العوض الجميل ❤️🩹
قطع معااه كيسول راسو اش بغا على الصبااح ضار عند ايمان كيحك ليهاا فشعرها كيف عادتوو حتى بدات كتحل عينيها وقال: عارفك منعستي والو ياله نخرجو
شافت فالسرجم وقالت: باقي الحال
حذيفة: ياله نقضيو شي غرااض احبيبة نووضي لبسي عللييك تء ونووضي ايماان
وقفها بزز كتاوب وراسها ضارها بقلة النعاس تانيي مشات غسلات وجهها ورجعات لقاتو لبس علييه جبدات عليها شوميز مخططة مع دجيين شارلي عرييض وسبرديلة بيضة معندها خاطر تشوف فوجهها هزات نظاظرها وتبعااتو خارجيين سمعو القراان بصوت الحاج من الدار لتحتانيية وخرجو لبراا
شدو طريق وقالت: فين غاديين
حذيفة: فيك جوع تفطري !
ايمان: لاا مقادااش
حذيفة: ميمكنش ا ايماان مكليتي والو من لبارح
ايمان: حتى نشوفو الطبيب ونفطر بخاطري
سكتات متبعة الطريق تشاافتوو قاصد ديوور لي جيهة الدار ديال نعيمة شافت فيه وقالت: فين غادي
سكت شوية تشافتو وقف فلباارك مقابلين مع الداار بقات كتشوفيهاا ،شحال طلات من دوك شراجم هيا ومهاا مع هبطات راسها بان ليها ياسيين واقف وشافت ف حذيفة: واش ياسين هداك
حرك راسو باه وقال: معرفتش شنو بغا يقولييك
إيمان: مبغيت نشوف تاحد احذيفة مقادراش
حذيفة: ياك قاتي هوا ماشفتي منو حتى عيب ،شوفيه شنو بغا
تنهدات هببط و جا لجيهتهاا حل عليها الباب مسايسها تخرج في حيين ياسين شافهم و تم جاي جيهتهم
قرب لجيهتهم ورما السلام تقلب جيهتو حذيفة سلم عليه وشاف فايمان متردد وقال: ايمان
هزات عينيها فيه بابتساامة شااحبة مربعة يديها حركات راسها بالايجاب وقالت: ياسين بخير
ياسين(تنهد )الحمد لله اختيي
ايمان: علاش بغيتي تشوفني (شافت فالدار)وهناا بالضبط
ياسين: عارف هاد الدار عزيزة علييك قلت نجيبك هناا باش نهضرو
تكا حذيفة على الطموبيل مربع يديه وسطهم وقال : بغيت نقوليك شي حاجة ولكن بغيتك ديري بوجه المعزة والاخوة لي جمعاتني انا ويااك وبوجه الواليدة
ايمان: وانا شكون دار بوجهي ،ولا وجهي ميستاهلش يحنو فيه اياسيين حيت انا غير بنت ل
حذيفة:ايماان
ايمان:هدشي لي كاين تحاجة مغتبدل الى مقلتهاش
ياسيين: ربي عالم بلي معزتك كبيرة وربي شاهد عليا كون كان فايديي ا ايمان والله متعيشي تانص هادشي لي عشتيي ولكن كنت بحالك معندي جهد لييهم
ايمان: لي عطا الله عطااه اياسين تحاجة مغتبدل لي عشت وخة غير واحد فلمية
ياسين: ولكن عندي ليك شي حاجة تقدر ترجع لييك شوية
ايمان: شنوو !
ياسيين (حرك ايدو لجيهة الدار ): دار لميمة الله ارحمهاا هي فالاصل ولات دارك بالحق والقانون
تقاد حذيفة فلوقفة وقال: كيفااش
ياسين: الدار مكتوبة فسمية ايماان ملي كانت المرحومة عايشة و لواليد الله يهدييه وخاليي خباو هادشيي باش ميعطييوك والو ،سقت لخبار انا ولواليدة ملي كان الواليد مرييض و
ايمان: بلااتي بلااتي اش كتقوول ،حذيفة
حذيفة: دابا شرح لينا شنو كااين
ياسين: هادشي شارح راسوو الواليد مستاغل الدار فلكرا وهي فالاصل ديال ايمان ماشي ديالهم هادشي مفراسش حتى عمتي
جاتها هيستيرية ديال الضحك والصدمة حتى بدات كتبكيي كالسة حدا رجلين حذيفة هبط عندها وقال: ايماان
ايمان: مايمكنش يكون كاع هدا حقد فيهم ميمكنش (كتنخصص ) انا شنوو ذنبي ا حذيفة هءهء عيييت من هدشي عيييت
حذيفة(مسح على كتافها كيتنهد ) صافي ا ايماان هلكتي راسك برااكة
ياسيين: ايماان تهلاي اختي فراسك ،سمحولياا خاصني نمشيي تابعاني الطريق لداخلة
حذيفة: شكراا
ابتااسم وكان فنيتو يحضن ايماان لانه كانت عزيزة علييه وكان حاسبها ختوو وعشيرتوو ،ولكن شاف حالتهاا لا تسمح كالسة فلارض ومغطية راسها بايدهاا ..انساحب بهدووء من بعدما بلغ الرسالة شاف فالدار تاع جدااه ترحم عليهاا ومشاا
مخلي وراه اشلاء انثى هداتهاا الدنيا ومشاكلها
نوضها بزز دخلها لطموبيل وصونا ديك الساع ل مجييد ياخد فكرة وايمان حداه عينيها كيف نقطة الدم
قصدو الطريق لكازا ساكت كيفكر فيهاا وكيحاول يبين ليها الايجابية فالموضوع بلي الدار لي بغات تعطي فيهاا فلوسهاا صدقات فسميتهاا وبلي مسألة وقت و تاخد الملكية ديالها بلا صداع الرااس وهاهي عندها
ولكن ايمان كانت طافيية مشاعرها مبنجيين ومبقاتش عرفات كيفاش تفرح ،
حس بيها بحال شي شمعة طافية كيحاول يشعلهاا والو واش بغات تضوي
مشاركاتوش الموضوع مقالتش شنوو ندير ،شنو المعموول غير ساكتة وكتشووف
قلب على طبيب ممتاز فالجهاز الهضمي دخلو للاستقبال وشدو النووبة مع بعض الناس كانو تماا
حذيفة: ايماان نمشي نقضي شي غراض ونجي دغياا !
ايمان: فين غادي
حذيفة: بغيت نبدل الطموبيل ونرجع عندك دغياا احبيبي وخة
ايمان: وخة متعطلش
حذيفة: لاا مغنتعطلش … نص ساعة الى طولت متخرجيش حتى نجيي ،متجي فين دخلي عند الطبيب حتى نكون حداك
ايمان: صافي واخة
خرج من تماا وعقلو معاهاا جبد تيليفونو وصونا فلبلاصة ل ياسيين
حذيفة: فين كايين عبد الله اياسين بغينا نهدرو معاه
ياسين: راه رجع لكازا بليل غيكون فالدار عفاك احذيفة خودو وراق الدار بلا مشاكل
حذيفة: وخة عطيني لادريس !
ياسين: مكايناش معاك ايمان !
حذيفة: هانتا قلتيها بغينا نحلو الموضوع بلا مشاكل
عطاه العنوان ديال الاقامة وصل تما وهبط كيقلب على العنوان مهبط عينو فالتيليفون داير نظاظر وكاسكييط حتى تسطح بكتفوو مع رجل غادي عكسو تقلب جيهتو حذيفة كيحيد فلكاسكييط وهز عينو فيه قال: سمحلياا(طلعو وهبطو فرمشة عيين وملامح عينيه مغرابش علييه)
كان الشخص شاد فايدو بنية تكون عندها 9 سنين شهبة وعينين زرقيين نطق بابتسامة وقال: هاانية ماشي مشكيل
حذيفة: سمحليا نسولك
كريم(قرب ليه ): مرحباا
حذيفة: شبهتي لياا لشي حد
كريم: حتى انا الصراحة بحال الى فاايت شاايفك (مد ايدو )كرييم
سرط حذيفة ريق فحلقو النااشف والغلية بدات كطلع واجه نسيبوو اب مراتوو الشخص لي خاص يكون كيكن ليه الوقار والاحترام ،بدا سيناريوو لي عاودات ليه ايماان كيتعااود فمخيلتو وهوا كيشوف ايدو اليمين ممدودة لييه والايد اليسرى شاد بيها بنتوو ..نفس الايد لي ركبات ايمان فطاكسي وهي فعمر هاد الصغيرة لي شادها قداموو
مد يدو لييه وقال: لا غير تشابهتي لياا …لبنية هادي
كريم: اييه
حذيفة: تهلا فيهاا ..عندك غير هياا يمكن
كريم(تعجب من اسئلتو ) : لا كاين خوهاا كبر منهاا
حذيفة(مص شفايفو وضحك ): فراسك البنات كيدخلو لجنة
كريم: ههه فرااسي
حذيفة(ضحك كيحرك راسو مفقوص ) وما اكرمهن الا كريم ، وما أهانهن الا لئيم ، اسي كريم
عطاه بالظهر لاغي ديك الابتساامة فوجهو جات فبلاصتها جدية وتخنزيرة خافي وراها عصاب الدنيا والدين
خلا وراه كريم متبعو بعينيه مكمشهم كيشووف فييه وقال: هدا مالو هدا صبحنا على الله
كمل طريقو هوا الاخير مخنزر وكيتفكر فين شاف داك لوجه مغريبش فاايت شاايفو ولكن فيين ربي مسح ليه اللحظة فين شافوو
حذيفة كمل طريقو تصادف رجل تماا سولو على عبد الله ونعت لييه العمارة والشقة فاش كايين شكرو ومشاا كيزرب وقبل ميطلع صونا لايمان لي جاوبات ديك الساع وقال: حبيي مزال مدخلتي
إيمان: باقي قدامي 4 نتا باقي معطل
حذيفة: شوية ونجيي
قطع معاهاا وتاكد من لجيبي اس فين كاينة وطلع فالدروج مع وصل لشقة تحل الباب من طرف خولة لابسة عباية وخارجة تشاافتو قدامها وسدات الباب بسرعة مخرجة عينيها فييه كتقلب ورااه وفالدروج واش معاه ايمان
خولة: فيين ايماان واش كاينة لتحت
حذيفة: لاا مكايناش …كاين عبد الله
حركات رااسها بااه وقالت: شنو بغيتيه
حذيفة: بغيت غير نهضر معااه
خولة: راه فالداار
تبسم ليهاا هي هبطاات وهوا دق جوج مرات ودار ايدو ورااه مزير على نظاظرو ليسبقوه ايديه تحل الباب من طرف عبد الله لابس بيجامة بيتية هز عينو فحذيفة ورجع اللور وقال: اش كااين
حذيفة: منطلبش ابسمااحة !
عبد الله (هز خنافرو متيق راسوو ) : غير شدها عندك راك معميي
حذيفة: غتخلينا نهضرو فلباب ؟ زعمة راحنا نسااب
عبد الله : دخل دخل دزتي فوجه الحااج
مع دخل سد عبد الله الباب حتى لصقوو مع لباب فموو عوااج بغا يهز ايدوو شدها ولواها ليه ورا ظهرو وقال : ونتا اشمن وجه غدوز عليه هااه
عبد الله: اش كديييير واش حماقيتيي (تخلع)طلق منييي وعبااد(لوا ليه ايدو تغوت)اش بغيتي عنديي اعععع
حذيفة: داباا نتا شنوو بغيتيي اتعطيني وريقات الدار ولا نديك لعكاشة توانس مع المساخيط بحاللك هااه
عبد الله: اشمن داار طلقنيي راني قد بااك الله يلع اااه اااه صافي رخف رخف رانيي مريييض مرييض غنموت وتوحل فياا
حذيفة: عطيني ورااق الدار ديال ايمان ليي 8 سنين ونتا مغبرهاا عليهاا وصلاتنيي لخبار دابا غير لي بغيتي بلخاطر ولاا بالشوهة والبولييس اش قلتيي
عبد الله بدا كيتفتف بقا غير لبكاا مبكااهش وقال: و وااخة واحة غير طلقنيي نجبدهاا لييك
حيد ايدوو من راسو لي متبتو مع البااب وشدوو من كتفوو وقال: ياله جببد
عبد الله: طلق اولدي طلق واش انا من سهمك شادني كي الشفار واش انا غنقد علييك وغير طلق
حذيفة: حيت لي بحالك كيحݣرو غير على العيالاات والبنات الصغاار
عبد الله: معدووور اولد الحااج معدوور الزرمومية عرفات كيتعمرااااك اه اه صافي صافيي ايدييي اولدي انا مززاااوك خولااه
دفعو لجيهة الباب فين كان غادي وقف عبد الله خاايف وحذيفة وراه كي قباض روحوو هوا هشاش وضعااف والمرض هد ليه الجهد ولا عندو مرض القلب دار عمليية وهدشي لي خلا خولة ترجع معاه بطلب من ولادها تنازلات ودارت الما منين يدوز وكل نهار تقول دابا يتهد وهوا يخاف ميحشم لتهدت صحتو مزال لسانو يعطب مايداوي
مشا لواحد لمجر ديال الورااق كلس كيجبد وايديه كيترعدوو وكيقول: مكنتش عارف بلي ديالها تمشاات هرباات وقلت غير تجي نعطيها ليهاا انا مكليت رزق حد غير مبغيتش ديك الدار تبقا مسدودة
حذيفة: جبد جبد
بدا كيقلب بلا تقلاب وعينيه فحذيفة مرة مرة حتى لقا اوراق الملكية مكتوبة ان المرحومة وهبات ليها الدار بعد الممات
مدها لييه وديك الساع صورهاا لمجييد جاوبو وقال: صافي هي هادي
طواهاا وجمعهاا وقال: جيتيني راجل ضعيف ولكن عند الله غادي تخلص غير نعس على جنب الرااحة ،الدار اليوم تخواا ولا مغيعجبك حال
خرج من تما لقا خولة عند الباب داز فييها ومشى حتى تبعاتو شداتو من درااعو وقالت: واش نقدر نهضر مع ايمان عفااك ربي لي عالم قداش توحشتهاا
حذيفة: خلي ليا نمرتك الى بغات راه غتصوني لييك معنديش الحق نقرر فبلاصتهاا
عطاتها لييه والخوف باين عليهاا وقالت: تهلاا فيها اولدي
قالت كلمتها وطلعات كتسلت ماشي بزاف وصل لباب العمارة كيسمع لغواات جاي من الفوق وسمع صوت عبد الله كيعرعر وهوا لي كان حداه كي لمش طايحة عليه شتاا ، دفل فلارض وقال: الرعواانيي
حط لوراق فالطموبيل ورجع ل عند ايمان طلع فالدروج كيززرب لقاها مزال فبلاصتهاا حانية راسهاا وهازة واحد المجلة كانت فوق الطبلة حتى سمعاتو رما السلام هزات عينيها بابتساامة وكلس جنبهاا وقالت بهمس: تعطلتيي
حذيفة(بهمس ): توحشتيني
ايمان: هه اه
حذيفة: نخرجو منهنا ونهرب بيك لواحد لبلاصة غتعجبك
ايمان: فيين
حذيفة : حتى نخرجوو
وصلات نوبتهاا دخلات شافها الطبيب فحصهاا خرج ليها الدوا وشي تحاليل ومع كانت مزال مفطراتش مشات دارتهم ديك الساع عاد داهاا تفطر مقابلة مع لبحر وشميشة ضاربة فيهاا
ايمان: الجو زويين
حذيفة: ديال شي تبحيرة مع الحب
ايمان: مكرهتش ههه
حذيفة: خلصت واحد يومااين ف اوطيل ** لي مقابل مع البحر
ايمان: عرفتوو زوييين
حذيفة(ضحك كيداعب ايدها ) : نرجعو الدكرياات ديال اول مرة شفتك فلبحر
عطاتو ابتساامة لطيفة وقاالت: كان من احسن لياماات لي دوزت والله (تنهدات)كنت فرحانة داك النهار (ضحكات)عقلتي ملي عطاتك مي دانون وتفاح والبنان
شرب من قهوتو كايتدكر وقال: عقلت واهليي شي حوايج كيبقاو فالرااس
ايمان(بهدوء): الله ارحمها حتى فموتها فكرت فياا خلات ليا الدار حيت عرفات ولادها غيلوحوني ولكن صدقوو ديااب ديال بصح
حذيفة: متفكريش فهدشي خاصك تفرحي بديك الدار راه ديالك
سكتات مبقاتش هضرات فطرو وناضو لطموبيل عاد تفكرات الطموبيل وقالت: قلتي ليا غتبدل الطموبيل
ركب جنبها كيقاد لحزام وجبد لوراق من لبواط وقال : شديي وشديي قولي بسم الله
ايمان: شنوو ..(.شداتهم من عندو كتقرا ومرة مرة تشوف فيه كتاكد لقات ان الدار توهبات ليها بعد المووت،مسحات دموعهاا )تحاجة مغتعوضني على ميي
حذيفة: خلي فرصة للوقت تنسييك ا ايماان متبقايش شادة فلي ضرك ،راك مرضتي رااسك
ايمان: شكون عطاهم لييك
حذيفة: واش خديتيهم ! متسوليش بزااف ههه
ايمان: حذيفة يكنا درتي راسك فشي مشكيييل مع داك لكنس راه مكيسوااش
حذيفة: معندو ميصور منيي كيخرج عينيه غير فلي قل منوو اما لحمر فيه شي حد كيوليي يتمسكن كيف الدري الصغير
كلمو هضرتهم حتى وصلوو للمحمدية دخلو لاوطيل المطل على البحر خداو غرفة كتشوف لبحر قررو يدوزو فيها يومااين مشاو جابو حوايجهم تقداات بوركيني على دوقو مستوور وزوين
دخلو لشوومبر لقات فوق من سرير الابيض مجموعة تاع الورود وبواطة على شكل قلب طلقاات من ايدو كضحك وقالت: شكراا ههه
كلسات جنب لورد كتشم فييه وتعنق فيه وحلات البواطة فيها الشكلااط بجميع انواع لي كيعجبهاا،كلس وراهاا بايسها فعنقهاا وحضنهاا وقال بهمس: كنبغييك ،وكنبغيك تكوني فرحانة ونااشطة
بابتساامة لطيفة ميلات وجهها لعندو وقالت: غنحاول نبدل راسي على قبلك
حذيفة: على قبلك اولاا
حركات راسها بالايجاب وبقاو على وضعيتهم لدقاائق طويلة
جبدات فوطتها وبرودوياتها قصدات الدوش
دوشاات بماء داافي حسات براسهاا طافية ومقادرااش تواجه مزال شي مشكييل ،حاسة بغصة محبوسة وسط صدرها عيات تبين راها بخير
خرجات من تحت الرشاشة بعينين حمريين..لوات عليهاا فوطة وقفات قدام لمرااية كترطب فوجههاا وعينيها كيتغرغرو تسمعات باب الدوش تحل طلقات لماا وغسلات وجههاا سارطة لبكية
حذيفة: مالك
ايمان: والوو غير دخل ليا الصابون لعيني حرقنيي (هزات وجهها وشافت فيه بابتساامة من لمراية
باسهاا فكتفهاا تغمضاات عينيهاا وزيرها عندوو هامس جنب ودنهاا: توحشتك
ميلات راسهاا معاه بابتساامة لاح ايدو جر لييهاا الفوطة حتى طاحت ودورها عندوو مشاركين حميمية الوضع
حاول ينسيهاا ويضحكها ويدوزو ايام زوينة قبل ميرجعوو لروتينهم فبلاد اخرى
عامو فنفس لبلاصة فين تلاقاو اول مرة ضحكوو ونشطوو بعاد على النااس ومع كانت العطلة سالات الدنيا خاوية تقريبا قليل لي كيدور تماك
من بعد يومااين رجعو التحاليل لطبيب خرج ليهاا دوايات ورجعو لمحمدية فطريقهم دازو لداار لقاوهاا خواات وهز منهاا حتى لفرااش لقاوها كتصفر جاب ديك السااع واحد بدلو القفل ديال الباب بابتسامة حط ليها سوارت فايدها وقال: هاكي امولات الدار
ايمان: ههه شنو ندير فيهاا خاصني نصلحها ياك
واقفين مقابلين معاها وقال: خااصها شوية تاع الاصلاحات
ايمان: ان شاء الله
حذيفة: مشيناا !
حركات راسهاا بااه ومشاو لدار فين لطيفة كانت كتعيط وتعاود باش يجييو
دخلات بجلابة مخزانية مزيج بين لموڤ والكحل مع بليغة بنفس الالوان تقداتها من عند زهور
كان اليوم الجمعة وريحة كسكسو عاطية من الديور المغربية ودارهم ديال حذيفة كذالك دازو تقدااو تقديية فايديهم ودخلو لداار
لطيفة: اهوو ياوليدي لاش عدبتو راسكم كلشي كاايين
سلم عليهاا وكدالك ايمان من ورااه سلماات بهدووء ودخلو سلمو على ربيعة وكلسو جنبهاا وايمان ساكتة كان حوارهم بالشلحة هي غير كتسمع وكتفهم شي كلمات لانه ربيعة من النسااء لي الدارجة عندهم تقيلة بحال شكل ايمان لي ولات كتفهم الشلحة ولكن متقدرش تجاوب بيها كدالك ربيعة عكسهاا
دخلات خديجة واسية هازين طباسل فايدهم مشكلين بغرير وفاكية مخلطة حطوهم فوق الطبلة وسلموو وكلسوو
اسية: ايمان لبااس
ايمان: لبااس اختي الحمد لله
خديجة: غبرتوو !
تبسمات ايمان بلا متجااوب طاقتهاا مكافيااش تردات لطيفة كتقلب فاتااي : السعاتو لله
حذيفة: الحاج مكاينش
خديجة: لاا كااين (ميلات راسهاا ) قالييك لجا حذيفة يهبط عندي لتحت بغا يهضر معاك
لطيفة: نوض شوفو اش بغاا ها اسية اتبهط ليكم اتااي
حذيفة: معاه شي حد !
اسية: لا غير بووحدوو
غمز ايماان ونااض هبط مخليهاا داايق بيها لحاال كالسة فجنب لطيفة كدور فكاسها
خديجة: علاش مقلتيش راه اسراء بنت خالك
لطيفة: تء ابنتيي واش معلموكش دخلي سووق راسك
اسية: مي واش منهضرووش ،مافيها تاعييب
ايمان: هي سبق منيي كون بغات تقولييكم بلي انا بنت عمتها كانت هضرات
اسية: شوف ا ايماان اختي حنى كبرنا بلا عدااوة بيين العائلة ومباغيناهاش كااع فالداار مبغيناش واحد النهار لخوت تولي بيناتهم العداوة بسباب لعيالات
ايمان: وشنو المطلوب منيي انا دابا !
خديجة: تصالحوو
ايمان(حطات لكااس من ايدها وقالت ): فين اسراء
اسية: اسرااااء ،اسرااااء
خديجة: اجي هنااا اجي
جات كلسات جنبهم منفخة وقالت: انا معندي حتى مشكيل معاهاا هي لي من صغرها مكتحملناااش وباا مخلاا مداار معااها وفاللخر لاحت علييه باااطل كانت ماما غتفاارق معاه بسبابهاا وهرسات لييه ايدوو
ايمان : دابا تاكدت بلي نتي برهووشة فدمااغك ومازال ماكبرتيش
اسراء: الى سااكتة متخلينيش نهضر
ايمان: هضريي حتى نتي قولي شنو هازة من جيهتي فاش اديتك
خديجة: البنااات(بصرامة )لكنتو غتهضرو غتهضرو باحتراام
اسراء: ختي خديجة راه متيقيش بهادي راهاا لفعة كضرب على بزاااف
لطيفة:اسرااا اشهاد الهضرة متكونيش ابنتي هكا
اسراء: ميي راه هد خيتيي دايرة عليكم واحد لوجه كتعطيه غير لكم وصافيي ، مكانتش كتحمل فيناا الشعرة كانت كنبغي غير جدة ونعار ماتت بقات كدير لبابا لمشااكيل
ايمان(بصدمة)ههه اسرااء واش محرشك شي حد علياا فاش اديتك فااش
اسراء: كدبينيي ،ياله كدبييني نتيي كانت بييك غير ديك الداار ديال ميي ، حتى من مك جرات علييك شنو داباا كلشي خاايب بووحدك ليي زوينة ؟ مبغااك حد حيت نتي انساانة مكرووهة حقوودة وقلبك كحل معمري نسمح لييك حيت كدبتي على باباا وخليتي ماما كانت بغات طلق منوو غير بااش تعيشيني لي عشتي ولكن مي وباا بزااف علييك سمعتيني
بقاو كيشوفو ف اسراء كيفاش تسيفاات وخرجات فعينيهاا وهيا كتحطهم متاابعيين ل ايماان لي فحالة من الصمت
اسراء:بااا هزك مليي مك وباااك تواحد مبغاا يشدك سمعتيي نتي عضيتي لايد لي تمداات لييك مليي لااخووك كي لوسخ تاحد مقابل بييك دخلي لداروو حيت نتيي غير بنت الحراام مباغيك حد
خديجة(خرجو عينيها وخبطات على الطبلة )اش هد الهضرة اش هد الكلاام ا اسرااء غيين عمرنااا كنعيروو النااس بهد الموضووع طلبي السلامة راه تاحد معارف منهنا القدام اش مكتب ليه الله
ايمان:غير خليهاا هادي غير هضرت بااهاا ،باهاا لي واكلني فحقي 8 سنين هادي هادشي لي قااهركم يااك بلي ديك الدار مكتوبة فسميتيي بااك ملااك مقالش ديك البنت كتلاوح لا دار لا دوار نعطيها حقهاا لاا هوا جرا علياا وحضن على رزقيي ، ولكن نسيتي بلي الكرش كتولد المسخوط والمرضي
لطيفة:اسرااء هد المشاكل تاع بااك نتي اش دخلك لي معمرة قلبك من جيهتهاا ! واش كبرتو فدار وحدة
اسراء: معانا فدار ومكتحملنااش همها غير جدة الله ارحمهاا كضل تحرشها عليناا وعلى بابا
ايمان: حتى لي فلقبر مرحمتوهااش ، شوفي دعوتي مزال مقيدة عند الله راه منسمح لييكم وخة تركعو قدامي غير قولي لي بغيتي بنت الحراام اااه بنت الحراام ،ولكن عمري ماديت شي حد فيكم ولمخديتش حقي من لي ضلموني فدنياا ،مزال غدا قدام الله نشد حقي بالتاني والمتني
وقفاات مخلياها واقفة متبعة ليها العيين وكلشي سااكت كيشةفو ف اسراء بنضراات العتااب
كلساات بحالا مقالت والوو تنطقات اسية وقالت: محشوماش على بااك يضيعها فحقهاا لي عاطياها جداهاا
اسراء:انا مفراسي ميتعااود متيقوش بيهاا راه غير كدير عليكم وجه زويين
طلعات لبيتهاا كالسة قبالت السرجم هادئة عاطية لباب بضهر حتى تحل مسحات عينيهاا حسابهاا حذيفة حتى لقات خديجة قبالتها سدات الباب وجات جيهتهاا وكلساات
خديجة: اجي تشربي اتااي معاناا ا ايماان
ايمان:بلاش منخسر لكم كلستكم (برجفة فصوتها )انا مضاامة حد اخديجة وربي شااهد هءهء انا مختاريتش نتزااد فلحراام ولا يكونو عندي واليدين بحال هكا علاش كلشي كيلوومني على هدشي
خديجة(شدات ايدها)متقولييش هكا الهبيلة ،نتي معلييك والوو ،واش صافي غير قالت ديك الهضرة راه تيقناهاا ! انا خولة هضرت معاهاا وعاودات لييا كلشيي وتبقا بيناتنا مبغاتش بنتها كاع تعرف هدشي ، سمعييني ا ايماان حناا بشر مكنختارووش والييديناا ومكنختارووش كيفاش ندوزو صغرنا ولكن ملي كنكبروو وكنرشدو كيخصنا نفكرو بلعقل ونمشيو فطريق لي تديناا لبلاصة زويينة بعييدة على المشااكيل وصدااع
انا مغنشكرش لييك خوياا ولكن راه ربي عطاك واحد النعمة خاصك تحافضي عليها فحياتك تعوضك على كاااع لي عشتييه ا ايماان .واش لغناا داييم ! يااك جاك منوراه غير المشااكيل شنو ربحتي منوو،انا مكندخلش فشي حد حيت كل واحد حر وكل شاة تعلق من كراعتهاا ولكن نتيي كتقلبي على الاستقرار وانا ضامنة لييك حذيفة يعيشك فيه ولكن بهد الخدمة ديالك مع الوقت غتوليو غير فلمشاكيل انا عارفة خويااا راه تربية ايدي راه كيصبر كيصبر حتى كينفر من الحاجة فخطرة
وداكشي لي عشتيي لوحيه ورااك راه تاحد معندو حيااة زويينة ومثالية راه ميمكنش راه هادي هيا الحيااة مرة طالعة ومرة هاابطة
ايمان:ولكن انا فحيااتيي كنت ديما هاابطة ، كرهوني على مي لي كانت كتبغيني حتى داها الله وليت يتيمة ة او الواليدين فدنياا عايشين حياتهم
خديجة: نساااي باش تقدري تكملي خاصك تنسااي
ايمان:هءه انا عارفاكم حتى نتوما كتقولوو حذيفة يستااهل حسن تنااسبوو مع عائلة مأصلة ماشي مع وحدة حياتها كلها مرونة او واليديها عمركم تشوفوهم (بدموع)قلتي لياا امتا غديري لوليداات ملي يسولوني فين جدة وجدي وخواليي شنو نقولييه مقطوعة من شجرة كيفما كيحسااب لكلشيي (طاحو دموعها )نبقا حياتي كلها كنكدب حتى مع ولاديي
خديجة: وسمعيني الله ارضي علييك راني كبر منك وديت وجبت فزماان ، حنى مكنااش باغيين حييت خايفيين باا يجري على حذيفة ،راه باش رجع كيهضر معااه شحفناا بطليب ورغيب ،انا عارفة الزواج مكتووب ورزق ولكن با دقة قديييمة خاص كلشي يمشي بأوصولو وكيف بغااه نهار حذيفة مشاا با راه حلف وعاود حلف باش عمرو يعتب باب هد الدار حيت خلاا بنت عمو وضرب فكلمتوو ومشاا وفالتالي يجييه مزووج وبوحدة كتغني وملابسااش زيف ،انا جيتك لصرااحة منزوقش ليك الهضرة كاع خفناا
هوا صغير هواا عينيناا هواا لي كان كلشي كيهز ويركب ويضحك معااه ،انا راه كنت الى منعستو حداياا مكنعس ،خفت يتنادم معاه الحاال ويصدق مرون حياتو معاك تماا يصظق لا هوا برضى لا هوا بزواج مسكد وينيي مكتمشي غير فين مشااك الله وكل واحد فينا ربي مكتب لييه خبزة مستوورة
بقات ابمان ساكتة ودموعها هابطيين كتنخصص حتى دخل حذيفة وقفزات كتميح دموعهاا وخديجة مربعة ايدها حداها شافت فيه بهدوء وقالت: دق الباب خلعتيني
حذيفةشاف فايمان وفخديجة وقال) مالكم كالسين هناا
خديجة: خاصك شي حاجة مبقا حد يكلس
حذيفة(حط الصاك ) لا لا خودو راحتكم …ايمان خاصك شي حاجة !
ايمان(بابتسامة)لاا شكراا
خرج من تماا وشافتوخديجة فايمان وقالت:نوضيي بدلي علييك توضاي وصلي باش ترتااحي ونوضي عفااك
حركات راسها باه ناضت خديجة خرجاات خلاتهاا منفاردة مع شهقااتها
تكمشات فبلاصتهاا لوقت طوييل حتى دقات فلباب وتحل وناضت قافزة كتمسح عينيها تدخلات لطيفة كتنهج بدروج
ليطفة:نعستيي !
ايمان:لاا اخاالتي غير تكييت
لطيفة:بدلي علييك واجيي هبطي عند باك لحااج بغا يهضر معااك نوضي الله ارضي علييك
ايمان :وخة امي
لطيفة :متعطلييش راه دغياا كيتعصب ويقندش ههه
تبسمات ايمان بهدوء وناضت بدلات عليها كان قرب وقت الصلاة توضاات ولبساات عباية الصلاة لي حاب ليها حذيفة فلوردي باارد مخدومة فالشال والايدين بدونتييل نؤوراتهاا وجات زويينة بيهاا مع تقيشرات بيضيين وهبطات دغياا اشارت ليها لطيفة باش دخل لصالة لخاصة بييه دخلات ومن وراها لطيفة دخلات وسدات وراهم الباب ، بيت دافئ مفرش بفراش بلدي هز فيهاا عينو وهبطهم ورجع طلعهم فييهاا ،بنضرة رضى ،كان مربع فلارض كيسبح مد ليها ايدوو باسهاا وقال: ريحيي حداياا
هزات عينيهاا تكيجيو ف اسرااء كالسة مكمشة وعينيها باكيين مفهمات والوو بدا قلبها كيضرب ونطق بصيغة الامر وقال:اسراااء
اسراء (بصوت راجف) سمحيلياا ،الهضرة لي قلت قبييلة غير الشيطان سبابهاا
ايمان(شافت فييهم وركزات فاسراء ) نتي ديك الهضرة الى عندك ساهلة انا لاا ، تعلميي متبقايش تلوحي على الناس شي حاجة مافيهمش،باش ميجيبش ليك الله لي يلوح فيك شي بااطل
انا مدرت لييك والو ومواصلاك بوالوو وبعييدة علييك وكونما هد المجمع معمنا كنا غنشوفو بعضياتناا بااركة غير لي فياا خوي قلبك من الحقد من جيهتي راه مديت لييك ما خدييت ليك (بغات تهضر اسراء وقطعاتهاا) نتي من ديماا كرهاني غير حيت جدة كانت كتحن فياا …هاهيا مشاات شكون خلات لياا ؟
ياك باك جرا علياا من داار وشتا خيط من سماا حن فياا ؟
شردنيي ودا لياا حقيي وخلاني ندوز ليام لكحللة لي كون عطاني حقي مكنتش غندوز حتى النص فييهم
شكون حن فيا ؟ لمرا لي ولدااتنيي باا ؟ شكون ا اسرااء
الحاج:صافيي داباا نساو هدشي لي وقع راه الى عمرتو قلبكم بالحقد راه غتولي اياامكم كحلة
اسراء (كتمسح دموعهاا ) انا مكنتش حاقدة عليها اباا الى كان با قاسح راه كان قااسح حتى معاياا ومع خويا هيا عارفة ،هيا بعدا كانت كتحن فيهاا جدة
الحاج(خرج فيها عينو بصرامة ) واسرااا واش كدابزو على مراا ميتة ابنتي اش هدشيي ! نتي عندك راجلك وهيا عندها رااجلهاا عند واليديك خوووك خواالك واش تواحد فهادو محن فييك ،خوي قلبك الله ارضي علييك خويييه راه لحسد والغيرة والحقد اعداء الانساان ابنتيي …دابا لي فاات ماات لكانو لواليدين مامزبانبنش نتوماا كونو مزيان راكم دم واحد (سكت شوية وقال) راه الدم الى خناااز كيهزووه مالييه وعمر دم يولي ماا نعلو الشيطاان نعلوووه راكم مزال فدنياا
بقات ايمان ساكتة تحسات بلطيفة نغزاتها من ضهرهاا وقالت: م مسامح كرييم ،الله يساامح
الحاج:الهضرة النااقصة عمرها كانت فداري ولا غادي تكوون شي نهاار ، نتوما بجوجات عيالات الخووت ونفس الوقت دم وااحد والدم عمرو كيوليي مااء ، سمعيني مزيان ا اسرااء متشفاايش راه الدنياا كدوور ابنتيي ربي عطا لكل واحد اسم ماشي ماشي ولد فلان ولا ولد فرتلاان …فلقبر كل واحد كيتخشاا ببوحدوو غيتحااسب(شاف فايمان )على الصالح والطاالح وعلى افعاالوو ماشي على شكون واليديه وكيفاش جا لهد الدنياا ، عواض تلهااو فاموور الدنياا راه معرفنا شكون الساابق صفييو نييتك وخناروو طرييق الله بلا غدر بلاا غيبة فعبااد الله ،هادي داازت بجغيمة المرة جاية غتكوون هضرة قااسحة مغتعجبك لا نتي لا هياا ، وهد النقاش لي وقع غيبقا فهد المجمع ولمشيت تعرفت شي واحد فدراري فخبرو مغيعجبها حال هادي لي قالت وبغات تنوض الفتنة بين الخوت
حركات لطيفة راسها لبنات باش ينوضوو
ناضت ايماان مقدرااتش تهضر ولا تشكروو على هاد الهضرة لي قال قربات باست لييه على راسوو وناضت مزنكة حتى سمعاتو قال: الله ارضي عليك
كلمة فرحاتها فلداخل ديالها ونفسات عليها الديق لي كاتحس بييه خرجات مزنكة ورجع ليها الموراال شوية كلسات فالصالوون كدور فعينيها في حيين اسراء طلعات لبيتهاا ولبنات مشاو لديورهم
صلاة صلاتها فداار ولبسات قفيطين بيتي ورمات عليها فولار من ليكراا مغطي عنقها وشوية من شعرهاا وهبطات لكوزينة كتعاون ف لطيفة لي كتسكيي فقصرية كبيرة و وحدة متوسطة قادات لبن فلكيسان وستفات لمعالق
نطقات لطيفة ملي شاافت ايمان كتقاد الشال وقالت: ناقصك غير لحجااب يا بنتيي
ايمان: هه ان شاء الله الله اهديني
لطيفة: اميين يارب
ايمان: ميي علاش قلتوهاا ل عميي
لطيفة(شافت فيهاا ): اناا ابنتي مزوجة بلحاج راه كدا وربعيين عاام ،مكيهضر فحد ،مكيحقد على حد ،مكيبغيي جوج فنفس الدار يكونو مخااصميين ،والى خبيت عليه شي حاجة غادي يغضب علياا ،انا ابنتي ولااافت لمشكيل لي كااين كنحطو ليه هوا فاهم وعارف ،راه حتى لبنات كانو كيتخاصموو كيحطهم قداموو يفهم شكون الظالم من المظلوم ،راه يبااان ليك قاسح وصعييب ويني راه معقول وحقاني
ايمان: الله يحفضو
دخلات اسرااء من بعدما خنزرات ف ايماان وتبسمات ل لطيفة وقالت: ميي هاهوما جااو
لطيفة: وخة ابنتي عيطي لمحمد يجي يدي هاد القصرية ل عبد الهادي … ياله ابنتي ياله هدشي غيبرد
حطو القصرية لكبيرة ف الصالون وتجمعو عليها بهدووء ساكتيين كتهز عينيها ف حذيفة كيبان ليها ماشي حتى لتماا كياكل وساكت فحضور الحاج كلشي مطمر
موراها عاوناتهم فلماعن وجمعات معااهم وبغات غير امتا تنفارد بييه وتعرف شنو غيرو
طلعات لفووق لقاتو متكيي وشاد التيليفون شافها تبسم ليها وقال: زعيبيلة
تكات علييه وقالت : مالك احبيبيي
حذيفة: والو احبيي غير راسي كيحرقني شوية …شنو كنتو كتهضرو قبيلة نتي و خديجة
ايمان: واالو غير سولاتني علاش مقلتش ليها على اسراء
حذيفة: وشنو جاوببتيهاا
ايمان(باستو فموو ) وصافي مبغيتش نتفكر ،توحشت دااري ومشتيي
حذيفة: بقات تلتيام ونديماريو
تكات على صدروو بتنهيدة وقالت: حذيفة كتبغيني
حذيفة: عندك شي شك
ايمان: زعمة كتبغيني كيفما اناا
هزات راسها كتشوف فييه كان كيلعب فشعرها وكيشوف فيها وقال: كنبغييك ولكن شي حوايج مكيعجبونيش
ايمان: هاد لحوايج غيخليوك شي نهار تفارق معاياا ؟
حذيفة(وقف لحركة فشعرها ) : مغاتفرقنا غير المووت
ايمان: ممم تيقتك (كتلعب فلحيتو ) والا مت غتزوج علياا
حذيفة: هههه لي بكات عليك بزااف غنتزوج بيهاا
ايمان: اوى خسارة غتبقاا وحييد ههه مكاين لي غيبكيي علياا
حذيفة(عضها فنيفهاا كيتنهد ): الله اهدييك اش هاد الافكار كيطيحو فبالك
ايمان: ودابا بلمعقوول ..غتزوج ؟
حذيفة: ايمان واش سكرتي ب لبن ولا مالك ، خليني نتكا شوية الله احفضك
ايمان: قبل منمشيو ضروري نمشي نزور ميي ياك
حذيفة: واخة الزيين
دازت لعشية وهي ناعسة فحضنوو محيدة الصوت لتيليفون لي غيطرطق ب اتصالات وديان و مراد وهي ناعسة فحضنو حتى سمعو الادان ناضوو صلااوه بجوج وقال: غادي نخرج جاي مجييد غنمشي نشوفوو
ايمان: غتجيو هناا ؟
حذيفة : لا لا نقدر نتعطل بليل ياك (قرب جيهتها باسها ) بيناتنا التيليفون
خرج من البيت بان ليها تيليفونها شاعل لقات مراد جاوبااتوو بهدووء
ايمان: الوو
مراد(بانفعال ) : واش ساعة هادي وانا كنصووني ا ايماان
ايمان: كنت ناقصة ليه الصوت وناعسة شنو واقع(حيدات التيليفون من ودنها شافت وديان كتصوني) نعام
مراد: واش مشفتيش اش حطات ديك لبااج ؟
ايمان(طاح منها النص ) : اش حطوو
مراد: سيري شوفيي سيري رويينة ا ايمان غير قوليا واش ديك المروينة كتحط فسووشيل ميدياا الى مشا حتى شافهم راجلك موووصيبة
غير هاد الهضرة خلعااتهاا دخلاات وايديها كيترعدوو لانسطاا وراسها كيدوور بيهاا مع حلات لبااج على سطوورياات
لقاتو كاتب فاول سطووري وقال: والان بعدما جمعناا لي قسم الله على هاد بنت الز*ناا جا الوقت باش نحطوه ليها فالسطل ولي جاا يطل .نوريكم الوجه الاخر لدييك البرااءة والجماال والرقي تشوفو الوسخ الوسوخيي فيديوات وصور من قااع الخاابية ملي كانو عارفينها غير لݣور وحتى هي عايشة عيشتهم
بغات تبدل لسطوري الجاي وشداتها الرعدة تداز بوحدو شهقاات والتيليفون كيترعد فايدهاا
تفكرات هاد النهار بالضبط كان داز على اقامتها ف ايطالياا شي عماين ونص ،كانت معروضة هي و ودياان لحفل توديع العزوبة الخاص بعرووس من صديقات ودياان وفحفلاتهمم كيكونوو رجال التعر*ي كيبقاو يشطحو بعضلاتهم غير بالبوكسور لاصق علييهم
ايمان مكانتش عارفة هدشي غيكون معمرها حضرات لشي حاجة بحال هادي كالسة مع وديان كيشربو فلعصير لابسين كساوي قصاار بلا ايدين المعري كتر من المغطيي والشعر مسبسب والمكياج سمووكي تاع السهراات
معرفوش شنو وقع حتى لقاو رااسهم كيشطحوو ومحيحين مع لبناات والدراري من بعد عاد صرحات ليهم العروسة بلي دارت ليهم الشراب وسط العصير باش كلشي ينشط
تلاحو فيديوات وصور مكانش خاصها تحط ولاا دووز فشي كونط هوما ݣور عندهم عادي ولكن حناا كبلد اسلامي عندها اصول وثقافة داكشي بالنسبة ليناا ع*هر وف*سق ….. كدوز فيديو بفيديو وتصاورها هي و ودييان حاطهم ولي مواضحاش وضحها بطريقتوو
صونات ل مراد كتبكيي جاوبهاا وقالت: عفااك امراااد هءهءهءه دير شي حاجة الى شاف داكشي غيق_تلنيي هءهء
مراد: واش هادشي غيتخباا ا ايمان
حل الباب على غفلة خلاهاا تحيد التيليفون من ودنها ديرو وراهاا تشافتو داخل عينيه خاارجيين وقال بصراخ : اش دااكشي مخبية ورااك
ايمان : والوو هءهءهء حذيفة
حذيفة: عجبك لحااال دابااا عجبك هاا اش داك لووسخ فاااش كنتيي
ايمان: غير نشرح لييك احذيفة
جر ليها التيليفوون دخل لپاج وهي كتبكيي كيوريها تصويرة بتصويرة وهي كتزااوك فييه
ايمان: هءهءهء والله مكيف كتخييل هءهء خليني نشرح ليك احذيفة عفاااك عفاااك
حذيفة: مكملتيش الشووهة ياك هاك كمليي
جرها من دراعها كيوريها فكمالة السطوريات وهي مكرهااتش لارض تنشق وتجرها لتحت سطوري يحشم كتر من لاخر هاهي كتشطح هاهي وسط دراري لابسين غير لبوكسور
حتى طلع سطوري قبل الاخير كاتب فييه : وشكوون خدا هاد الجائزة لي احترفات فدوري اوروباا صفقو معايا على حميدة الستااار
حاطيين فيديو ديال حذيفة ملي عطاوه مجسم التصميم لي ربح فلجائزة وكاتب فوق سطوري : مبروك علييك ديتيي الزيين والتيسااع فلخاطر
لاح داك التيليفون حتى تخبط مع الماريو وتقلب عندهاا بعدات من حداه بلخلعة وهي كتشوفيه وكطلب فييه والهضرة تخلطاات عليهاا
حذيفة: عجبك لحااال دابااا ،اشنوو درتييي شنوو
ايمان: خليني غير نشرح لييك
شنق عليهاا بلا ميحس من لقفطاان وجمعها مع الحييط حط ايدوو على عنقهاا وقال: نقت_لك ونشرب من د_مك على هادشي شنووو ندير شنووو
طلق منها كيغوت: شفتي الطيرااان ديالك فين وصلناا كتشطحيي مع *** البرهوووشة امتاااا هادشييي
ايمان: هءهء مكنتش عاارفة هءهءه والله مكنت عارفة هدكشي كااين ومعاقلة على تحااجة من داكشيي
خرج عينيه وجااي ليهاا ترجعات اللور وقال: وزايداها بالشراااب
ايمان: هوما لي خلطوه فلعصير هءهءه كنقسم لييك بالله احذيفة عفاااك هءهءهء هدشي دازت علييه ست سنين هءهءه عفاااك (شدات ليه فتريكوو ) الله اخلي لييك ميمتك احذيفة هءهء
بعد ايدهاا علييه شاااعل وقال: طلقيي منيي طلقيي
غاديي خاارح وجرااتوو لصقات لييه فرجلوو بقا غير تبووسهم لييه هوا كيجر وهي كتلصق تنوضهاا مزير على درعانها وقال: داك لوسخ عومي فييه بوووحدك اناا مامعاااكش فهادشي سمعتيي
ايمان: حذيفة عفااك مديرش لياا هكا نكلسو ونشرح لييك
نتر ايدو منهاا وخرج مخليهاا طايحة شادة فمعدتها كتنهج
شدات راسهاا ولارض كدوور بيهاا وجملتو كتعاود فرااسهاا بحال الحمقة كيفاش مامعااكش واش غيخليني واش غيتفارق معااياا شنو غيدير
بغات تحماق طلات من السرجم لقاتو حك الروايض ومشاا
كتمشي وتجي فلبييت وحاسة بطاقتهاا ضعيفة وبداات كتخرج على السيطرة كضرب وكطرش فرااسهاا وتندب تجراات حنكهاا وعنقهاا بظفارها جرحاتهم
رجعات هزات التيليفون دخلات لفيس وياريتها مدخلاات الشووهة وحديث السااعة من جديد الكلام السااقط وهاد المرة جامعين صورتها مع حذيفة
حتى من صحيفة الكترونية حاطة صورتهاا وصورت حذيفة والخلفية صورت ايمان وسط دوك الرجال وكاتبيين: ايمان الملقبة ب بيانكاا تتصدر من جديد الترند بشوهة من نوع اخر
شداتها الرجفة بحالى فيها البرد مقادراش تهز رااسهاا ولمااس كيتخشاو فلمعدة ديالهاا والحريق فداتها كلهاا كانها داتها كلها كتالم بهاد الصدمة ماشي غير عقلها وقلبهاا ليي دقاتو تساارعوو
رجليها تقالو علييهاا حتى طاحت فلارض مجبدة
حلات اسرااء الباب عليهاا لقاتها طايحة فلارض كتنخصص وتنين
سدات لباب وقربات لييهاا كتحااول تنوضهاا ولخراا تقاالت وترخاات
هزات لكااس كترش عليهاا وكتهضرر معاهاا وايمان مكااينااش فهاد اللحظة معااهاا صرفقااتها رشاات لماا والوو بحال الجثة
بدات كتسمع صوت اسراء كتغوت ب :ميييي وااا ميييي ميييي
جاها فودنها تقيييل وبعييبيد وتصفار فودنهاا
طلعات لطيفة شافوها هكاك تعاونو علييهاا هزوهاا فوق لفرااش كيفيقوو فيها ويرشوو عليهاا لماا تبداات كترجع لوعييهاا وتنين بلحريق وتزيار لي فمعدتهاا
تخلعوو ولطيفة شدات فقلبهاا من لخلعة ولحالة لي كانت فيهاا وتقل بحال الى فيها المووت ،معمر شافت شي حد فهاد لحاالة
جبدات تيليفونها عطاتو ل اسراء:دوزي ليا نمرة حذيفة يجي نديروها لسبيطار
ايمان:بلاش (بالم)عطيني دوا دياليي ا اسرااء عفااك
قلبات عليه لقاتو مزال فالصااك مدات ليها قرعة تاع لما شرباتوو ورجعات تكاات كلها كترعد مشات اسراء جابت مانطة غطاوهاا وطلعاتها السخاانة بحال الى جسمها عايش حرب دااخليية مبقاش قادر على هدشيي
لطيفة:اسراء بقاي معاهاا نمشيي نطيب ليها شي حاجة
حركات اسراء راسها وهيا واقفة حدا رااسهاا تخرجات عكوزتها وشافت فايماان عرقاانة وكترعد
هبطات لمستواهاا وقالت:الى مشاو حتى شافو داكشيي لي منشوور ف لفيس وكلشي كيهضر فييك وصورة ولدهم محطوطة معااك غيديرو فييك شي موصيببة ،
تكمشات فبعضيااتهاا كتبكيي وهمها الوحيد هوا حذيفة نطقات كتنخصص:تشفاااي ودي متعاودي علياا هءهء هءهءهء
اسراء:انا غير قلت ليك شنو غيوقع متشفيتش فييك ،خديجة لساقت لخبار غتخلي فيك غير لي نسااات
شد طريق بحال شيي مجنون شاد طريق لكازا وعقلو مغيب معرفش كيفاش وصل ساالم راسوو غيطرطق من وحدة لوحدة وهادي فيضت الكااس وخلاتو يفكر ويقوول انا لي قبلت على هد لحالة
قصد وحدة من القهاوي المحيطة ب الكورنيش كيشوف فعباد الله كيقول كولشي عارفنيي وكلشيي كيهضر فيا دخل لقهوة بنضاضر شمسية وكاسكييط طلع لطيراس بان لييه مجيد كالس فالطبلة كيكميي وشاد تيليفونوو مكمش عينوو فييه حتى تجر من حداه لكرسي وكلس
قلب مجيد تيليفونو على الوجه وقال: بخير !
حرك راسو بااه جار بكية مجييد جبد منها كارو وبريكي بقا ساكت لمدة كيكميي تقرب يسالييه ومجيد مخلييه على خاطروو كيشوفو الغرووب وضاربين الطم
مجبد(سكت حتى عيا وقال) اش غادي دير فهد المصيبة ؟
شافييه حذيفة وتنهد وقال: معرفتش
مجيد:مشاكيل والله داكشيي قدييم علاش جابدينو ليهاا
حذيفة:قديم ولا جديد راه دارتوو
مجييد: معرفت منقوليك الصرااحة ولكن راه كيبقاا مااضي
حذيفة:ماضيي بالنسبة لوحدة مكيعرفها حد هادي غيبقا داكشي تابعها حياتهااا كااااملة
مجيد:واش حط علييك شي حد موس على عنقك ابنااادم وقالييك تزوج مغنيية ولا ،متخليش الغيرة تعمييك اصااحبيي راه بنادم كيغلط نتاا دوزتييه قليل
بقا سااكت كيتنهد ويدخل فدخان لريتوو واحد ورا واحد مع القهوة عروقو بانو فايديه من قوة مكاتم الاعصااب
حذيفة(تنهد ) صباح هضر معاياا لواليد
مجيد: نفس الموضوع تانيي
حرك راسوو بااه كيسوط الدخاان وكيتفكر الهضرة لي دازت
الحاج:حذيفة واش العام ليي جا نهضرو فنفس الموال تااني
حذيفة:با راه غير كتعيي فرااسك انا راه منديرش جوج
الحاج:علااش مالو هادو لي دايرين جوج وتلاتا وربعة فشنو مقصرين مالك نتاا مكبراتكش مرت بااك
حذيفة:هدا زمان اخوور ابا لقدرتي تعدل انا لاا متكلفنييش اباا الله ارحم من ربااك
الحاج(بلخاطر)غير سمعني وفهمني اولديي ،راه ديك بنت النااس حتى هياا بقات كتسنااك والعريس ليي جا كنردوو علااش حيت خاطبها لولدي فاللخر تخليني ضحكة وشفايا ومعندي كلمة ؟ انا اسيديي مقلتش لييك دبيها معااك خليهاا هناا ودير وليداتك حداياا راه ماشي عييب دير جوج عيالات العيب هواا دنوب ديك البنت يخرجو فييك وفيا راه كضرب ف تلاتييين راه مكنقدرش نشوف فوجهها اولديي الله ارضي علييك
حذيفة:بااا لا هياا لاا ولادي الى كتااب غتشوفهم مع هد السيدة حنان داباا يجيب ليها الله نصيبها انا مقلتش ليها تسنااينيي باش ندي دنوبها ابا
الحاج:واناا ؟ كيفااش غندي دنبخا معاياا تالقبر ! راه الوعد دييين اولديي واش بغيتي ندي دييين على كتفيي ! راعي ليا ،انا مقلتش لييك جمعهم كل وحدة فبلاااد دوي مع مرتك باللثي هيا احسن فكل الاحوال نتا مغاديش دير شي دنب هدا حق حللو لييك الله والشرع
حذيفة: سمحلياا الحااج ولكن بغيتي تقلني بشي حاجة مقادرش عليها ،راه منقدرش ومنقدرش نضلم بنت الناس معاياا وحنان الله يسهل عليهاا دابا يجيب ليها الله حسن منيي ،هد الموضوع مباقيش تجبدو معاياا
الحاج:فكر غير فكر ورد علياا مخاسر والو فاتح مرتك فالموضوع عاد جاوبنيي
**
كالس كيتنهد هاز فقلبوو وجبهتو مشدودة عليه بالاعصااب قداموو طفاية عامرة بلكارو وكاس تاع القهوة ومجيد كيشاركوو الدخاان وقهوة جنبوو
نطق بصوتو لي غتعرفو سوسي من مخرج الحروف وقال: داباا مالك شادها منين تقالت
تنهد الاخير مسرح على لكرسي وداير ايديه ورا راسوو كيربت برجلوو معصب وقال: منين مشديتها كتتجنيي تقييلة …برب حرت وتلفت ومرضت والله
_طفا لݣارو كيضحك وقال:داباا ماالك ؟ شرع عطا ربعة ونتا التانية جاتك صعيبة ! …زيادة الخير خيرين احبيبي(غمزو )
حذيفة(شاف فييه كيتنهد) كضحك علييااا امجييد
مجيد؛ههه كترت الهم كضحك والله هههه (بجدية )شوف هد الهضرة مااا منها والو. الحاج مقسح راسوو وصافي باغي يزوجها لسك صحة اما البنت راه عليها العيين راه ديما الخطاب علييهاا ، غنهضر معااه صافيي دابا ملي جيتي بمراتك خاصو يتقبلها ويعطي لديك الدرية التيسااع
حذيفة: فففف
مجييد:رخفهااا اصااحبيي رخفهاا
حذيفة(حرك راسو بالنفي )خاصني حل لهدشي ميمكنش نبقا فييه ،راه ميمكنش ميمكنش
مجيد:اليووم رتااح وخليها حتى هياا ترتااح تهدن القضية وهضرو لقاو حل
حذيفة:حل واحد لي عندي فهدشي كلو …يا انا يا هدشيي
مجيد؛وهدشي ا حبيبي فيييه المشااكيل انا راه غير زهور مع الخيااط ومول الثوب شي نهار نشتف عليها حسب الله نتا قدام عباد الله …دوز حتى هادي والرحم الله
حذيفة(حرك راسو كينفي كلامو ) هادي مغاديش دوز ساهلة منكدبش علييك ،،هد القلب لي يمرمدنيي بوجهي قدام النااس معندي مندير بييه كنتفكرهاا راسي كيبغيي يتفركع فففف(حيد لكاسكيط بنترة شاد رااسوو )مفهمتش شنو الغرض من هد الشووهة
مجيد:يطلع لبااج اجيي خاصك تحط شكااية صباح سبقها هيا اللولة
حذيفة:بقا غير لبوليس نتشوه معااه
مجيد:منهنا لصباح يحن الله بدل ساعة بخراا
حذيفة:جيتي بوحدك ولا مع المدام ؟
مجيد:لا لا غير بوحديي بغيت نقضي شي غرااض لنعمان ونرجع
حذيفة: مزياان مزيان
دازو ساعات وهيا على حالتهاا تهدنات وكلسات مضلمة البيت كتقراا فشنو مكتوب عليها ودموع كيبرييو مع ضلام حاسة بنخااصي فقلبهاا ،ناضت تصلي لعشاا مع كل ركعة كتبكيي
مع سلمات تحل لباب من طرف لطيفة وقالت:ايماان تكلمي لحاج
ناضت قافزة كترعد:علاش
لطيفة:ماااقاليش ابنتيي بغا غير يهضر معااك
حركت راسها وحلقها ناشف هبطات وراها كترجف وهد المرة لدار لتحت هبطات غير بوحدها وقالت:ونتي
لطيفة:بغاك بوحدك
قصدات الدار غتسخف حلات الباب وريحة المسك ضااربة كالس فبلاصتو المعهودة شاد القراان كيقرا رمات السلام وسد الكتاب وقال:اجي ا ايماان اجي
دخلات عندو باست ايدو وكلسات حداه وجهها صفر: نعام ابا الحاج
الحاج: قالت لييا لطيفة كنت عياانة شوية
ايمان:شويية غي رالمعدة
الحاج: غوات حذيفة قبيلة تسمع تال براا
هبطات راسها بصمت
الحاج :شوفي ا ايماان زوااج رله سنة الحيااة وربي حلل التعدد
هزات عينيهاا فييه مفاهمااش وهوا كيسبح وكمل كلاموو وقال: واش بغيتيي راجلك يهز دنب مرا خراا بغيتي دموبها يخرجو فيكم
ايمان: ع علاش غيخرجو فيناا
الحاج: ديك السية منهار حلات عينيهاا وكلشي عارفهاا مرت ولدي كبراات وتخطباات لييه وكلشي عاارف هدشي ونهار مشاا بقات كتسنااه تمن سنين هاديي بقات بلا زواج حيت ابنتي اللوعد والكلمة هوما كلشي وانا ديك بنت خوياا بسبابي وبسباب حذيفة ݣراناتها تزوجو وهيا باقة كتسناا لوعد لي عطيتهاا واش ماشي خايبة فحقهاا
شوفي الله ارضي علييك هاا مك لطيفة ومك ربيعة ضريرات ولكن دايرين كتر من الخوتات وحدة تولد والتانية تربيي ومافيها تاعييب الى حذيفة زاد المرة التاانية او وفينا بالوعد لي عطينا لديك البنت حيت غيبقا فوق رقبتيي
نتي غتكوني معززة مكرمة وهيا كدالك ،وهدشي ابنتي رااه حلال ومن حقوو مدام قادر عليكم بجوج فمكاين لااش تجي فطريقوو
بقات مخرجة عينيهاا بحال الى كتفرج فشي فيلم ديال الرعب ولات كتشوف غير فمو كيتحرك والهضرة مخربقة كتوصلهاا ،حسات بالسخونية طلعاات معاها وحناكهاا حماروو
معرفاتش شنو وقع تخرجات من عندو شادة فلحييط طلقات منو جامدة مخنووقة كتحيد فالزيف لعبااية وكل مرة تعطل بدرجة
كتعاود الهضرة فعقلهاا ناوية تق_تل كل انش مازال قوي فيهاا كلامو لقاها كلها معطووبة وملقاا فيين يششد
دخلات كتنهج كلسات فنص البيت على ركابييهاا حاطة ايدها فلارض والدموع كيقطرو فالارضية
كتهز راسهاا لفووق كتلقا السقف مواضحش كتشد فرااسها كطرش حنااكهاا باش تفيق من هاد الحلمة والوو
كتهضر بوحدهاا ،تبكيي كضحك على راسهاا على حياتهاا
ناضت تكمشات سادة لباب بالساروت من لدااخل وكتفكر كلامو
انا مامعاكش فهاد الوسخ نتي بووحدك فييه
* متجيش فطريقو هدا راه حقوو ومحللو لييه الله *
*الى مشاو حتى شافو هاد الشووهة ميخليوكش دقيقة وحدة مع ولدهم
*لبلاصة لي دخلتي لييها ترونيهاا وتزيديي
ناضتت كتمشيي وتجي وكتهضر فنفسهاا وتفرك فايديهاا وكتبكيي
ايمان: بغاو يدوك ليااا هءهءهء لا لاا مغانخليهمش هءهءهء ربيي دا ميي وهوما بغاو يديووك هءهءهء منقدرش نخليييك
هزات تيليفونها كتصوني لييه لقات العلبة الصوتيية كتصوني وتعااود وتصوني وتعااود مجاوباتش على اتصالات وديان حيت عقلها مبقاش معااهاا
جات اسراء كدق باش تعشاا قالت ليها نعست ومشاات وبقات مع هلوستهاا
كتسنااه بساعة وجوج الضواو طفاو وكلشي نعس الا هي عينيها فلݣمرة باكيين
كل مرة تسجل ليه اودييوو
ايمان: ءهء علاش كدير لياا هكا علاش هءهء حذيفة جاوبنيي رانيي غنتسطاا بوحديي هءهءه
دازت عشرة الدقايق ورجعات سيفطات لييه وقالت: هءهءه واش غتزوج وتخلينيي هءهء حذيفة راه منقدرش نعيش بلا بييك هءهءه منقدرش نشاركك مع شي وحدة هءهءهءه حاسة برااسيي غنمووت بلا بييك (بضعف ) نسمح فكلشي على قبلك ولكن متسمحش فيياا هءهءهء ماديرش داكشي لي دارووه فييا
دازت ساعة ورجعات سيفطات لييه من جديد كانت قراابة الربعة تاع الصبااح بصوت بااح بكترة البكاا وبدات كتهلوس وكدخل وتخرج فالهضرة : شووف سمعنيي بغيتي تزوج هءهءه نوافق ولكن متخلينييش وتبقاا عاايش معاياا (سكتات كتبكي لمدة طويلة كتشهق بلبكا )لا لا لا منقدرش هءهءهءءه منقدرش هءهءه منقدرش قت_لني ومتخلينيش (برجاء وضعف)جاوبنيي عفااك توحشتك واش سخيتي بياا ؟
ادان الفجر تسمع وهي عينيهاا لاصقيين فالسرجم والظلام مكترمش كتشوف بنظرة بااردة
هزات تيليفونهاا باش تسجل الاوديو رقم 15 ليه كيتسمع فييه الادان وقالت: عارفة خرجت ليك على حيااتك دخلتك معاياا فهاد الوسخ مقصدتش سمحليا
حياتي بلا بييك معندهااش معنى ،مقادرااش نعيش احذيفة(كتبكي بحرقة)عفاااك عتقنييي من هدشي هءهءهءه حاسة برااسيي كنضييع وغندير شي حاجة فرااسي هءهءه مبقييتش قاادرة منقدرش نأدييك معاياا (سكتات مخلية الاوديو دايز ) كلشي فيا لدااخل كيضرنيي ،محساش براسي مزياان (كتحرك رجلها )رجليي باارديين وفياا التبووريشة وقلبيي كنسمعو كيضرب بشويية ،غير جاوبنيي بغيت غير نسمع صوتك ،معمري بغيت شي حد قدك ففف (تنهدات ) توحشت دارناا توحشت بيتيي ومشتيي ولورد لي كتجيب ليا كل صبااح ههه بقا تجيبو حتى فلبيض حتى هوا زويين (بدات كتبكي تاني)هءهءهء غتجيب ليها حتى هي الورد ؟ غتبووسهاا ،غتعنقهاا ؟ غتعيش معاها كيف عشتي معااياا ؟ (بهمس )منقدرش احذيفة منقدرش نشوفك شي نهار مع غيريي ،طاقتي تسالات هناا ومبقيتش قاادرة نكمل هءهءه كنبغيييك كنبغيييك وقدما قلتها مغتوصفش شوية من داكشي لي كنحس بيه من جيهتك هءهءه (كتمسح فعينيها )عوضتيني على بزاف تاع الحوايج وانا فالمقاابل درت لييك الشوهة مع عائلتك وخلييت الناس كيقولو فييك شي حواييج مكاينينش هءهءه سمحلياا عفاااك سمحلياا
حطات التيليفون ونااضت والدوخة شاداهاا شعلات الضو حلات الماريوو كتجبد ف شي حاجة تلبسها حيت كلها كترعد هزات سورفيت وفوقهاا تيشورت كم لبساات تقااشرها وسبرديلتهاا
ورجعات كلساات سيفطات اوديو اخور وقالت: غير قولياا فينك انا نجي عندك
هزات صاكهاا هزات فييه تيليفونهاا و اوراقها الشخصية وبقات كالسة كيف لجمااد حتى مشااو عينيها لسيرو ديال المعدة والكين لي حدااه بدات كتحيد فلكيين وتخوي فلقرعة حتى خوات 30 حبة فلقرعة وكملاات ب الدوا ديال النعااس لي كان عندها
هدشي لي قاليها راسها وهدشي لي طبقات بالحرف
دارتو فالصاك وسدات كتقلب على لكاسكيط والنظاظر هزاتهم ودورات ساروت الباب بشوية وقلبها كيضرب لقات الضو طافي غير ديال الجردة لي بان ليها شاعل من الشراجم عرفات بلي مشاو يصليو الفجر هبطات فدروج بشوية طلات فدار بان ليها الضو شااعل فبيت لطيفة والبيت لاخور المخصص ل ربيعة كيصلييو هبطات مع الدرووج حلات الباب تاع الدار بشوية كطل بعينيهاا مبان ليها حد وخرجاتت ساداه وراهاا خرجات من الجردة ومشات مع الحييط حتى بعدات على الدار وقطعات الطريق كتجري وحابسة البكية حتى بعداات وطلقااتها كتنخصص والظلام و الدنياا خااوية غادية وكدور وراهاا محسوسة وخاايفة خطوة على خطوة الضو بدا كيبان وهي بعداات على الداار حاسة برهبة وخوف وصدااع فرااسها كيهيئ ليهاا اصوات وخطوات وراها
وصلات لداارهاا عرقاانة مع طلوع الشمس كتحل الباب وكدور وراها تسدات عليهاا شعلت الضو وكلساات فالضس مكمشة كلها كترجف
الخوف والوسواس كلاا داكشي لي كان باقي فعقلها باش يستوعب شنو كدير كتشوف فالداار خاوية كدور فعينيهاا وكتخبط راسها مع الحييط وحناكها وعنقها بانو فيهم شراطي تاع الندبة لي عطاتهم بالليل جبدات تيليفونهاا على امل السعاتي تهرس داك الشتات لي بقا فيهاا من بعدما لقااتو مداخلش بتاتاا
رجعات صونات فالنمرة كذلك طاافيية دخلاات لانسطا والفيس لقااتها تقلباات كتر والهضرة كتيررة وباجات الفضيحة وصحافة الفضيحة لي كيطلعوو لبااج على دموع النااس والشووهة ديالهم دايرين خدمتهمم الامر لي ضرها كتر هوا مطلعينها على حذيفة بصورتوو الشيء لي دمرهاا كتر وكتر من صورتها وهضرتهم عليهاا
حاطين تصويرتو وكاتبيين بصحتك التيسااع فالخااطر
كدوز جوج ديال لي بوسط كاتلقاه تاني عليهاا وكاتبة
“الله ياحنيني الله كنتي مستور معارفك حد نهار بنتيي هزوك فلعمارية ههه”
رجعات لسطوريات ديك لبااج لقاتو حاط على حذيفة تااني وقال : باش نزيدكم معلومة اضافية هدا خونا الديو_ثي راه ولد المحمدية وبااه راه راقي معروووف فالمحمدية ياله لي قلعوو غنخلي ليه المهمة ديال يختاار الشوهة التالية
شدات رااسهاا والعرق هاابط معاهاا كحالت الدنيا وغادياا وكتكحاال علييهاا ديااق صدرها كثر ولات حاسة براسها كتغرق
تمنية تاع الصبااح ضربات والشمش دخلات من الشرجم المقابل معاها عينيها كيف نقطة تاع الد_م ربعات فلارض حاطة قدامهاا قرعة ديال الدوا وشادة التيليفون داخلة لانسطاا حلات لاايف والدموع فعينيهاا وايديها كيترعدو كل مرة تمسح بكم الترييكو والتعاليق كيطلعو ليهاا كاين لي بلعربية كاين ل بشي لغة اخرى معارفش شنو واقع كيسول شنو سبب البكاا
كتبكي وكتمسح وقالت: حليت هاد اللايف غير باش منكوونش بووحدي
من ديما كنت وسط الناس ولكن حاسة برااسي بووحديي (كتبكي)ومعرفتش علاش هاد الحقد كلو من جيهتي معرفتش علاش ملي كنت صغيرة كيكون فطريقي ليي مكيحملنيش ولي باغي لياا غير الحاجة الخاايبة
هضرات بحرقة كتبكيي :هءهءه انا مخااايبااااش مخااايباااش والله مخااايبة هءهء علاش دارو لياا هكااا علاااااش هءهءءه قلبي كيتقطع حاسة بييه غيسكت رجعت بوووحدييي
ياك كضربو فياا اناا هوا شنو وصلووو هوا شنو دخلووو باش تقلبو لييه حيااتوو علااااش
الوحيد لي بغيييت ملي كانت عندي 18 وهوا فقلبييي هءهءهء جيتو نتوما فدقيقة
ربي عطاني جوج ديال النااس فهاد 26 عاام (كتبكيي)وكلهم مشاااو شنو ندير داباا شنوو ندير حياتي تسالاات ومعارفاااش شنوو ندير هءهءهء علاااش دارو لياا هكا ؟
سكتات شوية وعينيها طابوو مقدراتش تمسحهم مزال ونطقات برجفة: كيفاش مي وباا لي ولدووني محنووش فياا غيحن فياا لي مكيعرفنيش ! هءهءه كيفاش هذا ولا هادي كتعطيها خاطرهاا تهضر فاعرااض الناس واش مكتحسو بوالو ملي كتنعسوو
علاش انا حياتي عداب منهار حلييت عينيي (كتبكي) معندي حتى ذنب وكنخلص كل نهار على حيااتيي
انا مبغييت والوو خودو كلشي فلوووس شهرة كلشي هءهءهء عطيوني غير حياة زوينة مع الانساان لي بغيتو من قلبيي تمنيت فييه كلشيي
انا لي كبرت بلا واليديين وهوما حييين انا لي كبرااتني ميمتيي وماتت وانا ناعسة على ايدهاا هءهءهءه لاحونيي فالشتاا ومحن فيا حد
علاااش واش مامنحقييش نعيش بحالي بحال النااس ! معنديش لحق نفرح شويية هءهءهءهءه رانيي عييييت اربيي عيييت مبقيتش قاادرة صاافيي ،صااافييي ،الدنيا وقفات هنا مبقيتش بغيت نزييد والى زدت غادي نزييد نتعدب كتر وانا مبقيتش قاادرة صافيي
بقاات مدة حالة اللايف ساكتة كتشوف فاص ليهاا كتهبط عينيهاا كتلمح شي تعليق درجة الوعي لي وصلات ليه مبقاتش مركزة فلحرووف مبقاتش قادة تعرف نشو مكتوب فدييك الجملة رجعات راسهاا على الحييط سادة عينيهاا لمهلة من الوقت ورجعات حلاتهم بحال شي سكراانة طاح التيليفون على رجلها ورجعات هزااتو كتمسح فعينيهاا وقالت: يمكن جا الوقت باش نساليي
يمكن جا الوقت باش نساليي كلشيي حيت مبقيتش قاادرة نكمل فتحااجة كبرت بوحديي وتكرفصت بوحدي ورجعت بوحدي وانا منقدرش هءهء اناا خااايفة هءهءه خاايفة ،،خاايفة
قطعات اللايف مغمضة عينيهاا كطلع النفس بهدووء فااشلة
كان كالس فغرفة فلاوطيل شاد كاروو ومقابل مع لبالكوون حتى كيسمع دقان قويي فلباب ومجييد كيعييط لييه مشاا كيجري لجييهة الباب
مع حلو بان ليه مجيد كيهضر فالتيليفون وقال :صافي قطعيي صافيي
حذيفة : اش واقع
مجيد: فين تيليفونك ؟ واش معاايشش مشفتي والوو
حذيفة: تيليفوني فالطموبيل اش واقع
مجيد: مرتك اصااحبي حاطة لاايف
حذيفة: كيفاش
جر ليه التيليفون لقاه داخل لكونفيرصاصيون ديال زهور مسيفطة ليه لييان وكاتبة مجييد شنو واقع مال حذيفة وايماان
دخل ليان لقاهاا قطعاات وسد الباب هابط لطموبييل مخلووع مفاهم والوو
خلاه فالطموبيل من بعدما علم مو بليي باايت ف كازاا باش دير بالهاا مع ايماان ، باش حتى هوا يفكر ويعرف شنو يدير خلاها فايدي اميينة اشنوو وقع شنو طراا
مشا بجري لطموبيل ومجيد تابعوو كيهضر مع مرتوو وكتقولييه شنوو فلايف ولكن صحاب الحسنات كتااار اللايف تسجل وتنشر حتى هواا
وصل لطموبيل كينهج حل لبواط جبد تيليفونو كيشعل فييه ومجييد حداه تيقوليه شنو قالت
مع شعل التيليفون وتكونيكطاا مع الريزو والويفيي تبلوكا بكترة المساجاات فواتسااب المساجات ديال العلبة الصوتيية فالتيليفوون جوج اتصالات هاد الصباح من ودياان من مرااد
حس بخوف رهيب عمروو حس بييه بداو ايديه كيترعدوو ومعارف شنو وااقع عارف مرتوو فالداار
صونا ليها لقا تيليفونها طافي ديك السااع شد الطريق ومعاه مجييد فالطموبيل
مجيد :عطيني نصووݣ قبل ماتقلبنها ..كون تسمع اصااحبي
مزادش الهضرة هبط ديك السااع ضار لجهة التانية شاد تيليفونوو مبغا يقرا دوك الاوديوات حتى يتاكد فين كااينة دخل لجي بي اس ديال تيليفونها حتى كيتصدم بلي الموقع ماشي فدارهم ولكن فعنوان دارهاا
صوناا لمحمد لقاها فلمحال وقال: الوو محمد
محمد: خويا بخير فيينك !
حذيفة: شفتي ايمان هاد الصباح ؟
محمد: لا لا انا ياله خرجت من الدار
حذيفة: رجع شووف واش كااينة الله احفضك دغياا هاني جااي
قطع معااه دخل لانسطا اول حاجة كطلع ليه هوا لايف ديالها تبارطاجاا قلبوو كيزدح مع كل كلمة وكيتعصر مع كل دمعة هاابطة من عينيهاا وكلمتها اللخرة شنجات علييه كاع الاحاسيس
مجييد: مشكيييلة هادي
دار لكيت ودخل يشووف الاوديوات اخر اوديوو كان مع السبعة لقاها الليل كلو كتسيفط لييه كل ساعة كتسيفط
انهياارهاا ،ضعفهاا،بكاائهاا،المهاا،حزنهاا
مجيد مسمعش ولكن شاف حذيفة شد راسوو وقال: ياربي اش درت
مجيد: اش وااقع
حذيفة: كسيريي دغيااا ودغياا دغيااا
مزال كيسمع صونا محمد اكد ليه بلي مكاينااش
حذيفة: سير ليا لهاد العنوان بالزربة اخوياا اناا جاااي فالطرييق
محمد مكانش من لعاكزين كان عندو سكوتر هزوو ومشا قصد العنوان لي عطااه حذيفة والنعت ديال الدار مشاا كيزرب لجيهة الباب مع اتصال ب حذيفة
محمد: الساروت كاين فلباب على براا
حذيفة: دخل شنو كتسناا
محمد مزعمش وخااف جبد كلينيكس من جيبو ودفع لباب كيعيط باسمهاا وقال: مكاينااش بلاتيي
حذيفة(طاح ليه النص ): شنوو شنوو دوي
محمد بان ليه التيليفون محطوط فلقنت وفوقو الخاتم وقال: كاين تيليفونها والخااتم
حذيفة: دخل لبيوت
دخل قلب وقال: مكاين والوو
**
على حافة الجرف حطات رجلها تطاح التراب لتحت كيضرب فيها الرييح وهي كتشوف فلبحر مقابلة زرقة عينيهاا معااه باكيين حمريين مدمعيين وشفايفها ناشفيين بيااضها ولا صفر وفيها قمشات فوجهها وهابطيين حتال عنقهاا فين كاين سنسلة ديال نعيمة
مكانش جرف عاليي بزااف ولكن كلو حجر مقنت كيضرب فيه لمواج كيوصل
طلقات ايديهاا فلهوااء حالة فمهاا يدخل لريتهاا هواء نقي لعل وعسى يصفى ذهنها الملوث ولكن نفسها الامارة بالسوء رسمات خط كحل حول حياتهاا وخرجات بنتيجة ان الموت هوا الخلاص الوحييد من هاد العذاب كاامل غمضاات عينيهاا كتدكر صور ولحظاات قرااب لقلبهاا
حتى سمعاات فودنيهاا صوت نعيمة كيعيط لاسمهاا قفزها ترجعات اللور
كتقلب وكدور بعينيهاا فالارجاء الخااوية كتعييط ميي بجهدها كاامل وكتغوت بصوتها البااح وكلسات فلارض كتبكيي
رجعات وقفاات كتجري لناحية الطرييق كتقلب بعينيهاا وهي كتجري فالطرييق خداوها رجليها لمحطة الطرقية كتسمع “كازا،كازا ‘
مشاات لعندو خدات ورقة وخلصاات وطلعاات حاطة راسها على الزاج دايرة نظاظر وكاسكييط
فهاد الوقت حذيفة دخل للمحمديية وعينيه كيشوفو هنا وهناا لربماا تباان لييه مشاو نيشاان لداار هبط كيزرب فلخطوات داز فمو وباه عند الباب كيسولو اش واقع طلع لبيت يشوف شنوو هزات
دخل لقاه كيف خلااه حوايجها مزال فبلاصتهم هازة ورااقهاا فقط مع بغا يخرج بان ليه الخاوي ديال الكيين مشا مخلووع كيشوف كيلقا الدوا لي عاد شراو البارح كلو خاوي وشي حبات فلارض والقرعة ديال الدوا تنعاس حتى هي خاوية السيرو تهوا مكااينش
هبط فالدرووج هاز لخاوي ديال الكيين وقال: مي ياااك وصييتك علييهاا اميي امنتكم عليهاا
لطيفة: وانا عند بالي ناعسة اولديي لبارح مرضات بلمعدة شربات دواها عيطنا عليها تعشا لقاتها اسراء نعساات اولديي شنو عرفني غتخرج وعلااش
الحاج: لمرا لي تخرج بلا شوار رااجلهاا زوجة صاالحة تبارك الله
حذيفة: شكون هضر معاها على الزوااج ؟
الحاج: حسابني واش هادشي علاش غواتك واصل لبارح وتكلمت معاهاا مقلت ليها تا عييب
مجييد: بابا شنو وصلك لهدشيي واش بغيتو تزوجوه بزز بحنان ونعل الشيطاان
حذيفة(بصرااخ) : واااا مغاااديش نتزوجهااا
لطيفة(بغات تبردو وشدات ايدو): صافيي نعلو الشييطاان اولديي عفااك
حذيفة: باااا الى وقعاااات شي حاجة لمرتيي بم
جروو مجيد بزعفة ونهض فييه وقال: حذيفة توكض شويية راه بااك هدااك زيييد زييييد من الهضرة شوف مرتك
خرج لايح لباكية من ايدوو اسرااء فدروج كتسمع ومحمد حدا الباب
الحاج: فين غتكون هادي مشاات
محمد(حرك ايدو ) : الله واعلم
لطيفة: غلطتي الحااج مكنتيش تدوي معاها على الزوااج وبيناتهم واش بغيتي تزوجو بزز من البنت
الحاج داير ايديه ورااه وسكت كيرمش وقال: سمعتييه اش قال بغا يقوليا منسمحش لييك يااك
لطيفة: ساعة الغضب يارب غير تكون بخيير فين غتمشي معندهاا حد تء يارب تلطف
الحاج ندم وبقا غير سااكت هوا ظن بليي حذيفة فاتح ايمان فالموضووع داكشي علاش كيغوت معاهاا هوا بغا غير يرطب الوضع ويشرح ليها سبب حذيفة على الزواج
بقا بالهم حتى هوما مشغوول
حذيفة ومجييد هاد المرة هوا لي سااݣ حيت كيبان ليه بحال الى مجيد كيسوݣ بشوية هوا لي خاصو يتحكم فسرعتوو
مجيد: بشوية اصااحبي راه لي زرب تعطل راك دزتي منهاد الزنقة
حذيفة(وقف فسطووب ): فين غتكوون فيين …نمشي نديكلاري ،تكون مشاات لكازا تزور قبر مهاا !
مجييد: متعرف اش كااين
حذيفة: على الله،على الله
شد طرييق ب سرعة فايتة الحد حتى وقفوه خلص مخالفة وهاد المرة بلغوات مجييد لي سااݣ وهوا كيسمع فلاوديواات وقلبو كيتقطع ، الهضرة لي تقالت علييه مجاتوش سااهلة يتقبلها فكر يبقا بعييد باش ميوقعش شي نقاش كبيير خلاهاا فدارهم يعنيي بأماان موصيي خوه موصي موو
طفا تيليفونوو باش ميشوفش اش وااقع ويزيد يمرض ولكن دابا رجع اللومة لرااسوو كون جاوبها تحاجة من هدشي مغتوقع
دازت علييه ساعة من الجحيييم وصل ل مقبرة ودخل كيقلب بعينيه مبان ليه حد خاب ظنو ملي ملقهااش هنا حس بالدنيا بدات كديق بييه
كانت حطات رجلهاا فالاقامة فين كبراات بنظاظرااها وكاسكييط كالسة فنفس الكرسي المعهوود مقابلة مع الشرجم لي سنين طويلة كانت كطل منوو هنا فيين بقات لا حنين لا رحييم هناا فيين جرا عليهاا اللول وجرا عليهاا التااني تاحد ماحن فييهاا
مشات لجانب العمارة فين كان باهاا وترددات كلماتو فعقلهاا ملي لااحها برا وسد الباب
وتردد جوابها لييه وهي كتقول: الظلم ظلماات يوم القياامة
خرجات من تماا ومشاات كتجر فرجليهاا غادية لجيهة مهاا حبيبتهاا والانساانة الطيبة لي ريحتها مسك وعنبر فنيوفهاا
دخلات ل مقبرة مزنكة بالشمش مع وصلات طااحت حدا لقبر بعيااء وتعب نفسيي وجسديي حاطة جببهتها وفمهاا على الشااهد كضرب باييدهاا وتبكيي
ايمان: مييي وااا مييي انا جيييت ياك قلت لييك دفنتي ايمان معااك شكون هادي لي خليتي وراك كتعدب هءهءه عييت اميي بغيت نرتااح مبقيتش قاادرة
كلسات على ركاابيها كتنقي الشواائب من لفووق كتبووس فترااب وكتشم فييه
“
مجيد: شنو داباا فيين كدوور واش كازاا مدينة صغيرة ياله ديكلاري
حذيفة: غنرجع لروضة
مجيد: قلبتي تماا
حذيفة: نرجع على الله ،هاديك هي لبلااصة لي عندهاا
**
كلسات على ركابيهاا كتحيدد الشوائب والشمش ضاربة فيهاا لرااس مزنكة والعياا شاد فيهاا
ايمان: مييي واش مكتحسيش بهاد الحرارة (مسحات نيووفها كتنقيي فلحجر ) انا جااني الصهد ..غيكون مصهدك هاد الترااب وهاد لحجر،كيجيي يزورك شيي حد ؟
ترابك نااشف امي عمروو تسقاا هءهء
تكات فوق قبرهاا كتبكيي لتواني حسات بلهدوء والسكيينة وعينيهاا تسدوو تكتسمع اسمهاا من جديد ناضت قافزة كدور فراسهاا
ايمان (شادة راسهاا): ميييي ،ميييي حمااقييت هء وااااميي
جاها تاني صوت نعييمة فودنها خربقهاا ولات كتحرك بلا عقل وتوجهاات ل قبر وقالت: مييي بلاااتيي هءهء ميي
بدات كتلووح فلحجر وكتغوت: عتقوووني وبغييت نخرج ميي
كتهز راسهاا مكيبان ليها حد كترجع تحفر بيديها وظفارها لي عمرو ترااب ودموعها كيقطروو
حط الطموبيل بقا مجييد فيهاا وهواا خرج كيقلب بعينيه تدخل لمقبرة وباانت لييه حس بالفرحة وتقلب عند مجييد اشار ليه بلي كااينة ومشاا عندهاا كيزرب محدو كيقرب كيشووفها كتهضر بووحدهاا وكتحفر فالترااب
حذيفة: ايماان!
خرجو عينو ومشاا كيجري لجيهتهاا بعدها من القبر وقال: اييماان اش كديريي
ايمان: جييتيي ! ميي فيها العطش شووف كيفاش ترابها نااشف
عاونيي عاونيي ننن نجبدها تشرب …بلاتي بلاتيي طلق منيي بلاااتيي تء صبر
طلق منهاا بالصدمة بقا كيشووف شنو كدير
رجعها اللور شد حنااكهاا وقال: ايماان رجووع الله شوفي فيياا كليتي شي حااجة هااات شربتي شي دواا جاوبيينيي
ايمان: لا لا مشربت والوو (شدات فايدوو )بلاااتي بلاتيي (شداتو من ايدوو)عاونيي عاوني نجبد ميي راه مزال حيية كنسمعهاا كتعييط ليااا(كتبكيي)غنحماااق هءهءهء حذيفة غنحمااق
طلق منها وهز الصاك كيقلب فييه لقاا السيرو عامر مشربات منوو والوو كيقلب على الكيين ملقا والو وكون شربات ديك الكميية كوون ماتت ماشي غير كتهلوس
رجع جرها بلخااطر وقال: وخة غنعاااونك وخة شوفي فياا لكيين فينهواا هم جاوبيني احبيبي شربتي شي حااجة !
ايمان(حركات راسهاا بلاا ): ياله عاوني عفااك هءهءه عاوني راه غتخنق هءهءه عفاك عاونيي
رجعات كتحفر فالتراب بهستيرية وهوا كيشد ايدهاا وهي كتجبد لتراب ووكضرب فايدوو ماشي بحال الحمقة ولكن فعلا قاسها الحمااق
هزهاا من وسطهاا وشداات فرااس القبر كتجبد حتى خرجو من وسط لقبوور وهبطههاا يهدنهاا
كالسة فالترااب خاشيها فحضنوو وعينيهاا لاصقيين ف لقبر وقالت: راه غتخنق راه غتمووت هءهءه راه سمعتها كتعيط لياا
حذيفة: رجوع الله ،رجووع الله
بقات ساكتة مدة تحس بيهاا سكتاات وقالت: فيين صااكي ! بغييت صااكيي
كايقلب حداه ملقااهش خلاوه حدا قبر المرحوومة وقال: نجيبو ونمشييو صافي
حركات راسهاا بااه غير هوا دخل وصل جنب لقبر معرفهاا امتاا نااضت بجهدها كامل كتجري لخرجة مع شاافهاا غوت بسميتهاا وتبعهاا وهي هاربة بكاااع جهدهااا
خرجااات وتابعها مخلووع لانو الشاانطي على الباب
حذيفة: وقفييي ايمااااااان
مسمعاتش لييه ومشاات قاصدة الشانطي تسمعوو كلاكصوون مجهد خلا ايماان طير فلهوااء وتجيي مرميية فقنت الطريق بداك جهد كاامل لي كان جااي بييه لاحهاا فالطرييق
مشااا كيجريي عندهاا ومجييد ورااه قاطع الشانطي كيجريي مخلووع ياله بغا يقرب لييهاا بعدوو وحذيفة كيغووت تطلقوو مع قرب كيشووف تحت راسهاا دماايات كثيرة ونص وجهها محروود مبقاتش كتحرك جسمهاا قرب ليها باييدين كيرجفوو ومجيد بعد من منظرهاا كيصوني لاسعاف
حذيفة: ايماان كتسمعيني (بضعف)شنووو درتيي شنوو درتيي ايماااان ،ايمااان
كلس محيد القميجة وبقا بتريكو ابيض حاول يحبس الد_م بدااو عينيهاا كيتسدو
حذيفة: بقاااي معااياا حليي عينييك ،كتسمعييني ايمااان شوفيي ايماان
حس بيها كتصاارع نفسها باش تنفس حس انه النهااية وهز ايدهاا وقال: شهديي ولو فنفسسك شهدي
قلبوو كيتعصر حضنها على رجلوو حط راسوو على جبهتهاا كيبكيي من هول منظرهاا وحس بلي فقدهاا وضاع حب حياتوو قدام عينيه
الحيياة قصييرة وفيهاا الزويينة والخاايبة
ربي موضح ليينااا كل طريق شنو فيها ولكن حناا كناس كيطغاو علينا الشهواات
عينينا كيتعمااو على بعض الحواايج كنساو راسناا
الموت والحيااة جوج ديال الحوايج مرتاابطيين ب بعضياتهم ،شي مراات ربي كيختاابر صبرناا بفقدان اعز انساان فحياتناا .كيشوف صبرناا ودعاائناا لييه كيفاش داير
رغم ان المو_ت حق بحالو بحال الحيااة ،كيبقا صعيب التقبل وماشي كلشي كيحمد علييه الله ويحضر العقل فوقت الشدة والازمة
ارتبااطنا بالاشخااص كيخليناا متشبتين بيهم كطوق نجااة او كحصن ممنووع انه يموو_ت او يمرض ولا يتقاس كيبان لييك مقدس ومخاصوش يغادر حيااتك
فجأة كتجي السااعة وكطيح فالصدمة وعدم التقبل ان المو_ت والحيااة وجهااان لعملة وااحدة …
سمااء صاافية وهاادئة سيارة الاسعااف كتخلي كل واحد فدارو يقول “يارب السلاامة ” “الله يلطف بما انزل”
كلمات كنرددوها كلما تسمع صوت الاسعااف لي مكيخفااش قلبك كيتهز وكتفكر لمو_ت فلحظة ،فما بالك بلي راكبهاا ومتمدد فوق البيااص ميـ_ت او حي
**”
كل فترة ولها صاحب وكل دقيقة لها عزيز، لذلك لا تتعلق بأحد، فكله يذهب ويأتي غيره.
إذا تأملت الطريق المؤلم المتعب ستجد فيه ساعات فرح وسعادة، ليس هناك ألم دائم، وليس هناك سعادة مطلقة فهون عليك.
**
الوقت طوالت والد_م ضااع ولات صفرة وبااردة بيين ايديه تجوقات الدنياا والبوليس وصلوو ولومبيلونص دارو ليهاا الطرييق فلبلاصة
عاونهم حتى حطوهاا داعميين عنقهاا على وجه السرعة ف سيارة الاسعاف الحمراء
مخلاوهش يركب معااهم حيت كانت حالتهاا خطيرة
المسعفيين معاهاا وهوا شادوو مجييد كلو د_ماياات
جرو لطموبيل ركب الاخير تابع الاسعااف لي اصلا جات معطلة
مجييد: وگض رااسك احذيفة ،وگض اخوياا
من بعد هاد الجملة ماتقال مازال والو حتى وقفوو قدام مستعجلات لكلينيك دخلوهاا على وجه السرعة معطاوهش فرصة بغا غير يسول واش مازال حيية واش غاتعيش شنوو فيها شنو خااصهاا
الدنيا ترونات فووق رااسوو وحس بيها تسلباات منوو فرمشة عيين كلس فلارض فلكولوار شااد رااسو ومجييد كيصبر فييه
كانو ايديه كلهم د_م سروالوو من الفخض فين كان متكييهاا و تريكو البيض تطلاو بد_مها الكثيير
مشا هوا تكلف بالمعلومات خدا لكارط ديالهاا من الصااك عطا معلوماتها ورجع كلشي لحذيفة لي كالس شاد راسو وقال: هانيي جاايي خلي تيليفونك شااعل
خرج خلاه جسد بدون رووح تكلف مجييد وعلم العاائلة وقصد لاوطيل فين كان هز من حوايجو دجيين وتريكوو وخرج على وجه السرعة رجع لعند حذيفة وخايف يوصل مع شي خبر يزعزعهم
لقاه كالس فبلاصتوو نوضوو باش يبدل بزز داه لحمام تماا غسل الد_ماياات لي علييه وبدل علييه وخرج كيتسنا الروح ترجع تطلع لييه
كل مرة يمشي يسول والوو مكاين حتى خباار
وضعوها تحت جهاز الرنين المغناطيسيي بلباس المستشفى يعرفوو الضرر فين كااين
جامدة بااردة صفرااء نااشفة من الد_م مازال القلب كينبض بشكل طفيف والنفس كطلع مقطعة كيحلو عينيها مقلووبيين
كيحرك الطبيب رااسو باسف
دخل لحاج ومعاه لطيفة و محمد و اسرااء مخلووعين حتى شافو حذيفة كالس مصدووم ومجيد كيمشي ويجي قداموو حاولو يهضرو معااه هوا عقلوو محاضرش راخي ايدييه فوق رجلييه وكيشوف فداك لباب امتا يتحل واش غيتحل بخبار زوينة ولاا غيقضيي على حياتوو
غمض عينيه كيسرط فريقو وهوا كيتفكرر لياام الزيينة لي دازت معااهاا فحظنوو وحلالوو
عاشرها بحب ونية صاافية وعاملها كيف لماا لقليل ، حس بنص دينوو وبنص حياتوو ضاع منوو
هي كتصارع باش تعيش وهوا كيصاارع باش ميتخيلش حياتو بلا بيهاا
جات موو حضناتوو ومسحات على رااسوو بااستوو ولمسات لحيتو بايديها وقالت: ان شاء الله ربي يلطف ،ربي غادي يلطف ،صبر راسك اولديي صبر رااسك ودعي معاهاا ان شاء الله تسلكهاا
فين هوا اللسان لي يجااوب كلسات جنبوو فلكرسي واسرااء واقفة جنب محمد تسلل لقلبها بصيص من الشفقة والحزن على ايماان كلشي كيتسناا الدقائق دووز
خرج الطبيب بلبااس ازرق من لباب وقف حذيفة مخلووع صفر كيتسنا لبشارة لكن ملامح الطبيب مكانتش كتبشر وقال: نتوما عائلة ايماان ؟
حذيفة: ايييه ادكتور واش بخيير فاقت
_منقدر نقولييك والو حالياا اسيدي ،اجي معااياا
جرو بعييد عليهم وقال: باش نحطك فالصورة اسيدي ايمان غيخصها عملية مستعجلة على مستوى الرأس وقع ليها نزيف داخلي
زائد عندها تلف فعصب الكتف حتى هوا غيخصوو تدخل ضروري عندهاا مشكل فالتنفس كلات دقة ف فقرات الصدر ديالهاا (حط ايدو على دراعوو ) الى كنتي مستااعد مضي لياا على لورااق باش نقدروو نتدخلوو دغياا ونديرو ما فجهدناا معاهاا
حذيفة: ولكن حالتهاا ماشي خطيرة ياك ادكتوور
حرك طبيب راسو باسف وقال: كل دقيقة كنضيعوها فلهضرة مهمة ليهاا ..غنسبقوو ليهاا العملية فالرااس ومن بعد ملي تفيق نشوفو كتفهاا حتى هواا … انا ك طبيب غادي ندير لي علياا اسيدي ولكن الاعمار بيد الله والعملية ماشي ساهلة خصوصا حالة ايماان الحرجة ..الدقة مكانتش سااهلة
وقف كيقرا فلورااق وكيسنيي عليهمم كيسنيي على تقبل اي حاجة وقعات لايماان كيعطيوه نسبة خطر العملية ونسبة نجاحهاا وانه ممكن يفقدوها وسط العمليية
مشيتي لسبيطار الدولة غتجرجر وميعطيوكش وقت ،مشيتي لكلينيك غتحط د_م جوفك ونتا معارفش واش هادشي فعلاا لي خاصو يكوون ولا كيشوفو الحالة مفقود فيها الامل وكيعمرو فلفلووس فكلتا لحالات ميقدرش يغامر ويضيعهاا
كلشي كيتعوض الا الصحة
صونا تيليفونو فالجيب لمدة طوييلة غير جبدو طلعات لييه نمرة وديان جاوبهاا ومن صوتها كانت مخلووعة ومشوشة وكتسول بلا متحبس
ودييان: الووو حذيفة علاش مكتجاوبونيش شنوو واقع فيين ايماان، حذيفة الووو اناا راني جييت هبطت فكازاا الوو حذيفة
حذيفة: حمم (مسح وجهوو) ويي كنسمعك
وديان: علاش ايمان طافية تيليفونهاا شنو واقع ، يكما وقعات ليها شي حاجة
حذيفة: ايماان دارت كسيدة (تنهد )كسيدة خاايبة و (مسح على وجهوو )ومعرفتش واش غنشوفوها مزاال معرفتش
وديان: اويلييي اويليي لااا متقوولهااش هءهءهء ميمكنش هدشييي ميمكنش كيفااش وقع فينك نتوما واش فالمحمديية
حذيفة: لا ف كازا فلكلينيك **
قطع معاهاا هاز فوق كتاافو هم قويي قاليهم شنوو قال الطبيب …..وقف مجيد معاه كيهضرو فالامور المالية العملية المبييت وزيد وزييد الامر مسااهلش ومامضروبش لييه الحسااب
مجيد: لخاصك شي حاجة احذيفة نتعاونو فيهاا
حذيفة: عارف لي كايين امجييد الحمد لله من ديك الناحيية ميسرة الاموور غير تخرج ساالمة كلشي كيتعوض
بعد مرور سااعة اخرى داخلة ودياان بلباس ريااضي كتقلب بعينيهاا علييهم
شافتها اسراء طلعاتها وهبطاتهاا قبل ماتوصل عندهم الشعر كحل مسبسب زغبة على ختها والفورمة بحال شي عاارضة
شافت حذيفة واقف ومشات عندو كتبكيي عنقااتوو تحت نظرااتهم كتشهق
بعدات كتبكيي وقالت: واش فااقت كاين شي خباار
حرك راسو بلا وقال: هاد الساعة مكاين والوو باقي كنتسنااو
نطق الحاج موجه كلامو لمجييد وقال: شكون هادي!
مجيد: صاحبتهاا
الحاج: لا حول ولا قوة الا بالله
لطيفة:الحاج
حذيفة: مجيد غير دي ماليين الداار مكايين مديرو هناا
مجيد: عندو الصح وقفتكم هنا معندها باش تفييد
وديان مشات كلساات فلكرسي كتبكي بحرقة كتحمل نفسها مسؤولية دوك التصااور لي حتى هي جبدو ليها مشاكيل مع باهاا ولكن ميكونوش اثرو فيهاا كيف اثرو ف ايماان
حسات بطبطبة من لطيفة على ظهرها وقالت: دعيو معااهاا راه الدعاء كيبدل الحال
حركات وديان راسها كتبكيي وتنخصص وكتلوم فرااسهاا وعلى طيشهم لي مضربوش ليه حساب يبان من بعد
الحاج: وصلنا غير عند عبد الله امحمد حتى نشوفوو اش كايين
خرجهم كانو جاو فطموبيل صغيرة ديال الحاج ولكن محمد لي ساايݣ داهم ل دار كانت اسراء رااكبة اللور حدا عكوزتهاا تشاافت كريم كيحل فباب طموبيلتوو ونطقات بصوت مسموع محركة رجل لطيفة: مي مي ها بابات ايماان
سمعها الحاج وقال: اش قلتيي ! بابات شكون فيين
اسراء(سرطات ريقهاا): بابات اييمان
تقلب لحاج كيشووف وقال: كلاكصووني عليييه كلاكصوونيي
محمد: علاش ابا
الحاج: اوووه ياوديي كون تسمع
فعلا نفد كلاموو كلاكصووناا حتى طل كريم باستغرااب وهبط الحاج مشا كيقاد فجلابتوو لسيارة كريم وقال: السلام علييكم
كريم :وعليكم السلام كاين شي مشكييل
الحاج: هبط اولدي نتكلم معااك في سبيل الله
كريم(طلعو وهبطوو ): هضر كنسمعك
الحاج: نهضرو فالطريق
كريم: سير الحااج بااان لياا نتا من صحاب السمااويي مدوزش علياا
الحاج: سم اشناهواا السمااوي ! الله ارحم بيها لواليداين جينا نديرو حسنة رجعتيني نصااب داباا ؟
كريم: اوى شنو هادي موقفني وسط الطريق مكتعرفني مكنعرفك باغي تهبطني صحة
الحاج: بلاش متهبط ،حيت الاحتراام لااا يفرض ، انا لله بغيت نخبرك بنتك ايماان راه فحالة لا اله الا الله دارت كسيدة خايبة راها ناعسة فكلينيك ** سير مارس الحق لي معطيتيهاش شوف شحال من عام هادي لوقت والزمان هدا ولكن بااين باااين اولدي المعدن ،الله اهنييك
مشا الحاج لطموبيل وهبط كرييم تاابعو والاخير متسوقش لييه طلع فطموبييل وطل علييه من الباب :اش باغيي داباا لاش هاابط
كريم: الحاج لحتي ليا جوج كلماات ومشيتي
الحاج(شافو من تحت النظاظر) : دابا مبقيتش ديال السماوي ولييت حاج
كريم: وغير سمح لياا وشرح لياا اش هادشي قلتي مالها ايماان
الحاج: الهضرة لي كاينة قلتهاا زيد امحمد لقداام
خلاوه وااقف وزادو لقدام عاد حطو الطموبيل وقال: وزييد لييك مع هدا رجعني كنضرب السمااوي
لطيفة: وراه معرفكش الحاج
الحاج: كيتانبان بالسلامة لي معرفنيش ! استغفر الله استغفر الله
هبطوو واسرااء كتقاد فشاالهاا تابعينهم من اللور هي ومحمد تطلعو لدار
حلات عليهم خولة لي علماتها اسرااء دخلوو عندهاا وقالت: مرحبا بييكم دخلوو
الحاج: الله اكبر بيك ابنتيي كاين عبد الله
خولة: مشا يجيب شي سخرة ويرجع دغياا
دخلو لصالوون مجمووعيين ونطق الحاج من بعدما كلس موجه كلامو ل محمد بالسوسية : صوني لخوك
فعلا صوناا لييه وهضر معاه وخولة كالسة مفهماتش الشلحة تنطقات اسراء: ماما ايمان دارت كسيدة
خولة(خبطات فصدرهاا ): اويليي كيفااش امتاااا اش وقع ؟
لطيفة: معرفنا ابنتي اش وقع ولكن دقتها خاايبة ومهبطيينها لبييت الخطر
الحاج: الى مزال مكتااب ليهاا عمر جديد الحاجة راه مزال غتشووف الدنياا نطلبو الله يلطف بيهاا وميعدبهااش
محمد: ان شاء الله ياارب
خولة: واش شفتوهاا خلاوكم دخلو عندها
لطيفة: لا ابنتيي شكون شافها مزاال مقالو ليه والوو
**
كالس حدا ودياان فلكرسيي كيتسنااو شي خباار تخرج طبيب ..تعجبوو حيت عند بالهم فلعمليية حتى خرج وقفو بجوج بخوف
حذيفة: وقعاات شي حااجة ؟
د: مقدرنااش نديرو ليها العملية .. للاسف فواحد اللحظة قلبهاا سكت متخاافش راه رجع ولكن الاكسجيين كان قليل مقدرناش نغاامروو ودخلوها لبلووك ،معرفتش شنو غنقوليك اولديي ولكن (تنهد ) دعييو معااهاا ..هبطناها للانعااش ونتمناو تجاوز مرحلة الخطر عاد نقدرو نديرو ليها العملية
وديان(بدموع): شنو عندهاا هءهء
مشاا حذيفة كلس فااشل شاد راسو مخلي ودياان مع طبيب كيشرح ليهاا الوضع من بعدما عرفاتو انها طبيبة
بين طبيب وطبيبة مكتبقاش حوااجز كيبدا يشرح ليها بشكل طبيي ومع كل كلمة كيهبطو دمووعهاا
الحاجة الوحيدة لي لقطوو سمع حذيفة هي: نقص الاكسجين ملي موصلهاش لرااس دخلها فغيبوبة فهاد الحالة معندنا منديرو من غير نتسنااو حتى تفييق
وديان: شحال تاع الوقت
_نتي دكتورة وعارفة الغيبوبة فحالت ايمان الى طولت (تنهد ) سمحولياا
مشا وخلاهاا واقفة ودموعهاا كيهبطوو ، حسباتهاا ختها من اول نهار تعااشرو ،معمر جاها من ايمان شي حقد ولا حسد ولاا نقااش
عشرتهم كانت نظيفة وزويينة وحسباتهاا ختهاا ،لي ختها شقيقتها مكانوش مفاهميين كيفما مفاهمة مع ايماان لقات فيها الصديقة الوفية المخلصة وبئر اسرارها ليي معارفاهم غير هي
كلساات كتبكيي وكتقوول:اناا سباب هءهءهء انا لي ديتها لديك الحفلة محسابش لييا ديك الموصيبة غتشربناا داك الوييل هءهء والله احذيفة مكنا عارفيين هءهءهء وتصاور تمسحوو معرفتش كيفاش لقاوهم
فين هوا لفم لي يجاوب ولا لعقل لي يحضر كالس غاايب وتفكيو منحاصر “كيفاش غنعيش بلا بيهاا “
صونا مراد فتيليفون ودياان وجاوباات كتبكيي عاودات لييه شنوو واقع
وبحكم كاين فلمغريب وفكازا نيت ديك السااع جاا
خرجات ودياان لبراا علمات باهاا لي محلف عليهاا صونات ليه كتبكيي وكتقوول: بابا ايمان كتموو_ت هءهءء صاحبتيي غتمشي لياا ابااباا هءهءهء كلشي بسبااابي كلشي ابابا كلشي
عاودات ليها شنو قال لييها الطبيب وحاول يطمنهاا وبلي كاينين شي أطباء الله يهديهم كيفاقمو الموضوع هدشي مولف بيه وعاايشوو وصاها تعطيه اسم الطبيب المسؤول عليها وفعلا دخلات وعطاوها الاسم وقطعات معااه
ومكان منهاا غير تفتح سطوري كتبكيي وقالت: عفااكم هءهء عفاكم دعييو مع ايماان هءهءه عفاكم مسحو ديك الشووهة مسحوو كلشيي راه ايمان كتموو_ت هءهءهءه
دارت اكسيدون خايبة وهي دابا بين المو_ت والحيااة (بدموع وصوتها كيتقطع ) دعيييو لياا معاهاا راه معندها حد من غيري انا ورااجلهاا وقلوبنا كتقطع عليهاا
مع قطعات بان ليهاا مراد داخل عنقههاا كيصبر فييهاا ورجعو دخلوو عند حذيفة لي عايش واحد الالم ربي بوحدو لي عاالم بييه لوكان يخرج دوك الدموع يحطهم حجر على قلبوو لي شاعلة فييه العاافيية
تنشر خباار ان ايماان دارت كسيدة تنشر سطوري تاع ودياان
وبدات الناس كدعيي وتحط فسطورياات
وكاين من المؤثرين لي باغي يطلع فوق موجتهاا ،بزاف الفنانين ليي طلاقاتهم شخصياا تواصلو مع مراد واكد لهم الخبر عاد حطوو سطوري بالخبر وبينوو تعاطفهم ودعائهم ليهاا
بعد الصحافة الالكترونية نشرات الخبر والذباب الاكتروني بداا كينبش ويحك على الضبرة لي اصلاا مجرووحة
خرج براا لطموبيلتو كيكميي ومغطي على وجهوو كيتنهد جا عندو مجييد حاول معاه ياكل شي حاجة والو واش بغات دوز شي لقمة فموو ، التازم الصمت والدعااء فقلبوو مباغيش يخلي الافكار السلبيية طرييق لييه
مقدرش يطلب يشووفهاا ،خاف يضعف خااف تكون شوفة قااسحة عمرو ينسااهاا
عكس ودياان تشجعاات وبامر من طبيب خلاها تدخل ولكن متقربش ليهاا
دايرة بافييط وبوني فشعرهاا ولبسة طبية مع ليݣات
مع دخلات طاحو دمووعهاا صوت جهاز التنفس صوت الة تخطيط القلب كلشي كيقطع فقلبها وهي كتشووفها غير الروح كطلع وتهبط فيهاا جيهة وجهها علاش طاحت محرود وجنب عينيها زرااق وتنفخ مدورين على رااسهاا فاصمة مبقا كايبان فوجهها والو بجهاز التنفس والخيوط فصدرهاا ويديها
مقدرااتش تكمل وخرجاات من تماا كتبكيي
ف مكاان اااخر كالسة نورة بكسيوة صيفية وشعر مصبوغ بالاسود ضاحكة وشابعة سطوريات مع واحد الربااعة ديال البناات ..حتى كيصوني تيليفونهاا ناضت هازاه ملي شافت نمرة خولة مشات كتقرقب بطالونهاا تبعدات من الصداع وجاوباات
نورة: االو خولة بخير
خولة :لباس ا نورة نتي لبااس
نورة: الحمد لله هانية الوقت شحال هدا مصونيتيي علياا !
خولة: نورة بنتك راه فلخطر
نورة(طاح ليها لما فركاابي ) : وكيفااش كيفااش واش عندك عليها شي خباار وصلاتك شي حاجة
خولة: كنهضر على ايماان واش مشفتيش شنو حاطيين راه دارت كسيدة ياله قالتها ليا اسرااء
نورة: خلعتييني ،ديك السيدة دارت حياتهاا الله اعاونهاا اخولة انا عندي بنت وحدة
خولة: نورة راك ام والكبدة كتغلبب راه تاهيا بنتك توجعتي عليهاا
نوة: هي عرفات هدشي لي كانت باغة دخلني لحبس نسيتي !
خولة: دابا خلينا من هادشي الموت والحياا هاديي وعدوزتها قالت لياا بليي ناعسة ف الانعااش وكملي من رااسك (كتبكي)بغيت غير نشوفها مخلانيش خووك
نورة: ماخويا ما ختوو …ركيزة لي كانت جامعاناا بنيناا عليهاا قبر اخولة وديك البنت تاهياا معندي بيها صلة الله اعاونها ولماتت الله ارحم
خولة: نعلي الشيطااان ا نوورة اش كتقووليي اش الحاصول الله اهديييك الله اهدييك
قطعاات عليهاا كتسووط ودخلات لانسطااغرام كتلقا ايمان موضوع السااعة غير لبارح ضدها واليووم متعاطفين معاهاا
رجعات لبلاصتها جنب صاحبتهاا وقالت: شتي اخر الاخبار
نورة: ياله وصلاتنيي
ضحكات صاحبتها وقالت: ومباينة فيك كاع مخلووعة
بقات نورة ساكتة كتقرا فشي مقال على ايماان من شي فنان معرووف وقالت: كلشي كيطبل لييهاا شوفي *** حتى هوا حاط
_ غير لي بغا يطلع كيجبدهاا اجيي نتي نييت مات لييك التفاعل اللحسة بردات ههه سيري شوفي بنتك اصاحبتي
نورة: مبغيتش نشوف كمامرهم
_ تس يسيري طيحي جوج دمعات تكسبي التعاطف راه الموجة لي جات تديهم هاد الوقت الدنيا غادية بسطورياات
بقات نورة كتفكرر وقالت: فكرة الصرااحة (رجعات صونات لخولة )الو خولة سيفطي ليا اشمن بلاصة كايينة
قطعات معاهاا كتفكرر وصونات لشخص فواحد الصحيفة وقالت: الوو *** اش خباارك !
_ بخيير امورك مزيان
نورة: نعطيك شي خبار فميكتها ولا بلاش
_اتيناا شنوو
نورة: ايمان كاينة فكلينيك *** نتشاوفو تماا
_وهادي خبار زوينة صافي مشاات طيحي شي دميعاات تبان علييك الامومة ههه
رجع لعند وديان لقاها كالسية وجا كلس حداها وقال: شفتيهاا !
حركات راسها باه فمها كيترعد وقالت: الله يشوف من جيهتهاا
دورات راسها لجيهة التاانية كتمسح فدمووعهاا هز حذيفة راسو كيتنهد حتى كيبان لييه كرييم جااي جيهتهم كيقلب بعينيه تشاافهم و قصدهم
هنا حذيفة وقف شافتو وديان وشافت فكريم مطولا الشوفة فيه قبل متربط الشبه وقفات وقالت: كيشبه ل ايمان
قبل ميجاوبها وقف كرييم وشاف ف حذيفة وتفكر فيين شاافوو وتفكر هضرتوو ليه داك النهاار
كريم: حم السلام علييكم
وديان: السلام
كريم(شاف ف حذيفة ) كيف ..كيف بقات ايمان
بغات تهضر وديان وقاطعها حذيفة وقال مخنز : شكون ايماان
كريم(تنهد ) : ايمان ** انا باباها
حذيفة: سولتك يااك ،سولتك قلت لييك عندك لبنات قلتي ليا عندي بنت و ولد مدكرتيش ليا عندك جوج بنات
كريم : واش غتحااسب معاياا
حذيفة: شكون انا باش نتحااسب معااك ولكن من حقي نعرف شكون كيسول على مراتيي
كريم(بنفاد صبر ) : راني باهاا
حذيفة: مكنعرفكش وعمري عرفتك باش نقولييك ايمان كيف بقاات ،سولتو فيها فحياتهاا بقا غير ملي طايحة كومة ،لاش جااش شنو بااغيي مكفاكمش لي درتوه فيهاا ؟
كريم: شوف اولديي
حذيفة: اعتارف غير بلي عندك بعداا عاد هضر
خلاه ماد ايدو كيعبرر خلاه بلاكة وبعد فلبلاصة تبعاتو ودياان لجيهة التاانية
جمع كريم ايدوو ومسح وجهوو كيتنهد ومشاا كيقلب على طبيب يقوليه حالة المريضة
حتى جااية نورة بعباية كحلة شافتها ودياان وبقات مشوكية وسط لكولواار
وديان: حذيفة واش هادو متاافقيين
هز عينوو ورجع هبطهم كينطق الحوقلة ورجع هبط راسوو مباغي يهضر مع حد
كانت غادية تجات فطريقهاا وديان وقالت: كتسولي على شي حد
طلعاتها وهبطاتهاا وقالت: كيف بقات ايماان
وديان: لباس عليهاا الى مشيتي منهنا غيكون حسن
نورة:جيت نطل عليهاا نعرف شنوو بيهاا (شافت وراهاا كيبان ليها حذيفة حاني راسو ومع لكاسكيط مبانش ليها وجهوو ) هداك راجلها
وديان: اه حسام لي دات لييك بنتك جري عندوو
نورة: شوفيي صبري محدود بلا تساليه لياا لوكان مجربة حرقة يدي ليك راجلك بنتك كنتو غتعدرونيي
وديان: نعدروو ام ماشي وحدة لايحة بنتهاا وحاطة عليها بااطل وفاللخر جااية تشوف كيف بقاات براا ،برااا قبل منعيط على لي يخرجك كي الشرويطة
نورة(طلعاتها وهبطاتهاا ) : القرااية وقلة التربيية
وديان: شوفيي شوفي شكون ورااك الحب الاول
قلبات راسها كيبان ليها كريم هز عينو فييهاا ودار راسو مشافهااش ومشا كلس
نورة: واش ايمان كتهضر معااه ؟ منين جاتو الخباار
وديان: اه علاقتهم سمن على عسل كيفما كان لحال راه باهاا هداك ونتي شكوون
كلام وديان خلاهاا كتغليي خرجات لباب لكلينيك حتى جات عندها صحفية و شخص اخر هاز كاميرا صغيرة
_ اولا كنتمناو الشفاء ل ايماان او بيانكاا واش كاين جديد فحالتهاا
نورة: حالياا مكااين والوو كنتسنااو الاطباء يعطيونا الجديد فحالتهاا،
_واش تصالحتوو
نورة: الام عمرها تحقد على وليداتهاا سامحتهاا على اغلاطهاا وعلاقتناا حاليا مزياانة دعييو لياا مع بنتيي بقات عندي غير هي ،قلبي كيتقطع عليهاا(غطات وجهها بايدها كتبكيي ) كون غير اناا وماشي هي هءهءهء
_الله اسمعك خبار الخيير واش خبر انفصالها على زوجها صحيح والاشاعات وراء الحادثة واش فعلا حادثة ولا انت_حاار
نورة: هءهءه متبقاوش لي سمعتوها تيقووهاا الانسان كيكون ضعيف فشي اوقات ولكن ماش يمعناتها غينتاا_حر …صافي بااركة
خلاتهم واقفيين ومشات شدات طاكسي حيدات نظاظرها كتمسح فعينيها وكتشوف قبالتها وقالت: كتجني غير لي حصدتي
الكومة طولاتت ومبقاتش فيوم او يوماان وصلات لاسبووع وهي ف الانعااش مامخليين تاحد يشوفها حالتها مزال مستقراات
عايش فالطموبييل وفالكلينيك مرة يتصادف مع نورة مرة مع كرييم ومبعد لتيسااع
سيفط لخدمتو شهادة طبية وتعدر عن العمل لمدة شهر
من سيمانة ولاو ف 10 اياام ،مرة يفقد الامل مرة يتفكر حالات اكفس وفاقوو وكملو حياتهمم وكيناجي الله ويطلب ويصليي ويدعي ربيي ينجيها لييه
مقادرش على بعدهاا لقاا راسوو ضعييف ضعييف لدرجة كبييرة جيهة فرااقهاا
اليوم وعلى غير العاادة جا عندو ابطبيب وقف حذيفة تعباان والخوف بااين على وجهو وقال: شي خباار
_معندي منخبي علييك اسي حذيفة المدام مكتستااجبش نهاائياا وحالتهاا زايدة وكتكفس دقات قلبهاا طالعيين هابطيين والضغط حتى هوا مقدرناش نتحكمو فييه ،واش كانت كتعااني من شي حالة نفسية قبل ل اكسيدون
حذيفةجمع جهدوو وتنهد ) مؤخراا ولات كدخل وتخرج فالهضرة وكتهضر غير على الموو_ت ونفسيتها ولات مأزمة وخديت ليها رونديفو مع طبيب نفسي ف اسباانياا
_ حتى لحالة النفسية كتلعب دوور كتحسي بلي داك المرييض مباغيش حتى هوا يفييق ماشي غير الجانب الجسمي لي متضرر وانما النفسي كتر ،شووف ا سي حذيفة انعطييك الحق تشووفهاا لانه انا مكنبيعش الوعوود الكاذبة لانه جهدي كطبيب درتو معااهاا ، بقاات بين يد الله الى مكتاب لييها تعيش راه غتعيش
حذيفة: شنو بغيتي تقوول (بحلق نااشف ) مرتيي كتمو_ت
ربت على كتفوو وقال باسف: الاعمار بيد الله اولدي
هبطات علييه كيف الدقة فصدر معرفش كيفااش يهضر ولا يجاوب لهضرة طلبات منو الفرملية باش يتبعهاا يدخل كودااع او مرة اخيرة
دخل عندهاا لابس عليه لزرق وبافييط الغرفة شبه مظلمة كتبان وسط لفرااش مغطية وايديهاا مسرحيين فجنابهاا كلهم خيوط كيتسمع صوت جهاز القلب والتخطيط وجهاز التنفس بحال شي صوت جاي من الرعب والالم لي كايحس بييه دااباا
معمرو تخييل بليي غيلقاهاا هكاا فعز حياتهم وشبابهمم
فمها محلول والتيو خارج من جنب شعرها مجموع تحت لبووني ومدورة بانضة على راسهاا وفاصمة حدا عينيهاا وخيوط خارجيين من صدرهاا تحت اللبسة وجهها صفر ومنفووخ شوية
كلس جنبها شد فايدهاا لقاهاا داافية هبط لباافييط وبااسهاا مع دموعو لي هبطوو مع غمضة عينيه بقا محني على ايدهاا مقادرش يشووف فييها مقادرش يتخييل بلي عمرها غتحل عينيهاا لي فتنووه وحمقوه من اول نهار شافهم
كيفاش يقدر ينسا ديك الضحكة لي كيبغيهاا
كيفاش يقدر ينساا تعنيقتها فكل مرة دخل وخرج من داروو
تعلقها بيييه القووي غطاو على التعلق ديالو بيهاا
كيفااش مغيبقااش يسمع “حبيبي” فكل مرة هضر معاهاا
كانت ديما فطرف لسانها منقدرش نعيش بلا بييك
ولكن واش هوا غيقدر يكمل بلا بيهاا ، ربما الحيااة كتستاامر بلحلاوة والمرورة ولكن الجرح الغاارق فكل فرصة كيتجدد ،المو_ت كطير لعزيز وكتخلييك معلق فالشوق وعدم التقبل
خاييف يكمل بلا بيهاا كيطلب منها السماحة على ايي تقصير او كلمة جارحة خرجات من فموو وبكاهاا ولا قهرهاا
ربما الرجاال دموعهم كتكون غالية لانهم صبااريين ومكيبكييوش على اي حااجة ،لمو_ت او خوف الفقدان هي الحاجة لي كتهرس لييهم ابجهد وكترجعهم طفلل صغيرر متضرر
جمعهم حب صافي ونقي وبريئ جربو فييه احاسيس زويينة ظرف سنتين قواو رابطهم ودفااو بيتهم بحب زويين وحالهم كاي حال زوجيين ولا بد من مشاكل ونزاعات خفيفة كتزيد تجدد علاقتهم وشحال هوماا كيبغيو بعضياتهم وبليي مستاعدين يواجهو اي مشكل جا فطريقهم
ميمكنش الانسان قلبو عامر خير لنااس عامر حب خالي من الحقد والضغينة اتجاه اي شخص ميتألمش ولو يكون قلبو حجر
تعطاتو فرصة غير مباشرة باش يتوادع مع جسمهاا اما هي محاضرااش
هز راسوو وقرب جيهتهاا حط ايدو كترعد على جبيينهاا واللايد التانية حاطها على فموو والدموع مرسوميين تحت جفونو نطق بصوت خاافت مجرووح ومؤلم
حذيفة: الى فرقاتنا الدنيا نتلاقااو فالجنة اعمري
خرج من عندهاا شخص تاانيي واقف غير بزز لقا بااه وموو وخوه كيتسنااوه بغاو يسولووه وحبسهم بايدو وخرج قاصد طموبيلتوو تكا على لڤولون فحالة من الانهياار النفسيي وضعف
تحل الباب من الجهة التاانية ودور رااسو لجيهة الزاج كيمسح فعينييه تنطق الحاج بالسوسية وقال: كتخبي دموعك واش الدموع عيب ولاا ، راه الرسوول عليه الصلاة والسلام وبكاا من موت خديجة فشكون حناا باش نحشمو من دموع الرجال اولديي (ربت فكتفوو ) ربما هذا ابتلاء من الله صبر والدعااء لعل الاقدار تبدل
مهبط راسوو وسااكت وقال: منقدرش نصبر على هاد الابتلااء اباا …ديك البنت تعدبات فحياتهاا كنت كنحاول نصلحها شوية بشويية حيت شفت شنو كااين هناا(حط ايدو فوق قلبوو ) تاحد مكااامل ابا تاااحد (حل البوااط وجبد لكاروو كيشتت فييه) متشوفش بنت النااس
شوف لبليية لي فوولدك انا مكااملش اناا كنصلح راسيي وكنصلح معاياا ديك البنت اباا ،اناا مباغيي لا هادي لا هاادي بااغي ايمااان ،ايمان اباا لي قطعت معااهاا طريق الرجال ميقطعوهااش .. دوزنا العذاب شفت المعدن لي بغييت ،راه مجييتش وبغيتها فحيااتيي راني عارف شنووو ديت مشغليش فالناس شنو بغات تهضر فياا راه كل واحد كيتدفن فقبرو مكندفنوش مشروكين
الحاج: لا حول ولا قوة الا بالله ، حنا غير نصحنااك مقلناش لييك طلقهاا اولديي
حذيفة: درتي لي علييك الله اجازييك بخيير ديك النقطة ليي كانت خاصاها باش تفيض ليها لكااس نطقتيها وخليتيهاا غادية فالزنااقيي
الحاج:سمحلي اولدي سمحلياا محسابنيش الامور توصل هدشيي واناا وربي شاهد عليا منويت فيهاا ضرر مقصدت بيهاا حاجة خاايبة
حذيفة: شوف اباا الى فرقاتني المووت معاهاا ،راه مكاينش لي تعمر العيين من وراهاا لا بنت خوك ولا غيرهاا ولكنتي خايف من الذنب انا نهزوو ونتحااسب علييه
الحاج: دابا متفكر فوالوو نطلبو الله يخفف ما انزل على هاد البنيية ويصلحهاا ويصلح حالكم اولديي …عمري باقي نقولييك ولا نجبد لييك شي كلمة تحاجة ما بزز وحنان يجيب ليها الله رزقها ومكتاابهاا ،سدينا هاد الموضوع اولديي صافيي
حذيفة: عرفتي علاش بكييت عليهاا(كيشوف قدامو بان ليه كريم حط طموبيلتوو ) حيت مكاينش لي يبكيي ويتقطع عليها من غيريي ،ميغركش مجيتهم كل نهار يطلو ويشوفو كيف بقاات ،راه الا ماخرجاتش السماحة من فمهاا من جيهتهم تحاجة متشفع لييهم
بقا الحاج ساكت وراها هز جلابة وحل جيب سروال التوب جبد منوو واحد الجوا عامر وقال: هاك اولدي هاد البركة عاون بيها مصاريف لكلينيك غاليية
حذيفة: غير شد اباا دابا مبقيت كنفكر ف فلووس الى تزيرت راه غنسيفط ل طارق يبيع الطموبيل
الحاج(هز ليه ايدو حط ليه جوا): شد من الهضرة هاد البركة نتاا لي كنتي كتسيفطهاا راه عارف مك مكتخسر والو غير لضرورة ،راه تما شي 5 الملييون عاون بيهاا اولديي حنا مامخصوصينش الحمد لله والشكر لله عاون بيهاا رااسك
حرك راسو باه وباس لباه ايدو
الحاج: الله ارضي علييك اولديي وكض رااسك وصبر فلي عطاك الله راه المؤمن مصااب
حذيفة: الحمد لله
بقا الحاج سااكت وقال: واش يخلييوني ندخل نشووفهاا نقرا عليها شويية
حرك حذيفة راسو بواخة وهبطوو ،دار لكاسكييط ونظاراتو الطبية قاصد الباب حتى كيوقفو واحد هاز التيليفون ومعاه وحدة هازة ميكروو
مع بغات تنطق ضرب لميكروو تطااح وقال: مرة خرى ادوري جيهتيي غنسا بلي نتي مرا
خلعها ورجعات اللور وشافت فلكاميرا: ويلي هدا مالوو الله يستر عنييف
الحاج: شكون هادو كتعرفهم ؟
حذيفة: متسوقش لداكشي الحاج اجيي هناا نهضر مع الطبيب
هضر مع الطبيب وفعلا دخل الحااج لعند ايماان ومشاا كلس جنبهاا
نادا باسمهاا وقال: ايمااان ،ايماان الله يݣعد وساادك الى صدر مني الغلط طالب منك السمااحة
اللهم اغفر لنا ولهاا يارب ،اللهم خفف عنهاا يارب ،اللهم لا تبتليناا ب أبنائنا يارب
بعد مدة كيدعي معاها او بالاحرى خايف من حزن ولدوو ،شاف شكون ايماان وشااف بلي ولدو مغيصبرش وقال بينو وبين نفسو “شنو بينك وبين الله حتى زرع حبك فقلبوو “
بدا كيقراا بصوت شجي وحنين كيردد اياات وسوور وهوا قريب ليهاا وهي مغمضة عينيهاا بدون حراك ،عزات علييه وبقاات فييه كيفاش فريعان الشباب ممدة على فراش المووت
ربما العيين لانه جمالهاا فاتن ومساتراش رااسها !
او ربما الطرييق ليي مشات فيهاا كيبانو فعواقبهاا !
او ربيي بغا يرجعهاا لييه ويرجعها لطريق الصحيح باي طريق
تنهد الحاج وقال: اللهم ردنا اليك ردا جميلااا ،يارب تشاافي وتعافيي ،ياارب لمكتاب ليها العمر تكملو فطااعتك وتحت رحمتك وفطريقك ياارب
وقف كيتنهد وربت على ايدها وقال: ياله ايليي ياله
خرج لقاا حذيفة كالسة ومو حداه ومحمد واقف حداه كريم
كريم : الحاج كيف بقات
الحاج: ان شاء الله خير اولدي
تنهد كريم وقصد الطبيب بالطليب و الرغيب خلاه يدخل مع شافها حس بقلبوو ضروو
مقدرش يمسهاا ولا يخااطبهاا بعد لتيسااع كيشوف فيهاا وكيقوول واش عليا ذنب واش غنتحاسب عليهاا ! واش ،واش
تحرك ضميرو فوقت لي مشا عليه الحال ،غيطلب السماحة من جسدها وفين الرووح !
مقدرش يطول دغياا خرج رمقوو حذيفة بنظرة حاارة وقلب وجهوو
خرجو لبرا كيتسنااو لطف الله حذيفة ولا عايش غير فالطموبيل مراد عطاه دارو كيجي يدوش ويبدل ويرجع يوقف حدا لكلينيك بطموبيلتوو هالك ريتو بلكارو ولماكلة قلالت فظرف هاد الايام بان فييه الوزن لي تنقص وشعروو قواا ولحيتوو حتى هي كيدير لكاسكيط ونظاظر كييبان مدمر ومقهوور ديما مرجع شعرو غير بلكاسكييط ..كايتردد بين الجامع ولكلينيك نهار كلوو ولا عندو خط واحد مكيزيدش علييه الصلاة الدوش والوقفة حدا لكلينيك
صونات ودياان وجاوبها: ويي وديان
وديان: شي خباار !
حذيفة(تنهد كيخرج الدخان من فموو ): والوو
وديان: يكون خير اخوياا ربي كبيير غير صبر
حذيفة: ونعم بالله
وديان: كاينة شي خبار على القضية ؟
ياله بغا يجاوبها صونا مراد وقال: بلاتي نشوف مراد كيصوني
وديان: سير اخوياا
قطع معاها وجاوبو وقال: مراد بخير
مراد: لباس اخاي الحمد لله ، شي جديد على ايمان فاقت
حذيفة: مزاال ،مزاال
مراد: ففف الله يدير تاويل ديال الخير ، انا بليل غنوصل اتاصلو بياا البوليس شدو شي حد وشاكيين فيه بلي هوا مورا ديك لبااج
تقاد فبلاصتو وقال: امتا هدشي
مراد: غير اليووم تبغيي تمشيي تاكد قبل منوصل
شاف فباب لكلينيك وقال: منقدرش منقدرش نبعد منهناا امراد
مراد: صافي خلييك هوا دابا فالتحقيق مزال غير شااكيين مكاين والوو اي جديد نخبرك ان شاء الله
كالس فطموبيل و الظلاام بدا كيطييح وبدا كيتزير علييه راسوو قصد الجامع توضاا وصلا العشااء وبقا كالس منو لسيدي ربيي كيدعيي ويطلب
حتى بدا تيليفونو كيفيبري فالجيب غير جبدو وشاف نمرة الكلينيك حس بايدو وحركتو تبنجات ومقدرش يدير شي حركة ويجاوب
حامي راسو فبييت الله من الضيااع وقلة الحيلةة توكض وعمر قلبو وقوا راسو بالصبر وجاوب بصوت نااشف كيتسناا الخبر ليي غينزل علييه كيف الثلج يبرد دموو و يق_تل السعادة فعينيه حتى كتفاجئو فرمليية عاطيها نمرتوو باش تعلمو باي حاجة
-الو سي حذيفة
حذيفة: الوو ويي شي خباار ؟
_ مدام ايماان راه فااقت خاصك تجي عفااك
وقف كيجري خاارج وكيهضر: واش فااقت مزياانة ! هضراتت دابا مزياان ؟
_غير اجيي و الطبيب غيشرح لييك كلشيي
معرفش كيفاش حتى مشا فالطريق حتى وصل لكلينيك دخل كيجريي كيقلب على الطبيب حتى لقااه
حذيفة: فااقت واش فاقت هي مزيانة بشنوو كتحسس واش بخيير
د_سي حذيفة فاقت اه ولكن مزال حالتهاا هي حالتهاا عاد ما بان فيها الالم وغيخصنا ندخلوها لبلوك حالاا على وديت الد_م لي بقا فراسهاا من وراهاا عاد نقدر نقولييك حالتهاا
حذيفة: نقدر نشووفها ؟ غير نشوفهاا
_ لاا سمحلياا خلينا نديرو ليها العملية ماحد امورهاا مزياانة
حرك راسوو وقال: وخة وخة صافيي
دخلوهاا لبلوك من جديد ضاربيين فيها ضو قااسح كان جسمها مستسلم وعينيهاا كتحس بيهم تقال رجعات غمضاتهم وغابت من جديد
كيباغتها ضوء قوي فعينيهاا وجووه مضببة بدات كتبان ليهاا وهي ف لمطاار كيبان ليها كلشي لابس لبيض ومحرم الحج
شافت راسها شنو لابسة ،لابسة كسوة قصييرة حشماات وبداات كتستر فراسهاا
فرزات وجه وااحد جاي قااصدهاا تبسماات وقالت: ميي
نعيمة: ياك تنقولييك ستري رااسك هادي حالة تمشي بيها لحج ؟
ايمان: غير تسناايني نبدل ونجيي
حيدات نعيمة شاال من كتفهاا ولاحتو عليهاا وقالت: ستر الدنيا و الديين معااك ابنتيي ولكن راك مزال ماشي اهل لييه
نهار توجديي لييه هوااا غيعيط لييك نتي غتمشي غير تزوري وتدي المغفرة
ايمان: معرفت شكون كيقرا القران ! سمعيي هدا باا يااك
حركات رااسهاا ليمن كتسمع لقراان وليسر كتسمع ضحك ديال الدراري الصغاار قلبات وجهها جيهة نعيمة ملقاتهااش
بدات كدور فجناابهاا وصووت قويي كيتردد فودنهاا بين القراان وضحك وليدات صغاار
حتى شهقاات وتحلو عينيهاا بتعب والقران بوحدو لي مزال كيتسمع فودنهاا عينيها بوحدهم لي كيدورو جسمها تقييل مقادرة تحرك حتى جزء منوو
هبطات عينيها كيبان ليها الحاج داير لقب على راسو ومربع كيقراا ومغمض عينيه حتى حلهم على صفاء زرقة عينيهاا المتعبيين كتشوفيه مبنجة وسااكتة وقف عينيه خارجيين وخرج كيعييط لحذيفة و الطبيب بلخلعة والفرحة كلشي تخلط
دخل حذيفة مخلووع يتاكد وقف بعيد كيشوف فيها حالة عينيهاا ،جاتو شووك مقدرش يعبر جمع ايدييه تحت فموو كيردد الحمد والشكر حتى داز الطبيب وجوج فرمليات عند ايمان وطلبو منو يخرج
تيقلب ليها ففعينيهاا فالضغط دقات القلب وهي ساكتة تبسم ليها طبيب وقال: كتسمعينيي ؟
حركات حجباانها وعينيهاا كيتقلبوو بغاو يتسدوو وهي مدابزة مع رااسهاا
حاسة بالم فصدرها مقادراش طلع النفس بسهولة
رجعو لييهاا تيوو من نيفها ديال الاكسجيين كيعاونها
_عارفة فيين نتيي ؟ شنو سميتك
بقات كتشووف فالطبيب بنظرة تاائهة بحال الى مسمعاتوش او مفهماتووش اش كيقوول
_وخة رتااحي متجهديش رااسك
سدات عينيهاا بتعب وفبرا حذيفة قت_لوو الوقت بغا يشوفها يسمعهاا يعنقهاا توحشهاا وتوحش يضحك معاهاا
خرج الطبيب من عندها ومشا عندو حذيفة وقال: نقدرو ندخلو نشوفوها داباا
_ مع لفرملية داباا صبرو واحد شوية .ويدخل غير شخص واحد بااركة ياله خارجة من كومة (حك لحيتو )باش نحطك فالصورة الدقة لي كانت عندها فالراس مكانتش سااهلة الى شرحت ليك بشكل طبي تقدر متفهمش شنو بغيت نقوول
تسرب واحد شوية تاع الد_م لي بقا مجمووع ،متخافش مع الوقت الراس غاينظف رااسو وغترجع الامور لبلاصتها ولكن كيتطلب وقت ..الشوك لي جاتها تقدر تاتر على تفكيرها ولا حركتها ولا اعمالها اليوميية تقدر تنساا شي حواايج ولا وجووه ولا شي حاجة دازت ،مضغطوش عليهاا راه شوية بشوية غترجع لطبيعتهاا
حذيفة(بخوف): واش واش تقدر تنسااني متلا؟
_ انا حطيت ليك الاحتمالات لي كيوقعو فحالة ايماان ، من بعد ملي تستاقر حالتها غنديرو ليها غاديو يبين شنو كااين وحالتها النفسية منغفلوش عليهاا ضروري استشاارة نفسية من بعد هاد ل اكسيدون
خلاه مربع ايدوو جا الحاج ولطيفة كيسولو فييه شنو كااين وبقاو كيتسناو بردات بيه الفرحة قبل ميشووفهاا بعد مدة جاا كريم ومورااه دخلات نورة كتسول
نورة: واش فااقت
للطيفة: فااقت ابنتي على سلامتهاا
نورة(بابتسامة): الله اسلمك
دخلات ودياان حيت علمها بلي فاقت و جاات فرحانة وقالت: امضراا فااقت هضرتو معاها
حذيفة: مزال ياله خرج من عندها الطبيب
وديان: شنو قال
حذيفة(تنهد )بزااف ،تقدر تنساا تقدر تقدر
وديان(تلغات ضحكتها ): اويلي ،شنو قاليك بالضبط
حذيفة: سيري سولييه يقدر يشرح ليك كتر
وديان: وخة ،يكون خير
مشات كتقلب علييه خلاتوو واقف مسمر معارف يفرح ولا يتخلع
حتى رجعات ودياان بحالوو بين الحيرة والخوف مقدرش يسولها وتاهي مقدراتش تشرح بقاو سااكتيين كيتسنااو شنو غايوقع حتى صوناا مراد لحذيفة
حذيفة: الوو مراد
مراد: فين راك
حذيفة: فين غنكون ها انا فلكلينيك ،شنو واقع ؟
قربات منو وديان محركة راسها بشنو كااين تنطق مراد وقال: صدق هوا نيييت عتاارف بكلشي
حذيفة(بحقد ): واش شادينو ببعداا ؟
مراد: ونزيد ياله عندوو 19 لعام لبرهووش جربها صدقات ليه دارها كونسيبط فاللول كان كيضحك على لبناات وتشد لييه هاد التشهيير عرفتي شحال من قضية عليه ونزيدك المفاجأة
حذيفة: شنوو ؟
مراد: بلاتيي نجيي بلاتيي قربت لييك
قطع وبقا كيتسناا حتى بان لييه خاارج شوية رجع وحذيفة كيشوف مفهم والو قال يمكن صونا ليه شي حد حيت كيهضر فتيليفونو بقاو واقف تجا عندو وقال: كيف بقاات ايمان
وديان: شوية فااقت
مراد(بابتسامة)الحمد لله
حذيفة: شنو قلتيي ليا قبيلة
مراد: صبرر صبر وغتشووف ،هاني جااي
بقات نورة متبعااه بعينيها تخرج ملات من الوقفة ونطق كريم حداها وقال: بغيت غير نعرف نتي لاش جايية راه بااينة فوجهك محاملاش تجي
نورة: شغلك ! اش دخللك فيا باش تهضر معااياا
كريم(بحقد): نتي سباب هدشي كلوو
نورة(بحدة ): جمع رااسك ،شكون نتا باش دوي معاياا هكا نسيتي رااسك ،راك نتاا السباب كون درتي دورك ك اب كنا غنكونو مرتاحين ولكن نتاا اكبر شمااتة وعمري غنسمح لييك
بغا يدخل لحااج وجروو حذيفة رجعو ومشا هوا وقال: الى بينااكم شي حسااب حلووه فالزنقة ماشي حداناا
كريم: هاد خيتي راه مابيها لا ايمان ولاا حبا فيهاا انا عاارف شنو جايبها هنا
نورة: ونتا شنو جاايبك اعتارفتي بيها حتى ملي كانت لحمة داباا طامع ف فلوسهاا ولا شنوو
دفعها من صدرها اللور وجروو حذيفة بعدوو ونطق وشرار كيخرج منو: نتيي غتفرقني معااك غير لحبسس الى معطيتينيش التيسااع
الحاج: نعلو الشيطاان لي ناعسة لداخل رااه بنتكم دمكم ولحمكم ،رااه عيييب عيييب هدشي لي كديرو فييه ،غلطتو فالصغر فهمناها والله غفور رحييم ولكن شنو ذنب ديك البنيية ليي نفرتوهاا وخليتوها كتلاوح كي اليتييمة فلبلدان خوك حرمها من رزقهاا وتي حرمتييها من الامومة رااه عيييب هدشيي وربيي غيحاسبكم علييه نعلوو الشيطان
كريم: الشيطان هي هاديي ملي كانت الامومة كتفرق هي تعطاهاا الحقد والسم لي غيقتلهاا
نورة: بغيتها تعطاااك اولد لحرااام علااش كتلووح لياا كولشيي راه نتاا السبب
جاهم صووت غلييض من لكولواار هزو عينيهم لقاوهم البوليس وقال: اش كااين هناا ؟
الحاج(بغا يلطف الجو ) غير سوء فهم وصافيي
_ شكون هناا نورة **
نطقات ودييان وقالت: هاهييااا الشااف
نورة(بتوثر) شنو كااين علاش كتسول علياا
_ اجي معاناا
نورة: و وغير قوول شنوو كااين (بترجي لكرييم )كريييم دير شي حاجة
كريم: شنو داارت الشاف غير نفهموو
مراد: ياله هضريي قوليي بلي نتي لي كنتي كتحرضييهم باش يحطوو دوك التصااور على بنتك
وديان: شنوو شنوو
حذيفة (بغا يقرب وحبسااتو لطييفة ): بلااتيي اميي
لطيفة: خلييك بعيد اولديي لبوليس مامعاهش اللعب
شدها لبوليسيي من ايدها باش تزييد تحساات نورة بوجهها عوااج من طرشة جاتهاا من ودييان وتبعااتهاا بنتفة حتى جرهاا مرااد والبولييس كيجر فنوورة
غادية تابعااهاا تحبسهاا مراد وقال: كلسي راه كايينة الصحاافة براا مكفاكش الشوهة مع باك بغيتيي تزيدي هاادي
رجعها اللور كتنهج ومشاو تبعووهاا ونوررة كتجبد وتبكيي وتغوت
غير خرجوها لقاات قداامهاا جوج صحافياات من صحافة الكترونيية دايريين لاايف وتابعيينها بلميكرو والسؤوال: واش بصح نتيي ليي درتي لبنتك ديك الحاالة
_ شنو سبب هاد الحقد كاامل جاوبيي
مكرهاتش للارض تشق وهي مجرورة لفارݣو وفضيحتها بجلاايل على السووشيل ميدياا
بقا مراد لداخل كيشرح ليهم شنوو كااين وخرج هوا و وديان وحذيفة مشاو لكوميسارية حيت حتى هي حاطة شكااية ضد ديك لبااج لقااو نورة لدااخل كيسولوو فيهاا وكتبكيي وتقول ما انا والدليل قدامها المحادثات والدري لي عتاارف جايبينو باش يقابلوهم غير شافوو حذيفة بغا يمشيي لييه وفرقوهم لبولييس مع الشنقة جرووه وناضت رويينة تماا حتى خرجوهم
مع خرج كيلقا قدامو صحافة لكيلوو هاد لمرة مصبرش وضرب لواحد كاميرتوو حتى شتتهاا وبغا يتبعوو يكمل عليه وهرب ليه ولبوليس لي فلباب كيتفرج ويضحك
جرو مرااد لطموبيل كيتحلف على داك لولد وحدين اخرين كالسين كيصورو فصمت لقاو باش يطلعو القناة تاني
رجعو اكلينيك كايتسناو لخباار الزوينة ونورة فالتحقيق رافضة تعتاارف وخة قدامها الحجج والاثبات عن طريق المحادثات والفلوس لي تسيفطو من عندها لكونط الشخص التااني وماشي غير على ايمان ولكن اي وحدة دخلات معاها فصراع كتجيب ضوسيها وتعطيهم لييه يطلعها فلعمارية
بقا واقف كيتسناا حتى جات عندهم لفرمليبة وقالت: سي حذيفة تفضل معاياا
خلاهم واقفين وتبعها لشومبر ديال ايمان لقاهم قادوها فبلاصتهاا فشومبر بووحدهاا كيعاينها الطبيب وكيتاكد بليي حالتها مستااقرة
تبسم وهوا كيشوف بلي دوك الخيوط نقصوو قلبو تنفس شوية وعطاه هادشي امل انها تحسن شوية بشوية
_الحمد لله حاليا حالتها مستااقرة ولكن غتبقا تحت المرااقبة ليكونو شي اعرااض او مشاكيل اخرى ..دابا كتفيق وترجع تنعس ..متعيوهاش بلهدرة لانوو كلات دقة صعيبة فصدرهاا مخلياا تنفسها يكوون بطييئ الى لاحظتي شي حاجة (وراه واحد نݣاصة ) غير برك على هادي غتجيي اسماء راه مكلفة بمراقبتها ،غير كون هاني دايرين لي فجهدناا ،دابا حتى ايمان خاص دير لي فجهدهاا
حذيفة: شكرا بزااف ،نقدر نبقا معاها
_خودو راحتكم غير متعيوهااش وغير تفيق عيط لياا
خرج طبيب وبقات لفرمليبة كتقادها وخرجاات عاد قرب منهاا كيطلب الله امتا تحل عينيهاا
باسها فجبهتهاا دقو فلباب ودخلات وديان ولطيفة
مشات وديان بلهفة جيهتها وقالت: فاقت
حذيفة (بهمس ): مزاال حتى تفيق على خاطرهاا
دخل الحااج وبقا بعيد وقال: امضرا
لطيفة: مزال
الحاج: يكون خير ،يكون خير من حسن ل احسن ان شاء الله..حذيفة اجي اولديي اجيي
مشا عندو وقال: واش اولدي هادي حالة شوف لحيتك وشعرك كيف طوالوو ضعافيتي وحالتك راجعة اللور واش تفيق تلقاك هكا
تنهد حذيفة كيمسح على لحيتو وقال: الله يصاوب
الحاج: سير حسن لييك ونقص من هاد اللحية وحيد عليا ديك طربوشة غير مغطي بيهاا راه كبرتيي زعمة
لطيفة: معرت شكون لي كان الى مدارها ليه ميخرج
الحاج: ودابا راه كبر ولاا مغطي عينيه بالنظاظر ، داباا تحس بالكبدة حتى نتا شي نهار وتقول اييه ها علاش بابا كان كيخااف عليياا
وديان غير كتسمع ومفاهماش لانه كلامهم بالشلحة من غير لطيفة لي هضرات حركات الحاج بينات ليها انه كيهضر على مظهر حذيفة ..تبسمات لكلامهم وتنهدات كتشوف فايماان
الحاج: سير قضي غراضك ها انا ومك معاها حتى تفييق ،كون تسمع الهضرة
فعلا خرج بزز شاف راسو نيت ولاات حالتو محال كاع واش تعرفوو هوا من النوع المشعاار ودغيا كيتغوفل جاية لعشرين يوم منقص من لحيتو والوو خلاها على راحتهاا مليي جاو فاكونص السعاتي الاقدار لا يعلمها الا الله
خرجات حتى وديان بلفرحة مشات عند مول الورد كاتختار فلورد لي كيعجب ايمان تشوفو تفرح خليط بين الياسميين والجوري
عنقاتو وحطات سطوري فرحانة وقالت: هاد لبووكي للحمامة دياليي فرحانة ان صاحبتيي كترجع تحسن ،دعييو معاهات وخلييوو اثر زويين تقرااه ملي ترجع ،محتااجة كلمات زوينين ودعوات صاادقة، وعفاكم هي كدوز من فترة حساسة ،انا عارفة شنو منشور حالياا فسوشيل ميدياا بغيت غير نقول بليي ايمان تعدبات فحيااتها وداباا محتااجة لدعم باش تنووض ،الله اخلي ليهاا راجلهاا والعائلة الصغيرة لي ولات عندهاا نتمنا ربي يعوضها ويعوض اي شخص قسحاتو الدنياا
قطعات السطوري فباب لكلينيك ،ركزات على راجلها لانه الاشاعات كانو كيقولو تفرق عليهاا
دخلات لشومبر لقات الحاج كالس كيقرا عليها بهدوء ولطيفة كالسة فوق لفوطوي حتى داتها عينهاا ماشي بزاف حتى دخل حذيفة ناقص اللحية والشعر ومبدل علييه بان فييه الضوو
قرب ليهاا وكلس بهدوء كيتنهد وكايسمع للقران بدورو بهدوء
شوية بشوية بداات كتحرك قفز من بلاصتوو وقف حدا راسهاا ختم الحاج القراان وسكت
حذيفة(بهدوء )ايماان
قربات ودياان بركات على لبوطون تماا وكيشوفو فيهاا كتحل عينيهاا بتعب ونفس متعب باين فانينهاا مترقبينها تحل عينيهاا وترجع تحسن
دخل الدكتور ومعاه الممرضة خلاوه يدووز وهوا كيفحصهاا
_كتسمعيني ؟ مداام
دار ليها الضو فعينيهاا. تغمضااتهم وطفااه وقال: عرفتي راسك فيين كاينة
شد حذيفة فايدهاا محركاتهااش مرخيية
بدات كتالم وتغمض فعينيهاا والطبيب كيهضر مع لفرملية لي كدك ليها برا فسيرووم وقال: هاد الالم عادي ابنتيي حييت كنتي ف اوبيغاصيون غتولي مزييان ..
حركات راسهاا وعينيها تقاال بدلات نظرتها لجيهة التاانية فين واقف حذيفة شافت فييه بعيون متعبة وباغة تسد حلقهاا النااشف وفمها كتر مقادراش تحرك لسانهاا وتهضر
كلمها الطبيب من جديد وقال: شنو سميتك ؟
حركات شنايفها بلا صوت مغمضة عينيها وقالت بتعب: ايماان
تبسم دكتور وقال: على سلاامتك ابنتيي
حركات راسهاا وقالت بصوت خافت مقطع : ف فيين مي
شاف حذيفة فوديان وتقلب جيهة ايماان قرب ليها كيتاكد: ايماان شنو قلتيي
ايمان: ااه مي ف فين ميي
شافو فبعضياتهم ساكتيين شاف حذيفة فالطبيب كيترجااه بعينيه يدير شي حااجة وهي كتسناا الرد
_ متعييش رااسك داباا رتااحي
ايمان: شنو ااه ح حلقي ناشف ،لماا
_عطيوها لما ولكن بكمية قليلة ،متحاولوش تكترو عليهاا شوية بشوية
مشاا الطبيب والحاج قرب ونطق بهدوء: الحمد لله على سلامتك ابنتيي
ايمان: باا ف فيين ميي
قربات لطييفة باستها من جبهتها وقالت: ايماان بنتيي
شافت فيهاا ايمان وبقات كتشوفييهاا وتشووف فجنبهاا وفحذيفة ودياان بقات سااكتة وهوا سااكت مقدرش يهضر و وديان كتر منوو غالبين عليها دموعها وراجعة اللور
حذيفة: حاسة بشي حاجة ؟ باش كتحسي
الحاج: غير بشوية عليهاا داباا تحسسن اولديي صبر عليها كتهضر غير بزز
كتشووف بتمعن بحذيفة وكترمش
بعدات لطيفة والحاج ومعاهم وديان مشاو كلسوو ،قرب ليها ونطق بهمس كيدوز ايدو على حنكها وقال: العمر ديالييي ،حبيبة دياليي ،توحشتك ،باش كتحسيي مم
ايمان(كتشوف فييه بضياع متبعة هضرتوو وكتشوف فعينيه شعرو لحيتو فموو كل مرة ترمي عينيها لحاجة ) : حذيفة
أين أخفيك ،وأنت الظاهر من بين كل أشيائي المجهولة ،، في فنجان قهوتي ، في مقدمة أغنيتي ، وفي أوراق روايتي ،، موجود في كل مكان ،، رائحة عطرك لا تفارقني، إبتسامتك أراها في ملامح كل شخص يكلمني ، إحساسي بوجودك يرافقني أينما حللت ،، أسمع أسمك فألتفت ، وكأن أحدا نادى قلبي من بعيد ،، أري صورتك فيرتجف داخلي وكأنني ألمس جرحي بيدي …
توسعات ابتسامتو بفرحة وقال: نعام اعمر حذيفة
ايمان(غمضات عينيهاا كتجاهد باش تنفس وتهدر) شنوو وقع لياا ؟
حذيفة: متفكريش فهادشي داباا غير رجعي صحتك هادي اهم حاجة
ايمان: واش تقدر تعيط لييا ااه ..تعيط لياا على (كتاخد وقت باش تكمل ) ميي
وقفات وديان من الجهة التاانية وقالت: حبيبة ديالي(كدوز على شعرهاا ) شوية ،عرفتيني ؟
ايمان: و ودياان
وديان: كون نسيتيني كنت غنقجك ههه
بقا حذيفة ساكت كيفكر فطلبهاا وشنو غيجاوبها حتى سمعو الدقان فلباب موراها دخل كرييم رما السلام وبقا حذيفة كيشوف فييه ..حتى بعد ساكت مخلي كريم جاي جيهة ايماان وقال: فااقت
حرك حذيفة راسوو بااه والاخير قرب بابتساامة وقال: ايماان بنتيي كيف بقيتي
بقات كتشوفييه مدة وقالت: شوية
كريم: على سلامتك ابنتيي ،خلعتيني علييك ، اسامة كل مرة يسول بغا يجي يشوفك
ايمان(تنهدااات بالم وكتهدر بتعب): شكون ..اساامة ؟
كريم: وعرفتيني شكون اناا ؟
ايمان: لاا
كريم(تبسم ليهاا): بابااك
حذيفة واقف وراا كرييم شاد راسو بزز كيشوفيها وفردة فعلهاا وقالت: ممم
حذيفة: سي كرييم ياله فااقت بلا متزيرها بلهدرة عفااك
ايمان: خرجوو عفااك ،راسيي كيضرنيي هء هء خ خرجوو
قرب ليهاا حذيفة بخووف وقال: غير بشوية علييك ايماان
ايماان (دورات راسهاا علييه مغمضة عينيهاا ) : بغيت نبقا بوحدي هء خرجوو،عفااك
طلبات وديان لفرملية ورجعو هوما اللور غير دخلاات خرجات كلشيي لبراا ،مشا حذيفة كلس كيسووط
وديان(كلسات حداه ) الطبيب قاليا بليي غتنساا شي حواييج
حذيفة: ماكرهتهاش تنساا بزااف ،ولكن كيفاش نوصل ليها بليي جداهاا ميتة والى تفكراتها غتكفس حالتهاا كتر
شافت لفرملية خرجات وجات عندهم وقال: ايمان طلبات باش ميدخل عندها حتى وااحد ،خليوها ترتااح اول ساعات بعد الكومة كيكون الدمااغ ياله كيرجع شنو دوز خليوها على رااحتهاا ،ملي ترتااخ وطلب تشوفكم غنعلمكم
حذيفة: ميمكنش نخليوها بوحدها راه انا لي عارف حالتها
_غير فهاد عشرة الدقايق فاش فاقت وهضرتو معاهاا تبدلات حاالتهاا ،الى كنتو باغيينها ترجع صحتها عطيوها وقت تستوعب فين هي
حذيفة(وقف كيطلبها برجاء): فهمييني مخاصهاش تبقا بووحدها ،وخة مبغاتناش حناا ماشي مشكييل ولكن خاص ضروري يبقا معاها شي حد
_واخا اسيدي غنشوف شي سطاجير تكلف بييهاا ولكانت شي حاجة غنتااصل بييكم ،مرتااح داباا !
حرك راسو بواخة خرجو من تماا سااكتيين وقفو حدا الطموبييل وقال: باا دي ميي لدار راه عيتتوو ،الله يجازيكم على هاد الوقفة معاياا ومع ايماان
لطيفة: علاش حنا واقفيين مع لبراني اولديي لي تشكرناا
الحاج: الله يصاوب ليهاا ..غنمشيي اولدي وباش مكاان علمنا بلجديد اولديي وصباح نكونو هنا بحول الله
حذيفة: ان شاء الله اباا غير بشوية فالطرييق كتكون عامرة فلعشية
ركبو فسيارة الحااج وبقات وديان وحذيفة واقفين حدا الطموبيل وكرييم مشاا فحالوو
وديان: خاصها تمشي ضروري لطبيب هاد لمرة
حذيفة: غير ترجع صحتها غادي نديهاا ضروري
حلات وديان تيليفونها كاتلقى لفيس مقلوب بنفس لبوسط والهضرة وفيديو تاني لحذيفة كيلوح فلكاميرا لداك الصحفيي ،مرونةة ديال بصح
دوزو داك النهار كلوو مبغاتش تشوفهم وخة هكاك بقاا مبرزط لفرمليية وخلاهاا تنعساات ودخل عندهاا ، ناعسة ولكن كتصدر انين ،دليل على انه تنفسهاا صعييب خدا كرسي وكلس جنبهاا بهدووء وضوء الشارع مضووي عليهم شوية وسكاات ،خاف يشد ايدها ولا وجهها وتفييق وهوا مزال معرفش لحد الان حالتها كيفاش دايرة
بقا هكاك لساعات طويلة ومشا لفوطوي تكاا مقابل معاهاا مرة مرة دخل لفرملية طل علييه وتخرج ،شافهاا عاود رجعات ودكات ابرة فالسيروم وقال: مالهاا
_ طلعات ليها شوية السخاانة(شافتو وقف بخوف )متخافش سي نوغمال
قرب جيهتهاا حط ايدو على جبهتها لقاها طاايبة وعرقانة شوية
_غدا ان شاء الله جيبو ليها حوايجها باش ترتاح تقدر تحسن نفسيتها شويية
حذيفة: وخة ضروري
رجع لبلاصتوو جبد تيليفونو كانت جوايه الجوج رسل ميسااج لخديجة
حذيفة: خديجة ختي الى فقتي بكريي سيري لدار هبطي الشانطة لموڤ للواليدة لكانو جايين
مع وقيت لفجر جاوباتو وقالت: صافي كون هاني كيف بقات
حذيفة: شوية وصاافيي
خذيجة: ان شاء الله يبقا هادشي غير هضرة وترجع لصحيحتها
تنهد وهوا كيكتب :ان شاء الله
سمع الاداان وقف لدوش تما توضى وخرج بشوية مكيديرش الحس باش ميفيقهااش فرش سجادة كانت تماا صلاة ودعا معاها فقدر استطااعتوو و وقف كايتنهد قرب ليها گلس جنبهاا هز ايدهاا بااسهاا وبقا كيشوف فيهاا
حتى بدا الضو كيباان …بدات كتحل عينيهاا وكتستوعب من جديد فين كاينة
شنو وقع، وكيفاش وصلات هناا ،وشنوو طرا ليهاا
بقات كتشوف فالسقف وجسمها مخدر عليهاا مقادراش تحرك حاسة بتقل والالم حركات راسها لجنب كيبان ليهاا كالس فوق الفطوي ومرجع راسو اللور نااعس كالس
بقات كتشووفييه وكترمش بعينيهاا وهي كتسترجع اي حاجة متعلقة بييه ،كتجدد الدكرياات معااه وكتعصر دماغها باش متنسااش شي حاجة
عمرو عينيها بالدموع وهيا كتفكر ديك الليلة لي نهايتهاا مبقاتش عارفاهاا
كيفاش كانت غتحمااق ،كيفااش كتهضر كيف الحمقة ،الشووهة وموراهاا حساات براسها بووحدهاا موراها تلقات صفعة انها غتولي عندها ضرة
بدات لارض كدور بيها وغمضات عينيهاا وطاحو دموعهاا
مكرهاتش كون نسات هدشي ومبقاش لاصق فداكرتهاا يزيد على مابيهاا
قلبات وجهها لجيهة الثانية كتبكي واحساسها انها انسانة متخلقاتش باش تكون اسرة رجع ليهاا
سكتات من لبكاا كتشووف فاص ليهاا وسمعات ضحكات اطفال وقلبات راسها لمصدر الصوت كتحقق وقلبها كيضرب
نفس الصوت لي سمعاات قبل متفييق ،صوت نعييمة وضحكتها حتى هي رجع لعقلهاا خلاها بيين الشك والحقيقة
ودخلات فحوار مع نفسها: واش مي حية ولا ميتة
كتحااول تدكر موتهاا مقادرااش كلشي عندها مضبب وكلشي فعقلهاا مرون مقادرااش تركز وتخلق سيناريو حقيقيي فمخيلتهاا
قفز وراسوو معوج شدوو بالم كيماصي فييه محني لثواني وهز راسوو فيهاا لقاها فاايقة كتحرك فراسهاا و وقف بهدوء قرب جيهتها متردد وقال: ايماان
قلبات وجهها لجيهتوو كتشوفيه بنظرات شاحبة خاالية
حذيفة(بحنان): شويية ! كتحسي براسك مزياان
ايمان: شحال داز وانا هنا
جر لكرسي وكلس حداهاا وقال: ربعطاش اليوم
ايمان: كلهاا مغيبة
حرك راسو بااه وقال: دابا فقتيي الحمد لله
بقات سااكتة كتشوفييه وقالت: جاوبنيي عفااك مقادراش نتفكر بزااف ،واش ميي ماتت ولا مزال حيية ومجاتش مقادراش نفكر ،عفااك
خدا وقتو بتنهييدة وجاوبهاا: ماتت الله ارحمهاا
ايمان(سدات عينيهاا ): ولكن علاش حاسة بحال الى ياله شفتهاا ، شنو وقع لياا !
حذيفة: مشيتي تزوريهاا وملي كنتي خاارجة مشفتيش الطموبيل وضرباتك
كتحاول تخيل هادشي لي قال والوو مجاش فبالها كيفااش نطقات وقالت: واش متاكد مي ماتت ؟
حذيفة: ايماان معنديش علاش نكدب علييك متجهديش رااسك راه كلشي غتفكرييه مع الوقت
ايمان: اخر حاجة عاقلة عليهاا هوا خليتيني وخرجتي ومبقيتيش بغيتي تجاوبنيي
هبط راسو معرف باش يجاوبها وكملاات: كنقولييك متخلينش بوحدي راه نمو_ت بلا بييك ،وخليتيني
حذيفة: ماخليتكش ماعمري خلييتك
ايمان (بتاكييد) خليتيني ، مكنتش غنوصل لديك لحالة كونما خليتيني (طاحو دمووعها وكتسكت كتجمع جهدهاا ) الليل كلوو بغييت غير نسمع صووتك عااقلة مزياان هء
خليتيني ومشيتيي هء ا ا اناا انا
حذيفة: لااا ا ايماان مخليتكش وعمري غنخلييك ديك الليلة تنااقشناا وخرجت نبدل الوقت ،محسابش لياا هدشي غيوقع لك ،سمحيي لياا
ايمان(بانهياار) هء مكا مكااانش خاصنيي نفييق هءهء (هزات ايدها كترعد حطاتهاا على راسهاا ) كون غير نسييت كلشيي هءهء اناا بغييت نمشي غير عند ميي مبغييت والوو
حذيفة(وقف كيهدنهاا): صاافيي غير تهدني ايماان
بدات كتبكيي بهستيريية وفمها غير ميي ميي حتى بداات كتخنق وكتحك ومقادرااش طلع النفس بقاا كيصوونيي ليهيم حتى جااو كيجرييو لفرملييات
دارو ليهاا جهاز الاؤكسجيين وكيتبتوهاا باش متحركش وهوا بعد لتيسااع شااد رااسوو جابو ابرة مهدئة لديك لحالة فاش كاانت عاد تكاالمااات
موجة من الذكرياات هجماات على شتاتهاا بزويينها وخاايبهاا بحسراتها وخيباتهاا وجماالهاا خلاو دمووع يهبطوو خيووط من عينيهاا
كان داز الوقت وكالس حذيفة حدا موو فلفطووي كتمسح ليه على ظهرو وهواا مغطي وجهوو بهم وغم والحااج كالس فلكرسي حدا راس ايماان وكيقرا ما تيسر من القراان عليهاا وهي رووح بدون رغبة ،بدون حيااة كتشوف قبالتهاا وكتبكيي بصمت
كيتفكر كلاامهاا وكلمة خليتيني بقاات كتعصر لييه ف قلبوو ،خلاتوو يندم اشد الندم ويحس بليي هوا السبب ،مكانش عارف بلي الامور تقدر توصل لهدشيي
ولكن هي كانت على حافة النفسية موجدة المو_ت فعقلهاا ومستاعدة تنفدو فاي وقت تكون بوحدهاا
دخلات وديان ب بوكي ديال الورد من حالتهم تهز قلبها حساب ليهاا واقع شي حاجة دخلات بسرعة حتى لقات الحاج كيقرا وسكتات مشات كلسات جنب لطيفة وقالت بهمس
وديان: شنو واقع
لطيفة: الله يكون معااها ابنتيي ،دلخنا لقيناها فواحد لحالة (تنهدات)ما شاء الله وصافيي
وديان(طلات على حذيفة): تفكرات شي حاجة شنو وقع ؟
حذيفة(تنهد): معرفتش اودياان معرفتش
كلشي سكت كيشوفو بعينيهم وساكتيين حتى سالا الحااج وعياا
دخلات لفرمليية بابتسامة وقالت: الا سمحتوو خرجو على براا بينماا جا الدكتور يشوفهاا
حذيفة: حوايجهاا يااك
اشار ليهاا لصاك تماا متوسط جمع ليها فييه حوايج من الشانطة. شكرااتو وخرجوو
دخلات طبيبة وطبيب عندهاا بقاو معاهاا لمدة طوييلة حتى حذيفة دخلو الشك
خرج طبييب ومشا عندو وقال: واش كاين شي مشكيل
_ سووانيت ليها غير لفاصمة ودكتورة ديال الترويض معاها داباا ، من الاحسن اسي حذيفة تشوف لييهاا شي استشارة نفسية احسن اما هدشيي هاد الضربات و الد_م لي قلت ليك فالراس كلشي غادي يمشي مع الوقت ولكن كتبقا النفسية مريضة
حذيفة: امتاا تقدر تخرج ؟
_منهنا واحد 4 اياام عاد نقدر ناكد لييك واش بوسيبل تخرج ولا مزال عليهاا ،كيف كتعرف رااه 14 اليووم وهي كومة الجسم متحركش لمدة 15 اليووم غيخصهاا تروويض وطبيبة غتكلف
حذيفة: اي حاجة فمصلاحتها معنديش مشكيل
_ منهناا اربع ايام غنعاود ليها الرادييو ونقدر ديك السااع نعطيك ديطااي ديال المريضة فهمتيني
حذيفة: فهمتك
_ان شاء الله يكون خير
عاوناتهاا لفرمليية لبسااتهاا بيجامة رطبة خفيفة حيدو ليها التيو ديال نبولة
دارو معاها حركاات من غير الكتف ليي مرييض نااعسة والطبيبة كتدير ليها حركات برجلهاا بحال الى راكبة فبيكالا باش عظامها يتحركوو وتحرك الدورة الدمويية بشكل طبيعيي
هزو ليهاا راس الناموسية شويية باش تحيد منهاا الدووخة
قادات ليهاا ايدهاا فبانضة قدامها باش متحركهااش وقالت بتعب: عفااك كلمي لياا حذيفة
خرجو من تما مخليينها كترجع راسها اللور حتى دخل عندها وجهها نقص منو النفخ وبان فيها الضعف وتحت عينيها دخل صفرة وداابلة
تبسم ليها وهي العكس بقات جامدة كيف هي متبعة خطواتو تكلس حداهاا وقال: عيطيي لياا ! محتاجة شي حاجة
حركات رااسهاا بااه كطلع النفس مجهدة بحال الى كانت كتجري وقالت؛ سمحلياا جريتك معاياا فف هاد المدة كاملة
حذيفة: واش حنا بيناتنا هادشي
حركات راسها بلا وقالت: منهار عرفتيني ونتا معايا غير فلمشااكيل
حذيفة: ششش حنا فلحلوة و المرة ا ايماان ومزاال ان شاء الله غيجييو اياام زويينة تنسينا فهدشيي كامل
حركات راسهاا بتعب كتنهج: معمرك غتشوف معاياا هدشيي ،عفااك خليني نهضر اح ، انا ميمكنش لياا نعدبك معاياا (برجفة فصوتهاا ) 26 عام كنتسناا حيااتيي تقااد (طاحو دموعها)مبغاتش تقااد ، تشبت بيييك حيت حيت معندي حتى حبل نشد فييه من ورى ميي (شهقات ) كنت اناانية ومفكرتش فشنوو ،،فشنو نتاا باغيي ،ولاا واش غانظلمك حتى نتاا معاياا ، رهنت حياتيي علييك احذيفة هءهء وهدشي غيخلييك تنافقنيي وتبقا معايا غير باش مندير فراسي والوو
حذيفة(باس ايدهاا ): هادي ماشي هضرة ايماان الله اهدييك واش انا كناافقك !
ايمان: حذيفة نتا تستااهل حسسن منيي ،تستاهل لي تفرحك ماشيي لي كل مرة جارها من بلاصة هءهء انا معمري غنفرحك حيت ،حيت فاقد الشيء لا يعطيييه وانا مستحيل نعطيك شي حااجة متعطاتنيشش فحيااتيي
حذيفة: متعمريش راسك بهدشيي احبيبة شووفي (كيمسح دموعها وكيهضر بلطف ) نتي هي لمرا لي بغييت وغتعطيينيي وغنعطييك حنا تزوجنا باش نكملو بعضياتناا ماشي باش نافقو بعضياتنا سمعتيي ،غااديي غير يسني ليك الطبيب على الخرووج غنمشييو لداارناا ،نرجعو لحياتنا لي كنا عايشيين انا ويااك بجوج فرحانين
ايمان: مكنتيش فرحاان غير
حذيفة: غير اااش ا ايماان (مسح على وجهوو ) هدشي مامنو والوو باغيييك حب صاادق
ايمان: عييت (كتشهق)عييت بزااف
حذيفة: كلشي غيفووت
ايمان: حذيفة سمعني عفااك ، ااناا مبقيتش قاادرة نفرح شي حد ولاا نبيين راني فرحاانة ،انا مافرحانااش اناا مرييضة بزااف مريضة من لدااخل وعمري غنبراا ،وماحدي معاك غادي غير نكرفصك وتسمع الهضرة من ورا ظهرك هء ،نتا احسن حاجة وقعات فحياتيي ،وتستااهل تعيش حياتك كاالم وزويينة بلا رويينة ، سير بداا حيااتك تزوج بنت عمك غتعيش مرتااح
هز حجباانو بصدمة وقال: طولنا فلهضرة حتى وليتي كتخربقي
ايمان: لاا انا مكنخربقش … انا منصلااحش لييك ،انا مصاالحااش ،مبغيتش صورتك توسخ بسباب الروينة لي درتها بلا عقل ،مكانش عندي لعقل لي يفكر حييت كانت حياتيي ديالي مكنتش عارفة شي نهار غنشركهاا معااك ،سمحلياا على كلشيي ،هء هء سمح لياا نتاا وباباك حيت بسبابي غتجيكم الهضرة ورا ظهركم ،بسباب وحدة مكانش عندها اب يحظيها ولا ام تنبهها
حذيفة: رتااحي وخة (باس ايدهاا )نساااي كلشيي نسااي غتخرجي ايمان جديدة من هاد لكلينيك وغتصحي وتبرااي
ايمان(حركات راسهاا بلا ) مغنمشي معاك لتا بلااصة احذيفة ،بغييت تكون هادي اخر مرة نشووفك (جمعات شجااعتها وهوا مصمر فييهاا ) طلقنيي وعيش حيااتك ،طلقني
بقاا شاد فايدهاا وسااكت كيرمش فيهاا تكملات هضرتهاا
تاكد بلي حالياا ولاا مع انساانة مرفووع عليها القلم انساانة مريضة نفسيا وخاصها طبيب فاقرب وقت ممكن
حذيفة: غادي ندير راسي مسمعت واالوو وخة ،رتااحيي رجعي صحتك وبراااي سمعتيني براااي ،ونعاودو نهضرو
ايمان: كلامي قلتوو
حذيفة: وانا كلامي غنقولو نهار نشوفك صحيحة جسدياا ونفسياا داباا مغنهضرش
وقف وخرج من عندهاا ما تنفس حتى خرج براا خلاهاا ف حالة كئيبة كتبكيي وتدخل وتخرج من دواامة الحزن و السودااويية
دخلوو عندهاا وديان ولطييفة والحااج لقاوهاا كتبكيي وكطلب منهم السمااحة وهوما مفاهميين والو
الحاج: خلييونيي مع ايماان الله ارضي علييك الطيفة
لطيفة: وخة وديان اجي ابنتيي راه مكنقدرش نركب فسانسوور بووحديي
مشات معااهاا والحااج قرب لايماان ورجر لكرسي وكلس لابس جلابة كحلة تحتهاا فوقية فلبيض وبلغة
الحاج: مالك ابنتيي شنو عندك ،واش وحدة دازت من الموو_ت عرفتي شحال من نهار ونتي كومة بين الحيياة و المو_ت لولا لطف الله ! ، علااش كنشوف فعينيك الاحبااط
ايمان: الاحبااط حييت فقت ومزال غنطييح فحفرة كبر
الحاج: واش ابنتيي ملي فقتي من هاد لكوومة قلتي الحمد لله ،اللهم ردنا اليك ردا جميلاا
حركات راسها بلاا
الحاج: وعلااش ابنتيي هاد الظلمة لي وليتي عايشة فيهاا ،واش بووحدك لي ماتت جداك ! بوحدك لي ماعشتيش مع واليديك
ايمان: ولكن علاش بوحدي كنخلص فحااجة مدرتهاش ،علاش هوما عايشيين حياتهم واناا مقادراش نعيش
الحاج : شنو هوماا اركان الايماان عديهم لياا
ايمان: الايمان بالله
مهبط راسو كيسبح وقال: لا اله الا الله محمد رسول الله ،نعم كملي
ايمان(كتدكر ) : الايمان بلملائكة ، والرسل، والكتتب واليوم الاخر
شافها سكتات وطلع راسو فييهاا عرفهاا تلفات وقال: والايماان بالقضااء و القدر
إيمان: خيره وشره
الحاج: نتي كتآمني بالله ،كتصليي ،كتصوميي ..كتقرااي القرآن (حركات راسها باه)يعنيي كتآمني بالكتب والرسل ،ولكن واش ابنتيي كتآمني بالقدر خيره وشره لاا عرفتي علاش حيت الايمان ضعييف ،ضعييف حييت ملي كطيحي فمصيبة مكتقوليش اللهم اجرني في مصيبتيي ،شنو كتقوليي
علاااش انااا وعلاااش وعلااش وعلااش و
شنو كيتسنما هدشيي ! انك كتحاربي مع الله سبحاانه مرضيتيش بشنو عطااك ، وكذالك ف الفرح الانسان لي مكيحمدش الله على واحد النعمة مسخرة لييه كطير منوو ،لانه مقالش الحمد لله على العطاياا اللهم ادمهاا واحفضها من الزوال
سمعيني ابنتيي ايماان ربماا هاد الابتلاءاات لي كطيحي فيهم مااهي الا انذاار من الله سبحانه وتعالى باش توبيي وترجعي لطريق الصحيح ، ربي كيبغي جميع عباده الصالحيين ،كيغفر كل من جاءه وهواا متخشع وطالب المغفرة
ربي ا ايماان كيعطينا ابتلاءاات باش حناا نرجعو لطرييقوو كيحط فطريقنا شي مرات ناس مزياانين حتى كيمو_تو باش يفكرنا فلموو_ت
اما الى ما_ت شي شخص بعيييد عليييك ،شخص مدوز علييك العذاااب الاليييم واش غتحزنيي كيف حزنتي على شخص كيعااملك زويين كيحن فيييك ؟ لااا شيء طبيعي انسان بعيد علييك غتقول. الله يرحموو ويصبر داوييه ، الموت علينا حق نعم ولكن مليي كتجي فلعزيز والانسااان الطيب كتخلي فينا اثر وحبذا يكون الاثر طيب انك تقوول شنوو غادي ندير لوكان مت واش كنصليي واش مبعد من لحراام واش واشش واش
ربي كيحطك قدام امتحاان يشوفك واش غترجعيي لييه ولاا غتحزني اياام وتمشي فالطرييق
وربي ابتلااك فبزاااف ولكن واش نتيي فوحدة فييهم قلتيي شنو هاد الطرييق فاش غاادية ! واش ربيي راضي علياا ! واش الى مت عندي باش نلقاا الله ،ماترضيناش حناا فنحن عبااد الله فقط والرضى يكون للخالق
تكون مرتااح فقلبك فعقلك تحط راسك على لمخدة وبالك هاني ما ظالم حد ما غاادر حد ما داير ذنب واثم كبير ماشركتي بالله ما زنيتيي ما قت_لتيي ،فهذه نعمة
هوا كيهضر وهي دموعها كيهبطو وقلبها كايضرب
الحاج: ديك النفس لي كطلع وتهبط فيناا حتى هي غتحاسبناا ،العينين ،اليديين ،الرجليين ،علااش مدام انه ابوااب التوبة محلولة علااش منستغفرش الله ونتووب ومرتااح فقلبيي ونختاار الاخرة ونصفي وجهي مع ربيي ،كل نهار ابنتيي كيدوز خاصنا نحمدو علييه الله صباح وعشيية انه ربي عطانا فرصة باش نعوضضوو ونستغفررو ونعبدووه
واحد كيشرب العام كلوو كيجيي حتى لاربعينية ويحبسس ويقولييك رمضاان خاصنا نحتاارمووه وفيوم العيد كيصبح سكراان
اين الايماان فهدشيي ! واش هادي توبة نصووحة ! لااا هدا كيتسما اللعب بالديين والاستهزااء بكلام الله ،استغفر الله العظيم من كل ذنب عظيم
نتيي كتصوميي ,كتصليي، وكتغنيي ؟ واش هادشي مكيبانش لييك ابنتيي تناقض ! بغيتي تعيشيي ملذة الاخرة ومسااخيااش بهفواات الحيااة ! لااا لااا والف لاا
وماحدك فهاد الطريق ابنتيي راه مغتكونيش مرتاحة وزواجك مغيكونش فالطريق الصحيح ، توبيي الى الله واعتاازلي مااا يمنع رااحتك اختااري الاخرة باش ربي يعوضك خيرا مما تظنين،ربما العوض اكبر من داكشيي لي كتحلميي بييه حاوليي تشدي كلااميي وطبقي ولو جزء منوو وتصلحي حياتك وتنقييهاا .ربماا ترتااحيي ربمااا بينك وبيين الرااحة شيء وااحد
عارف طولت علييك ولكن واش تبغي نعاود لييك واحد القصة قصييرة من اياات القراان.
حركات ايمان راسهاا بااه
وتقاد فبلاصتو وقال: في القراان ذكر اهل الناار بعد عذاااب طوييل ف الناار ربي بوحدو لي عالم شحال شنو غيتمنااو شنوو غيطلبوو 4 طلباات اولهم
توجهو لله سبحانه وتعالى شنو قالوو حم (﴿رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ (١٠٧) ف بااش جاوبهم الله
قَالَ اخْسَئُوا فِيهَا وَلا تُكَلِّمُونِ (١٠٨) ﴾
شنوو معنات اخسئو فيهاا – معنااه بقااو فييهاا مهانين مذليين في نار جهنم
(هز ايدوو كيعبر ليهاا )عياااو ميتسنااو والعذااب كيتعذبووه ف شكوون قصدوو من بعد بامنيتهم التاانية مااالك كتعرفي شكون مالك !
حركات ايمان راسها بلاا وكمل كلاموو :ماالك ابنتي هوا خازن الناار هوا الملك المكلف بجهنم وسكنتهاا ،اش قالو لييه سمعيني مزياان فقالوو ( وَنَادَوْاْ يَٰمَٰلِكُ لِيَقْضِ عَلَيْنَا رَبُّكَ ۖ )
بشنو جاوبهم ماالك ! قَالَ:( إِنَّكُم مَّٰكِثُونَ)
طلبو من ماالك باش يموتوو وشنو قالييهم مغاديش تخرجوو منهاا ابداا
من وراها شنو داروو توجهو لمن ! للملاائكة شنو قالو ( وَقَالَ ٱلَّذِينَ فِى ٱلنَّارِ لِخَزَنَةِ جَهَنَّمَ ٱدْعُواْ رَبَّكُمْ يُخَفِّفْ عَنَّا يَوْمًا مِّنَ ٱلْعَذَابِ)
شنو داباا ! ولاو طالبيين غير نهاار ميتعدبووش فييه وملقاااوهش شنو كانت الاجاابة !
فياتييهم الرد من خزنة جهنم الملائكة (قَالُوٓاْ أَوَلَمْ تَكُ تَأْتِيكُمْ رُسُلُكُم بِٱلْبَيِّنَٰتِ ۖ )
بمعنى واش مجاوكمش الحجج والبيانات على دييننا وعلى الاسلاام باش جاوبوو !
( قَالُواْ بَلَىٰ ۚ قَالُواْ فَٱدْعُواْ ۗ وَمَا دُعَٰٓؤُاْ ٱلْكَٰفِرِينَ إِلَّا فِى ضَلَٰلٍ )
يعني وخة دابا تبقااو تدعييو نهار وليل دعاءكم لن يستجااب حيت مشاا الحال مشااا وقت التوبة والصلاح
داباا مركزة معاياا ؟ شحال بقات ليهم
ايمان: امنية وحدة
الحاج: لمن فنظرك غيقولوهاا !
تنهدات كتفكرر معرفاتتش وقالت: معرفت
الحاج(بابتساامة ) ل اصحاب الجنة (تنهد )تخيليي شنو قالو ليهم
وَنَادَى أَصْحَابُ النَّارِ أَصْحَابَ الْجَنَّةِ أَنْ أَفِيضُوا عَلَيْنَا مِنَ الْمَاءِ أَوْ مِمَّا رَزَقَكُمُ اللَّهُ..}( سورة الاعراف)
بمعنى عطيونا من شنو عطاكم الله شنوو كان جوابهم
(قَالُوا إِنَّ اللَّهَ حَرَّمَهُمَا عَلَى الْكَافِرِينَ الَّذِينَ اتَّخَذُوا دِينَهُمْ لَهْوًا وَلَعِبًا وَغَرَّتْهُمُ الْحَيَاةُ الدُّنْيَا فَالْيَوْمَ نَنْسَاهُمْ كَمَا نَسُوا لِقَاءَ يَوْمِهِمْ هَذَا وَمَا كَانُوا بِآيَاتِنَا يَجْحَدُونَ) [الأعراف)
الجنة ولي فيها تحرمااات على ليي غرتهم الحيااة الدنياا ونساااو عذاب الله
﴿ وَمَا الْحَيَاةُ الدُّنْيَا إِلَّا لَعِبٌ وَلَهْوٌ ۖ وَلَلدَّارُ الْآخِرَةُ خَيْرٌ لِّلَّذِينَ يَتَّقُونَ ۗ أَفَلَا تَعْقِلُونَ﴾
[ الأنعام: 32]
حركات رااسها بااه كتنخصصص مقاادرااش تهضر .من بعد الموعضة الطوييلة قال : كل بني ادم خطااء وخير الخطائين شكون هوماا !
ايمان: التوابون
الحاج: نسأل الله ليي ولك التوبة النصووح فما طابت الدنيا الا بذكره وما طابت الاخرة الا بعفوه
ختمهاا بسورة الاعراف كاملة كايرتل فآياتها وكيتسمع صوتو بوحدوو فلغرفة
بدات كتسمع لييه وكترخاا مع قرااءتو حسات براسهاا تفاجات ونسات الالم لي حااسة بييه عينيها نشفوو من الدمووع وجاتهاا نعسة حلوة مع صوتوو وخشوعوو وكلاامو معااهاا مجا فين يكمل السورة حتى كانت مغمصة عينيهاا برااحة تاامة
وقف بهدوء كيتمنا كلااموو ينفع ويبدل شي حاجة فيهاا ،ربما كانت محتاجة لشي توعيية وتبدل ،جرب ودار لي علييه كرجل ديين
توالت الاياام لي فيهم حذيفة تشغل بامور المحاامي والقضية وهي مع العلااج و الترويض الطبي والعملية على كتفهاا
كاع خواتاتو جاو شافوهاا البيت عمر بالورد الابيض والاحمر مع بطاقاات دعوة بالشفااء والمسااندة من طرف المعجبيين والفنانة المغاربة لي عندها معاهم قلة
غير كتشوف بعينيهاا وسااكتة و وديان كل مرة تقوليها هادي من عند فلان وفلانة مونساهاا
اما حذيفة من بعد اخر هضرة جمعاتهمم تشغل كيجي يشوفها كيلقاها نعساات بدوايات كيبات الليل كلو حداهاا و الصباح غير كتفييق كتجي وحدة من خواتاتو ولا موو جايبين ليها الفطور وكيكلسو معاهمم معمرين علييها ودارو الواجب واكثر
حتى دازت سيمانة وحدة اخرى وهنا صافي الطبيب سمح ليها باش ترخرج اخيراا وتقدر تساافر
كان حذيفة مشا جمع لحوايج من دارهم وحطهم فطموبيل وشد الطريق راجع لعندها كان مخلي معاها لطيفة
كالسة فلفراش لابسة قبية وسروال جامعة شعرها اللور والبانضة دايزة على راسهاا كتلعب فظفارهاا حتى سمعو الدقان هزات عينيها فلباب حتى دخل طفل صغيير مع طفلة صغر منو الولد تكون عندو 13 والبنت 9 سنين هازيين الورد فايديهم بقات كتشوفيهم ايماان تقادات فبلاصتها وتبسمات ليهم بهدوء
نطق الطفل ليي خداو نفس شبهها وقال: عرفتينيي !
حركات ايمان راسها بااه وقالت: عرفتك
_واناا
ايمان: حتى نتي عرفتك … ونتي عرفتيني
اميرة(حركات راسها بلاا ) قاليا بابا نتي ختيي ايماان
سلم عليهاا اساامة ومد ليها الورد ولطيفة كالسة كتشووف
ايمان(حطاتو حداها )شكراا
اسامة: شي مرات كنت كنسيفط لييك فانسطاغرام ومكتجاوبييش
ايمان: منتابهتش
اسامة: باقي كيضرك رااسك
ايمان: شويية
اميرة: ياك نتي ختي علاش معايشاش معاناا
اسامة: ملي كنتي صغير كانت معاناا
اميرة: بصح وعلاش مشيتيي
اسامة؛ حيت ماما مبغاتهااش
بقات ايمان كتشوفييهم ونطقات لطيفة كضحك: شنو سميتك ابنتيي
نطقات وقال: اميرة
لطيفة: ما شاء الله الله احفضكم
اسامة: ااه ايمان بابا بغا يشوفك
ايمان: لاا (شافت ف لطيفة)خالتي مبغيتش نشوفوو
لطيفة: لا ميدخلش ابنتي غير رتاحي
وقفاات كتقاد فنقاابها وخرجات على براا لقات كرييم وااقف وقال: ندخل نشووفهاا
لطيفة: اولديي راه مبغاتش
كريم: عفاك اميمتي غير نهضر معاهاا
لطيفة: اولديي راك شفتي حالتهاا وسمعتي الطبيبب شنو قال تجي تهضر تصدق ناكسهاا
خرجو الدراري وقال: اخر مرة غير خليني عفااك يبقاو معاك الدراري
ملقات متقول جرات لوليدات عندهاا وهوا دخل طل براسو على ايمان لقاهاا كالسة ولايحة رجليها لتحت بغات تنووض حتى شافتو جمدات فبلاصتهاا وقلبهاا كيضرب
كريم: ايماان نهضرو ابنتي شوية
ايمان: فين عمري كنت بنتك !
كريم: سمحي لياا
شافت فييه وضحكاات :نسمح لييك ؟ وانا شكون يعوضني فلي فاات !
تنهد وقرب منهاا وقال: قلة العقل والطيش والحقد
ايمان: تحقد علياا …هانتاا تفارقتي مع نجمة حقدتي على ولاادك (غرغرو عينيهاا ) علااش ماخليتيهمش كيف خليتيني ولا هادو ربيتي عليهم لكبدة ! انا شويتي كبدتك من جيهتيي
كريم:الطريقة باش بدينا انا وماماك كرهاتني فكلشي ابنتيي لاحت عليا البااطل وخرجات عليهاا تشدييت فلحبس وضاع ليا عام من حيااتيي
ايمان: وانا ضاعت حياتي كااملة
كريم كلس قبالتها حاني راسوو حتى بدااو دموعو هابطيين وقال: سمحيلياا عفااك انا عارف راسي شنوو دااير انا ندماان ،ندمان ا ايمان وربي لي عالم ،نهار عرفتك تزووجتي فرحت رتاحيت من جيهتك. وقلت لقات لي يوالمهاا
ايمان: انا مبقيتش ايمان لي صغيرة وكترجاا اب باش نسمح لييك على جوج دمعاات ، سيرر غير سير المرة جاية جي بكي على قبري نقدر نكون رتاحييت ونقدر نسامحك
تحل الباب بالزربة من طرف حذيفة داير لكاسكييط ومخنزر حتى شاف فكرييم بحالا كيقوليه بعينيه لاش دااخل
مسح كريم عينيه وقف قدامها عنقهاا وهي مدورة راسهاا ومزيرة على ايديهاا طلق منهاا ومشا عند حذيفة وقال: تهلا فيهاا عوضهاا على لي مقدرتش نديرو
مكانش الرد ومكانش غيلقااه حيت حذيفة بقاا ساكت حتى خرج وسد وراه الباب قرب لديك الكتلة من الهم كالسة وكتاافها كيترعدو حط شي وراق فوق الطبلة وقرب ليهاا مكمشة قبضة ايدهاا فوق فخضهاا من الالم النفسي لي كتحس بييه زير على ايدهاا وحاس بيها كترجف تزنكاات بحال الى قااجها شي حد دموعها هابطيين وعرووقهاا تاع عنقهاا تطرسااو
حذيفة: تنفسيي ايمااان تنفسيي (شدها من حناكهاا حرك ليها وجهها بالزربة وغوت فوجهها )ايماااان تنفسيي تنفسيي
طلقاات النفس وبداات كتنهج بحال شي حد كان شاانقهاا عنقهاا تدخلاات لطييفة ملي سمعاتو غوت مخلوعة لقاتو معنقهاا وهي كتبكيي وراخية ايدهاا ولخرا مزيراهاا
ايمان:هءهءهء بغيت غير نمووووت هءهءه بغييت نمشي عند مييي هءهءهءه وبغييبت غير مييي ااااه
حذيفة(زير عليهاا ): ششش ايماان رجوع الله
لطيفة(قربات ليهم ): ايماان رجوع الله ابنتي ،لمشاات المرحومة انا ميمتك ابنتيي (بعدات ولدهاا كطلب فييه يتهدن )وحضري عقلك ابنتيي غااااتبراااي ان شاء الله وهدشي يبقا هضرة وكلام وصاافي صافي(عنقااتهاا والاخيرة كتشهق هزات ايدهاا زيرات على لطيفة وحذيفة كيشووف ونفسيتو حتى هو مرضااات وصاابر ومكااابر ولا عايش بلكارو وقهوة كحلة وزاد ادماانوو عليه من بعدما كان كيتنشوا بييه ولاا كيتكالماا بييه
گلس على الفطووي مهمووم فوق الجهد الخدمة مصدعينو من قنت ،هم ايمان من قنت ،مشاكل الدعوة والصفحات لي معندهم لاشغل لا مشغالة باغيين اخبار يغديو بيها تفاعلهم
داقت بييه وبغا غير امتاا يشد الطيارة يبات ميصبح هناا
وفعلا كانت اخر ليلة ليهم فلكلينيك ،كالسة لطيفة حدا ايمان من بعدما هدناتهاا وحذيفة فلفطوي مشاابك ايدو تحت دقنو كيخمم حتى تحل الباب ورما السلام كيف عادتوو من وراه خديجة و اسراء وخولة هازيين قفة صغيرة ديال المااكلة
تلاحت خولة بدموع كتبكيي وتعنق فايماان لي سااكتة كالسة وسط فراشها كتنفس ولكن روحها ميتة
كلسات حداها كتعنق وتبووس ولخرا مدارت حتى ردة فعل
خولة: سمحيلي ابنتيي مجييت عندك هءهء ماشي لخااطري
خديجة : ايماان (لمسات شعرها ) كيف بقيتي (شافت ف حذيفة)كيف بقاات
بتنهيدة حاارة هز ايدو ليهاا براك كتشووفيي حركات راسها باسف وشافت فيهاا وشافت فمها لي قالت: الله يدير تاويل ديال الخير
اسراء: ايمااان لبااس
خولة(مسحات دمووعهاا ) ايماان شوفي ابنتي شنو جبت لييك ،اسرااء
مدات ليها لقفة فيهاا كاسرونة فيهاا حسوة بالسميدة وطريفات ديال الفرماج وقالت: كانت عزيزة علييك عقلتيي ،عقلتي شحال درتهاا لييك !
ايمان (حركات راسها بااه ): شكرا ولكن مافيااش
لطيفة: كولي ابنتيي راك مواكلة والوو
حركات راسهاا بلاا والحاج كيشوف من بعييد وكيتحسر عليهاا ويستغفر الله كايشوف فولدو لي ولات حالتو حاالة لون وجهو تبدل
مشا كلس حدا حذيفة وقال: واش اولدي باغي تديها شوف حالتهاا شكون غيقاابلهاا خليها معاناا واش متاايقش فيناا ! راه لعين متحطش فيها وراك عارفنيي
حذيفة(باس ليه ايدوو بامتنان) وفيتي اباا عمري نسا وقفتك معاياا ولكن لا خاصها تمشيي خاصها تشوف الطبيب راه ولات ريسك على رااسهاا لي علياا ولي فجهدي غادي نديرو معاهاا
الحاج: وكيف غادي دير معاها ومع خدمتك
حذيفة: صاحبتهاا شافت لياا واحد السيدة مغربية غتقاابلهاا ملي منكونش فالدار خاص غير نمشي ونهضر معااها ويحن الله ،كلشيي غيسهل فيه الله خاص غير هي تولي لبااس
الحاج: الله اكون فعونك ويشافيهاا هادشي لي نقول ،لا حول ولاقوة الا بالله العلي العظيم … بقا تقرا عليهاا شوية راه القران دوااء اولديي ،تستر راسها وتستر حياتها راه الدنيا مدايمة لحد الدايم هوا الله
حرك حذيفة راسو كيتنهد وقال: الله يدير لينا تاويل ديال الخير
جا كلشي زارهاا وباش نيت يتوادعوو معاها حتى من مجيد وزهور جاو شافوهاا مشا الحال وكلشي خرج ،خرج معاهم يودعهم وهي تكاات على جنبها مغطية ،حتى سمعات الباب تحل شافتو دخل وقرب ليهاا قاد عليهاا لغطا على كتاافهاا باسها فحنكها حتى سدات عينيها
حذيفة: محاسة لا بحريق لا والوو
حركات راسهاا بلا جر كرسي كلس حداها كيحك فايدها ولعياا باين فييه حتى هوا كل مرة يحك عينيه
ايمان: حذيفة
حذيفة: ممم
ايمان: واش درنا العرس !
حذيفة: لاا مزال جات مع كوروناا مدرنااهش ،علاش
ايمان: والو غير متفكرتش شي حاجة بحال هكا حسابلي واش نسييتو
حذيفة: غير تولي لبااس ندير لييك احسن عرس
بقات كتشوفييه بلا متجاوبو بحال الى كتلغي ديك الفكرة تنهدات وقالت: حذيفة ر
حذيفة(قاطعهاا ) : نعسي باش ترتاحي
ايمان: الى بقيتي معاياا غير غاديي تعدب
حذيفة: تشكييت علييك ؟
ايمان: باينة فييك وشوف شحال ونتا حابس الخدمة والمصاريف ،عفاك انا مبغيتش داركم شي نهار يقولو بلي كرفصتي ولدناا ،اناا عييت والله عييت بزااف ومقادراش نعيي معايا شي حد
حذيفة: غنحبسو هاد لهضرة هناا برااي بعداا ونشوفك بخير هادشي اهم ليا من كلشيي قبل هادشي متفكريش تدوي معاياا .دابا نعسي رتاحي غدا تابعانا الطريق
قاد عليها لغطا وبقا كالس جنبهاا شدات فايدوو وقرب جيهتهاا باسها فجبهتهاا وقال: تحاجة مغتفرقني معااك فالدنيا غير هني بالك
غمضات عينيهاا مجاوباتش زيرات على ايدو كتنهد وبقا مونسهاا تنعساات ومشاا تكاا فلفوطوي مسخسخ مشابعش نعااس
قبل اياام وفاليووم لي نورة تحولات لسجن من بعد التحقيق وطليب ورغيب من محاميتهاا لحذيفة باش يتنازلو ولكن مبغااش نقلوها لحبس عينيها منفوخين بلبكا كتشوف حياتها ضااعت فلحظة لي كانو عينيها معميين وداخلهم لحق_د ومباغاش شي حد يكون مرتاح فحياتوو وهي كتبكيي فالظلمات على بنتهاا ليي فقداتهاا وهي حية
دخلوهاا لبلاصة لي تخصصات ليهاا كانو اسرة شي فوق شيي وجيهة لباب لحوايج منشووريين سبق ليها دوزات ست شهوور عارفة اش كيوقع فلحبس وعارفة لباب ملي يتسد كتوليي بوحدك مسدود علييك
لعيالات لي تماا بقاو كيشوفو فيهاا تاتسد لباب رمات السلاام وردوها علييهاا جاها صوت من لبناات قال : نوورة !! اش كديري هناا
شافت صديقة ليهاا ماشي صديقة مقربة ولكن ناس المواقع كيعرفو بعضهم كاين لي معرفة شخصية وكاين لي غير من كونط بعضياتهم وهادي حتى هي كانت مؤثرة على منصاات تيكتوك وانستاغررام
نورة(بصوت مبحوح ) حياة
تسالمو وجراتها لبلاصة وقالت: اش جابك اصااحبتي ؟
نورة: مشكييلة غرقت فيها رااسي(كتبكيي ) ففف
حياة: يكما نوضتيها مع شي وحدة ! تانتي ياختي فمك بااري منك كتر منيي
نورة(مسحات عينيهاا ) كنقول فين غبرتي امتا تشديتي
حياة: غير السيمانة لي فاتت
زورة: تحكمتي !
حياة: تحكمت ب عام
نورة(تهز قلبها)اويلي عاام غير على الهضرة لي قلتي
حياة: غير شافونيي تشدييت وهوا يجي واحد لحمار تهواا كيتسالني شي فلوس وقاليهم نصبات عليياا ودفع شييك ،جاب الله خرجت لفلووس من لكونط عطيتهم لماما مخباايهم اما يديهم ليا نخرج نلقاا غير يدي ورييح
نورة: وعام اصاحبتي جاتك ساهلة
حياة: على الشيك جاتني غير تلت شهور والباقي على ديك الهضرة ونتي اش جابك ؟
نورة: حطيت شي حاجة على ايمان والبرهوش تعرف
حياة: وييلي كيفاش تعرف ؟
نورة: كيدير الشونطاج لبنادم بلكونط عطيني ولا نشوهك
حياة: حساب ليك غير انا ونتيي لي جايين من تكتوك هههه ويلي بلاتي تخرجي لساحة شي ربعة اخريين معروفيين الشوهة صاافي غيحلو حبس خااص ليناا
نورة: كضحكي
حياة: ههه ودرناها لراسنا اصااحبتيي ،مقالش ليك المحامي شحال يقدرو يعطيوك ؟
نورة: والله معرفت المهيم راه غتكون فايتة عاام
حياة: مشكييلة الله يطلق سراحك على خير ،انا هادي والتوبة نخرج ندير شي مشروع بدوك لفلووس مباقي نتعاطا مع حد ميتعاطا معايا حد
نورة: غير نخرج مبقيت بغييت والو بنتي ضااعت وحياتي ضااعت (كتبكيي )كلشي ضااع لياا كلشي
حياة: واا حتى نتي بقيتي تاابعة هاد ايمان تصدقتي فلحبس اشنو بغيتي عندهاا كون تصالحتي معاهاا كون صوڤاتك اصااحبتيي واش عرفتي الاشهارات لي كضرب ؟ والاغاانيي راه لملاااين اصااحبتي حساب لييك بحالناا كدير شوتينغ عند نكافة ب الفين درهم ولا هي راه كتخرج غير بلملاين شوفي غير لفرييع لي كتلبس وراجلهاا حتى هوا مصمم وكدا يعني الحبة ضاايرة ،عواض تبحلسي عليهاا بغيتي طيحيهاا وتانتيي عمااك الحق_د اما كون راك عايشة فلاورو ،لي عطا الله عطاه داباا يخرج لييك الحكم دفعي استئناف ديالك ودوزي شنو خرج لييك ولبديهاا
بكات تعياات وسكتات كتنخصص
**
اليوم المواليي ناض هوا كيجمع فمسائلهاا بينماا رجعات من لكونطرول ديال الطبيب كالس فالشومبر بوحدو كيجمع فالصاك تدخلات موو و الحاج بقا واقف تقالت ليه مرتو دخل
حطاات القفة صغيرة فيها لفطوور كلشي فتيرموس باقي كلشي سخون
لطيفة: فين ايمان
حذيفة: مشاو يديرو ليها سوان ودير كونطرول على كتفهاا ونتحركو
لطيفة: كون سعفتيني كون خليتيهاا معاياا تاتبراا
الحاج: خلييه يدي مرتوو غتعرفي حسن منو
لطيفة: وغير باش حتى هوا ميتعدبش
حذيفة: مكاين حتى عداب اميي ،دقة دقة حتى ترجع حسن ان شاء الله
هوما كيهدرو دخلاتها لفرملية ف كرسي متحرك شافتهم وتبسمات لييهم بخفووت جا حذيفة عاونها تنوض لانه مقسحة من جيهة لفخض تما فين جاتها الدقة ديال الطموبيل
داها كتعرج كلسها على لفراش عطاتها لطيفة تفطر وكدالك حذيفة دمق شوية وهي شربات غير قهوة بلحليبب سااكتة حتى حط حداها سورفييت فلكحل مع تقيشرات وسبرديلة فلارض
خرجات لطيفة و الحاج و حذيفة سد الزاج ورجع عندهاا كيعاونهاا واقف قدامهاا وكل مرة تهز فيه عينيهاا وهوا كيحل فصدايف لبيجامة مركز وسااكت
حيد ليها لبانضة بشوية بحال الى كيلبس فدري صغيير وفعلا كيعاملها بلطف
لبسها تريكو بيض وفوق منو القبية خفيفة سد ليها السنسلة ونوضهاا عاونها تلبسات السروال وشااف جنبهاا كلوو زرق تنهد ودوز ايدو تما تقفزاات وقال: كيضرك بزاف
ايمان: شويية
باسها تماا وتبسمات لييه وكمل لبسها بهدوء حتى لبسها تقاشر وسبرديلة جمع ليهاا شعرها بظفيرة ودار ليهاا لكاسكييط ديالهاا
هز صاكها فكتف وشدها حتى هي ساندهاا عندوو كتعرج شوية برجلهاا وجهها شااحب وعياانة نفسيا وجسدياا
خرجو من لكلينيك لقاو الحاج و لطيفة واقفيين فلباب وقال: خرجو لطموبيل نجيب شي وراق ونجيي
هوماا خرجوو سنداتها لطيفة بلخاطر والحاج سابقهم حل الباب اللوراني ليها باش دخل ياله شدات فلباب والحاج قصد الباب القدامي. يكلس شافت جوج جايين كيجرييو عندهاا بغات تدور راسهاا
:ايمااان على سلاامتك فرحنا ملي شفنااك بخير
بغات تفاداهم: شكراا
الحاج: طلعووو دغياا متء اش هدشيي
ركبات لطيفة من الجيهة التاانية وايمان حتى هي مزال مسداات الباب حتى نطق الاخير وقال: شنو احساسك ملي عرفتي بليي الام ديالك وراا ديك لبااج ديال الفرشة كوم
هزات فييه رااسهاا بحال الى كتاكد من شنو سمعات هبط الحاج ديك السااع بعدهم بنرفزة منوو وسد عليهاا الباب حتى شاافو حذيفة جايي وهربوو بلا ميدورو قداامهم
حطات لطيفة ايدهاا على ايد ايماان وقالت: بعدي ابنتيي من هادشي بعدي راه مغايخلييوكش مرتاحة
ايمان(كدور فعينيهاا): واش بصح هادشيي
مجاوبتهااش حتى دخل حذيفة والحاج معصب كيهضر معاه بالشلحة حتى طلعوو
هز الاخير عينوو فييهاا وقلبهم دغيا بحال الى هارب من سؤواالهاا
تكات راسها على كتف لطيفة وغمضاات عينيهاا
طول ديك الطريق كاملة سااكتيين مرة مرة تحل عينيها وتبقاا تفكر فشنو ادات هاد الانسانة لدرجة تقلب على اكفس حاجة فحياتها وتبينها لنااس ،واش دارت ليها شي حاجة خاايبة ونسااتهاا فهاد لكسيدة معرفاتش شنوو واقع
وصلو لمطاار مد ليها نظاظرها ولكاسكييط دارتهم وهبطاات بالشوية عليها ضاربة فيها الشمش
هزات عينييها لسماا وجات فبالهاا اللقطة لي داخلة فيهاا لمطار كتجري، تفكرات لاوديو لي سيفطات لنورة و لعافية لي شعلات فدار كرييم
بقات سااكتة كتفكر واش بسباب هدشي حاقدة عليا ولا شنو واقع
جر حذيفة والحاج الشانطات لدااخل وايمان شاداها لطيفة ساكتيين حتى دخلو
حذيفة: الحاج(باس ايدوو )سمحليناا عذبناكم معانا
الحاج: اوهو اولدي مكاين حتى عداب ان شاء الله كلشي غيتقااد بإذن الله
حذيفة: ان شاء الله
لطيفة: تهلاي فراسك ابنتيي
ايمان: سمحولياا على كلشي
لطيفة: الله يديكم على خير
حذيفة: اميين اميي(جا عنققهاا وباس رااسهاا
ايمان توجهات لحاج باست ايدو و قال: تهلاي فراسك نشوفوك المرة الجاية فاحسن الاحوال ان شاء الله
تبسمات لييه وعنقات لطيفة وغمضات عيينيهاا بعناق حنين وباست ايدهاا
توادعو معاهم وخرجو وحذيفة جر لباگاج وشاد ايماان مسايرها فخطواتها تقاال خلاها كلسات ومشا هوا يقضي المساائل
بقات كتشووف وكتسمع شي بكا وراهاا وكدوور مكتلقا والوو
تقدات فبلاصتها حتى كلس حداها فايدو قهوة ليها شداتهاا كدور فيهاا وقالت: واش نورة لي حطات داكشي علياا
حذيفة: ممم، شدوهاا
ايمان: واش درت ليها شي حاجة ومتفكرتهاش !
حذيفة: نسااي هادشيي صافيي
بقات سااكتة وكالس جنبهاا حيدات نظاظرها كتشوف فالنااس حتى تمات جاية عندهم واحد لبنت كتبسم بقا حذيفة متبعهاا حتى مشات لايماان وقالت : هااي
هزات ايمان عينيها فييهاا كتشوف وقالت بالاسباانية : نقدر ناخد معاك سيلفيي
ايماان(بامتنااع ) : لاا عفااك منقدرش
حسات لبنت بالاحراج وقالت: سمحيلياا
ايمان: نوو نتي لي سمحيلياا ولكن انا عياانة شويية وماشي فوضع ديال التصااور
تبسمات لبنت وقالت: ؤك على خاطرك تشرفت بشوفتك على خير كنتسنااو فيديواتك الزوينة فلكوزينة ههه عنداك تحرقيي ايدك هاد لمرة ههه
تبسمات ايمان بمجااملة وكتدكر اشمن فيديوات كتهضر عليهم حتى حركات راسها باه وقالت : ؤك
مشات لبنت وحذيفة غير سااكت مهضرش حاني راسو فتيليفون وداير لبااڤيط وساكت حتى وصل وقت طيارتهم
شدو بلايصهم ف هدوء غادي معاها وحاضي لتكون شي كاميرا موجهة ليهم كيفما بزاف لمراات
وضعية لي محاملهااش وعاف العالم ديالهاا لي عامر بالنفااق ووالضحكة لي وراها حقـ_د كبير
خداو مقاعدهم بهدوء حطات راسها على الزاج جامعة ايدها وكتفكر ف حياتها لي حسباتها ضاعت و عيشها ولاا بدون فائدة وغير متقلة علييه وفاضحاه معاهاا وهادشي زاد على مابيهاا
غمضات عينييهاا وهبطو دميعات دغياا مسحاتهم كتشوف غير فالضباب والسماا حالتها مابقى فيها مايتعجب حاسة بدمار كلي
بعد ساعاات كانت فالطموبيل متوجهيين لدارهم سكنهم وعشهم الزوجيي لي عاشو فيه الزوينة كتر من الخاايبة
كتبقا الحياة هي هادي ولابد من شوية الملح باش يتقاد الطعم
عند باب الدار لقا مجموعة ديال لكراطن حطهم تما المكلف بلعمارة وامنهاا مستفيين حل الباب بالسااروت ودخلهم وهي ورااه
شمات ريحة دارهاا لي غبرات عليها شهر على طولو كتشوف فقنات الداار والاثاث والصور ولبالكون وقفات مقابلة مع لبالكون لي مشاا حذيفة يحلو تهوا الداار كتفكر داك النهار لي بغات ترمي راسهاا منوو والغواات والهيجان لي كانوو فيه كتحس بداك لغوات فرااسهاا والطرشة والبكاا
شدات فصدرهاا حاسة بلخنقة جا قرب جيهتهاا حذيفة شدها من دراعهاا وجرات ايدها منوو وقالت: بعد هءهء بعد
حذيفة: مالك ايماان شوفي فياا
خلاتوو ومشاات لدووش سدات عليهاا وكلساات كتنهج وترمي فحوايجهاا والبكية خانقاهاا وعقلهاا كيهيئ ليهاا بزاف تاع الاصوات ،الغوات ،الضحك،البكاا،صوت مرا كيعيط ايمااان
هوا عند الباب كيدق بخوف وكيرطب معاها تحل خصوصا ملي سمع بكااهاا وشهقتهاا حدا الباب
حذيفة: ايمااان ،حليي ،ايماان
سادة ودنيهاا كتنهج وصهدات كتنهج وقلبهاا حاسة بيه غيوقف عرقات وراسها عطاهاا الحرييق و الصداع
وقفات بخوف وهلع حلات الباب وترمات فييه مزيرة علييه كتبكيي
ايمان: غنحمااق هءهءههء غنحماااق راسي كيضرنيي
حذيفة(تنهد ) : اجيي رتاحي غير لعياا
داها لبييت كلسهاا ومشا جاب كاس ديال الماا ودواهاا ديال الالم عطاه ليهاا باش ترتااح وتنعس شوية
اكتافى انه يحيد ليها سبرديلتهاا يقادها فبلاصتها يغطيهاا وكلس جنبهاا شاد تيليفونوو كيطل على الرونديفو ديال الطبيب لي مزال ليه سيماانة
ناض خرج على اساس يوجد ليها شي حاجة بدا كيصوني ل طبيب باش يستعجل على الرونديفو ولكن كان عاامر
بدا كيقلب على طبيب تااني كيعطيوه موعد طول من لي فاات
عمر الطفاية بلكارو وهوا كالس محسش براسو حتى ضرب لباكيية
دوز الاتصال لوديان لي جاوبااتو وقالت: وي حذيفة وصلتوو
حذيفة: وصلناا قولي ليا واش السيدة. لي كتعرفي معقوولة ؟
وديان: الله اعمر ليها الدار دوزات عندي هنا عمااين مراة معقولة انا راه شرحت ليها شنو كاين ،
حذيفة: حالتها غادية وكتكفس
سكتات شوية وقالت: تشوف طبيب ويكون خير
دوز الاتصال لسيدة المغربية لي غتجي غدا شرح ليها المطلوب منها فقط ، رحبات بكلامو واتافقو غدا تجيي من بعد عاد يقادو امور لكونطرا ولوراق
مقدرش حتى يخرج يتقداا ويخليهاا ضطر يسخر طارق يجيب شنو خاصو ويجيب لييه القطة حتى هي
خدا دووش دغياا ودنييه وبالو معاها كل مرة يحل لباب يطل
هي فلبييت مرة ناعسة مرة فاايقة مظلمة لبييت وطالقة القران من تلفازة دخل عندها حذيفة فايدو لمشة وكلس وراها وقال: ايماان شوفيي !
ضارت عندوو وشعل ضو بانت ليها المشة وتبسمات هزات ايدها تلاعبها و دغيا المشة تخشات فييهاا
ايمان: كبراات
حذيفة: سيي دغيا كيكبروو
كتلعب مع لمشة وهوا كالس جنبها كيداعب شعرهاا وقال: تشهيتي شي حاجة نطيبها ليك
ايمان: لاا مافياش الجووع
حذيفة: ضروري تاكلي شي حاجة باش تشربي الدوا ،انا عارف شنو كيعجبك متحتاجيش (باسها فجبهتهاا وناض مخليها مع مشتهاا كتلعب حداهاا
وجد ليهم ميااكلوو ونوضها بزز كلات شربات الدوا ورجعات لبلاصتها
جا نعس حداهاا عنقهاا طافيين الضوو حتى قالت: كنتفكر شي حواييج فلغابة ملي كنا جايين ولكن معرفتش شنو وقع بالضبط
تهز قلبو و قال : كيفاش شنو وقع ملي هربنا من لبوليس
ايمان(كتدكر ) : كنا هاربيين ولكن معرفتش شكون، حاسة بليي نسيت شي حاجة
حذيفة: منسيتي والوو الحاجة لي وقعات هي كنا هاربين من لبوليس كانو غيشدوناا
ايمان: ملي تخبينا تحت الشووك
حذيفة(شابك ايدو معاها ): سيي
ايمان(بتشويش): معرفتش
حذيفة(قلب المووضوع) : غدا غتجي واحد السيدة غتقابلك وتقابل الدار حيت غنرجع لخدمة غدا عندي التزامات
ايمان: ؤك
موراها سكتوو كينعس ويفيق كيلقاهاا كتحرك ولا نعساات كتبدا تهضر فنعاسها مامرتاحاش وتهوا مامرتاحش بالو معاها حتى فنعاسوو
الاحلام والكوابييس مزال مراافقيينهاا مرة تقفز مرة تغوت فنعااسهاا مرة تفيق مخلوعة حتى دازت ديك الليلة
صلى ولبس عليه صايب ليه قهوة وكلس كيتسناا فلمرأة تصونات علييه مشا حل عليها كانت سيدة اربعينيية بحجاابهاا وملابس محتشمة
_السلام عليكم سي حذيفة
حذيفة: وعليكم السلاام ، مليكة دخليي
دخلات شادة فصاكهاا نطق حذيفة كاسر تاملها فالدار وقال: عاودات لييك وديااان كلشي
مليكة: اييه الحمد لله على سلامتها
حذيفة: الله يسلمك ،راه ناعسة دابا تردي ليها البال واي حاجة اتاصلي بياا ولبغات تخرج خرجي معاهاا
مليكة: كون هااني نديرها فعيينيي
عطاتوو نسخة من وراقها الشخصية لبس حوايجو وخرج مخليها مكلفة بالدار كتمسح وتوجد لفطور كيف قاليهاا
وايمان كانت ناعسة تخلعها صوت لسبيراتور ناضت قلبهاا بغا يخرج
خرجات من لبيت شعرها مرون وعينيها منفوخين باقة لفاصمة فجنب رااسها لي حيدو ليها الشعر فبلاصة لفاصمة شادة دراعهاا كتماصي فيه حيت ضرها حتى بانت ليها مليكة كدوز على الزربيية تشافت ايمان واقفة وحبسات بابتساامة وجاية عندها كتمسح فايدها وايمان كتشووف
مليكة (برحابة سلمات عليها من حناكها ): على سلامتك ابنتي كيف بقيتي شويية
ايمان: الحمد لله ، ش شكون ؟
مليكة: معرفتينيش ؟ انا ملييكة
ايمان: شكون !
مليكة: ملييكة انا هي لي لي جيت بكونطرا وحركتهاا وكنت مساعدة عند ودييان
ايمان(كلساات فلكرسيي بحذر حكات راسها وقالت) : سمح ليا معقلتش
مليكة: ولكن انا عقلت وخيرك عمري ما نسااه ، كنتي عطيتيني واحد لبركة باش دير مي العملية فلمغريب نتي و ودياان الله يسهل عليكم دنيا واخرة مي ديماا كدعيي معاكم مسكيينة
تبسماات ايماان وحركات راسها بالايجاب وقالت: مبقييتيش ف فرنساا !
مليكة: نوجد ليك لفطور !
ايمان:غير (شافت فلكوزينة ) معرفتش شنو كاين
مليكة: قلتي ليا فرنساا من ورا ماسكنتيي مع وديان كنت انا تزوجت بواحد لݣاوري دار ليا وريقاتي الله اخلف علييه
ايمان: مزياان مبروك عليك …درتي شي وليدات
مليكة(ضحكات كتحل فتلاجة ) : لوااه هههه الراجل شرف وانا لاحݣة علييه اشمن ولاد مشااا لحال ابنتيي عندي ولد من زماااان مطلقة علييه وهاني كنتجاابد ونتعااابز مع الوقت باش نجيبو عندي كنجمع ريال وخوه باش نجيبو عندي
تبسماات كتحرك فواحد لوردة يبسات ف لڤاز وقالت: گاع الناس لي شفت فحياتيي ا مليكة كيدابزو ويتقاتلو على وليداتهم (هرسات لوردة وحيداتها من لڤاز ) الا لمرا ليي توجعات عليا و ولداتنيي
سكتات ملييكة وقالت: كتبغي السكر فالقهوة !
حركات ايمان راسهاا بااه ومشات لبالكون وكلسات فطبيلة كيضرب فيها لبرد حطات ليها قهييوة وطوسط مدهون بلفرماج ولعسل بيضة مصلوقة وتميرات فيهم لكركاع تبسمات لطبق وقالت: وصاك !
مليكة: لقيت كلشي مكتوب فتلاجة
ايمان: كلسي تفطري معاياا
مليكة: دايرة الريجييم ولكن نكلس معاك ههه
بقات كالسة معاها كتحاول تونسهاا قدر الامكاان وناضت مخلياهاا ف دوامتهاا مربعة ايدهاا والشمش ضاربة فيهاا والمشة كتلعب حداهاا
وقفات كتكتاشف الدار وقناتهاا وكترجع دكرياتهاا فكل بييت بانو ليها لكراطن وكلسات كتحل فيهم كتلف فلوقت
هادو رواييح هادو برودويات هدا مكيااج هادو حوايج من شركات وماركات متعاقدة معاهم مرة مرة كيسيفطو ليهاا باش يجددو الاشهار
حطات داكشي فبلاصتو ومشات لبييت تكمشاات بهدوء وحذيفة مرة مرة يصوني لمليكة يتاكد من حالتهاا حتى جا بالليل لقاها موجدة لعشا ومنقيية الدار مشات لدارها وهوا سد الباب توجه لعندها لبيت لقاها نااعسة تحنا جيهتها باسها فجبهتها
وكلس كيشوفيها ،توحشهاا توحش طفوليتهاا ملي كاتلقى ليه عند لباب تعلق فييه ،توحش حياتهم الهادئة ونطيرهم على بعضياتهم عتابهم وشقاوتهم ،تنهد ومشاا غسل عليه ومشاا توضا وفرش صلايتوو
حلات عينيهاا من بعدما خفت الاضواء وصلى العشااء بصوت خاشع من بعد الشفع والوتر طول فدعائو مع كل تنهييدة
لاحت لغطاا عليهاا وقصدات المكان المنااسب لييها هز عينو فيهاا شافها قاصدااه متحركش بقا كيتسناها حتى كلسات قدامو وتكات راسها فوق ركابييه
تحنا باس راسهاا وبدا كيمسح ليها على شعرها بهدوء
،،،
دازت اياام قليلة بنهار كظل معاهاا مليكة وبالليل كيبقاا معاهاا مقادرش يخليها دقيقة وحدة منفاردة مع راسهاا
نهار كلو والليل كلو سادة عليها فلبيت حوارهم قليل كيحاول ما امكن يخرجها من ديك الدوامة والوو واش كتبغيي تخرج لييه ولات انسانة فاقدة الشغف فالحيااة
هاد السيمانة دازت طويلة عليه بغا امتا يوصل رونديفو باش يلقاو حل ربما الحل بسييط وهي سدات على راسها لي سنين كيتمنا وكيطلب الله ليل ونهار بااش تحسن حالتها ويكملو حيت حياتهم توقفاات فشي نقطة معينة وهدشي ازموو حتى هوا ولا غير ساكت وسااهي وتركيزو مشتت كيفكر غير فيها وفحالتهاا
حس براسو هوا الشخص الوحييد لي مسؤول عليهاا فهاد الدنيا من واجبه ومن اولويته يخليها توقف على رجليها بسلامة وبنفس مطمئنة باش ترجع ليه الرووح لي حس بيها تسلبات منو فداك النهاار
،
فاقت دايقة بيهاا من بعد ليلة عامرة احلام خاايبة ليلها عداب ونهارهاا كفس بتعب مشات لدوش دوشاات بماء داافيي ومشاا لبسات عليهاا ومليكة مراقباهاا حتى خرجات لابسة عليهاا دجيين وقبية وسبرديلة حطات من ايدهاا لماعن ومشات عندهاا
مليكة: ايمان صباح الخير
ايمان(شافت فيها): صباح النوور
مليكة: فين غادياا
ايمان: خارجة نتمشا شوية
مليكة(حيدات لبلوزة ديالها ): صبري نلبس علياا نمشي معاك
ايمان: غير خليك بغييت نخرج دغيا ونجيي
مليكة: عفاك نتيي مزال عياانة شحال من مرة شداتك الدووخة فالداار خلييني غير نتمشا معاك ولمبغيتينيش نهضر والله منطق شي كلمة نتي خارجة شنو ندير بوحدي فالداار
تنهدات وقالت:وخة
بالزربة قاداات زيفهاا هزات صااكهاا سدو لباب وراهم وتمشات معاهاا خداو طاكسي لقلب المدينة مليكة علمات حذيفة فميسااج وتمشات معاها فشارع عامر ساكتة وغير تابعاهاا فينما دازت كدوز معاهاا دخلو لأحد الاسواق الكبرى غير حيدات نظاظرها جاو دغيا لبنات لي مسؤولين تما كيرحبو بيهاا تجاوزاتهم بمجاملة ومشات دايرة ايدها فجيوب القبية وكتمشاا
تابعاهاا مليكة كتشوف فلحواييج باعجااب مبهووضة بالاثمنة الغالية وهي ك انسانة مقاتلة مع الوقت وديما مسبقة راحة ولدها عليهاا فمكانوش فلوسها كيمشيو فلبس ابدا
كان همها فقط ولدهاا يلبس ويشري لكتوب ويقراا تهز ميمتهاا وتكون مرضية
ايمان: عجباتك !
مليكة: زويينة وينيي انا كندير لفولاار
ايمان: ااه قصيرة
مليكة(جبدات تيليفونهاا كيصوني ) خير يارب…هادي لواليدة
ايمان: جاوبيهاا …انا غير هناا
خلاتها كدوي وغادية مع داك لكولوار قدام مليكة حتى ضارت لجيهة التانية وقصدات طريق لباب وخرجاات
مباغة والو غير دقيقة بوحدهاا بعيدة على النااس وعلى نظرات الشفقة والمعاملة بحال شي طفلة صغيرة
شدات طاكسي غير غادي بيهاا توصلها لكورنيش خلصات وهبطاات كيضرب فيها الهوا ديال البحر ، الجو مغيم والمواج عاليين البحر هاايج
حسات برعشة من البرد بورش لحمهاا
كلسات فواحد لكرسي تماا وبقات مقابلة البحر ف تاملهاا ودموعهاا
اما مليكة صفاارت مخلات فين قلباات ولغتها الاسبانية مزال ضعيفة ولكن غير قالت ليهم بيانكا عرفوها وقالو ليها خرجاات
الاخيرة خرجاات بغات تندب وقفات لمدة طويلة فالطريق ربما ترجع ربما خرجات تقدي شي حاجة وترجع ولكن والوو حتى صونا حذيفة ليهاا ،خافت ومعرفات مدير جاوبات بتوتر
حذيفة: لا مليكة الامور بخيير
مليكة: اش اش غنقوليييك ،مشيناا لواحد لمكازة وتلفات عليااا عييت نقلب وقالو لياا خرجاات كنتسناها ترجع والوو
حذيفة(ناض من لبيرو ديالو مخلووع كيرمي السانتيم من ايدو ): فيين فين اشمن بلاصة و،واش قلبتي مزياان
مليكة: قبلت تعييت ،تكون مشات لداار
حذيفة: صافي سبقيني تمااا وردي عليا انا جااي
شدات لميترو قربها لداار ومشات كتجري دخلات كتنهج لقاتها مكاينااش
كان حذيفة جااي وخبراتو بلي مكاينااش مشا كيقلب فلبلايص لي كتمشي ليهم بزااف جرادي ولي بارك لي كتكون فييهم وقصد جيهة لبحر حط الطموبيل وتمشاا مع لكورنيش كيقلب بعينييه يجريي هناا وهناا حتى بانت ليه مكمشة فوق لكرسيي وشعرها كيديه الرييح كيبري بالشمش مشا كيجري لجيهتهاا مع عيط باسمهاا هزات راسها عندوو ومسحات عينيهاا
تحنا عندها مخلووع وقال بصوت مرتاافع: واش بااغة تحمقينيي علاااش كتمشي بلاا خبااري علااش
نوضهاا رماهاا فحضنو كينهج تخلع وتحشو علييه رجلييه بلخلعة
مهضرااتش شدها من كتفهاا تحت ايدوو وداها لطموبيل غير ديماراا جبد لكاروو كيكميي فييه واحد تابع واحد الطريق كلهاا
كان حاط تيليفون لوسط حتى بداا كيصوني رمات عينيهاا لتيلفون حتى تهز قلبها مع اسم ” كرييم”
دغيا رما ايدو لتيليفون قطع علييه وقلبو ظنا منو انها مشاافتوش
نترات التيليفون من ايدو وقالت وعينيها مضببين بالدموع وقالت: شكون كرييم
حذيفة(مركز مع الطريق ومد ايدو ليها ): حبيب
ايمان(بصراخ ): شكون كرييييم احذيفة ،علااش كدويي معاااه علاش عاطييه نمرتك دويي معاياا علاااش
ملقاش كيفاش يدير يتحاور معاها وسط الزحاام و الطموبييلاات
شدات راسهاا كتبكي وتخبط قدامهاا وتغوت توصلو لداار ،طلعات كتبكيي بحال الى شانق عليها شي حد بغات تلوح حوايجها وتغوت لربي لي خلقها على الغصة لي واحلة فحلقهاا
مع وصلات لداار شهقاات كتمشي وتجي وسط الداار وملييكة واقفة مقداتش تدويي تدخل حذيفة وقال بهدوء. : ايماان
ايماان: علااش كدوي معاااه هءهءهءه واش مكفاكش هدشي لي داار فيااا بسبااابهم اناا ولييت مرييضة غنحمااااق غنمو_وت بلفقصة ونتاا كدويي معاااه كدوي معا لي جراا علياا وشتا خييط من السمااا هءهءه كدويي مع لي بسبابو كانو غيتعداو علياا معامن كدويي معااامن
شاف حذيفة فمليكة وطلب منها تمشي وفعلا مشات حانية رااسهاا وسااكتة
وايمان كتبكيي كتهز وتخبط باغة تخرج شي حاجة واحلة ليها فحلقهاا ومقدرااتش كيبان ليها داكشي وااحل فحلقهاا كي السم مقادراش تخرجوو
عياات ورجليها فشلوو ولارض كدور بيهاا طاحت على وقفتها كالسة حتى شدهاا كيرش عليهاا لماا وسمعها تقيييل كتسمعو كيعييط لييهاا وهي فعالم آخر فيه اصوات كثيرة ودكريات مخربقة بحال شي اسطوانة مخربقة كتعاود فترتيبهاا
تنتراات منو وهوا مزير عليهاا وسط الحطاام من جديد نفس السينارييو تعااود قداموو
ايمان: وبغييت نبقا بوووحديييي ااااعععع هءهءهء طلق منييي طلق منييي
خذيفة: خايف عليييك راه ياله فقتي من كووومة ا ايماان
ايمان(بصرااخ ): كون غير مـ_ت علااش فقت علاااااش علاااش (كضرب برجلها فكراسة الطبلة )علاااااش بغييت نموو_ووت هءهءهء ومبغيتش نعييش
حذيفة: متبقايش تهدري هكا ا ايماان عفااك، مـ_ت وحييت معااك
تسالاو لييه ومعرف كيفاش يتعامل مع حالتهاا بقا كيرطب معاهاا حتى نوضها من لارض كلسها على لكرسي وجاب ليها لماا بدا كيجمع ورجع لكراسة لبلاصتهم كلس حداها ياله بغا يهضر سمع الدقان فلباب مشاا كيلقاا سوكيريتي ديال الاقامة
_جيران تشكاو بلي كايين شي صدااع عندكم
حذيفة(تنهد كيحك لحيتوو) : ااه غير شي مشكييل
_ هادي تاني مرة كيتشكااو المرة جاية غيضطرو يعييطو لبولييس
مشاا وسد حذيفة الباب وهي كالسة كتسمع وكدور فداك لكااس مشا لجيهة لبالكون كيكميي وعاطيها بجنب تنطقاات بصوت بااح : علاش كدوي معااه
حذيفة: بغا يهضر معااك وكل مرة كيسول فييك
ايمان: كيسول بغا يعرف شنو صنعو فلحرام وخلاوني كنتعدب
حذيفة(تنهد): ايمان راك ماشي نتي اللولة ولا اللخرة لي واليديك غلطو
ايمان(شافت فيه بديك الضحكة لمخلطة بدمووع ): شفتي حتى نتا قلتيها انا غلطة مكانش خاصهاا تكوون
لاح لكاسكيط وشد راسوو كيتنهد وقال: ماشي هادشي لي قصدت
ايمان(بقات كتشوفييه بحزن ودموع هابطيين ) : معرفتش شنو مخلييك معاياا ،مع وحدة وراها غير المشااكيل و الصدااع ،كارهة حياتهاا وبغيتيها تنور حياتك !
خلااها كدوي مهضرهااش ومعندوش الجهد لنقاش خااوي معندو فين يخرجوو مشا كيقاد قهوة وهي تكلمات: فيين تيليفونيي
حذيفة(عاطيها بالظهر): تهرس ملي درتي لكسيدة، حتى لمن بعد ونشري ليك واحد
ايمان: مامحتاجاهش معندي معامن نهضر فييه
هز عينوو فييها ساكت شافت فييه بعينين منفوخين وحمرين وناضت
ايمان: انمشي نتكا
مشات لبيت وهوا حط داك لكاس بالزعفة كيتنهد ،وبقات الامور غادية بهاد الشكل حتى لاخر ليلة قبل رونديفو ديال الطبيب ناعسة عاطياه بالظهر وهوا جنبهاا لايح ايدو عليهاا تقلبات على ظهرها وميلات راسها لعندو لقاتو فاايق تبادلو نظرات صامتة وقالت: وليتي كتكمي بلا قيااس
حذيفة: بحال ديما
حركات راسهاا بلا وقالت: واش بغيتيي تخرج على صحتك (حطات ايدها على لحيتوو )
حذيفة: رجعي غير صحتك نتيي وغنرجع كيف كنت
ايمان: سمحلياا بزااف
باستوو جنب فموو بوسة لي مقنعاتووش توحش طعمهاا ورطوبيية شفايفهاا ومداقهم لي بالنسبة لييه ادماان طاح فييه، قبلة طويلة مقدرش يحبس منهاا فيقاات الرغبة والحب والاشتياق ليهاا
خداتو لقبلة لقبلاات فجسمهاا وهي هادية ومسلمة نفسها لييه مامتانعااتش كانت مرحبة بلكلماات والقبلاات على جسمها بحال شي دواء خفيف كيداوي دوك الجروح السطحيية فنفسيتهاا
كانو جسد لجسد فعلاقة حميمة هادئة عبر ليهاا بحبه واعجابو بالاف الكلمات وهي كلها اداان صااغية لييه …
كانت قرابة الفجر معنقهاا كيلعب فشعرها وقال : نوضي ندوش لييك !
ايمان: مم بلاتي غير سير
لبس عليه ومشاا لدووش كيدوش ودمااغو عامر ،كانت علاقة زويينة عادية على غير العاادة وعلى غير الشغب لي موالف فحميمتهم ضحكهم لعبهم
كانت عاادية بالنسبة لييه ولاول مرة من نهار تزوجو حس بليي اول مرة كتكون علاقة بهاد الشكل وبلي غير دارت لييه خاطرو وحتى هوا مقدرش يصبر عليهاا ،حس بحال الى استاغل ضعفها
شخص اخور غيجيه الامر عادي وبليي هداك حقو ،ولكن هوا كشخص وطبيعة علاقتهم لي تبناات بالترااضي وكيفما العلاقة فيها جوج خاص يكونو بجوج راضيين، محملش راسوو هناا وكمل داك الدووش معصب غير مع رااسو
خرج كينشف فشعرو لقاا الادان فتيليفونوو، لقا الضو شاعل فلكوزينة ومشا لعندها كانت لابسة تيشورت ديالو على جسمهاا فقط كتشرب فلماا وقال: دوشي داباا واجي صلي معاياا
حركات راسها بواخة وقرب جيهتهاا وقال: ملي مابغيتيش علاش ماحبستينيش
شافت فييه وقالت: شكون قالييك مابغيتش
حذيفة: مولفيين حنا بحال هكا ؟ جاتك نورمال هاد لغولاصيون لي درناا
ايمان: عادي
حذيفة( عض على فمو سااكت ومشا هز لبريكي ولكرطونة ): سيري دوشي
بغا يكميي وتفكر الصلاة ورماهم فوق الطبلة بالزعفة ومشا يلبس تسناهاا حتى جات لابسة عباايتهاا وقفات ورااه وباشر بالصلااة حتى كمل مشات تكات وهواا قصد لقهوة ولكاارو حتى بدا لحال كيباان
حتى سمعهاا كتغوت نااض قاافز من الصالون دخل عندها لبييت لقاهاا واقفة كتنهج شافتو وترمات فييه مخلووعة مغريباش علييه حالتهاا حلمة من احلامهاا تاانيي
بقا كيهدن فييهاا شربها لمااء وكلس جنبهاا حتى تهدنات
عاد ناضت لبساات عليهاا وحتى هوا لبس علييه باش يخرجو يفطرو فالطريق لانو الطبيب بعيد شوية وداكشي لي كاان
هزات وراقها فالصااك وتبعااتو شاد فايدهاا تالطموبيل مشاو فطروو ومخليها على راحتهاا ساكتة في هدووء وتيليفونو كل مرة يصوني من الخدمة وهي كتشوف فالاخير طفااه
شدو طريق للعياادة والقران ونييسهم فالطرييق شاد ايدهاا طول الطريق وهي عينيهاا فقطراات الشتاا لي كطيح برا كتعلن على انسحاب الصيف
الجو مغيم وشتاا غير قطيرات خفاف ،جو لي ديما كيفكرها بشي حدث مرتابط بحزنهاا وكيف قالت ليهاا القابلة لي ولدااتهااا
“نهار تزاديتيي كانت الشتا خييط من السماا نتي كتبكيي والنااس كتصلي الفجر “
هبطو كتقاد فجيلي لي لابسااه دافيي طلعو للعياادة وكلسو كيتسناو ماشي بزااف حتى عيطات المساعدة باسمهاا وحذيفة بقا كالس جنب الباب وجبد تيليفونوو شعلوو كيصادف مساج من مراد كاتب فييه
مراد: ليوم تحكماات نورة وداك لبرهوش …تحكمات ب 3سنين و دري ب4 سنين
حذيفة: لي كيقلب على العفن كيغرق وسطو هدشي لي نقول
دخلات ايمان لداك لبيرو لكبيير فوطويات مفرشيين بجلد فيه ريحة زوينة ومطلووقة موسيقى كلاسيكية ،واقف الطبيب كيقاد فلموسيقى وهز عينو فييها مزال واقفة عند الباب شاف جيهتها وتبسسم وطبطب فوق واحد لكرسي تاع جلد كاشارة باش تجي تكلس فييه وفعلا جاات بشوية عليهاا كلساات وقال: شنو تبغي تسمعي ؟
ايمان: والوو ،طفيهاا
_بكل سرور
طفاهاا وجا كلس فلفطوي لي جنبهاا بحال الى كالسيين فصالون ماشي بيرو وقال: تشربي قهوة !
حركات راسهاا بلاا مهبطة راسهاا وقال: علاش مرجعتيش ملي قلت لييك رجعيي !
مهبطة راسهاا وجامعة ايدهاا كتلعب فظفارها بغات طيرهم وكمل كلاامو وقال: شنو قلت ليك داك النهاار بليي ديك الجرحة الى مداواتش فوقتهاا غتعفن لييك ومسمعتيش كلاميي ولكن مامشاش لحال مزال الوقت فيين تشفي رااسك وتعالجي داك لجرح الغاارق الى بغيتي
ايمان :معنديش غير جرح واحد باش نداويه (هبطو دموعها)بزاف
_منين بغيتيناا نبداوو اشمن جرح ضارك كثر
هبطات راسها و الدموع كيقطروو وقالت: بغييت غير نبقا بووحديي حياتيي كحلة مافيها ميتشااف وبيين جرحة وجرحة كاينة حفرة غااارقة صعيب نوض منهاا من ضربة لضربة من مصيبة لمصيبة من شوهة لشووهة بحال الى كيتساابقو تيقولو شكون يطيحها كتر ولكن انا هادشيي ولفتوو لحاجة لي مبقيتش بغييت هواا نعدبو معاياا خليتو يهز هميي فلوقت ليي خاصوو يتقا_تل ويوصل حسيت براسي حبستوو وجريتو وراياا وكنت اناانيية ،محدو معاياا غيبقا ديماا مكرفص معاياا
_ ولكن كنتفكر بليي اخر مرة سولتك علييه والى مكانش فحياتك شنو جاوبتيني
ايمان(كتمسح فعينيهاا )غنساليهاا هء ولكن حسيت بييه معدب معاياا هء هء داكشي لي مقدروش واليديا يديروه بغا يديرو لياا هواا ، بزااف علييه
حط المذكرة وقال : حالتك فيها بزاااف ديال المرااحل (توجه ل تيليفون) واولهم ساكن الروح (كيهضر فالتيليفون ) بغيتك تلغي لياا كاع لي رونديفو لي عندي فهاد نص نهار اللول ممم سي سي و زوج ايماا يتفضل لبيرو يرتااح عطيه قهوة حيت غيتسناا شوية ولبغا يمشي يمشي حتى تعاودي تاصلي بييه
قطع معاها ورجع عند ايماان وقال: نبداو من ايماا الصغيرة ! عاودي ليا باش نقدر نعاونك …
بقا حذيفة كيشوف فالمساعدة كتعتادر من جوج ديال الناس كالسيين ورتبات معاهم موعد ف العشية اما هواا شافت فيه وتبسماات وقال: تفضل معااياا
تبعهاا تحلات الباب التاني ديال البيرو وقالت: الدكتور طلب منك الى كنتي زرباان تمشي حتى نتاصلو بيك ولا تقدر تبقاا
حذيفة: غنبقاا
دخل لبيرو وسدات ورااه كيشوف باب تااني ل صالون لي فيه ايمان والطبيب تمشاا لكرسيي قدام لبيرو فوقو شاشة كبيرة مقسمة على ربعة فيهم كاميرات وحدة منهم عليه والتانية ف صالون لي فيه ايمان ولاخرين على برا
قاد نظاظرو كيشووف فيها كالسة مكمشة والطبيب كالس فلقنت من منظرها بايينة كتبكيي والطبيب شاد معاهاا الخااطر محسش بالمساعدة لي دخلات قهوة حتى بغات تخرج عاد شكرهاا
تركيزو كلوو ف ايماان وخة الصوت مكااينش كيشوف الطبيب كل مرة يمد لييها لماا ولاا كلينيكس قلبو حرقو عليهاا خافهاا تسخف ولا توقع ليها شي حاجة خصوصا مزال فمرحلة العلااج وستريس صعيب علييهاا
لوقت طوااال ودخلو فساعتيين و الزياادة كل مرة تبدل لبلااصة حتى استقرات فلفطوي طوييل وتكات راسها على القنت كاتهضر والطبيب واخد مكاان مع مدكرتوو كلو اذان صااغية حتى سكتاات وغمضات عينيهاا كتنخصص عيات وفشاات قلبها من الخااطر
خلاهاا هكاك وشافو جاي لبيرو وتقاد فكلستو كيمسح فعيينيه من كترت التركيز فليكرون
دخل الطبيب وابتااسم كيحيد لكرفااط وقال: حذيفة !
حذيفة: سيي
توجه لبيرو ديالو كيحط مذكرتو وقال: اسمك صعيب ولكن من كترت مدكراتو ايماان حفضتو حرف ب حرف وانا متاكد عمري غنسااه
تنهد بلا ميجاوب حتى كمل طبيب وقال : كاول سؤال غانسولو ليك نتا كزوجهاا واش لكسيدة كانت صدفة ولا انت_حار
حاط ايدو على فموو كيسمع وديك اللحظة لي بقات فبالو ملي ضرباتها الطموبيل كتعاود فبالو فينما غمض عينييه تفكر كيفاش كانت غادية كتجريي بلا عقل لطريق وسمعات لكلاكصوون وزطمات فالشانطي بلا عقل مقدرش يفسر واش انت_حار ولا كانت غايبة على عقلها فديك الفترة ..تقاد فبلاصتو وبدا كيعاود ليه كيفاش حتى وصلات لديك لحالة وكيفاش لقاها كتحفر والهضرة لي ولات كدخل وتخرج فيها الاحلاام ،الاصوات لي ولات كتسمع
وطبيب كيسمع ويحرك براسو حتى سالا وقال؛ حنا مبقيناش قدام حالة ساهلة غتبرا بشوية ديال الدوا ،قدامناا حالة من الاكتئااب الحااد لي تحول لييها الهلوسة وهوس بالمو_ت ،باش توصل لهاد الحالة والحد الادنى من المرض النفسي لي الى ماتشافاتش منوو غتولي حالتها من ثنائي القطب وديك السااع الانقطاع على الدوا كييولي بحد ذاتو انت_حاار للمريضة باش نشرح ليك كتر وراه ورقة مرسوم فيها هرم وكل خانة فلهرم ملونة باسم بقا غادي طالع شوية بشويية كيشرح لييه حتى وصل لتحت القمة وقال :شفتي هاد الخانة الحمراء هنا فين واصلة ايماان مكيفصلهاا على ثنائي القطب غير شوية ،مغتبقاش عارف معامن كتعيش واش انسانة مريضة ولا صحيحة هاد المريض مكيبقاش عندو تفكير ،مكيبقاش مسؤوول ورسميا كيوليي مريض نفسي بينو وبين الحماق غير شعرة رقيقة ساهل تقطع ،فهمتيني؟
حرك راسو بااه
_كيف قلت ليك ايماان قادرة تعرض راسها للخطر فاي وقت فييه بووحدهاا انسانة ولات كتشوف حياتها سودوية مقتااصرة على انسان واحد يضوي حياتهاا لي هوا نتاا ،شوية بشوية ولات كتشوف راسها كاتظلمك وخاصك تبعد عليهاا وان بالنسبة ليهاا ما حدك حداها كتزيد تعدب ، شرحات ليا لفلوس لي خسرتيي ..الادمان لي غادي وكيزيد لكاارو ..اهماالك لصحتك ولروتين حياتك الكالم …شوهات سمعتك على قولتهاا …وبزااف بزااف مفادهم حذيفة
كتحس بييك كتبغيها شفقة لحالتهاا وبليي مقادرش تخليها بوحدها غير حييت مريضة ،وهدشي كييزيد يازمها ويزيد عليهاا
غنعطيك حل وحييد لحالتكم ايمان خاصها دخل ل مركز نفسي باش تعالج ضروري ومؤكد وفاسرع وقت خاصها رعاية طبية مشددة على جانبها النفسي وتانياا خاصها فترة تبعد علييك بااش ترتب افكاارهاا وتعرف تماماا واش حبها لييك صحيح ولاا غير تعلقاات بيك فلوقت لي كانت وحييدة ،فحالة ايماان ربماا الفرااق انسب حل الى كانت كظن بليي كضرك كتر مكتنفعك
يتبع
شاركنا رأيك في هذا الفصل 🌹