حتى لواحد اللحضة وهي تبان ليها واحد الطوموبيل واقفة فالجنب ومحمد نازل وقف قدامها وتيليفون على ودنييه كيهضر تسنيم غير شافتو عرفااتو مشات عندو كتجري فرحااانةودرااري تابعينهاا..
فحين محمد كان واقف ماحس حتى لصق فيه شي حد فرجليه كيتعلق فييه من صوتها اللي كيضحك مسرسر بحال شي قطيطة عرفها وتسبم وطل بانت ليه هي قطع تيليفون ونزل محني عندها وهي عنقاااتو ودرااري كيشوفو ببرااءة ويضحكو..
سلطان : بااباك… عمو هذا هو بابا ديال تسنييم ..
_باباك اتسنييم هذا ؟
_جا عندك باباك..سعداتك بابااك
شافت فيهم تسنيم بتردد كضور فعينيها وتبلع فرييقها وهي تعنق محمد وهو كيضحك ضامها لعندو محني جاتو فشكل هاد باباك اتسنيم…!
تسنيم : بابا عمو محمد…
حلو فمهم بعدم فهم من كلاامها حتى تكلم سلطان بفضول وخجل من محمد…
سلطان : نتا هو بابا ديال تسنيم اللي مكيضربهاش ؟
فالداخل من بعيد طلات اسماء على القاعة كضور عينيها وتقلب على تسنيم ماعرفتها فين غبرات وماحساتش بيه فاش خرجات..بلعات ريقها مزكية راسها مابغاتش تخلع وضارت كتقلب وسط الوليدات الصغاار حنى بان ليها السيد اللي قدام الباب كايفرق الحليب والتمر فاستقبال الناس وهي تمشي عندو..
اسماء :عفااك آخويا مبانتش لييك واحد البنية…صغييرة شعرها بوكلي وعينيها خضريين.. خرجات من بيت العروسة مابانتش ليك مع الوليدات….
_خرجو الالة شي دراري صغار كيجريو برا ماعرفتش واش تكون معاهم ولا لا يلاه خرجو غير شي عشرة دقايق داباا..
اسماء كترجف بتوتر : صافي اخويا شكرا غتكون غير معاهم….
يلاه ضارت غتمشي وهو يبان ليها سلطان دااخل كينقز بداك الورد تاني…
اسماء : سلطان..اجي نقوليك..مبانتش ليك تسنيم اولدي كانت كتلعب معاكم..
سلطان : ااه تسنيم مع باباها على برا…
اسماء رخات حجبانها بصدمة حاسة بالسخفة : ش شك شكوون شكون هاد باباها
ماردش عليها بقى كيشوف وهي هزات قفطانها بين صبيعاتها وخرجات دغيا كتقلب بقلل وتوتر فداخلها مطاحش فبالها ناصر ابدا حيت متأكدة انه مستحيييل يكون هو …
الخلعة دخلات معاها ملي مشافتهاش ومبانتش ليها شداتها البكية قلبها كيضرب بجهههد والدم تسقط من وجهها ولات كلها كترجف حاسة برااسها غطييح فاااشلة وفعلا فشلات ورجليها تقاالت عليها مقادرااش تقبل فكرة ماغتلقاش بنتها..حاساها الموت بعينيها..
حتى لواحد الحضة وهي تبان ليها من بعييد واقفة كضحك وشي حد قدامها عاطيها بالضهر محني فنفس طوولها ولكن من ضهرو عرفاتو مايخفاش عليها وحتى طوموبيلتو اكدات لييها معرفتو..طلقاات النفس وارتااحت عرفاتو وصل الحاجة…
بللات شفايفها كتدكر اخر الحوارات اللي وقعات بينااتهم اللي على شوية وكانت غتحط لييه كلشي على الطبلة وتفضح رااسها….لعنات راسها ماكرهاتش داك الاياام كون تمحاو من داكرتو ومايبقاش عاقل على الكلام اللي قالت ليه والبكاء اللي بكاتو حيت مجاش شافها وحتى الحالة اللي شافها فيها ايامات المرض….
يلاه زادت الخطوة ووقفات كتشوف من بعييد حاسة بالنمل كيجري فداتها كآنه كيتشفى فحالنها…هاد الحالة اللي كيدير فيها هاد السيد غير من حضورو بلا كلام ولا حتى سلام بالايد ولا لمسات غير شوفتو كتغير حاالها وتخليها تفقد رااحتها..
هزات النفس وتتنهداات مطولة وهزات قفطانها مرة اخرى غي بطرف صبيعاتها ومشاات بجيهتهم مبسمة ماامبينش تورتها وارتباكها….!
وقفات موراه جامعة داك القفطان بين صبعانها مزيرة عليها كتخرج فييه توترها ماعرفات ماتقول ولا باش تبدا الكلام كآنها اول مرة تشوفو وتهضر معاه تربط ليها لساان حسات براسها كتهضر فداخلهاا ولكن مقادراش تخرج داك الكلام مع فمها وهو شاف فيها غير بطرف عينيه حس بيها وبريحاتها اللي ملات المكااان مع نسيم الرياح الخفييف كيلعب بريحتهاا مع جيوب نيفو كيف بغى قلب عينيه وشاف فتسنييم مبسم جنب شفايفو..ملامحيو تبشرو وحجبانو نزلوو كيستناها تهضر حتى سبقاتها تسنييم…
تسنيم : مامااا
رجعات لوعيهاا وشافت فيها كتحلف عليها..
اسماء : ماما عاد…علاش خرجتي بلا خباري اش كنقول لييك انا…
حدرات راسها تسنيم كضور فعينيها وترجع تهزهم كترمش فييها عارفة راسها اش داايرة ايديها وسط ايد محمد كتلعب برجليها لور ولقدام يلاه غتهضر اسماء وترمي علييه السلام حتى بان لييها جر عندو تسنييم برفق وقال شي حاجة فودنيها ورجع شاف فيها وهي حركات لييه رااسها بايجاب ضاحكة كتبعد الشعر على وجهها مبرزطها..
تسنيم : قالييك..عمو محمد …(جمعات ضحكة) ءءءء نسبيت…
تبسم حك دقنو ورجع قال ليها بصوت مسموع هاد المرة وهي شافت فاسماء كضحك وقالت…
تسنيم: يسلم الراكب على الماشي
محمد: والماشي على القاعد..
تسنيم ردات والضحكة كتقطع كلامها : ههه والماهههه والماشي على القاعد هههعه
تحنات على كتفو كضحك فاشلة وضحتها زويينة ومسرسررة ضحكاتو حتى هو وبلطف كمل….
محمد : والقليل على الكثير…
تسنيم: والقليلة على الكثير ههه
محمد : والسلام سنة..
تسنيم : والسلام سنة ههه
محمد : والرد فرض
تسنيم : والرد فرض
تلفت شاف فاسماء خاطف النضرة مكيبغيش يطولها فيها ورجع شاف فتسنيم وهي كضحك عجبتها لعبة محمد فحين اسماء تبسماات حادرة رااسها فهمات قصدو كتشوف باستغرااب وهو مزال محني عند تسنيم شاد فيها ماعرفاتش وااش مزال ماباغي يتلفت وينوض عندها علاش عاطيها بالضهر وشاد فبنتها…بلعات ريقها مسرحة صوتها رادة لبال لكلاامها وشنو كتخرج من غمها كآنها اول مرة تهضر معاااه وتشااركو الكلام..
اسماء : السلام…غ غير ملي مالقيتش بنتي تلفت..س سمح ليا…(بارتباك حكات صبعها مع بعضياتهم) ا ااش خبارك..!
حدرات عينيها شافت فيه كتسنى اشنو غيقول ليها وباش غيجاوب بالعة رييقها على حلقها الناااشف حتى رد عليها السلام بلاما يتلفت عندها بالو معاها وعينيه على تسنييم بشبه تبسيمة مخليها كاتسنى كلامو على الريييق نااشف حتى فكر وخمم على خاطرو بصمت حاكم المكاان وهو يتكلم مرة اخرى كيسوف فتسنسم بحالا كيهضر معاها ولكن قاصد اسماء بكلامو..
محمد : سولي خبار هاد الاسبوع كيف فات…
تسنيم ضحكاات كتردد فكلامو : قالك عمو سولي خبار هاد السابوع كيفاش فات
محمد : الصببر تسالى
تسنيم : الصبر تساااااالى ههه
محمد: و انا كنتسنى جوابك..
ردات موراه تسنييم واسماء جمعات الضحكة بفضووول كبيير كتسناه يكمل كلامو وهو رجع شعيرات تسنييم اللي كيعميوعينيها مع الريييح رجعو ورا كتفها وكمل…
محمد : قابلة لبنتك نكون ولي امرها…معلم صغرها…وصدييق لكبرها…قادر بمسؤليتها..وحامي ضهرها…(سكت شوبة وهي كتصنت ورجع تكلم )موافقة لبنتك تبدلني من مقام عمو لبابا…!
عللات فيه عينييها شفايفها اللي كانو مربوطين تفتحات وسطهم فتحة صغيييرة بالصدمة حلاتو ودنيها كيصفرو عليهاا واش اللي سمعاتو صحييح ولا غير الريح جابتو ليهاا..رخات جلايل القفطان من صبااعهااا حاسة برجليها فشلو ليها وداتها كلها ترخااات منملة عليهااا غير حسات بييه كح وغينوض وهي تحدر عينيها وشدات فجناابها مدة وهي هكااك حتى علاتها شوية لقات عينيها جاو فصدره ورجعات نزلااتهم دغيا وهو وقف شاد فايديه تسنيم مطول فاسماء تشوفها رغم انه مكيبغيش يطول فيها شوفة بسيف عليه كيرجع يشوف ويرجع يقلبهاا تاااني حتى رحم ارتبااكها وتورترها..قال
محمد : تسنيم معايا…ارتاحي من جيهتها شوية نلحكّها عليك..
ماردااتش علييه وبلعاات ريقها بزز حاسة بقلبها كيضرب فحلقهاا حابسها من التنفس هزاات القفطان بين صباعها وعطاتو بالضهر ومشاات الضبابة معمرة عينييها مكيبان ليها حتى حد بحالا غييير يوحدها مسجونة وسط داك المكاااان كلامو فودنيها كيضرب ويتعاااود بحال شي صدى صوتي راافض يغادر ودنييهاا دخلات للقاعة مرفوووعة وخدودها كيف حب الملووك حالة فمها بنضراات باهااء كتشوف قداامها كيبانو ليها غير الافواه كتحرك وشي عيالاات قاصدينها كيعنقو ويسلمو عليها مسامعاهمش اشنو كيقولو ومامركزاش على كلامهم بكلام محمد اللي مزال ساكن ودنيها..
واش كييف فهماات ولا زادت فييه واللي تمناه قلبها هذاا شحااال سمعو ليها بسيف عليها واش سمعات غلط وكان قصدو على غيير اللي فهمات هي…دجييج العرس والناس والمباركاات والسلام عليها ماعقلااتش عليه وماحساتش بييهم كيف شي جمااد وااقف اللي وقف كيوقفها واللي مشى كيمشيها معااه حتى بان ليها واحد الكرسي جلسااات عليه ماحسااتش بالحاجة اللي جالسة جنبها..هاد الاخيرة ردات ليها البااال ولايديها اللي كتيرعدو عرقانين خلعااتها وشدات غلى كتاافها
الحاجة : اسمااء ياك لبااس مااالك ابنيتي..
تلفتات عندها اسماء كتشوف غير فمها كيتحررك ماسامعاش اشنو كتقول والحاجة كتقلب فيها وغمزات خديحة عمرات ليها كاس دالمااء عطاتو ليها ولكن اسماء ماشدااتوش حتى لاحضت الحاجة دمووع اللي دايزيين ليها وهي تحركها بجههد من كتاافها
الحاجة: اسماااء ياك لباس نعيط على مامااك ماالكي
علاات فيها هاد المررة راجعة لوعيها حاسة بشي حاجة كتنزل مع خدها وهي تهز صبعها ومسحااتو بانو ليها دموع واش الفرحة ولا الصدمة ولا ديالاش هادو اللي نزلو فهاد اللحضة….
الحاجة: ماالكي ابنتي ياك لباس نعيط على مك ماعرفت فينااهي…يلااه سلمت عليا
اسماء : ل بباس اخالتي ..ا انا لبااس…
الحاجة : خودي هاد الكويس شربي ليك الماء شربي…
جات خديجة ومعاها الحاجة وقفات على اسماء..
الحاجة ام اسماء : مالها…ياكما شداتك السخفة تااني
الحاجة:كتشدها ديما ولا شنو ؟
الحاجة ام اسماء : مرة مرررة كتفشل وتطلع ليها السخانة نوضي اجي لبيت عند ختك جلسي معاها تاتولي شوية..
الحاجة:لا حول ولا قوة ايلا بالله الله يجيب الشيفااء ابنيتي الله يجيب الشفاء
الحاجة: والله ياخد الحق الحاجة فاللي كان حيلة وسبااب الله ياخد الحق..
اسماء : ا م مافياا والو اماما…
الحاجة: نوضي يلاه معايا وجههك تزنك بالسخانة زيدي..
نوضااتها داتها معاها للبيت عند كنزة فين كيوجدوها جلساات تما لقاتهم حاطين لكنزة الماكلة ديالها تما وهي جالسة قدام النكافة كتقاد ليها..والبيت عندهاعامر بيهم…
كنزة : ماالها واش تزاد علييك الحاال…!!!
اسماء :غيير شوية د السخانة ماما حتى هي..
كنزة : كللك كترعدي تكاي تكااي..(ضارت عند نكافة)بلاتي عفااك نشوف ختي..واش ماتغدييتيش قالت ليا ماما ماكليتي واالو فالصاالون
اسماء : مافيا والو عطيني غير دوايا نشربو حسيت بالدوخة شويا….
مشات كتقلب وسط صاك دكنزة جبداتو ومداتو ليها خلاتها تشربو وخرجات مشات واسماء هزات داك الكاس وكنزة مشطونة عليهاا مااالك ما مالك مع ااخر كلمة نطقات انفااجراات اسماء قدامها كتبكي شادة على جهها وكنزة تخطفات من بلاصتها ناضت عندها كتجري جلسات جنبها ولات كلهااا كترجفف كثر منها ماعرفااات مادير بقات كتغوت على نكافاات يكلمو ليها الحااجة واسماء كتبكي وتكحب فنفس الوقت باغة غير تحبسها ماقدرااتش…
كنزة : ماالكي اسمااء برااكة اختي من البكى عفااك قولي ليا مالكي..فيناهيا ماما (شافت فالكوافورة)كلمي لياا غير عماد عفاااك يجي كلمي لياا شي حد ….
شدات فايديها اسماء كلهاا كترررعد حتى عنقااتها مخلياها كتبكي على كتفها وكنزة كتبكي معاها وهي معارفاهاش علاش كتبكي وهو يدخل علييهم عمااد بخوف كيسول وتبعااتو الحاجة وعبد المتقي كلهم كيشوفو ماعرفيين ااش واقع كل واحد وكيعطي سبب من عندو وكنزة معنقة عندها اسماء حتى بكات وتفشاات على خااطرها عاد بعدات كتشم الهواء مخنووقة وكنزة كتنش عليها وترخي ليها فالشاال اللي على رااسها تريحها وحتى الحاجة مسحات جفن عينيها ضنا منها انها كتبكي على ختها اما عبد المتقي خرج ماصبرش ليهم وهو على سبة عير كيتنهد ومضيوم كآنه هااز جباال على كتفو المقوص صدق اللي قال 《 الدار العامرة بالبنات مخلية 》
عماد بلطف جلس قفازي : ماتبكيش اختي هاهي ختك حدااك يلاه معانا حتى تقنغي ولا بقاي معاها ايلا ماهزكش هاد الكتف يهزك تاني بلاصتك على رااسي وعينيا اختي اسماء راك عارفة اللي كااين..
اسماء بصوت رجفاان : تهلى فيهاا ختي اماانة عندك عفااك اعماد ديرها فعينييك..
مسح لكنزة عينيها من الدموع بحنان…
عماد : ماتوصينيش على بنتي..(وقف ) انا غنمشي نشوف السي عيد المتقي كيف حالتو خلعتوه مسكيين ختي اسماء ارتاحي من جيهت ختك تأكدي راك غتعطيها لواحد خايف عليها من عينيه لا تآدييها..
علات فييه كنزة عينيها بحب مبسمة ودمعتها كتنقط من رمووشها وهو غمض فيها عينيه مبسم وخرج مشى بقات غير كنزة شادة وجه اسماء كتمسح ليها دموعها حتى ترخفاات وارتااااحت وقلبوها ضحك ونوضاتها عند النكافة عاودت قادات ليها وحهها من الاول…وغيرات ليها لبااسها لبساتها بحال العروسة قفطان خضر باش تدخل معاها حيدات هاداك الزرق لول …لبسو كنزة وجدوها وعيطو على عماد يخرجها تحت الحان شعبية خاصة بدخلة العروس كتمشى بشويا عليها اوايديها فايد عماد حادرة راسها ومتوترة من الناس اللي كيشوفو فيها غييير هي محولين نضرهم لجيهتهاا مورااها اسماء مبسمة وعينيها منفوخيين بالكبى مرة مرة كتسهى وكتعاود ترجع لوعيها واخت العريس حتى هي حداها والنكافات مورااهم بطعارج باللون الاخضر والاحمر كيصليو على النبي ويلعبو بيهم بين ايدييهم حتى جلسوها فبلااصتها وتقلب الرييتم دالاغنية من الهاادئ والمتواازن للشعبي الجرة والحيرة هائلة عماد كتيططشحو ويتمايلو فجسهة وعائلة كنزة فجيهة بشويا بشوياا كيتخلطو ويتجمعو ويتعارفو …
مشات اسماء عند الحاجة ضاحكة هازة عندها قطفانها وجلسات حداها حاسة براسها دايرة معاها العيب ملي جات ماسلماتش عليها تحنات عندها بعناق حار وجرات الكرسي جلسات حداها كترحب بيها وتعاود وهي كتسول فيها كيف بقات واش واقع ليها ومرة مرة يسكتو والحاجة كل مرة كضور تشوف فالطبلة اللي وراها حتى ردات ليها اسماء الباال…وقالت كضحك
اسماء : كتقلبي على شي حد الحاجة….
الحاجة : لا ابنيتي كنشوف غير فديك البنية..من عائلة العريس ولاالعروسة منكم….
طلات اسماء فين كتشوف لقاتها وحدة من بنات عماتها جالسة فالكرسي بوحدها فالطبلة كتصفق بايديها مبسمة وتحرك رااسها بشويا متبتة ومرزنة غير عينيها اللي كيضورو..
اسماء :اه بنت عمتي رشييدة ههه مالها !
الحلجة: لا لا والو غير كنشوف فيها كاع البنات اللي معاها ناضو يشطحو الوسط وهي جالسة ماناضتش عياو فيها…
اسماء : بنات عماتي كاملين عزييز عليهم النشاط والشطيح ههه ولكن بنت عمتي رشيدة وحتى مها راهي فين جالسة وراها حدوديات ومتبتن وتقال ماكيتحركوش من البلاصة ايلا ماحركتيهم منهاا
الحاجة : الله يباارك تبارك الله باينة فيها بعقلها مرزنة وتايتة هادي هي البنت بعقلها….مزووجة ولا على الله؟
اسماء : هه هي لاا موحال والله ماعرفت..موحال لا عاقلة عليها انا باغة غير تقرا وتخدم سمعت خدامة فشي بوسط زويين مع الدولة موحال واش تزوجات مزال صغيرة قدي انا وياها بنات العام…
الحاجة بابتسامة : عيطي عليها تجي تجلس حدانا ماتبقاش بوحدها…
هزات ايديها اسماء حركات ليها وديك البنت تبسمات وناضت بشويا هازة قفطانها عندها جات عند اسماء سلمات عليها من الخد الخد وعلى الحاجة وجلسات حداهم مرة مرة كتهضر مع اسماء والفرونسي غالبة على فمها باينة عليها من ضفيراتها وصباعها طوال ورقاق ديال البيرو والستيلو والحاجة كتشوف فيها وتعبر من الفوق ولتحت عجباتها وعمرات ليها العين…
هزو كنزة فوق العمارية وكلشي وقف معاهم منهم اسماء وقفات كتصفق ليها بايديها وكنزة كدير ليهم باي باي من العمارية موجهينها مع عماد قربوها لييه وهي تغمزو مو يعيطها البياض مكانش هاز معااه الفلوس مد ليه غير ولد عمو واحد الحزمة ديال الزرقات ماحسبش شحال فيه بدا كيجر من لاستييك وكيلوح على كنزة ضاااحك وصحاب الهزة شافو الفلوس سخنو ولاو كيجرييو بيها مرة مرة يرجعو عند العرييس تاني…
كانت اسماء حتى هي واقفة كضحك حتى حساات بتسنييم كتجر ليها جلايلها غير نزلات عينيها فييها تفكراات محمد بسرعة ورجعات عليها اللحضة اللي دوات معاه فيها بين عينييه تبسمات ساهية وبقات واقفة بجماد كتشوف فختها وعقلها غايب مع كلامو كيتردد فمساميعها…
تسنييم كتجر فيها تنزل لعندها واسماء عقلها ما مامعاهاش عينيها فكنزة ودماغها ساهي حتى بدات كتبكي تسنييم وكتجر فيها بجههد وهي تنزل عينيها ليها راجعة لوعيها لقاتها غتحماق بالبكى ونزلاات عندها دغيا هزااتها كتمسح فدموعها وتسنيم كلامها مامفزرش كتهضر وتبكي وصداع دالموسيقى ماخلاهاش تسمعها وهي تشد فايديها وبعدو خرجاتها على برا كتمسح ليها دموعها
اسماء : هانا اماما هاناا صاافي ماتبكيش ماسمعتطش ابنتي ماالكي هاناا
تسنيم : م ما مابغيتيش دوي معايا..تخاصمتي معايا حيت خرجت بلا خبارك
اسماء : على انا نقدر نتخاصم مع بنتي ماتخاصمتش معاك كبيدة ديالي نتي..هانا اماما مال بنتي..ف فين عمو محمد مشى ؟
تسنيم حركات راسها بايحاب : ع عفاك ماما خليني نقول لعمو محمد بابا مايبقاش يضحك عليا سلطان خليني نقول ليه بابا عفااك..
سكتان اسماء ماعرفاات ماتقول ليها وهي كتبكي وتمسح فعينيها برجاء كترغب فيها..
تسنيم : قاليا عمو محمد قولي لي بابا ولكن حتى تبغي ماماك نتي غتخليني اماما نقولها لييه يااك عمو ضريف وحسن من بابا ديال بصح انا بغيت نقوليه بابا عفاك خليني نقولها لييه عفااك اماما.. ..
تنهداات كتمسح ليها دموعها وجراتها لعندها بحنان عنقااتها فصدرهاا..
اسماء : مامااك ربي اللي عالم بيها ابنتي…صافي اماما سكتي من البكى برااكة غيشوفنا خالتك غتقلق علينا تاني يلااه برااكة نشووف
جابتها قدامها كتقاد ليها شعرها فزك بالعرق والدموووع ولات حمررة والعوينات رموشهم كيقطرو باستها فييهم وقالت ضاحكة….
اسماء : قولي ليا اماما شنو كان كيقوليك عمو فودينك قولي لماماك نشووف مم
تسنيم : قاليك قبلي نقوليه بابا نتي غتقبلي ياك عفااك انا مانقدرش نقول لسلطان عمو بابا حيت عمو قاليا ماكندكدبوش على صحابنا والكدوب حرام مكيبغيهش سيدي ربي قاليا
اسماء : مكيبغيهش سيدي ربي اجي واجي اسليعفانة خليني نقوليه بابا ااش غنقوليه انا الكاريتة اللي عطاني ربي
تسنيم ضحكاات، : تانتي قولي ليه بابا
اسماء : ياااك ااش غنقووليه اامم
هزاتها عندها كتهر وتبووس فيها حتى نساتها وضكاتها يلاه كانت غدخل وهي تبان ليها كنزة جايبينها وقفات كتسناها حتى دخلوها لبيتها ودخلات معاها..
كنزة : كلشي كنحس بيه كيشوف فيا ناري على احساس
اسماء : كيجاتك العمارية ههه
كنزة : غزاااالة فننة حسيت براسي فوق فطيارة فننة فنننة
اسماء : شفتك ماخفتيش منها انا نهار طلعت ليها وليت كاملة كنترعد
تفكرات حالتها قبيلة لي دخلات عليها ..
كنزة : خلعتيني قبيلة خرجت مامعاياش عقلي حتى شفتك كضحكي مع الحاجة عاد ارتاحيت شوية
اسماء : حتى تلبسي ونعاود ليك ههه
كنزة : ااش واقع ؟ كاينة شي حااجة !!
سكتاات مخلية النكافة حيدات ليها ديك القفطان بقات بديبادور وشورط ديالو بيضيين مشبكيين لحمها كيشعل بالنقى مهلية فييه كثر اسماء شحال هذا مافيه حتى شعرة كيبري يلااه طلعات ليها القفطان مع شعرها وهو يتحل البااب ودخل عماد على غفللة جلساات كنزة دغيا فالكرسي مابغاتوش يشوفها والنكاافة غوتاات بصوت عاالي يخرج خلعهم وخلعوه حتى هو… حدر عينييه وجا خاارج مع البااب شوية وهو يضوور عندهم معلي حجبانو بنبرة ضاحكة
عماد : بلااتي..ك كيفاش خرج را مرتي آشريفة
كنزة غلباتها ضحكة : خرج اعماد خليني نلبس
النكافة ضحكات : غير نلبسوها ودخل اولدي هه
هز الصحن المغطي بالاليمينيوم وراه ليها من المراية..
عماد : وليباط دياالك نرجعهم …
كنزة : ءءء ل لاا اراهم ليا غير اراهم
خبات بالقفطان قدامها بقا كيبان غي راسها وهو قرب عطااهم ليهاا دار راسو غيحط على فخضها وقرب فودينها بهمس
عماد : خبي حتى تعياي ليلة غنشوف كلشي..
بعدات راسها كضحك بخجل وهو باس خدها وخرج خلاهم والنكافة لاحت عليها واحد القفطان خفيف خلاتها حتى تاكل وترتاح وهي ناضت جلسات حدا اسماء عطاتها فورشييط وحدة اخرى …
اسماء : غير تعشاي بالصحة ههه بشويا على المكياج غتمسحيه كاامل
كنزة عطات فورشطي لتسنيم: هاك اخالتو مال عينيك حمريين ماالها ؟؟
اسماء : والوو خرجات بلا خباري فاش بغات تهضر معايا ماسمعتهاش يسحابليها تخاصمت معاها
كنزة : الكبيدة لهلاا تهضر معاك اجي هضري معايا اانا كولي عجبااتك ؟
حركات راسها تسنيم بتجااب وكنزة باستها كتاكل هي وياها…
اسماء : علاش جبتي هادشي قولي لماما تجيب ليك شوية من العشاء حسن ليك….
كنزة شدات الضحكة : القبيلة فاش كنت جالسة حداه….قاليا كنزة انا فرحان…بالخلعة قلت ليه انا فيا جوع مات عليا بالضحك ولات كتقول ليه ماماه ناس كيشوفو فك حبس من الضحك ونتا غير حال فمك وهو مييت بالضحك
اسماء :شفتكم هههه عيات ماما ماتغمز فييك ونتي عينيك مانعرف فين كتشوف..
كهزة : ماشفتهااش هههه قاليا نجيب ليك شي حاجة من هنا كاين اصحبتي غير البسطيلة و اللحم وزيتون وليدام داكشي غيبقى ليا فالمعدة وبغيت نعس ليوم مرتاحة وخفييفة ليباط خفااف ماكيرجعو ريحة دجوف ولا كيتقلو حسن ليا
اسماء : ليلة وحدة اللي عندك عيشيها حيدي من الحشمة والخوف غير غتزيدي تصعبي علييك
كنزة : ماتخافييش….كيقوليك ليلة وحدة عند رااجل ماكتسنااش هي ليلة دخلة كتبقى فالعقل مرسسخة وايلا ماخليتها ليه متورخة حياتو كلها يتفكرني بيها ماشي كنزة بنت الحاجة
اسماء : باينة من دوك شوميزات اللي خديتي غير ضيعتي فيهم الفلوس كلهم عريانين اختي غير الخويطات ااش غيلبسو فييك هادوك…
كنزة : كل مرة كيفكرني فيها كندير راسي خااايفة ههههه واقولي ليا شنو باغة تعاودي ليا خلعتيني قبيلة كلك كنتي كترعدي وكتبكي بابا مسكين شاافك كتبكي هكااك عينو عمرات بالدموع وخرج واخا مكيبغييش يبن لينا
تنهداات اسماء وحدرات رااسها كتلعب فشعر تسنييم وتبوس على راسها لحضات..
اسماء : عرفتي شكون وصل الحاجة…
كنزة : ولدها قالت لينا هو اللي غيجيبها ….مانقوليش ليا تلااقييتي معااه ؟ شفتيه !!!!
اسماء : انا شفتو..ولكن هو مشافنيييش..هي فاش خرجات تسنيم خرجت بلا عقل كنقلب عليها القاعة كبييرة وخفتها تكون فلتات لشي قنت خلاص ملي قاليا سلطان ولد لوستك مشات عند باباها شعلات فيا العااافية…عرفتها ماشي ناصر ولكن شكون هذاا اللي غتقول ليه بابا قدام صحابها..
تبسماااات هازة عينيها فكنزة شداتها ضحكة عرفاتها طيرااتها فالسماء حطات الفورشيط من ايديها بهدوء كتجمع فضحكتها…
كنزة : قالتها لمحمد ؟ قااالت ليه باباا ؟؟ شنو قاال ليهاا ش س سمعتيهم نتي شنو قاالييهاا
اسماء : انا مسعتهتاش ولكن غير ملي بانت ليا معاه ارتااحييت مشيت عندهم بالتلفة عوض مانسلم علييه درتو ماكينش وهضرت معاهاا هي
كنزة : ماقلتييش تا سلااام ؟؟؟
اسماء : تلفت والله العضيييم سمعت راسي قلتها فودني ولكن باش نخرجها مع فمي والله ايلا تلفت ماتعرفتش دخت هه
كنزة : اهااه
اسماء : قال شي حاجة مابغانيش نوقف بلاما نسلم عليه كان محني عند تسنيم وشاد فايديها كيشوف فيها ويهضر معاياا
كنزة : مضاارش عندك ؟
اسماء : لااا والله ماشفت وجهو لحد الان هه ماداارش عندي كاع
كنزة : اويلي وعلااش ؟؟
اسماء : ماعرفتش..
كنزة :وعلاش دخلتي كتبكي واش قالك شي كلمة ماعجباتكش…ولد الحاجة خرج فعودناا يا يبكييك يا يفرحك ديك نهار عااد جا عندك خلاك فرحانة وليوم مسيفط لينا كتبكي تئ
اسماء قليات عينبها : كيفاش خلااني فرحاانة كنت عادي مامحتاجاش يفرحني هو اويلي
كنزة :ااه ااه نهار جا عندك نضتي بلا وقت ماتبقاايش تنكري علياا راااني وليت كنعرفك كنزة القديمة اللي ماكتعرف حتى حاجة على ختها مشااات وليت عينييك كنقرااهم هضري علييه هههه خودي رااحتك راه طلق ديال رااسو ماتابعاه لا مراة لا جووج عبري احتي عبري
اسماء :حشوومة ماتقوليش هكااك
كنزة : بقاي مخبية هكا حتى تنوض مو تاخد ليه شي وحدة وبقاي حالة فمك كتشوفي كان مزوج ليهاا نسينااه حتى فالهضرة وليت انا كنخاف نهضر عليه قداامك فعلاا ماشي من حقناا نهضرو عليه فشكل وهو صافي شاف حياتو فبلاصتو اخرى ولكن دابا راه طلق ا اسماء حر ديال رااسو عيقتي..
رجعات كنزة كتاكل فدوك ليبااط بالزعااف مابغاتهمش يتلااقو ويهضرو بالطريقة اللي عاودت ليهاا اسماء هاد الاخيرة اللي غير كتشوف فيها ماعرفاتش كيفاش غتقول ليهاا اللي سمعات او بالاحرى ماقدرااتش تنطقو مع فمها
كنزة : ايوا صافي دخلتي خليتييه..
اسناء : قال ليا..كنستنى جوابك ..
كنزة : علاش شنو ؟
بابتسامة حدرات راسها وكملاات بصوت هادئ مقلدة طريقة كلامو…
اسماء : واش قابلة لبنتي يكون ولي امرها…معلم صغرها…وصدييق لكبرها…قادر بمسؤوليتها..وحامي ضهرها…..سولني واش موافقة لبنتي تبدلو من مقام عمو لبابا…
قابتها بنفس الطرييقة اللي سمعلتها منو كتشوف فتسنييم كآنه هو اللي كيهضر ورجعات شافت فكنزة بعيون لاامعة مبسمة هاد الاخيييرة اللي وقفات اللقمة ف فمها بصدددمة حطات الفورشيط ومسحات فمها..
كنزة : دخلت علييك بالله
تسنيم : ماما غتخليني نقول عمو محمد بابا ؟
طولات كنزة الشوفة فاسماء بابتساامة هاادئة عينيها لمعو،وهي كاتشوف فعيون اسماء اللي دمعو ليها..
كنزة : جاوبيها…
ضحكات اسمااء وتنهدااات حادرة راسها..
اسماء : ماعرفتش والله العضييم..دخت اكنزة ملي قالها ليااحسيت بالارض ضارت بيا حسيت بالسخفة ملي ماطحتش قدامو هكااك راه لبااس ..مابقيتش عاقلةعلى راسي تخايلي دخلت كنشوف غير الفام كيتحركو تاحد ماكنسمعو اشنو كيقوول …حسيت برااسي تهزييت من عالم وتحطييت فوااحد ااخر
كنزة خرجات عينيها : مجاوبييهش ؟؟
اسماء : لاا….هههه انا ودني كدبتهم كيفاش غنهضر معاه ونجابو وانا معارفاش واش فعلا داكشي اللي قال كااين ولاا ودني االي جابتهم ليا
كنزة : حمقة نتي والله ماعندك العقل على هاشي داخلة كتبكي وحالتك حالة وانا يسحابلي كتبكي عليا صدميتيني خاصك تفرحيي ماشي تصدمي…
اسماء : ماغتحسيش بيا…واخا نوصف ليك كاع اشنو وقع ليا فديك اللحضة والله…حتى وحدة ماغتحس بياا …شفتي ملي كتكون شي حاجة غير كتشوفيها كتشوفي الفرحة الراحة و الامان كتحسي بضهرك عامر وعندك علامن تحطييه غير كتشوفييه كتحسي برااسك كتشوفي الفرحة على شكل انسااان…الفرحة والضحكة والتلفة والوجع وكلشي كيتخلك عليك فلحضة وحدة…
تنهدات كنزة مبسمة كتسمع ليها ولهاد الكلام اللي اول مرة كتقولو ليها….
اسماء : قبل مايتزوج كان هو هاد الشخص عندي….كان هو الفرحة كنت كنمناه ايلا ماتلاقينااش فالدنيا نتلااقاو عند الله فالجنة ولكن ملي تزوج حسييت بديك الفرحة مشاات وعمرني غنعااود نحلم بيها واخا ماقدرتش نسى حيدتو من بااالي وعرفت ديك الفرحة والامان مامكتاابش ليا نعيشهم معاه فالدنيااا…والله اكنزة راك شفتيني عمري دعييت ليه بشي حاجة من غيير الكمال ملي تزوج وتهنى وارتاح والله حتى ارتااحيت بقى فيا الحال فعلاا ولكن هو عاحجو الحال ومرتاح حتى انا مرتاحة معاه…واخا ديك الفرحة مشاات وعمري غنعييشها مع غيرو ولا غنعاود نشوفها تاني…مكاينش بحالو وعمرو يكون…بحال شي حلم كتمنياااه كتشوفي فيه الحيااة وفجأة كيقولو ليك صافي مابقااش نساايه حيديه من باالك مشى وعمرك مزاال غترجعي تحلمي بداك الحلم ولاا تحسي بالفرحة فييه…هادشي اللي حسيت بيه ملي عرفتو تزوج …
تبسماات ضاحكة وكملاات..
اسماء : حتى لواحد النهار بحالا كيجي شي حد ويحط ديك الفرحة بين ايدييك ويقول ليك هاكي صافي راه ولات ديالك خوديها…قولي ليا نتي هههه كون كنتي فبلاصتي شنو غيوقع فييك…
كنزة : ماغتكملش هاد الفرحة حتى تقبلي وتشوفي حياتك حتى نتي برااكة ماتفكري لهذاا وهادااك غارفاك تااني كتفكري فمرتو اش غيوقع ليها نهار تسيق الخبار والمهدي شنو غيقوول ليه والحاجة وااحاج وماما ونااصر ومينة كلشي كتفكري فيه قبل ماتفكري قرااسك..لمرة وحدة فحيااتك ا اسماء فكري فراسك ولو غير بمرة وحدة حاولي تعطي لفرصة رااسك تفرحي…نتي باغاه وحتى هو باغيك عطي الفرصة لرااسك تريحي لراسك شحال قدك تفكري فراحة الناس..بعد المرات كنحتاجو نكونو انانيين…ونتي فهادالحالة ماشي انانية نتي كتقلبي تبني حياتك من مدة وجديييد…تعيشي بوحدك صعييب الحال شوفي اشنو داااز علييك ونتي بوحدك عاقلة اشنو وقع لييك يسحابليك داكشي ساالة ناصر عمرو غيخرج من الحبس ؟ عمبرو غيتفكر بنتو ؟ عمرو غيخرج ويجيه الحنيين ليها وعاد هو ينوض علييه حبو ويبغيها غتقدري عليه بوحدك شحال قد باباا يوقف معااك ا اسماء نعيااو نقوااو ولكن كنبقااو عيالاات ومحتاجن اللي يكون سند وضهر ليناا …(ضربات دراعها )صافي حتى نتي فرحينا بشي عرااسية اااحح نسييت ولد الحاجة فقييه ماغيدييرش ليك العرس خساارة صافي ماتقبلييش بييه
اسماء حركات راسها بلا : مابغيتش العرس اصلاا
كنزة : هيااا نتيي قاااابلة واللي عطى لله عطااه لاش مخليااني كنحفي فلساااني ليمسخك
ضحكااات اسماء كتمحس على وجهها بخجل اللي طاح عليها فهاد اللحضة وهي تعنقها كنزة هي وبنتها فرحانة كثر منها شادة فيها بولد الحاجة…حتى دخلات عليهم النكافة نوضااتها تلبسها اللبسة التانية واسماء خرجات هي وتسنيم لبراا لقااهم كيحطو فالبوفي مستفة على شكل طبلة حدا تانية وكل طبيلة عليها السيرفور دياالها طبلة فيها ليصوندويتش طالعيين وحدة فيها لبيبانكييك والحلااوي ووحدة فواكه دلبحر على الانوااع…ووحدة اخرة فيها البابوش اللي مشات ليه تسنيم كتجري وقفات عليه حتى خدات زلافة ديالها واسماء ماشية ليها الشهية ماخدات حتى حاجة رجعات جلساات حدا الحاجة كتوكل بنتها وتمسح ليها خايفاها تعمر راسها والنشااط ناايض فالقااعة توسط الجو وسخن الوسط واللي حاطة عينيها على شي حد ناضت تبان واللي عينيه فشي وحدة راه مقاابلها…
فحين الحاجة حاطة عينيها على بنت عمة اسماء كل مرة ضور تشوف فيها حتى لواحد اللحضة وهي تقرب عندها بالكرسي ضاحكة…
الحاجة :عطيني ابنتي كاس دالما بعيد عليا..
تبسمات ديك البنت ومداتو ليها وهي شربات منو عطاتو ليها حطاتو..
الحاجة : الله يرضي عليك..نوضي شطحي مع صحاباتك شفتك جالسة بوحدك ههه
بنت العمة : مرتاحة هكا لهلا يخطييك اخالتي..
داز من حداهم السيرفور كيفرق فالبريوات صغيورين وبيتزا جنبهم حتى هي صغييورة ..
الحاجة : اجي بلاتي اولدي عطي لهاد البنت نسيتيها
_هي لولاا امييمتي
بنت العمة :غير خليك ماشي ممشكل جتى تساالي
تبسماات وخدات طريف دالبريوة فقط وداز من حداهم تاني كيفرق واحد اخر العصير جراتتو الحااجة يعيطييها وديك البنت كضحك خدات منوو
بنت العمة : لهلاا يخطييك الحاجة شكرا….من عائلة العروسة ح حيت مافايتش ليا شفتك من العائلة عهه
الحاجة: لا يابنيتي انا من طرف اسماء قولي من العائلة وصافي مانستاهلش ههه
بنت العمة : لا لا بالعكس مرحبا والف مرحبا ههه
الحاجة : مزوجة هه؟
بنت العمة : نو مزال ماكتاب ههه
الحاجة : الله يبيض سعدك ابنتي والله يجيب ليك شي ولد الناس…اما ايلا كان قولي ليه يلاه وعرضي عليا عنداك تنساايني عهه
بنت العمة : نتي لولا بلاصتك على راس والعين ولكن مكاين حد هاد الساعة هههه
الحاجة :ممم ونتي باغة تزوجي ؟
بنت العمة :الخير فيمت اختاره الله ههه ايلا كانت فالمكتاب ماغنهربوش منو ههه
الحاجة: الله يرضي علييك هادا كلام المعقوول..عندي حتى انا واحد الولد طبيب الله يكمل علييه برزقو وبخيرو ماكرهت لييه شي بنت الناس ههه
ضحكات البنت حادرة رااسها تزنكاان ولات غير مهربة عينييها والحاجة طبطبات على فخضها كضحك عجبانها البنت وعمرات ليها العين حتى دخلو العروسة مرة اخرى بالموسيقى والورد والتبيااض من العائلة…
اسماء غير جالسة وبنتها فايديها مرة مرة تنوض تشوف اشنو كاين واشنو خاص واخا العرس كلو متول على حقو وطريقو والتريتور واقف على الشغل بكلشي ليه حتى حد ماواقف معاه الخير موجوود والقاعة معارماش بزاف غير عائلة العريس اللي كانت شوية كثيرة على دالعرووسة..مانزلوش ايديهم من افواههم كل مرة داخلة حاجة كتفرق على الناس واللي شبع لداخل كيخرج يدقو فالبوفي على برا والحليب والتمر والورد غير كيتوزع والعروسة داخلة خااارجة كل مرة بلبسة حسن من اللي قبلها والعريس حتى هو ايلا لبسات الحمر كيلبسوه ٠بادور فالحمر وايلا لبسات الزرق ك يلبسوه جبادور فالزرق..كل لبسة باكسيسواراتها وكل لبسة بمشطتهاا داكشي ساابمل وخفييف بدون مايكاب ثقييل ولاا قفاطن مشارجيين خفااف وساهلين فالحركة كيف طلبات العروسة..
وصل وقت العشاء وجهزو طبلة الوسط دالعريس والعرووسة بحال باقي طوابل العرس كامليين متسوطاها شمعة طويييلة ب بناتها ومضورة بكويساات مدهبين من الفوق نفس لون الكراسى والغطى مدهب كان لوتيم ديال العرس كلو فالكحل والدهبي عاطيه رونق ملكي….جلسات فيها كنزة ومها وختها والعريس ومو وخواتاتو العشى اللي كان بالبسطييلة كل واحد طبسيلو قدامو بالفورشيط والمعلقة واقفين عليهم ليسيرفور كيقطعو ليهم ويحطو ليهم قدامهم كلشي منضم ومتول وانيق …حيدو ديك البسطيلة وتبعوها اللحم مشوي فصحن مستطيل طويل ومفرش تحتو بالربيع وضاير بيه الخضرة مصلوقة وليسوس والبخار باقي طاالع من داك الخضرة واللحم والديسير على الانوااع وهوما كايتعشااو على موسيقى خفييفة والضحك على الطبلة وكنزة غير كتنقب مابغاتش تقوي …
اسماء مضاربة غير مع تسنييم كل مرة تمسح ليا جيهة وهي كتنسى راسها وتعبز فشي حد وتقيس لاخر مشطونة مع سلطاان مع جات جالسة مقابلة معاه بقات كترطى حتى كانت غطييح وهي تعبز فكنزة خلات ايديها مطرااسية فالقفطان تفقصااات اسمااء ولاول مرة ضربات على ايديها تسنييم شدات البكية ماطلقااتهاش مامولفااش تضربها وهي تجرها لعندها كنزة بزعفة جلساتها قداامها واسماء بغات تاخدها ليعا..
اسماء : اريها لهنا قلت لييك جلسي قلبتي ليا راسي
كنزة :ماااضربيهاااش جمعي ايدييك عندك مالهاا اش دااارت تئ
اسماء : سكتي من البكى ااش درت لبيك كاع سكتي صافي البسالات ملي كنقلويك جلسي عاد كتنوض
كنزة : صافي داباا بعدي منهاااا ايلا كنتي غتبداي تخبطي قيها قدامي خليها ونوضي جلسي لهييه
اسماء : شوف الطبعة اللي خلاات لييك
عماد : ماعارفاش غي خليها تلعب بخاطرها بكيتيها كاع تئ..
كنزة : الطبعة تصبن بعدي من الببنت تربيها بالعصى ولا شنو اخر مرة ضربيهاا خليها دير اللي بغااات جاي عند خالتها جمعي ايديك عننندك
قلبات اسماء وجهها عاد ندماات وتسنييم باقة كتبمي تنخصص مارضااتش وماقبلااتش ضربها اسماء وبقات عائلة عماد كيسكتو ويحزرو فيها وعماد حتى هو كيضحك فيهاا حتى نساات وبدات كضحك معاهم والسرباية كيجمعو فالطوابل …
واحد اللحضة وهوما يسمعو شي موسيقى داخلة مع الباب شافو كلهم جيهتها هوما يبانو ليها صحاب الدقة المرااكشية دااخليين كيشطحو من الباااب وشي درااري معااهم بزااف كانو على حسب عدد الطوابل هازيين فايديهم الطنجيات كيلعبو بييهم ويصفقو وسط القاعة وحطو الطنجيات الوسط كيلعبو ويشطحو علييهم وكلشي ضاار كيتفرج حلو عينيهم وفمهم بالطريقة اللي تقدمات بيها الطنجية ليهم اول مرة يحضروها فشي عرس بهاد الطريييقة وجبدو تيليفوناتهم كيصورو…وهو يجي واحد الراجل نوض معاه عمااد مشى عندصحاب الدقاايقية كيعلق لييه وهوما كيغنوييو بهيت مرااكشي نشيييط حتى بداو دوط الدرااري لولين كيهزو فالطنجيات ويفرقو على الطواابل اللي تحطو فيهم الطباااسل بسرعة مجهزيين كيجي غير داك الولد كيقلب الطحنية ليهم ويمشي حتى وصلو عند كنزة وهي كتشوف وكضحك قربات عند عماد بهمس ..
كنزة : ماقلتييش ليا دايريين الطنجية يااك..
عماد : بصح ماديرينهااش واحد صاحبي مراكشي قلت ليه جيب الكادو عاد جي هه هاشنو جااب هههه
كنزة :جابها مع وقت العشاء قد قد هههه
خلات تسنيم قدامهاا بداو كيااكلو فديك الطنجية لكن كانو شبعو باللحم والبسيطبة غير نقبو منها وكنزة قربات عند اسماء ضربات كتفها …
كنزة :كيجاتك الطنجية….
اسماء : زويينة ماقلتييش ليا دايرينها
كنزة : صاحب عماد حابها كاادو…(باست راس تسنيم) ضربتيها مسيكينة شفتي..
اسناء :غير هريتها ااش من ضربتها..
كنزة : هريتيها ولكن هي مامولفاش فين عمرك ضربتيهاا على حد علمي من نهار جيتي عندنا عمرها كلات منك شي دقة وضربتيها ليوم وهي فرحانة مسكينة حشومة علييك تسنييم …تسنييم مابغاتش ضور عندك يلاه شدي..ااش جتب ما يصالحها معاك دااب
اسماء : تسنييم ..ضوري عند ماماا..
هزات كتفهاا مابغاتش تشوف فيها وهي تهز ايديها باستها ليها وخلاتها عند كنزة….
داز عرسهم بهدوء كلشي ضاحك وناشط حتى بدا كيطلع الصبااح ودخلاات عليهم كنزة بالكسوة البيضاااء كلشي ناض كيتصور معااهاا واسماء خرجات عند الحاجة لقاتها،فواحد القنت شادة زييف على فمها كتبكي وعينيها حمريين اسماء كانت على سبة غيير شافت فيها نزلو دموعها وعنقاتها كتبكي بالصوووت ماصابرينش بجوج…
وكنزة لدااخل كتقلب عليهم بعينيها المضبيين بالدموع كتبكي كارزة على عماد بايديها وهو كيكطبطب على كتفها ويهضر فودنيها مواسيها مابقاتش قادرة تسكت ولا تحبس من البكى وهي تخرجها النكافة بالصلاة على النبي واخا يلاه دخلاات مع الخرجة يلاه غادين بيها للبيت عندها وهو يبان ليها عبد المتقي عاكف ايديه ورااه غير كيتهد ويشوف حدراات رااسها بدمووعها ماقدراتش تهضر ومشاات داخلة وهو شد فكتاف عمااد وقفو..
بعد المتقي : تهلااا بنتي ولات بنتتك ديرها فعينيك تقلق عليها وتقلق علييك ولكن ماتفوتوش بعضياتكم …صبر عليها اولدي كي كنت صابر عليها هز هباالها وتهز اعصابك واخا تبان ليك هبيلة ونية رااه بنت الوقت والزمان عارفة بحق الدنيا حط راسك عليها وغمض عينييك الله يرضي علييك الله يرضي علييك راني حطيتها اماانة عننندك تهلاا فيها ودريها فعينييك…
حرك راسو عماد باجاب وباس على راسو مطول كانت كنزة دخلااات تبعها والنكافة كتحيد ليها فحوايجها قداامو وهي كتبكي كتسول على اسماء والحاجة مابقاشت كاع مسوقة لييه حتى جات عندها عكوزتها وخواتات عمااد كيسكتو فيها ويوااسيوها وعماد خرج كيقلب علييهم لقاهم كيبكيو حتى هوماا باس على راس الحاجة وهي كتبكي وتوصي فيه عليها حتى بغات تدخل ومسحات وجهها ودخلات بالضحكة كتعنق فيها وتسكت فيها واسماء حتى هي مخبين دمووعهم مايزيدوش يكملو عليها ولكن غير شافو الطوموبيل دعماد اللي غتديها حتى حد ماقدر يصبر…
لبسوها قفطان يييج خفيف بالاكسيسواراات،ديالو زرمات عليهاا الحاجة بحال لحاف مشبك من الفووق مغطيها كاامل وهي شادة فاسماء كلها ولات كترعد وتنخصص تحت اللحاف حطات ليها بيضة قدام البااب وكنزة لبسات بلغتها عفطات علييها بشويا عاد زادت وحطات ليها الحاجة تاني نصف حامضة قدامها عاودت عفسات عليهاا وشدتت فايديها خرجاتها والنكافات تابعينها بالصلاة على النبي وعماتها ورااها حتى وصلات للطوموبيل بداو كيسلمو عليهاا باش تمشي وهي عنقاات اسماء تاني كتبكي هي ويااها
كنزة : يلااه معايا عفااك غي ليوم ورجعي
اسماء دموعها دايزين : غدا غنجييو عننندك برااكة علييك من البكى غتبااتي برااسك ضاارك غدا صباح غنيجييو عننندك براكة من البكى
كنزة مسحات عينيها كتنخصص: وعلااش كتبكي نتيي
شدات الحاجة فعماد برجااء..
الحاجة: بنتي اماانة عندك اعمااد انا مزاوكة فييك تهلى فيها ديرها فعينيك واخا هبييلة وعصبية وعافية حاامية وليني قلبهاا بيض وتبغي بنيتها تهلا لي فبنتي ديتي ليا عويينة تهلاا فيها…
عنقاتها تاني كتسكت فيهاا..
ااحاجة : سيري مع راجللك انا رااضية عليك دنيا واااخر مفرشااك بالرضى ومغطياااك بييه سيري ابنيتي بغيتيك عمرك تخيبي وعمر شوك مايجي فطريقك
كنزة : فيين با عيطي علييه نشوفو
الحاجة :غدا غنجييو عندك غير سيريي…عماد دي مرتك صافي ا اسما طلقي من ختك خليها تمشي…
كنزة كتبكي : بسلااامة
اسماء : تهلااا فختي اعماااد
الحاجة،: صافي اجي اجي خليها تمشي..دي مرتك اعمااد
شدها من خسرها عندو مديها معاه وهي غتسخف بالبكى طبعها للطوموبيل وهي تجي عندها الحاجة…
الحاجة : يلاه سكتي برااكة الهبييلة سكتي صاافي ههه تهلاي فراجلك وديري عققلك ديري عققلك
كنزة :غتجيو عندي
الحاجة :غدا هانا عندك يلاه زاصاافي الله يرضي علييك سيري
كنزة : جيبي معااك بت ماشفتوش اماما..
الحاحة : ماعرفت فيين زاد دابا يجي معانا غير سيري…سييرو طرييق السلااامة..
بعدات على الطوموبيل خلااتهم مشاو وهي كدعي فخاارطهت حتى اختافاو على عينيهم عاد رجعو دخو العرس كان سالة والناس بداو كيتفرقو وحيت كان غير الغد ليه الويكاند كلشي بقى ماعندهم فين يديرهم كلشي سيفطوه للاوطيل بقات غير اسماء ومها والحاجة وخديجة مشاو لدار ام دلعريس الفيلاا ديالهم كلشي عيان وسخفان كل واحد مشى لبييت بنعس فييه…عاد لحق عليهم عبد المتقي دخل مع البااب لقى الخادمة سفطاتو نيشان لفوق فين كاينة الحاجة واسماء وهو يلاه طالع حتى بانت لييه الحاجة خارجو من الحمام موضية تصلي الفجر..
عبد النتقي الله يتقبل تسنايني نصلييو بجوج..
الحاجة : فين كنتي سولات علييك بنتك احتى عيات ماسلمتيش عليها مشات تحماق …يطلع النهار ويلاه معانا عندها
عبد المتقي : انشاء الله..فين اسماء
الحاجة : فالبيت كتنعس فبنتها
عبد المتقي : دويتي معاها ؟
الحاجة : لا مزال ماقلتي ليا والو
عبد المتقي : يااك قلت لييك داك نهار قولي ليها على ليوم فين كان عقلك يا هاد المراة…
الحاجة: تا دابا ماوقع والو نرجعو للدار زنقولها ليها
عبد المتقي : لاا لبارح عاد عيط ليا الحاج بارك ليا العرس وسولني على الجواب…مالقيت باش نرد علييه حشمت كااع وانا الحاج كنحتارمو مانقدرش نخسر ليه ولا عاود عيط ليا مرة اخرى عيب
الحاجة : ياك تا قلتي ليهم تا يدوز العرس ونعلمكم باش ما كان….
عبد المتقي : العرس دااز وكنزة مشات عند الراجل ديالها الله يرضي عليها ويسعدها دخلي سولي اسماء شوفي اشنو غتقول نردو على السي الحاج راني كنحشم منو وايلا عيط ليا تاني يسول اش غنقوليه…الله يرضي علييك دخلي سوليها وهضر معاها بشويا والتاويل وعلميها باللي عارفااه وباشما درات عليك ردي عليا نرد على الحاج بحال والو كاع يجيو هاد السيمانة يدويو لييها…
الحاجة: ايوا انا غنقولها ليها ايلا باقة فايقة نشوفها اشنو غتقول..مالنا على هاد الزربة..ولا دخل قولها ليها نتا كون غير هضرتي معاها انا غير كنجبد ليها الزواج كضور فيا..
شاف فيها عبد المتقي مطول وتنهههد هاز جرعة من الاوكسيجين كآنه هاز جبل على ضهرو المقوس وحدر راسو مشى ماجوبهاش وهي عرفات اشنو بيه وتنهدات غير من الهربة اللي هرب باش مايودعش كنزة فهماتو..
دخلات لبيت عند اسماء لقاتها جالسو على راس تسنيم كتمشط فشعرها ودندن ليها وهي يلاه كتسمع مبدلة ليها حوايجها ومنقياها…
الحاجة : نعساات ؟
اسماء : مم بزز ..قتلاتها السخاانة غير تا جينا وهي تشدهاا شربتها كينة نزلات شوية ..
الحاجة :ممرااضة كثر منك حتى هي تانتي غتمرضي غي ا لله يحفض وصافي مورا كل مناسبة كتشدكم شي مرضة هي هااديك كيعطيوها ليكم مكمدة اجي نهضر معاك ابنيتي زيدي….
جلسات قدامها اسماء والحاجة كضحك ودوز ايديها على شعرها حتى ضحكات معاها اسماء حتى هي…
الحاجة بالضحكة : ماعرفت انا الحاج وااش رقاك من المرض ولا رقى ليا الداار من العكس..بناتي بجوجات وحدة تزوجات و وحدة اللي شافها يهضر فيها القبول من عند الله سبحان الله الله ينورك..
جمعات اسماء التبسيمة عرفاتو نفس الموضوع تاني من الحاجة..
اسماء : ش شكون تاني اماما هذا تئ منيين جبتييه
الحاجة : ماجبتوش انا..بااك اللي جابو ليك ابنيتي ههه ماشي انا..
وقفات كتحل فليزار..
اسماء : با اللي جابيبو ياك با عارفني ماباغاش نتزوج كيفاش جابو لياا
الحاجة : وجلسي نعاود اييك..
اسماء :مابغييتش نتزوج اماما حيدي ديك الفكرة من راسك ونهار غنبغي نتزوج انا اللي غنختاار معامن غنعيش ومعامن غنرتااح ..
الحاجة : انا والله ماقلت شي كلمة غير نعاود ليك اشنو كاين وعطيني جوابك نعطيك لبااك
اسماء : شكون هذا من العرس شافني ليوم ولاا شنو تاني ؟
الحاج:لا يابنيتي ماشي من العرس هذا سيمانة وهو داوي فييك وبغى يجي لداركم وليني بااك بعدو لمورا عرس ختك..
سكات اسمااء بتفكيير وقالت بشك :
اسماء : شكوون ..؟
الحاجة : جاسي حدايا….وا حلسي (جلسات ٠نيها) كتعرفييه ابنتي غير جلسي ورخي النفس مايكون غي خاطرك…ولد الحاج الفقييه اللي رقاك هو اللي بغااك كان مزوج راك عارفة ودابا عاد طلق ودوا مع باه الحاج ديك سيمانة دواو مع باك وطلبو ايديك للزواج باك مارد عليه لا باييه لا ب لا تايشوف جوابك ويرد علييهم…
شافت فيها اسماء مطوولة والحاجة غيير مبسمة كتشوف فيها كآنها عارفة جوابها..
______
النهار طلع والشمس توسطات السماء رياح قاثحة وشتيوة خفيفة كتنقط ومحمد فالمكتب وسط الكلينييك جالس بهدووء شاد ستيلو بين صبااعو المدخميين متميزيين بشعييرات رجولية كيتكتب بخط غير وضاح فوق شي ورااق وكاس دالقهوة قدامو…حتى بدا كيصوني تيليفونو شاف لقاه الحاج حاوبوو..
محمد : الحاج….
الحاج : كي صبحتي اولدي خرجتي ماشفتكش…
محمد : الحمد الله…ياكما كاين باس !
الحاج : عاد لقيتي دويت مع السي عبد المتقي عاودت سولتو ااش جوابو كيف وصيتيني
محمد : اههمم عطيني المفيد الحاج..
الحاج بهدوء فكلامو : تاتمشي تجيب الحاجة من اكادير وعلمها توجد رااسها يوم الجمعة انشاء الله نمشيو نطلبو بنت السي عبد المتقي بادن الله على سنة الله ورسوله…جاني ردو وانشااء الله غير الخيير…الله يكمل علييك والله يرزقك فيها خير ويجعلها زوجة صاالحة ليك..
ف فيلا واليدين عماد…
فالصالة الكبييرة جالسة غير الحاجة والسي عبد المتقي كانت صالة كبيرة وعريييضة مفرشة بفراش تقليديي وهوما جتلسين كيشوفو شي داخل شي خارج العائلة دعماد كبييرة ومتنوعة ومع ان دار ديال الجدوود فالعائلة كلها جالسة فيها بسبب عرس الحفيد الاصغر…
دارت الحاجة ايد علة ايد مطلعة شوكة..
الحاجة : وحناا ما نطرفو حالتنا ما نوجدو رااسنا وااالراجل….غير هوما واجدين صافي نقولو لييهم تعالااو يلااه حيدنا علينا روينة عرس كنزة نبداورباسماء وغير بلاتيي شوية وغيير شي شهر نجمعو فيه رااسنا
عبد المتقي : آلاالة وربي شاااهد علياا وكون جا طلبها شي حد اخر من غير ولد الحاج لا داهاا بنتي ماساخباش علياا وعندي الرباح نشوفها غير قبالة عيني…
تنهد وشاف بعييد..
عبد المتقي : وليني الحااج ماقدرت نقوليه واالو ونا البنت ملي بغات مانزيدها غير الله يكمل بالخيير كون مابغاتش وااهلي نقوليه ماعندي مانديير وليني هي بغاات
الحاجة : ماكنتييش باغي تعطيها
عبد المتقي : قلت لييك كون جا من غيرو والله لا دااهااا بيميين الله لا خرجتها من دااري وليني الحاج حجرتو تقييلة مالقيت عليه جهد بفضلو وبفضل الله عز وجل قبلو وقفات بنيتي على رجليها ولات تهضر و تضحك لياا ااش بغيت من غير هاادشي وانا شفتها كتموت قدامي الله يطول فعمرو ويكثر من متالو خيرو عمرني نسااه ولا نكرو ومانقولش ليه لا واخا نعرف نولد ليه بنت خرا ونعطيها ليه
الحاجة : كون مابغاش هاديك هي الفضييحة
عبد المتقي : لاااا ماكين لا فضيحة لا والو نعطييها بزز كون مابغاتش ديك ساعة تكون هضرة اخرى…
الحاجة :هاااد زربة ماعجبااتنييش لاا ويلي اش بقى للجمعة خياار قوليه غي تالجمعة لاخراا نلقاو فين نضوروو وفين نوجدو
عبد المتقي : ااش نااوية توجدي سيد جاي يهضر فالدرية وجدي داكشي على قد الحاال موحاال يبغيو قوة العياالات والشطيح والحيرة والصدااع سيد فقييه وولدو حتى هو ملتازم بحاالو طيحي بينا قدامو بداك الصداع الخااوي
الحاجة : دابا نسول الحاجة المراة ديالو ونشوفو ااش كيديرو فالخطبة نمشييو على تقااليدهم ونهنييو رااسنا
عبد المنقي : ضبري لرااسك الالة هانا علمتك ماتوجدي تا حاااجة انا غنسول ونعرف اش كيديير غااخطبة سيد ملتاازم وديري ليه اللعبات عند البااب يهرب هو الولد داكشي على قد الحاال وخفييف ندوزوه فنهار ووالله يعاون(ناض)
الحاجة:جلس تاتمشي معانا عند كنزة …
حرك رااسو وخرج لقى اسماء داخلة صبحات عليه وباست على ايديه حادرة راااسهاا غتغررق بالحشمة ودخلات عند مها بالزربة خافتو يهضر معاها فشي حااجة على اازواااج وهو دا مهاه تسنييم وخرج مشى …شوية بشووية بداو كيتجمعو الهائلة غااصالة على لغدا كل مرة يدخل فياج جديييد حتى تغدااو كامليين على تلضحك والترحاب بالحاجة واسماء وعائلة العروسة اللي جاو من الوطييل وعلى براا كيوجد الفطور ديال كنزة بليكادو اللي جاوها والدفووع ماكاين لا بلغة لا شربييل كي ليغوب سواغي والصنادل ععاليين وصباابط الرواايح والمونطوات اشكال وانوااع من احسن المااركااات بنات عمانها بقااو غير كيشوفو ويصوروو للسطوريااات يتباهاو ويبانو على صحابهم والعمات عاجبهم الحال بالترحاب والتكبيرة اللي دارو لييهم يضورو ويمعنيو على بناتهم وعيالات ولادهم ماكيين غير كنزة اللي تزوجااات…
فحين عكوزتها دايرة تيليفون مع عماد كل مرة تصووني حتى جاوبها وسمح لييهم يجييو عاد ناضو عمرو الطوموبيلات وقصدو دار عماد كانت بعيدو شوية علييهم وصلو اسماء خلاتهم لتحث وطلعات عند كنزة لقات عماد خارج عند وااليديه مع البييت بسروال صيرفييت كري والقبية دياالو والبلغو كحلة ضااحك ونقي باينة فييه عاد مدوش من لحيتو وشعرو اللي كيقطروو شدات الضحكة سلمات علييه ودخلاات عندها… بانت لييها جالسة على الناموسية بشوميز دونوي والبينوراا من الفووق طالقة شعرها وماكياج العرس بااقي فيها..
عنقاتها وسلمات علييها وكنزة كضحك وتبكي واسمااء وطلقاات التزغرييتة واااقفة قلباات دار كاملة ميقولوش هادي اللي كانت مرييضة وجلسات حدااها كضحك وتشوف مع البيت كبير وزويين ومفوج
اسماء : عزيزي صابح ناااشط هههه لقيتو خارج كيحضحك والله داك الراجل لا عندك هبييل خارج كيقطر بالماء شوفوني راا كنت كن…
كنزة حدرات راسها معصبة :ااش كي تانتي تئ
اسماء : ماالكي..يااكما نوضتيها معاه تاني كيجاااك دااكشي..
كنزة : زويين…غا فلول كان كيسحابلي بحال داكشي اللي فالافلام واللي كيعاودو البناات فالفيسبوك ملي جيت نجرب مشييت نموووت
اسماء : علاااش اويلي على هبييلة ياكما ماخليتيه يديرو ولو
كنزة :ماقدررتش داكشي قاصح وصعيب…
اسماء : عادي راك عزبة كي بغيتي يديير لييك ضرووري ما تقصحي شووية..
كنزة :ماشي هكااك الصبر صبرتو…ولكن …(بتمرد مغبنة) ر رااه كبييير…
اسماء نزلات تسنيم من حضنها : سيري..سبري اماما عند سلطاان
تسنيم : تخاصمت معااه
اسماء :تخاصمتي مع كلشي نتي سيرو تصااالحو….ماتمشي فبين نخرج دابا مانلقااكش نتفااهم معاك ..يلا هسيري احبييبة
تسنيم : انا ماشي حبييبة مخاصمة معاك..
غوبشات فيها وخرجات خلااتهم ..
اسماء : عاودي ليا من لول ااش وقع جمعي شعرك (جمعات ليها شعر لور وهي تخرح عينبها) هييييه يا رسوول الله عنقك كي ولا ويلي حولو ما جهل علييك هذا مالو كانو حابسينو علييك
كنزة غطات عنقها بشعرها : زرب عليا واحد الزربة مانعاودش لييك لبست ووجدت رااسي زعما داكشي دالرومانسية يسحابلي دييكابريو غيمشي معايا دقة دقة مابقييتش عاقلة على رااسي دخلني بشويا بشويا . حتى حوايجي ماعقلت علييهم امتى تحيدو
اسماء : ايوااا
كنزة : ايواا حتى باان ليها سيد ولا حمر وكينهج دخل معايا القااصح ولكن ماقدرتش راسي زند عليا بالبكى مارضييتش انا اللي كنت ناوية نخليها له متورخة ولكن نييت خليتها متورررخة فينما يقيصني كنغوت حتى ولا هو مسكيين كيسايس معايا
اسماء : رااه عادي اويلي من الخوف اول مرة واول تجربة ونتي مزاال عزبة بغيتي داكشي غديوز رف دف ضروري تقصحي كون غير صبرتي شويا
كنزة : حتى تجربي وشووف واش غتصبري دابا تجربي وتعرفيني علاش داوية
اسماء : اناا ماشي بحالك ازيين…مكنخاافش
كنزة : داباا نشوفوك ….وا كبيير مااقدرتش كبيير وهو كيقول ليا صبري يشد بلااصتو عندي سربييس البنكة تما اشنو غيشد بلااصتو وانا على قد الحاال… كنحس بحالاا شي حاجة غيطرطقها فيا لداخل بحاال المنشار….اشمن منشار بحاال السيييف
دخلات الحاجة على اخر كلمة قاالت
الحاجة :ااش جبدنا فالسيوفة الله يحفضناا اشمن سييف هذا تاني شي مضاااربة
كنزة حدرات راسها مغوبشة : ااه مضاربة اماما
الحتجة: اووه وفيين عندكم هناا فين ناضت
كنزة :فكر(قاطعتها اسماء كضحك)
اسماء : عندااك يدخل شي حد اماما حتى نبدلو ليها
الحاجة:عمااتها باغين يشوفوها
اسماء : تانبدلو ليها فيين غيجييو بلاتي شوية حبسييهم نكمل ليها ورجعو
الحاجة: صباااحك طرفيتييه
اسماء : طرفتو ليها غيير كوني هانيو راه خزنتوو
الحاجة :صافي هانا مشيت
خرجات حلااتهم واسماء نااضت كضحك وكنزة كتشكي عليهاا شاداها البكية دخلاتها الحماام فين كانت ستفات كاع البرودوياات دياالها تما وعاونتها دوشات بالخف بلاما تغسل شعرهاا واسماء كتعاود ليها على الخطبة والكلام اللي قالت ليها الحاجة ومحمد اللي طلب ايديها من باها بااما يعلمها..
كنزة : طلبك كن باا ديرييكت يعني لبارح فاش قالها لييك راه كان طلبك من عند با دييك ساعة
اسماء : ااه هه
كنزة : تبارك الله شحال معقول هاداا دخل من الباب نيشان ماكين لا نشوفك لا شوفيني نقولها لباك بغيتي هي هاديك مابغيتيش طريق سلامة …
اسماء :واصبري نكمل لييك…
مدات ليها قفطان جوهرة خفييف لبسااتو فوق ديباردو وشوورط وجلسات قدامها كتخبي ليها طباايع عنقها وتحت ودنيها وصدرها بالمكيااج ومحور كلامخم غيير محمد حتى تحل البااب ودخل عليهم عماد هاد المرررة بغى يخرج فاش شاف اسماء ولكن هي ناضت خرجات كضحك خلاتهم بوحدهم حتى بدل الصيرفيت بفوقية بيضة والبلغة دياالها وخرج عندهم كيضحك مخلي كنزة كتعاود فالمكياج مععصبة…
غير نزل طلعات عندها الحاجة واسماء وعماااتها سلمو عليها وعبد المتقي مورااهم غير عنقهاا بداات كتبكي مضيووومة وهو كيسكت فيهاا مقصح رااسو مامبينش شوية وخرج خلااهم وهوما نزلوها عند الناس واللعاباات اللي لتحت دوزو معااهم نهار زوييين وخفييف كلشي ضااحك وكلشي واكل وشارب ونااشط…
كانت الغد ليه كنزة مسافرة حتى سمعات خطبة اسماء اللي فديك السيمانة داار بنااقص وآجلااتها كل نهار مضاربة هي وعماد على ليلة الدخلة اللي شحفاتو عليها حتى الطبيبة مشاو عندها تعطيها شي حاجة تبنجها ولكن ماقدراااتش الخلعة والخوف سيطر عليها ولات عير مغوبشة وماراايضياش فحين عمااد مرة يضحك عليهاا مرة يشد فيها ومرو يسايس معااها ويحرزها ويرطبها حتى ترجع تضحك ويعاودو من لول تاااني…رجعات الحاجة هي وبنتها وخواتات راجلها للكازاا مرونيين كثر من لول مع خطبة اسمااء اللي معارفين كيف يدرو ليها معارفيين تقااليد خطبتهم معارفيين كيفاش يستقبلوهم اغلب هضرتهم كاانت غير على الخطبة والتوجاد دياالها
على تلتيام مابقى للخطبة غير ايام قلييييلة مجاتش الحاجة عند بنتها كنزة اللي مشات عندهم لكازا هي وعكوزتها يحضرو لخطبة ختها…مع الزوال وصلات للدار لقات اسماء هازة السطولة هي وبنتها غادا لحمام وهي تلصق فييها مشات هي وياها لقاوه خاوي شويا…
دخلو لداخل لسخون يعومو خدااو جوج كسالات كنزة عياانة غير تكاا والكسالة كتحك ليها وهي تنعس ليها تما واسماء كضحك عليها وعلى عمااد اللي سخسها دوزو تحميمة داايزها الكلاام خرجو نقيين كيشعلو نيشان للصاالون دخلات اسماء ديير لاسير وكنزة بقات برا كتقاد فشعرها وضفارها….
_كون غير دوزتي لحمك كامل تحيديه علييك
اسماء : لا ديري ليا غير رجلي وايديا لحمي حتى لمن بعد ونجي…
_ و وجهك..؟
اسناء : كنحيدو بوحدي…بشويا اختي عفااك راه لحمي طايب غير بشويا علييه
_كوني هانية غير ارتاحي ماغتحسيش بيا….
غمضات عينييها مزيير داتها كتسناها تبدا حتى دخلاات واحد البنت كضحححك مع البنت اللي كدير لااسيير وهي تحل اسماء عينبها كتشوف فديك البنت عاطية بالضهر للبنت وكتوريها مؤخرتها وتعوج فيهاا ضاحكة..
_شتي ااش قلت ليك حتى حاجة مكتباان والله ايلا وقفاات لييك بالصحة ازيين كانت طايحة وناعسة وقفاتها ليا
طلقات اسماء ودنيها بفضوول كتسمع..القضية فيها الفوورمة ..
البنت : الله يعطييك الصحة عتقتووني هاد نهار عيت مانشرب فالفانيد ونااكل فالعشوب وو الو واش بغات تخرج ليا حتى خرجات فدقة وحدة هههه
_بصحتك ازيين ومبروك مادرتي..
البنت : اميين بسلاامة عليك شكراا..(ضحكات وكمدات ليها شي حاجة فايديها )
خرجات البنت كضحك واسماء متبعاها بفضووول..دارت راسها مكلخة وسولات البنت بفضوول كبير..
اسماء : حتى هي دارت لاسير ااش خرجت ليها ؟
_لاا هههه هاد البنت مسكينة قصتها قصصة…قريبة تزوج وراجلها قاليك باغي الفورمة ولاطاي..شافت غير الحساب ديالنا فالتتسغراام وجان على الله كتسول بغات دير الكديرة الصحراوية كانت خايفة مسكيينية ضور ضور وتقول لينا عندااك تخلي ليا لاطراس ايوا هانتي كتشوفي شحال فرحات بيها ههه
اسماء : كيقولو اختي داكشي غير مرض
_ماكين لا مرض لا واالو هاحنا كاع درناها ااش وقع لينا..
اسماء :حتى نتي يدايرااهاا ؟؟؟
_ااه ههه مبايناش
اسمتء :واالوو طايتك فنة تبارك الله كتبان طبييعية
_بلاتي نوريك البنات الي دايرينها وشوفي شحال كتبان زويينة راه كلشي فييه ههه…
جدبات تيليفون دخلاتها للحساب ديالهم ووراتها البنات اللي داروها عندهم اسماء كضحك باعجااب..
_بشحال كديروها…غزااال هادشي
_حتى تبغي ازيين راك وليتي كليانة مرحبا بييك..
اسماء :ايلا بغيتها داباا نييت قولي ليا ايلا عجبني ثمن نشوف هههه
_نتي خت كنزة يااك ؟
اسماء :اااه راه كنت كنجي معاها نسيتوني ههه
_لا حاشة ههه غيير شوفي الوقت اللي بغيتي راك كليانة مانديركش بحال البرااني مرحباا بييك
اسماء : لا بغيتها داابا قولي ليا شي ثمن زويين وشوفي ليا الخطوط البيضيت اللي عندي ف فخاضي كنت عامرة شوية وكنت مرضت شوية ضعافييت بزااااف
_ايوا رااه ملي غديريهااغتجبد ليك لحم وتهز ليك لور ماغيبقااو لا خطوك لا واالو
اسماء بدهشة : بصصح ايوا صافي ندييرها على حسابك..
_على حسابي الالة ههههه بلاني نحيدو لاسيير هو لول..
زربات ليها على لاسير دغيا وناضت دخلات لغرفة اخرى غطااتها بليزار بقات كتبان غير مؤخرتها مقسومة على جوج رغم الضعف بقات مرسومة و باينة على باقي الجسم وهي خايفة متكية على كرشها وكل مرة ضور تشوف اش كيدرو ليها خايفة…وديك المراة شعلات العافية ف كلينيكس وسط واحد لعيبة كحل وحطاتها ليها فوق لحمها وهي تخرج عينيها بان ليها داكشي طالع فوق منها والعافية وااااقفة وحامية ولكن غير حطات عليها الجفنة القهوية بحال دالحريرة وهي تمشى العاافية حسات بلحمها تجمع وتزيير بحالا شادو شي فونطوز كيجر فييه تكاتورااسها وغمضاات عينيها قلبها كيزدح بالخلعة خايفة على لحمها…لحضات طوييلة تقريبا شي خمسة وعشرين دقييقة وهي على ديك الوضعية وديك المرة خلات الجفنة لاصفة تماوكتمسد ليها جيهة لاخراا باش تحولها تماا…
حتى لواحد اللحضة قربات باش تجر ديك الجفنة مابغاتش تجر ليها هي تجر ولحم اسماء يجر مزيير علييها حتى جراتها بزز حيداااتها وبان لحم المؤخرة لي ولاا حمرررر ومنفوووخ وكحل بالحموم شعلات كلينيكس مرة اخرى وحطاتو ليها على لحمها وااقف والعافية شااعلة فيه…وهو يتقسم كلينكس على جوج نص بقى واقف ونص تخشى بين فخاصها بعافيتو تخطفاااات قااافزة بغوتتها خلعاتهم ولاو دوط البنات كيتساطحو فبعضياتهم كون ما الموسيقى شاعلة فالصالون تجمع عليها الصاالون كااامل..
المىاة :غيرر تكااي تكااي بلااتي نشوف ماتكلسيش عليها تولب دااخلة وشي مادرناه
اسماء :حرقيتينيي…فيين غنتكى لا لاا اختي برااكة صاافي مابغيت والوو اااححح فف تحرقت تحرررقت
وقفات مفرقة رجليها وشادة تحت فخاضها كلتوا محروقة بانت ليها غير واحد القرعة دلما هزاتها كتخوي تحت منها شاداها البكية ونصف مؤخرتها كتحس بييه كيدق فرااسها مزييير..دهنات واحد البوماد عطاوها ليها وديك المراة كتسايس معاها..
المراة : ماخاصكش تقطعيها صبري نكمل ليك جيهة لاخرا
اسماء : لا لاا خلينا حتى نتسااراح عييت بلااتي شوية
المراة : واكلسي على جييهة الي داخبة ماتكلسيش على لاخراا..غيبرد فيك دم مشكلة هادي
ماتسوقتش ليها ولبسات غير شوورط رهييف مامزيرش عليها و وقفات غادا جاية كتصنت لديك الحررقة تخنقات تما وهي تدخل فبن كيديرو لاصيير لقات كنزة تما يلاه غيبداو ليها فيه وقفات قدامها قدام المرااية كتشوف فلور ديالها وكنزة حاضياها من المراية..وهي باغة تبكي كتحك على نصف مؤخرتها مفرقة رجليها محرووقة حتى ردات ليها كنزة البال فين كتحك
كنزة : مالكي…
اسماء : واالو…
كنزة : مالكي كتلوااي اش درتي دوري نشووف
اسماء :هاناا واالوو تئ
ضارت عطاتها بالضهر غير بشورط وكنزة كتشووف كتبان ليها جيهة منفوخة وجيهة مفشوشة ماعرفات راسها واش عينيها حوالت ولاا داخت..
كنزة : ااش درتي مالها عوجة جيهة منفوخة وجيهة مفشوشة
اسماء : بااينة بزاااف
كنزة :ااش درتي نتي الي غوتي دابا لا ؟ يسحابلي على قبل لاسيير..
اسماء : لا راه تحرقت تئ..
كنزة : اويليي ااش درتي ؟؟
اسماء : مادرت ليها والو بغيت غير نفخها شوية..
خرجات عينيها كنزة شادة ضحكة….
كنزة : درتي الكديرة وماقليتاهاش ليا ماشوارتينيي حماقيتي ولا مااالك !!!
اسماء بغات تبكي : ندمممت ندمممت اويلي على حاالتي اويلي شنو غندير ليها دابا
كنزة : جلسبي جلسي كطييري كتكوني بعقلك حتى كتسطااي
اسماء : قالت ليا ماتجلسيش عليها غدخليها
كنزة : واجلسي على جيهة دااخلة تئ ااش داك لهادشي اهاد الوصيييبة بااش غتجلسي حدا الراجل نهار الخطبة
اسماء : نجلس على جيهة داخلة لا ؟
كنزة : تبرزي حداه مايلة ؟؟
اسماء : ااش داني كانت داخلة وزوينة وبنت ناس ولات عندي جيهة ناعسة وجيهة فايقة
تعصراات كنزة بالضحكة مابقاتش قادرة تشوفيها منضرها كيضحك وهي تغطي فمها…
كنزة :لا لاا م مابيناش بزاف واخا هكااك..
اسماء : بصح كي كتبان
كنزة : غيير شوية كتبان بحال..بحالا كتغمز فهمتي وحدة داخلة ووحدة خارجة ولات كتبان مديكاليا..
اسماء : اولي تاقربت نتزووج اههن اويليي
كنزة : صافي عادي تانتي نهار تنعسي معاه غطي ديك جيهة وعري لاخرااايلا سولك عليها قولييه ناعسة قدي بدييك جيهة تانوضها ليك..
اسماء على نيتها : والحرقة اللي تحرقت وسط فخاضي
كنزة قوليه توحيمة كانت ف با وخرجاات فيا هههههه (كتوجع بالضحك) غتسطيني ا اسمااا هههه
فالدار كانت جالسة الحاجة فالببت عندها وخديجة جابدة الحوايج ديالها من الماريو كتطوي ليها وتعزل اللي تبقى واللي تحيد حتى هزات ليها واحد الجلابة بيضاء بالطرز الرباطي مضوبلة بالتحتي دياااها ومنبتة بالحجر كتلمع همااوية وعاطية صورة وانااقة ل اللي كيلبسهاا…
خديجة : تلبسي هادي الحاجة زويينة وكتجييبك علامزويناتها نسيفطوها للمصبنة؟
الحاجة : لا حيدي عليا هاديك لبستها فليلة خطبة قليلة الاصل ديال مرتو لولاا
خديجة:رخفي الحاجة رخفي نفس تانتي يتزوج اللي بغى واش نتي اللي غتزوجي بيها اختارها دعي معاه بالتيسييير والله بكمل عليييه
الحاجة : والبنت اللي وعدتها وعطيتها الكلمة…
خديجة : دويتي مع واليديهاا ؟
الحاجة: لااا
خديجة : جبدتي شي خطبة وشي زواج ليها وعلمتيها بشي حاجة…
الحاجة: لااا مالي ماعندي عقل نعلمها بلا خبار ولدي
خدبجة : ايوا الحاجة علاش كتقولي ليا عطيتيها الوعد راه سمعتك كتهضري معاها قلتي ليا عندي ولد حتى انا باغة نزوجو صافي وقلبتو الهضرة
الحاجة: ايوا غير ايلا مابغات تفهم باين المعنى علامن راني داوية ودابا مسيكين, غتبقى دايرة بالها(تنهداات)
خديجة : مسيكينة الحاجة ؟ حتى اسراء قلنا علبها مسيكينة وبنت نااس شوفي اشنو طلع منها..اسماء درويييشة وبنت الوقت وحنيينة وطايحة علبيك وعزبيزة عليها نتي اشنو خاصك
الحاجة : تاحد ما درويش فهاد الزماان…وانا ماقلت واالو ابنتي الله يسعدهم…كنشوف غير بناادم واااعر ابنتي واعر….علم الله من امتى وهي عارفاه ناويها للجوااج وماقلت ليا حتى حاجة من نهار قلت ليها راه طلق مابقاتش دوات معايا واش ولات تهضر معاه هو ولا توااسيه وتجرو ليها ولا الله اعلم
خديجة : اسغفري الله الحاجة مامولف لييك هاد الكلاام اسماء مانضنش ماشي فعايلها واصلا لنفرض مثلا مثلا….كاع بغات تهضر معاه وتواسيه نقولو تلاقات معاه… عارفة السي محمد غيتلقاها راس فراس وهو ماعاقد عليها ماداوي فيها….وهو برااسو البراني ماكيبغييش يدخل للدار بلا موجب شرع الحاجة الله بهديك ابلا كان يمشي عندها راه كانت مريضة وكان يمشب هو والحااج وايلا هضر معاها راه طبيب وناوي يداويها..
تنهداات الحاجة مطوولة بالتخماام كتشوف قداامها سااهية وكلامو فالطوموبيل مزال كيتردد فدماغها نهار مشى يجيبها من اكاديير خرجات معاها الحاجة ام اسماء وعبد المتقي حتى للطوموبيل سلمو على محمد وودعهاا خلاوها مشاات معااه…وهي غير طلعات طلع محمد الزاج اللي كان نازل وسخن ليها الطوموبيل دفاات بيها وهي حيدات الشال ضوراتو على عنقها بقات بالزيف تحتي..وهو مبشر لبها ومبسم كيضور على عنقو الكاشكول..
محمد : الحاجة مرتاحة ليا مع راسك ولينا شادين طريق تالاكادير نجيبوك خرجو رجليك للطريق ولا شنو..ضسرتي !
الحاجة ضحكاات : مالي مانستاااهلش الله يرضي علييك الله ينور طريييقك
محمد : كي دوزتي نهارك ؟
الحاجة: ااش غنقوليك على مزويناااتو تبارك الله كلشي زوين وكلشي متول ومنضم
محمد : تهلاو فييك ..
الحاجة : تتهلااو فياا وددارو كثر من جهددهم تقول ياوليدي سنيبين ديال المعرفة لا الحاجة لا بنتها لت السي عبد المتقي لا اسماء كلشي ما اسماء ماخلااتنيش نجي معاك قالت ليا ماتعيطييش علييه تاتمشي معانا…اما عائلة العروسة تباااررك الله اولب وااس غنقوول ليك كلهم من راس تا لرااس قارييين وخداميين خدامي صحااح ماكين غير الفرونسي كتشاير ببناتهم
خطف فيها شوفة كيضحك..
محمد : كيفاش الفرونسي كشااير بيناتهم
الحاجة : قااربن زعما ماتجي فين تهضر تاتسبقها كلمة بالفرونسي بقيت غير كنشوف فيهم داوها زيين وقراية وخدمة ..وااحد البنية جلست حدايا حتى هي قالت ليا خدامة شاف ديال شي حاجة في شركة شاف ديال شي بروجي ولا مانعرف علامن زوينااتها بنت عمة اسمااء نييت
تلفت خطف فيها الشوفة حاضي مع طريق مبسم عارف هاد المقدمة دكلامها ااش تابعهاا
الحاجة : ايواا قلت لييك..دويت معاها قالت ليا مزال بلا زوااج قلت ليها علاش قالت ليا مزال ماكتبااش اش غنقوليك اولدي بقيت غير كنشوف على مزوبناااتهااا علاش ما جيتيها احتراام وتقالة ورزانة وعقل وقرااية ديك البنت مشاء الله عليها وعلى واليديها صبر بلاتي نوريها ليك تصورت انا وياهاا صبر علياا..
جرات عندها الصااك كتقلب فيه وهو حك على دقنو جامع التبسيمة
محمد : الواليدة..
الحاجة : ماعرفت فين خشيت داك تيليفون..خديجة شوفي واش عندك (تلفات عندها لقاتها غفاات)
محمد : الحاجة سمعي نهضر معاك سمعي..
الحاجة: هانا الله يسمعنا خبار لخبير
محمد : ارتاحي ليا مع رااسك ووضحكي وخوي بالك من هادشي ايلا كتاب انشاء الله ناوين ندقو واحد الباب الله يجيب التيسير
الحاجة : الله يكمل علييك والله يفرحك وليني شكون هادي ماقلتي ليا ماعاودتي ليا عليها بنت من وفين خداامة وااش كدير فحياتها
محمد : دير اللي بغات الواليدة اللي كنعرف نهار نكتب كتابي عليها ماكين لا خدمة لا جوج تعتابرها اللي بغات عروبي ولا مكلخ ديك الخدمة المخلطة ماكدخل ليا من ودن ماكتخرج من تانية
الحاجة : الخدمة ماشي عيب اولدي ايلا بغات تخدمة الله يعاونها وزايدون هاد بنت الناس اللي قلت ليك دروببيشة وراسها صغير ايلا بغات تخدم الله يعاونها ماشي عيب
محمد : حيدي البنت من باالك مكندويش عليها داوي على اللي غندق باابها ووجدي رااسك فاقرب وقت نمشييو..
الحاجة : ايوا وهادي اللي عطيتها الكلمة..
محمد قلب وجهو للشرجم كيتننهد: لا إله إلا الله..
الحاجة : حتى دابا ماواقع غير لخير اولدي نشوفو هادي ونشوفو لاخرا واللي كتابت مرحبا بيهاا
محمد عقدهم: نمشيو نخطبو وحدة وفنيتها كنوجدو نمشيو لوحدة تاانية..استغفري الله الحااجة ونعلي الشيطاان …الله فوقنا وعالم بنتينا عارفنا اشنو كنخططو واش باغين نديرو ايلا ماعجبتنا هادي نمشييو لتانية ونخليو لولا ماشي عيب وحشوومة !
الحاجة : عجبتني هاد البنية مانكدش عليك وماكرهتها تكون ليك وفدااري…وليني ملي عندك ري ااخر الله بسهل عليك اولدي والله يفرحك انا مابغيييت ليك غير الخييير ..
تنهد محمد عجباتو وكلام الحاجة ماعجبوش تلفت شاف فيها ورجع كيشوف فالطريق بلا هضرة بلاا كلام وحتى هي عقدات الغوباشة وتجمعات فبلااصتها وهو شاف فيها كتحرك مامرتاحاش فالجلسة عاد نزل ليها الكوسان شوية تكات عله وغمضات عينييها ماكانتش لحضات حتى غفاات ونعسااات…
بعد ساعاات من السياقة مرة مرة تفيق الحاجة ومرة تغفى تاني حتى حلات عينيها مرة اخرى على محمد كيفيق فيه حيت وصلو نزلات دايخة بالنعاس دخلات للدار وهو هز ليها صاكها نساتو دخلو ليها لقاو الحاج فالكوزينة لفوق
الحاج : على السلامة..
الحاجة : الله يسلمك …(جلسات كتحيد فزيفها) عيت عييت فف
الحاج : جيتي على رجلييك ولا…
الحاجة : لا لا جاية مرتاحة ومحمد صوفانو زوين ومرزن ماحسيت كاع بالطريق غير عييت(شافت المسجل الصوتي لي فايديه) شوية مال هاداك تاني
الحاج : ماعرفت لييه فين محمد ؟
دخل محمد ساد عينيه كيطرطق فعنقو ويجبد فدراعو بتعب وهو يمدو لييه
محمد : وقف ؟
الحاج: شوف ماالو الله يرضي عليييك ماعرفت مالو صبح ساااكت
الحاجة: ماشفتيش محمد ااش قااا ليا فخبارك الحاج وخازن عليا هايلي عليكم نتوما ملي كتحطو داك راس على راس كتلوحوني للتوش…
جلس محمد على طرف دطبلة دالاكل اللي فالكوزينة شاد داك المسجل كيقاد فيه والحاج وااقف كيشوف باستغرااب
محمد : سمع الواليد الحاجة بغاتني نخلص واحد خمسة دالملبون تاني سمعها ااش كتقوول
الحاج : اش كاين انا اللي مافخبااريش ااش واقع !
الحاجة : واحد البنية مانكدبش عليك الحاج عجباااتني وعمرات ليا العين قلت ليه نشوفوو ايلا كتاب علاش لا يتزوجها وليني قال ليا نمشيو نخطبو شي وحدة اخرى
الحاج بصرامة : واشنو فيها ياك هو اللي غيتزوج غتزوجيها نتي خليه يتعزل اللي بغى ومعامن ارتااح ..
غمض محمد عينيه يرخف الهضرة معاها والحاج عاقد حبجاانو
الحاجة: اييه سمح ليا اسيدي ها فمي لا بقيت قلت ش كلمة وليت نصدعك بكلاامي سمح ليا اولدي
الحاج : بغى يخطب الله يساهل عليه حنا تعزلنا ليه وشوفي اشنو وقع تبين الانساان مكبةن ايلا بعد المعاشرة و محمد وديك بنت الناس ماتفاهمووش خليه ياخد هاد المرة على اختيارو و نشوفوو ربي اش مكتب ليه..وزايدون السيدة اللي نابيها انشاء الله غاتعجبك وترتاحي ليها وتعمر ليك العين هه (قالها بنفس طريقتها كيضحك ويشوف فمحمد)
الحاجة: انا مابقى ليا كلام عليكم ملي نتوما فكرتو و تخيرتو وتعزلتو ماشي بعيد كاع تكونو علمتو الناس الله يخلف علييكم انا مابقى ليا كلام فهاد الدار
محمد : الله يهديك الحاجة كلامك هو الكبير واللي بغات خاطرك هي اللي غتكون…مابغيناش نعلموك حيت عارفك غتسبقي الفرح بلييلة وحنا مزال مادرنا فطاجين مايتحرق
الحاجة: ايواا ودابا تحرق ولاا مزال عاد رديتوه
محمد تبسم من طريقة كلامها: مزال الوااليدة وايلي بقاي غير على خاطرك مادايرين والو تا دابا حتى تبغي وتضحكي وترتاحي على خاطرك ونمشيو وقتما جا ليك هاد الخاطر(زير داك المسجل وهو بطلق صوت وعطاه لباه) مابقاش خدام هذا حتى ناخد ليك شي واحد(شاف فالحاجة مكمل كلامو) مازربانينش الالة على حنا شحال عندنا منك الحاجة
الحاجة: الله يرضي علييك الله يسهل عليك والله يفرحك وينجييك ايوا شكون هاد بنت الناس اللي غتعمر ليا العين وتعجبني بنت من كنعرفوها
الحاج : كنعرفووها وكتعرفيها..(كيجرب داك المسجل)صافي تقااد الله يرضي عليبك
الحاجة :ايوا شكون
الحاج : بنت السي عبد النتقي..
الحاجة : ءء ش شكوم كنزة وليني راه تزوجت..
خديجة بدهشة فرحانة : اسمااء واقيلا الحاجة هههه
الحاجة: ايوا لوااه لوااه من المزاح الخاوي دايريني ضحكة اسماء نتا تهصر معاها تا الهضرة مابقى غير الزوااج شفتكم ماكتهضرو ما كضحكو امتى نويتي عليها الزواج
الحاج : على اللي خداها كانو يهضرو ويتساراو قبل الزواج الله يهديك الحاجة حضري معايا عقلك داكشي مافيهش الضحك ارتاح لديك السيدة وبغاها الله بسهل عليه ووجدي رااسك ناوين انشاء الله نمشبو نخطبوها غير نتسناو السي عبد المتقي يعلم بنتو ويرد عليناا..
الحاجة : اسماا..اسما بنت الحاجة اللي كانت مريضة..و وليني مطلقة اولدي عنداك تزرب وتندم
محمد : الله يهديك الواليدة…نفرضو كاع هاد البنت مطلقة اش فيها مكتاب الله كيتصرف وهادشي اللي مكتب ليها هانا طلقت ايلا سولوك العيب منين جاي شنو غتقوولي واش مني ولا منها شكون عرف والله عز وجل اللي كيعرف بالعقول اشنو فيها والانسان ماكيتعرف حتى يتعاشر ويتحطو ريوس تحت صقف وااحد ما نحكموش عليها غير من الطلاق مجاتش….
الحاجة : نتا ايلا طلقتي راك خرجتي منو بايديك خاويين ما هي راه خارجة ب بنية وديك البنت ماتعرف غير باها عارفك اولدي قد المسؤولية وايلا هزيتيها تهزها بسناانك وماتطلقاش وليني راه عمر الأب لول مايتنسى ليها..
محمد : شكون قال كاع انا باغي نسيها فشي اب ولا فغيرو البنت غندير فوق جهدي معاهاا وحدها فدااري نهز مسؤوليتها ونحرص نكبرها فاللي يكون يصلاح ليها والمعزة ونسيان كيجي مع الوقت والحاجة اللي فيها الخيرهي اللي غتكون الله يسر ايلا كانت مكتابة الله يجعلها من الخير لينا ولنفسها..
الحاجة حطات ايد على ايد حادرة راسها عاقداهم : انا غير كنقول اولدي وااللي بغيتيها هي اللي غتكون الله يساهل علييك والله يكمل علييك مانزيد مني غير الله يرضي علببك…
محمد : اللهم امي….الحاج نوصلك ..
الحاج : وصلني لكاراج نشوفهم فين وصلو ليا فالطوموبيل.غتمشي لكلينيك ؟ نعيط لسي عبد المتقي ولا نميك شوية
محمد : لا صوني لييه شوف اشنو كاين وباشما كان علمني..الواليدة
تحدر باس على راسها وهي كترضي علييه خرج مشى هو والحاج..
رجعااات للحاضر ديالها بتنهييدة اخرى عميقة كتشوف قدامها حتى جبدات ليها خديحة تاني واحد الجلابة اخرى بحال لولا غير هي فالبيج..
خديحة : وهادي زويينة..
الحاجة : صافي خليها تانسيفطها للمصبنة عطيني نعيط لداك عبد الجلييل يوجد ليا شغل الخطبة ماعندي خااطر لشي تعمار وتستااف
خديحة : اسراء عمرتي ليهاا الثمر بايدييك
الحاجة : ماعندي كانة لشي تعمار حيدي عليا ثمر ثمر بحال بحاال ولا عرفتي شنو اري نعيط لاسماء نيت نشوفهم فين وصلو..من داك نهار مابقيت دوزت ليها غير باركت ليها ودويت مع الحاجة على الخطبة وقطعت
دوزات ليها خديجة النمرة وعطاتها ليهاا لحضات حتى جاوبتها اسماء وصوت السوشوار فجناابها مسموع عند الحااجة..
اسماء : آلوو ..الحاجة لباس عليك
الحاجة : الوو اسماء كديراا ابنتي لبااس كيغاداا مع الروينة فين وصلتو ههه
اسماء : الحمد الله كلشي مزيان الحاجة لهلا يخطييك
الحاجة : ماخاصكم والو ابنيتي ماتخمو لتاحاجة وماتكلفوش على راسكم اللي تقالت عليكم خفافت علينا
اسماء : الله يكبر بيك الحاجة لهلااا يخطييك الحمد الله كلشي مزيان وكلشي ميسر من عند الله
الحاحة: ايوا الحمد الله نسييت ماقلت لييك عرضتو على شي حد ولا مزال
اسماء : لا مزاال ماعرفت ماما شنو باغة دير
الحاجة : انا ايلا جيتي علياا ماتعرضو على حد ابنيتي غير ايلا جيتو عليا وصاافي محمد والحاج ماكببغييو البراني والصداع والهضرة والهاراج راك شفتييه نهار كان يجي عندك للرقية كلشي كيقوليكم تخرجوه راه شوية حدودي لا هو لا محمد ماشي معقدين ولا مايبغيوش البشر وليني هوما هكااك عندهم طبيعة وحدة ايلا مكانوش كيعرفو الواحد كيتزيرو من جيهتو ومايبقاوش مرتاحين فالجلسة معاه..
اسماء : صاافي واخا الحاجة انا غنقولها لماما انشاء الله مايكون غير خااطرك موحال واش باغة تحضر شي حد مهم غنقولها ليهاا
الحاجة: ماديريهاش مني ابنيتي قلة الصواب مابغيتهمش يمشيو يزربنا ويجييو مانهضرو ما نضحكو وكيبقى نهار نهارك اللي عجبك ديريه على دوقك واختيارك
اسماء : الله يتودي الحاجة كلاامك هو الكببير بالعكس اللي بغبتيها نتي هي اللي تكون غير صوني وقوليها ليا كلامك على الراس وراك عارفة معزتك عندي بلا خطبة بلا واالو الله يطول فعمرك
الحاجة : الله يرضي علييك واسيري الله يعاونك مانصدعكش تالغدا تاني ونعيط لييك بسلاامة(قطعات كضحك)
خديجة :صافي رطباتك تاني ضحكتي ههه والله ماعرفت هاد اسماء اش كدير لييك غير كتهضري معاها كتولي تضحكي وشوية تزيري من جييهتهاا والله ايلا قالوها اللحلاحة كتغلب السحارة..
فالصاالون فين كانت اسماء متكية على كرشها معرية مؤخرتهاا للمراة اللي كدير ليها الكديرة للجبهة تاانية وهي حاضية معاها لا تمشي تحرقها تااني
كنزة : الحاجة هاادي ؟
اسماء :اااه
كنزة : ماالهاا علاش قلتي ليها كلامك على راس والعين..
اسماء : قالت ليا مانعرضو على تاحد محمد والحاج مكيبغبيوش الجلسة مع البرااني
كنزة : اويلي على مانعرضو على تاحد
اسماء : لا راه بصح وحسن اختي اصلا مابغيتش صداع والحيحة بغيت كلشي يدووز بالسكوتي حتى يكمل هادشي على خيرالفضيحة مامنها حتى فائدة غير لشوهة…
كنزة : والعرس حتى هو تبرزي فيه غير نتي وياه
اسماء : اشمن عرس تسيطيني ولا مالك راه السيد باه فقييه وهو براسو ملتاازم اشمن عرس الله بهديك هههه كيديرو غير لامة هكا زوبينة صراحة وكي قلت ليك انا مابغيت حتى حاجة داكسي سكووتي وخفبيف
كنزة :العرس حتى هو غيرالصداع وخسران الفلوس..
اسماء : ومن الاحسن كاع ماتوصلش لخبار لعائلة داك الشمكار يوليو دايرين ليا العصى فرويضة وناصر ماخاصوش يعرفني غنتزوج ايلا هرغ غيولي باغي ياخد ليا البنت خاص على الاقل عام مايسول عليها باش تبقى عندي واخا انا مزوجة
كنزة : شكون قاليك هاد الهضرة اوليلي فين سمعتيها !
اسماء : غي فواحد الفلم مزال باغة نسول على هاد القضبة..صافي كملتي اختي غير نوقف ؟
طلقاتها المراة خلاتها وقفات كتشوف فرااسها وتقلب بايدبها حتى بدات كتبسم وحتى كنزة حركات رااسها بابجاب
اسماء : داباا مزيااان الحمد الله تخلعت ياختي مزياان يااك
كنزة : مزيان حسن من لول اويلي ولات عوجة وحدة داخة ووحدة خارجة..
بقتت كضور قدام المراية عاجبها الحاال وفرحانة برااسها وكنزة كتشووف بتفكيير
كنزة : نجربها تا نا
اسماء : لااا تسطيتي فين باغة تخرجيها مزالايتك غزاالة وكل حاجة فبلااصتها غتزيدي غتخسري انا غبر حيت صعافبيت كلشي مشى ليا وماجاب مايجرعو..(شاف فالمراة)ختي ماكيناش شي كّدير ديال الصدر تهزو ليا شوية حتى هو
كنزة : ايوااا صاااافي هادشي اللي بقى زيدي زييدي من الهضرة الخاوية…تسنبيم يلةه اخالتو صدر قاالت ليك واش باغة تبني محلاابة داكشي كامل ماعمرش ليك العين اويليي..
جراتها دازت حلصات فلاكيس الحساب كامل ومشااو للداار كانت الضلمة غطييح وصلو معطليين لقاو الحاجة مع عكوز كنزة فالكوزينة كيحضكو ويوجدو فالعشى فحين اسماء غبر دخلات سخفاانة كانت موضية وعاودت توضات ودخلات صلات فالبييت ودارت التحصينات ديالها وقرات الادعية اللي عطاها الحاج عاد خرجاات عندهم محاولة ماتجلس على حساب مؤخرتهاا رغم انها ماخرجاتش بزااف غير شوية اول حصة مكافياش بااش تبينهاا كثر ولكن هي ديجا عندها غير جبداتها شوية واخا حارقااها وحاسة بيها مجرورة صابرة والندم كيدخل معاها من الزربة اللي زرباات..
الغد لييه خرجات هي وكنزة للخياط اللي حاطة عندو قفطاانها شافتو فين وصل واشنو دار ليها فييه من تما دوزو تسنيم للمدرسة وجاو للدار مع الدخلة كيستمع ليهم صوت الصدااع والهضرة كثييرة وقوووية طلعات كنزة هي لولاا دخلات وتبعاتها اسمااء عاقدو حجبانها باستغراااب..
مع دخلة الباااب يلاه طلات وهوما يبانو ليها خوتها بحوج هشام وصلاح جالسين فالصالة والحاجة مهم جالسة قدامهم عاقداهم فحين كنزة غير شاافتهم تخطفاات كتقلب على عكوزتها بعبنييها خافت يكونو هضرو على السحر قداامهاا واسماء دخلاات عليه وهشام وقف جااي عندهاا خلعها بشوفاتو وقفات جامدة فبلاصتها كتسناه يقرب عندها..
بنفس الوقفة وااقفة حتى الحاجة ام محمد لفوق فالدروج وهي كتشوف فخديجة حلاات البااب الكبيير ودخلات منو سيدة انييقة فعمر الربعينات تقريباة بلباس تقليدي عصري جلاابة بنفسجية بالزؤف والصاك والصباط موكاسان ديالها جارة لفاليز ديالها وشادة فايديها بنية صغييرة تكون فعمر تسنيبم تقرييبا نزلات عندها الحاجة بشويا مع الدروج سلمات عليها كانهم كبعرفو بعضهم سنيين رغم انه كان العكس بصح سنيين وهوما مكيتلاقاوش بعضيااتهم تقريبا من زيادة محمد…كاين فعائلة الحاج اللي غير خطف المجية خزنة على الجد وجا بارك ليه..
الحاجة : زيدي طلعي مرحباا بييك نهار كبير هذ مرحباا بييك البنية هاادي تبااارك الله تبارك الله والدة الزيين الله يبارك ليك فيناا
_لهلاا يخطبيك كديرا نتياا كيدير ولدك والحاج كلشي لبااس علييه
الحاجة: هاحنا كنعدييو طلعي ماجبتيش معاك العزبة يسحابلي غتجيبيها نهه
_على هي كرهات هه وللكن عندها امتحاناات الماستر الينة لخر ليها انشااء الله غير تكملهم وتلحق عليا انشاء الله..
الحاطة: مرحبا مرحبا طلعي ابنتي طلعي..
طلعات قدامها للصالة وخديحة كتوريها والحاجة وراها قالبة شفايفها من اخر كلام ليها وعلى بنتها اللي باغة تلحق عليها يعني هادي ناوية تطول الجلسة عندهم..دخلاتها للصالة الكبييرة فين كانت موجدة ايها الصينيية بوحدها حتى جلسات عاد بدات كدخل خديجة مرافقاات اتاي والقهوة والعصبير عمرات ليها الطبلة والحاجة ترحب ببها وتعاود على وجه الخاج حاطاها فوق راس استقبلاتها واخا هوما ماستقباوهاش نهار مشات عندهم عروسة…
هضرة تجبد هضرة حتى وصلو لمحمد وديك السيدة كتبان فيها جدية وعندها غير نيشان وقت الضحك ضحك ووقت المعقوول معقوول حطات الكاس من فمها..
غيثة : والله ايلا كلشي كيسول عليه وماكرهوش يشوفوه وبتعرفو علبها ديما كيوصلنا عليه غير الكلام زين وكلام المعقول كلشي كيضكرو ويمدحو لينا والله ايلا زعماا فرحااانبين نتعرفو عليه ساعة انا اللي سبقت وغنشوف ولد عمي قبل منهم ههه
الحاجة : مرحباا بيييك مرحبا بيك ابنتي دابا يجي راه فالكلينييك مابقى غير يدخل انشاء الله..
غيقة : عمي موحال واش كاين مابتليااش
الحاجة : يلاه غيدخل حتى هو المركز غير شوية ويدخلو انشااء الله..(طبطبات على كتفها مطمناها)مرحباا بيك ابنيتي ايلا ماهزك عاد الكتف بهزك لاخر خودي رراحتك دار دارك..
غيقة: عارفة اللي كاين امرت عمي راك عزييزة عليا وكنقولها لكلشي رغما عليهم عزييزة وغتبقاي عزييزة الله يهدي ماخلق وصافي جدي ما مرة ما جوج كيبغي يهز تيليفون يصوني ويسول فحفيدو وكان باغي يجي لكازا على قبلو وللكن نهار ساق الخبار راه طلق
الحاجة قاطعتهاا بفزع كبير : شكون قالها لييه ؟؟
غيثة: مانكدبش عليك امرت عمي كون عرفت نقوليك نتي لولاا قالو ليه طلق مرتو و راه ماعجبوش الحال…وباغي يجي ولا يسفط لولدك يمشي عندو..
تنهدات الحاجة مطولة حتى تهزات كاملة حاطة الايد على اليد فوق بطنها..
الحاجة : وايلا كانت مكتابة ليه ابنبتي نوقفو قدام قدر الله…الله يعوضو خيير…مكانوش مفاهمين وماتوالموش مع بعضياتهم
غيقة : وشكون هادو اللي مزوجيين ومعيشينش فالمشاكل الحاجة..هادي هي الحياة ولابد من شوية الصداع والمدابزاات ايلا عاود تزوج تاني زعما زعما طول موحال الحاجة مانضمنش ليك اللي ماعندو صبر للمشاكل واخا مانعرف شكون يتزوج يسيفطها بقلة الصبر
الحاجة : ايوا الحمد الله اش غنديرو مكتاب الله كنعيشوه ابنيتي الله يعوضو خيير والله يكمل علييه فهاد التزوييجة …شربي كاسك تشربي قهوة ؟
غيثة.بدهشة : ناوي يعاود التزويجة !
الحاجة : انشاء الله ايلا بغى الله..
غيثة : الله يكمل عليه والله يفرحو والله يجعلها اخر مرة انشاء…امتى ناوي ؟
الحاجة : هاد الجمعة ايلا كتاب
غيقة: ديال لبعد غدا هادي اللي جاية فوجهناا
الحاجة : اييه انشااء الله..
حركات غيثة راسها بايجااب وحطات الكاس من ايدييها فحين الحاجة كترحب بيها وتعااود …حتى لواحد اللحضة وهو منغامسين فهضرتهم وهو يدوز من حدا الصالة محمد وتلفت غيمشي حتى عيطات ليه الحااجة ورجع وغيثة نقادت فالجلسة مبسمة كتشوف قيه داخل كطلع وتهبط فبيه وتوزنو فالشوفة اما هو ماعرفهاااش رمى السلاام كيشوف فالحاجة اللي وقفات بارتبااك.. مبسمة
الحاجة :ماعرفتيهاش اولدي….دخل جلس مع بنت عمك جات من وحدة جات من وجدة تشوفك وتشوف بااك دخل اولدي..
غيثة بافتخاار كتوزنو بعينيها: محمد هذاا تبارك الله مشاء الله كبر عاقلة عليه نهار تزاد تباارك الله متشرفيين آولد عمي
محمد حرك راسو :الشرف ليا..مرحبا بك
الحاجة : جلس اولدي تشرب معانا كويس داتاي ولا نجيب ليك غداك تغدا ؟
محمد : لا بصحتكم الحاجة جبت هذاا للواليد عطييه لييه(مد ليها كارطونة فيها مسجل صوتي جديد)
الحاجة كترغبو يجلس بعينيها : خارج اولدي يلاه جيتي برك تستاراح
محمد : تالعشية انشاء الله..نخليكم بصحتكم
غيثة : سمحو ليا على هاد المجية المزروبة صدعتكم واقيلاا ولاهيلا هه غير سمحو ليا..
تبسمات الحااجة وبعينيها طلبات محمد يجلس وحتى هو ماخسرش خاطرها تنهد وهز سروال من جيهت ركابيه شوية باش يتمرح فالجلسة وجلس طالق ايديه على المخاد..
محمد : خودي راحتك دار داارك ومرحبا بك مرة اخرى…
غيثة : مشااء الله كبرتي عاقلة علييك كنتي صغيير وانا كنت ديك ساعة عندي نقوليك شي خسطاش العام جيت مع بابا نشوفو ولد عمي اللي تزاد بتخبية من جدي ههه تبارك الله مشاء الله الرحمان الرحييم كبرتي و وليتي طبييب وتزوجتي وطلقتي وغتعاود تزوج ولاهيلا الوقت كيدوز سبحان الله هه
شاف فيها محمد ومن طريقة كلامها المستفزة عرف خبار طلاقو وصلات لوجدة..
الحاجة : غ غي غيثة راه تاهي اولدي فرملية ههه جات وسيفطها جدك اولدي بغاك تمشي لعندو ويشوفك
غيثة : كان هو اللي بغى يجي والله ايلا حتى وجد راسو وقاد شغلو باش يجي راك عارف البلادات ماكيبغيوش طول الغيبة علييهم خاصهم العسة وخاصو يوقف علييهم بايديه كان ناوي يجي غ غير دارت ليه فالخوى وتقلق شوية نهار عرفك طلق..
الحاجة : ااييه هه ر راك عارف جدك مايكبغييش المشاكل مايبغييش هكا الطلااق والصداعات كيبغي كاع ولاادو ونهار سمعك طلق وقال زعما علاش يزرب
غيثة : وييه و ماعجبوش الحاال
محمد حرك حجبانو مع رااسو عاقدهم : ومن بعد ؟…آلاالة ؟ عيشة !
الحاجة لا ياولدي عيشة رااه جدااك هادي غيثة..
محمد بدون مبالاة : بحال بحاال
غيثة : عيشة جدة الله يرحمها عام ونص باش ماتت
الحاجة بصدمة :الله واكبر مافخباارنااش هادشي
غيثة : الحاج فخبارو..
شافت الحاجة محمد بصدمة مكانوش عارفيين وحتى الحاج مابين ليهم واالو…
محمد : ان لله وان اليه راجعون الله يرحمها والله يغفر ليها..سمعيني آلالة غيثة…دخلتي للدار مرحبا بيييك ماكين لا صداع لا جوج ايلا ماهزك هاد الكتف يهزك تاني وتيلا ماهزك تاني نهزوك فوق الرااس بابنا ماكيتسد فوجه حد كيفما كان نوعو واي واحد دقو مرحبا بييه…زواجي ولا طلاقي ماكنشاور حد فيه ومادبروش باش يعجب هاد السيد اللي 30 عام عاد وعى على راسو وبغى يتعرف على ولدو وحفيدو..
الحاجة : محمد
محمد : كيف قلت لك جيتي مرحبا بك باللي جيتي وجبيتيه معااك هاد الموضوع بعيد عليكم ومانبغيش مرة اخرى يتعاود يتجبد ولاا يعطي شي حد رأيو فييه…(وقف)السلام عليكم…الحاجة خاصكم شي حاجة
الحاجة: لا اولدي الله يرضي علييك…
محمد : نخليكم فتيسييير الله…(شاف فغيثة) خودي راحتك دار دارك…
حرك رااسو بتحية وخرج خلااهم وغيثة متبعااه بتبسيمة والحاجة غير كتشوف فييها حتى قالت..
غيقة : ياا سبحان الله الحاجة تقولي غير هزيتي جدي و ولدتي عليه غير جدو سبحاان الله العضيم فكلشي لا فشوفة لا فوقفة لا فهضرة…
ضحكات الحاجة ماعجبهااش الحال تشبهو بالجد ولكن مابيناتش بقات جالسة حامية فيها البيضة حتى جات عندها خديجة ووصاتها تمشي تحط لمحمد غداه ساعة قالت ليها مشى لحضات حتى جا الحاج حتى هو هاد الاخيبر اللي غير شافتو الحاجة تفزعاااات مابقات عارفة ااش كدير كتحط البلاطو وتعاود تهزو لكن كان عكس ماتوقعات ردة فعلو بحال محمد رحب بييها وجلس معاها وعطاها صوابها ماجبدو لا جد لا غيرو حتى وصل وقت خروجو ورحب بيها مرة اخرى وعاود خرج خلااهم راس فراس وغيثة عجبهاا الحاال والترحاب اللي دارو عليهاا تمرحات فالداار وزعمات وناضت للكوزينة جلسات مع خدييجة خلات الحاجة كاتصلي فالصالة….
فالدار عند الحااجة فين كانت واقفة اسماء وهشام جاي قدامها قبل مايسلم علييها بعدات لوور ماخلااتوش يقيصها لكن هو زرب عليها وجرها من ايديها عندو سلم عليها من الخد لخد وباس على رااسها
هشام : على سلااامتك …الحمد الله على سلامتك وليتي شوبة ؟ حاسة برااسك مزياان الحمد الله غير اللي وقفتي على رجليك الحمد الله..
الحاجة : سيري ابنيتي لبيتك ترتاحيي سيرب تكوني عيتي
هشام خليها تجلس معانا شوية توحشنا نشوفوها ونهضرو معاهاا ..
عبد المتقي : خلبها غير خليها تمشي ترتاح راه عياانة سيري آ اسما لببيتك
كانت باغة تبقى ولكن ملي هضر معاها باها بصرامة هكااك حدراات راسها دخلاات للبييت كتحيد فجلاابتها وتصنت من عند البااب..
كنزة : ماما فين هياا خاالتي فين مشاات بوحدها
الحاجة : لا يابنتي راه جات بنتها داتها هاد الصباح عشية ترجعها…
كنزة: مقالت لياا وااالو..
الحاجة : عيطاات ليك غاتاعيات نتي اللي فين كنتي حاطة دااك المشقوف..
صلاح : خطبو فييك تندار العرس وخوتك محاضريينش هادي هي الاخوة ؟ دوزنا قلييل ماتصدعيش رااسك حتى تقوليها لينا غير من فوق الخاطر
كنزة بميوعة : كلش جا على غفلة..
صلاح : على غفلة اهاه الله يسااهل..
كنزة : اللهم اميين..ياك شي باس ماكين تفكرتونا اش كااين تما !
الحاجة بحدة : سيري عند ختك اكنزة
كنزة : علااش غنمشي تئ ..
قرنات حجبانها ودخلات عند اسماء لقاتها كتصنت واقفة عند الباااب..
كنزة : دخلي ا اسماء لاش كتصنتي عليهم ااش باغة تسمعي
اسماء : مال ماما معاهم وبا مالو واش باغين يرجغو للدار يخلبيهم علاش هوما اصلا خرجو يكرييو من لول
كنزة : وعلاش انا سوقي فييهم خرجو الله يعاونهم هناونا
اسماء : رااني عارفة ااش واقع ماديرونيش درية صغيرة وتضحكي عليا جيني نيشان وقولي ليا فوحهي ااش كاين
كنزة : يااك عارفو ااش واقع علاش كتحفري على الهضرة…شحال عزيز عليك تعمري داك الراس بالخوا الخااوي خلييهم داوين بعلم الله ااش باغبن تاني جاهم لكرا غاالي ماقدروش عليه راهم رجعو كيحفيو فعينيبهم كي الكلاب باغي يرجعو للدار …
اسماء : وعلااش خرجو منها من لوول ملي مقادريش على الكرا يشدو لرض ويجلسو ويهنيونا…
مارداتش عليها كنزة سكتاات خلاتها واقفة عند الباب كتصنت شافت تت عيات وناضت وقفاات حداها كتسمعهم ااش كيقولو..
هشام : ماجيناش الواليدة نوضو الصداع والمشاااكل كنزة ختي واسماء ختي ايلا خاصمت عليههم وعيرتهم راهم خوتي وانا خوهم كبر منهم وعندي الحق علييهم..
عبد المتقي : شوف اولدي نقولك لييك جوج كلمات لاا فوق علييهم…بغيتي السماحة حنا مساامحيين لييك غير سيير الله اللي كيخلص والله اللي كيسامح حنا غير عباد علاش مانسامحوش..وليني اولدي داكشي اللي باغي لا انا لا الحاجة مك ماتقدر تعاونك نتا باغي ترجع مرتك وترجع للدار نتا وخوك مانزيدك غيرمرحبا بيك انا ماعندي مانخسر ايلا قبلات عليكم مولات الدار مرحباا بيكم..
شافو فيه الدرااري بعدم فهم من كلاامو والحاجة كتشوف فييهم بصراامة واخا حتى هي مافهمات والو من كلام عبد النتقي..
عبد النتقي : اييه هادشي اللي ساير نقوليكم الدار اوليداتي تكتبات لاسمااء وايلا قبلات علييكم مرحبا بيكم حتى حنا بحالنا بحاالكم ايلا جرات علينا من هنا لغدا ماعندنا ماانقولوو قدامها..
ماشي غير الدرااري اللي تزيرو وتصدمو حتى الحاجة والبنات بقاو غير كيشوف مافخبارهم مايتعاود وصلااح كيف العادة مسبق الغوات على لهضرة والحواار ناص باغي يحيح ويغووت ماراضيش على فعايل باه حتى حبسو هشام وضحكو وبردوها جتى يتفاهمو من بعد ماطولوش الجلسة معاهم ومالقاو مايقولو قدام كلاام عبد المتقي هاد الاخير اللي شاد الكاس فايديه وكيشوف فالتلفازة حتى بدا آذان وناض خلااهم مشى للطواليط يتوضى والحاجة دخلات للكوزيينة غضبانة عليهم بقاو الدرااري بجوح فالصاالة بوحدم حتى فهمو راسهم وناضو خرجو عند الحاجة للكوزينة باسو على رااسها وسلمو عليها وخرجز مشاو مغددين من قراار عبد المتقي
يومين فرمشة عين داازت الحاجة مشطونة مع محمد والحاج اللي مابقاوش كيدخلو للدار فهاد يومين حتى الغدا اللي كانو كيجيو لييه مابقاوش كيجيو بجوج بيهم تقول متافقين وحتى لفطور كيخرجو قبل الوقت ايلا تجمعو يتجمعو على العشى وكل واحد يقصد بييتو غيتة من نهار دوا معاها محمد مابقاتش دوات على الجد فحيين اسماء ليلة لخطبة كتقر وتوترها وخلعتها كيزيدو يطلعو كثر وكثر كتوجد وتعاود توجد وحتى حاجة معاجباها كيجيب ليها راسها حتى حاجة ما مقادة فحين كلشي مقاد ومصاوب ومتول ومطرف ودنيا كتشعل تقول عمرها كان فيه العرس وروينتو الفراش عاود تحيد وتفرش والزرابي تصبنو وتنشرو والحيوطة تغصلو والترية تساست حتى من عكوزة كنزة بحكم انها ماكتشقاش دوموندوات جوج عبالاات جاو ضارو بالدنيا غثر بجوجهم نقاوها وقادوها خلاوهم غير كيشوفو…نسات خوتها وماعوداتش تفكرااتهم بالها غير مع الخطبة وخاصها تدوز على اكمل وجه يمكن..حتى الظار اللي قال عبد المتقي تكتبت لبها ماعودوش جبدو موضوعها من داك النهار الي حاولو يسولوه ودار فيهم بعدو منو وداوها فتوجاد الخطبة..
فالكوزبنة كانت واقفة اسمااء وكنزة حداها مقابلين الفران بجوجهم كل وحدة واشنو كدير فحين الحاجة جالسة هي وعكوزة كنزة على صالة مونجي كيستفو الحلوةفالبلاكار ويشوفو فييهم ااش كيديرو..
اسماء : صافي دخليها لكونجيلاتور براكة علييها
كنزة : نزيدوها شوية من لتحث
اسماء : لا لاا لا الفران كيلهب ايلا زدتها دقييقة مشات ليا غير دخليها ..
هزات كنزة الحلوة اللي طابت دخلاتها تبرد علاما وجدو ليها الكريم وديسير دياالها
الحاجة : عندااك تسنييم تمشيي للصالة خليوها مطرفة..
كنزة : فالبيت غير خليها ملاهية مع داك الدفتر ديال الرسم من نهار جبتو ليها وهي خاشية فيه رااسها كيعجبها ترسم ووتخطط..عطيني ندوق ليك البسطيلة
اسماء : غنهرمشوها اصحبتي خليها حتى لعشية وغندوقوها كامليين
الحاجة تبسمات : عطي لختك دووق حشومة عليك وايلا كانت كتوحم تحرمي داك الوليد مسكييين(شافت فالعكوزة مراقبة ردة فعلها)
فحين العكوزة غمضات عينيها وهزات ايديها لفوق
الحاجة : الله ياربي من فمممك لربي الحاجة ياربي تفرحنا بداك النهاار ونحضر لحفيدي ونشوفو من المثرانة لخرا والعزيزة يااربي…
شافت كنزة فاسماء وطرطقو بالضحك قداامهم على الولد اللي كيتسنواه يجي وهوما مزال مافتحو حتى بلاصتو فين يجي حتى لواحد اللحضة وهي تشهق كنزة..
كنزة : ويلييي ااااش نسيناااا
الحاجة : اشنوو !!
كنزة : ماجبناش التبوخيرة نسيتها اوووف والله ايلاا نسيتها نطلقوها غير فالصالة قبل مايدخلو الناس…
اسماء :مطاحتش ليا كاع فباالي
الحاجة : فين كااان عقلك فيم جريتي تاعيتي وحتى حاجة ماا مقاادة يلاااطبيف منكم..
لعكوزة : اصبرو صبرو داباا نعيط لبنتي تجبيها معاها قبل ماتجي صبرو..
جبدات تيليفون علمااتها وقطعات عرضو حتى على اخت عماد اللي فكازا مجاتش الخطبة فخبارها ومايعرضوش علبهاا…..ضربااات الوحدة ديال النهار وهوما كاملين فالكوووزينة شي يقاد شي يستف شي مقابل الفراان والثلااجة وكنزة فينما دارت تلقم ايديها ماحيداتهاش من فمها كلشي باغة دوق نمن كولشي باغة تجربو…البسطيلة كانت وااجدة غير طرفوها لا هي ولا اللحم وجدو كيك كبييرة دلاكريم مشكلة من تلاتة دالطبقات بالفوااكه مشكلة ومتنوعة خلااوها كتبرد واسماء تكلافاات كتفنن فيها وتقاد فيها بحكم علاقتها مع الحلوباات بشكل عاام زوينة واي حلوة حطات فيها ايديها كتطلع…خلااو الحاجة مع العكوزة كيوجدو الكيسان والطبالي ودخلان اسمااء تدوش وكنزة كتوجد فراسها على خاطرها …
حتى خرجات اسماء من الحماام نقية كتشعل لبسات قفطان ابيض مايل للبييج دجوهرة طويل ومشدود من جيهة الخير الحزام وايديه مفرفرين حتى هوما وكتافو وااقفيين وجلسات قدام الكرسي كتقاد فوجهها بايديها مخلية كنزة كتصاوب لبها فشعرها ماقواتش فوجهها المايكاب اكتافات بكحل طراسات بيه حجباانها مزيااان حتر كبرو كثر ووساعو وبانو…عينيها كيف نقطة دالعسل وقتما ميلاتهم جيهت السرجم مع الشميسة كيباانو كيفتنو بالكحل هزات شفارها بماسكارة ولاو كيضربو فحجباانها ودوزات كلوز وفراجو على خدوودها فقط فحين كنزة بوكلات ليها شعرهاا وضوراتو على شكل مشيطو خفييفة عاد جابت شاال وضورااتو على رااسها غطاها كااملة ضهرها وخسرها ورااسها وقداامها وقفات كتشوف فرااسها مستوورة وحتى حاجة فيها ما معيقة وحتى ركن من جسمها ماكيبان حتى من ايديها تغطاز بالشاال عجها الحال وارتاحت فلبستها واخا مامولفاش هاد اللباس ولكن على الاقل غترتاح فيه وتمشى براجتها قدام محمد وباه وحتى الحاجة…
ماحسوش بالوقت وهو كيدزز حتى سمعو صوت شي طوموبيل وقفات عند الباب زقف معاها قلب اسماء يلاه غيطلو وهي تحل عليهم الحاجة الباب مخرجة عينيها..
الحاجة : النااس وصلو لتحت عند الباااب ونتوما غرقتو ليا هنا االله يقل اصلكم ااش كديرو من صبح الله …
خبطات عليهم لباب بجههد ومشات حلات باب الزنقة للناس اللي طلعو واسماء وقفات فبلاتصها كترعد وتضور فعينيها وكنزة كضحك..
كنزة : بشويا علييك الحمقة تقولي اول مرة غير بشويا علييك ههه
اسماء : قلبي غيسكت ياربي يااربي يدوز كلشي على خيير يااربي تيسر يااربي
كنزة : غيدوز كلشي مزيااان وعلى خيير غير ارتاحي وبشويا علييك قراي القرآن الكريم فخاطرك بحال اللي درت اناا قرايه غترتاحي…كتبغييه امسخوطة ناري ااش دار ليييك ولد الفقييه..وااش كتبغييه قولي ليا هههه
شدات عينيها اسماء مزيرة عليهم وغطات وجهها بايديها وحركات رااسها بااه وكنزة كتضحك حتى بدااو كيسمعو صوت ضحك الرجاال على برا والحاجة كترحب وهوما يجمعو الضجكة تخطفات كنزة بسرعة كتطل من الباااب غير بسماتو شوية وطلاات وهي ترجع لعندها
كنزة :جا جا هو وباااه بلاتي نشوف
طلات تاني مقوصة ضهرها كتشوف فيهم داخلين وايديهم عامرين بالكادوات محمد هاز شي ربغة ديال الصاشيات فاللون البرتقالي ماعرفات اشنو فييهم والحاط حتى هو بحاالو وبنت خوه هازة بلاطو فايديها مغطيي بغطاء شفاف كيبان منها جبل من الجنة وراق.والورد مزين بالمسكة والفانيد والحاجة مورااهم هازة فايديها بلاطو دالثمر معمر حتى حطو هادشي هاد نزل محمد جاب كراطم دالسكر اللي بقاو فاوموبيل …
كنزة : هو وباه والحاجة و واحد المراة و خديجة و واحد البنية صغييرة شكون ماعرفتهاش عمري شافها…
اجي تشوفي اجي
اسماء حركات بايديها وراسها لا : لا لاا ماقدرتش غير خليني شوفي نتي وقولي ليا
كنزة : اويلي وعلى ما غتخرجيش عندهم ؟
اسماؤ : لا لاا مانخرجش ماشي ضروري يااك غيهضرو مع باا هوما غير خليني هنا مابغيتش نخرج
كنزة: اويلي على الهبييلة واازيدي زعمي شوية زيدي تشوفي والله حتى تزيدي
جراتها بجههد زربات عليها بسمو البااب شوية وطلات كنزة هي لولا من الحيط على الصاالة واسماء كطل بشويا مورااها حتى جات عينيها على محمد جالس وسط عبد المتقي والحاج بااه بشوميز بيضةوسروال دجين كحل توب شابك صبعانو وبراسلي كحل كيبان من ايدييه وتسنيم كيف العادة جالسة على ركبتو ليمنة كتمشي وتجي فيها معنقاه بايديها وهو مضور ايديه على رجليها شاد ليها التوازن…ضجكات و عبينها عامربين بالدموع عمر هاد اللحضة تخيلاتها ولا جات ببن عبنيها ولا حلمات بيها شي نهار من اليوم اللي قالو ليها تزوج حدفات محمد من قائمة الاحلام وضنات عمر هاد الحلم يتحقق فيوم من الايام…
طاوعت كنزة وقربات شووية كتشووف شكون جا وشكون كااين كيبان ليها غير عبد المتقي كيرحب بيهم ويعااود فرحااان وكون لقى عينيه يحطهم ليهم غوق الطبلة والحاجة حتى كترحب بييهم ..
كنزة : هاديك اللي فالقنت هي اللي قلت ليك ماعرفت شكون هي …
اسماء : حتى انا ماعرفتهاش
كنزة : عرفتي شنو تخايلت محمد غيجي بالجابادرو ولا الفوقية ولا الكوستييم مايحابليس غيجي يخطب بالسبورشيك هههه ولكن شوفي عرفتي غير ديك السبرديلة اللي حط فالبااب شحال دايرة والمونطو اللي حط لهييه خطييير
اسماء بتبسييمة زوينة: الفوقية والسلهام كيلبسوها حتى ليلة اللامة ولا العرس بحال اللي دار فمرتو لولا نهار العرس كيلبس الجابادور السلهاام..
كنزة : واااو غيجيه خطير كتفاو عرااض وطويل غيبان غيه همااوي عرفتي كيغايجي معاه فين شفتييه نتي
اسماء : غير فسطوريات ديال صاحبو
كنزة : بلااتي نصورو بحال عماد صورتو نهار الخطبة هههه
اسماء : عنداك تعيقي بشويا..
ضحكات كنزة وجبداات تيليفون غتصورو زومات علييه مزيان مخبية التيليفون ناوية تصورو غير هو مارداتش الباال للفلاش اللي كان شاغل مع غتصور مع ضرب فييهم وهي تقفز شادة التيليفون كان غيطيح ليها لحسن الحظ حتى حد ماداها فيهم واسماء بغات تاكلها خلااتها ورجعات للبييت وكنزة تبعاتها كضحك وتوريها فالصويرة كي جات حتى حل البااب ودخلات عليكم الحاجة مبسمة..
الحاجة : يلاه ا اسماء اجي ابنتي دخلي عند ناسك يشوفوك…
الحاجة : يلاه ا اسماء اجي ابنتي دخلي عند ناسك يشوفوك…
قربات عندها مبسمة كتشوف فلباسها والحجاب اللي زادها سترة واناقة مايكاب خفيييف مركزة فقط على عينيها دوزاات الحاجة ايديها على وجه اسماء وداتها كاملة كتسمي الله
الحاجة:مشاااء الله تبارك الرحمان الله يحفضك يابنيتيي منورة كي الجوهر (تنهدتات مطولة مبسمة وعنقاتها واسماء طول منها) الله يرضي علييك ….الله يرضي عليك… الله يرضي علييكم انا مفرشاكم بالرضى ومغطياكم بييه هازيين ليا راااسي ومكبريين بيا ختك جابت من آجود الناااس وونتي قلتي ليها ماتعرفييش…
اسماء غي ساتكة وحادرة راسها بتوتر كتفرك فصبعاانها حاسة بقلبها كيضرب ف حلقها رجفة خفييفة متملكة جسمها بكاملو كآنه ماشي جسدها ومقاادراش تحكم فيه من ايديها اللي كانو شاديين فالشال كتلعب بيه بين صباعها وشعور الخوف متملكها….شعور مامعروفش من اشمن ناحية جاي…واش يوقع مشكل اللي يحبس هاد ليلة فنصها ولا الخوف كن انه يكون حلم من الاسااس وهي مزال ناعسة كيف باقي الايام كتحلم بييه بدون شعورها…
جابت كنزة الملحة عطاتها لحاجة وهي رشاتها عليها من الفوق كتسمي الله وتعااود…
كنزة : شوفي فيا وعاي شوية قراي القران فخاطرك راك مسطريسيا بزاف مادخليش هكا..
اسماء بحماس : حاسة براسي كنطيير ههه رجلي مقادراش نوقف عليهم
كنزة : تاتجلسي حداه عاد غطيري مزيااان هههه
الحاحة: ماغتجلس حدااه غير الخطبة هادي غتجلسي حدايا يلاه..
كنزة :ايوا صافي هانتي تهنيتيي سلمي علييهم وجلسي
الحاجة: سلمي على الحاجة وخديجة والسيدة اللي جات معاهم ماتسلميس على الحاج و ولدو ماتحرجيهمش وماتحرجيش راسك..
كتزة بميوعة : علاش آماما اشنو فيها(خنزرات فيها الحاجة وهي لبدات عينيها) زعما واش عيب غير بغيت نعرف
الحاجة: ولد الحاج ماتسلمش علييه مزاال ماكتبت عليها وهو ماغيسلمش عليها حتى شوفة ماكيشوف فيها مابقى غير التسلام سلمي بعينيك وجلسي الحاج راه معروفةة عليه من زمان ماكيسلمش باليد على العيالاات..
كنزة : انا راجلي مادرتوش ليا هكا علاش انا سلمت عاادي
الحاجة: راحنا كنمشيو على تقاليد النساب واخا هادشي ماشي تقاليد ولكن باك اللي قاليا هادشي مانعرف واش سول شي ولا ماعرفت…تا فعائلتنا كنخلطو رحال وعيالاات الله يسمح لينا واخا راه مانزيانش نتي راجلك وعائلتو العيالات تخلطو مع الر٠ال شي كيسلم على شي ماعندهمش لعيب…داسماء لا العكس ايوا راك كتعرفب الحاج وااش عاد غنوربطيه ليكم السيد فقييه وعارف كلام الله ما مرة ماجوج كيجي وعمرو جات ايديه فادينا من غير باك لا هو لا ولدو…
اسماء : نسلم غير على الحاجة ؟ صافي…
الحاجة: يلاه زيدي خرجي يلاه..
حلات البااب بشويا وخرجاتها بهدوء دخلاتها لعندهم طلعات عينيها خاطفة نضرة لقاتهم كلهم كيسشوفو فيها مبسمبين رمات السلام حتى سمعاتهم ردو عليها ورجعات حدراتها وقربات سلمات على خديجة هي اللي كانت جالسة فالطرف الايمن بدات بيها عاد فااتت محمد والحاج وسلمات على الحاجة من خد لخد لكن هاد الاخييرة حلات ايديها وعنقااتها كضحك عجباتها طلتها ولبستها الانبيقة ومستورة فنفس الوقت وحتى الهدوء اللي دخلو فيه وجلسو كيهضرو فييه عجبها الحال دارو بوجهها ومشاو على الخطبة كيف نصحاتهم و وصاتهم…واسماء مبادلاها العناق مبسمة ودازت سلمات على السيدة اللي ماعرفاتش هي والبنية الصغيرة عاد تمشاات جلسات حدا مها جامعة رجليها وشادة شال بابديها كيزلق ليها…ماقدرااتش تهز عينيها وتشوف ف محمد ولا حتى الجيهة اللي كاين فيه هو تقاالو عليها رموش عيونها وكيف حولات نضرها لجيهت الحاجة بقات هكااك جامدة فيهاا مبسمة وهوما اكثر فيها…
الحاجة ام محمد : ايوا الالة غيثة كيف جااتك عروستي
غيثة : مشااء الله الله يحميها بعييون الرحمان الزين البلدي على اصولو الله يحفضك ابنتي من العين
الحاجة ام محمد : راه كانت مرضات مسيكينة مريضة خايبة ومزاال تبارك الله عاطية العين كون تشوفيها قبل تباارك الله
اسماء بخجل كحات مسرحة صوتها مامبيناش: لهلا يخطبيك الحااجة ربي يبارك فيك
غيثة : الله اكبر شي مرضة خاايبة نييت اش كان بيك شوية دابا ؟
الحاجة ام اسماء نطقات باختصار سدات الموضوع : الحمد الله على كل حال بفضل الله والحاج و ولدو وولفقييه ماناعودش نشوف بنتي واقفة على رجليعا الله يجازبيكم بالخييير عمر خيركم مانساه رجعتو ليا كبدتي كون نعطيكم عيني ومانوفيش حقكم..
الحاج : استغفر الله الحاجة واجب هذاا الحمد الله البنية رجعاات لينا مادرت واالو ان بعد العسرى يسرى بعد المراات كنشوفو الانسان فشي فترة صعيبة دازت عليه وكيتدمر ويدوخ وايمانو بالله كيتبخر ويمشي كآنو عمرو كاان وحنا نييت افضل مثال لوكان ما جا السبب باش نديرو يد فيد ونعاونو لنتنا توقف على رجليها مانكونوش جالسيين هااد النهار المباارك هنا عندكم الحمد الله على كل حل وكل مصيبة ايلا وبعدها الف خير وخير…
تعلات الهمسات بكلمات الحمد والشكر ل الله وهوما كيهضرو مع بعضهم بحكم المعرفة اللي عرفو بعضيااتهم ماكان حتى حد غريب على الثاني ايلا غيثة اللي حاضية محمد واسماء وتسنييم اللي كانت جالسة فوق ركابيه..ومرة مرة كتشوف فاسماء وكضحك وتنده عليها بماما مافهماتش واش مربياها ومولفاها هاد الكلمة ولا انشو اساس الموضوع مطاحش فبالها ابدا تكوون مزوجة ومطلقة وب بنت..
واسماء مارجعاتش شافت فيها غير مبسمة وتشوف هنا ولهيييه وتضحك مع هدا وتسلم ل لاخر اللي سولها تجاوبو على قد السؤال شميسة خفييفة مشعة من الشرجم اللي حا قبالتها فوقما علات عينيها كتسني فييهم الشمس حتى كيتحول بؤبؤ عويناتها من البني لنقطة عسل وسط عينيها الكبار المكحليين..هاد العينيين اللي فتنو محمد من اول شوفة حدر عينيه ورجع حدرها ولكن فكل فرصة كيلقاهت كيمشبيو ليها مبااشرة ماقدرش يغض البصر وماقدرش يمنع نفسو ما يطفي رغبتو الكبيرة فنضرات عيونها لوكان لقى غير يحطها قدامو ويبقى يشوف فيهم غير هوما حتى لواحد اللحضة مع علات اسماء عينيها مشاات لجيهتو نبشاان فاللحضة اللي حتى هو تلفت لجيهيتها شاف فيها وتلاقاو العيون…
تفزع قلبها حسات بيه غيخرج من صدرها وشتتات نضرااتها بسرررعة وقلبات راسها من جيهتو مابقاتش ضارت عندو بخطرة كتفرد بصبعانها وسط ركابيها بتوتر كبييير كلها كتجرف…
موضوع يجر موضوع حتى جبدو الخطوة وتقدم الحاج هو الاول كيتكلم بجدية..
الحاج : ايوا ااش غنقول ليك السي المتقي راك عارف ااش كلين مانزين نفسنا ليك مانزوق مانكدب علييك ههه
عبد المتقي : حاشة حاشة مرحبا بالسي الحاج ليا الشرف بهاد الجلسة فهاد النهار النبارك….
الحاج : الله يبارك فيك اسيدي..وحتى حنا لينا الشرف نطلبو القرب والنسب منكم ونطلبو يد بنتك وبنتنا اسمااء لولدي محمد على سنة الله سبحانه وتعالى ورسوله صلى الله عليه وسلم حسب الدين الاسلامي الحنييف نتمنااو انشاء الله تقبلو علينا…
عبد المتقي : اسيدي مرحباا بيكم مانلقاش حسن منننكم البنت بنتكم والداار دااركم اسي الحاج
الحاج : هذا هو المضنون فيك اسيدي البنت من شحاال شفناها فيها بنتنا انشاء تكون ليه زوجة صاالحة ويكون ليها سند وحنا مانزيدوهم من عندنا غير الرضى…
الحاجة ام اسماء : غيير تهلا اولدي تهلا رااه واخا تبان ليك اكسدة كبييرة العقل مكاينش ههه
علات فيها اسماء راسها بنضرة يااك اماما وهوما كيضحكو
الحاجة :حاااشة حااشة ههه الله ياودي اسماء راني نعرفها ماغريباااش عليا الله يرضي عليها عمرها خلاتها فقلبي بنات الماس وهادي مافيهاش النقاش الله يكمل علييهم ومبرووك علينا وعليهم..
عبد النتي : مبروك علييكم مبروك اولدي..
محمد بهدوء كح ورد عليه كيحرك راسو : الله يبارك فييك اسي عبد المتقي
الحاج :مبرووك علييكم وعلينا والله يكمل كلشي بالخيير الله يجمع بيناتهم فالخيير باارفاه والبنيين يكون زوج وسند ليها والله يجعلها زوجة صاالحة لييه…المراة السي عبد المتقي كرمها الله عز وجل هي الصاحبة والزوجة وعماد البيت..وايدا صلحت المراة كنقولو صلح اىمحتمع والابناء والبيت…طرييقهم طويييلة بادن الله مع بعضهم….صعييبة وشااقة الله يصبرهم على بعضهم والله يكمل علييهم ويسهل الامور بيناتهم ضروري من المشااكل وضروري من الصعااب وهادي هي الحياة الله يرزقنا الاخرة..
حركو راسهم مطاوعين كلامو وهو شاف فولدو محمد كيهضرو غير بالعينين ورجع قاال..
الحاج : السي عبد المتقي خير البر عاجله وريقات الراجل راه واجدين وجد لينا وريقات البنية يكتبو كتاابهم والله يجعل كلشي مبارك ومسعود..
عبد النتقي : انشااء الله الحااج مرحباا بييكم مرحبا واالف مرحباا
الحاج : هي لخر ديال الشهر انشاء الله نوجدو رااسنا
عبد المتقي : لخر دلشهر ؟ بزااف اسي الحاج كلامك على الرااس والعين وليني بنية وحدة عاد مشات بقات ليا غير هاادي نفرحو بيها ونشوفو عرسها …
الحاجة ام اسماء : ااه من هنا للصيف انشاء الله نديرو عرسهاا والله يكمل علبيهم بالخيير…
الحاحة شافت فمحمد كيدوي مع باه غير بعينيه يحاول يقنعهم يسرعو الزواج وهي تدخل حتى هي…
الحاجة : الحاجة ماتكلفوش على راسم اللي تقالت عليكم خفافت عليهم خليهم يكتبو كتابهم ونديرو ليهم داكشي اللي قسم الله والله يسهل ومزاال انشاء الله الفرحات ومزال نشطو ونفرحو بييهم
الحاج كمل : ماكين لاش نطولو ونجبدو فلياام العمر كيطير وانا باغي نشوف وليدات وبنات ولدي ماتخمش لبنتك اسي عبد المتقي راك بحالا عاطيها لباها التاني خليهم يكتبو كتابهم فلخر دالشهرانشاء الله ويعطيها صدااقها ومايخصها غير الخبير فدارها
عبد المتقي : ماطالب صدااق الحاج فبنتي صداقها عندي هو يتهلاا لياا فيها وكيف عطيتها ليه يحافظ عليها خيرهم راه فدارها كون طلبها غير ولدك الحاج وبالله تعالى ماياخدها وليني ملي باغيها ولدي محمد مانلقاش حسن منو ماخليتي لياا فين ندوي..
تلفت الحاج عند ولدو كيشاورو بعينيه ومحمد كيجاوبو غبر بحجبانو وعينييه بلا مايتكمل حتى فهمو الحاج وتلفت عند عبد المتقي..محاول يقنعو
الحاج: اللي توجدوها اسي الحاج نوجدوها حنا معاكم ونديرو يدنا فايديكم ونفرحو بولبداتنا مجموعين خير البر عاجله مابغيناش نعكسو فطرييقم خليهم يتزوجو ونترجاو منهم الخيير انشاء الله راحنا مزرووبين على الحفايد كاينة ولا مكابنااش اس عبد المتقي هههه..
عبد المتقي : الله ياودي وشكون كره انشااء الله غير تخلاا لياا فبنتي اولدي تهلاا فيها ايلا عطيتها ليك اماانة عندك راك شفتي على عبنييك ااش داز عليها وماشي سااهل علياا عاد شفتها وقفات على رجليها نعطيها وليني كيف قلت لييك مانلقااش ماحسن منك وراحة المراة فدار راجلها تهلا فيها وفبنيتهاا والله يجازيك بالخيير والله يكمل عليكم ماخليتو ليا ااش نقول..
غيثة بصدمة بلعات ريقها وتبسمات مامبينااش : هااد الغزيولة بنتها ؟
الحاجة : ااه بنتها و ولات بنت ولدي
وحفيدتي حتى اناا ههه
شافت فيها خديجة بدهشة ماكان حتى علاقة مابين كلام الحاجة اللي كتقول دابا بالمقارنة مع اللي كانت كتقول نهار عرفات اسماء العروسة فهماتها وعرفااتها مابغاتش تبين لغيثة تدي لوجدة ماتعااود ويعيبو عليها اللي مطلقة ومابغاتش لولدها العروسة المطلقة وتخلي ليهم الطريق فين يعاودو يجبدو عليها الكلاام ويقصحو فيها الهضرة..
عبد المتقي شاف فالحاجة اللي كتغمزو بعينييها يعطلو العقد وهو كيهز كتاافو بمعنى ماعندي ماندير غلبو وجهو قدام الحاج وماقدر يقول حتى كلمة هاد الاخير اللي تبسم وقاال..
الحاج : ايوا السي عبد المتقي الصلاة على النبي البنت بنتنا وخديناها والسلام عليكم نتوكلو على الله .
والله يجيب غير التيسيير وارو لينا داك العشاء نشوفوه…
عبد المتقي : هي لولااا الحااجة يلااه باالي مرحباا بيم مرحبت داار داااركم راكم ماشي براانييين مرحبا ببيكم..
الحاج : ياا بسم الله هزو معانا ايديكم واحد الدقيقة الله بجازبكم بالخير….
عاد تفكر السي عبد النتقي الفاتحة بالتلفة والزربة اللي زربو علييه نسى وهز ايديها على وضعية الدعاء كلهم بحابة حادريين رااسهم كيسمعو لييه..
الحاج : بسم الرحمةن الرحيم…إن الحمد لله نحمده ونستعينه ونستغفره ونعوذ بالله من شرور أنفسنا ومن سيئات أعمالنا من يهده الله فلا مضل له ومن يضلل فلا هادي له وأشهد أن لا إله إلا الله وحده لا شريك له وأشهد أن محمدا عبده ورسوله
كح كيقاد صوتو وقال بتجويد نفس صوتو المرييح واسماء غير سمعاتو تنهداات برااااحة بدون شعور..
{يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلا تَمُوتُنَّ إِلَّا وَأَنْتُمْ مُسْلِمُونَ}
{يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيراً وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيباً}
{يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيداً، يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزاً عَظِيماً}
سكت لحضااات رجع كمل
الحاج : جينا طالبيين يد بنتنا اسمااء لولدي محمد على سنة الله ورسوله الله يتممها على خير والله يبارك ليها فيه ويبارك ليه فيها يارب العالميين..
عبد المتقي كيتسناه يقرا الفاتحة هي اللي كيعرف لكن الحاج كان قرا خطبة الحاجة اللي هي الملزومة تقاال فهاد المناسباتاات الخطبة او عقد النكاح رجع سمى الله من جدييد…
الحاج : بِسْمِ اللَّهِ الرَّحْمَنِ الرَّحِيمِ (1) الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7) امين ….
غيير كمل الدعاء ديالو وهوما كيردو موراه بصوت خاافت امين طلقااتها كنزة بتزغربيتة هزاتهم بيها كااملبين ودخلات للكوزينة هي وماماهاا كيوجدو ليهم ويسرببيو العشى وعكوزتها حتى وقفات معاهم لاينساو شي حاجة سربااو ليهم البسيطلة اللي تحطات هي لولا وبدا كيتعشاو بهدووء مرة مرة بضحكو يعضرو وحتى اسماء جلسات معاهم حيت مكانوش بزااف هوما قلاال وجمعو فطبلة وحدة مرة مرة كتنقب باييديهاا هزو البسطيلة وحابو اللحم محمر مزيين ومدردر بالزنطلاان عاود هزوه حتى هو عاد دخلو ديسييير…
ناضت اسماء دخلاات للببت مع ختها بقاو هوما جالسبين على برا على كاس داتاي والحلوة…
وغيثة عجباتها الحلوة كتسيفط وحدة موراا وحدة جاتها هشيشة ورطبة ماصبراتش كثر وهزات وحدة كتهندس فيها وقالت..
غيثة : غزاااالة هاد الحلوة تباارك الله على مولااتها..
الحاحة : قلتها فخاطري والله العضييم زعما…بحال اللي ظرتو فخطبة كنزة لا ؟ غزاالة حتى هي..
الحاجة ام اسماء : ايه هي نييت هههه ديك الحلوة مصاوبة بالخاااطر وبالمهل بشويا عليها حتى طلعات هكااك
غيثة : لا لا غزالة انا صعيب تعجبني شي حاجة ولكن هاد الحلوة هادي شي حاجة سبيسياال شي حريفية هادي صعييب تطلع ليها للحلوة بهاد الشكل ايلا كانت شي وحدة عادية..
الحاجة شدات ضحكة وشافت فكنزة : ماخرايفية ما قارية عليها مامعلماها داكشي ديال الله ..
كنزة : جاي من عند الله داكشي ههه..
الحاجة: نتي اللي صوبتيها ههه تبااارك الله عليك
الحاحة : لوااه الحاجة قدااش قلتبيها هادي لابغيتي تسيفطيها للكوزينة خاصك تنعتي ليها فين جات هههه ديال اسماء هي اللي قداتها..
الحاجة : ايوا صافي حيدي عليا ملي ديال اسماء مانتصدمش فيهاا واحد النهار كانت جات عندي وصاوبت مع خديجة شوية دالمسمن والبغرير اش غنقوليك تباارك ولله وخلااص
الحاحة : الله يبارك فيك الحاجة..
تجبد موضوع اسماء مرة اخرى الحاجة ام اسماء تشكر من جيه والحاجة ام محمد تشكر من جيهة تانية وغيثة حطات الحلوة كتنقب مرة مرة ماسخاتش بيها ب بنتها…
ومحمد مكانش كيهز منها بحكم انه تعشى شوية وحبس ولكن ملي سمع المدح على حلوة اسمااء هز وحدة كيتدوق فيها غير بمجرد عرف انها خارجة من ايديها عحباااتو ولقى رااسو مرة مرة كيهز وحدة تابعة وحدة..
خلاتهم كنزة وناضت عند اسماء للبيت لقاتها حيدات الشاال جالسة شابكة صباعها كتلعب بيهم وتسمع اش كيقولو على برا..
اسماء :داوين على حلوتي سمعتهم بصح بصح جات زويينة…
كنزة : سولي اختي خطيبك مابقى حيدها من فمو غير سمع ديال اسماء ولا كيدوق ويتبنن تقولي ماعرفت ااش كياكل هه
اسماء : ماقدرتش نشوف فيه شفتي فيه نتي ياك عاودي ليا كيف داز داكشي انا راه كنت حادرة راسي ماكنشوف واالو عاودي ليا
كنزة : كلشي داااز زويين وغزااال راه خليتهم داوين على العقد نيت باغين ياخدو شروطك ويشوفو صدااقك دابا تجي عندك ماما تاخد شوارك..
بصح نيت كيف قاالتها تحل عليهم الباب ودخلات علييهم الحاجة…
الحاجة : غيعيط عليك باك دابا تجلسي قدام خطييبك يسمعو شروطك واش باغة من زواجك قولي اللي بغيتي ماتحشميش وتندمي من بعد بغيتي دارك بوحدك قوليها بغيتي عرسك قوليه اللي شرطتيها وبغيتيها قوليها نهار لول يموت المش..
اسماء: لا لاا اماما ماغنقدرش نخرج عندهم لا انا نقوليك وقولي ليهم
الحاجة : خاصك تقولي شروط لخطيبك فوجهو ماشي نوصلها لييه انا
اسماء : لا ماغنقدرش اماما عفااك ماتحشمينيش ماغنقدر نقول والو..
الحاجة: وااخا قولي شنو شروطك نقول لبااك يقول لييهك..
شافت فيها اسماء مطولة ورجعات شافت فكنزة بتفكيير عاد شافت فالحاجة
اسماء : نكتب ليه فورقة بيني وبينو حتى حد مايشوفها من غيرو
الحاحة: ايواا ها البساااالة كيفاش هادي مايشوفها تاحد من غيرو
اسماء : هذا شرطي ماغنقدرش نخرج اماما صافي ديرو لي بغيتو
الحاجة : هادشي اللي بقى صبري نشوف ااش غيديرو راه خاصك تخرجي ..
خرجات من عندهم كيف قالت اسماء مابغاتش تخرج عندهم ولكن الحاجة وصلاتها ليهم بالفن خلات اسماء فبييتها ماخرجاتهاش عندهم وهوما بقاو كيتفاهمو على الصداق وشروطها حتى رجعات عندها الحاجة هاد المرة بكا صغيرة فايديها و ورقة شيك باسم محمد تكتب فيها صدااقها…
جبدات ستيلو وعطاتهم بالضهر مبسمة باعحاب وحب كبيير فعينيها بمجرد ماكتفكر راه هو اللي غيقرا كتباتها ويتهجى الحروف اللي كتبات بيديها كيشدها حماس كبيير على جوابو واش يكون بالايجاب ولا الرفض….تنهدات مطولة بحماس وكتبات اش بغات فديك لاكارط وااش بغات فالشيك وطواتهم مزياان وعطاتهم للمهاا وكنزة كتضور بيها من هنا ولهبيه شادها الفضول على اللي كتباتو..
فحين الحاجة دات ديك الورقة عطاتها لعبد المتقي وهو بدورو عطاها لمحمد كيضحك…
عبد المتقي : هادشي عمري شفتو الحاج ههه شوف اولدي ااش بان ليك وباش ماكان رد علينا ههه
الحاج: ماتخممش الحاج بنتك مارخصياش عدناا ولا شيك ولا الورااق يعوضو بلااصتها بناات الناس ماكيتوزنو لا بفلوس ولا دهب
شاف مبسم فمحمد وهو كيحل ديك الورقة بملامح جدية قرا اشنو فشيك وهو كيقرن حجبانو بشويا بشويا وعاود حل ديك الكارط كيقراا اش دااخلها ويتهجى حروف كتابتها…
حتى كمل ورجع طواهم كيف كانو بهدوء ثقييل ومرزن فحركااتو خلاهم حتى كلاهم فضولهم على جوابو عاد هز رااسو بملامح مبشرة وجدية كح قاد صوتو وقاال بصوت مسموع حتى لعندها كيشوف فعبد المتقي
محمد : تعتابر صداقها من هاد اللحضة مدفوع وشروطها امر تنفد اسي عبد التقي..
سمعاتو اسماء من البيت وضحكات شادة على صدرها كتنفس بسرعة حاسة بلرض ماهاازاهش فرحانة والفرحة متبقاتش واسعة فصدرها بغات تحرك دير شي حاجة تضحك تغوت اي حركة اللي غتطفي داك الحماس الكبيير والغرحة اللي شداتها بعدما سمعات جوابو على شها وكنزة بغاات تبكي بالفضول ماعرفتهاش اشنو كتبات ليه عيات ماتجر فلساانها مادات منها لا حق لا باطل..
مدة طوييلة دازت الناس مشاو بقات غير اسماء فبيتها وهي وكنزة والحاجة مها وعكوزتها وبنتها فالصاالة مع عبد المتقي كيهضرو ويشاركو الكلاام ويعطيو رأيم فالخطبة كيف دازت…طاحت الضلمة والبناات مزال منغاامسيين فكلامهم على الخبطة نييت حتى بدا كيصوني عماد لكنزة وهي تخرج اسماء عندهم للصالة وكنزة وقفات عند شرجم جوبااتو…
كنزة : آلوو..
عماد : الحب صافا ايلا ماصونييتش انا ماتسولييش
كنزة ردات كتعوج بحالا كيشوفها : ايوا كون تفكرتيني كوون سولتي عليا ماتسنانيش نسول علييك
عماد : ديما فبالي مكنبغيس نصدعك بالهضرة عرفتك مشغولة..نشوفوك نتي واش مفكراني
كنزة : شوية وصاافي
عماد : يااك واخا لحسك حتى ترجعي ونتفااهمو..باقين تما امتى ناوية ترجعي لدارك ؟
كنزة : غير نكمل مع ختي روينة ديال الخطبة راك عارف وغنجي..
عماد : روينة تاني بزاااف سيمانة ونتي تما يويمن اللي دوزتي معايا ماشي حشومة رجعي براكة واحد السينانة اخرى وسيري ..
كنزة : غنرجع هه غير نجمع معاهم روية ونشوفهم اش غبديرو نجي صاافي
عماد : تجي عندي غداا وبعدو نرجعك عندهم
كنوة :غتبقى غادي جاي معاياا
عماد : هانية مهم تباتي فدارك..اشنو نجيبك الله يجعل البرااكة جلستي تما تفكري راجلك ودارك شوية من بعد ورجعي
كنزة عفااك غيير هاد يومين ونجي والله مانفوتهاا
عماد بصدمة نهض فيها: يومين كاااملة لا لاا عشية غنجي عندكم انا كنتسنااك تقولي ليا عشية نشد طريق ونتي كتقولي يومين كضحطي عليا
كنزة : ااش غنديير راه ختي ماشي معروضة عندهم عى الاقل هاد يومين غير نشوفهم ااش غيدييرو ونجمع معاهم الروينة ونجي(طييط طييط) آلوو آلوو..
جبدات تيلي قدامها لقاتو قطع عليهاا وهي تعقد حجباانها بعبصبية تزيرااات ومارضااتش يقطع فوجهها يلاه غتعاود تصوني وهي تشوفو كيصوني عليها ابيل فيديو فواتسااب جاوبااتو ديك ساعة..
كنزة : ااخر مرة تقطع فوجهي علمني وقطع دييك ااسااعة
عماد بحنية رد: غير بغييت نشوفك احبيبة الصوت مابقاش كافنيني..
قلبتت وجها على كلامو الهادئ تهدنات ورخات النفس وتلفتات شافت فيه وهو سااهي فييه بشوق
عماد : توحشتك..
ضحكاات كتلعب بشعرها ورداات عليه بحنية اكثر..
كنزة : هه راه غنجي اكبييدة غير هاد يومين وانا معاك حتى تشبع ههه
عماد : هاحنا غنصبرو هاد يومين نشوفك ااش غديري لييهم يلاه الالة وباالي دغيا جمعو روينتكم ورجعي عند راجلك توحشك وتوحشت نن..ههه خلينا نسرحو طرييق خلااص
كنزة حشمات : لييل هذا سير تنعس راك صابح خداام بسلاامة..
عماد : تهلاي فراسك..
سيفطات لييه بيزز وقطعاات ديك الساعة دخاات لابلبكاسيون اللي متبع منها العادة الشهرية دياالها بقات كتشوف فيها وتشوف فتاريخ اليوم حتى دخلات عليها اسمااء لقاتها كتخمم ..
اسماء : باقة كتفكري فاشنو كتبت لييه ههه
كنزة : مانسحمش لييك مابغيتيش تقولي ليا …كنفكر غير فليغيكل معطلة بسيمانة كتمرصن ماكنحملهاش تعطل عليا
اسماء : عادي راه البرد هذاا كتعطل كتوقع ليا حتى انا
كنزة : لا لاا انا عندي كتجي فوقتها ماكتعطلش حتى بنهار دابا رااه سيمانة تئ…
طفات تيليفون ولاحتو جنبها كيف هزو محمد من فوق الكرسي ددالطزموبيل كان كيصوني شاف فالرقم غرييب عليه ماعرفش المصدر دياالو وهي يدوز الخط كيسمع صوت امراة..
_آلوو محمد
محمد : وي مرحبا هو هذا…ا ااش حب الخاطر..
_عرفتيني..
سكت مطول من هاد الكلمة د عرفتيتي خلااوه يحلل الصوت اللي كان واضح صوت مراة يلاه غيجااوب وهي تسبقو ..
_عرفتيني..ا انا اسراء…
محمد : عرفتك….ياكما كاين باس..
اسراء بتردد وارتباك باين فصوتها : صافا لباس عليك ..
محمد : تخونكيل الحمد الله..
اسراء : ال الحمد االله و واش كاين فالكلينيك ؟
عقد حجباانو مركز فصوتها كيبان ليها بحالا باكي وقال باستفهام ..
محمد : لا واش كاين شي مشكل ؟
اسراء : لا غ غير ايلا كان بوسيبل بغيييت نهضر معاك
محمد : مرحبا خودي رونديفو مع رانيا ديجا عندك نيميغو ديالها
اسراء : و ولكن ايلا كان ممكن نهضرو فاقرب وقت رانيا غتعطل عليا رونديفو
محمد : على حسب اشنو كاين واشنو عندك هضري معاها ايلا كانت شي حاجة كخاف بيان صيغ تقربو لك..
اسراء : و واخا صافي ميغسي صايق فالطريق واقيلاا….نخليك نهضرو من بعد طريق السلامة…
قطع معاها ورد تيليفون لجيبو متسائل على سبب اتصالها فهاد الوقت …كمل طريق حتى وصل للدار ونزل هز التقدية اللي جاب معاه فطريقو ودخل …
اما فالدار عند الحاجة حتى دخل للحاج وتوضى وصلاة العشاء ومشى ينعس وعكوزة كنزة حتى هي نعسات عاد هوما جبدو كاع الكادوات اللي جاو فاسماء فرشوهم وسط الصالة كيقلبو فيهم ويعاودو ويشوفو اشنو جابو ليها…ممهم عقد وسط بواط كحلة حلااتها اسماء لقاتو طقم كامل من الدهب وازن وثقيييل عجب الحاجة وحل ليها العينين فييه..
الحاجة:آري لهنا اري نخزنو لييك
اسماء خباتو :خليني نديرو شوية
الحاجة : تمشي تطيحي شي حجرة نخبيه لييك اري حتى تمشي لدار رااجلك وديه معااك
خطفااتو ليها حطاتو فجنبها حنى بانت ليها هزات بواطة اخرى وهي تخطهفا ليها من ايديها خلاتها كتشوف بعويناتها…وهي حلاتها لقات فيها خاتم رقييق سابمل وانيق متوسطاه جوهرة صغييرة دائرية هزاتو فايديها
الحاجة : بلاكيور عذا ؟
اسماء : اشمن..بلاكييور اريه ليا..(كتقلب فيه)ماعرفت يكون دهب مشلل زعما؟…كنزة شوفي عندك مع هادشي..واقيلا دهب ديال الامارات
كنزة : تقول سيد شاد ليها طيارة كل نهار ااش كتخربقو هذا راه الماس
الحاجة : اشنو هذاا والماس ؟! ويلي والماس كتى هي فيها الجواالق..
كنزة مسايراها مافيها مايشرح : ااه بحال كوكا
مصغرة عينيها كتحقق..
كنزة : موحال واقيلا غير الحجرة اللي الماس ماعرفتش بحال اللي جاب ليا عماد والله ماعرفت لييه يياه فيه سميتك ا اسمااء..فنن هاكي ديريه..
الحاجة: لااا ماشي دابا راه دايرة واحد براكة اري نخزنو..
داتو ليها حتى هو خزناتو وبقاو كيجبدو فباقي الهداااية منهم عباائية سودااء منبتة بحجيراات كتلمع واجمل هدية كانت المصحف الكرييم فاللون الزهري والمكان اللي كيتحط علييه خشبي كيتطوا بالصلاية دياالو نفس لون المصحف خافت اسماء من الحاجة لاتخطفو ليها حتى هو وخباتهم وراها حتى قلبو كلشي ااش جابو يلاه جبدات الشكلاط وهي طير بيه كنزة خرجات فيها الحاجة عينيها حتى هي مادات منها لاحق لا بااطل حلفات حتى تاخدو وخدااتو بصح اسماء مدارتش فيها رااسها واخا حتى هي من عشاق السقاطة خلاتو ليها..
جمعو دااكشي وطرفو كل حاجة فمكانها ومشاو لبيوتهم واسماء متمية وكنزة شادة شكلاط كتاكل فيه ليل كامل كلامهم غير على الخطبة وكيفاش دازت…
كنزة بدهشة : ماتقوليش ليا شرطتي علييه ماتولديش عارفاك مابغاش تولدي مورا تسنييم..
اسماء : لاا مالك حماقيتي مانقولهاش لييه لا دابا لا من بعد حساابي فراسي..
كنزة :الحاج قالك ليك باغي الحفايد شدتني ضحكة علييه مسكين ماعارفش مرت ولدو حاقدة علييهم ههه
اسماء : مانولدش لا دابا لا مانبعد منكدبش علييك بنية وحدة الله يجعل البرااكة نكبرها غيير هي بعدا..
كنزة :ايواا اشنو عفااك قولي ليا شرطتي علييه تخدمي
اسماء : ماباغاش نخدم اصلا..
كنزة : ايواا قولي صااافي عفااك عفاك ختك…العار ماقولي ليا..انا كنقول ليك كلشي مكنخبي علييك والو
تنهداات اسماء كضحك عليهاا وشافت بعييد سااهية وكنزة بحماس متسناها تكلم..
اسماء : شرطت عليه شرط غاالي…وغالي بزااااف صعيب يتنفد عرفتي كتبتو ليه غير ضبحة ولا ربحة ماكنتش خايفاه زعما يقول لا ماقابلش عليه حيت من نهار لول يموت المش وانا راحة بالي هي كلشي (بحب تبسمات) ولكن هو غير قراه وافق عليه…
كنزة : هو ماشرط عليك والو..
اسماء : ماقال حتى حاجة مزال الوقت فين يقول
كنزة : كي شتي غير غيشرط علييك تخليه وتهربي انا كنحس بييك قبيلة ماكرهتيش يجيبو العدول وتمشي معااه فنهارك..
اسماء : كنزة محمد كون ماكان ولد الناس واخا نكون كنبغيه والله اختي مانفكر نتزوج مزال… الحب مكيعيش وانا احسن مثاال ناصر بغيتو واشنو شفت موراه غيرا الوييل واخا كنبغي محمد مانكرش ولكن ايلا كنت غنعييش فالصداع والمشاكل والهم مع العكوزة والصداع مع الشيخ ومعاه هو بنفسو ماغنزيدش نطول الدقييقة راحت الباال حسن ليا من كللشي وقادرة نضحي برااسي وبحبي فسبيل نعيس مرتاحة انا ونتي واخا ناكل غير طريف دالخبز واتاي وكوني هانية ولا نرجع للصداع كيف من هذا شحاال..
كنزة : انا اللي درني فرااسي علاش طلق مرتو لولا واش هو اللي منو العيب ولا هي والله العضيم ايلا شحال من مرة كنفكر فيها
اسماء : بصح وحتى الحاجة كانت عاجباها ماتفهمش ليا ااش وقع بيناتهم..
كنزة : قولي ليا اش كتبتي ليه فالورقة..
اسماء : رااه قلت ليط نعسي نعسي راه صابحيين بكري شتي ديك الصالة اللي كتسنانا نسوسوها…
تقلبات للجيهة لاخرا خلاتها داوية باغة تعرف ااش تكتب فالورااق حتى داتها عينيها وغفات…
مافاقت غير على صوت الهضرة كثيير فالصااالة وصوت الضحك والترحااب تنهداات مطولو ماعرفاتش شكون جا تااني ونااضت خشات رجليها فالبانطوفة وضورات عليها البينوار وخرجات كتجمع فشعرها حتى بان ليها عمااد جالسة مع باها عبد المتقي شاد كاس داتاي فايدييه كيضحك معاهم..سلمات عليهم كتملين ونهات السلام بعماد وجلسات جنبو على طرف وهو تمرح على الخدية وضور ايديه وراا ضهرها كيلعب فخصلات شعرها من لتحت
الحاجة خرجات عندهم من الكوزينة : ها العروسة فاقت صباح الخيير..فقتي
كنزة : صباح الخير..فيين اسماء..
الحاجة : داات بنتها للمدرسة لصقااتها تمشي معاها وداتها..عندها نص نهار ليوم دابا تجي..
حركات رااسها بايجاب كل مرة كتهز وتحرك باش يحيد عماد ايديها من ضهرها وشعرها قدام باها وهو ماردش ليها البال كاع منغامس فالهضرة مع عبد المتقي حتى شرب معاهم داك الكاس وهضر فودنيها باش تنوض تمشي معاه وناضت هي للبيت لبسات حوايجها ونزلات تبعاتو للطوموبيل…
فالدار عند الحاجة بحالهم مجمعين على طبلة الافطاار هاد المرة بلا غيثة ووبنتها..
الحاج عاقدهم :ماقالتش ليك فيين مشات ولا كيفاش؟
الحاجة عطاتو كاس دالقهوة : قاالت ليا مشات تشوف شي ديور ديال الكراا فداك التيليفون ومن تما تدفع شي وراق للخدمة مابقى علاين راجلها ويجي
الحاج: كيفاش هاد الكراا تاني وااش ناوين يرحلو هنا
الحاج : لا غير هي وراجل دياالها جايين فرنسا وفخدمتو وسيفطوه لكازا قالت ليك مابقاش هو قادر كل مرة يجي صباح هنا وفلييل يروح لوجدة بغاو يكريو هنا حتى يسالي شغلو ويجرعو لهيه..
الحاج: ومااو هناا ديق عليها ولا شنو ااش خرجها تقلب بوحدها قلة الحيى ماقدرتيش تحبسيها
الحاجة : وكيفاش غنحبسها الحاج عندي شي كلام عليها بغات تمشي قلت ليها الله يعاونك دابا ترجع
الحاج : قوليها تشد لرض وتجلس حتى يجي الراجل ديالها وتشوف فين تمشي هي وياه جات بوحدها تجلس تاتمشي قلة الحيى كيفاش دار الكرا وهي بوحدها مراة ماكين حتى راجل عليها
الحاجة : ومالها ايلا بغات تكري الحاج عيب..
الحاج :العيب هو داار عمها عريضة وواسعة تكفيها وتكفي عشرة بحاالها علتش ماتجلسش فيها حتى يجي عندها راجلها وتمشي معاه..
الحاجة : صافي دابا نقولها ليه حتى تجي فطر فطر غادين تمشييو دابا تعزيو فداك السيد..
الحاج : نشووف محمد واش غيمشي..
محمد : غنمشي معاك دابا نشوفهم بالخف ونمشي لكلينييك..الواليدة غتمشي نرجعها معايا
الحاجة: لا غيير سيرو مرة اخرى ونمشي..
الحاج شاف فمحمد وغمزو كيضحكو : كيجاتك عرووستك الحاجة ههه
الحاجة قلبات شفايفها : بحالها بحال البنات اسي الحاج نشوفو حتى هي ااش غيخرج منها…
محمد : سبحان مبدل الاحوال..عاقل الحاج كلما نجبد ليها بنت السي عبد المتقي كتقول بنتي
الحاج : عمر مرت الولد ماتكون كيف البنت عند عكوزتها اولدي الحاج
الحاجة: لا يا ولدي…واراس بنادم ماتعرف اشنو فيه نخافك غير تزرب وتندم من بعد تا العقد قربتوه بزااف فلخر دالشهر ااش بقى لييه والو..فين غتسكنها بعدا ؟
محمد : لتحث..
الحاجة : وعلاش اللي ماتجلس هنا بحال مرتك لولا راه البييت خاوي عرييض وكبيير
محمد حتى دار لتحث عريضة وكافية بحال بحال…حتى تجي وتشوف فين بغات تكلس
الحاجة : ايوا لتحث دياالك كترتاح فيه وتجلس فيه وتصنت لعضاامك فيه ….ماتقول ليا لا هادي لا هاديك خليها تجلس هنا فين جلساات اللولة بعدا تبقى قدام عينيناا..
محمد : يكون خيير الحاجة….الواليد نتحركو..
رشف اخر جغمة من الفطور وناض خرج والحاج حتى هو ناض تبع خلااو الحاجة كتقلي ووتقلى بالفقصة
الحاجة : سمعي اخدييجة سمعي باغي يدير ليها دارها بوحدها غيبير بالفن ها اللي خفت منو هاني ولييت فييه…
حطات الكاس من ايديها حتى كان غيتهرس وشدات حناكها طريق تديها وطريق تجييبها ماحساتش بالوقت حتى جات غييثة جلسات قدامها وكيف قال الحاج قالت ليها..
غيثة : راه غير راجلي قرب يجي بغييت نوجد ليه فين يجي هو اللي قال ليا نشوف شي دار زويينة بانت ليا وحدة فسونطر فيل واخا غالية شوية ماشي مشكل زويينة..
الحاجة : انا غير قلت اشنو قال ليا عمك جلسي ابنتي دابا ديك دار عربني فينا وجلسي هنا يجي رااجلك وسيري را عمك هكا داير عارفك براانية على المدينة ماكتعرفي تاقنت كلسي معانا حتى يجي
غيثة : تقلت علييكم الحاجة سمحي ليا الحبييبة لانكوون عصبت الحاج ولا قلقتو عليا
الحاجة : ماكين باس ماتبقايش غير تخرجي هكا بلا خبارو حتى يجي غير راجلك ابنتي وديك ساعة ماليه كلام علييك غيجيك هو شوية كيلا معقد وليني راه نفسوو هناا ماكيبغيش اللي يطلق لسانو على دارو..
غيثة : عنداك يتقلق علياا تئ حتى بنتي صونات ليا فهاد السيمانة باغة تجي وكتسول على الدار حتى هي تقولي بحال محمد حدودية وحشومية ايلا عرفات عندي ناس تدخل للبيت ماتبقاش تخرج..
الحاجة : خليها تجي غير نشوفوها ههه تبارك الله قلتي ليا عندها هاد العام هو لخر غتخرج تخدم حتى هي..
غيثة : ايلا كتاب انشاء الله…
الحاجة : الله يساهل عليها والله يكمل عليها خليها تجي غير نشوفها هههه
غيثة : دابا تجي ههه…وحتى جدي صونى ليا هاد الصباح لقاني خرجت نقلب على دار تعصصب عليا غسل ليا ودني بالمعقوول..قاليا حتى يجي راجلك جلسي تما ولا رجعي..
الحاجة : عاودتي لييه على خطبة محمد ولدي
غيثة : اشنو فيها قلت لييه خطبتو لييه لبارح
الحاجة : اها وشنو تاني
غيثة : ايوا وعاودت لييه شوية على العروسة وصاافي
الحاجة: قلتي لييه مطلقة وعندها بنت ؟
غيثة : والله الحاجة تقولي كان عالم عليها هو اللي سولني وانا مانقدرش نكدب علييه حيت يوصلو لخبار يوصلو قلتها لييه و وراك عارفاه ماعجبوش الحال باغي يجي..
الحاجة : الله ياربي ابنيتي وااش دار لييك ولدي علاش تقوليها لييه…كون غير ماعودتيش ليه عليه..
غيثة : ماتخافيش الحاجة راه حفييدو واخا يعايرو ويغوت عليه مايفوتوش
الحاجة : ماكتعرفييش هاداك اللي عندي فين يبان شي جدو ايلا ماحتارموش وقلل منو والله مايعقل عليه غيولي كلمة بكلمة هو وياه حتى نولي غادين بيه للسبيطار وولدي هضرتو قاصحة ماكيعرف لا جدي لا غيرو…مرتو علاش طلقها نهار قالت ليه ماشي راجل ورمات عليا الباطل من سبيطار سيفطها لدار القاضي
غيثة مارداتش لبال لكلامها : ايوا عيب العيوب تاني جدو بالتيقار علييه
تنهداات الحاجة قالبة وجهها عليها كتخمم شادة على حناكها وغيثة كتهضر فوق راسها ماسكتاتش وكل كلامها محورو كيضور على الجد وصعوبيتو زادت كملات على الحاجة والخوف من الجد كبر فقلبها…
من داك اليوم مابقااتش سلمات مع عماد ماكتصونيش ليه هي ولكن هو فكل نهار كان كيصوني يسول على احولها ويقطع واخا كانت عوالة ترجع الغد لييه عندو ولكن بحكم انه مارجعش قال لبها اجي بقات مع اسماء حتى دوزات سيمانة عاد جا ليها هو بنفسو داها ومشى واسماء بقات غارقة مع التحضريات غير هي والحاجة و العقد كيقررب والتوتر والخوف من الخطأ كيكبر…كل نهار هي والجاجة شادين طريق للقيصارية يتقداو شي حاجة اسماء جبدان المليون دالدهب اللي كانت خازنة خسرات نصها على الحوايج والبرودويات اللي غتدي معاها كسات رااسها من اول وجدييد وكسات تسنييم حتى هي كاع اللباس اللي عندها حيدات نصهم وشرات ليها وحديين جدااد والحاجة مها حتى هي مرة مرة تاخد ليها شي حاجة وتفرحها بيها..واخا مشغولة مع التحضيراات بالها مكاانش هاني مع كنزة ترخات على الرقية الشرعية اللي لازم مزال تبعها وفرطاات فصلاتها والادعية اللي موصيهم عليها الحاج…لكن فالايام الاخيييرة بان تآثير الرخية دياالها ومابقاتش حاسة على راسها هي هاديك لحسن الحظ جاو عماتها للدار واقفين مع الحاجة رخات عليهم كلشي وبداات مقابلة رااسها
فحين محمد مع اقتراب العقد جاب البناي اللي خدم ليه فالفيرما عجباتو خدمتو المتقونة ويتفنن فيها وطلع ليه الصور كيف تخيالو…جابو للدار لتحت فرق البييت ديالو اللي كان كبيير فيه حمام ودريسينغ وفين كينعس ويجلس قسمو على جوج غرفة نقص منو الدريسينغ وغرفة الجلاس خلا فيه غير الحمام والسريير والنص تاني فنهار واحد تصلح وتصبغ باللون الزهري على حسب تسنييم والغد ليه جاب ليه مصمم زينو على عمرها ناموسية صغييرة على قدها وردية متوسطة البيت الصغيير وبيرو حتى هو بالكرسي دياالو موقف علييه بولة طوييلة والماريو فالجنب قد البيرو وطابية فلرض بيضة دريش بحال الخديات والحيوط تزينو بروسمات والعاب على قد سنها…
اما الحاجة ملي تآكداات آنو غيسكن اسماء لتحت وماشي معاهاا طلقات رجليها شوية على الجلااس عندو تما وولات كل صباح كتجي تجلس حتى توصل وقيتة دالغدا وتطلع وتخلي دنيا مرونة تما باش ترجع عشية يجمعوها ويجلسو وحتى محمد عايق بيها مابغاش يخسر ليها وخلاها على خاطرها ولكن غير كيدخل هو كتطلع فحاالها لفوق عارفاه كيجي ليه باس يرتاح وملي كيبغي يهضر معاها راه كيطلع عندها…
يوم العقد غااادي وكيقرب حتى بقاات ليه اياك قليييلة جات كنزة من اكايير مرة اخرى هي وعكوزتها تلقات ليها تسنيم فالبااب تحنات بااستفهام بلاما تهزها ودخلاات كتسول على اسماء قالت ليها الحاجة فالبيت ودخلان عندها لقاتها وسط المانطة متكييية حممررة وخدودها مزنكيين وجهخا شااحب وباين فيها المرض…
تحنات عندها دوزات ايديها على حبينها ..
كنزة : العكس والله العضيم ايلا العكس كيبقيتي شويا…
اسماء بصوت خافت هادئ : شوية غير ماما كتخلعكم فيا غيرالتبوريشة دابا شوية و تفوتني..
كنزة : سخوونة بزاااف
اسماء : كنحس برااسي غنموت بالسخانة رااسي غيطرطق علياا وداتي كلها كتحرقني وداك الدوا مداار ليا حتى حاجة غير كيهلك ليا فالمعدة..
كنزة :عيطتو على الجاج لايكون من داكشي اللي كان فييك غير تسولوه..
اسماء : لا لاا ماشي داكشي غير مرضت عادي يمكن حيت دوشت داك نهار ف البرد وصافي مانقولي لماما والو غتخلع وتقزلها لباابا..
كنزة : سخونة بزاف ا اسماء ويلي واش غتبقااي هكا يلاه تمشي للكلينيك غير يدكو ليك شي شوكة ولا شي حاجة تنزلها لييك شوية راك سخونة بزاف وماشي شي سخانة عادية….
اسماء : داباا تنزل هانتي غتشوفي كنولي سخونة حتى تقولي غندوب وكنرجع كيف كنت عادي….
كنزة : كيفاش واش هكا كيوقع لييك..
اسماء : ااه كنكون بخيير راه غير قبيلة كنت واقفة عادي حتى قربتو تجييو وهي تشديني تااني غتمشي دااباا بحالا كتطلع وتنزل…(تبسماات)مزياان اللي جيتي كنت خايفة ماتجيش تكملي معايا ماما داخت وعماتي داخو معاها
ضحكات كنزة بحاالها وعنقااتها متيكة عندها..
كنزة توحشتكم والله العضيم كنقيل بوحدي فالدار و هو نهار كلو فالخدمة طلع ليا زعاف وملييت
اسماء : غنعادييك ههه رجعي لور
كنزة ناضت : غير عاديني نعس حتى انا حدااك
اسناء : عزيزي تفش شويا ولاا باقي هاز شوكة
كنزة باستهزاء ضحكات : اسماء راه كيقولك نهار كتروحي لدار راجلك وكتقولو بسم الله فالحياة الزوجية كيمشي الحب داك اللي كان من قبل…انا راه كاشفتو لا قبل الزواج لا بعد الزواج هه…خليني علييك انا من بعد قولي ليا مادويتيش مع الحاجة لا مع الحاج لا مع عزييزي السمتقبليي..
اسماء : الحاجة كندوي معاها كل نهار تقريبا ههه يسجابليها بصح باغة ندير العرس قلت ليها غنديرو غير لامة فيها غير العائلة القريبة وصاافي..
كنزة : اهاه
اسماء : واحد نهار عيطات ليا قالت ليا واش عندك كونط فابنك قلت ليها لا صافي هي فاش الغد ليه جات صيفط ليا معاها محمد واحد الجوا انا متعرفتش اشنو فيه ولكن باينة فلوس مابغييتش نشدوو واخا حلفااات علياا قال ليها باش يعاونو شوية فاللامة وباش تاخد اللي خاصها مابغيتش ناخدو وخداتو ماما راك عارفاها مكتضيعش الهمزة..
كنزة : ماشي مشكل حتى نتي تقرييبا راك وليتي لييه ومابقى والو وتولي محسوبة علييه راه قالك ليك بطريقة غير مبااشرة وجدي لييه راسك وصافي هههه..انشوفو اللي ماكتخافش ااش غديري فديك ليلة عنداك غير تجي تقولي ليا كنزة قااليا نشعلو ضو وانا حشمت منو…
كحاات اسماء مخلطة ليها الكحبة والضحككة بقات مجمعة هي وكنزة حتى بدات كتنزل ليها شووية السخاانة وناضت مزييرة على رااسها محاولة تنوض من الفرااش توريها اشنو تقدااات…
فحين فالدار كان محمد يلاه خارج من البييت فالدار لتحث كيضور السوارت بين ايدييه ويقاد فكول المونطو غادي لكلينيك راجع لخدمتو حتى سمع الصونييت فالباال وهي تطل خديجة كتجري وقفها بايديها بلاما تنزل تعدب وهو حدا البااب وقررب حلو..
مع ضور البوااني وحلوو وهو يعقد جباانو باستغراااب… فاسرااء اللي كانت واقفة قدامو بلباسها المحتشم شادة صاك بين صبااعها وفجنبها ختها واقفة حداها…
يتبع
التعليقات 0