وصلو للبلاصة فين خلاوهم و حكيم عينيه مستقرين غير عليها جالسة كتاكل ممسوقاس بحال الى ماشي هي لي حرقات البنت … ما فطنات براسها حتا لقات تيشرت ديالها كيقطر بالقهوى جاب الله ما كانتش سخونة
جنات: هادي باش تعلمي طيحي الباطل على لالياتك
كريمة: وااااش حماقيييتيي اش هاد الخرااا درتيي
جنات غادية جاعرة عليها بغات تنقز عليها كون ما شداها الغالية: الى ما سديتي كابينتك غنوووض نخرااا عليك بالمعقووول .. ماركة د الزفت
ياله غتدوي و هي تجر من يدها و تبعات حكيم ركبها و حيد ليها التلفون لاحو في الارض و بقا كيشتف عليه حتا تهرس ما بقا فيه ما يتشاف .. رجع عندهم شد هداية من عند الغالية و شاف فيها بنضرات اعتذار
حكيم: سمحي لينا على الديرونجمون و مسحيها فيا عفاك ديري بحال الى مقالو ليك والو .. و شكرا حيت قابلتي هداية
الغالية: لا مكاين حتا مشكل .. تهلا فيها
باستها و مشا هو من بعد ما ودعهم .. ركب بنتو اللور و عاطيها تلفونو كتلعب بيه و مشا لبلاصتو ديمارا و زاااد عفطة وحدة حتال الدااار في صمت ما تعرفي اش تحت راسو .. و حتا كريمة ما تزايداتش معاه في الهضرة التازمات الصمت و تقنات حتا وصلو و نزلات دخلات للدار .. لقات سارة في الكوزينة كتوجد ليها هي و مها الماكلة .. ما شافتش فيها و طلعات لبيتها .. و حتا سارة ما عارتهاش اهتمام .. ميقات فيها و كملات شغلها حتا دخل حكيم هاز هداية و ميكة فيها السقاطة .. سلم على ختو و خلاها معاها هداية كتستفسر على سنو وقع ليها و قلبها موجوع من جيهتها .. باستها و غسلات ليها و بدلات ليها حوايجها عاد حطات ليها تاكل معاهم و دخلو عند الحاجة حليمة لي كانت فبيتها ناعسة كترتاح ..
دخل لبيتو كيقلب عليها حتا خرجات من الدوش كتمسح في وجهها و لابسة بيجامة خفيفة شورط و تيشرت ديالو .. دازت من حداه بحال الى مكاينش حتا حسات بشعرها تجر من جدورو حتا غوتات بالم
كريمة شادة ليه في يديه كتحاول تنقص الالم: حكيييم رخي مني اممم راك كتقسحني رخييي
حكيم مغدد عليها و لكن صوتو خافت مكيغوتش: ياك ابنت ال*** باغية تردييييني حمااار بالودنييين هاا!! كتزككي قداااامي و دايراني بحال ميخي معلابالكش و دووووزتها بجغيمة الماااا .. كتخبييي عليا تلفووووناااات و تهضريييي بالتخبية و الكودات فالتيلي حتا هادي غمسناها فالعسل و قلنا هاااانية ” زاد زير ليها على شعرها حتا تأوهات بالم”
ولللللكن بااااش توصل بيييك تحرقييي بنت ملاااائكة معااارفة واااالو على قبل مشقووووف غنحرق **** مك كلك و مانحنش فيييك .. شنو كيحساااب ليك راسك ناعس على ودنية !!! ما غنعرفش شنوووو كديري مع البنت و هي مسكينة يتيمة الام .. ما رعيتييييش لا لعمرها ولا لضروووفها و لا شنوووو خاصها .. كيهمك غيييير راسك !! .. شنووو دارت لييك هاد البنت حتا تحرري فيها العيييشة هاااا ؟؟! هادشييي علاش تافقنااا نهار الاول؟؟؟ ياااك اول مرة هضرت معااك قلت ليييك عندي بنت و عندي ام بغيييت لي توقف معاااايا و تعاوني ماشي لي يخرج يتقحبن فالزنقة و يخلي الدااااار خاوية .. زووووج كلمات غنقولهم لييك .. انا بنتي غااااالية عندي و هي الدنيااا و ما فيييها الله ينعل بووو العيالاااات لي ينزلو دمعة من عينيها .. و نتي ابنت الناااااس تجاوزتي حدوووودك معايا و بزااااف صبرت ليييك حتا فاااض بيا الكااااس و ملييييت منك كتفهمييي ملييييت .. غتجمعي عليا شراوطك و كيف تلاقينا خوووت نتفااارقو خووووت .. والله يعرضك السلامة و يجيييب ليك لي يفهمك و تفهميييه
طلق منها خلاها كتبكي و تم خارج حتا وقفاتو شادة ليه في يديه
كريمة: حكيييم حشومة عليييك هئ هئ شنو درت انااا راه ديك البرهوشة لي كانت مع جنات هي السبب هئ هئ واش غتكذبني انا و تيييق بيها هيييااا
حكييم: و مزااال زايدة فييييه .. واش مكتحشمييييش !! البنت بووووحدها قالت شنو وقع و ديييك البرهووشة لي كتهضري عليييها بعقلها عليييك و تفهماات الوضع و سكتاااات و نتي زااايدة كتكدبي عليا فوجهييي
كريمة: نتا عارف الدراري الصغار معارفين والو هئ هئ و حتا هداية مكتبغينيش راه غير كذبات عليا احبيبووو هئ هئ واش انا نقدر نحرقها !! راها بحال بنتي اكبيدة منقدرش نأديها .. راه هي بغات تمشي عند هديك و زلقات بيها رجلها و حطات يدها على الكاس تخوا عليها
حكيم: اهاااا .. دبا مبقاتش البنت لي حرقاتها ولات طايحة بوحدها!! .. عرفتي شنو يجيك مليييح .. خرجي تقووودي قبل ما نقودو السوايع بزووج ياله ديكااج
خرجات كتبكي و تهرنن خلاتو هو شاد راسو ما عارف شنو يدير .. بنتو و حبيبتو و سلطانة ديالو كتعامل معاملة سيئة من طرف مرتو و ما عارف شنو يدير .. كون من الاول ما تبعش كلام مو و خواتاتو غيكون دبا هااااني و بنتو على خييير .. كون ملي ماتت امها و هي كتولد و توصي عليها يدير ب وصيتها و يتهلا فيها بووووحدو ميدخلش البراني لي يتكرفس عليها .. شنو يدييير؟ .. و شنوو الحل؟ .. كيفاش يتصرف معاهم بزوج؟ .. عارف بنتو مكترتاحش معاها ولكن شنو يدير .. ينوض يطلقها و يجيب وحدة اخرى؟ .. و الى عاملاتها بنفس الطريقة؟ .. و الى كانت اكفس من هادي لي عندو؟ .. و الى بنتو مرضات بسباهم؟ .. واش يقدر يربيها بوحدو بلاما تكون امراة في جنبو؟ .. كيفاش غيتصرف معاها ملي تبدا تكبر شوية ؟ .. كيفاش يعلمها و يفقها اسرار النساء؟ .. كيفاش و كيفاش و كيفاش .. ؟؟؟ اسئلة كتيييرة طاحت على راسو و معندو ليها جواب .. كيحس براسو مبلوكي .. جبد كاروه كيكمي و يهدن ف راسو حتا سالاه و ناض خرج من البيت دخل عند مو باس ليها راسها و يديها و هي غير كترضي عليه .. لقا هداية ناعسة في جنبها و يدها لي محروقة و مدورة عليها الفاصمة حطاها على كرشها .. نزل باسها و يديه على شعرها كيحرك فيه بكل حنية على فروة رأسها و ناض خرج برا لقا ختو سارة لبسات جلابيتها و عقدات صندالتها و شعرها القصير كتحركو ب يديها باش يتقاد .. شافتو خرج و مشات عندو باستو و عنقاتو عاد تمات خارجة بلاما تعطي اهتمام ل كريمة لي كانت جالسة فالصالون كتفرج و عينيها كيراقبو غير حكيم حتا لبس في رجليه و خرج بحالو .. عاد هي خدات راحتها و رخات رجليها و بقات مقابلة التيفي و كتشوف اخر مستجدات الموضة ..
دخلات للدوش من بعد يوم طويل .. غسلات حالتها و طرفاتها و خرجات لبيت جنات لي شاركاتو معاها .. لبسات بيجامة مستورة و لاحت فولار على راسها عاد خرجات جلسات مع خالتها .. هضرة جابت هضرة و خديجة مكاتقاضاش حتا صونا تلفونها و جاوبات
خديجة: على السلامة ملي تفكرتي مك
سلوى: حبيبتي لباس عليك اش خبارك
خديجة: الحمدلله هاد الساعة .. نتي كيف احوالك و اروى لباس عليها .. راجلك بخير
سلوى: كلشي بخير اماما .. كنت بغيت نعلمك غذا غنجيو عندكم ندوزو شي سومين معاكم توحشتكم
خديجة: مرحبا و الف مرحبا .. غيجي معاك حتا راجلك
سلوى: وي بيان سوغ و حتا ختو امل مسالية و بغات تجي
خديجة: مرحبا بيكم و طريق السلامة .. بوسي ليا حبيبتي اروى .. ياله بالسلامة
قطعات معاها و ناضت جمعات الوقفة
خديجة: نمشي نتقدا داكشي لي خاص و الحلاوي و دكشي .. مبقا فالدار والو .. تمشي معايا ابنتي الله يرضي عليك
واخة العياء لي كانت حاسة بيه مبغاتش ترفض طلب خالتها و هي تنوض كتحرك راسها بايجاب
الغالية: نلبس غير جلابة و نجي
مشات للبيت هزات جلابة فالاسود من جلالب جنات لي كانت جابدة عليها بنعسة .. لبساتها و جاتها شوية عريضة عليها .. لان جنات عامرة عليها و وافية .. لبسات صندالة مريحة فرجليها و دارت حجابها عاد خرجات عند خالتها لقاتها كتسنا هازة بسطامها و الفولار مرمي على راسها و القدام من شعرها كيبان .. نزلو بزوجات و خديجة عيطات لراجلها خرج عندها .. جبد الفلوس مدهم ليها عاد زادت مع الشارع و الغالية شادة فيها حتا ركبو فطاكسي و خديجة غير كتعاود على نسيبها حتا وصلو لمرجان .. دخلو كيهزو شنو خاص و منين ما دازو كتهز خديجة و تعمر لي خاصها و لي مخاصها
خديجة: الحلوى نشريوها واجدة .. جنات متبغي تقادها معايا و انا نتعطل فيها
الغالية: الحلويات و لكيك غير خليهم على حسابي اخالتي انا نصايبهم ليك
خديجة: لا حبيبة منعذبك معايا و مبقاش الوقت
الغالية: بالعكس عزيز عليا نصايبها .. الى بغيتي خليها عليا انا نتكلف
وافقات خديجة و تقدات كل ما تحتاج و مشاو خلصو عاد خرجو لبرا .. بقات خديجة كتشوف فديك السلعة فين تهزها و تسنا فشي طاكسي يدوز من تما و عينيها كيدورو و تحنزز في بنادم ما خلات حتا واحد ما نممات فيه و الغالية غير كتشوف و تحرك راسها ليها حتا وقفات لوطو قدامهم خلاتهم كيشوفو فلي داخلها .. نزل كيفرنس كيف ديما .. لابس سروال جينز و قاميجة بيضة مع سبرديلة بيضة و الساعة فاليد فضية .. قرب من خديجة مد ليها يدو سلم عليها و تبعها الغالية..
حكيم: اللا خديجة لباس
خديجة: اللهم لك الحمد اوليدي و نتا بخير لبنية لباس عليها.. كيف دايرة واحد حليمة شحال مبقيت شفتها
حكيم: كلشي بخير .. ياك مكاين باس واقفبن هنا؟ .. عاد كنت جاي من المحل الجديد و شفتكم واقفين
خديجة: هانتا تشوف جيت نتقدا و حتا طاكسي مبغا يبان
حكيم: طلعو نوصلكم نييت راجع للدار
خديجة: الله يرضي عليك اولدي و ينور طريقك
هز ديك السلعة دارها فالكوف و ركبو معاه .. خديجة غادية شادة معاه الهضرة و الغالية مقابلة التيلي كتشوف في انواع الحلويات حتا وصلو و نزلات هزات ديك التقدية مع خالتها و طلعات .. حيدات ديك الجلابة و مشات للكوزينة رتبات التقدية كاملة و حطات شنو غتحتاج و بدات تخلط و تفنن فالاشكال و انواع الحلويات و خديجة حداها كتعاونها الى حتاجت شي حاجة و ترضي عليها .. فمها كيقطر غير لعسل .. مكاين غير الله يرضي عليك ابنتي .. الله ينور طريقك ابنتي .. الله يرزقك من عندو ابنتي .. و الغالية مكتافية غير ب امين امين .. ما سالات فاتت صلاة العشاء عاد هزات يديها و جمعات دكشي لي وجدات دارتو فالصوبيرات لي حطات ليها خديجة و مشات للبيت طرفات حالتها و توضات صلاة لي فاتها عاد جلسات حدا جنات لي كانت غارقة ميساجات مع حبيبها
الغالية: هاد الشيفور مزال مبغا يجي يدق الباب
جنات: تجيه فالراس ان شاء الله ملي عرفتو و انا راجعة اللووور الله يعطيه موصيبة
الغالية: ايوا تفرقي عليه ملي فاقصك و معصبك
جنات بنضرات هايمين فتيلبفون: و كنبغييييه اختي كنتشروط علييه هههه فقيهو صحيييح
الغالية؛ و هو؟ .. كيبغييك كيفما نتي كتبغييه؟ .. شوفي ا جنات عارفة راسي مكنعرفش فهاد الشي و معنديش دراية بيه ولكن راه الى كان نيييت باغيك على الاقل غير يجي يخطبك .. يعرفوك الناس راك معاه .. ديك الساعة واخة تخرجي و دخلي معاه ماشي بحال دبا .. هضري معاه و تفاهمو و حطو النقط على الحروف
جنات: ما خليت شنو قلت ليه اختي باش يجي يخطبني و هو كلام واحد لي شاد فيه .. حتا نجمع راسي .. حتا نجمع شوية الفلوس للخطوبة .. حتا نقلب على شي دار لي تهزنا كاملين .. حتا نلقا خدمة لي مزيانة …. بزاااف الاعذار بلا فايدة واخة كنضل نقول ليه راه باغاه كيفما هو و نتعاونو بزوج حتا نديرو دارنا انا نخدم و هو يخدم و بالشوية حتا نتمكنو ولكن معاااامن كنهصر انااا راسو كي الصخرة غيطرطق ليا شي عرق فراسي
الغالية حطات يديها على شعرها كتلعب خصلاتو: حاولي على راسك شوية راه ممزيانش ليك الاعصاب و نتي كتشربي دواهم .. الى مبغاش يجي لهلا يجيبو سيييد الرجال يجي راكع عندك راك همة و شااان ههه
ضحكات جنات و عنقاتها من كرشها حاطة راسها على حجرها: يخالي ليا الزييين ديالي العممممر دياااالي نتيي .. نوضي تعشاي نعسي غتكوني عييتي و نتي واقفة
الغالية: تأ مافياش لي ياكل شي حاجة .. معاش غتجي سلوى غذا
جنات: فالصباح ” قلبات عينيها” غيبدا تاني داك الحكام الزايد بففف
الغالية: اشمن حكام
جنات: امين راجل سلوى معنديش معاه كيدخل ليا بين العضام .. شحال من مرة تخاصمت مع سلوى بسبابو
الغالية: علاش؟ مالو اش كيدير ليك
جنات: كيدخل ليا في لباسي و في هضرتي و في مكلتي و صحاباتي .. كلشي الله يستر .. راه حمق داك السيد معرفتش كيفاش صابرة معاه هي
الغالية بخوف: عنداك غير يقول شي حاجة عليا
جنات هزات فيها عينيها: ايييوا حرررربش يجبدك و لا يجبدني هاد المرة .. الى ما قلبنا باباها سباط راه مولد فيا حسن غا الخلا
بقاو سهرانين كيتعاودو حتا دازت بيهم عينهم و نعسو معانفين بزوجات مخشيين فبعضهم .. رغم اختلاف شخصياتهم و اعمارهم الا انهم قراااب من بعضهم .. وحدة كتقدر تفهم الاخرى بلاما تحتاج تدوي .. اسرارهم مشاركينهم بزوج .. و واقفين مع بعض فالفرح و القرح .. لي شافهم مايقولش غير بنات الخالات ..
دخل للدار كيحك فراسو من اللور بتعب و حط السوارت فوق الطبلة كينادي على امه
حكيم: اللا حلييييمة
تمات خارجة من الكوزينة بالشوية عليها و شادة فيها هداية من يدها كتزيد قدامها غادية بيها للصالون .. دخلاتها جلساتها و مشات عنقات باباها كتبوس فيه و هو كيضحك ليها
حكيم: لعسيييلة ديال باباها
هداية: زبتي ليا السوكلاط
حكيم: جبتو لبنتي علاه انا نقدر ننسا
باسها و مد ليها شكلاطها خلاها مشات تلعب و تلفت عند مو
حكيم: لعزييزة كيف بقيتي
حليمة: نحمدو الله اوليدي .. فين غبرتي هاد لعشية خليتيني مهولة عليك
حكيم: مشيت شفت الخدمة كيف غادية في المحل الجديد
حليمة: الله يعاونك اعمارت الدار و يسهل عليك
ياله غيهضر وقفات عليه كريمة بشورط و تيسرت ديالو حاطة يديها على خصرها و قالبة شفايفها
كريمة: حكييييم سيير جيب ليا تلفووون منقدرش نزيد دقيقة اخرى بلا بييه .. نتا لي هرستيييه خرج جيبو ليا دبا
حكيم حك بين عينيه بتعب و نطق بلاما يشوف فيها: عيان اكريمة غذا و نجيبو ليك .. سيري طيبي لينا ما ناكلو بغيت نرتاح
كريمة: و لااا بغيتو دبا ا حكيييم واش نهاار كامل و انا جالسة بلا بيييه ماحشوماش عليييك و اصلا نتا لي هرستيييه خرج شريييه و تقدا ما تاكل ما فياش لي يطيب و غيخسرو ليا ضفاري و انا عاد قاديتهم و غذت غادية خارجة مع صحاباتي و
قاطعها بالغوات: هنييييينا .. تبختي ليا ك.. رااااسي بهاااد الديسك ديالك .. نتييي لاش لايقة الى مكنتي طيبي و تشقاااي حاطك ديكووور هنا ولا كيفاش .. دااارك ماقاداش بيها و كرشك هي اللخرة ماقاداش طيبي ليها .. و حاسبة راسك بناااادم!!
حليمة: غير ساعف اوليدي الله يرضي لييك .. برد اوليدي و دير الما منين يدوز .. غير تهدن انا نووض نطيب ليك اوليدي واخى منشوفشاي راه مزال نعرف نطيب
حكيم باس راسها و يدها و تم خارج: غير رتاحي ليا العزييزة ..
نخرج نشري ما يتكال و ردي بالك مع هداية حتا نرجع
خرج رادخ الباب بعصبية .. شي نهار يخرج طاااج من تم غير بسبابها .. داز لمحل بيع الهواتف من المعرفة ديالو .. اختار تلفون كيشبه لديالها الاول خلصو و خرج مشا لاجونش خدا ليها نمرة بنفس الرقم الاول عاد داز تقدا الحوت و رجع ادراجو للدار .. لقا مو شادة التسبيح في يدها و كريمة مقابلة التيفي و هداية كتلعب بالعابها .. دخل للكوزينة وجد دكشي لي جاب حطو فالطباسل و خرجهم حطهم فوق الطبلة فين كيتجمعو للاكل .. و كيف ديما مو في جنبو الايمن و هداية في جنبو الايسر و هو كيوكل فيهم بزوج و ناسي كرشو .. اما لالة و مالي ديال كريمة غير كتخشي فداك الوجه ممسوقاش كوول ولا لهلا يطيحو فكرشك .. لي هامها هو تعمر كرشها و تشد التيلي تشاطي مع صجاباتها و طلق عليهم البارود كيف ديما .. كملو اكلهم و وقفات كريمة غادية لبيتها حتا وقفها صوتو القهوي و التقيل
حكيم: فين غادية
كريمة: غادية نعس حسن ليا
حكيم: دوزي حتا تجمعي الدار مزيان و الغبرة تحيد من القنات و ضربي الجفال على قلبك .. ملي تسالي عاد سيري تنعسي على خاطرك مكاين لي يصدعك
نفخات كريمة فمها معوجاه حيت موالفة هاد الحالة: الصمت
دخل هو لبيتو حيد حوايجو و دخل تحت الرشاش غسل و دوش بالزربة عاد خرج تسرح و عيط على محبوبتو تجلس معاه تونسو و دكشي لي كان .. تكات حداه كتهضر معاه بالشوية و صوت هادئ بحال الهمس و هي كتشوف لي جنابها و تعاود لباباها شنو كيوقع ليها مع كريمة .. و اكيد بنت باها معندها مناش تخاف لي كانت كتقولو ليه و تخلبه كيتحسر على الاولاد
وصلو قدام الدار و كيف العادة كان سي حسن فالماكازا مقابل الخدامة و الكليان ديالو .. غير شافهم خرج عندهم كيسلم عليهم و يرحب بيهم بابتسامة و طلعو لفوق و هو هاز اروى كيلعب معاها .. دخلو لداخل لقاو خديجة فالكوزينة مع الغالية كيوجدو ف اتاي و يحطو الحلوى و المملحات و ما جاورهما .. خرجات عندهم خديجة تعنق و تبوس و فرحانة بمجيتهم عندها .. دخلاتهم للصالون و راجل سلوى لصالون اخر جالس مع سي حسن حتا دخلو ليهم صينية د اتاي و دوازو و نفس الشيء بالنسبة للعيالات دخلات عندهم الغالية سلمات عليهم و حطات اتاي و دوازو عاد جليو كيداكرو بيناتهم و الغالية شادة اروى كتلعب معاها ..
خديجة: كيف دايرة ابنتي اية لباس عليك امورك هانية
جوبات اية بحشمة لي كانت دايرة الحجاب و مرة مرة دخل شعرها بصبيعاتها: بخير اخالتي الحمدلله
خديجة: مرحبا بيك ابنتي الدار دارك
اية: الله يكبر بيك اخالتي
سلوى: فين هي جنات مبانتش ليا
خديجة: راه صابحة ناعسة اش كتعرفي فهاديك .. نووض نعيط ليها
وقفات الغالية معارضة خالتها: غير خليك اخالتي انا نفيقها
خرجات من الصالون و مشات لبيت جنات لي كانت مضلماه و ناعسة خاشية راسها تحت الوسادة
الغالية: جناات فيقي راه سلوى جات و كتسول عليك .. و نوضي خلاص براكة علييك من نعاااس .. جناااات .. وااا جنات فيقي
بزز باش هزات راسها من فوق الوسادة حالة عين و سادة عيين .. شعرها طايح على وجهها و تيشرت لي لابسة طايح من جهة كتفها .. مشات للدوش طرفات حالتها و غسلات وجهها عاد رجعات للبيت جبدات كنضورة فالكحل بلا كمايم لبساتها و مشطات شعرها جمعاتو لفوق عاد خشات رجليها فصندالة صبع فالابيض ب الرييش و خرجات كتمختر مع الغالية
جنات: جا حتا راجلها
الغالية: اه و معاهم واحد البنت
جنات قلبات عينيها بميوعة: اممم لوستها اية هديك ساكنة معاهم
الغالية: اه مزيان و دخلي سلمي عليهم و انا نمشي نحط ليك الفطور بينما تبعتيني للكوزينة
حركات ليها جنات راسها و دخلات عندهم بابتسامة سلمات عليهم و هزات اروى متضحك معاها عاد خرجات دخلات عند باها و راجل ختها دير الصواب .. مدات ليه يدها و
سلمات
جنات: سي امين لباس
امين حادر رايو لتحت باحترام: الحمدلله هاد الساعة .. نتي اش خبارك امورك هانية
جنات: هاحنا كتسلكو مع الوقت .. مرحبا بيك امين الدار دارك
خرجات مشات للكوزينة تفطر و مقابلة التلفون طالعة نازلة فالانسطاغرام حتا دخلات عليهم خديجة
– محشمتييش نتي .. ياك حطيت ليك بيجامة مستورة و مغطية علاش ملبستيهاش خارجة ب درعانك عريانين و نتي عارفة امين كيف داير
جنات: فرقيني عليك اخدوووج .. الصهد هذا و الحرارة فايتة الربعييين و نجي انا نتخشا فبيجامة مغلفة على راسي .. ياك لباس؟ .. مالي على حالتي؟ .. الى كان هو مرييض يمشي يتعااالج .. بابا و مكيتحكم فيا بحال هكاك بقا غير ندير ب هضرة البراني .. قابلي ضيافك اماما و هنيني عليك راسي غيطرطق و ديك الساعة غنتعرا على طاسيلتو بالمعقول
خديجة: ياربي تصبرني مع هاد البنت “شافت في الغالية” بنتي جبدي ليا اللحم من التلاجة هو و الدجاج حتا نجي نطيب الغذا الله يرضي عليك
الغالية: غير سيري تجلسي اخالتي انا نوجد الغذا متشطنيش راسك
خديجة: الله يرضي عليك ابنتي و يكمل بعقلك .. نوضي اجنات عاونيها واخة غير فالشلايض
خرجات خديجة و خلاتهم بزوجات حاطين الراس على الراس حتا فطرت جنات و هزات الغالية الماعن غسلاتهم و جبدات اللحم و الدجاج بدات فالنصيب و الطياب بمساعدة جنات واخة مكتعرف للكوزينة منين تجيها دايرة مجهود تتعلم من الغالية .. كملات النصيب و مشاو للصالون .. جلسات جنات فالقنت مبعدة منهم و الغالية هزات الموعان داتهم للكوزينة غسلاتهم و طرفات كلشي عاظ مشات جلسات جنب جنات حتا كتنطق اية
– عفاك اختي .. جيبي ليا كاس ديال الما يكون بارد .. الحرارة هنا
ياله غتوقف الغالية تجيبو ليها و هي تشدها جنات رجعاتها بلاصتها
جنات: الكوزينة غتلقايها مقابلة مع الصالون و راه الما فالتلاجة شربي حتا قرعة الى ما قدك كاس ازيين .. الغالية ممسالياش تمشي و تجي عليك
اية بتلعثم: ا.ال.لا فهمتيني غلط احبيبة انا مقصدت فيها والو
جنات: حتا انا اكبيدة مقصدت والو غير شرحت ليك و كان .. راك بنت الدار نوضي جيبي الما تشربي عادي
سلوى محمرة العين فختها: مافيها باس اختي تجيب ليها الما راه الطريق شحفاتنا و الحرارة فمراكش
الغالية يديها عراقو و هي كتفرك فيهم و بغات تنوض تاني تجيب الما
– انا نجيبو ليك اختي غير جلسي
جنات رجعتتها بلاصتها و شدات فيها متبتاها: جلسي بغيييتك تشوفي هاد الفيديو ” شافت فيهم” الكوزينة مقابلة مع الصالون
خلاتهم كيرمشو و خديجة غير حاطة يدها على راسها و كتشوف .. عارفة بنتها جلااااخة و فمها باااري منها ..
واقف عند باب الكوزينة كيتسنا ف هداية تشرب و يشوف في الساعة حتا وقفات عليه صارعة وجهها بالمايكاب و سروال جينز لاصق عليها مبين فخادها العامرين مع تيشرت اسود خاشياه فالسروال و صاك في يدها و الشعر مسبسب ورا ضهرها .. طلع فيها و نزل و هز فيها حاجبو
– فين بالسلامة شداها
كريمة: غادية معاك .. بغيت نشوف المحل كيف رجع من بعد الخدمة لي خدمتيه
حكيم بلا مبالاة هز بنتو في دراعو و زاد جهة الباب: جمعي الماعن غسليهم و وجدي الغذا .. ديري طاجين بالقوق .. هانا غادي نبدل ل هداية الفاصمة
كريمة: و حشومة عليك .. ديني معاك راني عارفاك غتمشي للمحل .. و ياااك المحل ديالي علاش متدينيش
ضحك باستهزاء و دور راسو شاف فيها: ديالك؟؟ علاش جاااك .. نقاوتك الزييينة ولا طيابك لي كيفتح الشهية ولا كلاااامك المعسووول ولا قلبك الحنييين ” حك بصباعو بين عينيه” كريمة ما ناقصش صداع غدخلي ديري اش قلت ليك حتا نجي و لينا هضرة طويييلة
خرج رادخ الباب و سورت من برا ممخلي ليها منين تخرج من بعد ما هز جميع نسخ الساروت .. دخلات هي كتصوط و تعاير و تسب حتا خرجات ف اللا حليمة لي كانت جاية من بيتها .. طيحات ليها عصاتها لي كتحرك بيها و زادت ممسوقاش كتنكر
– دايرني خدامة عندك انا .. ماحيلتي نقابل هاد
العورة ولا نقابل البرهوشة .. تفووو على عيشة كي الخرااا الله يعطيه الغرق .. خاص نخليه يكتب ليا المحل في سميتي و ديك الساعة نجري على هاد العقيسة عند بناتها نتهنا من صداعها و تبقا ديك الصفريطة د هداية
مشا للمحل ديالو من بعد ما داز بدل لهداية الفاصمة و مشا يشوف واش مزال ناقصة شي حاجة .. دخل كيشوف كيفاش رجع .. محل كبييير و تصلح .. تبدل ليه الزليج و الصباغة و المرايات و النقش فالسقف و البولات ركبو .. عاد بانت جماليتو .. حط هداية كتلعب و تجري فيه فرحانة و هو كيشوف فيها بابتسامة
هداية: هههه ديالي ابابا ديالي ههههه
حكيم: بصحتووو العمر ديالي .. غير تكبري و قابليه راسك هه “هزها كيبوس فيها و يهرها” ايوا الالة باش غنعمروه
هداية: غنديرو فيه لعااااب بزاااف و بحال مونيكاتي و كلشي من اللعاااب ابابيتو
حكيم: هههههه ايييه دبا عبرتي نييت هههه و تقابليهم نتي ياك
هداية: اه اه و نلعب معاهم كاملين منخليهمس يتضربو ولا يطيحو
باسها فرحان بيها و خرج ساد من وراه الباب و كيبلاني شنو غيدير فيه
واقفة كتقاد الحجاب ديالها مع جلابة بلوماربن و صندالة كحلة .. وجهها خالي من اي مستحضر تجميل و نقي .. هزات صاكها حطات فيه بسطامها و تلفون و خرجات عندهم لقات سلوى واقفة كتمشط لبنتها و هي كتجار معاها
– رصاااي غير نقاد ليك شعرك سيري
اروى: نووو مامي مبيتش .. حليه ليا مطلوق
بقات كتجار معاه و في الاخير خلاتها على راحتها .. هزات عينها في الغالية و ابتاسمات ليها
سلوى: ولفتي شوية الجو هنا .. البلاد جوها زوين ماشي بحال المدينة
الغالية: اه عندك الحق هه ولكن حتا مراكش ولافة دغيا كتولفي
سلوى: وايييه .. انا نهار مشيت مع امين لكازا كعما سخييت والله شحال بكيت ههه ولكن غير مشيت و والفت الجو ديال تما .. خاص غير الوقت
الغالية: دكشي لي كاين اختي
خرجات اية بسروال اسود و شوميز نازلة من الوراء مغطية ليها المؤخرة فالشيبي و فولار .. مكياج خفيف و ريحة فايحة منها .. وقفات حدا سلوى و بقاو كيتسناو في جنات تخرج
اية: تعطلات جنات .. نمشي نشوفها
سلوى: غير خليك مكتبغيش لي يبرزطها .. هاهيا غير شوية تجي
بقاو واقفين شي كيشوف فشي و الغالية مرتابكة من شوفات اية لي سكاناتها من اصابع رجيلاتها الصغيرين و حميمرين بيضين و نقيين … للحجاب لي ملفوف على راسها و مغطية شعرها كامل مكايبانش .. شافت فوجهها الدائري .. حجبان مقادين من عند الله و كتاف شوية مع عيون مشفرين منزلاهم كتشوف في يديها .. نيف منقاد و صغيور و فم كرزي اللون .. جمعات عينيها ملي عاقت براسها و شافت في الباب ديال بيت جنات ملي خرجات لابسة و مسمسفة على الحالة .. شدات في الغالية و تبعو سلوى هي و اية و معاهم اروى خارجين .. وقفاتهم خديجة لي كانت في الكوزينة و عيطات على جنات
– سيري جيبي ليا الحلييب هو اللول راه مبقاش و بغيتو نطيب بيه عاد سيري
جنات: ايوا جبدي شي صريف راه مبقا عندي والو .. دكشي لي كنت جامعة خسرتو
جبدات خديجة الفلوس مداتهم ليها و خرجات لقات الغالية مزال كتسنا فيها عند الباب و الاخرين مبعدين شوية .. خلاتها عند الباب و مشات دغيا تقدا لمها .. فهاد الاثناء وقفات اللوطو ديال سيف الدين و نزل منها كيسلم على ختو و يبوس في اروى .. مد يدو ل اية لي عينيها برقو و الابتسامة شرقات على وجهها و سلم عليها حادر راسو..
سيف الدين: فين شادينها دبا
سلوى: حتال المدينة نتساراو شوية
سيف الدين: متعطلوش فالليل و ملي تكونو جايين عيطو ليا نجي ليكم
سلوى: واخة حبيبي يكون غير خاطرك
خلاهم و تاجه للدار لقا الغالية مربعة يديها و واقفة كتشوف بعويناتها .. بابتسامة شاف فيها و ردات عليه بالمتل
سيف الدين: حتا نتي خارجة معاهم
الغالية: اه ههه راه غادية معانا حتا جنات
سيف الدين: استمتعي بوقتك ” تم طالع و رجع وقف فالدروج و عيط ليها دخلات عندو .. جبد ميتين درهم مدها ليها و هي امتانعات تشدها” الى احتاجيتو شي حاجة شريوها
الغالية: لا لا عندي اخويا سيف الدين شكرا
سيف الدين باصرار: عطيها لجنات و تقداو الى خصاكم شي حاجة ” ياله غترفض و هو يجمع حجبانو مغوبش” ياك انا خووك ايوا شدي الله يرضي عليك
شداتها من عندو وجهها حمر غيطرطق و خرجات واقفة مكمشة عليها ف يدها حتا جات جنات طلعات ليهم لحليب و نزلات شدات فيها .. مداتها ليها الغالية بيناتهم و نطقات بخفوت
– هادي عطاها ليك سيف الدين الى بغيتي تقداي شي حاجة
جنات: امم خليها عندك حتا نشوفو اش كاين و نتقداو
زادو من ورا سلوى و اية لي كانو مشادين حتا هوما و كيهضرو بيناتهم
اية: مقلتيليش .. شكون هاد البنت لي عندكم فالدار
سلوى: اويلي بنت خالتي معرفتيهاش
اية: نوو مكنعرفهاش .. حتا هي جات فاكونس عندكم
سلوى: تأ .. ساكنة هنا معانا .. هي و جنات بحال الخواتات و قراب لبعضهم .. بعد المرات كنقول راه هي لي ختها ماشي انا ههه
اية مزيرة: و و عادي زعمة خووك كاين و هي ساكنة معاكم
سلوى: وي نورمال راه قلت ليك كبؤات معانا راه تقولي بحال وحدة منا ماشي غير بنت خالتنا .. عزيزة و غالية و سميتها الغالية هههه
اية: اممم باينة فيها ضريفة
كملو تعاويدهم و شدو طاكسي وصلهم حتال المدينة و بدات مساريتهم و كل واحد
زوج كيسان ديال القهوى فوق الطبلة و باكية ديال الكرو و السوارت .. حك عينيه بتعب كيشوف بعيد مصغر عينيه و نطق بقلة حيلة
حكيم: والله اخا سيف معرفت شنو غندير معاها .. كرهاتني فالزواج و مايجي منووو
سيف الدين؛ غي سلك اصحبي راه العيالات هكاك دايرني حال و احوال
حكيم: لا لا هادي فاتت القياس اصحبي .. و مبقات كتحتارم حتا واحد ..
سيف الدين: ايوا حيد عليك الزبل اصحبي ملي مبغاتش تردع ماعندك مادير بيها
حكيم: فكرت فيها شحال من مرة و مزال صابر معاها لعلى و عسى تفهم راسها ولكن زادت فيه .. ما علينا .. كمل المحل بالخدمة خاص غير يعمر
سيف الدين: على السلامة .. ايوا عمرو ليها و خليها تخدم فيه على الله يقل صداعها
حكيم بسخرية: هه كتفلا عليا!! ديك الساعة عاد غتلقا ما بغات .. و زايدون المحل فسمية هداية مغتخدمش فيه هي .. غنعمرو بشي حاجة و نجيب ليه خدامة فيهم التيقة كتر منها هي
سيف الدين: واا خويا شغلك هذاك ” شاف في التيلي” المهم نخليك دبا حتال من بعد
حكيم: تهلااا
خرج سيف الدين من القهوى ركب سيارتو و توجه للمكان فين داير مع سلوى يجي ليهم .. مسافة الطريق و كان عندهم .. نزل بابتسامة و هو كيشوف فيهم كل وحدة هازة شاسيات في يديها و هز اروى كيبوس فيها و يعنق
سيف الدين: خالووو .. شنو شريتي حتا نتي
اروى: غوب و صندال زوينين اخالو غيعجبوك
سيف الدين: بصحتو حبيبي .. ياله ركبو نمشيو فحالنا خديجة من الصباح و هي تسنا
داز هو شرا كلاص ل اروى و خلاهم عند سيارته .. وقفات جنات حدا الباب الامامي فتحاتو و هي تم جاية اية بغات تركب و ابتسامة على وجهها .. ياله غتركب و هي تشد فيها جنات مطلعة حاجبها و العياء باين عليها
جنات: حنا معجبناكش ازيين ولا جيناك على العين العورة
اية: باغدون!
جنات: ما باغدونش اخيتي .. رجعي اللور انا لي سبقت لقدام
اية: مي نو انا لي ركبت اللولة
ركبات سلوى اللور و تبعاتها الغالية و خلاوهم مناقرين .. وحدة كترض على الاخرى و حالفين مايتنازلو و يرجعو اللور حتا وقف عليهم سيف الدين هاز اروى .. مدها لسلوى شداتها و وقف عليهم باستغراب
سيف الدين: ياك لباس
اية: معرفتش مالها اسيف .. جيت نركب و حبساتني مبغاتش تخليني
جنات: رجعي اللور و ركبي انا لي سبقت هنا و انا لي غنركب هنا
اية: نوو نتي كنتي واقفة عند الباب و انا جيت نركب
جنات: اختيي متبخي ليا راسي بهضرتك .. بلااااصتي هادي مايحيدهاااش ليا الطبييب
مني منك .. مني منك حتا عصبووه و هو يجرهم بزوجات .. حل باب الخلفي و شاف في الغالية
– نزلي اختي ركبي القدام .. بربي لا ركباتها شي وحدة ياله و طلعووو
نزلات الغالية كتضحك عليهم ركبات جنبو و هوما طلعو اللور منفخين
جنات: اللهم في الغالية ولا فيييك المسيميمة ياوجه التيمومة
اية: اش هاد الالفاض !! حتارمي راسك
جنات: راسي و محتارماه .. هصرتي و عاجباني .. ولي معجبتو نفقصووو ” و قلبات عينيها “
الطريق كاملة و هوما عطيني نعطيك حتا وصلو للدار .. نزلو كاملين كل وحدة دخلات لبيتها .. جنات و الغالية دخلو لبيتهم و اية لبيت الضياف اما سلوى فمشات لبيتها هي و راجلها لي مخلين ليها فينما جاو عندهم ..
من بعد ما غسلو حالتهم و طرفوها و بدلو حوايجهم .. جلسو شاعلين التلفزة و الكليما مبردة الدار .. كل وحدة مقابلة حاجة .. سلوى كتعاود مع مها و اية مقابلة التيليفون و جنات شادة صباغة كتصبغ ضفار رجليها و الغالية مقابلاها كتشوف فصبيعاتها المقلمين .. و مرة مؤة كيهضرو
جنات: في خبارك عيطو عليا لمقابلة عمل ههه غذا عندي مع الصباح .. دعي معايا نتقبل
الغالية: الله يسهل عليك احبيبة و يسر ليك الامور .. فاش غتخدمي؟
جنات: سونطر د ابيل .. كنت دعفت لشحال من وحدة و هادو عيطو عليا غير قبيلة
الغالية: بالتيسير اختي الله يوفقك .. الخدمة زويينة .. حتا انا مكرهتش كون كنت قارية و نقلب على خدمة
جنات: ماديريش في بالك ازيين كل واحد و شنو مكتب ليه الله .. راه القراية ماشي ديما كتنفع .. كاين لي داير بروجي ديالو بووحدو حسن ليه من شي قراية
الغالية: واييه ربي كبير دبا يفرجها علينا
جنات: امين ..
حل الباب و دخل للدار .. السكون غالب على المكان .. شعل الضو باش توضح ليه الرؤية و مشا لبيت مو هو اللول طل عليها لقاها ناعسة و حداها هداية مزال بحوايجها ممبدلينش .. تنهد تنهيدة طويلة و دخل باس راس امه و هز هداية بالشوية باش متفيقش داها لبيتها .. حطها و هز بيجامة خفيفة صيفية و رطبة شورط و تيشرت ديالو لبسهم ليها بالشوية .. و حيد ليها المقابط من شعرها .. خلا الصو فبيتها شاعل و مشا لبيتو لقا كريمة متكية و عينيها عليه ..
كريمة: فين كنتي حتال دبا؟ .. تعطلتي
مكلمهاش و دخل للدوش غسل و طرف حالتو و خرج لبس شورط و بقا عريان من الفوق و رجع خرج مخليها غير متبعاه بايتغراب من حالو هاد الايام .. دخل لبيت بنتو و نعس حداها براحة مغمض عينيه كيتصنط لعضامو.
شرقات شمس يوم جديد.. ببدلته سروال جينز و تيشرت ابيض و سبرديلة في رجلو.. وقف فالكوزينة وجد فطور ل مو و بنتو و دخلو ليهم حتال البيت فطرهم و شرب اللا حليمة دواها عاد ناض خرج حط الموعان موسخين في الكوزينة و خرج يقضي شغالو و بين افكارو متأكد من الخطوة لي غيديرها هاد المرة ما غيراعي لا للعشرة ولا الصحبة و لا المحبة.. فكرة وحدة لي كتدور في دماغو و هي لي غيطبقها و يتهنا في مرة
الملل قتلها .. من البيت للكوزينة و من الكوزينة للصالون .. سلوى خرجات هي و راجلها و بنتها و خديجة مشات تقدا .. اية جالسة قدام التلفزة و التلفون في يدها ..و جنات لي هي ونيستها مكايناش غايبة دوز المقابلة .. ناضت كتسوط من الصالون دخلات للكوزينة و جبدات مكونات كيك .. بدات تخلط و طالقة موسيقى هادية كاسرة داك الصمت الملل و هي دخل عندها اية ب كندورا صيفية فالاصفر و شعرها مجموع الفوق بقراصة .. ابتسمات ليها و هي كتفحصها ..لابسة بيجامة صيفية بالغوز بيبي و شعرها الاسود سفنجة لفوق .. قلبات عينيها و هزات كاس دالما شربات و حطاتو جنب الغالية كتشوف شنو كتصنع..
اية: الله يعاون
الغالية: امين ختي شكرا
اية: متعرفناش على بعض .. المهم انا اية 25 سنة خدامة و نتي
الغالية: الغالية عندي 19 العام و غير جالسة فالدار
اية: سي فغي! مكتقرايش
الغالية: لا .. خرجت شحال هادي
اية: امم مزيان .. و شنو كديري هنا عند خالتي خديجة .. كنت قلت راه شداك لقراية دكشي علاش
الغالية: ل.لا ساكنة معاهم هنا هادي عام
اية: عااام كامل!! و خلاوك واليديك .. و سمحيلي اختي مي جالسة فدار خالتك و عندها الولاد راه غيفهموها الناس غلط .. عارفة سيف الدين محتارمك مي الناس مكيقولوش هكاك
الغالية بارتباك: ل..لا رراك فهمتي غلط .. سيف راه بحال خويا لكبير و كيعاملوني مزيان بحال جنات دكشي علاش جلست عندهم و واليدية في اخبارهم و حتا هوما معندهمش مشكل
اية: اييه فمهت انا غير قلت ليك .. ولكن راه تجلسي عام كامل عند خالتك بزاف .. واخة يكونو كيعاملوك مزيان راك كتبقاي دخيلة عندهم..
-مكاين الدخيلة قدك !!
تلفتو بزوجات مفزوعات من الصوت لي سمعو و اية مخرجة عينيها فيها وجهها حممر .. شافت فيها جنات ببرودة و دخلات عندهم كتحيد في الفيست لي لابسة بقات ب طوب ابيض..
جنات: شنو عند بالك كديري؟ .. قلتي البنت صغيرة نعمر ليها راسها بكلامك المسموم ولا شنو؟
اية: اا فهمتيني غلط اجنات حنا غير كنا كنهضرو سيتو
جنات: كتهضرو!! هه .. متهضريييييهااااش اختي و فووووتي ساحتها .. راه مزااال محتارماك ا اية و عطياااك شبر د التيساع على وجه ختييي .. ولكن بربي و تبداي طلقي فسمك هنا كي اللفعة حتا يكون تصرف اااخر معاك .. دخلييي سوق راسك .. ياك جيتي ضيفة عندنا و تركني في بلاصتك و فوتي عليك شي حاجة اخرى .. تجلس عاااام ولا 100 عااام ماشي شغلك نتييي .. ما داارك ما نتي لي كتصيييري عليها ما نتي لي مسكنااها عندك .. شنو دخلك فيها!! و شكووون كذب عليييك و قاليك هي دخيلة عندنااا .. ايوا سمعييي نقولك اخيتي .. الغاااالية ختنا و بنتنا كتفهمييي و ملي تزادت و هي معانا ختنا و لي ضراتها ضراتنا كتفهمي !!
اية: راه غيير كنا كنهضرو راه مقصدت فيها والو
جنات بعصبية: و دوووووخلي سوووق راسك متهضرييييش معاااها و فوتي ساااحتها .. ماشي قدك و متعرفش لمعانيييك و كلااامك الزيين .. فوتي ساحتها ا اية ولا راه غتلقاي لي ميعجبك هاني دوييت معاك بيني و بينك .. و كوني اكيدة كون خديجة سمعاتك غيكون كلام اخر
خرجات كتسووط و دخلات لبيتها و تبعاتها اية مشات للبيت لي عاطينها .. بقات الغالية في الكوزينة ما نطقات ما تكلمات .. مزيرة على يديها و وجهها حممر .. كلام اية كيضور في راسها و كتحلل فيه .. علاش جالسة عندهم؟ .. شنو مكانها وسطهم؟ .. بلاصتها بين واليديها .. واخة يوقع لي وقع كتبقا دار راجل خالتها .. يصبر حتا يعيا و يتقادا صبرو .. واش باها لي والدها و نساها بقا غير رجل براني عليها يبقا هازها !! ..
عقدة تكونات فحلقها و عينيها عمرو بالدموع .. كتحس براسها وحيدة معندها لا لي يوقف معاها ولا لي يساندها .. كانت بعائلة و خوت و رجعات يتيمة مقطوعة من شجرة من عير مكالمات امها بالتخبية على باها مكاين لي يسول عليها ..
مسحات دموعها ملي سمعات الحس جاي جهتها و ضارت كتكمل شنو بدات حتا دخلات عليها خديجة كتنفخ و تنش بالغولار على وجهها و جلسات فوق كرسي محيدة الصندالة من رجلها
– اوووف سخفت يابنتي سخخخفت .. الحرارة مجهدة شحفاتني .. ما كترجعي من الزنقة حتا تهلكي
هزات الغالية كاس دالما عطاتو ليها شربات و حطاتو
خديجة: مزال مجاتش جنات شفت حسها مقطوع
الغالية: جات شوية هذا و دخلات لبيتها .. بانت ليا عيانة شوية
خديجة: اييه حتا انا لاحضتها هاد ليام نخليوها ترتاح .. شنو كديري الغالية
الغالية: كنت جالسة و قلت نقاد هاد الكيك لعشية
خديجة: الله يعطيك الصحة احبيبتي يديك كيخرجو غير العسل
الغالية: بصحتك اخالتي
خديجة: نمشي نبدل حوايجي و نجي نطيب لغذا ” نعتات فواحد الشاسية محطوطة” هادي فيها شي حاجة ليك و لجنات ملي تكملي دخليهم معاك لبيتكم
مشات خديجة لبيتها و بقات الغالية متبعاها بعينيها و عقلها غايب كيفكر فحياتها من هنا للقدام ..
فتح الباب و دخل كيسرح فعينيه و يقلب عليهم .. طل فالصالون مابانوش ليه و هو يبدا يعيط على بنتو .. خرجات من بيت اللا حليمة بكسيوتها الموردة و كرينات كيمشيو و يجيو حدا وجهها و هي جاية كتجري فرحانة عنقاتو .. هزها هو الاخر كيضحك ليها و يبوس و يهر فيها حتا كتبغي تسخف بالضحك عاد كيتفرق عليها
حكيم: فين ميمة ازين باباه
هداية: كتصلي فالبيت و حتا انا كنت نصلي ولكن سمعتك و جيت عندك
حكيم: هههه الله يقبل ليك المرضية .. كليتي شي حاجة
هداية: اه كليت انا و ميمة و انا لي عاونتها فالطياب هههه
حكيم: كريمة مكايناش
هداية كتجاوب و تلعب ليه فصدايف القميجة: نو .. خرجات قبيلة ابابا و مبغاتش تديني معاها مسمومة
حكيم: انا نخرج الحبيبة ديالي .. ياله سيري غسلي يديك مزيان و عيطي على الميمة و اجي تاكلي باش نخرجو..
حطها للارض و مشات كتجري غسلات يديها و نشفاتهم و دازت عند اللا حليمة شدات فيها من يدها و خرجاتها جايين للكوزينة فين كان موجد حكيم الاكل و كيكب العصير في الكيسان .. جلسهم و حط ليهم الماكلة قدامهم و جلس جنبهم كيهضر معاهم كيف اي عائلة
حكيم: شوية و تجي سارة هي و ماجد (ولدها)
اللا حليمة: مرحبا بيهم .. غير جاية
حكيم: اممم بغات تجلس معاك شوية
هداية بصوت طفولي منزعج: خااايب مازد كيغوت عليا
حكيم: ههه حيت كديري علاش القنية ديالي .. المهم مديريش البسالة و نخرج حبيبة ديالي فين ما بغات واخة؟
حركات راسها بايجاب و كملات مكلتها و ناضت غسلات يديها و جلسات تلعب حدا اللا حليمة .. اما حكيم كفض على يديه و غسل الماعن لي بقاو محطوطين طرفهم و مشا لبيتو بدل حوايجو بوحدين اخرين .. ياله كان نازل حتا كيسمع صوتها كتغوت لتحت و هو ينزل مبرد كيشوف فيها..
كريمة: شنووو هدشي كدييير واش حماقيتي!!
حكيم: شنو درت؟
كريمة و هي كتزفر من مناخرها: مشيييت للبانكا نسحب شي فلوس كانو خاصيني و لقيتك حيدتي ليا الاوطوغيزاسيون باش نتصرف في الكونط
حكيم: وي سي فغي .. حيت فتحت ليك كون اخر غنبقا نحط ليك فيه الفلوس لي محتاجة و ديك الساعة ديري بيهم لي بغيتي
كريمة بدات كتهدن: واش كتهضر من نيتك
حكيم: باينة فيا كنتفلا! .. زيدي معايا محتاج توقيعك ازين
جرها خرجها ركبها فالسيارة و بقا واقف عند الباب كيتسنا في ختو حتا بانت ليه وقفات بسيارتها و نزلات هي و ولدها .. باس ماجد و دخلو و وقف معاها هي كيهضر و عينيه على كريمة
حكيم: بقاي مع الوليدة حتا نرجع عفاك و ردي البال مع هداية راه يدها مزال كتوجعها واخة؟
سارة: كون هاني احبيبي .. المهم علمني باش ما كان
حكيم: واخة .. دخلي دبا
دخلات هي للدار و مشا هو ركب و ديمارا اللوطو غادي مكسيري و هي مراقبة الطريق حتا وقفات السيارة و نزل .. فتح عليها الباب و نزلات حتا هي تابعاه باستغراب و كتسول ولكن هو معاطيهاش راس الخيط حتا وقفها قدام بيرو المحامي و هي مدهشرة مفاهمة والو
كريمة: شنو كنديرو هنا؟ مابقيت فاهمة والو شرح ليا اش واقع
حكيم: دخلي و غتفهمي اش واقع
من بعد هضرتها مع اية .. دخلات لبيتها بدلات حوايجها و هزات البيسي كتطابي فيه بتركيز .. تفتح الباب و دخلات الغالية حطات قدامها الشاسية و جلسات فوق السرير كتنهد
الغالية: هادو جابتهم خالتي
جبداتهم جنات كتشوف شنو هوما .. لقات زوج كساوي ديال التوب رطب و صيفي .. طوال ديال الدار و مبردين .. موردين بوريدات و الوانهم متفتحة ..
جنات: باااردين توبهم رطب .. خلي ليا هادي لي مزوقة بالزرق عفاك ههه عارفاه عزيز عليا ههه و شدي نتي هاد الغوز
الغالية: خوديه هه بصحتك
شافت فيها جنات مطولا و تنهدات ناضت جلسات حداها و شدات في يديها كتلعب ليها في صباعها
جنات: شوفي الغالية .. راني كنفهمك قبل ما تهضري .. عارفاك شديتي كلام اية بجدية و بقيتي كتخيطي و تفصلي بينك و بين راسك .. ولكن كنبغي نأكد ليييك ان كلامها كلو زييييرو .. ما منو والو كلااام خاوي و صافي .. غير بغات تخربق ليك دماغك و صافي .. هاديك السيدة راه انا لي كنعرفها .. السم و البغد لي فيها ماعمري شفتو .. واخة كتبان ليك هكاك .. راه اكبر مخلويضة و محسادة و مغيارة .. معرفتش شنو لي خلاها تقول ليك هكاك و علاش بغات تلعب ليك بعقلك حتا نتي واخة بعييييدة عليها و معندك بيها حتا علاقة ولكن لي عارفة انك نتي ختيييي و صحبتي و عشيييرتي و كلشي ههه راه نتي هي نصي التاني ههه كلشي كنعاودو ليك و دايرة فيك التيقة لي مدايراهاش حتا فراسي حيت كنعرفك مزيان و عارفاك اش كتسواي .. لي بغيت نقول ليك هو خوي راسك من هاد الهضرة الزايدة و جمعي كغك معااانا .. راه هاظ الطيبة و النية لي فيك هي لي كتجيبها ليك .. الى شي واحد قال فيك شي كلمة رديها ليه بعشرة و لي درقك بخايط درقيه ب حايط فهمتيني .. راه هدشي لي بغات الوقت .. واخة كتقولي عليا مقصدرة و سنطيييحة مي انا هاكا غير مع لي يستاهل
جنات: .. راه هدشي لي بغات الوقت .. واخة كتقولي عليا مقصدرة و سنطيييحة مي انا هاكا غير مع لي يستاهل و ضريييفة و حنييينة مع لي يستاهل ههه اللهم زدني تواااصعا هههه
الغالية: هههه حمقة .. واخة معرفت كيف تكوني راك ختيي والله و عمر مكانتك غتبدل في قلبي .. لقيت فيك لي ملقيتوش في وليدية و غندير ب كلامك حيت نتي لي ممكن تفهميني و تنصحيني .. شكىا بزاااف حيت نتي في حياتي .. كون ماكنتيش معرفتش سنو كنت غندير
عنقاتها كتمسح دوك الدميعات لي نزلو ليها و جنات كتفرنس و تبوس فيها حتا تهدنات
الغالية: شنو درتي في الخدمة؟
جنات بفخر؛ بيانسيوغ تقبلت هههه راه جنااات هادي و اجرك على الله هههه
الغالية: مبروك الخدمة هههه
جنات: ييحفضك ليا العمر .. غذا غنبدا معاهم ان شاء الله
الغالية: سعداتك والله .. مكرهتش كون خدمت حتا انا ولكن ما عندي لا شهادات لا صنعة .. كنفكر ندير شي حرفة في يدي
جنات: اييه الصنعة مزيانة متافقة معاك و حتا الخدمة الواحد يتلف فيها شوي ” سكتات شوي” مديريش في بالك غنشوف ليك شي خدمة لي متحتاج لا شهادات لا ديبلومات تلفي فيها واخة غير الوقت و متبقايش بين ربعة دالحيوط
الغالية بفرحة: بصح! زعمة نقدر نلقا شي خدمة و انا معندي والو في يدي
جنات: انا نشوف ليك الناس لي كنعرف .. ولكن راه ماشي شي خدمة .. غيكون الصالير شوية نازل و خدمة على قد الحال
الغالية الفرحة غتنقز ليها من عينيها: هههه مكيهمش المهم هو نخدم و صافي واخة يكون لي يكون
جنات: ان شاء الله .. المهم غنخرج انا دبا ههه دايرا مع فؤاد نتلاقاو اليوم
الغالية: واخة سيري و ردي البال لراسك
جنات: اوكي و ملي يجي سيييف قوليها ليا عفاك
الغالية: كوني هانيا
ناضت جنات كتبدل في حوايجها و يهضرو بيناتهم و هوما غافلين على لي واقفة عند الباب و كلامهم الاخير جا في مسامعها .. رجعات لبيتها سامحة في الما لي خرجات على قبلو و جلسات كتخطط و تفصل ترد الضربة ل جنات بلا ماتعيق بيها..
الصدمة معتالية وجهها .. كتشوف فيه جالس ببرودة كيتصنط لكلام المحامي و يدو على فخدو كيضرب بصباعو عليه .. وقفات بعصبية و عدم الاستعاب كتشوف فيه
– واش عارف راسك اش كتقووول .. كيفاش الطلاق ولا زبل ؟؟؟
المحامي: امدام جلسي و خليني نشرح ليك..
كريمة: معندك متشرح ليا نتااا .. انا كنهضر مع رااااجلي هو لي غيفهمني اش هاد المرررض
حكيم ببرودة مكتسية وجهه: شنو مفهمتيش؟ .. معليهش نعاود نشرح ليك واخة كلشي باين .. انا اختي رفعت دعوة الطلاق .. و هاد المحامي هو لي غينوب عليا .. حست بطل بساطة معنديش الوقت ليك نبقا مقابلك ف اختريت المحامي يتكلف بلاصتي و كوني هانية امدام حقوقك غيوصلوك و الله يعاونا و يعاونك
كريمة بعصبية: انا ممطلقااااااش كتفهم !! مغنطلقش و عمرك تحلم بييييها .. غنبقا مررررتك بغيتي ولا كرهتييي ماشي شغلي
حكيم: كتعيي فراسك و فيا .. المهم لي عندي راه قلتو ” شاف في المحامي و وقف ” مكرهتش تعجل في الدعوة بغيت نتفك خلاص عندي شلااا ما يدار
كريمة بسم: مكاااايناش شي وحدة لي تقبل علييك من غيييري كتفهم .. انا لي رااااضية بيك و قبلتك كيفما نتااا و دبا جاااااي رافع عليا دعوة الطلاق!!
حكيم بسخرية: قبلتي عليا!! هه .. مزال غنجييب لالاك و بنت الاصل و مربية و كيف الوردة متبانيييش نتي قدامها .. و المهم انها باغياني انا و بنتي اكريمة ماشي شنو كنملك .. هنا سالينا .. و كلامك يبقا مع المحامي انا صافي مبقات ليا هضرة معاك ..
****
مش هانكمل انا عارف من الاول مهما مطول هتكون اخرتها اييييه .. كنت متعود اسمع و افوت .. بس المرة ديه قلبي هادوس عليه ..
هاندير لي فراسي .. ايزي اعيش بلا بيك .. خليك ناسي .. خلييك ناسيييي
انسااااي انساااي بلي شي نهار اعرفتيني انسااااي .. ياله بااااي و باااااي انا ماشي ليييك ياله بااااااي
****
خرج من عند المحامي ركب سيارتو و زاد و هو كيتفكر شنو وقع لبارح
🔙🔙🔙🔙
سيف الدين: نخليك دبا حتال من بعد و نتلاقاو
حكيم: تهلاااا
بقا جالس من وراه شاد كافي نواغ و يخمم .. شوية جبد التيلي كبقشش فيه و تفكر الابليكاسيو لي دار فتيلي ديال كريمة ملي شراه ليها .. اي حاجة وصلاتها غتوصلو حتا هو …. دخل للواتساب كيبقشش فيه و يقرا شنو عندها و معامن كتهضر و هو كيفتح لعينيه مع كل ميساج كيقرا
كريمة: راه دكشي لي كيعطيني ياله كنخسرو على راسي .. خاصني نشد فشي حاجة صحيييحة و يكتب ليا المحل في سميتي
ختها: ياك قلتي صلح ليك المحل و غيعمرو ليك و تشديه
كريمة: صلحو ولكن مزال مكتبو في سميتي .. خاص نقول ليه يكتبو ليا باش ديك الساعة ما يلقا منين يدوز ليه و الى طلقت نكون استافدت من هاد الزواج
ختها: ياك عاطيك كود ديال الكونط ديالو .. هزييي منو و قولي ليه كنت محتاجاهم و كل مرة هزي شحال بغيتي حتا تلمي بعدا شي حاجة
كريمة: راه كيسول على الخوخة و شكون زرعها حتا حاجة مكدوز عليه خاص نهز و نقول لاش بغيتهم
ختها: كذبي شي كذبة و تقربي منو تلحمسي ليه حتا يكتب ليك المحل و ديك الساعة سرسبيه معندك ماديري بيه ها البنت ها العكوزة بلاش منو ديك الساعة شوفي ليك مع داك السعودي لي كتهضري معاه
هز حجبانو كيقرا فداكشي و يتمعن فيه .. ماتحرك فيه والو بحال الى ماشي هو المقصود من دكشي .. او بحال الى دايز منو و معاود .. متفاجئش منها او تصدم .. حيت عارفها خبيتة و تقدر دير كتر من هكاك .. ناض خلص شنو عليه و ركب سيارتو و مشا فحالو..
🔚🔚🔚
وصل للدار و دخل لقا مو مجمعة مع سارة و هداية كتلعب مع ماجد و يضحكو .. سلم عليهم و طلع لفوق لقا ختو جامعة حوايج كريمة كاملين في الفاليز و هو يعيط عليها
حكيم: كلشي مجموع هنا ياك
سارة؛ وي .. حتا ذهبها و وراقها جمعتهم فهاد الشانطة الصغيرة
باسها فراسها و هز دكشي: يحفضك ليا .. المهم متقولي والو للواليدة حتا يكمل هادشي و ديك الساعة نخبرها
سارة: كون هاني .. هاد الليلة غنبات هنا معاكم ادم مسافر
حكيم: دارك هادي ازين .. انا خارج بلاما نوصيك عليهم
رجع خرج و هاد المرة توجه لمنزل والدين كريمة .. حط الشانطات و دق عليهم .. غير تفتح الباب بغات تشد فيه ختها بدوك لغدايد لي راكبينها و هو يبعد هاز يديه قدامها
حكيم: اختي احتارمي راسك شوية .. ها حوايج ختك كلشي مجموع ليها هنا .. الله يعاون
زاد و خلاها واقفة كتغلي و العصاب راكبها .. دخلات دكشي و مشات لبيت فين كانت كريمة كتبكي و تمسح و وجهها تنفخ بالبكا .. حداها مها حاطة يدها على راسها و تشوف فيها و ختها كتمشي و تجي و تقلز ليها بصبعها
لبنى: هااكي دبا جلسي علييه .. تلت سنييين و نتي مزوجاه و جا دبا خوورك يال*** فاااش تجمعي كرك معاه من الاول و تسوسييه متخليش دينمو ينبت الريييش جالسة راخية ليييه حتا دارها بيك دبا
كريمة: سكتييي عليا حتا نتييي متزيديييش عليا .. باش غنعرف انااا هدشيي بااااش .. راه كاان كيدير ليا كي الما القليييل و ديما صابر ليا واخة معرفت شنوووو ندير ليييه .. كنت كنقووول راه عمرو يقلب عليا وجهو و حتا وحدة متقبل علييه من غيري … جااا هو ضرب ليا كلشي فالويييرو .. دبا خرجت لا حاحة لا ملاحة .. و حتا داك المحامي دالويييل جبد ليا ضواسا عطاهم ليه مخلا ليا منقووول الى رفضت الطلاق غيغرقني حتال الودنية و يدخلني الحبس
الام: ديالاش هاد الضواسا .. و علاش دخلي الحبس مالك
كريمة كتغدد: تجسس ليا على التلفون و جبد تصاوري و هضرتي و كلشي لي كنقول مع لبنى و حتا تصاور قدام مصورة مع شي دراري بغا يردهم لصالحو و يخرج عليا .. غيرفع عليا دعوة ديال الخيانة و نمشي فالرجلين
الام: ايوا معليك غير بالطلاق نتي لي جبتيها لراسك بوحدك
* لبسات سروال جينز باهت اللون قصير مع شوميز سوداء و سبرديلة في نفس اللون .. جمعات شعرها كوتشفال و هزات صاكها و صيفطات بوسة فااهواء للغالية لي كانت حاضياها .. عاد خرجات ريجتها عاطية فالدار و مكتافية غير بريسيل و ليبستيك .. خرجات شدات طاكسي و عطاتو عنوان للمكان فين دايرة مع فؤاد .. وصلات لقاتو في انتضارها .. بغا يسلم عليها بلابيز و هي تبعد هازة حجبانها فيه .. غمض عينيه و سرطها و شاف فيها بابتسامة
فؤاد: توحشتك .. غبرتي عليا هاد الايام
جنات: مكنتش مسالية .. عندي حوايج في حياتي نقابلهم من غير الدخول و الخروج معاك
فؤاد: اهاه! ولينا فالمعيور
جنات: لا مكنعايرش انا غير قلت
فؤاد: اوكي اللالة البنات .. ياله نمشيو لشي بلاصة كالم و نجلسو فيها
جنات: لا نمشيو غير لشي كافي هنا و صافي
حط يدو على خصرها زيدها قدامو و هي كتشوف فيه بنص عين: هنا كاين الصداع .. انا بغيت نبقا غير اناوياك مايصدعنا حد
وقفات و ضارت عندو محمرة فيه عينيها و حواجبها مجموعين لقدام: شوف ا فؤاد انا نهااار تعارفنا كنت صريحة معاك و من ديما و انا صريييحة .. دكشي لي بغيتيه مغتلقااااهش عندي انا واخة ندوزو كتر من عامين مغاتلقااااش دكشي الا الى جيتي و دقيتي باب دارنا و طلبتيني من واليدية و وليتي راجلي .. اما دبا مكاااينش شي حاجة ..
فؤاد: علاااش مالكي!! ياك كتبغيني و كنبغيييك شنو غيمنعك
جنات: ديني .. هو الاول كيمنعني واخة حتا هاد العلاقة لي بيناتنا حرام ولكن منقدرش نزيد ندير ما حرم منها كتفهم .. و تقة وليديية فيا تانيا .. منقدرش نخدعهم بسباب واحد عرفتو عامين و هوما لي كبروني و رباوني نضرب ليهم خدمة سنين على قبلك .. متلعبش ليا بعقلي افؤاد راني ماشي بنت صغيرة .. داك الكلام ديال كنبغيك و نتي مراتي و نتي حياتي مواكلش معايا انا .. راه 22 عام لي عندي .. فاهمة و عارفة و واعية ماشي غير جيت و كبرت و وليت هاكا .. كنعرف كل واحد و كيف داير .. و نتا صبرت ليك بزاف ولكن نتا حاسب راسك ساكن فشي قارة من غييير هنا .. راك في المغغغغرب اسييي كتفهم .. المغرب ماشي دولة اخرى لي عندهم عادي دكشي ..و عرفتي شنوو الله يعرضك السلامة و تفرق عليا حسن ليك و ليا .. انا مليييت من هادشي ديالك
كانت غادية و هو يشدها من يدها: خلينا نهضرو بعدا كيفاش الله يعاونك! .. اجي نجلسو فديك الكافي و نهضرو..
دحلات معاه كتسوط و معاجبها حال .. كتحس براسها نقصت منها و بزااااف .. من ديما عاطية قيمة لراسها و هازة براسها قدام كلشي .. ولكن كتجي عند فؤاد كيبان ليها راسها صغيير قدامو .. واش الحب كيدل بحال هاكا؟ .. واش الحب كيخلي الواحد يتنازل على مبادئو لي كان ماشي عليهم طول عمرو؟ .. واش الحب كيخليك تدير شي حوايج لي نتا مباغيهمش بزز عليك؟ .. اسئلة كتيرة طاحو في بالها و هي جالسة قدامو كتشوف فيه و ساهية .. حط يدو على يدها لي كانت فوق الطبلة بغا يهضر و هي تسمع صوت تلقونها كيصوني .. جرات يدها باش تجاوب و غير حطات تيلي على ودنها .. و وجهها صفار و هزات راسها كتشوف في الشارع و تدور في عينيها في المكان .. بان الخوف فعينيها لي كيقلبو بين المارة .. وقفات كتفتف هزات صاكها و تمات خارجة سامحة فيه حتا وقفها فؤاد باستغراب
فؤاد: فين غادية؟ عاد جلسنا
نفضات يدها منو و اللسان باش تجاوب تجمد على الحركة .. طفات التلفون و زادت خلفة مع الطريق .. كتقلب عليه و الشهقة واحلة ليها في الحلق .. عرفات راسها دبا غالطة في حقو و لي دار فيها تستاهل .. استقرات عينها عليه واقف متكي على اللوطو و عينيه عليها كيشوف فيها بنضرات باردة .. طاحت دمعتها كتجري و النخصة خرجات من حلقها .. يديها عراقو و هي كتقرب منو بخطوات بطيئة و شوفاتو غير مكايزيدو يوتروها ..
* جالس في البيرو ديالو مركز في خدمتو و القضايا لي قدامو حتا صونا التلفون برسائل وصلوه .. هزو كيشوف فالنمرة باستغراب لي مصيفطة ليه في الواتساب .. دخل بدافع الفضول يشوف شكون هذا ولا هادي لي مصيفطة ليه .. حتا كيتصدم بتصاور ختو مع شاب واقفين بزوج .. بقا كيدوز فالتصاور و يزومي فيهم حتا قشع وجه الشاب .. كرز على التلفون و عينيه مركزين على التصاور و الرسائل لي كيوصلوه .. قرا اخر رسالة تصيفطات ليه كان فيها عنوان المكان
” هاد الصور باش تحل عينيك شوية .. اختك لي رافع بيها راسك غتنزلو ليك عن قريب .. و ها الدليل .. الى بغيتي تأكد من كلامي ها العنوان **** .. و حتا البنت لي دخلتوها وسطكم و معتابرينها منكم متافقة معاها و كتستر عليها .. نصيحة من باب الانسانية .. رد بالك مع ختك “
قراه و الشياط خارج من ودنيه .. عينيه حمارو بالاعصاب و التلفون غيتهرس بين يديه بكترة ما مزير عليه .. جمع الوقفة و هز سوارت اللوطو و خرج ديريكت ركب و وجهته للمكان وجود اخته .. كيف وصل كيف وصل صونا عليها .. خسر عليها جملة وحدة بالعبار و قطع
– انا قدام الكافي خرجي
دور عينيه على المكان و راقبها حتا خرجات باين عليها التوتر و الارتباك .. شاف فيها ببرودة عكس كيف موالفة معاه .. نضرات لي مكتشوفهم الا الى وصلات فيه للعضم معاها .. وقفاات قدامو كتفتف باغة تنطق و مخارجاش ليها الهضرة .. بحال شي سيف محطوط ليها على عنقها مانع الهضرة تخرج .. اييه هو خوها لي مفششها و خاطرها فوق خاطرو .. ولكن كاينين شي حوايج لي كيكونو خط احمر ممنوع تجاوزيهم معاه واخة تشرفي و تكبري كتبقاي عندو ديك البنت الصغيرة لي مسؤول عليها طول حياتو ..
فتح ليها باب السيارة ركبات و مشا ركب حتا هو و كسيرا ديريكت للدار .. نزل و تبعاتو طالعة من وراه ما تكلمات ما هضرات و نفس الشيء بالنسبة ليه مقابلها بالبرود .. وقف فالدار الوسطانية كيعيط عليها حتا وقفات قدانو كتشوف فيهم باستغراب
سيف الدين: الغالية تبعينا للفوق
لاح ليها هاد زوج كلمات و طلع للبارطمة ديالو لي فوقهم .. فتح الباب و دخل مخليها مفتوحة حتا تبعوه بزوجاات .. جنات عارفة اش دايرا و الغالية كتسنا شي تفسير و شرح .. نحنح كيسرح فحلقو .. و غير هزات جنات راسها حسات بحنكها تبنج عليها بفعل الصفعة القوية لي عطاها و النضاضر طارو من عينيها طاحو للارض ..
.. حطات يدها على حنكها و صدرها كيطلع و ينزل بعنف .. حسات بشي حاجة نازلة من نيفها و هي تمسح بصبعها بان ليها الدم .. اما الغالية شهقات شهقة وحدة و التازمت الصمت كتقول الدقة تانية من نصيبي ..
سيف الدين: شنو قلت ليك انا؟
جنات كترعد و تنخصيصة طالعة معاها و نيفها دايز بالدم كل مرة كتمسح بكمامها: سسمعني غير نشرح لييك
سيف الدين كيبرك على الحروف: ششنوو قلت لييك اناااا
جنات حدرات راسها و دموعها نقزو من عينيها: فوتيه عليك مايصلاحش ليك اهئ
سيف الدين كيهضر معاها بهدوء و نوع من البرود: و نتي اشنو درتي!! ضربتي بكلامي مع الحايط و درتي اش قال ليك راسك!!
جنات: سيييف غير نفهمك هئ هئ سمعني عفاك
سيف الدين: حسسسك منسمعوووش كتسمعيي .. قطعي حسك .. داير فيك التيييقة و حاسبك بنتي ماشي غير ختي .. لي بغيتيها كتجيك .. لي شفتيها ديالك و لي مشفتيها ديالك .. كلشي موفرينو ليييك .. اش زااااايدك هاد القوااااد لي خارجة معااااه!!! .. شنوووو كتستافدي منوو .. و شحااال من مرة تبريييت فيك و قلت ليك تفرقييي على ال***وي راه مايصلاااااحش لييييك انا لي كنعرف داك النوووع و ملي شفتك معااااه ما مرة ما زوووج كنقول ليييك تفرقي عليييه و عطيييه التيساع !! ولكن نتي اش كديييريييي كتعطيني عصم نكدووو و دخليني سوووق كري و ديري مع بغييييتي يااااك .. صاااافي خووورك؟؟ .. برد الدوووودة لي نايضة فيييه عليييك هااا .. تحليييتي ليييه ياااك .. عطييتيييه اش كاااان باغي يااااك؟؟ .. ايوا رجعيييي عندو ال*** لااااااش كتجي لهناااا ملي هو مقنعك و ميتة علييييه بقاي عندوووو مترجعيييش عندنا و تمرمدي بوجهنا فالترااااب يولي لي يسوا و لي مايسوااااش يهضر علينا .. حكا ما حكاا ديك **** ديال بنت حسن كانت فاعلة و تاركة ..
جنات بهستيرية كتغون: سسسسسكت سسسسسكتتتتتت انا مادرت واااالو هئ هئ مدرت وااااالوووو هئ هئ حشوووومة عليييك تقول فيا هاد الكلاااام هئ هي رانيييي جنااات ختك هئ هئ واااااش مكتعرفنييييش !! واش انا غندييير شي حاجة لي تنزل بيكم للارض؟؟؟ وااااش لهاد الدرجةةة مكتيييقش فيأااااا و كتضن فيا السووووء هئ هئ حشوووومة عليييك اهئ اهئ حرااااام عليييك هئ هي .. انا عارفة راسي غااااالطة و بزااااف كاااع ولكن متقوووولش ليا هااااد الكلاااام اهئ اهئ
سيف الدين ببرود قاتل كيكلم معاها محافض على صرامة ملامحو: شنو نقووول ليك هااا .. نصفق لييك حيت رديتيني شماتة قدام كلشي .. ولا نشوفك جالسة معاه و نضحك ليك و نقول لييك برااافو احسن ما درتي .. شحااال من مرة قلت ليييك دااك الشيفووور متبقايش تهضري معااااه متبقااايش تلاقاي معااااه فووتييييه و ديريه عمرو كاااان .. نتي اش كتقولي ليا همممم اااااش .. كنبغيييييه و هو ماشي كيييف كيصحاااب ليييك .. و طيحي دموعك ديك الساعة غيير كنتفاوت من حداااك كترجعي عندو تجريييي.. حتا ولا لي يسوااا لي مايسوااااش يقول ليا حضييي ختك راه غتجييب ليكم العاااار .. اش بغيييتيه غير فهمييييني اشنووو عطاك هاد المدة كاااملة من غير صداع الرااااس ” تفكر الغالية و تلفت جيهتها لقاها لاصقة مع الحايط و ضاربة الطم ” و نتييي الغاااالية امووولات العقل و الرزااانة .. كتشوفيها غادية خاااارجة عندووو و ساترة علييييها وااااش باغيين تخرجو ليا عقلييييي
الغالية كتفتف: انا انا .. رراه ككنت.. هي مشات باش تنهي علاقتها معاه اخويا و انا ..
جنات تدخلات: هي معليها وااالو ا سيف .. انا لي خرجت و انا لي مشييت عندو اهئ حيت كنبغيييه اخويا اهئ .. راه ماشي كيف كضنو نتا اهئ .. نتا مشفتييهش كيفاش كان كيتعامل مع مو الله يرحمها و كيفاش كان مهلي فيها و كيخدم لييل و نهار غير باش يشري ليها الدواء و ترضى علييه اهئ ..
و دبا بقااا بوحدو اهئ لا خووت لا عائلة .. و رغم كلشي هاز راسو و كيخدم و قاد براسو اهئ اهئ راك معاشرتيييهش باش تعرفو اسييف .. و مشييت غير باش نسالي هادشي حييت طوول بلا قياس و مبقاش عاجبني اهئ اهئ .. واخة كنبغيييه اخويا .. شنووو ندييير باش نسااه شنوو .. قلبي لي بغااااه ..
سيف الدين بالغوات حيت صافي تقادا صبرو معاها: واااااا متخلطييييش بين الاموووور .. الحب بوووووحدو و دكشيييي بااااش كتحسي نتيييي بووووحدووو .. رااااك غييير كتشفقيييي علييييه ماشي كتبغيييه .. فهميييي و دخلي هاااد الهضرو لراسك ولا راه بربي حتا ندخل مك فالحااااايط .. و هاااااد المرة مغانبقااااش نهضر اناااا غنخلييي بااااك يتكلف و ديك الساعة الراجل لي دق بابو يصيفطك معاه ” شاف في الغالية عينيه حمرين مكرهش يجمع ليهم الريوس بزوج” و نتي الهضرة معاااك من بعد باش تعلمي تستري عليها و تحطو الراس على الراس و تستحمرووني
خرج من الدار و مشا فحالو و خلاها هي كتغوت و تبكي و دموعها شاقين طريقهم على خدودها .. قربات ليها الغالية حطات يديها على كتفها و هي تدفعها جنات بعصبية و غوتاات عليها
جنات: خرجييييي بغيييت نبقا بوحديييي نزلييييي
الغالية: جنات الله يخليك مديريش فراسك هاد الحالة و تهدني شوية
بداك العصاب جراتها من يدها و خرجات برا الشقة و سدات عليها بالساروت
من لداخل .. غير تسد الباب غوتات باعلى صوتها حتا بحااات و ناضت كتخبط لي لقاتها قدامها و تغوت .. كلشي شخشخاتو و هرساتو و يديها كيرعدو عليها .. العروووق بارزين فجبهتها و الدم ناشف على نيفها و فوق فمها و هي كترعد و يديها كتحس بيهم عواجو مقادرااااش تحركهم غوتات غوتة وحدة و طاحت للارض كترعد و يديها عوجين ليها و مكنزيين .. اما برا الباب الغالية غتحماق بالتعياط و الخبيييط في الباب .. كتسمع غير التهراس و الغوات ديال جنات .. حتا فجأة سمعات غوتتها و بعدها اصطدام شيء مع الارض .. خرجات عينيها في الباب و وجهها مشا منو اللون و هي حاطة ودنها على الباب كتصنط و مكتسمع والو .. طاحو دموعها و نزلات كتغوت لتحت خرجات من الدار و دخلات عند سي حسن للماكازا ديالو لقاتو كيهضر مع شي كليان و وقفات عليه وجهها صفر
الغالية: عمي حسسن اهئ اهئ
حسن بهلع: مالك الغالية ياك لباس
الغالية كتبكي و تشهق و تقطع في الكلام: جنات .. جنات سدات عليها فدار سيف و كانت كتغوت اهئ شوية مبقيتش سمعت حسها خفت تكون وقعات ليها شي حاجة اهئ اهئ
طار من حداها كيجري و سمح في الناس لي كانو معاه .. دخل لدارو هي اللولة هز الضوبل ديال السوارت و طلع كيجري لدار سيف الدين كيفتح و يتفتف و الغالية حداه بغات تنقز من بلاصتها .. غير تفتح الباب على جهدو و هي تطلق الغالية زواكتها بغوتة وحدة
الغالية: اااااااااععععععع اهئ اهئ .. ماتت ماتت اهئ اهئ صافي ماااتت اهئ مشاات حتا هي مشااات
دخل سي حسن كيترعد و يشوف فيها مسرحة في الارض رجليها و يديها عواجو و الكشكوشة خارجة من فمها .. مشا عندها بالزربة هز راسها كيبربق فيه بضربات خفاف و يشوف فعينيها مشقلبين .. عيط بالجهد على الغالية لي كانت كتسخف ليه حتا هي ولكن مجاوباتوش .. ناض عندها جاعر كيخلخل فيها و هي في فمها غير كلمت ماتت ماتت .. هز يدو طرشها حيت كانت غتحماق و الصدمة لاعبة عليها .. عاد شدها كينخض فيها و مخرج فيها عينيه
ناض عندها جاعر كيخلخل فيها و هي في فمها غير كلمت ماتت ماتت .. هز يدو طرشها حيت كانت غتحماق و الصدمة لاعبة عليها .. عاد شدها كينخض فيها و مخرج فيها عينيه
سي حسن: مماتتش عاونيني نديوها للصبيطار ياله دغيااا
حركات ليه راسها و تبعاتو عاوناتو حتا هزها و سي حسن مزال شاد فراسو و صحتو مزال قوية .. نزل بيها في الدروج حتال لتحت و الغالية تابعاه هازة سوارت الطموبيل فتحاتها ليه و دخلوها اللور و الغالية حداها .. فهاد الاثناء كانت جاية خديجة هي و سلوى لي كانو خارجين .. غير شافت جنات على كتاف سي حسن و هوما يخرجو عينيها بصدمة و لاحت البسطام و التلفون و مشات كتجري اللون طاير منها ماحسو بيها حتا وقفات عليهم كترعد و فمها نشف
خديجة: بنتييي بنتييي .. مااال بنتيي جنااااات
سي حسن بعصبية: طلعييي خلاص نديوها للكلينييك ياله
ركبات بالزربة و الخلعة راكباها .. كسيرا سي حسن و اتاجه لاقرب كلينيك ليه .. اما سلزى عيطات ديك الياعة على امين راجلها عاودات ليه شنو وقع و قالت ليه يجي .. بقات عند الباب كتمشي و تجي و اروى حداها حتا بانت ليها اية جاية لابسة جلابة و الفولار ضاير على وجهها .. مشات عندها كتزرب و شدات ليها في يديها
سلوى: اية ختي .. حضي معاك اروى عفاك حتا نرجع راه جنات مرضات و هزوها للصبيطار .. ردي لبال معاك
اية: مسكييينة شنو وقع معاها ياكما شي حاجة خطيرة
سلوى تالفة؛ معرفتش معرفتش جيينا انا و ماما لقيناها طايحة
زادت و خلاتها هي طلعات للدار كتعوج في فمها و نضرة انتصار باينة فعينيها .. جلسات فالصالون و هزات تلفون كتهضر مع صحبتها و يضحكو بزوج
اية: معرفت شنو وقع معاها .. قالت ليا سلوى بلي داوها لصبيطار لقاوها طابحة
صحبتها: باينة غيكون ضربها خوها مايمكنش طيح غير هكاك .. اجي عاودي ليا كيفاش درتي ليها
اية: تبعتها حتا شفتها فين مشات .. و صافي صيفط ليه ميساج من الواتساب ديال النمرة الاخرى لي مكيعرفها حتا واحد .. غير صيفطو ليه و مسحت الواتساب و حيدت النمرة باش ميعيقش
صجبتها: هههه و منين جبتي نمرتو
اية: هزيتها من تلفون ختو .. راه شحال هادي و هي عندي ولكن مزعمتش نهضر معاه .. عارفة شخصيتي قدام العائلة ماشي هي قدام الاصحاب هههه
صجبتها: ههه ناري شيطانة صافي .. ايوا نوضي جمعي الوقفة و سيري طلي على لوستك المستقبلية هههه
* في الكلينيك واقفين كاملين قدام الغرفة فين كتواجد .. سي حسن كيمشي و يجي قدام الباب و خديجة جالسة على كرسي تما و تبكي سخفانة .. اما الغالية جرحها رجع تحل .. تفكرات موت بنتها لي بين ليلة و نهار مشات و خلاتها .. المشهد لي شافت فيه جنات طايحة و الكشكوشة خارجة من فمها رفعاتها و خلاتها تفقد عقلها و ترجع لنفس الحالة لي كانت عليها عند فقدان بنتها .. عينيها معلقين على الباب و فمها ناشف محلول نصف حلة منين كتنفس اما نيوفها تسدو ليها .. تحل الباب و خرج الدكتور لي عاين حالتها .. وقف قدامو سي حسن كيستفسر على حالتها و الخوف باين فعينيه
د: انهيار عصبي كيف ديما ” تنهد” سي حسن ياك ديما كنصحكم تبعد من اي توتر او اعصاب او اضطراب نفسي لي يخليها تفقد اعصابها بحال هاكا .. هاد المرة نجات منها واخة حالتها كانت حرجة بزاااف و نفسيتها مدمرة .. ولكن الى بقات على هاد الحال راه غنوليو فيما لا يحمد عقباه .. سايسو معاها و بعدوها من اي حاجة غتوصلها لهاد الحالة
سي حسن: كيف هي دبا واش مزيانة؟ .. يمكن لينا نشوفوها
د: وي غنحولوها لغرفة عادية و دخلو عندها
شكرو سي حسن و وقف حدا خديجة حتا خرجو جنات داوها لغرفة عادية و تبعوها كاملين .. دخلو كيطمنو عليها .. بقاو شحال حداها حتا حلات عينيها كتشوف فيهم واقفين ليها على راسها .. هزات عينيها في باها لي باس راسها بابتسامة و نطق بحنية
سي حسن: على سلامة وردة ديالي .. خلعتينا عليك
خديجة كانت جالسة حداها من جهة الاخرى باست يدها و دموعها دايزين: واش مغتهناي حتا تقتليني بالخلعة .. حرام عليك
جنات بابتسامة خفيفة و صوتها مزال تقيل: متخافوش عليا .. ماوقع والو
دورات راسها بانت ليها ختها سلوى و بعيد عليها واقفة الغالية دموعها محبسوش و عينيها معلقين فيها..
جنات: الغالية ..
مدات ليها يدها حتا شدات فيها و هي طلق البكية لي كانت حابسة
الغالية: حرام عليك اهئ اهئ .. كنتي غتسكتي ليا قلبي اهئ اهئ .. عمرك تعاوديييها اجنات عمرك اهئ ..
جنات: البكاية ههه راه موقع ليا والو و سكتي براكة عليك ..
سلوى: على سلامتك .. كيف وقع ليك
جنات: وااالو كنت جالسة حتا قلت اش ندير نوض نبدا نصعر حتا نجيب الكاو
سلوى: راك كتجيبيها فصحتك .. راعي شوية و ديها فراسك
دخل الدكتور فديك اللحضة بابتسامة كيفحص فيها و يسولها..
جنات: كنحص ب يدي تقيلة و عاطياني الصداع
دخل الدكتور فديك اللحضة بابتسامة كيفحص فيها و يسولها..
جنات: كنحص ب يدي تقيلة و عاطياني الصداع
د: غير مقسحة فيها .. ماشي شي حاجة كغاف .. المهم الالة جنات على سلامتك
جنات: شكرا
خرج و دخل سيف الدين عندها .. كيتصرف معاها عادي .. باسها من خدودها بزوج و جلس حداها كيهضر مع باه و هي كتقوس فعينيها و تصغر فيهم في البنت لي واقفة في الباب
جنات: شي واحد يمشي يجيب ليا عينية راه مكنقشع والو
اية: هادي انا اختي .. الحمدلله على سلامتك خلعتينا عليك .. كيف بقيتي مزيانة؟
جنات: يفوتني غير كحل الراس نكون فوق فكيك
اية: لباس عليك احبيبة و ردي البال راسك .. ديك العصبية الزايدة غير غتمرضك و خوك باغي ليك غير مصلاحتك
تهزو عينيه في كيشوف فيها مطولا حتا قشعاتو و توترات حادرة راسها .. نزل عينيه على التلفون و ناض جمع الوقفة
سيف الدين؛ انا غنمشي دبا من بعد و نرجع عندك .. تهلاي ” شاف في اية ” ختي زيدي نوصلك معايا للدار
خرج و تبعاتو هي فرحانة براسها و بالانجاز لي دارت .. تابعاه من اللور و هو غادي كيزرب فماشيتو حتا خرج برا و ضار عندها مخنزر .. كيشوف فيها بنضرات حادة و صارمة
– سمعي ا اية و كلامي خليه حلقة فودنيك .. داك التبرهييش لي درتي باش تخسري علاقتي بختي راه مواكلش معااايا .. جنات راها بنتي قبل متكون ختي .. راها تربية يدي و الحاجة مكديرها حتا كنكون عارفها و موافق عليها .. باش تنوضي تنوووعري و تصيفطي ليا فالتصاور و تبغي توسوسي ليا راسي بداك الكلام ديالك را مغاتستافدي والو .. دبا الخييير لي غديري فراسك و فينا هي تجمعي حوايجك و ترجعي فحالك .. خلي العلاقة تبقا محترمة و كل واحد يشد تيقارو ..
اية: ولكن .. انا انا
سيف الدين: شششش كلامك خليييه عندك .. انتي عارفة و انا عارف شنو درتي .. و الى ساقت جنات الخبار ما نتي فخيير معاها .. من بعد ما خلوضتي من قبل و رديتيها خايبة قدام خووك و عائلتك جيتي باغة ترونيها حتا معانا!! فيين باغة توصلي بهادشي ؟؟ .. اييه انا عارف بلي نتي لي كنتي خارجة في نصاصات الليل من الدار و لصقتيها في جنات باش خوووك مايجريش عليك من الدار.. جنات كانو عندها تصاورك ملي خرجتي بالتخبية من الدار .. ولكن فضلات تسكت باش نتي متخسرش علاقتك مع خووك و خسرات هي علاقتها مع نسيييبها بسبااابك كل مرة لايح ليها كلمة كيف السم و هي كتسمع و ساكتة ..
سيف الدين: كوون جات عليا مكرهتش نفضحك قدااام كلشي باش يعرفو اابنت المأدبة الحشومية البريئة المحجبة شنو من ورا داك الحجاب لي خسارة يكون فوق راسك .. شيطان في صفة انسان!! لي شاف العمر و المضاهر يقول هادي متحرك بيضة و نتي الشيطان كيتعلم منك .. ولكن عندك الزهر .. صفا من قلبها مكاينش .. وراتهم ليا غير باش تبرأ راسها و مسحاتهم في الحال و طلباتني عليييك باش نبقا مستر على الفضايح لي كديري .. ليبواط و الخرجات الليلية .. اللبس الفاضح مع صحابك و الشوهة لي عمري تخيلتها شفتها فييك .. حييدي الحجاب راك غييير كتعداااي عليييه .. حراااام هدشي لي كديري و الشوهة لي مشوهة بخوك لي هازك على كفوف الراحة .. ولكن نتي متستاهليش!! .. و دبا يا غتجمعي حوايجك و ترجعي فحالك .. ولا اليوم غنفضح افعالك قدام خوك .. و القرار كيرجع ليك
زاد خلفة مع الطريق خلاها واقفة جميع الوان الطيف دازو فوجهها و هي مخرجة عينيها و فمها نشف و الرعدة ركباتها ..
* شافت فيها جنات و حركات راسها جهة الباب كتهضر بصوت تقيل
جنات: الغالية تبعيي سيف الدين عفاك قوليه يجيب ليا العدسات ديالي راه مكنقشع والو و نضاضري غيكونو تهرسو
الغالية: واخة اختي غير رتاحي
خرجات كتزرب و صندالة دالصبع كتجر فيها مع ديك البيجامة الصيفية فيها رسوم ميكي فالصدر .. و الفولار مشدود على راسها .. ضورات عينيها قدام باب الكلينيك حتا بان ليها سيف و اية واقفين قدار للسيارات و تقدمات عندهم بخطوات صغيرة و بطيئة .. حتا كتوقف على كلام سيف الدين و هي مدرقة ورا سيارة من لي واقفين تما .. بقات طالقة ودنيها كتسترق السمع عليهم و كلام سيف الدين كيزييد يحل ليها العينين و وجهها غير مكايزيد يحمار .. زمات فمها بغضب و تفكرات حالة جنات ملي حلو عليها الباب و لقاوها طايحة .. ماحسات براسها حتا كانت خرجات من جنب السيارة و تاجهات ل اية شداتها من اللور جاراها جهتها و يديها نزلو على وجهها بالتصرفيق و القميييش و اامعيور على الجهد مبقات كتقشع والو قدامها .. قدام عينيها غير حالة جنات .. كتسب و تعاير و تجر فيها من داك الفولار حتا تفك ليها و بان الشعر قدامها .. طاحت عليه تنتف و تقول مانتفت و الركيل برجليها و الضريب ب يديها .. مكتخليش ليها الفرصة فيين تحرك ولا دافع هلى راسها عاطياها غير للغوات
الغاليا: يالكلبة بغيييتي ترزيييني فختيييي .. الشيطااااانة المشراااارة .. بغيييت ليييك موصيييبة ابنت لحراااام ياللفعة .. كنتي غتخرجيييي عليييها و جايا برجليييك عندها يالغذااارة .. تقتلي الميييت و تمشي فس جنازته الله يلقيييها ليييك الكلبة …
كان سيف الدين وصل سيارتو و سمع صداعهم .. تلفت كيشوف فيهك و هاز حاجبو .. متحركش جهتهم ولا مشا يفرقهم بالعكس ركب بلاصتو بغا يديماري حتا تدق عليه زاج الشرجم .. هز راسو و فتح الباب سلم عليه
سيف الدين: انا غنمشي حتال الدار نبدل و نجي عندها .. دخل الى بغيتي راه كاين اللوليد تما و سلوى و الوليدة
حكيم: اشمن شومبر فين كاينة
سيف الدين: 35 .. المهم نخليك دبا
حرك حكيم راسو و تلفت جهة الصداع كيشوف فالمناتفة نايضة و اية عطياه بالصهر .. ضحك كيشوف فيهم شوية و هو يقشع وجه الغالية و بقا كيحقق فيها
حكيم: شووف شووف .. هاديك لي لهيه ماشي ديك الينت لي كتجيكم .. والله حتا هي .. جري اصاحبي فرق الزبل
سيف الدين: خليها تستاهل ما كتر
ركب و زاد معطاش للامر اهمية .. بينما حكيم كمل كارووه على خاطرو كيتفرج فيهم حتا بانت ليه اية غتسخف في يديها و هو يمشي جهتهم محاول يفرق الجرة .. في الاول بدا يبعد فيهم و يسايس و يتكلم معاهم لعلى و عسى يتهدنو .. حتا بانت ليه الغالية مكنززة عليها حالفة متطلق منها و كتجر فيها من شعرها مغددة .. و هو يشدها من يديها كيفك فيها
حكيم: ا لعني الشييطان الشريفة طلقي من البنت راك غتجيفيها .. و طلقييي ابنتي ..طلقيي راه غتسخف لييك في يديك
كيجر و هي لاصقة ولاو فيا عشرة حلفات متفك منها ولا طلقها .. حتا رجع وراها و جرها من كرشها بالجهد حتا جرات يديها بزغبهم و رجليها كيفركلو في الارض .. بعدها على اية لي ولات حالتها حالة و كتبكي و غادية هربانة .. و طلقها شاد ليها في يديها مخنزر فيها و منزل راسو عندها حيت طويييل عليها
حكيم: واااش حماقيتي ولا مال طواسل مك على ديك الحالة درتي في البنت
الغالية بعصبية وجهها حمممر و الفولار عواج حتا بان شعرها: يبني عليها حااااايط الشيطانة الخراااا .. طلق منيييي طلااااق
نترات يديه و تمات راجعة ليها و هي معصبة و هو يلوي يدو على عنقها حاكمها حتا تمشي اية لي كانت كتشير لطاكسي ..
.. بقات مضاربة معاه و منترة هي و وياه حتا ركبات اية فالطاكسي و هي بديك الفقصة مالقات غير يدو عند وجهها عطاتها ليييه بواااحد العضة دممم سنااانها برداتهم في يدووو حتا غمض عينيه و طلق انين و نتر يدو عاد طلقاتو
الغالية: يااااله شد باش تعلم تشدنييي
حكيم كيشوف في العضة لي مصورة في يدو و بدا كيحك فيها و هو مصغر عينيه فيها
-هااي هاااي هاااي على شنيييولة كتعضييي .. دييك الضرااافة و السكااات كامل خرجتييه اليوم ولاا
الغالية عطاتو بالضهر غادية داخلة: بععععد منييي فييين كانعرفك انا اصلا .. علاااش لي تشدنييي .. غزييت فيك تستاهل كتر
دخلات لداخل كتخبط في رجليها و تسب و ديك الصندالة معكلاها كتجر فيها و هو متبعها مصغر فيها عينيه و هاز حاجب متبع حركاتها و ابتسامة على طرف سفايفو حتا غبرات ..
حكيم: برهووووشة ههه
حك على العضة و دخل مشا ديريكت للشومبر ديال جنات دق و دخل .. سلم على سي حسن و خديجة اما حتا سلوى كانت خرجات و جلس جنب جنات كيضحك
حكيم: نتي مزال مباتموتيش
جنات: حتا ندفنك نتا نصيفطك تستقبلني و نتبعك ههه
حكيم: اختي الله ينجيني و يخاليني لبنتي مزال بغاني ههه .. كيف وقع ليك المصعورة
جنات: كيف ديما تعصبت و صافي
سكت عرفها مبغاتش تهضر قدام وليديها و بقا جالس حتا دخلات الغالية مدرمة غاسلة وجهها لي باقي حمر و حجبانها مزال شادين ليها الما كيقطرو على عينيها .. شافت فيه و قلبات وجهها معوجة فمها و هو بقا حاضيها كيطلع و ينزل و حلف هو لا تقا الله و جمع عينيه .. وقف سي حسن و خديجة مشاو يجيبو ليها حوايجها و بقاو التلاتي شي كيشوف فشي حتا نطق هو كيوري لجنات في يدو
حكيم: شوووفي الجاهلة اش دارت فيا .. سنانها مسمومين
حطات جنات يدها كتلمس فيها و تضحك و شافت في الغالية لي قالبة وجهها: و ماالكي اختي ههه كتساليها لييه
الغالية: هو لي قلب عليها لقاها .. ميقربش ليا مايحاديني اش داه يحط عليا يدو
جنات: علاش شنو دار ليك
حكيم: وااالو لقيتها مشادة مع وحدة قلنا نفرقوهم
جنات: مموالفاش ليك الغالية ههه
الغالية مبغاتش تقول ليها شنو وقع: غير تعصبت و صافي
ضحكات جنات عليها و بقات داوية مع حكيم هضرة تجيب هضرة و هوما مجمعين حتا بداو يتكلمو على المحل
جنات: شنو درتي فييه مزال
حكيم: ميلونج بين كلشي .. من ملابس لي بيبي حتال ملابس الشيوخ .. كل فئة عمرية درت ليها ملابسها و اكسواراتها.. المحل كبيير مجاتش ندير غير حاجة وحدة و السلعة بدات كتوصلني و بديت نعمر فيه .. قريب غندير الافتتاح
جنات: لا بالعكس فكرة زوينة .. دير بحساب كل ما جبتي سلعة جديدة غتخلي ليا لبستي هههه كاااضووو من عندك ياااك
حكييم: تستاهلي العمر و جيي خدمي معايا و كلشي ديالك
جنات: هههه واخة تبقا غير نتا منخدم معاااك .. بديتي تقلب على الخدامة
حكيم: وي راه درت مع زوج و مزال خاصيني .. باش كل واحد يقابل حاجة و يكون دكشي منضم ..
سكتات شوية هزات راسها في الغالية لي كانت كتصنط معاهم و شافت فيه كتهضر بهمس
جنات: مزال خاصينك الخدامة ياك .. ماديرش معانا المزيان و دخل واحد البنت تخدم مي عمرها خدمات معندهاش اكسبيغيونس
حكيم حك ودنو و شاف فيها: شكون هادي؟ واش عينها في الخدمة نييت ولا بغات غير دوز الوقت .. الى كنتي كتعرفيها و باغة تخدم ماشي مهم الاكسبغيونس .. المهم تكون عينها في الخدمة و ديك الساعة راه غتكتاسب التجربة
حركات حواجبها جهة الغالية لي وقفاات و قربات ليهم .. عرفاتها دوات عليها و شافت فيهم بعيون براقة
جنات: بنت خالتي .. وراه تييييقة احكيم متلقاش معاها مشكل و باعة تخدم و راسها خفيف دغيا كتعلم
شاف فيها باستعجاب و هاز حواجبو: بصح!! هاد شنييولة هه .. مي كتبان مزال صغيرة
جنات: الله يهديك مصغيرة والو راه 19 العام تما .. دبا شنو درنا؟
حكيم: مرحبا بيها .. غتكلف بشي فئة عمرية تختارها هي فين ترتاح .. اه وراه كاينين حتا ملابس الرجال .. مي هي غتكون فالجهة الاخرى ديال لبنات .. متافقين .. اش سميتك بعدا
الغالية: الغالية .. و و سمح ليا قبيلة مقصدتش غير كنت معصبة
جنات: هههه متعتاذرييش لييه يستاهل جايني طوييل لا شكلاط لا بيمووو تقول جاي يعزي
حكيم: و توحشت الكسكسو نيييت كون غير درتيها نتهناو من صداعك
جنات: صافي قصعة ديال الكسكسو على حسابي مانخليكش تهاوش
حكيم؛ واخة تحطييه ليا فقصعة ديال الذهب ما ناكلو بغيتي تصيفطيني للقبر نتي
جنات: لااا هههه انا منطيبش ها الغاااالية طيييبو ليك طيابها تاكل عليه صباع يدييك
حكيم طلعها و نزلها بنضراتو و حك على دقنو: و الصراحة غير الشوفة فييها راه تكهمك مايبقا يبان ليك لا كسكسو لا غيرو
الغالية وجهها ولا غينفاجر من كترة ما حمااارت و قاطعة النفس ..
قلبات عينيها كتلف فهصرتو بينما طلقاتها جنات بضحكة زلزلات الشومبر: و التزلال اخويا متفرقش علييه .. فوووووت عليك البننننت ماتصلاااحش لضحكك الباسل .. و غذا غنمشيو لداك المحل نشوفوه فين جا
حكيم: راه قريب لايكول باش نبقا نطل عليهم مرة مرة .. دوزي عندي و نديكم ليه
جنات: ان شاء الله
* العشية وصلات و الغالية واقفة فالشرجم ديال الكوزينة ممحيداش منو النهار كامل .. كل دقيقة تمشي طل و تشوفها واش جاسة .. الحماااس و الفرحة بانها غتخدم خلا الضحكة متفارقش فمها .. و كتستنا غير امتا تجي جنات من خدمتها باش يمشيو يشوفو المحل .. جنات لي خرجات في نهارها و رفضات رفض قاااطع تبات فالصبيطار .. و في الصباح مشات لخدمتها باش مايبقاوش مقابلينها غير هي .. طلات الغالية ملي سمعات حس السياؤة و شافت جنات نازلة من الطاكسي .. دخلات بالزربة حطات بلاطو فيه الكوطي و حطاتو ليها فوق الطبلة .. غير دخلات جنات لقات الغالية واقفة ليها عند الباب بابتسامة و حماس
الغالية: على سلامتك هههه .. ياله اجي تاكلي و ياله نخرجو
جنات كتفرنس: ياختيي ياختي على الضحكة و الحماااس
الغالية: و النهااار كامل و انا كنتسنا فيك تجي ههه مبطا عليا امتا نمشيو نشوفو لبلاصة فين جات .. ياله كولي نتي بينما لبست حوايجي
خلاتها عند الطبلة و مشات هي بالزربة دخلات بدلات حوايجها بجلابة مخزانية فالشيبي بارد و مخيطة بالغوز بارد .. صندالة في نفس اللون و الفولار فالغوز بارد .. رشات ريحتها الخفيفة و خرجات دازت للصالون فين كانت خديجة مقابلة التيفي و التيليفون .. وقفات قدامها و نطقات
الغالية: خالتي هاحنا خارجين .. خاصك شي حاجة نجيبوها معانا
طلعات فيها خديجة و نزلات .. واتاتها الجلابة و الوانها ردو على وجهها .. تبسمات خديجة و ضورات راسها: هاي هاي على الجلااالب و شحال يواتيوك .. بصحتك جيتي تحمقي ..فين غادين
الغالية: شكرا ههه .. بنمشيو للمحل لي غنخدم فيه ههه لي عاودت ليك
خديجة: ااه سيرو الله يسر ليكم
مشات لكووينة لقات جنات مزال هازة كاس دالعصير و التلفون في يدها .. خطفات ليها الكاس حطاتو و جراتها بالزربة
الغالية: و جناااا و زيدي خلاص حشومة عليك .. دبا شوية يدخل عمي حسن و سيييف و منبقاو نخرجو
جنات: ففف زيدي زيدي قبل ما تحماقي ليا هنا ..
خرجو مشادين بزوجات و الغالية غكتفرنس تقول كيهروها .. شدو طاكسي و صونات على حكيم صيفط ليها لوكاليزاسيون و مشاو ديريكت للمحل لي كان كبيير و ديكورو غير من الدخلة باين محطوطين فييه فلوس صحيييحة .. دخلو بخطوات بطيئة كيشوفو فديكور و الالوان لي عطات جمالية و رونق خااص بالمحل .. السلعة بدات كتستف و زوج بنات كيمشيو و يجيو و يحطو كل حاجة في بلاصتها و يرتبو فالحوايج .. جات وحدة بابتسامة وقفات عليهم و نطقات بالفرنسية لي مقشبلات فيها الغالية واااالو
البنت: مرحبا بيكم في المحل ديالنا .. كيف كتشوفو عاد تفتح و
قاطعاتها جنات حتا هي بالفرونسي: ماشي كليان احبيبة غير سيري قابلي خدمتك .. حنا غنتسناو مول الشي يجي بغيناه
البنت كتميق فيهم و تبعكك: داكوغ .. تقدرو تجلسو هنا حتا يجي
تمشاو جهة الفوطويات جلسو و الغالية داك الحماس لي كان عندها طفاا .. شافت البنت كيف دايرة و الفرونسي على جهد و الوجه مفننة فيه بالصبايغ الشعر مطلوق و للبس عصري مزير .. ضورات عينيها لجنات و نغزاتها كتغزز في شفايفها
الغالية: جنااات نوضي نمشيو مبقيت باغة خدماش
جنات: اويلي على نوضي نمشييو .. من نيتك داوية؟
الغالية: ولاهيلا من نيتي .. ياله اختي انا مقادة على خدمة غير خليني فالدار حسن ليا
جنات طلعو ليها القرودة للراس: تي مااالكي من الصباح و نتي فارعة ليا كري و جاية كتنقزي حتا كرشي مخليتيني نشبع فيها و دبا كتقولي ليا نوضي نمشيو .. يا غتريحي فبلاصتك و تزمييه هي هاديك سينوو غتريحي بزز على طواسلك .. كنلعبو هنااا
هيا كتبلبل و الغالية كتقرص فيها بغاتها غير تسكت .. كتشوف فدوك زوج بنات حاضينهم و كيميقو فيهم و هي تزم فمها و سكتات حسن متزايد معاها و يقلبوها صباط بزوج
رجعات جنات قابلات تلفونها و الغالية مسرحة عينيها فالمحل و اتاتو و الحوايج لي تما .. وقفات كتمشى بين الرفوف و العلاقات لي محطوطين و كتلمس فدوك الاتواب بابتسامة حتا وقفات عليها نفس البنت ديال قبيلة
البنت: اختي كنضن موسيو حكيم مغايجيش اليوم .. شنو محتاجاه انا نعاونك .. راه انا الغسبونسابل هنا في غيابو
الغالية: ا.. لا اختي شكرا .. حنا غنتسناو سي حكيم هو لي بغيناه .. و راه غايجي انا متأكدة
زادت و خلاتها .. بدات كتنفخ و تنش على وجهها بيديها لي عراقو عليها .. و تمات خارجة برا تشم شوية الهواء ..
بدات كتنفخ و تنش على وجهها بيديها لي عراقو عليها .. و تمات خارجة برا تشم شوية الهواء .. عيطات ليها جنات كتسول فين غادية و هي تجاوبها مكملة على طريقها حتا تعترات في الزربية الحمراء لي كانت عند الباب .. غوتات و لاحت يديها فالهوا بغات فاش تشد .. ماتجي غير فيييه جاي داخل لابس سروال جينز و قاميجة بيضاء .. ديك الشدة لي غتشد باش ماطيحش ماتجي غير فصدرو و نزلات عليه بضفارها و العقاد دالقاميجة تقطعو حتا شدها هو من مرفقها موقفها ..
هزات راسها فيه مخرجة عينيها و شافت فصدرو لي بان من بعد ما تقطعو ليه الصدايف و شراطي مطراسيين فصدرو حمرين و كاين لي بان فيه شوية الدم .. هربات يديها بخطفة و عضات على شفايفها بخجل و وجهها حمااار .. تلفتاات شافت وراها في جنات لي كانت جاية عندها و دوك البنات حاضينهم .. و هي تغمض عينيها كتغبن و تلفتات عندو تاني
الغالية كتفتف و البكية واحلة ليها فالحلق: س.سسمح ليااا اهئ ر.رراه غغير
حكييم مقاطعها مغمض عينيه و عاود حلهم كيشوف فصدرو: لا لا نتي حاااالفة حتا تخلي فيا الامارة ” نفخ فمو و عاود فشو” هدشي بزاااف على النحس لي راكبني زدتي كملتي عليا نتي
الغالية حطات يدها عند فمها كتغزز فضفارها و نطقات الدمعة بغات طييح: رراه غير كنت غنطييح و جيتي قدامي .. والله مادرتها بلعاني
جات جنات كتفرنس و حطات يدها على صدرو كتحسس القمشات و تضحك عليه: هههه تشرف و تنساها هههه .. ملي كنقول ليك النحس راه راكبك من قدامك
حكيم: ملي تسلطتيي عليا نتيي و انا اللوور.. عطيني غير نتي التيساع و غنكون بيخيير .. زيدو دخلو بعدا نهااار باين عربونو
دخل سابقهم طلع للطاج الفوق هز قاميجة اخرى من لي حاط في المحل للبيع لبسها و حيد عليه هديك .. نزل كيمسح فوجهو و يسرح فعينيه كيشوف فين وصلو الترتييب و مشا جلس حداهم فوق الفوطوي .. ضور عينيه عند الغالية لي كانت حادرة راسها و دميعات دايزين على خدودها
حكيم كيخبط بيديها فوق الفوطوي: انوووضي هييه .. نوضي من البكااا ماوقع والو .. مالنا على الدمووع؟
جنات: هضرنا معاها و هي راسها كي الصخرة .. نووض ورينا المحل و شوف ليها شي بلاصة تخدم فيها الله يحفضك بغيت نمشي نعس
حكيم: باش بغيتي تكلفي الغالية .. كيبان ليا شفتي التقسيم لي دايرين .. كل بلاصة دايرين فيها فئة معينة نتي و رعبتك فين تبغي تبيعي و تشري
هزات راسها كتمسح في وجهها من الدموع و ضورات عينيها جهة بلاصة الاطفال كتنعت بصبعها بطفولية
الغالية: ب.بغيت تما لي زوين و فيه حوايج الصغار غزااال
ضحك حكيم متبع ليها العين و كيحك فلحيتو: هههه و هديك هي بلاصتك نيييت لي شافك مايقولش عندك تسعطاس العام ..
طلعها من رجليها الصغار لي باينين من الصندالة و ضفارها نقيين بدون صباغة حتال راسها كيتفحصها و شاف في جنات كيضحك
حكيم: دبا ماديريش المزيان مع بنت خالتك و ذوقيها شوية من خييرك ههه راه مسكينة الجلدة لاصقة على العضم ههههه
جنات ميقات فيه: العمااااا ياخويا العمااا .. كيف شفتيني تخليني دكشي لي حاضي غير الطروفة ياربي السلامة .. عينك مكتخرجش طريييفة غير الله يحفض
حكيم: هههه نوضي نوضي نوصيو عليها ديك الغيسبونسابل ” طلع عينو في الغالية كيفرنس و يشوف فالجلابة بتمعن ” يا عيييني على الجلااالب و الشويبيييي .. هاد بنت خالتك غتسكت ليا القلب و انا عندي ضعيييف
الغالية مكرهاتش الارض تشق و تبلعها .. هاد السيد جاها زااايد نغزة عينيه ماخواتاتش .. حكات بتوتر جهة عنقها و وجهها مبقاش بغا يرجع للونو الطبيعي بكترة ما حابسة فيها النفس و عاضة على شفايفها ..و شدات في جنات لي ولفات على هضرتو مبقاتش تديها فيه .. مشاو عند ديك البنت لي استقبلاتهم هضر معاها و عرفها على الغالية و بلي غتبدا معاهم يوم الافتتاح و بشنو غتكلف و هي مكاين غير اوامرك سي حكيم .. مرحبا سي حكيم .. لي حبت خاطرك سي حكيم .. عاد تمشاو خارجين من تما و ركبهم حكيم معاه وصلهم حتال الدار عاد زاد هو لدارو
* يوم الافتتاح .. المحل تقاد و رجع على حقو و طريقو .. غير الشوفة فيه من برا كتطير ليك العقل فما بالك بلي لداخل .. الملابس كل حاجة شدات بلاصتها مستفة و مقادة تخطف الانضار .. وقف حكيم قدام الغسبونسابل كيوصيها شنو ديير و يشوف فلبنت لي معاها واقفة في بلاصتها .. ضور عينيه في المكان كيقلب عليها مبانتش ليه و هو يسول
حكيم: البنت الجديدة مزال ماجات ا سلمى؟
سلمى: نو مزال اسي حكيم .. و عنديش نوم دو طلفون باش نصوني ليها
حكيم: اوكي انا نعيط ليها
خرج برا بغا يصونو لجنات يسول عليها و هي تبان ليه نازلة من الطاكسي كتقاد ف حجابها و جاية كتزرب في المشية حتا وقفات قدامو باحراج
الغالية: كنعتادر على التأخر مالقبتش طاكسي دغيا
حكيم: ماشي مشكل ازوينة غير دخل راه عاد حليناه
دخلات مشات لبلاصتها بفرحة لي غير كتشوف ف سلمى حاضياها كتبدا تمشي من وجهها .. تفكرات كلام جنات معاها هاد الصباح و دارت بيه
” متسوقيش لبنادم .. كوني تايقة فراسك لي هضرك عطيه خو جوابو .. متكتريش الهضرة مع البشر باش ميضسرش عليك .. خلي تبسيمة على وجهك و لي بغا يقول شي حاجة يقةل .. المهم نتي تكوني تايقة فراسك و الباقي لا يهم .. راه عااادي غير واقفة في بلاصتك و لي احتاج المساعدة تقدميها ليه … “
خارجة و توصي فيها و هي كتحرك غير راسها بايجاب .. تفتح المحل بالدقة المركشية و الناس بداو كيدخلو يكتاشفو شنو فيه و يضورو باعجاب و الغالية حاضية دوك زوجات كيفما دارو كدير بحالهم .. حتا فهمات و عرفات كيفاش تستقبل الكليان و رخات راسها معاهم عاجبها الحال و داك الجو حتا وقف عليها حكيم منزل راسو عندها بابتسامة: جنات مغاتجيش؟
الغالية: لا قالت ليا غتجي غير تخرج من خدمتها تجي لهنا
حكيم: امم واخة ..
شاف جهة الباب فين كانت واقفة هداية بكسيوى صيفية و الكرينات لشعرها كتضحك و فرحانة ..
حكيم: الى مكان حتا مشكل .. خلي عينك عليها حتا نرجع غير نقدي شي شغل ف ليكول و نجي
الغالية بابتسامة: اه هه غير كون هاني عليها انا نقابلها
ابتاسم ليها كشكر و تم خارج باس بنتو و نعت ليها في الغالية .. لي غير شافتها حلات عينيها بسعادة و دخلات عندها كتجري و تضحك .. حتا وصلات عندها و نزلات الغالية عنقاتها و باستها
الغالية: الزوينة ديالي جيتي مع بابا
هداية: اه ههه جيت زوينة؟
الغالية: كتحمقي احبيبة .. اجي جلسي هنا حدايا حتا يرجع بابا واخة؟
هداية كتجر فيها من الفيست لي لابسة و ترغب فيها: لا لا عفاك عفاك ديري ليا بحال ديك المرة عفاك
الغالية: ههه شنو ندير ليك
هداية كتلعب فكريناتها: دكشي لي درتي ليا فشعري
ضحكات الغالية عليها و هزاتها كلاااتها بالبوسان .. ضورات عينيها بانت ليها سلمى مشغولة مع بعض الكليان و هي تطلع للفوق و فكات ليها شعرها بالزربة .. كان رطب و ممشوط مزيان ملقاتش معاها صعوبة واخة معندهاش المشط .. دغيا ضفراتو ليها و خلات ليها القصيصة على جبهتها و نزلات بيها تاني هزاها .. ولكن لسوء حضها لقات سلمى واقفة بلاصتها كتخنزر فيها .. جمعات فمها و حطات هداية و تقدمات عندها
سلمى: فييين كنتي و خليتي بلاصتك خاوية؟
الغالية: غيير هنا .. ماكنت فين راه غيير البنت كانت
سلمى مقاطعاها: مكاين لا بنت لا ولد .. هنااا بلاصة الخدمة الى كنتي عوالة تخدمي شدي بلاصتك سينو راه كاينين بنات كيقلبو على هاد الخدمة و ملقاوهاش .. جاية معطلة و زايداها حتا بااتهاون ديالك .. ماشي غير خرج سي حكيم درتي مابغيتي
الغالية: راه كنت..
سلمى: بلاصتك .. منبقاش نشوفك بعدتي من تما
مشات الغالية لبلاصتها كتاكل فشفايفها و وجهها رجع حمر و الصهدة طالعة معاها .. تبعاتها هداية بملامح حزين و شداتها من حوايجها كتحرك فيها حتا شافت فيها: عيراتك هديك الخايبة ياك
الغالية: لا .. غير هضرات معايا و صافي .. اجي جلسي هنا حتا يجي باباك
شداتها جلساتها حداها و قابلات هي خدمتها حتا رجع حكيم و داخل معاه سيف الدين و جنات من اللور .. جا عند بنتو هزها كيبوس فيها و هي معنقاه و مخبية وجهها فعنقو
حكيم: مال حبيبي مقلقل
هداية: ديك الخايبة عايرات طاطا قبيلة
حكيم؛ شكون هي .. و شكون عايرها
نعتات في الغالية لي كانت كتهضر مع جنات و رجعات خنزرات ف سلمى مخيبة سيفتها: هديك خايبة ياك ابابي
حكيم: اه ابابي خايبة .. دبا نعايرها حتا انا صافي
باستو و نزلات عند جنات كيتساراو بزوجات في المحل .. بينما حكيم وقف على سلمى حتا قفزها من بلاصتها و ابتسمات ليه
سلمى: موسيو حكيم محتاج شي حاجة
حكيم: مرة اخرى قابلي غير خدمتك .. الغالية انا لي كلفتها تبقا مع هداية بنتييي حتا نرجع .. متبقايش ضوري جيهتها مفاهمين
سلمى حركات راسها مزيرة على يديها: وي موسيو كنعتاذر ميصحابش ليا بنتك
حكيم: ها هي في علمك
زاد و خلاها كتنفخ و تسوط و تشوف في الغالية بغات طيرها من بلاصتها عند بالها هي لي قالتها ليه .. بينما هاد الاخيرة عجباتها الخدمة و لي وقف عليها كتبدا تشرح ليه و تعاونو و تبتسم ليه ..
سدو المحل و كل واحد مشا فحالو .. سلمات الغالية على هداية لي لصقات فيها هي و جنات و مشات لسيارة سيف الدين .. لقات جنات راكبة اللور مربعة يديها و ركبات هي جنبو و الطريق كاملة كان حوار قليل بين سيف الدين و الغالية اما جنات عاطيها النخال مكيشوفش جهتها ..
وصلو للدار و دخلو لبيتهم .. بدلو حوايجهم بملابس مريحة و جلسو على السرير كيتعاودو
جنات: ياختي حتا دييك الشوفة اللخرى مبقا كيشوفها فيا
الغالية: و الصراحة راك درتي علاش .. ملي قال ليك بعدي على المرض بعدييي.. نوضي طلعي عندو تصالحي معاه راك نتي لي منك الفوط
ناضت جنات بلا عجز طلعات عندو لدارو لقاتو داخل لبيتو مسرح على سريرو و لابس غير شورط و من الفوق عريان .. جلسات حداه و مدات يديها لكتافو كتناصيهم ليه و هو مغمض عينيه و صامت مهضرش ولا شاف فيها حتا تسرحات جنبو معنقاه من كرشو
جنات: مزال ماتفاشيتي .. اخر مرة اسييف والله .. عاجبك الحال قاطع معايا الكلام .. ولا صافي بلاصتي عمراتها ديك نسمة
تلفت عندها كيشوف فيها ساكت و هي تبوسو على خدو بابتسامة: والله منعاود .. و صافي راك حتا نتا ضربتينا ضربة المخزن حتا حنكي عواج
جرها عندو معنقها و شاف فيها مبتاسم: ديك الحالة كلها درتيها على قبلو؟
جنات: نو .. داك الكلام لي قلتي ليا هو لي فقدني اعصابي
سيف الدين: عارفاني مكنتش قاصد دكشي ولكن نتي عصبتيني
جنات تمخشات فيه: عااارفة عارفة .. بونوي غذا خدامة
باسها و زاد عمقها عندو كيحك على شعرها حتا نعسات .. من ديما معتابرها بنتو ماشي غير ختو .. علاقتهم زوينة و متفتحة بيناتهم .. كلشي كتعاودو ليه و كلشي كيعاودو ليها .. و هدشي لي مخلي سي حسن ولدو هو يتحكم في ختو و ينوب عليه
* ايام كتمشي و ايام كتجي .. الخدمة غادية على ما يرام .. الغالية ولفات خدمتها و انساجمات معاها .. تعلمات كيفاش تتعامل مع الكليان و كيفاش تبيع و تشري .. واخة في الاول كانت الحركة عيانة ولكن من بعد بدا يتحرك الصرف من بعد ما دارو ليه اشهارات و اعلانات بدا كيتعرف شوية بشوية .. رغم مضايقات سلمى للغالية و كل مرة كتجبد ليها عييب من جيه ولكن محتافضة على مكانها و لي قالتها ليها كديرها .. حكيم مكتشوفوش بزاف .. قليل في كايجي يطل عليهم و يشوف الحركة كيف دايرا و يرجع للايكول ديالو .. مبقاش تحاك بزاف مع الغالية و كيشوفها غير من بعيد ملي كتكون خدامة .. و اخيرا تهنا من كريمة و طلق منها بعد ما كان طلاق بالتراضي .. خدات كريمة حقوقها لي عليه و تفك هو منها و من صداعها..
شرقات الشمس معلنة على يوم جديد كل واحد و شنو مكتب عليه الله فيه .. ناض بتتاقل من بعد ما طفا لالارم دخل للدوش طرف حالتو و خرج لبس ملابسو كيف المعتاد سروال جينز اسود و تيشرت فنفس اللون مع كويرة .. دار ساعتو الفضية و رش ريحتو عاد خرج من بيتو مشا طل على بنتو هي اللولة لقاها ناعسة و حال فمها شوية و داز لبيت مو ملقاهاش .. دخل للكوزينة بانت ليه كتحرك و تلمس في الاواني بيديها بغات توجد الفطور و هو يمشي يشد باس يدها و جلسها فوق كرسي
حكيم: صباح الخيير لعزيزة
اللا حليمة: صباح النور و الرباح و التيسير اوليدي .. كيف صبحتي بخير
حكيم: الحمدلله و نتي مزيانة
اللا حليمة: نحمدو الله و نشكروه
باس راسها و بدا كيوجد في الفطور كيف ديما حتا حطو كامل و مشا فيق هداية فطرها معاهم عاد ناض مشا لخدمتو ف ايكول و داير من بعد يدوز يشوف المحل كيف غادية الخدمة..
وقفات كتنش على وجهها و تنفخ و تقلب فعينيها من بعد ما مشات وحدة من الكليانات .. عوجات فمها بتمياق متبعة ليها العين و هي غادية بكل رقة و شياكة
– تفو يتعلمو زوج كلمات يجيو يفضحونا بيهم
محسات غير ب سلمى وقفات حداها متبعة لكليانة لي مشات
– مالها مشات مقلقة معاجبها حال
الغالية: ملقاتش دكشي لي بغات
سلمى: شنو كانت باغة
الغالية: معرفت ليها مفهمتها اش كانت تقول ملي قلت ليها هضري بالعربية نفهمك هزات راسها و زادت
سلمى: واااش نتي حمقة!! هكا كيتعاملو مع لي كليون .. واش بغيتي تجري لينا على كلشي!! .. ديك الساعة ملي مفهمتيهاش عيطي عليا ولا لى ندى نجيو ندويو معاها .. نتي حتا اللغة معارفاها و جاية تخدمي هنا؟؟
الغالية بعصبية وجهها تحقن فيه الدم: شوفي الله يرحم باك مطلعييش ليا فوق راسي .. الخدمة مخداماش عندك .. موووول الشي سميتو حكيييم ماشي سلمى و نتي مكانتك بحال مكانتي متبدايش تحكمي فيا و تعطيني فالدروس .. و دييك اللغة لي فضحانا بيها قرايها غير نتي انا معندي مندير بيها
سلمى: احتارمي راسك .. راه انا الغيسبونسابل هنا و انا لي مخلي ليا سي حكيم زمام الامور في غيابو .. انا لي خاصني نراقب شكون لي خدام و شكون لي لا
الغالية: بزعطة الى كنتي غيسبونسابل!! و حتا دبا ملي يجي سيييك حكيم قولي ليه الغالية جرات على المبعكات بحالك .. و دبا عطيني التيساع حسن ليك
دازت فيهة و مشات لدوك الملابس بردات فيهم غداديها تهز و تعلق و كل حاجة تقادها بلاصتها حتا رجع ليها المزاج .. وصل وقت الغدا و جلسات مع البنات كيتغداو مجموعين كل وحدة جايبة غذاها معاها حيت كيفتحو فالصباح يبقاو حتال العشية ..
دخل هو هاز السوارت و التيلي ف يديه و النضاضر ديال الشمس على عينيه .. ضور راسو كيقلب عليهم و مابانوش ليه و هو يطلع للفوق لقاهم جالسين حاطين غذاهم و كيتجمعو..
حكيم: بالصحة
لبنات: شكرا سي حكيم
شاف فبلاصة خاوية و هو يعرفها ديالمن .. حرك حوايجبو باستغرب كيقلب عليها حتا بانت ليه جاية كتمسح ف يديها ..
حرك حواجبو باستغرب كيقلب عليها حتا بانت ليه جاية كتمسح ف يديها .. كتبان كي النملة قدامو … قصيورة و ضعيفة مع داك السروال لابساه في الابيض و مرخوف عليها شوي كتبان كي الستيلو فيه .. هزات راسها فيه بابتسامة و هو يغمزها كيضحك
– شنيولة صفا
الغالية: بخير هه و نتا .. هداية لباس عليها
حكيم: الحمدلله .. تغديتي؟
الغالية: عاد ناوية .. دير معايا يديك ههه
حكيم: مكرهتش ههه حتا انا مزال متغديت نييت ههه
الغالية بابتسامة: مرحبا ههه اصلا دكشي كتير مناكلوش كامل هه
حكيم شاف ماكلة لبنات لقاهم حاطين بيتزا و هو يعوج فمو
– البيييتزا قهراتني مبقيتش حملتها
الغالية: لا مجايباش انا بيتزا .. غذايا كنجيبو من الدار
حكيم: ايوا هكاك
جر كرسي حطو حدا كرسيها و لبنات غير كيشوفو فيه و حالين فمهم .. مولفينو كيتصرف معاهم هكاك ولكن يتغذا معاهم! عمرهم شافوه وقت الغذا .. حطات الغالية السلطة بفواكه البحر و الروز و بعض الخضر .. منوعة و مشكلة كتفتح النفس .. نزل حكيم راسو كياكل و يتبنن و هي كتاكل غير بالمهل و تندغ على خاطرها .. كلشي عندها بالشوية .. حطات لبنات حتا هوما دوقاتهم حيت مجاتش تاكل قدامهم بلاما تعطيهم .. شكرو مكلتها و ناضو انصرقو من بعد ما كملو .. جمع حكيم يديه من بعد ما دخل فيها طول و عرض حتا مبقا والو و تسرح على داك الكرسي كيحك على كرشو
– احح ايوا هذا هو الغذا و الا فلا .. الله يعطيك الصحة
الغالية: ههه بصحتك
حكيم: نتي لي قاديتيها؟ “حركات راسها بايجاب” منين تعلمتي؟
الغالية: من يوتيوب ههه عزيز عليا الطبخ بانواعو
حكيم مسرح فيها عينيه: تبارك الله عليك .. سعدات هاد الراجل لي غيديك ههه
جمعات الغالية الضحكة و ناضت كتجمع ديك الروينة حتا طرفات كلشي و هزات الزبل لاحتو فالشبكة و وقفات عليه و هو عينو منزلاتش من عليها كيطلع و ينزل فيها خدا ليها العبار حسن من الخياااطة .. كيشوف مشيتها و خطواتها الصغار و رجليها بديك السبرديلة كيبانو صغار و طلوعا للسروال المرخوف عليها قصير شوية من لتحت حتا بانت الكعبة ديال رجلها بيضاء .. و يديها مرة تطلقها مرة تهزها تخشي الزغب ديالها تحت الزيف .. ما وعى على راسو حتا كانت واقفة قدامو كتهضر معاه
– انا نازلة نكمل خدمتي اسي حكيم
حكيم ساهي: اممم سيييري
نزلات لبلاصتها مقابلاها كيف ديما و هو بقا لفوق كيشوف الجديد و كيف غادي المحل واش كيتزاد ولا كينقص .. كيدخل راس المال و الزيادة ولا مشا ليه .. حتا طلعات سلمى خطواتها محسوبين و الهضرة موزونة .. الشعر مسبسب لى كتافها و سروال سليم اسود هو و الفيست ديالو مع شوميز بيضاء .. وقفات قدامو بابتسامة كتجاوبو على اسئلتو حتا سالا و عطاها ادن الانصراف ..
سلمى: اا سي حكيم فصراحة بغيت نقول ليك شي هضرة
حكيم: وي سلووما اش كاين
سلمى: بالنسبة للخدمة راه غادية مزيان و حتا لي كليون لي كيجيو كيرجعو مع اصدقائهم و معارفهم للهنا .. مي كاين واحد المشكل
حكيم هاز حاجبو: لي هو؟
سلمى: ديك البنت .. الغالية .. شحال من مرة كيمشيو الكليون مقلقين منها .. كيتكلمو معاها بالفرنسية او الانجليزية و مكتجاوبش معاهم و اكترية السياح لي كيجيو عندنا مكيلقاوش كيفاش يتواصلو معاها .. الى بقا الحال هاكا راه غتزيد الخسارة .. جيت نهضر معاها غوتات عليا .. دكشي علاش فضلت نقولها ليك نتا حسن اسي حكيم
حكيم بلا مبالاة: اممم واخة مزيان .. هاد المرة متبقاي تقولي ليها والو .. قابلي غير خدمتك و نسايها هي عليك .. يمكن ليك تمشي
وقف عاطيها بالضهر و جبد كارو سفوو بينما نزلات هي .. عاد تبعها بخطوات بطيئة و يديه فجيوبو حتا وقف على الغالية لي ودعات وحدة من المشترين بابتسامة و في يدها شاسية باسم المحل
حكيم: تعلمتي تبيعي شوية هه
الغالية: غير شوي ههه واخة كنوحل بعض المرات مع شي وحدين
حكيم: معليهش شوية بشوية كتطلقي مع بنادم ..
حك عنقو كيضور فعينيه و نزلهم فيها: مسالية دبا تشربي معايا شي كافي؟
الغالية بخجل و توتر: هاء .. امم ممسالياش راه مزال مغنسدو و
مقاطعها: وحدة من لبنات تغومبلاصيك حتا ترجعي .. مغنتعطلوش
الغالية بحرج: غغير سمح ليا را
حكيم: مترديهاش فوجهي .. قهوى دغيا و نجيو مغناكلكش ههه ها الكافي غير هنا حدانا دغيا بنرجعو
ضورات عينيها كتشوف في البنات حاضينها و سلمى مصغرة عينيها في الغالية .. تفكرات كلامها و هي تهز حجبانها بتحدي و ابتسمات ل حكيم و مشات هزات صاكها
الغالية: واخة ههه
زادت قدامو و تبعها هو كيلعب بالسوارت حتا خرجو عند الباب و وقفات كتسنا فيه يسبقها .. داز قدامها و حل ليها السيارة و هي تشوف فيه هازة حاجبها
-ياك قلتي غير هنا
حكيم: ههه نمشيو فين مولف كنجلس ديما غير زيدي
ضورات عينيها كتشوف في البنات حاضينها و سلمى مصغرة عينيها في الغالية .. تفكرات كلامها و هي تهز حجبانها بتحدي و ابتسمات ل حكيم و مشات هزات صاكها
الغالية: واخة ههه
زادت قدامو و تبعها هو كيلعب بالسوارت حتا خرجو عند الباب و وقفات كتسنا فيه يسبقها .. داز قدامها و حل ليها السيارة و هي تشوف فيه هازة حاجبها
-ياك قلتي غير هنا
حكيم: ههه نمشيو فين مولف كنجلس ديما غير زيدي
ركبات و حطات الصاك على رجليها حتا ركب هو و زاد لوجهته .. الصمت كان مخيم على السيارة .. الغالية ساهية فالازقة و حكيم ملقا مايقول .. وصلو للغيسطو و نزلو دخلو .. طلعو لاطيراس و جلسو في بلاصة هادئة و الغالية عينيها كيتفحصو في المكان لي كان هااادئ و بسيط ولكن كتحسي فيه بواحد الراحة في شكل
– زوينة هاد البلاصة
حكيم كيشوف فيها مصغر عينيه: متكوووونش بحالك
شدات الغالية الضحكة بزز و وجهها محقون بالدم .. هزات فيه عينيها حابسة
النفس و نطقات بصوت رقيق و خافت: واش نتا هاكا مكتحشمش مع كلشي؟
حكيم: و علاااش بنحشم مالي شااافرك .. جيتيني زوينة راني قلتها ليك هههه بيتيني نكذب هااا نكذب؟
الغالية: هههه لا ” محاولة تبدل الموضوع” هداية لباس عليها
حكيم: بخير .. كتسول فيك ديما ههه درتي ليها شي حجاااب مافيهاش الشك هههه
الغالية: غزييولة ديك البنت ههه مكتشبهش ليك
حكيم: والو زعمة مادات مني حتا حاجة؟ .. غير شوفي و كان
الغالية: هادشي لي بان ليا ههه .. حتا مرتك مكتشبهش ليها
حكيم ببرود: حيت معندها علاقة بيها ماشي مها .. و نزيدك ماشي مرتي طليقتي
الغالية بتفاجئ: اه بصح! سمح ليا مكانتش في خباري
وقف عليهم النادل و ختار حكيم كافي نواغ .. و هي كافي كريم
حكيم: اييوا .. شنو بلانك نتي
الغالية: مالي انا ههه
حكيم: عرفينا عليك شوية .. كتجيني غامضة و بيرك غاااارق
الغالية: لا مغارق والو .. غير كيبان ليك
حكيم متبت الشوفة في وجهها: علاش فمك كيقول حاجة و عينيك كنشوف فيهم حاجة اخرى
الغالية بارتباك كترمش فعينيها: اش كتشوف فيهم
حكيم: معرفتش !! نتي بحال شي كتاب مغلوق صعيب نقراه او نفهمو
الغالية: حسن ليك معندك متفهم فيا الكتاب لي مينفعك فوالو غير عطيه التيساع
حكيم: يااك! نيشان فوجهي كتجري عليا ههه
الغالية: نو ماشي قضية نجري عليك او شي حاجة .. غير قلت و صافي
حكيم: واخة الالة على خاطرك
احتارم قرارها و عرفها مبغاتش تهضر معاه على حياتها .. شربو ديك القهوى و كلام قليل بيناتهم .. هو متلهف يعرف شنو من ورا هاد الوجه البريئ المتجمد و هي محتافضة على صمتها و كلامها القليل .. وقفو خلص الكونسوماسيون و خرجو وصلها حتال المحل و مشا هو بلاصتو و عقلو مخربق بهاد الانسانة لي بين ليلة و نهار ولا باغي يعرف عليها شحال من حاجة و سكوتها مبرزطو .. من ديما كان فضولي و كيبحت و يقلب و يعرف اي حاجة شاغلة بالو .. جا حتال هادي قالت ليه لاااا حبببس مكاين ما تعرف خلاتو واقف بلاكة كيسوط فيه البرد..
رشات رحتها و هزات صاكها كتسنا في جنات تكمل خلاص .. طلات عليها لقاتها مقاتلة مع الايلاينر بزز باش قداتو و جبدات عينيها بيه .. هزات ليبستيك ترابي بارد دارتو و لصقات العدسات عاد خرجات عند الغالية كتفرنس عاجبها راسها
جنات: تعطلت؟
الغالية: زيدي اصحبتي خلاص اليوم تبدا تحل عليا هديك في فمها على التعطال
جنات: و ماااال جد باباها هي مولاتو .. تي خررررجي فيها عييينيك قوليها غا تنبتي في بلاصتك ولا انا لي نجري على طاسلتك والله تا نديييرها حكيم مايقولش ليا لا
الغالية: هههه و باااز مالو ضارب بيك اللاكط لي يسمع ليك
جنات: خويا هداك ميخصرش ليا .. زيدي نوصلك و نمشي للخدمة في العشية نتلاقاو نمشيو للصالون نضورو بالحالة شوية
الغالية: واخة .. دوزي عندي
ركبو سيارة سي حسن لي ولات كتستعملها جنات باش تنقل لخدمتها .. و وصلاتها هي اللولة عاد دازت هي لخدمتها..
مشات لبلاصتها لقات غير ندى لي كاينة و سلمى مزال مجات .. سلمات عليها و بداو كيقادو فداكشي و يتكلمو .. حتا نغزاتها ندى بالضحك
ندى: اجي العفيريتة فين كتعرفي سي حكيم ههه
الغالية: و شكون قاليك كنعرفو اصلا
ندى: بيتي تخبي عليا!! كون ماكنتي تعرفيه مايجلسش يتغذا معاك و تخرجي نتي وياه
الغالية: ماشي شي معرفة .. غير كنعرفو و صافي
ندى: و غير عاودي ليا اصحبتي فين كتعرفيه
الغالية: سلمى جات .. سيري قابلي شغلك قبل متبدا تاني
مشات ندى و كملاات الغالية تستافها على خاطرها .. و عيون سلمى عليها .. فكرات الغالية و عاوداات و ملقااش جواب علاش سلمى حاضياها غير هي .. شنو السبب لي مخليها تتحسس من جهتها .. علاش كتشوف فيها هكاك .. اسئلة لي مقدرتش تجاوب عليهم .. النهار كامل و سلمى حاطة عليها .. خرجات منها ديك نص ساعة ديال لبارح مضووبلة .. مخلاتهاش تحط قاعها للارض ترتاح او تنفس
غير تسالي من حاجة تصيفطها لحاجة اخرى حتا وصلات عندها جنات و دخلات كتشوف في الملابس و تخير .. دازت عندها الغالية سلمات عليها و كتوريها فالحوايج
الغالية: شوفي هاد الشوميز غتجيك وااعرة
جنات: وي زوينة .. مي معرية بزاااف من الصدر مفضووحة .. غنشوف هداك الشكل لاخر عجبني
الغالية: اجي نوريك واحد الصبابط حمقوني انا .. مكرهتش امتا نشريهم ههه
داتها جهة الاحدية و وقفاتها قدام صبابط طالون مثلتين من القدام و طالونهم رقيق شوية .. معاهم حتا البةشيط ديالهم و فيهم جميع الالوان
جنات: زوييينين حمقوني .. حتا انا نشري معاك ههه ملي تبغي تشريه علميني .. و ياله دبا غيمشي علينا الحال و راه خديت غونديفو فالصونا نمشيو نريحو عضامنا..
علماتهم و خرجات مشاو للصونا رخاو فيها اعصابهم و خرجو للصالون تهلاو في الحالة و سكسفو عليها مزيااان .. ماخلاو مسكات ماخلاو اضافر المانيكوغ و البيديكوغ و الشعر صايباتو جنات اما الغالية مقرباتش ليه خلاتو طبيعي كيف كان …. كلشي جربووه و هوما فرحانين و عاجبهم راسهم .. اي بنت كتبغي تهتم براسها و تهلا فيه و تحس براسها اكتر جمال و اناقة .. هاكا حسو حتا هاد الزوجات .. ما خرجو حتا خواو الجييب عاد رطبو كيفرنسو و مشاو خداو بيتزا غلقو بيها مشاو للدار .. لقاو خديجة موجدة لعشا و كتسنا فيهم يدخلو .. كلشي غابر جالسة بوحدها مقردة حتا دخلو عليها كيضحكو و جلسو حداها مسرحين رجليهم حداها
خديجة: بصحتكم .. كون غير مشيت معاكم حتا انا
جنات: حتال غذا و سيري ازيين انا نوصيهم يتهلاو فيك
خديجة: ان شاء الله .. و مالك على داك اللون درتي لضفارك مشعشع هكاك
جنات: متعرفييش ليه نتي .. انا عجبني
شدات خديجة يدين الغالية كتشوف فيهم و هي كتفرنس
الغالية: كيف جاني اخالتي ههه عارفاني معزيزش عليا اللوان الغامقين .. درت غير هاد القهوي ترابي عجبني
خديجة: كيحمق و حتا يديك زوينين .. ماشي بحال هديك لوانها كي الويل
وقفات الغالية كتفرنس عاجبها الحال و كتشوف فرجليها .. نقيين و الصباغة واتاتهم .. الاضافر مقلمين و ماطوالش .. دخلات للبيت لبسات بيجامة و طاحت نعسات دووودة مافقتش ليهم كاااع واخة نوضوها للعشا..
* منعس بنتو فبيتو و بانيو صغير فيه الما بارد و فوطة كيحطها على راسو .. الخوف طاغي على وجهو .. النهار كامل مخجرش من الدار مقابلها غير هي .. مرضها خااايب كيدوزها عليه قبل مايدوزها عليها ..
حط يدو على غنقها كيشوف حرارتها واش نزلات .. و هي تدخل اللا حليمة هازة بطاطة و بصلة قاسماهم و دخلاتهم ليه
حليمة: ديرهم ليها اولدي تحت رجليها و عند ناضرها و شدهم ليها بزيف .. راه غينزلو ليها الحرارة
شدهم من عندها مطيع كلامها .. ملي الدواء معطاش مفعولو يجرب هادشي .. حطهم ليها و باس راسها .. شد مو من يدها و خرجها دخلها للكوزينة
حكيم: مشهية شي حاجة العزيزة
حليمة: والو ياوليدي معندو منين يدوز ..
حكيم: الدواء الوليدة ضروري تاكلي شي حاجة
جلسها حداه و جبد لاداند طيبو ليها بلاصوص و حطو قدامها كيوكلها و هي مكاين غير الله يفرشك بالرضى و يغطيك بالرضى .. من ديما هازها على كفووف الراحة .. ممخليها مخصوصة من والو .. الحاجة الجيدة ديالها .. و مهلي فيها و مكبر بيها .. موو حبيبتو لي ربات و كبرات و سهرات عليهم .. ممشاش تعبها غير هكاك .. دكشي لي دارتو عليهم فالصغر ها هو كيرض ليها فيه مضووبل .. اييه عندها زوج بنات لي يهزوها و يقابلوها ولكن رفض يخليها عند شي واحد من غير دارها .. لي بغاها يجي عندها .. ولدها التاني ساكن قريب ليها و خلا المسؤولية على خووه .. عارفو ميفرقهاش و عمرو يتخلى عليها .. و هدشي لي خلاها ترضي عليه صباح و عشية .. واخة الزهر مايكسابوش هو في طريق و زهرو فطريق .. ولكن عندو رضاة الوالدين كافياه تنور طريقو ..
جمع كلشي غسلو و نوضها لبيتها شربها الدواء و خلاها تنعس و ناض هو عند بنتو .. حط يدو على راسها لقاه بدا كينقص من الحرارة و تكا حداها ضامها ليه .. بقا مدة و هو هكاك حتا حس بيها كتمخشش فيه .. رجع ضمها ليه بقوة خاشيها وسط ضلوعو و باسها على راسها و غمض عينيه..
* في الصباح بكري داز للكوزينة يهز كاس ديال الما حتا لقاها فايقة كطيب في الفطور
سيف الدين: صباح الخير
الغالية: صباح النور .. جلس تفطر عاد سير مزال الحال
سيف الدين نقب من فوق الطبلة و شرب الما و تم خارج: غير بالصحة .. غنمشي حتا نتقدا ل حكيم الدواء من الصيدلية و نشري ليهم الفطور عاد غنمشي للخدمة
الغالية: ياك لباس مالو
سيف الدين: بنتو مسكينة مرضات ليه البارح السخانة و الرواح و الحلاقم .. مخلطة فيها القضية .. راه منعس ماشافو الليل كامل و هو مقابلها
الغالية بحزن: مسكينة باقة صغيرة غتكرفصو .. الى مكنتيش معطل نقاد ليها عصير تشربو للحلاقم و الكحبة دغيا يحيدو
سيف الدين: نتسناك الى زربتي
حركات راسها و مشات هزات كاس عسل حر و كاس زيت البلدية و عصرات زوج من الحامض الرومي .. خلطاتهم مع بعض و دارتهم ليه بقرعة زجاجية و عطاتهم ليه
الغالية: يعطيها غير زوج معلقات صغار صافي راه قاسح عليها و متشربش عليهم الما حتا دوز نصف ساعة .. بالشفاء
سيف الدين: واخة .. الله يعاون
خرج و خلاها حاطة يدها على حنكها و قلبها حارقها على ديك البنية .. تفكرات بنتها لي فقداتها و هي لحيمة .. تفكرات مرضتها لي داتها ليها في رمشة عين .. تفكرات بكائها فالليل و عويناتها ملي كانت ترضعها و تبقا تشوف فيها .. تفكرات يدياتها الصغيورين و رجيلاتها .. افكار طاحو عليها خلاو دموعها يدوزو بلا ادن منها .. ياااه على دنيا .. كاين لي فاقد مو و كاين لي فاقد باه و كاين لي بنتو .. حتا واحد ملقاها كيف بغاها .. كل واحد مقسح من جهة و مخبيها بديك الضحكة قدام الناس و هو معالم بيه غير الله .. مسحات دموعها ملي سمعات صوت الخطوات جايين .. تلفتات كانت خديجة جاية .. شافت فيها باستغراب و نطقات
خديجة: صباح الخير ازين .. مزال ممشيتيش للخدمة
الغالية: لا ماخداماش دبا عندي النوبة فالعشية
خديجة: اه هكاك الله يعاونك احبيبتي ” شافت الفطور” ديك الساعة غير خليه كنت جاية نوجدو
الغالية: ماعليهش اخالتي
هزو دكشي داوه للطبلة لقاو سي حسن و جنات عاد جلسو كيفطرو معاهم..
بدلات جنات عليها و شافت في الغالية لي كانت ساهية
جنات: معجبتينيش هاد النهار مالك؟
الغالية: والو .. غير بقات فيا هداية مسكينة مريضة
جنات: بصح!! مافخباريش انا .. بنمشي نشوفها هي اللولة مسكينة .. كتبقا فيا والله
الغالية: والله مكرهت نمشي حتا انا مي غيكون باها تما منقدرش ندخل
جنات: اويلي علاش؟ غير زيدي راه كاينة موو تما ماعندك علاش تخافي
الغالية: لااا منقدرش اختي ندخل لدارو اويلي
جنات: والله متخافي هانا غادية معاك و نديو حتا خدوجة الى بغيتي غير نوضي .. اصلا هو راه ميعمرش الدار الى شافنا
الغالية بتردد: و قوليها لخالتي تمشي معانا
جنات: واخة غي لبسي عليك انا نمشي نقولها ليها
خرجات جنات تخبر مها و ناضت الغالية لبسات عليها جلابتها العادية في البلومارين و دارت حجابها عاد خرجات .. مشات للكوزينة هزات بعض البسكوي و الحلويات مقادهم هي و خرجات عطاتهم لخديجة هزاتهم و خرجو شدو طاكسي حطهم عند الباب ..
دقو الباب و خديجة متقدماهم حتا تحل و بان هو لابس سروال سبورتيف و تيشرت ابيض و سبرديلة .. ابتاسم ليهم و حال الباب دخلو للجريدة الصغيرة لي قدام الباب دخلاني
– اللا خديجة مرحبا
خديجة: ترحب بيك الجنة اولدي .. كيف بقات البنية سمعت مريضة
حكيم: الحمدلله .. دخلو مرحبا .. انا نقدي شي شغل برا .. راه الحاجة فالصالون
حل ليهم الباب ديال لداخل باش يدخلو و خربق فشعر جنات .. شاف في الغالية بابتسامة مقوص عينيه .. و خرج هو خلاهم مع اللا حليمة
سلمو و جلسو و الغالية عينيها غير كيلعبو فالدار .. فلاتها كاملة من تصميمها و ديكوراتها و فراشاتها .. كلشي حضاتو .. نغزات جنات و همسات حدا ودنها
الغالية: و فين هداية نشوفوها
وقفات جنات استأدنات من اللا حليمة و جرات وراها الغالية دخلاتها للبيت فين كانت هداية شادة لفراش ناعسة .. جلسو حداها و الغالية كتلعب ليها في شعرها حتا حلات عينيها و المرض متمكن منها .. دارت عندها حطات راسها على حجرها و عنقاتها ب يدياتها الصغار .. باستها الغالية كتمشط ليها فشعرها بصباعها و تقيس حرارتها لقاتها نازلة معتدلة .. ولكن لحلاقم مزالين منفوخين .. سمعات صوت انين هداية و طلات ليها على وجها لقاتها كتبكي و عينيها راقدين .. هزاتها حطتها فوق رجليها و شدات ليها في وجها
-مال حبيية
هداية بصوت مخنوق خرجات ليها الشهقة: ب بغيت ماما هئ
غمضات عينيها كيتحسر عليها و دمعة واقفة ليها و هزات يدها حطتها على قلبها
-ماما كاينة هنا .. ديما معاك احبيبة عمرها فرقاتك
هداية: و ولكن انا بغيت نعنقها و نبوسها اهئ اهئ .. شوفي انا مريضة و مكايناش معايا اهئ
الغالية: شكون قال ليك مكايناش معاك؟ .. ماما كاينة فقلبك احبيبة .. فينما بغيتي تشوفيها ولا تهضري معاها ماعليك غير تغمضي عينيك و تحطي يديك على قلبك غتحسي بيها و هي راه كتسمعك و تحس بيك .. هي جالسة معانا دبا و كتشوف فيك و بغاتك تصحي دغيا باش ترجعي كيف كنتي
جنات: اه احبيبة .. راه ديما معاك و في جنبك
هداية: ولكن انا بغيت نشوفها اهئ اهئ
الغالية: حتا هي احبيبة مكرهاتش كون شافتك و عنقاتك اهئ و باستك و نعسات حداك هنا .. ولكن الله سبحانه عزيزة عليه بزاف و بغاها .. دكشي علاش داها عندو .. و نتي راه خلا ليك بزااف ديال الناس كيبغيوك .. شوفي حتا انا خدا ليا اعز انسانة عندي اهئ حيت بغاها و داها طير من طيور الجنة ..
شوفي حتا انا خدا ليا اعز انسانة عندي اهئ حيت بغاها و داها طير من طيور الجنة .. من بعد غنتلاقاها ان شاء الله في الجنة .. و حتا نتي هكاك
هداية مسحات ليها دموعها: حتا نتي خدا ليك ماماك
الغالية: لا اهئ اهئ .. انا خدا ليا بنتي الصغيورة .. بنتي عاد كيف تزادت و مزال حتا مقنعت منها و من ريحتها اهئ اهئ بنتي كانت كيف الوردة عاد كتفتح .. ربي بغاها و داها و ما عليا غير بالصبر و ندعي معاها
عنقاتها هداية كمواسات ليها و ناضت جنات كتمسح في دموعها خرجات خلاتهم جالسين بزوجات .. ضورات وجهها في البيت لقاتو كلو مرون و حوايجها لي كانت لابسة مرطبين .. عرفاتها دوشات و خلاتها ترتاح .. جمعات البيت و الحوايج لاحتهم فسلة كانت تما .. طرفات البيت كامل عاد خرجات عندهم للصالون لقات خديجة ناضت للكوزينة وجدات اتاي و حطات الحلوى و الكيك لي جابو و جلسات حدا اللا حليمة كيتعاودو .. شافت في جنات هازة تلفون و هي تنغزها تاني كتهضر بهمس
الغالية: شوفي الدار مرونة اصحبتي خلينا نجمعوها ليها المراة مكتشوفش مسكينة بقات فيا
جنات: غير خليها راه كيجيب المراة لي تنضف الدار
الغالية: و بتبقا هي جالسة وسط الروينة حتا تجي المراة .. انا بعدا كضيق ليا رووحي وسط الروينة .. عفاك نوضي عاونيني الله يحفضك
نوضاتها بزز كتسوط .. جمعو الصالونات و العاب هداية داروهم فسلتهم و حطوهم جنب الحايط .. تكلفات جنات بالتجفاف الدنيا و دخلات الغالية للكوزينة .. غسلات بعض الاواني كانو من الفطور و مسحات الدنيا نقاتها .. شافت في الكوزينة كانت مجهزة من كلشي .. تقريبا بحال ديال خالتها .. لي بغيتيها فيها .. بدات متقلب و تستكشف لقات كلشي كاين و هي تكفض على يديها و خلطات كيك بالوربة دارتو يطيب و وجدات للا حلبمة غذا خفيف دغيا كتمشي و تجي في الكوزينة واخدة راحتها تقول ديال باها .. كملات و غطات كلشي خشاتو فالتلاجة عاد خرجات عندهم .. و ناضو جمعو الوقفة خرجو فحالاتهم
* دخل من بعد ما عيطات عليه جنات علماتو بلي بقات اللا حليمة لوحدها .. داز للصالون لقا الدنيا نقية و ريحة زكية فايحة استغرب و مشا حط ميكات التقدية في الكوزينة و بدا كيجبد فالكراطن ديال الماكلة يحط لغذا و حط طباسل فوق الطبلة .. فتح التلاجة يجبد العاصير لقا صوبيرات مغطين و محطوطين تما .. جبدهم طل عليهم و زاد استغرب ..
.. داز لبيت مو لقاها عاد سلمات و بغات تنوض تهز الصلاية باس ليها راسها و شدها من عندها طرفها
– الله يقبل .. الوليدة واش جات مينة تنضف الدار؟
حليمة: لا اوليدي مجاتش راه بنتها ولدات و مشات تشوفها
حكيم: و شكون منقي الدار و مطيب؟؟ ياك كنقول ليك تفرقي على الشقا الله يهديك
حليمة: ما قربت لوالو اولدي .. هدوك غير بنات خديجة الله يرضي عليهم و يبيض سعدهم هوما لي جمعو الدنيا .. واخة مخليتهم ولكن مبغاو يجلسو
حكيم: واخة اجي تغذاي احلووومتي راه بنطيح بالجووع
داها معاه للكوزينة فتح الصوبيرة اللولة لقا فيها نفس السلطة لي كانت جابت معاها لخدمة و هو يتبسم
حكيم: شنيولة العضاضة هي لي مطيبة؟
طل على لاخر لقا فيه سلاد ديال الفواكه و عاصير الليمون و هو يتبسم حتا تغمضو عينيه
حكيم: هانتي معفية من ماكلة الزنقة ليوم اللا حليمة .. ضيافك طيبو ليك
حط ليها فطبسيلها و مشا جاب بنتو لقاها مصحصة شوية جلسها على رجليه كيوكلها و هي مرة مرة تضور تبوسو حتا كملات و ناضت غسلات يديها و فمها و مشات لبيتها بينما هو جمع الدنيا و تبعها .. لقاها حاطة يدها على قلبها و كتهض و تبسم و تعاود و هو يجلس حداها باستغراب
-شنو كديري ازيين دالعاااالم
هداية: كنهضر مع ماما ههه
حكيم: بصح! و شنو كتقولي ليها
هداية: عاودت ليها على طاتي الغالية مسكينة .. و قلت ليها تبقا مع بنتها حتا نمشيو عندهم
حكيم: بنت شكوون؟
هداية: بنت طاتي
حكيم توكد كيشوف فيها: شكون طاتك
هداية ضربات على راسها و غمضات عينيها: وليتي كسول ابابا .. طاتي الغالية مسكينة حتا هي الله خدا ليها بنتها كيف خدا ليا ماما
شاف فيها حكيم بعدم استيعاب كيرمش و يعاود: طاتك طاتك .. الغاااالية لي دايرة الحجاب و بيضة و صغيرة و رقيقة .. هدييك هديك .. متأكدة ابنتي
هداية: اه ابابا هي قالتها ليا قبيلة و قالت ليا الى بيت نهضر مع مامي نحط يدي على قلبي و غتسمعني
حكيم: الغااااالية الغالية .. هديييك نص ميترو والدة !!!! ” وعى على راسو ” اه اه صافي احبيبة هضري مع مامي .. و شربي دواك باش تصحي
شربها دواها و نعسها و خرج هو دايخ .. واخة ماكيعرفها ما والو ولكن مزال ممستوعب انها تكون والدة و فاقدة بنتها .. مزاااال صغيرة كيف دااارت ليها .. مقادرش يدخلها لراسو .. دازت العشية كاملة عندو غير فالدار و مراقب الخدمة بالتيلي و البيسي .. حتا بدا يطيح الضلام و هو ينوض وصا مو على هداية و خرج
بدا يطيح الضلام و هو ينوض وصا مو على هداية و خرج .. مشا للمحل لقا الحركة فيه شي داخل شي خارج مع الليل كلشي كيكون خارج يتسارا .. قلب عليها بعينيه بانت ليه كتبيع مع شي عيالات و و بقا حااااط عليها العين غير من بعييد .. كيطلعها و ينزلها بغا ياكلها بعينيه و كيقارن و يفصل و يخيط .. واش كلام هداية على صواب .. ملي مزوجة فين راجلها؟ .. علاش عمرو شافها معاه .. ولكن صغر سنها مابايناش فيها مزوجة .. تبع يدها كيقلب على خاتم الزواج مالقاهش .. شاف في وجهها ملامحها طفولية و بريئة .. نزل عينيه جهة كرشها مكاتبانش مع ديك الشوميز عريضة عليها شوية .. شاف فيها بتمعن و حرك راسو طارد هاد الفكرة .. ضحك على راسو و وهم راسو بلي هداية غير غلطات اولا نييت الغالية قالت ليها هكاك غير بدافع تخفف عليها حزنها او تشاركها فيه بديك الهضرة .. زاد لاكيس شاف المدخول و ناض خرج من تما ركب سيارتو و بقا فيها فاتح الشرجم و كيكمي .. الوقت كيدوز و هو تما نابت فالسيارة بعيد شوية على المحل و مراقبو .. بانو ليه خرجو و كيسدو فالباب باش يمشيو و هو يتبعهم تسالمو و كل وحدة شدات طريق .. تمشات الغالية منزلة راسها و حاضية الطريق واش يدوز شي طاكسي حتا فرانا عند رجليها .. تخلعات في الاول من ديك الوقفة و زادت كتزرب فمشيتها .. تبعها بسرعة بطيئة حتا تقابل وجهها مع الشرجم لي كان مفتوح و نادى عليها
حكيم: ركبي نوصلك
الغالية: سي حكيم! .. لا لا انا غنشد طاكسي شكرا
حكيم: ياودي غير ركبي راه طريقي هديك و هاد الليل متلقاي طاكسي حتا تشحفي
تلفتات كتشوف في جنابها مابان ليها حتا طاكسي و بقات واقفة بتردد حتا عاود نطق
– ركبي ركبي راني بحال سيف الدين معندك مناش تخافي
فتحات الباب و ركبات فجنبو و حكات على جنبها بتوتر
– كيف بقات هداية بخير
حكيم: الحمدلله بدات كتوكد شوية .. شكرا على لي درتيه عذبناك معانا .. و حتا الماكلة الله يعطيك الصحة
الغالية بابتسامة: مادرت والو ماشي شي حاجة .. بصحتكم
حكيم محاول يسل ليها الهضرة غير بالريييط: مقلتييش ليا اش قضية البنت لي توفات
تجمدو ملامح الغالية و شافت فالزاج بنضرة فارغة: مالها
حكيم: واش بصح؟ .. اجي بصح مزوجة؟ ولا غير هضرة زايدة؟
قابلاتو بالصمت من جهتها حتا قال راه صافي مبقاتش غتجاوب و هي تنطق بسخرية و ابتسامة استهزاء تشوف فالزاج و عينيها غارقين فبحر من الحزن و الجرح
– لا .. مطلقة هه
يتبع
حطي لينا الكمالة عااافاااك
التتمة بعد قليل 😊