مينة:يلاه يلاااه نمشيو للسبيطار الحرق مامعاهش اللعب مرة اخرى ونجيييو يلااه دابا
الحاجة:غير سمحو لينا البنت عندي تفتااافة والو شغل الداار زركة ندمت كون غا خلات مرت خوها تسربي
سعاد مكشرة وصوتها مشرمل:ردي الباال اصحبتي شوية وماقتلتيه راك حرقتيه فبلاصة خايبة عرفي فين كتزطمي
كنزة حمرات فيها : راااه غير جييت فييه مادرتهاش بلعااني سمح لياا
الحاجة:قطعي حسسسك هادي هي سمح ليا الخضرة اللي ولدااتك ماتعرفي صواب… ماتعرفي كلام… حولك ابنتي بقيتي واحلة فيا
كنوة:لاكان غير جواج نااقص غير خليني خضرة..
ناصر:مافيا والوو دنيا هانية امّي
مينة: حولك معصور وجهك تجمع فييه دم ورجليه تفرقو هادي غير ماكااين واالو يلااه زييد زييد الحاجة هذا هو جينا نهضرة نديو ونجيبو فالكلاام ناوين غير الخير و ماجابنا عندكم غير لخيير مرة اخرى ونرجعو مابقى لينا جلوسو دابا
هشان:سمح ليناا اخوويا نااصر داباا نربي حسهاا على هاد تفتييف… كنقولو ليها بعدي من الكوزيينة ولي فراسها فرااسها..
الحاجة:غيير سمحي لينا اميينة ماشربتو تاكويس داتاي على خاطركم
مينةلاا اختي لاا نعتق ولدي ندييه للسبيطار لحرق ما معااه لعب زييد زييد خرج دوزو بخيير
دفعاتو هو لول خرجات قدامها موسع رجلييه وخرج.. ولدها لاخر …وسعاد عااد هي تبعااتهم اما كنزة غير مشاو فرتحات هربانة عند اسماء جلسات وسطهم والحاجة تبعاتها
اسمااء: ماالكي ااش كاين شكون تحرررق ياكما تحرق هوو ماالكم..
الحاجة:كنزااا وكنزااا
كنزة:قالت ليا فرقي الكيسان فرقتهم عارفاني زركّة فشغل دار وسيفطاتني لييه جيت نمد ليه صينية يهز الكاس عكلاتني رجل الطبلة طيحاتني علييه بكيساني عامريين..حرقتو اناا؟ حرقاتو رجل طبلة يمشي يدعيها
اسماء : اويليي
الحاجة : فيين تحرق الله يااربي
كنزة:فحجرو لتحث تحرق تما
دخلات عليهم الحاجة وهي تقطع الحس كضور فعينيها مخشية فاسماء والحاجة من لهييه كتشوف فييهم واسماء غتغمز فماماها تآجل محاظرتها ومعيورها لمن بعد قدام المراة… حتى لواحظ اللحضة بدات الحاجة ماماها كضحك شادة زييف على فمها…
ام اسماء:يااهاااد العرفييتة منيين خرجتي ليا الله واعلم (شافت فالحاجة كضحك)والو الالة البنياات عندي عفريتااات…عفريتااات كحلااات غالا بغيتيهم يبغييوك ما بغيتييهم يكحلوها علييك ههههه وللهيلا عفرييتة كحلة
كنزة ارتاحت :يااك امي غزييت فيييه هههه
ام اسما :واعجبتيني فييهم خليهم يخرجو عليا عراافااهم علااش جايين وحفظ الله مادخلش بااك كون واهلي طاح ليا عند البااب اللي فيه مايحملهم ومايحمل حسهم انا وليت نزاوك غا مايدخلش…ياك عادي ابنتي غير نهضر
اسماء ملي شافت الحاجة ضحكاات ارتااحت ..
اسماء:ءء غ غير هضري اماما الحاجة راه ولات منا فخبارها كلشي ماعندي مانخبي عليها مابقى مايتخبى اصلاا
ام اسماء: غير سمحي لينا الالة جيتي فالصدااع ولاهيلاا كبي اتاي لخالتك ونتي عاطية ليها لهضرة زيدي الاالة مرحباا بييك والف مرحبا حيدي جلايتك ياكما نجييب لييك شي بجامة ترتاحي
الحاجة:الله خيلف عليييكم نتوما اللي سمحو ليا على هاد الدخلة ماتعدبيش راسك خاصني نمشي حق الله لا مشغوولة
ام اسما :تقلييد الله فعنقك ماجلسي تغداااي والله ماتخرجي مرت ولدي ردات الغدا صافي جلسي معانا مرحباا بيييك..
بدا تيليفون الحاجة وهي تجاوب كان غير محمد..
الحاحة:ماالك اولدي نسيتي شي حاجة
محمد:لاا مرتاحة ماخاصك واالوو..
الحاجة:الحمد الله اولدي عنداك تكون صايق وكتهضر سير تا توصل
محمد:لا لا كنتسناك لتحث مامشييتش حتى تكملي وصوني لياا نقرب عندك
الحاحةة:بصصح ولاش بقيتي فالزنقة..سير للدار احنيني تانصوني ليك
محمد بان ليه ناصر خارج من الموبل: قطعي الواليدة من بعد ونصوني لييك قطعي(قطع عليها)
الحاحة:غير محمد كيتسناني لتحث قاليك مانمشييس تانديك معايا ههه
اسماء:بصصح قوليه يطلع ..
ام اسماء:ولدك قولي لييه يطلع (بغات تنوض)بلاتي نسيفط ليه هشام يطلعو اويلي عيب يبقى برا
الحاجة:لاا لا غير خلييه غيطلع ماغيبغيش يطلع وايلا طلع مايخليتيش تا نجلس فراحتي غير خليييه
ام اسماء:كون غير عيطيتي ليه كاين هشام والحاج علاين وصلاح تاهو يجلسو بوحدهم مايخليوهش بووحدو..
نزلات مينة و ولدااها غادا تنفخ وتفش ماهازاهاش للرض وسعاد جنبهاا..
سعاد:ونحلف بالله حتى دارتها بلعااني سرفقتيني قدامهم امّي كون خليتي نتف مها هااد نهارر
مينة:وااش حنى غاديين نرجعو درية ولا نتفو فختها غلبااتني انا …سكتي شوووية
سعاد:لهلاا يرجعها دير لينا ديك الحالة ونخرجو مدلوولين هكاا
ناصر:راا غنبرقق ديلمك نتياا لاش جيتي اصلاا بقاا فدااركم شكون سبابي تاولييت جاي كنرد فيها كون عطيتوني تيقار كون شاد مرتي حداياا..برررب وتعاودي شي كلمة تا نهرس مممك
بقاات مينة كتنكر ماعجباهاش الحاال ومارضااااتش تا ناصر قشع طوموبيل دمحمد من بعييد وااقفة وهو منزل زااج شوية كيشووف فيهم خارجيين عينيه فعينين نااصر بحال شي جووج دياب كيتحلفو فبعضهم..وهو يوقف كيشوف فيه تا غوتات عليه ميينة….
ناصر:سيري الواليدة سيري انا غنتبعك غير سييرو
مينة:فييين غااادي
ناصر:وااحد الغرااض ونجي غير سبقوني..راه ياسين يوصلكم غير سيرو نتوما
مزادتش موراه الكلمة ومشاو وهو قرب بزز باش كيجمع رحلييه مامبيينش راسو موعت فحجرو حتى وصل لعندو وهو يتحنى عندو دق فالزاج جوج دقاات ودوا بنبرة مشمكرة كيتماايل عليه..
ناصر:عقلتي عليا اعشيري…نزل ندوي معااك نزل وبعد بغا يحل البااب…
محمد جاه على الكانة بحالا كان كيتسنااه لاح تيليفون من ايديه هوما وسواارت طلع زااج وحيد الساعة لاحها تاهي عاد حل لبااب نزل عندو فحييين اسماء غير سمعات محمد باقي لتحث تزاد معاها زااايد ولات جالسة على الشووك خايفة من ناصر لي نزل وباينة غيتعصب من الحرقة ومحمد لي لتحث سنانو لوبيا علييه..تا لقات الفرصة وهي تنوض كتجري طلعات للسطح باش يبات ليها الشارع كامل من الفوق وفعلا دارت حجرة وتعلاان طلاات من لفووق على الشاارع محببدة حتى كيباان ليها جوووقة دياال عبااد الله وشي دراري غادين تما كيجريو قلبها تفزززع خلاص فاش بانت لييها طوموبيل دمحمد حدا دييك الجوقة قلبها ماهناهااش وعرفاات شي حاجة واقعة وهي تنزل من السطح خرجات للزنقة كتجري جيهتهم..
مشاات كتجرييي وسووق ربي العالااميين مجموووع شي مبعد كيتفرج شي كيضحك وشي كيفك عيالات ورجاال دقة فييهم ودقة فنااصر تا قرباات بان ليها محمد شااانق عليه كيدييه ويجيبو معاااه ولاخر تاهو شاانق فيييه ماحساتش برااسها تا شدااات فدجاكيت ديال محمد ورااه كتجرو وتغوت وناضر قشعهاا تزاد معااه زايد على شدة لي شداات فمحمد طلق من محمد وبغى يشدها هي تا نزل علييه برووووسية جابو مكسل قدامو وتلفت دفع اسماء صااااعر ماحااسش براااسو محمد واحد خور كتشوف قداامها ماشي المهدن والتابت اللي عرفااات ….
محمد: رجعييي فحاااالك غبريي
اسماء:الله يرحم لييك الواليديين بعععد منووو عفاااك خلييه فحااالو الله يااخد فييه الحق خليييه
نااصررااا غنفعلص زاام/ل بووك ابنت القح/بة كتطليبييي فيييه وطللللق منيي
بغى يمشي ليهاا وهو يشنق علييه محمد
محمد:قيييصا قيييصها الكللب بررب المعبووود تا نفصللك ليك عضااامك يلااه قيبصهااا (جبدهاا قدامو) ضربهاا ضرررب يلاااه
رجعلت شدات فيه وهو ينتر ايدييه منهاا دااار محمر فناصر ولااخر رجع لور تحدر كيحيد فالتييشووت عرا على صدرو كلو مخطك ومضرروووب كخلللع غادي جاي كيجري قدامهم كيستعرض فكتاافو غير داوي خاااوي تاا تم جاي عند محمد قااصدو وجبد سبعة دالنقشااات من سروااالو وهي تشوفوو اسمااء غوتاات بالخلعة بغات تسخخف ولصقاات فضهر محمد كتجررر فييه يرجع وهو غير واقف كيشووف فييه غادي جااي قداامو واش غيمشي ينقز عليه ولا يتعبوو ولا اشنو يدير معاه وهو كي زوااق تا قنت ماشاادو والعيالات غير شافوه بالموس هربوو من قدام محمد بقاو هو وياه فالوااجهة وهو يتحرك محمد حركة وحداا شننق عليييه وطلع مع حجرو بركلة تا غووت نااصر والحرقة زاايدة علييه لاح الموس ورجع لووور ولاخر دفعوه شي دراري كيفكو…
_ساعاتو الله اصحبي صافي غيبقى فايدييك
محمد:سيير اصحبيي سير غنتعدا علييها
ناصر غير بان ليه تغلب مابقااش مقرب لبيه غير غادي جااي بداك الموس كيهدد ويغوووت وريوكو ساايليين شاف راسو تغلب وماشي فدربهم ومامعااهش الحمية ماغيقدرش علييه بوحدو بان ليه تامحمد كثر منو لا خوف لا هرووب واخا حبد عليه الموس لي غير كيشوفو كيرجعو لور وهو غير مزايد مخرج عينييه باغي يتلاح عليه ولكن ناصر هاارب…
اسماء:وصااافيي عفاااك برااااكة صاااافي يلاااه نمشييو يلاااه امحمد صاافي
محمد:رجعيي فحاااالك غبريي(دفعها وهي وجهها صفاار بالخللعة كلهااا كترجف والعياالات كبار ضايريين بييهم)
_هاالعاار اوليدي ماتخسرش راسك معااك باينة فييك نقي و ولد ناااس اااش بغيتي بييه هالعاار ما رجع فحااالك
وناصر كيغوووت بالهضرة الخاااايبة معصووور مع الحرقة وحمرر خاصة فاش ضربو فيها محمممد تاا بان ليهم مشى كيجريي قاطع الشانطي ماعرفوه فيين زعررط غادي وكيعرعر وعباد الله هرباانين خاوين ليه الطرييق ومحمد شاف تاعيى كثر عليه اللغى بنادم داااوي شي تحتو وشي فوقو واسماء كتجر فيييه كلها كترررعد وهو يحل بااب طوموبييل بنترة طلللع وهي ضارت دغيا طلعاات حدااه دغياا كسيييراا وصاق مبعد من تما وجهو مزييير وايديه تنفخو بالعصاااب صدروو كيطلع وينززل غااادي مجبببد فالطرييق طااير يييها تا شاافتو كيببعد على داارهم
اسماء:فيين غ غاادي ح حطني غير هناا
محمد:علااا ش طلعتي… من لووول علاش طلعتي
قطعاات الحس على جوااابو وهو تلفت شاف خطف فيها الشوووفة حتى لواحد اللحضة وهو يضور الفولوون بسرعة تا تسمعاات جرة الروايد و وقف جننب الطرييق..
صوت انفاسو الغااضبة هي لي كتسمع طالعة نازلة بسررعة كيمسد فايدييه لي رجعو حمرين بالضرييب والحريق فراسوو تااني مع الجهد اللي كان كيضربو وهي كتشوف فيه وعينيها عامرين بالدمووع حتى هز فيها راسو بسرعة غفلها مخنزر كيهضر
محمد:اااش كيدير عندكم هادااك اش جابو ليكم
تخلعات من نبرتو الغاضبة اول مرة يهضر بهاد طريقة معاها …
اسماء:مااعرفتتتش والله العضييم
محمد:كيفااش ماعرفتييش ومدخلاه لدااركم واش كنبان لييك حمار بالودنييين شكون حل لبااب داار تا تدخل ماتجهلينييش باغااه نيشان قوليها مانبقاش نملخ فالسيد
اسماء:والله ماعرفت انا غير لبارح جيت لداارنا ماعمري تلااقيتو من داك نهار ولا هضرت معاه ولا معاهم باش عرفوني رحلت ولا اشنو باغي والله ماااعرفت
محمد:وااش مرتاتحة فهادشي عاجبك الحاال
اسماء داخت : ت ح حمااقتيي امحمد واش اناا شفتوو كنت غنحمااااق كتقول ليا غيعجبني صدمني فااش لقيتو جالس فالصالة بحالا بااغي يخططب ماغيعبدش مني راني كنعرفو انا غندعييه المخزن لي غيدير ليا حل معااه
محمد :غتدعيييه
اسماء باصراار :غندعيييه واخا نعرف نحط لي ورايا ولي قداامي وندخلو فين يتربااا
حدر رااسو كيركب فساااعتو كيهضر…
ممحمد:غدا غندووز عليك …غنمشيو عند محاامي قولي لييه كاع اش عندك وانا غنتكلللف ومن تما غتمشي تكملي ليزاناليز دياالك غينفعونا وبنتك خليها حداااك اطونوسيون تفووت عتبة الباب وحاولي تجري ليها لسانها واش عاقلة على اشنو وقع كيف عاودت ليااا
اسماء:تا انا كنعرف واحد المحامي هو لي طلقني منوو
محمد:بلااش انا غتتكللف نتي غتجي تقول اش عندك ورجعي لدااركم وردي بااالك ماغيفرقكش
اسماء:ونتا ..
محمد:مالي انا
اسماء:شنو غاديير ماغيتفررقش علييك رد البال منو
محمد:ايلاا بغى نفصل لواالديين مو العضااام غير يجي مرحباا الكلب مافيه تا عضم صحييح وداافع الجبههة
اسماء:راه محروووق ماكيمشيش مقاد
محمظ:فيين محرووق ؟؟ امتى !
اسماء:غير قبيلة فاش جاو قلباات عليه ختي الصينيية حرقاتو م..من من ك كروش لتحت و وصافي مشااو
محمد : مشااو !
اسماء:ااه ديك ساعة مادوينا ما والو يلاه بغاات تحط لييه ماما الصينية وهي تقلبها علييه ختي..
محمد : ختك هه
حركات رااسها بايجااب وهو يضور وجهو شدااتو ضحكة واسماء من نيتها كتعاود ليه وايديها وسط رجليها كتاكل فيهم باقة فيها الرررعدة غير كتطل علييه حتى بان ليها قالي وجهوو شاد ضححكة وهي تقرن حجبانها باستغرااب حتى قشعات عضام ضبعان ايديه حمرين وكاين لي كيسييل منهم الدم
اسماء: ادييييك محمد فيها دممم
حط عليهم كلينيكس فواحد الضربة كاان خشاها فسناانو تصورو لييه تماا وهو يديماري طوموبييل رجعها للدارح طاها قدام المووويل
اسماء:معااش غنمشييو غداا
محمد:العشرة نكون عندك
اسماء:ا انا غنجي عنندك بلاما تعدب رااسك تا لهنا
محمد : باش ما كان نرد علييك جيبي لاكارط ديالك ومسائلك
اسماء:سمح ليا امحمد ماابغيتش لييك هاد صدااع(قاطعها)
محمد:نزلي نزلي نفس الكاسيطة غتسمعيني خلي تيليفووتك شاعل
حركان راسها بايجااب ونزلات كطير من عندو وهو ضور لفوولون ومشى وهي دخلات لداارهم فاااشلة جلسات فالدروج شاادة رااسها كتنههج بشويا بشويا حتى بدات كضحك وخبات وجهها ببايديها حشماانة بحالا كيشوف فيها كيتلاقااو فاصعب اللحضات ولكن بالنسبة بيها كيكونو احسن الللحظاات نساات عقدو بالعروسة جديدة ونساات رااسها.. عجبهها الحاال معاه وعجباتها مساعدتو ليها رغم الضرووف ورغم العوااقب خلات الفرصة لقلبها فين يتفتح ويبغي من جدييد واخا عارفاه مستحييل يكوون ليها و وحدة اخرى سبقااتها لييه ولكن المكتابة عند الله هي لي كتكون وايلا كان فيه الخير ليها واخا يضور بنات لعالم كاامل غيرجع تا لعندها…ماركزاات فموضوع زواجو وماعطاتوش اهميية تايقة فالله وعارفة غير الخيير لي غيجيها محمد ماطاحش عليها من السماء صدفة والمهدي ماتلقاتش بييه صدفة والحاجة مادقااتش بابها صدفة وحتى داك الصاالون ماخدماتش فيه صدفة…..حاسة بطريق جديدة وزوينة تفتحات فوجهها العائق الوحيد اللي فحياتها وهو ناصر ومن غدا مستااعدة تمحييه مشا زمن الخزف منوو مابقاش كيآديها غير هي وتصبر لييه المسألة ولات نااس عزااز على قلبها”محمد” وعطات وعد لنفسها ماتخلييه يدير فيه مابغى ناصر معروف بتشميكرة ومعروف بقبوحيتو كيف معرووف بانه غدااار وكيضرب فالهضر ماشي فالوجه….
طلعاات عندهم مامبينااش ضاحكة واخا وجهها صفر بالخلعة وعينيها خارجييين كتضور فييهم وتحاول ضحك دخلات لبييتها تبدل لباسها عرقات بالجران تا تبعاتها كنزة زيرااتها تاعاودات ليها كلشي وخرجات تاهي كضحك بغاتها فييه جلسات حدا الحاجة وتبعاتها اسماء جالسيين مجموعين مرحبين بيها ودايريينها فوق راااس والحاجة ام اسماء ضااحكة وناشطة فرحانة بالعكوزة المستقبلية على حد قولهم تا تحل البااب وتم داخل عبد المتقي كيشوف فمرت ولدو هازة صدرااي لي تخوا فيه اتاي باش يتشمش وهو داخل وجوج درااري تابعينو كيحطو فالسلعة اللي مقدي موراااه ..
الحاجة:نوضي هزي مع بااك تكعدي
كنزة: كيبقى يعاير فيا ماكتعجبو تاحاجة كندييرها غير نوضي نتي امي ماكيقدرش يعايرك
عبد المتقي:الحاااجة كنزاا فيين غاطسيين مال داك السداري فين غادين بيه
_يتشمش اعمي تخوا علييه اتااي
عبد المتقي:خيااار عطيني شريبة الما ابنيتيي فين بنتي اسنمء فاااقت فطرتوها..
اسماء:هانا ابابا هنااا ..
سمع صوتها وناض غادي عندهم والحاجة دورات زيف على رااسها تا دخل عندهم سلم علييهم كاملين وخرج خلاهم فخااطرهم وهو يلاه كيزيد بداك العكاز جاي مقدي سخفان وعرقاان فرحاان باسماء ونورات لييه الدار وزاادتو فالصحة غير ضاحك ونااشط بييها تا ناضت عندو الحاجة مرتو تشوف اش جاب ويتشااورو على الغداا..وكنزة كحزات عند الحاجة ضاحكة
كنزة:عرفتي شحال هضرات لينا عليك اسماء ملي عرفاتك جاية شوية وماتموت لينا بالفرحة
الحاجة : تاهي معزتها فقلبيي كبيييرة تمنييت مانجييش عندها فالمرض وتمنييت نجي عندها فمناسبتها ولا فرحها ولا حتى عرسهاا
كنزة:انشاااء الله ياربيي الله يجيب ليها شي ولد ناس وتكون مو بحاالك الحاجة دروييشة وتبغي ختي من خاطرهاا(خرجات فيها اسماء عينيها تسكت)
الحاجة: وانا نكره بنية بحالها قلت ليهاا ههه كون كان عندي شي وليد ااخر ناخدها لييك معدن الانسان ابنيتي يبان من فعالو وكلاامو واسماء من نهار شفتها قلعتهاا فسما اش كتسوا وليتي خسااااارة
كنزة : شي ولد اخر شحال عندك من ولييد الحاجة..
الحاجة:وااحد الواحد هو الله واحد لي نكساااب الله يحفضو لياا والله يكمل علييك ناوية نزوجو هاد ليامات بواحد البنية بحال وجههكم الله يعمرها دااار
كنزة:ايوا شتي خسااارة…
الحاجة:ونتي ممزوجة ابنيتي
كنزة:لاا الحاجة عندك شي واحد للزواااج هههه بااينة فيا مزووجة
الحاجة:وحقييقة الله ماباينااش فييك هههه
كنزة:علااش هههه لعار ماقولي بصح ماكتباانش فيا مزوجة علااش
الحاجة:وبااينة فييك عفرييتة وفلييفلة ضاربة دنيا بركلة ورااسك خااوي ما المراة المزوجة مسكيينة كتكون متقلة غير بالهم غير تشووف وسااكتة حتى كتشرف وتشيب غير بالمشااكل علاش كنقول اسماء ترخف على رااسها راه ونايتمشي غبر فين مشااك الله كلنا غنكبرو وكلناا غنشيبو ونشرفو وليني نكبرو غير على طاعة الله ماتغرنا لا دنيا ولا همها…
البنات تفاهمو مع الحااجة وكلمهم مجموعين عليها فرحانين بيها ماجبدوش موضوع ناصر غير كيرحبو ويعااودو وهي خلاص ارتااحت وسطهم وعجبهاا الحال دايرين ليها كيف الما القييل جيبو للحاجة وعطيو للحلجة ومدو للحاجة وزيد وزييد جابت ليها ام اسماء بيجامة جدييدة واخداها من الحج عطاتها تلبسها بييضة وزويينة وحابت لييه تسبييح ومكعب دالمسك الحر وشوية التمر ديال الحج حطاتهم قدامها عاد طلقاات ريحة الند فالداار تجهدات ريحتوو وقواات وهي تنوض اسماء مخنووقة ماحاملااهش طفاتو وريحات البيوتة ورجعات جلسات معااهم موضووع يجبد موضووع تا جبدات ليهم الحلمة لي حلماات الحاجة ماماها طارت معزة نزلات بقرة سحوور هو لي كاين فحين الحاجة ام محمد كتقول غير الدنوب هوما اللي كيتغسلو فالحماام ماكين لا سحور لا جوج…
تغداات معاهم ودوزاات نهارها كلو معاهم ماحسااتش بالوقت وحتى هوما ماحسوهاش بييه حتى بداو كيقادو فالعشى على حساابها وهي تنوض بغاات تمشي عياو فيها تجلس ولكن اصراات انها تمشي بقات كتسنى حتى جا عندها محمد نزلاات معاها اسماء وصلاتها حتى لعندو سلمات عليه بحالا يلاه شافتو وخلاتها مشاات وهي طلعات دخلات عليهم للكوزينة كيهضرو….
الحاجة وشكوون داك لي قالت باغة تزوجو..
كنزة:هاداك ولدها لاخر راه عندها جوج واحد لي باغي اسماء ولاخر لي غيتزوج هاد سيمانة..
اسماء:شنووو
كنزة:اااه هه هههه كنعاود ليها على الحاجة ايوا وهذا لي باغي اسماء ماكينش هنا غير نسايه دابا راه على برا باقي مادخلش دابا غير كتدي وتجيب هي وياها فلهضرة باقي مادارو فالطجيين مايتحرق
الحاجة:خياااار وهي كتهضر معاه
كنزة:لاا اماما قليييل فين كيهضرو…
الحاجة:ايوا مزيان تعز راسها تايجيو عندها..ونتي مابغيتيش تمشي معايا عند الحاج ايداار شواف ضربتو دقة بطلة يشوف ااش عندك وشكيعنيو دوك الاحلام يا تمشي معايا يا نجيبو هنا
اسماء:اشمن شوااف اشمن كون كان الخوخ يداوي كون دوا راسو شواف يشوف نيت هو حياتو شغيوقع فيها من هنا لقدام بداك الكفر لي كيدر مع الله ماكيشوفش داكشي هو يااك…كيشوف غير حياة الناس
الحاجة:ادييك سلووم الشفاارة لي طواليت تامابقى البااب يدخلها عندي… دعوة فالتخرااج العينيين ديرييه مع الصاحابات اللي وكلوك مابقيتي تنعسي بنهار ولا بليييل… راني دااوية معااك شوفي عندي
اسماء:صافي اماما من هاد الهضرة تخربييق على الخااوي قولي لياا هادوك الصبااح ااش جايبهم عندهم الزهر جات الحاجة والله حتى نشوهم هااد النهار ااش جاو يديرو
الحاجة:غير سكتو وليت خايفة غير باك لا يجي الحمد الله ربي كبييير ماتلقاش بييهم..
اسماء:وعلاش جايين…
الحاجة:وراه باينة ااش جايبهم مينة مامولفة لييها تجي طلب السماحة وانا قلت غير مسألة الرجوع لا باغين يرجعوك الله اعلم..
اسماء:هه ههه صافي هاادشي لي بقى
الحاجة:ماعندهم الوجه لي يحشمو علييه حشمت نرضهم من الباااب حشمت وغلبني وجهي والله انا عتبتي مايفوتوها بالحق غزات فييه سيفطاتو مصلوووق العفرييتة كطييير العجب مادوا معاها ما حيح ما هضر
كنزة:ايلا قدر غير دوي والله حتى يرعف..
هشام غير غادي جاي كينفخ ويضرب فطاسات وفالديكوراات باغييهم يهضرو ويفشوه ولكن تاوحدة ماحاشاتها ليه ولا جبداتو خلاوه هكااك غيطرطق تعشااو مجموعين وناضت اسماء لبييتها تنعس….
صباح الغد فاقت على صوت التيلفون كيصوني لقاتو محمد كيف العاادة بغى يجي يديها ولكن قنعاتو هي تمشي لعندو بسبب خوتها ولا عيالات خوتها يشوفوها وتولي فالهضرة تااني خلاها فخاطرها وعطاها العنوان وهي ناضت لبسات عليها جلاابتها بانت ليها كلها تحببات وباينة فيها قديمة وهي تخطف واحد جلابة لكنزة لبااستها فالموف بااارد توب كريب جاتها ملبوسة مع ضعاافت وكنزة اصلا كانت ما ضعيفة ما عامرة الحد فالقد يلاه جات مع اسمااء هي هاديك مكروزة من جيهة الصدر بالعقييق كروونة والدهبي دهنات فوجهها ليكرون على شمس ومرطب شفايف وجمعات شعرها بقراصة الفوق هزات صاك فييه لاكارط وشي وريقات وحتى التحاليل دياالها خلات تسنيم ناعسة مع كنزة ملي قاليه محمد ماتخليهاش تعتب باب الزنقة مابقاتش باغة تخرجها معاها وكار حسن ليها يقابلوها ليها وتحرك خفييفة.. وخرجات من الدار بلاما تعلم تااحد..طلعات مع الشاارع الفوق غادا كتقلب على طاكسي بعينييها حتى وقفات حدا الصيديلة جنب واحد العماارة مخبية وجهها من الشمس
وهو يبان ليها واحد جاي وهي تمشي بغات تحرك لييه حتى حساات بايديها تجراااات شوبة ومغطييح على رااسها ماجات فين تهزو تابان ليها ناصر قدامها مزيرها مع الحييط وهاز نفس سبعة النقشاات فوجهها….طرطقاات عينييها حاسة برااسها غتسخف قداامو كلها ولات كترجف يلاه غتغووت وهو يشد ليها فمهاا حاط قمقوم الموس على حناكها كيديه ويجيبو..
ناصر:تنفنفي نخسر لمك هااد الكمارة قطعي حسك قطعي حسك سكتي..بررب وتهضري تاا نطير لييك جلدة ديالك غنجيد ايدي وابرب المعبوود ا اسما برب لمعبود وتغوتي تا نتقب لييك جناابك….
مادوات ما نفنفااات زهو نزل ايدييه كيشوف فيها كترررعد مخلووعة ودافعة جبهة فييه
ناصر:هكااك نبغييك الكبييدة جبتي عليا زلاال ضربتيني بركلة صاافي سالة عهد نااصر حبتي زام/ل خور بدلتيني بيييه
اسماء دفعات جبهة واخا راه ميتة بالخلعة: ساالينيا علاش مكتفهمش وااا ربع سنييين باش سالينا وااش عاد بنت ليك فالقرعة طلقنا اناصر ااش باغي عندي عطيني تييقار على وجه دييك البنية بعد مني
ناصر : وانا بااغييك ااش غندبير بااغييك ترجعي لداارك باغي نرطع مرتي ديري معايا حل واش فيها شي كلمة دالعيب اشنو درت لييك مابقتييش حاملة فيا الشهرة اشنو درت
اسناء:لا مادرتيي والوو نفكررك انا نسييت كلشي وديك التكرفييصة عمرني نساها ليك وعمري نسمح ليك حتى لغدا امام الله وقداام بنتك مادرتيش حنى على وجهها قسما بالله العضييم حتى نربييك والله حتر ندخلك فيين تربى
ناصر :غتعاوني علياا نتي ودااك الزلايلي الزام/ل دياالك تدخلووني الحبس وتطلعي نتي ويااه فالعماارية الق/لاااوي لا حلمتي بيهاا القلاوي لافرحتي بدااك النهاار رااه غنقولها لزام/ل بوك يا انا ياا الموووت …
اسماء: نختار الموت اللف مراا قتلني وهنيني ولاا نرجع لييك ديرها فباالك ونساااني علييك نسا شي وحدة سميتهاا اسمااا
ناصر:تئ تئ تئ ماغنقلتك ما غنحاديك ماشي اناا اللي غندبحك ديلمك عرفتي شكون غيدبح اصل مك… عرفتي شكووون… اناا غنورييك… وتشووفي شكوون
جبد تيليفون من جييبو كيضحك ودخل لمكان الصور وهو يهزو فوجهها كيضور ليها فالتصااور بصبعو ضااحك كيفرنس وهي بالصدمممة لاحت التيليفون والصاك من ايدييها فشلو عليها ركاابيها تابغات طيح وهو يشدهاا والدموع نزلو من عينيها كينزلوو بصدمة شدات على فمها كتحرك رااسها بلاا وهو غير ما كيزيد يضور فالتصاور لي كانو فديك الليلة المشؤوومة مصور ليها غير نصفها الفوقااني صدرها لفوق عرياانة وصدرها كلو كيباان وهي مايلة للجنب نص وجهها مغطي بالشعر ولكن باينة هي اسمااء..خاصة الفيديو لي واخد ليها وهي كتحرك فرااسها وتبكي وكيتلاح الشعر من وجهها كتبان هي…
كل سورة كيحيدها كتبقى محفوووورة فعقلهاا مهرحة عينيها والصدمة بانت على ملامحهاا كيفاش وامتى صورهاا كيفاش ناعقلااتش على ديك اللحضة شتو نسااها شنو لي دهاها ماتحضييش معااه…وهو كيضحك وكلامو مشكمر خاشي راسو فيها كيهضر بهمس..
ناصر:شتي شووفي شووفي شوفي مزيان عرفتي…(جمع تيليفون خلاها منزلة رااسها مغمضة عينيها معصورين من الدموع) دابا غترجعي لدااركم وغتحدري رااسك وانا عشية غنجيب مي ونجي باش نرجع بنتي ومرتي لدارها داك الخطيب ولا زلايلي لي بغى ياخدك يا تقولي لديلمو يرووح يتق/ود ياا انا اللي غنورييه ليه ….قيدي دابا دييك نمرة
اسماء:ااشمن نمرررة
ناصر:نمرت داك ولد القح/بة ماعندي ماندير بيه كتبي نمرتك وبرب وماتجاوبي فاش نعييط تانسفطو لخوتك يتعشااو علييه قيدي ولا عرفتي شنو اري داك تيليفوون اريييي لهنا
جبداتو ليه كترعد عطاتو لييه وهو دخل كتب نمرتو وصونى لرااسو وردو ليها
اسماء : طلقتيني اناااصر شكووون رمى طلاق على لا خر ياك لحتيه عليا بتلااات وطلقناا ساليينا ربع سنييين بااش ساالييناا ااش بغيتي عندي
ناصر :وواا بغيتيييك ترجعي…(تلفت كيشوف فلي غادي ولي جاي كيشوفو فيها وهي كتبكي وهو كيغوت) ماتجهلينيبش غتفرجي فينا البشاار ديري عقلك ورجعي لداارك حيدي داك الغنان الخاوي مادايم لييك غير انا… انا لي مربيك على ايدي وعارفك اش كتسواي تاحد مايجيك على الكانة من غيري(غمزها)كاينة ولا لا
اسماء : الله يااااخد فيييك الححق من نهار عرفتك ماااشفت النهاار الزييين (شنقات علييه كتغووت وتبكي) الله ياااخد فيك الحق اولد الحراااام الله يعطييك ضربة اللي ماتنوضش منها الله يرزييك فالعزيييز عليييك وتفكر كيتي مافكني معااك لا قايض لا بووولييييس اااش بغيتي عندي رزيتيني فشبابي ضيعتيني وضيعتيي لياا حياااتي الله ياخد فيك الحقق
فشلوو عليها الرجليين وعينيها تقلبو طاحت حدا رجلييه سخفانة وهو ينزل عندها كيرتعد ويضرب على وجههااا فموو نشف بالخلللعة والناس لي كانو كيتفرجو فيهم كلهم تجمعو عليها شي كيقرقب السوارت حدا ودنيها وشي كيكب عليهاا الماا ويحاول يفقها والبنات اللي فصيدلية كلهم خرجو عندها متكين عليها مضاربين معاها تفييق حتى شافها ناصر بدات كتحل عينيها وتكعد وهو ينوض تسلت من بيناتتهم كيضور فعينييه ومشى زربان من تما بعد عليها…
فحين اسماء تكعداات بشويا عليها داايخة والهضرة والصداع فوق رااسهاا حتى بداو شي دراري كيفرقو فيهم وكلشي رجع منيين جاي بقات هي مع بنات الصيدلية عطاوها تشرب وفيقوها مزيااان عاد ناضت من وسطهم ماعارفة فيين تصد ولا فيين تمشي واش تزيد خطوة لقدام وتضرب على خوفها فمرة ولا ترجع خطوة لور خايفة ناصر يفضحها باش عندو عليها وتخلي خوفو يسيطر عليها…تيليفون كيصوني فايديها ومحمد كل مرة يصوني ويعاود وهي حدراات راسها ورجعات مكمدة لداارهم الدنيا ضلامت فعينييها والنور اللي كان كيبان ليها داخل من الشقق تغطى عليها والسواد غطى حياتها ماكيتسمع تا صوت جنبها غادا مع الحيط ماكتهز العين ماكتحطها بين عينيها غير تصاورها وهي عرياانة فتيليفون ناصر مع الاسف ناصر شد نقطة ضعفها وهي الخوف من الشوهة والفضيحة حتى حلماتت وتأملاات ربما تكون ليها حياة جدييدة من محمد وامل جديد فالحياة ولكن فهاد الصبااح طفااه ناصر وبين ليها انه قدرها صافي تكتب معاه وعليه ماكين فرااق ولا فكاك…من الاول بدات علاقتها فما يحرم الله وفعلا عمر النهار زين مشافتو فيها..
دخلات للدار لقات فوجهها غير الحاجة خارجة من الطوااليط موضية كيبان ليها غير فمها كيتحرك وهي كشتوف فيها ودنيها كيصفرو ماسمعاتهاش وماعرفتهاش اش قالت ليها قصدات نيشان بييتها او البيت المشروك مع كنزة بدون كلام ولا ردة فعل دخلات لقاتها مزال ناعسة وتسنييم مخشية فيها وهي تحيد جلاابتها وتخشاات ف فرااشها مقلوبة لجييهت الحييط دموع على خدها نازلين بحال شي شلاال ماقدراتش تصبر حتى ولاو شهاقتها مسموعنين وعلى صوتهم فاقت كنزة عيااات مضاربة معاها تعرف منها ااش كاين ولكن اسماء مانطقات تا كلمة من فمها وماقالت واالو شافت تاعياات وخلااتها فخااطرها ميكات عليها…
فحيين محمد فالطوموبيل كيتسنى هاز تيليفون كيشوف فيه ضربات ساعتين وزيادة واسماء ماليها تا اثر ..بدا كيتخلع ويتشوش من جييهتها واش ناصر تلقى ليهاا واش وقعات ليها شي حاجة ماطحاش فبالو ابدا انها ممكن تراجع على قضية الدعوة حيت بان ليه فاسماء مصرررة ومستاعدة كل الاستعدااد بااش تدعييه…رجع كيصووني تااني ويعاود حتى بغا يصوني للحااجة باش تصوني عليها ولا على والدييها تعرف اشنو كاين وهو يسمع صوت ميساج فالتيليفون فتحو وهناا قرن حجبانو كيقرا فيه ويعااود مامتيقش ومكدب عينييه تخلطو عليه الحروف وعينيه تعماو على المكتووب كيقرا ويعاود بالخط العرييض..
اسماء: محمد غير سمح ليا ماقدرتش نجي عدبتك معاياا وكرفصتك سمح ليا ساعة غضب كتوقع وانا واخا طلقت بييه مانبغيش ليه شر واخا اداني وتكرفص عليا ربي كيشوف وهو غياخد لياا حقي مابغيتش ندعبيه يطول زمان ولا يقصار كيبقى اب بنتي ومانبغييش تقال عليها شي كلمة خايبة بسبابو…غير خليني مني ليه انا غنلقى معاه حل يرضينا بجووج سمح ليا…والله يجازيك على لي درتي عليا عمر خيرك نسااه…
كيقرا ويعااود ويخرج يتأكد من النمرة مادخلاتش ليه لرااسو وماتفهماتش ليه القضية حس برااسو برهوش صغيير وطيح براسو قدامها…بحال شي مرااهق مضاارب مع الدنيا ودين باش يفاارق صاحب مع صاحبتو ماحملش راسو وحس بقيمتو ورجولتو طاحت حتى للارض… حتى لواحد اللحضة وهو يضور ساروت الطوموبيل بغضب باغي يقصداا يلاه غيديماري وهو يوقف بتفكير علتش هادشي كامل مالو فيها ومالو عليها اشنو علاقتو بيها باش يفكر ليها …هي حرة ومن حقها تعيش اللي ترتاح فييه شحال باش عرفها باش يفهم طبعها وشنو كتبغي وشنو ماكتبغيش ربما باغة راجلها وكيف قالت ساعة غضب كتحظر وممكن تكون امكانية الصلح بيناتهم….
لاح تيليفون من ايدييه وديمار طوموبييل غادي لوجهة منعدمة هارب من تفكيرو ولا من قلبو ولا من عقلو اللي حاس بييه غيخرج من بلااصتو طريقو كلها وكيراجع فنفسو وفهاد الايام اللي ٩س برااسو مابقاش ديال نفسو محمد اخر كيسااير فييه كيرسم فطريق عمرو فكر يمشي فيها من رجل مقبل على زواج لواحد اخر كيسعى ورااء بنت اخرى ماشي ديالو…
ضور الفولون و وقف فواحد القنت كيجبد فتيليفونوو مدوز نمرة لحضات حتى جوبااتو…
الحاجة:صباح الخير اولدي فيين خرجتي بلا فحوور
محمد:قريب للدار الواليدة..عندك نمرة ديال البنت (حك جبهتو حتى البنت لي غيتزوج بيه نسا اسمها ولا يمكن معارفوش) ديال البنت اللي خطبنا…
الحاجة : اسراء اييه عندي(بصوت فرحان) نعطيها لييك تهضر معاها ها
محمد:ممم قولي نسمع..
الحاحة:عا عااين عااين نقلب عليهاا صبر..خدييجة خديييحة اجي تعالي تعالي هنا..محمد كتسمع كتسمعني
محمد:معاك معاك
الحاجة:واخاا بلااتي ع عطيه عطيه نمرة اسراء راه مقديدة تماا عطيها لييه..
خديحة:واخا بلاتي نقلب….هاهي صفر ستة ..
ملاتها علييه حتى كتبها و وقطع كيشوف فديك النمرة لحضات حتى دوز الخط وحطو على ودنييه كيتسااناها تجاوب..
🥀……بعد 15 يوم…..🥀
خمسطاش اليوم داازت واسماء عتبة البييت مكتفوتهاش سدات على راسها سدة وحدة واملها فالحياة تقطع جروح وجهها غبرو بحال عمرهم كانو وبكن جراح قلبها بحال اول نهار كتحس بيييه كيتطقع عرق بعرررق بحال شي سم كيتوزع فجسدها مجمدو ليها على الفراااش، النعاس بليل وبالنهار مابقات كتعرف تفرق بييناتهم والحاجة كل مرة جايبة ليها فقييه ولا شواف فشكل ها الدكالي ها المكناسي ها الحمرودي ها الحمري واسماء غير كتحس بيهم دخلو كتقفل عليها البااب حااالفة حلفة وحدة ماتهضر مع شي واحد فييهم والحاجة غوتات تاعياات فالاخر ميكاات وخلاتها فحالها جميع الحلول دارتهم معاها وهي شادة ليها فالعكس حتى عطاتها التيساااع..
غير كتخرط كنزة كتبدا تسمع المعيور فودنيها من عيالات خوتها باين تنوض تعري على كتافها وتعاونهم فشغل دار غير كينفخو ويتفشو عليها ماعجبعمش الحاال معاها ومابغانيهااش فالدار وهي ماكتشوفهم ما كتجاوبهم كيجمعها غير داك العشاء ولا الغدا لي كيحضر فيه باها كتجمع معاهم على طبلة وحدة ونهار كيغيب ماكتخرجش من بييتها بالخطرة حتى كيجي ويخرجها وحتى من خوتها مكيضوروش باساحتها ولا يهضرو معاها والبلاصة لي فيها هي كيخويوها وكيف العادة اسماء عاطياعم النخال ماكتفشهم ما كتدوي معاهم …يومها كيدوز غير بالخوف من ناصر كل مرة كيصووني حتى كتبغي تقطع وكيسيفط لي ميساج مفكرها فتصاور وتجاوبو ديك ساعة كتسمع ليه بعيون دامعة حاااقدة وهو فتيليفون كيحلم عليها..ماكفاهش تيليفون بل وكل نهار فالسيمانة كيجي هو مو وختو يجلسو تا يعياو مع الحاجة والموضوع هو موضوع رجوع اسماء هشام وصلاح فرحانين وباغينها ترجع ولكن الحاجة غير ساكتة كتسنى رد بنتها ااشنو تقول فيحينراللي غتعطيهم الجواب باييه ولا بلا سادة عليها فالبييت وماكتخرجش عندههم وماكتشوفهمش..ومن ناحية اخرى المهدي لي حبو طاح عليعا فالتيليفزن نهار وما طال وهو يصوني كتجاوبو خمسة دقايق وتطقييه عليه تاني…
اما كنزة راتالفة بيها الدنيا والهم فعينيها تجمع ماحيلتها للمعارف لي الامارات مصدعينها باش تسيفط ليهم البنااات ولا لاسماء لي خالعاها حالتها وماعارفة مادير ليها ولا بااش تعااونها غير مربعة ايديها وكتشوف فيها بنهار تنعس وبلييل تفييق على البكى تا تعيى وتعاود تنعس مالها ولاا اش بيها ماكتحلش فمها…
خاصة نهار وصلاتها خبار محمد ضرب العقد على مراتو ورسميا ولا مزوج ومعيشها فدارو ومعاه ولات وحدة اخرى قطعات شراب والماكلة رغم تقتها فالله ولي فيها الخير غتجيها ضرعا خاطرهاا وبكات علييه وندمااات على القطعة الختيبة لي قطعات معاه كاين عندها فيه امل وحتى هاد الامل تقطع من الجدر… ماخلات كنزة مادارت عارفة اسماء كتموت على السقاطة فينما تخرج تجيبها ليهاا ماخلات حوايج فينما تقدا تقدا ليها معاها والحالة هي الحالة بغاتها تنسي فنواقع التواصل الاجتماعي وحيدات ليها داك نوكيا بيل عطاتها الايفون لخر ديالها فورماطاتو وعطاتو ليها تخدم بييه وهي جبدات الجدييد لي كانت خازنة خدامة بييه ودخلات الويفي على قبلها عطانو ليها تنسي بييه ولات لايحاه لتسنيم تلعب فيه وهي غير ساهية مرة تنعس مرة تفيق مرة تنوض مرة تجلس زادت كملات ليها هند من نهار عرفاتها دارت الواتسااب وهي تسيفط ليها فتصاورها مع المهدي بلييل وهوما خارجين ضاحكين مرة مباوسيين مرة معانقيين مرة مسافريين مرة فالبحر عريانين…بالنهار يعيط المهدي يحلم عليها بالزواج وبلييل يخرج يزهى مع هند ماسايقش لخبار انه كلشي كيصول لاسماء وعارفة تفاصيل يومو بالتفصييل لسوء الحظ بين هاد تصاور كانت صورة المهدي فحفلة عقد محمد مصور معاه هو ومرتو والحاجة وماماه غييثة تصادفا ليلة العقد مع يوم عيد ميلاد المهدي..واها محمد ضد افكار العيد ميلاد ولكن المهدي دارو احتفال ل ليلات بجوج بييهم…الصورة بقات عند اسنااء و وقتما داق بيها الحااال كتجبدها تشوفها…
يوم جديد روتيني وكيف العاادة كيدووز كنزة جالسة فالكوزيينة شادة تيليفون بملل كتطلع وتهبط فالفبس والواتسااب غيتطرطق بالميساجات وهي سامحة فيهم كاملين مابغات تجاوب تاحد والحاجة واقفة عند البوطاجي كتقطغ فالرببيييع سااهية وغير كتخمم حتى رماتو فالكوكوط رواتها وسدات عليها وجات جلسات قدامها فالصالة مونجي شادة حناكها…
الحاجة : وااكنزة..كنزة..
كنزة:مممم (طفات تيليفون) مالك امي..
الحاجة : وابنيتي ختك مابقااتش عاجباني قالت لييك شي حاجة فخباارك مايتعاود
كنزة:فففس الهضرة اماما مااعرفتش بنتك ماكتقوول لياا والوو جيبي ليها اشي شواااف على الله يشوف ااش بيها
الخاحة:غير بشويا ابنتي غير كنسول فيك راني ميمتها وصدري مزير من جيتهتها علاش ناتبغييوش تعاودو ليا
كنزة: ههه مابقاش ضاايعة مع ناصر …مي شوفي والله حتا راسي كي البيضة غيطرطق وكتزيدي بهضرتك وبراااسك ديك نهار فكيتيها ومشيتي جبتي ليها بنتها وهو غير خرج من الحبس قصدها هي لولا دا ليها البنت وكتقول لي ليا غتشووف الخير موراااهااا لا نتي ولا ولاادك والله ماغترتاحو تا شي نهار تلقااوها شاقنة راسها فشي قنننت
الحاحة:ياعود بالله نعلي الشيطاان (دخلات مرت هشام وكنزة كتهضر مامسوقاش ليها)
كنزة: شيطاان هو بناادم اماما الشيطان رااك مربيااه فدارك واش هذاا اللي باغي يسيفط ختو للجحيم ماشي شيطان ااش خلا للبرااني مايقول…كيدييرو ليهم ديك الضحكة الصفرة ويرحب بيهم ويعااود تقول جايني يخطبو بنتو والله وكون كانت بنتو لا عتبو باب داك الشارع ماشي غير الدااار…
مرت هشام كتنصت هازة ححباانها وكنزة مكملة…
كنزة : ماعاارفااش علاش بااغيتو يسوسوها دوي انا نقولك امي…اسماء راه معروفة عليها من صغرها رااسها قصح من ديك الحجرة ونفسها واااقفة هنا…ماكتسمعش شي كلام فوق كلامكم نتي وبا وماكترضااش لي يوريها ااش دير ونتي ولادك من ايام زماان مسيطرين وباغين كلامهم لي يمشي على كلشي واسماء ماتشدااتش ليهم فلول سرسبوها زوجوها بشمكاار نفكرك امي نفكرك نهار كانت مصاحبة معااه نهار عرفوها مصاحبة معاه مالهم ماجاو قالوها لييك مالهم ماعلمو تاااحد هااا ياك تاحصلها با معاه فالجردة علااش هادشي حيت عارفين داك الشماتة راادعها عارفينها كتموت منو بالخلعة عاارفيينو يخلصو ليه جوان واحد يخليهاا تناازل على حقها فالخياة ماشي غير دار….ودابا علاش باغين يرجعو ليه حيت عارفين با محمر وباغي يكتب ليها نص فالدار بوحدهاا وايلا رجعاتت مع ناصر ضامنيين الورث راجع ليهم ويقصموه كيف بغاو واش عادو بنادم هادو اللي يورثو فواليدييهم وهوما واقفيين..كيااكلو فلحمكم ونتوما واقفين على رحلييكم كيسحابونا وااكلييين الخراا مقفية علينا القفة شوفي اميي نحلف بايمااان الله وحق اللي خلقني وخلقنا اجمعييين سيري قوليها ليهم ولا هاهي مرتو كتسمع تقولها لييه اسما والله لا رجعاااات ليييه والله يرزيني فصحتيي ماترجع واخا نعرف نقود انا وياها من هاد دار يجلسو فيها غير هوما لاااا رجعاااات وايلا مابعدووش منها راه نقولها لبا والله حتى نقوليه راهوم كيدخلوه فغيااابو…وديك ساعة هوما لي غيخرجو يفلبو على المرا ماشي حنا..
الحاحة:سكتي شويا واش باغة تسكتي لداك رااجل الحجرة اويلي على نقولها لييه واش بغيتي تقتلييه راه ماعرفهمش كيجيو عمرو تلاقااهم اش غتقولي لييه يتسطى وشكون قاليك حنا باغين نرجعو شي بنننت خاليوهم الالة يجلسو تايعياو وريجعو فحالهم حنى ماعندنا بنت رجوع
كنزة:ايوا من حدهم كيجييو هي تاهي ماعندها خروج من تما….كوون كنتي بصح مهتمة لبنتك وخايفة عليها ديك نهار قلتها ليك كون دويتي مع با يخليها تسافر معايا سيمانة مانفوتوهاش ونرجعو تنسى غير شوية وتبعد من دار والغوات وخنز البااشااار
مرت هشام عرفات الهضرة عليها تسرسبات ومشات خرجات كتبركم ماكتقدرش تجاوب كنزة عارفاها جلاخة وماكتحشم من تاحد ماشي بحال اسماء سكوتية وكضرب غير من لتحث)
الحاجة:مايبغييش بااك ابنتي راك عارفااه راد معاها لبال لاتمشي تاني كي دارت ليه فالكرا…ماشتيش غير يحل عينيه يسول عليها وكيف يدخل يسول عليها وتاهي غير تشوفو كتخرج تجري عندو وحنا نهار كلو سادة عليناا…
كنزة:راه معايا مالي غنكري انا وياها ههه واخا نموت ومانسكنش فالكرا انا بت نبت مع ولادك هنا مالي انا هي اسماء معيورة وحدا نهز حوايجي ونهرب غير عوما يعايرو وانا ليهم بالمرصااااد..شنو دابا دوي مع با ولا تبقاي تفرجي فيها هكاك…
الحاجة:نزل عند مول الكرا غير يطلع نقولها لييه غي نوضو جمعو جوايجكم سيمااانة(بتحدييير) ماتفوتوهااش خليني مني لييه انا نعرف ليه..
كنزة:دخلت عليك بالله..
الحاجة:سيمااااانة ولا نمشي معااكم..
كنزة:لا لاا صاافي والله مانفوتوها خليني معاها راس فراش باش تعاود لياا لامشيتي نتي والله ماتهضر بالله..
الحاجة:فين غتمشييو..
كنزة:من صغرها كانت كتعجبها شفشاااون راك عقلتي كانت كتحماق عليها غنمشيو ليها انشاء الله ولكن غير هاد يومين غنطلعو لاكادير هي لولا ومن تما نمشيو
ناضت بفرررحة كتنقز بااس على راسها وخرجات كتجري لبييت عند اسماء نوضااتها من نعاس كتحيد عليها فالغطى وتهضر..
كنزة:نووضي نووضي
اسماء عين محلول وعين مسدودة من الشعى: مااالكي
كنزة:نوضي غنسافرو غنمشييو انا وياااك اااععع غنمووت بالفرحة نوضي غماليتي بالنعاس تكعدي براكة علييك
اسماء:خليني علييك اكنزة سيري خرجي نتي غير خليني
جلسات حدا راسها..
كنزة:وصافي نوضي عيقتي كاع ولاهيلا حراام عليك يلاه نضربو ضويرة نمشيو لشي مدينة زوينة نجلسو فيها ونفوجو شوية ونرجعو رااه ماغغطولوش
اسماء:والله ماراشقة ليا غير سيري بصحتتك..سدي شرجم عفااك..
جلسات كنزة فوق رااسها طفات ليها الامااال بعكسهاا وهي خلاتها وتلفتاات للحيط هزات لفون شافت شحال ساعة وطفاتو ورجعات تكات وكنزة غير كتشوف وتبقلل حتى بانت ليها تنسييم وهي ضحك بشيطانية وقرباات عندها كتهمس فودنيها… تسنيم غير سمعات حس الطوموبيل وضوراان والماكلة والحلوة وهي اصلا شحال ماخرجاات ..عينيها خرجو تاضربو فالحيط ورجعو ليها طلبات اسماء تاعيات ملي مابغاتش ليها طلقاات حلوووقهاا جمعات عليها الدار كاملة بالبكى حتى ناضت اسماء بلهلا يطرييه ليها شادة حناكها كتفرج فيهم كيجمعو لحواايج وهي غير كتشووف…
طبيععة الحال السي عبد المتقي عكس لييهم فلول ولكن ملي شداتو تسنيم من ٠يه وكنزة من جيه وزادت اسماء طلبااتو فوق منهم على قيل تسنيم لي كتبكي واافق وخلاهم يخرجو وخوتها كيبخو الدم من نيوفهم ولكن ماكين كلام فوق كلام باهم….يومين وهوما كيجمعو الحوايج وكنزة مشات تيرات الفلوس اللي غتحتاج ووجدات كطموبيل مزياان وطلعات تلبس حوايجها لقات اسمااء واقفة بجلابتها وزيف على رااسها عينيها دابلين ووجها صفررر كتسنى فيها تطلع وتسنييم نااشطة كتجري من قنت لقنت هازة مونيكة جديدة شارياها ليها كنزة لابسة بحالهافايديها ولابسة حوايجها…
كنزة:اويلي وااش من نيتك..
اسماء:علااش م ماالي..
كنزة:وهاداك لبس لابسة اويلي اصحبتي واخا تكون عندك ربعين عام وماديري هاد الحالة فراسك جلاابة اسماء جلااابة رومي فاش قصر معاك ؟؟؟
اسناء:ببغيتيني نتزيرت انا فسروااال دجين وقميجة غير خليي فجلابتي مرتاحة فيها …
كنزة:واعلى الاقل لبسي شي جلابة زوينة تحمر لوجه هادي عندك اختي كشفااات بلاتي نجبد ليه وحدة جاتني كاادو بصاكها وصندالتها والله عمرها جات على كتافي اصلا مكنلبسهمش بلااتي….ماعرفت فين دارتها ماما..
تعلات فوق الماريو جبدات الفالييز ديالها حلاتها كتقلب وجبدات واحد الجلابة بدو بياس لتحتي ديالها فاللون تورابيي بااارد عاد الفوقي دياالها ساتاان رهييف كيتلبس بحال الجيلي ارضو فنفس لون الجلابة ومخلط بالغوز والريبي باارد لبسااتو اسماء وجبدات ليها صااك فالكرنة صغييور كيتهز غير فاليد وصنداالة طالوون عااالية حتى هي فالكرونة توبها دان رطبة بسميطة من لوور وشاال مربع صغير بحال نايفية كيتحزم فالعنق…لبسااتهم اسماء و وقفات قدام المراية كتشوف فرااسها بشويا بشويا حتى بدات كتبسم وسطهم عجبها رااسها وارتاحت فييهم وهي تمد ايديها هزات من فوق الكوافوز صاك ديال الماكياج كتقلب وسطو على اشنو غدير وكنزة جلسات كتشوف فيها فرحااانة وهي كتهدن فوندوتان على وجهها عمرات عينيها بالكحل وهزاتهم بماسكارا وحمرات الخدوود ورطبات شفايفها طاح عليها السر وبااانو ملامحها كيلمعو وهزات واحد نضاضر كحليين دارتهم فعينيها وضارت عند كنزة..
اسماء: جاو مع حلابة..
كنزة بعيني لامعين بالقلووبة : كيحمقو…
ضحكات اسمااء كتشوف فراسها وجمعات شعرها لفوق بقرااصة حتى حسات بتشنيم كتعلق فجلايلها وشدات فيها تاطلعات فوق الكرسي ولات قدها فالطول وهي تمد ايديها وحيدات ليها القراصة من شعرها حتى تطلق على كتاافها عاد ضحكاات وباستها فخدها….
تسنيم : زوييينة ماما
عنقااتها اسمااء كضحك باغة تاكلها كتهر فيها وهي كتلوا بالضحك وكنزة متشوف فيهم شداتها البكية غي حبسااتها شحال توحشات هاد الضحكة تسمعها ولو انها ماشي من لخاطر مهم خرجاتها… خلاتها تاكملات وناضت تاهي لباست حوايجها رومي المعري كثر من المغطي ضاربة دنيا بالركلة وماكتسوق لتاحد لابسة لي بغات ومحيدة لي بغات مكياج اراك من بعييد لصقاتو فوجهها مع النضاضر تاهي رشات ريحة ولا خوات عليها وعليهم الريحة..عاد هزو الصيكاان والباليزات وخرجو لقاو الحاجة قدامهم سلمو عليها وهي تكمد واحد الجوا لاسماء بغات تردهم ليها وهي تخرج فيها عينيها حتى شداتهم عارفاها غتعشق شي حا٠ة وتبغي تشريها ولكن ماغتقولهاش لكنزة..
نزلو للطوموبييل وديماراات كنزة كتسمي الله شداات طريق لوطوروت مجهدة صوت الموسيييقى البيفان غيطيرطقو كتغني وتحير مع الموسيقى واسماء جمعات شعرها لفوق صهدهاا كتشوف فختها وكضحك حشماانة من الناس فينما وقفو فشي سطوب كيبان ليها كلشي منزل زاج كيشووف فيهم خاصة واحد الطوموبيل كانت غادا مغاهم فالخط غير هوما مطلعين الزاج فيمي ماعرفات شكون فيها…..وتسنيم لور تاهي فرحانة نساات شوية ونفعهاتها الزنقة وهوااء نضيف جدييد عاونهاا تنسى ولو القلييل ملي عاشت فهاد اليااام….حتى ناضت تسنييم كتشطح برجليها وتعبز فاسكاء
تسنييم:م ماما ماما بيبيي ماماا
اسماء: ماتقدرييش تحطيها هنا فشي بلاصة را مكتصببررش
كنزة : هاحنا وصلنا اخاالتو غير ربعة دقاايق ونصلو لسطاسيون نزلو نرتااجو شوية..
اسماء:احي عندي ياك ماكينش البووليس لقدام
كنزة:لا لا غير جيبيها راه غندخلو لسطاسيون دابا..
جراتها اسماء قدامها كتبوس على راسها وتعنق فيها حتى وصلو لسطاسيون…لقاتها بلان عامر ناس مصيفين ومسافريين مل واخد ومن اشمن مدينة جااي..
ضورات الفولون كنزة دخلاات ليه مشات دوموندي ااش ياكلو واسماء دات بنتها للطوااليط ورجعات لقات كنزة جالسة جلساات حداها والسيرفور جاب لييهم عصيير وكيك صغييرة كمقبلاات بيدما وجد ليهم الغدا حيت كنزة طالبة غداء متكاامل ماشي غير ديسوندويتش يزربو ليهم عليهم…..
كنزةارتاحييتي شووية عرفتي كيف جااتك جلابة مع دخلتي كلشي حل فييك عينييه هههه…
اسماء: زوينة واخا نتي ضعيفة عليا جاتني هي هادييك..
كنزة:راك نتي ضعافيتي بالمقارنة نهار شفتك لداباا..بعدا ارتاحيتي شوية..
اسماء:ارتااحيت ياختي تقولي غيرا الدار اللي كانت خانقاني صدري كنحس بييه تفتتتح وديك الخنقة هرباات منو…عاد دخل ليه الهواء
كنزة:قلتها لييك راه السفر كيفاجي القلوب وكيريح الانساان شري عصيركى تسنييم خاالتو اشنو بغيتي شربيي العصييير ماعجبكش نبدلو لييك
تسنيم: ب بغيت بحال هاديك البنت
كنزة:ش شكون
ضارت كتقلب بعينيها حتى بانت ليها وحدة هازة كلاص فايديها كتلحس فييه : كلاص شكلاط ولا فرييز انا نجيب للكبييدة
تسنيم : كرامييل..
كنزة:بلاتي نشوفو لييك…
هزات بزاطنها وناضت لمكان فين كاين لي كلاص وقفات كتسنها دورها حيت كان عامر حتى وصلاات نوبتها طلبات اشنو بغات خلاتو كيصاوب ليها فحين اسماء كتقاد لتسنيم فشعرها وتبوسع لى راسها حتى ميلفت انضارها كوبل داخل مع البااب عاطيها بالضهر تبسماات تلقائياا كتشوف فيهم فلحظة تخايلات راسها هي ومحمد حيت ديك البنت كانت محجبة شادة فراحلها اللي حتى هو متبان فيه انسان متدين غير من طريقة حمايتو ليها والطريقة باش مخليها حدااه وكيوقف بعيد على ناس باش ميتلاصقوش بيها وهونا يوقفو حدا كنزة قدام جاح كيبان منو الكلاص..حتى شافتو ضار غير بنصف حادرو شوية كيهضر مع مراتو وهي تقرن ححباانها كتحقق فييه..
فحين كنزة كتسنى الطلبية ودنييها كيمشيو لواحد الكوبل حنبها عينيها من رجليهم كتطلع فييهم كانت لاابسة صباط طالون ماعاليش بزاف مع سروال توب عرييض فالبيض وشومبيز من الفوق عاد شال كبيير مغطي كتافاها متحجبة كيبان وجهها بييض وصاافي بحال لي بيبي شادة فايد رااجلها كتعزل غير بصبااعها فلي كلااص كتبان فيها حشماانة كضحك وتغكي فمها بايديها وكل مرة تحط صبعها على شكل وهو كيآصر عليها ويعاود باش تختار اللي عجبها وهي حشمانة منو كتضحك بشويا وبهدووء انييقة وراقية حتى فضحكتها….
لوات كنزة شفايفها وحدراات رااسها بغات تشوف راجلها ولكن ماقدرات تاني تهز عينيها وتعيق عليها ولكن فاش سمعات صوتو وهو كيشكر السيد لي سيرفاهم هزات رااسها بسرررعة شافت فيه حالة ففمها وجهها تسقط منو لووون…. محمد بشحمه ولحمه وااقف كيشوف فيها حتى هو وملامح الاستغراااب على وجهو وهي تضور وجها دغيا جيهت اسماء لقاتها كثر منها بالصدمة واقفاات على رجلييها وكتشوف فيه من بعييد….
فنفس المكان اللي سخفات فيه اسماء قدام نااصر كان جاي عبد المتقي بعكازو يلاه كيزيد خطوة خطوة عليييه رغم الكبر فالسن ولكن ماشي من اللي كيجلسو فالدار ويشدو فالركنة لا بالعكس ديما الخروج ديما الجردة والجلوس فالجامع ومع الرجال دالحومة لي فسنو واللي ميت يعزي فيه ولي فرحان يفرح معاه….دخل للصيدلية وووقف بعيد كيتسنى نوبتو كانت عامرة واجد تابع واحد تا وصلات نوبتو وهي تجي عندو واحد البنت بابتساامة قالت ليه ااش خاصك وهي تجي وحدة اخرى…
_صافي غير شوفي المراة انا غنشوف الحااج…الحاج لبااس عليييك
عبد المتقي:نحمدو الله هاد البنية حدييدة
_اااه ههه فبلاصة حنان خرجات تولد..
عبد المتقي:الله يسر لييك ابنتي الله يعاونكم عطيني داك الخنيشات لي موالفة تعطيني دالركابي هاد ليام تااني ناضو عليا وماكيناش كنزة اللي تجيبهم
_داكشي علاش كنقول ااش جاب الحااج ..انا غجيبهم لييك..
دخلات للداخل جبداتهم و
رجعات لقاتو كيضحك مع البنت الجدييدة ويدعي معاها من ديما هادي هي عادتو يدخل بدعاويه ويخرج بدعاوي دالخييير كاع البنيات كيشوفهم فمقام بناتو والخير اللي يبغي ليهم يبغيه حتى لهاد البنات وهي تقادهم لييه ومداتهم ليه من زاج كتهضر..
_كيبقاات ءء ه هاديك بنتك لاخرا(كتدكر) اشنو سميتها اسمااء اه اسمااء كيبقات شوية لباس علييها !
حرك راسو بايجاب واخا ماعرفهاش علاش داوية..
البنت حديدة:شكوون
_نسيتييها ديك البنت لي طاحت داك نهار سخفانة قدام البااب لهييه طاح ليها طونسيو وقلت ليها نعطيها واحد الدوا زويين ولكن مارجعاتش عندي
البنت: ااه عقلتهاا ماعرت كيبقات مسكيينة..
عبد المتقي: طاحت وانا مافخبارييش ف فااين طاحت
بارتبااك ضورات عينيها وهو عاقد حجباانو مدهوش عرفات ماكان غخبارو والو..
_لهييه راه قدام داك الباب الحاج كانت واقفة كع واحد الرااجل يمكن بيناتهم شي مشكل كانت مسكينة كتبكي وتما فيين سخفات ساعة ماعندها بااس غير طونسيو ماتخلعش عليها..
عبد المتقي: اااش كتقولي ابنيتي ..ك كيدااير هاد راجل كيبان لييك ؟
_ماشفتش فوجهو مع الكاسكيطة نكدب علييه اعمي كان شوية ..شوية كيبان من حي شعبي زعما غ غير ولد الشعب لابس داكشي ديال لي سيرفيت وسبردييلة وكاسكيطة فراسو لي كيلبسو هادوك درااري ا ل ليكيوقلو ليهم المشرملين.. ضعييف شوية وطويييل
غير قالت طويل وضعيف عرفو بالخف حيت ناصر لي فيه هاد المواصفات مارجعش عاود موراها الكلمة هز الدوا ومشى مسابق رجليه مع عكازو…
البتت الحديدة: واقيلا مكانتش فخبارو..
_فمي كياكلني ااش داني نهضر كاع
وحدة اخرى:لمصيبة لاكان شي مشكل وجات ديك بنتو لاخرا ماشي لي طاحت لااخرا تقلب علينا هاد الفاغماسي ياربي تنسى الحاج ياربي..كنقوليك اصحبتي واخا تشوفي شي حد سخف قدامك وتجي عائلتو ماتسوليش فييه راه بعد المرات كيخزنو على واليدييهم ماشي كلشي كنقولوه لواليديناا وغير بسبب هاد الخلعة لي تخلع مسكين…
فنفس الطبلة اللي اختاارت كنزة المرة الاولى…كانت جتلسة هي ومرات محمد اسراء لي كانت حاطة رجل على رجل كتافها واقفين شادة الكلاص بين ايديها بصبيعات رقاق بيضين وخاتم زواج خفييف وانيق كيبان كيبري بالحجرة ديالو بلباقة كتاكل فيه بشويا بشويا وكلينيكس فوق لباسها خايفو تعمرهم…كلما سولاتها كنزة شي سؤال كتبسم وتجاوبها بصوت خافت خلاتهم غير كيشوفو فيها…فهاد البنية كتلة من لباقة والاناقة جالسة حداهم…شادين بربعة بيهم ليكلاص وكنزة كضحك معاها وتهضر مرطبة بيناتهم الجو فحين اسماء غير كتشووف ففيها بدون ملامح مرة مرة تمسح لتسنيم فمها حاضية معاها لاتوسخ حالتها بقات غير كتشوف فاسراء البنت المثالية لمحمد كيفو بتباتها ورزانتها وحتى تربيتها اللي كتبان من تصرفاتها حسات بييه غير هو جالس قدامها ولكن فنسخة انثوية….
عينيها كل مرة كتمشي لواحد الكولوار اللي كيدي للحمامات فين دخل محمد حاضية معاه امتى غيرجع….جالسة على شوك ورجليها كياكلوها تنوض وهي حابسة رااسها بزز حتى ايلا مشات عندو ماعارفة اشنو غتقول ولا باش تبدا الهضرة خايفة من ردة فعلو حيهتها وخايغة تسمع شي كلمة تجرح قلبها.. لاكن حتى لين ؟ حتى لامتى غتبقى عايشة فخوفها…!
قربات لكلاص ليها هازة المعلقة كتحاول تاكل بشويا وتسمع لختها مع مراتو كيتعاودو او يلاه فمرحلة التعارف واحد اللحظة وهي تشد ديك المعلقة بلاما تبيين ميلاتها شوية وقلباتها على جلابتها..وهوما دارو عندها
كنزة:هااكي هاكي كلينيكس مسحي غير بشويا عنداك تديع لييك
اسماء:لا لا غتديع كااملة غنمشي لطوااليط نغسلها تئ قلت ليك مناخدوش عارفة راسي غنعمرها…
كنزة:نمشي معاك
اسماء:غيير بقاااي ماتخليش البنت بوحدها انا غنمشي خلي معاك تسنيم…
دفعات الكرسي وناضت من قدامهم هازة تيليفونها فايديها قاصدة جيهت الحمامات وكنزة تلفتات متبعاها ولو تكون عارفة ختها غير قلييل قدرات فهمات اشنو كيضور فعلقها وبلا كدوب عجبها الحاااال….
فحين اسماء غير وصلات لحدا الحمامات للي مفروق جيهة للرجال وجيهة للعيالات وقفات كتمشي وتجي كيف شي حاملة شادها وجع الولادة ايد على جنبها وايد فوق كرشها كتحس بالفراشاات كيجريو فمغدتها ورجليها غيسخفو عليها بالسطريس والخوف اللي شدها يلاه غدير بناقص وترجع منيين جات وهي تشوفو خارج منزل راسو كيمسح ايديه بكلينيكس بسروال دجيت كحل وتيشوورت مزيرة كتافو رمادية ودجاكيت خفييفة حتى هي فااكحل وسبرديلة كحلة وكيف العادة الكاسكيط فوق راسو ماكتحيدش ولحية عامرة وكتييفة كحلة نازلة مع عنقو مع غيهزو شافها قدامو بدون ردة فعل بحالا ماشافهاش زاد بغى يمشي وهي بلا شعور لقات راسها واقفة قدامو وشادة فايديه حابسة مايزيدش خطوة اخرى بلاما تهضر هربو ليها الحروف من لسانها بقات غير هازة فيه راسها كتركش فييه وهو يحدر عينيه لايديها لي فدراعو وهز حجبانو بجوج وهي فهمات رااسها ورجعات عندها ايديها دغيا محروجة حسات براسها بحال شي حمقة واقفة عليه… وقاالت بارتباك حشمااانة…
اسماء: ب بغيت غير ندوي معاك سمح ليا
محمد بحدة : خااصك دوي مع اللي من هنا لشهر تقدرو ايلا قدر الله وكان شي داير شي دنب كبيير فحياتو يكون معاك …(كمش لكيلنيكس ولاحو جنبو فالسلة مقصح هضرتو)و وااش لهاد درجة عطيتيني وجه وعطيتيهم وجه ماتفهمتييش ليا اسماء اشنو كيضور فراسك كيفاش بلان المهدي لي مواعداه بالزواج وراجلك اللي راجعة معاه اشنو كديري بغيت غير نفهم اشنو كيضور فراسك…
بدون ملامح رجعاات خطوة لور بغات تمشي
اسماء :ماكنتش بااغة ندوي فهادشي..(عطاتو بالضهر وهو يسد عينيه بغضب ورجع فتحها متبعها) ماكنتش بااغة ندوي معاك فهاادشي… نتاا مااعاارف والو
محمد : كّولي ليا تسمع شنو ماعارفش انا
اسماء : ماعاارف وااالو
تمات غادا فحالها وهو بعصبية ماحس براسو حتى شد فدرااعها مرجعها لعندو مع غيضورها لييه وهو يعقد حجباانو كيشوف فدموعها ناازليين شلاال بدون صوت وهي تخبي وجهها مابغاتش تشوف فيه غيير كتبكي وتنخصص صدمها بكلاامو وكيف لعادة غير كلمة فشكل ولا نهضة فشكل من محمد كتبكيها وتجرحها وهو تلف ودااخ كيشوف فيها ماعرف اش يدير واخا عيى يقصح كلامو وملامحو فوجهها غير شاف دموعها نازليين بحرقة نسا باش مواعد رااسو ومرة اخرى كيتحول لمحمد اخر ماكيعرفو تاحد من غيرو هو وياها..محمد اللي كتبان ليه غير اسماء… حتى بان ليه واحد الكرسي..
محمد:اجي ..كّلسي هنا اجي
اسماء بتمرد كتبكي قالبة وجهها: صاافي غي خلينيي نمشيي طلق مني هضرتك خايبة وكتقصحني غير خليني
محمد : رتااحي وسيري ماندوييش معااك اجي ماتشمييش فهاد الحالة تخلعييهم علييك….
داها جلسات فوق واحد الكرسي فواحد الجنب واخا كيدوزو من حداهم الناس كانو قلااال كل واحد داخل سوق راسو ماكينش اللي كيقرب جيهتهم..جبد كلينيكس من جيبو ومدو ليها وهي كتبكي بدون توقف والكحل تخلط مع دموع سايحين تلفو عينيها بقد ما كبار بقد ما حمارو بسرررعة …غير كتهز فيه برموشهم كتزعزعو…غتطير ليه داك شوية العقل لي بقى عندو غير بيهم… فلحضة تكب عليها كلشي ومشكل واحد كيفكرك فجمييع الغصص لي مقصحيين قلبك بحال اسماء مابقاتش غير هضراتو لي ضراتها بل وكاع اللي وقع معاها فلحضة تكبو عليها بحال شي دكريات سيئة كيدوزو قدام عينيها
محمد : غتبقاي تبكي ا اسماء كّولي ليا ماالك اشنو وااقع معااك
اسماء بعتاب:ك كون بغيتي تعرف ماالي نمرتي عندك وايلا مشات ليك راه عند الحاجة..
محمد : شكون سيفط ليا ميساج كيوصل ليا بطريقة غير مبااشرة مانبقاش ندخل فحيااتو…قاطعة عليا الهضرة بمياسج ماقدرتيش حتى تجاوبي على لابيل ديالي وتشرحي ليا
حدراات رااسها كتلعب فالكلينيكس وتمسح بيه تحت عينيها حاسة بغلطها وقالت بآسف كتبكي…
اسماء:سمح ليااا مابغيتش نقطع معااك الهضرة هكااك والله مابغيت نتخااصم معااك..ن نتاا عزييز عليا و وماشفت منننك غير الخييير سمح ليا امحمد(شدات فايديه) كنحس برااسي بحال شي حمقة اللي بغى يعاوني كنبعدو عليا باي طريقة يمكن ولللفت مضارب بوحدي ولا وللفت نتجرجر بوحدي مابغييتش نكرفصك ونصدعك فاسعد اياامك ونتا كنتي علاين غتزوج ونزيدك بهمي حتى انا
بلبااقة سلت ايديه من ايديها مابغاش يبان بحالا قاامعها وحك خلف شعرو مبسم..
محمد:مرة اخرى غنكّولها لييك….ماكنلوموكش ونتي حررة فحياااتك تاحد ماعندو غراام دالحق يملي عليك اشنو ديري واش كيحساب ليك غير ايلا عاونتك غتصدعيني وتكرفصني….. نتي راك صدعتيني بفعياالك ماتفهمتييش ليا ا اسمااء مرة شتا ومرة رعااد عشية باغة تدعييه وكتقولي ليا نعاونك وصبح سمح ليا ساعة غضب ومانقدرش نأدييه…دوختيني واش نضرب ليمن ولا ليسر واش نعاونك ولا نخلييك
اسماء:نتا ناعاارف والو مكاانتش فنيتي(قاكعها)
محمد:هاد نتا ماعارف واالو ماكدخلش ليا من ودن ماكتخرج من لااخراا ونيتك انا ماداخلش فعقلك باش نعرفها ….افعالك اللي كيبينو ليا واخا نكون عارفك ناوياها فشكل ولكن افعالك يقديرو يبنيو ليا العكس ونتيق فيهم كثر من نيتك…
اسماء بلومة :كتقول ليا باغة تزوجي مع المهدي وباغة ترجعي مع راجلك لهاد درجة نويتيها فيا انا ماشي رخيييسة بحال كي قلتي ليا فالكلينييك هضرتك خايبة وكتمرض كثر من افعاالي
محمد:واش كدبت فشي حاجة….مقارنة يالميساج اللي سبفطتي ليا وكلام المهدي علييك هادشي اللي كيبن
اسماء:حتى حاجة ماكينة من هااادشي والميساج اللي سيفطت ليك ماعنيتش بييه غنرجع لييه واخا تنطابق السماء مع لرض عمر سميتي مغتكون حدا سميتو…بجوج بيهم ماباغة منهم واالووو
محمد:وشنو باغا..!
اسماء : نرتاااح…عييت من الصدااع والغوااات والخووف وكل نهار هضرة وحدة كتعاود وتهدي(سكتات شوية وكملات) و وتخربييق مامنو والو
محمد:شنووو مخوفك شرحي ليا وهانتي تااني غتخربقي ليا دماغي… اشنو مخوفك واش انا كنكّوليك القراار اللي بغيتيه خودييه وانا معاك فييه ندعمك مااديا ومعنويا نتي غير خودي قراارك وشدي طرييق وحدة تمشي فيها ورغم دلك خايفة و واخا ونتي معايا خايفة غير كتزيدي تمرضيني بهاد الخوف وكتبني ليا راني ماقادر نديير ولا نعاوونك بواالو اشنو مخوفك…(شاف فيها مطول فالاخر قال ) كنسولك على اساس غتجاوبيني..
حدرات رااسها بدون كلاام وهنا زاد تأكد شي حاجة كاينة وهو نافخباروش وكمل بجدية..
محمد : واخا ماتهضرييش…حتى نهار تكوني متأكد محتاجة نعاونك نمرتي عندك وفاي وقت انا معااك وماتحتاجيش ديط الهضرة ديال غنصدعك حيت كتصدعيني ملي كتبقاي هكا ملي غنحس بيك مرتاحة غنرتاح حتى انا حيت قدرت نعاونك فشي حاجة….
شافا فييه مطوولة وتنهدات..
اسماء:كون غيركانو كاع ناس بحاالك….ع علاش كدير معايا هكا
محمد : اي واحد غيكون محتاجني غنكون معاه هكا تربييت..
اسماء بهمس : م ماامقلقش مني…
هزات فيه عينيها مستنية ردة فعلو وهو شاف فيها مطووول عينيه فعينييها لحضاات صمت طالت وغير عيونهم لي كتكلم نسى اصلا اشنو داارت ولا شنو قالت لييه…حتى لواحد اللحضة وبغفلة قلب عينيه ماكيبغيش يطول فيها شوفة ولكن بدون شعور كيلقى راسو تاني ساهي..
حك خلف رقبتو…
محمد:ع علاش غنتقلق منك اشنو درتي ليا..ماعجبنيش البلان لي درتي مع المهدي ايلا كان عقلك فبلاصة اخرى خليه فحالو ماتجرجريه مايرجرجك وهو كيوجد اللي شادو ومعطلو المشروع الجديد اللي دار غيكون هضر لييك عليه
اسماء:معامن دارو…
محمد : مادوااش ليك عليه..
اسماء نكرات :لا م مافخبار والوو
محمد: مع خالو يمكن ..
اسناء:خالوو ههه الله يعاونو ..
نزل عينيه للتيلوفون لي فايديها وقاال..
محمد:بصححة..
اسماء: ءءء(شافت فين كيشوف وقال) ديال ختي ههه
تبسم لضحكتها كيشوف قداامو وهي كتشوف فيه حتى قشعات الخاتم فايدييه وردات علييه..
اسماء:حتى نتا بصحة…الخاتم..
حرك رااسو وحدرو مبسم كيشوف فيه ويحركو بين صبعانو…حتى تلفت فيها وقال
محمد:غسلي وجههك ورجعي كّلسي ماتخلعيش بنتك هكا وماتبقايش تبكي على اي حاجة… ماعندي علاش نتقلق مننك مادرتي ليا واالو وماشفت منك حتى عيب(وقف) يلاه نتسنااك..
اسماء: ب بلاتي نغسل وجهي ونتبعك..
حرك راسو ومشى وهي دخلات لحمام وكيف كيقولو فرحة القلب كتبان على الوجه دغيا الابتساامة ترسمات على وجهها بحالا عمرها بكااات ولا طيحات شي دمعة..بحال شي حمقة كتشوف فالمراية وضحك وهي تطلق الماء ونزلات كتغسل وجهها من الكحل اللي نزل مع الدموع لحسن الحظ الماسكارا مقاومة للماء ولدموع ماسالتش ليها..مسحات جلابتها وحيدات منها لكلااص و وقفات كتشوف فراسها مضاربة مع فمها تجمع التبسيمة اللي فالتة ليها….كلامو باقي فعقلها كيتعااود وتبسيمااتو وحركاانو الحنينة بحال شي بلسم حنون كيداابع جسدها…هزاات كمية كبيييرة من الاوكسيجين دخلاتها لصدرها وهزات تيليفون يلاه خارجة من الطواليط وهو يبدا يصوني بنمرة ناصر طفاتو ديك ساعة علييه..خلاتو كيصوني ويعاود ماشي وقتو ينزل ليها المورال اللي عاد طلعو ليها محمد…
رجعات للطبلة فين جالسين انضمات ليهم حتى هي كيتغدااو اونسوميل ماتهضرش وماكتنقزش فالهضرة غير كتسمع ليهم مقابة بنتها ومقابلة راسها فحيين كنزة تفاهمت هي واسراء خاصة ملي عرفاتها انه حتى هي عندها ميول لعالم الخلييج كان موضوعهم غير …حتى ناضت تسنييم كثر عليها البشر وداخت بيناتهم حتى هي ولات باغة تنوض تمشي وتجي بيناتهم واسماء شاداها حيت ايلا مشات حتى طلقاتها ليوم ترجع بلا بيها..
اسماء: غنمشييو اماما غنمشييو كملي حلوتك ويلااه..
تسنيم:نووض نوض نزض غير لهييه لهيها والله مانفوتها..حق القران الكريم مانفوتو يلاااه..
اسماء:حنا غنوضو كااع صافي حتى ديك الحلوة بلاش..يلاه اكنزة
تسنيم:ص ص صااي صافي انكملها تئ…
كملات ماكلتها وهوما كيضحكوو..
اسراء:كتاكل مشااء الله خليها حتى تكمل فنكوشة شحال غزالة مشاء الله..
اسماء:كتاكل وماباينش عليها هه بقوة التورييط حتى حاجة ماكتخليها..
اسراء:هادو هوما الوليدات عندهم حتى هوما غير هاد الفترة ومن بعد حتى الهضرة ماكتبقايش تسمعيها منهم بقوة ما كل واحد كيولي شاد واحد البلاصة وجالس فيها….كون تعرفي شحال عزيزة على محمد ملي كيشعل البلاي وهو كيهضر ليا عليها كتعرف تلعب معاه..
اسماء بابتسامة بااست جبينها : كنت كنعلمها شويا وتيليفون حتى هو مبلبة بالالعااب…
تسنيم حطات المعلقة:حتى نتي كتلعبي مع عمو لعبة ديالنا…
اسراء : لا احبيبة حيت انا ماكنعرفش نلعب بحالك معاه غير كنتفرج ههه
تسنيم ببراءة : ملي نلعبوها عوتاني نعلمك تلعبي كيفي انا وعمو صاافي..
اسراء:صاافي غنداك تنساي آجي لعندنا باش تعلميني..
تسنيم:لا مانساش..
كنزة:ايوا فين كنتو غادين مسافرين ولا راجعين ههه
اسراء : ماعرفتش صراحة ههه غير ديمارينا طوموبيل وغادين انا بغيت فاس عائليتي تما ههه وكنا غادين ليها ولكن غير هاد صباح شد محمد طريق لاكادير وغنمشيو ليها ههه ونتوما….
كنزة:حتى حنا غادين لاكادير عندي شي شغل ومن تما غنطلعو لشاون وتكوان ودوك النواحي ختي كتحماق على دوك المناطق وكترتاح فييهم…صافي وقلنا نمشييو ههه يلاه واقيلا نكملو طريق نوصول فالضو شوية..مشينا
اسماء:يلاه….
اسراء:حتى حنا خاصنا نمشييو..(شافت فمحمد) واخا تمشيو!
حرك راسو بايجاب وناضو من تما يلاه غتخلص كنزة الحساب لقاتو ديجا مخلص عرفاتو غي هو و وخرجات مم تما ضااحكة…
طلعو فطووبيلتهم واسماء عينيها كتمشي لعند محمد واسراء حتى بانو ليها طلعو فالطوموبيل BmW لي كانت قبيلة غادا بالتوازن معاهم من وهوما خارجين من كازا وهي وراهم..وهي تلفت فكنزة..
اسماء:شوفي هاديك الطوموبيل لي ركبو فيها ماشي لي كانت ورانا…
كنزة:انشوف..م موحال شحال من بي ايم كدوز والله ماعرفت(كاديماري وتعااود) مال هاادي تاني..
اسماء:ماالها..
كنزة:مانعرف بلاتي..
نزلات حلات ليها الكوفر القداام كتقلب فيها حتى نزلات موراها اسماء كتشوف معاها لحضات وهو يوقف عليهم محمد..
محمد:مالكم !
كتزة:ماعرفتش وقفاات ويلاه جبتها من سيكليس والله ماعرفت ماالها..
محمد:بلاتي نشوف..
خواو لييه البلاصة وهو تحدر كيقلب فيها ويقاد فيها حتى قال ليها ديماري..المرة لولاا مابغاتش والتانية ديماراات..
كنزة: صااافي مزيااان شكراا..واش كتعرف شي سكلييس هنا لقدام ولا شي بلاصة خفتها توقف بينا فالخلا ولا فشي قنت ومامعانا تااحد شنو غنديرو..
محمد:لا لا غير سيري مرتاحة غير الخيط كان منصول قاديتو ماتخافييش..
كنزة:قادو ليا الميكانيك صباح ورجعات دابا وقفات كزن ماكنتييش نتا شنو غنديرو وكون وقفات لينا فشي خلا شكون بغى يقادها لينا..
اسمااء ربعات ايديها هازة حجبانها كتشوف فيها وكتسمع فكلامها ماعجبهااش الحال ومارضاتش حسات براسها بدون قييمة ورخاست قدام نفسها خاصة فاش سمعاتو قاال..
محمد: لا ماتخافييش..ولا عرفتي شنو غيديري غادين لاكادير ديريكت..سيري بشويا انا موراكم ايلا وقفات نشوفها حتى تدخلو للمدينة..
كنزة: عندااك نعطلوك..
محمد:ماشي مشكل يلاه طريق سلاامة..
شكرااتو ورجعات طلعات للطوموبيل واسماء ركبات حداهاا كتررعد بالعصاااب وكنزة ديماراات كتضحك وتشوف فيهم تابيعنها من لوور حتى تلفتات عند اسماء وهي تلقاها مخنزرة فيها هكااك..
كنزة كضحك:ماالكي مخنزرة فياا..بغيتي تمشي مع حبيب القلب..
اسماء:واااش من نيتتتك اكنزة واش هو ككلخ لهاااد درجة ماغيعييقش بييك نتي لي حيدتي لخيط باش ينزل عندنا يركبوو وااش حمار بالودنيين ولاا اش كيبان لييك
كنزة مصدومة:رااه غير بغيتهم يبقاو ورانا على قبلك..
اسماء:علاااش غيبقى وراااك واش شوية لبااس ولاا ماالك(بعصبية) علاش على قبلي اختي مالي ضاربة علييه الخط زنااتي…كاشي غير تشوفيني تبعتو للطوااليط راه صافي غنتحل ونبدا نضور بييه راك شفتي حالتي هادا شهر كي ولييت وغير حيت قطعت معاه الهضر بطريقة خايبة وهو عزيز عليا ماشي شي حد برااني نميك عليه (بغات تهضر وهي تقاطعها) شووفي شوفي كنزة… سيد تزوج والله يعاونو كمل حياتو وحتى انا غنكملها ماشي عاد هو ضرب العقد وغنبدا نضور علييه كي قح/اب الامااراات داكشي راه ماكنعرررفش لييه خوي رااسك من هاد الخراا كامل وبنااقسم منها شي اكاادير انا غادا نرتاح ولا غادا نبقى مقابلاه صافي غير رجعي لداار حسن كااع اختي بناااقس…راك ماتربيتيش على التسلكيط ياكما ضوباي نساتك على ترابيك واش قبيلة كتضحكي مع البنت ودابا شادة راجلها ورااها ماولفتش فيك النفاق اكنزة.. واش حنا بنات ولاق/حاب دويت ليك علييه حقاً وحلمت بعييد عندك صح ولكن ملي تزوج ضربي علييه ونساايه عليك واخر مرة تجبدي ليا هادشي تهضري عليه بالخير تبارك الله نهضر معاك تجبدي ليا مرتو ولا جواجو نخسر معاك..
كنزة:علاش طرطقتي عليا انا داباا اشنو درت على قبلك دوييت معاه انا راه مكانحاشيها لتاحد بغيتو يبقى موراانا على قبلك شفتك كي رجعتي من الطوالليط الفرحة كتنقز من وجههك غير حيت هضرتي معاه عاد فهمت هاد البكى كامل غير حيت ماكنتوش كتدويو وبغيتك ت ترتاحي
اسماء:واش جاب لهضرة لهادشي لي درتي دابا…شوهتيني مع السيد وهو كيقلعها طايرة فسماء تلقاايه داباا عايق بييك باغة تبقاي شاداه معانا بحالا انا لي قلتها لييك علاش كتزيدي من رااسك علاااش..قلبي طرييق عفااك …يا قلبها يا رجعينيي لدااارنا وخرجي الله يعااااونك..
قصحاات معاها الهضرة… كمداات كنزة كلامها فخاطرها حتى وصلا دت لوااحد مفترق طريق وضورات الفولون لواحد جيهة وبركات على الكسيراتور بجهههد حتى طارت طوموبييل من بلاصتها غادا مجبدة فطرييق خلاات محمد ورااهم مكمل فطريق اخرى بعيدة عليهم..
حتى شافتها قلبات طريق عاد قلبات وجهها للزاج ساهية مربعة ايديها لجيست ليدارت باقي واقف فحلقها كلما تفكراتو كتبغي تحماااق وكنزة مابقاتش ضارت لعندها ساايقة فصمت حتى سمعات تيليفون اسماء كيصوني وهي تهزو لقاتو محمد وهزاتو فوجهها..
اسماء:شنو غنقول ليه دابا هاهو غيسول اشمن طريق شدينا..
كنزة بزعفة : مانعرف قولي ليه لي بغيتي..
دوزات لخط وجوباتو بصوت خافت..
اسماء:آلوو..
محمد : واش عندكم شي مشكل قلبتو طريق على غفلة
اسماء:لاا هه غير كنزة نسات شي وراق ضروري فالدار وغنرجعو حتى نهزوهم ونكملوو
محمد: بعدتو شوية لا …
اسناء:ماعندنا ماندييرو ضروري ما نرجعو لييهم
محمد : بشويا عليكم…كّولي ليها ماتكسيريش بجهد بحال كيف دارت عفطات على الفران حتى طارت بييكم طوموبيل…بشويا على لكسيراتور وايلا حسيتي بيها تقاالت وقفو فجنب ماشي حتى توقف بيكم…
اسماء:صاافي واخا هاهي كتسمع شكرا طريق سلاامة بصحتكم وسلم على اسراااء..
ردات عليها بصوت انثوي هادئ : لهلاا يخطيك آحبيبة خسارة بغيناكم تمشييو معانا ونسافرو اونسومبل ولكن مرة اخرى انشاء الله ونديرو شي فواياج اوغكانيزي بينا كامليين…
اسماء:انشااء الله تهلاي فراسك بسلامة..
قطعات ولاحت تيلفون قدامها بزعفة..
اسماء:طالق المكالمة قدامهاا كتسمع معاه وكتقولي ليا شدييه موراك…(بحرقة حدراات راسها) هذاا هو سعدي شغاندير حار ومرر عليا العيشة…هادي هي حالتي ديما نحلم بعييد على انا بحالي خاصو يحلم سعدي غير فالخساارااات وفولااد الحرااام…ضايرين بيا غير هوما يساالي واحد ويجي لاخر ما ولاد ناس بزاف عليا وطريقهم بعييدة عليا
كنزة:على مالكي نتي بنت زنقة ولا من كرش الحرام بنت الناس والمخيييير عارف هادشي والدليل مطلقة سنيين وعمر شي حد جبد علييك الحاجة الخايبة عارفيين راسهم مايوصلوكش فترابيك كون كان فيك العيب والله مايقيلوك…ماعندهم مايلقاو فيك واخا يقلبو عليه بالمجهر
اسماء:ديك الهضرة سيري كوليها سنيين وانا صاينة راسي اش صورت هاني باقة نجري فالهم والغم كون كنت بنت الزنقة وقحبة مقطرة ومن راجل لراجل كون راني جالسة على شي ديوور وشي حدييد والدعب تا نضرب ديك ربعين عااام ونجلس نقود بنات تمنطاش رالعام للشرف وللسواعدة كون راني عايشة بيييس ومانخمم لتا خارية…هاني بنت ناس وصاالحة وعايشة فالميزيرة والزلطة كل نهار نفطر ونخمم باش غنتغدا وايلا تغديت مانتعشاش عيشة الدل والقهرررة يخخخ منها
كنزة: اييه الفلوس ديريهم وراحة البال فيناهي؟ مرتاحيني لي دايريينهم دابا
اسماء : وهاني مكحطة وراحة البال فيناهي مارتاحينا فالتوااب ماغنرتااحو فالتق/حبين اش غندير الله اعلم..
فطوموبيل عند محمد قطع مع اسماء وحط تيليفون قدامو مكمل صوقانو كيحاول يرتاح فجلستو وسع رجليه ورخف الكوسان رجعو لور والمخدة تحت درااعو منزل زاج شوية يتهواو ماكيبغيش يشعل لاكليم دالطوموبيل بزااف وهي حدااه جامعة رجليها عندها بجلسة راقية ايد على ايد وتيليفون اخر ماضاير وسطهم كتشوف فيه ماعارفة كيف تبدا الهضرة حتى نطقات بصوت خافت بجرئة مغطي بالحشمة..
اسراء: عاد البنت.. اسماء…و واش هي اسماء اللي عاودتي ليا عليها..
تلفت عندها عاقد حجباانو ناسمعهاش :
محمد:مممم..نعام شكون !
اسراء: البنت اللي عاودتي ليا عليها و كل لييلة كتفييق على اسمها مخطوف و واش نفسها هي نيت اسماء اللي شفنا عاد دابا…
ضور رااسو متبع طريق بدون اجابة وهي فهمات وحدرات رااسها مزال مكملة فكلامها..
اسراء : على قبلها قلبتي طريق لاكادير امحمد خرجنا من دار على اساس فاس وغير وصلات لسطوب لي كتنزل لوطورت قلبتي طريق لاكادير…هي نييت اسماء لي دويتي ليا عليا عليها ياااك
تلفت شااف مطول وهي حدراات عينيها بسرعة ماقدراتش طول فيه شوفة كتدخل الشعر تحت حجابها ووجها تزير عليها بالحشمة..
محمد : ماغنسافروش طريق كلها وحنا كنهضرو فهادشي قلبي الموضوع ا اسراء..
حركات رااسها بسلللب مابغاتش من بداية السفر يهزو فخاطرهم من بعضياتهم..
اسراء: لا لاا غير كنسول والله ماشي فنيتي نقول شي حاجة….
محمد : حتى انا ماكّلت والو قلبي المضووع خلينا طرونكيل مالاحضتييش كنهضرو فيه غير هو واش فينما مانلقاوش فاش نهضر غنجبدوه من اول وجدييد..ماكينش شي حاجة ندوييو فيها….ضروري ماتقلقي وتقلقينا معاك..!
اسراء : لاا م مانقلقش ….ا انا عجبني الحال من اول نهار تلاقينا صارحتيني وماخليتينيش قدامك فدار غفلون بالعكس من اول نهار حطينا النقط على الحروف وخيرتيني وكل واحد قال اش عندو باش نعيشو مرتاحين وحتى واحد ماعندو اسرار على لاخر…..علاش كتعصب عليا…
قلبات وجهها وهو خطف فيها شوفة وهز ايديها عندو شبكها بين ايديه…
محمد : وكبرتي فعيني ملي تقبلتي كلامي وبينتي ليا بعقلك وقادر نتوكل عليك فاي موضوع ونهضر معاك وانا عارف ردة فعلك كيغاتكون…ولكن من الاحسن نقلبو الموضوع خلينا طرونكيل…
ماتلفتااتش عندو وحدراات راسها حابسة تبسيمة عاجبها الحال معاه وبايديه لي شابكين فايديها ماكيطلقهمش رغم انه كيضور الفولون كيضورهم بايديها وهي رافضة ضور عندو غير كتحسس احتكاك ايدو الحرشة مع رطوبة صبيعاتها حتى سمعاتو تكلم بلهجة مرحة ملطف الجو..
محمد:قلبتي وجههك….واش عارفة اش غيوقع ليك ايلا قلبتييه عليا
اسراء بعفوية :ا ااش غيوقع !!
محمد : طرييق كلها والملاائكة كتنعل فييه اللي غضبتيني عليك
اسراء: علاش غتغضب نتا انا اللي خاصني نغضب
محمد:دابا غضبت وفات لفوت…
حدرات رااسها كضحك مغطية فمها بايديها وهو تبسم لضحكتها وباس ايديها برقة مخليها غطير فبلاصتها بالفررحة دغيا ارطابت وتفشات مكملة طريقها معاه كيتبادلو اطراف الحديث من نهار جات لدارو وكملات عندو اسبوع تفاهمو بسرعة وكآنهم كيعرفو بعضهم من زمان خاصة انه اسراء بعقلها وانسانة مثقفة و واااعية عارفة كيفاش تجبد الكلام وكيفاش تناقش معاه بلا صداع وغير بالمهل من نهار حسات بيه ما مرة ما جوج كتحاول تفيقو وكيفيق على اسم اسماء بحالا كيحلم بيها ولا فاش كيبغي يعيط عليها تعطيه شي حاجة كيتلف ويعيط ليها باسمااء مكانتش كتقلق…وتقبلات ميولو ليها وماقالت تا كلمة مدام انه بجدية جلس قدامها فالقهوة وفاول نهار تلاقاز مع بعضياهم قبل العقد وحط معاها النقط على الحروف قبل مايديرو شي وثيقة رسمية بيناتهم عرفات ااش عندو بلاما يقوليها اسم البنت حتى عرفاتها مورا زواجهم عاد قدرات تعرف سمييتها…رزنات راسها وحضرات عقلها وكلامو ماخرجش من عندها وماعلمات تاحد من عائلتها خلاتو بينها وبيين نفسها وتوعدات مع راسها طال زمان ولا قااصر داك الاسم اللي كيحلم ببه كل ليلة غيتبدل من اسماء ل اسراء….ولو انه محمد ماتزوجش بيها عن حب لكن اسرااء من اول نهار شافت صورتو كان بالنسبة ليها بحال شي حلم بعدما كانت حياتها بعيدة كليا عن الرجاال اغلبسة كتحاك غير مع العيالات وايلا تجمعات العائلة الحرم النسائي كيجلس بعيد على الرجال عمرها فاتت فشي علاقة ولا حتى هضرات مع شي واحد من عائلة محافضة جداااا والعلاقات العابرة بالنسبة ليهم اكبر محرمات غديرها بنت العائلة….
قدام اوطيل بابو زجاجي بالبيض والزرق الطوموبيلات داخليين خارجين منو وليكارد كور قدام الباب واقفين….وقفات طوموبيل دكنزة وحيدات سمطة كتجبد وتفوه بعياء واسماء حتى هي بحالها جبدات قرعة الما كتشرب وتطل على تسنييم لور ناعسة بالعيى ماحلاتش عينيها طول طريق…
اسناء: نعساات معدبة ياختي فف تسنييم….فيقي اماما نوضي وصلنا …
كنزة:غير خليها نااعسة ماعندها ماتفيق ديير…بقاي هنا نشوف شي شومبر ولا سوييت نجلسو فيه هاد يومين بيدما طلعنا لشااون…
اسماء: غير بغيتي نطلعو لشاون نزلنا دابا لاكادير كيغنديرو نطلعو ختى لتما خاصنا طريق اخرى …نمشييو لمراكش بعدا قرب من اكادير ماشي بحال طنجة..
كنزة:انا غير على قبلك شوفي نديرو واحد القضية حتى حنا غير نديماريو طوموبيل فينما عجبنا نمشييو سيمانة ديالنا….خليني نشوف دابا شي سوييت راسي كيطييح بنعاس نتي راك طريق كاملة ونتي ناعسة
اسماء بشك :ولكن سوييت اختي نتي جاوك فلوسو..
كنزة:مالنا اختي خارجين مرة فالعام نمشي نتخنق فالكرا خلينا فالاوطيل حسن كلشي على حساابهم…
اسماء :ماشي هكاك غاالي بزاف … واش زعنا دبي هادشي كامل عطاتو ليك زعما زعما..
كنزة:ايوا مالكي يحسابليك داك التعياط والتيليفون وتجرجير فالوراق كنطلع منو فابور راه كل بنت كنربح مورااها فلوس صحيحة ايلا ماوصلاتش لستة لمليون لوحدة والله لااحكطت رجليها تما..
اسماء:ستة المليون اويليي !!!
كنزة:ماشي هي لي كتعطيها ليا..الناس اللي كيطلبوهم ليا تما هوما لي كيسيفطو ليا الفلوس كنصرفها هنا كتطلع ليا منها ستة دالمليون مغربية فالارامات راه العملة عندهم طاالعة عدنا ونزييدك كل عام كنسيفط كمر من عشرين ولا تلاتيين بنت كانزلش عليها راه قلت لييك يلاه تخدمي فشي صالون طاااايرة كيبغيو تما زيين والواجهة فالصالونات كبار حيت الكليان فاش كيجي كيشوفك نتي لولا عاد يحط رااسك بين ايدييك وملي تحمري لمول صالون الوجه وتعجبيه فالكليانات غاوجدي جيوبك يعيشك فالخيير خلااص لا شيديت فشي خليجي مرفح شي رجل اعمال ولا شي واحد صحييح تما (تنهداات مطولة) اودي…مالقييتش معامن…
اسماء:علاش اختي اش غتبقاي ديري هنا ايلا كان غيير هكا… سيري والله العضييم…
كنزة : علااه انا كرهت نهار فرحت و وجدت راسي بغييت نمشي ماشي با جلس ليا فالباب كيحلف ويعاود لاخرجت وباش زاد كمل زادني بالسخط ايوا حدرت رااسي وجلست راه قالتها لييك ماما..كنت باغة نمشي دااك العام…بغيت نمشي زعما غير واحد العامين نجمع شي راس المال نصرفو هنا فالمغرب وندير شي مشروع حلاوتي اختي غير فشي صالون ولا قهوة ندخل ليها الخدام ونرتاح من السيمانة لسيمانة نزل ناخد الحساب..
اسماء: ماقالتش ليا مامت…كنسول عليك كتقول ليا راه باغة تمشي لامارات وتسكت…و وزعما ايلا بغيت نمشي اش خاصني نديير
كنزة:دخلت علييك بالله تمشي زعما..
اسماء:غير قلت ماتشديش ليا فيها تاني غير مثلا
كنزة:وااالو تاحااجة ماتخصك غتعطيني لاكارط ناسيونال وصافي وتكاي مع راسك حتى نقوليك نوضي تكعدي يلاه….ااش ان لييك
اسماء: خليني تانشوف دابا ماعندي مشيان..وبابا شنو غنديرو معاه..
كنزة : حريرتو حريرة هاداك ولكن نشوفو كينديرو نتي عزيزة علييه مايخسرش لييك ولابغى يمشي معانا غير يمشي راه ماغنديروش حاجة الحرام يشوف على عينييه ويرجع….
اسماء: ماحسابتنييش هكا والله
كنزة:هادشي غير شويا من بزااف..يلااه
نزلات كنزة هي لولا من الطوموبيل دخلات للاوطيل واسماء ضارت عند تسنيم كتفيق فيها بشويا حتى نااضت مبوقة بنعاس بحال شي سراق الزييت سايط فيه ريح غطيح بنعاس حتى رجعات عندهم كنزة معاها سيرفور طلع ليهم ليفالييز للسويت ديالهم ونزلات اسناء هزات عندها تسنييم كتبوس على جبهتها وراسها وخدودها وهي حمرررة ومزنكة من واحد جيهة فوجهها كانت ناعسة عليها ودخلو مباشرة للاسانسور طلعو للسويت ديالهم خلا ليهم سيرفور ليفاليز ونزل واسماء مشاات للطيراس كتطل على البيسين لتحث فين كانو ناس كيترولاكساو واللي لداخل فلابيسين بدوبياس وليكوبل والشباب شادين العصير فايديهم كيشطحو على موسقى بوب منشطة الجو وعاطياااه منضر النشااط والروايح وناس مصيفة كيبانو ليها كلهم ناشطين وفرحانيين كسضحكو وراحة البال باينة فوجهها حسات براسها بوحدها…وحدها وسط هاد ناس كاامليين لي غارقة فهموم دنيا وديين اي جيهة توكلات عليها وحطلت عليها رااس كتلقاها عوجة من جييه ومفشكلة….
اسماء : شوفي هاديك البنت كيفاش كضحك وضاربة دنيا بركلة وهادو درااري لي لهييه حتى هوما ناشطين ولاعبين مع بعضياتهم وااش مرتاحين الباال ولا ماعندهمش الهموم وماعندهم حتى مشكل فالحياة واش غير انا اللي غرقت فاهم والغم واش هذا نصيبي فالدنيا ولا غير انا لي مغرقة راسي فيه….حالتي كيف ولات فيناهي اسماء مولات الشعر المسبسب والصبايغ على الاشكاال والنقى واللبس والهضرة والكلام الحلو فييناهي اسماء لي راسها هو لول وتا كلمة ماتقلقها ولا تخسر خاطرها ياك كلمة المطلقة الدرب لي دازت كنو يشيرو عليها بحالا مكتوبة فجبهتها ياك مافلتاتش من سم العيالات وحسد الصحابات وكلام المكابيت ورا ضهرها واخا تلبس لي لبسات و واخا تغطى بالكلحف ميقيلوهاش…علاش هازة هم دنيا لهاد درجة واش تايقة فالله غير باللسان وقلبي بعييد علييه..ياك المكتاب فرزقي عند ربي كيتكتب علاش انا هازة ليه الهم ياك ربي كاتب ليا طريقي وكيخلصني على قد نيتي… علاش مانضربش دنيا بركلة كيف هاد ناس كامليين علاش حتى انا مانضحكش ونشط ومولاها ربي حقي فدنيا كنعيشو بخيبو وبزيينو….
حدرات رااسها والدمعة قطرات من عينيها حتى لتحت عندهم وهي تعلي راسها لفوق حابسة دموعها مايزيدوش ينزلو تاني ودخلاات كتسمع صوت الما من الحمان عرفانها كنزة دخلات تدوش وتسنييم حلات عينيها وتوكضاات تزاد معايا وزاد عليها الضو والكبيعة وريحة زويينة فالسويت مطلوقة والبلازمة قد الحيط قاادمها شدات مونيكتها وقفات قدامها حالة فمها وعينيهاا فيها …
تسنيم:ماما شوفي مشة كبر مني واااو
اسماء: التلفازة لي كبيرة اماما مااشي المشة ههههه
تسنيم : واش هذا وقت ديال الغدا
اسماء:لا ديال كسكروط جعتي ؟
تسنيم:سالة العم جدو بغييت نشوفو واش بادي
اسنتء : بلاتي تخرج خالتك تصاوبو ليك انا ماكنعرفش ليه اكبييدة اجي نبدل لبسي ديك لكسييوة زويينة عرفتيها لي شرات ليك خاالتك هادييك الحمرة
تستيم:واخاا..واش غنبقاو ساكنيين هنا..هادي هي دارنا ماغنمشيوش لدارنا لاخرا لي غتجي فيها سارة..
اسماء: لاا ههه عجبك زويين هنا
تسنيم: ااه زوين وكبير بزااف بزااف..و واش حتى عمو ديال الالعاب غيجي عدنا
اسماء:لا ههه واجي نلبسك باش نخرج بنتي نضورها اكادير زيدي..
حتى بدا كيصوني تليفونها وهي تعقدهم فاش شافت نااصر جهدات تلفازة لتسنييم وخرجات للطيراس جوبااتو..
اسماء : ااش كااين ؟؟
ناصر:كاااين الق/لاوي ابنت الق/حبة ايلاا ما فرعت زاام/ل بوك مااشي ناصر ولد مينة هادشي ما فجهد ديلمك ديري هادشي علاش قديتي
اسماء:مالك عوتاني ااشنو درت رااه ماكنتش مساالية مجاوبتكش يلاه ساليت ااش بغيتي مالك كتغوت تاني
ناصر : ناكرة ابنت القح/بة دايرة مافراسك نمايتعاااود ماكنتييش مسالية كنتي كتحطي لبااك المزيييودة ردعتينيي زعما مسيفطاه ليا هنا ماغنديرش دااكشي لي على بالي وبااالك
اسماء:ااش كتخربق مافخباري والو
ناصر:واا الله ينعل وااالديين اصل مممم ابنت الق=حبة بااغة غير تفكي مني انا غنوري لزااام=ل بووك برررب ومتحمعتي ك/رك معايا وماحدرتي رااسك تا نفضهم لقح/بة ممك مسيطفة ليا بااك هنا كيتححل عليا مجاااش قدي جاني قد الواااليييد نن
ماخلاتوش كمل كلامو وهي تقطع تيلييفون فوجهو ودوزات نمرة الحاجة ماماها فديك ساعة لقات الصولد تقااداا وهي تلوح ومشات لتيليفون كنزة لي كانت خارجة من دوش
اسماء:عطيني تيلييفونك فيه صولد
كنزة:فييه مااالك
اسماء:غييير ارييه (حلاتو ومداتو ليها وعيطات على مها وهي تجاوبها بالغواات)
الحاجة:درتييها ااابنت الحراام وصلتييها ليييه وااخا دوييت معاك درتي لي فاااسك واااقتلييه وجلسي قتلييه
اسماء:اسمااء هادي اماما مالكي ااشنوو قاالت
الحاجة:فيناهيا ديك جنية وتي رااا باك ساق الخبار لداك الشمكار كيجي عدنا ومشى لييه حييح عليه تما فرج فييه الناس كامليين ولاو فييه عشرة غلبني وغلب خوتك ماخلا ما قاال ليه تاحشمو وسدو عليه مابقاوش خرجو عندنا وخوتك راه بجوج خرجو من الدار خلاو ليا غير العيالاات ماعرفناهم فيين صدو….
اسماء لصقات فيها كنزة كتصنت : و فيين مشاو…..اشنو قاليه باابا شنو قاليه..
االحاجة:اااش غنقولليك شوهة صاافي ماعرت ليهم فين مشاااو زف عليهم بااك وجرا عليهم بجوج راك عارفاه فاش كيتعصب مايقدر عليه غير اللي خلقو كون ما داك دوا رادعو مايجلسش ومايشدش لرض بغى يتسطى ويلوح الحوايج فاش قلتيه راه باغين يرجعوك
اسماء:اويلي شتي قلتها لييك خلينيا نقولوها لبا خزنتي تاعيتيي هاهو ساق الخبار انا راه مابغيتش نخزن علييه نتوما اللي ضاربين طم…وهاهو عرف..
الحاجة:ودابا صاافي فات الفوت راه غضب علينا والله مابغى يتغدا وخاصو يشري دواااه مصيبة صاافي
اسماء:انا غنهضر معاه صافي اماما ماتعصبييش رااسك انا غنعيط ليه….
قطعات مع الحااجة وكنزة لاصقة فييها حالة عينبها وفمها مصدوومة..
كنزة: ناري وصلاتو لخباار
اسماء:مصيييبة كحلة هااادي نهار لول قلتليكم قولوها لييييه فكوها دابا اش غنقوليه انا ملي نصوني راه كنحشم منو مانقدرش نسمع معيورو غيسب ليا العروق غير سكتي..
تسنيم:ماما عطيني تيليفون..
اسماء:سيري رااه هزييه.. مشا ليهم قالت ليا دار ليهم فضيييحة مابقاوش قاديين يعطييوه الوجه وزااد جرا على درااري بجوج خرجو من دار بقاو غير عيالااتهم مع ماماا..
كنزة:ايواا
اسماء:ايوا ماعرفت هادشي لي كاااين وداك الشمكار عيط لسا كيغوت ويسب (قاطع كلامها تسنييم جايبة ليها تيليفون كيصووني) دكر زرواطة يحضر الكلب …الوووو مااالك ااش بغيتي تااني
ناصر: وااخا ابنت القح/بة غاا بلااتي عقلي على هاد تخزاز ايلا ماا حدرتي لزام/ل بوك رااسك ووجدتيييه ليا ودويتي مع باااك يحدر قمقمومو ولا نجي لزاام/ل بوكم كاامليين برررب لا بقى شي وااحد فييكم صحييح
اسماء: اييه ايييه جمع رااسك با بزاااف على اصل مك الحمار …ايلا با الكلب بزااااف عليييك الشمكاار السكااايري ماتوصلوش وماتلحكوش شلل قمقمووومك نتااا نيييت بالسمن والعسسسل عااد جبدوو ووهضر علييك
كنزة كتجابد بغات تاخد ليها تيليفون مفقوصة واسماء مبعدة..
ناصر:رااا غنفرررع زااام/ل بوووك ابنت القح/بة را غنجي نعري ديلمك قداامك هادالمرة نح/ويك قدام ممممك ماشي بنتتتك
اسماء:ايلا قدرتي ارويجل اجي ايلا قدرتي اشماتة تخاف غير نولييو حنا مكفرصيين علييك والله والحمار تاع بوك تانخشي فييك قرعة واش حكرتيني ولا مااالك لقيتي مرييضة الكلب لقيتيي ماعندي لييك جههد وجي عندي داابا اجي هاني كنتسناك حشميتي بيا وليت نحشم نقول علييك اب بنتي وليت نحشم نقول مطلقة منك الله يخليك بالخلاا مسحتي تا خرااك وتجي تجبد با الحمااار لهلاا يحيييك
ناصر: ش شوفي شوفي شوفي شتي ااش غديري دخلي دخلي لواتساب نوريك واحد لعيبة زويينة غتعجبك دخلي
اسمااء:واااالمخيييير فترييكة واليدينمك ركبو غا ترجعي ليا ولا نشوهك ؟ غا حكو ليا زكي ولا نبكي ؟ واسييير تق/ود لوحهم حتى لجلاالة الملك اجي ايلا مكانتش عندك الكونيكسيون سيفطهم ليا انا نلوحهم يحساب ليك غتلوحهم نمشي نتاحر ولا نموت نبكي سيمانة ولا شهر ونوض ملقايا مع لمكابيت من واحد لواحد ولا معاك الشماتة يحسابلك ماغنربح واالو من الشووهة هزييت رجلي هزييتهم لاهوما نهزهم لرجااال ولا لييك الشماتة الكلب بلاتي صبر صبر عليا نشارجي ليك المكحط المكلخ العرووبي ولا بلاتي نوريك كيدير تلوحهم فالبورنو ماشي غير الفبسبوك..
قطعات عليه وبلوكاتو وحلسات كتطلع فالنفس وتنزلها وتسنييم كتبقلل فيها خلعاتها بقات غير كتشوف وكنزة مصدوومة من كلامها ماشدات منو تاكلمة مقادة ومافهمات منوو والو حتى بدات اسماء كضحك بجهههد وهي كتنننهج سخفانة بحالا كانت هازة الحطب على ضهرها وارتاحت فاش جبداتو من فوق ضهرها..
اسماء : كترة الهم كضحك هههه كرشي ضراااتنيي…ففف الله على راحة كان قاطع فيا النفس ولد الحرااام الله يعيطيه العدااب..
كنزة:ااش غيلوح اشمن شوهة هادي تااني…
ضلمة الييل طاحت بسرعة وكنزة مزالت غير جالسة فوق الفوطزي شادة على راسها بتخمام طريق تديها وطريق تجيبها مقابل مع اسماء لي كانت فوق النامزسية كتفرج هي وتسنييم وتضحك….تا نطقات هي..
كنزة : ايلاا لاحهم ااش غنديرو ا اسمااء..
اسماء : فييه غير الهضرة مايقدرش يلوحهم..
كنزة:حتى التكرفيصة لي دار لييك كون هددك بيها من قبل نقولو مايقدرش ودارها وقدام بنتو عاد تصاور غيحن فييك..
اسماء:عارفاع ماغيرضاش يشوفوني دراري وصحابو فديك لحالة كيهدد غير بالخاوي شهر وهوما عندو مادار بيهم تا زمرة واخا عارف رجوعي ليه عمرو يحلم بييه..
كنزة:نخاف غير يديرها بصح ويلوحوهم فين غتعطي وجههك وتاحد ماغيرحمك شكون غيقول ماكديرهاش مع واخد خور كلشي بنادم غياخد علييك نضرة خايبة..وهو عارفك ماراجعاش ليه خصوصا دابا لي عرف بابا ماعندو مايخسر
اسماء:ماغييقدرش يدييرها والدليل هانتي شفتيه شهر وهو كيمشي ويجي عليا هو نهار لول فاش وراهم ليا قاليا غنجي وتقولي اه وترجعي ليا و واخا كان كيجي ماكنتش اصلا كنخرج عندو مالو مالااحهمش…نعسي غير نعسي راه ماغيقدر يدير تازمرة فيه غير الهضرة…
كنزة:وايلا لاحهم والمغرب ديالنا تبارك الله كيموت على شي حاجة سميتها الفضييحة ففف ماقاادراش حتى نتخاايلها..
________
🌟صباح الغد كانت بين الناس لي داخلين خارجين للاوطيل ولي غاديين للقهوة ديالو يفطرو والسياح اشكال انواع غادين جايين بالكرطابل فوق ضهرهم تمات جاية اسماء بكسيوة شيبية باردة كتافها طايحيين بلا سمطة وطويلة تالتحت مفتوحة حتى لصيقانها من جناب بجوج مع صنداالة بسيمطاكان طالعة مصبغة ضفرانها بالحمر طالقة شعرها على طتافها كيمشي ويجي وطربوش على شكل دائرة كبير فوق راسها ونضاضر كحلين جارة فايديها تسنيم غير بتيشورت وشورط دجيين وصندالة حتى هي وكنزة كوراها بدوبيااس و شبكة من لفوق طوييلة غادا كتشووف فيها وفهاد الشخصية الجديدية لي جات بيها لاكادير ولي كتحاول تصطانعها…سااهية فكلام ختها اللي صدماتها بيه الباارح ليل كامل بلا نعاس فكرة تديها وفكرة تجيييبها حتى جلسو على رولاكس واسماء جرات صاكها كتقلب فييه..
اسماء: لله ياربي نسيت دوايا لفوق ااش جاب مايطلعني
كنزةلا راه هزيتو لييك فداك الصاك صغيير….جاك الحريق تاني..
اسماء : راسي غيطرطق ولكن ولفتو غير اري نشربو واخا مكيدير ليا واالو….
كنزة : اشنو غديري دابا مافكرتيش
اسماء:فاش ؟
كنزة:مع دااك الحمار والتصاور لي عندو ااش غيدير..
اسماء : جهدو يديرو مابقاش كيهمني بغا يلوحهم خلييه يلوحهم (شربات دواها ) صوريني منضر غزاال هنا..شعري مقاد؟
حركات كنزة راسها بايجاب غير كترمش فييها تالفة وداايخة ماعرفات ماتقول وا شنو كدير وهي كتشوف فيها كضحك…ناغرفتها ضحكة الفرحة ولا ضحكة القرحة…خلاتها كتقاد قدامها وصوراتها وحدة مورا وحدة
كنزة:قاديي فمك ..
اسماء: هاني مضاحكاش اصلاا ..
كنزة:كيبان فشكل(نزلات تيليفون كتشووف فيها ميبااشرة) ضووري هكا…واش منفوخة لك ضرسة..
اسماء:لاا
كنزة:بحالاا مايل لييك لواحد جيهة….غير فمك اللي طايح ليك شويا مهم تقادي تقادي..
صوراتها تااني وهي تصيفطهم ليها ديك ساعة وهي كتشوف فيهم وتقاد ايلا ماكين تقااد فحين كنزة حتى هي شدات تيليفونها كتضور فيه بملل حتى بانت ليها اسماء حطات سطوري وهي تدخل لقاتها حاطة التصاور لي عاد خدات ليها..
كنزة:حطييتيهم فالسطوري…
اسماء:ممم ماعندي حتى حد فالكونطاك قلال لي غيشوفوهم..
كنزة: ش شكوون عندك فالكونطاك..
اسماء عرفاتها داوية عليه وزفراات : غير حيديه من بالك مامدخلاهش لكونطاك اصلا..
حركات راسها بايجاب وهوما جالسين شوية ناضت اسماء دات تسنيم وبقات مقابلاها وهي كتلعب فالما مع الوليدات الصغار فرحانة كضور ضور زتجي تعنقها بالفرحة زعما جابتها لهنا…وكنزة غير كتشوف طاح ليها المورال وعقلها داخ ليها مع اسماء نعسات فشكل وصبحات شكل ااخر واش لهاد درجة ممكن يتغير الانسان مابين ليلة ونهار يبات فحال ويصبح فحاال؟؟
واحد اللحضة بانت ليها متهضر وتبسم ماعرفانهاش معانن كتهضر ومازعمااتش تنوض تجسس عليها فحين اسماء غير شافت اتصال المهدي تبسماات بحالا وصلات لاشنوو من لول بغااتو ودوزات الخط..
اسماء:آلوو ..
المهدي: كنقوول الواتساب عندي منور ليووم قولي الجهد مننك..
اسماء:يااك ههه
المهدي: يخليلي ضحيكة صباح الخيير صافا
اسماء:الحمد الله ونتا
المهدي :فووق بخيير لي كيسمع هاد الصوت كيغايكوون..
اسماء: مكنبغييش نفطر بالعنب على صباح
المهدي: ياااك ههههههه مكرهتش شي فطور معااك فهاد الصباح
اسماء:اجي مرحباا
المهدي:غنديرها بصح وغنوض نشد عندك طرييق
اسماء:بصح معاك مرحبا ههه
المهظي: فري ؟ را غنجي
اسماء:ايوا شنو بغيتيني نرغبك بغيتي تجي مرحبا مابغيتي تجي بقا متبع سطوريات هههه
المهدي:فين نتي
اسماء:اكادير..
المهدي:شكون معاك
اسماء:ختي و بنتي علاش
المهدي:قلتي ليا نجي
اسماء: اللي بغيتي.
المهدي:من الخاطر ماعندي مايداار غنجي عندك دابا
اسماء:هههه ولاهيلا مرحبا ببييك مالي غنهزك فوق رااسي ايلا بغيتي تجي مرحبا ملي توصل قولها ليا نقوليك فين بالضبط..
المهدي: هاني جاي مكاينش طيارة من هنا لتما يااك
اسماء:غي بشويا عليك هههه ماغنهربش..
المهدي:ههه انا جاي علمي ختك وردي عليا…..
اسماء:ختي ماعندهاش المشكل خود راحتك..
رجعات هي وبنتها جلسو فوق الرولاكس..
اسماء:غنفطرو لداخل ولا غيخرجوه لينا
كنزة:لا غيجيبوه دابا تعطل كاع
حتى بان ليهم جا واحد السيرفور حط ليهم الفطور لتاني مرة حيت فطرو لداخل وغيعاودو يفطرو قدام البيسيين…كل واحدة فيهم عصيير وكرواصة وبانكيك صغاار فرماج اوملييط…فطور ميكس متنوع ولكن خفييف حطو ليهم قداامهم وتسنيم كتقطر بالماا مابغاتش تخرج ليها منو جلسات فلرض كتغبن باغة ترجع واسمااء هزات العصيير كتفطر وتشوف فتيلييفون حتى سمعات كنزة دوات..
كنزة:دويتي مع ماما
اسماء:لا ماشي ماما
كنزة:ااه يسحابلي دويتي معااها
اسماء: لاا …هذا غير واحد الولد..
كنزةشكون ؟
اسماء:قاليك باغيني للزواج
كنزة:كيفاااش امتى قالها لييك..
اسماء:شحاااال هاادي راه ماعرفت شحال دازت عليها باغي يجي لدارنا وقلت ليه حتى نشوف دابا صباح شاف سطوريات ديالي وقالي نجي عندكم لهنا زعما وقلت جي غير بضحك دارها بصح وناض شد طريق عدنا..
كنزة:وتالدابا عاد كتقوليها ليا
اسماء:مابغيتيهش يجي نقولها لييه ماعنديش مشكل
كنزة:ماشي على المجياان مرحباا بييه ماغنهزوش على كتافي ولكن على زوااج ماقلتي ليا واالو
اسماء:حيت مكاين والو اصلاا يالاه مؤخرا باش شد فالموضوع
كنزة: ونتي باغااه..
اسماء:ماعرفتش حتى نشوف مزال مامتأكدة من جيهتو
كنزة:ومحمد
اسماء بانفعاال ساطت :مااالووو تااني
كنزة:كنهضر غير بشويا مالكي كنجبد سميتو كطيري عليا ماعرفتش منين نشدك شهر ونتي شادة الفرااش كتبكي غير حييت تخاصمتي معاااه ودابا كتقول ليا غنتزوج
اسماء: غير حييت تخاصمتي معاه شديت الفراااش يااك
كنزة:ايواا وعلااش لاكان غير تصاور براسك كتقولي ليا مامسوقااش يلوحهم ولا يجلس علاش داك البكى كاامل دابا خلينا منوو هاد عريس الغفلة شكون وولد من وااش كيديير
اسماء:صااحب محمد..
كنزة بسخرية: صاحبو ههه …وتزوجي بصااحبو عادي…تشمي فيه ريحتو ههه
اسماء:مالي غنتزوج بيه هو …صاحبو راه بعييد علييه بعد السمااء على لرررض..
كنزة: هاد العريس المغفول راه مافهمت فيه والو انا بين ليلة ونهار تانزل علييك قوليها بعدا غير لماما تكون فخباارها حشومة ماتقوليش ليها كنتي كتعرفييه قوليها شافنتي وعجبتو وخدا نمرة وصاافي….ايواا ولاش جاي هنااا
اسماء:راه قلت ليك شاف تصااور وقال ليا نجي ماقدرتش نردها فوجهو وقلت ليه جي
كنزة:صافي يدوز معانا نهار وكركبييه ماتبقايش نتي وياه راس فراااس شيطان كيحضر و..
اسماء:وااش من نيييتك عرفي راسك اش كتقولي اصحبتي
كنزة: معاودة ليه على ناصر
اسماء:مافخباارو وااالو عنداك تخرج من فمك شي كلمة..
كهزة:يا خوفي عليييك ياا خوفي علييك يلوح شي حااجة ماقادرين على صدمة اخرى يااربي دير شي تااويل ديال الخيير ياربي..
اسماء : شوفي بغا يلوحهم راه قلت لييك يلوحهم يدبر رااسو انا والله مابقيت مسوقة صافي غير يخلييه يلووحهم ياك مطلقة مطلقة وياك فعينيين كلشي خارجة للطريق ايواا صااافي مانبقاش هازاها على ضهري غير تقلييد غنديرها على قد فمهم ايلا لااحهم..
كنزة:ماااتبقايش تقولي لياا مامسوقاش فكري لديك المراة ايلا ساقت الخبار وداك راجل ايلا شافهم واش باغة تسييفطيهم للقبر ماتقولييش ليا مامسوقااااش
اسماء:ماغيديرهاش ماتخافيش
كنزة:اقسم بيميين الله حتى نقتلو ونمشي علييه الحبس ايلا داارها
اسماء : تخافي غير انا نسبقك لييه هههه…تسنييم اجي اماما دوقي هاد الحلوة زويينة اجي ولا ماغندييش تعوومي يلاه زييدي..غتنزلي تعومي؟
كنزة: غنبهط غير نفزك شويا ونطلع غنخرج دابا عندي شي شغل بالخف وجدي راسك نخرجو شويا نضورو فالمدينة..
اسماء:ماتعطلييش
كنزة:لاا لاا شوية وهانا معاك..
كملات فطورها وكنزة غير كتشوف فيها مسدودة ليها الشهية كتضور ديك الفورشيط فطبسييلها وعينيها ساهيين فاسماء مرعوبة….وخايفة… ولكن مناش غتخااف ؟ واش من هاد الضحكة اللي بانت على غفلة ؟ااش كيوقع معاهاا ؟ الغلط منها اللي ماقدرااتش تحفظ ختها وتعرف تقلباتها …الخطأ منها اللي من نهار حضرات لعرسها قلبات عليها وكابقاتش تسول فيها سنيين كيتبدلو فيهم العقول ويتبدلو فيهم القلوب حتى ختها ولات برانية عليها وفكل مرة متخوفة من ردود فعلها…
تنهدااات بخننقة وشربات العصير اللي بقى حيدات بوليرو دالشبكة وناضت حتى تبعاتها تسنيم كتجري وهي تشد فايديها ومشاو للبيسين قاصت الما بشويا ونزلات بشويا بشويا حتى غطسات عاد ضارت جبدات عندها تسنيم هازااها فوق الما كتلعب معاها وعينيها على اسماء…كتفكر فاللي غاديرو ولكن متخوفة من ردة فعلها خايفة تخسرها بمرة وفنفس الوقت خايفة تبقى ساكة ومربعة ايديها كتشوف فيها كتدمر بشويا بشويا قدامها واخا كتبين ليها مامسوقاش وماكيهمهاش ليه يلوحهم ولكن متأكدة اي وحدة فبلاصتها غيوقع ليها نفس المشكلة غتححماااق بسبب الفضييحة…
لحظات وخرجات من تما جلسو شوية عاد طلعو للسوييت دخلات اسماء هي لولا دوشات لتسنيم وخرجاتها خلاتها مع كنزة كتلبس فيها جالسة فوق الناموسية مضارب كتنزل ليها الكسوة وهي شادة تيليفون كتعلب فييه..
كنزة:خليني نلبسك اتسنييم اري تيليفون لهنا..
تسنيم:بلاتي خسريتيني تئ ففف..
كنزة:اري اري لهنا لبسي الكسوة هي لولا..
تسنيم:انلبسها بوحدي راه كنعرف ..
كنزة:يلاه لبسي نشوف..
خدات ليها تيليفون وخلاتها معافرة معاها كتلبس فحين كنزة عينيها خارجيين فالحمام حاضية مع اسماء لاتخرج ودخلاات لتيليفون دغياا كتقلب على نمرة محمد عاقلة عليها كتسالا بسبعة وتسعين نزلات حتى لتحث كاااع كتقلب لحسن الحظ لقاتها من الاتصالات القدااام تقريباا شهر بااش صونى ليها وهي مامجاوباش دغيا خداتها وخرجات من تما حطات تيليفون وعاونت تسنييم تنزل الكسوة من عنقها باقا واحلة معااها وهي ايكسبري خلاتها واحلة فيها باش ماتفضحهاش مع اسماء عارفاها كتقول اي حاجة شافتها….
خرجات اسماء من الحمام حتى هي كتبري والحمام باين عليها خدودها حمريين مع الشمس لي برونزاتها فلبيسين جلسات كتلبس فحوايجها وتشووف فالمراية كتقيص فخدودها وحناطها باستغرااب..
اسماء:اجي كنزة اجي اجي..قربي لهنا
كنزة : مالك
اسماء:شوفي فالمراية نيشان..وجهك كيبقان مقاد وشوفي وجهي كي كيبان..
كنزة:قلتها ليك قبيلة واقيلا منفوخة ليك الضرسة حنكك كيبان عوج فالمرااية كثر من المباشرة…زعما هكا نيشان كتباني عادي غير شوية لي مايل ليك لواحد جيهة ولكن فالمراية بزاااف
اسماء:عاد ولا هكا اويلي عمري كاامل وانا خاشية وجهي فالمراية عمرو وقع ليا هكا..
كنزة:ماعرفتش والله واقيلا ضرسة ومع حريق راسك ماكتحسييش بيها نجيب ليك شي حاجة معايا من الفرماسيان ماشي حتى تنوض عليط ونبداو نقلبو على دواا..
اسماء:صاافي جيبي ايلا لقيتي شي حاجة عنداك تعطلي
كنزة:لا لا هاني جاية دابا….
طلقات الباليزة قدامها كتجبد فلباسها سروال دجين زرق مزيير وشوميز زيتية نص فصدرها كيبان خشاتها فييه عاد صندالة عاالية وطلقات شعر ونضاضر والماكياج هزات صااكها وجات خارجة تا لصقات فيها تسنيم..
كنزة:تانجي اخالتو ونخرجو انا غنجي دابا ماغنتعطللش..
تسنيم لصقاات فرجليها :لا لااا لا نمشي معااك عفاك عفاااك انمشي معااك
كنزة:صاافي انا غنجي دابا سبري اخالتو مانتعطلش ونديك فين بغيتي
اسماء متكية :ديها معاك ياك غتجي دابا غتبقى غير تهرنن ليا هنا
كنزة:غنجي دابا اصحبتي فين غاداا كااع
اسماء:ايوا ياك غادا غير للبنكة خليها تمشي معااك
كنزة:رااه غنرجع داباا غنجيبها غير مسخسخة مع النوبة والتسنية خليها معااك
تسنيم:لا لااا لا عفاكي عفاكي نمشي معااك والله ماندير البساالات عفاكي
اسماء:اجي اجي لهنا صافي سيري اكنزة خلييها
تسنيم بتمرد كتبكي :ولا لاااا نمشيي ااهى اهى اهه
اسماء بزعفة :اجي لهنااا دويييت معاااك
كنزة:صافي خليهاا غير خليها صاافي…يلااه
اسماء:لااا ماتديهااش معاك اريها لهنا صافي سيري تاتجي ونخرجو
كنزة:غير خليها كتبكي قلت ليك شديها بالخاطر ماشي سهلي عليها مالكي اويلي..يلااه..
شدات فايديها كانت يلاه ملبساها اصلا وماشطة ومقادة خرجاتها خلات اسماء كتغوت موراها تاعيات فالاخر تكات فبلاصتها كتنهج وكنزة نزلات فالاسانسور وطلعات لطوموبيلتها وتسنيم لور وهي ديماري وزاادت ماوقفات حتى وصلات لواحد القنت خاوية شوية عاد وقفااتها شادة تيليفون بايديها تالفة ودايخة وخايفة حتى من تسنيم لي موراها لانسمعها فالاخر خدمات ليها الموسيقى لي كتعجبها وخلاتهاا فالطوموبيل لداخل وهي حلات البااب خرجات رجليها ضايرة عندها..
كنزة:بقاي جالسة هنا انا غنجي دابا واخا اخالتو ماتحركيش من تماا…
حركات راسها بطاعة و نزلات وقفات غير حدا البااب حااضياها وجبدات تيليفون كتشوف فتسنيم كترمش فيها ببرائة ولكن ماكتسمعهاش حيت مطلعة عليها زااج …
متوتررة وبارتبااك كتلعب بيه بين ايديها واش ديرها فايد الله وتعيط ولات تكمش تنهداااات قلبها كيضري بجهههد وشدات وجهها بين ايدييها تااالفة متكية على طوموبيل وافكارها مخربقييين ايلا صاقت ليها الخبار اسماء دوات مع محمد وشاركتو الموضووع غتحقد عليهاا ولكن وفنفس الوقت معامن غتهضر وتشاور وغير هي وياه اللي عارفيين اصل المشكل…
شجعات نفسها اخيرااا ودوزات رقمو بسرعة ماعطياش الفرصة لراسها فين تفكر ولا فين تراجع وهو لحضات وهو يجاوبها..
كنزة:دكتور محمد …
محمد:وي مرحبا شكون معايا !
كنزة : انا كنزة امحمد عرفتيني..
محمد : وي كنزة عرفتك بخيير ؟
كنزة:حمد الله شكراا نتا لبااس عليك ؟
محمد:الحمد الله واش وقع معاكم شي مشكل..ياك لباس!
كنزة:لا لا وصلنا بخيير..غ غير بغيت نهضر معاك ا ايلا كنتي بوحدك عفاك
محمد:اهاه قولي كنسمع..
كنزة بتوتر:ب بغيت نق نقوليك شي حاجة ولكن ايلا كانت تبقى بيناااتنا مابغييت حتى حد يعرف حتى اسماء حتى حد مايعرف
محمد باهتمام : شنوو واااقع !!
كنزة : م ماعرفتش كيفاش غنبدا دخت والله العضييم
محمد:دخلي للموضوع نيشان..غير كّولي اش عندك ..
كنزة:مهم انا ماعرفتش هادشي امتى وقع ولكن اللي عارفة هو نهار قررات اسماء تدعي ناصر فداك الوقت على غفلة قالت ليا مابقيت بغييت ندعييه واخا عيت فيها نعرف علاش مابغاش تقول ليا وليوم بالصدفة عررررفت…كانت كتهضر مع ماما فالبييت وقع عندنا مشكل فالدار و..
بتلفة ودخول وخوح فالهضرة متوترة ومرتابكة وماعرفاو ماتقول لحسن الحظ لقات محمد متبت معاها وكيحاول يفهم حرف بحررف بشويا بشويا عليها وهي كتعاود ليها مع اللي عرفات وسمعات….
اما اسماء غير خرجات كنزة شدات تيليفون بين ايديها طالعة نازلة فالفيسبوك وليكروب حتى طلع ليها واحد البوسط فيه شي بنت كلشي كيهضر منها واللي فهمااتو انها مصورة فيديو مع شي واحد فوضعية ماشي تالهييه…كمية الكومونطيرات السيئة وخاصة على البنت غير متوقعععة شي كيضحك شي كيتشم شي كيسخر وداك الفيديو كلشي كيسول عليه وكلشي باغي يشوفو كاين اللي كيستغفر الله لناس لي باغين يشوفوه وكاين اللي كيلوحو ليهم بسهولة الفضيحة كتنتاشر وبسهولة كيرسمو سيناريو خاص بيهم وكل واحد يلغي بلغااه ماعرفينش الواقع من الخيال ولا الحقيقة من الكدوب حسات براسها تزيرات وصدرها تخنق عليها وهي تطفيه ولاحتو جنبها شادة على راسها وقلبها كيضرب بجهد ياك واعدت راسها تنسى يااك قاالت حتى هي غتضرب دنيا بركلة بحالها بحال هاد ناس هنا علاش مزال طتفكر مدام انه ربي اللي مكتبو عليها هو اللي غيوقع علاش مزال خايفة منو ؟..
زفرات نفس بجههد وناضت نزلات عليها الريديوات ورجعات نكات ناعسة يلاه بدات كتغمض عينيها بااش يديها نعاس وهي تقفز مخطوفة على صوت شي خبطة بجهههد هزات قلبها من بلاصتو وهي تهز راسها بنص عيين كتعيط…
اسماء:كنزة…كنزااا..ففف
ناضت من من ناظوسية كتقلب بعينيها بان ليها غير باب كواليط مكانش مسدود مزيان واخا مكان لا كولوندير اللي غيخبطو لا والو ماتسوقاتش وناضت سداتو بساقطة ورجعات نعسات مابقاتش كتعقل على رااسها ولفات نعاس والوقت اللي حطت فيه رااسها كتنعس..
كنزة كانت كزال واقفة حدا طوموبيل عاقدة حجبانها كتاكل فضفارها بتوتر مكمشة ملامح وجهها كتسمع فمحمد كيغوت باغي يخرج من تيليفون …
كنزة:ماعرفتش والله العضييم ماقلت ليا والو راه من داك نهار وهي هكااك مابقاتش كاع باغة تهضر معاها قلت ليك غير بالصدفة عرفت بابا على صباح مشى ليهم للدار حيح علييهم وهو يعيط ليها ناصر واقيلا كان كيعاير فبابا علاش مشى ليهم للدار وهي ماصبراتش فاش عاير بابا وحطات لييه كلشي تما فيين عرفتو مصورها
محمد:هاااد تصاور اشنو فييهم لوحيهم ليا عطيهيم ليا نشوقهم
كنزة:ماعندييش والله حتى هي ماعندهاش راه عندو بوحدو ورااهم ليها نهار خلعهم بيها قالت ليا ما (بخجل ارتابكات) ماف مافيهم مايتشاف خاسرين بزااف انا مخالعنيش هاد تصاور حيت داكشي لي دار شماتة ماتصدمتش ملي عرفت صورها اللي خايفة منو هو لامشى لاحهم ديك ساعة غتقتل رااسها مافيهاااش
محمد:علااش غتغنقل رااسها كنقوول ليها افلانة اشنو كااين ليها ااش عندك وساكتة وحادرة ليه راس وخاايفة منيين ماعرفتش وهو الكلب اللي خاالعهااا هو اللي مسكتها بغييت نعرف غيير كيفااش..كيفااش عرفها باغة تدعييه شكون قالها لييه
كنزة:لاا ماشي على دعوة مافخباروش اصلا هي واش باغو دعييه قاليها يا ترجعي معايا ولا نشوهك بيهم وهو شادها من نقطة ضعها عارفها كتخاف من شوهة والفضييحة كيلعب عليها كييف بغات وهي خافت منو كل نهار كيجي عندنا للداار وهي ماكتخرجش عندو و واخا هكااك كاان كيتسناها ترجع لييه حتى ليوما بابا ساق ليه الخبار كيجي للدار بلا خبارو ومشى لييه كي قلت لييه تما نيس وااقيلا عرفها مستحيل ترجع وناض تاني كيهددها بيهم
محمد:اااش غيهدد واااش بزز ترجع ليييه….لواالديين مو حكرهاا حيت بوحدها ولا كيفاش سييبة واقعة فالبلااااد وهي ساكتة عليها وعلااش هي سااكتة علاش ماتقولهاش ليا ديك ساعة… علاش انا كتسيفط ليا فالميساجات كتتقول لياا ساعة غضب ما سااعة غضب وكتخربق عليا تمت تهضر نيييشااان وغنشووفو ديك ساعة وااش غيلوحهم ….انا غنهضر معااها قطعي قطعي دابا
كنزة:لااا لااا الله يرحم ليييك الواليديين امحمد ماتدويش معاها اويلي ااش باغي تقوليها وهي بزز بااش قالت ليا انا باش زادت كملاتها دابا من لبارح كتقول لياا انا مامسوقاش وايلا بغى يلوحهم يلوحهم خلعاتني كتهضر فشكل وضحك فشكل بحالا كتسنى فيهم يلوحهم ولا مانعرف باغا تحداه وانا عارفاه غيديرها يديرها ماخاسر واالو وماكيخاف من حد ايلا مشى حتى دارها والله حتى نحماق راني عارفاها كتموت من الفضيحة ومكترضاش والله حتى غتحمااطق امحمد انا ماغنقدرش نشوف تاني ختي كتموت عرق بعرررق قدامي(كتبكي) رااك حضرتي على كلشي وشفتي على عينييك بغات تموت وعلم الله دابا ايلا مشى شافوها ناس فديك الحالة اشنو غدير واشنو غيوقع فيها…
محمد : ماتخافيش ماعندو مايدير… يلوحهم بررب المعبووود تاندبحو من عرق للعررق…بغييت غير نعرف دابا تصاور اشنو فييهم اشنو كاين فييهم اشنو شاااد علييها مايمكنش ليا ندير شي حاجة وانا ماعارفش اشنوو فييهم
كنزةمافيبهم مايتشااف وصفات ليا اشنو فيهم مااااشفتهم ر..را..راه شادها ف فلقطة م مامزياناش خاسرة هي ماحساتش بييه وماعرفاتوش امتى خداهم ليها شنوو غندير امحمد الله يرحم باك قوليا غير اشنو نديير راني تلفت وتاحد مانقدر نشاورو نتا بوحدك لي معااودة ليك بوحدك اللي عارف اش كاين شنو غنديير…
محمد : فيينكم نتوما رجعتو للدار انا غدا جاي ..
كنزة:لاا حنا مزال فاكادير عجبها لحال هنا مابغاتش تمشي ش شوف عفااك …ءء اايلا كنتي مزال نسافر ماترجعش غيير على قبلنا حتى ترجع على خاطرك ونشوفو اشنو غنديرو
محمد:كنت راجع ليوم وآجلتو لغدا دابا امتى غتجيو …
كنزة: غنقوليها عندي شي خدمة ونرجعو خاصعا غير تبغي راه ولات وحدة اخرى انا وتلفاتني مابقيت عارفة شنو نشد معاها
محمد : واخا غنعاود نصوني لييك خلي تيلفونك شاعل نقدر نحتاجك انا غنشوف شنو غنديير ايلا لقيتي كيفاش دوك التصاور يوصلوني ضروري اكنزة خاصني نعرف اشنو فيهم
كنزة:مانقدر(بحدة قاطعها)
محمد:سمعنيي اكنزة ماتقولييش ليا مكنعرررفش سمعيي عارفيين اشنو وقع دييك ليلة ياااك وشفنا حالتها كيفاش كانت وقلتي هو مصورها يعني الصور ضروووري وماغيكون فيهم اثر الضرب ولاا العنف ولا شي حاجة فشكل… نقدرو هاد تصاور نقلبوهم علييه ايلا عرفنا كيفاااش ماغنبقاوش نتسناو ختك توافق تدعيه ايلا تسنيناها عمرها غتافق معاانا ديما الخوف غيبقى تابعها بتصاور ولا بلاا بيهم ختك راكب فيها الخوف من جيهتو واناا غنقطعو لوالديين مو
كنزة:وايلا لااحهم
محمد : حتى مانكونش انا ويلوحهم….
كنزة:صافي و واخا انا غنحاول نشوف كيفاش نديرو ونخليوه يسيفطهم لينا…شكراا بزااف سمح لياا ماكينش اللي غيعاوني من غييرك شكراا بزااف..
قطعات معاه ووقفات شحاال كتشوف فتيليفون محمد هو احسن تطبيق للمثال دوز على الهرهوري ما دوز على السكوتي…. كان كيبان ليها دروييش ومهدن طلع من العصبيين الكبار…تنهدات ورجعات للطوموبيل كتسمح فعينيهاا براحة اللي كاين محمد فضهرهم وتقدر تعول علييه…ديماراات وصاقت راجعة منين جات فطرييقها ناضت تسنييم كتجدب ليها فالطوموبيل بعدما شافت واحد البارك ديال الوليدات الصغاار وكنزة على وعدها وسعدها بلاصات طوموبيل ونزلاتها كتفرفر من ايديها باغة تلعب جلسات هي فواحد طبيلة بين الناس مقابلاها كتلعب ساهية….حتى حسات بالكرسي قدامها تحرك وشي حد جلس قدامها وتفلتات فييه كان رااجل واقف عليها بالكوستييم بالبلوروا وساعة جلدية كحلة فايديه صباط كلااص…. من شكلو ومضهرو مكيباان من هاد لونوطغاج طلعات فيه ونزلاات معلية خحبانها وهو قال بابتسامة..
_ممكن نحلس..
كنزة خنزرات : حلستي اصلا..
_سمحي ليا على هاد دخلة غير شفتك قبيلة كتبكي ومكقدرتش نصبر ونجي عندك..واش عندك شي مشكل
كنزة:امتى…وااش كنتي تاابعينيي..
_من الوقت اللي خرجتي من الاوطيل…
كنزة: صرييح مع راسك…باااشمن صفة اخويا تبعني..
_ايلا وافقتي طبعا وماكرهتتش نشربو شي حاجة وندويو..
طلعات فيه ونزلات بتفكييير حرك فضولها وبغات تعرف اش بغى وهي تنهد وحركات راسها بايجاب وهو يتبسم فوجهها وهز ايديه كيعط للسيرفور يجي لعندهم…
اسمااء فبيتها نااعسة حتى ضربات الفيقة على صوت الحلان فالباااب..تكعدات شوية بانت ليها كنزة دااخلة غير بوحدها وهي تعقد ححبانها وقالت عين مفتوحة وعين لا ….مبوقة بنعاس..
اسماء:جيتي فين تسنييم..
ماردااتش عليها ومشات نييشااان قربات عندها واسناء تكعدات…ومدات ليها ايديها بحالا بغات تعطيها شي حاجة واسماء حلات ايديها تاخدها متبعاها وهي مكمشة ايديها وسط راحت ايد اسمااطء وتا حلااتحلها مافيها واالوو وبدات كضحك بدون صوت غير سنانها اللي باينيين ورجعات مشات للناموسية اللي جنب اسمااء حلات عليها ونزلات كتحيد فصندلتها وشعرها مدلي عليها واسماء متبعاها باستغراب مطكتشوف فايديها….
اسماء : هههه ماالك اويلي هههه فيين تسنييم…
بهدوء علات فيها رااسها وهزات حجبانها كتشير ناحية بااب طوليط وتكات فوق النامزسية عاطياها بالضهر فحين اسماء رجعات حتى هي تكات مقلوبة بنعاس كتهضر…
اسماءماتخليهاش تفيقني عفااك يلاه داني نعااس شديها حدااك..
مرة اخرى مارداتش عليها شافت فيها مطولة ورجعات تكات و بسرعة داتها عينييها…
بعد مدة لتحث مع دخلة دالاوطيل كانت داخلة كنزة جنب نفس الراجل للي جلس معاها فالقهوة مبسم كتهضر معاه وضحك مرتاحة… وتسنيم كتقز فايديها هازة شي صاشيااات كلها مفدوشة ومرونة وشعرها ديل حصان ولا ديل حمار مع اللعب وتنقاطاز….سلمات عليه و ودعاتو وطلعات فالاسانسور بتعب كتضور فعنقها…
كنزة:شبعتي صافي كون ماجريتك بزز ماتجيش ليا
تسنيم هزات صبعها كتعوج عليها وضحك :لعبت غير شوييكيييكة
كنزة:داكشي كامل غبر شويكيكة واخا لمك تانديك ليها تفاهم معاك….
تحدرات باستها كضحك وخرجات مباشرة للسويت دياالهم ودخلات كتبان ليها كنزة مجبددة ناعسة حتى بدات كتفيق فيها وهي تحل عينيها مبوقة بنعاس كتشوف فيهم وكنزة جلسات مسخسة كتحيد فقاميجتها…
اسماء: منيين جيتو..و واش عازدتو خرجتو بلا بياا
كنزة:عاد جينا فين عاودنا خرجنا هههه
اسماء بحدية ناضت:يلاه دخلتي غير دابا شوية ونعستي لهيها حدايا واش عاودتو خرجتو ولا شنو
كنزة:بسم الله علييك هههه يلاه دخلت اويلي
اسماء:والله حتى داوية بصح دخلتي وسولتك على تسنيم حيت ماجبتيهاش معاك قلتي ليا فطواليط ونعستي تما مادويتيش معايا قلت حيت عيانة واقيلا ورجعت نعس
كنزة: غتخلعني اصحبتي وانا على سبة فيين دخلت وااش تسطيتي راه يلاه جينا ياكما حلمتي بيا ههه…ولا واقيلا غير جنون الوطيل كيرحبو بيك هههههه
ناضت مخرجة عينيها وقلبها كيضرب عارفة راسها وعاقلة انها مكاانتش كتحلم هي قادرة تفرق بين الحلم والحقيييقة واللي شافتو مكانش حلم ابدا…ولاات كترعد وبالخلعة غوتاات
اسماء:ماتحميقينييييش اكنننننزة ايلا خرجتي قوليها نيشااان راه يلااه دخلتي عليااا واش انا مالي مسطية شفتك ودويت معاك ونعسي لهيه راه قدامي… ماظويتيش معايا ومجاوبتينييش كااع وانا رجعت نعست اشمن كنحلم براكة من الضحك الباااسل…جيني نيشااان تسنيم عاودتو خرجتو ابنتي ياك دخلتي لطواليط وعاودتو خرجتو..
تسنيم ببرائة حركات راسها بلا :لاا اماماا انا لعبت فزعلولة كبيرة قداها قد دارنا و وبغيت نمشي طوالييط وداتني خالتو لطواليط ديال ديك البلااصة لي فيها زعلولة كبيرة قدها قد دارنا …
كنزة:عيقتيي والله العضيم ايلا عيقتي فين ما نهضر معاك كطيري علياا كلامي بحاال القطراان اشنو قلت انا كاااع دابا علاش كتغوتي يلاااه دخلت نزلي سولي تا داك الشيفور لي على برااا يقول ليك شحال من مرة دخلت…عيقتي عليااااا بالغوااات والله العضيييم…
مشاات كتسوط دخلاات للحماام خلاتها موراها جالسة فوق الناموسية كلها كترجف وتشوف مع جنابها بخوف و وسواااس خطييير سلاط على عقلها حتى خرجات كنزة عاقدهم ماكتشوفش جيهتها بمرة غير بشوورط قصيير وديباردور نفس الفورمة ديال اسماء مرسوومة وبارزة وكل حاجة فبلاصتها غير هي ضعيفة عليا شوية اسماء عااامرة وعموريتها زوينة ماشي فايضة كانت بنفس فورمة كنزة ولكن مع الولادة والزواج بان عليها وعمراات كثر….
تبعاتها بعينيها حتى مشات لفاليز ديالها كتقلب وتلوح فالحوااايج …
كنزةماباغاش تخرجي بدلي حوايجك شوية وغيدوي العاصر ومغيبقى خروج
اسناء:بلاتي غير يجي راه قال ليا دخل لاكادير
كنزة:حنا غنبقاو نتسنااو فهاد زمر تايجي(جبدات فاليز اخرى كتقلب)
اسماء شافت فيها مطولو وعقداتهم تاهي :مغنخرجش معاك بحال هكا
كنزة : مالي علاش ؟
اسماء: مخنزرة هكااك مغنخرجش معااك
كنزة:لهلاا بقاي ناعسة تحلمي تا تخرج ليك هاد المرة مك ماشي انا
مشات كضور فالسوييت كل مرة دير حاجة تهز صاك تعاود تحطو تلبس وتحط وتجررب حتى سمعات الدقاان وحلات الباب لقات نادل مدخل ليهم الغدا جرات طبيلة من عندو ودخلاتها بوحدها حطاتها فالطيرااس وجلساات وتسنييم تابعاها فينما مشات جلسات قداامها كتغدا فحيين اسماء بقات غير كتشوف ملي ماحاشاتهاش لييها كنزة وجلسات تغدا بوحدها قلبات وجهها ودمعو عينيها بقا فيها الحاال وتزيراااات كتنخص حابسة الشهقة ماتطلعش ليها ولكن لسووء الحظ خرجات بغصة و وصلات لكنزة لي وحلات اللقمة ف فمهاا و دفعات الكرسي ناضت عندها لقاتها هكااك مزيييرة حمرة والدموع دايزين وهي تعقد حجبانها خلعااتها…
كنزة:مااالكي اويلي..اسما مااالك ؟
اسماء انفاجرات فوجهها :والله ماكدبت علييك والله حتى شفتك جيتي عندي ومابغيتيش دوي معايا ونعستي وخليتيني كيحساب لييك غير كنحلم عليك
كنزة : نحلف بلي خلقني حتى يلاه جيت ….دابا ماقلت والو يمكن تخايلتي راه كاينين بعض الاحلام كيجيو فصفة صح كتحسي بيهم راه بصح
اسماء باعتداار : غ غوت عليك غير بالخلعة م ماغوتش عليك بصح ماتقلقييش عليا
كنزة : ماقلت والوو صافي غير غوتي وخودي رااحتك غير ماتبكييش ما قلنا حتا ضحكتي شوية رجعتي للبكى تاني واصاافي(عنقااتها وهي واقفة ولاخرا جالسة كتبكي على خسرهاا وكنزة ضاحكة كتطبطب عليها) صاافي برااكة طيبتي دوك العينيين ماقلت ليك حتى حاجة دابا كتبكي غير هكااك اشنو قلت لييك انا
بعدات علييها كتمسح فجفون عيونها وكنزة جلسات جنبها…
كنزة:مسحتي فيا كاع خناينك باقة نتي هي نتي بكاية أد الدنيا…يلاه نتغدااو صاافي حينا نفوجو ماشي نتخاصمو ….شوفي شكون كيصوني بعداا
اسماء:انشووف…المهدي وصل واقيلا…
هزات تيليفوون كتهضر معاه وفعلا كان وصل قدام الاوطيل خلاتو كيتسنى لتحث وجلسات تغدا هي وكنزة حتى كملو على خااطرهم وكنزة كل مرة تخلعها بداكشي لي قالت ليها اسماء حتى ناضت من قدامها مشات تلبس حوايجها كي عادتها بالجلابة..هاد لمرة لبسات جلابة مخزانية بلون برونز ومنبتة بالعقييق من جيهة الصدر والدرعان جمعات شعرها بقراصة خلات غيير شي شعيرات نازليين وايكخون على وجهها كحلات عينيها مزيان تاعمراتهم وهزات رموشها بماسكارااا ومرطب شفايف فقط مع صندالة سامبل طالعو بسمطة مع صيقاتها العرياانين وساعة فايديها وخاتم خفييف وبراسلي مدهب ديال كنزة رشات ريحة ووقفات عند البااب كتهضر فالفون تا خرجات عندها روااييحها سابقيني المعري كثر من المغطي والشومييز مشبطة فاضحة كلشي جارة فايديها تسنيم مبدلة ليها الروينة لي دارت فراسها بزعلولة ونزلو فالاسانسور حتى لتحث خرجو نيشان للبااب فين كان واقف المهدي بشوورط دجيين وتيشورت بيضة مزيرة على صدرو باينة خادم علييه مزيان نضاضر على عينيها وتيليفون فايدييه كيتلف فيه ويتسنااهم..
كنزة:عو هاادااك
اسماء:مممم هو كيجااك ههه
كنزة:صرااحة الله مافييه مايتعاب زوين وفايت زين لهيه نشوفز غير الغقلية..شحال عندو من عام هادا
اسماء:ماعرفتش ولكن قريب لتلاتينات
كنزة:كبر منك بعدا مزياان…
اسماء:كبر مني تايعيا
كنزة:و محمد…(قبل ناتخنز فيها كملات) غ غير كنسول
اسماء:ماعرفتش واقيلا فتلاتينات بحال مرتو حتى هي قالت ليا الحاجة عندها واقيلا شي تمنية وعشريين واقيلا
كنزة:حلفي مكتبانش فيها قدي
اسماء:بصح كتبان فيها صغير مع ضعييفة و مهلية فراسها كتبان صغر من عمرها…
بالصدفة هز المهدي عينيه فييهم ورجع نزلها فتيليفون حتى عاود هزها بسرعة فور ما لمح اسماء وعرفها ابتااسم وحيد نضار من عينييه وهي قربات عندو سلمات عليه من الخد الخد …
اسماء:ياكما تعطلت علييك هه
المهديي:خودي رااحتك الله اودي نتسنااك..سلام اختي
كنزة:سلام..
المهديي:عمو الغزاالة صافا…
حركات راسها تسنييم بايجاب واسماء كضحك …
المهدي : خارجيين
اسناء:ممم نضورو فالمدينة شوية نكتاشفو يلاه معانا..
المهدي:ههه غضربو بيا دورة ولا نضوركم انا هه
اسماء:نشوفو اللي كيعرف..كتعرف اكادير شوية؟
المهدي:كنت كنجي ليها مع محمد بزاف كنعرف فيها شي بلايص وصافي قلاال
اسماء:يعني نتا اللي غتساريناا
المهدي:مرحبااا…(حل ليها البااب لقدام) طلعي..
طلعاات مبسمة وحل لبااب لكنزة بكل ٠نتلمانية وهي غير كتشوف فييه محاولة ما امكن تعرف علييه بسرعة وهو مبسم ليها حتى طلعات هي وتسنيم وسد عليها الباب وضار دغيا ركب جنب اسماء وصاق غادي فالطرييق..
وسط العاصمة العلمية فاس…المعروفة باناقة وجمال سيدتها الاصالة والتاوييل والتبات والاناقة والاداب… وسط غرفة كبيرة وواسعة جالس محمد فراس السريير متكي شاد تيليفون بين ايدييه كيهزهز ركابييه بتوتر وااضح على ملامح و٠هو المزييريين معصب..صابح خاسر ومراشقااش لييه وغير كيسووط وينفخ خاصة ملي شاف سطوري دالمهدي فالواتساب مصور طريق فالكوموبيل وحاط لتحت لوكاليزاسيون اللي كتعني انه فاكادير…حتى حس بيها كتحرك فالفرااش وهو يتلفت باانت ليه كتحك فعيونها عالمة على فياقها حتى حلاتهم فيه وهي توسع ابتسامة خجولة على وجهها وقالت بنبرة هادئة لطييفة..
اسراء:صباح الخيير…
تبسم فوجهها ومد ايدييه حتى شدات فيه كيف موالفة كل صباح جرها لعندو باس على راااسها وقال
محمد:كي صبحتي …شوية ليوم ؟
اسراء بخجل اكثر: صافاا..ليوم حسن..
محمد:مزيان…نوضي صلي باش نخرجو نفطرو على برا
اسراء :كون غير فيقيتيني صليت معاك الفجر..
محمد:مابغيتش نفيقك ونتي عاد نعستي عيانة خليتيك ترتاحي
اسراء:لاا كون غير فيقتي نصلي هو لول ونرجع نعس ماشي مشكل
محمد:بصح..صافي مرة اخرى صلي معايا ونعسي..
اسراء:غنمشيو ليوم..
محمد : مممم….ماسخيتييش هه!
اسراء:صرااحة.. هههه لا رتاحييت هنا بزاف واخا مامولفااش كنكري شي دارك نمشي عند عائلتي ديريكت ولكن هاد المرة رتا٩ييت برا احسن من دار عندهم
محمد بمرح غمزها : حيت معايا ولا شنو .. ؟
حدرات رااسها مزييرة وخدزدها حمارو بخجل وحركات رااسها بايجاب وهو تبسم ورجع باس خدها ووقف خشى تيليفون فجيبو غادي لحمام كيتجبد قدامها ويتعنكر عليها ويطرطق فعنقو كيتصرف بعفوية على عادتو وهي ممتبعاه بنضراات حب واعجاااب فييه حتى تلفت فيها على غفلة وهي تحدر راسها وهو ضحك عايق بيها….
محمد :غنتسناك برا وجدي رااسك باش نخرجو واخا !
اسراء: واخا…
خرج كيتبسم للبرا محاول ما امكن يعييش معاها دور ويعطيها اشنو بغات كلما لاحض عليها حبها لكبيير ليه فمدة قصييرة ماكيبغيش يخسر خاطرها ولا يقلقها من جيهتو مخلي حبها النقي لييه كتعيشو بكل راحتها مدام انها كتبغيه وكتبين ليه بدون شعوور كيشوفها ماعندها حتى دنب فقلبو اللي اختار وحدة اخرى فحين اسراء معتارفة لنفسها انها كتبغيه كيف متعارفة ليها انه مكيبغييهاش ولكن غير نضرات الاعجاب اللي كتشوف فعينيه مرة مرة كافينها ومصبرينها على نهار اللي غتشوف فيه نضرة الحب فعينييه ليها …موافقة ومرتاحة معاه ونهار على نهار كتزييد تبغييه اكثر من اللي سبقو…
فحين محمد خرج كيمسح على وجهو حاول يخفي عصبيتو ويبردها مرة مرة كيشوف سطوري ديال المهدي واش زاد شي حاجة ولا لا….
امافطوموبيل عند المهدي كيف قال ليهم اكادير كانت عندو بحال الكتتب وحافظو من اول حرف تا لاخر حرف..سارااهم فيها كاملة واكتشافو يطبلايص عمرهم عرفوها فيها رغم انهم اماكن مشهورة ولكن اسماء مكانتش كتسفااار قلييل بزااف…بحال قصبة اكادير اوفلاا اللي تساراو فيها وسوق الاحد اللي ماخلاو ما خدااو منو يتعزلو ويختارو والمهدي تابعهم كيتغرج فيهيم اشنو كيديرو مابقاوش كيمشيو للاوطيل بزاف بنهار …الغدا ديما فجنب البحر والفطور على برا وسط المدينة والعشى فشي ريسطو فخم كالعادة وكنزة هازة نيفها محاملاه ماقاابلاه بغات تبقى راس فراس مع اسمتء ماعرفاتو منين نزل عليها غير كضور وتسوط و وقتما كيبغي يتقدم يلخص حتى كتسبقو مارضياش بيه يحط شي درهم عليها ولا على ختها وحتى هو عاطيها الخاطر وصابر ليها مخليها على خاطرها ماكيتزايد معاها فهضرة ماكيتناقش معاها…
تلتيام دوزوهم طايرين واسماء عاجبها الحال ونسات الدار البيضااء بكاع اللي فيها من نهار حطات رجليها فاكادير ارتاحت وعجبها الجو…وحتى اهتمام المهدي زاد ليها فالمرال و وزاد عجبها رااسها كثر من لول..خاصة ملي ميك عليها ناصر ونساتو وحتى هو نساها عليه…فحين محمد مراقب السطوريات عن ضهر قلب اول واحد كيشوفهم فاول تانية كيلوحهم المعهدي مرة مصور اسمتء ساهية مرة كتضحك مع ختها مرة كتبوس فتسنيم ومرة كتشوف فالكاميرة مبسمة مكانتش عارفة انه حتى محمد كيشوف تصاور حتى لهاد نهار فين كانو كيفطرو على جنب البحر..غير هو وياهاا وتسنييم اما كنزة مانزلاتش معااهم ليه…
كان جالس المهدي فايديه تيليفون كيشوف فيه ويضحك واسماء قدامو كتشرب فالعصير ديالها مراقباه..
المهدي : محمد عالام ماعندو مايدار حتى هو ههه
اسناء بفضول : ع علاش مالو هه
المهدي: السطوري اللي نزلتها كيشوفها هو لول بحالا كيتسناها ههههه
اسماء بصدمة ردات دغيا : علاش عندو واتسااب ؟؟
المهدي: مالو جاي من العهد الحجري ههه شكون ماعندوش واتساب…
اسماء:ل لاا غير سولت هههه انشوف تصاور لي كتحط…
المهدي: غير اللي كنتصورو انا ويااك ماشي شي تصااور نييت …
اسماء تزيراات : غ غير عيطيني نشووف ..
مد ليها تيليفووون كتقلب فليسطووري وتضور كانو كاملين فيها غير هي والمهدي كل مرة مصورة فوضعية وباسف محمد شافهم كاملين من اول وحدة تالاخر وحدة رجعاتت ليه تيليفون تزيرااات وماعجبهااش الحاال وفنفس الوقت مارضاتش وماحملاتش رااسها والمهدي لاحظ هادشي وهو يشد فايديها ….
المهدي:مالكي و واش مابغيتيش نلوحهم..
اسماء بلباقة جرات ايديها عندها : ل لاا غير ماكنبغيش الحاجة تفضح الحاجة المستورة ديما كتكون زويينة..
تبسم وغمزنها..
المهدي:بحالاش هاد الحاجة..
ماردااتش علييه وسكتات حادرة رااسها وهو تبسم ورحع شبك صباغها مع صبااعو بحدية..
المهدي:اسماء من نهار جيت وانا كنتسى هاد اللحظة اللي غنفارد بيها معااك..صبري تقادا وعيييت مانشد فالخااطر عطيني كلمة وحدة ماتخلينيش معلق هكا بعد المرات كنحس بيه مابغاش وبعد المرات كتعطيني بصييص امل نشد فيه كنحس بيك كتدوزيني على جغمة الما وانا عطشان حتى كتوصليها لعندي وتكفحييا…
ضورات عينيها فالمكان وصوت الامواج كيضربو فودنيهم مع الشميسة اللي صابحة شارقة فوق ريوسهم، تواني وهي تلفت محولة عيونها ليه جالس قبالتها…
اسماء: هاد الكلام االي كتقول ليا مكيدخل ليا من ودن ماكيخرج من ختها انا راه ماعندي مانقوليك وماعندي حتى جواب لا باييه ولا ب لا..ماغنقدر ندير معاك والو المهدي بلا خبار دارنا
_شنوو المعمووول ادن شنو هو الحل
_والحل خاصك تلقاه نتا ماشي انا اللي غنقلب علييه ههه
_جميع الحلول عطييتهم ليك ولا واحد بغيتي تقبلييه، مابغيتيش تعطيني فرصة غير نتعارفو تعريفيني ونعرفك مزيان
اسناء: مكتعرفينييش دابا ؟؟
المهدي: نهار على نهار كنزيد نتأكد خاصني مزال نزيد نعرفك كثر بقوة ماكتصدميني كل مرة ههه…ولكن واخا هكاك واخا الالة ماشي مشكل بغيتي نتعرفو ونتلقاو بادن داركم ماشي مشكل عطيني نتي غير لادغيس ورجعي لور انا غنتكلف..
اسماء : شنو غدير زعما هه ! تهز واليديك وتمشي لعندهم !
المهدي : حتى تشوفي بعينيك اشنو غندير عطيني العنوان ويكون خير..
اسماء : واخا نعطييه لييك… ولكن مانقدرش نضمن لييك جوابهم دير فبالك انا مطلقة و
_وعندك بنت وسميتها تسنييم وغنديرها فمقام بنتي ومن دابا كنقول بنتي واي واحد غيقول العكس غنتفااهم معاه، ياك الالة نت موافقة وانا موافق الباقي مكيهمش…دابا شنو تعطيني لادريس ولا نمشي تقلب عليها بوحدي..
شافت فييه مطوولة فالاخر تنهدات وهو بحالا موجد رااسو جبد ورقة من جنب الحااكيت وستيلو وعطاهم ليها تكتب وهي كتباتو ليه يالتفصيل باش مايتلفش وعطاتهم ليه شدو بفرحة وااضحة فيعينيه كتحس بييه غيطير من بلاصتو…كملو فطورهم وناضو رجعو للاوطيل طلعات لقات كنزة غاداا جاية فالبييت باينة فيها ماشي تالهييه بحالا متوترة وهي تهز حجبانها..
اسماء:ماالكي !
كنزة:خاصناا نمشييو
اسماء:ومراكش..
كنزة:نجيو ليا من بعد..(بسرعة) خ خاصني نمشي ضرووري عندي مشكل مع البنات اللي بغاو يمشيو لدبي وخاصني شي وراق باش نعطي الموافقة وضروري نرجعو لكازة حيت كلشي بقى تما غير نحل ابمشكل ونرجعو فينما بغيني..
اسماء:اللي بان ليك ااش غنقوليك نتي اصلا جمعتي لحوايج جمعتي ليا حتا ديالي..
كنزة:مابغييتكش تعدبي جمعت كلشي وتهنييت..ن..تغداو ونشدو طريق
اسماء:صافي لي بان لييك…
حركات راسها كنزة بايجاب كلها كتغززل وتيليفون فايديها كل مرة تشوف فييه وهي تجلس فوق سريير واسماء تكان كتشوف فالصقف حاجة ايديها تحت رااسها بين عينيها غير تصاور اللي حاط المهدي فسطوري ومحمد اللي شافهم شنو غيقول عليها دابا وهي كتقول ليه مابغيت تاحد اشنو معنى دالمهدي اللي جاي عندها حتى للاوطيل…اشمن وجه ولا فم بقى عندها تهضر بيه معااه كيفاش غيكون كيفكر فيها دابا شنو غيكون كيقول عليها….تنهدات بصوت مرفووع حتى سمعاتها كنزة وضارت عندها..
كنزة : المهدي غيبقى ولا يمشي معانا
اسماء:ماعرفتش ماسولتوش..
كنزة:ايوا عاودي ليا كي جااك ارتاحيتي معاه شوية …فكرتي..
ناضت جالسة مربعة مقابلة معاها وهي فالناموسية اللي حداها..
اسماء: عادي كيغيجيني..
كنزة:كيفاش عادي على هذا اللي غتزوجي بييه عادي..
اسماء: و كيغيكون عادي..زعما ضررريف و ودروييش..كلشي فيه زوين ماعندي مانعيب فييه (سهاات حنبها) ولد ناس وطيب ماكيتساهل غير الخير وربي جاب ليه بنت نااس الله يكمل علييه ماكنت كنعرفو ماكيعرفني والوقت اللي وقفت عليه كنلقاه فضهري بحال شي درهم دالحلال وقف قدامي…ااش غنقول ماعندي مانقول فييه…(دمعو عينيها وخبات وجهها كضحك بكسر) تمنيتو مانكدبش علييك حلمت بيييه ورسمت طريقي معاه صدمني عشت الحلم حتى نسيت زوااجو قلت ايلا فيه الخير يضور بنات المغرب كاملين ويرجع عندي..و ولكن بان ليا انا اللي مافياش الخير لييه انا اللي منصلاحش لييه..
تنهداات كنزة كتصنت لييها وخشات راسها بيين ركاابييها كتنهد وتسمع لييها عارفاها كتهضر علييه حتى هزات تيليفون بين ايدييها وجبدات نمرتو غتصوني لييه وتسمعو كلامها اللي كتقول علييه واخ عارفاها غتكرهها اشد الكره ولكن فخاطر راحتهاا تكرهها هي وترتاح معااه ماعندهاش مشكل…حتى لاخر لحظة وشوية وكانت غتصوني علييه وهي توقف خلاتها لمرة اخرى ماشي الوقت المناسب…
كنزة:مداامك باغاها لهاد درجة علاش ماهضرتيش ا اسماا هانتي سكتي علييه هاهي جات وخداتو علااش ماهضرتييش معاه واش هادشي فيه الحشمة ايلا كان حتى هو باغييك بالفرحات عليه تهضري وتقوليها لييه..
اسماء : عارفني مع صاحبو ااش بقى مانقول..شاف تصاوري معاه كاامليين دابا ملي شفت لقيتو كيصور ويحطنا فسطوري ومحمد شافهم كاااملين شنو غيقول عليا دابا…
كنزة:دوختيني والله العضييم ملي اختي باغة محمد عطي لهذاك باتساع من حقو يقول عليك اي كلمة واش نتي مع صاحبو كيفاش بغيتيه يشوف جييهتك..
اسماء: فات لفوت دابا مابقى عندي مايتقال نكمدها فقلبي ونحدر راسي كونا راه مرتاح مع مرتو وعايشيين حيااتهم اصلا باينة عمرو ماشاف فيا حتى بنضرة فشكل باش يخليني نميل ليه ونقدر نزعم نهضر معاطاه وملي تزوج زاد بين ليا من حقو ماكنلوموش انا غير مطلقة شكون غيبقى مع مطلقة و وبنتها من لفوق…
شافت فيها كنزة مطولة وحدرات راسها كضورو بسخرية فنفسها …مرتاح مع مرتو ؟ لهلا يورييك الراحة اللي فيها هو دابا! لوكان تعرفي اشنو كيدير على قبلك يضرك خاطرك على دوران اللي كدوري مع هادا…
كنزة:اسماء واش باغة حبس اخر كتقلبي تحبسي مع هادا حتى هو راه واخا كيبان ليك دروييش وضريف وماعرفت كيداير ايلا مكنتيش كتبغييه وعشتي معاه تحت صقف واحد عمر راحة ماغتحسي بيها معاه وقلبك فحهة اخرى..
اسماء: ناصر بغييتو بنيتي ارتاحيت معااه فنضرك ههه نجرب داباا مع هذا نعيش بلاةحب ونشوف شنو غيطلع منو
كنزة:ماغيطلع منو غبر المشاكل غبر كتخربقي والله العضيم اصلا ماعجبنييش ومارتاحيتيش لييه عينييه مزاكليين ومراصينيش وغير كيضورو كون غير تبعدي منو اوموان محمد رااجل…حتى عينيه ماكيهزهمش فشي وحدة اخرى وتقييل ماشي كيطير وايلا بغى يدير شي حاجة على قبلك ماكيشهرش بيها كيديرها بينو وبيين رااسو وهذا غير كيشالي ب بزطامو…
تنهدات اسمااء بخنقة وقالت قالبة الموضوع..
اسماء : كون غير مشينا دابا صافي مابقيتش مرتاحة هنا يلاه نوصلو بكري
كنزة:مانتغداوش
اسماء:تسدات ليا الشهية..مابغيت والو..
كنزة:اللي لغيتي حسن كاع نوصولو بكري كيف قلتي ..وجدي راسك انا غنلبس ونزل نخلص ونمشيو
اسماء:بلاتي نعلم المهدي و ندوش دغيا …
فرمشة عين الحوايج كانو تجمعو ولبسو وتقادو وحتى المهدي على القرص لقاوه واجد وكنزة خرجات للمساعد ليفاليز خلاتو كينزل فيهم وهي كتهضر فتيليفون…
كنزة:غنشدو طريق دابا العشية نكونو تما انشاء الله..نجيو عندك نيشان ؟ فين غتكون؟ الكلينيك..ص صا صافي واخاا بسلامة..
تحط الغدا فوق الطبلة وتجمع عليه الحاج وخديجة وحتى الحاجة كيتسناو محمد يجي عندهم هو ومراتو والحاجة كل مرة كتعيط باسم اسراااء ولكن الاخيرة ولا جواب منها فالاخر سكتات فاش شافتو طاالع من لتحث كيسمح فوجهوو وينزل فكمامو جلس معاهم على طبلة …
محمد:كنتي كتغوتي الواليدة ..؟
الحاجة:طلعتي نتا فين مراتك اولدي مزال ماطلعات
محمد:معاكم لا ….طلعات للبيت قبل مني
الحاجة :و ومانعرف غوت عليها ماجوباتنيش قلت معاك لتحث..
محمد:لا مامعاياش…بلاتي نشوف
دفع الطبلة شوية وناض من قدامهم مشى للبييت دق جوج دقاات وحل لبااب باانت لييه اسراء كتلبس ف شاالها بسررعة
محمد : الواليدة كتعيط ليك ماسمعتيهاش !
اسراء: لا سمعتها قلت ليها نعام و واقيلا هي اللي ماسمعاتمييش هانا حااية..
محمد:مافيها باس ايلا طليتي عليها وكّلتي لها جاية ماتبقاش تعيط كل مرة ..
اسراء: هانا جاية..
بقى واقف كيتسناها حتى قادات زيفها وخرجات قداامو انضمات معاهم للطبلة حتى كملو غداهم بالصمت بحال ديما حتى حد ماكيهضر قلييل فاش كيتسمع صوت شي واحد فييهم وناضت تاني خديجة كتجمع فالطبلة ومحمد دخل لبيتو والحاج مشى للصالة بقات غير الحاجة واسراء حتى لشوية وهي تنوض حتى هي مبسمة بغات تمشي..
الحاحة: فيين غادا ابنتي جلسي معايا شوية..
اسراء: و واخا نشوف غير محمد ونرجع الحاجة…
الحاحة:سيري…سيري ابنيتي سيري..
مشات لبييتها والحاجة متبعاها بعينيها….
الحاجة : ماتهضر معاك ماتسمعك كلامها مااتحااشيه لييك..
سمعاتها خديجة وهي تلفت فيها كتضحك وتغسل فالماعن..
خديجة : الحاجة..
الحاجة:ممم !
خديجة:هاني معااك ماكفيتكش انا هههه
الحاحة:لا ابنيتي لا غير وكان بغيتها تجمع معايا وتهضر معايا هاهو خارج لخدمتو دورك غتبقى تاني مخشية فبيتها تايجي انا راه بغيت لي تعمر عليا وتونسني ماشي تزييد بسدان البيوتة را طلع ليا فرااسي..
خديجة:قالت ليك غترجع..
الحاجة:ممم من نهار دخلات وهي غترجع وتا رجوع ماشفناه ….
خديجة:جدييدة مسكينة وماضاسراش غير صبري علييها تولي مصدعاك فرااسك ماتديش عليها نعمرو شي كويس داتااي
الحاجة:لاا ماقدييت عليه عمريه ليك نتي…
عبسات الحاجة تاني مماعجبهاش الحاال ومامرتاحاش من العروس اللي من نهار جات ماجلسات معاها ما دات وجابت معاها فالكلاام…فحين اسراء دخلات للليت لقات محمد كيلبس فشومييز ديالو وهي تجلس فوق الناموسية مقابلة معاه..
اسراء: غتمشي؟
محمد: ممم شنو غديري ليوم..
اسراء:والو غير غنجلس فالدار كنت بغيت نمشي عند ماما ولكن مرة اخرى..
حرك رااسو وجر المجر جبد ساعة يدوية كيركبها فايدييه..
اسراء : شنو كدير فالكلينييك
محمد:شنو كيديرو ناس فالكلينيك هه!
اسراء: لا ههه زعما ماقصدش هكااك صراحة الملل فالدار الخدمة زويينة..حتى انا بغيت نخدم ..
محمد:علاش غتخدمي شنو خاصك..
اسراء:ماشي مسألة خاصني و ولكن ماولفتش الجلسة فالداار ماكرهتش نخدم من نهار خديت الماستر وانا جاالسة…واش كتبقى فالكلينيك غير فالبيرو
محمد:على حسب ليكا اللي كيجيو كل نهار …اجتمعات..لقائات
اسراء : ماكينش مشكل ايلا بغيت نمشي معاك نجرب نعيش حياتك ونتا طبييب…
محمد:ماغتعجبكش ههه
اسراء:خليني نجرب ههه..
محمد:ماعنديش مشكل ايلا مكانش عندك مشلك مع الصداع الغوات الدم..البكى الجري عارف عليك كترتاحي فالكالم والكلينيك ماشي بلاصتو سينو يلاه ماعنديش مشكل..
اسرا: سي فري ؟
محمد: كنلعبو هنا هه
اسراء : ماكرهتش نمشي معااك هههه كنت فالدار مع بابا كيجيب لينا الدكتور حتى للدار حنا ماكنمشيو ل كلينيك ولكن غالبا مكناش كنمرضو ههه غير ايلا كانت شي حاجة كغاف هي فاش كنختاجووه ..
محمد:واخا وجدي رااسك غنتسنااك…
اسراء:واخاا….ت تيليفونك كيصوني..
تلفت لقاه فعلاا كيصوني بلا صوت وهو يهزوو كانت كنزة وجااوب واسراء وقفات كتجبد فلبااسها وتصنت شكون كيصوني لييه حتى سمعاتو هضر…
محمد : وي كنزة…و وصلتو فين بالضبط..مزياان… شوية وغنكون تما تقلي طرييق نجيبوها قد قد..مزيان طريق السلاامة ..
قطع معاها ويلاه غيحط تيليفوون حتى هضرات اسراء بتعجب …
اسراء: كنزة واش البنت اللي تلاقينا معاهاا..
محمد:ممم
اسراء:مسكينة واش مريضة علاش حاية لكلينيك !
محمد : لا مابيها واالو (تلفت عندها كيلبس دجاكيت من لفوق) عندي معاهم شي كلام وغيجيو لعندي..
اسراء: حتى اسماء غتجي..
حرك راسو بايجاب وهي عقدااتهم وجلسات فوق السريير كتشوف فييه مبينة ليه غضبها المصطنع وهز كيجمع فالماغطابل دياالو حتى حسات بيه غيهز راسو وهي تحدرو دغيا..
محمد:ماغتوجدييش رااسك !
اسراء: ايلا كنتي مشغول معاهم بلاما نصدعك..غير سير بونكوغاج انا غنبقى مع الحاجة..
محمد: ماعندك فاش تصدعيني….ومامشغولش يلاه تمشي معايا..
اسراء : يمكن غتهضرو فشي حاجة خاصة ماكين لاش نتسلل عليكم غير سير خود راحتك معاهم مرة اخرى نجي لعندك..
محمد : عارفة فاش غنهضرو نعاودو ندوييو فهادشي فييه من لول…قلت لييك شنو كاين وقلت ليك عندها مشكل وانا اللي قادر نعاونها حيت باختصار انا الوحيد اللي عارف
اسراء : عارفة..
حدرات رااسها وهو جاس جنبهاا حاني رااسو باش يتقابل وحهها مع وجهو..
محمد : اسراء..فاش كيكون عندنا صديق عزييز وكيطلب منا نعاونوه فشي موضووع ماكنرضوهاش فوجهو طيفما بغى يكون هاد الانسان وماشي بالضرورة يكون صديق ولو غير معرفة را كنضاربو ونديرو كثر ما فجهد باش نعاااونوه وقبل ماتكون صديقة ولا معرفة انا دكتوور وبحال حالتها اي وحدة غتجي غنعازنها سوا طلبات مني سواا ماطلباتش غندير اللي فجهدي باش نقدر نعاونها حيت عارف الحالة اللي فيها هي دابا وعارف حتى الحالة اللي غنجي فيها من بعد وهادشي اللي مخوفنا لا انا ولا الدكاترة اللي دازت عندهم كيقولو نفس الكلام….
اسراء:واش مانقدرش نعرف حتى انا هاد المشكل ربما نقدر نعاونهاا بشي حاجة ماتعرف…
محمد:نكّوليك نكّووليك انا ماعندشي مشكل تعرفي غير توافق المعنية بالامر ونشاااركك المشكل..
حركات رااسها بايجاب وهو وقف كيسمع صوت الحاجة كتغوت على اسرااء..
محمد:يلاه وجدي رااسك انا غنتسناك براا نشوف الواليدة اش بغات..
مرة اخرى حركات راسها بطااعة وهو ناض خرج فحين هي نااضت كتجري تقلب وتعاود فالماريو على احسن ماعندها تلبسوو لبسات سرواال عريض على عادتها ويلاه غتلبس الشوميز حتى بدات كتسمع فالحاجة كتعيط عليهاا اسرااء ما اسراااء وهي تقلب عينيها ونتراات الحوايج من ايديهااا بزعفة ونااضت..
اسراء:هاني جااية اخاالتي(خرجات لقاتها قدام الباب مع محمد) نعام اخالتي..
الحاحة:غاتمشي مع محمد بغييتك تجلسي معايا شوية غتخوييو عليا دار تااني
اسراء:اللي بغيتي اخالتي..
الحاحة:لا لا صافي وجدتي راسك دابا غير سيري تاتجي ونهضرو شوية بغييت نهضر معاك ابنتي بلحق تاتجي ..سيرو االله يعااونكم…
حركات راسها بايحاب مرة اخرى ودخلات كتجري توجد فراااسها خايفة يمشي ولا يحن على كلام الجاجة ويرجعها تجلس….
فالطوموبيل عند كنزة غير كضور وتحوم على الكلينيك كتسنى اتصال محمد يعلمها بانه وصل محاولة ما امكن ماتبينش لاسماء فحين هي كانت شادة بنتها عندها كتضحك معاايا وتنسي الوقت على ما وصلو مرة مرة كتشوف فتيليفون وفهند اللي مابقاتش كتجاوبها كل مرة كتصوني عليها وهي بدون اجابة طلعات ليها زعااف وشغلاات ليها بالها خاصة مع المهدي اللي علمها الغد ليه باغي يجي لداارهم غير على حساب الهضرة مع واليديها ماشي خطبة رسمية….
كنزة: لمن كتصوني..؟
اسماء: غير واحد البنت…مال هادي حتى هي نهار كلو وهي فارعة ليا مخي وملي بغيتها دابا قطعات التيليفون تئ ففف…
كنزة: شكون هادي وعلاش بغيتيها ايلا قريبة ندوزو عندها
اسماء: كتكسن حدا فين كاارية وانا ماباغاش نمشيي تما فف
قبل ماتجاوب كنزة سمعاات صوت تيليفونها كيصوني وهزاتو جاوبات بلاما تبين معامن كتهضر وهي تضور الطوموبيل مباشرة للكلينيك خلات اسماء غير كتشوف فيها وتشكوف فالكلينييك…
كنزة ماخلاتش ليها فرصة فين تهضر وحلات البااب دغيا نزلاات واسماء حتى هي حلات البااب ونزلات كتشوف فمحمد واقف كيتسنااهم يقربو عندو واسرااء حداه مبسمة لييهم حتى قربات عندها كنزة سلمات عليها حيت كانت سبقاتها عندهم مابغاتش تبقى حداها وهربات من اسئلتها واسراء رجعات وقفات حدا محمد وخشات ايديها فدرااعو متبعة اسماء بابتسامة على شفاايفها هاد الاخيرة اللي نزلات بنتها من لور وقربات عندهم سلمات على اسراء من خد لخد وعلى محمد بعينيها بلاما تمد ليه ايديها كيف لعادة…
ماشي غير محمد اللي تصدم وبقى جامد فبلااصتو كيشوف قدامو فحين كتزة يدون حركة كتشوف فيها مصدومة على الاخر حالة فيها فمها وعينيها وكلشي وااسع فيها صدمتها اسماء والاكثر ردة فعلها….تخايلتها كتغوت ولا كتبكي كيف والفتها تخايلتها نااكرة وتخايلتهاا تسكت وتخلي كنزة تعاود فبلاصتها ولكن ماتخايلتهاش ابدااا توقف بدون ردة فعل واخا محمد عرف بالحاجة اللي عمرها بغاتو يعرفها…جامدة وهي كتصنت لييه وهو كيحكي ليها على اشنو عرف بلاما يدخل معاها فالتفاصيل حيت اسرااء واقفة جنبو كتسمع معااهم…
شدات كنزة رااسها والندم اللي حسات بيه فهاد اللحظة عمرو فحياتها زاارها تساااؤلات كثييرة كطيح فرااسها وااش فعلاا ختها اسمااء هادي..فعلا هادي اللي سيمانة قبل كانت رافضة كل الرفض حتى حد متيعرف قضية التصاور ولا حتى الاغتصاب وااش هادي اللي غي كيتجبد ليها الموضوع كتشد وجهها وتبدا تبكي على سبة ودموعها على طرف غير كتقاص عينيها كينزلوو….يا هي مكتعرفهاش مزيان ! اوماشي اسماء هادي وشخصية جدييدة كتحاول تقمصها..!
واسراء غير كتشوف فيهم وتضور عينيها من واحد الوااحد واخا محمد كان كيهضر ولكن ماكانتش عارفة تفاصيل الواقعة وحتى صور ماجبدوهمش على فمهم فقط كيلمح ليها واسماء كتفهمو فالبلاصة حتى حسات عليهم اسراء كيحاولو يخبيهم قدامها زمايدخلوش فالتفااصيل وهي توسع تبسييمتها وضارت من جنب محمد لجيهت اسماء وكنزة اللي كتنو جالسين فالكرسي قدام البيرو دمحمد..
اسراء:تسنيم..حبيييبة اجي معايا نشوفو واحد الحاجة زويينة غتعجبك…
قبل ماتشد فيها تدخلات اسماء حيت من طريقتها فماتها بغات تخرج تخليهم بوحدهم..
اسماء: لاا غير خلييها…راه مكترصاش وغتلف لييك حتى نتي بقاي ا اسرااء ايلا بغيتي..
اسراء شافت فمحمد : غ غير بغيت نخليكم تهضرو فخاطركم ايلا كنتو كتهضرو فشي حاجة خاصة…
اسماء:لا لا ماكين حتى حاجة خاصة مدام محمد عارف راك بحالك بحالو…غ غير عفااك مابغيتش حتى حد اخر يعرف عفاك ا اسرااء خلي الكلام بين هاد الحيووط عفاك..
حركات راسها بايجااب وشافت فمحمد وهو حرك ليها ترجع جنبو وبطاعة مشات وقفات حداه قريبة لييه كتشوف فيهم فحين اسماء معلية عينيها بجدية واضحة على ملامحهاا كتشوف فمحمد وفكنزة ختها مرة مرة..
محمد:على حسب هاد التصاور رجعتي فكلامك ومابقيتيش باغة دعييه
اسماء : ماعرفتش شنو غنديير كنت كنقول بصح يقدر يلوحهم ولكن ماكنضنش يلوحهم ولو نكون عارفاه غييير شووووية…سنيين دياال زوااج كافية باش نعرف ااش كيضور فرااسو
اسراء بصدمة :مزوووجة…!!!!
اسماء:مطلقة ب بنية…علاش مافخباركش..
اسراء:مايحسااابتنييش..مابيناش فيك…يسحابلي غير عندك مشاكل مع راجلك ماشي واصليين حتى للطلاق
كنزة:شنو غنديرو مابغيناش التصاور يبقاو عندو ولا يبقااو كاع ماشي سوقنا فييه ولكن بغينا الحاجة اللي غاتضمن ليينا دوك التصاور عمرو غيخرجو من عندو..
محمد : المسألة مابقاتش دابا فواش غيبقاو عندو ولا لاا..حيت ايلا تضمن اللي كاين فالتصاور كيف كنتخايلو فرمشة عين نقدرو نقلبوهم علييه ودوك التصاور غيرجعو لصالحنا خاصني نعرف داابا تصاور اشنو كاان فييهم وااش كانت واضحة شي حااجة بيزااغ بحال لاطراس ديال الضرب…كنتي عاادية فيهم ولا فشكل ؟..
اسماء:مافيهم مايتشاف هادشي اللي عاقلة علييه..ماركزتش فيهم مزيان…
محمد وعو كيحاول مايتعمقش:قلتي تعنفيتي من قبل..وااش باينين !
اسناء:بااينيين ااه …راه وجهي مكانش بااااين غير بالدم وشعري مغطي وجهي شوية ولكن فشي اللقطات كيباان وجهي….مهم باينة انا واخا هادشي كامل كنت باينة….
كنزة:اناا رااه فكرت داك تيليفون ناخدو لييه بايتها طريقة واخا نعرف نسيفط اللي يجيبو ولاا ندير لييه خو فعلو وتانا نسيفط اللي يدير فيه ديك الحالة ونصورو ونشوفو شنو غيديير ديك ساااعة واش غيقدر بفووحهم..
محمد: ماصبعييش علينا هادشي ساهل تواجهي الفعل بخو الفعل و لكن تبقا من منك هي وياااه وشد ليا نقطع ليك هادشي اللي مابغييتاااش..بغينا حل اللي نهار غتحط راسها على المخدة وتقول الله على رااحة ومخايفااش ديك الراحة غلى غفلة تضيع ليها….وتخلينا حتى حنا مرتااحيين..بلا شوهة بلا فضييحة نهار لول اللي جات فييه درنا غيونيو على الحالة دياالها…. بسييف باش حبستهم باش مايوصلوش القضية للبوليس..ماشي من حقنا تجي لينا حالة بحال بحالتك ونسكتو عليها ضروري من حضور البوليس ونعرفو سبب الواقعة وااش كيف كيف كتقولو ولا حاجة اخرى(مكيبغيش يتعمق فالموضوع) سااااهل وحتى حنا غتحينا ساهلة حيت كلشي فايدينا ديك اللحضة وكون وصل الضوسي للبوليييس ليلة وحدة ماغيزيدهاش فدارهم ولكن هي كانت راافضة وطبيعة الحال وحتى كلمة ماخرجات من عندها على اشنو وقع ليها يعني ماعندنا ماندييرو واخا معجبنييش سكوتها ولكن بعد المرات السكوت حسن ….
يتبع
التعليقات 0