الغالية: (رجعت للدار كانت غير هي ومرت ولدها للي بقاو فرياض الحاج بنسليمان اما بنتها مبقاتش معاهم بحجة عياانة… مشات عندها لبيتها لقاتها مظلمة لبيت ومتكية)
غيثااااا مالك الحبيبة ديالي
غيثة: (تفكيرها كولو غير فاورطيغا) والو اماما
الغالية: مكليت والو؟!
غيثة: مفيااش
الغالية: نوض احبيبتي ميمكنش تبقاي هاكا كول شوية وجلس معايا
غيثة: مفياش اماما عفاك غير خليني هاكا
الغالية: قول غير مالك واش تخاصمتي مع ادم؟!
غيثة: ماما ألف مرة تنقولهالك انا وادم غير اصدقاء مكاين والو انا غير عييت وصافي
الغالية: اممم.. خوك معيطش ليك؟!
غيثة: لا.. واش هو دابا مساالي لشي واحد راه عريس أماما
الغالية: علاش مالو مزوجلي ملكة الجمال راه مزوج غير هجاالة راه هي للي ربحاات بعزري
غيثة: للي شافك شحال شكرتي فيها قدام الناس لبارح ميسمعكش دابا تتقولي هاكا
الغالية: وشنو بغيتي هادوك زويووات يمشيو يجمعو بية (هزت تيليفونها صونات على خديجة لقاتو اخيرا شعلاتو جاوبت بصوت نعساان)
خديجة: الو السلام عليكم
الغالية: (مغتعاودش نفس الغلطة) وعليكم السلام كيف صبحتو
خديجة: الحمد لله اخالتي ونتوما؟!
الغالية: (عوجت فمها) الحمد لله فاين ولدي؟!
خديجة: كيدوش
الغالية: مزياان باش يتنقى شوية منك
خديجة: (عندها كلام تخليها تبكي ولكن فضلت تبقى سااكتة شافت فالتيليفون بقا فيها الحال وقطعت) ميمكنش بغاوني نعاود نبقى ساكتة ونحني الراس اللهم نقطع
الغالية: هاااكاوا الخانزة مرضااتش غير بلاتي نعريييك قداامو ويعرفك على حقييقتك
غيثة: والله حتى حشومة عليك اماما متتحمليهاش متهضريش معاها ولكن باش تقوليلها هاكا وهي عروسة فرحانة والله حتى حشوومة
الغالية: سكت لمك انا للي عارفة ديك اللفعة، شحال قالو غيجلسو؟! وفين بعدا؟!
غيثة: معرفتش اماما معرفتش
الغالية: (رجعت صونات على ولدها تيليفونو طافي) باينة هي للي طفااتو العاقسة…
خديجة: (لاوية غير ليزار عليها بقا فيها الحال واخا هي مستاعدة نفسيا لكلام الغالية ميمكنش غدوز هادشي على خيير.. خرج يوسف من الدوش لاوي فوطة عليه تبسمت كاع ديك لحشومية واللباقة للي كانت فيه تسيف عليها منين تجمعو تحت سقف واحد.. زاد رد ليها الثقة بالنفس انها مرغووب فيها وعاد تعاملو زوين معاها ومكانش أناني معاها… هادشي مخليها دير عين ميكا على الغالية وقباحة الغالية وسم الغالية!!!)
اورطيغا: (دغيا صدر مو للي عاد بان ليها جموع دخل كيقلب حتى تحت البوطاجي مكشووف ولباقي قجورة فين كاين شواقر ولماس..) ملااااك
ملاك: فلفريݣو لي كان بااارد واقفة كازة والريحة دلحم خانقااها مكتشووف والو ولكن قبل مدخل شافت بزااف ديال سݣايط ديال حوالة وديال لعجول وشي صنادق بلاستيك، قلبها بغا يسكت والدووخة من ديك الريحة دلحم مجهدة اما رجليها مهازينهاااش بالخوف انها فوسط فريݣو ديال لحم!!!
(دقت بيدها، وهو يحل دغيا لباب خرجت من فريݣو لحم ياابسة راه جلست 10 دقايق فيه! بقا غير كيشووف فيها طلعت معاها التبويييعة دايرة يدها على فمها مشا عندها فيها ريحة لحم ومݣلاصية تبسم)
اورطيغا: واش حماقيتي!!
ملاك: (بقات كدور عينها مكاينش حل اللهم حلت صاكها وبقات كترد مدخلة راسها فيه كتغلبها ريحة لحم الا كان غير شوية اما فوسط صݣايط! هو كيلمس فظهرها كيظحك وهي مكرهة من كل مرة يشوفها كترد هزت راسها)
اورطيغا: اجي معايا للحمام واش هبيلة ولا صايط لمك الريح فداك الراس خليها تشووفك شنو غيوقع
(جارها للحمام مدخلها)
شي مرات غير تترݣعي ابنت رشيد
(حل الروبيني كيغسل ليها فمها)
لهاد الدرجة خاايفة تشوفنا بزووج؟!!!
ملاك: (مكتسمع والو غير مراضياااش فهاد الموقف للي كتحط فيه كل مرة معااه ولكن دااخت الريحة وعاد لبروودة جاتها الرجفة وهو كيغسل ليها وجهها)
اورطيغا: (دورها عندو) واش كتحسي براسك دايخة؟!
ملاك: (حركت راسها باه الا هضرت غترد)
اورطيغا: واش داك؟!
ملاك: (حنات راسها جرها عنقها وهي طرطق عينها مهربة راسها دغيا خلاها على خاطرها)
خاص نمشي
اورطيغا: فين غتمشي صاڤاپا نخليك تصوݣي هاكا؟!!!
ملاك: وفاء للي تصوݣ
اورطيغا: وفاء مدايراش بيرمي ريحي للارض
ملاك: (بلعت ريقها جابلها الكرسي جلست عطاها قرعة دلما عيفااها متقدر دير والو فمها وسادة صاكها)
اورطيغا: انا نوصلكم (حركت راسها بلا بقا غير كيشووف جا الدري لي صيفطو يرتاح)
انا جاي
(خرج عندو وهي محملتش راسها فعز اعترافو دارت هاد الفضيحة.. بقا كيتفاهم معاه منين هو مكاينش يعني السلعة غتوصلو غير بحجم عادي ديال البيع فهاد السيكتور واي كموند يجي كبير يصوني عليه باش يرصي مع شريف.. صونات عليه مو حيت تعطل عليها جاوبها باش تسنى عرف غتمشي غير بوحدها والحاج بغا يخليهم بووحدهم عاد عجبو الحال حيت قلييييل فالقليل لي كيبقى مع مو الراس فالراس.. كمل شغلو صونا عليه شريف جاوب هاد المرة)
انا باقي فالمحال… اممم.. علاش امتى عندهم الطيارة؟!.. لا غير سير نتا انا مغنكونش.. صافي ما وقع والو اصاحبي وحتى نتا متديش علية راك عارفني فاش تنكون معصب.. يمشي ي****.. هه واخا.. تهلى.. (قطع)
سير جيب كوكا وتكون باردة.. (مشا الدري هو قاد شي حاجة فالدفتر جابلهالو وتم داخل)
مدخلش ومتخلي حد يدخل…
(سد لباب لقاها متكية على رجليها)
ملاااك
ملاك: (بنفس الوضعية مراضياش) اممم
اورطيغا: (مد ليها القرعة) شربي راه ݣرعتيها لحم
ملاك: ( كتشوف فيه)
اورطيغا: غتحايد ليك الردة (جلست مزيان شدهتها) مووصيبا نتي غير تتشوفيني تتبداي تردي هادشي ومزال مدرنا شي فشي…
ملاك: (هزت عينها فيه دايرة يدها على فمها) واش حمق!!
اورطيغا: شربي بعدا!! (حل ليها القرعة شربت جغمة كانت باردة عاودت شربت شافت فيه لقاتو متبعها قلب وجهو خلاها على خاطرها ناض من حداها حل لفريݣو كيصوط بالبرد رجع سدو مزياان حيت فريݣو دالبخار، اما هي حطت القرعة ودخلت للحمام تفكرت الصاك للي تقيات فيه جاب الله التيليفون دايراه فجيبها جبدت سوارت البزطام وراق الطموبيل عكر باغفان كتغسلهم وعايفة راسها براسها شوية تبسمت كفاش مكيعيفهاش وكفاش غسلها وجهها داك الصاك محملاتش تعاود تهزو اصلا شارياه رخيس دارتو فلابوبيل للي تماك نشفت داكشي الوراق دارتهم فجيبها اللور العكر وسوارت دارتهم فجيبها لاخر وبقات شادة الباغفان والتيليفون والبزطام عاد تفكرت جبدت عكرت شوية رشت من الريحة عاد خرجت من تماك)
احم مراد غيخاصمو علية فالدار حيت تعطلت خاص نمشي
اورطيغا: انا نوصلك
ملاك: لا لا بلاش انا مزيااانة دابا غير (معرفت شنو تقول ولا كفاش توصلها) مهم… انا مشييت
اورطيغا: (بقا كيشوف فيها)
ملاك: شكرا على… (صونا تيليفونها كان يوسف شافت فيه ورجعت جاوبت)
اهلااان بمولاي السلطان… ههه.. ااه.. انا مزالة فاس.. بالصح.. اممم معرفت دابا راها 7 ونص…
(شافت فاورطيغا للي تبدلت الشوفة قالب وجهو كتشوف فلسانو كيتحرك فوسط فمو)
صافي نجي ومن تماك نرجع لصفرو.. واخا.. ههه بسلامة.. (قطعت)
غيمشيو للمطار
اورطيغا: (حرك راسو باه ببرود) ومن بعد !!
ملاك: غير قلت ليك وصافي
اورطيغا: مبقيتيش مزروبة والدار غيتقلقو عليك
ملاك: لا حيت طريقي هاديك وقلت ندوز نشوفهم نيت
اورطيغا: (حرك راسو باه) واخ (مشا هز الصكادو دار كاسكيط فوق راسو وهي كتشوفو دارو فكتفو هز سوارت تيليفونو)
8 نصوني لقاك حدا مك
ملاك: (هزت حواجبها بجوج كترمش) كفاش؟!
اورطيغا: كفاس كيمكناس هضرتي باينة
ملاك: لا سمحلي نقولك واحد الحاجة الله يخليييك متبقاش تهضر معايا بحال هاكا
اورطيغا: (مخضر عليها) غنهضر معاك كيف بغيت وغتقبليها كما بغيييت..
وداك المطار وااااا بربي لحطيتي تر*** فيها مزيان هاكا!!!
ملاك: اش هاد المستوى (ضارت ماشية جر ليها الريحة من يدها)
اورطيغا: اري هادي بعدا
ملاك: عطيني ريحتي
اورطيغا: ياله ياله شريييه محدو رخيص بحرا توصلي لدوااركم
ملاك: (طلعاتو وهبطااتو)
اورطيغا؛ بقينا هنا الا تسنيتك تطلعيني وتهبطيني سيري ابنتي راه عنقك غيعوااج
ملاك: فولݣيييييغ
اورطيغا: اااه حتى نصوني وملقاكش وصلتي.. (خرجت خابطة لباب) نوري لمك ڤولݣيييغ بشحال كطلع!!
يوسف طاايرة تمشي عندو وانا..
بففف غتحمقني هاد نص ميترو (حل لباب خرج وداك الدري للي خدام عندو غير كيشووف لقاها ماشية لطموبيلتها ودايرة تيليفون فودنيها بقا واقف كيشووف وعينيه بحال صقر طلعت فطموبيلتها حتى شاف وفاء قاطعة طريق ركبت حداها وهي بقات وااحلة غير تخرج من بين جوج طومبيلات وهو متبعها حتى خرجت وزادت فطريق مكضوييش…)
وفاء: غنمشيو عند خديجة؟!! صونات علية راها فالمطار مشات بكري على حساب شي حاجة تماك
ملاك: (مغوبشة ومغصبة وفالاعماااق عاااجبها الحال) تعطلنا وماما صونات علية بابا محيح براكة غير خلاني نبات لبارح برا الدار
وفاء: الا كان يتجبد ليك صداع بلاش
ملاك: شوفي انا عارفاك كتهضري مع مراد
وفاء: ههه والمطلوب؟؟
ملاك: الا سولك واش مشينا للمطار قولو اه
وفاء: وعلاش؟!
ملاك؛ هو كتقوليلو علاش ولا حادݣاها فية غير انا
وفاء: هههه وغير كتنݣري بااز على السنطيحة للي عندك
ملاك: مهم عنداك تقولو مشينا للدار نيشان
وفاء: واخا لالة عاوديلي شنو قالك
ملاك: والو غير شي حاجة من بعد من بعد…
ليلى: اممم اه حقا قبيلة عرفتي شكون تلاقيت؟!
ملاك؛ شكون؟!!
وفاء: شريف خو اورطيغا كنت فالقهوة حتى وقف علية وبغا يجلس صافي هضرنا ومن بعد جا شي صاحبو ومشا
ملاك: مزيان هداك شريف كيبان بعقلو ماشي بحال هاد المجنون مدابز غير مع ذبان وجهو
وفاء: ههه اه ولكن معنديش مع داك ستييل
ملاك؛ بحالاش
وفاء: كيبان ظريف كتر من لقياس هاكا كان الحيماري ديال راجلي فاللول حتى شوية كيتسيفو وأصلا مكنفكرش نتربط بشي **** هاد الساعة
ملاك: اممم.. حقا نساي دخول ولخروج
وفاء: معندي مندير بشي دخول ولا خرووج
ملاك: ماشي كنتحكم غير بابا شوية مزير من هاد الناحية اما نتي مرحب بيك فوق نهزووك فوق راسنا
وفاء: عارفة ازين… (دارت الملحون وملاك اصلا تفكيرها فيه وزاادت… قالها بغيتك!! تسناها تجاوب وهي مابغاتش تجاوب حتى تعرف بالصح واش كيعنيها حيت متبغيش لراسها تعذب عاود على والو!!!)
~~~~~~~~~~
اورطيغا: (طلع لقا مو جمعت حوايجها) انا نزيد شي حاجة فلحوايج..
(دخل لبيتو دار باغفان ديالها فالصكادو هز حتى تيليفونها لقديم وزاد شي حوايج خرج لقاها كتسورت البيت ديالها حتى هو سورت ديالو حيت فام دميناج كتجي مرة فالسيمانة تنقي الدنيا)
صافي الوالدة!!!
أمينة: صافي اولدي فين غنمشيو؟!
اورطيغا: الحسيمة
أمينة: (حركت راسها باه) متوريناش الزين ديالك خلاص
اورطيغا: (دار يدو على ذقنها محركها) ها هو
أمينة: ههه الله يحفظك لية اولدي (خرجو من تماك ركبو فطموبيلتو صونا على يوسف)
اورطيغا: مشيت للمطار؟!
يوسف: اه، جابنا شريف اجي حتى نتا
اورطيغا: شريف بوحدو ؟!؟
يوسف: اه غير هو، علاش؟!
اورطيغا: ياله طريق سلامة فين بعدا؟!
يوسف: زانزيبار
اورطيغا: شماااااتة (لاخر بقا كيظحك حيت هو مول الفكرة و شحال وهو يشكر ديك لبلاصة وكانت أمنية ديالو يمشي لتماك) ياله بصحتو
يوسف: ههه يعطيك الصحة
أمينة: (من بعد مقطع) فين غيمشيو؟!
اورطيغا: الصومال
أمينة: (دارت يدها على حنكها) أحِّييبيي…
اورطيغا: ههه اوا شتي نتي للي مصيفة ماشية لبلاصة حسن منهم…
خديجة: (صونات على ملاك للي كانت فطريق لصفرو) ياك قلتي غتجي؟!
ملاك: (كتهضر ومحملاش) بابا محيح راكي عارفة والا جيت لتماك غنزيد غير نتعطل ويظلام علينا الحال
خديجة: (بعدت شوية من يوسف للي مجمع مع شريف)
فين هاد لبلاصة املاك للي ماشيين ليها
ملاك: (ظحكتها) زانزيبار ازمر
خديجة: اش هاد زمر عاود فين كاينة
ملاك: ههه مورانا
وفاء: غيمشيو زانزيبار ؟!!!
ملاك: اه
وفاء: ياك قال ليها اوروبا فاللول
ملاك: يوسف باغي الطبيعية ويترولاكسااا
وفاء: كنت شفت شي تصاور عليها مزييونة بحال شكل المالديف وحسن ݣاااع
خديجة: ما فيهاش سواق وفين تقداي؟!
ملاك: ههه خديجة راك كنتي عايشة فالشمال اش قضاو ليك سوااق سيري عيشي شوية الحيااة مع رااجلك ترجعي لفاس اراي متقدااي وتشري
وفاء: عندها الصح عيشي اصاحبتي مع رااسك ديك لبلاصة راه غزااالة غزاالة
يوسف: خديجة مشينا؟!! واش ملاك؟!
خديجة: اه (دارلها إشارة تعطيه التيليفون) ملاك هاكي يوسف بغاك
يوسف: فين الآلة ملاك هادي هي نجي عندكم
ملاك: والله اخويا يوسف بغيت نجي ولكن تعطلنا بزااف ونتا عارف بابا ان شاء الله منين ترجعو تلقاوني كنتسناكم
يوسف: انا مقلق منك
ملاك: الا متقلقش سيرو دوزو شهر العسل ديالكم بالصحة والراحة مسبقا
يوسف: الله يعطيك الصحة.. (كمل معاها قطع ودعو شريف ومشااو يكملو الإجراءات باش يطلعو فالطياارة خديجة غير كتشوف هادشي جدييد عليها كملو وركبو فالطياارة صورت وحطت التيليفون فصاكها، بقا يوسف كيهضر ليها على الرحلة للي غيديرو منسييها التقليعة ديال الطيارة رجع جبد تيليفونو وراها تصااور عجبها داكشي واخا كان توقعها غير، ولكن حتى الطبيعة زويينة وهادشي للي وراها راه جنة الأرض)
غير هو احبيبة تقدري تعياي شوية 15 ساعة ديال الطيارة ماشي ساهلة
خديجة: (تبسمت) فخبارك انا كنخاف من الطيارة وأصلا عمرني ركبت فيها، ولكن معاك نمشي فينما بغيت مهم نكون معاك
يوسف: (تبسم هادشي باش كتسااالي معاه) منين نرجعو ان شاء الله غنمشيو شي 3 ايام مراكش
خديجة: ان شاء الله (بقات كتشوف فسما وتنهدت بفرحة مع يوسف عايشة فشكل من كل النواااحي تمنات ديما تبقى حياتها هاكا ومتوليش العذاب…)
اورطيغا: (شاد طريق هو ومو مجمعين وهو صايݣ صونا على ملاك للي قطعت عليه صافي عرف انها مشات لصفرو حط التيليفون كيهضر مع مو فموضوع مهم)
اوا شنو بان ليك
أمينة: صعييب اولدي ميمكنش من بعد هاد العمر كامل نخيرو يعزلي ونتا عارف الحاج شحال كيحماق على داك الرياض وعلى العائلة وجماااعة راه حتى ولادو ساكنين معاه
اورطيغا: اوا ونتي دفني راسك تماك !!
أمينة: ماشي معذبة ݣاع راه حتى انا واحلة ليهم فالقرجوطة
اورطيغا: واش انا بغيتك ترتاحي ونتي تتقولي الحرب ما الحرب انا بغيتك تهناي من شدلي نقطع ليك
أمينة: لا اولدي صعييب منقدرش نسمح فالحاج
اورطيغا: مقلتش ليك سمحي فيه
أمينة: راه الا سكنت بعيد هي سمحت فيه معندي مندير من غير صبر وصافي
اورطيغا: (مبغاش يقولها نتي غير خرجي وانا قاد بيك حيت مكيعجبهاش الحال.. قلبت الهضرة كيهضرو على العرس وحتى هي كتحلم دير ودير)
اشمن عرس الله يهديك
أمينة: مديرش نتا لعرس؟!!
اورطيغا: لا لا نتي عارفة معنديش مع داك الهيت الخاااوي
أمينة: غير حلم اولدي، فكرتني نصوني على خالتك زهرة
اورطيغا: واش جاب زهرة بباش فكرتك
أمينة: (قوست عينها محركة راسها) ياااك راه انا للي والداااك ماشي نتا
اورطيغا: (رجع شاف فطريق صايݣ مغيناقشهاش حيت غتغلبو غير كيسمع وهي كتهضر…)
~~~~~~~~~~~~~~~
ملاك: (وصلت للدار للي مزال عامرة شوية بالعائلة دخلو حوايجهم فبيت مها لبست بيجامة وحتى وفاء)
فية الجووع.. (خرجو من تماك جلسو فوسط الدار بعاد على العائلة)
وفاء: (كانو كيتفرجو فتصاور العرس حتى حطات ليهم زهرة الݣوتي) الله يخلف عليك اخالتي
زهرة: مرحبا بيك ابنتي وميات مرحبا
وفاء:(مشات زهرة) ملاك شنو بان ليك نمشيو نسافرو شي يوماين حتى حنا نبدلو الجو
ملاك: فين؟!
وفاء: معرفت نشوفو
ملاك: ميصلتحش بابا مكيبغييش
وفاء: اااه، غدا غتبداي الخدمة؟!
ملاك: اه… والله مكرهت حتى انا نسااافر (بقات كتفكر فيها)
وفاء: معليش حتى رجعو لفاس ونمشيو شي يوماين لطنجة ولا مراكش مهم لشي بلاصة
ملاك: والله معرفت.. (هزت تيليفونها مكاين والو منو) عݣزت على الخدمة غدا والله حسيت براسي مرتاحيتش ݣاع
وفاء: حتى انا ولكن محتاجة كتر شي تسافيرة لشي شالي قريب لبحر نبقى غير نعوم ناكل ونعس
ملاك: ويييه ولكن شكون خلااك…
وصل الليل لبنات من بعد متعشاو جمعو حتى هوما معاهم الدنيا شوية، طلعو لسطح فين يتبردو شوية
وفاء: علاش كديري الفولار حتى فسطح
ملاك: حيت اي واحد يقدر يطل علية ومجااتش نبقى غير حاضية واش كاين شي واحد حسن ندير فولاري ونتهنى واخا الصهد ولكن كنكون مرتاحة وراني غير لاوياه ماشي قاااجة راسي
وفاء: مزيااان صراحة براڤو علييك..
ملاك: (والو مزال مصوونا) معرفت فين يكونو وصلو يوسف وخديجة
وفاء: واقلة فيها طريييق نييت
ملاك: اممم.. (صونا تيليفونها كان هو واخييييرا) انا جاية… (بعدت من حداها مشات للقنت لاخر)
حم الوو
اورطيغا: زيين…
ملاك: اممم
اورطيغا: فايتة ليك بݣرة!! شنو هاد اممم
ملاك: غنقطع عليك!!!
اورطيغا: متسوليش زعما فية واش وصلت واش بيخير.. متنهمكش املاك؟!
ملاك: (تبسمت) لا غير..
اورطيغا: واش تنهمك؟!
ملاك: اه
اورطيغا: وعلاش متتصونيش وتسولي فللي تيهمك؟!
ملاك: قبيلة عصبتني
اورطيغا: اه التعصاب فجيه وتسولي واش وصلت واش بيخير لجهة اخرى، وطريق هادي انا بعدا بقى بالي معااك واخا غير صفرو
ملاك: (فرنست معارفة متقوول)
اورطيغا: غدا خدامة؟!
ملاك: اه والله ما فية للي يخدم عݣزت بزااف وقنطاانة
اورطيغا: اجي عندي ونصدر مينا
ملاك: ههه تسمعك قلتيلها مينا!!!
اورطيغا: (بعياء) بغيت نشووفك قبل منعس
ملاك: ماشي دابا
اورطيغا: علاش راني شايفك فمااا كفس من هاكا
ملاك: مراااااد
اورطيغا: ديري حسابك من غدا غنبقاو نهضرو ابيل ڤيديو
ملاك: علاش
اورطيغا: تنشوفك نهاري تيدووز بيخيير (فرنست) تنقول شو بنادم كيفاش داير ومتفائل وعايش الحياااة
ملاك: (كيكون ماشي زويين ولكن غير كيطنز كيعصبها!! بقات ساكتة حيت سمعت مو كتهضر معاه)
اورطيغا: واحد شوية ونصوني عليك
ملاك: واخ (بقات غير سااهية كانت موجدالو حتى هي هضرة.. تبسمت باينة لعمى طاااحت فيه وحتى هو هاكا كيبين ليها وقالهالها ݣاااع رجعت حدا وفاء للي متكية كتخرب فتيليفونها) جاني نعااس
وفاء: ياله.. (هبطو لتحت كل وحدة شدت سداري ملاك دارت تيليفونها سيلونص ريݣلت الساعة وجبدت عليها حيت تابعها لفياق بكري…)
أصبحنا وأصبح الملك لله..
ملاك: (فاقت على صوت الريڤي قطعت الصوت كانت داايخة بنعاس مقدرتش تفيق ناضت بشوية خرجت من حدا وفاء اما ولاد عمها عندهم عطلة.. كانو بداو يفيقو لوخرين اما رجال فاقو ومشاو للقهوة وللي بقا من العائلة مشا فحالو بكري مشات لبيت مها لقات أنير مزال ناعس لبست حوايجها وراسها ضارها بقلة نعاس والراحة خرجت كانت مها كتفطر هي ومرت حنينها ومرت عمها جلست حتى هي كتاكل وكتخرب فتيليفونها كان ابيل واحد منو فالليل ولكن معطل كانت نعسات هي فداك الوقت تبسمت فرحاااانة بهاد العلاقة الغريييبة مع هاد الانسان!!!)
زهرة: ضعافيتي ابنتي
مرت العم: الا باغا ضعافي مودة راك جيتي حاالتك والا توكااال
زهرة: واااااهياا ناري اسهاام
سهام: اوا جري على لبنت غير جوج معاشق ماشيين على رجليها
ملاك: هههه
مرت الجد: اوا شحال وهي مسيكينة فاس خدامة مكاين لا لي يطيب لا والو تبقاي دوك المصارن كرمو بماكلة الزنقة
زهرة: ومع هي حادݣة تبارك الله
ملاك: كنت كناكل
مرت الجد: راه جابتلي بنت ختي دوك حبوب اللقاح كل صباح نبقى نعطيك معلقة فصباح مع العسل غيرد ليك الصحة (وقفت) دابا نيت نجيبها ليك
ملاك: واخا مي حلو (شربت اخر جغمة وناضت كتسناها جابتلها معلقة كلاتها بايت ليها يدها وراسها) انا مشيت (غسلت فمها ووجهها دارت اكخون ومشات خرجت زاااربة معطلة ركبت فطموبيلتها هاربة من باها حيت رجع غير كينݣر وصافي، مشات للخدمة من بعد مسلمت وجمعت وهضرت مع المدير باش الا كانت شي حاجة فاس هي تمشي.. رجعت لبيرو قدات شي خدمة وصلت 11 مزال مصوناش زعمت راسها بغات تصوني وهو يصوني أبيل ڤيديو دغيا دارت الفلتر فالكاميرا ديالها وبقات كتفكر تجاوب ولا لا!! جاوبت كتقلب فالصاك على لكيت للي مكيخطاوهااش ولكن دابا غبرو
شافت فيه كان فلبحر وأشعة الشمس ضاربة فوجهو وشعرو فاز مغمض عين وعين حالها للي مع حمورية ماء البحر ولونهم مخلياهم زوينين وعاد لبرونزاااج للي باين فيه)
شي مبحر شي خدام
اورطيغا: هربي من عند باك واجي عندي..
ملاك: ههه صعييبة هادي ولكن سعداتك
اورطيغا: علاش
ملاك: كتشمش عادي حيت الكحولية معندها ما تدي منك
اورطيغا: ههه (عرفها كترد الصرف طلت مينا وهي تهرب وجهها وحتى هو خبع التيليفون) اش تديري الوالدة!! لبنت عندي تتحشم
ملاك: (عاضة على شنافتها مفرنسة مدورة الكاميرا لسقف وكتشوفوو مقرب وجهو للكاميرا وكيهضر مع مو)
أمينة: وااا قولها غير انا وبغيت نشوفها..
اورطيغا: سيري دخلي ديري شي غطسة واش انا بالريق باش رضات تهضر معايا!!
أمينة: حاااح فييك خاصك نييت للي تجمعك
اورطيغا: اودي غير سيري هادي غادي تجمعنا انا وياك وهي قد صبع رجلي
أمينة: ههه (مشات لبحر وهو رد التيليفون عجباتها هضرتو)
اورطيغا: وريني نشوف البيرو ديالك
ملاك: (ناضت من بلاصتها كتوريه البيرو ديالها ورجعت جلست قلبت الكاميرا لوجهها)
اورطيغا: (شافها كتهضر وتظحك مع شي وحدة وهو متبعها كملت وشافت فيه ممتيقاش انهم رجعو كيهضرو هاكا، تبسمت باغية تسولو غير فين هو) معاش خارجة؟!
ملاك: كل مرة ومعاش ولكن مع 3 الا كتاب غنسلت نمشي.. عرفتي الموت دالصهد
اورطيغا: هنا فالحسيمة مبرداااا
ملاك: (كيبقى فيها الحال عمرها وصلت لدوك لبلايص) بالصحة..
اورطيغا: دابا نجيب الزين ديالي هنا (بقات ساكتة) مزال مرديتي علية!!
ملاك: (مبهللة) فاش؟!!
اورطيغا: تتسطاي!!
ملاك: (تبسمت، بغات تجاوب وتعبر دخلت للي خدامة معاها شافت فيها كتهضر على حساب شي اجتماع) واش دابا؟!!
اورطيغا: (هز راسو شاف فمو للي كتشير ليه باش يجي،)
ملاك من بعد ونصوني عليك
ملاك: (شافت فالتيليفون كانت مابغاتش تبين انها كتهضر مع شي واحد قبل متجاوب قطع)
زينب: شكون هدا العفريتة
ملاك؛ حتى واحد غير معرفة وصافي، كملي وفين هاد الخدمة؟!!
اورطيغا: (دار التيليفون فصكادو ديالو عطاه للسرباي حيت مبحرين فبلاصة تابعة لوطيل ودخل عند مو للي جلسو فالكشكوشة عاد ناضو يعومو شوية ويجمعو خالقين الجو غير بيناتهم.. كملو مشاو تغدااو)
تزيدي شي حاجة؟!!
أمينة: شبعت اولدي الحمد لله بغيت غير نمشي نتكى دابا
اورطيغا: سيري ترتاحي، لعشية نخرجو لشي قنت
أمينة: ديني لدوك لبلايص ديال زديح وضوااو
اورطيغا: ههه وااخ (مشات هو بقا كيكمل غداه هز عينو على شي ݣاورياات كانو بوݣوصات بالجهد تبسم مع وحدة فيهم للي رداتلو الابتسامة، حتى كان بغا ينوض وهو يتفكر نهار حلف من ديك السلخة حيت باينة باش غيختمها مع وحدة فيهم… وهو يتراجع عاد ديك نص متر للي باااينة غتشحفو ومخلية متحلالو حتى وحدة..
دخل لوطيل لداخل هز شكارتو ومشا طلع للشومبر دوش وبقا متكي كانت 3 دلعشية صونا عليها أبيل عادية جاوبت)
فين
ملاك: (مكرهة) مزال فالخدمة… بففف كنت باغية نمشي عييت والله
اورطيغا: (كان كيتسناها تجاوب ولو غير بميساج)
ملاك: الو!!
اورطيغا: وفاء غتبقى معاك؟!
ملاك: اه ونيت مونساني
اورطيغا: تتخرجو بجوج تتسرااو!!!
ملاك: الله يهديك عاد جينا لبارح وزايدون مكاينش لا خروج لا دخوول، راه حدي الخدمة صباح وكنمشي نتكون فالدار يقدر بعد غدا للي نقدو نمشيو لعروبية ديالنا كاملين
اورطيغا: علاش؟!
ملاك: غير عارضينا وصافي وكولشي كيبغي يمشي لتماك
اورطيغا: اممم مزياان.. معندك متقولي؟!
ملاك: (تبسمت) اممم اه ولكن خايفة
اورطيغا: تنعض؟!!
ملاك: ماشي مسألة كتعض
اورطيغا: وهو كنعض ولكن وشنو؟!
ملاك: هه معرفتش كفاش نقولها
اورطيغا: قوليها كما جات بغيتي نخلي ليك الوقت حتى تقوليهالي فوجهي ولا بلاتي..
ملاك: مااام..
اورطيغا: مهم انا غنتكى شوية وفالليل عندك الوقت باش غنهضرو
ملاك: (تبسمت) اوكي
اورطيغا: (متقلااااا) ونشوفك
ملاك: اممم نشوف كيف ندير
اورطيغا: لا غنشووفك ياله سيري رجعي الملل وداك الصهد ديالك..
اورطيغا: مهم انا غنتكى شوية وفالليل عندك الوقت باش غنهضرو
ملاك: (تبسمت) اوكي
اورطيغا: ونشوفك
ملاك: اممم نشوف كيف ندير
اورطيغا: لا غنشووفك ياله سيري رجعي الملل وداك الصهد ديالك…)
ملاك: (قطعت متبسمة مزال هضرتهم رسمية ولا حيت هي مزال مخلياها هاكا بغات كولشي يمشي خطوة خطوة كما كولشي بدا من اللول، بقات عاضة على شنافتها شنو دير وشنو تقول بلاتي واش صافي غير تعطي الأوكي هي فكل الاحوال باغياااه وبلغت تكون معاه ولكن يا يمشي على هواها وتكون بوحدها ولا تبعد كما موالفة، تعذب شوية ويفووت الحال! كما القاعدة ديالها )
بففف ولكن هدا صعييب ماشي بحال!! وعاد عاجبني بزااف!!!
(رجعت كتكمل خدمتها وصل الوقت خرجت وصلت صاحبتها فطريقها وهي مشات فديك الطنطينة مقررة ترغب باها يخليهم يخرجو غير الشلال يتبردو شوية، وقفت بالطموبيل خرجت لقات باها واقف مع شي واحد قربت حداه شوية بقات واقفة يعني راه بغاتو كمل ومشا عندها باستلو يدو وهي متأكدة 100 ميبغيش وغدخل مها عاود فهادشي)
رشيد: الله يرضي عليك.. بديتي الخدمة
ملاك: اه كانت مزيرة اليوم بزااف
رشيد: معليش باش الواحد كيحلل رزقو
ملاك: اه، حم بابا عفاك واش تخليني بلاتي نخرجو انا وصاحبتي هاديك للي معايا
رشيد: فين؟!
ملاك: غير الشلال نجلسو شي نص ساعة ونرجعو هي ماشي بنت هنا ومجاتش نبقاو غير فالدار زعما غير مرة مرة نخرجو ناكلو شي نص ورجعو غير هاد نهار وصافي
رشيد: معليش الا غير هاد نهار
ملاك: (بدهشة) وااايلي!! قسم الا بغيت
رشيد: ههه متعطلوش
ملاك: (بفرحة) اوا شتي منين كترطاب كترجع هو هداك
رشيد: ياله سيري ومتعطلوش راه عندي خدمة
ملاك: واخا بابا (عجبها الحال حيت خلاها، مشات للدار تلاقات بنجية وهي كتحل لباب سلمات عليها معندها منها حتى شي حساسية او مبقاتش منين قلبها شد رداار اخر) كدايرة خالتي لباس عليك
نجية: الحمد لله ابنتي على سلامتك صافي كملتي الخدمة فاس
ملاك: هاد الساعة اه
أميمة: مامااااا (مشات حدا لباب حيت سمعت سميتها) قالك حمزة واش تخرجي معانا؟!!
نجية: لفين؟!
ملاك: ياله خالتي بسلامة عليك
نجية: بسلامة احبيبة.. فين خارجين؟!!
أميمة: (غير قالت هكاك قدام ملاك) بغا يديني لدارنا وانا مبغيتش هضري معاه
نجية: بيناتكم ابنتي سمعتيه داك نهار قالي حتى حد ميعاود يدخل فيه
أميمة: يااااك!! مجات يديني لدارنا حتى جات هاد القزمة
نجية: لا حول ولا قوه الا بالله العلي العظيم… شحال ݣاع فايتاها نتي بالطوب باش ظلي عليها القزمة القزمة
أمينة: مدافعي عليها امرت عمي؟!!
نجية: مبقيتش ماما!!! سيري ابنتي منك ليييه…
ملاك: (دخلت لقات وفاء كتلعب مع أنير) منعستيش
وفاء: قتلني الصهد اختي لدااخل اللهم هنا مفوهة وكلعب مع هاد لغزاال البوݣوووص ديالنا
ملاك: (حركت راسها باه مشات للكوزينة حطت حقها دالغدا وخرجت حداهم كتاكل حاضية تيليفونها)
حقا واحد شوية ونخرجو
وفاء: فين؟!
ملاك: نضربو ضويرة نجلسو حدا الشلال تماك مبردة شوية
وفاء: وباباك؟!
ملاك: راه حتى سولتو وقالي اه عاد قلتها ليك (كملت غسلت فاش كلات مغمضة عينها على الكوكوط بمنطق نغسل فاش كليت والكوكوت للجميع.. دخلت لبيت مها كانت متكية سمعت تيليفونها كيصوني لقات أمينة مصونية عليها وأبيل ڤيديو تبسمت)
هادو تصاحبو قبل منتصاحب مع ولدها
مااااماا.. مااااااااامااا طاتي أمينة كتصوني عليك (ظحكت على راسها تقطع لابيل مشات حدا مها للي فاقت) عاودي صوني عليها
زهرة: (شدت التيليفون دارت نظاظر عاد صونات وملاك كتبدل حوايجها) اختي أمينة
أمينة: واش كنتي ناعسة؟!
زهرة: اه
أمينة: اوا نكمل ليك على ديك الخطية (ملاك دخلت للدوش توضات حيت هضرتهم كانت على عاود لية نعاود ليك العرس ومفتاحة، خرجت لبست عباية صلا صلات الظهر مزال كتسمعهم حتى تسمع صوت ولدها كيعلمها باش يخرجو)
شوفي هاحنا خارجين حتى رجع ونكملو
زهرة: بالصحة والراحة ومتديش عليها
أمينة: غااار صبري نوريها الݣرسيفية علاش قادة (قطعت)
ملاك: مالها؟!
زهرة: غير شي هضرة وصافي
ملاك: ماما راه علمت بابا غنخرج انا وفاء وخلاني بالحق منتعطلش
زهرة: مزيان، اوا دي معاك أنير مسيكين مكيخرج مكيدرج
ملاك: لبعااابع لوااه
زهرة: عفاااك ابنتي الله يرضي عليك ديه يلعب شوية
ملاك: لا اماما منخرجووش معايا اوا صاافي داكشي للي بقالي
زهرة: حشومة عليك ديه مسكين باش الا تعطلتي شي نص ساعة نقولو راه دات خوها يلعب (لوخرا بقات ساكتة كتقتاتع) جييه لبسو حويجااتو…
ملاك: الا دار لبسالة
زهرة: واللللللللله يااا بنتي ونعرفك ضربتيه ولا غوتي عليه أنا للي غتلقاي معايا المشكل فالخروج ودخوول وخلينا زوينات وكوني بحال شي بنيتة مربية كتسمع الهضرة محترمة وسيري جيبي خووك
ملاك: متبقايش تقولي خووك (بقات كتأفأف فالداخل ديالها مشات جابتو ولحقت حتى وفاء تلبس وهي دخلت للدوش حايرة واش تقولو راها غتخرج ولا مزال مبدا عندهم هادشي تبسمت)
اصلا مزال مواافقت على هاد العلاقة واش تبدا ولا لا!!! واخا هي باادية ولكن اصلا هو معلمنيش راه خاارج!!!
وفاء: (كانو فالشلال جالسين فقهوة عائلية كتكون عامرة فهاد الوقت والوليدات كيعوومو ملاك جالسة كتفرج وكتصفي بالها ساهية ومبردة مربعة يدها كتفرج مخلية خوها لوفاء للي كتلعب معاه وتوكلو جيرڤي وهيرنيس)
أفين ساهية البنت!
ملاك: غير كنشووف وصافي، تشربي أتاي؟!!
وفاء: لا بغيت عصير (بغات تجبد لفلوس)
ملاك: انا للي عارضاااك غير تهدني
وفاء: هاي هاي هاي ماات شي حمار
ملاك: ههه واخدين علية فكرة غالطة مهم انا عارضاك هنا ونتي عرضاااني لعشا (بقات كتشوف فيها) وصافي بلا متحلفي اصاحبتي مابيناتناش
وفاء: الله يعطيني وجهك
ملاك: (كتقلي ليها السم بحواجبها، مشات جابت أتاس وعصير وجلسو) والله مكرهت ندخل نعوم معاهم
وفاء: ويييه ولكن عمي رشيد يسمعنا دخلنا نعومو يصليو علينا فالليل
ملاك: ههه مزيان منين ندامجتي دغيا وسهلتيها علية (جاها ميساج من عند اورطيغا)
“ناعسة!!”
(جاوبت)
“لا خرجنا انا وفاء وأنير للشلال”
(مجاوبش، تبسمت عارفاااه غيتجنن، شافت فأنير كيصفق مع شي دراري كيضربو بالدربووكة)
شوفيلك بغا يشطح
وفاء: (مداتو ليها) هاكي شديه نمشي لطواليط
ملاك: (شداتو كان غير كيظحك وهي كتهز رجليها مع الايقاع مخلياه يشطح وحتى هو هاز يدو على اساس كيشطح ظحكها صونا عليها اورطيغا أبيل فيديو قدات شالها دغيا حيت تعوج وجاوبت دايرة لفلتر، شافتو مغووبش مقرب التيليفون لوجهو)
السلامة يا ربي
(دارت الكاميرا فوجه أنير)
شوف بووعوو شووف
اورطيغا: (هنا باش كتغلبو تبسم مع أنير للي ظحك فوجهوو)
خفتي ازريقة من ديك السنفورة
ملاك: هاهاها ماشتي هاد الوحش الأسود
اورطيغا: معامن تشاورتي نتي باش خارجة
ملاك: (ردت التيليفون لوجهها) مع للي تشاورتي معاه باش سافرتي وخارج دابا كتفطح مع رااسك ونتا حاسدني على حجرة وجغمة ديال الما
اورطيغا: واش متتقدايش
ملاك: لا الباتري عامر ديما الحمد لله
اورطيغا: (بقا غير كيشوف وهي كضور عينها)
مبغيتش نكون قبييح
ملاك: كتر من هاكا!!! (مجاوبش) علاش شنو درت؟!
اورطيغا: مفهمتش تتخرجي عادي هاكا على الأقل غير تعلمي
ملاك: (شادة لسانها للي باغي غير يداابز ولكن مسخيااش بييه وبااغااه)
اورطيغا: مهم انا وقفت الطموبيل فطريق نوصل ونرجع نصوني عليك بغيت تبقى ظريف معاك ازين (قالها ممتبسمش ولكن جاها بحال تهديد)
ملاك: (جات تهضر وقطع) بففف واش انا كان همي فبابا غرجع همي حتى فهاد خينا!!! (جات وفاء جايبة لانير لعبة مداتها ليه)
وفاء: كاين لعاب لفوق ديال دراري صغار اجي لعبوه
ملاك: واخ.. (مشات خلصت شنو شربو وطلعو كيلعبووه وعقلها معاه هي باغا تسمع كلام زوين اه بغات اهتمام ولكن داكشي يكون لبق وبالمزاوݣة والرومانسية ورغيب اما هداااا !!
كملو من تماك تمشاو على رجليهم للمراشي كيتمنظروو خدات وفاء جوج بيجامات طوال شوية حيت عندها مقزب وخدات لأنير فوقية حمقااتها ومشااو ياكلو نص كفتة ملاك للي خلصت وخدات لمها ومرة جدها ومرت عمها هاد المرة.. شافتو مصوناش رجعو فحالهم للدار وهاد المرة باها عجبو الحال متعطلتش ومخرجة خوها للي عمرو خرج من غير الجلبة وفالعرس…)
ملاك: (وصلت 11 دالليل مزال مصوناش جالسة على اعصابها دخلت كتشوف امتى دخل للواتس كانت من لبارح شافت فوفاء للي جالسين فسطح كيتبردو)
فين عائلتك دابا اوفاء
وفاء: سافروا لعروبية وانا معنديش مع هداك القنت ياكما مبرزطتك املاك بمجيتي هنا
ملاك: مالي هزاك فوق كتافي بلعكس اصاحبتي فرحت بزاااف والله
وفاء: عرفتي فاش كنمشي لتماك كيبقاو علية تزوجي تزوجي وكيجيبو لية شي شااارف الله يهديهم وصافي معاجبااهمش جلستي هاكا
ملاك: شحال فعمرك؟!
وفاء: 35 شرفت ياك ههه
ملاك: لاااا بلعكس ومبيناش حتى فيك وأصلا العمر رجع غير أرقام هانا انا تحلفي علية عندي 20 عام
وفاء: ههه لا مغنحلفش ولكن الطول يعطيووك حتى 16
ملاك: (كتعيبها مخرجة سنادرها) هننننن يخخخ على بشاار
وفاء: ههه ولكن مطيحة لينا التيتيييز
ملاك: (شادة الظحكة) سير تزمري
وفاء: شنو درتي نتي واورطيغا؟!
ملاك: مدرنااش كنهضرو عادي وصاافي حقا ݣاع مسولنا فختنا صبري نصوني عليها (صونات على خديجة فلواتس) طافية،
وفاء: صوني على يوسف
ملاك: لا مجاتش نصوني على يوسف معارفاش حتى شحال تكون عندهم الساعة نخليلها اوديو..
(بقاو مجمعين حتى وفاء غلبها نعاس)
وفاء: نهبطو؟!
ملاك: غير سيري نتي انا شوية ونجي (هبطت وفاء وهي بقات) مال هاد زمر مصوناش!!!
~~~~~~~~~~~~
اورطيغا: (من بعد متسرااو رجعو لوطيل حاضرين لسهرة للي كاين فيها مغني شعبي وكيتعشاو فنفس الوقت كيشوف فمو لي كانت محتاجة هاد تسافيرة هز تيليفونو كاين ميساجات ولكن من عندها مكاين واالو رجع قلب لافيشور للطبلة)
أمينة: صورني وانا كنصفق (تبسم صورها وهي دارتها فسطاتي ديال الواتس)
اوا هدا هو الجهد اولدي نمشي نعس، نتا مزاال؟!
اورطيغا: مزال الوالدة غير سيري ترتاحي
أمينة: عنداك تمشي لشي قنت ولا تزيد مع شي وحدة
اورطيغا: (تبسم تفكر كلام ملاك ديال وكان جيت بنت) غير هنا
أمينة: تمسا بخير اولدي (باس يدها وبقا جالس كيتصنت حتى ناض وخرج برا بغا يجلس حدا البحر للي كان الجو شاعري،
الجو واخا كان بارد شوية ولكن هادشي للي كان محتاج هوا نقي ومكاينش صدااع جلس على الرملة نيشان كانو ناس قلال بعاد وهو ساهي غير فظلمة البحر وسما للي صافية حتى جاه ميساج من عندها فيه)
Salut…
خديجة: (كان منظر خيالي للي كتشوفو قداامها عمرها شافت بحال هاد الطبيعة الي بحال مرسوومة… البحر بكترة مصااافي كتشوف الحجرة صغيرة للي كاينة فالتحت نقي بزااف تحشم دخل توسخو…
حتى الشومبر للي خداو جاية بعيدة على باقي الشاليهات وفيها بيسين صغير عاد زليقة صغيرة لبحر
منين سمعت فاللول دولة إفريقية معجبهاش الحال ولكن تصدمت من هاد المنظر احسن بزااف من ميات اوروبا ومن شي قيساريات ولا حوانت!!! بقات غير متأملة هاد المنظر كمل يوسف الإجراءات من للي وصل معاه لباݣاج وعطاه البرنامج للي باغي وامتى الفطور يجي لعندهم وحتى التاكسي للي يجي ياخدهم لمدينة.. لحق بيها من بعد مسد لباب وكان عاجبو كل شالي يكون بعيد على لاخر اما الشومبر من لداخل كانت عبارة على شكل كوخ صغير مقاد من الخشب وحتى شكل النموسية مهزوزة على الارض ورقيقة ضايرين بيها خاميات لونݣازا)
خديجة: شحال زويييين هادشي ايوسف
يوسف: (مغرم بالبلاصة واحسن رفقة كانت هي مرتو خديجة حس باختيار موفق يجي معاها لهاد لبلاصة)
عجبك؟!
خديجة: بزااااااااااااف احسن مفاجئة كانت هي هادي (عنقاتو)
يوسف: (متبسم) ولكن بغيتك تواعديني بحاجة
خديجة: (رجعت اللور شافت فيه) شنو؟!
يوسف: انا وياك مزوجين دونك مبقاتش شي حشمة بيناتنا وحنا هنا عرسان فشهر العسل
خديجة: اهااه!!!!
يوسف: بغيت نخلي ذكريات زوينة فبالي نخرجو نتسراوو ناكلو للي بغيتيه غنديرووه
خديجة: هنا الماكلة حلال؟!!
يوسف: اه كاين بزااف هنا حيت سولت وقلبت ديجا قبل منجيو.. مهم منين ندخلو الشالي ونسدو علينا أي حاجة طلبتها منك كنهضر على نعاس بيان سيييغ دار مكاينش شي حاجة سميتها حشومة عييب
خديجة: (تبسمت) متحتاجش اصلا تقولها
يوسف: يعني متافقة معايا!!
خديجة: بقيت فية حيت مغيبقاوش ليك ركابي باش تعوم
يوسف: ههههه مزيااان
خديجة: (غمزاتو ودخلت للدوش هي عارفااه شنو باغي وهو عارفها شنو بغات ولكن بالصح عاجبها الحال…)
~~~~~~~~~~~~~~~
ملاك: (كتسناه يجاوب على لميساج حتى صونا عليها) حم الوو
اورطيغا: علاش مشاعلاش كنكسيون
ملاك: غير طفيتها وصافي
اورطيغا: بغيت نشوفك
ملاك: (تبسمت) ظلام مغتشوفنيش
اورطيغا: علاش فينك؟!
ملاك: فسطح
اورطيغا: سيري لبيتك
ملاك: (فنفسها هادو مالهم مع لبيت واش حسابلهم كولشي عندو بيت ديالو مبقى حد كينعس فوق سداري ولا فالصالون!!!!) ناعسة فيه وفاء
اورطيغا: اومن بعد
ملاك: مبغيتش نصدعها
اورطيغا: شعلي الضو ولا صيفطيلي تصويرة
ملاك: وعلاش
اورطيغا: اجي!!! سطح ديالكم معاليش يعني سطح للي حداكم ساهلة للي يطل منو يشوفك؟!!!
ملاك: (كضور عينها) اممم هنا مكاينش للي كيطل على شي واحد كولها داخل سوق راسو
اورطيغا: (كيتخيل حمزة كيطل عليها) عاجبك الحال يبقى يطل عليك داك ****
ملاك: (بجدية) حتارم راسك امراد
اورطيغا: وشنو للي مخليك فسطح فهاد الوقت
ملاك: (بعصبية) حيت كنهضر معاك، معنديش فين ناخد راحتي كنهضر هنا فسطح
اورطيغا: (رجع مبرد) لساانك ابنت العبد مبري منك المرة اللولة ومزال مدازتش ودابا تتغوتي
ملاك: (كتغوت) مكنغوتش ولكن مكنحملش للي يكذبني انا مكنتسنى حد يطل علية ولا نطل عليه
اورطيغا: (حرك راسو باه حيت هاد الاحساس الغيرة خاص بيه هو ماشي بالضرورة يخوي غضبو فيها بقاو ساكتين بجوج لمدة جوج دقااايق….) انا بغيت نعرف املاك شنو عندك فداك الراس؟!
ملاك: عندي نتا
اورطيغا: نورمال خاص نكون فقلبك ماشي فداك العقل عندك
ملاك: وشنو الفرق
اورطيغا: حيت عندك شي إجرام تمااك نخاف على *** معاك
ملاك: (مكيخليهاش تفرح) متعاودش تخسر الهضرة
اورطيغا: ياااك نهار متقوبة وكرش من الزنقة شنو داكشي؟!! من داك نهار خسرتي حق (كيعيبها وصوتو مرققو) متخسرش الهضرة انا متيعجبنيش هاكا…
نسااااي ابنتي بغيتك تقبلني كما أنا ماشي نبقى نحفظ باش نجي نفتي عليك
ملاك: (تبسمت) ولو مكيعجبنيش داك تخسار الهضرة وزايدون نتا خاصك تطلب مني سماااحة حيت بمسبتك نتا عصبتيني وخليتيني نقول كلام انا مموالفاش بيه الغلط كولو ديالك اذا متبقاش تخسر الهضرة
اورطيغا: (تبسم من طريقتها) …. كولشي بالولف دابا تولفي
ملاك: الولف صعيييييب
اورطيغا: للي تيجي بالساهل ازين تيمشي بالساااهل
ملاك: شكون خبر عليك هاد الخبيرة
اورطيغا: زمااان
ملاك: ههه تنهضر بحال شي واحد شاارف
اورطيغا: ولكن المطور نحييلة
ملاك: (دارت يدها على فمها كتبسم باش ميسمعش)
اورطيغا: ݣاع هادي فرحة!!!
ملاك: واش نتا بعقلك
اورطيغا: وعلاش للي بعقلو غيدي على وحدة داخلة تخبا ففريݣو دلحم
ملاك: (عوجت فمها) موووهيييم
اورطيغا: شنو غديري غدا؟!
ملاك: والو الخدمة وصافي
اورطيغا: وغتخرجي عاود؟؟؟
ملاك: لا.. معرفتش صراحة
اورطيغا: علاش متشديش شي يامات واجي ونسي خالتك مينا…
اورطيغا: متشديش شي يامات واجي ونسي خالتك مينا
ملاك: (تبسمت) خالتي مينا مرحبا بيها عندنا هنا الا بغات
اورطيغا: (طانز) لفين لصفرو شانطي وجوج حوااانت؟
ملاك: هههه وقهوة بابا
اورطيغا: (تبسم) غدا الا كتاااب غنديها تغطس
ملاك: وااايلي! وغتبغي؟؟!
اورطيغا: هي مولات الفكرة
ملاك: سعدااتكم
اورطيغا: بغيتي تغطسي؟! شي نهار غنغطسك معايا
ملاك: (معرفت تقول ان شاء الله ولا شنو اصلا معارفاش حتى نيتو فين مشاات)
اورطيغا: باش تتعجبيني نيتك مصفياااش
ملاك: ههه زعما نتا لولو
اورطيغا: شنو هاد لولو؟!
ملاك: غير تعبير مجازي
اورطيغا: واش جاب لولو لية.. بشااخ على لقرايا.. (سمعها كتعيبو) امتى غترجعي لفاس اديك المعاقة؟!
ملاك: (كتشقلب عينها) معرفت اصلا واش رجع؟!
اورطيغا: غتسمحي فقرايتك؟؟!
ملاك: لااااا
اورطيغا: (تعصب) واش مزال هاد ال*** دالهضرة بينتنا مغتقاااد!! من دابا فاريها باغية تكوني معايا اه لا!!
ملاك: (مفهمتش عصبيتو) علاش كتغوت؟!
اورطيغا: عطييتك وقت تفكري؟!! متيقاش فية؟!! خايفة مني؟!
ملاك: (جابها نيشااان) لااااااا
اورطيغا: اوا وشنو تنهضر معاك بحالا تنهضرك بالزز ها الكرة عندك ونتي بينيلي شنو كااين!!
ملاك: اصلا مسمعت من عندك واالو
اورطيغا: شنو باغية تسمعي
ملاك: ماشي باغية نسمع!! انا باغية نعرف نتا اصلا شنو باغي
اورطيغا: باغيك نتي.. راه باااينة لعمى باغيييك (سكتت كتفرنس) نعتابرها حتى انا؟!؟
ملاك: (كتعوق وجهها باش تشد ديك تفرنييسة للي وصلت لودنيها) ياك فاللول مكنتش حاملني
اورطيغا: اوا شي سخطة مق*** هادي طيحت حبنا على حجيييرة
ملاك: بزاااااف عليك ولهاا يح…
اورطيغا: (قبل متكمل) وااا ريحي من ديك الهضرة، انا فاللول لوكان حكمتك وكان عجنتك
ملاك: حتى انا فاللول مكنتش كنضويييك غير كنشووفك كنكحل بلعمى مكنت كنحمل الشعرة فيك
اورطيغا: (تبسم) دابا هضرنااا
ملاك: ههه (عجبها الحال وظحكها فنفس الوقت) علاش لبارح كنتي معصب؟!
اورطيغا: (زفر) و شكون خلاك تبقى هااني.. مهم خلينا فينا انا وياااك باغيك تفهمي واحد الحاجة
ملاك: شنو هي؟!
اورطيغا: خروج دخول للي درتيه غتجي تبوانتي عندي
ملاك: ههه علاش
اورطيغا: باش نبقاو هانيين وبيييس والا بغيتي الطريقة لوخرا حتى هي مرحباااا…
ملاك: شي اوامر اخرى؟؟
اورطيغا: ماشي أوامر املاك، ولكن فهميني غنكون بعيد عليك ماشي بحال فاش كنتي فاس كنت عارفك فين كاينة وفين داخلة وفين خاارجة
ملاك: (حركت راسها باه قنعها نسبيا باش مريكلماتش) علاش نتا كاري فالحومة ومساكنش فدار ديال السعادة؟؟! (سؤال ديما كيجي فبالها حيت دار السعادة زوينة)
اورطيغا: حيت ماشي داري ازين للي غنبقى فيها ديما وعاد ماشي ديما تتكون خاوية باش نجلس فيها
ملاك: انا كنشووفك نتا كترتاح فالحومة كتر من السعادة زعما ماشية قضية عامرة ولا خاوية
اورطيغا: سي، تماك كبرت وتماك ترتاح
ملاك: ولكن فيها المشاكل بزااف
اورطيغا: واااا هو السعادة حي كلاص والناس فيه داخلين سوق راسهم قريب لخدمتي تيعجبني منين تنبغي نكون بوحدي، وووالليدو فيه صحابي تنعرف الناس تماك كبرت وسطهم هادا هو الفرق، نتي شنو تيعجبك؟!
ملاك: انا الليدو عجبني غي حيت.. احم قريب لفاك
اورطيغا: تعطي كلوتك ومتهضرييش
ملاك: ههه (عينيها كيتغمضو بنعاس ولكن مساخيااش)
اورطيغا: ديري أبيل ڤيديو بغيت نشووفك
ملاك: ظلااام
اورطيغا: غتمشي للقنت للي حدا البولة دبرا وغتهضري
ملاك: خلي غدا عفااك
اورطيغا: علاش حتى لغدا للي عطا الله عطااه طحت على زناافري ومكاين للي يفك
ملاك: على زممممممممممممر!!!
اورطيغا: ياله ديري (قطع قبل متجاوب وصونا عليها جاوبت معطلة كيكمش عينييه واش تبان ليه) خدمي لفلاش
ملاك: مافيهش
اورطيغا: راه داز عندي داك التيليفون ابنتي
ملاك: (عاد تفكرت راه تيليفونو.. دارت الفلتر عاد شعلت لفلاش وهي تكمش عينيها من شعا بقا كيشووف فيها كان حتى هو ماابينش بزااف) عمااني لفلاش
اورطيغا: (بقا غير كيشوف فيها)
ملاك: احم (نقصت من نبرة صوتها منين سمعت باب ديال بيت مها تحل) مراد بابا خرج من بيتو وغيشوفني مزال هنا
اورطيغا: صافي غير قطعي
ملاك: اه انا غنقطع، اصلا خاص نعس غدا عندي اجتماع مع النبووري، نتا غتبقى تماك؟!
اورطيغا: شوية وندخل فحاالي
رشيد: ملاااااااااك نتي للي فسطح؟!
ملاك: اه ابابا (قطعت وهو تبسم وناضت طلت عليه) كنت كنتبرد
رشيد: 2 دصبااح هادي ونتي مزال تمااك؟!!
ملاك: هانا هابطة ابابا راه غير بقيت وصافي نسيت راسي
رشيد: السمرة على رااسك عاود غتمرضي دخلي تنعسي حسن…
خديجة: (لبست بيكيني👙 للي جاب ليها يوسف شافت فلمرايا عاجبها راااسها بزاااااف واكترية منقية جسمها مزيان عمرها عملت براسها بحال هاكا من شعرها إدغار رجليها، جات مبدلة على الدوبياس العادي اول مرة تلبس بحال هاكا دخل يوسف عندها للي كيتسنااها طلعها من رجليها لراسها صفر باعجاب)
واش متأكد مغيشوفني حد هنا؟!!
يوسف: عييب، واش انا نبغي شي واحد يشوف فلحم مرتي؟!!
خديجة: معرفت يدوز غير بالغلط
يوسف: وعلاش انا احبيبة ختاريت شاليه بعييد على كولشي وأصلا داكشي فبرنامج ديالهم ممنوع شي واحد يوصل للمساحة ديالنا متخافيش انا داير حسابي، باش ناخدو راحتنا
خديجة: (تبسمت وضارت لمرايا لبست الخلخال مكوزة بلعااني جا من موراها لاسق فييها) يوووساااف
يوسف: أأ.. حسابلي عيطتيلي
خديجة: ههه بااز (وقفت وهو من موراها لاسق كيطلق ليها شعرها)
يوسف: عجبني لكولور للي فشعرك
خديجة: (دارت ݣلوص) احح نتفتني
يوسف: باغدوون شيغي.. (خرجو من تمااك بقا بشورط العومان تدق لباب كان روم سيرڤس جابو ليهم فطور فبلاطو كما بغا كان قهوة، عصير الليمون، اومليط بالفرماج، فواكه مشكلة، وبان كيك دخلو نيشان لابيسين وحطو فالجنب وخرجو عاد خرجت من الحمام تبعاتو كان جو خطييير. تحبها داك الفطور للي مزوق ومقااد بحال داكشي دالافلام للي كانت كتشووف ممتيقاش انها هنا!!!)
خديجة: زويييين هادشي بزاااف
يوسف: تتعرفي تعومي
خديجة: اه
يوسف: (تلاح هو فلما حتى ترشت كظحك وبعد للقنت) اجي عندي احبيبة (حتى هي تصوطات عندو بقات تحت الما حتى صلت حدا رجليه وطلعت عاجباااه مطيرة ليه العقل مع قربت باسها تبسمت وبقات غير كتشووف مكاين حتى واحد ضاير بيهم وحتى للي غيعوم حداهم الشاليه بعييد وجاي عالي شوية بقات كتشوف فلبحر للي اللون ديالو بحال سما اما هو من موراها كيبوس كتفها وظهرها ضارت عندو)
عجبك الحال احبيبة
خديجة: (عنقاتو) بزاااااف.. معليش نتصور
يوسف: هاكا؟!
خديجة: نصيفطها غير لخوتاتي
يوسف: بلاش اخديجة تصاور متعرفيش فين يطيحو ربما غير تيليفوناتهم يتلفو ولا توقع شي حاجة بلاش تصوري بحوايجك اه هاكا منقدرش نغااامر (تبسمت وهاد المرة هي للي باستوو وبدااتو…)
~~~~~~~~~~~~
أصبحنا وأصبح الملك لله..
اورطيغا: (فاق معطل على للي موالف صونا على مو كانت هبطت تفطر وبقات كتمنظر رجع شاف فالساعة كانت 11 دوز نمرة ملاك وبحرا كيقد يحل عينييه..)
ملووكة
ملاك: (بابتسااامة عريضة) صباح الخير
اورطيغا: (بصوت نااااعس) صباح النور (سمع شي واحد عيط ليها وهو يقلش) شكون هاد خينا !!
ملاك: خدام معايا
اورطيغا: ولاش تيعيط ليك
ملاك: حيت عندنا اجتماع وصافي، راه فعمر بابا هه
اورطيغا: يكون حتى فعمر جدك، اصبري نصحصح لمك ونعاود نصوني عليك
ملاك: ههه بسلامة… (قطعت عليه وناضت فرحاانة تابعة للي عيط ليها…)
غيثة: (من داك نهار للي قمعها وبلوكاها ودار راسو مكيعرفهاش وهي غير مريضة ومسخسخة مكتقدر لا ظحك لا تجمع لا تاكل كولشي فيها مرييض جا عندها باها حيت مها حاارت فيها وحتى واحد مقدر يبدل ليها مزاجها وحتى واحد مفاهم علاش دغيا ذبلت!!!) والو ابابا والله غير يمكن لاݣغيب وصافي
اب يوسف: (دار يدو على جبهتها) مافيكش الحرارة نوض ندي بنتي لطبيب
غيثة: بابا غير شوية ويفوتني الحال عفاااك بغيت غير نبقى شوية بوحدي
اب يوسف: واخا ولكن واعديني غنصيفط ليك لفطور غتاكليه
غيثة: واخا بابا (خرج ساد لباب ضارت لجهة أخرى متنهدة معنقة نونوس ديالها ودموعها ساالو اي حاجة فيها كتبغي اورطيغا مقدرتش تنساه ولا تكرهو معاملتو خاايبة ومقدرتش تكرهوا معرفت مدير حست براسها ضااايعة ومكاينش للي يعاونها، دخلت مها وهي تمسح دموعها دغيا مخبعة التيليفون للي كتشوف تصاورو فيه…)
الغالية: (بحسرة) نوض ابنتي تاكل
غيثة: غير خليه اماما تماك انا شوية وناكل..
~~~~~~~~~~~~~
اورطيغا: (دار روتينو الصباحي صلا صلاتو رجع صونا عليها مجاوبتش هبط لتحت قلب على مو جلس فطر وكيكتب ميساج)
غير تكملي علميني..
أمينة: المرة جاية نجيبو مرتك معاانا
اورطيغا: ونتي لاش؟!!
أمينة: ياك لمك من دابا تنكرني؟!
اورطيغا: المرة اللولة باغي ناخد رااحتي معاها ماشي كل دقيقة تجي تشكا ليك
أمينة: باااااز على قلة لحيا للي فيك
اورطيغا: (تبسم كياكل وهي عاجبها الحال بعدا مكيصدهاااش كيف كان) شنو تغطسي دابا؟!
أمينة: واااه
اورطيغا: واه ابن عمي واه.. ياله زيدي (صيفطات ملاك ميساج انها ليبر)
تسناي هنا باش نمشي نشوف معاهم بعدا
(جلست كتسناه وهو داير تيليفونو فودنو وكيقلب على صحاب الغطس)
كفاش بلانك نتي!!
ملاك: (بهدوء) مرااد خاصك تفهم واحد الحاجة انا خدمتي ماشي مع لعيالات خدمتي مخلطة مع ناس كبار وصغار ولكن كولشي باحتراام للي كبار دايريني بنتهم وللي صغار دايريني ختهم، جامعانا الخدمة لا غير اما حتى فالزنقة عمرهم شافوني ولا شفتهم كون هاني من هاد القضية
اورطيغا: (قنعاتو) اممم.. تسناي (كيهضر مع الدري للي خلصو فجوج بدلات الغطس ليه ولمو باش يلبسوهم ويهبطو معاهم جوج)
سمعي اديك الوزغة
ملاك: ملاااك الله يخليك
اورطيغا: سمعي الالة ملاك (تبسمت) لقا شي حاجة معاجبانيش والله ميفكك معايا غير للي خلقك انا عارف خدمتك نقية ولكن
ملاك: مكاينش ولكن راه بابا ومقتانع
اورطيغا: هداك باك وانا انا!! باك مغيغيرش عليك كما أنا كل واحد وغيرتو كيفاش
ملاك: ههه مجنون غير بووحدك
اورطيغا: مكاينش للي جنن اصل مي من غيرك.. الواااالدة!!! (دارلها إشارة باش تجي)
ملاك: صيفطلي تصاور الا تصورتوو
اورطيغا: جااتك وانا شنو تصيفطيلي
ملاك: صافي بلاش
اورطيغا: ههه تلاحي (قطع منين قربت مو ودخلو يلبسو حوايج الغطس…) متخافيش
أمينة: مخايفاش
اورطيغا: انا بعدا خايف ههه
أمينة: متخافش راه الحوت غير يشوفك غيهرب…
ملاك: (رجعت كتخدم نشييييطة واخا قلة نعاس وتسخسيخة ولكن القليب فرحاان ومقاداااه فرحة اهتمامو واعجابو بيها بااين وواضح عاجبها كفاش ماشية الامور بيناتهم دقة دقة أول مرة متفكرش فزواج من الدقة اللولة واخا هدفها من هاد العلاقة هو زواج ولكن تعرفو يعرفها تفهمو يفهمها عاد باش يتزوجو واخا شحال من حاجة مزال مبينااش وخاص ليها حل!!!)
زينب زعما هاد الايام مكيناش شي خدمة فاس؟!!
زينب: موحاال حتى السمانة جاية ونشوفو علاش ولفتي الجنية
ملاك: ههه اه
زينب: ياااكما تربطتي تمااك
ملاك: ربطاااا واشمن ربطة ربطة زغبية ههه
زينب: ههه وييينو عاودي عاودي
ملاك: هههه اغير كنظحك غير على حساب قرايتي انا اصلا مباغاش دابا حتى لمن بعد
زينب: سمعت كاين شي بووسط لسبع عيون الا بغيتي تعمري
ملاك: لا لا ختي معندي مندير تمااك، الا كانت فاس اه
زينب: اوا فاس صعيييبة
ملاك: زعما!
زينب؛ شحال من واحد ساابقك ازيين وراك عارفة الأسبقية
ملاك: (خوات راسها من هاد الموضوع حيت ماشي وقتو)
مع تيسير ربي منمشي غير فين مشاني الله..
(كملت خدمتها وصلت وقت خرووجها مشات للدار دخلت للواتس حتى كتبغي تكتب ليه انا فالدار وكترااجع كتجيها فشكل وعاد كتبغي تجننو.. لقاتهم كيوجدو باش يمشيو لعروبية)
واش اليوم انا حسابلي حتى لغدا!!!
زهرة: سيري تغداي ابنتي باش نمشيو
ملاك: (مكتبغيش تشد ليها الكونكسيون فالدار غير جنان للي فيه ولداخل الريزو قلييل)
انا ما في…
زهرة: (خرجت عينها) سيري لبسي حواجيك متعطلييش بلا منبداو داك الموال ديال نتي وباك وفالتالي غتمشي
ملاك: (بقات غير مخنزرة مشات للكوزينة حطت لغدا للي كان عبارة على العدس وسردين مقلي وشلاضة كلات غسلت غير ماعنها فاش كلات خرجت غسلت سنانها) فينها وفاء؟!
زهرة: مشات الحانوت تشري شي حاجة
ملاك: حتى انا خصاني اولويز (صيفطاتلها ميساج بالزربة تجيبلها اولويز ورداتو لجيبها)
غدا خاص نجي انا بكري
زهرة: واخا غير سير وجدي راسك ومتفيقيش خووك باك غيجيبك بكري
ملاك: اممم الأمير النائم ديالنا ممنوع نصدعووه
زهرة: ههه شحال مغياارة…
ادم: (بزز على غيثة تخرج يتلقاو فلعشية وبصعوبة باش بغات.. كمل خدمتو ومشا لدارهم للي خدااو لقاهم جالسين قانطين معاجبهم حال على هاد الحصلة حيت اليوم باهم كان عندو استدعاء باش يعطي أقواالو وتفقس رجع مريييض من عند المحامي وحتى هوما بقا فيهم بزاااف)
هو للي مابغاش يقول شكون للي دارلو هاكا
ام ليلى: نتا تتعرف شكون؟!
ادم: (شاف فليلى للي مفهمتش) اه
ام ليلى: شكون؟!!
ادم: حتى يقولها هو
ليلى: واش تتشك فاورطيغا ؟!!
ادم: مقلت والو، مهم ليلى تبغي تخرجي معايا؟!!
ليلى: فين؟!
ادم: كافي مع غيثة
ام ليلى: بيناتكم شي حاجة؟!
ادم: عادي des amis وصافي
ليلى: اممم اوكي واش دابا؟!
ادم: شي ساعة تكوني واجدة.. (هو دخل عند باااه على متقاد ليلى خرج من عندو وهو مناݣر معاه مفهمش علاش حتى واحد مبغى يقتانع راه اورطيغا هو سبابو…
خرجو هو وختو دازو عند غيثة للي فرحت مها حيت واخيرا خرجت من بيتها.. جاو عندها بالطموبيل ركبت وزادو)
غيثة شنو بان ليك نمشيو افران؟!
غيثة: (مافيهاش) بلاش مقلت والو لماما
ليلى: صراحة فكرة زوينة نبدلو الجو
ادم: الا بغيتي نقولهالها انا
غيثة: (بقاو كيقنعووها هزت تيليفونها تقولها لمها وهي تواافق فلبلاصة واخا كانت متأملة متبغييش..) واخا ماما.. (شافت فيهم متبسمة بعياء)
صافي واخا
ليلى: غيثة مالكي؟!
غيثة: والو غير لعيا وصاافي… (بقات كتشوف فالواتس دخلت لسطاتي ديال خديجة كانت كتحط تصاور خطيرين بين الطبيعة والبحر بلا متبان هي فقط كدير قلوبة…)
بالصحة زين هادشي زوييين بزااف
خديجة: (متكية ففراشها ويوسف ناعس حداها) الله يعطيك الصحة ازين
غيثة: كدايرين لباس عليكم
خديجة: الحمد لله احبيبة ونتي مزيان؟!
غيثة: (بتنهيدة) الحمد لله فين خويا يوسف
خديجة: ناعس
غيثة: صافي عندكم الليل
خديجة: اه
غيثة: بصحتكم منزيدش نبرزطك اختي
خديجة: لا لا بلعكس خودي رااحتك
غيثة: نهار كنتو ماشيين شكون داكم للمطار حيت بقا فية الحال مجيتش عندكم
خديجة: كان شريف
غيثة: اه اوا مزيان…
اورطيغا: (قرا لميساج وتبسم رجع كيكمل ماكلتو مع مو للي عجبها الحال بزاااف فداك الغطس بلعكس منين خرجت من لبحر بكات بزااف خلاها على خاطرها بقات فيه بزااااف عارف شنو بيها راه كما كيحس كيحس وعاد هي زيادة هو بعدا معاه مو اما هي تحرمت منها سنيييين هادي وهي فالحياااة.. )
زيدي كولي
أمينة: الله يخلف اولدي الحمد الله
اورطيغا: دابا مزيان؟!
أمينة: الحمد لله اولدي الواحد مرة مرة كيبغي يخوي للي فقلبو
اورطيغا: (حرك راسو باه) ولكن انا كاين معاك انا عندي نتي هي كولشي
أمينة: الله يخليك لية اولدي حتى نتا هكاك.. غير ديرلي خاطري وتزوج اولدي دغيا
اورطيغا: ان شاء الله الوالدة
أمينة؛ جلس فالدار راها مفرشة وكبيرة فروجية
اورطيغا: لا لا هاديك داارك
أمينة: وداارك حتى نتا
اورطيغا: مداريش انا غنشوف لية شي حل
أمينة: اوا دفع فشي برطمة تماك اولدي
اورطيغا: واش عارفة شحال العقار تماك من غير الا شفت شي وحدة ونعاودها ها للي كيكونو شوية فالثمن
أمينة: وعلاش انا كاينة نعاونك اصلا ديالي هو ديالك
اورطيغا: لا الآلة ديالك هو ديالك وديالي هو ديالك انا نشوفلها شي تخريجة ان شاء الله غير متهزيش هاد الهم
أمينة: الله يدير للي فيها الخير غير على متبدا تقلي هانتا سااكن تماك
اورطيغا: صافي لقينا العروسة ودرنا كولشي بقا دابا غير الدار للي محيرانا
أمينة: اوا العروسة واااجدة وانا راضية عليك
اورطيغا: هه فين شتيها وااجدة
أمينة: وعجبني حتى شنو ختاريتي، وفرحتييييني قد فرحتي بييك الله يرضي عليك
اورطيغا: هه اممم (مكانش بغا يقولها دابا ولكن راه مو حافظااااه وحتى هو مكانتش متحفظ وداير السرية التاامة، قلب وجهو كيشووف فلبحر)
أمينة: نمشي نتكى شوية (ناضت مشات) فين غنمشيو هاد لعشية؟!
اورطيغا: ههه غير رتاحي وفينما بغيتي نديك.. (مشات وهو بقا كيكمل غدااه هز تيليفونو لقاها مسحت الميساج من الواتس للي وصلو بالغلط تبسم)
جابتلك اولويز؟!؟
اورطيغا: جابتلك اولويز
ملاك: (راكبة اللور فطموبيلة باها تبسمت من الميساج ديالو شحال وهي كتسناه يهضر معاها) صيفطت ميساج بالغلط
اورطيغا: اممم ماشي باش نشد الحساب
ملاك: ههه اشمن حساب
اورطيغا: معرفت شوفي نتي (مجاوبتش حيت ملقات متجاوب) بوحدك؟!
ملاك: مع بابا فالطموبيل
اورطيغا: صوري نشوف
ملاك: علاش مكتقيش؟!
اورطيغا: لا غير توحشت سي رشيد
ملاك: ههه (صورتلو طريق ويد باها وصيفطاتها)
اورطيغا: (باانتلو طريق خارج المدينة) فين شداها؟!
ملاك: لبلاد
اورطيغا: ومتتعلميش؟!
ملاك: كنت قلتها ليك لبارح واقلة انا براسي مكنتش عارف
اورطيغا: واقلة مزال مفهمتيني!!
ملاك: مفهمتش (مجاوبش.. بقات كتسناه يجاوب حتى هي خرجت من الواتس وبقات كتشوف فطريق وكتسائل شنو للي قلقو عاود!! واش حيت مقلتهاليهش ولكن كفاش نقولو سلام انا خارجة!! اه كان قالها تعلمو ولكن ديجا علمااتو غير محدداتش ليه نهار رجعت شافت فتيليفونها مكتبش عقدات حواجبها ضارت شافت فوفاء للي شادة أنير وكتلعب معاه قنطت حيت مجاوبهااش خلاتها هكاك وصلو لبلاد دخلو للدار للي جاية فوسط جنان كبير كانت دار عادية وحداها وحدة مبنية بتراب وفيها كوزينة كبييرة تماك كيطيبو مع جلسو مع خير ربي بداو يحطوه من فواكه ملاوي زبدة بيض بلدي خرجو لبرا جنان فين كاين الظل فرشو وجلسو تمااك، ملاك صورت وحطتها فسطااتي تجبد بيها اورطيغا مكملتش دقيقة باش حطت)
غيثة: زوييين هادشي بصحتكم المرة جاية نمشي معاكم
ملاك: مرحبا زين فوقما حبيتي
يوسف: (صونا أبيل ڤيديو جاوبت مبعدة على جماعة للي هضرتهم كولها بالشلحة) بلا بينا الجنية؟!
ملاك: ههه نتوما فجزيرة تماك وحاسديني على جلسة فجنان
يوسف: (كان لابس غير شورط العومان) صافا لباس عليك ؟!
ملاك: الحمد لله ونتوما؟!!
يوسف: (شاف فخديجة للي كتعوم) الحمد لله فين راكم؟!
ملاك: فلبلاد
يوسف: مزيان سلمي على كولشي
ملاك: مرحبا بسلامك فينها خدووج
يوسف: (ضور الكاميرا دغيا وخطفها) تتعوم
ملاك: هاي هاي هاي بالصحة والراحة
يوسف: ههه راك عارفة التيليفون متيصلاحش تهضر هاكا
ملاك: بالصح، ياله سييير نمشي نااكل
يوسف: اه نسيت فالماكلة متتعقلي على حد
ملاك: ههه معلوووم.. (قطعت ورجعت لقات باها كيخنزر) سلمات عليكم خديجة
رشيد: هي للي هضرت معاك
ملاك: اه (جبدت تصاور للي صيفطات ليها كتوريه فين كاينة وهو عاجبو كيتفرج حتى جاها ميساج من عند اورطيغا طلع فوسط لافيشور)
اورطيغا: باقية حدا باك؟!!!
ادم: (كانو جالسين فكافي ليلى خرجت كتهضر فالتيليفون وغيثة كانت خاشية وجهها فالتيليفون كتسنى اورطيغا يحايد ليها لبلوك)
غيثة!!
غيثة: (شافت فيه باين الحزن طاغي عليها) نعام؟!
ادم: عاوديلي شنو مقلقك؟! حيت كنت شفتك تتخاصمي مع اورطيغا ياك هاكا سميتو
غيثة: لا متخاصمناش (جلست ليلى) انا واورطيغا أنتيييم وصافي
ادم: متأكدة انتيم حيت تصرفاتو معاك ماشي ديال أنتيم؟!
ليلى: شكون؟!
غيثة: انا من نهار حليت عيني حليتها على اورطيغا من ديما ظاحك تيسمعلي متيخلينيش نتقلق قلبو زوين بزااف متيحقدش غير الا صافي كعا بزااف تيبغي الخير حاجتو ماشي ديالو
ادم: علاش شنو عندو هو؟!
غيثة: خدام بكتاافو متيتسنى حتى شي واحد يعطييه
ليلى: (ماشي وقت باش تسمع مديح علييه وهي باغيا تنسااه وتكرهوو)
ادم: يعني تتبغيه؟!
غيثة: (تبسمت بحزن) وعلاش غنكرهو؟! اورطيغا عزيز علينا كاملين ويوسف خويا تيعزو بزااف راه قلت ليك حليت عيني على خويا أشرف ويوسف وشريف وعلى اورطيغا ومن ديما كنا تنتجمعو تيديوني معاهم ليومنا هدا
ادم: اممم
ليلى: (اكتر حاجة ندمت عليها هي داك نهار وكان خلاتو يكمل ومدارتش داك تبرهيش منين عيطت لباها زفرت وخوها كيشووفها)
بانلي بحال تتبغيه
غيثة: ههه وراه بالصح تنبغيه بحال يوسف واشرف وشريف
ادم: انا جاي
ليلى: مبغيتش نهضر قدام ادم ولكن انا وياه كنا مصاحبين
غيثة: بالصح معاودش عليك موالف تيعاودلي
ليلى: معمرو جبدني ݣاع فشي هضرة؟!
غيثة: صراااحة لا اخر وحدة كنت عرفتو معاها هي ياسمينة
ليلى: للي كانت فالعرس؟!
غيثة: اه ومن بعد مشاو خرجو بجوج
ليلى: اه، للي كانت لابسة تكشيطة حمرا!!
غيثة: ها!!! الاااا هاديك حتى هي فالشلة ديالنا بلعكس تيعتابرها ختو مبيناتهمش شي حاااجة!! راه قلتلك متنفارقووووش كامليين…
رشيد: (دغيا خطفت التيليفون منين جاها ميساج) شنو داكشي؟!
ملاك: (خرجت عينها وهدا دليل انها مزبلاها) شنو؟!
رشيد: شكون هاد زوبيدة!!!!!
ملاك: نقاشة للي نقشت لخ.. (صونا تيليفونو هزو باغي يقطع وهو يكمش عينو فديك النمرة الغرييبة كيقراها)
رشيد: !!!
ملاك: ونتا للي شنو داكشي… والله يا بابا وتعاودها
رشيد: سكتي لمك انا راجع (وقف ومشا بعد عاد تنفست على خاطرها رجعت دغيا لميساج اورطيغا)
ملاك: باقي حدايا
اورطيغا: بغيت نهضر معاك سيري لشي قنت
ملاك: (دورت عينها كولشي مجمع كيظحك ومها كما العادة حاطة مي حلو حداها المترجم ليها وليهم عزيزة عندهم وعزاز عندها… اما وفاء متكية كتلعب مع أنير واخا متكية وهاد الحركة ممنوعة ولكن حيت ضيفة مكيحكرووش وهي مدات مجابت دارت إشارة لوفاء طلق ليها الكونسيون،
ناضت كتسلت مشات لمور شجرة وهو كيصوني قبل حتى متعلمو راه بوحدها لقاتو كيصوني أبيل ڤيديو فلواتس دارت لكيت وجاوبت شافتو كان فبيت مظلم متكي على يدو رجعت شافت باها بعيد كيهضر فالتيليفون)
اورطيغا: شوفي فية وانا تنهضر معاك
ملاك: راني حاضية بابا
اورطيغا: شوفي فية وانا تنهضر معاك
ملاك: (شافت فتيليفونها معصبها خاصها تحضي باها) شنو!!!
اورطيغا: داك نهار علمت مك دخول وخروج نعرفو
ملاك: براسي حتى رجعت من الخدمة عاد لقيتهم كيركبو
اورطيغا: اصلا قلت ليك حتى الخدمة الا خرجتي منها علميني
ملاك؛ (بعصبية) علاش؟!
اورطيغا: كفاش علاش حيت هاكا بغيييت
ملاك: (شافت فباها وهي كتقول فنفسها واش الحكام عليها من باها ومنو حتى هو رجعت شافت فيه باغية تنفااجر عليه)
اورطيغا: (بهدوء مكمش عينو فيها) ملاك تنبغي نعرف حيت عقلي تيكون معاك مهتم نعرف كولشي عليك ماشي تحكم ولكن حيت باغي نعرفك راحنا مزال عاد تنتعارفو كفاش كدوزي نهارك وشنو تدير!! بغيت نعرف شنو واقع معاك وبهاكا غير تتعاونيني باش نعرفك كتر!!
متنسايش انا بعيد عليك وحتى نتي بعيييدة!!
ملاك: (أثر فيها كلامو رجعت شافت فيه بلا متحس تبسمت محركة راسها باه حيت قنعها نسبيا)
انا براسي مكنتش عارفة غنجيو اليوم حتى دخلت لقيتهم كيوجدو راسهم وبابا حدايا مصالحليش نبقى هازة التيليفون
اورطيغا: امم ولكن تبقاي ديري شي محاولة!!! أنشوف فينك؟! (دورت الكاميرا كتوريه وهو كيشوف العائلة مجموعين كانت جلسة فجنان زوييينة) وريني نشوف الزين ديالي
ملاك: (جمعت تفرنيسة عاد دورت التيليفون) ونتا شنو كدير؟!
اورطيغا: (وراها انه متكي كان مظلم) غنتكى شوية ونته..
ملاك: (باها جاي) بابا جاي بسلامة (قطعت ومشات جلست حدا وفاء دايرة راسها كتلعب مع أنير وحاضية باها بطرف عين للي تبدل وجهو وغير سااكت…)
ادم: (دار كينة فعصير غيثة للي بقا منو غير شوية وعطاهلها وهي كتشوف) هدا ڤيتامين باش مغيبقاش راسك ضاارك
غيثة: (تبسمت وشربااتو كتسمع احاديث ديالهم ومغامرات ليلى ففرنسا) وعلاش رجعتي
ليلى: تنجرب هنا!! اخر المطاف غرجع تماك (بقاو كيهضرو هي وخوها وهي مكااالمية)
ادم: شنو بان ليكم نباتو هنا؟!!
غيثة: (متحمسة) اه فكرة زويينة نسهرو هنا تنعرف بلايص زويينة
ليلى: متأكدة!!
غيثة: (بابتسامة) اااه ماما من بعد ونهضر معاها اصلا هي كانت باغياني غير نبدل الجو..
ليلى: (تبسمت كتشوف هاد البنت عاد كانت كارهة وحزيينة ودابا متحمسة وغير كظحك!!)
صافي واخا!!!
~~~~~~~~~~~~~~~
شريف: (عيطلو الدري للي خدام عند اورطيغا كيعلمو على شي شكاية جديدة جات استغرب حيت الكموند دلبارح هو للي وقف عليها وهو للي كان حاضر فذبيحة!!!
ماشي اورطيغا مشا لتماك كيستفسر حيت حس بشي لعبة تمااك ومراد عندو الحق حيت لدابا حتى واحد معارف ان شريف هو للي شد كموند بلاصتو!!! مشا للكوميساريا يعرف شكون مول هاد الشكوى لقاه واحد مكيعرفوش بغا يفهم مناش كيتشكى لقاه شاك ان لحم تذبح بطريقة غير قانونية جاتو شكوى غبية للي كتخليه طالع هابط فالمحاكم على والو!!! أكد أن هو للي كان ذبح يعني الشكاية غتكون عليه هو!!! خرج من تماك نيشان المحامي باغي يحبس هاد ضيااعة الوقت!! للي خلات اسم مراد ديما فالمحاكم…)
~~~~~~~~~~~~
يوسف: (كيهضر مع مو مبعد على خديجة للي جالسة مستمتعة بالرقص الافريقي والفولكلور ديالهم كتفرج ومرة مرة كتصور)
كفاش مشات مع صحاباتها تبات!! شكون هاد صحاباتها ؟!
الغالية: (مبغاتش تقول ادم) خلاااص علية اولدي البنت قنطت تنقولك شحال مكلات مشربت ودابا منين خرجت تتسول بحال عمرها باتت برا
يوسف: صافي لي مكلاش وشرب يخرج يبات برا الدار!؛! واخا قولي غير شكون؟! تنعرف صحاباتها كاملين؟؟
الغالية: واش غتخاف على بنتي كتر مني؟!
يوسف: معرفت!! حيت تنشوفها جاتك عادي تبات برا مع وحدة ياله عرفتها ومباغاش حتى تقولي معامن؟!
الغالية: مع ليلى بنت محمد
يوسف: هوما ماشي صحابات؟!
الغالية: اوا تصاحبو
يوسف؛ واخا الوالدة انا نصوني عليها
الغالية: خلي ختك تفوج شوية
يوسف: مغنقول والو بغيت غير نعرف واش هي مزيانة… (قطع وصونا عليها مكتجاوبش خلا ليها ميساج ورجع عند خديجة كيتسناها تجاوب…)
خديجة: حبيبي مالك؟!؟
يوسف: غيثة بايتة برا الدار والوالدة قالتلي واحد لبنت للي اصلا ماشي صحابات بلعكس كانت متتعجبهاش!! موالفة تتنعس مع صحاباتها ولا العائلة غير هاد المرة متقتش
خديجة: فهاد البنت!!
يوسف: هي من المعارف غير!! انا تنعرف غيثة معندهاش معاها ؟!
خديجة: يمكن تصاحبو؟!
يوسف: فهاد المدة!!!
خديجة: انا غير قلت وصافي.. (جا عندهم السرباي) يوسف قولو يصورنا
يوسف: (تبسم طلب من السرباي يصورهم تصورو وكملو سهرتهم.. مرة مرة كيصوني مكتجاوبش)
~~~~~~~~~~~~
اورطيغا: (كانو سهرانين هو ومو وصلوه تصاور ديال الغطس بقاو كيتفرجو فيهم صونات ملاك، اول مرة تصوني هي)
انا جاي الوالدة
أمينة: شكون هاد الوزغة!!
اورطيغا: انا جاي ونتي غير خاشية عينيك (ناض من حداها مبعد شوية)
زين!!!
ملاك: (معرفتش علاش صونات عليه ولكن فرحة فلداخل ديالها خلاتها تصوني عليه وتسمع صوتو) اهليين
اورطيغا: (بإستغراب) واقعة شي لعبة!!
ملاك: اممم غير قلت دابا داك نهار…
اورطيغا: (تبسم) اممم توحشتيني!!!
ملاك: لاااااا
اورطيغا: ههه واخا لالة صاڤا
ملاك: (تحرجت ولكن تبسمت) الحمد لله ونت؟!
اورطيغا: صاااڤااا !! منشوفكش؟!
ملاك: الكونكسيون كتشدلي غير فجنان لداخل الريزو قليل
اورطيغا: وشنو ندير انا هاد الليلة!!! مغنهضرس معاك؟!
ملاك: لا مصاالحش
اورطيغا: بقاي فجنان نهضرو بعدا غير أبيل عادية
ملاك: كنخااف من لهوايش
اورطيغا: شنو هوما؟!
ملاك: عقارب ولفاعي
اورطيغا: ياك غير خووتك !!!
ملاك: (غووبشت) سير تزمر
اورطيغا: والله يا مك وتقط.. (سمع طيط طيط.. بقا كيظحك ورجع حدا مو كيكملو تصاور، مصيفط لملاك ڤيديو واخا مشاعلاش الكونكسيون..)
غيثة: (كانو مشاو بواط شطحو مزيااان هي وادم اما ليلى صافي عياات ومشات لوطيل للي جالسين فيه حيت هدا للي فيه بواط غاالي.. كانت كتشطح بحماس وغير كظحك همست ليه فودنو)
زوينة هاديك الكينة للي عطيتني
ادم: (تبسم) بغيتي شي وحدة أخرى
غيثة: (كتشطح وهازة يديها لفوق بكل اريحية وحرية)
i’m happy (انا فرحانة)
كملت كتشطح وهو معاها شاد فخصرها…
~~~~~~~~~~~~~~
أصبحنا وأصبح الملك لله..
ملاك: (فاقت بكري لقاتهم كيفطرو) ماما انا غنمشي ياك بابا مزال ممشا
زهرة: مزال احبيبتي راه كيتسنااك
ملاك: ياله بسلامة (مشات خرجت عندو لطريق حيت جنان جاي مبعد شوية على الشاانطي لقات باها واقف مع شي رجال مشات للطموبيل حتى جا عندها)
معاش غترجع ابابا لهنا؟!
رشيد: فوقاش نتي تسالي ندوز عندك للخدمة ورجعو غيبقى عمك حتى الليل عاد يلحق علينا
ملاك؛ صافي واخا (حلت الكونكسيون وصلها ڤيديو ديال اورطيغا ديال الغطس، وميساج منو
“مرة جاية غنقطع لمك دوك اليدين قبل متقطعي”
تبسمت مشافتش الڤيديو حتى توصل للخدمة وتبرݣݣ فيه مزيااان، هاد المرة عجبها الحال فلبلاد حيت كاين للي مونسها صيفطاتلو ميساج)
انا راجعة مع بابا لصفرو…
~~~~~~~~~~~~~
دازت 3 ايام يوسف وخديجة مستمتعين بوقتهم وبقالهم نهار وفالليل غيركبو فالطيارة باش يرجعو… والوجهة فاس من موراها مرااكش..
غيثة كترت خروجاتها مع ادم للي لقات راحتها معاه..
اورطيغا ومو كانو فسعيدية مكملين لمسارية ديالهم وبقالهم حتى هوما غير اليوم
ملاك واورطيغا اتصلاتهم غير مكتزييد وكيزيدو يتعرفو على بعضيااتهم كتر وكتر…
كانت راجعة للدار باش غتمشي هي ووفاء للي كتسناها للحمام
اورطيغا: هي صافي سالات منك
ملاك: مراااااااد ماااا..
اورطيغا: (تبسم) واقلة غرجعو لفاس حتى حنا اليوم
ملاك: مزيان
اورطيغا: مزيان هي الا جيت شفتك حتى ابيل ڤيديو حارماها علينا فالليل
ملاك: ونتا عارف الدار كانت عامرة بالعائلة وحتى سطح للي كنت كنهضر فخاطري كانو كيجلسو فيه
اورطيغا: مهم خليك على القرص اي وقت غنقولك خرجي عندي
ملاك: لاااا
اورطيغا: اااااااه غير الا مكنتيش باغية تشوفيني هاديك حاجة اخرى
ملاك: مهم انا وصلت للدار نخرج من الحمام ونقولك
اورطيغا: خليك حتى توصلي الدار (كما والفااتو مكيقطع حتى كدخل لدارهم، هبطت من طموبيلتها ومشات للدرب هو رجع جلس حدا مو باش يعلمها يمشيو حيت يدوزو لوجدة يتسراو شوية عاد يشدو طريق، ولكن شافها مخرجة عينها فالتيليفون وجالسة)
مالكي؟!
ملاك: والو
اورطيغا: ماشي معاك، الوالدة مالكي؟!!!
أمينة: (هزت راسها فيه كتبكي) مات بَّا!!!
ملاك: (وقفت حتى هي كتسمع صوت بكا مو) مرااد!!
اورطيغا: (بقا غير كيشوف فمو وهي كتبكي وتخبط ففخاضها وكان بكائها بحرقة كبيييرة… ولكن علاش كتبكي على واحد دافنها فالحياة سنييين هادي!!!!)
أمينة: (كتبكي بحرقة وهي كتشهق) مااات سااخط علية واخا مدرتها لا بيدي لا برجلي.. مات وهو دااافني فالحياااة ماات وانا للي كنت نݣول يجي وقت ونتساامحوو نشوفو ويشوووفني
مااات بّا قبل ميعرفني راني كنت غير مظلووومة فهاد الدنيا مااات وهو معارفنييش حتى واش حية ولا ميتة
اورطيغا: (غوووبش واخا عينيه تضببو ماشي بموت باها ولكن بلكلام للي كتقووول حيت هاد الجرح للي فيه عمرو يبرا)
ملاك: (بقات واقفة مطرفة الحيط دايرة يديها على ودنيها فين دايرة لكيت باش تسمع مزيان)
أمينة: (شافت فولدها) ماااات وهوا مشاايفش ولد بنتوووو مشايفووش كفاش ولا راجل وهاز مو ظلمك اولدي كما ظلموووني!!
اورطيغا: (بقهرتو على مو تفاحة ادم للي فحلقو كطلع وكتهبط بكترة محاس براسو مقجووج)
أمينة: ماااات الله يرحمو ويغفر ليه ويسمح لييه!!
(كتخبط فصدرها)
انا مساااامحااك أبّا الله يسمح ليك ويغفر لييييك انا مساااامحااك
(ضارت يدها على وجهها كتبكي بحرقة كبيييرة وصووتها كيتسمع كيضر فالخاااطر زائد شهقااتها للي كتحس بنفسها غتحبس)
ملاك: (بقات فيها حتى جاتها لبكية أول مرة تعرف هادشي وتسمعو دابا عاد فهمت هاد الصداقة للي جمعتنا مع مها يعني نفس المعاناة)
اورطيغا: (مقدرش على هادشي مشا جلس حدا مو فالنموسية معنقها وهي كتبكي مقدرتش توقف وحتى هو مخليها على خاطرها راه تحط فهاد الموقف مرة واخا عمر شافو ولا عرفو كان بقا فيه اعسااك هي!! سمع فودنيه صوت موطور داايز)
ملاك: (دارت يدها على لميكرو متبعة الموطور كتسبو) لعمااا لعمااا (تسمعت قطع الخط حيدت لكيت مجننة)
متعرفش تصوݣ بشوية
….: راه موطور ابناادم
ملاك: ويكوون ديرو صيلونص!!! ونتا ماشي وكطرطر على الناس (تم جاي جيهتها وهي مشات كتزرب لدارهم اكترية منين بدا كيخسر ليها الهضرة دقت قبل ميوصل تحل لباب عاد خبطاااتو على الجهد علييه.. بقات كدور عينها ومرت عمها كتشوف فيها)
لباس!!
مرت عمها: شكون كان تابعك
ملاك: وحدة بزيني راه عادي يتبعوني حتى لباب الدار
(دخلت ولوخرا كتميق فيها مشات نيشان لبيت مها دخلت عندها كانت هي ووفاء مجمعين وأنير ناعس فوسط منهم)
ماما… اااام عرفتي خالتي أمينة مات باها
زهرة: بالصح!! مسكينة لا حول ولا قوه الا بالله العلي العظيم
وفاء: الله يرحمو
زهرة: تأ!!!! (تنهدت) مسيكينة أمييينة يحسن عوااااانها!!! الله يرحمو ويغفر ليه!!!
وباش عرفتيها نتي؟!!
زهرة: وباش عرفتيها نتي؟!
ملاك: (رمشت عينها مخرجة عينها) يوسف (وفاء عاقت بيها كتكذب جاتها الظحكة) كنت كنهضر مع خديجة وسمعت يوسف كيهضر مع ولدها يمكن، غاالبا !!
وفاء: غاالبا هه!!
ملاك: (خرجت عينها فوفاء) وماشي قالهالو غير سمعها كتبكي وتقول مشا با وقالهالي وانا فهمت
زهرة: (صغرت عينها فيها)
ملاك: عيطيلها عيطيلها مسكينة همك شكون قالهالي مبقاتش فيك مسكينة (مشات لكوافووز كتزول شالها حاضية مها)
زهرة: (هزت تيليفونها) والله معرفت مسكينة شنو غدير!!
(تنهدت بحزن راه نفس حالتها حتى هي، غير فرق أمينة عارفة عائلتها فين كاينين متبعة اخبارها من عند ختها للي كتصيفط ليها فلوس باش تعطيها الاخبار، واش حيين واش مراض واش خاصهم شي حاجة!!! اما زهرة معارفة عليهم واالو للي متأكدة انهم مبقاوش فالمغرب!!!!..
صونات عليها مجاوبتش)
مكتجاوبش مسكينة معرفت شنو غادير واش تمشي لݣرسيف ولا شنو!!
ملاك: شنو قصتها اماما
زهرة: قصتها قصة!!! (دارت نمرة خديجة بغات تصوني وهي تحبسها ملاك)
ملاك: راه دخلو ينعسو هاكا قالولي قبيلة
زهرة: (تنهدت تبدل ليها لمجاج وبقات غير ساهية غاااااارقة فأفكارها)
ملاك: (معرفت واش تصوني عليه ولا شنو دير!!! مكتعرفش توااسي ولكن هو راه رجع قطعة من قلبها وحاسة غيكوون حزييين من لكلام للي قالت أمينة وهي كتبكي!! دخلت للدوش توضات وخرجت لبست عبايتها كان صقيير عكس فاش دخلت كانو مجمعين كيظحكو صلات للي فاتها الظهر وبقات جالسة حداهم بلباس الصلاة مبقاتش عندها حتى الشهية باش تاكل على الأقل غير تعرف شنو غيوقع هزت تيليفونها كتحاول تكتب ليه ميساج)
“”مراد غير تلقى وقت صوني علية بقا عقلي معاك ومع خالتي أمينة””
(صيفطاتو واول مرة ميجاوبهاش ومرجعش صونا)
~~~~~~~~~~~~
اورطيغا: (كيشوفها كتجمع حوايجها بلا عقل وهي كتبكي صونات هاد ختها جاوب هو هاد المرة)
وي..
انا ولدها…
(بحرا خرجاتلوا) سلام…
واخ..
شي جوج سوايع..
صافي.. (قطع)
الوالدة دفينة خلاوها حتى لمور العصر
أمينة: ونلحݣو اولدي؟!!
اورطيغا: الا خرجنا دابا حيت قالتلي غيعطلوها شوية باش كولشي يوصل وشي وحدة جاية من برا
أمينة: برا!! نعيمة هاديك
اورطيغا: امم (حط التيليفون وهي تطلع لابيل ديال زهرة)
تيليفونك
أمينة: (شافت شكون) حست بية الحبيبة حست بية (جاوبت كتبكي) اختي زهرة مااات بّا ماااات
اورطيغا: (كان غير مغووبش مشا لشومبر ديالو جمع حوايجو وكيتأكد مخلا والو هبط لريسبشن كمل لخلاص اصلا كانو غيمشيو فحاالهم.. مشا دار المازوط نفخ روايض عاد رجع عند مو باش يتحركو لجرسيف….)
زهرة: (حتى هي بكات ولكن كتحاول تصبرها وتواسيها وتشجعها على فكرة تمشي بقلب سميييح لدارهم ونحضر لدفينة واخا تظلمت ولكن صافي دير حد لهاد لقطيييعة مدام مها مزال فالحياااة….
جا ولدها قطعت باش تعلم الحاج بشنو وقع، وهي بقات غير سااهية كتمسح دموعها)
ملاك: ماما واش هي مقاطعة عائلتها؟!!
زهرة: (حركت راسها باه)
وفاء: مسكينة كتبان مساالمة ماشي ديال العيب
زهرة: الدنيا هي هادي.. (صونات على رشيد خرجت من حدا لبنات طالعة لسطح)
الو رشيد… اجي دابا للدار بغيتك.. لا لا هانية بغييتك فشي حاجة
(قطعت وبقات فسطح جالسة شحااال حتى سمعت صوتو طلت عليه)
طلع ارشيد
ملاك: (شافتو مصوناش خرجت برا مشات للكوزينة حطت غداها كتاكل)
زهرة: معاش ݣاع؟!!
رشيد: غير شي ساعة نيت على متوجدي راسك وأنير خليه مع ملاك راه مكتخدمش سبت وحد
زهرة: (حركت راسها باه منين غير بغا يمشيو يعزيو راه معجزة عارفااه مزاال باغي يكفر على ذنبو ومنين جات فݣرسيف غيبغي حيت بعييييدة على ديك المدينة….
هبط رجع للقهوة وحتى هي هبطت مشات حدا ملاك) انا وباك غنمشيو لݣرسيف
ملاك: (بلا متحس) نمشي معاكم؟!
زهرة: وصاحبتك ابنتي؟!! وعاد غتشدي خوك وغنمشيو غير نعزيو وغرجعو دغيا!!
ومن امتى كتبغي تمشي تعزي؟!!
ملاك: ها غير بقات فية خالتي مينا!!
(حركت راسها باه كملت ماكلتها ومها دخلت تلبس وهزت بيجامتها، خرجت وفاء هازة أنير للي فااق) فاق
وفاء: اه انا نجيبلو ماكلتو شدييه
ملاك: (كتشوف كفاش هاد لبرانية مهلية فهاد المخلوق للي زعما هو خووها وهي ممسوقاالوش!! شافت فيه وهو يتبسم)
عندك زهر كتشبهلو غنخرجك ونشري ليك دااااانون وهيرنيييس
وفاء: ههه يا ختي على الكرم!! (جابت ليه الصوبا وفاء للي بقاو كيتعاودو مكرهوش يمشيو..
هزت تيليفونها مبعدة حتى طلعت لسطح صونات عليه وهاد المرة جااوب كتسمع غير صوت الهوا من كترت مكيصوݣ بسرعة)
حم مراد!! صاڤا؟!
اورطيغا: من بعد ونصوني عليك
ملاك: واخا ولكن صوݣ غير بشوية
اورطيغا: ان شاء الله، شوية نوصل ونصوني عليك..
ملاك: طريق سلامة (قطعت وهبطت شافت فوفاء) نديوه معانا للحمام؟!!
وفاء: نسولو ماماك بعدا
ملاك: مامااا نديو أنير للحمام معانا
زهرة: بزااف عليه ابنتي ونتي كتعطلي تماك بزااف
وفاء: انا مكنتعطلش دغيا نغسل ونخرجو
ملاك: حتى انا منتعطلش..
الحاج: (عيط لشريف باش يجي عندو، خرج من بيت للي كان جالس شاد الجورنال كيقرااه داير يديه من مور ظهرو) مفتااااحة مفتااااحة!!!
مفتاحة: (بحرا جاية كتلهت حيت كانت كتغدا) اخويا شنو حبيت؟!
الحاج: لبس حوايجك غنمشيو لݣرسيف؟؟!
مفتاحة: ݣرسيف؟! شنو عندنا تماك؟!!
الحاج: باين أمينة مات وخاص نمشيو لتماك
مفتاحة: باها؟!! علاه هي عندها عائلة!!!
الحاج: معلوم
مفتاحة: وفين كانو من شحال هادي؟!!
الحاج: (مخرج عينيه بأمر) لبس حوايجك دغيااا (تم طالع لبيتو لفوق ميمكنش ميكونش معاها فهاد المحنة وهي كانت سنين مهلية فيه وكتبغييه لشخصو ماشي لفلوسووو… جا ولدو شريف بحوايج بالخدمة طلع عند باه مدخلش للبيت بقا على برا حيت بلباس الجزارة…)
شريف: ياك لباس الواليد؟!
الحاج: قول لخوك شفيق يكمل خدمتك ونتا بدل عليك باش نمشيو لݣرسيف
شريف: علاش؟!
الحاج: واش للي قلتلو شي حاجة يبدا يسول فية
شريف: لا لا حاشا، غير زعما!! (مفاهمش علاش ݣرسيف) واخا انا نبدل ونجي عندك غنمشيو بطموبيلتي ولا بديالك
بنسليمان: ديالي دوزها لاڤاج تمسح..
~~~~~~~~~~~~
زهرة: (مشات وهي كتوصي بنتها وتأكد تهلا فخووها وشدو طريق لݣرسيف) نوصلو ونعيطولها تنعت لينا دارهم
رشيد: درتي صحبة معاها دغيا
زهرة: سيدة الله يعمرها سلعة ولقيتها بحال ختي..
رشيد: (حتى كيبغي يقولها ويسكت… شدو لوتوروووت ومشااو لݣرسيف كانت اول مرة تمشي هي لتماك)
~~~~~~~~~~
يوسف: (كانو كيتسرااو باش فالليل غيركبو خداو شي تذكاراات من تماك وشي ديكورات ختارهم اما خديجة معرفت متااخد من غير داكشي للي خداو تذكاراات للجميع وحتى ليها)
رتاحيتي شوية احبيبة
خديجة: بزااااف شحال كنت محتاجاا هاد تسافيرة!!!
يوسف: الطبيعة شي حاااجة
خديجة: بالصح والله مكذبتي الطبيعة كتردك واحد اااخر
يوسف؛ مكنتيش متوقعاها
خديجة: هههه لا واخا نفكر فيها شحال عمرها تجيني على لبااال غنجي هنا انا كان حسابلي شي دولة فلوروبا
يوسف: حتى انا فاللول فاش سمعتها من عند اورطيغا قلت هدا شنو تيقول حتى قلبت عليها وجا واحد الصديق ديالنا هنا بقا تيعاود عليها عاد قررت نجيلها شي نهار ومالقيت حتى شي مناسبة حسن من شهر العسل ديالنا
خديجة: يعني شحال ونتا كتفكر فيها
يوسف: صراحة اه وكتابت مع احلى خديجة
خديجة: ههه مزيان كولها كيدي غير للي مكتابلو…
ملاك: (جمعو حوايج الحمام حيت لبارح دارو لاصيغ بجوج وصاوبت ليهم مي حلو ماسك ديال ألزاز الورد قرفة حتى يكملو من الحكان وغسيل شعر عاد يخلطو كولشي بنص حامضة الا متجرحوش ويݣوميو صحتهم مزيان ويشللو.. هزت تيليفونها مكرهتش تصوني عليه ولكن مبغاتش تسمى كتلسق راه عيطت وقالها يوصل ويصوني.. دات تيليفونها لبيت مها وخرجو للحمام مقررة متعطلش كما موالفة وتبقى مكسلة مع دخلو وفاء شدات طيابة باش تسربيها ملاك حطات أنير فسطل كيلعب حاضياه دهنت صابون البلدي مخلط مع الحنا بقات شوية شللت وبدات الحكان زاااربة باش حتى أنير ميسخفش راه بقا عندها أمانة جات الكسالة حكت ليها ظهرها وفاء غسلت شعرها وهزت أنير كتغسل ليه بلبرودويات ديالو ملاك ردت شعرها قالباه القدام غسلاتو ودارت ماسك للي والمها ديال أرݣان وجمعاتو سفنجة عاد دهنت ألزاز هي وفاء شللو وخرجو لبسو حوايجهم وتمو ماشيين للدار)
وفاء: خاص نعيطو لاورطيغا نعزيوه راه جدو للي مات حشومة
ملاك: (زادت زااربة خافتو يكون صونا ومجاوبتش لقات حمزة واقف بحال كيتسناها دقت)
حمزة: بصحة والراحة حبيبة
ملاك: (دقت بالجهد حتى تهز أنير للي بغا يدخلو نعاس وبقى كيبكي)
حمزة: روييحة غزاالة طالعة معاك
وفاء: (استغربت كتشووف، عاود كيهضرها وهي واالو) خااي البنت مابغاتش تهضر معاك (ملاك بالسيف شادة لسانها بغات تجرب النخال زعما!!)
حمزة: (شاف فيها) ونتي مالك
وفاء: وا دوور ت*** قالك ما.. (سكتت منين تحل لباب دخلو فحالهم ملاك نيشان مشات لبيت مها كانت دازت ساعة ونص من مشيانهم للحمام لقاتو مصوناش، صونات على مها لقاتهم مزال فطريق، خرجت لبرا فين موجدة ليهم مرت الجد الݣوتي)
ملاك: وفااء شحال بين سعيدية وݣرسيف؟!!
وفاء: جوج سوايع مكملاش
ملاك: وبين صفرو وݣرسيف؟!
وفاء: غتكون 2 سوايع حيت فيها لوتوروت، واش نهضرو دابا!!!
ملاك: (حركت راسها بلا وبقات حاضية مع التيليفون دخلت للواتس لقات غيثة عاود حاطة سطاتي مكاين غير القهاوي والتفطااح، خرجت من تمااك مصونية على خديجة حيت لقاتها مصونية جوج مرات)
أفين
خديجة: حنا فالمطار كنتسناو وقيتة ديال الطيارة
ملاك: الله يجييبكم على خير
خديجة: امييين ياك غدا تجي عندنا للمطار؟!
ملاك: معرفتش ماما راه سافرت لݣرسيف تعزي
خديجة: شكون مات؟!!
ملاك: جد.. باين خالتي مينا
خديجة: ااااه مسكينة مفخبارناش الله يرحمو فهاد نهار (يوسف حط الجورنال كيسولها شكون) خالتي أمينة مات ليها باها مسكينة
ملاك: ياله بسلامة.. (مبغاتش تخلي الخط مشغول، شافت فأنير كان نعس بكترة اللعب فلما هزاتو ودخلات لبيت مها تبعاتها وفاء للي فيها الموت دنعاس وحشمت تنعس فبيت لݣلاس فرشت فالارض وجبدت عليها بقات ملاك فوق النموسية غير كتحلل وتحاجي بوحدها…)
الغالية: (عرفت من دار الحاج بنسليمان انه مشا هو ومفتاحة وشريف لݣرسيف يعزيو فباين أمينة) ياك معندها عائلة ومقطووعة من شجرة!!!
غيثة: (مرخية حداها) شكوون؟!
الغالية: ديك المسوفجة ديال أمينة
غيثة: مالها؟؟!
الغالية: سمعت مشاو لعندها لݣرسيف يعزيوها فباها
غيثة: باها؟!! ياك معندهاش عائلة!!! اورطيغا عمرني سمعت منو عندو شي عائلة
الغالية: ياكما منين جابت كرش لحرام لاحوها هداكشي باش
غيثة: زعما؟!!
الغالية: معندها حتى تفسير ااخر منين الولد واخد كنية ديال مو راه هادو هو المعنى
غيثة: (بقات غير كتسمع وقلبها كيتقسم على حبيب قلبها للي بلوكاها من التيليفون ومن حيااتو)
وحنا منمشيوش؟؟!
الغالية: سكت نتي عاود (صومات على يوسف كان طافي) واقلة طلعو فالطياارة، خاص غدا نوجدو على حساب خووك منين يرجع
غيثة: (زادت مرضت فراسها حيت جا للي كيحكمها وداك دخول ولخروج مع ادم غينقص.. جاها ميساج من عندو كيتسناها حدا باب الدار ناضت بالزربة كانت ديجا لابسة ميني وديباردور فوق سرتها)
ماما انا خارجة
الغالية: فاااين؟؟
غيثة: مع ادم (حنات باستها وخرجت بالزربة مخلية مها تابعها بالعين وفرحانة لبنتها واخيرا نسات الشمكار وضبرت على واحد من مستواهم.. خرجت سلمت عليه من الوجه وعطاها عصير الليمون كما العادة بقات كتشربو) خاصك ضرووري تقولي على سمية دهاد الڤيتامين
ادم: لا هدا هو السر باش يخليني نشوف هاد الزين
غيثة: ههه (بقات كتشرب وزادو ماشيين لشي قنت حتى صدمها جاتو شي خدمة بغا يوصلها مبغاتش وبقات مع الشلة للي تعارفات معاها عن طريقو واخا معجبوش الحال..)
~~~~~~~~~~~~
شريف: (صونا على اورطيغا وهاد المرة جاوب) من قبيلة
تنصوني عليك
اورطيغا: (معندو خاطر) كنت صايݣ اشريف
شريف: دابا وصلتو؟!!
اورطيغا: (كيشوف فالخزانة للي كاينة حدا باب الدار خاطرو ممهنيهش) امم (مو خرجت وباين على وجهها الخوف والحزن) ياله بسلامة
شريف: حنا راه فطريق
اورطيغا: عارف (قطع مشا عندها داير يدو من مور ظهرها كيشوفو فالناس ويسمعو صوت لبكى) الا مقديتيش نكملو طريق لفاس نتي مملزوماش على هادشي
أمينة: (حركت راسها بلا) ملزوومة اولدي… (كتشوف فداارهم للي تزادو فيها جوج طبقات وتزادو ديور حداها قلبها معدتها مصارنها كولشي كتحسو مكمش عليها كتشوف كولشي تبدل هزت تيليفونها صونات على ختها)
انا وصلت…
انا ولدي..
حنا نتسناوك
اورطيغا: راه الا دارو شي فلاش نااقص
أمينة: (بجدية) خليني مني لييهم اولدي مدخلش فهادشي
اورطيغا: شنو عاود هاد مندخلش!!! يااااو بربي حتى ريبها هنا والطايح كتر من النااايض!!!
أمينة: مراد هضرت معاك اولدي..
اورطيغا: حتى انا هضرت معاك امينا!!!!
أمينة: الله يرضي عليك اولدي…
بقا غير سااكت كيشوف هادشي فين غيوصل شاف شي جوج جايين عندهم وشوفة فيهم وشوفة فطموبيل ديال اورطيغا للي هو حاضي غير عينيييهم للي مغلغلين علييهم، شاف فمو لقاها غير على للي كانت واقفة بشمووخ وهازة راسها بلعكس هي للي كتخنزر وقفو وهي كدوز عينها عليهم
أمينة: (منفخة) مزال مدفنتوه؟!!
اخ أمينة: مزالنا نتسناو فنعيمة!!
أمينة: (جبدت من بزطامها 5000 درهم) شريو شنو نااقص مبغيت حتى حاجة تخص!!
اخت أمينة: (مشات كتعنقها) مشاالنا بانا اختي مشاا وهو كيطلب تسمحييلو
أمينة: (تشوكات) بالصح؟!!
اورطيغا: (فنفسو وشاد لساانو) بحال والو الا زدتي شي براكة اخرى غيقولو مشا وهو كيجري فزناقي ويغوت بسميتك
أخت أمينة: والله ياختي مراني نكذب ها خووتك شاهدين
أمينة: (بعصبية) اوا وعلاش متعيطوش فديك الوقت؟!
اخ أمينة: (شد فلوس دارهم فجيب سروالو) معرفناه اختي غيموووت (شاف فمراد للي متكي على الطموبيل مخنزر كيشوف فجهة اخرى كان شبه كبيير بينو وبين بااه للي ماات) الله يرحمو فهاد نهار
(بغا يسلم عليها وهي رجعت اللور وهو تحرج حاني راسو)
أمينة: فين مي؟!!
اخت أمينة: راهي لدااخل تتسنى فييك منين عرفاتك جاية عاد رجعت فيها الرووح
أمينة: (قلبها تكمش بالخوف الخلعة الغضب الحزن الاشتياق الكره شافت فخوها لكبير للي جاي مقصدهم غير باها الله يرحمو لابس جلابة واخا الصهد هاز لعصى ديال باها (عكاز) هدا هو سباب بلاها كانت كتمووت بالخوف منو وشحال ضربها داك نهار وتكرفس علييها!! عكس الأحاسيس للي فلداخل ديالها هزت راسها وعينيه فعينيها وكانت هادي أول مرة تحداااه ومحناتش الراس)
احمد: واش راكي جايا ديري هنا؟!!!
اورطيغا: (بلا ميحس وقف قدام مو) جاية تعزي فبااها شي مشكل!!
اخ أمينة: هدا راه خونا حتى هو
اورطيغا: بالزعطة!! خوك يهضر بالاداب مع لالااااه
احمد: ندهي (سيري) من هنا ولا ميعجبك حال
اورطيغا: وشنو غدير؟!
أمينة: مرااد
احمد: (هز داك العكاز بحال غيضربهم) تحركي نتي وهاد الجحموم دولدك ول.. (شدو من عنقو قااجو وبإبهاامو مورك على قرجوطتو)
اورطيغا: سمع اداك الز*** وابربي ولقاااك
(شداه اخت واخ مو ومينا غير كتشووف)
كطووف جيهتها ولا عينك تجي فيها هاد العكاز للي هازو غنردلك ظهرك ملس من كرشك هادشي غير حيت غنحتاارم الوالدة ومغنطلعووش معاك!!!
احمد: أطلݣ!! أطلݣ
اورطيغا: ولاش دوافعها سنطيحة ال.. (سكت)
أمينة: متوسخش يدك فيه اولدي
احمد: (مخرج عينو فيها ومراضيش من هاد ابن الحرام للي قاجو ولوخرين كيفكو وهو للي عندو الهبة فالدار من بعد بااهم ودابا برهوش قاجو!!!)
اورطيغا: (رجع شدو من كول جلابتو كيديه ويجيبو حيت كان برك على قرجوطتو وخنقو والا زاد غيموتلو فيدو ويصدق داخل الحبس على واالو وعاد غيخلي مو ليهم!!!!)
منين تشوفها عينيك حدرهم ياك هاكا تتقولو نحي عينيييك منها ولا غانجي نتقبهم لمك.. (طلقو دافعو مدام مو موقفاتوش الا باغا تشوفو كيتبهدل، أصلا 30 عام وهو مشتااق لهاد اللقطة)
بقا كتشالي بداك العكاااز حتى يحيرو فيك الطبا!!
احمد: (جاب الله كانو من مور الخيمة اما الجنازة غتكون جوج حيت ولادو قباح وبانلو حتى هدا بحالهم وعاد تبهديلة قدام الناس كانت غتشللو.. شد فعنقو)
هادشي علاش ربيتيه
أمينة: ماشي نتا احمد للي تهضر على تربية
اورطيغا: وااا سييير ت**** (كيشدو لساانو غير بالسيف)
احمد: (تم ماشي من حدااهم وهي قلبها غيسكت ولكن ممبينااش باغيا دخل وعارفة غتلقى بزااف دالانتقاداات منهم..)
أمينة: ياله اولدي (لوخرين زادو قداامهم، شافتو واقف) ياله
اورطيغا: مغندخلش تمااك، بغيتي تمشي تشوفي داك الراجل انا هنا تنتسنااك باش نمشيو فحالنا
أمينة: (مبغاتش تفرض عليه) واخا ولدي غير مدابز مع حد ميستاهلوش اولدي والله ميستاهلو متخلينييش خاايفة علييك عفااا ولدي
اورطيغا: توقع شي حاجة صوني علية
أمينة: متخافش علية غير عفاك متديهاش فيهم
اورطيغا: ويقرب شي… (عارف الدخلة صعييبة عليها ومحتاجة شي واحد يكون معاها ولكن حتى هو مقدرش يدخل لتمااك.. تمت ماشية ورجليها تقاال هو غير كيسب ومجنن زفر مكره سد الطموبيل خاشي يديه فجيابو نافخ صدرو مشا من موراها مغيخليهاش بوحدها !!
دخلت للدار كان زحام الداخل والخارج والخزانة فيها رجال للي كيستاعدو باش يديو للجامع يصليو عليه هو غير كيدور عينيه كيشوف فشي وجووه متفاجئين فمينة للي داخلة هازة راسها حافضة الدار وصلت ولوسط الدار جات عندها ختها للي كتميساجا معاها مرة مرة وكتعطيها الاخبار وبدورها شحال من مرة صيفطات ليها لفلوس فاش كيكونو الواليدين عيانين ولا مخصوصين من شي حاجة سلمت عليها كتبكي عكس مينا للي بكات فطريق وفشت قلبها كانت بغات مطيحش دمعة ولكن عينيها ودموعها غلبووها كتبكي ولكن بوجه معبس دخلتها لبيت جلاس فين خواوه وكانو غسلوه وكفنووه بقا غير وجهو للي باين دخل من موراها اورطيغا مد يدو لمو للي رجليها فشلو عليها)
اورطيغا: الوالدة!!!!
أمينة: (بحرا كتنفس وكترمش عينها بالزربة وهي كتشوف وجهو للي كان بحال ناعس ولكن كولو تجاعييد خربقووو دوك الملامح ووجه صغيير جاتها رهبة منووو اما اورطيغا حتى هو تشوكا من شوفت هاد الجثة للي كان هو الكابوس ديالو.. شاف مو قربت دارت يدها على فمها باستها وحطاتها فجبة باها، مبااستوش مباشرة)
أمينة: مسامحااك ابّا مسامحاااك…
اورطيغا: (درعها فكتافها) ياله نمشيو براكة عليك
أمينة: (شافت فولدها ودموعها شلال) هدا هو حنيينك (جدك) اولدي
اورطيغا: ياله نمشيو الوالدة!!!
أمينة: تسامح معاه حتى نتا اولدي
اورطيغا: اش غنت…
ام أمينة: (دااخلة للبيت كتشهق بلبكى وتغرد كانت ضعيفة وظهرها مقوس كتبان قصيرة)
بنتيييي…. بنتييييييي…
(قبل متوصل عند أمينة طاحت سخفت اورطيغا بعد رجلو كانت غتجي عليه شاف فمو للي مشات كتجري حنات على ركابييها لعند مها وكولشي كيفيق ويغوت ويبكي..)
اورطيغا: (ببرود فنفسو) واش حتى هاد اللعبة غتودع!!
اما هو ضار شاف فديك الجثة جاتو رهبة وخوف من الموت ومن الحساب جاو ولادها خرجو مهم مدخلينها لشي بيت كانت شي طبيبة أكدت أنها غير اغمي عليها ماشي ماتت بقا كيطل غير على للي جالسة فوق النموسية حدا مها باغيها غير تشوف فيه باش يعلمها تعيط ليه ممسوقش لهاد دراما للي هنا!!! حتى عاود تجمعت الجوقة ودخلو رجال باش يديو الجد يتدفن بقاو كيكبرو وصوت بكى لعيالات كيزييد حس بأعصابو غير كتزيد تنفااعل،
خرج من تماااك لبرا شاف بزااف دالناس مكيعرف حد مشا جهة ديال طموبيلتو فين لقا دراري صغار للي طالع فوق للي كيتصور غير وقف حداهم مشاو من تمااك، هز تيليفونو صونا على شريف)
أفينكم اصاحبي؟!
شي ساعة..
غيديوه يدفنوه دابا..
اممم..
الله يعاون
(قطع دخل لطموبيلتو بغا يجلس فيها لقاها سخووونة بكترة الحرارة خرج منها بقا وااقف حتى كيشوفهم خرجوه دايرين غطا اخضر عليه مكتوب فيها بالذهبي لا إله إلا الله وتابعين من موراه بالتكبير بقا متبعهم بعينيه كاين غير رجال..
شافهم دخلو للجامع للي حدااهم حلف ميمشي يصلي حتى يخرجو ويمشي يصلي العصر باش ميتحسبش انه صلا عليه ومغيسامحوش!!!..
صونا على مو للي مجاوبتش تم دااخل يتأكد من سلامتها جات وحدة كتعنقو بقا غير كيشووف كيفكر واش يبدى يقمع فلبشري ولا شنو!!!
جراتو دخلاتو فين كاينة مو جبد يدو من لوخرا كيشوف فمو معنقة مها ممتخيلهاش انها سامحاتهم بهاد السهوولة راه 36 عام وهوما مجريين عليها!!! معتابرينها ميتة وعمر شي كلب سول عليها!! وطعنو فشرفها وهي مزوجة فالحلال!!!! )
انا برا
أمينة: اجي اولدي سلم على حناك (جدتك)
اورطيغا: (شاف فيها ديك الشوفة ديال بنيتك)
تبقاي تجاوبي فتيليفونك، انا برا ودغيا باش نمشيو… (تم خاارج مخلي كولشي كيشووف كيحس باحساس خااايب ومكرهش فين ينفس على هاد الغضب جاه ميساج كان من عند ملاك كتسولو واش وصل!! اخر وحدة يبغي يخوي فيها سمو وعصبيتو جاوبها غير بميساج)
“شوية ونصوني عليك”
رد التيليفون لجيبو وبقا واقف جابد ݣارو كيكمييه….
~~~~~~~~~~
ملاك: (معرفتش علاش وكفاش ولكن حست بالخوف علييه يمكن حيت حطت راسها بلاصتو وأنها واخا تعرف جد مها ميت مغتحس بواالو عاد باش تجبر تحضر للجنازة ديالو فاق أنير شافت فوفاء ناعسة هزاتو وخرجت بيه لبراا)
مي حلو واش خاصو ياكل؟!
مرت الجد: بدليلوو ابنتي ليكووش وعاد عطيه ياكل
ملاك: (كانت عندها فكرة ديال تبدال ليكوش حيت شي مرات كانت كتعاون ختها مريم فاش كانو ولادها صغار رجعت لبيت بدلاتلو كان مخسر فيهم مع شمت مع ناض قلبها ولكن شدت راسها بالسيف كملتلو خرجت داك ليكوش لزبل ورجعت عندو كانت فاقت وفاء وخرجو من بيت مها…)
اورطيغا: (بقا جالس تحت الجامع مظلل شوية حتى صونات مو جاوب) نعام!!
أمينة: ولدي، خالتك زهرة وراجلها وصلو لݣرسيف تمشي تجيبهم؟!!
اورطيغا: (بقا غير كيسمع براسو معارفش فين) واخ
أمينة: ها ولد خالك يكون معاك يوريك طريق
اورطيغا: (مكره) واش مزال مغنمشيو فحالنا؟!!
أمينة: عفااك اولدي!!!
اورطيغا: واخا الوالدة واخا نشوفو هادشي فين غيدينا!!! (ناض مشا لجهة طموبيلتو جاه ولد يكون فديك 15 16 العام)
طلع
(الولد فرحاان غيركب فهاد الطموبيل زاد كيورييه الخرجة فين كاينة للي قريبة لوتوروووت)
…: واش بالصح نتا ولد خالتي مينا؟!
اورطيغا: (شاف فالولد ورجع شاف فطريق) امم اه
….: ونتا فاسي؟! كتقاقي ݣول قال
اورطيغا: (هز حاجبو فيه مخنزر) من هنا؟!!!….
(بقا صاايݣ حتى وقف حدا بارتنيير وقف الطموبيل وهبط حيت رشيد كان هابط)
سلام عليكم
رشيد: عليكم السلام اولدي البراكة فرااسكم
اورطيغا: (حرك راسو باه) ياكما عييتو فطريق؟!!
رشيد: لا ولدي
زهرة: (كتشوف اورطيغا كيبقى فيها راها عارفة القصة مزيااان) ولدي اجي
اورطيغا: (بإستغراب مشا عندها متبعو رشيد) خالتي!!!
زهرة: (بصوت خافت وهادئ باش يسمعها غير هو) ولدي نتا بعقلك غير زيد صبر واخا راه فوق طاقتك وجهدك!! مك راه سنين وهي محروومة من عائلتها واخا دارو فيها الشر (تبدلو ملامح لوجهو لغضب) كنتي نتا هو الضحية فهادشي كامل ومعندك ذنب ولكن فوجه أمينة غتزيظ تنازل وتزيد تصبر شوية راه معندهاش من غيرك وحتى نتا
اورطيغا: (حرك راسو باه وغصة فحلقو مقرب ليهم رشيد يسمع هاد الحديث اصلا منين كتعرف هي هاد ولدها!!! اما هو مقدرش يهضر)
رشيد: نمشيو؟!!
اورطيغا: انا قدااامكم.. (ركب فالطموبيل واخيرا شي وااحد فهموو، زاد قدامهم حيت حفظ طريق حتى نطق داك الدري)
….: واخا تطلݣلي غناية السيمو العيساوي!!
اورطيغا: راه جدك للي مات الولد!!
….: واه واه عندك الصح!!
اورطيغا: باينة حتى نتا بقا فيك الحال فمووتوو.. هانتا نتقاد فمزاجي وبلاتي نخرجك فشي دويرة (حتى هو منين كان قدو كان حلمو يركب فشي حديدة زوينة ويطلق الموسيقى على جهدها…)
….: تحيااااا ابن عمي…
وقف بالطموبيل نزل وحتى هوما هبطو ورشيد هاز كرطونة ديال قوالب السكر، وورااهم الدار كانو رجال كيرجعو من القبور صونا على مو للي خرجت من الدار مقلق منها بزاااف، كيشوف حالتها كفاش رجعت بلبكى وهو كفاش كان راد فيها الروح هاد الايام!!
مشاو زهرة وامينة تعانقو كيبكييو ورشيد سلم عليها عزاها ودخل للخزانة وزهرة دخلت للدار
تمنى ينوض صداع باش مو تمشي ويرجعو فحالهم من هاد القنت..
(بقا حدا طموبيلتو كان بغا يصوني على ملاك وهو يوقفو عليه شي دراري هز عينيه فيهم كانو 3 كاين للي كبير وصغير)
….: سلام عليكم، انا عمر وهدا محمد وهدا خونا صغير محسن ولاد خالتك نعيمة للي كاينة على برا
اورطيغا: (بقا كيشوف شحااال آش غيدير فهاد لحريرة!!! حرك راسو باه) مراد
عمر: متشرفين ولد خالتي أمينة؟!
اورطيغا: (حرك راسو باه)
عمر: (عاد تسالم معاه بالاحضان اما لاخر لا يحرك ساكنا كيجيه هادشي غرييب وخاانقو ومزال صاابر كيعطي وجه ليهم)
حنا عاد وصلنا دومااج محضرنااش لݣنازة حنيني
اورطيغا: معليش
عمر: (كان هو لكبير فخوتو عندو 30 عام وخوتو كانو صغار واحد 15 واحد 20 للي مشاو وبقا هدا واقف حداه) حتى الوالدة بغات تشووفك ولكن خافت تكون عندك شي غيياكسيون!!
اورطيغا: (لوا شنايفو بعدم اهتمام) لا عادي
عمر: نمشيو نديرو شي قهيوة باغي نتعرف على ولد خالتي اكتر شحال وانا باغي نعرفك!!
اورطيغا: كنتسنى العائلة توصل (شاف فالساعة) غيوصلو فأي وقييتة
عمر: نتسناوهم حتى يجيو!!
اورطيغا: (معندوش مع بنادم يتلسق حيت مبين مباغي يعرف حد هو مكيحسبش راسو من هاد العائلة غير صااابر مباغيش يخرج شي حاجة خاايبة، شوية جات مو وشي وحدة للي كتبكي غير وصلت حداه طارت عليه عنقاتتو حتى خنقاااتو ومو كتبكي حداها وهو كيسب فهاد نهار ****)
أمينة: هادي خاالتك نعيمة عاد جات مسيكينة من السوييد
اورطيغا: (غير كيخنزر فمو وهي طبطب على كتفو، رجع راسو اللور ببرود)
مشرفيين
نعيمة: انا احبيببي خاالتك للي تحرمت منكم نتا وختي سنيين هادي وعواااام
اورطيغا: (ببرود) كنا غير فاس
أمينة: هااا.. اواااا داكشي للي فااات نطلبو فيه ربي يسمح لأي واااحد
اورطيغا: (دور وجهو صونا تيليفونو كان شريف بعد من حداهم)
صافي انا جاي
(مشا من مور مو كيخضر)
راه وصلو انا نمشي نجييبهم
عمر: انا نمشي معاك
اورطيغا: (بحزم) لا، (مو دارت يدها على فمها كطلبو وتترجااه) بلا منديرونجيك
عمر: لا لا، بلعكس..
اورطيغا: (بقالو شوية ويتفرݣع مشا ركب وحتى لاخر ركب وزادو فطريق حيت حفظها…)
ملاك: (كانو فسطح كيتبردو هي وفاء وأنير وولاد عمها للي كيلعبو معاه اما هي بقا فيها الحال مصوناش عليها من صباح وبدأ كيظلام الحال)
ااو مسالاش ݣاع!!! خ**
(بقات كتخرب فتيليفونها مستحيل تعاود تصوني ولا تصيفط شي ميساج براكة غير عرفت مها وصلات وكان تمااك!!!)
وفاء: مصوناش؟!!!
ملاك: (خرجت عينها فيها باش تسكت حيت مكتبغيش تهضر قدام ولا عمها لاحت عينها حتى كيبان ليها حمزة جالس فسطح متكي على يديه كيطل عطات بظهر ممسوقاش ليه ماشي على حسابو غتهبط من لبرودية!!! براكة غير مفقووسة على هدا للي مصوناش ݣاع!!)
~~~~~~~~~~~~~
اورطيغا: (تبخلو لاخر راسو بالهضرة كيعاودلو عليهم اما طموبيلة ديال شريف تابعاه من اللور، صونات عليه بريڤي جاوب)
وي!!
غيثة: (كتبكي) علاش عمرك بغيتني علاش؟!! انا منين كنت صغيرة وأنا تنبغييك
اورطيغا: (كتهضر بحال لسانها ملوي وكتخرج الكلمات تقاااال) غيثة!!!
غيثة: اه غيثة للي من ديما كانت تتبغيك ونتا فالتالي خسرت عليها بلوووك وهددتيها تبعدك علاش شنو درت ݣاع باش تزولني من حياتك بحال شي وحدة عمرك عرفتيها!!
اورطيغا: (نقص الصوت من التيليفون) من بعد ونصوني عليك
غيثة: الا بقيت حية
اورطيغا: واش نتي مريضة ف*** شنو هاد الهضرة د**** كبري شوية فعقلك (بانتلو ماشي طبيعية حيت كتبكي وظحك وهاد الحالة باينة ماشي فوعيها)
غيثة ديري عقلك
غيثة: نتا للي مبغيتنيش نكون بعقلي
اورطيغا: (سمع صوت الزدحة) واااخ، فينك نتي نجي عندك
غيثة: (تيقاتو) انا ف*****
اورطيغا: (قطع كتب ميساج لأشرف خوها بريڤي واخا هادشي خاصو يوسف)
سير جيب ختك من بواط **** (صيفطو)
عمر: هادي صاحبتك؟!
اورطيغا: (ضار عندو هاز حاجبو فيه زعما ديها فراسك!! وكمل الصوݣان اخر همو هو غيثة للي كيعتابرها ختو ولكن هي لا مبغاهاش ضييع وعاد بمسبتو!!! وصلو للدار وقف بالطموبيل تابعاه طموبيلة ديال شريف للي كانت ديال الحاج كانت النوڤو ديال ميرسيدس هبطو منها كانت مينا على برا هي وختها للي على برا للي فهمتها ان باها كان ساخط عليهم الا هضر شي واحد معاها وكانت كتعذب ولكن خايفة من السخط!!! كان بامكانها تهضر من موراه ولكن خاافت!!
مشات مينة عند الحاج هدا للي كان وقف معاها وكان خوها وباها وراجلها عاونها وساندها وكان نعم الزوج عنقاتتو وهي كتبكي وهو كيطبطب عليها، اما اورطيغا مزال احساس الغيرة ملازمو وخااانقو من جهة راجل مو منين كيشووفهم هاكا!!!….)
اورطيغا: (مبعد علييهم جابد ݣارو كيكمي كيشووفهم مجموعين وكيجريو يتعارفو على الحاج!! دخلو لداخل مفاهمش صباح كانو مكاينينش ودابا عائلة ودغيا سمحت ورجعت!! هز تيليفونو صونا على ملاك مجاوبتش باغي يهضر معاها، جا عندو عمر وقف حداه حتى هو شاعل ݣارو شم الريحة عرفو حشيش شاف فيه)
عمر: ههه مكاينش بحال ربيع دالمغرب (مد ليه)
اورطيغا: (تبسم ابتسامة موصلاش لعينيه حرك راسو بلا)
عمر: ماشي مبلي ولكن هاد السلعة تعيى دور متلݣاااش ختها
اورطيغا: (معندو خااطر يجمع صيفط ميساج لملاك)
بغيت نهضر معاك
عمر: نمشيو لقهوة؟! (كانت غير قريبة مشاو لتماك جلسو طلبو بجوج نص نص)
اورطيغا: (صونات مو مجاوبش) خدام؟!
عمر: كنخدم فشركة تماك وخوتي مزال كيقرااو كنت حتى انا قريت خديت ديبلوم وخدام بيه
اورطيغا: حتى نتوما من هنا؟!
عمر: وااه اصلا بّا ولد عم مّا
اورطيغا: مزيان
عمر: شحال كنت كنݣلب باش نعرفكم ولكن حتى واحد مبغى يݣول فين كاينين للي سولتو كيسبق الميم مااعرفت مااشفت!! حتى نهار للي كنا غرجعو فحالنا ومات داك شماتة ديال باك عرفتك جيت من فاس ولكن فات الفوت لݣيتك جيت حضرت ودغيا رجعت فحاالك وحنا كنا الغد ليه خاص نصبحو لهيه، كنت عوال فاش نعاودو نجيو غنجي لتماك لفاس نݣلب عليك
اورطيغا: علاش؟!
عمر: حيت بغيت نعرفك ونعرف خاالتي للي صدقت بميات راجل عليهم كاملين حيت كنت نشوف شحال بكات مّا فكل مرة كنا نجيو للمغرب كولشي مجموع وبوحدها خالتي للي مكيناش كنت نشوفها تبكي فكل عيد وفأي فرح طرا هنا ولا لهيه عييت فيها نݣلبو كانت خاايفة من باها للي منوض الرعب فقببيلة انا مكنت نتحااامل معاه شحال من مرة غير نجبدو خالتي يحلف علينا منباتو فالدار واخا فنصااص الليل
اورطيغا: امم
عمر: انا عارف متيقش ومن حقك متيقش فهاد الهضرة ولكن اولد خالتي فديك الوقت مالݣيت جهد
اورطيغا: لا لا عادي اصلا انا كابر ممعتارفش بشي عائلة
عمر: ولكن داابا مكرهتش نعوضو شوية
اورطيغا: (طفا الݣارو فالطفاية) شوفو مع خالتكم
عمر: ونتا؟!
اورطيغا: مااا (مجاتش يقمعو حتى فهادي) مرحبا
عمر: عطيني نمرتك (عطاه النمرة صونا عليه من النمرة ديال برا ديالو) واخا كنجي هنا مكنبدلهاش على حساب الخدمة حيت شي مرات كنصيفط ليهم غير من هنا
اورطيغا: مزيان
عمر: نتا شنو خدام
اورطيغا: ݣزار (لاخر شاف فالطموبيل ورجع شاف فيه) جاتك عجب!!
ملاك: (قرات لميساج وقلبت التيليفون ممجاوباش بقا فيها الحال وتقلقت منو علاش دابا عاد تفكرها وكان كانت مهمة هي اول وحدة يفكر فيها تهضر معاه وتواسييه وتوقف معاه واخا معندهاش مع هاد دراما!! وهو من 12 ديال الظهر حتى الليل عاد تفكرها!!! سمعت وفاء كتغاوت فالتيليفون بقات صااقرة كتصنت دايرة راسها ساهية وهي طالقة ودنيها حتى شافتها قطعت بقات كتجنن وتخسر الهضرة)
مالكي؟!
وفاء: داك لحمار مبغاش يتفك مني
ملاك: واش راجلك اللول
وفاء: تفوو ندمت ندمت على نهار للي فكرت نتزوج فيه
ملاك: شنو بغا مكفاهش شنو دار اخر مرة!!!
وفاء: بفففف المرض والله (ندمت علاش فكرت فديك طريق للي خلاتو بحال شي جرو من مورااها خاصها ضروووري تفكوووا يبعد منها اصلا فين كان عقلها منين فكرت ديرلو هكاك..)
واقلة غدا غنرجع لفاس؟!
ملاك: علاش؟!
وفاء: غير على ود شي حاجة نجيبها ونرجع
ملاك: اهاااه، ولكن انا مصالحليش نمشي معاك راكي عارفة!!
وفاء: عارفة عارفة، معليش نمشي بوحدي ورجع فلعشية ان شاء الله..
ملاك: واش غتمشي عندو؟!
وفاء: لا.. هو فالناظور دابا (رجع صونا وهي طفييه وتهناات)
~~~~~~~~~~~~~
أمينة: (كانت مفتاحة حتى هي تماك بحال جالسة على جمر محاملاش هاد الوضع واش هي اعوام مكتقابلش معاها ودابا جاية شادة الطرقان باش تعزيها!! مشات عندها)
مفتاحة نݣولهم يديرو ليك أتاي مسوس
مفتاحة: مبغيت والو بغيت غير نمشي رجع فحالي لداري
أمينة: (حركت راسها باه وصات الطيابة دير ليها أتاي مسوس ورجعت لبيت مها للي كل دقيقة تسول عليها هاد الساعة ممخليا حتى شي احساس يغلب عليها من غير تروي اشتياقها من مها كانت زهرة جالسة حداها فالسداري للي دخلو لتماك مبغاتهاش تبعد عليها ونيت مواسياها واخا تسالمت مع خوتاتها ولكن عادي بحال شي جارات من غير للي كاينة فبرا كل دقيقة تجي وتطلب سماحة عاد منين عرفوها ولات لباس عليها كان احترام اااخر….)
نعيمة: (جايبة بنتها للي لابسة الحجاب) هادي هي بنتي لميااء
أمينة: تبارك الله تبارك لك ومشاءالله عليك (مشات عندها تسالمت معاها كانت طويلة شوية وعامرة كتشبه لأمينة شوية ولابسة حجاب شرعي كسوة واسعة مع فولار هابط على كتافها وزوينة)
وااالدة الزين انعيمة
زهرة: سبحان الله غير نتي أمينة
نعيمة: (متبسمة) ديما كنݣولهالهم
نعيمة: (تبسمت معاها بقاو مجمعين جات ختها لوخرا كطلب لنعيمة فلوس حيت جاو ضياف للي ضروري خاص يتحط ليهم الديسير كيمعنييو على الحاج) مزال مصرفت اختي الاورو
امينة: (دورت صاكها للي معلقاه بحال شي زماݣرية جبدت 1000 درهم)
زيدي هادي على لفلوس للي عطيتكم قبيلة وشريو شنو ناقصكم نعرف الماكلة تحط بزاايد
….: الله يفيض عليك الخير اختي عطيتي وفيتي…
اورطيغا: (واخا كان مصدعو فاللول ولكن بانلو ماشي كيكذب وكيهضر بنيتو، هز تيليفونو) انا جاي اخاي عمر
عمر: غير جلس خود رااحتك انا نمشي نطل على الوالد ورجع
اورطيغا: (بقا هو فالقهوة دوز نمرتها مجاوبتش رجع صونا عاد جاوبت)
مالك متتجاوبيش؟!!!
ملاك: (كتشقلب عينها) كان فلبيت ومسمعتوش
اورطيغا: حتى قبيلة!!؟
ملاك: اه
اورطيغا: (رجع راسو اللور بعياء) راه ماشي نسييتك ولكن ملقيتش وقت نصوني
ملاك: (ببرود) معليش
اورطيغا: داز نهار **** كولشي مرون هنا ومخربق شحال فيهم ديال النفاق باغي غير رجع فحاالي
ملاك: (طلعت لسطح دغيا كتسمع ليه) صافي رجع!!
اورطيغا: (زفر) توحشتك القزمة
ملاك: هه والقزمة علاش؟!
اورطيغا: نجي عندك تبغي تخرجي عندي؟!؟
ملاك: (حتى هي توحشاتو) مااا معرفتش
اورطيغا: ضرووري املاك بغيت نشوفك مكيناش شي حاجة فهاد العالم للي غتقادلي مزاجي من غيرك
ملاك: (تبسمت فرحاانة، بدلع) علاش
اورطيغا: حيت شوووفتك (زاافر مع ابتسامة) غير الشوفة فيك كتنسيني فݣاع المشاكل (فلتت ليها ظحكة بالفرحة سمعها) تنقول الا كنت صابر على هاد الكارثة راه نقد نصبر على اي حاجة
ملاك: (جمعت الابتسامة، سمعاتو كيظحك) هادشي للي كيخليك فرحاان امراد
اورطيغا: (متبسم بعياء) اه نتي لي بغيت نكون معاها فرحاان عندك شي اعتراض!!
ملاك: فالطريقة اه
اورطيغا: وشنو الطريقة للي تتحبي املووكة
ملاك: مبغيت واالو
اورطيغا: متقلقييش مني، راسي عيتفرݣع من صباح باغي غير نميل ونهضر معاك
ملاك: واش شي حاجة ݣغاڤ!!!
اورطيغا: بغيت حتى نتلقاك باش نهضر معاك فخاطري هاد سلوكة متيبردوووش
ملاك: امتى غتجي؟!
اورطيغا: حتى دابا نجي
ملاك: مغتوصلش بكري ومنقدرش نخرج عندك فالليل امراد
اورطيغا: نهضرو أبيل ڤيديو؟!!
ملاك: (بيت مها خاوي وصالح ليها) اممم معرفت
اورطيغا: غنهضروو
ملاك؛ (متقلااااااا) واخ
اورطيغا: انا نمشي نقلب على شي اوطيل ونرجع نصوني عليك
ملاك: صافي واخا
اورطيغا: متنعسيش
ملاك: لا غنتسناك غير متعطلش
اورطيغا: لبسي شي حاجة خ..
ملاك: (بلغوات قبل ميكملها) شنوووو
اورطيغا: والو والو أخاي عبد الغني.. خليك تتسنااي تنعسي نشد على مك طريق…
شريف: الخاااج!! غير غنطل عليه، ميمكنش نخليه بووحدو
بنسليمان: (هاز راسو لسما حيت أعين عائلتها علييه) علاش شنو واقع ليه هو فقط تيدير الواجب هنا مع مو وصافي اما حنا هوما عائلتو مو وانا ونتوما خوتو نهار توقعلي شي حاجة عاد خااف عليه..
شريف: ميمكنش هادشي الواليد، مراد ماشي ماشيين راه بنادم وتيحس
بنسليمان: مراد ولدي رااجل انا للي مربيه وعارفو هادشي معندو فين يأثر فيه هو غير تيدير الوااجب (تحط لعشا شي وحدين كيبغييو يديرو معاه حديث يتعارفو معاه اكترية منين عرفوه ملعق ومن جهة أخرى كاين للي كارهو..)
أمينة: (رجعت صونات على ولدها جاوب دارت يدها على قلبها) ولدي مالك قالب وجهك علية
اورطيغا: واش غنمشيو؟!
أمينة: مزال غنبات اولدي
اورطيغا: انا فشي اوطيل على متكملي غدا باش نشدو طريق
أمينة: وعلاش مشيت لوطيل وحتى الماكلة مواكلش
اورطيغا: نتي عارفااني متنتلسقش على الناس للي متنعرفهمش
أمينة: راه عائلتك حتى نتا على الاقل اجي شوف غير جدااتك
اورطيغا: غدا صباح منين نفيق غنمشيو!!
أمينة: حتى دوز 3 ايام راه حتى الحاج غيبقى
اورطيغا: (بقا ساااكت) انا صايݣ مصالحش نهضر فالتيليفون
أمينة: عفاك اولدي اجي
اورطيغا: غدا صباح غندوز عندك (قطع حيت تعصب بزااف ماشي هاكا تافقو قالتلو سااعة ندير الواجب ونمشيو ودابا دايرة فيها عائلة ومنعرف شنو!!! صونا عليه عمر مجاوبووش باغي يهضر غير مع ملاك على الاقل هي ماشي مناافقة، قلب على شي اوطيل فݣوݣل لقا واحد قريب لفين كاين كان عادي خدا شومبر وطلع ليها دخل نيشان دوش بدل حوايجو خرج بانلو سناك اونفاص مع لوطيل هبط خدا بيتزا كبيرة داز لصاكة خدا باكية ݣارو وشي مكسرات وهرنيس للي مبلي بيه عاد طلع الشومبر كياكل منو صونا عليه شريف مكيجاوبش..
كمل ماكلتو حط الكاجو وللوز حداه طفا الضو وصونا على ملاك أبيل ڤيديو جاوبت كانت لابسة عباية ديال صلا حيت هي للي لقات حداها كانت لابسة غير ديرباردو بشورطو…
بقا كيشوف فيها)
الحاجة!!! ياكما قاطعتك كنتي غتقيمي الليل؟!!
~~~~~~~~~~~~
الغالية: (كتويل فحنوكها وكتغسل لبنتها تحت الدوش باش طير ليها التبوييقة ضربتها لكتفها بشوووووووية مقادراش حتى ضربها بكترة ممفششاها)
علاش ابنتي علاش شنو نااقصك باش تديري هاكا؟!!!
غيثة: (طاوية رجليها للي جامعاهم لوجهها) انا تنبغي اورطيغا بزااااف اماما
الغالية: شوينيفييييك نتي وبغيااانك مالقيتي غير داك شمكار ابنتي شنو ناقص ادم للي باغيك وشاااريك علاش مبغيتيش ديري عقلك وتشوفي للي حدااك
غيثة: انا بغيت اورطيغا بغيتو غير هو!! (كتبكي) ولكن هو متيبغينيش؟! تيشوفني غير بحال ختو
الغالية: الله يعطيه موصيييبا فهاد نهار
غيثة: (كتبكي وتفكيرها غير فييه) انا تنبغيييه بزااف…
—————-
اورطيغا: الحاجة!! كنتي تديري قيام الليل؟!!!
ملاك: (مكظحكش حيت مقلقة منو مابغاتش تسرط ليها ميصونيش نهار كامل)
اورطيغا: مال مك؟!
ملاك: واالو
اورطيغا: مزال مقلقة راه هاد نهار داز فشكل وحق الرب لوكان عرفت هاكا منزطمها تمااك
ملاك: علاش؟! واش مخاصم معاهم
اورطيغا: متنعرفهمش اصلا باش نتخاصم معاهم
ملاك: مكتعرفش!! حتى نتا مكتعرفش عائلة مك
اورطيغا: لا… كفاش حتى نتا؟!
ملاك: (دارت راسها بحال مقاالت والو) وباش عرفتوه مات؟!
اورطيغا: كانت تتهضر مع ختها للي تتوصل ليها خبار دارهم وقالتها ليها
ملاك: مفهمتش واش كان واقع شي مشكل
اورطيغا: هادشي املاك بغيت نهضر معاك فيه ولكن تكوني حدايا
ملاك: (عضت على شنافتها جاها فضوول كبييير تعرف)
اورطيغا: وريني بيتك
ملاك: هدا بيت ماما.. أنااا ساكنة!!! راك شفتي الرياض واخا كبير ولكن حنا عائلة كبيرة يعني صعيب كل واحد يتقاد ليه بيت وحنا بزاااف..
اورطيغا: (كيشوفها بحال مراضياش) عادي
ملاك: عادي!! اه عادي
اورطيغا: انا ومي فاللول كنا ساكنين فبيت وكوزينا ديال القزدييير وكانت احسن أيااام
ملاك: بالصح.. ولكن الواحد كيبغي تكون عندو شوية ديال الاستقرار يدخل عليه لبيت يسد عليه مافيه كيهضر ولا ينعس فوقما بغا!!! (نسات راسها وهي كتهضر) عطيتك غير أمثلة وصافي
اورطيغا: تشري دار؟!!
ملاك: هه مفهمتش
اورطيغا: كاين واحد السيد تنعرفو تيبيع ديوور برخا فالحومة مهم حتى نتلقاو وفكريني فهاد الموضوع
ملاك: واخا… رخاس شحال ݣاع
اورطيغا: ههه من بعد.. قولي كنتي تتصلي
ملاك: لا غير لبست باش نهضر معاك
اورطيغا: ماشي مشكل قابل على شنو كنتي لابسة غير زول عليك داكشي غتصهدي
ملاك: ههه مرتاااحة
اورطيغا: (طرطق عينو) عيني ممرتاحيينش
ملاك: ههه لبس نظاظر
اورطيغا: (زفر وهو ظااااحك وبقا كيشووف فالجنة الاخرى ساااهي وهي كتشووف فيه)
ملاك: هادشي للي كدير مع مك زويين بزاااف (شاف فيها) سعدااتها بييك اي وحدة كتمنى يكون عندها شي ولد تعول عليه، وتيقني رضااتها غتنفعك فالدنيا والآخرة صبرتي على بزااف زيد حتى هادي وحااول متااخدش الأمور بعصبية، رخاااها الله…
اورطيغا: (تبسم من كلامها) وكان كنتي حدايا وكان بستك
ملاك: ههه الحمد لله ماشي حداك
اورطيغا: اممم زعما مباغياش؟!
ملاك: حم اوا
اورطيغا: زعما متتفكريش راه غنبووسك
ملاك: موووراد يااء
اورطيغا: ههه الا ماشي اليوم غدا مفهمتش شنو جاك عجب!!
ملاك: (مدورة وجهها شادة الظحكة للي كتخليها ماشي جدية) بففف
اورطيغا: على شوية داك نهار كنتي غت (صونا عليه شريف للمرة ل20) زين نجاوب شريف ونرجع نصوني عليك حتى هو راه هنا ومجاوبتوش ݣاع (حتى برداتو عاد قدر يهضر بلا عصبية مع الاخرين)
ملاك: وااخ (تقطع لابيل عاد طلقت الظحكة وبقات كتشووف هاد السيد للي كيدااعي القوة وممسوقش بارد ومن مورااه جبل ديال المشاكل والعقد ولكن للي أثاار انتباهها هو مشاكلهم المشتركة من ناحية عائلة مهم بجوج!!! نفس المعاناة نفس الجرح!!!
رجع صونا قلبوها ظحك وتعااارف بيناتهم كتر حتى حست بيه عينيه كيتلاسقو بنعاس بقات ساااكتة مدة متقصداها وهو ينعس دغيا تبسمت وهي كتشوف فيه سكرناات تصويرة ليه وقطعت باش تخلي وفاء وأنير يدخلو ينعسو…)
~~~~~~~~~~~~
أصبحنا وأصبح الملك لله…
يوسف: (هبطو فمطار فاس مع 7 دصباح شد تاكسي ومشا لدارهم فين كانت مو وباه كيتسناوهم موجودين الفطور من بعد مرحبو بيهم جا حتى خوه ومرتوو كيفطرو مجموعين)
غيثة مزال ناعسة!!!
الغالية: اه احبيبي، كيف دوزتي تسافيرة ديالك
يوسف: مزيان، (كياكل اومليط بالفرشيطة والموس ) صراااحة خاصكم نمشيو لتمااك
الغالية: (ظحكت باستهزاء) وخلاااااص علية اولدي
يوسف: علاش؟!
خديجة: (كانت كتفطر وكتحااول متسوقش ليها فقط كدور عينها ماشي كولشي كياكل بحالو اذا غتاكل بالخبز للي مشهياااه..)
الغالية: ماشي تحسبها شي حاجة ولا تنقلل من داكشي للي مشيتو ليه!! ولكن منين نبغي نسافر غنمشي لشي بلاصة عليها القيمة ماشي عند عوازا!!
يوسف: (هز حواجبو بجوج عاودها ببطئ) عوازا؟!!!
اب يوسف: وعلاش مالهم عوازا حشومة هاد المصطلح الغالية!!!
الغالية: مقصدتش على اللون راه شفتي صاحبتي حتى هي هاكا ولكن بنت القاع والباع!!
اب يوسف: خاصك تعرف داكشي للي عندنا فالقارة ديالنا مكاينش حتى فشي بلاصة
الغالية: اممم بالصح بالصح..
يوسف: بيزاااغ، (كلا زيتون وبيد اخرى حيد نوا ديالها) ولكن نعذرك
الغالية: (بانفعال) كفاش تعذرني (شافت فخديجة للي تبسمت من كلام يوسف وهي كتاكل)
كفاش تعذرني؟!!
يوسف: خاصك تبحثي على ديك لبلاد، عاد حكمي مهم انا غنطلع نتكى شوية، خديجة!!
خديجة: (بهدوء) نكمل ونلحق علييك
يوسف: واخا بالصحة والراحة عليكم (مسح بالسربية وحطها مطوية حدا الطبسيل ومشا من حدااهم اما خديجة كتاكل غير بشوية مكتهضرش، كتسمع الغالية للي معجبهاش جواب ولدها كملت)
خديجة: بالصحة والراحة
الغالية: جلس معانا نتي وعاودنا على داكشي للي مشيتو ليه
خديجة: نرتاح شوية اخالتي ونهبط نعاود ليك ونوريك تصاور راكي كنتي كتشوفي شي مرات شنو كنت كنحط فليسطوري، (بابتسامة) سمحولي عيانة شوية…
اورطيغا: (مع لعيا فاق مسخسخ نفعاتو غير لاكليم مع هاد الصهد ديال ݣرسيف، هز تيليفونو كان شي كتر من 30 أبيل بين مو وشريف يوسف بنسليمان وميساج واحد فلواتس من ملاك فيه صباح الخير.. دوز نمرتها كيتوݣض غيطفالو التيليفون وقف كيقلب على الشارج ديالو فين حطو لبارح)
زين!!!
ملاك: عاد فقت الخميرة؟!!
اورطيغا: اممم (عاد شاف فالساعة كانت 11 ونص) محسيتش براسي والتيليفون كان صيلونص
ملاك: معليش منها ترتاح حتى نتا
اورطيغا: ونتي شنو مفيقك اليوم الاحد!!
ملاك: فاق أنير وبقيت معاه حاضيااه
اورطيغا: هاكا نبغي زرييقة
ملاك: كتحماااو!!
اورطيغا: مزال مشفتي والو، مهم انا نريݣل أمووري ونرجع نصوني عليك واخا
ملاك: واخ.. (قطعت وبقات حاضيااه كيلعب وفيها نعااس وحتى من وفاء للي كترد ليه لبال خرجت صباح بكري مشات لفاس..)
~~~~~~~~~~~~~
ليلى: (جالسة مع باها للي تصالحو) بابا واخا نسولك؟!
اب ليلى: شنو ابنتي
ليلى: من داك نهار للي تحم.. فاش كنت صونيت ليك وجبت هادوك القطاطعية
اب ليلى: نهار حبسك هداك لحمار فدارو
ليلى: اممم اه داك نهار، عاود درتيلو شي حاجة؟!
اب ليلى: لا.. كان تربى مزيان مولاي قاد يهز عينو فية ياكما عاود تبسل عليك هاد المرا نعطبو مزيان
ليلى: لا لا لا، حم علاش ادم حاطو فبالو بزااف وتيقول هو للي خرج عليك ومنعرف شنو!!
اب ليلى: داك الملقط معندش مو الكبدة باش يقدر يلعب معايا وادم شحال من مرة فهمتو وراسو يااابس!!! ضروووري خاصو يلصقها فشي واحد تنعرفوووه….
~~~~~~~~~~~~~
شريف: (كانو مشاو لاوطيل واخا شدوهم يباتو ولكن أمينة نيفها لفوق حلفت متبان تماك وعلى صباح رجعو لتماك حيت اليوم دايرين لعشا الا مفتاحة للي مبغاتش بحجة عياانة… صونا على اورطيغا تحت رغيب أمينة اما الحاج كيقولهم غير بعدو منو)
مااااا تيجااوبش
أمينة: (خايفة عليه) فين غيكون مشا يا سيدي ربي واشمن جاايحة عطى الراس!!!!
شريف؛ معليش خليييه، بغا يرتاح
أمينة: وانا؟؟ يخليني غنحمااق؟! عفاك اولدي بقا تصوني حتى يجاوب
(رجع للصالون حدا الحاج للي بغاو غير فين يزيدو يتعرفو عليه، دخلت لبيت مها مباغية حد ومسلمت على حد من العائلة للي سنين وهوما يعمرو بيها أتاي براكة غير مها وختها وحدة للي كل دقيقة كيطلبو المسامحة منها واخا هكاك كل مرة تقولهم منسييتش!!!
أما كاين للي طامع وللي كااره واكترية خوها لكبير للي مضارش بيها لا هو لا مرتو للي غير كتخنزر!!؟)
ام أمينة: بنتي مينا فين ولدك
أمينة: دابا يجي امّا دابا يجي…
وفاء: (دازت للدار لبست جلابتها ودارت فولار نظاظر كووحل وخرجت من تماك شدت تاكسي صغير عطاتو العنوان مع وصلت هبطت للحومة تمشات بالزربة حانية الراس قربت للعنوان هزت تيليفونها صونات عليها)
انا حدا لباب صيفطي شي واحد يحضي سطح ونتي حلي..
(باش كانت ماشية باش دارت دخلت للدار للي دغيا تسد لباب من موراها عاد تنفست حيدت داك الشال… حطت يدها على قلبها)
بففف شي نهار قبل منوصل هنا غنموت غير بالخلعة!!
(شافت فلبنت)
خاوي؟!!
…: عندو 2 دراري عاد دخلو
وفاء: دراري!! مهم صافي انا ندخل لبيت لداخل منين يكمل علميني راني دااايرة معاه…
~~~~~~~~~~
اورطيغا: (كان فطر فمحلبة كمل وخرج رجع لوطيل هز تيليفونو وجمع حوايجو ركب فطموبيلتو عاد صونا على ملاك)
انا غنشد طريق دابا شي 2 ولا 3 سوايع الا طولت ونوصل عندك
ملاك: عندي؟!
اورطيغا: اه ضرووري بغيت نشووفك
ملاك: (مها وباها علموها غيجيو حتى الاثنين حيت شدووهم يحضرو للعشا برغيب وطليب من عند أمينة وهي صالح ليها وباغيا تشوووفو)
ومغتمشيش عند خالتي مينا؟!!
اورطيغا: لا
ملاك: غتقلق منك امراد
اورطيغا: وانا شكون يسوق لية؟!!
ملاك: واش انا ياله عرفتك لبارح وغنجي نقولك ونوريك شحال مك كتبغييك، فهمها حتى هي
اورطيغا: راه غندوز عندها ولكن باش نبقى لا وهنا سدينا هاد الموضووع
ملاك: (هزت حواجبها بجوج) اوكي
اورطيغا: جيبي معاك أنير
ملاك: ههه ضرووري من المحرم ديالي
اورطيغا: شوفي شي قهوة تكون بعيدة على البشري
ملاك: زعما قلت ليك اه غنتلقاك؟!!!
اورطيغا: تخرجي ولا ندخل!!؟ نتي ختاري (ديمارا) انا نمشي عندهم من بعد ونصوني عليك هاد لق*** بدا يطلعلي ف***..
ملاك: (قطعت، ميمكنش جملة بلا تخصار الهضرة اكترية منين كيكون معصب!!
كتفكر هي باغا تخرج وتلاقاه توحشاتو وعاد باين شحال باغي يتلقااها ناضت مشات الماريو كتقلب فحوايجها شنو تلبس كل الظروف سامحة ليها باش تخرج عندو…)
اورطيغا: (وصل للدار المشؤومة كما كيقول هو مع حط الطموبيل وبقا فيها مدة باغي يصوني على مو، شافها خارجة من موراها ديك ختها وشريف والحاج للي جاي بشوية)
ياااا بسم الله هادو كانو من مور لباب تيتسنااو؟!!!!
(خرج من الطموبيل وقفت حداه مو, معندوش مع دراما وعاد قدام بنادم)
مزال ملبستي الوالدة؟!!
أمينة: حرام عليك اولدي حرام عليك!
اورطيغا: اااااه انا دابا للي حرام علية فشكل عندك تويشييية!!!
شريف: هي غير تخلعت عليك اخويا وكاملنا هكاك
اورطيغا: علاش غتخلعو؟! مهم سيري لبسي دغيا
أمينة: (جرااتو من يدو هو تابعها مكره) ولدي نبقاو غير هاد نهار وغدا رجعو
اورطيغا: غتبقاي هاد نهار وانا غرجع دابا
أمينة: وتخلي ميمتك بوحدها؟!
اورطيغا: اوا حتى دابا ختاري تمشي معايا ولا تبقاي هنا معاهم!!!
اورطيغا: اوا حتى دابا ختاري تمشي معايا ولا تبقاي هنا معاهم ؟!!
زهرة: (كانو بايتين هي وراجلها فلوطيل ناضو فطرو ومشاو لعندهم وتبقى معاها وهو غيمشي يدور فݣرسيف لقاتها مع ولدها) ها هي هنا على برا
(مشات جيهتهم كتشوف فولدها معصب وهو كيهضر معاها)
نعيمة: (أخت أمينة…. شدت فيدو) اولدي هانتا جال..
اورطيغا: (ببرود شاف فيها مطلعها باحتقار) زول يدك نتي
نعيمة: (تحرجت وبعدت يدها والدمعة فعينها)
أمينة: مرااااد!!! شنو هادشي انا هاكا ربييتك
اورطيغا: (بحزم) غتمشي ولا لا؟!!!
أمينة: شنو فيها الا زدنا غير هاد نهار غير هاد نهار وغدا رجعو
شريف: صبر اصاحبي غير هاد نهار وغدا رجعو مجموعين
اورطيغا: (كيشوف فمو) انا حق الرب مفهمتك!!! دابا من اللخر تمشي ولا لا!!
أمينة: راني قلت ليك او.. (شافتو دار وماشي لطموبيلتو غيتفرݣع رشيد غير كيشووف ومو تابعااه كترغب وحتى خوه طلع تم راجع بالطموبيل اللور وزاد مورك على رواايض مخلي من موراه لعجااج بقات أمينة كتبكي وزهرة ونعيمة كيصبرووها)
رشيد: (جر زهرة) شنو طاري ومال هاد قليل ترابي دار مع مو هاك!!
زهرة: هاااء!!! ونتا اش عارفك قليل ترابي ولا لا!!! نعل الشيطان ارشيد راك بولادك واش تبغي للي يجي يهضر فيهم وهو معارفهمش!!!
رشيد: ومشفتيش كيف دار لمو
زهرة: سير ارشيد تقضي غرااضك تعلم متحكم على حد حتى تعرفو (دخلت تابعة أمينة وهو مشا يدوور…)
شريف: (مشا عند باه) واالو صبر معندوش
بنسليمان: زوينة هادي زيدووه حتى نتوما فاق حقا اجي جدك مات ونتا متتعرفوش ولكن هاد جدك كان عارفك وناكرك راك من صلبو خصك تحني الراس وتبقى تقول غير اه!!!
شريف: (حشم قدام العائلة للي كيسمعو، كيهضر بشوية) لوكان بقى كنت غنمشي انا وياه لشي قنت منبقاوش هنا
بنسليمان: صيفطلو ميساج وقوليه قالك باك (وكيورك على ديك باك) الحاج سير ترتاح سيمانة فلبلاصة للي موالف تتمشي ترتاح فيها
شريف: (كتب كما تطلب منو وسكت..)
~~~~~~~~~~~~
الغالية: (أذن الظهر مشات لبيت يوسف كتصنت عليهم مكاين حتى شي صوت إذا ناعسيين مشات لبيت غيثة كتفيقها)
عندك تقول شي حاجة لخاااااك
غيثة: بفففف جا!!!!
الغالية: جا هو وكلبتو
غيثة: مرض غيبدا يدير بوديݣارد علية ويتمرضن
(هزت تيليفونها صونات على ادم مجاوبهاش)
علاش متيجاوبش هدا عاود!!!
الغالية: شكون؟!
غيثة: والو والو اماما خليني نعس شوية عفااك والله مقادة نوض
الغالية: راه غيجي عندك
غيثة: قولولو مريضة دابا تزوج يمشي يحكم فمرتو يبعدني انا
الغالية: اش هاد الهضور
غيثة: (بعصبية) كما سمعتي باغية نعس راسي تيضرني!!!
اورطيغا: (راجع فطريق كيداابز يسب يلعن ومبرداتلوش انها بقااات وعاد كتقولو نجلسو!!!! رجعت صونات عليه مو مجاوبش حيت غتفلتلو شي كلمة وهادي راها الأم ماشي أي وااحد!!
إحساس خااايب معشش فيه وسؤال فراسو)
علاش بقات!!!!!
(حل السرجم يدخلو الهواا وبقا مدة عاد صونعلى ملاك باش توجد راسها يخرجو حااول يبقى هادئ باش متنفرش منو حيت شاف راسو كتر من هاد دراما الخاوية يدير ما وقع واالو
ملاك انا جاي شي 2 سوايع ولا قل نكون فصفرو
ملاك: اممم وفين نتلقاو؟!
اورطيغا: متنعرفش تماك شوفي نتي فين ترتاحي
ملاك: صافي واخ انا نشوف ونقولك
اورطيغا: واخ..
ملاك: واش هانية بعدا!!
اورطيغا: بيخير الحمد لله
ملاك: انا غنعلمك.. (قطعت كتفكر شنو هاد لبلاصة للي تجلس معاه وتاخد رااحتها ماشي تبقى خاايفة!!! لبست لأنير للي عيات تقلب غير فين تركبو حيت معندهاش كرسيه دالطموبيل لبست حتى هي صونات على مها)
ماما لباس؟!
زهرة: الحمدلله ابنتي فين خوك
ملاك: سخرتو الحانوت
زهرة: ههه وديريها
ملاك: شوفي انا غنخرج، بغيت نخرج ولد بابا يلعب شوية مكاين ميدار وحتى وفاء مشات لفاس
زهرة: هه (كظحكها منين كتقول ولد بابا) وتخرجو فهاد لݣواايل؟!
ملاك: مالي غندور بيه فالشمس واخا صراحة فكرة نمشي نسعى بيه
زهرة: اييه اييه غير متعطلوش ورديلو البال
ملاك: اوا قوليها لراجلك راه كندير خير فولدو
زهرة: سيري لمك خليني نرجع لأمينة راها مفقوسة
ملاك: علاش مالها! زعما على موت باها؟! ولا على شي حاجة اخرى!!
زهرة: اودي كولشي تجمع عليها ياله منين تخرجي صوني…
(رجعت عند أمينة للي فاش دخلت نفاجرت عليهم وانهم هوما سباب باش ولدها كيكرهمم ومقادر يشوف فحتى واحد فيهم وهي نيت هكا كتحس..)
مفتاحة: (مشا جابها شريف بأمر من خوها، كانت جالسة غير كتسمع مكتهضر مواالو غير مخنزرة ومعاجبها حااال ومتأثرت بحتى وااحد هي فقط متبعة اوامر خووها وكتسنى غير امتى ترجع فحاالها ومن جهة تشفات مزياااااان فأمييينة….)
خديجة: (ضربتها لفيقة على يوسف للي كيهضر فالتيليفون مع شريف هزت تيليفونها كانت 12 ونص راه نعسو رتاحو ومكاين حتى واحد صدعهم..
صونات على مريم للي لقات لابيل ديالها غير شافت يوسف جلس حداها كيتسناها تكمل لابيل قطعت مع ختها حتى تعاود تهضر معاها، باسها وتبسمت) رتاحيت شوية!!
يوسف: الحمد لله احبيبة ونتي؟
خديجة: الحمدلله (تفوهت ودار يدو على فمها ودارتها دغيا)
يوسف: كنت تنهضر مع شريف حتى لغدا عاد غيجيو ولكن اورطيغا مبغاش يجلس وجا فحالو
خديجة: علاش، زعما راه جدو للي مات!!؟
يوسف: هو متيعتارفش بييهم حيت من اللول هوما ممعتارفينش بيه أي واحد بلاصتو كان غيدير هاكا
خديجة: علاش مالهم؟! (عاودلها باختصار) مسكيييين مكنتش عارفة كنت عارفة خالتي أمينة عندها شي مشكل مع عائلتها ولكن ماشي ݣاع هاكا حشووومة عليهم
يوسف: ماشي كولشي عارف من غير المقربين
خديجة: اوا من حقو ماشي غير اجي وسااامح انا منو منسامحش دغيا
يوسف: صعييب، مهم حنا تسافيرة لمراكش راه حجزنا ليها السيمانة جاية ان شاء الله، اجلتها هاد اليوماين على منرتاحو
خديجة: صافي واخا
يوسف: انا غنخرج احبيبة غنمشي للخدمة نشوف شي حاجة ونرجع
خديجة: اهاااه واخا
يوسف: بقاي نتي هنا مرتاحة حتى رجع ونهبطو
خديجة: صافي واخا
(رجع باسها لبس حوايجو وخرج من لبيت ساد لباب وهي عارفة غتسمع للي يسممها من عند الغالية الا هبطت اللهم تبقى هنا، صونات على ملاك مجاوبتهاش…)
يوسف: (دخل لبيت ختو كانت كتهضر فالتيليفون غير شافتو قطعت)
لالة غيثة الغزالة
غيثة: (بتوتر وقفت مشات عنقااتو) توحشتك اخووويا
يوسف: حتى انا توحشتك، معامن كنتي كتهضري
غيثة: مع صاحبتي
يوسف: امم، اوا شنو كنتي تديري هاد الايام؟!
غيثة: واالو غير نفس الروتين
يوسف: معليش قربتي ديري سطاج ديالك شريف راه لقا ليك السيدة
غيثة: (بضجر) اه
يوسف: نتي صاڤا؟!!
غيثة: الحمد لله فين خديجة؟!
يوسف: فبيتها الا بغيتي سيري عندها بقاو فلبيت على منجي
غيثة: واخ انا نمشي هي منعساش
يوسف: لا لا سيري جلسي حداها على منجي غنقضي شي غراض ومن بعد نجي نعطيك السوڤونيغ ديالك
غيثة: (تبسمت وباستو فحنكو مع خرج رجع صونات على ادم)
ادم خويا غيخرج داابا اجي عندي حدا باب الدار…
صافي متعطلش..
ميغسي بزاااف….
عفاك متعطلش..
يتبع
التعليقات 0