يوسف: (سول على اورطيغا وعرفو مشا يدير شي خدمة دالحاح) وااايلي والحاج معارفش راه العرس بقاتلو يوماين عاد بانلو يصيفطو
شريف: قلتلو نمشي انا!!! ولكن هو باغي اورطيغا نتا عارف اي حاجة فيها شرا مكيتيق حتى فحد من غير اورطيغا
يوسف: خلينا من شي ثيقة ولا !!!! وفالتالي يقولو اورطيغا ممزيانش تيتعصب!!
شريف: بالصح!! (جبد تيليفون صونا عليه مجاوبوش) متيجاوبش
يوسف: (تأسف حيت الشلة كاملة كاينة هنا الا اورطيغا معجبوش الحال، رجعو تجمعو مع دراري حتى وصلو ميساج من عند خديجة انها رجعت للدار بقا كيتميساجا معاها)
بوحدك؟!
خديجة: لا معايا ملاك كنا كنجمعو حوايجي
يوسف: مقلتيليش ملاك رجعت؟!
خديجة: جات قبيلة حتى حنا مكناش عارفين
يوسف: (اوطوماتيك فكر اورطيغا غيكون بزز عليها تمشي ولكن هي مغسمعش ليه ماشي من النوع للي كيتبزز عليه من غير الا هي كانت باغية، اصلا لدابا مكاين والو بيناتهم رجع مركز مع دراري للي مقشبين عليه وانه غيودع العزوبية…)
~~~~~~~~~~~~~
ملاك: (كتفكر فيه وانه لدابا مصوناش عليها) ولد لحراام..
مريم: امالكي ههه
ملاك: لا واالو غير كنت ساهية داكشي للي ختارت خديجة زوين
مريم: متأكدة مبقاش بيناتكم شي تخربيقة نتي وخديجة
ملاك: لا لا راه هضرت معاك داك نهار (تبسمت من القدر للي بعد عليها يوسف وكان عندها ما احسن فالافعال) انا ويوسف اصدقاء مكاين حتى حاجة
مريم: حسن باش متبقى حتى حاجة فالخاطر
ملاك: فمرة.. اوا متنوضيش تولدي شي بنووتة
مريم: اودي راه مصدعني على هادشي
ملاك: اوا شنو كتسناي زعما الحالة الحمد لله ووليداتك كبرو وحتى خالتي الضاوية كتعاونك مسكينة
مريم: بالصح ولكن غير كنتفكر داك سهير وتمارة!!
ملاك: وراه كولشي بحلاوتو
مريم: (حركت راسها باه) اوا هاد الغبور فداك فاس مجانيش عادي
ملاك: ههه بحالاش
مريم: معرفت شوفي نتي مبقيتي كتسولي الا مصونيتش أنا نتي متصونيش ماشي من عوايدك
ملاك: غير مع الخدمة وصافي
مريم: كتهزي الطوبية زعما
ملاك: ههه واقوليلي شنو غتعطي الكادو لخديجة
مريم: كتهربي القردة!! انا وفاطمة درنا ليها النݣافة والديدجي اما حتى لحويجات راه شارية داكشي غزاال وماركة، ونعيمة شرات ليها سنسلة وماما عطاتها دبليج وزادتها شي حويجات وداك ليزار المطروز مهم كل واحد باش تكلف وبابا عليه الماكلة والحلوة دارتها مي حلو..
ملاك: (كضور عينها) وانا عاونتها فطلاق
مريم: أمهضر معاك حد هههه..
ملاك: (نعست فالسداري مكرهة ولفت ناموسية بوحدها وعاد كانت فلبيت بوحدها كانت كتنعس باش بغات ماشي بحال دابا ممكن اي واحد يدخل للبيت فعمامها ولا خوالها، وعاد كان معاجبهاش الحال علاش مصوناش عليها واش داك الاهتمام كان حدو فاس ولا غي حيت كانو كيتشاوفو ولا هو عندو للي قريب للعين هو للي قريب للقلب!!! تنهدت وهي كتفكر، خديجة شادة تيليفونها كتفرنس فاطمة ومريم كانو كيتوشوشو وباين موضوعهم ساافل نعيمة كانت فلبيت لاخر عطاوه ليها على حساب بنتها وحتى من بنات عمها كولها شادة تيليفونها)
**** لاخر
(هزت تيليفونها دير شي فلم تجيب بيه نعاسها جاها الصهد بقات كتنش على راسها بيدها)
ناري الصهد
خديجة: اه تزمتات القضية
ملاك: (قلبت لوسادة من الجهة الأخرى للي كتكون مبردة ودارت الفلم كتفرج وهي معصبة)
~~~~~~~~~~~~~~
أصبحنا وأصبح الملك لله…
الغالية: (كان كولشي واجد بقات غير العروسة تجي صونات على يوسف للي قريب يجيو من ايفران هو وصحابو) غيثااااا غييييثاااا
غيثة: (هابطة من دروج) شنو اماما
الغالية: ياله معايا للمطار نستقبلو خالتك
غيثة: مفياش اماما ومجاتش نخلي بنت حبيبي بوحدها
الغالية: اوا معليش نمشي انا ومرت خااك
غيثة: صافي واخ.. حقا ياك بلاتي غنمشيو لصفرو حيت سولاتني خديجة
الغالية: مشي مشي علية بقالي غير داك تخربيق نحضر ليه
غيثة: انا غنمشي مع خويا اماما وخديجة مسكينة قالتلي نجي
الغالية: علاش يوسف غيمشي؟!
غيثة: اه (وراتها لميساج كيقولها تقاد حيت فالليل غيمشيو) هو باغي يحضر
الغالية: لا مزيان تبارك الله
غيثة: واا لبارح صونات خالتو زهرة عليك مجاوبتيش وصوناو على بابا وعرضونا وأكدو، ويوسف شحال رغبك راه نتي للي مبغيتيش تمشي
الغالية: ويمشي بلا بية؟!!
غيثة: اوا ياله..
~~~~~~~~~~~
كان فاق مع 6 دصباح مشا للفرمة كيقلب فيها مزيان كما وصلاه الحاج، ل10 كان عند مول شي باش يكمل ليه الفلوس دابا المهمة ديالو يقلب على خماس وللي يحضي الفرمة ويتسنى شيااه للي غيشرييهم وهادشي باين غياخد وقت حيت صونا عليه وقالو مزال فميسور للي بعيدة على ݣيݣو ب130 كلم زاد تعصب صونا على مو
اورطيغا: فيين
أمينة: انا فالتاكسي اولدي ماشية لصفرو
اورطيغا: (باستغراب) صفرو؟!
أمينة: العرس دخديجة بنت زهرة مالك نسيت؟!!!!
اورطيغا: اه اه (حرك راسو باه) مزيان، بوحدك مكانش زعما ݣاع للي يوصلك
أمينة: مبغيت حد شديت كورصة يوصلني حدا باب الدار كنت باغية نمشي مع بنتها صغيرة ساعة لبارح مشات عندهم بلا ميعرفو حتى هوما ونسيت موصيتها
اورطيغا: ملاك!
أمينة: اه ملاك، اوا صافي راها هضرات مع مول التاكسي عطاتو العنوان وغلقاهم كيتسناو نتا مزال مجاي
اورطيغا: (مكره) مزاال
أمينة: علاش؟!
اورطيغا: الخماس مزال بعيد وحتى مول شيااه مزال حتى مخرج من مدينتو شوف تشوف غدا واش نجي
أمينة: الا مجاش اجي نتا، مزيان تبارك الله تمارة فيك والفرح متحضرش ليه
اورطيغا: ونخلي خدمتي
أمينة: اه خليها حتى ترجع
اورطيغا: الله يهديك الوالدة من امتى خليت خدمتي ناااقصة… مهم انا نعاود نصوني عليه..
(قطع مع مو كان باغي وبقوة يهضر معاها ولكن خلاها هاكا حتى يتأكد مزيااان…)
ملاك: (كعات ولكن داكشي مخلياه بينها وبين راسها وحتى الاجواء هنا خلاتها مشغولة وهاد صباح كانو العيالات كيتغدااو مكانوش بزاف دالمعازيم داكشي باش كولشي كان منظم والدار كافية وحتى شغل ماشي بزاف حيت كاينة الطيابة ولي كتغسل لمااعن وللي كتعمر أتاي لبنات كيتسخرو.. جات عندها مها باش تخرج تلاقا أمينة مشات لبست جليليبة لوات شاالها ولبست صنداالة عالية وخرجت حدا القهوى حتى كتبان ليها أمينة هازة كادو فيدها لابسة جلابة اخر شيك شيرت ليها مابغاتش تبان قدام باها حيت مكيبغييش جات عندها أمينة سلمت عليها بحماس)
مرحبا بيك اخالتي
أمينة: (فرحانة واخيرا دارت حباب ويعرضووها ويحسسوها انها مهمة) ترحب بيك الجنة ونعايمها ابنتي الله يجعل كولشي مبارك ومسعوود
ملاك: امين اخالتي لهلا يخطيك
أمينة: وعقباالك ازيين
ملاك: (تبسمت) أمين (سمعت تيليفون كيصوني عليها جبدت كتهضر ومن الهضرة باين اورطيغا بقات هادئة فوجهها ولكن لداخل كتسبو بجميع انواع السباب والمعيوور)
أمينة: جات عندي بنتي ملاك تعرضت لية.. بغيتها!! اهااه (مدت لملاك التيليفون) هاكي ولدي
ملاك: (بإستغراب وحشمت) الوو
اورطيغا: تهلايلي فمي اديك الوزغة
ملاك: (شادة لسانها) مرحبااا
اورطيغا: ههه باغا تهضري ومقاداش
ملاك: (تبسمت واخا كانت مقلقة) اه بالصح
اورطيغا: الا سميت مك مرا ونص قوليلي العزي قداام ميينا
ملاك: اه فلكحل
اورطيغا: هههه (جاه لابيل من عند الخمااس) ياله سيري بلاتي ونتهاضرو (تقطع الخط)
ملاك: (ردت التيليفون لأمينة وهي كتسب وتلعن وعاد زاد قطع عليها، ماشيين فطريق حتى كتسمع شي واحد كيعيط ضارو بجوج كان حمزة خرجت عينها) شنو اخويا؟!
حمزة: بغيت نهضر معاك
ملاك: (مكرهتش حجر الدرب كامل تبعو بيه تبسمت) مرحباااا (جا جيهتهم سلم عليهم)
حمزة: فوقاش جيتي؟!!
ملاك: لبارح، احم مهم خويا حمزة مشغولة شوية ، ياله اخالتي
حمزة: واخا ولكن مزال خاص نهضر معاك (بقا متبعها حتى دخلت لمرا ضارت شافت فيه مصبعاااه)
ملاك: الله يحرق الز*** بوك يا شمااتة
(مقالتهاش بالجهد ولكن باينة بقا غير كيرمش دخلت مفقووسة كانت زهرة وبناتها كيتسناو سلمو على أمينة ودخلاتها لبيت لاخر على فين جالسين لعيالات كترحب بيها بالجهد اما ملاك مشات لبيت مها تنتف راسها بالاعصاب للي خلا فيها حمزة….)
يوسف: (رجع للدار هو ودراري للي مشاو فحالهم من غير شريف للي بقا معاه حيت هو الوزير ديالو بقا لتحت وهو طلع الفوق ياخد دوش خفيف)
غيثة: (كانت العائلة وهو كان جالس بعيد شوية، شافتو مشات عندو) شريف صاڤا!!
شريف: اهلان أهلاااان بالزين فين غابرة
غيثة: (تبسمت بدلع، حنات سلمت عليه بليبيز) فالدار وصافي تكرفييس مع هادشي دالعرس
شريف: اممم لحداااݣة، قالي يوسف بغيتي تبداي الخدمة انا هضرت ليك مع واحد السيدة تنتسناها تجاوب باش تبداي معاها
غيثة: بالصح ميغسي بزااااف، غتمشي معانا لصفرو
شريف: ضروووري
غيثة: عائلة خديجة زوينين شوفلك حتى نتا شي عرووسة ولا عرفتي شوف مع ملاك راها غزاالة وبنت الناس وغتفاهمو
شريف: اممم تخطبيهالي؟!!
غيثة: (بجدية) اه
شريف: ههه بجيغييطة كبرتي وليتي بغيتي تخطبي لخوك لكبير
غيثة: ههه وعلاش لا
شريف: ههه واخ نمشي ونشووف
غيثة: شوف مع ملاك وهاكا صحاب يتزوجو لخواتات ومتفرقوش ݣاااع
شريف: اممم صراحة فكرة وهاد الفكرة عندكم متوارتة
غيثة: ههه حتى يوسف قالهالك
شريف: هه سي، فين داك العريس راه خاصو يمشي للصالون
غيثة: حتى ماما راها تتوجد راسها
شريف: (كان عاودلو يوسف مغتمشيش حيت مبغاتش) صافي مزيان ونتي مغطلقيش عليهم زييينك
غيثة؛ منحتاجش!! زيني مطلوق حتى ومنتقادش
يوسف: شريف مشينا
غيثة: معاش الساعة اخويا خاص نكونو واجدين
يوسف: انا علمت الوالدة حتى ل10 حيت عندهم الفقهة ويكملو لعشا ديالهم عاد نمشيو
غيثة: (حركت راسها باه هوما خرجو وحتى وهي وبنات العائلة مشاو للصالون يقادو داكشي خفيف حتى العرس ويديرو تقييل.. اما الغالية وجداتلو حوايج ولكن بطلب من زوجها يكون لباس تقليدي وهي وافقت وحتى هي وجدت راسها مزياااان وخرجت مع ختها شراو شنو ياخدو معاهم حيت مكانوش عوالين على يحضرو للحنة..)
~~~~~~~~~~~~~~
أميمة: (كانت حاضية ملاك للي كتسخر مرة مرة جاتها عادية ماشي شي زين فتاااااك للي يدير حمزة عليها هاد الحالة وعاد كتبان بحال شي بنت صغيرة قزووومة، كانت جالسة مع شي جارات)
…: اوا أميمة كيف غادا مع شي خفة
أميمة: هانا احبيبة ماشيين
….: وبعدا امورك مع راجلك مزيانين
أميمة: (كانت وصلاتهم لخبار غيطالقو) اوا يبعدو علينا غير بنات لحراام
…: واش على ملاك بنت لالة زهرة؟!! حيت كنت كاانشوف حمزة كيهضر معاها فاش نتي مشيتي لدار باك
أميمة: اوا ها هو رجع لمرتو وولدو وهي بقات باايرة
….: وا بنات هاد الوقت مبقاو كيحشمو …
من بعد مسرباو العيالات وشطحو شوية على الباف مشاو وناضو كيجمعو الدار على حساب رجال والفقهة للي غيجيو فالليل لعشا حتى يمشيو عاد غيديرو الحنة لخديجة بين المقربين فقط يعني ماشي بحال عرسها اللول للي كيكون بحال شي موسم،
رشيد هز تيليفونو وأكد على اب يوسف يحضرو فلعشا ماشي حتى يدوز وعرض حتى على الحاج بن سليمان للي خدا النمرة من عند أمينة للي عجبها الحال ورتاحت لهاد العائلة كولشي خدام وحتى هي لبست بيجامة وحلفت حتى دير يدها خلاتها زهرة على راحتها وخاطرها حيت عارفاها مشتااقة تحس براسها فوسط فاميلتها.. اما ملاك مخشية فسطح مخبعة على شقا وفنفس الوقت كتنقي ظفار رجليها باش تصبغهم شافت تيليفونها صونا كانت غيثة عوجت فمها وجاوبت
غيثة: حبيبة صاڤا
ملاك: الحمد لله ازين ونتي
غيثة: الحمد لله احبيبتي قوليلي فيها شي شطيح بلاتي
ملاك: داكشي للي دايرين واقلة
غيثة: يييس، شوفي راني عند كاميليا واش صافي تخليلك هاديك التكشيطة
ملاك: الحمرا؟!
غيثة: اه، حيت جات كليانة بغاتها وحنا معودناش رجعنا أكدنا عليها
ملاك: قولها تخليهالي والا صلاح ليها تصيفطلي الكونت ديالها نصيفط ليها فلوس حتى انا تشغلت بزاف ونسيتها
غيثة: اويييلي لا مبيناتناش
ملاك: لا واالو اغيثة غير صيفطيلي عفاك الكونت
غيثة: واخا لالة، وتبغي شي حاجة اخرى نشدلك رونديڤو عندهم على حساب غدا
ملاك: اممم لا بلاش اصلا غنبقى مع خديجة هنا صافي غير شديلي التكشيطة
غيثة: والاكسيسوارات؟!
ملاك: (بإستغراب مالها عروسة) لا
(كملو هضرتهم وبقات جالسة حتى كملت بدا كيتبرد الجو شوية ناضت طلات عليهم واش كملو باش تهبط لقاتهم شاعلين مبيخرة كبيرة وتريتورا هوما للي كيدورو هزت لاتروس ديالها وهبطت لبيت مها لبست قفطان جوهرة مع صندالة عالية شوية عكرت يعكرها الخفيف عاودت دارت ستيك العرق، دارت شالها وخرجت مشات للصالون صغير غير لعيالات كيديرو الكوتي جلست حدا ختها وبدات كتاكل.. بهمس)
شنو جابت ليك ماين مراد
خديجة: واحد الكوڤر كيصطي داكشي دالعرساان وعطات مسكينة لماما 1500 درهم
ملاك: هاه ملعقة
خديجة: ههه الله يكتر خيرها مسكينة شحال راها فرحانة حقا غتجي ماين يوسف
ملاك: يااك!!
خديجة: والله كنت عارفاها غتجي (صونات عليها الكوافورة) واقلة جات خرجي عندها املاك
ملاك: فينها
خديجة: حدا القهوى
ملاك: منخرجش بقفطاني
خديجة: ونخرج انا اصاحبتي
ملاك: وانا مالي
خديجة: عفاك اختي عفااك
ملاك: زمر.. (ناضت مشات لبيت مها حطت القفطان ولبست جلابة لوات شالها كتدعي غير متلقاش بحمزة عاود مشات عندها وتمو جايين بجوج دخلو لبيت مها باش خديجة تقاد على حساب الحنة ولكن غدير داكشي خفيف…)
كان لبس يوسف البلدي وتعطر من بعد مرجع من الصالون وقاد اللحية وشعر مو لبسات جلابة بقفطانها مصاوبة شعر ولاوية شال خفيف مبين شعرها مع ميكاب خفيف حتى غيثة لبست قفطان ثليجة مخلية شعر مطلوق وميكاب هاادئ وخالتها لابسة بحال مها ومقادة فولارها خوه لابس ݣندورة فلون قفطان مرتو والبقية مغيمشيوش حتى يحضرو العرس حيت جاتهم حشومة ياخدو العائلة كاملة للحنة شريف لبس عادي جاب الحاج بنسليمان ومفتاحة مابغاتش تحضر، حطو داكشي للي شراو فالكوفر وشدو طريق لصفرو
يوسف؛ (كيصوني على اورطيغا مكيجاوبش) متيجاوبش
شريف: (معجبوش الحال خوه ميحضرش ولكن ميقدرش يهضر) انا نعاود نصوني
الحاج: غتصوني ونتا صايݣ؟!!!
شريف: (حط التيليفون راد الاعصاب فالڤلون للي مزير عليها)
يوسف: صافي خليك انا شوية ونعاود نصوني
الحاج: مراد منين غيكمل شغاااالو غيجي علاش تتصدعووه دابا وتتزعجووووه
يوسف: (تشاوفو هو وشريف وسكتو كانو مركبينو معاهم اللور صيفطلو ميساج)
أفينك اولدي؟!!
شوف حنا فصفرو على حساب الحنة اجي عندنا ضرووووري تحضر
نوصل ونصيفط ليك لوكاليزاسيون ديال الدار
(صيفط ميساجات وهي تصوني خديجة)
ازين.. حنا فطريق.. (تبسم) اممم.. شي ربع ساعة.. واخا.. (قطع وشاف فشريف)
حتى نتا خاص تجمع راسك اصاحبي
الحاج: قولهاالو انا كنت قدو كانو عندي جوج خوتوو
شريف: (شاف فيوسف للي ضبرلو على نݣير ولاخر كيظحك) مع تيسير الله الواليد
الحاج: اتوكل على الله واش باغي هاد الولاد يكبرو معاك ونتا شاارف (بقا كينݣر عليه ويعاودلهم على ريعان شبابو…
وصلو لصفرو حطو الطموبيل فلباركينغ تحت ترحيب رشيد وعائلته نمو ماشيين مع الدخلة ديال الدرب كانو مناشير ديال ضواوو شادين بين دار حمزة ودارهم عاطية منظر زوين نسا فالمقدمة ورجال من مورااهم مع وصل يوسف بداو كيصلييو على نبي تضهشر وحشم وكيشوف ملاك فالمقدمة هي وخوتاتها تبسم معاها ودارتلو إشارة انه جا زوين حنا راسو حشماان وهي تجي مو شداتو فذراعو تمو داخلين والمبخرة زادو فيها بخور ديال العود عاطية ريحة زويينة، حطو فوسط الدار فوق الطبلة داكشي للي جابو معاهم من تمر معمر حنة حليب ولكن مأنتكين فاكية شكلاط ورد… وقفو رجال للي فالصالون كانو تقريبا 3 ديال طوابل اب يوسف نغز الغالية باش طلقو طلقت من يدو وتقدم شريف حداه بحكم الوزير ديالو وتمو داخلين لعند رجال سلمو على الناس ورشيد كيقدم ليهم العائلة اما زهرة جات سلمت على الغالية وختها وبنتها مرحبة بيهم)
غيثة: (كتشوف فالجلسة لي مقادين على حساب الحنة كانت زوينة وطاغي فيها الطاابع الأمازيغي مكرهتش تصور ولكن قالت حتى يكون كولشي حيت مشافت حتى بنت كدور تماك كولشي مشا للصالون صغير وحتى هي تبعاتهم مشات عند أمينة وملاك كتعوج فيها مشات حدا خديجة فلبيت فين قدات ميكاب خفيف ودارت الفولار حيت وكان مجاوش عائلة يوسف كانت غتكون بلا بيها حيت غيكونو غير لبنات)
خديجة: ملاك ديري شوية دلمكياج
ملاك: يمكن حتى غدا
خديجة: وديري دابا غير شي حاجة (ملاك فكرت دير غير شوية (عكر وفاراجو) على حساب تصاور ولكن متعيقش غير هو تفكيرها فاورطيغا للي من كلام مو مغيجييش…)
يوسف: (عجبوه الاجواء هنا بزااف وكفاش كيقراو القران بلا تيليفون كولشي حاافظ، حشم من راسو فهاد العمر حيت حافظ غير باش كيصلي يعني سور صغار، كيشوف فباه للي ندامج معاهم وحتى الحاج بنسليمان شاف فشريف وخوه وحناو راسهم، وعاد فاش بداو كيدعييو مع العريس وهو حشمان فرحان مضهشر شوية جابو قراعي ديال الحليب والكيسان جا عندو راجل مريم للي تعارفو من قبل طلب منو جلابتو تفاجئ ولكن وقف يحايدها)
راجل مريم: (فكروني شنو درت ليه فسمية)
(موجه بمزاح الهضرة لشريف الي متبع بعينيه)
الوزير للي نتسناو براكتو تبع العريس غير بعويناتو
كولشي بقا كيظحك ولاخر وقف كيظحك حدا يوسف كيعاونو يزول جلابتو
حميد: كولنا أخاي يوسف تݣريسينا فنهار اللول غير الله يكمل كولشي بالخير
يوسف: ههه
رشيد: ههه ماشي عاطييكم ضو عيني (حيدو جلابتو وحتى البلغة ديالو وحطوهم فصينية)
حتى الساعة اولدي
(جا يحايدها يوسف)
ههه غير كنظحك معاك اولدي (كولشي للي تماك كيظحك جابو كرسي فالوسط )
اجي اولدي
اب يوسف: (كيهضر هو وبنسليمان عاجبهم الحال حيت مزال محافظين على التقاليد ديال حنة العريس يوسف بقا بالشوميز وسروال قندريسة جلس حتى كيشووف تريتورة داخلين بصواني ديال نحاس فيهم باغفان رجالي كحل وحنة مخلطة فطبسيل فضة والصينية لوخرا فيها جلابة وبلغة ومسك ولكن ماشي هادو للي كان لابس)
زهرة: لالة الغالية الا بغيت تطل السرجم غيبين ليك ومع الخامية نتي متبانيش
الغالية: واخا الحبيبة (ناضت تابعاها غيثة أما للي تماك مناضوش كولها خايفة من راجلها وأصلا ولفو بقات كتشوف ولدها جالس فالوسط وبداو الاذكار بصوت جميل من عندهم للي أغلبية كيكونو فالزااوية عاد ناض رشيد موقف معاه الوزير للي مظهشر كتر من العريس لبسوه جلابة جوهرة رجالية كانت مخدوومة على اليد بطريقة مخزانية لبسو شريف البلغة نوض باه باش يكحل ليه وحتى يوسف ممناعش بلعكس مرحب بهاد التفاصيل اصلا كيعشق التقاليد وحتى باه كان على دراية دوزلو خط تحت عينيه ومسح بلانجيت بقا غير طبايع شادين فرموشو نوض خوه للي حتى هو عاجبو الحال وهو للي حنا ليه ودار 10 دراهم عليها وفاصمة وجمع يدو شربوه الحليب والأذكار مزاالين على الطريقة التيجانية، والمصور كيدوور مفيلمي كولشي اما الغالية كانت فالسرجم هي وغيثة كيدمعو الموقف خلاهم عاجبهم الحال بزاااااف وهنا حست بولدها عرييس…)
زهرة: (حاضية ردة فعل الغالية للي كانت بين تبغي وبين لا ساعة لقاتها عاجبها الحال مشات باغية ترطب الاجواء باش بنتها تعيش فسلام لمست على ذراع الغالية) الله يكمل عليهم بالخير
الغالية: (كتمسح دموعها) شكرا بزاف لالة زهرة صراحة هاد التقاليد بالقران مزيييونة بزااف
زهرة: راه ولدنا دابا
الغالية: ربي يخليك الحبيبة
غيثة: هادشي تيحمق اطاتي زهرة بزاااف
زهرة: فعرسك ان شاء الله والا بغات ماماك نديرلك تقاليد حنة على اصولها
الغالية: فحيااتك ان شاء الله الحبيبة
زهرة: اجيو تجلسو باش نحطو لعشا (مشات الغالية متأثرة جلست كتعاود لختها منكراش ان هادشي عجبها جابت ليها زهرة ساشي فيها جلابة وبلغة ديال ولدها للي جا لابسهم، اما رجال كملو فقراية الحليب للي تقرا عليه دوك الاذكار تريتورة مدو الصينية حتى لعيالات باش يشربو حتى هوما.. عاد تحط لعشا.. رجال بداو كيخرجو وبقاو غير المقربين لبنات مشاو قادو الحالة كولها لبست قفطانها واغلبية كولشي لبس إكسيسوارات ديال اللبسة دالشلحة من الصبنية اللبان الموزون حتى داك الوشام تحت الفم وبين لحواجب دارووه ملاك بقات كتشوف فغيثة باقي من داكشي حيت النݣافة جابت بزااف)
ملاك: غيثة الا بغيتي اجي حتى نتي تلبسي
غيثة: (بحماس) اه اه اه (ناضت فرحانة مخلياها الغالية للي مزال متأثرة مشات حتى هي قدات ملاك مخلات حتى وحدة من خوتاتها يلبسو صنادل كولشي شراابل من غيرها للي لبست صندالة عاالية واخا غتعذب ولكن راه هادشي فيه تصاور وڤيديوهات غيبقاو ديما حتى زهرة لبست قفطان اما خديجة كانت هي الطوب فيهم دايرة ميكاب عادي لعينيها ولكن عكر حمر مبين شنايفها المطراسية وحتى هي دايرة الوشام ولابسة لباس امازيغي من القفطان حتى الاكسسوارات ديالو لبسوها الحايك وسبقت النݣافة كتصلي على نبي فين الانظار توجهت ليها اما الديدجي كان كيسااين حاطينو بعيد شوية ولكن متحكم فالضو
كولشي بقا كيصلي على نبي رجال كانو لداخل ويوسف شاد راسو بالسيف جالس بلاصتو فالصالون باغي ينوض يشوف خديجة
الحنة كانو فيها مالين الدار خوتاتها عݣيزاتهم نجية ومرت ولدها والعائلة للي جاو داكشي كان خفيف عكس عرسها اللول.. كولشي بدا كيصلي على نبي وهي خارجة من بيت معا وخوتاتها ضايرين بيها جلسوها فين قادووها والنقاشة كتسنااها عاد الديدجي طلق الاغاني ولبنات حطو لكراسة باش لعيالات للي ميشطحوش يجلسو يتفرجو)
ملاك: (شادة تيليفونها كتصور خديجة للي جات زوينة وهو يوصلها ميساج)
اورطيغا: واش الدار فيها العرس ونتوما سادين لباب؟!
ملاك: (حيدت الكاميرا متبسمة مع الميساج حتى جاها اخر)
اورطيغا: حلي نتي لباب
ملاك: (متحركاتش من بلاصتها حتى كتشوف راجل نعيمة مشا يحل لباب بقات حاضية حتى شافتو داخل كان لابس سروال دجين مع تيشورت كحل وشحال فرحات بشوفتو..
ضار كيشوف حتى هو كيقلب بعينيه حتى ناضت أمينة كتعنقو وتهضر معاه وهو كيتبسم شوية ملاك جمعت التبسيمة منين غيثة سلمت عليه بالوجه قلبت وجهها لخديجة للي مزال كيتصورو معاها، رجعت كتشوف باها جا يسلم عليه ودخلو للصالون ناضو شي بنات عمها صغار كيشطحو تبسمت معاهم ضارت كتشوف لقات أميمة كتخنزر فيها وطلعها وتهبطها، بعصبية)
شنو نتي عاود!!!! (لوخرا ضورت عينها محاملاهاش) خ** عاااود حتى هاد لمرض
حااولت متعصبش هي عارفة غيثة كفاش دايرة معاه ميمكنش كل مرة كيشرح ليها راها بحال ختو وهي تبدا تحسس من جهتها اه باينة طايحة فيه ولكن هو لا!! ولكن عقل كيقولها لميساج يمكن جاهم بجووج حتى رجع جاها ميساج من عندو دخلت قراتو
هانتي طاالقة زيينك!!
ملاك: (شافت راسها بغات تفرنس) ولا ولا لااااا هاكا كتبدا راه هاد زمر كيتحكم فية نيييت…
(ضورت عينها جاب الله الموسيقى كاينة اما كولشي يسمعها شافت حميد هاز طبسيل فيه دجاجة ماشي للصالون، حطت التيليفون ممجاوباهش حتى على شي ميساج، النقاشة بدات كتنقش لختها)
اورطيغا: (كان كيعاود الحاج بنسليمان انه وقف على شغلو مشا جاب الخماس من مدينتو ميسور وبرزط مول شياه حتى جا وشاف حتى عساس حيت الفيرمة كبييرة منين كمل شغلو تم رااجع، عجبو الحال حيت كيوقف على الحاجة حتى كيقضيها وهو يحشيهالو قدام كولشي )
الخماس والعساس ومول شياه خلصتهم من عندي حتى رجعو لفاس ونتحاسبو انا ويااك
يوسف: (تبسم عجبو الحال فالحاج حيت بقا فيه اورطيغا وهاد تمارة للي ضرب)
الحاج: ضرووري اولدي وعاد خلاصك
اورطيغا: اه, (شكر حميد على لعشا كان ميت بالجوع ولكن ممرتاحاش راه مع الدخلة بانلو حمزة مرتاح جاالس بقا كياكل والحاج مصدعو بالاسئلة على الفيرمة باش يهني راسو صورهالو بالديطاي لمدة 20 دقيقة خلاه كيتفرج وبقا كياكل معاطيهش التفاصيل انه تشاطر وسخسخ الشاري فثمن البيع وشيط لراسو كما موالف…)
حميد: العريس يبغي ياخد تصيورات مع مرتو
رشيد: اهااه
يوسف: (جاه حميد على الݣانة عكس راجل مريم للي كبير شوية انا راجل فاطمة بحال شي ݣاوري غير كيظحك خرج مع بان لعيالات بداو صلاة على نبي تبعو شريف للي نݣرو عليه انه خاصو ديما يكون معاه وصل حدا خديجة للي تبسمت عجباتو بزااف بهاد اللوك وقفت مو مشات عندو هي وختو حتى هي للي شكرها انها جات زوينة وصلو حدا العروسة وهي كتنقش جلس حداها معرف واش يسلم عليها ولا شنو يدير من غير باسلها جبهتها جا المصور كيدير ليهم تصيورات مو حيدت ليها الفاصمة ومسحت ليه الحنا باش يتصور خبر خديجة فودنها)
سخفتيني اخديجة
خديجة: (غير كتبسم فرحانة وطااايرة شاف فالحنة للي كدير وخبراتو حيت الموسيقى عالية) ياكما معندكش معاها
يوسف: بلعكس جاتك غزالة وخفييييفة
خديجة: (كانت اصلا ختارت موديل خفيف وخااوي..)
اورطيغا: (صيفط ليها ميساج)
” تكلمي لباك قالك اجي جمعي الطبلة”
كملت خديجة الحنة ومشات غيثة حتى هي تنقش ولبنات دايرين النوبة على النقاشة للي بعدت على الجلسة دخديجة للي مجمعة مع يوسف ومكاين غير الغزل اما الغالية كتشوف فخديجة هي زويينة ولكن واالو مكتحملهاااااااش اه دارهم زوينين وكبرو بيهم ودارو خطوة زوينة ولكن هي مغدوووش ليها لدرجة لحد الان مسلمتش عليها ولا حتى قالت ليها بالصحة ولا مبروووك تسعت جالسة مع ختها وشي عيالات بعاد شوية…
حمزة: (كانت صيفطاتلو مرتو ميساج انها توحشاتو فنعاس والا كان سالا باش يرجعو للدار ولات هاد الايام قاضياالو حاجتو وطاحتلو على الكود اه قلبو وعقلو مع ملاك ولكن فهاد النقطة لقا أميمة كتلبيلو الرغبات ديالو وبزيااادة لدرجة رجعات كتبات معاه فلبيت ومبقاش عازل عليها.. كيحس براسو داك الغضب كااامل رجع كيخوييه بهاد الطريقة يتخيل ملاك فيها شي مرات مرة كيبغي يعذبها حيت هي سباب فراقو.. جاوبها)
من بعد
اورطيغا: (ممبينش ولكن طرف عينو عليه واكترية رنة الميساج للي كتجيه هز تيليفونو معصب اصلا مكتصوني عليه مكتصيفطلو ميساج مكتسول فيه دوخااتو وحيرااتو حتى بغا يصيفط ليها ميساج ودار بنااقص سمع الموسيقى شخضت بأحيدووس ومع جالس قريب للباب بانلو صف وصل لحدا لباب طل براسو دايرين جوج صفوف كولشي تقريبا نايض وخديجة ويوسف الوسط ناض حمزة خرج وحتى هو خرج بلا ميحس كيلقاها حتى هي وسط خوتاتها كظحك وماشية مع ايقاع الموسيقى بكتيفاتها للي ملاسق مع لبنات،
مكانش عارفها كتعرف تشطح حيت مبيناااش عليها عندها مع هادشي ولكن الطريقة باش ماشيين كولهم بنفس الريتم كانت زوينة عاد الموسيقى وكيرددو معاها تفكر هي اصلا شلحة يعني الطبيعي ديالها تكون كتعرف.. بقا حاضيها ومتبعها غير هي شاف فحمزة هز تيليفون بغا يصور وهو يقصدوو حيت الكاميرا كانت جاية فيها هي نيشان)
اورطيغا: (ميمكنش يتخضر عليه وهو غير ضيف وفعرس وعاد باغي يخلي وجهو نقي) خااي كاين هنا للي متتبغيش تصور
حمزة: (ارتابك) اه اه، بالصح انا كنت بغيت نشد غير الوالدة
اورطيغا: اممم
حمزة: (شاف فيه بإستغراب عاد عقل عليه) كنعرفك؟!
اورطيغا: (دار إشارة بوجهو بمنعرف مبعد عليه اللور)
حمزة: (مشا حداه) كنت كاري حدااك فداك الموبل للي فاس
(ملاك جاية كتشطح حتى كتقشعهم بجوج كيهضرو خرجت عينها واورطيغا هز عينو فيها شاف ردة فعل ديالها دغيا قلبت وجهها)
اورطيغا: يمكن، معقلتش
حمزة: (مد يدو) انا حمزة ولد جيرانهم وقول كابرين فدار وحدة
اورطيغا: مشرفين.. مراد
حمزة؛ مشرفييين نتا خو العريس
اورطيغا: (محاملووش ولكن كيهضر عادي) من العائلة
حمزة: الله يتمم كولشي بالخير…
غيثة: (مشات عند اورطيغا وجراتو يشطح ونيت محاملش الوقفة مع حمزة، خبرااتو فودنو وهي فرحاانة) هادشي غزااال بزااااف
اورطيغا: امم (كيعرف لأحيدوس لدرجة رجع هو كيورييها اما يوسف كان فالوسط بحال شي زوومبي غير شاف خديجة بقات ماشية مع الايقاع وقف كيتفرج عليها مفرنس)
خديجة: ههه واااا شطح
يوسف: (خبرها) هادشي مزال غتعلميه لية
خديجة: هههه (شطحت غير بالقياس حتى جابوها خوتاتها وسطهم وهو مشا جلس حيت غير مضيع عليهم المنظر والديكور كملو داك الديسك ورجعت خديجة تجلس شافت فالغالية للي دورت وجهها ضرها خاطرها ولكن تفكرت وصية مها
“”بعدي وخليك فالتيقار ماشي بالضرورة كولشي يبغيك مهم نتي ديري عين ميكة وتعاملي بالمزيان باش ربي يسهل عليك””
بقاو مجمعين هي ويوسف والناس ناشطين جابو اتاي فرقوه هو والحلوى)
ملاك: (كانت كتفرق وصلت حدا اورطيغا للي بينو بين حمزة جوج دالناس.. بقا كيشوف فيها) وااا هز
اورطيغا: غنهز مك نتي ون.. (سكت) علاش متتجاوبيش
ملاك: (كضور عينها وخرجت عينها فيه يسكت) مراااد الناس كيشوفو هز الحلوة
اورطيغا: اشمن حلوة فيهم
ملاك: (حشمها) وااا هز
اورطيغا: (هز حبة وعينو عليها)
ملاك: (هزت هي من كل شكل وحطاتلو فطبسيلو)
اورطيغا: خرجي برا نهضر معاك
ملاك: كتحلم لا!! (تبسمت ومشات من حداه متبعها كيشوفها تخطات حمزة معطاتوش الحلوة ومشات حطات لبلاطو فالطابلة الوسط هي اصلا هزاتوو غير باش تهضر معاه، شاف فيه لقاه كيشوف فيه هادشي كيجننو حط الطبسيل وكتب ليها ميساج وهو يمسحو مفاهمش واش من جيهتها اصلا كاينة شي حاجة يمكن كتعامل معاه كصديق.. تايق فراسو ولكن هي مرة مرة كتخربق ليه البارامييتر..)
اورطيغا: (جات حداه مو وتبسم) التووتووز
أمينة: اوا متنوضش تزوج
اورطيغا: داابا الا بغيتي حتى انا واقف عليها
أمينة: ههه (ضرباتو لكتفو) واش كتخلي الحشمة فالدار وكتخرج… هانتا لبنات هنا شهوة منهم نتا غير ختار
اورطيغا: (هز حبة دالحلوة) ختاري نتي نشوف شكون للي عجباتك
أمينة: ههه الا جات علية نزوجك دابا 4 دقة وحدة
اورطيغا: ومااالها غتغلبني سيير على الله تبكي على مها
أمينة: والله اولدي الا كنهضر معاك بالنية هاد العائلة الله يعمرها دار شوف شي بنيتة من عندهم
أورطيغا: (هز عينو فملاك للي كتنقش وكتوريها شنو دير ليها من التيليفون) هاد لبنات كاملين عرفتيهم باقيين بلا زواج
أمينة: كاين بزاف ها ابتسام ها عائشة ها ياسمييين وحتى ملااااك…
اورطيغا: (شاف فمو بجدية) الوالدة صبري علية شوية ديال الوقت كنت تنقولك من شحال هادي لا ولكن دابا صبري علية شوية ماشي غير اجي وطييح
أمينة: (بفرحة) هي عندك شي وحدة فبالك؟!
اورطيغا: ماشي وحدة (هزت حاجبها فيه.. دار حركة بجوج صباعو) هي غير نص وحدة
أمينة: ههه وفوقاش
اورطيغا: ها للي متنبغيش راه تنقولهالك ماشي غير اجي وطييح راه زواج هدا خاصك تخمم ليه مزيان خليلي الوقت نهار يكتاب راه نتي اللولة غتعرفي
أمينة: واخا ولدي غير زعما لمحلي شي وحدة كنعرفها
اورطيغا: واقلة غنمشيو (ضارت شافت عائلة يوسف وقفو) حتى نتي غنمشي
أمينة: انا ولدي لقيت راحتي هنا هازيني وطايرين بية ݣاع داكشي للي كنت محرومة منو لهيييه لقيتو هنا عند صحايبتي زهرة
اورطيغا: ههه صحايبتك اشميكيرة
أمينة: واش عارف اولدي هنا خالتك زهرة كتعطيني قيمة وتشاور معايا فهادشي دعرس بنتها
اورطيغا: (عجبو الحال) مزيان
أمينة: غنبقى اولدي حتى نجي معاهم غدا
اورطيغا: الا بغيتي غدا نجي نجيبك
أمينة: لا ملاك شداتلي بلاصة فطموبيلتها
اورطيغا: لا صافي غدا غانجي عندك انا شحال عندي من مينا
أمينة: أمينة يا البغل، ولبنت راها تبارك الله طيارة فالسوݣان
اورطيغا: ههه عندك الصح طياارة (بقا كيظحك ناضو خرجو والحاج فالقنت كيهضر مع أمينة للي خدات الإذن تبقى وحتى هو كيبغي راحتها وواخا مولفها بزاااف وحتى هي مهلية فيه)
ملاك: (كانت جالسة وهو واقف كيتسنى الباب يخوا باش يخرج متبعاه شافت غيثة مشات شدات ليه فذرااعو) بفففف (جر يدو وهي تبسم)
على سلاااامة..
(خرجو مشااو غير شافتهم بداو كيجمعو طلعت لسطح كتسلت سدت عليها لباب ومشات تطل لقاتهم مزال فالدرب رجال كيهضرو مع رشيد واورطيغا وشريف وهو يوسف شادين فيوسف حتى هز عينو كتبان ليه كطل تبسمت معاه وهو متبعها شافت فباها لقاتو خنزر فيها وهي تغبر تخبعت… جاها ميساج)
اورطيغا: مزال فكلمتي الا طردك باك الشيخة اجي خدمي عندي
ملاك: ههه نغسل الدوارة مثلا!!
اورطيغا: (تبسم وتمو ماشيين كيتميساجا معاها) تعرفيلها بعدا
ملاك: ناكلها اه هه (هبطت من سطح حتى كتشوف باها قاصدها جمعت الابتسامة)
رشيد: مزيان تبارك الله طلي فسطووح على لمعزر
ملاك: مطليتش انا طلعت غير نشر شي سرابت وخديجة هي للي سولتني واش مشاو على حساب راجلها وطليت نشوف وصافي…
من بعد موبخها باها على طلان فسطح مشات منفخة لبيت مها فين خديجة بدلت حوايجها وكتقشر الحنة
خديجة: ههه امالكي؟!!
ملاك: (منفخة) واالو (سمعو أنير فاق ضارت) هدا يا ناعس يا كيبكي
خديجة: حشومة عليك هزييه (ناضت ملاك طلات عليه وهو يسكت حتى بقا كيظحك كيمد يديه باش تهزو وهو يتقلب على كرشو خلعها حيت بكترة مكتقربش ليه ومكتهزوش ضهشرها انه كبر)
ملاك: رجع كيتقلب؟!
خديجة: ههه راه كيحبو تبارك الله.. وهزيه ازمرة والله مسخييت بييه ولفتو بزااف (هزاتو ملاك وهو يتكى على صدرها وحط راسو فكتفها)
ويييينو باينة فيه حبك
ملاك: (ميقت فيها ولكن حست فشييشكل تعنيقة ديال بيبي كتكون عندها حلاوة خااصة دارت يدها من مور ظهرو ساااكتة كتفكر فداكشي ديال باها ومها واش تحل حيت شحال مجلست مع مها او بالمهمة الاصح هربت من هاد المشاكيل.. حتى دخلت زهرة وامينة) راه غير سمعتو كيبكي وهزيتو باش متلسقيش فية شي مونتيف
أمينة: هانا على الغزال هانا على الفن هانا على البݣووص ديالنا يا ختي عينيه بحال عينين مرااد ولدي
زهرة: ياك قلتها ليك داك نهار
ملاك: (بلا متحس بعداتو هازااه متحرك رويسها معاه كتشوف فعينييه شداتو عليها زهرة، وملاك هزت بيجامتها ودخلت للدوش تبدل مابغاتش تبدل قدام أمينة خرجت عندهم بلا فولار كانت مقادة شعرها وكالقااه مخلياه يرتاح شوية نهار كامل وهو فالفولار، بقات كدوز يديها بين خصلات شعرها)
أمينة: هانا على زيوناات
ملاك: (فرنست حشمانة)
خديجة: ديما كنقولها لها شعر كيبينك وحدة أخرى
زهرة: لعساك ابنتي الحجاب زويين عليك
ملاك: ومالي غنحايدو انا درتو وانا عاجبني الحال (تفكرت نهار كلات سلخة من عند باها باش ديرو وخيرها يا تكمل قرايتها بيه بحال خوتاتها يا تجلس فالدار ودارت ومن بعد ولفاتو حتى حبااتو حيت زاد باها تهلا فيها وللي طلبتها كانت كتحضر حتى ولات هي كتهددو يشريلها ولا تحايدو)
درتي عن قناااعة
زهرة: ههه اييييه
أمينة: مزيااان ابنتي هاكا البنت خاصها تكون توصل لواحد العمر دير حجابها باش ربي كيسهل فاي حاجة حطيتي يدك عليها
ملاك: (تنهدت وتفكيرها فيه) داكشي للي كنتمنااو، ماما الدنيا خوات مشاو ولاد عمي ورجال لبنات بغيت نتكى عيييت
زهرة: (بدلت ليكوش لانير) انا نطل
أمينة: فرشي حدانا وباتي
ملاك: مكنقدرش على نعاس الارض
أمينة: انا ومك فالارض ونتي نعسي مع ختك فالنموسية
زهرة: اويلي استغفر الله حشوومة
أمينة: حشومة مرت الشيطان خلينا مجمعين هاد الليلة راني وحدة منكم علاه باش كبرنا غير بالارض
ملاك: (شافت فامينة كتبسم وفنفسها)
هادي ولدها غيخليوني نبغيهم بلا هوايا!!..
نعسو مجموعين فلبيت كيجمعو وامينة مكتسكتش من جموع والظحك ملاك غير كتسمع وظحك مرة مرة معاهم ومكتشارك حتى بكلمة عقلها غير معاه وعندها فضول كبير تعرف شنو الهضرة للي ضارت بينو وبين حمزة!!! واش رجعو صحاب ولا تعارفوو!!!
صونا تيليفونها كان هو تبسمت قطعت ليه الصوت كتشوف فلابيل ديالو ضارت لقات خديجة كتشوف فيها وظحك
ملاك: بقاي مبلݣة عينك فية وحاضيااني
خديجة: (بهمس) علاش مبقيتيش كتبغي تعاوديلي
ملاك: حيت مكاين والو
خديجة: كذاابة كولشي راه باااين
ملاك: خديجة نعسي نعسي غدا راه تابعك حوايج اهم من هادشي ديالي راه عندك عرس ودخلو فكري فهادشي
خديجة: واش لبلاصة للي غنمشيولها فيها بحر؟!
ملاك: (عطاتها بظهر) معرفت (هزت تيليفونها كان قطع تبسمت وهي ديرو تحت مخدتها ونعست…)
~~~~~~~~~~~~~
اورطيغا: (حط تيليفونو عاود مجاوبتش هادشي بدا كيعصبو تفكر كلام يوسف انه عيا يلمح ليها وهي كانت كتعتابرو غير صديق بدليل مكتصوني مكتصيفط ميساج!! مموالفش هو هادشي فعلاقاتو السابقة كيكون تجاوب ولكن واش هو اصلا معاها فعلاقى واش هو قاد على هادشي للي داخل ليه حيت هي لقاها غييير!!!
تفكر شي فلوس كانو ناقصينو خاصو يعرف كفاش يجيري راسو باش كولشي يكون منظم)
~~~~~~~~~~~~
أصبحنا وأصبح الملك لله…
اورطيغا: (كان نعس فدار مو للي فالسعادة صلا صلاتو مشا “لبن سودة” كان كموند خفييف دغيا سرباه مشا لمكتب الحاج للي تماك حيت اليوم كيكون حاضر فيه ونيت كان باغيه عطاه ورقة فيها شنو خسر من جيبو من نهار مشا)
حتى دوز كولشي الكونت الاثنين
الحاج: (ها باش كيعجبو كيخدم خدمتو ومكيتبحلسش وكل حاجة بحقها شاف فالورقة مزياان حاط كوولشي حتى ثمن المازوط للي دار تبسم) محسوبة علية حتى المشية لميسور فاش مشيت تجيب الخماس
اورطيغا: (بكل ثقة) وحيت مشيت على غراضك
الحاج: (حرك راسو باه كيتبسم جمع الورقة دارها فصاكو للي كيكون فيه وراقو ودفتر الشيكات) الاثنين ان شاء الله يكون كولشي فحساابك وحتى خلاصك
اورطيغا: ان شاء الله، المحال دالسعادة حدو 5
الحاج: حتى الا مبغيتش اولدي تمشيلو دابا بلاش
اورطيغا: مغنمشيش انا غير الدري للي غيبقى تماك
الحاج: صافي اولدي خود هاد نهار راحة وسير حتى نتا توجد راسك للعرس
اورطيغا: (حرك راسو باه) الجمعة كان عندي راحة وخدمت يقدر غدا حتى هو منخدموش
الحاج: واخا اولدي…
اورطيغا: مشا من تماك رجع للدار دوش بدل حوايجو وبقا جالس صونا على مو للي كانت عند الكوافورة) شكون معاك؟!
أمينة: بنات خالتك زهرة جابو العروسة
اورطيغا: حداك م (سكت) مهم امتى نجي عندك
أمينة: صافي بلا متجي بقا مع صاحاابك انا غنجي معاهم
اورطيغا: متأكدة!!
أمينة: اه اولدي وسير خليني نكمل الزااز ديالي
اورطيغا: (تبسم) بالصحة زيين (قطع صونا عليه يوسف باش يأكد مع دراري ديال عيساوة تكلف بهادشي مشا خرج بوحدو لشارع بن علي خدا لبيسة كلاص مع صبااط حااير واش يعطي فلوس ولا كادو قرر يعطي فلوس بحالو بحال دراري كما موالفين مع الشلة لوخرين…
كمل وتم راجع فحالو صونا عليه يوسف كانو عاود عند الحلاق مشا عندهم وحتى هو قاد حسانة راسو واللحية مجمعين وعاطيينها للظحك…)
ادم: (عرف من مو ان ختو جات للمغرب كمل خدمتو ومشا عندها للدار للي رجعو جالسين فيها سلمت عليه)
لوكان علمتيني كنت نجي عندك للمطار
ليلى: مبغيتش نصدعك
ادم: تصدعيني!!! مهم بغيت نهضر معاك معليش ماما تخرجي
ام ليلى: ولكن عنداك تقلق ختك
ادم: بغيت نهضر مع ختي (خرجت مها وبقات كتشوف فيه)
شنو وقع بينك وبين هداك للي سميتو اورطيغا داك نهار؟!
ليلى: (غوبشت قلبت وجهها بقات ساكتة عاد ضارت عندو شافت فيه) علاش تتسول ادم؟!
ادم: من حقي نعرف
ليلى: لا ممنحقكش، صافي داكشي فاات وهو مبقاش تيبغي يهضر معايا
ادم: علاش تتبغيه؟!
ليلى: معرفتش
ادم: عمرك درتي معاه شي حاجة
ليلى: (تفكرت ديك الليلة للي ندمت علاش وقفاتو مدام عاجبها لهاد الدرجة وكان غير كملو، حركت راسها بلا) لأ
ادم: وبابا فاش جا عندكم لدارو
ليلى: كنا جالسين عادي وحيت.. بفففف حسيت بيه هاني بزااف وملقيت غير نكذب على بابا صافي فاش جا تعدى عليه بزااف
ادم: كفاش هانك؟!
ليلى: منقدرش نزيد نوضح ليك كتر ولكن من داك نهار متنقدرش نعيش حياتي على خاطري
ادم: شنو دار ليك
ليلى: عفاك اخويا مقدراش نزيد نهضر فهاد الموضوع للي أزمني وازم حتى علاقتي مع بابا
ادم: ودابا شنو غديري؟!
ليلى: معرفتش ولكن مقدرتش نبقى ففرنسا بوحدي
ادم: وغتعاودي تمشي تشوفيه؟!!
ليلى: ادم!! قولي شنو ممكن ندير باش نشغل وقتي
ادم: فخبارك يقدر يكون هو سباب باش حنا حصلنا هنا
ليلى: اورطيغا!!! نووو ميمكنش
ادم: انا قلت يمكن.. مهم انا نشووفلك باش تشغلي راسك اليوم شنو بروݣرام ديالك
ليلى: قالتلي ماما كاين شي عرس توحشت دوك الاجواء
ادم: غيكون هو تماك
ليلى: متخافش قدرت نتخطى الوجود ديالو واخا يكوون مغنمشيش عندو
ادم: متأكدة
ليلى: سي سي ماشي لديك الدرجة حالتي خايبة ههه انا بغيت غير نرد كرامتي منو
ادم: من الاحسن تبعدي وصافي…
ملاك: (وصلت الميكاب ارتييست للي خدامة مع النݣافة للي صيفطات الغالية من فاس باش يقادو خديجة ويجيبو ليها اللبسة اللولة دخلو لبيت مها باش يقادو ليها خرجت هي لبرا باش تعرض لوفاء ركبت فطموبيلتها ومشات للمحطة ديال التاكسيات كتبان ليها شيرت ليها وركبت)
سربي سربي راني معلمت حتى واحد راني خارجة
وفاء: (سلمت عليها) ياك مزال الحال
ملاك: لا بقات غير خديجة كتقااد
وفاء: ونتي مغتقاديش؟!!
ملاك: لا مزال غلبس تكشيطة ديالي
وفاء: ووجهك؟!
ملاك: غندير شي حاجة خفيفة وصافي (دغيا وصلو للدار الدنيا كانت عامرة مشاو من الدرب كانت حتى نجية فاتحة دارها لعائلة رشيد مخليين نسا على راحتهم فالدار خرجت فحمزة للي لابس لكلاص خيبت وجهها ݣاع داك تبوݣيصة للي كانت فيه رجعت كتشوفو خايب بحال شي شيطان، وقف كيتسناها)
حمزة: زيين
ملاك: (مجاوبتش حيت غتبدا غير تنخلو حتى داك المعيور ولا تخسار الهضرة خسااارة فيه، دخلت هي ووفاء للي داتها لمها سلمت عليها وداتها لبيت فين كاينة خديجة وخرجت عند مها للي كتشوف شنو ناقص) ماما
زهرة: احبيبتي!!
ملاك: بغيت ندير شوية دالماكياج
زهرة: اييه، غير متعيقيش ابنتي
ملاك: لا غير شي شوية وصافي (شافت خوتاتها كانو ديجا قادو فالصالون منين مشات خديجة صباح دير لاصير للمايو دخلت لعند خديجة كانت غيثة صيفطات حتى التكشيطة للي كرات مشات تلبسها وهو يصوني تيليفونها هزاتو كان هو تبسمت ودخلت للدوش)
حم الوو
اورطيغا: علاش متتجاوبيش لبارح
ملاك: باسم الله عليك كنقولو واش لباس واش بيخير، (بقا ساكت ) كنت ناعسة وصافي
اورطيغا: الوالدة غتركب معاك وقلبي ممهنينييش
ملاك: ههه لن يصيبنا إلا مكتبه الله لنا
اورطيغا: اسمعي اديك الوزغة زغبة منلقاهاش ناقصة منها
ملاك: ههه انا نصوݣ قبيلة
اورطيغا: تبغي نجي نجيبكم؟!
ملاك: علاش نتا مغتجيش مع العريس
اورطيغا: لا، غنبقى مع دراري فالقاعة
ملاك: شدلي بلاصة
اورطيغا: ههه مالو حمام الغالية راه دايرة لكل واحد بلاصتو
ملاك: وااايلي ههه ناري مع كتحبني غتحطني حدا طواليط
اورطيغا: ههه على هاد الحساب انا غتخلي السيكيريتي يشدووني من لباب
ملاك: حتى نتا كتبغيك
اورطيغا: انا كتبغيني غير مي هاد الساعة (سمع كيعيطو ليها) شوية ونصوني عليك
ملاك: بسلامة (قطعت ݣاع مكتسخى بهضرتوو مشات خرجت لقات وفاء كتقاد راسها اما خديجة شداها الميكاب ارتيست للي باين مكياجها زوييين)
وفاء قاديلي ولكن متعيقيش غير شوية وصافي ماشي تيجريني بحالك
وفاء: (خرجت عينها حيت كانت كتبان قدام لميماب ارتيست بلميكاب للي عندها وبادية كتقاد دقة دقة جات ملاك حطتها بوجهها) انا لمك كنجير!!!
ملاك: مهم خليلي ملامحي هوما هوما ديريلي داكشي خفيف…
زهرة: (طلعت لسطح للي كان خااوي مشات لقنت الجلسة وطلقت دموعها ككل عرس او فرح كيدووز عندها من سبوعاتها لعرسات بناتها لسبوعات حفايدها من دييييييما إحساس النقص تاابعها منين كتشوف عائلة رشيد للي كل واحد منين كيجي باش يفرح معاها الا هي للي يتيييمة فووسطهم!!! ومعارفاش حتى واش بالصح راها يتيمة ولا باقيين فالحياااة!!!
فين غيكونو دابا واش مباقي حتى واحد من عائلتها هنا!! واخا هي مطالباش اصلا المسامحة ديالهم ولكن تمنات تعرف فين كاينين تشوفهم ولو من بعيييد ولا يتقبلووها!!! طلعت مريم لقاتها كتبكي عرفات شنو بيها كما العلدة مشات كتعنقها… بصوت مخنوق)
سيري ابنتي حدا الناس حشومة يبقاو بوحدهم
مريم: راه غير العائلة للي كاينة
زهرة: واخا هاكاك
مريم: ماما ديما كنقولها لك حنا كبرنا دابا الا بغيتي تقلب..
زهرة: شنو بقالي منقلب دابا ابنتي صاااافي للي عطا الله عطااااه، بنتي خوي رااسك انا شوية ولحق عليك (باستها مريم وهبطت عند الناس ناضت زهرة غسلت وجهها عاد هبطت مشات طلات على خديجة للي كانت فأخر اللمسات مشات حطت يدها على راسها قرات عليها شوية ديال القران اما ملاك كتخبع وجهها)
هههه اري نشووووف
ملاك: راه هادي للي دارتلي هادشي
وفاء: (تصدمت من الاحراج وبقات غير كتشووف حشمت معرفت شنو دير ولا تقول)
زهرة: باااااز ديما محشمة للي معاك ونتي بسلامتك مكديري واالو.. متديش عليها ابنتي
خديجة: هههه (حتى لبنات للي تماك ظحكو)
وفاء: هههه نااري على بنت
ملاك: (حيدت الشال وشافت فمها) جيت كنحمق ياك!!
زهرة: ههه
ملاك: (كتحس بعينيها تقالت كانت اول مرة دايرة ايلينر ماسكارا ايشادو ترابي خفييف مقاستش حواجبها من غير مشطاتهم حيت عندها غامقين وكتار فاغااجو وعكر خوخي خفييف مزال مدارتش لݣلوص) وااا هضري صدماك بزيني لهاد الدرجو
زهرة: ههه زوينة ابنتي هاكا حسن
ملاك: (تبسمت ولكن فعلا جات مبدلة وبانو عويناتها بداك الايلينر مجبدين وكبار، مشات عنقت مها) حتى انا قراي علية راه دغيا كتشد فية العين
زهرة: ههه (قرات عليها حتى هي وخرجت من لبيت شافت فالصالون كولشي وااجد وعرفت موكب العريس قلع) ياله ياله قادو الدنيا
الغالية: (واقفة على التفاصيل وكتشوف الناس واش ركبو ممشاوش العائلة كاملة نصهم بقا فالقاعة للي مزال كيجيو المعروضيين مخليا ولدها وختها ومرت ولدها كتستقبلو الناس، ركبت مع يوسف وشريف)
يوسف: (كانو كيهضرو فموضوع خاص) حم الوالدة غير سيري ركبي مع الواليد
الغالية: تطردني؟!
شريف: ههه الاااا غير تيتمازح معاك
الغالية: (تبسمت) انا نمشي حتى الرجعة ونجلس معاك
يوسف: (حرك راسو باه خرجت وكملو الهضرة صايݣ) ولكن الخلعة علاش هههه
شريف: معرفتش يمكن غير تضهشيرة دالعرس نااري ويسمعك اورطيغا يشوهك مع دراري
يوسف: ههه زعما نشوف شي حبة راه ميمكنش
شريف: واش ڤري تنهضر لهاد الدرجة
يوسف: معرفت دابا تنحس برجلي فاشليين
شريف: وماا مك باغي تق** علية راه حتى تخلوا نتا ومرتك
يوسف: ههههه يا فضيييحتك يا يووسف اليوم نتشوه
شريف: امتى عندك الطيارة
يوسف: غدا فالليل
شريف: اوا جبد عليها بنعسة حتى توصل فامان الله منين تكمل العرس قولها حبيبة منبغيش نعذبك خليك ترتاحي وداكشي ديال الرومانسية الا صبح صباح ونتا هاكا علمنا نجيو ندفنووك
يوسف: ههه (كيظحكو وهوما شادين طريق وباينة عليه الفرحة.. صونا على خديجة مكتجاوبش صونا على ملاك) فين ازيونات
ملاك: واش قربتو راه غيضيعنا مكياجها قبل منوصلو العرس (بقا كيظحك) قولي القاعة فيها لاكليم؟!
يوسف: فيها غير كوني هانية
ملاك: العز
يوسف: فين هي مدامتي
ملاك: راها فالبيت (دخل اورطيغا دوزيام ابيل) يوسف تسنا نجاوب
يوسف: (مسمعهاش) نعام!!! (حتى سمع انه اتصالو توقف) يمكن صونا عليها شي واحد (قطع)
اورطيغا: عطيني الوالدة متتجاوبش
ملاك: منقدرش
اورطيغا: علاش؟!
ملاك: نحشم مجاتش نقولها.. معرفت والله
ومع نيت مك تبارك الله فرشة اديسييون
اورطيغا: (تبسم) مناش غتفرشك غتقولهم شدو بنتكم تنهضر مع ولدي
ملاك: بلفرحاات عليها
اورطيغا: اممم
ملاك: (شافتها مكتخليش دراري صغار يدخلو للصالون للي مقادينو على حساب الناس والعرسان كانت واقفة على النظام وبكترة الظحك والتقشاب للي فيهت خلات كولشي يبغيها)
ها هي كتملخ البز
اورطيغا: صافي دابا عرفت راها مزياان
ملاك: (ميقت) حنا للي كيدخل لهاد الدار كيرجع فوق مزيااان…
اورطيغا: (باغي يهضر وتالف حاير شاك سمعها كتهضر مع وفاء) راها تماك وفاء؟!
ملاك: اه جات قبيلة
اورطيغا: مزياان (عيطولو دراري) شوية ونصوني عليك قبل
(قطع ومشا عندهم… اما هي هزت الصينية ديال لحليب وتمر باش تحضييهم على ميجيو العرساان. نيت متسبقهاش شي وحدة وتهزهم تبعتها وفاء…)
ملاك: ݣاع خوتاتي شربتهم لحليب ههه
وفاء: اودي الا تشربيه على الصح والا غي تسماي بلاش
ملاك: وااا ختي نجربو ونشووفو صدق هي هاديك مصدقش نشوفو حليب اخر الدنيا مواقفاش غير على نص لتر واحد!!
وفاء: انا بانلي القهوة للي قضياالك الغرااض
ملاك: وفاااء…
وصلت عائلة العريس والدقة المراكشية بدااات، كانت خديجة ويوسف تافقو بلاش ديك الدخلة ديال دهاز وطياافر يخليوه حتى للقاعة واخا مها فأخر لحظة قالت ليها بلاش صافي دهازك يمشي للدار مستوور من العين ماشي كولشي يتفرج فداكشي ودارت بكلامها…
يوسف كان لابس كوستيم ولكن عادتو كيلبس غير لكلاس، تعرضو ليه العائلة بزغاريت وصلاة عللى نبي ودخلو للصالون فين مخلاوش كولشي يدخل حيت الصهد ومكيناش لاكليم غير الفرفارة دخلت ملاك هازة الصينية
يوسف: (تبسم منين شافها، اول مرة يشوفها مقادة من نهار عرفها كانت على غيير حنات حطات الصينية وهزت كاس لحليب للي مخلط بالعسل عطاتو ليوسف وكاس عطاتو لخديجة شاف فخديجة للي دايرة لڤوال وهي مبينااش) خفت نطيح عليها
الغالية: صباار نزول الڤوال
خديجة: (بعدت راسها ويوسف فهم شاف فمو)
يوسف: ههه راه انا للي غنزولو ليها الوالدة
الغالية: هههه (تحشمت تحشمت تحشمت يوسف حايدو ليها والاعجاب مطرطق من عينييه حس بروجوولتو رجعات شوية حنات عينها وباسها فجبهتها تحت صلا وسلاام شربها جغمة من الحليب وحتى هي شربااتو)
عطيوو الآلة غيثة ههه داكشي ديال التقاليد زعما
ملاك: تشد اخالتي النوبة انا راه كبيرة عليها ههه
غيثة: ههه ملاك خلي لية شوية (قلبوها ظحك شربت ملاك وغيثة وفاء وبنات عم ملاك للي بلا زواج اما عائلة العريس جاو غير لكبار وقلال، حيدت ملاك من حداهم دازت من حدا أمينة للي كانت كتصور وصلت حداها شافت فتيليفونها كانت دايرة ابيل ڤيديو مع اورطيغا يعني كان كيشوفها واش كانت هي المطلوبة!!! حيت قطع منين وصلت حدا مو..
ناضو باش يمشييو خرجو من الدار من بعد مسلمت خديجة على العائلة كااملة كانت هادي عادة عندهم كولشي كان لابس التقليدي خوتات خديجة كولشي كان لابس لفريع حتى مهم كانت لابسة قفطان ثليجة مع فولار هابط عليها.. خرجو من الدار طموبيلة دالعريس كان قربها شريف لراس الدرب ركب خديجة وعاد ركب متافق مع شريف يبلوكي البيبان غير غيثة للي جات ركبت فالقداام حيت هي كتبغي الأضواء عليها)
يوسف: (مخبرها فودنيها) غزالة غزالة غزاالة
خديجة: (تبسمت وحنات راسها)
غيثة: نتي احسن عروسة شفت فحياااتي جيتي تتحمقي اخديجة
خديجة: عويناتك احبيبة العقبة ليك
غيثة: امييين
ملاك: (كانت جايبة معاها صندالتها لبلا مع ركبت حيدت الطالو للي كان عاالي ولبست صندالتها دارت لݣلووص عاد ركبت معاها أمينة حدا ووفاء وجوج بنات عمها صغاار) ياله للي حافضة شي قرآن تقرااه على راسها
أمينة: هه غير نزوج ولدي ونمشي معاك فينما بغيتي حتى لأرواااس ياك هاكا كتقولو
ملاك: هههه لأروااس (تفكرااتو) نزوجووه بعدا…
كل واحد فين ركب وزاد الطموبيلات فاتجااه فاس كانت 8 دالعشية طموبيلة ديال ملاك ماشية غير بشوية عكس وحدين للي زادو فالسرعة على ميتلقاو حدا المركب الرياضي فالدخلا ديال مدينة فاس، ويتسناو حتى كولشي يلحق..
مابغاتش تزيد فالسرعة حيت مزال بين عينيها ديك لكسيدة للي دارت طلقت الشلحة وبقاو ماشيين موسيقيين كتسمع أمينة كتهضر فالتيليفون نقصت الصوت كتسمع حوارها مع ولدها
وفاء: ملاك مغاتعاوديش ترجعي لفاس هاد الايام؟!
ملاك: موحال حتى نشوف المدير الا كانت شي حاجة ولقرايا مبقالها والو
وفاء: ولفتك اصاحبتي بزااف الدار غتجيني مقناطة
ملاك: (زفرت) حتى انا ولفتك
أمينة: الو الوووو يمكن مكاينش الريزو هنا (قطعت وبقات متبعة طريق)
وفاء: حتى انا هاد الوقت للي بقا على متوصل لقرايا غنمشي نتجلا اه وديري فبالك خاصك طلعي تسجيلي قبل متزاحم الدنيا
ملاك: وي.. (بقات ساااهية وهي كتصوݣ خاصها ترجع شوية اللور بزاااف دالحوايج خاص يتفهمو خاص يترسمو دوزت أيام زوييينة معاه ولكن هو مزال مقصدها نيشان وعاد هي براسها خاايفة من شي علاقة فااااااشلة عااود… )
أمينة: منين أصلك اوفاء؟!
وفاء: من تازة اطاتي أمينة
ملاك: (خنزرت فيها من لمرايا حيت ديجا خديجة عاودت ليها على قضية طاتي)
أمينة: (تبسمت) من جيهتنا انا من ݣرسييف، عائلتك من تماك
وفاء: (ظحكتها ملاك) اه من تماك عندي حتى شي عائلة فاس ولكن قليل فاش كنمشي لتماك عندهم
أمينة: علاش؟!
وفاء: العائلة ماشي ديما كتلقايها كتبغييك وعاد بيناتنا شي مشاكل وصدااع
أمينة: (تنهدت) ماااشي ديما ابنتي، وشحال ونتي فاس؟!
وفاء: من شحااااال هادي كنت كنقرا فيها من الليسي تزوجت فيها وطلقت وكملت لقرايا
أمينة: فايتة مزوجة!!!
وفاء: اه كنت مزوجة من العائلة نيت مكتابش نكملو وطلقت وسكنت بوحدي كنكمل لقرايا
أمينة: امممم وعلاش طلقتي؟؟
وفاء: وهيااا قصة كانو وقعو بيناتنا مشاكيل حيت هو على برا مابغاش يقادلي وراقي بغاني نبقا مع مو هنا وانا معجبنيش الحال حيت ماشي هاكا تافقنا خيرتو يا نعيشو بجوج هنا يا يديني معاه صافي متفاهمناش طلقنا وشحال من مرة كنبغيو رجعو ولكن مكنتفاهمووش واكترية اخر مرة
ملاك: (حتى هي كتسمع واخا عارفة هادشي الا كيعجبها تصنت لمشاكل الناس باش تاخد العبرة وباش تعرف ان مشاكلها واالو مقارنة بالناس..)
أمينة: اوا الا ما فيه خير ابنتي بعدي
وفاء: اودي ال لي ندير فراسي هو نكمل قرايتي ونشوف شي خدمة
أمينة: الله يسهل عليك ابنتي.. ونتي املاك؟!
ملاك: ههه انا خدامة وكنكمل قرايتي
أمينة: ومكايناش شي حاجة فطريق
ملاك: (كتبهلل) كاين طموبيلات كاميو شنو هداك طوبيس ولا كار
أمينة: ههه ياك كتبهللي علية نتي وولدي
ملاك: شنو؟؟
أمينة: حتى مراد غير نجبد حس جواج يبدا يهرب
ملاك: مبغاش يتزوج؟!
أمينة: بااانلي هاد ليااام راسو بدا يرطااب
وفاء: الا حاط عينو على شي وحدة
أمينة: على مولانا ابنتي…
كولشي تجمع حدا المركب الرياضي باش يمشيو للقاعة طموبيلة ديال العريس مشات للصالون نيشان حتى يلحقو هوما التاليين انا العائلة مشاو للقاعة وقفو الطموبيلات بعاد على باب القاعة للي مخصص فقط غير لطموبيلة ديال العريس، هبطو ودخلو للقاعة للي كان استقبال زوين لعائلة العروس بدقايقية وعيساوة لحليب وتمر ملاك تاني مرة كتجي لهاد القاعة تفكرت كان داك نهار أول مرة تعرف على اورطيغا واخا مكانتش كتعرفو هو وهو ولكن هاديك كتحسب اول لقاء ليهم قلبت عليه بعينيييها مشافتووش دخلو فين كاين عالم ديال الشيكي والناس لهااي كلاص كانو طوابل ديال عائلة العروس باينين حيت جايبين بالمجموع 4 طوابل وباينين حيت مكتوب على الطابلة ورقة فيها عائلة العروس حيت كولشي كان منظم جلست ملاك فالطابلة للي حدا البرزة باش تشد الشوفة مزياان، غير هو كان مختلط يعني حتى رجال يجلسو فنفس الطابلة ديال نسا وكاين جهة مخصوصة لرجال من القاعة بعيد على الهرج فقط يوصلهم الصوت كانو فيها رجال لكبار..
الغالية كانت كترحب والظحكة واصلة لودنيها جابت شي وحدين لزهرة يسلمو عليها منهم خوتاتها وعمات يوسف تفرقت الضيافة اللولة وتحط لموني المدعوين للي بغا شي حاجة على ميتحط لعشا…
ملاك: (بقات كتاكل وعينين على القاعة كتقلب علييه ݣاع دوك دراري ديال الشلة شافتهم كاينين الا هو بوحدو لليمكاينش هزت صاكها جبدت تيليفونها ممصونيش عليها)
مريم: شحال زوين هادشي عقباالك احبيبتي
ملاك: (تبسمت) أميين
مريم: مالكي علاش كتقلبي؟!
ملاك: اممم غير وفاء معرفتش فين جلست (مصوناتش عليه)
مريم: اه بالصح مشفتهاش ياك خليتي ليها بلاصة حداك
ملاك: اه اه.. بابا يمكن جلس مع رجال
مريم: اه مشا
ملاك: حسن
مريم: باااز لمك يا الخانزة ههه
ملاك: ههه زعما آش غيدير بشي صداع ولا هرج
مريم: حتى الشارف دراجلي راكي عارفة معندوش مع هادشي
ملاك: ههه كل واحد فين كيرتاح (فبلاصة شطيح ناضو شي وحدات كيشطحو كانو بحال شي اميرات تكاشط وشعور الميكاب)
كيجيت امريم؟!!
مريم: غزالة بالجهد تبارك الله عليك
ملاك: (تبسمت وعينيها غير كيدوورو كان التيتيييز التيتييز ولكن هي بغات تشوفو هو ويشووفها… هزت الموني كتقرا) دايرين حتى السوشي؟!!!!
مريم: ههه هادشي مجهد، طلبيه كوليه
ملاك: كليتو واحد المرة طيح علية الكرش
مريم: ههه صافي خليك فلبريوات وليصواري للي كتعرفي
ملاك: بففف معرفت هاد وفاء فين غبرت تلقايها شافت ليها شي بوݣوص مخلياني كنساينها
مريم: خليها على خاطرها، ولكن زوينة صاحبتك
ملاك: اه ضريييفة…
خديجة: (مشات للصالون دارت تعديلات خفااف فلميكاب على حساب تصاور والإناارة وزادت شي إكسيسوارت وراتها النݣافة شنو غدير فبروتوكول العروسة وحتى على حساب تصااور حاولت تقنعها تلبس شي لبسة اخرى مبغااتش بحكم داكشي فيه غير سير واجي هي بغات تستمتع دوز سوايعها وهي كتشوف شنو كاين فالقاعة وتفرح مع حبابها وحتى يوسف عجباتو الفكرة وأيدها فيها كملو ركبو فليموزين ديال القاعة ومشاو جهة القاعة)
امتى غنسافرو
يوسف: غدا فاالليل عندنا الطيارة.. مرتاحة؟!
خديجة: ههه خايفة شوية
يوسف: حتى انا ههه
خديجة: ههه غير البدية للي صعييبة
يوسف: كنتضهشر فاش كيكونو الأضواء موجهيين لية بقاي شادة فيه
خديجة: ههه هاد الهضرة خاص نقولها انا
يوسف: مهم شدي فية نشد فييك ههه (حاول يظحكها وينقص عليها السترييس حيت يديها كيرجفوو..)
خديجة: اول مرة نركب فبحال هاد الطموبيل
يوسف: حتى انا
خديجة: هههه نتا كولشي حتى انا
يوسف: عرفتي مكرهتش نخليوهم يفرحو بعرسهم ونمشي نفرح بيك انا بوحدي
خديجة: وااا صبر
يوسف: مبقاش الجهد باش نصبر هاد الزين ديالي (غمض عينو) انا هو للي مبارك ..
~~~~~~~~~~~~
اورطيغا: (كمل مع وفاء للي برݣݣات ليه دخلت متبعها داير يديه فجياابو حاضيها بإعجااب اصلا من الدخلة كان مقنت قشعها شافها بلباس التقليدي التكشيطة رسماتها فشكل على لباس الواسع للي موالفة كتلبس لدرجة بقا غير مضهشر فيها، حتى المكياج بين ملامحها خلاتو مراااقبها فصمت مو عيات تصوني وهو غيير صااقر دور عينيه كيشوف فداك حمزة للي جاالس قريب ليها ومع عاطية بظهر معرف واش مشافتوش ولا معاطياااهش اهتمااام!!! شاف شي وحدين كيخرجو اذن العريس جاااي وقفت حتى هي خارجة منين مشاتلها وفااء حتى كتشوفو حدا لباب بانت فيها توترت شوية تبسمت معاه وهو جااامد فملامحو من غير شووفتو للي كيسكانيها من لفوق لتحت، خلاتها فرحاانة هاد الشوفة كطيح منها النص وزاااد مبلق فيها كتر وكتر دازت من حداه مابيناتهم لا سلام لا كلام فقط الشوفااات… خرج ببطئ بقا فلباب حاضيها غير هي حتى جات عندو مو)
أمينة: (عنقاتو لاوية يديها على خصرو وهو درعها بيد بداو عيساااوة وحطو العمارية ديال العروسة كانت الدنيا زويينة كانو كيتسناو يظلام الحال شوية باش يبانو ضواااو والديكورات فالجردة الغالية واقفة على شغلها اما هو متبع ملاك كيشوف فيها من اللور وهي كتصفق وحداها وفاء كنبغي تدوور ولكن حاسة بعينيييه واكليينها، نغزاتو مو وشاف فيها)
أمينة: (بصوت عالي) العقبة ليييك
اورطيغا: انا والحاج
أمينة: (خسرت وجهها ضاربها لصدرو وهي تشيرلو لبنات) شوف الزيين غير ضااير بيييك (كيوريها تنتاابه للعرسان ركبت خديجة فالعمارية للي كانت فالضوري خطييييرة هزووها وهي شادة فدوك الأعمدة كظحكو ويوسف كان فالقدااام شافو قال لملاك شي حاجة وهي قريبة ليه وهوما يظحكو بقا واقف غير كيشوف ضرووري شي واحد يضيع داك الديكور للي متبع!!!!
بعدو من حدا لباب باش النݣافات للي هازين وساايد ودراري هازين علام يدخلو مع العمارية
أمينة بقات كتصفق وتشير لخديجة ويوسف رخا منها باش تمشي دفعها مع جماعة ومع النشاط مشات تاابعااهم مد يد لملاك شدها من يدها حتى تخلعت شافت فيه جااارها لعندو وهي مخرجة عينها الا تنترت معاه غادي تجلب غير الانتباااه وهي اصلا مابغاتش تنتر!!!!
جبدها عندو ووقفت حداه جابدة يدييها هاد المرة الطالو هاد المرة زايدها سنتيمترات بقا كيشوف فيها وهي كضور عينيها واش كاين باها ولا رجال خوتاتها)
ملاك: (رجعت شافت فيه شحال كان زوين قالتها فخاطرها) مراااد!!!
ملاك: (تلفت من شوفاتو) مرااد… (ملقات متقول) ندخل
اورطيغا: (كيهضر بشوية بحرا شنايفو كيتحركو) وقفي نشووفك
ملاك: ااحم نتا عارف بابا ورجال خوتي وعمامي هنا راه مغيعجبهمش الحال
اورطيغا: (كيشوف فعينيها للي مجبدين وفشنايفها للي اول مرة ينتابه لطراساج ديالهم وعاد لݣلوص) مغيشوفوش
ملاك: (حتى هي عجبها اول مرة تشوفو لابس شي حاجة كلاص شوميز فالابيض مع سروال كحل وعاد بارفاانو، عضت على شناافتو) انا ندخل
اورطيغا: (طارت من حداه وهو متبعها اوطوماتيك دخل من موراها شافها موقفتش مع لبنات للي كيشيرلو العروسة مشات لبلاصتها حدا مها ومو للي غير كتشالي بيدها.. بقا غير واقف بصمت حتى كيبانلو ادم دخل هو وختو شادة فذرااعو دازت شافت فيه وقلبت وقالت وجهها هو حسابلو مشات فحاالها مشااو جلسو حدا عائلتهم.. هو بقا غير متكي على الحيط متبع ملاك حتى جاو عندو دراري للي خرجو برا بقاو مجمعييين…)
ملاك: (يديها كيرجفوو نسات العرس وختها للي فوق العمارية وݣاع خوتاتها واقفين الا هي هازة كاس دلما وسااهية ماباغاش تقمعو حيت هي عاجبها هادشي ولكن مزال الموقف ديالو مباااين هي راه مستحيل تقبل على راسها تكون وحدة من لبنات للي معاهم يا بوحدها يا بلاش.. وعاد شنو نيتو اه يتعارفو ولكن تكون نية مسبقا تلفها وحيرها.. نغتزتها مها وقفت كتصفق بلا عقل ضارت تشوف واش دخل ملقاتوش رجعت كتشوف ختها للي هبطت من العمارية والنݣافات دايرين بيها هي وراجلها ومشااو جلسو فالبرزة ديالهم تبسمت جلست وللي ناضت تشطح هي بقات غير كتخمم مع بدا كيدور أتاي قلبت بعينها شنو غيعطيو معاه مملحات ولا حلويات…)
~~~~~~~~~~
الغالية: (خرجت كتهضر فالتيليفون باينة كتسنى شي واحد، وكتهضر مخبعة شمت ريحة الݣارو هزت راسها لقات اورطيغا مقنت صاك الݣارو فسما وهي تخلعت عاااود منو تبسم)
باسم الله الرحمن الرحيم شنو تدير هنا بحال الجن
اورطيغا: (كمش عينيه فيه ورجع نتر من الݣارو)
مديريش عقلك الغالية!!!
الغالية: الله يغصبك الشمكاار تتصنت علية
اورطيغا: (هاد المرة صاط عليها متبسم) غتفرݣعي شي نهار
الغالية: (هربت عاود وهو حرك راسو بلا حولة بقا مقنت حتى كمل الݣارو، رجع للقاعة حدا دراري للي ناشطيين الفرقة بقات كتغني لعيساااوة دخلو حتى هوما الوسط الشلة كااملة ولكن هو أول مرة بقا مرزن يعني غير متحرك ماشي بحال كيكون هو للي شاد البندير وحتى الحاضرين بقا كيشطحو عليها ملاك حاضية اورطيغا وغير كتبسم حتى وفاء نااضت حتى هي تشطح كولشي ناااشط)
زهرة: (عاجبها الحال شافت خديجة كتعيط ليها) ملاك شدي خووك
ملاك: لا لال (حطاتولها فحجرها ومشات عند بنتها بقات كتشوف فيه ظحك بانولها دوك جوج سنينات صغاار ياله نابتيين تبسمت جلساتو فحضنها كتهز رجلها مع ايقاع عيساوة رجع كولشي كيجلس حيت العشا غيتحط ناضت خديجة جلست فطابلة ديال العرسان هي ويوسف جلست مها وباها والغالية وراجلها… ملاك دورت وجهها لقاتو اللور وكانت غيثة واقفة ومعاها شي بنت عاطيين بظهر)
غيثة: مفااااجئة!! ههه
اورطيغا: (كان جالس شافها..) ياسمييين!!!!
وقف سلم عليها اكيد بالوجه كما موالفين جات عينو على فعين ملاك ورجع تبسم مع لوخرا
اورطيغا: امتى جيتي؟!!
ياسمين: عرضاتني غيثة وقلت نديرها ليك مفاااجئة
اورطيغا: (شاف فغيثة وتبسم) مزياان مرحبا بييك الآلة (ظحكاتو شوفات ملاك فيه)
ياسمين؛ (دارتلو إشارة يقرب ومقربش هي تعلاات خبراتو حدا ودنو) مزال مكملنا شي حاجة بديناها (رجعت متبسمة وهكاك كان وجهو بدون ردة فعل متبسم موالو بلعكس قلب وجهو هاز حاجبو)
غيثة: (كانت عارفااهم على علاقة من شحال هادي بغاتو يرجع يزهااا اللهم زهو ديالو ولا يصدمها بشي حاجة ممتوقعاهاش) اممم ياسمين هانتي جالسة معاهم نمشي نشوف ضياف
اورطيغا: (حط يدو على ذراع ياسمين) غير خليها تمشي معاك هنا جالسين غير دراري بيناتنا
ياسمين: عادي راه ديجا كنت تنجلس معاك ونتا مع صحابك
اورطيغا: لا تنهضرو فحوايج بيناتنا سيري نتي مع صاحبتك
ملاك: (غتمووت غتموووت قلبت وجهها حطت خوها عند مريم) هاكي شديه نمشي طواليط
مريم: بشوية على الولد الحمارة…
ملاك: بففف (دازت من جهة أخرى خارجة لبرا لقات وفاء مجمعة مع شي وااحد ربعت يدها شافت تريتورا داخلين بالخبز)
علاش كيدير هاكا يعطيه موصيييبا!!! بففف مكانش خاصني ندير عقلي فواحد زلايلي!!!
شافت تريتورة مدخلين سلطات للي منوعيين ومغريين تبعاتهم بعينيها شافت فوفاء جاية جيهتها هي وهداك للي كانت معاه هو دخل وهي جات عندها
وفاء: شنو كديري هنا؟!
ملاك: (معصبة) والو غير خرجت شوية وصافي ندخلو راه حطو لعشا
وفاء: مالكي؟!
ملاك؛ واالو (سبقتها لقاتو مزال مجمع مع دراري، شافها بقا متبعها مردش البال انها خرجت تبعاتها وفاء مفهمش علاش خرجت!! جلست حدا مها بقاو كياكلو هي مولاتش ضارت شافت فيه ولكن بردت غدايدها فلماكلة وكلااااااااات.. تحط الطبق الثاني كان دجاج بالدغميرة وموراها نص حولي مشوي عاد بسطيلة الحوت)
ملاك: شحال بنين هادشي… (حطو الديسير كانو فواكه مشكلة وݣلاص بقات كتشوف فالماكلة عمرت الكرش مزياان وكتقلبلو على بلاصة فين تزيد هادشي بقات غير كتاكل جاها ميساج من عندو هزت تيليفونها غير شافت من عندو حطاتو فوق الطبلة مقراتوش، رجع صونا عليها قجاتو محايدة الصوت)
وفاء: (متبعاها) مالكم نتوما بزووج؟!
ملاك: شكون حنا؟!
وفاء: نتي واورطيغا؟!
ملاك: على شنو جامعنا انا وياه باش كتسولي؟!
وفاء: ملاااااك كولشي راه عارف اورطيغا حاط عينو عليك
ملاك: يحط حتى ز** يعاودها لرااسو (شافت خديجة ويوسف مخرجينهم) يمكن غتلبس اللبسة التالية
وفاء: اه راها 11 وهنا العراسات حدهم 12
ملاك: (زفرت شحال كانت كتسنى هاد العرس ولكن هو غير كيزيد يعصبها شربت لما وبقات غير سااهية فديك البرزة عارفة زواج قسمة ونصيب ولكن حتى هي مكرهتش تزوج ويكون عندها بنييتة ولا وليد ولكن عندها ميول لبنت كتر
تنهدت بقات 15 اليوم وتقفل 29 عام عمرها شافت راسها كبرات ولكن خااايفة توصل لوقت ومتولدش فيه اكترية منين عرفت ختها فاطمة جاتها سن اليأس ف36 عام فعمر صغيير ومريم للي كبيرة عليها عادية وشحال دوزت من طبيب نفساني باش تقبلاتها ولقات حتى راجلها وااقف معاها وكانو عندها وليداتها حتى شافت راسها برات وولات متقبلاها عاد عاودتتها لييهم..
حست بالخنقة شافت فمها للي مجمعة مع أمينة ناضت من تماك خرجت مكضويييش خاصها دغيا تبرمج هاد المشاعر ماشي وقتهم ݣاع حتى تكون فشي بلاصة بوحدها وتأزم شي ساعة اما دابا لا كاين عرس ختها مخاصش تكون أنانية كانت الجردة عامرة للي كيتصور للي مجمع مشات لجهة اخرى تبعد حنات راسها بغات تهز جلايلها حيت التكشيطة طويلة واخا لابسة العالي كتجرجر ليها وكتدخل ليها تحت الصندالة دخلت فواحد بلا متقصد هزت راسها تعتاذر لقاتو اورطيغا واقف مع ديك البنت جوج ثواني شافت فيه دارت راسها مكتعرفوش)
باغدووون..
اورطيغا: (تمات ماشية) ملاااك!! ملاااك
ياسمين: اورطيغا كمل شنو بغيت تقول
اورطيغا: (حضااها ماشية ورجع شاف فلوخرا) صافي مبقى ميتقاال من اللول نتي عارفااني مزياان
ياسمين: ولكن انا مبغيتش زواج ولا شي حاجة رسمية صافي نكملو كما كنا غلطت فحقك ورجعت عندك
اورطيغا: ياسمين صافي داكشي تسالا ماااا مبقى عندو حتى شي معنى عندي نتي قلتيها النيڤو ديالك هاارب علية
ياسمين: انا كنت معصبة داك نهار اورطيغا، وصافي.. نتا عارفني مقصدتش…
اورطيغا: عاارف حيت عارف راسي انا شنو..
للي بغيتك تعرفيه هو نتي مبغيتش نخسّرها معاك اياسمين ولكن كنتي نزوة ودااازت ياك هاكا تتقولوها نزوة!!
ياسمين: (تصدمت) نزوة!!!
اورطيغا: (زفر راد اعتبارو من الكلام للي قالت ليه اخر مرة) ملقيتش ليها شي سمية اخرى حيت من اللول بينت ليك شنو غراضي ووونتي بغيتي معندك فاش تحاسبني!!!
ياسمين: (طلعاتو وهبطاااتو بقرف) باي (ضارت مااشية ولكن مدخلتش للقاعة خرجت من باب الكبير وحتى هو مضارش مشا يتبع ملاك كانو بزااف بنات فطواليط زاد شوية كيتسناها فالدوورة حتى كتجي عندو غيثة متبسمة للي سابقة ملاك حيت تلقاو تماك)
غيثة: اورطيغا فين ياسمين؟!!
اورطيغا: (بعصبية) متعاوديش تدخلي فشي حاجة بعيدة عليك
غيثة: (بصدمة جاتها لبكية) شنو!! شنو درت انا؟!!
اورطيغا: (اول مرة يهضر معاها هاكا) اااخر مرة ولا بربي غنسى راك بحال ختي صغييرة ااااخر مرة رخي مني اغيييثة وسيري ديري شي حاجة تلهااي فيها
( تم ماشي وهي واقفة كتبكي… معجبوش الحال حيت ياسمين قالتلو انه هو عرضها عن طريق غيثة وهي فهمت انهم تصالحو وبغا يرجع معاها…)
ملاك: (كانت مخبعة منين سمعت اورطيغا كيحيح على غيثة قلبت الدورة كتفكر فهادشي مفهمتش فاش دخلاتلو فحياتو ميمكنش مثلا توقفو بالسيف عليه يهضر مع ديك لبنت ولا تبزز عليه يسلم عليها بالوجه!!! واش زعما تكون هي للي جابتها للعرس مفهمت واالو لقات حمزة داير يديه فجياابو ومقصدها خرجت عينها بعصبية)
متحاولش احمزة، بعد مني
حمزة: (قرب حداها) مغنهضرووش؟!!
ملاك: (بعصبية) فاش غنهضرو فااش؟!!!
حمزة؛ فهادشي ديالنا متشوفينيش مع أميمة تقولي هدا ناشط وفرحاان
ملاك: مشفتكش ابنادم ومكنشوفكش اصلا، صافي نتا ساااعتك سالااات معايا شحااال هادي علاش مبغيتش تقبلها؟!!!
حمزة: مغنتقبلهاااش حيت أنا للي خاسر فهادشي كامل
ملاك: وانا مااالي!!!! ماشي شغلي فيك تخسر متخسرش انا حاجة للي كتهمني هي راسي
حمزة: اناااااانية بزاااف أملاك
ملاك: اه أنانية ومكنبغيش الخير للناس ونتا شنو مشاالك ابنااادم
حمزة: (بغا يشد يدها وهربااتهم جاتو دفعة هو براسو مفهمش حتى لقا راسو طايح فوق الݣازوو)
اورطيغا: (شاف فملاك مخنزر)
ملاك: (بتخنزيرة كتر) علاش كتشوف فية نتا هاكا!!! (وقف حمزة باغي يرد ضربتو وحيت الدنيا عامرة دغيا شدووه ضارت كتشوف الجوقة بدات تجمع وباها جاي مشات من حدااهم كان الامر لا بعنييها فيها البكية والعصبية)
رشيد؛ شنو وااقع لهييه؟!
ملاك: معرفتش يمكن غير شي صحاب مناقشين والله مفهمت
رشيد: ونتي شنو مخرجك ياله تحركي دخلي من حدا المعزر
ملاك: (صاااطت فلداخل ديالها وتمات ماشية للقاعة مضارتش من موراها)
اورطيغا: (حمزة كيتحلف ويسب شادينو دراري اما لاخر حاضي رشيد كيغوت على ملاك واخا مسامعش هضرتهم ولكن باينة ضار فيها، ضار عند لاخر)
نخرجووو؟!
حمزة: (بعصبية) نخرجو اليوم **** (خرج اورطيغا لي جبد الشوميز من السروال وفك صدافة ديال الشوميز معول على خزييت تابعينو صحابو كيكالميوه كيتسنى حمزة برا باش يطايفو داير اعتبار انه عرس العائلة..)
رشيد: حمزة ماالك اولدي
حمزة: (كيقاد شوميزتو معصب) والو والو اعمي غير شي حاجة وصافي
رشيد: شنو لي شي حاجة واش نتا للي كنت كدابز؟!
حمزة: الا مكاين لا دباز لا والو غير دخل والله مكاين واالو
رشيد: نعل الشيطان اولدي ماشي طباايعك هادو (لاخر غير كينعم ليه بغا يدخلو مبغاش حتى يبرد خرج عند لاخر لقاه داير بدراري)
اورطيغا: (غير شافو لاح الݣارو من فمو) صافي غير سيرو
حمزة: (مقصدو) خوونا شنو المشكل عندك معايا
اورطيغا: (طلعو وهبطو) نتا
حمزة: فين كنعرفك انا ݣاع؟!!!
اورطيغا: (بعدو دراري وهو قرب بتحدي فعينييه) بعد من ملاك… اخر مرة تحط يدك عليها ولا تفكر حتى تهضر ولا تشووف فيها!!!!
ملاك: (لداخل جالسة على العافية ولكن ملامحها هادئين بحال ماشي هي للي نايضة مطايفة عليها برا، ضورت عينها مزال مدخل حتى فالطابلة للي جالس فيها حمزة مكاينش قلبت على غيثة مكينااش) أحححححم.. قواا** علية
أمينة: (صونا تيليفونها) الوو.. اويلي على كيدابز… فيين.. (وقفت)
زهرة: شكون للي كيداابز
أمينة: داك صݣع دولدي انا جاية (خرجت اما زهرة بقات فالقاعة ميمكنش تخرج)
زهرة: علم الله شنو وقع
مريم: ولدها هداك سمييمر
زهرة: اه مسيكين درييويييش
ملاك: (مكرهتش تخرج ولكن باها يشوهها الا بانتلو تمااك وعلم الله فين وصلت الامور!!! خبرت وفاء) سيري شوفي شنو وااقع برا؟!
وفاء: ياكما نتي فالقصة!!
ملاك: واا سيري ازمرة راه اليوم **** علية (ناضت وفاء كظحك خرجت وهي بقات غير كضور عينيها)
زهرة: راني عرضت على صاحبتك تبقى معانا هاد ليام حيت قالت دارهم ساافرو ومبغاتش تبقى بوحدها
ملاك: (بإستغراب) وفاء؟!
زهرة: اه ولكن ابنتي فهميها إلا بغات تبقى راه مكاينش داك دخل خرج
ملاك: هي كانت بغات تمشي لطنجة!!!
زهرة: اوا معليش يتييمة مسكينة
ملاك: (لوات شناايفها مهتماتش بزااف دابا عقلها مع للي برا بحال والو هي وفاء يقلبو فين يدوزو العطلة…)
~~~~~~~~~~~~~
حمزة: ونتا اش دخلك فملاك؟!
اورطيغا: واش حمار البنت قالتها لك ألف مرة مبغيتكش ديير النفس فيك وقلب طريقيها ولا ميعجبك معايا
حمزة: (بقا غير كيشوف وشكون هدا للي بغا يدخل لحياة ملاك واش هي مصااحبة معاه ولا شنو!!!)
عاود مرة أخرى قرب جيهتي
اورطيغا: (مقزز منو مجاهش شي واحد حامي باش يداابزو) المرة جاية غن** (سكت منين شاف مو خارجة مخلوعة ضرب فكتف حمزة ومشا جيهتها)
شنو مخرجك الوالدة؟!
أمينة: معامن كداابز اولدي؟!
اورطيغا: غير مع وواحد الطياابة سيري دخلي راه مكاين واالو
حمزة: (تم داايز من حدااهم دخل نيشان للقاعة معصب والف سؤال عندو فالراس!!)
اورطيغا: والله يهديك الوالدة هانتي خرجتي بانت فية كنطاايف ولا مزمر
أمينة: زييد دخل قداامي
اورطيغا: واش انا ولد صغير باش دخليني هاكا!!
أمينة: زيييد (شاف وفاء خرجت حتى هي) زيييد
اورطيغا: (دار يدو على وجهو مكره) يااااااا الرب العااالي..
أمينة: زيييد لمك (وفاء رجعت بحالها كظحك وهو شاداه مو فذرااعو مدخلاه) غتجلس حدايااا متحركش
اورطيغا: وا غير ترخي مني ولا بالرب منزيد الضربة هنا
أمينة: والله لا رخيت منك مزيان تبارك الله (دايز من حدا دراري للي معطلووهش كيظحكو وهو بالسيف ظحكووه ومينا مدخلاهم كاملين وصلاتو لحدا الطابلة ديالهم وجلسااتو) جلس
زهرة: (تبسمت) بعدي من الدري جلس اولدي
ملاك: (كتشوف فالكوشة وطرف عينها عليه دايرة راسها مكتعرفوش)
أمينة: ياله اولدي انا رااضية عليك الا ماجلس حداايا..
زهرة: جلس اولدي (اورطيغا شاف فملاك للي قالبة وجهها جلس حدا مو ضار لقا حمزة كيشوف فملاك غمض عينو زااافر حلهم شاف فمو للي مفهمتش شنو للي معصبو لهاد الدرجة كان بعد من هاد صداعات ولمدابزااات من شحال هادي شنو بيه دااابا!!!)
أمينة: غير قولية شنو معصبك اولدي؟!!
اورطيغا: (حرك راسو باه زعما مغنهضرش تطفا الضو فالقاعة باش العرسان غيدخلو كان ضو على شكل قلوبة مركزينو غير على الممر للي غيدوزو منو العرسان، للي كيغني علم كولشي باش يوقفو مع الطفية اللولة ديال الضو كولشي كيبقى يشوف غير ظلام وقف جيهتها حاني مع كولشي كيصفق)
خرجي بغييتك
ملاك: (بعدت من حدااه ومشات حدا مها كانت خديجة ويوسف داخلين وحداهم دراري دالعائلة هازين الورد كيلوحو عليهم مشا جهة مو، وهو الضو بدا كيجهااد كان واقف هو وامينة حداه وزهرة وملاك بيناتهم موااتهم، تشعلو الفلامات حدا الطورطة للي تحطات فالوسط مع موسيقى كلاسيكية ملاك كتفرج وهو عينو فيها عارفها ماشي من النوع الساااهل اجي اجي سيري سيري.. ولكن هو مدار واالو!!
تشعل الضو دالقاعة وجلسو المدعووين خديجة دارت حجة حشمت تشطح ديك الشطحة قدام العائلاات ويوسف حتارمها وأصلا هي معارفاش تشطح غتبقى غير تخربق وترجع ظحكة قدامهم وختارت السهلة وهي دير بنااقص براكة غير هاد الاجواء الشاعرية للي مغرقها يوسف بيها وعاد العرس كان زويين ومظخم ناض. غير ليكوبل كيشطحو.. )
زهرة: (شادة ادم للي كيمد يديه لاورطيغا للي كيشيرلو بيدوو) ههه عقل عليك
اورطيغا: دغيا تنتحب
ملاك: (ضارت ميقت فيه وعوجت فمها)
اورطيغا: عطيهلي (عطاتولو بقا شاادو كيلعب معاه ويهضر وهي مرة مرة كتشوف فيه معصبة منو بزاااف حتى كملها بوحدة جات عاود حداه حانية كظحك معاه وتلعب مع أنير شاف فملاك للي لقاها حاضياااهم بلا ميعاود لبلان)
واقلة تيعيط ليك أنس
…: اااه، راك عارفو منغبرش ههه خالتو أمينة شي نهار اجيو عندنا نتي واورطيغا
أمينة: ان شاء الله ابنتي حتى نتي مرحبا بييكم.. (مشات وهي بقات كتعاود بزهرة على هاد البنت للي كانت بنت الحومة حتى هي وبقا داك التعارف معاهم لهاد نهار.. )
…1: عروستك غزاالة الآلة الغالية
الغالية: (متبسمة كدور بين طوابل) ربي يخليك احبيبتي
…2: زين ما ختار ولدك احبيبتي
الغالية: عوينااااتك الآلة مديحة (بقات كترد على الناس جرتها بنت عمها كتهمس ليها)
….: العروسة كبيرة فالعمر؟!
الغالية: لاااا لقياس ديال ابني سيدي مولاي يوسف
…: ويلي!! راه يجيبها مولات 18 العام
الغالية: اش بغا بشي بنات صغاار هو باغي للي تفهمو وتعيش معاه ماشي باش يجيبها يربيها هههه
…: ههه هادي عندك
الغالية: هه سيري سيري شطحي ونشطي مع راسك
…: تبارك الله عروستك محجبة الله يحميها من العين
الغالية: فحيااتك احبيبتي… لالة مفتاحة كولشي هو هداك
مفتاحة: اممم مال داك العائلة مجاتش تسلم علية
الغالية: غير منتابهوش
مفتاحة: وعلاش نتينا متفهمهمش راحنا دابا عائلة وحدة!!
الغالية: واخا حبيبتي… (تخطااتها كتنݣر وكترحب بالناس عيطات على تريرتور)
جيب للناس عواصر وكل طابلة حطو فيها حلاوي وشوف طابلة ديال واليدين العروسة تسلاو ليهم les macarons
تريتور: مرحبا لالة
الغالية: (كتقلب بعينيها على بنتها مبانتش ليها دازت من حدا طابلة عائلة ليلى للي وقفت ترحب بيهم) مرحبا وألف مرحبا، بنتي ليلى على سلامتك
ليلى: ميغسي طاتي، ومبروك على يوسف
الغالية: عقبالك الحبيبة، مشفتوش بنتي لالة غيثة
ادم: انا كنت خارج نشوف واش كاينة برا؟!
الغالية: (عارفااه عندو علاقة مع بنتها) واخا اولدي (شافت اونفاص معاها لخديجة ويوسف للي جالسين فالكوشة غير كيهضرو ويوشوشوو مشات عندهم)
خديجة فاين الخاتم للي شرا ليك ابني؟!!
خديجة: (بإستغراب ورات يدها) ها هو
الغالية: زول زول باش تلبسووهم (حسابها الخاتم خايب ساعة صدق شيك وعلاش كان فاللول بغالها خاتم صغير حيت هدا ماشي كبيير كما كانت متوقعة)
يوسف: (معجباتوش كفاش هضرت معاها) الوالدة مغنديروش داكشي
خديجة: (هبطت يدها لاغوب باش متعيقش وحيدت الخاتم)
خلي خالتي الغالية على خاطرها (شاف فيها غمضت عينها بإشارة باش يسكت.. عطاتها الخاتم ولوخرا مشات مقلقة من ولدها للي قمعها)
يوسف هي بغات ندير اللبسة الفاسية ومبغيناش بغاتنا نشطحو ومبغيناش بغات دهاز يبان ويجي على شكل هدية ومبغيناش مجاتش حتى فهادي نقولولها لا وهي طايرة بهاد العرس وكدير جهد كبير فيه
يوسف: (حرك راسو باه وبقا سااكت اما هي بقات كتبسم مع المعروضيين…)
اورطيغا: (هز تيليفونو للي وصلوه ميساجات من عند غيثة كتخنخن وتصدم من تصرفو العنيف معاها هز عينو فملاك لقاها مشات عند خديجة رجع للميساجات ديال الواتس وهو يبلوكيها بلا ميجاوبها داكشي للي دارت هاد نهار متقبلووش… اما الا عاودت طافت بساحتو فيكون تصرف ااااخر معاها، عاود هز راسو لقاها جلست حدا ختها بغات تصور بقا كيشوف فيها ظحكتها كفاش تبوزاات ومقربة لختها كملت التصويرة وباينة يوسف كيشير لحدا بلاصتو باش تتصور حداه وقف هاز أنير ماشي جيهتهم وقف حدا ملاك للي جلست فالكرسي للي حدا يوسف)
بلاصتك حدا ختك ولا لا!!
ملاك: (بتحدي) لا، بغيت نجلس حدا خويا
اورطيغا: (كان لسانو بين ضرووسو مبين معاجبوش الحال)
نوضي
يوسف: (حاضي اورطيغا)
اورطيغا: (شافها عاد بغات دير رجل على رجل وهو يتم جالس حداها وهي تنوض بالزربة معبسة جلست حدا خديجة للي غير كظحك انا يوسف غير كيتبعهم، طل عليها زعما غير صبري ورجع شاف فالكاميرا وأنير شادلو فصبعو اما هي حاضياااه مخنزرة والمصور صور..)
خديجة: غياااكلك شي نهار هههه
ملاك: (بغِلْ) ياكل السم يوحلو فركااابي
خديجة: خويا مراد عطيني أنير (جابولها وتم ماشي جهة ملاك)
اورطيغا: بغيت نهضر معاك
ملاك: معندنا ميتقال
اورطيغا: (شاف فيها وهي ماشية راجعة لبلاصتها كيدور عينو غير فمو كانت مجمعة هي ومها مشات جلست غمز وفاء تنوض ناضت من حداها وجلس هو شاف فيها مد يدو تحت كرسيها جاارها وهي تهز)
شششت غيقولو غير تنخورك
ملاك: بفف (قلبت وجهها)
اورطيغا: مال جد أمك هاد نهار
ملاك: (مشافتش فيه) شنووو امراد شنو؟!!
اورطيغا: علاش قالبة كماارتك؟!!
ملاك: (شافت فيه حس براسو مصبرش مينكرش شوية دالميكاب خلاها فشكل وتروها شوفااتو)
اورطيغا: اجي معايا نهضر معاك غير دقيقة
ملاك: لا.. نتا شايف بابا وكولشي مجموع (شافت فمها واش كتشوف فيهم) واش باغيلي صدااع؟!
اورطيغا: (مخرج عينو بتحدي ولكن كيهضر بشوية)
صداع هو للي غندير الا مجيتييش!!
(وقف غوبشت ضارت لقاتو مشا للقنت ديال القاعة شافت فوفاء للي جالسة اونفاص معاها)
وفاء: (بهمس) سيري
ملاك: ديها فرااااسك ازمر.. وعقلي عليها…
ادم: (صونا على غيثة مجاوبتش فاللول رجع صونا جاوبت) الو غيثة!!
غيثة: (بصوت مخنوق من بعد معرفت مراد بلوكاها) وي ادم
ادم: فينك!!
غيثة؛ شنو بغيت!!
ادم: بغيتك نتي فينك؟؟!
غيثة: انا برا فالطموبيل ديال خويا (نعتاتلو الموديل مشا خرج كيقلب حتى لقاها حل لباب ودخل جلس شافت فيه وعينيها حوومر وشوية دالكحل هابط)
ادم: تتبكي؟!!
غيثة: شنو بغيت ادم؟؟
ادم: ماماك كانت تتقلب عليك وباينة باقية لدابا ومدام سولاتني غتكون سولات بزااف.. شكون للي قلق الأميرة ديالنا!!!
غيثة: (تنهدت) حتى واحد
ادم: واش شي واحد؟!
غيثة: حتى واحد غير تأثرت بعرس خويا وصافي
ادم: (ممتيقش حيت شايف اورطيغا محوم على بنت اخرة) باينة تتبغي خوك بزااف (حرك راسو باه) والا بالصح تتعزيييه بزااف غتنوضي باش تمشي تفرحي ليه وتحضري لاخر لحظات عرسووو ماشي تخليه بووحدو وعاد ماماك حامقة عليك بالتقلاب شي مرات خاص نضحييو بمشاعيرنا باش نفرحو للي تيبغيونا بالصح وغيكونو معانا ديما
غيثة: (بقات كتشوف فيه) بالصح
ادم: ياله هي داابا
غيثة: انا نقاد راسي ولحق عليك
ادم: واخا نتسنااك برا منخليكش بوحدك… (خرج وهي ضارت هزت صويكها فيه ميكاب وعاودات روتوش لعينيها…)
~~~~~~~~~~~~~
ملاك: (وقفت ماشية تابعااه بغات تعرف شنو غيبرر ليها ونيت تعطيه جوج كلمات!!!!
قلبت بعينيها حتى جرها لقنيتة مجايش فيها الضو بزااف لسقها مع الحيط وهو وقف مقرب هاد المرة الطالو معليها سنتيميتراات يعني وجهها مبعيدش بزااف واخا هكاك حاني رقيتو دارت يديها فوق صدرو مبعدااه وهي دغيا تجبد يدها حيت زاد مقرب منين قاستو.. ضورت وجههاا)
بعد امرااد
اورطيغا: (كيشوف فعينيييها مغووبش بحال باغي يدخل لراسها يفهم شنو كيدور فيه) مالكي معايا هاد نهار؟!
ملاك: والو بعد ولا عمرني نعاود نتبعك… مكيعجبنيش هادشي
اورطيغا: (بقا كيشوف فيها، بعد شوية) صداع كفاش غنسمعك؟!
ملاك؛ انا كنسمعك امراد
اورطيغا: وانا متنسمعكش املاك باغي نعرف.. شكون هداك الق*** للي كل شوية تلقااه معاك؟!
ملاك: (عارفاه كيهضر على حمزة قلبت وجهها بوجه جدي) شنو بغيت امراد
اورطيغا: (زاد صوت الموسيقى للي كانت رومانسية والناس وقفو باش يتفرجو حيت لوخرين كيركبو لخواتم جات ماشية شدها من يدها وهاد المرة زير عليها مابغاش يطلقها وجرها عندو بشوية كولشي كان مشغول مع العرسان حتى حد ممسالي.. بغات تفك راسها.. عينيه كانو عليها بحال صقر عندو بزاااف ميقوول وهي مابغاتش تسمع منو)
ملاك: (كتبغي تفك يدها كانت مقلقة منو بزااف) واش حسابلك انا بحال دوك الكلبات للي كيتجمعو عليك!!؟ طلق من يدي!!!
اورطيغا: (شدها من يدها لوخرا ورجع راادها للحيط)
منعاودش نشوف داك الز*** منعاودش نشوفو كيطوف بيييك
ملاك: شغلك هداك شوف ولا جلس!! (كتسناه يبرر وهو كلامو فقنت ااخر) صافي طلق مني دابا
اورطيغا: جيت على حسابك هنا.. على حسابك نتي
ملاك: (شافت فيه ميمكنش هاد العينين كيكذبو ولا كيتفلاو كان لداخل ديالها فحرب، حنات راسها وهو رخى منها وتمات ماشية مجاوبتش وهو دار يديه فجياابو ضاير متبعها كيتأفأف… خرج لبرا حيت العرسان كانو كيقطعو الكيك بقا وااقف أغلبية كولشي لدااخل هو مسوقوش فهاد العرس كانو عندو غراض غير بييها.. وكيفكر غير فيها وهاد الساعة!! غير هي للي مسيطرة على تفكيرو ولكن واش حتى هي هكااك!!)
خرجو الناس للي شاد طبسيل كياكل الحلوة للي مجمع الشلة كاملة باقي غير هو وخوه شريف للي متزوجووش حااار فراسو واش بالصح بدا كيفكر فكرة زوااج ياك كان محاملش وماباغيش ورااااافض ومقااادرش على شي مسؤوولية!!! شنو تبدل داابا؟!!! صونات مو عليه لاح داك الݣارو وتم ماشي عندها قبل متخرج تقلب عليه عاود حيت مابغاش يخلعها.. جلس حداها
أمينة: فين مشيت اولدي؟!!!
اورطيغا: غير هنا
أمينة: (قدات ليه الكول ديال الشوميز) ياكما عييت اولدي؟! عاودلي على داكشي دݣيݣو
اورطيغا: خدمة وصافي الوالدة
أمينة: فتكون عييت احبيبي
اورطيغا: معييتش بيهير واش اول مرة نظير هادشي
أمينة: ولكن هاد المرة تدركتي بالوقت وجيت كتجري
اورطيغا: جيت على حسابك (جراتو باستو منحنكو شاف فيها ديك الشوفة ديال بنيتك)
أمينة: هه شد اولدي بعدا (شد من عند السرباي طبسيل ديال الكيك وعلمو يتسناه يجيب ليه معلقة.. شاف فملاك كتشوف فيه بطرف عينها مدو يدو لمعلقتها ضارت شافت فيه مزيان كانت هي كملت طرف ديالها هو لمعلقة وبقا كيااكل طرف ديالو)
ملاك: (خرجت عينها وشافت فأمينة للي شافت فيها ورجعت شافت فولدها الي كتعرف عليه معياااف وكيعيف الناس وملاك شافت فمها وختها واش شافو كانو ملاهيين)
حم ماما انا جااية
زهرة: فين ماشية عاود اديك فريفرة؟!
ملاك: (مرضاتش خرجت عينها) انا جاية (مشات كتويل) ويلي ويلي ويلي على ولد لحراام!!! بغا يفرشنا السم السم السم يوحلك فركااااابي يا داك العزي..
أمينة: (لمست على ظهر ولدها مجمعين) اوا فوقاش ناكلو حلوتك نتا اداك الجحش
اورطيغا: هههه وشكون خلاااك..
كانو اخر لقطات العرس ملاك مشات جلست حدا خوتاتها هاربة منو، العرسان ناضو باش يمشييو تحت تصفيقاتهم خديجة جرت ملاك من يدها خرجت معاهم كيظحكو مشاو برا ركبت خديجة وهي كتوصي ملاك على شي حاجة يوسف واقف مع مو وختو
خديجة: علاش متسمعيهش مراد شنو بغا، كيبان ولد الناس راجل دالوقت للي تعولي عليه
ملاك؛ مفهمتش منين كتجيبي هاد الهضرة، مهم تهلاي فراااسك مزال مقالك فين غتمشييو
خديجة: ههه مزال (لحقو خوتاتها لوخرين بداو يشدو فيها يوسف ركب وهوما يسكتو.. ودعوووهم وكسيرا يووسف) ههه غير بشوية
يوسف: شنو بشوية الله يهديك ابنتي وانا شهوور وانا نتسنى هاد اللقطة…
ملاك: (تمت داخلة مع خوتاتها كيظحكو على خديجة ويوسف للي مزروب لقاو حتى الناس كيوقفو يمشييو)
مريم: داز عرسها غزاال
ملاك: و شكون شااافوو
مريم؛ قولينا املاك فين غيسافرو خديجة وراجلها
ملاك: معرفتش حتى تقولكم هي (هربت بقاو تابعينها تقولهم مابغاتش، مشات لطابلة ديال مها مكانش هو ناضو يمشيو أمينة رغباتهم يبااتو)
زهرة: راكي عارفة الراجل عندي وعاد العائلة كاينة مجاتش نخليهم..
ملاك: ماما نبات انا وفاء باش غدا نمشيو مع خديجة لمطار ونجيو
زهرة: شوفي مع باك ابنتي
ملاك: اوا راه راجلك قبل ميكون بابا عفاك اماما رغبييه عفااك
زهرة: (عارفة بنتها هاربة من داك العمورية للي فالدار) دابا نهضر معاه الا بغا فين تبقاي
ملاك: لععععععززز، فالدار للي كارين انا وفاء
أمينة: يالهو معايا لداري نييت
ملاك: (مبغاتش) بلا منعذبووك اخالتي
أمينة: ما فيها عذاب بالفرحة علية ابنتي (ناضو حتى هوما والغالية كتودع المعروضيين حتى هي خسرات عليهم يباتو ولكن رفضو بلباقة وشكروها على حسن الضيافة وعلى العرس وبداو يركبو فالطموبيلات ملاك قلبت على طموبيلتو مكيناش اذا مشا فحاالو ولا مشا عند شي وحدة أخرى!!
زهرة قنعت رشيد للي بغا بصعووبة وحيت رطبت شوية معاه بغا..)
وفاء: اورطيغا مشا؟!!
أمينة: مشا مع صحابو قبيلة (ركبو مع ملاك فالطموبيل لدارها وتفكيرها فيه وصلو حطات الطموبيل وطلعو الدار)
دخلو ابناتي دخلووو جابكم الله هاد نهار تونسووني..
ملاك: (كانت باغية دوش صهدو وعرقات هاد نهار)
خالتي واخا ندوش
أمينة: وعاد تسولي الدار داركم ابنتي
ملاك: (تبسمت معاها هزت بيجامتها تيشورت وسروال واسع ودوبياس دخلت للحمام كتشوف فيه كاين برودويات ديال رجال هزت باندووش كحل لقات هاد الريحة كتكون فيه مرة مرة فيه استنشقتها مزيااان وعاد كاين تستيفة ديال الفوطات فلݣري.. دخلت دوشت دغيا بغات غير تحايد داك العرق نشفت راسها وشافت فلمرايا طالقة شعرها للي فازݣ وكل تفكيرها فيه نشفت شعرها مزياان باش ميقطرش عاد جمعاتو سفنجة وهبطت منو شي شعيرات جايها زويين خرجت من الدوش سامعة صوت أمينة كتهضر فتحت لباب للي كيشوف فباب برا لقاتو هو واقف حدا لباب غير تشااوفو رجعت للحمام بالزربة قلبها كيضرب)
أمينة: سير سيييير حتى لغدا صباح واجي
اورطيغا: (واخا ثانية باش شافها ولكن هز حواجبو بجوج بقا غير كيشوف حتى تسد باب الدار فوجهو مسامعش حتى شنو كانت كتقول مو…)
اورطيغا: (عجباتو فلميكاب والتكشيطة ولكن منظرها هاكاا خارجة من الدوش واخا ببيجامتها مستورة ولكن داك شعر للي باقي فازݣ وجامعاه مخلية شي زغيبات نازلين خلاه غير حال عينيه على وسعهم، تم دااير راجع فحاالو كانت وفاء للي علماتو انهم بايتين مع مو داكشي باش جا كان بغا يشوفها ولكن كانت احسن صدفة هو يشوفها هاكا!!! هز تيليفونو صونا عليها مجاوبتش هبط لتحت جلس فطموبيلتو دابا بغا يهضر معاها وربي كبيييييييير كتب ليها ميساج)
“انا فلباركينغ لتحت هبطي عندي”
ملاك: (قرات لميساج ومزال كترجف مابغاتش يشوفها هكااك معجبهاش الحال، والجانب السافل فيها كيقول العكس حطت التيليفون) واش هدا حمااق!!!
أمينة: بناتي تصبحو على خير الا خصاتكم شي حاجة ها الكوزينة ولا نوضوني انا فهاد لبيت
وفاء: لهلا يخطيك اطااتي غير سيري ترتاحي تصبحي على خير
ملاك: (تبسمت) تصبحي على خير
أمينة: قدامكم الخير ابناتي.. (مشات داايخة بنعاس وهوما جالسين فالصالة عاطياهم مخاد بليزور ناضت ملاك سدت لباب)
ملاك: شنو هاد طاتي مطاتي نتي عاود
وفاء: ههه وشنو نقولها؟!
ملاك: (كتعيبها) نننن…
وفاء: سمعتها كتقولك غير خرجي راه مشا واش اورطيغا ههه
ملاك: (بعصبية) اه
وفاء: ومالكي معصبة
ملاك: (رجع صونا عليها هي مزال مقلقة على شنو كان وقع فالعرس كل مرة كتلقاه مع بنت ويكملها بتسلام بالوجه حلت لباب دلبالكو دخلت وسداتو من موراها)
الو
اورطيغا: بغيت نشوفك
ملاك: فين؟ واش حمق؟!!
اورطيغا: حمق حيت بغيت نشوفك؟!!
ملاك: اوا ومك؟؟
اورطيغا: دخلت لبيتها تنعس
ملاك: ولو.. مصاالحش..
اورطيغا: فينك دابا
ملاك: (بنفخة) فلبالكو
اورطيغا: خارجة بشعرك عريان؟!!
ملاك: (عاد تفكرت ولكن هي فلكاطريام وكولشي ناعس وحي كلاس كولها داخل سوق راسو طلت لقات طموبيلتو خارجة من لبارك بعدت راسها) علاش جيت هنا؟!
اورطيغا: راه دارنا ابنتي!! (سكت الطموبيل) وكنت باغي نشووفك غير مي الله يهديها شادة معايا الضد!!
الغالية: (حتى داز العرس عاد لاحظات حاجة كانت مسولاتش عليها فاللول حيت قالت حيت كانت خطبة وداكشي بيناتهم وعاد مزروب ومع مكانتش باغية مسوقاتش ولكن فالعرس!! مجمعة مع ختها)
ملاحظتيش مت المتعووسة مجابتش معاها حتى واحد من فاميلتها
اخت الغالية: حتى واحد من جيهتها مكاين!!
الغالية: داكشي للي شفنا فالحنة هوما نيت للي جاو عمامها عيلاتهم وجدها ومرتو وجارتها ولدها ومرتو
اخت الغالية: يمكن معندها حد
الغالية: ومالها كابرة فمحيبق!! ميمكنش ميكون عندها حد شي خال شي عم تالف ݣاع الا قلنا معندها لا خوتها لا واليديها!! فشكل هاد القضية
اخت الغالية: حتى لمن بعد وسولي مرت ولدك
الغالية: داابا (هزت تيليفونها)
اخت الغالية: غير واش عند شي عقل اختي ولا متتكسابيييه
الغالية: (مجاوبهاش) علاه؟!
أخت الغالية: واش ولدك عريس وفليلتو ونتي تنصوني عليه
الغالية: (عوجت فمها) زعما راه غيدشنها لية راها سنين دزواج غير بدلت اللول بولدي وصاافي اححح على ديك الكية عمرها تبردلي ولا طفا حتى يدي مول الأمانة أمانتو
اخت الغالية: نوضي اختي تنعسي نوضي راك عييتي وخليك من هادشي هوما مكتااابين لبعضيااتهم وللي وقع وقع..
~~~~~~~~~~~~
غيثة: (من بعد مقطعت مع ادم للي كيشكر فيها ويتغزل فيها وهي غير ساكتة غير كتنعم وتظحك مرة مرة حطت التيليفون من بعد مديمكيات وجهها ودوشت لابسة غوب دونوي فبيتها وغير كتنهد، اليوم شبعت بكا على شنو قال ليها اورطيغا والغوتة للي دار ليها صونات على ياسمين)
شنو وقع بيناتكم
ياسمين: يمشي ي*** اخر مرة اغيثة تعاودي تجبديهلي فالهضرة هداك غير حمااار ميسواش كبرناها ليبيه وحسب راسو شي حاجة
غيثة: وقولي شنو وقع؟!
ياسمين: واش متأكدة هو للي قالك تعرضيني؟!!
غيثة: (بلعت ريقها) اه، علاش؟!
ياسمين: السيد تسيف بحال غير هو للي راجل فهاد الدنيا وحاسبني انا للي لاسقة فيه الݣزاار لاخر هادي هي رضينا بالهم والهم ما رضا بينا
غيثة: شنو قالك؟!
ياسمين: هادشي نيت بلا حشمة تيقولي انا تنعتابرك غير نزوة ودااازت بااينة طايح فشي **** وجاي تيترجل علية تفوووو كرهت نهار للي عطيتو وقت فيه
غيثة: واش قالك طايح فشي وحدة؟! حيت أنا عارفااه دابا متيهضر مع حتى شي وحدة
ياسمين؛ يمشي ي*** من بعد ونصوني عليك حيت بالصح عصبني داك المريض..
اورطيغا: كنت باغي نشوفك غير الوالدة الله يهديها وصافي ..(مهضرتش خرج من الطموبيل) اول مرة نتوحش نعس فبيتي
ملاك: (تبسمت) علاش اليوم بالظبط
اورطيغا: (دار يدو فوق صدرو) شفت التووتووز وريتي سخفت
ملاك: (طلت لقاتو هاز راسو ولكن هو مشافهاش)
اورطيغا: مديريش معايا زوين وتخلي لباب محلول نطلع نشوف مزياان
ملاك: واش حمق؟!
اورطيغا: حمق حيت بغيت نشوفك
ملاك: اه، خاصك تحتارم الخصوصية ديالي شوية
اورطيغا: لا مابااغيش
ملاك: كفاش مباغيش مهم انا بغيت نطفي ننـــ..ــنمشي نعس
اورطيغا: (دار تيليفون بين كتفو وودنو شاعل ݣاارو على مشعل هز راسو صاط الدخان) تطفي نطلع نطفيك
ملاك: بففف
اورطيغا؛ وااا بنادم راه الا مهضرتيش مغنعرفش شنو عندك فداك الراس
ملاك: معندي والو
اورطيغا: (بهدوء) وشنو مقلق الزين
ملاك: حتى حاااجى عيانة وبغيت نتكى
اورطيغا: مبقيتيش تتبغي تهضري معايا
ملاك: (بقات سااكتة حيت الا هضرت غير غتبين غييرتها وهي كانت موحشااه ولكن هو كل دقيقة كتلقاه مسالم مع وحدة بلبيز وشطيح والظحك مكانتش متوقعة هاكا منو)
اورطيغا: هداك لمرييوة علاش باقي تيطووف بيك كل مرة واقف معاك باغي يشد فيك شوية جاي كاري ففاس حداك!!! ياك لباس؟!
ملاك: (يعني رد البال وعقل عليه) ولد الجيران وصافي وغير صدفة
اورطيغا: (هنا عصبااتو بالبرود والكذووب) ولد الجيران عادي يبقى يتزلل عليك
ملاك: متهضرش معايا بهاد الطريقة
اورطيغا: (زاد فنبرة الصوت) وكفاش بغيتي نهضر كل مرة لاسق فيك و..
ملاك؛ (بعصبية) شكون كيهضر بعدا للي كل دقيقة مع وحدة فشكل ونتا كضور من هادي لهادي شتي نتا خاصك تحمد الله جيت راجل اما وكان تولدت بنت بهاد الخفة للي فيك وكان راك متقوبة ولا جايب لمك شي كرش من الزنقة…
(خرجت عينها مصدمة من الهضرة للي خرجت من فمها بلا متفكر مزيااان دارت يدها على فمها رجعت طلت لقاتو باقي هو هو داير التيليفون فودنو)
مكنتش قاصدة نقول هاكا والله م.. (حيدت التيليفون من ودنها قطعت وجلست فالكرسي هااربة ومصدوومة من الكلام للي خرج منها بلا متحس…)
يوسف: (من بعد موصلو للدار حست براسها حشماانة وجاتها فشكل واخا ماشي بنت ولكن جاتها الرهبة للي محستش بيها حتى فزواجها اللول سد لباب وعنقها من اللور حاط راسو على كتفها)
واخيرا
خديجة: ههه علاش اول مرة نبقاو بوحدنا
يوسف: لا ولكن دابا ضااامن غناخدو راحتنا ومعندك فين غتهربيلي
خديجة: يوسف واخا كنت ديجا مزوجة ولكن ههه مخلوعة شوية
يوسف: (وقف اونفاص معاها) طبيعي راه أول خلوة لينا وعفااك متعاوديش تجبدي الماضي داكشي لحناه اللور دابا كاين انا ونتي قبل مكاين واالو كاين غير انا وياك مستقبلا
خديجة: (تبسمت عاضة على شنافتها باينة فوجهها جبدها عندو معنقها مغرقها حناان للي افتقداتوو من شحال هادي وحتى اثوتنها للي تدفنات أعواااام معاه)
يوسف: الا مكنتيش مرتااحة معنديش مشكل باقي الوقت أنا للي تيهمني هو نتي تكوني مرتاحة..
خديجة: انا ندخل نبدل حوايجي
يوسف: (كان بغا يهزها ولكن عارف ميقدرش غير غيحشم راسو حيت خديجة تبارك الله واازنة وطويلة، تمت داخلة لقات فوق النموسية كولو ورد احمر شافت فيه عاجبها الحال بقا متبسم هز بريكة كيشعل شمع للي فلبيت وطالق ريحة زوينة هزت غوب دونوي للي حاط فوق النموسية ودخلت للدوش غيكذب الا كان قاد يشد راسو عليها كتر داك الستريس للي فصباح كولو تبخر منين بقاو الراس فالراس….)
~~~~~~~~~~~~~~
اورطيغا: (صدمااتو بديك الهضرة بقا غير كيشوف هز راسو مكطلش رجع التيليفون لجيبو هاز حاجبو كيحاول يركز فكلامها حتى تبسم عيا يهيب ويتخضر على الناس وجات وحدة عيا يتنمر عليها وشحال كرهها فاللول عطاتو عصيييير فكااس كبير ومدفݣ ݣاااع… رجع هز راسو مكينااش ركب فطموبيلتو راس كيقولو طلع لوح مها من تماك وراس كيقول صافي هادي هي التالية
محس غير بدا ميتكرشخ بالظحك كيتخيل راسو بنت ونيت بهاد الخفة كان على الاقل يكونو شي 4 ولا 8 دلولاد ظحكااتو بهاد الهضرة وتم صايݣ حيت من مور هاد الهضرة للي تقاالت مصالحش التيليفون والا بقا تماك غيطلع واخا تكون مو للي بغا يكوون…)
ملاك: (صيفطات ميساج) راه غير فلتت ديك الهضرة ماشي ديالي انا ماشي للي كنقول هكاك مهم غير زلقت
اورطيغا: (هز حاجبو حاط التيليفون بهدووء ممجاوبش)
نتي زلقت ليك بالهضرة انا غنزلقو ليك نيشان..
(تبسم وهو كيتخيل راسو ممستوعبش كلام خارج من عندها ولكن ظحكااتو وعقل كيقنعو باش ياخدها بعصبية…)
~~~~~~~~~~~~
ملاك: (كضرب فمها بشوية منين سمعت الطموبيل ديمارات شافتو مشا ومعاودش صونا صيفطات ميساج والو مجاوبش ولا رجع صونا)
ويلي ويلي على هضرة قلت يا سيدي ربي!!!!!!
مشااااااا الراجل مشاا انا للي طيرتو
بفف خلي مك هاكا غتبقاي خضرة مكتعرفي لا تهضري لا تزمري تفوووو تفوووو…
(معندهاش الوجه للي يصوني عليه ولا يعاود يكتبلو)
شنو غنقول ولا نكتب بففففف هو للي عصبني نهار كامل وهو من وحدة لوحدة
تفووو مكانش خاص نهضر نسمع بعدا غير شنو كان بغا يقول تفوو علية كنت دافعة كبير حسن…
اش داني نزل لهاد الهضرة هو راه بالصح ولكن نخليها غير بيني وبين راسي…
~~~~~~~~~~~~
يوسف: (خرج من الدوش للي برا مخلي خديجة فالدوش لي فبيت نعاس، لابس شورط بديالو لقا مو مصونية عليه دار مود أفيوون دخل للكوزينة بهدوء حل الثلاجة هز ريدبوول فتحها كيشرب متكي على البوطاجي متبسم غير بوحدو عاود هبط على الكانيط كيشرب.. حطها فلابوبيل وخرج من الكوزينة مشا للدوش غسل سنانو ودوز الخيط بين سنانو.. خرج وقصد بيت نعاس لقا خديجة واقفة حدا لمرايا بشعرها الفازݣ ولابسة داك غوب دونوي مع بينوارو وكتدهن لحمها.. طلعها وهبطها باعجاب كبيير من رجيلاتها ليمولي فخاضها كانت كولها على بعضها سيكسي سد لباب وعينيه كيغلييو طافي الضو مخلي غير دوش شميعات للي دايرين جو شااعري….)
بالصحة حبيبة!!!!…
ملاك: (دخلت للبيت لقات وفاء ناااعسة.. ݣاع داك لعياا ونعاس للي كان فيها طااار متنكرش خاافت تكون هادي هي التالية مكانش خاصها تقلل الاحترام عليه معجبهاش الحال واخا عارفة غتكون ردة فعل ديالو خاايبة ومغتعجبهاش ولكن هي اصلا محملتش رااسها كانت فاارضة احترامها عليه وكتلومو على تخسار الهضرة وبغييرتها فقدت السيطرة على الكلام للي خرج من فمها وكانت كتقولو غير بينها وبين راااسها!!!)
بفففف ياااا الله ولكن راه بالصح وكان جا بنت وكان راه والد شي فرقة دالكورة!!!
تفو تفووو مكانش خاص نقولها (شافت فوفاء كانت ناعسة معندها معامن تهضر وحتى وكان لوخرا فايقة مكانتش غتعاود ليها…
تكات فالسدااري كان كولشي ماشي مزياان وبدا يهضر علاش بقا كيسولها علاش… هزت تيليفونها مصيفط ليها ومجاوبهاش طفات الكونكسيون معندها ݣانة حتى تشوف كفاش جات فتصااور حطاتو فوق الطبلة وغمضت عينها باغية غير طفي أفكارها باش تنعس من بعد مكانت هي للي مظلوومة فهاد الرواية قلبت كولشي مكانش خاصها تخسر الهضرة وطيح من قييمتها….)
~~~~~~~~~~~~
يوسف: (أذن الفجر وهو جالس فلبالكو فوق الكرسي حيت مابغاش يصدعها وكانت ياله دوشت ونعست فبيتهم،
كان جالس مرخي ومرجع راسو اللور متبسم من داكشي للي وقع يمكن تكون هادي أول مرة كيحس بهاد النشوة لكبيييييرة واش حيت شحال وهو مشهييها ومتمنييها ولا حيت شحال هادي مكان مع شي وحدة ولا حيت هي عرفااتلو ولا نيت رجع كيبغيها وهادشي للي كيحس بيه داابا معاها…
مكانش ناوي تكون المدة دالخلوة بيناتهم طوييلة واخا هكاك باقي حاس براسو ملهوووف عليها عجبو الحال بزاااف وقف مشا يتوضى حيت الا بقا على هاد الأفكار غيمشي غير يفيقها من نعاسها…)
~~~~~~~~~~~~
أصبحنا وأصبح الملك لله…
أمينة: (فاقت بكري شوية سخرات العساس يجيبلها لفطور هي عمرت غير أتاي حتى صونا حلات دخلت داكشي للكوزينة كتقاد لفطور وتستف فطباسل وللي خاصو يتسخن كتسخنو، وهي تخرج وفاء) صباح الخير زين
وفاء: صباح الخير خالتو كيف صبحتي
أمينة: الحمد لله ابنتي ونتوما رتاحيتو شوية ياكما أنا للي فيفتك
وفاء: لا لا، الحمدلله، انا مولفة كنفيق بكري.. (مشات للدوش وهي بقات كتقااد حتى صونا تيليفونها)
أمينة: (كان الحاج للي صبح عياان وخاصها ضرووري تمشي حيت هي للي كتعنى بيه ومدام عيط الا خاصها تجي.. مجاتش تخرج لبنات وأصلا مدام كاينة بنت زهرة الا الدار فأمااان خافت غير ولدها يجي.. مشات للبيت نعاس تلبس حوايجها ومشات لبيت فين ناعسة ملاك مكرشخة ودوك زغيبات تشنتفو وناعسة معذبة خاشية وجهها تحت لوسادة ومعنقة وحدة صغيرة)
ملااك ملاااك
ملاك: (قفزت) نعام (جلست) نعااام
زهرة: باسم الله عليك ابنتي شوفي انا غنمشي عند عمك الحاج هانتي هنا نتي وصاحبتك جالسين فالدار خودو راااحتكم
ملاك: (بحرا توݣضات) هاا!!! حتى حنا نوضو نمشيو اخالتي
أمينة: لا بقاو فالدار ورتاحو على خاطركم انا نعاود نصوني عليك سجلي نمرتك عندي (عطاتها التيليفون كتسجل النمرة)
ملاك: والله اخالتي معليش نمشيو
أمينة: والله لا مشيتي، صافي ابنتي الله يرضي عليك سمعي الهضرة، كولشي واجد فالكوزينة حطو فطوركم وكولشي فالثلاجة انا مشيت ابنتي….
زهرة: (كانو عرضووهم عائلة بنسليمان لغدا مع عائلة يوسف ولكن عتاذرو حيت الدار مزال عامرة بالعائلة وميمكنش يديوهم كاملين وأصلا العرسان غيساافرو خلاوها حتى يرجعو ويتجمعو.. جمعت دوك الكادويات للي جاو للعرس حتى تديهم ليها وللي مضوبل يبقى حتى يمشي كادو لشي عرس اخر… مشات زهرة خرجت من بيتها كتجمع مع العائلة كانت نعيمة غتمشي اليوم باش يرجعو هي وراجلها وبنتها تسالمت معاها وودعتها وفاطمة حتى الغد ليه غادي تسافر للجنوب مزال مكملت الكونجي ديالها اما مريم رجعت لدار ها مع راجلها ووليداتها وعݣوزتها للي مرضت… صونات على ملاك)
ملاك: (كانت كتفطر هي و فاء طايرة ليها) صباح الخير
زهرة: صباح الخير بنتي
ملاك: (عاودتلها شنو وقع) جاتني حشومة نبقى
زهرة: اوا كملو فطووركم خلي لولدها الساروت راه عندو المحال تماك غير تحت الدار واجيو فحالكم
ملاك: اممم صيفطتلي خديجة ميساج باش نمشي عندها بلاتي نسات شي لعيبات ومصلاحش ليها تخرج تجيبهم ومقدرتش تقولها لراجلها
زهرة: اااه اوا هكاك متعطليش ابنتي
ملاك: واخا ماما (قطعت وااش غيكون ناعس واش غيكون فالمحال ديالو؟!!!)
وفاء: بالصح!!
ملاك: (حركت راسها بلا متقدرش ترجع الا مهضرتش مع اورطيغا كرامتها كنقولها خاصو يعتاذر حيت خلاها تخرج داكشي من فمها!!!)
~~~~~~~~~~~~
خديجة: (خارجة من الدوش لابسة ديباردور ستان مع شورطوو بلا سوتياان، وكتمسح شعرها بالفوطة هو كان جالس لابس غير شورط ديالوو.. تبسم داير ليها إشارة تجي حدااه)
لا واااالو صافي براااكة حتى لغدا
يوسف: (تبسم) عاد قلنا باسم الله
خديجة: (وقف ماشي عندها) بالصح ايوسف تقسحت
يوسف: حسيت بيك احبيبة (عنقها وجلسو فالفوتوي جارها لعندو كيلمس شعرها)
واش كنتو نتي وو…
خديجة: (مكيعجبهاش الحال تفكر فهادشي) ياك قلتي نساو داكشي للي فات
يوسف: ناسيه غير.. راه كنتي مزيرة بحال…
خديجة: يووسف عفااك
يوسف: عادي نهضرو فهادشي ديالنا انا وياااك احبيبة
خديجة: (شافت فيه) وااخ
يوسف: عجبني الحال لا ماشي عجبني (تبسم) تغرمت
خديجة: هه (كانت باينة فيه) مغتقوليش فين غنسافرو خلاص
يوسف: اممم شنو الاحتمالات ديالك؟!
خديجة: ههه اولا ماشي شي بلاصة للي فيها الڤيزاا
يوسف: اممم كاينة (ناض لبس تيشورت ديالو) زيدي
خديجة: اممم منظنش شي دولة عربية حيت منين تتعاودلي فاش كتكون عندك خدمة فيهم متيكونش عندك شي حب ليهم باش ترجع مرة أخرى
يوسف: اااهمم زيدي
خديجة: ههه وااامعرفتش قولي نتا
يوسف: هي بلاصة زويينة بحال شكل المالديف سميتها..
خديجة: ههه وااا قوول
يوسف: زانزيبار
خديجة: (بقات كتشوف فيه تصدمت)
فين؟!!!
اورطيغا: (صبح نااعس فاق عرقاان بكترة الزمت للي كيكون فاواخر شهر 8 مشا دخل للدوش دوش بما باارد كما موالف وهبط نيشان مشا لمحلبة يفطر عاد توݣض صونا على مو للي لقا ابيل منها)
الوالدة
أمينة: احبيبي فقت؟!
اورطيغا: اممم (سمع صوت مفتاحة) رجعتي للرياض؟!
أمينة: اه جيت قبيلة الحاج كان عيان شوية
اورطيغا: ووو لبنات مشاو؟!
أمينة: انا حسابلي غتسول عليه هو كيف بقا
اورطيغا: وراه غنسول عليه، (شرب من أتاي) كيف بقا؟!
أمينة: مزيان غير كلا داكشي ميدم لبارح وضرو شوية
اورطيغا: لبارح لقا الهوتة
أمينة: ماشي غير هو
اورطيغا: (هز حواجبو عارف تحت راسها شي حاجة) مهم انا نكمل فطور ونجي عندك
أمينة: عنداك اولدي الله يرضي عليك تمشي لدار فالسعادة حتى يمشيو لبنات
اورطيغا: نكمل ونجي عندك (قطع مكمل فطورو غير كيتفكر شنو قالت كيظحك بحال لحمق متحلف عليها بينو وبين نفسو مع مقولة البادي أظلم!!!
وكان واحد اخر قالهالو شي دري ولا بنت وكان دفنو فبلاصتو ومتبردلووش ولكن هي) ههه (حتى الطريقة باش قالتها معصبة غيراانة جابتلو الظحك..
جا عندو صاحبو كيهضرو على دوك الطلبة خلص عليه الفطور وتمو ماشيين بجووج الطلبة بداو يرجعو كيقلبو على لكرا حيت مبقى والو لبداية السنة الدراسية وخاصو يريݣل أمورو.. داز على الدار للي كتبنى كانت ماشي فالأشغال، مشا ركب فطموبيلتو ومشا عند مو لمدينة لقا الدنيا عاامرة ومفتاحة عارضة عائلة الغالية لغدا مراد مقلبش على مو نيشان مشا لبيت الحاج على متلحق حيت شاف فغيثة للي قلب وجهو عليها مباغيش حتى يسلم عليها على داك تبرهيش للي دارت لبارح..)
أمينة: (مشات للكوزينة هزت طبسيل كتقاد فيه الماكلة) نجااة قاديلي ابنتي بسطيلة صغيرة ديال 2 دالناس
نجاة: واخا عْزِيزْتِي
مفتاحة: (دخلت لقات أمينة تماك دايرة دجاجة فطبسيل وكتغلفها)
لمن هاد الماكلة أمينة؟؟
أمينة: لضيافي
مفتاحة: وهاد ضياافك غيجيو هنا؟!!!
أمينة: لا عندي فداري
مفتاحة: (مخسرة وجهها) اوا هاد العراضة راه مخصوصة لبنتي الغالية وعائلتها ماشي للناس لبرانيين
أمينة: (مزيان) مزياان
مفتاحة: واش نتي متتحشمي متتفهمي؟!!
أمينة: علاش نحشم وشنو نفهم متنسانش امفتاحة كما عندك الحق نتي فهاد الدار عندي انا!! ومتسنايش مني نجي ناخد منك الإذن شي نهار
مفتاحة: خاص خويا يدير حل لهادشي
أمينة: والا تي سيري بعدي من خوك خليه يرتاح ونتي غير عاݣدااهم علييه السلامة يا ربي!!! الخير تبارك الله موجود ومدفݣ ونتي حارقااك دجاجة تبقييستر وكان غير ماشي بنت الخير نقولو جيعاانة (مسحت يدها بسربيتة) نجاة بنتي خفي يدك شوية.. منخليش ضيافي يتسنااو
(خرجت من تماك مشات غسلت يدها عاد طلعت لبيتها اما لوخرا غتنفاجر ومرضاااتش قدام المساعدات للي طالقة الهبة ديالها فهاد الدار…)
الغالية: غيثة زيد دخل ابنتي
غيثة: ماما خاص رجع للدار
الغالية؛ (مشات عندها مستغربة) ماالك؟!
غيثة: (مزروبة) لحريق فكرشي خاص نمشي صافي حتى ترجعي نتي وصفاء (بقات كتعيط عليها مها والو مجاوبتش خرجت مقجوووجة من تماك كتبكي كفاش مشافش حتى فيها ولا سلم ولا عتاااذر نيشان مشات تحزن فبيتها احسن ولا تبينها للكل..)
اورطيغا: (جالس فبيت الحاج للي كانو حتى ولادو لوخرين جا حداه شريف) فين
شريف: خدمتي هاد صباح؟!
اورطيغا: لا مكايناش شي حاجة المحال من بعد ونطل عليه شي كموند للي تماك خاص يخرج المارشي
شريف: ودير حساابك شهر جاي السلعة غتبدا تدخل كتيرة على حساب رمضان
اورطيغا: وييه ولكن خاص نسافر شي يامات نديفولا شوية
شريف: سير نيت هاد ليامات شنو تتسنى سير بدل حتى نتا شوية الجو المحال ديالك انا كل نهار نطل عليه
اورطيغا: (داكشي للي كان ناوي) ان شاء الله
شريف: داير شي بلان فراسك؟!
اورطيغا: (حرك راسو بمنعرف، شاف فالحاج) ياله انا نمشي لباس عليك الحاج
شريف: نديرو شي قهيوة بلاتي؟!
اورطيغا: صافي الالو بيناتنا فلعشية ونتلقاو.. الحاج على سلامتك
الحاج: جلس اولدي
اورطيغا: تابعني شي خدمة خاص نقضيها
سعد: (بأمر) غدا عندك كموند كبيرة
اورطيغا: لا معنديش
سعد: انا تنعلمك دابا، غدا الفجر لقاك فبن سودة (بلا كيشوف فيه) متعطلش عاود
اورطيغا: (بديك تخنزيرة شاف فالحاج) على سلامتك الحاج انا غنغبر هاد السيمانة
سعد: والكوموند ابنادم؟!
اورطيغا: خدام عندك انا؟!!!!
سعد: كفاش خدام عندي!! الواليد هضر مع هاد ل
اورطيغا: هاد شنو ل!! (ماشي عندو وشريف ورشيد دخلو فالوسط)
الحاج: واش انا وسط منكم ونتوما تتغااوتو واش متتحتارمونيش واش باغيين تقتلوني قبل الوقت
سعد: هو للي داير فيها صعصع كلمة جوج يتهجم على بنادم بحال ش
اورطيغا: (تعصب ولكن منين دخلت مو بعد مباغيهاش تخلع واخا مكرههاش متبقاش ساكنة معاهم ݣاع)
أمينة: شنو واقع؟؟
اورطيغا: (رجع اللور معصب مكرهش غير يوصل لداك سعد) والو انا مشييت
أمينة: (وقفتلو فلباب) شنو وااقع الحاج؟!! واش انا ولدي نبقى تبغيو ونزاوݣو يجي هنا وفالتالي يخرج شاد فخااطرو الا مكانتش عندو معزة عندك قولها ميعاودش يحط رجلو هنا لا هو انا
سعد: (هنا عرف غيكون هو الظالم حيت عارف باه كفاش كيبغي مرتو واخا براسو عمرو شاف منها شي حاجة خايبة، شاف فباه للي مخنزر فيه)
مكاين والو الآلة أمينة راه غير تناقشنا على شي حاجة دالخدمة
اورطيغا: (خرج معندوش مع هاد النفاق واخا بقا كيعيط ليه الحاج تبعاتو مو كان الطوب دالاعصاب) انعام انعام انعاااام
أمينة: مال مك جالس تنعم علية شنو وقع؟!!
اورطيغا: والو شنو باغية الوالدة!!!
أمينة: شنو قالك داك راس لبغل
اورطيغا: والو الوالدة واالو..
أمينة: اجي احبيبي تسخرلي (هز حاجبو ياله باغي يتݣرع عليها حيت ماشي وقتو) دي لبنات للي فالدار لغدا
اورطيغا: (بقا كيشوف فيها كيصوووط) متعطليش…
خديجة: (معرفت فين جات هاد سمية للي قالها وصلهم لغدا خرج هو يجيبو هزت تيليفونها كتبتها فgoogle باش متبانش مكلخة خرجت عينها هي دولة إفريقية ماشي كما كانت متوقعة.. خرجت دغيا من الباج حيت تم دااخل.. تبسمت)
يوسف: حبيبة اجي تغدااي
خديجة: حم واخ.. (نااضت فصمت مزال مصدوومة حيت منين حيدت من بالها اوروبا كانت كتقول ربما تركيا ماليزيا.. لوا يدو على خصرها ومشاو جلسو كياكلو) امتى عندنا الطيارة؟!
يوسف: 9 يعني غنمشيو قبل
خديجة: (حركت راسها باه كتاكل.. تسقمت مفهمتش علاش خاسر فلوسو على دولة إفريقية شنو المميز فيها عمرها تخيلت تمشي لتماك وكان داها بعدا لمراكش ولا اݣادير ولا الحسيمة للي عمرها وصلات ليهم..)
يوسف: خديجة حبيبة مكليتيش؟!!
خديجة: غير فية نعاس شوية
يوسف: (تبسم) حنا مزوجين باش نعسو
خديجة: ههه واش حمق راك شفتي شحال تقسحت متفكرش ايوسف هاد نهار..
يوسف: (بفرشيط هز بطاطة ومد ليها كتاكل) واخا حبيبة الا بغيتي نمشي نشري ليك شي حاجة من فرماسيان
خديجة: لا لا بلاش بغيت غير نتكى شوية
يوسف: كولي بعدا (بقا كيوكلها كانت باينة عيانة مخلاهاش تنوض حتى وكلها بغات تجمع داكشي مخلاهاش حدها مشات غسلت يدها وفمها ودخلت تكى كتسمعو كيجمع داكشي غير دخل لبيت وهي تغمض عينها هاااربة منو…)
~~~~~~~~~~~
وفاء: (صونا تيليفون ملاك للي دخلت لبيت اورطيغا كتشوفو وتبرݣݣ فيه..) ملااااك خالتي أمينة كتصوني عليك
ملاك: (خرجت بالزربة مشات هزاتو) وي خالتي.. بلاش عليك والله.. لا ماشي هكاك غير حنا كنا ماشيين.. ههه.. واخا خالتي.. شكرا.. بسلامة.. واخا…
(قطعت)
مصيفطانا لغدا
وفاء: مسكييينة شحال ضريفة سعدات للي غتكون مرت ولدها
ملاك: (كتعيبها مخسرة وجهها) هننننن…
وفاء: هههه ياله لبسي لبسي راه غيجي اورطيغا
ملاك: (داكشي لي دارت مشات لبست كسوتها لوات الشال من بعد مدارت عكر خفييف بقات كتسنى حتى تدق لباب ناضت مخلوعة اخيييرا غتشوفو وغتبرر كلامها، ولكن مدام جا الا مدا مجااب ولا اعجاب لكبير بيها غيخليه يغمض عينيه، حلت لباب بوجه بشووش كانت ساشي محطوطة حدا لباب جمعت الابتسامة طلت براسها كيبان ليها ياله داخل المصعد بقات غير كترمش وتشوف فيه حتى غبر ضرها خاطرها بزاااف تمات وفاء جاية)
وفاء: مشا؟!
ملاك: (هزت الساشي) اه هو تسخر جاب السخرة ومشا.. (عطاتها ليها) هاكي سخنينا هادشي باش نتكااو شوية..
وفاء: واش دابزتو عاود؟!!
ملاك: لاا (حيدت شالها بفقسة وغير حشمت تبكي) واا سربي ازمرة فية الجوووع…
أمينة: (جاتها القنطة فالرياض كانت مولفة اجواء العرس وداك اليوماين للي دوزت مع زهرة، وعاد منين دابزت مع ديك العاقسة اذا كولشي غيقلب كمارتو عاود وحتى هي مافيها للي يبقى فحرب دارت بناقص من شي غدا ولا شي جمووع وجلست مع الحاج للي تغدا ونعس هزت تيليفونها صونات على ملاك)
ابنتي وصل عندكم مراد؟!
ملاك: (بفقسة) اه لقيتو حاط لغدا حدا لباب لهلا يخطيك اخالتي
امينة: (بتنهيدة، عرفاتو مشا بلا خااطر وعاد منين قالها غيغبر سيمانة) ماشي شي حاجة ابنتي
ملاك: كيف بقا عمي الحاج
أمينة: الحمد لله ابنتي الحمدلله
ملاك: الحمد لله على سلامتو خالتي فين نخلي ليك الساروت؟!!
أمينة: هانتي تماك حتى يبرد الحال ابنتي وخليه غير عند العساس حيت مراد مكاينش فالمحال.. انا فالليل نجي لتماك
ملاك: واخا خالتي (قطعت معاها بانتلها مافيهاش داك النشاط للي كان فيها اوطوماتيك فكرت تكون ضارت بيناتهم شي حاجة هي ومراد.. ولكن علاش هي ياك كان كيقلب غير على السبة باش يهضر معاها ودابا حتى الشوفة مشافش فيها!!! بقا فيها الحال بزااف نورمال هي للي تقلق على داكشي دلبارح ماشي هو!! بقات كتاكل وعقلها ممعاهاش)
وفاء: ملاك ياك معليش نمشي معاك لداركم
ملاك: بلعكس غتونسيني
وفاء: ومالكي؟!
ملاك: واالو (هزت تيليفونها كتشوف امتى خرج من الواتس من لبارح فلعشية مدخل ليه عوجت فمها مشات لانستغرام لقات شحال من واحد حاط تصاورو ولكن غير مطاݣيينو ماشي هو للي لايحهم بقات كتحنزز فيهم كما العادة وتزومي على تصااورو وحدة فيهم تبسمت حيت كان باين ظهرها وهو متبعها بعينو)
علاش مجاش مهضر معايا؟!!!!
وفاء: واش اورطيغا ؟!
ملاك: زمرا نتي مالك مركزة معايا؟!!!!
وفاء: هههه مفهمتش علاش كتهربي السيد عاجبتييه وعاجبك علاش هاد التلفة شدو الارض شوية وتفاهمو
ملاك: شنو هاد عاجبتيه عاود!!! واش هو قالك شي حاجة؟!؟
وفاء: بااينة
ملاك: اجي نتي عمرك تصاحبتي معاه؟!!!
وفاء: ههه وعلاش كتسولي؟؟ (شافتها خنزرت) لا لا سي پا مون ستييل
ملاك: (ميقت فيها) تشتاااقيه ومتوصلي ليه (كتعيبها) قالك سي پا مون ستييل لقيتييه
وفاء: ههه وينو جاتها النفس عليييه
ملاك: سيري سيري تخ** (ناضت كتجمع الطبلة غسلت دوك الميعنات والماكلة للي شاطت جبدت طوايس دارتهم فيها ودخلتها الثلاجة للي كتشعل بنقا اصلا الدار كاملة كتشعل بقاو مجمعين كيشوفو تصاور خرجو من الدار عطاو الساروت العساس دازت من حدا المحال طلت وبالصدمة لقاتو تمااك شاافها مكانتش متوقعة يكوون بغات غير طل كنوع من الفضوول وعاد جات عينيه فيييها تشدت قطس)
اورطيغا: (كان كاااعي كمش عينيه فييها، وببطئ دارلها بإشارة تدخل عندو كان المحال خااوي…)
ملاك: (دخلت للمحال حشماااانة مرضيااش على شنو قالت فالليل ولكن ملامحها غيير ومخرجة عينها) شنو!!
اورطيغا: (بقا كيشووف فيها.. نطق بجدية) اجي املاك معايا
ملاك: قولي شنو بغيت هنا وفاء كتسناني برا
اورطيغا: اجي معايا لداخل، وفاء تسنايها اختي (دخل وهي عطات لوفاء الساروت إلا بغات تسناها فالطموبيل ودخلت تابعااه فنفسها مال هاد زمر جدي هاكا!!! وقف بعيد متكي على البوطاجي مكروازي رجليه ومربع يدو وملامحو جامدين بحال كما كان فاول مرة عرفااتو، شافت فصاكادو ديالو عااامر هو نيت للي خدا فاش مشا لرباط بلا متحس قالت)
ملاك: مسافر؟!
اورطيغا: امم.. اه
ملاك: (مسخااتش بيه) مزيان.. شنو كنت بغيت تقولي؟!
اورطيغا: (جاي عندها) كفاش بلانك تتشبهيني بلبنات و اش ديك الهضرة دلبارح الباسلة!!!
ملاك: (خرجت عينها بلعت ريقها مرضياااش) نتا عارف شنو كنت بغيت نقول مقصدتش خرجت هكاك بلا منحس
اورطيغا: بلا متحسي!!؟ غير الحزقة للي تتخرج بلا دفييع، يعني شحال وهاد الهضرة تدور ليك فبالك!!!
ملاك: مكدووورش (بقات مغووبشة حيت حتى هو تسيف ولكن زمتها)
اورطيغا: اممم
ملاك: (تحرجت) انا مقصدتش ديك الهضرة
اورطيغا: وشنو قصدتي؟!
ملاك: (زفرت قلبت وجهها باينة فيها ممرتاحاش تم جاي جيهتها، هو براسو طايرة ليه وقف اونفاص معاها هزت عينيها فييه)
اورطيغا: (بهدووء وملامح جاامدة) وكان قالها واحد اخر دري ولا بنت كنت غندير حوايج معااه خاايبة!!
ملاك: سمعني، انا مقصدتش معرفتش كفاش خرجت نتا عصبتني لبارح وقل..
اورطيغا: هادشي للي بغيت نعرف فاش عصبتك انا؟!
ملاك: ماااممممم معرفتش مهم انا، أنااا… غنمشي
اورطيغا: (برزااانة) ملاك، اخر مرة نسمع منك هاد الهضرة
ملاك: (غتمووووت مرضااتش تبان بحال هاكا) اخر مرة اصلا تسمع مني… (دار إشارة بصبعو حدا وجهها وهي تسكت)
اورطيغا: مزال تنعاودها ليك لبارح كنت فالعرس على حسابك نتي كنت باغي نشوفك نهضر معاك طاحو شي بلانات مبرهشين (كيشوف بعيد، وهي رجعت خطوة اللور مربعة يديها كتسمع بجدية)
لحقت عليك للدار باش نفهمك مكنتش بغيتك تنعسي ونتي مقلقة مني
ملاك: مكنتش مقلقة
اورطيغا: (تبسم بلا خاطر) كنتي غير غيرانة
ملاك: (بتعالي) انا نغييير ههه مسكييين
اورطيغا: ماشي تنقلل منك ولكن حبييتك ونتي تتغيري…
ملاك: (حست براسها تزنݣت وذابت مع كلمت حبيييتك) انا مكنغيييرش…
اورطيغا: انا بعدا (صغر عينيه) تنموووووت، لدرجة نتقتل ومنحنش
ملاك: احم (قلبت وجهها كترمش)
اورطيغا: ملاك (صونات مو) صبري، (جاوب) ازييين (ملاك جات خاارجة شدها من ذراعها كيتبسم)
ملاك: طلق مني
اورطيغا: صبري اديك الوزغة راه مي مي (ورااها مكتوبة lwalida) صبري…
هههه واخا..
شنو بغيتي
ملاك: (خافت تعرفها من صوتها وعجبها الحال تخلطت عليها الدعوة)
اورطيغا: (جمع الظحكة)
راه قلنها ليك الف مرة!!!!
(ملاك جبدت يدها حيت قسحها وهو شادها معصب)
وااا صاحبتي نتي للي راسك قاااسح (كيسمعها كتشكي ليه شحال قنطت وهو عارف غيكونو عاود عزلوها تماك كان حداه سطل ضربو برجلو حتى تقبو من الوسط وحلاتلو رجلو تماك ملاك شدت الظحكة بالسيف حيت باين الموضوع جدي ومجاتش تظحك فهاد الموقف وهو حاني كيفك رجلو منين مبغاتش زاد زدح رجلو مع الحيط حتى تهرس سطل)
ديريها زوينة وياله معايا…
لا منمشيش لتماك، غنمشيو سيمانة فينما بغيتي وسيمانة تبقى ديالي نمشي انا لداك القنت..
صافي.. جاوبيني انا نساينك..
واخ.. وااخ
اسيري اشمن بنت (شاف فملاك) هادي بنت دارهم مسايبااش
ملاك: (كضور عينها باغية ظحك وتفرنس كتفكر غير باها عاق بيها كتجمعها واخ هاكاك من عينيها باينة عاجبها الحال)
اورطيغا: انا نساينك الوالدة متعطليش…
(قطع)
طلعلي هادشي ***
ملاك: اوااا حتى نتا تبقى تختار ألفاظك ونتا معايا الله يخلييك
اورطيغا: (كيشوف فيها ديك الشوفة ديال بنيتك)
ملاك: بقا كتشوف فية اااه نتا
اورطيغا: (تبسم قالب وجهو) حتى نسالي ليك مزياااان (جلس فوق الكرسي داير ظفارو فموو مكمش عينيه فييها) امتى عندك الكونجي؟!
ملاك: مغنشدوش دابا
اورطيغا: (بغمزة) علاش؟؟ غترتاحي!!
ملاك: (فهمات سفالتو) حيت معمرتش والناس سابقيني
اورطيغا: (حرك راسو باه، هي مزال كتسنى تبرير على لبارح وحتى على هاد تسافيرة الي معرفت منين نزلت عكسو هو للي كيفكر فحريرتو هو وموو)
ملاك: ياله بسلامة حقا امتى نعطي للسيد فلوسو؟!
اورطيغا: من بعد (وقف هز صكادو ديالو بغا يجبد بواطة حمرا، ولكن شافها ماشي فوقتو حيت مزال دايرة حدوود ومبعدة عليه حط الشكارة فوق الكرسي ومشا جيهتها بحال كيتحلف عليها)
ملاك: شنو!!!
اورطيغا: غتمشي لصفرو دابا؟!
ملاك: (بعدت اللور) اه
اورطيغا: ملاك.. (جا يهضر وهو يسمع صوت شريف كيعيط ليه) بقاي هنا…
(خرج عندو قبل ميدخل هو)
ملاك: (عاد زفرت وهي حاطة يدها على قلبها للي بغا يسكت بكترة مكيخبط…)
ملاك: (مشات جلست فالكرسي كتفكر شنو غدير راه كتحس براسها كضعف قدااامو وشادة راسها غير بالسيف، عاد لبارح قررت تنساااه وها هي دابا معاه وكتفرنس بحال مناقصها خير!!!
اه سمعات شنو قال لغيثة ولكن علاش اصلا كان منفارد مع لوخرا هادشي وهي كاينة حداه اما منين متكونش علم الله شنو كيدير!!! شخصيتو كتجذب كما جذباتها هي للي كانت كتكرهو من الاعماق، فافاها صوت لغوات برا ناضت من مور الحيط كتصنت علييهم)
اورطيغا: راك غاالط فية اشْريييف من غدا منحطش رجلي هنا رزق بيد الله ما بيد حد
شريف: اش وصلنا لهاد الهضرة اخويا
اورطيغا: (بعصبية) شريف نتا عارفني كداير نفسي هنا (دار صبعو فوق نيفو)
شريف: سمع نتا بحالك بحالنا كولناا خدامين وكنتخلصو و نتا اكتر واحد فينا كتخدم وبالضووبل
اورطيغا: صححها انا تتخدم بحالي بحال الخدامة وتنتخلص على تمارة للي تنضرب باش تحايدو فكرة ان بااكم تيصدق علية ولا تيعطيني كتر من رزقي
شريف: علاش انا تتجمعني معاهم؟!
اورطيغا: (معصب) قلب علية اشريف هاد الساعة
شريف: مغنخليكش بووحدك الحاج راه ضار فسعد مزيااان وسمعو للي خاصو يس..
اورطيغا: بيناتهم يقيلوني غير انا ومي وسعد غيبقى تيقلب علية حتى نوصلو لموااصل شحال وانا باغي نتواصل معاه ليهم
شريف: متبقاش دخل شي فشي نتا من ديما فاش تتعصب تتبقى تخرج راسك بحال عمرك عرفتينا وعاد تتزيدني معاهم… وانا عمري درت شي حاجة خايبة معاك
اورطيغا: (هز حاجبو) مغنتسناكش حتى دير اشريف
شريف: هدا هو كلامك!!
اورطيغا: قلتلك قلب علية هاد الساعة حيت فمي غيخرج كلام مغيعجبكش
شريف: (بقا فيه الحال) واخا
اورطيغا: (خلاه تماك ودخل لقاها كتصنت دغيا وقفت مقاادة وهو مشا البوطاجي عاطي بظهر مغلغل هي غير كتشووف معرفت واش تمشي ولا تواسيه راه خوه وضاار فيه اعسااك هي ولكن فهمت منين يكون معصب مكيعقل على حتى وااحد صونا تيليفونو جبدو جااوب)
وي… زعما!!!… لا لا ماشي مشكل.. غير هو واش قاد على شي سفر؟!!…
ماااا انا كنت بغيتك تمشي تفوجي وترتاحي ماشي تمشي تقابلييه…
علاش نحشم قلت شي حاجة مكينااش.. بففف صافي للي بان ليك الوالدة… انا فالمحال.. اممم راك جاية!!.. لا نشدو طريق اليوم.. فينما بغيتي… واخ.. (قطع لاح التيليفون فوق البوطاجي ضار لقاها وااقفة، مسح على وجهو)
تتشوفيني معصب متجييش تعنقيني نتي!!!
شريف: (خرج من المحال، هو تبع خوه غير باش ميبقاش فيه الحال على كلام سعد ولكن علاش يدور فيه هو؟! صونا على يوسف للي مزال تيليفونو خارج الخدمة مشا لقهوة للي اونفاص مع المحال بقا جالس بووحدو شاف صاحبة ملاك تماك جالسة بوحدها ناض من تمااك مشا عندها) باغدون نتي صديقة ملاك!!!
وفاء: (تبسمت حيت عقلت عليه) اه
شريف: (مد يدو) شريف خو مراد
وفاء: مشرفين انا وفاء.. (دارها إشارة فالكرسي الخاوي واش يجلس) اه جلس
شريف: (جلس) صاڨا؟!!
وفاء: الحمد لله ونتا؟!
شريف: الحمد لله رتاحيتو شوية من العرس؟!
وفاء: اه الحمد لله
شريف: مزيان، نتي ساكنة فاس؟!
وفاء: اه
شريف: ولكن ماشي بنت فاس
وفاء: لأ تازية ولكن شحال وانا هنا تنكمل قرايتي
شريف: فين
وفاء؛ دوزياماني ماستر
شريف: مزياان متشرفين
وفاء: (تبسمت)
شريف: (جا يهضر صونا تيليفونو كان ادم) باغدو (جاوب) وي ادم انا فقهوة**** ااهااه نتسناك هنا.. واخ (قطع جاه السرباي خدا براد ديال أتاي) متنصدعكش!
وفاء: نوو..نووو… (كانت كتسنى ملاك)
شريف: (جا يهضر معاها صونا تيليفونو وقف) باغدوو هادي مكالمة مهمة (خرج برا يجاوب) على سلاااامة امولاي السلطان
يوسف: ههه فيين
شريف: اوا لباس منين تظحك لباااس
يوسف: ههه مع 8 دوز عندي وصلنا للمطار
شريف: واخا سيدي
يوسف: ياله تلااح (قطع)
شريف: (ظحكو حيت قال شنو بغا وقطع ولكن راه عرييس واش غيساليلو هو!!! حس بقنطة كبييرة، دخل لقاها كتهضر فالتيليفون كانت زويينة ولكن الزين مبقاش عندو أهمية بزاف عندو حيت دوزو ولقاه فااالصو وأصلا مباغي دابا والو باغي غير ميبقاش بووحدو بقا واقف حتى قالتلو يجلس يعني ماشي مكالمة خاصة كملت وبقاو مجمعين فمواضييع عادية عاااامة… تم داخل ادم للقهوة)
وفاء متشرف بمعرفتك جا صاحبي بلا منديرونجيك
وفاء: (تبسمت حركت راسها باه) مشرفين
شريف: (وقف ومشا لبلاصة اخرى جلس مع صاحبو مجمعين هضرتهم على صداع للي ناض حيت حتى هو كان تمااك)
ادم: تنشوف اورطيغا وقح شوية لا!!
شريف: وقح!! علاش؟!
ادم: كان خاصو يحتارم سعد حيت كبير عليه ويدير اعتبار للحاج للي مريض وللي كبرو وتهلا فيه
شريف: غير نتا شفتها هكاك أما هو مدار والو بلعكس وبيني وبينك داكشي بين الخوت عادي يتنااقشوو اما قضية كبرو وتهلا فيه راه عادي حيت هو واحد منا
ادم: (فهم المعنى وفهم ان شريف فصف اورطيغا)
اه، عندك الصح…
اورطيغا: تتشوفيني معصب متجييش تعنقيني نتي ؟!!
ملاك: هاااااء
اورطيغا: شنو هاد هاااء مترحمي متخلي رحمة ربي تنزل وعاد يبقى فيك الحال من الفوق
ملاك: (هزت كتفها) سييير عندمن بغيتي
اورطيغا: (عوج راسو فيها) انا بااغييك نتي
ملاك: (شقلبت عينها) ولكن نتا متااح للجميع
اورطيغا: ههه انااااا الله يسمح ليك
ملاك: مالي كذبت غير ماشي ونتا ماد هداك الحنك للي شايط عندك
اورطيغا: اممم (دابا فهمها)
ملاك: (تيليفونها صونا كانت مها ونيت تهرب) مهم انا خاص نمشي تعطلت وماما كتصوني باش نرجع
اورطيغا: مزرووبة لهاد الدرجة
ملاك: (ببرود) اه
اورطيغا: (حرك راسو باه راسو غيتفرݣع بالمشاكل ومن جهة مباغيهاش تمشي ولكن هو براسي مغيبقاش فاس) انا غنساافر
ملاك: طريق سلامة
اورطيغا: (هز حواجبو بجوج كردة فعل اما هي كتغلي من لدااخل ديالها، مشا حداها مقرب رجعت اللور حتى تساطحات مع الحيط) مال مك على هاد لقسوحية
ملاك: اولا بعد شوية الله يخلييك خلي مساافة
اورطيغا: (زاد مقرب وحاني راسو كتر هي مبغاتش تقيسو باش يبعد حيت غيزيد يقرب) غادي نساافر وعقلي غيبقى معاك
ملاك: بعد امرااد شوية
اورطيغا: (قرب يدو لذقنها هاز راسها) مكرهتش نديك معايا
ملاك: (تزنݣت كتشوف فشنايفو وديك اللحية مخليااهم، كتعيا تهرب عينها منهم باغياه غير
يبعد ولا غتشوه وغتبوسو اللولة… هربت من تحت يديه) متعاودش دير هاكا امرااد
اورطيغا: (ضار ببطئ) علاش مباغيانيش نقرب منك؟!
ملاك: (سؤال دلخ** بقات ساكتة بحرا كترد النفس)
اورطيغا: (متكي على الحيط) مباغياش نقرب منك؟!
ملاك: مفهمتش هاد تقرب؟!
اورطيغا: انا باغي نكون معاك، نتي شنو باغية املاك؟!!
أمينة: مراااد مراااد!!!
اورطيغا: يااااااا الرب العااالي
ملاك: (تخلعت) ويلي ويلي ويلي مك
اورطيغا: هه مالها غتاكلك
ملاك: سير خرج عندها دغيا قبل متجي (شافتو واقف مشات كدفعو من ظهرو) سييير
اورطيغا: متقيسينييش الله يخليك (كيقلدها) حتى انا متنبغيش للي يقيسني ومنقيسوش
ملاك: (ميقت فيه) بالفرحات عليك نرضى ونبغي حتى نشووف فييك اعسااك نقييسك
اورطيغا: ههه (غير كيظحك كتبسم حيت كتعجبها ظحكتو منين كيتغمضو عينييه خرج حيت واصل لواحد العصبية ومعاها غييير، خرج لقاها باغية دخل وقفلها فلباب) نعام
أمينة: شكون معاك؟!
اورطيغا: قلبتيها بوليس؟!!!
أمينة: نتا بهاد الخفة خاصك قشلة تهجم عليك
اورطيغا: ههه أأأأ الوالدة فين باغيا تصيفطيني؟!!
أمينة: حيد من لباب
اورطيغا: سيري للدار انا جاي
أمينة: (دفعاتو ودخلت باغية تشووف هاد لبنت للي مخليااه رااازن ساعة مكاين حتى حد هو براسو مفهم والو غير كيدور عينيه حتى طواليط محلول لباب جر مو لبرا) سيري للدار انا جاي نتحاسب مع الدري ونجي..
يتبع
التعليقات 0