🌿 سأبقى أنتظر قدوم الربيع مهما كان الشتاء قاسيا 🌿
العمة : وايييييه على ماشي دارو كسييدة هوو و يوسف و عزدين … غااا رربي معاااهم …غااا ربي ….
سعيدة : ياااربي السلامة … مافخبااريشااي …
العمة :واايييه مساكن جاو بالفرحة عند ولد خالهم يحضرو معاه .. اوا وشووف باش تلات ليهم ….
مروى : الحمد الله على سلامتهم .. والحمدلله لب خرجات غيير فالحدييد …
سعيدة : ( شافت فمروى ) طموبيل مشات ولا ؟؟ الپيكووپ ياااك ؟؟
مروى : اه … وبكن انا معارفاش … سمعتو كان كايهضر وصافي …. الحمدلله هوما ماطرا ليهم والو ….
سعيدة : اوا غااا الطوموبيل راه وقع ليها…. ويلاااااه خرجها جدييييدة عاد …..
العمة : والحمدالله لي مجاااات فرااااس وولييييدي …. الحدييد الله يحرق جد بابااه …
سعيدة : ( شعلات معاها ) تايكون ديالك وحرقييييه
مروى غاسمعات القضية غاترون وجاتخا سعيدة لي انانية شوية ملي تخلعات على طموبيل وولد لوستها لا. … قلبها بدا يضرب بجهد كاتكره الخصامات ومعقديتها من صغرها …. و وقفات بزربة عند سعيدة …
مروى : ااجي اخالتي اجي وريني منين نكلغع عندو نفيقو ….. صاافي …خلييك من هادشي ..اجيي ورييني …
جراتها بزز والعمة غير كتنگر وهي جاراها مروى لجهة دروج
سعيدة : مزيان تباارك الله و بسييف الحاجة لي تبعووه عليها تبقى ليييه …. ولاباااس ولاباس لي خرجااات غاا فطوموبيييل
مروى : وصافي اخالتي.. ماتنوضوش الصداع حشومة راه تاهي ولدها كان غايمشي فيها …
سعيدة : يمشيي لابغا يممشي واش انا المصايب غايبقاو تابعين ليا ولدي .. ملي لالة ولدها لاباس علييبيه من قبيلة وهي تحسب وتعدد فالمشاااريع لي ماشفنا منهم والو .. ..يجيييب طموبيلتو … يكريييها كاه … يخليي ليا انا طموبيلة ولدي كايهز فيها سلعتو … هاهوما شخشخوها ليه دابا …..سييييير دابا شحال من مليوون غايحط عليها … حسابتك غايخلصووها هوووما شي رياااال ؟؟؟؟ دااابااا تابعيني فففصحتي
مروى : وصافي دابا ماتعصبيييش … الحمد الله ماوقع والو
سعيدة : شحاااال وهي تضووور ليا بووجدان … وجدان كبرااات وجدان فعلات …. تااااتكون شايطة عليا بنتي نعطيها لولدها المجوااعة لوخرى …. شااافو الخاريج يحساابتهم اش قضااااو بيه …. رااه محمد سمح ليهم فيه وجا دار رزقو فبلااادو .. كييييتهم …. منهار تزوجت هوما تااابعيني ، عمك حسن لاشرا ليا غااا تقاشر كان خااااصو يشري ليهم كااااملين … ودابا تابعيني تا فطموووبيل دولدي …..( حيدات زيفها كاتقادو لور وتنهد ) لااا اله الااا الله ..
مروى: وصااافي دابا …. بلا منكبرو الموضوع … تاهي تخلعات على ولدها وصافي …. ماشي مشكل نساي دابا هادشي ….
سعيدة : ( كتنهد) طلعييي ابنتي من هناا نيييشان طلعي …راه كاين واحد لاڤابو تما فالمراح …. حداه البيت ديالو .. راهم شي حدا شي … غا حدا لباب قبل ماتوصلي لكوزينة . .. سوليه واش يبغي نسخنو ليه يتغدى … وحيدي عليك هاد الجلابة من الصهد ولبسي شي قفطين خفيف …
إشارت ليها براسها وطلعات فالدروج حشمانة خايفة تلاقا مع شيواحد مكتعرفوش … ساعة كانو غير دراري صغار تما كايلعبو …
بان ليها لافابو لي مضور بزليج بلدي عاد بانت ليها باب لاسقة ليه … عرفاتو راه هو البيت … وزادت حلات لباب بشوية كطل لقاتو هو … ودخلات .. كان مظلم متوسطو سرير ناعس من فوقو على كرشو … شعلات الضو حيت منزل ريدووات .. كان بيت صغيو بسرير جوج بلايص خشبي وحداه طابل دو نوي … وبلاكار فوق منو المانطات … و كوافوز فوق منو روايحو وتصاورو فالكادرات ملي كان صغييير …غير شافتهم تبسمات ومشات كاااتحقق فيهم … ماتبدلش بزااف بقى بنفس الملامح ديالو من غير اللحية لي تزادت ….وبقات كاتشوف مع بيتو فيه نفس الدفئ لي كاين فبيتها ….. ديما بيوتنا فديور والدينا داك الدفئ ديالهم مكالقاوه فحتى بلاصة اخرى واخا منعرف فين نسكنو …واخا نديرو ارقى البيوت وارقى الأسرة كايبقى سريرنا فدار لي كبرنا فيها أدفئ واحد ….
مشات بشوية باتجاهو … كان ناعس غير بسروال دجين محبد تيشورت …. وتاني عينيها مشاو كايتسراو على عضلات ظهرو …. خدات تنهيدة فيها نوع من الغربة تقيس جسدو ونوع من الاحباط حيت ماتقدرش تبين ليه بلي غير هي لي بغاه بغاتو ياخدها بنفس الرغبة ماشي تحس انه غير داير معاها الواجب !!! …
مشات كلسات حداه وبدات تمشط فشعرو بيديها بنفس الطريقة لي فيقها بيها … كانت طريقة حنيييينة كاتفيق الواحد ضاحك. بزز عليه .. كاتخلل خصلاتو القوين بين صبعاتها لي تاتحسهم كايدغدغوها … كانو حرشين فملمسهم وقوين … كل حاجة فيه كانت بحال هاكا !!
مروى : ( بصوت خفيف ملي شافتو مفاقش ) رضاا … رضاااا. …
رضا : ( انين تحت المخاد ) امممممم
مروى : رضى فيق .. رضى … راه من قبيلة ونتا ناعس نوض راه سبعة دالعشية ….
علا راسو بشوية معاها كايشوف فيها ….تبسمات ليه معوجة معاه راسها ….وهو جبدها من يديها تاشهقات دارها فحظنو وحط رجلو فوق منها وخشا راسو فظهرها وهي كضحك ويديها مجموعين فكرشها شادها منهم مزيرها عندو كايكمل نعاسو …
مروى : ررضا .. راه سيفطوني نفيقك ماشي نعس حداك هنا …
رضا : ششششش….( بصوت هااامس ناعس ) خلييييك …..
دارت ليه خاطرو .. وبثات ناعسة حداه مبتسمة كدوز صبعانها على يديه بحركات خفيفة خلاتو يتوكض على خاطرو مستحلية هاداك الحضن وكتحاول تولف عليه … مدة غير ساكتة تابان ليها تنفسو تقاد عرفاتو غايرجع يغفى …..
مروى : رضااا …. وانووض راه كيتسناوك …
رضا : ( بصوت عيان ) شحال الساعة
مروى : (مدات يديها لطابل دونوي موراه شعلات تيليفونو ) قريبة السبعة …..
رضى : (زاد تخشا فيها ) انا غانوض …
مروى : مااباانش ليا نتاناا غااتنوض … وايلااااه ..
رضى : ( مبحوح ناعس ) هانا نايض .. ( باسها فعنقها تاقفزها ) باقا الدار عامرة ؟
مروى : بقاو عماتك ..و مرات عمك .. وخالتك لي سميتها أسماء .. لوخرا مشات …
رضا : امممم ..
مروى : ويالااه نوض …
خدا تنهيدة وتقلب على ضهرو كايتجبد وهي ضارت كاتشوف مع عضلات صدرو لي بارزين بشكل مواضحش بزاف بسبب اهمالو للتمارين … وحتى دراعو كيفاش كيتقلصو ، لكيفاش مزير على قبضات يديه القويين و يرخيهم و يدوز يديه على شعرو كيرجعو اللور … يالاه كايتجبد و هو يصوني تيليفونو وتفوه وهزو وهي جمعات راسها دغيا ….
رضى : وي …. لا لا ماتقطع ليه والو تانجي … تالغدا … قوليه غدا فالصباح .. (مروى وسعات عينيها ) سير غدا فالصباح يجي ونقطع ليه … عطيوهم دابا غا داك الفاياج ديال السيمة يخرجوه ليكم من تما … صافي تالغدا فصباح ….
قطع تيليفون ولاحو على السرير وناض كيتفوه ويحك فشعرو كيحس براسو خاصو يوماين دالنعاس
مروى. : كيفاش غدا ؟ غدا غاتصبح خدام ؟؟؟؟
رضى : ( وقف مشا لجهة السراجم كايطلعهم ) واشنو غاندير
مروى : ولكن … ماغاتاخدش كونجي ؟ ياك قلتي ليا غانسفرو ؟
رضى : وادابا الاثنين اللول دالسيمانة كاتكون الخدمة مزيرة …. تالنهار الجمعة نسافرو والحد ونرجعو …
مروى : غااا تلتيام؟؟؟ هادا هو شهر العسل ؟؟؟
رضى : هههه ( ضار شاف فيها ) شهر العسل ابنتي هو حياتك منهنا القدام …. اما هادشي كلو فايت .. انا اللول دالسيمانة گاع ماتهضريش معاياا فيه … فالويكاند نخرجك … الى ناس عنهم شهر فالعام .. نتي غاخدي تلتيام فسيمانة شكون بحالك
مروى : ( هبطات شفايفها ) زعما هاد الخدمة مايعرفوش راك عريس
رضى : نسد ماشي مانسدش …ولكن راه كاينة المنافسة لاسديت انا غايحي واحد اخر يدي ليا دوك لكليان … راه كندوزو الحرب ماشي لخدمة …. ( مشا جهة تيفيون هزو )
حركات راسها ليه ومستسلمة لواقعها وهو خرج يدوش و يتوضأ وهي نزلات للتحت لقاتهم كاياخدو الكوطي مجموعين …. وقالت لسعيدة ليها راه فاق …وكلسات فبلاصتها شادة فنجانها وسااااهية ….
كاتشوف الحياة معاه بقد ماغاتكون زوينة بقد ماغاتكون صعييييبة !!!! وتالوقت لي يسافرو فيه ماعندوش … وديما الخدمة الخدمة كتحسها معمرة ليه حياتو كااااملة تامامخلياه كايفكر فوالو من غيرها …. لبارح من ليليتهم لولا … ونعستهم لولا وشحاااال غير فجوج كانت كتسنى داك الكلمة تسمعها وتطمن قلبها بلي راجلها كايبغيها … وفاش ماسمعاتهاش غير مزادت صعابت عليها حياتها معاه ، كتسنى منو بزاااف دالخوايح فالمقابل كاتلقى غير شووية !!!!! غزلو و لحظاتو الدافيين مكيفوتوش تا خمسة دقايق ……
بقات گالسة ساهية تابانو ليها علاو راسهم ضاحكات وهي تشوفو جاي مبتسم ليهم كايرد شعرو اللور وناضو عماتو تايسلمو عليه وبناتهم … عااد گلس حدا مروى وسعيدة كضحك فرحانة بيه وهوما تايباركو ليه وهو لاح يدو على المخاد لي ورا مروى مفرق رجليه بكلستو المعتادة وكالعب بيدو فكتفها وكايشوف فيهم … وبنات عماتو كايطلعوهم ويهبطوهم …
رضى : او اخالتي …. كيجاتك مروى !
أسماء : فففننننة غزاااالة تباركالله … الله ماتوااتيك غااا هي ياوليدي .. سبحان اله مايتزوجو تايتاااشبهو . واخا مترعف شنو كنتي غاتدي … بحالها هي لا
رضى : ( شاف لمروى ضاحك وهي منزلة راسها حشمانة حداهم هوما لي غاياكلوها بعينيهم ) وهانتي شكون بحالك … خالتي أسماء راه ماتاتشكر تا شي واحد … من نهار عرفتها وهي غير كاتعيب …
أسماء : انا كااااايعجبني الزيييين .. ملي كنشوف الزييين كانقول كلمة دالحق ههههه .. ( كطلعها وتهبطها ) زبييييينة
رضى : ( حط يدو على وجه مروى تاغطاه كامل بقبضتو ) وصاااافي صااااافي تبعيييينا عليها تاااني …..هادشي مكااانكسااابو … صاااافي بااااركااا عليك …
مروى بدات كتحيد وجهها من يدو كاتضحك و هوما گاع ضاحكين كاين لي من قلبو وكاين لي غير من الشفايف … بنات عمتو كايشوفو فيهم ماحااااملاتش راسهم حيت كلهم حلمو باللحظة لي يكلسو حداه بداك طريقة ….ومروى عاد زيانت ليها الكلسة ملي كاين هو … ماحساتش بالغربة. .. ماعرفاتوش امتى ولا فمتابة عائلتها!!!!!
وجدان : اتاي اخويا ياك ؟
رضى : اه كبي
سعيدة : نسخنو ليك تغدا حسن اولدي واقيلا … راك ماكليتيش …
رضى : سديتو لينا الشهية بريحة القرفة گلبتو الدار … مالقيتو ماطيبو
سعيدة : اوا اولدي البسطيلة كتبغي القرفة ..
أسماء : باااقي نتا مضاد مع هاذ القرفة ( شافت لمروى ) ممن صغرو مايحملها مايقبلها … هاهو غايحرمها عليييك ….
مروى : انا كاااتعجبني صراحة …
رضى : ( شد كاس داتاي على وجدان ) وهاهي مغتبقاش تعجبك ….
وجدان : شنو نعطيك اخويا ؟
رضى : ( كايطل على الطبلة ) سفنج دخالتي أسماء هاداك … عطيني وحدة وحيدي منها داك سنيدة …
أسماء : ( هزات وحدة كتنفضها ليه ) البييني ماتشوهناش راه البينييي هذا قالك السفنج. ..
رضى : بحال بحال ( شدها عليها كلاها فجوج دغمات )
أسماء : مازال كاتسالوني عراضة ارضى … جيب مروى وأجي … ندير لولدي السفنج يبقا ياكل تالغدا
رضى : ان شاء الله …. ( طل على الفنجان دمروى و لقا فيه قهوة كحلة وحيدو ليها من يديها وهي كاتشوف معاه ) مغااتحيديش عليك نتي هاد القهوة كحلة … واش باغا تفرعي مصارنك ( مدو لوجدان ) زيدي ليها هنا الحليب . ..
مروى : ( كاتشدو عليه ) لاا مابغييتش الحلييب لا … خليها هاكاك عجباااتي …..
أسماء : خلييي البنت تشرب على خاطرها ..
رضى : لا … تفرع راسها … فطرات بيها هاكااا الصباح …
مروى : وشنو فيها .. مالك نتا كاتشربها شنو وقع ليك؟
رضى : نتي مصارنك باقيين صغاار .. بااقين ديااال الحليييب
مروى : ااه وسييرييلااك … وسكااتة …( حيدات ليه فنجانها ) بااااز
سعيدة : ههههه عبرات عليك هههه
رضى : ( كايشوف معاها) ياك اشنيولة .. زديها ليا خايف عليك.
مروى : حياتي كاااملة وانا كنشرب فيها اش وقع لياااا كاع
رضى : ماااوقع واالو ….غاكتشعلي بحال ليصانص ..
سعيدة : ومنيييين جاتها مسكينة كي لااامانة …
رضى : انا لي كانعرفها … اراي داك الكاغيك اوجدان
وجدان : هااء ! صاااافي ….. اوا زيييييد
رضى : لا باااراكا …( ناض وقف ) انا غاانخليييكم دابا …..( كايشوف عنهم ) شكرا على الوقفة وعلى المجية
عمة : الله اووودي شحال عندنا من محمد رضى .. غااا واحد نوقفو معااااك بربعة درجلييين …
مرات العم : الله يكمل بالخير. ….كو لوديو ڤو گاغد …
سعيدة : ( وقفات معاه ) فيين غادي ؟؟؟؟
علات مروى عينيها كاترمش مافهماتش فين غادي دابا! واش هدا غايخليها معاهم هاكا ويمشي؟؟؟؟؟؟ لهاد درجة كاملة !!!!!!!!
رضى : والله الى مشغول غدا راه الاثنين … يلاه تاني نعس شوية الراس راه مگلوب …. و الطوموبيل عندي عند الميكانيك راه كايتسناني …
سعيدة : ( ربعات يديها كاتسناه يقول ليها هو ) على مااال طوموووبيل !!!
رضى : طاحت اون بان للدراري لبارح …. راه عند الميكانيك غاندوز موراها .. ( كايقيس فيدو مخسر سيفتو ) هادشي عنددكم شحاال مزيييت … (حيد كاغيط اخر وكيمسح يديه )
أسماء : اوا ماكاينش لي فيه التعياب قدك نتا ياولدي …
سعيدة : اممم اووونبااااان … قوول تفرشخااااات ( العمة شافت فيها مخنزرة )
رضى : يهديك الله الواليدة راه غير سخن ليها الرادياتور .. يلاه الله يعاون ( شاف عند مروى ) لافاليز فالطوموبيل ياك ؟؟؟
مروى : ( سرطات ريقها وحسات بغصة فقلبها لي غايمشي بهاد السرعة سامح فيها وقالت بصوت منخفض غير مسموع حابسة البكية ) اه انخرج ليها ..
سعيدة : اوا ررجع بليييل …
رضى : اااه خدام انا بالحجرر .. نبقى شاد طرقان مكنعياش ….
سعيدة : او انا غا قلت زععععما … تووحش مروى هههه
رضى : ( كايمشط لحيتو لتحت ) وعلاش غانتوحش مروى ؟؟؟
مروى نزلات راسها للتحت … كاتغزز فشفايفها وبقات عمتو كضحك من تحت للتحت وهي ماتسرطاتش ليها كيفاش غايمشي بهااذ السرعة ومايبقاش معاها تا هاد اليلة…
سعيدة : هاويلي على علاش …؟؟؟؟؟؟
رضى : نتي راه اترات عليك تمارة ليوم يمكن … ( دوز يدو على وجهو بعياء) ماخاص والو ؟
سعيدة : لا اودي الخير موجود .. لي خاص هو تگلس تا تعشى … راك عرييس زعما ونتا ماباينة عليك والا ظاهرة صابح ليا بسروال دجين
رضى : وشنو نلبس جلابة ههه ( عنقها عندو و باس على راسها ) هاد الواليدة تاااهي ههههه ( جبد ليها حنكها ) شكووون عندوو هااذ زييين شكووون….
سعيدة : رررخي مني ( بعدات ليه يديه) زيين كون بقيتي معاها ماشي تخلي ليا مرااتك هنا وتمشي …
رضى : ( مروى بدات كتغزز فشفايفها ماحملاتش راسها حسات بكبرايائها تخدش قدامهم ) شكوون غانخلي ليك؟؟؟؟؟
سعيدة : مروى
رضى : ههههه ( شاف عند وجدان ) اراي داك التيليفون اراي … ههه شحال ضريفة عندي هاذ الواليدة هههه
سعيدة : ماالك دابا ساااير طننز عليا …
رضى : واش انا تزوووجتها باش نخلييها ليك … ( مروى علات راسها فيه بزربة )
سعيدة : مكنقولش ليك على منبعد … عرفناها غاتشمي للمحمدية .. حنا قلنا ليك هاذ تيتيام ديالها …
رضى : مالها هاد تلتيام ؟؟؟
سعيدة : وراه خصها تكلس هناااا
رضى : وشكون خرج هاد القااانون ؟؟؟
سعيدة : هاويلي وحدي باغي تخرج العروسة قبل من التلتيام!!!! .
رضى : اش غايوقع .. غايضرب الزلزاال !!!
مروى بقات غير كترمش .. واش هي غاتمشي دابا معااااه ؟؟؟ ياك قاليها تالثنين عاد غايمشيو ماشي الاحد ؟ تامن حوايجها خلاتهم عند دارهم … بقات غير كاترمش .. ماعجبهاش الحال علاش غايمشي ويخليها فنفس الوقت ملي سمعات غايديها قلبها ضرب بالجهد تامن الفنجان كان غايتزلع عليها
سعيدة : والقاعدة اولدي هي هادي .. حشووومة
وجدان : اويلي اماما خلي السيدة تمشي مع راجلها شمن ثلتيام …
سعيدة : نتومااا راكم وليتو علاااين بحااال الگور
رضى : ههه نوضي امروى نوضي …. ( عنقها وباس لياا راسها وهي مقلقة ) دابا نجيبها ونجيو … خليني دابا نمشي نرتاح شوية…. ونقضي اوموري و نشوف داك الطموبيل ويكون خير
سعيدة : اوا ديييير لي فراسك انا كلااامي مابقيتو تسمعوه
مروى وققات غير كترمش وهو كايشوف معاها واش هي هاديك لابسة حوايجها وسلم عليهم وزاد وهي تبعو سعيدة
سعيدة : واااصبر … صبر بعدا نجمع ليكم غاا الحلوووى
رضى : ( كايلبس سبردينتو فلباب ) اماااخصني ححححلوة
سعيدة : تااكلهاا مروى لهلاا يطييييحها فيييك… ( دخلات لكوزينة ومروى تبعات رضى للباب )
مروى : رضى ياك قلتي ليا تالغدا عاد نمشيو ؟؟
رضى : كان كايسحاب ليا غاتكون الدار خاوية ( شاار بعينه لصالة ) باقي الهاراج هنا … منقدش نكلس يلاه نمشيو حسن. ..
مروى : حوايجي باقي فدااارنا
رضى : انا غانحطك فداركم جمعيهم وغاندوز للقهوة نسلم على الوليد وعمامي ونجي موراك
مروى : ( مهبطة شفايفها ) صافي واخا …
رضى : ( كايسد سيور گالس على الدرجة وكيشوف فيها ) مالكي تااااني !؟
مروى : والو … غ غير .. م ماعرفتش .. صافي غانخوي بنسلميان ؟
رضى : نجيو نسكينو فيها ولا ههه !؟
مروى : ( علا حجبانها ) ل الا شكراااا صافي بلاش يلاه… يلاه نمشيو
رضى : اوااا منعرف هعهه … يالاه هانا فطوموبيل لتحت ماتعطليش ….ماتخليهاش تعطيك بزاف تخربيق يبقا يضييع لينا تما ….
خلاها ونزل فالدروج وهي مشات سلمات عليهم وتبعات وجدان وسعيدة وخالتو كايعمرو ليها فالسوبيرات دجاج وبسطيلة ولحم وديسير والحلوة
مروى : الا اخالتي هاادشي بزاااف…شكون غاياكلو
سعيدة : هانتي درت ليك هنا كل دجاجة بوحدها مع دغميرتها ديريها فالفريگو بقاي تجبدي بالوحدة … لاطيبيشاااي فسبعيام ديالك …. ماتقربيش للطياب انا نقوليك .. نعيمة دابا تجي تشقى ليكم ماكايناش شي عروسة تشقى فسبعيام ديالها … تما الحلوى ديريها مرة مرة مع بريريد اتاي ولي باقي لوحيه تاهو للفريگو مازال يجيو الضياف حطيه …. الديسير طحنيه عصير .. مكاااين ماااايضيع .. دي متاكلي وتهلاو فرااااسكم … تبعيه هو يقتلك غا بالكراطن دبيييتزا …..
وجدان : ندير ليك التمر امروى ؟
أسماء : ديري ليها ماتسوليش ….. راه جابوه ليها عائلتها هو و البيض
سعيدة : البيض غايخسر ليها ديري ليها غا ماياكلو …. ( مداات ليها سوبيرة ) هاكي عمريها من الحلوة لي جابو دارهم وديري سولوفان … انعزل ليك ابنتي دوك الطباسل ملي يخواو وخليهم عندك راهم جابوهم داااركم …..
مروى : صافي ماعليش غير خلييهم
سعيدة : لا يااااه …جابوهم ليك …ماعندي فيين نزيد المواعن تحتاجيهم راه طاوس غالييين … دابا يجيو عندك الضياف شدي مواعنك وزيفيهم وخشيهم فبلاكار .. راه عندو واحد فريكو صغيررر راه غادي نلقايه دايرو تحت واحد طبلة دالكوزينة شعليييه باش يقدك لهاذشي ….. ديال الثلاجة صغير
أسماء : عيطها لمووناضة … عطيها داك الكحلة كاتعجبووو …
مروى : والله الى باراكة بزااااف هادشي شحاال غناكلو
أسماء : راه سمعتي عكوزتك…. لي يتنكل كوليه ولي مايتنكل لوحيه لفريكو كل مرة جبدي طريف وسخني و كولووو …. اراااي لميييكات اوجدااان
وجدان : وجدان ماعندهااش سبعة داليدييين تسنااااو
أسماء : ورا الراجل كايتسنى لتححححت غايبدا يحك علينا سنانو تاني …
علات مروى كامامها تعاونهم وماخلاتهاش سعيدة و بداو كيجمعو بزربة حيت مكانوش دايرين عليها غاتمشي …. وحطو ليها فالصيكان وعاونوها فدروج نزلو كولشي للطوموبيل وهو علا عينيه كايشوف فيهم .. وعلا حجبانو وملي شاف الصيكان لي خارجين بيهم
رضى : واش انا غادي لمخيم … شداااكشي كامل !!!! …
سعيدة : حل الكوووفر وسسسسكت
تنهد مورك على البوطونة تحل الكوفر دارو فيه داكشي كامل وتعلقات وجدان تاسدات الكوفر كاتنفض يديها ومروى شاداها سعيدة فالباب بالوصاية ..
سعيدة : بلا مانوصيك ماتحلي الباب لحد … هو عندو سوارتو سدي عليك و نعسي ماتيقي فحد … الجيران ضحكو ليك خنزري باش مايضسروش عليك …
مروى : صافي انشاء الله …..
سعيدة : وماتزايديش معاه بزاف فالهضرة راني عارفاه عاااصابي … ولكن راه رااااجعوووي قلبو لييض لاتستوقيش ليه غير خليه يهضر تاعيا وغايسكت. ..
مروى حركات غير راسها وسلمات عليهم وبدات كاتحس بالدموع حتى هوما ماسخاتش بيهم … ومشات ركبات حداه وهوما جاو عندو للزاج
سعيدة : اجيو نهار الجمعة
رضى : ( كايماسي على جبهتو ) لا …. محركين شوية نهار الجمعة ..
سعيدة : هاء فين محركين ؟ والسبعيام ديالها ؟؟؟!
رضى : ياك كانقوليك ديما خليني من هاذ التخربيق … صافي مللي نبغي نجيو انا نعيط ليك نقوليك راني جيت ….وأجيو فوق مابغيتو علاش هاد سبعيااام …..
سعيدة : اوا نتومااا تعرفوووو …
وجدان : سيييفطووو ليا التصاور …
اشارت ليها مروى براسها وكادير ليهم باايباي غير بيديها ومشاو …. قصدو مباشرة حومة مروى ودخلو براكا حدا باب دارهم وهي بدات تحيد سانتير
رضى : رررربع ساااعة بالحساااب … القهوة هاهي غافالدورة غانقوليه غابسلامة ونجي … ماتعطليييش غيسد عليا الميكانيسيان …
مروى :لا منتعطلش .. دغيا دغيا
نزلات من الطوموبيل وصونات عليهم وهو واقف تايشوف فيها تاطلات يسرى من السرجم بانت ليها مروة وهي تضحك ونزلات كتجري كتسمعها مروى فالدروج .. غير حلات ليها وهو يمشي …وهي دخلات طالعة فالدروج ..
مروى : فين الميمة ؟
يسرى : كاتصلي المغرب وماما كتنعس محمد
مروى : وجدك
يسرى : مشا لقهوة …. واش غاتبقاي ديما عند دوك النااااس .. قالتهاليا ماما
وقفات مروى فآخر درجة وضارت عندها … سؤال كان فشكل ! شكون الناس ؟ …. يعني بصح هوما غير ناس غراب … ماكاتعرف تاواحد فيهم … عائلة جديدة … خلاوها معاهم عائلتها ومشاااو !!!!! وهبطات على ركبتها عندها وعينيها دمعو …
مروى : حبيية ديالي .. دوك الناس غانولي ساكنة معاهم
يسرى : هاء وحنا ؟؟؟ درنا ليك شي حاجة اعميتو؟؟
مروى : ( هبطات دمعتها وحبساتها ) لا اعميتو … تاتكبري وغاتفهمي …. غاتفهمي شنو كايخلينا نمشيو وحنا صغار لعند ناس خرين …
وقفات مروى ومسحات دمعوها …. خدات تنهيدة …يلاع داخلة للدار كانت خديجة باقا على سجادتها كاتدعي …. غاشافتها وهي توسع عينيها وناضت مخلوعة طوات السجادة جاية بجيهتها ..
خديجة : ممررررروى ؟؟؟؟؟ ياك لاااباااس ابنتييي؟؟؟؟؟؟؟
مروى : جرا عليا
خديجة : ياااعووووودووووو بالله
مروى : ( داخلة للدار ) اوا نتي كاتقولي ليا الراجل مايدوز معاك تانهار .. ويجري عليك ….معقلتيش !!!
خديجة : خليني من الهضرة الملاوطة ديللك وقوليلي شكاين قللللبي غاييييسكت … اشنو خرجك دابا
مروى : هههه ( جبدات ليها حناكها ) جيت ندي غير حوايجي اماما .. ندي حوااايجي وغااانمشي ههههه
خديجة : اوا داك ساع عيطي فالتيليفون خوتك يجيبوهم ليك علاش خارجة نتي وباقا عروسة
مروى : جابني رضى اماما ماجيتش على رجلي …. راه غانمشيو للمحمدية …
خديجة : دااابااا ؟؟؟؟ ياك تالغدا …
مروى : لاقاليا دابا ..الدار عامرة بعماتو وللعائلة مابغاش يگلس .. ( مشات بجهة بيتها ) عيات فيه مو مابغاش ….
خديجة : اوااا نتوما تعرفوو.
مروى : دغيا اماما عافاك جمعي معايا دابا هو جا … مشا يقول بسلامة غير لباه وعمامو ….
دخلات لداخل … لي فاليز ديالها كانو محطوطين فوق السرير وبدات كاتحل مع ماماها لي كادو ديالها من الپاپي ديالهم وكاتشوفهم ..
نغروى : تاهادي مانطة … ماما ماغانديش معايا قوة المانط بحالا غادا لسيبيريا … صافي خليهم هنا
خديجة : دي مواااانطك معاك يتحتاجو مزال جاي البرد وغايجييو عندك الناس …..
مروى : شكون هاذ الناس لي غايجيو يهديك الله
خديجة : اوا لا جاو خوتك ولا عكوزتك ولا عائلتو …. دي موانطك باش عرفتيه عندو ولا لا … راه غاتوقفي عليهم .
مروى : وحيدي عليا داك كوفرلي ماعجبنيش هاكاك فالصفر مشعشع …. خليه تما تاتعطيه لشي حد ..( وراتها واحد الكارطونة دكيسان دالما ) حتى هادو خليهم هنا ماعجبونيش… تاتعطيهم
خديجة : هادو جابتهم سهام …. دوقها ملاوط … راها العجانة جابتها اليك خالتك رحمة …
مروى : غير خليها ليك اماما راها عندو .. سولتو داك النهار شنو عندو فالماعن … هي وداك فران الضوو د خالي حمد غير خلييييهم …
خيدجة : فين غاندييرهم انا باركا غا ديااولي ….دي مواعنك
مروى : وتانا ماعندي ماندير بيهم … خليهم هنا فكراطنهم تاتديهن كادو لشي حد …
خديجة : عكوزتك عندها ؟
مروى : ماشفتش
خديجة : تاتسوليها لاماعندهاش عطيهم ليها …. انا غانخليهم هنا فكراطنهم …. زيدي نهبطو بشوية للباب باش مانتعطلو على السيد …
يالاه غاينوضو وهي تجي غزلان …
غزلان : مروى …. قالتها ليا يسرى والله مااتيقت … ياك لاباس !!!؟
خديجة : قلك تدي حوايجها غايدين فحالهم للدار … خلعاتني ليهودية
غزلان : تانا قالنها ليا يسرى فشلو ركابيا …. واش صافي غاتمشيييو ؟؟؟!
مروى : صااافي …. الله يعاون ههههه تتهناو من صداعي ..
خديجة : ( تنهدات ) أووودي كيييتك نتي بوووووحدها …اااش غانتهناو …
غزلان : خالد وباك تهضري معاهم يشعلو …. مابغاوش تابشوفو للبيت ديالك ( مروى نزلات راسها)
خديجة : خيلي داك الجمل راگد … زيدي هزي معانا اغزلااان نهبطوهم للباب دابا هو جا راجلها ….
بداو كايهزو معاها دوك الكادوات وكاينزلو للتحت مقاتلين معاهم حيت تقاااال … تاوصلو للي فاليييز. … وهوما كيهزو وحدة بوحدة حيت ثقااااال معافرين بالدروج فاليزة وحدة كايتعاونو عليها بثلاثة حتى ينزلوها ويگلسو ينهجو ويطلعو تاني للثانية والثالثة حتى سالاوهم وجلسو فالدروح كاينهجو
خديجة : والله ابنتي ماتگولي هازة فيهم غالحجر . .قوة الشراااوط الله يسترررر
غزلان : ( كاتنهج ) الاااااطيييف االااطيييف … هادو الطوووب هادو
مروى : سخسخوونييي…. ( كلسات حتى هي كاتنهج ) اجاااب مايستف ليا هاشي كاامل …
غزلان : مااشيي دابا ….دابا سيرو ترتاحو ليل هاذا …. تااايمشي هو لخدمتو غدا …عااد ستفيي بشوية عليييك …
مروى : داكشي لي بان ليا غندير …
خديجة : اوا كيخيليتوهم تما … بانوليا ناس مزيانين داك خالتو أسماء للله يعمررررها سلعة
مروى : لا لا ضريفين …. غا خالتي سعيدة لي كانت غاتنوضها مع عمتووو
غزلان : اوييلي ؟ اصلا هي ملي گلسنا وهي ماحاملاهمش وغير كتميييق ….
مروى : وايه كانو غايتشادو قبيلة حتى جريييتها لبرا … ( مابغاتش تقول ليهم الواقعة باش ماتخليهمش فالهم ديال طموبيلتو )
خديجة : تاهوما باينين شاطات مطات وداك بناتهم شحااااال عاجبهم رااااسهم بداك جووج زغيبات يييقطع زيييينهم ووتقااالاات على القلب …
غزلان : بقات فالزين …. بقات فاالملوحية والطبيعة …. حيد عليا .. ماتماااااش كي طوييلااات كي قمقووم بلارج …. تاداك مرت عمو كيبان فيها لسسسسم كايقطرررر …. كان كايسحاابليي غا حنا لي عندنا داك السلعة …ساعة قول ليا كولشي هاكاك
خديجة : باش هو تايقوليك الله يحشرنا مع الدرويش شوفي مو وخالتو حيت دورييشات وشعيبيات …وهاظوك باغين يشدو السما بيديهم معلين خنافرهم ..
غزلان : خالتو داك لي كانت مريضة قالك طيابة فالعراسات … طيابهااا غزاااال على ما عاودات ليا عمتي … واقلة هي لي طيبات قبيلة
خديجة : لاااا جابو ديك الوزاينة … شفتها .. تاهي طيابها زين .. اللحم لي جا شوية بارد … غرفاتو بكري …
يلاه كايهضرو و هي تسمع كلاكسون وناضت مروى حلات الباب كانو باقين كالسات فالدروج ….تبسم ونزل من الطوموبيل باتجاههم كايسلم عليهم وشاف موراهم للحوايج وعلا حاجبو بجوج ….
رضى : هزيتو هاذشي بوحدكم ..كون خليتوه تانجي …
خديجة : اوا ماعليش ماانعدبوكشاااي …
خلاهم ومشا للكوفر كايقاد البلاصة ويجيب دوك الكراطن ومروى كاتهز فالكراطن الخفاف
رضى : ديري هادوك القدام غاندير هنا لي فاليز ….
مشا جهة ليڤاليز وغزلان وسعات عينيها ملي شافتو هزو جوج كل وحدة فاليد …. وهوما لي تقاتلو معاهم بتلاتة …. بقات غير كضور راسها ..
ستفهم فالكووفر وهوما كيعاونو مع مروى كايحطو داكشي الرقيق فالكوسانات لور .. والجيران فالسراجم كايضورو راسهم ويبرگگو… تاسد الكوفر وبدا ينفض فيديه ويمسحهم .. ومشا كايقاد داكشي لي لور باش مايطيحش مع الرقيق
مروى : بقات عاد هاد المانطة ارضى
رضى : حنا دابا مغنهزوش الرحيل … عطيها لماماك مالك على قوة المواانط
خديجة : اولدي المانطات ديالكم ديهم معاكم راه تحتاجوههم ..
رضى : هاهي عندك فاش تجي مروى عطيها تتغطى بيها هههه
خديجة : ههههه الله اووووودي ههه لاكان هاكا واخا …
بدا كايقاد كولشي تاسخفوه وسلم عليهم وركبو ….وخديجة فالزاج كتوصيه
خديجة: وابشوووية اولدي فالطرييق … وسااعف ولدي ههههه …راه بنتي شوية لسانها مبري منها هههههه
رضى : ( كايضييماري وومروى خنزرات فيها ) كاانعرفها اخالتييي كااانعرفهاا هههه الله اودي ..
خديجة : اوا هااكاك الله يرضي عليكم واحد يدير الخاطر لااخر راه تاهي حنيينة ودريوووشة و تهلاو فبعضياااااتكم .. تهلاااي فيه امروى .. ..
ضحكليهم ومشا وهي كدير ليهم باي باي وعينيها تاني تعمرو بدموع ….
خدات نفس عميييق ملي شدو الطريق كادير فالسانتير … وحطات راسها على الزاج كاتشوف مع الطريق …. ومع حياتها كاملة لي غاتخليها فبنسليمان بخايبها وزوينها ….. خيباتها … واخلامها .. وبكاها … و امنياتها .. كانت عندها امنية وحدة .. هي تخرج من هنا … وهاهي دابا خارجة … علاش مافرحاناش !!! …
واش بعض المرات كنحلمو بشي حوايج لي كتكون سعادتهم وهمية ؟ وملي كنعيشيهم فالواقع مكنلقاوش نفس السعادة …
بنفس الطريقة …. كايتمشاو فنفس الطريق لي كانت هي كتمشي متمخترة فيييها وفرحانة بزينها … وكتجر معاها گاع العيون … ولي شافها كايبقى حال فمو فيها تاكانت كتوقع راجلها تاهو غايغرقها فالغزل ….ولكن …..
قلبات راسها لجيهتو كان صايك مركز مع طريق لي كانت شوية عامرة وكايدوز يدو على جبهتو ولحيتو بعياء …. غير ضور راسو عندها لقاها كاتشوف فيه تبسم ليها وهز يديها عندو باسها من كفها وحطها على ركبتو …. بقات مدة مبتسمة كاتشوف فيدها ….وكاتشوف فيه هو منهمك مع السياقة……
ورجعات تاني كاتشوف من زاج …. وكاتقول مع راسها ، داني رضى … هو راجلي … عمري توقعت راجلي غاتكون سميتو رضا …..دابا رضى . .بوحدو .. لي يشوفني … صباح وعشية .. جسدي غادي يولي ملكو!!!!!
غمضات تنهدات ….ورجعات كاتشوف فااسما لي كانت مظلمة ….
الليل تاني … جا الليل …. وغايكونو بزوج …. وكيغادير تاني !!!! ….
قلبها بدا كيضرب بالجهد عاضة على شفتها …. معدتها تاني تلوات عليها تاحطات يديها عليها .. وجهها حمار وحسات بودنيها سخنو من لداخل ….
هي مناش خايفة لهاذ الدرجة ! … ياك ملي تايبوسها تايعحبها الحال …. ياك جسدو تايثيرها …. كيعجبها يعنقها ويقرب ليها وكتحس بإحساس زويين …. علاش ماباغاش تنعس معاه … علاش مابغاتش تفض هاديك البكارة على يديه هو …
كتحس براسها گاع هاذ المحطات لي دازت منهم معاه .. الخطبة …. العقد .. العرس … لوطيل … وهاذ الطرريق لي شادة دابا للمحمدية …
كاتحسهم كولهم مزال مكايعنيوش بلي هي ديالو … بحالا مازال مابغاتش تقنع راسها انها تعطات ليه كاملة ، باقي عندها امل … أمل واحد … كاين فبكارتها … نهار تتعطى ليه ، صافي كاتكون داك ساعة كووولها ديالو ……
كاتحس براسها مزال ماقنعهاش ياخدها هو ؟ نهار قالت آه كان قنعها بمدينة فاش ساكن وبغات تخرج من بنسليمان …ونهار سينات على العدول كان قنعها بشخصيتو وعرفات ىاسها غاتعيش فالعز ديالو ….ولكن جسديا ….. مزال ماقنعهاش … مابغاتش تعطيها ليه فليلة باردة ماتسمعش فيها تا كلمة كنبغيك !!!! تااكلمة حبيية .. حتى حاااااجة !!!!
حافظات عليها سنين ماتقدش تعطيها لهاد طريقة فيحين لابقات محافظة عليها وطلقات منو تقدر تدي واحد آخر لي ياخدها ليها بطريقة زوينة تستحقها !!!!!!
هادو هوما الافكار لي كايطرقو فراسها …. ضارت بشوية لعندو كاتشوف فيه وتشوف فيدهم لي مشابكين فوق ركبتو مركز مع الطريق ..
علاش مكيدويش ؟ علاش مايقولش ليها ها حنا غانعيشو بزوج تحت سقف واحد احبيبة …. علاش مايقولش هاد الليلة نتي غاتولي ديالي بسيف عليك … علاش مااايهضرش وسااكت بحال هاكا … واش هو مافرحانش …. مامتحمسش لهاذ اللحظة .. واش غير هي لي كانت كتحلم بيها هو لا .. عندو عادية لهاد الدرجة … غادي لدار ووصافي !!!!
وعلاش ماكايبينش ليها بلي هو بااااغيها … .. كاتحس بداك شي لي كادير معاها فاش بغا ينعس معاها …. انه جاي يدير غير الواجب ديالو كراجل ليلة عرسو !!!!!! .. ماشي برغبة فيها هي .. وحبا فيها هي … الحب خاصو تعبير .. باش الطرف الاخر يحس بيه …
طريق تاني كاملة داتها غير أخد و رد .. وهو غير شافها تاني تزيرات خلاها على خاطرها … مكيبغيش يهضر بزاف ملي تكون فهاذ الحالة…. وكيحس بيها ملي كاتقلب …. عارف فراق مدينتها ماشي ساهل .. مرة مرة غير كايبوس ليها يديها بحركة خفيفة كانه كايقول انا معاك …وتتبسم ليه وترجع تاني تشوف من الزاج تاوصلو ….
دخلو للمحمدية و الساعة كانت كاتشير ل التسعود ديال الليل …. وبدأ تيليفون رضى كيصوني وخدم مع البلوثوث ديال الطوموبيل …
– اسي رضى واش باقي معطل !!!
رضى : انا يالاه دخلت للمحمدية .. ربع ساعة وانا معاااك
– وماتعطلش عافاك راه والله الى بقيت فالگاراج على قبلك
رضى : انا جاي انا جاي .. ربع ساعة عطيني بالحسااااب …
قطع عليه وزاد فالسرعة دطوموبيل وهي غير ساكتة كتشوف بعينيها لهاذ المدينة لي غاتولي حياتها فيها .. كانت صاخبة عكس بنسليمان. .. نقية و زوينة و الحركة فيها كثيرة .. حتى دخلو فواحد الممر خاص بلإقامات زايدين فيه …. تاوصلو للإقامات لي كانو جوج بحال بحال … وكايبانو فاخرين …دخل فوحدة منهم …. ووقف حدا بيبانها …. بقى كايتسنى تا بداو كايتحلو البيبان اوطومايتيك عاد دخل بعد ما اشار للعساس براسو وهي غير كاتشوف من زاج … كانت إقامة المدخل ديالها كلو اشجار وفيه طا باركينغ السيارات … عاد من الجهة الخلفية كاين لابيسين.
براكا الطوموبيل ديالو وتنهد …
رضى : هاحنا وصلنا … الحوايج خليهم هنا تانجي ونطلعهم …
مروى : لا … نطلعوهم دابا باش نهز معاك
رضى : لا اش غاتهزي نتي …. غاينزل معايا الكونسياج غير طلعي … غاتحتاجي داك لافاليز صغيرة ديالك قبل مانجي ؟ ماغانتعطلش بزاف
مروى : لا هاديك ناخدها ….
نزلو من الطوموبيل وهي غير كاتشوف مع الارجاء كانت إقامة كبييرة ضايرة ببزاااف دالسراجم والبااالكونات والاضواء شاعلييين … و الناس قلال كايتمشاو … جبد لافاليز الصغيرة ديالها وسد الكوفر … ومشى باتجاه لباب وهي تبعاتو غير كترمش بعينيها وكتحاول تولف على هاذ البلاصة و كتقنع عقلها ان هادي بالاصة هي لي ولات المسكن ديالها دابا… غير كتستكشف وهو كل مرة يضور يشوف واش راها موراه … تاوصلو للاسانسير وضغط عليه دخلو وهي باقا كاتشوف نع جنابها
رضى: كيف جاتك العمارة ؟
مروى : زويييينة .. هادئة …
رضى : اه مكيانش صداع بزااف … شوية بشوية غاتولفيها ….
تحل بيهم الاسانسير فالطابق السادس وهي غادية موراه كاتشوف مع الشقق لي كانو بيبانهم رمادين وفوقهم الرقم ديالهم بالدهبي …. تاصلو للدار لي فاخر الممرر عليها رقم 27 …وحل ليها الباب وهي تتفكر وصية ماماها لي كاتقولها ليها ديما، وسبقات رجلها ليمنة … عاد دخلات معاه وسد موراهم الباب وحط لافاليز وشعل الضو وهي تعلي حاجبها . ..
الدار كانت فاقت تخيلاااتها … عصرية لأبعد حد … وكتبان هااادئة …تا قاطع تفكيرها هضرتو …
رضى : ها دارك اكتشفيها بشوية عليك … انا غانمشي عند السيد باش مانتعطلش عليه … ونجيب العشا ونجي …مشهية شي حاجة؟
مروى : ( ضارت عندو ) لا … بلاش راه ماماك عطاتني الدجاج
رضى : داكشي تقيل الليل هدا … مغاتتعطلش .. خودي ليك دوش ترتاحي … ( خطف منها بوسة خفيفة على شفايفها ومشى)
حل الباب وخرج بزرية وهي بقات متبعة عينيها للباب لي خرج منها … وبقات غير كاترمش ودارت ضحكة مستهزأة ، تامن دخلتها لدارها باااااااردة !!!!! …
رجعات دخلات لدار كاتشوف مع الارجاء و مع لي طابلو وديكورات … ومشات جيهة الزاج دلبالكون حلاتو وهي يبان ليها ريدو بيض نازل … غير شافت بعينيها بانت ليها لانگاصة فيها أسهم للفوق وللتحت .. ضغطات عليها وبدا كايطلع داك الريدو بشويية وكايبان البالكون … لي اكثر حاجة عجباتها …. من بعد ماطلع الريدو خرجات ليه وضرب فيها الريح وشافت للتحت كان لابيسين وعامر بالوليدات كايعومو حيت الصهد والبعض غير گالس على لي رولاكس … بقات غير كترمش بعينيها شادة فالحديدة وتبسمات بلا شعور لهاذاك المنظر لي كايفتح النفس …. شحال تمنات تمشي للبيسين …صدقات سكنات حداه ….. غاطل عليه كل صبااااح … واخا مكترعفش تعوووم …
ضورات عينيها للخلف كاتشوف لدار و للصال مونجي لي كتبان اونفاص معاها .. وعوجات سبفتها للجنب ..
الدار كانت غااية فالروعة ، مثالية بحالو تمااااما ولكن شي حاحة ناقصاها … بحاالا باااااردة ! ماشي هاكدا تخايلاتها … تخايلات راسها ماتكشف حيوطها وراجلها معاها كايوريها بيت بيت وكايخليها تستكشفها معاه فجو زوين عامر رومانسية … ماشي يحطها فالباااب بحال الشيفور ويمشي بزربة ….. ويخليها تكتشفها هي بوحدها …
تخيلات راجلها يكون كايوريها كولشيويقول ليها هنا فين غانيدرو هادي و هادي تا من الاثاث تمنات مون هي لي فرشاات ماتجيش تلقاها واجدة … يفرشوها هي وياه على ذوقهم ويكون عش زوجية بسيط ولكن عااااامر بالحب ….
مع رضى كاتحس بكولشي كاااااين ..مااا عدى حب! و الدفئ لي حلمات به حياتها كاملة.
الواقع حطبها بزاف … خيب توقعاتها كااملييين ….
خرجات من البالكون وزادت كاتشوف فالصالون الصغير والطبيلة لي حداه كيبان عليها بعض الديكورات على شكل شموع وكتب مستفين وآلة حاسبة وشارجورات وتيليكوموندات …
الكوزينة تاهي كانت صغيرة ونقية تماما كيف بغات …. بدات تقلب فبلاكارات بالها كولشي نقي ولكن مامرتبش بطريقة زوينة ، والكوزينة كانت مأثثة بجميع الاجهزة اللازمة .. حتى من التيرموميكس لي كانت تشوفو غير فانستغرام لقاتو تما محطوط …
مشات فالكولوار تاوصلات لجوج بيوت … وهي تحل واحد …. كان نفسو البيت لي كان عندو فيه البيرو …. لقاتو مفرش بصالة بلدية بسدادر ذهبين منقوشيين وطلامط فالخضر والدهبي … كان صالون ملكي وباقي فايحة منو ريحة الڤيرني والثوب الجديد ….. طبالي دزاج رجليهم ذهبين وفالخيط طابلوهات لامعيين … وريدو انيييق … علات حجبانها باعجاب ….
ورجعات تاني حلات باب صغيرة وهي تلقى حمام تاهو أنيق فالاسود والابيض وبلاصة الرشاشة ضايرة بالزاج .. عاد خلات للبيت اخر شعلات الضو … وهي تلقاه بيت النعاااس. . .
كان الكادر ديال السرير واخد الحيط كااامل فالموبرة فالاسود وفيه اشرطة ذهبيين وتحت منو كوموضات صغار فوق منهم اباجورات بعقيقات كريستاليين مدليين ….
كوڤر لي أسود انيق ومخاد مقادين …. وبلاكارات فالحيط فالدهبي ولااسود بيبانهم من المرايا ….
دوزات سبيكة ديالو وهو يتحل بانو ليها حوايجو فالعلاقات مستفين ومجورا تحت منهم ….. وحلات جهة لوخرى هي تلقاها خاوية وتبسمات …. عرفاتها الى ديالها ..
الارض كانت كلها فبيت النعاس بالباركي ديال الخشب مفرشين فوقو زربيات كوحل نقيين … اما على برا كان رخام بيج ….. فالقنت كان البيرو ديالو وحداه كوافوز انيق بمراية طويييلة … فوق منو روايحو وبرودوياتو وكاسيطة مليوحة …
زادت وهي تبان ليها باب اخرى فالقنت حلاتها لقات كولوار فيه جوج بيبان اخرين …. حلات اللول وهو يبان ليها دوش كان كولو بالرخام الاسود و بينوار مثلث اسود ضاير بالزاج ….. كان حمام فخم وانيق وكولو مرتب … سدات الباب وحلات لوخرا وهي تلقاه بالكون صغير كايطل على جهة الباركينغ .. كانو محوطين فيه الات الريااضة وبعض الكرااااطن ….مرون بعض الشيء
الدار كانت أنيقة بكل مافي الكلمة من معنى … كتجول فيها وتحل كولشي كاتلقى راسها الى غاتعاودها غير فالترتيب والتنظيم كوحدة كتكره الفوضى ….
سمعات سوارت فلباب وعلات حاجبها .. رجع بهاذ السرعة ؟؟؟ ..خرحات من بيت النعاس وهي تعلي حاجبها فاش شافتها مرة قصيرة وغليضة هازة صاك وداخلة .. غير سدات باب الدار وضااارت عندها … وهي تقفز فاش شافت مروى وبقات شادة على قلبها ومروى كاتشوف معاها ……
وداك المراة تحرجات ….
نعيمة : ا … س …. سمحوو ليا … سمحوو لياا ابنتي حيت بلا منعلم … ماحسابتنيش جيتو ….. نتي مرات سي رضى ياك؟
مروى : ( مصغرة فيها عينيها ) اييه هي انا .. واش نتي …. هي خالتي نعيمة ياك؟؟؟
نعيمة : هي انا ابنتيي …. جيت غير نهبط شي نشير نشرتو قبيلة …. كنت هنا خمللت لييييه لبارح كنت مشغولة شوية … النشير كان باقي ما كرم راه خليتو فسطح …. ماسحابليييش غاتجيييو غاااسمحووو ليا انا قال ليا تاااال الثنيين قلت تجيو تلقاو كولشي هو هاداك غدا
مروى : ماشي مشكل … بحال ليوم بحال غدا ….زيدي دخلي
نعيمة : لا لاااا غا خليني نمشي … ( باحراج حيت الليل ماشية جهة لباب ) غاسمحو ليا
مروى : غير دخلي اخالتي راه مكيانش رضى …. مشا ….. غير دخلي
نعيمة : ( ضارت كاتشوف فيها ) اااه … وحق ربي الحبيب ماسحابتني غاتجيو
مروى : ( قربات سلمات عليها بابتسامة ) راه قلت ليك ماشي مشكل اخالتي راه هو مكاينش اصلا …… خليك معايا يالاه توريني الدار …..جابك الله ههههه
نعيمة : وراه دابا الدار دويرتك ابنيتي….
مروى : واه ولكن مازاال جديدة عليا نتي كاتعرفيها كتر مني ، ورضا لي وريها ليا راه جابني ومشى لشغالو ههه
نعيمة : اوا عرفتي شنو …. نطلع بجرية للسطح نجمع الحوايج قبل مايجي …. نطويهم نردهم لبلاصتهم …. ونوري لبنتي كولشي
حركات مروى راسها ابتسامة ونعيمة مشات وهي تنهدات رتاحت ليها تاهي بانت ليها مراة ضريفة …. ورجعات لبيت النعاس كاتشوف فالمجور وتسم فالروايح ديالو … كتقربهم لنيفها … نفس الريحة لي كاتشم فيه … وبدات كتحل واحد المجر لقات فيه السماطي ديالو ملفوفين … ومجر لاخر فيه كاسكيطاتو … وحلات التحتاني كاع هوما يبانو ليها غالوارااق فالساشيات ديالهم ….. وقوة الخيوط
ولوخرين بانو ليها خاوين … ومشات تاني ل طابل دو نوي كتحاول تحفظ اي حاجة …. يلاه غاتشوف للمجر وهي تبان ليها شي حاجة محطوطة تما ومداات يديها هزاتها كضورها بين صبعانها … كان رابوز ديال صحاب الضيقة فالاحمر … بقات مضيقة عينيها تاسمعات الباب تحلات و خرجات هازاه … ونعيمة حطات السلة دالتصبين
مروى : ( بتساؤل) خالتي نعيمة .. هدا ديالك ؟
نعيمة. : لا يابنيتي … ديالي سي رضى …. الله يشافيه
مروى : رضى فيه الضيييقة ؟؟؟؟
نعيمة : اييه ابنتي … بصح غامرة مرة فين كتشدو مسكين …. تاني عيد جا بات هنا اوا وبيت نعاس كان دخلو جديد وضراتو الريحة … كان غاااايموت ….. غاربي معاه … انا قالها ليا غا رفيق الكونسياج ….. لقاه غا هو فداك الليل عيط عليه يشري ليه الرابوز دغيا .. هو كااان لاحو واحد الوقت …. او الريحة كانت مجهدة رجعات ليه تاني داك شي …
مروى : ياربي سلامة .. ماقال ليا والو انا !!!,
نعيمة : اوا غا مابغاش يخلعك وصافي … قولي ليا ابنتي عندك شي حوايج نستفهم ليك ماحدي غانطوي ؟؟؟
مروى : لا كولشي باقي فالطموبيل تاداكشي غير خليه انا لي
غانقادو….
نعيمة : لااا هاادي خددمتي انا نستف كولشي ونمشي …
مروى: لا حشووومة ولله ….غيير خليي دابا راني هنا .. اش غاندير انا نتفرج فالحيوط … اجي بعدا وريني كيغانخدم هاذشي لي فالكوزينة …
نعيمة : ( تبعاتها ) هانتي .. الپريزات ديال هاذشي كاااامل …. راه جمعهم رضى غا فهاد البوطونة هاذي ( وراتها لانكاصة صغيرة فجنب لاهوط ) راه محيد منها غير الثلاجة والفريكو … ملي تبغي تنعسي وركي عليها وغايطفى كووولشي .. كنا ديما مخلوعين على البريزات هادي شحال ….كنت انا تاااانوصل نشد طاكسي ونرجع نتأكد لانكون نسيت شي پريز …دابا دار ليهم هاد السيستيم مخيييير …..جمعهم كلهم فبلاصة وحدة …. كايتطفاو ويشعلو من بلاصة وحدة …. هانتي ملي توركي هنا … كولشي كاايخدم …. تا من الشوفو غايشعل ..
الماكينة دالصابون .. هاهي راها باااينة …. ملي تبغي تصبني البويض ها فين توركي راسها كتدير الساعة ديالها …. وملي تبغي تصبني الموانط … ها فين .. وملي تبغي تصبني الحوايج خفاف …. ديري غا هنا …. صبابط هاهي راه مرسومين هنا ..
بقات مروى متبعاها وهي كتوريها كولشب حتى من الفران والميكرووند منين كايشعلو … وهي متبعاها باش تعقل على كولشي … كاتوريها فين محطوطين الصبابط وفين كطوي الفوطات عاد عرفات علاش الدار متولة ومنظمة حيت كولشي حاطاه نعيمة ومقاداه بيديها .. باين شغل المرا كيف داير .. فنفس وقت كاتقول فراسها باش تبدل ودير على يديها هي فاش ترتاح …..
نعيمة : اوا و صافي الباقي غاتعرفيه مع الولف الدويرة ديالك هادي كل مرة حاجة …
مروى : لا لا فهمت … كان عندي مشكل غير فالماكينة دالصابون وشي لاخر مغنعرفش نخدمو ملي وريتيني مزيان … قولي ليا اخالتي شنو الحوايج لي كياكل رضى؟؟؟ مثلا فالفطور ولا لغدا …..
نعيمة : هو بسلامتو كاياكل كووولشي … لي عطيتيه … غا هو معياااب ههههه غاصبري معاه هههه … راه تانا كايعيب عليا … هو حيدي عليه غا القرفة والروز بالحليب ههه مايحملهم مايقبلهم …. وحيدي عليه لحلاوي مكياكلهمش … هو شوية بلدي عزيز عليه المسمن والبغرير .. نتي گاع لاتعدبيش راسك انا نبقى نجي نعجن ليه هادشي كاع لاتمحنيش ….
مروى : لااا لا انا ماعنديش مشكل فهادشي …
يلاه غاتزيد ترد عليها وهوما يسمعو الباب تحلل ودخل … سدها و حيد سبردينتو يلاه داخل هو يعلي ححبانو …
رضى : خالتي نعيمة ( حط كراطن ديال الماكلة فوق الطبلة دالصال امونجي ومشا بإتجاههم)
نعيمة : اوا مباااااارك ومسعووود اولديي الله يكمل بالخييير … ( عنقاتها فجنبها ) غزااااالة العرووووسة.
رضى : ههه ياك بعدا. ..
نعيمة : اوا نكدبو … نقول غا الحق ….اوااا نخلييييكم انا ….. انا ماسحابتنييش غاتجييو .. جييت غانجمع الحوايج من السطح تالقيت مراتك … خلعتها مسكينة ههههه
رضى : ماشي مشكل .. گلسي تعشاي معانا
نعيمة : لا لا اولدي غا بصحتكم … الله يتااويكم …. ( جات ماشية) كنت غانطوي الحوايج ماخلاتنيش مراتك
رضى : ماشي مشكل غا خليهم … ( ماشية باتجاه لباب وهو ماشي بجهة لكوزينة عند مروى وضار عندها) رجعي اخالتي غدا عافاك عندها تستفي معاها شي حوايج كاينين لتحت فطوموبيل ….بزاف عليها بوحدها انا مشغول شوية….
نعيمة : فصباح ؟ صافي ندير الفطور للدراري ونجي … الله اودي …
تبسمات ليهم ومشات وهو شاف مروى وتكا على الكونطوار جبدها من يديها لعندو معنقها من خصرها ….
رضى : باقا بحوايجك ؟
مروى : حشمت نبدل حدا المرا ….
رضى : ماعارفاناش غانجيو …. ماهي ماتجيش … مكتجيش ملي نكون فالدار
مروى : لا ماشي مشكل بالعكس نفعاتني و وراتني شحال من حاااجة ( ميقات فيه ) ليي رااااجلي ماوراهاااش ليا
رضى : (عوج معاها راسو وخطف بوسة من عنقها ) راجلك مشا يقضي غراض فنص ساااعة ورجع عندك … اش فيها كون تسنيتيه .. ماشفتينيش كيف زرب عليا غايسد الكاراج ونا طموبيل تما
دمروى : ممممم مزيان …. ديما مروى هي الخيار الثاني علاش لا دسما هي ورا الخدمة .. ورا الميكانسيااان … مروى خاصها تتسنا … ( كايرمش فيها ) مهم ماشي مشكل …ندوزوها …..( شافت فيه) خالتي نعيمة مرا كبيرة كون غير تعفيييها صافي راني جيييت ماكاين لاش تبقى معذبة معانا .. الدار راه غانقدر عليها بوحدي ….
رضى : ( عض على شفتو مدة كايشوف فيها) متاكدة !
مروى : اااه .. غاانقد عليهااا ساهلة
رضى : ( عوج معاها راسو ) ومولاها جاك صعيب !!!!! ….( عوج شفتو ) العجب ….
مروى بقات غاكاترمش فيه فاللخر بعدات
مروى: دابا انا كانهضر على المراة لي كاتجي ، اش وصلنا لهادشي ….
رضى : ( تنهد ومشط لحيتو بيديه للتحت وشاف فيها ) ماشي قضية الدار تقدي بيها ولا لا ولكن تاني راه كتاكل معايا طرف دالخبز خمس سنييين هااادي … ماجاتش نجري عليها …راه مسكينة غانقطعو رزقها . . منها نيت تعاونك شوية ….
مروى : والا الى كان هاكاك ماشي مشكل …. لا مانقطعوش رزقها … ولكن الطياب غانطيب اناا …
رضى : صافي … تانا اصلا ماعنديش مع طيابها بزاف …. خليها تعاونك فالتخمال …
مروى : ان شاء الله واخا الصراحة غانخليها غير تونسني بقات فيا مرا كبيرة قد ماما حشومة … انا ماما مانخليهاش تغسل تا الماعن ونا كنشوف ….
رضى : وتاني راه تاكل طرف طرف ديال الخبز بدراعها حسن ماتاخدها باردة .. راها بكرامتها ومكترضاش ….
مروى : خخلينا دابا منها … قوليا نتا … علاش عمرك قلتي ليا فيك الضيقة !!! ( هزات الرابوز لي كانت حاطاه تما ) تالقيت هدا …
رضى : ماسولتينيش باش مريض ههه .. ديجا اصلا كنت نااااسيها .. خصوصا ملي كايسخن الحال ( غادي جهة الثلاجة حلها جبد قرعة دالما ) مكتجينيش لاكخيز بزااف. .
مروى : واش فالبرد كتمرض ؟؟؟
رضى : على حسب …. ( بدا كايخوي الما فالكاس ) كي جاتك الدار ؟؟؟؟
مروى : ( بقات ساكنة حسات بيه مابغاش يدوي على مرضو بزاف و تاهي قلبات معاه الموضوع وشافت مع جنابها) زوييينة .. هادئة ومرتاااحة …. وتااا ذوقك زوين….
رضى : ….اناا راه مكنفهمش فهادشي تكلف غا الطاپسيي
مروى : والله كولشي عجبني . ..
رضى : مزيان الالة .. ( جرها من يديها غاديين لصالون ) اجي نتعشاو فيا الموت دجوع
مروى : نتا لي مابغيتيش تاكل فداركم … خليني بعدا نمشي نبدل …
رضى : ماتعطليييش …
جرات لافاليز لي كانت باقا حدا لباب ودخلات لبيت نعاس سداتو وتأكدات بلي مسدود ورجعات لبسات نفس هاديك البيجامة لي كانت نعسات بيها فلوطيل حيت غير هي لي عندها فهاذ لفاليز الصغيرة مع لي برودوي ورشات بارفانها و وقفات قدام المرايا معلية شعرها للفوق .. باغا تبان زوينة حداه وبرفيكت باش تستفزو يقول كلمة زوينة …..
سدات لافاليز وخرجات عندو كان شعل التلفازة وقدامو كان الحوت فيلي مع لي صالاد وموناضة وگلسات فالفوطوي لي من جهة لخرا على ليمين ديالو وقرب ليها ماكلتها وهي كتحل الكانيط ديالها وكاتشوف فيه كايعجبها ملي كايكون تاياكل …. مكيتبعككش كاايعمر الفورشييط وكايسيفطها كاتشوفو انسان طبيعي قدااامها … كانت عينو على التلفازة كايقلب على فيلم وهي بدلت كتنقب من شلاضة
مروى : كون غي طلعتي داكشي … راه تما الماكلة خاصها دخل للفريگو غاتخسر راه الصهد …
رضى : غانتعشى وننزل … ماتقيسي والو غدا ، تاتجي سيدة ..
مروى : ههه واش هاذ الفشوش ديما ولا غاليوووم
رضى : ( شاف فيها كيمدغ وسرطها مبتسم ) لا راه بصح … بعض مرات كايكونو شي حوايج ثقااال …. تعوجي لينا من شي جنب نوحل انا مع خوتك …
مروى ميقات فيه وحاولات مااا امكن تاني تسرط خضوريتو …. ديما مخيب ظنها … تابان ليها خدم الفيلم كانت كتسنى شي حاجة رومانسية فهاذ الليلة الساعة بان ليها غا الخيل وداكشي تاريخي … كملات ماكلتها بالفقصة وكتحس بالجو ديالها غادي و كايخسر. .. بارد بزااااف … ماشي ديال ليلتهم الاولى ابدا …بقات غير كتنهد وكتحاول متبينش بزاف وتخلي فقصتها فصدرها …..
سالا ماكلتو وناض وقف كايمسح يديه بلكاغيط
رضى : كولي بشوية عليك انا غانطلع داكشي ونجي …
خلاها وخرج وهي بقات كتلوي الماكلة ففمها ومتبعاه بعينيها … لاحظات انه من الناس لي تاياكلو بالزربة يمكن نظرا لطبيعة خدمتو لي كتخليه ديما ياكل بزربة يرجع يخدم ….اما هي كتاكل بشوية لدرجة سالا وهي يالاه بدات … تا الماكلة مامفاهمينش فيها ..
علات عينيها للتلفازة … حتى من الافلام مامفاهمينش فيهم ….حتى حاااحة مجاتها على خاطرها …. كانت كتسنى عشاء رومانسي .. شمع … يجيب الووورد على الاقل …. ويحاول يستدرجها بشوية ….بكلمات رومنسية والحب حتى يخليها طيح فشباك الفراش كمراهقة صغيرة .. وتعطيه جسدها بالشكل لي يليق ليها بأنوثتها … ماشي بالبرووووود وتضيع اجمل لحظة فحياها !!!! لاحت الفورشيط حسات بالشهية تسدات ورجعات راسها للور كاتشوف مع الارجاء ….
كولش مثالي …. هو مثالي .. دارو مثاااالية … عشا بنين .. ولكن هي علاش مافرحانااااش !!!!! علاش ناقصاها السعادة …
ناضت كتنهد وجمعات داكشي …. لي بقا دارتو فالثلاجة و لي سالا لاحتو فلبوبيل .. ومسحات الطابلة .. وهزات كاس دالموناضة وخرجات للبابكون لي البلاصة الوحيدة لي عحباتها بزااااف فهاد الدار … بقات كاتشوف فالوليدات لي للتحت لي بداو كيخرجو من البيسين على ما بان ليها عندهم وقت محدد حيت كايضورو رجال بجيليات صفرين كايصفرو عليهم ….
جاتها هاد الاقامة مخلطة بالسكان وحتى بالناس دليڤاكونص دالصيف …. تخايلات ان فااشتاء غاااتكون خاااوية !! الحاجة الوحيدة لي ماعجباتهاش فهاذ الاقامة ان ماكايناش شجرة دالتوت !!!! عاد تفكرات ودارت ابتسامة بلهاء ان ابريلها صافي دااااز !!!!!! .. وخدات نصيبها منو …. اش غاتسنى مزال ؟ هي ماشي بحال شجرة الثوت لي كتعمر اغصانها بالوراق كل عام …. هي كاتعمر غير عااااام واحد …. والى ماجاش ابريلها دافئ بما فيه الكفاية ماغاتقدرش تبقى الاعوام لوخرا مزهرة و وغايطيحو وراقها بحال شحرة الثوث فالخريف وغاتتعرا لابد ….
كانت عندها فرصة وحدة … وكتحس براسها بحالا كون غير زادت تسنات شوية ……
فنفس الوقت ملي كاتفكر رضى كاتلقى راسها متأكدة انها مستحيل كانت تلقى بحالو فالحياة لي قدم ليها .. ولكن كانت تقدر تلقا واحد غايعرف يعاملها زوين ماشي غير شي حاجة محطوطة حداه ……!!!!!
سمعات الباب كاتحل وهي تسمع هضرتو مع شي راجل عرفاتو غايكون الكونسياج …..وصوت الحوايج كايدخلو ….. ماتحركاتش بقات واقفة فبلاصتها كاتفرج للتحت تاسمعات الباب تسدات والحوايج كايدخلو للداخل وكايحطهم على صال مونجي ودخل لي فاليز للبيت النعاس والماكلة لي سيفطات مو حطها فوق الكونطوار ديال الكوزينة وبقى كيقلب عليها براسو كاينفض فيديه …. تابانت ليه فالبابكون … تبسم لي لقات بعدا شي بلاصة ترتاح فيها و واضح عاجبها الحال فداك الوققة ..
دخل للبيت مشا للدوش توضا وصلا وبروصا سنانو… حيد حوايجو لاحهم فسلة التصبين وبقا كايقلب فالمجورة تاجبد شورط گري بالسيور لبسو … وبقا من الفوق عريان على عادتو وعلى عادة اي واحد مريض بالربو الحوايج كايخنقوه … وخرج لصالون كايقلب عليها براسو … و هو يكمش حجبانو ملي لقاها باقا على نفس وضعيتها فالبالكون ….
حس بيها تاني مسطريسية و بحالا هازة شي هم وهو منين كانت كتعشى وهو ملاحظها … فاهم بلي مورالها مخربق … ماشي هاكا كتكون مروى ملي كتكون فرحانة ولا متحمسة ….
مشا باتجاه البالكون وهي كانت شادة فالحديدات وواقفة كاتشوف للتحت ودماغها ساهي تاحسات بيديه حاوطوها من ملور تاتهزاااات كاااملة وهو قرب لودنيها بهمس ….
رضى : مناش خايفة ؟ ….
تهزات كاملة فيديه وهو حس بيها شحال تبورشات ولحمها تشوكات وتبسم غير جانيبا وهي كتسرط ريقها حتى كايتسمع لعندو ميفاش كاتسرطو …..قادر يفهم هي شحل متوترة وكايحاول يلقى شي طريقة واخا هو انسان فااااااشل فانه يهدن شي واحد حيت مكيعرفش يتعامل فبحال هاد الحالات…
مروى : ل لا … م .. ماخيفاناااش ..ع .. علاش
رضى : مروى …( زاد عنقها عندو بحنية باش ترخا شوية وحط راسو على كتفها كايشوف معاها التحت كايحاول يفهمها شوية بشوية ) والديك معاوطاكش ليا غير ليوم … ولا غير غدا .. ولا غير هاد الشهر وغانرجعك ليهم …. نتي ماتعطيتيش ليا امروى .. نتي تزوجتي … تزوجتي بيا … يمكن باقا صغيرة باش تفهمي هاد الاومور … ولكن غانحاول نشرح ليك ونفهمك …. شوية بشوية … نهار بنهار .. حتى تعرفي راسك نتي شنو كاديري هنا …..
مروى : ( سرطات ريقها غير بشوية وبدات كترخا فيده والهمس لي تيدوي بيه والنبرة الهادئة خلاو معدتها تتقلص) ل لا … ا انا راه عارفة ….
رضى : معارفة والو .. مدامك خايفة بحال هاكا ومخلوعة … راك معارفة والو … أنا امروى … هو لي غانكون معاك ديما .. كتر من والديك لي ولدوك … الى عشتي مع والديك 18 عام .. انا غاتعيشي معايا گاع شنو بقا عندك …. الزواج ماشي هو غانديك دابا لبيت نعاس وغانيدرو هادشي لي نتي خيفانة منو دابا ، لا .. هادشي غير شي حاااجة كنحتاجوها فالزواج … باش يكون حلو وزوين … وفيه متنفس …. المتنفس ديال الزواج هو داك السرير خصو يكون زوين … متفاهمين فيه … كانعرفو فيه بعضياتنا … حيت امروى .. انا معاك هاكا ….رضى لي كاتعرفي … وفالفراش خاصك تعرفي على واحد اخر تاني … ماتشوفيش الفراش بهاد الطريقة لي كتخلع … وتاني ماتحصريش الزواج غير فهادشي تاضيعي عليك بزاف دكريات زوينين على شي حاجة بسييييطة !!!! … ( سكتات مروى كاتسمع ليه وكترمش بيعينها ) دابا عارفك صغيرة تايقولك دماغك راه هادشي كامل باش نجيبك وننعس معام بشي طريقة خااايبة ولا منعرف اش كايقول ليك راسك وهاذشي صعيب وهاذشي منعرف شنوووو وفيه الحرييييق وكاتشوفيه بحال شي فيلم دالخليع … لا … هادشي خوديه بالساهل .. خوديه بطرقة زوينة …. بحال كيف هضرنا المرة لولا فتيليفون تعرفتي عليا. … كدالك دابا باقي لي واحد رضى اخر خاصك تعرفيه … غا هو مكدويش فالتيليفون …. هدا كايدوي فالفراش … وهو براااسو باغي يتعرف على مروى فالفراش …. لي هي براسها مزال مكتعرفهاش كيدايرة …. داك الرغبة لي غاتخرج منك نتي برارسك مكتعرفيهاش وانا باغي نتعرف عليها بببجهد …. ( باسها فعنقها وهي غمضات عينيها وكمل كلامو ) … وديري فبالك .. بلي الانسان عندو تلاتة دالشخصيات .. وحدة كاتبان عندو ملي كيتعصب .. وحدة ملي كايكون فرحان .. و لوخرا فالفراش .. ( ضورها لعندو بشوية وهي كاتشو فيه مهدنة نوعاً ما من داك التوتر ) وانا معصب عرفتنب … وانا فرحان كتعرفيني .. وفاففراش مزال …. ( حيد ليها شعرها من على جبهتها ردو لور ) ماغانديكش لداك بيت النعاس باش ندير ليك شي حاجة خايبة … غانديك غير باش نزيدو نعرفو بعضياتنا كتر ….( طل عليها براسو مبتسم ) فهمتي ؟
مروى عضات على شفتها كاتشوف ليه فملامحو هالهاااادئين وطريقة الحنينة لي كايشوف فيها بيها ….. وهو بقا كايشوف فعينيها ولحمها سخنات وشدها توتر رهيب كتر من لول وهو تنهد … حيت ظن راسو غايخفف عليه الساعة بانت ليه باقا متوترة
رضى : مروى … بشوية عليك …. ( مروة علات فيه عينيها ) مامستعاداش ؟
مروى : ( نزلات راسها لارض وحركاتو بآه ) وم .. مزال ا رضى … م … ( بافكار مبعثرة ) مارعفتش ..
رضى : شنو غالب عليك ؟ الحشمة ولا الخوف … ( علا ليها راسها )هضري امروى باش نعرف كيف ندير نتعامل معاك … الى ماتواصلناش ماغانعرفو مانديرو
مروى : م … ماعرفتش والله … غ غي كنحس براسي …. م مزال خالعني الموضوع ….
رضى : الخوف يعني !
مروى : ي يمكن ..
رضى : كتخافي تقسحي ؟
مروى : ي يمكن … ( تنهدات شافت لفوق ورجعات شافت فيه ) ررضى …. م ماشي بحاال هاكاااا .. م مغانكلسوووش دابا تستنطقني ارضى …. باش ……باش نن .. ( ماعرفاتش كيفاش توصل فكرتها هو مصغر فيها عينيه ) ب باش نوصل ااني …. نر …… نرتاح نمشي الفراش خ… خاصني الجو …
رضى : بحالاش هاذ الجو مافهمتش؟ مروى حاولي تفهميني ؟ الجو كايخلقوه جوج دناس ….مايمكنش نخلقو بوحدي ! ونتي ماقادش نقرا منك والو …. لا باغا ولا ماباغاش … راك نتي صغيرة قدامي امروى راه ماباغي ندير ليك حتى حاجة بزز … لي تخلي ليك شي انطباع خايب منبعد …..ونخليك تكرهي لفراش … انا باغيك تبغيه ماشي تكرهيه مانا فيا دابا مندير كولشي بزز غاتصعابي عليا مثلا !!!!!
مروى : ف ف فهمت فهمت … ( سرطات ريقها كلها مخربقة ومعارفاش كيفاش تعبر على لي عنظها لداخل بطريقة ماتخدش انوثتها تااايديها بداو يترعدو ) مهم ….ل ليوما …. ل ليوما …
رضى : ( شد ليها دراعها) شششش .. بشوية … بشوية عليك غايسكت ليك القلب ههه بشوية عليك …. ( عنقها عندو كايحاول يهدنها كايدوز يدوز على شعرها )
حركات راسها بآه فصدرو عاد تنفسات .. ماعرفاتش كيفاش تقدر تقوليه لي عندها وحشمات منو وجاها هاذشي لي بغات ماخاصوش يتطلب …. هي مكتسناش منو يبقى يستفسر يفهم حالتها يحال شي بسكياطخ .. هي كانت كتنسنى حوار روماااانسييي …… وغمضات عينيها …
رضى : ماغانديرو والو بزز …. الى مابغيتيش ليوم قوليها ليا …
مروى : ( سرطات ريقها معارفاش واش تقوليه باغا نعس معاك ، غير نتا ماعارفش تستدرجني للفراش .. ولا تقوليه ماباغاش فلخر تنفسات وهضرات فصدرو ) مزال …. مزال … ارضى
رضى : ( تنهد ) على خاطرك … راه قلت ليك ماغنبززش عليك … بشوية عليك ….. بلاما تخلعي …. غا هو …. ماطوليش بزاف حيت مكاينة تاحاجة كاتخلع بالعكس … انا خليت ليك لبارح … وغانزيد نخلي ليك ليوم …. ولكن غدا امروى … حاولي تحيدي منك هاد الخوف حيت ميمكنش .. ( جابها قدامو كايشوف فيها وهبط عينيه لشفايفها و رجع شاف فيها ) انا ماصبارش لداك الدرجة كاملة …. ونتي قدامي … بحال هاكا ….
مروى نزلات راسها للارض بدون جواب وهو تحنى على شفايفها طايشوف فيهم وفعنقها لي كايبان ليه بحال شي طبق شهي … و ريحتها لي عاطية منها الفانيليا وعلى فورمتها لي كلها مثيرة ..
يلاه غاينزل يبوسها ولكن حس براسو غير غادي يشعل و يبات معذب حيت غير كايذوق شفايفها كتنوض فيه العافية ….
و هو يجرها من يديها وتبعاتو منزلة شفايفها ملي ماخسرش عليها تااا بوسة وكااتحسو رغم انه حنييين ماعارفش يتعامل مع شخصيتها ويعطيها اش بغات كأنثى .. هي بغات تنعس معاه وتجرب هاذاك الإحساس لي عارفاه زوين بحال التقبيل …. ولكن مايغاتش بهاذ الطريقة الباااااردة لي تبان هي لي طااالبة عليها ، بقات تتغنج وتتكبر تاياخدها هو بطريقة تليق بيها ….وجرها من يديها تا دخلو لبيت النعاس ….
وجابها قدامو معنقها ملور وهي رخات نفسها ولات تعجبها عندو هاد التعنيقة …..
رضى : مروى … كيف جاك بيت نعاس ؟
مروى : …. زوين .. عجبني …. راه قلت ليك كولشي عجججبني ….
رضى : غدا غايعجبك كتر هههه
مروى : ( عضات عل شفتها) رررضى …
اضى : امممم ( كايشم فعنقها وهي غمضات عينيها بورشها )
مروى : انا ماشي مخلوعة من الفراش …. ان غير مازال مامستاعداش … اما انا ماصغيراش لداك الدرجة لي مانكونش عارفة شنو هو الفراش
رضى : ههههه .. .( طلع راسو من عنقها باقي معنقها عندو ) تاااني تقرصتي هههه … دابا شنو ما قلت غاتقرصي فيه … ماكنتش كانقصد هادشي لي فهمتي …….
مروى : غير قلت ليك وصافي ….
رضى : وااغااا حاولي تستعدي …. راه والله ماعندي داك الصبر كامل …..
خلاها ومشا لسرير
رضى : اجي تنعسيي اجييي …. دافعة عليا كبير لوالديك …..
مروى : ( ضارت موراها ) باقي ضوو مشعول برا … نطفيه بعدا ونجي
حرك ليها رضى راسو ودخل للفراش كاتنهد .. هاذشي لي كان مخلوع منو من زواج ببنت صغيرة طاح فيه …. ودابا ماعليه غا بالصبر ….
هي مشات طفات الضو وسدات لباب دالبالكون ودازت للدوش بروصات سنانها وغسلات وجهها على عادتها وعاد دخلات لبيت النعاس كاتحاول تولف تنعس حداه .. فلوطيل ماحساتش فوقاش نعس حداها ولكن دابا خاصها تولف …. كان مخشي فالفراش شاد التيليفون فديه ومشعول غير الضو دالاباجورة ومشات باتجاه باب دالبابكون دبيت نعاس حلاتها باش يدخل شوية دالريح بسبب الصهد وهي تسمعو
رضى : لا امروى غير سديه
مروى : الصههد !!!!!
رضى : عرفت …ولكن لاشميت الكوغونديغ غانصبح مخنوق …
مروى : اء بصاااح ! ( سدات الباب ) ماكانش يحاسبني. .. وكاتنعس فالصهد هاكا ؟ تالاكليم لا!
رضى : لا ….ديجا ولفت …
مروى : ولكن انا لا هههه .. صافي غانعس انا فالصالون
رضى : ( بتخنزيرة جدية علا فيها عينووو كأنه كان معصب وغير مخبي ويلاه باااانت ) ممروى !!!!! واااا ماتعييقييش بزاااف !!!!!!
مروى : الصهد ارضى …. والله …
رضى تنهد ودوز يديو على وجو كايكبح عصبيتو ماباغيش يتعصب عليها و كايحس براسو معاجبوش الحال فمعاملتها ليه وشاف فيها بقلة حيلة
رضى : حليه يلاه … حليه غير شوية …..
مروى بقات غير كاترمش حسات ببه تعصب وعضات على شفتها فاللخر طلعات فالسرير حداه …
مروى : صافي ماعليش …. ( علات عينيها فيه حيت بانليها تعصب ) تانا …. شوية بشوية … نولف …
رضى : ( تنهد موكل امرو لله وحط السمارت فون بعد ماطفاه وجبدها لعندو ) اجي …. اجي عندي …
مروى دارت ليه الخاطر اصلا ملي بان ليها دغيا تعصب مابغاتش تعكس بزاف واخا الموت دالصهد ….. ودارها فحظنو خاشي دراعو تحت عنقها مقربها لعندو ولوخرا معنقها بيها جهة خصرها خاشيها كاملة فيه وهي راسها فصدرو ….
طلقات ابتسامة بلا متحس وهي وسط ريييحتو وجسمو الضخم خلاوها تسنى الصهد … وهي وسطو كيف شي نميلة صغيرة …. خرجات يديها غير بشووووية وشدات على دراعو …. غير شدات فدراعو حساتو باسها فوق راسها … وغمضات عينيها ….
فاش كايبوسها ولا يعنقها … كايعطيها رغبة كبيرة يزيد يكمل فحوايج اخرين مكتقدش طلبهم …. علاش فالبالكون ورا داك تعنيقة لي عطاها مايبوسهاش تاترطاب فيديه وهي تبغي الفراش !!!! .. كتقول فراسها واش ماكيعرفش يتعامل مع نع العيلات؟ لهاد درجة بلدي !!!!!! واش بغاني انا نجي عندو و نقوليه اجي نعسو؟
اما هو كان كايسول راسو كيفاش غايدير ياخدها للفراش وهي باقا كلها مخلوووعة ومتوترة و كترجف فيديه .. كايخاف ياخدها بشي طريقة يكره راسو بيها … بغا بحس بيها تاهي باغا للفراش ماشي مخلوعة منو … كايشوفها صغيرة وخايف ياخدها بشي طريقة كتشبه الا…غصتاب …
دوز علاقات چنسية بزاااااف فحياااااتو تا عافهم ، عاااافهم كلهم …. تعامل مع مختلف العيلااات فالچنس ..
ولكن مروى بوحدها اللي ماعرفش منين يبداها حيت خايف يدر شي حاجة تخلعها وهي باقا ماعارفة والو على هاد الجانب وباقي حتى التقبيل مكتعرفش ليه …. حيران غير مع راسو فنفس الوقت ماقادرش يصبر ..
كايتجنن غير يبوسها وماقادرش حيت خايف يتزير و وينعس بزز … ولا غايبات معذب ….
واخا هو اصلا معذب وهي وسط حظنو … فنفس الوقت غير كيسمع انفاسها الصغار وحضنها الصغير بين دراعو …. كايحس بحالا قطعة صغيرة فقلبو عزييييزة وغالية عليه ….كايخاف عليها ….. باقي فافكارو تاسمع صوتها ….
مروى : ( نطقات ملي حساتو فايق) رضى
رضى : اممم …
مروى : تعصبتي ؟
رضى : ( تنهد ) لا
مروى : لااا .. تعصبتي …
رضى : ماشي مشكل ….. غير ماتعيقيش بزاف تاني …. حيت راه الصبر عندو حدود …
مروى : ( بتهكم) ههه نتا بغيتيني اشنو غانديير ليك انا …صبر
رضى : نعسي … نعسييي يالموصيبة نعسي خليني نعس …
مروى بدات كضحك وهي تحسو باسها تاني فراسها وهي كتستحلاها ….. مكرهاتش يبوسها فشفايفها …..ومكرهاتش طلع هي تبوسو ولكن ماتقدرش وضماتها فقلبها وسكتات …
شوية بشوية …..سمعات انفاسو انتظمو قدات تفهم بلي راه نعس وهي تزيد تهبط شفايفها شحاااال كاينعس دغياااا !!!!!
وتااهي بدات كتحااوا تغمض عينيها ولكن حسات بالنعاس مابغاش يجي حيت ولفات تنعس وهي كتخربق فتيليفونها ….
فلتات منو بشوييية وحيدات ليه يديه وضارت للطابل دو نوي ديالها هزات التيليفون وضارت لجنبها شعلاتو تلها فأنستاغرام ، غير كاتسمعو كاتحرك كاطفيييه تااايرحع يرتب أنفاسو وتعاود تشعلو …. تاداها النعاس و وغفات …..
اليوم التالي ..
بدات كتحل مروى عينيها وتتجبد .. مصغرة عينيها من الشمس لي داخلة من الزاج دالبالكون وشافت فالسقف …. كاتحاول تولف الفيقة فهاذ الييت. . .عينيها منفوخين بالنعاس …باقا كتجبد فالفراش وشعرها مشعكك …، ضارت لجنبها ….. لقات بلاصتو خاويا … بقات كتسائل فوقاش فاق ؟؟ تاسمعات التخرشيش فالكوزينة … بدات كتفوه وتكات على الكادر دالسرير كاتجبد …. كانو حوايجو مليوحين فالارض والباب دالبلاكار محلول والحوايج فعلاقاتهم مليوحين على واحد الكرسي …. الدوش محلول وخارجة منو ريحة الشامبو والجيل ….
ماعرفاتش راسها علاش مفاقتش گاع … گاع هادا عيا كان فيها لي ماحساتتش بيه فوقاش ناض ودوش وبدل !!!! …. تقلبات للتيليفون هزاتو كانت الساعة تسعود ونص … وناضت كتحاول تحل عينيها مزيان …. حيدات عليها ليزار ولبسات كلاكيط ديالها ودخلات للدوش غسلات وجهها وسنانها باش تبقى ليها ريحة زوينة ففمها …. وخرجات لكوزينة بان ليها گالس على الكرسي فيدو فنجان دالقهوة وقدامو فطور وكايشوف للتيليفون … غير شافها حط الفجنان وتبسم …..
رضى : فقتي ؟؟؟ ( مد ليها يدو ) اجي عنديي …
مروى تبسمات ليه وعنيها باقيين مجبدين بالنعاس ومشات لعندو هو ضمها لصدرو وباسها من عنقها وهي كتجبد فصدرو …
كان بتيشرت بيضة وسروال دجين وشعرو باقي فيه ريحة الشامبو ولحيتو تاهي …
مروى :صباااح الخير ( شافت مع الطبلة كان محوط لفطور لي واضح خرج لاباتيسري جابو ) علاش مافيفتينيش نصايبو ليك
رضى : ماعليش. … خليك ترتاحي باقا تابعاك الروينة ….
مروى : ( بقات كاتشوف مع الدار باقي محطوطين دوك الكراطن كاملين مرونين ) وايه …. ولكن كون فيقتني ..
رضى : ( ضربها على نيفها) نفششوك شوية سيمانتك لولا هههه …
مروى : رضى … ( عنقاتو من عنقو هو كالس وهي واقفة يلاه جات معاه نيشان ) نخرجو ؟ نتغداو برا !
رضى : مكرهتش ابنتي …. ولكن ليوم الاثنين …. عندي الخدمة … ونتي اصلا راكي مرونة هنايا ….
مروى : ( علات حاجبها ) غاتمشي تخدم ؟؟؟؟؟
رضى : واضاروري ….. شكون غايخدم علينا ههه …
مروى : ( تنهدات ) وبليل ؟ مانخرجوش ؟
رضى : هاد اللية ؟ نوووو .. ( دوز ديو على حنكها ) هاد الليلة ندوزوها انا وياك هنا …. ماكاين خروج هاد الليلة … كاين بييييت النعاااس ….
مروى : ( هبطات شفايفها .. ورجعات شافت فيه) قنطاااانة …
رضى : ليوما الاثنين جايين عندي صحاب السلعة غايخصني نوقف على داكشي ونخلصهم ….. وغدا مغايكونش عندي .. نخرجك …. داكوغ ؟؟؟؟
مروى : ( هبطات شفايفها ) واااخا
رضى : واااا ماشي بهااااد التقليييقة كانقولو واخا…. دابا راه اصلا غايخصك نهار غير تجمعي فيه هاظشي …
مروى : انا سحابتني غاتبقى معاايا .. ونجمعوه انا وياك ونستفو هادشي … ماشي بوحدي
رضى : أنا راه متنعرفش هههه وماراكيش بوحدك شوية غاتجي عندك السيدة ….نتي ماديري واااالو وريها غير فين تحط ليك …
مروى : ( ضرباتو لصدرو ) هاذشي كايخصني انا وياااااك
رضى : وانا خدام … هادشي شغل العيلات انا منعرفش ليه … ( حط فنجالو ) اجي گلسي فطري مزيااااان … وملي تجي السيدة .. وريها فين تحط بغيتي تبدلي شي حاجة قوليها ليها ….. انا مع داك الجوج ونص كنجي غانجيب معايا لغدا ماديري والو … الى تشهيتي شي حاجة ولا خصاتك قوليها ليا ….
مروى : ( حركات ليه راسها بلا خاطر ) صافي على خاطرك …
رضى: يلاه …أري شي بوسة نبداو بيها الصباح زين ……
ضحكات وتعلات على صبعان رجليها وهو زاد تحنى تاتلقاو شفايفهم … يلاه غاتحاول تستحلاها كان قطعها ، حيت عارف راسو غاتعدب وصافي …. زادها وحدة فجبهتها خلاها منزلة شفايفها ومشا للفيست ديالو هزها وهز سوارتو وعطاها بوسة اخرى فالهوا وخرج …
وهي بقات كتتشوف ميقة بملامحها ماعاجبهاش هادشي بالمرة …. تامن البوسة ماشبعاهاش ليها ، ديما كايخليها محرومة كتتمنى ومتقدش تطلب ..
كانت كتحلم بالنهار اللول راجلها فدارو يكون ماخدامش واخد كونجي على قبلها ويستفو دارهم بجوج ويخرجو يدوزو باقي النهار براااا ….تنوض هي توجد ليه الفطور ويفطرو بجوج ..
تنهدات ملي شافت الواقع لا علاااااقة بأحلامها والمسلسلات وتخيلاتها …. فلخر مشات لدوش توضات وصلات وبدات تجمع فراشها وهي تسمع دقان حيت نعيمة عرفاتها كاينة مابغاتش تحل بسوارتها …. ومشات بشوية بإتجاه الباب
مروى : شكووووون ؟؟؟؟
نعيمة : انا ابنتي انا حلي …نعيمة
مروى حلات ليها الباب وابتسمات ونعيمة دخلات عندها وسدات لباب كاتسلم عليها
نعيمة : صباح التيسير .. ياكما رضى باقي هنا ؟؟ جيت بكري
مروى : لا يالاه لقيتيه خرج … زيدي جابك الله تفطري معايا. ….
نعيمة : لا ابنتي فطرت فالصباح … نقضي شغالي قبل مايجي …
مروى : لا والو اجي ونسيني فالفطور ….. وغانوضو بجوج للشغال. ..
مشات لكونطوار كان باقي كولشي محطوط ورجعات تسخن الحليب ونعيمة گلسات على الكرسي مبتسمة كاتشوف فيها وتشوف فطابتها وكيفاش جاتخا البيجامة منحوتة. .. وتتحسر على الصغر لي كايمشي دغيااا !!
نعيمة : او ابنتي ولفتي الدار شوية …
مروى : ( كتجبد الفناجل لقاتهم فالبلاكار ) شوية بشوية ..باقا كنولف ههه
نعمية : رضى راه الله يعمرها دار … دغيا تولفي معاه … هبلوووني الجيران قبيلة .. كل مرة تسولني وحدة …. واش رضى تزوج واش رضى تزوج قلبو ليا رااسي …
مروى : ( ضارت حطات ليها فنجنانها ومعلقة ) هه وشنو قلتي ليهم هههه
نعيمة : قتليهم اه … دابا هوما شافوه لبارح يمكن داخل هو وياك وكلاهم الفضوووول .. قتلوووني ….
مروى : هههه بنادم راه ماعندو مايدار ههههه
نعيمة : غاماضسريهمش عليك … مصاالحنيش ..
مروى : تاخالتي سعيدة قالتها لياا …
نعيمة : اااه خاياااررر ..الحاجة مسكينة غبراات …. شحال هادي مشافتها … شي سبع شهور ولا كتر ماجات .. جات فاش كان عيان شوية كان ضاربو لبرد …. من داك ساع …كيخليتيها لاباس. عليها !
مروى : لا باس الحمد الله …. كتسلك تاهي …
كلات هي وياها كايفطرو وكايهضرو ونعيمة كتعاود ليها على شنو كايعجب رضى وشنو مكيعحبوش ومواضيع متنوعة ….
خلاتها كاتجمع الكوزينة وهي دخلات لبيت النعاس تكمل الجميع مابغاتهاش هي لي تجمع ليها بيت نعاسها هي وراجلها ….
غير من كيفاش كايلوح الحوايج قدرات تفهم شحال فوضاوي، جمعاتهم فسلة دالتصبين وقادات العلاقات ديالو كدوز يديها على حوايجو وتشم فيهم وتبسسسم …. وشدات واحد تيشورت ديالو وبدات تتنهد …. كايعحبها .. لا كااايحمقها … كايعجبها فاش كايبوسها ويعنقها …. ولكن كاتحسو ماكايشبعهاااااش .. بحاالاا مكيعرفشش…. بحالا بااااارد …. لدرحة كتخيل واش هو لاوقف قدام بلاكارها كايشم حوايجها تاهو بحالها ؟ واش عنهم نفس اارغبة لبعضياتهم !!!! غير كتفكر شخصبتو كاتعرفو مستحيل يدير حركة بحال هادي …..
بغاتو ياخذها .. رغمها عليها ياخدها بالقوة مابغاتش هاديك الحنية كاملة بحالا هي طفلة صغيرة كايخاف عليها .. بغات طريقة يتعامل معاها انها انثى ماشي طفلة … واخا تقول لا .. مايسمعش ليها ويخشيها فالتقبيييييل حتى يرطبها … بغات تنعس معاه ولكن مابغاتش طريقة سااااهلة لي تبين ليه بلي هي بوحدخا لي باغا ….. بغات شي ليلة تكون مكتنساااااش واستثنائية ماشي بحال عرسها والنهار لول معاه !!! كانو بااااردين … كتحس براسها خاصها مازااااال تجرجرو حتى يتعلم ياخدها بقوووة و ويحسسها بأنوثتها ويحسسها انها صااافي كسبات ليه قلبو وعجبااااتو .. مزال مكتحس براسها كاتعجبو لداك درجة. !!!!! كتحس غير كادير معاها واجبو كزوج …. ماشي كعاشق !!!
وهي متعطشة تعيش هاد الأحاسيس ، الى معاشتهمش معاه ….. معامن غاتعيشهم مزال !!!!! تحرم منهم طول حياتها !!!!
سالات جميع بيت نعاس وبدات كتستف هي ونعيمة گاع داكشي ونعيمة مكتخليهاش تقيس بزاف فالثقل . .. بدات هي كطوي حوايجها فالبلاكار ونعيمة كتستف هادوك المانطات فبلاصتهم ولي فيهم المواعن كتديهم للكوزينة تغسلهم وتستفهم .. بدا الظهر كاودن عاد سالاو مسخسخييين ….
دخلات نعيمة تتوضى و هي بدات دوز الجفاف على الدار …. حمقها الرخام ملي بدا كايلمع كاتعجبها النقاااااوة وريحة سانيكروا … نقات كولشي و حلات الثلاجة وهي تتفكر قال غايجيب الغدا وقالت تصاوب غير صالاد فروي حيت بانو ليها گاع الفواكه كاينين …. يلاه غاتبدا تغسل فيهم وهي تخرج عندها نعيمة يلاه كطوي السجادة …
نعيمة : اوا انا ابنتي غانمشي .. يلاه تاني نغدي الولاد وفالعشية راه كنخدم فواحد المحلبة …
مروى : اء ؟؟ اويلي كلسي تغدااااي معانا …
نعيمة : لا لا ولاادي تااااني خاصني نغديهم ، لكبار كايدپانيو راهم اوا والصغار ضروري كايعولو عليا ….
مروى: شحال عندك دالولاد
نعيمة : عندي لكبير كاع راه لعام لخر ديالو فالجامعة و خوه صغر منو عندو لباك واحد فالسابعة والصغير كاع فالثالث ، ماعطانيش الله البنيات …
مروى: اوا بحال بحال يكونو غير درية صالحة….
مشات للثلاجة و وجبدات داك العشاء لي مكانتش كلاتو البارح وحبدات معاه العصير ودانون وكاع اش تما واجد يتكال …. ودارت ليها فبلاستيكات وحلات الفريگو عطاتها دجاجة بدغميرتها والحلوة واابسطيلة لتما عارفة فيها القرفة مغاياكلهاش …
نعيمة : والله ماكااااين لا اش ابنتيي … اويلي شنووو خليتي ليكوم
مروى: دوقي من ماكلة العرس هههه دي بعدا الغدا للولاد ملي مابغيتيش تغداي معانا ….
نعيمة : ( هزات عليها دك الصااك ) الله يعطييييك الخير .. الله يتاااوييييكم نتي ويااااه ويبعد عليكم ولاد الحرااااام …
سلمات عليها مشات نعيمة كادعي معاها وهي رجعات كتكمل تقطاع دالفواكه .. وقاداتهم فالكيسان وحطاتهم على داك طبلة ….
دخلات لبيت النعاس حاسة براسها خاصها دوش بقوة ما شقات … حلات البلاكار كدوز يديها على علاقات دالحوايج لي حطات جداد ولي مزال عمرها لبساتهم كولشي بتيكيتاتو … جبدات كسوة بسميطات قصيرة حد ركابي وردية .. وهزات معاها كلاكيط فالپينك تاهي … ودخلات للدوش جمعات شعرها باش مايتقاسش ليها بالما ودوشات لحمها ورطباتو وعطراتو … وخرحات للمراية لبسات هاديك الكسوة وهي عاضة على شفايفها عاجبها راسها …
دارت كلوووز لامع فشفايفها ورطبات وجهها مزياااان وبدات تتغزل براسها شحاال جات كيووووت … قادات شعرها على كتافها طلقاتو جامعاه غير بقراصيات مع جناب …. كاع اش كانت محرومة منو فدار باها بدات ديرو فدارها …..
وهي باغا تخرج منو الزييييييت وتخليه بزز عليه يعترف بلي دات ليه العقل !!! … بغاات تسمعها منو حيت كاتشوف فراسها بلي جات سيييكسي…
حلات المجر لي حدا كاسكيطاتو فين حطات لي زاكسيسوار ديالها لي كاتموت عليهم ودارت خواتم شي فسبابتها والبعض فإبهامها كانو كلهم كيوت… ودارت سنسلة خفيفة وحلقات …. ودارت تاني مسك طهارة فعنقها حيت عارفاه كايقرب ليه بزاااف …
وهي تسمع الباب كدق …. ومشات فرحااانة كاتقاد شعرها وكتفرك فحناكها يحمارو وحلات الباب ضاحكة وهي تجمع ضحكتها ملي لقاتها غير واحد المرا لي واقفة هازة بلاطو مغطي كطلعها وتعبطها وعينيها خرجو!!!!!! …
كانت مراة فالخمسينات ومهلية فراسها شادة شعرها لور ولابسة بيجامة لاسقة عليها وضفارها مسبوغين بالجيل وكاتشوف فيهم وصدمة ملامحها مقداتش تجمعهم فهاد كومة الكياتة لي منفحرة بالانوثة …..
مروى : اؤ سمحيلي .. شكون ! ماعرفتكش ؟؟
الجارة : ( حاسة قلبها كايتقطع على بنتها لي كانت ناويها ليه و حاولات تتبسم ) انا جارتكم احبيبة ( اشارت لباب دارها )وراها داري ….سمعنا سي رضى تزوج وقلنا نباركو لمراتو … هاكي شي حليوات صايباتهم بنتي … راه كايعرفها راجلك .. قولي ليه غير ساااامية ….
مروى : ( شافت لداك لبلاطو وشافت فيها )اه شكرا … واخا متايكلش هو الحلوة ههههه
الجارة : لا لا راه كاتعجبو ديالنا ( مدات ليها ) وشدي ماترديهاش فوجهي ونني باقا عروسة جديدة باقا حنتك فيديك نديرو حنا معاك الواجب هههه
مروى : ( شدات عليها البلاطو ) شكرا. ..
الجارة : ملي تحتاجي شي حاجة هااا لباب ديالي ندعيك الله ومادقيش عليااا ….. ( كطلعها وتهبطها ) تبارك الله باقاا صغييييرة هههه … الله يكمل عليكم بالخير …. تهلاي لينا فسي ررررضى … راه عزييييز علينا الله يعمرها دااار …. قوليليه خالتك مريم كتسلم عليك مامات سامية …. راحنا كليان ديالو …
مروى : اه .. مبلغ شكراا ….
الجارة : ( كاتشوف لداخل دار وكاتشوف فيها ) مزال ماجااش ؟؟
مروى يلاه غاتجاوب وهو يتحل الباب لي مقابل معاها دالاسانسور …. وعلات حجبانها ملي شافتو جاي وهاز فيديه ساشيات بويض …. غير شافها واقفة برا بداك الكسوة مع الجارة علا حاجبو بتخنزيييرة وزاد بزربة بإتجاههم ومروى توترات ملي شافتو جاي وجهو مگلوب
الجاار : اااه سي ررررضى .. يلاااااه سولت عليك هههه ….. مبرووووك عليكم ولله يدو( قاطعها )
رضى : امييين
دفع مروى لداخل وسد لباب خلاها هي موسعة عينيها على برا ومروى حطات داك البلاطو لي عطاتها وهو لتخ دوك البلاستيكات على الصال مونجي تاتخطفات وشاف فيها بعينين كاااايخلعو ….
رضى : ( بززعفة هدات ليها الركابي بالخلعة) شكون قاليك حلي البااااب؟؟؟؟؟ نولي نسووورت الباب عاد نمشي ولا كييييييفاش ؟؟؟؟؟ علاااااش حاااالة لباااب بهاد الحااالة ؟؟؟؟؟
.مروى : ( ضارت عندو ) اويلي راه سمعت الدقااان ؟؟ سحاااابلي نتاااا
رضى : ( لاح السوارا بالجهد على الطبلة دزاج تاقربات تشقق وقال مزير على سنااانوو ) رااه عندي السواااارت …. عندي سوااارتيي …. انا مغاندقش عليك ……. فيييين عمري دقييت
مروى : ( بالعصبية تاهي) وراه مايمكش نسمع الدقان فالباب ونبقا گاالسة ارضى ….تاااخالتي نعيمة لاجاات نخليييها فالباااااب اذن؟؟؟؟؟ .
رضى : ( بالغوااات وعصبية ) سووولي شكووووون … ماتعرفيش تسولي شكون.. كان شي حد كاتعرفيه حلي .. كانو هاذ القحاابااات ( غمضات عينيها ملي خسر لهضرة ) قولي لييييهم ماعنديييش ااسواااارت …. ياك انا هادشي فضيتو معاااك فتييليفوون ….. قلت ليك ماخاااصني جيران .. واقفة لياا فالبااااااب عرياااانة نلس طالعة ناازززلة مرييضة شوية فكرك لااااااا ..!!!!!!!
مروى : ( بالغوات ) ودبااا لاااش كتغووت علياا انااااا ….. راه نتا لي قلتي ليا غاترجع مع جوج ونص ….ملي سمعت دقان فهاد وقت حساااابتي نتا اش عرررفني شكوووون يااااااه .. اشنووو عرفنيي انا هاد الجارة غاتشدني بالهضرة فلبااااب راه حششمت نقنعها زااايدون لكولوار كان خاوي كون شفت شي حد كون دخلت
رضى : تااااايشووووفك ….( بالغوات كتر) وماااااتحليييش وماااتااتهضري مع حددددد مااضسسري عليا حد …( ضرب برجلو داك البلاطو دالحلوة شتتو فالارض تاغمضات عينيعا مزيرة على يديها ) ورااااه عندي غا لحقااااب هناياا وصييييييتك ماتحلي الباب لحد واش نقولها بشي لغة اخخخخخرى …..( كايطلعها ويهبطها ) هااكا كيحلوو الناس لبااااب عرريااااانييين !!!!!! واش ماااعندكش لعععقل ….واخا مراة …واخا عمارة عااامرة غا بالعيلاااات ماتحليش لباب هاااكا …. انا مااباغي حد يكون عاااارف لللحم مرررتي كيداااااير …….
مروى نزلات راسها كاتبكي وهو ضرب الطبلة لخرى فصال امونجي وزدح موراه الباب وخرج باش مايزيدش يغلط حيت تحكم فراسو بكل ججججهدو. ….وهي بقات كتبكي وطاحت علي ليفطوووي كاااتتشششهق …
مروى : وملي هادي رججججلة زعف عليها هي فلبااااب لي دقات ….زعف علييها هي ماتبقاش تجي عندي ….. ماااشي علياااا اناااياااااا لي مااادقيت على حد مامشيت عند حححد
بقات غير كاتبببكي وقلبها كايتقطع حيت مشات بعفوية حلات لباب عند بالها هو ….وهي من قبيلة وهي كتأنق وتقاد رااااسها ليه … فاخرر صبنها وخرج ….
بقاا تما على الفوطوي كاتشبع بكا تاحرقها حلقها …. وناضت بشوية لدوش تغسل وجهها داك الماسكارا هبطااات وعينيها تنفخووو … كتحس بالحگرة هادو اول ايام ديالها كيفاش عاملها علم الله الايام لي جاية … ماراعاش تالظروفها انها باقا جديدة ومامولفاش …..
خرجات من الدوش ومشاات لسريرها تكمشات فوق منو …. وزادت تاني كتبكي …..
ماكانتش كاضن غاتهرب من عصبية خوتها لما كفس !!! اش فيها لاهضر معاها بالعقل … وآش فيها گاع لاهضرات مع الجارة فالباب مالها دخلاتها لدار ؟ … وهي من قبيلة وهي تلبس على قبلو …
عطاتها تاني غير للبكا ومعدتها كاتغرغر بجوع وماعندهاش الخاطر … خصوصا ملي كتفكر الجارة اشنو قالت ليها وبلي موالف يجيبو ليه الماكلة وبلي موالف تيتعامل مع جيرانو ….هو يبقا وجهو زوين معاهم ويحل ليهم لباب ….. وهي لا …تخسر معاهم وتجاوبهم ورا البيبان …. حساتو اناااااني …..
بدا كايحرقها راسها بلبكا وناضت للمجر لي كانت حطات فيه دوليبران خرجات لكوزبنة باقي وجهها حمر ومنفوخ ….دارتها فكاس كاتساناها دوب ويديها كايرجفو بالخلعة ديال غواتو …. وقلبها تايضرب بجهد ملي كاتشوف داك الحلوة مشتتة فالارض وكاتفكر كيفاش ركلها. ..
شربات داك دوليبران حاولات تتهدن وناضت بشوية كتجمع داكشي وكاتلوح حيت لحلوة كلها تفرتتات…
وقفات وبقات تشوف لداك الصلاد فوروي ودارت ضحكة مستهزئة وخلات داكشي ودخلات لبيت النعاس ..
هبطات الريدو وتكمشات فبلاصتها طالعة نازلة فتيليفونها مرة ينزلو دموعها على هاد الزهر .. مرة تمسحهم وتحرك كتافها مستسلمة لزهرها ….. كانت كتمنى راجل متفتح تعيش معاه الحياة ماشي واحد مقعد يقتلها بالخلعة .. تابدا تيليفونها كايصوني لقاتها بلي ماماها .. مسحات دموعها بزز وخدات نفس عميق وجاوبات مابغاتش تبين بكاها ……
مروى : ماما …..
خديجة : مروى بنتي … شخبااااارك العزيزة لااابس …كيدايرة
مروى : لاباس الحمدالله اماما الحمد الله
خديجة : مابغيتش نصوني فصباح قلت يكون راجلك تما بلا منصدعكم … اوا ابنتي كي جاتك الدويرة …. الامور مزيانة ولفتي شوية فدارك ؟؟؟
مروى : ( كاتمسح دموعها وقلبها كايتقطع ) اوا بزز عليا اماما نولفها … شنو زعما نرجع ههههه … لي درت دابا راه درتو … نصبر وصافي
خديجة : امالكي ابنتي؟؟؟؟ ياك لابااااس؟
مروى : لا والله اماما لابيييخير الحمد الله … غير قلت ليك زعما بزز عليا خصني نولف ….
خديجة : اوا لابد ابنتي… هدا الدوام … كيداير سي محمد لاباس عليه …. درتي ليه شي غدا ولا والو هههه
مروى : لاباس عليه … يلاه لقيتيه خرج …ماطيبتش جابو هو معاه ….. تغدينا و …وخرج …..اا صباح جات عندي داك مراة لي كاتجي عندو لدار خملنا انا وياها وستفنا كولشي داكشي ودابا راني متكية شوية
خديجة : اوا مزياااااان .. شوية بشوية ابنتي وغااااتولفي وتولي دارك هي جنتك … والله ماترتاحي فشي بلاصة لامكانت دارك .. ماصعيبة غالبدية
مرزى : ( قلبات راسها لجنب حبسات داك لبكية بزز ماتنهارش على ماماها وتشكي بلي ضارها ورجعات تيل لودنيها ) ان شاء الله اماما …..ان شاء الله
خديجة : باباك ها هو حدايا كايسلم علييك ( تسمع صوتو )
بوشتى : واااامروى
مروى : باباااااا ( مسحات دمعتها بالخف حاسة براسها مكرهتتش تبكي عليهم و تتقوليهم رجعوني ) والله تاتوحشتكم
بوشتى : اوا ماااعليش ابنتي ماعليش سنة الحياة …. تا محمد راه ولد النااااس تهلاااي فيه … دابا راه هو عائلتك
مروى : ( مسحات دموعها ) ضروري. ..
بوشتى : اوا درتي ليه شي غداااا
خديحة : ماسمعتيش قالك جابو ليها طاااايب ، هدا غااايقتلها غااا بالفشوووش
بوشتى : اوا لا تاني ماكلة دزنقة بزاف لا. ….نقصي ايسرى اينتي داك تلفازة نسمع عمتك اش كاتقول نننقصي … قلت ليك ابنتي طيبي شوية لدارك ماكلة نقية … الراجل دابا مزوج باش ياكل ماكلة الدار ونتي تبارك الله ماكلتك زوينة ….. طيبي علاش قديتي وتهلاااي فراسك مزياان وكولي مزيان
مروى : ماتخافش ابابا … كون هاني ….
بوشتى : اوا يالاه … الله يهنييييييك ابنتي …. الله يهنيييك .. سلمي عليه ملي يجي
مروى : موووبلغ
خديجة : سملي عليه بزاف ابنتي … والله يتاويكم ….ها غزلان كتسلم عليك .. حنا يالاه غسلنا مواعن الغدا وگلسنا نوركو شوية
مروى : سلمي عليها تاااانتي وسلمي على خالد …..
خديحجة : اوا ياالاه تالغدا ابنيتي راه خوتك ماباغيينش يعيطو بغاو يخليوكم شوية فراحتكم هههه اوا تالغدا ان شاء الله ونهضرو …. ملي يخرج سيفطي ليا اوديو فواتساب ونصوني ليك .. يالاه الله يرضي عليك
مروى : واخا اماما….. بسلااامة …
قطعات مروى تيليفون ودموع بداو كايسلو تاني على خدها وطاحت على سريرها كاتتتبكي …..
مرة تغفى مرة تفيق … مرة تلهى فتيليفون تاسمعت العصر بدا كايودن .. تالعضام لي ينوضو ياش يتوضاو و يصليو حساتهم مدكدكين …
طالعة نازلة فانتساغرام كتقول دابا نوض دابا نوض … وهي تسمع السوارت فالباب كايحلو وقلبها بداااا كيضرب ببججججهد وهي تلوح التيليفون بزربة و دخلات ففراشها ودارت راسها ناعسة مابغااااتش تشوفو كاع ….
رضى حل لباب ودخل شاف مع الارجاء بان ليه الهدوووء وداك الساشي دالغدا كيف حطو على صال مونجي باقي … تنهد ودخل …هو يلمح على طابلة د الكوزينة لي صلاد فخوي واجدين وحاطة الطباسل …
عوج شفتو لجنب ولاح الفيست ديالو ودخل كايقلب عليها بعينيه تابانت ليه فوق السرير ناعسة مغطية بيزار بيض … عوج معاها راسو بانو ليه جفون عينيها منفوخين ….. تنهد بعمق ودخل دريكت للدوش وهي حلات عينيها وقلبها باقي كااايضرب …
كتحس بإحساس فشكل … نهار اللول وخاصم عليها بحال هاكا واش لهاد درجة هي مكتعني ليه والو …. لهاد الدرجة دغيا فرط فيها ومقالش مع راسو يلاه نهارها لول ومتحمسة وماعارفاش وخلات واليديها وجات عندي نتعامل معاها بلطف …
كتحسو بعد المرات اناني كبير معاها …. سمعات لباب دالدوش تحلات ورجعات تاني غمضات عينيها .. تاسمعتو كايصلي …. بقات زامتة فيها النفس كتسناه دغيا يصلي ويخرج … فنفس الوقت كتمناه يسالي الصلاة ويجي لعندها يحزرها بشوية ويطلب السماحة ….
سمعاتو سالا الصلاة وكاتحس بخطواتو كايقربو لعندها … بقات مزيرة راسها ومتقمصة النعاس تاسمعاتو هز الريموت وشعل ليها لاكليم فوق راسها وخرج من تما عاد حلات عينيها وقلبها كياضرب بجهد .. اوول مرة فحياتها غادي تشوف المخاصمة معاه كيدايرة وهوما فبلاصة وحدة ! ولكن علاش مافيقهاش!!! .. ماباسهاش !!!! لهاد درجة ماكتعنيش ليه ؟؟
بقات ساكتة كتسمع التخرشيش من صوت البلاستيكات وصوت الكيسان عرفاتو كايتغدى …. شوية سمعات لباب تحل وخرج …
وهي تنوض على السرير وبقات غير گالسة كترمش عينيها مفاهمة والو !!! علاش ماحزرهاش !!!! علاش مافيقهاش ؟؟؟؟؟ جا غير تغدا ومشا …. حستبتها جا على قبلها مايخليهاش مقلقة ……
نفضات داك الفراش بزززرعفة وناضت خرجات للصالون وهي تشوف بلاصتو فطبلة مرونة حيت تغدا ومشا … بقات غير مزيرة على شفايفها بالاعصاب على بروديتو وشهيتو المحلولة ..
كتحس براسها بحلا مشموووتة وميييتة بالاعصاب ..بحالا شرات شي ارتيكل من لانترنيت وملي جابتو للدار مالقاتوش كيف هاداك لي شافت .. نفس الاحباط تماما ….
نعلات الشيطان ومشات لدوش توضات و صلات تاهي وبقات دعي الله يدير ليها تاويل دالخير …. ودعوة ماعرفاتش علاش قالتها ولكن خرجات من قلبها بلا متحس وقالت اللهم حببني في قلب زوجي … ولكن لي قدرات تفهم انها كتحس براسها مكيبغيهاش ! … هي بغات لي يبغيها لي يغرقها اهتمام وود وحب وغزل … على ماشي الرسول قال ووصانا ” اذ احببت احدا فاخبره ليعلم ، وكررها ليطمئن ” كاتقول مع راسها:
على هادي ماشي وصية الرسوول باش يدير بها ؟؟؟؟ انا باش غانعرف واش باغيني ولا لا الى ماقال والو !!!!! …. مابغيييت والو مابغيتش فلوس مابغيت تاحاجة انا ابغيت نعيش مستقرة فعلاقة مستقرة مطمئنة فيها انا و شريك لي كايبغييييني ….
ناضت من على السجادة ومشات تاهي للطبلة بعد مالقات راسها كاتموت بالجوع قالت فراسها هو كاع مامسوق ونا نقتل راسي بجوع …. وكلات من شنو لقاتو جايب ساعة شهية مزيييرة بالهم والتفكير غير كتنقب ..
وشافت لدوك كيسان دصالات فروي هي تلقاه كلا كاسو …. وميقات بشفايفها وجرات عندها كاسها كلاتو تاهي …. وجمعات الروينة
وهي تسمع دقان فالباب …. قلبها بدا كيمشي ويجي تاني .. وماقرباتش للباب گاع وخلاتهم يدقو … ياك هو عند سوارتو … ضبر راسهم ….
حساتهم جيران باسلين غايبقاو كل مرة هاكا كايدقو وحسات براسها متافقة معاه ولكن لي مامتافقاش معاه فيه هو الطريقة باش هضر معاها وغوت عليها …..
جمعات كولشي ونقات دنيا …. ومشات شعلات التلفازة وگلسات قدامها ومرة مرة تشوف للتيليفون .. كتحس بالملل كايقتل فيها …. وهي تنوض للبالكون حلاتو وبقات كاتفرج للتحت ….
اشنو تبدل .. نفس الملل !!! نفس الكوزينة … نفس الحيوط ….
واش هي مامكتابش ليها تعيش الحماق لي كتمنى ؟؟؟… على ماشي من المفروض دابا تكون مسافرة هي وياه لشي بلاصة مدوزين وقيتة كايستمتعو بأول ايام زواجهم !!!!
بقات كتمشي وتجي الفدار وتتلهى فأي حاجة وتحاول تنسي الوقت ….ماشي للكوزينة تتلهى فشي كيكة .. حلات البلاكار مابانتش ليها التقضية ديالها ومالقاتش باش تصااايبها تا الطحين هو اللخر مكاينش …. وعوجات شفايفها الملل غااايقتلها حرفيا…..
ضارت حتى عيات …..فلخر هزات غير السقاطة و دارت كاس دالقهوة ومشات لبالكون وحطات كولشي قدامها وجلسات كاتفرج فالغرووب ، الحاجة الوحيدة لي عجبااها فهاد الدار هي الإطلالة دهاد البالكون …..
ودن المغرب ومشات صلاتو ، وهزات گلاص تاني ورجعات لبلاصتها مربعة رجليها على لكرسي مرة تشوف فتيليفون مرة تفرج فالناس لتحت ولابواط دلاگلاص على رجليها كتاكل منها ..
تاشوية وسعات عينيها ملي سمعات السوارت فلباااب !!!! هي كيييفاش نساااات بلي غايجي وبلي الليل هدا !!!!!!!! ….قلبها تاني بدا يضرب بجهد وماعندها فين تتخبى دابا منغير خشات وجهها فداك طاسة وكاتشوف للتحت مابغاتش تشوف جيهة لباب ….
حط سوارتو وبدا كايقلب بعينه بانت ليه الدار مضلمة مشعول غا الضو دالكولوار …. لاح الفيست ديالو كيالوي فعنقو من العيا دالخدمة … طل براسو و هو يوشفها فالبالكون … ومشا باتجاهها وهي غير حسات بخطواتو قربو مابغاتش تشوف لعندو حاساه واقف فباب البالكون كايشوف فيها ولكن مابغاتش تعلي راسها تابان ليها دخل للبالكون …. كايقرب عندها ….
رضى : نوضي لداك الكرسي لهيه نگلس …
قلبات عينيها مايغاتش تشوف فيه وهزات داك الطاسة وناضت وهو كلس فبلاصتها يلاه غادا تخرج جبدها من يديها تاگلسها على رجليه وبدات كترمش بعينيها ماحاملاش راسها وهو محاوطها من كرشها …..
مروى : بببعد مني خليييني نووووض… طططلق
رضى : ( عنقها عندو وضهرها فصدرو وكاشم فريحة شعرها ) شششش …. گلسي ….
مروى : راه قلت ليييك طلق مني …. ططططلق غاانغوووت
رضى : غوتي …. ( زاد زير عليها ) گلسي راه ماغانطلقش غا گلسي ….
مروى بقات غير ساكتة قلبها كيضرب بجهد .. ماحاملاهش وفنفس الوقت عاجبها ملي جا هو وماتجاهلهاش بحال قبيلة ..
رضى : ( كايشوف جهة لاكلاص ) ذوقيني كتاكلي بوحدك …..
مروى : ( جات نايضة وشدها ) طططلق ، غااانجيب ليك غا معلقة
رضى : علاش هاديك لي فيديك مالها ؟
مروى: كليت بيها أنا ….
رضى جاتو ااضحكة وحيدها ليها من يديها ودوزها لجنب كلسها غا على رجل وحدة كيف شي بنية صغيرة حاكمها بيد ويد عمرات من داك طاسة وكلاها بعد مامص مزيااااان داك المعلقة وهي كاتشوف معاه حيت متقدش تاكل ورا شي واحد … وعاد عطاها ليها بقات غير كاتشوف فيها ماتقدش تعاود تاكل بيها وحطات داك طاسة فوق طبلة كتجبد فيديه وهو محاصرها تازيرها تاني بحال لول ملسق ظهرها مع صدرو …… حسات بيديه كياطلعو جيهة صدرها وهي تهبطهم ليه ….
مروى : طططلق مني .. قبيلة تقلب عليا الدنيا ودابا جاي عندي !!!!! طلق مني دابااااا
رضى : ( بهدوء ) على امروى …. انا شحال من مرة وصيتك فالتيليفون قبل ماتجي لهنا .. ماباغيش الجيران يعرفو ليا انا مرتي ولا يهضرو معاها ماباغي تاااوحدة فهاد الڨحاب يوصلو ليك … خليك بعزك …شحال من مرة قلتها
مروى : اوا اش سكنك معاهم ملي مكتحملهمش ، هادو راه جيران وانا ماتربتيش بحال هاكا حنا مولفين جيران كنحلو ليهم لباب ونديرو معاهم الصواب راه الرسول ووصى عليهم ، واش انا غنبقى بوحدي ماندير تاشي جارة !!!!!
رضى : مغاتبقايش بوحدك نتي معاك رضى والسبت والحد غادوزيهم مع عائلتك ، الجيران لي مولفاهم نتي ناس درواش داخلين سوق راسهم قلبهم زوين ، ماكاينينش هنا امروى …. هادو ضاسرين .. وانا عارفهم ضاسرين ولكن بيناتنا سلام سلام حيت نص دهاد العمارة كليااان ديالي منقدش نخسرهم مانا فيا مانوضها مع الخرا كامل … نتي بقاي بعيدة …. مابغيت تاوحدة فيهم توصل ليك …. يشوفووك من بعيد .. مايقربوش ليك ….. نتي ماشي ديال هاد نوع دالعيلات …..
مروى : وانا بنت ليك كنت دايرة معاهم حصيرة وبراد اتاي كنتهاود !!!! راه دقات عليا
رضى : عصبوني الحوايج لي خرجتي بيهم كتر ما انك كاتهضري معاها ….
مروى : وراااه قلت ليك حسابتني نتا
رضى : وصافي دابا مغانعاودوش نفس الكاسيطة دقبيلة . ..ونبقاو نضورو فحلقة خاوية ….. ملي دق عليك شي وحدة قولي شكون … وانا ملي غانمشيو لإفران غانوصي نعيمة تبقى هنا غايجيو الخدامة يركبو الكاميرا …..شوفي شكون عاد حلي … ونطرقو هاد المسمار ….
مروى : فخبارك شحال مت بالقنط ليووووم!!!!!!
رضى : عادي نهارك لول ( رد ليها شعرها لقدام وحط راسو على كتافها ) شوية بشوية غتولفي… ومزال ديري معاك وليديات يونسوك .. غانقيدك فالكارطيام ليبر … تعمري وقتك بالقراية …. و غايولي عندك مايديري …. هادوك مصالحينش تعاشريهم ….
مروى : ملي اسيدي هادو خايبين لهاد درجة .. علاش نتا كاتعامل معاهن وگالسة عليا قبيلة ( كترقق صوتها ) سااامية ساااامية وهو كتعجبو حلوووتنا … كاتعرف تتا هاد سامية شكون هاادي ؟؟؟
رضى : واحد البرهوشة كاطير كتر من الدحاج … كانعرفها حيت كاتجي مع باباها ملي كايتقداو عندي …. هوما كايشوفوك ضحكتي ليهم مرة وحدة كايردوك معرفة ديالهم ….. فين كانعرفها انايا !!!!
مروى : وعلاش كتشد من عندها الطباسل ؟؟؟؟
رضى : راه كاتجي حشومة ترديها فالوجه …. كايبقاو هنا حتى كايتلاحو … شغانيدر ليهم … مهم انا مراتي مايعرفها ليا حد وسالينا ……
مروى : اوا نبدلو السكنة كاع لاكان بحال هاكا
رضى : راه غا هاد العام … شريت واحد البلان هادي واحد تسع شهور راه كايتسنا فيا نبنيه .. بينما وجد غانرحلوو وهادي غانخليها لوجدان …. غير صبري شوية هاذ العام .. راه مافيها والو لاسديتي عليك الباب ديالك تانجي من الخدمة … ماتعكسيش تاني بزاف .. ونتي هادشي راه عارفاه قبل ماتزوجي لهنا راه قلتو ليك … ماشي تااااجيتي عاد صدمتك بيه ، راه قبل تامنسنيو على العقد انا راه حطيت ليك كوووولشي وبغيتي بخاطرك
مروى : ليوما كنت غانموت بالقنط وزدتي كملتي عليا نتا …( جاتها البكية ) هاكا غانبدا معاك نهار اللول دزواجنا ؟؟؟؟
رضى : ( باسها فعنقها ) أولا هادا النهار الثاني ههه .. .( باسها فجهة لخرى وهي غمضات عينيها ) تانيا مابغيتش نخليك عشية كاملة مقلقة جيت قبيلة ولكن لقيتك ناعسة تغديت ومشيت مابغيتش نفيقك …
مروى : كون بغيتي دبصح تحزر ….كون فيقييييتني
رضى : ههههه انا مجرب من راسي مكنحملش لي يفيقني من النعاس .. قلت مسكينة غاتكون عيات وبكات و ضربات تمارة فالصباح نخليها ترتاح وترد دماغها .. ماجاتش نفيقها .
مروى : ( حيدات ليه يديه لي مشابكين فكرشها ) حيييد .. حييد خيليني نووض بعد مني …
رضى : ( مزيير عليها ) شششش … رصاي .. كلسي بعقك ..
مروى : فخباارك نتا اناااااني
رضى : اووو … گاع !!!!
مروى : اااه .. ونرجججسي من الفووق …
رضى : وااايلي!!!
مروى : رررضى مادينييش على قد عقلي
رضى بدا تايضحك وهزها عندو تاغوتات وزاد بيها تال الصالون ولاحها على الفوتوي …وجا فوق منها معلي ليها يديها للفوق كايشوف فيها ……
رضى : زيدي شنو اخر …
مروى بقات غير كاترمش بعينيها وكتسرط فريقها وكتسهى وهي كتستشعر هاد الاحساس الغريب لي فلداخل ديالها!!! كلمرة كتحس معاه باحساس جديد على لي قبل منو !!!! واقوى !!!!! ….
قلبها بدا كااايزدح وهو فوق منها مباشرة كايشوف فيها وعينيه نزلو لصدرها وهي حسات بإحراااج كبييير بتوووتر ، بحشمة ، لدرحة غير من سخانة لي طلعات معاها قدرات تتخيل لون حناكها كيغايكون دابا … بدات كتحس بيدو لوخرا طالعة مع فخدها المثني لي كانت طاحت عليه الكسوة … تما بالضبط لحمها كلها تشوووكات …. وقلبها بدا يضرب بجهد كتر …. مشاعر مخطلة بين الرغبة والخوف والحشمة والتوتر و لذة الاحساس الاول ! لي داير بحالا كتذوق شي حاجة حلوة لاول مرة ! لسانك كايحس بالحلاوة بزاااف و دماغك كايحاول يحلل داك الحلاوة واش مزيانة ولا لا !!! …
تا من السخانة حساتها طلعات معاها كاملة خصوصا ملي حسات بلسانو فعنقها كايمص فيه ، لي كان بنسبة ليه بحال شي گلاص جا فواحد وقت لي حلقو ناااااشف وعطشااااان ، حلو ومنعش …
كرشها بدات كضرها وكتحس برحمها كايتقلص وشي سائل خفيف حساتو نزل معاها تاعلات حجبانها !!!!! بقات غير كاترمش مافهماش اش هادشي !!!! … اش هاد الاحساس الجديد عليها …..
يالاه كاتستوعب لقات شفايفو وسط شفايفها ولي حتى التقبيل كان جديد عليها هاذ المرة لانه كان كايداعب لسانها بلسانو !!!…. امور مكتفهمش فيهم بالمرة وكتبقى مصدووومة ….
حسات بيديه لوخرا تحطات فوق صدرها بلا ماتحس عضاتو تاسمعاتو ضحك وعلا عينيه فيها وهي كلها حمرة مزززنگة ولحمها مزيرة فيديه …… وكاسرط فريقها وصدرها كاينهج بلا شعور منها وملامحها مخلطة فيهم الرغبة و الخوف …
رضى 🙁 بهمس وابتسامة عامرة نشوة ) نوضي تبعيني …
ناض عليها وشاف عندها هي لي باقا ناعسة فوق الفوطوي غير كاتشوف … وجرها من يديها وقفها مبتسم ليها وزاد قدامها لبيت نعاس وهي واقفة فبلاصتها مشووكية !
كاتسول راسها واش صااافي !!!!! غاينعسو مع بعضياتهم دابا ؟؟؟؟؟ غاتكون شي خاجة كتر من هادشي !!!!! غاتعرا !!!!!! …..
تاسمعاتو من الداخل …
رضى : مممروى ….
مروى بلا ماترد عليه مشات بزربة للدوش وسدات عليها الباب وتكات عليه كتنهج كلها …. هزات عينيها فالمراية لي مقابلة معاها كان لحمها كولووو حمرررو و عنقها تاهو ….
رضى دخل لبيت نعاس وبدا يحيد فالتيشيرت ديالو وضار موراه بانتليه ماجاتش وطل من بيت النعاس شاف ضو مشغول فالدوش لي برا …وخلاها ودخل حل المجورا تايقلب على البواط دلي لانجيت و المزلقات لي خدا ديجا …
اما مورى كاتسرط فريقها وبدات كتنش على وجهها … علات يديها بشوية كاتشوف فيها لقاتها كلها كاااترعد ليها بمجرد مكتستوعب بلي دابا غاتنعس معاه وغايفض بكارتها … بدات كتغوو فشفايفها كارهة راسها على هاد الخوف وعلاش يديها كاترعد هاكا ؟؟؟؟ حاولات تهدنها كاتماصي عليها ووالو …. كتتترررعد بزااااف !!!!!!
مشات بشوية تال لاشاس وسداتها وجلسات عليها كاتغزز فظفارها .. هاد المرة ماتكدبش .. ماحساتش بالبرود .. عجبها الحال …. ولكن الخووووف حسات بيه سيطر عليها بزااف … عمرها ظنات بلي الهوف غايكون لهاد درجة قااااسح !!!معارفاش شنو غايطرا … بنت كاتعرف شنو هي علاقة جنسية و ايلاج وفض بكارة …. ولكن عمرها شافت وتعمقات او هضرات نع شي حد فهاد مواضيع باش يجيوها عادي !!!!!
كتسمع غير العروسات كاتعدبو وداكشي كااايضر …..
كل مرة كاتشوف فرجليها ويديها كايترعدو مابغااوش يهدااو تامن الدموع تجمعو فعينيها خايفة تقوليه لا ….ويتععععصب .. فنفس الوقت ماقااادااش كتحس براسها مزال ماقاداش بالمرة ….. وبلي باغا تبكي وتهرب …..كان مسيطر عليها بزاف فوق الفوطوي … هي كانت كتسنى فوقاش يقرب ليها ولكن مكانش كضن بحال هاكا !!! كان جرررييئ لابعد حد …. شفايفو قاسحين ودرعانو قادرين يتحكمو فيها كاااملة !!!!!
علات حاحبها ملي تفكرات السائل لي نزل عليها ونزلات حوايجها وهي كتمنى تكون لي غيگل تنقذها …. واخا عارفاها ماشي وقتها … ساعة لقاتو غير سائل ابيض شفاااف …
عوجات شفايفها قدرات تفهم انه بسباب داك الاحساس لي جاها …. تابدات تسمعو كيعيط عليها وخدات نفس وجاوبات …..
مروى : انااا جاااااية ….
بقات كتمشي وتجي فالدوش كتغزز فظفارها كاتشوف أشمن طريقة تقنعو يزيد يصبر عليها شوية ..
اه ، احساس زوين ماعاشتو غير دابا معاه ولكن مخلوووعة وكلها مزيرة وجاتها الردة بالخلعة وقلبها بقوة ما زدح ولا تايضرها ….
تامن ركابيها كايترعدو بلا شعور منها … عضات على شفتها مدة كاتفكر ….
فاللخر خدات نفس وخرجات من الدوش بإتجاه بيت النعاس …. كان واقف قدام الكوافوز غير بسروال دجين و ملفوق عريان كايدير تيليفون يتشارجا .. شافها من المرايا وضار عندها وهي واقفة فالباب مأسفة ملامحها وفنفس الوقت خيفانة ….
مروى : رضى …
رضى : ( ضار عندها كامل كايطلع فيها ويعبط ملامحها المتأسفة خلعوه ) مالكي ؟ …
مروى : ( كاتقرب لعندو باش مايتعصبش) غانقوليك شي حاجة ومااااتعصبش ….
رضى : ( علا حاجبو ) ياك لاباس!!!؟
مروى : ( وقفات قدامو ) رضى ….. ماشي بخاطري ….
رضى : ( عوج معاها راسو ) مافهمتش !
مروى : ( عضات على شفتها مدة و دوات) جاتني ليغيكل …
رضى : ( علا حجبانو بزوووج ) كيييفاش ؟؟؟؟؟
مروى : ( كاتهضر متوترة ملي شافت عينيه كيفاش ولاو) ماعرفتش .. قبيلة حسيت بيها نزلات .. ودخلت لدوش لقيتها هي …..
رضى : ونتي ماعارفاهاش غاتجي !!!؟ ( بانت العصبية فملامحو ) علاااش مااقلتيهااش ليا ملول !!!!!
مروى : باش غانعرفها ارضى … مكتعلمش …
رضى : ( دوز يدو على وجهو كاااايطلب الصبر ) وماالقاااات وقاااتش تجيي !!!!!!!
مروى حركات كتافها بأسف …
رضى خلاها ومشا حل لباب بالنترة وزاد فداك الكولوار الصغير وحساتو حل الباب ديال الدوش دبيت النعاس وتا السدة لي سدو كانت بالنترة والردخة…
بقات كتغزز فشفايفها … وكاتقول غير لي غيگل وآش دار علم الله كون قلت ليه انا لي مابغيتش …
بقات واققة فبلاصتها متكية على الكوافوز كاتسناه و كاتبني وتريب فراسها محاملاش راسها علاش كدبات عليه ولكن كون مادارت هاكا حسات لراسها مكانتش غاتقد وغايتخاصمو تانب و هي تفادات داك لخصام …..
تابانليها خرج … شعرو مرجعو للور كيبان فااازگ وحتى صدرو عليه قطرات ديال الما …. ومشات بإتجاهو كاتحاول تبردو حيت عارفة راسها غالطة معاه …..
مروى : وصافي … عندها وقتها ودابا تمشي
رضى : ( نتر الفوطة وبدا كيمسح لحيتو وشعرو وكايهضر بعصبية) شحال كاتبقى !!!
مروى : ( عوجات شفتها) سبع ايام ! …
رضى غير ساط النفس …. وزاد خرج من بيت النعاس وهي عضات على شفتها وتبعاتو فنفس الوقت كاتقول فهاد السبعيام غانكون ولفتو وحاربت الخوف شوية بشوية وهدا احسن قرار ..
مروى : ررررضى …. رضى …. وعافاااك ماتقلقش دابا وضيع لينا اليلة
رضى : ( مشا لجهة الثلاجة ) اشمن ليييلة بقات اصلا امروى …. اشمن ليلة بقااااات !!!!!
مروى : ( كتشوفو جبد قرعة دالما كايشرب ) وضرووووي داكشي !!!! ….ممكن ندوزوها بيناتنا زعما …..
رضى : ( حط القرعة دالما وسد الثلاجة بنرفزة كلامو كايزيد يعصبو وبين ليه بلي الرغبة كاينة غا من طرفو هو ) خااصك بزاااااف باش تفهمي امروى … بزاااااااااف ..
خلاها ومشى لي فوطوي جلس وهي جات گلسات حداه كتحاول ما امكن تهدنو …
مروى : شنو نفهم … ؟؟؟؟؟
رضى : ( هز تيليكوموند كيشعل التلقازة ) تفهمي شنو هو الزواج …
مروى : وانا لاااش !!!!! راه لي غيگل لي جات شغاندير ليك …
رضى : ( شاف فيها ) مكنهضرش على ليغيكل … كنهضر على رد فعلك …. على بروديييتك معايا …
مروى : ( علات حجبانها بصدمة ) دابا ان الي بااااااردة معاك !!!!!!!
رضى : وشكون !!!! … ليلة لولا كنتي عيااااانة ايييه ماقلناش …. فااصباح … قلتي ماولفيتينش … عيطت ليك فالعشية كنت فبيتي ماطلعتيييش .. جيتي عندي تاااانعست …. كان خصك غير فوقاش نوض نزلو ماجيتيش على ود شي حاجة اخرى ……… لبااارح قلتي مزاااال خلييييتك على خاطرك ….. دابا جاية عندي ليغيييكل وكاتقوليها بحالا جاتك تانتي من الجنة والناااس . …
نجيييك من لخر ….الراجل النهار لول لي كايتزوج فيه …. كايفكر فحاجة وحدة وهي النعااااس …. مكااااين تاحاجة اخرى كتكون شاغلة بالو ….. حيت كايتزوج باش يبعد من الحراااام .. انا لي يطيب ليا ويشقى ليا راه كاينة نعيمة ….. انا بااغييي نتزوج باش لقا فراااشي سخووون …. ( كايهضر منفعل ومروى كاترمش فيه ) راه انا ماشي شي واحد ماتايقيمش باش تنعس حدايا مراتي وتبقى تمشي وتجي قدامي نصها عريان وانا كانشوف فيها امروى ومندير والو ونصبر !!!!!! ، حنا راه فاش كانشوفو شي وحدة عريانة على برا كنغضو البصر حيت ماشي من حقناااا … ولكن انا راه حححقي ؟؟؟؟ هلاش باقي كنغض البصر وكنشوفش فيك ماااافهمتش ؟؟؟؟ … راحنا رجال امروى …. راه داك النعسة فلوطيل ولي نعستها البارح راه نعستها مممعذب ، واش عارفة شنو هي معدب !!! بحلا تكون عطشاااااانة ونجيب ليك قرعة دالما بااااردة ونقوليك راها دياااااالك نتي ولكن ماتشربيش منها بقاي تشوفي فيها ؟؟ اش من معنى عندها لامشربتيهاش بردتي العطش ؟؟؟؟؟ …
مروى : ولكن ارضى .. راه حنااا ( رد عليها )
رضى : نتي …. ماتقوليش حنا … نتي مابغا والو .. كانقرب ليك عاد كاتبداي ترعدي بحالا غانعضك .. .بزااف على الحشششمة … ايه عرفناك بنت دارهم .. .بلعاني فالفترة دالعقد كنت كنجي كلا حد باش تولفي ….باش مالقاش هاذ المشكل ملي نجيبك هنا لدار …. منين بغيتيني نجيب انا هاد الصبر ؟؟؟؟ … واش انا بلاستيييك ؟؟؟؟؟؟
مروى : ولكن ارضى .. راه خاص تهمك حياتنا فالمستقيل ماشي يهمك غيييير هادشي وتبني عليه كولشي لاكان اه زواج لامكانش ماعنديش قيمة
رضى : اسبحااااان الله !!!!! اشمن مستقبل ؟ واش انا غانعس معاك غا هاد السيمانة ؟ راه هادشي لي كاين فالمستقبل اصلااااا …. الزواج هو عقد نكااااح آبنتي .. كاين غير داك السرير لهيييه ….. مكيانش شي حاجة اخرى .. اش غاانفكر مثلا ؟؟؟؟؟ فالولاد ؟, خصهم داااك السرير …. فالسعادة ؟ كتكووون فوق داك السرير …. فالراحة ؟ تما فين تتكون …. اما الماكلة و لا الشقا … راه انا مكيهمونيش حيت كاين لي ديرهم …. اما داك السرير ( كايشير ليه بيدو لبيت نعاس ) كاينة غاااا نت ….. ( مرزى نزلات راسها هو كولو معصب ) .. ايه دابا فهمنا جاتك ليغيكل ماقلناش ماشي بيديك .. ولكن تانتي حسي شوية …… راك باااااردة بلاااا قيااااااس !!!! وغالقاو مشكل منها لقداااام !!!! …
مروى غير سكتات وهو شعل التلفازة كولو كايتنهد كايقلب فالنيتفليكس وهي غير ساهية…. عندها بزااااف ماتقول ليه فالداخل ديالها وحشمات اكترية ملي شافتو معصب ..و خصوصا ملي نعتها بلي هي لي باردة .. وهي كاااتشوفو هو لي بارد .. كيفاش غايدر تنسجم معاه وهو تاكلمة زوينة مكيقولهاش …
مروى : ( خدات تنهيدة ) انا غاندخل نعس .. عيت ليوما …
رضى هز عينيو فيها شافها كيفاش عينيها حمرين عامرين بالدموع ووقفات ماشية جهة بيت النعاس وهو يتنهد وجبدها من يديها لعندو گلسها حداه وتاهي غير سكتات ودموع شوية وينزلو …..اما هو كايحاول ما امكن يدير جهدو كاااامل واخا صبرو بدا يتقاضى ولكن مابغاش يحسسها بالحگرة بزاف وكايحاول يفهمها واخا ماتفهماتش ليه …وشوية بشوية يطلقها معاه …
حط ليها راسها على صدرو وعنقها وتكا على لفوتوي وطوا رجليه على الطبلة وطلق الفيلم ….
ومروى بقات غير ساكتة فحظنو محاطة بريحتو …. كاتغزز فشفايفها والدموع تاينزلو تاحس بيهم فصدرو وهبط راسو عندها كيشوف فيها وغير بصباعو هز ليها راسها لعندو لقاها تتبكي
رضى : واشتييي دابا !!!!!! .. تندمينا نهضرو معاك …
مروى : ( كتمسح دموعها ) م .. ف غير كنبكي وصافي
رضى : ( كايمسحهم ليها) وصافي مابغيتش نبكيك راه انا لي خاصني نبكي دابا ههه .. عادي راه هضرة تسميعها من عند اي واحد …. وعاد انا راه هضرت معاك بالعقل واحد اخر فبلاصتي غايجهل !!!! ……نورمالمون الواحد خصو يهضر لاضراتو شي حاجة ويحطها على طبلة باش الطرف لاخر يرد ليها لبال … شي حاجة معاجبانيش خاصها تقال باش تصحح وتولي عاجباني ….اما لا سكتنا غاتزيد تتعقد … ونا هادا هو المشكل الوحييييييد لي عندي معاك وكنحاول نقول راه يمكن حيت للول دزواج بلا منحكم بزاف ولكن راك بااااااردة ابنتي ههههه راه منهار عرفتك ونا كاع المبادرات منعندي أنا ( زاد ضمها لصدرو وهي غير ماكايزيدو ينزلو دموعها وباس فوق راسها ) صافي ماشي مشكل … ماعندنا مانديرو نزيدو فالصبر ….. تاتمشي هاذ ليغيكل تاني ….
مروى : رضا انا ماشي باااردة
رضى : ههه … نتي غير ثلجة
مروى : نتا لي بارد … وخضر … ومكتعرفش تعامل
رضى : فاش مكنعرفش نتعامل انا ؟ ( هبط راسو عندها ) فاش ماعرفتش نتعامل معاك !!! ملي تانقيسك متتحسي بالو ؟
مرزى : م. ماش هاكذاك( قاطعها )
رضى : كتححسي … ذاتك كاملة كتبورش فيديييا … راه كنحس بيها وكنعرفك … ولكن مكتغياجيش … فشي حوايج كنبغيك نتي تقربي شوية …. ماشي بوحدي … طريق لاكانت طويلة بيني وبينك وتمشيت غير انا لعندك مغانوصلش دغيا ولاكن لازدتي حتى نتي وتلاقينا .. غانقصرو شوية الطريييق …..ولكن نتي كانشوفك مسيطرة عليك لحشمة … غاااهرحي شنو عندك لداخل راه قلنا ليك عرفناك بنت دارهم
مروى : مامولفاااش انا ارضى …. معارفة تاحاجة ، يلااااه كنحاول نولف معاك شوية بشوية ….
ارضى : هادشي مافيهش الولف … الرغبة شي حاجة كتكون فيك لداخل ، واخا تكوني عمممرك سمعتي بالسيكس شنو هو … الى شفنا شي واحد عجبنا اطوماتيكمون كاتحرك فينا .. الغريزة راه تزادت معاك ماشي انا لي غانعطيها ليك …..داكشي باش هادشي مافيهش الولف ….فيه واش هاداك السيد لي حداك نتي باغا تقيسيه ولا لا …. راك كتحسسيني بحالا نا لي فارض عليك راسي …. وماتقوليش ليا يوماين ملي تزوجنا حيت انا بستك قبل تاماندير الخاتم فيديك … دونك راك ولفتي …. راه كيما نتوما تاتحسو لا قرب ليكم شي واحد ….راه تاحنا كنحسو……
مروى : الى نتا كتفكر غير فداكشي …. انا راه تنطلب بعد مرات رومانسية ارضى بلاااا مايكون داخل فيها موضوع النعاس … تكون بيناتنا هاكا ديما فحياتنا اليومية
رضى : كيفاش ؟؟؟؟؟
مروى : يعني تجي غير هاكاك .. .. واش ضروري تقرب ليا وتكون رومانسي معايا تاتكون باغي تنعس !
رصى : هه!!!!! مروى … الى كاتفرجي فالمسلسلات وكاتشوفي شي بطل تايقرب لشي بطلة ومكينعسوش .. راه حيت كايمثلو وضارب الفنيد باش مايقيمش ….. راه ماااكينااش .. مكيانش شي راااااجل …. هو هاداك فعقلو .. يكون يلاه تزوج … ويقرب ليك … بلا مايقيم …. ولاااا …. لا امروى …..لاااا …. الخيااال العلمي لا …
مروى : ولكن حنا العيلات ماشي بحاااالكم
رصى : بحالنا … غا نتي منعرفت مالك ….( جهد الصوت لتلفازة ) تفرجي دابا تفرجب خليك من هادشي دابا لي عطا الله عطااااه مشات على عيني سيمانة … ماتجبديييش ليا حس هاااذشي دابا خليني نسى … تفرجي
مرزى : ( تنهدات وضارت براسها لعندو هو باقي معنقها كايتفرج ) مافيكش الجوع !
رضى : فيا ومافياش …. تال بلاتي ناكل شي حاجة دالديسير وونعس …
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
ماعرفتش واش نقوليكم …. الجو لي كان زوين … ولا الفيييلم هو لي كان زوين …. ولا حظنو يمكن!! …. ولا ريحتو لي جابت التماام لكولشي ! …. ولا صبرو معايا !!!!! ….
كان كاحسابتني انا بوحدي الطرف الصبار فهاد العلاقة ولكن صدق حتى هو !!! اه انا صابرة على خضوريتو … وهو يصبر على خوفي ….على ماشي هاكا غانشدو لكيليبراج ؟ ياك زواج كل واحد وعيبو …… ولكن كنحاس بلي العيب ديالي انا فيديه هو …… اما عيبو …. ماعندي ماندير ليه … واخا نحيد الخوف ونعطيه راسي عمرو غايتبدل … مابغيتش علاقة فيها الحب غير فالفراش !!! مابغيتش نكون جارية. .. بغيت الحب يبان فحياتنا … فاي حاجة درنا فيها يدييينا …… افكارنا مبدلين وحتى فاش كنبغي نقولهم ليه كنخاف يضحك عليا !!!!!
كنت ناعسة على صدرو وانا مغرمة بأي حاجة فيه …. ولكن عقلي متايحبسش … ماباغيش يخليني نستمتع … قال عليا انا باردة ! يعني هو … كايحس نفس هادشي لي انا كنحس دابا ؟ …. ولكن علاش هو ماتايقولوش بطريقة زوينة ! … قالها بحالا كايعاتبني ! على ماشي الغلطة ديالو هو ؟ هو لي باااااارد …. سخون غير فالفراش … وانا مابغيتش غير الفراش .. افكرانا متناااقضة تمااااما …. اه الزواج فيه الفراش .. ولكن ماغنعيشش غير فالفراش .. هاكا غانحس بحالا غير كايقضي فيا شهوتو لي واحد النهار غايشبع منها !!!! ونرجعو بااااردين !!!! ….
الحب خاصو يكون ديما ماشي غير فوقيتة دالنعاس …. الحب راه جوج حروف ماشي غير حرف الحاء !!!!!
حرف الحاء ! …. علاش خالعني لهاد الدرجة كلها … انا بصح خايفة بزاف من النعاااس معاه .. خايفة منكونش بيرفيكت … خايفة يكون شي مشكل فبكارتي وتصدق كيف كايعاودو ماينزلش الدم ولا ينزل بزاااااف … نتقصح ولا يمكن تكون صعيييبة …. عاودو ليا بزااف دالتجارب صعااااب .. هو كبييير عليا …. واكيد غايكونو العضو ديالو كبير عليا .. كيفاش غانيدر نتعرا حداه ! مناطقي الحساسة لي ماشفهم تاااحد نوريهم ليه … كيغاندير !!!!
كنحس براسي مامستعداش … داكشي علاش خلقت هاد الكذبة .. اه فللول ماكنتش باغا نعطيها بطريفة باردة .. ولكن دابا بغيييييت … ملي كايبدا يبوسني مكنبقاش نحس بالبرود …. ولكن الخوف …. الخوف كالاني من جوج جوايه ماخلاني ندير والو …. من غير انني نخاف ! نتلخع …. قلبي كايبدا يضرب بالجهد حتى كنبغي نرد ….
كاينة غير انا وياه هنا .. افكار جيدة عليا … فحياة جديدة عليا .. وملزوم عليا نتحدى هاذ الخوف !!!! …
تفرجنا لداك الفيلم لي مافاهمة فيه والو عكسو هو لي استمتع بيه ماكنت عارفة المجرم من البطل …. فيلم كولو اكشن ومقاتلة وماعرفتش شنو الممتع فيه … انا كنت مستعمة بحظنو كتر ! ….
دردشت شوية عند راسو وهو كاياخد ديسير … قاليا ماتجبديش ليا موضوع النعاس ، وهضرت ليه على طفولتي وحاولت نضحكو شوية حيت بصح كان كايحسابتني لفقيه كايطلع للفوق للصومعة عاد كايودن ….
وبصح كان كايحساااابتني بلي لي تايتمتلو فالتلفازة مخشين فيها لداخل …. كان كايحسابتني بلي المراة كتولد من بوطها ! … وبصح كان كايحسابتني لاباسني شي واحد غانحمل ! عمرني كنت نضن لاباسني شس واحد …. غااانتلف ! غاانخاف !!!! غاتحرقني كرشي !!!! ….كان كاحسابتني ليلة الدخلة كتكون بااشموع والورد نفرش طريق فالارض ….. كان كاحسابتني زواج هو نضاربو بالمخاد والدقيق !!!!!! …..
ضحكنا شوية ….وورا ضحكتي كااان بزااااف ديال الاومور خرا كنت بغيت نعاودهم ليهم لي كنت غلطانة فيهم فطفولتي من غير التلفازة والفقيه ولكن ماقديتش ….. كانقول يمكن هادشي دابا يدوز وغانبقى ندمانة لاقلت شي حاجة ماهياش ….
مشينا نعسو. .
بنفس النعسة تماما ، بنفس التعنيقة ، ماقلت ليكم احقا …. حنيين بزاف !!! كايعجبني فاش كاكون كايهضر معايا بشوية. … فنفس الوقت مكنحملش نشوف فعينيه ملي كايتعصب كايولي بحال شي مخلوق ماااايخلع !!!!! مليت من هاد الاحساس، عشتو بزاااف مع خوتي … تمنيت نقوليه عافاك ماتبقاش تغوت عليا ولكن مابغيتش نبين ليه بلي خوتي كانو صعاب معايا !!!!! ديما كنقوليه بلي خوتي حنااان وعاملوني بالفشوس ومزيان باش مايشفقش عليا .. … عجبتني النعسة بين يديه وهو كايمشط فشعري ……فيه ريحة فشكل ، ماشي بارفان .. ريحة جسدو هو … زوييينة بخال التراب الفازك ريحة طبيييعية !!!! حرررشة و كدغدغ حاسة الشم !!!!! …..
ولكن هو دغيا نعس …. دغياااااا …..مكيقصرش بزاف وغير كايحط راسو على لمخدة كاينعس ، ماشي بحالي ….
ضرت تاني تلهيت فتيليفوني …. هو ماشي من النوع لي غادي …. وكيف العادة .. كنطلع ونهبط فانستغرام ونشوف فالعيالات خارجات ورجالهم معاهم ومامسوقينش طالقين شعرهم وعايشين الحياة .. وديالي انا كلو عقد ومزمووووت … كنبقى نموت غير بالفقصة …
جا النهار الثالث فداري .. كنت بغيت نطيب مخلانيش قررت نسخن غير شنو جبت معايا … تلهيت فالترتيب لي كل مرة نحيد حاجة ونبدل حاجة …. دايرة الكيت فودني ومونسة بالهضرة مع ماما ومرة مع وجدان … ماحسيتش بالغربة بزاف ملي كاين هاد الاختراع لي سميتو الواتساب … وريتهم داري فالكاميرا وانا كنشوف نظرات الاعجاب لي فعينيهم …. وزدت حتى انا عحباتي داك الساع … عيطو ليا خوتي .. كانو كايهضرو معياا مأديييين بزااف !!!!! ماشي بحال هاكا مولفة كايهضرو معايا … توحشتهم .. مزال ماكملت سميانة وتوحشتهم بزااف ….. وليت حافضة وقيتة رضى …. كايودن الظهر و كنمشي ندوش ونبدل عليا ولبس بيجامة ولا كسوة جديدة …ومشطة جديدة ومايك آب خفيف وسبراي كل مرة واشمن نكهة .. كنبغي ديما نكون حداه برفييييكت من جميع النواحي مايشوف فيا تاشي عيب .. وتاريحتي تكون زوينة ولحمي رطبة حيت كايجيني دقييييق الملاحظات …. ولكن هو …. كايكون كايشوف لطبلة شنو فوقها!!!! ثلاجة شنو خاصها !!!! البانكة واش سيفطات شي ايمايل… الويفي واش خصو يتخلص …الضو علاش مشاعلش مزيان … كاايرد لبال لكوووولشي ، الا انا !!!!! كايحيني احبااااط كاااايقتل ….ولكن هو هاكاك مكنتفاكش كل مرة كالبس حسن من للول نستفزو كتتتر …..
كايتغدى بزربة وكايخرج …. تيليفون مكيسكتش …. ونا كانبقى كانشوف فداك طبلة بوووحدي …. كايجيني نوع من الظلم هاد نوع دالرجال المشغولين بزااااف … يجيبو مراة من وسط عائلتها ويحطوها بين الحيوط كيف شي فرخ فالقفص و يجيو يطيلو عليه مرة مرة !!!!! وانا اشنو مطلوب نني كزوجة صالحة ؟ خااااصني نولف !!!!!! ……
دازت يوميان خرا باااااردة تاني وعااامرة بالقنط ، حيت دار مع نعيمة باش تولي تجي عندي غير نهار فسيمانة ملي يتجمع الشقا بزاف فنفس وقت تبقى خلصتها فبلاصتها …. ونا كاندوزو مع الحيوط ؟ كزن مكانش تيليفون كون نسيت تاكيفاش كايهضرو الناس !!!!!
بليل يعنقني شوية نتفرجو ونمشيو نعسو ويطيح كاو …. نفس السيناريو كااايتعاود ونبقى سهرانة غير مع تيليفوني كنتنهد ….
يامي اللولين دزوا !!!! .. هاكا دازو …. بعض المرات كايجيوني شي حوايج مامزياانينش لدماغي بسبب الشيطان …. بحالا مثلا .. أحلامي و افلامي لي كنعيش فدماغي كل ليلة ماحبسوش ورا الزواج …. باقا كنحلم ونعيش داكشس لي بغيت غا فدماغي مع شي حد وهمي !!!! يدير ليا داكشي لي بغيت انا ……. الفرق هو قبل مانتزوج كنت كنحلم ونا على أمل نحقق ، ودابا … غييييير كنحلم باش ششششوية نبرد على راسي !!!!!
ولكن كنرجع للواقع ملي كنسمع تحنحينتو و نطفي التيليفون وندير راسي ناعسة على مايقاد انفاسو ونرجع عاوتاني لتيليفوني تايديني نعاس ….
علاش لي مايدينيش نعاسي عندك ارضى وتبقى تمشط ليا فشعري تانعس على صدرك …. علاش بحال هاكا بارد .. علاش مايقولش باش كايحس باش نطمن ونرتااااح بلي باغييييني … ونقدر نبادر حتى انا فبزاف داحوايج معاه ….
بعض مرات كايتعمرو عيني بالدموع …. الاومور تقد تبان عاااادية و كنزييييد فيه … ولكن العيشة فيها قااااسحة .. قاسحة بزاف … مكتيخليك تستمتع بوااااالو …. حيت الامور السلبية .. فاااااقت الايجابية ………
ولكن ماعليش ، انا زوجة صالحة … وخاااااصني نوولف
واققة قدام المرايا كتشد شعرها بقراصة لور …. كانت ببيجامة شورط وتيشورت كحلين بدونتيل فالعنق والحوافي … لابسة كلاكيطة كحلة بالفيرور كحل فجنابها …. ومرطبة وجهها …
نهارها الخامس فدارها لي ولات شوية بشوية كتولفها … يلاه كاتجمع ماكياجها وسمعات السوارت فالباب ، صوت لي كافي يبعث السعادة فقلبها ….. ومشات طلات عليه براسها فرحانة .. وهو تبسم ليها هاز لي ساشي فيديو دالخبز والفواكه …
مروى : على سلاااامة …
رضى مبتسم ليها وزاد للكوزينة حط داكشي وعنقها باسها على راسها
رضى : شحال زوينة دخل لدارك وتلقى كتكووتة بحال هادي كتسنااااك … ( هبط على نيفها عضو) شي نهار نديرك فشي صووندويتش هههههه
مروى : ههههه ( علات راسها فيه كدوز يديها على وجهو بحنية ) داز نهارك زوين فالخدمة ؟
رضى : شوية ( عوح فعنقو ) مابيهش … ( حل الطاجين لي فوق البوطة كايشوف ليه ) ددرررتي لي فراسك ….
مروى : اويلي واش انا نبقى غا كالسة مانطيب ماندير والو ؟؟؟ وطلع ليا داك الدجااج ولحم فرااااسي وماكلة زنقة راه غاتفرعنا … بسطيلة نتا مكنبغيهاش راه جمعتها كلها لنعيمة …. احقا … نسيت ماقلت ليك …. داك الطباسل لي وراتني خالتي قاتلي ديال جيران وراجلي تباركالله ماعندوش مع ثقافة يرد للناس مواعنهم هههه راه عمرتهم بداك الحلوة لي كانت فالفريكو مكاين لي ياكلها وعطيتهم قبيلة لهالتي نعيمة رداتهم لكل وحدة عامرين ….. ياك ماشي مشكل ؟؟؟؟
رضى : ( كايحل ثلاجة ) لا ماعلييش .. حسن ملي رديتوهم ….مادق عليك حد ليوم؟
مروى : اه سمعت الدقان قبييلة ماحليتش … كانت مشات هالتي نعيمة ….
رضى : برافو عليك … ياالاه امروى حطي ميت بالجوع ….. غاندخل نصلي الظهر باقي ماصليتوش …
مروى : واش مزروب ؟
رضى : لا ولكن جيعان …
خلاها ودخل لبيت النعاس وهي بدات كتوجد فوق الصال امونجي وكتقاد كولشي .. جبدات لاالصالاد لي وجدات … وقاداتها …. وحطات الطاجين لي كان باللحم والخضرة لي لقات فالثلاجة ولباقي سخرات ليه نعيمة جابتو ليها …. ورضى خرج من بيت نعاس لقى الماكلة فوق الطبلة وجر الكرسي گلس تاياكل وهي كاتشوف معاه
مروى: ( بإبتسامة ) كييييجاك ؟؟؟
رضى : ( شرب الما وشاف ليها ) واااعر .. شششي شوية زايد ملح …
مروى : نتا مولف بداك الماكلة مسوسة راه هاداك هو الجهد … كول باركا من التعياااب
رضى :ودابا انا اش قلت .. ( هز ليها يديها باسها) الله يعطيك الصحة لذيذ ….( رجع تاياكل ) واش انا طيب ليا شي حاجة هاد الكتكوتة وماتعجبنيش !! لااا ..
مروى : هههه بصحتك …
بدات كتاكل معاه ومرة مرة كتمد ليه بالفورشيط لفمو من الصالاد …. كاتسناه يدير بحالها وكتلقا تارد فعل مكاين …. وكتبقى غير تميق بشفيافها …. تاشبع وناض للدوش يبروصي سنانوو هي بقات كتجمع الكوزينة تاخشات كولشي فلافيسيل مع مواعن الفطور وشعلاتها .. ومشات كتقلب عليه لقاتو فوق السرير شاد تيليفون وداير يد ورا راسو ….وتكات على لباب كاتشوف فيه …
مروى : ماخدامش ؟
رضى : خدام … غا نرتاح شوية ونخرج … اجي حدايا شوية ….
تبسمات و مشات بإتجاهو دخلات فالفراش حداه وهو حط تيل و كايشوف معاها … ومع لبستها ….كايلتاهمها غير بنظراتو ورجع نزل كامل فالسرير وحط راسو على صدرها نعس عليه ….وهي متكية على كادر دااسرير …. وهز ليها يديها حطها فوق شعرو وهي بقاات كتمشطو ليه …
مروى : واش غااتنعس ؟؟؟
رضى : مممم … يودن العاصر فيقيني ..
مروى : واخا …. ( خلاتو على خاطرو …. ناعس على صدرها كيف شي بييبي معنقها بيديه عندو وهي كتخلل خلاصتتو بصبعانها مرة مرة كتنزل تشم فشعرو كاتعجبها ريحتو وترجع تاني تمشط لييه) ررضى …..
رضى : امممم ..
مروى : حبيبي نطلبك واحد الطليبة
رضى : ( سمعاتو كايضحك فصدرها ضحكة خفيييييفة ) ههههه …
مروى : ( طلات عليه كايضحك و باقي ساد عينيه ) مالك!
رضى : ههه والو ..
مروى : هه لا والله تاتقول ليا مالك علاش صحكتي …
رضى : هه والو … غا ازوينة عندك هاد حبيبي ههههه
مروى : ( ضرباتو لراسو ) وبااااز .. على نتا شكون ؟؟ عمي !
رضى : لاااا .. عيطي ليا لي عجبك … غا ضحكت معاك …
مروى : ماعجباتكش !
رضى : بالعكس … زوييينة ….. غير ماولفتش نسمعها وصافي …
مروى : شنو سحابليك غير نتا خضر راه كولشي خضرين بحااالك !!
رضى : ( تنهد حيت هاد الكلمة بدا كايملها) مزال مافهمتش هاد خضر عندك كيف دايرة
مروى : خلينا دابا من خضوريتك لي ماعندها دوا … واش نطلب ولا لا
رضى : ( رجع تخشى فصدرها ) ممم … شنو
مروى : قنطت …. خرجني بليل .. ياك لبارح جا داك الكاميو وماقلت والو … و ولبارح قلتي ليا عيان …. اوا ودابا؟
رضى : واخا …
مروى. ( بفرحة ) حلف بالله
رضى : وصافي خليني نعس
مروى : معاش غانخرجو !
رضى : ورا ما نسد ….
مروى : تديني لبحر !
رضى : فينما عحبك ختاري …. ديجا غدا الجمعة تانسد الصباح على ود الصلاة ….نقصرو شوية ( زاد خشا فيها راسو كايتفوه ) مغانقصروش فالدار …. اللهم برا …
مروى : ( بفرحة عاضة على شفتها وباستو فراسو ) وااادااباااا ااااه … دابا طلع المووراال
رضى : وا خليني نعس شوية يلاااه …..
مروى : نعس … انا غانوض تشهيت واحد كيكة قبيلة جابت ليا خالتي نعيمة القوام غاندييرها
رضى : دابا خليك حدايا ملي نمشي للخدمة شوي نتي تا بكرة ماشي غير كيكة ..
مروى : هههه ( زايدت زيراتو لعنها ناعس فحظنها كيف الطفل ) هانا حداك اسيدي ….
بقاات غير ساكتة و كتمشط ليه فشعرو تاحساتو نعس وهزات تليفونها تلهات فيه مخلياه موسد صدرها واخا كل مرة كاتحس بالثقل ديالو كايبنجها … ولكن خلاتو على خاطرو تاسمعات العصر كاودن وهي تحط التيليفون وبدات كتفيق فييه
مروى : رضى … رضى … نوض هاهوا العصر كايودن ….
رضى : ( كايتمخشش فيها ماشابعش نعاس ) مممممم شوية شوية
مروى : هههههه ارضى انا راه مكرهتش تبقا حدايا هاكا النهار كامل …. ولكن راه نتا لي قلتي ليا خاصك تمشي
رضى : مممم .. غاااااشويية. … ( تخشا فصدرها كثر معنقها )
مروى : هههه… فنعاسك كاتبان بحالا عندك عشر سنييين فخبارك ههههه .. ررضى ….
رضى : امممم
مروى : تشهيييت ميييلكا
رضى : (باستفهاام ) امم؟؟؟؟
مروى : شوووكولا … سميتها ميلكا.. تشهيت شي حاجة حلوة لقيت عندك هنا كولشي مر ومسوس … اش هو الشكلاط لامكانش حلوو؟ جيبها ليا عافاك
رضى : واخا ..
مروى : ( باستو فراسو ) يلاه خليك ترتاح شوية مزال …. انا غانوض نتوضى نصلي …. تاتلحق عليا ..
حيدات ليه راسو بشوية من صدرها رداتو فوق المخدة ومشاات بإتجاه الدوش وهو هز حاجبو وعلا راسو بشوية مصغر عينه كايشوف للطريق لي مشات منها .. مامستوعبش شنو سمع ! واش سمع بصح ولا غير كان مدوخ بالنعاس !!!!!!! كيفاش توضى تصلي ! …
بقى هاكا كايرمش بعينيه تابانت ليه خرجات من الدوش وغادة بإتجاه الفوتوي هزات عبايتها لي كانت مطوية لبساتها .. وفرشات السجادة وبدات كاتصلي وهو كايرمش معاها بشوية …. كان بحال شي واحد مصدوم !!!!!!!
تگعد شوية من الفراش مكالي بمرافقو عينيه مجبدين بالنعاس و شعرو مخربق كايشوف فطريق لي مشات فيه …. من ملامحو كيبان مخربق ، مصدوم ، مامستوعبش !!! .. متبع كل خطوة كديرها و مررركز معاها فحالا باغي يتأكد من داكشي لي كيشوف قدامو … كيرمش باش يحس براسو بلي راه فايق و واعي وماشي النعاس لاعب عليه …
مع كل ثانية كدوز كيوعى بلي باقي مادازتش سبع ايام كيفما قالت ليه !! وحتى كون مشات هي مقالت والو !!!! …. وغير الصبتح سولها وقالت ليه مزال !!!!! …. كيوعى بلي كذبات عليه ، بلي لي غيگل غير سبة دارتها باش تصدو وهو خمسيام وهو صاااابر !! هادا كامل خوف ؟؟؟ ولا غير نافرة منو ! …
عقد حجبانو وحيد عليه الغطا بالنترة … خرج من الفراش كيعوج عنقو ، كان باقي بسروال الدجين … بدا كايزير ليه السمطة … خدا نفس طلعها تقيلة … دوز يدو على شعرو مرجعو اللور ومن بعد دوزهم على وجهو كايعوج فعنقو ومعلي حاجبو وكايحس بالأعصاب فعروقو كايغليو وهو كايشوف فيها هاكاك كاتصلي … تاسلااات وناضت جيهتو بابتسامة حيدات العباية وشافت فيه …..
مروى : صبااح الخيير هههه … ( عوجات راسها معاه واجمعات ابتسامتها ) مالك !
رضى : ( كيقرب لعندها ) اش درتي دابا !
مروى : صليت !!! ..( ببساطة) العصر ودن …
رضى : ( علا حجبانو ) ياااااك !!!! .. دابا نتي …. ( بعصبية ومروى تخلعات ) كتعرفي بينك وبين الله !!! كتصلي زعما !
مروى: مافهمتش !!!!!
دفعها من طريقو تا كانت غاطييح … وسعات عينيها ودخل هو للدوش ولتخ موراه لباب … بقات غير كاترمش بعينيها مافهمات والو … كيفاش دغيا تقلب عاد كان معاها مزيان …. تاسمعات التفرشسييخ فالدوش وقلبها بدا يضرب بجججججهد ….. ومشات بالزربة للدوش كدق فيه
مروى : رررضى .. رررضى مالك … ررررضى ….
ماردش عليها وبقات غير واقفة تاحل الباب وماشافش جيهتها وهي توسع عينيها فاش شافت المرايا ددوش مشخشخة فالارض وهو هز التيشيرت ديالو و مشا جيهة الباب مخليها هي تابعاه
مروى : رررضى فهمني شواااقع
رضى : ( ضار عندها بعصبية وعينيه حماااارو ) نتي نتي … نتي كان خاااصك شي شماااااااتة …… يههههرد مك عععصاااا مزيااااااان … صباح وعشييييية …. شي مكبووووت يلوووحك على داك ناموسية ينعس معاك بحال شي حيواااان ….. بااااش يلاه تقولي راه معاايااا راااااجل …. أما لي مفشش والديك ..ولي محترمك … وعاطيك قييييمة …… ماصالحش ليييييك …. هاداك مغاايعمرش ليك العين ….واااااسيري ( حل لباب ) سسري توضاااي راه قرب المغرب ….
خلاها ولتخ الباب بجهد تاتخطفات ومشا وهي بقات غير كترمش مافاهماش كتحاول تفهم …..
تااوسعات عينيها على حجمهم وشدات على فمها بشهقة كبيييرة ودموع سااالو ….. وقلبها بدا كيزدح ملي سرا معاها اش دارت … وبلي صلات حداه وهي من النهار كذبات عليه وهي كاتصلي قبلما يجي ولا تاكينعس … كيفاش سهات اليوم بحال هاكا !!!!! طاحت على الفوطوي عاد سرا معاها البلان كامل …..وقلبها كاااايزدح فصدرها ……
داتها كلها سخنات عليها و فنفس الوقت كتحس بحال شي صعقة باردة دايزة فعروقها بالخلعة …. اول مرة غاتحط فهاد الإحراج قدامو وغاتسمى كدابة من النهار للول … وماشي بعيد مغايبقاش يتيق فيها !!!!
دوزات النهار كامل وهي غير كتمشي وتجي مخلوعة .. ومحرجة وحسات براسها زعزعاات شخصيتها قدامو بهاذ الكذبة. … تلهات فداك الزاج لي تهرس كتجمعو وحيدات داك الكادر ديال داك المراية … وبقات گالسة فالبالكون جامعة رجليها جهة صدرها و كاتقلب فراسها اشمن جواب تعطييييه … وشنو تقول ليه وشنو تبرر فعلتها ….
تابدا يودن العشا وقلبها بدا كيضرب بالجهد حيت هدا هو الوقت لي مولف كايجي فيه ….. وفعلا يلاه كايودن ، لباب تحلات وقلبها بدا يزززدح كتمنى يجي عندها للبالكون بحال لخصام اللول ….
ولكن شافت خطاويه مشاو لبيت النعاس بقات گالسة كتغزز شفايفها خافت تمشي لعندو يقمعها … بقات غير فبلاصتها كتلعب برجيليها خايفة تبان قدامو .. ماعندهاش حجة و غتحرج فاي حاجة قالتها … تاسمعاتو كايصلي. … وكاتقول ياربي يرطاب قلبو مايزعفش عليا بزاف ….
سالا صلاتو وشوية سمعاتو حل البلاكار … بالها وحواسها كاملين معاه وماقداتش تمشي عندو … خايفاه يكون باقي معصب ويقول ليها شي حاجة …. وهي من الناس لي ضربها وماتجرحهاش ….
تاسمعاتو حل الثلاجة … عرفات بلي بغا الما …وشوية سمعات لباب ديال لابارطمون تحلات …. وتسدات ثاني … بقات غير كترمش بعينيها فين مشا ؟؟ …
مشات بزربة لبيت نعاس حلات لبالكون كطل …. تابان ليها ماشي جهة طوموبيلتو وصاكادو نايك فوق ضهرو و لابس غير شورط وسبرديلة وتيشورت ….ورجعات لبيت النعاس وبانو ليها حوايجو محيدين مليوحين فوق السرير ..
بقات غير كتمشي وتجي فالبيت كتقول لفين مشا؟ جامع صاكو؟؟؟
عاد تفكرات راه اليوم الخميس وقاليها غدا فصباح مكيخدمش قالت مية فالمية غايكون مشا لبن سليمان يبات عند مو ….
بقى قلبها تايضرب خيفانة تبات بوحدها …. وفنفس الوقت ماتقدش تعيط ليه. ..
مشات للفوطوي گلسات والهم كاينهش فيها الداخل ماعرفات مادير دازت ساعة ونص بدات كاتقرب الحداش ديال الليل وبدا الهاراج جيهة لابيسين كاينقص ومابقاش كايتسمع الصداع من البالكون …
وهي غير كتمشي وتجي…. كتاكل ظفارها وكاتقول اشنو غاندير ! …. كيفاش غانبات بوحدي !!….
هي اكبر خوافة ماقاداش حتى تخيلها….. هزات التلفون كادورو فيديها …. واش تصوني عليه ؟؟ … واش تصوني على نعيمة تجي تبات معاها ! .. ماعرفات مادير بالمرة … كتهز عينيها وكاتبان ليها قربات دير الطناش دليل ….. خرجات كاملة لبالكون والضواو لي طفاو فساحة الاقامة زادو جابو ليها الرعب … گالسة مرة تبكي مرة تلوم فراسها مرة تلوم فيه هو على قصوحية قلبو … تاسمعا الباب كتحل !!!!
قلبه بدا يضرب كثر وكثر وخرجات ششششوية راسها من البالكون بان ليها هو ! عاد ملامحع ترخااااو !!!!!! …. وجهو كان عرقان وشعرو فازگ تاهو بالعرق .. لاح الصاكادو ديالو فالارض ومشى جهة بيت النعاس و هي واقفة كترمش … مفاهماتش فين كان !!!!!! ….
وعلاش لهاد الدرجة ماحاشاهاش ليها وماجاش يوضحو الاومور ويتناقشو … ياك غايكون برد !!!!
خرجات للصالون وهي تسمع الرشاش فبيت النعاس و الشوفو مشعول عرفاتو كايدوش وهي تمشيلكارطابل ديالو حلاتو وهي تلقا ليگات ديال البوكس والبانضات داليد وكريمات ديال ضد التمزقات والكلاكاج …
عاد ضربات فراسها على كلااااخها وهي عارفاه كايمشي لاصال ليلة الخميس والاثنين ….ماعرفاتش كيفاش نسات تفصيل بحال هاذا …. سمعات لباب الدوش تحلات وناضت بزربة جلسات فالصالون على لي فوطوي شادة تيليفونها تلهى بيه …تاسمعاتو …..حسات بيه فالكوزينة وضورات راسها بشوية لعندو بان ليها حل الثلاجة ، وهي تسرط ريقها وجمعات شجااااعتها كلها وخاطباتوو ……
مروى: نصاوب ليك شي حاجة تاكلها ؟ ماسحابليش غاتمشي لاصال اما كون وجدت ليك …. نصاوب شي حاجة بالخف ؟
ماجاوبهاش بالمرة وهي بقات غير كاترمش لي خلاها بلاكة !!!!!! … وهو ديجا اصلا كلا فالطوموبيل بعد ما كوموندا … شرب غير الما و والماس …. ومشا لبيت النعاس وهي بقات غير كاتشوف ضرها قلبها ملي دار ليها هاد التنخيلة كاملة ….
اما هو كان كايحاول ما امكن يتفاداها باش مايقولش شي حاجة يندم عليها ، حاول يخرج اعصابو فلاصال وميخرجهمش فيها باش مايزيدش يغلط .. مقدر خوفها ولكن كاااايحس بأول ايامو ضاااااعت … الاحباط مسيطر عليه …. ولهاد درجة نافرة منو !!! تابدا يكره هاد الزواج …. تا من ابسط حقوقو قرب يدير سيمانة دالزواج ومزال ماخداهمش وزايداها عليه بالكدوب ..كان كايتسنى امتى بتزوج يعمرو لياليه … وبااااقين خاويين وباقي العذاب نفسو وزاد ضااعف ملي كاينة مرا معاه فالفراش وماقادش يقيسها ….تامن البروستات ديالو حسها ضراتو هاد السيمانة بقوة ما انه كاينتصب ومكيمارسش … لدرجة كايفكر يمشي يشوف طبيب …. كان كايدخل للدار عيان وزايدها مفقووووص ….
راسو كايحس بيه غايتفرگع عليه الجحيم فالخدمة وفالدار ….كايحس براسو دار معاها جميع الحلول لي يخليوها مرتاحة … ولكن هي مكدير ليه والو …
دخل ففراش تامن الخاطر ماعندوش طفى التيليفون ونعس ….
اما مروى بقات گالسة فبلاصتها يديها طالعين نازلين فتيليفون وعقلها ساااااارح .. ماعارفاش كيفاش تتعامل بمرة …. واش تمشي هي تهضر معاه، !!!!! ياك هي لغالطة …
ناضت بشوية لبيت النعاس وهو يبان ليها ناعس .. خدات تنهيدة على بروديية قلبو كيفاش دغيا نعس !!!!! الى كانت هي كذبات عليه وحس بلي لياليه ضاعو … راه حتى هي كتحس بنفس الاحساس ديالووو وتاهي شحال من ليلة تحبطات فيها وباتت برغبتها شاعلة فيها .. مشات خدات مخدتها قالت ملي منخلني وماباغيش كاااع يهضر نعايا ، هانا نبعد منو كااااع ….
ومشات للصالون ودارت مخدة ونعسات … النهار گامل وهي كتقطع بالجوع وماقاداش تاكل بسبب هاذ الهم لي فراااسها …..وزادت دابا بلليل ….
ماقاداش تنعس بالمرة كل مرة كتقلب فوق داك الفوتوي كتغزز فشفايفها .. مرة ليسر مرة ليمن مرة تشوف فيتيلفون مرة تبكي … تاقرب الفجر يودن عاد داتها شوية عينيها وقلبها ضاااارها …
اليوم الموالي
بدات كتحل عينيها شوية بشوية على صوت التخرشيش وراسها كايضرها بالسهير لي مامولفاهش …. غير حلات عينيها ضربها الشعا دالبالكون لي داخل …. وعوجات راسها شوية بان ليها هو لي واقف فالكوزينة وريحة القهوة طالعة …. حاولات ماديرش ليه ازعاج بالمرة وتخشات فمخدتها كتر وكون لقات كون مشات لشي بلاصة متبااااانش فيها كاع تايبغبها هو ، كاتكره نحس براسها بحالا مثقلة على شي واحد كاتقول فراسها دابا راه كايكرهني ونا عايشة فدارو ؟ …
علات عينيها للساعة كانت تقريبا الطناش ..وسعات عينها كيفاش نعسات قد هاكا !
بقات غير ساكتة فبلاصتها وصاقرة كاتسمعو كيفطر وكايهضر فالتيليفون مع الخدام ديالو يحلو مع الجوج …. ودارت ضحكة مستهزأة عاااامرة بالاسى …..حيت مفروض ليوما كانو غايسافرو …
شوية سمعات خطاويه وريحة بارفانو وعلات شوية عينيها بان ليها فلباب كايليس سبردينة ، كان بسروال دجين كحل و تيشورت بيضة د لاكوست وسبردينة بيضة … شعرو كان ممشوط مزيان ومظهرو أنيق … بقات غير كاتشوف فيه تاخرج وهي تتنهد ناضت من الفوطوي …. كاتقول فدماغها الى كان غايبقا بحال هاكا غير مااااايجيش …. لدرحة ماتسوقش كاع واش نعست على ليفوطوي !!!
ناضت كتلوي فعنقها من النعسة المعنكشة لي نعساتها … كاتقول واش لهاذ الدرجة مكتهموووش … لهاد الدرجة باغي مني غير النعاس ادن انا مكنعني ليه والو من غير جسد !!!!
بقات غير كتنهد ودخلات خدات دوش …. وخملاتو عاد خرجات … لبسات بيجامة خفيفة فالغوز و نشفات شعرها قاداتو وهي تسمع الظهر كايودن … لبسات عبايتها صلات و ربعات رجليها كاتقرا قرآن …. سلات سورة الكهف و بدات كدعي الله يدير ليها تاويل دالخيييير معاه …. ويحببها فقلبو وهادي هي الدعوة لي كتدعي بيها ديما بقوة انها ماتايقاش واش كايبغيها ولا لا …. واش كاتعحبو كيما كايعجبها هووو وكيفتنها بأناقتو …
جمعات السجادة وحيدات العباية وبدات كتخمل بيت النعاس لي ديما تايخليه موراه مرون قاداتو وعطراااتو ….. وخرجات لبرا وهزات الصاكادو ديالو وبدات كتخشي الحوايج فالمكينة كتحاول تنهمك فشغالها باش تنساه واخا دماغها ماباغيش يحبس على التفكييير بمرة وتاشهية باش تفطر تسداااات ليها ….
تابدا تيليفونها كايصوني وتشغلات بالهضرة مع ماماها وهي كاتشقى وحاولات دير غدا خفيف يوجد دغيا …جبدات غير فخوضا دالدجاج شرملاتهم ودارتهم فتيرموميكس مع الخضرة … كتحاول تقاد غدا متول وزوين يقدر يعجبو ومايبقاش معصب ..
متناقضة غير مع افكارها عقلها كايقول ليها نخليه وقلبها تايقول ليها ديري شي حاجة بيني لو منها راكي متأسفة … سالات الهضرة مع ماماها وشداتها تاني مع وجدان وسعيدة وكتحاول ما امكن مايحسوش بلي راهم مخاصمين مكتبغيش تخرج اسرار دارها للعائلة وهادشي لي تربات عليه مع ماماها وعيلات خوتها … دارت العصير وقدات صلاد والساعة كاتشوفها غادا لتلاتة ونص وهو باقي ماجاش …..
مرة تخرج لبالكون .. مرة تگلس… مرة تتلها فتيليفونها …. الساعة دارت الستة وهي كاتشوف فوق داك طبلة دالماكلة كيفما حطاتها باقة !!!!! ….
بقات غير كتنهد …. ودموع بداو كيسيلو … هي مولفة عصبيتو … ولكن اول مرة تجرب خصامو يطول بحال هاكا … جاها القنط ملي ماجاش يتغدا وحسات بالنهار ناااقص بزاف .. تكمشات فبلاصتها فالفوطوي وگالسة و مكتائبة كلها …. تا من معدتها كتحسها كاتقلص ليها وماعندها شهية دير تاشي حاجة ففمها ….. غا متكية مكمشة وكتشوف فداك طبلة لي وجدات ليه !!!! وكاتشوف فالزواج كيداير !!!!!
ناضت للثلاجة بالعگز هزات غير بنانة ومشات للبالكون .. كاتفرج فالغروب وكتاكل بشهية مسدووووودة ….كاتشوف انها منهار تزوجات وهي كلما يقرب يدخل كدوش وتتعطر تتلبس زوين ومثير … باش يقول غير كلمة وحدة وعمرو قالها … باش غير يشوف فيها لمرة وحدة وتتأكد بلي كتعجبو وعمرو قالها .. بغات مرة وحدة يعبر على حبو باش تتطمن على هاذ العلاقة وعمرو عبر .. ومع ذالك عمرها دارت هاد رد فعل لقاااااسح لي دار هو … تاهي شحال من مرة حبطها وهرسها وكتكمدها وتسكت ….. وتحاول تولف خضوريتو ….وهو محاولش يولف خوفها ويتعامل معاع !!!!! ….
تا وهي فهاذ الخصام كتحس بحالا متقلة عليه هنا وماباغيهاش …. كانت كظن ليوما صافي غايتصالحو ويوضحو الاوموررر … وتحاول تتاسف …. ولكن ماجاش … كاتقول مع راسها هو ملي ضيعت عليه ليليتو شوف كيفاش تصرف …. وانا لي ديما حابطني بجفاف المشاعر كنسكتها فقلبي ونضحك فوجهو باش منجرحوش ويحس بشي حاجة كتقلل من رجولتو .. وانا لتخ انوثتي كاملة لمجرد خيفانة !!!!! ..
كاتشوف انها فعلا غلطات معاه حيت ماعطاتوش حقو وكدبات عليه … ولكن هو منهار عقد عليها وهو تاياكلها فحقها … كاينين امور مكيتطلبوش … كايخصهم يتحسو …. وهي مكتلقاهمش …. رغم انها كان ممكن تلقاهم مع واحد اخر ولكن بغات تلقاهم فيه هو … فرضى … الراجل لي غير كاتشوفو كاتفتن بيه وكتتمنى منو بزاااف دالحوايج ومكتلقاهمش …. كتعيش معاه جفاف عاااطفي كبير لدرجة كايخليها تحس بحالا مزوجها غاااا حيت بغا بنت اصل وصافي !!!!!!
بقات كتغزز فشفايفها كاتقول واش انا عمرني غانكون فرحانة ؟؟؟؟؟ ديما غانبقى بحال هاكا !!!!!! تامن الزواج هاهوا ماصدقش !
تنهدات وهزات تيليفونها دارت حلقة من مسلسلها وگلسات كتفرج فيه وتعمر بيه فراغها العاطفي تاسمعات لباب كتحل …. وبدا قلبها تايزدح تااااني …. كاتحاول ما امكن دير راسها ماوقع والو عادي هذا غير رضى دخل لدارو علاش هي هاكا متوترررة …
سمعاتو حط سوارتو ودخل ديريكت لبيت نعاس … .بقات غير جامدة فبلاصتها تاني ماقاداش تركز مع مسلسلها .. حاطة يديها على قلبها ….. كي غادير تاني تبقى تلاقا معاه وهو غضبان منها …. كايجيب ليها الله بحالا ماباغيش حتى يشوفها قدامو …
دخل رضى لبيت نعاس وگلس على السرير كايماصي جبهتو لي كايحسها غاطرطق عليه ليوم بسب مشاكيل دالخدمة و الشيك لي تدفع ليه بلا وقت كون ماكانش موجد ليه فلوسو كان غايكون مشى فيها.. دوز النهار كايسب ملة الفورنيسور لي دفع ليه الشيك وملي كان راجع للدار هو يتفكر تااااني اش واقع فيها مع مروى ….. كايزيد تاني يحقد على هاد الايام لي غدا كولها ضدو من كل جوايه … كان كايظن غايتزوج غاتبدل حياتو شافها غا مكتزيد تكفس ويزيد هم على هم …. مع دالك كايحس بالذنب حيت هو لي قبل الزواج ببنت صغيرة زهي ماواعياش بهاد شي ولكن هو واااعي مكانش خاصو يقبل …..
بقى يلوي مدة فعنقو ونصل حوايجو دخل خدا دوش يرتاح شوية … عاد خرج لبس شورط كحل وزير ليه السيور … وخرج من بيت نعاس كايقلب عليها بعينيه بانت ليه فالبكون شادة تيليفونها وقلب عينيو لصال مونجي لقاها واجدة صلاد مغطية و وكيسان مستفين مع طباسل ومول دالفرن كان مغطي بالالمنيوم … نفسو الغدا بقى تما …..
حل عليه باليه بارد … بدا تايلوي فعنقو وهز داك المول دارو فالفران حيت كايموت بالجوع …. ومروى عينيها فتيليفونها وحواسها كاملين معاه كاتحاول تعرف اش كايدير بلا ماتشوف ….
بقى متكي على الكونطوار شاد تيليفونو عندو كايتسنى ماكلتو تسخن وكايتمنى دير على الأقل مرة وحدة فحياتها شي حاجة لي تحسسو انها مانفراش هاد الزواج ….. وتجي تتأسف على داك الكذبة الكارثية لي دارت عليه فالأيام زواجو وبيتاتو معذب كل ليلة ….. تتاسف على هاد النفور حيت كايحس براسو مكيستحقوش ودار معاها گاع اللازززم .. لمرة زحدة يحس بلي فيها شوية ديال الضو يزيد يصبر عليه !!!!!….حيت كايشوف دار معاها گاع شنو خاصو يدير هو كراجل ….. ولكن اشنو خاصها كأنثى كايحس براسو مازال ماخدا تاشي حاجة …. من غير ان يديها حنينة ملي تاتعنقو بيها …. وبنييينة ملي كاطيب ليه …. ولكن هو كراجل تفكيرو 90٪ هاد اللحظة كولو فالفراش ومالقا منو والووووو …
سخن ماكلتو شاف فيها و بانت ليه مشغولة مع تيليفونها ومغاتجيش …. هي الغالطة وزايداها بالنفخة ومشى گلس فوق صال مونجي كياكل وفنفس الوقت طالع نازل فأخبار الكورة والتلخيص دالماتش لي ماتفرجش ليه ….
سالا ماكلتو ودخل لبيت النعاس كايبروصي سنانو وخرج تلاح فالفوطوي وشعل التفازة وكل مرة كيلوح عينو للبالكون كاتبان ليه جالسة تما ويرجع يتنهد على زهرو كيشوف فالتلفازة ويضور فراسو … تالبديل ماعندوش منغير الصبر !!!! هي ايه عاااجباه ولكن كاااايتمنى ماتوصلوش لمرحلة يكرهها ويكره زينها !!!! ويكره راسو … هو ماشي من النوع لي غايطلق فااشهر لول ولكن كاااايتمنى ماتزيدش فيه حيت الى مشى تاااابرد عليها …. غاتحرار غيشتها وعيشتو ….وغاضيع حياتهم …..
مروى ملي حسات بالملل وبلي مغايمشيش ينعس باش تنوض .. ناضت مكتشوفش فيه … ومشات ديريكت للطبلة جمعاتها .. كاتشوف للمول ماخلا فيه والو وكتقول لراسها ماكلتي زوييينة وانا لااا …
خملات كولشي …وسالات الكوزينة …. علات عينيها لساعة بانت ليها الطناش قل ربع معوجة شفتها كاتقول هدا واش باقي سهران !!!! ..
مشات باتجاه بيت النعاس دخلات للدوش بروصات سنانها واخا كتحس بالمووووت دالجوع ولكن خاطرها خاسر ومورالها نازل ماقادة تاكل والو …
دارت سكينكير خفيف وخرجات هاد المرة بغات تسبقو لبيت النعاس باش متنعسش معذبة على داك الفوتوي الى كان بصح ماباغيهاش هو لي مغاينعسش حداها هاد المرة ….
مشات بإتجاه الطابل دونوي تشارجي التيليفون وهي تعلي حجبانها ملي بان ليها فوق السرير واحد الصاك بيض عليه علامة دواحد محل مكتوب باسم كاندي ….
مافهمات والو ومشات حلاااتووو وهي تعلي حجبانها فاش لقاتو عامر بمنتجات ميلكا …. اي حاجة خرجاتها ميلكا خداها حيت ماعرفهاش شنو كانت بغات بالضبط ملي طلباتها ليه …..
بلا ماتحس دارت ضحكة عفوووووية وعينيها لمعو ….. عاضة على شفتها وكرشها تقلصات ليها ملي تفكرها فوسط الخصام!!!!!! هي براسها ونسات بلي طلباتها ليه ….
ضارت موراها كايبان ليها غير الضو دتلفازة حيت طفى ضو دالصالون ملي شعل تلفازة …..
حطات داك الصاك على الكوافوز … وناضت كتمشي وتجي وتفرك فيديها خايفة تمشي عندو ويقمعها تاني وعلى شفايفها ضحكة بلهاء … ولكن غير كاتشوف فداك الساشي و الشوكولا كاتقول ادن هو دار مبادرة ؟ نكمل عليها انا …. .. حسات داك الساشي حيا فيها الامل من جدييييد … بعد ما يأسات منو ….
خدات نفس عميييق وشافت للمرايا قادات شعرها مزيان على كتافها .. وااضحكة مرسومة فوجهها بعفوية وفرحة …..
ومشات بإتجاهو بخطوات خفاااف وقلبها كايزدح ماعارفاش شنو غاتقول ليه ولا كيفاش غاتعامل ولكن فرحة انه تفكرها فالخصام نساتها كووولشي ومابقاتش كاتقول راه مكيحملنيش ….
كان متكي فوق لفوطوي وهي كاتقرب بشوية تشوفو فالظلام …. وهي تهبط شفايفها بإحباط ملي بان ليها ناعس.. .. .بقوة العيا والنهار الصعيب لي دوز غير بدا لفيلم دغيا غفى وهي يحسابتها كان فايق ….
بقات غير كتنهد وكاتقول علاش ماااجيتش قبيييلة ملي كان فايق .. بان ليها ساد عينيه معنق عندو مخدة والتلفازة مشعولة ….. خدات التيليكوموند طفاتها وقربات لعندو
مروى : رضى …. رررضى .. ( بدات كتحرك فكتقو ) ررضىىى
رضى : ( حل فيها نص عين مدوخ ) اممم
مروى : نوض لفراشك ونعس …. هنا راك معذب ….
رضى : ( سد عينه وزاد تخشا فالمخدة لي معقنها عندو ) لا غير خليني …
مروى : قلت ليييك نوض …. شوف راه راسك عوج غايحرقك عنقك الصباح … نوض
تنهد ولاح المخدة وناض بعصبية حيت من قبيلة وهو كايتسناها مجاتش خلاتو تانعس عاد جات فيقاتو …..
ومشا بإتجاه بيت النعاس وهي كتشوف معاه وناضت تبعاتو … لقاتو دغيا تلاح فبلاصتو ماقدش يقاوم النعسة عينيه كايتلسقو ….
خدات ليزار غير بشوية غطاتو وهو ناعس على كرشو قالب راسو للجنب ….. ودخلات من جهة لوخرا حداه كاتشوف فيه …. وعلات يديها بشوية لشعرو كتخللو بيديها حيت وجهو مقلوب للجهة لوخرا ….. كاتحس براسها توحشات حظنو لي مانعساتش فيه غير ليلة وحدة و توووحشاااااتو …..
ماقداتش تقاوم اشتياقها وناضت عندو للجهة لخرا لي قالب راسو ليها ….ودخلات تما واخا البلاصة كانت ضيقة حاولات تدخل فيها … وهزات يدو حطاتها فوقها وهو حس بيها وقاد النعسة على جنبو وجبدها لعندو خشاها فصدرو وعنقها .. حيت حس بيها ولكن مدوخ بالنعاس ماقادرش يفيق … وهي غير خشاها فصدرو عاد تفتحات الدنيا فعينيها وفرحاااات وزادت عنقاتو وغمضات عينيها ويديها فلحيتو .. وماقاداش تاتفكر فيتيلفونها بقوة ما النهار واحد توحشات هاذ النعسة بغات تستمتع بيها وتشبع منها وتبقى هاكا تالصباااااح ….
تحرمات منها غير ليلة وحدة وحساتها بحالا سنييييين … عاد عرفات حقها و شحال زوينة ….
يتبع
التعليقات 0