لها
الحاجة :اه ابنتي حاملة الحمد لله حملات علها انا فرحانة را اول حفيد لي .. وخا سمية خايبة لكن عل قبل الفرحة الاولا مستعدة نتناسى
عويشة :يكون خير
الحاجة :يلاه ابنتي وجدي لفطور سيمو مبقا له وااو ويفيق
عويشة :(تنهدات بالم )وخا هانا هابطة اخالتي
كملا ت شغلها وهبطات للتحت توجد الفطور وخا قلبها مدبوح ماشي امجروح …زيرات راصها وبدات توجد الفطور لراجلها ولمرتو ….حتا نزلات سمية كتفطح ….لابسا شوميز بيض تاع العريسات مع بنوار خفيف …حازماه عله …طالقا شعرها واكيد لمكياج لمكنخلاش عله …شافت فعويشة وابتسمات بكل جراة وقالت بصوتها الشجي
صباح لخير عويشة كيف صبحتي بخير
عويشة :(كتستف الطباسل ) لاباس مبروك اسمية
سميو :(جلسات وشافت فها بسخرية )من قلبك اعويشة قلبك ممحروقش
عويشة :علاش غادي تحرق اسمية ربي لترزق ماشي العبد
سمية :ممم تبان لي اتجمعي شراوطك وتدرمي زلافتك حيث سيمو لي بوحدي شفتيه لبارح بعد مسمع لولاد اش دار طار عندي ….ومضا الليلة معايا كعما تسوق لك كانك مكايناش فهمي راصك ولا عندك شي ضرة نفس خرجي من حياتو
عويشة :(كلامها قاسها فعلا لبارح حسات انها مكتعني له وااو فقط زوجة تزوج بيه باش يولى شافت فها بثقة )سمية انا ماشي بحالك ممزوجاش براجلك من اجل الفلوس من غدا نقدر نتطلق ونعيش قايدة الدور علك انت ادا تطلقتي تموتي بالجوع خلك بعيدة علي انا عارفا مصلحتي فين كاينا
سمية:(ضحكات بسخرية يلا بغات تجاوب تتم نازل سيمو ….وهي تسكت )
عويشة هزات عينها فه …غوبشات ورجعات تحط الطباسل ….حتا وصل وشاف فسمية …لباستو ….
حبببي جلس تفطر
جلس وشاف فعويشة لمدتهاش فه ….حطات لهم يحنجرو …ورجعات عند الحاجة للمطبخ لكتفكر فهاد الروينة ديال ولدها
عويشة :الحاجة غادي نخرج فلعشية مضطرة نمشي عند الحاج مبغيت تحد يعرف
الحاجة :وخا ابنتي سيري تاكدي تنا معاك ابنتي ومتقلقيش مني كنبقا جدة بغيت ولدي يولد وخا سمية ماشي ديالو لكن اش ندير بغاها
عويشة :عمرني نتقلق منك عارفا راسي معندي زهر وكنت متاكدة ان سيمو غادي رجع لمرتو علها درت احتياطاتي
هي :يكون خير ابنتي …كملي معايا هادشي وسيري
سيمو جلس يفطر …وكل ساعة يهز عينو فعويشو لمنخلاه ….وسمية مقابلاه وكتغدد عرفاتو تقلب علها
سمية :سيمو مغاديش تاكل
هوو:لا مغاديش انا خارج ….لشغلي تليل ونتشاوفو
هي :وخا
مشا لعند امو …لفااكوزينة معاها عويشة
سيمو :(عينو عل عويشة )الحاجة هانا خارج مغادي نجي تليل بغتي شحاجة
هي :وخا اولدي سير الله يعاونك انا كندعي معاك ديما
هو ؛(تشوف فعويشة لمحملاتش تشوف فه ) عويشة صباح لخير
هي :(خنزرات فه ونخلاتو )الحاجة نكمل هادشي نمشي عند السعدية
خنزر فها وخرج كاعي … وعويشة كاعية هي ايضا ولحاجة فلوسط معرفات متدير اما سمية هي لراشقا له وكتحس قريب تهنا من عويشة للابد
______________________________
بعد دقائق عويشة لبسات جلالتها وخرجات تسلت بلا متحس بيها لكن سمية مقابلاها ….اشافتها خرجات اتصلات بسيمو عل الفور
هي :سيمو فراصك سمية خرجات بلامتقولها لتحد زعما مراة الراجل وحشومة فحقك متقولهاش لك
هو :(شاف فها وخنزر من صداعها )وخا اسمية شكرا معرفتش من غيرك اش ممكن ندير
قطعات وهي كتبتسم بشر
نشوفو اعويشة واش غادي تفلتي من عقابو .. لمتهنيت منك منتسماش سمية
قطع معاها واتصل بها عل الفور جاوباتو بلا نفس
وي اسيمو اش باغي
هو :(بغا يخرج لها)فينك
هي :ممم لحبيبة ديالك خبراتك خرجت وانت مشغلكش في عيش حياتك وخلني نعيش
هو :كفااش مشغلكش في فينك
هي :(بلا اهتمام) ماشي شغلك خلك مع سمية
قطعات عله خلات. ….معصب شد للتلفون وسخشخو مع الارض تتشتت كلو وبدا يدور فعينه ….
وخا اعويشة نشوف ديل مك هاد الضصارة لولات فيك لمحدتهم لك منتسماش سيمو
ركب فسيارتو وكسيرا لدرب عمر وبالضبط عند ابراهيم
وصل لمحل عندو
سيمو :واحد السلام عليكم
ابراهيم :(شافة تفاجئ )سيمو نسيبي مرحبا دخل زراتنا البركة ..كديرة عويشة
سيمو جلس وشاف فها
لاباس علها علها كتسول مني دفنوه مزاروه هادي هي لااصول ابراهيم
ابراهيم :والله امع الوقت وصافي
سيمو :كلنا مرونن ابراهيم لكن خوتاتنا فالمقام الاول المهم ندخل معاك ليشان
ابراهيم :(شاف فها مغوبش )اش كاين لسيمو خبار الخير
سيمو :نجيك من الاخير مرتي ظلمتها ابراهيم ونكرتيها فحقها ….الحق لعطاه ليها الله والقانون وخلاه ليها باها وانا بصفتي رجلها بغيت حق مرتي
ابراهيم :(صفار وخضار )اه وهي شكات علك لا كفاش را شهريا توصلها الارباح
سيمو :خلنا ابراهيم من هدرة العيالاة انا وانت تجار وعارف ان للارباح لغادي وصلو عل الاقل 5000درهم ماشي 1000درهم راك فدرب عمر ..ولا عويشة طالبات بحقها ورفعات علك دعوة يقدر هادشي يزعزع مكاتتك فالسوق وتسما شفار …وكفاش بنادم ياتمن لك وانت سارق حق ختك فعلاش منبعدوش من القانون والمحاكم ونتفاهمو بالتي هي احسن …عطها حقها وتفاهم معاها بلا مندخلو لبراني بيناتنا
ابراهيم :(شاف فه توثر لكن خرج عينو )الحاج را كلفني بهاد التجارة ….اسيمو ميمكنش نضيعها ونعطها لفلوس تخسرهم فالخوا لهاوي
سيمو :ضحك بسخرية
من هاد الناحية اطمئن هي ماشي من داك النوع لتخسر فلوسها فالتفاهات هي را بنت للسوق وعندها ادلة كثبث ان باها خلا لها الحانوت انت وياها نص نص ..وادا دعاتك غادي تبدا تخلص الارباح من نهار مات باها ….اوا ضرب 5000*7
زيد علها لحانوت لتساوي لملايين انت ووجهك اما حسن تفاهمو ولا القانون يشردكم
ابراهيم شاف فه مغوبش وحس براصو تزير ولخاف منو وقع فه
وخا يكون خير ،عندك الحق ادا تدخل المخزن صمعتي غادي تشوه
سيمو :ادن اتصل بيها وعرض علها تعشا معاك وتفاهمو …
ابراهيم : وخا
شد تيلي واتصل بيها
هي :(شافتو استغربات )ابراهيم لاباس
هو :لاباس اختي ممكن تجي تعشاي عندي بغتك ضروري
هي :وخا انشاء الله
قطعات معاه وشافت فلحاج
سبحان الله عمرو اتصل ودبا اتصل اش يكون بغاني
الحاج :خير ابنتي سيري عندو شوفي اش بغاه انا غادي ندوي معاه حقك خاصو يرجع لك …باش تنتي تديري مستقبلك
عويشة :يكون خير الحاج انا خاصني نمشي معرفتش اش ندير الحاج مخربقة نصحني
هوو:متزربيش ابنتي متخدميش عاطفتك خدمي عقلك … عارف هادشي صعيب علك لكن بالعقل هاديك مرتو وحاملة منو ماشي صاحبتو خله هو يقرر اش بغا يلا سيري
هي :وخا الحاج سلم لي على الحاجة
دعا معاها وخرجات من عندو …مخربقة ومني كتخربق مكتمشي الا عند صحبتها ترتاح وترد مخها طفات للتلفون باش ميصدعهاش سيمو ….بغات تفكر ..اش غادي دير معاه واش تبقا معاه ولا تطلب الطلاق
____
وصلات عند سمية
يلا دقات علها وهي تحل لها رانيا
حلات فمها فها …متفاجئة .. وهي تهزها
رانيا اش كديري هنا
هي :جيت مع ماماتي اخالتي حيث ملقنكش فاادار وقالت لنا جدة انك مشتي عند صحبتك
عويشة :هههع لسان عندك خاصو …يتقرس اجي ندخلو
سدات لباب ودخلات
السلام عليكم
مليكة :(نلضت سلمات علها )حبيبتي علاش معلمتنيش مشيت ندي رانيا جيت لقتك.خرجتي
عويشة :كنت مخنوقة اختي قلتها لحاجة اش ندير مشفتيش سمية اش دارات
السعدية :جلسي اعويشة جلسي امهم هو اش غادي دير
عويشة جلسات وعينها غرغرو
لبارح كنت ناويا نجلس فطنجة لكن ست لحسن اتصلات به وروناتو اضطرينا نزلنا فاخر ليل وقضا الليلة معاها هي من حر شوقو لها
ااسعدية : متنسايش انو تموت عل الولاد احبيبة حاجة عادية يتخربق لكن زعما تكون حاملة ياك.مكتولدش
مليكة :معرفتش لكن تبان لي كتخطط لشحاجة سمية را خبيثة وانت اعويشة خاصك.توقفي ليها راك من البداية عارفة راصك ضرة يعني سمية مغاديش تسكت له وانت كتحس انو بدا يميل لك …
عويشة :أودي خوك تميل راصو ….مفهمتوش انا لبارح جرحني والصباح كملات علي هي هابطة بشوميز.مفضوح كانها عروسة انا لعروسة مكلبسش بحالها لا وكتحشي لي شي هدرة سامة …
خرجو دموعها بكل الم
معرفتش اش ندير والله خايفة ليكون احساسي غلط وسيمو يلوحني مغاديش نقدر نصبر ….
السعدية :مكنصنش اعويشة اخدمي غقلك متخلهاش تلعب بيك هي بغات الحرب تنوض بينك وبين راجلك باش تطفشك ومتنسايش الولاد متشدوش للراجل …انا راجلي كون عندو لفلوس كعما يعقل عل امي ماشي الولاد لشادينو احيث معندو فين يمشي وعارفني هزا عله الحمل …يعني صبرت معاه وواقفا معاه اما الولاد كعما شغلو فهم
مليكة :(ضحكات)وانا مطفراه عندي بنت والشماتة كعما مسوق لها شفوها اش كدير
نهار كلو وهي شدا الطابليط شراها ليها هشام لبارح كتدوي معاه نهار كلو هههع معرفتش واش بنتي ولا بنتو
عويشة :هههه شكون بحالها لقات بنكة غادي تطلع بنتك لسمية
مليكة :هههع لا الله ينجني اختي دبا روديها خلها تكبر شوية المهم انا غدا نمشي نديها المدرسة
عويشة :مممم اش درتي مع هشام
هي :والو اش غادي ندير مزال متخوفة منو وبيني وبينك لبغاني يجي للدار مغاديش نبقا نضحك عل راسي تيخلني مرة اخرى …يدخل لباب من بابو نقبل التصاحيب والخوا ااخاوي ويعلقني لا عيت مبقتش نثيق
عويشة :تهدا نظر
عويشة:ليل نتلاقاو غادي نشوف خويا اش بغاني را صونا علي قاليك بغاني نتعشا عندو ونجي ولسول خوك متقوليش له فين
مليكة :ههه كتقلبي عله مفهاش لكن سرو يلا بسلامة علكم السعدية مرة اخرى ندوز راك عارفا دراري ومشاكلهم يلا نديها ونمشي نصبن
السعدية :انشاء الله اختي مرحبا بيك فاي وقت الله يسهل علك اختي
هي :امين
دات بنتها وخرجات من عندهم
شافت فها عويشة
دري لي شي بيضات قلهم ختك مرونة …جين نفكر ونعرف اش ندير
السغدية :ثبثي ومتزربيش اعويشة انت عارفا راصك ضرة يعني حاجة بديهية سيمو يتصرف هكا …رجال شوية قاصحين وانت خاصك تخدمي مخك لبان لك باغي مرتو ومضيعك انت سلي راصك الحمد لله انت ممحتاحاش له
عويشة :مخربقة السعدية بزاف …اول مرة نتبلونطا
هي :تكاي شوية وفكري مزيان عاد ققري
___________________________
عند سيمو لجالس فالمحل مع الشخص لشاف الدار ودار معاه الثمن لناسبو
هو :اش نقول لك غير مزير لكن منبعهاش بداك الثمن
الشخص :كلنا مزيرين دير شي ثمن زوين وخلنا نتبايعو رانا واقف علها
هو :ستين وهدا اخر كلام عندي الشريف اش قلتي
‘الشخص :وخا موافق شنو بان ليك غدا نتكاتبو
هو :انشاء الله
الشخص :يلا يكون خير نخليك بسلامة
عند مليكة
لواقفا قدام الحضانة كتسنا بنتها تخرج ..
حتا بان لها هشام وقف لوطو …وخرج منها لكن ماشي بوحدو …معاه شي بنت …كلها جمال واناقة …شعرها طويل دايرة له لميش وطلقاه ورا ظهرها ….لابسا كلون مزير علها مع سي قبية قصيرة وسبرديلا فلكحل اخر مخرج فالسوق …اما وجهها فمقداه يل صابغاه كلو وملصقا الشفار …وضارباها بتعكيرة
هبطات من لوطو قابطة فدراع هشام لي لابس صرفيط نايك دروجين ….وسبرديلا …بانو موالمين لبعضياتهم …هي زينة وهو عاطي لعين
مليكة شافتهم عينها غرغرو ….مقدراش تستحمل تشوفو مع شي واحدة اخرى …وبالدات بنت زوينة وصغيرة علها حسات بالغل وبالغيرة…..والالم ..تعصر فؤادها مرضاتش يشوفها بجلابة بلدية ودايرة شدة جدة …وكلها مكرفصة .والهم باين علها حسات بالإهانة وهي تخبا عله فواحد لقنت
لبنت شدا فه وهي مبتسمة
هشام عندك ختك كتقرا هنا ولا شنو
هو :لا عندي بنتي كتقرا هنا اجي نعرفك علها
تقابلو مع المدرسة …تبانت لهم رانيا خارجا شافت هشام مشات تجري عندو
رانيا :(عتقاتو وكتحنزز فلبنت )بابا هشام شكون هاد لبنت الزينة
هو :(ابتسم )هادي سمتها مريا
مريا :(باستها )اهلا الزوينة انا خالتك مريا كديرة وكديرة ماماك.
هي :لاباس علها قالت لي غادي تجي ديني
هو :(تقلب بعينه علها )معرفتش ابنتي انا نتصل بيها
جبد تيلفونو اتصل لها ومن سوء حظها ….تلفونها مجهد سمعو …وقشعها اضطرات تخرج من مخبئها معصبة ومخنزرة ..ومحاملش راصها
جاوبات
الو وي شفتكم …
مشات عندهم …وهي تصابت الارض انشق وتدخل فها
شافتها رانيا مشات تجري عندها هزاتها وشافت فهم
السلام هشام لاباس
هو :(هز عينو معارفش اش كانت كتدير تما )لاباس اش كنت كديري تما كون خرجات رانيا ومكنتش انا ومشفتكش وداها شحد فين غادي نولو
مليكة :انا مها مغاديش تورني اش ندير را انا لمها ماشي انا عارفا اش كندير انا كنت مقابلاها من بعيد وزايدون شكرا عل اهتمامك اسي هشام نخليكم نمشي
هو :(خنزر فها ببرود ).سيري لكن خلي رانيا غادي ندها لواحد لبلاصة
رانيا :اه اماما دايرة معاه يديني لواحد البلاصة يلا معانا
مليكة :(طلعات وهبطات فلبنت )لا عندي شي شغل اسيري ومتعطليش
شافت فه
رد بالك علها ومتعطلهاش علي
هشام :(شاف فه مخنزر )انشاء الله
هز رانيا .. ومشا وخلاها واقفا بلا مينطق حرف واحد وهي جاتها لبكبة .من برودو والغيرة كتاكل فها ..من راصها حتا رجليها . بقات تشوف فه ومريا قابضة فدراعو تطلعو وهي تجيها لبكية شدات طاكسي رجعات عند عويشة
دقات دقان البوليس تجات السعدية تجري تصحاب احميدة دار شي زبلة من زبايلو ومني لقاتها هي خنزرات فها
مالك اصحبني عل هاد الدقان نصحاب البوليس
هي :(ملامحها غاضبة )خليني اختي رنا مفقوصة وغادي نطرطق من الفقصة جلسات وشافت فعويشة
ولد الكلبة جايب معاه واحد المونيكا تفووو عل حالة
عويشة :(ضحكاات )انت لمبغتيش تدها فه ولفحالتك دايرة بحال الطيابات تاع لحمام وزايداها بالنفخة مالك علاش جااتك عطا الله لبنات الزوينة عل ختها والصغيرة عل ختها علاش غادي عصب راصو ..السيد بطنوبلتو. بفلوسو بغمزة لبنات يترماو عل رجليها ويموتو فه..ماشي انت الوحيدة لتطلقات ةالراجل طلع شماتة حمدي الله والديك مستورين …وهشام عينو فك اما كون شفتي بنات لخومة لتطلقو تتمحنو .لموكلو راصهم مياكلو
السعدية :عندها الحق يلا معايا لحمام نكمدو عظامنا .. ندوزو نصيبو شعوراتنا
مليكة :(تنهدات )معرفتش اش ندير مفياش اختي
عويشة :سيري لحمام ودوزي الصالون ليل نقولك اش تديري سيري من حد رانيا مكايناش تلقاي لك لوقت
مليكة :وخا نمشي علاش لا اصلا خاصني نكمد عضامي
السعدية :جامعا كلشي …تجيب شي بيجامة لك …ونمشو
هي :وخا
السعدية مشات جمعات السطولا وجمعات لحوايج وخرحات مع مليكة
السعدية :عويشة جمعي معاك الدار مغاديش نتعطلو …لبنات شوية ويدخلو
عويشة :وخا اسيرو لحمام انا نوجد الكاسكروط بما جيتو
هزو السطولا وخرجو لاقرب حمام ….من بعد ناضت عويشة غسلات لماعن وضربات الدار بتسييقة حتا سمعات اادقان مشات تحل بالجري
حلات لباب وهي تصدم
كان سيمو فلباب ….واقف مخنزر احلات لباب وهي تجيها تصرفيقة حارة …دفعها ..سد لباب ودخل وتطلع النفس وتهبطها بشكل عصبي
بقات حلا فمها وشدا حنكها …مصدومة وعينها مغرغرة حيث تصرفقات واول مرة شحد يصرفقها
هو :(خنزر فها )طوالو رجليك ولتي تدخلي وتخرجي كيف بغتي مدايراش لي حساب ….وزايداها كتنفخي فالتلفون واش مزوجة براجل ولا شماتة …
هي :(شافت فها مصدومة من اسلوبو )را قلتها لخالتي الصباح
هو :(جرها من ادها بعنف وداها لفوق الصداري ودفعها لحهتو تدوي معاها معصب )كفااش خالتي واش مزوجة بي ولا بمي …شفتك بدتي تطلعي علي وراك.مزال معارفاني اعويشة والله اتقسمك عل جوج ادا مبغتيش تشدي الطريق مالك.علا هادشي كامل
هي :(شافت فه حادرة عينها ) انت لمالك علا هادشي كامل من لبارح وانت متغير معايا …وجبتني فاخر ليل عل اقل احترم شعوري
هو :(شاف فها مغويش )اش بغاني ندير سمية حاملة …وهي مرتي كيف انت مرتي ومن حقي نولد ولا مبغتنيش نولد
هي :(مقدرات تقول والو …وخا فقلبها بزاف الهدرة جارحاها …مطلباتش منو والو فقط يحس بيها ويراعي مشاعرها ويفهمها تهي مرتو تزوجات بيه فشي ظروف خايبة …من حقها بتعامل معاها زوين وميحسسهاش انها زوحة ثانية شافت فه )
صافي وخا اسيمو هي مرتك مقلت والو وعارفا راسي انا لزوحة ثانية لك يعني انا لخاصني نبعد منكم ونخلكم تعيشو مزيان تكشي علاش جيت عند خويا يعطني حقي باش نشوف مستقبلي
هو :(شاف فها بحدة )كفااش نبعد منكم واش بغا تجهلي امي ولا شنو
هي :(بصمود ) ياك تزوجتي بي باش تولد للولاد وسمية حاملة لك علاش نرونو رلصنا انت كتبغي مرتك وهي كنبغيك انا لدخيلة بيناتكم….ولبارح انت حسستني اني ولا شيء فحياتك.بلا متكدب عل راصك اسيمو انت كتبغي سمية
هو شاف فها وخنزر ….شدها من ادها …وعينه طاجين فها
واش بغا تحمقي ديل مي …اش كتروني
هي :(عينها غرغرو )والو طلق مني وعتني
هو :‘شاف فها مبقا لها والو وتدمع طلق منها …قبل ميفلعصها تاع بصح
فليل غادي نجي لك بعد متفكي حريرتك مع خوك 9 نكون هنا وحسك عينك نتصل بيك متجاوبيش واخر مرة تخرجي بلا ادني والا نعطب ديل مك عل هاد لضسارة
رىخ لباب تقفزها وخرج …معصب من عندها
هي اخرج …انهارات بالبكاوات … ..عمرها توقعات انها تبغيه …ولا تحس معاه بانوثثها وتحس باحاسيس جميلة بدات تسيطر علها …كلها حب …امان وثقة وهي لمكانتش ناويا تبغيه .. حيث الحب فحالتها غادي ضعفها وهاهي كتضعف وكتنهار لدرجة ولات كتغير عله من مرتو ..سمية … وبدات تحس انو غادي خليها عل قبل الولاد ….ويلوحها فالقريب العاجل ….
مسحات دموعها ….بشكل عصبي وناضت …عل وقفتها كتخمم
لا اعويشة مخاصكش ضعفي هكا ..متخليش الحب يؤثر فك ..هو تبغي مرتو …متبغيكش انت وهي حاملة منو مخاصكش تدمري راصك مصيرو يخليك ….مسحي دموعك وصبري …مك لكانت واقفا معاك وتحن فك مبقاتش عندك.ولمتخزمتيش مكاينش لغادي حن فيك
ناضت حزبنة ….توجد لبنات صحبتها الكاسكروط ديال لعشية
_________________________
عند سيمو خرج طاج ….من عندها معصب ..ومفقوص وشاعلة فه لعافية من تصرفها معاه
كفاش تبدل بهاد السرعة …البارح كانو ناشطين تجاهم خبر حمل سمية المفاجئ لحد الان مفاهموش لكن اش عندو ميدير ….راهو مخريق ومخو مرون كثر من القياس . جات كملات عله بتصرفاتها القاسية …..لكتدل انها ممعتبرهاش راجلها كتدير لفراصها لاش تبين له انها قادرا تحل مشاكلها راصها وقادرا تعيش كرجل بجسد انثى
وصل ال الفيلا
دخل مغوبش لقا امو …ومرتو جالسين مهدنين لاول مرة …تفاجا من هاد الهدوء لبعدو غادي تكون عاصفة
الحاجة :(شافت فه ) ولدي لاباس مالك
هو :(خنزر فها )والو عيان اتتطلع ندوش باش نهبط ناكل شحاجة
سمية :اه وخا نوجد لك شحاجة تاكلها اسيمو بما دوشتي
هو :(طلع عينو فها باستغراب )اه وخا
طلع لبيتو يجري ….سمبة دخلات توجد له غداه اما الحاجة كتشوف بعينها …وحاسا ان سمية كتطبخ شي ملعوب لعويشة …ضحكات بخبث
وخا اسمية غادي نشوف اش مخبيا واش كتطبخي انت وثريا …
يلا بغات تنوض ختا تمات رانيا داخلا كتجري هشام تابعها
رانيا :(عنقات رانيا )اهلا بنتي الحلوة شبعتي دوران
هي :اه اجدة فين ماماتي
هشام ؛(باس لها ادها)الحاجة لاباس هاهي الامانة وصلتها علمي لمليكة
الحاجة :(شلفت فه بامتنان وبغات….تجس النبض )شكرا تجي نعلمها را خرجات مشات تدور قالت لك مخنوقة ملات من جلسة اادار وعيات من الكوزينة …و.التخمال قلت لها خرجي ومزال مجات
هو :(شاف فها مغوبش …محملهاش فهاد اللقطة ….عطاتو لبنت ومشات تديع)فين مشات
هي :مشات عند عويشة تعرفات عل شي بنت تما مشات عندها
هو :وخا الحاجة المهم هاهي رانيا بما جات مها
هي :جلس سيمو دبا يهبط مالك .واقف بنتو لي بجوجكم مقلقين امالكم شي عوينة هادي
هو :ههه معرفتش الحاجة كنفكر نتزوج عيت من تزوفريت
رانيا :(كتشوف فه بدكاء)غادي تزوج بمريا اعمو
هو :ههه اه كيف جاتك.زوينة
رانيا :(غوبشات )بزاف لكن ماما حسن منها
الحاجة :(كتشوف فه بحزن بان لها بنتها ضيعاتو من ادها بتصرفاتها )الله يجهل كلشي.مبارك مسعود اولدي
سيمو هبط مع الجملة الاخيرة
واخيرا غادي تزوج شكون هاد سعيدة الحظ
هشام :(حك راصو بتوثر )مريا راك عارفها اصاحبي قررت نتزوج بها
سيمو :فرحت لك والله مريا زوينة وقاريا وباغياك
هو :اش ندير مليت من لعزوبية اصاحبي
خرجات سمية موجدا لسيمو غداه وهي مبتسمة …لابسا بيحامة طويلة افازي مع بنوارها وطالقا شعرها
سمية:مبروك اهشام اخيرا غادي نحضرو شي عراسية شنو بان لك تعشا انت ومريا عندنا غدا
هو :(شاف فهم )علاش لا ان شاء الله
الحاجة :(خنزرات فها ) مرحبا بيكم اولدي فاي وقت
هشام :يلا نخليكم تال غدا ونكون عندكم
سيمو :انشاء الله
خرج من عندهم ورانيا كتشوف فه وعينها مغرغرة مكرهاتش ميتزوجتش كاع …مشات تجري لبيتها تبكي حيث غادي تزوج وميبقاش يبغها
اما سيمو بدا ياكل ….لغدا لموجداه امو وتشوف فسمية
غادي نخرج نجيب عويشة. ونجي
هي :(طلعات وهبطات بغيرة ) لقتها بعدا اسيمو وخا مخاصهاش تخرج بلا علمك
الحاجة :(خنزرات فها )علماتني قبل متخرج ممشات توجدات لفطور وسيقات لفيلا ودارات لغدا …فخلك فشغلك اسمية انت حاملة دها لفكرشك ممزيانش العصب لك ابنتي
شافت فها ودخلات عينها باستياء
وخا اخالتي انا غير قلت له …حيث جات طايحة تخرج بلا علمو
هو :سكتنا معندها فين تمشي غير عند خوها انا غادي نجيبها ونجي
الحاجة :را مليكة معاها اولدي متعطلوش سمية غادي توجد العشا
سمية شافت فها .. مكرهاتش تقجها
خالتي مكنقدرش عل الريحة انا حاملة والريحة كتجيب لي التقية سيمو جيب معاك شي طاكوس والا بيتزا ولا كفتة مشوية تشهتهم …
هو : وخا يلا انا مشيت
الحاجة :بسلامة متعطلوش
شافت فسمية بقلة حيلة ودخلات توجد العشا وخا مفها لديرو
اما سمية حطات رجل عل رجل وجلسات مخنزرة كتخطط كفاش ترجع سيمو لها وتطرد عويشة
____________________________
اتصل بها وهي نجاوبو
هي :وي سيمو
هو :هبطو انا لتحت كنتسناكم
هي :وخا احنا هابطين
قطعات معاه وشافت فخوها وحادة لغادي تجها سكتة قلبية منها
هانا مشين اابرلهيم شوف حقي شحال يساوي ووجد لي لفلوس فهاد للأيام
هو :وخا هاد السمانة نجمعهم لك لكن دري بيهم شي.مشروع
هي :وخا
شافت فحادة لمخنزرة
يلا احبببة نتشاوفو في للفريب العاحل
حادة :ان شاء الله اختي
خرجات من عندهم في اتحاه دار السعدية وهي تخنزر حادة فابراهبم
اش كتخور انت واش كتضيع حق ولادي وتعكهم لختك ولا شنو
هو :(خنزر فها )خقها هداك بغاني ندخل لحبس ونتسنا شفار با كتب لها نصف الاملاك حمدي الله لمسايقاش لخبار انها عندها نصف فالدار ونصف فالمحل ونصف فالاراضي لجات عل لمحل نضحك علها بشحاجة ثلاثين مليون وتسكت اما حقها يساوي مئة مليون لحاج را خلا لخير ولخمير جاب الله هي معارفاش با اش خلا اما كون جانا افلاس
هي :(ضحكات بخبث)وايلي وانا لنصحاب ضحكات علنا
هو :(غوبش)راجلها لخالعني متدخل سوق مخو خايف غير يدير شي مشاكل
هي :ههه متخافش سمية قالت لي بين للايام تطردها وديك الساعة نتهناو منها للابد
_____________________________
هبطات عويشة هي ومليكة لقاو سيمو في انتضارهم
طلعات عويشة مغوبشة ركبات معاه بلا متقول شي كلمة اما مليكة شافت فخوها
اهلا سيمو تعطلت كون را الحاجة وحلات فالعشا
هو :ندو معانا شيحاجة خفيفة
شاف فعويشة
اش قاليك
هي :(شافت فه بوجهها الغاصب )قالي يوجد لي لفلوس
هو :وخا نشوفو واش غادي طلع راجل ولا شفار
ساق لوطو خلاها مفاهما وااو فيه مشدها تال شي مطعم هبط يجيب لعشا وهي مقابلاه ومليكة مقابلاها
مليكة :ماشي وقت لخصام ازمرة ابتسمي وتصالحي معاه را سمية فالخدمة بغا غير امتا دوز له
عويشة :رها مرتو وحاملة له غادي كون موحشها اش غادي دير بي انا خلني لفي يكفيني
مليكة : الغيرة ومدير وايلي عويشة طاحت هههه تكايسي عل راصك اصحبتي وكيف وصتك حملي معاه تنتي وخا عندي احساس ان شي خطة دايراها سمية حيث عرفاتو غادي رجع برزواجي بحال اياماتو علها رجعات تحابو
عويشة :مخي مبلونطي معرفتش اش ندير معاه صافي سكتي هاهو جاي
طلع سيمو . هاز لبلاستيكات فاديه فهم عشا جاهز …ساق لوطو …حتا وصل لفيلا
هبطات مليكة هي لولا تبعاتها عويشة من اللور ….بقا تحنزز فها وهي تبعهم لداخل لفيلا
عويشة :(شافت فلحاجة وفسمية )السلام نبدل ونهبط
الحاجة :وخا ابنتي را درت اروز بالحليب
عويشة :هههه تهو زوين الحاجة شوية نغيرو ..مغاديش نتعطل
تبعاتها مليكة من اللور مشداتها تال بيت بنتها لقاتها مضيومة
شافت فها بلستغراب ومشات حداها
بنتي الزوينة مالكي مغوبشة مخاصمة مع ماماك
هي :(كتحرك راصها لا )ماماتي هشام غادي تزوج تكشي علاش انا مفقوصة
مليكة :(كانك كبيتي علها لما سخون)كفااش شكون قالها لك
هي :هو قالها لجدة وقاليك غادي تزوج بمريا لبنت لخرجنا معاها وغادي نساني بحال بابا حسن
مليكة مشعراتش تعنقات بنتها كتبكي
متبكيش ابنتي ياك.ماماك معاك مغاديش تخلا علك وهو را عمك وخاصو يتزوج باش تهو يولد شي بنت بحالك زوينة مغاديش ينساك انا غادي نخرج بنتي وندها فين مبغات ونشري ليها لبغات من غدا تولي نخرج مع بنتي
مليكة :(كتمسح بنتها دموعها ) هو مغاديش ينساك ابنتي وحتا باباك مغاديش ينساك غادي جي عندك غير خدام ممساليش
هي :اهئ اهئ لا متبغناش بابا اماما وتهشام غادي خلنا
مليكة :صافي متبكيش ابنتي ماماك معاك ولا مكتبغيش ماماك
عنقاتها وتخشات فها
لا اماما كنبغيك بزاف متبكيش
بدلت تمسح لها دموعها
مليكة :هي لمسحتي دموعك الاميرة ديالي منبغكش تبكي شنو رايك غدا نمشو لمول نشري لي كسوة وصباط ونتغداو تما ونشرو لاكلاص
رانيا :ههه وخا اماما
مليكة :يلا غسلي وجهك واجي نتعشاو خالك شرا ليك بيموات بزاف
هي ؛(ناضت تجري)وخا اماماتي انا نغسل وجهي ونهبط
شافت فبنتها بحزن …مبغاتش بنتها ترجع تعدب بحالها يكفي العداب لعاشتو مع.باها خاصهم ينساو هشام للابد ويحاولو يتاقلمو من حياتهم ااحديدة ويعيشو بلا رجل حسن ميتعلقو بشي رجل ويخلهم ويسمح فهم
______________________________
عند عويشة لدخلات حيدات الجلابة .. وكتقلب فالبلاكار تدخل علها سيمو طلع وهبط فها ….وجلس فوق السرير تشوف فها شوفات حادين
هي شافتو حدرات راصها …وبدات تقلب اش تلبس تلقات شي بيحامة تقليدية نصف كوم فالحمر جبداتها ودخلات اادوش تلبسها ..تلبساتها وخرجات عندو
هي :(شافت فه )غادا نهبط عند خالتي نعاونها
هو :لا بغتك اجي هنا
مشات جلسات حداه وكتشوف فه ..باستفهام
وي نعام
هو :(تشوف فها بامعان هز اديه حطهم عل وجهها تتلمس فها ) عويشة زعما انت مولاة العقل متوقعتهاش منك تخرجي بلا ادني شنو زعما انا ماشي راجل ومنقدرش نحكمك ولا شنو
هي :(حدرات راصها )ماشي هكاك مشيت عند الحاج مكنتش ناويا نتعطل وقلت بلا منبرزطك تدوا خويا قال بغا يشوفني
هو :(هز عينو فها )اخر مرة تخرجي بلا ادني ولا قولي ممنوع تخرجي بلا بي اعويشة بغتي شحاجة علمني بلا متعصبيني
هي ؛(حدرات راصها )وخا اسيمو ان شاء الله
هو :(خطف بوسة عل خدها ) وخا خلي تليل ونتصالحو ولا مبغاش تصالحي معايا من البارح وانت مخاصما معايا
هي :(ابتسمات )وخا ان شاء الله اسيمو نهبط نمشي عند خالتي
تمات غدا وهو يضربها لمؤخرتها تشداتها كتحك فها
هو :ههه يلا متبقايش مقلقة
ابتسمات وهبطات عند الحاجة
هو تكا فوق الناموسية تبتسم …وتفكر فحريرة سمية كفاش غادي تخرج له …واش غادي دير معاها تعيا من ااتفكير ومشا يدخل يدوش
عويشة هبطات انضمات لمليكة فالكوزينة اما ست سمية جالسة كتفرج مع الحاج والحاجة …الحاجة كل ساعة تهز عينها فها بكره معرفاتش كيغاش غادي تعايش مع عاد الخلقة
مليكة كتوجد.السلطة …وكتشوف فعويشة بعيننن منكسرين
شفتي هشام غادي تزوج اعويشة وغدا عارض عل صحبتو بتعشاو وانا بنفسي نوجد لهم للعشا شفتي الظلم …شفتي علاش مبغتش نرجع نغرق فيه حيث عارفاه غادي خلني ..كيف خلاني لمرة لولا غادي خلني لمرة الثانية لكن هاد المرة قلبي ماشي غادي قتلو . لا غادي دفنو بالحياة
عويشة :(شافت فها خصوصا مليكة لمتطيحات تدمعة ) مليكة علها كنقول لك براكا متصديه شحال قدو يصبر غادي فكر انك مكتحملهش ومتنسايش شحال وهو تابعك خمس سنين وهو هزك وهاز لبنت عل الاقل ابتسمي وديا جا لوقت لتبتسمي وتكفظي ولا يطير منك ومتنسايش بنتك متعلقة بيه ولمشا تتزوج غادي نسا بينتك وماشي بعيد يرجع لطاليان اما حسن تقكري بعقلك ولا تبقاي تدمعي وتديري فيها صاحبة كرامة تتطلعي الصلع معاك خدمي مخك ولصقي فيه
مليكة :😈لهلا يحييه قلا لصق فه
عويشة :ههه اودي كلشي تلصق لشدات شحد كتلصق فه كيف العلكة علهم الرحال اتقرضو استعملي تاء التانيت ..وابتسمي وديري السبة بنتك…ورققي صوتك وتقادي فلبسك وشوفي شي هشام واش يبقا يفكر فشي واحدة . راك مشفتهش كفاش تشوف فك راك زينة الهبيلة متخليش حسن يدمر حياتك خدمي مخك وبراكا من التكلاخ ديالك السيد غاذي طير من ادك وتبداي تغني ظلموني
غدا غادي تبداي الخطة عل للاقل دري مفوسعك الحمارة عل قبل بنتك خاصها اب ولا خلاها هشام غادي تكتئب وتنتي غادي تكتئبي
مليكة ؛(حدرات راصها )عندك الحق خاصني نتحرك لكن خايفة ليكون دافع كبير ويرد لي الصرف
عويشة :ههع يما دفعتي كبير عله صبري شوية وخا متاكدة انو بعقلو ماشي بحالك المتكبرة المهم غدا خرجي وسيري عندو المحل ديري السبة بنتك لبسي شحاجة وصدمني
مليكة :هههه
دخلات علهم سمية طلعات وهبطات فهم
سمية :نعاونكم فشحاجة
عويشة :لا اختي صافي كملنا
سمية :ممم وخا
خرجات من لمطبخ كتعوج ومليكة كتضحك عل ميوعتها
هزو ااطباسل وخرجو عند العائلة لجالسين فالصالون
تحط العشا لعل شكل بيتزا ….وكفتة مشوية وطاكوس .. وروز بحليب وصلاد . كل .احد خدا اش تبغي . …
رانيا خدات طاكوس كتاكل فه مع كوكا ومها مقابلاها كتشوف فها معرفاتش اش تدير مع صغيرتها لباينة تعلقات بهشام كيف هي معلقة به …تضحي شوية وتعفس عل كرامتها المجروحة ٨وتحلول تعطي راصها فرصة اخيرة معاه يجوز تتنج هاد النرة ولا تفكر بكرامتها وتنساه وتلوحو من حياتها للابد
اما سيمية مقابلا غويشة وكتخنزر فها ومرة مرة كتدلع عل سيمو ..وكتاكل معاه فلبيتزا بحجة حملها
سيمو كمل لعشا ….مشا جلس وتكا فالصالون شاد تلفونو تبعاتو سمية بالجري جلسات خداه شدا كرشها
الحاجة :اهي لحاملة فالعالم مصيبة مع هاد الخلقة
الحاج:هههه نمشي لبيتي حسن ونتفرج فالجزيرة مقاد عل نكير
الحاجة :طلع ااحاج انت لصدقا لك مخح هاني ممسوق لتحاجة نفسك باردة
هو : صافي شرفت وعيت الحاجة خلهم يحلو مشاكلهم راصهم
عويشة بدات كتهز الطباسل وهي كتشوف فنكير لحاجة ولحتج وكتهز عينها فسيمو كتلقاه مقابلها …وسمية مقابلاه
هزات داكشي مشات الكوزينة
سمية :(كتشوف فسيمو )حبيبي كنحس براسي ماشي تال تما يلا نطلعو نرتاحو
هو :لا اطلعي اسمية ارتاحي ونعسي راك حاملة …غدا نتلاقاو عند لفطور
هي :😨😨كفااش مغاديش تبات معايا
هو :نستي اني مزوج بجوج عيالاة مرة لك ومرة لها اسمية ولا بغتني نبات معاك انت وهي تبات راصها
هي :(شافت فه مخنزرة )ولكن انا حاملة ولبارح منعستيش معايا اسيمو واش بغتي تعصبني انت راك راجلي وانا لحاملة بولدك ماشي هي معرفتش هي اش بقا تدير معاك ياك تزوجتي بيها عل قبل الولاد
هو :(شاف فها بحدة )كنت فعل ماض اسمية لكن دبا غيرت رايي فطلعي لبتك بلا متبداي نكيرك ثاني راسي مصدع بغيت انحطو وارتاح ودري فبالك هاد للايام غادي نبيع اادار
هي :(هزات عينها فه مغوبشة ) وخا اسيمو عقل فها لجرا لي شحاجة انا ولا ولدي انت السبب
هو شاف فها بسخرية
طلعي لبتك مقلت تحاجة فها لعيب ….
تغرغرو عينها وناضت من حداه مفقوصة يلا خطات خطوات وهي تسخف خلات الحاجة مشات تجري عندها مخلوعة تبعها هو
هزها من خصرها ..وحطها فوق السداري .مغبوش
سمية مالكي
هي :(كتحل عينها بصعوبة )معرفتش اسيمو دخت …عارف مع الحمل
بدات تدمع .بتمثييل
معرفش علاش انت كتعصبني اسيمو اش درت لك باش تعاملني كل هاد للمعاملة انا را مرتك وام ولدك.حشومة علك واش بغتي ولدي يطيح لي ولا شنو
الحاجة :(شافت فولدها )لبنت حاملة تكايس علها شحال وحنا كنتسناو ولد ولا بنت متجيش تال الاخر وتحطم حلمنا …حاول علنا .متخلهاش تعصب
سمية :اهئ اهئ اه اخالتي قولها ليه معرفتش مالو تبدل علي
هو :(شاف فها مخنزر )وخا يلا طلعي لبيتك
هي (شافت فه وغعويشة بنص عين )مقدراش اسيمو ممكن تهزني عفاك الدوخة في …
هو :😈😈
هزها من خصرها وتم طالع بيها وهي كتشوف فعويشة لمقابلاهم من بعيد وكتقلي ليها للسم بعينها
عويشة غسلات لماعن وشافت فهم وعينها مغرغرة
باينا غادي بات معاها الليلة وينعس معاها عوتاني قاليك غادي تصالح معايا باينا غادي نعس نعنق المخدة
خنزرات بكل الم وغوبشات ومشات تكمل شقاها وعينها مغرغرة حتا كملات طلعات لبيتها بحال ليتيمة
دازات عل غرفتهم كتجري دخلات لبيتها سدات علها وجلسات مضيومة …عينها مغرغرة كتشوق فحياتها كيف ترونات …تقالت صافي الدنيا ضحكات لها ولقات راجل لتعول عله …لاهتم بها وحسسها بانوثثها ويبغها كيف مهي …وتولد معاه وتحقق حلمها تصبخ ام …رجعات من نقطة الصفر ..سيمو مرتو حملات له. غادي رجع لها …عادي حاجة طبيعية هي الزوجة الثانية. ماشي الاولا …
ابتسمات بمرارة عل حياتها وتقلب القدر معاها …وناضت تبدل حوايجها باش تتعس حيث باينة سيمو مغاديش يرجع عندها
اختارت شوميز كحل طويل ….لبساتو …وشعرها طلقاتو ببوندو …وجلسات تشوف فراصها فلمرايا …..وكتفكر اش تدير سيمو فهاد الحظة ..معقول تبوس فبها ….وتتلمس فها مثل متتلمس فها …وتقبلها مثل متقبلها …وتشلعها كلام رومانسي بحال لتقول لها
كتخيلهم وهما ناعسين مع بعضباتهم وهي تحتو وهو فوقها …مقرب نتها وتعاشرها …تخرجو اادموع من عينها ومتحس بمرارة الزوجة البديلة الزوحة لرضات تكون عابرة سبيل فحياة للرجل ..بكفها ساعات قليلة يشبغها حب وجنس لكن حياتو …ومشاعرو كلهم لمرتو للاولا
شهقات بالم …واادموع خرجو لها …بغزارة …مقدراتش تخيلو مع اي امراة من غيرها ولو كانت من الأساس مرتو
نعم عشقاتو …وبغاتو …وبغاتو لها هي فقط …هي انانية لكن الحب ساعات تخلينا انلنيات وغيورات ومتملكات
سيمو جالس محاصر فبيتو ….تشوف فسمية بقلة حيلة ..ومخو وكاع حواسو مع عويشة عويشة لولات كتعني له شحاجة مهمة فحياتو ،عويشة لكتخليه يحس برجولتو …وكتخليه يحس براصو راجل….رجل متزوج …وكتخليه …يحس بالرضا عل راصو ….عل عكس سمية لمزال كتعتبرو صاحبها ماشي راجلها وهاد الحمل شاك فيه….ماشي ضبع هو ..ولا يلا عارفها …لا عارفها مزيان هي امراة انتهازية طماعة . ولكان صابر علها …احقاش مبغاش يظلمها …ويلوحهاب للشارع وهو عارف ظروفها كيف دايرة
مها متزوجة رجل اخر ….باها تهو مزوج امراة غير امها …الاخوة كل واحدة ودارو ..مبغاش يرتكب شي جرم ..ويتخلا علها ..وبلوحها للشارع .اضطر يبقا معاها وخا بعد ثلاث سنوات من زواجو بها اكتشف انها عقيمة …لكن متخلاش علها وبقاو عايشين…وخا زواج بالاكراه فقط …حيث بعد توالي السنوات بدا يحس ان سمية تهموها الفلوس والمظاهر ….والخروج والامسيات فالاول تقبل هاد لوضع …بما انو مقتدر وهي عاشت طفولة قاسية …مبغاش يحرمها بما انها مرتو …لكن نهار بدا بفلس كان تنتظر منو تعاونو لكن طلعات ناكرة الجميل …علها قرر يتزوج علها …وحطها امام الامر الواقع بحجة للاولاد ….وافقات بسهولة وشرطات عله اتولد له المراة الجديدة يطلق وهو قبل ….
شاف فها تنعسات له ….وناض مبتسم …من حداها …
قاد حوايحو ….بسرعة….ورش شي باغفان عله وخرح مبتسم …طل علها لقا ناعسة …مغادي تفيق تال غدا ابتسم بكل شر …واتجه عند عويشتو ..تسقيه من لهيب عشقها
بغا يحل لباب علها لقاه مسدود وهو يدق
عويشة حلي
عويشة كانت متكية تسمعات صوتو …وبدات تمسح دموعها …مشات تجري بدا تدرك دموعها بمساحيق للتجميل عاد جاوبات
عويشة :شكون
هو :(تدوي بصوت هادئ)وانت خلي قلا شكون شكون غادي دق علك فهاد الوقت غير راجلك
هي ضحكات ومشات تجري تحل له
دفعها برفق ورا لباب وسدو ….
وكلاه باديه تمبقا لها فين تهرب
هو :(تشوف فعينها لحزانى وباسها بعنف )توحشتك احبي ….متصوريش شحال موحشك
هي :(صحكات ورحعات فها الروح وسولاتو بفضول )مبتيش عند سمية
هو :(غمزها )انت خليتي لي لعقل نبات عند شيواحدة غيرك ..نستي اني قلت لك نتصالحو ولا مبغتيش تصالحي
هي :هههه لكن مفهمتش ياك هي عيانة وانت كنتي غادي تبات معاها
جرها من ادها ومشا بها للسرير جلس وجلسها عل رجليه تشوف فها
هو :عويشة كثيقي في
هي :(حركات راصها باه )عمرني ثقت بشي راجل غير با وانت ثاني راجل كنثيق بيه اسيمو
هو :(ابتسم عل كلامها ) خلني نتصرف وغادي نحل هادشي كلو كنوعدك اعويشة نكون تحت ظنك لكن عطني شوية. وقت را راسي مخربق وسمية ماشي بالمراة السهلة نهار نحط اانقط غادي نعاود لك.كلشي لكن تذكري اني مستحيل نتخلا علك تحت اي ظرف انت راك ولتي شحاجة مهمة فحياتي
هي (حسسات بالارتياح وقابها تهنا ومبغاتش تسول لا عل سمية ولا غيرها بغات اترتاح غل صدرو وتنسا كلشي حطات راصها عل صدرو وتنهدات )
وخا اسيمو مغاديش نسولك لكن انا معولة علك معندي تحد غيرك انا يتيمة …والاخ لنعول علك جاحد خلك معايا اسيمو كنحس براسي موضرة
هو :(عنقها من ظهرها ومبتسم )متخافيش انا معاك وحق غادي نجيبو لك لكن متصرفيش من دماغك ولا تسني عل تورقة تنكون معاك…..ومتشوفهش الا وانا معاك وخا
هي :صافي وخا اسيمو
هو ؛(رجع شاف فها )اوا احبيبة منتصالحوش من لبارح وانا مقلقة علي
هي :ممم انت اسيمو لجتي كتجري بلا متقول لي تشي حرف ….سمعتي سمية حاملة قطعتي سفرنا ….وجتي تجري طول السكة مقلتي تحرف ومني جتي طلعتي تجري عندها وخلتني بحال الاطرش فالزفة اول مرة من شحال هادي كنحس بيك مبغتنيش اسيمو زايدة علك
هو :(هز عينو فها ) عارف اعويشة عارف كلشي وتنا مخي مخربق …را سنين وهي مكتولدش…ماشي ساهل علي نسمع خبر كهدا ونبقا بعقلي ومنكدبش علك فرحت …وبغيت يكون عندي شي ولد ولا بنت …
هي :صافي وخا لكن حاول تحس بي تنا انا المظلومة فهاد لحكاية. تزوجت بك وانا عارفا ظروفك لكن متوقعتش يكون زواحي منك صعيب لهاد الدرجة …وخا نعيا تقول لك…ولا نوصف لك لكن احساس تاع تكوني زوجة ثانية .. صعيب بزاف
هو شاف فها وغوبش
نساي اعويشة وعطني شوية وقت نقاد اموري ونشوف اش ندير لكن وعديني ثقي بي ….ومتصرفيش من دماغك وبعدي عل سمية نكرر بعدي علها قدر للامكان …حاولي متواصليش معاها تنشوف اش وراها
هي :وخا اسيمو يكون اخاطرك …وسمحلي حيث خرجت بلا شوارك كنت مضيومة بزاف بغيت انهرب
هو ؛(عنقها )لهلا يحوجك احبي …متزربيش راك مزال مكتعرفي شكون سيمو مزيان صبري معايا هاد للأيام تنشوف اش ندير
هي :وخا اسيمو نصبر معاك.
ابتسم لها .قرب منها وباسها بحب ….وهي تجاوبات معاه بكل ضعفها واحتياجها له حتا استسلمات له وولات كتدوب بحال قطعة الشكولاطة….صطحها فوق السرير وبدا يمارس هو وياها الحب عل اصولو …لكن هاد المرة باحساس .. وحب وعشق …وثقة
اما مليكة …
مليكة لقررات تغير عل قبل بنتها لمتعلقة بهشام بحالها هي تماما الفرق ان لبنت كتحس بيه باها ومحتاجاه جنبها ومليكة كتحس بيه روحها الثانية .و.قصة حبها لفشلات قبل متولد ….
لبسات …وتنانتكات ….عل غير العادة
اختارت فستان فلغوز واصل تال الركبة مع كلون .وسبرديلا … ….هزات شهرها عل شكل شفنجة وقدات مكياجها …تولا فيها الضو ورجعات فها الروح شافت فها وفبنتها لكتشةف فمها وكتضخم
رانيا :ماما ولتي زوينة تنا ديري لي شفنجة بحالك وبغيت كسوة فلغوز
مليكة :ههع لشافتو غنو بغات منو …اجي نمشط لك
داراتها فحضنها بدات كتمشط لها شعرها ودارتو عل شكل شفنجة …جبدات لي شي فستان نصف كوم لبساتو لها مع ليبة بيضة. صييبيط بيض …وشافت فها لقاتها فرحانة
رانيا :نمشو عند عمو هشام اناما عفاك
مليكة :(باستها )وخا نمشو عندو ونمشو ندورو انا وبنتي نشرو مونيكا وبزاف لحوايج
رانيا :وناكلو طاكووس وبيتزا
مليكة :وايلي ابنتي لبقنا مقابلين طاكوس غادي جينا افلاس ههه بقاي تابعة هشام …هو عندو لفلوس وماماك مزلوطة اجي نشوفو لبسطام شحال عندنا فيه بعدا
حلات لقات فيه خمسين درهم وغوبشات
مليكة :سيري شوفي سيمو فين كاين قولي ليه ماما بغات مئة درهم
رانيا :وخا اماما
مشات بنتها وجاها الضيم
خاصني نخدم خويا مغاديش يبقا هازني ديمى غادي جي وقت ويعيا فيه …بفف عل زواج القهرة
رانيا مشات تجري تقلب عل سيمو مشات دركت لبيت عويشة ظنا انها هي مرتو حسب دماغها الصغير
تشعبطات فلباب تحلاتو ودخلات تجري
لقات سيمو مزال ناعس وعويشة فايقة كتمشط شعرها تمشات تًجري عندها
عويشة :(هزاتها ذاراتها فحضنها )لمشة فين غدا عل الصباح
رانيا :خارجا مع ماما نفطر ونمشو عند عمو ونمشو لمول
عويشة :هادشي كلو غادي تمشو لهة
رلنيا :اه وغادي نشري مونيكا وكسوة …اخالتو لكن خاصني لفلوس ماما بغات شحاجة من عند خااو
عويشة :هههه اطط نقاب تجاكيتا نشوف اش عندو شحاحة
مشات تبقشش تجاكيتا وجبدات 400درهم ومداتهم لها
هاكي عطهم لماماك وقوليها دير داكشي لقلت لها
رانيا :وانت اش قلتي لها اخالتي
عويشة :(جبدات حنكاتها) بغا تعرفي كلشي يلا سيري عطهم لماماك وسيري حوسي ليوم السبت
رانيا :وخا بسلامة اخالتي
خرجات تجري وهي كتشوف فها شحال فرحانة …سدات لباب وراها ومشات تفيق سيمو
عويشة :(كتصرفقو برفق) سيمو فيق مخدامش ولا شنو
هو :(حل عينه مبتسم …جرها من خصرها وهزها فوقو )ممم صباح لخير حبيبة كيف صبحتي لي لاباس
هي :بخير اسيمو وانت
هو :انا بخير علي …اري داك لفم نبوسو
قربات منو بدات تبوس فها… قبلات مجنونة .تهر فها وهي كتضحك تحسسها انها بنت 17ماشي 37
عويشة :سيمو وايلي طلق مني مشبعنيش
هو :ممم مكنشبعش من مك مكرهش نديك لشي قنت وندوزو شي ايام بعيد عل هاد المشاكل
هي :ههه ماشي دبا وحطني نمشي نوجد لفطور
هو :ممم شنو بان ليك نفطرو انا وياك احبيبة
هي :(فرحات )وسمية تقدر تقلق ولا تمشي معانا
هوو:هههه تمشي معانا هادشي لبقا لي ههع تخسر الجلسة متخافيش سمية مكتفيقش بكري غادي ترجع لعادتها معدا ل1يلا نوضي خلني ندوش وجهزي راصك
هي :ههه وخا هي لولا لكن را رانيا جات بغات الفلوس وعطتها 400درهم حيث بغات تخرج مع مليكة يدورو
هو :اه صافي ماشي مشكل خلهم يتساراو
خطف بوسة ودخل يجري للدوش اما هي بدات توجد نفسها لبسات جلابة عصرية من داكشي لشرا لها مع ليبوط قصير وعالي ….صيبات وجهها دارت مكياج عادي ودارت شال رقيق تخرج عندها سيمو لاوي فوطة عله
شاف فها مركز فها مزيان وعينو عل شعرها . قرب منها حتقرب وجبد ادو ..تدخل الگصة لمخرجاها من اازيف
ياك تقولو كل زغبة بدنب….علاش كتقلبي ثاني
هي :(عجبها غيرتو واهتمامو بها )ههه والو غير عاجبني شعري
هو :لا متقلقنيش مكرهتكش كون درتي لخمار اعويشة
هي :(خرجات عينها )كفااس لخمار لا لا اسيمو كتفلا علي
هو :علاش كنتفلا الخمار زين …وتستر وانا بغيت مرتي تحد ميشوف ممتلكاتي كنظن من حقي علك احبيبة ..نشةغك لابسا لمستور ومغطيا راصك .تقمقوم ميهز عينو فه راك شفتي نهار خرحنا فطنجة الصداع لنوضت
هي :وصافي اسيمو خلنا نخرجو ماشي وقت هاد الهدرة
هو :(باسها )عندك الحق من بعد ندوو علها يلا نبدل ونخرجو
هي :يلا متعطلش اسيمو سربي في الجوع
لبس سبور لعلى شكل صرفيط…رمادية تجاكيتا وسروالها مع سبرديلا …دار كاسكيطا فوق راصو …حتا ولا وسيم …شافت فه .ابتسمات …عجبها سيمو بان مغير …وعاطي لعين وخا شعر لبيض بدا يبان فلحيتو
هو :(عنقها )عجبتك
هي: ههه بدتي تشرف اسيمو
هو :اودي ولدي لي غير لولاد ومرحبا بالشيخوخة 😄😄
خرج هو وياها مشادين وهبطو عند امو لكانت كتفطر مع الحاج
سيمو :صباح لخير علكم
الحاجة :(طلعات وهبطات فهم )فين غادين
سيمو :غادي نفطرو برا نقدرو نتعطلو فلعشية
ااحاجة :وسمية فراصها
سيمو :الحاجة شفتك تصاحبتي مع سمية ولا شنو هههه سمية ناعسة متفقش دبا
الحاجة :ههه اودي ممصاحبا مع حد اولدي مقدا عل نكيرها كتضرني فراسي باز لك تصبرتي علها
هوو:هههه اش ندير الصبر هانا مشيت الحاجة لسولات علي خارج تنشوف اش ندير معاها
الحاجة :(ابتسمات )سيرو حوصو اولداتي اتا غادي نحضها ليوم …نشوف اش وراها
الحاج:ههه المفتش كونان صافي لحاجة اليوم غادي تلقا فاش تلها وانا نوض نمشي لقهوة دوني معاكم
الحاجة :ممم الحاج غادي هربان لكن متخافش انا اليوم غادي نحضها نشوف هاد سمية اش كتطبخ
سيمو ضحك جر عويشة وخرجو …مبتسمين
_______________________________
اما مليكة لحطها الطرام فدرب غلف وهبطات هي وبنتها عند هشام لعندو شي محل كبير فدرب غلف تبيع فه حوايج الدراري
دخلات لدرب غلف كتقلب بعينها عل المتجر …وشدا بنتها …حتا بان لها لمتجر وقلبها تضرب بالجهد …تماسكات بزز منها خصوصا امام نظرات صغيرتها لفرحانة بزاف حيث لابسا هي ومها بحال بحال وخارجين يدورو …شافت فماماها وجراتها من ادها
ماما يلا ندخلو مالك خايفة
مليكة :ههه لا مالو بعبع سيري دخلي انت لولا دري له مفاجأة
رانيا :واو غادي تخلع …تسناي اماما متدخليش انا ندخل نخلعو تشوف واش غادي تخلع عاد دخلي
هي :يلا سيري انا نتخبا تدخلي
ضحكات ودخلات تجري عند هشام مليكة بقات واقفا تشوف فبنتها وقلبها تضرب بالجهد …وحاسا بالخوف وااتوثر ومعارفاش كفاش تعامل مع هشام
هشام كان جالس فالحانوت تدخلات عله رانيا كتجري …شافها تصدم …وحل لها اديه جات تجري تخشات فه
رانيا :بفف بغيت نخلعكم زعما
هوو:هههه تخلعنيني اجي شكون جابك
هي :ماماتي راها برا قلت لها غادي نخلعو
هو :(شاف فها وابتسم شدها وجلسها عل حجرو .تتسنا الاميرة الكبيرة تنازل عل غرورها ودخل عندو ) اه زوينة هاد لكسيوة شكون شراها لك.
هي :ماما وغادي نمشو لمول نشرو كسيوة ومونيكا ابابا هشام
مليكة فهاد للاثناء،زيرات عل راصها وطيحات كواريها وتمات داخلا عندو مهبطة راصها وكتطرطق ادها كانها معاقبة
الجهة لغادي دخل طلع وهبط فها وغوبش فلبسها لمجاهش عل كانتو
هي :(وقفات بعيد )السلام هشام لاباس علك
هوو:(تشوف فها ..معرفش فين غدا بهاد اغرور )لاباس وانت
هي :ااحمد لله يسول فك لخير …رانيا بغات تشوفك جبتها تسلم علك ونمشو.
هز عينو فها
فين غادين بالضبط وامتا كتخرجي راصك
هي :(خرجات عينها فه)كفااش زعما انا كنخرج راسي كنمشي السوق وكنمشي لقيسارية
هو :عمرك.مشتي لمول راصك عارفا كل بلاصة فيه
شافت فه ومرضاتش هزات راصها بغرور
علاش كاين شحد متعرفش المول عارفا فين جا فعين اادياب اكيد وانا كنعرف فين جا ومتحكرنيش
هو :عنداك اتوضري
هي :(بعبوس )اجي ابنتي نمشو نتسراو نخلو هشام يخدم
هوو:هههه مزال انت هي انت مني كتقلقي فراصك بنتك طلعات مكتشبهش لك كشبه لي
هي :(شافت فه وقلبها ضرب .. وتنهدات بالم….حيث فعلا رانيا كتشبه لهشام حيث كانت كتوحم عله فديك الفترة )ا معرفتش ورانيا زيدي
رانيا :خلنا شوية مع عمو
شافت فه بعبوس
عمو واش بصح ادا تزوجتي غادي تخلنا انا وماما وتنسانا
شاف فها …وفبرائتها وباسها
لا مغاديش نساكم….غادي نبقا نبغيكم ديما
قالها وهو تشوف فرانيا لعلامات وجهها تبدل ولات كلها مزنكة
رانيا :(باستو )شكرا عمو انت عزيز علي اجي خرج معانا را ملما مبغاتش تشري لي طاكوس قالت لك معندهاش بزاف لفلوس
مليكة كتشوف فها وكتحلف علها بعينها
لا عمو ممساليش ارانيا تنمشو .نتفاهمو عل داك اللسان لمتسكتش ولتي بروالة
هي :(ضحكاتها الكلمة )شناهي بروالة اماما ههه
هشام :ههه خلها تقول لبغات ياك اعمها اامهم نمشي معاكم ندكم فين بغتو اش قلتي امليكة
مليكة :(ابتسمات )وخا ولكن را عندي لفلوس رانيا اداوية
هو :اودي الفلوس.ماشي مهم عارف رانيا عزيز علها اادوران
مليكة :لكن متولفهاش اهشام انت غادي تزوج دبا وانا لغادي نوحل
هو :ممم كوني هانية عمر زواجي ميفرقني على بنتي الحلوة مشينا
شدات فه …وزيرات عله
يلا ابابا ….شدها من ادها وتمو غادين توصلو عند مليكة لكتخنزر غظفه مني فال ديك الجملة وشداتها من ادها وخرجات شدا فهم وهي وسطهم كل ساعة تنقز وباين علها الفرحة
شاف فلولد لخدام …عندو ائتمنو عل المحل بعينيه واتجه بهن لسيارتو المرسيدس
عند سمية
الزوجة الاولا ….لكتصف باادهاء وبشدة الدكاء تلقبوها ساعات بالشيطانة وساعات بالحرباية ….كتملك جسد مغري ووجه ملائكي تخلي اي واحد يهيم فها ويتمناها تكون له …يما رجال هامو بيها عشقا وخبا لكن هي ماشي من النوع ليهتم للحب وللكلام الخاوي لا هي امراة عقلية عارفا ان الحب حبلو قصير ..كتامن بالمقولة لمتقول ادا دخل الفقر من الباب خرج الحب من الشباك لهدا كتفادى تطيح فالحب وتكون ضعيفة لاي رجل ..كل لتهمها هما الفلوس والوضغ للمالي ..ونهار تعرفات عل سيمو عجبها بوسامتو و..شخصيتو القوية لكن لشدها له هي المرسيدس لكان سايقها ….لبينات انو رجا متريش وفعل خدسها كان عل صواب وصدق رجل متريش وادو مثقوبة عيشها فحياة لكانت كتحلم بها لكن تبقا مجرد رجل …تشبعها ماليا وجنسيا …
ناضت من سريرها لابسا شوميز قصبر مفضوح لبسات عله بنوار وناضت من فراشها …يلا غادي تحل لباب تهبط تشوف فين سيمو وهي تسمعو خارج مع عويشة وشاد فه. باين علهم السعادة خرحات عينها فهم بالم وعينها غرغرو وهي كتشوف عويشة خدات مكانتها وباينا خدات قلبو وهي لظنات انها هي معمرة له لقلب ولقليب وقدرات تستحود عل روحو وجيبو لكن باين لفاتها دهاء وخبث
سدات لباب برفق …ومسحات دمعتها ااحزبنة من عل خدها ومشات جلسات فالسرير تفكر فهاد المصيبة لنزلات علها وكتقول
لا مغاديش نخله لها هو ديالي كلو بفلوسو …وبقلبو وروحو مغاديش نخله لك اعويشة وغادي تشوفي اش غادي.ندير ادا فشلت فالسطاج لول كاين ثلاث سطاجات غادي ربحهم ونشوف اش غادي ديري ضحكي دبا وشوفي لالاك سومية اش غادي دير
ضحكات بشر
وناضت بدلات ….لبسات بيجامة طويلة نصف كوم وهبطات عتى الحاجة اجالسة لتحت
شافت فها ….بابتسامة مزيفة
صباح لخير لحاجة كيف صبحتي بخير
الحاحة :(طلعات وهبطات فها مصدومة )لاباس ابنتي
سمية :خالتي شنو رايك نعمر اتاي وتفطري معايا
الحاجة :وخا عمري
ابتسمات لها ومشات توجد اتاي واحاجة الف سؤال تدور فراصها ….اش كتخطط سمية ..واس تذور فراصها ..وواش بغت تغير ولا فقط.كتمثل
اما سمية كتوجد اافطور مبتسمة بكل خبث ووقررات تدير لحاجة فجيبها وتزيذها بالحمل باش تمشي معاها فصفها ويسهل علها ترمي عويشة
عمرات اتاي . سخنات الخبز وحطات معاه شي مسمنات وخرجات عندها للصالون حطات داكسي وجلسات حداها
ااحاجة هاكي كلبي اتاي
ااحاجة :(بدات تكب فلكيسان ) اش بغتي اسمية دخلي فالموضوع
سمية :(شافت فها بجدية )الحاجة خلنا نيتو خلافاتنا منكرش اني كنت خايبة معاك وبرهوشة اخالتي لكن دبا الحال تغير
مسات كرشها وابتسنات
دبا حاملة. وحنا رغم انتا ممتفاهمنش الا اننا مساركين اادم شنو بان لك تسمحي لي ونوعدك نتغير اخالتي عطني فرصة اخرى مبغتش نتطلق وولدي يتربا بلا اب عارفا راسي كنت شوية ضاسرة لكن راك عارفا ظروفي
باست لها ادها وراصها خلات لحاجة بقات تشةف فها بصدمة في خصوصا ان طريقة هدراتها بينات انها تابت وبغات تغير
ااحاجة :وخا لكن دري عقلك دبا انت مراة الراحل وام ثبثي شوية
هي :يكون اخاطرك اخالتي فين عويشة مسفتهاش
الخاجة :مشات مع سيمو يقضو شحاجة
هي :(تغذغذو دموعها )شفتي اخالتي سبمو شحال قاثح لبارح مخلني فببتي ومشا بات معاها ودبا تخرجها بلا ميتسوق لي هادشي غير حاملة بولدو مبقيت فاهما وااو فيه باك تزوجها عل اساس الولاد وهانا حاملة بولدو
ااحاجة :بكون الخير ابنتي صبري دها فولدك تنشوفو شي حل يرضي كاع الأطراف
ابتسمات لها بخبت …..بدات تفطر وكتخطط كفاش تطيح عويشة وتصيبها فالوتر الحساس
____________________________
عند مليكة لوصلات هي وهشام…. للمول
هبطات من لوطو وهزات بنتها …تبعها من اللور ودخل معاهم للمول امليكة معرفاتش فين بابو اول مرة ندحل له بحكم كانت مزوجة برجل حارمها من كلشي عاطياها غير الشقا الخدىمة وتمارة ناسيا ان هناك حياة زوينة بعيدا عن حسن
هشام :(بانت له غىا في لتجاه اخور وجرها وهو تصحك )ماشي من تما امدام ها لباب وكتقولي عاذفاه فين جا
هي:(خنزرات )لا اسهيت
هو :ممم وخا تيقتك
رلنيا :(كتشوف فمها وكتضحك )ههعع ماما كنا غادي نتوضرو انت كدابة
مليكة :هههه حصلتني ابنتي سكتي متقولها لحد ليضحو عل ماماك.
هشام :(خطف من عندها لبنت وهزها )اري رانيا خلها تمشا عل رجلاتها
حطها فالارض ..شدها من ادها وبقاو داخلين لداخل لمول
هو :شنو رايكم نفطرو عاد ندورو
مليكة :وخا شحال لفطور بعىا
هو :(خنزر فها )عيب اسولي عل شحال ياك معايا انا فانا لغادي نخلص
هي :ولكن را بزاف لسي هشام را عندي انا
هو :مليكة حشومة نكون معاك وتدوي عل لفلوس مبينتناش يلا اجي ندخلو
دخلات معاه شي كافي راقية جلسات وجلسات بنتها حداها تشوفو فااهدوء ….امت هو مشا يجيب لهم لغطور على دوقو
مليكة :هنا فين كتجي مع عمو
رانيا :داني تال ماكدو اماما وقالي غادي ديني لحديقة لحيونات
مايكة :سعداتك بهاد عمك كون كان عندي عمي كعما يدير لي هادشي ههه
جا هشام جايب معاه بلاطو وتابعو شي نادل هاز بلاطو اخور
حطو داكشي فوق الطابلة ومليكة كتشوف هاد للعجب
لفطور عل شكل كابتشينو وعصير فراولة …وكاطو مختلفة الاشكال وبتبان شكولاط … مع خبز محمص وقطع فرمتج احمر وكاشير
مليكة :(شافت فافطور لتشهي )هادشي كثير اهشام رانيا مصرانها صغار مغاديش تاكل هادشي كلو
هو:(ابتسم ) هادشي ليك انت امليكة ولبغتها نجيبها لك
هي :(شافت فه مزنكة )شكرا
رانيا خدات عصيرها المفضل بدات تشرب فه وتاكل حلوة الكريم كعما مسوقة لهم …
اما مليكة فخدات لكبشينو كتشذب فه بمهل وهشام مقابلها غادي ياكلها بعينه ..مبفاش قادر يصبر عل فراقها وعل فراق رانيا .. عيا من الوحدانية ….وعيا من الفراق بغاها تكون جنبو … وتكون مرتو …لهلا يزيد كثر سبع سنوات تاع لحب را بزاف عله
مليكة شافت فه….وقرراا تسولو
بصح غادي تزوج بلبنت لشتها معاك لبارح
هو :(شاف فها والابتسامة عل وجههو )اه عيت من ااوحدانية 40عام ميجمعها الفم امليكة
هي :(حدرات راصها حزنا )عندك لحق خاصك ندير ولادك خايفة ابتنسا رانيا
شافت فبنتها لمتاكل وباينا علها فرحانة
متعلقة بيك بزاف كثر من القياس
هو :(شاف فرانيا )تنا متعلق بيها كنحس بيها بتتي … اول متزادات اول واحد هزها هو انا عقلتي امليكة نهار ولدتي
هي :(شاقت فه وتفكرات نهار جاها الم للولادة راجلها مكانش …وعائلتها كانو مسافرين ملقاتو اهو للاتصلات بها جا يجري هزها من لوبيطال لدخلاتو لها عدوزتها وذتها اكبر كلنيك )وانا نسا اهشام معرفتش من غيرك اش كنت نقدر ندير تقول كنت مجوجة بيك انت ماشي داك الشماتة
هو شاف فها شحال وقلبو ربي لعالم بيه مبغاش يزرب تيتاكد من مشاعرها واتها كتكن له شي مشاعر وخا 30%قابل بها
هوو:هههه نمشو رانيا مشبعتيش
هي :(هزات عينها فه فمها كلو عامر كريم ضحك …جبد كلنيك تمسح لها وهي كتضحك )زوين هاد لحلوة اعمو
هو :ههه تنتي زوينة اجي نوضو نمشو نشرو لبنتي مونيكا كببرة
هي :(عينها فها لقلوبا )واو بغت سندريلا
هو :جاتك
هزها ….تبعاتو مليكة من اللور كتشوف شخال هشام تبغي بنتها وشحال تبان كانو باها فرحات من قلبها وتمنات كون كان فعلا باها وراجلها لكن واش زعما القدر يوقف فصفها هاد للمرة وتزوج بيه
_______________________________
بعد ساعتين
رانيا خدات كل حاجة تمناتها هشام مبخلش علها وخا مكرهش يشري لهم لمول عل قدو ..
شاف فمليكة
9نكونو عندكم جهزي لنا شي عشا غزال
هي :(شافت فه مغوبشة ) اه وخا مرحبا بكم
ابتسم لها ركبو فلوطو وصلهم تال باب لفيلا ودعوه ودخلو وساف لوطو لخدمتو
___________________________
اما عويشة
فقضات النهار مع راجلها فطرات معاه …وتغدات …وقضاو النهار كلو عل برا ….من بعد اتجهو ال الفيلا
دخلو مبتسمين …اكثرية هي حسا ان القدر عوضها عل الحرمان لعاشتو وسيمو كبر فعينها بزاف …يلا قربو يدخلو للفيلا وهي تشوف فه
سيمو ندخل انا وتبعني مبغتش سمية تشوفنا يقدر يبقا فها الحال
هو :(عنقها )انت مرتي هادشي مفهش ييقا الحال احبي تحركي كدامي را دمها بارد مكتحسش
هي :لواه بزاف اسيمو مكاينش شي امراة مكتحسش
هو :كاين جرها من ادها وتمو داخلين ال الفيلا حتا بانت لهم سمية جالسا فالصالون مع الضيوف لهوما هشام ومريا ….
عويشة مشات تجري تبدل باش تستقبل الضيوف اما هو مشا دركت للصالون جلس وشاف فمو ومرتو وضيوفو
اهلين بيكم شرفتونا
الحاجة :تعطلتي اولدي سمية خاصها الدوا عينا نتصلو بيك وايلي زدتي فيه
سمية :(ببراءة )يقدر يكون خدام اخالتي ماشي مشكل غ ا وباخد لي الدوا
هو ؛(هز عينو )ديالاش هاد اادوا
سمية :فيتامنات للولد …كنحس براسي عيانة شوية
هو :وخا غدا نجيبهم لك.
شاف فهشام
اوا سي هشام لاباس علك هادي هي مريا
مريا :(ابتسمات )وانت هو سيمو سمعت علك بزاف اسيمو مشاء الله علكم صداقتكم مثينة
سيمو :اودي را خويا ماشي صاحبي
مليكة حايبا الصينية تاع اتاي لابسا كندورة تقليدية صماطات معزولة شوية فها بحكن انها غليضة وطالقا شعرها جمعاه بفليل خفيف ..كتشوف فمريا لكتبان قرطاسة ومكملاها بتجين مزير ولقصير …خنزرات فها لكن رجعات ضحكات باش متبينش
هشام تشوف فها . وحال فمو فها ..
مليكة :مرحبا بيكم عندنا اهلا اختي تشرفنا بيك اختي
مريا :ربي خليك اختي سمحولي عل هاد الدخلة اامفاجئة
مليكة :لا متقوليش هكاك مرحبا
حطات الصينية وجلسات .. وغمزات سمية
سمية ناضت تجيب داكشي لدارات لكيك …وشي حلاوي ومسمن …جابتو وحكاتهم امام الضيوف ملتسمة
مرحبا بيكم عندنا اوا قررتو امتا العرس ولا.مزال
مريا : مزال مقررنا لكن فالغالب تديروه فالصيف
مليكة :(شافت فهم وقلبها تازم …وعينها غرغرو اهزات عينها شافها هشام كيف كتطلع فمريا وكتخنزر كون صابتها تاكلها حس بشحاجة مهياش ) مبروك علكم
هشام :(شاف لهجتها تماما بحال بنتها فاش ممتعجبهتش شحاجة وجهها تتلون وكتعوج فمها وصوتها تتبدل ) ربي خليك امليكة عقوبة لك
هي :(ضحكات بسخرية )لا صافي جربت حظي براكا علي نكبر بنتي ههع
هشام طلع فها وطول الشوفة وحس بالمرارة فكلامها …خلاتو يندم عل النهار لفكر يمشي فها الطاليان ويكون مستقبلو
هبطات عويشة …لابسا قفطان بلدي جوهرة فالزرق عقيدات …شعرها جامعاه عل شكل شفنجة …وتمات غدا عند الضياف
سلمات عل هشام بليد …اما مريا تحدرات علها سلمات علها بلحنك.
عويشة :اهلا اختي كديرة لباس علك
مريا :(شافت فه وابتسمات )اهلا بيك اختي كدبرة انت لاباس علك
عويشة :لاباس احبيبة كديرة لوالدة وداركم كلشي مزيان
مريا :الحمد لله اختي كلشي مزيان
جلسات فجنبها ….وفجنب سيمو
اما سمية كتشوف فها شي شوفات مهياش مستحملااتش تجي فدقيقة تاخد بلاصتها وكلشي يبغيها ختا من سيمو تقبلها وخا ماشي شي زين …خنزرات بحقد ورجعات ابتسمات
اما الحاجة فكل لتهمها فلحكاية هو ولدها ..كتبقا عجوزة ولعجوزة متهمها الا ولادها ..
مريا :ادن انن هي عويشة سمعت علك بزاف من عند هشام
هويشة :(قربات منها كتدوي بشوية )ممم اش قالو علي
مريا :ههه كل خير احبيبة كل خير هكا يكونو العيلاة والا فلا
عويشة :داكشي لتربينا عله …اجي انت وهشام بصح غادي تزوجو ولا نص نص
مريا :(ضحكات بخبث)نص نص
عويشة :(شافت فهشام لحاضي مليكة )ممن ادن هكا للقضية وليني هشام مراهق
مريا :ههه الحب للاعمى …
مليكة عيات بالتحنزيز وناضت فكعانة مشات المطبخ تبعاتها سمية من اللور
الحاجة :(شافت فعويشة )مغاديش تنوضي ابنتي توجدي العشا ولا شنو
عويشة :لا اخالتي هانا نايضا مريا من بعد نكملو
مشات عندهم المطبخ لقاتهم توجدو العشا …
شافت فهم …
وجدتو كلشي تبارك الله علكم
سمية :(شافت فها بنفاق)اش ندير بعدما كلكم خرجتو وخلتوني بوحدي اضطريت ندير لعشا كيف جاكم عشايا داكشي عصري وعلى لموضة ماشي بحال داكشي لبلدي متجيش فلمناسبات وفلعراضات
عويشة :(مبغاتش تدها فها )اه زوبن مشاء الله اسمية نيت نغيرو شوية من الستيل
هي :اه داكشي اختي يلا وجدو داكشي انا نمشي نشوف اخالتي واش بغاتتي نوحد لها شحاحة
عويشة وخا
مشات بقا اشوف فها هي ومليكة باستغراب
مليكة :هادي معجباتيش العشية كلها وهس لاصقنلني بغاا تصاحب معايا نسا لها كيفاش كانت كتحرش سيمو باش ميعطني ريال واحد جاب الله مكانش ودينة اما كون انا .وبنتي كنسعاو فالزنقة
غويشة (تنهدات)زعما تكون كتخطط لشحاجة
مليكة:دريها بين عينك سمية هاديك الله يستر منها مكانش عل امي تجيبها هنا اجي نوجدو العشا لديك خيتي معرفش اش عاجبو فها كلها مسلوتة
عويشة :ههع عما مخلي طراكس وتقلب عل.نلنسي متفهمش هاد خونا
مليكة :ههع لواه ماشي طراكس اصحبتي متزديش فه انا نخرج نجيب الصينية شفت ديك خيتي خرجات مرجعات تصحابنا خدامين عند باها
عويشة :سيري انا ندير شي سلطة لسيمو
خرجات للصالون لقات ست الحسن جالسة حاطا رجل عل رجل كتدوي بكل اريحية مع الحاجة ومريا… خنزرات فهم
يخخ مقدو فيل زادو فيلة منن خرجات لي هاد مريا …مشات هزات صينية اتاي وكتخنزر فها
هشام مقابلها وبدا بفهم البلان وخا متقولش ولا تنطق باي حرف عينها فاضحنها لكن السؤال لضرو
من امتا وهي كتكن له مشاعر .. واش مؤخرا ولا قبل فايام زواجها من داك الحيوان . راصو ضرو …بشدة ….وقلبو تزدح مكرهش ينوض غندها يعترف لها بمشاعرو . ويرتاح لكن خاصو يصبر تيتاكد وديم الساعة يتصرف
تحط العشا لعلى شكل كرتان وصلاد عصري ….وعصير وبروات صغار
سيمو شاف فلعشا وغمز عويشة زعما اش هاد للعبث
جاوباتو بعينها سمية لطيبات هي ملهاش دخل .. خنزر وتشوف فهاد لعحب
اما هشام متسوقش للعشا بقد ممسوق لمليكة لكتشوف فه فكعانة وهزا بنتها لنعسات فحضنها
اما الضيف شافت فلعشا معرفاتو عشا ولا كسكروط كون مكانت كتعرف عائلة سيممو كون قالت دايرينها بلعاني وانهم عائلة الجوع لكن هي عرفاهم مزيان وعارفاهم اهل الكرم وعويشة مراة حادكة وطيبابة ماهرة بشهادة راجلها …لكن سمية اش كتقصد بهاد التصرف زعما ؟؟؟؟
كلاو في هدوء وسيمو كل ساعة يخنزر فسمية لدارات له الضحك …
هشام :يلا نخليكم تقول المثل تعشا وتمشا وقررت انا ومريا نتمشاو شوية ههع
مريا :ههه والله بعد هاد العشا الفاخر خاصنا نتمشاو
عويشة :(مرضاتش يجو الضياف عندها ويخرجو فكعانن )مجلستو والو جلسو شوية
مريا :مرة اخرى اعويشة
عويشة :اوا جي غدا عندنا دري لكسكروط معانا تونسنا
مريا :(شافت فمليكة )علاش لا نجي يلا بسلامة
سلمات علهم وخرجو من لفيلا
اخرجو شاف سيمو فسمية
ممكن تفهمني اش هاد الزبل درتي واش حنا عارضين علهم يتعشاو ولا يديرو لمسكروط
شافت فه … مصدومة …
اش درت النهار الكامل وانا كنوجد وحاملة من لفوق وانت كنت خارج مع الست الهانم وختك كانت خارحا وانا رغم دالك قلت ندير العشا عل دوقي حشومة نوض خالتي
هو :(شاف فها بحدة )مقلتش لك دخلي لكوزينة اسمية انت حاملة دها فحملك تيجو لبنات وهما يوجدو
هي :(عينها غرغرو )وخا اسيمو سمحلي
خلاتو ومشات بدموعها الحاجة شافت فه
اش داكشي كترون لبنت وكتغوت علها …الغلط ديالك انت لمكتعرفش تعدل بين مرتاتك عويشة مرتك وسمية مرتك لكن متنساش ان سمية هي للاصل وهي لحاملة بولدك متبغيش نسمع انها طيحات لولد هانا علمةك دبا طلع صالحها وانتوما غسلو لماعن ونقو الدنيا
هو :😢 من بعد ممساليش دبا
الحاجة :ولدي شحال وحنا كنتسناو لولد اولدي سير الله يرضا علك صالحها وبات معاها هاد الليلة
عويشة :(شافت فها وخنزرات من تقلبها شحال من نهار وهي كتوقف اشمن وقت وتطيب وتخمل عمرها شكات ولا قالت عيت يما سيمو نهض فها وتعامل ببرود رغم دالك.صبرات عمر لحاجة دارات فه ولجات منها واليوم تحدات مع سمية احقاش حاملة )
سيمو :(شاف فها )وخا يكون خير
هشام :دبا اش غادي دير
سيمو :متخافش علي انا ماشي ضبع غادي نعاود لها التحاليل باش نتاكد من حملها وديك الساعة غادي نكون هدرة اخرى لا معاها ولا مع الطبيبة ولا ديك لفرملية والله يكونو زورو تندخل مهم لحبس ونورهم كفاش يلعبو مع سيمو
هشام :خهه اهلا بعودة الوخش
سيمو :اودي المشاكل لروناتني وملقتش شي بنت الناس للقاها فجنبي لقيت الخلا المهم ندوز الصيدلية ناخد لها شحاحة نتلاقاو غدا وجي تعشا غادي نقول لعويشة تدير عشا مكود
هشام :مم صافي مكرهنا رفيسة ولا كسكسو
سيمو :هههع جاتك يلا نتلاقاو غدا
ركب فلوطو …واتجه ال لصيدلية
اما هشام جلس فلكافي وهو تحس بالملل والوحدانية
كاع الناس مزوجبن وهو جالس لا مراة لا وتاد
شد تلفون فاديه تخمم فمليكة واش كتحس شحاجة من جهتو ولا غير جاب ليه الله وبلا شعور دور نمرتها حتا لقا الخط دايز استغرب من راصو …ماشي غير مخو لساكنا فه ..ساكنا فروحو وفعقلو ز
وقلبو وكاع حواسو
فهاد للاثناء مليكى كانت متكية معنقة بنتها وقلبها مشوي كتفكر فهشام وكتحس بالغيرة كلما كتفكر انو غادي تزوج برانيا قلبها تشعل والدموع تخرجو من عينها مقدراش تستوعب انو غادي تزوح ويخلها للمرة الثانية ..
وبينما هي كتدوي مع راصها وفجاة صونا .تلفونها . وشافت نمرتو قلبها بدا يفرفرف معرفاتش اش تدير تجاوبو ولا متجاوبوش لكن قلبها مقدرش ميحاوبوش .لا خاصها تجاوبو خاصها تسمع صوتو ……جاوباتو لكن هاد المرة بصوت حزين مستسلم ..كليا لهشام
هي :وي هشام
هشام :(مكرهش كون كان حداها دبا )مليكة نعستي
هي :لا رانيا لناعسة انا مزال
هو :(تعجب من هدوئها ) اه مزيان مليكة ممكن نشوفك غدا
هي :(قلبها بغا يخرج من لااصتو )علاش اش كاين
هو:نشوفك ونقوليك لكن بغتك تجي بوحدك وخا
هي :صافي وخا انشاء الله فلعشية لكن بكري حيث عارف صعيب نخرج بوحدي ولحاجة بزز كتخلني نخرج دايرة لي لحصار
هو :صافي لخمسة مزيانة
هي :اه صافي مزيانة
هو :لقاك حدا لمارشي يلا بسلامة بوسي لي رانيا
هي :يوصل
قطعات معاه وقلبها تزدح معرفاتش اش يكون بغاها زعما …زعما يهدر لها عل رانيا .ولا شي مشكل دارها حسن بقات تخمم تداها النعاس
_____________________________
عند سيمو لدخل لفيلا هاز شاسية ديال دوا فاديه .. اتحه دركت لبيت سمية لكانت موجدا له ليلة حمرا …لابسا شمويز دو نوي فلحمر رقيق بزاف ملابسا والو تحتو اشافتو ابتسمات باغراء ومشات عندو باستو فخدو
خبيبي اخيرا جتي توحشتك بواف
هو :(طلع وهبط فها وشاف لفستان لي لابسا وكيف مجهزا راصها ليه …ابتسم وباسها ) تنا توحشتك احبيبة هانت جبت لك الدوا لطلبتي سيري جيبي كاس الما
هي :(غمزاتو )اه وخا ونوجد لك شي عشوة
سدات لباب برفق وهبطات للمطبخ توجد له شحاجة خغيفة وتجيب له كاس ااماء من حسن صدفتها كانت عويشة فالمطبخ مزال واحلا كتدبر شي حلويات تدخلات علها حلات فكها فاباحيتها ومسخها …طلعات وهبطات هها ورجعات تكمل داكشي لكدير
سمية :(ابتسمات )انت مزال فايقة نصحابك ناعسة حيث الليلة سيمو لي
عايشة :(متسوقاتش لها ) كندير شي حلوات تشهاتهم الحاجة خصوصا ان غدا كيف والو نرحعو نعرضو عل رانيا وهشام
سمية :ممم بصحتك المهم بغيت ندير اسيمو الكفتة ولبيض حيث متعشاش مزيان بغتو يتقوا
عويشة :اه وخا اختي كلشي عندك فالثلاجة
سمية :ممن وخا
حلات الثلاجة جبدات منها داكشي لبغا وكتطلع وتهبط فعويشة لممسوقاش لها …
سمية :اةا قررت تمشي من هاد الفيلا ولا ترميك
عويشة :(شافت فوقاحتها )علاش كتحطي نفسك فهاد المواقف انت الزوجة الاولا زعما ولكان تبغك تقوة فالارض مغادي خليه بتنازل علك
شافت فكرشها بسخرية
خصوصا انك حاملة مو عندك الورقة الرابحة اما اما فقط الزوجة الثانية
سمية :(شافت فبرودها وثقتها ) انت الزوجة الثانية وغادي خلك متنسايش راصك هو خداك من اجل الولاد وطالما جبت له لولاد مغاديش يبقا يتسوق لك شوفي اراصك فلمرايا وشوفيني انا
عويشة شافت فها بداك اللبس الماسخ لنازلا بها محترمات لا راجلها ولا شيخها ….ولا قالت يقدر يشوفني شيخي …محشماتش بينات انها عاهرة لا فلبسها ولا فتصرفاتها
عويشة :الصراحة انت زوينة تقدري تكوني حسن مني شكلا لكن فالداخل انا حسن منك والراجل يقدر يميل جسدو للزوينة المثيرة لكن قلبو غادي ميل فقط للمراة لترتاح معاها نفسيا وعقليا اسمية النعاس ماشي شرط سبع ايام تاع لمشماش كتفوت تبقا الاصل لتبنا عله الزواج واش متين ولا غلط وعل قد قوة وترابط للزواح غادي نجح وعل قد فشلو غادي سقط
شافت فها وابتسمات
خرجات الحلوة من الفران …وعطاتها ظهرها
طلعات فها بكراهية
نشوفو شكون غادي غلب …واش انا لدوزت مع سنين ولا انت ليلا شهر باش خداك
عويشة :مبغاش نتحارب معاك اسمية كنتمنا تفهمي انا مرتو وبغيت السلام فقط وانت ايضا مرتو فمدريش راصك براصي حيث لدرتي راصك براصي غادي تفشلي صدقيتي غادي تفشلي
سمية ضحكات من كلامها الغبي
مممم وخا اعويشة للايام بيناتنا
بدات توجد لسيمو طاجين بلكفتة ولبيض ..وعويشة متبعاها بعينها ….حتا بانت لها حطات شحاجة فالعصير خرجات عينها بشدة فداكشي لشافت ممتيقاش ان سمية كتدير شيحاجة لسيمو يااما دوا ولا سحور مفهاش
بقات كتراقب فها عن كثب حتى دارات ديك القرعة فصدرها …
عويشة :(طلعات وهبطات فها وبقات كتفكر كفاش تخلص من العصير وهي تجها واحد الفكرة )يمكن الحاجة كتعيط لك اسمية
سمية :(مدتهاش فها خرجات عتد الحاجة لمتكيا فالصالون)
اخرجات عويشة مشات تجري لداك لكاس كباتو وجبدات عصير اخور من الثلاثة دارتو فكاس اخور وحطاتو فبلاصتو ورجعات لبلاصتها كتفكر
سمية مشات للصالون تشوف لحاجة لخامرة هي والحاج تما …لكن وصلات لقاتهم بجوج مغيبين وتشخرو تستغربات ورجعات عند عويشة
تحد معيط لي الحاجة كتخمر فالصالون
عويشة :بحالا سمعت شي صوت المهم نخليك توجدي لعشا نطلع نتكا
بدات تتاوب قدامها
بونوي سمية
سمية :(لارد )
وجدات لي بلاطو وحطات كاس العصير وكاس الماء وقطع من الخبز وطلعات عتد سيمو لبيت
حلات عله لباب ودخلات
سمية :حبوبي هانا وجدت لك لعشا عرفتك جيعان
هو :(شاف فماكلة )اه نيت في الجوع
حطات داكشي فوق الطابلة وجلسات حداه كتشوف فه باغراء
هانت احبي شوف اش وجدت لك لتقول مكنفكرش فيك
هو :(شاف فها من غير نفس )ممم شكرا
بدا تياكل وهو مفه نفس …وهي مقابلاه وكتشوف فه بشوق ورغبة ….احسات به كمل ماكلتو. طلعات فوق حجرو …وجلسات
هي :حبببي كتبغيك بزاف شنو رايك يشي ليلة صباحي
هو :علاش لا توحشت ليالينا احبيبة حنة ادك نشوف واش غادي تقنعنا لكن قبل مدي لي ساشية تاع الدوا
هي :(غمزاتو )وخا
ناضت بكل فجورها كتلوى عله ….مشات جابت له الدوا كتصحك ضحكة ديال الانتصار مداتو له وجلسات فحجرو كتلمس فصدرو بمياعة
حببي شنو رايك ندبرو شي حاجة مختلفة بغيتك.تكوبني حتا لصباح مشهياك من شحال هادي
هز شاف فها وابتسم علاش لا
هزات كاس العصير مداتو له
هكا خود احبي خلنا نحتفلو ….
خدا العصير من ادها مبتسم ..بدا يشرب منو ..هي خشات راصها كتبوس فه برغبة وادها كتسارى فلحمو ….
حبيبي توحشتك متوحشتنيش
دفعها برفق
حبيبة مزال السهرة فاولها بغتك.تشربي دواك لاجل ولدنا باش نبداو
ضحكات بغنج
هههع وخا اخبي لبغتي غادي تسيك فراصك
هو :(بسخرية )هههه من نهار عرفتك وانا
موضر
دار حباية فكاس الما ….وخلاه يدوب …ومدو لها
شربي بغتك.تقواي وتولي بحال العود
ضحكات وخداتو من عندو بدات تشرب فه .عينها عله تشرباتو كامل وشافت فه
هي :هههه واه اسيمو جوطيم
بدات تحيد له صدايف لقميجة …لي لابس وهو تشوف فها ببرود تحلاتها كاملة دازات السروال حلات له الصدفة وهي كتبتسم
توحشتو.. بزاف اسيمو متصورش شحال كنبغيه وكنحماق عله
هو :(تشوف فها وفقحوبها معرفش كفااش كان صابر علها طول هاد المدى صحيح كانت كتبردو لكن فنفس لوقت كان كتحسسو انها فقط صاحبتو لبس الا واليوم اكتشف ان سمية مكتعني له والو فقط زوجة للجنس ويرتو كان جنس مثالي فقط جنس لاخماد ثورة الجسد )
بدات تلمس فه ….فصدررو حطات فمها كتبوس فه وهو جالس تتسناها تنعس وخا هيجاتو لكن محملش يقرب منها باي شكل
خلاها تبوس عل خاطرها واحد اللحظة حس بيها توقفات طل علها لقاها نعسات وهو يبتسم
بففف واخيرا ركدتي الله يعطي مك الجهل
هزها من خصرها حطها فوق الناموسية وهو مخنزر فهاد الخلقة …معرفش كفاش قدر يكمل معاها كل هاد المدة واش احيث كانت عاهرة فالفراش قدر ينسا حاجاتو للآخرين ولا كاينا ان ورا الموضوع ولا الموصوع كلو كان باغي مجرد امراة فحياتو .نهار مل وعيا من الروتين لكان عايش فه وبدا يتعرف على سمية عن قرب قلب علها وقلب على اهم حاجياتو كرجل هو الحب والتصحية وااابوة
خرج من عندها مبتسم مشا عند عويشة المراة لكتعجبو لا من حيث شخصبتها لقوية ولا قلبها لكبير ولا تضحياتها وحتا انها كتقنعو فالفراش كتحسوو ان رجل وملشي حيوان باغي غير غريزتو فقط
كتحولو ال انسان والجنس عندو مهو الا تعبير عن الحب والرغبة
وعندما يتحول الجنس ال تعبير عن الحب ترفع للانسان ال عالم الحواس وعالم اللذات وعالم المثاليات وااحب السامي لفه الرغبة -للاحساس +المتعة الابدية
حل لها لباب ودخل عندها….لقاها متكبة فوق الناموسية بحال سي ملكة حاطا له عشاه عل حقو وطريقو لكن ادخل هبطات عينها في ورحولتو لبانت من خلال السروال لي لاباس وخنزرات وعرفات ان سمية مزال كتاثر عل سيمو وسحرها عمرو يموت
يقذر يكون راجلها …لكن الحب والغيرة مكتعرفوس لا عقل ولا منطق
شاف فها وقرب منها لجهة السرير بغا يبوسها وهي ندفعو
بعد مني متقسنيش اسيمو
مفهم وااو شاف فها حال فمو
مالكي اش كاين
هي :(خنزرات فه)شوف راصك انت اسي سيمو قلتي غادي تبلت عنىي ودبا جوج ليل وانا كنتسناك فك ومخليت موجدت لك وداخل ناشط وناعس معاها نصف نعسة
هو :(تشوف فها مكالمة)حبيبو والله موقع شحاجة بيناتنا فبلا متعصبيني خلنا نساو المشاكل
هي :هههه بصح وداك الشي لغادي طرطف تحتك شناهو اسيمو قولي شناهو هي سخناتك وجاي عندي نبردك ولا شنو اش كنبان لك مكنحسسش مكنفهمش
هو :(شاف فها مخنزر )اش كتخربقي متنسايش انها مرتي اعويشة تلبت عندها من حقي
هي :(عينها غرغرو )عارفا انها مرتك وانا مقلت وااو لكن باش تجي من عندها هكا وتجي عندي انا ممتفقاس من الاحسن لبغتي تنعس معاها نعس اسيمو مغاديش نقولك لا لكن باش تجي تجرحني لا
هو :(شاف فها وقلبو غادي خرج من بلاصتو.) ياك اعويشة انا رفضت نعس معاها وليل كلو كنتسناك امتا نجي عندك ودبا كتقولي سير عندها وخا هانا غادي رجع نعس …هي بغات تموت ونعس معاها لكن انا بغتك انت هانا راجع عندها
تم غادي وتتمنا تقول له رجع
هي :(بعينن دامعة )سير اصلا انت كتبغيها انا لمبغتيش نفهم راسي
هو :(بغضب )اه كنبغيها سطحي مع راصك غادي نمشي عندها دبا
ردخ لباب بالجهد تففزها
هي ردخ لباب ….وخرج طاحت كتبكي بالم وخوف …عمرها كانت ضعيفة هكا ولا متملكة لكن معاه تطغا عله التملك والغيرة مبغاتوش لاي واحدة من غيرها وخصوصا سزية لبغات غير تدمرو والليلة حسات انها مزال كتاثر فه وخا غير جسديا فقط هادشي المها وخلاها تحس انها كتبغيه بزاق ومتعلقة فه لحد الجنون اي لمسة من عند سمية كتخلها تشعل وتكهرب ويولي فها الجنون
واش حب هدا ولا هوس ولا جنون
اما هو خرج معصب من عندها طالع له الدم من تصرف عويشة مولاة العقل زعما …بعدما رفض ينعس مع ديك الساحرة الشريرة وجا عندها دارات هاد الحالة تعصب وركبوه الجنون
طلع لببيت لفسطح وحلف تيندمها
حلو ودخل نعس وشكلو معصب من عويشة عل الاخير
عويشة فاقت عينها منفوخة من البكا لبكاتو لبارح ….حسات بالجرح فقلبها عمرها توقعات انها تعلق بسيمو .تبغيه كل هاد الحب وهادشي خطا وخطيئة كببرة كتمارسها ضد شموخها وكبرياءها …ماشي هي لتضعف كل هلد للصعف سمية كتبقا مرتو الاصلية من حقو يبغها اما هي مجرد زوجة ثانية خاصها تعود عل هاد للحياة الباءسة عل حد تعبيرها
..لبسات حوايجها …لعل شكل كتدورة فالكحل هزات شعرها عل شكل شفنجة ومشات توجد الفطور كعادتها ووجهها باين عله الهم .االم.
دخلات المطبخ لقات الصقيل كلشي مزال ناعس بما انو يوم الاحد
بدات توجد الفطور …وعينها معرغرة كلما كتفكرو فحضن سمية كتشعل وكتعصب ….وكتكره هاد المشاعر لكتحس بيها ….وتخلوها تحول ال امراة ضعيفة باءسة محطمة …هي عمرها كانت هكا لكن علاش ولات هكا …كفاش فقدات قلبها ال هدا للحد وكفاش تقربات من سيمو ال هدا الحد
بدات توجد لفطور ….جبدات قصرية بدات تعجن لبطبوط ….كتحاول تشغل مخها باي حاجة باش متفكرش المها
اما سيمو فمنعسش ولاداقو …صابح خاسر من البارح واي حد يقرب منو غادي تفركع فيه
هبط دخل لبيتو …دور عينو ملقاهاش وزاد غوبش اتجه للدوش دركت بدا يدوش ومخو مخربق بين عويشة ولخانزة تاع سمية لباعتو لداك الشماتة بعد كل مدارات عل قبلو
لكن السؤال لتدور فبالو
علاش باعتو …واش استفدات من انها تبيعو على شوية فلوس اش غادي دير بيهم….هدا كلاخ ..واش الانسان تخلي الفلوس والحياة الكريمة باش يطمع فشي صريف ويعيش فالجوع والنوع ..اكيد لقصة عندها علاقة بشحاجة كبر من الطمع وخاصو يعرفها
لبس صرفيط اديداس فلكحل مع سبرديلا دار كاسكيط فوق راصو ولا تبان انيق ووسيم وخا الملامح حرشين ونظراتو حادين تبينو انو ناوي لعويشة عل شي تفرشيخة فاعلة تاركة سد لباب بل ردخو …تفيق سمية لمغيبة فملوكات الله معرفاتش باش تبلات
هبط عند العائلة لجالسة كتفطر شاف فهم وخنزر فعويشة ….لشافت فه محطمة خنزر فها وشاف فامو
كاين شي فطور ولا نخرج نفطر برا
الحاجة :لواه اولدي را مرتك جهزات الفطور
شافت فعويشة
بنتي نوضي جهزي لفطور راجلك
هي:(حدرات راصها )وخا اخالتي
ناضت كتمشا حداه وهو تشوف فها مخنزر ..من اللور
مشات جابت لفطور عل حقو وطريقو لبين لكيك …لبطبوط مدهون ..لبض مصلوق ولخبز واكاشير ..حليب بااقهوة واتاي حطات له كلشي وجلسات مخنزرة وهو تخنزر فها اتشوف فها كتحدر عينها
والحاجة كتشوف فهاد الجوج ….للكمارة مكتشوفش فللاخرة عرفاتهم مخاصمين شويه هبطات اادلوعة سمية
لابسا بيجامة فلبيص مزيرة علها واصلا تال ركبو ومقادا ااحالة ..وطاقا شعرها الحريري .شافت فهم بابتسامة واكثرية شافت فعويشة لكاع محاملاتها بائت بالفشل ونعس عندها هي ماشي عند عويشة … قربات من سبمو وباستو فخدو .وعويشة كتشوف فها و كتشوا
سمية :صباح لخير احبي كيف صبحتي كون ابقتي ناعس حدايا علاش فايق من النبوري
عويشة :(كتشوف فها كتغلي وقلبها الجحيم شاعل فه….وسمية جالسة كتقلي ليها السم القاطع )
سبمو :(ابتسم وشاف فعويشة مخنزر ) تابعني لخدمة احبي غادي نمشي نقدي شي غرض نديك نتغداو برا اش قلتي
هي :واو اه وخا
شاف فامو
وجدي لعشا لهشتم ومريا بغاو الرفيسة انا وسمية نقدرو نجو تال لعشية يلا نخلكم
عويشة شافت فه وحدرات راصها وتفكعات افكعة تاع اادراري الصغار
خلاتو جالس وطلعات لبيتها بقا متبعها مخنزر
ناض خرج ….تهو بلا مينطق حرف
سمية ضحكات وحسات ان هادي بادرة طيبة باش ترجع سيمو لها لكن هاد المرة غادي تشد فه باديها وسنانها مغاديش تخلا عله هو بمتابة سلم النجاة لي غادي حمها ويحمي مستقبلها
شافت فلحاجة لمفاهما والو اكتدور فعينها
سمية :خالتي كيف صبحتي شوية
الحاجة :شوية ابنتي فطري مزيان وتغداي عل قبل الولد لفكرشك انا نمشي نحمع بيتي
لسليتي غسلي معاك لماعن
سمية :اه وخا
طلعات لحاجة عند عويشة لبيتها يلا حلات لباب لقاتها كتمسح دموعها وهي تضحك
مزال الحرب مسالتش شفتكش ستسلمتي عند اول جولة
عويشة ؛(كتمسح دموعها )خالتي الحرب اصلا انا مكنتش طرف فها
الحاجة ؛(ضحكات ومشات جلسات حداها )بالعكس انت طرف واي امراة طرف فالحرب لكاينة باينة ادم وحواء وحتا انا طرف لكن انا فهاد الحرب متهمني تواحدة فكم لا انت ولا هي
كل لتهمني هو حفيدي فقط بغيت نشوفو ونهزو قبل منموت نقدر نكون انانية شوية لكن انا كنبقا ام بغيت نشوف ولدي مرتاح وهاني فحياتو
عويشة :(شافت فها وعينها مغرغرة ) هو اصلا هاني اخالتي تبغي سمية بزاف يمكن مقلق منها بزاف لكن يقدر يرجع لها
الحاجة :(داعبات شعرها )ولتي حساسة بزاف اعويشة لكن نصيحتي لك مزال الحرب مسلات سمية كتحاول تقلدك ودير اكثر مفجهدها باش تاخد بلاصتك معايا ومع سيمو كنظن جا الوقت تخدمي عقلك شوية را الضرة ماشي ساهلة را صعيبة والاصعب تشوفي راجلك في حضن مرتو كل ليلة ويقدر يبغها كثر منك …ويرتاح معاها كثر منك لكن انت كنتي عارفا او مزوج يعني هادشي عادي ابنتي
عو.يشة :عندك ااحق اخالتي لكن انا امراة وتامراة مكتصبر عل راجلها وهو فحضن .واحدة اخرى كتحس براصها كتموت قاثحة بزاف اخالتي. الله تقاصحة
طاحت عل صدرها كتبكي بالم ….وبغيرة قاتلة
مقدرتش اخالتي كنحي براسي كنموت فما كنشوفو تمشي عندها ولا كنتخيل انو تلمسها ولا مقرب منها كنبغي نتصطا ونحماق علرفاها مرتو لكن اش ندير وليت كنميل له بزاف وخا من الاول كنت عارفا راسي فقط كش ملك
الحاجة :صافي تكايسي عل صحتك وخدمي مخك وخله يرجع لك انا عارفا انكم مخاصمن مغاديش نسولك علاش لكن اعويشة خدمي عقلك انت مولاة العقل والحكمة عوض تخليك يبعد منك رجعيه لك بالفن را سمية مباغهاش جا الوقت لتفكري فنفسك وتكوني انلنية ادا هي دمرات حياتك ووافقات يتزوج علها وياخد بنت بايرة اباش تولد له ويطلقها تنتي كوني انانية مع راصك تنتي من خقك تبغاي وتعيشي ولبقتي هكا غادي نفر منك يلا ارتاحي وفكري ورجعي كيف عهدتك وحاولي تشربي منو وتجيبي لنا شي ولد
عويشة :انشاء الله انا غادي نعس شوية عاد نفيق
الحاجة :(باست لها راصها )غادي تبقاي انت هي لمفضلة عندي سواء بقتي مع سيمو ولا للا
عويشة :شكرا اخالتي ريحتني
ابتسمات لها … وخرجات وسدات لباب
عويشة طاحت دودة وكتفكر فسيمو وكفاش تصالح معاه وخا جرحها لبارح لكن كتغكر تخليه هو يطلب السماحة
طاحت دودة ….مشعراتش بوالو
_________________________
بعد ثلاث ساعات
جا سيمو للفيلا لقا الحاجة ومليكة واقفين فالمطبخ طلع فهم وتقلب بعينه عل عويشتو لغابرة
سيمو :فين عويشة
الحاجة : را ناعسة ترتاح بغتها علا شحاجة اولدي
هو :لا وسمية فين
الحاجة :فببتها كتصبغ ضفارها ولا كتصيب شغرها ههه
هو :ممم وخا.مليكة عيطي لها اليوم غادي نسلم الدار لمولاها
هي :وخا هي لولا
طلعات عند سمية لكيف قالت الحاجة كتصبغ ضفارها وكتغني
مليكة :(طلعات فها )راجلك بغاك را لتحت تتسناك
سمية :(ابتسمات )اه وخا لبس ونهبط اخبيبة
سداا لباب وهي كتشوف فهاد الخلقة لمكتعرف تحاجة غير المكياج والصباغة لحقات عل مها اامطبخ تجهزو الغدا
اما هو جلس عل نار مخو مع عويشة تهبطات ست الحسن فابهى حلة …المكياج السارخ ولبس المعيق لي عل شكل كلون فلكحل معة لافست شافت فهم بتكبر كانها الحسناء الوحيدة لفااعالم.
باست سيمو من خدو مبتسمة
هو.:(طلع وهبط فها )اش هاى اازبل غادين نشوفو الراجل وندو الفراش لقنت اخور لبسي جلابتك رجال مخلطين مقاد عل ضحك عباد الله
هي :مغاديش نتغداو برا
هز :من بعد دبا خلني نهزو حوايجنا را لقيت سي كراج غادي نحط فيه لخوايج تنشوف اش ندير فهم بلا بدلي ديك الحالة
هي :(تاففات )صافي وخا قولها من لول نصحاب راسي خارجا بحال الناس
هو :(شاف فها وفوقاحتها طلع وهبط فها بكره )خمسة دقايق لقاك برا
هي :وخا
مليكة واقفا كل ساعة تشوف فمها وتشوف فتلفونها لتصوني تعيات وقررات تدوي مع مها باش تخرج تشوف هشام اش بغا
مليكة :الحاجة بغيت نخرج عند صخبتي
الحاجة :(بلاماتشوف فها )لا مخارجاش تابعنا الشغل داك الصالون خاصو يتخمل ماشي وقت الصحابات هدا مراة خوك عيانة..هلكناها بالشقا .الثانية كتفشش علها فعاونني تال غدا وشوفي هاد صحبتك
مليكة :لكن الحاجة مغاديش نتعطل والله
الحاجة :(خنزرات فها )را دويت معاك واش انت بايرة لتخرجي وتساراي را عندك بنت خاصك تقابلها ولخروح را بلحساب خرجتي لبارح اوا جلسي اليوم سكتني ودوزي خملي الصالون
مليكة ؛(تنهدات )صافي وخا الحاجة هانا غادي نخملو دبا نيت
مشات الصالون تخبات ودورات نمرة هشام
الو هشام مغاديش نقدر نخرج ااحاجة مبغاتش را عارف الضغط لي علي
هو :(معجبو حال )وخا صافي من غير اليوم خلها لغدا امليكة يلا نتشاوفو فلبل بوسي لي رانيا
هي :وخا يوصل يلا بسلامة
قطعات معاه جلسات كتخمل الصالون ….حتا خملاتو جاب الله الحاجة دايرة فه صدادر بونج عالينن هزاتهم خرجاتهم برا …ضربات الصالون بتسييقة رضات السدادار لبلاصتهم وقداتهم ….وخرجات توجد مع مها العشا
_______________________
فاقت عويشة من نعاسها تال جوايه الستة راسها ضارها وغادي تفركع .
افف شحال نعست اعباد الله .لعشا والناس لغادي يجو اكيد الحاجة غادي تقلق علي
ناضت تجري دخلات تودش دوش سريع ….توضات صلاة صلاتها ….مشات تصيب شعرها ….هزاتو لفوق عل شكل شفنجة قدات مكياج خفبف لبسات قميص مطروز فلمارو …
وهبطات عند الحاجة لفالمطبخ
عويشة :خالتي سمحلي معرفتش مالي نعست كل هاد النعاس
الحاجة :(شافت فها )ماشي مشكل اجي بنتي عونني وجدت الرفيسة معرفتش هاد هشام الوحم لتجه عل الماكلة البادية
هي :هههه وكال اخالتي انا نوجد شحاجة الضيافة لبارح را درت شي حلاوي دبا ندير كيكا
ااحاجة :دري لبغتي ابنتي وصبري هادشي لنوصيك عله ادا مصبرتيش مغادي تديري والو .
عويشة :يكون خير
بعد دقاءق عويشة وجدات اكيك وزينات الطابلة بمختلف انواع الحلويات لفهك غريبو وكعب غزال …كاليط ولكيك ..حطات بريق للشاي مع الحليب …حتا سمعات الدقان ومشات حلات
مريا :(كانت لابسا جلابة عصرية رقيقة فلحمر مع صباط جد عالي ..مقدا حالتها وطالقا شعرها هزا شحاجة فادها شافت فها مبتسمة ومدات لها كارطونة ) السلام عويشة لاباس علك
عويشة :(خدات داكشي من ادها)لاباس احبيبة لاش محنتي راصك
مريا :ماشي شيحاجة
هشام :عويشة لاباس علك
هي :الحمد لله دخلو مالكم واقفين
سدات لباب ….وهما مشاو للصالون مدات للبكية لمليكة ليلا هابطة مع بنتها
عويشة :دري هادشي فشي طبسبل واجي جلسي
مليكة :وخا
رانيا مشات تجري عند هشام تخشات فه
رانيا :عمو علاش مجتيش ليوم توحشتك.
هو :كنت خدام ابنتي اوا قولي لي عندك شي دوفوار
هي ؛(حركات راصها اه)بزاف اجي معايا نوريك بيتي
شداتو من ادو وطلع معاه لبيتها وببت مها
مريا :(شافت فهم )متعلقة بيه بزاف
عويشة :شنو البلان بينك وبينو
مريا :عادي بحال خويا وكثر كاع عاود لك حكايتو بغيت نعاونو ظنيت ان مليكة فعلا ممسوقاش له لكن بان لي السيدة طايحة لكن مبغيت نقول الو راك عارفا الرحال يسيق لخبار يدفع كبير علها لما من الاحسن بشوية يشوية حتا يقربو
عويشة :واياه كلامك عل صواب خاصهم يتجمعو .وديك لبنت تفرح شوية راها بيناتهم بحال جسد بلا روح
شوية تم داخل سيمو رفقة سمية لشافت عويشة تبسمات بكل خبثها وشدات فه وتمو داخلين للصالون
شافت فمريا
هاي مريا لاباس علك اختي
مريا طلعات فها وهبطات
مرحبا سمية لاباس اختي وانت كيف غذا مع الحمل
هي (مسات كرشها )بخير اختي هاحنا غادين مع للحمالة علها خرجت انا وراحلي ندوزو النهار برا راك عارفة الحاملة خاصها تغير جو سيمو تقابل مع عويشة لكتشوف فه ومرضياش عل هادشي لكن خاصها تقوي نفسها امام غريمتها لباين بدات تهجم الهجوم المكثف
شاف فمريا مغوبش
فين هشام
هي :طلع لفوق مع رانيا
هو :وخا نطلع نشوفو وجدو لنا براد اتاي
قال هاد الجملة بلا يشوف عويشة لتقرصات وشافت فه كاعي منها بزاف ومقلق معرفات متدير
سمية شافت فها بلؤم
يلا نوجد راسي ونهبط يلا نتلاقاو بعد قلبل
طلعات تعوج وعويشة كتشوف فها وكتضحك علها
في منزل عويشة
قدات الطابلة عل حقها وطريقها ….مخلات محطات اشمن احلاوي …اشمنك يكيك ….حتا زينات الطابلة من مجاميعو
الحاجة كتشوف فعويشة وكتبتسم علجباها بل مقتنعة انها هي المراة للمثالية لغادي تشرف ولدها وتهزو من الارض ال السما وتحولو ال رجل حقيقي
جلسات وشافت فها وفلمصيبة ديال سمية وكتقارن بيناتهم لا من حيث اللبس …عويشة امراة محترمة بلدية ديما كتحافظ عل اناقتها البلدية …لكتضمن لقمصان والكندورات التقلدية المستورين لمكتخلاش علهم بحيث سمية كتحافظ عل لبسها الفاجر المزير ومكتسوقش لشرفها ولا شرف عيلتها المهم عندها نفسها فقط
تجمعات العائلة عل الطابلة تحتسو فنجان شاي رفقة الحلويات سمية جالسا حدا سيمو مخشية فه وكتقلي لسم لعويشة بنظراتها الساقطة وعويشة كتشوف فهم مرة مرة وكتحاول تبقا متماسكة ..قوية …شامخة مبغاتش تضعف لا ليه ولهها .وخا داخليا تحتضر
الحاجة :(شافت فمريا )اوا قررتو امتا لخطبة
هي ؛(شافت فمليكة وضحكات )لا الحاجة مزال مقررنا
ااحاجة :يكون خير ابنتي كولي مالك مكتاكليش
مليكة :(كتطلع بعينها عل هشام لطلع منزل وشافت فهم ).نطلع نشوف رانيا
الحاجة :اه وقولي لهشام يهبط
هي :وخا
طلعات لفوق اتجاه بيتها ….وهي تحل عينها
لقات هشام ناعس وجنبو رانيا معنقاه وباين علها الراحة والطمأنينة
نزلو دموعها بشكل انسيابي وهي كتشوف بنتها مرتاحة … وفرحانة بحضن هشام عمرها شافتها مرتاحة هكا ولا فرحانة وهي مع باها باها لحرمها من حنانو وعطفو لكن هشام تتعامل معاها كانها بنتو الحقيقية
شافت فهم وعينها حمرين ….وتمنات لو انهم عائلة واحدة هي مرتو وهي بنتو …لكن هادشي مستحيل .هو غادي تزوج .غادي خلهم بجوجات معرفاتش اش غادي دير من بعدهم وهي كانت معتمدة علها بزاف من جميع اانواحي . بدات تمسح دموعها
فاق هشام عل غفلة وشاف فها لقاها كتبكي …تساخر عل رانيا قادها فبلاصتها وغطاها وشاف فمليكة
علاش كتبكي امليكة دبا واش مبغتنيش نجي عند رانيا ولا شنو
هي :اهئ اهئ.لا كنشوف بنتي متعلقة بيك بزاف اهشام معرفتش واش هدا خطا ولا صح نخاف تنساها وتعدب من بعدك وهي صغيرة قلبها مغاديش يسستحمل
هو :(شاف فها بجدية )مليكة مغاديش نخلي رانيا كوني هانية هي را بنتي ماشي بالضرورة تكون من صلبي باش نتسما اب ..انا مارست الابوة عل اكمل وجه فمتخافيش مغاديش نخليك لا انت لا بنتك
هي :(كتمسح دموعها )اه وخا ومريا غادي تزوج بها اهشام
هو شاف فها بحب وعشق والم قرب منها طول ادو تمسح لها دموعها بكل رجولة وعينه كتبري
عل حسب امليكة انت عارفا وحاسا بكلشي بغيت فقط تلميح بسيط وانا مستعد نخلي كاع العيالاة تاع الدنيا ونبقا معاك فقط كلمة واحدة قولها خلني نرتاح وانا مستعد منتزوجش الا بك ونربي بنتك كانها بنتي
هي شافت فه وعينها مغرغرين. قلبها تزدح ….قلبها تقول لها اعترفي له .. متخلهش يتزوج وكرامتها كتقول لها هربي واجهي …متستلميش له .. يقدر يكون بحال حسن .يعدبك ويجوعك …اياك والاستسلام يجوز تكدب علك
شافت فه وشافت نظراتو لعاشقة لخلاوها تغيب وتنبد لغة للعقل وتسمع لغة القلب والاحساس
مليكة :هشام عفاك متزوجتش وتخلنا بلا بيك مكنعرفو نديرو والو انا حليت عيني فك .تبنتي حلات عينها فك ولتزوجتي تقدر تنسانا
قالت هاد الجملة شعر كانو ملك اادنيا ومفها قلبو بدا يضرب …وعينها تغرغرات مقدرش يقاوم احساسو بالعشق ورغبتو بهده المراة الصغيرة التي كبرت قبل اوانها
شاف فها كفاش كتحرك شنايفها بكل عصبية مشعرش براصو حتا قبلها بكل هيام وعشق وحب …فالاول تصدمات وخرجات عينها لكن حبها له …ورغبتها ليه كرجل خلانها تستسلم لقبلته الجامحة وتعبر له عل رغبتها بيه خلاتو يفقد قلبو وحواسو وبدا بتباوس معاها حنا سمعو اقدام جايا وهي دفعو وهي كلها مزنكة ووجهها فه قوس قزح
الحاجة ؛(حلات لباب فجاة )هشام هبط شفتك طلعتي منزلتي
مليكة مشات تجري عند بنتها باش مها متحس بوالو
هو :(تحك شعرو مبتسم )نعست مع رانيا تفيقاتني مليكة هانا هابط دبا
هي :يلا هبط وانت امليكة هبطي باش تحطي لعشا
هبط هشام راشقا له …وقلبو ارتاح من جهة مليكة حس بالراحة لاول مرة….بعد سنوات
مشا جلس رفقة العاءلة مد له هشام كاس اتاي بدا تشرب فه وعينو عل الدروج …حتا بانت له مليكة نازلا كلها مزنكة ابتسم وغمزها مقدراتش تشوف فه هربات للكوزبنة درك شوهتها ….
لقات عويشة تما كتوجد العشا شافت فها وابتسمات
اوا سبع ولا ضبع
مليكة :(كتضخك بهبل ) معرفتش كنحس راسي مرونة بحال شي درية صغيرة متصوريش شحال ارتحت مني قلت له مبغتكس تزوج
عويشة :ههه القلب لتشرف خلي الهدرة من بعد واجي عونني ست الحسن مني جات وهي لاصقة فخوك تقولها هي لمزوجة وحاملة فالعالم
مليكة :الصبر احبيبة تنشوفو اخرتها معاها
عويشة :خلها عل الله وصافي لقاها متها ولا من خوك ولا من من لكن نصبر تنشوف اخرتها معاهم فراصك كنحس براسي عيت امليكة جاني كلشي فدقة موت ماما وطمع خويا وزواجي من خوك وتجريح سمية عرفتي وخا كنبان لك متمساكة را ضعيفة بزاف بعد نوبات كنتسائل شحال قدي نصبر غادي جي شي نهار ونتفركع عيت من للمشتكل بغيت ارتاح
مليكة :(عتقاتها بحب )انا معاك اعويشة وحسا بيك مدازش عليك القليل وغادي تجاوزي هادشي
عويشة :معرفتش امليكة معرفتش المهم خلنا نجهزو العشا
جبدات قصرية منقوشة كبيرو بدات تسكي فيها الرفيسة لدارتها الحاجة باادجاج البلدي والسمن
مليكة جهزات براد اتاي وحطاتو ….
عويشة :(هزات القصرية )يلا تبعني بالعواشق والديسير
سيمو جالس مع سمية تبانت له عويشة جايا بقا تشوف فها مبتسم سها فها حتا تفكر ليلة لبارح ورجع غوبش
سمية شافت فالقصرية وجاتها الردة ماشي من الحمل لكن من الرفيسة لغادي تخسر لها طايتها واتفخ لمصران شافت فسيمة
حبببي مغاىيش ناكل هاد الرفيسة كون قلتي لهم يوجدو لي كفتة .لا صوصيط
عويشة شافت فه وخنزرات
سمية كوزينة حداك نوضي وجدي لبغتي انا اختي انا را تهديت
الحاجة :(شافت فعويشة )جلسي ابنتي را كتضربي تمارة من نبوري وانت فايقة مكتنعسي تكتسيقي اكوزينة بسيف كتهدي من غدا غادي نولو نديرو نوبة بينك وبين سمية ومليكة لا فماعن ولا فتسياق
سمية :(شافت فها مصدومة )خالتي كفاااش انا را حاملة
الحاجة :هههه مزيان تديري الرباضة انا مني كنت حاملة كنت كندير لعجب نسيق . نخمل ..نصبن .ونتقدا لكن جيلكم لكسول ….ولفتو الخمول بزاف
سميو :(تبدل لونها ولات اكتدور فعينها ) نحاول اخالتي نمشي نجهز مناكل
عويشة :كلشي في الثلاجة
امشات تحدرت العائلة عل الرفيسة تياكلو فه عميانن
هشام عينو عل مليكة لمقدراتش تهز عينها فه
اما سيمو فتياكل وتشوف فعويشة لحادرة عينها كتاكل بشوية علها كلشي عندها بالتاويل ….
هزات عينها لقاتو مقابلها تزنكات وحدرات عينها فكعانة عله من تصرف لمبارح
سيمو :(بغا يجبدها بدا يكحب كانو تقج )
مشات تجري كبات له لما ومداتو له
هكا شرب …
هو :(خداه وابتسم …ومس لها اديها خطفاتها بالجري….خنزر فها )
هي :(منفخة )
جلسات تاكل والحاجة مقابلاهم هي والحاج
..اما مريا مقابلة جهة الاخرة مقابلة سمية لشدا للتيلي وكتدوي وكتركر ممسوقا لتحد شافت فها بكره
تفوو عل بنادمة شحال ثقيلة باينا كانت شاطا ماطا باينة من لبسها لبنات تتمناو ربي سهل علهم وبتزوجو ويولدو ولادهم وشي بنات ربي تعطهم كلشي الزين والرجل مقتدر… الحماة طيبة ومتقدروش قيمة اانعمة لعندهم سبحان الله
شوية جات سمية جايبة طبسيل لكفتة بيبيض ولكاشير فادها جلسات وبدا تاكل بكل غرورها وعينها عل عويشة …اما سيمو متسوقش لها غمز هشام
هشام اجي نخرجو للجردة
هشام :اه وخا
شاف فمليكة
مكرهت شي كاس اتاي امليكة
هي :(ابتسمات )اه وخا
خرج هو وهشام ….الحاج طلع يتوضا يصلي ….عويشة هزات لقصرية ومليكة مشات تدي لهم كاس اتاي ولالا سمية جالسة تاكل بكل اريحية ممسوقا لتحد مهم هي تعيش
الحاجة كتشوف فها وكتغدد عل هاد البلوة
قال فنفسها
افففف عل مصيبة كون مكانتش حاملو ودتها بنفسي للطبيب كون كدبتها ولحتها لكن جاب الله الطبيبة معرفة وصحبتي
شافت فسمية
سمية لكملتي ابتتي غسلي معاك داك لماعن ونقي الدنيا
سمية :😨😨خالتي كفاااش نغسل لماعن لا لا بزاف هادشي را لماعن كثار علي اخالتي منكملهم تال غدا
الحاجة :كلكم هنا فمرتبة واحدة اسمية كيف هي كتشقا تنتي خاصك تشقاي الا بغتي تبقاي فهاد الفيلا داري عندها قوانن وانا هنا الملكة ولمعجبو حال الباب عرض من كتافو
دخلات سمية لكوزينة .كتشوف للاحتفال .. الكوكوط مسخة …الكاسرونات مجلخين الطباسل حالتهم حالة شافت فاكوزبنة ًجاتها لبكية معرفاتش باس تبدا
عويشة طلعات وهبطات فها وضحكات
هزات شيفون مشات تمسح لميدة خلات سمية كتشوف فالمطبخ مخنزرة
لا لا هادشي بزاف اش هاد الحالة دبا انا غادي نغسل لماعن ونسيق ونخسر برتجي والله لكانت لها ….ماشي انا لندير هاد للحالة
هزات طابسيل كبير تاع طاوووس وهي تهرسو تتسمع عند الحاجة لجالسا فالصالون سمعاتو ناضت تجري تدخلات بان له الطبسيل مهرس وسمية طايحة فالكوزبنة
هادي مالها يلا كانت صحة وسلام …اففف اش هاى الحالة اربي
مشات جابت لما بدات ترش لها عل وجهها تحلات عينها وشدات راصها .. وكتشوف فلحاجة بتمثيل
اه يربي دوخة دوخة وراسي غادي تفركع اخالتي معرفتش اش طرا لي تطحت اهئ اهئ معرفتش مالي تدخت
الحاجة :(تنهدات )صافي ابنتي ااحمل يمكن نوضي ولا نعيط عل سيمو يهزك ويشوف اك شي طبيب
هي :لا اخالتي انا غادي نوض بلا منمحنو
ناضت ببطئ وشدات راصها ووقفات وشدات فالطابلة وعويشة كتشوف فها بقلة حيلة
سمية :لحاجة مقدرتش في الدوخة بزاف
الحاجة :(شافت فعويشة )سيري ابنتي عيطي عل سيمو يدها لبتها
عويشة شافت فها بقلة حيلة ومشات عند سيمو للجردة
كان جالس مع هشام ومعاهم مليكة ومريا توقفات علهم
عويشة :(شافت فه كتحاول تبقا مبردة )
سيمو تكلم للحاجة
هو :مكتشوفنيش كندوي
هي :ماشي انا لبغتك مرتك لعيانة
قالت هاد الجملة ومشات خنزر وخسر سيفتو وتبعهم بالجري
مليكة :هاد سمية كتقلب عل شي سلخة نمشي نشوفها
هشام :مليكة ندخل للدار نتصل بيك وخا
هي :(ابتسمات )اه وخا
سيمو مشا للمطبخ لقا مرتو عيانة شاف فهم
اش كاين هنا
الحاجة :مرتك جاتها اادوخة ومقدراتش تطلع اولدي كون اعاونتها
سمية :(شافت فه كانها غادي تموت )اه اسيمو كنحس براسي دايخة بزاف مقدؤتش نوقف عفاك عاوني
هو :وخا اجي نعاونك
عنقها من خصرها تحت نظرات عويشة لكتشوف وقلبها تغلي مبقاتش قادرة عل هاد الوضع كلو مشات هزات صينية اتاي بغات تدخل المطبخ توقفات علها مليكة
مليكة :غير طلعي ارتاحي انا نغسل هادشي
عويشو :لا امليكة جلسي مع ضيافك هادشي متغلبنيش لكن لغلبني هي الشمتة سيري شوفي بنتك
مليكة :لا غادي نعاونك بزاف علك اصحبتي اجي بعدا نجلسو مع الضياف واجي شربي اتاي
جراتها من ادها مشات داتها للحديقة فين جالسة مريا وهشام جلساتها
ارتاحي هشام كب لها اتاي
هشام :(عطاها اتاي وضحك )ختي عويشة هاكي شربي ولوحي لهم ولبغاها اللله هي لغادي تكون
هي :ونعم بالله
مريا :لبنات شنو رايكم تجو عندي غدا دبا العطلة ورانيا راحة علاش منمشوش للعروبية عندنا اادار تما غادي نشطو والله
عويشة :اعفوني عارفين المسؤولية لعندي منقدرش نخوي
مليكة :نساي الشقا اصحبتي مكتعيايش
عويشة :محال يبغي يخلني نمشي معاكم
هشام :خلها علي انا ندوي معاه يخلكم تفوجو مريا كنعرفوها وكنعرفو عائلتها مزيان
عويشة :وخا
يتبع
التعليقات 0