الحمامة البيضاء🕊️
حساات بلمعدة تزيرات عليهاا و قلبها وقف من الصدمة ورجع كيضرب فصدرها بقوة من كترة ماا داكشي لي قراات دمرهااا …هي كتقرا و الدمووع هاابطيين بالصدمة ويووسف كالس وكيهدر ببرود كيزييد يط_عن فيهاا
يوسف: وبالنسبة لداار لي 4 سنين ونتي ساكنة فيها ازويينة ابتداءا من اليوم لي دخلتي فييه حتى لييوم لي خرجتي فييه غتخلصييه كيفما سنيتي علييه فلكونطراا مممم شحال غتجيبيك بما انه فلكونطراا مكتوبة 500 اورو لشهر مممم ههه داكشي كتير بلااتي (جبد تيليفون كيحسب) 500 مضروبة ففف مم نحيد لييك ديك ست شهور ماشي مشكييل نخلييو 50 شهر جابت لييك 25000 اورو (25مليون)
ونزييد ليك حوايج اخرى ولكن بلاتي حتى تمشي هاد الصدمة ورجعي نكمل ليك ههه
ايمان(برجفة )علاش هدشي كلوو هءهءهء حرام علييك هدشيي مسنييتش عليييه
يوسف:هاداك الامضاء ديالك ؟
ايمان:نتاا غدرتيينيي (كتغوت )تفليتي علييا
لاحت لبيسيي من فوق الطبلة ولورااق وكلشيي كتزلع وتغوت بحال الحمقة
يوسف: ماعند هاد الغوات مايدير لييك غنعطيييك سيمانة …ياا تجيبي لياا فلوسيي يا ترجعي لخدمتك ونرجعو كيف كناا صحااب …شنو قلتيي
ايمان: نتا واحد مرييض …انا ماشي لوناا سمعتيي
وقف داير ايدو فجيااب : سيي لونا مافيهاش زعامتك ولكن كيف جيتك هههه حديتهم ليييك
جمعاتها معاه بطرشة فلبلاصة عاودهاا تاا تقلباات و شنق عليها من عنقهاا زادحها مع لحييط ورااهاا
يوسف(صعر): لمرة جاية تحطي عليا ايدك غتلقايها مدفونة ولاا عطيتيها لشي كل_ب فالزنقة سمعتييي(غوت) سمعتيينيي
شادة فايدوو وعينيها خرجوو زراقت وقلبهاا كتسمع دقاتو فودنها غاديين وكيخفافوو قوتو كانت قوا منهاا بايد وحدة عصرها وشللها على الحركة
تحل الباب من طرف ناصر شافو شانق عليهاا وجاا جروو وجمعها معاه ببونيية غفلوو
طاحت كتجر داك شوية النفس لي بقات واحلة فريتهاا …بغات تنووض مقدااتش كيبان ليهاا يوسف شنق على نااصر ومقداش تنووض. …تدكرات ليلتها المشؤومة فلغابة ولات كتخييل حذيفة والافريقيي شانق علييه
ناضت بشوية القوة لي بقات جرات يوسف على ناصر وطاحت
ايمان: ناااصر خررج …غير خررج (بزز)اناا (كتنهج)لبااس خ خرج
يوسف: براا ولا غنعييط لييهم يسيفطوك لبلاادك منين جيتيي برااا
ناصر: اييمان نووضي معاياا
مشا يووسف هز التيليفون وقال: نتا تعرف
وقفات ايمان كتجر ف ناصر وهدرات معاه بلعربية : خرج منهناا وغبرر …مكيضحكش خررج انااصر
خرجات فيه عينيهاا ودفعاتوو براا مع خرج طاحت لارض عاطية ليوسف بالظهر كاتبكي ومخنووقة محسات حتى لقات يوسف كالس وراها شدها الخووف بغات تحرك وشدهاا
يوسف: تء تء (مد يدو قدامهاا مسح دموعها ولايد لاخرا ورا ليها لكونطرا قطعها قدامهاا ) غير جربتك ونتي درتي فيلم على قدو ! انا عارفك مغتمشيش ؤك …سيري لدارك رتااحي
مد ليها صاكهاا كلها كترعد بلبكا والخوف والصدمة ناضت كيف شي موميااء مسحوبة منها الرووح
كتحس بحياتها كطفاا ضربة بعد ضربة قريب يبقا غير القلب كيضرب بنصف حياة
تحسسات عنقهاا وشهقات بلبكا وهي هابطة …ضرب فيهاا الرييح عاد جمعات شوية النفس فصدرهاا
غطات عنقهاا ليي باينة غيكون تطراساو صباعو وفعلاا صباعو الاربعة كيبانو حمريين وصبع الخامس كدالك كيبان مطراسي لدرجة ظفارو جرحوها
غادية وكتمشى بخوف توصلات لساحة كدوور ودوور على راسها كيبان ليها غير لحمام كيطير بغات تغوت بغات تبكيي ولكن تاحد مغيبردها ولا حتى يديها فييهاا شافتو جاي كيجريي جيهتهاا مخلووع بعدما هرب من الريستو كيتسنااها قرب لييهاا بحال شي طوق نجاة شدات فييه عنقااتوو كتبكيي بحرقة ،عارفاه معندو ميدير ليهاا ولكن غير تلقا علامن تبكيي شوية
ناصر: شنوو وقع اييماان …صافي اختيي صافي
طبطب على راسهاا باسف وعينيه كيدورو بجنابوو بعدات منوو بصوت قرب يبح بشنقة لي تشنقات ولغوات لي غوتات مع يوسف
ايمان:خاصك تمشي منهناا داباا (كطلعها تنخصيصة ) مغتزيدش دقيقة ف الطالياان
ناصر:ونتيي ؟ شنو غتبقايي ديري هنا
ايمان: انا غنتبعك خاصني نجمع حوايجي بلا منعييق لييه
جبدات بزطامها كترعد كاع لفلوس لي كانو فييه عطاتهم لييه مبغااش ييشد تصاحت فوجهو
ايمان(دموع هابطيين)ششد وسير لرووما وتسناني تماا حتى نجي وغنقطع انا وياك لفرنسا عفاك سير منهناا عفااك
خلاتو واقف ومشاات شدات طاكسيي غادية لعند لونا لفيلا ديالهاا
بقا واقف وراهاا معارف شنو يدير بغا يعاونهاا ولكن خاف على راسو حيت معندو ورااق يمشي فيها بلا نقااش
جبد تيليفونو وبلا ميبقا يفكر دوز نمرة حذيفة وكيفكر شنو يقوليه …
“”
حياة هادئة بعيدة على صخب الحيااة …صوت القرآن مطلووق كيتسمع مع ضربات تاع لمقص على الطبلة
امام طاولة كبيرة شوية …مزلع ثوب ابيض كيبريي ويد رجاليية بزغب اسود وساعة يدوية وخاتم نقرة كتوسطو حجرة سوداء متوسطة بين صباعو كان لمقص كيقطع بيه الثووب ..وكيجر الساانتيم من عنقوو وكيحسب ويسطر بلحسااب لي عندو…هز ايدو دوزها على عنقوو …كيحرك فيه ب عيااء مشا لجيهة الزاج ياخد بوز كلس فحافة لبالكون كيكميي ويدوز بقيهوة حاضي لغادي وجااي وعينيه تايهيين …بانت فصحتو بلي بخيير عايش حياة بسيطة وغادي على قياسو مرتاح ماديا ومعنوياا لحياة لي كيطمح ليها لقى راسو كيبني فيها طوبة ب طوبة وغادية كيف كان بغاها
ياله طفا لكارو سمع تيليفونو كيصونيي …طفا التلفازة لي فيها القرءان وجاوب ناصر
حذيفةبصوتو لجوهري نطق ممازحو) سي نااصر
ناصر(تالف) حذيفة خويا بخيير
حس بصوتو مهوااش وقال: الحمد لله …هانيا الامور ؟
ناصر: وقع واحد لبلان …معرفت شنو نديير اخااي والله تلفت
حذيفة(كان متكي على الطاولة و وقف كيماصي عنقوو ) ااشمن بلاان ؟ دويي اصااحبي مالك كتلهت ..واش تابعيينك لبولييس
ناصر :لا لاا ولكن راه بغيت نمشيي لروماا غنتسنا ايمان تماا
حذيفة: ايمان ؟ علاش غتسنا ايماان
ناصر: اش غنقولييك كنت خدام وهي لداخل كتهدر مع داك خيناا يووسف …كنت فلحمام ودزت من حدا لبيرو ديالو كنسمعهاا كتغااوت معااه وكتقوليه مسنييت على والوو
ضرب حذيفة ف جبهتوو وهبطها على وجهوو كيسووط وقال: كمل !
ناصر:شوية نااض الصدااع لدااخل كنسمعها كتغوت سمعتها طرشاتوو وهوا يطرشهاا وشنق عليها …انا شفت هكاك دخلت شنقت علييه منيي منوو حتى بعداتني ايمان قالت ليا خررج وهوا بغا يصونيي لبولييس وو
حذيفة (صعر )خرجتي وخليتيهاااا اناااصر
ناصر: راه معرفت شنو ندير اخوياا والله داك ولد لحراام خفتو يسيفطني من نهااري …خررجت وغير بشوية تبعاتني اييمان داباا معرفتهاش فيين مشاات كنصوني لييها مكتجااوبش …دابا غير قولياا شنوو ندير
كيمشي ويجي فبلاصتوو وقال:صافيي سير لرووماا
ناصر:وايمااان
حذيفة:صاافيي غير سير معندك باش تنفعهاا بلا ورااقك سيير
قطع معااه وحط ايدوو على الطبلة ديال لفصالة وساط النفس بقوة : الطاليان لي حلفت عليها هانتي غترجعيني ليها تاانيي
**
طول طريق كتفكر ايمتى سناات على دوك لورااق كيفااش وقع لي عارفة هوا هدشي خادمو يووسف وجرهاا فواحد كومة ديال المشاكيل لي مغاديش تخرج منهم سالمة
بكات طول الطرييق وكتزيد تاكد بلي هي متخلقاتش باش تفرح وتعيش حياتها طبيعيية الشقاء والمعاناة تخلقو ل ايمان وايمان تخلقات باش تعاني
هدشي لي كيطييح فبالهاا وهي كتبكي توصلات لقدام لفيلا هبطات كتمسح عينيهاا ونيفها وتشهق بدات كتصووني حتى تحل لباب من طرف المساعدة
ايمان: كاينة لوناا
كتشوف فييهاا وفحالتهاا:اه كااينة فبيتها
مزادتش معاها طلعات بجري تحلات الباب على لوناا كتكب من القرعة وكتشرب قدام تلفازة كبيرة قدامها طبلة عامرة ب لݣارو و لقراعيي والفواكه الجافة …لونا لي شافت اول مرة ماشي هي لونا لي قدامها داباا دبلاات وشرفات فظرف 4 سنين ضعافت وتكمشاات
لونا: بيانكيتاا (هزات لكاس )اجي ونسينيي
ايمان: كنتيي عارفة شنو دار لياا يووسف هءهءهء ماحرامش علييك الونا شنوو دنبيي شنو درت باش نستااهل هاد التهديداات منوو بغا يخرج لياا على حيااتيي
لونا(حطات لكاس متكية راسها كتشوف فيها ) كلشيي من صاحبك …نهار اللول قلت لييه متخليهااش ورااك ..ولكن مسمعش لياا
ايمان(كلسات كتبكيي ): لوناا عفاااك هضريي معااه راه غرقنيي معندي منين نجيب ليه هاد لفلووس
لونا: هربيي …شنو كتسناااي حساب لييك يوسف غيوقف على هدشي ؟ راك غالطة ا بيانكاا … يوسف عمرو حمل العرب كيبانو ليه استغلالييين وقلبهم كحل (تنهدات ) صدق هوا نييت بديك الصفات (تبسمات باستهزاء) شفتي الانسان ملي كيبقا يعيب على شي حد بلا ميحس كياخد الصفات الخايبين لي فييه ممم
بيانكاا: غير قولي ليا شنو مخبيية على يووسف …الى كتعرفي عليه شي حاجة(قربات ليهاا)قوليها لياا نعتق راسي ونعتقك معاياا شنو شاد علييك يوسف حتى ردك ميتة ونتي حية قوليي
لونو(جرات شعر ايماان ) ديري لي قالييك وسكتيي باش متعيشيش ميتة بحاليي …انا لي ختاريت نبقا معااه شنو غتعتقي فيا هههه
هزات كاسهاا كتشرب وايمان معرفات شنوو ديير وشكون غيعاونها حصلات حصلة متبغيها لعدووك القضية فيها ملااين كثيرة وخة تبيع راسهاا متسواش داك الثمن كلوو
جمعات راسها وخرجات من بعدماا لقات راسها مصورات والو من لوناا خرجات كتبكيي منهاارة والريح كان قويي كل مرة كيحركها من بلاصتها مكرهاتش يطيرهاا علىى هاد الوجود كامل وقفاات وسط لخلاا والقطراات تاع شتاا كيطيحو عليها تدريجيياا ..هزات راسها لفووق كتشووف فالضبابة بعيونها الزرقااء المغيمة بلحزن حمريين طايبيين عياانين كدور على راسهاا بحال شي حمقة …كلسات على ركابييها فلارض شادة حناكهاا
حتى طلقات غوتة على الله تبرد قلبهاا عوداتها وعوداتهاا حتى لقات صوتها بااح ومكاينش ليي يتسوق لييهاا
فالارض شادة جنااب رااسهاا كتبكيي بهستيريية وكضرب فرااسهاا وكتقول شنوو ندير شنو ندير
غابت على الوااقع مسمعاتش التيليفون كيصووني ويصووني وصوونيي وهي معايشااش معاه
كملات طريقهاا جارة داك الصااك شاداه من السمطة كل مرة يقيس لارض …لاحت الصندالة وتمشاات بلحفاا مساافة طويلة
بزاف تاع التراكمات القوية جمدات عقلهاا على التفكيير وعقلها تيقوليهاا صافي سطووب رمي رااسهاا من اقرب بلااصة
بدات كدور عينيها كيبان ليها غيرر طريق وشجر …حاسة براسها الموت بوحدها تبردها وتهنيهاا وصلات لوسط المدينة حفياانة وحالتها حالة محساش بلعياا كتر ماحاسة بدنياا دارت سطووب
مبقاات ضاربة حساب لا شي حد يصورهاا ولاا تنشر صورتها فشي بلاصة حيت العقل حالياا مبقاش حاضر معاهاا كتجر فرجليهاا حتى وصلات لعمارة تكات على الباب عياانة ورجليها كحالو من لتحت…شدات فلباب نااضت وحلات بساروت
دخلات فازݣة بشتاا دخلات لدوش تلاحت تحت لمااا كتكمل طقوس بكائهاا وغواتها وكتعدب نفسهاا بضرب لربماا تعاقب راسهاا
خرجات لبييت كتمشي وتجيي معرفات شنو ديير …بان ليها دوا محطوط قدامها قلباتوو لقات فييه 10 الحبات لي بقاو…حطاتوو وبعدات بايدين كيرجفوو وعقلهاا كيغوت لدااخل شربييه وهنيي رااسك شربيييه
ايماان(شادة راسهاا كضرب فييه مرة مرة)شششش هءهءه سكووووت هءهءهء سكوووت
كتحاول تغمض عينيهاا كيبان ليهاا الد_م قدامها كتحل عينيها كيبان ليها دوى قبالتهاا
مشات لماريو جبدات الشانطات بجوج كبار حطاتهم فوق سرير وكلسات كتهز وتحط فيهم كاع داكشي لغاليي لي تقدر تعاود فيه البيع ويجيب ليهاا ثمن كثر
الصيكان سبابط سوايع حواييج ..بدلات حوايجهاا بكسوة نص كم موردة فلخضر طويلة وفيها فتحة فجنب لبسات سبرديلتهاا وكتجمع
تفكرات تيليفونها ومشات لصااك لقاتوو غيطرطق ب الاتصالات واكثرهم بنمرة جديدة ملي تدكراتهاا كلساات الارض حدا سرير كتبكي وقلبها كايضرب وقالت: علاش خليتيني هءهءهء علااش كنتي تجرنيي هءهءه كنتي ضربني ومتخلينيش ورااك هءهءهء ولكن اناا مسمعتش لييك انااا نستاهل اي حاجة كتوقع لياا …نتا ربي كيبغييك(بحرقة)داكشي علاش بعدك علييا هءهءهء
طلع لييها مسااج من يوسف فواتسااب دخلات تشوف شنو كاتب حتى كتصدم كلسات على ركابيها من الصدمة حالة الصوورة على لباسبوور ديالهاا واوراق الاقاامة
وقفات كي المصعوورة كتقلب علييهم فصاكها وفجناابهاا وفحوايجها ملقات والوو ياله رجعاات لتيليفونهاا لقاتو كاتب
يوسف:هادو ديالك هاهوما عندي فالحفظ والصوون حتى ديري عقلك
ايمان(كتبات ليه ) حرام عليييك كيفاش بغيتيني نخدم معاك من ورا هدشي كلوو واش نتاا مريييض شنو درت ليييك
يوسف:البنت لي طلعتها تبغي تغدر بياا ولكن نتي لاا نتيي غتبقااي بزز ولا بلخااطر ياله جي تخدميي
ايمان(بحقد)مجيااااش وربح بيييهم والله تنشوهك
يوسف :هههههه
ختمها بضحكة وخلاهاا كتندبب وتشهق تقجااات ولات كلها كترعد وكترد وترجع تكلس دايخة بيها لرض
دازت ساعة ولقات راسها جامدة فبلاتهاا شادة تسبييح مها وكاسكيط حذيفة وكتشوف فالفراغ لي كتر من حيااتهاا …كتبان ليهاا لبككية تاع الدواا فوجهها مقابلة معاهاا كتعيط ليها كتقوليها انا الخلاص ديالك غير جربيني
شيطانهاا طاوعها وهزات لكيناات وحداها كاس تاع لماا…تكات راسها كدور شريط الحيااة قدام عينيهاا شي حاجة ترجعها تشبت بحياتهاا والوو …فرااغ فوحدة …فقهرة ..ف صمت
جدها مات…جدها ماتت الام والاب غايبين على حياتهاا وهوما فالحيااة …الخال كان غيخليها تمووت …الخال التاانيي نكر وجودهاا فخطرة …صديقتها تزوجات قلبات علييها صديقهاا حتى هوا تزووج وبغا يدوز بيها الوقت
نهار لقات الانساان لي قلبهاا ملكوو ولات حاسة بلي القلب لداخل مع كل ضربة كينطق اسموو وفكل ضربة كيزيد يحفروو فكل انش منهاا
حاسة بضياااع خاايب بوحدة قاتلة كتفكر تساليهاا …معدبة فدنياا وكتقول اللهم عداب الله ارحم
نسات بلي ربيي غفور رحيم ولكن شديد العقااب
حلاتهم فايدهاا كلهاا كترعد كيبغيو يطيحو لحبات من ايدها وترجع تشدهم تبكييي ترااجع وترجع تحقد
مع زعمات رجع صونا تيليفوونها وطلعاات نمرة وراها صوت عشيق قلبهاا ورووحهاا المقهوورة
هزات التيليفون بعييون مضببة قطع ياله بغات تحطو عاود صوناا تبسمات بلطف وقالت فنفسها غيشرفني يكون اخر صوت فحياتيي
حلات مكبر الصوت وتكات راسها حدا التيليفون دايرة صوورتوو قدامها
ايمان(بصوت خافت كابحة فيه نبرة البكااء )الوو
سمعات تنهييدتوو فتيليفون وقال بهدروء : 3 سواييع وانا كنصووني لييك …واش نتي بخير
ايمان(بهدوء ودموع هابطيين )لبااس ونتاا !
حذيفة: شنوو وقع دويي (صعر عليهاا ) ياك عارفة مصلااحتك شنو هاد لخراا دابااا ولا كيشنق عليييك ولد لكل_بة عجببك لحاال
وصلات لدرجة حتى غواتو توحشاتو وجاهاا بحال العسل على قلبهاا بقات مدة ساكتة وقالت: اناا جيت لهاد الدنياا غير بااش نتعدب …ماشي شي حاجة جديدة علياا ولفت(مسحات نيفوهاا) عرفتيي (غلب عليها ليكا وسكتات كتنخصص وهوا كيسمع )احسن حاجة درتيي هوا مشيتيي (شهقاات ) كنت غنجرك معاياا لهلااك ونتاا ولد النااس معمرك كنتي ديالي هء هء انا مبغييت والوو داباا
حذيفة(كيسايس معاها بهدوء ) شووفي هاد الهدرة معندناا منديرو فيها قولي لياا شنو المشكيل لي عندك معااه…انا غنقطع داباا غنجي غنوريي ليهو_دي لي حطو يحط ايدوو لمسخة عليييك
ايمان(بدموع )متجييش عفااك …شوف ناصر غيمشي لروماا …كنت دايرة نتلاقا بيه تما ونقطع ليه ولكن
حذيفة:ايمااان قولي شنو كاااين دوووي
ايمان:فرحت لي سمعت صوتك والله …تهلا فراسك هء وسمحلياا بزااف
قطعات وقلبهاا كيتقطع ملييون طرف حاسة بعذاب قوويي لقات رااسهاا معندها والو فحياتها مكاين لاش تجر معاها شخص اخور لمشاكلهاا
كمشاات على 10 الحبات من المنوم كطلب المغفرة من الله وهي غادي دير اكبر معصيية لا تغفر وهي تق_تل نفسهاا
مع كتبغي دخلهم لفمها كترااجع والتليفون كيصوونيي ويتقطع ويعاود يصووني
مكانتش بالشجاعة لكافية وخة دمااغها تيقوليها كووولي وهني راسك ولكن شي حاجة مزال فقلبها كتقوول ليها حبسيي وياااك
بقات كتشوف فتصاور حذيفة حتى بدا الباب كيصوونيي ودقاان قويي ناضت مفزوعة وقالت: حذيفة !
مشاات بجريي حلات لباب وعينيها مورميين بدمووع حتى كترجع خطوة اللور ملي شافت قدامهاا كان واحد متقدمهم وجوج ورااه سلاح فجنب سروال كري وتيشورت لاصق عليهم فصدر مكتوبة “polizia” بقات شادة فلباب بخوف تقاال بصوت خشن ايطالي
:ايمان ***
حركات راسها بااه ولمعدة تقلبات لييهاا مجا فين يكمل كلامو حتى تقدم شرطي من ورااه شد ايدهاا رجعهم اللور ومينطها وقال: نتي رهن الاعتقال
ايمان: وو ولكن شنوو درت ايي اي بشويية قوليااا شنو درت علاش غاديين بيييااا عفاااك شرح لياا
_حتى لمركز وغتعرفيي
هبطوها فسانسور ايديها قداامهاا وشعرها مموج طايح على وجههاا كتشووف ومن الصدمة مقدراتش حتى تبكيي قلبها حاسة بيه غيسكت كتسول فيهم وهوما ساكتيين مع خرجو من باب الدار جا فلاش قوي فعينيهاا خلاها تغطي عينيها حيت تعماو بضو
مع هزات راسهاا كتشوف جوج صحفييين كيصوروو ..بقات كتشووف حتى جرها الشرطيي هابط بييها دريجات لعمارة وهي كطلب فيه غير يفهمها اش وااقع
مع هزات عينيها فطريق …كتبان ليها مرسيديس كحلة مركونة قبالتها فلوقت لي لبوليسي حل ليها لباب اللور تركب
عرفات يوسف ورا هدشيي
ركبات وسطهم بجوج والتالت ساايݣ …كتبكيي وتندب غير بوحدهاا وشعرها لصق على وجهها بدمووع كتردد بالايطالية: شنوو دررت قولو ليا شنو درت
دخلوها لمركز الشرطة كتبكيي وكتقول مدرت والوو داوها لواحد لبيرو فيه طاولة لوسط فقط وجوج كراسة زاج اسود فواحد جيهة وكاميراات ف فلقنات
اشار ليها البوليسي باش تكلس بمينوطهاا …الشومبر كتخوف كانت كتشوفها غير فلافلاام كيعصرووهم لساعات هناا ..تسد عليهاا لباب كتبكيي هزات ايدهاا غطات بيها وجهها ولِ لحظة فكرات وقالت فنفسها كون غير شربت الدوا قبل مانحل لباب
بضع دقائق وتحولات لجماد فوق لكرسي كتشووف بعييون حمرااء والدمووع كل مرة يهبطوو بصمت شعرها مزلع على وجههاا مزيرة على ايدهاا بظفارها بلا متحس كانت جرحات ايديها من اللور غير كتقمش بلا احساس
ساعة ولا كثر وهي هكاك مجا عندها حد ..حتى سمعات لباب تحت تحولو عينيهاا لجنب تابعة الصوت لي كيقرب بلا مدوور
تحط قدامها ملف اصفر حتى طير شعر خفيف على وجههاا كمل الشخص طريقو تال لكرسي قبالتهاا وكلس كانت شرطية …شبكات ايدها قدامها حتى هزات عينيها فييها برجفة لقات قدامها امراءة سمراء بقميجة بيضاء وسلا_ح فجنبهاا مخنزرة فييهاا خلعاتها
ايمان: ششش شنوو كندير ننا هء ععلاش جابونيي هءهء انا مدرت والوو
ش: انا لي كنسول هناا ماشي نتيي …نتي متهمة بالسرقة
ايمان(صدمة )السرقة ؟ شنو سرقت
ش: جوزيف خوان
ايمان(طاحو دموعها وححركات راسهاا ب ااه ) مدير اعماليي
ش_ كيتااهمك بليي سرقتيي لييه مبلغ 200 الف اورو)
شداتهاا اللقوة معرفات شنو هاد لباطل لاح عليها كيفاش وعلاااش معرفاتتشش بقات كتحرك راسهاا بلا والشرطية قبالتها ..حلات لبيسيي قدامهاا دورات لعند ايمان كتشووف وتزيد تصدم كتر
ش:هادي نتيي ؟
حركات راسها باه
ش:شنو كديري فلبيرو ديالو …وشنوو هزيتيي وعلاش شنو كنتي كتقلبيي
ايمان:هءهءهء مدرت والو هءهء والله مدرت والو (شدات وجهها بيين ايدها كتبكيي
ش:الادلة كلهاا ضدك …من الاحسن توكلي محاميي ولا نوكلوه لييك …واحد شوية غيجيو يديوك تعطي معلوماتك الشخصية …عندك الحق فاتصال واحد من بعد انبداو معاك التحقيق
خرجات وخلاتهاا كترجع السينتة الللور قبل سنتيين تقريبا
واقفة ايمان فواحد الطبلة من بعد السهرة شادة تيليفونها كتسنا فلعشاا ديالها حتى كلس حداهاا يوسف شاد راسوو
ايمان:ماالك يووسف
يوسف (بالم)مممم عتقينيي بواحد لكينة كاينة فلبيروو عفاك راسي غيطييح
ايمان:ديال الرااس ! اشمن بلاصة كاينة
يوسف:غير قلبي فلمجوورة …اه وجيبي ليا معااك واحد جوا حتى هوا كااين فلمجر لتحتااني ومتعطلييش عفااك
ايمان:ؤك
ناضت لبات الطلب حيت شافتوو كايتألم
طلعات لبيرو كتقلب بعيننيهاا على لكينة ..بدات كاتحل لمجورة وكتسد وكتقلب فلبلكاراات حتى لقات جوا عاامر فلوس كبير كان محلول وقفات وطلات شنو فييه وخرجو عينيها من كمية لفلووس …حتى تفكرات لكينة ورجعات كتقلب حتى عيياات وخرجات لعندو
يوسف: عطيني لكيينة
ايمان:مخليت فين قلبت(حطات جوا) ملقييتهااش
يوسف:فف غتكون تسالات لياا ..صافي غنمشيي ناخدها من براا
خرج بابتسامة جانبية ركب فطموبيلتوو وخرج تيليفونو يراقب لكاميرا رجعها اللور كتباان لييه كتقلب فلمجورة حتى لقات لفلوس وكيف توقع غضرب طلة علييهم حيت خلاه محلول وكملات التقلاب ورجعات خرجات
تبسسم بخبث وقال: وقت الحاجة لا غير
**
رجعات لواقعهاا والغرفة فين تحطاات كي شوية الهم قلبها من كترة التراكمات حاسة بييه قرب يتقطع طراف صغاار
طاحت فحفرة مسخة تفكرات الصحافة ليي كانو حدا لباب الصور لي تخدااو …طاحو كتاافهاا حيت الاشاعات دغيا كيطلعو طوندونس وهي عاد بدات كدير بلاصتها وخصوصا دابا تعرفات مغربيية ..شهرتها مبقاتش غير فايطالياا
خداو معلوماتها الشخصية وداوهاا لانه الوقت كان متأخر للحراسة النضرية وبعد ليلة كاملة رجعوها لتحقيق ليي كيطول حتى كيشحفووهم كيبغييو الاعتراف يكون صحة
دق عليهم لباب من طرف شرطيي وقال:محامي المتهمة وصل
ش:قوليه يدخل
دخل رجل ستيني بمحفظة وملف فايدو سلم على الشرطية وعلى ايمان عرف براسو وكلس
ش:داباا واش مكفاوكش هاد الدلائل علاش مزال مصرة تنفي هدشي
م:الموكلة ديالي مغجتجاوبش على هد السؤال
شافت فيه الشرطية وشافت فايمان:شنو كتقول فهاد لفيديو (وراتو لييه كيفاش ايمان داخلة لبيرو كتقلب تهزات جوا وخرجات )شنو كتقوول
رد بهدوء : عندنا حق الصمت …كنطالب بالافراج بكفالة على موكلتي ايمان ***
ردت الشرطية وقالت: لموكلة ديالك تحت التحقيق حالياا وطلب الكفالة مرفووض الا من بعد التحقيق
م:الموكلة ديالي كتعرض لمكيدة من طرف مدير اعمالهاا
ش:ماشي هدشي لي كنشوف فلفيديو
م: احد حقوق الموكلة ديالي هوا نكلس معاها قبل التحقيق
بقات الشرطية كتشوف و قالت: وخة
داوها لغرفة ثانيية حتى هي بحال غرفة الزيارة كلسوها وكلس قبالتهاا المحاميي
م:هيي حلي ليها لمينوط …متهمة بالسرقة ماشي الق_تل
بقات كتشووف فييه وتحناات حلات لايمان لمينوط الاخيرة شدات ايدهاا حمريين كتقاد فييهم وكتبكي وقالت للمحامي:هء هء مدرت والوو
_معاك المحامي : ݣوستافو خوسيه بغيتك تعاودي ليا بالضبط شنو وقع باش نقدر نعاونك
ايمان: هوا لي سيفطنيي باش نجيب لييه لفلوس وقالياا قلبيي فلمجورة حتى تلقايهم هءهءه انا مسرقتووش
م:عندك شي مشاكل معاه ؟
ايمان: بغيت نفسخ العقد لي بيناتناا وبدا كيهدد فياا وراني شي ورااق ماعمري سنييت علييهم
م:كتشكي بلي مزور الوثائق
ايمان:انا متأكدة هوا لي زورهم ميمكنش انا مسنيتش على داكشيي هءهءه مسنييتش بغا يضيع لييا صورتيي حييت طلببت نفسخ العقد معااه
م:سمعي لياا …الموضوع مسااهلش وهاد الفيديو لي شفنا داباا فيه ادانة كبيرة لييك ..غندقق فالتفاصييل ونشوفو واش غنخرجو بشي نتيجة مرضية لي علياا غادي نديرو
ايمان:واش غنخرج
م:غنديرو طلب باش تخرجي بكفالة حتى الوقت المحكمة وهدشي غيطلب وقت
ايمان(حسات بلفشلة وهبطات راسها بحزن )ونتاا شكون وصاك دافع علياا ؟
جبد لمحفضة ديالوو وعطاها ورقة بيضاء مربعة دفعها جيهتها وقال: هاد الشخص
مسحات عينيها من الدمووع وهزات لورقة قلباتهاا وضرب قلبهاا بحال شي نعشة قوية نعشات شوية من تعاستهاا …الكتابة عربية لهجتهاا وخط مميز
” متخافيش نتي ماشي بوحدك”
خافت تقولييه شكون صيفطها ويجيها احبااط كلشي ولات مرجعاه حذيفة خافت تصدم ولكن متقدرش تكتمها فقلبهاا
ايمان:واش حذيفة !
م:أمين ؟
حركات رااسهاا بااه واحد لفررحة فرفراات قلبها من وسط حزنهاا وبكاات وقالت:واش كااين على براا (شدات فايد لمحامي )واش كاااين هءهءهء حذيفة براا
حرك المحامي راسوو بااه وقال: هواا لي واقف براا
حطات ايدها على قلبهاا ضامة الورقة كتبكيي تخلط عليها كلشيي …ملقات حتى جيب فلكسوة خباتها فصدرهاا وقالت:بغييت نشووفوو واش نقدر
م:غنحاول ندفع طلب غدا المهيم حتافظي بأي إجابة للاسئلة حتى نكون معااك غنحاولو نتكملو مع جوزيف ونقلبو على ادلة تتبت بليي هواا ملفق هد التهمة ليك
حركات راسها بااه وقف دق لباب وحل ليه الشرطي ودخل الاخير شد ايماان ..داها لسجن الاحتياطي تماا سناات فلورقة ودخلات كلسات فواحد لقنت فلكرسي ديال السيمة ولبلاصة بااردة…جبدات لورقة من صدرهاا كدوز ايدها عليهاا تونسها فهاد لبلاصة
*
مع هبط من طيارة شد طاكسي نيشاان لدار تاع ايمان فكتفوو صاك صغير جامع فيه وريقاتو ومسائلو الشخصية …ياله بغا يطلع لدارها كيصوني لييه نااصر جاوبو وقال: ناصر عاد وصلت داباا
ناصر:مصيبة اخاي واش مشفتيش اش واقع
رجع خطوة اللور من بعدما بغا يطلع فدروج وقال مكمش حجبانو :اش واقع
ناصر:شوف انستغرام … ايمان كاينة عند لبوليس دابا
حذيفة:ك كيفاش عند البوليس شنو دارت
ناصر: دخل تقرا راه سيفط لييك ليان فواتساب
قطع معاه ودخل لواتساب حتى كيتفاجئ بلي بوسط عليها مخرجينها لبولييس والعنوان كان ” اتهام بيانكا بسرقة مدير اعمالهاا “
شد فموو وكلس فلعتبة ديال لباب فااشل كيقراا…طلعات ليه نمرة باسم زينة وقطع عليهاا
داير لكاسكييط كيف عادتو حيدهاا ودوز ايدوو على راسوو كيفكرر شنو يدير فهاد الحالة
دخل لكوكل كيقلب على محاميي فهاد القضايا لقاه ديك السااع كانت ايمان دوزات عند البوليس ليلة كاملة …المحامي دخل وحذيفة بقا على براا كيتسناا المحامي يخرج بخبار زوينة
حتى شافو خاارج كيقلب عليه بعينيه ومشا عندوو
م:القضية صعيبة شوية مافيهاش غير الهدرة …كاين دليل ..مفبرك ولا لا دليل كيثبت بلي هزات الفلووس
حذيفة(بنفي )مديرهااش
م: كتقول بليي هوا لي سيفطها تجيب لفلوس وهوا خدا داك الفيديو ضدهاا …الامر موقفش هناا كتقول بليي بغات تفسخ العقد لي بيناتهم حتى كتصدم بليي ماشي نفس العقد لي سنات علييه …خاصنا دلائل كثيرة باش نقدروو نخرجوها منهنا بلا حتى تهمة
حذيفة:والكفالة لي قلتيي
م:مزال تحت التحقيق من بعد نقدرو ندفعو طلب بلمحاكمة فحالة سراح …هدشي غيااخد وقت خاصنا نلقاو فجوة لهاد جوزيف قبل ميغرقهاا فمرة …كان كيتسناها غير تغلط باش يحط دليل يشوه سمعتهاا
بقا غير كيشووف وهدشي ليي خاف منو نهار اللول هوا لي طاحت فييه داباا..احساسو معمرو خيبو فنية بناادم عاطيه ربي ميزة كيعرف ان داك الانسان غيجيه منو غير لمصائب
تنهد لحالهاا من الشهرة لقاع الحبس صعيبة ومتبغيهااش لعدووك الحبس والغربة لا حنين لا رحييم كيف المقطوع من شجرة
بقا واقف بدون حيلة واقف ساهيي كيشوف فلارض حتى وقف علييه كرييس وقال بالانجليزية :شنو وااقع ؟
شافييه حذيفة وحكا لييه الواقعة وقال:خاصها محامي ؟
حذيفة:تكلفت
كريس:مكانش كيحساب لياا غيتمادا لهاد الدرجة مليي تبغيي تسالي لكونطرا معااه
حذيفة: دابا معندنا حتى حل من غير نتسناو المحامي ! ففف نقدر نمشي نهدر معاه الى بغا لفلوس نلقا معاه حل
كريس؛ معرفتش
11 تاع الليل وهوا تالف معرفش بشنو يقدر يعاونهاا واقف قدام الريستو كيمشي ويجيي حدا طموبيلة يوسف المركونة فجنب حتى كيبان ليه جاي كيضحك
حيد حذيفة لكاسكييط وتقدم جيهتو عياا يخفي ملامح الغضب ومتحكم فراسوو ولكن بانت فوجهوو كتر
هز يوسف عينيه لقدام كيبان لييه وااقف قبالتو ناوي على خزيت ولكن ماحركش من بلاصتوو
يوسف:تقدر تبعد على الطموبييل ؟
كان حذيفة متكي علييهاا وتقاد فلوقفة فوجه يوسف ولا كايبان طول منوو ومهبط عينيه فييه كيشوف فييه بهدووء وايديه فجيياب كيدقق فييه ويوسف تراجع خطوة للوراء وقال:شكون نتاا
حذيفة: شنو بغيتي من ايمان ؟
ضحك يوسف وقال:ااااه نتااا لولد ليي كنتي معاها فاللول ومشيتي مممم ههههه مدة طويلة متشاوفنااش فين مشيتي
حذيفة(بهدوء ) يمكن راه سولتك
يوسف:ههههه وشنو كتسنا منيي داباا …الهدرة مع المحامي دياليي
بغا يدووز و وقف قداموو حيد ايدوو من جيبوو ومسح على نيفو مبعد النظر ديالو من يوسف وقال: لقيتيها بوحدها
يوسف:ديك الساع متبقااش بوحدهاا …والى قربتي لياا خطييييوة وحدة وتجرئتي علييا غنسيفطك تونسهاا …متنسااش لي قدامك ايطالي نقدر نسيفطك لبلادك (طرطق صباعو )فرمشة عين وخة تكون بوراقك
حذيفة(ضحك بتقالة ) دابا قوليا شنو بغيتي …لفلووس ؟ شحال
يوسف: بزاااف ومغتقدرش عليهم …ايمان بووحدها لي قادة تعطيني دوك لفلووس …قوليها دير عقلهاا وتخلينا رابحيين بجوج ولا عمرها غتخرج من داك الحبس
شافو حرك ايدو ورجع باللور وقال:اييه تء تء تء متحاولش نقدر نزيد ليها حاجة خرا على ديك السرقة وتصدق غارقة فلحبس حياتها كلهاا
حذيفة (تبسم بفقصة )شديتيني من الايد لي كضرني ياك ؟ وغير صبر دقتك خايبة منرحمكش
يوسف(باستفزاز) ؤك خليني نمشيي عندي شلا ميداار
حيد من طريقو ركب يوسف وزاد مع طريق مخلييه واقف كيشوف شنو يقدر يدير باش يعاونها ..
الغربة … الحبس كتفكر كلام حذيفة قبل ربع سنين هادي ملي كيقوليها طلعي درجة درجة باش لطحتي تلقاي راسك قريبة …هي نساات لرض وبقات طالعة طالعة بلا فرناات مدارت بلي بنادم يقدر يغدرها فلحظة
كتيق فاي شخص ؟ اه كتييق هي انساانة من كترة خيبات حياتهاا كان عندها امل تلقا ناس ميخدلوهاش
كانت عارفاه طمااع وكيدي نص فلوسها ولكن معمرها قالت بلي يقدر يغدرنيي
كانت وسط فراشها رطب كريماتها وعطورها لفااخرة لجاكوزي لي كيحيد ليها ستريس فاخر نهارهاا …ولات عايشة عييشة الرفاهيية حتى لقات راسها مهددة بلحبس لسنين على حاجة مدرتهااش
حاضنة رجليها كتشوف فلفراغ كاينين جوج بنات معاهاا كل وحدة شادة قنت وساكتة الشرطي مرة مرة يدوز من حداهم…كتنهد وتجبد الورقة تاكد بليي حذيفة كايين وجا على قبلها ماشي هلوساتها اليوميية …مكرهاتش تشوفو ولو غير من بعييد مبغاتوش ياخد عليها نظرة خايبة كتر مواخدهاا …بغاتو يعرف بلي مهزاتش بلي هي مظلومة وغير ݣدمهاا
الوقت داز تقيل علييه تكات راسهاا على الحييط كدندن باغنية اسبانياا…
الليل داز عليها طويل مشافوش عينيها النعااس حاضية جناابها وكالسة مكمشة كيبان ليها المستقبل مظلم كتر من لي كاان وراقها داهم ليها غرقهاا فلحبس وهادي زيد لوراق لي مزاال عندو
دار خطة مدرووسة باش عمرها تهز الراس مزاال
فاليوم التااني عطاوها تفطر شوية وبداو معاها التحقيق ليي كان خارج بنتيجة وحدة ونفس الاقوال مكتبدلهمش واخة الدليل قدامهاا
رجعوها لبلاصتها سخفانة وقلبهاا غيخرج من بلاصتوو نفسيتهاا عيااات وصلات لحد الاحتمال كتمشي وتجيي ومعرفاتش الوقت شحال داز حتى شافت البوليسي كيحل الباب بدا قلبها كيضرب وقالت:غنخرج ؟
ش: جا المحامي ديالك (اشار ليها بايدو باش تجي عندو شد ايدها قدامهاا ومينطهاا )
ايمان:ولكن علاش راني مغاديش نهرب
ش:تهربي (ضحك )زيدي
شدها من دراعهاا كتهز ايدها تقاد لكسوة على صدرها ملي كيبان وتمسح وجهها من التعب
كتمشا بتعب وحزن الحمامة ملي قررات طير تهرسو جناحهاا
حل لباب وامرها باش دخل…هزات عينيها فلمحاامي ورمات عينيها لشرطي قدامها كيحيد ليها لميينوط …كيبان ليهاا شخص اخر من ورااه …ميلات راسهاا تشوف شكوون حتى كتحس بلبنج سرح من دمهاا
غير سد الشرطي وراه الباب خلاهاا كتشوفييه قداامهاا كان كالس غير شافهاا وناض دافع لكرسي اللور وتقدم جيهتها بملاامح اسف وحسرة علييهاا …كيف عادتوو انيق وخة يكون لباسو بسييط بشوميز زرقاء محلولة تحتها تيشورت بيض ودجيين زرق …حذيفة فقلبهاا متبدلش نفس الملامح الجميلة البشوشة
بدات كترمش بكترة وكتبكيي فمكانها بحال الطفلة صغييرة نطقات برجفة مزيرة على ايدهاا
ايمان:مدرت والوو هذهء مدرت والوو
كانت قداموو فاضعف حلاتهاا قرب لجيهتهاا بحزن باين على ملامح وجهوو حضنهاا لصدرو وغمض عينييه مكمش ايدو فشعرهاا
غاطسة وجهها وسط صدرو …هزات ايدها دوراتهم عليه مزيرة على قميجتوو وطلقات العنان لدموعهاا بحال شي درية صغيرة كانت تالفة ولقات مهاا من بعد كتافها كيتهزوو وقلبهاا من كثرة مكيخفق كيحس بييه فظهرها
حذيفة(تنهد ) صاافيي تهدنيي
ايمان(بخوف)مبغيتش نبقا هنا هءهءهء انا مدرت والوو
جر ليها وجهها من حضنو وقال: غنلقااو حل غنهضرو معاه نشوفوو شنو تحت راسوو
ايمان(مسحات عينيهاا)لاا لا لا متقربش لييه متوصلش لجيهتو احذيفة سمعتينيي ،واش سمعتيني يقدر يدير ايي حاجة هوا حتى من وراقي داهم لياا
حذيفة:مكايناش السييبة معندو ميدير لييك ولا حتى لياا
ايمان:مكاين لاش ترجع لمشاكل حياتي احذيفة (شدات يدو بامتنان)شكرا حيت وقفتي معايا مرة اخرى(طاحو دموعها )ولكن مبغيتكش ضيع راسسك نتا بنيتي حياتك فبلاصة اخرى مبغيتكش ترون حياتك مرة اخرى على قبليي احذيفة هء اناا هء هء انا نستاهل هدشيي حيت كنت مغمضة عينيي على بزااف
حذيفة(شافييهاا بابتساامة خفيفة ) سمعينيي كلشي غيتقااد متفكري فوالوو …اجي كلسيي
كلسات وكلس مقابل معاهاا وحداهم المحامي مفاهم والو من حوارهم …شدات فايديه شدة وحدة
كتهدر مع المحاميي وحذيفة عينوو عليهاا هبط عينوو لايديهم فوق الطبلة كيشوف فييهاا بلطف حتى وعى على راسسو وجر ايدوو بشوية وشابكهم تحت دقنو كيسمعو لمحاميي
م:غندفعو طلب باش تخرجي بكفالة بينما لقينا حل مع المشتكي
ايمان:بغيت نعرف شحال نقدر ندوز ديال الحبس فهد الحالة !
م:من 6 شهر الى 4 سنوات على حسب السرقة
ايمان(شدات وجهها ) صافي ضاع كلشي
م:ماشي بهد السهولة نقدروو منهنا الوقت المحاكمة نلقاو شي دليل ضدو
ايمان:مرتو بوحدها لي عارفة شنو تحت راسو ولكن ديما سكرانة …كاينة شي حاجة بيناتهم بجوج مخليااها متبعدش علييه
حذيفة:فين غنلقاوها
شافت جيهتو وتبسمات ليها : معندك مدير بيهاا احذيفة الى مكتاب ندوز لحبس غادي ندوزوو (بحرقة ) وصافي نتا بقا بعييد على هدشي عفااك
دخل الشرطي وقفهاا باش يدير ليهاا لمينووط كتشوف فحذيفة ..بعدات من لبوليسي بجرية تلصقات فحذيفة ترجع باللور من ارتطامها بييه زيرات علييه كتبكيي حضنهاا وقال: انلقاو حل
استغلات فرصة العنااق مبغاتش تبعد لبولييسي يجر وهي لاصقة فييه
ايمان(بلغوات)عفاااك غير شويية هءهءن غير شويية مبغيييتش نبقا بوحداااي
حذيفة(زيرها عندوو )دقيييقة ،دقيقة
جر ليها الشرطي ايديهاا رافض طلبهم ولخرى بقات شادة فايدوو منظر هرسوو من جيهتهاا ملقا جهد هي كتبكي والبوليسي جاارها عطاها حذيفة بالظهر سارط الغصة وقلة الحيلة تكاا على الحيط قداموو وخبط ايدو مع الحييط
في حيين خرجها الشرطي بزز تطاحت لييه وسط لكولوار وعاونها تناضت بزز وجرها تدخلها لبلاصتها وطاحت فلارض فوضعيتهاا تكاات منها لضس كدور بيها الدنيا
خرج من تماا معارفش فيين يمشي غير زرباان ندم لاش دخل ندم لاش شافها ف نقطة ضعفهاا كيفاش شدات فيييه وكيفااش كطلب فلبوليسي باش يخليها معااه …بعد ابعد مساافة وكلس كيكميي ويخمم
خرج المحامي كيقلب عليه بعينيه تبان لييه كريس ومعاه ودييان كتسول ومخلووعة بغات تشوفها ولكن متقدرش تستقبل زيارات بزاف
سهات وهي فنفس الوضعية حتى ظن الشرطي بلي مغيبة وجاا حركها لقاها كتشوف فبلاصة وحدة رشها بلما تسدات عينيها ورجع لجموع مع صاحبو
فقدات الادراك بالوقت واش ليل ولا نهار لي عارفة هوا دوزات ايام هناا
اليوم التالت من التحقيق واخر نهار قبل متلتااحق بسجن ديال بصح داوها لغرفة الزياارة متلهفة تشوف شكوون حتى كيبان ليهاا يوسف كالس كيربت على الطبلة حتى شافهاا وتبسم ليهاا…وقف جاي عندها حال ايدو تبعدات اللور
يوسف؛توحشتك …هههه كيفاش كانت الضيافة هناا امم غتكوني 3 ايام مدوشتيي
ايمان:علااش علاش وصلتيني هناا شنو درت لييك انا مديت لييك والووو هءهءه شنو بغيتي مننييي
يوسف:انا مبغييت منك والوو نتي لي محتارمتيش مجهودي معااك …جيت غير نفرحك ونقولييك بليي هاد الاشعات وصلات الاغنية ل 34 ملييون هههه شفتيي واخة هكاك مزال رابحة ومزال فالصدارة
ايمان(برجاء )دي كلشي هءهء ولكن خرجني منهنا عفاااك مبغييتش نبقاا هناا حرام علييك ايووسف
يوسف (ربع ايدو كيشوف فيها كطلب فييه بضعف وتبسم بانتصاار) هدشي درتوو غير باش تعرفي شكون اناا وصافي منقدرش نفرط فييك ونخلييك فلحبس وخصوصا ملي يعرفووك اجنبية علييهم عرفتي كيفاش غتعااملي فلحبس ! (وقف حداها)غتولي خدامة عند لباروناات (مشا قرب لودنهاا التانية ) غتوليي تنعسيي حدا طوالييط (هز ليها شعرهاا جيهت ودنها ) وغادي توليي مونيكة كيلعبو بييها دوك **** كيعجبووهم بحالك(دوز صبعو على كتفها وهوا وراها ) هشيشة ونقيية
بعدلت كتفها كترجف وتنخصص
مشا كلس بلاصتوو قبالتها وقال:كلسي نتافهموو (بامر )كلسييي
كلساات مبنجة وهدرتو كدور فراسهاا ضماات ايديهاا كتحمي نفسهاا من افكارهاا وتخيلاتهاا كترعد بوحدهاا
يوسف:غادي نتنازل ليك على هدشيي ب شرط واحد
ايمان(حركات راسها بالإيجاب ودموعها كيقطرو )
يوسف:غادي نلغيو كلشيي كاع دوك لكونطراات لي بيناتناا وغنسنيو كونطرا خاصة
ايمان:شمن كونطرا هء
يوسف(بابتساامة ) الاعماال ديالك نص بالنص (حركات راسها بااه ) متافقة علييه
ايمان:موافقققة هءهء عفااك خرجني منهنا
يوسف:مزال موصلناش لشرط الخااص … بغيت منك ولد ولا بنت
ميلات راسها بعدم فهم وقالت كتمتم : كي كيفاش ولد ولا بنت
يوسف : راك فهمتيني غتولدي لياا ولد ولا بنت
ضحكات بصدمة وقالت: كضحك عليا ايووسف؟ شرح لياا
يوسف : وخة … غتكون بيناتنا علاقة …اتحمليي اتولدي شنوو لي مفهمتيش من هادشي
سكتات كترتب فالكلام لي قال فدمااغها وقالت:ي يووسف غير كتفلا يااك…ما مغاتوصلش معايياا لشونطاج
يوسف:هدا ماشي شونطاج …هدا اتفاق باش تكسبيي حريتك وزيد عليهاا شهرتك تعطينيي نص من ربااح غتعيشي معاياا حتى تولديي ليااا وديك السااع لكنتي بغيتي تمشي (هز كتافوو )غتمشيي …شنو قلتي اه غنتزوجوو (تبسم ليهاا ) بغيت ولدي ولا بنتيي يكون مسجل على اسمي من نهار اللول…غتوافقي من هناا …غتخرجي من هنا
ايمان(كترجاه بدموعها )يووسف هءهءه نتا عارفني كنبغي واحد اخور هءهء وبلا منبغي شي حد كيفاش كطلب منيي هاد الطلب واش لولاد عندك لعبة ؟ ولدهم مع لوناا
يوسف: لوناا ؟ كتبان ليك لوناا ديال لولاد …كون كتولد كانت مدة هادي ولدات …شوفيي منطولوش الهدرة (اشار ليها بصبعوو )طلبي بسييط بغيت ولد ولا بنت منك وموراها سيري عيشي حياتتك معنديش مشكييل …(طرطق صباعو )شنو قلتيي ؟
كتشوف فييه وكتبكي ربما يحن فيهاا ترجاتوو تعياات وهوا كالس جامد بملامح باردة مقابلهاا
يوسف:بان لييا بغيتي تجربي الحبس
وقف غادي و وصل جيهتها كتبكي بحرقة تحنا لعندها وقال: ولكن ديري فبالك مع تبغي تهزي الراس من وحدة …غتجييك التاانية …دوماج الساحة الفنية غتوحشك لسنواات ونهار تخرجي مغايعقل علييك حد …غترجعي نكرة كيف بديتيي وكيف جيتي لهد لبلاد
مشا دق فلباب كيتسناه يحل وهي كتببكيي وكترجف بحرقة نطقات ملي تحل لباب :اناا مواافقة (مسحات دموعهاا ) موافقة على شروطك غير خرجني من هنا
يوسف: فالوقت المنااسب
خرج خلاهاا هكاك مشا الشرطي شدهاا غادي بيها لبلاصتها …مستوهة واصوات كثيرة كتسمعهم فودنهاا دقات قلبها تزادو على العااديي
لقات راسها وسط الحديد بوحدها شدات رااسهاا كدور بجناابهاا و كتهلوس بكلماات مامركزااش شنو كتقوول
شدات على صدرهاا كتنهج وحاسة ببرودة اطرافهاا شوية طاحت فلارض كالسة كتحرك فرجليهاا هزات ايدها تحكم فرجفتهم كتبان ليها الرؤية مواضحااش وايدها عامريين تراب الارضية ولكن هي تخيل ليها د_م غوتات ومسحات ايدهاا وشداتهاا لحالة من جديد
ايمان(كتغوت) وااااع وااااع خرجووووني غنمووووت هءهءه غنمووت
كتخبط فلحديد بقسوة وكتجر فييه كتجري من قنت لققنت وكتوقف لوسط كتغوت وتنتف فشعرهاا تدخلوو عندهاا مبقاتش كتشعر براسهاا كتغوت وتجر ضرب هنا وهناا
حتى تقلبو عينيهاا وطاحت هاادئة فلارض
**
الاحلام …. الأحلام شي مرات الى مدرستيش طريقك بالف طريقة كتخرج فمتاهة كبيررة وعامرة ذياب
عالم الشهرة …عالم الاغنياء والاضواء…كتسلب منك القدرة باش تحكم فحياتك الشخصية مكتبقاش قادر تحكم فلمستقبل كيفاش غيكون …كتولي معرض لبزااف ديال المشااكل بزااف تاع الضغوطاات ..كتولي مناافق كيخصك تمتل على النااس بليي نتا فرحان ومخااصك خيير ..بلي الشهرة كتخليي العالم كلو بين ايديك لي بغيتيها توجد لي حليتي عليها فمك تكون حداك
ولكن هوا فالاصل مجال مظلم حيت كتشوف غير لي خاصك تشووف اماا الحاجة صعيبة كتبقا مظلمة كيعيشوها مع نفسهم …
*
حلات عينيهاا كانت ناعسة على ظهرها كيبان ليها سقف بيض وخز فايدهاا بدات كتشوف فين هي
كانت فغرفة ديال سبيطار سرير الوسط والة الضغط حداها والسيروم معلق فايدها …من بعدما اكتاشفات لبلاصة رجعات تكات رااسها بعيااء وقالت فنفسها
“يارييت كون كنت باقة فسبيطار النمساا وعاودت احداث حياتي كيف بغييت “
هاهي تاني فهاد لبلاصة بووحدهاا ..سكات رهييب…كدور عينيهاا وفمها ناشف بغات الماا ولكن مكاين حد …لا حنين ..لا رحييم
باقة بكسوتهاا هادي تلتيام ويمكن كتر مبقاتش عارفة شحال تاع الوقت كلساات هناا
جمعات جهدهاا كلساات بييه شادة فجناب سرير لارض كدور بيهاا
حسات بلباب تحل كتشوف شكون غيبان ليهاا حتى شافت وديان وانشارح قلبها شوية وتبسمات ليهاا الاخيرة جراات بخوف عند ايمان وعنقااتهاا بحب وقالت: واش نتيي بخيير
ايمان(حركات راسها باه كتنهد وقالت) بخير
كلسات حداها شدات يدها وقالت: غير سمعت لخبار جيت كنجري ..تصدمت مظنيتش داك لحماار يوصل بييه الغدر لهد الدرجة !
فكراتها فييه وفكراتها فالاتفااق الممييت ليي غيلخص مأسي حياتهاا كلهم ويقوليهم بلاااتي مشفتو والوو
تلغا شبح ابتسامتهاا وقالت: شنو كيقولو علياا ؟ شفارة ياك
ودبان:ماشغليش بالك قالو علييهم ما كتر وعادي شنو طرا ليهم هادي حياة المشاهير…واش غاتهزك هادي ولا غيرهاا ! حمقة نتيي …شنو وقع تشداتك لكريز ؟
ايمان(شافت فيهاا وهبطات راسهاا ) قصة طويلة ..كيفاش خلاوك دخلي عندي
ودبان(تبسمات ) هوا واخة حمار ميسواش ولكن راه تناازل لييك على الدعوة يمكن بغا غير يخلعك بيها ..اصلا كون المحامي طول فالتحقيق كان غيطيح على شي حاجة تغرقو داكشي علاش بعد …
ايمان:ايمتا تنازل
ايمان:الباارح علمناا المحامي ديالك وقالينا بلي نتيي فسبيطار جاتك كريز بانييك (شدات فايدخا )ايمان نطلبك !
حركات راسها بشنو وقالت: تبغي تشوفي شي طبيب
ايمان:ديالاش !
وديان:هد لكرييز بانيك لي كتجييك مشفتيهاش غاديا وكتزيد خاصك تشوفي طبيب يعطيك دوا يعاونك
ايمان:دوايا عندي ا ودياان
وديان:شنو هوا هد دوا
ايمان:خاصني نسساا ونعييش حياتي …ولكن راه مقادرااش مقادراش نساا لي ضرني فحياتتي ولي مشا من حياتي ولي غضرنيي وزييد وزييد واش الدوا الى شربتو غيعطيني عائلة ! غيرجع لياا ميي لي ماتت غيرجع لياا حذيفة
وديان(تنهدات ) انا مفهمتش هد القصة ديالكم والله ..انا كنشوفو هوا لي غاالط كتر كان ممكن هدشي كلو ميوقعش هوا اصلا ا ايمان كان باغي يمشي عفاك نساايه راه هوا سباب هد المرض ديالك (باسف)هوا مبقاش ديالك
ايمان(بانكسار)عاارفة …وكنحاول …واش شفتييه
وديان: شفتوو …واحد مزوج شنو كيدير هنا 4 ايام هادي …عفااك ا ايماان مضعفييش وتكوني طرف تالت شي نهار
ايمان:ههه واش نتيي حمقة( مسحات عينيهاا) حذيفة قصتو غنطويها صافيي (حطات يدها على قلبهاا)فقلبيي
وديان(بابتسامة)غيجي واحد النهاار ابب حتى فقلبك غتطوا صفحتو وغتجيي صفحة جديدة وزوينة ونقية ديال شي حد كيبغيييك ومستااعد يدير اي حاجة على قبلك
تحل الباب وقفز قلبهاا تشاافت يووسف وكحلات بلعما زيرات على ايد وديان بخوف وقال: فقتيي اخيراا
شافو البنات فبعضياتهم ونطق :انسة خليني مع بيانكاا دقيقة
وديان:الى كانت شي حاجة قولها قدامي
ايمان:ودياان غير خرجيي
خنزرات فييه وخرجات …الاخير حط صاشي كبييرة قدام ايماان وقال : بدلي علييك ديك الحالة باش نخرجوو
ايمان:فين غنخرجوو؟
يوسف:عندناا شلاا ميداار نديك لدار ترتااحي ومن وراها نشوفوو شنو نديرو …ااه نسييت الصحافة كاينة على براا…غتقولي براا بليي لي وقع مجرد اشااعة وبلي معندك حتى مشكييل مع مدير اعمالك(حط ايدو فوق صدرو)لي هوا اناا مفاهميين…معندناش نهار كلو دغياا غنتسناك براا
خرج مخليهاا بوحدهاا دخلات وديان وقالت:شنو بغاا
ايمان:بزااف
قلبات الصاشية فيها كسوة لاصقة قصيرة فلبيج و صباط عالي وصاك كحل ونضاراتهاا الشمسية هادشي ماشي مشري هادو حوايجهاا
وديان:واش دخل ليك لدار ؟ ولد لحراام
شافت فيهاا ايماان وهبطات راسها ساكتة هزات دوك الحوايج ودخلات لبساتهم بعيااء جمعات شعرها دارت كلشي فالصاشية وخرجات لقاتو كيتسنا عطا الصاشية لشيفور خرجها ..جا هو من وراها حل ليها شعرهاا وقال:هكا مزياان …ضحكي متبانيش مجبوورة سمعتيني هدشي غينفعك نتي بالاكتر ياله زيدي
وديان اللور غير كتشووف وطاح ليها فبالها بلي القضية كبر مكتخييل …كتشوف فييه غادي لاصق حداهاا شادها من خصرهاا بحالا جارها لقدام
مع خرجات من سبيطار جاية صحافة المواقع وصحافة الفن لجيهتها وهو كيضحك ليهم وعاصر على سنانو:ضحكيي
تبسماات وعيينيهاا كيقلبو عليه تحت النظاظر
_واش بصح واقع مشكيل بيناتكم ؟ كيقولو بلي مدير اعمالك اتاهمك بالسرقة
شافت فيوسف وابتاسم لييهاا زير عليها من ظهرها تقسحها وتبسماات
ايمان:مكاين والو من هدشي …وقع سوء تفاهم والموضوع بعيد كلياا على يووسف
_وشنوو السبب علاش بقيتي ف النضارة 3 ايام وشنو سباب دخولك هناا
ايمان: شي
يوسف: كانت مسألة شخصية بعيدة كل البعد على مجالهاا ..والموضوع صافي تسد …واناا وبيانكا مابيناتنا حتى مشكييل بلعكس …بيناتنا شي حاجة زويينة
وديان من بعيد سمعاتو وتقدات فلوقفة:اش كيقول هدا
_شنوو غيكوون بنيااتكم
جرها لطموبييل وهوما تابعيينهم تدخلها سد الباب وطلع حداهاا ومحا ديك الضحكة الصفرة..توجهو لمركز الشرطة سناات على المحضر وسنا لييهاا بليي كيتنازل على الدعوة ومبقا متابعها بوالوو رجعو لطموبييل وشدو طريق لدار
يوسف:شفتي لي كيبغي يطير فين كيوصل! جا الوقت باش توكضي معاياا فهمتيي
ايمان:فين وراقيي ؟
يوسف: تء تء تء حتى نرجع تقتي فيك ديك الساع وراقك غتاخديهم ..دابا غتمشي ترتااحي وغترجيي بياانكاا ليي كنعرف غتكوني بااكية اطلعيي وغتمسحي عينييك وغضحكيي سمعتينيي …لمرة جاية مغتكونش سااهلة بحال هكا ازوينة …وداك لكوسطو لي جايي كيتبندر علياا ويبين عليا صحتوو يدير بيني وبينو مسسافة الامان ولاا
ايمان(تهز قلبهاا عرفاتو كيهدر على حذيفة حيت كوسطو كتعني الرجل القوي البنيية وطويل وهي فحياتها شخص واحد بهد المواصفات)ولا شنوو
يوسف(ضحك )باقة كتبغييه هههه واحد مشا وخلاك ومزال كتبغييه مدلولة هههه
وقف قدام دارها ومد ليها سوارت وقال:سوارتك ياله هبطي نصونيي جاوبيي
حل ليها لباب وامرها تخرج خرجاات حانية الرااس ..شدات فراسهاا والريح كيضرب فيهاا وقفات طاكسي حداها هبطات منهاا وديان شافتها ايمان وهبطو دموعها مشات عنقاتهاا
طلعو لدار ساكتيين دخلو لبيت لقات حوايجها رجعو لبلايصهم و تجمع البييت ورجعات كل حاجة لبلاصتهاا حطات سباط وكلسات مكمشة على راسها فلارض فبلاصتها فين هدرات مع حذيفة
زيرات على درعانها تاتخشاو ظفارها فلحمهاا وكتفكر بليي يقدرر يوسف يقرب لييه ..مساخيش بيها لحمها باش تعطييه لشخص مبغااهش
وديان(كتشوف فحالتهاا )واش غتقولي لييا شنوو لي خلا يوسف يلغي هد الدعوة …وعلاش كيقول قبيلة بلي بيناتكم شي حاجة ايمان شرحي لياا
سمعات الصونيت فلانتيرفون مشات وديان تشوف شكون اما ايمان كانت مغيبة وعينيها كيشوفو فبلاصة وحدة
وديان(هزات السماعة ) سيي
_حمم كاينة اييمان !
وديان:اااه حذيفة (حلات لييه لباب )سي طلع عفااك
حطات السماعة ومشات حلات لباب طلات على ايمان لقاتها دخلات لدووش سمعات السانسور تحل وطلات على لباب بابتساامة قالت بالعربية:سلااام بخيير
عينيه فالارض وقال:لبااس اختي الله احفضك …كلمي لياا ايماان
وديان: بلاتي تخرج من الدوش
ردات لباب شوية وقالت: عفاك احذيفة انا مكنعرفكش ولكن ايمان بحال ختي الصغيرة …حالتهاا صعيبة بزااف وزادت تكفسات من ورا معرفاتك مزوج ف عفااك بعدتي ربع سنين خليها دابا تنسااك
هز عينو فييه مكمش حجباانوو وايديه فجيااب وقال: دابا هدشي ماشي موضوعناا نكون مزوج ولا لاا من الواجب ديالي نوقف معاهاا فهاد الوقت وهي بوحدهاا شنوو ؟ بغيتي نمشيي ونخلييها ولاا
وديان:مفهمتينيش والله …وخة نشرح لييك حالتهاا مغتفهمنييش
حذيفة(حط ايدو على صدرو بامتنان)الله احفضك اختييي شكرا ولكن راه اخر واحد يضر صاحبتك هوا اناا …ف عفااك(باحترام مباغيش يتناقش)كلمي لياا اييماان
تنهدات وحركات راسها باه ودخلات لبييت لقاتها مزال مخرجاتت دقات علييها بشوية وقالت:ايماان …خرجيي حذيفة فلباب …ايماان
حاولات تحل الباب لقاتوو مسدود ورفعات صوتهاا:ايمااان حلييي البباب داباا
سمع صوتها المرتافع وسمح لراسو يدخلل حل باب لبيت وشاف باستغرااب ف ودييان كتجار مع الباب شافتو وقالت:سدات علييها (كتخبط)ايماااان حليي
دخل كيزرب لجهة لباب كيدق ونطق:ايماان حلييي لباب خلينا نهدرو
جاهم صوتها من ورا الباب كتغوت: مبغيت نشوف تواحد غير خلييوني بووحديي ..رجع فحالك كيف مشيتيي شحال هادي ..انا بااغة نرتااح خليوني نرتااح
حذيفة(بسياسة )غير نهضرو وغنمشيي
ايمان:مبغاش نشوفك مزال نتا مبقيتيش دياليي
كانت كتعمر فلماا فلجاكوزيي كلوو وعينيهاا كيف الظلام …بغات تنفد الخطة لي خلاتها فالنص هوسها كبر ولا كيبان لييهاا المو_ت سهل وغترتاح …حلات قرعة تاع الكين كان مخصص لالم الراس دارت حبات صغار فايدها يمكن عشرة ويمكن كتر كانو بزااف دارتهم فمهاا وعمرات كاس تاع لما بيديها كيرجفوو ومشات لماا تغطسات فيين كتسمع فييه كيدق وهي عقلها صافيي مبقااش معااهم كتفكر فدكريياتهاا مع مهاا كتجري وسط لبحر وكتعوم وتعطي فلماا ونعيمة مقابلااهاا…خشاات رااسهاا فلماا عايشة الحلم
كان مدابز مع لباب بكتفوو بكااع جهدوو ضرب برجلوو ملي شاف حسها تقطع ضرب بقوتو كاملة تاحس بكتفو تحرك من بلاصتوو مع تحل لباب شد كتفوو من الالم حتى غوتات ودييان
ودييان: اييمااان
هز عينوو ومشاا ليهاا وهي تحت لماا جرهاا تشهقااات
ودييان(كتغوت)شربتيي الدواااا شرباات الدوواا
ايماان: كح كح كح
هي كاتكح من خنقة لما محساات تلقاات صبعوو فحلقهااا عاصر ظهرها مع صدروو وحاني ليها راسها لقدام باش ترد
ردات حدا رجلييهم غير لماا وشي كيين مزال متحلل والبعض تحلل فيه النص كانت عاد شرباتو مزال مدازت تا 5دقايق
بقاا كيرغمهاا باش ترد شربها لما بزز ورجعاتتوو
ايمان(كتنتر منوو): بغييت نموو_وت حرام علييكم هءهءهء بغيت نمشي عند مييي عفااك طلقنيي طلقناااااي
وديان: ايمان واش حماقيتيي
حذيفة: نوضي تݣعديي نووووضي …هداااي غنضربك
هوا كيجر فيها تنووض وهي كتركل وتقمش فايدو باش يطلق
دخلها لدووش هز الرشاشة بايد وحدة وطلق علييها لما باارد حتى شهقاات جمعات وديان داك لكيين وخرجات لببييت كتقلب على الدوا لي عندها فلبييت كلو تحيدوو
حس بييهاا تهدنات تحت لما باارد رخف منهاا بشويية كانت شادة فلحييط قدامهاا حبس لماا وحط الرشاشة
بقا مراقبهاا بصمت متكي على الزااج كيمااصي فكتفوو لي عطاه الحرييق تنهد وقال: علاش وصلتي راسك لهادشي ا اييمان علااش…نتي ماشي ديال هاد تكرفييص…سخيتي بحياتك لهاد الدرجة ؟
تقلبات عندو لقات صدرو فوجهها غمضات عينيهاا فحضنوو وزيرات علييهاا
ايمان(شهقات فصدرو ) من اللول متخلينيش هءهءهء نتا عمرك بغيتيني ..غير غير طمعتيني ومشيتيي هءهء قدرتي تبدا حيااتك بحالا عمريي كنت فيهاا علاااش هءهءه
تنهد بدييق وحضنهاا وهي مغمضة عينيها حساات بقبلة على راسهاا منو مسمعاتش صوتو مزاال من وراهاا تحناا هزهاا بجوج كيقطرو بلماا فاشلة وماطلقاتش منوو
حبهاا ولا هوس ؟
هي كلها ولات عايشة فهوس
دكرياتها هوس مشاعرها لحذيفة هوس فقدان الحيااة حتى هوا ولا هوس
مدات ليها وديان فووطة
كلسها على السرير وطلقات منو بزز خلا وديان كتبدل لييهاا خرج لبالكون حط تيشوورت وعصروو ورجع لبسوو جبد تيليفونو من جيب اللوراني موصلوش لماا حتى هوا كان ايفون فاخر اصدار …تقابل مع الشمش ضاربة فيييه وعقلو خدام
كيصوني تيليفون على اسم “zina” قطع عليهاا ورسلات ليه مساج
زينة: واش مشغوول ؟
حذيفة: نسالي شي حاجة شاغلاني ونجي
زينة: متعطلش …كتسنااك مفاجأة زوينة هههه
حذيفة:بحالاش ؟
زينة: لقلتها مغتبقاش مفاجأة
مجاوبهاش رجع تيليفونو لجيبو رجع لبس علييه حوايجوو داز من حدا الباب لقا ايمان ناعسة ففراشها وديان حداها هزات عينيها فييه وحرك ليها راسو بكيف بقات وحركات ليه راسها بالنفي
وقفات وديان مشات لعند حذيفة سدات وراها الباب وقالت: يوسف كيهددها بشي حاجة ؟ مقالت ليك والوو
حذيفة: فراسي الكونطرا
وديان: القضية كتر من الكونطراا
حذيفة(تنهد )معرفتش … بلاتي نهدر معاها دغياا
خلاتوو حيت مبقا كيبان ليهم تاحل معاها معطاتوش خاطرو كانساان يمشي ويخليهاا غارقة وخصوصا من بعدما وصلات لحد الانت_حار
بقا واقف كايشوف فلبييت وجات عينو على لكاسكيط ديالوو مشا جيهة لمراية كيشوف فمستحضراتها كريمات واكسسواراتها فبواطة كبيرة محلولة بانت لييه السنسلة لي عطاهاا…عاقل مزيان امتا عطاها ليهاا وكيفاش كانت المشاعر ديالو ليهاا…وعاقل مزيان نهار ليي قالت لييه كلاام هوا كرجل عربيي حرش ونفسو حارة مغيرضاش بداك لكلاام حس بالنقص حس بالعدم وأعدى حاجة عند الراجل بنفسو هوا يشوف راسوو كيتصغر من طرف الانسانة لي بغا قلببوو
مهبط الراس مزال تكان فاسبانيا عطاتو دفعة وخة قاسحة وكضااتوو بليي مجايش باش يعيش الحب جاي باش يوصل ويعيش فمستوى حسن ويحسن من وضعيتوو من حسن ل احسن ..خدم بليل وبنهار باش يشغل عقلو وقلبوو ضرب تماارة ومزال كيعطيي كتر مافجهدو
جرها فايدو ديك السنسلة حتى كيخرج طرف من ورقة بيضاء تحت شطور تاع الخواتم…معمرو كان فضولي ولكن ورقة شنو كدير فعلبة مخصصة لسناسل والخواتم ..وسع بين دوك الرفوف شوية حتى جر لورقة مطوية صغييرة
راجعة وديان بكاس تاع لويزة كيبان ليها واقف كايحل فديك الورقة مكمش عينو مع حلها لقا خط مخربق والكتابة بالانجليزية ولكن شابعة اخطااء املائية …كيقرا ويربط لكلمات شحال من كلمة معرفها تاقرا لي وراها وربط الاحداث باش يخرج برسالة صغيرة مكتوب فيها :
كنتمنى تقراي رسالتي فاقرب وقت …كنتمنى متكونش نهايتك مأساوية كيفما وقع مع مانويلا …مانويلا عمرها نتاح_رات … منويلا تقت_لات على ايد يوسف و لوناا …هربيي فاقرب وقت حيت يوسف مناويش لييك خير منهنا القدام
خرجو عينيه من الصدمة دغيا تقلب عند ايماان جر عليها الغطا تقفزها وقال: نوضيي ياله
وديان: اش وااقع
ايمان: شنوو
حذيفة(كيقلب فلمجورة)فين ورااقك ؟(تقلب عندها)فييين ورااقك
ايمان: خداهم يوسف
حذيفة: نوضي ديكلاري بيييه شنو كتسناااي
ايمان(هبطات راسها)منقدرش …يقدر يسيفطنيي لحبس مرة اخرى
حذيفة: ولاا يسيفطك مي_تة شي نهاار …هدشي لي بغييتيي ! (لاح ليها لورقة )شنو هدشيي
شداتهاا والدوخة شاداها كتقرا وتعاود وديان حداهاا كتقرا معاهاا
وديان: واش واش منويلا لي قلتي ليا نتا_حراات ؟ كيفااش (بخوف )واش قت_لهاا
حطات ايمان يدها من الصدمة على فمهاا كتعاود تقراا
ناضت بخوف وقالت: حتى انا بغا يقت_لنيي ؟
كتمشي وتجي وكتعاود تقراا وتقوول : بغاني نولد لييه ويقت_لنيي
كان عاطيها بالظهر تسمع جملتها سطل تاع لماا تكب علييه …شافو فييه بجوج فحالة من الصدمة وهي واقفة عند باب لبالكون ب بيجامة حد الركبة وشعرها فازك
وديان: واش واعية اش كتقولي (متيقاتش )واش واش هدا فيلم ولا شنو ك كيفاش تولدي ليييه (صعرات)واااتييي دويي
الاخير هز تيليفونو وغادي خاارج معرفات امتا تبعاتو بجري لصقاات فايدو كتجر فييه
ايمان: لا لا لاااا متمشييييش عفااااك مضيعش على قبليي
شدها من كتاافهاا مزير عليهاا جعر ديال بصح مبقاش كيشعر واش ضرها ولا لاا
حذيفة: هدا هوا الغنااا ؟ هدا هوا العرا هادي هي الشهرة ديال الخراا وليتيي سلعة يشري ويبييع فييك كيف بغاا(غوت عليها تقفزات ودياان )عجببك لحاااال عجببك دابا مرتاااحة لديل مك مرتاااحة البرهووشة ولا كل_ب ديال الخلا كيلعب فيييك كيفما بغاا
ايمان: مكنتش عارفة هدشي كلو غيوقع هء هء
طلق منهاا عاطيها بالظهر كيمسح على وجهوو تنعل الشيطان ورجع ليهاا ترجعات بخوف اللور وقال: شكون يكون كتب هد زمر واش بصح ولا غير هواا بغا يجربك تاني
ايمان(كتماصي درعانهاا وقدرتها فشلاات عينيها دبلوو وجهها صفر )المساعدات لي عند لونا هوما لي كيجيو يجمعو دار هناا هوما لي ظنيت عندهم لونغلي ضعيفة ومكيهضروش بطاليانية (بضعف) شنو غادي نديرر داباا
وديان: قولي لينا غير شنو طلب منك بالضبط
شافت فحذيفة شاد فجناابو مقابل معاها وكيعض فشنايفوو تقفزها بصوتو: ودويي
ايمان(هبطات عينيهاا ) : قالياا باش الارباح نقسمهم معاه بالنص والاتفاق التاني هوا نولد بنت ولا ولد ونعطيه لييه
وديان: ويياي واش هدا هرب ليييه ولا شنو كيفاش تولدي لييه ومرتوو !
حذيفة (صاط النفس معصب) المرض صافي
وديان: وشنو نديرو داباا العصبية معندها باش تفييد وراقك عندوو كيفاش نديرو ليهاا
ايمان: معرفتش شنو نديرر (شدها لحريق فلمعدة )اااي
وديان: نوضي نمشي يغسلو ليك المعدة وتاكلي شي حاجة
نوضاتها بزز لبسات وحذيفة فالصالون كالس وكيفكر شنو فجهدو هوا يدير الحاجة الوحيدة لي كيفكر فيها حالياا هوا يتفكو من يوسف وباش تخويي خاصها لوراق
داز نهاار طويل علييهم حاولو يلقاو حل يمشيو لبوليس ماعندهمش دليل كالسيين فواحد لكافي فجوايه المغرب تحرك لبرد حاط حدااه قهوة ايطالية ولبنات عصير ..وجهها صفر وعينيها دابلين وحذيفة بدل حوايجو لابس تيشورت نص كم كحلو سروال سورفيت وكاسكيط مع نظارات طبيية كالس معاهم وكيشوف من الطيرااس متكي على لكرسي ودماغو عامر تيليفونو محطوط على الطبلة..كسر صمتهم ملي صوناا دغيا رمات عينيهاا لتيليفون طلع اسم زينة لفووق ..دور وجهو لتيليفونو هزوو وقال: واحد دقيقة
ناض بعد وهوما متبعيين لييه العيين تشافو فبعضياتهم
ايمان(بغيرة)توحشاتو
وديان : سوقهم هدااك ..فكري فحريرتك داباا كيفاش غنفكووها
ايمان: فنظرك نقولوها ل كريس ! يقدر يلقا معانا حل
وديان: مكنتيقش ا ايمان وخة عشيرك ولكن متنسايش هوا راه امي ديال لونا من عهد تسعينات يجي دابا يغدر بيهاا
ايمان: عندك الصح (شافت فييه كيهضر وكيشرح بايدو ومركز مع الهدرة )شنو ندير داباا اودياان (هزات عينيها فيها )نبقا نشوف فييه وهوا كيهضر مع بنت اخرى
وديان: هضرنا فهاد الموضووع …الى كانت مراتو معندك مديري صافي بناا حياتوو بغيتي تكوني طرف تالت ! كتبغيه لدرجة تشااركييه مع وحدة
ايمان: نمو_وت ومنديرهااش (تنهدات)الله يسهل علييه ولد النااس ربي بعدو علييا كلي مشاكييل ومزال واقف معاياا هاد الوقفة
كلس حداهم حاط تيليفونوو وقال : غتخوي لييه ديك الدار بينما شفناا قضية الوراق
ايمان: ولكن الى خويتها غيعرف بليي بغيت نهرب (تفكرات )اخر مرة كنت معاه فلبيرو كان بان لياا واحد لكوفر ورا طابلوو معلق خاصني نرجع لخدمة باش نقدر ندخل تماا
حذيفة: مزال باغة ترجعي لتما واش نتي شوية لبااس
ايمان: حذيفة راه ورااقيي ورزقيي دا ليا كلشيي لوراق لي سنييت كلشي مخبيه فشي بلااصة ميمكنش ندير شنو بغا…الى اليوم عتقتونيي غنديرها الى هربت وهوا شاد عليياا كونطراا غيشدني يشدني
وديان: الحل هوا نشوفو ديك الخدامة نهضرو معاهاا
ايمان: راهم جوج معرفتش شكون جات اللخرة
وديان: غنسولوو نوضيي (شربات العصير شحفانة ) غنديرو خطوة ولي ليهاا ليها …نشوفو كيفاش ندخلو لبيتها نقلبوو على شي حاجة تفيدناا
حذيفة: لا زعمة كتفكرو
وديان: عندك شي فكرة حسن ؟ غنبقاو نشوفوو الريستو صعيب ندخلو ليهاا ايمان بوحدها لي تقدر دخل عادي خاصنا نجربو كاع الحلول
كان الحال بداا كيظلام حذيفة بقا على براا وايمان و وديان مشاو لفيلاا قلبهم كيضرب الخوف غالب عليهم ولكن دافعيين الجبهة
تحل الباب من طرف العساس ودخلوو استقبلاتهم المساعدة الاولى بابتساامة بقات ايمان كتشووف واش غيبان فيها التوتر ولا لا ولكن كان ملامحها مرتااحيين عكس التاانية كانت كتشووف وتبعد عينيهاا وباين فيها ستريس
ايمان : كاينة لوناا
_كاينة امدام فلحمام
ايمان: شكون اخر مرة جا لدار ملي مكنتش
شافو فبعضياتهم ونطقات الاخيرة كتشوف فلخرا: كارن (شافت فايمان)كاين شي مشكيل ؟
حركات كارن من ورا المساعدة راسها بلاا ونطقات ايماان بهدوء :مكاين حتى مشكيل طلعي ليا قهيوة لفووق عند لوناا
كارن:وخة
طلعات ايمان ووديان لفوق كلسو فلفطووي ودياان مشاات لفين قالت ليها بييت لوناا كتسمع لما جاي من دووش
كارن طلعات هازة جوج قهوات والخوف مسيطر عليهاا لقات قدامها ايمان جراتها لطيرااس سدات عليهاا وقالت بالانجليزية :غتشرحي لياا شنو قلتيي دابا
كارن(برجاء) بليييز انسة ايمااان (بدات كتبكيي )انا دوييت حيت مبغيتكش تعااني كيف عانات اخر بنت مع يووسف ولكن مبغيتش نضيع خدمتي حيت هي مصدر الرزق ديالي هناا
ايمان: مغنضيعكش ولكن عاونيني رسالتك مكافياتش خاصني دليل
كارن : الحاجة الوحيدة لي عاارفة هوا منويلا كانت حاملة من يوسف …ملي عرفات لونا تبعاتهم لفيلا لي عندو ف *** تما تقت_لاات (شافت فايدهاا ) لقيينا بقايا د_مها فلحمام مقدرتش نساا …ولونا نهار كتشرب كتبقا دخل وتخرج فلهدرة واحد نهار دابزات مع يوسف هنا وقالت ليه نتا لي قت_لتيها قاليها انا غير دف_نتها نتي لي صفي_تيها ليهاا وعندي دليل عليييك …كنظن مسجلهاا حيت لفيلا لي وقع فيها هدشيي بيت نعاس كانت فيه كاميراا
ايمان:امتا وقع هدشي ؟
كارن:شي ربع سنين هاديي
ايمان:فالوقت لي لوناا كتباات الريستو ليوسف
كارن:عفاك متفضحينييش انا قلت ليك لي كنعرف
ايمان: كوني هانية صافي سيري
مشاات ودخلات ايمان كلساات وجات ودياان كيتوشوشو حتى دخلات لوناا
لونا:ايمااا (باسف) واش نتي بخير
ايمان:انا بخيير
لونا(شافت فوديان) سلام
وديان:سلاام …عفاك الحمام ؟
لوناا : سيري نيشان على ايدك لييمن
وديان؛شكراا
وقفات وهزات حجبانهاا لايماان لاخيرة شدات الهدرة مع لونا كتعاود ليهاا وكطلبها مزال تعاونها …اما وديان بزعامتهاا وجبهتهاا .. دخلات لبييت لونا كتزرب كتحل فلبلكارات وسط لحوايج اي حاجة كتبان ليهاا تقدر تكون فيها شي حاجة قلبااتهاا …لاحظات بليي حوايج يوسف مكاينينش هناا مفهمات والوو وكملات التقلاب حتى عييات وخرجات بخيبة كتحل فلبيبان التاانيين كتلقا واحد مصبوغ فلغووز ومفرش على اساس ديال شي بيبي صغير بزاف تاع اللعاب فالارض بزاف تاع القصص وسرير صغير ..دخلات كتقلب فلمجورة وسط لفراش وخرجاات والبيت التالت كان بيرو صغير مع حلات لمجر كيبانو ليها سوارت وعرام تاع التصاور ديال يوسف هاهوا بغا يركب طموبيل هاهوا كيتمشا ولا كالس فقهوة ولا داخل لشي بلاصة فهمات بلي مرااقبااه ولكن سوارت معرفاتش ديالاش كانو تلاتا ديال سوارت جوج كبار واحد صغير …قاليها راسها هزييهم هزاتهم دارتهم فجيب وخرجاات
ايمان: لونا عاونيني
لونا: انا مربووطة ا ايماا مقادراش نفك حتى رااسي
ايمان(جمعات قوتهاا)واش عارفة شنو طلب منيي ولا لا
لونا:لاا
ايمان: طلبني باش نولد لييه يعني نحمل منوو …
بصدمة بقات غير كتشووف وقالت: ل لا لا ميمكنش
ايمان: تيقينيي ا لوناا عفاك والله عاونيني عطيني شي حاجة منين نشدوو
لونا(كتبكي) منقدرش …اصلاا مبقاش كاع كيجي عنديي دا حوايجو كلهم ومشاا خدا الريستو لي بغا ولاحنيي …حتى انا كنفكر نمشيي منهناا ونخلي كلشي وراياا
ايمان : وتخلييه يفررح تعاوني معاياا عطيني منين نبداا
لونا: عطيني وقت
خرجو من تماا من بعدما ماصورو والوو تشاركو الاخبار فطريق
وديان:لقيت شومبر ديال شي بيبي ولكن مفيه حد
ايمان: هداك البيت صايباتو لوناا ولكن مولداتش
وديان:ملقييت والو (جبدات سوارت )هادو لي لقيت مع تصاور يوسف معرفتش شنو غيفيدونا غير نلوحهم يمكن
ايمان(شداتهم ) غير خليهم متعرفي شنو كاين
بان ليهم حذيفة واقف تحت الضو مشاو عندوو عاودو ليه شنو كاين وشدو طااكسي مشاو هوما لدار وحذيفة خدا اوطيل قريب
الليل كلو منعسات مشافتو وخة العياا خداو العشا من برا غير نقباات لا غير عقلها كيفكر غير فورااقها وديك لكونطرا خاصها تغبر ليها الاثر فخطرة
وديان داتها عينيهاا حتى فاقت مع صباح لقات ايمان كتلبس وقفات قافزة وقالت: فين غادية
ايمان: غنمشي لريستوو
وديان: تسنااي نمشي معااك صبري
ايمان: لااا اودييان مكاين لاش تدخلي معاياا فهدشي واش نتيي حماقيتيي !
وديان: براكة من لبهلان
ايمان: هاد لمشكييل خاصني نحلوو بوحديي غير خلييك بعيدة على يووسف…لحاجة لي بغيتك ديري لياا هوا تجمعي لياا حواييجي وخة
وديان: وخة مرة مرة سيفطي ليا مسااج (عنقاتها)عنداك تنساااي
حركات ايمان رااسهاا باه وخرجاات شدات طاكسي لريستو دخلات دايرة نظاظرها نيشان لبيرو تاع يوسف ..جايبة معاها سوارت لي خدات وديان من دار ..كان مزال مجاا
كلسات فبلاصتو وجبدات الساروت كتجرب فلمجورة لمسدودين ديال البيرو مبغاش يتحل ليهاا
صونا تيليفونها قفزهاا كانت نمرة حذيفة لي مامسجلهاش عندها …كتشووف بهدوء فنمرتوو وكتنهد
جاوبات بخفووت وقال: الوو
حذيفة: صباح الخير …كيف صبحتيي
ايمان: مزياان …ونتاا
حذيفة: حم مزيان …فينك ؟
ايمان(سكتات شوية وقالت) مشيت لريستوو ن
حذيفة: كيفاش كيفااش ! واش نتي شوية لباااس مفهمتش
ايمان(تنهدات )كننقلب على وراقيي
حذيفة: وفنظرك غيكون حاطهم تمااا واش كتفكريي
هزات عينيها فالطابلوو وقالت: يقدر يكون دايرهم فداك لكوفر لي فلحييط ولكن بلكود ماشيي الساروت
حذيفة: غتخرجي دابا من تماا وغنلقاو حل مرة وحدة فحياتك (متنهد)سمعي لياا لهدرتيي
ابمان(باستسلام )وخة
قطعات معاه دات التيليفون فالصاك مع سوارت جات تنووض حتى دخل يوسف شافها فين كالسة وقال: شنو كديري تماا ؟
ايمان: والوو كالسة (رجعات كلساات ) تعطلتيي
يوسف(تقدر لجيهتهاا بتشكيك) : توحشتيني ؟
ايمان: فين لعقد ؟ الاتفاق هوا تلغييه ياك كنظن باقيي عند كلمتك
يوسف(قرب جيهتها وتبسم دوز ايدو على حنكهاا تبعدات وجهها ): خاصك غير تكونيي نتيي قد كلمتك …وجدي راسيك العشية تمشي معاياا
ايمان(بدا قلبها كيضرب)فيين
يوسف : لدار ! ولا يكما نسيتي الاتفااق
ايمان: حتى تلغيي داكشي لقدييم بعدا
ضحك و حا وراهاا حيد الطابلو وهي مراقباه دار لكوود وتحل لكوفر عامر فلوس وهي غير كتشووف وقلبها كيضرب
لاح قدامها ملف فييه الوراق لقدام لي سناات قراتهم بلحرف كيفاش كان مغرق لييهاا الضوسي مزياان وقال من بعدما حط الورقة جديدة قداموو
يوسف: هدشيي مقابل هاديي …
هزات الورقة كتقراا فالشرووط وايديها كيرجفوو وهي كتقرا بلي اي عمل منهنا القدام عندها فقط النص فييه كيفما بغا يكون العمل وخة يكون حتى اشهاار بسيط غياخد منو النص …الشرط التاني هوا العمل لي جاب ليها غتقبل بييه كيفما كان نوعوو
الشرط التالت هوا الريستو تبقا تغني فييه كل تنين وسبت
ايمان: هدشي بزااف
يوسف: نتي تعرفيي دونك خلصي لياا رزقيي (مد ليهاا الوراق القدام ) 500 مليون مغربية المغربية
ايمان(بدموع) : انا مسنيييتش على هدشي ايووسف منين غنجيب لييك هد لملاين كلهاا
يوسف: ساهلة …اتقبلي اي عمل جبتو لييك نتي غتربحي وانا غنربح …حساب لييك الشهرة سااهلة ؟
هبطات عينيها الورقة كتقراا وقالت: عطيني وقت نفكر
يوسف: الوقت هوا لي معنديش حالياا …عنداك تفكري تهربي نجيبك نجيبك …داباا ياله معاياا
ايمان: لاا ايووسف ماشي داباا
يوسف: بلا كترة الهدرة معنديش نهار كلو …سني على الورقة وتبعيني
مدات يدها لوراق القدام قطعااتهم وبدات كتجابد معاه حيت لكوفر محلول معررفش كيفااش حتى ضرباتوو حيت غفلااتوو لاحت كاع لفلووس لي فلكوفر بان ليها بزطام ديال وراقهاا مع بغات تهزهم جرها من شعرهاا تغوتات وهي كالسة على ركابيهاا وقال: كتبغي العنف نتيي ماشي ديال السياسة
ابمان(كتغوت وكضرب فييه رماهاا على لبيروو حتى دوخهاا وطاحت منشورة فلارض دقة لي كلاتها فراسهاا خلاتوو كييدوور …كتجبد ايدها لصاكهاا تحط صباطو على ايدهاا داير ايديه فجياب بواحد الهدووء شيطاني
يوسف: عندي بييك مصالح اماا مكنتيش تخرجيي منهنا على رجلييك
ايمان(كتشهق) خليني نمشيي عفااك
جرها من ايدها نوضها زير عليهاا وبدا كيجمع دوك لفلوس برجلوو
بدا تيليفونها كيصوني تنتراات منوو وجرات صاكها
يوسف: اراي داك تيليفون
حركات راسها بلاا بدات كتجابد معاه وشدات الخط بلا متحس وهوما فنقااش حااد …طلق ما طلق
ايمان(كتغوت): عتقووونيي بعد منيي مغنسنيي على وااالووو بعد
جرها سد ليهاا فمهاا ودفعهاا وقال: مكاين لي غيسمعك هنااا …غتسكتي وتزيدي قدامي بلا شووهة ولاا ندف_نك هنااا
ايمان(كتنخصص)بحال كيدرتيي ل منويلا
يوسف: بحااال كيف درت لمانويلاا …ياله داباا زيدي وسكتيي ازويينة
ايمان: ف فييين فيين غاديي هءهءه يووسف عفااك غنسنيي على الورقة غير طلقنيي
جرهاا من دراعها كتبكيي دار ليها نظاظرها بزز وجرها معاه تحت التهديد لطموبيل لي حطها حدا الباب عينيها كايقلبو على شي حد يعتقهاا كلشيي مهبط راسو لشغلو بحال الى كلشي متاافق وسااكت حل الطموبيل اللور ركبهاا وركب جنبهاا والشيفوور ساايݣ القدام زاج كحل مكيبين والو من برا وخة كتشوف الناس حداهاا
كتشوف ف يوسف كيقاد فقميجتوو وقمشة كبيرة فعنقوو قمشاتها لييه ابيمان
رمات عينيها الباب بغات تحلو لقاتو مسدود اطوماتييك شافت فيوسف ولقاتو كيضحك بلا ميهضرهاا
حطات راسها على الزاج كتفكرر شنو دير كتفكر كلام كارن بليي منويلا تق_تلات فهاد الدار بالضبط لي غادية ليهاا
وصلو لدار منتابهوش لطاكسي لي تابعهم ملي هبطو من الريستو طلب من الشيفور يمشي جرهاا بزز لدااخل طالع بيها فالدروج توصلها لبيت النعااس ورماها على سرير ..استوعبات فيين هي وناضت مبعدة وقالت: شنوو بغيتيي (هزات عينيهاا لقنت لبييت كطييح فكاميرا صغيرة فوق لباب شادة لبييت كلو هبطات عينيهاا ليوسف وقالت: شنوو بغييتي غير قولياا علاش كدير معايا هكا مدرت ليك والوو …بغيت غير نمشي فحالي
يوسف: انااا عيييت منطلع فييكم وتلووحونيي بحال شي عظم تسالا منوو لحم (قرب ليها )لاااا اناا مبقاش شي حد غيستاغلنيي اااانا لي غادي نستااغل
ايمان: انا قابلة بالاتفااق نص بنص ولكن الشرط لاخر لاا هءهءه عفاااك …دوزت طفولة خايبة ومبغيتش ولدي ولا بنتيي يدوزوو بحالي
يوسف: غتولدييه لياا ماشي لييك نتي مغتكونيش اصلا فحياتو باش تعرفي طفولتو كيفاش دايرة
ايمان : عفااك ايووسف هءهءهء رحمنيي
ياله بغا يقرب ليهاا سمعو صونيت فلباب وقال : ماتحركيش من بلاصتك
حركات راسها بخوف خرج من البييت وسمعاتو سوورت بدات كتقلب بشنو دافع على رااسهاا
حل باب الدار وخرج لباب جردة كيلقا قدامو ليفرور هاز فايدو بيتزاا
يوسف: شكوون كموندا هدشي
_جات لكموند لهد داار
يوسف: رااك غالط مدرت لكموند لوالوو
سد باب جردة ورجع لباب لي كاان مخليي محلول…مع سدو تحط موس على عنقوو فشل لييه الحركة مع بغا يهز ايدييه لواها لييه ورااه شخص ليي شافو من لمرااية لابس لكحل كلوو داير كاسكييط مظلمة وجهوو
طلعوو بلخاطر ويوسف كيطلب ولموس محكوم بطريقة احتراافيية وايدو تابتة مع يتحرك غيتخشاا فييه بايد وحدة يوسف حل باب البييت كيتفتف كتبان لييه اييمان فلقنت دايرة ايدها وراهاا غير شافتو شهقاات وهبطات مع الحييط
ايمان:حذ
حذيفة:شششششت
**
يوسف(بالم من المو_س لي فعنقوو ) غتندم على هدشي
حذيفة: ميكون غير خاطرك…فين ورااقها
يوسف: معنديش
ايمان: عندو …فجيب السروال
حذيفة: جبد (زاد زيير عليه تغوت)مكنضحكش
جبد وراقها بزز من جيبو اللورااني ورماهم ليهاا فبزطامهاا …رمات عينيهاا لسوارت لي باقين لاصقيين فلباب مشات لمجورة لي تماا لقات سكووطش وادوات جن_سية من مينووط وسناانسل وعرام ديال تخربيق كيستعملووه فالعن_ف الجن_سي كتشوف داكشي كلو كان غيطبق علييهاا بلحرف
هزات لمينوط ومعاه السوارت لاحتهم لحذيفة لي غير شااف داكشي جعر على يوسف وغرس فيه لمو_س ضربوو لركبتو باللور تطااح ورجع دفعوو حتى جا على كرشوو برك عليه بركبتو وجمع لييه ايديه وراه وركب ليه لمينووط وايمان مزال كتقلب فلمجورة لمسدوديين حتى حلات واحد لماريو مسدود كتلقا فييه كوفر ملصق فلحييط من ورا طاجيرة تاع لحوايج والاخير كيتحل بكارطة
بدا حذيفة كيقلب لييه فسروال وبزطامو لقا لي كارط بونكير وبطاقة شخصية وبطاقة متوسطة
يوسف: على شنووو كتقلبووو …غير بلااتييي ااااه بيانكاااا غن
شدو حذيفة من عنقوو حكمو مزيان خلاه كيغوت دارت لبطاقة تما ودخلات وقالت: خاص لكوود
يوسف: قدرييه
حذيفة: محسابش ليا واش ساخية عليك حياتك ! نطق
يوسف: معرفتش
حذيفة: يوووسف(هز لمو_س قدامو) مغنعاودش الهدرة
برك عليه حتى خنق فييه النفس فينما يبغي يهز راسوو كيرجع يتكييه لييه فلارض نطق مخنووق
يوسف: 09163260
مع كملو كانت ايمان حلاتوو كانو فييه وثائق وبيسي صغير و usb جبدات كلشي كتقلب فلوراق حل حذيفة لبيسي لقاه بلا كودد دخل “usb” في حين ايمان كتقلب فلوثائق حتى لقات لعقد لي سنات علييه كيفاش زوروو وكيفاش حتى تقن الامضاء ديالها معرفاتش
قطعاتهاا وبدات كتقراا فداكشي كانو عقوود شرااء عقد لفيلا وعقد الريستوو وعقود اخرى معندها صلة بيهم
حذيفة كيدخل من ضوسي لضوسي حتى كيدخل لفيديو لمدة ديالو 10 دقايق :اول مبان هوا يوسف فعلاقة مع شي بنت
ايمان: لقيتي شي حاجة ؟
شافها جاية وهبط الشاشة شوية وقال: متقربيييش
ايمان: شنوو
نفدات كلاموو ورجع الشاشة وزرب الفيديو حاط ايدو على فموو البيسي فوق السرير وهوا كالس على قرون صباع رجليي
كيما_رس معااهاا زيد لفيديو حتى كتبان لييه لوناا دخلات رجع لفيديو شوية باش يفهم لقاها دخلات عليهم والبنت لاوية عليها ايزاار ورا يوسف لي لابس غير شوورط قصير …كانو فصرااع قويي لونا شدات البنت كتنتف فيهاا ومن حقدهاا بقات كتخبط ليها راسهاا مع قنت لكوافووز حتى غيبات وطاحت كاو بعدات لتيساع كتبكيي من المنظر…. دار پوز وعيط لايمان تكمل معااه
ويوسف كيخبط راسو مع الارضية وهوما كيتفرجو ف فيديو غيسالي لييه العالم ديالو
من ورا ما لوناا بدات كتبكي بهسترية خرجها من البييت ماشي بزااف رجع وكانت منويلا كتحرك ولكن بصعوبة رجع سد الباب وجاب مخدة خن_قها بيهاا تاشلت حركتها وتاكد بلي ما_تت عاد بعد
هنا كمل الفيديو الاول …الفيديو التااني كان النهار طلع و دخلو رجال ومعاهم شخص لي شافتو ايمان وخرجو عينيهاا ديڤ واقف ومعاه رجالوو لي هزو ديك الج_ثة …موراها نظفو الارضية وخفاو كلشي جاو المساعدات يخملوها لقاو الد_مايات مزال لاصقة وسكتوو خوفا على خدمتهم
رجعات ايمان مصدوومة و حذيفة مزال كيقلب على الفيديوات لقا فيديو قصير فيه فقط لوناا ملي دخلاتت وكيفاش تكانت كتخبط ف منويلا بقوة مع لكوافوز تطاحت مغيبة وعلمها يوسف بلي ما_تت وخرجها من البييت وتقطع الفيديو
هدا هوا التهديد لي كيهددها بيه فالوقت لي بجوج بيهم مشاركيين فالجر_يمة وهوا بنفسوو كمل عليهاا
شاف فيه حذيفة وهوا كيجبد ف تيليفونو يتاصل بلبوليس
يوسف: عفاااك عفاااك انااا غنعطيكم اي حاجة بغييتو ولكن هدشي يبقا هنااا بيانكااا ندير معاك اي حل ولكن متعطيوش هدشي لبوليس
ايمان: شنو نديرو داباا …لكاميرا الفووق شدااتك انا مخايفاش على راسي خايفة علييك نتاا
حذيفة(توجه لجيهتهاا ) : معندو ميوقع لياا غيحققو معاناا وصافي
ايمان(بخوف )لااا لاا عفااك غير خرج منهنااا انا غنتكلف احذيفة عفاااك
شدات ليه فايدو :عفااك خرج منهناا وخرج من ايطاليا فاقرب وقت اناا غنتكلف ميمكنش نجرك معاياا لهادشي
رجع لبيسي لضوسي كاتب فيه كاميرا
دخل كيبان ليه بلي كايينين جوج كاميرات وحدة فالبييت والتانية فباب جردة …رجع الفيديوات نص ساعة قبل كيبان حذيفة وقف بطاكسي من ورا ما يوسف دخل لدار والشيفور كمل طريقو كيف قالييه يوسف بقا كيدور بالدار حتى ملقا منين يدخل وطاحت عليه لفكرة يعييط ليڤرور لي كان قريب دغيا جاب لبيتزا فالوقت ليي حذيفة نقز من جردة وتخبا ورا الحييط كان كيتسنا غير يكون يوسف راجع ويهجم عليه سعاتي سهل عليه القضية ملي خلا الباب محلول وهنا بان تاني فلفيديو
مسحهم من البيسيي وديزاكتيڤا لكاميرات من السيستييم لي كيتحكم فلكاميرا ديال برا باش دور فجميع الاتجاهات بلوكا كلشي
وخرج ايماان كيتافق هوا وياهاا على سيناريو وااحد وفعلا داكشي لي وقع
تاصلو بلبوليس لي جاو دغياا عطاوهم لبيسي و حتى usb هزو يوسف ومعاه ايمان وحتى حذيفة …شافت فييه شوفة اخيرة وهي كتركب فطموبيل وحتى هوا فطموبيل طمنها بعينيه فالوقت لي هي كطلب منو السمااحة من ورا مجراتو معاها فهاد المشاكيل تاانيي
**
الوجه التاني للشهرة شي حاجة مطيحش عليك فلبال المشاهير فالعالم ككل كتلقاه داخل فصراعات شي كيبان فالعلن شي مخبيي …هي سيف ذو حدين واحد يطلعك واحد يد_بحك
داخل فيها العقوود والبنوود و إلتزامات كتحتم على اي فنان الالتزام بالشروط ولا كيوليي غادي جاي فلمحاكم والصورة كتبدا تهرس
كيولي يتحاسب على اي كلمة تقالت لانه كيوليي داخل لبيوت النااس ..كتولي سيرتو على طرف كل لساان …قادر يبني الكاريير ديالو بدقة وقادر يهدمو فرمشة عين
بيين سيين وجييم بحضور المحاامي ديال ايماان . اما حذيفة فكانو اسئلة وتحقيق بسييط بشنو كنتي كدير تماا
قالو نفس الهدرة بلي ايمان اتاصلات بييه وراهم التسجييل لي كتغوت هي ويوسف وبلي داها لدار بزز
القضية كانت واضحة وبااينة فالتسجيل لوناا ملقاوش ليها الاثر خرجات برا لبلاد
حذيفة فالنهار التااني خرج وايمان باش متبقاش متابعة وكل مرة تجي تدلي بتصريحاتها تنازلات على التهديدات وعلى محاولة الاختطاف لي تعرضات ليهاا رجعو لكاميرا الريستو والبيروو وشاافوه مخرجها بزز تحت التهديد
يوماين دوزاتهاا اسئلة كايقلبو على ديڤ وعلى كاع لي بانو فلڤيديوو حتى المساعدات استجوبوهم…الاخبار انتاشرات ولات حديث الساعة فإيطاليا
كيفاش بين ليلة ونهار تشهراات وكيفاش حتى ولات محور المشاهدات هاهي جات هاهي مشاات هاهي متهومة بالسرقة شوية هاهي كتاهم مدير اعمالها بالتزوير
هاد العالم الى مشيتي حتى دخلتي لييه وطغات عليييك الشهرة تغريتيي وليتي كتشوف راسك نتا الكل فالكل واحد النهار كتلقا راسك فمواجهة السجن او القضاء او الافلاس لان الغرور والفن مكيتلاقاوش
ايمان كان حلمها فقط تولي مشهورة وتعرف وتغنيي وتعيش الحياة لي كانت كتمناها فطفولتهاا
من بعد 25 عام كتشوف راسهاا من خطأ لما كبر منوو ..حاسة براسها ضاايعة ولقات راسها طاحت من بلاصة عاليية خلاتها تهبط دقة وحدة
كُسورها ومآسيها ولاو كبر ملي كانت كتخيل فكل مرة وقعات ليها شي حاجة كتقول هادي هي لي قسحاتني كتر كتجيي مصيبة اخرى تنسيها فكاع لي فاات ..ولكن فهادي حسات براسها تحررات من قيود يووسف سمحات ليه فالاربااح سمحات لييه فالابتزاز والتزوير والتهديد غير باش تخرج من هاد البلاد لا تابع لا متبووع
واخيرا بانو عائلة الضح_يك و القضية ولات رأي عاام كيفاش تق_تلات بطريقة وحشية وتد_فنات فغابة مهجوورة وحاملة فاشهرها الاولى شي حاجة كضر فلخاطر وكلشيي ولاا كايمجد ايمان من بعدما كانوو كيعاتبوهاا على السرقة دغيا تقلبو فصفهاا وكيشكروها على فضح هاد القضية
بين ليلة ونهارها تزاادت شهرتهاا من جديد فالوقت لي كتقول صافي هادي نهاية القصة
بعد اسبوع من الروينة والمشاكيل اخيراا كتسنيي باش تمشيي فحالهاا معاها المحامي ديالهاا وحذيفة فلباب هوا ودياان داير نظارات شمسية وكاسكييط …كيشوف فكمية الصحاافة وعائلة منويلا هازيين لافتات باش ياخدو حق فقيدتهم
منظر معجبووش كيفاش غرقات راسهاا فهدشيي كانت ممكن تبع حلمها ولكن بلا متفتح بيباان كبيرة عليهاا
خرجات لبرا بان ليها حذيفة مبقات عرفات المحامي شنو كيقوول ولا شنو كيشرح مشات لجيهتوو تبسم ليهاا وقال: الحمد لله على سلامتك
ايمان: الله يسلمك …سمحلياا بزااف على هدشي لي وقع مكنتشش بغيتك كاع توصل لهادشيي
وديان: المهيم تهنيتي من يوسف الباقي كلشي غيتصلح
ايمان(تنهدات) واخيراا …(هزات عينيها لصاحفة لي مزال مشافوهااش ) معرفتش شنو ندير
م:تفضلو لطموبيل دياليي الهدرة ماشي هناا
حرك حذيفة راسوو بااه وهزات ايمان عينيها فييه بحب …اشار ليها بايدو باش تجي حدااه …تمشات حداه دايرة نظاراتها حتى كتلقا رااسها محاصرة من الصحافة كلشي كيسول شنو وقع وكيفاش حتى عرفاات جرهاا من وسط الزحاام حاضنها باييدو حتى ركبات فالطموبيل وركبات وديان حداها ركب المحامي وحدااه حذيفة وخرجو من دييك الحيحة كااملة
وديان(شدات ايد ايمان ) دابا غتبداي حياة جديدة
تبسمات لييها بشبح ابتسامة طافية علاش لاا وهي كل آمالها تلاشاات مبقات عارفة فين غتعطي الراااس شنو غيطرا من هنا لقدام شنوو دير كيفاش تبداا من جديد
تنهداات وشافت فحذيفة لي مركز قداموو وكتقول فراسها للمرة الملييون، ربي بعدو علياا باش يعييش مرتاح مكاين لاش نجروو لحياتي لي عامرة مشاكل لاول مرة كتحاول تقنع راسها بليي داك الانساان الطيب لي ربي زرع حبو فقلبهاا مع الاسف مكانش من نصيبهاا
شي حاجة لي غتبقا كضرها فخاطرها حياتها كلها ،لوكان غير كان فحياتها غيعطيها بصيص امل يفرحها شويية ولكن مع الاسف تفرقات طريقهم وصعيب تجمع
وقفهم لمحامي قدام الدار باش تهز حوايجهاا وتدير حل لراسهاا
وديان: غنطلع حتى تبعينيي ايماان
حركات راسها بااه وهي واقفة قبالتو ..حيد نظاراتو وشدهم فايدوو قداموو وقال: كنتمنا هادشي لي وقع يكون عطاك درس يفيقك مع الدنياا
ايمان: سمحليا مرة اخرى نتا مشيتي بديتي حياتك وانا جريتك لمشاكل حياتي مرة اخرى
حذيفة: هانيياا كيبان معدن الانسان غير فالشدة اي واحد فبلاصتي كان غيعاونك لكنتي محتاجة لمعاونة
ايمان(تبسمات بتعب ) ماشي كلشي بمعدن حذيفة
تنهد وهوا كيتلف عينيه علييها وقال: تهلاي فرااسك عندي الطيارة مع 4 خاصني نمشي
لثواني بقات سااكتة نسات بليي غير جا وغيمشيي تاني من حياتهاا غيرجع لروتينو وحياتو ولدفئ دارو وهي مكتوبة الوحدة فجبهتهاا
ايمان(برعشة ) : الله اوصلك على خير …مقلتيش ليا المحاامي خ
حذيفة: تهلاي فراسك وبعديي على المشاكيل نتمنا المرة جاية نلقاك فاحسن حال الى جمعاتنا الوقت
ايمان(بخوف) : واش واش صافي غتمشيي اليووم
حذيفة: ميصلاحش ليا نزيد كثر
حركات رااسهاا بااه كتسنااه يقوليها ونتي فين غتمشي فين غتكملي
بقا واقف لمدة تاائه وهي كتشوف فلارض وقال هارب من صورتها قدامو: خاصني نمشيي …تهلاي فراسك
عطاها بالظهر غاديي ونطقات برجفة فصوتهاا : قدرتي تنسااني
تنهد وهبط راسوو ورجع بخطوة وتقابل معاها كيشوف فييهاا
ايمان: مغاديش تجاوبنيي ! قدرتي تنسااني احذيفة قدرتي تبدا حياتك وتلغيني
حذيفة: ايمان هاد الموضوع سديناه ربع سنين هاديي
ايمان: الى نتا سديتيه انا مزال كنقلب كيفاش نسدو
حذيفة(كمش عينوو وهدر بهدوء مركز مع عينيها) : حنا فهاد الدنيا كنديو غير لي مكتااب ليناا …مكنتعاندوش مع الله …لهدرة لي قلتيي ضراتني متوقعتهاش منك ويمكن جات فوقتها باش تفيقنيي حيت اناا وياك ا ايمان صعيب نكونو بجوج حياتناا مكاتشابه وصعيب نقبلو على بعضياتنا فهاد الظروف ونصبرو، داكشي علااش ربيي دار لينا السبب وكل واحد مشا تبع طريق لي كترييحو
ايمان: ولكن انا سولتك واش نسيتيني قدرتي تتنساني متقبلة الجواب ديالك عاادي
حذيفة : الوقت غتنسيي …تهلاي فراسك…نمرتي عندك وقت لي حتاجيتيني انا معااك
الوقت كتنسي !
فعلا الوقت كتدهي بناادم وتنسييه شحال من حاجة ولكن صعيب تنسييه شي حاجة مغروسة تربطات بعروق القلب وخة دوز سنين ومنين كتبقا ديما محفورة ريحة تفكرك بلاصة تفكرك شبه يفكرك كتولي تقلبي على السبة باش تفكريي وتسهااي ويتجدد الاتصاال من جديد مع لي راابط قلبك
هدا هوا الحب الحقيقي نهار كتبغي بقلبك صعيب يتنسا وخة تكملي حياتك كيبقا ديما يجيك سهوة ترجعك لدكرياتك
**
جمعات شتات نفسها من جديد باشلا_ءهاا وخيباتهاا وقلبها المحطم بحال كيف كل مرة خارجة من بلاد حتى كتجمع الخيباات لي غيرافقوها حياتها كاملة
داز الصيف وتبعو شتااء وخرييف ورجعات الاياام كتعااود من جديد حتى قربة لسنة كاملة وهي ف باريس كتنتاقل استقرات تماا و تفقد الاتصال معااه وهاد المرة كتقاوم نفسها باش تمحييه من بالهاا وتعيش حياتها ..لقات فجنبها وديان لي استقبلاتها فدارها كريس لي توسط ليها مع المنتج اللبناني وكتشق فطريق تاني غير لي خلات ف ايطاليا
هد المرة كانت مرتااحة وعاجبها الحال مكانتش تحت الضغط بتاتاا لقات راسها كتعطي ماعندها بكل حب
كان اول كلييب ليها من ورا مشاكيلهاا مع يوسف اسموو “طفولة ” كان موجه للاطفال المتخلى عنهم كان الكليب عامر حبب وطفوولة زويينة مكانوش كيتخيلوو بليي اغنية بحال هادي غضرب لملااين استغلو الوضع لي كانت فييه فاوج الشهرة قدرات بدوك لفلوس تبرع بييهم لجمعيات الاطفاال
ولا عندها روتين جديد كتحاول تعمر بييه فراغها لقات تحسن علييه …كتزور الخيريات كتبرع وكتكلس مع الاطفال كتضامن فاي حاجة فيها الاطفاال وحقوق الطفل …لقات طريق احسسن ومحمد وجهها لصورة احسسن كتنتاقل من بلد لبلد كتوضع بصمتها فييه تحط اسمها مع فنانين كباار لي قدرات فظرف وجيز يولي اسمها من ضمنهم … قدرات دير ديوو مع فنان لبناني لي حقق نجاح كبيير
دعموها فنانين مغاربة عالميين وهدشيي عجبهاا وهدشي كلوو فظرف عام فقط
،اواخر شهر 11 الشتاا كتنقط وهي غادية فشوارع لبنان كتمشاا لابسة كويرة خفيفة مع دجين وصاك فكتفهاا قاصدة مكانها المفضل تيراس كيطل على لبنان كتبقا فيه حتى تبدا الشمس ترووح طيلة هاد شهر لي كلسات هناا
تحطات قدامها قهوتهاا تبسمات لنادل وهزاتها مستمتعة بيهاا …بلاد جديدة تاانيي وكيف ديما مونساها الوحدة وخة وجود وديان معاهاا اصرات عليها تعيش معاهاا فترة قبل مترتب امورها …كتحاول تباان ضاحكة وناشطة ولكن هاد لمرة نفسيتهاا تهزااات لدرجة مبقاتش قادرة تمتل بلي بخيير
ولات مدمنة على كين ديال النعااس هواجسهااا عاد مكيزيدوو الهلوسة لي كتجيها فزنقة خاوية عاد ماكتزيد نوبات الهلع ولات كتجيهاا بشكل مستامر وخة تكون غير كالسة مابيها والوو ،حاسة براسها ضاايعة ولكن معارفاش شنوو دير ..كتعيا وديان تنصحها باش تشوف طبيب نفسي ولكن هي متأكدة بلي معندو ميدير ليها الى كانت هي مامتصالحاش مع نفسهاا
او يمكن خايفة تصرح بمشاعرهاا بخوفهاا بهواجسهاا وب النفس لي تزهقات على ايديهاا
مبقاش عندها فين تزييد شي حاجة خرا وصلات لدرجة تمتل الفرحة حتى على وديان باش متبقاش كل مرة تسولها وتبزز علييها تشوف حل لراسهاا …ولات انطوائية ومعظم بوسطاتها ولات غير فيديو ليها كتبين شنو دير والموسيقى فقط قليل فيين كتحاول تشرح شي منتوج كتبقا تعاود الفيديو شحال من مرة عاد كتقدر تحطوو
الحاجة لي كتفرحها فحياتهاا هي نشاطها الجمعوي مع المنتج ومدير اعمالهاا اللبنانيي لي سناو على عقد بشروط واضحة بحضور المحامي باش كل واحد يضمن حقو ويعرف لي قدامو ولي ورااه فتحات قناة فيوتوب متحكمة فييها قدرات فظرف عام توصل ل 3 المليون متابع من جنسيات مختلفة
انسطاغرام غادي وكيقرب ل 5الملييون وخة مبقاتش أكتيڤ كيف قبل حسات براسهاا طفات
من بعدما شربات قهوتهاا بهدوء وقفاات قاصدة لبلاصة فين دايرة مع المنتج محمد …فاستودييو فين غتسجل الاغنية لي من كتاابتهاا هي والحان المنتج
خدات طاكسي ل شارع *** فلعنوان لي عطاها دخلات بهدوء وصونات وفتح ليهاا ..مكانتش اول مرة تجي عندو ملي حطات رجلها ف لبنان وهي معاه على تواصل كان استوديوو كبير شوية فيه ادارة الصوت وتقنيي المنتج وكاتب الالحان
دخلات لغرفة معزولة على الاصوات امام كاسك حطاتو على راسهاا كتسناا الاشارة باش تبداا اغنيتها الاولى من كتابتها كلماتهاا كانو معبريين على حالتهاا وطبيعة الحب لي كتعيش …غناتهاا باحساس قوي لانه كلمات حزينة لقات رااسهاا مبقاتش بغات البهجة حتى فالاغاني …طول ديك 4 دقائق وهيا كتغنيي باحساس وعينيها مسدودين كتجي لبالها ابتساامتوو لي مفارقاتهااش
كاتب الاغنية والملحن كيعرفو مزياان الاغنية لي غتجي مع كل صوت لتجربتهم الكبيرة فمجال الفن والاصوات ليي سمعوهاا ايمان كانت عندها بحة خاصة كتبيين بليي الكلمات مقصودين ماشي مجرد اغنية
من ورا مسالات كلسو كيتافقو على الكليب كيفاش غيكوون وبما ان الاغنية حزينة وكتحكي على الغائب يعني مغيكونش شي حد معاهاا فلكليپ من غيرهاا …كانت ظروف خايبة فلبنان داكشي علاش قررو يكون تصوير الكليب ف فرنساا
الكليب حتى هوا داز فظروف زوينة شي مرات كتبان غير هي والخلفية سودااء مرة كتمشاا وسط الغابة كيبينو اشخاص اخريين فلغابة بحال الخيال كيدلو على دكريات داك الشخص …فشهر واحد كان كلشي وااجد والكليب كيتطرح فيوتوب مع بداية السنة الجديدة
فعالم الاغاني دائما مكتكون الاغاني الصيفية نشيطة وفيها الهرج وكترة الاوان وزواق وشطييح باش تكون حمااسية اما ف فصل الشتاء دائما مكتكون اغاني رومنسية او حزينة كتماشاا الجو كيفاش داير
هد لمرة كان لباسها مستور فلكلييب وكتغني ومرتااحة
تحطات الاغنية فراس العام حطاتها ريل فانسطغراام وبداو المشااهداات كيطلعوو و فظرف شهر كانت ضربات ملاين المشاهدات
*
فجو ممطر والبرد مكمشة فبيجامة سخونة وتقيشرات بوويض حداها زلافة صغيرة ديال زريعة وحداها وديان حتى هي بملابس دافئة كيتفرجو فالاغنية لي تحطات هادي شهر ودغيا ضربات 5 الملييون
ولات ترند ف تيكتووك عند البناات وحتى فانسطاا ولكن حماسها كان طافيي بتاتاا محساش بشي فرحة او حماس من الموضوع
وديان:حناا العرب كنموتو على اغاني النكد ههه شوفي هادي غتقول لالبوم لي خرجتي فالصيف مكتعرف والوو
ايمان: ممم كاين فاش نتفرجو
شدات التيليكموند كتقلب فلقنوات حتى كيبان ليها برنامج سميتو fachion dress” لبرنامج لمصممين هوات ل ليغوب سواغي و كساوي الاعراس
وديان: هد لبرنامج زويين ديما كتقولياا نصيرة تفرجي فييه ومكنساليش …قالت ليا مشاركين فييه شي 3 مغاربة
ايمان(متكية على المخدة بايدهاا كتفرج ) بحال هدشيي كيبدع فيه حذيفة …معرفتش علاش عمرو شارك فشي برنامج
وديان: شوفي ديك لغوب لوسطانية …خطيرة …هدا راه لفينااال …انفهمك لكونسيط ديالو دابا كيف شرحات لياا نصيرة
داباا فكل حلقة 3 ديال المصممين كيصنعوو واحد لغووب وكيحطوهاا قدام مجموعة تاع المصممين ليي كي قيموها وكيشوفو واش فيها شي ديفوو ولاا مامقداش ولا مامتناسقااش …ولي كيكونو دارو التصميم تيكونو كالسيين بعييد حتى كيتختاار الغوب لي ربح وهناا كيدووز لبرايم التانيي وهكاا حتى لفيناال …واش يمكن هدا لفيناال
ايمان: داك لوسطانيي زويين ..شوفي ديطاي ديالوو
وديان: حتى اللول زوين ولكن التالت حاالتوو … لااصق ومعريي كتجيني غوب العرس خاصها تكون اونييك ماشيي لاصقة ومعرية بزااف لوسطانية وااعرة كتحسي بيها نييت ديال الاميرات وديال نهار خااص لخرين تقدر تلبسهم غير فشي صواغي الى بدلتي ليهم اللون
ايمان: الصارحة كل واحد فاش كيبدع ..كنفكر نرجع نقرا
وديان: احسن حاجة …شنو غتقرااي
ايمان: مزال معرفتش الصراحة نحاول نرتب امووري مع محمد ونشوف شي مدرسة تناسبنيي ولكن راه بلمعقول محاملاش نقرا ف فرنساا هههه
وديان: وفيين غتقرااي ترجعي لطالياان ؟
ايمان؛ احاي ياله تهنييت من داك لبسيكوو معرت واش يكون تشد شفتو غبر
وديان: وتحاكمو ولا مزال
ايمان: داكشي كياخد وقت بزااف ولوناا ملقاوهااش لا هي لا داك ديڤ
وديان: مزيانة فجدو مشا فيها كفتة مصهدة غير بووحدو كان باغي يطيحك صدق عاد مزال شهرك …شوفيي والله حتى ختارو لوسطاني
دورات راسهاا لتلفازة كتشوف باهتمام قالت : ولكن يستااهل زويين
جابو دورة على المصممين ونطق المديع باسم الفائز بالاسبانيية : من المصممين الهواة لي قدر يبيين المهارات الكبيرة ديالو فعالم التصميم و عالم الازيااء هو المغربي
ودياان: اش قاال
ايمان: مغربيي سكتيي
_المغربيي لي بهر لجنة المصممين العالميين اااه(كيقرا فاسموو )كنعتادر الاسم ديالو شويية صعيب
ضحك الجمهوور ونطقات ايمان بمزاح: تخيلي يكون حذيفة ؟
وديان: نتي هداك قريبة تشوفييه فلقمر ههه ونطق خلااص جاب ليا ستريس
_حذيفة لأمييين
خرجو عينين ودياان وشافت فايماان ليي زادت الصووت مركزة فتلفازة حتى كيدخل لبلااطو بلباس كلاص سباط كحل سروال لطوال كحل وقميجة قهوية مدخلها فالسروال طاوي كمام القميجة شوية لحيية مرتبة وابتساامة مشرقة نظارات طبيية وشعر كثيف اسود بتحسينة عادية …ساعة جلديية فايدوو ..داخل بثقة فنفس كيصفق مع الجمهوور بابتساامة زويينة بيينات حفرة الزيين لي عندو فخدوو كتبان ملي كتكون اللحية خفيفة بحال داباا
باش دير ردة فعل ملي شاافتوو الصدمة خلاتهاا مبهووضة كتفرج ودياان سكتات ومرة مرة تشووف بنص عيين فايمان تشوف شنو رد فعلهاا ..كانو عينيها فقط كيبرييو ..مقادة فلكلسة ومركزة معاه
كيفاش كيهدر مع اللجنة وكيفاش تسلم مجسم ربحوو بان ليهاا شد لميكرو وقالت: ششش
نطق بالاسبانية وقال: كنوجه هد ربااح لكل شخص ساهم معاياا وتعدب معاياا فهد لبرووجي لي مجاش سااهل
دورو لكاميرا جيهة لجمهوور جوج اشخااص هازين راية المغرب
وديان: اجي ماشي نااصر هدااك ؟
ايمان: ناصر وطارق …مرتو مكاينااش
ودبان: شووفي مدايرش الخاتم …يكون طلق
تقلبات شافت فيهاا : كان داير الخاتم اخر مرة ؟ معقلتش
وديان: تانا مركزتش … تبارك الله عندو ميقول …واش عندو شي انستااغرام ؟ ميكونش زعمة كيحط هدشيي ؟
ايمان: نعرفتش
وديان: مكاين ليي غيجبد لينا الضوسي ديالو قد المغربيات اجمل نساء الكون هههه والله تنحط بووسط صبريي
ايمان: نسيفط ليه مساج ؟
وديان: صاحبتي راه هدشي لايڤ
ايمان: مبغيتش ندير ليه مشاكيل …بلاش يااك ؟
وديان: عادي مافيها والوو مالك غتعنبي علييه …مدوزتووش قليل عمرو بارك ليك شي حاجة
ايمان(جبدات تيليفونها على نمرتو كتقرا اخر مسااج ليه تبسمات ): اخر مسااج ملي حطييت اغنية ديال طفولة قالياا مبروك علييك صافي
وديان: رديها ليه داباا
ايمان(جرات لبيسيي )شنو قلتي ليا سمييت البرنامج !
وراتو ليها مشات ليوتيوب هبطات على الحلقات كامليين الليل كلوو ..كيفاش كيهدر كيفااش كيرسم التصميم عاد كيحطوو لبرايم لي ميكونش فيه هوا كانت كدوزوو بلقطات وتمشي تفرج فييه …وديان نعسات وهي ساهرة قدامها البيسيي الساعة كانت الوحدة تاع الليل …انسطا كلشي كيبارك لييه حتى من اعلاميين مغاربة كيفتاخرو بليي المغاربة مخلاو حتى مجال
عجبها لحال وفرحات ليييه بزااف حتى هي ماشي من العاكزيين حطات سكريين من صورتو مع اللجنة وحطاتها فسطوري عندها وكتبات بالانجليزية ” كنفتاخر بييك”
نسبانو ليها بلا متحس منتابهاتش بتاتاا ولكن قلبها فديك اللحظة لي كتب
هزات تيليفونها كتكتب وتمسح فمسج وعقلها تيقوليهاا صوني ليه سمعي صوتوو لتنساايه
كتبات ليه مسج وسيفطاتوو ” مبروك عليييك تستاهل كل خير “
تقابلات مع شتاا لي كطيح لبيت مظلم غير لبيسي لي مضوي قدامهاا بصورتوو
حتى بدات كتحس بنفسهاا كايتقطع وكتخنق
ناضت خرجات لبالكون كتجاهد النفس بقوة وحاطة ايدها على صدرهاا
خرجات لحمام كترش وجهها بلما باارد وكدوز على عنقهاا وصدرهاا وايديهاا كيرجفوو شدات معدتهاا وتحنات فطوالييط كترد
حتى من الاحاسيس وخفقان القلب ولا كيشكل ليها ازمة نفسية وكتجيها نوبة هلع وخة تكون غير كالسة
خدات الماغنزيووم وبعض الاعشاب لي كترخي النفس لقات عليهم تحسن وكلسات فبلاصتهاا مع نوبة بكااء بينها وبين راسهاا…فكل مكيتزير خاطرهاا كتفرغو فحصة ديال البكاء وتنووض صحة سلاام
شي مرات كتقول صافي راه بدييت كنسااه غير كتجيها الحنين لييه كترجع لنقطة الصفر …كيضرها خاطرها وحالتها بزااف …انسان عايش حياتو وهي عايشة مريضة بييه …شي حاجة ما طبيعيااش فحياتهاا لهاد الدرجة
شافتو مردش عرفاتو غيكون مشغول مع حبابو و صحاابوو وبقات سهرانة الليل كلوو كتفرج حتى غمضات عينيهاا والبيسي حداها شاعل فيقها تيليفونهاا كيصونيي مع 8 تصبااح فاقت مقلوببة كتقلب على التيليفون لقات محمد كيصوني جاوبات بتعب وقالت:الوو
محمد: صباح الخير يا ايمان كيفك !
حركات عنقهاا لي تعوج وقالت :الحمد لله
محمد: صحصحي منييح بدي حكيكي ف اشي مهم على العاجل ؤك
ايمان:ؤك
قطعات معااه وشافت فتيليفونهاا ملقاتش الاجاابة بقا فيها الحال على الصباح وناضت هادئة لدوش لروتينها اليومي .. معرفاش علاش فكل مكيقرب عيد ميلادها كيتزير خاطرهاا وكتولي انطوائية كثر لدرجة كتسناا امتا يدووز بحالا عمرو مكااين 14 فبراير
كتفصلها عليه 10 ايام فقط بدلات عليها بسورفييت مقطنة اديداس مع سبرديلة طالعة دارت طاݣية دافيية وخلات شعرها على راحتوو وخرجات كتمشا من بعدما عرفات بلي وديان مشات لخدمتهاا مشات كتفطر وجبدات تيليفونها تهدر مع محمد وقالت؛ وي صباح الخير
محمد: صباح النوور عندي الك مفاجئتين تنيناتهم حلوين
تبسمات وقالت:الله يسمعنا خبار الخير
محمد:اميين يارب ههه في عندنا دعوة لتحيي امسية غنائية ف عييد الحب ف سويرة للجاليية المغربية انتي ومجموعة من الفنانين …وثاني شيي في لقاء اعلامي هنا بلبنان عبرنامج صباحيي
هيا ركزات غير مع ديك الامسية لي فعيد الحب ياله كانت بغات تنساا داك نهار فالاصل حتى ولات غتخدم فييه
ايمان: فرنسا؟
محمد:ايه شوو فيها فرنسا ! مابدك تلتقي بجالية المغربية …هيدا التجمع بينعمل كل سنتيين
ايمان: ؤك
محمد؛ شو رأيك ؟
ايمان:معرفتش شنو بانليك
محمد:برأيي نقبل العروض تنيناتهم رح يفتحو عليك ابواب لاعمال كثيرة
ايمان:ؤك
محمد: تمام رح بلش باجراءات السفر … البرنامج تصوير الحلقة راح يكون في الخامس من ها الشهر بعدها نروح ؤك
ايمان:ؤك شو اسم البرنامج
محمد: هيدا برنامج لبناني كثير مشهور اسمو على الهوا
عطاتو موافقتها وقطعات معاه بغات تحط تيليفونها تطلع اسمو ونمرتو فالشاشة بقات كترمش مدة وقلبها كيضررب شنو دير تجاوب تسمع صوتو ولا تحبس هدشي تنهدات بديق وحطات التيليفون
كتشرب قهوتهاا ومراقبة التيليفون لي صونا جوج تاع المرات معاودش مزال كتاف بمسااج من ورا مجاوباتووش وقال: ايمان بخير اش خبارك امورك مزياان ، سمحيليا مجاوبتكش فلوقت مكنتش مخدم التيليفوون ،نهارك مبروك
شافت لميساج وسكتات كتفكر واش تجاوبو ولا شنو دير دازت دقيقة على الميساج وهي كتقراا فييه وقررات تجاوب بميساج وقالت: يمكن انا لي كنديرونجييك سمحلياا
مسحات الميساجات كتنهد على حالتها حتى صونات ليها وديان ابيل فيديوو جاوباتهاا بابتسامة مصطنعة باش تبان راه بخير
الاخيرة كانت فلكلينيك فوقت لبوز ديالها كتفطر
ايمان:لقيتي انسطا تاع حذيفة
وديان : لاا ولكن شفتهم فانسطا حاطين سكرين ديالك كاتبة على حذيفة فخورة بييك هههه خليتي راسهم ضارهم واش بيناتكم شي حاجة
ايمان: ويليي عنداك ندير ليه شي مشكيل
وديان : مهدرتوش
ايمان: صونا دابا ومجاوبتوش (تنهدات )مبغيتش نحشم ونجمع راسيي
وديان(ضحكات )ديري بلان
ايمان: لي هوا ؟
ودياان: حطي إنا لله وانا اليه راجعون فسطوري وشوفي واش كيشوف سطوريات ديالك غير نتاكدو واش فعلاا مامسوقش ولا غير داير فيها متقل ودافع كبير ههه
ايمان: كدوي منيتك اوديان
وديان: على ضمانتي مالك اش خاسرة
ايمان: هوا عارف بليي لي عزاز عليا ماتوو شكون فنظرك غنحط علييه الحداد ؟
وديان: وغير جربيي باش متبقايش مريضة واش كيشوف شنو كنحط ولا لا
بقات كتفكرر ونفدت كلامها عاضة على فمهاا من هد الخطوة وقالت: غتخرجي عليا اوديان
ودييان: عطيه 5 دقايق ولا نقولو 10
وديان مشات الخدمتها وايمان دخلات للمواقع كتشوف اخر الاخباار حتى كيصوني تيليفونها وضرب قلبهاا ملي طلعات نمرتو تاني
شافت نمرتو وعضاات على لسانهاا كضحك مبغاتش تجاوب مشات مسحات داك سطوري ودارت فبلاصتو اية قرانية لانه كانت الجمعة
وخة هكاك بقا كيصووني ويعاود كانت دخلات لدار حطات التيليفون يتشارجا ومشات ديماكيي وجهها حتى سمعاتو كيصوني ومشات تشوف شكون لقاتو هوا تبسماات و كلساات واخدة راحتهاا جاوبات بانوثة ولطف
ايمان:ألو
حذيفة: ايمان بخيير ؟
كانت بخير كيتسائل بيهاا باش يطمن سؤال غير مبااشر بلي كيطمن على حالهاا
ايمان: الحمد لله ونتاا امورك مزيان
حذيفة: الحمد لله حمم جاني صوتك عيان يكما عندك شي مشكييل ؟
ضحكات مبعدة تيليفونهاا ورجعات كتمسكن وقالت: غير عيانة شوية
حذيفة: كضرك شي حاجة !
تنهدات ونطقات بهمس: قلبيي (سمعات صوتها) متشغلش بالك …مبروك علييك فرحت لك
حذيفة: شكرا … نقدرو نهدرو ابييل فيديو ! الى مكانش عندك شي مانع
خرجوو عينيهاا وقالت: ؤك
وقفات بجري شعلات رينك لاييت قبالتها كلسات فلكرسي مقابلة مع لمراية كتصايب فشعرهاا ودارت عكر فلبلاصة وكلساات تجاوبو حيت كان كيصوني قلبهاا يقدر يسمعوو مزال لابسة القبية تقلات قدام الكاميراا …متكية على الطبلة وشادة راسهاا مع بان ليهاا تبسماات وقالت:اولاا
خدا وقت باش يرد عليهاا ابتاسم ليهاا كان كيستااقر فوق سرير تكا راسو على المخدة لابس قبية حتى هوا وشعرو كان فازک رد عليها بهدوء : فين راك فدار
ايمان: غير دار
حذيفة(باهتمام ) امورك مزياان ،مرتاحة تماا
ايمان: الحمد لله حسن بزااف …كون بغيتي تعرف اموري كنت تسول فياا
حذيفة(تبسم لييها وهز يدو كيحك حاجبو ) خبارك كلها كتحطيها فسطوريات
ايمان:مم يعني كتعتارف بلي كتشوف سطوريات
حذيفة:غير مؤخرا من قبل الصراحة لاا
ابمان(هزات خصلة من شعرهاا سهاات فييه وحتى هواا حتى ضحكاات من الخجل
حذيفة:فالصراحة مدة هادي بغيت نهدر معاك ولكن مكنتش مساليي كنت بغيت نرتب اموري عاد نهدر معاك …رتاحيتي ف فرنساا
ايمان: كنحاول نستااقر
حذيفة(تاوب ) استغفر الله ، سكنتي بوحدك ؟
ايمان:لاا لا هد الساعة مع وديان
حذيفة:امتا تعرفتي عليهاا …كتبان كبر منك شوية لا ؟
ايمان(ضحكات ) يكما حتى هي احساسك كيقول ليك شي كلمة عليهاا
حذيفة: غير كنسول وصافي …
ايمان: هي طبيبة العام لي فات تخرجات ودابا خدمات
حذيفة: ممم …ونتي مكتفكريش ترجعي لقراييتك
تبسمات ليه وقالت: غادي نرجع ولكن غير نقاد الامور
حذيفة: خمس سنين هاديي مبغات تقاد لييك ولاا ..فشلتيي ؟
ايمان: الوقت كتفشل شي مرات
حذيفة: ماشي هدشي لي كيباان من حياتك فسطوريات …كتباني أكتيف ونشيطة
سهات قبالتها وتبسمات لييه وقالت :غير كيبان لييك(كتلعب بسيور تاع القب) الى حليتي قلبي شلا مغتلقا فييه
حذيفة: شنو غنلقا
ايمان(تنهدات ) بزااف وسكات حسن…ونتاا شنوو درتي فهاد خمس سنين
حذيفة: جييت خدمت فريستو بكونطرا من وراهاا وليت شاف ايكيب تماا ملي كملت 3سنين دفعت لوراق خرجو لياا قرييت وفنفس الوقت كنحاول نعمر وقتي بحوايج اخرى
ايمان: فين تعرفتي على زينة
حذيفة: زينة ! مالها
ايمان: سولتك امتاا تعرفتي عليهاا
حذيفة: زيينة من عائلة طارق
ايمان: وامتا تزوجتوو
حذيفة: تزوجناا ! هههههه
ايمان: علاش كضحك
حذيفة: شاك بحالا تيقتيي هاد تزوجتي …كون كنت مزوج علاش مجمع معاك داباا
ايمان(بصدمة ) كيفاش ! وااش واش مامزوجش
حذيفة: لاا هد الساعة مزال خههه
ايمان: وعلاش نهار كنت معاك عطيتيها سوارت دار !
حذيفة: نو ماشي سوارت دار بتحديد كنت كاري واحد المحال حاط فييه ماكينة ديال الخياطة والماطريال وهي كتنبت ليا الثوب الى حتاجيتو منبت كنت عطيتها كموند ومشات تهزهاا هدشي ليي كايين
ايمان(تكب عليها الماا باارد وبقات غير كتشووف تفكرات العذاب لي دوزات داك نهاار وقلبها ليي تقطع نطقات بحزن ): علاش مقلتي لياا والوو….علاش تعاملتي معاياا بدييك الطريقة بحالا مكتعرفنيش
حذيفة: مرضيتش (هزات عينيها فييه مغرغرين ) مرضيتش بديك الهدرة لي قلتيي …مشيت باش منخسروش بعضياتنا لدرجة خايبة ونولييو عديان … هدا مكان هدرتك مكانتش ساهلة ا ايماان
ابنان: طلبت منك سمااحة مكنتش عارفة شنو كنقوول
حذيفة: المسامح كرييم ولكن شي حوايج مكيتنساوش وخة تسامحي
ايمان: نتا حقو_ود مع راسك
حذيفة: ونتي خضرة مكتوزنيش هضرتك
ايمان(خرجات عينيها بصدمة وضحكات)انااا
حذيفة: سييي
ايمان: مرة وحدة
حذيفة(بتاكيد كيحرك راسوو ): بزااف تاع المراات
ايمان: هههه وسمحلياا عليهم كامليين
حذيفة:قولي لياا العنوان ديالك
ايمان(ضرب قلبهاا ): علاش !
حذيفة: بغيت نسيفط لييك شي حاجة
ايمان: وخة تنكتبو لييك …. شنو بغيتي تسيفط لياا
حذيفة: شنو فنظرك
ايمان: ههه معرفتش … قولياا واش وليتي كدير غير لي غوب
حذيفة: نوو داباا عندي فوغماصيون على تصميم رجالي تقريبا هوا فاش غادي نكمل هوا وليغوب
ايمان: امتاا نلبس تصميمك ههه
حذيفة(تقاد فلكلسة شرب لماا ): ديجا لبستييه
ايمان(جمعات الضحكة باستغراب ): امتاا ؟
حذيفة: القفطان لي لبستيي ف ديك الحفلة ف اسبانياا
رجات ظهرها مع الكرسيي من الصدمة وبقات كتشووف …كانت حااسة بليي داك القفطاان فشكل ملي حطات عليه العين حساات بلي ديجا شافتو فشي رسم من رسوماتوو ولكن مطولاتش فتفكيرها وقررات تاخدو
ايمان(بهدوء) : فين شفتيني لبستو ونتاا مجيتيي مشفتيني
حذيفة: راه قلت لييك حياتك ولات مسربة ف سوشيل ميديا منحتاحش نقوليك شنو لبستيي …نقصي نقصي شوية من كترت سطورياات وزوااق زواق واش مكتعيايش ! صحاب انستاغرام وليتو عايشيين غير ب الاشهاراات
ايمان: راه خدمة هاديك ههههه (ضحكهاا ) وزايدوون انسطا راه كيفتح ليك بيبااان باش تشهر زعمة معندكش
حذيفة: عنديي ولكن مكنتسوقش لييه
ايمان: هههه عطيني انسطا ديالك
حذيفة: خلينا من انسطاا فهاد المسابقة عطاوني جوج ديال تيكيت باش نحضر لواحد العرض ديال مصمم ف بلجيكا … تمشي معاياا ؟
ايمان: بصفتي شكون
حذيفة: بحال ختيي ولا أمي دياليي
كسر خاطرهاا بديك ختي من جديد وجاوباتو فعقلها ب يخوي لييك الرااس وردت على راسها نافيية دعوتها ب الله ينجييه قالت : عندي الخدمة اخوياا
حذيفة: امتا عندك الخدمة اختي ايماان
ايمان(حكات عينيها كتنهد) : ف 14 فبراير فمارساي
حذيفة: ماشي مشكييل ديالاش هاد الحفل لي عندك فمارساي
ايمان: مغنكونش غير انا جايبين فنانة اخريين انا عندي غير ساعة وغنمشي …وقبل منهاا نهار 5 عندي ڤول لبنان على ود شي برنامج
حذيفة: مم الله يسخر …المهيم فهادشي كلو شنو قلتي تمشي لبلجيكا
ايمان: ههه معرفتش
حذيفة: ايكون خير ..نقطع داباا خاصني نرتااح باش نشد طريق لدار
ايمان(بابتسامة مساخياش): ؤك تهلا فراسك الله اوصلك على خير
حرك راسو بالايجاب وقال: اميين يارب
قطعو الاتصال وبجوجهم بقاو قدام الشاشة ديال التيليفون بحيرة من امرهم…حذيفة تنهد وغمض عينيه حاط التيليفون على صدرو اما ايماان ف بقات شادة حنكهاا كتلعب بالتيليفون حتى رسلو ليهاا معلومات الحفل وفين غيكون ومنين تقدا تيكيي حطات المعلومات فانسطاا مع سيت ديال التيكيي تماا وكلساات
رجع تفكيرها بييه كتفكر ضحكتوو وهدروو وراحتو معاها والحاجة لي فرحاتها كتر هوا مامزوج موالو حسات براحة من بعد شي حاجة كانت متقلة على خاطرهاا
وقفات بفرحة ونشااط طالقة اغانيي مغربية كتموسق وتماايل معاهم فنفس الوقت جبدات المقادر وكتصايب ف بيتزا ب فواكه البحر ناشطة
دخلات وديان كتسمع النشاط فلكوزينة تبسمات كتحط سبرديلتها طلات عليها وقالت:اووو يلالة شنو سر هد الفرحة ههه
ايمان: حزري فزري هههه
وديان: ميكون غير حبيب القلب دار شي حاجة
ايمان: هههه تخيلي صدق مامزوج مواالو
وديان: العاار ونتي قلتي مزوج
ايمان: قاليا غير كتعاونو شي مرات كتنبت ليه شي توب
وديان: مممم رجعات الميياه لمجاريها !
ايمان(تقلبات كتشحر ): ههههه السرعة تق_تل حنا غير كنهدرو وصافيي ، كنفضل نكونو غير امي ولا نخسرو بعضيااتناا ونقطعو الصلة كيف قال هوا مشييت بعدت قبل منولييو عديان
وديان: انا بلاصتك داباا نشد فيه بسناني ملي مامزوجش (شهقات )احاااي يكون بين يدي وطيرو ليا شي وحدة ويلي ويلي
ايمان: ههههه اه نسييت (شافت فيها )قالياا تمشي معايا لبلجيكاا عندو شي معرض تماا المسابقة لي ربح فيها عطاوه جوج تيكي
وديان: عرفتي بلجيكا هد الوقت واااعرة سيري مالك ههه
ايمان: مزال معرفت عندي حفلة فمارسااي نهار 14 موراها نشوف
وديان: انا يمكن غنهبط المغرب هد الايام
ايمان(مشات ضحكتها ): علااش !
وديان: والوو غير بغييت نشوف بابا وماما بغات دير واحد العملية على عينيهاا وضروري نمشي
ايمان: ااه الله بشاافيهاا
وديان: فالصارحة كنت بغيت نقولييك (بتردد )تمشي معاياا
ايمان(عاطياها بالظهر دغيا تبدل حالهاا ولا خاطرها كي سهم البورصة يقدر يكون طالع حتى يهبط فخطرة )المغرب ضربت علييه اودياان
وديان: على خاطرك (بغات ترجعها لنشاط ) اوى وشنوو قالييك مزال. ؟
ايمان: صافيي …غسليي ايدك باش تغداي معاياا
ندمات وديان لي جبدات المغرب على ففمهاا ولا حتى سفرها خرجات لدووش و ايماان وقفات على طبلة من بعدما دارت لبيتزا فلفران
مقابلة معااه وصدرها تزير عليهاا بداات كطلع النفس وتهبطها بصعووبة خرجات لبالكوون مزيرة ومرفووعة بداو ايديها كيترعدوو دارتهم قدامهاا كتشووف وعينيها تضببو بدمووع …كتحاول تفكر فشي حاجة تخرجها من هد الحالة كطييح فبالهاا نعييمة وقبرهاا ليي 6سنين مزارتو مشافتو معرفاتوو واش قادوه ولا باقي غير ترااب واش لمشات غتعقل على قبرهاا ولا لاا …فكرة تديها وفكرة تجييهاا حتى بدات كتبكي بهستيرية حتى طلات عليهاا وديان بخوف وقالت: ايمااان
تلاحت عنقااتهاا كتنخصص وتهدر بصوت متقطع :توحشت ميي هءهءهءه توحشت نعنقها ونشم ريحتهااا هءهءهءهء كنتقطع اوديان كنتقطع مقدراش نعيش مع فراقهاا علياا هءهءهء عييت منسيي عييت
وديان(باسف ): سمحيليا فكرتك فف الله ارحمهاا اختيي …كلسي كلسي
كلساتهاا وشدات ايدهاا بلطف كتحاول معاها تهدن جابت ليها لماا كتربت برجلهاا بتوتر وايديها كيرجفوو وديان كتشوف وكتحسر
وديان: غير غادي نرجع من السفر غنمشييو لطبيب على ود حالتك واش نتي حمقة واش عارفة شنو هيا كريز بانييك ا ايمان تقدر تشدك وسط النااس ماشي كلشي كيعرف كيفاش يتعامل معاها
ايمان(مسحات دموعها بايد كترجف …كتنخصص ) متخافيش عليا انا بخيير
بدات وديان كتشم شي ريحة وناضت كتجري: ريحة الححرااق
بقات ايمان فبلاصتها وقالت: كون تشوفي العافية لي شاعلة فخاطريي
اليوم الثالي واقفة كتجمع فحوايجها باش تاخد طيارة ل لبنان وديان حداها تاصونا لانتير فوون مشات وديان تجااوب وخرجات براا حتى دحلات وفايدهاا كرطونة كبيرة شوية مغلفة ب بلاستيك اسود ديال التغليف
ايمان: شنو هادي
وديان: جات لييك
ضحكات ايمان وشداتها بعدات الشانطة من فوق سرير وحطاتها مربعة قدامها بحمااس طفولي وشعرهاا مدليي قدامهاا
شافت الاسم وصفقات بفرحة و وديان متكية على الباب كتبسم ليهاا وقالت: وحلي
ايمان: شوفي الكرطونة قداش شنو غيكون فيهاا
وديان: معرفتش الصراحة
قطعات لمييكة وبانت كرطونة كحلة مدورة بسنيتة فذهبي ومكتوب على ظهر الكرطونة بخط عربي وتحتو خط فرنسي “أناقة”
*
ايمان: ديري هد سمية فانسطاا
بالفعل كتباتهاا وطلعات ليهاا وقالت: هاهي
ايمان: واش ديالوو زعمة
وديان :هانتي شووفي راه فيهاا لي موديل ومزال ياله بادية شوفي هد الفيديو
كيبانو ايديه كيقطعو فتوب تبسمات وقالت: هوا ههه ااه هاهوا كاتب سميتو الفوق
وديان: ياله عندو 10 الاف ابوني
ايمان: قاليا مكيحطش بزاف
وديان: الى خدم علييه غيطلع والله انسطا هد الوقت ولا كيفتح بيبان …ياله حلي حلي
كتحل فالسينتة متحمسة هزات الغطاء حيداتو بان ليهاا الغلاف قطعاتو حتى كتخرج كلمات الاندهاش بعفوية: واااو شوفي
قربات وديان تشووف وايمان كلسات على ركابيها هازة الكسوة من الكتااف طالعة بيهاا وتفاصيلها كيبانوو …ديطااي والكمام الشفافيين والمطروزين بحباات اللؤلؤ سوداء جاية بتوب حريري ب بليات فالصدر مع طرزات كيبرييو عاد من جهة الخصر فيييه جزء تاني من الثوب ليي كيبقاا مجرور ورا الكسوة …مستورة وانييقة فنفس الوقت
بان اعجاابهم بالكسوة وكلسوو كيفلييو فتفاصيلهاا وكيشوفوو كيفاش داكشي مديطاي والثوب مكانش اي ثوب عادي كان باين من اجود الاثواب الحريرية…عشقاتوو فثوانيي قرباتو لنيوفها مغمضة عينهاا كتشم فيه وكتخيل حذيفة كيفااش خيطوو وقادوو باش يعطيه ليهاا كادوو غير مجرد التفكير بليي تخيط على قبلهاا خلا قلبهاا يشطح ويطلع هرمون السعادة لاقصى حد فرحاات وكلمة الفرحة مقدراتش توصفها فجملة
وديان:تبارك الله عرفتي هدا كون باعو شحال غيجيب لييه اصااحبتيي خدمتو غيمشي بيها بعيييد ونفس الطاي ديالك ل m غيجييك نااضي مع نتي بيضة وهوا بلو ماغين وااو
ايمان: نسيفط ليه مساج نقولييه شكرا ههه
وديان(قلبات لكرطونة) باقة شي حاجة لا !
كتقلب كتلقاا عطر فااخر من ماركة “good girl”
طيراتو ليهاا ودياان عينيها خاارجيين وقالت: نااري منين ضبر علييه واش لڤري ولا لكوبي هداا
ايمان: ههههه شوفيي التيكيت راه لڤري
وديان (بحماس )نحلوو
ايمان:حلي اصاحبتي ههه
كلساات بحمااس كيحلوو فييه وريحتو المعرووفة برائحة الزهوور والمسك الخفيف كتعطي منهاا حمقاتهمم ..كيلقاو بطااقة بيضاء على ظهرها افعى ذهبية شعار لبرفان واللور مكتووبة خصائص العطر وشنو فييه وتوقييع لتحت وخط جميل بالانجليزية لتحت مكتوبة : happy birthday iman
وديان: كون كتب ماي لوڤلي غيصرع البلان
ايمان: هههه راني غير ختوو
وديان: خوي ليكم ضراس هههه
ايمان(كتشم وتستنشق داك العطر لي فكرهاا ملي كانو كيتمشاو فالنمسا وسط جردة عامرة ورود نفس الرائحة نعشات داكرتهاا وتفكرات كيفاش كيحط الوردة بين شعرهاا …عينيه ضحكتوو
خرجاتها وديان من موجة الذكريات بقات ساكتة كتبتاسم ودياان كترش وكتقلب فكوكل على الثمن وايمان مكايناش فهد العالم …كدوز ايدها بلطف فوق ديك لغوب ومع تفاصيلها الجميلة
وديان: كيدير الف اورو بحالا ملييون مغربية
ايمان: ممم
مكانش عقلها معاهاا عقلهاا كيصور ليها ذكرياتها اللطيفة وزويينة معااه …وكيفاش حياتها غتكون كون كانت مزال فعلاقة معااه واش غتكون هازة ليه هد الحب كاامل ؟ ولا غير شوقها ليه لي كيخلييهاا كتفكر فييه ليل ونهاار تفيق بيه وتنعس بييه
ايمان: وديان …انا راه مكنبغيش حذيفة
وديانكتشم )وشنو نسمييو هاد شي
ايمان(كتنهد ) بزااف على الحب (حطات ايدها فصدرها) حاسة بالنفس غتقطع علياا الى مشا من حياتي فخطرة …ربي بوحدو عالم ربع سنين لي فاتوو كيفاش دازت وانا باغة غير خبارو
وديان: شوفيي نقوليك بلان الى كتبغييه قوليها ليه نيشان …علاش غتبقاو تلعبوو علييا هنا بخويا وختي
ايمان: ولكان هوا صافي محاني من قلببو وليت غير صديقة وصافي
ودييان: مضنييتش والله …كيخاف علييك باينة كيبغييك
ايمان: خفت نتيق هدشي ونزيد نتعذب
وديان: سمعيني اللهم تعدبي شوية ولا تبقا هكا حاايرة …ملي تلقاو بجوج حاولو توضحو الاموور باش حتى نتي ترتااحي
حركات راسها بااه وهزات تيليفونهاا كتبات ليه مسااج كتشكروو فييه ورد عليهاا ب بصحتك ازعيبيلة
ضحكاات وقالت: دابا غنسسافر لبنان ومن وراهاا غنمشي لمارساي
حذيفة: طريق السلامة ملي توصلي علميني …مبقيتيش رديتي علياا تمشي معاياا
ردات بثوثر او وديان كدعمها توافق : واخة
حذيفة: بيناتنا التيليفون
حطات التيليفون كتكمل جميع شانطة صغيرة حيت مزال اترجع وتجمع الشانطة لي تدي معاها لمارسااي
فعلا مشات لبنان دوزات تصوير البرناامج والحلقة مزال متعرض موراها رجعاات لفرنساا هي والمنتج جمعات اشنو غتحتااج من جديد بقات على تواصل بحذيفة بكلام بسيط صباح الخير ” كيدوزتي نهارك ” تصبح على خير
هدشي بالنسبة ليها كافيها كيسولها كيداز نهارهاا كيصبح عليها كيمسي علييهاا
توادعات من جديد مع وديان وشدات طريقها لمدينة مارساي الساحلية من بعد رحلتهم خداو اوطيل قريب لمكان الحفل كلسات كترتااح وقبل الحفل عندها جلسة تصوير هي لي طلباتهاا للمنتج باش تعرض ديك التحفة لي جاتها كادو
خدات صباط عالي فالاسود وفورير اسود حيت كاين البرد تلبسو فوقو ملي تكون خارجة ولات كترافقهاا بنت عشرينية متخصصة فالمكيااج والشعر فرنسية الجنسية
صايبات ليها الشعر ومكيااج سموكي برز زروقية عينيها لصقات الشفار شفرة شفرة …شعر بووكلي …دارت عقدها الخاص من الذهب الابيض فعنقهاا …لبسات ديك الكسوة وتقابلات مع المراية مغرمة بتفاصيلها لعنق جاي على شكل v لفوق كلو مطروز ولباقي توب حرير طويل …الميكاب ارتيست بقات كتشووف حمقهاا وقالت: زويين بزااف
ايمان(تبسمات ليها ودوزات ايدهاا على صدرهاا…دارت حلقااتهاا والبراصلي ديالها من الذهب الابيض
رشات ريحتهاا لبسات لفورير فوقهاا وخرجاات كتمشى بتقالة وبرقي بحال الى خارجة من فلم اميرات ديزنيي … توجهات لبلاصة فين كان عندها التصوير خدات صور احتراافية وركبو وراها فطموبيل متوجهيين لاوطيل لي فييه السهرة راكب حداها محمد ولقدام الشيفور
شادة التيليفون يوماين هادي مهضرات معااه ومقادراش تهضر معااه خافت تكون كديرونجييه وكتبرزطوو
محمد: شاغل بالك شي ؟
ايمان(بابتسامة )لاا …ااه يمكن غنسافر بلجيكا
محمد: ااه كثير منييح انت وميين ؟
ايمان(غلبات عليها التبسيمة )صديق
محمد: مممم هيدا الصديق شو اسمو
ايمان: حذيفة
محمد (تبسم) اسم جميل …بس انتبهي ع حالك ؤك
ايمان: ؤك
وصلو لبلاصة السهرة قرابة المغرب والبرد هبطات لابسة الفورير يسخنها شوية …كتشوف الاجوااء مغربية فدخلة دايرين رمى تمر والحليب استقبلوها احسن استقبال بحالها بحال مجموعة من الفنانين لي حفاو راسهم فمجال الفن حتى هي ولا عندها صدى فالمغرب حتى هي ولاو فئة شبابية كتسمع ليهاا وكتنغمهم
خدات صور مع مجموعة من المعجبيين نسااء وسيداات صغار وكباار واستقبلاتهم بكل فرح كتهدر معاهم وضحك وتنشط
كان فنان من الشعبيي خدام لداخل كلساات وفجانبها البنت كدير ليها روتوش على المكياج و السائق ومحمد متبع الاجراءات وحتى البروتوكول لي خاص تبع هوا كيسبق ليه وكيتافق معاهم على الثمن السااعة وشنو خاصها دير هي كتجي تغني كتاخد الفلوس وكتمشيي
هادي كانت اول مرة تغني قدام الجالية المغربية …شداتها الخلعة وحسات بداتها كترجف…الاوركيسترا كانت على اتم الاستعداد باش دخل
دخلات للمنصة هازة لغوب من لتحت باش متعكلهااش وشعرها المموج كيلعب فكتاافهاا غير بانت فوق المنصة للجمهوور بداا التصفييق والتصفار وموراه شي سيدات كيصلييو على نبيي فجو مرح ضحكاات ونص الاغاني كان من طلبهم المغربي الشعبيي واغانيهاا بطبيعة الحال …
حتى جات عندها واحد البنت من الجمهور طلبات منهاا اغنية خلات ضحكتها تلاشى شوية وقلبها يضرب …شافت فبعض النساء كيطلبووها باش تغنيهاا
ايمان: هد الاغنية كانت عزيزة على اعز انسانة على قلبي …ميمتي الله ارحمهاا
مممم …توحشتك يالميمة…صبران مفاد صبري ..صبرااان مفااد صبري …كينشوف صورتك الزينة…ينووح ويضياق صدري وهاااه
ݣاع ماننساك هاا العوينة. مكوي وهدا قدري …معطووب وهدا قدري
فراقك عجب فيناا …الحمام بطل يجيي وهااااه
غلبو عليهاا دمووع وتنخصيصة ومقدراتش تكمل هبطات لميكرو وعطاتهم بالظهر جات البنت لي معاها جابت ليها كلينيكس مسحات عينيهاا وتقلبات لجيهتهم كضحك بزز : سمحولي ههه هاد الاغنية كتفكرنيي فبزااف مقدرتش هه
بداو بعض النااس كتسمع منهم الله ارحمهاا وقالت بمزاح: نكملو سهرتها فلي ينشطناا يااك هههه
خدات نفس جديد بزز منهاا كتهز عينيهاا حتى كتصادفوو شاد طبلة بعيد عليها شوية متكي على لكرسي داير رجل فوق رجل ومربع ايديه مقابل معاهاا قدامو كاس تاع العصير لابس دجين زرق وقميجة سخونة فلكحل وحاط على لكرسي مونطو فلكحل ….تبسم ليهاا وزرع فيها الرووح من جديد ضحكاات وتقلبات حيهت الخشبة كتشوف فمحمد كيشير ليهاا لساعتوو وقالت: في قدامك خمس دقايق بس
حركات راسها بااه وشافت فناس وقالت: غنختمو ليلتناا بواحد الاغنية زوينة كنهديها لاي شخص قلبوو زوين(شافت فحذيفة )
حيين التقيتك عاد قلبي نابضاا
وجرى هواك بداخلي مجرى دمييي
(عينيها ف حذيفة
الاخير ليي خرجات الابتسامة منوو بلا يمحس وهوا كيتفكر الليل ونجوم وجبال وحدود صوفياا وصوتهاا الرااسخ فبالو بنفس الاغنية )وشعرت حضنا دافئاا ورايتني
رغم الحياااء اذوب فييه وارتمييي ..
قل لي ايااا رجلا لاي قبيلة …ولا اي عصر ا وجنس تنتمي
ولمن تعوود اصول عينيك اللتي ،أضحت قناديل الضياء بعالمي
سلات الاغنية تحت تصفيقاتهم وغادرات المنصة بقلب كيضرب على جهد …التوتر والحماس لشوفتو اخيراا قبالتهاا حسسها بالفررحة
لبساات عليها من البرد تفاهمو مع المنادجر وخرجو من تماا لقات شتاا كتنقط شوية والحال مظلم تسالات سهرتهاا وخرجات بعينين كلهم شوق يشوفوه للحظة وقع صمت فداخلهاا طلبات من محمد يسبقها كتقلب بعينيها علييه وقالت: يكماا تخيل لياا ؟
جاها صوتو من وراها كيقول بالاسبانية : كتقلبي على شي حد امادموزيل
ضحكااات قبل مدور عندوو بابتساامة عريضة استقبلااتوو وهوا بالمثل ب بشاشة وايديه فجياب لكويرة واقف ومعوج راسوو
خرج ايديه من الجياب ومد ليها ايدو فرحاات ومدات ايدهاا سلمات علييه بخجل وقلبهاا يقدر يكون سمعوو حسات براسها غتسخف
تعانقات روحهم وهوما واقفيين حدا بعضياتهم من قد الشوق لي باين فعينيهم مقدرووش يهدرو والخجل واضح فضحكتهم
حذيفة(حك حاجبو كيتلفو): بخير !
حركات راسها باه وضحكات قالت: مقلتيش لياا غتجيي
حذيفة: مكنتش بغيت نواعدك ..خفت تخرج ليا شي حاجة على غفلة
ايمان: ااه مزييان
حذيفة: جا معااك
ايمان: ش شنوو (عاقت وضحكات )شكراا دوقك زويين
حذيفة: القالب غالب الالة
ضحكات بخجل وصوت الموسيقى جاي من لدااخل حذيفة كيشوف وراه ويشوف فطموبيل لي باقة كتسناهاا وقال: نخلييك تمشي ترتااحي …شمن اوطيل كالسة ؟
ايمان:***
حذيفة: صافي …سيري رتااحي لڤول لبلجيكا غداا بليل
ايمان: شحال من نهار
حذيفة: 4 اياام ان شاء الله ااا تكوني مرتااحة لخرجتيي داباا
ايمان: دابا ؟
حذيفة: سيري بدلي عليك بشي حاجة مريحة ولبسي راه البرد غنتسنااك
ايمان: وخة !
حذيفة: بيناتنا التيليفون
تفارقات معااه ومشات لطموبيل الفرحة غتخرج من ودنيهاا بغات امتى توصل تبدل وتخرج عندو وداكشي لي كايين دخلات لبيت ديماكيات وجهها جمعات شعرها كوب شوڤال مموج ولبسات سورفيت سخونة مع سبرديلة طالعة رشات عطرهاا وبقات كتشوف راسها فلمرااية معرفاتش علاش كتبغي تكون مع حذيفة بطبيعتها بلا زوااق
لقاتو مسيفط ليها مسااج باش تخرج عندوو كيتسنااها حدا لاوطيل
هبطات بجري وبالفرحة طايرة لقاتو كيتسناها مشات عندو خاشية ايدهاا فالقبيية تبسم ليها وقال : نتمشاو شوية ؟
ايمان: الجو زويين ياله
تمشاو جنب لجنب فشارع الكبير فمدينة مارساي …كيتشاركو الهدرة على الاجواء كيعاود ليها على تقافتو العامة على هاد المدينة شنو فيهاا شنوو ميزتهاا وهي باغة غير تسمع صوتو وتنغم بييه باغاه غير يبقا يهدر ويعبر وخة يكون كيهدر على المجاعة المهيم يهدر
وصلو لساحل ضرب فيهم ندى والبرد منعش …استنشقو ريحة المااء و ريحة ندا ديال شتاا وقالت: توحشت بحال هد الجو
حذيفة: كيعجبك شتا على الصيف
ايمان: بزاف ههههه عرفتيي الصيف كيقهرنيي كندووب والله ولحمي كيولي كيقرصنيي ملي كنت فلمغريب كانت كتقرصني شنيولة لحمي كلو كينبل مي مسكيينة كتبقا دهن ليا فنعناع الليل كلو
تبسم لحماسها لدكرياتها وقال: الصهد حتى هوا عندو منافع ولكن لي تزاد فشتاا كيبغي شتا كتر
ايمان: اه حتى اناا تزادييت فشتاا هدشي لي قالت ليا مي ، اا حذيفة
حذيفة: نعام
ايمان: واش أناقة لي فانسطا ديالك ؟
حذيفة: سيي
ايمان: نقدر نطاكيك ؟ حيت صورت لغوب وبغييت نحط سميتك
حذيفة(بقا كيشوف فيها ): ضروري زعمة !
ايمان: علاااش واش مبغيتيش تزيد بخدمتك لقداام ؟ شنو فيها الى بارطاجيت شي حاجة زويينة
حذيفة: ههه وشنو غيزيدني الى بارطاجيتي هدشي
ايمان: غيزيدك ليزابوني ويقدر شي وحدة تبغي تلبس من عندك علاش لا
حذيفة: اناا كنخدم فالواقع ا ايمان ماشي فالمواقع …هداك درتو غير پارازار نقدر نحط لي كنخدم من بعد وصافي
ايمان: الى حطييتي بلي نتا لي ربحتي فداك البرنامج والله حتى غيطلع وبالعكس غتكون نتا الرابح منوو ماشي العكس غير جرب
حذيفة: ان شاء الله غنفكر فيهاا اجي معاياا
تبعااتوو مشاو لريستوو جنب البحر كيضرب فيها الهواء نقيي كلسات مقابلة معاه فطبيلة والريح كيحرك شعرها شوية رتاحت فلكلسة خصوصا هوا جنبهاا ..خداو اطباق الحوت من بعدما عرفوه حلال
ايمان: معمرك هبطتي المغرب !
حذيفة: لا مزال ونتي
ايمان(ضحكات) شنو غنهبط ندير
حذيفة: انا نيت مزال حاليا مكنفكر نهبط
ايمان: تصالحتي مع الوالييد ديالك
حذيفة(مسح فمو كيضحك وحرك راسو بالنفي ) كنهدرو مرة مرة كيهضر معايا غير باش ميتسماش قاطع صلة الرحم اما من قلبو لاا
ايمان: ناري غيكون طبعو صعييب
حذيفة: بزااف
من بعد العشاا جاب السرباي ݣاطو صغير لشخصيين من فوقو جوج شميعات بالارقام “25” …شكر السرباي والاخير تمنا ليها سنة طيبة وهي كتشووف وضحك بفرحة وحاطة يدها على فمهاا
ايمان: شكراا بزااف (بعفوية شدات ايدو المحطوطة على الطبلة كتشكر فييه
الاخير حس بايديهاا وجرها من تحتها وطبطب على ايدهاا بلطف وهز ايدو قرب ليهاا الطبسيل وقال: بكل متمنيتي ان شاء الله
كتشوفييه وضو شميعات ضارب فيها وقالت: وخة تصورني
حلات تيليفونهاا وعطاتوو لييه حشمات تبقا تبوزا قدامو فتصاور كتافات تصور مربعة يديها على الطبلة وشميعات فلكيك شاعليين
بدل الكرسي حداها مقابل مع البحر شدات من عندو التلفوون وتصورات معااه والكيك وسطهم
حطاتوو وقطع ليها الكيك خرج منو الشكلاط بحال العسل عضات فمها وكلات منوو هوا دااق شوية لا غير عارفااه مع الحلاوة مكتعجبوش محكراتش علييه
ايمان: اليوم نتا كملتي 33 تبارك الله
حذيفة: شرفت !
ايمان: علاه 33 كيشرف الواحد ! عاد كيبداا الشباب والنضج
حذيفة(حك عينيه كيضحك ): على هاد الاساس نتي باقة بريهيشة ههه شوفي النضج معندوش علاقة بالعمر كاين لي فعمرو 40 عام وتلقايه ميكسابش العقل ههه وكاين العكس
حركات راسها بااه وكملات الحلوة وقالت:هاد الطرف مبغيتيهش ؟
خذيفة: غير كولييه بصحتك
ايمان: قولييه يجمعو لييك نديه معايا دابا شبعت
ضحك كيحرك راسو بالايجاب حشماات ولكن ميمكنش تخلييه وراها لا هوا لا شميعاات
جمع ليها داكشي وعطاه ليها فكرطونة خرجوو من الريستو قاصديين الطريق منين جاو محدها كتقرب لاوطيل محدها مساخيااش بييه وقف وقال: سيري رتاحي نتلاقاو غدا بليل
ايمان: صافيي ان شاء الله …شكرا على العشاا والحلوة…سمحليا انا مجبت ليك والو مكانش فبالي غتجي اليوم
حذيفة: مابيناتنااش هد الساعة لكادو الزوين هوا تكوني مرتااحة
ايمان:ههه شكرا …تصبح على خير
حذيفة: تصبحي على خير
دخلاتت مرة مرة دور عندو توحشات هاد اللقطة يتسناها تدخل ويمشي فحالوو
طلعات لشومبر هازة الحلوة معاهاا مع دخلات حطاتها ومشات تلاحت على السرير بخفة هازينها الفرشات من رجليهاا …حضنات المخدة بحب وبقات ساهيية فلحييط كتفكر الليلة كيف داازت
صونات لوديان فداك الليل تشاركها الفرحة
وديان: هاي هاي الحنيكات حمريييين ياختيي ههه
ايمان: تعشيت مع حذيفة ههه وجاب ليا كاطو فرحت والله
وديان(بحماس )اااييه وفاش كملتوهاا ؟ شنو قلتوو فاش هدرتو
ايمان: هدرة عاادية ماجبد معايا والو
وديان: اويلاااي كيفاش مجبد والوو مهدرتوش كاع
ايمان:لاا لا هدرنا هدرة عاادية غدا غنجي باش نسافرو فالعشية عرفتي متحمسة لهاد السفر بغيتو يدوز زويين وخة مابيناتنا والوو
وديان:هههه ان شاء الله ترجعو مزوجييين وحاملة بالتالت
ايمان(خرجو عينيها)اويلي هههه خليني نبوسطي واحد الصورة
خدات صورة لي فيها بجوج قطعاتها وبقا غير كتفو بايين فالصوورة وكتبات لتحت: “hey it’s my birthday”
حطات التيليفون على صدرهاا متكية على لفراش رتااحت من الفرحة وناضت لديك لحلوة تساليها كلاتهاا غسلات سنانهاا ومشات لفرااشهاا جبدات من بزطامها صورة مصغرة ل نعيمة وجنبها صورتهاا هي و حذيفة مصغراهم خاشياهم فلبزطام …هزات صورتها كتبتااسم وكترحم علييهاا
خرجات لبالكون لجو كي السم باارد تكمشات فالسورفيت دخلات معاها البرودة نعشااتهاا
لمدة وهي هكااك مشات لفراش كتحاول تنعس طفات ضواو وخلات ضو الفييوز شاعل بضو خفيف عنقات المخدة وبقات مغمضة عينيهاا كتقلب فلفرااش مرة تفكر فحاجة تفرحها مرة بحاجة تكفس عليها مورالهاا …كتحل عينيها تشوف فسقف تاتعيا وتسدهم
مع قرابة ضو يطلع نعساات …حتى كتحرك فبلاصتهاا كلها عروقات وكتحرك شفايفهاا وملامح وجهها بغات تبكيي بحال شي حد قا_جهاا او تابعهاا تفااقت كتغوت و تركل فبلاصتهاا كتنهج وكلها كترعد شدات فقلبهاا كتنهج وتبكيي وخايفة من خيالهاا نقزات من الفرااش كتشووف جناابهاا كان الضو بدا كيباان خرجات لبالكون خاايفة وسدات الباب كطل على البييت بخوف وقلبها غيسكت كلها كترعد والمعدة تقلبات عليهاا كتنهج والرعدة شدااهاا
كلسات فالارض بااردة كطلع النفس بصعووبة رجليها وايديها ولاو حمريين تكمشات فالارض حتى ضربات فيها الشمش وناضت بعيااء دخلات وتكمشات فبلاصتهاا متقولش هادي لي كانت الباارح غطير بالفرحة دغيا تقلباات لكئابتها وعينيها كيجريو بدموع
صبح عليها الحال من جديد عينيها لاصقيين فلبالكون مكمشة فوق الزربية وعينيها دابليين بقلة نعاس و لأفكارها ومرضها لي غادي وكيزييد دقات عليها المسااعدة وناضت بتقالة حلات لباب ونطقات بالفرنسية : مسيو ميد كيتسنااك باش تفطري وتشدي الطريق
حركات راسها بواخة دخلات الاخيرة كتجمع ليهاا فلحواييج وكترجع لفستان لبلاستيك ديالو مع سباط وايمان خدات دووش وخرجات لبسات دجين وتيريكو صوفي و ميني بوط خدات صاكهاا وخرجات عينيها فالتيليفون كتشوف فاخر بووسط تحط لقات وديان الاخيرة مسيفطة ليها عرام تاع سكرينات وقالت: معطلووكش اصاحبتي ههههه
لقات صورة لي حطات وكتف حذيفة بايين وشوية من ايديه خلق البلباالة وكلشي ضرو راسو شكون هدا لي معاهاا …ضحكات وقالت: حنا المغاربة مشاركين فالفضول
نطقات المساعدة لي معاها وقالت: باغدون ؟
ايمان: هههه غيان
قصدات طبلة الفطور لقاتو كيتسناها كلسات كتفطر معااه وقال : لسة رايحة ع بلجيكا ؟
ايمان: سي اليوم بليل
محمد: عندي الك خبار ساار وخبر ماكثير رح يعجبك
ايمان(حكات كاس تاع العصير وقلبها كبضرب)شنوو
محمد: الخبر الساار ..اجاني اتصال مبارح بس مقلتلك شي حتى اتاكد منوو …فيي ماركة عالمية بدهاا توقع معك عقد لتكوني وجه اعلامي لالهن
ايمان: اسم الماركة
محمد؛ “gucci”
حطات ايدها على فمهاا بصدمة وفرحة وقالت: واش كتهدر بصح
محمد: ماا عم بمزح قلتلك محبيت خبرك لحتى اتاكد منييح … عندك موعد معهن بعد اسبووع بدي ياك تكوني كتير مرتاحة ومنييحة لحتى تكون المقابلة لصالحك اكيد …اه ذكرت المقابلة رح تكون ف ايطالياا وبالضبط فروما شو قلتي
ايمان: (عضات على فمها كتفكرر ) روماا مم نشوفو الشروط اولاا
محمد: هيك منييح
ايمان: والخبر السيء !
محمد: ما كثير سيء ههه اعمالك يا ايمان ماشاء الله كثيرة وفييه تنقلات من دولة لدولة واناا تعبت من السفر الكثير …انا بدي ياكي تشووفي مدير اعمال ثقة ليكون في جنبك فكل الاوقات
ايمان: لااا (بحزن )
محمد: في كثير ناس فهاد المجال ثقة ومتلاقي معهن مشكلة بس لازم يكوون قريب منك لحتى تكون بيناتكن تقة يكون فنفس المجال لحتى يكون يعرف كيف يتصرف فالاوقات الصعبة …انا قررت بعد كم شهر يمكن فنهاية السنة رح استقر ف امريكاا جنب اولاديي بس لاا تخافي مارااح فل من حياتك بهد السهوولة هههه رح كون فجنبك فمسيرتك الفنية طول ما انا عاايش
ايمان: صعيب نلقى شخص تقة !
محمد: ما تعتلي هم في قدامنا وقت طويل لحتى نلاقيي الشخص المنااسب …ياله ع المطار
وصلهم الشيفور لمطار ركبات وهي كتفكرر تانيي ف هاد مدير الاعمال حتى قالت تهنييت ومحمد كان ظريف وكيعاملها بطيبة بحال بنتو عمرها شافت الدغل من جيهتو طيلة هاد العام لي خدمات معاه كيعرفها على منتجيين اخريين على مخرجيين وعلى ملحنين بدا كيعرفها على اشخااص على فنانين كباار فهاد المجال معمرها قالت غتشوفهم …فتح فوجهها بيبان كثيرة وخلا الطلبات يجيوهاا بكثرة
باقي الوقت قدامها منهنا لنهاية السنة وتشوف شنو دير وصلات لباريس بعد ساعات فوق سحاب وصلات لدار بتعب من طريق لي ولات كضرب وكتنتاقل من مدينة المدينة ومن بلاد لبلاد
كانت مزال واقفة سيفطات لحذيفة مساج وقالت:عاد وصلت لدار ..قوليا معاش الطيارة فالعشية !
مشات البيت تكات ترتاح توصلها ميساج فيه: مع 12 تاع الليل ..ولكن مع 10 نكونو فالمطار
جاوبات ب ؤك ومشات كتوجد راسهاا دخلات لحمام عمرات الماا حطات حوايجها ودخلات وسط الرغوة والريحة المنعشة …مغمضة عينيهاا وترخاات حتى كتسمع خبطة تاع الباب ناضت قافزة عينيهاا حمريين ترخات بنعااس…
ايمان:وديااان جيتي ؟ وديااان …وديااان
مجاوباتهاش ناضت لوات عليها لفووطة كلها رغوة طلات برااسهاا لقات السقييل ورجعات لماا تاانيي من وراها دوشاات حيدات التعب وبدات بسكين كير قدام المراية فالبيت لي صايباتها وجهزاتها باضواء باش تصور قدامهاا ..لابسة بينوار ودايرة فوطة على شعرهاا بدات روتيينهاا لبشرتهاا وشعرهاا حتى هواا من ورا ما سالات لبسات عليها ملابس مريحة وقصدات سونتر بيوتي تبدل لجيل لظفارها وحتى الشفاار
بدلاتو بالغوز بب خفيف هوما ورجليهاا صايبات حجبانهاا وشفاارهاا ..خرجات كتشعل من بعدما دارت سوان لشعرهاا
مشات لريستو قريبة لدار فين دارت مع وديان يتغداو لقاتها دارت لكموند عاودات ليها شنو داررت وقالت: خاصني نمشي نتقدا شي حواييج ديال البرد
وديان: شحال غتكلسسو قلتيي
ايمان: 4 ايام
وديان: مزيانة عنداك تغبري هههه ياله نتقداو نيت خاصني نشوف دي كادو لماما
ايمان: ومتنساايش لبيبي تاع ختك
وديان: مم فكرتييني
ايمان: ماشي مكشيل على وجه ماماك
وديان: دعي معاياا حتى انا نلقا شي زمان نشد فيه بايدي بجوج
ايمان:هههه ان شاء الله
مشات تقدات لي خاصهاا محسوش بالوقت حتى بدا الحال كايظلام رجعات صايبات الشانطة ديالهاا وهزات اي حاجة تحتااجها فالسفر منساتش برودوياتهاا لي خاصها ضروري تصور فروتينهاا
لقات طاكسي كيتسناهاا لابسة تجاكييط فلكحل مصوفة من لداخل وطاكية على شعرهاا دجيبن وتيشورت فلبيج ..بعد نصف ساعة حطها الطاكسي قدام المطار كدور فعينيهاا تشوفو هبطات الشانطة وجراها حتى بان ليهاا موقف الشانطة وكاالس عليهاا كيتسناهاا …شافتو وتبسماات كان مدور راسوو لجيهة اخرى مع شافها تبسم ليهاا او وقف وقال: تعطلتيي
ايمان:هههه سمحلياا
حذيفة: اجي بعدا ندخلوو ندوزو البكاج ونقادو وراقناا ؤك
الاجراءات خدات وقت كيف ديماا مابيين طبع و لبكااج وطلع فطيارة كانت مدة طويلة حيدات تجاكيط وكلساات كلس حداهاا حتى هواا ..كيستاعدو لرحلة لمدينة الزهور “بروكسيل”
ايمان: شحال تاع الوقت ؟
حذيفة: ساعة تقريبا
ايمان: مبعيداش بزااف
حذيفة: سيي كنت بغيت نقوليك نمشييو ف تران كيدير ساعة ونص ولكن ملي غادين بليل من الاحسن طيارة حتى نكونو راجعيين
حركات راسها بااه وبدات رحلتهم …
عييات وتكات رااسها على كتفو نهار كلو وهي جري هناا وهناا غمضات عينيهاا وتكاات عندو …ميل راسوو جيهتهاا لقاها مغمضة عينيهاا…هز تجاكيط ولاحها عليهاا غطاهاا…تكا راسو على الكرسي مغمض عينيه
دازت ساعة بتمام لقاو راسهم ف بلجيكاا والعاصمة بروكسيل
بعد ساعة اخرى خرجو من المطاار باش يشدو طاكسي لاوطيل لي محجوز ديجا لجوج تاع الناس لمدة اربع ايام
جاهاا البرد قااسح سدات تجاكييط ورجليها كيترعدو وقالت: البرد ههه اويلي راه السم
حذيفة: هههه عندك الزهر ملقيتيش الثلج اجيي ها طاكسي ..
ركبات وهوا تكلف بشوانط حتى ركب حداها عطاه العنوان كيشوفو من الزااج مندي بقطراات شتاا …حلات الزااج وخرجات رااسها شويية كيضرب فيها لبرد و الهواء نقيي حتى حسات بنيفها كيقرصهاا ودخلات راسها وسداات الشرجم شافت فحذيفة وضحكات
حذيفة: بغيتي تمرضيي !
ايمان:هههه غدوز خرجة من داكشيي
ضحك معااهاا حتى وصلوو لاوطيل مع 3 تاع الليل خداو لي شومبر ديالهم حدا بعضياتهم وطلعوو هوا كيتاوب غيطيح بنعاس وهي عينيهاا عاد تحلوو وفااقت غير ديك الساعة لي نعساات فالطيارة غتخليها سهرانة الليل كلوو تانيي
حذيفة(عطاها لكارط تاع الباب ) دخلي رتااحي نشوفك صبااح
ايمان: وخة تصبح على خير
حرك ليها رااسو بااه دخلات لشومبر وسدات وراهاا طلقات من الشانطة وكتمشا فالغرفة وكتشوف فالديكوور والمباني فكروها فديزاين تاع ايطالياا كلشي نقيي كلشي هادئ ..حلات البالكون فيها طبيلة تاع الزااج والحاشية كلها زاج كطل لقات راسهاا عالية بزااف شداتها الرهبة وبعدات قلبها كيضرب وكتخيل الى دفعها شي حد من هنا كيفاش غتكون غتشتت كااملة ميلقاو ميجمعوو فيهاا شادة فالحاشية والافكار السودوية هجمو عليهاا تانيي حتى كيباغتهاا صوتوو من جنبهاا خلاهاا تقفز وتشد قلبهاا
حذيقة(باستغراب )ايمان !
حذيفة: ايمااان
بعدات كتشوف مصدر الصوت لقاتو جاي من لبالكون لي جنبها فارقهم نص حيط ونص لاخر بحال شجر ولكن فلڤيزان كبيير
حذيفة(راقبهاا باهتمام ) مالكيي !
ايمان:م مامالييش غير خلعتيني
حذيفة: قبل منعيط لييك مالك كنتيي كاتنهجي غير بووحدك شكون خلعك
ايمان: لاا غير تعكلت وملي طلييت على الزاج تخلعت هههه كنخاف من العلو
حذيفة: دخلي تنعسي نتي شنو وصلك لزااج
ضحكاات وقربات جيهة لحيط عندو متكي هوا على الحاشية تاع الزاج وقالت: عمري فكرت نجي معاك لبلجكا شي نهاار
حذيفة: حنا كنقولو وربيي كيقول
ضحكاات وقالت: الجو واخة بارد زويين (شادة حنكها ومحنية )
جبد كارو كيكميي وهي ساكتة كتشوف قبالتها فالاضوااء والسااحة لي كبيرة عندهم تماا فوقت ربييع معروفة بليي كيكون فيهاا واحد المهرجان كبيير كيشدو الورد بجمييع انواعه وكيصنعو منوو زربية كبييرة باشكال زويينة والوان مختلفة …الاضواء والموسيقى وكيعرفو بثقافتهم كدولة …هي ملهيية فالمنظر لي واخة الليل كانو الاضواء كافيية توريها شويية من داكشي لي كااين
حذيفة كان كيشوفها لقاها سهاات وسهاا هوا فييهاا كيعبرهاا شنو تزاد فييهاا فهاد الخمس سنين …بطبيعة الحال كيشوف قدامو ايمان وحدة اخرى على غير ايمان لي خلا واحد نهار هادي تبدلاات …كبراات وزياانت ولكن لاحظ فيها حواييج فشكل كتخلع دغياا كتسهاا دغياا …كيبانو ليه عينيهاا مخبين وراهم خوف منااش معارفش …شي حاجة فقلبو كتقولييه متفرطش فيهاا وحوايج اخريين تيقولو لييه حياتك بعيدة على حياتها ولكن شيي حاجة كتر كتجروو باش ميخليهاش بووحدها وخة عياا يبعد راسوو كتبان ليه مزال طفلة خاصها توجه 25 عام ولكن مزال كتبان ليه عالقة ف حلقة الطفولة مزال خاص لي يقوليها ها الصحيح ها الغلط مزال كيقول بلي غدا تقدر تغلط كتر من الغلط تاع يوسف متسرعة ودغياا كثييق فالوااحد …
كمل لكارو وطفاه فطفاية حداه فوق الطبلة وقال: سيري تنعسي غدا وتشوفي كلشي واضح
ايمان:ههه وخة تصبح على خير
حذيفة:تصبحي على خير
دخلات البيت سدات لبالكون من البرد وحطات تجاكيط كان البيت دافي والفراش سخوون…بدلات حوايجها ب بيجامة دافية وجمعات شعرها كلساات شادة تيليفونها لانه النعاس عارفاه مغاتكحلش بيه عينيهاا وخة تبقا تقلب لساعاات …حتى كتصاادف مساج فرقمها الشخصيي من نمرة مبايناش مكتوبة “privé” لا غير كاتب بالانجليزية
” الوقت كيدووز بسرعة واللقاء قريب “
حركات راسهاا مفاهمة والوو كيفاش اللقاء قريب ! شكون هداا وكيفاش مكاينة حتى نمرة بدات كتبانيكي ودقات قلبها تزادوو مبقاتش مرتاحة فلكلسة ناضت كتمشي وتجي فلغرفة وكطرطق فصباعها ترجع تقراه بتوتر وترجع تحطوو بحيرة
تحفظ فدماغها دااك المسااج كتعاودو بين شفايفهاا نغص علييها فرحتها الحااليية
تخنقاات و والوسوااس حكمهاا تااني بدات كتخييل راسها مقتو_ولة والافكار السودويية هجمو عليهاا …شدات جناب رااسها مزيرة علييه كتنهج وكتحس بلارض كدوور بيهاا
كيجيها طنين فوذنها كيخليهاا متبقا تسمع والوو حسات بالفشلة والردة وكتقلب على الحمام تطاحت على ركابيها قدام لشااص كترد والمساج مزال كيتعااود…شوية كتسمع شي حد ضحك وكدوور مخلووعة وترجع تشوف فلمرااية تلقا الصورة مضببة مرة مرة فعينيهاا
مشات لبلااصتها بمشقة الانفس شربات دوا ديال نعااس كتبكيي وتنخصص وتحاول تقاد النفس لي كيتقطع فيهاا
عضات على المخدة مكمششة وخايفة كتهز تيليفون تقرا وترجع تحطوو لساعاات فنفس الوضع حتى ترخاات مع لكينة ولكن النعاس مجاهاا
مع سمعات الدقان فلبييت ناضت قافزة مشات لباب كطل حتى بان ليهاا حذيفة فلباب …شافت راسهاا كيفاش مجرلتة وتحت عينهاا كحل ومشاات بلا متحل علييه …عاود دق مرة اخرى وهي قدام لمرااية كتمسح تحت عينيها ومشات لجيهة الباب حلاتوو كتحك فعينيهاا وقالت: صباح الخير
حذيفة (بابتساامة ): فقتي النعااسة ! تبغي نخرجو فهاد الجو ولا تكملي نعاسك !
ايمان: غير هناا !
حذيفة: غير نتمشاو على رجليناا
شافتو لابس سورفيت صبور وسبرديلة كحلة قالت: وخة تسناني نمشي معااك
دخلات لبسات عليها حتى هي سبرديلة وسورفييت وزادت جيليي فوقها سخون جمعات شعرها لفوق دارت انتي سيغن تحت عينيهاا ورطبات وجهها وخرجات عندوو غادية حداه كي شي مشة فرق الطول والعرض وااضح
شافت فييه وقالت: واش طواليتي تانيي
ضحك كيحل فالسانسور : كنعس كنطوال راه نتي لي لاصقة فلارض اما انا نورمال
ايمان(خرجو عينيهاا )نوورماال نتا بقات لييك 10 سانتيم على 2 ميترو هههه
حذيفة: هههههه هدشي لي عطا الله
خرجو على برا السم كيقطع كانت 8 تاع الصباح الحال بدا كيبيين والجو بارد سما مضببة على موعد مع شتااء تمشاو وايديهم فجيب دايرين طواݣي والقب محدهم كيتمشااو كيسخنوو ويتحركوو مبهورة بالهندسة المعمارية ديال بروكسيل من جديد وصلو لوسط المدينة الدنيا مزاال خاوية القهاويي بداو كيحلوو والمخابز وريحة القهوة شهاتهاا وطلعو لطبق التاني كلسو كيفطرو مقابلين مع النااس كل مرة توريه حاجة فرحانة بتجربة جديدة …كتفكر الرسالة لي جاتهاا كيتبوورش لحمها وتشوكاا وتحس بالخفقاان فالمعدة …ترجع تقول شي حد ملقا ميدير وبغا يتفلا فداك الليل ..خلات راسها فاللحظات الزويينة خرجوو كيتمشااو كيوري ليهاا كل حاجة ديالاش ولا جنبها بحال المرشد السيااحي من طبعو هوا المدينة لي بغا يمشي ليها كيكون حاط شنو بغا يشووف كيقرا وكيعرف اشنو يقدر يشوف فديك الدولة ولا المديينة بدورو حتى هوا كيكتااشف
ايمان: فييها الطبيعة واعرة
حذيفة: بلاتيي نخرجو على برا تشوفيي الطبيعة كيفاش دايرة الخياال سبحان الله … تقريبا هي المدينة لكبيرة ف بلجيكا وهي المدينة لي فيها بلايص الطبييعة كتر …كيتكراو فيهاا واحد ديور صغاار مصايبين من العود فلغابات كدوزي فيهم نهاار ولا يومايين
ايمان: بحال شكل سويسرا
حذيفة: ان شاء الله الى يسر الله كنقول غنشري مطوور غادي ندير دورة على اوروباا ونكملها بافريقياا …تمشي معاياا هههه
ايمان: ههههه انا لبيكالا ومتعلمت ليها غير بزز بقا غير مطور نشد بييه من اوروبا تال افريقييا
حذيفة: صعيبة غير البدية اما كلشي ساهل الى بغيتي تعلمي ليه
ايمان: ان شاء الله
فالرجعة كانو بعدو على لاوطيل بمساافة طوييلة بقاو شاديينها من بلاصة لبلاصة وبالهدرة محسوش حتى لقاو راسهم بعدو شداتهم شتاا مجهدة حيداات القب وكتنقز وسط طرييق وهواا ملقا فين يتخباا ترطبو بلماا…وقفاات وسط طريق وهزات راسها لفووق كطييح شتاا عليها بحال البلسم على الجرووح ديالها حساات بالانتماء و السكون
من وراها تجهداات شتاا بقاو غاديين كيجرييو كضحك وفرحاانة جرهاا تخبااو تحت واحد المحطة ديال البيس لي تماا مغطية من الفووق وفيها كرسي كانو غير بجوج فداك الجو …غير كلسوو حسات بالبرد ولات كتقفقف وكضحك
كتحل فمها كيخرج منها دخاان
حذيفة: فمك زرااق ههه
ايمان:كون غير بقيت تحت الشتاا
حذيفة:غير الله احفظ نكملو هاد لڤاكونص بشي مرضة
ايمان: ههه
جبد تيليفونو كيشوف النشرة الجوية وقال: غيطيح تا التلج يمكن
ايمان: الجو لي كيحمقني
شاف فيهاا وضحك : ولي غيمرضك …نوضي محدهاا خفافت شويية
وقفات وجرها كيجرييو والجو مضبب وضبابة هابطات بنادم كيبان ليهم قليل ولي خارج هاز مظل الطاكسي مايهزهمش وهوما مرطبيين وصلو لاوطيل بزز ودخلوو كيقطرو مشاو لشومبرات دوشوو بلما داافئ وعطاو حوايجهم لخدمة الغرف باش ينشفوهم
طلات من الشرجم كيبان ليها حبات الثلج كتهبط عرضات ايدهاا وشداتها بااردة وبيضااء تبسماات و دخلات لبييت تسخن عظامها تحت الغطاا
تغداو بجوج والعشية كانت عندو دعوة العرض ازياء ديال مصمم بلجيكي مشهور فديك الاونة لبس كلاص وايمان كانت لابسة كسوة كحلة فوق الركبة مع ليبة كحلة و صباط وبوشيط وشعرها خلاتو سامبل شادة تيليفونهاا مزال كتقرا فداك المساج وتعاود وتفكر واش شي حد كيضحك عليها شكون غيكون كتبوو ديڤ لي كان تابعها مكاينش منين يجيب نمرتها وغاابر مدة طويلة هادي مباانش
دق بابها وناضت كتلبس فلمونطو الطويل لي غطا الكسوة
حلات الباب الاخير بدورو كان لابس كلشي كحل هز عينو فيها داير ايديه فجياب سروال التوب كحل وقميجة كحلة مع مونطوو كحل …حطات يديها على فمها والاخير طلعها وهبطهاا وضحك : غادي نعزييو ؟
ايمان(ضحكات): ههههه انا بعدا مهرسة اللون بشعريي زعر ههه …نبدل؟
حذيفة(حرك راسو بلاا واشار ليها بايدو باش تجي): لاا غير ياله
تمشا قدامها كتسد الباب وكتشوف فيها باعجاب حتى تقلب جيهتها وهبطات عينيهاا واستاغل الفرصة يرمقها بشوفتوو
مشاو البلاصة لي عندو فيهاا العرااضة كانت الدنيا عامرة والمااسق وطبالي مفرقيين بعيد كاينة المنصة وكراسة ضايرين بيهاا كلشي خاوي حيت مزال مبداش العرض …خلا ايمان واقفة حدا طبلة استأدن منهاا ومشاا عند جوج رجال واقفيين الاخير غير شاافو رحب بحذيفة بحراارة وعرفوو على رجال اخريين
تكات على الطبلة كتشوفييه بطريقة زويينة مستمتعة بشوفتو حتى وقفو عليها جوج سيدات بابتساامة نطقات وحدة فيهم: بيانكاا
ايمان: ويي
نطقات الاخيرة بالايطالية : انا من اشد المعجبيين بييك (بحزن )بقا فيا الحال لي مشيتي من إيطاليا فمرة وفوق هدشي حرمتينا من صوتك
ايمان(بابتسامة ) شكرا
_نقدرو ناخدو معاك صورة !
حركات راسهاا بااه جاو حداها وسطوهاا وخداو معاها صور شكروها ومشااو
ببقات كتربت بايديها على الطبلة وكتشوف بعويناتهاا فجمال القاعة وزوااق والموسيقى والعرض لي بداا من اغاني ورقص استعراضي قبل ميبدا العرض
سهات كدور فلخاتم الدهبي فصبعهاا جبدات تيليفونها دارت سطوري للمكاان والعرض لي باادي كتهز عينيهاا كتلقا شخص من الطبلة لي قبالتها حاط عليهاا العيين فينما دور راسهاا تلقااه كيشووف وكيشرب من كاسو بطريقة وتراتهاا وخلاتها تحس براسها مامرتاحاش فهاد البلااصة…كتقلب على حذيفة بين الحضوور مبانش ليه الاثر فكل ما كدور عينيهاا كتشوفو كيشووف فيها خلا قلبهاا يضرب بجهد وحسات بكتافها تقالوو ونفسها تقالت …حطات ايدهاا على صدرهاا مزيرة على الطبلة كتحس بالطنين فوذنها من جديد تقل كاع الاصوات فمحيطهاا وعينيهاا مزال كيقلبو تشااف جيهتهاا بانت لييه شادة فقلبها استأدن من الناس لي معااه ومشا قااصدهاا كيزرب فلمشية وكيعتادر من النااس لي قداامو تقرب ليهاا
حذيفة: ايماان ..ايماان شوفي فيا مالك
شدها من درااعها لقاها كطلع النفس بزز قربها لييه باش مايثيرش الانتبااه ويتجمع عليه كلشيي ..شد حنكهاا ومد ايدوو القرعة صغيرة تاع لما فوق الطبلة حلها وكب فلكااس عطاها تشرب هزات ايديها كيترعدو شدات فلكااس وعاونهاا …دورات وجهها لطبلة ديال داك الشخص كتلقاا ناس اخريين وهداك مكااينش
حذيفة: ايماان بغيتي تمشيي ! مامرتحاش نمشييو
ايمان:اا انا بخير غير يمكن طاح ليا طونسيون بغيت نمشي غير لحمام
حرك راسو و هز ليها البوشيط والمونطو شدها من دراعها وكل مرة يهبط راسو يطمن عليهاا وراوه الحمام فين دخلات وبقا هوا برا كيتسناهاا وهي قدام لمراية كدوز الما على عنقها باارد وكتقول فنفسها :شنو هدشي كيوقع لياا واش عادي ؟ واش خاصني الطبيب !
شافت راسها فلمرااية وايديها كيترعدو فوق لڤابو …جمعات راسهاا مبغاتش تخسر ليه هاد الليلة
خرجات بابتساامة مصطنعة عكس نظرة الخوف والاهتمام لي فعينيه
حذيفة: نمشييو ؟ ايمان الى مكنتيش حاسة براسك مزيان نمشييو
ايمان: راني بخيير
حذيفة: متأكدة !
حركات راسها بااه وخرجو على برا مع بداية العرض خداو بلايصهم ف المقاعد الاماامية كيدوزو قدامهم موديلات ل عرض ازياء رجاليي والتاني نساائي ..مرة مرة يدور عينو عندهاا وتبسم لييه
حتى تسالا العرض مع 12 تاع الليل كان الغرض من هد العراضة هوا يتعرف على مصممين من جنسيات مختلفة ياخد فكرة ويعرف فاش غيركز
خداو طاكسي رجعو لاوطييل وحدا باب البييت قال: شبعي نعاس شوية يمكن منعستيش لبااارح
ايمان: واخا
حذيفة: غدا غنمشيو لواحد البلاصة غتعجبك
حركات راسها بالايجاب ودخلات مع سدات الباب لاحت السباط ومشات لطرف سرير وكلساات كترمش ومهبطة راسهاا كتبكي وتمسح دموعهاا حاسة بلي غتبقاا هكا حتى تلقا راسهاا مي_تة … حاولات تحيد هاد الافكار وناضت بدلات عليهاا ومسحات وجهها حتى كتسمع صوت قوي غوتات فدوش شادة فقلبهاا تسمعاتو تعاود عرفات الرعدة كضرب رجعات كتمشط شعرها ومرة مرة دور معاها ولا عندها ديما احساس بلي معاها الزايد فالدار
سمعات التيليفون كيصوني ومشات تشوف حتى لقات نفس الشخص لي رسل ميساج مطالعاش النمرة بدا قلبها كيضرب واش تجاوب ولا لاا
جاوبات بتردد وقالت:الوو …الوو (بخوف)ا الوو
تقطع الخط وصلها مساج فيه ” tic tac tic tac” بحال صوت عقارب السااعة
حطات التيليفون بخوف وبعدات علييه معرفات شنو دير هزات التيليفون ومشاات لشومبر ديال حذيفة مترددة تفيقوو ولا تمشي فحالها
دقات فلباب وقلبهاا كايضرب مع حل لباب باينة كان كيستاعد ينعس عينيه كانو حمريين لابس شورط وتيشورت شافها قداموو مكمش عينو من الضوو وقال :ايمان
ايمان: سمحلياا ،فيقتك ؟
حذيفة: مكاين حتى مشكيل ا ايماان مالك (بتاكيد) ايمان…اجي دخلي
حذيفة: دخلي
فسح ليها طريق وهي مزيرة على تيليفونهاا دخلاات كتشم عطرو المنتااشر فالشومبر بلاصتو مخربقة باينة كان ناعس والتلفازة شاعلة سمعاتو سد الباب وضارت عندو
حذيفة: جلسيي
جلسات على حافة السرير جر كرسي وكلس قبالتهاا وقال: شنو عندك
ايمان: لبارح بليل ملي بغيت نعس وصلني ميسااج عطاتو التلفون كيقراا وكمش حجبانوو
ايمان: ودابا تاني صونا ومجاوبني حد ورسل ليا ميساج تاني
حذيفة: مطالعاش النمرة
ايمان : مطالع والو مفهمتش
حذيفة: غيكون شي حد باغيي يتمازح معااك
ايمان: مكنعرف حتى شي حد ونمرتيي لپيرصونيل معاطياهاش لبزاف تاع الناس ..عندي فالتيليفون جوج نوامر
حذيفة: ميكونش داك خيناا ضبر على شي تيليفون فلحبس
ايمان(مسحات دموعها بخوف): معرفتش هءهء مبقيتش مرتااحة بوحدي
حذيقة: متبكييش …مكاين لي يوصلك… نهار تنين غنمشيو انا ويااك ديكلاري
ايمان: بشكوون هءهء انا معارفاش شكوون
حذيفة: غير تفكري لمن عاطية نمرتك
ايمان: متاكدة مليون فلمية (تخربقات)معرفتش هءهء
حذيفة(شد جبهتو كيسووط): فففف
ايمان: نهار شفت الفيديو انا ويااك بان فلفيديو هداك لي هزو لبنت
حذيقة: اييه لي مزال ملقاوهش
ايمان: هءهء (كتفرك فايدها )هداك كان ..كان تبعني تالفرنساا غير حيت بلوكيتو فانسطاا …وبقا علياا حتى رجعتوو وكنت انا و وديان وشي دي امي ديالهاا معرفتش كيفاش هجم عليناا وضرب لقرطا_س فالسقف
مع كملاتها ناض معصب دفع لكرسي بالزعفة و وقف شاد جنبوو حدا لبالكون ، عاطياه بالظهر وكتبكيي وهواا مخنزر وكيشوف قبالتوو شتاا عاض فجنب فموو كيكمدها ويسكت
رجع كلس حداهاا جار لباكية والشعلة كماا نصوو سااكت محني على ركابييه كل مرة يسووط كيشوف فالارض لوقت طويل
حذيفة : الى مكنتيش مرتاحة نرجعو غدا وديكلاري بييه
ايمان: ولكن هوا منين غتجيه نمرتيي مكانتش عندو نهائياا
حذيفة: دورتي بييك فديك لبلاد غير هوماا وكتبكيي داباا ؟ تء ففف ..شنو كتسنااي من هاد العالم لي دخلتي راسك فييه خاصك توقعي اي حااجة الى مرديتيش لبال لرااسك …نتي فواحد المجال اي واحد كيبغي يكون مشهور على لااخر جيتيي نتي فظرف عامين ولاو الاغاني ديالك كيضربو الملااين …شنوو كتسناااي مفهمتش
ايمان: كتهدر بحالا انا بوحدي لي كنغنيي لميريكان اغانيهم كيضربو ملياار ماشي غير ملاين
حذيفة: هادوك المناافسة بيناتهم ولكن العرب فيهم السم والحسد ومكيبغييوش شي حد يكون حسن منهم خصوصاا نتوماا البناات نتي براسك غتجي وحدة من ورااك وطلع وضرب فطوندونس وتنسااي نتيي غتعوااجي
ايمان(وقفات ): نمشي حسسن ديرونجيتك
جرها من ايدهاا تكلساات: ريحيي اللرض
حذيفة: نهار اتنين غنمشييو ديكلاري بييه ونشوفوو واش تشد ولا مزال مطلووق …مكاين لي يقيسك معايشينش فغابة غير نتي عرفيي فيين كتمشيي ونقصي من الطيراان وخرووج الليل
بقات غير كتشووف جات تشكي ليه بهمها صبنهاا هدرة وخافت تقول شي كلمة وطبز ليها العيين بقات غير كدور فعينيهاا حتى كما داك لكارو وطفااه
شافت لففوطوي ومشات كلساات فييه مقابلة مع الشتا لي كضرب فزاج تاع لبالكون
ايمان: نقدر نبات هناا
حذيفة: دوزي تقادي فبلاصتي
ايماان: لا لا غير لفطويي كافينيي عطيني غير مخدة
كان داير مخدة على مخدة هزات لفوقانية ومشات لفوطوي وهوا واقف كيشوف فيهاا جر لغطا غطاها بييه شكراتوو ومشاا لبلاصتوو مسرح على ظهرو طفا الضو ودام الصمت مدة طويلة من غير الشتاا والرعدة لي كضرب مرة مرة …دورات راسهاا لجيهتو لقاتوو مقلوب على صدرو
هي داك النعاس حلف لكحلات بيه عينيها فينما تسد عينيها يبانو ليها غير الافكار لكحلة لي كطير النعاس ..هاد التهديد هوا لي كان ناقص حياتها المثالية باش تكمل
مرتاحتش فالنعااس وكلسات ضامة رجليها ومغطية ومعارفاش شنو مزال كيتسنااها
جرات المخدة شماتهاا وحضناتها فوق ركابيها وتكات …هوا مغمض عينيه وحاس بيهاا مناعسااش كل مرة كتحرك
تقلب جيهتهاا لقاهاا كالسة فالظلام حيد علييه الغطاا مهدرهااش شدها من ايدها تخلعهاا وجرهاا توقفات شادة المخدة داها لجهة التاانية من الفراش حيد ليها المخدة والغطا وقال : نعسي
ايمان: مافياش النعااس
حذيفة: وانا شنو تخليني بلا نعااس …نعسيي راه مكنعضش
ضحكلت فالظلام وتكمشاات فبلاصتهاا تغطات كيبان فيها غير الراس داز لجيهة لاخرى وتكا هوا الاخيرر وبقات بيناتهم مساافة فلفراش حيت كبير …بقات كتشووف فييه من داك شوية الضو ليي داخل من البالكون …حسات بالراحة والأمان ولا لحظة خافت منوو غمضات عينيهاا وارتااحت هوا الاخير نعس
صبح عليهم الصبااح وصبحات الشمييسة مضوية من وسط الغيووم …
تقلب جيهتها لقا راسهاا حداه ومعوجة …خداا وقتوو وهوا كيتمنضر فيهاا كيشوف فشفاارهاا ويتدكر ايمتا كحالو ياك كانوو زعريين .. وشعرها كدالك مبقاش فلونوو الطبيعيي ولا غامق وبخصلات ذهبية و البرسينك فنيفهاا
هكاا زويينة ولكن هوا بغاها بالجمال الربااني لي عطاه ليها الله بحروف طفوولية وبريئة
ناض من حداها كيتااوب ويسرح فايديه دخل توضى وخرج صلى صلاتو دخل لبس علييه سورفييت وخرج لبالكوون كيضرب فييه جو باارد منعش
حسات بالحركة وفااقت نسات فين هي و ناضت طافجة حتى شافتو فلبالكون كلسات كتااوب وحسات بلي قدرات تنعس شوية وترتاح من التفكيير ..لاحت لفرااش ولبسات پانطوفتها وضمات يديها من لبرد غسلات وجهها وصايبات شعرهاا ومشات عندو لبالكون وقالت: صباح الخير
تقلب عندهاا بابتسامة وقال: صباح النوور …نعستي مزيان
حكات عينيها وقالت: ممم ، نمشي نبدل ونهبطوو ؟
حرك ليها راسو بااه ومشات مخلياه كيشوف فالمناظر وهي قصدات الشومبر بدلات عليهاا وبدلات لموراال بمورال حسن من بعدما نعساات شوية وارتااحت وتفكيرها صفاا وخلاها تقول بليي مول الميساجات شي برهووش بغاا يخلعهاا بلا متخلي الموضوع يدمر هاد الرحلة لي فيها هي …هزات الصاك جمعات فييه وريقاتهاا لبسات بودي كراميل مع سروال دجيين وهزات المونطو فايدهاا كتفات بريحتها ومرطب وخرجات لعندو كان واقف حاني راسو على التيليفون كيقلب على بروغرام يدوزو فيه النهاار ويتلفو ليلة البارح…
دخلو لريسطو لاوطيل خداو فطورهم وكلسو كيهدرو
حذيفة: رجع صونا لييك شي حد !
ايمان: لاا
حذيفة: متبقايش تجاوبيي شي حد الى معرفتيهش …وعرفي معامن كتخدمي
ايمان : واش فينما تشكيت لييك من شي موضوع كترجعني انا لي ظالمة احذيفة !
حذيفة: حيت عارفك ا ايماان …كيحسااب ليك كلشي زوين وكلشي غادي يعاملك زويين … راه الغدر لي كاين فبنادم مكاينش فشي حاجة خرى …يقدر يضحك لييك يقدر يبين لييك بليي الدنيا زويينة وهوا راه كيحفر لييك
ايمان: عارفة هدشي
حذيفة: مزال معارفة والوو …دخلتي بواحد العالم نتي صغيرة عليه…خاصك تكون ديب باش مياكلوكش الدياب
ضحكها وقالت: هههه مالي داخلة نتعااض احذيفة ههههه
حذيفة: فطري المشة فطري بزاف عليك تكوني ديب
ضحكاات كتفطر وهي جنبوو مسح ايدو وقال: هاني جااي
حركات راسها بواخا مشا الحمام بقات كتشرب فكاسها ديال العصير وكدور فعينيهاا تبان ليهاا واحد الشخص جاي قبالتهاا هوا ومراتوو من جنبها بقات كتشوفييه مكمشة عينيها فييه وكتقول واش هوا ولا ماشي هواا …نطقات بصوت عالي شوية : مرااد !
مع قالهاا تلفت لمصدر الصوت ودغيا تبدلو ملامح وجهوو لتفااجئ طلق من ايد البنت وقال: ايمااان ههه والله حتى هي ههه
ناضت كضحك جرات الكرسي وسلمات عليه من وجهوو وسلمات على السيدة معاه لي قدمها ليها على اساس مرتو
مراد: غبرتتيييي علييناا
ايمان: ههه شنو كدير فبلجييكاا
مراد: جيت غير ڤاكونص والمدام بلجيكية اما انا مستااقر ف مدريد
ايمان: وايليي مزييان ضبرتي على كاورية ههه
مراد: والله حتى غير الزهر وصافيي من وراك بشي عام سيفط ليا خويا كونطرا وجييت هناا …كيجاتك المدام هههه
ايمان: تيتيزة ههه ديتي الزيين
مراد: عرفتي شحال حاولت نتواصل معاك فانسطاا
ايمان: بصح !! معرفتش والله عرفتي مدة مببقيت قريت المساجات تشغلت
مراد: وبزااف تاع المراات …سيفط ليك حتى فلايميل ديالك ولكن مرديتيش قلت صافي ايماان وصلات لشهرة نساات ايام الراي مع مراد
ايمان: ههههه لا لا والله منسيييت (شاف حذيفة وراهم جايي رمى السلاام عليهم )حذيفة هدا مراد كنت كنخدم معاه فيديوات ف المغرب …عقلتي على واحد الحفلة كنا درناهاا فواحد الفيلاا راه كنتيي
عطاه ايدو سلم علييه وقال: مم عقلت …مشرفيين
مراد: الله احفضك اخوياا
ايمان: شنو درتيي نتاا كملتي فالدوميين
مراد : لي فالد_م فالد_م ههه كملت ومزال كنخدم على راسي شوية بشوية حتى نطلعو هههه …(جبد لكارط ديالو )ها لكارط دياليي يااك ابخي نهدرو …دابا عندي الطيارة خاصني نمشيي
ايمان: صافي ان شاء الله
دارت لكارط ف الصاك ورجعات كلساات قدام حذيفة لي حجبانو مݣرونين فيها كيشوف وسااكت حاط صباعو على فموو والايد لخرى كيربت فيهاا فوق الطبلة … حساتو كيجلدها وخافت تدويي ويعطيها
ايمان: اجي نسولك …فديك الحفلة نتا شنو كنتي كدير تما !
حذيفة(سااط ): مشيت مع واحد صااحبيي ..شكون هدا !
ايمان: كنا حنا فرقة بلاتيي نورييك “وراتو لاشين القدييمة لي كانو دايرين ف المغرب ” مراد قرا الموسيقى وكان استااد فليسي ديال الموسيقى وكيلحن ولكن معرفتش دابا شنو دار
حذيفة: ممم …خاصني نوض غير 5 دقايق باش يتجمعو علييك زعمة
ضحكاات وقالت: شنو ندير نجري علييهم
حذيفة: لاا حاشاا …نمشييوو !
ايمان: مم ياله
هبطوو شدو طاكسيي ومشاو لمتحف هاري بوتر ملي دخلو وهي كتصوور وهو موراهاا تنفس شوية من ورا مكان كاعي وبرد … دخلو كيكتاشفو البييوت والكتب والعصا السحرية والطائر لي كيبان ليهم فوقهم بتقنية الهيليغرام دوزو فيه ساعة بحالا كاينين وسط الفيلم تماما كتاشفات كلشيي وخرجوو من تماا والوجهة لجردة كبيرة بحال شكل ملاعب الغولف …كتوسطهاا بحيرة صغيرة كيتمشااو وسط الشجر والورد كيتشاركو الهدرة فلحظة بجوج سكتوو كيتمشاو وساكتيين بجوج حتى قربو لبحيرة وكلسوو على لݣازو …كتشوف فشي وليدات بعاد عليها كيلعبو حداا باباهم وماماهم وكتبتااسم لضحكهم
كان كيلعب بواحد لوريدة فايدو صغيرة شافت فيه مبتااسمة
هز ايدو لي فيها الوردة وحطها ليهاا وسط شعرها وتبسم ليها
ايمان: حذيفة
قلب وجهو لجهتهاا وقال : اش تما
ايمان: نسولك بصراحة وجاوبنيي
حذيفة: هدشي فيه الصراحة هه ونوضي بعدا راه الارض فازݣة
ناض ونوضهاا كيتمشاو شادة الوردة وقال: اش بغيتي تقوليي !
وقفات قدامو كتلعب بالوردة فايدهاا :فهاد خمس سنين لي دازت معمرك تعرفتي على شي بنت ؟
حذيفة: على اساس شنوو
ايمان: نتا عارف شنو بغيت نقصد اشمن اساس بغيتي ههه
حذيفة: وغير بغيتك تحددي وصافي
ايمان: زعمة عمرك بغيتي شي وحدة فهاد السنين لي دازو
حرك راسوو بلا وقال: مكنتش مسالي …دابا عاد كونجي
ايمان: كضحك علياا هههه حرام علييك كنهدر بصح
حذيفة: راه جاوبتك قلت ليك لاا
ايمان(ربعات يديها قدامو ) علاش زعمة !
حذيفة: ضروري خاصنيي نبغي شي وحدة باش نعيش ولا
كانت كتسناه يقوليها حيت كنبغييك او شي حاجة بحال هكا ،صدق كيجاوبها بطريقة باردة معطاهاش حتى فكرة بلي كانت فحياتوو
ايمان: بغيت غير شوية من برودية قلبك
حذيفة : شنو بغيتي ديري بيهاا
تلاشات ضحكتهاا قدااموو وقالت :باش نسااك كيف نسيتيني… اناا باغة نعرف حاجة وحدة باش نكون مرتاحة واش نسيتيني ! والى كنتي نسيتيني الى كنت بالنسبة لييك بنت عادية علاش كدير معايا هدشي كلوو علااش (بحيرة ورجفة بصوتها ) ولا كنتي كتبغيينيي علااش قدرتيي تغبر عليا هاد السنين كلهاا بلا حتى متسول فياا ! ديتي معاك قلبيي ومشيتي !
كتشوف فيه بنظرة ضعف وهوا كيرمش وكيشوف فيهاا ومترقب كلامها ليه وقالت : كنبغييك
الحب هو رؤية السعادة في الشخص الآخر واعتباره أكثر أهمية من أي شيء اخر…
يتبع️
شاركنا رأيك في هذا الفصل 🌹