الفصل الأول: بين يد القدر

بخطوات بطيئة كانت ماشية فجانب الحافة تاع جرف كيطل على لبحر شابة واخدة شبابها الربيعي …كتشوف ف لبحر والريح ضاربة فشعرها مخليااه يغطي وجهها ويلصق على دموعهاا بياض عينيها ولاا كيف نقطة الد_م ضاير بزرقة لبحر فعينيهاا ولكن نغمة الحزن كانت بين جمالهاا طااغية ….كانت بلباس خفيف وخة البرد كيطير كتهبط عينيها لتحت كتلقا لمواج كيضربو فلحجر وكيتسمع صوتهم بالجهد فودنها وخة لمسافة بعيدة كترجع تسرح بعينيهاا ف لبحر وتبكيي

غمضات عينيها باستسلاام مخلية دموع تهبط فجناب عينيهاا وتطلق ايديها فلهواء مخلية البرد يتسلل فجسمها لي قشعر من لبرد وطلقات صرخة قوية حتى حبالها الصوتية تشنجااات كتعبر على لي هازة فقلبهاا او وصلها لحاافة الجرف ….

_واااااااااااا

14 عيد الحب …عيد العشاق (بنبرة استهزاء) نقدر نعاود ليكم شنو لي خلا هاد نهار يتسمى عيد لحب ؟ لا بلااش حيت ببساطة الحب معندوش نهار واحد باش تبين لشي شخص بلي كتبغيه …بلاما ندخلو فهاد التفاصيل المملة

ليوم عيد ميلادي …اه تزاديت فعيد الحب وعايشة حياتي بلا حب …انا ماشي يتيمة الواليدين …انا وحدة ملقات لي. يطفي معاها هاد الشمعة …طفي معاياا ؟

سنة حلوة يا اناا

سنة حلوة ياا انااا

سنة حلوة يا انااا

واحد …جووووج …تلاتااا

ففففففففف🕯️🕯️

1994

كانت بداية لعنة تاحد مخدا نصيبها من غيري …انا لي ضعت …انا لي قاسيت …اناا لي عشت ف عداب كان خاصهم هوما يعيشووه

هوما عايشين حياتهم بحالا عمرهم دارو غلط حاسبوني الناس عليه …شيرو لياا بصباعهم وتهامسوو علياا بلي اناا غلطة حياتهم …لقيت راسي مدايرة لا بيدي ولا برجليي ….انا غلطة ناتجة على جوج تاع النااس دمرو حياتيي …مادنبيي والوو وعايشة حياتيي وفبالي سؤال واحد …تاحد ….تاحد مجاوبني عليه

ما ذنبي ؟

🌼🌼🌼🌼

مدينة الدار البيضاء الكبرى فاحد المدارس العليا خرج شاب فمقتبل العمر بملامح جميلة هاز فايدو محفضة …لابس قميجة صيفية وسروال عريض من لتحت شوية ساعة جلدية فايدو كان مميز على زملائو بهندامو الجميل وصغر سنو وعيون دات اللون الازرق لي كان متميز بيهم …كان اول عام ليه تما

ربت على كتفو صديقو وقال: با كريم

كريم : فين كتغبر اصاحبيي مشفتكش لداخل

_هههه كان عندي شي غرض

كريم:اعجوبة هههه شي بلان لعشية (غمزو )

_ صافي فنفس لبلاصة تاع ديما

كريم : تماما …انا مشييت عنداك تعطل

تفارقو فلباب كل واحد قصد طريق وعلى طريق كريم لي كان قرب لحومتهم ، كانو جايين جوج بنات ببلوزة بيضة وكارطابل فالظهر شاباات مراهقات وحدة منهم لمحات كريم جاي فاص ليهاا ونغزات صاحبتها لي تبسماات بخجل …كان عارف غيتلقاو فهاد لوقيتة … وبادرها كريم الابتساامة دازو من حدا بعضياتهم لامسو ايدين بعض او دار ليها ورقة فايديها مكملين طريقهم عادي

جبدات الورقة بملامح فرحة كتقرا فيها بحماس

_شنو قال دوي !

_قالياا نتلقاو مع 6

_غتمشي !

_اه

_اويلي وشنو غتقولي لداركم الويلة

_وعلاش نتي صااحبتي …عفاك امنى

منى : لا لا ا نورة اصااحبتيي والى عاقوو

نورة: معندهم منين يعرفوو وحنا مولفين نجيو عند بعضياتنا وعفاك نديرو السبة وصافي

منى: فف واخة

نورة(بفرحة عنقاتها): شكراا احوبي بلا بيك معرفتش شنو غيكون …شنو نلبس تسلفيني الكسوة ديالك

منى: من لكدوب لكسوة مغاتقادايش ههههه

نورة: عافاك متخصريش لياا

تمشاو مسافة حتى وصلات نورة لدارهم ومنى كملات طريقها لدارهم ….جمعات نورة شعرهاا وسدات الطابلية وعقاد لقميجة لفوقانين ودخلات لزنقة مهبطة عينيهاا

نورة السابعة عشر من عمرهاا فتاة عادية سمراء البشرة وحروفها كوحل عاطين العين طويلة وعندها حقها من صفات الانوتة

دخلات لدار عند عائلتها الصغيرة لي هياا االبنت الوحيدة وسط جوج دراري لكبير عسكري فالداخلة والصغير صغر منها بعام

نورة:ميي …غنمشي العشية عند منى نحفضوو مبقا والو للامتحان

الام: يكما كاين باها ؟

نورة:لااا باها باقي فالامارات كاينة غير هي وخالتي نجاة

الام: اوى حفضي ابنتيي الله انجحكم

نورة: اميين اميي

العشية دوزاتها فدار شقات مع مهاا ودخلات دوشااات وخرجات بملابس عادية لدار صاحبتهاا هازة كتوبتها …وسائل التواصل كانت قليلة كان تيليفون واحد كيدور فدار ديال الاب وقليل فين لمرا يكون عندهاا …كانت النية والتقة كافية

وصلات نورة العند منى دخلاتهاا بزربة وطلعو لبيت فسطح لقاتها موجدة ليهاا كسوة قصيرة بايدين منفوخين نص كوم وعريضة من لتحت …مشطات ليها شعرهاا ولكصة لي كانت دارجة داك لوقت طراسات فمها وعكراتوو بعكر 24 ساعة رشات من ريحتها ولبسات صباط بطالون عريض مربع من لقدام فاللون الاسود ..وصاك جلدي صمطة قصيرة حد الصدر فلون الاسود

نورة:زوينة

منى :كتجيك هاد لكسوة واعرة …كونما ماما نمشي معااك

نورة:الصراحة كنتي تونسيني هههه

خرجات بجري من تماا كطقطق بطالونها كتزرب حتى بانت ليها سيارة ايركاط فلبيض واقفة قلعاتهاا ديال اب كريم لي كيهزها لييه مرة مرة …مشات بجري ركبات لقدام وقلع دغياا

نورة:السلام

كريم(شاف فيها باعجاب) باش كتعجبيني ديماا الجديد

نورة:هههه كيجيت

كريم ؛نوارة احبيبة(باس ايدها)

نورة: بزز خرجت

كريم: منى غدير معانا بليزير ليوم شحال مشفتك …زيانيتي وكبرتيي

نورة: غير مع قرب الامتحان راك عارف

كريم: عارف لي كايين …غير نجحي احسن كادو غنعطيك

نورة:شكرا ههه

بعد مدة طويلة تاع طريق دازت كلها هدرة ونشااط وقف طريق فاحد شوارع المحمدية ..مدينة مكيعرفهم حد فيها تصرفو على راحتهم نزل قدام لعمارة لي كيجيو ليها مرة مرة مع مجموعة من الاصدقاء بنات ولاد يسهرو وينشطو.

مع طلوعها فدروج كتسمع صوت لكيتار مسموع خفيف حلو لباب ودخلو على صوت الضحك

لقاو جوج بنات وجوج ولاد منهم صاحب كريم …مجموعة من المشروبات فوق الطبلة معاهاا اللوز وانواع الفواكه الجافة قرعة تاع لماا والعصير ولكانيط وباكي تاع لكارو فجيهة دراري

سلمات نورة على لبنات ماشي اول مرة تشوفهم وكلسات جنبهم

_وااو (كدخن)لاغوب واعرة فين خديتيها

نورة:مامات صاحبتي خياطة …هيا لي خيطاتها

_معندي ميتسالهاا خطيرة بصحتك …كريم غبرتي عليناا

كريم(لاح ايدو ورا نورة كيضحك )لبريباراصيون ههه

امين: مبقا والوو

كريم؛ داكشي …دوز واحد لكاس

طوالت لكلسة والضحك و النشااط وكل واحد معنق وحدة من لبنات وشادين الجماعة حتى لنصاص الليل كل واحد فين دا البنت لي معاه وبقا غير كريم ونورة …عينيه معسلين بالشراب …

نورة: وحنا مغنمشيوش !

كريم(كلس جنبها داعب كتفها ) انا كنقول امتا يمشيو نكلس معاك ونتي باغة تمشي علياا ممم

نورة: غير الطريق بعيدة وصافي

كريم: نباتو هنا عندك شي مشكيل ههه

نورة(وتروها عينيه الزرقين): لااا

كريم: شحال زوينة

هبطات عينهاا بابتساامة قربها عندوو هز راسهاا وباسهاا بشكل متوالي على شفايفها حتى ترخات معاه …..حل السنسلة تاع لكسوة من اللور وتلمس ضهرها الدافئ قبل ميدفعها تنعس على ضهرهاا وهي بكامل رضاهاا

بعد دقائق وقف كايلبس فشوميز وهي فلفراش مغطية صدرها ولماكياج تمسح

كريم: علاش محبستينيش

نورة(باحراج ): معرفتش شنو وقع

كريم : نمشي ندوش نفيق او نمشيو صافي …مزيانة !

نورة:اه مزيانة

حرك راسو بالايجاب وخرج من البييت توجه ل الدوش مخليهاا كتحرك ببطئ معارفاش حجم المعصية فاش طاحت فلحظة ضعف وسط ايديه هوا غلباتو السكرة والشهوة وهيا رغبتها فحبوو خلاوهم ينساو الحساب من بعد

مسحات بكلينيكس …لقات د_م عدريتهاا سايل عليهاا مخلط بسائل رجولي ديالو …مسحات عاضة على فمها …باغتها من اللور بشعر كيقطر وقال:هدشي لي وقع مبغيت حتى حد يعرفوو …سالي قرايتك وغنتزوجو

نورة:واش بصح اكريم ….عبد الله الى عرف غيقت_لني

كريم : معاك بصح ..حم تقسحتيي

حركات راسها بااه وكمل كلامو : اجي تكاي رتاحي …مع الفجر نخرجوو

لبسات ملابسها الداخلية من بعدما غسلات وتخشات حداه معنقها فحضنوو هوا نعس من فرط الشراب وهي بقات حالة عينيها كترجع احدات الليلة وكرشها كتفرفر …معارفاش بخطورة الوضع لي حطات فيه راسهاا

مع سبعة الصباح هبطات من الطموبيل كتهبط فلكسوة ومقسحة شوية كتسنا منى تحل لباب حلاتو ليها دايخة بالنعاس وطلعات الاخيرة حفياانة كتهمس توصلات لبيت لي كتنعس فيه منى

منى(بهمس ) منعست ما شتو كل مرة نشوف الساعة

حيدات لكسوة ولبسات بيجامتهاا كتهمس بدورها : صافي سكتي غتسمعك خالتي

منى :يكما شافك شي حد

نورة :لاا دوزي تنعسي (كلسات)…احح

منى ؛ماالك اهيا

نورة :والوو غير عييت

منى : ففف موصيبة معاك عاودي لياا

نورة: نشطنا ضحكنا صافيي نعسي دابا وغدا نفيقو نراجعو

مريم(تكات فبلاصتها): باينة فيك نيت باغة تراجعي

الايام كدوز ومبقا والو للامتحان

كالسة نورة وسط الدار حاطة كتوبتهاا كتراجع فاخر الدروس طلات عليهاا مهاا وقالت :نورة واا نورة نوضي ابنتي جيبي لياا الخبز ويضربك لبرد باركة عليك شو كي وليتي

نورة: واخة اميي دابا نيت

حطات ستيلو من ايدها حلات شعرهاا وعاودت جمعاتوو لبسات عليها جلابة عريضة فلكحل وقصدات الفراان تجيب لخبز وفطريقها وهي راجعة بان ليها كريم مع صااحبوو لي مدة هادي مشافتوو نادات باسمو جوج تلمرات عاد تلفت ليهاا تبسم ليهاا او مشا لجيهتهاا

كريم : نورة لباس

نورة: لبااس ونتاا …شفتك غبرتي

كريم: لبريبراصيون ونتي واجدة لغدا الامتحان

نورة: ضروري

كريم(سكت كيدور فعينيه): نشوفك من بعد واقف مع دراري دابا وخة

نورة: امتا !

كريم: سالي امتحاناتك ونديرو شي نهارر اش بان ليك

نورة: صافي واخة

كريم: ياله بون كوغاج

نورة: شكرا

قصدات دارهم هازة لخبز حطاتو لمها فلكوزينة وقالت:اميي اش هاد الرييحة (خيبات سيفتها )

الام (نعيمة) ؛ اشمن ريحة ابنتيي …بغيت نصب غير شوية تقلية باك كيبغيها

نورة(سدات نيفهاا): خانزة اميي

نعيمة (كتشم): اوى ريحتها هادي

نورة(تدعقاات حاسة بروحها اتخرج ): افف اميي قلبي غيخرج

نعيمة : هاااء وطلعي لسطح نتي حتى طيب

نورة: وخة

طلعات لسطح فكليسة مغطية تما كلساات شادة كتاابهاا و سرحات بعقلهاا ف كرييم

بجوجهم من نفس الحي …شاب هندامو جميل شبابي وعاطي العين نهار تصاحبات معاه كانت غطير بلفرحة ..تفكرات الليلة لي جمعاتهم وعضات على فمها بنشوة داز تقريبا 20 يوم على لقائهم الحميمي

تنهدات فسما وهي كتفكر تفاصيلو وكل لمسة جات فجسمها منوو الى غاية معيطات عليها مها تنزل

دازت اياام الامتحاان وتسالا ستريس الحفاضة وبقا ستريس النتيجة فظل هدشي نورة ولات غير ناعسة كتفيق كتاكل كترجع تنعس كتشكي لمها بلمعدة ولوجع

نعيمة: نوورة نوضي تغداي

نورة: لا امييي مافيااش

نعيمة : نتبخ ليك الزعتر شوية ؟

نورة: لاا لا مكيدير ليا والوو

مشات لصالون كالس الاب وخوها صغر منهاا

الاب:فاين نورة

نعيمة: معرت مالها ولات مسقوطة وغير دابلة واش لخلعة تاع لباك ولا منعرف ليهاا

الاب: اوى خوديها لطبيب يكما كلات شي حاجة ماهياش

رحمة: تنشوف كيف بقاات …وتغداو منير تغداا

مع جوج تاع العشية سمعات نعيمة الدقان حلات لباب لقات منى

منى : خالتي لبااس

نعيمة: لباس ابنتي كيدايرة مك

منى : لباس كتسلم علييك …فين نورة

نعيمة: راها فلبيت ابنتي مرييضة دخلي عندها

دخلات عندها لبيت لقاتها متكية ومغطية بايزار خفيف

منى: نوورة ناعسة

تقلبات جيهتها متكية: منى جيتي !

منى : مالك اصااحبتي واش لوجع

نورة: منى مجاتنيش الد_م

منى: اويليي وخصها تجيك هاد ليامات

نورة: مجاتنيش وغير كنوض كندوخ حاسة بلارض كدور

منى : اش كتقوليي انورة واش شوية لبااس ومالك كتهدري مخلوعة ! درتي شي موصيبة

نورة: انا خاايفة اختي يكون لي فبالي

منى : شنو فبالك ؟

نورة(بهمس): نكون حاملة من كريم

منى(خبطات جنابهاا بالصدمة): كيدرتي ليها ابنت لحراام

نورة(طارت على ركابيها سدات ليها فمها ): سكتيي مي غتسمع …غلطت معاااه امنى شنو ندير دابا

ياله بغات تنطق منى تحل لباب وقفزت نورة قلبها طاح بين رجليهاا ملي شافت مهاا واقفة و وجهات هدرتهاا ليها: لبسي حوايجك وتبعيني

نورة: ميي ن

نعيمة(اشارت ليها باش تسكت ): سكتييي لهضرة ماشي داباا نوضيي

منى هربات خايفة او نعيمة مقدراتش تهدر حيت راجلها او ولدها ناعسيين فالصالون كتمشي وتجي فلكوزينة تشافت نورة لابسة وكتبكيي جراتها من دراعها لباب و قادات زيفها لبسات الصابو وزادت وراهاا ضارباها اللقوة وتصميكة شاداها تبغي نورة تهدر كتسكتها ب ششش

قطعو الشارع عند طبيبة عامة تماا طلعوو لقاو قدامهم شي جوج تناس شدو كراسيهم وكلسو على الشوك وجههم صفر موصلات نوبتهم حتى كانو بجوج مسقوطين من الد_م

دخلوو لبيرو قدام الطبيبة كلسوو وقالت:شنوو المشكيل

نعيمة:هادي بنتي ادكتورة معرفتش مالهاا غا كتشكي بلوجع

دك:مم بحالاش لوجع ديال لاغيكل

نورة(فمها نشف بلخلعة ) اه

دك؛وخة اجي معايا

تكات فوق لبياص عرات ليها كرشهاا وكلها كتغزل ومها واقفة عليهاا بنظرات الخيبة لي وصلاتها لهناا

فيقهم سؤال طبيبة وقالت:مزوجة !

نعيممة: مزوجة

دك: ومستاعدة تكوني ام

نورة (برجفة): ها

نعيمة : حاملة ادكتورة !

دك: مبروك عليها …حاملة ب تلاتا الاسابيع ونصف …مزال ياله كيتكون …هاهوا كيس لحمل …شفتو هاد نقيطة لي وسط لكيس !…هداك هوا لبيبيي ملي غيكبر ….مبروك الالة

تاحد مسمع ديك الجملة لي قالت من غير مبروك عليك والباقي ولا فقط طنين فالاذن بالنسبة ل نعيمة لي مشات لأقرب كرسي كلسات عليه

دك(مشات لبيرو خلات نورة كتهبط حوايجها ): الوجع لي فيك عاادي لجنين عاد كياخد بلاصتوو غير مديريش شي مجهوود والرااحة حتى يشد بلاصتوو …انخرج ليك فيتامين لسخفة او وشي تحاليل اديريهم لييا منهنا واحد شهر باش نعرفو الامور واش مزيانة فقر دم الى اخره داكوغ

سكاات وحتى طبيبة محكراتش حنات راسها على الورقة كتكتب ومداتها لنورة ناضت نعيمة هازة راسها بزز خلصات وزادت فدروج وراهاا نورة اكتر منها صدمة دايخة بيها دنياا

نعيمة:اميمتيي اميمتيي ياربي تلطف …ياربي تلطف …ياربي راك عالي وعالم لطف بيناا اميمتي على موصيبة فاش طحنا اميمتي على وجهنا توسخ

نورة: مييي ههءءهء

ضارت ليهاا فدروج بدورتها بطرشتها حتى خبطاتها مع الحيط وصاحت فوجهها :سكتييييي …سكتييي

انفاجرات الاخيرة بلبكا و نعيمة زادت فطريق كتهدر غير بوحدها وتلاليي كي لهبيلة بحر الصدمة مرة مرة تعكلها جلابتها بلمشية لي زرباانة ونورة تابعاهاا وجهها فلارض وحنكها حمر مصورين فيه الصبااع

طلعات فدروج الدار حلات لباب وسمعات لهدرة فصالون جرات نورة من وراهاا بقرصةة البييت فين كتنعس وقالت:بركي هناا تنجيي

مشات حيدات الشال وجلابة وبقات كتمشي وتجي تسمعاتو كيعيط ليها

محمد: نعيمةامضرا مال نورة

نعيمة(من لكوزينة): غير لمعدة اسي محمد

محمد: وعطيها لحلبة راه مزيانة

نعيمة: غنعطيها س_م لفيران و مايگرش فيها

محمد: امين ياله اولدي نصلييو

امين: نتوضى ونمشيو

تلهات نعيمة فلكوزينة مخبية وجهها عليهم كتهدر معاهم وعينيها فلارض حشماانة ومقاداش تشوف فعينين راجلها لي كان كلو تقة فبنتو بيها

قدام عائلتو بنتيي كتقراا بنتي مربية ومأدبة ..بنتي غتكون بإذن الله محاامية كبيرة فلبلااد ….فكل جلسة كانت هي مصدر افتخارو

غير هوما خرجوو …لاحت نعيمة داكشي من ايدها ومشات بجري لباب سداتو و طارت لبيت حلاتو على غفلة لقات نورة كضرب فكرشها كي لهبيلة متعطلااتش وتلاحت عليهاا بلعضان وشتييف ولخراا كتنين وتبكييي حكاتها مع لارض تسيلات دمهاا وكلساات كتقرص وسط رجليهاا جاهلة وكتبكييي وتعدد حتى عيااات وكلساات على ركابيها كتخبط وتبكيي وضرب فحناكهاا ونورة مكمشة فلارض مكورة على راسهاا كتبكييي بحرقة والم

نعيمة(كضرب فصدرها ): وفييين ندير وجهي اربييي … فين نعطيي راسي فييين اربي العالي هءهءهءهءءه وااااا ربيييي واااربييي وجهنا وسخاتو بترااب

نورة(ناضت كتجبد لمهاا ): امييي سمحيليا هءهءهء الله ارحم واليديك هءهءهءه امييي هءهءه عفاك متقوليهاش لباا عفاااك هءهءهءه ديني نحييدو عفااااك

نعيمة (جراتها من شعرهاا كتنتف فيهاا ): ياااك الكاافرة بالله بغيتييي تيديني معاك لجهنم هاااه بغيتي نق_تل روووح ابنت لحرااام هااا. …ملي كنتي حالة رجلييك مفكرتيش فهادشيي ادويي السلكووطة الخااانزة (عضاتهاا فكتفهاا)انننننننن هااا غدايد سهير لي سهرت عليييك (كضرب)هاااا اخرت لوجع لي توجعت عليييك ….قلت بنتيي غتكبر بيااا قدام لعديااان وتزيد بيااا لفوووق …تلوحيني فترااب اااه

نورة:هءهءههءء مدرت والو امييي هوااا …هءهءهء هو لي داني بزز و خفت نقولهاا هءهءءه شربني شي حاجة معقلتش اميي

نعيمة: شكون هداا ؟ دوي شكون

نورة:هءهءهءءه كرييم امييي هءهءهءهءهءه (كتبوس فايدها)عفاك متقوليهاش لباا

نعيمة(خبطات راسهااا ) : وناري مع ولد صااحب باااك وناري اش نقووليييه وناااري اميمتيي باشمن وجه نشوفيييه

نورة: هءهءهءه مدرت والو امي هوا لي ضحك علياا هءهءهءه هوا لي تعدا عليااا هءهءهءه وقاليا متقولي والوو راه غنتزوج بيييك غير تكملي تمنطااش نتزوجوو هءهء سترينيي غير هاد شهراين اميي هءهءهء ندوي معاه نتزوجوو وميعرفش بااا الله ارحم ميمتك اميي سترينيي (طاحت على رجليها كتبوس فيهاا ودموع كيتسقطرو منهاا )

داز نهار كلو فصدمة حزمات نعيمة راسهاا وشدات الركنة السخانة كتاكل فيهاا والغدايد تقلو عليها ليد اماا نورة كون لقات الس_م تشربو فديك اللحظة

محمد: مالك انعيمة كنتي صحة سلاام

نعيمة: اخليييني امحمد خلينيي

محمد: دابزتي مع خوتك على لورث تاني ولا تء وفوتي عليك داك الصداع انعيمة …وليداتك هوما ورثك وراس مالك

نعيممة: وليدااتي امحمد غيهزو رااسي

محمد: ان شاء الله …تنجح نورة ف الباك وامين حتى هوا فالسانكيام …نديرو شي حفيلة نفوجو بيهاا اش بان لييك …انا متأكد نورة غتجيب نقطة زوينة مسيكينة عيات بلحفاظة ولات صفرة …الله اينجحهاا ويوصلها لداكشي لي فخاطرها

نعيمة(بهمس ): وصلات وداتناا لارواس

محمد: ونعسي رتااحيي نعسي

طل امين على بيت ختوو لقاهاا كتبكيي ودخل عندها وقال: شنو درتي !

نورة(شافت فيه ورجعات تكورات على راسها كتبكيي ) : لا رد

امين: نتي غتبقاي تاتخرجي على راسك …عقلي فين قلتها ليك

خرج خلاها على حالها كدمع …حتى التيليفون باش تواصل مع كريم معندهاش ياله باها بوحدو لي عندو التيليفون وكاين تيليفون تاع الدار مخلينو غير لضرورة حيت كيطيح غاالي عليهم

بقات على حالهاا مرة تغمض مرة تفيق تبكي وتكمدها وتسكت شنو دير وشنوو تسبق باقي عندها امل كلشي يتصلح

طلع صباح وسمعات الحركة فالدار … باها عندو محل تاع السلعة فلمدينة كيفيق بكري كيمشي لييه غير سمعاتو مشاا ناضت حتى تحل لباب عليها خلعهاا

نعيمة: نووضي حلي حريرتك داباا مع هاد ولد لحراام …ورجعيي ولا نسخط علييك تالغدا قدام الله

نورة: وخة اميي

لبسات جلابة وجمعات شعرهاا عطاتها مها 5 دراهم وخرجات كتجر فصابوو عينيها فلارض منفوخيين مشات لاقرب تيليبوتيك تماا كتشوف فجنابها بحالا كلشي عارف شنو تحت راسهاا صرفات لفلوس دراهم ودخلات وسدات عليهاا كلها كترعد جبدات نمرتوو ودخلات جوج دراهم ركبات نمرتو كتسناه يرد عاودات او عاودات عاد جاوبها بصوت نااعس خااسر بالنعاس

كريم: الوو

نورة: الو كريم …انا نورة

كريم: ياك لبااس شحال داباا

نورة: واش مسالي ؟ بغيت نهدر معاك ضروري عفاااك اكريم

كريم(تاوب): وخة تالعشية

نورة(برجاء): كرييم عفاك ضروري داباا نتسناك فجردة ورا الملعب ؟

كريم: تء …وخة ربع ساعة نكون ت

نورة: الوو الو تفوو

تسالاو ليها لفلوس مع الصرف خرجات متوجهة لجردة نيشاان كلساات صفرة فيها لموت كتسناه دازت ربع سااعة ولا خبر الرعدة شداتها من صبع رجلها الصغير وكتقول ياربي غير هاادي دازت شي نص ساعة عاد بان ليها جاي وجهو منفوخ بالنعااس جار كلاكيطة فرجلوو والسروال طايح شوية مكمش عينو من الشمس الحارة لي ضاربة فيه

وقفات قافزة قدامو الهدرة كتسابق على طرف لسانها

كريم: نورة مالك فهاد لحالة (طلعها وهبطهاا )هانية الوقت

نورة(عينيها طاحو بدموع ): كريييم هءهءهءه

كريم(كمش حجبانو ): دوي اش كاين

نورة: مشيت لطببيبة لبارح قالت لياا حاملة هءهءهء شنو غنديرو دابا هءهءهءه با الى ساق لخبار غيقتلنيي خاصنا لقاو حل

كريم (هز ايدو بصدمة مسح على وجههوو كيمشي وكيجيي مكمش حجبانوو ): اشمن حل الخرا اندير معااك اشمن حل

نورة: هءهءهءه نتزوجوو قبل ميتفضح هدشي اكرييم هءهءهءه

كريم: زهيت معاك مرة وحدة فحيااتيي اتمرضي لياا ك*** نوورة هاد لهبال ديالك جيبيه على شي دمدومة آخر

نورة(فمها كيترعد ): كرييم واش حماقييتي شنو كتقول

كريم: باطل قد السخط بغيتي تلصقييه فياا واش مريضة ولاا ….عارفة اش كتقووليي غير اجي وحمليي مرة وحدة حملتي فيهاا ؟ كتسطاااي على ديلميي صباح الله سيري شووفي شكوون باااه اناا فوتيني علييك ا نوورة منصلاحش لييك زواج غير اجي وتزوج ؟

نورة(شدات ليه فايدو ): هءهءهءه كرييم عفاااك

كريم: نورة عطيني بالتيسااع …شوفي شي حل لرااسك انا مدخلينيش فهادشي راك مغتصوري منيي والوو….

نورة(ضرباتو لصدروو كتغوت ): تفليتي عليااا هءهءهءه ضحكتي علياا الحماار شكون داني لتماا

كريم (شدها من دراعها بعدها عليه ): تفرقي مني ودي حرامك لشي قنت

نورة: والله تنخرج عليييك سمعتي والله تنخرج عليك

كريم: علا ما فخيلك ركبيييه

مشا وخلاها طاحت على ركابيها كتخبط فوجهها وتندب وتبكيي ومعرفاش شنو تقول لمها ولا منين تجيهاا

مها لي شافتها تعطلات وخرجات كتقلب عليهاا تبانت ليهاا كالسة فجردة كتبكيي مشات طاارت عليهاا شداتها من دراعها نوضاتها

نعيمة: هضرتي معاه

نورة: هءهءهءهءه اه ه،هءهءهء ضحك علياا امييي هءهء اشنو نديير هءهءه انا فعاارك اميي معندي حد انا فعاركم امييي

نعيمة: اويلي على بنت لحرااام (ضرباتهاا لكتاافهاا) اويلي على الكل_بة الخاانزة زيدي لدااار اوجه الهم زيدي لدار الفضيحة زيديي دعيتك لسيدي ربييي

غادية قدامها بلمعيوور والعصاا توصلو لزنقة وهبطو الراس طالعيين لدار كملات عليهاا لي بقاا فلبييت وتعالا غوات نعيمة فلوقت لي محمد حل باب الدار رجع يطمن على النتيجة تاع نورة لي غيخرجو ليوم مع 10 او 12 لقا لغوات ونعيمة شادة صباط وكتخبط ف نورة وسط الدار ولخرا كتبكيي ..مشا بالو انها سقطاات مشا كيجري فكهاا منها دارها ورااه جلابتها مقطعة علييهاا نعيمة من صدمة شهقاات

محمد(بصوت عالي ): لاش ضربيهااا …مالها اش دارت الى مانجحاتش العام الجااي يكون حس

نعيمة(قاطعاتو) : وشكووون باقي عاقل ليك على النجااااح اسي محمد

نورة(بلغوات): مامااااا هءهءهءهءههء عفاااااك ماماا واااالاااا هءهءهءه

محمد(طلق منهاا ): وتي دوي ماالكم غواتكم مسموع من لتحت

نعيمة: وكلس نلقاو حل لموصيبة لي حنا فيهااا ونجااح تبخر مبقا ليه لزووم وبنتك شداات لباااك وشدات لايجاازة فلحراااااام ا محمد وبنتك حاااملة بولد كريم ولد جيرااان امحمد (كضرب فصدرها )وشوهااتناااا مع جيرااان امحمد

تصدم على وقفتوو محس كاع ب نورة لي هربات من ورااه ودخلات لبيت سدات عليهاا كلها كترعد ولات كتسمع غير صوت مها كتبكيي باها لدقائق تقطع حسوو

محمد تسند على الحيط حداه وكلس فلارض مكمد الصدمة و نعيمة حداه كتمرغ وتندب وتبكيي وهوا شاد جهة قلبوو

نعيمة (كتنهج): قاتليك ضحك علييهاا وتعدا عليهااا امحمد نوووض نشوفو اش نديروو نووض واا محمد وجهنا تمرمد بترااب نووض نلقاو حل نوووض

محمد: واش نورة بنتي ! هااه ودوييي واش نورة بنتيي …نورااااااا

نورة: هءهءهءهءهءهءهء وباااا سمحلياا وباااا

ناض كيردخ فلباب عليهاا و نعيمة وقفاات لييه كتجر فيه

نعيمة: العصاا كلاتهاا منعصاوش ربي فيهاا زييد نشوفو حريرة ولد لحرام لي ضحك عليهاا قبل منوليو ضحة وسط الجيراان امحمد

داخ ولا كيمشي ويجي فدرا بحال شي هبييل كلس كيبكي على خيبتوو فبنتو

وشحال خايبة خيبة الاب فولادو💔

كالسين كيتبكااو وهي فلبيت كتسمع تمنات لموت ولا هاد اللحظة بالذات بكاء واليديك علييك متمناهش ولو لحظة

خرجات من البيت قاصدة لكوزينة هزات موس ومشات لباهاا طاحت على رجليه كتبووس وتبكييي وتغوت لربي لي خلقها

نورة: هءهءهءه قت_لني ابااا ولا دموعك هءهءهءهه سمحوليااا عفاااك (مدات ليه لمووس )قت_لنيي ومتبكييش الله ارحم باااك

هز محمد عينو فيها وهي كترجااه شاف كاع لي تمناه ليها فرمشة العين ولا رماد دمووع الخيبة طاحو على جفونوو بحسرة خلاوها تمو_ت الف مرة قداموو يمكن شوفتوو قسح من اي دقة يقدر يعطيها باش يبرد الغدر لي تغدروو

محمد: قتل_تيني قبل مانق_تلك انوورة ….

نورة: نوض ضربني نوض قت_لني مساامحااك هءهءهءه والله منهز فيك الرااس غير متبكيييش اباا اناا مزاوكة فيييك

نعيمة: كون كانت القت_يلة تغفر كون قت_لتك وشربت من د_مك …نوضي غبري وجهك علياااا نوووضييي

نورة: مييي هءهءهء

نعيمة: عطيني بتيساااع نوضيي لبييت منشوفش وجهك

ناضت لبيت سدات عليها مها بالساروت ورجعات لمحمد: نووض ماشي وقت البكااا …نوض نشوفو حل لسلكووطة نووض امحمد

مسح وجهو وقال: اش ندير اهاد لمرا البنت كحلات لينا لوجه

نعيمة(كدير زيفها ) : نحدو هدشي محدو باقي مباان نلقاو حل نزوجوهم بلا صداع بلا هضرة الناس

دار ايدو وراه مهبط كتافوو وراسوو من الخيبة والحزن كايلعب بالتسبيح بين صباعو ويستغفر الله ويحضر عقلو فموصيبة بحال هادي

مع هز عينو يهزها فكريم كالس فجردة مع صحابوو كيضحك محس براسوو تمشاا ليه بجري من وسط صحابوو شنق عليه تطيحوو اللرض ورحمة مشات كتجري تعتق ودراري كيجرو طاح علييه كيضرب فيه سمع الغوات بات كريم ومو من شرجم وهبطو كيجرييو يعتقو ولدهم لي طاح بين ايدين اب مكسوور وهاز على كتافو خيبة امل هرساتوو

_عميي طلقووو طلقوو اتق_تلووو وعمييي محمد

نعيمة: محمد رجوع الله ومحمد

جرووه بزز وشدو كريم كيرجع النفس بصعوبة وصل باه كينهج او وراه موو شدوه

عزيز: الله امحمد اش دار لييك تشنقتي علييه هادي هي الصحبة و الجورة باغي تق_تل لياا ولدييي

محمد(بحرقة): ولدك ضحك لياا على بنتيي (بجهالة )ولدك تفلا على بنتي

كريم (كينهج ): بنتك علم الله معاامن طاحت وباغي تلصقو فياا بااطل

محمد (هز ايدو طرشوو ): جمع راااسك الكل_ب نعل طاسيلتك

مليكة: لواه اسي محمد اش هاد لهدرة ولينا فالطاسيلة

نعيمة : ولدك تعدا على بنتيي امليكة كي بغيتيناا ندويو

كريم: سير شوف بنتك معامن طاحت اناا معندي بيها غرااض

عزيز: سي محمد غير بلعقل نتفااهموو

كريم: لوالييد بنتو عمري قلت ليها تا السلام ميلوحش علياا البااطل الى شاايطة ميلصقهااش فياا

محمد: ياااك

كريم : هادشي لي كاااين

محمد: بيناتنا المخزن

كريم: جري طواالك غتخلعني ؟ مدايرش مخاايفش بنتك لي تخااف كظل طلاوط مع لبرااهش علم الله شكوون

محمد(غوت): سكووووت سكووووت بيناتنا الله والمخزن …حسبي الله ونعم الوكييل

مشا جار مرتوو مخليهم شاديين ولدهم

عزيز: كريم واش هدشي ؟

كريم(كيمسح نيفو ): لواليد مكاين والو

مليكة: راه لمخزن هدا واش باغيي الحبس !

كريم: واش بزز مدرتش بغاو يلصقوها فيا بزز ؟ كاينة السيبة فلبلاد

صحابو بقاو شي كيشووف فشي مبعديين لتيسااع مخلينهم بوحدهم نطق واحد فيهم وقال: كريم جبد على راسو الصداع …وضيع معاه حتى لبرهوشة

_هدشي علاش لواحد يجمع *** وميبقااش يحطو فلقاصرات اصااحبي ..

نعيمة تابعة محمد لي كيدير كل خطوة فيها عشرة شدات فيه كتنهج وقالت:اش غنديرو داباا

محمد: غنتسناك حدا الطموبيل جيبيي بنتك وياله لكوميسارية

نعيمة: والشوهة لااش امحمد نهدرو معاه بالتاويل ونسترو ماستر الله

محمد: يمشيي تماا ونشوفو السترة ديك السااع …ياك قالت ليك تعدا علياا اشمن سترة علاش كدوي …جيبيها

وقف حدا طموبيلتوو حتى شافهم جايين من لمراية بانت ليه نورة مخشية فواحد لعباية وشال كتمسح فنيوفها ..ركبات اللور وركبات نعيمة حدا راجلهاا

سكاات تما غير تنخصيصها اللور كيتسمع الدنيا مكانتش سااقلة كيف ديما ليوم كانو النتاائج فالطريق تلاقااو بناس جايبين لهدية لشي حد نجح ..العيالاات كيشطحو مع الرمى …شافتهم وهبطات رااسها كتفرك فايدها على تنهيدات واليديها القدام كسر صمتهم تيليفونو لي صوناا …

نعيمة : شكون يكماا هوما

محمد : لاا هدا عبد القادر الحارس العام

نعيمة: شوفو اش بغا يقول

محمد: الوو سي عبد القادر …لا لباااس لبااس….الله ايبارك فييك اخوياا …ش شحال جابت ! ….14 مزيانة …لا لا فرحاان الله اجعل البركة …الله ابشرك بالخير اخويا شكرا مع السلامة

قطع ورما التيليفون حداه وقال: كبرتي فياا هاد لفرحة انورة ….الله اسمح لييك … الله اسمح لييك … باش اديتك باش تجازيني هكاا … هدا هوا جهدي علييك هاا هداا هوا جزاتي لي تجازيني بييه كرش من لحرام مع ولد صااحبيي

نورة : هءهءه ب

محمد: منسمعش حسك ….على وجه داكشي لي فكرشك انوقف معااك اما انا مامساامحش لييك كيفما لحتي وجهي فتراب …دابا هبطيي

هبطو قرب لكوميسارية وقال : وقفو هناا نسول على واحد السيد

توجه بجلابة او بلغة فرجليه رجل وقور كيعرف غير دارو او خدمتوو املو فلحياة وليداتوو يوصلو بعييد مشا كايهدر مع رجل الامن فلباب ورجع لعندهم وقال : زيدوو

تبعووه حانيين الرااس حشمانين حاسبين كاع الناس عارفة خبارهم

محمد غادي وكيسول على فلاان حتى نعتو ليه لبيرو وتوجه لعند رجل الامن فلباب تكلم معااه ودخل وخرج سامح ليهم باش يدخلوو

محمد(مد ايدو لشخص ورا لبيرو ) : سي مصطفى لبااس

مصطفى: اهلاا اهلاا الحمد لله ونتاا

محمد(مد ايدو على صدرو ): الحمد لله على كل حال

مصطفى: هانية لوقت اسي محمد(دور عينيه على نورة ورحمة )كلسو بعدا

محمد(كلس حشماان مراضيش ) : مهانيا والوو (شاف فنورة بقاات واقفة وقال حشمان من راسو )هادي بنتي …ضحك عليهاا واحد لولد او (سرط ريقو ) تعدا عليهاا وقع لي وقع ملي مشينا نهدرو معاه نكر كلشيي …ودابا جيت نشوفوو شي حل لهاد لمشكيل

مصطفى: ممم (هز عينوو فنورة )وخة خرجو تسنااو برا حدا لبيرو نهدرو مع البنت ويكون خير

محمد: هي اللولة

خرجو متجاوزينها وهي راسها فلارض كتقول ياربي غير هادي وعمري نعااود كيفاش تخرج من هاد لورطة لي لاحت فيها راسهاا …كيفاش تخرج باقل الاضرار مع عائلتهاا …فيقها مصطفى بكلاموو طالب منها تكلس قبالتو وقال : دابا غتعاودي لياا من اللول اش وقع …بلا كدوب بلا خلعة باش نعرفو نعاونوك

نورة: واخة

مصطفى:شنو وقع بالضبط …

نورة(فمها كيرجف): ااه بب (رجعات شعرها ورا ودنيهاا) كريم انا كنعرفو ولد جيران وصافي

مصطفى : او من بعد

نورة: كان كايعاوني فالدرووس حيت عندي لباك هاد لعام (كتفرك ايدها بتوتر كتقلب على الكلمات المنااسبة )اوو واحد نهار قالياا عندو عيد ميلاد

مصطفى: اوى

نورة: طلب مني نمشي معااه ومنقول والوو لمي وباا (كتبكي)اناا …انا حيت كنتيق فيه بحال خوياا قلت ليه وااخة …

مصطفى: فين كاينة هاد لبلاصة

نورة(سرطات ريقها) : شي دار صااحبوو كانو صحاابو والبنات كلشي مجموع …من بعد(مسحات دموعها)من بعد دوك لبنات ودراري بداو كيشربوو

مصطفى(كيكتب وكيهز عينيه فيها): شحال كانوو

نورة(كتفكر ) : كانو بزااف محسبتش

مصطفى: وخة وكتعرفي شي حد منهم ؟ ولا غير كريم

نورة: لا غير كريم

مصطفى: كملي

نورة: من بعد قالياا تشربيي …قلت ليه لاا قالياا صافي نعطيك العصير …جاب ليا العصير وكلست …كنقوليه ياله نمشيو تعطلت كيقولياا غير صبري نقطعو لحلوة مع دراري

مصطفى: هدشي وقتاش صباح ولا بليل

نورة(قلبها كيضرب) : ف فلعشية من بعد حسيت بالدوخة بقيت كالسة وهما كيشربوو ويشطحوو من بعد نعست (عضات على ايدها كتبكيي )هءهءهء فقت لقيت راسي فبيت اخور وهوا حدايا هءهءهءهءه كان صبااح ديك السااع هءههءءه ملي قلت ليه شنو درتي قالياا انا باغي نتزوج بيييك ه،هءهءه وهدشي يبقا بينااتنا ولا نشووهك هءهءهءهءه مقلت والوو خفت خفت هءهءهءه تعدا عليااا

مصطفى: ملي غبرتي النهار كلو داركم مقالو والو

نورة: هءهءهء كنت غنبات مع صاحبتي داك نهار باش نحفضو للامتحان هءهء

مصطفى: وخة سني لياا هنااا

سنات وطلب منها تخرج ….خرجات راسها فلارض وهوا وراهاا

مصطفى: سي محمد انا غنوقف على هدشي بايدي خلي تيليفونك خدام غنعلمك بالجديد عطيوني لادريس تاع هاد خيناا ليوم يبات عندناا

وداكشي لي كاان رجعو ادرااجهم سدات عليها البييت كتبكي وتندب والعائلة كتصوني تعرف خبار البااك اش غتقول جابت لباك ومعاه الكرش لمن غتعطي وجهها كلشي غيتشفا

**

منير:قلت ليك اصاحبي فوت عليك لبرهوشة ياله فكها داباا معاها …صدقتو فلكرش

كريم(مسح على وجهو كيسووط) : السلكوطة مصدقتش سااهلة

منير: هاديك راه كضرب غير من لتحت الى سعفتيني فك الجرة بلا شوهة

كريم: والله لكانت ليها تمشي تلصق دكشي فشي حد باش عرفتو مني !

منير: ضبر لراسك اكرييم والله

وقفو عليه جوج رجال دايرين لكاسكيط ونطق واحد فيهم : شكون فيكم كريم

كريم:اناا (طلعهم و هبطهم عرفهم من صحاب الوقت او مكيتسما بلحناش ) نعام

ش: اجي معانا

كريم: علاش شنو واقع

ش: ياله وغتعرف …دغيااا غنبقا نتسنااو !

شاف فمنير وقال: علم الدار

منير: سير اصاحبي سير

توجه معاهم لسيارة الشرطة ركب معاه واحد ولاخر مشا فوق لموطور ديالوو …غادي وكيفكر هوا الاخير شنوو غيقول وشنو غيسبق ويوخر كل واحد فيهم كيقول اراسي يا رااسيي باش يفك الجرة باقل الخساائر

من دوامة التفكير لقا راسو قدام البيرو دق الشرطي وحل لباب وقال ليه يدخل

مصطفى: اهلا اهلاا بسيهم كريم دخل

دخل كريم وقال: السلام عليكم الشااف نقدر نعرف علاش جبتوني

مصطفى(كالس فوق لبيرو ديالوو وفوق لكرسي كالس محقق اخور شاد لكارو ديالو كيكميي ) : كلس نقولو ليك لاش جيتي

كلس قبالتهم داخلو الصهد من هاد الاحداث نطق مصطفى: نورة الطيب شنو علاقتك بيها

خدا وقت وجيز باش يجاوب كيدل على تفكيرو وقال: كنعرفها حيت حنا جيراان صافي

مصطفى: ممم جيراان …واشنو كاتقول فهدشي لي مكتوب هنا (عطاه لورقة كيقراهاا وكيسرط فريقو صدقات هيا المظلومة وهوا الظالم الوحييد

كريم: هدشي مكاااينش ….معمري قربت ليهاا بيناتنا السلام فطريق صاافي شي حاجة خرا مكاينااش

شخص التاني : بان لياا باغي تبات معانا اليوم

كريم: انا مقستهااش مكنعرفهااش

مصطفى(وقف كيطوي كمام لقميجة ): لا لا نتاا معول تباات ….الاعتدااء على قااصر وزيد عليها محملها ودابااا كتخرج فعينيك الك_لب دوييي

كريم: كتكدب مقستهاش

مصطفى: بغات تلوح عليك البااطل غير نتاا بوحدك ؟ …وصااحبتها لي شهدات بلي داك نهاار كانت معاك شنوو ؟ (طرشو )دوي مكاينش غير نتاا

شد حنكو مغمض عينيه وقال: انا كنعرفها اه ولكن مقستهااش …مم ملقيتهاش بنت اصلا

مصطفى(ضحك موجه كلامو لصاحبو لي كيكمي ): ياله قال مقاسهاش داباا ولا ملقهاش بنت جديدة هادي !

كريم: الشااف غير سمعنيي داكشي لي قالت ليكم مامنو والووو

كريم : الشاف غير سمعنيي كلامها هنا كلوو كدووب

مصطفى: دابا نتاا لي بنتي لياا كتكدب ماشي العكس

جاتو تصرفيقة خرا لحنك لااخر او ولا البحت من نوع اخور كلمة جوج كيجمعوها معاه بتصرفييقة باش يعتاارف ويساليو هدشي السعاتي حتى هواا بقا مصر لاا هي لااا

مصطفى: العربيي العربيي ….دي هاد لحمار التحت لبلاصة لخانزة يتحط فيهاا

وجهوو تورم بلعصاا ونيفو رعف منو شوي تكرفصوو علييه مع خرج تلاقاا ب بااه وموو كيطلبو ويزااوكوو

عزيز : اش درتيي ا كرييم ضيعتيي رااسك واش عجبك هدشيي ….زيد قول لي كااين وياله نلقاو حل مع النااس

كريم (بحقد ) : والله وخة ندوز لحبس لتجمعت معاهاا مكاين لي غيتشوه قدهاا والله لكانت ليهاا

جروو الشرطي هبطوه لتحت

اما عزيز ومرتوو مشاو بجري لدار محمد يلقاو حل وسط بيناتهم بلاش هاد صداع

دقو حتى عيااو تحل عليهم محمد وقال: عزيز بيناتناا المخزن مبقيتي دق علياا مندق عليك

عزيز : محمد حنا راه صحااب قبل منكونو جيراان

محمد: ولدك معرفش بحق الجورة والصحبة ….خلييه يتربى لي كيتعدا على بناات الناااس بلا حشمة بلا حياا

عزيز : راه مدارهاااش

محمد: والمخزن غيوريناا شكون دارهاا

سد الباب فوجهو ودخل لصالون كالس كيخمم تدخلات نعيمة عندو وقالت: اش غنديرو دروك امحمد !

محمد: مبقا ميداار انعيمة صافي لي عطا الله عطاه

نعيمة (كتفرك فايدها ): واش غنقولو لعبد الله ملي يجي ؟ يمشي يق_تلهاا

محمد: ايدك منك وخة تكون مجداامة انعيمة كتاب علينا لمكتاب واش نلوحوها لزنقة نديو ذنب مع الله ؟ …صافي القضية فيد لبوليس ومصطفى جاري حدا لمحاال ولد الناس وغيوقف معاناا …. وهوما دنوبهم يتقاسموهم بيناتهم

ناضت نعيمة لبيت فين كاينة نورة مكمشة فلقنت كدمع كلسات مقابلة معاها وقالت: عجبك لحال دروك ؟ كون راه دار عامرة بالناس جايين يفرحوو وينشطو ويشطحوو فنجاحك ….شتي اش درتي

نورة(باسف): سمحولياا هءهءهءه سمحولياا اميي (تلاحت على رجل مها كتبوس وطلب سمااحة )

نعيمة : لي عطا الله عطااه طاح الفاس فالراس داباا مبقاا ميتقاال …كلسي هناا خوك جاي مع مرتوو يسمع شي حاجة ليوم يق_تلك انورة

نورة(بالدموع): متقولو ليه والو امي هءهءهءه عفاك اميي وا ميي

خرجات وسدات عليهاا لباب تكمشاات فلقنت عاضة على ايدهاا …غلطة حب مراهقة غتخلصهاا مزيييان …مفكراتش ولو لحظة وحدة فهدشي ملي كانت فوضع حميمي معااه كانت مرفوعة …الشيطان كان مصور ليها كلشي فعقلها زويين واحلام وردية ،فلحظة فاقت على حلم اسود غيرافقها سنين عمرها البااقية

كيفاش تخلى عليهاا فلحظة وحدة محاولش يلقا معاها حل يبردها شوية …كانت بالنسبة ليه مجرد مراهقة حاسة براسهاا حتى هوا لازم يدوقهاا … ماشي بالضرورة يكون كيهز من جيهتها شعور بالحب فقط اعجااب …اعجاب لي دغياا طار ملي طيروو الوقار فعلاقتهم

نورة(بدموع) : الله اياخد فيك الحق اولد لحراام هءهءههء كيفاش تقت فييك كيفااش …والله تنغرقك غير بلاتيي

دق لباب هوا ومرتوو لي كرشها قدامهاا شوية عبد الله الاخ الاكبر ل نورة لي تزوج هادي عماين عسكري

حلات مو وجهها صفر مخبية حزنها بضحكة صفرا عارفة ولدها صعييب وماشي تاع تحاور

عبد الله(باس راس مو ودخل): مي لبااس

نعيمة: لباس اولديي … خولة بنتي لبااس

خولة: لباس امي نعيمة ونتي

دخلو نيشان لصالون عند محمد سلمو عليه وكلسوو كيشوفو فبعضياتهم

عبد الله : امضرا اش دارت نورة

نعيمة : نجحات

خولة(بفرحة): ربييي اوى مبرووك شحال جابت

نعيمة: 14 ياك امحمد !

خولة: مبروووك عليهاا فينها نبارك ليهاا

نعيمة(حبساتها ): غير خليك …ناعسة شوية وتجي

عبد الله كيشوف فيهم كي صفرين وقال: واش نجحات نيت ولا غير مغطيين عليهاا ؟ دوي اباا اش كاين

محمد: مكاين والو اولديي اش بغا يكون كاع

كشر حجبانو بتشكيك وقال:حالتكم معاجبانيش …فين امين ؟

محمد: سيفطو يقابل ليا لمحال

عبد الله: ممم ومال نورة ناعسة ماشي من عادتهاا

نعيمة: ن نوض نطيب اتااي

خولة: نعاونك اخالتي

توجهو لكوزينة ونطقات خولة: مي رنعيمة واش كاين شي مشكيل

نعيمة: مشكيل كبييير ابنتيي …خليها على مولاناا

خولة: ياك لبااس

نعيمة : عفا بنتيي قلبيي غيسكت مقاداش ندويي

خولة: على خاطرك

********************

عبد الله : نورة …نورة عيطو عليهاا هدشي ديالكم معاجبنييش اباا

محمد (صونا تيليفونو وطلعات نمرت مصطفى شاف ف عبد الله وجاوب ): سي مصطفى لبااس

مصطفى: محمد اتاصلت بيك باش نقولييك …البرهووش مباغيش يعتاارف …القضية غدخل فيها المحكمة حيت بنتك قاصر …من الاحسن خود شي محامي متمكن يغيز ليك القضية

محمد : الله اجازيك بخير(شاف ف عبد الله كيستفسر بعينيه ) الله يعاونك

عبد الله: الواليد واش غتقول اش كاين ولا لا ….وافين نورة

وقف غادي لبييت وهوما وراه كيزربو يوصلوه حتى دور لبواني لقاه مسدود

نعيمة: الله ارضي عليك اعبد الله اجي هنا

عبد الله هنا تجمعو فيه جنون ملي لقى لباب مسدود وقال: غتقولو لي كاين ولا نهرس بووه هاد الباب دغيااا

مجاو فيه يهدرو حتى دفع لباب وتحل غوتات نورة من لخلعة وقفات مصمرة فلحيط صدرها كيطلع ويهبط وهي كتشوفو جاي جيهتهاا عينيه كينطقو الشر

عبد الله : مالك نتيي مخشية هنا اش كااين

نورة:و ووو والو اخوياا غير

جرها من دراعها جابها لعندوو كيشوف عينيها منفوخين بلبكاا ونيف حمر وقال: هاد لحالة ديال وحدة معندها والوو

نعيمة: عبد الله مال د_مك سخون اولدي …مابيها والوو الله ارضي عليك

محمد: اجي معاياا …اجييي

جرو بزز معاه وقرر يقوليه باش يرتاح ويلقاو حل لهاد لموصيبة

جرو البيت وسورت ورااه الشيء لي خلاه يدخلو الشك

عبد الله : لاش كتسد فلباب

محمد: عفا ولدي كلس وخلينا نهدرو نلقاو حل لهادشي لي واقع

كلسو على سرير كيتسناه يبداا كلاموو

حل امين باب دار صفر كيقلب على موو كينهج وقال: واش داكشي بصح لي سمعت

نعيمة: اش سمعتي

امين: نورة ؟

نعيمة(طاح قلبهاا ): شكون قالها ليك

امين: كريم شدوه لبوليس ولهدرة مخلات فين وصلات …واش بصح امي

نعيمة: شششش قطع حسك

خولة مكمشة كتسمع صافيي عرفات القضية غترون …مزال كدورها فراسهاا سمعات الغوات من عبد الله

نعيمة: ليوم طيح الرووح

حل لباب عينيه خارجين على نورة مشا ليها نيشاان كيغوت شدها مرمدهاا ب لعصاا جا اميين كيفرق بحالا زاد ليصانص على لعافية شدو من لكول خبطو مع الحيط وكلس كيعطييه

عبد الله : اش حااضي الكل_ب هااا اش حاضي البرهووش تخليها ديرنا ضحكة دوييي

امين : طلق

نعيمة كضرب فيه من كتافوو لي عراض وطويل مخلاهم منين يشدوه صحيح : وطلق من الدري غتق_تلو

نورة كلسات على ركابيها كتنهج ودم خارج من نيوفهاا

فكوه من اميين لي خدا حقو فلعصا مداير لا برجليه لا بايديه جرووه بزز خرجوه وهوا عينيه ف نورة بغا يصفيها ليهاا ولاباس

بزز خرجوه كان شوية يقت_لهم بجوج خلاهم بجوج فلارض

مسح امين نيفوو وكلس كينهج وقال: صافيي شفتي في وصلتي رااسك

نورة: هءهءهءه هءهءه ياربيي نمو_وت ونتهناا

امين: شوهتي رااسك وشوهتينا معااك

****************************************

محمد: اولدي راه تعدا عليها خاصنا نجيبو حقهاا وحق لي فكرشهاا

عبد الله : كون صونيتو ليا قبل متمشيو ليه كنت ندفن جد بووه هوا وتريكتو تحت تراب ومنتشوهوووش اباااا فين غندير وجهي داباا هااا …برهوشة مقدرتوش تحضيوهاا ..كلشي منك طالق ليها اللعب

محمد: واش حنا كنا عارفين هدشي اش نديرو دابا هاه نق_تلوها ولا ولا نلوحوها لزنقة …راه دمنا ولحمنااا وربي ابتلاناا بهادشي

نعيمة: دابا فكروو اشمن حل نديروو

عبدالله(ضحك بفقصة): باقة كتفكر شنو دير …والو ربيوو ولد لحراام وديرو فسميتك نتا كااع ماالك

محمد: لا حول ولا قوة الا بالله

عبد الله : نشوفو شي طبيب يحيد ليها داكشي لي فكرشهاا هدا هوا لحل

محمد: واش عارف اش كتخرج على فمك …نحلو حرام بمعصية كتر منوو نق_تلو رووح يااك

عبد الله: الروح هي لي غاطيح غير بلااتي

محمد: داباا القضية فيد المخزن …صافيي لي عطا الله عطااه

امين كان كيسمع فيهم هوا وخولة فلكولوار ورجع عند ختو وقال: تعدا علييك ! محشمتيش

نورة(بهمس قربات ليه): شنو بغيتي نقول ليهم هءهء ااه ضحك علياا مكنتش عارفة هدشي غيوقع

امين: كنت حاسبك بعقلك وكتعرفي تصرفي السعاتي صدقتي زيرو كنجي نهدر كتحبسيني بسكت البرهوش ! …دابا فكيهاا …ضيعتي رااسك كتر اما هوا يدوز لحبس ويخرج يكمل حياتو شوفي نتيي واش غتكملي حياتك بحال النااس

خولة(بهمس ): امييين …سكت غيسمعوك

خرجاتو وسدات الباب وقالت: اش هدشي درتي ا نورة ضيعتي رااسك

نورة(كطرش فراسها ): ندمت ندمت هءهءهءهءهءه حياتي ضااعت اخولة كلشي ضاااع اختي كلشي

تحسرات على حالتهاا معرفات هدشي باش غيسالي

بعدما سكت عبد الله من الغوات كان العشاا فاات والزنقة بدات تخوا سمعو الدقان فلباب ناض امين يحل لقا ففوجهو اب وام كريم

عزيز : امين كاين محمد

حرك راسو باه حتى دفعوو عبد الله او وقف فوجهم وقال: اش كااين

عزيز : ولدي نهدرو فالزنقة ؟

عبد الله: من اللول متهدروش فالزنقة داباا مبقا ميهدر فيه الواحد

محمد(جا من ورا ولدو) : مبقا فاش نهدرو بيناتنا المخزن ا عزيز

مليكة( كتبكي) : حرام عليكم بغيتو ضيعو ولديي فشبابو اااه تلصقو فيه لي مداارش

عبد الله: القانون غيعرف شكون دار وشكون مدارش

عزيز : دري كيقول مدار والو

محمد : والبنت كتقول هوا لي دار نتيق ولدك ولا بنتيي ….اسمعني اعزيز …القانون بيناتناا ولكان داير غيبان كلشي

عزيز : هدا كلامك

محمد: هدا كلامي

سد عبد الله الباب فوجهم تحت بكاء ام كريم من بعد ولا كيسمع غواتهم براا وسخطهمم ودعائهم عليهم

***************************

كريم كان مفرش لارض عظامو مدكدكيين كيمسح الد_م لي يبس حدا نيفو بكم تريكوو

طل عليه مصطفى كيمضغ المسكة مكروازي رجليه على الباب ديال الحديد وقال: مزال مرطابش رااسك وتفك حريرتك

كريم (بحقد ) : مدرتش

مصطفى: قول هاد الهدرة لقاضي

دازت 3 ايام معاه فلكوميسارية شبعو فيه عصا وتصرفيف وسباان ..وتقول واش بغا يقول شي كلمة حقد عليهاا تاع بصح

بعد ايام وقفو قدام القاضيي بتهمة الاغت_صااب والاع_تداء والتهديد

كالسة حدا مها بعباية كحلة وزيف كحل دابلة وصفرة ولحريق فكرشهاا وعظامهاا فمها بيض بالارهاق وباها وراهاا فجيهة لخراا واليدين كريم الاخير لي كالس القدام مكبل الايدي كيتسنا نوبتو والمحامي تاع الطرفين كل واحد فجهة الموكل ديالو …

القاضي: نورة السالمي … هزي يدك ليمن وقولي …اقسم بالله ان اقول الحق

نورة(وقفات حدا كريم ): اقسم بالله ان اقول الحق …اسيدي انا كنقراا عندي هاد لعام الباك …كريم كان كيعطيني مرة مرة الامتحانات تاع السنوات لي فاتو ومرة مرة كان كيزيد ليا سوايع فلماط …كنت حاسبااه بحال خوياا

هنا كريم عض على فمو مكرهش يشتف عليهاا

نورة: من بعد …من بعد ولاا كيقوليا شي هدرة فشكل

القاضي: وضحي كلامك …اشمن هدرة

نورة(بدور الضحية كتبكيي ) : حشمت هءهءهء

القاضي: هدري ابنتيي

نورة: هءهءهء ولا كيتح_رش بياا هءهءه وكيقولياا كنبغييك كنقوليه متبقاش تقوليا هاد لهدرة ..صافي …قاليا صافي غير كنضحك معاك …من بعد مدة خرا قالياا عيد ميلاد صاحبيي واش تمشي معاياا راه فييه لبنات وكلشي …مشيت معااه كانو غير صحابو ولبنات …كيشربوو خفت وقلت ليه ديني لدارناا قالياا صبريي بلاتيي معندك مناش تخافي ….بدا كايبزز علياا نشرب ومبغيتش …وعطاني العصير بديت كنحس بالدوخة …موراها شفت صحابو كلشي مشاا وبديت كنبكيي وكنطلب فيه باش يديني لدارناا مبغااش من بعد معقلتش بااقي …(كتبكي )حتى لصبااح لقيت راسيي هءهءهءهء(غطات وجهها) بدا كيطلب فياا وكيقولياا متقوليها لتا حد غير تكمليي الباك ونتزوج بييك هءهءهءه قالياا الى قلتيها لشي حد دنوبك على راسك غنشوهك هءهءهء

القاضي: ممم كريم العرباوي ..اش كتقول فهادشي لي منسوب ليك

كريم: هدشي مامنو والوو …انا متعديتش عليهاا مشات معاياا بخاطرهاا العيد ميلاد و ماوقع والو من هدشي لي كتقوول … انا مقستهااش …هي كانت كتعرف دراري بزاف كنعياا نقوليهاا بعدي من ديك الطريق راك باقة صغيرة وهي كدير لي فبالها …دراري الحومة كلشي عارفهاا اش كتسواا

نورة: كداااب الله اياخد فيك الحق

كريم: كاينة شي كدابة قدك

نورة: هءهءهءهءه حوشمة عليييك الله اياخد فيك الحق ههءهءهءهء

كريم: سيدي القاضيي مدرتش هدشيي ومنعتارفش بحاجة مدايرهااش

القاضي: كاينين شهود كينفيو هدرتك …شافوها معاك مرة وجوج !

بعد كلام القاضي والمحامين دخلات صاحبة نورة وقالت: ديك الليلة كانت غتبات معاياا باش نحفضو لامتحان …تلاقا معانا فالزنقة وجرهاا قاليهاا تمشي معايا لعيد ميلاد ونرجعو دغياا ..قالت ليا ياله معاياا ولكن هوا قاليها حشومة معلمتش صحابي ياله غير نتي …او او مشات معااه بقيت كنتسناا الليل كلوو حتى لصباح عاد جات كانت كتبكيي وحالتها حالة ….كانت بغات تنتاا_حر حبستهاا بزز وقالت ليا نسكت منقول والو حتى تلقا حل معاه …هدشي لي كااين

سمح ليهاا القاضي تمشي تكلس بلاصتهاا …كلساات حاسة بالصهدة وهي عارفة ان كلامها كلو كدووب فكدووب غير باش تنقد صاحبتها لي وصاتها شنو تقول

كريم: انا مغنعتارفش بداك الحمل حيت متاكد ماشي منيي

القضية طولاات شهر وشهراين وتلت شهور ومزال مصر على كلاموو وحتى هي مصرة على كلامها فاحد الجلسات القاضي طلب فحص الحمض النووي للجنين هكا القضية غتحسم …بأمر من وكيل الملك تسلفو وتكلفوو وداروه رغم فديك الوقت كان غاليي ومكيدار الا ب وتيقة من المحكمة

كان فيد القاضي بعدما طالع عليه وفعلا الجنين تبين انه من كريم لتطابق العينات

واخيرا رتاحت وهو عرف راسوو مشا فيها

كريم: مشات بخاطرهاا او كنت مصاحب معاها …كنت سكران معارفش وغرني الشيطان وهيا محبساتنيش …كنحلف ليكم كان داكشي بخااطرهاا

القاضي: ربع شهور ونتا مجرجنا على هدشي ؟

كريم : كنت خايف (هبط راسوو مغمض عينيه )

القاضي: الحكم بعد المدااولة

في النطق الاخير نطق الاقاضي: تم الحكم على كريم بالسجن سنة ناافدة وكدا الاعترااف بثبوت النسب ….

بقا مصمر كيشوف ف القاضي وهوا كيهدر وكيقول اش كايين في حيين نورة تنفسات برااحة ملي شافت راسها تنصفات وفوق هدشي الجنين لي فكرشها غيتسجل على سميتو يعني مبقا عندها مناش تخاف مستقبلا …خلات ام كريم كتندب والمحامي كيصبرها بالاستئناف خرج محمد ونعيمة جارة بنتها ساكتيين بدون كلمة

وصلو لدار ودخلو مهبطين راسهم توجهات لبيت وسدات عليها بقات كتشوف من شرجم حتى طاحو دموعهاا … ضاعت سنة من حياتها حتى هي الموسم الدراسي بدا من جديد وهي محبوسة فالدار خروجها لمحكمة فقط …ماكلتها فلبييت مكتخرج لقاع دار حتى كيكون باها على براا …قاطع كلامهاا رغم إلحاحها عليه والوو

الايام كدووز ونورة حياتها فقط من الشرجم المقابل ليهاا دازت 3 شهور خرا كرشها بانت ولات كتخبيها بحوايج عرااض وكتفادا تشوف فباها اما الزنقة عمرها عتباتهاا ولات دابلة خصوصا ملي صاحبتها الوحيدة بدلات لمدينة باش تكمل قرايتهاا وهي بقات بين ربعة الحيطان وسط اغلاطها ولكرش لي هزاها وكيتركل فاحشاءهاا ومعاطياهش اهتمام

كانت فشهرها الاخير …كالسة فالسطح كتشم لهوا ولجو باارد ومضبب حاسة بالسخونية فدمها ولوجع كيمشي ويجي …طلعات عندها مهاا وقالت: اش مكلسك تماا

نورة: والو امي

نعيمة: نوضي شتاا غطييح

نورة: خليها تبرد لعافية لي شاعلة فخاطري امي (كتبكي )هءهءهءهءه ضاعت حياتييي اميي ضااعت

نعيمة: مزال مضاعت …المومن كيغلط دابا كوني مراا او تعلميي من داكشي لي فاات

نورة: اش اميي اش با عمرو يسمح ليا هءهءهء عبد الله مكيحملنيش وكمل داباا

نعيمة: خوك مدابز مع حوايجوو …وباك عدرييه هرستيناا انورة وضيعتي راسك وضيعتينا

نورة: سمحو لياا امي هءهءهءن سمحو لياا …كون غير ربي يدينيي ومنشوفكمش حشمانين مني هءهءه

نعيمة(عنقاتهاا) : الله يساامح …الله يساامح ربي غفور رحيم شكون حنا لي منسمحووش

بقات كتبكي حتى تفشات نوضاتها على شتا لي كطييح عوناتها تهبط فالدرووج داتها لبيتهاا عطاتها تاكل ومشات مخلياها منها لهمها

طفاو الضواو فالدار و وجعهاا مطفااش كتمشي وتجي فلبييت وتعض فطرف تاع التووب باش صوتها ميتسمعش بروديت لجو مبرداتش جسمها لي كيقطر بلعرق كتسند على هاد الحييط وعلى لاخر ….مقادراش تغوت دموعها خيوط تخلطو مع عرقهاا

مبغاش تولد هادشي لي فكرشهاا مكرهاتش يتزاد ميت باش ميبقاش تابعها حياتها كاملة …خرجت شهقة مع انينهاا وزيرات على التووب ففمها

كتحس بالزحمة وكتمشي لطواليط وترجع بلحس …هبط ليها لماا مع رجليهاا كتشوفيه وكتنهج …الهلال كيهلل وهي مزال كتوجع كتسنا باها يخرج وتعيط لمهاا فعلا شافت الضو شعل فلكولوار وقفات كتسووط و ظهرها قتلها ماقدراتش توقف مقاادة …صبراات وعضاات فالصبر ..باش ماتبانش قدام باهاا كتوجع ….تاحد مضربها على ايديهاا وقاليهاا طيحي فلحرام

خرج باهاا وهي توجهات بزز لباب كتشدها الزحمة حتى گلسات على ركابيهاا

نورة(كتنهج تكات على الحيط وفرقات رجليهاا كدفع السروال )م … هءهءهء وا مييي ااااه (كطرش فرااسهاا )مييييي هءهءهء

خرجات مها من الدوش مدعوقة كتهز فسروالهاا كانت كتوضى لقات بنتها فلرض بلفوق وسروال لاصق فرجل وحدة

نعيمة(بخوف): ماالك ابنتيي مالك فيك لوجع (كتمسح ف العرق من وجهها )

نورة: هءهءهء بغيت نموووت هءهءهء مبغيتش هدشي يتزاد هءهءه مممم مييي (بركات على ايدها ) هدشيي جااي جايي اااه ففففف قففف

نعيمة: نوضي نديك لسبيطار

حركات راسها بلاا. كتنهج وقالت: خرج ليا لماا (كتنهج ) مقداش اميي

نوضاتها بزز كتزرب بغات تلبسها السعاتيي نورة مقدراتش تحرك رجلها حاسة بداكشي بدا كيهبط …نعيمة تلفاات معرفت اش ديير

خرجات كتجري لدار لي مقابلة معاها و الشتا كتنشنش كدق ودق كي لهبيلة تخرجات مرا كبيرة مفزوعة وقالت : لالة ربيعة عتقينيي عتقينيي

تبعاتها شادة فعكازها ونعيمة جاراها بزز مكرهاتش طير بيهاا فداك لفجر طلعو فازكييين كيسمعو غير انين نورة فلبييت لاحت لمراا لعكاز وتحنات حتى كلساات وقالت: حلي ابنتي رجلييك

نورة: مبغيييتش هءهءهءهءه ومبيغتش نولد مبغييتش

نعيمة: ابنتيي اش كديري هدشي راه حراام التربية غتموت لييك ابنتي

نورة : هءهءهءهءهءه وامييي خلييه يمووت ويديني معاه

ربيعة: نعييمة شدي ليها رجليهاا …كرشها راه هابطة تمشي تخنق التربية

نعيمة(كتبكي ): عفا بنتيي تشوفي كبدتك تنسااي كلشيي صبريي وزحمييي زحميي …لالة ربيعة انا فعارك

سلمات نورة امرهاا وتكات على صدر مهاا عاضة فتوب وكتزحم ولمرا معاوناهاا

ربيعة: هانتي ابنتي قربتيي زحمي زحمي

من خلف الثوب لي على فمهاا كيتسمع غير انينها والعرق كيتصبب من عنقهاا وشعرهاا لصق عليهاا

ربيعة: بسم الله بسم الله …زيدي ابنتيي مبقا والوو زحمة وحدة يخرج زيدي زيدي

نورة: ااااااه هءهءهءه

جرات لالة ربيعة تربية بين ايدهاا قد لكميشة حيدات نعيمة شالها من راسهاا ومداتو لربيعةة. لي قلباات تربيية وضربات على المؤخرة

نعيمة: مبكاش ؟ واش حي

نورة(كتنهج ورمات راسها فحضن نعيمة سخفانة قبل متسمع صرخة من صوت صغيور خلاها تحل عينيها التعبانين

ربيعة: هاهياا عزبة تبارك الله تربى فعزك ابنيتي ….نعيمة جيبي شي حاجة ماضية نقطع ليها السرة ونجبد ليها لخواص

مشات نعيمة كتجري لبييت جبدات ايزار بيض فاش تلوي التربية و زيزوارة…. مشات كتجري مداتهم ليهاا و كتبوس فبنتهاا

نعيمة: هانتي تفكيتي ابنتيي على سلامتك دابا كلشي يدوز

عطات وجها لحيط كتبكيي حتى مدات ربيعة التربية لنعيمة وشداتها :بسم الله بسم الله …نورة هاك ابنتي بنتك تشم ريحتك

حركات راسها بلا كتبكيي : …مبغيتش بنت مبغيتش هءهءهء مبغييتش

نعيمة: الله اهديك ابنتي راك توجعتي عليهاا راه بنتك حزة وتفوت عفا بنتي

ربيعة (تحسرات): والله يصاوب ابنتي ..والبنت عندها باها بالشرع والقانون معليك والو ابنيتي حضني بنتك وشديها…تحن فيييك راه البنات زينات …(ناضت) الحمد لله على سلامتهاا انعيمة ونوض نمشي دابا يجيو من جامع ويتشوشو علياا

نعيمة: الله ارحم واليديك الالة ربيعة (مدات ليهاا فايديها)والله تاتشديه بيااضك ويصبح ويفتح

حطات نعيمة تربية وناضت جبدات الحوايج ل نورة وحيدات ليهاا لفراش لي طاح عليه الد_م دفاتهاا وجمعات ليها شعرهاا

حتى سمعو الباب تحل …شافو فبعضيااتهم مشات نعيمة هزات التربية مغمضة عينيهاا وحمرة بشعر خفيف وايديات صغاار حلات لباب ورجعاتو لقات امين دخل لبيتو ومحمد كدالك دخلات وهوا عاطيها بالظهر كيحط فجلابة سخونة

محمد: كنتي عند نورة …مالهاا !

نعيمة: محمد

شاف فيهاا وشاف فالتربية وبقا جامد حتى قرباتها لييه وقالت : قول بسم الله

بقا شحال تاابت كيشوف فديك الملائكة الصغيرة لي ماعليها والوو مدايرة لا بايدها ولا برجلها جات لدنياا وربي لي بغاها …سما الله وهوا كيشد فيهاا

محمد: بسم الله ..بسم الله …الله اكبر الله اكبر ..اشهد ان لاإله إلا الله اشهد ان محمدا رسول الله ..حي على الصلاه حي على الصلاه حي على الفلاح حي على الفلاح الله اكبر الله اكبر

كأي بني ادم مسلم وعلى دين الله كتبدا حياتو بآذان وكتسالي بصلاة الجنازة …وبين هادي وهادي طريق نتا لي كتختار باش غتساليي …ملي كنكونو نطفة فالرحم وربي مكتب ليناا حياتناا بين عينينا

عاودات ليه نعيمة شنو طرا بينما جا الصبح وطلعات الشمس …. مشات عطات لبنتها تفطر بشي حاجة لي تقويهاا شداتها نعسة برااحة وخة حاسة بتحتها كيضرها ومجروحة

زادتها مها مونطو طويل فوق لبيجامة السخونة

دخل خوها امين مصدوم من التربية لي عند محمد كيشوف فنورة و كايتأكد

امين: واش ولدات

نعيمة: زيد عاون ختك

كل واحد شدها من جنب معندهاش لوجه لي تشوف فباها مقادراش حتى تمشاا …لقاتو فلكولوار كيتسنا شافتو وهبطات راسهاا محدها كتقرب ليه وجهها كيتحقن وكتزير ودموع كيهبطو غير وصلات حداه هبطات على رجليه حتى تخلعو شدات فيه كتبكيي بكاتهم كامليين وهي كتردد سمحولياا

محمد :الله يساامح ابنتيي …الله يسامح هز اختك اولدي عاونهاا

ناضت وتلاحت فحضن باها ضامها بايد وشاد بنتها بايد

كانت البنية ملوية فمانطة فلغوز وملابس بيضاء شدها امين كيشوف فيها وقال: ياه لابسة حوايجك ا نورة ههه

هبط محمد لطموبيل وهبطات نعيمة شادة نورة وامين مهبط التربية بزز قدرات تكلس اللور والبنت شداتها نعيمة

محمد: هاك السوارت يطلع الصباح وسير حل لمحال عفا ولديي

امين: واخة ابا

تكات نورة على كتف نعيمة والبنت كتنغنغ بغات تبكيي

نعيمة: نورة هاكي رضعيهاا ايكون فيها جوع مسيكينة

حركات راسها بلاا مبغاش حتى تشوف فيهاا

وقفو فسبيطار دخلوهم دارو معاها اللازم فحصوها او نورة كانو عندها جوج غرزات لداخل خيطوهم ليهاا وكتبو ليها الدوا لي خاصهاا ولبنت فيها الجووع باغة ترضع واقفة نعيمة حدا راس بنتها فالسرير والفرملية هازة البنت كتبكي

_هاكي رضعيهاا

نعيمة: ارايها ابنتي هاهي اترضعهاا

عطاتها ليها ومشاات

نعيمة : نورة ميكونش راسك قاسح …البنت غير ملايكة واش بغيتي تدي دنبها ؟ رضعيها تدي اجر فيهاا تشم ريحتك وتعرفك مها

بعد اصرار شداتها بزز عطاتها ترضع

نورة: اووف مبغااتش امي

نعيمة: غا صبريي تعرف …دخلي ليها رويس فمها …حاولي معاها

بزز شداتو كترضع وتبكيي

نورة: اووف

نعيمة: مالهاا يمكن مزال مجاكش الحليب …نشريو ليها الحك

نورة (مداتها ليها تاني ): شدي امي عفااك

نعيمة: لا حول ولا قوة الا بالله

جابوها لدار من جديد فرحانين بالتربية الصغيرة لي دارت لحس فالدار ….. نوررة دخلات فدوامة وسدات عليهاا حتى من الحليب من عند الله مهبطش ليهاا والبنت من نهارها كتجر فرضاعة

الخبار ضاارت ف الحومة وكلشي عرف نورة راه ولدات بنت كريم …دازت اربع اياام امام السجن تحل الباب وخرج كريم داير صاكو فكتفو بان ليه خوه الكبير واقف مشا لناحيتو وتبادلو العناق وقال: على سلامتك

كريم(بغير نفس): الله يسلمك ابا مراد

مراد: خرجتي مفورمي ههه شبعاتك لواليدة بيض بلدي ربيتي اللحم

كريم: الحبس غير حبس

مراد: اوى اطونسيون تمشي ترجع لييه هههه ماديرش متخافش …قول الحمد لله القاضي دار معانا لمزيان وعطاك عام ونقص ليك 3 اشهر فالاستئناف كاين لي مشا فيها ربع سنين

كريم: هادي والتوبة

مراد: صاحبة دعوتك راه ولدات خرجتي مع السبوع

كريم: تولد حنش السلكوطة مزال حسابي معاها

مراد: بان ليا مسخيتيش بلحبس ! نسا علياا روين وكمل حياتك …. بنتك ديرها فسميتك وجمع وطوي

كريم: ولدات بنت

مراد: هدشي لي سمعت

كريم: ياله ضبر لمخها دابا معاها … والله منعرفهم …كانت بغات تريطني لبرهوشة قالت نحمل ونلوي عليه السعاتي جابتها فراسها

مراد: وجابتها غير فراسها …هي لي غتوحل داباا

**

يوم العقيقة عرضات نعيمة غير على جارات قلاال وعائلتها … حلفت نورة لخرجات عند شي حد لي بغاها كيدخل يسلم عليهاا ويخرج

نعيمة: نورة اش غتسمي بنتك !

نورة: لي بغيتي اميي

خرجات طلعات لسطح عند امين او محمد شادين لحولي بغاو يد_بحو وكيتسناو سمية

نعيمة: قاتليك سميو لي بغيتو

محمد: على بركة الله …نسميوها ……. إيمان

دازو اياام والحال على ما هو عليه نورة نافرة بنتها بتاتاا فقط نعيمة لي مكلفة بيهاا خروقها وماكلتها وحتى نعااسها ..نهار على نهار إيمان كيبانو حروفها ولمن شابهة اول حاجة مثيرة للانتباه عويناتها لكبار لونهم غادي لزروقية …مزال مصافيينش ولكن لونهم باين ..بياضهاا وشعرها الخفيف باين انها غتخرج زعرة ..يعنيي غتكون طبق الاصل لكريم …هدشي بحد ذاتو كيشعل لعافية فنورة و كايخليها تزيد تنفر منهاا

اما كريم ولا كيخرج لزنقة ويقولو ليه مبروك الزياادة

كالس مع صاحبو فالجردة تاع لحومة مقابلين مع ديور

منير: قالت ليا لواليدة ..بنت كريم غير هوا لعوينات و الزعورية

مجاوبوش كريم وكمل منير كلمتو : كريم دير اصاحبي وشوف بنتك

كريم: مابنتيش

منير: نقولو زورو التحاليل …وا تانقوليك فطوكوبي السااط …وزايدون منكدبوش نورة راه تصاحبات غير معاك …اغير الشيطان وصافي اما راه تاهي مابيهاش

كريم: الله اعطي لمها الحبس من عندي …كاع الحاجة لي تجي منها معندي منخرا بيهاا ضبر ك*** مع بنتها حكمت عليا المحكمة نقيدها فسميتي تجمع وطوي شي حاجة خرا تسطح راسها مع الحيط

منير: ونتا تعرف الساط

كريم : غير يسالي هاد لعام انهز قشي لشي جايحة … لمدينة لي تجمعني معاهاا نحرݣ مهاا

إيمان تحطات فلحالة المدنية على اسم كريم وتسجلات وبوريقاتها عمرو شافها وعمرها شافتوو

داز عام وبدات كترجع الحياة لطبيعتهاا ..نورة لي ولات منغالقة على راسهاا مكدوي مع حد من لحومة رجعات لقرايتها بزز تحت تهديد عبد الله لي اخر مرة هدر معاها ملي سلخهاا عمرو جا لدار مزال ولا عتب تماا اما كريم فبدل لمدينة وبقا كيجي غير السبت ولحد يدوزو مع مو ويرجع تااني

بعد مرور 3 سنوات

كالسة نورة فالصالون كتحفض او ايمان فوق الزربية كتلعب او نعيمة كتفرج

ايمان: نونة …نونة سوفيي

نعيمة: هاديك ماماك ماشي نورة

نورة: لعنداك قولي نورة …تشوهيني فالزنقة

نعيمة: وا الله اهديك

نورة: وشنو كيشوفوها معايا كيقولو ليا واش ختك كنقولهم اه ههه

نعيمة(لمطات فمها ): باز

ضحكات نورة ورجعات لحفاضتهاا وقالت: مي انمشي نجيب شي بيمو ونجي

جمعات إيمان النوضة وقالت: سي معااك عفااك

نورة: كلسي تلعبيي تنجي

نعيمة: خرجيها معاك راه قنطات مولفة نخرجها عييت

نورة: اتبرزطنيي بغيت هادي بغيت هادي خليها هنا تنجي

بدات ايمان كتبكي جراتها بزز عينيها حمريين غادية فالدروج كتنخصص

نورة: اوووف غير لااصقة زيييدي خلااص

جراتها بنتير كيضرب فشعرها الذهبي الريح عيونها سماوية و بشرتها بيضاء لي شافها كيحسبها كاورية ….. كان لجو مضبب علاين شتا ولبرد كلشي مكبط بان ليهاا جاي من باب الجردة كيهدر مع صااحبو بغات تبدل الطريق ورجعات قاصداه تحنات ل ايمان دارت ليها القب والاخيرة كتبكي مبغاتوش حتى نهضات فيها والقب كبير مغطي ليها وجهها

هز عينو شافها ودور راسوو حتى دازو من حدا بعضياتهم ونطق مخاطب صاحبو : تفو على صبااح

نورة: كيشفتي وجهك يصبحو عليه الناس

تقلب عندهاا وبنتها وراها : دويتي معاياا

نورة: شكون نتا باش ندوي معااك …مكندويش مع الشماايت

جاي ليهاا هز ايدوو تحبسو منير وقال: برهوشة لخرا غير لي يصمرها مع مك

نورة: جرب تحط علياا ايديك والله تنشوهك

كريم: كتر من شووهتك ! هههه انا عايش بخير شوف غير نتي

نورة: وغير صبر متفرحش بزاف دور دور وترجع ليك السمطة …ايمان قولي تفوو لشمايت

ايمان (طلات برويسها مفاهمة والو وشافت ف كريم ): بفف

جراتهاا ومشات وبقا هوا واقف كيشوف ف ايمان لي كل مرة تقلب فيه وتجرها نورة

كريم: بان ليا تهاد السبت والحد انحرمهم برب وجوه الحبس

منير: بنتك زوينة اصااحبي… فطوكوبي ليك

كريم: اتولي غير تحراميات مهاا

منير: كون شديتيها وربيتيهاا على ايديك

كريم: صداع الرااس …معندي مندير بيه

*******

الابناء نعمة من عند الله …الى عطاهم ليك ربيي خاصك تكون ليهم سند ودرع حامي طول حياتك …ولكن ماشي كل ام راها ام وماشي كل اب كتلقايه فعلا اب

الامومة معمرها كانت كلمة ماما فقط …الام شي حاجة فوق كلشي

الام الى مكانتش فحياتك كيهزك لماا … ولكن مااشي كلشي عندو ام كاين لي عندو انسانة ولداتو ونقطة نهاية كيتلاح من حضانة لحضانة من مساعدة لمسااعدة ولا الاكتر من هدشي تحطو فزنقة وتزيد ولا تبيع كبدتها مقابل لفلوس

الاب شيحاجة كتقاس بدهب …الاب نعمة كيعطيها ليك الله فظهرك …عارفة بلي شي حد واقف فظهرك حامييك وهاز بقيمتك وهاز براسك …عارفة بلي الى شي نهار كنتي غطيحي …كيهزك فوق كتاافوو كيرفع شانك …ولكن ماشي كلشي عندو اب …كاين لي عندو رجل فقط عاطيه كنيتوو مرافقاه حياتو كاملة لكن صاحب الاسم …غائب

شعلات فنورة العافية كيفاش هوا عايش بخير وهي فهاد الهم لي دخلات لييه …مامنحقهاش تخرج وتعطل حيت بنتها محتاجاها …توكل وتشرب وتبدل وخاصها تسكتهاا وتنعسهاا ..بدورها محساش بنعمة لي بين ايديهاا وكتقول انها ذنب كتعاقب عليه هي ماشي تاع الامومة وتعيش محبوسة لهاد البنت

دخلات لحانوت وعقلهاا كيقول شلا هضرة او ايمان كدور فلحانوت بان ليها بيمو صغير دارتو فجيبهاا …مشات نورة تخلص حتى قال مول لحانوت: البنية راه دارت شي حاجة فجيبها

نورة(شافت فيها): اش دارت ؟

ايمان: والوو …غي بيموو صغير

نورة(جراتها من ودنها بنتير): جبدي …صافي داكشي لي بقا

ايمان: ماما هءهء بسوية

_بشوية عليها ابنتيي مزال معارفة فهميها بلخااطر

مجاوباتهمش مرضاتش ومتسرطاتش ليهاا خلصات لي عليها وحطات ليه لبيمو وايمان كتجبد عليه بغاتو غادية بلبكا الطريق كلهاا والاخيرة كتحلف عليهاا كلشي غادي كيشوف فيهاا …حدها طلعات لدارهم شداتها بالصندالة قدام الباب كتعطيها لجناابهاا

نورة: نوري لمك تهزي بيموو …بغيتي تولي شفاارة

ايمان: اي اي هءهءهءهءه منعاااودس اماما نونة عفاااك عفااك هءهءهءه ميمة ميمة هءهءهء

نورة: والله ميعتقك مني شي حد السلكوطة ولدتك باش طرطقي فيا الاعصاااب …تفووو تفووو كون قتلتك وقتلت رااسيي ورااك …. بعديي لهيييه بعدييي

دفعاتهاا ومشات كلسات شادة راسهاا ايديها كيترعدو تدخلات نعيمة مخلوعة وشبكة تنشير فايدها لقات ايمان مليوحة فالضس باارد كتبكيي ونورة فالصالون مزيرة على ودنيها

نعيمة: اويلي الشيطان ماالك ابنتيي علاش كتبكيي

ايمان(تخشات فحضنهاا كتبكيي ومزيرة عليها ): هءهءهءهءه بغييت بااا هءهءهء نونة كضلبنييي هءهءه اننن هءهءهء

نعيمة: نوورة واش هبلتيي مالك على البنت

ايمان: ولات تخشي بيمو فجييب البرهووشة حشماتني قدام لي يسوا ولي ميسواش

نعيمة: هء وبنت صغيرة شافت لحلوة …لاش هاد العصاا كاملة ؟ واش نتيي فينماا طلعات ليك تجي تبرديهم فيهاا …نورة هدشي لي كديريي راه منقبلووش لييك …وباك الى جا وقالتها ليه تااني راه غيضبر معااك …نايضة ليها بالصندالة ياك لبااس شفرات باانكة ؟ اول مرة داارتها جرييها وهدري معاهاا الى عاوداتها هدرة خراا …اجي ابنتي اجي هادي حق الله العظيم تهبلت

كلسات فالصالون كتعض فظفارها مغددة من شوفة كريم عاد مزاد زيان وصحاح وتكضر …معلوم مهاز هم ويخرج ويدخل وقت لي بغا …اما هي على قولتهاا بنتها ربطاتهاا وغلطها مرسوم على جبهتهاا تاحد ميخليها دير لي بغات

دخلات نعيمة هازة ايمان فحضنهاا وقالت : نورة مالك غير هازة شوكتك

نورة : عييت امي عييت …واش انا منخرج مندرج محبوسة بين القراية و الدار كلشي كيخرج كلشي كيفوج وانا هناا

نعيمة: نتيي عندك مسؤولية بنتك انورة ماشي ديال راسك

نورة: واحد الرااس كيقولياا نديها لييه مالي على حالتيي الغلط ديالنا بجوج

نعيمة: سكتي من التخربيق … بنتك ميتة علييك ونتيي لايحاها مكتبقاش فييك ! نعلي الشيطان بغيتي تخرجي خرجي مع بنتك

نورة(بدات كتبكي): بغيت نسافر مع كراناتي امي هءهءهءه واش غنبقا بين ربعة الحيووط …رحموني شوية راه بنادم كيغلط

نعيمة: لي يسمعك يقول كنضلو حابسيينك وبااز ابنتيي باااز

نورة: صاحبتي منى دايرة حفلة فالدار وبغيت نمشي نفوج راه قلبي غيطرطق امي

نعيمة: اش دايرة !

نورة: شدات لبيرمي وحنا بيناتنا غير لبنات

نعيمة: وا منعرف لييك تاني

نورة: هاااه شفتيي ديما غنبقاو هكا امي راه دازت علياا الى عاودت غير شربيني السم نبات منصبح

بقات عليها حتى قنعاتها وصلات العشية وناضت لبسات وايمان مقابلة معاهاا ولخرا تلبس وتحط وتيليفون فودنهاا كتهدر بهمس

نورة: الو منى ..صبريي شوية ونجيي ههههه بزز والله …(بهمس )كااين ….حلفي (عضات على فمها )مسولش علياا ! ربيي (بهمس) شوية ونجي

ايمان: نمشي معاك اماماا

نورة(كتقاد ف لعكر ) : لاا

من بعد مدة خرجات مخلية وراها ايمان كتبكي بغات تمشي معاها مشات فوق السداري طلعات كطل على سرجم بعيون مغيمة بالدموع ونونوس فايدها…خرجات ايمان ايدهاا الصغيرة تلتاقط قطرات من شتاا لي كطيح …سدات عينيهاا باش تحلهم وهي طفلة ب 8 سنوات

فنفس لبلاصة عينيها بلون زرقة السماء كيترقبو الطرريق وفيهم حزن وباين فيهم البكاء …داعبوهاا ايدين فشعرها وتقلبات كانت نعيمة بلباس ابيض شادة حق الله وعيون عاد نشفت من دموع

نعيمة: سدي ابنتي غيضربك البرد

سداتو وكلسات فحضنهاا وقالت: بغيت باا

نعيمة(بدموع ): قولي الله ارحموو …

ايمان (بتنخصيص): الله ارحموو

دخلات نورة وهي مرهقة بلبكا لابسة جلابة وزيف فلكحل وكتجر فرجليهاا وكلينيكس فايديهاا

نورة: خلانا كلنا يتامى اميي (تكات على ركبتها )

نعيمة: كاين الله مينساناا ابنتيي …متنسااايش وصيتوو ….بنتك فعينيك انورة

عطاتها لبكاا لا غير كانت دازت اسبوع على وفاتوو سمعو الدقان فلباب ومشات ايمان حلات كتهز عينيهاا فعبد الله مخنزر فيها كيخلعهاا غير شافتو وهربات ورا جداها لصالون

نعيميية: مالك

ايمان(بخوف ): لعسكري

نعيمة(بهمس ): حشوومة خاالك

دخل وتابعاه مرتو شادة فايدها ولد قياس ايمان وطفلة هزاها ب اربع سنين

عبد الله (باس مو و گلس جنبها ): لواليدة شوية

نعيمة: الحمد لله اولدي حامدين الله وشاكرينو

خولة: صبرنا واحد اخالتي …ايمان اجي عندي

شافت ف عبد الله ومشات باستهاا وجاية بغات تبوسو ومد ليها ايدو مقلوبة بغات كتشوف فيهاا وباستهاا …كان مولفها المرحوم تبوس ايدو ولكن كانت كتفرح ملي كيدخل وتجر ايدو تبوسهاا

نطق الولد موجه كلامو ل ايمان: ايمان فاش كتقراي

ايمان (بهلع من خالهاا كتهددر وتقيس ) : التاني ونتا

ياسين: التالت …كتقراي عند معلمة كري

عبد الله(قاطعو) : سكتووناا شوية

صقلوو ونهض فمرتو : نوضي عمري شي براد ديال اتااي وجري معاك هادو

خولة: وخة

عبد الله : ديك خيتي خدمات كتصرف شوية

نعيمة : وعلاش قدات اولدي تهز غير بنتهاا حنى مطامعين فيها

عبد الله: واحد السيد بغاهاا لزواج

نعيمة: شكون هدا كنعرفوه !

عبد: جا عندي لبارح لقهوة …خدام فلبانكة

نعيمة: معاها ولا !

عبد الله : داكشي لي بان ليا …مكالت ليك والو !

نعيمة: وكون عارفة كانت تكولهاا

عبد: تزوج تهني ليا مخي قبل مندير فمها شي مصيبة … راه رجليها مرة مرة كيخرجو لشواري …وبنتهاا تديها معاهاا ولا تعطيها لباهاا مكنحملش نشوف فكمارتهاا

نعيمة: هاديك هي لي متقولش ….هادييك عينيا ومنسخاش بيهاا بغات تديها مها معاها لاتزوجات تديها ويني منعطيهاش لباهاا اولدي مونسااني

عبد الله : انا راه مبقا ليا والوو ونكلس عيت بديك الخدمة انجي نقابل لمحال ديال لوالييد …حتى اميين راه مكمل قرايتو فبراا الله يكمل علييه

نعيمة: داركم اولدي هادي

دازو اياام والعمر بوحدو كيجريي كالسة نورة فبيتهاا شادة الجماعة فالتيليفون مع الشخص لي طلب ايدها من خوهاا ونفسو زميلها فلخدمة

نورة: وشنو قاليك !

حسام : قالياا تلوح لواليدة حق الله وجيي لدار

نورة: اه هكا مزياان

حسام:شنو بان ليك نديرو شي كافي على براا ؟

نورة: صافي نلقاك فلقهوة ديال ديماا

خرجات لصالون لقات ايمان فالزربية كتلعب او نعيمة شادة التسبيح ولابسة لبيض

ايمان: نونة ياك غتجي فلعشية عندي !

نورة(عينيها فتيلفون): علاش شنو كاين

ايمان: عندنا حفلة لعيد الام (بفرحة )وغادي نغني ليك اغنية زويينة

نورة(شافت فيهاا ) : الى ساليت

نعيمة: سيري لمدرسة …ياك مخداماش ليوم

نورة: عندي شي غراض

نعيمة: اشمن غراض !…نورة تبتي ابنتي شوية من داك خيطي بيطي معاه …هدرة وحدة راه دوزناها واش مكتعلميش

نورة: واش متنساو متخلي لي ينساا امي صافي راه فهمناا السيد بغينا نتلاقاو نتفاهموو فالزنقة ماشي فالديور

نعيمة: انا ابنتي راه تهديت معااك وااه شوية تكون فيك المسؤولية وقابلي بنتك وسيري معاها لمدرسة كي لعيالات

نورة: اوى صافي شكون كيجي لديك لمدرسة عمر بانت ليك شي وحدة صغيرة ! مكاين غير لي لاوية عليها جلابة عرض منها ولابسة صابو

نعيمة : منك منهم نتي اش بغيتي بيهم سيري لبنتك وكبري بيهاا

نورة: اوى صافي بنتي بغات تخرج لياا كاورل سماحة …وخة صافيي نقضي غراضي وندوز عندكم

نعيمة: اوى وصليها فطريقك لمدرسة

نورة: نوضي نتي لبسي اووف اوف

ناضت بجري ايمان لبسات شنو جابدة ليهاا نعيمة كسيوة وليبة ودات ليها لمشطة مشطات ليها شعرها و ظفراتو ولبساتها طابلية بيضة بقات واقفة كتسنا ف نورة لي خرجات مريحة ولابسة ارقى مكاين ديك لوقت

نورة: هاني مشيت …خاصك شي حاجة !

نعيمة: مخاصني والوو ديها فراسك ومتعطليش

خرجات وتبعاتها ايمان ركبات فطموبيل اللور لي فالاصل تاع اب نورة وبقات ليها كتحرك بيها حتى قبل ميموت

وصلاتها لمدرسة وخرجات كتجري شيرات ليهاا ايمان بفرحة والاخيرة بادلاتهاا التحية وديمارات مخلية ايمان وراهاا دخلات وكلها امل ان مها غتجي للحفل لي غيدار فلمدرسة لصالح الامهات

واقفة وسط الساحة مع لبنات وبعض المعلمات كيوجهوهم وبعض الامهات فلكراسة مقابلين مع المسرح الصغير لي عاملينو وسط المدرسة للانشطة

_ايمان جات ماماك !

ايمان(كتقلب بعينيها ): مبانتش لياا ونتي

_راااها شادة خوياا شفتيها

ايمان: اه شفتهاا ونتي ايسرى

_اه جات راها واقفة مع معلمتي

حركات راسها كترمش وكتماايل مع لموسيقى لي مطلوقة تماا …لكراسة شوية بشوية بداو كيعمروو …سبقو الدراري ومجموعة من البنات كيديرو مسرحية موراها اغنية جماعية وايمان عينيها على الحضور تماا على الله تبان ليهاا حتى جات المعلمة :ايمان يسرى نوبتكم

طلعو بجوجات هازين لميكرو كدور فعينيها على كل كرسي قبالتها والوو لا حس لا خبر

_ايمان ڤازي هزي لميكروو

هزات لميكرو وزيرات عليه بايديها بجوج

أنتِ الأمان

أنتِ الحنان

من تحت قدميك لنا الجنان

حينما تضحكين …تضحك الحياة

ترهز الحياة في طريقنا

نحس بالاماان

(عينيها كيقلبووو وشفايفها كيرجفوو ودموع على طرف عينيها حتى خرجو كلماتهاا مخلطين بنبرة البكاء ) أمي…أمي أم(حيدات لميكرو من حدا فمها غطات عينيهاا وطلقات لعنان لدموعها البريئة كانت فقط محتاجة دعم الام وهي كتغني الاغنية لقريبة ليهاا وليي كانت كتدرب عليها اسبووع )

من بعدما الامهات وحتى المعلمين كانو مستمتعين بصوتها الطفوليي لي فيه نبرة اشتياق وحنين للام حتى تفاجئوا بنبرة بكاهاا وبعدهاا دموع وبكااء …سارعاات المعلمة للخشبة تعرف شنو كايين

وحدة من الامهات نطقات باسف : مسكينة يكما مهاا ميتة

جاوباتها السيدة لي حداها :هااء معرفتيهاش ! راه بنت نورة هادي

_تي شكون نورة

_ ونورة ليي طاحت مع ولد عزيز …راه بنت كريم هادي

_هااااه وكنقول لمن كتشبه سبحان الله غا باهاا (كدور فجنابها )شت مها مكايناش

_ ومها واحد لخفيفة كطير

كل كيلغي بلغاه تماا ولمعلمة هبطات ايمان والدموع تلاصقو ليها كلساتها على لكرسي كترطب معاها ظنا منها انها تخلعات وصافي

_ صافيي ايمان موقع والو ابنتيي متبكيش تخلعتي ! صوتك زويييين وااو ههه وصافي صافي

كالسة كتنخصص وكتلعب ب لكسوة والتلاميذ لخرين كملو فقرات الامسية من شعر و مسرحيات ومسابقات ورسم الخ

ايمان ودموع كيقطرو من عينيهاا كتهمس بكمالة الاغنية : من عطائك تخجلين

أبداً لم تتململي

يا شمعة دربي

يا بلسم الزمان

أمي

أمي

أمي

نبض قلبي …نبض الحنان

تسالات الحفلة وتفرق كلشي ….. وصل وقت لخرووج وقفات ايمان حانية الرااس حدا باب المدرسة كتسناا جداها تجيبهاا حتى جات المعلمة ديالها

_ايمان ماماك غتجي تديك ؟

ايمان: معرفتش كتجي لميمة

_لمهيم قولي ليهاا غدا تجي عندي بغيت نهدر معاها صافي (داعبات خدها )الشطورة ديالي

مشات وخلاتهاا مراقبة الطريق حتى بدات كتخوا وزعمات لطريق تمشي بوحدهاا كلشي غادي كيلعب فالطريق وهي غادية ساكتة ومطمرة على جرحهاا لي تخلق فقلبها ..خيبة أمل صعيب تبراا وخة تداواا

طاحو عليها نقيطات تاع الشتا وهي كتسنا فالطريق تخوا من الطموبيلات باش تقطع و محنة بلكارطابل لي تقييلة عليهاا

**

فقهوة على الشارع كالس منير وصاحبوو كريم لي سلم عليه سلام حار

منير: طولتي لغيبة السااط عجبك الشمال

كريم: وعجبوني حتى ماليه

منير: صيغ الامر بالمؤنث ههههه

كريم(ضحك): بحالا علمك الله ههههه صافا اش كتعاود

منير: واللهيلا بخير نتاا الخدمة

كريم: ورجال البلاد رجعوني لكازا تاني …عيطو لياا هناا كنت دوزت واحد لكونكور عاد قبلوني

منير: وهنية عليك وشنو درتي فلخدمة لخرا

كريم: صافي ديميسيونيت الاتنين ان شاء الله انبدا

منير: فين خدمتي !

كريم: ف واحد الشركة ***

منير: الله يسر لييك اخااي (لاح عينو لطريق )

كريم: فين مشيتي

منير: شوف شوف

دور راسوو لفين نعت ليه كتبان ليه ايمان غادية فطريق وشتا كتنقط معرفهاش وقال: شكون

منير: وايلي على شكون …وبنتك اصااحبي

شاف فييه كيرمش ورجع شاف ف ايمان وقال: شنو دوزها من هنا

منير: نوض شوف مالها

كريم(بتردد ): لا لا مغتعرفنيش غير خليها اتكون معاها ديك خيتي

منير: ونوض اصااحبيي شوف بنتك

كريم: فف لصقة اصاحبي …هاني جاي

وقف خرج من لقهوة تابع ايمان ومتردد يعيط ليهاا بقا هي تابعهاا وايديه فجيي تجاكيطة حتى شافها بغات تقطع الطريق و واحد الطموبيل قريبة منها جرا بضع خطوات وشدها من دراعها جارها اللور

كريم: بلاتي بلاتي

ايمان(تخلعات ورجعات اللور كتفتف وكتشوف ف كرييم بغرابة ): خلعتيني

كريم: كنتي غتقطعي بلاما تشوفي الطريق …فين ماماك ؟

ايمان: مانعرف …كتعرف ماما ؟

كريم(حك لحيتو و تحنى لمستواها ): اه كنعرفهاا …تبغي نوصلك ؟

ايمان: ولكن انا مكنعرفكش …شكون نتاا

ايمان: شكون نتا ؟

كريم:حم اناا ..انا كريم

ايمان(مركزة فعينيه لي زرقين بحال عينيهاا ): شكون كريم !

كريم(تبسم ليها ): باباك

ايمان: نتا هوا الشماتة

كريم(قرن حجبانو ): كيفاش

ايمان: ماما …كتبقا تقولياا كتشبهي لشماتة تاع بااباك …واش سميتك الشماتة

كريم(دور وجعو كيكدد ف فمو ورجع شاف فيهاا ) : غير ماماك كتبغي ضحك معاك …نوصلك !

ايمان: او فين كنتي

كريم: فطنجة خدام عاد جيت دابا

ايمان: جيتي عندي اتبقا معاياا

كريم (مسح على وجهو كيدعيي فمنير ورجع تبسم ليهاا ): ياله نوصلك …عطيني لكارطابل تقيلة

مداتها ليه وتمشات حداه مرة مرة طلع عينيها فيييه وضحك شدات ليه فايدو بقا مسمر معرف شنو يدير شد على ايدهاا مكمل الطريق

حتى قربو لفين ساكنين وقال : فيك الجوع

ايمان: بغيت غير بيسكوي

كريم: وخة تسناي هنا نمشي لحانوت صافي

حركات راسها باه كتسناه

فهاد الاثناء نورة كانت وقفات بالزربة حدا لمدرسة لقاتها كتصفر وحسام راكب حداها وقال: ملقيتيهاش

نورة: ليوم تقت_لنيي ميي احساام نااري نسيتهاا

حسام: دابا غير بلعقل اتكون مشات غير لداار

نورة: والى مامشاتش

حسام: معندها فين تمشيي دغياا تبعيها

نورة: صافي هبط نتاا غنمشي نشوف مبغيت تاحد يشووفنا

حسام: الله اهديك غير ايام ونخطبك

نورة: وااا لو ا حسام مناقصنيش صداع مع خوياا

حسام: على راحتك باش مكاان علميني

هبط ومشات هي كتفكر لمها كتر مكتفكر لبنتها لي كتوعدها بسلخة عالمية الى لقاتها فالداار ….. تخلط عليها كلشي خافت عليهاا وخايفة من مهاا …غادية وعينيها فالطريق حتى قربات لدورة تاع الداار …هبطات كتقلب هنا وهنا وجنب الجردة حتى بانت ليهاا واقفة ومعاها شي حد عاطيها بالظهر …غادية كتزرب وصوت طالونها تسمع ل ايمان لي هزات عينيها فيهاا

ايمان: ماما جاات

مشات ايمان بجري لعندها شادة بيموو

ايمان: ماما شوفي شكوون ج

قبل متكمل كانت جاتهاا طرشة من نورة قبل متبرد طرشتهاا جراتها من حنكهاا وصاحت فوجهات: علاااش الحماارة تجي بووحدك .

كريم: واش نتي مريضةة فمخك ولا مالك علاش طرشتي لبنت

تصمرات من الصوت لي جاي كيقرب ليها تهزات عينيها دفعات ايمان للجنب شادة حنكهاا كتبكيي

نورة: ونتا اش حرق شطاايطك عاد سخن فيك الد_م معامن تشاورتي تقرب لبنتيي اشمااتة

كريم (دفعهاا من صدرها اللور صاعر علييها ): غتزيدي كلمة وحدة غنشتت لمك وجهك فلرض هاديي بنتيي كيف هي بنتك

نورة(رجعات لييه بطرشة طالقة حلقها فالشارع ): متحطش ايديك علييا عاد بانت لييك بنتك جايب ليها بيموو (نتراتو من ايمان ولاحتو على كريم كضربو بييه )زيدو فييك نعل جد بووك …عاد جااي تشوفها والله لكانت ليييك

كريم(دفعهاا كيتغاوت معاها ) : برهوشة وسلكوطة عمرك تبدليي

نورة: بزاف علييك توصلنييي يكما احساب لييك غنبقا ندمع علييك فالركنة يالخاانز شمااتة

كريم: انا شماتة

نورة(بلغوات ): شمااااتة ومتسواااش

شدها من شعرهاا بغا يشتف عليهاا تدخلو النااس شي كيفك فيه شي كيفك فيهاا تشابكو ليدين منوضينها قدام امة امحمد لي متفرج لعشية توصلو لخباار ….. حتى تمات جاية نعيمة كتجري بلباسها الابيض

جبدوها لتيسااع كتغوت: والله متبقا فيييك شهدووو بغا يخطف لياا بنتييي والله متكون ليك والله تنخرج منك هدشيي لي درتيي البرهووش

ضرباتها مها لفمهاا كتهدد : سكتييي شوهتينااا فزنقةة سكتيي زيدي قدامي

كريم: جري طوالك …حساب ليك خلعتيني …سيري قلبي على شي باطل خر لصقيه فياا …حسابك غتخلعيني والله تنخسرلمك وجهك

نورة: سكت الشماتة اعيفة رجاال طلقيني امااااي طلقينيي

جراتهاا كتنتر ليها كتقلب نعيمة بعينيها على ايمان لقاتها غادية كتجري لدار

الاخيرة بالدموع كتجري لدار خايفة لقات لباب مامسورتش حلاتو ودخلات كتنهج لطواليط وسدات بالصاقطة عليها وكلسات فالارض مكمشة …ماهي غير شوية تلوقت وسمعات غوات نورة لي دخلات جاهلة ونعيمة وراها كاتسد لباب

نورة (كتقلب فلبيوت): فييين لبرهوشة …والله يامك تنقتلك ليييوم …ايماااان

حسات نورة بخبطة بين كتاافهاا مجات تفطن بدقة حتى تبعوها دقات وقريص من نعيمة تطيحاتها لرض كضرب فيها بالصاابوو

نعيمة: نتي لي غنعاود ليك تراابيي نتيي لي خرجتي لياا من جنب اقليلة ترااابيي …متحتاارمي حد مديري بوجه القبر ولا وجه لبيض لي لابسة مشوهاني فلحووومة ااه دويي ليوم والدييك نبرد فيييك لي عمري درتوو فييك

نورة: مييي وا مييي ايي اااااي شعريي ميي واااا مييي واااع

ايمان قفزات على غوات نورة خرجات بجري كتبكيي مشاات كتجر فنعيمة

ايمان: هءهءهءهءه لا اميييي مضربيش ماما عفاااك عفااااك اهءهءهءه مييي مييي

تلاحت ايمان على نورة مطاكية عليهاا معنقاها وقفات نعيمة وصباط فايدها كتنهج

نعيمة:شوووفي شوفييي وتعلمي اقاسحة لقلب اكحلة لكبدة (كتنهج)كون غير مصرفة فييك لقبح او لكره نقول شابهاااني ….فين غاديية فيييين

نورة(كتبكيي او ايمان معنقاهاا ): هءهءء

نعيمة(كلسات مقابلة معاها ): ايمان جيبي ليا ابنتي شريبة عفا بنتي

ايمان(ببراءة) : ومضربيهاش

نعيمة: لااا ابنتي لا عطيتها لي قسم الله

مشات ورادة لبال ترجعليهاا مشات جابت ليها لما وكلسات حدا مها فالزربية

ايمان: انا والله تجيت بووحدي اماما …تسنييتك حتى خوات الدنياا ومجيتيش

نعيمة: علاه مكنتيش معاها فلمدرسة

ايمان(ببراءة ): لااء…كلهم جاو …او ماما مجاتش كنت بغيت نغني لي

نورة(بلغوات تقفزاتها): سكتيييي سكتييي غبري كماارتك علياا نووووضي

قفزات ايمان كتعتر حتى هربات ورا لحييط خلات نعيمة مبهوضة كتشوف واش هاد لبنت هي لي ولداتها

نعيمة: نورة مالك ابنتي فهاد لقسوحية مالك …واش عمري درت معاك هدشي

نورة: هءهءهءه واااا ندمت امييي ندمت هءهءه كون غير مت ومنولدش ااااه هءهء كرهت راااسييي كلشي فلحومة كيشوفو فياا شوفة ناقصة هءهءهء هوا عااايش حياااتوو كيف بغاا وانا ضعت وبقات معاياا حجرة فحياتيي ديما معكلانيي هءهءهء …الراجل لي بغيييت يعرف عندي بنت يبات ميصبح انننن هءهءهءه كنت صغير معارفاااش اميي هءهءه 8 سنين وانا فلويييل حتى من خويااا مبقاش حاملنيي هءهءهء اميييين اميين اميي بسبابيي مشاا لبرا ومبقاش بغا يجيي حيت صحاابوو جبدوني امين اميي لي كنت كنحط عليه الراس

نعيمة: او بنتك اش دنبها كالت ليك سيري معااه او حملي بيااا هااه قاتليك ضحكي على واليديك نورة انا راه مغشيمة مهبيييلة نتي مشيتي معاااه برجلييييك مداك ماا خطفك ماتكرفص علييك او دابااا سكتيي ورضاااي بليي عطاك الله منسمعش حسك …وهاد الشوهة لي درتي فالزنقة طلبي الله تخرج ليك سالمة مع خوووك لي حاط ودنييه فلقناات معاك ملي درتيها قد راسك

على ذكر عبد الله بدا تيليفون نعيمة كيصوني وقالت: هاا لي قلتت هاهي وصلاتوو

نعيمة: الو ولدي

صوتو خارج من التيليفون مكشكش : شوفي امييي مبغايش نخرج معاك لعيييب …لبرهوشة تاع بنتك اتعييط لداك خيناا يجيو يضربو لعقد ويهزها من تمااا حيت برب وجيييت وشفتهاا مزال كدور تما ان_حر جد مهاا ونمشي لحبس

نعيمة: نعل اولدي الشيطان

عبد الله: الشيطان هوا بنتك الشيطان هوا لبرهووشة لي نقصاتها تربيية ولحكااام داكشي لي كان نااقص برب متبقاا فيهاا اميي

ناضت نورة مغيدة نترات ليها تيليفون وقالت : أنا فدااار باااا معززة مكرمة ونهار غنبغي نتزوج غنمشيي بالشاااان ولمرشااان و الدقااايقيية فالزنقة

عبد الله : تحل ليك لفم اه وليتي تعلي عليا صوتك

نورة(مخرجة عينيها ومها شدات راسهاا ): اااااه مبقيييتش صغييرة قاااادة براااسيي ماشي نتا لي تقوليااا جمعي شطايطك الى كتسال شي حاجة نقسموووهااا وانا و الله منخرج من هنا تنخرج بعزيييي

عبد الله: العز الشاااايطة مكتعرفيييش ليييه

نورة(بلغوات): بزاااف علييييك حتى تكون كتعرف ليييه انا ماشيي خولة نهبط ليييك الراااس فداااار باااا والى مات بااا بااااقة مييي

طيرات ليها التيليفون من ودنها كتسمع عبدالله كيسب من السمطة لتحت مقداتش تجاوبو وقطعاات وقالت: صاافي شرݣتو بوها ديك لورقة ياااك هااه نهار نمووت واحد ميشوف لااخر

نورة: راك شفتيه امي كيف كيدير ليا ءهءهء بزاف عليه نكون شايطة بااااا باااا عمرو قالياا كلمه خايبة هءهءه وهواا كيهزني بالسلكوطة ويحطنيي بلك_لبة الى سميتو رااااجل يحط عليهاا يدييه والله تنوصلوو لحبس مبقات خاوة اميي …

صدماتها كلساات شادة حنكهاا وكتهمس: كون ديتيني معاك اسييدي محمد ومنشووفش هاد النهااار

ايمان كطل بعويناتها وكتسجل اشنو تقال فمخيلتهاا البريئة نورة هزات تيليفونها كتمسح فعينيهاا

نورة: جاي بلا حشمة بلا حيا شرا ليها بيمو تاع درهم هههه هوا لي كبرهاا هااه خير بااا باش كبراات والله تنخرجهم منو درهم بدرهم

نعيمة: راك كبرتي ضبري لراسك …نهار تقولي لياا نعطيها لباها نسخط عليك دنياا واخرة

نورة: غير اجي وديهاا غير بلاااتي (تيليفون فودنها)الو فاتي صافاا

فاتي: بخير ونتيي …اش وقع اصااحبتي عرفتي لهدرة دارت بااق فلحومة

نورة: مزيان لي وصلاتك لهدرة محتاجاك

نورة: فاااش الصاحيبة

نورة: بغيت نرفع دعوة تاع النفقة على داك شماتة تاع كريم

فاتي : شحال دابا باش عمرو صرف عليها

نورة: عمرو صرف عليها الساانتييم (مغيدة)وجاي يراضيها ب بيمو

فاتي: وهانتي لييك خاصو غير يكون فشي خدمة مستقرة

نورة: خدم ف *** غيكون كيتخلص شي مليون والصرف

فاتي: عرفتي اش غديري …دوزي لبيرو نهار التنين …نقادو لبلاان

نورة: شحال تقريباا ديال الوقت !! تابعني لعرس بغيت نطرطق لمو لقلب ملي يحطهم كيترعدو حداياا يكما يشد عليهم لحبس ويتهنا

فاتي : غيخلصهاا درهم بدرهم غير يكون فيك شوية تصبر

قطعات معاها وحطات تيليفون ونطقات نعيمة : امتا دوك الناس يجيو

نورة: نساليي هدشيي عاد يبان ليا اش ندير

نعيمة: ضبري لراسك انا مشيت نتكاا

مشات لبيتهاا ونورة بقات كالسة فالصالون كتخمم حتى بانت ليها ايمان كطل وقالت: اجي نتي هنا

ايمان(كادور فعويناتها بخوف): اضربيني

نورة: لا غير اجي

جات وخايفة منها وقفات قدامهاا وقالت: اش عاود لييك داك خيناا

ايمان: والو قالياا غير كنت مسافر عاد جيت

نورة: سمعيني…هاد لمرة لشفتيه متسلميش عليه

ايمان: علااش

نورة: حيت ملي كنتي صغيرة مبغاااكش وهرب وخلاك باقة فكرشي

ايمان: بصح اماما

نورة: بصح هو راه مكيحملكش هوا ماشي باباك سمعتي

ايمان(حركات راسها باه): معلمتي قالت ليا بغات تشوفك

نورة: توحشاتني اش بغات

ايمان: معرفتش

نورة: حتى لشي مرة ونمشي مامساليااش فلخدمة …سيري لبييت

ومضت الاياام كان كريم فبيتو فدار وليديه حتى دقات علييه ختوو الصغيرة اخر العنقود لي فعمرها 13 لسنة وقالت: كريم شي حد كيسول عليك

كريم: شكون !

اسية: قالياا نقوليك عون قضائي

وقف كريم متفاجئ وخرج لبراا استالم لبرا وسناا ودخل لدار كيقراها توقفاتو مو :اش داكشي

كريم: رفعات علياا دعوة تاع مصروف لبنت منهار تزادت

مليكة: اويلي او شحال غاتجيك

كريم: وا راه لملايين اميي (خبط فلحيط) ففف

مليكة: اش داك تشوفها نتا كااع ا شداااك لييها جبدتي على راسك نحل

كريم: انا عرفتها غديرهاا

مليكة: دابا اش غدير …شوف كلشي تالحبس اولدي انا مزاااوكة …دهبيي نعطييه لييك …سيري يا بنت نعييمة بغيت لييك تكديييمة بغيت ليييك تجرجير لكلاب كي مجرجة ولدي فلمحاكييم

دازت اشهر ودخل الصيف شدات ايمان العطلة وكالسة قدام جداها كتمشط ليهاا شعرهاا

ايمان: لميمة امتا ايجي ياسين او اسراء

نعيمة: العيد لكبير ابنتيي غيجيو

ايمان: او حبيبي امين

نعيمة: امين ابنتي راه كيقراا نهار يكتاب غيجي

ابمان: دابا حبيبي غيولي طبيب يااك

نعيمة: اييييه هههه ان شاء الله

ايمان: حتى انا انولي طبيبة تاع لعينين

نعيمة: ههههه دوزي ليا ابنتي

ايمان: ندوز ليك الميمة فابور

نعيمة(ضحكات): يرضي عليك الحبيبة (تنهدات كدوز على شعرها الذهبي )الله يفتح عليك بيبان الخير فوجهك ابنتي ويسݣم سعدك ويلاقيك مع ناس الحلال قولي اميين

ايمان: هههه امييين

تحل لباب بالساروت ودخلات نورة نااشطة كتهدر فالتيليفون من لحوار باين مع فاتي المحامية لي تكلفات ليها بالقضية

نورة: شفتييه كي ولا صفر كيخلع هههههه

فاتي: حس بالشمتة هنية علييك

نورة: تساليني زردة هههه

نعيمة: ياك لبااس

نورة(كلسات كضحك): صافي وجدي قفيطناتك بنتك غدير عرس مطرطق

نعيمة: اش دخل هدشي ف فاطمة الزهراء

نورة: هء نسيت ….اوى المحكة حكمات لياا ب 6 المليون تجمعات على والدييه ف تمن سنين حتى غيحطها الزرقة على ختهاا او كل شهر ايبدا يحط ليها 500 درهم عرفتي يامي تشوفييه كي لك_لب بقا شوية ويبوس ليا رجليي نقص ليييه ولكن والله ريال لسمحت ليه فييه

نعيمة: اوى فلوس بنتك خبيهم ليها لدواير الزمان ولقرايتها من حقها هادوك

نورة: من حقهاا ! شكون كيصرف عليها هاد الايام مالي قاتلاها بجووع …هادوك تعويض لياا ول تمن سنين لي دا من حياتي وقلييييلة باقي …العرس لمخير اميي غنطرطق لييه ريتو بيييه بفلوسو باش غنتزوج …مزال العافية مبردات

نعيمة: وناسك امتا غيجيو

نورة: نتي وجدي راسك هاد ليامات غيجيو وحتى لعرس غندوزو هاد ليامات ملي غيخرج ليا لكونجي حسام مبقاليه صبر شفتي امي لي باغييني وخة مجرجرااه معاياا شهور هادي ! وداك خينا معفر على النعمة …خليه يجمعهم لجددو ويعطيهم ليا باردين…ولا عرفتي اش غنديير فلوسو ناخد بيهم الذهب

نعيمة: ديري لي عجبك

نورة(كتفكر): ولا اش بان ليك امي نمشي لشهر لعسل لشي دولة واللهيلا حتى هدا بلان …المهيم نفكر …ايمان جيبي ليا لماا ولا عرفتي شنوو (هزات من صاكهاا 100 درهم عطاتها ليها )هاكي سيري خودي اش بغيتي

ايمان: بصح ديالي

نورة: اه خسري نصها وخبي نصهاا وقولي نونة مكتهلاش فييك ياله سيري جيبي ليا لماا

كالس كريم مع صاحبو فلقهوة وطفاية حداه مشاارجية كاروو

منير: دابا لاش كتحرق فريتك لي عطا الله عطاه …ونتا من اللول اصاحبي كنتي تصرف على بنتك

كريم: مها كفرااتنيي على كلشيي …كملاتها داباا دات 6لملييون بااطلاا ! فاللخر تمشي ضربهم هي وداك ميخي لي لاصق فيهاا

منير: اوديي كون تزوجتي بيهاا كنتي غتهني رااسك من هدشيي كلوو اصاحبي والله لمعقول يتقال هي كانت كتموت علييك نتا ليي منعرف مالك …وحتى دابا صافي لي عطاالله عطااه هاديك راه بنتك اكرييم اخوياا دير لي علييك معاها المحكمة حكمات باش تشوفها جوج مرات فسيمانة

كريم: مسالي ل لبز اصاحبي معنديش لكانة ليها داباا

******

فوسط الليل متكية ايمان على جداها فالصالون كانت كتفرج تداتهاا عينهاا فاقت على نداء نورة لمها

نعيمة: ابشوية بنتك نعساات

نورة: مزياان نيت بغيت نهدر معااك

بقات ايمان مغمضة عينيها وعاطيا لنورة بالظهر

نعيمة: فااش تاني

نورة: حسام غدا غييجيو بليل

نعيمة : مرحباا ابنتيي كون غير عيطيي لخووك ديري غير الصوااب

نورة: معندي مندير بيه اميي داباا هوا غير مقندش

نعيمة: ولواه

نورة: مي راه غير تعارف وهوا عارف خوياا كاين فالداخلة نهدرو بيناتنا ديك الساع عييطي ليه يجيي لعرس باش نييت نفقص ليه ريتوو

نعيمة: منين رضعتو هاد كحولية لقلب باااز

نورة: ودابا خلينا فلمهيم (بتردد )ميي نقوليك شي حاجة وبلا متخااصميي

نعيمة: وتي دوي

نورة(شافت ف ايمان): نعسات !

نعيمة: نعساات ودوي

نورة(بتردد كتحك فعنقهاا ): ميي عائلة حسام حم …مبغيتهمش يعرفو عندي بنت

نعيمة(بقات مدة ساكتة كتستوعب اش تقال): كيدرتي ليها

نورة: ميي راه تريكتو فشكل ولعرفو عندي بنت وعرفو داكشي لقديم غيعكسوو لينا هاد الزواج …هوا عارف ايمان بنتي ولكن مصر باش دارهم ميعرفو والو

نعيمة: اوى اش غتقولي لييهم

نورة: نقوليهم ختي (كدور فعينيها)شحال من وحدة كبرات عاد ولدات

نعيمة: نورة واش باغة طلعي لياا السكرر قوليها نيشان واش باغة تنكري بنتتك ولي مراضيش بيها معندك مديري بيييه

نورة: راه انا ومرااضيااش امي …شنو نقوليه كنت مصاحبة او ولدتهاا ! مي عفاااك راه مغيتبدل والوو غير هوما ميعرفووش اش فيهاا واش بغيتي تسكتي لجيران فامهم ولا لا

بقات نعيمة ساكتة ملقات باقي متقول زنزنات حدا راسها كي الدباانة ونااضت لبييت مجمعة مع حسام مخلية قلب طفله بريئة تهرس

بقا فيها لحال ومقدراتش تخبيي دموعهاا وديك الشهقة لي خلات نعيمة تنهد وتقول : الله اهدييهاا ياربيي

ايمان: ميي واش ماما مكتبغينيش هءهءه علاش شنو درت ليها هءهءهء مغتدينيش معاهاا

نعيمة(حاولات ترطب الاوضاع): وشكون يبقا معاياا الكبيدة ديالي ويونسنيي ونتحتت معاه وانا مكتبغينيش

ايمان: هءهء انا كنبغييك امي

نعيمة(تنهدات): نوضي ابنتي نعسوو ونعاود ليك حجاية تعجبك …ياله نوضي مديش على لهبيلة تاع ماماك

حسام : هدرتي مع مك شنو قالت

نورة: هدارت معاها و فهمتها …معاش غتجيو غدا

حسام: مورا لعشا نكونو عندك …وديري فبالك مغنطولوش دغيا نزربو على لعرس

نورة : صافيي احبيبي معندنا لاش نتسناو مزال (بفرحة )اوى سير نعس غدا ونتلقاو بونوي كبيدة

حسام:بونوي الحب

**

في اليووم التاالي

كالسة ايمان مربعة فوق سرير مقابلة مع نورة قدام لمراية بقفطاان وصاحبتها كتوضع ليهاا اخر لمسات لمكيااج

فاتي ؛ دابا شنو درتيي على وديت بنتك !

نورة: مسحي لكحل جا معيق فهاد لعيين ….مدرت والوو غتبقا مع مي مونساهاا

فاتي: ديها لباها يهز تهوا شوية المسؤولية

نورة: ماتبغيش ميي وزايدون صافي كبرات معاناا تبقا معاناا معندها فين تمشيي

فاتي: لوليدات صعاااب هاد لوقت خاصو يعاونك فيها

نورة: اوى الى مبغاش المخزن مقال عيب …يعطيني نفقتهاا ويضبر لمخوو

فاتي :ايصاوب الله

حلات نعيمة لباب بقفيطين بيتي او طابلية مدوراها على خصرهاا : نورة ها الناس لتحت …كون خليتي غير حتى جا خوك مالك فهاد الزربة ابنتي …نضايفو الناس غير حناا

وقفات كتقاد فلقفطان : الى كان غير هداك لهلا يحضرو كااع خليه تيجي بحالو بحال لمعروضين …ضيافي نستقبلهم راسي بااا لي يديو عليه الله ارحمو

نعيمة: ففف زيدي زيدي كلشي عندك جوابوو

خرجات مخليا وراها ايمان وشافت ف فاتي وقالت: طاطا تصايبي ليا مكيااج

فاتي: نوضيي اجي

ضحكاات بلفرحة وناضت كلسات فلكرسي وقالت: طاطا تصايبي لياا سبولة …ميمة مكتعرفش ليهاا

فاتي: ارا نوشف لبقيت عاقلة عليهاا

سرحات ليهاا شعرهاا قوي ومزيج من البني وخصلات شهبيين سرحاتو بلمشطة وبدات كتقسم فييه والهدرة على برا تاع الترحيب خدامة

سلات ليها الظفرة دارت ليها بانضة لتحت ودارت ليها شوية تاع لعكر وناضت فرحانة عاجبها راسهاا لابسة كسيوة بيضة سميطات قصيرة وحنيكاتها كضحك وكيتهزو حمريين …حلات لباب مشات لكوزينة فيها الجوع ملقاتش لي يعطيها مشات لناحية الصالون لي فيه لهدرة مخلطة …بدات كطل بعويناتها من جنب لحيط وكتعيط بهمس لنعيمة الاخيرة غارقة فلهدرة منتابهوش ليهاا

هزات ام حسام راسها وايمان تخبات شوية وقالت: شكون ديك لفارة لي كطل

كاع شافو جيهتهاا وكملات كلامها: اجي سلميي تباارك الله ماشاء الله

نورة شافت ف حسام لي خرج فيها عينيه وبقا شي كيشوف فشي ونورة كتقرص فنعيمة في حين ايمان تقدات بحشمة شادة فكسوتهاا جيهة المرا لي كانت مزال فالربعينات دايرة كوب قصيرة لابسة جلابة ولايحة الشال على كتفهاا وحداها راجلهاا بلباس بلديي

سلمات عليهم ومشات عند نعيمة كلسات عندها

نقزات نورة بجرأة مفكراتش وقالت: هادي ختي الصغيرة

هزات ايمان عينيها فنورة كترمش بقات ساكتة

ام حسام قالت: مااا شاء الله هيا كتشبه ليك ولكن زعيعرة

ايمان بدون مقدمات: كنشبه لبابا

نطقات الاخيرة باسف وقالت: مسيكين الله ارحمو

ايمان: بابا مزال ممااتش

شي كيشوف فشيي حتى نطقات نورة بتوتر

نورة:ااه مسيكينة مبغاتش تسرط ليها باا الله ارحموو كل مرة كتقوليناا لاا غيجيي من لحج (تنهدات)الله ارحموو

الكل :الله ارحموو

بدات كتخرج عينيها ف نعيمة حتى

ناضت شادة فايد ايمان داتها لبييت عند فاتي وقالت

نعيمة :كلسي هنا ابنتيي

إيمان : فيا الجوع

نعيمة: انا غنحط لييك شوية مدخليش عند الضياف حشوومة

ايمان(بطاعة): وخة

گلسات على السرير او فاتي مجمعة فالتليفون او لي فصالون راهم كيداكروو او كيتفاهموو على العرس والصداق الى آخره

نطق اب حسام وقال: نقراو الفاتحة

حسام: بسم الله

كلهم هزو كفوفهم كيقرااوهاا بخفوت حتى سالا

تعشااو وتفرق المجمع دخلات نورة لبيت لقات ايمان ناعسة كتشخر قادات ليها لمخدة على راسها ومشات كتحيد فالسمطة

فاتي : شحال عطاك فالصداق !

نورة(بفرحة) : مليون ونص وشرتلة تاع دهب

فاتي: طلع ليك جوكير دقة وحدة هههههه

نورة(كضحك ) : مالك راه مرفحييين ونسيتي هوا راه نائب مدير البنك اخطااي

فاتي: ياختي ديك لعيبة عند باه واعرة

نورة: باه راه كان فلبرلمان

فاتي: من حݣلك نكرتيهاا

نورة: قالياا عائلتهم عندهم لعزري مياخدش مطلقة عااد انا عندي بنت عمري نحلم بيه …دجاجة وجابها ليا الله كيبغييني ويموت علياا مرفح ونتمتع براسيي ونسافر كي النااس من ديك الموصيبة وليت كنخرج بلحساب وندخل بلحسااب

فاتي (تاوبات): نخلييك انا نمشي فحاليي

نورة: غدا مع العصر نمشييو لدهايبية انا وحسام ياخد السرتلة او لخاتم موراهاا نتلاقااو نتقدا شي حاجة لياا

فاتي: صافي وخة

غسلات وجهها وتكات فبلاصتهاا فرحانة مبطا عليها امتا يوصل لعصر باش تمشيي تفقص وطرطق لمرارة لعائلة كريم لي كان دهايبي وخوه تاهوا فلحرفة

مع وقيت العصر لبسات احسن معندها طلقاات الشعر وصبغات الظفار…. خرجات فين كيتسناها حسام بسيارتو لي جايبة العيين

حسام: هدرتي مع خوك امتا جاي

نورة: هدرات معاه مي السيمانة لماجية

حسام: انا خايف من هاد لعرس تخرج شي كلمة لشي حد ونصدقو عديان مع دارنا

نورة: نتا عارف باغة العرس وزايدون مغيكونش لبراااني غير تهناا

حسام: ومانعرف…ودابا فيين

نورة: سير القصاارية

فعلا وقفوو فلباركينك وتمشاو ايد فايد وهي غادية متقصدة لمحال لي مكانش عامر بزااف

حسام: هدشي عندو قدييم ا نورة

نورة: غير نشوفو مالك

دخلو لمحال كيشوفو فالذهب وعينيها كيقلبو بان ليها غير لي كيبييع وقالت بميوعة: شي شكيلات تاع لماغيااج

جبد ليها لكطالوك تاع لخواتم تجرب هدا وتحط هدا وشرتلة كدالك كتقيس وتحط حتى بان ليهاا خو كرييم وقف جنب السيد لي كيبيع ليهم شافت فيه بميووعة

حسام: شنو قلتيي عجبك

نورة: ممم نن حبيبة بان لياا هدا موديل قدييم بغيت شي حاجة عصرية

_كاين هاد لموديل اختي

نورة: تء لا لا معجبنيش حتى هوا

حطاتههم وقالت: نشوفو فبلاصة اخرا

حسام: صافي وخة

خلاهم اخ كريم تخرجو وقال: تلبسي الشووك

_كتعرفهاا وعرفتي شحال جبدات وتحاجة مختارتهاا شوف شوف مشاات عند لمختاار افؤاد

فؤاد (طل براسو بانت ليه دخلات لمحال لي مقابل معاه ): اباا كريم فلوسك كيتصرفوو دهوبات على لكل_بة

بعد دقاائق خارجة فرحانة من لمحال و هازة فايدها بمعنى تقديييت بقى كيتكال من لدااخل مشا عند لمختار دخل عندو لقاه كيحسب لفلوس وقال: شي بيعة صحيحة

المختار: الناس لي عندهم لفلوس كي روز مكيتحاسبوش ههههه حطات 3 المليون وخرجات بسرتلة و خاتم و حلقات و الزوينة قاتليك مزال غنرجع نتقدا شي حاجة عجباتها السلعة

فؤااد: اييييه زيدك هادي

وفعلا مامشات حتى تقدات مع فاتي دهب اخور كورميط وسنسلة وحلقات صغاار

فاتي: كيوووت هادوو

نورة: ل ايمان

فاتي: فنين

نورة : شوفي هدا …يجي لمي !

فاتي: رااقي اصاحبتي هاد لخويتم وبراكة من دهب شري لحوايج

مخرجات تحطات نص لفلوس غير دهب ومشات لدار كدندن كي درية صغيرة ندات على ايمان لي جات كتجري وقالت: شوفي لكادووو زوين

ايمان(بفرحة): زوييييين ههههه شكرا

حيدات ليها طوانك النقرة وركبات ليها ديال الدهب صغار

عنقاتها ايمان بفرحة وقالت: شكراا بزاااف

نعيمة: اوى هكا نبغيك تهلاي فبنتك وحني فيها

نورة: وتانتي منسيتكش (عطاتها لبواطة )شوفي ليا الجديد

حلاتو وهزات لخاتم دارتو فصبعهاا وتبسمات :الله ارضي علييك

نورة: انا مفكراك كييت لييي عمرو جاب ليك حتى ملحفة من الداخلة

نعيمة: وكل وجهدو ابنتي

نورة: مي بداي تعرضي ومتنسايش لي قلت لييك

***

دازو الاياام عقدات نورة عقدها بحضور اولياء امورهم ومنهم عبد الله لي مكيتحاملوش ولكن صوااب وبغاها تشد دارها من هدرت الناس عليه اما هي اخر همو فقلبوو مكاينش الحنانة طالع قااسح وقلبو حجر

تقام عرس مشترك فقاعة كبيرة حضرو ليه الاقربااء وكان الدور ديال فاتي فهاد لعرس هوا تلوح التصاور لمنير لي من عائلتهاا وهوا بلا عكز كيوريهم ل كريم

بالنسبة لنورة هدا انتقام ليه كتر من عرس بالنسبة ليهاا باغة تبين لييه بليي موقفاتش عندوو

كدوز ايمان من وسط القااعة تابعة نعيمة، اكتر المعروضين عمرها شافتهم اما نعيمة راه خوتاتها وخوتهاا موصياهم ميهدرو ميتكلموو وايمان بنت نعيمة ماشي نورة كلشي سكت حيت كل واحد كتقولها ليه كتقوليه راه غير نتا لي عالماك الى خرجات لهدرة راه غير نتا مولاها وعارفين عبد الله قبح منو غير ابلييس كلشي طمر وسكت

ايمان لقات نعيمة مشغولة وهيا داخلة وسط بنادم كتنقز مع لبنات فقياسهاا تجرها عبد الله بقرصة من دراعهاا وقال: ريحي اللرض من التنقااز سيري تكلسي

حركات راسهاا ومشاات بعدات كتقلب جراتها الجردة لي كاينة لتحت بان ليها لابيسيين وقالت:واااوو

كانت سانية فيها ضو الكمرة كيبان كيبري شوية وسط ظلام خفيف حيت اضواء القاعة واصلين تماا ….بان ليها عبد الله دخل لجردة كيشوف فجناابو حتى دخل من ورا واحد لبييت تما تبعاتوو كتسلت بلفضول لي فيهاا دازت من حدا لابيسين وغادية ولات كتسمع توشويش…طلات بعويناتهاا من جانب الحيط كيبان ليها عبد الله كيتبادل القبل السااخنة مع بنت ….خرجوو عينيهاا خصوصا ملي سمعاات صوت البنت…رجعات باللور حتى طلقات رجليهاا كتجري فجناب لابيسيين حتى تعكلت وزلقت على لحاافة وطاحت فلماا بكسوتها لمنفووخة جراتهاا لتحت تقلبات تحت لماا عاد طلعات وجهها كتشهق ولكسوة تقالت بلما كتجرها لتحت ولخلعة

كانو هوما سمعو خطوات وبقاو سامريين فالظلمة تسمعوو غواتهاا وطل برااسوو حتى بانت لييه كتغرق

ايمان: هقق كحح خاااا(كدخل تحت لما بكترة الحركة ورجع طلع وجهها بزز كتشوفييه واقف كيشوف

بغا يمشيي لعندها و جراتو لبنت :عنداك تكون شاافتنا

عبد الله: سيري نتيي غبريي وماتعيقييش

_شنو غديير

عبد: صافي سيري من اللور…انا غنتبعك

ايمان(كتعيط ليه): خااال كح كح مييي عت …عتق ….ونيي

وقف كيشووف بغا يرجع اللور وكيزير على ايدوو حتى بغا يغبر وبان لييه شي حد جايي كيجريي متسنااش حتى تلاح بحوايجوو عليها فهاد الاتنااء قرب جيهتهم بخوف مصطنع

هزها الشااب بين ايدوو كتشهق مدها لعبد الله لي وصل حدااه ومد ليه ايدوو

قرب لولد ودار صبعوو فمهاا تردااات لماا كتير من نيوفها وحلقهاا وعبد الله كيمسح لحيتو بتوتر من الوضع

عبد الله: ايماان شوية

_واش بنتك !

هز عبد الله عينو ف الشاب لي باينة من اهل العريس وقال : ختيي…حم “شاف فيها” اش خرجك نتي فالظلام …. “هز عينو فالدري لي باقي تما” شكرا اخاي وصلتي قبل منيي انا نيت كنت كنكمي لهيه تسمعت لغوات جيت كنجري

ايمان: كح كح بغييت مييي هءهءهء

عبد الله: اجي ندييك اجي …شكرا مرة خرا اشريف

_هانية واجب هدا

شدها من ايدهاا كتقطر بلماا وهوا سابقها بخطوات كيمسح على لحيتوو وكيدور يشوف فيها كايقرا عينيهاا

عبد الله: اش مشيتي ديري تماا

سكتات او وقف فطريق بنظرة شر: كنتي تابعاني

ايمان (بخوف منوو و شوفتو وهوا واقف كيشوفها كتغرق باقة بين عينيها ): لا كنت كنجري حدا لماا وزلقت ماشفتكش انا كااع

عبد الله(نترها): زيدي لعند مك

جرها لبيت تاع لعرووسة دخلها كتقطر كلسات فوق لكرسيي كترمش وكتفكر شنو شافت…حتى دخلات خولة او نعيمة مخلوعيين كيقلبو فيهاا وكتبدل ليها وهي سااكتة حتى دخلات لبنت لي كانت مع عبد الله كتفتف وقالت: خ خالتي كيعيطوو لييك ….مال ايمان

خولة: طاحت فلابيسين

نعيمة: جميلة عنداك ابنتيي بنتك شوفي فين كتلعب ماقادين على صداع مع راجلك

جميلة: وخة اخالتي

شافت فيهاا ايمان كترمش ولخراا هبطات راسها وخرجات باقة كترعد من قبيلة دازت من حدا عبد الله وهزات بنتها ذو 8 سنوات ودخلات لقاعة

نعيمة: ياله كلسي حدا جميلة وخولة غيحطو لعشاا

حركات راسها بلاا وقالت: لااا فيا نعااس مبغيتش نمشي كح كح

لزمات الصمت فوق السداري ولجوق خدام على براا كدور فعينيها وترمش ومرة مرة تعض على فمهاا

داز ما تبقا من العرس على خير وايمان ناعسة فلبييت حتى تسالاا او العروسة شدات الطريق مع راجلها يدوزو لكونجي ديالهم وكل قصد دارو من غير القريب لي بات عند نعيمة دخلات هازة ايمان حطاتها فبلاصتهاا وكلشي ترمى فلبييت منشورين من العياا

حلات عينيها على شمس سخونة داخلة من السرجم كلسات فبلاصتها كدور عينيها على البييت لبيت عامر خولة او ولادها حدا ايمان اسراء وياسين وخت نعيمة وحداها بنت بدات كتخطا فيهم تشافت جميلة ناعسة منشورة حدا مها او بنتها وخرجات كتجري من البيت لقات كلشي نااعس كتقلب بعينيها على نورة مبانتش ومشات لبيت نعييمة كتعيط ليها بهمس باش ميفيقوش لعيالات تماا

ايمان: مييي مي وا ميي

نعيمة: ممم

ايمان: واااميي

نعيمة(ناضت مخلوعة): ها ها مالك مالك

ايمان: ناري ديما كتخلعي

نعيمة: مالك ا ايمان خلعتيني

ايمان(بهمس) : فين ماما واش باقة فلعرس

نعيمة: ماماك مشات مع راجلهاا

ايمان: وعلاش مداتنييش

نعيمة: كنتي ناعسة ابنتي مرة خرا

ايمان: امتا غتجي

نعيمة: قريب تجي مغتعطلش ياله سيري كملي نعااسك

مشات كتسلت هزات كرسي ومشات لبلاكار تاع

لكوزينة حلاتو وتعلقات كتقلب حتى لقات درهم وهبطات لبسات صندالة و نزلات مع الدروج كتجمع شعرهاا مشات لأقرب حانوت خدات طونيك ومشات لجردة لي وسط الاقامة مقابلة مع شرجم تاع الدار كتشوف وتاكل وتلعب برجليها ومرة مرة تهز سميطة تاع سوفيطمة لي لابسة كترمش بعينيها حتى بان ليهاا كريم داخل من لباب تاع لعمارة وشاد فايدو ايد ختو اسية …دغيا بانت ابتساامتهاا وندات بصوت مسمووع :باباااا باباااا

تلفتات اسية لصوت وقالت: كريم هاديك ايمان !

سمعها وميك مكمل على طريقو وقال: مباغي صداع هاد الساعة

اسية: مها راه تزوجات لباارح …تسنا نشوفها عفاااك

وقفاتتو بزز ودار لاتجاه الصوت لي كيقرب ليه وكينادي ب بااابا مع دار مع حس بيها زيرات على رجليه وحطات راصها على اسفل كرشو تما فين وصلات

شاف تعياا وتحنا باسهاا وداعب راسها وقال :لباس

ايمان(بفرحة ): لباااس ….توحشتك علاش مكتجيش عندي

كريم : حم غير مع لخدمة…نجحتي

ايمان(بفرحة): اااه وجيت انا اللولة وعطاوني قصة او شكلاط

كريم: مزيااان

ايمان: شكون هادي !

اسية: انا خت باباك عمتك ههه

ايمان: ياااه عندي عميتوو هههه

عنقاتهاا وقالت: فاش كتقراي

اسية: فالساابعة ودابا غندوز لتامنة

ايمان: عطاوك الشكلاط

اسية: ههه لا

كريم: ياله سيري ا ايمان حيدي من الشمش خاصني نمشي لخدمة

ايمان: وخة ولكن جي عندي عفااك

كريم: صافي دابا نجي

مشاا وبقات مراقباه معنق ختو حتى دخل وسط لعمارات قبالتها وقلبات الطريق لدار مع بغات طلع فالدروج سمعات خالها هابط كيهدر فالتليفون ضرباتها بجرية لتحت الدروج بلاصة مظلمة فين كيحطو الساكنة لپيكالات وضربات الطم حتى حسات بيه خرج وسد وراه لباب عاد طلعات كتجري لدار

لقات كلشي فاق شي كيطوي لفراش شي داخل لدوش شي فلكوزينة كيوجدو لفطور كلسات فالطبلة مقابلة مع نعيمة و ختها و خولة كيصايبو لفطور وقالت: ميمة فيا الجوع

نعيمة: وخة ابنتي وخة

دخلات جميلة وكلسات بنتها حدا ايمان الاخيرة قالت: نلعبوو !

هزات ايمان كتافها وقالت : لاااء …طاطا فين ياسيين

خولة: فسطح

ناضت كتنقز مشات لسطح لقاتو هوا واسراء كيلعبو تحت الدالية لي دايرة الظل مفرشين زربية وحاط اللعاب كيلعب كلسات حداهم كتلعب معاهم تنطق: ايمان غتمشي عند ماماك

إيمان(كتجر فطموبيل ): عنن لااا غنبقا مع لميمة

ياسين: حتى حنى غنبقااو

ايمان(بصدمة): حتى خااليي

ياسين: لااا غير انا وماما واسرااء

ايمان(صفقات ): يسسسس هههه غنبقاو ديما نلعبوو

ياسين: عروسة وعريس واسراء بنتناا

اسراء(صفقات): ااااه هههه

سمعو حس لقاو بنت جميلة طلعات وكلسات حداهم كيلعبوو شوية جرات الطموبيل لي كتلعب بيها ايمان الاخيرة بغات تنترها ليها من ايدهاا ولخرا زيرات عليهاا

ايمان: وطلقي راه ديالييي طلقيي

مريم : وعطيني لعب بيهاا ماشي ديالك تاع ياسيين

ياسين: وعطيها ديالهاا ماشي ديالييي

عطيني نعطييك حتى مريم هزات لعبة خرا وضربات بيها ايمان لجبهتها تغوتات تاتبكي مجات فين تستوعب حتى طارت على مريم بنتفة ولخرا كتغوت مشات اسراء كتجري فدرووج تخبرهم حتى طلع عبد الله كيحيد فالسمطة بانت ليه ايمان باركة على لبنت كتنتف فيهاا جرها من فوقهاا وجبدها معاها لرجليها ولفخاضهاا

ياسين: بابا راه هادي لي ظلمات

دفع ايمان ومشا ليااسيين كيشحط فيه ويغوت

عبد الله : نعل جد مك وليتي تلعب مع لبنات الحمااار اااه نشري ليك لمونيكات

ياسين: هءهء لا ابابااا عععع

عطاهم قتلة تاع لعصاا ولخرا كتبكيي مشا هزهاا كيسكت فيهاا وهبطهاا لتحت خلاهم كيشوفو فيه مكمشيين من لخوف غير مشاا نفاجرات ايمان بلبكا بصوت مسمووع اما ياسين كيبكي ساكت وكيحك فالدقات

ايمان: هءهءهءهء بغيت بابااا هءهءهءه علاش مداتنيش ماما معاها هءهءهء غايبقى يضربنيي ديمااا هءهءء

ياسين: حتى انا ضربنيي

ايمان: هءهءهء انا ضربني بلبزيييم هااه شوووف هءهءهءه (ناضت على ركابيهاا هبطت الشورط من الجنب كتوريه فقزيبتها بلا عكز ودموع كيطيحو وكتبكي )

ياسين: شوفي رجلي حتى انا ضربني

ايمان:هءهءهءهء ععععع

بقات كدمع وياسين سكت كيحك فالدقة وهي كاتنخصص جرات الطموبيل علاش ناض الصداع بنتيير كتجر فيها على الزربية وحاطة راسها على ركابيها مرة مرة كتنخصص

ودااازت ايام واياام وشهورة وعوام …فنفس

لبلااصة وبنفس اللعبة ولكلسة تاع ايمان كتجر فطموبيل فوق الزربية وشعرها طواال طالقاه كالسة بشورط وتريكو وحداها كتوبة عليهم السادس ابتدائي كان علاين الامتحانات يبداو …مزادها العمر غير جمال طوالت و ولات بطبوطة لحنيكات عامرين شوية او شعر مدهب بخصلات زايدة دهبية الزغب كيبان زعر فايديها ورجليهاا

طالع ياسين بقرعة تاع لما وقال: ايمان ماماك جات

تقلبات لجيهتو على وضعيتها وقالت: شكون جا معاها

ياسين: حتى واحد وراه لميمة قاتليك اجي

ناضت بتثاقل هابطة فدرووج

طول هاد 4 سنوات عمرها باتت فدار مهاا كانت مشيتها فقط مع نعيمة كتمشي فساعتها وتجي اما كريم فراه مرة مرة تشوفوو وتمشي تسلم علييه يدور معاها مرة مرة …كيكسيها مرة مرة فلعيد او مصروفها كيعطيه ل نعيمة اما لكساها ولا شرا ليها لكتوبة كيقوليها فلوس المصروف ديالها صرفتهم عليها وغادية هكاك

ايمان بدات كتفهم وخة من صغرها فهمات اش داير بيها بدات كتحط كل نقطة فوق سطرهاا خروجها فقط مع نعيمة حتى نشاطات المدرسة عمر شي حد فيهم حضرو رغم ان ايمان كانت من المتفوقين فكاع المواسم المدرسية كان حضورهم غاائب من غير نعيمة لي لقاتها فجنبها هي نقطة الضوء فحياة ايمان

دخلات لصالون كتبان ليها نورة وسط الصالون لابسة كسوة حد الركبة و الشعر مطلووق شابعة دهوبات غلاضت وعاد مزادت زيانت

مشات سلمات عليهم وكلسات

خولة: وزوينة ديك لبلاد ياختي

نورة(كتوريهم تصاور فاخر التلفونات ديك لوقت بلكاميرا ولفلاش عاد خرجو ): شوفي هادي حدا الاهرامات وهادي فشرم الشيخ ياختي فنة

كانت السياحة فمصر فاياام العز ديالهاا

خولة: غزااالة ياصاحبتي حنا مولاي براهيم عمرنا فتناه ههههه

نعيمة: اوا كل ومغرفتوو هي عزيز عليها تجلويق جاب ليها الله كتر منها

خولة : ويييه

نورة: ايمان مالك

نعيمة: كلات شي حاجة لبارح بايتة كتقياا

نورة: اويلي اش كلات

نعيمة: سيبس يمكن

ايمان: كليتو انا وياسين وانا ضرني

نورة: وداك خينا عطاك هاد شهر

نعيمة: مزاال

نورة: وصوني ليه قوليه بغيت نديها لطبيب شو كي صفرة

نعيمة : وديها نتي نيييت

نورة: ومالو هو ديك جوج تلمليون لي كيشد يخسرها فلبيراان ! ارا نصوني ليه من نمرتك

مدات ليها تيليفون صغير كتقلب حتى لقات نمرتو وصونات ليه كتسنا الرد حتى جاوب وردت بميوعة: الو كريم

كريم (عرفها هي): اش كاين

نورة: ايمان مريضة بغيت نديها لطبيب

كريم: شنو ضرهاا

نورة: كلات شي حاجة لبارح

كريم: انا جاي نديهاا غير تكون واجدة

نورة: تديها نتاا

كريم: علاش عندك شي مشكيل

نورة: وغير سولتك تء بسلامة “قطعات عليه وقالت” ضربك السالمة …نوضي ا ايمان بدلي هاهوا جاي يوصلك لطبيب متاقش يعطيني

ناضت ايمان تبدل ونطقات خولة: امضرا شفتي نتي الطبيب

نورة(بتذمر) : شفتوو كيقوليا معندك والوو

نعيمة: او حسام

نورة: حتى هوا معندو والوو

نعيمة: اوا فيد الله

نورة: شفتي حاجة لحرام دغيا لصقاات …ودابا ملي بغيتهم فلحلال كندور على الطبة

نعيمة: سكتي شوية واش حاسبة بنتك صغيرة راه ولات كتفهم

نورة(غمضات عينيهاا ): اوى صافي اش قلت

بانت ايمان هازة لبانضة وشعرها مطلوق وقالت: مي ظفري لياا

نورة: شكون جاب ليك هاد اللبسة نتي

ايمان(بهدوء ) : بابا

نورة(كتعيب فيها ): بابا …بابا هداك تهوا يقولو ليه الناس بابا الشماتة لاخر

خولة: نورة هنيناا

نورة: هاهوا كيصوني نوضي دغياا

خرجات لابسة صاية فوق من الركبة او تريكو وسباط پلا نزلات فالدروج بان ليها تبسمات ليه بااستوو وركبات اللور

كريم: شنو ضرك

ايمان: كليت شيپس مع ياسين وضرني

كريم: ممم

سكت مسافة الطريق وهي كتلعب غير فلبراصلي ملون فايدها توصلو شافتو هبط وهبطات معاه كتسناه يشد ليها فايدها السعاتيي زاد قدامها كيقرا فلبلاكة وطلع فالدروج مرة مرة يتلفت يقوليها اجي وهي تابعاه تدخلو لعيادة طبية ف الطب العام عطا المعلومات ديالو وهي كدور فعينيها مشا كلس وكلسات حداه …جبد تيليفونوو دار رجل على رجل كيخربق وهي كتلعب برجلها وكتشوف ها لي جايبة ولدها ها لي جاي بوحدو

ثار انتباهها واحد الطفلة فحضن مهاا كتلعب معاها بقات كتشوف حتى نتابهات ليها الام وتبسمات ليها وبدلاتها ايمان الابتسامة حتى تهزو حنيكاتها ورجعات هبطات راسهاا

داز وقت لا باس به دازو لي قدامهم وتبعو هماا خرج خلص وخدا ليها الدوا

كريم: بغيتي گلاص

ايمان(بفرحة ): اه بغييت

كريم(مد ليها ايدو ): اجي

شافت فيديو بفرحة كانت محتاجة لايدو شداتها بسرعة قطع بيها الطريق وهي فاشد فرحتهااا حسات براسها ملكة الدنياا وايدها فايد باهاا كتشوف فالنااس وعينيها كيقولو شوفوني شادة فبابا كأنها صنعت انجاز عظيم

داها لكافيي مبردة خدا ليها كاس تاع لاگلاص وخدا ليه قهوة

كريم: عجبك

ايمان: زوين هاك شوية

كريم: لاا غير بالصحة كولي قبل ميدوب

خلاها كتاكل وهوا تكا على لكرسي كيجغم من قهوتوو ويخندش فالتيليفون ونضاضر شمسية فعينيه

ماحس هي بظل انثوي حجب عليه الرؤية هز عينوو وتفاجئ بشوفتها وقال: نجمة شنو كديري هنا

نجمة شابة بكسوة طويلة وحجاب بلفة تركية واقفة كتشوف وملامح الدهشة عليهاا وقالت: شكون هادي …واش بنتك

كريم: نجمة علاش تبعتيني قلت ليك غنجي

نجمة: دابا جاوبني شكون هاد لبنت

كريم: بنتي

نجمة(بنغنغة تاع لبكا ): حرام علييك “نترات لخاتم من صبعها حطاتو حدا كاس لقهوة وقالت” الله يعاونك

خرجات من القهوة زربانة تبعها شداها حدا الباب وناضت ايمان تابعاه وقفات حدا واحد لڤاز

كريم : نجمة …نجمة (شدها من دراعها )غير سمعيني

نجمة: واش مخبي علياابنتك او كتقوليا سمعيني

كريم: كون قلتها ليك مكنتيش غادي تبغي

نجمة: قلتي مطلق ودوزتهاا ولكن تكون عندك بنت هادي لاا

كريم: بشنو ضارااك تكون عندي

نجمة: بمها لي غتبقا ديما فحياتناا …بشحال من حاجة ا كريم انا مبغاش تكون عندي ربيبة ولا سيرة مرا وحدة خرا فحياتك …ماما عمرها تهنات حيت ديما بابا مبرزطاه اللولة فحياتوو خاص لولدك وخاص وخاص داكشي علاش مبغيتش علاقة بحال هكا مبغييتش اكريم فهمني

كريم(بتبرير) : راه مكنشوفها مرة فشحال فلوسها كنعطيهم لجداها لا غير اقسم لك يمينا عمري شفت كمارة مها ولا جمعت معاهاا وهي اصلا تزوجات

نجمة: هي تزوجات ونتا غتلوح ليك كلشي داباا وخاصني نصبر على هدشي

كريم: لهدرة ماشي فالزنقة ….تسنايني فالطموبيل هاني جااي عفااك “عطاها الساروت” نجمة عفااك

نعت ليها الطموبيل ورجع لعند ايمان شدها من ايدها وخلص كيزرب

كريم: ايمان ياك عارفة الدار مبعيداش من هنا

ايمان: اه عارفاها

كريم : طاكسيي (شير ليه بايدو وعطاها عشرين درهم ) ركبي فالطاكسي وسيري لدار لعشية غنجيب ليك الدوا صافيي !

ايمان: صافيي

كريم(طل على مول الطاكسي ): عفاك اقامة*** صافي !

_صافي اشريف

حل ليها الباب وركبهاا وهوا فلبلاصة مشا قطع لعند نجمة بقات ايمان متبعة ليهم لعيين حتى بعدات عليهم

_هدا باباك

ايمان:ااه

(كيشوف فيها فلمراية وفدوك رجيلات بيبضيين مع الصاية قصيرة فاتنة للعين وخة صغيرة جايبة لعين حيت عامرة شوية

_شحاال فعمرك

ايمان: 11 او نص

_قد بنتي

ايمان: شنو سميتها

_فاطمة ونتي

ايمان: ايمان

_غزالة سميتك بحالك هاكي (مد ليها طوفيطة )خودي حليوة

ايمان: شكرا اعمي

_اجي لوسط بعدي من لباب …تمشي معاياا نوريك بنتي

ايمان: فين كاينة

_هنااا غير هنا …عندها اللعاب و لپيكالة …مد ايدو اللور قاسها فسيقانها ….كتعرفي لپيكالة

ايمانهبطات عينيها لايديه وميلات رجلها بعداتها شوية وحسات بلخوف ) : لااا لميمة غتقلق ملي نتعطل

_غير شوفيها ونوصلك دغياا متخافيش ممم

وقف فسطوب وضار عندهاا توشاهاا ف فخضها تقفزات وقال: هبطي الصااية

ايمان(شدات فالصاية قلبهاا كيرجف): مزال موصلناا

_عند فاطمة

_ايمان : لا لدار

_قربنااا المشيشة فراسك فاطمة عندها مشيشة زوييينة اتعجبك تاهي عينيها زرقيين وبيبضة بحالك

قرصها فرجلها كيضحك: عطيني السبيبيط لبنتي هههه

وقف الطاكسي فبلاصة خاوية شوية مزال كتبنا وتقلب عندها

ايمان: فين وقفتي

_اجي ركبي حداياا

ايمان: لااء بغيت نمشيي

_اجي بوسيني وندييك …اجي بوسي عموو انا بحال باباك(زير على فخضها كيجر فيها شوية وهي بدات كتبكيي )

#يتبع