🌿كلشي بالمكتاب، خليوهاا عندكم كي الوصية، لي يشد في الوهاب، حاجتو تبقا مقضية، هو لي يسبب الاسباب، ويفرج على كل ولد وبنية،السعد المليح والشباب،كل واحد يعطيه على حساب النية، علاش!…علاش طلعو الحساب ، دنيا راه فانية كلشي بالمكتاب، خليوها عندكم كي الوصية❤
________مريم_________
نجلاء:تسنايني.. عنداك تخرجي ماتشديها تا لباب كي ديما
مريم:ايلا ماطلقتي راسك خلاص….راك فيها..
جمعاات كتوبتها بسرعة بشكل غير مرتب دفتر وسط لكتااب وستيلوات غير رماتهم فشكارة بلاما تخشيهم فلاطخوس كتزرب لا تمشي عليها..تسنااو لحضات حتا سمعو الجرس كيدق في المدرسة معلن على نهاية دوام الدراسة… وكيف قالت نجلاء، مريم غير جمعات لوازمها مشات خارجة مع لباب ولاخرا دارت المحفضة على ضهرها وتبعاتها بجرا موراهااا..
نجلاء:(وقفاتها شادة من دراعها)مريم..ففف صبري اصحبتي وقفي تا نخرجو بجوج
مريم:راك كتبقاي ترطاي انجلاء والفرض غدا ونتي عارفة شحال من درس مزال باقي ليا ماكملت مراجعتو..
نجلاء:صافي حتا نتي عشرين ديالك راها مضمونة كيف ديماا، فبلااصتك كاعما نراجع شتي واخا تجيبي تا صفر رااه نقطتك طالعة طالعة
مريم:(ميقات فيها)صيفر😒… بغيتني نحمااق وصاافي(تمشااو خارجين)
نجلاء:غير كنضحك معااك ههه الفرض تا لغدا اري متحفضي نمشيو نشريو المسمن من ضورة ونجلسو في جردة نحفضو بجوج ااش بان ليك..
مريم:لا انجلاء منقدرش بابا غيخرج دب يصلي المغرب وميلقانيش غيتعصب عليا ..ايلا بغيتي شي حاجة نشرح ليك فلواتساب حتا فيديو ايلا بغيتي…
نجلاء:اناا بغيتك تشرحي لياا ونتي حداياا..مالك اصحبتي تانتي ااش فيها..
مريم:عفاك خليني بخاطريي حتا ايلا جلست معاك مغنركزش يقدر يدوز بابا من لمدرسة ولا شي حد غينووض عليا غير انا المشاكيل..والله ايلا وحلتي فشي حاجة نشرح ليك فيديو حتا تفهمي على خااطرك…يلااه دب نمشيو للدار راه لمدرسة خوات وعويناتي(الحارسة العامة) حاضياناا من قبيلة..
نجلاء:عرفتي شنو..غ غير سيري نتي نهضرو فلواتساب انا غنمشي نشري لمسمن تشهيتوو..
مريم:تئ فف..لي بغيتي يلااه بسلاامة..
نجلاء: بسلامة..سيري بشويا راه باقي لحااال..
سيفطات ليها قبلات في الهواء وقادات زيف على شعرها كيف جبّدات سماطي دالمحفضة على كتافهاا وحدرات راسها كتسرع فخطواتها توصل للدار خلاص…فحين ان الدار مكانتش بعيدة على المدرسة غير الشانطي ليفارق بيناتهم لكن خوف ان الاب ديالها تعطل عليه في الدار وهو كيحسب بالدقايق والتواني لرجوعها كيزيد يسرع خطوات رجليها حتا قربات تجري…الاب المحافض عمرو هز يديه عليها ولا حاول يأدي شعرة منهاا هي الابنة الوحيدة البكرة والمدللة ديالو مكيخسر خاطرها ولي طلباتها كتحضر ليها، غير ان احترام مريم ليه واستماع لاوامرو ونصائحو كيخليهاا في خوف انه تشوف فعينيه دوك النضرات ملي كتعطل او ملي كتخيب ضنو…
عشرة دقائق بالضبط حتا خشات الساروت في باب الدار فتحاتو بعدما طلعات من شارع حادرة راسها مكتشوف لا هاك لا هاك حتا سلام على الجيران مكتقولها..كيف كتقول الام ديالها التيقار رحمة وهادشي تعلامتو منها ماتهضر لا جار لا جارة مادير صحابات ماتعاشر بنات..نجلاء البنت الوحيدة لي صاحبتها حيت كتقرا معاها من الصغر فابقات علاقتهم علاقة زوينة حتا ولات اعز صديقتها…
دخلات عند الام ديريكت كانت في الكوزينة واقفة على الحليب لا يفيض ليها..شافت فيها ورجعات مقابلة الحليب..من نضراتها كتبان فيها سيدة جدية لابعد الحدود…ومن حجابها واضح
مريم:سلام…ءء! ماما بابا مشا يصلي!
عيشة(الام): كيتوضى..شوية ويخرج..
مريم:صاافي..انا غنمشي نراجع عندي فرض غدا انشاء الله…
عيشة:الله يسر ليك…
مريم:اميين…(ابتاسمات بارتباك وقربات بهمس)ماما…ءء! ن نجلاء مزال مفاهماش دروس مزيان..وبغات تجي لعندي نشرح ليها قلت ليها حتا نشوف ماما..ش شنو نقوليها!!؟
عيشة شاافت فيها مقوصة شفايفهاا بعدم رضى..
عيشة:مبقاش لحال…والفرض عندكم غدا …ادن يلاه تمشي تراجعي..
مريم:واخاا…
فهمات رفضهاا ومدارت حتا ردة فعل كيف ديما هذا هو جوابها …مريم ماشي من البنات المقربات للوالديهم..منعاازلة وكتفضل اسرارها يبقاو عندهاا من اليوم ليباحت فيه الام ديالها على سر من اسرارها وفحينها لقاتو عند باباها..فضلات تخلي اي حاجة كتخصها ليها..عارفة عيشة غير من خوفها قالت للباها ولكن السر كيبقى سر وايلا تقال مكيبغيش المشاركة مع اي واحد اخر …دخلات لبيتها وحيت كانت هي البنت الوحيدة مكانش عندها شريك فيه..حطات كتوبتهاا وجبدات تيليفونها دخلات الواتساب ليمكان فيه تااحد من غير نجلاء والكروب دقيسمها…بدلات حوايجها وتسنات باها خرج من طواليط عاد دخلات هي توضات وخرجات صلات المغرب مع العصر وبدات كتحفض مرة مرة كتشرح لنجلاء كيف واعدتها وترجع تغطس فقرايتها…عيطو عليها للكوطي كيف عيطو عليها للعشا حتا هو وبالخف تعشات باش ترجع لحفاضتها…
يوم جديد..
على طبلة الفطور جالسة كل من عيشة ومريم وكيف هما محافضين حتا الاب كان رجال دين ومن وجهو باين فيه الوقار والمعقول…
حافيض(الاب):عندك نص نهار ليوم…
مريم:اه..ولكن مغنكملوهش حيت عندنا فرض…
حافيض:كيفاش؟
مريم:حنا كنقراو ساعتين دلمات وحيت عندنا امتحان لي سالا كيخرج..
حافيض:اييه مزياان…بالتوفيق..انشاء الله يدوز بخير…
مربم:ياربي اميين (بحماس)بغيت نجيب فيه كيف النقط لولين باش تحط ليا عشرين قدقد في نتيجة…
حافيض:يكون خيير…يكون خير
كملات فطورهاا وناضت خرجات بعدما ودعاتهم..سيمانة دالاكتحانات ديال الدورة الاولى سالااو وليدار شي حاجة رااه دارهاا..شدات فدراع نجلاء وخرجو من مدرسة كل وحدة وفاش كتفكر وكل وحدة وعقلها فين غايب…مريم الحمااس كياكل فيها وهي كتسنى نتيجة وشحال غتجيب فيها تفرح براسهاا وتزيد تيقتهاا فمستواها درجاات فحين نجلاء كل تفكير كاان فيللة الغد…
نجلاء:دب والله معرفت واش نعيط على كوثر ولا بلاش…تاحد مكيقولها فيها زويينة ولكن راه صحبتي..
مريم:عيطي عليها سااعة راه داايزة وشي مغيبقا يشوف شيي…
نجلاء:حتا نتي غتجيي يااك ناري عنداك تنسااي لكادو يقولو اعز صحاباتهاا جات بلا كادو
مريم:راك عاارفة دار انا غنشوف على حسب…بابا مغيخليينيش نخرج بلييل واخا نمووت ليه وخاصة ايلا عرفو عيد ميلااد هههه وااله منفوت دار
نجلاء:(خبطات ايدها مع يد مريم) هااااا داكشي لاش عرضت على بنادم بكري وغنديرو مع ستة باااش تجي فضو وتمشي بكري…وقولي صاحبتي مكتفكرش فياااا
مريم:اييه واخا ولكن كيفاش غنخرج…
نجلاء:انااا غنفكر فشي لعيبة وبااش مكااان نقوول لييك..بااك شيطان اختي وخاصو شي حييلة دايزها لكلاام…
مريم:ياااك اختييي ايواا انا مجاياااااش ملي ولاا با شيطان
نجلاء:(جبداات جليها حناكها) اغيير كنضحك متقلقييش ازييين…يلااه بيزو غنطلع للهري ناخد شمع ونتي تلاحي لداركم
مريم:عيد ميلاد سعيد من دب ايلا قدرت نجي انشاء الله..
نجلاء:مكاين بو عيد ميلادك ايلا ماجيتييش (جاات ماشية ورجعات شدات ليها حنااكها) وياااختي شحااال مزنننكة تقوولي عروسة فلعمااارية ااااع حناكك غير ديال لمااكلة (حكات راسها بارتباك ومريم غير كضحك) ساطة عنداك نكون ليزبيانة مبقااش عاجبنيي راسي..مههييم بااااي
سلمات عليهااا وضارت حلات باب دار كانو واقفين غير قدامو غير دخلات لقات باها عاد طوا صلاية حطها فوق لكوطية وتوجه للطبلة يتغدا..كيفها هي ليمشات بدلات حوايجها بلخف وصلاات عاد خرجات جلسات معاهم يتغدااو مجموعين فهدووء كيف ديما غير صوت الاخبار الرياضية فتلفازة قدامهم…حتا كسراتو بكلامها..
مريم:ب..بابا ليوم كملنا الامتحانات ديال دورة لولاا
حافيض:مزيااان..انشااء الله تجيبي نقطة مزياانة كيف ديما
مريم:انشااء الله ابابا…
عيشة:لقبيلة سمعتكم نتي وصاحبتك كتهضرو على شي حفلة ولا شي عيد ميلاد..(رفعات فيها حجبانها) ولا شي حييلة؟
حافيض:امتا هادشي؟
عيشة:غير دب كانت قدام لبااب بلحق ماشي بعيدة…
مريم طلعاتهاا لحمووورة وجهها تززنك كون لقاات تشق الارض وتبلعها خصوصا فاش تدكرات كلام نجلاء وكيفاش وصفات باها..في الاخر بلعات ريقها وهضرات…
مريم:ب بصح حيت…حيت غدا عيد ميلاد نجلاء..و وهي عارفاكم مغتخليونيش نمشي قالت ليا نقوليكم شي حيلة ودرت ليها خاطرها وصافي انا ممعولاش نمشي…
حافيض:هادشي لي كتعلمك..لكدووب!!
مريم:ماشي هكاك ابابا هي مسكينة بغاتني غير نحضر معاهاا حيت كلشي غيكون واصلا مدايراهش بلييل ولكن ماشي مشكل واخا ايلا ممشيتش مغتقلقش علياا..
عيشة:فدارهم نييت ولا بعيد!
مريم:لا لا غير فداارهم…
عيشة:اييلا كانو لبنات بيناتهم سيري ابنتي ماشي مشكل غير نساي توثر الامتحانات لي عا دوزتي وضحكي شوية..
حافيض:معندها ما دير فدوك لقنات خلي لبنت تجلس…خرجي نتي وياها ولا جلسي فدارك حسن ليكم كاع
عيشة:شغل شغلك..نتا تعرف حسن مني..غير هي مكرهتهاش تخرج شوية لبنت باقة صغيرة ونهار ومطال وهي مخشية فلبييت متخرج ماتشوف شمس..
مريم:م ماشي يمشكل اماما انا ولفت..و واصلاا نجلاء عارفاني مغنجيش ومغتقلقش منيي..
حافيض:الله يرضي علييك خليك فداركم لا ثيقة فحد ابنتي فهاد زمان…(مسح ايديه وناض) الحمد ل الله…بصحتكم
تبعات باها بعينيها حتا دخل غسل ايديه ودخل للبيت و هي حطات دغماتها لي وقفات ليها فلحلق مقجووجة بلبكية حتا بدات كتخايل راسها ربما يقول ليه سيري ولكن خيب ضنهاا…ناضت من قدام مها ممبينااش خنقتها ومشات للبيت سدات عليها كلشي وضربااتها بنعسة من لعياا دالامتحانااات محساتش على راسها…
مريم من الناس المتفائاييين..رغم انها عارفة اجابة باها من كثرة ما كيرفض ليها ولفات ..ولكن فكل مرة كتقول ربما هاد المرة يكون عندو وجهة نضر اخرى وديما كيخيب ضنهاا ..عارفة وفاهمة مزيان باها ماشي مزيرهاا ولكن مسألة الثقة عندو مجرد اشااعة..لا فيها ولا في نااس ليضايرين بيها..عند بالو جميع الناس غداارين ولو يكونو من دمو…كثرة المصائب والفضائح ليكنسمعو حتا ولا الانسان كيخاف من لي ليه..بعض المرات كتجي من الاب بنفسو من العم ولا من الخاااا حس بلاك الاصدقاء ويتيق فيهم ويخلي بنتو ترافقهم وتحك بيهم…
فنفس الوقت حافيض معارفش او يمكن مباغيش يعرف ان لبنت مكتحضاش..وبلي محضية من عند الله…سواء رخف عليها ولا زريهاا…البنات انوااع وكل وحدة وكيفاش كتصون راسها..كاين لي كيترخف ليها الحبل وكتطلق معاه لجامعهاا وتخلي دياب الزنقة يديرو فيها مابغاو..وكاين لي كتشوف الحبل مرخووف عليها وكتزير راسها بنفسها ..حاضية سواريها وعارفة طريق الخير من شر…فحين كاين نوع اخر وهي البنت ليكتعيش الزيار من طفولتهاا وهاد النوع بالضبط هو ليخاصو يخاف منو الانسان ..فديك المرحلة كيكون عيونهاا محلوليين عاارفة بزاف وسامعة بزاف ولكن تعيشو وتلمسو كتشوفو بحال شي مغامرة فحياتها وايلا لقات الفرصة كتزيد لييه بلا تفكير فاخيرتو ومع الاسف اغلبيتهم كيشدو طريق وحدة وهي الكدوب ..الاب فعلمو راه مزير ومتحكم في لجام ولكن تحث روايضة حفاري مباينيينش ودوك الحفاري بالضبط فين كتطيح بنتو وصعييب تطلع…
اليوم الموالي…
15 دجنبر…
بحكم عطلة الفصل الاول..درب مطوق بلوليدلت الصغار..الغوت فينما ضرتي…العيشة بسييطة وزويينة بعيالاتها بحوانتهاا وبشماكريتهاا وحتا بنميمتهاا…درب زوين ونقي وشي مكيحادي شي…لبسات عيشة خمارها ودارت ليطاتها فايديها كيف هزات بزطامهاا وخرجات مع لباب…متاجهة للحانوت مبغاتش تفيق مريم وهي ليوم عاد صبحات تستاراح من الحفاضة والقراية…قبل متوصل ليه سمعات شي حد كيعيط باسمها وقفات فبلاصتها ودارت..تا بانت ليا الام ديال نجلاء جاية بجيهتهاا هازة شي صاشية فايديها…
سعاد:لالة عيشة…ااا لالة عيشة(سلماات عليها وكتهضر فنفس الوقت) كيديرااا..كيديراا مع صحييحة ولاهيلا عيطت غا فيد الله معرفتط واش نتي ولا لا ههههه
عيشة:الحمد الله ..كديرا نتي مع صحيحة بخير!
سعاد:واحنا نعديييو..مع هاد دراري تبقا عندك شي صحة هانتي ياختي هاد لبنت على صباح قالت ليك والوو تمشي تجيبي ليا دوك نفاخاات ليكيتعلقو فلحييط ومكتووبة قالت ليكم فيهم ديك عيد ميلاد
عيشة:ههه اش غديريي غير عدي معاهم هذا حال لبنات…
سعاد:اجي نقوليك اختي وسمحي لياا على هاد الهضرة مديريهاش مني قلة صواب مريم لبارح قالت لبنتي مغنجييش مخلاهاش باها عيشك هضري معااه يخلي لبنت تخرج شوية ولاهيلا غير لبنات بيناتهم رااه امانة عندي ومريم بحال بنتي راك عارفة معزتهااا فمقاام نجلاء وكثر..
عيشة:ااش غنقولك..باها صعيب راك عاارفة انا نعااود نهضر معاه على الله..وايلا جات تهلاي فيها..راك عارفاها عوينة وحدة لي عندي وعمرها خرجات لشي قنت بلا بياا..
سعاد:غنديرها فعينيا مريم را بنت ناس ومأدبة متخافيش عليهاا وهي عندي وزَدان غا بنات قيسمها والله ماكين شي براني وربي شااهد عليا
عيشة:وامنا بالله ..انشاء الله يكون خير…
سلمات عليها وخدات شغلها من لحانوت كيف رجعات لدارهاا…نصبات لغداا ومريم فضالون كتفطر حتا دخل باهاا صلى صلاتو وجلس فصالة كيقرا ما قسم الله من القران مع مريم تا جابت ليهم الغدا وجلسو مجموعيين..عيشة غير كتحلي فلهضرة وكيفاش تقنعو ولكن حافيض ليوم نهار نهاروو ..
حافيض:راك باقة حافضة تبارك الله عليك ..واخا كتقراي شادة فقرأنك…
مريم مسحات وجهها باستحياء منو ووجها حمر:مكيتنساش ليا ابابا…ايلا حفضتو كيبقا فرااسي..
حافيض:صاحبتك عيد ميلادها ليوم..معاش غيكون؟
مريم:ءء!!؟ ءء! م مع دب..ءء زعما لا مع لعشية جوايه 6
حافيض:بصح؟ ايلا بغيتي تمشي تباركي ليها وتجي حدك 8
مريم:(غطييير بالفرحة) احم..واخا شكراا ..
كملو غدااهم في صمت عيشة تنهداات بفرحة ومريم كثر منها ما بطا عليها غير تنووض لبيتها تختار اش تلبس ..حتى من دب بدات كتخايل الحفلة كيف دايراا وشنو ردة فعل نجلاء ملي غتشوفهاا..
كملو غدااهم في صمت عيشة تنهداات بفرحة ومريم كثر منها ما بطا عليها غير تنووض لبيتها تختار اش تلبس ..حتى من دب بدات كتخايل الحفلة كيف دايراا وشنو ردة فعل نجلاء ملي غتشوفهاا..
هزاات ايديها من طبسيل ووقفات تمشي للبيتها تا وقفاتها مها بكلامها…
عيشة:جمعي معاك هاد روينة الله يرضي عليك را صلاتي وفوتها وانا كنزرب نحط لباك غداه..
مريم:اااه هي لولاا
ولو تقول ليها دب سوسي تا دار من فوقها لتحتها متقولش لا وهي غطير بلفرحة لي غتخرج….جمعات روينة بلخف كيف غسلات لماعن وجمعات لكوزينة عااد مشات لبيتهاا بهدووء وسداتو لباب مورااهاا…
اااااااععع غنمشيي غنمششي، وليت كنشطح ونغني فلبييت بحال شي حمقة، نمشي نصليي ضهر ءلاا امريم رااك صليتييه استغفر الله….ياربي تحفض ليا عقلي هاد نهار….مشيت كنجري للماريو حلييت بيباانو كاملين بجهاالة تاكنت غنطيرهم..اشنو غنلبس واش لكسوة لا لا مغتجينيش..نلبس سرواال دجين لااا اويليي بابا مسكيين خلاني نمشيي منعيقش بلبااسي غنلبس هاد لعرييض حسن من كلشي..
مدييت يدي للسروال بويفراند ملبستو من نهار مشيت نتسجل في المدرسة…كيعجبني وكيجيني زويين مكنبغيش نكرفصو في المدرسة…حطييتو وجبدت معاه قميجة طويلة ومستوورة كحلة وزدت عليهم زيفي بيض بحال لون صبردييلة هه ااح لبسة غطلع فنة فنننة…وجدت رااسي وحوايجي ونسييت ما نعلم نجلاء بلي رااه جاية…معرفت ماندي للنجلاء فلكادو وحتا باش نمشي عند بابا نطلبو حشمت..ووجهي غلبني كنحشم نعيق علييهم ونقوليهم عطيوني وهو كيجيبها من فم سبع باش منتخصووش…مطاحت عيني غا على كوافوزي..نجلاء صاحبتيي كتشوف واحد سنسلة فعنقي كتبغي تحمااق عليهاا وانا ديما مكبراها فيها حيت حتا انا جاتني غير كادو ومن انساان عزييز….جدة الله يرحمهاا كانت سنسلتها نهار عجباتني حيدتنا من عنقها وحطاتها فيدي وقالت…منكبرهاش فنوور عينياا خودييها وتانتي عطيها لولاادك …ولكن صاحبتي نجلاء ختي وكيف كون كانت ختي غتكون فبلاصة بنتي ومكنبرهاش فيها…هزييتها وقلبي مقبوط عليهااا درتها فصاشية زوينة وصغييرة وحطيتها تا نهزها معاياا…شفت فسااعة كانت عاد 4 واااو لوقت دغيا داز..لبست حوايجي بلخف وقاديت زيفي وهزيت صبرديلة فايدي تا لبااب ونلبسهاا…هزيت لكادو ومشت عند ماما للبييت دخلت عندها تشوف حوايجي واش هوما هادوو وعجبوها غير فكراتني نهز دجاكيطة ديالي من لبرد..عطاتني مسكينة شي فليسات ايلا حتاجيت شي حاجة وخرجت مع لبااب..
حشمااانة ودنيا غارقة بياا من درب ليعامر وانا خارجة هكااك..مكانش لبسي معيق كاااع ولكن ممولفاش بييه وكنشوف فلعيالات مبتاسمين وكيتسناو نسلم عليهم ولكن غير سمحو ليا انا ماشي من نوع دصوااب..ما رجعت هزيت عيني حتا وصلت لدار نجلااء مكنسمع لا صداع لا موسيقى لا والو قلت يمكن راه مع سادين لباب مكيتسمع والوو…دقيت لبااب بشوياا دقة وحدة ورجعت لور…تاحد ماجااوب ورجعت دقيت مرة اخرى وعوتاني نفس شيئ…ضارت بيا دنياا ياكما ماكين تاحد ..لعنت راسي لي معلمتهاش قلنا نديرو مفجأة زعما..ما جيت فين ندور تالقيت خوها لكبير وراياا .. ارتاابكت وايدي كيرجفو وخاصة فاش شفتو عاق بيا حشمت منو وقلب وجهو كيضكك غرقت فحواايجيي…وهو حبس ضحكة وشاف فيا..احم مريم ياك لبااس؟..انا لا م..م ماكين والوو ءء ب بغيت نجلااء و واش ماكيناش!!…شفت فيه بعدما كنت حادرة راسي وانا لاحض تعابير وجهو المتساائلة..نجلاء؟ ليوم عيد ميلادها لا! ماكيناش هنا ..فدار خالتها..
مريم:و ولكن قالت ليا غيكون في داار هنا!
يوسف: وايلي معلماتكش…مهم راه كانت غديرو هنا ووجدات كلشي ولكن لواليد جا(حك راسو ومريم فهمات) كانت غتحيدو وداتها خالتي لدارها ديرو تما..ايلا بغيتي نوصلك؟
مريم:لا لاا شكراا اخويا الخطأ مني انا لي معلمتهااش..(نزلات من لعتبة) خليت ليك رااحة..
يوسف:مرحبااا…
الله ياربي وفين غنشدها..كنعرف دار اييه مشيت نعزي انا وماما فاش مات ولدها الله يرحمو فهاد النهار ولكن خاصني نشد طوبيس….معرفتش نرجع للدار ونتركن فبيتي ولا نديرها فيد الله ونمشي خرجت خرجت لاهوما نكمل..وداكشي ليكان درت من شارع لوور باش مندوزش على دارنا ومشييت للبلاكة واقفة مع نااس تانا مني منهم شمس مطنطنة واخا لحاال باارد و واحد دجاكيطة محناتني فيدي معرفت فين نخشيهاا…اخيييرا ضحكت بحال شي حمقة فاش بان ليا طوبيس جااي خشيت يدي فجيبي ووجدت فلوسي..غير وقع وهو يبان ليا بنادم كيداافع وشي ساابق شيى وانا طوعوني لوور غير كنبقلل بعيني زربو عليا معرفت باش تبليت..خليتهم تا كلشي طلع وطلعت تانا خلصت وهزيت لورقة وضرت باش نجلس…نعاام!!!!! ااش هادشي كنحلم هذاا طوبيس ولا صبييطار دلحومة..كيبان ليا بنادم لاصق فبعضياتوو اما شي وليدات صغار مبعصيين فلقنات غير شوفة خنقاتني عساك نجلس فييه…عتقاتني غير واحد لمرا شدات دجاكيطتي ودارت ليا بلاصة جنبها ووقفت حداهاا….
ما تنفست ورتاااحيت حتا شفت طوبيس وقف فلبلاااكة ..عنقي عواج وانا كنطولو باش نشوف طريييق…بناات لافاك وولاد سونطر عمرو طوبيس كيضحكو ويغوتوو مع بعضيااتهم وانا مكرهتش نكون وسطهم وتانا كنضحك ونهضر معااهم…محسيت براسي تا وليت كنحسد دوك لبناات لا من لبسهم ولا شعورهم وهضرتهم…تحلو عينيا وبغيت نجرب الجديد..بغيت نعرف بنادم وبغيت نتعااشر بغيت نلبس ونخرج نتساراا حتا انا ونضور فلقهااوي ونجلس مع نااس ونتصور…غير كيطيح با فبالي كنعرف هذا غير حلم وعمري نعيشوو ايلا مع راجلي…تيقتي فراسي تحث صفر عند بالي كلشي كيشوف فيا وكلشي حاضيني ها لي كيضحك عليا ولي عجبتو مكنتش عارفة ان داكشي مكاينش وتاحد مراد ليا لبال غير انا لي رادة معاهم لبال…اخييرا وصلت للدار هزيت معاها راسي كنشوف فدار لفووق صوت الموسيقى مجهد ضحكت بفضووول كنتسنا نشوف الجو من لداخل كيداير و قبل منزيد خطوة نزلت عيني لحوايجي فرحاانة بيهم وعاجبيني مكنلبسهم حتا كيكون نهار نهاري ومرتاحة ليغنعيشو …طلعت مع دروج قلبي كيزدح كثر من الموسيقى ليقلبات ليا ودني لقيت لباب محلوول حيت عاد شي حد دخل منو ودخلت حتا انا وسديت لباب موراايا…تا لقاتني نجلاء فلباب فرحانة بيا مسكيينة لا هي لا مها كلشي كيسلم ويسول بسيف وحنا مصرفنا فبعضنا غير لخير والعشرة نقية…جراتني للبيت وحلات لمااريو كتجبد فلكسااوي…
نجلاء:اويليي على غضايضيي عيد ميلادي وجااياني بدجييين …حيدي حيدي داكشي قيصي هاد لكسييوة لكحلة غتجي قدك…
دابزت معاها تا عييت ولكن نجلاء راسها قاصح كثر مني ما هنات تا لبساتها لياا…مبغيتش نخسر خاطرها فعيد ميلادهاا ديت على كلامهاا ولبست لكسوة ليعطاتني صراحة كانت زويينة ومقزبة وانا كلشي كان كيقولو ليا صيقانك زوينيين وحتا دراعي بيبقاو عرياني…حيدت زييف وطلقت شعري خاصة فاش قالت ليا مكاينينش دراري غير لبنات بيناتهم فرحت وخديت راحتي..قادات ليا وجهي وشعري وعطاتني طاالون حتا تصدمت فراسي فين كنت مخبية هاد زيين هههه …لوقت داز بزربة ولحفلة بداات ديال بصح داخل كثر من لخارج وانا غير جالسة كنتفرج فلبنات كيشطحو وكنضحك ليهم وعقلي كيضور مكرهتش نكون زعيمة ومطلوقة بحالهم ولكن من ديما شي حاجة فداخلي كدفعني لور ومكتخلينيش نعبر ونعيش براحتي يمكن خوف من ردود الاخرين اتجاهي يمكن شوفاتهم يمكن استجابتهم معايا.. باي طريقة مقادراش ناخد راحتي مع غيري واخا كنعيا نحاول نكون اجتماعية…عيني كيضوروو من جيه لجيه حتا شفت مامات صاحبتي نجلاء من باب الكوزينة كتشير ليا بايديها نوض لعندها وكضحك بحالا باغة توريني شي حاجة…حركت راسي بايجاب ونضت عندها كنخيط طريق بين لبنات باش نخرج من بيناتهم…
ولكن قبل منوصل للكوزينة دزت على باب دار ومنو سمعت شي حد كيدق بجههد وكيصوني ولكن مع شطيح صونيت مكيتسمعت حتا قربت لباب عاد سمعتو..مبغيتش نخلييه فلباب كيدق ونمشي للكوزينة قلت نحل عليه هو لول لا تكون شي بنت جات معطلة ولا شي حاجة… لحت شعري ورا كتافي ومشييت دغيا حليت لباب بلاما نطل فلكاام…ديك الفزعة لي تفزع قلبي فديك اللحضة وكيفاش تفزع وانا جالسة فبلاصتي دب، مخلاتنيش نكره داك نهار حيت عيد ميلاد صاحبتي وهاداك نهار كبير عندي ليتزادت فيه..بلعكس خلاتني نكره ديك لحضة ليقلت نكون فيها مصوابة ونحل لباااب…
كاان ولد ولا راجل والله معرفت تلفاات بيا دنيااا..زوييين بزاااف طوييل وكتافو عرااض اماا حروفوو مغنقولش بجمال يوسف ولكن شفت فيه رجووولة شفت فيه الشهامة..حسيت براسي واقف عليا رااجل دصح ..عرفتي فاش كنتلاقاو مع شي ولد غير بصدفة ولكن كتحسي براسك انثى قدامو كتحسي بيه شخصية واقفة حدااك حشمانة منو واخا مابينكم والو….شاف فيا وقال..سلام ..متخلينيش ندخل?…طلعااتني سخااانة ووجهي حسيت بيه سخن ماشي حشمت منو وانما حشمت لي خليت سيد فلبااب وانا جالسة كنبقلل فيه…بارتبااك بسمت لباب كثر وبعدت على طريق خليتو يدخل وهو غير مبتااسم وكيشوف فيا…دخل وعيني تابعاه، نجلاء جات كتجري لعندو عنقااتو وهو كيبارك ليهاا ، شكون هذا لي كتعرفو هي وانا عمري شفتو معاها رغم اني كنعرف كاع صحابها وعائلتها…جراتو وجابتو لعندي كضحك..مريم هذااا مهدي خو بنت خالتي برضاعة …لمهدي هادي مريم صااحبتي برووح رووح…
مهدي:متشرفين امريم..
معنديش اصلا لسان باش نجاوبو غرقت فحوايجي بلحشمة وليت غير كنزل فلكسوة على دراعي ونجلاء كتقوليه متديش عليها راه حشومية…غير دخلنا جلسنا في صالة دخلو خوت نجلاء حتا هوما جلسو معاه …الحفلة كاملة وانا منزلة رااسي فينما نهزو نلقاه كيشوف فياا ونرجع نحدرو…الكدوب على الله حرام عجبني الولد و وليت كنتخايل ايمتا يجي يهضر معاياا…
وصلات تمنية ودخلت كنجري للبيت نبدل حوايجي..بابا قال ليا تمنية نكون فدار وانا حالة فمي هنا…سلمت على نجلاء ومها وعطيتها لكادو وخرجت كنجري من تمااا حتا لولد نسيت منشوف فيه اخر نضرة هه …حسبت فلووسي ليبقاو عندي وفبلاصة منمشي لبلاكة طوبيس شيرت على طاكسي…خفت نتعطل كثر في زحام ديال طوبيس لاهوا طاكسي…وانا كنشير علييه سمعت شي صوت ورايا كيغووت مرييم…مرييم….صوت غريب علياا درت بلفضول كنشوف وكان نفسو..الولد ليقلب ليا لمود من اول شوفة…مبينتش ليه الرعدة لي شداتني فايدي ولا سخونة لي حسيت بيها طلعاتني…
مريم:سلام..
مهدي:سلام..غتمشي؟
مريم:ااه..تعطلت على دار بزاف…
مهدي:ااه مزيان…ن نوصلك.. ايلا كان ممكن
مريم:ءء!! لا شكراا ..غنمشي بوحدي..
مهدي:(بارتباك حك راسو) صراحة امريم..ايلا كان ممكن نهضرو شوية انا وياك..
مريم:ولكن انا تعطلت بزاف..ميمكنش نبقا هنا..سمح ليا..طاااكسيي(شيراات بايديها للطاكسي حتا وقف قدامها)
مهدي:واخاا منعطلكش..عطيني نمرة ديالك نهضرو من بعد…
شاافت فيه مريم مطولة..متكدبش على الله مكرهااتش تهضر معااه ليل ونهاار ..عطاتو نمرة وطلعات فطاكسي وهو بقا واقف حتا زاد طاكسي…تيليفون فايديهاا كتلعب فيه بتوتر ندمات لي ماوقفات شوية يهضرو كثر..ولكن كي ديما التسرع ديالها غلبها ومقدرااتش توقف معاه كثر…..طاكسي دغياا خطفها للدار دخلاات ولحسن الحض مكانش باها غير مها لي جالسة قدام تلفازة..سلمات عليها ودخلات بدلات حوايجها
… صلاة صلاتها وسدات عليها فبيتها وتيلي فايدي غير طلعات لويفي تسمعو الميساجات في الواتسااب والحماس كيااكل فيهاا كيف شي بنيتة صغيرة غتحل لعبتها الجديدة…
مااجيت فين ندخل لواتسااب دغيا نجاوب على ميساجاتو حتا سمعت تيليفون كيصونيي…
آلووو شكون معاياا؟؟ …مريم..انا مهدي ديال الحفل…..آاااه مهدي سلاام لبااس…
مهدي:بخيير..وصلتي مزياان؟؟
مريم:مزياان الحمد الله ونتا..
مهدي:بقا بالي معاك ملي خرجتي هه!(بدون اجابة) …مريم معاياا؟؟
مريم:ااه اه..احم كنسمعك
مهدي:صرااحة عجبتيني بزاف…مكرهتش نتلاقاو ونهضرو ايلا كان ممكن..
مترددش ولو تاانية حتى لقيت راسي وافقت…كنت غنطير بلفرحة ولكن متبتة…قطعت علييه ونعست فبلاصتي كان غدا سبت كيغانديير نخرج وشنو غنقول لييهم …ماما متخلينيش نمشي تا من هنا للسوق ايلا مكانتش فجنبي حسبلاك تخليني نخرج نضور مثلا..!…فقت صبااح صليت وخرجت نفطر عادي بحالا ماكين والو..مبغيت نبين تاحجة قدام بابا ومبغيتش نقوليه والوو…تسينيتو حتا فطر وخرج ونضت نجمع روينة مع ماما ..انا كنغسل الماعن وهي كتنصب لغداا..
مريم:ماما غنديرو لمرقة تاني!!
عيشة:هادشي لي قسم الله…
مريم:تشهيت شي طجين ديال لحوث كواري ..عفااك ديريه لينا..
عيشة:دب راه تقدييت للمرقة….ااش جاب ميديني للسوق تاني..
مريم:ايوا صافي ديريه لينا للعشاا..وعلاش غتمحني رااسك انا نجيبو ليك..العطلة هادي اماما خليني نسارحك شوية..واخا غير في سخرة
عيشة:من هنا للعشية يحن الله…كملي شقاك مابقا غير يدخل باك..
ايوا هاناا ضمنت خروجي عيشة ااش غنلبس…وفااش غنهضر معاه..نشفت لبوطاجي كيف دوزت جفااف بزربة وخرجت كنجري لبيتي كنت داخلة لشي كروبات ديال لبنات في الفيسبوك..اول ما درت وهو حطيت بوسط لكيفاش نتقااد في اول موعد وحتا هوما على لقرص كلشي كيجااوب وكلشي كينصح فياا كاين لي قالت ليا شدي لرض معندك ماديري بشي خروج ولكن انا كنقرااهم ونستهزأ بييهم غير هوما معقدين نعقد راسي معااهم…لا اختي حتا انا باغة نخرج، باغا نتصااحب باغة نجرب احساس راه عندي صاحبي عندي لي غيمنعني من لخروج عندي ليغيتحكم ف لبسي ..كنت مهووسة بمواضيع الحب وقصص الحب لي في الفيسبوك حتا وليت كنخايل راسي بطلة للقصصهم مع بطل مجهول…ولكن دب ولا المهدي هو البطل ديالي…تغديت مع دار وعيني غير كيضورو خايفة ماما تقول للبابا شي حاجة…غير خرجت وانا نلصقها والو نديرو طاجين دلحوث وانا لي نمشي نجيبو…مسكينة حدرات راسها وقالت ليا سيري ودب تجي…بالفرحات عليا دخلت نعلمو ساعة لقيتو سابقني كيسول ايمتا نخرج ..لبست حوايجي ووقاديت راسيي على غير العادة واخا لبست غير جلابة باش منعيقش لماما ولكن جات معايا وبينات لفورمة وانا داكشي لي باغة من لول…
شدييت طريق فين قلنا غنتلاقاو ومشيت لعندوو…كاان زويين بزااااف مقاد الحالة ومزيز على راسو..للحضة حشمت من لبسي ولكن ليبغاك يبغيك بكلشي فييك…مديت ليه ايدي ولكن هو جرني وبااس على حناكي كانت اول مرة نسلم على شي راجل من حنك للحنك…تزنكت بالحشمة وليت غير كندخل شعر فزيفي وهو كيضحك عليا حيت الحشمة كتبان فوجهي مورقة ومعيقة…صافي تعارفناا…قال ليا موضف عادي في شركة على قد لحال وجا داك نهار للعيد ميلاد حيت كيعرف صاحب نجلاء وهو لي سيفطو..اصلو من الناضور ولكن خدام في فاس…بقينا كنهضروو شحال وانا ناسية راسي معااه…اهتامو ليا وكلاامو الحلو لي كيخرج من فمو خلاني مزلعة قدامو بحال شي بغريرة غير حالة فيه فمي وكنسمع غارقة فحشمتي…تافقنا باش نتلاقااو مرة اخرى ومرة اخرى ما رفضتش وبدون تردد وافقت…سلمت عليه وودعتو وانا حاس بيه بقا حاضيني من لور حتا غبرت علييه…الفرحة لي فرحتها ديك النهار والشعور لي خلا قلبي كيضرب من عندو وانا راجعة لدارناا..حسيت براسي صافي طحت ووليت كنبغيه…
دازت3 شهر على تعارفنا..نهار على نهار وحنا كنتلاقاو كل مرة وباش كندير سبة..وليت كنغيب سوايع دالقراية وكنمشي نشوفو..حتا الايام لي كنت مكنقراهمش او عندي خاويين عمرتهم غير باش نتلااقاو..وليت كنحمااق على شي حاجة سميتها المهدي مستحييل يقول ليا شي حاجة ونقول لا..وحتا هو صراحة عمرو حرجني معاه ولا قرب ليا..بغيتو وبغاني باحتراام زوين بيناتناا..كنا بحال شي اصدقاء مكنخبيو والو على بعضيااتنا ولكن كنحماقو على بعضناا…معمري حتاحيت وانا معاه لشي حاجة..حيت صراحة بابا هازني وعمري ولفت نمد يدي لشي حد واخا كنا كنجلسو ناكلو فشي بلاصة كنخلص على راسي وهو كيتقلق مني على هادشي ليكندير حتى وليت كنخليه يتكلف…..
كان قرب الامتحان الوطني وبهاد المناسبة استادة العلوم ديالنا قررات تدير لينا رحلة مدرسية باش نستاعدو للامتحان…والديا وافقو بدون تردد حيت اي حاجة كتخص المدرسة او تعليمي مكيرفضووهاش ابدا وماشي هادي اول مرة غنمشي للرحلة مدرسية….انا مكان فخباري والو هادشي كامل عرفتو من نجلاء وهي لي سجلاتني وقالتها لماما…وجدت حوايجي لي غندي حيت مكانتش رحلة طويلة بزاف…سلمت على بابا وماما عطاوني شي بركة دلفلوس وهزيت شكارتي وخرجت عند نجلاء لي لقيتها كتسناني فلبااب …مشينا تا للمدرسة ولكن مكان تاحد واقف ولا كيتسناو الطرونسبور يجي باش نمشيو للرحلة كنت غير انا وياهاا…سولتهاا وهي والو واش بغات تجاوب غير كتقول ليا تسنااي…حتى وقفات علينا طوموبيل ومن زاج شفت المهدي وصاحب نجلاء…من تماا عرفت ان هاد الرحلة من تنضيم نجلاء وهي لموجدة ليها..ماكين لا رحلة مدرسية ولا واالو …هوما موجدين مع بعضياتهم باش نخرجو مجمووعيين لهاد الرحلة..!!
صفرو الساعة 2:15 زوااالا…
وقفات سيارة الرباعي مريم ونجلاء المهدي وصاحب نجلاء…نزلوو منها كاملين وعينيهم على دار لي كرااو ومريم طول طريق وهي قالبة وجهها على مهدي لانو مول الفكرة وهو لي نضم هادشي كامل وما قال ليها والو ..دخلو للدار كيشوفو معاهاا كانت عادية بفراش عصري…لي فوطوي لبلازما فلحيط مع طبيلة لوسط د زاج مبهجة بلون الحيوط البيج خيالي …بعدما قلبو دار كاملة جلسو مجمووعين ودراري مشاو يجيبو شي حاجة من براا باش يتغدااو …
نجلاء:ااش بان ليك نخرجو لشي كافي عشية غير نضورو شوية…
مريم:مزال اختي عندك لخاطر لشي خرووج…كضحكي علياا انجلاء ملي غدا تمشي ماما ولا بابا يسولو في المدرسة وميلقاو ماكين والو من هادشيي…واش تسحابي بابا غير قاليا سيري راه تااق فياا والله تا غيمشي يسول…
نجلاء:غيير كتزيدي فيه والله…خرجنا اصحبتي خللينا نفوجو شويية مالك محرماها علينا…
مريم:فوجي اختي راسك انا غنمشي لدارنا والله منزيد دقيقة هنا ..من نيتك نبركو راس فراس معااهم ..سمحي لياا انا ماشي بنا زنقة
نجلاء:هذاا معيوور معيوور نييت ياك الالة..ايوا سيري طريق سلاامة ..
ففف اشهاد الموصيبة ااش داني اصلا نخرج من دارناا..ااش داني نركب معاهم من لول…انا لي كنعرف بابا ليوم ميبات فدارو حتا يمشي يسول عليا واش بصح كاينة شي رحلة…مكرهتش نبقا ولكن تفكيري كل مع بابا وايلا ساق ليا الخبار …بقيت بحال هكاك غادة جاياا..مرة نوقف مرة نجلس والتوثر كيااكل فيا..قلبي مقبوط وما مرتاحة لتاحاجة مكرهتش نطير ونرجع لمدينتي ونبرك فدارنا…شوية جاو دراري مدخلين معاهم الماكلة فساشيات وشي قراعي انا معرفتهم ديالاش اصلا غير كنسمع تقرقيب دياالهم…تغديناا وانا غير كنضحك ليهم الضحكة الصفرة ممرتاحااش ابداا لهاد الجلسة.
نجلاء باش ترطب الجو ناضت خدمات الموسيقى ورجعات جلسات حدا صاحبها بتعنااق والتعبااز هادشي مصدمنيش فيهاا..لي صدمتي قادوس دشيشة لي ناضت جابتو كتشيش بييه…امتا وكيفاش تلاحت ليه..كنعرفها كطير مع طيور ولكن شيشة والكارو…وليت غير كنسرط فريقي ااش هاد طريق تبعت معاهاا وهنا عرفت راسي تلاحيت بلا كرسون كون غير لقيت لي يديني لدارنا نووض معاه بلاا ما نتردد….بقينا هكااك جالسين انا فقنت والمهدي في قنت غير كيكمي ويضحك ليا تا بانت ليا نجلاء ناضت هي وصاحبها دخلو للبيت والمهدي قرب بجيهتي قال ليا…سمحي لياا بغيت نديرها ليك مفجأة ولكن معحباتكش…!! انا لاا عادي ماشي مشكل..غير هي دارنا غا يتشطنو عليا خاصني نرجع…زاد قرب وهو كيقول …غنرجعك ملي ممرتاحاش هنا غنديك فين بغيتي غير وريني ضحكتك هه!….رجع زعزعني بكلامو المعسل خلاني غير كنضحك والحشمة كتقتل فياا…باسنيي من حناكي ول اول مرة كيقرب ويقيس فمي…محسيت برااسي وانا كنبادلو نفس ااش كيديير ليا منكدبش قربو ليا وحركاتو عجبنو وعحبني الحال يقرب ليا مكرهتوش يزيد يدير اكثر….عنقني بجههد وقال….عمرني نخلييك نتي ليا وغتكوني مرااتي…!
ماحسييتش على راسي وانا شادة فايدو ودخلناا للبيت وهو يسورتو وبدا كينزل فحوايجو وانا غير كنشوف وايدي كيرتعدو وعيني في الارض محاساش براسي ومعارفاش ااش واقع لي كيهمني دب هو حنا بزوج شنو غيوقع بيناتنا وكيفاش غيقرب مني..شهوتي مخلااتنيش نفكر فشي حاجة اخرى هاد اللحضة حتى وقع لي وقع قربنا من بعضيااتنا و نعسنا بحال شي جووج مزوجيين…ملي فقت براسي شنو درت بقيت كنغووت ونضرب وهو كيشد فياا وكيقول..سمحي لياا محسييتش براسي…بغييت نحمااق من اشنو درت..طاحت بين عيني صورة مي وباشنو غيوقع من هنا لتماا بقييت كنبكي ونتمررغ ونجلاء كنسمع فيها فلبااب كتغوت علياا حتا قاليهم المهدي بلي مخاصمين وانا مقلقة منو غير سيفطهم خرجو رجع برك حدايا فلرض….سمحيي لياا امريم وربي شااهد محسييت براسيي انا مغنخلييكش رااك مرتي وااش عارفاني نهرب علييك….وعنقني وانا كنبكي بحال شي حمقة وكنسمع ليه كيقول فودنيي….كنبغييك متخافيييش ومن هنا لصييف غنجيب دارناا ونتزوجك انا مغنخلييكش …
متقبلش شنو وقع ابداا ولكن بكلامو و وعودو ليا ترخيت شوية ووليت كنسمع ليه..ايلا تزوجنا تاحد مغيسيق لخبار لشنو وقع…خطأت ولكن فهاد اللحضة مكنتش عارفة حجم الغلط ديالي الحقيقي…مكنتش عارفة ان حياتي صافي مشااات ضمرتهاا…ضااع مني كلشي مشات ليا اي حاجة كانت زوينة فحياتي..اي حاجة كنت كنساوم بيها راسي…اي حاجة كنت هازة بيها راسي وكنتباها بيها قدام الناس …الحاجة لي كنت رافعة بيه راس واليديا…مكنتش عارفة ان اي حاجة من هنا لقدام غدوز عليا حااارة وغنخلصها بدم جوفي…
داز عليا داك ليل بحال جهنم كلشي ناعس وانا فايقة نخمم ومهدي فجنبي حتا هو بحالي ما نعس ما شافو…مابطا عليا غير يطلع صباح نمشي لدارنا..وغير طلعلت شمس قال ليهم صافي نمشيو وحتا انا قلت لنجلاء والوو منبقاوش دقيقة هنا..نمشيو بحالنا…وفعلا شديناا طريق راجعين فحالناا…
كيف قلت من قبل هذا اخر عام ليا في الثانوية وكان عندي الباك…هاد شهورة القليلة لي بقات لياا فيه كلهم دوزتهم ملاقية مع المهدي…كنا بحال شي جوج مزوجيين كنا كنتلاقاو بجوج فبيت واحدكان هو كاريه..كنتعاشرو بحال شي جوح مزوجين وهو ولا كيشري ليا حبوب مانع الحمل باش منحملش…للحضة ولا كتعجبني العيشة بحال هكا..كاع لي قرريتو فشي بلاصة سواء كروبات قصص سواء فيديوهات شفتهم كنحاول نطبقهم على المهدي بحالا راجلي على سنة الله ورسووله…الايام ليكان خاصني نكون كنراجع الوطني انا لا كنت كنوجد راسي ليه باش نعجبو عوتاني وندوزو العشية زوينة ونرجع دارنا…
دوزت لوطني ومكاانتش نقطة مرضية ابداا كنت خايفة من بابا ولكن فاش جيت للدار تصدمت منهم..ماقاالو والو بلعكس حاولو ما امكن يواسيوني ويخففو عليا حيت كنت كنبكي بزاف بحال شي وحدة محروووقة من لداخل..انا مكنتش كنبكي على نقطتي كيف كيضنو..انا كنت كنبكي على كلشي…بكيت على وجووهم لي فينما نهز عيني فيهم كنحس بتأنيب الضمير لاشنو كندير فيهم كنكره رااسي فاش كنكون في دار وكنعيش معاهم حيت قلي كيحرقنس وانا كنشوف تعاملهم معايا وانا باش كنجازيهم..وغير كنتلاقا مهدي كنسا كلشي بحال شي منوم كيفقدني داكرة لكاع شنو واقع …شي سيمانة داازت وقضية الباك بدات كتنسى…حتا لواحد النهار لي دخل بابا مع باب داار هاز تقضية فايديه و واضح عليه جاي يقول لينا شي حاجة…كنت جالسة انا وماما وتيليفون فايدي كنت ديك ساعة كنتسنا فلمهدي يصوني ليا باش نتلاقاو حتا هضر بابا وهو موجه كلامو لماما…
حافيض:وجدو راسكم شي ناس جايين يشوفو بنتك ليوم…
عيشة:(مفهمات والو شافت فمريم ورجعت شافت فيه) كيفااش؟؟ اشمن ناس هادو! وشنو قلتي ليهم نتا..
حافيض:جا عندي لجامع شي ولد مع باه وقال شايف بنتك على برا وبغاها للحلال…
عيشة:ااهاه وشنو قلتي ليهم..
حافيض:السيد قصد باب دار نرجعو ولا؟ نهار جمعة بادن الله جايين وجدو راسكم…
عيشة:ومغتشووفش بنتي واش باغة راه باقة صغيرة ومزال كتقرا علاش غنزربو عليها..
حافيض:الله يهديك ..راه مقلناش غنعطيوها ليهم..غير يشوفو وايلا كانت شي حاجة من بعد في المستقبل ايلا بقينا حيين ماشي دب…(تنهد) يكون خير غير جا عندي راجل حشمت نرجع باه من لباب..غلبني وجهي وقبلت بيهم…
تهزييت من بلاصتي ديك ساعة بحال شي مصعورة ومشيت كنجري لبيتي وبابا كيغووت علياا…دموعي سبقوني وانا كنتخايل راسي صافي مخطوبة بواحد اخر والمهدي مشا ليا..ديك سااعة صونييت ليه وعاودت ليه شنو وقع من لول تا لخر وهو غير كيضحك عليا فتيليفون وفلخر قطع عليا وطفا تيليفون بمرة..!
الغد ليه دوزت نهاري غاارقة في التفكيير بابا غير كيشوف فيا ويتنهد وماما كتر منوو معرفو مالي وانا ربي ليعالم بيااا…ماحينتي نفكر لخطيب الغفلة ليجاي ولا لمهدي لي قطع علياا الهضرة…حطاات لينا ماما لغدا وهوما كيهضرو على ناس لي باغين يجيو يشوفونيي وانا قلي كيتنخصص تخننقت بكلاامهم…حسيت بحرقة كبيييرة فصدري واش نغووت ونقوليهم خنت تيقتكم ابابا مبقيييتش بنت عفيييفة كيف كضنو مبقييتش البنت ليغتهز راسكم..انا مبقيتش لبنت لي غتصون شرفك قدام العادي والبادي…راني مرااة اعبااد الله وراني بقات ليا غير الولادة لي حفضت راسي منهاا…داك الغدا داز عليا بحال شي امتحان انفجاري..كيتسنا غير اللقطة لي غنفااجر فيها ولكن نضت دخلت لبيتي بحجة راسي كيضرني وسديت عليااا…هزييت تيليفون ورجعت كنصوني للمرة لي معندهاش عدد ولا المهدي بغا يجاوبني…لحت تيلييفون بزعااف شاداني البكية حتا سمعتو كيصوني ليا متيقتش عينيي اش كنشووف حتا جاوبت وسمعت صوتو..آلوو المهدي هذاا نتاا؟؟؟ ….هو ياك دغيا نسيتي كلامي..ولا نساك فيا الخطييب..؟….انا لا المهدي شنو كتقوول غير حيت مكتجاوبنيش تصدمت (بلبكا) صحابني بلوكيتيني حيت قلت ليك جايين فيا الخطاب انا والله مغنواافق ميميكنش نتزوج من غييرك رااغنمووت ايلا زوجنيي بااا..م مالك كضحك واش انا كنهضر معاك بصح ونتا كضحك عليااا!!!!
المهدي:دب لاش البكا ! حمقة بالله ههه واش انا غنخليك راه انا ليجاي نخطب فيك الهبيلة..ياك قلت ليك كملي امتحاناتك وغنتجوجو ههه
مريم:(مسحات دموعها بكماام ايديها) و وااش بصح !! و واش نتاا حلف بالله قوول اقسم بالله حتا نتااا عفااك
المهدي:وها حنا تااني صافي كلمة وحدة قلناهاا..رااه كنبغييك مزال مبغيتي تفهمي …يلااه سيري خليني خدام شوية ونعيط ليك مكنتش كنجاوبك حيت كنت شاد طريق لفاس خرجات ليا خدمة على غفلة مغنرجع تا لسيمانة جايا…
مريم:صافيي بسلاامة ههه طرييقة سلامة صووق بشوياا…
قطعت علييه وانا غنطييير بلفرحة صافي حب قلبي جاااي يخطب فياا..غيتحقق حلمي وغنسكنو فدار وحدة ..انا غنكمل قرايتي وهو غيخدم ونبداااو من زيرو..بدييت كنحلم حتى وليت عاايشة فحلمي وانا مغضمة عينيا تا تفكرت شنو قال بابا لماما (حافيض:الله يهديك ..راه مقلناش غنعطيوها ليهم..غير يشوفو وايلا كانت شي حاجة من بعد في المستقبل ايلا بقينا حيين ماشي دب…(تنهد) يكون خير غير جا عندي راجل حشمت نرجع باه من لباب..غلبني وجهي وقبلت بيهم…) يعني بابا مناوييش يعطيني وغير دار ليهم خاطرهم …خوييت راسي من هاد الافكاار..شحال متشائمة يا مريم ها الولد لي كتبغي جاي يخطب فيك شنو باغا تاني …
دازت سيمانة طااايرة واناا كنجري من قنت لقنت فدارني نقااد لي عوج ونزين لي مقاد ..فرحانة ما قاداني لا سما لا ارض وماما كنحس بيها عاقت بيا ولكن متسوقتش مبغيتش نخسر فرحتي…وها جمعتي وصلاات ونهاار لي غنشوف فيه المهدي اخري وصل توحشتوو بزاااف ..توحشت نهز معاه عيني وتوحشت نعنقوو..هادشي بزاف عل الحي واش كنبغي هاد الولد لهاد درجة حتا ولا هو فرحتي…هو غضبي وهو قرحي..بضحكتو نفرح وبغضبو كيتقلب ليا لمود ونولي عاطياها غير للبكى…اول حب فحياتي بغيتو بقلبي ومخلييتش فرصة لعقلي يفكر ولو تاانية..انا عاجبني حبي لييه علا ش مزال نفكر…ماما مسكينة على وجه بابا وجدات ضيافة على حقها وطريييقها بماكلتها وبترحاابها وانا كنحاااول منحضيهاش واخا عيني كيمشيو غير ليها…حتا كنشوفها غرغروو عينيهاا بدموع وتنهد وتمسحهم..جايين عندنا هاد ناس بحالا جاي عندها قباط روحها محملاتهمش يجيو ومحملااتنيش نتزوج..مكرهتش نعنقها ونقوليها سمحيي لياا المييمة لاهوما نمشي عليك دب ولا نشوه وجهك قداام لي باغينها فييك…لبست غير بيجامة د دار جدييدة حيت مكنتش غنخرج عندهم ايلا باش نسلم عليهم ونرجع ندخل طبعا هادشي من تخطيط بابا وهو لي مبغانيش نليس ونثقاد..خدا ليا بيجامة جديدة بزيفها وشربيلها وقال ليا هادشي ليغتلبسي…بقا فيا الحاال كنت موجدة قفطاني جوهرة لي غنلبس كيف كيلبسو كاع العرايساات ولكن مغنقدرش نقول لاا…وجدت مع ماما الطبلة والماعن ومشيت لبيتي لبست وجلست كنتسنااه يدق…دوك الدقاايق لي كنسمع فالساعة حدا راسي تك تك تك كانو كيتسمعو حتا من قلبي لي كنحس بيه غيخرج من بلاصتو…بزاف د الافكاار كيضورو فباليي(غيجي_عندااك ميجييوش_ كيف غتكوون ماماااه_ واش قبيييحة ولا غديرني بحال بنتها_ قال ليا عندو خواتااتو معرفت كيف دايريين ياربي يكونو ضراف باش نتصااحب معاهم…) ما وقفني من تفكيري غير لبااب لي كيدق..نضت كنجري من بلاصتي كنطل من لبااب من شق لقيت بابا غادي يحل لبااب…حلو ودخل المهدي ولكن تاحد مامعاااه سد بابا البااب ورحب بييه للصالون ….وانا كنتسناا شي حد يجي مورااه اويلليي المهدي فين واليديييك؟؟؟؟
رجعت لبيتي وانا كنسمعهم كيهضرو وبابا معطااهش راس لخييط واش غيعطيني ليه ولا لااا واخا عيا المهدي ما يجر ليه فلسانو وتقوول بابا واش نطق بالمواافقة وكيقول ليه من هنا لتما يحن الله مهم بحالا عطاه صواب وصافي….تعشااو بتلااتة بيهم وانا مخرجتش من بيتي غير كنسمع من لقنات حتا كملوو وهو يقول بابا…
حافيض:سمح ليا اولدي ولكن راه من صواب تجيب واليديك..انا بنتي عزيزة بغيتها تمشي بلعز ديالهاا..
المهدي حدر رااسو مرجعش جاوبو وناض خرج…وانا خرجت عندهم كنترعد ومقاادرة نقووول والوو غير كنسمع لمعيور ماما…
عيشة:هادي هي قلة لحيا جاي يخطب بلا واليديه ..
حافيض:بغيت نفهم علاش باه ليجا ديك نهارعندي مجاش معاه دب..لا لا هااد الولد معمرش ليا عيني معنديش مانديير بيه..
الله يهدييك ابابا راك كتخشي فقلبيي الخنااجر بهضرتك رااني كنبغيييه ومن غيرو مغيكونش ليا واخا تنطابق سما مع الارض…
حافيض:(شاف فيا وانا سااهية فيهم) ماديريش فبالك ابنتي تستاهلي ما حسن منو انا منسيفطكش ليهم مدلولة ..اجي تعشااي اجي..
عيشة:الله يدير لي فيها لخير(ناضت للكوزينة)
مريم:تعشيت قبييلة ابابا بصحتك..
ابتاسمت لييه بانكساار وتبعت ماما بجراا للكوزيينة بلحس كنطلب فيهاا…الله يحن علييك اماما خليني نمشي نشوف نجلااء مرضاات هاد العشية معرفت مالها غير كتبكي عفاااك نشوفها دغيا ونرجع والله شطناتني عليهااا…
عيشة:معندك فين تمشي هضري معاها من هنا باك في دار كيغاتخرجي عندهاا
مريم:لااا غير ايلا سول عليا قولي ليه نااعسة الله يحفضك اماما الله يحن علييك خليني نمشيي…
شافت فيا تاعياات عرفاتني محمرة على لخرووج وهي تخليني نمشي ..رجعت لبيتي تسنييت بابا تادخل للطواليط يتوضى ولنا ندير عليا دجاكيطتي خفييفة وخرجت كنعيط للمهدي فتيليفون باش نتلااقو في الجردة…تسينيتو حتا جاا وانا بدون شعور كنغوت عبييهه..واااش حماقيتيي جااي بلا واليدييك كااين شي حد كيعطي بنتوو لشي حد ايلا مجاو معاههم واليديه؟؟؟
المهدي:الواليدة مبغااتش وجيت بوحدي..
مريم:حتا بابا مببغاش عطيني ليك واخا تجيبهم…ااش غنديرو فهااد الموصيييبة (بلبكا) شنو غنديرووو دب…اجي بعدا علاش مجااش معاك راجل لي هضر مع بابا ديك نهار علياا؟؟؟
المهدي:هاداك بات صاحب نجلاء جبتو عندك باك حيت مبغاتش لواليدة تجي معاياا…
مريم:اويلييي زايدهااا بلكدوووووب…صاافي عمرني نكوون ليك عمر بابااا يجوجنيي لييك صافيي نسااااا
المهدي:لا واليديك بغااو لا واليديااا..معندكش حل ااخر هو تهربي معاياا
مريم:لا لاا..ههه تسطيتي نيشاان واش من نيتتتك؟؟؟ مستحيل تا نفكر فيها عسااك نديرهاا
المهدي:(تعصب محسش براسو وهو كيغوت عليهاا وعباد الله كيشوفو فيهم) شنووو غندييير ليييك انااا رااك وليتيي مراة ..مرااااة فهمييهاااا شكوون باقيي غيقبل بيييك ..شكون هذاا ليغتزوج بييك رااك عاام ونتي كتنعسي معاياا وااش هبلتيي فكريي مزيااان هذااا ااخر حل عندناااا انا معندي ماا ندييير…
خلييتو كيغووت موراياا ومشيت لداارناا كنبكي ااه بصح شكون غيقبل بيا وانا بلا شرف..وشكون هذا لي غيبغي يتزوج بيا وانا عام كنعس مع رااجل اااخر…مابقااش عندي حل ااخر تاصلت بييه وقلت ليه غنهربوو …صافي جمعت حوايجي و وراقي وكل ما غنحتااج وخرجت عندهم دوزت نهاري معاهم عادي بحالا ماكين والووو تا جا نص لييل ..خليتهم تا نعسو وهزيت حوايجي خرجت واناا كنبكي بحال شي حمقة لقيتو فلباب كيتسنااني شد مني لحوايج ومشا قدامي وانا تابعااه حتا كنبغي نرجع لدارناا وكنفكر شنو دايرة ونتبعو مسخييتش بواليدياا مسخييتش بداارنا لي كبرت فيها مدللة بحال شي اميرة ممخصووصة من والو..عيني تغطااو بدموع والمهدي حس بيا ورجع شد فايدي جارني معااااه….دوزنا ديك ليلة فواحد دار حتا جا صباح وجمعنا وراقينا بجووج مشينا تكااتبناا وانا فجنازة ماشي في فرح…سمح ليا ابابا مكنتيش باغيني نمشي مدلوولة لدار راجلي ولكن انا درتها لرااسي..تكاتبناا ورجعنا الدار بقينا فيهاا حتا للجمعة لاخراا يعني سيمااانة على قدها وانا بعيدة على واليديا..شعلت تيليفوني لقيت بزاااف ديال المكالاماات وها نجلاء كتااصل بيا طفييت عليها تيليفون وحيدت لكارط لحتها مبغيتش نتواصل مع تاحد…كنت جالسة بوحدي حتا دخل عليا المهدي…..
المهدي:وجدي رااسك غدا غنمشييو للدار خاص واليديا يشوفوك ويقتانعو بيك ميمكنش نبقاو على هاد الحال ..جلسي معاهم شوية فهميهم ويفهموك…
انا تخلعت من كلاامو كان جدي معاياا وهضرتو مافيها رجووع….فعلا وصل ليل وشدينا طرييق للدارهم وانا كنترعد خاايفة ماحنتي نفكر ل واليديا ولا لهاد ناس معرفتهمش كيف غيستقبلوني وكيفاش غيشوفوني مرت ولدهم …..
وصلنا للناضور مع ستة دصبااح نزلنا فطرناا ورجعنا كملناا الطرييق والمهدي شاد فايديا كيوصيني..
المهدي:وجدي راسك وتوقعي تسمعي اي حاجة منهم…قد ماطال زمان راك مرت ولدهم وهوما ناسك…!
فوسط غاابة او عروبية او خلااء معرفاتوش مريم شنو هي ولا فين هي…فقط كيبان ليها العجااج في سما وفلرض بروايض طوموبيل لي غادا بسررعة…وهي كتشوف من زااج نسااء دايعين كيسرحو الغنم وقتما دازت من حداهم الطوموبيل كيوقفو وايديهم على راسهم من شمس مقوصين عينيهم باش يعرفو شكون جاي…دازت طوموبيل من جيهت اللبانة(فين كيبيعو ناس البلاد اللبن والحليب ليكصوبو) شافت ررجال كيشيرو بايديهم للمهدي بسلام وهو كيرد عليهم مبتااسم…مفهماات والو يمكن يكونو كيعرفوه وهوما غير دايزيين من هنا…
مريم:المهدي واش دار باقة بعييدة؟ شفت حنا مزال هنا ورجال كيعرفوك كيفااش؟؟؟
مهدي:لا راه قربنااا…راه دار كتباان من هنا ديسك لحمرة شتيهااا..!
مريم:(بعدم تصديق) هه كيفااش؟؟ المهدي مقلتيش ليا داركم في البلاد يااك في نااضور؟؟؟
مهدي:على هادي ماشي ناضور؟؟؟ بحال بحاال غير نسيت مقلتش ليك من لبلااد..مديريش فبالك بركي شوية معاهم يولفوك وراه غنرجعك معاياا
مريم:وعلاااش كتكددب عليااا واش تسطيتيي من لووول قووولها انااا مابااغاش نعيش في البلاااد واش انا قدهاااا …قولها اسيدي نهااار لول معندناا منديرو بهاد زمممر كتقول لياا ناضووور قوول الخلاوات ديال ناضوور…
المهدي:ايوااا ..واليدياا خط حمر متنساايش هذااا ليمعاك راه زايد وكابر هناا قطعي عليا حسك وجلسي قلنا ليك مغنخلييوكش هنا علاش كتزيدي في الهضررة؟؟؟؟
حدراات مريم راسها بين ايديها والفقصة كتاكل فيها هادي غير البداية علم الله شنو غتزيد مزال تشووف…مزال مقادراش تخايل راسها غتولي ساكنة في البلاد وهي مقاداش تا على شمسهاا…عادا شقاهاا وجوهاا…تنهدات مطوولة كتطلب الله يدوز ايامها على خير…
ماهزاتو حتا حسات بطوموبيل وقفاات و ضارت كتشوف من زاج دار حمرة كااملة وكبييرة عاالية شراجمها مطراسين بصباغة بيضة كانت دويرة بلدية مبنية بطريقة عصرية ومريم نزلات هي والمهدي ومشاو داخلين ليها..دق فلبااب وهي تحل عليهم بنت صغييرة….وقبل ما تسلم عليه دخلات كتجري لدارهم… المهديييي جاااااا…المهدي جااااا…واامي المهدي جاااا ومعااه وااحد البنت
جات مو كتجري سلماات عليه وشدات من ايدو دخلااتو فحين مريم بقات لور كتشوف بحال شي دخيلة تاحد معطاها اهتماام وشي نضرات دايرين فيها خلاوها تحشم من راسهاا…عيط عليها المهدي ودخلات جلسات حدااه وهوما كيسولو فيه غير هو وكيف حالو لا مو ولا خواتاتو وخوتو كلشي ملهي معااه مردوش ليها الباال حتا نطق المهدي…
المهدي:الواليدة، هادي مريم…البنت لي قلت ليك يعني مرااتي…
مفهمت والو غير قاليهم مراتي كلشي دار كيشوف فياا بحال شي عااهرة طلات عليهم…خواتاتو محملونييش غير كيشوفو من التحث لتحث اما مو منهضرش عليهاا وبااينة غادوز عليا العدااب..انا ماسوقيش غنمشي مع المهدي منبقااش معااهااا…دارهم عامرة تبارك الله شلا بنادم دوخوني معرفت فيمن نشوف…حتا بداو كيهضرو بشلحة وكيغوتو وبااينة عليهم كيتخااصمو…مو كتغوت على المهدي وهو حاادر راسو عرفتها كتعاير فياا فاش شفتها شافت فياا وهضراات ولكن انا مفهمت والوو ماشديت معاهم والو بالشلحة…حتا شفت المهدي تعصصب وبدا كيغووت بجههد وكلشي ساااكت وقف وجرني من ايدي وقال…هادي داري تانا ومرتي هناا غتبقااا تقبلوها بزز ولا بلخاااطر…!
جرني للبيت ااخر حلوو وردخو موراه بجههد حتا قفزنيي دخل معصب كيمشي ويجي ويحك على راسو بحال شي حمق خلعتني حالتو بعدت لور كنشوف فييه مقدرتش مزال نزييد عليه…
المهدي:شووفي!! سمعي ليا صبري ..سمعتي صبريي راك شفتيييهم شنو قالو الله يرضي عليك(بااس على راسها ومريم غي كتشوف بخوف خلعها بكلامو) صبري انا منخلييكش معااهم غير نقاد خدمتي ونلقا شي دار للكرا نجي ندييك…
مريم:مفهمتش علااش كيهضرو؟؟ شنوو قالو لييك!؟
مجاوبنييش قاليا بقاي جالسة تما فلبييت ومشا خرج هو…كنسمع الغوات من البيت وحتا فاش كيهضرو مكنفهمش شلحة…قلبي كيتقطع ربي ليعاالم بياا شحال متحسرة من مجيتي يااريت كون بقيت فدارنا يااريت كون بقيت وسط واليديا كنت امييرة وليت دخيلة…ياريت و ياريت ولكن فات لفوت ولبكا معندو فاش ينفعني دب…شوية جا عندي المهدي مسحت دموعي ودرت مواقع والو وهو دوز معايا نهار كامل في البيت كيخرج يجيب لينا مناكلو من عندهم ويرجع لعندي…الغد ليه زعمني ولبست حوايجي وخرجني عندهم نفطر معااهم…وهوما كيبانو ليا تفشو شوية من جيهتي عاد جاو يسولو فيا ويسلمو عليا..فرحت قلت اخيراا غنقدر نعيش معاهم هاد الايام يمكن يكونو ناس درااوش وتلاقينا فضوروف ماهيااش…فطرنا مجموعين وخواتاتو ناضو يجمعو روينة شفت فالمهدي وهو يغمزي نوض معاهم حتا انا بلا عكز نضت باش نجمع معاهم ونتقرب ليهم شوية وهي تحبسني مو..
مليكة(الام): ريحيي ابنتي نتي ضيفة عندنا االبنات يطرفو دنيا خليك حدا رااجلك…
سمعت لكلامها ووقفت كنشوف فالمهدي قاليا جلسي عاد بركت حداه كنسمع ليهم كيهضرو فموضوع من غير زواجناا تا ناض المهدي وانابحال التابع غير لاصقة فجنابو فينما ضار كنضوور معاه…دخلنا للبيت والمهدي بدا ببسالتو تاني وكيف العادة كيطيحني فيه بحالا مداير والو وبحالا حنا ماشي فهاد الغرق ديال المشاكل نسينا اللحضة شوية وعشناها بجووجنا….هكا دازت سيمانة علياا فداك الدوار عاايشة اميرة مع المهدي ممخصوصة من والو الماكلة كتجيني تالفراشي وهو دايرني تاج فوق راسو، الكدوب على الله حرام لحد الان عمرني ندمت حيت بغيتو..ااه ندمت حيت تزوجت هكاك ندمت لي نعست معاه ندمت على شحال من حاجة ولكن مندمتش حيت بغيتو…هو الراجل ليكنت كنتمنى نعيش معاه حياتي وهو ليكاين…كل نهار كيخرجي نشوف دوار باش نولف شوية ودارهم محامليينش هكااك عندهم عيب المراة لي تخرج برا عتبة الدار وحتا تعامل المهدي محاملينوش واخا مكيبينوش ولكن انا عايقة بكلشي مبقيتش كنرضع صبعي…كلشي كاان مزياان وانا فرحانة وبديت كنسا الهم والغم شوية حتا جا النهار لي غيرجع فيه المهدي لخدمتو وهنا غتكون نقطة تحول فحياتي كبييييرة ..مريم جديدة لي انا معرفتش راسي لحد الان كيفاش كنت شكون داك الشخص ليكان عايش هكاك واش انا فعلاا..!؟
صباح الغد…الفجر كيأدن ومريم مع المهدي كتعاونو يجمع حوايجو كمل جميع و سلم عليها كيف سلم على دارهم كامليين وخرج ومريم مورااه حتا للطوموبيل…
المهدي:صبري غير شي ايامات وغنديك من هناا غير نلقا داار مزيانة لينا وغنجي ندييك
باس على راسها وركب مشاا وهي بقات واقفة في الباب…مهدي كان عارف شنو كيتسناهاا حيت كثر عليها بالصبر وعارفها ماصبراااش….ضربها برد صبااح البلاد ودخلات للدار للبيتها دوزاات فيه نهارها كامل…جاتها دار فشكل والمهدي ممعاهاش وحتا هوما محاشاوهاش ليها…ماكينش لي جا عيط ليها للغدا ولا الفطور كانت كتسمعهم فقط كيرحبو بشي حد جا ولي عرفات انه اب المهدي…مبغاتش تاني تلاقا نفس النضرات كيف دارو عائيلتو المرة لولا فضلات تبقا فبيتهاا وتسمعهم كيهضرو عليها او كيسمعوها خل ودنيها…
مليكة:سكت ياهااد الرجل كونا كتصنت عليناا..
الاب:هاديي هي تربيتييي فيييه جاايب لينا وحدة معارفين لا اصلها لا مفصلهاا ..وكون كانت بنت الاصل واليديها ميعطيوهاش ليه وهو مجايبش واليدييه…
مليكة:ايوااا هادشي قولوو لييه هو دوز ليييه ونكدوو ليه لااش ساير تحاااط معايا
قلبوها غوات بيناتهم وبالامزيغية مفهماات والو مريم…جلساات كتبكي حتا طابو عينيها وسخف قلبها..كيف كانت وكيف ولاات ..واليديها لي كانت اميرة وسطهم ولات جفااف بين هاد الناس كانت هاانية حتا لداك نهار…قهرهاا جوع ولات بحال شي ولية غاالب عليها الحال غير مكمدة فوق السرير حتا تحل عليها لبااب وقفزات من بلاصتهااا كانت مليكة دايرة ايد على يد وهازة حجبانها فيها..
مليكة:اجي تعشااي راه لعشا تحط..غتبقاي مكونة فهاد لبييت؟
تصدمات!؟…والله ما تصدماات من لول عارفة هادشي لي غتلقا مورا المهدي…الشوفات ليكانت كدير ليها ملي يخرجها ولا ملي يوكلها ولا ملي يضحك معاها بحالا كتحلف عليهااا..قهرها جوع ومقدرااتش ترفض ناضت موراها بغات تخرج وهي تحبسها..
مليكة:ديري زيفك ولبسي بينوارك را شييخك في الصاالة..
مريم:و..و واخا..
لبساتهم بالخف ودورات عليها زيف حياتي وخرجات معاها لقات رااجل كبير عينيه كيف عينين المهدي لابس جلابة قرفية وطربوش على راسو سلمات عليه وباست على ايديه وهو قالب وجهو عليهاا مادوا ما تكلم معاها…جلسات وجابو بناتها العشا وبداو يتعشااو على كلاامهم بالامازيغية باش مريم متفهم والو وعارفينها مكتفهمش حيت كيعايروها قدامها ومكتجاوبهمش..حتا سلالاو العشا وناضت بنتها تاني تجمع وهي تقول مليكة..
مليكة:جلسي نتي ها مريم تنوض تجمع روينة…
تبعاتها مريم حادرة راااس وربي لي عالم بحالها مولفاتش الحريت والشقاا الكحل كلشي كانت كديرو مها كتخليها هي غير ناعسة ومقابلة قرايتها…داتها غزلان جيهت الفران والشمس مطنطنة ديال الصبااح كتحرق في جلدة اضافة على التغليفة لي لابسة مريم..البيجامة والبينوار عاد التقاشر وزيوف واحد تحت واحد..هادشي كامل باش تلبس مستور قدام شيخها وميبانش فيها العيب وهوما غايتهم غاية ومريم لي سطل مقرقب حادرة نيفها وتسمع ليهم…
غزلان:هانتيي شوفيي(حطات الوصلة وحيدات الغطا على الفران كان كيسخن ديك الحراارة ليكان جامعها صرفقاتهم للوجه) ففف سخن بزاااف ماعليناش كنحيدو لغطا هوكا عنداك تحرقي غير بشوية (هزات لاطات او حديدات مدوريين قلباات فيهم الخبزة عجينو بحركة سريعة وشافت فمريم) وهااحنا قاديناهاا..دب ندخلوهاا تطييب فهمتيي شي حاجا؟؟؟
مريم مفهماتش علاش كتعملها هادشي شنو غتستافد منو هي زعما .!…قالت ليها اه براسها وغزلان قادات الخبزة تانية حدا لولاا قدام عينين مريم كتعلمها…
غزلان:مزياان اجي دب ديريها فبلاصتي نشوف وااش تعلمتي…
كفضات مريم على ايدسها ودازت لجيهتها ومع راسها خفييف دغيا فهمات لكيفاش كدير وهذا هو الخطأ ليكدير مريم هو كتعطي نيتها وكتبغي تبين راسها وااعرة وكتعرف لكلشي..قلبات الخبزة بنفس طريقة غزلان ورماتها ضاحكة لي صدقات ليها…
غزلان:تبارك الله عليك هانتي تعلمتي…رمي رميي لاخريين هاني جاااية زهوووووور(مشات كتغوت بايديها على وحدة) وااا زهوووور تي تعالي نعاااود لييك تعااالي..
مشات غزلان وهاديك مشيتها من زهور دخلات لداار تخزنات ومريم وحل فيها الخبز..دارت كرسي وتقابلت معااه كطيب فلخبز مرة تصدق ليها ومرة تخسر…مرة تحرقها ومرة تقادها حتا كملاتهم ورااسها دااخ بشمس وسخونة د فران مبقاتش كتحس براسها مزياان..هزات داك الخبز ودخلاات للدار غطييح واقفة بالسخفة..
دخلات مريم للدار وماكينش لي شكرها ولا قال ليها تا كلمة طيبة وزادت تصدمات فاش شافت غزلات ناعسة على ضهرها كتفرج خلاتها فشمس ودخلات تنعس…تما عااقت مريم وفااق وعرفات بلي شغل ولا دب غلى ضهرها كامل…
المهدي عياا من المجيان كل سيمانة عندي ولا كيجي من شهر لشهر..عييت بالتماارة والشقى والتصبين وهوما عاطينها للضحك في الصالة وانا عيني عامرين بالدموع..خياابيت وحالتي حالة وجهي كحال خايفة المهدي يهرب علياا من حالتي ويخليني هناا ويدير مابغا في المدينة..ضربت الحريت د بصح..والمهدي فينما يعيط علياا كيكونو حدايا مكنقدرش نهضر ونشكي بخاطري وحتا ايلا دخلت للبيت كتبعني ختو…
داازت ست شهر..
اييه ست شهر وانا على هاد الحالة نكدب ايلا قلت ولفت..لي عااشت 18عاام في العز غتولف الدل فست شهر كون كان العكس يكون بصح ولكن انا والو واش ولفت…بغييت تجي شي حاجة وتطيرني علييهم تكون لي بغات تكون غير نمشي فحاالي جالسة وبحال جالسة على شووك…جا الصيف والمهدي شد الكونجي وجا برك معايا عاد تفاجات علياا ورجعات حالتي كيف كانت…وليت عاطية غير لماكلة ونعاس والمهدي دايرني تااج فوق راسو ماكااينش لي تخسر خاطري اما هوما غير كينفخو ويفشو محاملينيش وباغين غير سبة ولكن ماديتهاش فيهم ياما تكرفصو وحرتو عليت دب جات نوبتي نتساراح…كيف كيعاملي المهدي كنعاملو حتا انا دايراه ملك عندي ولي طلباتها خاطرو كتحضر ما نكد عليه ما نتشكى عليه وعندي كلشي بخاطرو وهوما هادشي لكرهوني بيه …كانو كيتسنانوني نشكي عليه ملي يجي ونزيد نطججو بنكدي ولكن انا نكرت كم كان ابوك صالحا…كلشي زينتو ليه واخا حالتي بينات ليه العكس..فلكونجي زدت غلاضيت شوية ووجهي قابلتو بالماسكات ليجاب ليا المهدي تا رجع لحالتو كيف كان ..غير فداك الكونجي نسييت داك العدااب كاااامل ليدوزو علياا وللاسف نسيت حتى راه بلي غيجي نهار لي غيرجع فيه تاني المهدي لخدمتو..
تهربت منو تاعيت ولكن ها هو جا وليوم غيرجع مهدي لخدمتو بكييت وتمرغت لييه ولكن معندو كي يدير ليا لا دار مجودة ولا فين نمشي يلاه رهن فوحدة مزال ماكمل ليها تا لفراش…جمع المهدي حوايجو ومشا فحالو وانا بقيت تاني معااهم ..رجعت للعداب والقهرة كيف كانت …
واحد ليلة وبالضبط ليلة الاحد كان عندهم عرس في القبيلة كلشي لبس وتقاد وتزيز على الحالة غيمشيو وانا قالو ليا غير جلسي معندك ماديري تما وراجلك ماكينش…اصلا مكنتش ناوية نمشي راسي ضارني و واحد شقيقة شادااه زيد على كرشي لي مقلووبة غير كنتقيى ومقابلة طواليط مفهمت والو..نقول من الماكلة اشمن ماكلة وانا ليكليتها نطيحها ب شقى…
المهدي كان عندو واحد خوه كبير مكنحملووووش حيت ديما كيشوف فيا فشكل كرهتو…هوما خرجو للعرس وانا سديت عليا فبيتي حتا تحل عليا لبااب وكان خوه تفو يم شحال مكنتش كنحملوو
رشيد (الاخ): مريم..نوضي طيبي ليا مناكل…
نفخت علييه بكره ونضت وانا مهدوودة وخاطري مروعة وجدت ليه شي تخربيقات حطيتهم ليه ومشيت لبيتي وانا مغمضة عيني كنصنت مع جنابي حتاا تحل علياا الباب وهاد المرة تردخ بجهههد….!!
تهجم عليا بحال شي كلب مصعووور..كيقطع فحواايجيي وياكل فلحمي كيف شي ديييب وانا كنغووت لربي لي خلقنيي وماكين لي يعتقني منوو …ل لحضة ولات ف فمي غير كلمة باابا حيت كيف العادة هو لي كينقدني فاخر لحضة..بابا هو لي شدني من جناب كسوتي فاش كنت غنطيح من دروج وانا صغيرة…بابا تاني هو لي حط ايديه تحت راسي ملي كنت غنتقلب من طبلة للارض…بابا هو لي هزني للسبيطار كيجري بحال شي حمق ملي تشد عليا حريق فداتي ومعرفناه مناش.. ومرة اخرى بابا لي شد فايدي وداني عند استاد لي ضربني متفااكش معاه حتا طلب سماحة وضحكت لييه…
غووت تا عييت كنضرب فيه ونقمش معقلتش على راسي كااع وجهو طيحتو ليه بدماياات وهو ولا مبالااة كيبان ليه لحمي بحال اكلة عمرو داااق طعمهاا على شوية كنت غنستسلم لييه ونطيح بين ايديه رااسي غينفااجر علياا وداتي سخفاات صافي مابقا عندي جهد لييه…حتى دخلات مو كتجري ضربااتو على ضهروو بجهااالة كتغووت علييه يبعد علياا وتماا تغمضوو عيني و سخفت…
كانت هادي اخر حاجة عقلت عليهاا ما رجعت حليت عيني غير وانا فسبيطاار وملكة عكوزتي وبناتها مجموعين على رااااسي…!!
في غرفة بيضة وبياص مصدي حالتو تشفي العدو لا مخدة كيف سبيطاراات ولا فرااش كيف ناس غير سمية سبيطار بلا سبيطار…ناعسة مريم ببينوارها دنعااس شعرها مغطي وجهها وتقشيرة فرجل وحدة ملبوسة ووحدة طايحة مغمضة عينيها كتنفس بهدووء بحالا مقادراش تهز نفس….مليكة شادة لقنت هي وبناتها كيتحتو ويشوفو فمريم وطبيبة كانت حدا راسها كتجمع مسائلها باش تخرج من الغرفة…ضارت عندهم وهي مبتااسمة ..
طبيبة:فاقت الحمد الله على سلامتهاا..
مليكة:ايواا الحمد الله نخرجو دورك ولا اشن؟
طبيبة:لي بغيتو لي نبغي نقول هو مبرووك عليكم لالة مريم راه حاملة…
مريم دغيا ضورات فيها عينيها مخرجااهم بصدمة طااح عليها هاد الخبااار بحال شي صاااعقة اما مليكة وبناتها مكانوش كثر منهم تاهوما ولا وغير كيولولو بحالا دايرا فضييحة…قالت ليها مليكة نوضي نوضي نمشييو رااه نهار بدا يطلع…ناضت مريم داايخة خشات رجليها في صابو بيض شبعان غيس ومشات مورااهم وهوما قدامها يفكرو ويندبو فحنااكهم على هاد الخباار…وصلو للدار مع وقيتة دلفجر باقي ضاالم الحال والجو باارد شوية دخلو للدار ملقااوش رشيد غبر ليه الاثار بحالا عمرو كاان وحتا مليكة مسولاتش عليه ولا خوتو حتا هوما …هنا مريم بدا كيدخلها الشك استغفرات الله وزادت فصبرها على قبل ولدها هي متأكدة انو ولد راجلها حيت رشيد مقاصهاش ولكن شكون غيوقف فجنبها ويقول هادشي…دخلات للبيتها وبدلات حوايجها كيف جلساات شادة تيليفون بلاما تشاورهم عيطات للمهدي…
جاوبها في غرق نعاس بنبرة فيها قلييل من الخوف…
المهدي:مريم؟؟ ياااك لباس ااش واقع معيطة فهاد الوقت؟!!!
مريم:س..سمح ليا فيقتك من نعااس غ غير بغيت نقولييك..
المهدي:ااش واقع امريم راك خلعتيني..
مريم:والوو..غير سمعنيي عفااك ..
معرفت كيف نقوولها ليه وليت غير كنرتعد ونمسح فلعروقات على جبهتي بحالاا غندوز امتحااان الحيااة…في الاخر غمضت عيني وطلقتها دغياا..آناا حاملة امهدي…ليوم عاد عرفتها…بالفرحة مسكييين غووت حتى قفزت فتيليفون..ءءءا؟؟؟كيفاش حااملة!!امتاا معاااش؟؟ مريم ااش كتقوليي؟؟…انا ااه كيف كتسمع انا حاملة امهدي…
فرح مسكيين ولا باغي يخرج ليا من تيليفون وكيقوليا غنجيي عندك هاد سيماانة غنجي عندك احبييبة مغنخليكش دوزييه بوحدك…
مريم:لااا انا لي غنمشي عندك مبقيتش قادرة نبقا هناا امهدي الله يرحم ليك الواليدين ديني لدارناا (مخنوقة بلبكا) مستااعدة نبوس رجلين والديا يسمحو ليا ولا نبقا هناا
المهدي تصدم حيت عمرني شكيت عليه من دارهم ولا بينت فيهم العيب ولا كيقول هادشي عادي راك كتوحمي دب غير صبري شوية انا غنجي عندك ومن بعد نجيبك معايا لفاس بمرة…قطعت علييه وسديت عليا فبيتي..
فترت الحمل دوزنتهاا بالسلاك الوحم جاني صعييب والشقى صعب منو…تكب عليا كلشي كثر من لول وليت كندير خدمة جووج مني سوسان ومني الحطيب …مني الخبيز ومني نكيس..زادو كملوها حتا بطياب نهار كامل وانا وجهي لعافية وضهري للتمارة لدرجة كلييت العصى…ههه ماشي من راجلي لا! من عكووزتي…واحد النهار كنت كنغسل في الماااعن وشادة واحد طبسيل طاوس كنشلل فيه في البانيو ماجيت في نردو لبلاصتو حتا زلق ليا من يدي وطاااح تشااااخ فلرض ..جات تجري لكوزينة غير شافتو هزات عصى دشطاابة ونزلات عليا للراس هااك هاااك هاك بردات فيا غدايد الزوااج والحمل فدقة وحدة…مقدرتش نهضر لااا..خفت على صحتي وعلى ولدي ايلا جيت نهضر ولا نغوت عليها يتحاماو عليا بناتها وهوما باغين غير سبة باش يهجمو علياا..كنسلت زغبة من لعجين بلا مشاكيل ونعفس على نفسي ونسكت…لغد ليه جا المهدي وجا معاه الفرج ديالي…فاجاا علياا تاني ونساني في الغبيينة من درجة حبي لييه مكنبقا عاقلة على والو غير كنشوفو كنساا شنو وقع لياا وكنعيش لييه…كان فرحاان مسكيين بزاااف بولدو جاب ليا معاه شلا حواايج وماسكات لوجهي وسنسلة د دهب وخااتم دزواج ليعاد شراه لياا…وشي تخربيقات دسقاطة وشكلاط وداكشي فرحت بزااااف وليت غي كنضحك واخا هادشي عند واليديا كان كيف والو ..دب ولا عندي كنز دنيا ايلا شديتو بين ايدي هه!…تعشينا مجموعين وناضت بنتها جمعات روينة وانا مشيت لبيت بدلت على حالتي وقاديت رااسي علاما جا المهدي…وغير دخل لقاني جالسة على ناموسية كنتسنااه…
المهدي:مريم..(بااس على راسها كيف جبد ليها حناكها بدلع) ماال زين ديالي مقلق ليا..شنو خسر خاطرك؟!
مريم:والو امهدي جلس بغيت نهضر معااك!!
المهدي:(جلس حداها) ماالك شنو وقع تاني..
مريم:والو والوو سمعني بعداا…(بعد صمت طوييل حتا كان غيهضر وهي توقفو) المهدي بغيت نهضر مع بابا..
المهدي:وااش دب؟؟ (تنهد) يااك قلتي غنمشيو عندهم بجووج ونهضرو معاه بلاما تخسريها دب غيقوليك شي حاجة ويبقا فيك الحاال…
مريم:غيير خليه يعايرني يسبني مهييم نهضر معااه..عطيني تيليفووون نهضر بديالك انا ديالي فيه تخرشييش…
شاف فيها تاعيا ومدو ليها وهي دوزااات نمرة دغيا حافضاهاا كتمنى غير ميكونش بدلها تواني معدوودة حتا سمعات…آلوو..
شاف فيها تاعيا ومدو ليها وهي دوزااات نمرة دغيا حافضاهاا كتمنى غير ميكونش بدلها تواني معدوودة حتا سمعات…آلوو..
آلوو….الوو؟؟ …تسرط ليها لساان ولات غير كضور فعيني مقدرااتش تهضر ومعرفات متقول..كتشوف فالمهدي كيغمز فيها ويقوول ليهاا هضري غيقطع عليك..غمضاات عينيها كتنفس بجههد وتكلماات…
مريم:س..س سلام عمي كااينة مريم؟؟
المهدي قال ليها بعينيه مزيااان كملي هكااك وهو شاد فايديهاا لي كترعد خلعااتو خالتهاا حيت فعلا كانت فشكل هاد الايام …
حافيض:سمحلينا ابنتي معندناش بنت بهاد سمية…
وقطع الخط….كيف قطع معاها قلبهااا بهاد الكلمات..شدات على فمها كتبكيي بحرقة والمهدي كيواسيها ويسكت فيهاا..غلطات غلط وفات لفوت باش تصحو لازما ترضى بارض الواقع، المهدي معرف كيف يدير يسكتها وهو كيشوفها غتحماق ليه ولا كيقول ليها كلشي غير تسكت..غندييك معاياا غداا واخاا هانتي قولو لياا نمشييو عندهم نمشييو ايلا شافووك والله ما يرجعووك راه واليديك هادوك..شنو قلتيي..ءء! و وايلا مبغيتيش نشوفوهم غير من بعيييد همم!! صافي شش غير سكتي..دخلت عليك بالله سكتي راك طيبتيي عينييك…شد بخااطرها حتا سكتاات شوية ..مبغااتش تهضر معاه ولا تشكي عليه بقات غير كتبكي غلبوها دمووع وخنقتها حتا الكلام مبغاش يخرج ليهاا…في الاخير تكمشات في ناموسية على وضيعة جنيين ونعساات بعدما غطاها كيطبطب على كتاافهاا…بقاات فييه بزااف مبغاش ليها هادشي ولكن الجهد فوق جهدوو…الخدمة ديجا عندو مشاكل فيها مرة خدام مرة لا لحسن الحض رهن دار في فاس ولكن باقي مدخل ليها الفرااش…باع طوموبيل وباع لي عندو غالي باش يرهن بقا ليه الفراش كل مرة كيخطف شوية…خاف يديها وتبقا تلاوط معاه في لبيوت وتكرفص كثر داكشي باس قرر يخلي حتا يقادها كاملة ويديها ليهاا …
صبااح جديد…
فاق مهدي هو لول خرج من لبيت كان داك نهار سوق الاحد وصبح على صبااح باش يخرج..لقا مو في الكوزينة كتعجن المسمن لراجلها لي حتاهو غيخرج يمشي يتقدى…
مليكة:صباااح لخيير اوليديي..ماالك مصبح باايت تحلم بلكوزيينة هههه
المهدي:لا ايما غادي للسوق نشاعلااه
غزلان نغزات مليكة كضحك قالت ليها شوفي شوفي ولدك غادي يتقدى لييك..
مليكة:وما مولفا ليك كاع ..ااش جاك عليهاا كون عليا سير ضربها بنعسة بعدا شبع نعااس قبل لا ترجع لخدمتك وتفيق بلهلا يطريه ليك
المهدي:لاا لااا خاصني نمشي ضروري..مريم خاصها شي حوايج وايلا وصيت الواليد عليهم مغيعرفهمش..حسن نمشي انا…
مليكة ضرباات الطم كتضور فعينيها ولاات تغزل بصبااعها وتخنزر فييه لا هي لا غزلان بنتهاا …والمهدي خرح برا ضرب فييه البرد دصبااح مزياان فيقوو كيف جبد واحد لكارو كمااه برا قاد بيه المجاج ودخل عندهم تاني للكوزينة لقاها عاد خبزات واحد جوج مسمنات ووحدة فيهم منبوزة من جنب..قال ليها وجدو ليا هادوك فشي طبسييل بغا يفطر بيهم…ملييكة دارت راسها مسمعاتوش مبغاتش تحط لييه وهو كيشوف فيها هاز حجبانو فهمهاا…غزلان غير شافت هكاك مشات كتنقز قادات ليه فطورو وعطاتو ليه ضاحكة ممبينااش خلاتو مشا وضارت عند مها..
غزلان؛ناري اماما على شوفات دارر فيك كتعيقيي راك مابغااش مرتوو..تكيسي شوية
مليكة:يخرج عليااا هو وياهاا خدامة عند حماار بوها نسيفط ليها الفطوو تا لفرااش بنت الحرااام
غزللن:وصافي صافي…اجي كنت بغيت نسولك رشيد مالو مابقا جا من لعرس ماشفنا وجهو واش قاليك شي حاجة..
مليكة:(بلغوات) براااكة من قوة سوالااات ودوزي حكيي داك البراد وهو كحل من كمااارتك الله يقطع غرسكم تريكة ولاد الحرااام..
غزلان قطعات حسها ومشات تكمل غسيلها فحين المهدي دخل الفطور حطو فوق الكوافوزة وبدا كيفيق ف مريم…بزز باش فاقت ليه حيت اصلا منعسوش بكري اضافة على انه باقي الحال حتا الفجر مزال ما دوا…فاقت مقلووبة مشات غسلات وجهها غير فشرجم دلبيت مبغاتش تخرج برا فاش قاليها راهم فايقين..وجلسات تفطر معااه…فطرو بجووج والمهدي كينشط فيها تضحك معااه وحتا هي طلقات مبغاتش تبقا مغوبشة ومكمدة ليه طلقتهاا تضحك ومولاها ربي المكتاب راه كتعيش فيه…
قال ليها غنمشيي لسوق وهي تشد فيه شدة العمى في ضلمة والوو نمشي معاااك…
المهدي:لا تفروحتيي نيشااان..من نيتك راه فيه غا رجااال
مريم:سكووت مالك كتكدب غير ديك نهار مشات مك مع بااك غير مبغيتيش تديني قولهاا نيشان وصافي…اصلا نتا مكترضاش بيا ومتقدرش تخرجني فجنبك
المهدي:مرييضة نتيي!! من نييتك ااش كتقولي(عطاتو بضهر بغات ترجع تنعس) كندويي معاك ضوري عنديي…واا لبشاار مريم..راغنقلب ديلمك..
مريم:ندمت لاش حملت غيير غتفقصني تا فحماالتيي تفوو..
المهدي:وايلي اشهاد كلاام..اودي غيير ضوري غندويك معاناا المصييبة ضوري عندي..
هزاات كتافها مخبية ابتساامتها كتفشش علييه…حتا كتبغي تجيها ديك الغصة فقلبها وكترجع تبلعهاا وتضحك ممبينااش..لبسات حوايجهاا هي ويااه وخرجو ومو تابعاه بعينيه كتندب فحنتاكها بغات تنقز عليها تفرسها ولكن مريم متسوقاتش ليها ولصقات فدراع مهدي غادة وكضور تشوف فيها ..مليكة خالقة فيها رعب ولات كتخاف منهاا فابسط حركاتها…
دوزوو داك نص نهار في سوق المهدي كاع الفلوس ليجابهم معاه حطهم عليها غير تبقا على خاطرها وهي بقوة الحرمان ولا مشوكّة في الحاجة ايلا شافتها…واخا سوق كان بسيط وداكشي لي فييه ماشي الحوايج لي كيجدبو بنات المدينة ولكن مريم حمقهاا شحال توحشات خرجتها هي ومها ملي كتديها تكسيها..ولا ملي كتجيب شي نقطة زوينة كتديها تشري ليها شنو بغات…وسط سووق تفكراات مها وباهاا وشنو كانو دايرين عليهاا شدات نيفهاا كتمسح فدموعها بخفت مبغاتش تبين للمهدي ليكان كيتساوم مع راجل…كملو تقدية ودازو تغداااو بشواا عاد رجعو شدو طريق للدار…
جاا لوقت لي خاص المهدي يرجع فيه لخدمو ومريم ترجع للعدااب والتكرفيص تانيي…كاع فقصتهم كيرجعوها ليها بتمااارة…ثقل دكرشها كيكبير والحمل كيتقاال عليهاا وهي تانية ضهر للعدااب…المهدي مرة مرة كيجي يطل عليها ويرجع وخدا قرارو نهار غتولد غتمشي تدوز نفاسها فداارها الجدييدة..مريم بغات تموت بلفرحة من هاد الخباار ل اخيراا غتعيش هي وراجلها بوحدهم وغترتاح هي وولدها..اما العكووزة لي كيقولو خاصها تكون فمقام الام وحشى هاد المصطلح عليها وصلات بيها الدرجة ولات كتصلخ مريم على شقا ..حيت ولات غالباها كرشها مرة كتطيح الخبز لي عاد معجوون وترجع تعجنبو بالعصى ومرة تهرس المااعن دايراها حدزة وردزة …واخا كتعايرها وتضربها مهييم حتا هي كتفقصها…خاصة فاش تحولات لبيت اخر و ولات كتنعس في القبة لفوق..قهروهاا دروووج طلع هبط طلع هبط…بداا كيجيها الوجع مرة مرة وهي كتعيط للمهدي يجي ولات خايفة تولد وهو مكااينش …وداكشي ليكان لييلة ليجا فيها المهدي شدهاا وجع الولاادة ولات كتمرغ في البييت وتغووت بجهههد كلشي تجمع عليها والمهدي دااخ معرف ما يدير مرة يهز سواارت مرة يحطهم …لبس حوايجو ورجع حطهم بدووخة مابقا عرف ميديير…ومريم عاونوها خواتاتو حتا لبسات حوايجها وخرجوها على برا…وقفات في درووج كتسمع الغواات لدااخل المهدي مع موو وخواتاتو دخلو كيجيرو يشوفو شنو واقع وهي كتلواا على الحيط بلحريييق…
مليكة:راانيي سااااخطة علييك دنيا واخررااا ايلا ديتيها لشي قنت..هنااا غتولد وغنديوها لسبيطار الحسنية
المهدي:ومي والوااااليدة والله يهديييك راه بغاات ولدها يتزااد في مدينة واليدييها عيييب وعار عليك خليهاا فحالها
مريم:فففف(كتوجع والعرق نازل معاهاا) غنولد في كازااا والله هنا مانحطووو ولديي وانااا حرة فيييه…
مليكة:سكتي اللفعة بنت الحرااام الله يعطييك شي مصيييبة تغبرك علينااا بنت زنقة تانتيي تحل لييك لفم وليتيي تعرفيي حسن منييي
بقاات تعااير وتدعي فيها والمهدي حتا هو كيغووت ولا باغي غير يتفاوت من حداها ومخلااتو..كيشوف فمريم كتغوت علييه وتغووت بلوجع ومو شادااه مطلقااتوش بغا يحماااق ..خواتاتو تاهوما حاميين سوق بلهضرة ولغووااات واش كيفكو ولا يزيدو يزندو الله واعلم..فينما كيبغي يبعد عليهاا كترجع تشدو من دراعو و مريم مبقاتش قادرة توقف حطات ايديها على جناب درووج وغوتااات بجاااهد كتبكي…وااااااااامهديييييي حرااام عليييك…
الرمية لي غترمي فيها رجليهاا للتحث زلقات بيهاا رجليهاا بسبب الفراشة لي عند رجليها جات مكركبة مع دروووج ماوقفاات تاا لتحث مغمي عليهاا ودم سيااالة تحتهااا…
🌿ان بعد العسر يسرااا 🌿❣
هبط المهدي كيدردك في درووج حفيااان وهوماا موراااه خطفهاا دغيااا دارها فطموبييل وباه حتا هو طلع حداه كان عاد جا كيجري ملي سمع الغوااات…شد بيها طرييق لاقرب سبيطار لييهم ولحسن الحض كانو مزالين الاطباء تما دخلوها دغياا للبلوك ولاخرين بقاو براا حامينهاا بلغواات حتا جراو عليهم سيكيرتي بقا غير المهدي كيمشي ويجي وكلشي كيشوف فيه..
مدة زمنية تا خرج عندو طبييب كيمسح فايدييه خطف فيه شوفة كيتنهد ورتب على كتافو باعتدار غادي بيه..
طبيب:(تنهد)الله يرزقكم صبر من جيهتو يعوضو الله اولدي مكااين بااس باقي العمر قدامكم ..
المهدي غمض على عينييه كيحك فايدييه باقي يحكهم ودمووع نزلو ليه بدون شعور…بانت ليه مو داخلة كتجري مورا خوه لي عاد جا (واحد اخر ماشي رشيد) وخواتاتو حتا هوما …وهو غادي مع طبييب كيصبر فيه ويهضر معاه للحضة مهدي فلت من تحت ايديه ورجع كيجريي لغرفة مريم فرع لبااب ودخل طاح عليهاا ..سمحيي لياااا سمحيي ليااا انا سبااابك فعداابك…معقلش على رااسو كيبكي بحال شي ولد صغييير وينخض فيهاا…الممرضات رجعو لور مقدروش يقربو ليه شافو فبعضياتهم باسف بقا فييهم…مليكة غير شافتو هكااك دارت زيفها على وجهها وتسمعاات شهقتهاا كتبكي متدكرة ولدها ..كيف خووه لي شد على كتافو صبر اخوووياا صبااار مكتاااب ليكم..ممكتااابش ليه يشووف دنياا رضى بقداااء الله…لحضة كانت صعييبة بزاف ميمكنش الولد لي كيتسناو هادي تسع شهر كيوجدو ليه فلبيت وفلحواايج..حتا كيفاش غتكون قرايتو وشنو غيولو فاش يكبر بداو كيحلمو بيها…حطو فيه الامل الوحيد لي غيصالح بينهم وبين واليدين مريم وبين ليلة ونهار مشا…!!
حلييت عيني على شي بنات فوق راسي كيتحتو ويضحكو مع بعضياتهم…ويلي شفتي شنو جات لابسة ليووم والله معرفتش ااش عجبااتو فيها…نطقات لاخرا راه قالك واقيلا تاهيا من دواار كيغتكون فنضرك العروبية لاخراا…جوباتها كضحك سكتي سكتي بنت العروبية واش دار عليهاا ونتي مداهاش فييك لي بنت المدينة رااه لحب هادااك ازين….ضروني فراسي بقوة لهضرا مقدرتش ننطق وليت غير كنيين…شفت فيهم ونطقت ولدي اختي عفااك ..بغييت نشوفو!! بقاو كيشوفو فبعضيااتهم بحالا قلت شي حاجة غرييبة..هزو داكشي ديالهم وخرجوو براا ..شوية وهو يدخل مهدي ومورااه مو قال لياا شنو كااين وهو كيصبر فيااا …كنت غنحماااق وليت كنتمرغ ونغوت فوق لبيااص كنقمش فوجهي ونتف فراااسي قلت ليهاا نتي سباااب نتيي لي قتلتييه الله يااخد فيك الحق الله يلgيهاا لييك …الله ينعل نهار لي جييت فيه عندك نتيي سباااابي الشااارفة العقروشة….
تلااحت عليا وانا فديك الحاالة كتنتف فشعري وتجر فييه محنااتش فيا ولا فحالتي كاضرب من نيتهاا فينما جاات حتا ولات كتقيصني فكرشيي وانا كنتعصر بلحرييق مبقاش عندي جهد نقاومهاا..والمهدي كيدفع فيهاا على شوية كنشوفو هز ايدو كيتهدد عليهاا بحالا غيضربهاا..
مليكة:صاافيي درتيهااا امسخووط الواليديين هزيتيي ايديك على مممك…جيتيي من هااد البرهوووشة(دفعات المهدي وبغات تلااح عليها) يااك سترتك اابنت لحراااام …يااك وليت اناا سباااب!!! ياك ابنت زنقة..اصلا ربي دار تاوييل دلخييير هاداك غا ولد لحراام يااك لقييتك فبييت ولدي بين ايديين راجل اخوور…نسيتيي اياامك ابنت الحراااام
#يتبع
شاركنا رأيك في هذا الفصل 🌹