اسماء: اميين ماتشوفي بااس….(سكتو شوية وهي تهز فيها اسماء راسها ضاحكة جاتها من لخر) ايوا باش عرفتي داار واش سيفطاتك ماما
الحاطة:لاا ابنيتي ماسيفطني حد جيت عندك بوحدي وبرجلي…
اسماء:مرحبا(تهزات شوية هزات قرعة لما لي كانت حدا راسها شربات منها ورداتها فين كانت)
الحاجة:تبارك الله البينة هادي
اسماء:اااه تسنييم اجي سلمي على خاالتك…
تحنات عندها سلمات ليها والحاجة شداتها قدام رجليها كتضحك معاهاا فحين اسماء غير مبسمة حالة عينيها بزز عاطياها الصواااب والفضول كياااكل فيها ماعرفتهاش شكون وعلاش جاااية ولكن وجهها كتبان فيها مراة دالمعقول..
الحاجة : الله يرضيي علييك الله يكبرها فطاعة الله وتشوفيها كيف بغيتي
اسماء:اللهم امييين اخالتي اللهم امييين
الحاجة:ااش غنقوليك ابنيتي انا غير سمعت عليك وعاودو ليا علييك وانا جيت برجليا نوصل ليك واحد الامانة ونمشي(خشات ايديها فطبلية جبدات واحد الجوة ضفر ومداتو ليا)هاكي ابنيتي خوودي قولي بسم الله وشدي
اسماء:شنو هاادشيي؟ (كتلمس فييه)..شنوو
الحاجة:حليه وشووفي راه محلوول غير بسميه
جراات الغلاف حلااتو وفرقاتو بصبعانها وطلااات وهي توسسسسع عينييييها حتى ضربو فالجوا ورجعو لبلاايصهم كتبان ليها غير زرقات زرقة تنطح زرقة
اسماء:شهاادشي الااالة دياالمن هااادشي
الحاجة مبسمة :رزقك ابنيتي هاداااك قولي بسم الله وخودييه بصحتك
اسماء:اويليي ه هاادشي بزاااف عليااا و وعلااش انااا
الحاجة مبسمة فيها :ما بزاف علييك والو وماعطيتك انا واالو رزقك عند ربي وجابو لييك ماتسوليش علاش ومناش كي قلت ليك سمي الله وخزنييه
اسماء:بزاااف هادشيي اويلي بزااااف عنداك يكون هادشي مزور( شافتها جمعات تبسيمة وهي تحك شعرها ب بلاهة ) غير شت هادشي بزاااف و و
الحاجة:شووفي فياا سمعي لكلامي….قولي بسم الله عاوديها مورايا
اسماء:بسم لله
الحاجة:الحمد الله
اسماء:الحمد الله
الحاجة:يلاه والميه عندك وخزنييه بصحتك الله يزرقنا ويرزقك من فضلو ومن عندو عطاوه لييك شي نااس وانا غير وصلتو لييك رضاي بلي قسم الله وخزنييه
اسماء: ص صدمتينيي والله س سبحاان الله العضييم غير داك نهار بعت دهبي اللي نكسااب(دمعو عينيها تفكراتو) وليووم تعوضت فيييه (حلاتو وجبدات منو نص) هاااكي نقسمو اناا ويااااك تانتي تعدبتي
الحاحة: لاااا ابنيتيي رزقك هاداااك
اسماء:والله حتى تاخدي حتى نتي تعدبتي و وصلتييه ليا وفرحيتينييي
الحاحة:والله مانشد رياااال انا حلفت وكبر منننك صااافي
رجعاتو ليها واسماء جمعاتو كتشكر فيها باماناان ودموعها نزلو تحلو عليها المواجيع تااني
الحاحة: وليني علاش بعتي دهبك(بغات تجبدها) واش تحزيتي ابنيتي تسلفي وردييه وماتسمحييش فدهبك راه ايلا مشى مايتعوضش
اسماء:كون كاان عندي منين نرضو مانبيعوش كون راني خازناهم تحت مني لديواير الزمان على انا كرهت…كنت خدامة اخالتي واحد الخديمة والله ايلا موقرة وزويينة وشديت فيها الحرفة ومن سيمانة لسيمانة ناخد شي براكة تكفيني ناكل ونوكل بنتي ونخلص كرايا مرتاااحة… وكان واحد السيد كاان مع شي وحدى خدامو معاناا زعماا ( هزات فيها عينيها حمرين حشمانة تقولها فوجهها) زعما مصااحبين وداكشي ديال درااري ماعرفتو انا امتى شاف بنتي ولاا شافها معايا واحد النهار جاب لبنيتي كادو على حساب عيد ميلادها وكنت درتو فالصاالون نييت فرحت بيها وشكرتو من بااب الصواااب وصاافي زعما بيناتنا الاحترااام مابيناتنا واالو تالواحد النهااار كنت جالسة وهي تقول لياا (مسحات نيوفها كيسييلو) قالت لياا يلاه خرجي شويا ضوري بنتك وفوجي وتانا مشيييت معاها اتاا تلاقيناا مع هاد سيد لي قلت لييك علييييك ماجا فين يسلم عليا حتى هجمت عليااا بالمعيووور وفااعلة تااااركة درتيي ودرتييي نعااه والله اخاالتي مكاانت فنيتي شي حااجة( كتبكي) والله لا عمري شفت فشي ولد المراة بنظرة غالطة واخا انا مطلقة وروااسية زعما كون كانت شي وحدة اخرى تضرب فينما بان ليهاا ولكن انا كنخاف الله وكنخاف على بنتي وخايفة يجي ليا شي واحد يتعدى عليها والله زع(تقطعات فيها الهضرة كتبكي وتكحب والحاجة غير كتصنت قطعاات ليها فقلبها عرفاتها كتهضر على المهدي حيت وهو جاي فالطريق عاود ليها كلشي طبطباات على ضهرها واسماء غير كتبكي القلب طاايب والمرض زايد عليها
الحاجة:بكي ابنيتيي بكي ريحي خاااطرك
اسماء:داروني خانزة حاشاااك وكنخرج مع الرجاال وحطو عليا العجب وربي شاهد عليا حاافضة راسي من نهار سنيت على ورقة طلاقي وحدرت رااسي وخرجت من ااصالون مارديتش نبقى تما والهضرة فوق رااسي وبركت تااني نقلب ونتلااح من حيه لجيه نقلب على،خدمة تا طحت فواحد القهوة زويينة خدمت لداخل نغسل ليهم الماااعن
الحاجة:الله ياربي الله
اسماء:انا راني موالفة التجرجيير وتماارة ديك الخدمة جاتني كي شربيبة الما سااهلة تااني ماجيت فين ندوز نهار تا تحرقات ليا نص فايدي تخواات عليا مقلة الزييا الله ينجييك صلقاتني كاملة جلست منهاا تاهي
الحاحةلاا حولة ولا قوة ايااا بالله واشمو مشيت عند طبييب اش قاليك
اسماء:كرطوها لياا وعطاوني شي دوا نتبعوها مابقيت كاع داويتها
الحاجة : صعيب علييك ابنيتي الزماان ونتي باقا صغيرة حنى كباار ومدين وجايبين فالزمان وقهرنا وماقديناش علييه وغالبنا حسبلاك نتي االي باقا صغير وعاد حليتي عينييك فاادنيا وديابها موجودين ياكلوك يا بنيتي بحواايجك
اسماء:اللي ضرني تا خرجت منو عمر شي وحدة جبدات تيليفون وقالت كيداير اافلاانة تقولي عمرني خدمت معاااهم الله يستر بنادم
تسمع دقاان وهي تقطع الحس سكتاااات مخرجة عينيها كتصنت كانت غتنوض تسنييم وهي تحبسها ضرمو طم كااملين والحاجة ولات غير كتشوف مافااهمة واالو كتسمع شي وحدة كتغوت من برا اسماااا اسماا وهادي حداها قطعات عليها الحس حتى مشااات ومابقاش دقاان عاد تنهدااات وارتااحت وشافت فالحاجة كضور فعينيها باينة فيها مافهمت واالو
اسماء:خت رااجلي هادي ايلا دخلتها تشوف حالتي وتوصلها لييهم يجيو يتشااتفو علياا هنا عارفيني بوحدي ..
طلقات لسانها كتعاود ليها على زواجها وتريكة راجلها والحاجة غير كطبطب عليها متألمة معاها اما اسماء خاصها غير لي يقيصها ويقول ليها مالك ضايم بيها الحال والمواجع تراكنت فقلبها حتى مابقاتش قادرة تحبس نفسها ما تشارك، اكثر وحدة كانت كتومة واللي فراسها عمر شي حد يعرفو حتى ولات لمن ما كان تعاود قصة حياتها من طق طق تالسلام علييكم…
الحاجة:على كاينة السيبة فالبلاد ابنيتي اش معنيتها يتهجم عليييك هذا راه خاصك دعييه القانون ياخد ليك حقك بلحق ابنيتي حقك عند الله سبحاان وتعالى دعيه لييه ياخد ليك حقك منهم ويجازي كل واحد على قد نيتو علاش ابنيتي ماتدعييش وديري واحد الزصيقة راع كيعكيوها ديال حق النقرب ولا الاقتراب ولا والله ماعرفت اش كيسميوها كيعطييو ايلا قرب لييه غير بجوج ميترو يتشد مافيها لا هادي لاا دييك
اسناء:نكدب علييك اخالتي انا مانقدرش علييهم وايلا درت ضدهم محامي يجيبو ليا عشرين محااامي شارين بفلوسهم المخزن تا ولات ولدهم داير الحبس كي دارهم داخل خارح منوو تا كنقول خاهو دخل مايجي فين يضور الشهر تا كيخرج وتاني باغي يدخل على ضهري هاد المرة وانا غير بوحدي ماليا تاحد ماكين علامن نحط رااس مانقدش علييهم
الحاحة:حسبيا الله ونعم الوكيييل وداركم ابنيتي بعاد علييك ولا شنو
اسماء:ماما مرييضة الله ينجييك ها سكر ها الكوليسطرول ها الملحة مابقيتش كنبغي نخلعها اللي فيها يكفيها وباا حتى هو شاد الفرااش خبار وحدة نقتلو اما خوتي ملاهين غير مع عيالاتهم ماكين اللي يهز التيليفون ويسول ازدي عويني الله الله ينصرني علييهم والله يغلب نيتي على نيتيهم عييت اخالتي مانكدبش عليييك ( كتبكي)تمرمت بوحدي ماقدييتش والوو نعيى نقول داباا يفرج وراني غير مازاادية فالقهرة
عنقااتها الحاجة كتطبطب على ضهرهاا
الحاجة:بكيي ابنيتيي بكي قطعتي لياا اقلبيي حرقيتينيي لييك الله لا الاه غييره ليك الله سبحاانه عوييينك راه ايلا ماخدا ليك هو راه واخا تجمع امة سيدي محمد ماتاخد ليك وايلا ماعطاك هو واخا تجمع امة محمد ماتعطاك هادي هي دنيا مرة تعطييك ومرة تاخد لييك وربي كيبغيك ادا احب عبد له ابتلااه قولي الحمد الله الحمد الله دابا يفرجها ربي دابا يتفتحو ليك البيبان دابا يولي هادشي غير ضحك ودكرياات دابا تكبر بنيتك وتشوفي فيها اش بغيتيي وتفرحك وتعوضك وتنساااي ان بعد العسر يسرى ابنيتي ان بعد العسر يسرى
كاانت غير كتبكي وصوت الحاجة وكلامها الهادئ والحنيين غير ماكيزييد على مابيها طلقاات دموعها وصوتها كتبكي وتنخصص على كتااافها والحاجة كتحك على ضهرهاا مخلياها تبكي عليها حتى تفشااات على خاطرها وارتااحت عاد ناضت كتسمح فوحجهها
اسماء:سمحي ليااا غتنزيد عليك حتى انا بهميي ماعندي لمن نشكي ماكرهتش غيرشي واحد هكا نعاود ليه ونبكي وغير يتصنت ليا والله ماطالبة حاجة
الحاجة:الله ياودي ابنيتي فاي وووقت وقت لي تبغي مرحباا..نقوليك واحد الكلمة،وماديريهاش مني قلت الصواب انا قد ميمتك ومانبغي ليك غير الخيير..علاش ابنيتي ماتجوجييش
اسماء:رااه بنتي و(قاطعتها)
الحاحة:واخا بنتك ابنتي و واخا مطلقة انا اللي كتشوفي فيا الحاج راجلي خديتو وانا غير مطلقة فكرتيني غير فرااسي ربي شاهد علياا كنت بحالك هكا دايخة وتالفة وزمان قاهرتي غير انا كنت هازة دارناا من كبيرهم لصغييرهم تا جاب ليا الله الحاجة كي نقطة الخيير علياا ماكنت حاملة جواج وماكنتش باغاه خلاص فاش شفتو وجاني من داك النوع اللي ملتاازم والصلاة والدين قلت لا لا هذا معقد وغير ماغيزيد يعقدني فخياتي وليني كلام واليديا كان فوق منو وجوطوني بييه وهانا تشوفوني نحمد الله ونشكرو الف مرررة واخا نعير نشكر ليك فييه مانوفيش حقو وقف معايا لقيتو فضهري قربي من الله وعرفني على طريقي وعلى ديني عاد وليت عايشة كي بنادم ولدت معاه وليداتي ولحد اللان تلتتين عام ديال الجواج عمرني شفت منو كلمة العيب خرجها من فمو الله يطول ليا فعمرو راني ندعي الله كل نهاار يديني عندو قبل منو مانقدش على فراقو ابنيتي والو راني بيه وبوليدي باش عاايشة
اسماءالله يكول فعمركم والله يخليهم لييك
الحاحة:اللهم امييين، قولي بسن الله ابنيتي وتوكلي على الله ايلا جا فطريقك راجلك وخايب ماتساوميش كاع رحال بحالو بااااقين ولاد ناس وبااقين ولاد الخير وماتعرفي ؤبي اشنو مكتب ليك فرزقك وماتعرفي هاد الانسان االي غتاخديه اشنو بغى يدخل علييييك المراة بلا راجل ابنتي محكووورة وضعيييفة قدام العبااد وخلاص اللي بحالك درااوش وغير نية الله ماتعيشييش هانية وسط دياب الدنيا..ايلا لقيتي معامن تزوجي ابنيتي
اسماء:يكون خييير اخالتي يكون خير
حكات على دراها مبسمة كتشوف فيها مطوولة وكتنهد بقدرة ماا دخلات لخاطرها بقد ما بقات فيها واسماء غير حادرة راسها كتصنت ومرة مرة تمسح دموعها
الحاجة والله يابنيتي وكان عندي شي ولد اخر تانتزوج لييك بالفرحات علياا تكوني مرت ولدي وبنتي
اسماء:عندك غير البنات بحالي ههه
الحاحة: لاا ههه عندي وليد وااحد وناوية نخطب لييه فهاد السيمانة اللي فوجهنا
اسماء:بصاااح الله يكمل عليييك الله يفرحكم ويدخلها عليكم بالصحة والسلاااكة
الحاجة:اللهم امييين اللهم امييين الله يرضي علييك عندي وليد واحد عويينة وحدة اللي نشوفو بيها راحنا مضاربين تانكبرووه فطاعة الله واخا راه ولا هو اللي ساير يكبر فينا داباا ههه جاب ليه باه واحد البنية وماخيبناش وقبل عليها وقبلات علييه الله يكمل علييهم ياربي
اسماء:الله يجعلك تشوفي منو الخييير ياربيي
الحاجة:اجي نقوليك وماتقوليش ليا لا
اسماء:مرحباا ايلا كانت فالاستطاعة مرحبااا
الحاجة : جي ابنيتي جي نهار جمعة حضري غير للخطة فوجي شوية وضحكي نتي وبنيتك ورجعي..
عند ناصر..
نزل كيجري مع الدروج بعدما سمع كلام ختو على اسمااء تزاد نعاه الزاايد عينيه حمااارو وصدروو تزير ماحس براسو حتى نزل كيجيري حفيااان يلا غيحل البااب وهو يدخل فخوتو بجوج دااخليين للداار حتى خرجوو فييه ماخلااوه يخرج شافوه حفيان مقالو مضاارب حكموو بجوج وهو كيتفلت وينقز وسط منننهم وكينة الفوق كتغووت عليهم يشدووه مايخلييوه يخرج وخوتو شادينو حاكمييينو حتى لوااحد اللحضة وهو يضرب خوه برووسية لااحو ودفع الباااب وخرج وهوما بقاو واقفيين
مييينة:واااتبعوووه ومشى ليهااا مشى مشى مشى
شد نيفو: رعفني ولد لق…تئ خليي زام/ل بووه يعوووم بحروو
حيداات وييف وطااحت فالدروووج كتركل وتغوووت
مينة:ونااااااري شدوووووه وااااتبعووووه واااعبااااااد اللله ونااري غيقتلوووني ونااري غيخرجو لياا العقل واتتبعووو خوكم وااشدووه غيمشي ليها غيمشي ليهااا واانااااري
_خليييه يضبر راااسو تي ماااالك فيييه
مينة:واااجيببوووووه راااه سمعهاا غتجوووج غادي ليهااا ياك اسيدي طلق منهاا ااش باغي فيهاا تااني ونااري غيقتلووني نااري غيسيفطوني للقبر قيل الوقت ونااااري امييييمتيييي
ضرباات صدرهاا بحهههد وقلباات عينيها طاايجة فالدرووج دارت راسها سخفاات وسعاد وعيالات ولادها نزلو عندها كيجرييو ودراري بجووج خرجو تبعوو نااصر كيسبو فييه حاقديين
اسماء شافت فالحاجة مبسمة ..
اسماء : الله يخلف علييك الحااجة الله يكمل عليييكم ولكن هانتي تشوفي الحالة توريك نجي غير نعادي ليكم ضياف هههه
الحاجة:حاشة مرحبا وااالف مرحبااا ارتااحيت لييك ابنيتي وربي اللي عاالم فكرتيني غير فرااسي هذا زمان (عنقاتها)
اسماء:حتى انا ارتااحيييت لييك والله العضيييم(عنقااتها بمحبة خالصة) كلامك ريحنيي وحسيت بميمتي جالسة حداياا ربي جابك لياا كي ملاك الخيير الله يطول فعمرك الله يرفحك ويفرح ولدك
الحاجة:فرحتي نهار نشووفك جيتي لخطبة ولدي تقلييد الله فعنقك مااجي ماتخممي لواالو تجي ليكوموبيل تالعتية البااب غير قولي ايييه هانتي تابنيتك مسيكينة تبغي تمشي تفوج..تمشي ابنيتي تمشيي هاا
حركات تسنيم راسها بايجاب واخا ماعارفاش فيين غتمشي
الحاجة:واهاانتي ههه
اسماء: هاديك غير غادا ما الغادين وجاية مع الجاييين ههه انشاء الله ايلة وليت من هنا لتما شوية نجي والله حتى نجي
الحاحة:تولي شوية انشاااء الله ماتخمييش راه ماكين رجال اللي تخمي ليهم العيالات بوحدهم والرجال بوحدهم مانتخالطوش كنفكرو نديرو خطبة كبيرة نجمعو فيها كلشي حيت الولد عندي مابغيش العرس ماباغي والو قلنا نديروها كبيرة نحيدو علينا كلشي ونرتااحو جي ابنتيي الله يرضي علييك غير وقفي معايا رااه ماعندي بنات االي نحط عليهم رااس
اسماء:والله حتى نجي صافي واخا راني عياانة غنجي ههه جلستك على الحرفي بلاتي نعمر واحد كويس ديال اتااي
الحاجة:لااا غاداا ابنتيي والله ايلا راني تعطلت كااع كلشي باقي فوق رااسي غي خطفت هاد المجية
اسماء:انعمر غير كويس دغياا عفاااك
الحاجة:لاا والله مرة اخرى نعوضووها مرة اخرى نجي نجلس معااك كثر دابا خليني نمشي وانا غنلوح عيني(غمزاتها) ايلا بان هاد ولد النااس على ربي امولانا
اسناء:يكون خير اخالتي يكوون خير(وقفات معاها) الله يعااشر خطااوتك الله يخلف علييكم وعلى دوك النااس الله يطول فعمرك
الحاجة:بصحتك ابنيتي ماعطييتك واالو بصحتك..وهانتي عندااك ماتجيييش
اسماء:انشااء الله والله حتى نجي كلمة دالعياالات هههه
الحاحة:يلااه صاافي ههه
نزلاات معاها اسماء حتى لتحث بلاما تخرج للزنقة غير لداخل ودعاتها ومشاات والحاجة طلعات فالطوموبيل عند المهدي وهو يكسيري…
الحاجة:ياكما تعطلت عليك اولدي
المهدي:لا لا هضرتو شوية
الحاجة:هضرناا بلاتي قبل مما تشد طرييق الله يرضي علييك شوف ايلا كااين شي فرماسياان قريب هنا
المهدي:ياك لبااس الحاجة ماالكي
الحاجة:لا ماشي انا اولدي غير لهاد البنية شفتها مسكييينة مرييضة حااالتها السخانة والحلااقم والايد محرووقة بقااات فياا اولدي وقطعات ليا خاطري مالاقية تا لي يمد ليها طاس دلما غير هي وبنيتها..
المهدي:واايلي
الحاحة:وييه سسيير سيير دابا نعاود ليك سير لشي صيدلية..
كانت قريبة من تما وقف قدامها ونزل هو ماخلاهاش تنزل خدا اللي قالت ليه كينات دالحلاق وحتى ديال السخانة ورجع لعندها عطاهم ليها ورجعو مرة،اخرى لدار اسمااء نزلاات حدها حدد العشطسااس ماقدراتش تطلع فاادروج عوتااني قالت ليه يطلع يكلمها ليهاا وطلع وهي ديك الساعة نزلاات غير شافت فايديها دواا حشمااات وحسات براسها عيقاات عليها واخا ما قالت ليها تجيب والوو والحاجة حسات بيها غير من شوفاتها وقالت..
الحاجة:جبتهم لييك غير باش ماتلقاايش السبة وماتجيش نهار جمعة عنداك تنساي
اسماء:لا صافي انشااء الله نجي ههه الله يخلف علييك حشمتينيي وحق الله سمحي ليااا (عنقاتها)
الحاجة:مادرت واللو ابنيتي مادرت واالو بصحتك..
ودعاتها مرة اخرى وخلاتها مشاات هاد المرة،طلات من البااب حتى بانت ليها طلعات فطومووبيل وهي تقشع المهدي جاالس القداام تصدمااات بقات غير كتشوف وهو يهز ايديه،شير ليها من بعييد ورجعاتها لييه هي وطلعاات لحد الان مافاهمااش اش جاي المهدي يدييير تكون مو زعما..!
ناصر باقي غير فنص طريق مضارب مع خوتو كل واحد يجرو من جييه بجوجهم وماغلبووش فييه غير كيبغيو يبدعو منو حتى كيتفكرو مينة لي سخفانة فالدار عياو ما يشدووه وهو كي شي مصعوووور كيتخبط تحت منهم والناس اللي دايزة تفرج فيهم شي يفك شي يتفرج شي يفوتهم عارفيينهم مشوهيين ودار الشوهة والمضارية مسيمة فيهم والحبس والشماكرية مسمين فيهم،
سخف وهو كيتجابد من وسطهم مننهم فالاخر استسلم كينهههج كي شي دييب وهوما يجمعوه وسطهم رجعووه للداار سخفااان وهو كيتحلف علييهم ..
اما اسماء غير مشات الحاجة جبدات فلوسها كاملين جبداتهم كتحسب فييهم وتسنييم قدامها اري نقيص اري نشد اري نشم تا حسباتهم كامليين وجمعاهم فرحانة بييهم كتحمد الله وتعاااود على نعمتو الفلوس صححوها وغطاو ليها على المرض بالفرحة نسات الدهب ومايجي منو دابا راه تشري ما حسن من لي كان عندها جرات منهم شي زرقاات خلاتهم من عندها وشي لاخر سراااتو وناضت كتقلب فين دييرو داخت تحت ناموسية يقلبوها موراها فلرض ماتقدرش تحفر غير ديور الكرا وسط الماريو يحلووه وهي تطيح عينيها على المونيكات اللي فوق الماريو ديال تسنييم وهي تجر وحدة صغييير وجلساات جراات ليها راس حيداتو وخشات وسط منها ديك السرة خزناتها ورجعاتها للماريو خزناتها تاحد مايح ليه على الباال يقلب المونيكة..
ناضت للطواليط غسلات وجهها ورجليها وايديها وجلساات كتمسح فييهم دهنات ليكخون لوجهها ومشطات شعرها ولوات زيف على حناكها من البرد واخا الحال سخون كانت هازاها التبووريشة بالمرض، خشات تقاشر فرجليها ولبسات تسنييم حتى هي
تسنيم:غنمشيو عند خاالتي
اسماء:ءء شكوون
تسنيم:هادي خالتي غنمشييو عندهاا
بزز باش فهماتها كتخضر على الحاجة حيت هي كانت كتقول ليها خالتي تسنيم حتى هي قالتها
اسناء: لااا ههه غنمشييو للقيصارية ناخد بليغة خاصاني وناخد ليك تانتي شي حاجة راحنا معروضين بعد غدا ههه نفوجو شوية واخا راني عيااانة ياربي نولي غير شوية من تهنا لتماا
مشطات ليها شعرها على شكل قرينات وزيناتو بالفيليلاات ونااضت هزات اللي غيخاصها وخرجات من الدار قاصدة القيصارية تاخد اللي غيخصها للخطووبة او العراضة المزرووبة …!
_________
القيصارية كلها ضاارتها واسماء من النوع اللي كيدور السوق كامل يعرف اش كاين اشنو مكاينش عاد يعزل ويشري، وفعلا حتى شافت اش خاارج فالبلدي عاد رجعات عند المحل ديالها كيف ماكتسميه المحل اللي مكتفوتوش،
كان محل ديال الجلاالب والثفاطن من على البااب كيضرب الشعى بالضوء وهذا حال كل من كيبيع ويشري فالبلدي الضو هو اول حاجة حتآتيري الكلياان وكلما كان ضارب فالسلعة كلما الانساان كيدخل المحل بدون شعوور عكس المحل اللي كيكون مضلم واخا يكونو قفاطنو متبتيين بالنقرة مايدخلو لييه، دخلات اسماء كتضور عينيها بين القفاطن ومع ضارب فيهم الضو حجوراتهم المنبتة كتلمع بحال شي جوهر اللوينات على الانواع والشكيلااات والمونيكات وداكشي كيشهي فالعراساات، ولكن هي مشات لواحد القفطان ديال جوهرة من عند الباب فلون البييج مطروز من جيهت الصدر بالكرونة والعقييق حتى هو بالبييج وحزام ضااير بيه مدهب كيلمع وهي تشير فيه وقالت ليه يجبدو ليها ودخلات قيصاتو عاد خرجات كتضور قدام تسنييم وتشوف فالمراية..
اسماء:كيجاك زوييين كيجاااك
تسنيم:زوييين هذاا خايب ( قاصت الحزام)
اسماء: هاداك هو اللي مزينهاا ولكن مزير شوية تئ (ضارت لور كان مزير على مؤخرتها وباارزها اكثر ومول المحل قرب عندها) مكااينش عرض من هذا شوية
سمحمد:علاش مجاكش باان ليا هو هادااك حتى لوين تعزلتييه والله حتى بقات فييه حبة هي هادي لي لابسااها راه سلعة جديدة دخلات غيير البااارح شوفي غير توب كيدااير والعقييق اللي منبت فييه راه خدمت الايدين ماشي ديال الماكيينة
اسماء:لاا زويين زويين عجبني غير هو دابا سمعني اسمحمد..انايا معروضة لواحد الخطبة خطبة كبيرة وليني الناس اللي غادا عندهم شوية ملتزمييين سمعتيني وتاتا بغيت نكون ملتزمة مانتزيرش عيطيني شي واحد وسع منو عافااك
سمحمد:بحال هذاا لا والله مابقى
اسماء:لااا وشنو غدير دابا بغيتو هو فف
سمحمد:جاك هو هادااك هاداك هو قيااصك غير توكلي على الله غتندمي علييه راك تعرفيني كنقوليك الحاجة جاتك جاتك ماجاتكش راه مجااتكش..ولا عرفتي شنو صبري نشوف لا كاينة شي حاحة فالمحل لااخر ردي معاك الباال..
خرج كيجري وهي بقات كضور بداك القفطاان حتى قشعات من بعييد جابادور زرقة صغيير فمانكااه قد تسنييم وهي تبسم ومدات ايديها جبدااتها
اسماء:ويلييي شحااال فن فن تسنييم شوووفي
تسنيم:مازوييينش
اسماء:اويلي غزااااال نوضي نوضي قيصييه عفااك اماما قيصييه قدامي نوضي
نوضااتها قدامها زولات ليها غير لفوقاني وبدات كتلبسو ليهاا حتى دخل عليها سمحمد ونيكة فايدييه
اسماء:ويلي سمحمد شوووف شووف وااش عندك هاااد زييين واش نتا واالد هاد الحلااااوة(كتبوس فيها وهي كتشوف مع داك الجابادور جاتها فشكل) يااربي طابادور زرق والعويناات خضريين ناري نتي غتكبري غنوحل معاك خاصني نددير للخطاب رونديفو عند الباااب ههههه
سمحمد:كل خنفوس فعينين مو غزاال ههه
اسماء:وااببزاااااف عليييك عندك هاد العوييينات عند هاااد البياااض تكسااب هاد الحنيييكات عندك هاد شعر لقيتيي هااد زيييين ككح كحكح نزيظك و كح وبرااك عطيني كاس دلماا
سمحمد:الله يخيليهاا لييك قولي تباارك الله راه حتى عينين الواليدين خايبو
اسماء:ياااربي امييين ياربي وكاع وليدات المسلميين(مد ليها الما)
سمحمد:اماالك شادة العسة فشي عرس صوتك قاجو البرد ماشي ضاربو
اسماء:شي حلاقم ماشكيت علييك خنقوني راه واقفة غير بزز قوليا بشحال هذاا
سمحمد:عطيني غير ميتيين درهم على قبل الغزالة مابقيتيش باغة القفطان جبت كبر منو ؟
اسماء:لا بغيتو اراا نشوف..
جبدو ليها وعودت وقفات قيصااتو عاد عجبها حاها عبااار ومامزيرش عليها بحال لول ..
سمحمد:مزياان صاافي
اسماء:لا هو هادااك صاافي…ولكن هذا غندفع لييك فييه حيت مهازاش بحساب القفطان والجابادور ولاهيلا جيت غير على حساب القفطان عجبني جابادور لبنتي غناخدو ليها هي لولا انا نشوف باش نعدي وهذا تالمن بعد ونجي لييه قوليا دابا غير شي ثمن زويين
بقى غير كيشووف فيها مطول فلخر وهو يضحك
سمحمد : وحق الله الله يسمح لينا من الوالدييين على هاد الكلام ديهم بجوج اري غير ستمية درهم ودييهم
اصماء:ايواا الله يمسخك شحال فيك ديال تحرميااات اااش نقصتي دابااا
سمحمد:هههههههه والله مافييهم شي حااجة
اسماء:وانقص نقص را واقفة غير بزز غير حالتي توريك شتي هادو راه خاصك تعطيهم ليا غير فابور راني قيصتهم وانا مريضة،والمرض بحال والو يشد ليك فيهم ايلا قيصتهم شي وحدة اخرى مسكيينة ماحشوومااش
بقاااو مني منك مني منننك ماسكتااتش حتى شحفااتو كيعطيها الف سبب على الثمن اللي داير كضرب ليه كلشي فزييرو بكلمة وحدة منها وكيعاود تاني مسكيين من لول حتى شيبااتو
سمحمد:شتي شغديريي اري شعند اريي بقات عندك عشرين درهم تحيبيها لياا
اسماء:لاا اخويا مايبقى مورايا واالو ماعرفت نصبح غدا ولا مانصبحش وتبقى تابعني بعشرريين درهم عند الله نلقاك واقف ليا كي لقلااز على عشرين درهم لاا لااا
سمحمد:يلااه اريي غير ااري نوضي حيدي عبيا من هنا عمرتي ليا سوق على الخاوي ماديت معاك لا فضل لا راس الماال
اسناء:وصاافي اويلي راني كليانة زعما ماالك قاصح ماالك
جبدات بزطامها مدات لييه ستالافريال على القفطان و تلتالاف على الجابادور وحيدات ليه منها عشرين درهم ديال الطاكسي عاد ناضت خرجات من عندو مكملة تساريتها..
عند المهدي وصل الحاجة حتى لقدام الداار تلاقى مع محمد خاارج سلم عليه وطلع معااه لطوموبيلتو
محمد:مشيتي مع الواليدة..
المهدي:وييه اصحبي عاودت لياا شي حواايج صدمتنيي اصحبييي يلاه لقيتي غنهضر مع اسمااء
كسيرا كيعاود لييه شاد طريق لنفس البلاصة فين كيمشييو..
اما اسماء قسطات من كل بلاصة خدات حاجة دازت عند مول الماكياج خدات االي خاصها واللي تقادا ليها من عنااية لايديها ورجليها ولوجهها وشي مكياط كان تقادا ليها خداتو حتى هو عاد خرجات من ااقيصارية شدات طاكسي نيشان للدار مع خدات طاكسي كبير حطها فالشارع لفوق بعيد على دار وطلعات كملات على رجليها كانت العشية تعاشاات والدروبة عاامرين ودرااري شادين راس الزنقة حادرين عينيها حيت اغلبيتهم كيعرفوها مرت من كانت خاصة ملي شافوه خرج من الحبس حتى حد مابقى كيلوح عليها شي كلمة وهي طالعة كتمختر رغم المرض هازة نيفها ومامبينااش وتسنيم فايديها هازة غزل البنات كلها ولات غوز بييه وجهها كامل كياكل معاها
كان جالس ناصر فالقهوة غير شافهم دايزيين وهو يتخطف نااض سامح فكّاروه وقهوتو تاابع تسنيم كيعيط عليهاا حتى وقف علييهم
ناصر:تسنيييم باباا اجي سلمي باباا ابنتي
طلقااها اسماء كتنفخ مكتشوفش كاع فييه وهو تحنى شاد عندو تسنييم كيسلم عليها وعينيه على اسمااء اما تسنيم من نهار شافتو ضرب اسماء بقات خايفة منوو ..
ناصر:توحشتك ابنتيي تمشي معاياا تمشي معاياا لداار همم
اسماء : فييين غتمشيي معاااااك
ناصر:اتمشيي معايااا ماااالك..
تسنيم غير شافتو غوت طلقات منو ولصقاات فاسمااء وهو يرد عليها الباال ورجع خفض صوتوو شد فيها
ناصر:م ماتخااافيش ابنتيي غ غير كنهضرو انا وماماك ماتخلعيييش..شتي ااش كديريي كتخلعيس فالبنت
اسماء:واش نتاا مكتحشمش(تيلي كيصوتي) اناا الليي كنخلعهاااا داباا
ناصر:جاوبيي على تيليفوون
اسناء:مااشي سووفك
ناصر:ماشي سووقي علااش شكوون كيعييط شكوون هذااا(بغى ياخدو ليها)
اسماء:ماشي سوووقك اويليي طلق منيي
ناصر:ماتبقاايش تغوتي رااا غنقلب زاام/ل بوووك شكووون هاذا
اسماء:ومااااشي سووووقك اويليي اجي جاااوب فبلااصتي لا… زيدي يلااا
جراات بنتها وتمات غادا قداموو كتجبد فتيليفون وهو متبعها فالاخر ضرب رجليه مع لرض دار بناقص من شي قهوة طلع لداارهم اما هي غير حسات براسها بعدات عليه وهي تجبد تيليفون لقاتو المهدي تتهداات ودوزات نمرتو وهو يقطع عليهاا وعاود صونى من عندو
اسماء:الو مهدي
المهدي:اسمااء صافا كيف بقيتي شوياا
اسماء:الحمد الله هاد ساعة كنت باغة نصوني لييك نييت بغيت نهضر معااك
المهدي:مرحباا نهضرو هنا ولا نشوفك نتي فالدار ؟
اسماء:لا غيير فتيليفوون انا فالقيصارية ماشي فالدار بغيت غير نسولك واشي السيدة اللي جات عندي صباح كنتي معاها ماماك؟
اامهدي: لاا هه متشي الواليدة
اسماء:بصاااح؟ ولكن شنو(فنص كلااامها حتى حسااات بتيليفوووون طااااااار من ايديييها حتى كانت غطيح على فمهااا ونااضت كتغوووت) شفااااار شفاااار واااشفاااار اعباااد الله
ولكن كانو راكبين على سكوتر جوج دراااري ماجات فين تنووض تا لقاااتهم حبدو على طرييييق وهوما يتجمعو عليها العياالات والناس والمهدي فطوموبييل سمع اخرر كلماااتها تخطططف من بلااصتو ودغيااا حبس الفراااان جنب
المهدي:اسماااا الووو الووو اسماااا كتسمعينيي
محمد:ماالك !
المهدي:ماعرفتش كاانت داوية معاياا تا بدات كتغوت شفااار ما شفااار شي حد طير ليها تيلييفوون
محمد كيتصنت لييه وهو مضاارب كيصوني ويعااود يصووني عليه
المهدي:مكيجاااااوبش ولد القح/بة طيرووو ليهااا
محمد:واااش خااارجة هي عاارف فيين كاينة ؟
المهدي:قالت شي قيصارية حداهم ولا مانعرف
محمد:عرفتها عرفتها دزت عليهاا ملي وصلتها سييير انا غنعت لييك
عاود ديماراا طوموبيل دغيا و ورك على الكسيييراتوور غادي معييط فالكرييييق باقصى سرررعة باغي يوصل اما اسماااء غيير غوتاات شفااار كاع ولااد درب تبعووه كيجيييرو يشدوووه وشي وحدييين طلعو لداار ناصر يوصلووها لييه وهو غير صاق الخبااار نزل حفياااان كيجري لعندهاا…!
جلسات اسماء بين العياالات كلها كترجف بالخلعة اول مرة وعمرها فاتت عليها وخاصة فدربها اللي ملي كتدخل ليك كتقول صافي هنا ماكين اللي يقيصني كلشي ناس كيعرفوني حتى مسحو ليها هاد الفكرة بهاد الفعلة، هوما كيصبرو فيها على التيليفون وهي مضاربة توقف غير على رجليها وتمشي لدارها مابيها لا تيليفون لا جوج حيت البزطام اللي فصاشية فايديها فيها كثر من ثمن التيليفون بضوووبل كون داوه ليها كون حماااقت،
_مااوقع بااس ابنيتي جاتك غيير فتيليفون على سلامتك اللي ماضربك ما حاداك
_ياختي هاد البراااهش شحال ولااو يطيرو ماشي ول لباارح تلقاو ليا لبنتي الهااام غادا مسكينة غا لخدمة تا صبحو عليها ساعة لقاوها ماهاازة وااالو غير صوبيرة المرقة لاحها عليها جات كلها زفرة
_وبنت زوبييدة مسكيينة الطفلة مسكينة بالخلعة ركبو فيها بووصفيييييير
_يااكما داو ليك تالبزطاام
اسماء:لا لا بزطامي عندي
دخل وسطهم واحد الولد كيسول: ختي ختيي شفتي وجههم حققتي فيهم تقدري تعرفييهم
اسماء واخا شافتهم نكرات : لاا ماديتهاش فييهم
_وااش متأكدة داباا ايلا جبتهم تعرفيييهم ولا لا غير شوفي وكاان
اسماء نكرات :لاا اخويا ماحققتش فييهم ماشفتهمش
زفراات نفس من وسط منهم وناااضت بغاات تمشي وهوما يوقفوها حيت شي وحدة كانت جايبة ليها كاس دلما، والعيالات غير ماكيزيدو يتجمعو وتاني فينما تجي شي وحدة خاصهم يعاودو ليها الواقعة من لول و وحدة تقول لاخرا وحدة تزيد فالهضرة و وحدة تنقص وهي غاداا….
حتى لوااحد اللحضة وهي تحس بييه جرها من كتاافها موقفهاا كيغوووت تا كلشي بعد منو
ناصر:شكوووون شكوووون داااه شفتييييه شفتيه فوجهووو كيدااااير
اسماء جرات تسنيم غادا :مااشفتوش
ناصر:داااوي معااااك وقفي شفتييي زام/ل بوووه فوجهوو قووولي ليااا كي داااااير ليوووم نقتل لقح/بة موو
اسماء:مااااشفتووووش اويليي مااااشفتووووش كاانو فالموطووور انا اااش غنشوووف فيهم
ناصر:دااب ماالك كتغوتييي راا داوي معااك وقفي لهنااا
اسماء: باغي ديير ليا شوهة تاني قدام ناس داااوه بصحتهم نتااا ماشي سوووقك رجع عند مك دابا يتلقااو ليها تااهي …طلللق منييي
ماارضاش قدام الرجااال وهو يجرها من شعرهاا لعندو مغدد حتى غوتااات والعياالات تجمعو علييه الااطيف الاطيف ورصى ما ترصى وهو كلما كيقولو لييه رصى عااد ماكيزيد يطلع اما اسماء ضربات الطم عرفاتو مغيحشمش قدام الناس وغيزييد يشوهها قدام جيراانهم…
ناصر:ندوييي معااااك حدري عينيييك ندوي معااااك نزليي نيييفك لزام/ل بوووك سر دييلمك فييك تنقااز قشعوك من بعيد غاداا كتعوجي قصدووك نييشااان مال هاد ناس كاااملييين ما سمشييو لييهم لمخيرة فييهم شادة تيليفون والبزطاام علاش نتي من دونهم ابنت القح/بة غادا متشاالي كتعيطي علييهم
جرو راجل كبيير..
_سعااتو الله اولدي طلق منها على وجه هاد البنية طلق
ناصر:حييد تق/ووود ديهاا فك/ررررك فرتكوو عليااا هاد تجوووقا اولاااد الق/حاااب يلاااه حييد من هناا
_حشووومة اوليدي راااجل قد باااك عييب كاااع
اسماء دفعاتو:طلق منييي شوهتيني الله يعطييك الشوهة الحباااااس
جمع ايدييه تالفوووق ونزل عليها بتصرفييقة حتى حساات بطنيين قوي ضرب فودنيها وهو مرااضيش قدام عباد الله بغاها تحدر ليه رااس وجرها تااني جمعها معاها بخلف ايدييه حتى داااخت والعيالات مساكن داخلين وسط منوو دقة فيهم دقة فاسماء و رجال مبعديين لور كيشوفو وتسنيم فرجليه لاصقة كتعض فييه حتى حس بيها وهو يدفعها جاااعر ماااشافاهاش كااع غير دفعها تلاحت على ضهرها كتبكي
طوموبيل دالمهدي فهاد اللحضات وقفات من بعييد كيشوفو فوااحد الجوقة مجموعين ناس وصوت الغواات بحالا شي مضااربة حتى دازو جوج من حدا طوموبيل كيهضرو..
_شدووه وااقيلا قااليك دا ليها شي دهب ولا مانعرف
_انا قالو لياا ضربها لوجهها شوية وكان غيتقب ليها العين
دفع المهدي البااب نزل غادي باتجاهم ومحمد طلع الزااج ونزل سد طوموييل عاد تبعوو كيشووف مووراه حتى بان لييه المهدي مشى كيجري داااخل بييناااتهم وهو يتبعوو اما المهدي غير شاااف اسماء دافنة راسها لتحت وناصر كيصرفق فيها وحدة موراا وحدة ماااحسش على راااسو حتى جروو من كتافو الجرة باااش غيجرو نزل على خدو بلكمة،حتى كلشي غووووت وناصر حتى هو ناض لييه بلكمة اخرى والمهدي كيرجعها لييه..
اسماء دااخت وتلفااات كثر عليها البشاار ماعرفات ماادييير كيبان ليها غي المهدي وناصر مشااديين العيالاات هربوو خلااوهم بينااتهم حيت ولات العصى بين الرجال ايلا ضربو شي وحدة ماتنوض على ربعيام وهي تلااح وسطهم كتفك ومحمد حتى هو كيجر غير فصاحبو حتى تم جاي ولد ااخر (صاحب ناصر) دااخل يفك غير قاص المهدي من لور جرو وهو يضور عندو نزل علييه برجلييه دايخ اللي قاص فييه كيضور يخبطو كثرو عليه الدرااري ماعرف شكون اللي كيفك وشكوون اللي كيضرب وناصر غير طلقو ماعرفت فين مشى كيجريي ومحمد تاني تبع مهدي كيفك ووجهوو حمااار عرووقو برزووو كينفخ ويتفش كتبان فييه بزز بااش شاد راااسو خصوصا مع المهدي اللي شد معاه العكس هو كيجرو ولاخر كيفلت منو ويعاود يمشي لييه..
فدار مينة جاالسة بين عيالات ولاادها كضحك هضرة وحشياان وهوما حادرات راس كيتغاامزو حتى كتسمع دقاان فالبااب خبااااط خبااط نااضت طااافجة قالت غير خبار الحبس هادي طلات عليه من لفووق كانو جوج درااري جايين كينهجو
مينة:جوااااد ماالكم فيناااوا ناااصر
جواد:مضاااارب امي مييينة محاااميين علييه لتحث
مينة:اويليي معااااامن
جواد:جاااو لييه عندو بطوونوووبيييل فدريبا لتحث نزلي
لاحو ليها الهضرة ورجعوو للدرب لتحث خلاوها نوضاات العافية فالدار خرجات بلا جلااابة كتجري وعيالات ولادها كيف العادة تابعااتها …
محمد بغغضضضل كبييير جر المهدي جرة وحدة لاااحو لووور
محمد:صااااافي دوييت معااااك حبببس براااكة
المهدي:مزااااال نشد زااام/ل بوووك لولد القح/بة نملخخخك فدربكم زعمااا جااايب الحمممييية تبعني نخرجوو من درب ونفرجك تبعنييي زيييد
محمد:صااافي (ضار عند لاخر) سييير خويا الله يرحم الواليديين صاافي مااكيين وااالو
لصقو درااري فالولد لاخور جرووه وناصر ماليه اثر اما المهدي مشى عند اسمااء كيشوف فوجها كيف ولاا وفمها كلو دم مااعرف مايديير ماقدرش حتى يقيييصها ومحمد بانت ليه غير تسنييم بين العيالاات كترعد بالخلعة عزاات فيه هكاااك بغى يمشي ليها حتى كيبااان ليه ناصر جااي كيجري وعصى دالحدييد غليييضة فايدييه ومو وعيالات خوتو جايين موراه كيجرييو زعما هربوو راه جااي ليكم ….
وهو كاان قااصد نيشان المهدي اللي كان عااطي بالضهر مع اسماء كيهضر معاها ماردش ليه كااع البااال وهو يوقف قدامو محمد ماجا فيين يضرب نااصر تااحبسو رجعوو لوور وتم جااي تاني بااغي يقرب يضرب ومحمد كيدفعو لور ماباغيش يضارب معاته حيت معروف طبعو المسااالم والمحب للهدنة،محمد ماشي من النوع اللي على والو كينوض للعيب ويغضب ولكن ملي كيفوق الموقف على حدو حتى حد ماكيقدر يوقف قدامو، بحاال هاد الموقفف اللي وقع ليه مع نااصر وهو كيشوف فيه جايب هرااوا باغي ينزل على المهدي عيى يحبس فييه فالاااخر جروو من عنقوو لعندو ونزل عليييه بروووسية بجهههههد حتى تقلب لووور ومو غوتاات طاايحة عليييه والمهدي هو اللي هاد المرة ولا كيفك فصااحبو اما محمد عينييه حمااارو حتى للغدر لا وخاصة المهدي لي خوه ماشي صاحبو تحنى جروو مرة اخرى ونزل عليه باللكماات وهوما واقفيين دوخو ولا ناصر كي شرويطة غير كيلووح فدم من فمو مقادرش يحل عينييه حتى لصقاات ميينة فمحمد مابقاتش كتعيااار ولات كتزاااوك فييه وترغب فييه يطلقو عاد لاحو محمد من ايديه بحالا كان كيسلخ فدجاجة على وجه مو طلقو ورجع لوور كيحك فايديه تقصح فيهاا..
عيالات الخوت حتى تفكو رجالة وناضو هوما قاصديين اسنااء تااهي غير شافت الحمية معاهاا تماات غاداا ليهم وهو يسمعو من لوور شي حد جاي كيجري قصد ناصر ديرييكت
_العروووسة دااااخلة خوويا ناااضر العروووسة داااخلة
مينة تخطفااات كتجر فيه:جرييي جريي جري وناااري تكعععد
ناصر:خليهااا تدخل تي مااال زامل بووهم غنخااف منهم طلقووو مني
المهدي:طلقيييه طلقييه اطي نعاود نسلخ زاام/ل بوووك اجي
مييينة:وااسييييير اميييمتيي مييمييتي ميييمتي سيييير لادااوك ليوووم عمرك بااقي تخرج سيييير
المهدي شاف فمحمد مافهمش هااد العرووسة ااش كتعني تااني حتى حرك ليه محمد راسو ب يلااه وهو يمشي عند اسمااء مجموعين عليها العيااالاات كينصحو وينهييو داها معاه او معاهم حتى تسنييم مشاو للطوموبيل ومينة متبعاهم بعينيه كتدعي
مينة:اللله يااتخد فيكم الحق كيما حكرتو على ولدي وتهجمتو عليييه الله يعطيييكم فييمن التبلاااااو
مرت الاخ: خليهااا الق/حبة رااه ولات مضوة بيها طوووج شماتاتت ولات داايرة علينا الحمية وااسعة الرجلييين
مينة:اسيري ابنيتي بغييت ليك العدااااب بغيت ربي عمروو يوريييك الخير ونهاار الخير ونهار زييين بغيييت بلية وجلية الله يطيرك على العزيييز علييك الله يرزيييك فعمرك وعمر حباااابك اقلييلة الاصل
محمد حل ليها الباب:اعود بالله…طلعي
مينة : آسيريي الله يطيرك الخاانزة كي سلاطيتي عليا الشمكااارو الصوبيييصة فينما كااان شي خنز جبتيييه وشتووو اعياااد الله تامن بنتوو منعاااتو علييه ولينا شاكيين فيهاا وااش بنتو
ناصر:صااافي امي(ضار تلفت شاف فيهم جات عينيه فعين محمد وهو يهز ايدييه كيتحل فعلييه ومحمد ضار ركب مامسوقش لييه) ابلااتي ابنتت القح/بة لاادوزتها ليهاا اميي الله يعطيني الموووت غنوري لزاام/ل البوهاا شوهة دياال المعقووول
مينة:منننك ليهاااا عطي لحماار تااع بووها فووت لياا غا درب ماتفرجش فياا اللي سوى واللي مايسواااش الخاااانزة
غيرطلعو هوما مع درب دخلاات سطاافييط ديال البووليييس كيقلبوو على شكون لي مضاارب كيباان ليهم كلشي مجمووع حيت درب كان عامر راس تالرااس واخا تفااكو بقاو هوما مجموعين شادين الحتييت فالمضااربة والبوليس عيااو ما يسولو كلشي نكر ماشفناا ما حضرناا حنا عاد وقفنا ،شافو تاعيااو وزادوو فحالهم مشاو ..
فالطوموبييل..
جلساات اسماء لور هي وتسنييم والمهدي لقدام كيمد ليها كلينيكس والما تمسح جنااب فمها ووجها من دم كيهضر بااينة فييه معصصصب
المهدي:فيييين غتمشيي اااش غديريي فالدااار وااش بغيتييه يرجع ليييك حنا غنبقاااو معاااك نهار كاامل؟
اسماء:رااه كلشي فدااري حوايجي وفلووسي ماغنمشي لتاا قنت بغى يقتلني نموووت فدااااري
المهدي:غنمشيييو معااك هزي حوايجك وفلووسك بدلي ساااعة باخرى من بعد وجي دااباا مغتبقاايش بوحدك ساالينااا ماشي على قبلك غير على وجه بنننتك غتقلتوووها بررررب شو حاالتها كيدااايرا
ماردااتش علييه شدات بنتها قداامها كتطبطب عليها حاابسة دموعها بزز مارضااتش تبكي قداامهم والمهدي كيشوف قدامو ورجع شاف فمحمد حتى جات عينيه فعين محمد وهو يضحك حتى محمد تبسم كيحك فايدييه..
المهدي:قلت لييك ماتطلقش لاصاال كليتيها فدرااعك بردها تكبر وتنسى ههههه
محمد مد ليه كلينيكس: مسح فمك مسح ماعندييش الكانة لشي لونكيط مع مك
خداه من عندو كيمسح جناب فمو لي تحلو شوية ومحمد كيحك منتصف جبهتو فاش ضرب ناصر بروسية عطاه الحريق كانو وصلو للدار حييت كانو اصلا غير فالدرييبة قبل ما تنزل قربات عند المهدي..
اسماء:سمح لياا الله المهدي عفااك جيتي فلحضة مخاصكش تجي فييها انا مولفة على دلك شمكااار مابغيتيش تخسر رااسك بسبااابو سمح لياا
المهدي بحالا ماسمعهاش : طلعي جيبي فلووسك ونزلي را هضرنا ماغتبقاايش بووحدك
اسماء:غنعيط على ماماا نمشي لدااارناا غنعيط عليهاا داابا غير كونو هانيين من جيهتي والله
المهدي:يلااه هضري معاها نوصولووك عندهاا رااه ماغنخلييوكش هناا ماتبريينااش هكاا سمعتيني ماشي على قبلك ا اسما ديرييها فباالك اي وحدة ماغنخلييوهااش بوحدها
حركات راسها بايجااب وهو قال هكا اطوموتيكمون باش ماتفكرش بلي كيدير شي حاجة غير على قبلها وتبقى شادة معاه العكس وهي شافت فمحمد وقال بصوت نتأسف..
اسماء:سمح ليا اخويا حتى نتا والله مابغييتكمش تحضروو فهادشي سمح لياا
حرك راسو بايجااب مشااف ماضار عندها وهي تحل البااب نزلاات معاها بنتها ومشات طالعة للدار حتى وصلات لفوق وطلاات عليهم لقاتهم بااقين واقفيين عاد حمداات الله ماتقدرش تبقى بوحدها فالداار حيت غيرجع غيرجع وهاد المرة ايلا شدها يا غيقتلها يا غييتلها مافيهاش حاجة اخرى، جبدات المونيكة كتقلب على الفلوس وهي تبدا تقلب على تيليفون بااش تعيط حتى ضربااات فبالها بلي راه تسرق وهادشي كامل نايض على حسااابو….خرجاات طلات من شق الباب
اسماء: رشيييدة اختي رشيييدة
طلات عليها وحدة وهي تشهق
رشيدة:اسماا اويلي مااالك فوجهك اااش كاااين تاني
اسماء:والو اختي غيير طحت ايلا كانت عندك تعبئة الله يساهل عليك نهضر مع ماما تشفر لياا تيليفون
رشيدة:ياااارب يسلااانة فييين اختي هااادشي
اسماء:عكيني نهضر معاها داباا نعاااود لييك
دخلات جابتو ليها وهي كتباات رقم الحااجة وحطاتو على،ودنها حتىج اوباات
الحاجة:الو سلام علييكم
اسماء:الوو ماماا اناا اسماا
الحاحة:اييه تي بدلتي نمرة نااني كيديراا لبااس يلااه لقتيتي كنقلي على نمرتك باغا نهضر مهااك
اسماء:يااك لبااس حتى انا بااغا نهضر مهااك راه غنحي عندك انا وتسنييم داباا
الكاحة:دخلت عايسك بالله مرحبااا ابنيتي جي مرحباا ولااهيلا يلاه جبدك صباح خوك راه كان دوا معااك على قضية الارض وبغييت ابنيتي نعمر هاد العام ايلا كناااب(قااكعتها)
اسماء:مي رااه ماغنسنيي ليييه على تااااا ورقة بلاما يبقى يضووور بياااا
الحاجةاويليي وانا عطيتو الموااافقة مابقى ليكم غير تسنييو ليه ماالكي عكستيي معااه تي ماالك مابغيتي تحيدي منك هاد العكس ماعرفتهم خوتك ولاا عديانك
اسماء:اناا حقي غنعطييك ياك بغى نية الفرياال نعطيها لييه شي ارض والله لا خداها يربح على ضهري ولااا شنوو يكتبها لولاودو ومرتوو علاش جااتهم على فعاايلهم زيينة تي برووحك مدايريينش فييك زييينة لا نتي لا بااا حتى براد داتااي ماكتعمرو وتحطوو قدامك ونعطيها انا لرض تمشي تمرح ليا فيها والله ماتحلم بيها
الحاحة:مااقلناا والو داابا جي راه تاهو كيستنااك دوي معااه على طبلة تيليفون راه ماشي ديال الهضر
اسماء:مجاايااش انا والله ماغنجي لعندو الكلب لاااخر مّي انا نعطي تا كثر واللارض والله لاخداها ولا شدها باللع اللي خلقني واجي قوليه يعطيني نسني عليهاا بزز منيي..الله يعاونك
قطعات علييهاا كتنهج بالعاصااااب وجلسااات شادة على رااسها عاد رجعات عليها بالمداامة لي رجعات حرها على مها جاات عندها رشيدة قدام الباب كتسنى خرجات عطاتها تيليفونها ونزلات عند المهدي لتحث تبسماات مامبينااش عصبيتها وطلات عليه من زاج
اسماء:ماما ماكينااش ماشي مشكل انا غنبقى هنا رااه معايا اليطبناات ماكين اللي غيقرب ليا والله غير هنيو بالكم
المهدي:حتى حنا بغينا نحيدو غير شك ..بعدي هاد ساعة ومن بعد رجعي راه مغنخطفوكش هه !
اسماء : ولكن فيين غتمشي غير خليوني غنمشي عند ماما حتى ترجع للدار ونمشي عندها..
المهدي : غير يلاه غنشوفو شي بلاصة مرتاحة بعيدة على هنا جلسي فيها غير نتي وبنتك ارتاحي وبدلي ساعة باخرى ورجعي
شافت مطول ماعندهاش معامن تبقى وايلا جا تاحد ماغيفكها منو وهي تحرك راسها بمواافقة وطلعات تجيب تسنييم وهو شاف فمحمد كيف لاخر حتى هو ضار شااف فييه بمعنى اشنو غديير..
المهدي:ااش بان لييك ؟
محمد: شوف نتا..
المهدي:ماغنديهاش للدار الواليدة راك عارفها ماغتقيلهاش وهي اصلا ماغبتبغيش تمشي نعايا للدار غتفهمها فشكل..
سكت المهدي بتفكييير عمييق فكر يديها للاوطيل ولكن هو بغاها على الاقل تكون قدام عينيه وقريبة ليه الاوطيل راه مغيمشيش عندها كل مرة ومحمد حتى هو حدااه كيفكر حتى لواحد لحظة وهو يهز تيلييفون كيصوني على الحاجة مو والمهدي شاف فيه
المهدي: البرطمة اللي جنب الحانوث ديالكم كنتو طلقتو ليها الكراا ياك قول الحاج نخلصوه ماشي مشكل غير تجلس فيها هاد الاياام..
مجوبوش محمد كيتسنى الحاجة تجاوبو حتى عاود هضر مهدي
مهدي:كتصوني للحااج؟
محمد:نشوف الواليدة توجد ليها شي بيت لفوق عندها حسن من دار بوحدها، ايلا بقات بوحدها داك خينا مكيبانش ليا نورماال عينيه كيبانو مزاكلين وحتى انا ايدي مزاكلين غنولي قاتلو تبقى مع الواليدة مغيقربش ليها على الاقل من هنا للجمعة مكاينش انا فالدار و الواليد نهارو كامل كيدوز بين جامع والمكّازة غترتاح تما كثر مع الحاجة..
المهدي: مزياااانة وحق رب فكرتي فيها ديجا الحاجة مشات عندها كيبانو ليا تفااهمو وعرضاتها حتى للخطبة مزياانة كاع قالت ليا بغاتها تحضر غير توقف معاها داك نهار.. طلقيها هادااك حكااار ولد القح/بة (ضحك بفقصة ومحمد خنزر فيه) كون شتفي اش لقيتو كيديير هي مسكينة حادرة راسها وهو كينزل عليها بحالا كيخبط فيها جاتو ولية ولكن مانتساالش سلختي والديييه ههههه
دار الحاجة، الدار الكبيرة..
كانت واقفة عند البااب حالااه وهي قدامو ب بيجامة منزلية طويلة وعريضة ساتراها من لفوق تا لتحث عاد الطابلية بيضة على نصها وزيف حياتي كيبان تحث من الشد الكيييير مغطي كتافها وصابو فرجليها مع ليبى بعدما علمها محمد فالتيليفون جاي وجايب معاه اسماء نزلاات لتحث عند الباب كتسنااهم حتى بانت ليها الطوموبيل دخلاات للشارع اللي كان تقريبا شارع خاص ماشي دواز لي جا كيدخل ويخرج منو، وقفات الطوموبيل وهي وسعات التبسيمة كتسنى فييهم ينزلو حتى بان ليها المهدي نزل هو لول وحل البااب لور نزلات تسنيم واسماء مورااها ومحمد ديمارا مشى يبلاصيها عاد يرجع، فحين المهدي رجع عند الحاجة،تحنى باس على ايديها كيف العادة ودخل قدامهم والحاجة تحدراات سلمات على تسنييم عاد عنقاات اسمااء
الحاجة:مرحبااا ابنيتي مرحباا اشتي نيتي غلباتك قلت ليك ماكرهتك توقفي معاياا ربي جابك تا لعندي هههه دخلي ابيتي مرحباا بييك مرحبا
اسماء حادرة راسها مبسمة:الله يكبر بييك الحاجة سمحي لينا على هاد الدخلة
الحاجة: الله اودي دار دااركم طلعي اجي ابنيتي زيدي دخلي ماتحشمييش
شدات فايد تسنييم ومشاو طالعيين للفوق دخلاتهم للصالة الكبيرة واسماء عينيها غيير كيضورو فالداار فهاد اللحضة بالدات تفكرات دارهم خاصة انها بنفس الفصالة وبنفس الفراش تقريبااا من غير انه الحاجة ام محمد زايدة بالتبوخيرة اللي لوقة على طول الايام فجناب الصالة وبخورها طاالع من الفانوسات الدهبية عاطين رونق ومنضر وراائحة راقية للدار واداعة الاناشيد الدينية فالتلفازة…نقصات صوتها وجلسات حدا اسماء حاطة ايديها فوق فخضها كتمرر ايديها علييه
الحاجة : الله يابنيتي الله عاود ليا محمد ااش وقع فييك داازت طريييفة اميمتي داازت طريفة غير اللي تطرفات على الصحة والرااس جات بعدا غير فالمشااقف تاانتي يتعوضوو مايبقاش فييك
اسماء:والله مابيا لا تيليفون ولا واالو غير تخلعت،وتخلعات تا بنتي غفلوني ماحسيتش كاع بييهم الله يستر وليت خايفة غير كون طيحوني ولا جابو شي ضربة فبنتي اشنو غندير اما حتى تيليفون والله مافبالي
المهدي:هاد المرة داازت على خيير ردي الباال
الحاجة:ماوقع باااس ماوقع باااس…حيدي جلابتك ابنيتي لا بغيتي استاراحي خودي رااحتك غير انا وياااك ماكين لي يبرزطك تااحد ماكيدخل ولا يطلع عندي..داار دارك
ناضت من عندهم قاصدة الكوزينة والمهدي حتى هو وقف واسماء شافت فيه
المهدي:كيف قالتك ليك الحاجة،دار دارك ا اسمااء خودي راحتك ماتحسبيش راسك براانية راك وليتي منا دابا ههه حتى حد مايغديرونجيكم وحتى محمد ماكيدخل لا هو لا الحاج غير كيطلو ويخرجو خصوصا ايلا عرفو الضياف فالدار، ارتااحي داابا ونسي بنتك حتى هي يتسنى شوية هادشي ويكوون خييير انا غنمشي دابا ايلا حتاجيتي شي حاجة هضري مع الحاجة ولا راه لفيكس صوني ليا منو
اسماء : ماعرفتش اشنو غنقوليك الله يرحم ليك الواليدين فهاد النهار شكراا المهدي خيرك عمرني نساااه عدبتك معاياا سمح ليا
المهدي:رجعنا لنفس الهضرة تاني والسماحة واش انا جبتك على ضهري ههه يلاه خليتك فامان الله ..
تبسم ليها ولعب فشعر تسنييم ضاحك وخرج مشى واسمااء بقات جالسة جامعة رجليها عندها حشمانة غير كضور فعينيها والتبسيمة فالتة من فمها متعجبة واش فعلا بحال هاد النوع من الناس مزال عايشيين معانا فهاد الدنياا كتحس بيهم بحال شي جغيمة دلما طاحو عليها وهي فالصحرة شاحفة، كيفاش تدخل المهدي ومحمد قبيلة بحالا حاميين ختهم الصغيييرة من شي وحش هااجم عليها فالوقت اللي كان كلشي كيتفرج فيها وهي بين ايدييه من غير العيالات اللي كيتجابدو معاه يطلق منها عاد خوفهم عليها وجاوبها حتى لداارهم دخلووها بالترحاااب فحال شي اميرة مشرفاهم من عتبة الباااب حتى كتقول دنيا سدات فوجهي كااع البييباان حتى كيباان ليها نور قليييل مضوي من واحد البااب صغير وتمشي تقصدو حتى قالت بقات بوحدها لا حنيين لا رحييم حتى لقات عائلة على قدها مورا ضهرها عمرها عرفااتهم وعمرها شافتهم ولكن الجيست اللي دارو معاها فهاد النهاار خلاها تفكر اشمن خير دارت حتى جابهم ليها الله قدامها…
ماتحركاتش من بلاصتها غير قارمة على رجليها وجالسة حتى بانت ليها الحاجة جاية بطبسييل او طبكّ ديال السلعة متنوع وموراها واحد المراة اول مرة تشوفها ضعييفة القوام مضورة زيف على راسها وطابلية على نصها حطات موراها الصينية وجات بغات تخرج تا وقفاتها الحاجة…
الحاجة:اسما هادي ابنيتي خديجة معاوناني فالدار كبيرة ومانقدش عليها بوحدي حتى جابها ليا ولدي محند كي رحمة الله من عندو ايلا احتاجيتب شي حاجة ومكنتش قوليها ليها..
اسماء:متشرفيين اختي
خديجة:شرف ليا ابنتي
الحاحة:خديجة سير ابنتي جيب شي لاخر ماقدييتش نوقف مزال (مشات)
اسماء:علاش معدبة رااسك الحاجة بغيت غير نجلس معااك والله ماقادة على شي حاجة واصلا راه مخاصني نشرب عندك والو حتى نتي صباح مابغيتيش تشربي معاياا هههه
الحاحة:ياااك ههه ردييتها لياا داباا مانتساالكش ههه
لتحث وغير فالطبق السفلي فين كان بيت والصالة اللي جالس فيهم محمد كان المهدي واقف علييه ومحمد محني تاني ركابيه كيجبد فالكارطونات من لبالكون دبيتو حتى هز شي ربعة تقرييبا لاح لمهدي جوج وشد هو جوج
المهدي:علاااش هادشي اصحبيي غتعدبناا تااني غير اللي بغى يجي معاك نهار كنجي كنعرف نهاري عداااب
محمد:زييد زيد غتشوف بعينيك واحد الهمزة اودي المهدي طحت عليها
خرج قدامو كيهضر والمهدي تيليفون كيصووني شد الكارطونات باييد وجبد تيليفون بايد غير شاف المتصل طفااه كينفخ وطلع ومحمد رد ليه الباال دار عندو كيسول بعينييه
المهدي:واحد ختناا..
محمد:الجدييد تاني
المهدي:لاا غير هند شديت معاها ستون هاد الياام ولات مصدعة ليت رااسي ندمت كاع لي هضرت معااها
شاف فيه محمد مطول بدون اجابة من خلال هاد الشوفات بين للمهدي شحال ولا كيحتااقرو بهاد الفعاايل اللي كيديير مع البنات وبتصرفاتو الصبيانية
المهدي:ماتشووفش فيا هكااك اناا را مابغييت(قاطعو بحدة)
محمد:نتا اصحبي ماابغيتي لا هاديك ولا هاادي انا غنقوليك اشنو بغيتي، شتي هادي االلي لفوق مع الواليدة جااتك صعيييبة …صعيييب توصل ليها وماحلاتش لييك طريقة منين دوز ليهاا ونتا مامولفش..مولف هوما كيتلاحو علييه حتى ولات هي كتجرجر فييك ونهار غتجربها حتى هي غتدوز عليها وتزييد وتخليها وعقل على كلامي جاتك صعيبة ونتا ماتقبلتيهاش بغيتي تبين لراسك مكايناش شي وحدة صعيبة المهدي يوصل ليها وايلا مزال زدتي كملتي فهاد الطريق تيق بيا عمر بالك ماغيرتااح
المهدي:غيير كتخربق دابا هادشي غير قلت ليك ماغنتزوجش تانتعرف عليها ماشي من حقي واش غير نتا زربو عليك نزرب على رااسي تانا نتعرفو تفاهمنا نتزوجو ماتفاهمناش الله يعاون..
محمد:الله يكمل اسيدي تفااهمو…
ماردش عليه المهدي سكت فاش حس بييه بدات كضور لييه يعني بدا كيتعصب غيزيد معاه كلمة اخرى وحتى هو معصب غينوضوها بجوج مغيتغاهموش خاصة انه محمد عمرو تدخل فعلاقتو ولا حتى جبد معاه الموضووع ولكن اسماء بالضبط ديما متبع اخبارو الحصرية معاها وهادشي اللي مزال ماتفهمش لييه…
فالصالون…
كان واااضح لكلشي خاصة حياة وفةطمة الزهراء بعد خروج اسماء من الصالون كمية الكليان االي رجعو بحالا عمرهم مشااو ولكن ماردوش لبال او ماتسوقوش قالو يمكن مورا السيدة اللي جات تشكي من البروتين دخلات الشك لباقي الكليانات حتى وحدة ولات كتهرب لاخرة ولكن فالاخر رجعو،
كيف العادة فاتي شادة كرسي ووحياة كتقاد سوان لبنت اخرى فكرسي بوحدها وهند تاهي شادة كرسي كتصاوب فشعر البنت وعينيها على تيليفون قدامها حاضياه لا يصوني عيات ما تسنى و والو ولا ميساج ولا اتصاال ، زربات على البنت دغيا صاوباتو ليهاا خفا زربا دورات ليها باتشا وسيطفاتها تخلص وهي هزات تيليفون دخلات للواتسااب كان عاامر بالرسااائل من بيينهم شعيب كانت شات ديالو عامرة بالميساجات من عندو مامجاوباش عليهم وعزوز مول الكونطرا حتى هو كيسيفط ليها مابغاتش تجاوبو ولكن هي دخلات مباشرة للشات ديالها مع المهدي لقاتو عاد خرج بشي دقائق وهي نص ساعة باش مسيفطة ليه ميساج يهضرو يعني شافو وماجوبهاااش فلاخر طفاتو ولااحتو بعصبية قدااامها حتى ردات ليها فاتي البال وقربات عندها..
فاتي:ماالك ماجوبكش تاني ولا شنو !
هند:ولد الحرام يلاه كيف كان اونلااين ومادخلش قرا الميساج دياالي تقل تااني
فاتي:والله حتى كنت عارفاها غيشبعك اهتماام و كلام معسووول حتى يكسبك ويقلب عليييك بقاي تابعاااه تا تولي لا ديدي لا حب الملوك…حتى جاب ليك ربي راجل بعقلو تابعة برهوش ديال الخلا
البنت:هند اختي صوبي ليا مزرووب الله يساهل عليك
هند:بلاااتي اختي نتسااراااح اويلي راه غير ايديين ماشي جوج حديدات خداامة بيهم شوية دالصبر غنصاااوب لييك..
عند اسمااء بعد ساعااات كانت جالسة مع الحاجة فالكوزينة جارين الطبلة عندهم وصينية بيضاوية دهبية مستفة كلها بالتمر واللوز والكركاع وسط منهم ومزال اسماء شادة عندها بلاطو كتعمر والحاجة حتى هي كتستف وتقااد معاها دغياا انداامجت معاهاا محاولة تنسى حادثة الصباح واخا ديك الخلعة مزال مسيطرة على قلبها لحد الان مقادرااتش تسنى كيفاش كان كيصرق فيها بدون رحمة وجهها كان مغسول وبفضل البوماد سيكاطريس اللي عطاتها الحاجة عقماتو شوية، اما الحاجة ماجبدااتش ليها بمرة الحادثة غير انها سولاتها مرة وحدة وقلبات الموضووع مابغاتش تخليها تعاود تفكر وتحزن على الي وقع كثر من الحزن اللي باين فعينيها وفنضرتها العممييقة كلها تعب وعياء والتبسيمة اللي كتهرج من فمها كتيان ماشي من خاطرها…
اسماء:لا لاا كتباان فيك من الشمااال ههه كاع بنيات الشمال كيكونو زويناات وشوهب
الحاحة:اشمت زيين بقى تانتي والو كلشي مشى
اسمتء:واخا هكااك ايلا مشى زين كيبقاو حروفو باقاا غزاااالة الحاجة هههه تباارك الله انا فلول يسحابتني شلحة حيت حتى شلحات عندهم بحال ملاامحك…حتى الحاج من الشمال
الحاجة:لا انا اللي من الشمال الحاج وجدي من وجدة واخا راه تشوفيهم ماتقوليش وجادة من غير تصرفات اما الهضرة والو خصوصا ولدي محمد هاداك بيضاوي قح حيت ابنيتي كيف تزاد فوجدة جينا لدار بيضا كان الحاج ماتفاهمش مع خوتو ومن تما قطعو سلة الرحيم لحد الان الله يصلح بيناتهم
اسماء:كيقولو على وجادة صعااب بحالهم بحال ريافة بصح
الحاجة:بنادم ابتي حجر وطوب كاين المليح وكاين القيح وفينما مشيتي ترتاحي وفينما مشيتي تلقاي الصداع والحاج ابنيتي كيف كنا قلت ليك عمر كلمة العيب ماشفتها منو وربي شاهد عليا ماشفت منو غير لخير تلاتين عام دالعشرة هادي..خلااص وليدي واخا تابع للبااه شوية فايت المعقول مرضي ميمتو الله يرضي عليه انا مفرشاه بالرضى ومغطيااه بيه..ماهو من المبلين ما هو المخاصمين ماهو من اللي مايدخلو تا لصاصات بالليل ما هو من لي السريعيين على بوت وينفاجرو مهدددن تقولي برد منو ما كاين وليني نهار كينووض كيخوي علينا حتى يراجع راسو ويجي بحالو بحال خوه نفس التصرفات سبحان الله
اسماء:الله يخلييهم ليييك ماكنتش عارفة راك مامات محمد حيت انا فايت لي تلاقيتو ولكن كنعرف غير المهدي هو غير صدفة تلاقينا حتى قال ليا المهدي فالطريق بلي غنمشيو عند ماماه عاد عرفتك نتي هههه و ولدك لاخر معايشش معااك شفتك كتقولي غير محمد اللي معاك هنا
الحاجة:الله يرحمو بغاه ربي سنييين هادي الله يرحمو فهاد النهار
اسماء:الله يااااريي البراكة فراااسك سمحي ليااا فكرتك فيييه كان مريض مسكييين
الحاجة تنهدااات بحرقة وتبسمات منكسرة: حكاية طويييلة اببتي ماشي وقتها من بعد ونعاود لييك..شوفي ليا هاد لووز ماباانش ليا غيكفي نزيدو واقيلا
اسماء:الله يجعل البراكة واقيلا كنديرو جوج جوج فالوحدة ونص كركاعة جاو عباار
الحاج غيرك تشوف فالصينية المدهبة وتقلب وتعاود فالتمر مكمشة ملامحها واسماء ضحكات
اسماء:ماقنعكش هه
الحاجة:واالوو ماعمرش ليا العين هههه نعيط على محمد يزيدني هادشي مبانش ليا فييه جبت العبار ناقص واقيلاا..
مدات ليها اسماء الفيكس دوزات نمرتو ديك الساعة جاوبها..
محمد:الواليدو خاصك شي حاجة ؟
الحاجة:وييه احنيني شوف ليا شي لويزاات جيبهم ليا معااك راني كنعمر فالتمر وماكفانيش اللوز جيب حتى ثمر والكركااع ايلا كان فطرييقك
محمد:علاش كتصاوبيعم نتي ؟
الحاجة:لا ماشي بوحدي اسماء معاوناني
محمد:ولكن كتقاديهم نتي يااك كلشي غنجيبو ليك واجد
الحاجة:الاا ثمر العرسان نوجدو بايدياا تاحد مايوجدو لييكم
محمد:والواااليدة والميمة كلشي غيجي تالبين ايييك واااجد واللي ماعجباتك نبدلوها علاش كتعدبي فرااسك عطي راحة لراااسك شوية غيير شوية على وجهي..
ضحكات اسمااء والحاجة غمزاتها حيت الصوت كان مسموع تا لعندها
الحاجة:واغير جيب اولدي غيير جيب نلاهي غير ايديا ماكين مايدياار و زادان ايلا ماشقييت وخدمت فخطبتك فيين غنتحرك
محمد : واخا شي حاجة اخرى ؟
الحاحة:لاا كلشي كااين ومتعطلش جي تغدا مع باك راه غداكم ولا عشااء يلاه سير طرييق السللاامة..
قطعات معااه وكملاات حتيتها مع اسمااء فحين محمد كان شاد طريق لمكان ااخر غير بوحدو المهدي رجع للدار بعدما قضاو غرضهم بجوج، مدة صغييرة حتى بدا كيدخل وسط ديور المدينة القديمة ويقلل السرعة بقوة ما كان دراري الصغاار مجموعين كيلعبو والدنيا عامرة شي جاي شي غادي خاصة انه دخل وسط دروبة شعبيين ما وقف حتى وصل للراس ديال الشارع قدام واحد الجتمع كبيير وعاالي والناس كانو كيخرجو منو مصلين صلاة العصر نزل محمد من الطوموبيل ودخل نيشان حيد صبرديلة فالباب ودخل لاحمام عاود الضوء بخفة حيت كان موضي عاد طلع الفووق صلى صلااتو ونزل عند الفقيه ديال الجامع لقااه جالس مع شي رجال فالقنت غير شاف محمد وهو يسلم عليهم وناض جاي قااصدو ومحمد تحدر سلم على ايديه بحكم فارق السن بينااتهم..
_اهلاا اهلاا زارتنا البراكة دخل اولدي زييد فين واحد الواليد مطاش معااك كي رااه غادي مع الوقت
محمد:الحمد الله هاد سااعة..
_جلس اوليدي زييد ماضنيتش غتجي ماعلمتينيش…
هز على سروالو من حيهت الركبة وجلس مربع قدامو كيف جلس الفقيه بالفوقية والتسبيح فايديه..
محمد: بغيت نقول غير شي كلاام كنت صباح وتشغلت شوية..نتا بخير داار ودراري كلشي مزيان
_الحمد الله والشكر ل الله هاد الساعة ساعة اخرى يحن الله…ايلا قلت لييك عارفك فاش باغي تهضر هههه
محمد:عارف عارف هه عارفك كتفمهني طاير فلسماء..
_ههههه هي نويتي تكمل ديينك الحمد الله اولدي طريق الحلاال زوينة وحلوة فرحة لييك ربي اللي عالم..
حدر رااسو بتنهدييدة عمييقة من الاعمااق ماعرف مايقول والفييقه طبطب على كتافو فاهمو..
_خليها فايد الله هو اللي قادر كلشي على المكتاب كيتصرف واخا تعيى تفصل وتخيط ربي راسم ليك طريقك ومدامك قاصد طريق الخير رضى بقداء الله وتوكل علييه ومايكون غير الخير..
محمد:فنظرك قادر علييه..
_تقدر تقدر اللي تخلى على احلاامو وسمح فحياتو ومستقبلو فسبيل يقرا اللي تمناو فيه واليديه ويساهم يداوي ناس ويعاون المسااكين عمر ربي ماغيخيبك وديما تبقى الفووق الفوووق غتقدر بادن الله
محمد:ماعرفتش..بنت الناس عمرني شفتها ولا هضرت معاها ولا حتى كان شي كونطاك بيناتنا باش نقدر نتفاهم معاها ونشوف واش غنقدرو نكملو بجوج تحث صقف واحد..مابغيتش نعدبها معايا انا كنبقى راجل سواء بغيتها ولا لا غنعيش معاها ومعنديش مشكل ولكن هي ايلا مارتاحتش معايا و ايلا مابغاتنيش واش غتقدر تكمل معايا
_وعلاش اولدي ماتبغييكش…شوف اولدي كلشي بايد رااجل كلشي بايديك نتا تبغيك ولا تكرهك..المراة بحال شي نبتة ايلا سقيتيها باهتمامك ورويتيها بكلامك وحضيتيها وحميتيها غتكبر وتمر وتجود علييك اما ايلا هملتيها وعطشتيها وخليتيها مخصووصة غتكرهك وتعيشك مراار الحياة كيف مررتيها بتعاملك…الرابح من المراة والخاسر منها كلشي بايدييك…(ميل راسو وتكلم كيشوف فيه) من غير ايلا نتا ماكنتيش قادر تخليها تبغييك…ولا ماباغيش من الاسااس تخليها تبغيك
محمد:ماعنديش الوقت نفكر فراسي واش غنبغي ولا لا ..
_حياتك ومن حقك تختار اللي غتعيش معااه ومن عينييك كتبان ليا مامرصييش ايلا كانت شي حاجة من دابا حبس ماتكملش نتا اللي غتعيش معاها ماشي واليدييك واخا الخاح صاحبي وخويا ولكن تا نتا ولدي وكنصحك بحال ولادي كون مرضي واليديك نتا راك مرضي اصلا ولكن ماتنسااش تعيش حيااتك ماشي حياتهم..ونعاود نقولها ايلا كانت شي وحدة اخرى حبس قبل ما تحط راسك فموقف لا يحسد عليه
محمد:ماشي قضية كاينة شي وحدة
_تكون ولا متكونش الزواج اولدي ماشي عيب والحب حتى هو ماشي عيب سيدنا رسول الله صلى الله عليه وسلم(كرر موراه محمد) وعائشة رضي الله عنها كانو اول حب فالاسلام بيه كلنا كنتقتاديو…وااش عارف واحد الحديث اللي جا فيه ان عمرو بن العاص قال للرسول (ص)” يا رسول الله من احب الناس اليك” ..اشنو قال الرسول صلى الله عليه وسلم ..
محمد:عائشة رضي الله عنها
_اشنو رجع قال ليه…”انما اعني من الرجال” اشنو جاوب الرسول (ص)
محمد حرك راسو مبسم :ابوها..
_فهمتي قصدي ؟
محمد:فهمتك..(حرك راسو بايجاب مقتاانع) فهمتك ههه
العشية تعاساات والمغرب ودنات والناس صلاو فالجواامع، و اسماء لبسات جلابتها و وجدات بنتها ورااسها تمشي واخا عيات فيها الحاجة تجلس هي مامولفااش الجلسة والبياتة عند الناس ماقدرتش تكمل الليلة عندهم بزز باش حبساتها الحاجة تعشى معاه عاد تمشي..كانت ريحة اللحم عاطية فالكوزينة والبرقوق فالكسرونة كيتعسل عاد كوكوط دالعدس طايبة وموجودة واقفة عليها خديجة كتحط فالعشاء للحاج ومحمد اللي عاد دخلو للدار ومباشرة مشاو للصالة جالسين غير بجوج محمد شاد تيليفون والحاج تيليكوموند فايديه كيدوز حتى دخلات عليهم الحاجة بطبسيل صغيير فيه شي تميرات معمريين حطاتهم ليهم وهوما شافو فبعضياتهم وشافو فالطبسييل اما الحاجة غير حطاتو جلسات كتستااراح وتلهت سخفاانة..
الحاجة:عييت عييت واالو ركااابي مابقاوش عندي ففف
الحاج:ااش درتي من صباح وتي ناعسة فينو العشى..
محمد شاد ضحكة:قدامك الواليد ماشتييهش..
الحاج:جوح تمراات جايباهم يتناقزو ليا فالطبسييل وقالت ليك عييت
محمد:هاداك راه تمر معمر نهار كامل وهي تعمر فييه باش تحطوط لينا حنى جوح حبات يوحلو لينا غير فالضرااس الواليدة فضحتيني فالتيليفون اجي ما اجي قلت هادي محمرة شي ضلعة
الحاج:طل طل تعالى تشوف امحمد( ناض عندو وهو هز التمرة كيهندس فيه) شوق ليك تمر كيفاش مقطع تقول مسطراه بدييك المسطرة وملي نعطيها المصحف تحفي عينيها وتحفي ليا عقلي بالتهجية وملي ندوز لينا لشرع القواعد خلااص انا كنقول ليها شنو هو الصِّرف كتقوول ليا ااه حكّاا فكرتيني نسيت الصرف عند الحانوث هادي ااش دير معاها دابا
محمد شاد تيلي كيموووت بالضحححك والمشكلة كيضحك بالصوت واصل تالعند اسمااء والحاج تاهو كيضحححك شاد فيها اما الحاجة غير كتشوف وساكتة مولفااهم كيشدو فيها باش تعصب زعما
الحاحة:الله يهديكم اودي راني غير بغييتكم دوقو منو ماتستااهلوش ارا طلق لهنا طلق
محمد:صاافي صافي ماكين باااس ماقلنا والو دووق الواليد دوق تمرة طالعة بميتين درهم ههههههه
الحاج:هههه داير فيها راسم قلت ليك ماتشريهش..هاد لوز لاش داب ناكلو تمر ولا نقيوه عاد ناكلو تخربييق حطو تمر نيشان واللوز نيشان هاد الخيلوطة لاش لا شكل لا منضر لا مدااق مكّود
دخلات خديجة
الحاجة:هاالعشى حا فضخووتوني عطيهم الخبز ابنتي..
الحاج:زييد محمد زيد تعشى..
ناض محمد والحاج تاهو قربو للطبلة حتى قربات خديجة وحطات الطبسييل قداامهم محمد غير شافو ماقدرش يحبس رااسو انفاااجر بالضحك راجع لور على ضهرو والحاج باقي كيستوعب..
محمد:عمري مااشفت من النور الى الضلماات تاشفتها لييوم من التمر معمر للعدس تعشى الواالييد تعشى بصحتك
الحاج:اشهاادشي الحاجة !!!!
ااحاحة:مالو عشااكم ماالوو(ماضت تشوف فالطبسييل) مالها عديسة على مزيناتها ياك نتا لي قلتي ليا ديرييه
الحاط:اناااا
الحاجة:والهيلاا نتا بليمارة سولتيني واش كاين العدس قلت ليك ااه ومشيتي وطيبتو لييك
ااحاح:يا هااد المراة لبااارح قلت ليك بغيت الرفيسة قلتي ليا خاص لعدس وصباح مشيتي تقديتي وسولتك واش تقيديتيه معاك ولا نجيبو
الحاجة:دخللت علييك بالله..و وماشي مشكل تا لعدس زيين راه فيه فيكامين دالحدييد كولوو ولاهيلا بنيين
الحاح:ولحم اللي فالكوزينة
الحاجة:واهاداك غير للضياف كون بغيتيه ندير حسابك
محمد:الواليدة لابقيتي تخلي كلشي للضياف راه حنى اللي غنوليو ضياف بهاد الحكرة ديالك نهار كامل ونتي فالتكرفيسة ومدايراش للواليد رفيسة حاطة ليه جوج تمرات ههه
الحاجة:القى تجبد فالبلا نتا بقى غير كنضحك تعرفو غير نتوما اللي تشدو داير بحساب كلشي راني نصحاب باك بغى العدس داكشي باش حطيتو ليكم ايوا ملي مابغيتوش صافي خلييوه تا ناكلوه حنا شوية نحط ليكم اللحم باقي مطابش…
واخا قالو هكاك مايغاوش يرجعو عمرة كلاو منها شوية وحيدو الطبسيل والحاطة ناضت تاني حطات للحاج ومحمد وهي حطات ليها هي واسماء وتسنيم وحتى خديجة تعشااو عشاهم ضاحكين كيهضر ووناضت اسماء بغات تمشي حتى حبساتها تاني الحاجة باش يوصلها محمد خرجات اسماء للدروج والحاجة موراها كتعيط على محدمد حتى خرج من الصالة شاف فاسماء اللي لابسة حوايجها وملبسة بنتها قرن حجباانو مافهمش فيين باغة تمشي حتى سمع كلام الخاحة
الحاجة:اسماا بغات تمشي لمحالها اوليدي وصلها ليل هذا ماتلقاش المركوب ولا شي حاجة عييت معاها تجلس غير تالغدا و والو مابغات هي تجلس
اسماء:لا والله برااكة الحاجة غير خليني نمشي خليت محالي خااوي نهار جمهة ونرجع انشاااء الله الله يحعل البرااكة والله يخلف علييكم
خديجة:كون غير جلسيتي ابنتي لييل عليك فين غتمشي
فاللحضة اللي كانت اسماء كتهضر مع خديجة شاف محمد فالحاجة مو وسد عينيه بهدووء ورجع حلها كيحرك راسو بلاا ببطئ وهي فهمااتو قال ليها ماتخليهاش وهي نزلات درجة عند اسماء….
الحاجة:والله حتى تجلسي طلبتك وانا قد ميميتك غير تالغدا فطري وسيري مانحبسكش لا انا لا غيري وماتخسرييش ليا خليني بخاطري وهاد البنية تاهي مسكينة راسها كيطيح بالنعاس فين غتديها فهاد لييل
اسماء:داار بقات خاوية و
الحاجة:ياك كاينين غير البنات شكون بغى يقرب لييك سادااه يااك بعدا(حركات راسها بايجاب) وزيدي طلعي عفاا بنتي غير تالغدا وسيري لابغيتي واخا انا ماكرهتكش تاتدوزي الخطبة وسيري الله يرضي علييك طلعي طلعي..
حدرات اسماء راسها مابقاتش قادرة تقول والو وتبعااتها ومحمد نزل للبيتو لتحث اما الحاج بقى فالصاالة متكي…
تنااص الليل وكلشي قصد بيتو حتى اسماء خدات بيت وجداتو ليها الحاجة هي وبنتهاا نعسااتها هي لولاا عاد حيدات هي البيحامة اللي عطاوبها تلبسها فادار وتكات حداهاا كتحك على ضهرها وتبطبطب عليها وتبوس على رااسها حتى داها نعاس على خاطروو عاد نعسااات….
تلاتة ديال ليل..
كلشي ناعس وصقييل قوي ضااارب قالدار والضلمة كانت عتمة حتى حاجة مكتباان، فاقت تسنييم مقلوب ليها نعااس وحيت موالفة تنعس والتلفازة تبقى شاعلة ليل كامل حيت مكتنعسش عليها طافية نااضت من بلاصتها كتعفس معارفة فين تمشي مغبنة باغة تبكي بلا صوت كتقلب على اسماء وهي خلاتها ناعسة موراها فساابع نومتها ماحساتش بيها كاع فاش ناضت… وتسنيم حلات الباب وخرجات…
محمد فالصالة لتحث فالطابق السفلي كان جالس فوق الفوطوي قدامو بلازما من النوع الكبيير شادة من القنت الحيط تا لقنت المانيطة فايديه والماسك على ودنييه لااعب كورة اونلاين ماحسش بتسنييم االي كانت كضور على برا ماعارفة فين تمشيدي غير كتهمس باسم ماما مكانش مسمووع وهي خايفة غير مع جنابها باغا تبكي ومابغاتش تخرج ليها البكية خاصة دار كبرااات عليها تلفاات حتى بدات كتلاحظ شعى ديال شي ضو كيضرب من الصالة لتحث وهي تنزل مع الدروح بوشية كتعكز حتى نزلات لتحث ودفعات الباب ودخلات لعندو غير شافت التلفازة حلاات عينيها على حدهم مدهووشة وقربات لصقاات حداه جنب الفوطوي كتفرج وهو مرادش ليها الباال…
بعد مدة اسماء تقلبات على جيهة لاخرا لايحة ايديها كل وحدة فقنت وهي تمدها كتلمس جنبهاا غير ماحسااتش بيها حداها وهي تخطططف من بلااصتها ناضت مفزووعة شعلات الفايوز جنبها كتقلب عليهاا فير مابانتش ليها فالبييت قلبها تخطف من بلاصتو ناضت كتجري لياست عليها البيحامة وخرجات من البييت مشات للكوزينة كانت خاوية والصالة حتى هي خاوية وبيت الحاجة والحاج كان مسدوود ماقداارتش تحلو علييهم..وهي تنزل مع الدروج كتقلب وسط الضلاام مخلوعة وقلبهاا كيضرب ندماات على شي بيااتة وتسنيم مامولفااش كتزعزع من جنبها،
غير طلات على صالة من بعييد وبانت ليها جالسة فوق الفوطوي حتى هي شادة المانيطة فايديها وتشيبس محلولة كتاكل فيها ومحمد حالس جنبها عاد هزاات نفس براااحة ودخلاات لعندهم كتهضر
اسماء:تسنييم
تلفت عندها محمد وحيد الكاسك حابس اللعبة وتسنيم شافت فيها واسماء ضحكات بحرج كتشوف فمحمد على هاد الدخلة المفروشة اللي داارت…لااحت رجليها دغياا باغة غير توصل تاخد تسنيم وطلع فحالها حيت هاد السيد بالدات كتحس بحضورو كتحس بيك كمية مم الرجولة جالسة جنبها كتحس بهييبتو وبعينيه فهاد اللحضة اللي تابتيين على حركااتها وترها ماردااتش لبال لجناب الفوطوي اللي كان خارج غير تندافعت لجيهتهم وهي تغوووت ودغياا شدات على فمها مغمضة عينييها معصووورة ومقصحة وهو وقف وضاار جيهتهااا كيشوف لتحث فرجليها حيت كانت محنية شااادة عليهاا حتى زولات ايديها شافتها وهو يبان ليها نص فضفرها طااير ودم شوية ناازل مع الجنااب عقد حجباانو وحرك ليها جيهت الفوطووي
محمد:ضربتي جنب صباعك كّلسي اجي كّلسي
اسماء:لا لاا (كتهضر بزز مقصحة ماكرهاتش فهاد لحضة تشطح كناوة بالحريق غير حابسة راسها بزز) م ماتقصحش فففف ضفري طار
مضارب يبعد ايديه حتى كيبغي يشد فيها يعاونها وكيرجعها لعندو
محمد:كّلسي غيير كّلسي نشوف
جلسات فوق الفووطوي وهزات رجليها عندها ناسية راسها قدامو والكسوة قصيرة حتى تعراو صيقاانها وهو قلب عينيه كيحك تحت حاجبو حتى سمععا بدات كتنخصص ودموعها دايزيين علا حجبانو بجووج باستغرااب وقال
محمد: وااش تقصحتي ؟!!
اسماء:لاا ضفري تقطع ااحح طاار كاامل ففف كيحرقنيي مااقدرتش نشووف فييه
محمد:خلييك هنا نجيب شي حاجة تكالمي بيها
اسماء:لا لاا بلااش هاهو غيمشي الحرييق دااباا غير شوية وغيمشي ضفري اللي تقطع
جر كلينيكس من جنبو ومدو لييهاا حطاتو على صبعها كتعصر فدموعها ما بقات فيها لا ضربة لا جوج غير الضفر اللي طار وهي مدة باش مهلية فييهم ومقادااهم الخاطر اللي كتعطيهم ماكتعطيهش حتى لتسنييم وهو فدقيقة تهرس ليها….ومحمد خرج من صاالة طالع لفوق فين كاين الحمام اللي فيه علبة الاسعافاات حاول يفيق الحاجة تنزل عندها ولكن حشم يدق عليهم وهي مع الحاج حتى كيزعم يدق و كيترااجع فالاخر خدا علبة الاسعافاات ونزل عندهاا لقاها مزال شادة عليه وتسنييم كتنفخ على صبعهاا متألمة معاها جابت لييه ضحكة….قرب وحط قاامها العلبة وحلها مد ليها بيطاديين وقطعة ديال القطن تنيطوايي بييها وصبارادا عرييضة
محمد:حيدي الضفر اللي بقى شاد فالجنب..
اسماء:لا لاااا م ماانقدرش لاصق فالجدر..
محمد:حاولي تحيديه ميمكنش يبقى تما…
اسماء:غ غيير خلييه تا يحيد بووحدو ماغنقدرش نقيييصو( حاولت تجرو بشويااا وهو لاصق فالجدر تى تقصحاات وهي تبعد) لا لاا غييير خلييه تا يحيد بخاطرو
محمد عمر القطن بالبيطادين وعطاه ليها: دوزي هذا غير من لفووق
خداتو من عندو دوزااتو من الفوق كتمسح فالدم وتعقم فييه وهو يمد ليها صباراادرا كتحاول تلصق فيها ولكن تعنكشات بدااك الضفر اللي بقا لاصق فالجنب من الجدرر لتحث فينما حركاتو كتغوت مقصحة حتى طلعات ليه الدم وتحنى لعند رجليها وهي نزلات عليها الكسوة مصدومة عاضة على شفاايفها كتلعن فراسها فهاد نص لييل اما محمد قالب عينيه مشافش كااع فيها عينيه على الضفر….دار برااسو غيلصق الصبارادراا وهو يجر الضفر دغياا حتى غوتااات وشدااات بضفاارها فووق كتفوو وهو يسد عينيييه وحلها وشااف فايديها فيين شادة مع ديك الغوتة اللي دارت …تلفت لجيه لاخرا كيلعن فالشيطاان فهاد لييل عاد هي حسات على راسها وحيدات ايدييها
اسماء : س سم سمح لياا غير غفلتينيي حسييت بيها
حرك راسو بايجاب ومد ليها العلبة كاملة
محمد : نيطواي ايدييك بدلي ليها ديك الفاصمة..
اسماء : فاات الحال حتى لغداا غير خليهاا سمح لياا صدعناك فهاد الليل تسنييم يلاه ابنتي نوضي
هزات كتافها برفض مابغاتش تنووض واسماء كتغمز فيها توقف حتى قاطعها محمد
محمد:غير خليها جالسة ياك نورمال تسهر شوية..
اسماء:لا ماشي مشكل غير غتصدعك راه حركية بزاف
محمد:غير خليها حتى تنعس على خاطرها….جلسي حداها ايلا نعسات خوديها
اسماء:غير سمح لياا غنصدعوك والله..
محمد:حتى حد ما كّال شي كلمة نتي مصدعة رااسك..اجي جلسي خودي راحتك…
مد ليها علبة الاسعافت وهي شداتها منو وجلساات فحين هو ضار لجيهة لاخرا فين كان جاالس وشد عندو المانيطة مقصر كورة فارقة بيناتهم غير تسنيم كانت تاهي شادة مانيطة عندها فبالها كتلعب وهي طافية ايديها فلمانيطة وايد فتشييبس كتااكل وتشوف مرة مرة فماماها…اما اسماء كتعاود الفاصمة لايديها حشمانة غير من جنابها كتنزل عليها البيجامة حيت ماشي ديالها كانت مزير عليها شوية وشعرها نصو طايح عليهاا وعلى وجهها مبرزطهاا زاد حشمها قدامو..
داوات ايديها وبدات كتضور عليها فالفاصمة مضاربة معاها بايد وحدة تحزمهاا وغير الصمت اللي سادي بيناتهم لدرجة صوت انفاسهم كتسمع طالعة نازلة تكلماات كاسرة داك الصمت..
اسماء : مبرووك الزوااج نسييت ماباركت لييك الحاجة فرحاانة بييك بزااف ههه
محمد:الله يباارك فييك
اسماء: زواج زوين اخويا والله ايلا لقيتي معامن ترافق وعرفتي تختاار عاد كتحس براسك قادر تعيش عاد كتحس بحلاوة الدنيا
محمد:نتي حسيتي بيها
اسماء:انا اخر وحدة تسولها فهاد الموضوع حيت ايلا هضرت غنكرهك فييه ههه
محمد : ندمتي عليه..
شافت فييه مطووولة وهو عينيه على تلفازة ولكن عقلو معاها فحين هي نزلات عينيها لتسنيم كتدوز ايديها على شعرها حتى قال مغتجوبوش ودار تلفت شاف فيها لقاها كتبوس على راس بنتها…
اسماء:كون ماعطانيش هاد النعمة كنت غندم ولكن لا مندمتش ههه صرااحة… كون رجع زمان لور وكنت عارفة غتولي عندي بنية بحال هادي كنت غنبغي نعاود ندوز من لي دزت منو…نقدر نقول ندمت تزوجت فداك العمر ..تزوجت صغيرة بزاف نصيحة مني ايلا كانت صغيرة غير آجلو
محمد : ماكنضنش تكون صغيرة..
اسناء:مكتعرفهااش؟ عمركم تلااقيتو؟(حرك راسو بلا) كيفاش غتجوجو ونتا مكتعرفهااش البنت راه خاصك تلاقى معاها وتهضر وتفااهمو وتعرف راسك بيمن غتعييش طوول حياتك ماشي حتى دوز شهر ولا شهرين وتولي طالع معاها نازل فالمحااكم ولا تولي وابدة راه الوليدات مسااكن اللي كبقاو فالتسخييخ اما نتوما راه كتكونو جفرتو من بعضيااتكم داك العداب كيجيكم كيف والو بمقارنة كيفاش كنتو عايشيين..
محمد:ايلا كانت الواليدة عارفة شنو جابت ليا مابقى عندي كلام فوق كلامها كنتيق فاختياراتها ومتأكد غنرتاحو…معنديش مشكل ف التفاهم بقد مكيهمني الاحتراام والتعامل باللتي هي احسن غيكون اساس هاد الزواج
اسماء:داكشي كيكون غير نهار لول الانسان مكتعرفو حتى كتطول العشرة معاه عاد كتعرف على وجهو لحقيقي فلول كلشي كيبان دروييش و ولد وبنت النااس، كتوصلو بعد المرات لواحد المرحلة كيولي الضغط كاااامل علييك… وعليها هي بالاخص حيت المراة ديما كتكون فواحد اللحضة خاصها تجمع ما بين كلشي وتشد لخاطر كلشي وتحدر راسها لكلشي حتى كيفييض كاس صبرها وكتنفاجر فوجه اللي جا قدامها هادشي علاش قلت ليك متاخدهاش صغيرة الصغر خاايب والتعانل مع الضغيرة خيب منو عقلها كيكون على قدها وصبرها على بوت ايلا غير قصتيها تطرطق فييك زائد على افكارها اللي كيتبدلو ليوم باغااك وغداا مابغااكش حتى نتا كتولي طالعة فرااسك كتجي تشوف كتلقى راسك حتى نتا كتعاملها بنفس تعاملها كتولي حتى هي كارهااك… العيشة كتولي مررة على بعضيااتكم حتى كتكرهو شي جوااج كتوليو تقلبو غير على الفكاك وبعض المرات كيكون فات الفووت ودرتو وليداتكم داكشي علاش قلت لييك غسر هوما لي كيبقااو التسخيسييخ والمشاكل وديك العقدة كتكبر معااهم واخا تعيى تزين الدنيا فعينيهم كيجيو شي لحظات كتحس براسك كتخوي الما فرملة واللي تعدبتي علييه فتانية كيضيييع ندممت على زوااجي ولكن ملي كنشوف فبنتي مكندمش علييه ايلا كانت غتكون عندي بحال النوارة نتعدب الف مرة وقدام عينيها كنسااه (حساات على رااسها وهي تقطع الحس كتشوف فيه مطرطقة عينيها والتبسيمة فالتة ليها ) خاصني نسكت يااك هههه تحمست شوية هههه سمح ليا
محمد:خودي لاا كنسمع لييك وعندك الحق فكل كلمة كّلتييها ولكن الحياة كلها تجارب ونتي اول تجربة عشتيها حكمتي على حياتك بيها واخا فامكاانك تبدليها للاحسن ملي نتي فيه
اسماء شبكات صباع ايديها كتلعب فيهم: كنحااول
محمد:بوحدك..ايد وحدة مكتصفقش..
اسماء : دايرة يقيني فالله نهار غتكتاب شي حاجة ماغنقدرش نحبسها لا انا ولا واحد اخر المكتاب كيتصرف وانا كنتسنى ههه
اسماء : دايرة يقيني فالله نهار غتكتاب شي حاجة ماغنقدرش نحبسها لا انا ولا واحد اخر المكتاب كيتصرف وانا كنتسنى ههه(تحنات شافت فتسنييم) واش نتي مابغيتييش تنعسي ههه ماموالاافش ليها اول مرة غتسهر
تسنيم:شووفي كنلعب حتى انا انا هي هاديك البيضة قالها ليا عمو
شافت فالمنيطة طافية وضحكاات
اسماء:ااه راك نتي اللي غالبااه ههه لعبي لعبي
تسنيم:اناا هي هي البيضة
اسماء: اااه هههههه(شافت فيه كضحك وهو مبسم) حشوومة علييك راه كتعرف شوية
محمد : بصح ؟!
اسماء:والله ههه كنت صغيرة ةكنت مبلية بالبلااي غير مؤخرا جلست فدارنا واحد المدة وعلمتها شوية يمكن دابا ايلا نساات ماعرفتش هههه
محمد : بلاتي نجربوها
شعل ليها المانيطة وخلاها تلعب معااه ديال بصح هاد المرة واسماء كتفرج فييهم وهو كل مرة كيعلمها حاجة كيفاش ضور كيفاش تماركي كيفاش تجري واسماء غير مبسمة متكية على دراعها على حاشية الفوطوي حتى لواحد اللحضة بدات كتخايل رااسها فدارها مع راجلها وبنتها وسط منهم كتلعب مع بابااها غمضاات عينييها بتنهييدة عمييقة شحال زويين هاد الحلم ايلا كان مع الانسان المناسب بحال محمد ” بحاااال محمد” غير طاحت فبالها هاد الجملة حلاات عينيها موسعااهم محاولة تبعد تخيلااتها ورحعات سدااتهم كتصنت ليهم..
ومحمد مع تسنييم مرة كيضحك فاش كيغلبها حتى كيطلع ليه دم ويعاود يتقل يخليها تربحوو وبعد المرات كيماركي على راسو باش تربح وتفرح حتى كملو المااتش ماحسش كاع بالوقت وهو كيدوزو تسنيم بحيويتها رجعاتو للطفولة ايامات كان كيبات هو والمهدي وهوما صغار عينيهم محلولة فالبلااي تا كيطلع نهار دابا كلشي تشغل كل واحد ولا شادها فقنت وتسنيم جاتو على الكانة وهي صغيورة كلشي فيها صغييورة زوييونة ومقبوولة وضحكتها رقييقة ومسرسرة كتخلييه غير كيشوف فيها عاد رد البال لاسمااء وشااف فيها لقاها فسابع نومتها داها نعااس على دراعها وشعرها مطلوق على النص فوجهها مغطيه ليها….طول فيها شووفة كيتدكر كلاامها نهار على نهار كيزيد يتأكد بلي ماشي ديال المهدي وعمر خيوطهم مغيتلاقااو اسمماء ناضجة فعقلها واخا صغر سنها اللي كيبان فوجهها كتبان صغييرة ولكن عقلها ناضج وكبيير وتفكيرها كبيير عليها بحكم التجارب الكثيرة اللي دوزات فحين المهدي مزال ولد دارهم ولد مو وياه عايش بيييهم وبفلوسهم حياتو بعيدة عليها ومشكلة فارق كبير بيناتهم وبين عقلياتهم….ماحسش على رااسو وهو ساهي فييها حتى حس بتسنييم كتجر فتيشورت ديالو عاد رجع لوعيوو مرااضيش على رااسو هاد الحالاات اللي وكيوقع فيهم حك تحت دقنو مشتت افكاار وتسنيم هازة قدام وجهو تشيبس
تسنيم:سالاات..ولعبة سالاات ولكن غدا غنلعبو عوتاني يااك
محمد:صافي سخيتي بيا النعاسة
تسنيم: ولكن ماما نعساات… نفيقها
حرك راسو بايجاب وهي وقفات فوق الفوطوي باش توصل ليها وبدات كتحرك فيها بشويا وكتبوس على خدها كيف كتفيقها اسمااء حتى بدات كتحل عينيها غير تفكراات راسها فيين وهي تنوض طافجة كتشوف فجناابها
اسماء:ص صاافي سالييتو
تسنيم:اه غنلعبو غداا يلاه نمشيو نعسو
اسماء:يلاه …قولي لعمو بسلاامة سمح ليناا صدعنااك فهاد لييل والله..
تسنيم: بسلاامو عمو غنلعبو غدا عوتااني
محمد:مشاات(ضرب ايديه فايديها كيضحك معاها وهي شدات فاسمااء وطلعو للبيت يكملو نعااسهم اما اسماء مداهااش نعااس فكل مرة كتغمض عينيها مكيجي بيناتهم غير منضر محمد مع تسنيم كيلعبو البلاي وكيفاش كانت كتخاايلو راجلها وتسنيم بنتهم وسط منهم شحال كان دااك الاحساااس زويين..مكاانتش غير هي بوحدها غارقة فاحلامها حتى محمد لتحث عاود لعبة وفوق ما كاان لاعب طروونكيل حتى كيسهى بعييد وفعقلو كيطيح غير كلامها وصوت ضحكتها وحركااتها الحناان مع بنتهاا حاول يشتت افكارو حتى لواخد لخظة تعصب من برااسو ونزل كيحك فشعرو مراضييش ..فالاخر وهو يطفي كاع البلااي وناض قصد بييتو حسن لييه…
صباح الغد …
كيف العادة مصبحة اسماء بكري فايقة كيف ولفات فدارها لا هي دخلات للطواليط غسلات وجهها ولبسات جلاابتها عاد دخلات للكوزينة لكن لقات غير خديجة شادة القصعة قداامها كتعجن والمقلة بالبغرير فوق الفورنو حاضية معااه…
اسماء:صباح الخير اختي خديجة
خديحة:صبااح الخيير اختي فقتي اجي جلسي حدايا
اسماء:مزال مافاقتش الحاجة …خاصني نمشي
خديجة:باقي لحاال جلسي حتى تفطري معانا نهار كامل دياالك والله اختي حتى فرحت ملي شفتك مع الحاجة شحال مسكينة وهي جالسة غير بوحدها كيعجبها شي حد هكا يطل عليها ويجي لعندها ما عندها لا بناات لا لا عائلة واليديها بجوج بيهم مشاو عند الله حتى الخوت مابقاوش كيسول قليييل فين كينهزو داك تيليفون ويعيطو ليها شحال ماشفتها فرحاانة بحال الباارح فرحانة بييك ههه
اسماء:حتى انا والله ربي اللي عالم شحال ارتااحيت ليها غير لبارح اول مرة نتلاقاهاا كنحس براسي بحالا شحاال وحنا كنتعارفو حسيت براسي مرتااحة معاها الله يطول فعمرها الناس بحالها قلاال بزااااف
خديجة:الحاجة مااكينش بحاالها لكدوب على الله حراام ناس الملااح انقارضو اختي..(تفكرات المقلة)هيييه غيتحرررق ويليي نسيتوو بالضهر ههه
قلبات البغرييرة لقااتها تحرقاات وهي تحيدها ورماات وخدة اخرى حتى ناضت اسماء مني منك منيي منك بزز باش خلاتها تعاونها وهي كفدات على دراعهاا وشدات القصرية قدامها كتقاد فالمسمسن وخديجة مقابلة المقلة والفران اللي فيه كيكة بعد مدة عاد جات عندهم الحاجة كتعكز غير شافت اسمااء وهي ضحك
الحاجة:فقتي هههه ماحساابتنييش كتصبحي بكري ههه كيصبحتي شوية ليووم
اسماء: الحمد الله السخانة شوية غير الحلاقم دابا يدوزو ساعتهم هههمع الخدمة ضرووري الفياق بكري راه تمنية كتلاقاني خارجة من الداار
خديجة:فاااقت بكري وجات عندي وعاوناتني طيبات المسمن وقادت ليا الكيكة وعرمات القهوة واتااي راه هي اللي وجدات الفطور ليوم انا مادرت والوو ههه
الحاطة:علااش عدبتي ابنيتي رااسك ونتي ضيفة خدييجة مامولفااش ليييك
اسماء: ماكين لا عداب ولا واالو بصحتكم غير عاونتها مادرت والوو
الحاجة:تباارك الله عليييك وليني راااك حااادكة ماعندي مايتساالك نتي لي يقولو عليك بنت الزمااان حيدي عليا صاافي خاصك غير شي ولد ناس يعرف بقييمتتك هاا ااش قلتي باقا عند كلامك..
اسماء:انشااء الله يكون خير اخالتي
قربات ليها الحاجة كتهضر بهمس بيناتهم..
الحاجة:هي كاين شي حد غير كّري كّري راني عارفة هههه
اسماء:قالها لبيك ههه
الحاجة:قالها مسكيين المهدي سلعة ايدي وكبر قدام عيني توكلي على الله ابنتي مافيهش الندامة
اسماء:يكوون خييير هههه ..انا غنفيق تسنييم تفطر
الحاجة: ههه بلاتي عليها مسكينية خليها نااعسة باقي الحال
اسماء:خاصني نمشييو اخالتي الله يجعل شي براكة يلاه نمشييو ونشوف الدار ونسول فماماا ونوجد راسي باش نرجع تاني غداا راني غبرت عليها
الحاجة:ماكرهتش تجلسي غير تا لغدا وسيري مابغيتيش وليني حي غدا بكري ماشي تا تجي مع ضيااف
اسناء:لا نجي بكري انشاء الله ههه(مشات والحاجة متبعاها بعنييهاا كتنهد وشافت فخديجة)
الحاجة:والله وكون كان عندي شي وليد اخر تاناخدها لييه
خديجة:ولني الحاجة هادي راه ب بنتهاا
الحاجة:ومالها واخا ب بنتها راه باقا صغيرة قالت ليا عاد فربعة وعشريين فعمرهاا تزوجت و ولدت صغييرة وبنيتيها مربية كون تشوفي ديك نهار مشيت عندها للبيت الكرا تدفلي فحوايجك ماتدفلي فييه لقيتها مرييضة والبيت كيدااير هكا يشعل هادي اللي خاصاني فالدار حاارة تباارك الله حااارة
خديحة:تا دابا باقا مادرتي فالطاجين مايتحرق خوديها لمحمد هههه
تنهداات الحاجة ماردااتش علييها واسماء جابت بنتها وجات وخديجة دات الفطور لمحمد والحاج ورجعات عندهم للكوزينة يفطرو تما حتى حسات بمحمد والحاج خرجو عاد نااضت سلمات على الحاجة وخديجة ودعااتهم وخرجات شدات طاكسي للدار ..دازت لعند مول تيليفونات خدات ديال مية وخمسين درهم ولاكارط تعدي بييه وطلعات لدارها كدوز فنمرة الحاجة ام محمد قالت ليها راه وصلات عاد دوزات ديال ماماها الحاجة ودخلات لبيتها كتهضر مهاها مدة طويييلة كتشقى فالدار وتهضر معاها حتى سمعات الدقان فالبااب وهي تقطع وحلات بانت ليها رشيدة جارتها هازة صاشية مداتها ليهاا..
رشيدة:دقيت عليك البارح تا عييت هاكي راه طابتها لييك شي مراة كتسول تا لهنا قالت ليا عطيها لاسما وخزنتها عندي تا جيتيي
اسمااء:انشووف( قلباتها وهي تلقااه القفطان) الله ياااربي فلوسو حلاال انا قلت مشى لياا نهار تشفرت لحتو ماعقلتش على راسي غير حيدت منو الفلوس ولحتو فلرض
رشيدة:فلوسوو حلال ردي بالك مرو اخرى
مشات وهي دخلات للدار كتسمع فتيلفون الجديد طيصووتي مع مامولفاش عليه مارداتش ليه البال حتى لاخر لخظة وهي تهزو مشافتش الرقم دغيا جاوباات
اسماء:آلوو …شكون معاياا؟؟
المهدي:اسماء هذا انا اامهدي
اسماء:ااه المهدي لبااس ماعرفتكش مع يلاه خدييت نمرة جديدة ماعندي تاحد فيها
المهدي:عاتني الحاجة نمرتك ..و قالت ليا شي كلام وااش بصح داكشي اللي قالت..
اسماء:قلت ليها يكون خيير ههه اشمن كلام
المهدي:يعني هه
اسماء:يكون خير المهدي هههه
المهدي:مغتعطينييش لادغييس زعما
اسماء : فالتيليفون !
اامهدي:نتلقااو حسن نهضر فاص افاص حسن من تيليفون
اسماء:واخا اللي بغيتي..
المهدي:ندوز علييك
اسماء:لا لا انا غنجي عندك قوليا غير فين غنتلاقاو..
المهدي:نتغداو اونسوبمل ايلا بغيتي جي لنفس البلاصة فين جيتي داك النهار انا غنهزك من تما..
اسماء:وااخا نخرج غنقولها لييك..يلاه بسلامة
المهدي:بسلاامة..
قطعات معااه باقة مترددة واش تعلم ماماها ولا بلاتي شوية فالاخر خلات من بعد حتى تشوف واش غتفاهم معاه ولا العكس واخا كانت فداخلها كتمنى انهم يتفاهمو من حدها كتدكر ناصر اللي حرا طليييق ومافيهش التيقة ابدا …فبيتها وخايفة منو لا يجي ليها.. كتقول الف زواج من المهدي ولا هو..
ماحساتش بالوقت حتى ضربات جوج لقاتها لابسة وموجدة رااسها وحتى تسنيم لبسااتها ومشطات ليها وخرجو بجوج نزلات للشارع الكبير تشد طاكسي مع وقيتة الغدا وشونجمون ديال طامسياات تاواحد ما بغى يوقف ليها اللي شيراتليه كيزيد وهي كتضور فعينيها تقلب حتى طاحت عينيها فعينييه ناصر موراها حالس مع حماة ديال الدرااري عينيه حارييين فيها دغيا قلبااتهم دغيا …قلبها كيضرررب وهو يبان ليها واحد طاكسي جاي هزات ليه ايدييها وهو يوقف وطلعات عاد حمدات الله برااحة وهو كسيرا زااد…
مدة طرييق وهو غاادي حتى لوااحد اللحضة وهي توقفوو…
اسناء:وقف وقف عفاااك وقف اخوويا..ويلي وااقيلا نسييت البزطاام وقف عافااك(وقف جنب وهي كتقلب وتعااود ولكن مالقااتوش ومدات ليه غير الصرف اللي كان فايديها)نسيت اخويا بزطاامي هاك هادشي اللي هازة معاياا سمح ليا
_ماشي مشكل الاالة..
حلات البااب دغيا نزلاات وجرات بنتها ومشات طلعات فوق الكولواار كتجري حتى وقفات مورا واحد الحيط والطاكسيي زاد مشى..توااني قلييلة حتى كيبان ليها واحد صايق الموطور وناصر موراه رااكب تابعيين طاكسي وهي مخبية مورا الحيط حتى غاب على نضرها عاد خرجاات كضحك ..
اسماء:سييير يلااه كتسحاب راسك غا نتا اللي مطور تابع الطاكسي باغي تحصلني زعما… قواالبك حفضتهم الشمكاار..
وقفات كتشير لطاكسي اخر تا وقف ليها ونعتات ليه البلااصة وزاد مشى..
عند هند كيف العادة فالصالون عرقانة كتقطر مع الكليانة وحدة تاابعة وحدة وماكينش الاستراحة بييناتهم حتى شافت تيليفونها كيصوني وهي تطل عليه لقاتو عزوز وطفات عليه تيلييفون حتى تحل عليهم البااب وهي طلات تشوف شكون بانت ليها سعاد دخلات كتسلم من البااب وجلسات كتنش على راسها سخفاانة..
حياة:تي قولي لياا سمعت خوك ضارب معامن تااني
سعاد:ختي شيبنااا شيبناا يااك ختي طلق منهاا ياك ساالاو هذا زمان لاش كيضوري بيها سرو انا بغيييتها فيييه شدوه جوج معاها سلخوه واحد نيت هو اللي غيااخد اسما
حياة:دخللت عليييك بالله على اسماء غتجوج امتى هاادشي
سعاد:تاتا غير سمعت ديك نهار لقيتو عند باب دارها واش غادا خارجة معاه ولا الله اعلم دقيت عليها مابغاتش تخرج عندي…(سحرات صباعها)حياة ختي صاوبي ليا ضفاري مزرووبة والله
حياة:شوفي لابغات شي وحدة تعطييك نوبتها نبدا بيك نتي لولاا…
هند:سعاد اجي نقوولييك (حطات شيشواار ودخلات لداخل وهي تبعاتها) اجيي اجيي
سعاد:هاني مالك
هند:قولي لياا شكوون هذاا كتعرفيه ولا كنعرفووه
سعاد:ختي نتتي اللي كتعرفيه انا مكنعرفوش..هاداك اللي كان ديما مطكيوقف قداام البااب دالصالون
هند:طوموبيل كليو كحلة؟
سعاد:ااه كحلة هي لي لقييتها واقفة عند البااب
هند:بنت الحرااام ياختي ضارت بيه
سعاد:تانتي كون كان راجل مايخلييكش نتي ويمشي عندها الله يبليهم ب بعضيااتهم اختي من هاد العيالاات انا راه كانت صاحبتي وعزيزة عليا ملي شفتها ولاو فيها هاد الفعايل صافي ياختي كرهتهاا حشومة كاع وعارفاك معااه وضارت بيه ناري ياختي بنادم غداار
ماردانطتش عليها هند غير كتشوف فيها وتفكر فكلامها ولات خايفة تنطق شي كلمة ماشي تالهييه وتحطها سعاد بوجهها وهي صاحبتها وفضحاتها عساك هند لي غييير معرفة عندها خلاتها وخرجات هزات تيليفونها فين خلاتو وكتبات ميساج لمهدي عاد حطاتو ودخلات تكمل خدمتها بتفكييير عميييق فكرة تديها وفكرة تجييبها..
على شط البحر كان بحال الكولواار كلو مستف بالبطاواات واحد حدا وااحد شي محلوول والناس طالعين هابطين منو وشي من بابو كيبان مسدود، قصد المهدي وااحد فييهم ومشى لييه كانت واحد البلانشة ممدودة منها كيدوزو من الشط للباطو دااز هو لول عاد مد ايديه لتسنييم سلكها لعندو عاد اسماء طلعات موراهم ودخلو واسماء غير كتشوف متعجبة ومستغربة من هاد المكاان كان كيييف شي جنة من غيير الناس اللي تما كانو مخسرينو كلهم ديكوبل كل واحد معنق وحدة متكيها علييه وراس شيشة ف فمو موسيقى خفييفة كتسمع والسرباية غاديين جايين كيسربييو، جلسو فطبيلة كتطل على البحر لتحث واشاار للسيرفور بايديه جا لعندو قالبه اشنو يجيب ومشى واسماء بقات غير كتشوف ماخداش رأيها فاشنو تاكل ولكن متبغاتش تعلق على هاد الموقف ودارت عين ميكة اما المهدي غير كيشوف فيها مبسن ومرة مرة يشزف فالبحر حتى سمع صوت ميساج فتيليفةت وحلو شافو لقاها هند كاتبة لييه..
هند : سلام مهدي علاش مكتجاوبنييش بغيت نهضر معاك كنفكر فواحد المشروع وماعرفتش شكون غيعاوني من غييرك مابغيتش فلوسي يمشيو ليا فالخاوي..
قرااه وحك تحت دقنوو وتكى على ضهرو فوق الكرسي مابمبينش للاسمااء وكتب ميساج ليها فيه “شحال عندك” دغيا طلعات ليه قرااتو وردات علييه ” محاسباش ولكن عندي راس مال صحييح” من جوابها فهم بلي متكية على حصيصة صحيييحة خاصة انه هند ماشي من النوع اللي ايديه متقوبة غير كتخسر دمااارة وكتجمع الفلوس علاش ترجع….قرا جوابها وربع ايديه فوق الطبلة مبسم..
المهدي:ايواا ماغتعرفينيش علييك..
اسماء : ههه شنو بغيتي تعرف
المهدي:كلشي عليييك اللي غيزيد يقربني منك بغيت نعرفو..
اسماء : نبداو من لول ههه سميتي رتك كتعرفها ههه مطلقة وعندي بنية هاد الكتكوتة اللي حدايا هي كلشي فحياتي عليها كنموت وكنحيى كنبغيها كثر من رااسي وكثر من اي حاجة فهاد دنيا عندي جووج خوتي(شافتو كيحك تحت فمو بحالا شاد ضحكة)هه مالك كضحك
المهدي:هههه لا غ غير التعارف يمكن باقي عندك قديم شوية هههه نوغمال يمكن شحال ماهضرتي ولا تعارفتي اللي قصدت بالتعارف يعني مثلا شحال فعمرك شنو قريتي ولا واش فايت ليك خدمتي فشي بوسط معينة فهمتيني ههه
تقرصات اسمااء خصوصا فاش جبد ليها القرااية وكحات بحرج…
اسماء:ما..ا انا ماقريتش زعما ماكملتش حبست فنص العام ديال الباك عليها تزوجت
المهدي:سمحتي فقرايتك ولا اضطريتي تخرجي
اسماء : كيفااش !!
المهدي: لا حييت كاينيين شي بنات مثلا كيوقعو فالغلط وهوما فسن صغيير يعني كيلعبو ليهم بدماغهم ويستدرجهم حتى كيوقعو فالغطل كيسمح فقراية وفكلشي وكيمشيو يتزوجو..
اسماء:فهمتك ههه لاا انا تزوجت (بدا سيرفور كيسربي فاالطبلة قدامهم وهي مكملة كلامها)ومورا عام وزيادة عاد ولدت بنتي مكانش زواج تقليدي وحيت كلشي كان عارفني معاه دارنا عيااو يبعدونا ولكن ماتفارقناش ومن بعد تزوجنا
المهدي:يعني زواجكم مكانش تقليدي..
اسماء:لا…كنت كنعرفو سنيين من قبل عاد تزوجناا وهي فاش ولد بنتي ولكن من بعد الولادة مكاملاش حتى عشرين يوم الراجل وبا واحد اخر بحالا هزيتي واحد وحطيتي وااحد بالغواات والصداع كل نهار وزادها بالضرب حتى لواحد النهار طلع ليا كلشي فراسي خليتو ومشييت لدارنا وطلبت طلاق بحالا كان طالب علييه دغيا وافق صافي وجلست معاهم حتى سيفط ليا براني وموراها خرجت كرييت كانو وقعو ليا مشاكل مع دار وهانا باقا فديور الكرا كيف عرفتيني ههه
المهدي : ايلا كنتي غترتاحي احسن حااجة..نتغدااو !
بابتسامة حركات رااسها وحيدات كلينيكس من الكاس وحطاتو فوق جلابتها خافتها طبع وطلقات لاخر فوق حوايج تشنييم وهو غير كيشوف فييهم ماقدرش يقول ليها داك كلينيكس كيتحط تحت الكاس ماشي فوق الحوايج ولكن سكت غير كيشوف فيها بنص عيين من حراكتها وتصرفااتها مكاتبانش فيها بنت القهاوي وخاارجة وجايلة..كانها اول مرة تجي لشي قهوة كتصرف بعفوووية كبيييرة وهادي هي الحاجة اللي مخاصهاش تكون فهاد المكاان بحال هذا…
كانت كتغدا بشوية وحاضية مع راسها لا دير شي غلط وتحرج راسها قدامو..مكتحسش براسها مرتااحة فالجلسة بحالا شي اعين مرااقبها وكانت غير اعين المهدي وهي حاسة بيهم كيعبرو فيها…تغدااو فهدووء مع بعد الكلماات وهز السيرفور داكشي ودومونداو على لي كلاس مرة اخرى مكايخدش رأيها ولكن دارت عين ميكة ماتسوقاتش حتى جاب ليهم سيرفوور لي كلااص وبلا بطريفات دالحلوة منوعيين ستفهم على الطبلة وتسنييم عينيها خرجو فاش بان ليها الفرييز ولي كرييم حتى باان ليها الكراااميل وهي تخطف من بلااصتها تلاحت على الكااس بلهفة بغاات تاخدو الجرة اللي غتجرو خوات معاها الكاس د اسماء تكفح كلو فوووق الطبلة واسمااء بعداات رجليها دغيا وحبسات العصير بايديها فوق الطبلة ماينزلش للارض
اسماء : هيييه قوولييه شي يجييب شيي حااجة غيسيييح لتحث دغيااا دغيا
المهدي : غيير طلقي خليييه حتى يجييو لييه غير طلقي
اسماء:حشووومة غنوسخو الدنيااا خووياا(شيرات لسيرفور بعينيها) شي حااجة اخويا عفااك
المهدي:غيير طلقي حيدي اديييك..
بنص عين كيشووف فناس تما دارو كيشوفو فييهم وهو يحييد ليها ايدييها بجههد نزلها لتحث مغدد ومامبييينش عينيه على البنات اللي ملفتين كيشوفو فيهم وكيهمسو بيناتهم مارضاااش…!
اسماء:حشومة وسخناا دنيااا
المهدي:عادي ماوقع والو خدمتو هاديك ناتبقاييش ديري هكا راك ماشي فدارك …
جا سيرفوور بقى معاهم حتى ناضو مشاو لطبلة اخرى جلسو فيها نقية وجاب ليهم داكشي اللي كان طلبو المهدي..واسماء سكتاات محروجة من راسها ولات غير كتضور فعينيها وتفكر فاخر كلامو اشنو فيها ايلا مابغاتش الارض توسخ واش الغلط منها هي اللي ولات بتصرفااتها كتضحك فيها الناس وتسنيم حداها كترطى عمرات كرشها ولات غير كتفرفر فوق الكرسي وهي شادة بخاطرها باش تجلس وترصى حتى ولات باغة تطل على البحر لتحث اول مرة كتجلس فهاد البلايص ومامولفاش علييهم وهي غير مع اسماء فالدار ايلا خرجات كاع كتديها للجردة وتجيبها ولات بحال شي مستخلية جالسة الفوق وباغة تقيص الما بايديها واسماء مضاربة معاها جلسي ما جلسي والمهدي غير كيشووف وحاضي مع بنادم جالس فالقهوة كيتفرجو فبيهم مارضاااش حتى قاال مصطنع الابتسامة…
المهدي:نمشيييو..!؟
اسناء:واخا الللي بغيتي..
المهدي:امتى غنشوفك تاني..
اسماء:المهدي مايمكنش ليا كل نهار نتلاقاك راك عارف اشنو كااين قالت ليا الحاجة هضرتي معاها ف..ف فداك الموضوع و(قاطعها)
المهدي:عارف انا اللي قلت ليها تهضر معاك حيت باقي فنفس كلامي نهار لول لي شفتك فيه قلت هادي هي اللي كنقلب عليها وسط البنااات وبغييت نزيد نتعرف علييك نجلسو هكا اونسومبل نعرفو بعضيااتهم واش عدنا نقط مشتركة واش انا وياك كنفكرو بحال بحال ومغنلقاوش مشكل اختلاف الارااء من بعد…فهمتيني نتي اكثر وحدة مجربة الزواج وعارفة اشنوكنقول اساس كل علاقة هو التفاهم وباش نعرفو راسنا واش غنتفاهمو خاصنا نتعااارفو..ومايمكنش نتعارفو فتيليفون اولا ههه
اسماء:عنندك الحق ههه
اسنيم:ماما يلااه نمشييو
اسناء:غنشميو ابنتي
المهدي:مشيناا..
حركات راسها بايجاب ونااضت حلات بزطامها جبدات منو مية درهم بغات تحطها وهو يحبسها ولكن هي ماواافقتش وحطات خلااصها وحط حتى هو اللي بقى عاد خرجو من اليخث متاجهين للطوموبيل واسماء غير ساكتة مارجعاتش كلامتو ولا قالت شي حرف تفكييرها كلو فكلامو وكيفاش كان لداخل من الولد اللي كان باغي زواج ديريكت لواحد ولا باغي الملايقة والتفاهم والتعارف تقلب على كلامو مية درجة وهادش اللي ماتفهمش ليها وماتسرطش ليهاا طلعات معاه للطوموبيل وكشيرا مباشرة حطها فاللشارع اللي هزها منو وهي شدات طاكسي ومشات للدارها كتسنى اتصالو غير يسولها واش وصلات ولا يعاودو يهضرو ولكن ولا ميساح و ولا اتصاال منو..
فحين المهدي غير حط اسماء حبد تيليفونو كيصوني على هند حتى جوابااتو ودار معاها يتلقااو مورا الخدمة وهي بسرعة تدوافثت يخرجو بجوج طلبات الادن من حياة تخرج بكري وحتى خوات دنيا عاد بدات كتوجد فرااسها..
حياة:ايلا جا شعيب تاني ااش غنقووليه راه لبارح جا بحال هاد الوقت وسيفطتو ….مافعايل ما والو كديري والله هعرفاني عندي غير نيشان هادشي ياللي كديري فيه حشومة …
هند:مزال مامتعرفيني احياة والو دابا تفرجي على عينيك شعيب انا مسامحاش فيه خليه يتوحشني شوية ولمن شي لمهيدي دقتي انا مكنسمحش فيها دابا ضور ليام وتشوفي على عينيك..
حياة:اسماء والله اختي لا غير ضلمتيها وماشي ديال داكشي عندااك تدوني ناوياها عوجة وتولي خاسرة فحقها ردي البااال
مارداتش عليها هند خدامة فرموشها كتقاد ليهم ماسكرة وعينيها حااارين كيبانو من المراية حااقديين ماعندهاش كانة للضحك ولا التفلية حتى كملاات وهزات صاكها وخرجات لقاتو عند الباب كيتسنى وركبات مشات معااه للقهوتهم المعتاادة..
يوم الجمعة…يوم الخطبة..دار الحاجة تفتحات والتريتور اللي كان مدومونديه محمد خصييصا باش يجهز الاشياء اللي كتمشي فالخطوبة الرسمية ووصل…كانت اسماء حتى هي وصلات لعندهم كيف وصاتها الحاجة صباح كلو وهي معااها حتى قربو يخرجو من الدار باش يمشيو لدار العرووسة..دخلات الحاجة لبساات عليها قفطان جوهرة بيض والجلابة فالبيض حتى هي كان فيها دوبيااس… لتحث المليفة ومن لفوق بحال شي جيلي مفتووح عليها فالريبي مع صباط موكاسان وزيف كبيير ديال الحج داير على كتاافها رغم كبر سنها لكن مزال محافضة على اناقتها ولباسها بطرييقة انييقة ومستورة واسما كانت لبسات تسنييم الجابادور ومشطات ليها شعر الفوق كريناات وزوقاتو ليها بالفيليلات باستها وخرجاتها عند الحاجة ضاحكة عاجبااها والحاجة حتى هي جراتها لعندها كتسمي الله..
الحاجة:تباارك الله تباارك الله علىالبنلت ديال الحاباادور الله يحجبك يابنيتي من العين الله يحجبك كون غير ترشي عليها ملييخة…
اسماء:ربي حاضيها اخالتي..مابغاتش تلبسو ليا راه بزز باش لبستو ليها
الحاطة:غزااال يابنتيي تا لوين غزاال رد على عينييها ولاو يباانو كيفو بحالاا زورق مشااء الله تباارك الله سبحان اللي خلقهاا..
اسماء:الله يطول فعمرك الحاجة الله يحفضك..
الحاجة جلسات تسنيم حداها: اجي جلسي حدياا زيدي وسيري نتي ابنيتي لبسي حويجاتك يلااه ياته خديجة مشات تجيب جلابتها من المصبانة باقا ماجات
اسماء:غنمشيو غير حنا ولا غنتسناو شي حد
الحاحة:شكوون ابنيتي راه غير انا وخديجة وام دالمهدي دابا تجي .. داكشي علاش قلت ليك جي غير عمري علياا راني بوحدي ماكيين اللي واقف جنبي …
اسماء:هانتي الحااجة زوجتي ولدك دابا يولد لييك ويعمر علييك نولي نتي طالبة السلاااك ههههه
الحاحة:ياارب عليك امولانا الله يحعلني نحضر ليهم يااريي..
اسماء:الله يطول فعمرك ويعطييك صحيحتك حتى تربيهم معاه…
خلااتها مع تسنيم ومشات لبيت لي جلسات فييه بدلاات حوايجها لبسات عليها القفطان اللي شراات ضورات عليها الحزام حتى تآيفازاا عليها جا ملبوس على فورمتها بارز مناطقهاجبدات لوازمها وبدات كتخدم فوحهها غير شوية شوية من الحاجة ايكخون شمسية وفوندوتان هزات شفارها بااماسكارا حتى ضربو فححباانها ودوزات الكحل وسط منهم جبداتهم مزياان وحمرات خدوودها مابغاتش تكراسي حجبانها كيبانو معيقين حلاتهم هكااك زادت غير شوية ديال هايلايت وعكر خفييف ف فمها وحبسات..جمعات شعرها لوور وحبدات زييف عريييض وزييف كانت جابتو ليها الحاجة مها من الحج بيض كيبري وريحة كتفتح النفس بريحة المسك والعود القماري مزاال شادة فييه دورااتو غطات راسها وشعرها عاد ووقفات كتشوف فالمراية راضية على راسها انيقة ومستورة فنفس الوقت مامعيقااش فلبسها..خشات شربيل فرجليها وخرجات كضحك مفتاخرة براسها خاصة ام المهدي جاية يعني خاصها تباان زويينة وتعمر ليها العين،
دخلات على الحاجة وهاد الاخيرة حلات فيها فمها كتطلع وتنزل فيها برضى مبسمة قاالت..
الحاجة:يااا ندااامت اللي سمح فيييك ..والله يابنيتي وكان عندي ولد اخر مانفلتك الكدوب على الله حراام
اسماء:ههههه حتى دابا ماوقع والو ولدييه ونربيه على ايدي ههه يلاه يصدق لياا …
ماجات فين تهضر وهو يتسمع الصونيت فالداار والحاجة تمدات للشرجم طلاات..
الحاجة:اامهدي جا واقلا هو ومو عيني نحل علييهم (جات تنووض وهي تشد فركابيها مقصحة) اااححح ياااربي اااه ااه ااه على الركابي فلتو لياا ففف
اسناء:خلييك انا غنحل علييعم فيناهو لانطيرفون..
الخاحة:ماعنددناش ابنيتي البني القديم كنحلو من البااب ديرييكت
اسماء:ايوا صاافي انا غنزل نحل غير خلييك..
خلاتها ومشات نزلات حلاات علييهم وهي تبان ليها ام المهدي دخلاات هي لولا سلمات عليها من الخد لخد وطلعاات والمهدي حتى هو مد ليها ايديها كيعبر فيها من الفوق لتحث باعجاب كبييير باين فعيينيه ومشى تبع مو يلاع كانت غتسد البااب وهو يبان ليها محمد دااخل طلعاات فيه عينيها هكااك كباار مهزووزين بالشفرانووهو كول منها نزل فيها راسو غير تلاقات مع عينييه ضرب قلبها بجههههد وحسات بامعائها داخلها كيدغدغوها بتوترر كبييير وارتبااك ماقدراتش تفسر سببو وماقدراتش تنزل عينيها منو و هو اللي كان حاطهم وسط عينييها مانزلهش بحال شي غرييق وسط بحر عييق ماقدرش يخرج منو، بريييق لامع زويين جدبو فعيونها خلاه كيتنقل من وحدة لوحدة بدون حركة وبدون اي ردة فعل حتى حس برااسو وهو ويشتت نضرو ومشى طالع مع الدرووج وهي سداات البااب كتهز فنفسها بحالا كان قاطعها فيها بكمية الهيبة اللي كيدخل بيها من عند البااب كتحس بيه كيفرض وجودو عليها..كيقولو كاااين… جييت …معااك فالبلاصة اللي فيها نتي..!
طلعات عندهم اسماء لقات غير الحاجة وام ديال المهدي لالة غيثة والحاجة كتوريها الكادوات اللي غاديين بيهم للعروسة و واليديها شوية حتى جات خديجة طالعة كتقرقب فالسوارت ودخلات تلبس حوايجها اما المهدي ومحمد كانو فالكوزينة واقفين بجوج المهدي كيهضر ومحمد كيهز بالمعلقة ويااكل من الطبسيب لي قدامو وهو واقف…
الحاجة:يلااه بالي اولدي تغداا را مابقى باك غير يجي
غيثة:علاه هو مامغديشي !
الحاجة:كان فلكلينيك خدام بلييل وصباح غير جا مشى عند تريتور تاني ومن حاجة لحاجة مالقى الوقت فين يفطر ولا يتغدا غير بارك ويسكح فديك القهوة (جلسات حداها اسماء وتسنيم جات عندها)
غيثة:شكوون هااد لفنون مشااء الله مشااء الله تبارك اللرحماان اش سماك الله..
تسنيم كتلعب برجليها : انا سيميتي تسنيم ونتي
غيثة:وانا خالتك غييثة شكون هاد الكتكووتة..
اسماء:بنتي هه
الخاحة:هادي اسما ههه كي جغيمة الما جابها ليا ربي وقفاات معايا هاد لياام الله يرضي عليهاا
ضارت شافت فولدها هازة شفايفها وهو شااف فيها وقلب عينييه فاهم نضراتها..
غيثة:مم متشرفيين الله يحفضها لييك
اسماء:اللهم اميين لله يطول فعمرك
محمد : الواليدة مشينا..
وقفات: بسم الله يلاه احنيني
خرج سبقهم المهدي ومحمد نزلو لتحث فين كان جا الحاج بطوموبيل عائلية كبييرة كحلة وتريتور مورااهم هاز معاه اللي كيحتاج فمناسبة الخطبة شدات الحاجة فاسمااء ونزلات بشويا عليها فالدرووج مع الركابي على قد الحال حتى وصلات لتحث ومشات لطوموبيل دمحمد لاصقة فاسمااء ماطلعات حتى ركباتها هي لولا عاد طلعات القدام والمهدي مشى مع مو والحاج مع التريتور…نزلات عندهم خديجة طلعات حتى هي حدا اسماء وزاد محمد هو لول صااق وتبعوه الطوموبيلات بتلاتة بيهك..
الحاجة : يااربي تسهل الاموور ياربي تيسر لينا ولجميع المسلميين يارب ياربي تجعل هاد المناسية خير علينا كامليين
خديجة:الحاجة هزيتي الخواتم عندك تسنااايهم ..
الحاطة:لا هاهوما عندي
خديحة:كون عطيتيهم للحاج يعطيهم لتريتور راه خاصكم يتحطو مع الطيافر
الحاجة:تانزل ونعطيهم لييه طبك التمر فيناااهو عندااك تنسياااي
خديجة:لاا حطيتو فالكوفر لور مع الهديات..ماعيطوش ليك هليات العروسة ماتعطلناش علييهم لا
الحاجة:ماعيطوش وماعيطش لييهم ياك الوقت هو الوقت والعشية هادي يلاه نقضييو الامورو ونخليهم تاهوما يرتاحو… اسما كيجاك هادشي شفتي طيافر صباح
اسماء : شفتهم كلشي زوين تباارك الله …الله يكمل عليهم بالخييير
الحاحة:امييين اميين العقوبة لييك تانتي ابنيتي ونفرحو بييك…
حدها تبسمات وحدرات راسها سااكتة لو كان عندها حل اخر عمرها تفكر فالزواج ولا يطيح فبالها…. باقة مزال عند تفكيرها والزواج عمرو بان ليها الحل المناسب ولكن مع ناصر ولا كيبان ليها اخر حل ليها..بالصدفة طلعات عينيها بدون شعور شافت فمحمد ورحعات حدرات راسها فحين هو كان مركز فصوقان مارجعش هز عينيه..
مدة طريق حتى دخلو مع واحد الشارع طويييل مجبد كلو فيلات ما وقفو حتى للحد دياالو فين كان باب واحد الفيلا مفتوح وجوج رجال واقفين قداامو…وقفات حدا رجليهم طوموبيل ديال محمد ونزل هو لول عاد تبعاتو الحاجة وخديجة واسماء والمهدي مشى عندو وغيثة جات عند العياالاات…
الرجال غير بعينيهم سلمو على العياالات خواو ليهم طريق يدخلو فحين الرجال دخلو لنفس الدار ولكن دخلو لصالة اخرى حيت قاسمين بيناتهم الرطال بوحدهم والعيالات بوحدهم عاد تقريبا شي خمسة الرجال كل واحد هاز طيفور فوق رااسو عامرين باللباااس الصباابط التواب العابايات وحتى القفاطن الحنة والورد وروايح واجمل هدية كانت فطيفور بوحدها عبارة عن مصحف فلون الزيتي وصلاية جنبو مطوية ومقادة حتى هي فالاخضر ملكي..عطر المسك وقراعي اخريين جنبو وقطعات من المسك واعواد الارك وبلاطوات بشكل طالع كل طبقة فيها حلوة فشكل وبلاطواات البانكييك عاد كيكة كبيير مكتبة عليه اسم العرسااان بجوج بيهم…
عند الباب وقفات العدووزة ب بلاطو فايديها فيه الحليب والثمر معمر وموراها واحد البنت هازة فانوسة طالع منها فوار خفيييف عاطي منو ريحة المسك وعود القمااري كتحرك بايديها الفوار يمشي لجيهتهم..شربات الحاحة هي لولا داك الكاس وهزات تمرة فايديها ودخلات كتسلم على باقي العائلة واسماء حتى هي موراها دارت نفس الشيئ عاد غيثة مورااهم…
الدار كانت كبيييرة و وااسعة خاصة الصالة اللي غيجلسو فيها من فراشها واتااتها مكتباانش فييهم انهم من ناس الطبقة المتوسطة بل لباس علييهم الجييلج بيض لدرجة اسماء غير شافت فييه بان ليها وجهها بحال شي مرااية الصدادر تقليدين ضايرين بلون ازرق ملكي والصم النقري مزيينهم وطبلة متسوطة الصالة زجااجية رجليها على شكل احصنة موقفينها…جلسات اسماء حدا الحاجة وغيثة حداها من لهييه وبنت اخرى من عائلة العروسة على جنب اسماء ليمن متكية على دراعها كتشوف فاسماء غير مبسمة بضحييكة زويينة كتصنت بييهم وهوما شي كيسول فشي وشي كسوب على شي حتى قالت الحاجة ضااحكة..
الحاجة:فينا عروستي ماغنشوفهاش هههه
النسيبة:الله ياودي هي لولا هه….
نااضت قدامهم بقفطان بيج والمضمة فوق السرة هازة صبيعاتها واخا كانت كبيرة فالعمر كتبان فيها امراة متولة وانييقة ومهلية فراسها مضورة الزيف على خدودها كيبان شوية من شعرها حريري كيخرج ليها من الجناب..مشات دقائق وتمات راجعة بالعروسة غير قربات دخل علييهم وقفو عائلة العروسة كيصليو على النبي فرحانات بيها وموراها كانو ربعة البنات داخلين بنفس اللبااس ونفس لون الشدود على ريوسهم وحدة هازة يحال اايطب كبير وحدة هازة بندير كبيير كحل وتالتهم فايديها دربوكة عاد الاخيرة هازة نواقص طلات عليهم اسماء بفضول تشوف العروسة حتى كتبان ليها دااخلة وسط عائلتها كانت طويلة وعودها رقييق بقفطان طوييلة بحال لون سماء زرق فاااااتح مشدود من جيهة خسرها بحزام رقييق عاد زيف مليوح عليها كاملة مغطيها كتبان هازة الكمام على ايديها مخلية البراسلي دهبي رقييييق فدراعها اللي حتى هوما رقااق كيباان كيبري وخاتم خفييف انيق فصبيعاتها معلية فيهم عينيها مبسمة زوية وملحة العوينات صغار وفمها مجموع صغييور وسنينات مستفيين بيضة مايلة للشهوبية ومشات سلمات على الحاجة ضااحكة عاد تحنات سلمات على اسماء وكملات بشي لاخر كانت بلاصتها موجوودة جلسوها فيها واسماء غير كتشووف فيها وكتقارن راسها بيها فجلستها المتولة وشوفتها الهادئين تهز عين وتحط لاخراا باينة فيها ثقييلة و مرزنة ماشي شي وحدة خفييفة حتى قاطع تفكريها وحدة قاصت فكتفها..
_نتي خت العريييس..
اسماء:لاا هه ولكن بحال ختو ..
تكرعات فوجهها حتى كمشات اسماء ملامحها عايفة: متشرفيين انا سهام بنت خالت العروسة..
اسماء :متشرفيين احبييبة …
الحاحة بالهمس قربات عند اسما: كيجاتك عرووستي هه
اسماء:الزين ووييينة تباارك الله تقييلة ومرزنة تستااهلو ويستااهلها الله يكمل بخيير
واخا مكانش هاد الكلام من قلبها رائحة الغيرة من العروسة تسللات لدااخلها وهي حاسة برااسها كتحاول تشتت افكارها مكانش غير من لباسها ولا من حركاتها ولا حتى من زينها غير من نوع ااخر خلاها كتقول فداخلها ياريتني كنت فبالصتها…ماعجبهااش الحال تغير منها ماشي من عاويدها وهي تحدر رااسها مشتتة افكاارها حتى درات البال للبنت لي حداها كل مرة كتكرررع وكتشووف فيها وفينما كضور عندها اسماء كضحك فوجها وتقول..
سهام:غتولي لباااس علييك ماتخافي من واالو ربي حاضييك نتي محضية من عندو ماتخافي من تا حااجة..
مافهمات والو غيير ضحكات ليها وقلبات عينييها ودييك البنت ولات كتشوف فمها وكتعاود نفس الهضرة وكتكرررع حتى طلعات لاسماء التبووريشة حيت مكانت لا كتشوف فيها ولا كتكّرع بطريقة عادية…
اسماء بهمس:اويلي هادي ضاربة ضلعة محمرة ولا مالها فف ..(حسات بيها قاصت فكتفها وضارت عندها)
سهام:شتي اناا كنت صحة سلاام حتى جاو عندنا وااحد الناس غير من عائلتي وعطاوني توكال الله ينجييك عطاوه ليا مع حليب العروسة قالو ليا شربيه باش تزوجي موراها…وانا درت نيتي وشربتو وليت بحال شي حمقة حوايجي بغييت نحيدهم ونلووحهم ومي مسكييينة عرفتي كانت كضور بيا من فقييه الفقييه وماتفكييت حتى غفر ليا الله دنوب كنت كنصلي وندعي الله يفكني منهم …حتى نتي دعي الله ماتخافييش ياك كتصلي بعدا ماكتفوتييش صلااتك..
جات عندها مها..
_سهام نوضي ابنتي لبيت خالتك كتسول علييك
سهام:ءء واخا انا غنمشي غير نهضر معاك البنت..قولي ليا كتصلي يااك عندااك تقطعي صلااتك راه هي اللي غتريح قلبك هي لي غتربحك
_سهام نوضي اجي احبيبة اجي معايا(داتها معاها واسماء قلبها ولاا كيضررب بجهههد خلعااتها وحسات راسها مخنوقة فالجلسة معاها بحالا شي حاجة وقفات في فم قلبها حابسة نفسها حتى قربات ليها الحاجة عطات حلوة لتسنييم وتكات عندها بهمس)
الحاجة:مالها..
اسماء:ماعرفتش مسكينة عندها شي حاجة كانت كتعاود ليا..
قاطع كلامهم صوت دوك البنات او الاخوات بداو كيطبلو بالاناشيد دينية و وحدة كتنشد ولاخرين كيردو عليها والعيالات كيهمسو بيناتهم ويضحكو والحاجة قربات عند عروستها كتهضر معاها وضحك اما اسماء جاها نعاس ولات غير حاطة ايديها على فمها كتااوب خاصة مع هادوك الاناشيد الهااادئة ولاو عينيها طاايحيين باغيين ينعسو…
قدمو ليهم فالاول عواصير بالانوااع وحلوياات على الاشكال وعائلة العروسة عاد ما زادت كتكتر والصالة عمرات حتى ولاو جالسين فالمرح حيت الخطبة كانت كبيرة فيها كلشي بحالا عرضو على العائلة كاملة اسماء غير كتشوف وفينما تجي عينيها فشي حد تضحك لييه فمها ماهداش من الماكلة كل مرة مدخلين ليهم حاجة ها البيتزات صغيورين البريواات المقبلاات الخفييفة ابار على طبق المكسرات اللي محطوك قدامها مرة مرة تنقب منو..
دخلو العشى لي كان عبارة عن بسطيلة واللحم مبخر وطبيلات تجهزو بالكيسان وليفورشيط والماس وكل طبيلة عندها جوج سربايات خاصيين بيها كيتسخرو علييهم..اسماء شدات بلاصتها وتسنييم حداها وخديطة جنبها كتهضر معاها و واحظ المراة فالطبلة اللي جنبهم غير كتشوف فيهم حاضياها حتى كتعلي فيها اسماء عينيها وكتضحك ليها لاخرة وترد عليها اسمااء…
اغلبية العيالات اللي تما نااضو يصلييو عشاهم عاد يجلسو يتعشااو واسماء بقات جالسة كتشوف فيهم وحدة بوححة كتخرج دقاائق معدوودة ورجعو جلسو فلاصتهم وبداو كيسربيو علييهم حتى تعشااو مجموعين وجمعو دنيا وقادوها بحالا عمرهم تعشااو وهوما يدخلو شي ربعة البنات اخرين بداو كيقادو فبلاصة العرووسة ويجمع ليها بلاصتها حيت هاد المرة غتدخل هي والعريس ماشي بوحدها وديك المراة اللي كانت كتشوف فاسماء غير كملات العشى جات جلسات جنبهاا كضحك ..
_كيقوليك تعشى وتمشى وانا غير نتعشى كنقصد النعااس..
اسماء : ايلا تعشيتي وتمشيتي شي مادرتييه خاصك تعاودي واحد ااخر ههه
_والله العضيييم هههه خت العرييس نتي
اسماء:لاا و ولكن بحال ختو(فنسفها: الله يمسخني)
_كتشبهي للحاجة قلت تكون بنتها ههه
اسماء:يااك هههه
ضحكات كتشوف فيها عارفة اشنو جايبها لعندها حيت من دخلة وهي كتشوف فيها وتهضر مع شي بنات واش بناتها ولا الله اعلم وهاد الدخلات اسماء حافضااهم ماشي اول مرة تطيح فيهم..
_مزوجة ابنتي..
اسماء:لاا ههه ولكن مطلقة..وعندي بنية هاهي..
_بنتك هاادي ههه تبارك الله كتبان ختك مكتشبهش لييك ههه ياكما كتدي لباها ههه
اسماء:ماعرفتش ههه هادشي اللي كقولو..
_حسن ليك ابنيتي ايلا كان طلااق يريحك ويهني باالك حسن لييك حتى انا عندي واحد الوليد غير هو مسكيين ماتت ليه المراة ربعسنيين هادي خلات لييه جوط وليدات كي الفراشاات تواام ماتت فولادتهم مسكينة الله يرحمها عيى يقلب علة المراة اللي تهلا ليه فوليدااتو وتهلى فيه وحتى هو يتهلى فيه حيت رااه خدام وبدارو وطوموبيلتو ومرسم زعما ماتعانيش معااه ولكن مالقااش والو ابنيتي عيى مسكين يقلب غير كيسمعو عندو جوج وليدات كيهربو مابقاوش بنات نااس والو ابنيتي واالو
اسماء:الله يساهل عليه مسكين ايلا كان قادر علبههم اش بغى يدير بشي زواج يخاف يجيب ليهم شي وحدة تكرفس عليهم اللهم يدير بنااقص..
_الوليدات بداو يكبور ليه ونتي راك تعرفي خاصهم تصبينهم خاصهم طيابهم خاصهم مدرااستهم هو قاد بيهم من ناحية المصرووفة مايخممش فيه وليني اللي يقاب ليه دار مالقاش..اييه ونتي عمرك فكرتي تزوجي زعماكين مورا زواجك لول..
اسماء:لا هه صراحة مكنفكرش فلزواج حالياا
ردات عليها الحاجة..
الحاجة:كلشي بالمكتاااب ابنيتي ماكرهناش نفرحو بييك تانتي
غيثة:مالكم علاش داويين ههه
_لا واوو هه غ غير كنا داوين على جواج وسولت هاد البنية واش مجوجة ساعة قالت ليا مطلقة مسيكيينة ومكتفكرش تعاود تزوج
غيثة:اااه مسكيينة المراة المطلقة صعيب عليها العيييشة مسكيينة داكشي علاش خاص المراة تصبر مع راجلها كيف قبلات علييه نهار لوول تكمل معااه حيت صعييب صعييب بزااف تعاود تعيش مع واحد اخر
_بصااح صعييب بزاااف ولاهيلاا
غيثة:واصلا قلااال رجال اللي يقبلو بامراة المطلقة كي شتي دابا اغلبيتهم ولاو يمشيو البنيات الصغاار كتلقايهم غا بنات التمنطاش العام ومجوجة راه ولا باغين يكبرووهم على ايديهم كيقولو ليك ناخدها مطلقة مدية وجايبة فالزماان عارفة كلشي وتعرف تا قوالبهم اشمن حلاوة عندو هو فهاد الجواج ايلا ماخدمو فيه تحرميااات هههه
_والله ههههه
غيثة:والله مانكدب علييك ههه شتي تقوليك اي وحدة مطلقة وغتعاود تجوج مشكيينة راه اغلبيتهم غير كيضضحكو عليهاا صعيييب بزاااف ولاهيلا صعييب ايلا ادا لقات شي راجل كبيير فالعمر تاهو مدي وجايب فلزمان باغي غير راحة البال مزال هادااك تقد تعاود معاه الحياة لاكان غير ولاد هاد الجييل صعييب…كاينين شي ولاد الله يهدييهم كيلقاو شي بنيات مطلقاات وياكلو ليهم دمااغهم غنتزوج بيكم غنديير لييك وهوما والو فدماغهم غير التفلية حيت كتكون مطلقة وماعليها حكام كيقولييك نقدي فيها غرااضي ونكركبها وملي كتبان ليه معقوول ومعينيهاش فالتفلية صافي كيكربها يحيدها من طرييق مالقاش فيها اللي بغى..علاش كي قلت ليك كيبغيو بنيات صغار فعمرهم باقي مامجربين زواج كيتفلااو مع لمطلقات ملي يقديو حاجتهم ويشبعو عادريقصدو العزبات قلييييل فين تلقاي شي مطلقة صاينة رااسها فليييل بزااف اغلبهم ماكيلقاو لا خدمة لا والو كتقصد غير داكشي الله يعفو علييهم…
لوات الحاجة شفايفها مارضااتش بكلامها على اسماء هاد الاخيرة اللي غير كتسمع ماعودااتش موراها كلمة وحدة غير كتصنت وتشوف بعوينااتها حتى قاطع كلامهم صوت الصلاة على النبي كلهم شافو ناحية الباب فين كانت داخلة العروسة بلبسة اخرى هاد المرة قفطان جوهرة بيج جلساات فبلاصها وموراها تم داخل الاب ديالها كان حتى هو كيبان فيه رجل وقار عاد محمد موراه والحاج باه والمهدي وشي رجال اخرين..خواو ليهم العيالات بلايصهم واللي دايرة شي خمار كانت غطات وحهها ودارو عليهم زيوفااتهم كامليين ومحمد كانت بلاصتو جنب العروسة ومشى جلس حداها قراو عليهم سورة الفاتحة والعيالات كيزغرتو ويعااودو عليهم ركبو خواتم خطوبتهم مكملين ليهم مراسم الخطوبة تحت زغاريتهم والصلاة والسلام على نبي وغيثة حاضية غير ولدها فمو محلول فاسماء كيشوف فيها اما هي مكانتش فهاد العالم عينيها سارحيين قدامها فلرض كلام غيثة مزال كيتردد فودنيها كل كلمة قالتها بقات كتحفر فقلبها بحال شي سم وكيختاارق جسدها خاصة انها ام للسيد اللي كتقول انها مقبل على الزااج به تسمع منها هاد الكلاام …كلمة المطلقة من ديما كانت تابعااها وديما كتسمع الهضرة فضهرها ولكن هاد المرة تعطات ليها فوجهها..علاش حتى هي ماتكونش فبلاصة هاد العروسة علاش حتى هي متكونش بحال جميع البنات فدارها مع راجلها ومضورة بيها وليداتها كان اقصى حلم عندها هو تكون اسرة بسييطة وتعيش معاها باقي حياتها..
حساات بالخنقة وصدرها تزييير عليها ولات باغة تنوض من وسطهم وماقدرااتش حيت كانو كيهضرو على مسائل الخطوبة….حتى شافتهم بداو كيفرقو عليهم اتااي والحلاوي والرجال تجمعو كيهضرو بيناتهم والعيابات بوحدهم عاد هزات تيليفونها…
اسماء:الحاجة ماعرت فيناهي طواليط نغسل غير لبنتي وجهها ..
الحاجة:لاكنت نعقلل سيري نيشان ودوري على ايديك ليمنة راه جيهة البااب دالزنقة..
حركات راسها وشدات فايد بنتها وناضت من قدامهم وغيثة متبعاها بعينيها جامعة فمها على شكل نقطة اما اسماء دخلات للطوالييط بدموعها وقفات عند المرااية كتنش على رااسها خايفة الكحل يسييح ليها باغة تبكي وباغة تغووت ولكن السبب مامعروفش ماشي غي كلام غيثة ولكن هاد اللحضة بالذات بحالا كلشي تكب عليها مضيومة وحارقها قلبها والسبب ماعرفاتوش حتى بدا كيصوني تيليفونها لقاتها الحاجة مها وخرجات من الطواليط خارجة لبرا ودوزاات الخط..
اسماء:آلوو ماماا..
الحاجة:كيديراا ابنيتي كيبقيتيي شوية
اسماء بصوت مخنوق شادة البكية:لبااس اماما
الحاجة:مال صوتك مخنووق ياك لبااس
اسماء:لباس اماما لبااس غير مع للحلاقم وصافي
الحاجة:هاكي ها بااك بغى يهضر معااك..
الحاج:اسمااا
اسماء:بااا كيدااير
الحاج:مالااباس وااالو ابنيتي جي عندي مالااباس واالو
حدرااات رااسها عاضة فايدييها ماتسمعش صوت ودمووعها داااايزيين بحال شي شلااال كينزلو كلها كترعد وتنخصص والحاج فتيليفون كيهضر
الحاح:آلوو ااسماا ..اسماا كتسمعينيي الوو الوو
اسماء قاظت صوتها مامبيناش:هاني ابا كنسمعك
الحاج:جي عندي ابنيتي جي شوفي باك جي راكي هرستي ضهري وابنيتي جي طلي عليا واش انا غدا ولا بعدو تايقولو دا مول الامانة امانتو عاد تحي تبكي علياا ماتبكييش عليا ايلا مت ماتبكيييش
اسماء:الله يحفضك اباا ماتقولش هكااك الله يطول فعمرك تموت نتا وتحمقني انا…. شكون عندي من غيركم رااني بوحدي ابا من نهار خويت دارنا وانا محكوورة حسيت بيك اباا الزماان غدااار حسييت بييك كنتي تقولها ونقول راه غير كيخربق حتى وجربتو وعرفت بحقك ضارت ليام ابا وحطاتني بوجهي
الحاج : واجي عند باك ياك كنتي تقولي انا ضهرك راني باقي واقف ابنيتي واخا كبرت قاد بيك و وبنتك غير جي عندي حطي راسك على راسي بالي ماهانيش من جيهتك عمري حطيت راس على المخدة ومافكرتش فييك(كتسمع مها كتقول ليها اراا ) حيدي بلاتي واسما سمعتيني ابنيني
اسمتء:سمعتك اباا انا غنجي..غندوز عند ابا كون هااني
الحاج:جي ابنيتي اله يرضي علييك دوزي عندي
الحاجة:اراا لهنا ارا (حيدات ليه تيلفون) اويلي على رااجل كيبكي..الوو اسما دوزي ابنيتي دوزي عند بااك تقليد الله فعنقك
اسماء:صافي غنجي اماما والله حتى غندوز انا مكيناش فالدار دابا معروضة لواحد الخطبة غدا ندوز عندكم صاافي…
سمعات شي خطاوي موراها وهي تلفت حتى لقااتو محمد موراها تمااماا واقف وايديه فجياابو… وهي تودع الحاجة وقطعات كتمسح فدموعها وهو وقف قدامها ومد ليها كلينيكس شداتو منو كتمسح تحث عينيها…
اسماء : ماحسييتش براسي هه..سمح ليا ماخصنيش نبكي فخبطتك
محمد:مارديتيش لبال لواحد القضية..
اسماء:ءء م ماعرفتش
محمد مبعد نظرو عليها :اغلب كلامك معايا كطلبي فيه السماحة
اسماء كتمسح فدموعها وكضحك :يمكن حيت وقتما تلاقيتك كندير شي زبلة تخليني نطلب السمااحة..
ضحكات وهو تبسم كيشوف لبعييد مكيبغييش يطول فيها الشووفة حتى قال..
محمد:عندك شي مشكل !
اسماء:لا …غير بابا شوية عيان وخاصني نمشي نشوفو
محمد:واش شي حاجة ايغجون نوصلوك عندو..
اسماء:لا لا غير شوية وصافي دابا نمشي عندي
يلاه كان غيهضر وهو يحس بشي حد شد فايدييه حدر رااسو لتحث وهو يلقاها تسنييم لصقات فايدييه هازة فيه رااسها ضاحكة بحال هاد الايموجي 😄 جابت ليه الضحكة واسماء بغات تجرها لعندها..
اسماء:تسنييم اجي لعندي ههه
تسنيم:لاا عنمشي مع عمو..باش نلعبو تاني يااك
اسماء:وقت لعب هذاا اويلي اجي لهناا(بغات تجرها وهو يحبسها بايديه بلاما يقيصها)
محمد:غير خليها..خليها تمشي معايا (جر ليها نيفها ضاحك وهي فرحاانة)
اسماء:ولكن نتوما جالسين غير مع الرجال
محمد:مافيها والو غير خليها…
سكتلت مبسمة كتشوف فتسنييم ولاخرا كتخرج ليها فلساانها لقات محمد على الكانة شد ليها بخاطرها واسماء غير ساكتة ماعرفات ماتقول وهي واقفة قدامو حتى حسات بيه بغى يمشي وهي تعلي راسها دغيا….
اسماء:عروستك زوينة تبارك الله كتبان بعقلها عرفتي تختار ههه
محمد : عجباتك…
اسماء:ممم زويينة وثقييلة كتبان فيها بعقلها غتجي معااك هههه ولاهيلا عرفتي تختاار
محمد : خاصك تقوليها للواليدة هاد الهضرة
اسماء:ع علااش (تدكرات) ااااه حيت الحاجة هي اللي جابتها ليك نسيييت ولكن ماعندك ماتساالها عرفات تختار لييك ياربي غير تهلا فيها ودريها فمقاام مها وحتى نتا تهلا فيها وكون ولد الناس معاها
محمد : ايلا كانت معايا بنت الناس
اسماء:محمد ( كان ملفت لهيه غير سمع اسمو ضار شاف فيها) كلشي بابدييك نتا ماشي هي ايلا كنتي معاها ولد ناس والله الهضيم حتى ماغتشوف منها غير الخبير، مماتخلييش شي حد يهضر ولا يجبدكم على فمو واخا غير نصيحة ماتخليهش ينصحك فمرااتك حيت غيير كيدخل طرف تالت فالعلاقة تيق بيا ماكتملش من عند الله كتعييش ما تبقى غير فالمشااكل عكس ملي كتكون حاط راس على مراتك محتارمها ومحتاارمااك محافض عليها ومحتارم قراراتها وحتي هي محتاارمااهم…. عمرك تحاول تهز عليها ايدييك ولا تحادييها( حدرات راسها كتكلم وهو حس عليها كتهضر على راسها) الايد اللي كتهز نهار لول عمرها كتبقى طيح وديما كتبقى مهزوزة وضعيب بزاف تخليها تعاود تحتارمك ايلا ضربتيها …ماكتنصنش وماكتسوقش لمشاكيلها مع ماماك… ضروري من المشاكل وعمر شي دار هانية وضروري سوء التفاهم ما كيوقع نتا حاول تكون الطرف المحايد تسمع لهادي وتسمع لتانية وماتحكمم على تاوحدة كيجي واحد النهار وكيتصالحو كتبقى عدوزتها وفمقام مها ولكن لي كدير فيها نتاا مكيتسناااش هذا هو ديفو فينا حنا العيالات ايلا شفنا شي حاجة مكتمشيييش من بالنا واخا مانعرف شحال يدوز عليها خصوصا ايلا كانت من الرجاال..ماتخليهاش حتى هي تولي غادا وسمية المطلقة كتطعن فضهرها ديما كيبقاو الشكوك فيها ماتخلي ما ديرر وتشد تيقارها تا تعيى وعمرها تسمعها زويينة اللي جا كيمسح فيك رجلييه ويزيد وينقص ويهضر فشرفك(علات فيه عينيها مدمعيين وشافت بعيد حابسااهم ماينزلووش فلخر سكتات وحاولت تضحك)
محمد : خاصك تعرفي واحد القضية…الطلاق ماشي نهاية العالم واخا كنشوفك دابا معتابراه هو اخر حاجة غديريها فحيااتك…من كلامك كنضن قبل ماتطلقي تعرضتي للعنف ربما عشتي لياام صعييبة واش غتبغي تكملي فيهم غير ماتطلقيييش الله عز وجل مي شاف الضلم اللي كنتي عايشا فيه فضل يخرجك منو والمخرج كان هو الطلاق..وتيقي بيا كل مخرج من مصيبة ايلا وكيكون بين ايديك مفتااح للسعادة..الرسول صلى الله وعليه وسلم(ردات موراه) كاع زوجاتو مطلقات ايلا عائشة…ااطلوحيدة اللي كانت بكر ..رسوول الله كنقوليك اطهر مني ومنك ومن جمييع الخلق ونتي كتقولي ليا كلمة المطلقة عيب…والمكلقات اللي تزوج منهم غتكوني اشرف منهم غتكون شي انثى فهاد الكون اشرف واطهر منهم…طلقتي ومن بعد شنو المشكل فيها …ربما الراجل اللي كنتي معاه مكانش كيستااهلك قلييل الحيى ماتفاهمتتوش غتفضلي تطلقي منو ولا تعيشي حياتك كلها عداب فسبيل ماتسمعييش هاد الكلمة…غدا ولا بعدو ايلا كتاب وتطلقات بنتك كيفاش غتكون نضرتك عليها…حاولي تحيدي هاد الفكر لي عندك فعوض ماتعيشي فالماضي حاولي تلقاي الحل كل ضيق ايلا وعندو مفتاحو…ومفتاحو بين ايدييك نتي لي عينييك معيمين علييه…
كانت غير ساهية وكتصنت لييه كلامو كان كيتسلل لعقلها ولقلبها بحال شي مرهم باارد وكيتكب فوق قلبها محاول في عافيتو اللي شعلاتها غيثة بكلاامها..شافت فييه بامتناان لكلامو وكلينيكس بين ايديها كتلعب بييه بين صباعها حتى حسات بيه كيتحرك باش يمشي ..
اسماء:تسنييم غتبقى معاك ايلا صدعاتك دخلها غير مع البااب غنشووفها صاافي..
حرك راسو بايجاب وقبل ما يمشي جبد بزطامو وخدا منها كارط فيزيت عطاها ليها..
محمد : ايلا كانت شي حاجة انوغمال ف باباك اتاصلي بيا واخا ؟
خداتها منو مبسمة وهو دور عينيه فالشارع اللي كان عامر مع العشية ودنيا مخلطة اغلبيتهم دراري ورجال هي فاش خرجات مارداتش لييهم اصلاا الباال..
محمد:دخلي نتي…شوية نشدو الطريق انشاء الله ..
دخلات قدامو مشات وهو مشى شاد فايديه تسنيم كتقنز وتلعب للطوموبيل يجييب السخرة اللي خرج على قبلها اما اسماء دخلات عندهم للداخل كانو الاخوات حبسو من الاناشيد ديالهم وبداو كيعطيو اقاوييلهم والعائلات بجوج كيهضرو والحاجة مع نسيبتها وعروستها كضحك باينة من عيونها فرحاانة بيهم جلسات اسماء فبلاصتها وخشات ديك الكارط فيزيت فبزطامها خايفاها توضر حيت بالنسبة ليها مكاانتش كارط او نمرة عااااادية بل من عند شخص مهم و امتى ولا مهم فحياتها غير معرووف…
سوايع دازو وهي غير جالسة قارمة على رجليها كتهز وتخط فعينيها وكل ما شاف فيها شي حد كتبسم لييها وتجمعها فلبلاصة ماعندها خاطر اما غيثة مابقاتش ضارت بيها جالسة بعيدة علييها حتى دخلات ديك البنت سهام غير شافتها اسماء حدرات راسها مابقات هزاتو ليها خلعاتها من طريقة كلامها قبيلة وديك البنت غير كتشووف فيها حتى ناضت الحاجة وخديحة وغيثة عاد وقفات هي موراهم عرفاتهم غيمشييو سلمو على العاائلة وشي ودع شي وخرجو للطوموبيلات كل واحد شد بلاصتو وكسيراو شادين طريق لديوورهم..
الحاجة:دوي معاها نتا امحمد والله مابغات تسمع مني جلسي غيير ليووم والله مانشدك غير ليوم استاراحي وغدا سيري لمحاالك
اسماء: والله اخالتي ماكرهت بابا مريض وقبيلة كيصوني ليا وكيبكي اقسم بالله العضييم وغنمشي للدار باش غدا فصباح نمشي عندهم غير سمحي ليا عارفاني مانرجعهاش فوجهك نعوضوها مرة اخرى
الحاجة:ااش غنقوليك ماكرهتش تجلسي معايا ولكن باك هو للول الله يجيب ليه الشفااء من عندو الله يهنييك عليك..واش غيمشي للسبيطاار ايلا كانت شي حاجة قوليها لمحمد يمشي عندو لكينيك يتهلا فييه..
اسناء:عطاني كارط فيزيت الله يخلف عليه ايلا كانت شي حاجة نعيط لييه واخا مكنتمنااوش ليه نعسة السبيطارات..
الحاجة:لهلا يقسمو عليه ابنيتي صعييب علييه الله يجيب ليه الشفااء من عندو يااربي…ايوا وتسنيم غتبقى معايا يااك اش قلتي تبقااي ههه
تسنيم:اه نبقى حتى ينعس كللللشيييي ونلعبو انا ومحمد
الحاجة:ولفاات محمد دغياا هههه بقااي معااه ااش قلتي تبقااي معاناا ..
كانت حالسة قدام محمد وهو صاايق غادي مع طريق مبسم وكيشوف فيها مرة مرة وهي ضاحكة كتحرك راسها باه باستمراار ماعيااتش
اسماء:غتقلب ليكم غير راسكم بالصداع ااش بغيتوها
الحاجة:خليها اش فيها را بحالا فدار جداهاا
اسماء:الله يطول فعمرك اخالتي ربي يخلييك..
غير شدو طريق صحيحة وهو يرجع تسنييم لوور…وصلوها هي لولا حطوها قدام الداار ونزلات هي وبنتها سلمات عليهم كاملين وطلعات فحالها زولات عليها لباسها ولباس بنتها ولاحتهم يتصبنو حيدات المايكاب وغسلات وجهها وايديها ورجليها وجبدات خنيشة من الماريو ديال الحلاقم شرباتها هي وديال السخانة واخا ماكيعطيو تا مفعول كتشربهم كيبردو عليها ديك الساعة وغير كيدوزو شي ساعات كيرجع ليها نفس الالم…كانت تسنييم نعساات بالعيى هزاتها كتبوس فراسها وحنيكااتها خاشية راسها فعنقها كتشم فريحتها مغمضة عينيهاا براااحة كتحمد الله وتشكرو على هاد النعمة اللي عطاها..وحطاتها فوق السريير عاد شعلات ليها تلفازة وتكات ترتااح يلاه غتقوول الله على راحة حتى سمعات دقان فالبااب وهي تقفز مخرجة عينييها بسيف باش قدراات تنقك وتقول شكوون
غير سمعاتو صوت بنت رخات نفس وناضت حلات حتى كتلقاهاا هند واقفة قداامها بصدمة حلاات فيها ععينيها مخيط ليا لساانها ماعرفات ماتقووول ..
هند:غتخليني فالباال ؟؟
كمشاات ملامح وجهها مافهماش سبب مجيتها وحلات الباب فوحهها خلاتها دخلات وسداتو وتبعاتها…
قدام بابا الموبل خرجات اسماء طلى عادتها بجلابة كحلة انيييقة عندها مخزوير كيف ديما هذا هو لباسها فالجلالب غيرالمخزاني حيت كيكون خفييف وعريض عليها ما لاصقش على لحمها خازناها غير لمناسباات مطروزة بالحجر من جيهة الصدر وطويلة حتى لتحث مع صندالة سماطي بلا طالعة بسميطات حتى لصيقانها ببيضة وصاك صغير جنبها خاشية فيه تيليفونها وسوارت فايديها اللي مضورة عليها الفاصمة على حسب الحرقة…
طلعات مع الشاارع نيشان قاصدة مدرسة تسنييم غادا غير بجسدها تفكييرها وعقلها كلو كان مع كلام هند لباارح اللي جات لاحتو عليها ومشاات، بحال شي فلاش باك كيتعاود فمخيلتهاا كل كلمة باقا عاقلة عليها كيفاش خرجاتها هند من فمها وكل كلمة مزال لحد الان كتحلل وتفصل فيها حتى سمعات صوت ميساج فتيليقونها ماتوسقاتش ليه قالت غير اتصالات تاني مصدعينها حتى عاود تسيفط واحد اخر وهي تجبدو كتبقشش فيه البوطونات بزز باش قدرات تجبد الميساج اللي وصلها لقات فيه..
هند:ملي تكملشي شغالك صوني ليا …
وقفات فبلاصتها شادااه كتفكر ماعندها مايداار ولكن دماغها اللي مشغول بقوة التفكييير اسماء من النوع اللي .خدام جالس.. مشغول غادي.. ماشي.. واقف ..مامرتاح ..ما مهني.. يلاه غتزيد تكمل الطريق حتى كتسمع شي صوت مورااها قال..
_واش سخيتي تابهاداك اللي فايدييك..
تلفتات دغيا مزيرة على تيليفون وهي تلقااه نااصر مورااها سيفتو خلعاتها عينيه اللي كانو خضرييين ولاو حمريين بالضرابي اللي فيهم واللي عطاه محمد وجنب فمو مزال مجروح والدم مكبد فيهم ماتسوقاتش لييه وكملات طريقها وهو تابعها من لور كيهضر..
ناصر:وقفي رااه دااوي معااك وقفي…
اسماء:سيير بعد مني انااصر ماعندي كانة لييك..
ناصر:وقفي غيير نهضر معااك وسيري…
ماجوبااتوش سرعات فخطواااتها..
ناصر:وا وقفي ..واش باغة غير شوهة مخلية قوم عباد الله كينفرح فيها وقفي نقول ليك جوج كلماات وسيري ..اسمااا
اسماء : نتا اخويا مامعااك هضرة واش بغيتي تااني شي فضيحة ولا شنوو قدام بنتك هاهي خارجة من المدرسة شوية سير فحالك راك غير ماكتزيد تكرهها فييك بهاد الفعاايل..خلي بلاصتك زويينة عندها
ناصر: ايلا بغيت نهضر مع مهاا عيب ولاات عيب دابا زمان ملي كنتي كتهربي من داركم وتخرجي عندي مكانتش عيب..نفكر ايلا نسيتي اش كنتي كديري باش توقفي معايا خمسة دقايق فراس درب
اسماء: زمااااان وماحشماناش منها وكنقولها كنت صغييرة ومعنديش العقل بنت سطاش العام اللي ربيتي نتا ماشي خمسة وعشرين عاام اللي رباها زمان …كون جيتيني دابا وتشوف واش غنفوت العتبة على قبلك..سير بدل ساعة باخرى انا وياك مابقات بيناتنا هضرة …
وقف فبلااصتو خلاها مشاات وهو قلب دورة مشى فحالو مغدد بالكلام اللي كسيمع عليها فالدرب والطوموبيلات اللي كل نهار وحدة تحطها وحدة تهزهاا خلااو قلبو كيغلي بالغيرة اللي مامعتارفش بيهاا فحين هي وقفات قدام باب المدرسة حتى بداو كيخرجو الدرااري من بينهم تسنيم خرطات كتجري لعندهاا وهي تحنى باست على راسها وحيداات ليها الشكارة
تسنيم:عندناا غدااا الحفلة غنجيبو الحلوة والموناضة قالت ليا استادة لبسو مزياان باش تصورنا وتعطينا نتيجة وانا نخاف وهي تقول ليا لا نتي غتجيبي مزيااان
اسماء : عااارفة بنووتي مجتهدة على انا تخفااي علياا يلاه اماما عرفتي فين غنمشييو
تسنيم صابحة نااشطة :عند المييييمة …
ضحكات ورجعات باستها عاد مشات لعند الحانوث اللي مقابل مع المدرسة خلات ليه شكارتها وقصدو الشاارع العام شدات طاكسي صغيرة مبااشرة لداارهم ..مدة طويلة بقدر البعد على دارهم حتى حطهم الطاكسي خلصاتو ونزلات لدار الحاجة…
كانو ديور مستفيين بحال شكل ديور المدينة القديمة كلها بدارو وكلها ب باابو مفارقين ماشي عماراات واقفيين …مكنوة من جوج ايطااج فالبرتقالي كتبري من الحوايح المنشورين فالشراجم وشباكي دالخضرة كتبان دار عامرة وفيها عائلة ماشي خالية، عند البااب كان مفتوح محنية عندو بنت بالجفااف كتدي وتجيب فييه وتعصر فيه فالسطل بجوج صبعاان عاايفة باين فيها الشقى ديال بزز غير شافتها اسماء ضحكااات وقربات عندها حتى حطات رجليها عند العتبة وديك البنت هزات فيها راسها يلاه غتبدا تعاير غير شافتها وهي تقفز مصدوووومة وبسرعة تعلقاااات فيها معنقااها كتغوووت بالفرحة واسماء كضحك معنقاها وتانية كتزية عليهاا حتى كتبغي تخنقها بعدات عليها كتبووس فخدودها بفرحة ونزلات هزات عندها تسنييم ..
كنزة:خاالتو الغزااااالة اااش هااد زين ياسيدي ربيي شهاااد الفونووون نااري ياختي تقةلي غير انا فالصغر شوفي شحال كتشبه ليا الشعر شعري اختي والبياض بيااضي والحجباان حجبااني والفم فمي غير العينيين تااع باهااا هههه
اسماء مبسمة : هبيييلة باقا مابغيتي ديري عقلك..
كنزة:ناري والله حتى توحشتك حراام علييك عمرك تفكرتيني حتى بتيليفوون ولا قلتي ختي نسول فيها وكبر منك زعما شكون خاصو يسول فلااخر
اسماء:على اسااس عمرك سيفطتي ليا تا ابيل موا سيلتوووبلي(جبداتها) وفكرتيني فييك
كنزة:ابيييل موا سيلتوبوولي ههههههههه عقلتي عليهااا ( تلواات على ركابيها كتموت بالضحك ) ناااري غنموووت نسيييتها الله يعطييك الوييل فكرتيني فيهااا تعقلي تعقلي
اسماء:عاااقلة ههههه بليمارة نهار سمعتها سيمانة كلها وانا نعيب فييه حتى زفات علياا ماما صبحت ناعسة فالدروووج..
كنزة:هههه وانا فسطح سهراانة مع نجووم هههه دخلي (علات صوتها كتعيط)ماماااا ..دخلي راه كتسنى فيك لفوق نوضات فينا القوق علة صباح نضنا كتسوسو قالت لييك بنتي جتية عندي تقول جاية من لاليماان
طاحت بااضحك تااني واسماء غير تفكرات هاد الكلمة غرغو عينيها بالضحك كل كلمة عندها حكاية خاصة مع ختها ايامات المراهقة وايامات الصغر كانو كيف شي توأم مكتفارقهم غير الحاجة وحدة للسطح وحدة للدروج حتى كيجمهو ضحكهم عاد دخلهم ..عكس الان حتى نمرة بعضياتهم ما عندهم شنو اللي خلاهم يبعدو لهاد الدرجة ؟
اسماء طلعات مع دروج الفوق فين كانت الحاجة كتسناها سلماات عليها ودخلات عند باها باست على راسو وسلمات عليه وهو ميبوس فايديها ويعاود فرحاان حتى بدات كتبكي وهو معنقها عندو فرحاانة والفرحة غتننقز من عينيه..لحضات حتى جاو عندها عيالات خوتها سلمو عليها وتفرقو كل وحدة تخزنات فبيتها مع ولادها…
عبد المتقي:كيدارا ابنتي مع دنيا وماعندك الجههد ليهاا والزمان صعيب عليك كيبقاات ايدييك انشووف شوية ولاات
اسماء:شوية ابا والله ايلا لباس الحمد الله
عبد النتقي: صوتك ماهوااش مال عنقك منفوخ مالكي
اسماء:غير الحلاقم راك عارف فاش كيجيوبني كيمحنوني وواقفة بيهم غير بزز دابا نولي شوية
الحاجة:تي هاد الحلاقم مابغاو كاع يفوتوك سيمانة ونتي جابدة بييهم
اسماء:ماعرفتش اماما كنحس بعنقي ضارني وفمي مخنوق من هناا بزز باش كنزل ريقي واقيلا قلت من الحلااقم..
الحاجة:اري نشووف…حلي فمك..حلي مزيااان..اويلي وحلاقمك ماممفووخيين كااع سرطي رييقك( حتى غمضات عينيها على شكل غمزة عاد قدرات تنزلو بزز ) ياكما حلقك طايب علييك منيين هاادشي
اسماء:ماعرفتش دابا نولي شوووية..
طلعات كنزة مع دروج زداف زدااف بداك السطل لاحتو فالكوزينة وجات عند اسما جراتها تنوض معااهاا..هي تجر وباها يجر
غبد المتقي:خليها كااعدة معايا
كنزة:انوريها واحد الحاجة ماما هضري
الحاجة:نوضي تصلي الضهر غيفوت علييك خليها تهضر مع ختها هاهي حدااك ماعندها غين تهرب..
اسماء:انا اباا حدااك غير تصلي ونجي عنندك ..
ناضت مع كنزة لبيتها دخلو وسدو علييهم وتسنيم تلاحت فوق النانوسية جاتها رطب من ديالهم ناضت تنقز فيها واسماء مقابلها زكاي ما زكااي اما كنزة حلات الماريو جبدات كااع اللي عندها حطاتو ليها من عقوود دهبية اكسيسواراات رواايح حواايج..
كنزة:شووفي هاادي عرفتي منيين( هزات واحد الكسوة نصها معري) سيفطوها ليا من الاماراات عرفتي شحال كديير 6000 درهم مغربية عمري لبستها خفتها تقطع ليا ولا شي حااجة..و وشوفي هادي تااهي جاتني معااها
اسماء هزات واحد تيليفون: مال هذا خااسر..
كنزة:لااا خدام مزال ماجبدتو نخدم بيه عندي واحد ولكن ايلا جبدت هذا راه كيدير مليون ونص ايفون لخر غتشوفو ماما وغتقول ليا منين جااك وفكها يامن وحلتيها..
اسماء:وفعلا نتي منيين جاك تا من الخدمة ماشاداها مكّودة..(بشك غمزاتها) ولا يكماا داكشي دياال لهييه واش تا نتي خااشية راسك فييه ؟؟؟؟
كنزة:مالكي حماقيتي اويلي ههه انا عمري فكرت اصلا تانمشي لييها كنسيففط البنات اللي باغين يمشيو انا مكنمشييش ..
اسماء:واش كيمشييو يدرو تماا..
كنزة:وكل وحدة اش كيديها اللي بغات باش تعيش راه كتقصد الحلاقة مثلا ولا فاندميناج لوا غكى الله خدامي الحلال ولي بغاات النزااهة راه باين فين كتمشي..
اسماء:واش عندك شي عقل ولا ماتكستتبيهش واش عارفة شحال ديال المشاكل فهادشي وهاد البنات اللي كتسيفطيهم واش عارفين راسهم فين كيمشيو شحال من وحدة تلاقايها مسكيينة محبوسة تما بزز عليها باش ترجع خاصها تحط راس مالها كلو تبيع راسها كلو ومايكفيهااش
كنزة:اختي الله يهديك راه مكنسي تاوحدة بزز عليها راه اول ماكيجلسو معايا كنعطيهم يقراو الكونطرا عجبهم الحال يسنيو ماعجبهم يخرجو فحالهم ماكنسيط تاوحدة بزز عليها
اسماء:مي ايلا سمعت هادشي مغيعجبهااش الحاال ما تخلييش دوك القمام ديال خوتك يحلو علييك فمهم احتارمي راسك خلييك بعزك
كنزة:ايلا ماقلتيهاش ليها نتي ماكين لي يقولها واصلا خوتي بجوج مكنهضرش معاهم سمعي مك جاو من عيالااتهم..ديك نهار خرجت تقديت شي حوايج من المول الكبير ياك جبتهم هنا وجبهدتم كنطوي لماما شنو خديت وهوما يبداو يتناقزو اري نشو هادي اري نشوف هادي تاقطعو ليا الكسوة خايدااها بالعشق ياختي بعشرين الفرياال قطعوها لياا انا ماعرفت شكون فيهم حيت بجوط كانو يتجابدو جمعتهم بجوج بردت فيهم غدايدي الغد ليه صبحو قاطعين لغايا قلت ليهم سيرو تقدو كلامكم ولا بلاتش..
اسماء:رعااويين يموتو على عيالاتهم عندهم زهر ياختي بحالنا حنى زهرنا حار سودانية ماشتيش واحد ديك النهار جا عندي اري تسني على الارض ونتي حتى نتي بوحدك قبلتي تسني على ارض مك تعطيها لييهم..
ناضت من قدامها كتطوي فالكسيوات وترجع فيهم..
كنزة:ديك البلاد قصتها قصة من الاحسن قلبي موضوعها
اسناء:علااش ااش قصتها
كنزة:سولي با هو اللي غيعاود ليك مي غير بعدي منها هي براسها مغلوب على حاالها..
وقفات عليها اسمااء..
اسماء:قولي ليا نتي ااش كاين اشمن قصة موراها
كنزة : اسماء ختي راك عزييزة وعارفة معزتك فقلبي راك ختي وبنتي الصغيير ربيتك وربيتيني ماقادة اختي على مشاكل معااهم راهم حاطين راس على راس وايلا نعتو فيا ماغيفرقونيش علييهم سولي با يعاود لييك
اسناء:ياك اختي خوتك مادوزو فيا الزيينة وكملتي هتي مخبية لياا الله يخلف علييك عارفة نتي با يعاود لياا ؟ هاداك واخا يعرف يخبي سر طول عمرو ايلا كان عارفني غنتفقص منو ومايعاودوش ليا
كنزة:وايلا قلت لييك تستريني ماسمعتي مني ماقلت لييك
اسماء : راه على هادشي عمري فكرت نرجع للدار ولا نجلس فهيا نهاار على هادشي شي يحفر مورا شي وشي ماباغي شي والمشكلة غير الخوت يا حسرة شاديين فعيالاتهم ولايحينا حنا للتوش مابقينا عرفنا شكون سبق حنا ولا هوما..
كنزة: نتي راك تزوجتي وطلقتي وخرجتي عشتي بووحدك انا راه نهار نبغي غير نسافر مع البناات يحطو فيا العجب المتعجب الخنقة اللي خانقيني مادايرينهااش لولاادهم هوما لخرين راه غير زايدة عليك بالصبر وصافي..واجلسي نعاود لييك ..
جلسو بجوج وكنزة ناضت سدات البااب مزيان عاد رجعات جلسات قداامها كتعااود ليهاا..
كنزة:ماما راه مابيها لا حج لا جوج لا هي لا باباا..عقلتي نهار خرجتي من دار ااش قال لييك باباا قداامهم..
اسناء:عقلت قاليا دار دارك وايلا ماسكتو نكتبها فسميتك وجلسي بسييف علييهم ياك هادشي..
كنزة:ايييه الالة وبابا باقي عند كلامو…غير مؤخرا تاني كانت ناضت المكارعة على قبلك وعلاش تكري وعلاش تطلق ودايرة وفاعلة وراطلك كان دروييش معاك ونتي الي طلعتي بنت الحرام ..هاد الهضرة ديالهم راك حافضاها..وهو ينوضي با راك عارفاه فاش كيحلف حيد طاقية وشد فصلعتو مسكين ماعمدو شعر ههه قاليهم وديني حرام علياا تا حقي فالدار مايكون غير لاسما والله الواحد لا حط فيه رجلييه..
اسماء:اهااه
كنزة:ايوا وهوما شعلاات فييهم العااافية عارفين يا ايلا مشى تاحلف صافي عمر شي كلمة تجي فوق كلامو..ولاو خايفينك تاخدي دار وتزيدي تخشاي معاهم فورث ماما فالبلاد دالعروبية زعما ولاو فاضحينها تكتبها لييهم وبغاوها تجي تهضر معاك باش تسيني وماما ماقادة على صداع قالت ليهم زعمما غتمشي تقوليك يتسني على البلاد باش خويا يعطييها الفلوس تمشي للحج..بقات مشهياه ليوم غدا ليوم غدا حتى لواحد نهار قاليها انا لي غنمشي لعندها ومشى عند واقيلا هي فاش سيفطتيه باغي يبخ دم هههههه
اسماء:هي قولي ليا هادشي كامل ناض غير حيت با بغى يكتب ليا الدار
كنزة:هادشي لي كاين ايلا كنت فهمت الموضوع مشقلب الله واعلم شوفي كيدير وجبدي الموضوع مع با …ماما لاا راه كتخاف من صداع ماغتقوليك والو…
اسماء :ياك نتي مكتهضريش معاهم فين سمعتي هادشي..
كنزة:راه ناضت المضاربة قلت ليك بيناتهم وبين با وماما حتى من الجيران ولاو باغين يطلو يتفرجو ماحملووش با علاش قوليهم اسما هي لي بنتي واسما هي مولات الشيى زايدين حتى العيالات بالتحراش واحد الصباح تا تم جاي عندي هشام على الصباح دق ما تدق ملي حليت عليه مشى ليا الماريو باغي الكاطالوك ديال تصاورنا ملي كنا صغار قلت ليه اش بغيتي دير بيهم قاليا باغي تصويرتو معانا ملي كان صغير ..اويلي سيد عام وهو قاكع لغى وصابح عليا اري نشوف تصااور هذا كاع فيه وحش ليناا..
اسماءعطيتيهم لييه..
كنزة:على هو كيسول هزهم ومشى يعطيني اختي غير تيقار انا راه وليت خايفة غير يطل على واحد جيهة عندي ايلا شافها غيحوالو عينيها راه عندي ثمن فيرمة تما هو كيقلب وانا كنترعد …
اسماء:ولااش عطيتيهم لييه اصحبتي وفيهم تصاوري معاك وحنا صغار غيلوحهم غير لمرااتو داباا وماما ما قالت والو..
كنزة:مافيها والو راه الكاطالوك ديال دار كاملة ربما بغا بصح يشوف تصااورو ..
اسماء:علاش هو فين عمرو تصور معانا مالك دايخة فين كان عقلك نهار عطيتيهم لييه..
كنزة: ماانعرف صافي انا راه كنت مشطونة غير مع حوايجي لا يمشي يشوفهم راه وليت كلشي كنترعد بغيتو غير امتى يخرج..دابا نقول لماما تدخل تقلب عليهم فبيتو..
اسماء:غيير بلااتي دابا نتوالاااوهم ايلا مانوضت فييه الشيب الحمر ماشي اسمااء ومامزغرتة عليا مي سبعة التزغرييتاات والله عمري نحدر لييهم راس واخا تنطابق السما مع لرض لا شافو من عندي القرش…ولاد الحرام على انا نسى مادارو فيا نهار طلقت جاية ب بنتي كنتكعور من الباب حبسوني كون ما مي يجريو عليا للخلا..وليت مليوحة للزنقة مضاربة على صنادق الكرا ايلا مادمرت عليها مانااكلش لا انا لا بنتي وكل مرة جايبين ليا خطاب بحالا خايفيين نفضحهم ولا نولي ندخل رجال عليا ولا مانعرف اش كيقول ليا راسهم..
كنزة:ودابا بيني وبيينك(غمزتها بشقاوة) علاش مابغاش تزوجي وباقا صغيرة وفنننة زين زيينة والفورمة كاينة نقصي غير ديك الكرش اللي كطل علياا ..شعر زويين كلشي فيك هو هادااك علاش متبغيتيش تزوجي..
اسماء:اختي انا عمري فكرت فالزوااج براكة عليا غير ديك الوريدة منورة ليا حيااتي(ضارت شافت فيها وهي تلقاها كتقلب فوق الناموسية) تسنيييم جلسي لرض غيضرك رااسك
كنزة:خليهاا تلعب ماالكي لعبي احبييبة ماديهاش فيهاا كملي لياا…
اسماء:ايوا صافي
كنزة:زعما زعما مامعمر ليك شي حد العين ما مشهية شي حد ما عاحبك شي حد ومتيمكنش ايلا كان هكا يعني رك باقا كتبغي لاخر
اسماء:من نيتتك دكرنا سمن والعسل هاداك حتى تفارقت معاه عاد عرفت راشي كنت خرية مزوجة بهاداك شكون غتقبل عليه العار
كنزةصباح الخيير قلتها ليك نهار جيتيني فرحانة تصاحبت اكنزة تصاابحت جيت نشوف لقيتو شميكير درب تاهو يتصاحبو معاه نااس..ايوا ملي ماكتبغيهش هو تي غيير كّري كري ختك انا العار ماقولي هههه
اسماء:هههه هبيلة كيداير شحال عزييز عليك هادشي..(حدرات عينيها لتحث كتلعب بصبااعها وقالت كتنننهد بخنقة) واخا يكون تانتي….عارفة ختك عندها زهر ؟.. انا راه مايجي غير لي يحطمني الحاجة زوينة ماكتلقانيش..
بحماس اكثر واسماء غير حادرة راسها فاش تدكراتو..
كنزة :شكوون هذاا لعااار شكووون
اسماء:ماكين والوو ههه وعمرها غتكوون راه غير انا راسي شوية تخلوض وصاافي دابا واخا نحلم بييه وانا فايقة عمرو يكون فنصيبي..
كنزة:علااش..ياكما ماات !
اسماء:الله يحفضو لميمتو حماقيتي هههه…( شافت فيها بابتسامة منكسرة) خطب….اصلا انا ماتلاقيتو حتى كان بقى لخطبتو سيمانة هههه
كنزة : اوااه تزوج صافي
اسماء:لا غير دارو خطبة كبيرة ولكاغط مغيضربوه حتى لخر فشهر واقيلا..
كنزة:ايواااصااافي خلعيتيني اصحبتيي غير خاطب فيناهو زواااج تانتي كيقوليك بوركاابي وهو صاحبك ديالنا كاملين وهو خطيبك ديالنا كااملك ونهار يولي راجلك ديالك بوحدك يعني تا دابا باقي الحال ماتعرفي ااش كاين
اسماء : لا اختي لا اويلي هو اصلا فشكل زعما باقي صغير ماشي شي واحد شااارف يقبل على مطلقة واخا هو كيقول راه عادي ولكن عندو اول تجربة فهاد زواج مامدوز ما معاود حتى هو غيبغي يكون ليها اول واحد فحياتها ماشي مجربة..غير انا شوية محرومة ديال المشاعر هههه وهو حنيين وكلامو عرفتي طيب ملي كيهضر معاك كتحسي براسك عندك قييمة كبييرة فالحياة كلشي كيبدا يبان ليك زويين فاللحضة اللي كنكون كنهضر معاه كيبدا يبان ليا كلشي فالدنيا مايستاهلش نتقلق علييه حتى حاجة ماتستاهل نبكي عليها ولا نخمم فيها (حكات راسها مبسمة)جاني فشكل وعمر ليا راسي لا غَيْر…
كنزة:زعطتك خاايبة اختي طحتي هاد نوع اللي قلتي ليا صعييب تلقااايه وصعيب يكون ليييك حيت هاد النوع لي قلتي كيكون دروييش كيكون كلام واليديه فوق كلشي ومانضنش واليدييه يبغيو وحدة مطلقة..وزايدون اختي نتي شحال من واحد كيجي فييك عمر شي حد زعما عجبك ولا جاك على الكانة من غير هذاا
اسماء : انا غير قلت ليك كنفكر فييه وصافي كتأولي فالهضرة تانتي شكون جبد شي زعطة داباا
كنزة:ممم وكتباان فييه كتاكلي جواانط عليييه سيري تخرااي قالاا اشمن زعطة
ضحكاات محاولة تبدل الموضوع كلما جبداتو وسط كلامها كيمشي بالها لييه..
اسماء : اييه ونتي زعما ممانااويااش ديري شي عراااسية تفرحي ديك المراة مسكينة
كنزة:لا اختي مامساالياش ليه دابا…والله ايلا راسي عااامر ممطاارق مانزييدش بهمو حتر هو…راجل اختي غير صداع راس ايلا جيتي تصاحبي خاصك لييه الاهتماام وكل نهار صبااح الخييير اش فطرتي اش كليتيي فين مشيتي ااش لابس عنداك يضربك البرد عنداك دير عنداك هاادي عند هادي اما ملي تزوجي يالاااطيف خاصك توكليه وتشربييه وعند ليل تزيني ليه باش يجرك يكوييك ويعطيك بالضهر وينعسك ومالي عليهااا هانية مع مخي خدامة على راسي واكلة شاربة ضاحكة فاش كتجيني دودة راه كنمشي نتصاحب نهار كنمل كنقلب على زمر..
اسماء : والله اختي ايلا زواج هذا هو اللي قلتي مافيه لا زيادة لاا نقصان ومن لفوق يزيد يكمل عليك مالك ااش كديري نهار كامل ونتي ناااعسة ولكن كاينيين ولاد نااس قلاال ولكن كاينين لي كيعرفو بحق المراة..
كنزة:انا عارفة حقوقي مغيوريهمش ليا..كون لقيت الوناسة انا نمشي لضوباي قسما بالله مانزيد الضربة هنا ناري اختي وكون بغيتي تمشي معاياا ويلي ويلي نعيشوو النعيييم تما الفلوس تولي كي رووز تصب كي شتر ولكن بااحلاال انا راه ماكنمشييش الحراام
اسماء:دبي والحلال كي العافية مع الما عمرهم يتلاقااو
كنزة : واسيري غا نتي دماغك فيه هادشي على حياة باش دارت داك صالون حياة صاحبتك لي كنتي خدامة فيها
اسماء:ولكن هاديك راه كانت فساعودية
كنزة:بحااال بحااال غا ساعودية فيها ق/حاب عشرين درهم وضوباي ميتين درهم وهي الكدوب على الله حرااام وصلاتني خبارها وعمرهم شافو عليها شي حاجة كانت فسالعودية مقابلة واحد المراة شارفة توكلها وتشربها وتخرقها وتنعسها وهي عايشة معاها فدارها كانت لابااااسون عليها ونهار ماتت جمعات الحصيصة اللي خداتها من عندها وحات دارت المحال والطومزبيل ودافعة فالدار قدااش هاديك دارتها بالحرام والله اختي ماكين شي حرام كل وحدة وفين كتمشي لي بغات الحرام راه كتقصدو ولي بغات ااحلال راه كتقصدو..
اسماء : لا لا انا واخا نفكر فيها بنتي ماتمشييش ليا تما ومانديهاش لديك البلاد اصلاا
كنزة:ايوا كببريهاا فالزلط والميزيرا كيفك نتي داباا علاه ملي غتزيد هي تكبر شوية غتبقى ترضى ليه بصباط عشرين درهم والله وماحطيتي خمساالااف لصبرديلا بوحدها لا لبساتها وزيدي تاهي تولي مضاربة غا مع الصالونات مع شعرها وضفارها وباسهاا والله اختي ماتقدي عليها ايلا ما كنتي خدامة شي خدمة بالبيرو وهادي عمرك تحلمي بيها وايلا ماكنتي طايحة على شي شارف ملعق ..
شافت بعيد بتفكييير وقالت مترددة
اسماء:لا لا اختي غير خليني فبلادي حدا ميمتي ااش داني لشي ايماراات ولا تخربييق تا تكبر بنتي تخدم ليا وتعوضني انا من حدي حية ليها مانخليها تخصص من تا حاجة…
كنزة:وهاكي سيري تقودي تديها تقريها تماا احسن قراية واحسن جامعة تدخليها ليها تقرا تا تعيى وتمشي تشد ركنة الخدمة غا دايعة(سمعو تعياط من برا ) هاهيااا جاية اماما بلااتي..والله اختي وبغيتي تمشي ماتخمي لا فطيارة لا ف فلوس لا فكرا لا تا حاجة انا نهز كلشي يلاه غير ونسيني..وافكري وردي عليا والله مانلقاش بحال هاد الهمزة..
ناضت كترد مسائلها للماريو واسماء سااهية كتفكر فيه وتعااود خدمات الحلال تاعياات قبلادها واللي شداتو ليوم تاكلو غدا و تجلس الله كريم…كلام كنزة تسلل لعقلها خلاها تفكر وتعاود كلات ليها دماغها وبينات اليها الصورة التانية لي كانت خدات على ديك البلاد ماشي هي لولا ولا لخرا اللي غتمشي وماشي بعيد يكون مفتاح السعادة اللي قال ليها محمد يكون فدديكك البلاد ماشي بلادها…
عند هند دفعات بااب الصالون ودخلات كتهضر فتيليفون وقبل ما تسد البااب ضارت كدير بسلامة بايديها لشعيب اللي كان راكب فطوموبيل كيديماااري ماسداتو حتى بان ليها مشى ودخلاات شادة تيليفون بين كتافها و ودنيها وايديها شادة بيهم صاشياات عاطية منهم ريحة اللحم …
هند : صافي انشاء الله بلاما تجي نتا انا غنجي عندك..
المهدي : قبل ما تخرجي صوني ليا
هند:واخا صافي يلاه بسلاامة..
قطعات علييه وحطات الصاشيات ديال الاكل اللي جاب ليها شعيب حتى جات عندها حياة وفاتي كيطلو معاها….
حياة : ياربي تسهل علينا براجل وكال بحال هذاا ماكين لا بيتزا لا كاكوسي ماكااين غير الشوا والكبدة وطيحان…
هند :طلع ليا فرااسي هاد اللحم انا قلت ليه جيب غير شي حاجة خفيفة فاش عرفكم معايا جاب بحسابنا كاملين …سعاد مزال ماجاات
خياة: راه صونيت ليها ناري ياختي شحال ديال الصداع عمدهم فالدار انا كنهضر معاها وكنسمع فمها كتغوت مع شي واحد يلاطييف
فاتي علاش نتي لاش بغيتيها
هند:ماشي انا اش بغيتها حياة اللي بغاتها انا مكنبغيش نصايب ليها على هكا الجيل ضربات بيه يومين عاد بان ليا هي مازويينش وقالت لييك تعاودوو الضساارة والله وكون كانت شي وحدة اخرى لا دخلات مرة اخرى ماعجبهاش تجي ديك ساعة ماشي تا تخور بيه تا تعيى وتردو ليا
حياة : صافي صافي ياك صاوبتو ليها انا خليني مني ليها راه مسكينة تعرفات على شي واحد واقيلا ولات مهلية فراسها تاهي قالت ليك كيعجبوه ضفار عنداكم تقولوها ليها .. ايلا ماتزوجاتش هاد المرة تسطى هادييك
دهند:على داك السم اللي فيها لا عمرها تجوجت دابا تشوفو (سمعو دقان وهوما يطلو من الباب لداخل) دكر الزرواطة يحضر الكلب..
حياة:سكتينا صااافي ناري فمك شحال خاااايب
هند:غنتغداو مغنتسنااوك حقك غنعطيه لفاتي بقاي تابعة هااديك
حياة:قاتي حقي نعرفو عندددك تاكلييه ناكلك…
هند كحلات بالعمى فاش شافت سعاد من زمان مكانش عندها معاها وهند من النوع اللي كيقراها طايرة فالسما من عينين بنادم كتعرفو ااش كيسوا الصاالح من الخاايب عدوها الانسان المنافق اللي يضحك فوجهك وغير تعطيها بالضهر يبدا علييك بحال سعاد هادشي اللي كيخليها بلا صحابات حيت عمرها تشكرهم بالحاجة ايلا مكانتش فيهم كتقول كلامها فوجههم يتقبلوه ولا مايتقبلوش قلبها على لساانها باغاك باغاك مابغاتكش مابغااتكش…جلسات تغدا هي وفاتي وحياة خرجات عند شعاظ متقاد ليها مع كانت وقيتة الغدا غير فاتت بداو كيدخلو الكلياانات مرة اخرى عمر الصاالون وناضو البناات يخدمو على رااسهم كل وحدة شادا كرسيها ومعمرة موراها كليااناتها شادين نوبة علييها…
حتى لواحد اللحضة هند خدامة تروونكيل وهي تجي عندها سعاد وقفات عند رااسها بهمس كتهضر فودتيها حيت شيشوار مجهد
سعاد:ايوا ااش بان لييك كلامي على حق ولا لا سمعتي الهضرة..
هند:سمعت الهضرة وخديت التحقييق دياالها اويلي اختي سعااد واخا تكون مقلوبة عليك القفة ماتكوني بديك التكوليخة جايبة ليا الخبار مشقبلة
سعاد:والله اختي تا سمعتها غتجوج والله مانكدب علييك
هند:جواج كااين ولكن ماشي بداك الولد اللي قلتي هذا،واحد ااخر لبااااس علييه كيعاادو بغا يحمااق عليها وحتى بغاتو قالو فهاد السيمانة غادي لداارهم يخطبها
خرجات عينيها بعدن تصديييق..
سعاد:دخلت عليه بالله..
هند:ومالي كنكدب علييك سولي حياة.. غيديرو خطبة وزواج مع هو معايش هنا فالماغريب غيديها معاه ل لالمان هي وبنتها ويلي مك كيعاودو علييه كيدياااار ياختي عندها الزهر تبااارك الله صبراات حتى صبراات وجازاها الله ماشي شي مدلولة هي لي دايعة تقلب على رجاالة وتجري وتحطجاري فالصالون تقطع فالشعر وتركب فالضفار وتقاد فالحجبان باش تعحبو..عاجبااه من عند الله طبيعية واصاارااحة هي اصلا زويينة اما ايلا تقادت ليه كا غتولي..
سعاد:ااه ايوا مزيان الله يكمل عليها انا يسحابتني ولات مع الولد اللي كان معاك مشيت غالطة واقيلا
هند:لا احبي مشيتي غالطة وياك نتي صاحبتها هادشي مافخباركش وبا صحابات غير بالهضرة هههه
سعاد:اختي هي لي قلبات علياا مابقات كتدوس معايا وكنعيط ليها مكتجاوبنييش واقيلا لا بدلات نمرة
هند:لا لاا غتكون سمعات عليه شي حاجة اصحبتي تانتي مساكتاش غير دايعة وجابداها على فمك والهضرة كتوصل علم الله ااش قالو ليها..
سعاد:كنعاود ليك غير نتي حيت عارفااك ماكتوصلي لا هضرة ماكتجبدي ناس على فمك..ماقلت والو اختي الله يساهل عليها راه بنتها بنت خويا مانبغي ليها غير الخير…ولكن داك الولد لي كان معاك ااش كان كيدير قدام بابها..
هند:هادااك يلالة صااحبو من برا لي شافها وبغاها وهو توسط بيناتهم هو لي عاود ليا هادشي ماشي انا كنقول من عندي قاليك جا دوا معاها على زواج وداكشي قالت ليه ب بنتي وانا منفرقهاش وراك عارفة اسماء كتموت على بنتها قاليها ماشي مشكل نديك نتي وبنتك غير قبلي علياا ايوا وقبلاتو وراه غادي لدارهم هاد سيمانة الله يسمح ليا مشيت فيها غالطة سبحان الله ربي كيجازي كل واحد على قد فعلو وهي بنت ناس ربي جاب ليها واحد تمناه كل بنت….
لاحت ليها هند هاد الكلام لي غير من وحي خيالها ما منو حتى كلمة صحيييحة مرادها منو غير تفقص سعااد وتنوض فيها العافية كيف نوضاتها فيها ملي قالت ليها راه المهدي ناوي يخطب اسماء وفعلا حظاتها من المراية حتى جلسات في الكرسي بوجه مخطوف منو لوون غبيينة قلبها بهاد الخباار بانت على وجهها ولات غيير ساهية وكتخمم …لقات الفرصة وناضت مشات خلاتهم غير كيشوفو فيها…حتى خرجات حياة من لداخل كتمسح فمها بسربيتة
حياة : شكوون خرج ؟؟
هند : غير واحد لفييعة خافت نيابها يباانو وخرجات قبل مانعيقو بيها ههههههه
حياة لاحت عليها ديك سربيتة وفاتي كضحك فهمتها : عيقتيي كاااع….
خرجات اسما لصالة عند عبد المتقي حتى كيبان ليها مسرح فوق سداري وايديها على كرشو فسااابع نومتو والحاجة حطات براد ديال اتااي قدامو ..
اسماء:بابا نعس ؟
الحاجة:تسنااك تا عيى داتو عينييه غير خلي شوية ويفييق
تنهداات وقربات باست على راسو مطووولة ..
اسماء:مابقات عندو صحة واالو با مسكيين عيى ..
الحاجة:هادي هي دنيا ابنيتي شكون غيبقى صحييح ايلا خطاتك صحيحتك ماكين اللي يعقل علييك….
مشات للكوزينة واسما تبعااتها بدات الحاجة كتعسل فالبرقووق فالكاسرونة واسما جلسات فصالة مونجي قداامها ..
الحاجة:فين بنتك عندااك تمشي للدرووج واعيريين عليها..
اسماء:لا رااه بقات مع كنزة غادا معاها للحانوث واقيلا…
الحاجة:ايوا عاودي ليا باقي دار بسااحتك داك ولد الحرااام رجع عندك تااني..
اسماءنكرات: لا من داك الوقت مابقيت شفتو…الله يبعد بلايا من بلاااه (دخلات عليها واحد البنية صغيرة واضح فيها يلاه بدات كتمشى على رجلييها حتى مشات عند الحاجة كتجر فكسوتها باش تشوف فيها زعما)
_ماااه …مااه
نشافت فيها الحااجة والبنية مغبنة كتعاود نفس الكلمة..
الحاجة:بغيتي ميييها انا نعطي لبنيتيي
اسماء:شكوون هااد الفنييكيييشة (هزاتها بااستهاا) شكوون نتي ممم
الحاجة:مريم بنت هشاام…ههه هاكي شريييهااا..
خدات منها الكاس كتحاول تشربهاو وديك البنية غير كتشوف فيها هازة ايديها كتلمس فوجه اسما وعويناتها كيتسارااو فملامحها بعفوية اما اسمااء من طبيعتها كتموتت على دراري صغار كتبووس فيها وتعااود….
الحاجة:هادي عمتي اسمااء قولي عمتيي ..عمتيي
_آتي( عمتي) …ويينة
اسماء:ءءء!!
الحاجة:زوييينة هههههه عجبتييهااا قالت ليك زويينة
اسماء:الله على الكبيييدة عجبتهااا ممم تا نتيي زوييييينة شهاااد اافن هادااا الغزاالة
كتلعب معاها حتى لواحد اللحضة وهي تدخل مرت خووها بلا كلمة بلاا جوحجهزات البنية من قدام اسمااء دايرة فيها تبسييمة صفراا والحاجة كتشوف فيهاا ..
_نبدل ليها حواايجها بااش تنعس هدا وقت عااسها(مشات)
الحاحة بصوت عالي: ايواا رااه جالسة معانا دابااا وقت نعاااس
اسماء:صااافي اماما
الحاجة:لاا بلااتي نشووف علاش تحيدها من ايدييك
اسماء رجعاتها: واصااافي اماماا عفااك ماقادة على صداع غتقول ليك شي كلمة غنوض ليهاا خلينا جالسيين راسي غيطرطق بلا بيها…
الحاجة:علاه مالو تايتطرطق ماالكي
لسماء:الله اعلم هاد رااس مالوو سيمانة وهو عاطيني لحرييق قلت من السخاانة شربت دواا من المغرب لمغرب كطلع ليااا…. و واحد الشقيييقة الله يستر قهرااتني غير من العشية للعشية ماعرفت مناااش واقيلاا من البرد…
الحاجة:كنتي قلتي ليا مشدودة من جيهة صدرك شوية وليتي
اسناء:ما شوية ما واالو بحالا شي حاجة واقفة ليا هنا يا ماما خانقااني وبلييل والو واش نقدر نعس حتى نفس ماكنقدر نطلعها كنت بغييت نسولك اماما غير لبارح تاني حلمت بشي وحدة تاني جالسة عند رااسي وكتبكي
الحاحة جلسات حداها: شي وحدك تعرفيها شتي وجهها
اسماء:لااا هادي اناا زعما كنشوف راسي انا جالسة عند راسي فهمتيني وكنبكي كنت ديما كنشوفها غير كتبكي تالول باارح شفتها كتبكي وكتنسل فشعرها بحال هكا منزلة شعرها كلو قدامها وكتنسل فيه بصباعها الله يستر بحالا فيها سرطان كتنزل فيه هكااك بالخصااالي…
الحاجة:يااااربي السلااامة وااش يكون هادشي زعمة..
اسماء:مارعفتش عمري عاودت لشي حد عليها
وهي كتعاود ليها على ديك الحلمة بالتفسييير التبووورييشة طلعاتها من صبعها الصغيير ولات كتحس بحالا فمها كيتقاال عليهاا سكتات شوية كتحسس فييه بايديعا ورجعات كملاات كتحس بيه تاني كيتقاال بحالا باغيها تسد وماتهضرش والحاجة نااضت من حداها كتصنت ليها وكتجبد من البلاكاار شي حاجة حتى جبدات قرعة دياال الما حلااتها وخوات شوية فايديها وخواتو بغفلة على وجه اسماء وهي كتهضر حتى تخطفاااات من بلاااصتها شااااهقة والحاجة تاني خوات شوية فايديها وبداات كتخوي ليها على وجهها واسمااء غوتاااات بجههد خلعاتها مخبية وجهها بايدييها وهازة رجليها كتحاولة تخبيي داااتها
اسناء:زكاااااي زكااااي امامااا كتحرقينيي زكاااااي
تصدماات الحاجة وقلبهاا ضرررب زايديها ولاو كيترعدو بالقرعة خوات تاني الماا كترش علييها واسماء مخبية..
اسمااء:واااازكاااااي زكاااي زكاااي زكاااي زكااااي حرقتينيي حرقتينيي اميي زكااااث(دخلات عليهم كنزة وسدات باب الكوزينة على عيالات خوتها جايين قاصدين الكوزينة سداتو فوجهم)
كنزة:مااالها مااالكي اسما
الحاجة:غيير شوية ديال الما دالقران كتقول ليا حرقتينيي…
بقات كترش عليهاا وتعااود واسماااء مع كل رشة كتشهق وتبغي توقف حتى كتعاود تجلسها الحااجة بشي رشة ديال الماا وكترجع تنزل كاانت بحال العاافية ملي تطلع وتشاابك وداك الماا كيطفيها هكاك كانت اسمااء
كنزة: اري نشوووف
خداتو وخواتو على ايديها لقااتو عادي بحال اي ماء وهي تحاول ترشو على اسما يلاه غتكبو عليها وهي توقف ولاااو فيها عشرة ضربااتو ليها بجههههد حتى تكففففح فلرض تخوى كااامل والحااجة تحناات دغيا هزاتو بغات ترش علييها حتى حبسااتها كنزة
كنزة:براااكة امااماا حيدييه براااكة
اسماء:قولييها تزكاااا قولييها (تكرعاات بجهههد ) تبعد منيي كتحرقني
كنزة : ناااري اختي كلك كترعدي مااالكي مااال هادي امااما اويلي
الحاجة شداات فرااسها : واااكنت عااارفاااها كنت عارفة وااقلت ليهااا صونييي راااسك قلللت ليهااااا حضييي راااااسك واااقلت ليهاااا ردي لبااال لرااسك
كنزة تخلعات: ماالهاا داباا غير قولي ليااا مااالهاا
وقفات اسماء بغات تخرج..
كنزة:فين غاداا
اسناء:قوليها تبعد مني غنمشي فحاالي قولي ليااا تبعد مني ماتبقاااش تحرقنيييي
حلات البااب خرجات وكنزة تبعاتها حتى مشات عند راس باها وجلساات شادة على صدرها كتكرع بحالا واحبة،ليها شي حاجة فصدرها خلاتها ورجعات عند مها فالكوزينة شداتها وهي كتنزل فخدودها وتندب وتقرص ف فخااادها
كنزةوصااافي اماماا صااافي اويليي ماااالكي واهضري معايا ماتخلعينييش مااالكي
الحاجة : وااتي ماشتيهااش ااش دارت على ما دالقران مااشتيهاااش كي حرقهااا كتقول ليا بعدي منيي ماشي بنتيي لي كتهضر ماشي هي لي تقول لياا بعدي مني شي حد كيهضر ليا فبلااصة بنتي كنت عاارفاهااااا(نزلاات وجهها كتندب) كنت عاااارفة غيسطييوهاااا قلت ليها ردي بااالك قلت ليهاا ماتقيييييييش فالصحابااات قلت ليهاا حيدي نية الهبيييييلة
تخلعات كنزة وداخت ولكن مابينااتش
كنزة : ص..صا صاافي اماما غيير كتخربقي ونتي البنت كاع سرسطتيها بالمتا قالت ليك ماتبقاش تخوي عليها عادي ااش فيها كتأمني تانتي بالخراافاات تخربيق كيدااير حيدي من راسك داكشي شكون بغى يديير ليهاا..
خرجات خلااتها ودخلات للصالة حتى تبعاتها الحاجة واسماء غير شافتها نيشات فيها بصبعهاا..
اسناء:بعدي منيي بعدي خلنيي جالسة ولا نمشي فحاالي والله حتى نمشيي بعدي منيي..
عبد المتقي تكعد: فاااين غتمشي ابنتيي فييين غاداا
كنزة:لتا قنت ابااباا غير كضحك ماغادا لتا بلاصة..
الحاجة قربات عندها واسما دايرة دايرة منها لاطونسون: قولي ليااا غا اشنو ضارك بااش حستيي هاا كيفاش كنحرقك عاودي لياا
اسماء:م مااعرفتش حرقتيني بداك الشيى لحمي كلاني طلعيتي ليا تبووريييشة
الحاجة:ووااش حسيتي بييه سخوون كيفاش حرقك
اسماء:لاا كان باارد ولكن حرقني ماعرفتش كييفاش امي ولكن حرقني حسيت بلحمي كياااكلنييي حسيت بيه شاعلة فيه العااافية (كتكرع بين كل كلمة)
الحاجة:عطيها شي رويحة نوضي
جلسات الحاجة حدااها شادة فحناكها وكشتوف فيها وهي غير كتكرررع وتضرب فصدرها مرة مرة بحالا باغة تخرج شي حاجة منو واحلة ليها اما كنزة جابت ليها ريحة وشدات عندها تسنييم عطاتها تيليفونها ملااهية فييه وبقات حااضية اسمااء اشنو كدييير..
يتبع
التعليقات 0