لحضات وهوما على ديك الحال حتى بدات كتهضر مع باها وبشوية بشوية كيفوتها الحال حتى نسااتو والحاجة تكمداات مابقاتش ناضت من حداها ناضت غير كنزة حطات الغدا وجابتو لييهم زينات ليهم الطبلة على حقها وطريقها ولكن الخاطر هرب لييهم..
عبد المتقي : زيدي ابنيتي ماتحشميييش دااركم هادي كولي بصحتك زييدي تسنيييم اريها ليا اريي نولكهاا
اسناء:لاا اباا غير خليهاا كتاكل بووحدها
عبد المتقي: خيااار ايوا كولي ابنتي مرحبا بييك فيين الدراري الحاجة مزال ما جاو..
الحاجة: ماانعرف لييهم ..( مابغاتش تقوليه ملي عرفو اسما هنا مابغاوش يجييو حتى تمشي)
بداو كيتغدااو مجموعين وعبد المتقي غيطييير بالفرحة باسما اللي جالسة جنبو اما عيالات الخوت غير تغداو كل وحدة مشات لبيتها تاني تخزنو فييهم واسماء جلسات مع باها كتهضر معاه ضاحكة حتى كتبغي تجبد معاه موضوع دار كتشوفو ضاحك وكدير بناقص و الحاجة غير مقابلاها بدون شعور كتلقى دموعها نزلوو وكتمسحهم بزيف لي على راسها…
يومها داز فرمشة عيين ماحسااتش بالوقت وهي جالسة وسط والدييها وسط وطنها و وسط الناس اللي كيحسسوها انها باقة صغييرة باقاا ديك الطفلة الصغيرة اللي محتاجة لواليديها يحمييو ضهرها براعيتهم كانت كتبان وسط منهم بحال شي مولود جدييد دخل عليهم فرحااانيين بيها وكيف العادة الواليديين فرحتهم كتباان غير من الكرش كل مرة يعمرو ليها طابلة والحاجة غير تحط وتهز ماتجي اسماء فين تحكر حتى كتلقاها حطات حاجة اخرى…طاحت ضلمة الليل وادان العشااء ادن واسماء خاصها يلاه تمشي لدارها واخا عبد المتقي عيى يشد فيها تبات غير ديك الليلة ولكن اسماء كانت مصرة انها ترجع لداارها خاصة على قلب تسنيم اللي مستحيل تغيب ليها المدرسة…بزز باش طلقوها مشاات…هزات معاها الصااشياات ديال الخضرة بجمييع للانواااع، اللحم والدحااج وحتى الحوت جبداتهم الحاجة من الكونحيلاكور حطاتهم ليهاا ودازت تاني كتجمع ليها فالزييت والكحيين والمعجنات والزبدة والكوفيتيير وشكلاط لتسنييم جمعات ليها تقدية دياال شهر وزيااادة وعيالات خوتها غير كيشوفو لاوين شفايفهم كيدونو اش يقولو لرجالااتهم …نزلات معاها الحاجة حتى بطوموبيل دكنزة كانت غتوصلها ونزلو حتى دوك الميكات للموفر خشاوهم وطلعو والحاجة وقفات عند الشرجم..
الحاحة:غداا نمشييو ولا بعد غداا نمشي غدا حسن ااش بان لييك هااا
اشناء:واخا اماماا واخا غير عيطي ليا علميني قبل ونمشي معاااك
الحاجة:غنعيط على واحد صاحبتي تعطيني نمرة راجلها راقي كلشي كيعاود عليه على مزيناتو نمشيو عندو هو مانمشيو عند تاحد اخر صااافي
اسناء:صافي شناعلااخطه يكون خير …بسلااامة تهلااي فراسك وفبا
الحاحة:ماتغبرييش زورينا
اسماء:انشاااء الله..بسلااامة
الحاجة:فاماان الله سيري الله يرضي علييك الله ينور طرييقك ويبعد عليك ولااد الحرااام …
بعداات خلاتهم مشااو وكنزة كسييرا نيشان للدارها حتى وصلاتها قداام البااب وخلاتها نزلات حيدات داكشي من الكوفر حطاتو قدام العتبة وسلمات عليها من البااب ومشاات وهي طلعات داكشي بشوية بشوية حتى دخلات كلشي للدار وهي تخرج عندها رشيدة..
رشيدة: ااش داكشي ا اسماا هههه
اسماء:الخيير ازين ههههه
رشيدة:بصحتك..جات عندك واحد البنت كانت كتجي عندك شحال هذاا نسيت ماع على سميتها وقالتها لياا ..
اسماذة :شكوون؟؟
رشيدة: راه قصييرة وشوية سمييمرة جات بجلاابة نمرية شعرها كحل وحجبانها مصبغيين عرااض
اسماء:سعااد؟؟؟
رشيدة:اييييه ايييه سعااد ولاهيلا نسيييت سولات عليك ومشاات
حركات راسها بايحاب دخلات وسدات عليها البااب كتحيد عليها جلابتها من البااب بقات غير بديباردو وشورط قصيير بيض هو الديبارد جمعات شعرها الفووق وتسنيم تابعاه من لقنت لقنت..
تسنيم:جيدي لياا كسوااتي
اسماء:هانا غنجبد لبنتي داباا غير صبري عليا بغيتسطي لحمرة يااك
تشنيم: فيها ديانا هنايا (حطات صبعها على صدرها ومشات تابعاها كتنقز واسماء كتقلب فالماريو)
اسماء:هادي ؟!
تشسيم:ااااه وشعري
اسماء: نمشوه دابا مالك غادا راايحة اري هادي خليها مسرحة باش تصبح ليك مصلوحة وسيري تنعسي راك قارية بكري يلاه غسلي سنيناتك واجي تنعسي حدايا…
خلاتها مشات تغسل سنيناتها وتكات هي فوق الناموسية كتقلب فالقنواات حتى جات تخشاات فيها تسنييم خاشية راسها فعنقها ومعنقاها بايديااتها صغييوريين كتهضر معاها على تطالحفلة تلمدؤشية فرحاانة واسماء كتبوس على راسها وتمشط فشعرها حتى داها نعااس وهي تطفي التلفاازة وتقلبات على ضهرها نعساات…
2:00
فلحضة وبدوون سابق اندار حلات عينيها فالصقف كتننننهج كلها عرقاانة وفمها نااشف بحالا كانت فشي صحرااء محبووسة حتى كتسمع الدقان فالبااب لي كانت كتسمعو فالحلم ضناتو كاين غير فالحلمة ولكن كام حتى فالوااقع، نااضت من بلاصتها بشويااا وجبدات تيليفون تحت راسها شافت فسااعة لقاتها جووج شكون غيجي عندها فهاد ليل شكون غيدق عليهاا…كاين شخص واحد ولي كتمنى ميكوونش هو..قطعاات الحس وسكتااات كتسمع (دق دق ) وكيحبس جوج دقاات وكيرجع لوور حتى وقف ومابقاش دقاان قالت غيمشي
حتى باانت ليها ساقطة ديال الباب كضور وصوت السااروت فالبااب كيتحل وهي تخطف من بلااصتها وناضت كتجري لباااب ماجااا فين يحلو عليها حتى شدااتو ودفعاااتو من لوور سداااتو وهو حاابسووو برجليييه كيدفعوو عليها بااغي يحلو نزلات عينيها لتحت من صبرديلة عرفااتو شكوون طااح ليها الما فركاابي والددم تسقط
من وجهها القوة باش تدفعو كتحس بايديها كيتعردو عليها مابقاتش قادرة تحكم فالباااب ولكن ضااربت معاه كتدفع فييه حتى حساات بمصاارنها غيخرجو بدفييع وهو قواا منهم فلحضة وهي تطلق البااب وهرباات لور وهو يدفعو بجهههد حتى دخل مليوح عندها
اسماء: اااش بغيتي انااصر ليييل هداا مااالك تاااني
هز ايديه كيلااوح بيه كيمشيي ويجي عينيه حمريين كيف الجمرررة
ناصر:نااااصر ابنت الق/حبة ناااصر هو اللي غيقتل زاامل بووك هاااد النهاااار ( ضار نص دورة دفع البااب تا تسد بجههههد علييه فاقت تسنييم مخطوفة من نعااسها) نااصر ابنت القح=بة ناااصر اللي كركبتيييه وخرجتي تقح/بنيي مع الزواااام/ل ضحكتي فياا العدياااان فرجتي فيا ولااد القح/اب كلشي ولا حاال فموو على ناااصر ابنت القح/بة نتي طيحي ليا وجهي انااا هاااا
اسماء غير شافتو فدييك الحالة عرفات حالتو ماشي حالة الشرااب حيت باينة فيه شاد فرااسو وعارف ااش كيقول من عينيه الحمرين عرفاتو مقرقب ومفوت كاع وهو يقرب عندها كيشوف مع حالتها ومع لباسها القصييير ولحمها اللي كان مفضوح كلو باااين شوفاتو بحال شي ديب عطشااان عينيه معسليين بشهوة كيييرة وبااينة ليهاا خلاتها تزييد تخاف منو اكثر..
ناصر : موجدة راااسك لييه هااا(طلع فيها صبعو ونزلو) لمن لاابسة هاادشي شكووون هذاا اللي كنتي كتسناااي فييه فااااايقة وحالة عينيك كتسنااي يجي عننندك شكوون هذاا
اسناء كترطب معاه : راك نتا اللي فيقتيني من نعاس شكون غيجي عندي الله يهيدييك اناصر
ناصر: الق/لاااااااوي ماشي ناااااصر ناصر ابنت القح/بة كضحكي علياا واش كنبان لييك انا بالودنيين دياالمن هاد الطوموبيلااات اللي كيحطووه وحدة تحطك وحدة تهززك الق/واادة شكووون هااادوك (ضور عينيه وهي تبان لييه سلعة اللي عطلتها الحاجة ولي شافها قبيلة دخلاتها حيت كان حاضيها حتى تجي محطوطة فواحد القنت وهو يضور بلجيييه بجهههد ضربهم حتى طااارت البوديزة ديال الزيييت والخضرة كلها تزلعااات فالبييت اسماء غير شافت هكااك دفعااتو بجههد..
اسناء:خرررج علياااا براااا بعععد منيي وااش نتا سووووقك واماشي سوووقك فيااا ياااك طلقتيني ياااك تبعتي كلااام مك وماتبعتييش كلااامي اااش بغيتيي دااكشي لي كتقلب عليه غير نسااه انا عمري نكون ليك مزااال نسااااني
هز ايدييه تالفووق ونزل علىزخدهاا بكل قوتو جاابها طاايحة فلرض وتسنييم قفزااات عندها كتبكي شادة فيها كتنوضوهاا وهو يعاود يجرهاا من شعرها لعندو وقفها ..
ناصر: لااا ليا ابنت القح/بة لاا لواااحد اااخر برررررب المعبووود ويقييصك شي ولد ااقح/بة من غيرييي تانح/وي عدووو ربوو ونقتلك ونثققتتتل رااااسي بااغاا تجوجيي هااا باغاا تجوجي بيييه هاااكي لزااام/ل بوك تجوجي دابا
جمعها معاهاا بخلف ايدييه حتى تصور ليها خاتمو فحنكهاا دغياوتجرحات ونزلو من قطراات من الدم ماكتجي فيين توقف حتى كيعااود يجمعها معااها وترجع طييح حتى دااخت فمرة مابقاتش قادرة تعطييه راس حساات براسها دااخ عليها وعلى شوية غتغيب بيين ايدييه وهو يهزها ولاحهاا فوق النااموسية وطلع فووقها بتصرفييق ماحااسش على راسو ااش كيديير كيشووف غير دم خاصو يباان ليه خاارج منهاا وتسنييم شادة لييه فتييشورط كتجرو على ماماها وكتبكي باغااا تحمااااق وهو كيضرب فيها بحالا كيضرب فشي جمااد ماعندوش احسااس وماغيحسش بدقاتو فحيين اسماء تحت منوو صافي دااخت عينييها كيتسدو وشعرها طايح على وجهاا كاامل ولا مجلخ باادم ولاات كتبان ليها غير الضباابة فودنيها غير طنيين رقييييق وصوت تينييم كتبكي وهو جامع لييها وجهها بايدييه مغدد كلما تفكر كلاام ختو سعاد اللي قالت ليهم غتزوج كيزيييد يضرب بكل جهدو ناوي مايخلي فيها حتى بلااصة اللي يشوفها واحد اخر غيرو وتعجبو…
ناصر جمع ليها عنقها خنقها حتى خرجات عينيها :تجوجيي دابااا سيري عندو تجوجي اببنت القح/بة لافيشووور ديالك نخسرها لييك ببررررر ماتكوووني لغيييير ياناا لزاام/ل بزووك يااا تمووووت
طلقهاا حتى شهقااات وعينيها تقلبو لفوووق بزز باش قدراات تنطق قبل مااتنفاااجر بالدمووووع
اسماء : ط طلقتيني …سالينا .قتلني…قتلني لاكانت العيشة غير معاك الموت حسن ليا
على اخر كلمتهاا ضربهاا بلكمة لوجهها حتى طووش فمها بالدم وهز ليهاا ايديها بجوووج لفووق حاكمم بايييد وحدة ولا فيه جههد ديال عشرة ماشي ديال واحد عكس اسماء الضعف لي نزل عليها هاد اللحضة عمرو كان فيها حتى ايديها مابقااتش قادرة تهزهم كتحس بحالا شي حاجة من غير ناصر متقلة عليها مامخلايااهاش تحرك مامخلياهاش تعطي ردة فعل، ونااصر مامسوقش لدمووعها حكم ليها ايديها لفوق بايد وحدة ولاييد تاانية نزل على دييبااردور قطعو على لحمهاا حتى بانو ليسووتياان وتسنيم بالخلعة غوتااات كتجر فييه من تيشوورت وتعض فييه يبعد وهو يضور ودفعها بتصرفييقة حتى تلااحت لوور وناضت هربانة منو خاايفة كتبكي عند الباب واسماااء تعااافرت حتى غوتاااات بجههههد باش يسمعها شي حد ويدخل ولكن شد ليها فمها بجههههد قطع ليها الحس ولات كتغوت غير بعينيها خاارجييين فيييه وهو يحيد ليها حتى ليسووتيااان ريوكّو سايليين عليها وعينيه خارجيين فيها بحال شي كلب مصعووور كينهج عليها باغي ياكلهاا…لصقااات تسنييم فالبااب جااامدة وفمها محلوول واحلة فيها البكيية غير دمووع اللي باينيين كينزلو بحال شي شلااال فوق خدودها الصوت باش تغوت تقطع فيهااا غير كتشووف فيه كيفاش تحول لبحال شي ووووحش و اسماء كتخبط تحت منوو عرقااانة وداتها كلها كترجف مضااربة تفلت من تحت منو ولكن القوة باش تدفعو وبااش تنووض علييه ماعندهاااش غير كتخبّط تحتو عايفة ودموعها كثر من بنتها نااازلين ووجها بالتصرفيييق حمررر ومنفوووخ وجناب شفايفها كيسيلو بالدمايات
وهو زاد زير ايديها لفوق حتى غوتااات مقصحة و واخا هكاك ماداهاش فغواااتها زاد فرق ليها رجليها حتى شهقاااات موعتة وهو يحكم رجليها برجليه بجوج، ايد شاد بيها ايديها لفوق وايد خدام كينزل فحواايجها بحال شي دييب عطشاان عليها وهي كترغب فيه بصوت عياااان وبالمرض سخفااانة ولات غير كتنييين….كان اقوى من جهدها كان صحييح كيف الجبال وهي بحال شي عصفورة مقطع ليها الجناح بالمرض حسات بيه وحش وحاشا واش يكون انس….
حدر ايدييه بسرعة كيحيد فالسمطة ماعندوش الوقت واسماء ولاات باغة تمووت مضااربة تحتو تنوض حتى كتبغي تفلت ايديها وكيرجع يشدها فااش ديرونجااتو ضررب بلكمة بجههد لوجهها حتى رصاات دااايخة قالبة وجهها لداك جييه كتنهج وهو يحيد سمطة ونزل سرواال شوية وتكى عليها حاال عينييه كينهج وهي براسها طايح للجنب دمووعها نازليين عدييمة القوووة كتبكي حتى حسااات بيه بحال شي سيف اختااارق رحمها غمضااات عينييهاا حتى تعصرو منهم دموووع مقصحة وعااايفة وهو كيمشي ويجي فووق منهاا بكل قوتووو جااعر عليها ٠امع ايديهاا بايد وحدة وتاانية كيعبز فلحمها باغي ياكلها وتسنيم واقفة فلباب ماعارفة ااش كيديير ليها غير كتبكي مخلوعة واسماء تحت منو ماقادراتش تضوور وتشوف فيها قالبة وجهها للجيهة لااخر كتحس بلحموو حرش كيتحااك مع لحمها حتى شاافتو حبس وتكى عليهاا كينهج باصوااات كتعيييف كينيين فودنيها عرفاتو وصل ل اش بغى ولاشنو سنيين وهو كيتسنااه منها من نهار طلقها وهي تهز ايديه بشوياا دفعااتو علييها وهو ينووض ضااحك خشى راسو باس عنقهاا بجهههد و وقف لبس سروالو وقاد صمطتو وعطاها بالضهر وخرج خلاها مغيبة موراه…مغيبة مغلوب على حالها..مكسوورة الاجنحة…ضعييفة ومحكووورة…
____
لو كان رجع الزمان بلور لوكان رجع غير بساعة مكّانية وقالو ليها ناصر غيدير فيك هادشي غيعيشك فهاد الرعب كانت غتضحك علييهم كانت غتقول السنين لي دوزت انا وياه ماغيخلييوهش يحطني فهاد الموقف ماغيقدرش يوصلني لهاد الحالة ايلا مكانش على قبلها على الاقل على قبل بنتو اللي نهار حملات بيها بالفرحة خرج كيصبح على ناس فونقة ودايع فالقهوة وكيخلص على عباد الله من عندو وكلشي على حسابو ونهار ولداتها وحلات فيه عويناتها عمرها شافت معاه من عينيه حتى لنهار حطو بنتو بييين ايديه، فكيفاش غتقبل هاد ناصر اللي دخل علييها من دابا شوية هذا ماشي الرااجل لي حلات عينيها عليه لي اول واحد فحياتها شد فايديها واول واحد فحياتها قاصها اول دكر واول رااجل بعد خوتها وباها كيدخل لحياتها….
بقلة ضعف بزز باش قدراات تهز ايدييها ناعسيين علييها وضوراات عليها ليزاار غطاات داااتها والدموع معصورين من عينيها الجهد دالبكى مابقااش عندها كتحس بروحها عيات ونفسها تهداااات غير باش وخرج اللي فقلبها مابقاش عندها الجهد لييه حتى تفكرات تسنييم وهي تلفت بانت لييها باقة واقفة حدا البااب لااصقة وعينيها خارجيين ووجهها صفرر باينة فيها يااكية ومخلووعة بدووون شعووور تكعدااات مابقاتش مسوقة لراسها كثر ماولات مخلوعة علييها..حركات ليها ايدييها لجيهتها…
اسماء:آجي..اجي اماما قربي عندي زيدي..
قربات عندها بشوية يلاه كتلوح الخطوة كلها كترررعد ولاات صفررة صفررة بالخلعة غير شدات فيها وهي تبدا تبكي بجهههد واسمااء هزاتها لعندها كتمسح فدموعها على وجهها وتبووس فراسها مخلوعة عليها نساات ااش بيها هي بصوت ضعييف بدون حيااة بااح بالغوات كتحاول تهدنهاا..
اسماء:علاااش كتبكيي ماالكيي مالك اماما ماااوقع وااالوو واالو احبييبة مااتخلعييش ماوقع والو هاني حداااك هانا مع بنتيي ماكين واالو
هي غير كتبكي بدون توقف واسماء قلبها ولا كيضررب ودموعها نزلو وتسنيم شادة فايديها وكتبكي باغة غير تهضر ماقدراااتش بغات غير تعاود ليها هادشي اللي شافت بحالا ماشي اسماء اللي عاشتو وماقدرااتش حتى تخرط الحف من فمها..
تسنييم:باباا (عصراات دمووعها شاااهقة واسمااء باست على راسها كتبكي)
اسماء : ماالو باااباك مااالو ششش صاافي صاافي بسم الله علييك اعوود بالله من الشيطاان اارحييم بسم الله عليييك تسنيييم (عنقاتها عندها كتسكت فيها) صااف اماما صااافي بااباك كان غير كيلعب مادار ليا والو غير كنضحكوو ههه علاش تخلعتي ماعجباتكش هاد اللعبة غنقوليه مايبقااش يجي عندنا صاافي صافي اماما
تسنيم شهقاات وحطات ايديها على وجه اسماء : وعلاش كتبكي
اسماء:تانا ماعجباتنييش اللعبة(بالبكى) خاايبة بزااف ماغنبقاش نلعبها معااه صافي يلااه صاافي احبييبة شش ماتخلعييش غير لعبة غنقوليه مايبقاش يجي عندنا صافي من ليوم ماغنبقاوش نلعبوها صافي ششش صافي يلااه بنتي غدا غتمشي للحفلة وتفرح مع صحابااتها وتجي ليا نتيجة ونخرجها ونلعبها فالزعلوولة يلاه واصافي براااكة…
حطات راسها على صدرها كتكبطب علييها وهي حبساات من البكى ولكن الشهقة ديال الخلعة باقة فيها مرة مرة كتشههق حتى كتحبس فيها النفس كتطلقها حتى نعساات عليها واسماء دايرة بالها معاها ناسية رااسها ولات كترعد بالخوف عليها وعلى هاد النعسة ليدارت واخا هي ناسعة كتشهق بالبكى، حطاتها فبلاصتها وونزلات هي تكات فلرض عينيها ضبااابة بالدمووع مقادرااش حتى تقييص لحمها عااايفة وكل انش فجسمها كتحس بريقو باقي لااصق فييه…
ناصر بعدما خرج وسد عليهاا البااب كيضور عينيه فالبيوتة حتى كيباان لييه البيوتة دغيا تشدو واىضوااو طفاو باينة فيهم كانو فايقين بيهم ماتسوقش ليهم ونزل مع الدروج عينيه فالعسااس ديال البااب داز من حداه ضااحك طبطب على ضهرو وخرج وداك العسااس طلع بخطوات هادئة مع الدروووج كيطل على باب اسمااء بان ليه مسدود حتى كيبغي يزيد يطلع يدق عليها كيدير بناقص وكيرجع ينزل تاني ويعاود يطلع جووج خطوااات حتى كيباان ليه شي حد طل عليه من الفووق قفز فبلااصتو كيترررعد ..
رشيدة:اش هااد الغوااات اعمي ااش وااقع
العساس:مانعرف ابنتي بحالي بحاالكم
رشيدة:عند اسماا ياااك هي لي بنتها كانت كتبكي
العساس:داكشي اللي سمعت
رشيدة:راه كان عندها راجلها ضاربو تااني واقيلا ولاهيلا كتبقى فيا غير دييك البنية شي نهار يطيرو ليها العقل الوليدات مساكن اللي كيبقاو فالمشااكل..
العشاس:الله يجازيك بالخير ابنيتي ما طلي عليها دقي عليها شوفس ااش واقع عندهاا
رشيدة:لا اعمي وتقووول هي كتسد لبابىماكتبغي حد يدخل عندها راهي ساداه كون كانت شي حاجة يبقى محلول
العساس:ماعرفت ولاهيلا مااعرف
رشيدة:نتا ماشفتييهش فاش طلع ولا فاش نزل اويلي
حدر رااسو وسكت وهي تنهدااات فاهماا انه ماعندو جهد ليه ايلا منعو مايطلعش عندها هو اللي غعيولي معاه فلمشاكل….
رشيدة:ايوا الله ياخد الحق اعمي الله ياخد الحق …
على ادان الفجر كانت اسماء جالسة فوق الكرسي وسطل ديال الما قدامها سخووون جرات الغلاقة ديال القرقارة حيداتها حيت البيت ماعندهاش فيه طوالييط جلسات غير عند العتبة عارية تمااما وكل مواد التنضييف جنبهاا كتهز فييهم وسط الخرقة وكتحك فلحمهاا بجههههد حتى طيراات الجلدة لديك الحرقة ماحسااش على راسها خلاتها بحال اللحمة مسلووخة وكملاات كتحك بجهههد حتى انفااجرت بالدموووع عايفة رااسها وعايفة لحمها ماكرهاتش تقطعو تنقييه وتعاااود تلصقو احتكاكات لحمو الخشن مزال كتحس بيها لحد الان بحالا باقي حداها …انينو فودنيها بصوت كيطلع القلب باقي فودنييها…حكات داتها كاملة ومابرداتش باقة كتحس بلمسات ايديه علييها وهي تهز الما كتخوي عليها حتى حساات بيه حرقها بقوة ما كان سخوون زاداتو بالما بارد وشللات راسها بسرعة وناضت كترعد بالبرد ضوراات عليها الفوطة ولبسات حوايجها وجرات واحد الكوافوز كالاتو بيه البااب خافتو يعاود يتحل وتخشات حدا بنتها كان نهار بدا كيطلع صباح كامل ماغمضاتش عينيها وماقدرااتش تنعس طار عليها نعاس مع تسنيم لي كل مرة كتقفز مخلووعة وكتبطبط عليها ترجع تنعس ماشي مرة ماشي جووج كتقفز من وسط نعاسها بدمووعها واسماء رادة معاها الباال حتى ضربات سبعة ونص ديال الصباح…. بعد تفكيير عميق وقرار عن نفسها كيبان ليها صائب تكعدات من بلاصتها مدكدة كتحس بعضامها مكسورين ماقادرة تحرك ولا تهز ولا تحط شي ايد مع رجل والحرييق اللي شادها من نصفها السفلي خاصة انه ماعاشتش حتى علاقة جنسة بعد طلااقها وقبل حتى طلاقها بشهور…و ليلة الباارح بحالا تعاودت ليها ليلة الدخلة بطرييقة عنيييفة على الرغم ذلك قدراات توقف على رجليها وعلى قبل بنتها مابيناتش وحاولت تبدا يومها بشكل عادي وجدات ليها لبستها وصبيبيطها وفيلاليتها عاد بدات كتنوض فيها وتبوس على راسها وتحك على كريشتها حتى فاقت ليها ونوضاتها غسلات ليها ولبسااتها و وقفات عند الباااب حاطة ودنيها علييه حتى سمعات صوت تقرقيييب براا وصوت رشيدة جارة ولدها كتنكر على صبااح…
اسماء:رشييييدة..رشيييدة
رشيدة من برا: صباح الخييير ا اسما
اسماء:صباح الخير اختيي..الله يساهل علييك ايلا قدرتي دوزي معاك تسنييم للمدرسة عندي مانقدي ماساالييتش الله يرحم ليك الواليديين..
رشيدة:ياك باقي لحال
اسماء:لا باقي باااقي
رشيدة:اريها ماشي مشكل ندوزها معايا…
اسماء:الله يسااهل عليييك..( قادت لتسنيم شعرها) هانتي شوفي سيري مع خالتك يااك احبييبة وملي تخرجي نجي عنندك صافي تسناايني حتى نجي واخا
حركات راسها بايجاب وهي نزلات باست على راسها وحلات ليها غير شق ديال البااب خرحاتها عند رشيدة هاد الاخيرة لي عيات ما طل من لبااب تشوف ااش كاين ومالها حتى شادة عليها البااب ومخرجة بنتها بهاد الطريقة وهي ماكتعطيها لتا حد ولكن ماقدرات تشوف والو فالتالي شدات فتسنيم ومشات نازلة واسماء حتى تأكدات بلي مشاو عاد قصدات المااريو كتجمع فحواايجهاا…
نزلات صاكها الكبيير وخرجات كاع اللي كان عندها فالماريو بلاما طويه غييير كتهز وتلووح فييه مقوية راسها بزز واخا ماقادرااش تحرك واقفة مفرقة رجليها ماقادراش تجمعهم بسبب الحريييق حتى كملااتهم كاملين ودارت كرسي طلعات فوق الماريو بغات تجبد الشبكة ديال العاب تسنيم عارفاها ماغتمشي ليها ايلا ماكانو حداها..الشبكة كانت تقيييلة جرااتهاا بجههههد حتى جابتها لعندها ونص فالالعاااب طاحو للارض مشتييين منهم اللعبة لي جابت سعاد لتسنييم نزلات الشبكة وهبطاات كتجمع فييهم حتى قشعاات ديك اللعبة طاايحة وراسها منصول وهي تنزل جمعاتهم رداتهم للشبكة وهزاتها مضاربة معاها كترجع ليها فالرااس وهي كتنصل ليها بين ايديها بحالا شادة معاها العكس حتى فقصااااتها وهي تريشهااا بييين ايدييها مغددة علييها كتشروط فيهاا وتعااااود حتى بدااات كتبكي مفقوصة ولاحتها جييهة القرقاارة وجلسات فوق الناموسية عاضة فايديها مايتسمعش حسها كتبكييي بجهههههد كلما تدكراات ليلة البااارح والوحش اللي دخل عليها حاشة واش يكون انس تقتلو وتقطع رااسو ومايبردش ليهاا فالاخر هزات راسها لفوق دااعيااه لي خلقها هو الوحييد اللي قادر ياخد حقها منو…
فمكان ااخر…وبالضبط فقهوة جنب البحر جالسة هند شعرها كيطير بالنسييم الصباحي دديالو عينيها على الاموااج كيبانو ليها غاديين جايين هاااادئييين عكس التيار اللي داخلها والاعصاار اللي فقلبهاا ولكن كانت كتبان هااادئة وباردة من براا حتى حسات بشي حد وقف عليها وهي تهز عينيها فييه و وقفاات مبسمة سلمات عليه من خد للخد..
المهدي: صافاا !
هند:طخونكيل الحمد الله ونتا
المهدي:مزيااان(جلس حط سوارتو وتيليفون فوق طبلة وهي جلسات جنبو) ايواا
هند:ايواا نتا…لقيت لابيل ديالك مع صبااح خلعيتيني ههه
المهدي:لاا ماكين والو غير لبارح ماكملناش كلامنا وبغيت نكملوه ياكما خلعتك بزااف
هند:لاا لاا ماشي مشكل..
جا عندهم السيرفور وطلبو فطور لييهم بجوج..
المهدي :ايوا ااش بان لبيك فكلامي لبارح فكرتي فييه..
هند حكات راسها:ااش غنقوول ليك ماعرفتش صراحة ههه مزال كنفكر ماعرفت ماانقول لييك
اما اسماء كيف تكات فوق الناموسية ب بكااها هكااك بقاات حتى داتها عينيها ماحساتش براسها حتى نعساات وسط شهقااتها وايديها كتباان حمرة بقوة العضااان وجهها صبح منفووخ بالتصرفيق ديال الباارح عينيها زرقيين وجناب فمها كارم فيه الدم…كيف العادة نفس الحلم كيزوورها كلما غمضات عينيها ونعساات نفس البنت للي كتبان ليها فصورتها كتبكي كل نهاار وتنسل فشعرها قدامها وعلى هاد الحلم فاااقت عرقاانة كتنههج وناضت كتستغفر الله حتى تفكراات تسنييم وهي تخطف من بلااصتها وقلبات فالسااعة بانت لييه الجوج ونص وبنتها الوحدة كتخرج ناااضت قااافزة من بلاصتها مقصحة ماقادراش حتى تمشي على رجليها مضاربة كتلبس فجلاابتها حتى سمعات صوت الدقااان وقربات عند البااب ضورات السااقطة كتبلع فرييقها الجهد باش تقول شكون ماعندهاش حسات بلساانها تسرط عليها حتى سمعات صوت رشيدة من برا كتعيط ليها وهي ترخي النفس عاد ارتاااحت وجاوبتها من لداخل بغاتها حتى تمشي عاد تخرج باش ماتشوفش وجهها بديك الحال..
اسماء:ماالكي اختي رشييدة..
رشيدة : هاهي تسنييم راه جبتها معايا من المدرسة مشيت نجيب ولدي وهي تبان ليا مسيكينة عند البااب تسنى فييك وجبتها معايا..عرفتك غتكوني ماستليتييش
اسماء:الله يرحم لكي الواليديين اختي رااه داتني عيني ماعقلتش على رااس يالله يساااهل علييك غير خليها اختي انا نخوي ايدي ونحل عليها….سمحي ليا عدبتك معاياا
حتى سمعات صوت السااقطة ديال البااب تحلات وتسداات عرفاتها مشات عاد حلات البااب بشوية دخلاات تسنييم وسدات عليها البااب.
اسبوع وهي على داك الحاال فداارها عمرها فاتت عتبة ولا خرجات منو ماشي حيت باغة ولكن مابقاتش قادرة توقف حتى على رجليهاا كل نهار كتقول غدا غنخرج نمشي فحاالي وكتولي مريضة كتر من نهار اللي قبل بحالا شي حاجة كتمنعها تفوت عتبة ديك الباال… اللي عندها عندها فالرااس مابقاتش كتقدر تهزو عينيها بالسيف باش كتحلهم حريييق غير معقووول فراااسها ماقدرااتش تميزو واخا عيات تشرب فدوايات لي عندهاول اليوم وهي غير نااعسة كتفييق تطمن على بنتها توكلها وترجع تنعس ضعااافت وغير فاسبوع واااحد نص جسمهاا طاااح جراحي دوجهها بداو كيبرااو ولكن زروقية تحت عينيها باانو اكثر وخدودها بالضعف دخلو…
عيات ما تعيط للناس لي كتعرف تقلب على بيت تجلس فيه هي وبنتها ولكن مالقاتش مايكنش اللي تحط عليه راس ويعاونها كيخسرو عليها كلمة دابا نشوف ونصوني لييك وتاحد ماكيرجع يصوني حتى قررات انها تمشي لداارهم المنزل الوحيد اللي غيقبل عليهاا بزز عليهم وغيهزووها مابقاش عندها حل اخر عيات تهرب منو ولكن مكاينش البديييل ولات كتسنى غير فجراح وجهها يشفاو باش تقدر تمشي عند الحاجة بلاما تخلعها وتكمل على ما بيها..
اللي دار فيها ناصر قررات تخليه سر بينها وبين نفسها وحتى حد مايعرف على دييك الليلة شي حاجة حاولت تنساها ولكن كل ليلة كل ساعة فنص الليل كيتعااود فداكرتها بالتفصييل اللي وقع ليها مرضات فنفسها ومرضات فصحتها ولات كتبان ليها لموت حبل قرييب ليهاا وفاي لحظة تقدر تشبت فييه وتسمح فروحها حتى لواحد النهار اللي حسات براسها تشد عليها الحاال مع العشرة ديال الصبااح جالسة عند عتبة البااب روحها غتخرج بالرداان والمشكلة انها مكتاكل واالة باش تقياه والحريق فرااسها غير شادة علييه موركة فضفاارها حتى كيتشخشاااو فجلدة جبهتها بالشقييقة اللي شاداها مكانتش شقييقة عااادية كتحس بكلشي كيضور حداها وهي تقول لتسنيم تمد ليها تيليفون جابتو ليها ودوزات نمرة كنزة اللي خداتها ديك نهار من عندها…المرة لولا ماجاوبااتش وتانية وتالتة حتى هي محاوبش ولكن اسماء ماستنلمااتش حيت ماقدرااتش تزيد تتصبر بوحدها والمرض هلكهاا وعاودتت اتااصلت بيها حتى جاوباتها..
كنزة:آلوو وي..
اسماء:كنزة هادي انا اسما..
كنزة:وي عرفتك عندي فالكونطاك بخيير لباس علييك
اسماء : مساالية اختي تقدري تجي لعندي
كنزة:داباا ؟
اسماء:اااه بغييتك ايلا كنتي مساالية
كنزة:مالكي صوتك كيباان عياان ياك لباااس
اسماء:عياانة شوية ايات قدرتي تجي الله يساهل عليك ماتقولي والو لماما غتخلع على والو راك عارفاها ..
كنزة : واخا دابا انا مع واحد الناس عندي شي شغل غير نسالي وندوز عندك صاافي ؟
اسماء:واخا اختي ماتعطلييش عفاااك
كنزة:واخاا صافي عطيني ساعة ولا جوج نكون عننندك ..
اسماء:واخا صاافي..
قطعات معااها وحطات تيليفون وشدات فالبووطاااجي نايضة بشوياا عليها حتى حساات برااسها مشاات وجاات داايخة شوية ومكانت غتطييح على فمها حتى شدااات فيها تسنييم ماعندها صحة مسكيينة معاافرة معاهاا حتى جلسات فوق الناموسية وتكات فبلاصتها وتغطاات مبوورشة واخا كانت الشمس مطنطنة عندها فالبيت عينيها على تسنيم جالسة قدامها كتفرج وطرف دالخبز مع اتاي كتااكل فيه حتى لاحضت نضراات ماماها ليها وضارت شافت فييها كضحك واسماء مبسمة فيها بتعب بااين من عينيها مدات ايديها كتمشط ليها على شعرها ودوات بصوت ضعيييف بسيف باش كيتسمع عياان..
اسماء:عرفتي شكون غيجي عندما..
تسنيم:خالتو لي مشينا عندها داك نهار
اسماء:هه باش عرفتيها
تسنيم:سمعتك قلتيها جي عندي
اسماء:شييطانة عندي انا شيطاانة..نقصي ابنيتي شوية بغييت نعس
تسنيم:فيك الحريق ديال راسك
اسماء:اااه
تسنيم : حتى ديانا فيها الحريق ديال راسها (هزات لعبة د سعاد منصول ليها راس مشدوود غير بالكسوة لي كانت لابسة) شوفي مسكيينة راسها طاح ليها حتى هي كيحرقهاا بحالكيف نتيا؟؟
ساعة وسااعتين وتا خبار ما جات من كنزة عيات تسنى فيها تهاود تصووني و ولا اتصاال جا منها حتى ضربات تلاتة دالعشية وعاودت صونات ليها ولكن مرة اخرى مكتجاوبهااش وهي تخشي تيلي تحث المخدة وتكاات عينيها على تلفاازة فالرسوم ديال تسنييم حتى داتها عينييها ونعساات وتسنيم حتى هي كانت نعساات لتحث فلرض وتيليكوموند فايدييها طابلة مقلووبة بالماكلة والشياطة ديال الاياام والحصيرة حالتها بالتراااب البيت مشقلب سفاه على علااه ولكن اللي غتطرفو وتشقااه شادة الفراااش مرييضة…
ماكتضربها الفيقة غير على حركات تسنييم كتنوض فيها جيعانة وهي تحل عينيها فيهاا بزز باش كتحلهم..
تسنيم:ماماا فيقي فيا جووع ماماا
اسماء حشان راسها فالمخاد:ممم ه هااني هاني خودي اتااي الخبز مابقاش ؟
تسنيم:مابغييتش اتاي
اسماء : ماقاداش نووض ابنتي كولي لي كااين خليني نعس..
تسنيم:مابغيتوووش تئ…
جلسات غضبانة وقاارنة حجباانها مغبنة واسمااء تنهدااات حيت فعلاا عياتها بالخبز واتااي وبقلة الجهد اللي فيها نااضت بشوياا جمعات شعرها الفووق ووقفات قااصدة التلااجة جبدات البيض والحلييب و واحد الكاغط ديال زريعة الكتاان حطات الحليب يفييض ووقفات عليه كتسنى مغمضة عينيها وهي واااقفة راسها كيطييح عليهاا مع غتهز عينيها جات فالمرااية نيشاااان وهو توقف كانها وقف بيها الوووقت…قربات للمراية بخطواات هاااادئة هازة ايديها كتلمس فوجهها عينيها دخلوو ودباالو بالعيى وعضام حناكها ولااو كيبااانو بالضعف وقلة المااكلة عاد جناب عينيها وفمها زرقييين بالضرب ديال نااصر كحااالت وسيفتها تبدلااات عليهاا ولات مخلووعة حتى تطول الشوفة فراااسها…من وردة صغييرة ومتفتتحة كلما شرقات الشمس كتشرق معاها بابتسامتها مزينة نهارها مدوزاها باش ما عطاها الله خدام بكتاافها وهازة بنتها ورااسها ل وردة دااابلة وباازمن تكسراات من الجدر ماكدبوش ملي قالو زماان غدار وليام مامنها ربااح من نهار اللي حلات عينيها حزموها بحزام كحل قلبها غرق بالهموم فعمر الشبااب فالوقت اللي بحالها هازين ديبلوم فجيبهم وفولون الطوموبيل فايديهم كانت كتسناها حياااة يتمناها كل انساان وسط داارهم معمريين كتافها ومحققين رغبتها للشارع ماكين لا سلم لا اماان…
سهات فرااسها حتى تغيرات صورتها عليها فالمراية و ولاات كتخلعها مافيقها من سهوتها غير صوت الحلييب اللي فاض وهي طفي علييه ورمات عليه البيض ونقصات عليه البوطة كتحرك فيها بشوية مع زريعة الكتان بدون شعوور طاح فباالها محمد وتنهدااات بحرقة ياريت كون زمان جاد عليها بكيف داك الراجل علم الله حياتها كيفاش غتكون دااباا… وهي تفكر الكارط فيزييت لي عطاها حلات عينيها نساتها من نهار خدااتها وطفات على الحليب خشات ايديها تحت الحواايج جبداتها كان فيها نمرتو لتحث ولادريس ديال الكلينيك لي فيه خدام ووهي تبسم ومشات حطات لتسنييم الشربة دالحليب والبيض اللي كتعجبها وجلسات كتكتب فرقمو حتى كتبااتو وبدون تردد دوزاات رقمو…
كتسمع غيير طييييط طيييط فودنييها كثر من قلبها اللي كيضرب بجههد تسات الاام رااسها ولات كتسنااه غير امتى يرد حتى سمعات صوتو قال الوو وجاوبات
اسماء:آلوو..آلوو محمد هادي اسمااء..
محمد:اسماء بخيير؟!
اسماء : الحمد الله (بتوتر كبيير حكات شعرها ماعارفة ماتقول) ع عفااك بغييت نسولك ايلا كنتي مساالي
محمد:مرحبا …عطيني خمسة دقايق وانا معاك واخا؟
اسماء:ااه واخا صاافي..
قطعات معااه كتجمع فضحكتها ولاحت تيليفون جنبها قالت حتى هو ماغيعاودش يصوني كييف دارت ليها كنزة حتى لواحد اللحضة وهو يصووني قفزاات من بلاتصها وهزات تيلي وهي تلقاها كنزة قالت ليها تحل البااب وناضت عندها حلات عليها ودخلاات مضدوومة من منضرهاا من الباااب كتهضر…
كنزة:اويلييي ماااالك ..(كتشوف مع البيت) اماالكي اويلي واش عايشة هنا ولا معايشااش شهااد الحااالة..
تسنيم: كنزة…
ناضت عندها كتجري وكنزة هزاتها عندها باستها وجلسات فوق الناموسية بيهاا واسماء حادرة رااسها كتشوف فرجليها وريقها كيتبلع بزز حابسة البكية..
كنزة:ماالكي اسماا مالكي اختي وليتي هكاا اااش عننندك بلاتي اخالتو(حطات تسنيم وضورات وجه اسماء عندها)اويليي مااال وجهههك ااااش كاااين هضري صاااافي
تسنيم:باباا ضربها دار ليها بحال هكاا(وهزات ايديها وراتها كيفااش)
كنزة:ضررربك ؟؟؟؟؟ هوو لي دااار فييك هاادشي امت…امتى وااشا فزنقة فيين ضرررربك..
اسماء:كون غير ضربني وزكى نصبر (انفااجر بالبكى مخبية وجهها) كوون غير دار فيا هاد الحالة وخرج ومشى نصبر دخل عليااا اكنزة تعدا عليااا تكرفص علياا جيت بوحدي حكرنييي حيت عاارف ماعندي حد عارفني مانقدرش عليييه دار فيا مابغى( قطعات الحس مخنوقة بالبكية كتكحب وكنزة داخت)
كنزة:تعدا علييك ضربك زعماا ..( ووقفاات) ش شووفي…شوفي انا عقلي مسخ ونتي عارفاني… هاد تعدا علياا عندي انا بمفهووم ااااخر ماتحميقينييش ههه ك كي كييفاش هاد تعدا هاا شرحي ليااا (جلسات قفازي عند رجليها شااعلة فيها العااافية خاصة من طريقة كلام اسماء عرفات انه القاضية مافيهاش غير الضرب) شعلتي فيا العافية اختي حرقيتي ليا خاااطري ااش داااار فيك براكة من البكى وعاازدي ليااا
جبدات كلينيكس من صاكها كترعد عطااتو ليها كتمسح دموعها وكتعاود ليها من نهار اللي خرج فييه بقلب عاامر وفالغبينة غااارق ماقدراتش مزال تزيد تخبي الحرف الوااحد منها وكنزة كتسمع ليها بالعاافية اللي شعلات فييها ولات كتوقف وترجع تجلس عند رجلييها زولااات عليها الكويييرة حاسة بالصهدة طلعاتها من هاادشي اللي كتسمع من فم ختها ولات غير غادا جااية كتنش على رااسها سخونة طلعااتها بحاالا باغة تهرب من البييت وماتسمعش هاد الكلام منها بحالا باغة تخرج وتعاود دخل كانه شيئ لم يكن وهي مزال مجات عند اسماء ومزال ماسمعااتش هادشي ويكون غير تخيلات وماشي بصح..ماتقبلاااتش الفكرة نهااائيااا وماقدرااتش تفهم ليهاا…فالاخر جلسات حداها شادة راسها بين ايديها ورجليها كتهززو بتوتر واسماء حداها كتنخصص…بعد صمت قالت..
كنزة:فيناهو دابا ؟
اسماء:ع عللااش
كنزة : علااش …علااش عاد كتسولي علااااش واااش غتسكتيي لواالدييين موو لليوووم دخل عليك نتي غدا يدخل على بنتك…علااااش بااااش نخلي دااار مووو واااش حكرك ماالك مقطووووعة من شجرة واااش دار فييك هاد اللحااالة ومكمداهااا وجاالسة كتسنااايه يعاااودهاا عجبك الحاااال( بغفلة وقفااات قاصدة البااب واسما تبعااتها شداتها) طلقييي منيي واااش لدينمو كيسحاابلييه مااعنندك حدد كاااينة سييييبة فالبلاااد ولااا شنوو
اسماؤ كتجى فيها سخفانة:هااالعاااار اختي ما جلسي هالعااار ماعندي حهههد ليييه وااش انا نقدر علييه على وجهي جلسي على وجه هاديييك البينة ما جلسييي
حلات البااب حتى بانو ليها الجاراات فوجهها خرجو كيطلو بالغوات اللي سمعو وهي تفركّع فوجههم كااامليين
كنزة:كتفرجوو عندي القروودة كيتشطحووو القح/اااااب ملي كاانت كتغوووت فييين كنتتووو
اسماء غوتات مارااضياااش:كنزااا دخلييي دخلييي شوهتينييي دخلييي
جرااتها بزز دخلااتها وكنزة بغاات تمووت وتخرج من عندهاا مابرداات حتى سدات عليهاا البااب وقفاات موراه وهي كتمشي وتجي قداامها الارض مابقاتش هازاها حاسة برجليها شاعلة فيهم العاافية وداتها كلها كتررعد عليهاا حتى لواحد اللحضة وهي توقف مخرجة عينيها وضاارت عنندهاا واسماء كتشوف فيهاا كتخاف من هاد ردود الفعل ديالها المفاجأة..
كنزة:دررتي طييست؟ …ديال الحمل درتيييه خديتي كيينة درتي شي حاااجة ؟؟؟
حركات راسها بسلب وهي قربات عندها..
اسماء:ميمكنش …(وحل ليها الكلام بين لساانها دوخاتها بسؤالها كانت محيداه من بالها) م ما علاش غنديرو م ماكين واالو
كنزة:ماكين والو اسما رااه اغتااصبك راه تكرفص عليك واش نقولها بمفهوم ااخر رااه نعس معاااااك كي كينعس راجل مع مرتو كي كيحمل الحمااااار حماااارتو كيفاش ميمكنش على ديك البنت(نيسات فتسنيم) منيين جبتيها كيفاش ميمكنننش..ماشربتي تا كيينة ؟
حركات راسها مرة اخرى بلاا ودموعهاا نازليين وكنزة تنهداات مابغاتش تزيد تخلعها وقربات عندها عنقااتها كتبكي معاها واسماء داك الحضن كانت محتاااجة لييه هذاا زمااان خشااات ضفار صبعاانها فضهرها كتبكي بجههههد و ففمها غير الله ياخد فييه الحق وكنزة كتكبطب عليها وتبكي معاهاا خلاتها بكات حتى تفشااات حسات براسها غيطرطق عليهاا عاد سكتااات ووجلساتها كنزة فوق الناموسية تكات باش تمشي تجي ليها شي حاجة لراسها من الصيدلية عاد ردات البال لتسنييم وشدات فايديها وخرجات هي وياها من داار قصدات الفرماسيان ديرييكت حابت كينات ديال رااس وطيست دالحمل وطلعات عندها نوضااتها بزز من الفراش خلاتها مشان لطوالييط طيسي واخا اسماء كانت مستبعدة كليااا فكرة الحمل اما كنزة كانت جالسة فوق الناموسية بتوووتر كبيير كتلعب بصبااع ايدييها قلبها شاعلة فيه العافية من جييهة اختها صغيرة تكبر تا تعيى وكتبقى تبان ليهاا صغيييرة غير سااكتة وكتوعد بالعدااب الالييم لناصر ولكن مابغاتش تببن والو لاسماء حيت عارفاها كتخاف منو وماغدير تاخطوة تخليها تعاقبو على لي دار فيها…حتى دخلات عليها اسمااء وهي تخخطف ناضت من بلااصتها شدات منها طيست وخلاتها مشات تكات فبلااصتها سخفاانة مبوورشة بالبرد وهي كتمشي وتجي عينيها على طيييست بفاارغ الصبر كتسنى فدييك النتييحة تخرج واسماء حاضيية عيينيها كيتغمضو عليهاا عيااات بالغوات وراسعا ضرها بالبكى حتى بانت ليها كنزة وقفات فبلاصتها خاشية عينييها فالطيييست وهي تكعد جالسة بشويياا ..
اسماء:ماالكي سكتي ااش كااين اشنوو فيييه..
ضاارت عندها كتخشي طيست فجيييها وجلسات حداهاا كترد ليها شعرهاا لور كان شيئ لم يقع…
كنزة:واالو مااكين واالو ماتخافييش..ماكييين واالو الحمار تكرفص عليك وماغنسكتووش لييه وغدا اول حاجة غنديرووها وهي غنمشيو ندعييوه لوكيل الملك الحمل ماشي مشكل غديري اجهاض وتحيدييه بحالا ماااوقع والو حيت ختي انا ماعندهاش جهد تزيييد روح اخرى من دااك الحمااار واخة تبغي هي انا ماغنخليهااش تعدب مع ولااادو….وحدة غلطتي فيها و ولديتييها ماشي مشكل هذا ماغتغلطييش فييه وغتحيدييه قبل مايكبر ويزييد يكحل عليك الوقت كثر ماهي كحلة عليييك..
بصدمة حلاات فمها وعينييها ماداارت حتى درة فعل حتى خشات راسها بين ايدييها مغرقة وجهها بيين رجلييهاا سادة ودنيها حااسبة هااد الهضرة بداات كتنخصص وتنيين بصوت ضعيييف كتبكي تعبااانة وقوتها غير كاافية بااش تنوض وتغووت وتخرج لي داخلها حتى قوتها ماعاونتهاش تفرج على نفسها وكنزة مالااقية ماديير من غير انها تحط راسها على رااس ختها وتبكي معاها..
اسماء:ماابغيتوووش اختيي مانخلييييهش مابغيييتش تبقى عندي شي حااجة منوو مابغييتوش
كنزة:حتى انا مابغيييتوش غنحيدووه راا قلت لييك واخا تبغييه نتي انا منخلييهش لييك صوفي فياا هزي عينييك برااكة من البكى حياتك كاملة ونتي تبكيي اااش قديتيي بيييه هزي راااسك برااكة من التبوحطي وقصحي قلللبك واش باغة تزييديك واحد اخر عدااب اخر وااش باغة ديري ليهم طرييق منيين يدوزو لييك واش باغة تعطييهم فرصة فين يطلعوو فوووقك هاا
مسحات دموعها وحركات رااسها بلاا ..
كنزة: غدا على الصبااح غنمشيو للكلينيك تحيدييه وسالينا مريضنا ماعندوو باااس واناا معااك وحق اللي خلقني مانخليها فييه ايلا مارجعتو منيين خرج ماشي كنزة وماولدااات فيا مي غييير الخلا…بلاتي نعيط لواحد الفرملية صاحبتي هي اللي غتعاوني نمشيو لشي كلينييك مزيياان
اسماء:ك كنعرف وااحد …
كنزة:مزيااان؟؟… ش شنوو سمييتو ؟؟؟
جبدات الكارط فيزييت عطاتو لييها وكنزة قلبات على لادرييس فين جاات حتى عرفات مكانو عاد ارتااحت…دوزات معاها داك نهار ماقدراتش تخليها بوحدها ولات غير جالسة حدا رااسها كتألم معاها فصمت ماقدرااتش تفهم كيفاش دوزاات هاد الاياام بووحدها حمداات الله وعاوداتو لي عيطات ليها هي بنفسها تجي تعاونها فبلاصة ما انه واحد ااخر يجيبو ليها خبار انتحار ختها…
على الصبااح قبل مايفكرو فشي حاجة صبحات كنزة على راس اسمااء فيقاتها بزز وعاونتها تا نااضت غسلات حالتها وهي كتحصر عليها بدلات حوايجها ودهنات ليها ووجهها وخبات ليها الضرالي بالميكااب وخلاتها تفطر كتهضر فتيليفون مع الحاجة ناكرة عليها كاع اللي وقع حيت اسماء ماباغاهش تعرف حلاتها حتى كملات فطورها ونزلو للطوموبيل مبااشرة للكلينييك…
مدة طويييلة دااازت ومحمد عاد قدر يخرج من البلووك من عند البااب كيحيد فليكات من على ايدييه وكينزل فالكمااامة مشى لعند لافاابو كيغسل فايدييه ونزل غسل وجههو بقات لحيتو طويلة كتقطر بالما عاد دخل لواحد لاصال خاصة بالدكاترة واخا كان مزال سكاجيير ولكن بحكم انه كان فاخر سنة التدريب الخاصة بيه فكان كيتعتابر تقريبا من الدكاترة ماشي مجرد متدرب.. جبد من خزانتو فوطة مسح بيها وجهو هز تيليفونو شعلو كيشوف فجيهة الاتصالات مالقى حتى مكالمة من اسماء واخا عيى يعيط ليها مورا اتصالها مكانتش كتجاوبو دخلات ليه شك وشغلات بالو العملية كلها وهو كيفكر فيها شنو غيكون واقع معاها حتى اتاصلات بييه من غير ايلا مكانتش شي حاجة كتخص صحتها…
سد الخزنة وخرج من ديك القاعة قاصد الكافيطييرية فين كيتجمعو الدكاترة كياخدو استرااحتهم وهو غادي والممرضات كيدوزو من حداه وغرف المرضى محلوولين والووار داخلين عندهم ..كان كلينييك كبييير مجهز بافضل الالاات والاسرة وحيت كان كلينييك خااص حتى طريقة البناء ديالو كانت فخمة وهادشي اللي مامخليهش يرتاح فييه وكل مرة كيبغي يخرج وحتى كيغيب منو وكيعاود يرجع حيت من اول بداية مسيرتو المهنية كانت رغبتو هي العمل فمستشفيات المخزن المستشفياات اللي كيقصدوهمم الناس الضعفااء دو قلة الشيى…
خدا القهوة المعتادة ديالو وجر الكرسي جلس كيشوف فالشاارع العام وعلى الناس اللي داخليين خارجيين للكلينييك حيت كان تقريبا كلو مبني بالجاج كلشي كيباان لكلشي.. وهو يجبد تيلي وبدون تردد بدا كيصوني لنمرة اسمااء المرة لولا بدون اجابة وتانية حتى هي وهو يطفييه كيحك فدقنو بعدم فهم..وهز قهزوتو كيرشف منها….
حتى لواحد اللحضة وهو يتجبد بعنقو كيطل لتحث فااش بانت لييه وحدة بنفس الجلابة اللي شاف فيها اسماء اول مرة واللي مستحييل ينساها ولا تغيب على عينييه..جبد عنقو مزياان كيطل كانت عاطياه بالضهر وكتمشيى بشويا حتى كتوقف تستاراح وتعااود تمشي وهو يقلب عينيه كيشوف قدامو ويمسح على وجهو محاملش رااسو بهاد البلية اللي تبلى بيها و ولات كتبان ليه فكل بلاصة شاف فيها..
بسرعة تعصب وبدا كينهج بعدم رضى على نفسو خاصة انه رجل مقبل على الزواج كيفاش عقلو وبالو تفكيرو كيمشييو لسيدة اخرى…ولكن مرة اخرى عينيه تلفتو لجيهتهاا وشاف لعندها هاد المرة بانت لييه شدات فالصور اللي ضاير على الكلينييك وتكات علييه وهو يقرن حجباانو وتقاد فجلستو حتى بانت لييه واحد الفرملية دايزة والمدكرة فايديها وشير ليها بايديه تجي لعندو وهي تقرب لييه..
_دكتوور !
محمد : هاديك البنت الي على برا..شفتيها !(اشار ليها فيين كاينة)
_وي دكتوور شفتها ..
محمد: شنو عندها ؟ مكاتبانش نورمال !
_وي دكتوور مع الاسف كان عندها آفوغتومون(اجهاض) .. خسرات كمية مهمة من الدم وكان خاصها مزال ترتاح على الاقل حتى تكمل السيروم ديالها ولكن ماوافقااتش وخرجات حتى بلاما تاخد لاكارط ديالها حيت دكتور الريحاني منعها تخرج ولكن هي ماوافقتش وخرجات..
محمد شاف فيها مطول : البنت ماشي صافا فاي لحضة تقدر توقع ليها ايموغاجي..وجدو ليها شي شومبغ قرييبة..
دفع الكرسي وناض غادي بجييهتها….!
محمد شاف فيها مطول : البنت ماشي صافا فاي لحضة تقدر توقع ليها ايموغاجي..وجدو ليها شي شومبغ قرييبة..
دفع الكرسي وناض غادي بجييهتها وديك الفرملية نفدات بالحرف اشنو قاال ليها فحين محمد خرج بخطوااات مزروووبين غادي جييهتها حتى قرب ليها وبدون مايقيص فيها وقف قدامها مانعها ماتزييدش القداام وهي غير حسات بشي حد وقف عليها وهي تهز معاه عينييها مكمشة ملاامحها بعياء وعينيه تعباانيين وهو يعقد حجبااانو بدهشة فيها وحل ليه الكلاام ف فموو بالصدمة ماقدر يدير والو من غير انه يهز ايدييه بمعنى ااش كاااين ؟
اسماء : محمد !!
#فلاش باك…
وقفات سيارة كنزة قدام باب الكلينيك وهي حدراات راسها كتشوف معااه..
كنزة:هو هذاا …
حركاات راسها بايجااب…
اسماء:الفلوس فصااك تكلفي نتي
كنزة:ماكينة لا نوبة هنا لا والو عنداك يبقاو شادينك بالنوبة..
اسماء:لاا غنسول على محمد يعاوني موحال واش كاينة شي نوبة راه كلينييك ..
كمزة:هاد البلان ديال محمد انا راه معجبنييش علاش نتي اصلا جااية عندو ..
ماردااتش عليها وهي تلفت عندها بانت لييها سااهية وعينييها على الكلينيييك عينيها مغمضيين وحالة التعب باينة فيها رغم المايكاب اللي معمر وجهها..
كنزة:اسمااا…اسمااا شوفي فيا براكة اختي عفااك را غتقتلي رااسك صافي مايستااهلش انا معااك واش انا غنفرقك واحا نعرف نمووت معاااك الله يخلي ميمتنا ما حضري معايا عقلك عفاااك ماما كل دقييقة كتصوني وانا كنقطع عليها باغة تهضر معاك غير نتي حيت عارفاني معاك يلاه اختيي حضري عقلك ولي شوية غير على قبل ماماك …وااش ندمتي اسما واش مابغيتيييش تحيدييه..
اسماء : ايلا خليتو غير نمشي نشنق راسي حسن ليا اشمن حياة بقاات عندي… ايلا بقات عندي شي حاجة منو تخلييه داير عليا طريق…كحل ليا حياتي خرج ععيا دعيتو ل الله ياخد فييه الحق(كتبكي) دعيتتو ل لي خلقني ياخد ليا حقي انا ماعنديش لييه جهد بغيت ربي قطع عليه رحمتو كي قطع عليا النفس بفعاالو….
طبطات كنزة على ايدييها ونزلات بااستها عاد حلات الباب وضارت عندها من جيهتها حلات عليها هي وتسنييم ونزلو داخليين لكليكيينك تكلفات كنزة باادخلة وحطات وراقيها و وراق اسماء…سولو على محمد قالو ليهم داخل للعملية عاد دخلااات اما الخلاص كيبقى حتى لخر….تعاينت اول حاجة عاد بعدها دخلاات للعند طبيبة اللي غدير ليها الاجهاض جلسات حداها جسد بدون رووح كتشوف قدامها وديك الطبيبة كتشوف معاها كلما سولاتها كتجااوب فبلاصتها كنزة حتى تنهدات دكتورة وقالت..
_خليها تجاوبني هي عفاك ابنتي خاصني نتواصل معاها قبل مانبدا العملية..
كنزة:واخا سمحي ليا..
_قولي ليا ابنتي واش تقدري تشرحي ليا شنو وقع معاك باش نقدر نعاونك..
تسمتء:حملت ومابغيتوش بغيت نزلو ايلا كان ممكن وقدرتي تعاونيني عفاك ماقادراش نبقى هنا اكثر كيخنقني جو السبيطاراات
_عندي هنا فالتقرير انه عندك اضطراابات على مستوى رأس..واش كتحسي ابنتي بشي حريق او صدااع رأسي..
اسماء حركات راسها بايحاب: ااخ ولكن قال ليا الطبيب لاخر نقدر ندير العملية
_تقدري ديريها بشكل عادي حيت ماعندك حتى خطر خاصة انه عندي هنا فالاسبوع الاول تقريبا من الحمل يعني غتكون غير نقطة دم قلييلة وغتنزل منك على شكل جنيين ماشي اجهاض متأخر لي كيكون اصعب عليك وعلينا حتى حنا..(حركات للمساعدة ديالها) ديها تبدل لباسها وتغسل وجهها باش ديماكيي وجهها..باش نقدر نشوف ليغياكسيون بدالك ابنتي ختصني وحهك يكون صافي.
حركات راسها بايجاب والطبيبة وقفات وخداتها معاها للاجراءات اللازمة باش تبدا عملية الاجهاض واسناء غير تابعة الممرضة اللي قالتو لبها كديرو حتى نعساتها فوق البيااص..
#عودة..
محمد: اش كديري هنا ؟
اسماء:م ماا ماعرفتتش ا اناا تناا د درت حااجة خااايبة انا درت دننننب كبييير (بدات كتبكي بجههد وشدات فدرااعو حاسة بدوخة) دننننب كبييير هزيتو فوق ضهري قلبي كيضرني(كدخل وتخرج فالهضرة) علاااش انااا دوون ناااس ضهري تقااال بالدنوب علاش انا وماشي هومااا…
شد فدرااعها بجوج حااس بييها غطيييح وعينييه موراهاا كيحرك للفرمليات يجيبو كرسي متحرك او بياااص حتى بانت ليه وحدة جايباه قرباتو ليها…
اسماء:لاااا لاااا غنمشي غنمشيي بنتي بوحدها ماغنقدرش نجللس خلينيي نمشي
محمد : كّلسي غيير كّلسي ماعندك فيين تمشي بهاد الحالة كّلسي يلاه ..
اسماء:بنتيي بوحدها خليتها بوحدها ماغنجلسش.. بووحدها …انا بنيتي مكنخليهااش بوووحدهاا خلينيي نمشي عفاااك
محمد:غييير كّلسيي دابا بنتك غنجيييبها لييك…شوفي فياا اسمااء بنتك غنجيبها يلاه كّلسي…
جلسااات وبين شفاايفها كتردد غير كلمة “خاصني نمشي” وهو دفع بيها مدخلهاا لدااخل والفرملياات غاديين كيجريو قداامو حلو لييه بااب الشوومبر دخلها واسمتء غيير سدو عليها االباااب بحالاا حبسو عليها الحيووط تخطفات من الكرسي ناضت بااغة تخرج ولااو فيها عشرة ومحمد داااخ عمرو شافها بهاد الحالة وخاصة اسماء ماعرفش كيفاش غيتعامله معاها او بالتحرى ماقدرش يعاملها كآيها مريضة بزز باش قدر يجلسها فوق السرير وهو كيهدن فييها وهي ف فمها غير بنتي خاصني نمشي..
محمد كلامو مع الممرضة : تاصلي ب د.الريحاني للكولوار سون دو…شومبر تخوا… تو دوسويت يحظر…جيبي ليا تقرير طبي ديالها وااش دخلات للمعاينة ؟
_بياان سيغ دكتور قبل ماتدخل للعملية تعاينت على يد الدكتور الريحاني ولكن دكتورة الوالي هي اللي دخلات للعملية..
محمد : بغيت الدكتور اللي دار ليها المعاينة مع التقرير الطبيي( تلفت وهو يلقاها مزال ورااه) ااش كتسنااي ؟
قفزاات : ءءء د دا ح تو دوسوييت دكتور(وخرجات)
مشات وهو قرب عند اسماء كيقاااد فالسيروم على ايدييها حتى هز عينيه فوجهها وهو يباان ليه فديك الحاالة برا كان الشعر نازل على وجهها حتى تكات وتلاح شعرها لور عاد بان وجهها مزيان والجراحي بوضوح كانو باينيين..
محمد :شكووون دار فيك هاد الحااالة ؟؟؟
تكعداات كتبان بحالا متكية وهي جالسة وخباات وجهها بايديها ودمووعها دايزيين بدوون توقف كتبكي بالصوت وهو تاالف محاول معاها تحيد ايديها
محمد : اسمااء..سمعي سمعنييي..شوفي فيااا حيدي ايديك وشوفي فيا …(بلطف ) ماكين والو ماتخاافييش غير جاوبني شكون دار فيك هادشي ماالكي اشنو وااقع كّولي ليا
اسماء:راااسي ضاارني رااسي فييه شي حاجة الطبيبة قالت ليا ديري سكانيير (ايديها فوق راسها) حيت فييه شي حاجة عاوني امحمد رااسي غينفاااجر جيت عندك بااش تعاوني فراااسي كيعطيني الحرييق شووف اشنو فييه عفاااك
قرب ايدييه يقيص فوجهها وهي تضورو دغيا وهزات ايديها خبااتو بحالا خافت يضربها وهو وقف فبلاصتو جاامد وداايخ مصدووم فهاد ردة الفعل لي دارت مزال ماقدرش يميز واش كتصرف قدامو طبيعية ولا العكس….حتى طلات علييه بنص عيين وهو رخف حجباانو بقد ما عزات عليه بقدما خلعاتو حالتها…
محمد:ماتخافييش ماغنديير والو…اسماء شوفي فيا ماتخاافيش (حدرات عينيها شوية وهو كمل كلامو بهدوء ) مزيان نشوف وجهك…تقدري تنزلي ايديك…خليني نشوف وجهك واخا !
هز دقنها عندوو بشويا محاول معاها كيشوف فدوك الضرابي كيبانو قدام و ولكن جرحهم جديييد الزروقية تحث عينيها حتى ولات عينيها من لداخل حمرة كيف الجمر وجناب فمها كلو مجروح ونييفها مايل لواحد جييه عوااج…سد عينيييه وحلهم بهدووووء بلع رييقو كيحس بداخلو ولا كيررجف مابقاش قادر حتى يطول فيها شووفة وهي حدرات راسها ودموعها كيقطرو قدامها..
محمد:شكون داار فيك هاادشي كّولي شي حاجة علااش كتبكي دابا قولي ليا غيير شكووون ؟ طلييقك ؟ خووتك ؟ شكووون ؟؟؟
نزلات رااسها بدون اجابة ماردااتش علييه وهو مسح على وجهو كيهدن فرااسو يلاه غيدوي وهو يتحل البااب ودخل علييه .الريحاني مع الدكتورة اللي دارت ليها الاجهاض وهو قرب عندهم …
محمد:دكتور..
د.حيلاني: دكتور ياك لباس(طل على اسماء) لافامي ؟
محمد تلفت شاف فيها مطول وحرك راسو:من لافامي ..ممكن نهضرو على برا ..
حركو راسهم بجوج وخرجو والطبيبة تبعاتهم اما اسمااء تكات على رااسها كتشوف فالصقف كيباان ليها بحاال الحيوطة كيضغطو عليها كيبان ليها الصقف كينزل بهدوووووء عليها والحيوطة بجوجهم كيتسدو عليا ولاات كتنهج كلها كتنخض فووق السرييير حتى بانو ليها صافي غيتسدو عليها وهي تغطي وجهها بايديييها قاطعة النفس كتقول هادي هي الموت رغم انه كان البيت هااادئ ومافيه حتى حركة من غير صوت انفااسها العاالي…
على برا …
د.الحيلاني : منعتها تخرج ولا تفوت لاشومبغ ديالها ولكن هي رفضاات كنضن انها كتعرض للصدمة او حالة من حالات الاكتئااب خطييرة خاصة انه بعد عملية الاجهاض تعرضات لنزيف حااد ولكن د.الوالي تدخلات فاسرع وقت وقدرات توقفو..
د.الوالي: حيت من الاساس كان حملها جد جدييد يعني فاول الشهر ديالو كانت غير قطرة دم وغتنزل على شكل جنيين ولكن….على حسب خبرتي وعلى حسب الحالات اللي شفت مكانتش معاشرة عادية ولا يمكن تكون معاشرة عادية ولكن بطريقة عنييفة…لاحضت ان المريضة تضررتت بشكل كبير على مستوى الرحم لي خلا العنق رحم يتوسع وتسبب ليها فنزييف حاد ولحد الام مزال فالنزيف ولكن نزيف نورمال اللي كيتبع حالة الاجهااض…
محمد دااخ وحك تحت جبينو :يعني..دابا ش شنو كتقول فهادشي شنو يقدر يكون..
د.الوالي: مايمكنش لينا نقولو حتى حاجة والمريضة مانطقات بحتى كلمة من اول دقيقة دخلات عندي في فمها غير كلمة الاجهاض حاولت نهضر معاها وحاولت نتوااصل باش نقدر نعرف السبب ربما ولا العوامل اللي خلاوها تفكر بهاد الشكل ولكن مكانت حتى ردة فعل منها….ااه قبل ما نسى كانت معاها بنت اخرى هي اللي تكلفات بمسائل الدخول دياالها ..
محمد:شكون؟
د.الوالي : كنضن ختها حيت كانت كتقول ليها ختي..
محمد:وراسها كتشكى بييه واش قدرتو تعرفو شي حااجة د.حيلاني واقيلا تعاينت عندك ..
د.حيلاني:وي وي كتشكي بالحريق فراسها ماكيبان ولاو ومانقدر نقول حتى حاجة ايلا مكانش السكانير او ليريم يكون حسن ايلا قنعتيها حتى حنا نطمنو عليها..ميمكنش ليا نقبل الخروج ديالها وهي فديك الحالة..
د.الوالي: حاجة اخرى الوقت اللي كانت كتغير لباسها الممرضة لاحضت فيها جروح و اثاار على جسدها يمكن ديال كثرة المشداات او ربما كان رفض المعاشرة من طرف المريضة ماعرفتش ولكن نقدر نأكد لييك جوج احتمالاات يمكن المريضة مارست معاشرة بطريقة عنييفة حيت كاينين حالات بحال هادو وبعض الناس مكيوصولش لمستوى الرعشة ديالهم ايلا بعد طرق عنييفة..وكاين احتمال اخر كنتمنى مايكونش ليه اساس من الصحة وهو الاغتصااب وكتبان ليا هادي حالة مستبعدة…
حرك راسو بايجاب كيضور كلامهم فرااسو ورجع مسح على وجهو شكرهم و مشاو لمرضاهم وهو دخل عندها حيت خدا الضوسي ديالها رسميا و ولا هو اللي مسؤول عليها..وهي غير حسات بيه حلاات عينيها كتشوفو داخل مع الفرملية وهي كتمد ليه شي وراق ماعرفاتهمش ديالااش اما محمد كان كيقرا فالتقرير الطبي ديالها حتى كملو وشاف فالفرملية مطلع حاحبو..
محمد : من بعد….هذا اش فييه شنو استاافدت منو..
_دكتور سمح ليا ولكن المريضة تعاينت للاجهاض لا غير ماقبلات بحتى معاينة وعلى حسب كلام الطبيبة انها طلبات منها دير سكانير غير على مستوى الرأس حيت ليريم قالت ماعندهاش القدرة لييه ولكن حتى سكانير ماقبلات ديرو و..و خرجات…
حرك راسو بايجااب …
محمد:غتكمل سيروم ديالها…وغتطلعوها لتخوازيام ايطاج ايكزاكت لبلوك دليريم يتآبليكا (يتطبق) على داتها كلها ماشي غير رااسها بغيت نعرف داتها كاملة اشنو فيها من بعد غيتداواو جروح وجهها وغتعطيها السيروم اللي غنعطييك وخليوها ترتاح..
زرب عليها وهي كتكتب فالمدكرة بسرعة حتى داخت وهزات فيه راسها سخفانة…
_ونتا ادكتور؟ (علا فيها حاحبو وهي فاقت على رااسها) حاضر دكتور ..
محمد:علميهم الفوق عشرة دقاايق ونزلو طلعوها…
_نطلعها دابا راهم واااجدييين…
نزل عينيه قرا اسمها فالبادج : رانيا…تخوازيام ايطاج
حركات راسها وخرجات فاهمة انه بغى يبقى معاها بوحدهم حتى تسد البااب وضاار كيقرب ليها ونزل لمستولها عينييه كيبان فيهم غضب كبيير مركزهم فعينيها الحمرين فازكين بالدموع كيحقق فيهم…!
محمد:اشنوو وقع ؟ كيفاش وقع وعلاش الاجهااض ؟
محاوبااتوش وهو عاود سولها نرة اخرى..
محمد:ماغتقدرش نعاونك ايلا ماعرفتش… واش غتبقاي ساكتة وحتى حد مايعرف اشنو بييك شكون غيقدر يعاونك ونتي ماقابلاش حتى تقولي اش عنندك..
بدون رد منها زاد قرب محاول يخلق ليها حو امن باش تهضررمعاته ..
محمد : شوفي فيا ..اسماء علي رااسك وشوفي فيا….انا معاك…مغنأديكش ايلا كانت شي حاجة غتبقى بيناتنا بين هاد الحيوط حتى حد ماغيعرف بيها كّولي اشنو عندك باش نقدر نعاونك ميمكنش ليا نخليك تخرجي فهاد الحالة عاونيني باش نقدر حتى انا نعاونك….درتي اجهاض هادشي كاين؟
حركات راسها بايجاااب وحتى هو حركو بحالها …سد عينييه وعاود فتحهم متخوف من سؤالو او بالاحرى متخوف من جوابها عندو جوج احتمالات..ايلا كان الاول كيتوعد بنفسو هو شخصياا اللي غيوقف موراها ولو يكون الثمن حياتو والاحتماال الثااني اللي معارفش ااش غيدير فيه ايلا كان وهو مقادرش يفكر فيه من الاساااس…بلع ريقو وحاول يتكلم..
محمد:بخاطرك ولا بزز..
غير كمل سؤالو غمضاات عينيها عصرات دموعها وحرطات رااسها باااه بمعنى بخاطرها حتى لواحد اللحضة وهي تحس بيييه شد دقنها بين ايدييه هازو عندوو مزير عليييهات وهي تحل عينيها بجهههد مخطوفة من بلااصتها وايديها كتبعد فايديييه مخلوووعة..وعاود كلامو بحدة..
محمد:بخاااطرك درتييهاا ولاا بزز عليييك !!
حركات راسها بجهد كتبكي..
اسماء:بخاااطري درتهاا بخااطري …طلقني
رخى ليها دقنها بجهههد حتى عواج عنقها ونااض من حداها كيحك فشعرو صاااعر كيحس بصدرو تزييير علييه وقلبو شعلات فييه العافية بجوابها مكانش كيتسنااها منها بعدما رسم صورة فدماغو نقية عليها بعدما كان نضرو مغير فبزااف دالعيالات المطلقات بهاد الفعلة ديالها غيرات لييه صورتهم للااابد
وهي كتشوف معاه مستغربة علاش معصب واش الاجهاض كانو غيديرو ليها بزز منها مدام جاية لكلينيك اياا وانها جاية ديرو بخاطرها مافهماتش سبب تصرفو…
سوء تفاهم وقع بييناتهم بجوج خلا محمد مايقدرش مزال يزيد يطول معاها الشوفة ومشى خارج حتى وقفاتو..
اسماء:بنتي..
محمد:غنجيبها لييك…. نعسي ماعندك خروج من هنا..
حل الباب وخرج زاادحو بجههد مورااه حتى قفزاات وهو حدر رااسو غادي هاادئ مع الكولوار رغم انه داخلو بركااان كيتنسى غير القطرة فيين غينفاجر حتى هز عينيه وهي تبان ليه تسنييم جااية فايد بنت اخرى طلع فيها وهبط وهي كتضحك مع تسنييم وهو يعقد حجباانو وقبل مادوز من حدااه حبسها وتسنييم ضحكات كتشوف فيه…
محمد:قل من 8 سنيين ماعندوش لاكسي يدخل…ممنووع
كنزة:نعام؟
محمد بعد صمت كرر كلامو كتبان فيه معصب :اقل من تمن سنيين ممنووع خلي البنت ودخلي عندها…
كنزة ماحملاتش طريقة كلامو معاها: علااش غنخليها غادا عند ماماهاا ماشي ضيييفة…
محمد : خلي البنت ودخلي… ماتخليهمش يخروجك ونتي معاها..
كنزة:غيخرجووني راني خلصت فلوووسي الشرييف بااش دخلللت بيهاا علااش غنخرجهاااا وزايدون غتشوف مها…ماماهاا حشومة كااع تمنعووها
جات الفرملية كتجري..
_دكتوور..
محمد : خليها تدخل عندها خمسة دقايق وطلعوها(مد ايديه لتسنيم) اجي معايا ابنتي..
كنزة:فيين غادي بيها..
تسنيم طلقات منها وشدات فيه:عنمشي مع عموو نلعبو عوتااني
كنزة:تسنيييم اجي لهنا….
طلعات كتاافها ولصقااات فييه وديك الفرملية حاولت مع كنزة حتى شرحات ليها بلي ماعندو مايدير ليها عاد دخلات هي عند اسماء والفرملية مع باقي الفريق اللي غيطلعوها موراهم دخلو …فحيين محمد شاد فايدييه تسنييم ومشاو فالاساس مكانش ممنوع عليها تدخل حيت كانت اسماء غير فغرفة عادية ولكن ماقبلش يخليها تدخل تشوفها فديك الحالة كلها زرقة وكتبكي….!
مشى بيها حتى جلسو فليفوطوي لي فالكافيتيرية جلسها حداه وجلس خاشي راسو بيين ايديه وعينييه لتحث كيشوفو غارق فتفكييرو او بالاحرى معاارفش فااش غيفكر واش فالنظرة الغالطة اللي خدا عليها اول مرة شافها واول مرة تكلم معاها ولا فعقلو اللي عطاه الحرية فين يفكر ويغرق فالتفكير بيها بدون وعي كيلقى رااسو سااهي بتفكيير عميييق فيها وفصوتها اللي زعزع كيانو باقي لحد الان كيتردد فودنيين…ولا حركااتها وحنيتها اللي كتبان فبنتها ولا حتى نضرتها اللي فاش كتهز فيه عينييه كتخليه ينسى رااسو وتكون امنيتو يبقى غير جالس وعينييه فعينيها حتى يشبع نضرو منها….عششات فدماغو بحال شي فيروس مابقاش قادر يشتت تفكيرو على غيرها..
مااقدرش يرتاح فالجلسة حاس بصدرو شاعلة فيه العااافية تكعد تكى ضهرو على الفوطوي وهز رااسو الفوق الفكرة مزال ماقدراتش تدخل لدماغو واخا قالت بخاطرها ولكن مزال ماقدرش يتقبلها علاش كيحس بيها خانتو وهو بعيد ليها بعد السماء عن الارض…
حتى لواحد اللحضة وهو يحس بشي حركات صغار كيقيصو فدرااعو ونزل راسو عاد رد البال لتسنيم وهي هازة فيه عينيها كترمش فييه وقالت..
تسنيم:واش حتى نتا فيك الحريق ديال راسك بحال ماما فيها الحريق ديال رااسها..
تبسم دغياا كيشوف فيها كتجيه كيووت وفنيكيشة كلها فيها صغييور ومقبوول وهي كترمش فييه مستنية جوابو…
محمد : حتى انا هه فيا الحريق ديال راسي
تسنيم:حييت حتى نتا كتبكي !
محمد:علاش ؟
تسنيم:حيت ماما كتقول ليا ماتبكييش …انا ماكنتخلينيش نبكي حيت ايلا بكيت غيولي فيا الحريق ديال راسي بزاف بحالها هي كتبكيي كتبكي كتبكي وهو يولي فيها الحريق ديال راسها….كتبكي صباااااااح(جبداتها كتحرك راسها مع كل كلمة) وكتبكي ملي كيبدا العم جدوووو وكتبكي ملي كيااسلي غامبووووول وكتبكي وهي ناعسااااا….كتبكي بزاف بزااف بزااف
ضار ملفت عندها كيسمع لكلاامها بتركييز كيسمع ليها..
محمد:مممم و علااش كتبكي..
تسنيم:واحييت فيها الحريق ديال رااسها..
محمد:وعلاش فيها الحريق..
تسنيم: تئ وااحيت كتبكي…(قفزات وحطات ايديها على فمها كضحك)
تسنيم : هااء نسيييت هه تئ مكانتش كاع كتبكي ..ولكن ملي لعبات مع بابا واحد لعبة خايبة خاايبة خاايبة بزاااف خايبة قد هكاااااا(وسعات ايديها) وهي تولي كتبكي
محمد:مع باباك ! اشمن لعبة هادي بحال لعبة ديالنا..
تسنيم:لاااااء لعبة ديالنا حنى زوينة ومكضربنيش فيها ولكن بابا لعبة ديالو خايبة بزااف وماما ماعجباتها وهي تبدى تبكي…
حرك راسو بايجااب بتفكيير وقال..
محمد : اش بان لييك نلعبوها بجووج ونشوف واش غتعجبنا ولا لا…. يمكن باباك ماعرفتش يلعبها….
تسنيم:الاا بابا كيعرف يلعب قالااك سيير….ماما اللي ماقدرااتش تلعب وهو كان كيدير ليها هكا (قجات عنقها بايديها) هاكاا هكاا وكيورك كيورك وماما كانت كتبكي وهو كيدير ليه هكااك حتى ولا فيها الحريق ديال ..دي دياال..ديال عينيها و ع عقنها..عقن(وحلات ليها الهضرة) و عو ع عنقها….
بانت ليها واحد البنت فعمرها دايزة بعصير فايديها كتمص فيه وهي تضور عندو وسعات ايديها كان فيها شي صريف وقالت..
تسنيم:بغيت نشري بحال هادااك هاهوما عندي فلووس..
محمد:ولكن وريني اللعبة ونمشيو ناخدووه
تسنيم : ماعنشوفش ماماا بغتي نمشي عندها…
محمد:سخيتي بيا صافي المستغلة غير ماشفتيش الالعااب بغيتي ماماك..
ماعرفاتش تجاوبو وهي تسكت وهو يهزها عندو حطاها فووق رجليييه
محمد:يلاه وريني اللعبة ونمشيو ناخدو عصير وبانكييك ليك ولماماك حتى هي واخا
تسنيم:واخا ولكن ماتبكييش بحالا ماما انا تعلمت نلعبها ولكن ماتبكييش ..ايلا بكيتي ماغنلعبش معااك..
محمد:لا ماغنبكييش ..
تسنيم:بابا داار ليها بحال هكاا( هزات ايديها صغييورين حطاتهم على عنقو مزيرة علييه) وعوتاني بحال هكا (جمعات ايديها على شكل لكمة كضربو فوجهو بشويا وهو محاسش بيها) وبقى كيدير ليها بووم بوووم بووم ولكن ماما كانت كتبكي بزااف وهو كيضحك ااه و (هزات ليه ايديه جاوها تقاال وهي تغبن وجهها) عطيني اديييك تئ ( هزهم لفوق كيف دارت لييه ) ااه خليهم هكااك و..و (كتفكر) و قطع ليها حوايجها بحال هكااا(شدات فقاميجتو كتعصرر باش تقطهم وهو بدون ردة فعل غير منزل عينيه كيتفرج فيهت) وا مابغاااتش تقطع تئ …(عاونها وحل الصدفاات الفووق وهي ضحك) اااه صافي بحال هكاك… وماما كانت كتبكي وكتقول ليه بعد مني ولكن هو كان كيضحك حيت لعبة ديالو كيعرف فيها ولكن ماما ماكانتش كتعرف ليها وبقات كتبكي حيت خسراات فيها وهو غلبها..
كلام تسنيم كيف شي سطل دلماا بااااارد ونزل عليييه جمد كاع العافية اللي كانت شاعلة فيييه لحضاات قبل، سهى بعينييه كيتفرج فيها شنو كديير لييه وكيفاش كتشرح ليه اشنو وقع مع مهاا وهي فبالها مجرد لعبة وكتلعبهاا معاااه…ولاا كيزفرر الرييح من فمو بغضبببب كبييييير فعينيييه حتى ولا صدرو كيطلع وينزل حااس بالحرارة طلعلات معاااه تزير وتسنييم لاحضت هاادشي وهي توقف على الحركة كترمش فيييه وقالت..
تسنيم:حتى نتا ماعجباتكش لعبة..
هزها علييه حطها جنبو وتكا ايديه على ركابيه خاشي رااسو وسطوو كيننننهج تا لواحد اللحضة وهو يوققققف بسررررعة كيشووف فجنابو ويحك على شعرو ورجع جلس داايخ وتاالف ايدييه كيترعدوو مقاادرش يتحكككم فييهم غير عيينييه اللي حمارو كيضورهم من جيييهة لجيهة محاول يهددن راااسو ومايتسرعش فغضبو ويولي قااصدو فهاد اللحضة…. ورجع جلللس مالاقييش الراحة فحتى حاااجة حتى وقف مرة اخرى ومد ايدييه لتسنييم تنوض معاه قاصد الشومبر دياالها..
تسنيم:ماعنلعبوش لعبة ديالنا زويينة قلتي ليا داك نهار عنلعبووها علاش مابغيتيش نلعبوها ماكنعرف نلعبهاا..بلااتي بلاااتي(وقفاتو وحلات ايديها ليه) بغيت عصير بحالها هاديك البنت عندي فلوس عطاتهم ليا كنزة هاهوووما …
تنههد ورجع تلفت مشى لجيهة اللي كيشرييو منها العصير والكافي وحتى بعد المقبلاات اللي كيحتاجو لداخل خدا ليها العصيير اللي بغات و وقفات كتعزل فلكيك اللي تاخد وهو شااعلة فييه العاافية مخليها تختار على خاطرها وجلس فوق الكرسي كيحك على عينيييه كلو كيننهج حتى لاحضتو ولحد الفرملية و وقفاات علييه وهو يهز فيها رااسوو مزيييير ومعصوور حمررر..
_دكتور…صافا !..
علا فيها راسو دغياا بحالا فيقاتو من الصدمة بصوتها و حرك راسو بايجااااب مشاات وهو ينوض عند تسنيم خدا ليها اللي ختارت وهي مسابقة معاه باغة تخلص من ديالها زعما حتى رجع ليها فلوسها وخلص ومشى قااصد الشوومبر ديال اسمااء يلاه كيقرب ليها حتى بان لييه الساانسوور تحل ودخلوها لييه فالكرسي المتحرك وهو يسرع فخطوااتو ولكن كانو تسد عليهم الاسااانسوور غير كنزة اللي بقات واقفة قدام لاشومبغ حيت مامسموحش ليها تطلع معااهم …خلا عندها تسنييم وحل اسانسور تااني طلع فييه مبااشرة لتخوازيام ايطاج لقاهم دخلوها للغرفة ديال الفحص كيوجدو فيها باش تدخل للمعاينة اللي كانت مقسومة على جووح النص لي فييه جهاز الفحص ونص تاني فين وواقفين التلفازات فين كيباانو الفحوص قاسميين بيناتهم بحيط من جااج….
وقف مورااه محمد مع المتخصصيين كيتفرجو فالممرضة كتعاونهاا تدخل للفحص ومحمد غير مربع ايديييه حااس برجلييه كيجريوه غيديوه يدخلوه عندهاا يعرف منها كلشي مقادرش يصبر وكيرجع يحبس رااسو وهو يمشي يجلس موسد راسو على ايدييه كيتفرج فييهم بقلة صببر كل مرة يشوف فساعة تتنية كدوز علييه بالساعة حتى رد ليه الطبيب اللي مكلف بالفحص تلفت عندو…
_دكتوور…واش نتا بخييير ؟
محمد:مزاان مزياان…شحال ديال الوقت تعطلو لاا !
_مزال مادخلات ل لاماشين كيوجدوها قبل مادخل..
حرك راسو بايجاااب كيشووف فيهم وهوما كيدوزو عليها الة الكشف بااش يحيدو اي حاجة حدييدة هازا معااها مالقااو حتى حاجة من غير ليسوتيان اللي كان فييه الحدييد وهي تدخل الممرضة ايديها من لور حيدياتهم ليها وتحنات عاونتها حيداات صنداالتها عااد عطاتها سماعات ديرهم فودنبيها باش مايوتروهاش اصوات الجهاااز وهادشي ماشي من مصلااحتهم..اما اسمااء غير مريخة مخلياهم يديروو مابغاو حتى تحنات عندها الممرضةكتهضر..
_تخونكييل..حاسة براسك مزيااان…
حركات ليها راسها باايجاب وهي كملات..
_مزياان..غير باش يدوز الفحص مزيان وماتعطليش فييه هاد ليكيت درتيهم باش ماتوتريش مع صوت لاماشين دونك كوني مرتاحة وترخاي لداخل دقائق وغتخرجي..
اسماء:واخا…شكرا هادشي اختي غيبين شنو عندي فراسي ياااك..
_كنتمنااو مايكون واالو انشاء الله…..يكون خيير…
وقفااتها وخلاتها جلسات فوق البياص وسدات ليها رااسها ورجليها حتى هوما وعلات البيااص مستعدة باش تدخلو تحث الجهاز وقبل ما تدفعها عطاتها واحد لعيبة على شكل كورة بين ايديها….
_هادي ايلا حسيتي براسك ماشي مزيان ولا احتاجيتي شي حاجة غير كليكي عليهاا باش نجي عندك وااخاا..
حركات راسها بايجاب وشداتو منها وديك الممرضة نزلات عليها الخودة على رااسها و وركات على واحد البووطون ودخل بيها البيااص تحث الجهاز وهي تطفي عليها الضو وخرجات من القاعة سادة عليها البااب الحديدي و وقفات مورا الاطبااء كتشوف معاااهم ومحمد مركز فالتلفازة مع الطبييب كيتسنااو التصوير الاشعاعي يطلع عندهم ديال رااسها هو لول..
اما اسمااء ملي دخلات تحث الجهاز كانت مغمضة عينييها حتى حسات بالصقيل وغير الضلمة اللي مخيمة علييها فواحد اللحضة وبفضول فتحات عينييها وهو يبان ليها غيير الضلااام والجهاز مسدود علييها بدات كتنهج بسررررعة حااسة برااسها مخنوووقة كتهز النفس دغياا بحالا الاوكسيجيين ماكيدخلش لصدرها حاسة بالخنقة والطبيب على برا وقف..
_نو نووو سيلفووبلي روولااكس ءءء م مداام اسمااء…(ورك على واحد البوطون قدامو باش يدخل ليها الصوت) كتسمعيني مداام سيلفوبلي كالم تواا( شاف فالفرملية) دخلي عندها..
محمد:شنو وااقع؟
_مايمكنش لياا نعاينها وهي تخي ستخيسي بحال هكا..(دوا فالمايك مع الفرملية) حاولي تهدنيها داكوغ كالم توا..
محمد عقد حجباانو كيشووف فالممرضة خرجاتها محاولة معاها تهدن بعد لحضات عاد رجعات دخلاتها وخرجات والطبيب تقاد فبلاصتو مرة اخرى كيحاول يشوف من خلال التفاازة اللي قدااامو ولكن مرة اخرى اسمااء ماقدرااتش تهدن داخلوو وهو يطفي التلفاازة و زفر بعصبية و وقف ومحمد كيشوف معاه..
_مايمكنش لياا نفحصها وهي فهاد الحااالة….(شاف فالفرملية)عطيها كالمون غابيد(مهدئ سريع) نجربو مرة اخرى..
محمد:بوسييبل ندخل ؟
_وي دكتور تفضل..
حرك راسو ودخل مورا لفرملية كانت خرجات اسماء من الجهااز ونوضااتها غير فبلاصتها ناضت جاالسة كلها كتننننهج عرقاااانة بحالاا كانو سادين عليها فشي بلااصة وديك الفرملية كتوجد ليها فالبرا فحين محمد قرب عندها….
محمد: صافا !
اسماء:تخنننقت ماغنقدرش ندخل مرة اخرى تخنقت لدااخل..
محمد : غتحاولي مرة اخرى عند جوج دقايق وغتخرجي صبري غيير شوية واخا …غتعطيك دابا كالموون تهدني شوية ملي دخلتي حليتي عينييك ؟
اسماء: اااه ..
محمد:ماتعاوديهاش نزرماال تخنقي ملي دخلي خلي عينيك مسدوودين وحاولي ماتفكيير فين نتي شتتي تفكيري باش تنساي وتقدري دوزي الفحص ديالك مزيان..
اسماء:شحال غنبقى
محمد : ماشي بزااف(رجع لور خلا الفرملية دكات ليها الابرة) يلاه ارتاحي حاولي ترخاي دغياا غيدوز…حاولي تفكري فحاجة اخرى ماعرفتش فكري فبنتك مثلا فكري فشي حاجة كتعجبك شي حاجة كتبغييها ولا بغيتيها تكون عننندك شي حاجة كتخلييك ترتاجي ونتي كتفكري فييها واخا….
حركات راسها بايحاب تسناها حتى رجعات تكات الفرملية وهو يخرج وهي بقات واقفة عليها دقاائق باش يسرا فيها المهدن عاد تخرج اما اسمااء دارت اشنو قال ليها محمد وتكات على رااسها محاولة تشتت تفكييرها وترتاح فييه غمضات عينيها وعقلها خداام كيقلب على شي حاجة كترتااح فيها تفكر فبنتها ايلا غير سهات فالتفكير فيها غتبداا تبكي ودغيا حاولت تبعدها من تفكيييرها كتقلب تااني بدوون شعوور حتى كيجي محمد بين عيونها…تنهداات مطولة وحااولت تسرح تفكيييرها فيه وبالضبط الليلة اللي سهرااتها وهي معاه كلامو باقي لحد اليوم كيتكرر فودنييها وابتسامو اللي كترحيها وحتى حضورو اللي كيطمنها وحركااتو اللس كتحس بيهم كتلة من الهييبة كتمشى على الارض بلاما تحس لقات راسها نااسية فين هي ومعامن مجرد التفكير فييه كيريييح عساك وهو حداها…مافيقها من سهوها غيير لبياص اللي تحرك وهي تحل عينيها وخرجات من تحث الجهااز حتى طلات عليها الفرملية مبسمة فيها….
_مزيااان…هاهو داز بخير اشنو وقع ههه…
على براا ..كان الدكتور مزال طالع لييه الفحص الاشعااعي عندو فالتلفازة عيى ما يزومي فييه ويطلع فالصورة hd باش تبان ليه مزياان وهو يطلع راسو فمحمد والاخير قرب عندوو كيشوف معاه..
_مافهمتش كيبان كلشي نورماال ..
محمد:سبب الحريق مكيبانش ؟
_لاا يعني نظريا كيبان لياا نوغماال بالعكس كلشي مزياان مافهمتش..ولكن(وقف)ماغنحكموش غير من خلال الفحص الاشعااعي نتسناو التقرير يخرج ويكون خيير..
محمد:داكووغ…امتى يقدر يخرج….
_ واضح انك محتاج ليه غنحاولو نوجدو ليك انشااء الله ..
محمد طبطب على كتاافو كيحرك راسو بشكر لييه حتى خرجو اسمااء من الفحص هاد المرة على رجلييها ومشات مع الفرملية راجعين فنفس الاسانسوور كل مرة مضور تشوف فيهم ضنات محمد غينزل معاهت اما هو كان باقي مع الدكتور خلاها حتى خرجات عاد تلفت عندو..
_واش من لافامي..
محمد حرك راسو بايجاب : بغيت نعرف واحد القضية….فحالة الاغتصاب شحال لمدة الكافية باش تعرف واش فعلا تعرضات الاغتصااب و واش الطب الشرعي كافي يبتبت هاد الحاالة..
_فهمتك…ولكن وااش هادي قضية اغتصااب ؟
محمد : تقريباا..
_فهاد الحالة ماكيناش مدة معينة مدام انه الضحية مزال محافضة بدلاائل المغتصب اما ايلا مكان حتى دليل ماغنقدرو نتبتو حتى حاجة واخا يكون حتى الطب الشرعي..ماغيفيدك فوالو
محمد:كيفاش غيكونو هاد لدلائل…
_مثللا ايلا كان فعلا اغتصااب يقدر يبانو اثار الجااني وسط اضاافر ايلا كان الرفض من قبلها هي يعني غتكون حاولت تمنعو بايديها وغيكون دم ولا جلد ولا خبشات تبين اضافرها ولا كيكون اثاار فسنانها او جسدها ولا حتى يمكن يكون اثار ديالوليسبيغماتوزويد (الحيوانات المنوية) على الرحم ديالها بشرط ايلا كانت الضحية محتافضة بالدلاائل يعني مادوشااتش ولا محاولتش تزولهم عليهاا..
حرك رااسو بايجااب ماقدرش محمد مزال يهضر فهادشي حيت بين عينييه كتجي غير اسمااء فالوصف اللي وصفات ليه تسنييم كيبغي يحمااق وشكرو وخرج من تماا مشى عندها لاشوومبر غير دخل عليها بانو ليه الفرمليات مجموعين عليها كيدااويو فوجهها و وحدة كتقاد ليها المخدة وكنزة واقفة عند رااس السيريير اما تسنييم لتصقة فاسماء كتفرج فييهم اش كيديييرو ليها تا دخل عليهم هو واسماء ماشاافتوش حيت كانو مغطين عليها الباب وهي رادة معاهم البال حيت كيقصحوها فالجراحي وصوتها هاااادئ ومرخي مع المهدئ مزال شاد فييها
اسناء: تئ بشويا اختي عفااك حرقتيني..
كنزة:بشوياا عليها اختي الله يرحم الواليدين راه كتقصح جرحها جدييد بشوياا ..
تسنيم:عمو جااا ماما شوفي عمو مول لعبة جاا لعبت انا وياه لعبة لي لعبتي نتي وبابا ولكن حتى هو معجبااتوش ..
ضارت عندو اسماء بزرررربة بحالا ضربااتها بتصرفيييقة دوخاااتها ولات غير كترمش فيه وهو دار ايديه فحياابو كيشوف فيهاا بدون حركة واخا كان بركان غينفااجر مابينش لييها حتى كمشاات ملامحها مقصحة ..
الممرضة:صبري غير شوية هاني ساليت ليك ..
ماردااتش عليها اسماء حيت بقات معاهم جسد بلا رووح توتراات بشوفة محمد وهي تحدر راسها دغيا كتمنى مايخرجووش الممرضات ومايسااليوش ليها ولا يخليوها معاه رااس فالرااس…
اسناء ب بشويااا عفااك فففف…
المرضة:صبري احبييبة راه كنحاول معااك..
كنزة ماقدرااتش كاع تطول معااه غير صونى تيليفونها لقاتها الحاجة وهي تخرج خلاتهم واسماء كل مرة كتغوت مقصحة ومحمد كيتفرج عليهم حتى كملو ودارو عطاوه التحية باش يخرجو وهي توقفهم اسمااء قبل مايمشييو…
اسمااء:ءءء ع عف عفااك شوفي ختي د ديري ليا هادااك ..اش سميتو هاداك اللي كينعس فيا نعاس دارني راسي ديرييه ليا عفااك..س سي سيروو ديري ليا سييروم ..
_ولكن نتي ديجا واخدة كاالمون..دكتور ؟
محمد:ماكينش لااش ..كيبان ليا ولات مزيان…غير خرجو..
قلبهاا ولا كيضرررب بجهههد متخوفة من اسئلتو اللي غيدبا مورا ماغيبقى معاها بوحدهم…يلاه غيمشيو وهي تهضر تاني وقفتهم
اسماء : ب..بغ بغغييت نمشي لطواللييط…
ربع ايدييه بقلة صبر فيها عارفها كتهرب منو باش ماتهضررش وبقى واقف ليها تمااا وهي مضاربة ماتشوفش فيه مهربة عينييها حتى جات عندها الممرضة نوضااتها وخلاتها مشاات لطواالييط وبقات كتسناها على برااا..
فحين اسماء لداخل جلسات على لااشااص بتفكيير كلها كترررعد ااشنو غتقوول وكيفاش غتعاود لييه دخل علي ولا تعدا علياا ولا تكرفص عليا ماعندهاش الوجه باش نجلس تعاود ليه برااحة حاسة براسها حشمامة منو كثر من راسها حسات بالدنب وقلبها تزير عللييها بمجرد التفكير فاللحضة اللي غنبدا تهاود لييه..محمد بالضبط ماقدرااتش تخرج كلمة من فمها لييه كيغاديير تعتابرو اي وااحد وتعاوود لييه وهو بدون شعور منها ولا اهم شخص فحياتها بدون ماتحس كااع..نزلوو دمووعها وخشات رااسها بين ايديها كلها كترررجف متقاادرااش تنووض من تما وتخرج عندهم حتى حسات براسها عيقاات وهي تطلق الما واخا مادارت والو مسحات دموعها وقصحات شوفتها وخرجات عندهم مهربة عينييها ولكن محمد قشعهاا من بعيد عرفها باكية وهي جلسات فوق السريير لقات الممرضات خرجو بقات معاها غيير وحدة واقفة بعيد عليها تا حساات بيه جاي كيقرب عندهاا وهي تعلي فييه عينييها حضاتو تا وقف عليها خشى ايديه فجيااب مركز عينيه فعينييها الحمريين مزالين فازكيين باادمووع وهو يجبد كلينيك من جيبو ومدو ليهاا…
محمد:قولي ليا شنو وقع ايلا بغيتي كنسمع لييك..
هزات فيه عينيها كترمش فيه وهو وااقف عالي كيشوف فيها وكيرجع يبعد نضرو ماكيبغيش يطول فيها شوفة..
اسماء: علاش كنحس بيك كتسولني باش تأكد ماشي باش تعرف..
محمد:مزياان دماغك بدا كيخدم معايا…ملي حسيتي بياا عارف…مابغيتيش تعرفي اشنو عرفت..
اسماء :ماكيهمش …مهم عرفتي..
محمد:عرفتي من عندمن عرفت…
اسماء تنهدات وشافت فبنتها :تسنييم اللي عاودت لييك..
يلاه غتلفت فيه وهي تخطف من بلااصتها قفزااات فااش شافتو حط ايديه على ناموسية قرب ليها وجههو فوجهها ديريييكت وهي كترمش غفلهاا والممرضة حبسات ضحكة..
محمد بحدة :تسنييم هضرات والطبيب هضر وختك هضرات وغنجيب جدي من القبر يهضر ونتي مابغييتش تهضري….شنو غندير معاك دابا..مم؟
كانت جامعة ايديها عند فمها موساداها على ركابيها وهي جالسة فوق الناموسية ساااهية بتفكيييير طريق تديها وطريق تجيبيها حتى بدا كيصوني تيليفونها وهي تقفز كآنها كانت كتسنى فيه غير شافت المتصل قلبات شفايفها وزفرات وهي تدوز الخط تا تحل عليها الباب ودخلات وئام من العتبة كتهضر تا هزات هند صبعها سكتاااتها ..
هند:شششش… آلوو مهدي صافاا !
المهدي:شنو داباا كديري ليا سوسبانس ايلا ماسولتش فيك ماتسوليش فيا زعما ههه ..
هند قلبات عينيها و وئام تخشات كتصنت معاها: ممم ههه توحشني شوية وصاافي هه
المهدي :صاافي را تحقق حلمك وانا توحشتك هه امتى غنشوفك..
هند : هه اللي بغيتي نتلاقااو غداا..
المعدي:ولاا شتي تا لغدا…علاش نانشوفكش ليوم..
هند:مشغغولة شوية ههه ولكن واخا صافي عشية نصوني لييك..
المهدي:نتغداو اونسومبل واخا..
هند:واخا صاافي ..
المهدي:من الاحسن بان ليا باش من تما نمشيو نشوفو المحل اللي دويت ليك علييه ايلا كان مزيان وعجبك ندفعو فيه مانضيعوش الوقت اكثر…
هند:واخا اللي بان لييك يلاه نخلييك نتلاقااو…بسلامة..
المهدي:بون جوغني..
قطعات معاه ودوزاات رقم اسماء تاني كيصوني يصوني ويقطع وهي تلوحو بعصبييية…
هند:هاد القح/بة تاهي عمرها جاوبت تقول عندها المشااريع وسيدة مخشية فبنيقة تسرح رجليها تقلب سطل الجيييران تفو يلااطيف على قماقم طجت معااهم
وئام : دغياا لقى المحل هههه
هند:هااد الق/واد هذا تاهو فرع ليا مخي انا خاصني الفلوس وهو كيقول ليا ندفع فالمحل طماع وحصلت فيه..داباا ايلا جيت نحسب خاصني القلييلة جوج دالمليوون ياك نحطها تحث مني باش ايلا وقعات ليا شي حاجة تما نلقى باش نضيباني راسي ولكن هاد جوج دالمليون منيييين غنجيييبها
وئام: قولي لماما تعطيييك
هند:نوضي تق/ودي عليا تانتي
وئام:وامنيين غتجيبيها حياتك كلها ونتي مخشية عند حياة تخدمي بليل وبنهار ومجامعاش تا مية الف مكّودة كيغاديري ليها
هند:وديك منيين هي اللي فيها المشكل جوج دالملاين خاصاني من هنا لسبت جااي منين غنقورها انا فففف
وئام : وامتى غاداا نتي
هند نكرات عليها : ماعرفت باقي ماقالو ليا والوو
وئام:ايوا راه حل واحد عندك تجيبيها منيين جبتي الفلوس لوليين هذا هو لحل اختي شي حد اخر ماكين اللي يعتقك نااري كون كنت كملت قرايتي وخدمتك نسيفط بالفور ياشيفوور ونزيد نمشي معاك فاكوونص ماتخمي لتا حااجة كلشي ضربييه على حسابي خسارة جيتيني جااالسة..
هند:هزي غيير مخك وماتبقاش تلبسي ليا حوايجي ويكون خيييرو و(شنقات عليها)نوضي تق/ودي حطي داااك ترييكو راه صبنتو لبارح باش نلبسو صبحتي فيه فالمدرسة واش مكتحشمييييش ولا شنوو شغانلبس انا داباا..
وئام: وصافي تانتي طلقي مني عندك غير هو ماريوك غيطيح بالحواايج تئ ..كون غير عيطتي على بوشعيب ديالك نخرجو نضربو شي شواية داللحم ولا داك المهدي تا سروالو باقي ماهزو هو زويين زويين وبوكوص صراحة دالله ولكن مكجف وجيعاان والعياااقة وبيخ الكحل وطمااع من لفووق نهار سمع عندك الفلوس(ضورات راسها) تئ ناري صدمنييي
هند : وهو طماع وانا كدااابة
وئام:لقاء الاسااطيرة هههههههه …
فالكلينييك…..
محمد بحدة :تسنييم هضرات والطبيب هضر وختك هضرات وغنجيب جدي من القبر يهضر ونتي مابغييتش تهضري….شنو غندير معاك دابا..مم؟
اسماء:ماعندي مانقول نتا درتي راسك فبنت صغيرة وسمعتي لكلامها شنو بغيتيني ندير ..
محمد:ماعندك ماتكّوولي ! يعني كلام بنتك خاوي مامنو تا كلمة ولكن داكشي اللي وصفات لياا انا مكيبانش ليا خااوي نعاودو لييك نوصف لييك كيف وصفات ليااا..
اسماء:ماعااارفة واالو هي ر..را راه ماعرفت منيين كتسمع زنقة والتلفازة وتسليفون وعطى الله منييين
محمد:سمعاتو وتفرجااتو فييكم ..نقوليك جوج كلماات جوج انواع دناس مكيكدبوووش ومكيعرفوش النفاق وهوما الوليدات الصغار وليزونديكابي(قاطعوتو)
اسماء:بنتي كنعرفها كثر منكم وعارفاها اااش كتسوااا ماشي غتوريوها لياا داكشي اللي قالت ليك بغيتي تيقو نتا تعرف انا اللي عندي قلتو وداكشي دااز وقع لي وقع مابغييتش نعاود نجبدو..
وقف مقااد شاف فيها من كلامها الباارد معااه اللي فتانية تحول غير صباح كانت شوية وغتحمااق ليهم ودابا تقلبات مية وتمانيين درجة كتهضر بكل برودة …خلات داتو كترعد عليه بالعصاااب وهي باردة هكااك تا تحدر عندها
محمد :على الاقل ملي طلعتي رخيسة لهاد درجة ماشي قدام بنتك احتارمي ديك الملائكة كيما لعباتها معايا انا ليوم غدا تلعبها مع واحد اخر وبعدو واحد اخر ملي عارفاها حسن مني ومن واحد احر فهميها اللي درتي اشنو كيعني مااشي لعبة ضحكي عليها بيها..
تصدمات فكلامو ! …ماتسناتتش تسمعها منو ابداا لوكان ضغط عليها شوية كانت غتعاود ليه بالتفصيل اشنو وقع معاها كيفاش غتشرح ليه خجلها منو ومن ديك ليييلة….وهو تلفت عطاها بالضهر كيهز فالضوسيات من على الكوافوز اما هي عينيها على ديك الفرملية كتشوف فيها مارضاتش قدامها وحدراات راسها مسحات جفن عيونها من الدموع وهزاتو حاابسااهم حتى حسات بيه ضار عندها وهي تعلي فيه عينييها جات فعينييه ديرييييكت
اسماء:ماتبقااش تشوف فيا هكااك معاارف واالو ماتحكمش عليااا(علات عينيها فالفرملية وهو فهمها وتلفت عندها غير بعينيه قال ليها تخرج ومشاات)
محمد:واااش كضحكي عليااا…اسمااء انا ماشي مهدي تخبي علييا…انا طبييبك ومن حقي نعرف قبل ماندير حتى خطوة فصحتك..كلك مكتاباانيش نوورمال واخا تحاليل كتبين العكس كيفاش غنعاونك وانا معاارف والو وكيفاش جيتي عندي لهنا برجليك نعاونك ومقابلاش تكّولي اشنو وقع معااك
اسناء:كنزة…فيناهي ختي كنزاااا
تنهد وضاار مشى حل لباب كلمها ليا وهي طل عليهاا..
اسماء:خرجي تسنييم عنندك ..
تسنيم:لااء نبقاا عفااك..
اسماء:خرجيييها اكنزة…
كنزة:ااش واقع ؟
دخلاات كتسول فيها بعينييها وجرات معاها تشنييم كتبكي باغة تبقى وخرجااات فحيين اسماء تكعداات جاالسة كتشوف فييه وهو ربع ايدييه واقف عليها…
اسماء:نهار خطبتك عقلتي قلت لييك بابا مريض وخاصني نمشي نشوفو والغد لييه مشييت عندو وديك ليلة رجعت لدااري هانية ومرتااحة واخا كنت مريييضة شربت دوايا ونعست تا تناص علياا ليل ماكيفيقني غير دقان شي حد كيدق مع جوج دلييل شكون ماعرفت شكون هذا اللي غيجي عندي فنص لييل ماعرررفتش جمدت فبلاتصتي واخا نعرف يدق تالصبااح ماغنحلش عليييه
محمد: العسااس الجيييراان ؟
اسماء ضحكات بفقصة: مااعرفتش ماتسوليش عليهم ماااعرفتش وماسولتش حيت ماشي اول مرة كيهجم عليا ماشي اول مرة يدخل عليا
محمد:طلييقك؟
اسماء حركات راسها باه: خدا دوبل ديال سوارت وحل عليا الباب عييت نحبس وعيت نكاالي ماقدرتش علييه دخل عليا
زفر نفس بقووة من نييفو وجر الكرسي جلس قداامها مقاادرش حتى يتخيل المنظر قدامو..
اسماء : كانت تسنييم نااعسة وهو بدا كيغوت وكيضرب ليا فالسلعة اللي تقديت مع ختي كيقول ليا شكون خداها لييك شكون كيحطك بالطوموبيل قدام الباب وشكوون وشكوون…(كتبكي)قاليا باغة تزوجي قاليا ندبحك نتي ويااه وماتزوجييش بييه كيقوليا يا انا ياا الموووت..وفعلا شفت الموت بعيني دااك نهاار قلت رااه سكران غيضربني كي مواالف غيمشي ولكن مامشاااش(شهقااات حابسة كللامها كتبكي وهو تلف ماعرف مايدير غثر كيسمع ورجليه كيتتحركو بتوتر شعلات فيه العاافية)
اسماء:قلت رااه غير سكراان غيغوت تا عيى ويضرب تايسخف ويمشي انا ولفت عصاتو لحمي ماات على الضرب اصلا صغري كامل وانا معاه غير فالعصى عمر نهار زوين ماشفتو معااه وغنتقلق من جوج تصرفيقيياات…ولكن مامشااش ماحسييتش برااسي… شفت ف عينييه واحد اخر ماكانتش فييهم رحمة قلت هاد نهار غيقتلي وكون غير قتلني وماعيشنييش ديك ليييلة…
محمد:اسمااء هادشي عارفو ايلا مابغيتيش تكملي(قاطعتو)
اسماءلاا غير سمع تسنييم وصفات لييك انا غنكمل ليييك..
اسماءلاا غير سمع تسنييم وصفات لييك انا غنكمل ليييك..خليني نعاود لييك كيفاش تعدا علياا تكرفص عليا امحمد وانا فقلب بيتي تشلل علياا لحمي حتى راسي ماقدرتش نعتقوو وغنتعق منو بنتي ومانخليهاش تشوف ااش عشت..واش انا مااكرهتش كون دبحني دييك ليلة ومايخلييش بنتي تعيش داك نهار واش كيسحابليك انا ناسية ااش شافت بعينيها …نهار تكبر وتولي تميز بين الالعاب والواقع ااش غنقول ليها ونهار تعرف اللي وقع لمها ماشي لعبة كيفاش غنشرح ليها …ولا هاد رووح اللي قتلت فكرشي باش نتهنى من عداابو شكون قال مانزييدش نتعدب كثر حيت قتلت روح اللي ماليها تادنب….(زيراات على،راسها كتبكي)كل نهاار كنعوم وكنحححك ومزاال كنحس برييحتو شادة فيا مزال كنحس براسي مسسسخة بيييه..اااشمن حياة انا بقات عندي دابا واش باقة شي حاجة تزيان فعيني وااش انا باقة نتمنى شي حااجة وعلى الله ربي يخلي ليا غير عقلي فبلااصتو تانكبر بنتي ولا جات المووت مرحبا بييها نخليهاا غير مأمنة مع اللي يستاهلها…
نااض بسرعة من كرسييه عطاها بضهرو بحالا مقاادرش يزييد يسمع كلاامها وهي حساات بيه..
اسماء: نتاا ماقدرتييش حتى تسمع وكتسنى مني انا نعاود لييك عاادي..
خبات وجها بايدييها كتبكي بالصوت بنفس الشعوور ديال ديك الليل رجع لييها حرقة كبييير مزيرة صدرها… والجهد باش تغوت وتخرجها ماعندهاش… المرض والكالموون راخييها غير كتبكي وتنيين بالصووت.. وهو غاديي جااي كيحك في شعروو صااعر وكيسمع لييها ماعاارف مايديير دايخ وتاالف ماقاادرش يواسيها ومعارفش حتى كيفااش غيخفف عليها تا تحل الباااب ودخلاات كنزة واضح فيها كانت كتصنت عند البااب مشات نيشان عند اسماء عنقااتها كتسكت فييها
كنزة:وابرااكة والله ايلا طيبتي قلبي برااكة اختي غتقتليي راسك ولا غطرطقي فيك شي عرق الله يرحم ليك الوالييديين ما براااكة..
تكاتها على كتفها كتطبطب على ضهرها وهزات عينيها فمحمد كتشووف فيه واقف بالجنب مكيشوفش فييهم وجهو كيبان حمر ومعصوور ومن لكمة ايديه المجمووعة كتبان فييه بركان على وشك الانفجااار ..
كنزة:عفااك دكتور..شنو..شنو نقدرو نديرو دابا باش نتبتو اللي وقع مع ختي واخا داز عليها كثر من سيمانة واش كاينة شي طريقة ايلا دابا بغينا ندعييوه راه خاصنا دلييل ولكن كيفاش غنجبدوه ماكين لا شهود لا والو وايلا كاع بغينا نسولو شي حد اينكر راه كلشي كيخاف منو تماا شكون هذا اللي غيبغي يشهد فييه
يلاه غيدوي وهو يشوف اسماء تكعدات مخرجة فيهم عينيهاا بحالا سمعات شي كلمة فشكل وقالت وهي كتحول نظرها فيهم بجووج..
اسناء:م ماغندعييهش انا …شكون قاليكم بغييت شي دلييل..ماغادعيييهش..علاش غندعييه ص صاافي وقع اللي وقع مابغييتش ندعييه..
فنفس الكافي المعلومة ديال المهدي ماكيفوتهاش ومايكمشييش لغييرها كان جاالس فالطبلة لفوق كيطل على ناس من لتحث حتى بانت ليه هند طالعة مع الباب وهو يتبسم ونااض وقف سلم عليها بلابييز جر ليها الكرسي جلسات وجلس موراها…
المهدي:نتي خطييييرة…
هند:ههه علاااش مالي
المهدي:ولاهيلا خطيرة فلول كتعيطي ليا كل مرة وليميساج خليتي تاولفتك وقطعتي عليا الما وضو شنو بلاانك غير قولي لياا..
هند:بغييتك توحشني فيها شي عيب ماشي من حقي..
المهدي: و توحشتتك ..
تبسماات بخجل وحدراات رااسها ماعرفاتش تجااوبو وهو كيشوف معااها حتى مد ايديه وجر كرسيها قربو حدااه حتى لصقاات فييه وميل فيها رااسو وعينيه فعينيها..
المهدي:ماغتقولي واالوو..واش مزال ماقدرتييش تيقي فيا حلفت بلله مانعازدش نجبد معاك موضوع المحل حتى تعاودي تجيبدييه نتي بوحدك وعاودتي جبدتيين معايا وقربنا نديرو الايد فالايد ونولييو شركة ولكن بان ليا مزال ماتايقية فيا…
هند:بالعكس…تايقة فييك كثر ماكتخاايل كون كنت بصح متايقاش فييك غنقوليك نمشيو نشوفو شي محل ؟ كون كنت بصح مادايراش معاك نيتي مانقولش ليك اصلا عاوني مرة اخرى…انا رااه عيني تطلبهم ونجبدهم دابا نعطييهم لييك راك عارف معزتك عندي شحاال كبيييرة ..
ضحك وشبك ايديه مع ايديها فوق فخاضها ..
المهدي ماغنخيبش تيييقتك تيقي بيا غنمشيو انا وياك بعيييد..
سلتات ايديها منو مامبينااتش عاطياه الضحكة الصفرا وهو لاحظ هكاالك وجمع تبسمييتو..
هند:خلينا ديزاامي حسن مافوتوش الحدوود هه
قرب كثر حتى حشمها وهزات عينيها متشوف لا يشوفهم شي حد …
المهدي:بغيت نفووتهم معااك عندك شي مشكل ..
هند:المهدي شنو كيضور فبالك واش باغي تلعبني انا وهاديك اللس كانت خدامو معايا حاشة واش تكون صاحبتي على صباع ايدييك غير قووليا
المهدي:ااش جبد دابا شي صاحبتك فالهضرة غير فهمينيي هاديك ايستوار قديمة ومشاات نتي هي المستقيل نتي اللي معششة هنا (ضرب فراسو)ماشي وحدة اخرى وبرااكة ماتعدبي فيا…
هند:مممم نخاف غير لااتكون شي رتيلة معشة ليك تما من غيري وتزيدني تانا عليها..
المهدي:هاد ساعة كاينة غير واحد الفرااشة كنتسناها ترحع ليا كيف كانت لا غيير…
تبسم وقرب عندها وحهو مقابل مع وجهها ماكيفرقو غير سونتيمات قلااال حتى نفسو سخوونة ضربات فوجهها وهي غير مبسمة فيه كتمرش بخجل مقادراش تطول فيه شوفة… كتلعب بصباع ايدييها حادرة عينييها حتى كتحس بييه حط شفايفوو على جنب فمها وهي تغنض عينييها وسرحاات عاايشة معاه القبلة الغافلة ديالو…ل لحضة رجع لور…وهي تحل عينيها ضحكات فوجهوو وحدرات راسها وهو يعنقها متكي راسها عند صدرو كيضحك ..
مكانتش اقل منو حتى هي كتضحك فوق صدرو مارااداش البال لشعيب اللي عند باب الدرووج كيتفرج عليهم بعدما شاف الفلم كاامل من اولو ل اخرو..
كنزة:اسماا راه هضرنا فهاادشي علاش مغدعيييهش واش هاد الحالة كلها لي دار لييك وهو عند عتبة دارهم جالس كيضحك ومفوج مع راسو كامي ونااسي بحالا ما داار واالو ….لي دارو ليك ليوم غدا يعاااودو
اسماء :ماغندعييهش ماديري تاحااجة من رااسك ووالله وديري شي حاجة تانكر خليني نعووم بحري اناا اللي عارفة ااش كنديير..
كنزة:اويلي ا اسما
محمد : عادي تخاافي اللي داز عليك ماشي سااهل… مزياان؟…. غنحااولو نوجدو الادلة باش نلقاو باش نهضرو نتي مصدومة وربما خايفة ماتقدريش تواجهييه ولكن ماغتواجهييهش بوحدك حنى معااك..وانا معااك.. وايلا ماخداش القاانون حقك انا اللي غناخدو بايدي
اسماء: محمد عفاك عارفة اشنو كندييير انا ماشي مصدومة ماديرونيش مسطية رااه بعقلي ماغندعييهش صافي اللي عندي قلتو يااك انا اللي وقع ليا اش وقع ماشي نتوما علاش باغيين تحكمو فبلاصتي حياتي كلها وانا بوحدي ماشي ليوم نتا ولا هي غياخد ليا حقي ربي اللي غيااخدو فييه خليييوني نعوووم بحري
كنزة تعصباات :ماااشي بخاااطرك اشرييفة واش مرييضة ولاا ماااالك واش عجبك الحال معااه(طرطقات فيها اسما عينيها ومحمد شاف فيها عاقد حجبانو) را هي هااادي كيفاش ماغندييهش بغيتيه يرررجع تاني قوليها نعرفوك علاش مطوية..
اسماء : ماشي سوووقك ونتي اخر وحدة تهضر فين اختي عمرك هزيتيي تيلفون ولا سولتي فيا كون ماتشد بيا الحال وصونييت ليك غتسيقي ليا الخباار لا نتي لا واحد اخر فين عمر شي حد هز تيلييفون وصونى غي بالغاالاط غير بالغلط يقول سمحي ليا افلانة غلطت ف نمرة وكيدايرا نتي ياك لباااس…ماشي تالدابا وتقولي ليا اشنو غندييير ….انا عاارفة ماابييكم لا دعوة لا جوج نتوما خاااطركم ضركم من جيهتي وبقييت فييكم وباغين غير تدعييوه باش تسماو درتو شي حاجة وعاونتوني مامحتااجاش لييكم …عااارفة اااش كنديير خليني نعوم بحري (شافت فمحمد وقلبات عينيها كيتلفها فكلامها)جيت عندك لكليينك تعاوني وتشووف ليا راسي اشنو فييه ايلا ماقدرتييش فاهماك والله يخلف علييك درتي جهدك معايا… ديرني عمري جييت عننندك ..خليوني دابا غير نخرج مابقيت باغة والوو..
بقاو غير كيشوفو فيهاا وكنزة مصدومة من كلااامها خلاتها حالة فمها كتشووف فيها اما محمد معاودش نطق بكلمة اخرى ماخلات ليه مايقوول ومن طريقة كلامها القاصح ماخلات ليه فين يقنعها…..فالاخيير حرك راسو بايجاب و هز ورااقيه من فوق الكوافوز كيشوف فيها نايضة من الناموسية باغة تمشي وقبل مايخرح قاال..
محمد:بغيت نعاونك ولكن نتي حرة مايمكمش ليا نضغط عليك اكثر خودي رااحتك غنوجد ليك وراق خروج تقدري تمشي وايلا خرج راابور دياالك غنعيط لييك اجي خودييه…
بلا كلمة اخرى خلااهم وخرج سد البااب بجههههد تااقفزووو بجوجات شوية ومكان غيطيرو من بلاصتو واسمااء ضرباات فجناابها بعصبيية مغدددة معصوورر بالكى…
______
كانت شادة تيليفونها كتلعب فييه وهي متكية على صدرو فحيين هو كان شاد راس الشيشة ف فمو كيجر منها مرة مرة وينفخ الدخان الفووق اما شعيب عند الدروج كيشووف بنضرة حزينة منكسر الخاااطر مابيديه حيلة وماعرف مايدير واش يزيد خطوة يطلع عندهم ولا يرجع منين جا….تنههد اخر حاجة توقعها منهااا ورمى رجلييه للدرجة التالاة طالع عندهم غير شافها هزات راسهاا وشاافتو وهو يرجع خطوتو لتحث ونزل مع درووج خارج من القهوة وهي تخطفااات من بلااصتهاا ناااضت مخرجة عينييها كتنننهج مصدووومة والمهدي رد ليها الباال..
المهدي:ماالك…
هند: خ خااصني نمشيي..م ماما كتعيط ههه عطاتني شي سخرة وتعطلت عليها..
المهدي:نوصلك !
هند:لا لاا غير خيلييك ماغنمشييش للدار قلت ليك مسخرة قريبة من هنا نقديها ونمشي..يلااه بسلامة نتلقااو من بعد بيناتنا تيليفون..
سلمااات علييه من الحنك الحنك وهزات صاكها وتمشاات قدامو بشوية غادا حتى وصلات للدرووج تخبات على عينيه وهي تنزل كتجري بين الناس شي كتخرج فيع وضور تطلب سمااحة وشي كتخلييك داوي ورااها وخرحاات برااا بان ليها شعيب زااد بالطوموبيييل مشى وهي تحبس من جرى كتنفخ حتى بان ليها وقف عاطي طريق لشي وليدات صغار دازو وهي تمشي كتجري بلا كلام بلا واالو حلات البااب وطلعااات جنبوو…
فالكلينييك…
هزات كنزة الجلابة من الماريو لي كان خاص بالشومبر ديال اسمااء وضارا غادا عندها مغوبشة بطلووع دم ماكاشوفش فبيهااا وهي شداتها منها مضاربة معاهاا تلبسهااا حتى جات عاونتها كتلبسها وتاوحدة فييهم ماكتهضر لبساتها ليها وعطاتها صندالتها وزيفها عاد ناضت هي وياها كتجمع ليها بااقي المساائل حتى دبا كيصوني تيليفون كنزة وهي تجبدو لقاتها الحاجة..
كنزة:ماما كتصوني نقوليها توجد لييك البييت..
لسماء:لا ماشي ليوم تالغداا …
كنزة:علاش تالغداا اشنو عندك فداك البييت ليوم
اسماء:بغيت ناخد داكشي ديال تحالييل غدا من هنا ومن تما نمشي لدارنا مابغييتش حتى نمشي عندهم عاد نولي جاية هنا وانا مابغاش نسيق الخبار لماما ..
كنزة:بحالا هي ماغتشوفهمش لاديتيهم معااك….وعندك مزال الوجه ترجعي هنا عندمن باغة ترجعي للسيد اللي من صبح الله وهو واقف معاك فلخر جبدتي ليه ودنييه بديك الهضرة انا نقول ختك وماغنديهاش فييك وهو ؟
اسناء: محمد واخا ماشي بزاف باش تعارفنا وليت عارفااه اشنو كيسوا وايلا ماقصحتش معاه الهضرة غيبقى يقلب فهادشي لي وقع انا مابغيتش ليه المشاكل مع ديك ترييكة خلييه هاني مع عائيلتو ماشي نهار يعرفني ندخل علييه بالصداع والمشااكل
بشك ضورات راسها …
كنزة:واش مابغيتيش ليه الصدااع ولا حيت عرفتيه غيتزوج بغيتي تقطعي باباه المشكل اللي غيجمع بناتكم….فضلتي ماتشوفيش على انك تدعي داك الشمااتة
لسماء:عفاك معارفة وااالو غير سكتي انا اللي عارفة اش كنديييير مابغيتش ندعييه حيت عارفة علاش ماشي على محمد ولا ناس ولاشي حد اخر انا كل ليلة كنبات ندعي علييه بالعدااب الييم مابغيتوش يموت بغيتو يتعدب بغبيت ربي يقطع عليه رحمتو مابغيتش ليه الحبس…الحبس كيبان لياا قليل علييه وسوارتو اصلا فايديهم لادعيتو ليوم يخرج غدا ماعارفااش اختي معامن طحت انا والله ماعارفة شي حاااجة..
قطعو كلامهم فاش دخلات عليهم الفرملية مرافقة اسماء حتى مشاو لغيسيبسيوون وكنزة جبدات الفلوس باش تخلص هاد لييلة عطاتها للبنت لي فالاستقبال ورقة عمرات المعلومات ديال اسماء وسيناو عليها ومدات ليها لاكارط والفلوس باش تخلص وديك البنت غير كتطابي فالكلافي قدامها..
_لومونطون ديجا بَّايِّي….
كنزة:نعام اختي ؟
_ماكين لاش تخلي حيت ديجا الحساب مخلص..
كنزة:لا راه فهمتك ولكن زعما شكون… حنا مزال ماخلصنا
اسماء:ماالكي
كنزة:قالت ليا شي حد خلص الحساب ديال كلشي ما مافهمتش..
_عندي هنا ديجا مدفووع دونك ماكين لاش تخلصو عفاك ممكن تخلي لاسينياتيغ ديالك هنا …
حركات راسها وخلات اسماء زادت سينات جمعو الوراق والملفاات وضوسي ديالها…
اسماء:و ليريم اختي معاش نجي ليه غدا هو والتحاليييل
_صبااح الوقت اللي بغيتي جي غير بكري..
اسماء:واخا شكرا..الله يعاونك
ضارت عند كنزة خشات ايديها فدراعها وتمو غادين خارجين بشويا يلاه كيزيدو الخطوة على حساب اسمااء والفرملياات غادين جاييني جنبهم والناس حتى هوما شي واقف برا كيتسنى شي داخل لداخل ولومبيلونص واقفة عند الباااب كتدخل وحدة وتخرج لاااخرا…
كنزة : شكون غيكون خلص ههه شهاادشي على باقين المحسنيين زعما فهاد البلااد..(شافتها ملفتة بحالا ماقلب على شي حد) راه مبانش ليا بلاما تقلبي..
اسماء:هو لي خلص..علاش خلص عندي فلوسي نخلص بيييهم ..
كنزة:اسمااء ختي يلاه يلا عزة نفسي ماكيديروهاش المزااليط غتخلصي ليريم داير مية الف اش غيبقى عندك ربعمية ديال المركوب يلاه اختي يلاااه…
جراتها ماخلات ليها فيين تهضر واسماء عيات تقلب بعينييها ماباانش ليها كااع وهوما يمشييو للطوموبييل طلعات جنبها وبنتها لور تكات راسها على الزااج ناعسة علييه وكنزة انطاالقت مشاات للدار….والبنات اللي فالغيسيبسون غير خرجو هزات لانطيرفون ودوزات رقم لبيرو ديال محمد..
_دكتور قلتي ليا ايلا خرجات مريضة الشومبر تخوا نعلمك..عاااد خرجات غير دابا..داكوغ دكتور..بون كوغاج بوغ فو اوسي..
قطع عليها محمد ورجع لانطريفوون لبلاصتو وتكى علر الكرسي بضهرو كيحك فدقنو بتفكير عمييق حتى لواحد اللحضة وهو يتكعد وجبد تيليفونو كيدوز للمهدي لحضات حتى جاوبو وصداع دالموسيقى مجههد كيضرب فودنيه وهو يبعد عليه تيلييفون عاقد حجبااانو باينة علييه على شوية وغينفاجر بالغضب اللي ساد علييه حتى بدات كتخفف الموسيقى وهو يرجعو لودنبيه كان المهدي خرج لبرا باش يدوييو مزياان…
محمد:فينك..
المهدي:سلااام محظوورة فبلادكم…
محمد:هاهي سلاام..كّوليا فيينك
المهظي:فالقهوة فين غنكون احنا مخشيين فييها..
محمد : محتاج ليك دو(قاطعوو)
المهدي: وااش غدا يوم القياامة ولاا ليوم غنموت كيفاش محمد محتاجني شهاد تواضع من سيادتكم..
محمد:المهدي تهضر معايا مكّاد ولا قلب سوايع
المهدي:معااك معااك كنسمع غير سيير
محمد:دوز عندي لكليينك ايلا لقيتي كيفاش دابا بغييتك…كنتي دويتي ليا على شي واحد ساكن فشي كريان ولا شي قنت هكا !
المهدي:اهااه كااين كااين عرفتو
محمد:باقي اونكونطاك معاه ؟
المعظي : ضروري وايليي علااش
نحمد:مزيان دوز عندي تلقاني فالبييرو…عندي غينيو(اجتماع) من دابا شي (شاف ساعة فايديه)عشرة دقايق ايلا مالقيتينيش جلس فالبيرو حتى نجي عندك..
للمهدي:صافي بلان اللهم يسر..
قطع علييه وخشى تيلي فجيبو ووقف كيقااد فطابليتو مشى خارج بخطوااات تابتة عاارف اش كيدير وقبل ماكيرمي الخطوة حتى كيفكر فييها وهذا السبب اللي كيخليه مايندم على تا خطوة دارها فحيااتو…بحال هاد لخطوة لي قرر بينو وبيين نفسو يمشي فيها..
تلفت شعيب موسع عينيه فلي حل عليه الباب بااانت ليه هي وهو يفرااني جنب وقف الطوموبييل صااعر كيغوت..
شعيب:نزلييي تزلييي عليااااا
هند مطرطقة فيه عينيها :علااش غننززل واش جيتي تالعندي باش نطلع عندك وتجري علياا ؟؟؟
شعيب:مزاال تخرجي فعينيك ماعندكش الوجه علاااش تحشمي….وانا حشمت فبلاصتك دابا انا مركّتيني نزل قدام ها البشاار للي داخليين خارجين نزلي فحاالك..
هند:والله لا نزلت شكون غيوصلني وماكاين تا طاكسي هنا نبقى انا مشوجرة ندير اوطوسطوب يمشي شي واحد يطيرني لييك..
شعيب:طلعي عند هادااك اللي كنتي لاصقة فيه جالسيين على البوسان هو يوصلك ولا ضبرو لكر(زير ليانو)راااسكم صدمتيتي فييك عمر شي بنت المراة ضحكت عليا تا جيتي نتيي ماتزااادش هذاا اللي يبيدقني نزلي خلي نتفرقوو خووت كي تلاقينا خوت ….
هند:ناقصني خوت انا نديرك تانتا خويا هذا اصلاا لي داوي علييه راااه شماتة ايلا قلت لييك دابا ااش عندي نخاف غير نتا تولي نازل لييه عارفاك راجل حار وماكتبغييش الحكرة
شعيب:نتي كاملة وحكرك ولاهيلا بوجور ليه زعما اللي قرر عليك خاصو ميداليا داهابيا نزلي غلياااا برااا
هزات كتافها وجلسااات وهو نزل زااج كلو كينهههج وعينييه حماارو حتى تلفت عندها..
شعيب:والله ايلا عايب علييك ماكتبغييوش اللي يمشي معاكم بالنية ماكتبييغوش ولاد ناس واش حيت مشيت معاك بنتي ورتيني هادشي…هادشي اللي نستاهل منك الله يخلف الالة حليتي ليا عيني مزياان..
هند:حليتيها حليتيها حل معايا تا ودنيك وسمعني ااش غنقول وعفااك غير زيد شوية من هنا و ووقف راه غيمشي ينزل لا انا لا هو لا نتااا لا اسماا…
شعيب:شكون هادي اسمااا
هند:لي باغي يتجوج بييها
شعيب:ونت ماالك
هند:نتا اللي ماالك
شعيب:واا هند الله يرضي علييك
هند:واا شعيب يرضي علياا وعلييك عفااك مازييد غير شيويا…عفااك عفاك ياك عزيييزة علييك ياك كتبغيني بحاال ختك ياك انا كلشي فحيااتك يا انا الكبيدة وطيحان ديالك وازييد ماضربش ليا خدمة شهر فالزيييرو ها عاارا لمييمة زيد غير وشويا و وقف..
زفر النفس من نيفو بغضب وديماراا طوموبييل وهي عاد دارت سمطة وتنسفاات كتمجع فضحكتها ملي شاافتو بدا كيبرد شويا وهي تقبي بغات تحط ايديها على ايديه وهو يخطفها ماكيشووفش فيها وهي قلبات عينييها داوية فنفسها(“ايوا صافي بقى ليا غير نتاا نحزرك البلدي لااخر”)
تقادت فبلااصتها منزلة المرااية كتقاد فالعكر اللي داع ليها شوياا حتى شافتو مجبد مع الطرييق وباغي يشد لوطوورووت ..
هند:فيين غاادي..
شعيب:نوصلك لمحطة الطاكسيااات ونزلي الله يرحم الواليديين بدلي سااعة باخرى جاات عيب وماشي من عوايدو نخلي العيالات فنص الطريييق ماتربيناش على الغدر..
هند:والله ايلا عيقتيي وقف جنب واغير وقف صافي نااري قلت ليه زييد بزز باش زااد ودابا خاصني ساعتين بااش يوقف..واااا بوووشعيب وقف خنهضر معاااك عيقتي شوية لااا زدتي فييه كااااع واها تلقااني معاه فالفراااش مادير هاد الحالة…
شافتو مزال غادي وهي تمد ايدبيها بغات تضور لييه الفولوون كتضحك حتى ضرب ليها ايدييهاا مع واحد الحدييدة وشدااتها مقصحة كتلوااا معاهاا وهو تدعق ولا حاضي مع الطريق وكيشوف فيها حتى ضور الفولوون و وقف فالجنب وهي حلاات البااب بغاا تنزل وشدهاا
هند:طلق منيي…صافي غيير طللللق داباا قصحتيني شوف ايدي كي ولااات طلق مني عفااااك انا اللي مايسمعش ليا ومايعطيني قيمة ويحكم عليا ماعندي مااندير بييه..
شعيب:وااجلسيي صافي …غير جلسي داباا…. هنيينا وجلسي
هند:طلللق مني صااافي..
شعيب بحدة:وجلسيييي (رجعها لبلاصتها وسد البيبان كاملين) قلبتي عليا القفة وليت انا اللي كنطلب فيك تجلسي..
هند:قصحتيني حراام علييك انا غير ل جا كيحكرني ويمسح فيا ايدييه شنو درت كااع ايلا قلت ليك شنو عندي والله حتى غتندم..
شعيب:ما نتي سويييهلة تنداار بيييك انا غنسمع لييك ونلقى شي خروج ودخول فالهضرة لارجعتي لداركم هااد نهار دييك الغابة شتييها لامابيتكش فيها ماشي شعيب ولد العربي انا..
دبلات فييه عينييهاا كتحولن وتضوور علييه..
هند:وتسخى بيااا…( قلب وجهو وهي تلفتات عندو مبسمة فييه)صافي انا غنعاود لييك بلحق سمعني تا لخر ماتحبسنييش تاا نساالي…
قلب عليها وجهو ولكن عاطيها ودنييه كيتصنت على كلامها حتى بانت لييه داخلة لمعقول كتضهر من نيتها وهو يتلفت عندها كيسمع ليها بتركيييز…
كيف عاونتها لبسات جلابتها وهي فالكلينيك عاوتنها دابا وهي كتحيد فيها فالبيت..غير زولاتها ليها حزمات اسماء الزيف على رااسها حابسة حرييقو وتكاات مغمضة عينييها حاسة بالسخفة اما كنزة وقفات على البوطاجي بجوج صبعان تهز حاجة وتحط حااجة عايفة غير من راسها رغم انه كلشي كان كيشعل من غير الاواني اليومية اللي كانو مرونيين بحكم ان اسماء مابقاتش كتشقى..مجات فيين تحط الطبااسل اللي غسلات تستفهم فالشبكة حتى لوااحد اللحضة حسات بييه بحال تخطف من ايديها حتى طاح والشبكة تابعااها كااااملة نص فييها تقلب مهرس فلرض كيساان وطباسل واسماء غمضاات عينيها مزيرة على رااسها ودنيهاا كيزدحو بدااك الصداااع
كنزة:يلااطيف يلاطيف بسم الله الرحاان الرحيم على سبة هادشي جيت نحط طبسيل تبعني كلشي..
اسناء:ديري غير اتاي غتريبي ليا الحفلة كاملة تكيسي راه عندي غير جوج مشاقف كنعدي بييهم…ففف
كنزة:باقي عاطيك الحريق نعسي شوية على الله يفوتك..
اسماء:داتني الغمضة قفزتيني غير نتي…وا تسنييم نقصي ابنتي خليني نعس نقصي شوية الله يرضي علييك…
غير رجعات غمضات عينيها داتها الغمضة ونعساااات ولكن كل مرة كتضربها الفيقة نعاسها مقطع للاخر حلات عينيها بمرة وناضت على ادان المغرب كيودن وكنزة كتهضر فالتيليفون باينة فيها معصبة وتسنيم كتفرج فالتلفاازة..
كنزة: البااشار صاحب حاجتو الله يخليها سلعة(قطعات ولاحت تيليفون)
اسماء : ماالكي
كنزة:غير واحد الفرملية صاحبتي يا حسرة داك العام عاد وقفت مع ختها تا مشاات لقطر خدامة دابا على مخها تماا ملي وقفت عليها داباا ءء حقا جلست من الخدمة ءء حقا ماكنعرف حد
اسماء : معولة عليها تانتي توقف معاك انا ماكنعول على حد هاد الزمان اختي كل واحد كيضرب على راسو وكل كينش على كباالتو
كنزة:صبر والله العضييم..
اسماء: فايتينهم غير بالصبر كون ماكانو عندنا الولااد بنادم مسكين ماكتبان لييه غير داك الكرسي و واحد الحبل جوج دقاايق ويتريح بالو للابد غير كلا وايمانو وكلا وخوفو من الله…
حركات راسها كنزة بايجاب بدون ماترد علييها غير مركزة فيها عينييها وكلامها مزال كيتعاااود فتفكييرها فضلات تسكت وماتطولش فالموضوع لاتولي سامعة ما كفس منو…يلاه بغات تنوض اسما من بلاصتها وهي ترجع تجلس جاتها دوخة وكنزة نااضت جابت ليها ااش بغات وحطات ليها ماتاكل كانت جايبة غير من زنقة مخلية ليها صوندوييتش خلاتو ليها وعطاتها تاكل..يلاه قالت بسم الله وهي تسمع الدقاان فالبااب وقفات اللقمة فحلقها مخرجة عينييها وكنزة مشلات لباااب..
اسماء:قو…قولي شكوونن عاد حلي(وقفاات تاهي) ق قولي شكوون ..ماتحلييش تاتسمعي صوتو..
كنزة: شكووووون ..
سمعاات صوتها وعرفاتها من لدااخل عاد قالت ليها تحل ورجعات جلساات وكنزة حلات البااب فوجه هند هاد الاخيييرة اللي عقداات حجباتها كطلع وتهببط فيها ودخلاات مرة مرة كتلفت فييها مافهماتش سبب وجود هاد البنت هنا وهي عارفاها مزيان وعاقلة عليها ومايمكنش تسناها وعارفة حتى خدماها شنو هي واشنو كديير سؤال واحد اللي كان كيضور فبالها واش حتى اسماء ضارباها من لتحث وناوية تمشي معاهم فهاد المشية؟ ماكينش سبب اخر اللي ممكن يجمعهم بجوووج…حتى قاطع تفكيرها صوتها…
اسماء:هند جلسي …
سلملت عليها من الحنك الحنك وجلسات عاد ردات ليها البال كتطلع وتهبط فيها….
هنظ:يااك لباااس ماكتبانيش هي هادييك ..بحالا ضعافيتي..
اسماء: غير عيانة شوية وصافي..
هند:كنصوني ليك مكتجاوبينييش بدلتي نمرة تاني ولا شنو ههه
اسناء:عاد شفتو خرجت وماهزيتوش معايا كنت غنصوني لييك تا جيتي يااك لبااس كاين شي حاجة !
هند:كااين كااين داكشي علاش جيييت(وعلات عينيها فكنزة)ولكن عندك ضيااف مانصدعكمش مرة اخرى ونجي ولات نهضرو فتيليفوون..
اسماء:لا لا غيير جلسي اصلا كنزة ختي كانت غادا دابا
هند:اااه ختك متشرفيين .
كنزة:الشرف ليا ..نمشي يلاع نشوف ماما ونريحهااا ونجي عندك ماغنتعطلش
تسنيم:نمشي نعااام
اسماء:تخليني بوحدي
كنزة:ماغتنعطلوش دابا وحنى معااك…يلااه اخالتو معايا…
تسنيم:لا انبقى مع ماما صافي ..
هزات كنزة صاكها وجاات خارجة حتى ضارت تلفتات فهند..
كنزة:وااش فايت تلاقينا ولا غير دوخااتني شمس عاد نهار…
هند:انا !
كنزة:اااه فايت ليا شفتك فشي بلاصة ولاكن مااعقلتش..
هند:هههه فيين غنتلاقااو وانا نهار كلو فالصالون ايلا تلاقينا غنكونو تلاقينا غير فصالون حيااة شي بلاصة اخرى ماكنمشييش ليها..
كهزة:حياة اللي كانت خدامة عندها ختي لا انا عمرني صوابت فييه….يمكن تشابهتي ليا يلاه نخلييكم بسلامة ..
غير سدات عليهم البااب وهي تقلب ملصقة ودنيها فالبااب كتصنت عليييهم خاصة فاش سمعت اسماء قالت..
اسماء : ولله اختي هند مابقات عندي لكانة لشي حاجة قولي ليا شنو كاين ولا شنو نديير ربي واش كاينة شي حاجة نتجرجرو عليها ولا غير على الخاااوي..
هند:نهار لول مادقيتش عليك باش نهضر فالخاوي ..كل نهار كنصووني ليك كون كنتي كتحاوبي كون كملنا شحال هذاا ماتشوفيني مانشوفك ولكن اختي نتي ديما ناسية تيليفونك ديما طافياه خاصني رونديفو باش نهضر معااك ..
اسماء :غير نسييتو ماغنبقااش نفرقو (راسها ثقيل باغا غير تكى) غير قولي ليا دابا شنو كااين ..!
هندكااين كااين مايداار (ضورات عينيها فالدار مامرتاحاش فالجلسة)بدلتي البيت ولا شنو شكون كان كاري قبل مننك هنا…
اسماء:ماعرفتش علاش من نهار عقلت على راسي وانا هنا..
حركات هند راسها بايجاب كتضور عينييها فالبيت جامعة عندها رجليها وايديها مامرتاحاااش وقلبها تكمد عليهاا حسات النفس ديااقت غليها ولات باغة غير تخرج ماشي اول مرة ولكن حتى المرة اللي فاتت دخلات عندها ونفس الشعوور كيتعاود ليها كانها جالسة فشي دار بوحدها وكتحس بشي حد حداها شي حد كيشوف فيها ومراقبها… واخا غير هي وتسنيم واسماء حاسة بزايد معااهم كتحس بحوايج اخرين معمريين البيت..طاقة سلبية كبيييرة ماالية المكاان..مامخلياهاش ترتاح معاهم فالجلسة ومن اول ما دخلات دياق بيها الحال …اما كنزة لصقات كثر فالباب كتصنت حيت كانو كيهضرو بشوياا مانزلاات من تما تابانت ليها هند كتسلم على اسماء باغة تخرج وهي تنزل دغياا كتجري فالدروج ديماراات الطوموبيل وزاادت عاد هند خرجات من الموبل ضاحكة كتحك فايدييها فرحاانة هذا هو حالها فاش كتمشي فشي طرييق طوييلة وحتى حاجة ماكتعكس وكلشي كيكون تحث سيطرتها…
صبااح يوم جدييد هاد المرة غير المرات اللي فاتو صبحات اسماء بكري نهار طويل ومن بدايتو باينة فييه شاق كنزة فاقت بكل حيوية محاولة باي طريقة تكسر روتين وماتخليش اسماء ولا دقيقة بوحدها على الاقل غير حتى تمشي لدارهم..كتجمع فالبييت والحوايج اللي غتدي معاها اسماء هاد الاخيرة اللي جلسات على نانوسية كتفرج فييها جسد بدون رووح كيف نعاسها كيف فيااقها ولات بحال شي روح ترونسبارو وحتى احسااس مابقات قادرة تحس بيه واش تعصب ولا تغضب على قلة الشي لي فيها ولا تحزن وتبكي على اللي دارو فيها…غير راخية رااسها وكتشوف بعيوينااتها بدون ردة فعل بحال شي جماد حتى بانت ليه تسنييم دايزة كتلعب من قدامها وهي تشدها وجلساتها فوق حجرها معنقاها عندها كتبوس على جبينها..يمكن هادي هي النعمة الوحييدة اللي بقات فايديها تشكر وتحمد الله عليها حتى وقفات كنزة ايديها على جناابها واسماء شافت فيها جابت ليها ضحكة بجميع الرحيل اللي دارت ليها..
كنزة:هاني جمعت كلشي نمشييو للكلينيك ومن تما للدار
اسماء:تانرجع نجمعو دوك الالعاب لي لفوق راه ماتمشييش ليا هادي بلا بييهم..
كنزة:صاافي تسعود هادشي نمشوو يلاه نجيو ونهزو رحييل لدار كريت واحد الهونضة يجمع ليا غير الصيكان طوموبيل عندي صغيرة ماتهز ليا واالوو…اشمت حلابة غتلبسي..
اسناء:عطيني غير ديال لباارح سخونة فيا التبووريشة وعطيني زيفي..
جبداتها عطاتها تلبسها وبدلات لتسنييم حوايجها عاد نزلوو للطوموببيل مباشرة للكلينييك واسماء من الدخلة بدون شعور كتلقى عينيها كيقلبو علييه ولكن ماكان فحتى بلااصة تفكيرها مشووش باغة تشوفو فنفس الوقت مابغاتش تلاقى بييه باغة تهضر معاه وباغة تقطع العلاقة معااه ماعارفاش اشنو باغة ولكن فهاد اللحضة باغة غير تشوفو وغير يلمحوه عيونها…حتى جات عندهم واحد الفرملية داتهم معاها واللي لاحضو التعامل الخاص اللي عاطينها هي وختها واش الكلينيك معاملتو لطيفة لهاد درجة ولا هوما بالدات اللي عطاوهم هاد الاهتماام…وقفو على الغيسيبسيوون اللي غتعطبيهم الوثائق دقاائق وجات عندهم بالضوسي ديالها مداتو لييها..
_ليرييم وليزاناليز دياالك بالشفااء انشاء الله..واش تبغي ناخد ليك غونديفو مع دكتور ديالك سينو الاختيار لييك..
اسماء: علاش ماغندخلش عندو دابا
_ممم لا فالاصل خاصك دخلي عندو ولكن قبل عندك فحص كامل من هنا للساعة وديزاناليز مخرجهم ليك سيتو… وغدا ناخد ليك غونديفو دخلي عندو..
اسماء:مايمكنش تدخل غير بهاد سكانير علاش فحص ااخر واش عندي اختي شي حاجة فراسي عفاك غير قولي ليا ااش بان ليك
_هادشي اللي عندي ديالك اختي والدكتور كيأكد عليك باش دوزييهم عاد دخلي لعندو ماغيقبلش يشوفوك غير بلييريم..على ما اضن ماكافيهش باش يعرف اشنو عندك..
اسماء:ضرووري ليوم نقدر نجي من بعد امتى اخر اجل عندي…
_فاي وقت بغيتي ولكن ايلا فاتت عليك هاد سيمانة ماغتلقايش طبيب ديالك حيت مغيكونش..
اسماء:علااااش ؟
_كيفاش علاش ههه واهو عندو لاكط(العقد) هادشي لي سمعت خليها بيناتنا هههه …يمكن فلخر دالشهر..فرحان برااسو لي دو سومين جايين عندو كونجي الله يكمل علييه…
لحضة صمت سااادت بييناااتهم من غير صون البنت اللي كتضحك حاظرة راسها فورااقيها واسماء ملفتة عند كنزة وملامح الصدمة على وجهها وحلو ليها الحروف بين لسانها…حتى ضارت عند البنت خدات وراقيها منها وخرجات بدون كلمة وبلاا جوج وكنزة تابعااها حتى وصلات للطوموبيل حلات البااب طلعاات وديماراات غادة فطريق مرة مرة كتشوف فيها متكية على الزااج متبعة طريق بعينيها حتى كتقول هنا تجبدها وكترجع تسكت …لبكن واحد اللحضة..
كنزة:ا اسما غتجي تكملي داكشي اللي قالت ليك البنت يااك..
اسماء:انشااء الله…غنشوف بلاصة اخرى كلينيك غالي عليا…نشوف شي طبييب عادي ندوز عندو..
كنزة: كاين داك الراجل..محمد…. خلييه يعاونا على الاقل يورينا غير شنو نديرو(حبسات الطوموبيل فالسطوب عاد ضارت عندها)
مارداتش عليهاا وكنزة تنهداات وقالت ..
كنزة:راه يلااااه غيدير العقد ماشي ضاربو غليهاا بااقي لياام تمشي وتجي وماعرفتي شنو يوقع من هنا لتما وقف معااك هاد الوقفة كاملة غير حيت عزيزة عليه سبحاان الله مخلص عليك غادا لمليون وغير عزيزة عندو مايمكنننش..صدقة زعما.. واصلا من شوفاتو كتبان فيه شي حاجة ماشي تالهييه وكاينة ان فالموضوع علاش بغيتي تقطعي العلاقة من داباا..عطي لراسك فرصة..حاولي هاد المرة ظيري شي حاجة بايديك ماتنسايهاش تجيك صدفة…نتي بنت الناس وحتى هو باينة فيه ولد الناس و ولاد ناس ماكتلاقيهمش الصدفة انما كتلاقيهم افعاالهم…ونتونا خلاص راكم تلاقيتو خاص غير لي يتقدم فيكم..
بدون رد من اسماء حدها تنهداااات مدخلة جرعة كبيرة من الاوكسيجين لصدرها مزالة متكية على زااج وكنزة غيرك تشوف فيها وتننهد ماعجبهاش حالها وماعارفاش اشنو ديير باش تقدر تعاونها..
كنزة بنبرة مرحة : اودي كون غير تمشي معايا للايمارات نعيشو انا وياك مالكات نتي معكسة…واا اسماا اش قلتي تمشي معايا ههه ولا عمر ليك محمد العقل وكاع ايلا تزوج يديك نتي تانية مالها شحال من وحدة عايشة بخيير مع ضرتها..
يلاه كانت غديناري تزييد وهي كتشوف فاسماء وكضحك تا جبداات عينيها فالشرجم اللي جييهت اسمااء وحدراات رااسها كطل وتحقق مزيااان
كنزة:حيدي…حيدي بلاتي ننشوووف ههه م ماشي صلااح هادااك..
اسماء شافت معاها: اااه هو ماالو
كان واقف فالكولوار والطوموبيل عالية كحلة ديالو واقفة حدااه وهو نازل منها كيهضر مع شي مراة كتبان فملامحها كبيرة فالعمر شعرها شاايب جامعاه لور مغطياه غير بزيف رهييف كلها لابسة الكحل كان لبسها مامعرففش جلايلها نانلين وشي مقطع وشي مقااد حتى ستيلها و وقفتها كانو فشكل…
كنزة:بلااتي خليني نشووف شكون هاديك اللي واقف معاها..ويلي ويييليي باقا صغييرة مسخووط وحق الله مخلي هادييك حاضية ليه الولااد فالدار وخارج يتسارا مع هادي فالسونطر فييل هههه
اسماء:مالك فيه اصحبتي خلييه يضبر راسو ويلاه نمشييو
كنزة:تي بلااتي والله حتى تصبري نشوف غيير شكوون(جبدات تيلي من صاكها دغيا قربااتو للشرجم زومات وصوراااتهم واسماء بعدات ليها ايديها كتطلع فالجاج)
اسماء: صافي اصحبتي مالك فييه يتلقى ولا مايتلاقااش يضبر لرااسو شحال عزيز عليك الصدااع..
كنزة:خليني غير نشوف ماالك كاع نهار وهوما حاضيني معامن نمشي ومعامن نحي خليني نشووف ونخزن عندي الدلييل للاحتيااط نهار يجبدني نلقااه تانا..(كتشوف فالتصوييرة) كيديراا الله يستر بحال دوك المشعودات شوفي شحال من خاتم فصباعها كلشي لابساه الكحل ناري ياختي مايوقفش معاها الواحد تا فسبيل الله..موكلاه شي مخ ضبع ولا لساان حمار ههه
اسناء:كبر منو لاا ماشي ديال تصاحييب موحال..يمكن خدام معاها ولا شي حاجة قد مو كتبان.
كنزة:داكشي اللي كنشوف كبر منو بزاف كاع اشنو واقف يدير معاهاا كتخلع الله يستر ناري ياختي سيماهم على وجوجهم سبحان الله شي ناس من وجههم كيبان معدنهم بحال هاد جووح…شو… شوفي… شوفي ااش جبد فلوووس عطاها الفلوووس والله تاصحبتو نحلف عليها عاطيها شهرية ويلي ويليي على شووهة ههههه
سمعات الكلاكصون ديال الطوموبيلات وهي تكسيري مشاات كتضحك وكتشوف فديك تصوييرة..
فمكاان اااخر وبالضبط محطة البنزيين فين كانت واقفة طوموبيل شعيب..داخلها كيبان جالس وهند حدااه هازة غير كيك صغيرة فايديها مع عصيير فليد لاخرا كتفطر بييهم طالقة شعرها ومايكااب صباحي مزين وجها بتيشورت سمااطي و سرواال دجيين بارز جسمهاا…حداها شعيب كي عادتو بالقميجة مخشية فالسروال ديال الكوستييم وصباط انييق وساعة مكانية جلدة كحلة فياييديه ماشط شعرو مرجعو لور مستيكي ومقاد الحالة كيف العادة مهلي فرااسو
شعيب:تزيديك شي حااجة..
هند:ومالك كتقول فيها ونتا مغبوش ماضنيتكش حقااد هكا(بقى غيركيشوف فيها وهي ضحكات) مابغييت والو براكة علياا
شعيب:الما..تشربي مزال طريق طوييلة
هند:واخاا..
نزل من طوموبييل وتم غادي دااخل للماركت اللي حدا السطاسيون غيير ضار مع البااب دياالها وهو يوقف وتقلب مقابل مع الطوموبيل مخبي كيشوف فيها من بعيد وجبد تيليفون من جيبو دخل للبروكرام ديال الكاميييرة اللي مركب داخل الطوموبيل جبدها كيتفرج وهو قاارن حجبانو داخل الطوموبييل كاميرة صغييورة كتبين كلشي لداخل كيبان كلشي هاادئ وهاني حتى كان غيجمع التيليفون يطفيه وهي تبان ليه هند بدات كتحرك فبللااصتها حطات العصير والكييك وبدات كطل وتقلب واش شي حد جاي ورجعات جلسات بهدووء حتى تأكدات ماكاين تااحد وهي تحدر على لكوسيان جراات المجر وحلات صااكها كتهههز وتححط فيييه بوربة وحااضية مع للشرااحم وهو موسع عينييه وتبسيمة على فمو كيتفرج فيها حتى بانت ليه رجعات لبلااصتها قادت شعرها وهزات عصيرها وبان كيك ديالها كتاكل كتكمل فطورها بشكل عاادي..وهو يجمع تيليفونو بهدوووء رجعو لجيبو ودخل للماركت يتقدا ااش بغى…
سمعات الكلاكصون ديال الطوموبيلات وهي تكسيري…بعدات على سطوب وشداات طريق نيشان للداار عند اسمء تا وصلات ونزلاات عند مول الهونضة كان وصل قبل منها هبطات عندوو خلات اسماء نازلة موراها شادة تيليفون عند ودنيها كتهضر فيه سدات البااب وتكات بضهرها على الطوموبيييل ..
اسماء: الحمد الله دابا… يصاوب ربي..
المهدي:دوييت مع محمد قالياا غتجي صبااح تاخدي شي وراق ومشييت عندك للكلينيك ايلا تلاقيتا زعما مابنتييش لياا
اسماء:لا جييت للدار….ايلا كنتي قريب جي انا غير قدام البااب
المهدي : فريي غتدوز عندك دابا قريييب شويا
اشماء:واخا صاافي طريق سلامة..
قطعات معااه ومشات عند كنزة يلاه بغات تطلع وهوما يبانو ليها شس رجال مهبطين الكراطن والصيكان ديالها وهي ترجع لوور وقفات على حيط الباب متكية عليه براسها كتفرج فييهم كينزلو فرحييلها ويحطوه فالهونضة حتى قطعو رجل حسات بيهم سالاو وهي تطلع للبييت …تقريبا خوا حوايج قلال اللي بقاو فيه بحال الماريو الخشب ديال الناموسية مزال وكنزة كتقلب لاينساو شي حااجة..
كننةنزلنا كشلي واقيلا يااك مانسيينا والوو
اسماء : مابقى والوو حوايج تسنييم العابها كلشي نزلووه
كهزة:لا لا كلشي نزل بقاو غير هاد الخشبات تايحط داكشي ويرجع لييهم(سمعو دقان وهي تلفت لييه بانت ليها واحد المراة واقفة عند البااب واسماء ضارت معاها)
اسماء : خالتي عايشة هاني جاية عندك..(ضارت عند كنزة) مولات الكرا نعطيها اللي بقى ليها..ديري ليا شوية دالماكياج خبي ليا غير هادشي فوجهي مابغيتش ماما تشوفني هكا..
كنزة:عندي فالطومزبيل لتحث هانا غنسيفط مول الهونضة ياك صافي مابقى مايدير هنا هادشي تايرجع لييه ونجيب معيا نغطي ليك شوية وجههك..شوفي مع المراة ونزلي
اسماء:بلاتي شوية جاب عندي واحد السيد غير نهضر معااه ونمشي
كنزة:شكوون هذاا.؟؟
اسماء:غير واحد كنعرفو…
كنزة:والله اختي كون غيير هضرتي مع داك الطبيب اسمييتو محمد ديك الهضرة اللي قلتي ليه مزال واقفة ليا هنا انا وماتسرطاتش ليا معاه عفاااك ..
هزات اسماء الفلوس بلاما تجاوبهاا وخرجات عند مولات الكرا تحاسبت معاها وعطاتها اللي بقى ليها تاطلعات عندها كنزة بدات كتقااد ليها فوجهها وتخبي ليها الضراابي ..
اسماء:غير شوياا عنداك تقوي غير خبيه وصافي..
كنزة:صافي غير نخبييه ويلي على نقوي..
والعكس كنزة دارت لي فراسها ركزات على عينييها كثثرر جبدااتهم بالكحل مزيااان وهزات ليها شفارها بالماسكرة ودارت عليهم ملمع دهبي بانو عينيها محلولين وفاايقيين عاد طراسات ليها شفايفااها ولمعتهم مع فاغاجو نفس اللووون وهي تعطيها المرااية واخا كان داكشي عامر شوية ولكن اسماء عجبها وخلااتو فوجهها ضفرات شعرها لور ولاحت عليه شاال خفييف وبقات جاالسة مع كنزة دازت مددة عاد شافت فتيليفونها لقاتو كيصوني بالمهدي عرفاتو غيكون وصل ونزلاات عندو طلعات للطوموبيل مبااشرة مع تلفت عندها جمد فبلاصتو كيطلع وينزل فيهاا ضعاافت ولكن من وحههتل ماكتبانش فيها ماع واش مريضة كيفما وصف ليه محمد ماعرفش واش ضعف ريجيم ولا ضعف المريض ولكن اللي عاارف انه هاد الوجه غيبقى احسن وجه شافو طول حيااتو واجمل وجه يتمناه كل رااجل يفييق عليه وينعس علييه مراة ديال الوقت بكلشي ليها وتستاهل الانسان يحارب على قبلها ..حيد نضاضرو وتبسم كيرحب بيهاا وهي بحالا جالسة على شوك من التصاور اللي ورات ليها هند وهي وياه معانقيين كيتباوسو ولات عايفة حتى تشووف فيه…
يلاه كان غيديماري وهي تحبسو..
اسماء: معايا اختي غنمشي لدارناا غير خلينا هنا..
المهدي :لداركم ؟ بخطرة …
اسماء:ممم… مابقييتش هنا..
المهدي:احسن مادرتي تيقي بيااا..دويت مع محمد قال ليا عيانة شوية كنتي عندو فالكلينييك
اسماء:شنو قاال لييك..
المهدي :السبب لي مشيتي عليه للكلينييك…واش عيانة بزاف امتى هاادشي وقع امتى حسيتيي بيه..قاليا شي حريق فرااسك وش حاجة بحال هكاا
ضناتو هضر لييه على لي دار فيها ناصر ولكن من خلال كلام عرفاتو المهدي مافخباارو مايتعااود
اسماء :شووية دالحرييق دابا يمشي قلت من السخانة فاتني الحال ولكن مزال عيانة بالحريق شوية يلاه درت سكانير و تحاليل جبتهم صباح تانمشي عند طييب يشوف ليا اشنو فييهم
النهدي:محمد كان صباح فالكلينييك علاش مادخلتييش عندو
اسماء:قالت ليا الفرملية خاصني شي تحاليل اخريين ومايمكنش ندخل عندو بلا بيهم وانا مامساليا مزال مامشيت درتهم تالمن بع ونمشي..
تبسم فوجهها وجر ايديهاعندو شبك صبعانو مغ صبااعها كيضحك..
المهدي:واش حنا حتى قربنا نديرو شي فشي عاد مرضتي محتاجك صحييحة ا اسماء محتاجك صحييحة هههه
سلتاات منو ايديها بابتساامة صفرا مامبيناااش..
اسماء:تانديور داكشي فشي ويكون خيير..
شاف لجييست لي داارت وضححك متكي على الفولون برااسو كيشوف فيها مطوول ساهي فييها وهي مرة كتشوف فيه مرة كتبعد عينيها حتى سمعاتو قال..
المهدي:نتياا معاااقدة نتيا …واحد المعقدة عمري شفت بحالهاا….
اسماء:ياااك….علاش شكون اللي غابر انا ولاا نتا كون ماعرفتيني مريضة ماتسولش فيا..
المهدي : خاصك تفهميني..انا كلام تيليفون ماكيشبعيينيش ايلا ماشفتك غير غتعدبني بصوتك وايلا قلت ليك نتلاقاو ماغتبغييش هادي حاجة بااينة ماكرهتش من غدا نقضييو الغرااض مابقااش صبببر وحق الرب..
اسماء:خليني نفكر امحم(غمضات عينيها على شكل غمزة) ا مهدي..مزال محتاجة نفكر زواج ماشي بين ليلة ونهار كيتقرر..
المهدي:ياك دوات معاك الحاجة وقلتي ليها مايكون غير الخيير علاش دارت ليك فالخزة اسماء مالكي..
اسماء:ماقلت لييك والوو ههه يكون خيير
المهدب:يكون خيير هو نجي لداركم هذا هو الخيير لي كنعرف ..
اسماء:وصاافي ههه غير نعلمهم باش ما كان نرد عليك….
المهدي:تردي عليا بالنهار اللي نجيو فييه..
اسماء:بالنهار اللي غتجيو فييه اسيدي هه..خليني دابا نمشي ختي ببقات بوحدها بياتنا تيليفون..
المهدي:سخيتي بيا ..
اسماء : ماسخييتش ولكن ايلا زدت شويا غتخرج بيا ههه هااهي جااية اش قلت لييك..
كنزة:سلااام..
وقفاات على زاج جيهت اسماء ومدات ليه ايديها سلمات علييه..
المهدي:ختك هادي ؟؟ متشرفين اختي
كنزة:الشرف ليا اخوياا ..اسماء يلاه ماما كتصووني مابقيتش قادرة نجاوبهاا..
اسمااء:يلااه..وخلييك بسلاامة
قرب بغى يسلم عليها من حنااكها وهي تزرب علييه وحلات البااب نزلات خلاتو غير كيشوف وكنزة قشعات الموقف علات عينيها حابسة ضحكة وتبعات ختها وهو خلاها حتى دازت قدام الطوموبييل ملفتة عندو كتحرك ليه لايديها يمشيي وهو يديمااري ورجع لوور زاد مشى فحاالو مدوز رقم محمد كيعيط لبيه لحضاات وهو يجاولو..
المهدي:قلتها ليك فايت ليا جاي لهنا درب مزووهر اصحبي بالككاميراات
محمد:داك الدرب بالضبط اللي بغيت نعرفو انا
للمهديي: كاينيين كااينيين بانة لياا واش خدامين ولا لا ماعرفتش…واش شي بلان فشكل عااود ليا
محمد:دوز عندي مزال فالدار ونفهمك ماشي هضرة التيليفون..
المهدي: صافي غنتعطل عليك شويا كنت مع اسمااء جيت نشووفها تخاايل رحلاات من دار غادا لدار واليديهاا احسن حاجة دارت اصحبي..
محمد: ليووم!
المهدي:وييه رحلات بخطرة
غير كمل كلمتو لخرا وهو يسمع محمد طلق تنهييدة طويييلة…تنهيدة ديال الراحة ولكن ماعلقش عليها وماتسوقش..
المهدي:يلاه حيد نتلاقااو شوية وندوز عنندك…جيعان اصحبي قول لحاجة توجد لينا شي حاجة خرجت بلا فطور برووجولة
محمد : اجي نتا طلبها..الواليدة غضبانة عليا غنخرج ناخد شي حاجة نرطبو معاها شوية تا كتغضب ماكتعرف علاش جنابك كتشك فييهم..هاد العيالاات هادو فشكاااال…
وصللت اسمااء لداارهم وكيف تخايلاات الحاجة وعبد المتقي عندهم ليلة فرح اللي وافقت ورجعات لعنهدم لدااار ..رغم صداع راسها والححريق ولكن مابينااتش وقوات راسها بزز وجلسات معاهم باش تبان بيخيير ومابيها والووو حتى تغدااو مجمووعيين وكملو غدااهم ودخلات تستف حوايجها هي وكنزة والحاجة غير جالسة كتعاود هي وياها اما اسماء حسات براسها عيااات والجهد تقادة ليها وتكاات فوق الحواايج عينيها كيتسدو والحاجة بقات داوية بوحدها حتى حسات بيها نعسااات كتشخر راسعا معنكشة وهي تمد ايديها كتحرك فيها تفييق …
كنزةخليها امي ناعسة..
الحاحة:وفين عمر اسما نعسات بنهاار
كنزة: عياانة راه بسييف يومين وهي تجمع فالرحييل خليها غير ترتاح ونتي ملي دخلت طبختي ليها رااسها بهادي وهادييك شحال فييك تانتي دالهضرة ..
الحاحة:فين بنت ختتك..نسيناها اولي تسنييم..تسنيييم
كنزة:مع با فالبييت…كيعاود ليها ايام كنتتو تقرااو فالحبااال ووتقطعو الويدااان وتحاربو مع الحيوااان وتمشيو فالثلج حفيانيين وتحفضو على الشمعة والقنديييل
الحاجة:ايواا خيااار خليها معاه..تلاهييه شوية عليا…
الطوموبل دالمهدي مرة اخرى كتدخل للدرب وهاد المرة ماشي بوحدو كان جنبو محمد حتى وقفو قدام باب اسمااء ونزل المهدي هو لول كيقلب تحت الطوميبل وجناب لكوولوار بحالا شي حاجة طايحة لييه ومحمد كيغمز فييه يزيد القداام شوية والمهدي كينفد فالحيين قرب شويا حتى وقف قدام موبل داسمااء كيقلللب بعينييه ويتلفت وهو يسمع شي صوت مورااه ضار بان ليه العسااس..
العساس: ياك اوليدي لبااس كتقلب على شي حد..
المهدي: لا لاا ص..صباح جيت عند واحد سيدة ماعرفتش بزطامي طاح ليا هنا ولا ماعرفتش مالقيتوش متأكد طاح ليا غير هنا..
العساس باه حرك راسو:شفتك صبااح جيتي عند بنتي اسماء شفتك
المهدي:وييه اعمي والمشكلة فيه وراقيا والبيرمي وشي شيكات مهميين انا ناخد غيرا لورااق الفلوس الله يساامح داح االي غيلقاه ليا بضحتو بييهم …
العساس:شوفي غيير هنا لاكان راه ماكين اللي يهزو درب مادوزااش قلاال فيه ناس غير قلب..
المهدي:كاينين الكاميرات هناا(هز راسو كيقلب) ماكرهناش شي وحدة نشوفوها نشوف غير واش كيشدو هنا بلاما نبقى نقللب وخداام وتعطلت على خدمتي غنولي لا خدمة لا بزطام لا ورااق..(نزل عندهم محمد)
العساش:لا كااينيين …كاينين الكاميرات ولكن خاسريين اولدي..
محمد نيش فوحدة:هاديك كامييرة ؟..
العساس:ءء ا ااه
محمد بانت ليه بولة حمرة شاعلة يعني كتسجل:شاعلة فيها شي حاجة تما لا…. موحال تكون خاسرة..
العساس بارتبااك :لاا هه خداامة ولكن هي راه خداامة غيير…هاداك ءء(قاطعو محمد ناااقدو بطنز)
محمد:ماكتشدش هااد جييه كتشد السما لفووق يااك
العساس:ايييه اييه كتشد غيير لفوق هه ما كتشد هنا تشد غير البالكواات السطح ماعندك ماتشتافد منهاا..
حرك ليه راسو بايجااب من كلامو عرفو غير كيخوور ماعرفش يكدب وهو يتلفت بان ليه مواا الحانوث حاال..
محمد:نشوفو الحانوث ربما يكون شاف شي حاجة…
مشى والمهدي موراه تابعو تادخلو عندو كان خااوي مول الحانوث بحال العسااس ناكريين كانهم متافقيت على الكاميرات كلمة وحدة كيقولوها وهي خاسريين وهوما يخرجو منو ومشااو للطوموبييل ديماراا وزاادو مشااو ماشافوش ناصر اللي كان نازل من الدرب متبعهم بعينييه بعدما صاق الخبار لرحيل اسمااء غير وصل دخل عند الحانوث اللي خرجو منوو..
ناصر:ماال هادو؟
_كيسولو على الكامييرات..
ناصر:اهااه اش قلتي ليهم..
_:خااسريين …كانو عند العساس وجاو عندي سيفطتهم ماتخممش..
حرك راسة وخرج من تما مشى عند العسااس وقف علييه..
ناصر:مال هادوو ابا جلول
العساس:قاليك شي بزطام طايح ما شي بزطاام وباغي الكامييراات قلت ليهم اودي خاسريين ماعندك ماتصورو منهم ورااه مشااو..
ناصر:مزيااان اباا جلوش ناضي مع رااسك هكااك نبغييك..رجولة نتاا…
طبطب على كتفوو وهز عينيه مع المووبل مباشرة فشرجم اسماء كيحقق فيه مطووول ورجع ضار مشى منين جاا…
ضلمة الليل طااحت ومحمد رجع لداارو كان فالبييت جالس فوق النامووسية كيمسح فلحيتو ووجهو من ما الوضوء على صوت ادان العشاء طافي ضو دالبييت غير الفايوز اللي مشعول من طبعو ماكيبغييش قوة الضوااو والضلام والليل هو رفيق دربو وهو زمن راحتو….حتى تحل الباب ودخلات عندو الحاجة قالبة وجهها غضباانة زعما مدات ليه غير تيليفوون بايديهاا ماكتشوفش فيع وهو شاد ضحكة كتسالي معاه بفشوشها..
الحاجة:شد ليا تما نمرة ديك البنية نعيطو عليها تجي للكااغط تفوج على راسها شوية ماشي حدرات فالخطبة والعقد مانعيطوش ليهاا …
محمد:ماعندكش نمرتها !
الحاجة:مالقاتهاش خوود قلب عليهاا نتا..راه كاتبة عليها بنتي اسماء
حرك رااسو باجااب قالب فمو فيها ..
محمد:بنتك كااع….مزياان
كان تيليفونها من نوع نوكيا صغير دغيا كيمسح الارقام من غير اللي فالكونطاك وهو مشى ليه ديريكت كيقلب على بنتها اسماء تا لقاها وعطاها لييها حطاتو على ودنييها كتسمعو كيصووني..
محمد:الوالييد جا..
الحاحة:مانعررف ليييه…
وخرجات خلااتو غير كيشووف وهو ناض نزل سروال سيرفييط على ركابيه وطلق الصلااية باتجاه القبلة يلاه غيكبر وهي تحل عليه البااب تاني وضاار عندها….
الحاجة:ماشدااتش ليا عااود صوني..
محمد:خليني نصلي الحاجة(قاطعاتو بعصبية)
الحاجة:مابقاتش الوالييدة..
محمد:بنتك اسماء تكّولها لييك….
الحاجة:قلبتي علياا القفة تااني بغيتي انا نحزرررك بقيتي تما تسنى واسير والله لا تعشيتييه ولا خليت لييك ولا دقتيييه..
محمد: صاايم الله يتقبل غير بالصحة..
وردخت عليه البااب بجههد ومشات خلاتو وهو حاابس ضحكة كيتسغفرر الله حتى جمعها عاد كبر وبدا فصلاااتو..بصووت هااادئ كيجوود وبخشووع كبيير كينفد صللاتو مكانش سرييع الصلااة ولا كيتنسى اللحظة فين غيساالي بالعكس كلما لقى الفرصة كيطول فسجودو وفركوعو وحتى فتجويدو للقرأن….
مرة اخرى تحل البااب ودخلات الحاجة بشوياا مابغاتش تقاطع صلاتو بحسها وجبسات فوق الناموسية اما محمد ماحسش كااع بييها حتى كمل سلامو وسلم يمين وشمال عاد وقف كيجمع فييها وضاار تا لقاها ورااه جالسة مكمدة ايديها عندهاا وهو يحط صلاية ومشى عندهاا..
الحاجة:علاش ماقلتيهااش لياا
محمد:اشنو ماكّلتش..
الحاحة:البنت مريضة وكانت عندك فالكلينييك وماعودتييش ليا ماشي ميمتك اناا وعارفة عزييزة عندي علاش ماتعلمنييش..
محمد:اشنو كّالت ليك هي دابا
الحاجة:مريييضة وعياانة ومابغاتش تجي للعقد بسييف ومسيكنة من تحليلة لتحلييل..ديني نمشي عندها نشوفها فسبييل الله…
محمد:واقيلا مابقاتش فدارها رحلات من تما ماعرفتش لادغيس ديالها بالضبط..
الحاجة:قالت ليا فيين وعرفتها غيير ديني ولا نعيط لولدي المهدي يوصلي..
محمد:واخا الواليدة واخا يصبح ويفتح يكون خيير …
الحاجة:نوض بكري وصلني وسير تخدم..ولا نعيط للمهدي..
حرك راسو بايجاب وناضت خرجات من عندو وهو تكى مجبد فووق السرييير عينيه فالصقف وايديه تحت رااسو سااهي بتفكييير عميييق طريق تدييه وطرييق تجييبو واسماء هي نهاية كل من هاد الطرقان.. حتى غفاات عينييه ونعس هكااااك…
ماكيفييق غير على صوت البااب كيتحل علييه وتلفت شااف فييه وهي تبان ليه اسمااء داااخلة منوو بعبااية طوييلة كحلة وشاال دياالها مبسمة فييه جاية قاصدها كتمشي بالمهل وجهها منووور وجروحها تخفاااو بحالا عمرهم كاانو وهو يتعكد جاالس متبعها بعينييه حتى قرباات وجلسات جنبو فوق النااموسية بدون كلام ولا هضرة كتشوف فيه وكتضحك ومدات ايديها بحالا كتقييص فوجهوو وهو غير كيشووف مصدووم وحاس بداتو تقيييلة وايدييه جمدو عليه ماقدرش حتى يتحرك من بلاااصتو …وهي كتقرب لييه حتى حطاات جبهتها على جبهتوو كضحححك وعينيها كيلمعوو بفرحة كبييرة واضحة علييها ….بزز بااش يقدر يهز واحد الاييد وقرب محاول بغى يحطها على خدووودها سااهي فتفاصييل ملامحهاا حتى تخططف من بلااصتو ونااض عرقاان حاس بقلببووو كيخببط بجهههد غيخرط من بلااصتو وراسو كيزدح علييه وطنيين رقيييق فودنييه صدعو شد على راسو وحدروو مغمض عينييه كيتسغففرر الله من هاد الحلم بقدر ماكان زويين بقدر ما محمد ماحملش راسو يعجبو..حتى سمع صوت تيليفونو وهو يهزوو لقاها 12 وربع والمتصل مسجل باسم عرييض “اسمااء”…واش مزال كيحلم واااش مزال ماسالا من هاد الحلم العجييييب ؟
قبل لحضاات…كانت كنزة خارجة من الكوزينة هازة فايديها قرعة دالما وكاس ودخلات لعند اسماء لبيت كانت داوية فالتيليفون جلسات حداها حتى كملااات ومدات ليها كاس دالماا مع دواها..
كنزة:معامن كنتي كتهضري..
اسماء:الحااجة..
كنزة:شكوون..شكون هادي الحاجة
اسماء:مامات محمد بقات عندها نمرتي وكتسول فيا مسكيينة عرضاتني ل لاكط دياالو دايرين شي امسية واقيلا
كنزة:ممم عمري فحياتي شفت شي وحدة تفاهمت مع العكوزة قبل الراجل هههه اختي اسماء كلشي لييك بالمقلوووب…كون غير ساعفتيني وصونيتي لييه من بااب الاحترام وحق الله مو مسكيينة باقا تصوني ليه عرفتي كون عاود ليها اش وقع لييك تبقاي فيها ولكن غير تقوليه اش قلتي لييه والله عمر مكالمتها لا شفتييهاا
اسناء:فرعتي ليا راسي بييه والله العضيم غير اللي بغا يعاود لييك
كنزة : ياك نتي باغة تقطعي الحبل بيناتكم باغة تقطعييه… واقطعيه وخلي بلاصتك زوينة عندوو ماشي تعييه ونتي مكحلاها معااه حشومة ديك نهار كتقولي لييه كيعاونك غير باش يريح ضميرو علاش غيهزو ضميرك من جيهتو وهو خدام فكلينيك قد الخلا اول وحدة غتحي عندو فظيك الحالة ولا نتي اول وحدة تجي عندو كرفصيين عليك خدمتو غيديرها يعطيك التحااليل وداكشي ديال خدمتو ويقول ليك الله يعاون ماشي يهزو الفضول يعرف اشنو وقع ليك بالضببط…من غير ايلا كانت شي حاجة تاني مانعرف هههه
طلقات شعرها وعاودت جمعااتو بتردد ..
اسماء:ماغنصونييش ليه واصلا ماعندي مانقول واخا نصوني اصلا..
كنزة : عطى الله مايتقاال مانعرف باركي لييه العقد قولي لييه عيانة شنو تقدري مثلا مثلا تشربي يفوتك الحال غير هاد ليلة ولا طلبي سماحة مهم غير هضري مايعرفكش هازة فخاطرك من جيهتو وتاهو مايبقاش هاز فخاطرو منك..
اسماء(بتردد مقتانعة بكلام كنزة): و..وم مااشي دابا من بعد غيكون مزال فالكلينيك خدام ختى يجي..
كنزة:كون غير صونيتي ليه العشرة هادي باقي شي طبيييب..
اسماء:ديك نهاار بت عندهم فالدار الوحدة عاد دخل ولا مانعرف بلاتي شويااا…
كنزة:نتي بااايتة كاع فالدااار هههه بان ليا ناقصتكم غير ديك الورقة ديال واش قابلة و واش قاابل نتوما واهلي راكم عشتو الحياة الزوجية بلا زواااج ههههه اري ندير ليك تيليفون يتشارجا هضري معاه
اسكاء:ماعنديش المكالمة..
كنزة:نسيفط ليك من عندي غير اري..
بقات جالسة حداهاا كل مرة كتنغزهاا عيطي ما عيطي تا زفراات اسنماء مبرزطة معاهاا وهزات اليتيليفون كتحلف عليها ايلا ماجاوبهااش المرة لولا ماباقا تصووني علييه…بتردد دوزات رقمو وبدات كتصوني عليييه وكنزة لاصقة فيها كيسمعو بجوج غير طييييط طيييط صوت انتضار لمكااالمة واسماء بحمااس كتاكل فضفاارها مسنية حوابو على احر من الجمر كثر من كنزة غير مامبيناااش…واحد اللحضة تا قالت غيجاوب وهو يقطع عليها..
اسماء بدهشة :قطع عليا
كنزة: ي..يق يقدر يكون م مشغوول عاودي وحدة اخرى..
اسناء:والله مانصوووني هااد المر(قبل ماتكملها شافت تيليفون كيصوني بنمرتوو بقات كتشووف فيه حتى جاوبات ليها كنزة وحطاتو ليها على ودنييها وخرجات فيها عينيها تهضر)
اسماء:ا ا الوو…م محمد
محمد : اسماء بخيير؟ واقعة شي حاجة
اسناء:لا..لا غ غير بغيت ن ن نهضر معاك ايلا كنتي مسالي
محمد:مرحبا كنسمعك..(بنبرة مرحة) تكالميتي..
ضحكاات كنزززة كتعوج بحالا قالها بيها هي واسماء حكات على وجها حشماات
اسماء:علااش هههه انا اصلا ديما كاالم…فالكلينيك انا ماكنتش قاصدة نهضر هكااك غير تعصبت شويا واخا عيت مانشرح ليكم ولكن ماقدرتوش تفهموني س..سمح ليا ايلا قلت شي كلمة ماعجباتكش..
محمد:اسماء…مرة اخرى غنكّولها ليك نتي حرة…حياتك حتى حد ماغيقرر فبلاصتك..بصح بغيت نسمع منك بغيت نعاونك ولكن ايلا مكانتش بموافقتك طبيعة الحال ماغندير حتى خطوة..حاولت صباح نقلب فكاميرا المراقبة اللي عندكم تما ولكن مالقيت شي حاجة تنفعني
اسماء:صباااح ..كنت تماك ماشفتكش..وااش لقيتي شي حاجة
محمد:لاا
اسماء:كنت عارفاها..علاش قلت ليك مابغيتش ندعيه ماكين اللي غيعاوني امحمد شكون اللي غيشهد فيه واش العسااس وهو قدام عينيه كيطلع عندي ولا جاراتي اللي بوليداتهم غيشهدو فمشكار ديال الخلا على قبلي ماكتعرفش داك العائلة اشنو كتسوا كنعقل مرة شهدات فيهم بنت صغيير يلاه بنت ليسي والمدرسة مسكينة معارفاش وشهدات فولدها شافتو مع شي واحد كيبيع ويشري فداكشي دالمخدراات وشنو دارو فاش صاقو ليها الخبار سيفطات عيالات ولادها خسرو ليها وجهها مسكينة بقات لا وجه لا قراية لا خدمة شكون غيعاود تاني يشهد فيهم هوما لي ضربو لبنت حتى حد ماقدر يهضر وحتى انا….
محمد: الخوف من الله عز وجل ايلا بقيتي حياتك كاملة راجعة خطوة لور علييهم بسبب الخوف وبسبب الناس اللي ماغيشدهدووش فييه..كلامهم بلاش منو خليهم براحتهم…حنا ماغنخاتجوهمش يهضرو فعلا ماكرهناش ولكن مابغاوش براحتهم يكفييك اللي خلقك شاف كلشي وسجل عندو كلشي هو معاك وانا معااك …فهتك وعارف اشنو عشتي ماساهلش علييك مكنلومكش
اسماء : ولكن ايلا بغيت ندعييه خاصني تكون شي حاجة فايدي تبت علييه التهمة وتاحد ماغيبغي يشهد معايا ماعندي حتى دليل شنو غنديير
بعد صممت طوييل حتى سمعاتو قال..
محمد:ماكاينش دليل حسن من تسنييم…واحسن وحدة غتشرح ليهم اللعبة كيف شرحات ليا…
علات حجباانها… بدهشة وربماا بصدمة عمرها فكرات بنتها تكون دلييل ليها…فلحضة محمد رسم طريق طويييلة قدام عينيها طريق كتشوف راسها وهي واخدة حقها وتلفتاات شافت فتسنييم..
اسماء:غيتيقو ب بنتي زعما..
محمد : ممكن يشكو فالعساس ويقولو موصينو يقّول اشنو بغى..و يشكو فالناس اللي حظرو ولا سمعوو اشنو وقع ديك ليلة ولكن بنت صغيرة ماغتكدبش وماغتعرفش واخا تحاول…
اسماء:مابغيت نقول لدارنا والو لحد الان حتى حد مافخبارو شي حاجة من غير ختي ونتا امحمد عفااك مابغيت حتى حد يعرف…ايلا كان كيف كتقول ووبنتي غتكون احسن شاهد من غداا ندعييه انا ماعنديش مشكل ومابغيتش نبقى نخاف منهم مابغييتش نغامر ب بنتي…
محمد:علاش غتغامري بيها…
اسماء:خفات ايلا بدييت كندعيهم نقدر نمانقدرش علبيهم ويقدر يخرج منها كيف زغبة من العجيين ويولي كيطلب باش ترجع ليه حضانة تسنييم حيت هو فلول كان غياخدها ليا ضروفو المادية معاوناه وااحنا راك عارف الاجراءاات اللي كتكون فهاد القضياات انا المستوى ديالي ماعاونييش على شوية كانت غتمشي ليه غير ربي كبيير ووقعات معجزة كان دخل للحبس لقاوه كيبيع شي حااجة وماحضرش للجلسة والقاضي غير عرفو فللبحس عطاها ليا واخا مو ضاربت حتى عيات بغات تاخدها ليا مابغاوش يعطيوها ليهم…انا امحمد والله ماكرهت ندي بنتيي ونمشي من هنا بمرة مابقيت باغة نرجع ولا نشوف شي حد كون لقيت فين نهرب نبات ما نصبح …
محمد : فين فكرتي تمشي
اسماء:ههه ماعندي فين نمشي دابا مزال هنا ولكن ايلا لقيت الفرصة قصدت زعما ايلا لقيت فرصة(قاطعها)
محمد : رحلتي لدااركم كاااينة..
من النبرة اللي قاطعها بيها واضح كلامها معحبووش وهي جاوبااتو مبسمة ..
اسماء:اااه جيت صبااح
محمد : جيتي حتى لكلينيك….ولكن علاش مادخلتييش ليوم ليزاناليز اللي باقين لييك..
اسماء:قالت ليا البنت ماغتكونش فهاد السيمانات قلت حتى تقرب تدخل من الكونجي ونديرهم وند ندخل عندك…
محمد : لا هادو تحالييل من الاحسن تدخلي ليهم فهاد اليوميين محتاجهم ونتي فهاد الحاالة ولكن شكون اللي كّال ليك ماغنكونش..
اسماء:و واحد الفرملية(حركات لكنزة شنو غتقوول واش تنكر ولاخرا مخرجة فيها عينيها تقول ليه كلشي) د دوييت معاها وقالت ليا ر راك واخد كونجي فهاد جوج سيمانات ماغتكونش ح حييت عندك العقد…مبرووك مرة اخرى الله يكمل ليك بالخيير ..قالتها ليا حتى الحاجة قبييلة..
محمد : ممم عارف غير دوات معاك فرعات ليا راسي نمشي عندها نمشي عندها شنو درتي لهاد الواليدة ولات كتشوف غير بنتها اسماء..
اسماء: القلوب عند بعضها امحمد ياااك هههه هاد غير معزتي وماماك حسات بييها..
محمد:بغات تشوفك غدا غنجيبها ايلا مكنتيش مشغوولة….
اسماء: بصصح بالعكس مرحبااا اش غيشغلني عليها دابا نعلم مامااا دير بحساابها مرحباا بييكم كاملين ايلا بغيتو تجيو..
محمد:لاا ماكينش لااش ماتعدبيهمش غتجي تشوفك غيير شي جليسة خفييفة بيناتكم ونجيبها
تكلمماات كضححك …
اسماء:ايوا حتى تجي وغنشوفو واش غتكون جلسة خفييفة راني كنعرف الحاجة غتفاااهم هي وماما كيتشاابهو ههه
ناضت كنزة حيدات لتسنيم تيليفون حيت نعساات علييه وقادتها فبلااصتها خلات اسمااء كتهضر فخااطرها معااه وخرجااات فحين اسماء تكات فبلاصتها مغطية وطافية عليها الضوو كتهضر معااه موضووع كيجر موضووع بدون انقطاع وبدون ملل صداع راسها مشى والمرض مابقاتش حاسة بييه غير كضححك ومر مرة كتسكت مبسمة كتسمع لنصاائحو وكلامو الهادئ معع هدووء ليل طمأنيينة عجييبة زارت قلبها فهاد ليييلة…ماحسووش بالوقت حتى طفى ليها تيليفون فودنييها حسابتها غير قطع ملي جات تشوف لقاتو طفى من شارجور لعنااتو ماكرهااتش تااكلوو…
اما محمد غير شافها قطعاات الصوت عاود صونى مجاوبااتش عرفو طفى لييها وهو يلوح تيليفون جنبوو كيحك فشعرو رجعو منكوش وهو مبسسسم معجب فرااسو يمكن هادي اطول مكالمة واطول مدة كيهضر بيها مع شي حد من نهار عرف تيليفون …ويمكن فهااد لييلة عرف بقيمة اسماء الحقييقة ماشي غير فعقلو وانما حتى فقلبو..ليلة كانت كافية تبين ليه وتبرهن لييه سبب هاد الاهتمام كامل اللي كيعطيها….
قداام المراية ديال الحماام دالزنقة واقفة اسمااء كتسلت فحواايجهها وتلوح فالبياص القصصيير قدامها صوت السطولة كيتخابطو مسمووع وريحة الغسول البلدي والطياابة تاخد فالصيكان وتمد فالسطوولة والعيالات غادبين جاين عرياانات والبراهش الصغاار طالقين حلقوهم بالبكى حتى تحل الباااب وهي تلفت اسماء بانت ليها سعاد دااخلة كضحك وتبسماات ليها كتهضر…
اسماء:فيين تعطلتي عليا
سعاد:هانا جييت..
اسناء:ايوا حايدي حواايجك ندخلو قبل ما يعمر
سعاد:لا غييير خلييهم ندخل هكاا
اسماء:بحوايجك…اللي باان ليك
خلاتها اسماء على خاطرها جمعات شعرها الفوق عطات للطيابة صاكها وهزات سطولة فايديها ومشاو داخليين بجوج مع حلة الباااب بحالا طفى عليهم الضو والنور اللي كان شاع وسطو غبر…الضلمة والنور تقطع فصالة دالغسييل كاان خاوؤ وغير هوما بجوج لي دخلين رجعات اسمماء خطوة لوور
اسماء:نااري ياختي دنياا حالتها فين غندخلو
سعاد:اويليي على خاوية واش جينا فنص الليل باش نلقااو خاوي حماقيتي
اسماء: لاا لاا يلاه نرجعوو مسسخ اصلا مانجلسش فييه هكاا..
سعاد:وغيير زيدي دابا نلقااو شي قنت نقية زييدي اصحبتي..
جرااتها بزز واسماء مع رماات الخطوة داخلو حساات براسها عفطات على شي حاجة وهي تحدر راسها بان ليها غير الغيس كحححل غرقاات فييه رجليها وهي تجبدها وزاادت دخلاات معاها كتضور عييها فالصالة مخنووقة والضبااابة عازلة عليهاا الرؤية كتعلي عينييها مع الحيووط مسسسخة والدنيا حاالتها بالغيس والعش ديال الرتييلاات والخز الخضر لااسق فالجناب وريحة خااانزة طالعة من لررض كتخننق
اسماء:لا للا اختي لا بلاااش مرة اخرى ونرجعو يلاه نمشييو
سعاد:واتي غيير زيدي شوفي رااه ديك البلاصة نقية اجي جلسي فيهاا
اسماء:ويبقى لوسخ داير بينا…. هاهي بلاصتي نقية وداك الوسخ اللي ضاير بيا فين غيمشي..
هند:ملي غتوضاااي غينززل ويمشي علييك من حدك موسسخة ماعندو فيين يبعد…كون غير خرجتي مرة اخرى ورجعي..ولا اجي جلشي حدايا بلاصتي نقية على ديالهاا هي
تلفتات عند هند كتسمع ليها ماعرفتهاش منين بعتااات ولا امتى جااات عندهم ومشااو جلسو فديك القنت النقية ديال هند حطات اسماء كرسيها جلسات عليه جامعة رجليها عاايفة غير من جنابها لاطيح عليها شي حاجة والصقف عاامر بالغيس والدود كححل كيخرح ويدخل لييه والحيوطة مخزيين كيتلصقو وسراق الزييت كيبان ليهاا كيبري بالما غادي جااي كيطير طلع ليها قلبها وهي تقرب ليها سعاد السطل ديال الما وعطاتها الطاسة
سعاد:هااكي هاد الطويسة راه سيفطاتها لييك ماما نكب علييه طلقي شعرك انا نخوي علييك
اسناء:واخا واصبري نسرحو..
طلقاتو قدامها كتمششط فييه وهي تهز سعاد طاسة دالما وبدات كتخوي عليهاا وداك الماا كححححل كينزل من راااسها تا حلات عينيها كيبان ليها سطل دلما نقي ولكن اللي كينزل منها هي كحححل ماخلاتهاش تكمل
اسماء:لاا لا صاافي ماتخوييش عليا عطيني نخوي راااسي..
سعاد: رااه مسخة غير خليني نخوي علييك
اسماء:لاا غير اري انا نخوي بوحدي
سعاد:تي غير اري نخوي علييك اري
بقاااو منيي منننك هي تجر وسعاااد تجر حتى تخطفااات من بلااتصتها ناضت طااافجة حاسة بنفسهاا ضيققة عليها ومخنوووقة حركات ايديها دغيا كتقلب على البييل دالتيليفون مغمضة عينيها ماقدراش تحلها حتى فالضلمة دالبيت خايفة تشوف شي حااجة …خوف غريييب مستوطن على قلبها تا تفكرات راه بيتاتو فالشارج عاد نااضت لييه كتحبو جرااتو وشعلات البييل وضواات عليها وتهزاات شعلات الضو فالبييت عاد جلسات فوق الناموسية شادة على رااسها كلها كتغزل عرقااانة وقلبها غيخرج من صدرها خشات راسها بين ايدييها كتستغفر الله من هاد الحلمة جسدها حاسااه كلو منمل عليها بحالا داك البخووش مزال كيمشي ويجي فيها….تاا حسات بالدم برد فيها وارتااحت عاد رجعات تكات ماجاهاش النعاس غير مغمضة عينيها كتسمع فاداان الفجر كيتكلم عاد حلات ليهل النعسة وغفاات ماكتفييق غير على كنزة كتحرررك فيها وناضضت كتفوووه…
اسماء:فيين تسنيم..ناضت بكري ليوم
كنزة:مع مي فالكوزينة نوضي تفكري
اسماء:عيطي ليا عليها عفااك خليني متكية عيااتة اختي ماقادة على،حتى حاحة جيبي ليا غير بنتي ماولفتش مانفيقش عليهاا…
كنزة : وماما كتسول علييك قبييلة بغات تجي تنوضك غير انا حبستها
اسناء:الله ياربي ايلا قلت ليها عياانة غتقولييك سحور مي فعقلها غييررر سحوور عيب العيووب تفكر فغييرو غير خليها دابا نولي شوووية قوليي ليها سهرات مع بنتها لباارح ماقدرااتش تفييق…
كنزة : كون غير نضتي نمشيو كملي التحاليل ديالك يخرجو ليك غير شي حاجة بعدا انهدن علييك ااش بان ليك(تفكرات) ويلي ويلي عاودي لباارح فين خليتوهاا نتي وعزيزي ههه
اسماء:عزيزك ههه والو غير هضرناا حتى طفى ليا داك المشقوووف الكحل لكمي بنتيي عفااك توحشتهاا والله العضيم ههه راه مامولفااتش مانفيفش عليها جبيها لياا
كنزة : واخاا هههه
خرجات كنزة مباشرة للكوزينة لقات تسنيم كتفطر وجلسات حداها عارفة عليها كتاكل معاها ومرت خوها مقابلة الفران والحاجة مخرجة الصينية بلا براد حطاتها فوق الطبلة كتهضر
الحاجة:اسماااا اسمااا نوضي تفطري مع بااك انوضي ابنيتي درت بغيريراات ومرت خوك دارت كوييكة نوضي ابنييتي هشااام ايواا نووض نبقى تابعاكم واحد بواحد(سمعات دقان فالبااب) شكوون….
_خالتي نشوف شكون
الحاجة:انا غنشوف شحري داك البرااد…ما غيكون صلااح كي عادتو ناسي شي ورقة
قرباات حلات الباب كتهضر مع مرت ولدها مضورة عندها رااسها حتى تلفااات شاافت شكون كيدق وهي تصمر فبلاااصتها كتطلع فيهم وتهبط وتأكد ملي شافت عينيها وميينة وسعااد واقفين عند البااب عاد ناصر مورااهم هو وخوه حادر راسو وهاز خنشة دالتقدية وخوه كرطونة دالسكر فايدييه حشمان وراجع لور تا هضرات مينة سابقة الحاجة..
مينة:طالبين ضييف الله الحاجة لاقبلتي علينا….
الحاجة(شافت تاعيات و وسعات الباب فوجههم): ضيف الله ما منعادتنا نرجعوه من البااب دخلي اميينة..
قالت بسم الله ورمات الخطوة دخلاات وتبعاتها سعااد عاد ناصر وخوه مشاو لصالون وهي كترحب بييهم من فوق الخااطر وكنزة خاارجة من الكوزينة تبركك شكون جاي من القنت كطل سلاه طلات عليهم وهي تخرج تسنييم ماعرفتها منين داازت خرجات كتنقز من الكوزينة وقفات لييهم عند العتبة مربعة ايديها ماقربات عندهم ما قاستهم ومينة ضحكااات كضور فعينيها…
مينة:اجيي عند باباك الخوينزة اجي سلمي علينا
هزات كتافها : الاااء بابا ضربني طحت على راس ديالي و ماما …وماما بكات
اسماء من البييت سمعاتها جابدة باباها وهي تخرج كتجري خافتها تفرط شي كلمة وتفضحهها تا بانو ليها مجموعين ف فالصالة غير طلات عليهم هزو فيها عينييها شي كيطلع ويهبط شي مبسم بحاال نااصر وعينيه محلولين فييها وهي تصمرت فبلاصتها الدم برد فيها مابقاتش حاسة برجليها هازييين وعلى شوية غيفلتو بيها ماحساتش حتى بهشام جا موراها ودخل كيسلم وجلس وسطههم تا حات ليها كنزة بغات تدفعها للببييت وهي تحبسها الحا جة كتهضر
الحااجة:اجي ابنتي تجلسي….اسما اجي ابنيتي تفطري
ردات عليها كنزة كتبعكك هازة حاجب ومنزلة لااخر كتبعكك
كنزة:لا غير خليها تمشي لببيتها صالوون عاامر ماعندهاش بلاصة وسطهم غي بصحة
مينة:ههه ولاواه لوااه وحنى على حسابها جايين نعلي شيطان واجي ابنيتي جلسي معانا
ضورات عينيها فيه وهو مبسسم زااد فقصها تا بغات دخل ليهم وهي تشدها ختها..
اسماء :علااش اختي جاية على حسابي مالكي ااش كاين يااك لبااااس ااااش جاايبكم عندي
كنزة:شوفي الاللة الله يخليييك ماعندها مايجلسها معاكم كولو داكشي اللي قسم الله والباب وسع من كتااافكم الله يعااااون
الحاجة:كووني تحشميي اديك السلكووطة سكتو شويا..عهه ماديوش عليها راه خضيرة فهضرتهاا..
هشام:خرجيي برااا غبري وجهههك
كنزة:مااشي سوووقك دخل سوووق رااااسك وماغتجلس معاااهم سيري لبيييتك (دفعااتها)سيرييي
هشام:والله لواالدييك تانربييك وماتبعدي منهاا غبري وجهههك (ناض ليها)
مينة:لواااه لوااه جلس اولدي جلس خليها بخااطرها سيري ابنتي سيري لوااه ماجينا نوضو صدااع…الحاجة ريوسنا طابو عليها والجهد تقاداا بغينا شي جليسة بعقلها نديو ونجيبو فالكلاام والكمال على الله…جايبنا غيير الخير نديو بالعقل مابغينا صداع
اسماء:كون كان عندكم العقل وعندكم الوجع علاش تحشمو ماتدقوووش هاد بااااب مزاال عندك الوجه اشمااااتة تدق عليا وااش نمعندك علااش تحححشم الشمكااار السكااايري الكلب(صعراات)الله ياخد فيك الحق ومادوزتي علييااااا مالقيتي فضهري تااراااجل لاا اب لا خووت غا شماااايت ضايريين بياا الحكااار
نااض ليهاا هشاام هاز ايديييه كيغوت والحاجة طارت علييه شدااتو عليهاا وهي غير مازادت صعراات باغة تنقز على باغة تاكلوو وهي تنوض تا سعااد ضارباها النفس على خوها بغاات تنوضها معاها تا صرفقاتها ميينة رجعاتها حاالسة مخرجة فيها عينيها ونااصر وقف كيميل وكيهضر مشمكر
ناصر: الله يهدييك الانساان كيغلط وانا مامعصومش على الغالااط وبغيناا نلقاو شي حل على لكاانة على وجه ليسطوار لي دوزنا خلي الما منين يدوز
دفعو خوه يجلس كيشوف فيه عايف خالتوو حالة بالكارو والشراااب..
_جلس غيير جلس
ناصر:خليني نقول غير كلمة
_غيير جلس خبيهم داوين جلس نتا
ناصر مارضاش: خليني داااوي مالك اصحبي
شوية وهو يشبك هو وخوه تا دخلات بيناتهم ميينة مخرجة فيهم عينيه حشمووها مارضااتش تاهي
مينة:يلاه اوليدي يلااه صافي ماوقع بااس الحاجة سمحي لينا على هااد الدخلة
الحاجة ميقات فييهم :ماايكاانش بااس اميينة
هشام :والله ماتخرجو تا تفطرو معانا جلسي..جلسي اميميتي والله ماتخرجو الواليدة بدلي هاد الصيينيية اجي نااصر بدل سااعة باخرى والله ماتخرجو…حلفت بالله ماتصوموناش تلتياام ههه
ناض معاه ناصر وحتى خوه تاابعو ماحلمش رااسو ومكيرضاش بهاد المواقف باينة فيه حاس برااسو ومعفر هاز نيفو لفووق وخرجو مع هشام نزلو لبرا فحيين كنزة قبل مايمشيو دفعلت اسماء ماخلاتهااش حتى تفوت العتبة للصالون داتها لبييتها سدات عليها تما وهي ضور عندها كتنزل فحناكها ودمووع كي الوااد الهاايج نازلين من عينييها قطرة موراا قطرة
اسماء:اااش جايبوو عندي اكنزة ااااش بااغي غيفضحني غيشوهني غيضحكهم فياا(بحرررقة نزلااات حنااكهاا بضفارها طواال كل ضغر كتخليه منزل حنكها بقمشة طويييلة مخلية بلاصتها حمرة وهي تشدها كنزة)
كنزة:مااعندو مايدير الشمااتة لااخر زكاااي على وجهك هو زيين وكملتي علييه وااش عندك شي عقل ولااا لا واش غيقدر يهضر قداامهم وااش مريضة ولاا مااالك واش بغيتي ماما ليوم تفضحو مع الجيران مالك حماقيتي
اسماء:لاااش جاي لاااش جاي غنتسكطا غيحمقنيييي غيتقلنيي على بنتي لااااش جااااي واش بااغي يرجعني وااش باغي تااني يحبسني والله تااقتل راااس والله تااتمووووت
كنزة:وصاااافي سكتينا وييه غيدييك غيدييك الخرا للي غيدي والله حتى نخشي فمو شي جنوية وما مشى فحاالو اختي انا را كانت مقلوبة عليا القفة راا قالو ليا مرتاحة فداارك قاالو هازة رااسك وعمرو رجع لييك انا فخبااري منهار طلقتو وهو فالحبس مااكنتش عاارفة داير فيك هادشي واااش انا سااخية علياا واش لقيتييك فالزنقة رااك تربيتي على يدي واش مزال نرجعك ليييه والله و واخاا نعرف نهربك لاا كنتي ليييه (تيليفوون كيصوني)
اسمااء : واامابغييتش نشووفوو مابغييتش نشووف وجهو رااه غنتقلوو كنشووف رااسي غنتلااح عليه ولله حتى نتقلوو ونقتل رااسي وراااه
هزات تتيليفون جابتو لييها
كنزة:شكون سبعة وتسعين فلخر
قفزااات مخرحة عينيها
اسناء:محححمد..الحاجة جااات فيين غندخلها
كنزة:جاية مع الصباح تااهي تخليها غاتلعشيية
اسماء : راه خداام خاصو يوصلها ويمشي فيين غنطلعها غنتشووووه اكنزززة غنتفضضح معاااه غتقولها ليه مو غيقوول عليا مدخلاه لدااري (كتبكي)
كنزة:جاوبي غير جاوبي داباا نزلي عندها طلعيها ودخلي نتي وياها للصالة الصغيرة عطيها صواابها وماتخمييش انا غنجلس لهييه نعمر عليهم الدنيا تايمشييو بلهلاا يطريه لييهم….جاوبي غير جاوبييه(دوزات لخط وحطاتو ليها فودنها)
اسماء:ءء ا اا الوو
محمد:صباح الخير
اسماء:ص صباح الخيير
محمد ماعجبوش صوتها:اسماء صافا ياك لبااس ؟
اسماء:ل لا لااباس لا لبااس الحمد الله الحا٠ة معاك جااية
محمد:ممم دخلناا لسيكتور ولكن ماعرفتش الدار بالضبط
اسماء:و وا خاا انا ناازلة عندكم
كنزة غمزاتها بهمس :صااكة ..صااكة
اسماء: ك كاينة واحد صاكة راه جيهت الصيداية بانت لييك
محمد:وااقف حداها
اسماء:صاافي راه فداك الشاارع انا نازلة عندك
محمد:غير هاد الشارع… انا غنقرب شوية خليك قدام الدار..
اسماء:وااخا صافي..
قطع عليها محمد كيشوف فتيليفوون باستغرااب صوتهاا ماعجبوش وصوت رجفتها مزال فودنييه حط تيليفون ووديماراا تااني زاد كيقرب شوية رااد بالو مع البيبااان حتى كيبانو ليه جوج رجال واقفين فالباب واحد كيكمي عاطيه بالضهر ولااخر كيهضر بايدييه بحالا كيشرح لييه حتى خرجات اسماء من نفس الموبل طلات علييهم تلفتو عندها بجوج ومحمد غير بان لييه ناصر فرانا بجهههد تا وقف عند رجلييهم شوية وماجمعهم تحتو واسماا ضارت جيهتو بسررعة كتشوف فيه كيحل البااب ناازل
محمد:اااش كيدير هذاا هناا
اسماء بهمس مبسمة مامبينااش :خويااا وااقف امحمد خوياا خويا عفاااك
حل البااب نزل كيشوف فيه وهي واقفة قدامو عاطيااهم بالضهر كترغب فييه
اسماء : عفااك امحمد مك كتشوف عفااك على وجهها غير على وجههاا تااحد مافخباارو شي حااجة الله يرحم الواليدييين رااه غيفضحني معااهم ليووم يسيفط ماما للقبر الله يرحم ليك الواليديين ماشي هنا…
عينييه فعينيين ناصر عرفو بعضيااتهم وناضر لحضة المضاربة بين عينييه باقة يايديه كيااكلوه علييه ولكن متبت على قبل هشاام فحين محمد كتبان ليه غير هي غيدفعهاا وغيطيير عليييه تا سمع الحاجة نزلاات كتهضر واسماء ضارت عندها ضاحكة بارتباك سلمات علييهاا كترحب بييها
اسماء: طلعي اخالتي مرحباا بييك…(شافت فمحمد ) طلع بابا دابا وغيجي مرحباا بييكم
ماسمعهااش وماردش باالو معاهاا حيت عينييه كانو حارين مركزيين على نااصر فحين اسماء طلعات مع الحااجة عقلها معااهم لقات مها قدام البااب سلمات على الحاجة وكنزة موراها ضااحكة مخبية الصالون على عينييهم حتى دخلوها للصالة تاانية جلسات معاها اسماء وكنزة جراات مها للكوزيينة…
كنزة:عطيني دييك صينية نحطها للمراة كيكة طاابت فيناهو البغريير عنداك تدخليه لييهم
الحاجة : شكوون هاد سييدة ماعلمتونيشاي علييها شغانحط لاخريين دابا
كنزة:مانعرف سيفطي ليهم شي حاجة من لباتيسري يكجدروها وكركبيهم مع للباب
الحاجة:تي بغيتي تشوهني بغيتي زرقة الفم الكمااية “مينة” تدي مااتعاود
كنزة:مامااا صافي راه كلمة وحدا قلناها ديك المراة راه مامات واحد باغي اسماء تفاهمت هي وياه وتفاهمت مع مو وراه جات تشوفها حيت عرفاتها رحلات لهنا لبااس عليه امي وطبييب من لفووق ماتشوهيناش معاها
الحاجة تلفات: دخلت علييك بالله
كهزة:ومالي عارفااني نكدب علييك يلااه امي حمري الوجه لبننتك…
الحاحة نساات نسابها القدام ولات كتشوف غير فعكووزة اسماء”المستقبلية على حد قولهم” تخرج من الكووزينة وتسيفط ليهاا تا سرباتها وخلاتها مع اسماء ترحب بيها عاد دخلات توجد للنساب القدام مايااكلو…
الحاجة ام محمد: واقيلا صدعتكم ابنتي عندكم النااس سبقوني ههه
اسماء:لاا ماتقوولييش هكااك اويلي مرحبا بييك نتي لولااا نهار كبيير اللي جيتي عندي حيدي جلابت ترتاحي ماكين لي يدخل عندي..
الحاحة:نمشي ابنتي راني مشغولة جيت غير نشوفك
اسماء:والو اخالتي ماتخرجيي تا تغدااي معانا مرحبا بيييك قالها ليا محمد لبارح قال ليا راك جاية فررحت بحالا جاية عندي ميمتي
الحاجة: الله يكبر بييك الله يرضي علييك.. كتهضري معااه ههه
اسماء حشمات:مرة مرة ههه عاوني فالكلينيك الله يكمل علييه عمري خيرو نساااه …كولي اخالتي شربي اتااي مرحبا بيك دار داارك..
غير دخلات كنزة جلسات ناضت هي دخلات لبيتها المشروكة مع ديال كنزة كتطل من الفوق بان ليها محمد واقف مع هشام واضح عليه كيعرضو يطلع ولكن محمد رفض وركب فطوموبيلتو ومشى عاد انفسات برااحة ورجعات عند الحاجة
فحين محمد رجع غير لفوق عند راس الشاارع و وقف … من بعييد بقى حاضيهم حتى دازت مدة طويلة عاد بانو لييه طلعو وهو يدوز تيليفون للحاجة مو جاوباتو فالحين..
الحاجة:آحنيني ياك لبااس مشيتي
محمد:كلشي مزياان هانية
الحاحة:لبااس اوليدي لبااس هاهي اسما معاياا جالسة قبالتي
محمد:صافي ايلا حتاجيتي شي حاجة صوني ليا نرجع لييك..ياك كلشي هاني
الحاحة:لا ماكيين باس اولدي ماكين بااس..
قطعات معاه اشماء غمزات كنزة تمشي تحيب ماماها تجلس معاها وهي ناضت مباشرة للكوزينة لقات الحاجة غادا بالصينية تخرجها ليهم وهي تحيدها ليها كنزة خرجاتها ومرت خوها تابعاها بالطباسل حتى حطاتهم قدامها والحاجة جلسات معبسة كتخوي ليهم فاتاي تسربيهم عاد تنوض عند “عكوزة” بنتها الجديدة وهوما مبسميين الصواب زعما.. عمرات ليهم الكيساان وكنزة جالسة حنبها على شوك مخنزرة يديها كيترعدو عليه ماقدرااتش تهز فيه رااسها ماقادراش تشووف فييه بالفقصة
حتى بانت ليه مرت خوها غادا تفرق الكيسان وهي تخطف ليها صينية مبسمة وبدات كتفرق عليهم بدات بخوها عطاتو لكاس وعطات لمو هو وجا فالقنت مخشي نقزات عندو بالصينية عاامرة وهوما كيشوفو..
ماجات فين توصل لييه وهي تعكل مع رجل الطبلة طاحت علييه وجابت الصييينيية كلهااا مخويية عليه وعلى حجرو بالضبببط ناااض قااافز كيجري من جيه لجييه ويغووت محرووووق مع البراد من البوطة لعندهم مبعد الحوايج علييه وعلى تحتو ومو تابعاه تاهي كتجري ورااه وختو وكنزة دايرة راسها مصدومة كطلب فالسماحة اما اسماء من الصالون سمعات غواتو قفزااات باغة تخرج وحشمات قدام الحاجة تا حسات بيها حطات ايديها فوق فخضها..
الحاحة:اسما..مالك ابنيتي ماعجبتينيش ياكما كاين بااس فالداار عاودي ليا ابنيتي مالكي
اسماء:ماكاين مانخبي عليك اخالتي مابقيتييش براانية علياا …هذا اللي جا هو داك لشماتة اللي كنت مزوجة بييه جا هو ومو وختو وخووه
بدات كتعاود ليها حتى تطرطقو عينيها بالدمووع كتعاود وتنخصص مضيومة والحاجة كتستغفرر الله متألمة معاها
اما جواد داه هشام للطوالييط كيخوي عليه الما باارد وميينة كتبخ وتفش ماعاحبهاا حااال والحاجة جالسة بالمعيوور لكنزة ماخلات فيها غير لي نسات ولاخرا غير ساكتة مادواااتش حتى خرج عندهم ناصر مبدل قميجتو بديال هشام وجهو حمررر ومزير كيمشي مفرق رجلييه صلقاااتو العفريتة وهو يلقى مو فوجهوو هازة صاكها
ناصر:فين غاداا !
يتبع
التعليقات 0