اسماء: والله العضيم..هههه ايلا البارح فكرت فيها بالحق ايلا كان كيف قلتي ليا…ايلا كان زعما المعيشة زويينة وخدمة زويينة خدمة الحلاال بعرق كتافي ومدرسة زوينة لبنتي علاش لا…هاد المرضة مامرضاتنييش غير فصحتي حتى فعقلي ودماغي مرضااتني اختي…شوية وكنت غنمووت ..شفت الموت بعينيا سلمت على القبر فخباارك ههه وليت كنتسنى غير ديك اللحضة…كون مت اختي فين غنخلي بنتي..اشنو غنخلي ليها ماعندي لا دهب لا حجر لمن غنخليها…حسيت براسي مادرت والو على قبلها ربع سنيين ديال الخدمة وهانتي كتشوفي ماعندي حتى ريال نجلس عليه من غير ديك المليون ونص اشنو عندي من غيرها…بنتي باقة صغييرة ومزال محتاحاني واخا تكبر غتبقى محتاجاني هانتي كتشوفي انا قد هكا ومزال كنوض فلييل نعيط على ماما هههه راك كتسمعيني كتنوضي نتي فبلاصتها هههه ماكنتش كنخااف على رااسي واالو ولكنها هاد المرضة علمااتني نرد البااب من خياالي نرد منو الباال على قبل بنتي…واخاماما كتقول ليا تخطيتي شي قادوس ماكين لا قادوس لا قادوسة عارفة شي حاجة مديورة ليا وهي مابغاتش تقول ليا…
حدرات كنزة عينيهاا واسماء مكملة..
اسماء: ايلا كان كيف قلتي على قبل بنتي من غدا نمشي..البلاد ماعطاتني واالو نجرب فبلاد ناس ههه…نضحي بروحي وبصحتي غيير حتى نكبر بنتي ونشوفها فين بغييت مع شي ولد ناس يقوم بيها وايلا جات الموت مرحبا بيها ديك ساعة غنمشي مرتاحة عليها…ماكرهتش غير خدمة زوينة وشي سكنة زويينة وشي مدرسة لبنتي زوينة نخلص عليهاا من عندي ونكسيها ونسبطها ونقريها بجهدي
كنزة بفرحةماقدراتش تجبسها وضحكاات: ختي انا ماغنقول والو حيييت فرحتيني مانكدبش عليييك هههههه عرفتي ايلا مشيتي نتي حتى انا غنمشي طاايرة ماغيعكس ليا لا با لا مي شوفي يلاه على ضمانتي غير يلاه انا راه ماكندويش غير هكااك كندوي ليك على بصح ماتبقايش تقولي لياا حلاال لا حراام..انا ماكنسيفطش لبنات يفسدو تماا خاصك تعرفي هادشي..راه كنعطيهم كونطرا وماشي انا اللي كنجيبها كتجي من لهييه كونطرا فيها بزاف ديال الاختيارات ديال الخدامي وكل وحدة طتختار اللي ماناسباها وكتسني عليهاا كاين الحلااق كاين لي بغات تقابل شي مراة كبييرة فدار العجزة كاين المربيات كاين لي بغات تخدم هكاك مساعدة فشي قصر…عطى الله الخدااامي بحال نتي غتخدمي فالحلاقة تما مطلوووبة على جهد بحال اوربا مطلوبة بزاااف كاع
اسناء: دابا ايلا كتاب ومشيت ماغنجلسش…بغيت نمشي غير نشوف تما كيدار بحال مثلا سياحة غير نضرب ضورة تما نشوف الاجواء والخدمة نييت وايلا كتااب نستقر فيها علاش لاا..
كنزة بفرحة كثر: بصح ؟؟ ههه نمشييو عطيني غير الاوكي من غدا ندفع ليك الضووسي تمشي مع البنات اللي غيمشييو هاد شهر والله حتى نمشيو معاهم…
اسماء: بصح زعما..
كنزة : والله العضييم…ياك تسنييم عندها عطلة نيت فيها خسمطاش يوم ندفع ليكم ضوسي بجوج على الله مايتعكسش نمشيو فاكونص تما منها نبدلو لجو منها شوفي الحياة تما كيف داايرة…
اسماء: ماتسهلييش ليا هادشي ههه على غير اجي وسيير هادشي كاع زهر..
كنزة : والله ياختي ماكتعرفيني اشنو كنسوا الله يسمح لييك شحال تعطي حتى نمشييو
اسماء: انشااء الله شوفي اشنو كاين وردي عليا….عنداك تقولي شي حاجة لماما خلي حتى ايلا كانت شي حاجة نهضر معاها..
كنزة : غندفع ضوسي ليووم نتي مافييك تيقة غدا تصبحي ضايرة لييك فالخواااا هههههه
اسماء : لا لاا ياك غير غنساافرو نمشب ي ماعنديش مشكل انشاء الله نولي غير شوية عجبني الحال تما هي هاديك نقاد اوموري ماعجبنيش راه غنرجع..
بضحكااات كنزة وعنقااتها و الفرحة كتقطر من عينييها ببريييق كيلمع فيهم حتى بدات كتسمع شي كلااكصون من لتتحث وهي تبعد منها كتصنت..
اسماء: ديال تسنيم هذاا طلي شوفي..
كنزة :لا لا موحال عااد خرجات للمدرسة علاش غترجع..
تعلات طلات من الشرجم وفعلا بان ليها الطرونسبور ديال تسنييم وقف قدام البااب ونزلات منو البنت اللي كتكون معاهم تما وتسنيم موراها…ايديها دايرة بالفااصمة وركابيها بجوج بالفاصمة وحتى جبهتها نصو مغطي بالفاصمة طرطقاات عينييها ولااات كلها كتررعد ولكن مابيناااتش لاسمااء..وضارت بغات تمشي
اسماء تفزعات مامرتاحاش : شكوون كنزة شكووون جاا؟
كنزة: هاناا جاية تسناي
اسماء: بنتي هاادي صوتهاا كتبكي كننننزة اجيي لهنااا مااالهااا ؟؟؟
خرحات كنزة من البيت نزلات كطير فالدروج حفيانة نزلات لتحث حلات لباب على تسنيم قبل مايصونيو علييهم وهي غير شافتها لصقات فركابيها كتبكي وتهضر بشكوى كلامها موااضحش وهي مخرجة عينيها فديك البنت بحددة..
كنزة : ماااالهاا فيين طااحت اش هاد الحااالة تسنييم خالتو شووفي فياا شوفي احبيبة ماالكي بشويا علييك مالكي..
غير كتبغي تهضر كتغلبها البكية غتحماااق وهي تعنقها عندخا
كنزة: بسم الله علييك احبييبة بسم الله علييك ماالها ماتبقايش تشوفي فيا قولي ليا مالها..
_ماعرفتش اختي مانكدبش علييك انا كنت فالكلاص مع لاميتخيس ديالها خرجو هوما للاستراحة واقيلا تدابزات مع شي صدييق ديالها وطاحت فالجردة اللي فالساحة هادشي اللي عارفة..
تسنيم كتنخصص : س سلطان دفعني.. سلطان دفعني فالشوك
كنزة: وااش هاد البرهووش ماابغاااش يحشم ولاا مااالو بلا احشمة بلاا حية ميسيفطينيها لياا هكاا ومعااك نتي فالطرنسبور من الفوق اش هاد قلة الاهتمااام بلااتي..بلاتي والله مادوز ليهم ليوم ..جلسي احبييبة هنا جلستي هانا نازلة عندك
تسنيم كتبكي : ماماا..
كنزة : ماماك مريييضة احبييبة..انا لي غنمشي عند والديين مو ليوم نربيييه صبري عليا تسناي هنا..
طلعات فالدروج كتجري مادخلاتش عند اسماء واخا كانت كتعيط ليها مشات نيشان للبيت هزات جلاابة ديال الحاجة لبساتها وخشات صندالة دالصبع فرجليها هزات نضااضر وسواارت ورجعات عند تسنيم شدات من ايديها وخرجاتها معاها غير ركبااتها فالطوموبيل طارت بيها نيشان للمدرسة الحضان قليلة حتى وقفات عليهم فالادارة بلا دقان بلا جوج فرعات عليهم الباب ودخلات صاعرة والمدير شافها وهو يوقف مخرج عينييه هو والمراة اللي كانت جالسة قدامو فالمكتب شادة ولد صغير بين ايديها..
كنزة : واااش عندكم الوجه علاش تحشمو ولاا لااا هااا ااش هاد قلة الاهتمااام مسيفطين ليا البنت فرطرونسوبر بحال شي سلعة خسراات فنص الطريييق ورجعتوها ليااا
ابمديرة: مداام كنزة تفضلي الله يخلييك تلاميد كيقراو
كنزةتلاامبييد كيقراااااو واناا بنتي كلبة ولاااا شنو اش هاد الحااالة…ااااش هاااد الحااااالة واخا هادشي انا ماتهضرش فييه حييت بيناتنا المحككة المخزن اللي غيشوف ليا هاد الحاالة لي واصلة فيهااا بنتي تزيد من لفووق ماتعلمنيش اشنو وقع ليها علم الله امتى ضربااات ضاربين طم حتى قالها ليكم طانطو ديال راسكم عاد سيفطتوهاا ليااا…
المدير: مداام..الله خيلييك تفضلي
كنزة:ماااتبقاااش تقوليا مداااام..شحال من مررة تبريييت فييكم شحااال من مرة هاد البرهوووش ايلا مااربيتوهش انا اللي غنربييييه
نطقات المراة اللي كانن جالسة قدامو انييبقة ومن شكلها وشكل لباسها وااضح عليها الغنى والمااال والاناقة..
_احتارمي نفسك امدام…ماتهضريش على ولدي بهاد قلة تراابي وجلسي خلينا نهضرو مابغيناش المشاكل بسبب الوليدات الصغاار..
كنزة : اشوفي الاخت المربية صافي بقيتي على خاطرك البرهوش دياالك طار حتى طار وهرس البنت هادشي اللي بغيتي ايلا كان غير كل مرة يسيفطها للدار بضربة ماعندها ماتبقى دييير هنا بنااقص من هاد المدرسة وهاد الاستايدة وهاد زمر كاامل خليتها ليييكم ..
المدير:مداام كنزة ماكين لاش تخافي ماشي شي حاجة غير جريحات خفااف راه المساعدات قامو بالواجب جلسي الله يخلييك..
ديك المراة جابت ولدها عندها برفق وهو فسن تسنييم صغيير وزويين وشعر بوكلي نازل مهدهد على رااسو وجناب ودنييه كيشوف فتسنيم بغضب وغروور وهي مخنزرة فييه وعينيها مدمعيين..
امراة : يلااه اولدي نمشيو…
المدير: مدام التاقي…(مد ليها ورقة) تسني التزاام من فضلك..
امارة: علاش التزام اسيدي..ولدي ماقاتلش روح ماتزيدوش فيه تدابز هو والبنية وجيت نطلب الاعتدار نيابة على ولدي ولكن ملي ماكينش فرصة للحوار معندي ماندييير…
المدير : ولكن راه ضروري تسني التزاام..
امرتة:ماغنسني حتى ورقة انا ولدي ماقتلهاش غير دابزو وليدات صغار هادو وضروري من المشااكل..ميمكنش ليا نسني حتى حاجة
وقفات وجبدات تيليفون كتصوني لشي حد والمدير تاالف شاد الخاطر لكنزة ولمراة حتى هي …
كنزة: شوفي اسيدي ماتقولش ليا جرحة ولا جوج ليوم جرحها غدا يصبح مهرسها انا بنتي دابا بغيت ضوسي دياالها ماعندها ماتبقى دير هنا ونتوما غنتفاهم معاكم على هاد المؤسسة وقلة الاهتماام ديااالها..انا على برااا وجد ليا ضوسي مايمكنش لياا نبقى مع هااادي…
ناضت جرات تسنيم وخرجات والامراة لاخرا حاضياها كتهضر فتيليفون ورجعات جلسات فالبيرو والمدير تاني غادي جاي علييهم مايمكنش يخسرهم بجوج دقة وحدة من لمدرسة ديالو حتى تهدنات كنزة شوية ودخلها للبيرو حتى هي دقاائق حتى تحل عليهم البااب ودخل رجل بالكوستييم من البااب رمى السلاام بكل احتراام وكنزة تلفتاات فييه بعصبية …
مع التلفيتة مع ححباانها ترخااااو بصدمة متبعااه وهو داخل فحين هو غير شافها تبسم بدهشة وفرحة واضحة فعينييه نفسو الراجل اللي تلاقاتو كنزة فاكادير نفسو نيت هو اللي تبعها من باب الاوطيل حتى للجردة ديال الالعاب…
كح بجدية وقاد الكرافات ديالو وسلم عليهم ماد ايديه لكل واحد عاد جلس شابك ايديه كيشوف فكنزة مطول حتى بغات تشدو ضحكة تاني وهو يقلب وجهو ومد ايديه للوليد صغير جرو لعندو بين ركاابيه…
_سمعت اشنوو وقع ..وانا بالنيااابة عليهم كنعتدر منك امدااام(ورك عليها) كنزة على هادشي اللي وقع مع بنتك نتمنى تقبلي اعتداارنا…سلطان يالا اولدي اشنو كنقولو فاش كنأديو صحابنا…
خشى سلطان راسو فدرااعو الراجل مابقاش شاف فييهم وهو جرو قدامو بحدة وحنية حاول معاه مرة اخرى ..
_سلطان يلاه اولدي..حشومة ختك زويينة شوف وضربتيها بالعكس نتا اللي خاصك تحميها وايلا ضربها شي واحد دافع عليها ماشي ضربها ماكنضربوش البنات الصغورات ياك….
سلطان بصوت باكي : سمحي ليا..مانعودش نضربها
تنهدات كتزة بصراامة..
كنزة : شوف اسيدي الولد ماعلييه والو معارف حتى حاجة لا يضرب لا يسرق راه التربية من الواليدين وكلشي على الوالديين ايلا تربى هكااك راه غيكون كيبان ليه هادشي عادي وماشي بساالة..مايعتادر لينا مانعتادرو ليه اسيدي الله يساامح غيير يعطيوني ضوسي ديال بنتي والله يعاونكم ..
امراة شافت فيه معلية حجبانها بهدوء : قلت لييك ماشي دياال الهضرة ماعندكش الحق تهيني تربية ولدي الالة….
دار داك الراجل خنزر فيها تسكت وهي حدرات راسها معصبة فحيين هو هز عندو سلطان معنقو وهو كيتنخصص عندو وكنزة حدرات رااسها كضور فعينيها بقا فيها ودغيا حنات علييه ولكن مارتاحت حتى حولاتها من داك القسم بمرة ماتبقاش معاه وهوما سناو ليه التزاام وناضو خرجو…
هزات كنزة تسنيم عندها كتبوس فيها وتشد بخاطرها وهي كتشكي وتبكي عليها حتى وصلات للطوموبيل ركباتها لور وضارت هي باش تركب يلاه غتسد عليها البااب وهي تحس بيه تحل عليها وتلفتاات لقاتو هو وهي تطلق من البااب خلاتو حلو عليهاا معلية حجباانها..
كنزة : صفابا اخويا ولا شنو ؟ اش كااين مالنا على هاد البساالة !!
هاز رااسو مكيشوفش عندها : نزلي…نزلي نهضر معاك..
مدة طوييلة واسرااء فالشومبر مع مها وخواتاتها والحاجة برا ماخلاهمش محمد يدخلو عندها وقف بعيد كيضهر مع بااه والحاجة كتصنت عند الباب كتسمع الهضرة مجهدة من داخل الشومبر ولكن الكلمات مواضحيينش مرة مرة كتلاح لودنيها كلمة ” مُّو ” عرفاتهم كيهضرو عليها ولكن اشنو كيقولو ماكتسمعش بسبب تردد الصوت فالكولوار…
حتى لواحد اللحضة وهي تخرج عندهم الام كأنها ماشي هي اللي عاد دخلات دابا قارنة حجباانو بصرااامة عيطات على محمد جا لعندها…
الام: ولدي قول ليا امتى نقدرو نخرجوها عفاك ايلا كان ممكن؟
لاحظ طريقو كلامها الناقصة معاه…
محمد : غنديها للدار ماعندها ماتبقى ديير هنا..
الام: لا اولدي بنتي غتمشي معايا لدارهم انا اللي غنقابلها اللي بغى يشوفها يجي عندها الله يرضي علييك..
الحاجة: ودار راجها حسن ليها ابنيتي هو طبيب وهو يعرف ليها…حتى نتومت يلاه معاها دار دااركم بالحق خليها مع رااجلها يقابلها ونقابلوها حتى حنا على هي رخيصة علينا غنرخيو فيها ولا ؟
الام مشافتش فيها بحالا ماسمعاتهاش مربعة ايديها وعينيها على محمد ..
الام: ايلا ممكن دابا قول ليا غير واش نقدر نخرجها ولا لا هادشي اللي بغيت نعرف..
_________
لام مشافتش فيها بحالا ماسمعاتهاش : ايلا ممكن دابا قول ليا غير واش نقدر نخرجها ولا لا هادشي اللي بغيت نعرف…باش نديها للدار حسن لينا ولييكم حتى نتوما الله يرضي عليييك
الحاجة: ومال دار راااجلها الالة رقية علاش اللي ماتمشيش ليها وتجلس فيها يقابلها راجلها وحتى حنا مااال دارها مافيها خير ليهااا ايوا هادي وحدة اخرى
رقية : الحاجة الله يجازييك بالخير…الله يجازيك بالخيير خلي الاحترام بيناتنا ملي البنت مليوحة فالكلينيك اشمن خير عندها فدارها فين كانت عينيطم تا توصل لهاد الحاالة انا بنتي مساخيااش عليااا غتمشي لدار واليديها حتى ترجع لصحتها
خلااهم محمد كيتناكرو بجوج ودخل للشومبر عند اسراااء فين كانو مجمعين عليها خواتاااتها كل وحدة تهضر من جيه غير شافوه وهوما يقطعو الحس ورجعو لور وهو مشافش جييهتهم مشى نيشان للسيروم ديالها كيقاد فيه باش يركبو ليها….
محمد : رانياا خوي شومبر عطيها حوايجها تكمل سيروم دياالها وتخرج
اسراء : ماغنمشييش للدار انا غنمشي مع ماما لدارنا ماغنرجعش معاكم للدار
محمد : ماكين لا ماما لا دااركم علاش دارك مالها نعسي ارتااحي شوية يكمل السيروم ولبسي حوايجك تخرجي…راانيا خوي شومبر
بتووتر اكثر حاولت الفرملية تخرجهم وهوما واقفين مابغاااوش يخرجو ليها واسراء مرة مرة كتشوف فيهم كيهضرو غير بالعينيين..
_تفضلو معايا عفااكم
شافت الطريقة اللي كيهضر مع خواتاتهاا ماعاطييهمش اعتباار وهي تكعد قارنة حجبانها..
اسراء شافت فختها غمزاتها تزييد وهي اندافعت بقوة مصطنعة: م محمد ماغنمشيش لداار عندكم عفاك خليني على خاطري وحتارموني شوووية ولدي مات ليا (ببكاء) ولحد الان سااكتة وصااابرة ماغنرجعش للدار لي بسبااابها ماات ليا فيهاا خليني نمشي مع ماما ماغنرجعش معاااكم
محمد : ماشي غير نتي لي صااابرة ولدي حتى انا معاااك منيين جبتيه دوييت معاك هضرة وحدة اللي كاينة غتمشي لداارك
اسراء : مغنمشييش ليها نتا معارف واالو
محمد: شنوو معاارفش قولي نسمع…نعرف حتى انا
اسراء :شكووون سباااابي من غير مك وخدامتها شكون لي تلف ليا العشوب اللي جابت ليا ماما ست شهر وانا كنشرب فييهم عمري شفت منهم شيي حاجة حتى تلفااتهم ليا مك ومشات شراات ليا اخرين علم الله منين جابتهم عطاتهم ليا نشرربهم حتى مشى لياا ولدي مزال مافرررحت بيييه
محمد : شرباتهم ليك بالسيف ضربااتك على، ايديك تشربييه شكون هادي اللي كنلقاها فنص لييل كتشرب شي عجب ماعرفتو بااش مخلط تبريت فييك تحيدييه علاش كديري اللي فراااسك
اسراء : ماشي اول مرة غنشربوه حواتاتي كامليين شاربينو وماما حتى هي بااش حملات بيا علاش ماانشربوش مك اللي خلطاتهم لياا فوتاات العباار ولا الله اعلم ب نية كل وااحد
ماجا فيين يهضر محمد حتى تلفتت على صوت مو اللي داخلة من الباااب كتبكي بعتاب وقفات عليها
الحاجة : الله يااابنيتي وااشنو درت ليييك اناا حتى تجبديني بالعيب من صبح الله ونتوما مو مو مو هاد مو ااش داارت ليكم عمرك شفتي مني كلمة تلعيب ابنيتي عمرني جبدتك على فمي ولاا عايرتك ربي شااهد عليا فينما نحط جبهتي على الصلاية ندعي معاك ونعاود بالدرية الصاالحة وتقولي ليه بسباب مك حراام عليك ابنيتي عيب عليييك عيييب
رقية دخلات شدات اسراء اللي كتبكي: شكوون جااب ليها العشوووب جداد الحاااجة شكون عطااهم ليها تشربهم
الحاجة بندم ولات كترعد: انا اللي جبتهم حيت تلفتهم ليها شرييتهم وعطييتهم ليها وزدتي نتي سيفطتي ليها شي وحدين قلت لياا لاش ضيااع خلطييهم زشربيهم ولا لي بغيتيي انا اش عرفني فهاادشي
اسراء : اااش عرفك فدااكشي اشنو قربك ليه ماتشريهم لياااا الحااجة
محمد: ماااتعليييش صوتك هضري بشوياااا
الحاج : نعلوو الشيطااان هادشي الي كديرو فييه
محمد: ااااخر مررة تعلي صووتك علييها هضري بشويااا خلي الاحترااام بيناااتنا العشوووب ولا المرض شحال من مرررة تبرييت فيك تحيدي الزبل علييك علاش ماكتسمعييش الهضرة كتلوميها دااباا….هم !!….نلومك انا علاش كتشرببيهم نقوليك نتي سباااب قتلت ليا ولدي واخلينااا سااكتييين تااحد ماضربك على ايديك وقاليك شربييهم سمعتي لكلام مك وكلاام مي وكلامي ماسمعتيهش شنوو غنديير معاااك
رقية: ماااتغوتش عليها اولدي رااه مرييضة وااش كتدييوه عليها الحاجة بعقلك زعماا دوي مع ولدك ااش وصلنا لهاد الهضرة
اسراء: كيشوف مو اشنو كدييير ليا وكيغوت عليا غير انااا من نهار لول نتاا مابغيييش الولاااد كون كنت اصلاا حاملة ماغيعجبكش الحاااال مزياان كاع اللي مااات ولا تزييد تكمل عليا بفعااايلك ملي مابغيش الولاد ومابغاينيش من نهار لول ماتزوجش بيا علاش مخلي مك تلعبك على صبعها سير عند هادييك اللي بااغي هي اللي تلييق لييكم كون كنتي راااجل ماتحطش عبنيك على وحدة اخرى وتزوج بيااا انا وتخلي مك تعزل لييك
بدوون شعوور هز ايدييه وقصدهااا بعينين غاضبيين وهي تكمشاات فرقية والحاج دافعو من صدرو ماخلااهش لا يهضر لاا يوصل ليهااا وهو مدفوع لجييهتها صاااعر والحاجة ولات كتزاوك وتبكي بالخوف كتررعد…
الحاج : نعل شيطاان اولدي الله يهدييييك
اسراء: شتي شنووو كدييير عليهاا الله ياخد فيكم الحق بعدوو منيي نتوما السباااب بعدو مني
رقية: ششش سكتي سكتي صااافي (عنقاتها عندها مخبيااه علبيه وهي كتبكي عليها ورقية غير كتشوف ماعوداتتش هضرات)
الاخت : صاافي احبييبة تانكيت با ماترجعييش معاه امبوسيبل نقبلو بهادشي
محمد:طلق منيي..وااااطلللاق منيي الواااالييد طلق(نتر منوو ايدييه بجههههد )
سخن والحراااارة زاادت جعراااتو حييد ديك الطاابلية واخر كلامهاا يضرب فوظنييه بحاال االسم ماتسرطش ليييه ماباان ايه غير السيروم لي معلق ضربو باديييه حتى تقلب على بلاطو دالفطوور كلو تزلع فلرض والزااج مهررس
محمد: مكاااين لااا سيييرووم لاا..(جمع لسانو) السيدة طاالعة كراااد بلا فيتاميين خليها تمشييي
الحاجة: نعل شيطاان اولدي الله يرضي فيين غتخلي مرتك مااتدييش عليها راه عيااانة نعل ااشيطاام
محمد كلوو كيترررعد : خليهاا تمشي
دفع الحااجة خرجها كتعفط فجلايلها والحاج مورااها وهو خرج خببط عليهاا الباااب حتى قفزو كيشوفو فبعضياتهم ومشى نيشان للبيرو دياالو اما الفرملية جابت لاسراء حوايجها كتشطح بالخلعة خايفة من غضب محمد يتقلب عليهااا فحين اسراء تكعدات من بلاصتها والام رقية معاوناها تلبس
اسراء: شفتي اماما اشنو كيدييرو
رقية: ونتي اماما اشنو وصلك لرااجلك اش داك ليه علاش حبدتيه على فمك مشكلتك مع عكوزتك منك ليها علاش تقللي منو هو…
الاخت 1 : ماما ماشفتييش هو كيفاش كتغوت عليها مايمكنش تسمح ليه يرفع عليها صوتو ماشي من حقو مابغيتش نتلاح فالهضرة عندي ليه ماينقااال نقي ليه ودنيه مزيان…
الاخت 2 : من قلة التراابي تغوت على راجلها وتقلل منو رجاا ماكيبغييوش اللي يقلل منهم وهي كتقول ليه ماشي راجل حشومة تاني بابا ايلا جا عندو وعاود ليه هادشي ماغيعجبوش الحااال..
رقية : مايجي عندو مايجي عندناا صافي ساالينا شوية ومايقتلو لياا البناات فين كانو وهي فهاد الحالة ايلا خايفيين عليهاا يرااقبوها ويشوفو ااش كدير واش اللي مكديييرش بقات فالهضرة..
اسراء : تلفو لياا العشوب ديالي اماما ماقلت حتى حااجة نهار سفطتي ليان نتي العشوب الجداد لقيتها شارية لياا وحدين اخرين قالت ليا خلطيهم وشربيهم على حسابي ياك غير عشوب عشوب وانا درت بكلامها وشربتهم مخلطيين…
الاخت 3 : ايوا راجلك عندو الحق ملي قالك ماتشربيهم صافي ماتشربيهمش علاش تبعتيها لا هي لا ماما سمعي لكلااامو هو اللي عارف شغلو هانتي حملتي وضيعيتيه غير بهضرتهم…ماتقتيش فيه هو اللي طبييب تقتي فيهم هوما..
رقية خرجات فيها عيينيها تسكت : ايلات ضاع منها ربي يعوضها عرفي اشنو كتخرجي من فمك..
اسراء: دابا عاد كيدافعو علييه اماما فاش دخلتو ماقلتوش هاد الهضرة غير حرشتوني وزيدتوني لييهم ودابا رجعتو ليا لومة..
عند كنزو ركبات فالطوموبيل يلاه غتسد عليها البااب وهي تحس بيه تحل عليها وتلفات لقاتو هو وهي تطلق من الباب خلاتو حلو عليهاا معلية حجبانها..
كنزة : صفابا اخويا ولا شنو ؟ اش كاين مالنا على هاد البساالة !!
هاز رااسو مكيشوفش عندها : نزلي…نزلي نهضر معاك..
رجعات ليها الباب تسد عليها وهو يحلو مرة اخرى وجرها من دراعها لعندو..
كنزة : حماااقيتي طلق مني…حيد ايديك ياك هضرنا فالاداارة سالينااالهضرة اشنو بغيتي داك الالتزام راه ماغتنازلش علييه غير كون هاني..
_تاحد ماقال شي تنازل داباا نزلي غير نهضر معاك..كوني بعقلك بلا شوهة يلاه نزلي ماغنمشيش حتى نهضرو راك كتعرفني…
قلبات عينيها كتننهد وهي تنتر منو ايديها ونزلات عليها الجلابة اللي كانت هازة على فخاضها باش تسوكّ ونزلاات عندو..
كنزة : يلاه هانا اشنو كااين اعمااد شوية لباس سيفطتي مرتك لدااار وجيتي لياا اناا اشنو معنى هادشي
عماد: ها علاش كنقول ليك كولي وفطري عاد خرجي تلاقاي مع ناس كيفاش هاد مراتي
كنزة؛ بدينا فالطنز تاني بزااف عليك شبعاانة الحمد الله بنادم هو اللي كيخليك تخرجي فييه نيابك نتوما رااكم حكرتونا بنتي كل مرة نهار مسيفكينها ليااا مفروعة من جييهة ماشي حشومة ولكن مانتعجبش فالولد مسكيين باين العربون غير من مو وباه..دابا حولتها من داك القسم قول لولدك يبعد منها خليونا فالتيقار
عماد : ولدي؟ شوفي اجي اجي نجلسو مانهضروش فالزنقة
كنزةماعندي فاش نهضر معاااك ويلي عيقتي بعد مني
عماد : مامفاااكش معااك حتى نهضرو هربتي مرة وحدة هاد المرة ماغتفلتييش مني اكنزة…يلاه
كنزة : وطلق منييط
عماد طلقها : واخا يلااه…
زفراات النفس بغضب عرفاتو مامفاكش معاها هاد النهار براكة غي السلتة اللي دارت ليه….وهي تحل الباب على تسنييم نزلااتها معاهاا ومشااو لاقرب كافي سابمل تما مابغاتش تبعد معااه ودخلو طلب الفطور وجلس قداامها كيشوف فيها مطول وهي مخرجة فيه عينيها بغغضب كتزعزع فرجليها..
كنزة:غتبقى تشووف فيا قول اشنو عندك..
عماد : علاش مشيتي..
كنزة :علاش ماكنتيش عارفني غنمشي..
عماد : ماكنتش عاارف شكون غيقول ليا
كنزة : راك مول شيى زعما اوطيل على قدو ماكتعرف شكون كيدخل ليه ولا شكون كيخرج منو..
عماد : واش كتأمني بالله..ماكنت عارفك غتمشي كون ضنييتك غتمشي وتخليني كنقلب عليك شومبر بشومبر نحطك حدايااا ماتحيديش من قدام عيني
كنزة : هه واش من نيتك اشنو بيني وبيينك حتى تحطني قدام عينينييك..واش نتوما كاع رجال هكا قلااال الحيى ديرو وحدة للمعقووول وحدة للزهو كلكم شمايت
عماد عقد حجباانو : اااش هاد الهضرة اكنزة خليني نحتاارمك ماتسبقيش الاحداث وعرفي اشنو كتخرجي من فمك…اييه ونتي اللي ب بنتك كضوري معايا شنو نقول علييك…
ماردااتش عليه قلبات عينيها والسيرفور حط ليهم الفطور وتسنيم غير قالبة وجهها حتى دوموندات ليها كنزة على الكراميل اللي كيعجبها عاد خدااتو بابتساامة وعماد دوز ايديه على شعرها..
عماد : شوية اعمو صافاا ؟ مهلية فيك ماماك..
كنزة: مهلية فيها طبيعة الحاال راه بنتي اللي عندي فيمن غنتهلى..
تسنيم :ءء م ماما مريضة….
عماد : مرييضة ابنتي مريضة (شاف فكنزة) قلتها ليك ولا لا حتى بنتك شاهدة فييك..
تسنيم: لا ماما مريضة كاينة فالدااار مريضة بزاااف كانت غتجي معاياا وغتشد سلطان غضربوو باش مايبقاش يضربني ولكن جات معايا خالتو حيت ماما مريضة بزاااف…
خرجات فيها كنزة عينييها فرشااتها وضوراات راسها كتلعب فشعرها ماارضااتش وهو كيضحك ..
عماد هز حجبانو : خالتو ههه اييه
كنزة بصرامة : على الاقل تدوي مع ولدك ويفرقها علييه بلاما تجي لييكم هي برجليها
تسنيم شيرات فعماد : عمو هذا زوين وقال لسلطان مايبقاش يضربني ولكن بابا ديال سلطاان خاايب بزاااف كيضربو كثر مني حسومة
كنزة:خايب بزاف احبييبة..
عماد : سمعي البنت اشنو كتقول ماكتهضرش عليا حلي ودنييك سلطان ولد ختي ماشي ولدي…
علات حجباانها بدهششة مفرووشة وهو كمل..
عدنان: ولدي علم الله كيف غيكووون فين يبان شي سلطان…
كنزة:ماتحكمش على روح مزال ختى ماجات للدنيا..
عماد شير فيها ايديه: ها العربون قدامي باين كي غيطلع ليا الولد..
ما ان فهمات كلاامو قلباات وجهها كتمسح تحت نييفها حابسة الضحكة الفاالتة ليها واخاا عينييهاا فضحوها وهو تبسم كيضور راسو بسلب وهز كافي نواغ ديالو شرب منها…
عماد : قولي ليا علاش مابغيتيش تهضري معايا (بغمزة) مالنا..!
كنزة : يسحابلي مراتك…
عماد : اعوود بالله ومسبقة الكلام علاش حتى انا ملي قالو لياا مدام كنزة وملي عيط ليا المدير اوتوماتيكمون عقلي تفكرك علاش ماادرتش هاد الحالة فاش شفك وتأكدت بلي نتي حيت عارفة ماشي دياالها وشي ان فالموضوع…
كنزة : علاش ماشي ديالي علاش زعما ماتقولش ممزوجة..
عماد : عاارف وصافي ماغتفهمينيش
كنزة: قوليا نسمع
عماد : داكشي ماكتسمعش..(غمزها مقرب وحهو ليها)كيتحس..فطري فطري رجعي دماغك خلينا نهضرو شوية
كهزة: خاصني نرجع للدار اعماد مامساالياش عفاك من بعد ونهضرو خليت ختي بوحدها وخايفة على بنتها ماشي وقت الهضرة قول ليا اشنو باغي راه ديجا هضرنا فداكشي اللي فبالك انا مامتسعدااش ابدا لشي علاقة باش نكون معاك صريحة وماتقولش ليا هربت تاني فالاوطيل ماهربتش علييك حيت كان خاصني نرجع للدار لضروف شخصية…وماعنديش علاش نهرب اصلا يومين زوينة دازت معاك مانكرهمش تعارفنا فييهم ومتشرفة بيييك ولكن كثر من هكا مانقدرش…
عماد بخيبة امل رخى حجبانو : علاش..
كنزة: هههه حيت ماعنديييش الوقت..والله ماعندي الوقت لشي غولاسيون شوف حالتي كيف خارجة حتى للمدرسة ههه شوف غير حالتي تورييك..انا مانهضرش ههه
عماد : كيبان لييك عندي الوقت انا …كنبان لييك باقي ليا الوقت لشي غولااسيون وعاد غنبدا نتعارف ونضوور ونهزى ونتساارا…شوفي غير لحيتي شابت بالخدمة..ماغنتعبكش حتى لهنا ونسيفط ختي ونشدك بزز نهضر معااك باش نقوليك تصاحبي معايا ماشي برهوش ديال تمنطااش عاام اكنزة راك عارفة اشنو باغي ويالا ماكنتيش عارفة انا غنجيك نيشان بحالي بحالك ماعنديش مع تخياط وهادشي اللي عجبني فيك نهار لول خمسة وتلاتين عام باغي نكون اسرة و وليداات معاك اكنزة..(بابتسامة)شنو قلتي..!
طولات فييه شوفة بشكل عادي مواضحش عليها لا توتر ولا ارتباك ماشي اول عرض زواج كيجييها ولفاتو وبكترة ماكتفرضهم ولا كيجيها سؤاال عاادي..تنهدت ويلاه غتجاوب وهو يصوني تيليفونها كان عزوز وجوبات..
كنزة : آلوو…لاا ماقالو ليا والو امتى عيطو لييك وعلاش عيطو لييك نتتااا؟؟؟ ااااه يسحتبلي لاخريين صافي راه قلت لييك كلشي موجود..صافي راه دويت معااك فضحتوني كون يحساب ليا هكا نأجلها…اووف صافي صافي اعزووز طيبتيني..شتي شنو غيجيك مزيان جمع ليا البنات…مااااتجمعهش فدااارك ماتعصبنيش جمعهم فين كيتجمعو ديماا كااااملين من هنا لسيمانة انشاء الله لا لا هاد المرة ماكاينش الرجوع راه اللي ماحضراتش ماغنعقلش عليها (فودنيها بدا كيصوني تاني لقاتها الحاجة ماماها) ص صاافي صافي يلاه بسلاامة….آلوو ماما…
شدات على جبتها كتهضر معاها وهي كتغوت فالتيليفون حتى نقصات ليه الصوت وهو غير كيشوف فيها ونظرات الاعجاب باينين فيه لطريقة كلامها وحركااتها بعفوية كبييرة ماكتسطانعش باش تهضر زويين وترقق صوتها ولا تميل رااسها وتلعب بشعرها محاولة تغرييه…غير بملامح وجهها اللي كيتغيرو مع كل كلمة كتنطقها وحلقات ودنيها اللي مرة مرة كتلعب بييهم وسط كلاامها ولا عنقها اللي كتدوز عليه صبعها كافين يحركو كل منبع شعر فجسدو..
بنفس طبلة الفطور تقريبا جالسة عليه اسماء والحاجة اللي تالت مرة دابا وهي كتسخنو وتعاود تحطز..
الحاجة : ايوا صافي راه دويت معاها قالت ليك تاني ضااربت مع شي حد مشات معاها للمدرسة ودوزاتها تفطر شوية وتجي..
اسماء: كون غير قراتها ليا غير هنا المدرسة اللي ورانا هاد البريفي(دمعو عينيها) من نهار دخلات ليه وهي فالعصى مسكيينة بناقص منها قرااية
الحاجة: اويلي على الهبييلة كتبكي ماالها منها من درااري صغار كاع يضااربو وكااع يتصاالحو وراه خالتها قادة بييها تصنتي لعضامك شوية وخلي لبنت تحك راك فششتييهاا وغتوحلي معاهاا..
اسماء : يااربي نولي شوية غير تشد العطلة ندي بنتي وونسافرو نسييها شوية راه كنحس بيها مرضات معايا من نهار مرضت وهي لور لور…ماشفتييش فلييل كتخشى فياا وتقرا عليا الاناشيد زعما راه كتقرا عليا الدعاء باش نصح مرضت ومرضتها معايا
الحاجة: سييرو سافرو قوليها لديك الحنقازة ماتقولش لييك لا تموت على الضوران فين بغيتي تمشي..تدييك
اسماء :ويلي نسييت عرفتي باش حلمت اماما..
الحاجة: خير وسلام اشتوو
اسناء: كنت ناعسة صحة سلااام..حتى حلمت براسي فالاماارات عرفتيها دبي فيين كيسافرو البنات هاد الايااام..
الحاجة : ايوا
اسماء: ايوااا قلت ليك حلمت برااسي فيها..مشيت اختي كنضور انا وبنتي وكنزة وفرحانين زعما حتى وقفات ليا وحدة فالطريق قالت ليا سيري العين الزرقة..شي بللصة كاينة تما مهم قلت ليك وقفات عليا وحدة كيف شي حورية اماما غزااالة ومنورة تبارك الله قالت ليا راه ماكنحسش بييك بوحدك ومزال معاك زوار سييريي عومي فييها وانشاء الله اللي تأدييك ماتكون..
الحاجة: دخلت علييك بالله هاد العين زرقة بحال شكل الساقية..
اسماء: ااه كيعومو فيها الناس الليي كيكونو مرااض وداكشي زويينة تماا..قلتها لكنزة فرحات وبغات نمشيو ولكن بابا موحال يخلينا راك كتعرفييه اودي ماعندنا مانديرو
الحاجة: قالها الحاج الفقيه يابنيتي قاليا ضروري ماتبقى فييك الشياطة ديالهم ..بعد الخطرات الحلم راه كيعلم كون غير كانت هنا خسارة…
اسماء: انا قلت غي دييك خمسطاش يوم ديال تسنيم نمشيو فيها ونجييو ولكن بابا ونتي مانخليوكمش بوحدكم..
الحاجة: اناا عليا سيرو الله يساهل علييكم ياك غير خمسطاش يوم دابا نقولها لباك صحتك هي لولاا يبغي بزز منوو غير سييري ابنيتي..
اسماء: بصح ..!!!
الحاجة :ولاهيلاااا سيري منها تفوييجة منها شفاااء..ونتي ميقنة من هاد العين زرقة كااينة نييت تعرفيهاا
اسماء: اه قلبات عليها كنزة فالتيليفون كاينة بصح عرفات حتى فاشمن مدينة كاينة ولكن لا لاا مانقدرش نمشي ونخليوكم بوحدك لاا..
الحاجة: لواااه سيري ابنيتي ولااهيلا زويينة هادي ..دي معاك ابنيتي شي قريعة عمري لينا من تما وجيبيها غير نتوضاو بيها الدار عدنا ولات مخالطة حنا طالبين منهم التسليم سيري ابنيتي سيري باك انا ضربييه على حساابي…وليتي الباسبرو ديالك واقيلا ايلا وفا خاصك تجدديه لا ؟
اسماء: ماعنديش باسبور اماما اويلي عاد غنصاوبو
الحاجة جبدات حنكها :اويليي على ماعندكش و اللي صاوبو ليك باك نتي وكنزة قد قد قلل ماتزوجي اويلي نسيتييه..راه كيسمع فيك فالماريو
اسماء وفور ما تدكرااتو شهقات بفررحة : اللي عكس لييا فييه القاايد حتى رشيناه عاد طلعو ليا هههههه ويلي نسيتو والله العضيم اييلا نسيتو..بقى عندكم هنا…
الحاجة : اويلي اويلي على العقل لا لا الحاج عندو الحق باقا فيك شياطتهم…باقة مصمكااك ..شدي تفطري شدي…
عطااتها لكاس وقطعات ليها رغيفة كتفطر وهي عينيها على مها مبسمة للامارات اللي ضمناتها حتى بدا الصونيت فالبااب وناضت الحاجة تحل لقاتو الحااج تبسمات ودخلاتو عند اسماء نيشان…
بعد مدة طوييلة فالمكتب محمد شابك ايديه فوق البيرو عاقد حجبااننو كيشوف هنا ولهييه مشتت نضرو وهو طيسمع للحاجة اللي كتبكي قدامو بشكوى شاف حتى عيى وضار عندها بهدوء كيهدن فيهاا ويرطب خااطرها حتى تنهداات وارتااحت وضحكات عاد ناضت مشات مع الحاج وخديجة لقاو طوموبيل ديال اسراء وخواتاتها يلااه زادو حتى هوما شدو طريق راجعين للدار فحين محمد مالقاش الفرصة فين يفكر حيت غير خرجو هوما دخلات عليه الممرضة …
رانيا : د دكتور …س يمح ليا على دورونجمون بغيت نفكرك عند غيونيو من دابا لفان مينيت ديجا تآوغكانيزات لبارح ولكن حيت ماكنتييش رجعات تأوغكانيزات ليوم
محمد طرطرق عنقو : اوغكانيزيها لابخي ميدي..
رانيا: ولكن ابخي ميدي عندك تخوا غونديفو مايمكنش تأجلهم…
محمد تنهههد مطوول: داكوغ..دي مينبتي جاي…
حنى رااسو كيمشط بصبااعو وسطو بسرعة مزير على عينييها بقوة الافكاار اللي كيدابزو فيه وطرقان اللي كتدي فيه وتجييب ناض لبس طابلية وحدة اخرى وخرج للاجتماع اللي دوزو بلا عقل ماحسش براسو حتى لقااه ساالة وناض رجع لغرفتو لقى الحاج مصوني لييه فالتيليفون حيت مكيدخلوش معاه لللجتماعات وهو يعاود يصوني لييه ديك ساعة لحضات حتى جاوب..
محمد : الحاج ياك لباس ؟
الحاج : واالو بااس اولدي كي وليتي شوية…رخي فييك نفس رخي ماتمشي غير فين مشاك الله ماديش عليها هادو هوما العياالاات ايلا ماصغرتي معاهم العقل مايبقى عندك عقل..
محمد : مزياان الواليد ماكين حتى مشكل احنا راخين هااد النفس رااخينها تانشوف فين غتوصلنا
الحاج: ديير عقلك اولدي مااتدييش عليها هي غالطة شرباات داك التخربييق والحاجة مك غالطة عاطياه ليهاا الله يهدييهم والله يهديينا الشيطان كيحضر استغفر الله اولدي وسير شوف مرااتك على وجه ديك الملايكة اللي ضاعت منك سير شوفهاا..تاندوزو عندها حتى حنا
محمد : مااايمشيي عندهاا تاحد بغاات داارهم خليها انشوفها شنو غدير فيها دوييت معاها وضرباات فكلاامي ومشاات معاهم شنو زعما اناا مونيكة كتهضر ولاا شنو … خليهاا معاهم حتى ترخف على خاطرها وترجع قلة التراابي اللي دارت الواليدة نميك على كلشي ايلا هي..
الحاج: وليني تا الحاجة مك غلطاانة اولدي
محمد: لنفرض هاد لحاجة غاالطة الوااليد تهضر معاها بدييك الطريقة نوض حتى انا نحيح على مها اللي عاطية لمرتي داك العجب تااكلو نقول ليها بسباابها ضاع ليا الولد هي رااس الحربة ووسكت مااقلت واالو محتارمهاا حيت تربيت نحتارم اللي كبر مني الواليدة خط حمر الحاااج لي قللات الاحتراام عليها مانعقلش عليها
الحاج : لا اله ايلاا الله لا حول ولا قوة ايلا بالله برد اولدي برد واجي للداار نهضرو ارتاح شوية يلاه لقيتي حتى انا عاد دخل كنت عند اسماء … واقوول ليا داك الموضوع لي كنتي دويتي معايا علييه بنت السي عبد المتقي ..ااش باقي غدير فييه راه كنت عندها غير دابا قريت عليها شوية دالقران رااه مزيان الحمد الله كلشي داز على خير وحتى هي لباااس عليهاا ولكن قالت ليا الحاجة باغة تسافر للامارات العربية وبغيت نعلمك بااش تعرف زعما
محمد بعد تيليفون على ودنو عاقد حجبانو ورجعو لودنييه يتأكد..
محمد : فيين ؟ فين كّالت لك !!
الحاج : دويت مع الحاجة هي اللي تشاورت معايا واش مافيها باس تسافر زعما مع الرقية الشرعية اللي متبعة معايا اش غيوقع فيها…قلت ليها ماكين باس غير تبع اشنو كنقول ليها بالحرف ماكينش اللي تأدييها…
محمد : اهاه..امتى…امتى ناوية ؟
الحاج :ااش غنقول ليك اولدي مزال شوية غالباها المشية رجليها تقاتل عليها تولي شوية وناوية تمشي فهاد العشرين يوم واقيلاا…انا شاورت راسي وقلت نباشر السي عبد المتقي فهاد الموضوع ولكن من بعد فكرت نتشاور معاك قبل مبانش ليا وقت هاد الكلام مع اللي وااقع لمرتك موحال واش تبغي تهضر فيه
محمد : اللي واقع لمرتي درتو ليها بايدي؟…للي وحل فشي حاجة يفك رااسو الواااليد انا هزيت ايدي من كلشي ومنها حتى بغات دارهم و واليدها اللهم يسر اسيدي
الحاج : نعل الشيطان اولدي ديير راسك فيها راك راجل زعما دير راسك فمراة..
محمد : وايلي الوااليد ماسمعتيهاش…ياك انا ماشي راااجل سمعتيها بودنيك اش كتقول(حرك راسو مغدد) انا غنبين ليها الرجوولة ديال بصصح…
الحاج : اش ناوي ديير..
محمد: اناا عارف اش غنديير..
الحاج : الله يهدييك اولدي الله يهدييك ماديرش فيها رااسك غير قالتها راه كاينة….خليها تفش خاطرها وتراجع راسها وتعرف اشنو كانت كتقول وغتندم راني كنعرفها اسراء بعقلها لحظة غضب نعل الشيطان خليها على خاطرها عند واليديها
محمد : درنا الخاطر الواليد بقينا حنا بلا خاطر…مهم ماتقول حتى كلمة نتا انا عارف اش غندير
الحاج: اللي بان ابك دوز تغداا دوز….نتغداو مجموعين وهضر معايا وقول ليا اش عندك
محمد : ماتسناونيش مشغول شوية وعندي مايدار على براا..
ااحاج : لا لا الله رضي علييك ما دوز ماتخليش بالنا مشغول عليك غير تغدا ورجع …
محمد تنهد ساد عينيه كيدوز ايديه على شعرو : انشاء الله اللهم يسر الحاج نخلييك…
الحاج :الله يعاااونك..الله يرضي عليك..
قطع عليه كتينهد ودخل للصالة فين جالسة الحاجة…
الحاجة: معامن كنتي داوي…هادا محمد !!
الحاج : ممم..ديري ليا اخديجة شي كاس ديال اتاي الله يرضي علييك(مشات) مابغاهاش تقول لييه ماشي رااجل باغي يبخ ابدم مامبينش ايلا جا يتغدا وياتك تجبدي لييه هااد الموضوع ولا تشكاي لييه يطج تاني ماجاب مايردو..
الحاجة : على انا نقدر ندوي مانقوليه والوو خليها سرهاا بغيتها فيها عيات من وجهو الزوين بغات العكس والضد هاهو غيتولها بغاتو يمشي يحزرها بقات تما والله عمرو لا دق بابهم مالي ماكنعرفووش راه هو اللي خصو الحزارة دابا وشوف تشوف واش يرجع كي كان
الحاج : لا حولة ولا قوة ايلا بالله كون غير ماقللاتش عليه الاحترام قدامنا وقدام فاميلتها ماحتراماتوش.. نلقاو فين نهضرو..
الحاجة:دقة والحين ماشي راااجل داك الخاطر والاحترااام والمعزة اللي عاطيها وماشي راجل بغات تشوفوو شمااتة هاهو غيتولاها يندمها على نهار اللي قالت فيه ديك الكلمة..معارفاهش اش كيسوا راه غير كيهز العين ويحطها غير يساايس ويسايس ويشد الخااطر نهار كينوض كينوض خطرة وحدة خليها..
الحاج : داكشي اللي قلت لييك غضبتو خايبة وماجاب مايرجعو للطريق خبينا نشوفوه اشنو غيدير ماتفتي عليه ماتشكي علييك خليه منو لشغلو انا غنجيبو يتغدا بزز هنا نشوف اش تحت رااسو ماكيعجبنيش سكاتو ماخلات لينا فين نهضرو كون غير خبات مشكلتها معاك غير نتي مزال فيها سلاك ملي جبداتو على فمها وقللات عليه الحيى مابقى ليا فين ندوي عليها….انا غنمشي للبيت الحاجة سيطفي ليا داك البراد ووجدي لغدا للسيد جاي(خرج مشى وخديجة دخلات كتجري )
الحاجة: قليلة الترابي ماحتارمتنيش لا انا لا الحاج قد باها ولا رااجلها اش باقة نتسنى منها..زربنا اخديجة زربنا..زربت على ولدي وندمت قلت قارية ووااعية وبنت الاصل هنا نبات ساعة خسارة…
خديجة: اخالتي را كاينيين اللي ماقارياتش وتلقايهم بنات الاصل وواعيات وبعقلهم
الحاجة: زربنا ابنتي زربنا…مالو باقي عليه الحال اش داه لشي زواج زربت يابنيتي زربت علييه..
خديجة : الله يديير اللي فيها الخير الحاجة محمد ولد ناس مايستاهلهاش موحال كاع واش يرجعها بقات تما عند مها
الحاجة شيرات بايديها طاالع ليها الزعاااف: خليها عند مها اش بغيتها على الله ياااودي يحيدها علييه مانبغيش الطلاق لتا بنت نااس وليني اللي تقلل عليا وعلى ولدي الاحترام ماعندي ماندير بيها انا كاع مطلقة وعمري جبدت عكوزتي لولا بالعيب لحد الان ماخلاو ماداارو فيا اودي بنات الناس قلالات قلالات..
خديحة:صافي الحاجة حتى نتي ماديريش فباالك دابا يطلع ليك السكر بسبابها خليها ضبر راسها باقي يجيب ماحسن منها مالها غير هي اللي كاينة..
الحاجة :ولاهيلا…
خديحة: انا بغييت ليه غير شي وحدة بحال اسماء والله الحاجة حتى بنت ناس ديك البنت وعزييزة عليها نتي تفاهمي معاها واخا مسكينة مرضات ومطلقة ماشي دياال راسها
الحاحة: مطلقة ماشي عيب ابنتي واااه مالها كرهات فيه بالحق محمد راه باغيهاا قارية وبعقلها تفااهم معاه اما اسماء مكتبانش ليا قارية مسكيينة تزوجت صغييييرة عطاتها غير للخدمة هو راه باغي قااارية وشبعانة قراية بحالو..
خديجة :احياني عليك الحاجة هههه ياك كنتي تقولي كون كان عندي ولد اخر ناخدها ليه ههههه
الحاجة: اييه ولد اخر ماشي محمد….(بتفكير قالت برفض) لا لا مااشي دياال محمد لا…وهي بنت ناس الكدوب على الله حرام وليني راه كانت مع صاحبو اش جاب هادي لهاديك
خديجة : الله يا الحاجة المرة لولا راك نتي اختاريتيها لييه نهار يطيح حبو على شي وحدة ماغيعقل عليك لا نتي لا واحد اخر ههههه
الحاجة : الله يقل حياااك سكتي هه انا راه مانبغييش الطلاق لتا بنت ناس وتاولدي مابغيتوش يطلق وليني مرتو ماعندهاش العقل والو خليهاا ترد عقلها فدار مها حتى تعرف اش كديير وديك ساعة يضبر راسو معاها يرجعها ولا يطلقها انا مانقول لييه تا كلمة..
فالدار عند اسماء…
تحل باب دار ودخلات كنزة فايديها تسنييم هاد الاخير اللي دخلات لبنت اسماء كتجري تلاحت عليها كتبكي بحالا ماشي هي اللي كانت كضحك وهي طاية فالطريق واسماء شاداها فحضنها كتقلب وتفلي فيها وتسول اشنو ضارها واللي مضارهااش وهي كتسمع لشكاها..حتى دخلات عليهم كنزة كتحيد فالجلااية الحاجة تابعاها..
كنزة: برااكة من البكى البوحاطية مافيك والو غير تحردااات مع الحجر رااه شفت الجراحي قلبيهم مافيهم والو
اسماء : مابغاش يبعد منها كون غير نحيدوها من ديك المدرسة ماعندها ماديير بيها..كيضرك هنا اماما
تسنيم: ااه وكيضرني راسي..
اسماء: انشووف.. غير البانضة مزير عليك(حيدااتها ليها وطلقات ليها ضعرها كتمشطو بصباعها)
كنزة راه حولتها من داك القسم صافي ماباقيش يضور بيها غيير جا من ناس معرفة مانتفاكش معاهم ليوم والوليد صغير معارفش وكيبكي مسيكيين غير ضد دايرها ليهم هي ماحاملاه وهو ماحاملهاش…
اسماء: بجوج بيهم ماعندهمش العقل ولكن يدويو معاه يبعد منها ولاا يتبرااو فواليديه..ماتبقايش تبكي اكبييدة صافي مافييك والو تخلع ت علييك غير جريحات صغيورة غنبوسهم غدا ويطيرو لييك…ماما ديالي زويينة غنديها تساافر ونشري ليها اللي بغاااات ( بااست جبينها وتسنيم تكات راسها على كتف اسماء كتصنت لكلامها الحنيين وتحسس قبلاتها على جبينها )
كنزة تسرحات حداها مبسمة : ايواا اختي كنا جاين صحة سلااام…ماحاسة ما ضانة حتى لقيت راسي جايين فيا الخطاب…
الحاجة : عوتاني فيين…هه يسحابلهم واقفين على مراة د الدار والو يابنيتي ضربتييهم على الشغى تبصم عليها
كنزة : سيري تصلي اما المغرب كيأدن سيري
الحاجة : شكون هدا تاني…
اسماء: بهاد الحاااالة متأكدة ؟
منوة: والله ياختي حتى داوية بصح…
الحاجة: ايوا كنعرفوه كيعرفنا خداام قاري اش كيدير
كنزة:خداام وقاااري ولباسون علييه وكنعرفو وكيعرفني..
اسماء : عمرك دويتي ليا علييه ياااك
كنزة: انا كنت نااسياااه راه من نهار جيت من اكادير ما تفكرتو حتى تلاقيت معاه ليوم وجاني نيشان قاليا باغي نجي لداركم
الحاجة: فاش خدام هذا
كنزة: ماعرفتش اماما مهم لباس عليه النوع اللي كيعجبك غير كوني هانية خدام بدار وبطوموبيل وعندو اوطيل
اسماء : هدااك (نغزااتها كنزة وهي تسكت كضحك)
الحاجة: تباارك الله ايوا ايلا كان ولد الناس مرحبا بييه ما الفلوس راك هازة رااسك وقادة بجيبك ماتسنايهش يصرف علييك ارا يكون غير معقول وبعقلو وولد ناس ما الباقي ليه السلاك..
اسماء: اهاه وباش رديتي علييه…اويلي كي غنديرو لخطبة ناري اماما دار خاصها تعاود تفرش داك الفراش حالتو ايلا جاو ناس فين غيجلسو…
الحاجة:حتى الترية غنبدلها طاح نصها ضرباتها ليا بنت عمتك بالعصى عطيتها تشطب رزاتني فخمسين الف ينعلها قعييدة..بقات فالضفران قد نسر جات تعنق بااك تواسييه ولات عامية ليه العين غادي ويضهسس بعين وحدة
ضحكااات اسماء على كلام مها وكنزة غير كتبقلل فيهم..
اسماء : كون غير تآجلو الخطبة غيير شوية نولي حتى انا شوية اويلي غنحضر هكا شوفي خالتي كيداايرا غنخلعهم ماتعرضي على تاحد اماما تعقلي فخبطتي حضرتي العائلة كاملة ماقاو عارفين واش عرس ولا خطبة تاحد مايغحضر فيها براكة غير حنا
الحاجة : والواااه بحال عماتك وخالواتك مرحبا بييهم يجي ماعندنا حد من غييرهم نشوفو نييت ولد خالتك داك تريتور يجيب لينا كلشي واجد من عندو مانبقاوش نطيحو ونوضو ندير البسيطلة زويينة حسن من دجاج قالت ليك راجل لباس الحلوة تصاوبها غير اسماء كتعرف لييه مانجيوها من عند تاحد
اسماء بحماس : لا لا نصاوبها انا كتطلع ليا فايدي زوييينة كنزة راك خااصك تسيفطي قفطانك للملصوح ولا كري وااحد جديييد لي يلاه خرجو هااد العاام غزااالين ما نتي اماما لبسي غير قفيطين بيييض كيجي معاك كيعطيك الهييبة..يااك اكنزة..
كنزة: ممم ايييه سالييتو…وجدتو الخطبة…ايوا برزو فيها نتوما انا مامجوجاااااش..
اسماء: ناري اكنزة ماتقوليش ليا دوتي معاه هكا
الحاجة :راه دييرها خضرة يابنيتي ولسااانك خارج عليييك…
كنزة: ماجوبتوش وماقلت لييه والو وحتى هو ماكركش عليا قاليا عطيني نمرة باك زيرني ماقدرت نقول ليه والو وعطيتها ليه ماغنبقى لا نهضر معاه لا نجاوبو ايلا كان بصح عينو فالمعقول راه نمرة بابا عندو شي حاجة اخرى ماعندي ماندييير بيها واصلا بابا مايزوجنيش حتى يشوفني وااش قابلة وانا مزال ماافكرتش
الحاجة : ممم باك غير يصيق ليه الخبار لباس علييه يولي يضحك تا تعاود طلع ليه ضرسة العقل..عاد يتسوق ليك نتي واش باغة ولا لا
اسماء : راه غيير دايرة عزة تفشي قالا ماباغهش راه من عينييك باينة غطيري بالفرحة ودافعة علينا كبيير..
سكتات كنزة غيير كتشوف فيهم بتخمام واسماء والحاجة بحماس كيريبو ويبنيو حتى ناضت الحاجة تصلي بقاو هوما..
كنزة :عرفتي شكون
اسماء: اللي على بالي وبالك ههه
كنزة: اااه هههه ع نهار كنا فاكادير قلت ليك واحد تبعني بالطوموبيل ملي خرجت انا وتسنيم…داك الراجل اللي كنت فليل كنقول ليك نازلة نتعشى معاه عقلتي علييه..
اسماء : ويه عرفتو هادااك الللي خدام فالوطييل
كنزة: اشمن خدام فييه راه مولاه..
اسماء : يااك اللي كنتي قلتي ليا شي شيباني اخر هذاا ؟
كنزة:وييه صغييير وهو مول الشي..راه ماشي ضروري يكون شارف باش يكون لبااس علييه را داكشي كيجي من الجدر باه اللي لباس عليه راه معروووف عندو وزينات ديال زيت العود حتى داك الاوطيل راه تابع لجدو ولكن الورث كيبقي ليه بحال عماد حتى هو واخدو غير ورث..
اسماء: هادشي قالو لييك هو فيين تلاقتي معاه بعدا
كنزة:ماقالش ليا هو رااه انا فهمتو بااينة …صدق هو خال سلطان كنت محيحة فالادارة غير شفتو صقلت تصدمت وحتى هو تصدم..
تحل الباب وطلات عليهم تلحاجة وهو يصقلو كيضور فعينيهم وهي كتشوف فيهم وتخمم بالعباية ديال الصلاة والتقاشر والزييف تالفة…
الحاجة:ماعرفتش واش نعيط على عمتك رشيدة ولا لا جات عند اسما تشوفها مرة وحدة موحال واش نعرض عليها من داك نهار مابقات سولت عليها
كنزة علات صوتها بقلة صبر : سيري اماما تصلي
اسماء: حسبي حتى الحاجة اماما عرضات عليا فخطبة محمد ولدها حشومة مانعيطوش عليهااا..
الحاجة : ايوا حتى للعرس ايلا كتاب انشاء الله نعيطو عليها هي والحاج وحتى ديك المراة خديجة
اسماء: لا اماما لاا عيطات عليا هي فالخطبة ماشي العرس مافيها باس نعيطو ليها من الصوااب ديك الساعة ايلا جات مرحبا ماجاتش حتى هي مرحبا
كنزة:زايدة ليها فييه تانتي
اسماء : واش مابغاش ديري دارك وتزوجي هبييلة نتيا دجاجة بكامونها جات حتى لايديك وباغة ضيعيها
كنزة: واسما قالت ليا ناوي يجي هاد السيمانة باغي يزرب الخطبة والزواج خلعني هذاا باغي يزرب عليا علم الله اشنو كيضور فرااسو..
اسماء : شوفي الخطبة ماشي مشكل كتبقى غير خاتم راكب فصبعك وقتما طلع ليك دم حيديه خليه يجي ايلا كان بصح ناوي يخطبك تعارفو ديك ساة تاتشبعو من بعضياتكم..
كنزة بتمرد: وايلا زرب عليا وانا باغة نسافر معاك للامارات مابغاش نتزوج دابا وماباغاش نضيعو وندم تلفت هادا جاني نيشان دوخني
اسماء : بقات ليا غير الامارات دابا نتي لولااا اويلي ختي بحال والو تزوج وباقة نفكر فشي امارااات ههههه
كنزة : بحال والو هاد سيمانة نسيقط البنات لهيييه غنجمعهم فاكادير بحال كل عام كنجمعهم تما عاد كنسيفطهم ايلا جا قبل هي هاديك ماجاش ماغنتسناهش اجي يلاه معايا نسيط البنات فليلة وحدة ونشوفو اشنو نديرو تما نييت ولا نمشيو لشي بلاصة اخرى..
اسماء: تا لتما ويحن الله قولي ليا بعدا…قولي الصراحة واش عجبك باغاه..
كنزة: وااخلعني ماشي معجبنييش زويين صراحة وخدام وقاري بعقلو ماشي برهوش فيه ضحك بزااااف ضحوكي بلا قياس ماشي معقد وقارن حجبانو لا بالعكس عجبني ولكن زرب عليا دقة والحين قاليا الزوااج دخت….بالتلفة لقيت راسي عاطياه نمرة بابا اويلي على شووهة..وملي قلت ليه بحال والو نجي لاكادير قالياا ايلا ماجيتيش للاوطيل نتخاصم معاك حصلة معاه والله العضيم..
اياام كتمشي وتجي وعكس ما توقعات كنزة اللي ماكانتش مدخلة عماد فراسها بشكل كبييير ولكن حكم توقعاتها فالنهار اللي جا عبد المتقي من باب الزنقة كيضحك وعلمهم بالخطاب اللي جايين فكنزة…فرحو وزغرتو وكأنه عمر الحزن ما كااان فالدااار الحيحة الحاجة كتجري من جيه لجيه توجد لخطبة بنتها وتم على اكمل وجه واسماء غير جالسة وكتفتي…مرة مرة كتوقف تمش وتجي فالبييت وترجع تجلس عياااانة ولكن الفرحة مخلياهاا متحمسة باغة غير امتى توقف على رجليها وتمشي وتجي فالدار كيف كانت قبل وفعلاا وصلات لهدفها وولات حتى هي كتحرك معاهم شوية فحيين كنزة بالها مشغول غير مع البنات اللي طلعو للامارااات حتى وصلاتها خبارهم دهند اللي مابقاتش كتجاوب على اتصاالاتها ماعرفاتها واش واقعة ليها شي حاجة ولاا قاطعة عليهم ومابقاتش باغة تمشي…مابيها لا خطبة ولا جوج مشغولة مع رزق البنات اللي عندها مادااقت الرااحة حتى جلساتهم فاكادير ووصات عليهم وطمناتهم عليها بقات ليها غير هند كل مرة كتسول وتبحت عليها واش عليها شي خبار …
فحيين محمد كيف قال الحاج غضبتو خاايبة وانعاكسات عليهم حتى هوما غير عاقد حجباانو وحتى حاجة ماكتحلى فعنييه غير كيضور ويسوط على سببة والحاجة شادة بخاطرو من داك نهار مابقات جبدات ليه لا اسراء ولا عائلتها وحتى هو ماكيهضرش عليهم ولا عليها بحالا عمروو تزوج..
كيف بااقي الايام جالس فالمكتب دياالو حتى دقات عليه الفرملية ودخلات باستفساار شادى واحد البرية فايديها…
رانيا: دكتور..
محمد علا فيها عينييه وهي مدات ليه البرية..
رانيا : جات باسمك ادكتور ماعرفتش عطاوها ليا على برا جبتها لييك
محمد : من امتى هادشي كيوصل لعندي هنا…
رانيا:ماعرفتش ادكتور يمكن شي حد عارفك كتكون فالكلينييك وسيفطها لييه ليك هنا…
محمد:داكوغ..
حركات راسها وخرجات وهو بعد عليه كلافي دالبيسي وتكى بضهرو على الكرسي كيتنننهد وبدا كيحل فديك البرية باستغراااب حتى فتحها كااملة ورجع تنهههد مرة اخرى بنفس مسموعة كيقرا فديك البرية وملامحو تدريجيا كيتغيرو معاها مزال ماكملها وهو يصوني تيليفونو هزو لقاه بنمرة اسرااء وهو يدوز الخط ديك الساعة وهي بدون مقدمات قالت..
اسراء : وصلاتك شي حاجة ؟
محمد: هاهي قداامي..اشنو معنى هادشي !
اسراء : معناه واااضح امحمد عفاك خود الامر بجدية مابغييت هادشي يطول كثر من هكا…كيف تلاقينا باحتراام نحبسو هاد العلاقة باحترام مابغيتش نزيد نغلط فيك ولا تغلط فيا كثر ..نخلييك نهارك مبروك..(قططعات عليه وضارت عند ختها ومها اللي واقفين عند رااسها)
اسراء: ماعحبووش الحاال بااينة يلاه كيقرا فيها
الاخت : يسحابلييه كنلعبو هنا خليه باش يعرف بقيمتك ماشي مدلولة نشوفوه داباا ملي شاف راسو وصلو استدعاء الطلااق فالمحكمة اشنو غيدير واش غيبقى دافع عليك كبييير
اسراء : عندااك غير يديرها بصح فعوض مايعرف بقييمتي يمشي يديرها بصح ويطلقني..
رقية: ايوا صافي ايلا مكانش عارف بقيمتك ماعندك ماديري بييه ايلا مشى هو يجيو عشرة اللي باغينك مايتحسووش بالارقام اما حسن يعرف بقيمتك ويرجعك بعززك ولا ترجعي ليه مدلوولة وماعندك نفس ..ديري نفسك على رااسك كيف خواتااتك شوفي داباا رجالاتهم كيف كيموتو عليهم كيمشيوهم على صباع ايدييهم تبعي اشنو كنقول وكيقولو لييك …
اسراء : انا ماحسابلييش غيقلب عليا قلبة وحدة عمرو حتى سول فالتيليفون ..
رقية: غيجي كيجري على حسابي ماشي اول واحد كنرجعو لطريق على ايدي سمعي لماماك احبية عارفة مصلااحتك كيفما حررت خواتاتك حتى نتي غتحرري نتي وراجلك واول مايجي اول حاجة طلبيها هي دارك وبوحدك ياك عندو دارو علاش مزال شادك فدار مو وايلا مابغاش طريق السلاامة انا ماسخاياش عليا بقاي غير قدامي نشوف فيك حسن لياا..
اسراء: مابغييتش نطلق اماما..
رقية: يكوون خير احبيبة يكون خير..نعسي شووية راك فايقة بكري حيدي هادشي من رااسك واراتاحي تبعي كلامي انا عارفة اشنو كندير..
حركات ليها راسها بايجاب وتخشات ففراشها وهي رمات عليها الغطى وخلاتها كترتاح وسط سريرها الحريري وخرجات سدات عليها الباااب غير حطات راسها على المخدة نعسااات ماحسات براسها حتى تخطفااات على شي حركااات كيفيقو فيها ناضت مفزووعة كتحك فعينيهاا..
اسراء: مالكي ا لميااء خلعيتيني..ففف شعلي ضو
لمياء: رااجلك جا… نوضي النعاسة نوضي هههه
عند كنزة جالسة فالبييت قدام المراية والكوافورة صاحبتها عند راسها كتجبد فشعرها حتى كتغوت عليهاا محروقة وترجع تاني تنفخ على ضفاارها بااش ينشفو
الكوافورة : صبري شويا حمقيتيني من صباح ونتي ترطاي زكاي شوية..
كنزة: جلدتي شمييت رييحتها شويتيها لياا كون مشييت عند شي كوافور حسن ليا جبتك تعلمي فيا واقيلا..
دخلات عليها تسنييم نيفها وفمها كلها مجلخة بالشكلاااط كتضور عينيها علييهم بكسيوة حمرة وشعر وااقف كي شمس بوكلي ماجات فين تقييصها وهي تغوت….
كنزة: ااااععع القفطان البيييض..
تسنيم جمعات ايديها عندها حالة عينيها بصدمة وقالت ببرااءة: زويين
كنزة باست خدودها حتى مسحات فيها العكس كامل: تانتي زوينة لكبيدة مي ماتقيصيهش ليا غيخسر لخالتو ومايبقاش زويين
الكوافورة: هاد الفنشوكة شحال كيوت
تسنيم: ديري ليا بحالك هنايا (حطات ايديها على فمها بمعنى العكر)
كنزة: تاتكبري اخالتو ونشري لبنتي باليزة ديال الماكياااج ديري تاتشبعي دابا باقة صغيرة
تسنيم: لا ديري لياا دابا بحاالك نولي حتى انا زوينة
كنزة : مغيااارة هههه زيدي نشوف اجي تمسحي فمك بعدا عركّتيها حلوة لدوك سنينات السوسة غتولي تلعب عندك قاشقاش تما
بدات كتعكر ليها وهي تدخل عليهم اسماء دغيا حيدات العكر وخبات لتسنيم وجهها وهي خرجات مارداتش ليها كاع اسماء البال وجات جلسات بشوية قدام كنزة مكمدة ايديها قداامها بملامح جاافة كتشوف فيها..
كنزة: ماالكي
اسماء: هضرت مع الحاجة قلت ليها وااش جاية
كنزة: اهااه
اسماء: لقيتها شادة طرييق عند داار مرت ولدها غضباانة من شحاال هدا
كنزة: بصاح وعلاش مالهم..
اسماء: كتعاود ليا مسكينة كلها كتغلي صوتها بح بالغوااات قالتليا مصيفطة ليه استدعاء دالطلاق لكلينييك وهو ناض مشى عندها لدارهم وهوما تبعوه لعندها..
كنزة : ياربي السلااامة بلحق غير ملي الحاجة كتغوت عرفي مرت ولدها مادرتش فيهاا زيينة خليها سرها انا ماكنحملش اللي كتعدا على العكايزاات الدرويشات بحال الحاجة طيبة ديك السيدة..
اسماء: هادشي مافيهش اللعب راه واقفين على الطلاق اكنزة حشومة ماتشفايش فيها…الطلاق صعييب اختي والله العضيم ماتمنايه لتاوحدة خاصة علينا حنا العيالات
كنزة: حتى الحاجة درويشة علم الله اش واقع بيناتهم هي مادياالش الصداع ونتي قلتي معصبة من هضرتها علم الله بحالتها..كلشي واجد ياااك يلاه يسفط ليا ميساج جايين فالطريق كلي كنترعد
اسماء :هادي غير مامتأكدااش وشوف اش واقع ليك نهار تولي تبغي علم الله اش غديري ههه
—————
يلاه تكعداات اسرااء كتستوعب اشنو كتقول ليها ختها حتى تحل عليهم البااب وبانت منو رقية بحالا حالاه لشي حد غير وسعاتو شوية وهو يبان محمممد خرجات لميااء كتجري وبعداات خلاتو دااخل صااخط ماكيشووفش قدامو بالغضب ووقف علييها هااز البرية فايدييه
محمد: اااش هادشي ؟
اسراء ببرودة مصكنعة: بااين اشنو فيه…(بلعات ريقها)و ورقة دالطلااق
محمد بحدة عقد حجبانو : هاادشي اللي قدرتي ديري صافي !.. انا كنتسناك تعرفي خطأك وتحاولي تصلحيه كتزييد تغرقي فيييه..ااش كيضور فرااسك بهاد الورقة غتمشيني على كييفك ولا شنو
اسراء : محمد انا ماقصدت بيها والو وقصدي واضح…شحال وانا فداارنا قول عمرك شغلتي رااسك وسيفطتي حتى ميساج ولا ابيل وسولتي فيا ماعاطينبيش قيييمة بحال شي قطة كنتي مربيها فدارك وغضبات وخرجات ولحتيها ماتصدمش دابا ايلا قلت لييك طلقني وماكنتسناش منك توافق ولا ترفض حيت باين غير من قلة اهتمامك الجواب..
محمد قرب لبها البرية لوجهها مغدد : الطلاق ماكيينش حيدييه من بالك ايلاا غلطتي غترباي على غلطك تاترجعي لطرييق على خاطرك مازرباانش بشويا عليك راك عارفة اشنو كاين تاحد ماكيبان ليا قدام الوالدة ايلا ليها خط حمر ماغندوييش على راسي حسابي معااك على قلة تراابي اللي درتي قدام عائلتك من بعد… الوااالدة تحتارميها بزز ولا بالخاااطر
اسراء:الحاجة عليا بالتيقار كنقولها ونعاودها كنحتاارمهاا ولكن باش نعيشو مجموعين فدار وحدة مستحييل نقبل بيها مزاال حيت لا هي قابلة بكلامي وبافعالي اللي كيجيوها بيزاغ رغم انهم عاديين ولا انا نقدر نقبل يتحكم فيا شي حد ويبدل القاعدة اللي كبرت عليها, الحاجة كتفرض عليا ندير شي حوايج انا عمري شفتهم ولا كبرت فيهم..راك عارفني اشنو كانقصد انا مااكنطلب والو ومابغيت واالو واش حتى بيتي امحمد كيدخلو لياا فيه ولات خديجة كدير فيه مابغات كثر مني الخصوصية ماعنديييش ابدا بيتي بحال الصالة الصغيرة اللي جا كيدخل لييه مايمكنش ليا نصبر مستحييل..
محمد علا حجياانو لفوق : اهاه وشنو المعمول دابا الطلاق ماكيين غير حيديه من باالك عطيني الحل قولي كنسمع ااش عندك !!
اسراء : بابا لي غيهضر معاكم وهو عارف مصلاحتي كثر منيي انا كلمة وحدة اللي عندي مستحيل نعيش مع واحد اخر من غيرك حيت نتا راجلي وكنحتارمك وكنحتاارم قراراتك علياا ولكن واحد اااخر لا وسمح لياا…
محمد : يعني ؟
اسراء برسعة قلبات وحهها ونطقات بصرامة.. : بغيت داري بوحدي..
محمد باستهزاء ضحك : المحكمة حسن…
عطاها بالهضر وخرج خلاها كتشووف بصدمة متبعاه بعينيهاا…!
دفع الباااب خرج وسدو عليهاا خلااها مصمرة مصدومة فيييه يلاه هز عينييه عاقدهم كيفور بالغضب لقى باها فوجهه بالكوستييم باينة فيه راجل كبير بعقلو وتقييل قارن حجبانو بحال محمد بصرااامة..
الاب : ااش هادشي امحمد هذا علاش عطيتها ليك نهار لول تسيفطها لياا فهاد الحاالة!
محمد بصراامة : الحالة دارتها لرااسها تاحد مدارها ليها
الاب : شووف اولدي محمد الله يرضي عليييك بنتي ماعطيتهاش ليك تحطها ديكور عندك فالدااار ماتسيق ليها خباار ماتعرف ااش بيها ايلا غلطات نتا خاصك توريها غلطها ماشي حتى يبان لافوت وتلومها..
محمد : شوف اس عبد الكرييم بنتك على خااطرهاا جات لدارهم ماسيفطتهاش وماشديتهاش بزز منها حتى دابا ايلا بغات ترجع تاحد ماجرى عليها طلب السماحة من الوااليدة على الباطل اللي حطات عليها
الاب : الغاالط اللي يطلب السماحة اولدي وبنتي ماغلطاات فحق تاااحد اسراء كنعرفها بنتي ومربيها على ايدي ماكظلم حد ماطيح الياطل على حد مها ومك اللي خرجو عليها وايلا ماكنتيش اولدي قادر بيها خليها ف دار واليديها حسن ليها ماعندها ماترجع دير
محمد بصرامة اكثر : اللي بان ليك اسي عبد الكريم ديرو مابززتش عليها الزواج مابززت عليها الرجوع فين لقات راحتها الله يهنيها…
الاب : ياك اسيدي..ماقلتي عيب المحكمة راه جمييع كنعرفوها
محمد جا خارج وهو يحبسو بااه : الله يهنييك…
الحاج : نعل الشيطااان اسي عبد الكرييم ماعرفناكش هكا خليها نجلسو ونتفاهمو ايلا غلطو الصغار نديرو حنا عقلنا ونصحوه
الحاجة : مااقال ليها تا كلمة دالعيب البنية غلطات تطلب سمااحة وتصغر عقلهاا لا طلعات هي لسما وطلع هو اش جاب ماينزلهم تطلبها منو غير هوو الي قللات عليه الاحترام اما اناا مانديش عليهاا…
رقية : اللي غلط يطلب السماااحة الحاجة وبنتي ماقالت تا كلمة دالعيب حتى هي قالت غا لي ضاراها فخاطرها كل ونيتو عالم بيها الله…الله يخلص كل وااحد على قد نيتو
الحاجة : ايلا كانت فنيتي نأديهاا الله يطيرني على وليداتي و وليدي اللي مكاين ماعز ليا منو ايلا ماتقتوش هااد الكلمة ماعندي ماندير ليكم هداا هو الجههههد
الحاج : الله يهديييكم مافيها باس تا دابا ماوقع والو اسيدي حنا نطلبو السماحة وهي تطلب السماحة ونجمعو الموضوع ونطويوه ااش بغينا اسيدي بهاد الصداااع خليو الما منيين يدوز
رقية : الحاج الله يجازيك بالخير مابغينا سماحة ولا جوج بنتي تنفارد براجلها خير ليها ولينا ولييكم يدير ليها دارها بووحدها ربي ماخلق الريوس مفارقة ايلا باش ترتاح
الحاجة ضربات يدي مع يد :دارها بوحدها ايواا خياار انا جايبة اللي تونسيني ولات غتفرق ليا دار ولديي
محمد : اسي عبد الكرييم نهار لول حطينا النقاط على الحروف وقلت ليكك مرتي مع دارنا غتسكن قبلات مرحباا ماقبلتاتش الله يسهل اللي بغى راحة البال راه كيخلقها بنفسوو ماكيتسناش الدار ديرها ليه
رقية : شكون هاد الوقت اللي بااقي معيش مرتو مع واالدييه فين عمر شي بنت المراة تفاهمت مع العكوزة واخا تكون العكوزة نحلة ومرت الولد عسل مايتفاهمو مابقى حد لاقي راحة الباال مع عيشة الوليدين الرااجل ومابقاش الرااجل اللي يعيش مرتو مع والديه ايلا بارد الكتااف اللي مالقى ليها جهد..
محمد علا حجبااانو مشافش فيها : الله يهنييك اسي عبد الكريم
طلع معاها راجلها عبد الكريم التغوبيييشة حتى صقلات كضور فعينيها ماحسات برااسها حتى قاالتهاا ومحمد مسح على وجهو بغضب شديييد شاد نفسو بزز ولا كيترعد مزااد حتى كلللمة وخرررج محمر من عندهم نيشاان لطوموبييلتو والحاجة والحاج تابعينو جا يحل الباب وهوما يبانو ليه غيطلعو حدااه تنهد باغي يبقى بوحدو وطلع وهوما ورااه صاااق بسررعة مسافة طرييق وهوما سااكتين كيشوفو فييه معصب كل مرة كيخرج فشي حد تا كيبغي يخرج ليه من شرجم يسبوو ويرجع كيتنفس بسرعة سااخط والحاجة لساانها واكلها تا كتبغي تهضر وترااجع فاخر لحضة ماقدراتش تزيد تصبر
الحاجة : شووف اولدي تا داباا ماوقع واالو مديرش فبالك الله يعاونها مزاال تمنااك الف وحدة والمخير فالبناات نجييبها لييك
محمد بحدة : كتقلبي تجيبيي ليا شي مصيييبة اخرى لوااليدة ولا شنو سكتي غير سكتي تا كتغرقيني وتولي تفتيي عليا..ماكاينة لا هي لا غيرها طلاق برب لا كان لييهااا نتسب ونتعاير ويتحط علييك الباطل ونزيد من لفووق نعطي الملاااين ديال التعويض كيطيحو عليا من السمااء اناا
الحاجة : ءء كيفاش
الحاج : ايلا طلقها غطلب التعوييض وايلا طلباتو على حسب خدمتو والعقار اللي عندو مشات لشي خمسة ولا ستة دالمليون…
الحاجة: اويليي وحدي على خمسة علاش جاتهاا…
محمد : باغة الرجوع بالشروط تانا باغي الطلاق بالشروط برب شي ريال لا داتو يااك انا بارد الكتاااف…كنتسب قداام والديااا ..ماشي راجل بارد الكتاااف بررب لديك الدار لا رجعات خليها عندهم… ااش طلعني كاع من هاد زواااج انا بنااقص من اصل مو درت الخاطر تاعيييت بقيت انا بلا بيه برب العالي لا رجعااات واخا تجييب جدي من القبر يطلبني لا دخلات لديك داار…
جات تهضر الحاجة وهو يحبسها الحاج خرج فيها عينيها حتى تكمشات ورجعات لور كتصنت لييه ماعرفاتو اشنو كيقول وهو كيسب تحت فمو مامسمعش ليهم ماتسرطش لييه لا كلام مها لا كلام باها ضلامت فعينييه مابقات كاتبان ليه لا هيا لاا غيييرها حاقد على الزواج وبفعايلهم كملولييه الباقي ماغفر ليهم الدنوب حتى وقفهم عند الباااب خلاهم خرجو مشاو وكمل طريقو هو زااد..
مدة طويييلة مرااات والسماء تغير لونها ب الليل ونجومو..
كانت اسمااء واقفة فباب البيت دياالها كتطل على الناس داخليين للصالة حطات عينيها على عماد بلباس رسمي دااخل بسروال دجين زرق وشعى ممشوط لور والصبرديلة بييييضة نقية كيشعل والمكانة فايدبيه كحلة وسنسلة نقرية فعنقو عالي وطويل مهياااب ومو موراه وخواتاتو…
اسماء :غزااال ياختي تبارك الله باينة فييه ضحوكي من للبااب داخل كيضحك تقولي ماشي عرييس
كنزة:ممم انا حسن منو
اسناء:نتي حسن منو يا لاالة غير هنينا
خرجات العمة من الطواليط لقاتهم لايحين عينيهم للصالة كيبركو دوات تاقفزاتهم
عمة : عيييب العيوووب تطلي على الراجل قبل ما يعطو علييك دخلي تجلسي خلي اسماء تخرج تسلم على النااس…
اسماء:انا خارجة اعمتي..
مشات العمة عند ناس دخلات تسلم عاد خرجات اسماء بقفطان جوهرة بيج مطرووز من جيهة الصدر وعريض عليها شوية مع الضعف بقات غي فورمتها مرسومة بلا غلض ولات كتبان صغر من عمرهاا بسنواااات…وزييف داير على رااسها مابقا عندها باش تعري الشعر اللي مابقاش اصلاا متفتفة على وجها شوية وخرجات شادة فتسنييم عندهم..يلاه دخلات وهي تشوف تسنيم سلطان جالس فحضن مو وهي تحميها للغوااات كتبكي وجرات اسمااء
تسنيم: قوليه يمشي بحالو كيضربني هو اللي كيضربني قولي لييه يمشي بحالو من دارنا
اسماء:حشومة اماماا عيب
مارضااش سلطان تخشى فصدر ماماه كيبكي وهي كطبطب ليه والعائلة كضحك علييهم دخلات اسماء شادة بخاطرهاا سلمات عليهم كاملين وجلساات معااهم وتسنيم فحضنها عاطيا للتخنيزر فسلطان والحاجة وعبد المتقي فرحااااان بيهم كيرحب بييهم ويعاااود والدنيا نقيا وكتشعل الترية جدييدة مضوية علييهم والفرااش بدم الغزااال احمر مخيط بالنقري ااخر مادااير فسوق الطلامط والبلازما فالحيط والطبلة سطحها زجاااجي وهي خشبيية..
تفاهومو مع بعضباتهم والعقول مشاابهة والقلوب ارتااحت لا عائلة العروسة ولا عائلة العرييس اللي واخدين راحتهم وبكل عفوية وتوااضع كيهضر ويجمعو مابااين فيهم كاع من لا عياقة ولا بخ عكس ما كيبات لييهم من بعييد المضاهر خدااعة والحاجة حكمات عليهم من عن الباااب لكن تعسكات صورتهم عندها ضحكات حتى بانت ليها ضرسة النقرة اللي عاد ناوية تركبها….وحتى العكوزة فرحاانة وعاحبينها نساابها ضحكات وقالت ..
الام : ايوا جيبو لينا عروستنا نشوفوها
اخت العريس وخالة سلطان ماشي الام ديالو اللي ديجا تناقشت مع كنزة هاد الاخيرة كانت جالسة شادة ولدها عندها كضور فعينيعا بلا هضرة يلا كلام..
الاخت: عطيوني الالة ديالنا نديوها ونشميو فحاالنا هه
ضحكو معاها وهي كضحك فرحانة بخوها زوينة ومسراارة خالقة جو زوين بيناتهم …
الحلجة: مرحبا الله ياودي مرحبا البنت بنتكم..
ناضت الحاجة هي تجيب بنتها ماكرهاش اسماء حتى هبي تنووض ولكن الحاجة كتمنعها تبقى غاداا جااية وهي خطاويها مزال ماحاكماش فييهم..
اسماء: هادا هو الخوينز اللي ديما مسيفط ليا بنتي بالبكى….علاش كضربها مم اشنو كددير ليك
سلطان حشمان : هي كتشكي بيا عند لامتخيييس
تسنيم: كدااب كديير البسالات سي فحاالك
اسماء: تسنيييم حشومة ماكنجريوش على الضياف خووك زوين ماتقوليش لييه هكااك..تصاالحو يلاه تصالحو نشوف..اخر مرة ضاربو مع بعضيااتم بالعكس نتا البطل حامي عليها وماتخلي حتى حد يضربها ونتي ماتشكيش بيه للمعلمة حشومة ابنتي…
قلباات تسنيم وجهها وهو كثر منو ..
اسماء: يلااه تسنييم( شافت فام سلطان اللي كطل فيها بنص عين وضحكات) بان لييا شي مسلسل جدبييد جاي داكشي ديال اول الحب عداوة ههه
الام بابتسامة هادئة : ههه بالعكس ماكين لا عداوة لاوالو عزيزة علييه كيجي للدار ويقول ليا تسنيم شكات بيا ل لاميتخيس وهو كيبكي وهي كتقول ضربني مابقينا عارفين شكون اللي ضالم…يلاه احبيبي تصالح مع ختك حشومة شوف زويينة وماماها زوينة مانبقاوش مخاصمين معاها..
طلوو الكلام يساايسو من هنا ومن لهييه حتى تصاالحو فالاخير وناضو كيجريو يلعبو بحالا عمرهم ما تخااصمو واسماء طلقات معاها ام سلطان اللي بانت ليها من دخلة مزييرة ما رتاااحت حتى دوااتها ودخلااتها حتى هي فالحدييث تبين ليها انها حتى هي درويش بحال عائلتها غير خاص اللي يشد خاطرهاا….
دخلات عليهم كنزة واخيرا شرفات الصاالة حادرة رااسها بقفطاان ابيض طويل حتى لتحت وشعرها بوكلي بمشيطة خفيفة موراهاا مطلوق وتاج صغير على رااسها كلها كترعد بالخشمة ماقادراش تهز رااسها فييهم طااح عليها السر بانت كيف شي اميرة متميزة وسط منهم جلسوها حدا عمااد وهوفرحاان ضااحك مرة مرة كيشووف فيها بحالا كيتأكد واش هي اللي اللي خدا ولا كيتخاايل حتى كيبغي يشد فايديها وكتخطفها كلها كترجف عليهاا وهو كيضحححك والصينياات داخلين خارجين والحاجة كيف شي فرااشة قايمة بالواحب بمساعدة لوايساها حتى هوما مجبدات وواقفات على الشغل…
الام : ايوا ااش بان ليك اسيدي عبد المتقي الولد عندنا ماناويش يعطل هادشي ماكرهناش تعطيونا عروستنا راه حنا زربانيين هههه
عبد النتقي : مرحباا بيكم الالة مرحبا بيكم
الام : كون ما كان الحاج باباه لباس فصحتو يحضر شحال تمنى هاد نهار يحضر فيه ولكن مامكتابش ليه الله يشافيه ويحضر فعرسو انشاء الله..
الكل : اللهم اميين..
الام : اش غنقوليك اسيدي..حنا طالبين راغبين اسيدي هه فايد بنتكم لالة كنزة لولدي عماد ايلا قبلتو علينا
عبد المتقي : مانزيدهم من عندي غيير الله يسعدهم ايلا وافقت البنية وارتااحت الله يسر اسيدي..
الام :نشوفو العروسة ااشنو تقول
الخاجة : ايوا اش قلتي ابنتي كنزة…
يدون رد سكتات مجاوباتهمش وهو يضحك عماد وقال بحمااس..
عماد :السكوت علامة الرضى
نغزااتو مو يسكت وهوما كيضحكو والزغارييت تعلاات فالدار والعمات كيزغرتو تسكت وحدة تنوض لااخرا وتسنيم غير تبدا شي وحدة تزغرت تسد ودنيهاا بصباعها مخلوعة ماكتجس فين تحيدها تا كتقفزها وحدة اخرى..
ناضت كنزة رجعات للبيتها بهدووء حتى تبعو موراها عماد دخل عندها للبيت ضااحك وهوما بقاو فالصالة كيضهرو حتى خرج عندهم مرة اخرى كيقاد فالقميجة ويضحك وهي تدخل عندها كنزة لقاااتها حيداات التاج كتقاد فشعرها مزنكة جلسات حداها كتضحك وقالت بمزاح كتشوف ف فمها العكر اللي داع
اسماء : متأكدة اختي ماباغش زواج..
كنزة : لا مامأكداااش ههههه
اسماء : وجهك قاصح اختي ماكنعرفك علاش مطوية…ايوا كي جاك..
كنزة : مابيهمش عادي…
اسماء : ممم ايوا شدي شدي مسحي فمك وعاودي داك العكر هادي غير مابيهش وجهك قاصح..
فالصالة…
الحاجة :ههه لا زربة على صلاح هه بنية وحدة اللي بقات عندي بغا نفرح بيها ونعرس ليها…شهر ماكافينيش نوجد حتى لحنتها مابقى العرس..
الام : كلامك على راسي وعينيا الحاجة مالها عندنا رخيصة وانا ولدي خييص عليا ولد واحد اللي عندي وباغة نفرح بيه الحمد الله بنيتاتي فرحت بيهم وتهنييت عليهم بقى ليا غير هو انشاء الله نفرح بييه..نتي غير تشرطي الالة اللي بغيتوها تحضر تالعندكم ماتعدبو راسكم ماتمحنوه اللي تقالت عليكم خفافت عليا
عبد المتقي : وليني شهر قلبيلة قلييلة بزااف
الام : اسيدي كلامك هو الكبير صلاة على النبي اللي بغيتوها حنا معاكم فيها فكرو وشوفو الوقت اللي يناسبكم مابقى ليا مانقول …
الحاجة: انشاء الله يكون خير انشاء الله…
بعد مدة فالصالة جالسة كنزة واسماء والحاجة..
كنزة: اويليي على شهر لا لااااا امامااا خليني نعرف راسي من رجلي اويلي على شهر باقة ماعرفتو ماعرفنيي …معارفة ساسو من رااسو حتى تطوال العشرة عاد كيتعرف بنادم وانا ماباغاش نزرب على راسي بشويا عليا بغى الزربة عطى الله بنات النااااس زوينة هاادي…
اسماء : من حقها شهر قليل بزااف اويلي اماما
الحاجة: تاهوما ما قاالو عيب فكري بشويا علييك ابنتيي اللي موالمك ديريها حنا معاك فيها مالك ساخية علينا بشويا علييك..
شافت فاسماء باستغراااب لكلام مها…
الحاجة: تبارك الله الخير باين على وجهه يابنتي غير قولي لياا منيين جبتي هاد الراااجل واخا ندير عليه قياام ليل ابنيتي مايجي هكاك
اسماء: غير مكاتيب اماما داكشي كل وحدة واش مكتبة ليهاا فرزقها تطير تاتعى يجيها يجيها وكنزة مكانت من نوع اللي دايعة تقلب على راجل مكانتش كاع مسوقة حتى جابو ليها ربي بين ايديها
الحاجة: انا بقيت غير كنشوف على داكشي اللي كتعاود كنزة والخيرا لي عندهم قلت شي نااس كباااااار غير غنتحمشو معاهم وحنا على قد الحال اويبي ملي حيت نشووف تباارك الله مشاء الله علييهم التوااااضع حطييت ليهم الفورشيط لاحوها وزادو بايديهم والوليد الصغيير فينما نضور نلقاه مسرح فلرض ومو حتى هي سامحة فيه مكاين لا عنداك توسخ لا جوج..هنا غندا غير دير طومويل وضار تولي تهزو بالفرونسي وتحطو بييه…
كنزة : بانت ليا دريويشة غير داك نهار شدات معايا العكز ماعرفت مالها ورني التصاور اللي ضورتو انا را حسيت براسي ماحدرت لوالوو كنت مرفووعة
جبدات تيليفون كتوريها تصاااور مركزين غير على تصاور العريس اش لابس اش داير شوفي ضحكو شوفي الايدين شوفي الجلسة فلااااوه مانعسو حتى ضربات تلاتة ديال ليل عاد كل وحدة ضارت نعسااات فبلاصتها…
صباح الغد مافاقت اسماء غير على صوت الحاجة مها كتعلمها بقدوم الحاج كيف العادة ونفس الحوايج كتعاااود دخل كيقرا عليها حتى كمل وبقاو كيهضرو موضوع جار لاخر مع الحاجة حتى هي..
الحاج : ايلا جيتكم ابنتي للصراحة راه مزال محتاجة للعلاج حيت اللي كان متملكك ابنتي ماشي سااهل..
ومزال تحسي بمخلفاتهم معاك مرة مرة تحسي بالسخانة مرة بالدوخة مرة بالسخفة..ماتخافيش بشويا بشويةا داكشي كيتحيد ولكن ايلا قطعتي الرقية مانضمنش لييك هادشي…
الحاجة : وايلا سافرت ديك سيمانة ولا خمساطاش يوم مامزياناش..
الحاج: قلتو ليا الاماراات على ما اضن بالنسبة ليا ابنتي كون غير تآجليها شوية على مصلااحتك …
الحاجة : ايوا شتي
اسماء: لا لا الحاج اصلا موحال واش نمشي..ختي تخطبات فخباارك يااك وناسها زربانين على العرس غادا نمشي معاها لاكادير واقيلا شي يامات ونجي ياك ماشي مشكل ايلا تبعت مع شي واحد تما غير علاما رجعت…
الحاج : لا ماكيين باااس..غير حافضي على توقيت اللي كنعطيك وانشاء الله مايكون غير الخيير..
اسماء: الله يبارك فييك سلم على الحاجة خلات بلااصتها البارح قداش بغيناها تحضر ولكن مامكتباش العقوبة للعرس مرحبا بيها نت دابا هي وخديجة ونتوما كامليين الحاج ..
شرب معاهم الحاج داك الكاس ديال اتاي وناض مشى غير ركب فالطوموبيل وهو يصوني لمحمد ..
لحاج : دويت مع بنت عبد المتقي اولدي مابقات امارات بالحق قالت ليا شي اكادير واقيلا غتمشي ليها هاد الايامات بغيت غير نعلمك
تنهد محمد بصوت مسموووع تالف معاها هو كيشدها من بلاصة كضور ليه لبلاصة اخرى..
محمد : لا حولة ولا قوة ايلا بالله..شوف الوالييد هاد دخول والخروج فالهضرة فرع ليا راسي واناا اصلا بلااان ماباغيش نطول فهاد الموضوع
الحاج : الله يسااهل عليك اولدي اللي ترتاح فيها انا معاك فيهاا الله يجعل البرااكة مشيناك على كيفنا وشوف فين وليناا دير اللي تنااسبك
محمد : غندير اللي ناسبني طبعااا مكندييرش شي حااجة حرااام ومن حقي عاجبني الحال ومرتاح فلي غنديرو اللي عجبو الحال مرحبا اللي ماعجبوش طريق السلاامة..مهم باش ما كان غنقول كيف قلت بيك مابغيتش نطول فهاد الموضوع
الحاج :داكشي اللي بان ليا اولدي نسبق انا ولا نتا…
محمد : ماكينش الواليد ديالها فالدار ؟
الحاج : لا
محمد :غيكون فالجااامع صافي اللهم يسر انا غنتكلف..
الحاج : الله يعاونك ندوي مع الحاجة ؟
محمد : لا لاا خليها من بعد..
الحاج : امتى نويتي انشاء الله
محمد: غنشوف غدا بادن الله نخلييك الحاج نتلاقاو فالدار..
الحاجة:منيين خرجات ليينا تاني هاد اكادير شكون غيمشي ليهااا
اسماء:كنزة غادا عندها شي شغل وقالت ليا يلاه معايا يومين ونجيو اماما..
الحاجة: كيفااش اكادير على فيين ساكن العرييس ياكما غادا عندووو ؟؟؟
اسماء: لا اويلي اش كتخربقي ..شش هاهي كتصوني آلو كنزة..
كنزة: جا عندك الحاج
اساء: يلاه خرج
كنزة: فيك ماتخرجي شوية ولا والو..
لقات اسماء على القرص حتى هي توحشااات الشارع وشحاال ما خرجات من نهار اللي مرضات حدها كتخرج لطبييب وترجع يلاه نوات تنوض تهبط عندها وهي توقف ليها لحاجة حسكة ماتخرجش تاتشاور الحااج حتى تعصبات اسماء ودارت بناقص وجلسااات…
على طاولة الغداء دخلاات كنزة ضاحكة كتلعب بالسوارت وشي تقدية فايديها من الباب بان ليها الجو مكرهب وشي كيشوف فشي وعبد المتقي موقف الشوكة والحاجة حتى هي عاقدااهم ..
كنزة : بصحتكم
عبد المتقي : كيفاش هاد اكااادير تاااني منين جبتيها ااش هاد قلة الحياء
كنزة بصدمة جمعات ضحكة : ك كيفاش علاش ابابا مالها كل عام كنمشي ليها
عبد المتقي : الله يقل حياااك كل عاام كتمشي ليها ولبارح تقولي ليا ماكنعرفو ماكيعرفني من انتى ونتي كتعرفييه كّري…
كنزة: والله ابابا ايلا كنتي كتأمن بالله ماكنت كنعرفو…مانكدبش عليك كان بيناتنا غير سلام غير واحد نهار وقع ليا واحد المشكل تما و وقف معايا والله اباب ماكانعرفو
عبد المتقي : البسلالات الخاوية…ماكين لا اكادير لا مرااكش سيري تجلسي
كنزة جلسات حدا اسماء: اللي بغيتي ابا …فف ماضراتني غير ديك الدار اللي كرييت
الحاجة : فيين اشمن داار
كنزة: غير لبارح بليل شفت واحد دار تما فاكادير قلت زعما دازت علينا مع اسماء حتى هي مرضات مرضة خايبة وحتى حنا عانينا معاها نمشيو واها غير سيمانة نتسراحو تما ونفوجو عارفاك ابابا عزييز عليك الزيت البلدية الاصلية وزيتون فهاد البرد..
اسماء زايدة معاها فالكدوب: ديك الدار لي ورتيني غزااالة وكبيرة بحال الفيرمة
عبد المتقي : ومنيين جااتك
كنزة : غير كريتها ابابا راه رخيييصة حيت جات بحال الفيرما غير وسط الطبيبعة ماحداها حتى حااجة غير اللي بغى يرتاح فيها ويفوج شوية يمشي ليها بحال لبلاد ساغة ملي مابغيتوش ماشي مشكل..
لحاجة : ءء! ا ايواا ايلا كنا نمشيو معاك ماكرهنا نمشييو نفوجو تاحنا….بوحدك لا ثم لااا…
عبد النتقي : ماعندي فيين نمشي شدو لرض شوية
الحاجة قندشات : وعلاش مالنا…ماعليناش الله نمشيو نفوجو بحالنا بجال ناس يكفي اللي داز علينا تا ماعيتيش لا عاداك انيتي انا نمشي معاكم مابغاش خليه هنا يتوانس هو وموكا..
نفخ عبد المتقي كيشوف فيها ماعاحبو حاال
الحاجة: امتى كنتي ناوية ابنيتي..
كنزة قلت غدا اماما جيت داباا نعلمكم توجدو راسكم
اسماء : غدا ؟؟
كنزة خرجات فيها عينيها : مممم غداا…
اسماء بهمس : وتسنييم قارية مزال ماغتشد العطلة ديالهاا
كنزة: غندوي مع الادارة ناخد ليها سيمانة ايلا مكانوش عندها الاحتحاناااات نمشيو
اسماء بهمس : ياك قلتي ليا غنمشي انا وياك تسنيم ماغنقدرش نغيب ليها
كنزة عفااك ا اسماء عفااك غيحرمها عليا والبنات كيتسناوني تما لعار اختي غير هاد المرة…لاهوما فمدرسة تسنييم ولا فلملاين اللي شادة من عندهم منين غنردها…
لا اسماء لقات ماتقول قدام كنزة ولا عبد المتقي لقى مايقول قدام الحاجة زربات عليه بالهضرة دغيا وجمعات وطوات معاه وحمرات على التسافيرة والتفويجة اللي جاتها من الجنة والنااس…صبح علييهم الحال وصبحات كنزة كتدوي مع الادارة مع اخر مشكلة لقات ماعكسوش ليهاا وعطاوها ااش بغاات ولحسن الحظ السيمانة اللي غتغيب جات موراها نيشان العطلة ديال خمسطاش يوم…داارو بالدار دورة شراافية كيقلبو كل جيهة واشنو خاصها قبل مايمشيو وعبد المتقي غير معرص فالسداري غادي بزز منو وتسنييم فرحاانة كتنقز واسماء غير جالسة كتشووف مرة مرة تنوض تجيب شي حاجة ايلا نساوها ولا تفكروها…
بعد لحضااات طويييلة كانت طوموبيل د محمد عند باب الدار لتحث…زير الكاسكيط على راسو مزيان ونزل كيقاد فالمونطو ديالو فوق كتافو واخا مبشور ف ملامحو ولكن ححبانو المعقودين والتكميشة اللي حدا عينيه مبينة العكس معاه الحاج باه كيف العادة ب الفوقية والبلغة والطاقية كيشعل منور ونقي..
وقغو قدام البااب دياال الدار اللي كان مسدود وتقدم محمد هو لول كيدق…..
مرة تانية عند باب الطوموبيل رجع محمد والحاج وهو كل مرة يتلفت يشوف فباب الدار واش شي حد غيخرج لكن ما بان ليه حتى حد خاصة ملي كيطلع عينيه ويشوف لجيهة الشراجم المسدودة..وهو ينطق محمد
محمد : مكاين حتى حد..مادويتيش معاه قبل مانجييو..!
الحاج : ولكن قلتي ليا نتا غتكلف انا ماتاصلتش بيييه..
محمد : جينا بلامانعلمو اداً (تنننهد) حيت نتا كتجي ديما دكشي باش قلت انا نتكلف بالباقي (شاف فباه حتى هو كيتنهد كانه هو اللي غالط وهو يحط ايديه على كتفو) مادييرش فبالك الحاج ماكاين باس مامكتاباش
الحاج باسف : انا قلتي ليا نتا غتكلف قلت راه دويتي مع السي عبد المتقي..
محمد : مامكتاباش الحاج…يمكن جينا معطلين….ماكاين باس يلاه نمشيو..
دار من جيهة لهيه طلع وحتى الحاج ركب جنبو وزااد مشى مع الطريييق ومحمد مرة مرة كيشوف فباه حاسو انه كيفكر هو السبب تنهد مرة اخرى ورجع قال..
محمد : مامكتابش الواليد نسى ماتبقاش تفكر ..جينا معطليين وماعلمناش على العموم مامكتباش…بغيت نرتاح من هاد الجيهة قبل مايمشيو ولكن مامكتابش هانية ماشي اول مرة تعكس من هاد جيهة حاجة عاادية…
الحاج تنههد مطول : مابانش ليا اولدي فهاد التجرجير وتانتا بالك مامرتاحش فك امورك مع مرتك وشوف اشمن طريق غتسلك معاها
محمد : عارف هادشي نيت اللي ناوي دير جيت هنا غير باش ندخل للسي عيد المتقي الفكرة فبالو لا غير وكنت غنخلي الموضوع بيناتنا داكشي علاش مابغيتش نعلم الواليدة حيت غير غتعرف غتولي تخطط وتبني بوحدها وانا هادشي اللي مابغاييش…كنت ناوي نخلي الموضوع بيناتنا معك ومع الاب ديالها لا هي غتعرف لا حتى حد ….لحد الان انا ماضامنوش يقبل مهم الهضرة تكون فباالو… بخصووص اسراء طريقي وااضحة معاها الواليد مانزيدوش نتحاكو مع عائلتها كثر ملي كيتبطل الاحترام مابقاتش الهضرة بيناتنا..
الحاج : ضروري اولدي من المشااكل…عارف واحد القضية الفرق مابين الدار والبيت…الدار اولدي غير حيوط ودايرة ومبينة بحال شي دار مهجورة هكااك ماافيها حياة ولكن البيت اولدي هو اللي كتكون فيه الحيااة كيكون عندو روح كيكونو ساكنينو ناس عائلة الله يجعلهم يكونو حتى عشرين خلق كيبقى بيت وفيه حياة هادو المشااكل اللي مكتبغييهمش نتا وداك الصدااع والهضرة ودخل خرج راه هاديك هي الحيااة وهاداك هو منعش الحياة فهمتيني..
حرك راسو محمد بايجاب والحاج كمل..
الحاج :دابا نتا مابغيش المشاكل مع مرتك مايمكنش شتي واخا مانعرف اولدي شكون تجيب الله يجعلك تختارها اميييرة من بين كاع الخلق وغيتخلق ليك معاها مشاكل العقول عمرها تشارك وعمر تلافكار توحد وضروي كل واحد ورأيو خير مثال انا والحاجة مك شحال من سنة وحنا تحت صقف ديك الدار…عشنا مشكل واحد ولا جووج..انا والحاجة راه العمر كلو داز مشااكل ورغم ذلك مزال الدوام والاستمراارية …
محمد : فاهمك الواليد عارف هادشي اللي كتول مزيااان المشكلة داباا نتا كتقارن ليا مابين الواليدة واسراء…الواليدة كانت معااك الواليد فصفك نتا رغم كل المشاكل اللي دازو ونهار عائلتها عرفو بانها تزوجاات بييك وضارت الهضرة راها تزوحات بفقييه مارحموهاش والهضرة كتراات اشنو كيقولو تظوحان اره&اابي نهار لخر يقتلها كاينة ولا لا الواليدة هادشي كامل انا عارفو وسامعو ولكن الواليدة اشنو داارت وااقفة فجنبك ومكبرة بييك وسمحات فالهضرة كاملة وتبعاتك
الحاج : ايييه و واحد المرة بااقي نعقل نهار مشيت لداارهم ديك ساعة مكانتش كتدوي معاهم ملي طلقاات واليديها مابغاوش ليها الطلاق وسمحو فيها ولكن انا نهار عرفتها بغيت نمشي عند واليدها ونتبعو الاصول ونطلبوها هلى سنة الله ورسوله…جرا عليا ههه والله العضيم اولدي مابغانيش ليها ماعرفتش واش كانو باغين يرجعو للسيد لول ولا مافهمتش…
محمد : هاحنا غنرجعو لنفس الهضرة اللي قلت ليك و واخا هادشي كامل تبعاتك نتا حيت عارفة مصلاحتها فين وعارفة هي اشنو باغة وحتى نتا اشن و درتي نهار عرفو الخبار وجادة(عائلة الحاج) غتزوج مطلقة نااض الصدااع و وليتو فالقتيلة والفردي هزو جدي عليك فوجهك وماخليتيهاش..ماسمحتيش فيعا علاش حيت ضحات معااك وغامرت وعارف رااسك علامن حتى نتا غتغامر…وحدة كاتستاهل…واش الواليد هادي اللي سبع الشهر والله تعالى شاهد كنحدرها ما مرة ماجوج تحيد داك المؤض عليها ماتشربوش وكنعاود نرجع كنلقاها كتشربو…ماقلبتو ليها مرة ما جوج ما قصحت معاها الهضرة مرة ولاا جوج واالو ديك ساعة كتقول ليا واخا كلامك هو الكبير غير كتهضر مع مها ولا ختها كنعرف كلامي دخل من ودن وخرج من تانية..الواليد كنحس بييهم كيفورماطيها كتكون وحدة غير كتهضر معاهم كتولي وحدى اخرى…وهانية كنقول ماشي مشكل بنت دارهم وكابرة وسط عائلتها مافايتش عليها تحاكت فشي خدمة اولاا قراية عادي تكون كتشارك امرها مع عائلتها ماشي مشكل ولكن ملي وصلنا لمسأل العشوب والصحة طلعات ليا الدم مانكدبش علييك اعدى حاجة عندي الانسان اللي كيتعدا على صحتو الوالييد…
الحاج غير كيسمع لييه كيف موالف وحتى محمد كيهضر بكل ارييحية حيت تقريبا الحاج باه اللي كيحس بيه كيفهمو وكيحكي ليه بكل رااحة حيت عارف فالاخر كيجيه نيشان يا بالنصيحة ولا باللوم..
محمد : ندوز هادشي كاامل شي حوايج الواليد مافييهم مايتدكر ماعندي مانقول فييهم…انا عمري حسييت براسي مزوج ماقلت حتى حاجة على العشوب اللي كانت كتشرب و الولد اللي طيحات ماقلت حتى كلمة يكفي راها امرة واونجينيغال كتبقى ام يكفي الضيم الي غيطيح عليها من جيهتو مانزديش نكمل عليها بكلاامي نكمدها والله يعوضنا بييه خير فلخر باش تجي وتلوح اللومة كلها على الواليدة…انا مكندويش على راسي شتي غير تسب حيت حتى كلمة كتخرج من فمها ماغندوزها ليها على خير واخا كاع ترجع ولكن الوالييدة لا…راسي ماكنرحموش نهار كنزعف عليها عساك واحد اخر كيفما بغا يكون نوعو مانعقلش عليه ايلا نزلت دمعة وحدة منها…والمشكلة مطيحة عليها الباااطل تقدر تسيفطها للحبس بالهضرة اللي كتقول…رااه فيه القتل هاداك ماشي اللعب وهي كاتقول قتلاات ليا ولدي بالعشوب اللي عطاتني واش كون تسمعات هاد الهضرة ووصلات المخزن ماغنوليوش فالتجرجير دياال بصح وتولي الوالييدة فاخر ايامها غادين بيها فالسطافييط وانا كنشوف شكون تكون هاد بنت المراة اللي تبيتها ليا انا تمااا…
الحاج : غالطة اولدي البنية غالطة ماقلناش العكس وليني حتى الحاجة مك غلطات ااش داها تشري ليها شي عشوب ولا العجب الكحل تلفاتهم ليها تطلب السماحة وتخليها منها للمها….
محمد : الواليد مابززاتش عليها تشربهم ملي هي الواليد اللي وشراتهم ليها وعطاتهم ليها عندها الاختياااااار ايلا بغات تشربهم ولا تلوحهم راه بعقلها و واعية وعاقلة ماشي مراهقة تمشيها على كيفها…واصلة ل لاج اللي غتفكر بعقلها ماشي يفكر واحد اخر فبلاصتها الواليدو صححات الغلط ديالها وشراتو ليها باش تكفر عليه تقوليها االالة شكرا وتلوحهم ملي ماتايقاش فييها ومريضنا ماعندو بااس…ملي جينا نشوفو لقينا مها حتى هي مسيفطة ليها وحدين اخرين قات ليها الواليدة خلطيهم كلشي وشربييه وحتى هي خطاتو وشرباتو واش هادي بعقلها غير خلط وشرب فينما جات وسير نتا امحمد هضر تاتعيى هضرتي كتدخل من ودن وتخرج من لاخراا….
محمد : شتي لوكان غير مثلا الواليدة ديالها اللي تناقشت مع الوالييدة وتبدالو الباطل بيناتهم وهي تسمات ماتدافعش على مي غير تخليها منها للمها ديك ساعة غنلقى مانقول حيت مرتي فجنبي فعوض ماغير تابعة مها وعلامن ما حطات الباطل كتبعها فييه هاانية هادشي كامل…. ندوزو ونخليها حدايا مانمحسش فيها حيت حتى هي عاملتني بالمثل وبرب العالي الواااليد اللي خلقني وخلق جميع العباد مانفرط فيها كيفما بغات تكون ونقبلها بكاع اغلااطها حتى حد فينا ما ماكامل وضروري من الغطأ كيوقع…ولكن كتجي تشوف دابا كتلقاها كثر من مهاا سيدة بين ليلة ونهار كنلقاها طلعات كرااد لا مانطلبش السماحة من مك وهي غالطة لاا مانسكنش معاهم وبغيت داري بوحدي لا هادي ولا هادي…زعما تقول ليا مريضة وماندييش عليها وهي مي مارحماتهااش لاا سمح لياا لواليد حتى انا ماغنرحمهاااش…حتى لهنا الواليد والله يجعل البرااكة ماشي حتى نديرو الوليدات ونوليو معدين على راسنا وعلييهم حيت اشنو كيوقع بعد هادشي كامل ومن هاد المشاكل غير الولااد اللي كيعاانيو منهم كثر منااا لام را كتمشي تزوج والاب كدلك وهوما كيبقااو الوسط…
الحاج :ماعرفت مانقوزليك والله العضيم كلامك كلو على حق مابغيتش لييكم تشتو داك الشمل اللي عاد كيبتنى ..ملي عارف رااسك اولدي من نهار لول ماغتفااهمش معاها و..و(ماعرف كيفاش غينطقها) قادر تختاار اللي تناسب بوحدك مانحطوش ايدينا فهادشي من الأول انا فعلمي ماعارف تاوحدة داكشي باش تبعت الحاجة ومشينا نخطبو لييك هاد ابنت..
محمد :كنت باغي نهضر معاااك فهاد اامضووع نييت ملي جدبناه جبدناااه مزياان نييت….خاصك تعرف الواليد هاد فكرة الزواج تاني من الوقت اللي تزوجت باسراء مكاانش فبالي مفايتش ليا فكرت فييه مهم كاينين شي حوايج اللي مخلاونيش نتزوج ب بنت السي عبد المتقي بالضبط …..ولكن علاش فكرت فهاد الزواج …حيت الحاج كنت شااك شي حاجة كتوقع فالدار ماشي تالهييه…
ابحاج :من ناحية ااش..
محمد : ديك المرحلة اللي مرضات فيها كنت كنسمع شي كلام فالدار واخا ماكنحققش فيه ولكن كان كاافي يخليني نشك ..ومن بعد تأكدت..
ابحاج : اهاه فيمن …
محمد: خوتهااا
الحاج : كون قلتي ليا شيي حد غنقول ليك ان بعد الضن اثم..
حرك اسو بايجاب بعدما فهم انه نفس الفكرة اللي عندو عند الحاج بااه…
محمد : الوقت اللي غيبات فيه اسماء ونطقات باللي كان سبابها فالسحر ولكن حيت عاطين العهد ماينطقوش الاسم اشنو قااالت..
الحاج : دمها..عاقل اولدي عاقل من غير ديك الكلمة نهار فكييت السحور قدام الحاجة المراة ديال عبد المتقي شافتني حتى فكيت الصورة ديال بنتها من كتابة السحر وخداتها لياا كتحقق فيها من بعد هي فاش خرجات وناض صدااع على برا ماعرفتش معامن ولكن من بعد تفهم انه نايض ممع ولادها..
محمد:الكريز اللي وقعات السي عبد المتقي كانت لا من سكر ولا طونسيو كيف قالو ليا هوما شاكين فيهم و اخا عرفتهم كدبوو فاش قالو ليا طاح عليه سكر بالخلعة كنت عارفو سامع شي حاجة بيزاغ اللي خلاتو يتصدم ويتسطريسا بديك الطريقة كوميم الواليد واخا نكونو ماكنفهمووش بااين البلان اشنو فييه…
الحاج : عنندك الحق عندك ااحق هادشي نيت اللي باان ليا حتى انا معاااك مارقييتش اولدي واحد ولاا زوج كنسمع شي قصص من عند النااس كتدمع ليا العين معااهم بعد المرات والسحر اللي دار لاسماء وممكن يكون من خوتها ماتعجبت ماتصدمت فييه حيت شفت ماكثر…كان صعييب اولدي صعييب بزاااف تعالج وسط ديك الداار انا راه ماكنتش كاره تجي عندي للمركز ولا حتى الدار غير تبعد من تما وا دابا فهمتك دااكشي باش فكرتي فالزواااج من ناحية تبعدها من دار ومن ناحية(حرك راسو معلي حجبانو ومحمد حركو بحالو)
محمد : هكااك..ولكن سبحان الله فنفس النهار اللي نويت فييه جا الفرج من عندو وكنت ناوي نكمل ولكن هانتا كتشوف اللي كيوقع…داكشي علاش قلت لييك ماتخممش الواليد مامكتاابش ماشي اول مرة كتعكس دنيا هاانية وقتما جا الخير كينفع وايلا كان فيها الخيير سواء نبغي ولا نكره غتصييب..(بعدما سمى الله)وما تشاءون إِلّا أَن يشاء الله رب الْعالمين…
الحاج : صدق الله العضييم ..الله يسر لييك فينما حطيتي ادييك اولدي عارف ايمانك بالله وراسي بلي قسم ليك الله يرضي عليك..
سااق محمد مبااشرة للدار وصل الحاج باه ومشى لكلينيك من تما غارق وسط خدمتو والعكليات الي كيطول فيهم بالسواايع عاد كيقدر يخرج منهم…
دازت مدة طويلة كانت فيها كنزة وصلات لمحطة الاستراااحة…كانت دنيا خاوية شوية بحكم البرد والدخول المدرسي ناس قلاال فيها فرانات طوموبييل وحيديات السمطة ضارت عند باها..
كنزة : بابا قربنا نوصلو مرتااح شوية ..
الحاجة :مرتااح مالو طريق كلها وهو نااعس
كنزة : نزل ليكم زاج شوية بيدما كملنا طريق شمو شوية دالهوااء بلاما تنزلوو لرض فاازكة والشتاء كتنقط..
عبد المتقي : خلبيه غير خليه..
تنهداات كنزة كتشوف فالحاجة وهي كتغمز فيهم تقلب علييه وهو طريق كلها وهو قالب عليهم وجهو مابغايش يساافر غيرا الحاجة مزيراااه مالقى مايقول..
كنزة: انا غنزل نجيب شي حاجة ناكلوها ونكملو شنو تبغييو
الحاجة : اللي جبيتها مزيانة بحال بحااال..
كنزة شافت فاسمااء : يلااه معاياا
الحاجة: كون غي خليتيها جاالسة ماعندها مادير براا غير البرد..
اسماء: لا لاا باغة نزل عييت بالجلسة طرييق كااملة..تسنيم فااقت
الحاجة: لا ناعسة غير خليهاا…تانوصلو مسيكينة جاها البرد تخشات فيا ونعساات…
حلات الباب كمزة ونزلات واسماء تابعاهاا خشات ايديها فدراعها ومشااو بشويا داخليين للمحطة وشتيوة خفييفة كتصب عليهم والارض فازكة وريحة الربيع عاااطية..
كنزة تبسمات : عرفتي فاش كاتفكرني هاد البلاصة
اسماء: فااش ههه
كنزة: اخر مرة ساافرنا نهار تلاقنيا مع محمد ومرتو هناا هههداك نهار عمرو يتنسى ليا..
اسماء : انا كنت عاقلة عليه غير بالمشاكل كنت شبعاااانة مشاكل ودنيا كجالت فعينياا الحمد الله على كل حااال الحمد الله..
كنزة : ماعاودت قالت ليك الحاجة واالوو
اسماء: لا من لبارح ماهضرت معاها مابغيتش نعيق عليها خلي حتى تصوني ليا هي تقول ليا غير متبعة الاخبار ولا كنسول على ولدها ااش دار خلي حتى تصوني بخاطرها..
كنزة : دابا المشكلة الحاجة درويييشة فوق القياس كاغ والحاج حتى هو ومحمد هاداك مانهضرش علييه ولد ناس ديماواقف معانا اش وصلهم لشي طلاق كافهمتش كون مكان شي مشكل نييت مايوصلووش لييه..
اسماء : يكبر المكشل اكنزة تا يعيى والطلاق كيبقى اااخر حل..هي فالصراحة الله يدير ليهم شي تاولي ديال الخير حيت اختي طلاق صعيييب والله العضيم ايلا صعيب ديك الهضرة اللي كيوقولو يمشي راجل يجيو عشرة ولا طلااق راحة لاهوما طلاق ولا المشااكل..مزال المشاكل راه كيتلقى ليهم الحل قدما طوالو ولكن كلام الناس فالضهر والطعن فالشرف مورا الطلااق والله ماليهم حل واخا تعياي تميكي على هضرة بناادم كتجي فواحد اللحضة كيعطيو شي كلمة عام ونتي تحرقي تحت منهاا …بلادنا ماشي بلاد حقوق المرأة تاحد ماكيرحم ولسان بناادم كيقطع وكيطعن فضهر ماشي بلماا يعلم داكشي باش كنقوليك طلاق صعيييب وحتى اختيار الراجل المناسب صعب منو….واللي دزت منو مانبغيه لحتى شي بنت ولا انثى يدوز علييه والله…
كنزة : غنقول ليك واخد الكلمة والله اللي ماعرفك خسرك ا اسما ماطنقولش هكاا حيت ختي..ولكن وحدة اخرى فبلااصتك تلقايااها دايرة العرس ملي سمعات هاد الخباار…
عطات كنزة الكوموند اللي باغة قدام لاماشين خلصات بلامارك ووقفات كتسناها تخرج..
اسماء : وربي شااهد عليا الله يطيرني على بنتي عمري تمنييت ليهم هاد الحالة…..ماناكرااش مانكدبش عليك محمد كنرتاح معاااه وتمنييتو بالحق قبل مايتزوج قلت ممكن يكون ليا فالمكتاب ولكن نهار تزوج والله العضيم اكنزة ايلا خرجتو من باالي….زعما صاافي داكشي جاا ..كيفاش غنقول ليك… هكااك فهمتي غيير عرفتو تزوج وكتب كتابو مع وحدة اخرى صافي قلت الله يعاونو ويسهل عليهم بجوج مامكتاابش ليا ماشي مشكل يا هو مافيه خير ليا ولا انا ماشي خير لييه وفالاخير المكتابة هي اللي كتوقع…فلول عادي بقى فيا الحال ولكن من بعد صافي مع الوقت غيتنسى وضاربت باش نحيدو ممبالي حيت ماعندييييش الحق نفكر فبه…
كنزة حركان راسها باه : بصح..
اسماء: حيت غير كنتفكر حتى انا واحد الوقت كنت مزوجة فديك الوقت نييت كنتخايل انه شي وحد كتفكر فراجلي وباغاه راه غنبغي نحماااق ديك الوقت ماشي دابا ملي كان ناصر رااجل ماشي كلب الله ياخد فيه الحق..دبك الوقت نحس انه شي وحدة كتميل لراجلي عقلي كيبغي يتزعزع حاجتي كنبغيها لراسي بووحدي ومستحييل تشركني معاه شي وحدة ولو غير بالتفكير ولكن ملي وليت حاسة برااسي ههه كنعيش ايامي لخرا بغيت نشوفو كيفما كان لحال كيبقى عزييز بحال اي واحد كنت عارفة رااسي ايلا شفتو ديك النهار ولا فكرت فيه ديك للحضة ماغنعاودش نفكر فيه ولا نشوفوو حيت غتكون اخر مررة ..
كنزة : هه ودابا؟
اسماء : الله يجمع بيناتهم المكتابة عند الله هي اللي كتكووون والطلاق مانبغييه لتابنت المراة كيفما بغات تكون ..
كنزة: ولكن لا سمحي ليا اسماء ايلا كانت هاد المراة عايشة العداب مع راجلها واش تقبل عليه وعلى الدل وتجلس ااه حقا باس ماتسمعش لكلام نااس ويمرضوها فخاطرها مايمكنش تااني..
اسماء: تانا ماقلتش هكاا…بالنسبة ليا انا رااه انا اللي طلبت الطلاق ماشي هو حيييت عبيت ولو كان رجع الزمان نعاود نطلبو حيت اختي لاهوما كلام نااس نصبر لييه ولا العيشة مع ناصر ومو والله العضيم….وتااني المراة قبل ماتزوج تعرف رااسها فين غتمشي ماشي غير ااه حقاا كنبغيه وتمشي تلوح رااسها معااه مخااطرة غادا فريسك واش تعيش فرحانة ولا قرحاانة…نهار لول يموت المش اخوياا بغيتي مرحباا ها شوروطي ها شرووطي..ديك الساعة راه غتكون كتعرفو مزيااان وتعرف مو وتعرف عائلتو كانت شي مراة اللي تستاهل نعيش معاها تبارك الله كانت شي شحرورة يسكني بوحدي ولا الله يعاون..
كنزة : عندك الحق..
اسماء: داكشي علاش ضرت فماما…ديك قضية شهر اللي قالت ليك مامات خطيبك ماعجبااتنييش حيت ماايمكنش نتوما تلاقيتو يومين يااك مابقيتوش كتهضر حتى تلقايتو صدفة وجا خطبك فسيمانة وفشهر باغي يتزوج بييه ماكتعرفيه ماكتعرفي عائلتو مايمكنش مابغيييتكش تزربي على الاقل واحد تلت شهر ولا ضهرين تعرفييه ويعرفك وتفااهمو وديك ساعة الله يكمل بالخير ماتطولوش فالخطبة حتى تبسال وتقنعو من بعضيااتكم تااني..ااش درتي معك حقاا مارجعتوش هضرتو فهاد الموضوع..
كنزة: فرع ليا رااسي بالهضرة ليل كاامل وهو كيعاود لا نفس الهضرة حتى قطعت عليه وهو يقول ليا ههه صافي اللي بغيتي انا معاك فيه بشويا علييك هههههه خراني بالضحك
اسماء : ردي الباااااال يمشي يشوفك باا كتهضري معاه ولا يحس عليك نهارك مايطلع فييه ضو شفتو هاز شوكة حيت عارفو ساكن هنا وحنا جينا هنا دخلوليه تناوي لرااسو..
طلات كنزة هي لولاا وتبعااتها اسماء عطاتهم يتغدااو وهوما واقفين حتى كملو وجمعو داكشي اللي تقداو لاحوه فالبوبيل عاد كملو الطريييق نيشان للدار اللي كرات كنزة …حلات ليهم ودخلو كيسقييو عينيهم فيها كبييرة وحدة ولكن واسعة وعرييض بفرااش تقليديي وربعة دالبيوتة كيف قالت كنزة بحال شكل الفيرمة دايرة بيها غيرا الجردة والربييع اللي يلاه كيطلع وشتييوة متنزل خفييفة مع شميسة مرة مرة كتبااان وقوس قزح كيتشكل منضر غزااال كترتاح ليه النفس بمجرد الشووفة…
الحاج غير شاف الارض والفلااحة بعاد علييه اللي داز من حداه كيسلم علييه حس برااسو فالبلاد عجبو الحاال وارتاح فالدارو عجباتو دنيا وشبك ايديه مورا ضهرو فوق الجلاب غادي جاي علبيهم ويآمر ضااحك وهوما ينقدو وشادين بخاطرو ارا غير يبقى ضااحك ليهم ولا ديك التغوبيشة اللي كيطلق ماكيخلي حتى حد بخاطرو….
خرج براا للجردة كيشووف فالربييع ويقييس فشجر الزييتو خلااهم لداخل كيشوفو فالبيوت ويقلبو فالاتااات والحاجة كتقلب فالفرااش وتعرف نوع الخياطة باش دير بحالها لدارهاا ..قربات اسماء عند كنزة بهمس..
اسماء : بشحال كريتي هادي كبييرة تبارك الله
منزة: عرفتي دياالمن هادي ههه
اسماء : ديالمن..
كنزة : هي ماشي ديالو ولكن تقولي تابعة ليهم ديال عماد قاليا جي الاوطيل قلت ليه لا معايا الدار قاليا جي شوفي واحد دار ايلا عجباتك و وراني هادي مابغاش يتخلص مني المرة ولاا ولكن مابغيتش نجلس فيها بقينا مني منك حتى شد ليا النص مهم مانجلس فيها فاابور..
اسماء: غزاالة صرااحة واش دياا شي حد من عائيلتو
كنزة : لاا راك شفني شجر الزيتون اللي برا وباه قلت لييكم باه عندو وزينات الزيتون راه ماعندوش غير هاد دار كل ارض باني فيها وحدة ملي كيجيو الفلاحة كيجلسو هنا وعائيلاتهم هناا كيقابلو ليهم الزيتون وشجر وداكشي فهمتي فاابور ماكيتخصلو ما والو حيت كيجلسو هنا فالدار واكلين شااربين خدمتهم هي داك الزيتون يقابلوه وخلاصهم هو هاد دار والماكلة ولشرااب..
اسماء : تبارك الله..
كنزة:ووييه لبااس علييهم هوما عائلة على قدها كلهم كابرين بللزيتون علاش قالت عليهم ماما متوااضعين بزاف خيت غير ولاد البلااد كلهم تقريبا كيجلسو فالبلاد كترمن المدينة قلييل بحال الحفاايد عماد وخواتاتو وولاد عمو هوما اللي كيمشيو للمدينة ولا لبرا وكيستقلو يقراو اش بغاو ويسكنو فين بغاو اما الجدود والعماام والامهات كلهم ولاد البلاد
اسماء : انشاء الله يكون غي ولد النااس وبعقلو نا هادشي مايغركش رااحة دالباال هي كلشي..ارتاحيتي معاه شوية ههه
كنزة: ورااحة كااااينة ههه ولكن ماكنبغيش نبين لييه مابغيتش يفهمني باغااه ههههه بغيت نخرج كاع داكشي الل مخبي منو جيهتي عاد نعطيه انا واحد شووووية براكة علبيه هههههه
اسماء :ههه امتى غتسيطفي البنااات
كنزة: غدا انشاء الله كانو غيمشيو ليووم ناقصة وحدة عرفتي شكوون ديك البنت الي كانت طاحت عندنا صاحبتك ولا ماعرفتش كات خدامة معااه
اسماء : هند حلفي بالله..
كنزة :اااه كنت شاكة فيها واش هي ههه ملي شفت تصويرتها عرفتها هي اللي غادا حتى هي كان واقع لينا معاها مشكل غير سكتي مابقاتش باغة تجاوبنا والحالة ماعرفنا مالها حتى لبارح بليل عاد جات وغدا انشاء الله صاقي يمشيو…
جات هاد السيمانة مع الخمسطاش يوم ديال عطلة تسنيم متاابعييين…عجبهم الحال فالداار وارتااحو فيها…الحاج كثر منهم عجبو جو البلااد وريحة لارض والربييع والفلاحة والزيت العود والاصل ماكيشوفوه من المغرب للمغرب ماكيجمعش معاكم كاااع نهار كلو وهو مع صحاب جداد لي دار تما والحاجة حتى هي بدعاات فالدار مزياان مكفدة على حالتها والشقااء والتطرااف عاطيااه قتلة ماكتعيى ماكتشكي ماكين غير الله يعطيك صحيحتك فحين البنات هوما اللي عاشو التسافيرة بمعناها ديال بصح….غير كيخرج الحاج كيخرجو هوما مورااه ويرجعو قبل مايجي مرة تمشي معاهم الحاجة مرة يطلع ليها الدم وتجلس ماخلاو فيين تسااراااو اكادير كاملة داروها حتى طلعات ليهم فالراس ومزال العاطي فيها يعطي بكترة المنااطقة السياحية اللي فيها والاماكن الكثيرة تزار ليهاا مرة يميشو بوحدهم مرة يخرج معاهم عماد فاش كيكون مسالي…
جاو شي ايامات اللي عائلة عماد ساقو الاخبار بوجود عائلة كنزة فاكاديير وبداو كيعرضو علييهم مرة مرة والحاجة والحاج عاجبهم الحال مع النسااب الجدااد والرزق اللي جابو ليهم الله حتى لبين ايدييهم لقاو عائلة العريس حتى هوما من التجارة الكبار والشطايرية الكبااار وبطبيعة الحال ما كتدكر التجارة ايلا وحتى كيتكدر اسلوب الاقناع وهذا هو اللي كانت العائلة كلها كتحلى لييه..اخيرا قدرو يقنعو الحاج والحاجة وتقرر الزواج يكون بعد شهر ونصف تفاهمو بيناتهم قادو اموروهم ومابقى ليهم غير يعلمو العرسان..
طول عاد المدة كانت الايام كدوز بشكل عادي عند محمد عايش نهار لنهارو مابين الخدمة والداار حتى لواحد النهار اللي وصلو اتصال من عند محامي اسراء كيعلمو بيوم الجلسة اللي كان اسبوع من بعد ضحك وضحكة الفقصة كانت باينة علييه ماقدروش يكلفو راسهم حتى يعلموه بنفسهم خلاو المحامي يتدخل بييناتهم ماتسوقش وخلا الاومور تسير كيفما بغاو هوما…
جا النهار اللي غتم فييه الجلسة…وكلشي توجه ناحية المحكة وطبيعة الحال اسراء وسط مها وخواتاتها على غير العادة حادر راسها وكتسمع لييهم وهوما كيفتيو عليها اشنو دييير كل وحدة تهضر من جييه وهي غير واخا واخا زمحمد حدا الحاج مكيشوفش لجييهتهم حتى عيطو عليهم باسماائهم ودخلو قدام القااضي…
عطى الادن لاسراء هي لولاا تحكي اللي عندها واسرااء بحال شي مسجل صوتي مشاارجيا و محمد غيير كيشوف فيها وكيسمع اشنو كتقول بملامح مندهشة ومصدومة..
افعاال وكلماات وهضرة سمع على الحاجة مو كتعامل بيهم اسرااء ماعرفهمش وااش حقييقة فعلا واسراء كانت كتخبي علييه وغير صاابرة وهو بحكم الخدمة والاشنغالات وقلة الجلسة فالدار معااهم معارفش اشنو كيقوع فغياابو بيناتهم !!!
واسرااء كتعاود للقاضي بالتفصيييل بدون استرااحة كتدكر كلام مها واشنو قالت ليهاا على برااا عمرات القاضي وشارجاتو على محمد مزياااان باللي دايرة ليها الحاجة والخصوصية اللي مابقاتش خصوصية معاها لااسف تبعات مرة اخرى كلاام الام ديالها كيف وصااتها تعمر عليه القاضي وتلعب ليه على العاطفة ديالو باش يجي من جيهتها ويرجع الغلط كلو من محمد ومن عائلة محمد..و ملي غيعطي الكلمة لمحمد وغيقول ليه هادشي ماكينش غتهضر مرة اخرى اسرااء وتحول جميع الاحداث اللي وقعات ليها مع فدار محمد لصالحها مع زيادة بعد اللمسات الدرامية ضد مو حيت من هادشي كامل المراد اللي باغة اسراء ورقية هو تكون الحاجة رأس المشاااكل والقاضي يحاول يصلح بيناتهم ويقول ليها الشروط اللي بغاات وهنا تطلب دارها بوحدها ومحمد بزز علييه يوافق..
لكن صدمهاا وخططهم ما مشااوش كيف بغاو فاللحضة اللي حرك راسو بايجااب كانه كيأكد داكشي اللي قالت كلو من اول حتى للخر وهي كانت كتسناه يرفض ويكدب كلامها وتمشي كيف خططات ليها مها وخواتاتهاا…حصلات ومابقات عارفة ماتقوول والقااضي سولهم مرة اخرى واش كاينة شي محاولة الصلح محمد حرك راسو بلا وحتى هي حفاظا على كرامتها حركات راسها بحالو…بعد مشااوراات نطق القاضي وعطى مدة الجلسة الثانية اللي غتكون بعد جلسة محاولة الصلح ببن الزوحبن بحضوور جوح دناس بعقلهم فنفس الوقت عارفين سبب هاد المشاكل من الاول حتى الاخيير من عائلتها وعائلتو والمحامين طبعا…
خرجات اسراء مع المحامية دياالها لقات الام ديالاها قدام البااب مشات معاها وهي كتسول فيهاا اشنو وقع لدااخل..
اسراء : قلت داكشي كامل اللي قلتي لياا و وملي سولو مانكرش ماكدبني فحتى كلمة اماما قااليه بصح داكشي كلو كااين..
الاخت : ياك قلتي مكيحضرش نهار كامل معاكم فالدار كيفااش اكد ليه كلاامك..ياكما كدبتي فشي حاجة وحقد علييك بغى غير يتفك….
اسراء :اه مكيحضرش حيت اغلب وقتو فالكلينيك و ماكدبتش مايمكنش نكدب اصلا غيير هي قلت كلشي بالتفاصيل كيف قالت ليا ماما نلعب على عاطفة القاضي وداكشي اللي درت….عطانا جلسة الصلح ماعرفتش شنو غندير..
رقية: عادي ابنتي ماشي مشكل غنمشي انا وباابااك معاك ماغتكونيش بوحدك غير رتااحي..
اسراء: قال القاضي غيكون غير واحد يلاه معاياا نتي اماما ماتخلينيش بوحدي ماتخليش بابا يمشي معايااا….
حركات ليهاا رااسها بايجااب ومشاات معاها…
مدازش علييهم عشريين يوم حتى وصلاات جلسة الصلح بيناتهم بحضور الحاج اب محمد ومحمد واسراء والام ديالها وجوج دالمحاميين كيف العادة اسراء فحضور الام ديالها غير ساكتة بدون كلاام مخلية مها اللي كتهضر مررة مررة كيسولها القاضي وكتجاوبو وترجع تسكت….رقية اللي كانت مزال كتشوف الغلط من الحاجة ومحمد ومزالت على كلامها ماخلات للحاج فين هضر كل ما عطى كلمة كتعطيه عشرة ماكتخلي لييه في يهضر رافضة رفض كلي يطلبو السماحة لا هي لا بنتها ورافضة رجوع اسراء بدون سكن فردي وحتى محمد راافض يدير ليها سكنها بوحدها ورافض رجوعها بدون ماتطلب الاعتدار منو الحاجة …طريقة كلامها خلات حتى محمد شد معاهم الضدد وخطة رقية على محمد مامشااتش كيف تخايلت ومكانش ساهل يتشد ليها….القاضي تلف معاهم الحاح محاول تصلح الاومور وحتى هي كتهضر بلاما تخسر الهضرة ولكن بطريقة مخلية اللومة كلها ترجع على ضهر الحاجة فكل كلمة كتقول اسراء او الام كيعاود يسول القاضي محمد وكيأكد ليه كلاامها تزير وحس براااسو تحط فموقف المتعدي ولا باغي غير يخرج من تما باي نتيجة…
مرة اخرى نفس تاكلام اللي تدكر فالجلسة الاولى ومحاولة القاضي باستمراااار الصلح بينااتهم دائما ما كيكون كلام اسرااء على نفسو ومحمد كدلك رافض التنازل لكن مع اقتراب الحكم القاضي نطق واخير محمد بقلة صبر قال وهو كيشوف فيها بوحدها قدااامو هاد المرة مامعاها لا رقية اللي غتدوي فبلاصتها…
محمد : متأكدة من قراارك.. عنداك تندمي من بعد ؟
اسراء بتردد بلعات ريقها: ماعنديش علاش ندم..انا ماطلبت منك والو شرط واحد اللي بغيت التيقار ومن حقي مشكلتي ماشي معاك انا ماقدرااش نعيش فداك الداار اللي فقدت فيها اكثر حاجة كنت كنتمناها بسبب الناس اللي فيها مايمكنش ليا نرجع ليها…
محمد علا حجباانو : مزال على كلامك…اللي باان لييك..!
القاضي بقلة صبر: ابنتي قولي لياا واش باغة رااجلك هادشي الي بغيت نعرف واش نتي باغة راجلك..
اسراء : انا بغيت نستقل بداري بوحدي مايمكنش ليا نسكن معااهم هذا هو شرطي الوحيد مابغيت حتى شي حاجة من غيرها..
القاضي : ولكن الزوج دياالك سبق وشرط عليك العيشة مع دارهم وقبلتي بالزواج ملي عارفة راسك غتغيري رأيك ماتقبلييش..
اسراء : سيد القاضي انا فقدت اكثر حاجة كنت كنتمناها فهاد الدنياا وبسبب ديك الدار فقدتو وماعرفتش واش يمكن ليا شي نهار نعاود نفرح بيها…مايمكنش لياا نرجع ليهاا وانا فوقما شفتهم كنتفكر ديك اللحضة المشؤومة مانقدرش نعاود نشووف فوجههم..
محمد : حتى حد ماداارها ليك ماتلومي حتى حد….ماكدبتش عليك من نهار لول قلت ليك اشنو كااين وقبلتي الواليدة مايمكنش ليا نخليها بوحدها ونخرج نسكن بوحدي وراك عارفة مزيان اش كنعني….
اسراء : حيت الحاجة باغة مراة ليها هي ماشي ليك انا مايمكنش لياا نحقق ليها اشنو بغات خاصك تفهمني ماميكنش ليا نبدل شخصيتي والطريقة اللي كبرت بيها باش نراضيها ونريحها ونبقى انا بلا راحة…سمح ليا حيت ماقدرتش نتفااهم انا وماماك نتا حر جيب ليها اللي تفاهم معاها (بصرامة) انا شروطي وضحتهم ليك..
القاضي : يحق ليك ابنتي طلقي الطلاق….كيفما يحق ليه التعدد
اسراء بصدمة شافت فيهم بزوج : م ما ماقصدتش..
محمد :مايمكنش ليا نستقل بالسكنة ونخلي الواليدة سواء بيها ولا بغييرها هذا اخر كلام عندي…كنعاود نقولها طلبات السماحة من الواليدة ديالي وتراجعت على التهم اللي كتوجه ليها وقبلات العيشة فداري مجموعين مرحبا بيها ايلا كان العكس الحل راه واضح
عطاهم القاضي مرة اخرى واش اخر حل عندهم رد عليه محمد بايجاب واسرااء بتردد ماقدرااتش تنزل من كرامتها كثر وتطلب جلسة اخرى للصلح وحتى هي ردات بايجاب يعني انها ماكتنازلش على شروطها خلاو القاضي في المشاواراات وهي كتمنى من كل قلبهاا يعطييهم جلسة خرى للصلح ..لحضة اعلان القااضي يمكن كانت كثر من نهار عرفات بالاجهااض كتسنااه يعلن ويقوليهم غنعطيكم جلسة تانية لمحاولة الصلح..
لكن خاب ضنها والقاضي حكم لصاالحها وعلى حسب كلامها بالطلاق وعطى الادن لمحمد يرمي عليها الطلااق الشرعي….تفرضات عليه نفقة بقيمة 2000 درهم حتى انتهاء العدة ديالها وتعويض مبلغ 5 دالمليون…
دق بالمدقة دياالو وانتهت الجلسة بيناتهم خرجاات اسرااء حادرة رااسها كتررعد والارض ماهازااهاااش مادوات مع حتى حد مشات نيشاان للطوموبيل ديالها طلعات والام تابعاهاا كتسول وتعرف اشنو وقع لدااخل وهي غير طلعات لطوموبيل حيداات زييف بنترة كتبكي وهوما كيسولو مخلوعين..
اسراء ببكااء كترجف : قلتو لياااا غيواااافق يااك نتي قلتي لياا فالجلسة تااانية غيوااااافق هاهوا طلقنا ارتاااحيتوو
رقية: مافهمتش اشنو وقع لداخل شرحي ليا ابنتي برااكة من البكااء
اسراء : مابنتكش بعدي مني خرجتو عليااا خرجتو علياا انا ماباااغااش طلاق مابغييتش نطلق منو بغييت راجلي نتوما سبااااب خرجتو عليا(تكات على الفولون كتبكي)
رقية بحدة : ايواا ااشهاد الكلام ياك قلتي بيا بغيتي دارك بوحدك تشنو هادشي كنسمع غير عاودي ليا شنو وقع لداخل ولا سكتي ابنتي ماتعصبنيش..
اسراء : م مااي..مايكمكنش ليا نسمح فرااجلي غنهضر معااه انا غقنول لييه كاع داكشي اللي قلتو مابغييتش طلاق حتى داري بوحدي مابغيتهااش انا نديرها لرااسي ونسكن فيها غير نبقى معااه
جبدات تيليفون وهي تخطفو ليها رقية بزعفة كتغوت عليها حتى نغزاتها بنتها لوور تسكت وهي ضورات السمطة وسكتاات واسراء ديمارات الطوموبيل ومشات من تم كتبكي فحين محمد حتى هو خرج مع والديه مباشرة للطوموبيل طلع فيها وزااد كيوسع فالدجاكيت على عنقو محلول مكانش متوقع هاد الطلاق غيأثر عليه بهااد الشكل…
زاد تأكد وخدا اليقين انه الطلاق ماشي مجرد كلمة وكتنطق بل وحتى احسااس..احسااس بالنقص…بالحييرة والشك…واش اللي دار صحييح ولا غلط..واش تصرفاتو اتجاهها صحييحة ولا ضلمها واش تسرع ولا هذا هو الوقت المناسب…اسراء كتبقى انسانة وعااشت معااه فالاوقات اللي كان خاصو يكون بوحدو… ماشي جماد حطو حداه ديكور حتى هي كانت بشر وروح عايشة معااه وماشي بالساهل يتقبل وينسى اللي داز…!
ايااام عديدة كتدوز بحلوتها ومروريتهااا اسماء عايشة معاها رجعو من السفر من اكاديير والحياة الطبيعية كدوز مع تحضييرات عرس كنزة كل مرة كيخطفو حاجة ويعزلو حاجة مع عائلة العريييس اللي حتى هوما كانو داخليين للخط ماخباوش عائلة كنزة يديرو العرس بوحدهم بمحاولات اقناع كبييرة باش قدرو يخلييوهم يوافقو يتشاركو في عرس واحد اللي تحتم غيداار فاكادير …شهر ديال الايام كلها ماهضراتش اسماء مع الحاجة وحتتى ااحاج مابقاش كيجي عندهم بحكم الرقية الشرعية اللي تبعات اسماء غير من خلاال الاستماع القرأن مابقاتش حاجة للحاج حتى يجي لعندهم مرة مرة كيعيطو لييه ايلا احتاحو لشي سؤال ولا ايلا مرضات اسمااء فبعض المرات…
في الريسطو جالسة كنزة واسماء قداامها بعدما كانو فالمول تقدااات كنزة شي حواايج مع اقترااب العرس غير ايام قلييلة اللي كتفرق علييه..كانت تسنيم جالسة فكرسي بوحدها واسمااء قدامها كتوكل فيها وتمسح ليها فمها وهي مزال بلباس المدرسة واضح عليها عاد خرجات منها…
اسماء : فيين وصل..
كنزة : هاهو جاي قال لياا قرييب ايلا تعطل نمشيو شوية دابا ؟
اسماء : شوية كنحس بشويا دالتبوريشة وصافي
كنزة: باقي كتحكي لحمك فف كااع حردتيه بزاف هاادشي والله(شافت فدرااعها كلو حمر وشي جريحات صغار)
اسماء: وييه مرة مرو خاصة مورا المغرب كنحس بلحمي كيطيير من بلااصتو غير الله يستر وصااافي
كنزة : والمشكلة دوينا مع الحاج قالييك ماعندكم مناش تخافو هادو غير علامات الشفاء انا مكيباان لياا شفاء ومانعرف تااني..
اسماء : هو عارف ااش كيدير انا ماعليا غير نتبع كلاامو الحمد الله اللي بديت كنقدر نسمع القران ونقراااه شحال هذا راه كنحس بودني تصمكو عليا ملي كيبدا يقرااه عليا …
كنزة :الله ياخد الحق هادشي اللي غنقولو..هاهو جا اخيرا..
وقفات كنزة من الكرسي كتشوف فيه وهو داخل مع صاحبو مبسم ليها سلم عليه من الوجه وسلم على اسماء باليد وجلس كيضحك مع تسنييم وصاحبو نفس الشكل غير الفرق سلم عليهم غير بايدييه وجلس كيحرك صبعانو فوق شعر تسنيم …
_الكسولة صافاا..
تسنيم: كنقرا مزياان وعطاتني لاتميتخييس الغيزيلتا خديت كثر من ديال سلطان
_مممم بصح هادشي اماماها (شاف فاسماء مبسم) ماخاصناش نبقاو نقولو ليها الكسولة واقيلا..
اسماء : بنتي مجتهدة كتقراا مزيااان وكتجيب مزياان(باست جبينها كضحك وشفات فيه) لبااس عليك ا امين الفنكوشة بخيير هه
امين : صافا صافاا هههه عليها اشنو ناقصها
اسماء :علاش ماجبتيهااش معاك هه
امين : مشات تشوف ماماها هاد الويكاند حتى يسالي ونجيبها انشاء الله..
حركات راسها بايجاب بابتساامة وشافت فعماد مبسم كيهضر مع كنزة ماشي غير كيهضر خاشي وجهو فيها وهي قالباه عليه شادة ضحكة كيعجبها التجرجير اللي كيدير ليه….حتى جا لعندهم السيرفور ووقف حدا كنزة وهي عاطيااه بالضهر مشاافتش فييه غير هضر كياخد الطلبية دياالهم وهي تللفت بعفوية شاافت فييه وضارت قدامها فجأة وهي ضووور كتشوف بسررعة كانها كتأكد منووو حتى لواحظ الحضة قالت …
كنزة : اااشرف !!!!
نزل ليها عينييه غير شاافها وهو يضحك بفرحة وهي وقفات فرحاانة كثر منو عنقااتو وعمااد علاا حجباانو كيشوف فييهم وتقااد فبلاصتهم كيتفرج فيها اشنو كدييير وكيفاش كتهضر معاااه وهو شاد فدرااعها حتى رد بلال لاسماء وقال بشك..
اشرف : و واش هادي اسماء ؟ ولا كدبت !!
كنزة : هي اويلي ماعقلتييش عليها هههه حتى هي بانت ليا ماعقلااتش …اسماء هذاا اشرف..اشرف اصحبتي اللي تحول من حدانا كانت داارهم ملاصقة مع دارنا
اسماء :ولد خالتي الكبييرة اااااه هه تبدلتي هه(مدات ايديها سلمات عليه وجمعاتها) لبااس علييك كيديرا خالتي الكبيرة
اشرف : حتى نتي تبدلتي.. بزاااف كاع هههه الحمد الله العزبة هادي كتشبه لييك هههه
اسماء : ااه تسنيم هه
كنزة: ناس ولدو ونتا ااش باقي درتي هههه مايحسابتنيش خدام هنا كنجي بزاف عمري شفتك درتي شي وليداات شي مراة ههه
اشرف :مزال هاد ساعة كنستناااو على الله ايلا كنتي كتعرفي شي وحدة
كنزة ضربات فدرااعو بمرح : ايوا شنو انا ماعجبتكش
اشرف:الله ياودي مانلقااش حسن منننك ههه
جرهااا عماد بجهد جلسها على الكرسي وتكلم فودنيها بطرييقة مفرووشة خلااتهم غير كيشوفو فيها واشرف فهم رااسو خدا الطلبية من اسماء واميين ومشى مابغاش يعاود يهضر مع عماد وكنزة حتى يرجع
عماد : تبتي خلينا جاالسيين طرونكييل
كنزة خطفات دراعو بجههد منو مارضااتش قدامهم: ااش هاد جرة درتي لياا قدام دري حشومة تئ ففف
عماد : حبسي برااكة شويو من ضحك اناا حدااك ونتي كضحكي وتعنقي فييه شنو زعما كنبان ليييك
كنزة : رااه كنعرفو ماشي برااني كبرنا كامليين كان بحتل خوويا
عماد: كاااان داباا انا معااك حتاارميني ونقصي شوية من تنقاز طلعتي ليااا زعااف بهاد المرض ديالك اكنزة حتارميني شوية انا حدااك ونتي كتعلقي فييه اشنو زعما انا هنا حدااك؟
قلبات وجهها مارجعاتش جاوباتو وحتى هو قلب وجهو مادواش معااهااا تكرهب الجو بيناتهم ورجع مرة اخرى اشرف جاب طلبية اسماء وامين وشاف فعماد مخنزر فييه وهو كيقول ليه الطلبية اللي غيجيب ليه هو وكنزة ماخلاهاش تهضر معااه حتى هي ماهزاتش كاع فيه رااسها..
ولا شي كيشوف فشي كنزة جبدات تيليفونها كتلهى فيها واسماء كتشوف فيها بنص عين حتى ردات لبال لامين اللي باغي يهضر معاهاا..
امين :كنشم ريحة العافية تدخلي بردي الجو …
اسماء: لاا اخويا سمح لياا تولي حارقاني معاها ههه
امين : نبقاو نتفرجو فييه ههه
اسماء : ماديرش فيهم راسك شوية وغيبانو ليك رجعو كيهضرو كأن شيئ لم يكن..
امين شاف مطوول تنهد وقال : فرق كبيير بينك وبين ختك هي كتبان ليا اكتيف وحركية نتي العكس كاالم…متبتة..فهمتي
اسناء : يااك ههه شكراا اسيدي
جاب ليهم اشرف باقي الطلبية حطها واسماء مبسمة ليبه باش مايحسش بيهم قلبو علييه حتى مشى بقات اسماء كتهضر مرة مرة مع اميين كييضحكو حتى تلفاات كتزة مرة اخرى بعفوية شافت فعماد كتوريه سطوري فتيليفونها..
كنزة : ختك رجعات للمغرب ماقلتيهاش ليا عاد جات ؟
حرك راسو بااه كيشرب فقهوتو بدون مايجاوبها ماكييشوفش عندها كاع وهي جمعات ضحكة وطولات فيه الشوفة وهي تطفي تيلفون خشاتو فصاكها وغمزات اسمااء ووقفااات…
كنزة : اسماء يلاه نمشيو..
امين كيشوف فيهم بجوج : م مزال الحاال خليكم معانا
كنزة : لاا مرة اخرى يلااه اسماء…
جبدات فلووسها حطات حسابها هي وختها وخرجات قداامها واسمااء اعتادرت منها خدات تسنيم وتبعاتها وعماد زدح ديك القهوة مع الطبلة متبعهاا بعينييه قاارنهم حتى مشااات طلعات لطوموبيل واسماء جنبها يلاه غتزييد وهو يوقف عليهم امين فالشرجم يلاه غيهضر وهي تقاطعو حابسة دموعها…
كنزة :اميين عفااك خليني نمشي وقول لصاحبك حد هناا والله يعاااون صااافي اخر مرة ندوزها ليييه ..
امين : الله يهدييك اكنزة نزل هضروو شوووية ماتسرعيييش
كنزة نزلات دمعة هي تمسحها بالخف : عييييق عليااا بزاااف والله ايلا بزااف ماضحكيش مع هادااك ماتهضرييش ماتشووفيييش فلااخر قطع لياا نفسي لااهوما بوحدي ولا هاد الحالة سمح ليا الله يجيب ليه اللي تصبر عليه انا صافي طلع ليا فراااس
امين : بجوج بيكم غالطيين نتي حتارمييه ماضحكييش مع الولد قدامو وهو مايغوتش علييك بجوج بيكم غالطيين اسماء بعقلك دوي مع ختك..
اسماء بهمس : حتى تبرد ونهضر معاهاا غير خليها دابا مامعاهااش الهضرة..
امبن :على الاقل ماتسوقيش هكااك بديك الخالة خلي ختك تسوق
كنزة : لاا قادرة قادرو شكراا سمح ليا..
امين : ردو الباال (شاف فاسماء)تهلااي فتسنييم (علا عينيه فكنزة) الغلط اختي كيوقع ماتسرعوش..
حركات راسها بايجااب وهو بعد من طرييقهم خلاها صاقت بسرعة مشاات طول طريق ماكتهضرش معاها حتى وقفااات قدام مرجاان كان قريب لداك الريسطو اصلا غير حداه شوية وضارت كتقلب فصاكهاا
كنزة : مباانتش ليك ديك الورقة اللي كتبنا لماما داكشي اللي باغة تقداه
اسماء : هاهي عندي عطيتيها ليا
كنزة:تئ نسييت …
اسماء : دوخك عزيزي
كنزة ضحكات : اشمن تانتي
اسماء : سمحي لياا احبييبة بلحق نتي راك عيقتي اويييلييي وحدي خطييبك حداااك خمسطااش يوم وغديرو الكحل فالبيض منقزة على دري معنقااه عندك زهر ماخلطش حسك تما مانفكش منو
كنزة: واش من نييييتك راه عاادي…هو مريض فرااسو هاداااك مكانش كيسحابلي معقد هكااك اويلي اشنو فيها دري كنعرفو شحال من صغرناا وسلمت علييه عادي..
اسماء : لا ماشي عادي ههه حلاال عليك وحرام علييه هو
كنزة قاطعتها: غير يدييرها اشنو فيها ايلا كانت شي وحدة كيعرفها مافيها ولاو عادي
اسماء بدهشة : عادي ؟ ايوا صافي غير تشابهتي ليا مع وحدة شي شهرين دابا فاكادير لقات خاطيبها ضحك مع وحدة بالصدفة قلباات عليه الريسطو ماش نتي واقيلا يااك غير كتشبهي ليها
كنزة : طلع ليا فراسي صافي يبعد مني اختي عيق عليااا خنقنيي شاد فيا برجليه وبايديه بجالاا غنهرب لييه بزااف حاضي معاياا لانهضر مع شي حد ولاا نشوف فشي حد بحالاا غنخليه وغنمشي لواحد اخرم ماكيتييقش فرااسو بمررة…
حلات البااب ونزلاات واسماء تبعاتها دخلو لمرجان كيتقاددااو ناسين موضووع عمااد هادي تنفع هادي ضر هادي خايبة هادي زوينة وتسنيم حتى هي غير شاافت الحلوة والبيموات كيف العادة داخت بالحق ماكتقيص حتى حاجة كتشير غير بصبعها في لي عجباتها تاكتمشي تجيبها ليها كنزة كتعطيها تاكلها وتخلي الغلااف فالكروسة حتى يتخلص واسماء جو مرجان الباارد والكليمة حساات براسهاا تبوورشاات ومارتحاتش بغات غير امتى تخرج حاسة بدااتها سخووووونة والرعشة شاداهاا حتى لواحد اللحضة وهوما كيتقداو فالحوت شافت كنزة لتيليفونها وقاالت..
كنزة : يلاه حماقي نتي معااه دابا عاد تفش هاهو كيصوني ..
اسماء :جاوبيه صافي صغري عقلك راك نتي اللي غالطة ماتقلبيش عليه القفة..
تنهدات كنزة وجاوباتو بشكل جاف وهو كيسول فيها فين نتي معامن ااش كديري عطاتو التقرير وقطعات علييه بلاما تقوله حتى بسلامة ومشاو كيكملو تقديتهم حتى بدا كيصوني هاد المرة تيليفون اسماء كانت الحاجة جبواتها..
اسماء : آلو ماما…
الحاجة : فيينكم؟؟
اسماء :ف فمرجاان كنتقداو اشنو خاصك
الحاجة:اجيييو للدااار اجيييو دابااا
اسماء بفزع : ياك لبااس ااش واقع اماما
الحاجة: غبير اجييو داباا ماتخافيش ماواقع والو ولكن اجي اجي دغيااا خلي ختك واجي نتيي
اسماء : فين بابا ؟!
الحاجة : فالصاالة جالس ماتخافييش عليه غيير اجيو للدااار براكة من الهضرة..
اسماء : واخا صافي..غنجيو داباا(قطعات)
كنزة : مالها !
اسماء : ماعرفتش قالت ليا اجيو للداار واقيلا جا شي حد….
كنزة: صافي مابقى لينا والو يلااه نمشييو..
دوزو داكشي كامل فلاكيص وخرجو تقدية حتى للكوفر ديال الطوموبييل طلعات اسماء وبنتها ويلاه غطلع كنزة وهي تبان ليهاا طوموبيل ديال عماد دااخلة مع الباب الكبير ديال مرجان ورجعات سداات البااب شادة ضحكة لا تفلت ليها قدامو كيف العاادة ووقفات كتسنى فييه حتى يجي وهو مالقاش بلاصة بلاصة غير فواحد القنييتة ونزل تلفت عندها واشار ليها براسو تجي لعندو علمات اسمااء ومشات عندو قالبة وجهها حتى وقفات علييه
كنزة: نعاام ؟
تكى على باب الطوموبيل وجرها لعندو من ايديها مبسم
عماد : مالكي كتقوليها قالبة وجهك !
كنزة: ماقالباش غير سولتك…
عماد : شوفي فيا….(حدرات راسها وهو حناه عندها) واشوفي فيا..
كنزة : شنو قول راه ختي كتسنى..مانخليهاش بوحدها
عماد : شو كي كتهضر (صرفق خدها بلطف)غنصمك حسسك كيفاش هاد ختي تاني غير بلاتي تانجيبك لداري وغنوريك ختي و بحال خوياا مزيااان
كنزة : ماكينا لا داري لاا جوج سالينا..
عماد : سالينا ياك اختي ؟ اهااه عيطيني خاتمي لالة….
شافت فييه بصدمة وهو شاد ضحكة مابغاش يشوفها باش ماتغلبووش وهي حدراات راسها بسرعة كتحيد فالخااتم حتى رد ليها الباب وهو يجمع ليها ايديها بحووج وجرها تكاها على صدرو..
عماد : غير كنضحك معاااك اش كتحيدي ااخر مررة تسلتييه من صبع درتيها بصح ولا شنوو برب مامفااك معااك غير بيا ولا بييك
كنزة :عيقتي عليا بزااف صافي بعد مني مابقيت باغة لاا زواج لاجوج غير بعععد مني خنقتيني اعمااد انا ماولفتش هكاا خليني هاد سااعة عفاك بعد منيي..
عماد بجدية : يعني عادي هاداك اللي كتعلقي فييه قدامي و واش وقلبي ليا على مراة ومانلقاش ما حسن منك وديك الهضرة الخاوية عاادي عنندك ياك حتى
كنزة: ماشي غير اشرف ماشي اول مرة كديرها ليا بصح نقدر نكون زدت فيه حيت شفت اشرف و فرحت حييت كابر معانا وتلاقينا بعد شحال من عام بصح ولكن قدام شحال من حد كديرها غير كنبغي نسلم كتخطف ليا ايدي ولاد عمك ديك نهار خليتي ايديه معلقة ماشي حشوومة و نزييدك ونهار جلسنا فجردة ديال دااركم وجاو عندي ولاد عمك نييت يتعرفو عليا من بين كااع خواتاتك وولاد وبنات عمك نوضتيني اناا وحيديتيني من تماا حسستيني منبودة وسطهم ماعلياش الله حتى انا نهضر ونضحك…
عماد بصرامة : وايلا تعاودت غنديير نفس الحااجة قبل ماتسلمي عليهم قلت لييك سلمي بعينيك وضربتي فيا وتلاحيتي باغة تسلمي علييهم بالوجه ولاد عمي واخا تشوفيهم كوول وضحك ولكن رااه عيالاتهم لحد الاااان سنين ديال الزواج وعمر ايديا جات فايديهم ومرتي انا نخليها تسلم علييهم علااش؟
كنزة : ماكنتش عاارفة
عماد : خليتيني نقول ليك ديما مسرعة الاحدااث…ولكن فري مكانش خاصني نغووت علييك سمحي ليا الالة ماتعاودش بسييف مانخاف عليك من بنادم انا يومين خليتيني شهور كنحلم بييك خطبتك ومامرتاجش حاس براسي مضامنكش ليا فاي لحضة تقدري تمشي …فهميني حتى نتي..
كنزة : ماعندي فبين نمشي (هزات صبع لي فيه الخاتم) صافي رااك عربنتيني
عماد : شناهي ههه؟
كنزة : عربنتيني هه زعنا ضمنتيني بهاد الخاتم اويلي على التااجر معاارفش شناهي عربنتيني ههه
عماد : لا عاارفها هه غير جاتني بيزاغ فهاد ليمزونبل…ايوا مانستاهلوش حتى حنا شي تعنيقة آ اللي عربنتها ولا مانعرف عرنبتها
ضحكات هازة رااسها عاجبها الحاال اللي حزرها بسرعة ورجع معاها كي كان وهو يجرها عندو عنقها وبااس عنقها حتى جمعاتو ورجع باس خدودها كيضحك..
بزز باش فلتات منو خلاتو مشى وهي رجعات عند اسماء كضحححك راشقة ليهاا واسماء عايقة بيهم تصاالحو طريق كلها وهي شادة فيها حتى وصلو طلعو للدار لقاو الحاجة كتجمع فالطبلة وعبد المتقي جاالس كيشوف قدامو سااهي بتخمام ..
اسماء : ماماا..عيطتي علياا يااك لبااس
عبد المتقي تخطف من بلاصتو وشاف فيها : امتى عيطت لييك ؟؟؟
الحاجة خرجات فيها عينيها : قبييلة قيييلة ماشي داباا صبااح فاش يلاه خرجو
كنزة : جا شي حد شتك حاطة صينية ؟ شكون جا !
الحاجة : غير ..غ غير عماتك شكون بغى يجي..
اسماء : وعلاش عيطتي ليا اجي ما اجي ضرووري شنو واقع
الحاجة : وااالو ماواقع والو ويلي مالكم ضورتوني غير بغيتك تجلسي مع عماتك شوية وصاافي..
مشات لكوزينة واسماء متبعاها بشك..
اسماء: با ماالك ساهي
عبد المتقي : والو ابنيتي والو كيبقتي شووية
اسماء : الحمد الله ابا لبااس عليااا..بلاتي نبدل حوايجي ونجي عنندك..
مشات مع كنزة للبيت حيدات جلاابتها
اسماء : ماعرفتش شكون جا شفتي باا كي سااهي ياكما سمع شي حاجة ولا جا شي حد.. و كي خنزر فماما كلي عرفها عياطت لينا….
كنزة: ماعرفتش اختي هو مولف ديما ساهي حتى ليوم عاد جاتك غرييبة تانتي..
بدلات حتى هي حوايجها طلقات شعرها وجمعااتو ومدات ليها واحد الكريم..
كنزة : هاكي جربي دهني هذاا زويين للطياب راه لحمك كاع ملختييه بالحكان دهنيه غير من الفوق….
اسماء : لحمي حساس عنداك يزيد عليااا
كنزة : اا لا غير ديريه راه غير مرطب بحال ااحلييب..يبردهم ليك شوياا
تحل البااب ودخلات عليهم الحالجة واسماء هزات فيها عينيها..
اسماء : ماما واش جا شي حد من العاائلة يااك ؟
الحاجة: غير عماتك تانتي بغيتك غير تجلسي معاهم كانو كيسولو عليك وجات تا عمتك رشيدة
اسماء: ماعرفتش….
االحاجة :دويتي مع الحااجة عرضتي عليها
اسماء : لاا مزاال…
الحاجة:ايوا ااش كتسناي اش حتى نهار بنهارو عاد تعيطي ليها
اسماء :ماما الله يهدييك غير ول البارح باش وجدتي ليستا ديال ناس انا غنعيط ليها
الحاجة:ايوا عيطي يلاه يلااه هاد سبت ولحد كاعما تحبسيهم بقات سيمانة ااش بقى
اسماء : واخاانبدل غيى حوابجي ونعيط ليها شكون باقي ليك اخر
الحاحة : مابقى تاحد العائلة كلهم سيفطت ليهم كلهم جايين بولادهم وبناتهم الجيران غير نقلت ماقلتهاش لكشلي اللي بغات راه تلحق علينا
اسماء : وهشام وصلاح وعيالاتهم قراب يجيو حتى هوما ماحضرتوهمش فالخطبة وتزيدو العرس حتى هو ..
الحاجة شافت فكنزة ماعرفات ماتقول حتى سبقاتها كنزة…
كنزة بارتباك : راه عيطت لييهم ايلا بغاو يجيو مرحبا مابغاو الله يعاونهم..ياك اختي هوما عزلو عيالاتهم وبغاو السكنة بوحدهم الله يعاونهم ولاهيلا تهنيينا دار زيانت وهناات..
حركات راسها اسماء باايجاب بشك كبييير مامبيناش كتشوف فيهم بحوج بيهم بشك كبييير كآنها حاسة باللي واقع حولها لاهوما باغين يهضرو ويقولو اشنو كاين ولا هي باغة تكتر الاسئلة وتعرف…واش مباغاش تسمع اللي شاكة فيه وتزيد تمرض وتحقد !!
في مكان اخر وبالضبط عند الحاجة كيف عادتها علاقتها بالكوزينة ماكتقطعش..جالسة فوق الصداري جامعة رجليها عندها والبلاازما قداامها بدوزيم شاعلة ساهية فيها واش كتفرج ولا لاا شكون عرف…وخديجة واقفة على البوطاجي خلطات ليها البااربة والجزر والخضرة مصلوقة على شكل شلاضة جردة متنوعة وشهية وجابتها ليها بالفوورشيط حطاتها قداامها مع كاس الماء ودواها..
خديحة :برااكة الحاجة من تخمام مولاها ربي…الله يدير اللي فيها الخير
الحاجة : مابقى خيير ابنيتي مابقى خييير داري تخلات من نهار خرجات منها دييك المنحوسة وحنا لور لور ماعرفنا واش لاحت لينا نحسها وزادت ولا الله اعلم..
خديجة : ماكيين اللي مقلقك دابا الحاجة قد ديك السيدة اللي قالت غتجي من وجدة اما حتى محمد راه غير في الفيرمة قالك الحاج نهار يكمل خدمتو تما غيرجع علااش مبرزطة من جيهتو..
الحاجة: هادي دابا اللي جاية عندي لاش ابنيتي كي غانقولها لعمك الحاج كي غنقولها لليه….بنت خوك وبنيتها جاية من وجدة لعندك ؟ وملي يقول لياا علاش اشنو نقوليه اعبااد الله…
خديجة :ومانضنش الحاجة مايبغيهاش الحاج مسالم وغيرحب بيها عقلي على كلامي نتي غير قولي ليها مرحبا بيك ماتخليش راسك فالعيب وخليها تجي شوفيها ااش بغات ماترديهاش فوجها ربما ناويين الصلح ولا خوت الحاج اللي مسيفطينها هي بعقلها وكبيرة ياك كبيرة شوية مزوجة لاا ؟
الحاجة : مزوجة راجلها برا ماشي هنا بقات غير هي وبنيتها ماقلت ليها تا كلمة قلت ليها مرحبا بييك…تاتجي ومنها لعمها…
خديجة : ايوا صافي تجي مرحبا بيها تجلس شي ايامات عندكم لهيه فشكل مايخليوهاش تفوت سيمانة هي لقليلة…
الحاجة : واتجلس الشهر تانتي ماعندي شغل راه بيت ضياف موجد لي كليينا تاكلها معانا انا الانسان ماكيطلعش ليا فراسي مرحبا بهاا راه بقات فالحاج واش ييبغيها وفمحمد مكيبغييش ليا البراني فالدار وخلاص من وجادة عايلة باه لاما طج مابقى رجع….(تنهدااات كانها هازة جبل فوق ضهرها) شوفي يابنيتي تامن اسماء مابقاتش تسول يامات كانت مريضة كنت نسول فيها ونعاود وليت نبكي بقات فيا وعارفاني كنجري مع ولدي فالمحاكم ونايض ليا الصداع فالدار عمرها صونات ولا عيطات….
حدرات راسها خديجة ماعرفات باش تجاوبها والحاجة كتنننهد جرات الفورشيط كتنقب من دييك الشلاظة طايح عليهاا الضيم حتى سمعات تيليفون كيصوني وهي تضحك…
الحاجة قفزات : محمد ن نوضي نوضي ولدي كيعيط نوضي…
ناضت خديجة كتكري هزات تيليفون مضاربة تقرا السمية…
خديحة : ههه اسماء الحاجة ياحليلي كون غير طلبتي ولدك يجي كون تحقات لييك ههه
الحاجة: اري نشوف لاهوما هي بعدما نهضر معاها غير شووية واخا ماكتسولش فيا….بعدا بعدا كتصنت ليا وتعطيني الخاطر ماشي بحاال ديك خيتي..(عطاتها جوباتها) آلوو
اسماء بضوت ضاحك: الحاااجة
الحاجة : احيااااني عليك من نهار زاروه ما شافوه سولتي فيا بكري
اسماء : والله الحاجة وربي شاهد عليا كنبغي نسول والله العضييم ولكن ماكنبغييش نبرزطك وعارفاكم مشغوليين كديرا نتي يااك لبااس علييك
الحاجة : نحمدة الله ابنيتي نحمدو الله كيبقيتي نتي كيديرا البنية والحاجة مك وختتك وبااك يااك كلشي بخيير
اسماء : الحمد الله بفضل الله والحاج واقفة على رجلي الله يجازييه بالخييير يااربي عمر خيرو نساه
الحاجة : هذاا من فضل الله الحمد الله
اسماء : عرفتيني علاش عيطت لييك ولا لا هههه
الحاجة : الله يسمعنا خبار الخيير هههه
اسماء : غير الخييير الحاجة هههه راحنا كنتسناوك هاد سبت لا والسبت لاخر انشااء الله عرضات عليك ماما قالت لييك مرحباااا بيييك نتي وخديجة والحاج ومحمد مرحبا بيكم لعرس كنزة
الحاجة : يا مبروك عليها الله يجمع بيناتهم فالخيير بالرفاه والبنيين انشاء الله …الله يكمل بالخييير
اسماء : اللهم امين الحاجة وعانداك ماتجييش بحال الخطبة نتي وخدييجة حتى هي مرحبا بيها
الحاجة : انشااء الله ابنتي انشااء الله باغة تجي عندي واحد السيدة من العائلة ديال الحاج انشااء الله تخليني غير تاندوز العرس وتجي
اسماء : حتى هي مرحبا بيها قولي ليها تجي والله ايلا بلاصتكم على راس والعين كاملييين ايلا ماجيتيش نتخاصم معااك جيبي كلشي وجي مهم حضري وصافي والله ماما وختي وحتى باباا كل مرة كيسولو علييك
الحاجة فرحات بالتكبيرة ديال اسماء : انشااء الله ايلا بقى العمر والله حتى نجي غي هنلا ولا فيين
اسماء : فاكاديير ولكن ماتخممييش جي تمشي معانا ماتفكريش فالمركوب جي ليلة الحنة غنديروها هنا بنهار فاكادير بلييل والغد لييه العرس مهم نتي جي قبل تمشي معانا من هنا
ضحكات الحاجة وطلقات التغوبيشة كتهضر وتجمع مع اسماء شوية حتى بدات كتعاود ليها على اللي وقع هاد الايامات اللي ماهضروش فييهم من اول حرف تا لآخر وحتى طلاق محمد اللي تصدمات فيه اسماء مكانتش كتسنى تسمعو شي نهار ابداا قطعات معاهاا وديك ساعة دوزاات الحاجة لمحمد المرة لولاا ماشدش ليها وبدات كتصوني تااني…
خديجة :يكون مشغول الحاجة خلي شوية وصوني ليه تااني وحتى ريزو راه ماكينش تما..
الحاجة : اش شغلو عليا ديما كيجاوبني..هادي هي الفرصة نقوليه يجي يديني يلاه يرجع فحالو
خديجة: غيقوليك الحاج يديك
الحاجة: الاا غنهضر معاه يديني هو توحشت وليدي..انا اللي هربتو انا سبابو…(جاوب) آلوو آلوو محمد…
وقف قدام البااب الاحمر الكبيير كيحك على لحيتو الكتيييفة خاشي صباعو وسط منو كيمشطها وينزلها للتحت والكاسكيط على رااسو مخبية عينيه اللي كانت كتشوف نيشان ناحية البناي اللي قدامو وهو كيبني فالسور ويطلع فييه مع باقي العمال….لاح الخطوة القدام وقرب لعندو بسرواال صيرفييط كحل وتريكو سخوون دافي دالصووف فالرمادي وبانطوفة فرجلييه مع تقاشر بيضين طاالعين خاشي ايديه فجيبو وقف علييه كيشوف مع الصور ويعلي معاه رااسو وداك السيد غير شافو وقف علييه حبس وتقاد فالوقة ضااحك..
_السي محمد ااش باان لييك ههه
محمد : لا تباارك الله عليكم مزياان..زيد عَلِّيه شوية هاد السور شي ربعين ولا تلاتيين سنتيم فوق ياك…
_علااش ماديريش لييه السلك لاجيتي عليا شي حديداات يكونو غلاض ولا رقااق وكباار وقفهم علييه وهني باالك مايبقى حتى حد يتخطر علييكم ولاا ينقز لدااخل
محمد :داكشي اللي ناوي ..زيد عليه غير شوية ماتخممش السلعة جاية فالطريق خود راحتك فيها خدمتك متقونة ماعندي مايتساالك هادشي اللي بغييت بالضبط اللهم يسر…
طبطب على كتافو بامتنان عاجباه خدمتهم لمتقونة فالسور اللي ضور على لفيرمة كاملة بعدما سااق الخبار للشفارة اللي دخلو لحسن الحظ الدار مامفرشة لداخل ما مجهزة فرااش قليييل بزاف فيها غير اللي كيحتاج فاش كيجي بعد المرات…خشى ايديه فجيابو وتمشى خارج مع البااب كيشوف فالارااضي قدامو الخضورية كتقطر منهم بالربييع اللي عاد كيطلع مع لون السماء الازرق متوسطاها غيووم كانها لوحة مرسومة وشميسة خفييفة كتنزل مع غرووب الشمس مع نسييم ريااح هاادئة والخرفاان كيبانو من بعييد ساارحيين منضر كيفتح النفس ويشهي فالجلسة طول العمر تما مرتاح ومهني من صداع المديينة ماباغيش يرجع ولكن طول الجلسة هنا وحس براسو تهلك كع الترونبوسر كل نهار من كازا للفيرمة اللي خارجة على المدينة فكر يجيب شي حد يوقف ليه على الشغل ويرجع لحياتو مرة مرة يجي يشوفهم فين وصلو…
فنفس الوقفة كانت واقفة اسماء غير الفرق هي فالكوزينة وكنزة جالسة قدامها والحاجة حتى هي كيهضرو ويناقشو العرس كيفاش غيكون شكون غيحضر وشكون ماغيحضرش والتحضيرات اللي بقاو ليهم…
ترونو والدار من السيمانة لولاا عمرااات شي داخل شي خارج والحاجة كيف المقص حاضية البيوتة وبيوت وحوايج بناتها ضور بساروت تدخل بيه وتخرج بيه واسماء حتى هي ماكتيق فحتى حد حاضية غير مع كنزة فين كتحط لباسها وفين كتبدل وفيين كتاكل واش كتاكل ماكتيقش واخا العائلة القريبة مابقاتش كتيق فيهم بعد اللي وقع ليها بسبب التيقة اللي عمات عينييها…فحين كنزة غير دايخة وتالفة تقاد مني جييهة وتخسرها من جييهة وهوما تابعينها يهدنو فيها باغة عرسها وحنتها دوز على خيير وسلااام وتخلي كلشي يهضر عليها ويضرب بيها المثاال حتى عماد مامقصرش فجهدو معاها حط ليها فحساابها مبلغ معقووول تعاون بيه غير ملزماتها الشخصية فقط من لبااس مايكاب خروج صالونات خسراان اما العرس العائلات اللي متافقيين علييه…وصلات لييلة الحنة وخرجو كنزة من الداار بالصلااة والسلام على النبي داوها للحماام ديال الحومة لقاتهم موجدين ليها واحد الكوان اوبالاحرى كراتو وجداتو لرااسها تخلي خبارها فالحومة “كنزة كرات الحماام ليلة حنتها”…
جهزو ليها بالورد والشمع وهي فرحاانة بنهاارها حتى كتدمع بالفرحة مرة مرة واسماء مااصبراتش دخل معاها القاااصح وحسات بغياب ختها اللي غيخوي عليهاا دار ماكبحاتش نفسها قداامها وفاي فرصة قداراات كتطلق دمووعها برااحتها حنى كتبكي معاهاا كلشي….عائلة عبد المتقي والحاجة حتى هوما كبرو بيها رغم البعد مكتجمعو غير فالحزة كيحمرو الوجه ويوقفو مع بعضيااتهم لكن كانت نضرااتهم وكلاامهم كثيير على اسماء كثر من كنزة شافقين على حالتها كيف ولات خاصة انه اسماء ماشي من النوع اللي كيواتيها الضعف ضعاافت وفورمتها ضاااعت مع المرض بقات فييهم ولكن هي مامسوقاش غير اللي ناضت على رجليها عندها وبقات لبنتها هاداك هو الربااح عومو كنزة فالحمام بالحنة والتخلية،الصحراوية،والورد والشمع وزوااق والصلاة على النبي حكوها ونقاوها ولبسوها قفيطين سابمل بيض وخرجوها من الحمام داوها للدار لقاات باقي العائلة كلهم حااضر من بينهم الحاجة وخديجة جلسوها فالصالة الكبيرة فالبلاصة اللي موجدين ليها والنقااشة جالسة قدامها مدات ليها رجبيها وايديها مخلياها تنقش ليهاا والعائلة كتصلي على النبي واللعابات متوسطين الصاالة كيشطحو عليها ويغنييو فرحانين والحاجة ام محمد غير كتشووف مبسمة كضحك عاحبها الجو وارتاحت وسطهم….
فحين الحاجة ام اسمااء حاضية الشادة والفادة اللي تهزات واللي تخطات حتى كنزة حنة مايدير منها تاحد ماخلات حتى حد يعطيها تشرب ولا تاكل من غير هي اللي تجيب ليها حتى لعند فمها توكلها وهي اللي تشربها وتقد ليها الجلسة واسماء جالسة جنبها عينيها كيضورو وحاضية مع ختها ومع رااسها حتى لواحد اللحضة وهي تشوف الحاجة تحت طبلة حيهت كنزة لقات البلغة ديالهاا طارت خرجات عينييها ومشات عند اسماء كتشتف تحناات عندها….
الحاجة : فيين بلغة ختك قلت لييك ردي معاهاا لبااال بقيتي حالة فمك ونسيتييهاا اويلي اويلي
اسماء :هاهي وراا ضهري ماتخافييش مابغيتش نخليها فلرض تخشي فيها شي وحدة رجليها ماغنحيدهاش ليها
الحاجة : ايوا صافي مزياان..(طلات على النقاشة) ايوا الالة تباارك الله علييك شي تزغرييتة عليها العياالاات كي تهلاات فبنيتيي الله يبيض سعدك …
تعالاات مرة اخرى الزغاريت والفرحة و النشاط فالصالة دار سخنات وكلشب عرق وبنات العائلة مع غير بيناتهم ماكين غير شطح ليا نشطح لييك حتى ضربات الخمسة ديال العشية اللي غيبقى يحضر للحنة تانية فاكادير بقى واللي غيمشي راه مشى حتتى للعرس ةيلحقو عليهم بقاو قلاال فالدار جتى بغات تمشي الحاجة وهي تشدها اسمااء عيات فيها تجلس تمشي معاهم ولمن هي رفضاات من جيهة مابغاتش تقل علييهم ومن جيهة تانية باغة تصدع محمد حتى يجي تشوفو ويديها فنفس الوقت…
ناضت كنزة لبيتها مع اسماء عاونتها قشراات الحنة حيدااتها عاد جلسات كتترتااح والحاجة دخلات ليها العشااء حطاتو ليهاا وهي مابعاتش تزيد تا زيدات معاها اسماء وتسنييم عاد بدات كتعشى وهو يوصني تيليفونها وشعلاتو دارت باغلوغ كتصنت هي اسماء لعماد كيهضر
عماد : الزين دياالي صافاا فيين وصلتو…
كنزة : يلاه كنتعشى عيييت شوية وغنشدو طريق
عماد :ايلا كنتي عيانة نسيفط شي حد يجيبكم ماتصوقييش ارتاحي لوور ولا نعسي راه حفلة وحدة اخرى كتسنااك هنا ههه
كنزة : بصح ماتقوولش ليا دايرينها كبييرة بزااف
عماد : وراك عارفة العائلة داكشي اللي قلت ليك وعرفتك عليهم غير النص نص لاخر تاهو جا ههه ولكن ماتخافيش ايلا عيتي طلعي لشومبر وارتاحي وخلييهم
كنزة: ماكنعرف تااحد من غير ماماك وخواتاتك وولاد عمك غير شوية ماشي بزااف ماتخلينيش بووحدي
عماد بصوت حنيين: على انا نقدر…هاد النهار داز بعام ماتخايليش شحال كل ساعة كتبان ليا طول من اللي سبقااتها امتى تكوني كنز الحلال فداري كنتسنى بفارغ الصبر….توحتشك
كنزة ضحكات كتعوج : يتوحشك الخييير
عماد : يااك واخا دابا نتفاهم معاك على هاد الكلمة االي كتشحفيني بااس نسمعها منك..سيري ترناحي احبيبة براكة علييك نعسي شوية وشدي طريق اجي ولا نسيفط ليك شي حد من تما يجييبك اش بان لييك
كنزة لا لا قادرة نسوق والله نعست مزيان لبارح مرتاحة ….
عماد : مزياان صافي خلي تيليفونك شاعل نعاود نصوني ليك جيبي معاك حوايجك االي غتحتااجي والباقي خوديه من هنا باش من الاوطيل نمشيو فين قلت لييك بلاما ترحعي تالتما..
كنزة بتمرد : كون غير آجلتيها عفااك مانقدرش نمشي بوحدي(غمزات اسماء )
عماد : ياك قلتي تمشي معاك ختك قلبتي كلاامك تاني..
كنزة : يلاه غنقولها ليها حتى نشوفها اشنو غتقول بسلامة ماما جاية شوية ونصوني ليك
قطعات علييه كضحك والحاجة دخلات جلسات حدااهم بعيااء كتستاارااح..
الحاجة: مالك كحضكي..معامن ..
كنزة : قاليا عماد نساافرو مورا العرس وتمشي معانا حتى اسمااء ماقدرتش نمشي بوحدي قاليا دي معاك ختك
الحاجة : بلاما تخسريها ابنيتي ماغيبغييش باك دعي معاهاا الله يبيص سعدها حتى هي بشي ولد ناس بحال هاد العاائلة نتهنااو عليهاا…
اسماء : اويلي اماما صافي بغيتي تهناي مني جات نوبتي هههه
الحاجة: ومالك علاش ابنيتيي باقي الخير فدنيا وباقين ولاااد النااس الله يكمل علييك تانتي بالخيير والله يفرحناا علييك ويهنينا علييك تا ايلا جات لموت نعرف راسي خليت بنااتي فايدي امنة ماشي مخلياها ورايا معلقة….كنزة تهنيت عليها العقوبة ليك تا نتي….
اسماء : الله يطول فعمرك واش باغا تبكينا حتى نتي خليني يلاه مسحت وحهي..
كنزة: غتبكي تااني غنزعف علييك برااكة اولي درتيي كنازة فين غنمشي راني غير حداك واصلا هانتي مسافرة معايا يعني راك مزال معايا وقلت ليه مانسنكش فاكادير غنبقى عليه حتى نجي لكازا ونقرب حدااكم..
اسماء : غير جاتنا على غفلة ديك نهار عاد كنتي بوحدك معانا وهانتي غادا لداار راجلك المكاتيب سبحان الله..
كنزة : وشكون عرف حتى نتي من غدا العرس تجي مخطوبة ماتسافري معايا ماترجعي لداركم من تما لدار العرييس ههههه
اسماء : واش متافقيين عليا ليوم ولا شنو ههه حالفين تاتزوجوني انا راه خاصني نزوج بنتي ااش بقى ليا فشي زوااج ….
الحاجة: لاوااه مالك شحال عندك مابايناش كاع عليك واالدة الله يبيض سعدك كبر منك وشرف مننك وتزوجو وعااودو حتى يسر ليهم الله وتبتو العقوبة لييك حتى نتي …
كملاات كنزة عشاها هضرة تجر هضرة وناضت حيدات القفطان وتكات كتهضر مع عمااد حتى نعسات شوية خلات واسماء الحاجة وباقي العائلة كيوجدو باش يشدو طرييق حتى عازودو فيقوها وخرجو من تما شدو طريق مباشرة للاكادير سواايع قلييلة حتى وقفات قدام ديال الفيلا دعماد لقاوهم فاستقبلاهم عند الباب تصدماات كنزة من الاستقبال اللي دتيرين ليها بحالا شي امير وداخلة عندهم علاات راسها بافتخاار وفرحة والحاجة مها كثر منها عاجبها الحال ماكين غير نسابي نسابي قدام العائلة دخلوو لداخل فين كانت الدار مجهزة بافضل التجهيزات وعلى ايد افضل لي تريتور فرحو بالعروسة ودارو ليها حفلة تدكرها عمرهاا كامل فرحانييين بعمااد الحفيد الاصغر والمحبوب بطيبتو ومسااعدتو للعائلة كلشي فرحانيين ليهم وفرحتهم تعكسات حتى على كنزة ملي عماد بغاهاا وحبها حتى هوما عجباتهم وبغاوها فطريقو…
دوزو الحنة تاانية افضل وافضل من لولااا وكل وحدة وتثااليدها واصلووها صبااح الغد كثر من ليلة الامس جري عليا نجري عليييك كنزة بقاات فدار العريس جاو عندها ليكيب اللي غيوجدوها والشي لاخر كلشي مشى للقاعة فانتضارها بقات معاها غير الحاجة واسماء وبنتها.. هاد الاخيرة اللي كل مرة كتعيط غلى الحاجة خايفاها تقلق منها تاني تسولها فين وصلات وواش قرباات حتى عرفاتها شادة طرييق عاد ارتااحت..
جهزو كنزة وولبسوها ووجدوها خلاوها جالسة حتى نزلات اخت عمااد كتعيط على خوها يجي ينزل العرووسة
كنزة : كنحس برجلي ماهازينيش كلي كنترعد شووفي..
اسماء : عادي غير غيشد فايديك وغترتاحي تيقي بيا حيدي منك الخلعة نهار اللي عندك حسي بيه وفرحي فييه نسااي عليك الخلعة باش تنسااك..
كنزة: خلييك حدايا ماتفرقييش عليا
اسماء :هانا حدااك
كنزة :جاك القفطان زويين..
كانت بقفطان ازرق ملكي بطرز نفس لون مهياااب وعاطي للعين والمضمة رقييقة نقرية مع كولي لااصق فعنقها بحالا السمطة كيلمع حتى هو نقري جامعة شعرها كاامل لور على شكل مشيطة زايدة الشعر باش يبان قوي ولاحية عليه شال من لفوق ومكياج ماكتييرش وماخفيفش بين وجهها زادها جمال وانوثة اكثر …بعد لحضات طلع عندهم بالكوستييك مدكحل والصبااك والورد حمر ضااحك وباينة فيه متوتر وحشمااان دخل علييهم والنكافات كيصليو على النبي ويعاودو وهو فرحان شد فايد كنزة ونزل بيها للطوموبيل طلعها ومشى قدامهم زااد واسماء ومها مشاو مع اخت العرووس نيشان للقاعة…
فين كانو العائلات بجوج كيتسناوهم القاعة كبيييرة وواسعة وعرييضة بالطامييرات والبلازمات كتبين كاع الجوايه ديتل العرس والتريتور زاقف عند البااب كيشوف ومرااقب والخدم موزعيين كيرحبو بالناس ويسربيوهم والفرقو الموسيقية كطيستيي وتجرب اللحن باش يبدااو….دخلات اسماء مع العروسة والعريس فين كان العدول الليوغضرب ليهم العقد مان البيت فيه غير العائلة القرييبة الواليدين والخوت فقط…خرج سلطان كيعيط على تسنيم باش يلعبو وهي فلتاات من ايد اسمااء ماحسااتش بيها وتبعااتو..
مشاو كيجريو فوق الزربية الحمر جلسو مع باقي الوليدات صغار كيجمعو فالورد اللي كيطييح من صقف كل مرة ..
تسنيم : غنجمعو و غنعطيه لماما وننا شكون غتعطيه ليه…
سلطان :عنعطييه لبابا عيزي عدنا دابا وعنعطييه لييه باس مايبقاش يضربني عطيه لباباك باس حتى هو يبقى ييزي عندك ديما واش عندك باباك
نطق وليد صغير من عائلة العريس: تسنيم ماعندهاش باباها قالتها لينا عمتي..
تسنيم : عندي بابا
سطلان : لاا ماعندكش ديما..ديما كتقول ليا لاميتخيس ماتخاسمش معاها ماعندهتش باباها
تسنيم بتمرد مارضاتش : عندي بابااا وحسن من باباكم كاملين انا بابا ماكيضربنيييش ماشي بحالك
سلطان : ايلا كان عندك باباك خاصو حتى هو يجي بحال بابا عيزي عندي دابا
تسنيم : ااه غيجي عندي..وغتشوفو ماكيضربنييش
سلطان : عنعطيه الورد باش ميبقااش يضربنيي يلااه نمشييو…
ناض شاد داك الورد كيجري بين ايدييه وهوما تابعينو وتسنيم كتجري مورااه كل مرة طيح ليها البلغة وترجع تلبسها مشطونة وتمشي تجري تاني حتى خرجو لبرااا كيلعبو تما ويضورو على الساقية اللي لوسط عاحبهم الماء والشلاال….
يتبع
التعليقات 0