الفصل 15

‎ العوض الجميل ❤️‍🩹

‎

بقا كيسمع ليه بهدوء ومركز مع كلامو حتى شوية ولاا كيعطيه معلوماات على لبلااصة

_ سونتر زويين غترتااح وغتحسن نفسيتهاا فييه اطر طبيية كفوئيين .فييه مساحة كبييرة وانشطة مختاالفة لي يقدرو يخرجوهاا من ديپريسيون لي هي فييه انا كل سبت واالاحد كندوزو تماا كنشوف لمرضى لي عندي كنكلس معااهم وكنشووف التحسن لي كيوقع تماا ،تيق بيا الاحسن ليهاا ولييك هوا تدخل تما باش تجدد نفسهاا

حذيفة: شحال تقريبا ديال الوقت لي تبقا فييه

_على حسب حالتها واستجابتهاا منقدرش نحدد ولكن يقدر من ربع شهور كتبدا تبان النتييجة

تقاد فكلستو مصدوم: ربع شهور

_ ممكن كثر ومن بعد غنتبعو بالجلسات و الدواا حتى نوصلو لنتيجة مُرضية من بعد غنخففو الدوايات ،انا عارف صعيبة علييك ولكن راه انسب حل وهي رحبات بالفكرة و وافقات حيت بغات تعالج بغات ترجع طبيعية حيت عياات

كلام مكانش سااهل بالنسبة لحذيفة حس براسو تهز حتى لسماا وتحط على الضس

راجع بيهاا لدار وكلام الطبيب بحال شي سيناريو كيتعاود فعقلوو ،هي كالسة ومتكية راسها على الزاج وسط عالم بوحدهاا ،كتشوف فالشتاا كتهبط على الزااج بهدووء

وضجيج فعقلها وقلبهاا حتى حسات بايدو سخونة كمشات ايدهاا وقف فسطوب وشاف فييهاا ،تبسمات لييه بلطف باس ايدها معبر ليها على بزاف ديال الهضرة ترااكمات عندو مقدرش يخرج حتى حرف

راجعيين لداار من بعدماا رصاو امور المركز واتاصل الطبيب خدا ليهاا بلاصة وهاد لمرة هي لي تكلفات بلخلااص كيف قاليه الطبيب ماعتاارضش وكانو ملااين هوماا ولكن على سبيل صحتهاا تعطي كتر

غيخصها تجمع حوايجهاا باش الصبااح تكون مستااعدة للعلااج

وصلو لداار من بعد يوم كاامل على براا جاب معاه عشااهم وطلعو لدار ساكتيين كانت مهدودة بدل وصلى وبقا غير بشوورط كالس كيخمم حتى دازت هزات لفوطة دخلات لدووش سمع لما تطلق وتحناا شد راسوو فلبييت وقلبو كيتعصر

وقف بغا يمشي يكمي حتى سمع تنخصيصها من الدوش بقا واقف متردد واش يدخل ولا يخليهاا ،ماعطاتوش خاطرو وحل الباب لقاها كالسة مزال مادوشاات فوق لاشااص كتبكيي غير شاافتوو نااضت ترماات فييه مزيرة علييه كتبكيي زير علييهاا كيبوس فعنقهاا وكتفهاا ويشم رييحتهاا لي غيتحرم منهاا لشهور حل عينيه محقونين بالد_م مدمعيين وقال : كلشي غيفووت وغترجعي حسن من اللول انا نصبر على بعدك (تنهد )غير برااي لياا (بضعف )مبقاش حذيفة بلا ايماان ،نساي كلشي ومتنساايش بلي كنبغييك عفااك

خرجها لبييت كلس قدامهاا كيمسح ليها فوجهها وهي كدالك وقال: تبغي نشوفو شي فيلم بجوج !

ايمان: وخة

وقف كينظف حلقوو وقال: خرجات ديك لاسيري لي كنتي كتسنااي نشوفوهاا نييت راه كاملة

حركات راسهاا بااه مشا جاب لماا طفاو الضو وتخشاو فبلاصتهم متكيها فحضنوو ومشابك ايدو معاهاا ساهرين على مسلسل امريكي كيعجبها من حلقة لحلقة في هدوء وسكيينة وكل مرة يشوف السااعة كيحس بلي الوقت معاند معاه وكايجريي كتر من القيااس

تسالات اخر حلقة وقال: فيك النعاس !

ايمان :لاا ونتاا

تكاا وتكاها على دراعو مقابل معاهاا كيداعب بشرتهاا و شعرهاا باسها فجبهتهاا وتفنن فتقبيلهاا فشفاايفهاا حتى ضرهاا وحبس مشارك معاها الحديث كيتدكروو بعض الاحداث الزوينة لي دوزوهاا فكرها فبلجيكاا فكرها فلبحر فكرهاا فبزااف ديال لحوايج خلاها تبسم ويطلعو حناكهاا بالضحك تبسم لمنظرها وبااسها فجبهتهاا وقال: الله اخلييك ليا اعمري

جوابهاا كان تزيد تقرب وتغطس فحضنو بتنهييدة عميقة زير عليهاا بقات كتشم فريحتوو سادة عينيهاا وكتخمم حتى طلع الصبااح وصبح مهموم وهي كتر كتجمع فلباليزة لي غتحتااج ملابس مرييحة ورياضية سبرديلات ومونطوات لانه الحال غيبرد والمنطقة لي فيها المركز جات خارجة على المدينة كتكوون بااردة

كاع لي غتحتااج جمعااتو حتى جاا عندها هاز تيليفونها شافت فييه وشافت فالتيليفون وقالت: ياك قلتي تهرس

تنهد كيمدو ليها وقال: الطبيب نصحني باش نعطييه لييك وخة مكنتش باغيي (مدو ليها )عفااك خلي راسك وبرااي بعدي من الحاجة لي تزيد علييك

حركات راسهاا بااه ودارتو ف الشانطة فطرو ولبساات عليهاا ملابس دافئة وخرجو من الداار وفايدها وريقاتهاا والضوسي ديالهاا ،مطلقش من ايدهاا حتى صونا تيليفونو لوسط طلع اسم ودياان وقال: جاوبيهاا غتكون بغات تهضر معاك

هزات التيليفون جاوبات وديان بهدوء حتى قالت: نقدر هاد الايام مانتواصلش معاكم

هنا المقصود بيهم حتى حذيفة شاف جيهتهاا ورجع وجهو لطريق ساكت

وديان: انا المهيم عندي هوا ترتااحي واحسن بلاصة ترتاحي فيهاا هي ديك لبلااصة ،بغيتك ترجعي ايماان حسن وتنسااي كلشيي وتخليه ورا ظهرك

ايمان: ان شاء الله

وديان: مغنبرزطكش ولكن غنفرح ملي تهضري معاياا ونعرف بلي رااك بخير

قطعات معااهاا خدات منهم الطريق قرابة السااعة لوكاليزاسيون عطاتهم واحد الارض بحال الى طايحة فيها قطرة مااء من جنة ،مساحة كبييرة كلها شجر بحال الغابة

تحل الباب الرئيسي الكبير من طرف الامن ودخلو فواحد الرصيف عامر شجر ولكراسة بيضين مزلعيين فديك الخضوورة الطريق كلهاا ظل بالشجر حتى وصلو لبارك ديال الطموبيلات لقلال تماا ومجموعة ديال لبيكالات مصافيين فلبيض مسلوبة بلجمال تشدها من ايدها تبسمات ليه وقصدو باب المبنى الكبيير لي لوسط مكون من 3 ديال الطبقاات وكبييير محلول الباب كيبانو ليها النااس غاطسين وسط الشجر والخضوورة

طلعو دريجاات كيصادفوهم بناات بلباس ابيض بابتساامة قدمو راسهم انهم مساعداات طبية مكلفين بنظافة المبنى وجهوهم عند الاطباء المقيمين ف المبنى رحبو بييهم وبداو كيورييوهم كاع المرافق لي كايينة

السبااحة

ساحات الريااضة ،التنس، الكرة ،كرة السلة ، مرافق الدرجات

الزرااعة، الرسم،الموسيقى ،اليوغا وقاعات الرياضة والرقص

_انا متاكدة غتخرجي بخير ومرتااحة . هناا كاينين نااس غير كيعيااو من روتين المدينة كيجيو يدوزوو ايام هنا كيرجعو بخير

حذيفة(بمزاح) : كاينة شي بلاصة لياا

_هههه مرحبااا خاصك تشد النوبة

ضحكو وطلعاتههم لفوق فين كايينين لي شوومبر كل واحد وبييتوو داتها لبيت حلات بالساروت ورحبات بييهم دخلوو كيشوفوو فلبييت مشمش وفيه ريحة زويينة ،تبسماات ملي شاافت مجمووعة من الورود فلبييت وشافت ف حذيفة وغمزهاا

ايمان: واش الورد صدفة ولا وصيتي عليه ؟

كان طبيب سول حذيفة شنو لحاجة لي كتريحها فلبييت وجاوبوو بلي كيعجبها الورد الحمر والبيض وهادشي نيت لي كان لبيت كلو فيه ريحة الورد

فراش كبير فلوردي باارد دوش فواحد جيهة بلاكار ديال الحوايج بلاصة ديال لمرااية ومجورة

مشاو لديك الطلة كان بالكون دائري مدور ب اطراف العود ك زينة ونفس الوقت حمااية لا يطيح شي حد من الفوق فييه كلسية صغيرة

عجباتهم لبلااصة ورتاح علييهاا شوية ،مغتحسش بالوقت هناا وخة دوز حتى عاام

بعد الاجراءات طلع ليها الشانطة ديالهاا عاوناتها الفرملية باش تقاد امورهاا وحوايجهاا فلبلكاار وهبطاات معاه حتى لطموبييل والفرملية بقاات بعييدة واقفة كتسناهاا شد ايدهاا بجوج مساخيش يرجع ديك الطريق بووحدوو وقال: تهلاي فراسك

ايمان: حتى نتا (طلقات من ايدو وعنقااتوو زير عليهاا مسااخييش بييهاا بداو دموعها كيتساابقوو مقدراتش تحبسهم ،مسحهم ليها وباسهاا فحناكهاا وهي كتنخصص )

حذيفة: كنبغييك

ايمان: حتى انا كنبغييك هء

تبسم ليهاا وطلق من ايدها رااجع باللور ..شداتو من قميجتوو كتبكيي وقالت:حذيفة

غمض عينيه بتنهييدة حارة باس جبهتها وقال:العهد بيناتناا

جات لفرمليية شداتهاا من كتاافها بطبطة وقالت : الوقت دغيا غيدوز

كتشوفييه غادي لطموبيلتوو مهزش رااسو حتى ركب مباغيش يشوف جيهتهاا ويبعد عليها شوية بشوية دغيا دور الطموبيل وعطاهاا بظهرو حتى غبر فداك الممر

البعد علييهاا كان بالنسبة لييه صععييب صعيب لدرجة كبييرة قسحااتوو غادي وعاض فالصبر حتى عياا و وقف جنب الطرييق كيكميي وبلاصتها خاوية جنبوو

ماشي هكا توقع حياتهم ولا مشاكلهم ، المريض النفسي مع الوقت حتى لي ضاايرين بييه كيمرضو معااه هازين الهم وحاضين الشادة والفاادة حتى هوماا نفسيتهم كتكفس وكينشطو ويضحكو غير لكان الشخص المريض نااشط

هدشي لي ولا كيعاني منو لا خدمة بقات كتبان ليه لا خروج لا دوران باغيها غير تولي بخيير ويعيشو لي قسم الله في اماان

مشا نيشان لخدمتوو حاول يتلف كالس فلبيرو ديالوو قدامو مجموعة من لموديلات ومعااه شي ناس من الشركة كيتاافقو على كوليكسيون ديال الشتاء شنو يديرو شنو يوجدو كيفاش غتكون كيتشاورو معاه حيت هوا المصمم لي مكلف بهاد الموسم ولكن عقلو غاايب

كيحرك راسو ليهم كلمة يسمعهاا وعشرة لاا

من بعد جولة فوق لبيكالاا مع الفرملية لانه الارض كبيرة والمرافق كل وحدة بعيدة على وحدة مخلاتهاش دقيقة وحدة تنفاارد بكاات حتى عياات و وقفاتها باش تولي بخير ويرجعوو وهدشي لي عطاها القوة والصبر ،حيت بغات تعالج بغات تشوف الدنيا من جانب مشرق عكس الظلام لي عايشة ومعيشة النااس فييه

خداو جولة كبيرة فديك الارض المغولة بالشجر والنباتات والزرااعة لمشاش وبلاصة فيهاا الدجاج والبط والوز وكل ما هوا اليف

كل مكيزيدو الطريق كيتلاقاو مع مقيميين تماا كيديرو الرياضة ولا كيلعبو التنس ولا كيمارسو شي نشااط ف الجردة لمهم كل واحد عايش حريتوو ومستمتع بالجو النقي

من بعد هادشيي شافت طبيبة تماا هي لي غتكلف بوقت الدواء ديالهاا غتعطيه ليها بايدهاا وغتحرص على شربهاا دواهاا وفعلا بعد يوم كاامل تماا شرباتهاا دواهاا ومشات لبيتهاا جبدات صورتهم حطاتها حدا راسهاا شوية هزاتهاا حاضناهاا ومغمضة عينيهاا كتبكيي لوقت طويل عاد رخاها الدوا ونعساات

اما هوا كي رجع لدار فوقت معطل ضربوه لحيووط والدار لي سااكتة بقا واقف مدة عند لباب كيشووف كيتسناا يكون كيحلم وتجي تعلق فييه من شي قنت على قصد تخلعو كيف موالف ،ولفاتو شقاوتهاا وفينما شافتو عياان ومستريسي كتفاجئو بشي ليلة زوينة ولا هدية بسيطة بخط ايدهاا ولا تحمقوو بشي براانك بينها وبينوو

اول متفكرهاا تبسم ولمعو عينو

الحب الصاادق الحقيقي،ماشي كلشي كيوصل لييه انك دير اي حاجة فسبييل تشوف الضحكة مرسومة على شخص عزيز بلا متسناا مقابل من غير الود والحب هناا حصلتي علييه

وايمان كانت فعلا كدير اي حااجة فسبيل تفرحو وتفرح وتعيش زواج مستااقر وعلاقة حب طويلة ،هدشي خلاه هوا بنفسو يتعلق بيها اشد التعلق ،مكيفارقهااش لا فسفر ولا فتسوق ديما فجنبوو وديما فجنبهاا

الغربة خلاتهم يكونو عائلة لبعضياتهم جامعاهم طبيلة فكاع المناسباات جامعاهم صلاية فكاع الصلوات الخمس

اشياء بسيطة ولكن كتخلي بصمة عندهمم

هي هازة صورتهم وهوا كلس فالضس جابد بزطاموو كيجبد منوو بزاف ديال لويقاات مكتوبين ومرسومين بخط ايدهاا كيبووس فييهم ويشم ريحتهمم

،

دازو اياام الاولى عليهاا فلمركز صعااب حالات الهلع ،الهوس ،الاحلاام

الغوات التهرااس البكاا اضطرو تبقا معاها فرمليية فساعات نومهاا الدوايات عراام فواحد لمجر مسدود سوارتو فقط عند الفرملية عامر وكل واحد فوقت واحد كينعس واحد كيهدئ واحد كيخرجها من الهلوسة وغاديية الاموور هكاا

هوا بدورو ولا عايش مسلوب الرووح مكرهش يبقا ليل ونهار براا من خدمة لخدمة وريتو كتهلك بلكاارو وكيشوط فيهاا ،حس براسو دخل فحالة صعييبة فالوقت لي كان باغي يخرج ايمان منها لقا راسو غادي وكيطيح فالعزلة والبعد على الله ورفض الايمان بالقدر خيره وشره

دخل لدار مصمم يجمع راسووو وكيسول فراسو تحت دووش

مالي ولييت هكاا ؟ جمع رااسك توكض اش هاد لحالة واش سيفطتيها تبراا باش تجي تلقااك مرييض

وكيفاش عطاتو خاطرو ما مرة ما جوج غلبو الشيطان وخلاه يفكر ف الشراب ينسي بييه كيلعن الشيطان فاخر دقيقة ويبقا يستغفر

هز الطووندوز دوز على لحيتو لمغووفلة وشعروو حتى هوا قنطو المظهر ديالو وبغا يجدد فرط فشعرو ربما نفسيتوو ترتااح ضرب الجوج لشعروو تعطر وخرج قاصد المولى عز وجل مشا لاقرب جاامع لييه بجلابة دافئة تقاشر بويض وبليغة

جا مع صلاة العشااء صلى وتخشع جدد ايمانو واستغفر على افكاارو واعد راسوو ونفسو يبعد قدما قدر على السووء وعلى المعصية

فرجوعو لداار خدا اول قرار يحيد علييه البلية ديال لكاارو رما علييه لباكية ولبريكي لي كانت من نوع لغاليي هرسهاا ولاحهم فلبركاصة عاد طلع لداروو طلق فيها القراان وشوية ديال العوود وقرر يجمعها ويستفهاا ويطوي حوايجها وبروديوياتها فبلايصهم لوقت طوييل غير باش يتلف ما تفك حتى ودن الفجر صلاه ونعس

دخلو فالشهر لاول بلا ميتواصلوو كان تواصل ديالو مع الطبيب كيعطييه الجديد ونهار تكون مستاعدة باش تشوف شي حد غيعلموو وهوا كيتسنا على احر من الجمر نهار يلقاها على خير هدشي لي مصبروو على شوقو لييها

على ابواب راس السنة الجديدة دخلات فشهراين ونصف علااج ،بحداء ريااضيي وسورفييت بييج كتمشاا وسط الطبييعة كتاسبات وزن زائد خدودها عمراات جنااب صدر وشوية ديال لكرش وخة لصال وخة كتحررك الدوا كينفخ ،الوزن مشكلش ليها عيب لانه جا معاها ومع وزنهاا ولكن كيبقا وزن غير صحيي وكيعيها لانه بسباب الدوا لي كتشرب

بدات كتحسن شويية نفسيتها رتااحت بعدات كل البعد على التيليفون وشنو واقع براا حطات فلوسها وفعلا بدات كترتااح حاجة وحدة لي ضاراها فخااطرهاا هي شوقها لحذيفة ومزال كتقوول بليي خلييه ملهي فحيااتو بلا منرونها تااني وخة كتقاتل باش تحيدو من بالها دقيقة فالنهار مكاتقدرش ، هوا ماشي مرض ماشي هوس هوا حب هوا اماان هواا عوض

هدشي كتشرحو لطبيب فكل جلسة علاجية لييهاا ضروىي يكون اسمه مدكوور ودائما كيطرح عليها نفس السؤال واش مستااعدة تشوفييه

كان جوابهاا دائما ومدة شهراين ونص هواا التردد وكيجي من وراه الامتنااع

دائما قبل ماتنعس كتسول راسها واش نسااني واش برد من جيهتيي واش رتااح من هميي

راسها بداو كيترتبو افكااروو وبداات كتشووف بلي حياتها كانت فوضى وعمرها قالت اجي نرتبهاا ،خلات كلشي يترااكم حتى ولاات فحالة صعيب ترتب فيها رااسها وخاص لي يرتبها ويعاود يرممها من جديد

عيات وكلساات فواحد لكرسي خشبي بحال الارجوحة لاصق فالشجرة كدحرج برجلهاا وايدها فالجيب ، صوت لفريخاات فالشجر ولكلاب من بعييد كتشوف شي وحدين كيلعبو التنس ولاا كرة المضرب فجهة بعييدة

ريحة الطبيعة المخلطة مع ريحة الشتاا ليي عاد طااحت ،الجو باارد وشميشة داافية ضاربة فعينيهاا صفات لونهمم الازرق ورجعات ابرونق لشعرهاا وبشرتهاا لي رتاحت من كترة البرودويات وبدات كترجع الحاجز الطبيعي ديالهاا

غمضات عينيها كتستنشق ريحة والهدوء حتى سمعات صوت الفرملية وراها تكات على راس الكرسي وقالت: عندي لييك خباار زويينة الى عجباتك

ايمان (حلات عينيها بابتساامة ) شنوو

_ راس العاام بقات ليه غير شي يومااين

ايمان(ضحكات ) راه قلت لييك مكنحتاافلش بييه

_ولكن كاينة عطلة ساارية على كلشي ماشي بالضرورة تحتاافليي …فراس العاام تيكوون واحد لجو زويين هناا كنديرو حفلة ديال الشوااء ،متخافيش حلاال حيت كيجيبوو حولي

ايمان: ولكن واش مدبووح ههه

_مدبووح طبعاا حييت راه كاين هنا لي ݣاوري ولكن مسلم وباش منطيحوش فهدشي كنجيبو اكل لي غيااكلو كلشيي

ايمان: بصح ! بان ليا غير انا لي عربية هناا

_لاا شفتي لي كيلعب ب تنس

ايمان:سيي عرفتوو فحصة الرسم

_ هداك جا على وديت الادماان راه نصوو عربيي ونصوو اسبانيي

ايمان: اااه قولي لياا وديك البنت راها كالسة بوحدها لي عاد جات مؤخراا

_ااه ميليس ..فرنسية كان عندها اكتئاب وملي كتحس براسهاا عيانة كتجي هناا

ايمان: ااه يعنيي قدييمة هناا

_سيي مدة طويلة وهي مسجلة هناا .دابا خليناا فلحفلة لي منظمنييهاا مسموح ليكم تجيبو شي حد بغيتو دوزو معاه راس العاام …متعيطيش زعمة لداك زويين تعرفيني بييه

ايمان(تقلبات عندها وقالت)هداك راه رااجليي

ضحكات لفرملية وقالت: عرفتو راجلك مالك جاتك الغيررة هههه غير كنضحك معااك غيكون توحشك وحتى نتيي موحشااه الى كنتي باغة تشوفييه هد المنااسبة احسن وضع ونزيدك مسموح ليكم داك النهاار نييت دوزوو نص نهار بجوج على براا سوا الصباح ولا العشيية فقط

ايمان: زعمة نخرج (جاتها الرهبة )لاا مبغييتش

_ هي نويتي باش تبقااي هناا حياتك كاملة! راه ولابد واحد نهار غيخصك ترجعي لحياة الطبيعية ،حياة لي فيها بناام ..فيها نااس جداد فيهاا خدمة فيها قرااية فيهاا احدااث بزااف …خاصك تبداي تاقلميي حناا مكنعاونوكش باش تولفي غير هناا …حنى كنعاونوك بااش تكون عندك نظرة اخرى للحيااة واش فهمتيني ازوينة !

حركات راسها بااه وقالت: ديري الخطوة الاولى خرجي معااه شوفي كيفااش غتحسي من جيهتوو ،هادي تجربة عليها غتكملي العلااج ،ربماا هداك لي كتهربي منو يكون علاج لييك

ايمان: خفت ..خفت يكوون نسااني وبدا حياتوو كاالم ومرتااح و نرون ليه حياتوو …داك الراجل تقاس فكرامتوو بسبابيي …صغارت صورتوو قدام دارهم بسبابيي ،شحال جهدو يصبر لهدشيي ..كنحاول نتاقلم على فراقوو باش نقدر نكمل فحالة الى مكاانش

_ شكون قالييك نسااك واش اكد لييك بلي بدا حياة جديدة بلا بييك ؟ ،علاش غتاخدي بحال هاد القرار بلاا متسولييه وتوضعو النقط على الحرووف نتوما راكم مزوجيين بيناتكم ورااق وحب وسنين ميمكنش تفارقو بلا حتى كلمة ، ربماا تبقاو اصدقااء من بعد الى فعلا حسيتو بلي نتوما كضرو بعضياتكم ،ولكن هدشي خاصو يكون بحواار ونقاش ماشيي تبقااي تقولي صافي خلييه يعيش حياتوو

ايمان: كاين واحد المتل عربي كيقول (كتفكر فترجمتو للاسبانية ) البعييد عند العين بعييد عن القلب

_ياك بعد علييك ربع سنين قدرتي تنساايه

ايمان: ولكن هوا قدر يكمل حياتو فديك الفترة بلا بياا

_متنسايش بليي جرحتييه بهضرتك ومع دالك فاول فرصة حتاجيتيه جاا عندك

ايمان: وهدشي لي بغيت نقولييك ،مزال عندي نفس الاحساس بليي كيبغيني شفقة وصافيي عندي احساس بليي حياتو بلا بيا غتكون حسن ،كنفكر مع راسي وكنقول ياربي مقلبتش علييه وخليتو يكمل حياتو بلا بياا كون دابا راه مزوج وعندو وليداات يونسووه ماشي تابعني من حمق لماكتر من الحبس لسبيطاراات هوا موالدنيش باش يتحمل كلشي وكنرجع نقولهاا ، لي واليدينيي وداروو جهدهم كامل باش يهرسونيي وها نتيجتهم كنخلص عليها فلوس كتيرة وشوف تشوف واش نبرا ونرجع نتقبل كلشي بايجابية

_ متسرعييش والقرار كياخدوه جوج ديال الناس حنا كنهدرو على انسان عارف مصلاحتوو هوا ماشي مجبوور يبقا معااك ونتي كدالك ولكن الى كان الحب بيناتكم كلشي كطيح صلاحيتو ..مثلا قولي لياا ؟ لوكان هوا لي داز من هاد الظروف كاااملة لي دزتي منهاا واش غتوقفي معااه ؟ واش غتسنديه كيف سندك ، واش مغتعطيش على ودوو بزاف باش يتعالج ويكون احسن ؟

ايمان: بلا منفكر نعطيه روحي الى حتاجهاا

_روحك غير صالحة للعطااء ازويينة … حنا ك ناس محتاجيين للعطف سوا مرا سوا رااجل ،ميغركش طولهم وقسوحيتهم .من لداخل شحال من رجل كيكون طفل صغير كيكون هشيش قدام لمرا لي كيبغيي صعيب يضرها صعيب يجرحها ولو بشوية (رتبات ليها شعرهاا ) ياله دخلي باركة علييك وقت لغدا هدا ،العشية عندك حصة ديال الرسم

ناضت وهي عند بالها انها كانت فحوار عادي ولكن الفرماية كانت معاها فجلسة قصييرة تعرف شنو كتفكر وكلامهم كلوو غتقولو لطبيب حرف بحرف

دخلات تغداا متبعة حمية لانه وزنها تزااد كتحاول تااكل اكل نظيف حيت معارفاش مصدر اللحم منين جااي وخة تشهااتو ولكن مقدرااتش تقريبا اكلها كامل عبارة على حووت وشلاايض عواصر و فواكه وبيض

بقات كالسة فحصة الرسم موراهاا حصة اليوغاا سادة عينيها وشاداها دغدغة فلمعدة ملي كتفكرو وشنو دير اتااصل بييه ولا لاا

من بعد يومها قصدات الدووش دوشات حيدات لعرق وقصدات مكانها المفضل ونيسها فهاد البييت فرشات صلايتهاا الورديية لبسات العبااية نوراات وجهها صلاة العشااء وبقاات كالسة على الصلااية كتقرا فاخر صفحات القران الكرييم وبفضل الله وتقربها منوو هادي تاني مرة كتختموو

قبل متنعس كتسبح بتسبييح مهاا دعي معااهاا وتقرا الورد اليومي ديالها وكتشرب دواها وتنعس بكري ،معمرها حلات تيليفونهاا ولا شعلاتوو ملي جات ..من بعد الختمة رجعات لسورة البقرة كتحاول تحفظها وخة مزال كتغلط فنطق شي كلماات ولكن كبدايية خدات قرار عمرها تهجر القران ولو تقرا حرف واحد وتنعس دائما ونيسهاا

ديما كتفكر كلستها مع الحااج والقصة ليي عاود ليهاا ،صوتو وهوا كيرتل القران علييها غير كتفكروو كتبوورش ،وصااهاا وشدات وصيتوو فوحدتهاا كيفما القران كينور القبر راه كينور حتى الحيااة

من بعدما قراات وسالات لبسات بينوار دافي فوق البيجامة وهبطاات كانو الاضواء خاافتة كاين لي مزال ساهر كاين لي مشا ينعس

قصدات الفرمليية لي ديما مرافقاهاا وقفات حداها بتردد تنطقات البنت بابتسامة مادة ليها السمااعة وقالت: بغيتي تصوني !

شداتها من عندها بواحد الرجفة وقلبهاا كيضرب دازت جيهتهاا وايديهاا كيرجفوو عاضة على فمهاا وبدات كتركب رقمو لي تحفظ فداكرتهاا حتى سالات الرقم وغمضات عينيهاا ملي سمعات الخط دااز كيصوني حتى تقطع وخاب ظنها وقالت: مكيجاوبش غيكون خدام

_ماشي مشكيل عاودي صوني لييه

ايمان: لا صافي بلااش ،بلاش

_على خااطرك

طلعات لبيتهاا وشوقها لييه تضااعف كانت متشوقة تسمع صوتو ولكن جاتها الخيبة ملي مردش

الاخير كان ماخدامش وناعس فالبييت مرون و الدوايات حدا راسسو مريض بالروااح ومع عطلة راس العاام كلشي كونجيي وهوا مدوزو تحت لمانطة و السخاانة طاالعة لييه وقف بحال الى واكل لعصاا ملي سمع تيليفونو فالصالون كيصوني ناض بزز يجيبو عينيه محلولين بزز

فهاد الايام كان كيهز لموطور بزاف وكيمشي حدا لبحر يكلس كلاهاا فصدرو فلبرد عاد تكمش فدار

لقا نمرة جديدة وفلبلاصة دوز النمرة بلا ميتردد جاوباتو بنت وقال: اولاا

سكت شوية وقال: شكون معاياا ..عاد شوية هدا صونات ليا هاد النمرة

_سيي نتاا (كتقرا فلورقة قداامها)خو هوديفة

حذيفة: سيي سيي

_ تسناا واحد الدقيقة

حذيفة:واش سونتر؟ ايمان لي تااصلات بياا

_تسنا واحد دقيقة ونجاوبك

خلاتو شاعلة فيه العافية كتر من لي شادااه داباا لوا علييه ملااية ودار القب هزاه الرعدة كالس فلقنت كيعطس كيعطس حتى جااه الرد فودنوو بصوتها ليي ميخفااش علييه صوت هادئ انثوي حنين : رحمك الله

لماذا لماذا طريقنا طويل مليء بالأشواك..لماذا بين يدي ويديك سرب من الأسلاك..لماذا حين أكون أنا هنا تكون أنت هناك

وقف ومامتيقش واش صوتها واش هي ؟ ولا غير كيهتر بالسخاانة

حذيفة؛ ايماان ؟ ايماان

ايمان(غلبو عليهاا الدمووع ملي سمعات صوتوو ومقدراتش تهضر برجفة شفايفهاا وهوا كيعاود الوو الوو وهي سااكتة حتى وعات على نفسها وقالت ):ااه واش نتا لبااس ؟ صوتك (مسحات عينيهاا)صوتك مبدل واش مروح ؟

شكون باقي حس بالروااح الفرحة خرجاتو من المرض وضحك وقال: بدلتيي حاليي مليي سمعت صووتك العمر والفنون دياليي

تبسسماات ساكتة وحنااكهاا تزنكو كانها اول مرة تسمع منو هاد لكلاام كيسمع صوت نفسهاا وانها كتهضر بهمس وصوت لطيف دخل معااه بحال لبنج …

ايمان: حذيفة

سمعات تنهيدتوو وغمضاات عينيهاا حتى كمل هوا لكلام وقال: توحشتك ،توحشتك وكلمة متوصفش شنو كنعيش بلا بييك

ايماان (تبسمات بحب ) : حتى اناا توحشتك صورتك فبالي فكل وقت مونساني وخة بعيد علييا

حذيفة: قولي لياا جي داباا نجي نشووفك

ايمان: ههه مشا الحال

حذيفة: نجي غدا اعمريي ؟ مسموح ليك ؟

ايمان (ميلات راسهاا بحناك سخااان وشحال توحشاات هاد لكلام الزويين بيناتهم وخة حاسة براسها حشمانة بحال الى اول مرة تسمع منو هدشي ) بغيتك تجي عندي نهار الخميس ..مسموح ليا باش ندوز معاك نص نهار على براا

حذيفة: واش بصح ؟؟ نجيي نجيي ههه احسن حاجة ،واش خاصك شي حااجة احبيبي نجيب لييك معايا شي حاجة ممم

ضحكات بخفوت وقالت: جي غير نتاا باركة …حم غيخصني نقطع حيت وقت النعااس هدا …تصبح على خيرر

حذيفة: فرحت لي هضرت معااك، وغنزيد نفرح ملي نشووفك

ايمان(بخفوت) : تصبح على خير

قطعاات وقلبهاا كيضرب وحسات بنعشة فقلبهاا طلعات لبييتها مبتااسمة وفرحانة تكات ففراشهاا مغطية من لبرد هزات صورتوو باستو ورجعاتها لبلااصتهاا كتشوفييه حتى نعساات

اما هواا نعس بحال المقطووع فرحاان لي سمع صوتها بخير وخة ديما اخباارهاا كتوصلو من الطبيب ولكن باش يسمع صوتها شخصياا حس بالرااحة وعطاتو امل بليي الامور غتحسن ان شاء الله

رجع لبلاصتوو مغطي والسخانة سادة ليه العينين و النيووف مسدودين نعس حالتو بالمرض ولكن خاطرو مرتااح ومتفائل خير

ايمان بلفرحة لي فيهاا كلسات هي ولفرملية كتختار شنو تلبس وبما انه مجايباش حواييج لخروج قررات تكموندي من برا ونييت مع الوزن لي زاد كلشي ولا كيجيها مزير غيخصها تاخد طااي جديدة

واليوم الموعود قلبهاا كيضرب بالحمااس والخوف كلشي مخلط شداتها نوبة هلع خفيفة وكلساات كترتب تنفسهاا مع لفرمليية لي مفارقتهااش ..عطاتها دواها ديال الفترة الصبااحية ولبساات دجيين لارج فلبييج مع بودي لاصق وفوق منوو جيليي فلمارون ولتحت مصوف تريحاات مشطات شعرهاا سامبل وعطراتوو وكلسات كتسناا الوقت لي مابغا يدووز

كالسة لتحت فواحد القاعة كبيرة فيها فوطوياات كطل على براا كتمشيي وتجيي مرة تهضر مع شي حد مرة عينيهاا يمشييو لجيهة لباب نداتهاا سيدة خمسينية كتلعب كرة الطاولة وقال: بياانكاا تلعبييي معاياا

شافت فيها وتبسمات وقالت: كنتسناا شي حد

_اوووه شكوون

نطقات الفرمليية كضحك وقالت: واحد الشخص بحال الى خارج من ابطال الروايات

_ ههههه داكشي بااش مزنكة وفرحانة مممم

ضحكات ايماان مربعة ايديهاا قدام الزاج كتشووف ،كتسنا بفارغ الصبر تشوفو ،شافت فلفرملية وقالت: تعطل

_نهار كلو ديالك صبريي وتنفسي مزياااان

ايمان: والى مجااش

نطقات السيدة كضحك : هوا لي خااسر .. وغنسهرو اناا ويااك فاحسن بلاصة اليوم

تبسمات ايماان بخوف انه ميجيش ويهرس فرحتهاا تنهداات حتى كتبان ليها طموبيل كحلة جايية محدها كتقرب محد الابتسامة كتوسااع ملي عرفاتها ديالوو ، مقدراتش تصبر خلاتهم كيهضرو ومشاات بجري خرجاات بحال شي بنت صغيرة شافت باهاا بعد يوم كامل غابر عليهاا

غادية وشعرها كيلعب وراهاا لجيهة لباارك والفرملية تبعااتهاا مبعدة عليهاا

خرج من الطموبييل ملهووف عليهاا غير شافها بحال الى شااف بحيرة وسط الصحرااء بخطووات متساارعيين قرب لجيهتها فااتح ليها ايدوو هاز بوكيه ديال الورد فالاحمر برحاابة صدر باش يعاانق جسمهاا

دوك لخطوات لي بقاوو جراتهم عندوو حتى دخلاات فحضنو وحضنهاا من وسطهاا مزير عليهاا حتى هزهاا عندو بشوق هبطهاا وبااسهاا فحنكهاا بزاف ديال المراات عاد بعدها علييه كضحك وجهها حمر وهواا كيشووف شكلها لي تبدل لحنيكات لي تهزو وزنهاا لي غير شكلهاا دورهاا على راسهاا وقال كيضحك: اش هدشيي ههه شكون بدلك لييا

مد لييها لورد شماتو كضحك

ايماان : ههههه (رجعها لحضنوو استنشقات ريحتو النقيية مافيهش ريحة لكاروو بتاتاا كانت ريحة العطور العربية لي مولف كيدير كتعشقهاا فييه ) حتى نتاا تبدلتيي بزااف ههه

بعدها علييه وقال: شنو تبدل

ايمان(ضحكات كتشوف فييه وميلات راسهاا ) نقصتي اللحية (طلات على شعروو وميلات لكاسكييط بصدمة وقالت: اوييليي قرع ههههه

حذيفة: لوااه لواه ههههه هاد الشعر كلو وقررع غير ولفتيني مغوفل جيتك داباا قرع

ايمان: حرام علييك …كان شعرك زويين

حذيفة: حتى التجديد زويين راه خلف داباا خاصك تشوفي مليي ياله ضربت لييك لواحد

ضحكات وهوا مبسم ليها تجرها من حناكهاا بايدو باسها فجبهتهاا وقال: شحال توحشتك

ايمان: حتى انا توحشتك

قاطعاتهم لفرملية مبتااسمة وقالت: باش متبقاوش ضيعو فالوقت سني ليا على واحد الورقة اسيدي ونهار ديالكم

حذيفة: وخةة مرحبااا

دخلو لادارة السونتر شاد فايدها مرة مرة يشوفو فبعضياتهم ويضحكو مامتيقيينش بليي واقفين حدا بعضياتهم

تحناا على لبيرو كيقرا فلورااق بليي تحت مسؤوليتوو داباا وميفوتش واحد الوقت محدد باش تجي على حسب الدوا

سنا على الشرووط وعطا نمرتو لييهم مدات ليها الورد طلعو لبيتهاا وخرجوو من تماا ضاحكيين هزات صاك صغير دارتوو وخرجوو وقالت: فين غنمشييو

حذيفة: بلاصة غتعجبك بزااف

حل ليها الطموبييل ضحكات وركباات حدااه كدير فالسمطة حتى جا لجيهتهاا فرحان ومقداه فرحة ،،خرجو من تما شاد ايدها دافيين وسط ايدوو

ايمان: ههه حشمتيني بهاد الشوفات ههه

حذيفة(كيضحك ) راه نتي لي صدمتيني ههه تبدلتي علياا

ضحكاات كتحل فالزااج يضربها الرييح خرجات ايدهاا كتشوف فالطرييق وقالت: كيف غادي مع الخدمة

حذيفة: الحمد الله ..هاحناا ونتي حسيتي برااسك وليتي مزياان (شاف فيهاا )رتااحيتي

ايمان: الحمد لله شوية … حسن من قبل

باس ايدها وقال: داكشي لي بغييت العمر

حلات لبواط وقالت: مبقاوش هنا نظاظري..هاهوما صافيي

دارتهم من شميشة لي ضاربة فيها

خداو طرييق غير على طريق المدينة شي ساعة ديال الطريق باش يوصل لواحد لبارك ديال الالعاب بحال عيش سفااري بحال شي غابة مصغرة فيهاا الى كان فيك شي خوف كيحييد

كان جسر طوييل بين الشجر كتلبسي حزام الاماان لي لااصق فلخيوط لفووق وكدوزيي

حطو اشيااءهم بحال التيليفون سواارت واي اكسسوار خايفيينو يتلف ركبو ليهم السمطة وليݣات وهي بلخلعة بغات تهرب وكيجرهاا كضحك تجابهاا قداموو

ايمان: لا لا غنطيييح هههههه حذيفة هدشي عاليي عنداك نطييح كيتحرك اوييليي

حذيفة: هههه شوهتينا سكتي غير زييديي اناا شادك

رمات رجلييهاا فيييه كتشوف لتحت واد ديال لماا داايز والجسر كيتحرك والشجر ضاير بييهاا كل مرة تشوف وراهاا تلقاه جنبهاا

حذيفة: عنداااك عندااك

تخلعاات وشدات فتجاكيط ديالو وهوا ميت بالضحك عليييهاا وقالت ولاااا ولا منقدرش

حذيفة: ههههه ومتخافيش راك مربووطة

شدات فييه وكل مرة تزلق ليها رجليها وسط القنب وتغوت مدازو داك الجسر حتى نشفاات

جمعات شعرهاا وقالت: متقولش ليا غنرجعو منوو

حذيفة(جرهاا عندو): الى خفتي نديرو شي عشة انا وياك هناا

دفعاتو كضحك وقالت: ولينا قروود ههه

مشاو كيتمشاو وسط الشجر توصلو لسااحة كبيرة فيهاا نااس كيلعبوو بسلا_ح الكرات الملونة

كيعطيوهم كومبليزو بلون الخزي وكاسك وسلا_ح فيه الكراات

ولداخل بحال ساحة ديال الح_رب كاينين طموبيلاات مشخشخيين ولا رواايض كباار باش يتخبا لواحد كايين شجر صغير وحيط على شكل داار ولكن غير من لعوود هدشي كلو فواحد السااحة كبيرة فين كيلعبو الناس فمجموعاات

مع كتقلب فين تخباا جاتهاا دقة لترمتهاا من طرف سلاحو بكورة زرقااء حتى غوتات وقالت: وقسحتينييي

ضحك وقال : غنحسب حتى لتلاتة ولا غنكرفصك

ايمان(بتحدي ) : قلبتي عليهااا

طلقات كورة جاتو فدراعو وهرباات ماجات فين تخبا جاتها وحدة خراا فقزيبتها وقالت كضحك: حذيفاااا هههه

كل مرة تخباا لييه فقنت مرة ضربو مرة ضاربها حتى سالاو الطرح الاول وعاودو التااني وديما كيعطييها غير لمؤخرتهاا حتى ضرهاا تسالاو الكراات عندها وهربات لييه وتبعهاا بجريي كضحك وتغوت هاربة منو كل مرة كتخبا لييه فققنت وكضربو بلحجر لي طاايح وكترجع باللور وهوا منيش عليهاا

ايمان(بلغوات) :هههه حذيفاااا عيقتيي راه ضريتيني

غطات وجهها تجاتهاا الدقة فكتفهاا تغوتات وناضت لييه وهرب ليهاا من لحجر لي كتسيفط لييه كلسات كتحك فالضربة وكلها عامرة بلزرق

جاها من اللور عنقهاا كتفركل فايدو وقالت: هههه والله والله متبقا فيييك

باسها فحنكهاا كيضحك وقال: نعاودو شيي طرح اخور

ايمان:لا لاا هههه بعد علياا عيقتيي جبتيني هنا تكرفصتي علياا بلمزياان ههه

جرها تحت ايدوو خارجيين من تماا لڤيستير يغسلو ويبدلوو عليهم تعطلات هي كتغسل فوجهها وفايديها بالصابوون حتى دق عليها فلحمام

حذيفة: ايماان وجدتيي !

حلات الباب عليه كتغسل : بلاتيي شي طبعات زرقين مبغاوش يحيدو من وجهي

دخل كيضحك وسد وراه الباب تكا على الحيط كيشوف فييها شافتو فلمرااية كيشووف فيها وضحكات وقالت: غير بلااتي دابا نرجع لييك الصرف

قرب لييهاا جر شعر من عنقها ونطق بهدووء : مرحباا

تبسماات كتمسح فايدهاا وقالت: شدني الجووع هنا كاينة لماكلة ؟

حذيفة: كاين سناك ولكن معرفتش واش داكشي زويين

ايمان: عرفتي ملي دخلت لسونتر مكليت اللحم ههه كنخاف يكوون ماشي حلال

حذيفة: هنيتي رااسك

جا قدامهاا وحاصرها بايدوو كيشووف ف ملامح وجهها وعينيهاا شد دقنها بصبااعو وقال: تشهييت نشوفك عروسة

ضحكات وتهزو حنيكاتهاا وقالت : حتى نتاا غتجي عرييس من داكشيي

هزهاا حطهاا على رخامة لي وراهاا باش تولي فلمستوى ديالوو حسات بنفسوو قريبة حركات نشوتهاا لييه وتعسلو عينيها فييه كتسنااه يبووسهاا ويروويها وهواا كيطيبها بلمهل ،مدات ايدهاا حيدات لكاسكييط و النظاظر ولاحت ايدهاا على كتاافو

كيبووس فكفهاا وهبط لكوول على عنقهاا ومص لحمهاا حتى صدرات انيني خفيف فودنو

طالع مع وجهها كيبوس وكل مرة تعوج راسهاا عندوو كتبغي تبووس كيخليهاا حتى تحل فمهاا ويخوي بيهاا يبوس فقنت اخر

عضات على فمها فقصهاا : تء كتفلاا علياا

ضحك فعنقها وباسهاا جنب فمهاا ونطق بهمس: لبوسان فابوور

ضحكات وقالت: عفااك احبيبي بووسنيي ،يبووسك الخير ههه

حطات راسهاا على كتفوو كضحك وهوا كداالك حتى دمعو عينيهاا وهزات رااسهاا فييه ماجات فيين تهدر باغتهاا بقبلة ،غمضات عينيهاا بتلقائية وحلات شفايفهاا باش تشاارك معااه طقس من طقووس الادمان عندهم بجوج قبلة مصااحبة للمسااتوو الجريئة على جسمهاا حتى نسااو راسهم

حتى سمعو الهضرة براا عاد وعى الدماغ ليي تبلوكاا وعرفو راسهم فيين

ايمان: نسينا راسناا هناا

مساخييش ولكن هدا جهد هاد القنت هبطات عطاتو بالظهر كتقاد حوايجها وهوا مزال مساخيي هيي كتجر وهوا كيجرر تهربات لييه حلات الباب خلاتو حاصل تماا

لبسات عليهاا جيلي ديالهاا وخرجات يضربها لبرد حتى جاتها دقة فمؤخرتها حتى شهقاات حيت كضرها بلكرات لي جاو فييها ضحك وجرهاا عندوو غاديين راجعيين وقالت: كلشي كيضرنيي حرام علييك

رجعو منين جااو من داك لجسر كل مرة يقرصها من بلاصة حتى كتكلس كضحك وكتبقا ضرب فرجلوو حتى سبقهاا وجات نووبتهاا تعطييه علاش كيقلبب عكلااتو قرصااتوو وتجبدات تهبط لييه السروال سعاتي مزيرو بالسمطة مصورات منو والوو..حتى رجعو لطموبييل واحد هارب من واحد

ايمان: حبيبي راه فياا جووع ،الدوا لي كنشرب كيجوعني بزااف

حذيفة: اندخلو لمدينة هناا ناخدو شي حاجة

ايمان(شادة فايدو ) : توحشت دااري وتوحشت مشتيي

تبسم ليها وقال بحب: الدار خاوية بلاا لي منورااهاا ، مبقاا والوو انا مدا بيا ترجعي معايا من داباا ولكن احبيبي صحتك اهم من كلشيي

ايمان: داكشي لي كااين

شافت فالطرييق مبتااسمةة ومن كترت مضحكاات طلعاتها تنهييدة خفيفة ولكن سمعها هوا وقال: مالك

ايمان: مالي ؟ والو

حذيفة:وديك التنهييدة

ايماان: شحال مضحكت قد هكاا معااك توحشت حياتيي معااك

وقف الطموبييل فجنب الطرييق وشاف جيهتهاا وقال: حسيتي براسك شويية ملي دخلتي لسوونتر تبدلات شي حاجة

ايمان: شويية بدييت كنتعلم نتصرف وقت ديك لپانيك لي كتجييني ،مبقااتش قااسحة كيف اللول … دوك الاحلاام لي كنت كنحلم مبقااوش ، بدييت كنرتااح (تبسماات )

حذيفة: باقة كتصليي

ايمان(بابتساامة ) الدواا عندو نصيب من العلاج دياليي ،ولكن الصلاة ولييت كنلقا رااحتي فوق الصلاية ولا هازة القراان (تبسمات بافتخار) ختمتو 2 مرات وبدييت كنحفظ فسورة البقرة داباا حفضت 3 الصفحاات

حذيفة(بفرحة ) : ما شاء الله ، داكشي لي بغييت قربي من الله تلقااي رااحتك

ايمان: فعلاا عمي خلاها ليا فباليي نسو الله فأنساهم انفسهم

حذيفة: ومتنساايش المؤمن مصااب ربي بغاك تشدي فصلاتك وفقرآنك وتقربي منوو

ايمان: كنفكر منهنا القدام ان شاء الله ندير عمرة معااك

حذيفة: نهار غيكتااب داك المقام غيعيط ليناا ان شاء الله

ايمان(تبسمات ) ان شااء الله

شدو الطرييق وقف قدام ريستو معروف بلكباب حلال خدا ليهم بلا وداه لطموبييل وداها قابلها مع لبحر كلاات وتبنننات حتى شبعاات

جاتها لحظة ادراك بلي معاه من 10 تاع الصباح ودابا قريبة 3 مهزش لكارو وريحتو ولا لكرطونة مكدوورش

ايمان: حذيفة

حذيفة: نعام الزيين

ايمان: قطعتي لكاارو

حذيفة (تبسم ليهاا ): عفا الله عما سلف

ايمان: هههه معقوول فرحتينيي (عنقااتوو ) كان غير كيهلك لييك صحتك ،عندك ترجع لييه

حذيفة: صافي معمرو يطيح ففميي مزال

ايمان: واعدنيي

خذيفة: حتى تواعديني نتيي بليي غتولي لابااس ومتبقاش اي حاجة تاثر فيك

ايمان: كنواعدك

حذيفة:حتى انا كنواااعدك دوزت القطعة ملي مكنتييش ههه دابا تشافييت ولييت انساان عااديي ولكن تبلييت بالقهوة

ايمان : بغيت نستااشر معاك

حذيفة(باهتمام ) : شنوو

ايمان: اناا قررت باش نعتاازل الغناا

تقابل معاها باهتمام وقال: متاكدة قرار لاا

ايمان(قاطعاتو بتاكيد): لا رجعة فييه متاكدة ، انا عارفة راسي مزاال موصلتش لدرجة التوبة الكبيرة من جهة لبسيي ولا شعريي ولكن الغنا اصعب حااجة بغييت نحييدو .. من اللول مي الله يرحمها كانت ضد الفكرة ولكن انا فاللول كنت درتها غير هواية بينما استااقرييت شوية بدييت كندخل لفلووس وتغرييت بالشهرة وعجبني الحاال ومبقاش كيبان لييا لحلال من الحرام فهاد الموضوع ،كنت كنقول ياك مكنتصاحبش مكنزنييش مكنشفر مكنشرب يعنيي تحاجة مكندير معصيية ، ولكن كلشي من بعد تقلب علياا ،شي مرات لفلوس والشهرة كيضسرو وانا هزوني حتى لسماا وخبطوونيي ، خلييت قراايتيي وسمحت فلحلم الاصلي لي علييه كبرت وتبعت الحلم لي كنت باغة نخليه غير هواية وصافي ولكن تغرييت وداباا فققت

حذيفة: من ترك شيئا لله عوضه خير منه

ايمان: ونتا هوا العوض الجميل لي تمنييت

حذيفة (تبسم ليها ) : لهلا يحشمنيي معااك العمر

ضحكاات متكيية على صدرو سااكتيين وقال: ودابا شنو غديريي غتكملي فنفس التخصص لي بديتيي

ايمان: اه غنكمل

حذيفة: الله يسخر

ايمان: ولكن باش نكون واضحيين ،نتا عارف بليي عندي كونطرا ديال الخدمة مع كوسميتيك !

حذيفة: سيي عارف

ايمان: يعني خاصني نسالي لكونطراا ولا نعوضهم ، انا ماشيي فوقت التعويض دابا دونك غنكمل ولكن ماشي بحال اللول ،مغنكونش اكتيف كيف اللول حتى نسالي الكونطرا ونشووف ديك السساع

حذيفة: ان شاء الله (سكت شوية وقال) حتى انا عندي شي حاجة خاصني نقولها لييك

تقدات فلكلسة وقالت: ياك لابااس

حذيفة: مالكي تخلعتي هههه

ايمان: منعرف هه شنوو عندك

حذيفة: حم (كيلعب بصباعهاا )خرجت من الخدمة

ايمان(بصدمة ): كيفاش ،علاش اشمن وحدة واش بجوج

حذيفة: لاا غير الشركة

ايمان(بحزن): وعلاااش ،نتا بزز تقا_تلتيي بااش تقبلتيي فييهاا

حذيفة (سكت شوية كيحك لحيتوو وتنهد ) : فاللول كان داكشي مزياان كنخرج لموديل لي بغييت ومرتااح ،دابا ولا كيفرض علييك تقاد موديل كيف بغا هوا وشنو بغاا جوج شريطات على الصدر و الظهر عرياان ونص ميترو ديال التوب ! هدا بالنسبة لياا تشويييه المهنة كنبغييها ماشي التصميم لي بغييت ،باش كملووهاا جابوو واحد جوج واحد المااني والتااني ايطاليي اش غنقولييك (تنهد ) العفن و شي حواييج وشيي مشيية فاللخر كنلقاهم فطموبيل قالبينها بووس

ايمان: اويليي واش مث… اعود بالله من الشيطان الرجييم

حذيفة: يعنيي ماشي بلااصتيي ولاا حلميي نبقاا تماا وخة نعرف نبدا من الزيروو تاانيي …

ايمان(عنقاتو ) : لي رتاحيتي فييه مزيان وغتلقا ماحسن

حذيفة: مكانفكرش نخدم مع شي حد مزال حالياا درت بووز وغنركز على الريستوو

ايمان: ولكن اخر مرة قلتي لياا كنتي بغيتي تخرج منها شنو درتيي

حذيفة: ممم ،عقلتي على داك الشااف الطاليااني

ايماان: ااه عرفتوو

حذيفة: بغا يبييع واحد الريستو قدييمة ديالوو وجا عنديي شي سيمانة داباا قالياا واش تبغيهاا ،هي فيهاا بزااااف بزااف ديال الإصلاحات حييت قدييمة وخة جات فبلاصة مزياانة ولوكال ديالهاا مزيان ولكن قدييمة داكشي علاش بغا يبيعها شوية رخييصة

ايمان: بغيتي تشرييهاا !

حذيفة: مكرهتش كنفكر نشوف شي بانكة ولكن مقدرتش على الرباا وفكرت نهضر مع الوالييد عندوك واحد الدار فاكادير كبييرة وتقريباا لتباعت بتمن مزياان راه مسلكاني ونديباني فالاصلااح

ايمان: ويبغيي زعمة !

حذيفة: راه غير سلف غنرجعهم لييه منقدرش منرجعش ،رااه رزق خواتااتي والوالييدة منقدرش ،خفت ميصدقش هادشيي ونصدق لا ريستو لا رزق خواتاتي رجعتوو

ايمان: شحال تقريباا ؟

حذيفة: 90 مغربية تقريبا

ايمان: غاالية وباش غتصلح نتا قلتي خاصها الاصلاح ،عندك تصاورها

جبد تيليفون كيوريها فيديو لريستوو كبيرة ولكن خاصها نييت الاصلاح

ايمان : حذيفة

خذيفة(سد تيليفون حطوو ) : ا زيين

ايمان : عندي لييك فكرة حسن ،هاد لفلوس لي خاصيينك عندي “شافتو خرج عينيه بغا يهضر” سكت خليني نكمل تء ،نتا بغيتي دير مشرووع خاص بييك واناا نتا عارفني بغيت نستتمر فشي حاجة من بعد ميمكنش داكشي كلو لي جامعة يبقا غير فلكونط

حذيفة: ياك باغة ديري براند ديال لبارفان غيخصك برودوي غيخصك مكازة اشهاار شحال من حاجة ،لاا خبي فلووسك حتى ديري بييهم شنو بغيتي الى متيسراتش الدار صافيي نمشي على جهدي ندخل شريك مع شي حد

ايمان: شفتيني داباا غير فوقت لبراند ؟ ساليت قرايتي بعدا ! مالك معكس عمري هضرت معاك فأمور لفلوس وتيسرتيي شنو فيها الى عاونا بعضيااتناا الى عندي والى عندك فين المشكييل

حذيفة: سيري شري بيهم دار فالمغرب وشري مݣازة وجديها حيت العقار طلع فالمغرب بلااا قيااس صلحي دار المرحوومة …هدشي كلوو ياله تكافااي معااه اناا مواقفش على الريستو انا غير بغييت نجرب دياليي

ايمان: انا معندي مندير بدار فالمغرب شكون غيسكن فيهاا ! ديما معكس قلت لييك نشريو دار هناا مبغيتيش نعاونك فريستو مبغيتيش …معكس

سكتو كيشوفو فلبحر كتفكر وقالت: وراه غير سلف باك تسلف من عندو ومرتك لاا ! على الاقل انا مشافك حد خسرتي ولا ربحتيي داكشي بيناتناا ،ولاا تحاشم مع باك وخواتاتك ،نتا تعرف

حذيفة: على اساس نتي غنتسلف من عندك درهم ؟ راه فلوس فلووس

ايمان: وفلوسي هوما فلوسك احذيفة ،عفااك متبقاش تقسح راسك معايا فهدشي ميكونش راسك قاسح

حذيفة: بشرط

ايمان: شنو هوا

حذيفة: نكتبها فسميتك

ايمان(شافت فيه مزيان ) دابا انا منقدرش نمشي معااك ونقااد لورااق ونسنيي تكلف وديرها فسميتك ومن بعد يحن الله

بقا ساكت كيفكر مقنعاتوش الفكرة ،معمرو دخل بشي مشروع براس مال كبير وماشي فلوسوو خاف يتحااشم ونفسوو عزيزة وحتى لكتباتها فسميتها ومتمشااتش نفس النتيجة غتخرج خاسرة وغيخص فلوسها ترجع

ايمان(كتاكل فالشكلاط ) ؛ راك غير كتعيي راسك بالتفكير عطيتك حل (سكتات شوية ) والى سمعتك تسلفتي من عند شي حد اخوور ديك الساع هضرة اخراااا

حذيفة: هاد الساعة بنادم يسلفك كلوتوو وميعطيكش درهم سلف

ايمان: ههه انا نعطيك كلوة

حذيفة(ربت على فخضها وقال): الله احفضك

ايمان: ياك اتافقنا دابا نبدااو من جديد (بحب)خلينا نتعااونوو

حذيفة: نفكر

ايمان: تء مشكيلة معااك

حذيفة: صافي صافي قلبي عليا الموضوع ماجيناش نهضرو فلمشاكيل

ايمان: باقي الحال ،ياله نخرج لييك لفلووس ولا نعطيك وكالة تصرف

حذيفة: لا ماشي دابا حتى نفكر

ايمان: مالك هكاا مالك

حذيفة(هز حجبانو): هدشي لي عطا الله

سكتات وهي عارفة شنوو دير مجبداتش الموضوع مرة اخرى ،قربات جيهتتوو متكية علييه مجمعيين بوسة هنا تعنيقة هناا حتى بدات الشمس كتغييب وشدوو الطريق راجعيين ومساخيينش ب بعضياتهم دار يوتيوب وطلق موسيقى شعبيية قديمة ولكن تجددات

حذيفة زاد الصوت وقال : سمعيي الكلمات سمعيي

ايمان : هههه هادي هي لي لاصقة ليك فراسك

حذيفة(كيعبر ويتبسم وعينو فالطريق) : حبك مغرووس في قلبي، وهواك سقماا لعظاامي

ما دارييت وعييت نخبي، شفتك وزااد كلامي

تيقي بيا راك نتي حبي،ونتا لي شفيتي ايامي

نبغيك ديما في جنبي،تداوي علتي وسقامي

نترجاك فالحين تجيني ،غيابك سرق منامي

(باس ايدها) يا زهرة عمري وسنين،بلا بييك تخيب احلاميي

وااه واااه اااه

ايماان: ههههه

نطقو بجوج اخر الكلمات : ياليي علمتينيي كيفاش نسهر نسهر(وجهات ليه صبعها كضحك )علمني كيفاااش نااام،لا تهجر ولا تغدر ولا تخووني كيف لياام

ايمان: ههههه صدقت حافظة معااك …كتعجبني عندو وحدة اخرى

حذيفة: لا هادييك كتعجبنيي غير بصوتك ولكن تغنيها غير لياا ههه

نقصات الصوت كتفكر لكلمات وقالت: ضوي وزييد ياقنديليي

شاد ليها لميزاان بايدو فوق فخضوو وهي كضحك

ايمان: هه ضوي وزيد يا قنديلي ،ضوي وزيد يقندييلي ،نيراان حامية تكوينيي ،البحر مبقاا يرونيي

حذيفة :ضوي وزييد يقنديلي

ايمان (كتشوفييه وتبسم) ضوي وزييد يقنديليي ،واااخة مبقييت نشووف ،وااخة مبقيت نشووف (حطات ايدها على قلبهاا)باقي القلب كيبغييه،لجاع الغرام نطعموو ،الا عطااش من الهوا نسقييه ،ضوي وزيييد ياقنديي ،ضوييي وزييد هههه

دارها تحت ايدوو كيضحك معااهاا حتى وصلوو لمركز الخرجة دازت من احسن ما يكوون

بقاو كالسين فالطموبييل كيشوفو فيهم كيقادو جردة بالكراسة وبلاصة فين غيديرو فيلم وبلاصة ديال الشوااء والحال بدا كيظلاام وهوما كالسين فدفئ الطنوبيل مساخيينش ب بعضياتهم …حاط ايدو على رجلهاا ومايل جيهتها بعييون ناايمة وصوت خافت وحنين: توحشتك توحشت نعس معنقك وشام ريحتك كنعس مرتااح

ايمان: قريب (بتنهيدة )بغيبت نرجع ليك طبيعيية حيت عدبتك معاياا

باس جبهتها وقال: متنسايش بلي كاين لي كيمو_ت علييك

ايمان: ومتنساش بلي نتاا الحب الوحيد فحياتي

تبسم ليهاا وهبط معااهاا تالباب شاد ايدهاا حتى شافو الطبيب ديالها جاي وقفو يتسنااوه سلم علييهم وقال: شحال وانا كنتسناا فييكم تعطلتوو

حذيفة: داتنا الوقت

_ههه مزيان مزياان …ايمان خلينيي مع حذيفة شوية نتمشاو بينما رتاحييتي

ايمان: صافي شوية ونجي

حرك ليها راسو باه وطلق منهاا مشات طلعات فرحانة شادة فايدها صااشية فلوردي كبيرة طلات بان ليها الشكلاط وشي بواطات غير طلعات تبعاتها لفرمليية بابتسامة وقالت: شوفو شوفوو على فرحة

-ايمان(ضحكات كتحط فجيلي )هههه باينة فياا لهاد الدرجة هههه

_بزاااف ،عجبك لحال

ايمان: بزاااف ههه

_اوى شفتي شنو كنتي مضيعة ، شربي الدوا ديالك

هزاتو من لبلاطو لي جابت مع قرعة تاع لماا والفرملية مراقباها تشربات وقالت: ايماان

ايمان: ممم

_ درتي شي احتيااط

كتجبد فسورفيت ديالهاا وشافت فيها: ديالااش

_ الحمل صعيب فهاد لفترة مع الدواياات ونتيي على حسب لي غيكل ديالك راك ف فترة الاباضة

ايمان(ضحكات )هههه لا لا موقع والوو

_ميمكنش ،متوحشتوش بعضياتكم ؟

ايمان: موحشيين ولكن حنا بجوج مابيناتناش غير النعاس ،كاينة مشااعر كاين شحال من حاجة

_اوووه علاقتكم زويينة ،انا غير علمتك باش تردي لباال مع الدوا الى مكانتش هاد لمرة تقدر تكون فشي مرة ، الاحتياط واجب حيت الدوا شوية قاسح وكيقدر يسبب تشوه ولا شي حاجة لبيبي …كنصحو بلحمل لمرا لي كتااخد الدوا على الاقل واحد لعام بينما خفاف الجرعات والتأثير

ايمان:هاد السااعة مكنفكروش فلولاد بجوج حتى تستاقر امورناا

_احسن حاجة ياله لبسي وهبطيي

لبسات سورفييت وزادت عليهاا فولار طويل ولبسات بانطوفتها مع تقيشرات وهبطات

كان حذيفة كيهضر مع الطبيب على حالتها و الطبيب كيشرح ليه

_دابا نقدر نقوليك بلي بدات حالتها كتحسن ..ولكن مزاال منقولييك بلي قادرة تكونترولي راسهاا داكشي علاش مزال منقدرش نسني ليهاا باش تخرج، الى بقات بهاد الايجاابيية والاجتماعية لي رجعات فيها راه غتحسن حيت وصلات لمرحلة ولات باغة هي تعالج كدير مجهوود باش تخرج من ازمتها النفسيية والخرجة ديال اليوم لي شحال وهيا كتهرب منها …انا متاكد،متاكد مليون فلمية بليي غدي دير تطور كبيير فحالتهاا ، نتا بالنسبة ليها علااج داااخليي وحاطاك فقمة احلامها وباغة تعاالج باش تعيش معاك حلم العائلة ليي تحرمات منهاا

حذيفة: كنتمناا الى نقصات الدواا ولاا خرجات منهنا مترجعش حالتهاا تكفس

_وخة نقص الدوا ولابد حصة معاها كل شهر مرة باش نبقا ديما متبع معاهاا …يقدر الاكتئاب يمشي ولكن نوبات الهلع كيااخدو وقت طوييل بااش يتبااعدو …الاصوات لي كانت كتسمع سيطرات علييهم والاحلاام والكوابييس حتى هوما نقصوو ،يععني بدينا فطريق العلاج وهدشي كيفرح

تبسم حذيفة براحة تشافها جايية جيهتوو تبسم ليهاا ونطق الطبيب نخليكم نمشي نشوف بنتيي راه معاياا

استئذن ومشاا قربات لييه سدات لييه لكويرة وقالت: كاين لبرد ونتا بااين من صوتك مروح

حذيفة: ونتي ملبستييش مزيان

ايمان: لااا لابسة ههه

خداو كرسي بجوج بعييد على النااس لي مجمعيين على الشواية كيتسناو طباسلهم هوما كانو مزال شبعانين من اللحم لي كلااو خداو غير المونااضة حطوها حدااهم شدات تيليفونوو هضرات مع لطيفة والحاج سولو فييهاا وفرحاات لسؤالهم عليهاا ودورات ل وديان وهي متكية فحضنوو صونات ليها ابيل فيديو فلواتسااب

جاوباتهاا من لبيروو كالسة غير جاوباتها شهقاات سادة فمهاا وقالت: ايماان

ايمان: توحشتك

وديان: توحشتك الخاايبة ،حشومة علييك خليتيني بحال المقطووع شلا احدااث تجمعو علييك خاصنا ليهم كلسة وبراد ديال اتاااي

ايماان: شفتك خدامة

وديان: اوى ضحكوو ونشطو غير نتوما اناا شادة لكاارد ليووم فسبيطار ههه عاد خرجت من لبلوك تزادت واحد لبنوتة كيووت حلييلوة حبييتها ههههه

ايمان: واش نتي معندكش كونجي

وديان: بغيت نشدو ملي تخرجيي ،، يخلييك عزيزي تساافري معاياا لتركياا هههه

هضر بعييد على الكاميرا كيشوف فالاجواء : بعدي ليا من مرتي

ايمان: ههههه اش بغيتي تركييا

اشارت ليهاا لنيفهاا وقالت ايمان كضحك : بغيتي طيريي

وديان(كضحك): شي مرات الفقر نعمة لشي وحدين بحاليي هههه

ايمان: والله مكدبتيي ههههه

وديان(بابتسامة ) والله حتى توحشتك بلا قييااس غير تخرجيي غنجي عندك

ايمان:ان شاء الله

وديان:نخلييك كيعيطو لييا

قطعات معاهاا عطاتو تيليفونو وتخشاات فييه كيدوز ايدو على دراعها من لبرد

كيهضرو ويضحكو ويتفرجوو حتى حس بيهاا ترخاات وقال: ايمان عيتيي

ايمان(زيرات علييه)مسخييتش بيك

حذيفة: كل ويكاند غنجي نشووفك داباا وقريب نتجمعوو

حركات راسها بااه وقفات معااه كتااوب مشاو لجييهة الطموبييل وترخات على صدرو مبغاش طلق منوو خدا وقت فحضنهاا حتى طلقات منو بخاطرها وبقى شادها من جنابهاا

ايمان: سوݣ بالشوية غنشعل التيليفون وخة منجاوبكش غير سيفط ليا مساج

حذيفة: بلاش متشعليه غنصوني فلفيكس

ايمان(تبسمات ) غنمسح كلشي حاليااا نرجعو لايام ل sms هههه مزال معندي القدرة باش نهدر ولاا نشووف شي حاجة

حذيفة؛ احسن حاجة ، ياله دخلي من لبرد

تهزات على صباعها باستو وعنقاتو وقالت: تصبح على خير

حذيفة: ونتي من اهلوو الحب

باسها بخفة فشفايفهاا. ومشا لطموبيل رسل ليها بووسة وهوا راجع باللور وهي متبعااه بابتساامة حتى مشاا وطلعات لبيتهاا مخلياهم محتاافليين طلبات تيليفونهاا من الادارة والطبيب شعلاتو وقبل ماتاكتيفي لكونيكسيون مسحات مواقع التواصل خلات التلفوون خاويي

شافت صورتهم فليكرون وتبسماات مشات صلاة لي فااتهاا قرات القراان وطلبات الله وتخشعات فدعاائها باش ربي يسر ليها فاعوامهاا ويعوضها على نقص طفولتهاا وفالحنان والاسرة لي تحرمات منهاا

مشات لبلاصتهاا شادة التيليفون كتفكر شنو تكتب لييه عاد تمشي تنعس

“كل عام وانت عامي الجديد، احبك”

حطات التيليفون حدا راسها كيتشارجاا وطلقات سورة البقرة من التيليفون وتكات ماشي بزااف حتى غمضات عينيهاا ونعساات والتحت كانو محتافليين بالسنة الجديدة وكيشوفو فالمفرقعات فالسماا

حتى وصلها مسج تسمع فالتيليون ولكن هي نعساات

“أدامك الله روحا تقاسمني اعوامي ” احبك

نعساات فرحاانة ومقاداهاا فرحة ناعسة وكتحلم براسهاا. كالسة قدام واد عامر بلماا دايز من حدا رجليهاا ،باغة تشرب

جا حذيفة وهز لماا بايدوو وشربهاا لماا كانت عطشاانة شربات حتى روات عطشهاا وعطاتو حتى هي كضحك

ضرباتها الفيقة بابتساامة هزات تيليفونها لقات لمساج ديالو وصلها اشعار بالادان فتيليفونهاا وناضت قارناتو مع الورقة لي عندها ديال أوقات الصلاة لقاتو محقق نييت

بلا عكز ناضت صلااة الفجر وكترجى الله يوقف معاها ويسر امرهاا ويبارك فزواجهاا ويخلي زوجها سند ليها طول العمر

رجعات لبلاصتهاا ونعساات مرتاحة

داز الويكااند و وصل الاتنين بيناتهم ميساجاات بين الفترة والفترة

لابسة سورفييت وكتمشا فداك الجو البارد المنعش و الضبابة شوية طايحة ..دايرة لكييت فودنهاا كتسمع القران وكتردد معاه لي عارفة

حتى عياات وكلسات فلكرسي مقابلة مع شي مشاش كيلعبوو وطاوس كيتمختر فجردة دخلات لرصيدها البنكي وحولات لفلوس لكونط حذيفة ،اتاصلات بلبنك باش تاكد من الاجراءات عضات على فمهاا وطفات التيليفون ومشات دوشاات

هبطات فطرات ومشاات لحصة ديال الدعم النفسي كوتش وهوما كالسين على شكل دائرة كيهضروو فنفسيتهم طفولتهم مشاكل الحيااة ومجابهة المشااكل

موراهاا حصة ديال الالعاب قبل الغداا كيتغداو ومن بعد فترة راحة من وراها كيلعبو العاب جماعية ومسابقاات حتى الليل

كالسة فبيتهاا كتصلي حتى جات عندها لفرمليية المكلفة بيهاا وقالت: حبيب القلب كيصونيي ،طفيتي تيليفونك تااني

ايمان: غير ديشارجاا

_صونا لييك فحصة الالعاب وداباا وبااينة باغيك على شي موضوع

ضحكات ايماان ونزلات معاها حتى لتيليفون هزاتو وقالت: الوو

حذيفة: ايماان

ايمان: وييي صونيتيي لياا !

حذيفة: معرفتيش علاش زعمة وزايدة طافية تيليفونك ،علاش تافقت معاك داك النهار !

ايمان: نسييت علااش

حذيفة: طانزة علييا ازعيبيلة ! معامن تشاورتي تڤيرسي لياا دوك لفلوس قلت ليك حتى نفكر

ايمان: راه فكرناا صافيي ، خودها ونهار السبت جي ديني نشووفهاا

حذيفة: ايماان

ايمان: وصافيي عفاك سير قاد الامور انا معطيتهمش ليك بزز مني بلعكس بغييت نديرو مشروع مشترك علاش لاا

حذيفة: هانتي قلتيها مشترك سميتك غدخل فالعقد

ايمان: غير قضي حتى نخرج (ضحكات)شنو غتسمييها

حذيفة: حتى نكونو بجوج ويبان اش كااين

ايمان: المهم غنتسناك نهار السبت باش نمشي نشوفهاا

حذيفة: الله يسر (تنهد ) مزال مغتحني وتجي عندي

ايمان: قرييب

حذيفة: ان شاء الله

سلات معاه لكلام كاتبسم وهوا كدالك هوا انسانة شافت المعدن وشافت الاخلاق وشاافت الصدق لوكان يطلب عينيها تمدهم لييه ،عارفاه انسان مغيضيعهاش وخة تعطيه كتر غيرجع ليهاا ماا كتر وماشي خساارة فييه

بقات كتسنا بفارغ الصبر يوصل السبت يدوزوه مجموعيين تااني

هوا فهاد الاسبووع قاد المسائل القانونيية ورسميا ديك الريستو ولات فاسمو حالياا ومقرر يردها لاسمها او يعطيها نصهاا كيف قالت

السبت وصل وجاا ياخدها فرحاان وهي كثر الطريق كلها ناشطين حتى وصلوو لقلب المدينة قريب لبحر ….. ريستو فجنب ارضية وشراجم كلها بزااج ولكن الحيوط كيبانو راشيين والحديد تصداا والارضية ديال العود كلات العصاا بلاا شكلها الداخليي ليي قديييم ولكراسة خاصهاا تبدل كلهاا بشكل عصري وخة كبييرة كيوريها كل حاجة شنوو كيفكر يدير هنا وهناا

دخلها لكوزينة لي كبييرة كلها اينوكس وبلاصة ديال فران العود المخصص للبيتزاا الايطالية خرجوو ولفووق كان طيراس كبير مدور بزااج واحد لواجهة كطل على الشارع والمحلات والتااني كيضرب فيه الهواء ديال البحر لي كيبان قرييب

يعني الفوق قهوة ولتحت ريستوو مشااو يشوفو صحاب الديكور يقتارحو عليهم الفكرة وياخدو معرفة بالاثمنة والمسااحة

نهار كلو مشا ليهم فهادشيي ودابا راسهم ولا عامر بهاد المشروع كيهضرو يوميياا ونص هدرتهم علييه شنوو غيجددو شنو غيديرو خاصهم شي حاجة سپيسيال تعرف بيهاا الريستوو فكرو ف لمسة مغربيية

طلب منهاا باش تخرج فنهاار وسط الاسبوع وفعلا جا داهاا كيفاجئها بلورااق قدامهاا والكاتب حداهمم ،

حذيفة: الى بغيتيني نرتااح نكتبها فسمييتك

ايمان: كلهاا لااا نص بالنص راك نتا لي غتخدم فيها ماشي اناا

حذيفة: وخة حتى هكا مزيانة

بعد اياام ولاات الريستو فاسمهم بجوج شركاء فمشرووع وهادشي بحد داتو شي حاجة فرحاتهاا ولاو كيتشااورو على مشروعهم

والاياام كدووز وشهر واحد على ابوااب الرحييل والاعمال على الريستو على قدم وسااق كيحاولو يصلحوا الواجهة وملي تخرج يبداو يختاارو شنو ديزاين ليي يديرو فيهاا

فجلسة مطولة مع الطبيب ختم الجلسة وقال: ايمان واش نتي كتشوفي راسك تقدري تخرجيي

ايمان: كنحس براسي مرتااحة

_واش مرتاحة ولا غير عقلك عامر ومشغولة بالاصلااح والريستو

ايمان: هههه كلشي توحشت داري توحشت راجلي ،توحشت قراايتيي دابا كنحس براسي قادرة نعطي كتر فقرايتي ونركز عليهاا ، درست طريق لي غنمشي ومعامن غنمشي

_ من ورا مغتخرجي منهناا غتبقاي متبعة الدواا يومياا ومكااينش شي نهار مغتشربييهش …متفلتيش الموعد ديالك معاياا والى غنرجعك لهنا بزز منك دوزتي 4 اشهر وغنسمح لييك تخرجيي هاد الشهر فقط الى لتازمتيي بالشروط لي عطييتك ،مبغيتكش ضيعي هاد الطريق كلها لي ضربناا وتخدلينيي وتخدلي راجلك والاهم تخدلي راسك وحياتك ،رجعتي من عتبة واحد الحافة وبعدتي عليهاا نقولو ب 100 خطوة اللور وهدشي مزياان ولكن مبغيتكش ترجعي لزيرو

ايمان: كنواعدك هاد لمرة غنتبع التعليمات ولكونترول ، و الدوايا فالوقت

_ متأكدة

ايمان(بلمعة وقلب كيضرب): متاكدة

بقا ساكت كيشوف فلوراق قدااموو كيفكر وهي كتربت برجلها تهز عينو فييهاا وقال: غنعطيك 20 يوم تجريبيية ولا غترجعي هناا ميهمش شحال ديال الوقت المهيم نتاكد بليي الحالة لي متبع ولات مزياانة ماشي خرجات ورجعات كيف كانت

حركات راسها باه وكتسنااه ينطق كلامو حتى قال: وجدي راسك باش تخرجيي

وقفات بفرحة وقالت: اليووم

_ لاا حتى الغدا اليووم غنكونو كلنا مجمووعين نودعوك باش ماترجعيش الا لزيارتناا

ضحكات وقالت: صاافي

خرجاات فرحانة لباب كتبان ليها الشتاا خيط من السماا

خرجاات فيهاا بحال شي حمامة خرجات من القفص ولقات حريتها

شرعات ايدها فالهوااء كدوور ورااسها مهزوز فسماا فزݣ بالشتاا كضحكك وروحهاا تلونااات باحلام وردية وحمااس ونشااط من امتا وهي كتمنااه

تمشاات تحت ديك الشتييوة حتى فزݣات وطلعات لبيتها دوشات بماء داافيي وكتفكر ردة فعلوو ملي تقولها لييه ،عارفاه غيفرح كتر منهاا

دخلات بحماس كتجمع فحوايجهاا وهزات تيليفونهاا دوزات الخط لييه عاضة على فمهاا حتى جاوبها وقال: الزين اينوو

ايمان: حبيبي شنو كديرر

حذيفة: كندور فالدارر ههه ياله دوشت وبغيت ندير شي قهيوة ندير لييك معاياا

مشات لجيهة زاج كتفرج فشتا: الصراحة مكرهتش هاد الجو ديال شي مانطة وقهيوة وفيلم ههه

حذيفة: ياا سلاام احسن حاجة …تبغي نجيب ليك معايا شي حاجة نهار السبت ؟

ايمان(سكتات شوية كضحك) انا لي غنجي عندك هد لمرة

حذيفة: ممم مكرهتش

ايمان: تجي تدينيي ولا نجي بوحدي هههه

حساب ليه غير كضحك وقال: طوالو لييك الرجلييين

ايمان: اوى عنداك تعطل علياا غدا جي ديني غتلقاني واجدة مع 12

سكت شوية وقال: كيفاش!

ايمان: كيف كتسمع ،مبغيتينيش نجيي

حذيفة: بلاتي واش ،واش غتخرجي غير نهار ولاا صافيي سنا ليك على لخروج

ايمان: عطاااني مواقفة نسبية ههه تجريبيية

حذيفة: ههه بصح

ايمان: ااه الله يهديييك

حذيفة: نجي ليك دابا ؟

ايمان: لاا ههه حتى لغداا ماشي فالصباح ..مع ديك 12

حذيفة: اححح شحال توحشتك

ايمان: هههه حتى اناا

هبطات لتحت فيين كانو مجمووعيبن حيت الشتا براا غير شافوها بداو كيصفقوو وكيصفروو حشموهاا شكراتهم ومشاو كلسوو فالصالون فديك الجلسة الحوارية مع بعضهم

ايمان: اا شكرا بزااف … نقدر نقول بلي دوزت ربع شهور زوينة معاكم …الشهراين اللولة مكنتش عاقلة على رااسي ومباغة نهضر مع حد

كنكونو فاقديين الامل وعينينا كتشوف غير الظلاام ومكيبقاش يبان لينا شي حاجة ايجابية فحياتناا (تبسمات ساكتة ) اناا طفولتيي مكانتش مثاليية وكنت كنقول انا لي عاانييت انا لي خديت العذاب لكبير ولكن ملي جيت هناا وعرفت قصص بزااف منكم ،كيولي يبان لييك بليي داكشي لي كبرتييه عند انسان اخر شي حاجة لي متسوقش ليهاا وكمل عاادي

جدتي كانت شي حاجة كبيرة فحيااتيي وماتت فواحد لوقت لي كنت محتاجاهاا وموتهاا (سكتات شوية بابتسامة حزينة )موتها مكاانش سااهل ومقدرتش نتقبلوو فهاد الشهر لي فات كملات 9 سنين وبالنسبة ليا توفات غير لبارح حيت ،،حيت كانت هي الدوا لجرووحي هي الصدر لي كنتوسد فوسط المشااكل

مشيت فطريق غالط وكنت فحرب نفسية كبييرة مبغاش نعتارف بلي كنت قريبة لحمااق ،كنت كنبين بليي رانيي مرتاحة وضااحكة باش مانخليش السلبية تبعد عليا حتى الراجل لي بغيت فحياتي كااملة …ولكن داكشيي بقا كيطلع كيطلع حتى مبقيتش قدرت نوقفو بوحديي

وداباا اناا فرحانة حيت بدييت كنمشي فطريق صحيح ومرتااحة نفسياا ،مغانقولش بلي بريت تماما ولكن حاسة براسي بخير ومتفائلة مستقبلاا الحمد لله ،شكرا لكل واحد هناا قال ليا كلمة زويينة وعاونيي وسهر على راحتي ،شكرا لكم كاامليين

صفقوو وكاين لي من النساء لي تما عنقهاا وكلسوو على طبلة كبيرة فيها ما لد وطااب ضاحكيين

كتشوف فكاع الوجووه لي تماا ..كاين لي كبيير فلعمر كاينين شباب كاينين نسااء

كل واحد وشنو جابو لهاد لبلاصة باش يرتااح

بالنسبة ليها العلاج عطا مفعولو ولكن كتشوف المفعول لاكبر هوا تقربها من الله استغفارها ودعاائهاا وصلاتها لي شداتها فاصعب فترة كدوز منهاا ،حسات بواحد الحماية رباانيية ولات عندها تقة بلي ربي معاهاا وغيعااونهاا ربما تغلط غدا ولكن غتلتاجئ للخالق الغفور الرحييم هوا ارحم علينا من اي واحد هوا لي خلقنا وقادر بيناا قادر يبدل حالنا فرمشة عين الله بوحدو لي بيدوو كلشي حنا غير عبد تحت رحمته

تنهداات برااحة ساكتة وسط المجمع كتدكر حديثها مع الحاج لي تبصم فعقلها وكل متفكراتو كتبوورش ،مبغاتش تكون من الذين الهتهم الحياة عن ذكر الله ومبغاتش تكون من الذين نسو الله فانساهم انفسهم هي انساان كيخطئ وكيرجع لله بالاستغفار آمنات بليي الانساان عبد ضعييف كيغلط وكيصحح وخير الخطائين الثوابون

ونعم ب الله❤️

فاليوم الموالي تعطاتها مدكرة ديال الادوية والاوقاات نقص ليها كمية قليلة من الدوا ديال الاكتئاب وخلا ليها الادوية الاخرى لما بعد هاد الشهر باش يشوف حالتها

جمعات كلشي كتسنااه لبساات مونطو طويل ودجيين عرييض مع سبرديلة وشعرها جمعاتوو كتسنااه بفارغ الصبر ،هازة وردة من الورود لي كانت كتوصلها منو كل نهاية اسبووع طيلة هاد ربع شهور دارتها وسط واحد الكتاب كانت كتقرااه لصقاتهاا فييه

دارتو فالصااك حتى كتسمع صوت الطموبيل هزات رااسهاا وناضت من بعدما كانت كالسة فوق الشاانطة شافتها لفرملية وفيها لبكية وقالت: كنتي من بيين النزيلات لقراب لقلبيي (مسحات على حنااكهاا ) كتستاهليي تعيشيي فرحانةة (تبسمات )عينييك كيبرييو بلفرحة ،كنتمناا نشوفك فرحاانة وسعييدة(عنقاتهاا ) غتخلي بلاصتك هناا ولكن بلاصتك الاصليية حدااه

دورات راسها لحذيفة لي دااخل بقبية وسورفييت ونظارات طبيية فرحان انه اخيرا غيرجع بيهاا ماشي كيف ديما

سلم عليهاا ومسح على ظهرها مهضروش تقالت الفرمليية :ممكن تسني ليا على شي وراق

حذيفة: مرحبا

تبعهاا نضا لوريقات وخرج زربااان بحال الى خايف يترااجعو

هز الشانطة وشدها فايدها كضحك وهوا كل مرة يشوف فيها مامتييقش غير كيضحك ،حل لكوفر دار الشانطة ورجع لقاها ركباات ومشا لبلااصتوو

غير سد الباب بقا كيشوف قداموو وسااط بحال الى كان كيجريي وقال: مكنحلمش يااك !

ايمان: عنداك غير نكون كنحلم

حذيفة: اجي نتاكد

جرهاا عندو كضحك بااسها من فمهاا وقال:لا بصح ههه

رجعات لبلاصتها كضحك وهوا مقاداااه فرحة خرج من تماا عاافط والطريق فازكة بالشتاا كل مرة يشوف فيها كيتاكد واش حداه وراجعة معااه لدارهم و لعشهم وبيتهم الزوجيي

الفرحة لجمات لسانهم على الهضرة عطاوها لضحك والتفرنيس حتى حناكها ضروهاا وباش تكسر هادشي قالت: فين وصلو الاصلاحاات

حذيفة: انا غير فالاصلاح ؟ خليني فرحان بهاد الحب لي حداياا

ايمان: هههههه باااركة باركة ههههه

ضحك حتى هوا وجاوبها على سؤالهاا:ها الاصلاحاات غااديين ولفلوس تابعااهم

ايمان: ان شاء الله كلشي غيتعوض ملي تبان النتيجة غيكون داكشي زويين

حذيفة: داباا رااه تغطاات باش الاشغال تكون لداخل

ايمان: ااه زعمة باش تكون مفاجأة

حذيفة: المفاجأة هي لي عندي لييك الصراحة كنت جايبها لييك فالسبت ولكن غتشوفيها قبل

ايمان: اشمن مفاجأة

حذيفة: صبري حتى توصليي لدار

ايمان: حمستييني هههه

كانو مزال مدخلو للمديينة شافتو كينقص السرعة وكيمشي لجنب باش يوقف حتى وقف عاد شافت فييه لقاتو كيحيد السمطة وقالت: مالك

هبط ونقيطات الشتا خفاف كيطيحو عليه وعلى زاج الطموبيل وهي مراقباه حتى حل عليها لباب وشد ايدها هبطهاا

الطريق خاوية والمنظر خيالي الشتا والخضورة وهوا كيحل فجيب السورفيت جبد منوو خاتمهاا شهقاات وقالت: خاتمي

حذيفة: تزوجي بياا

ايمان:ااا

حذيفة: تزوجي بياا !

ايمان(ضحكات ): ااه قاابلة شحال تعطيني فالصداق

حذيفة: هههه هاد لمرة غندير لييك لعرس

ايمان: لعرس هههه انا ويااك شكون غيحضر

حذيفة: عطا الله لي غيحضر غير وجدي لياا رااسك كلشي وااجد خاص غير لعرووسة

ايمان: ههه اش كطبخ ورا ظهري ههه

ركب ليها خاتمها فايدها وقال: غير الخير احبيبي

عنقاتوو وباستوو فعنقو تحت ديك الشتيوة الخفيفة ونسمة البرد الخفيفة

بعداات علييه كتشوف فييه كلشي فحياتهاا ،كتشكرو بعينيها على وقفتو معاهاا بالشدة قبل لفرح وكلمة شكرا متوفيهش حقوو ولو شوية

حل ليها الباب وقال: تعطلناا على المفاجأة ركبي

ركبات راسها ضارها اش غيكون ،مسافة الطرييق لي قدما بعيدة ولكن دغيا دازت بالضحك والهضرة

مع دخلات لاجواء المدينة كتشووف وعينيها كيمشيو هنا وهناا حتى دخلو لشارع لي فيه الداار وهي موحشة دارها وبييتها وفراشها

حط الطموبيل فلاكاڤ لتحت شافت لموطور مركون ومغطي حيت مكيهزوش بزاف فلبرد والشتا شد ايدهاا وطلعو لدار فالسانسور هاز الشاانطة غير وصلو لطاج لي فيه الدار ضرباتها ريحة المغرب وتقافتو واكلتوو ..سمعات اول شيء القران جاي من الدار بصوت خافت الى مقربتي للباب متسمعوو ريحة العود مخلطة مع رييحة لمروزية بالبرقوق

مد ليها الساروت وقال: مرحبا بييك

ايمان: رواايح هوما نتاا لي طيبتيي ياكما صدعتي زينة مسكينة وهي مبرزطة مع التربية ههه

حذيفة: لا لاا ههه وحلي دغياا

دوراات السااروت وحلات الدار مضوية ومجمووعة و الريحة كدور فدار

ايمان: اويلي واش خليتي البوطة شااعلة

مع كانت لكوزينة محلولة بانت ليها الطنجرة فوق لبووطة حتى شافت خيال فالصالون مجات فين تاكد حتى خرجات لطيفة بصينية صغيرة ديال لحليب و التمر فرحاانة وموسعة فرحتها من بعدما طفات القران بدات كتقول بهمس: صلاااة وسلاام على رسول الله ،،مرحباا بايليي مرحباا

كتشوف مامتيقااش ومشات عنقاتهاا بلفرحة وقالت: ميي لطيفة هههه

معنقاها بايد وشادة لبلاطو حتى شدو ليها حذيفة وعنقااتها بحب وقالت: الحمد لله لي رجعتي لدويرتك ابنتيي الله افرحك ويسعدك ويزيد فراحتك ابنتيي

حذيفة(بابتسامة ) : امييين

فرقات العنااق مامتيقاش وقالت: علاش مقلتي ليا والوو

حذيفة: كانت مفاجأة صدقتي حتى نتيي مفاجآني ،قولي بسم الله

هزات الكاس ديال الحليب وتميرة كلاتهاا ودخلو لصالون ليي محطوطة فيه صينية وطبسيل حلويات مغربية و لفاكية بانواعهاا

گلسات حدا لطيفة وخلاتو هوا و قالت: وعلاش مجاش معاك عميي

لطيفة: ايهااي هداك ميفوتش تماا من اكادير للمحمدية ودابا كااع راه بغا يبقا فاكادير

حذيفة: ملي خلاها لياا راه تعرفيي معزتك عندو

ضحكات ايمان وقالت: ولكن خااصو يجيي حتى هوا ان شاء الله

لطيفة: ان شاء الله ،كونما مجيد بقا علييه باش نجي معااهم مكانش يخليني نجي بوحدي، يوماين وانا مريضة بدوخة البحر ابنتيي

ايمان: جيتو فلباطوو وفين مجييد وزهور

حذيفة: كيدوزو لكونجي ملي يكونو راجعين عاد غيدوزو هناا

ايمان: مزياان

لطيفة: ونتي ابنتي كيف بقيتي يكما باقي راسك كيضرك ولا ايدك

ايمان: شويية الحمد لله راسي كيحرقني مرة مرة ولكن ماشي بحال اللول وكتفي راه بدا كيتحسن

لطيفة: كلشي غيتقاد ابنتي الحمد لله

شربو اتااي وكل مرة تهز عينيها فحذيفة تلقاه كيشوف جيهتها مبتااسم مرة يغمزها مرة يرمي ليها بووسة وهي كضحك

جات لمشة كتلعب حداهاا لعبات معاها شوية ،حاسة باجواء زوينة فالدار وعائلة فجنبهاا هضر معاها الحاج فالتيليفون وخواتات حذيفة كذلك ودياان حسات بكلشي فرحان ليهاا وعطاوهاا احساس ايجاابي وبلي هي ماشي بووحدهاا فرحاات

تحط لغداا وكولي ا ايمان هاك ا ايماان بحال شي بنيية صغيرة وعجبها الحاال وفرحاات كااع

ايمان: الله اعطييك الصحة بنين ههه وانا كنقول حذيفة منين جاب طيباو لبنين

لطيفة: الطياب شدو من عندي والخيااطة تعلمها من الحااج

ايمان: علاه عمي خياط !

لطيفة: من ديما الفقيه كيكون خيااط ههه كيبرم الخييط غير هوا مكيخيطش بلماكينة

حذيفة: كيخيط غير بايدوو جلالب الرجال مكيخيطش لعيالات انا لي خرجت ليه من الجنب

لطيفة: بوجهك حمر هههه كان كيبرم لكابلي بووحدو شحال خيط معااه حذيفة

حذيفة: بزااف

ايمان: دابا نتا تقدر تخيط بيااسة غير بايدك متحتاجش لماكينة

حذيفة: سيي الماكينة باش مزيانة دغيا كتزرب على لبياسة ولكن تاني خياطة اليد من عند لمعلم متقوونة سبع صناايع

لطيفة: و الرزق عند الله مضاايعش الحمد لله

حذيفة: داكشي لي كااين اميمتيي ، نطلع ليك الشانطة !

ايمان: ااه طلعها فيها داكشي لي كنحتااج

بقات معاها تطلع ليها الشاانطة ونااضت لدريسينݣ لقاتو مجمووع حطات لمونطو وكلساات حدا مراايتهاا مزال كلشي فوقها متحركات تحاجة

دخل عندها وسد الباب وراه وتبسمات لييه حتى حط قدامهاا كاس ديال الماا بطريقة غير مباشرة زعما نوضي شربي دواك

ضحكات وقالت: فكرتيني فالدواا

خدات الصاك الصغير جبدات دواها شرباتو وهوا حداها باسها وقال: بالشفاء اعمري

ايمان: اميين ياربي

كلس فداك لفطوي الصغير وجرها عندو بلكرسي قدامو وقال: بداية جديدة ان شاء الله

ايمان: ان شاء الله ههه

حذيفة: مصليتيش

ايمان: شادة كونجيي

حذيفة: زيدينيي لقلبيي زيديني

طلقات منوو كضحك وهوا عاض على فموو وقال كيحك فعينو :شنو بااقيي

ايمان: هههه امتاا العرس

حذيفة: كنت مقرر نهار 14

ايمان(هزات حجبانهاا ): اويلي وامتا كنتي بغيتي تقولها ليا وكون ماخرجتش قبل

حذيفة: كنت هضرت مع الطبيب وقالياا نقدر نخليهاا سيمانة معااك ولكن شفتوو تهلا فياا

ايمان؛ ههههه دار معاك لمزياان ،يعني باقة سيماانة ؟ ويليي ماموجدة والوو

حذيفة: كلشي وااجد نتي لي كنتي نااقصة هانتي جيتي

ايمان: خاصني نقولها لوديان باش تجيي

ضحك وقال: حتى وديان فرااسهاا وهي لي غتكلف بشي اموور بحال الصالون وداك لعجب ديالكم نتيي غير رتااحي لياا

ايمان(ضحكات ): صدمتوونيي والله يعني حتى مي لطيفة فراسها

حذيفة: كلشي فراسوو (بهمس )الا باك الحااج

سدات فمهاا كضحك وجرهاا تهبطهاا عندو فوق ركابييه وقالت: عنداك تحل الباب

حذيفة: هههه عارفاني معاك متزعمش ،عطيني شي بوسة امو خدود ، وليتي بطبوطة

ايمان: هههه بدينا فالتنمر

حذيفة: بطبووطة معيسلة

ايمان: هههه زعمة داباا صلحتييهاا

حذيفة: ومالك كتهربي واش حشمتيي هههه

ايمان(كتحيد ليه فايدو ): جاتني حشومة خالتي كاينة ههه لا لا وهدا صافي دير عقلك

حذيفة: تء غتشوهيني غير نتي بهاد الضحك ههه رراك مرتي الهبييلة خليني نبووس

ناضت من فوقو حتى تعكلات بلكرسي وشدهاا من مؤخرتها قبل ما طييح ناضت كضحك وقالت: مزال ماسخنت حتى بلاصتيي نوض خليني نبدل

حذيفة: بدليي

ايمان(جراتو كضحك حتى وقف ): ونوووض فحاالك ولا نعيط لخاالتي ياك بغييتي العرس اوى سير حتى لعرس

حذيفة: ومالي اختي اشمن دنب صرفتو فييك !

ايمان؛ ياله خرج خرج

حلات الباب وخرج كيتحلف ضحكات وانفاردات مع اشياائها ،لبسات بيجامة بيتية دافئة وطلقات شعرهاا وكلساات فبلاصتهاا قدام لمرااية كتشوف فراسهاا وكترمش …تبسمات ابتساامة لطيفة وقلبها كيخفق لحمااس حياتهاا من بعد كتمناا متعاودش عليها ديك الاياام وغتحاول ما امكن تبعد على اش حاجة ترجعهاا لظلامها

خرجات من داك لبيت وتوجهاات لبييتهم لي جمعهمم وشهد على اجمل الايام واكفسهاا …مسحات على لفرااش هزات لمخدة لي فجيهتو شماتهاا ورجعاتهاا لبلاصتهاا ..حلات لبالكون وضرب فييها الرييح

غمضاات عينيها كتشوف فالشارع هناا وهناا..حتى حسات بايديه حاوطوهاا وزيرها لصدرو تبسماات و رجعات راسها على كتفوو

حذيفة: نديرو شي قهييوة انا ويااك

ايمان: ههه مكرهتش

دوزو نهارهم مجموعيين ضاحكيين فجو ايجاابيي مجموعيين حتى الليل سمعو الصونيت مشا حذيفة يحل وايمان مع لطيفة فلكوزينة

حذيفة: ايماان

ايمان:هه (شافت جيهتو )سيي (شهقات )ودياان ههه

مشاو تعاانقو فلباب كيضحكوو وقالت: هضرنا الصباح مقلتيش لياا غتجيي

وديان: ههههه واش مكتفهكيش فالمفاجئات هه توحشتك الݣنس

تعانقو تبردوو الشوق عاد دازت لطيفة سلمات عليهاا .جايبة الورد والشكلااط

وديان: ممم اش هاد الروايح تهليتوو ف ايماان بالشهيوات

لطيفة: اوى ناس لخير هوما لي كيجيو مع الطبلة ههه تشهاات لحريرة ودرتها ليهاا

ايمان: عرفتي شحاال هدا بيني وبينهاا ،الله اعطيك الصحة امي

تبسمات ليها وديان بينما كلسو على طبيلة وقالت: اوى لالة لعرووسة اش لبلاان

ايمان: عروسة الغفلة هههه

لطيفة: هاديك هي الزيينة مدارية معالمة بيهاا

ايمان؛ انا كون سعفتوني بلااش

لطيفة: لا ابنتي فرحي برااسك ويبقاو تصيورات توريوهم لولادكم ان شاء الله

حذيفة(هز تميرة وقال): ان شاء الله

وديان :ااه بصح ،انا شفت واحد الزيانة وميكاب ارتيست غدا نمشيو نشوفوهاا درت معاها فلعشية

ايمان: ان شاء الله

والليل طوال وهي حبسات وديان تبات معاهاا توحشات الجمووع وشدان الهضرة

لطيفة عيات طلبو منهاا تنعس فلبييت باش ترتاح وحذيفة مشا لبيت التاني قاد لفطوي وتكا فييه ولبنات فالصالون تغطاوو كيضحكو و وديان كتعاود ليها على الخطيب الجديد

ايمان: كيفاش حتى قبلو وهوا كاوري

وديان: نصو كاوري ونصو عربييي لبناني

ايمان: اويلي واش نتي حالفة على المغربي وباغة صحة تاخدييه كاوري وكريس مسكيين

وديان:اختي خفت نوضها معاه يمشي يجيب ليا شي مافيوزيي من تريكت الميكسيك يصفيها ليا واناا غااا ولية

ايمان: نتيي خلاطة عشااقة ملالة …وكيفاش ف ربع شهور صدق خاطبك ؟

وديان: راه صديق من اياام لقرايية فهمتي هوا خدم واستاقر فاسبانياا ونهار كنت جيت عندك اخر مرة كنت حطيت سطوري وشافو صافي وبدينا كنهضرو

ايمان: ونتي تكركبيي كريس

وديان: حتى هدا لرشقات ليا علييه غنكركب باباه ،عرفتي لفلوس عندو ترشرش ،،شرطت عليه فالصداق يشري ليا دار فسونتر ڤيل ويبدل ليا الطموبييل وشهر العسل ف هاواي هه

ايمان: هههه اويليي حلبتي ليه لعروق

وديان: ياك بغاني اوى صداقي غاااالي

ايمان: وشنو قالييك غيشرييهم

وديان: اشنو يحساب لييك ؟ كنلعبو هنا ههه دابا راه كيقلب على دار وطموبيل ندوزو لعرس وياله تختاري معاياا

ايمان: فكرتييني غيخصنيي نشد لبيرميي

وديان: اجي عندي لفرنسا ودوزيه والله حتى احسن حل اما ديال اسبانيا مصعبينو بزااف مفهمتش علاش ،عرفتي هاد نكافة بلاتي نوريك لباج ديالها كدير داكشي ديال لفريييع ” بدات كاتوريها فالتليفون ” شوفيي هادي اللبسة لخصرة وهاديي لحمرة وااعريين والاكسسوارات قالت ليا ديال الدهب شي حاجة لوكس دي لووكس ،هي غتورينا نيت غنكري من عندها شي تكشيطة معتبرة …شوفي هاديي

شافت جيهتها ملي مجاوبتهاش لقاتهاا غيباات ضحكات وقالت: اويليي جبدات عليها وانا كنحاجي

غطاتها ومشا لبلاصتهاا لي فرشاات ليها حداهاا ونعسوو

ضرباتها لفيقة فنفس لوقيتة لي ولفاات قبل الفجر شافت راسها فين نعساات وتفكرات بلي دارت معااه غير ينعسوو وتجيي عندوو عضات على فمهاا وناضت كضحك مشات غسلات ومشات بشوية حلات علييه الباب لقاتو مهبط لفطوي مسرحو وناعس لايح عليه لمانطة

سدات وراها لباب غير شعلات الضو كمش عينو هز راسوو حال نص عيين شافها جاية لعندوو بعد لجيهة لحيط وهز لمانطة حتى دخلات عندو عاطياه بالظهر تخشات فييه وقال: درتيها بياا

ايمان: معرفتش امتاا نعست ههه

حذيفة: مم

بقاو ساكتيين من بعدما طفاو الضو حتى ادن لفجر فتيليفونو وقال : نوضي صلي معاياا

ايمان: راه قلت لييك فياا

حذيفة: اااه وتيقوليك خلي لكداب حتى ينسا وسولو

ايمان(جرات لمانطة عليها ملي نااض ): هههه بزاف علييك نكدب

ضحك وناض كيلبس وقال: نفيق لواليدة حتى هي تصليي

ايمان: خليتي الحاج مسكيين بوحدو

حذيفة: جاية وكيوصي عند بالو راه مزااال الحاجة صغيرة وعندها 17 العاام ،ولكن راه اول مرة تخرج بلا بييه داير معاها النهار والوقت باش تمشيي مبغااش يخليها تكمل حتى 15 اليوم

ايمان: اويلي وشحال غتكلس

حذيفة: 10 اياام وشووف تشووف راه غير غندوزو ديك المناسبة وغترجع مع مجييد نيت حيت هوا جايب غير 10 ايام

ايمان: مسكينة مغتكلس والوو

حذيفة: دابا راه زعم المرة جاية نشدها كتر ههه

ايمان: ان شاء الله

مشاا فيقهاا توضاوو وصلااو ورجع حداهاا كيعض فيهاا ويهر حتى عاودو نعسو

طلع الصباح عليهم بجوج مخشيين فبعضهم من كتر متوحشو بعضيااتهم

فاقوو ملي سمعو الدقاان كانت وديان خرجات تقدات لفطور ولطيفة عمرات القهوة تخرجات ايمان دايخة لقاتهم كيحطو فالطبلة

ايمان: صباح الخير

_صباح النوور

لطيفة: ومالكم ابنتي معدبين كون نعستو فبيتكم وخليتوني انا و ودياان فالصالون مافيها بااس

ايمان: لا اخالتي نتي كيضرك ظهرك ماشي مشكييل

وديان: ممم التيساع فالخااطر

ايمان(ضرباتها باش تسكت ) اللقوة

وديان(بهمس) تي بعدي منوو خليي يطيح علييك السر

ايمان(هزات تميرة كلاتها كضحك) توحشتو نتي غتخشيني بحالوو

وديان:اخليك بلخلا ..ياله فطريي باش نخرجوو

خرج حذيفة كذالك باس لمو رااسهاا وصبح عليهم وفطروو مجموعين من بعد طلبو من لطيفة تمشي معاهم بزز بغات وصلهم حذيفة لفيين شادين موعد مع النكافة وهوا مشى يشوف الاصلحات فين وصلوو

النكافة غير شافت ايمان عرفااتهاا وبدات كدير ليها كيف لما القليل هي ولي معاها ها العصير والحلااويي علاش لا وهي جاب ليها الله اشهاار دايزو لكلاام

كتجبد لييهم وتحط وايماان جاها داكشي مشاارجي بزااف ومامنو والوو الى كان شوتينݣ ممكن ولكن مليي شي حاجة خااصة بغات داكشي يكون خفيف باش تحرك مرتااحة

_ عرفتي شنوو عندي لييك واحد لموديل نتي اللولة غتوشفييه والى عجبك غتلبسيه نتي اللولة بلااتي يوصلنيي …بالنسبة لتريتور ولكلسة وحتى لفرقة الى بغيتيها راه كلشي كنتكلفو بييه

ايمان: حنا راه بغينا غير داكشي بسييط حييت مغيكونش الناس بزااف غير شي جوج طباليي

_ولو تكون طبيلة وحدة خاصك تفرحي برااسك نهاررك هداا تلبسي وتمشطي احسن مكاااين

وديان: هردشي لي قلت لييهاا

ايمان: ان شاء الله

_شوفيي نورييك لكلسة هماااوية غادي ديري الحنة

ياله بغات تنطق ايمان نطقات وديان: معلووم ولااابد من الحنة

ايمان: لاا بلااش

لطيفة: لا بنتيي ضرووري غتقولي كون غير درتهاا

ايمان: ولكن غنديرها غير فالداار بيناتناا وصافيي

_داكشي لي كيديرو النااس غتكون كليسة بلديية بالطقووس المغربيية غتعجبك

ايمان: وخة

_هادي لكلسة ديال الحنة والقفطان والاكسسوارات داكشيي لوكس راه غتكونو شفتوو انسطاغرام

ودياان: اييه ايه شفت كلشي وداكشي لاش ختاريتك

(فرحاات ) شرف لياا

_بالنسبة لكلسة ديال الاميرة فين تبغييوها واش قاعة

ايمان(ضحكات )بحالي بحالك

وديان: اه قاعة صغيرة

_اشمن وحدة ؟

وديان(جبدات تيليفونها و ايمان كتشوف حتى هي بحالا ماشي لعروسة ياله كتكتااشف ) : هاانتي هاديي عرفتيهاا !

_ااااه اييه ايه عرفتها فايت خدمت فيها لواحد النصرانية تزوجات بمغربي نييت فييهاا جردة اديروه بنهار ولا بليل

وديان: اش بان لييك ا ايمان

ايمان(مربعة ايديهاا )لي باان ليكم

وديان: من ورا الجوج دالنهار غيكون زويين وغنشوفو الفرقة حتى هي بغييت هادي ياك معااك عجبني الدق ديالهم ودخلة العروسة يا سلام

_ الله اودي ميكون غير خاطركم ، اشمن نهار بالضبط ؟

ايمان: خلي لياا وقت لعشيية نجاوبك

وديان: نتي غير سكتيي

إيمان: ودياان تنخرجوو

وديان: المهيم واحد سااعة ونجاوبك

_الله يسخر

خرو من تماا مناكريين وصلوو لطيفة لداار ونطقات ايمان: غنمشي نهضر مع حذيفة … راه والله مكاين لاش هدشيي

وديان: مالكي عكسية اصاحبتي لولد بغا يفرح بيك ويفرح برااسو بغيتي تمنعييه

ايمان: مقلتش لاا نديرو واحد نهير غير بيناتنا فالدار لااش ديدجيي ونكافة وصدااع

وديان: مافيها باس تفرحو براسكم داك النهار ،راه مدازش عليك لقليل ابب فوجي ومولاهاا ربيي

ايمان: غندير لبسة وحدة حتى لحنة بلاش منها وخليوني حتى انا بخاطري (جبدات تيليفونهاا )ااصلاا عرام ديال المصاريف تابعينو فالريستو بلاش من القااعة و الصداع كليسة بيناتنا والسلام …اه الوو

حذيفة: الزيين صافاا ؟

ايمان: صافا حبيبي فيينك ؟ نجي عندك

حذيفة: ااه وخة عطيني واحد نص ساعة ونتااصل بييك

ايمان: وخة

وديان: اجي نكلسو فشي قهيوة ونهدرو

خداو طاكسي لواحد لقهوة وكلسوو فحديث نساائي وهضرة تجيب هضرة حتى قالت

ايمان: واش بصح الدوا لي كنااخد لمشيت حتى حملت غياتر على لبيبي ؟

وديان(تقادات فلكلسة مخرجة عينيهاا ): يكما حاملة ؟

ايمان: علاش شنو فيهاا

وديان: كيفاش شنو فيها واش حماقيتي ؟ راه الدوا قاسح كتااخدييه ونتي فمرحلة العلااج مخاصكش تحملي او موان واحد عام

ايمان: محاملاااش كتسبقي الاحداث ههه غير سولتك

وديان: بيان سيغ صعييب راه الله يحفظ كدير ليهم تشوهات خلقيية وكدير لييهم تقبة فالقلب الله يحفظ ،ضروري تحضي رااسك

ايمان: حتى الفنيد قاليا الطبيب بليي خاص ندير معاه وسيلة اخرى حييت كتمشي فعاليتو مع الدوا

وديان: دديري العزل انسب حل ماما هوا الحاجة الوحيدة لي كدير عمرها شربات لفنيد

ايمان: منتيقش فييه كيغفل

وديان: زيري اللعب ،اش بغيتي لبزابز من دابا باقة صغيرة قلتها حتى انا لي ضربت 30 هههه

ايمان: كي شفتيه هوا بااغي ،هوا برااسو متيفكرش فلوليدات داباا من نهار قمعني ديك القمعة البااسل وهوا كيبين ليا زعمة بليي باغي لوليدات معاياا

وديان: هههههه عزيزي مسكيين خاف هههه وليني والله حتى مسؤوليية

ايمان: الصراحة مسؤولية كبيرة (تبسمات ) ولكن فكري بايجابية ،دار معمرة علييك عائلة صغيرة ههه نتي مغتفهمينيش ولكن لي كابر بوحدو بحاليي غيفهمنيي اما لا نتي لا حذيفة عندكم لخوت عاشو معاكم طلعو ليكم فالراس شي مراات انا من ديما ختي وخوياا هوا ميي حتى من ختي كانت كتعيط ليا طاطا اما ولاد كريم حتى كبرت عاد عرفتهم باغة شي حاجة ديالي تكبر معاياا ندوز كااع المراحل ديالهاا مع بعضيااتناا ،ديك العائلة لي معطاوهاش لياا قررت انا نديرها من صلبيي ولاا نربيي الى جاب الله ومكنتش كنولد المهيم غندير كاع المحاولات باش يسخر ليا الله فشي عائلة صغيرة

حسات بكلاامها فيه امل وفرحة ومبغاتش تخرسها وقالت: شوفي انا معاك فهددشي كلوو ولكن صحتك ونفسيتك هي ساس هدشي كلوو لي كتقولي

ايمان: هههه راني عارفة ا ودياان راني مغاديش نقطع الدوا بلاا ميمشي بالك بعييد وتمشي توصليها لييه الكـ_لبة

وديان(خرجو عينيها)انااا بلعمااا

ايمان: مواعدة راسي منقطعوش حتى نبراا ،حيت عندي دابا حلم وخاصني نكون قدوو ،،، منكدبش عليك ملي كنت كومة وكنت علاين نفيق …كنت كنسمع غير الضحك ديال وليدات صغااار

وديان: تبورشت اصاحبتي

ايمان: تخيلت راسي ام شحال من مرة ،،،معرفتش واش غيجي معايا داك الدور ا وديان ؟ خفت منوو وباغااه ومعرفتش

وديان: غتكوني احبيبتي احسن ام انا متاكدة حيت نتي انسانة حنينة وربي كيبغييك ،خاصك غير شوية تاع الوقت واستاشري مع الطبيب ديالك وزعميي ولكن دابا منصحكش

ايمان: دابا غير كنهضر وصافيي مزال عليا الحاال شوية مزال كنحس براسي عياانة

وديان(شدات فايدها): كلشي غيكون مزييان ابب غير كل حاجة غتجي فوقتها المناسب براااي نتيي وعيشيي حياتك مع راجلك لوليدات نهار يكتاابو غيجي يلقاوك مستاااعدة تستقبلي اكتئاب الولادة وسهيير والتعب وستريس ههههه

ايمان:هييي الله ينجيييني ههههه

دوزو وقييتة بجوج تقدااو فيهاا لي خاصها بحكم تزادت فلوزن كان خاصها حوايج بطاي جديدة

صونا ليها حذيفة وجاوبااتوو قالت ليه فين كاينة وجا باش يوصلهم .. وديان مشات تقضي اغراضها الشخصية وايمان ركبات مع حذيفة

حذيفة: قضيتي غراضك ؟

ايمان: سييي فين غادي

حذيفة: نهرب بيييك لمكان بعيييد

ايمان: ههههه منقولش لييك لاا …بب علاش غنزيدو علينا بمصاريف لقاعة وداكشي حنا اصلا قلال غير دار كافينا

حذيفة: دابا نهار بغينا نفرحو فيه عاد غيبانو لينا المصاريف كتار ؟ راه المصاريف كاينة كاينة .انا غير بغيت نستاغل هاد الفرصة ملي كاينة الواليدة ومجيد و مرتو و وديان ونفرحو مجموعين .مبغيتش نديرو فالدار حيت العمارة مغاديش يبغيو الصداع داكشي علاش قاعة صغيرة ندوزو فيها نهارنا واالسلام…مبغيييتش اعترااض (شد ايدها كيضحك ) حبيبة راه مكنعرفش نعبر عارفاني كنعبر بالافعال معااك ، باغي نفرحك ونفرح معااك بدي جيست بسااط ؤك

ايمان(برضى): وخة ” تكات على كتفوو ” كنبغييك

حذيفة: ونتي الحب ديالي كلوو

ضحكات فحضنوو مشااو لريستوو كيوريها الاشغال شنو يزيد شنو ينقص. كيتعمد ياخد رأييها فكلشي لون صبااغة ديكور واي حاجة

ايمان: شفت مكااين حد ؟

حذيفة: الخدمة فالصباح صافيي لعشية لياا

ايمان: هههه كيفااش

لقاتو جبد عصابة تاع العيين فلبيض جا وراها وعصب عينيها وهي كضحك وقالت: ههههه شنو كدير

حذيفة: من ديماا نتي لي كديري بحال هاد لبلانات لياا دابا نوبتيي على الله تعجبك

غمض ليها عينيهاا وشدها من خصرهاا جارها لجيهة الدرووج شادة فييه وطالعة مأمنة راسها لييه غير كضحك وعاجبها الحاال،كيعجبوهاا بحال هدشي ومن ديما هي السبااقة لبحال هاد لي جيست

اما هوا فكانت هادي اول مرة يدير شي حاجة لهاد الدرجة ،من ديما مكيبخلش عليها بحبو واهتمامو ولكن باش يوجد ويحط بحال هكا لا عكسها هي كانت كتبدع لييه فهدشي وكان كيعجبو لحال

طلعها لطيراس وجا وراهاا حيد ليها لعصابة حلات عينيهاا فلورد بين لحمر والبيض مشتت فالارض ونفايخ فلبيض معلقيين ونازلين بسينتات على اطرافهم وردة وصورة لييهم شافت فييه ولو كان عينيها يعبرو كانو غيخرجو منهم لقلوووبة من كترة معجبها هدشي مشات كتجري لنفاخات وسطهم كدور بين شي صور اول مرة تشوفهم لاول لقاء ليهم فلبحر كيبان غير نص وجهها ورا كتفوو ، تفكرات ملي تخبات وراه من قريص جداهاا

ضحكات وعينيها لمعو وهي كتشوف تصويرتهم كيشوفو فبعضياتهم وسط الغاابة وربييع واصل ليهم نص فطولهم

صورة ل حذيفة كيشوف فايمان بالتخبيية وهي كدالك وصورة ليهم ف لكامب لي كلسو فييه يرتاحو حداهم النشير

صورة فكل لبلدان لي دازو منهاا من تركيا حتى ل ايطالياا وصور اخرى ليهم بجوج من ورا الزواج صور تخلدات فداكرتهاا ،دازت عليهم كااملييين وقالت: هدشي كيحمق (جات عنقاتوو ) شكرا بزاااف ههه حبيييت

حذيفة: انا حبيتك

ايمان:ههههه

بقات كتشوف فلورد حتى بانت ليها بوااطة وسط لورد مشات جيهتهاا كتلقاا بواطة مكتوبة فيهاا انااقة ضحكاات وقالت: رجعتي لبراند ديالك

حذيفة:علاش لا ان شاء الله

ضحكات كتحل فالسينتة مع حلات لبواطة ولغلاف جاو عينيها فتاج رقيق فلفضي مرصع بالاحجار لبيضاء ومنقوش برقة

دارتو فشعرها وهوا مرااقبها بحب وهي فرحانة وعينيها كيلمعو بشنو فلكرطونة

غوب بيضاء مخدومة برقة من الدونتيل والموسلين الخااص بفساتين الزواج شي حاجة سامبل ورااقيية ماحدها كتهزها وهي كتكتااشف فتفااصيلهاا الفاتنة

هزاتها وبان ليها لڤوال طوييل ومنبت بحبات اللؤلؤ الصغيرة مفرقين على طول لڤوال

اعجابها بييه خلا عينيها يعمرو بالدموع ،شي حاجة تخدمات على ودها وهي عارفة انه بحال هاد لي موديل كيخصهم لخاطر والاتقان وشي مرات كانت كتشوفو كيكمل الخياطة باييدو الى تعكس ليه الثوب

ترمات فييه والكسوة فايدهاا معنقااه بدون كلام وحتى هوا بادلها العنااق وقال: مرت مصمم كسااوي ومرتوو متلبسهاش فعرسهم سمحييليا ماشي لووجييك

ضحكات فحضنو وقالت: هدشي زويين ههه شكرا

مسح دموعها وبااسها وقال: و دابا جاك لحمااس لعرس ولا مزاال

ايمان: هههه صافي جاااني ههه

جرهاا متعطش لشفايفها وقال: انا جاني لحماس لهاد لفم الزويين عندك

تقابلات مع وجهو كتفرنس عاجبهاا لحال وكادلع والمفاجأة فرحاتهاا

دوزوو نهارهم تماا بجوج دار كليسة فلارض مدورة بلورد فيها كيسان ديال لعصير وحليواات من وراهاا تكا وتكات هي على ايدو مقابليين مع السمااء والكسوة حداهاا كتشم فلوردة

فديك الليلة نيت نعسات فلبييت وحداهاا لطيفة اما حذيفة ناعس فالصالون

ناعسة وكتحلم براسهاا كاينة فبييت كبير كالسة مهموومة حتى شافت نعيمة جاية فعقلها لباطني كانت عارفاها ميتة ولكن قلبها فرح وقالت: ميي جيتيي

كلسات جنبها قدامهاا مهراز وطبسيل عامر بوراق الحنة كدݣ فيهاا وقالبة وجهها على ايماان

ايمان: مبغيتيش تدوي معاياا اميي !

نعيمة: مالك ا ايمان علاش كتعدبي فياا علااش ،شوفي الحنة شحال زويينة علاش مبغيتيش تحنيي

ايمان: وتحني ليا نتيي ؟

نعيمة: عطا الله لي يحني لييك راه لبنات ولا لطيفة هانا كندك فييهاا زويينة وخضرة حنيي بيهاا ابنتيي راه لحنة زيييينة ،خليني نرتاااح ،خليني نرتااح ا ايمان راك معدبااني

لطيفة كانت فاقت تصلي حتى سمعاتها كتهضر فنعااسهاا ومشات تفيقهاا كتسمعها كتقول مي مي

لطيفة: ايماان …ايماان

ايمان(قفزات) مم

لطيفة: بسم الله علييك …كنتي كتحلميي

تاكدات ايمان من حلمهاا وكلساات كتستوعب شنو حلماات ولطيفة كالسة حداهاا وقالت: حلمت بميي الله ارحمهاا

لطيفة: خير وسلام ابنتي

عاودات ليها لحلمة بالتفصيل قبل متنساهاا ونطقات لطيفة زقالت: اوى شفتي راه لحنة خاصك تحنيهاا حشومة ابنتيي حني باش ربي يحن علييك ،وباركة متبكيي تفكريها بالرحمة والصدقة هدشي كافيها لبكاا ابنتي غير كيعدبك نتيي وهي

مسحات ايمان دموعهاا وقالت: كانت كلشي فحياتي اميي مقدرتش نساها

لطيفة: يا لهبيلة واش كاين لي كاينسا لحنينة فييه هي كبرات و وفات وتسالا اجلهاا باش نتي تجازيها بالدعااء والصدقة والرحمة هدشي لي كتساللك جزاء داكشي لي دارت معااك ماشي تبكي عليها صباح وعشية وتعيشي مهمومة مغبونة عليهاا راه معمر لمييت يرجع ابنتيي كيقولو ناس زمان ،البركة فالحيين

دااابا ديري وليدااتك وتلهااي ويبرد جرحك مع لوقت لعزيز مكيتنسااش وينيي بنادم كيكمل حياتو حنى غير سارحيين فالدنياا ابنتيي كنخلييو ورانا لي يدعيي معاناا تاحد مداايم الدوام لله

ايمان: ونعم بالله

لطيفة: نوضي تصليي !

ايمان: منقدرش داباا حتى ندوش غداا

لطيفة: وخة ابنتيي رجعيي نعسي ورتااحي 1

رجعات تكاات مكمشة فبلاصتهاا حتى جات لطيفة حداهاا كتسبح وقالت: جرييت على حذيفة من بلاصتو ههه

ايمان:هههه خليييه ،مي (غمضات عينيها وتكات على صدرها )حكي ليا شعريي

لطيفة: كي السمن مع لعسل الحبيبة

باستها فجبهتهاا وحكات شعرهاا والاخيرة. حسات برااحة واحساس فقداتو سنين طويلة

حسات بديك اللمسة اللطيفة الطيبة لي كيمتازو بيهاا الجدوات الحنان والامهاات

صوت التسبييح وصوت شفايف كيسبحو فجوف الليل خلاها تنعس فرااحة

لدرجة ماعرفات امتاا نعساات

صبحات ناشطة وفرحاانة وبغات دير بداية وخطوة جديدة تااني وهاد لمرة تقبل حياتهاا وتفرح باش جداها ترتااح

‎

خرجات مع وديان بسورفييت مشمرة على الجريي قادو الامور مع النݣاافة والفرقة ديال الدخلة ومن بعد غيكملو بديدجيي تريتور لي وصاوه على المأكولات لي بغاو وختارو 3 الطباليي طوال غادي يجمعوهم باش يجيو طبلة كبييرة تجمع كلشي ختارو الزينة وليناب باش يدوز داكشي متول

ختارت اللبسة ديال الحنة ولوازمها دارو معاها النهار ومشاات ل سپاا دور برااسهاا وترتااح مسااج وسوان وقادات ظفيراات وتهلات فراسهاا

وصل وقت الحنة كالسة فلبيت والميكاب ارتيست كتقاد ليهاا فلميكاب لابسة تكشيطة هماوية فالاخضر ملكي مع اكسسوارات دهبية من حلقات وكوليي وشمار دايز من لكتااف والظهر وسمطة ذهبية لايدين مصبوغين بلغوز بب جاو مع بيااضهاا

كانت اخر اللمساات فالشعر بشدة خفيفة وتااج ذهبيي هبط عليها سر لعراايس والخلعة فيها كدور حداهاا وديان ب قفطان فلخزيي وشعر كحل مسبسب كتقلب ليها على سباطها حتى جابتو ليهاا

ايمان: فيا الخلعة بحال الى ياله غنتزوج

وديان: قرصيني قرصيني باش نتبعك ههههههه

ايمان(قرصاتها كضحك ): لي يشوفك يقول ميتة على الزوااج

ضحكات وديان كدير فلفغاجو

ونكافة لي هي نيت غتنقش ليها قالت: لبرزة راه واجدة الالة لعروسة

ايمتن: وديان واش جاو لبنات

وديان: كلشي جاا ،جات زهور وبنتهاا ياله دخلو و زينة و واحد بنت خالتهاا و مليكة وجات نصيرة وديك الفرملية لي عرضتي عليهاا

ايمان: صافيي

لاحت النكافة عليها لفوال فالذهبي و وقفاتها كتصلي على النبيي و وديان كتفيلميي حتى خرجوها بالصلاة و السلاام لكلسة فالصالون بلدية مغربية ب قوالب السكر مزينين بدهبي باسم ايمان وحذيفة وبلاطو من الشمع ديكور واطباق من الحنة و الورد لبلديي وتوزيعاات ب الحنة والكحل كلشي جابتو النكافة واجد مع لوريدات لي غيلصقو لبنات فايديهم

كتشوف من تحت لفوال كلشي لبنات لاابسيين لبلديي ومناسقيين لحالة حتى من لكاورية عطاتها ايمان قفطان وعجبها الحال وعجبوها الاجواء واخة مفاهمة والو غير كتصفق كان الاهم عند ايمان انها متحسش براسها بوحدها فهاد النهار وفعلا مكانتش بوحدهاا وكانو مجموعين لي كيعزوهاا فقط

مابقاتش فكمية النااس لي ضايرة بييك شي مرات غير بعض النااس تغنييك على عراام ديال البشر زايدك غير مرض

كلسوها ف ليزار المطروز الخاص بالحناء وقربات ليهاا لطيفة بحجاب وردي وقفطاان بنفس اللون مشمشرة عليه بمضمة ذهبيية هزات لفوال كتسميي الله وقالت: مااشااء الله الله يحفظك

ايمان(بخجل)امييين ههه

باستهاا ومشاات مخدمين الموسيقى الخاصة بالحناء وامنية كدور حدا ايمان عاجبها الحال نقشاات وفرحاات ضحكوو ونقشو كامليين بدون استتنااء

بقاااو دايرين الهرج حتى جا الساانديك كيدق باش ينقصو الموسيقى سكتاتو وديان بالصووااب الهضرة الزوينة عطاتو لحلوة المغربية وشرحات ليه الاجواء عاد مشا كيفرنس وخلاهم على خاطرهم

ملي بغات تحييد ايمان الحنة طلبات من وديان تجيب ليها واحد لبواطة من السامصونيط لي حاطة فيه دهبها عطاتها الساروت ومشات جابت ليها دملييج رقيق من الذهب القديم شداتو ايمان وتبسماات وهي كتشوف اثر من اثر نعيمة الله يرحمها ومداتو لنكافة تحيد بييه الحنة عادة من العادات المغربية حيدوها بالصلاة على النبيي ومشاو يسربييو لغدا ومليكة مكلفة بالدجاج بالدغميرة واللحم بالبرقوق

ورجال قادو ليهم جوج طباسل جا ليهم حذيفة ف فم لباب بلا ميدخل لدار ومشاو لدار طارق فين مجموعين الدراري صحابو ومجييد

العشية تعشاات ولبنات نشطوو وضحكوو تصورو وعاشو نهار الحنة باجواءهاا

بقاو غير المقربيين ومشات نكافة دات معاها لماطيريال ديالها لبسات ايمان قفطان جوهرة خفيف وخلات شعرهاا مطلوق والحنة حمرة فايديها لي مزيناه ب خواتم ذهبية وخاتم لمرياج ديالهاا وبراصلياات ذهبية فايدهاا

لوجه صاافي مزنك والعينين كيبرييو حاطة حداها تيليفونهاا وشادة امنية كتلعب معاهاا

زهور: تبارك الله امي لطيفة حذيفة دا الزيين

ضحكات ايماان وقالت: عويناتك ههه

لطيفة: الله يهنييهم هدشي لي نطلبو ليهم

_اميين

وديان: ايمان تيليفونك كيصوني

طلات على تيليفونها كطلع ليها ‘سندي” تبسمات وناضت من حداهم جاوباتوو

ايمان: حبيبي فيينك ؟

حذيفة: مشااو ضيافك

ايمان: بقات زهور و وديان صافي تما كلشي مشاا تالغدا ان شاء الله

حذيفة: مم توحشتك تهبطي عنديي مزعمتش نطلع الدار عامرة عيالات

ايمان: هههه بلاتيي نلبس علياا

حذيفة: شنو لابسة !

ايمان: قفطان خفيف

حذيفة: زيدي علييك غير شي كاب وهبطيي ..غير الطموبيل

ايمان: صافي وااخة

مشات لبيت خدات كاب فلبااج لاحتو عليهاا تريحات ودارت كلوز تدخلات عندها وديان وقالت: اديك طيريري فيين غادية

ايمان: لتحت عند حذيفة

وديان: تي خلييه يتوحشك باش يطيح علييك السر غدا هههه

ايمان: راه فات لوحش ملي خرجت مكلست معااه

وديان:الدود نوعااان

ضحكات ولبسات فرجلها وهبطات استئدنات منهم ومشاات هابطة عندو فرحانة لقاتو فالطموبيل كيتسناهاا غير طلعاات تبعها بعيينو وصفر وقال: بشاااخ على لالة لعرووسة (شد ايدها باسها )والحناانيي بصحتك الزيين

ايمان(باستو فحنكو)الله يعطييك الصحة كيدوزتي نهارك

حذيفة (يكلعب فشعرهاا )عاادي توحشتك فييه متوحشتينيش ؟

ايمان:لااا توحشتك

حذيفة:اممم باينة متفكرتينيش

ايمان:الصراحة فوجت مع لبناات هههه نسيييت التيليفون غير وديان لي صوراات حتى تسيفطها ليناا ،مغطلعش

حذيفة(تكا راسو فوق كتفهاا حتى بورشهاا ) نعس حداك ؟

ايمان:ههههه الدار عامرة هه‍ه خالتي شدات وديان وزهور يباتوو

حذيفة: ونتي غنشدك لياا (كيلعب فشعرها )عندي ليك واحد المفاجأة

ايمان: حلف شنو هي

حذيفةديمارا الطموبيل )غتعجبك

ايمان: تمجهدتي علياا تاني بالمفاجآت هههه

ضحك وشد الطريق و الظلاام طااح وقف قدام اوطيل قريب ليهم لداار وقال:هبطيي

ايمان(شدها الضحك)هادي هيا المفاجأة

حذيفة:لا لاا كاينة لفووق

جرها كضحك كان ديجاا حاجز شومبر طلعو فالسانسور كاتشوف راسها جاية ب بانطوفة ولقفطان ولكاب وقالت: هادي هي لوحي عليك كاب غير الطموبيل

ضحك كيحل باب الشومبر وقال: غمضي عينيك

غمضاتهم كضحك شدها من خصرها قرصها وقال: الرطوبيية تااني

ايمان: تء بدينا تاني بلقريص ههههه

دخلها وسد الباب ورااها وقالت:نحل عينيي

حذيفة:حليي

حلاتهم على البييت مجموع ونقي ومفرش فالابيض كتقلب بعينيها وقالت فين المفاجأة ضارت عندو لقاتو كيحيد فتجاكيط وغمزهاا كيحل ف السروال وقال: صبري نجببدها ليك

هربات مبعدة منو وسيفطات علييه مخدة وقالت: ضحكتي عليا

قرب ليهاا كيضحك وقال: مزال مشفتي الضحك تااني

بغات تهربب وشدهاا عندوو وقال: شنو تاني ندوزو الليلة ضحك

ايمان: سيرر بقا موحشنيي حتى لغدا ياك بغيتي لعرس

حذيفة: نتوحشك اليوم وغدا (باسها )مولف نشبع منك

ايمان(ترخات معااه وقالت كضحك )خليني صحيحة لغداا لعبك باسل وغتخلي فييا شي تبرقيعة تشوهني مع النݣافة سير فحالك

حذيفة(باسها من عنقها وضحك ): الى شتيني جهلت علييك عضيني ههههه

ايمان: وهاانتاا بدييتي وبشوية صبر تء حذيفاااا

كانت ليلتهم مثاليية ودوزوها حديث ومغزل الليل كلو مساخينش بهاد الليلة تسالي من كترة ماعجباتهم

هضرو فيها على لمستقبل والحاضر على حياتهم على مخططاتهم فوق مخدة وحدة وفحضن بعض

داخل الضو من البييت كيعلن على بزوغ يوم جديد لبيت ضارب فييه الاعصاار الطبلة كان فوقها بعض المكسرات والشكلاط ولماا وشي عصاائر والحوايج مزلعيين مخدة فلارض مخلية بلاصتهاا ومخشية فصدرو بظهر عااري و الشعر مغطيهاا وهواا نااعس برااحة وهي جنبوو مفيقو غير كلاكصون جاي من براا فاق لقا الشمش داخلة لبييت غمض عينيه كيحك فييهم مانعسو تال خمسة ديال الصبااح طاحو كاو جا يشوف السااعة لقاها ل 11 ديال النهار و تيليفون ايمان حدااه كيصونيي ومحيدة ليه الصوت تقطع وطلعات لييها 7 لي زابيل من نمرة وديان و 3 من زهور ومساجات وديان

حذيفة: ايماان (كيحيد الشعر على وجهها وقشع عنقهاا مرطااسي وعض على فمو ليوم تسمعو خل ودنييه )ايمااان نووضي نوضي تعطلتيي على ابنݣافة

ايمان(عطاتو بالظهر ): ممم بلااتي باقي الحاال مافيااش لي يمشي

حذيفة: نوضي ياله دوشي وتمشي راك دايرة معاها مع 12

ايمان: داباا شحااال

حذيفة: هادي 11 بييل جاوبيي ودياان

ايمان: بغييت غير نعس نااري

حذيفة: شدي شدي هاهي كاتصوني

مد ليها تيليفونهاا ونااض كيجمع فحوايجو ودخل لدووش طلق لماا

جمعات عليها لغطا من لبرد مقادراش تحل عينيها جاوبات وديان بصوت نااعس بزز كتهضر

ايمان:ممم

وديان:و الله ينعل لي ميحششم ،،واش غيبتيي

ايمان:كتر فييك النگير اصاحبتي فف مالك راه قلت لييك لبارح غنبات

وديان؛ ونوضي رااه بولتك حمااضت ويلي النگافة كتسناا وحناا دايرين داكشي بنهار ماشي بليل راه ل 11 ودرنا معاها 12 ياله تجيبك مع 2 نيشاان

ايمان(كلسات كتااوب حالة عينيها بزز )وخة وخة هاني جااية داباا

وديان: غتجي نيشااان لصالون بلاتيي هزيتي الدواا ديالك ؟

ايمان(تاوبات) الصاك لغوز جامعة فيه كلشي جيبيه لياا معااك ابب انا نفطر دغيا ونجي

قطعات معاها وناضت كيف السكرانة شاداها التبوريشة حيت ملابسة والو هزات لكاب لاحتو عليهاا وبدات كتجمع فروينتها وتولول

ايمان: وخة يكونو سادين عليييناا

جمعات كلشيي وخرج هوا من الدووش مدوش ولابس حواييجو غمزهاا وقرب ليهاا باسها وقال: صباااح زيين هدا

ايمان: صباح النووور ، باقي فيا النعااس

ايمان: دخلي دوشي دغيا باش تصحصحي لياا

وداكشي نيت ليي دارت وفدوش بدات كتكتااشف الطباايع لحمريين فلحمها وبانو ليهاا جوج طبعات فعنقهاا وعيطات عليه من الدووش وقالت:والله متبقا فييك عقل على هاد الشوهة لي درتي لياا

مجاوبهاش خلاها كتنكر بووحدها فدوش تخرجات لابسة عليها حوايجها ومرجعة قفطانها وكتنشف فشعرها بسشوار لي كاين فلحمام

لقاتو لاابس كيتسناهاا وقال: مباين والو فيك غير لهضرة

ايمان(هبطات عنق لقفطان) :شووف!

حذيفة(هز واحد لحااجب ): علاه نتي ناوية تعري علياا صدرك ولاا ؟ والله تنحشهم لييك زيدي قداميي

ايمان: درتي لينا تحشيمة مع النكاافة تء

حذيفة: قوليهاا لهواايش ههههه

فطرهاا ومشا داهاا لصالون لقاا وديان كتسناهاا حطهاا ودخلات كتجر فلبانطوفة بالزربة حيت تعطلات وهوا مشاا يقضي اغراضو ويوقف على القاعة وضيافوو ويطل على الاشغال فين وصلات

من بعدما ختارت التكشيطة لي ادخل بيهاا وراتها لكسوة والتاج غادي دير معاها طقم من الذهب الابيض من حلقات وسنسلة وبراصلي كانو جاوها كادو من وديان فزواجها

كلشي كيقااد وكلشي لابس واجد باش يبدا العرس البسييط لي موجدينوو تزامناا مع عيد ميلادهاا الشيء لي نسااتوو وطار من بالهاا شنو اليوم بالضبط حيت تيليفونها مبقاتش على اتصالل بييه ولات عايشة لنفسها ومحتافظة بلحظاتها الجميلة لنفسهاا

عيات النگافة ما تبحلس وترطب فيهاا باش تحطها فلباج ديالهاا ولكن كانت رافضة بتاتاا تشارك هاد اللحظات

بتكشيطة هماويية وكيف اصرات النكافة كانت اول وحدة تلبسهاا داكشي علاش بقات عليهاا تخلاتهاا تصور غير التكشيطة

جمعات شعرها بشدة انيقة مرخوفة شوية باكسسوارات بيضين لانو التكشيطة فلبييج منبتة باليد ومطروزة مع صندالة عالية ومكيااج فاتن بين ملامحها برزو عينيها بالوان هادئة عجبها راسهاا

شدو الطريق للقاعة الصغيرة فين غيحتافلوو بنهارهم تواصلات مع حذيفة وعلمها بليي كلشي وااجد

جات عروسة وفرحانة برااسها ومتشوقة تشوف ردة فعلو ملي يشووفهاا تبسمات من تحت لفوال والخلعة شاداهاا لقاو جوج طموبيلات مركونين تماا دخلو لقاعة وبانو لييها رجاال لابسيين لباس موحد وسلهام فلحمر وطربوش كدالك هازين جوج رايات المغرب كاين لي هاز لبندير. ولا المقوصة ولا نفاار طويل …واحد البنت كتفيلمي من لباسها باينة مغربية

باقة كتشوف حتى باان ليهاا جاا توسعات بتسامتها علاش لا وهي كتشوفوو سلطاان جاي بهيبتوو بجلابة دو بياس فلبيض ساعة دهبية فايدو بلغة بيضة وشعرو مرتب واللحية كداالك ..كانت كتسنا ردة فعلو ملي يشوفها صدقات هي لي طاحت فحبوو من جديد كتشوف فييه باعجااب كبيير محيداتش عينيها علييه حتى حل الباب عليهاا مد ليها ايدو وشداتهاا كتبسم توقفاات جنبوو والفرقة بدات بعزف دخلة العرووس وهوما فالعالم ديالهم لخصو جميع الكلمات بدوك الشوفات ديالهمم

هز ليها لڤواال على وجهها كايتمنظر فجماالهاا وعينيهاا حتى باس جبهتهاا وقال: ما شاء الله علييك ،الله احفظك ليياا اعمارة الدار والقلب والحيااة ومامات لوليدات نهار يكتبهم الله

ضحكات بخجل وشدات فايدوو وكل مرة يشوفو فبعضياتهم ويضحكو

كتشوفييه كانه اعظم انجازاتهاا وهوا كيشوفهاا ك شريكة الحيااة المنااسبة لييه لي عشقها وحبها من اول نظرة

“نعم الالة قولو مرحبا يالبنات قولو مرحبااا ،العروسة جات البنات قولو مرحباا “

دخلو القاعة مشابكين ايدهم كيف تشابكو حياتهم بحلوها ومرهاا

لقاو كلشي كيتسنااهم

لطيفة ،زهور ومجيد وبنتهم و طارق ومراتو . وديان وصاحبتها نصيرة ومليكة ، ناصر و توفيق عتمان ومراتوو وعرضات حتى على كريس وبنتو وموو متنسااش وقفتو معاها فشحال من حاجة فلوقت لي كانت بوحدهاا هوا الشخص الوحيد لي كان كيحاول ينبهها باش تبعد ولكن كانت معمية

تبسمات ليهم واحد واحد من المعروضيين كامليين وكل واحد فييهم تفكرات شي حاجة ممن جيهتهم تفكراات الدراري و وقفتهم الرجولية معاها فلغابة معمر شي واحد فيهم هز فيها العيين ولا عاملها ناقص بلعكس مشاو معاها بدقة بدقة حتى وصلو مجموعيين

القاعة كانو فيها 3 الطباالي دائريين وديدجيي بنت حتى هي واقفة ومستمتعة معاهم

شطحوو مجموعيين شويية كلشي فرحان كلشي لاابس

مشات لفرقة لي الدور ديالها هو دخلة العرووس وبدات الديدجيي كتغني وطالقة لموسيقى وكلشي ناض كلشي كياخد تصاور ولطيفة كالسة كتشوف لفرحة فعينين حذيفة وكتزيد تفرح وتدعي من قلبهاا باش ربي يهنيه فحياتوو طول عمرو مرضي معاهاا

السرباية كيحطو اتااي ولحلاوي المغربيية

كالسين بجوج كيهضروو ويضحكوو مع بعضياتهم والكل كالس ناشط كيشرب فاتااي ومجييد كيضحك مع طارق وقال: هاد ديدجيي عياانة حساب ليها حنا كنتسنطو لسيلين ديون

طارق: جابت ليا النعااس

زهور (بهمس ): واش نتا مغاديش التووب اويليي خالتي كتشوف فيين غادي

مجييد: اصبري تفقصت

مشاا لجيهة ديدجي شد من عندها لميكرو وقال: بغيناا تحياااح راه جانا لملل

_ههه شنو حب لخااطر

غطات زهور وجهها وقالت: ناري هاهوا بدا تااني

_ ارى داك لميكروو نتي جبتي لينا الملل

شد لميكروو وقال كيضحك وهادي فخااطر فخاااطر (حط ايدو فصدرو )لي فلخاااطر

طلقي ليناا كناوة

_هي اللولة هههههه

بدا كيغني مع الموسيقى وكيضحك مع حذيفة ولطيفة مغطية فمها وكضحك عارفااه فروجيي غير كيضحك معمرك تشوفييه مغوبش يضحك مع لبراني ولي كيعرف عندو كلشي بحال بحال

_ايييه وكون ماكانو البناات كون بنادم مات احبيبيي وايليي على البناات ها وااايلي ، وراه عرفوووني زهوااااني دارو فياا مابغاااو

مد لميكروو ل حذيفة: غني احبيبي غنيي

حذيفة (نطق بالشلحة كيضحك ) واش حيدتي شراب سكرتي بلعصيير سير راه غتباات برا اليوم هههه

بقا كيعنكش فيه شحال ومشا لمرتوو كمل بيهاا كيعنكش فييهاا وغناهاا بزز تحشماات

صدق كلشي كيغني وكلشي كيشطح عاد سخن الطرح وبدات اجواء الشعبيي والامازيغي حتى هواا شطحة لكتااف كلشي شطحهاا معاهم حتى لي ماشي شلح

وكانو السربااية كيوجدو طبلة طويلة على براا مزوقة بلورد و الشمع وطبااسل راقيين باش يتسرباا لغداا وسط لگازوو والطبيعة والورد ضاير بيهاا ولنااب بيض داكشي خراافيي راقي وبسييط

خرجو على براا وكلشي كلس فطبلة نص حوليي مشويي تقسم على جوج حطات مرافق لي صلااد والعوااصر موراها بسطيلات بلحووت وموراها ديسير رواياال داكشيي لفرييع ،نطق فودنها كيضحك وقال: غنكملو الشهر انا وياك بلخبز ولما كي الدجاج

ضحكات وقالت: كترتييي هههه ونص لحولي فين هواا

حذيفة: تصدق في سبييل الله

عمرو لكرييشة وقلبوهاا شطبيح تااني خرجو الرجال وبقاو غير لبنات شطحو وردحو بخااطرهم حتى عرقووو وايمان نوضات لطيفة بزز حشمانة كضحك وقالت: اوهوا يا بنتيي اوهووو هههه يشوفني حذيفة منقدش

وديان: حذيفة شطح حتى عياا ههههه

لطيفة: لواااه ايليي كنحشم منوو منقدش

ايمان: لا راه ميقدرش يدخل ههه غير شطحي معاياا

دارت ليها خاطرها وهي لي عمرهاا شطحات ضحكاات وطلقات معاهم وفرحاات وزغرتاات حتى بغات تكلس وقالت: حيدناا الجهد الله يسمح ليناا لحال ميشاور ههههه

وديان: خالتي الحاج خاصو يزيدك فالصداق

لطيفة :هههه لحاج كون شافني كنشطح كون علقني من شفاري

ضحكوو كلهم وكلسو يرتااحوو موراهاا طلبات من النگافة باش تبدل بلغوب حيت غيبدا يبرد لحال

دخلات ومعاها نكافة ولميكاب ارتيست غتعاود ليها مكياج منااسب لغوب و وديان حداها مرافقها بحال ختها وكتر كتوريهم لكسوة و النكافة عينيها خرجوو فيهاا حمقااتهاا وبداات كتسول

_ واش شريتيهاا

ايمان:لاا

_كريتيهاا !

وديان:علاش غتكري وراجلهاا كيصممهم هههه

_ واش بصح ؟ واش كيدير حتى لبلدي تبارك الله هادشي زويين اللهم بااارك معندوش موديلات اخريين ؟ يبغيي بيعهم لياا انا نيت خاصني كوليكسيون جديدة

ايمان: حتى نسولو ونرد علييك

_وعنداك تنسااي التمن لي بغااه نعطييه حيت كيجيو عندي كاورياات وراك عارفة كيبغييو غير لي غوب كنبغي نحطهم فلواجهة ديال الصالون

ايمان:ايكون خير

لبسات ديك لغوب مستوورة وانيقة ولكمام طايحين بحال السلهاام كلهاا منبتة ولموسليين كبير من لتحت نافخها شوية دارت لكوليي ديالها وشعرهاا مشطاتو ليه مموج وشدات نصوو وركبات ليها التااج

وديان: جاتك عباار اصاحبتيي

ضحكات ايمان كتشوف فلمراية طويلة قدامها عاجبها رااسهاا وقالت: واش غيكون وااجد

وديان:غنمشي نعيط لييه

خرجاات وخرجو حتى النكافة ولبنت لي معاها مخلينها واقفة كتقاد فلفوال لي شداتو ليهاا مع التااج فشعرهاا حتى حل الباب وابتسامتو توسعاات وهو كيشوفها قدامو كيف شي اميرة من القصص الخيالية واقفة قداموو

كان بدل بكوستار اسود وقميجة بيضة وتاه لكوستييم باس ايدهاا وقالت: جات زوينة

حذيفة:نتي لي زوينة

هبطات راسها كتبتااسم وهزات عينيها فييه خطف قبل لطيفة من شفايفهاا وداعب نيفها وقال :اجي معاياا

شدات فايدو طوا ليها لفوال فايدها وهزات بطراف اصابعها لغوب من لقدام

هبطوو لتحت وتوجه لخلفية القااعة فين كان موقع التصوير

لورد ولكلسة بحال شوتينݣ باش ياخدو راحتهم بعييد على المعروضيين وياخدو صور لدكرى

كانت غير لمصورة و وديان كتقاد فداك لكرسي وكتقاد فلورد حتى شافتهم جايين وتبسمات ليهم كتصلي على النبيي وقالت:لولولوي هههه ديتي الزين اعزيزي

تبسم لييهاا ومدات لايمان بوكيه ديال الورد الابيض مزوق

خداو صور وفيديواات خفيفة وضعياات قراب من بعضهمم باش يبقااو لييهم تصورات بووحدهاا

عاد خرجو عند العائلة يكملو عرسهم بشطييح وردييح واقفيين فالجردة حتى جابو لحلوة مع وقت الغرووب مشعليين شعالات فجنااب والكيك ديزاين من 3 طبقات فلبيض وفجناب جاي بالورد الحقيقي بيض والحمر وفوقهم حمامة بيضااء كبيرة

حمقهاا وكل ما كيقرب كتكتاشف شنو مكتوب فييه حتى بداو كيغنييو سنة حلوة يا ايماان

بقات كضحك وكتشووف فييهم واحد وااحد والعينين مغرغريين غلباات علييها لبكيية لقاات غيير هوا حدااها تخباا بييه وفحضنوو بدا كيضحك عليهاا وات وديان كتنش عليهاا باش متخسرش المكيااج

شافت فييهم بعييون حمرااء ولطيفة حداها كتقوليها “متبكييش ابنتي متبكيش “

جوج شميعات دهبيين الفوق فيهم رقم “27”

وديان: ياله طفي الشميعاات غيدوبوو

_1 ،2 ،3

تحناات كتشوف فدوك الشمعاتت واللمعة مضوية فعينيها تنهداات براحة وساااطت النفس حتى طفاو الشمعاات وتسمع الطرطيق ديال المفرقعاتت فالالواان وراهم حتى قفزات وشدات فيين كضحك ولطيفة قفزاات

تقطع لكاطوو وتفرق على الطبلة وكل شد حقوو فكاع الحضور لي فلقاعة من سربااية و كارديان اي واحد كلى وشبع اليووم

كالسة فمقدمة الطبلة جنبهاا حذيفة ومع بدا كيظلام لحال شعرو بولات صغاار فوقهم بحال شميعات وشمع لي فطبلة كداالك

كلشي كيهضر ويضحك وحتى هي كتجمع معااهم ونااشطة واحد شويية ولات كتشوف فيهم واحد واحد وتبسسم

“”

شي مرات من كترت مكنعيشو فواحد السلبية والنااس لاكتر سلبية ،كيولي يجينا بليي حنا ف بيئة وفحياة غير منااسبة ليينا

كنكونوو معميين على واحد لحاجة سميتها كيفما كاين بنادم خايب راه كاين واحد النوع زويين وطيب

من كترت مكيتعماو العينين وكنطيحو فالحزن ونكران اي شيء جميل فحياتنا كنسااو الجانب المشرق

كنساو نتعلقو فقط بالاشيااء الزويينة ونحتافظو بيهاا ونبعدو من الاشياء لي كتجيب ليناا الحزن والغم

نخويو قلبنا من الحقد،نخويو قلبناا من شي حاجة سميتهاا نكران الجميل

نتعلمو نحمدو الله ولو على صحتناا على نومناا بسلام على ديك الفيقة ديال الصباح بلا منشكييو من شي الم

ولابد ربي يعطينا شي حاجة لي نحمدو عليها الله ،ربما صحة،ربما اولاد،ربما مال، ربما عمل

ولابد ربي ينصفنا فشي حاجة لي تبان لينا حنا شيء بسيط ولكن راه نعمة لشي حد اخور

دائما نتقبلو حياتناا ونطلقوها فيد الله ربما هادي متصدقش غدا يجي حسن منهاا

العوض هو من الاشياء لي كينعمهم علينا الله بعد عنااء طوييل

ممكن شخص ،ممكن بيئة نقية ، ممكن بييت دافئ

القرب من الله بوحدو عوض كبيير ،كيغنينا على كترت النااس فحيااتناا ،شي مرات الوحدة كتكون طمأنينة لشي اشخااص

خاصناا نتعلمو نبغييو راسنا ونبغييو حياتنا كيف قسمها لينا الله بزوينها بخايبها بمشاكلهاا بصعابها وبفرجها،حيت كل ما تقبلتي حياتك كلما كنتي ايجاابي ومتقبل راسك كيفما نتاا ،البعد على الله ما هوا الا بعد عن السكيينة والرااحة ولو تكون كتملك مال الدنياا معمرك غتكوون فرحاان ومرتااح ،حب النااس معمرو غادي يغنييك ولاا يفرحك قدماا تكون متيقن ان الله معاك وفجنبك وتكون عندك قنااعة ان ربي كيبتليي احب النااس الييه باش يتفكروو ويزيد ايماانوو لييه ،وهادي بحد داتهاا كتفرح

كتكون فاشد غضب ويائس حتى كتفكر “ادا احب الله عبدا ابتلاه،فان صبر اجتباه،وان رضي اصطفاه،وان سخط نفاه واقصاه”

🕊️

اللهم لك الحمد حتى ترضى ولك الحمد إذا رضيت ولك الحمد بعد الرضا

🕊️

كلامها كان موجه لطبيب وهي كالسة قدامو كتحاور معاه بكل هدوء وهوا كيسجل ملاحظات ايجاابيية عليهاا حتى تسالات الحصة وتبسم ليهاا وقال:

كلامك كلو على صواب كنتمناا ديري بيه ومتنساايش دواك حتى تحسن صحتك البااطنية شي حاجة لي مزال متابتااش لدااخل ،نتي في تحس ملحوظ وهدشي كيفرح ولكن ويااك تغريي

ايمان: كون هاانيي منقدرش نرجع من بعدما دوزت طرييق طويلة

_شنو غادي ديري فحياتك المهنيية !

ايمان: انا صافي خديت قرار لا رجعة فييه ، الغنااء مبقاش من اولوياتي لقيت عوض حسن من هدشي ،عائلة ،زوج، وعش زوجي كيف تمنييت قرايتيي وروتين حياتي ليي عجبني كتر من الاضواء والشهرة ومستنقع غاارق نفسيتي متقدرش علييه

_هاد الشجاعة لي خديتيي في ظل ظروف الشهرة ماشي سااهلة وكنتمنا تديها فقرايتك وفمستقبل مستقر احسن من هاد الدوميين المسمووم (حط الستيلو)غنبقا نتسناا لقاءك كل شهر

تبسماات ونااضت من عندوو خرجاات فرحانة تمشاات فديك الشميشة لمحل ديال الورود خدات بوكييه ومشات خدات جوج ساندوتشات من ريستو لبناني عاد شدات الطاكسي نيشان لريستو فين كان حذيفة ،هي لي اصرات باش تمشي بوحدهاا لطبيب

هبطات هازة لورد.. والصاشيي الدنيا كانت عامرة والمعلمية كيصلحوو لقاتو واقف كيشرح شي حاجة لواحد السيد ومشاات كلسات فالدروج لي كيديو لطيراس لفووق حتى شافهاا وجا عندهاا تحنا باسها فجبهتهاا وكلس حداها

ايمان: شحال تقريبا باقة ديال لخدمة !

حذيفة: باقي شويية تقريباا من هنا لصيف ( شاف فيها ) جيتي فطاكسي

ايمان:ممم (جبدات السوندويش مداتو لييه )هاك

حذيفة: طحتي تاني على داك اللبناني

ايمان: هههه لماكلة عندو بنينة

حذيفة: ايهااي شارية لورد (شموو )

ايمان: لورد لي فالدار دبال وبغييت نبدلو ،غيخصني ندوز لسونتر باش ناخد الدروس ليي فاتونيي

حذيفة؛مزياانة

ايمان: وحاجة اخرى

حذيفة: صبري غير ناكل لاتوحليها لياا

ايمان: ههههه غير بالشوية علييك (عضات من الساندويش ودوزات بلموناضة ساكتيين ) غادي نرجع انسطااغرام

حذيفة: دكرنا السمن والعسل

ايمان: ههههه مالي دكرت لييك الجنون ههه

حذيفة: اش بغيتي داكشي تانيي صبري شوية

ايمان؛ واش مغنرجعش لحياتي غنبقا مخبية ! شوف (مسحات ايدها وتقابلات معااه )ايمان ديال شحال هادي مغتبقااش انا واعدتك و واعدت راسي لحاجة لي غتجيب لييا المشاكيل غنبعد منهاا ،وغنحاول نستااغل انسطاغرام بشكل ايجاابيي وحياتي نخليها بعييدة عليه مغنكونش اكتيف ديما كنواعدك ولكن خاصنيي نبرر شي حواييج وخاصنيي نساليي العقود لي عندي حتى هاديك راه بالنسبة ليا خدمة وكنتخلص عليهاا

الغنااء والحفلات شي حاجة لي ضربت عليها وسدييتهاا الاشهارات لي غيرجعو علياا بالمشاكيل حتى هوما غنساهم ولكن راه كيفما فيه الزوين فييه الخاايب …وحنا عندنا مشرووع غيخصنا نروجوو لييه شنو نخسرو فيه لفلووس ونبقاو نشوفو فييه ؟

هاد الوقت باش تسير شي حاجة وطلع فيها كيخصك الاشهاار ،والاشهار ماشي عييب !

كيشرب لما وكيسمع ليهاا وعينيه فالدراري كيصبغو فواحد لحييط وقال: معرفت ا ايماان خاطري ولات هاربة من داك ل انسطاا

ايمان: كون هااني انا عارفة شنو غادي ندير منهنا القدام ، متنساش بلي بغيت ندير براند ديال لبارفان غيخصنيي سبونسور وشي مارك تبنا المنتوج يعنيي غيخصنيي نبقا نباان باش نهار نحتاج شي حد هوا غيستاافد لمارك ديالو تبان وانا غنستافد ،، شنو قلتيي

حذيفة: هضرتي مع مراد على وديت الاعتزال ؟

ايمان: مزال كنت كنتسناه يجي فلعرس ولكن مراتو ولداات مجاوش غنهضر معاه الى قدر يجيي عندنا باش نهضرو فهدشي كلوو

حذيفة: حتى هكا مزياان الله يسخر

اييمان(شافت قدامها)كنتسنا غير امتاا يعمر بالنااس هناا ههه انا متاكدة هدشي غيكون من داكشي

حذيفة: كنفكر نخدم غير لمغاربة فييه

ايمان: زعمة تصدق

حذيفة: نجرب ،نفتحو فرص لدراري علاش لا

ايمان: الله يسخر،فكرتي شنو غتكون السميية !

حذيفة: اش بان لييك ؟

ايمان: معرفتش بغيتي سمية عربية ولا اسبانية

حذيفة: عطيني شي فكرة نسمع

ايمان: ممم البركة ! اصلا غتكتب بحروف فرنسية

خدا وقتوو كيفكر وقال ؛ علاش لاا مزياانة

ايمان: انا مشييت لداار

حذيفة: بلاتي نوصلك

ايمان: نو غير خلييك غنتمشا شوية نتقدا لي خاصني ونمشي لداار

خرجات هازة لورد خاشية ايدها فلمونطوو وغادية جنب الطرييق وشعرها كيلعب وراهاا

تقدات لي خاصهاا ودخلات لدارهاا دارت لورد فلڤاز وحيدات لقدييم وبقاات كتشوفييه مبتاسمة دارت قهييوة ليها ومشات كلسات شادة تيليفونها علماتو بلي وصلات لدار وصورات ليه كاسها ديال القهوة

ومشات انسطالات انسطاغرام من جديد بدا كيبان ليها الجديد وبداات كتحييد دوك القنوات ليي مفلونيهاا تابعهم غير الشوهة والمشاكيل

حيدات عليهاا مجموعة ديال الفناانين فقط لي مشافت منهم غير الخير والشيء لي زايد حيداتوو

كلسات شي ساعة وهي كتفلي فييه ودازت لفيس حتى هوا خرجات من بزااف ديال لكروبات لي شغلهم الشااغل هوا الفضيحة والشوهة وخلات شي وحديين قلال

دوزات الخط ل مرااد وخبراتو بشنو بغات دير فالاول رفض ولكن من بعد تقبل فكرتها لانه شي حاجة خاصة بيهاا وهوا غيبقا مدير اعمالها فمسائل اخرى غير. الحفلات والغناء

وهناا حطات سطوري ف انسطاغرام ديالهاا من بعد شهوور ديال الغيااب

لسطوري قصيير هازة فييه لورد ودامجااه مع حوار نفسي بسييط وحطاتوو

وبدات كتكتب بالانجليزية اللغة لي غيفهمهاا كلشي وقالت

خديت وقت طويل باش نرجع هناا ،مكانش الموضوع سااهل باش نعاود نرجع ولكن غيخصنيي نكمل حياتيي ونكمل خدمتيي ،

غنقول بسلامة بيانكاا ومن اليوم معاكم فقط إيمان 🕊️

حطات التيليفون واستمتعات بقهوتهاا وشادة لبيسي ديال قرايتهاا كتواصل مع لي پروف باش تشوف كيفاش تعوض الاشهر لي فاتوهاا

كانت مركزة مع لبيسي حتى صونا ليهاا مراد وجاوباتو

ايمان: وي مرااد

مراد: والاغنية اللخرة لي كتبتيي ؟ شنو مصيرهاا

ايمان: تبااع ؟

مراد: تبااع طاايرة

ايمان: اجيي قولياا ،، قبل منمشيي ل مغريب كنتي قلتي ليا بلي شي جمعيية ديال الطفولة …شنو سميتهاا ياربي مشات لياا

مراد: ااه *** كيتسنااو الرد ديالك ومدة هادي مبقاوش عاودو اتااصلوو

ايماان: شوف الى مزال باغيين

مراد: غنرد علييك بلي كان

قبل متحط تيليفونها صونات وديان جاوباتها ونطقات كضحك: كتغفلييي اصااحبتيي ههه

ايمان: ههههه

وديان: يلالة و يلالة غترجعي لطوندونس تااني هههه اجي شنو درتي مع المدرسة

ايمان: صافي راه لقينا حل غنبقا ندير دروس بالليل تااني باش نوصل عليهم ،، ونتي فين وصلتي مع الخطيب

وديان:غنهبط هد السيمامة لمغريب نديرو العقد ويشوف الدار وداكشي ابخيي نجيي نشوف الدار باش نولي جاارتك مسكينة نصيرة بقا فيها الحال ههههه انخليها بوحدها مع تريكة ماكرون هههه

ايمان: اختي ديك باريس مقنااطة هههههه

وديان: حتى اناا اسبانيا جاتنيي مفوة فيها ريحة لبلااد هههه المهيم غير وجدي رااسك تفرشي معاياا وطوطحي معاياا هههه

ايمان: هههه ان شاء الله ياله نخلييك نوض نراجع شي كوپي سيفطهم ليا لپروف وندير شي عشيوة

وديان: ممم عشيييوة ههه

قطعات معاها كضحك ناضت صلاة صلاتها وبقات كالسة لمدة فوق السجادة حتى رتااحت وناضت شمرات على التيشورت ديالهاا وجاها لحمااس ديال الشقاا والمسييح وفعلا دازت على الدار كلهاا بمسحة دايزها لكلاام طلقات العوود وغير سالات الروينة طلقات سورة البقرة ودخلات لكوزينة كتوجد فلعشاا وكتردد الاياات وكتحاول تشدهم بالسمع والحفظ وهادي طريقة لي نفعاتها بزااف وعطاتها نتيجة

بدعاات فلعشاا ومشاات دوشاات لبسات كسيوة ديال لخيط لاصقة عليهاا وهابطة حتى لركبة بكول ڤي فيه صدافي سداتهم باش ميبانش صدرها ،هزات لمشطة لي كانت من ماركة عالمية معروفة وطبعاا دايرة ليها الإشهار طلقات شعرهاا نشفاتو وصايباتو مموج كالسة قدام مراايتهااا كتصور باش توجد متحط من بعد

حتى سلات ونااضت حلات صديفات لكسوة وبان شوية من صدرهاا دارت ميكاب خفيف وتريحات ومشات كلسات شادة التيليفوون مع دخلات لانسطاا لقات سطوري ديالهاا وصل لمليون مشاهدة فظرف 4 الساعات هزوه بعض الصفحات وكانو بزااف ديال الفنانين مغاربة وغير مغاربة كل واحد كيعبر بلغتوو والاكترية كاتب ليهم “welcome back🕊️🕊️”

كلشي مطاكيها فسوطورياتوو واحد لبااج غير طلعات سميتهاا خنزرات مكتحملش نهائياا لانه حاضية غير امتا تغلط باش تحطهاا وهدشي نيت لي كاتبة

“بعد غيااب طويل ل بيانكا تعود لساحة مع اكتساب وزن زائد هل طبيعي ام اكتئاب “

ايمان : حتى لكيلوات تابعينك فيهم الله اخليها سلعة

متسوقااتش تبسمات كتر لبزاف تاع المساجات جاوهاا ف الخااص

سمعات لباب كيتحل وناضت بابتساامة حاطة تيليفونها ، شافتو داخل كيف عادتو ولابد يجيب معاه فايدو شي حاجة ..عادة لي ولفها من الاب ديالوو ديما وقت دخولو لدار كيدخل شي سخرة فايدو واخة يكون غير ربطة ديال النعنااع

تبسماات لييه ومشات حضنااتوو عند لباب وتهزات على صباعهاا باستو وقالت: توحشتك

غادي راجع بيها باللور تحط لميكة وراهاا وتحنا عنقهاا سااكت لمدة بحال الا كيعاود يشارجي الطاقة لي ستنزف فنهااروو من عطرهاا وحبهاا وابتسامتها ليه

“الابتسامة …صدقة”

هيا فحضنو ،،هز عينوو فالدار كانت نقيية والعشاا طاايب فلكوزينة ريحتهاا كدور فالداار حسها كااين وبصمتها مجودة فكل ركن ،، والراجل ملي كيلقى راحتو فدارو كيتسنا غير امتاا يرجع ليهاا ويرتااح

نطق بينو وبين نفسسو وقال: اللهم ادمها علينا يارب

فرق العنااق بقبلة فجبيينهاا ودورها على راسها وقال: الزيوناات

ايمان: ههه دوش احبيبي واجي تعشاا فيا لموت ديال الجوع

حذيفة: 5 الدقايق وهاني معااك

مشا يحط حوايجو وهي سبقاتوو لدوش شعلات شميعاات خفاف جنب لمرااية حطات ليه لفوطة ديالو

خرجات البيت في حين هوا دخل وجدات لييه ملابس بيتية مريحة وريحتو وحطاتهم ومشات تقاد الطبيلة

تعشااو فجو هاادئ كيهضرو ويتحااورو فجميع المواضيع حول معاها لماعن كتستف فلماشيين وهواا لاصقهاا يبوس هنا وهناا وكيتسنا القهوة توجد

وبدات الاياام كتجري نهار ورا نهاار وهوماا كيجرييو بين الحيااة من خدمة ودار وروتين الحيااة …ولا روتينهاا الكبير فيه قرايتهاا دارهاا لاصال ولكان عندها شي اشهار كديروو دخلات مع جمعيية حقوق الطفل باش دير لهم دعااية ف التلفازة بحال الاشهار وفعلا دارتو وكانت فرحاانة حيت الاشهار كان اكتشاف لواحد الميتم والمرافق لي فييه لعبات مع لوليدات وفرحاات وبقات مكملة معاهم فديك الجمعية ولاو كيجمعو تبرعاات للاطفال لي ففلسطيين ولي فالدول الفقيرة كل مرة شمن دولة كيختاارو ولاات مشغوولة ونهارها كيدووز عاامر

وصل الصييف وحذيفة سلا الاعماال فديك الريستو لي رجع لتحت سنااك كبيير اختصاص فالبيتزاا و الاكل المغربي و الدجاج مشوي والفوق قهوة وتسماات بالاسم لي ختارت ايمان “البركة” غير كدخل لسناك كتعرف بلي غالب عليه الطابع المغربي نص العاملين فيه مغااربة سربااية ولي فلكوزينة

واقف كيشووف النااس داخلة خاارجة وهي جنبوو فرحانة بانجازهم لي خدمو علييه شهوور من العمل والاشهاراات والدعااية حتى بدا بشوية بشوية كيباان جابوهم نهار اللول بالاشهار ولكن لي دااق كيعاود يرجع وكيجيب معاه نااس اخريين

حس بليي دار اول خطوة ومرتااح نفسياا وبدا كيوضاح ليه شنوو بغا يدير منهنا القداام

واقف على شغلو خدم معاه كل لي كيعرف وفاتح فرص الشغل لاشخاص كيستااهلو حس بلي ولات عندو مسؤولية كبيرة وبلي كاع هاد الناس لي خدامين معااه رزقهم على كتاافوو مباغيش يضييع تواحد فييهم حيت تهوا واحد نهار كان كيخدم وكيتسناا خلاصو كل شهر حيت دمر علييه

ايمان: انا متاكدة منهنا لواحد عاام النااس غتولي تسنا طباليي يخواو

لايح ايدو على كتفها متكين على الطموبيل ومقابلين مع سناك وقال بيقيين:ان شاء الله

بعد سنة

في فرنساا

ف استوديو تصوير كبيير واقفة فوق توب ابيض وخلفية بيضااء وضو ضارب فيهاا لابسة مونطو طويل خفيف ليݣات منمرين بودي لاصق بكول طالع سروال بيج عريض ومكيااج خفيف

فلخلفية كان هوا واقف بنظارات طبية وملابس رياضية كيتسناا وحاضي معاها وحداه مراد كيشرح لييه

كان اشهاار لماركة ديال مجوهراات “pandora” نقرة ممتاازة باحجار كريمة او لؤلؤ

غيكون وجهها على غلاف مجلة كذالك

سالاو التصويير حتى لوقت متأخر وقصدو ل اوطيل تبدل علييهاا

خدات دوش وخرجات عندو تكات حدااه وقالت: عيييت بلوقفة

حذيفة: كون قلت ليك وقفي فلكوزينة قد هكا كون راك كتغبني علياا

ايمان: ههههه مالي مكنطيبش لييك ناري على نكااار ،،ااه مقلتش لييك

حذيفة: اش تماا (كيشوف فتيليفونو )

ايمان: وحيد التيليفوون ناري كتعصبني بييه

حذيفة: راني كنسول فطارق واش الامور مزيانة تماا

ايمان: هد سنااك ولا بحال ضرتيي وليتي عاطيه وقت كتر منيي فقصتيني

حذيفة(دفعها علييه كيضحك)راه كتصرف علياا اش بغيتي ندير

ايمان(ضحكات ) وسير فحالك عندها لاش جاي معااياا

حطط التيليفون وجرهاا خشاها عندوو وقال:لا لا لبرد ههه اجيي فين غادية

ايمان(بغنج): بعد علياا

حذيفة: فششتك وحلة معااك ،،اناا تبعتك حتى لكورياا كون جبنا معانا شي مرض من تما عاد تبرديي ومزال كدوي

ايمان: هاد لمرة نمشيو تماا تورريست وااعرة الاجواء هههه ولكن حاجة وحدة لي فشكل

حذيفة: شنوو

تقلبات عندو وهوا حاضنهاا كضحك وقالت: ف انسطا وداكشي تيبانوو الدراري عندهم كيووت غير كتمشي لتماا كيبان ليك كل واحد و وجهوو

حذيفة: نتي مشيتي تخدمي ولا تشوفي فكمامر الرجال

قلبات عينيهاا كتسوط: وراه غير هضرناا يااء

حذيفة: راه انسطاا عامر غير فلتراات كيضحكو على لهبيلاات بحالك

ايمان: بزاف علييك !

حذيفة: دابا شنو كنتي باغة تقولي واجي عندي

ايمان: نصيرة صاحبة وديان وصاحبتي حتى اناا ولداات وغنمشيي نشوفهاا غدا قبل منرجعوو

حذيفة: اااه مبرووك علييها

ايمان:الله ايباارك فييك

حذيفة: كاينة غير هنا نييت !

ايمان: مم غير هناا حتى وديان راه جاات عندها لبارح

حذيفة(باسهاا وطلع فوق منها ) مزيااان

ايمان: مزياان

حذيفة: ممم شنو بغيتي نقول …نزغرت

ضحكها وفقصها فنفس لوقت وقالت: صلي على النبيي

جرها تحتو تشهقاات وقال: تسالات الهضرة

دوزو ليلهم فلوطيل و النهار التااني تلاقات بودياان وهوا بقا مع مراد فشي قهوة ومشاات لبنات تقدااو دي كادو لمولوود وماماه ومشاو عندها لدار

وديان: مالك ! لي يشافك ميقولش ياله شادة زبابل تاع لفلووس هادي هي الصحبة مضبريش ليا فاشهار مع هاد لماركة شوفي عنقي غير ديال السناسل

ايمان: ههههههه سيري قابلي لعيالات معندكش الوقت

وديان: يجيني شي اشهار ديال لفريع نخليها حالة رجليها ونزييد هههه…قولي قولي مالك

ايمان: حذيفة

وديان: ماالوو

ايمان: منهاار غطس فداك سناك ولا وقتناا ديق كيجي عياان لدااار ياك عام داباا باش فتح المشرووع مكرهش يخدم فيه بليل ونهار راه مع الوقت هدشي غيرجع على صحتوو

وديان: واش مناحيتك نتيي كتحسي بيه هملك ؟

ايمان(كدور فعينيهاا ) لاا ولكن مبقاش كيدوز معايا وقت بزااف

وديان: لا باااينة نهار جاتك خدمة فكورياا ياك خلا خدمتو ومشا معاك وكدااك هنا ف فرنساا اصاحبتيي واش بغيتيه يرضعك راه خداك على رزقوو راه باش يكون عندك مسؤوليية ديال شي مشرووع صعيب لحال راه يغمض عينو ولا يترخاا على الخدامة والله تيديرو ليه فاييت انا كنشوف غير من باباا كونما واقف على لكلينيك وخدام بنييتوو كوون كل واحد كيدير لي بغاا. وتنوض ليه الروينة وتمشي ليه سمعة ديال لكلينيك

ايمان: معمرو جبد معايا موضوع لوليدات وخة غير بالضحك تخيليي !

وديان: هههههه راه رجال كيخافو من لولاد قليييل لي كيكون باغيي لولاد عراام ،دابا نتيي ياله داتك كترتااح من الدوايات ياله 3 شهور باش حبستييه فرونديفو لماجي سولي الطبيب وجي ندير ليك التحاليل

ايمان: كنقولييك معمرو جبد معايا مووضع لولاد ونتي كتقولي ليا جي نديرو التحاليل!

وديان: اش بغيتيه هوا ! اويلي ياك باغة لولاد اوى حمليي وهنيناا حتى تصدمييه

ايمان:لا انا مكرهتش هوا لي يقولييا نديرو شي بيبي يونسنا وغير بالضحك اصااحبتيي واالو

وديان: نتي راه بغيتيه كامل الاوصاف ومتعيقيش تااني لكان كلشي فييه زوين كيطلع فالرااس تااني

ايمان: اجي نتيي فين راجلك

وديان: زيدي بعدا هاحنا وصلناا من بعد من بعد

طلعو فالسانسور لدار هازيين لكادويات دقوو وحلات ليهم نصيرة ب بيجامة ديال النفيساات طويلة مع بينواارهاا ولبونظو فشعرهاا سلمو عليهاا كيباركو لييهاا ودخلاتهم لدارهاا دخلو لصالون فين كانت كونة صغير ايمان غير شافتهاا عينيهاا بداو كيبرييو ولكن مقدراتش تقرب

ايمان: حبيبة ديالي على سلامتك

كلسات الاخيرة بتعب حدا لكونة لي مغطية وقالت:الله يسلمك اكبيدة عقبة لعنددكم حتى نتوما

ايمان:هه اميين

وديان(بهمس)نااعس !

نصيرة(طلات عليه وضحكات)سمعكم و فاق سااكت ههه

ايمان (ناضت طلات علييه صغييور باقي حمر ولحوايج كبر منوو مقدراتش تقيسو حتى قالت ليها نصيرة:هزيييه

ايمان:كنخااف منهم ،راه مكنعرفش عمري هزيت شي تربية صغيرة قد هكا

نصيرة: بلاتيي كلسي نعطيه لييك راه كاع اول مرة ولكن الفطرة سبحان الله

تبسمات ايمان وكلساات كتسناا تعطيه ليها هزاتو فملاية صغيرة فلبيض مداتو ليها

نصيرة: ديري ايدك تحت راسو ،هااااكااك

مع حضناتو بدا كيتحرك وبدا قلبهاا كيضرب حساات بحسها الامومي تحرك وباغة تكون ام وتحس بهاد الاحساس …هزات راسهاا ف نصيرة وقالت:اشنو احساسك ملي وليتي ام

نصيرة:مبقيتش كنعس ،لوليدات زوينين ولكن صعاااب

ايمان(شافت فلبيبي وشدات ليه فايدياتو حمريين وسط ايديها لبويض)ولكن زوينين كيونسوو

نصيرة:ملي كيطيحو فكرشك وهوما مونسينك (شافت فوديان)نتي متحرك فيك والو

وديان: تحرم فيا الجووع ،من كترت مولدت لعيالات نفرت لولادة انا كنت نليق كنبيض منولدش اويليي تي *** كيتحل ب 10 سانتييم عووو

نصيرة: واش نتي طبيبة شنو داك اختي لداك دوميين

وديان:واش فراسك تبتاات عملية احصائية بلي نص ف الاطباء النسااء المختصين فلولادة مكتولدش ولا مكتزوجش كااع

ايمان: دابا جاوبينا غير فين هد راجلك

وديان: كركبتوو

نصيرة: بلاتي بلاتي نجييب اتااي هوا لي بقا

كانت قدامهم طبيلة فيها لحلاوي وسلوو جابت اتااي كبات ليهم وايمان مسخاتش تحطو بقات شداه وهوا فايق وسااكت ياله عندو 15 اليوم فقط

نصيرة: فين كركبتيه !

وديان: ملايقش بياا

ايمان:واش معقوولة ! ويلي ياله عام باش تزوجتوو مخليتو تابلاد عاد ملاقش بييك

وديان:السفر سااافرناا …لفلووس عطاهم الله ولكن لمعنى مكاينش

نصيرة:بحالاش هد لمعنى ! كان داير ليك كي لما لقليل اصااحبتيي الطموبيل لمخيرة شراها الدار فسونتر فبرشلونة خدمتي فكلينيك واعر اش باغة !

وديان(هزات سلوو ) داباا داك العقد لي بيناتناا شنو سميتوو

ايمان: الزواج

وديان:غلاط الكسوولة

نصيرة:وشنوو عقد النكاح

وديان:هااا شتي عقد النكااح وختي راه مكاين بوو نكااح كيجيب لياا غير هر وصافي

نصيرة خرج ليهاا اتااي من نيفهاا وكانت داير سلو فمهاا تقجاات وعينيهاا خرجوو

ناضت وديان تعتق وايمان حطات لولد فلكوونة ومشات كتكب فلماا ونصيرة ولات كطلع و تهبط

سلو مشاا ليهاا وعينيهاا خرجوو مرجعات فيها الرووح حتى رجعو صفريين وايمان تخلعات ولات كترعد شداتها بحال نوبة الهلع حتى هي ولات ودياان كتشرب لما لهادي وترش على لخرى كل وحدة كلسات فسدااري كترجع النفس

وديان: ايمااان شوية ؟ بب شوفي فياا غير تنفسي مزياان

نصيرة(كتكح بزز وشادة كرشها ) ايماان خلعتك اصااحبتيي ههه

ايمان(كتشرب لماا ولات كترعد بلخلعة ) خلعتينيي

نصيرة: كيفاش نتي كيهرك !

وديان: على هادي كنتو غتمشيو فيها كامليين ، اختي نتوما مزوجيين وانا كندوز فلفريضة ومالي عليهاا ؟ مااافيدووش وانقول انا مال السيد باغي يغطيني بلفلووس قول كيغطي على عيبوو عندو قد الببوشة نحلف عليها ولدك يكون عندو كبر منو

نصيرة: قل اعود برب الفلق بعدي من ولديي

ايمان:ههههههه تيقولييك المطور فالدوار

نصيرة: كيديهاا شيخة ههههه كون دات كريس مسيكيين كون راها شااابعة

وديان: دوزت لفريضة الله يجعل لبركة معندي مندير ب شي بخوشة اخرى شنو نبقا نجرب تنطيح فالربحة هههه يعلقني با من شفار عينيي لاااا لا اختي

نصيرة: كون ولدتيي معاه بعدا

وديان: مالي تسطييت يبقا لاصقني حياتي كاملة ،اصلاا تسالات سبعيام ديال لباكوور ولا كيبان ليا حالتوو گالس فوق خااطريي محملتوش

ايمان: ويليي نتي بووحدك والله

كملو هضرتهم وضحكهم وحطات ليهم نصيرة طبسيل ديال الرفيسة طاحو فيهاا عاد نااضو من بعدما عطاوها لي كادوو جابو ليها الدهب ولبيبي لبيسات ونقرة

صافيي وكل واحد مشاا فطريق

رجعوو فحالهم ل اسبانياا وفطيارة وراتو تصاورها مع لولييد فرحاانة وقال: صغييور نيييت

ايمان: كيعجبوك لوليدات صغار

حذيفة:مكنقدرش نهزهم (حرك راسو بحال الى تبورش) كتحسي بلحمهم كيتغزغز بحال شي فرخ ديال الدجاج

ايمان(طيح ليها النقطة )اويليي واش منيتك ؟

حذيفة: والله معاك بصح نشد حنش ومنشدش دري صغير

شافت فيه ومن هضرتها كتبان باغة تسبو وحشمات وقالت: الله يسمح لييك

حذيفة(رجع راسو اللور كيضحك ) هههه حسييت بييك

دورات وجهها علييه صدمهاا عيا يحزر صافي سكتات تكات على كتفوو كتقرا فكتااب فعلم النفس حتى وصلوو فالليل دخلو لدارهم صلاو الفجر و طاحو كاو بلعياا

صباح فاقت تقلباات جيهتوو لقات بلاصتو خااوية كلساات كتااوب وناضت كتلبس فبينوارهاا خرجات كتقلب علييه لقاتوو مكااينش هزات مشتها كتلعب معاهاا وكتوجد ففطورهاا

اتاصلات بلطيفة هضرات معاها شوية ومرة مرة كانت كتصوني حتى لحاج تسول فييه وكان حوارهم ك التالي

ايمان: با الحاج صباح الخير

الحاج؛ صباح الخير ابنتيي بخير امورك مزيان

ايمان:الحمد لله ونتاا كي غادي مع الصحيحة مزياان

الحاج:اللهم لك الحمد ،اوى فينكم اش هاد لغبوور

ايمان: غيير مع قرايتي وحذيفة ملي بداا فداك السناك صافي مبقاش باغي يبعد علييه هههه

الحاج: وخلييه ابنتي العمل حتى هو راه عباادة ولكن زيارة الرحم رااه مخاصوش يهجرهاا

ايمان:ان شاء الله الصيف نجييو ولا جيو نتوماا

الحاج: لا لاا جيو نتوووماا ان شاء الله

ايمان: ان شاء الله اعميي

الحاج: امضرا ساليتي سورة البقرة ؟

ايمان:ساليتهاا الحمد لله

الحاج: الحمد لله داباا بداي الحفظ من حزب تبارك

ليمان: الجزء اللخر !

الحاج : تمااما هادوك هوما السور لي ساهليين فالحفظ

ايمان: كنت بغيت نتسجل عند واحد السيدة كدير تجويد وقواعد القراان غير تلهيت مع لقراية ولخدمة

الحاج: ولو ولابد تلقااي وقييت وتحاولي تحفظي وتفهمي ، هاا مك وخة مقااريااش هاهي تباارك الله بدات كتحفظ

ايمان(تبسمات )منهنا لصيف ان شاء الله نجي وصحح لييا ههه

الحاج :ان شاء الله ابنتي ،ياله منطولش علييك هااك مك دوي معاها تهلاو فراسكم الله يرضي علييك

ايمان(بابتسامة )اميين ياربي

شدات لهدرة مع لطيفة لوقت طوييل كتسولهاا وكتونسهاا فنفس الوقت حتى عيات وقطعو

مشات لبسات حوايجهاا وقصدات حذيفة ، مع هبطات داخلة لقاتو واقف مع واحد لبنت كاورية كتحمق

طلعاتها ايماان وهبطاتهاا وضربات فيه واحد تخنزيرة كتحيد فنظاظرها غير شافهاا عيط ليهاا تجي عندو

حذيفة: هادي لبنت لي غتكلف ب لاكيس

ايمان: و لولد لي كان فيها !

حذيفة: مشاا من بعد من بعد

ايمان(بلعربية ) لا داباا نييت كيفاش من بعد واش خدمتيهاا

طلب دقيقة من لبنت وجر ايماان وقال: مالك

ايمان: ماتخدمهاش

حذيفة: ايمان راه بغيتها فلاكيس ماشي تشطح لياا

ايمان: الى خدمتيها غير تشطح لييك نييت وتروج لييك لكليان

حذيفة: ايمان نعلي الشيطان

ايمان(شافت فيها بنص عيين وشافت فيه ) : والله وتخدمها حتى نصونيي لحاج نقولييه ولدك حصلتو مع وحدة ياله خدمهاا

حذيفة(حمر فيهاا): ايمااان

دفعاتو بشوية وزادت: بعد منيي

مشات كلسات فواحد لكوان حدا لاكيس بعيد على طباليي بلاصتها المعتاادة وبقات مخنزرة فييه وهوا كيهضر مع لبنت لدقاائق ومشاات كطلعها وتهبطهاا ضعييفة وطويلة بحال شي عارضة ازيااء كتبان قدامهاا قصييرة وغليوضة عليها

ملي قطعات الدوا عاد بدات كترجع لوزنها شوية بشوية ،مكرهاتش ترجع لطايتها اللولة كيف كانت

شافهاا شاد فجنبوو وقلبات عينيها علييه ومشا لكوزينة حتى حط ليها السرباي كاس ديال لعصير شكراتو ومشاا وهي جبدات كترااجع بحكم ف فترة امتحانات

بقات كالسة حتى وصلات تلاتا لقاتو جاي محيد عليه حوايج لخدمة ولابس شوميز دجيين وسروال كحل سد ليها لبيسيي وقال: مشيناا

ايمان: وبشوية علييك

حذيفة: نوضي راه غنضربك نووضي

ناضت كتقتل فييه بشوية عليها كتجمع دفتاار بدفتار تشاافنو تعصب وزرباات كضحك شد ليها لبيسي ومشات لطموبيل ركب حداها وقال: واش نتي ناوية تسبقي التخاصيمة ديال لعواشر معاياا !

ايمان: كتغوت علياا ؟

حذيفة: دابا كنغوت ! (ضربهاا لفخضهاا ) متبقاايش تقلبي علياا عينييك

حكات دقة كضحك وقالت: كنبغي نعصبك

كانو على مشارف شهر رمضان المباارك دخلو لمارشي كيعاونها تقداا شنوو بغاات دير مشات عند واحد المغربي تقداات كاع داكشي لي غتحتااج بغات تخلق جو رمضااني بامتيااز

تقدات لسفوف وكدالك لشبااكية واخة معمرها دارتها بوحدهاا

مشاو لداار ستفاات كلشيي ومشات قدات لعسل على حقوو وطرييقو متبعة الوصفات ديال حليمة لفيلاليي

وهوا كالس كيرتااح مقابلهاا

ايمان: حبيبي تنقي معايا زنجلان ؟

حذيفة(حط التيليفون ) اراي نشووف

ضحكاات ودات لييه طبسييل وفين يحط حداها نييت وقال: هدا لاش بغيتيه ؟

ايمان: بغيت ندير سلو ،ياك كيعجبك

حذيفة: متكتريش علييك

ايمان: راه غير شوية ههههه ،هضرت مع الحاج قبيلة قالياا نجييو فالصيف

حذيفة(هز فيها عينوو ) والله معرفت منقدرش الى هبطت 3 ايام نرجع

ايمان: واش بعقلك ! الخدمة غتهرب

حذيفة: ماشي غتهرب ولكن الحب راه ياله كنحط الساس خاصني نوقف على شغليي حتى نحس بلي الناس لي معايا قد المسؤولية نلقا لي يجيري لياا تماا عاد نرتااح اما داباا مزال كلشي تالف تغفليي على واحد كترون القضية يبداو يجلخو ليا تماا فلماكلة يضربو ليا كلشي فزيروو

راه لماكلة مامعاهاش اللعب يمشي غير شي واحد يتسمم مشا ليا كلشيي تجي شي لجنة ديال النظافة شي مرة على غفلة ومكاينش اناا يمشيي لفضل وراس لماال

ايمان:الله يحفظ ،حذيفة كدوز ليا لحجرر اويلي شوفف هاه

حذيفة(دار نظاظرو ) مبان ليا والو

ايمان:لعور

حذيفة:كنشوف لي بغييت (غمزها)

وقفات تقلب لعسل وتشوف طيابوو واش هوا هدااك بان

ليها تعسل حيدات لحاامض ومشات كتنقي فزرارع لخريين

دارو عشيوتهم وكلسو حدا بعضياتهم من بعد يوم عاامر متكية على رجلييه حاط عليها ايدوو تقلبات على ظهرها كتشوف فايدها وقالت: تشهييت لحنة

شاف فيهاا وقال: نوضي حنيي

ايمان: هههه والله حتى معاك بصح عرفتي ملي درتها فلعرس محنييت عام و الزيادة داباا تشهييتهاا

حذيفة: حتى تجيبيها وديريهاا

ايماان: عنديي نوض نديرها دااابا

وقفاات كتنقز على قرون صبااعها وهوا متبع ليها لعيين لابسة واحد الشوميز فلكحل قصيير وقال: الله اهديك واش وقت لحنة داباا

ضحكات كتقلب فلبلكارات حتى لقات لكرطونة شماتهاا وقالت: زوييينة

هزات منهاا معلقة فقط خلطاتهاا فزلافة صغيرة ودارت فيها شوية ديال ماء لورد حتى حساات بييه وراهاا كيشوفها شنو كدير هزات راسها فيه باستو ورجعات كتخلط

ايمان: خاصني شي ميكة باش نعرف (تعوجاات كضحك ملي خشا ايدو تحت الشومييز) تء ههه بلااتي عفااك

حذيفة :بلااتي بلااتيي

جبد من لبواطة ليگة سوداء دارها فايدو ودار ليهاا دائرة لوسط بلحنة

كتافات غير بيها حيت هي من النوع لي لحنة كتباان دغياا ومبغاتهاش توضااح بزااف دارت غير ف ايد وحدة شماتهاا وقالت؛الله ريحتهاا فنة ،اتبقا دور علياا انحني لييك بيها

حذيفة: ياله دغياا غسلي ايدك

ايمان(مشات كلسات كتفرج هازة ايدها)بلاتي تنشف (مرة مرة تشم ) فنة

حذيفة: انا نبقاا منشوور داباا

ايمان: ههههه نشف حتى نتاا

حذيفة: عقلي على هدشي لي وليتي كديريي معاياا

ايمان(ضحكات) معرفت علاش ولا كيعجبني نعصبك كتبان زوين ملي كتخنززر هههه

بقا كيدوور علييهاا بنوضي حيديهاا نوضيي كيطلب ويرغب حتى نااضت وهزها عندوو عاصر عليهاا ندمها على الطليب و الرغيب لي ولا كيدير معاهاا

سيدنا رمضاان الشهر الكرييم شهر الغفراان طل كيجيب معااه جو خاص بييه

بنادم كيدخل سوق راسو وكيتكاالماا ،

نهارو كيدوزو فلخدمة وهي كدوزوو فمدرستهاا ولا فالدار ولا معاه فسنااك خصوصا فهاد الشهر الكرييم كيقدم وجبات مجانية لنااس لي معندهمش وخصوصا المهاجريين

مبقا لرمضان والوو ويتسالاا دخلات لدار عياانة والدوخة ديال الطريق شاداها حطات صاكها مشات غسلاات دغياا ومشات لبييت تكاات باش غير ترتااح وتنوض تصايب لفطور ليهم ولكن مع حطات راسهاا غيباات بلعياا وجرا ديال النهار كلو مع الصياام

دخل لدار معطل مع حل كيلقا الظلام استغرب شعل الضو بانت ليه الدنيا صاامتة ولكوزينة كتصفر ،عارفها فالدار حيت هوا لي وصلهاا ورجع لخدمتوو بدا كيعييط بسميتها حتى طل فلبيت بانت لييه نااعسة

حذيفة: اييمان (مشا كيفيق فيهاا ) والحااجة

ايمان:ممم (حلات عينيها فييه كتاكد من وجهو حتى ضحك )

حذيفة: قلبي علييا فلميموار

ايمان: ففف مالك

حذيفة: واش خمرتيي نتيي ماشي نعستيي

استوعبات اش واقع وكلساات كتحك فعينيهاا وقالت:محسيييتش شحال داباا

حذيفة: راه المغرب ادن علياا فالطرييق

ايمان:ويلي غيبت من 4

حذيفة:غير بشويية علييك

ايمان: ليوم ظليت سخفاانة بزااف

حذيفة: نقصي شوية من اتااي راه بقا لييك غير لكاارو

صحكاات وخرجات غسلات وجهها

كسرو صيامهم بلما و التمر مشااو توضاو وصلاو بجوج عاد وقفوو يديرو فطورهم خفيف يعتقو بييه بعداا

كل واحد فيهم شنو كيوجد حتى حطو فطورهم فالطبلة

ايمان: غداا غنمشيي لعند وديان بغيت ندير كونتروول

حذيفة: على جنبك

ايمان:ااه وندير كونتروول على السخفة لي كتجيني يكما فقر الدم

حذيفة : بديتيي هاد ليامات كتخربقي فماكلتك اما كنتي بخير

ايمان: شي مرات كناكل شي حاجة وكندم خاصني لعصاا ههه

مع كملو فطورهم ناضضت كتحول فلماعن حتى صونا تيليفونوو

حذيفة: هادي خديجة

ايمان: هضرت معاها الصباااح

حذيفة: اتبدا علي اغبرتيي اا درتي

ايمان : ههههه جاوبها تسبطك شوية

كلس فطبلة وجاوبها وقالت: اوى حنا ولينا نسولوو فييك

حذيفة: مالي منستااهلش

خديجة: تستااهل اسيدي بخير اش خبارك

حذيفة : الحمد لله نتوما بخير؟؟

خديجة: اللهم لك الحمد اخوياا اوى مغتجيوش فهاد لعييد

حذيفة: صعييب منهنا لصييف ونشوفوو اش تماا

خديجة: قلنا زعمة تجي ونمشيو مجموعين ل اكادير نباركو لمجيد الزيادة

ايمان(طلات علييهم ) : علاه مزال مامشيتوو !

خديجة : جاتنا مع رمضاان قلنا تيفووت ونمشييو

ايمان: ولدات واحد لبنيتة كيف لعسل

حذيفة: شفتهاا لبنات زوينااات الله احفظهم ليه

خديجة: كتمشي لياا سميتهاا

ايمان:شهد يمكن

خديجة: العقبة لعندكم ان شاء الله تفرحونا بشي بنيية ولا ولد

حذيفة: ان شاء الله

خديجة: اوى هادي لوقت امتاا حتى تشرف

حذيفة: لا باقي صغيير

خديجة: راك ضربتي النص ف الثلاثين امولااي نوض تكعد

حذيفة: هههههه باغي نبقا خفيف

ايمان غير كتسمع وساكتة فلكوزينة عاطياهم بالظهر

خديجة: اويلي هدا حتى هوا عبر ههههه واش حناا منكونوش عماات زعمة

حذيفة: ان شاء الله ،ان شاء الله

قلب ليها الهضرة حيت عاارفها غتشد فهاد الموضوع كيف ديما وهوا هاد الموضوع بالنسبة ليه شخصي ماشي كلشي يهضر فييه وقال:اش دار محمد

خديجة: اش بغا يدير ديك لعفريتة صدقات بخبيزتهاا

حذيفة: معرفتي لخير فين كاين

خديجة: الله يدير ليه لي فيها الخير

قطعات معاه ونطقات ايماان عاطياه بالظهر وقالت: واش صافي بغاو يطلقو ؟

حذيفة: هدشي لي قالياا محمد الصبااح متفاهمووش

ايمان : سبحان الله من صغرها فشكل

حذيفة: مشغلناش وبعاد عليناا كل يعوم بحروو كل عندو عقل كيفكر بيه

مشاا يصلي وهي صلاة فالدار وقراات القران وكلساات كتسنااه باش يتعشااو

اليوم التااني فااقت على خاطرهاا لبسات عليها ومشاات لكلينيك فين كاينة وديان من بعدما شدات رونديفو عندها بشي سيمانة قبل كلسات كتسنا نوبتها وكتلعب بتيليفونهاا حتى دخلات عندهاا

تسالمو وكلسوو كيهضروو

وديان: انا مني شفتها فلكلينييك كدور فعينيها عرفتها مديالوش داك لولد كيبان دريويش

ايمان: بزااف معمري سمعت منو شي عيب

وديان: امتاا بدا كيضرك

ايمان: شهراين هادي

وديان: عاد جااية

ايمان: ما حكرتش اصلاا حيت غير بحال نغييز …انا جييت على لي غيكل شهر لي فاات جاتني النهار اللول شوية والتاني شوية ومن بعد غبرات

وديان: وهاد الشهر

ايمان: مزال موصل وقتها باقة ليها شي سيماانة

وديان: اجي نشوف باقة كديري ، لفنيد ولا لحساب

ايمان : ملي سالييت الدوا رجعت ل فنيد ولكن مؤخرا وليت كنخربق فييه ولا كيعصبنيي وحبستو هيا فين تخربقات ليا لي غييݣل

وديان: واش شاكة فراسك تكوني حااملة ! غاااا جيني لصارااحة

ايمان(قلبها كيضرب ) شااكة حييت ولات كتشدني الدوخة بزااف والسخفة وكضرني لمعدة ورا لماكلة

هزات جهاز الضغط جات حداها وقالت : نعبر ليك الطونسيون كتباني صفرة الموصيبة ،مالكيي كترعدي ياك باغة لولاد

ايمان: عبري وسكتيي عبريي ففف

حيدات لقميجة عبرات ليها ضغطها وقالت:نااازل شوية اصاحبتيي تنفسي مزيان مالك مخلووعة

مشات معاهاا ل غرفة الفحص كلسات جنبها كدير ليكاات وايمان كتعري على كرشهاا حتى صونا تيليفونهاا هزاتو وقالت: حذيفة

جاوباتوو وقالت: وي بب

حذيفة : دخلتي مزال ؟

ايمان: ياله دخلت

حذيفة: انا حدا لكلينيك ندخل عندك

ايمان: غير خلييك شوية ونهبط

قطعات معاه وتكات

وديان: ديك الساع خليه يطلع

ايمان: نكتااشف انا بعداا

وديان: هههه مالك سرحاات معااك صبريي

ايمان: فف مكنتش ناوية بلا خباارو غير ترونت زعمة نحمل

وديان: وصبريي نشوفوووو

دارت ليها السائل فكرشهاا والاخيرة عينيهاا حتى هياا ف التلفازة قلبها غيخرج يدق على برا

ايمان: وا دويي

وديان: هنينا شوية اصاحبتيي …(سكتات شوية وكملات) عاقلة على اخر دورة جاتك ؟

ايمان: هد لخرة

وديان: لا لا لي قبل منهاا

ايمان: معقلتش

وديان :بب …(حطات ايدها على ايد ايماان ) وجدي راسك غتوليي ماما ،راك حاملة

وديان: راكي حااملة

بقاو عينيهاا لاصقيين ف الشاشة كتشوف فداك الشيء الاسود وسط رحمهاا

بقات حالة عينيها بلا ماترمش حتى بداو كيدمعوو

مسحات ليها ايمان كرشهاا وخرجات ليها لي كوكغافي وقربات عندها وقالت: ايماان

ايمان: و وديييان ودييان واش متاكدة ؟ واش بصح حاملة

ودييان: حااملة هههه مبروك علييك(عنقاتهاا )غتكوني احسن ام والله

بقات گالسة حاطة ايدها على فمهاا من الصدمة وعينيها لاصقيين ف دوك التصاور حداهاا

وديان: نعيط على حذيفة يطلع ؟

ايمان: لا لاا ماشي داباا ،(ببكاء)ودييان هءهءهء عاوديي ديري لياا التلفاازة هءهءه واش حااملة

وديان: والله حتى حااملة

ايمان(حركات راسهاا كتبكيي) : عنداك نكون كانتخيل

وديان(رجعات عنقاتهاا كتنخصص) ايمان راك حاملة هانتي بلااتيي

مشات لواحد لبلاكار تما جبدات تيست وقالت : دخلي لطوالييط ديري بيبي هناا وعيطي لياا

ايمان: وخة …متعيطيش علييه

دخلات كترعد دموع وخنونة دارت بيبي وهزات شويية مقدرااتش تركز فديك لحفرة بالرعددة خرجاتو لودييان ديك اللحظة نيت وبقاات كتمشي وتجيي حداهاا حتى هزاتو وديان وراتو ليهاا : ياك هاد جوج خطوط هوما لي وراتنا نصيرة ملي عرفات راسها حااملة ! اوى هانتي واضحيين وضوح الشمس

شدات فصدرهاا وعينيهاا كيجرييو بالدمووع ايديها كيترعدوو وحاسة باحساس غريب احساس جديد راودهاا وبدا كيتسلل لقلبهاا وعقلها واحاسيسهاا

انا حااملة

غنولي ام

غنسمع كلمة ماما

غنولد من الشخص لي بغييت وتمنيت معاه عائلة

وديان:اجيي گلسي (شهقات) ايمان

شداتهاا قبل ما تجي فلارض طاحت هي وياهاا

تكاتهاا ومشات كتجري لباب تعيط على شي حد يعاونها مع حلاات جات عينها فيه جاي قاصد لباب مع هز عينو سدات لباب ومشات كتجري هزات التيست و التصاور دارتهم فالجييب وبدات كتفيق فيهاا وكترش عليها لماا حتى حلاات عينيهاا

بدا كيدق فلباب وقالت: دخل دخل

مع حل لباب شافها فلارض خلاه محلول ومشاا كيجريي عندهاا شدها من عند وديان مخلووع كيمسح لما من وجهها

حذيفة: مالهااا مالهاا اش وااقع ،،ايماان ايماان

ايمان: اناا (شدات فايدو لي على وجهها )انا بخير غير دخت

وديان: بلاتي نجيب ليك لماا تشربيي

ايمان: راني صايمة

وديان: واش حماقيتي راه طونسيون طاييح لييك

ايمان: وديياان انا بخيير

كلسها بشوية على لكرسي وهي فواحد الصدمة كتحاول متبيينش لييه وهوا لاصق حداهاا حاس بيها ماشي تالهيه وقال: واش عندها شي حاجة مناش هاد الطونسيون لي كيطيح ليهاا هااه

وديان: غداا دير ليا شي تحاليل باش نعرف الدوا لي نعطيها يقدر يكون فقر الد•م ونقص فلفيتامينات

مسح وجهها وهوا كالس حداها وقال بهمس: صافا حبيبة دياليي

حركات رااسهاا بااه و ودياان كتشووف وتبسمات تلقائياا وقالت: متخافش غيكون غير لخير ان شاء الله

هز قاميجتها لبسها ليها جات وديان من وراه هزات ليها صاكها وراتهاا بلي دارت كلشي فالصاك رجعات حطاتو وبقات واقفة مبهوضة حتى هي حتى شاف جيهتها وقال: مغتعطيها والو

وديان: شنو (وعات )اااه ويلي بلاتيي

مشات لبلاصتها كتباات ليها شي مكملات غذائية وقالت: غدا تجي دير التحاليل ايمان (بتاكييد ) الى حسيتي بدوخة ولا هبط ليها الطونسيون فطري متغامريش(بتأكيد)سمعتيني

ايمان: واخا

خرجو من عندهاا باغة غير تنفارد مع راسهاا كان شاد فايدها وقال: شوية !

ايمان: ممم شوية

حذيفة:ندوز لسناك نحط شي سلعة ونمشيو لدار دغياا

ايمان: غير سير لخدمتك بلا متشطن علياا انا ن

حذيفة (قاطعها) : وصافي ركبيي

حلات لباب والمعدة كتفرفر مزال مامتيقااش اشنو كتعيش داباا حاطة ايديهاا فوق رجلها وعينيها كيهربو لكرشهاا

طلع جنبهاا وهزات عينيها فييه كتشوفو وحسات بقلبها كيضرب وشافت قدامهاا كتنفس بهدوء باش تنظم تنفسهاا

كانت الطريق عامرة حسات براسهاا دااخت وبغات تشم لهوا حلات الزاج وصلو لسناك هبط دغيا حل لكوفر كيعطي لدراري شنوو جاب وهي هناا هزات ايديها كترعد حطاتهاا على كرشهاا تطاحو جوج دميعات من عينيها وحسات برعشة فجسمهاا

مسدات كرشهاا بشوية

وتسلل احساس لطييف نعش قلبهاا وحياتهاا

جزء صغير منهاا ومنوو كيكبر فلداخل ديالهاا هادي من النعم ليي غتبقا تحمد عليهم الله صباح وعشية

معمر كانت متخيلة بلي الموضوع غيخلق ليها دواامة وفرحة كبييرة مقادراش تستوعب ولا تشااركوو معاها حتى تقبلها هي

شافتو جاي وحيدات ايدها وبقات مع راسهاا كتفكر حتى وصلو لداار وقال: اجي ترتااحي هنا

ايمان: لا نمشي لبييت

مشات بدلات عليهاا ومشات لبيت هاربة من كلشي بغات تغمض عينيهاا وتخيل راسهاا هازة بيبي فايدها ،الامر غير تخيلاتو فرحهاا

طاحو دموع على مخدتها كل مرة تمسحهم ايديها تحت لبيجامة حطاهاا على كرشهاا كتحسس فيهاا وقلبها كايضرب

شوية بشوية بدات كتستوعب شنو وااقع راها حااملة وخاصها تقولها لييه

خافت من ردة فعلو خصوصا بلا خبارو وماعمرهم كلسو فطبلة وداكرو على هاد الموضوع من اياام زواجهم الاولى من بعد داوهم المشاكيل والمرض والخدمة مبقاوش نهائيا هضرو فموضوع لولاد بيناتهم او انهم على استعداد يكبرو اسرتهم

دابا كيفاش غتحطو امام الامر وتقولييه غتولي اب

حسات بلباب تحل وغمضات عينييهاا كتنفس من فمها حيت نيوفها تسدو بلبكاا

تكاا حداهاا كيمسد ليهاا ف كتفهاا ونطق بحنية: حبيبتي شوية !

ايمان: ممم شوية ،غير نعس شوية ونرتااح

حذيفة: متأكدة

حط ايدو على كرشها بعفوية حتى قفزات وقال: شوية جنبك (كيماصي فكرشهاا ) باقي كيضرك

ايمان: شويية

حطات ايدهاا على ايدوو وقلبات وجهها لجيهتوو على طرف لساانهاا ومترردة تقول كيشوف فيهاا وكتشوف فييه وقال: بغيتي تقولي شي حاجة !

ايمان: لاا

باسها فجبهتهاا وناض من حداهاا كيتاوب وقال: غندخل ندوش ،مديري والو غير رتااحي حتى نخرج نجيب شي حاجة

حركات راسهاا بااه خرج هواا وهي ناضت خرجات لبالكون

حضناات كرشهاا وتبسمااات شوية ضحكاات هازاها التبووريشة والفرحة

مقادراش تعبر على شنوو تقول ولا باش كتحس

حاسة بفرحة كبيرة وكتفكر ديك الضحكة لي سمعات ملي بغات تفيق من الغيبوبة بقات راسخة فعقلهاا ،بغات تعوض طفولتهاا لي معاشتش سلميية بغات تكون اسرة متكااملة تعطيهم الحب لي متعطاش ليهاا هي متاكدة مليون فلمية بليي حذيفة غيكون نعمة الاب وهي مواعدة راسها تكون ام حنونة وعطوفة على وليداتها تحضن عليهم وتشدهم وتقاتل عليهم بسنانهاا وتحت جناحها يكبروو كيفما بغات تكون الظرووف

هزاات عينيهاا فالسماا وغمضااتهم تطاحو جوج دميعات وفمها كيرجف

“الحمد لله ، ياربي تكمل علياا وتفرحنيي بييه ،ياربي مبغيت والو من هاد الدنياا غير عائلة ندوز معاهم لي تقسم من عمري يااربيي يااربي ياااربي هء يااربيي تجعل من نصيبيي وليداات يفرحوني ونفرحهم ،، يااارب ياارب يااارب “

مسحات دموعهاا ومشاات لكوزينة قطعات الديسير باش دير لعصير خلاتو حتى يقرب لوقت وطحنوو خرج حذيفة مشا يصليي وهي توضاات وصلااة وبقات كالسة فوق الصلاية كتقرا القراان وكتسبح ومرة مرة تبسم بووحدها وضحك

ليوم كانت ليلة 27 ليلة القدر وقررات تقولها لييه فصباح العييد ،شدها الحمااس وناضت مشهية لكريب صايباتهمم وهي كتسمع لسورة مريم وكتردد معاهاا

دهناتهم بالشكلاط هرمشات فيهم اللوز ولكركاع محمر حتى دخل هاز فايدوو لفطور سخوون عبارة على صلااد روايال مشكلة بلحوت و الدجاج مشوي مع المرافقات ديالو كلشي باقي سخوون وجدو طبيلتهم وكلسوو كل مرة يعطيهاا كولي كوليي

ايمان: ههه راني كنااكل

حذيفة: ماكلتك ولات ناقصة بسيف ميشدك فقر الد_م صفاريتي غير فهاد اليومايين

ايمان: كتعاملني بحال شي بيبي ههه بقا غير ضربني باش نااكل

عطاها شوية ديال الدجاج ففمهاا وقال: الصحة مامعاهاش اللعب

حركات كااسها وبغات تقلقل سوقو وقالت: حذيفة نسولك وجاوبني بصراحة

حذيفة: نعام احبي عمري كدبت علييك

ايمان: لاا لا ، قولياا ملي كتشوف لوليدات الصغاار باش كتحس

حذيفة(شرب لمااء كيضحك ) : مفهمتش السؤال ههه عاادي

ايماان: ههه وخة معمرك جبدتي لياا لوليدات وبلي عندك الرغبة باش توليي اب

حذيفة: سييي شكون هدا لي كره لوليدات ،انا دابا فنظرك علاش كنتقااتل باش نوقف على رجلي ،باش نهار نفكر فلوليدات الى كتبهم الله يجييو لدنيا يلقااو حالتنا مستااقرة ،تيقولو لولد كيجي برزقوو ولكن انا بغيت نوجد ليه رزقوو نعرف بلي غيعيش مرتااح نوفر ليه كلشيي

ايمان: يعني مزال مبغيتيهم

حذيفة: داكشي ديال الله ، الى كنتي نتي بغاهم داباا معنديش مشكييل ، ولكن شوفي نتيي واش قادة بعدا غير تكملي العام ديالك باش تفرغيي لييه

يتبع