المهدي تصدم ولاا كيشوف فيناا بجووج ويقول ليهاا هضري شنوو كاين..ااش كتقولي…اناا وليت غير كنبكي ونقولييه مضلوووومة…
مليكة:هادي بنت حراام لقييتهاا مع خوك في لفرااش ..غدراتك مع خوك ففراشك وسط بييتك..حصلتها وسترت عليهاا..
المهدي:اااااش كتقووولي اميي ..(جر مريم من دراعها) اااش كتقوول هاديي هضرييي..
مريم:مضلووومة(كتبكي) والله حتا مضلومة خووك لي تهجم عليا وبغا يتكرفص علياا والله ما درت حااجة(مكملااتش كلامها تا كان نزل عليها بتصرفييقة جااااهل )
المهدي:(بصرااخ)بنننت لحراااام…اصلاا لي عطاتني راسها شنو نتسنا منهاا(تصرفييقة اخرى) لي هرباات معايا وخلاات واليديها شنو نتسناااا منهاااا..
رفعها من دراااعها دييك سااعة هزهاا غادي بيهاا مخرجهاا وهي كتجرجر لييه مقاداش توقف بلحرييق ومليكة ورااه كتقوليه طلقها دب تقتلهاا وتوحل فيهااا…المهدي تعماو ليه العينين بالغضب لاحها فلبااب دصبيطاار وقال…موتيي هنااا ابنت لكلب ونزييد نخلص على ديينمك صبييطاار تفووو…
دفل عليهاا يلااه غيرجع يضربها وهي تشدو مو كتزااوك فييه جرااتو داتو ومشااات..ومريم شادة على كرشهاا كتمرغ فلارض وتبكي بحرقة وبصوت كتشكي ل الله فوق منها فضلمة لييل غير الخلا والقيفاار قدامها ضلمة و وراها ضلمة غير البولة دصبيطار لي مضوية قدامو وكل ماتبقى شكلو كيخلع بالضلااام…نِيْسااات من ان مهدي ممكن يرجع عندها وناضت من تماا مشات كتقلب على طموبيلتو لقاتها مكاايناش هنا عرفاتو بصح مشاا عليهاا…ولات كترغي فنفسها ..اميمتيي شغاندييير…وااهيا ربي فين غنمشي وانا مكنعرف حد فهاد الخلاواات..لا جيران ولا حباب نقصدهم..وابااا فييينك (شهقااات)وا ليكتحن فياا فيينك …
بكاات وشبعاات بكا مبان ليها مادير فلخر رجعات
عند طبيبة ليكانت لداخل قالت ليها نبات غير هاد ليلة هناا ونمشي..وحتا طبيبة دخلاتها للمكتب ديالها بلاما تسولها فرشات ليها وطفات عليها ضو خلاتها تنعس تماا…
صبح صبااح بكري، ليل كامل وانا نص فايقة ونص نااعسة..مزال عندي امل المهدي يهديه الله ويرجع عندي يديني من هنا ولكن لا…نضت من مكتب الطبيبة لقيتها مزال مجااتش ودخلت للطواليط غسلت وجهي وقديت حاجتي وخرجت من تماا مبغيتهاش تلقاني عندهاا…..مشيت مع جنب صبيطااار وطوموبيلات قلاال فاش كيدوزو حداياا اغلبية كيدوزو غير الكرويلات ولا الكاميواات..رجليا طابو والشمس ضرباتني للراس سخفت تا بان ليا واحد الكاميو جااي من بعييد شيرت لييه بايديا بجوج كنقز ونطلب فيه يوقف ولكن موقفش ليا تما شداتني لبكية مبقيتش قادرة نزيد مزال نتمشى وانا نجلس على واحد الحجرة مقابلة ليغادي وليجاي…الديور كيبانو ليا بعااد غير لخلاواات…هاهواا كاميووو جاااي الله ياربي على الله يوقف لياا..وفعلا وقف قدامي كان راجل كبيير مسكين دارليا بايديه طلعي …حليت لبااب وطلعت جلست حدااه وانا كنقوول…الله يساااهل علييك الله يرحم لييك الواليدين زيدني لطرييق المدينة الله يسااهل علييك…وهو سايق نطق كيشوف فيا…
_اناابنتي ماغنشدهاا تالدااربيضا فين باغاا تمشيي تي..
مريم:اااه ااه نمشي ليهاا الله يرحم ليك الواليديين نمشي ليهاا
زااد برمووك وانا كنسمع لولد لحوات محسيتش بالوقت وانا ساهية مقدرتش نعس مبقيت كنتيق فحد ..قال ليا راه وصل للرباط ومغيزيدش يكمل للكازا حيت وقع ليه شس مشكل..اويليي وااش بصح اسيدي مكااينش فيين تزييد ولكن انا داارنا في كازاا ااش غندي دب…مكنعرف حد فرباااط الله يسااهل علييك شوف شنو ديير لياا
_شوف ابنتي باين فيك بنت نااس (خشا ايديه فجيبو وهي غير كتشوف فيه)هااك باش تمشي لكازا وسير الله يسر ليك…
كمش ليا 200درهم فايدي وسيفطني نمشي بقيت كندعي معااه كنت واخدة نضرة خايبة على ناس الناضور ولكن هاد سيد بين ليا العكس وبلي هوما ناس لخيير غير منو ومن طبيبة مسكينة…خرجت للمحطة عااامرة بعبااد الله خليت ميتين درهم فجيبي ومشيت لواحد المحلبة خديت باش نفطر وتاباش نتغدا ورجعت جلست فواحد القنيتة لقيت كارطونة فرشتها وجلست عليهااا…
كنتفرج فناس غادين جايين جارين بالزهم وانا كنفطر فلقنت بحال شي كلبة…فكرت نمشي للكازا ولكن مقدرتش معندييش لوجه لي نقصد بيه دارنهاا ..معنديش الوجه لي نشوف فيه فبا ولا مي اش غنقول ليهم راني تزوجت ولاحني رااجل…تغدييت فديك المحطة وكنقول نمشي لا نبقى نمشي لا نبقى حتا طاح عليا ضلاام فيها…عاد دخل معايا لخوف وندمت لي مامشييتش…ماحسيت براسي تاوقفات عليا مراة كانت زويينة بزااف واخا كبيرة لابسة عباية كحلة ولاوية شال على حناكها ونضااضر كبار فعينيهاا…طلعت معاها عيني وهي تقول..
_مالك ابنتي شكاديري هنا فهاد نصاصاات لييل..
جاتني على سبة..لكاس عاامر وكلمت مالك فيضااتو…عطيتها للبكاا وبديت نعااود ليها من لول شنو وقع لياا….تنهداات كتواسي فيا وقالت..اجي ابنتي انا عندي ليك الحل …نترت ايدي وخنزرت فيهاا ..
مريم:علاااش؟؟ فين غنمشييو؟؟
_انا راني مراة بحالي بحاالك اش فايدي مندير ليك..نوضي اجي معايا حيدي من هنا راه ياكلوك بحواايجك يلاه تا لغدا وفكري اش غديري….
مطالعاش مطالعاش حياتي ضاعت بيها ولا بلا بيها شنو ممكن اسوء يقدر يوقع لياا…وقفت وشدات فدارعي جراتني معاهاا وانا غير تابعااهاا…!!
فرمشة عين وصلنا لواحد درب عااامر الغوات في سما وفلرض…دراري مجموعين في القنات والبياعة والشراية كيتغاوتو حدا البيبان بخضاريهم وسلعتهم…شفتها نزلات وانا نحل لباب نزلت وانا كنشوف فطوموبيلتها البيض واقيلا لا مخفت نكدب غتكون كاطكاط …تبعتها كنضور فعيني عكسها هي ليكانت حادرااه وقاصدة دارها كلشي كيشوف فينا ولكن تاحد مزااعم يهضر…طلعت معاها للدار قالتليا..دخلي ابنتي دوشي حيدي عليك لعيا انا نجيب ليك متلبسي…قلت ليها واخا وانا فرحااانة كندعي معاهااا..دخلت للحمام لقيت كلشي كاااين و وااجد ضربتها بعومة معقلتش عليها من نهار كان جا المهدي يخطبني…قبل منخرج حطات ليا بيجامة والفوطة وزيف لشعري باينة عليهم جدااد لبستهم وخرجت عندها لقيتها موجدة اتاي والحلوة وسلو فطبيسلاات والقهوة كيف سمعت صوت الكوكوط كتغوت في الكوزينة تعجبت واش هي لي وجدت هادشي كااامل…بركت حدايا عطاتني كاس داتاي وهي تقول..
_بصحة التدويييشة دب عااد بان فيك الضو ههه
مريم:ربي يخلييك الله يجازيك بلخييرالالة..
الحاجة:قولي ليا الحاجة ماشي لالة…ايوا دب عاوديي ليااا ااش واقع ليك من لول لقبيلة مافهمت والوو ونتي دمعة وخنونة ههههه
تقادات في بلاصتها وبداات تعاود ليها تاكل وتعااود والحاجة غير كتشوف فيها وضور فراسها وتنهد بقاات فيها ..
الحاحة:الله يابنيتي الله هادشي كاع دااز علييك وصبرتي لييهم..(طبطبات على كتافها)متبكييش ابنيتي متبكيش دب ربي يفرج…كولي كووولي ديري كسكرووط علاما طاب العشا…
مريم:عدبتك معايا الحاجة سمحي لياا الله الله يفتح علييك
الحاحة:ششش…بصحتك ابنتيي دب نسااي ااش عشتي ..من ليووم نتي بنت الحاجة مكااينش لي يادييك ولا يقيص شعرة مننك …
دوزنا دييك لييلة على خير تعشيناا مزيااان والخير غير مدفg بقا غير شااايط..نعست فلبيت ليعطاتني وانا كنضحك كيقولو ملي كتعمر لكرش كيضحك الفم…
مكرهتش ندفل على راسي دب كيفاش كنت عاايشة معاهم وكيفاش كنت صابرة على ديك الحالة..لا ماكلة بحال عباد الله ولا نعاس بحال البنادم..ولاحوايج بحال النسا….كنت بحال شي عبدة عندهم واخا هكاك كنت صااابرة على قبلو وكنقول كيبغيني مكنتش عارفة خاصاه غير الفرصة فين يتهنى مني…ل لحضة تفكرت ولدي مكرهتووش …بغيت نشدو بين ايدي وبغيت نكون ليه ام ونصبر على قبلو ولكن حمد الله حيت كان غيعيش في الجحيم بحال مو…
كيف دازت ديك الليلة بخير دااز تا الغد لييه بخيير…والغد لي مورااه..محسيتش بلوقت حتا داز عليا شهر تما…عايشة فلخير ولخميير الحاجة نهار كامل وهي معايا نجمعو دار ونطيبو ونجمعو ونضحكو انا وياها وفليل كتخرج…معرفتش فين كتمشي ولا شنو كدير ولكن ماشي سوقي ياك عايشة معاها بخير شي لاخر مكيهمش…
فقت صباح بكري حيت عليه ولفت فلعروبية…جمعت بيتي وخرجت نوجد لفطور باش ايلا جات الحاجة تلقا الفطور كيف ديما…وداكشي لي كان شوية حلات لباب ودخلات سلمت عليها وبركات تفطر وهي كترضي علياا…كيعجبها طيابي وشقاياا فينما تجي كتلقا دار كتلمع وكلشي مجووود..فطرناا وجمعت دنيا وهي تقول…
الحاجة:مريم..وجدي راسك غنخرج معاياا…لبسي شي حاجة زويينة…
قلت ليها واخا ودخلت للبيت هزيت واحد جلابة ايفازي هي ليشراتها ليا..كانت فلبلو سييل مزيرة من جيهت صدر وعريضة من لتحث…كانت قصييرة كتبين ليا صيقاني لي عمرو فهاد الشهر ..اصلا كاملة عمرت ووجهي تنقا حيت تهلييت فيه بزاااف عاد وليت بااينة والحاجة حتا هي كل مرة غاديا بيا للصالونات على قبل وجهي ولكلف ليكان فيا..قطعت شعري كارية قصييرة ومع قوي وكحل رطب جاتني صداااع..لبست صنداالة خفيفة وزوينة محجرة ودرت الماكياج عاد خرجت عندهاا….قالت ليا تباارك الله علييك وهي فرحاانة مفهمت والو يمكن عجبتهاا …وهي تشد فدراعي وجراتني معاهاا خرجنا من داار
خرجنا من داار داتني لواحد صاالون غير الصالونات لي كنا كنمشيو لييهم…حلات لباب ودخلناا كانو بزاااف دلبناات جالسيين صوت الموسيقى شرقية ورييحة الكارو كتعطعط..غير دخلنا دغيا بداو كيرشو رييحة وينفخو على دخاان..والحاجة تعصباات لاحت صاك وبدات كتغوت علييهم..اااش هاد الحاااالة يااك كندويي معااكم قطعو الخرااا شكوون هادشي لي كتكمي لياا هنا شكون هاد شمكااارة وااش تا يزراق ليكم داك لخنشووش ونولي نقاد فيكم تاني…كلشي ضرب طم كيبقلو فعينيهم ويطلبو سمااحة عاد وهي تخرج واحد البنت عااالية وعرييضة كتبان فيها باطرووونة من طيارة..ضحكات وهي تقول…الحاجة! مرحبا بيك مالك معصبة بردي راه كندوي معاهم ولي فرااسهم فراسهم..!…ضورات فيا عينيها هي كضحك وقالت…هاي هاااي جايبة معااك الجديييد..مرحبا ازيين!
_سميتها مريم…حيدو هاد الخنز وديرو معاها لااازم…
انا غير كنضور فعينياا ونشووف باش نسول الحاجة ضرباتني لقوة تسمكت..تبدل عليا الجو وتصدمت معرفت راسي فيين اناا…الحاجة مشات وانا بقيت مع البناات …شداتني ديك الباطرونة وواحد البناات قادووني مزياان وهي كتصاوب ليا شعري وتشوف فيا لمرااية قاالت…غنضبرو ليك فخدمة تعيشيي مخيرة..!
اشمن خدمة هادي! شكايقولوو هادوو؟….كملات ليا وقالت ليا سيري تبركي حتا نساليو وتمشي للدار…طاحت ضلمة وهي تجي واحد الطومبيل طوييلة وكحلة خرجنا مع البناات وطلعنا فيهاا داوني لواحد الباار..رييحة شراااب والكارو كتgلب..هه! يمكن دب بديت كنفهمم اشنو واقع..قربات ليا ديك الباطرونة وقالت…
_نتي دب راك سيمانة صطااج..البنات غيعلموك شنو غديري ومن بعد غتخدمي رااسك..الحاجة غادا وكتوصي علييك ديري عقلك…
مريم:شنو غندير هناا اختيي؟
_نتي شوفي لبنات وتعلمي منهم يلاااه تحركي..
مشييا مع لبنات جلست وسطهم وهوما كل جووج كينوضو يدورو بشي راجل…كانو غير الخلييجيين وشي مغاربة قلاال…البنات كيشطحو ليهم ويتحككو عليهم ولاخرين الفلوس بحال شتا غير كيلوحوو ويعلقو لييهم…
_ااش باان ليك فهاادشي؟؟
قفزاتني ماجيت فين نضور وانا نلقا وحدة قريبة ليا كتهضر بجهد مع صوت الموسيقى ..حتا هي زوينة وزينها بلدي لابسة المقزب وشادة شراب فايديها..
مريم:هذاا وسخ وسمحي ليا اختي ..ااش هادشي واش هاد الحاال كوون نصحاب هكاا منجيييش ..
_ههه معندكش اختياار احبيبة..مهييم انا سميتي لبنى ونهار لول قلت بحاالك….ولكن نهار دقت لفلووس حلفت منتزعزع ليهم من هناا..(مريم غير كتسمع) قالو ليك عندك سطاج ليوم ياك(ااه) ليومة مغتاخديش بزااف غير غيضبرو علييك..دييك1500درهم وصافيي من بعد تولي تشديهم صحاااح(شربلت من كااسها ةهي كتغمض عينيها من مرورتو)
مريم:شنوو؟ 1500 ولكن مغندير والو غير غنبقا جالسة..
لبنى:واخا غير جاالسة غتخلصي ..هه مالك تصدمتي عند بالك هادو تاهوما فلووس الحاجة غير كتحك بيهم سنانها من لمااكلة …ماعلينا بغيت غير نوصيك ازين حيت بنتي ليا مزااال نية وغير راخية راسك…(رفعات فيها حجبانها بنضرة قاصحة)وياااك تيقي فشي حد هنا….خدمي خدمتك وضربي ضربتك ورجعي فحالك…وخاصة الكليان ديري ليه داكشي لي بغا ولبي ليه الطلب ديالو ونساايه ماكينش داكشي دالحب وتخربييق..نساااي داكشي هناا..الحب مكينفعش فهاد البلاد
مريم:ك..كيفاش لكليان شنو غندير ليه؟؟
لبنى:والوو احبيبة غير تشربي معاه شوية وتعوجي عليه وتحلوني عليه..ايلا كنتي لسانك حلو يديرك مليكة عندوو غنااك الله هههه…ايوا ملي تسالي غيعطي للحاجة شي حاجة وهي غتاخد لي بغات وتضور معاك نتي…
مريم:غناخد 1500 عوتااني؟
لبنى:تئ تي ماالك لصقتي فيهاا وهادي غير تضويييرة حيت جيتي اما ايلا خدمتي مع شي كليان خليني راه تشدي تا جووج دلمليون ازيين..هادي بلا تضويرتو هو…
مريم:واااو خدمة فشكل فيها بزااف دلفلوس..
لبنى:(تنهداات) ماعلينا نخلييك احبيبة وحلي عينيك وودنيك متبقايش غير حالة فمك وما تيقي فتاواحد..ااه و تانا متيقييش فيا اختي..
ناضت لبنى كتجري فاش عيطات عليها وحدة باش تمشي عند شي فيكتيم ضبرو عليه ومريم ضهشروها الفلوس ولات كتحسب بصباعها تا كتلف وترجع تعاود من لول…كملو دك الليلة ورجعو للواحد دار كانت وحدة اخرى ماشي دلحاجة هادي غيباتو فيها للبنات كاملين…والباطرونة بغات تحماق على مريم حيت غير نهار لول وبزاف ديال الكليان طلبوها ولكن مسيفطتهاش ليهم حيت عاد كتعلم…
نسات العروبة ونسات المهدي ونسات كلشي ولاات غير مع البنات كتعلم منهم وضحك معااهم ولكن دايرة اطونسيون كيف وصاتها لبنى…الغد ليه مشااو لنفس الباار وهي كتشوف البنات كيتوزعو بحال الفيروس فداك البار كيشدو غير في الخليجيين وممنوووووع ليهم يضورو بشي مغربي حيت مافيهمش الفلوس بحال الخليج…
سيمانة كفات ووفات باش مريم تعلم وتشد بلاصتها معااهم وهذا كان اول نهاار تبدا فيهم خدمتها ديال بصح…لبسوها مزياان وقادو ليهاا والمعري كثر من المغطي….الحجبان مطراسين خط واحد ومكياج اوفر بزااف…طلعات مع لبنات كيف لعادة فنفس الطوموبيل وهاد المرة مشاو للبار تما فين غيوصلوها للكليان ديالها ليطالب عليها سيمانة دب وعاد وافقو تمشي عندو…نزلو من طومزبيل ودخلو مصافااات ..كيف العاد البار عااامر واغلبية من ال السعود ريحة الكارو والشراب غطات ريحة الخنز وريحة سخط والحرام…مريم ملي دخلات وهس ماشي على حالها يمكن حيت ليلتها لولاا كيف غدير ليهاا..!
كنشووف فلبنات كاع تسرسبرو كيشطحو ليهم فواحد الصالة وانا جلست فلقنيتة كنصفق بايدي ونتفرج فيهم بضحكة صفرة كنطلب الله ميجيش داك خاينة لي قالو ليا غتمشي لعندو…واحد شوية وهو يجلس حدايا واحد الخليجي طوييل وعرييض كرشو سابقااه لابس ديك لبسة ديالهم البيضة وطاكية فوق راسو…قفزت من بلاستي وهو كيضحك ويشوف فيا…شوية شد ايدي وبغا ينوضني وكيقول…gومي ارقصي!…بعدت منو وقلت مكنعرفش طلق منيي…عاود شدني مرة اخرى ودفعتوو وهي تجي عندي الباطرونة هضرات فودني كتفرنس ليه ممبيناش”ديري ليه خاطرو ولا نقود مع دينمك سواايع” بلعت ريقي حيت فهاد سيمانة عرفتها ااش كتسوا ومباغا معاها صدااع بديت كنتماايل ليه ونتحرك وهو كيضحك ويصفق لياا وكيقول ليا “لفيي” يعني ضوري ونتي كتشطحي…اااع على احسااس …الكلبة فهاد اللحضة ومنوصلهاش فزغب شعرها كلشي كيشطح وال الخليج كيتعزلو فينا كيف بطااطة…بقيت على داك الحاال حتا جهل ديال بصح وحيد الفوقية وبغا يجرني للبييت حتا شداتو الباطرونة كضحك وتحك على صدرو وكتقوليه لفلوووس بصبعااانها وهو كيقوول ليهااا ااه اه … !!
معرفتش واش خوف او رغبة ولا حتا اراااادة…ولكن كنت مجبرة نلبي لييه الطلب ديالو..نشرب معاه ونشطح ليه وندير اي حاجة طلبها باش فلخر ناخد فلوسي من عندو…لي كان كيضحكني كثر وهو فاش كنكونو خداامين حتا كتصوني ليه مراتو وااش كيقولليها..! “عندي الخدمة بزاف سمحي ليا احبيبة غنتعطل شوية” ههه وايليي واش كاع رجااال هكا..واش كاملين ولاد الحرام لدرجة يخلي مراتو في دار ويجي لعندناا..؟
مسالات ديك الليلة حتا شحفني معاه حلفت اخر مرة لا درت بسااحتو…الغد ليه نفس السيرة تعااودات وغير ضربات 8دلعشية لبسنا وتقادينا باش تجي طوموبيل ونمشيو للبار لعندهم…وغير كنوصلو كنتستفو بحال المونيكات وهوما كيتعزلو فينا وكيف قلت ممنوووع نمشيو مع المغاربة غير الخلجيين…الباطرونة غير كدور على لبنات وتخير ليهم في الكليان وهي لي كتسيطفهم وتاخد لفلوس باش تديهم للحاجة…فحين انا لي كنت كنختار الكليان ديالي بوحدي حيت مكنمشيش مع اي واااحد وحتا هوما مكانوش كيخصرو ليا خاطري حيت الحاجة كتوصي وتعاود عليا معرفتش واش بصح كنت عزيزة عليها ولا غير حيت كنت كنجيب ليها الكليان بزااف..!!
بقيت اربع شهر وانا على داك الحااال ساهرة بليل وناعسة بنهااار…كل نهار كليان في شكل ويا كيكون سعودي ولا اماراتي وضروري كنلعبو على الملعقين من الدرجة الاولى…واخا كان ممنوع علينا ناخدو الفلوس من عندهم حيت حتا كنسالليو عاد كيمشيو عند الحاجة يعطيوها الخلاص وهي كتاخدهم وتعطينا لي بغات….فهاد ربع شهر درت طوموبييل ولاو الفلوس عندي كي زبل وليت غير كنلعب بييهم….وقلبي ولا حجرة مكنحن فتاوااحد شحال من كليان حاول يبغيني ومكنخليش ليهم الفرصة كنقدي معاهم شغلي وكندفعهم برجلي…عزييت على الحاجة بزااف حيت انا لي كنت كنجيب ليها الكليان وكلشي كيطلب عليا…
داتني للدارها ووليت ساكنة معاها فحيين البنات لاخرين كاملين بقاو فديك الدار لي كارية ليهم هي…مع الوقت وليت قافزة وبديت كنجمع الفلوس باش ندير علاش نرجع حيت صغر مكيدوومش..وهاد الميدان مدايمش لياا وغيجي نهار لي غنرمي كلشي وراياا…
كان كيجي عندي كل ليلة واحد السعوودي كبر مني فلعمر بزااف وكل نهار فاش كنبات معاه كيقول ليا …يلاه معاياا نعيشك في النعيم غير وافقي وقولي ااه..! مفهمتش كيفاش غيعشني سكت كنضحك والشراب لاعب عليا محاساش برااسي…قلت ليه..شنو غتديني ضرة على مراتك ههه…بدا حتا هو كيضحك مرخي وريحة شراب عاطية منو..وقال : لا لاا ههه غتبقاي عشيقتي لديما…زعما نبقاو في علاقة بلا زوااج ولي حلمتي بيها تجيك تا لبين اييدك….بقيت كتضحك عليك وكنقوليه واخا دب نفكر …الغد ليه مورا هاد ليلة طوييلة مشيت للصالون عند لبنات باش نصاوب شعري ونبداو نهار جدييد تا كنتفجأ فاش لقيت كلشي كيهضر على داك سعودي..
الباطرونة:ومعرفت تااني…قالك بغا شي وحدة وشكون هي الله واعلم
_ياختي تصورو نكوون انا هههه هذا كاع زهر عندي..
الباطرونة:على اساس هادي لي بغا عند ديلمها زهر..غير قالها للحاجة وهي تزف علييه من نيتو الحاجة راه مكتعطي تا بنت لشي واحد..
مريم:علااش؟ ياك هي غتعرف فلوسها يوصلوها وصافي
الباطرونة:اييه وملي تهرب ليها ديك ل*حبة تشد فلبولة تسعيين…توما باقي مكتعرفوش الحاجة نهار تزف على شي وحدة فييكم وديك ساعة غتشوفو…عمر شي وحدة فيكم تحلم غتخليها لحاجة تسافر مع شي كليان ولا تخرج معاه برا لباار هادي غا حيدوها من بالكم…
مريم:اودي..صوبي صوبي ليا اختي شعري نخرج ن*ود فحاالي كيخنقنيي هاد صالووون…ونقصو شوياا من لكارووو رااك خنقتوو ديلمناا تفووو على gنس
كان عندي امل نلصق فداك السعودي ونخرج من هاد الخنز واخا كنت غنمشي للخنز اخر على الاقل مع واحد ديما ..ماشي كل نهار واحد….جلست مع الحاجة فداارها والفلوس كيدخلوها على ضهري وهي سميت الحاجة بلا حاجة…الفعايل لي كدير مكديرهمش ديك عاهر الحومة لي كلشي كيعرفها ..وهاديك ممكن تكون شريفة على الحاجة…
بقيت فهاد الميداان لمدة ربع سنييين….اربع سنين وانا فنفس البلاصة مع نفس الناس…وليت بنت الوقت ولي طاح فلمقلة يتقلى..مكنعقل على تاحد ولي بانت ليا فيه المصلحو كنقصدو…ولا كيهمني راسي وفقط نكون انا مرتاحة وشبعانة فكرشي ولي بغا يربح العام طوييل…عمري فكرت شي نهار للمهدي ولا نرجع لييه ولا نقول راني باقا كنبغيه..هاد الفكرة عمرها دارت فباالي….واليديا..!! الكدوب على الله حرام ديك الوقت بحالا كنت نابتة فلرض عمرني فكرت نعيط ليهم ولا نمشي عندهم…نسيتهم نسية وحدة…معرفتش شنو وقع ليا حتا كفرت علييهم وخرجتهم من بالي..شريت طوموبيل حسن من لي كانت عندي وحتا دار طلعتها من لفوق تا لتحث…طلع ليا هادشي فراسي وهاد الخدمة وهاد الفلوس، كرهت كلشي وليت باغا غير راحة الباال…فلوس الحرام عمر الانسان يرتاح بيهم..كانو عندي فلوس ممكن ندير بيهم المستحيل ولكن كلشي كيبان ليا باسل وكلشي كيبان ليا كحل ضلمة…
نهار على نهار وانا كنفكر كيفاش غنتهنى من هادشي..وليت كنفكر فلهروب ولكن شحال قدي…حتا لواحد ليلة ونفس داك الراجل السعودي ههه هادي عام وهو غابر علينا وليوم عاد جا…تبدلت علييه غي شافني دااخ وهو كان من داك نوع لمكيعجبوش لغلض بزااف وداك فائض الانتاج في المناطق الانثوية وحتا انا كنت بين وبين ماغليضة بزاااف ما ضعيفة….كنت في دار مع الحاجة وهو طلع للفوق جلس معاها في الصالة…
كنت عارفاه باغي شي حاجة داكشي باش بقيت كنتصنت مورا لبااب وهو كيهضرو..شوية جبد واحد سلسلة غلييضة وفيها واحد البلاكة كبيرة وغليضة كاملة دهب…الحاجة دااخت عمرها حلمات بهاد السلسلة زااد كمل الباهية وجبد ليها ضمصة دلفلووس…الحاجة عينيها خرجو تقول ماشي هي لي كتشدهم كل ليلة…ضحك وشاف فيها وقال الحاجة بغيت قبل منرجع لبلادي تعطيني وحدة من بنااتك تسافر معايا واحد يومين وترجع…
الحاجة ولات كضحك حتا كتبان ليها ضرسة العقل وقالت ههههه ايه ايه اختار وتعزل شكون بغيتي فييهم..وحتا لابغيتيني انا مرحبااا علاش لا ههههه…
هاي هاي على شارفة شافت لفلوس وهوما يحاولو عينيها ولات كتهترف..وهو يقول ليها لا لاا انا بغيت وحدة اخرى ديما طالبك عليهاا…انا بغيت مريم تبقا معايا يومين ونرجعها لييك…
الحاجة سكتاات حيت مكتبغيش تسيفطني لشي قنت من ديما خايفة عليا وعلى البنات لا يمشيو يتزوجو ويهربو ليها ولكن دب واافقت! وقالت ليه صافي غير توجد راسها نصوني لييك…مشا هو وانا قالت ليا الحاجة شنو كاين وفعلا وجدت راسي ومشيت معااه دوزنا يومين كيف العاد مكدوزهم غير بزز مابقيت كنحمل تاحد يقيصني ولات عندي فوبيا من بنادم…ورجعنا شدينا طريق راجعين وهو كيقول ليا غير وافقي تبقاي معايا بلا زواج وحتا ايلا مبغيتيش تمشي معايا لهيه انا نبقا نجي عندك…سكت وقلت ليه تنفكر ونرد علييك…
وحنا جايين في طريق عيطات ليا لبنى وقالت ليا وياااك ترجعي للدار…راه لحاجة جابت شي راجل للبنات في دار لي كارية ليهم….وداك راجل كان شااارف ومات لوحدة بين ايديها..ودنياا مطوووقة بلبوولييس…!
هادي هي الفرصة لي نتهنى من هاد الوسخ غير سمعت هكااك قلبت طريق وقلت لداك السعودي انا قابل باشنو اقتارحتي عليا…فرح بزاااف وداني للدار هزيت حوايجي وكاع داكشي ديالي وطلعت معاه شدينا طريق للكازا مخلية ورايااا الحاجة والوسخ ديالها وكاااع شنو عشت فهاد السنيين….!!
الدار البيضاء…15 يونيو…
كان هاد اليوم هو نهار لي غتدخل فيه مريم لكازاا…بعد غياب طال لكثر من خمس سنيين….رااقبت شواارع المدينة من نافدة الطوموبيل ..عيونها لامعين كيشوفو فطرييث ولكن قلبها كينزف الشووق والحسرة لواليديها كيقطع فيها من لدااخل…غير مجرد تخيل مكانتش كتقدر تحلم بييه انها تخلي واليديها واخا غير نهار حتا ولات مبعدة عليها لسنييين…كاين لي قرا دب وتخرج كاين لي خدم وكااين تزوج…خمس سنييين واافية باش يتبدل كلشيي…نجلاء!! علم الله شنو دارت دب ..شنو وقع معاها وفين وصلاات…تكون تزوجات زعماا؟ وتقدر تكون ولدات …
وقف طوموبيل قدام واحد ريسطو كبيير وعاطي للعين..ولكن معامن هو..هادشي ولا كيجي لمريم غير بروطوكول كلشي ولا كيجيها بااسل وبدون فائدة…ايلا كانت راحة البال ناقصة الله ينعل بو شي دنيا وفلوسها…فاش كتوقف قدام المراية وهي كارهة راسها..غير ايلا دازت من حداها كتخنزر فراسها حيت كتشوف وحدة بدون مستوى وحدة بدون شرف..ماشي شرف العذرية ولكن شرفها كانسانة وكامراة ..ملي كتحط راسها على لمخدة وهي كتفكر ل ليلة ليمورا هادي..كيغا تخرج منها عنداط طيح فشي مريض يكرفصها تاني ولا شي شاارف يموت بين ايديها ولا حتى الاسوء تسالي ليلتها بلبولييس…مكتحمد الله حتا كتسالي ديك الليلة وترجع لدارها تنعس…
شافت راسها فين وقفو وهي ضور عندو..علاش وقفنا هناا!!؟ قال وهو كيشعل فكاروه..ما نفطر يعني !!
انا لا نفطرو ولكن حتا لدار نفطرو مرتاحين علاش غنبركو هنا..
صدمني فاش قال ليااا مزال بعيدة دار ..من نتيوو هذا؟؟؟ باغي يسكني في تلت الخالي حناا اصلا خرجنا على كازة بزااف فين باقي مزال نزيدو…نزلنا نيت لداك ريسطو وكلشي كيشوف فينا حيت صراحة مكنتش مع راجل عادي واخا كبير ومابيهش فزين عندو حقو ولكن بوكو حبة كيتشتت بلفلوس ..وفلوسو باينيين علييه…عيني كطيح فشي بنات وكيفاش كيشوفو فيااا…فمهت شوفاتهم ههه وقريت افكارهم …ها لي كتقول شوفي سعداتها باينة معيشها فللخيير…ووحدة اخرى هو مابيهش ولكن شوكر دادي صحيييح هههه…وحدة من عينيها كتقول ياربي يعطيني شي واحد بحالو يدير فيا مابغا غير يبرعني…مكرهتش ندخل لدماغهم وحدة وحدة ونقوولهم المضاهر خداعة البنات! عفاكم متفكروش هكا كبرائك واحساسك بنقاوة نفسك افضل من اي حاجة كتشوفوها…راه تبقاي صولو كي راس المقطوع ولا واحد كيشوف فيك طواليط وقتما بغا يخوي كبتو كيقصدك…راه اصعب حاجة ممكن تعيشها الانثى وهي تكره نفسها حيت حنا البنات ايلا معشقناش نفسنا ودللناها راه كلشي كيولي كحل قدام عينينا كيف ما بغا يكون هادشي…!
تغديناا فداك الريسطو وهو غير كيشوف فيا بحال شي عااشق جيعان حاشة واش يكون ولهان حيت انا ليعارفة نضراتو وانا لي عارفة رغبتو فيا هاد اللحضة…كملنا ونضنا شدينا طرييق لدار اخرى واما بقيناا..هو رجع لبلادو وانا بقيت تما ونفس الكليان بقاو كيجيو عندي مرة مرة!!
واخا كانو كيجيو مرة مرة ولكن كنت دايرة ليهم الوقت ووقتما قالها ليا راسي ماشي بجال كيف كنت كل نهار بحاال شي روبو مكيفكني منهم حد..وياويليي ونقول عييت صافي نعرف هاداك هو نهار الكحل عنديي….اما داك السعودي فكل شهر كيجي عندي وهو كان احسن كليان حيت مكانش طيبزز عليا وكلشي بخاطري…خدا لياا دار برا كازا تقريبا فطريق الجديدة وهي فين كيمشي ويجي عليا…وركت عليه حتا وافق يكتبها فسميتي وداكشي ليكان دار بقات فسميتي وعليا محسوبة…
حتا لواحد نهار لي قررت نمشي للبنك ونشوف شحال عندي حيت من مستحيل نكمل فهاد الحالة وانا كنوجد لحياتي الجديدة عييت وملييت من هاد الحاال فكرت ولقيت الحل الوحيد لي غيخرجني وهو لي بديت بيه…
اول ما درت وهو بعت ديك الدار لي شرا ليا السعودي وباش بعتها خديت دار وهاد المرة فكازة وفلوسط ديالها..واخا غير دار صغيورة مهييم كافياني ومرتاحة فيها ومتأكدة واخا يضور كازا كاملة عمرو يلقاني فيها…
بديت كنقلب على خدمة ولكن فين هي مع هاد البلاد السعيدة وخاصة ايلا كنتي لا دبلوم لا شواهد لا باك صاحبي تما بقيتي…من العيشة لي عشت مع الحاجة والطياب لي تعلمت عندها وليت كنحمااق على طبخ…رغم اني خديت الباك ولكن فين هو؟ كلشي بقا في دار وكاع الوثائق ديالي مامعايااش قلت غندير مدرسة خاصة ….بعت طوموبيل وبيها بقيت كنصرف على راسي وفنفس الوقت كنقلب على مدرسة وكانت ب100درهم للشهر مشيت خلصت المدرسة كاع شهور باش نتهنى ودخلت نتعلم…نهار على نهار وانا كنتصالح مع داتي بشوية بشوية…مكانو عندي لا صحاب لا صحابات كنمشي نتعلم فيها ونجي نطبق فداري..لا جار لا دوار تاحد مكيعرفني وغير سادة عليا فداري…دااز الوقت وخدييت الدبلوم ديال 6شهر وصراحة دالله تعلمت بزااااف وزدت طورت راسي في دار مكنتش معولة على المدرسة بوحدها…
بديت كنقلب على خدمة ولحسن الحض بعد مجااادلات وسير واجي لقيت خدمة زوينة فواحد ريسطو وبديت خدامة فيه…كانو معايا شي بنات ضريفاات تصاحبت معااهم وبديت كنخرج انا ويااهم نضحكو ونتحتو ونضورو مع بعضياتنا ولكن شادة حدودي ماكينش بنت المرا لي نعاود ليها سري ولا منين جيت ولا اصلي منيين…سميتي مريم خدامة وعندي داري ممزوجااش هادشي ليعارفين عليا لا غييير !!
واحد نهار خدامين عادي بيناتنا حتا بداو كيهضرو وانا كنتصنت معااهم…
_تقيدت فيهااا لبارح اختي..ايلا بغيتي تقيدي جي عندي خويا عندو سيبيير هو يقيدك..
_اييه كاع هذا زهر نطلعو فيهاا والله ومكان باك صاحبي لا تقبلتيي…ميريكان قالت لييك ططزز
مريم:شكون باغي يمشي لميريكان ههه
_راه غا ديك قرعة ميريكان قلنا نتسجلو فيهاا اجي مريم تقيدي معانا متعرفي ربي يسر ونمشيو بتلااتة ههه
مريم؛اشمن قرع هادي؟ بلفلووس لا!!
_الاا اصحبتيي فابووور ..ندييك عند خويا سمحمد يقيدك!!
مريم:لا لااا ههه معندي مندير بيهاا اناا غا بلادي برااك عليا…
واخا قلت ليهم لا ولكن ديك الفكرة بقات كدور فدمااغي وليت خدامة جسد بلا عقل…رجعت للدار وبقيت كنقلب عليها من جووجل للفيسبوك لليوتيب عجباتني وقلت علاش منجربش حضي..الغد لييه مشيت تقيدت ودزت للخدمتي ونسيييتها …بقيت خدامة من دار للخدمة وهي غادا على مولاناا…
حتا لواحد صبااح ..وانا كنوجد لباسي للخدمة حتا صونا تيليفون…آلو مدموزيل مريم ***
انا وي مرحبا شكون معايا!! …..حنا من وكالة*** بغينا نعلموك انك تقبلتي في قرعة امريكا وايلا كان ممكن تجي للمقر باش تدوزي المتحان النهائي ديالك…
فرحت!؟ …كنت غنموووت بلفرحة راه الميريكان هادي شكون ميبغيهاااش بقيتكنمشي نخدم وليزيات فودني كنسمع للانجليزية هذا وماقال ليا عقلي راه ايلا سمعت ليها غنجح ونمشي للميريكان..مورا اسبوع جا الوقت لي غندوز فيه الامتحان مشييت ودوزتو مع امة عباد الله..كاع هاد ناس طامعين فيها زعما هه!! …داز الامتحان على خير ورجعت للخدمتي مرة ضاحكة مع لبنات مرة شادة تيقاري …مرة نخرجو نضورو ومرة نتخشا فداري مكنبقاش نخرج منها..حتا لليوم لي غيوصلني فيه ميساج وبالضبط من وكالة القرعة لي كانو عيطو لياا كيعلموني بنتيجة الامتحان ودخلت ليه وانا كلي امل للقبوول في القرعة حتا!اني بديت كنتخايل راسي كيفاش غنلبس وكيفاش غنهضر ملي غنمشي…!!
هاد اللحضة تفكرت نهاار نتائج دياال البااك…كنت متأملة بنقطة طاالعة ولكن خاب ضني..ماشي مشكل مكتاابة على الله هاد المرة ميخبيش ضني ويتحقق مرادي….حليت الميساج في الايمايل قريت للميسااج وقلبي كيضرب بجهههد بحالا غنشوف شي عجب كحل…حتا قريت بالخط العريييض “مع الاسف لم يتم تقييم ملفكم بالشكل الصحيح”
لتاني مرة خاب ضني ومكتاابش نتقبل..تحطمت حيت صافي حطيت عليها العين وتحمست ليها…لحت داك تخربيق علياا ومشيت نكمل خدمتي…
كنت كنحرم راسي من شحال من حاجة كنكون باغاها ولكن لا ..مستقبلي هو لول وكلشي هادشي غنعوضو..بقيت كنقلب حتا سمعت بلي كاينة شي مدرسة كتقري الطبخ العالمي…مترددش ومشيت تسجلت فيهاا دييك الساع …كانت غالية عليا شوية ولكن ماشي مشكل حطيت فيها فلوسي كاملين كاع لي جمعت وبقيت كنقرا فيهاا وفنفس الوقا كنخدم…اختاريت نقرا بليل حيت بنهار كنكون خدامة ..واخا القضية صعيبة علياا ولكن ولو ..ايلا كان هاد العداب غيعيشني مستقبل بلحلاال مستاعدة نتعدب ليل ونهاار…
حتا لواحد نهار واسعد نهار فحياتي نهار جا عندنا الشاف ديال المدرسة وقال لينا بلي غيتعزلو 12 طباخ باش يمتلو المدرسة في فرنسا…درنا القرعة ههه وكتب عليا الله مكتاب لخيير وتعزلت منهم!!
8 دصبااح…دارت اخر لمساتها ورشات الريحة على عنقها وجناب ايديها…كانت بسروال دجين زرق وقميجة كرونة وصبرديلة بيضة كيف هزات واحد دجاكيط خفيفة فايديها فحالة ما تحرك لبرد بلييل…وخرجات سدات باب دار مزيان كتسوورت وتعااود ومشات خلاتها فايد الله…لقات الايكيب كاملة كيتسناو في المدرسة وقفات حتا هي معاهم حتا داك الشاف ومعاه استاد ديال المدرسة…مشاو كاملين المطار ومريم غي كضور فعينيها عمرها حلمات براسها تمشي للمطار ولا حتا تحط فيه رجليها مابين ليلة ونهاار حتا uهي ولات شادة طريق للطيارة….فعلا دنيا كتلعب بيهااا لبارح عاد كانت مرات المهدي والعيشة في العروبية قالت هاداك مكتابي وهاداك قدري…شوية ولات من اكبر عاهراات كازا واكادير وحتا مراكش…حتا كتقول تما غنتدفن وتما غرقات تا لودنيها وفجأة حتا طلعات منو ونيشاان ها هي غادا لفرنساا…ماشي وقتها ولكن دموعها سبقوهاا حتا ولات كتنخصص بصوت وتمسح فدموعها..متوصقاتش للبشار لكيشوف فيها حيت هي اصلا من طبعها! الجديد مكتديها فتاحد ومكيهمهاش شنو كيقولو فيها ولا شنو كيضنو فيها…فجنبها تماما قرب راجل وهو كيسول صحابها بعينيه ماالها؟..نقزات وحدة من لهيه وقالت..بسييف ماتبكي راه مسخيناش بواليدييناا …ابتاسم داك راجل وجبد كلينيكس من جيبو مدو ليها…هاكي متبكييش حتا حاجة متستاهل وحتا واليديك راه مفتاخرين بييه ونتي فهاد البلاصة…
مريم(بلبكااا مقدراتش تحبس دموعها):ياريييت…
داك السيد مفهمش قصدها علاش قالت هكاك بالضبط واش واليديها مبغاوهاش تمشي ولا كيفاش…طبطب على كتافها وخلاو حتا طلعو دراري قدامها للطيارة عاد زيدها قدامو وطلعو مع دروج وهو كيقول بمرح باش يخرجها من ديك الحالة…
_جدييدة نتي هنا؟ شحال ونتي في المدرسة؟؟
مريم:ككح كح (مسحات لكحل ليسال ليها وشافت فيه) خمس شهر واقيلاا …معقلتش..
_خمس شهر هه وانا مفايتش ليا شفتك!!
مريم:شكون نتا؟
بقات كتشوف فيه وهو كيضحك هاز راسو لفوق من نيتو بحالا قالت شي نكتة..استغرب بزاف واش بصح مكتعرفووش؟ قال ليها طلعي طلعي مرحبا بيك ههه…مداتهاش فيه مريم وطلعات مشات للمكان ديالها جلسات فبلاصتها ودارت ليكيت فودنيها كتسمع الوسيقى وطلقات العنان للدموعهاا بلحس ..بكات تا تفش قلبهاا ماحبس دموعها غير تلكيارة وهي كطلع..حسات بقلبها كيطلع معاهاا ولات الخلعة غالبة على بكاهاا تا استقرات في لجو عاد ارتاحت…
بعد مدة طوييلة نزلات الطياارة في واحد من مطارات فرنسا كانت طوموبيل كتسناهم طلعات معاهم وهي طول طريق متبعة داك الراجل لي هضر معاهاا قبيلة الفضول قتلها ولات باغا تعرفو شكون هو…مبانت ليها غير واحد لبنت حداها عطاتها ضحكة صفرة وقالت..
مريم:ههه واش حتا المدير غيمشي معاناا..
_ءء؟!! لا المدير مجاش اصلا..
مريم:بصاااح؟؟ اويلي وهاداك شكون ماشي هو؟؟..
_لا هاداك مراد…استاد ديال الطبخ جيهة الباطيسري وفنفس الوقت شاف..!
مريم:صافي حبيبة شكرا..!!
مالو كيشوو فيا ويضحك!! واش فيا شي حاجة!! ياه على بشار شهاد نهار هذا..باينة فرنسا كيغادوز مع هاد الكمارة..قلبت عليه عينيا ومبقيتش شفت فيه….تئ و ايلا كان باطرون كاع اش بغا يصبح…وقفتنا طوموبيل قدام واحد الاوطيل كبيير كيشبه لموكادور ولكن هذا مصروع عليه…حلو لبيبان وقالو لينا نزلو هنا في غتدربو ..وداكشي ليكان تبعناهم جوج جوج وهوما كيوريونا الريسطو ليغنطيبو فيه وفين غنعسو …الجو ديال فرنسا في شكل بزاااف فين ما درتي كتسمع الفرونسي ولعرا كثر من لمغطي…كنت كنشوفها في انستا كتبان شي حاجة واااو لبس انواع واشكال الناس كاملين كنت كنصحابهم لباس علييهم وعايشين لبخ…ساعة بحال المغرب هه! داكشي فيه وفييه وحد الان ما كنشوف غير الطبقة المكحطة بحالي فعلا الوااقع مختاالف بزاف على المواقع الافتراضية…ماشي غير فرنسا وانما شحال من حاجة شفتها لحد الان ما خلييت زوااج ما خلييت خرووج طرييق وعهر ما خلييت بياتة في زنقة ماخليت تصاحيب ما خليت فتييخ …فهادشي كامل جلت وشفت بزاااف ومنهم وحدين كنت كنشوفهم غا فتيليفون كنقول هنا نباات..حتا وليت نشوفهم فلواقع ههه اش منك يا كدووب واشمنك يا نصب ويا سلوووgية بانواعها…كنت كنشوفهم وكنقول سعداتهاا كون غي ركان عندي بحال لبسها ….واو شوف هادي وجهها شحال صافي معرفت ااش كدير ليه ولا سعدات فلانة مزوجة بفلان غيكون معيشها احسن عيشة الحب واش الحب زوين بصح هكا…كيغرني بزاااف نشوف شي حد مبلبلها فسطوريات والو كنقول هكااك بغييت ءء بغيت طااي حوووتة ااه و..و وشعر رطب رطب ورااجل واعر ولباااس عليه…وحتا انا نكون لباس عليا…ونسيت ان هادشيي كاامل فقط ورااء الكواليس..يعني ورا الكاميرة…
شتي غي ملي كتفيق وانا فكامل صحتي الوجهية وملي كنفيق وضميري مرتاح حيت مكدبتش على فلان بشي اشهار وملي كنفيق وانا هازة همي فقط ماشي هم واحد اخر حيت كدبت عليه دعى فيا هاديك هي دنيا.. بنادم حجر وطوب والتيقة مجرد اشاعة فزماني..مبقاش كيغرني داكشي حيت الكمال ل الله ونفسي بغيتها كيف هي بغيتها بعيوبها وباجابياتها مبقيتش باغا نكون كيف فلانة ونعيش بحال هادي ونتزوج بهاداك حيت بحالو خدات ديك السيدة لااا…كلشي بالمكتاب والنصيب ومن ديما متأكدة ومتيقنة ان الله مخبي ليا حاجة معنديش في الحسبان…انا ماشي احسن وحدة ولا حسن من كلشي لا..انا ماكينش بحالي وعمرو غيتكرر…
عطاونا البيت لي قالو غنباتو فيه كنت فيه انا وواحد البنت ونفسها لي كنت سولتها على الشااف ..زعما مراد…حطيت حوايجي وبغيت ندخل ندوش عاد نعس ولكن قبل طاح ليا واحد سرؤال فبالي حنا اصلا ااشنو جابني هنا علاش هاد المسابقة!!!
مريم:ختي نسولك!!..
البنت:اييه مرحبا زين..مالك علامن كتسولي تاني ههه
مريم:لا لاا ههه اويلي تانتي تاحد غير بغيت نسولك دب جينا حنا هنا لفرنسا وقدمنا ليهم مدرستنا احسن تقديم ومن بعد!
البنت:ايوا من بعد ااش!!! من بعد احبيبة ايلا كنتي لالة ومولاتي هنا غتبقاي خدامة على حساابهم
مريم:اوااااه…ممم زوينة هادي…
البنت:راه زوينة ولكن بقات في المدراس جايين من بلدن اخرين فيين تباان شي مدرستنا حناا…
مريم:وييه عندك الحق..
دخلت ندوش ودماغي خدااام حتا انا خاصني نكون من هادو ليغيبقاو ماشي قريت وخسرت فلوسي هكااك باش نكون والو…..دوشت وخرجت نعست وداز داك النهار على خير…
الغد ليه عيطو علينا نزلو ووقفونا فريسطو لتحت كاملين قدامهم بلباسناا الموحد ولكن ليكان عاجبني هو ريسطو فين كنطيبو كاان نقي وكبييير خديت فيه راحتي…قرب عندي الشاف لي حابنا وقال…عندك 48 ساعة تدربو فيهاا بغيناكم تقدمو مدرستنا احسن تقديم وطبخنا المغربي التقليدي احسن التقديم..متحشموش بينا حيت حناا تقنا فيكم وماعزلناكمش ايلا وحنا واتقين من كفائتكم نتمنى تكونو عند حسن ضنناا…
زاد حمسنا كثر ولينا غنرجفو بالحماس باغين غير امتا نبدااو حيت بدون افتخار مكناش غير عارفين عل الطبخ انما وصانا لدرجة الاحتراف…عطانا الانطلاقة وبدينا خدامين وكل واحد مشا معاه استاد طبخ واقف على راسو كيوريه….حيت بالاستاد مراد بغا يجي لجيهتي ولكن انا كنطيب حاجة وهو استاد حاجة اخرى ورغم دلك حتا كيسالي شغالو وكيجي يطل عليا شنو كندير…طلع ليا دم وليت غير كتخنزر فيه حتا فهم راسو وعطاني اتيساع…
يوم على يوم كنزلو نتدربو ونطيبو وانا خدامة على راسي كان عندي هدف واحد وهو نبقا في فرنسا ونخدم فيها…
تبدلاات حياتي وبديت كنخدم ليل ونهااار…كلشي ناعس وانا فايقة كنطيب ونحط …خاصة فاش كل مدرسة عزلو منها جوج دناس وانا منهم…بقينا خدامين تماا ووانا كنجمع الفلووس حيت بداو كيخلصونا…خرجنا من الاوطيل ومشينا نقلبو فين نكريو حيت صافي مبقيناش محسوبين علييهم …كنت كنجمع الفلوس وكنخلص غير لكرا..اما الماكلة والشراب على حساب ريسطو فين خدامو…..
جمعت الفلوس مزيااان وتصقرمت حتا عييت..ماحسييتش بلوقت ابدا وانا بين الخدمة والدار …كلشي تغير ونسيت العداب لي كنت فييه سديت عليا بيني وبين راسي وموضوع الزواج صافي طرقتو نهائياا…حتا واليديا مكانش عندي الوجه باش نعيط ليهم ولا نهضر معاهم معرفتش شنو كان منعني ولكن مقدرتش فديك اللحضات…
دازو اياام ولا شهوور!!؟…..لا اعواااام وانا ففرنسا وليت الطباخة المحترفة مريم…ولكن مزال ما وصلت لمرحلة نحل الريسطو ديالي مزال خدامة عند ناس ولكن ماشي مشكل خدمة الحلاال وعرق جبهتي الحمد الله..
دازو اياام ولا شهوور!!؟…..لا اعواااام وانا ففرنسا وليت الطباخة المحترفة مريم…ولكن مزال ما وصلت لمرحلة نحل الريسطو ديالي مزال خدامة عند ناس ولكن ماشي مشكل خدمة الحلاال وعرق جبهتي الحمد الله..
جا النهاار لي كنت ديما خايفة منو ….شحال دالوقت داز وديما كنهرب منو …عمري فكرت مزال ننزل للمغرب ولكن شحال قدني…هاني كبرت وفعمري 29 يعني سنيين ما شفت والديو..كيف غيكون حالهم ..كون مشيت فاش خرجت من عند المهدي كنت غنغربهم ونزااوك فيهم حتا يسامحو ليا ولكن انا شديت طريق اخرى حتا مبقاش عندي الوجه لي نوقف قدامهم…شفت راسي فلمراية وتنفست مطولاااا وجريت باليزتي وهزيت صاكي ولبيي ديال طيارة وخرجت من دار…
ركبت فطوموبيلتي وانا كنودع في دار بحالا مغنرجعش ليها مزال..معرفتش ولكن شي حاحة فبالي كتقولي ودعي هاد الدار امريم…سلمي على حومتك …شوفي اخر نضرة فيها…ثلت مع راسي غي كنخربق راك بعقلك زعما امريم جمعي راسك…
الطيارة ماحسيتش بيها امتا وكيفاش حتا بداو كيعلمونا باش نتقادو فبلايصنا حيت غتنزل تسنيتها تا نزلاات وخرجت من لمطار بعد اجرائااات طوييلة …فكرت غا نبقاا نضور فطاكسيات وانا عندي شلا ما يتقدى خديت طوموبيل كريتها وخرجت بيها مشيت لداري رتاحيت فيها واحد يومين وانا كنفكر فين غنشدهاا…و اول مطاح فبالي وهو الحاجة قلت نمشي عندها ونشوف كيف دايرة …
وداكشي ليكان شديتها طريق وحدة وهي اصلا كانت قريبة ليا دغيا وصلت مشيت نشوفها واخا داتني في طريق خايبة ولكن بسبابها باش انا وصلت هنا وبسبابها تبدلت….مشيت لدارهاا كندق وهي تحل ليا واحد لبنت قلت ليها بغيت نشوف تلحاجة!وهي تقول بيا دخلي…نعاام!!!ميمكنش واش الحاجة ليكانت ما كدخل لواحد لدارها حتا كتفليها ولات كدخل اي وااحد واقعة شي حاجة!!؟
كيف توقعت لقيت الحاجة مرضاات…شدها الكونسير الله يستر شافتي مسكينة وهي تبدا تبكي وتعنق فيااا وكتقول….فرررحت لييك ابنتيي الله يساااهل عليييك الله يكمل علييك عرفتك غتمشي بعييد عرفتك غتعيشي فلخيير…
حتا انا عنقتها وسلمت عليهاا وانا كنقول ليها ..اميين حتا نتي الحاجة الله يغفر ليك ويغفر لينااا اجمعيين…كنت غنمشي ولكن مخلاتني دوزت معاها نهاار وهي كتعاود ايا شنو وقع ناي مشييت وحتا انا عاودت ليهاا..غير بان ليا الضلمة طاحت وانا نوض خرجت من عندها وقصدمت دااري…
تمنيت كون ما مشييتش حيت فلحضة تفكرت اياماتي المسخة….ياااه كيفاش كنت صابرة على داك الدل والوسخ…الله يسمح ليا حتا الحاجة محملتش نشوفهاا حيت هي سبابي فداك الوسخ وفنفس الوقت هي سبابي باش انا فهاد البلاصة …ولو ان رجلي داتني ليها ولكن هادشي باش كنت كنحس دب…
ماقديت نمشي لداري نبداا نطيب وانا اصلا ولفت ماكلة ريسطواات…دزت فطريقي لواحد ريسطو ودخلت ليه خديست عشاياا وديتو معاياا للدار…وااحد شوية طاحت فكرة فباالي….شحاال قدني نبقا خدامة عند عباد الله وايلا بغيت ندير مشروعي خاصني فلووس صحيييحة…عندي شي بركة ولكن محال تكفيني خلي تا لغدا ونمشي نسول على راسي…
لقيت واحد سيد قديييم كنت خدمت معااه وهو لي عاوني باش لقييت واحد لمطعم صغير وزويين فموقع راائع…بعت طوموبيلتي وحتا دار لي ففرنسا اصلا كانت صغيرة جابت ليا غير شي بركة قلييلة..كملتها مع لفلوس لي جمعت في فرنسا وخلصت داك المطعم وانا فرحااانة متخيلتش شي نهار نوصل لهادشي ونحل مطعم خاص بيااا…
ورغم هادشي كامل ايلا داري لي فطازا مزاال مكنرتااحش فيهااا ..متسولونيش علاش حيت بااينة دار الحرام عمر القلب يطمن فيها…فكرت ومترددش وبعتهاا والفلوس لي خديتها منو تبرعت بيهاا للخرية ودار العجزة عاد ارتاح قلبي شوية..
سديت محالي…واخا مافيه حد يلاه حليتو وباقي تا الاصلاحات ما كملوو ولكن نهار كامل وانا مخشية فيه بحالا غيسرقوه ليا ههه…ركبت فطوموبيل والوجهة مكانتش بايدي…مكنتش عارفة فين غادا حتاا لقيت راسي وقفت فدربنا القديم وتماما قدام الشارع ديال دارناا…مقدرتش ننزل…هادي اصعب حاجة كانت عندي صعب من انني نهرب من دار صعب من انني نتزوج بلا خبارهم صعب انني نبات فزناقي وصعب حتا من انني نبات مع ليسوا ولي ميسواش…
ربما كون غير مابعتش راسي للمهدي ما نوليش فهادشي…معرفتش علاش وكيفاش فكرت نوافق…علاش وافقت وخليتو يشبع فياا حيت كنبغيه ااوكي وحيت هو قاليا كنبغيك؟ ههه لااا ثم لااا….حيت هو تشهاني ماشي بغاني فقط تشها يدوز معايا شوية دلوقت وكون ديك اللحضة بانت ليه فوحدة خرا كان غيسوسني بلاا تردد…علااش خليت ليه راسي وحرمت راسي من صفة العفة والشريفة…
مكرهتش نقولها بجهههد ونسمعهاا لبنااااات كامليين…علاش تخلي حماار يلبيي الرغبات الجنسية ديالو فيك…علاش تخلييه ياخد شرفك في الحراام كوون بغاك بصح غيقصدك بلحلاال ..علاش المهدي كان خايف على خواتاتو وكان ديما راد معاهم لبال في دار حيت هادوك شرفو وهادوك هوما وجهو مع نااس..علاش تخلييه يحس برجولتو على ضهرك…؟!
علااش تخوني واليديك مع واحد ميصلااحش..عرفتو علاش المهدي كان كيقولي كيبغيني… !غير حيت شبع مني ديك اللحضة…ومن ديما كنسمعها منو غير وحنا في الفراش ههه…ونهار شبع مني وتكهم سااسني بلخف مابيه لا خوه ولا خيانة عارفني منقدرش نديرها ومع خوه؟ مستحييييل…ولكن هو قنع مني وبغا غير الوقت لي يسوسني فييه…
تفكرت شحال من مرة باس على ايدي ورااسي وقال كيبغيني لااا..والله حتا لا ماشي حيت كيبغيني حيت بغا حاجتو… الشماايت ايلا يغاو حاجتهم يبوسو ليك حتا رجليك ماشي غير راسك…
علاش متكونيش انسانة نقية..علاش تخوني واليدييك وتخليه يقيسك..قولي لااا جمع ايديك راه حداك بنت دارهم راه حدااك بنت تعدبات ماماها تسع شهر باش جابتهاا…راه حداك بنت العرق دباباها نزل باش يكبرها…
نهاااية كااع هاد النوع من العلاقات عندها جوج نهايات لا غير…يا اما غتبقاي معاه وتصبري على هبالو وتبرهيشو وقلة رجولتو وتشبعييه منك ونتي فرحاانة حيت قاليك كيبغيه وهو غير باش ترخي راسك معاه..حتا يتكهم مزياان ويشبع ويقنع ويقولك سمحي ليا اختي منصلاحش ليك كتستاهلي ما حسن مني وفاش غيجبدو سميتك قدامهم عندااك تسحابيه غيقول ديك السيدة مسكينة حطمت قلبهاا..حطمت قلب انسانة بغاتني…لااا ولااااا غيضاااحك اه غيضحك من قلبو وغيقول وااه هاديك دوزتهاا معاهاا هاديك شبعت فيهاا ومغتبقايش فيه…وكيف درتي معاه غديري مع غيرووو…
اما نهاية التانية وهي نهايتي مع المهدي حتا قلت حبيبي طلع راجل ومخلانيش لشمايات..ضنيت غادا لداري معاه وانا غادا لجحيم برجلي مكانتش عندي قيمة فعينو ابدا بالنسبة ليه عااهرة كيجي من وقت لوقت يفرغ فيا شهوتو ويزيد مع طريق…ونهار غينوض يعايرك دق والحين غيجبد ماضيك…متنسااابش ايامك افلاانة رااه عطيتيه ليا في الحرام.!…واش نسيتي نهار هربتي معايا من دار باه؟…لي عطاتني راسها شنو نتسنا منها ؟ولي خلات واليديها وتبعاتني شنو نتوقع منها!!…هادشي كامل شفتو وعشتو وسمعتوو….!
الحلوف بالله العضيم ماكين شي نهاية من غير هادي تفكري ضحكة بااك ودموع مك قبل ميغرك بفلوسو ولا بزينو ولا بحديدو ولا حتا بكلامو…ماكينش لي كينفع البنت من غير قرايتها وخدمتها اوكي مقريتيش هانية افلانة عطا الله لحرااايف…حتا انا راه خديت لباك وبسباب المهدي خديتو بنقطة تشفي العدو ولكن كملت وطحت ونضت وربي دار تاويل دلخير ..ملي كيشوفك الله غادا فطريق الحلال كلشيي كيساااهل فيه وكتلقاي طريقك منقية من شوك خاصك غير تختاريها بعنااية…الزواج قسمة ونصيب وليوم ولا غدا غتزوجي خليك نقية باش ربي يديك لواحد نقي وياخدك في الحلال وراااك للحب ورومانسة ديك السااعة…
تنهداات مطولة كتمسح على وجهها بدون ماتنزل ولا دمعة من عينيهاا…قصوحية قلبهاا والدنيا لي عطاتها دروس لاااا تنسى خلاتهاا تعرف ان دموعهاا غاليين على انهم يبكيو على حاجة فايتة ومدايماش…
ضورات ساروت وديمارات الطوموبيل معندهاش استعدااد ابدااا انهاا تدق بابهم ولا تمشي لعندهم ولا حتى تشوف فوجههم…شحال صعيبة تكون غير باش تشوف واليديها بالنسبة ليها بحال شي تحدي كبيييرة وهي مقادراش عليه…
نيشان قصداات الاوطيل حيت دار تبااعت وهي مباغااش تمشي عند حد…الغد لييه مشات تقلب على دار حدا المطعم ديالها بحكم البركة لي شاطت ليها…خدات غير دويرة صغيرة على قدهاا وعلى حسب فلوسهاا…يووم على يوم المحال كيزيد يزياان واخا الاثمنة غالية حسب الاطعمة لي كتوجد واخا هكاك لقا اقباال كبييير…مرة اخرى فكراات علاش لي متبييعش شوية خارج المدينة…حطات لانونص ففيسبووك شوية في انستاا حتا ولاو الطلبيات كيتزادو مرة كيديروها بيها وميشرييوش ومرة كياخخدو ناس طبعا بالتوصيل ديال السيد لي كراتو…
حتا لواحد نهار وهي خدامة عادية لدااخل كتطيب للناس مع مساعداتها…وهي تقول ليها وحدة كانت نازلة بلباس الرسمي ديال المحال…
_مريم كريم بغاك فلاكيس عفاك طلعي لعندو…
مريم:واخااا…اجي حركي غيتحرق ليا هادشي…
حيدات طابلية بسرعة خلاتها تما وطلعات وهي كتحيد فلبوني من راسهاا..قدام غرااضها بسرعة فلاكيس وجات تنزل تكمل حتا لمحاات عينيها واحد الشخص..جالس بكل هييبتو القب على راسو ولحيتو وراسو مغطيهم شيب كيبان قلييل من الشعر الكحل…ماااشي هواا!!! لاا هواا؟؟ ميمكااانش وااش لهاد الدرجة بااش عرف المحل ديالي وكيفااش وصل لييه ؟؟ ميمييييكنش!!!
ماجات فين تنزل راسها تهبط فحالها حتا هز فيها عينيه…ابتاسم بييهم وهو خاشي الفورشيط ففمو وهي عطاتو الضحكة الصفرة ..مالقات فين تسلت وهي تمشي لعندو..
مريم:اهلااا(مدات ايديها سلمات عليه وهو وقف سلم عليها) مرحباا بيك اسي مراد يااك بخيير!!
ااه مرااد نفسوو الشاف والاستاد ديالهاا في المدرسة..وهو نيت مراد لي عطاها كلينيكس في الطيارة ااه وهو نفسو ليبقا يضحك عليها حيت معرفااتووش…
مراد:الحمد الله ياك لبااس عليك..معندي مايتساتلك منسيتينييش..
مريم:الله ياودي مرحبا بيك تفضل خود رااحتك…
مراد:الله يكبر بييك برااك الله وفيك ..خدمتي هنا؟
مريم:ههه تقريباا…خدينا هاد المحل وهاحنا كنعديو فيه الحمد الله …
مراد:تباارك الله علييك…(شاف فيها مطول بابتسامة كانه كيتدكر شي حاجة) كنت عارفهاا…كنت عارف غتمشي بعيد..كنتي قاصحة وحاضية راسك وخدمتك تبارك الله عليك…
مريم:لهلا يخطييك شكراا..ومرحبا بيك مرة اخرى خود رااحتك…
شكرهاا وسلمات عليه ورجعات لخدمتهاا…كيف مراد غير عرف محالها مبقاش كيحيد منو كل نهار كيجي وكيهضر معاها حتى تطلقات معااه ولاو كيضحكوو ويهضروو واي حاجة كتستاشر معاه فيها فيما يخص محالها وحتا هو دو خبرة واااسعة كيفيدها بزااف…محسوش ببعضيااتهم حتا لقاو راسهم مقربيين من بعضهم حتا ولا كل لفي الخدمة ولا شااك فيهم كان ولد نااس وولد عائلة…اما مريم الخدمة وعيشة دلحلال خلات الباال مرتااح وهاني عقلهاا مديرونجي غير بخدمتها وباغا تزيد تكبر مشرووعهاا مبقاتش مربية الكبدة على لفلوس حيت البيع وشرا ماشي ديال الكبدة وداكشي عامر بريسك رجل هنا ورجل لهييه…ولو ان عقلها هااني ولكن القلب مامعاهاش بالها كلو مع واليديها كل نهار شادو طريق عندهم ولكن الشجاعة باش تدق بابهم وتدخل عندهم معندهااتش ..
يوم وماشي كيف الاياام…وهي خدامة كطيب فالكوزينة دمحالهاا…نزلات بنت بلباس خاص كتزرب فدرووج وقاالت وهي كتشوف فيها مبتااسمة وتغمز فصاحبتهاا..
البنت١:(بهمس) شوفي شوفي…(رفعات صوتها)احم..مريم ءء سي مراد جا وراه كييتسناك لفوق بغااك…
مريم:(هزات راسها دغيا)ممم بصااح وصل..ءء هانا غنطلع دب ..
حيدات طابلية وطلعات بسرعة مبتااسمة وهو كيضحكو ويتغامزوو عليهاا حتى خبطاتهم بطابلبية عاد سكتو كيضحكو بصمت..
مريم:بقااو تفرنسوو تماا على قاعدة يخليكم بلخلاا…
طلعاات كتجري لقاتو جالس كيف العادة كيتسانهاا ..مشات حداه وجابو ليهم قهوة…
مريم:تاكل شي حاجة..راه خدمت ديك لغوسيت ليعطتيني جاات غزااالة والله زعما من دقة لولاا صدقات لياا هههه
مراد ابتااسم كيحك فايديه بتوثر باغي يهضر ولكن محبوسة ليه فنص وهي فهماتو وسكتاات كترمش فيه…
مريم:مراد ياك لبااس! ماالك ماشي على حالك واقعة شي حاجة؟
مراد:مريم بغيت نهضر معااك..
مريم:ههه خلعتيني الله يسمعنا خبار لخيير..
مراد:من شحاال وانا باغي تسولك على واليديك وخوتك مكتهضريش عليهم علااش؟؟
مريم سكتاات بدون اجابة وهو تشجع وشد فايديها..
مراد:شوفي انا باغيك لحلال امريم مكرهتش نعرف عليك كلشي…
سكتاات مجوباتوش غيير كضور فعينيها معرفات ماتقدم ولا توخر شنو غتقوليه وشنو غتخبي..مراد ماشي اي راجل دخل ليها لحياتهاا هو طبعا كيضنها بنت دارهم..كيضنها بنت نااس وبنت عائلة…بدات كتهرب بشوية بشوية ولكن لي بغاك يبغيك بكلشي فييك علاش غتسكت…!!
سكت كنشوووف فيه…شنو غنقول..انا افلاان بغيت واحد مكيستااهلش ..انا افلان هربت معااه من دارنا وخليت والديا وسمحت فقرايتي ومستقبلي وحيااتي…انا هي لي صبرت على دل وجوع والعدااب والقهرة على قبل شمااتة ولد شماتة..انا هي ليطااح ليها ولدها على سبب تاااافه وانا هي لي دخلت للعهر بكامل ارادتي ومخليت حتا راجل مامشيتش معااه تعزل فيا العادي والبادي وتخيروني باش يدوزو معايا لياالي وانا بحال شي منيكة كنلبي طلباتهم كيف بغاااو…
هذا ماضي دفنتو ولكن مراد ليوم جا وجبدو لياا ومزال كيقول ليا عاوديه ليا من لول…من حقو مدام سيد طالبني لحلال من حقو يعرف عليا اي حااااجة وخاصة اصلي ولكن هادشي ايلا بغيت انا و واافقت…علاش غنسكت لي بغاك يغبيك بكلشي ليك وباي حاجة فييك…شفت فيه وقلت سمع امراد انا غنعاود ليك ولكن ممنحقكش تعاتبني على حتى حاجة هادي حياتي وانا ليختاريت شنو وقع فيها …
عاودت ليك كلشي من طقطق تالسلام عليكم..مكدبت فوالو ومخبييت والووو كلشي بتفصيل كيف خاصو يتقاال…وهو كيسمع ليا وعاطيني ودنو…كملت وانا كنتسنى فيه يقول شي حاجة ولكن….نااض..خلاني ومشى خرج بلاما يقول حتا بسلاامة ولا يعطيني شي ردة فعل…تصدمت!!؟ لا ابداااا ماحسيت بوالو ومتسوقتش اصلا…حياتي شبعات صدمات وانا تكهمت من المفجأاات مبقات حتى حاجة كتصدمني…ورغم ذلك مندمتش حيت عاودت ليه..نقدر نقول حيت حتى انا كنت محتاجة نفرغ داك سر من داخلي..ارتاحيت فاش هضرت وفضفضت علياا …
مراد كان من عائلة متدينة ومتشددة بزااااف كنت متوقعة ردة فعلو..وواضح عائلتو مغيبقلوش بيا واخا حتى كون بغا هو …ولكن شكون غيبغي وحدة بحالي هادي مستحييل…نضت بحالي ومشيت نكمل خدمتي صافي نسيتو ونسيت شنو قال لياا انا ممعولة على تاحد وومحتاجة تاحد فحياتي كيف كان كيف مشا …
كملت خدمتي وعاطية وقت وخااطر لكلياني ولي مشى كيعاود يرجع …الحمد الله لفلوس داخلة وانا كنجمع باش نزيد نكبر ما بديت …حتى داز اسبوع..سيمانة ومراد مابقاش تخطر في المحال بعدما كان كيجي كل نهاار…
تا لهاد نهار…كيف كل نهار حليت محالي باش نبداو لخدمة وهو يدخل …سلم عليا وحتا أنا سلمت عليه عادي عاملتو بحال اي كلياان حتا قال…
مراد:انا فعلاا مرضيتش وبقا فيا لحال بعد لي ضنيت فيك ولكن ملي جلست مع راسي وراجعت حساباتي عرفت بلي نتي ما علييك والوو…و هضرت مع الواليد ديالي امام مسجد وهو لي نصحني نجي عندك..كيف قال كون نتا سبب باش ترجع هاد الانسانة لواليديها…
فرحت بزااااف حتا وجهي ولا مزنك بلفرحة و عاود طلب مني زوااج و واافقت ..كان داك نهار لخميس وقال ليا بلي نهار السبت غجيو لخطبتيي…قلت ليه واخاا مرحبااا وداكشي ليكان..السب دغياا جااا وانا وجدت راسي ووجدت دااري حتا حاو والدييه…
سبحاان الله بااه كان واااحد نور فشكل كيضرب فوجهوو كااان القلب كيرتااح ليه من شوووفة …دخلتهم للدار وفرحت بييهم كيف واليديه لي حتا هوما كبروو بيا داك نهاار عاملوني بحال شي اميرة كانو ناس دلوقاار والاماان كنحس بيه وانا وسطهم…
طلبو ايدي مني هه وواافقت وبدينا نتافقو على العرس امتا غنديرو …مراد كان مزروب وباغي فوقاش نتزوجو ولكن باه قبل ميحدد نهار شرط عليا وقال” بغيتك تبيعي ليا نص في المحال ديالك ححنا نبقاو خدامين فيه ونتي تجلسي معززة مكرمة في دار ميخصك تا خير..وراجلك هو ليغيقابلو”
وافقت بدوون تردد …كون كنت مريم دشحال هذا كنت متأكدة انا اول ما غيجي فبالي بلي هذا طامع فيا وماهمو غير الحانوث والفلوس ولكن مريم ديال دابا مفكرتش هكا حيت حطيت داك سيد فبلاصة بابا وكيف قال كان حتا بابا غيقول نفس الكلام لو تزوجت بشخص اخر…
داز الوقت وجا نهار دعرسي…في هاد المدة مكانش كيجي عندي مراد ايلا قلييل كانو هوما وجدو كلشي مخلاوني ندير حتا حااجة…مو مسكينة كل نهار كتجي كتقول ليا غير بنتي مريم …كنت غير كنشوفها كتشدني البكية ياريت كون كانت ماما فبلااصتها وتجي تشوف بنتها فين وصلاات…ياريت كون كانت كتعاملي كيف كتعاملني مامات مراد وتعطيني الحناان لي كنت محتاجاه ومشيت نقلب عليه فبلاصة اخرى..!!
يااا رييت…يارييت لو كان مراد جا لعندي من قبل..ياريت كون عرفتو قبل …متأكدة لو كان بابا دب معايا غيرضي عليا وعلى مراد حيت هو الراجل لي كان با كيتمناه ليا….معرفتش واش كنبغيه ولكن لي نقدر نقول بكثرة ما وليت كنشوف دنيا من كاع لجوانب..ولات نضرتي مركزة على كيفاش غنعيش مع داك راجل…شنو غيتزادني وانا معاه..كيفاش غيعيشو ولادي بيناتناا…هه ملقيتش الفرصة نفكر قلبي فين غادي بيا ليعارفة انو هاد سيد مرتاحة معاه وغارفة غنعيش وغنعيش ولادي احسن عيشة ..
ليلة عرسي دازا كيف شي حلم بعيييد بالنسبة ليا…واليديه ماخلااو مداارو علياا المعاملة الحسنة وااشريفة لا من ناحيتهم ولا من ناحية شيخي اما راجلي مستوى ثاااني…ليلانا دازت زووينة درنا غير حفيلة صغيرة بيناتها حنا والعائلة ديالو الخير مجوود وكلشي بقا كيشكر فييه..حشمت داك نهار بزاااف كيبان ليا كلشي بحجابو ومستوريين بزاااف و واحد نوور كيضرب فوجااهم سبحان الله …وانا بوحدي لي جامعة شعري لور وشوية دالمايكاب هادشي ماشي عيب يتدار ولكن في موقفي انا مرضيييتش وحشمت من راسي …من تما خديت قراار مندمااش عليه حيت من شحال وهو فبااليي غير مكنتش متشبتة بيه…
لغد ليه وقبل ميوجدو لينا الفطور جلست انا ومراد كنهضرو…فكرت شحاال وانا نقوليه مراد بغيت نهضر معاك…جمع صلاية قدامي حيت كان كيصلي وقرب لجيهتي وقال…اييه قولي كنسمعك خاصك شي حاجة همم!؟
مريم:لا لاا مخاصني والو…غير بغيت نقوليك..ش..شوف مضحكش عليا ولكن انا خديت واحد القراار…
مراد:هههه قوليي نشوف..
مريم:وهانااا بديتي ضحك من دب صافي بلاااش..
مراد:احم(جمع ضحكو) صافي هانا..يلاه قولي نسمع..
مريم:ءء! اا ب بغيت..انا صراحة لبارح شفت بنات خالاتك وعائلتك كلشي داير الحجاب وانا من شحال كنفكر فييه..قررت ندير الحجاب..(مراد حسب ضحكة وشاف فيها بجدية وهي نزلات عينيها وكملات) متخافش مدرتوش حيت شفتهم انا مقتانعة بيه وبغيت نديرو عن رضى…كنحس براسي غنرتاح ايلا درتو..وخاصة ايلا درت حجاب كامل يعني نقاب…
مهزاتش راسها باش تشوف ردة فعلو …بقوة ما اننا مكنولفوش واحد الحاجة على سبيل المثال الحجاب..فكيجينا بعد المرات انه من المضحك نقولوها..ولينا في زمن الدين اعجوبة..كنشوفو الشخص قاصد الصلاة والهضرة موراه “هه بغا يقول لينا راني مؤمن زعما!!” …او..” الحجاب من لفوق ولميني من لتحث!” تشبتنا وتقاليدنا للاجانب ولا المؤمن اعجوب والطريق العوجة “عقلية كوول”…
مراد الرضى باان على ملامحو.. وواحد السعادة فشكل فعينييه..قرب عندها ونزل باس على رااسها برضى وهي مبتاسمة..
مراد:الله يرضي علييك…بغيت نgولها ليك ولكن مابغيت نبزز عليك والوو..خليتك حتى تقتانعي بنفسك…كبرتي فعينياا ملي فكرتي فيها بوحدك بلا تاحد..الله يرضي علييك..كتصلي ياك! شفتك ديك نهار في المدرسة..
مريم:ااه اه ملي كنت صغير غير فزواجي لول حبستها ورجعت ليها فاش مشيت للمدرسة…
مراد:مزياان تبارك الله عليك..(حط ليها صلاية) يلااه نوضي صلي قدامي نشوف..ايلا كان شي خطأ نصححوه بجووج…
قلت ليه واخاا ونضت كنت موضية فرشت صلااية وبديت كنصلي قدامي .وكيخليني تا نسالي ويصحح ليا الخطأ ونعاود نصلي..مكانش عندي بزاف دالاخطاء حيت ملي عقلت على راسي وانا كنصلي مع بابا وماما…
دقات علينا عكوزتي ونضت خرجت عندها قالت لينا وجدو راسكم ناسي غيجيو بلفطور عندي…لبست قفطاني سامبل وبسييط ودرت فولااري وخرجت عندهم وعكوزتي مسكينة غير كترضي علياا عجبها الحال بالحجاب لي درت وبقات كتطلب ليا في الهداية وانا دايراها فوووق راسي كيفها كيف شيخي الله يعمرهم داار…
دااز شهر كيف البرق طاااير…محسييتش بيه ..ايلا جيت نقارن عيشتيي دب غنقاارنها ديريكت مع عيشتي في دارناا…الاماان..الخير…الكرم…الهنااء…معااملة الحسنة بيا بصفتي مرات ولدهم..وشيخي حتى هو كيف قال ليا بقا هو لي مهتم بالمحال وانا جالسة فداري ورزقي كيجي تا لبين ايديا…اما راجلي غير من تعامل واليديه معاياا تعرفوه هو…الطريقة باش كيهضر معايا ولا كيشوف فيا ولا كيعاملني بوااحد الاحترام كبييير وحب كنحس بيه بعد المرات حاطني فبلاصة بنتو..ختو قبل منكون مرتو…كنت فرحانة بزااف وانا معااهم….وزاادت فرحتي ملي عرغت راسي حاملة…
ااه حملت تانيي ولكن هاد المرة مع رااجل ومع نااس الخير وعيشة دلحلاال والهنااء واخا واحد ااجانب مني ديما ناقص وديما مخصوصة منو ولكن ولو..كنت مرتاحة لاقصى درجة…
الوقت كيدووز وسيمانة ولات بحال نهار كيف شهر ولا كيف السيمانة غمض عينيك العام دخل…تسع شهر داازت دغياا وانا غير فدار مع راجلي وهوما كيوجدوو لولادتي بواحد السعاادة كبيييرة فعينيهم وتصرفااتهم …وزادت كملات الفرحة ملي لقيت عندي توأم…ااااه داك نهار شحال فرح مراد حتا دموع مسكين نزلهم بالفرحة ولا كيركع وينوض ويشكر الله …ولدت بنيتة و وليد وسميناهم خديجة ومحمد كانو غزالين كيشبهو فباباهم بزااف ولكن البنيتة كانت شابهة فجداها بيضة بزااف وعويناتهم فشكل كتحمق…
واحد نهار وانا كنلبس فولدي ومراد كان كيلعب مع محمد …كنت كنزرب باش نخرجهم عند جداهم ونرجع نجمع بيتي ودنيا…حتا تدق لبااب..درت حجابي بسرعة ونضت حلييت كان شيخي قلت ليه دخل ولكن هو مبغااش…من ديما عمرو دخل لبيتناا ومبي كنسول مراد على سبب كان كيقول ليا..حيت البيت ديالنا كيتسمى الحرمة ديالنا وحتى حد ما من حقو يدخل ليه …خرجت عندو وحطيت وليداتي مع جدااهم ومراد جا حدايا ..غير كيشوف فباه يمكن كان عارفو شنو باغي يقول…بعد صمت طويل من شيخي تا نطق…بنتي كنضن جا لوقت..
مريم:هاا؟؟! د ديالااش اعمي؟
شاف فمراد مبتاسم ورجع شاف عندي..كنضن جا الوقت لي تشوفي فيه واليديك وتصالحيهم…فطرت ابنتي وهذا هو الوقت المناسب ..ايلا وافقتي نمشيو من غدا ابنتي…
معرفت منقوول شيخي خدا قراارو وانا منوقفش فوجهو…واافقت وانا كنتردد معرفت منديير مزال ممستعدااش نتلاقاهم مزال مقاداش نوقف قدام وجههم…واش صافي جا الزقت لي غيشوفوني والديا!جا الوقت لي يا ايما غنتقبل يا اما غيرفضوني لديماا…!!
رجلي تقالو علياا…وعوض ما نرمي لخطوة وليت كنرجعها لور….عمر شي حاجة جاتني صعيبة كثر ما اني ندق باابهم…مشييت لبست علياا حجابي وعباايتي ووجدت وليداتي فكونتهم لقيت راجلي واجد بصيرفيت ديالو وشيخي وعكوزتي حتا هوماا موجوودين..خرجناا لطوموبيل ومشيينا لحومتناا وانا كنعت لييه حتى وصلنا…
شيخي نزل مشا للدارنا وقال ليا بقاا فطوموبيل مع راجلك حتا نعيط ليك…اصلاا كون قال ليا يلاه منقدرش…رمييت عيني كنتجبد نشوف ايلا باان ليا شي حد ولكن واالو كان لباب مدرg
علياا…شيخي وصل لباب ودق وهو يتحل لبااب..شفنااه كيهضر وهو مبتاايم فلخر توسع الباب فوجهوو ودخل وتسد لباب مورااه…
وليت كنترعد فااش ممكن يكونو كيهضرو شو ققاليهم تا دخل ..انا متأكدة حيت كنعرف شيخي مزياان..غيكون قاليهم طالبين ضيف الله وبابا والله ميرجعو واخا معرفت اش يكوون…تسنييت وانا كلي كترجف فطوموبيل ومراد حدايا كيواسيني وانا معاه جسد بلا رووح…كنتستى دب شيخي يخرج ويقول ليا يلااه واليديك مبغاوش يشوفوك..يلاه هوما قالو بلي معنندهم بنت بسميتك…كنت متشائمة لدرحة كبيييرة حيت لي درتو في الماضي مكيتغفرش بين دقيقة تانية…
مدازت لا نصف ساعة ولا ساعة…وقت كويييل عاد بان ليا شيخي خرج وتسد لباب موراه…صافيي!!! لي فكرت فيه هاهو سالينا والديا مقبلوش بياا…لي كنت خايفة منو هانا فييه
قلبي كيضرب ورجلي فشلو عليا تا شفت شيخي كيشير ليا بايديه ننزل عندوو…
حليت لبااب ونزلت انا ومراد ومشينا عننندوو….
قبل مايهضر شيخي تحل لباب مورااه وخرج…ااه خرج باباا عينيي دمعوو كنحس بييهم ناازلينن مع حناكي وانا معارفة شنو كيدور بيا..كنشوف غير فبابا لي كبر وسنيين كمشووه راسو ولحيتو عامرين شييب مامنيزش…تم جااي لعندي وهو يهز ايدييه بغاا يضربنيي حتى قاليه شيخي “استغفر الله الحااج”
ترااجع بابا وعنقنيي كيبكيي وانا فشلت…كيبكي بحاال شي ولد صغيير وكيقوليا..كنت باغي ليك لخير ..كنت باغيي ليك غا لخيير…وماما مورااه حتى هي غتحمااق بلبكاا…عنقتتهاا وعنقتهم بجووج شحاال توحشتهم..توحشت هااد ريحة توحشت هاد العنااق توحشت تزيارهم توحشت معيارهم توحشت رضااهم…حسيت برووح رجعات فيا حسيت براسي مريم القديمة صافي رجعات…
شوية بابا وهو يشد فايدي بحالا غنهرب ليه مسكين وقال لبا يلاه دخلي لدااركم ابنتي…دخلناا مجموعين كاملين وماما مشات كتوجد للعشا هي وعكوزتي وانا بقيت مع بابا وشيخي وراجلي …تعشينا وهوما بغاو يحماقو على ولاادي رحبو بياا وداروني فعينيهم..كاني ماشي انا لي خنت تيقتهم ومشيت هربت…طلبت سمااحة وهي لي كانت ف فمي غير سمحو ليااا…قال ليا بابا..”مسامحينك ابنتي غير لي شفتك كيف بغيتك انا مساامحك…كنت بغيتك تمشي بعزك بغيتك تمشي بخيرك وعزك الله يرضي عليك”
بابا مشا يصلي هو وشيخي وانا نقول لراجلي..واخا نمشي نشوف صاحبتي نجلاء لي عاودت ليك عليها عفااك..
م اد:واخا تستاي نصلي ونمشي معااك…
مريم:لا لاا دخل صلي انا نشوفها دغيا راه غير حدانا لفوق ندي معايا حتا دراري تشوفهم..نت عاد تعشيتي وغتبغي تنعس سير رتاح ليك..
بزز باش واافق واصلا عينيه كيتغمضو بنعاس انا حافضة راجلي كيتعشى ويتقال خاصو غير يحط راس…مشا يصلي وانا جريت وليداتي فكروستهم وخرجت مع لباب كان عاد لعشا كيودن وباقي لحال…
مشيت كنقلب عليهاا لقيت غير مهاا صدماتني فاش قالت ليا نجلاء تزوجات..صراحة متصدمتش ههه كانت فريفيرة وباينة غتزوج بكري ولكن كانت ساكة غير حدانا حيت تزوجت من درب نيت…نعتات ليا دار وميت عندهاا دقييت وهي تخرج عندي نجلااء صاحبتيي…غير شافتني عنقاتني كتبكيي بجههد وكلشي كيتفرج فيناا تصدمات من شوفتي ولات كتجدب هه قالت لياا فين مشيتي فيين كنتيي علااش مجوبتيني ما سولتيي فيااا علاااش…
سكتها وانا كنعنق فيها وعطيتها نمرتي قلت ليهاا..عيطي لياا ونعاود ليك كلشي دب راجلي كيتسناني منقدرش نتعطل…دخلنا للدار وبقيت معاها شوية هضرنا على حالنا وعلى راسناا وسنيين ليدازتناا حتا لشويةونضت نرجع للدار…سلمت عليهاا ماخلاتني نمشي غير بزز …
وانا راجعة لداري دزت على شانطي لي كتبان منو جردة…قلت علاش مانديش وليداتي يشوفوها ومنها ونرجع للدار..
بلبستي الجدييدة فرحانة ومرتاحة فيها لاقصى حد…يمكن حيت مبقياش بالي على كيفاش غيشوف فيا هاداك او واش هادوك حاضييني….ولا عينين الناس لي شوية وغتعريني من حوايجي بعينيهم…ماشية فجريدة دحومتي وانا كنتأمل فيهاا متدكرة دكرياتي فيها…اياماتي انا وصاحبتي نجلاء …نهار كتلاقا نجلاء صاحبها وانا كنبقا حاضية ليها من بعيد لا يدوز خوها…ولا نهار قلت لبابا غادا للمدرسة فلخر لقاني كنلعب في زعلولة ناسية وقت المدرسة حتا زف عليا انا وصاحبتي بلحجر…
دمعو عينيا باشتياق لايام جميلة انا متأكدة عمرهم يتعاودو…ياريت كون ترجع غير لحضة من لي فات وياريت نعيش غير دقيقة من حياتي القديمة…هاد الجريدة مزادتني هم على هم خرجت نسرح رجلي زعما صدقت شاداني لبكية لاهوما نرجع لداري…قاديت لكاب على كتافي ونضت ما غتجي عيني غير على؟؟؟…شكون هاداك!!! و..واش لي كتشوف عيني بصح..يمكن غير كنتخايل ههه لا …ااه المهدي هو …هو لكيشوف فيا وهو نيت لي قاصدني دب…شنو غندير منقدرش نوقف معاه مبغيتش نهضر معااه ..كيفاش غنتصرف ايلا قرب ليا …من عينيه واضح شحال باغي يهضر معايا او بالاحرى شحال فرح لشوفتي…قلبت طريق وبغيت نمشي ولكن وقفني…..مريم تسناااي..مريم!!!..مريم خلينا نجلسو عندنا بزااف فاش نهضروو…!!
متسوقتش ليه وزدت بغيت نمشي وهو يرجع يشدني..نترت منو دراعي وبعد لوور..
مريم:متقيسنييش..
المهدي:مريم سمحيي ليااا شحاال وانا كنقلب علييك فين مشيتيي..اناا غلكت غلطت بزااف..كنت عارف نتي ناعليك والوو انا لي عيني تعمااو…كنت عاف ماشي فعاليلك هادوو…مي..مي ملي مرضات عاودت ليا كلشي هي سبااب هي لي حرشات خويا يتهجم عليك نتي ماعليك والو…
مريم:على سلاامتك..معندي منقول ليك الله يسمح ليك والله ياخد الحق في مك…العداب لي دوزات عليا عمرني نسااه واخا نكون واكلاها فحقها ومادريش فيا ديك الحالة..متنساش راه تاهي عندها بناتها دب ربي يفرجكم فيهم…
المهدي:مبقييتش كنمشي عندهم ومبقيتش بااغيه…قلبت علييك امريم حتاا كنت غنتسطاا بغييت ترجعي لياا..انا منقدرش نعيش بلا بيك نتي عارفاني كنبغييك طلقتك ااه غلطت ولكن دب بغيت نرجع لييك عفاااك
مريم:وفرتي ليا لي طلقتيني..اخيرا فلوسك وفلوس واليديك نفعووك فشي حاجة …جيتي معطل وفاات لفوت دب…انا مزوجة وبوليداتي الله يسر ليك ولد ناس…
المهدي:مكنتش باغي نطلقك عمرني فكرت فيهاا هوما لي وركو عليا هوما لي عمرو ليا رااسي تا درتهاا..
متسوقتش ليه وجريت وليداتي ومشيت فحالي خليتو كيغوت موراياا…المساامحة قلبي ساامحهم على كلشي داروه فيا ولكن عمرني نسى….لهلاا يطيح هادشي لي عشت فشي بنت ناس…ولو اني مرتاحة دب ولكن لي دزت منو منتمناه لتا وحدة…
رجعت لدارنا جالسين مع واليديا وهوما فرحانين بيا وبنااسي والعائلة مجمووعة وضاحكة حمدت الله وشكرتو…
#النهاية
بقلم الكاتبة :
كنتمى كااع البناات…كاع البناات مديروش التيقة..لا تيقة فاي راجل كيفما بغا يكون..رجال كاملين بحال بحال ولي ضحيتو على قبلو غيجي نهار لي غيضحي بيك…ايلا بغيتو تبغيو…عرفو الراجل لي غتحطوه فقلبكم..حيت قلبكم غالي وماشي اي واحد غيجي قدو..تيقة فهاد زمان في الله وفي واليديك اما لباقي ديما اطونسيون وديما الحدود في العلاقات سوى مع نساء ومع الرجاال…هادي قصتي وكنتمنى تكوون خديتو عبرتهاا كثر ما استمتعتو فيهاا..!
شاركنا رأيك في هذا الفصل 🌹