غيثة: (خرجت عند ادام لحدا لباب كضور وتشوف جنابها
كان فطموبيلتو مشات عندو حيت هو مخرجش منها)
هااي.. جبتيها؟!
ادم: (طلعها وهبطها) تنشوفك بيخير متحتاجيش!!
غيثة: لا لا بلعكس (دارت يدها فوق راسها) تيضرني راسي
ادم: لبارح مجاوبتينيش فين بقيتي؟! معجبنيش الحال!
غيثة: قلتلي خدام مصالحش ليك تبقى وخرجت معاهم مشينا بلاصة حسن… مهم عطيني ادم قبل ميجي يوسف
ادم؛ اورطيغا معاودش صونا؟!
غيثة: مغيصونيش راه فهمتك مبيناتنا واالو باش يصوني
ادم: اممم (جبد حبة عطاهالها)
غيثة: وحدة!!
ادم: حتى نتلقاو فلعشية
غيثة: والا مصلاحليش؟!
ادم: حتى لغدا؟!!
غيثة: بففف انا نشوف كيفاش ندير متقوليش عاود خداام!!! (باس ليها يدها ودخلت مزروبة قبل ميشوفها شي حد…)
خديجة: (كانت كتشوفهت من سرجمها حتى تحل لباب ضاارت مفزووعة حتى لقاتها هي دارت يدها على قلبها)
خلعتيني اخالتي حسابلي شي واحد
الغالية: (طلعتها وهبطتها بقرف كانت لابسة غوب دونوي ستان بلا سوتياان وريوس صدرها باين وطالقة شعرها للي مقاد ميكاب اب كانت زوينة لدرجة زادت فقستها)
ممعوايدناش الحبيبة ندخلو بلا مندقو!!! باش تخاافي
خديجة: اه مسمعتكش دقيتي!!!
الغالية: (ميقت فيها) بيت ولدي ندخل ليه فوقما حبييت
خديجة: اممم (جلست فوق الكرسي دايرة رجل على رجل باينين فخااضها مزيان للي عامرين ولحمها نقي)
الغالية: اش هاد قلة لحيا للي فيك
خديجة: (ببرود) مفهمتش!!
الغالية: اش هاد لباس لابسة وهاد الحالة السوااقية للي نتي فيها!!!
خديجة: علاش اخالتي وحدة عروسة فبيتها شنو خاص تلبس؟؟ (ردت راسها اللور مرتااحة وكتهضر بكل ثقة)
الغالية: عروسة هههه تيقتي راسك!!
خديجة: على حد علمي اه
الغالية: اوا نووض من القلبة اخالتي!! لبس معااوط ونزل للكوزينة وجد لغداا
خديجة: اهاااه مرحبا ضرووري مذووقي ماكلتي شي نهار
الغالية: (جات تهضر وهي دخل غيثة مشات سلمت على خديجة)
غيثة: على سلامتكم ازين
خديجة: الله يسلمك (مشات سدت باب لبيت) لباس عليك
غيثة: الحمد لله احبيبتي ونتي رتاحيتي ش… (الغالية مشات شرعت لباب وخلاتو محلول ومشات) احم تتنسى ماما راكي محجبة
خديجة: (رجعت سداتو) معليش… (بقاو مجمعين وطلبتها توريها ليڤيديو وبقاو مجمعين…)
ملاك: (كانت لبست تقاداات وحتى أنير لبساتو حويجات زوينين خرجت من الدار للي علمت مرت حنينها ركبت فطموبيلتها حاطة أنير اللور مجلسااه خايفة عليه دارت للي لاسنتيغ ولكن مرخووفة حيت غيتقج بقات كتصوݣ بشوية مكتفوتش 20 محاولة عليه وصلت لحدا الشلال حطت الطموبيل هزااتو كدور عينها بانتلها طموبيل ديال اورطيغا قبل مينزل عندها طلعت جلست اللور بإستغراب رجع سد لباب وضاار عندها)
ياله ياله من هنا قبل ميشوفنا شي حد
اورطيغا: شيفوور باك ازين؟!
ملاك: (متبسمة كتلعب بحواجبها) ليك الشرف تكون شيفور ديالي انا وأنير
اورطيغا: (كمش عينو فيها) عندك زهر دزتي فوجه زرييقة
ملاك: ههه (بقات كتشووف فيه وداك لبرونزاااج ضار صاݣ خارج من تمااك شاد طريق موزار كندر فين كاين قهاوي زوينين مفتوحين بين الطبيعة ألعااب ورييسطو، كان صقيير حتى واحد فيهم مكيهضر غير تيليفونو للي مبغاش يسكت حتى عصبو وهو يطفييه كيسب وصلو حيت مكانش بعيد بزااف وهي كتراري بأنير وقلبها غيطير بالفرحة، وصلو هبط حالها لباب قبل متهبط بقا هو مكالي حدا لباب ساد عليها بجسمو ممخليهاش تنزل)
شنو!!
اورطيغا: شنو نتي؟!! (كيشوفها مزيان لباس كما موالفها واسع فولار متناسقة مع وجهها وجه بلا مكياج من غير عكر خفيف حتى من الارقام خفييف خاصو حتى يقرب عاد يشكو وهادشي كيعجبو فيها!!)
هاكا الناس تيستقبلو للي موحشيينهم؟!!
ملاك: (شادة الابتسامة) وشكون قالك انا توحشتك
اورطيغا: (مقرب ليها متكي على الكوسان مربع يدها) انا بعدا توحشتك
ملاك: (تبسمت) واااا مغنهبطش؟!
اورطيغا: سلمي علية بعدا (مدت يدها بقا كيشووف) وكاان!!!!
ملاك: (متبسمة) هادشي للي كاين هاد الساعة!!
اورطيغا: ههه (سلم عليها ولكن كيتلمس فيدها بإبهاامو حتى هربتها هز أنير عاطيااهلو هااربة منو غير ميقيسهاش بعد من حدا لباب)
الدعوة ناااشفة معاك ابنت رشيد
ملاك: كولشي بالولف (هبطت مقادة صاكها فكتفها كانت جابت صاك كبير فيه للي تحتاج مع أنير)
اورطيغا: (كيهضر مع أنير ويظحك وهي كتشوفهم كتخيل الا كملو ووولدت معاه غيكون أب حنيييييين عجبها هاد الثلاثي سدت لباب وهو سابقها حتى ضار عندها) زيدي حداايا
ملاك: اوا سير غير بشوية (وقف كيتسناها حتى وصلت حداه كانت لابسة الطالو بغا يدرعها وهي تهرب) واااا مرااااد وااا مرااد
اورطيغا: حتى حاجة!!!
ملاك: ههه لا واالو نسااا
اورطيغا: (بقا كيتبسم دخلو جلسو تحت الظل جايبين كرسي الخشب ديال لبيبي جلس أنير فيه جبدت من صاكها هرنيس عطاتولو حيد نظاظرو وحك عينييه وشاف فيها)
معامن جيتي هنا؟!
ملاك: كنت جيت ليها مع ختي نعيمة وراجلها كانت كتعجبهم بزااف هنا
اورطيغا: صافي!!
ملاك: وحتى ختي مريم
اورطيغا: مزيان، تغديتي؟! (حركت راسها باه وباينة لا عيط للسرباي سولها خدات بلا مشاوي وهو خدا طاجين)
اوا وسي أنير؟!
ملاك: معرفت
اورطيغا: انا ندخل نقولهم يجيبو شي شلاظة بلا صوص
ملاك: قولهم حتى بلا ملح ولا ابزار
اورطيغا: شي حاجة اخرى الآلة!!
ملاك: اممم الا بغيت شي حاجة اخرى نعلمك (ناض دخل وهي بقات متبعااه متنهدة بفرحة) شحااال كيحمق هاد زمر!!!!!
كانو كيتغدااو مجمعين كيعاود ليها ذكرياتو فسفر فالحسيمة وهي كتوكل أنير للي غير كيغاغي ويلعب بيديه دايراااليه اكتر من الخاااطر قدام اورطيغا مباغاش نخرج ديك العصبية وقلت صبر للي فيها…
اورطيغا: كنا بيخيير حتى صونات دوك الق****
ملاك: مااام.. متخصرش قدام أنير
اورطيغا: هه نتي هانية بعدا!! (هز تيليفونو معطاتوش خاطرو يخليها هاكا صيفط ليها ميساج انه وصل بيخير مع وصل مع رجع طفاه، شاف فيها كانت متبعة التيليفون مخنزرة)
غير الوالدة
ملاك: (هزت كتفها) مقلت والو
اورطيغا: علمتها راه وصلت
ملاك؛ بالصح متخليهاش منوغشة معاك الا جينا نشوفو راه بجوجكم عندكم الحق نتا من حقك ميتفرض عليك والو وهي من حقها تبقى مع مها، حيت كتجي حتى الام وكيرجع داك منطق نسامح منسامحش ملغي معندك غير تساايس
اورطيغا: نساايسو… اوا ونتي كدازت هاد السيمانة
ملاك: قنطت واخا صراحة وفاء ونساتني بزاف ولكن صافي وصلت لواحد النقطة ديال الروتين والملل!!
اورطيغا: غير وفاء للي ونساتك
ملاك: حتى نتا ولكن مكرهتش نساافر
اورطيغا: علاش متقوليش لباك تسافرو مجموعين لشي مدينة واخا غير يوماين
ملاك: صعييب هو مكيبغيش يخوي القهوة اكترية فالصيف وبوحدي مستحيل يخليني
اورطيغا: تيخاف عليك
ملاك: راني كبيرة امراد اش غيخاف علية
اورطيغا: مبقاتش فالعمر محدك معاه غيخاف عليك واخا تكون عندك 50 عام غيبقى يخاف عليك
ملاك: ولكن محتاجة نبدل الجو حتى انا ونمشي لبحر ونقيس لما نبدل لحيووط شوية
اورطيغا: فوقما بغيتي ندييك لشي قنت نتي غير هضري
ملاك: شوف واخا مشيت معاك هداك نهار للي اصلا مكنتش عارفة اننا غنسافرو… ولكن كنحاول لماااكسيمو منديرش شي حاجة من مور ظهرهم كيأنبني ضميري بزاااف وكنخااف
اورطيغا: (بقا كيشووف فيها)
ملاك: ولكن شي مرات كنبغي نفوج شوية نبدل الروتين نرجع نخدم بنفسية جديدة واش فهمتني مطالباش شي حاجة خايبة غير نفوج وصافي
اورطيغا: هي بزااف، ولكن نرجع نقوولك داركم تيخافو عليك
ملاك: وانا معندي رأي؟!
اورطيغا: مرة مرة نخلقو شوية دالمفاجئات نهرب بيك ونخطفك باش ميتحسبش بتأنيب الضمير
ملاك: ههه نخاف
اورطيغا: متخافيش معايا.. (شاف فأنير لقاوه نعس ومعذب هزو وتمشاو من تماك رجعو للطبيعة جالسين كانت مبعدة عليه شوية ولكن فنفس الكرسي كيشوفو فالطبيعة ديال الاطلس للي كتخليك فعالم ااااخر)
هاد الخوف املاك ديال باك كنت تنتمناااه فاش كنت صغير فواحد لوقيتة…
ملاك: مغنزوقش ليك الهضرة ولكن بالصح صعييب عليك شنو دزتي منو
اورطيغا: بصبر ازين داكشي باش تنقولك خاصك تصبري
ملاك: ماشي مصابراش ولكن بغيت غير نبدل الروتين شوية وصافي مثلا وفاء كتقولي نساف.. (ضار خنزر فيها)
ولا متكونش حتى نتا هاكا!!
اورطيغا: لا غنكون حبيتي ولا كرهتي
ملاك : اوا صافي منبقاوش نعاودلك
اورطيغا: هضري هضري
ملاك: بفف معرفتش نتا شنو شايف قبيح فوفاء شوف مدام دخلتها لدارنا كلات معانا ونعست معانا الا منبغيش للي يقول عليها كلمة خايبة وداكشي للي دازت منو راه فاااات شنو نتا مغلطتيش بحالها!!! غتقولي راجل غنقوولك بالزعطة نفس الغلط ربي محلل لا عليك لا عليها وبجوجكم كتسمااو ز..
اورطيغا: شناااااواا
ملاك: بغيت نقول زانيين ماشي لوخرا
اورطيغا: (بقا كيشوف فيها مكمش عينييه) قلت ليك راك تتقلبي علية نتي
ملاك: قلتلك غنقولك الصراحة
اورطيغا: حتى انا قلت ليك الصراحة ياااو بربي وتزطمي معاها لشي مدينة الراس فالراس!!
ملاك: بلا متحلف امراد حيت بالصح غنسافرو واحد اليوماين باغا نبدل الجو شوية والروتين يا معاها يا بووحدي
اورطيغا: ياااك!!
ملاك: اه عييت امراد عرفتي شحال هادي مساافرت اصلا معمري ساافرو لشي مدينة مشهيااها، راه حدي فاس مكناس لبلاد ديالنا.. حتى فاش مشينا لرباط راه كانت أول مرة
(زادت مقربة ليها كترمش فعويناتها ناقصة فنبرة صوتها)
نتا أول واحد خاصك تحس بية وتفهمني
(بقا كيشوف فيها)
انا عارفة شنو كندير مكنخليش للي يتحكم فية (هز حاجبو) كنهضر على وفاء ماشي بالضرورة غندير شي حاجة خاايبة حتى انا غموض نتبعها ونديرها راه عندي عقل كنفكر بيه، الأمنية ديالي غير نجلس فالكشكوشة ديال لبحر
اورطيغا: وعلاش دوك اليوماين مجيتيش فاش قلت ليك اجي عندي كنت غنخليك نتي والوالدة على راحتكم حدي نكون معاكم ݣيد
ملاك: راه اولا معنديش الحق دابا نخرج حتى دخل واحد السيدة من الخدمة وتانيا خالتي أمينة…
اورطيغا: وكفاش غنديرلها انا؟!
ملاك: (تبسمت) نبقى معاك فلميساجات 24 ساعة على 24 ساعة
اورطيغا: وفين باغا طجي؟؟
ملاك: طنجة
اورطيغا: طنجة دابا تتكون خايبة مطرطقة مغتاخديش راحتك كما بغيتي
ملاك: معرفت انا غير قلت مثلا طنجة
اورطيغا: صبري شوية للنص شهر 9
ملاك: لأ أنا بغيت قبل
اورطيغا: وا صافي هضرنا!!!!
خديجة: (كانت كتصفق لغيثة للي غير كظحك وباغية تعلم تشطح الهيت وحتى خديجة معطلتهاش سدو لباب عليهم وطلقو الموسيقى كتعلمها)
ههههه هاااانتي كتعلمي
غيثة: (دارت يدها على ليهونش ديالها) خاصني نصحاح من هنا بغيت نوللي بحاالك
خديجة: لا طااايتك غزالة هاكا بلعكس
غيثة: لا لا خاص نصحااح وحتى صدري خاص نكبرو تيبانلي نفخ حتى شناايفي!!!
خديجة؛ (باستغراب) زعما!!
غيثة: اه غدا نمشي نقلب فهادشي
خديجة: نتي هاكا زويينة غير غضيعي راسك
غيثة: (تبسمت كتشوف فلمرايا وكتخيل راسها بهاد اللوك) هاكا غنعجب اورطيغا كتر
خديجة: (دارت راسها مسمعاتش واكيد غتوصلها لملاك) نعام!!
غيثة: ها!! والو والو حقا تعرفت على واحد السيد غزاال غزاال غزااال جنتل مااان
خديجة؛ مزيان
غيثة: هو من لافامي وختو راه صاحبت اورطيغا كانو فالعرس ولكن نتي مغتعقليش عليهم،
خديجة: اممم مزياان
غيثة: عرفتي اخديجة جيتي قرطاااااسة فعرسك كولشي حماق على زيينك
خديجة: تبسمت جات تهضر (تدق لباب) واقلة يوسف رجع! بعدا كاين فهاد الدار للي كيدق!!
(مشات تحل لباب جاتها لبنت فشكل كتهضر بالزربة وشي حركات فوجهها!!! حلت لباب كان هو تبسمت معاه باسها فحنكها دخل لقا غيثة كدير حركات مغرية قدام لمرايا. تقيس ترم** وصدر** استغرب)
يوسف: اممم غيثة!
غيثة: (مشات طارت عليه عنقااتو) عطيني الكادو ديااالي
يوسف: هه سيري هبطي انا نجيب داكشي ونهبطو، خديجة لبسي حوايجك نهبطو نتغداو
غيثة: علاش تلبس هاكا جاية زويينة غادي غير تخنقها بداك الفولار!!
يوسف: غيثة!! سيري نزلي حنا جايين
غيثة: الياقوت مكنتيش معاها هاكا وخديجة للي زوينة مغلفها! بففف هاد الدار غير المجانين!!!
(خرجت من لباب مخرج عينو فيها وشاف فخديجة للي دارت راسها مسمعت والو هاد سمية ماشي أول مرة تسمعها اذا الإكس ديالو سميتها الياقوت ولكن واش كانت كتجي عندهم!!!!)
يوسف: مااامتدييش عليها احبيبة
خديجة: انا غلبس (حلت لباليزة هزت بيجامة طويلة مبردة كانت خيطااتهم فدهازها بموديل زويين ولوات شال عليها اما الميكاب كانت دايرااه خفيف اما هو هز لكل واحد داكشي لي جاب مخلي كادو دار خديجة وعاد شريف واورطيغا للي منساهمش…)
بقاو مجمعييين حتى رجع فاق أنير دخلت ملاك لداخل بدلات ليه ليكوش حيت دارها، خرجت لقاتو فبلاصتو مهاز لا تيليفون غير سااهي أغلبية فاش جاو هضرو غير عليها.. مشات حداه جلست مقنتة عاود بقا كيشوف فيها
اورطيغا: زيدي بعدي ولا سيري جلسي فهداك الكرسي وها التيليفون بيناتنا
ملاك: ههه غير مسافة الامان
اورطيغا: (شاف فيها مدة) متايقاش فية؟!
ملاك: (نص نص) لاااا بلعكس
اورطيغا: وعلاش تتبعدي وماباغاش تقربي مني!!
ملاك: (تبسمت) غير ولفت
اورطيغا: اوا ولفي تقربي مني، (قلبت وجهها متبسمة) عاوديلي على داكشي للي فات
ملاك: (بهدوء لوات شنافتها) ماااا مشي شي حاجة للي مهمة ولا حتى مفكرااها انا هي ديك للي كنت مملة همي فلقرايا كان عندي هدف واحد نقرا نخدم
اورطيغا: ومن مور الخدمة
ملاك: نبدا نحقق داكشي للي كنت باغية نشري طموبيل نشري دار نساافر نشري شنو ما بغيت
اورطيغا: (حرك راسو باه) اوا ووولد الجيران؟! كنتو مخطوبين شنو قصة داك المعوق
ملاك: (معرفت منين جابها ولكن راه باين يا من خديجة ولا وفغء!!)
هداك كانت بيناتنا مدة قصيرة قبل متكون شي حاجة رسمية متفاهمناش وانا نهرب ههه
اورطيغا: بحالاش؟!
ملاك: بزااف شي حوايج مبرهشين فيه ماشي قد المسؤولية وعاد باه هو للي غيتحكم فكولشي وانا مبغيتش هادشي
اورطيغا: كفاش مقدش المسؤولية باش عرفتها
ملاك: من مو راه صاحبت ماما مكتخويش من عندنا وعاد مفشش بزاااف مهم ماشي ستيل ديالي
اورطيغا: وشنو ستيل ديالك
ملاك: امم (شافت فيه بحب) بحال بابا
اورطيغا: (هز حواجبو) امم، وعلاش مزال تابعك ففاس العرس هادشي غير للي شفت
ملاك: صراحة حمزة فاللول كان بعقلو كفاش تبدل مفهمتش
اورطيغا: مزال تتشكريه؟!! غنوض نصمك مك
ملاك: (خرجت عينها فيه) مشكرتوش!!! أنا داك الانسان مفهمتوش هو متسرطاتلوش انا للي نخلييه
اورطيغا: (زفر وشاف قدامو) نسرطوهالو مناش ما بغا
ملاك: ههه صافي هادشي للي كاين
اورطيغا: (حرك راسو باه وقفت كتراري بأنير وبقات اونفاص معاه هاز عينيه فيها وباين عليه الغضب الحزن ملامح مكيتفسرووش!!)
ملاك: شنو للي معصبك؟!
اورطيغا: (مقوص عينو فيها) بغيت نعنقك
ملاك: ياااء!!
اورطيغا: (زفر) كنت بيخيير حتى خرج لينا هاد لبلان الحااامض!!!
ملاك: وشنو اخر
اورطيغا: (زفر كيشوف بعييد) تنقول انا سباب الوالدة حتى تقاطعات مع ديك عائلة لقح*** للي بقات معاهم
ملاك: احم، انا مزال مفاهمة شنو وقع؟!
اورطيغا: (شد يدها وجلسها حداه عاودلها باختصار وبكترة مكيهضر معصب كيبرك على معصم يدها) فهمتي دابا
ملاك: (هربت يدها كتحك فيها) ولايني داك باك شماتة، احم غير خرجت
اورطيغا: ههه (قرسها فنيفها) عاود خرجت!! (شافها كتحك شد يدها بغا يشوفها وهي تهربها مخليها على خاطرها)
ملاك: اممم وعلاش نتا كتلوم راسك ونتا اصلا مكنتيش حتى مزيود فهاد الدنيا !!! ومك معندها علاش تلوومك راها هي للي كانت مسؤولة عليك وختارت احسن طريق ليها وليك!! انا بعدا يكون عندي شي ولد بحالك نهرب من الدنيا كااملة وما فيها
اورطيغا: وهاني حداك دابا وهربي بية
ملاك: هههه فين بغيتي نهرب بيك
اورطيغا: معرفت للي بغيتي
ملاك: اممم صافي، غنقول لماما تبنااك راه عزيز عليها تربي الناس
اورطيغا: شوفي انا كما تتقولي مكان عندي حتى شي ذنب راه حتى هاد زريقة راه معندو حتى شي ذنب
ملاك: اممم (قلبت وجهها)
اورطيغا: سميييموو
ملاك: ههه (شافت فيه) شنو غدير دابا
اورطيغا: غرجع للخدمة، والحاجة للي باغي هاد الساعة هو نكمل من تماك نجي نشوف الزين ديالي ورجع فحاالي
ملاك: (تبسمت) ماشي ديما صالح لية نتلقاك بحال هاكا
اورطيغا: نشوفوليها شي حل (وقف شد عليها أنير) نتمشااو شوية
ملاك: (حركت راسها باه باينة فيه حزين معرفت شنو ديير باش تخليه ينسى!!)
كنتي قلتيلي على شي دار للبيع
اورطيغا: شحال عندك فالكونت؟!
ملاك: (خرجت عينها) علاش؟!
اورطيغا: قلتيلي بغيتي تشري شي دار كاينة واحد الهمزة مزيانة تشري دار حرشة ممفينيااش حتى تفينيها كما بغيتي
ملاك: ولكن انا مبغيتش ندير كريدي فلبنك
اورطيغا: شكون جبد شي كريدي فلبنك هدا واحد السيد طاشروون معرفة مزيااانة، تيعامل مع الناس هو تياخد تسبيق ومن بعد كل شهر تتعطيه على حساب شنو تفاهمتو حتى تتكملي فلوس داارك
ملاك: ومضمون!
اورطيغا: واش غنخلي شي واحد يشفرك فرزقك املاك؟!
ملاك: ولكن معنديش شي حاجة راك شفتي الطموبيل شريتها بثمن طاالع
اورطيغا: شحال عندك؟!
ملاك: شي حاجة
اورطيغا: ههه حتى لفلوس معندكش ياما ارحميني!!!
ملاك: هههه الااااا غير… شوف خليني حتى نتشاور مع ماما وبابا ونرد عليك ولكن قولي شحال مثلا التسبيق للي يبغي هاد السيد وشحال كيحسب للمتر
اورطيغا: عندك 10؟!
ملاك: (خرجت عينها) 10!! هههه تكون عندي 10 ݣاع متلقاني حداك
اورطيغا: وفين تكوني؟!
ملاك: وا غير تعبير مجاازي وصافي.. ميبغيش مليون (شافتو تبسم) جوج؟!! (بقا كيظحك) هدا حدي؟!!
اورطيغا: تشاوي بعدا معاهم ونشوفوو
ملاك: وداكشي قانوني
اورطيغا: على ظماانتي أنا نرد ليك رزقك الا وقعت شي حاجة
ملاك: وباش نتيق!! سمحلي امراد هادشي راه مافيهش تيقي فية رتاحي معايا!! هادو راه فلووس
اورطيغا: هه انا ولاَّ الفلوس؟!!
ملاك: (تبسمت) نتا متقدرش بكنوورز الدنيا
اورطيغا: (بغا درعها بيدو وهي تهرب) مال مك
ملاك: ومالك نتا نيت؟!
اورطيغا: حتى هادشي لا؟!! وبزااف انا مباغي والو ولكن هاد لعيبات تيعنييو لية
ملاك: وااامرااد! تأ!!! مقلتيليش شحال لمتر!
اورطيغا: كاينة دار تكون فيها شي 60 كدا و60 متر بشي 14 يمكن ولا 15 مهم هاكا
ملاك: مزياااااان!!! والله الا همزة مضخمة!!!!
اورطيغا: منستاهلش شي حاجة!!
ملاك: احم (شمت) ريحة ليكخييپ!!!
اورطيغا: (حرك راسو بلا حولة سابقها مشا كيلعب أنير واخا صغييور ولكن غير شادو كيلعبو وهي كتصورهم كانو دوزو وقت زويين طلب 2 دليكخيپ هي بنوتيلا وݣلاص وهو بأملو جلسو فلݣازو كياكلو مجمعين حتى بدات الشمس كتغرب)
ملاك: وااقلة خاص نمشيو
اورطيغا: (حرك راسو بلا)
ملاك: ههه وراه جلست بزااف من 2 وأنا معاك
اورطيغا: ومال مك تتحسبيلي فسواايع
ملاك: ولااا غير مي حلو غتشوش علية ومسكينة مكتعرفش حتى تصوني بلاتي نصوني عليها (بقات جالسة حداه هو متكي وأنير جالس فالارض كيعب فربيع حاضييه علماتهاا انه شوية وتجي)
اورطيغا: هنا كاين شي اوطيل؟!
ملاك: موحاال علاش بغيت تبقى هنا؟!
اورطيغا: تنقول!!
ملاك: بسلاااااااامتك!! غتوصلني لفين حطيت طموبيلتي وغتشد طريق بكل ثقة وظراافة لداركم وتمشي تكمش تما (هز حواجبو) واخا كبيدة!!
اورطيغا: (تبسم حتى تقوسو عينيه) هانا على الناس تيعرفو يهضرو!!!
ملاك: (حشمت) وااا غير خرجت
اورطيغا: وغير بقاي تخرجي الآلة بحال هاد لاتويااات
ملاك: (دورت وجهها حشماانة بقاو شوية وهوما يشدو طريق طالقين موسيقى مساخيينش ببعضياتتهم وأحاديثهم مكتساليش.. وصلها لحدا طموبيلتها هبطت وركبت أنير اللور كتقاد الصمطة) خاص نشريلو هداك الكرسي
اورطيغا: (باسو وشاف فيها) نبوسك حتى نتي
ملاك: (هربت جلست فبلاصتها) باي باي امراد سير بحرا توصل
اورطيغا: (وقف حداها وهي راكبة) الألوو بيناتنا…
ملاك: (تبسمت كتشيرلو باي باي) باااي…
تبعها بعينيه حتى مشات وغبرت.. وعاد مشا رجع لطموبيلتو ركب وشد طريق لفاس وشحال رجع كيحب هاد المدينة مينكرش انه لقا راحتو مع ملاك ومبقاش كاين شي شك باغييها ومخلي الوقت شنو غتجيب!!!
شعل تيليفونو بزاف دليزابيل دابا ممكن يجاوب.. خلاه مشعوول وهي تصوني أمينة جاوب داير مكبر الصوت
اورطيغا: وي
أمينة: ياك اولدي ياك تخليني بحال الحنش للي مقطوعلو راسو متصوني متجاوب تخسر علية جوج كلمات وترجع تطفيه
اورطيغا: ياك فوسط عائلتك!!!
أمينة: (بقات سااكتة) الله يهديك اولدي انا راه كندير غير فصوااب
اورطيغا: وشنو المطلوب مني انا ياك لبارح بقيت معاك حتى لصباح عاد جيت فين الغلط ديالي عااود!!! ولا صافي غير تسمات علية انا ممزيانش
أمينة: الله يرضي عليك اولدي حتى واحد مݣال هاكا
اورطيغا: للي بغا يهضر يهضر اصلا معلابااالي بحد
أمينة: حنا غدا صباح غرجعو ان شاء الله
اورطيغا: مزيان
أمينة: نتا فينك
اورطيغا: غير هنا..
أمينة: ولدي عفاك متهزش فخااطرك من جيهتي
اورطيغا: فين عمري هزيت من جييهتك الوالدة!! صافي شفت الحاج تمااك هو راه قااايم بالواجب وانا رجعت فحالي
أمينة: ݣالك متخدمش غير رتاح
اورطيغا: نشووف!! (عيات ترطب معاه وهو كيبين ليها راه عادي ومحدو منفاجرش عليها الا ممتيقاش انه بيخير!!! قطع معاها صونا شريف)
اتشديييت تماااك المعلم
شريف: ههه معليش ميمكنش نخلييهم المهم نتا عييش
اورطيغا: بصحتو هه
شريف: وصلت لفاس؟!
اورطيغا: تقريبا
شريف: بلا متخدم سير للقنت ديالك راه شهر جاي مدبووز بالخدمة وتابعو رمضان
اورطيغا: ان شاء الله (حرك راسو باه) ياله تلاح (قطع صونا عمر بقا كيتأفأف ويمل راه أبيل تابع أبيل!! جااوب)
وي عمر!!
عمر: مشيت اصاحبي بلا منشوفووك
اورطيغا: كان عندي شغالاتي ورجعت
عمر: غنجيو شي سيمانة لفاس نتلقاو؟!
اورطيغا: (زفر) مرحبااا الله اودي
عمر: الله يحفظك ياك امور هانية
اورطيغا: الحمد لله، عمر الا وقعت شي حاجة تماك، مع الوالدة!! علمني
عمر: متخافش مكانش مزال لي يحاديها
اورطيغا: مهم نتا غير علمني وقولي كفاش ماشية الامور تماك معاها…
ملاك: (وصلت للدار فرحاانة عاجبها لقائها معاااه وكفاش ممبسلش عليها ومحتارمها. واخاا الداخل السافل ديالها معندوش مشكل يتبسل عليها كيعطي لديك الأنوثة ديالها الدغدغة ومن بعد العقل يتحكم!!
وعاد اهتمامو لأنير واخا جاي معصب وطايرة ليه ولكن معاها كان كما والفااتو دائما بلعكس الاهتمام زاااد واعجاابو بيها كبر وباااين..
مع أذن المغرب صونات عليها وفاء انها غتغبر شي يوماين تمشي تشوف داارهم وترجع)
ولكن حوايجك بقاو هنا
وفاء: مغنتعطلش غير غنشوفهم ونرجع باش نيت تكون حجة رجع دغيا
ملاك: صافي واخا
وفاء: (قطعت وقلبها غيسكت بالخلعة وهي كتشوف راسها بين لقبوور!!!!)
~~~~~~~~~~~~~
مشا لدار مو دوش بدل مشا جاب عشا من الزنقة تعشا وبقا مع ملاك فالتيليفون أبيل ڤيديو…
اما أمينة فاراااتها مع خوها لكبير للي عيا يلمحلها تمشي فحالنا ووجودها غير مرحب بيها وسطهم وأنها مبقاتش ختهم كيعتابروها ميتة ولكن هادشي غير منين مكيلقاش راجلها حداها، وهي تنفااجر عليه وداكشي للي خاف منو بيناتو بالوااضح حقها فالورث مغتنازلش عليه ولو فرنك!! وهادشي زاد عصبو ولكن مقادرش يهضر حيت واخا مشا اورطيغا جاهم الحاج !!!
امينة؛ (خرجت معاها برا) وقفتك معايا اختي زهرة عمرني نسااها فحيااتي
زهرة: مبيناتناش أختي أمينة
أمينة: للي ندعي معاك هو نشاعالله حتى نتي تلݣاي عائلتك
زهرة: (تبسمت بحزن) نتي عارفة انا مكنقلبش عليهم، وربي يدير للي فيها الخير
أمينة: ربي غيجازيييك بالخير راك سبقتي اخرتك على هاد الدنيا الفانية
زهرة: (تنهدت) فوقاش غترجعي؟
أمينة:غدا، نحضرو للتفرقة ونمشيو اوا من بعد غتجي عندي نعيمة راك شفتيها شحال لسقت ومَّا غير تحيد حق الله تجي عندي
زهرة: معليش مافيها باااس للي غلب يعف
أمينة: اودي يلݣاو سلاك معايا وميلݣاوه مع ولدي
زهرة: اوا حتى نتي رخفي علييه الا لقيتي حبييبك عسل متلعقووشي كاامل
أمينة: اوا
زهرة: اوا صافي خليه على خاطرو بغاهم يهضر مابغاش حتى يبغي ماشي بين ليلة ونهار اجي بوس عمك ميمكنش!! راه كبير وكبر وهو حااقد وكااره خليهم هوما يخليوه يبغييهم ونتي مدخليش ولا غتمرضي غير فراسك وصحتك متبركي لا عليه لا على راسك
أمينة: الله يصاوب وصاافي
زهرة: أمين وا نخلييك نمشيو لوطيل انا ورشيد
أمينة: حتى نجي لفاس ونعرضكم نتي ولبنات مساكن عزاوني كاملين الا ديك الوزغة
زهرة: هه شكون؟!
أمينة: ملووكة
زهرة: ههه عولتي عليها بكري هاديك عندي والو
أمينة: لا لا هاديك راه بعقلها تبارك الله عليها مهم حتى نتلݣاو فاس
زهرة: ان شاء الله… (مشاو لوطيل باش بكري يشدو طريق لصفرو يوصلو قبل متخرج ملاك للخدمة باش أنير ميبقاش بووحدو…)
أصبحنا وأصبح الملك لله
خديجة: (فاقت بكري قبل من يوسف دخلت للحمام خدمت السشوار نشفت شعرها حيت مع دوشت طاحت نعست قدات ميكاب خفييف لبست بيجامة طوييلة من هادوك للي خيطات خرجت لقات يوسف جالس فوق النموسية ياله فاايق)
صباح النور
يوسف: (بحرا كيحل عينييه دارلها إشارة تجي عندومشات وهو يرجع بيها احضاانو ناعسيين) ولفت لهييه
خديجة: ههه نرجعو؟!
يوسف: مكرهتش شي عاام تماك معااك منولي نعقل على حتى واحد
خديجة: هه ياله نوض نوض، غتمشي للخدمة؟!
يوسف: غنمشي شي 2 سوايع من بعد غنخرجو نتغداو مجموعين برا
خديجة: اه سمعت عمي لبارح كيقولها
يوسف: متقلقيش من الوالدة
خديجة: واش أنا صغيرة ايوسف باش نبقى نتقلق على دوك لحويجات صغار!! عادي من حقها ميعجبهاش هادشي للي جبت ميمكنش الواحد تناقشو فذوقو مرة جاية منين تبغيو نشريو ليها شي كادو نتشاورو معاها
يوسف: ولكن عيب داك..
خديجة: يووسف صافي نسا!! قولي بغيتي شي حاجة لفطوور
يوسف: (كيزيد غير يحبها) بغيتك نتي هاد الساعة!!!…….
~~~~~~~~~~
ملاك: (فاقت دارت روتينها الصباحي صلات صلاتها لبست حوايجها سمعت صوت مها برا جاو معاها عباار خرجت عندهم كتسلت من لبيت باش متفيقوش سلمت عليهم وجلسو فطرو)
انا مشييت، بابا بلاتي غرجع من الخدمة وغنخرج نشري لأنير شي حاجة خاصااه
رشيد: (شاف فمرتو وتبسم) شي حمار مات
ملاك: انا!! منين وليت حمار صافي بلاش بنااقص ݣاع
زهرة: ههه صافي غير ظحك معاك باباك
ملاك: راه غير إنسانيا وصاافي، غنجي نتغدا ونخرجو معايا
رشيد: وشكون يشدو ليك فاش تكوني صايݣة
ملاك: وراه على داكشي باغا نخرج (مدت يدها لعندو) عطيني باش نشريلو الكرسي انا جات مع التالي مزال متخلصت غير يخلصوني وندير..
رشيد: ههه وكمليها شنو ديري
ملاك: غير يخلصوني ندير داارت راه مزال خاص شحال من حاجة
مي حلو: اغير لمن كتجمعي دوك لفلوس
ملاك: لزماان امي حلو
رشيد: واخ شحال كيتباع هاد الكرسي
ملاك: معرفت راه خاص حتى بوسييت لبارح خرجتوا منين عيا ملقيت فين نحطو بقيت هزاه حتى عواجيت من يدي
رشيد: صافي انا نمشي للسوق ونشوف
ملاك: لا بغيت نختار لي عاجبني (خرجت عينها) ولا منعاودش نخرجو
زهرة: (غير مكمشة عينها فيها وكتحرك راسها)
رشيد: صافي حتى ترجعي ونوجد ليك لفلوس
ملاك: ياله بسلاااامة….
ملاك: (دارت لكيت كما العادة وتمت ماشية داز باين حمزة من حداها قلبت وجهها مكتحملووووش، صونا تيليفونها حسابها مراد لقاتو يوسف)
اهليييين
يوسف: مصدووم فيك
ملاك: ههه علاش؟!
يوسف: وصلنا لبارح فصباح تنقول هاهي غتبان ها هي غتجي واالو!!!
ملاك: وراك عارف ايوسف لبارح مكان حتى واحد فالدار وبابا وماما ياله وصلو هاد صباح
يوسف: على الاقل قولي نجيو عندك
ملاك؛ وميمكنش نتوما ياله جيتو من سفر ونقولكم اجيو حتى ترتاحو ونتلقاو
يوسف: بلاتي انا وخديجة غنجيو عندكم
ملاك: نقدر نخرج ماشي زعما متجيوش اجيو غير انا غنخرج نتقدا شي حاجة
يوسف: من التالي قولي عندك شي رونديڤو هه
ملاك: (تبسمت) موهييم حتى نعلمك باش بلا متجبدلي صدااع ويبقاو علية ختك وراجلها
يوسف: ههه واخا لالة
(قطع معاها مشا لطبلة الفطور جالسين مجموعين فالجردة) غيثة مزال مبغات تبدل العادة وتولي تفطر معانا!!
الغالية: من بعد من بعد.. قولي الحاج واش غنمشيو بلاتي للريااض؟!
اب يوسف: معلووم خاص نديرو الواجب مع لالة أمينة
الغالية: (ميقت فيه) لالة!!! اوا تبقييستر (شافت فخديجة) نتي عائلتك حتى لغدا وسيري شوفيهم
خديجة: (بهدوء) لا غنمشي بلاتي (شافت فيوسف) ياك؟؟
يوسف: اه (مكمل فطورو)
الغالية: اوا متمشيش تعزي هاديك!!! ياك هي حبيبتك ومنعرف شنو تظلو حاطين الراس على الراس
خديجة: ضرووري غنمشي عمدها ولكن غنسبق دارنا اصلا علمتهم ومن بعد غنمشيو عندها
يوسف: (كمل فطورو مسح شنايفو شاف فخديجة) نقرب نجي باش توجدو راسكم..
~~~~~~~~~~~~~~~
اورطيغا: (فاق من نعاس معطل ومزال كيفكر لقا راسو باغي يتخلوا شوية، هز تيليفونو كانت 11 صونا على ملاك مجاوبتش رجعت صيفطاتلو ميساج انها فاجتماع ناض دار روتينو الصباحي فطر وخرج شرا شي اغراض ورجع للدار مشا للسدا جبد لاطونط ديالو (الخيمة) الكرسي الطبلة داكشي للي كيحتاج ومجموع مقاد نقي فالقنت جمع حوايج للي يحتاج وهبط للطموبيل صيفطلو شريف انهم غيشدو طريق لفاس بغا يصوݣ وهو يصوني يوسف جاوبو علمو راه فالريسطو قريب ليه يجي يشوفو صاݣ لحدا الريسطو وصونا باش يخرج ليه…)
يوسف: (بقا كيتسناه برا الريسطو مقالهمش غيتلقاه باش متلسقش ختو تسالمو بالاحضان)
البراكة فراسك من جهة هداك السيد
اورطيغا: امتى جيت؟!
يوسف: لبارح فصباح كنا بكري هنا، شوف حاول متسوقش فهادشي للي تيوقع، كمل حياتك عاادي كأن شيئا لم يقع
اورطيغا: (ببرود) اصلا مكاين والو
يوسف: اه دير مكاين واالو، نتا ماشي مجبر باش تسامح شي وااحد وللي معجبو حال يعاوها لمو
اورطيغا: (حرك راسو باه كيتبسم) هانتا تخضرتينا العريس شي سيركوي تحرق ليك تم!!!
يوسف: ههه تتوقع
اورطيغا: فين خديجة لباس عليها؟!
يوسف: الحمد لله، دخل تغدا معانا
اورطيغا: مزرووب شوية سلم على جماعة اه ورد البال لغيثة
يوسف: علاش؟!!
اورطيغا: سمعت شي تنقنيقة منين كنت مسافر معجبنيش الديكور، مهم المرة جاية نحصلها انا غندير معاها شي تصرف مغيعجبهاش
يوسف: (تشوش) قولي شنو كاين
اورطيغا: شوف كان عادي نخبع عليك، ولكن هادشي غيضرك نتا وهي بزااف وعاد واليديك ردو ليها البال ايوسف غيثة راها ختي بحال كما هي ختك منبغيهاش دير شي حوايج بعاد بزااف عليها
يوسف: مراد شوشتيني
اورطيغا: راه بينت ليك الحبيب رد لبال ليها دير داكشي ديالك للي تدير مع البراني تصاحب معاها وخليها قرييبة ليك باش تعرف كولشي عليها
يوسف: قولي شنو دارت؟!
اورطيغا: كانت فشي بواط وحتى هضرتها كانت فشكل وهادشي ماشي ديالها
يوسف: (تشوكا!!!! حرك راسو باه ودار يدو على كتفو) العز
اورطيغا: مزال نهضر معاها ولكن ماشي دابا ونتا سايس معاها مهم تنعرفك عندك مع داكشي دالحوار والنقاش.. ياله تهلا
يوسف: (ودعو وبقا حدا لباب بكثرة معجبوش الحال ولكن تصرف اورطيغا كان صحيح اللهم ينبهو من اللول ماشي يقول ماشي شغلي وكان ممكن يستاغلها ݣاع شحال من مرة ومبغاش!!
دخل عندهم كيحاول يتصرف عااادي وبدا كيلاحظها طاافية مكاين لا نشاط لا حيوية كما مولفها!!!)
~~~~~~~~~~~~~
ملاك: (كانت مزال فالخدمة جاها ميساج من عند اورطيغا واش مسالية خرجت من البيرو صونات قطع ورجع صونا عليه) أهلييين
اورطيغا: واخا تكوني تتصنعي دوليبران متكوني مشغولة هاكا
ملاك: ههه الخدمة مزيرة
اورطيغا: خرجي عندي
ملاك: (طرطقت عينها) فين كاين ؟!
اورطيغا: حدا الخدمة خرجي عندي انا فالدوورة…
ملاك: امم واخ… (مشات هزت صاكها مشات للحمام قدات شالها عكرت رشت ديودورو وخرجت عندو كان فالدورة تحت شجرة بقات كتشوف فيه وسط الطموبيل رجع كيعجبها بزااف) الا بغا يبوسني هاد نهار غنخليه…
ملاك: (وصلت لطموبيلتو حلت لباب وطلعت قاانية على شنايفو جلست سادة لباب وعقلها وقلبها منوضين حالة ضارت شافت فيه وعقلها ربح منين مد حنكو وبعدت وجهها) وااا مراااد!!
اورطيغا: (هز حاجبو) الصحرا وحميد زهير معاك
ملاك: وصافي هضرنا
اورطيغا: مهضرناش انا اصلا مقلت والو وتنبغي نبوس ونتباس
ملاك: (بقات غير كتشوف فيه)
اورطيغا: بلݣي عينك فية
ملاك: (جات بغات تحل لباب وشد يدها للي بقا مكوانسيها فبابها مقرب ضورت عينها وطلعت معاها الصهدة شافت الفووق) صافي صافي منخرجش
اورطيغا: (فنفس الحال بقا كيطل عليها من تحت راسها وهي مدورة وجهها كازة على شنايفها، تبسم بعد باش يخليها على راحتها رجع بلاصتو مقاد الجلسة مفرق رجليه كيشوف فيها) غنسافر
ملاك: (دغيا ضارت عندو) عاد كنت مساافر
اورطيغا: ماشي شي مساافرة غنمشي غير هنا
ملاك: فيين؟!
اورطيغا: جهة خنيفرة
ملاك: علاش؟!
اورطيغا: بغيت نبقى بوحدي
ملاك: علاش؟!
اورطيغا: حيت باغي نبقى بوحدي املاك اصلا كل عام تندير هاكا تتوصل واحد لوقيتة تنهز مسائل ديالي ونمشي
ملاك: (متقبلاتهاش بقات غير سااكتة)
اورطيغا: مالكي؟!
ملاك: معرفتش نتا عاد كنت مساافر شنو مزال باغي عارفة دزتي بوقت خايب ولكن (مقدرتش تقول وانا لمن تخليني!!)
اورطيغا: ماشي مسألة دوزت شي وقت ولا شي حاجة انا هاكا تيعجبني راه قلت ليك تتوصل واحد الوقيتة تنهز خيمتي وتنمشي لشي قنت نجلس شي يامات رتاح من الخدمة والبشار وترجع
ملاك: (حركت راسها باه باينة معاجبهاش الحال وهو مفهمش!!! شد يدها شافت فيه)
اورطيغا: شنو مقلقك؟! انا مولف تنمشي نبقى بوحدي
ملاك: (نترت يدها) منين باغي نبقى بوحدك علاش جيتي تقولها لي
اورطيغا: مال جد أمك راه غنمشي ولكن حتى حاجة مغتبدل معاك نتي (كتشوف فيه متايقاش، بقى كيفهمها هو عزيز عليه يمشي لشي طبيعة يحط لاطونط يجلس بوحدو يصيد كيصفي دماغو فيها مزيان وكيرجع ودابا غيجلس غير 3 أيام)
ملاك: (بقات غير كتشوف حتى فرحت باش تبقى تخرج عندو تبدل الجو حيت كتفرح بزااف وهي معاه وتزيد تعارف معاه كتر ها هو عاود غيسااافر!!!)
اورطيغا: واااا لبنت
ملاك: اوا انا كتقولي سفر لا ونتا غير هاز صاكك ومدرح
اورطيغا: (تبسم) تبغي تمشي معايا
ملاك: سير تزمر (شدلها فك فمها كيديه ويجيبو وهي كتنتر) صاافي صافي طلق
اورطيغا: سمعي مبغيتش نتقابل مع الوالدة دابا حيت معصب على داكشي للي دارت وفمي تيكون قبيييح منين تنتعصب
ملاك: حتى هي معذوورة امراد تنوض تهز خيمة وتطج؟!
اورطيغا: ملاك باغي نبقى بوحدي كما قلت ليك تنصفي عقلي راه ماشي غير هادشي راه حتى الخدمة عيااتني فعقلي كتر
ملاك: اممم!!! مهم انا خاص رجع
اورطيغا: صافي هاكا الناس تيتوادعو!!
ملاك: هاكا انا كنودع (خرجت من حداه وحتى هو هبط مفاهمش واش مساخياش بيه ولا شنو!!!)
اورطيغا: اجي اداك البخووشة
ملاك: ملاك الله يخليك
اورطيغا: لالة غزالتي ملاك.. (عوجت فمها، كانت لابسة غير سبرديلة مكانتش عوالة تلقاه مشا الكوفر جبد كرسي ديال الطموبيل تبسمت عاجبها الحال بقا كيدير بحال كيقلب عليها) واش مكتشوفنييش
اورطيغا: (حنا راسو) حسابلي مشيتي!!
ملاك: (دارت يدها على خصرها كطلع وتهبط فيه وهو كيظحك) بنادم!!!
اورطيغا: هزي ديك الكرطوونة (هزاتها كانت ديال الألعااب سد باب الطموبيل برجلو وتمشاو) شي نهار غتفرݣعي
ملاك: (ظحكها ولكن اكتفت بابتسامة) شكرا
اورطيغا: هادو لزريقة
ملاك: ههه وينووو شحال حنيين كيفكر لأنير (هز حاجبو فيها مكيعجبوش للي يقولو حنين، وصلو للطموبيل ديالها جبدت الساروت من صاكها حلت الكوفر دخلو هداكشي وسد لكوفر)
غتمشي دابا؟! ولا غتقدا
اورطيغا: شنو غنتقدا؟!
ملاك: لحم ودجاج وداكشي للي غتحتاج
اورطيغا: وشنو الهدف من هاد الخرجة الا تقديت هادشي
ملاك: معرفت على الاقل دي معاك غير شي خرووفة تماك شويها
اورطيغا: اهااه وندي معايا دوا لحمر والفاصمة كل مرة نقطع منها شوية ونداويها!! ههه فين غنحطها ابنتي وانا تماك تنصيد هنا فين كاينة الحلاوة
ملاك: (عوجت فمها) موووهيييم
اورطيغا: انا نوصل ونصوني عليك علميني بشنو تديري!!
ملاك: طريق سلامة فين غتمشي حقا!!!
اورطيغا: مزال معرفت بالظبط الألوو بيناتنا
ملاك: وبووحدك؟!
اورطيغا؛ (تبسم هاز حواجبو)
شوو طريق شنو جااايبة!!!
(عقدت حواجبها)
ياله دخلي لخدمتك الدعوة ناشفة عندك أبنت رشيد
(تمت ماشية دخلت وهو بقا متكي على طموبيلتها حتى وصلت للباب ضارت دارتلو باي باي تبسم معاها عاد دخلت وهو مشا لطموبيلتو ونيشان شد طريق خنيفرة…)
ملاك: (كانت مور باب منين شافت طموبيلتو مشات خرجت لطموبيلتها حلت الكوفر، شافت كرطونة اللعب للي جايب ليه عجبها الحال واخا مفهمتش ديك باربي واش ليه ولا ليها بقات غير كظحك، رجعت دخلت كملت خدمتها وهي تصوني عليها وفاء علماتها غترجع فلعشية واش خاصها شي حاجة!!)
خاص غير نتي ترجعي
وفاء: فلعشية هاني عندك ازين…
أمينة: (وصلو دازو لدار السعادة سولت العساس واش ولدها الفوق علمها انه خرج رجعت صونات عليه) فينك اولدي
اورطيغا: مسافر الوالدة
أمينة: واخا اولدي هانا وصلت لفاس
اورطيغا: على سلامتكم، شي 3 ايام ونجي لتم
أمينة: الله يجيبك على خير اولدي (رجعت للطموبيل موجهة الهضرة للحاج) مشا سافر (ركبت)
مفتاحة: اوا وخدمتو؟!
أمينة: سيريلها بلاصتو
الحاج: (حنحن وهوما يسكتو كل وحدة ضارت كتشوف فالقنت لاخر، وهو مهضرش حيت كان باغيه يخرج باش يصفي راسو اصلا هو للي علمو هاد القضية وكان كيشجعو عليها كما كان حتى هو فأيام الشباب ديالو وصلو للرياض مشاو يدخلو شريف هو للي كيخرج الحوايج ودخلهم أمينة طلعت لبيتها نيشان تابعها الحاج)
شوية دابا أمينة!!
أمينة: غيجيك الظحك الا قلت ليك دابا عاد رتاحيت من جيهة دارنا واخا مات بّا الله يرحمو ويغفر له
الحاج: علاش نظحك مكاينش حسن من الصلح مع العائلة ولكن مك ويمكن شي خووتك
أمينة: انا كيهمني غير مّا راك شفتي تفارقت معايا غير بدموع (تنهدت) اوا للي فات الله يسمحلها علييه
الحاج: معليييش نتي مولات القلب لكبير
أمينة: (تبسمت معاه حيت مزال وااقف معاها كما نهار اللول كبرو مبدل فيه واالو معاها) لهلا يخطيك علية ابنسليمان
الحاج: (حرك راسو باه كيحط حوايجو ناضت كتعاونو) حاولي متصونيش على مراد هاد 3 ايام غيبرد ويرجع كما كان
أمينة: منقدرش واخا نسمع غير صوتو…
~~~~~~~~~~~~~
ملاك: (كانت كملت خدمتها صيفطاتلو ميساج واش وصل صونا عليه) فين وصلت؟!
اورطيغا: عين اللوح
ملاك: زوين تما؟!
اورطيغا: حتى هنا موصلتيش؟!
ملاك: معقلتش كنت صغيرة واحد المرة مشينا لمنابع ام ربيع واحد نهار، نتا تماك غتمشي؟!
اورطيغا: دابا راها عامرة غنمشي نتكمش فشي قنت مبعد على البشري
ملاك: مزيان ولكن مكتخافش فالليل؟!
اورطيغا: لا، بلعكس هادشي تيربي فيك متخافش غنجيبك شي نهار معايا
ملاك: لاااا نخااف كتعجبني الطبيعة اه ولكن باش نبات فيها هاكا فلخلا!! لا منقدرش
اورطيغا: معايا غييير مغتخافيش بلعكس غيعجبك الحال (بقات سااكتة) داك دماااغ!!!!
ملاك: لا غير تفكرت شي حاجة
اورطيغا: اممم علية، ولكن بالصح تيكون جو غزاال غتنساي رااسك فيه..
ملاك: (بقات كتهضر معاه حتى وصلت للدار حطت الطموبيل كتشوف فلمرايا باها جاي) مراد بابا واقف كيتسناني
اورطيغا: صافي غير قطعي حتى انا نشوف اشمن طريق نشد حيت الطموبيل غنحطها بعيد شوية
ملاك: (قطعت ممعيقاش حيت باها واقف حدا لباب حلت لباب متبسمة معاه) بابا!! (باستو فيدو)
رشيد: (الله يرضي عليك) دابا مزيان فالصوݣان
ملاك: خصني غير نشد بيها شي طريق طويلة باش زعما نجرب
رشيد: كتمشي بيها لفاس
ملاك: لا طريق طول
رشيد: سيري لفاس ورجعي وعاودي سيري
ملاك: ههه وعلاش الخسران نمشي لشي مدينة فيها لبحر نعوم ونرجع (جا يعبس) وغير مثلا ابابا غير مثلا وأصلا منمشي حتى لشي قنت الا مكنتيش معايا
رشيد: اممم حتى لشي نهار
ملاك: (حركت راسها باه وللي فنفسها غير على الملامح للي فوجهها) حقا راه شريت كرسي لأنير باش يبقى يخرج معايا
رشيد: (مشات الكوفر تابعها حلاتو ووراتو كرطونة االلعاب عاجبو الحال شاف فالمونيكة هازها) حتى هادي (بقات كظحك حل الكرطونة ديالها كانت مونيكا بالدوبياس خرجت عينها اول مرة تعرف كاينة مونيكا غير بالدوبياس!!!!)
ملاك: (محشمة مكانتش قلبتها حيت كانت فالعلبة ديالها) تحم ولد لحرام بدلهالي يمكن ولا بالغلط كنت جبتها زعما لبنت عمي
رشيد: معليش (ردها دغيا للكرطونة) رديهالو.. الله يرضي عليك ابنتي
ملاك: امم هاد اللعب أنا للي شريتهملو ولكن الكرسي محسوب عليك (بابتسامة عريضة )
رشيد: ههه (هزو كيشوفو كان جديد) بشحال
ملاك: (نسات مقلبتش على الثمن ديالو) عطيني غير 500 درهم مخساراش فأنير نقيمو انا وياك صبر
رشيد: (كيظحك على هاد البنت للي عندو جلدة جبد من جيبو فلوس حسبهم وعطاهم ليها، وقف حداهم حمزة) اهلان اهلان
حمزة: (سلم عليه ومد يدو لملاك للي خلاتو بلاكة وهزت االكرطونة حطاتها فالكرسي باش تهز كولشي جمع يدو محرج)
كداير اعمي لباس عليك
رشيد: الحمد لله اولدي كداير مع السربيس
حمزة: هاحنا اعمي كنسلكو، ملاك لباس عليك
ملاك: الحمد لله، بابا انا مشيت
حمزة: نهز معاك شي حاجة اختي ملاك؟!
ملاك: (كتسبو فنفسها) لا شكرا (زربت كتمشي مخليااهم حتى سمعاتو كيعيط باسمها وزاارب غير وصل حداها طلقت غوتة على جهدها) شفااااااااااااار واااا عتقووو الرووووووح شفااااااااار….
ملاك: (خرجو الناس تماك وهي ببرود كملت طريقها متقلها داكشي لي هازة خرجت نجية كتسول)
نجية: شنو طاري؟!
ملاك: معرفت شي وحدة مشات كتغوت من الجهة لوخرا يمكن تݣريسات
نجية: الله يحد الباس هاد الزنقة من ديما كانت نقية وصلوها حتى الشفارة
ملاك: مزال يخرج منها العجب (كدق باب دارهم حلت ليها بنت عمها) بسلامة خالتي نجية (شافت حمزة جاي مخنزر دخلت للدار وسدت لباب كانو شي ضيااف مشات لبيت مها نيشان كان خاوي حطت داكشي مفاهماش هاد حمزة للي العام كامل حداه ومدارش عاد الحالة علاش دابا كيدير هاكا؟!! علاش باغي يخلق ليها المشاكل ميمكنش يكون هادشي حب!! واش غير حيتاش معطاتوش وقت وموصلهاش!!! شنو كان متوقع منها دير هو بمرتو وهي تكون العشييييقة **** ديالو!! دخلت مها لقاتها عاقدة حواجبها وجالسة)
زهرة: مالكي؟!
ملاك: هداك حمزة مبغاش يبعد مني
زهرة: ولد نجية؟!
ملاك: اه راه ديما واقف علية وكيبغي يهضرني بالزز طلعلي فراسي
زهرة: دارلك شي حاجة؟!
ملاك: (بزعفة) مدارش ولكن راه جهل واش هو بمرتو شنو باغي مني يانا؟!
زهرة: دابا نهضر مع مو
ملاك: هضري معاها اماما راه بزاااف على داك تبرهيش للي كيدير غيخلقلي غير المشاكيل
زهرة: مع باك؟!
ملاك: نتي عارفة بابا الا لقاه داير لي هكاك راه يقتلو وعاد غيشوهني مع الناس
زهرة: معامن؟!
ملاك: كفاش معامن راه كيتبعني فزنااقي تبعني حتى لفاس هو مزوج وكيجي يوقف علية اي واحد شافني شنو غيحسابلو انا !!
زهرة: (معطلتهاش هزت تيليفونها كتصوني) نجية اجي عندي الا كنتي مسالية (قطعت) واش دارلك شي حاجة خايبة
ملاك: اه دارلي غير يوقف علية راه دار، يبعدني ولا غنوصلو لشي شوهة خاايبة والله حتى نمشيلو بلاصة خدمتو!! (دخلت للحمام هازة بيجامتها، دخلت نجية كتسمع هضرتهم توضات وخرجت عندهم)
زهرة: نجية هضري مع ولدك يبعد ملاك
نجية: (باحراج شافت فملاك) علاش شنو دارلك ابنتي
ملاك: خالتي فهميه هو راه مزوج شنو بغا مني انا راه كيظل تابعني فالخدمة فالزنقة نتي عارفة بابا ولا عمي مغيتفاكوش معاه وعاد زعما كيبغيوه صافي انا ويااه مكتابيناش لبعضيااتنا يتهلا فمرتو وفبنتو ولا ولدو ويقيلني عليه انا
زهرة: نهار اللول قال هادشي ممسلكوش صافي يبعد من لبنت هضري انجية،
حيت صاحبتي وعزيزة علية هضرت معاك نتي اللولة منخليوش هادشي لرجال للي مكيعرفوش حتى يتفاهمو!!!
اورطيغا: (وصل لبحيرة أݣلمام كانو ناس قلال كما كيعجبو الحال حط لاطونط ديالو تحت ظليلة بين شجر قاد الكرسي حط حويجااتو فأمان حيت ماشي أول مرة يجي هنا وعارف ناس المنطقة موقرين الناس للي كيتريبييو، حط التيشورت للي لابس وهبط غطس فلما شي 5 دقايق وطلع جلس فوق الحجر كيرد النفس وكيشوووف بعييييد سااهي…)
~~~~~~~~~~~
خديجة: (حست باحراج كبيير كولشي كياكل بالفرشيطة والموس بقات غير كدور عينها فيها الجوع ولكن مغديرش دير فراسها الظحك كلات غير الخضرة مبعدة من ستيك دلحم شافت فيوسف للي مكلاش بزااف وغير سااهي همست ليه)
مالك؟!
يوسف: والو، متتاكليش؟!
خديجة: لا.. نتا لي مكليت واالو!! (مجازبش) يوووسف مالك
يوسف: والو اخديجة من بعد غير كملي فداك احبيبة…
الغالية: يوسف مالك احبيبي شنوو شد الشهية ديالك!!
يوسف: والو، غير كليت شي حاجة فالخدمة!! (شاف فغيثة للي كانت دايرة لكيت وكتاكل) غيثة!!! (حركتها مها هزت راسها وزولت لكيت)
تتشوفي من الاداب نكونو مجموعين ونتي عازلة راسك؟!
غيثة: لا غير كنت تنتصنت
يوسف: هادشي ديريه فبيتك ماشي وحنا مجموعين ولا حنا عندك زايدين ناقصين؟!
خديجة: (بغات تدخل تبرد السوق وخاافت من شي قمعة مغدخلش فشي حاجة للي ترجع عليها بالخايب كما كانت فزواجها اللول, واكترية كتشوفو معصب من جهة اختو ومغيكونش هدا هو السبب حيت غير قبيلة كان تعامل معاها فشكل ودابا فشكل)
الغالية: خااك عندو الحق ابنتي
غيثة: (كتأفأف حيدت الكيت من ودنيها) مزيان هاكا
يوسف: مزال خاصنا نهضرو على بزاف الحوايج (شافت فمها واش عاودااتلو) الا كملتو نمشيو؟!
خديجة: (فنفسها وااخيييرا تمشي للدار وتاكل شي حاجة على متعلم لهاد الموس والفرشيطة!! ناضو من تماك من بعد مكملو ركبو فطموبيلاتهم ونيشان للدار)
غيثة: انا غنخرج عند لبنات
يوسف: دخلي اغيثة بغيت نهضر معاك
غيثة: خويا نتا مزال هنا نمشي دغيا عند لبنت ونرجع
يوسف: واخ (تم خارج معاها مستغربة) انا نوصلك عندها
غيثة: (كمدتها ومشات معاه موصلها عند صاحبتها دخلت وهو بقا برا، صونات على ادم للي كان كيتسناها)
مصالحش يوسف لاسقني..
غنجيو بلاتي للرياض…
علاش مغتجيش؟؟
لا اورطيغا مكاينش.. اه متأكدة
سمعتها غير من عند خويا..
معرفتش.. للي تنعرف تيمشي للطبيعة يتريبي..
اممم.. صافي انا نتسناك..
راسي تيضرني بزااف…
صافي واخ..
(قطعت مشات سلمت على صاحبتها ودارت حجة جابت من عندها شي حاجة ورجعت عند خوها للي كيستفسرها على أحوالها…)
#أݣلمام
من بعد مخرجت نجية من عندهم مفقووسة عارفة ولدها باقي باغي ملاك ولكن ماشي لدرجة يتبعها ويخنقها ملاك بقات جالسة فلبيت مع مها
زهرة: بنتي غير هادشي للي كاين مدارلك حتى حاجة خايبة
ملاك: كتر من هاكا مكاينش راه تبعني لخدمتي لفاس وحتى فين سكنت دارلي الشوووهة!!
زهرة: ولد لحرام المفشش الي ولدو!! صافي ها مو غتهضر معاه شنو هادشي
ملاك: شريتو لأنير فين هو؟!
زهرة: سبحااااان الله (بفرحة بقات كتشوف الكرسي وهزت كرطونة ديال اللعب هزت ديك باربي) ليك
ملاك: اه عجباتني
زهرة: ههه هبييلة ومالقيتي غير هاد لباس
ملاك: ويييه
زهرة: (عنقتها بيد) هانتي درتي عقلك
ملاك: اوا عقبالك
زهرة: ههه اوا الله يمسخك (عجبها الحال) مزيان بعدا تخرجييه
ملاك: اوا غير على وجهك
زهرة: اممم على وجهي يانا (ضرباتها للقرفدة) ولا لقيتيه بعدا سبة
ملاك: (تبسمت كتلعب بحواجبها) بجوج
زهرة: والله يااا مك و…
ملاك: متحلفي علية منحلف عليك الا 30 قربنالها شنو بغيتي ندير نبقا حداك غير كنتنهد ونتغبن خليني نضبر على راسي الله يرحم بيها الواليدين
زهرة: وكتزيدي تخرجي عينيك يا الكلبة
ملاك: اوا زعما راني تربيتك معندي لا هاك لا هاد مكاين غير أغراس أغراس (نيشان)
زهرة: نوضي تعاونيني راه ختك وراجلها غيجيو
ملاك: شنو ندير انا
زهرة: نديرو شي شهيوة غيجيو غير لكاسكروط حيت غيتعشااو عند مينا باش يعزيو
ملاك: نعاونكم ولكن تعاوديلي بالنقطة والفاصلة على خالتي أمينة…
~~~~~~~~~~~~~
خديجة: (صونات على وفاء لقاها فاس وغتمشي لصفرو وعلماتها حتى هوما غيمشيو تسناهم ويديوها معاهم.. مشات للكوزينة فيها الجوع مكيناش الخدامة تمااك ومزعمتش تحل الثلاجة حيت كتحس براسها غير ضيفة بغات تخرج وهي تجيها الغالية للي حاضيااها)
الغالية: اش كنت تتعمل فكوزينتي
خديجة: والو كنت بغيت نشرب
الغالية: تشرب؟!! علاش مكاينش الما فبيتك؟!
خديجة: كنت باغية لما بارد
الغالية: خرج علية من كوزينتي
خديجة: (تصدمت بقات كتشوف)
الغالية: باغا تسحرلي يا المشعودة؟! قالك باغيا الما خرج ولا نجيبلك البوليس!!!
خديجة: (حتى بغات تهضر وخرجت حابسة البكية فيها متنتفها ݣاع وتشتف عليها فديك الكوزينة ماشي غير تهضر ولكن!! طلعت لبيتها معصبة مفقوسة حيت مردتش عليها بقات تماك كتاكل فراسها…)
اورطيغا: (شاف فتيليفونو كتجيه غريييبة ميساجاتها اتصلاتها قلاااال حتى حبيبة كنبغيك داك لكلام منعدم ولكن مرتاح معاها وإعجابو بيها كبير وللي حيرو انه كفاش صاابر ومخلي الامور ماشية دقة دقة اما هو كيبغي يحرق المراحل عاد يسول على سمية لبنت!!
صونا عليها مجاوبتش عاد رجعت هي صونات قطع وصونا عليها)
فين غابر الزين ديالي
ملاك: (تبسمت) كنت تنوجد مع ماما فلكوزينة
اورطيغا: اممم الحداݣة نعاماااس!! شنو تتصرعي
ملاك: ههه كنصعّر غير بناادم هاد الساعة
اورطيغا: هه هادي عارفها، بالصح شنو تتعرفي طيبي؟!
ملاك: الا قليت بيضة متقولها لحد
اورطيغا: الله يبشرك بالخير وشنو كنتي تديري مع مك؟!
ملاك: كنعاون وصافي نغسل ميعنات نقرب ليها شي حاجة بحال هاكا!! جاية خديجة ويوسف يجلسو معانا فلعشية
اورطيغا: اممم مزيان غير هو تبتي شوية
ملاك: علاش مالي كيفاش كتشوفني
اورطيغا: معرفت داك الظحك بزاف مع يوسف وتوشويش متيعجبنيش
ملاك: راه بحال خويا وراجل ختي وانا ويااه كنا اص..
اورطيغا: هاد الهضرة كوليها تبتي الله يرضي عليك
ملاك: بففف
اورطيغا: تفرݣعي متنقولش شي حاجة فسما للي باين باين
ملاك: واش نتا مكتيقش فية؟!
اورطيغا: ماشي مسألة ثقة ولكن تنبغي داكشي يكون غير لية متنبغيش نتشاارك فييه مع حتى شي واحد كما بغا يكوون
ملاك: حتى هضرة عادية؟!
اورطيغا: نتي عارفة شنو تنقصد
ملاك: انا ويوسف جامي تعدينا الحدود هو كيعتابرتي ختو وانا هكاك
اورطيغا: يوسف ختو هي غيثة وخوك نتي هو أنير هو راجل ختك نقطة ورجع لسطر
ملاك: عندك شي مشكل مع يوسف
اورطيغا: واش صايط لمك الريح فداك العقل الهضرة للي قلتها ليك تنعني بيها كوولشي ماشي غير يوسف انا مكافيكش باش تعاودي وتظحكي وݣاع داكشي لي باغية
ملاك: الا كانت غتطبق هاد الهضرة علية وعليك
اورطيغا: (هز حاجبو) معامن تتشوفيني معمر وقتي؟!
ملاك: معايا ولكن كاين شي حوايج حتى انا مكيعجبونيش
اورطيغا: مثلا!!
ملاك: اخر مرة نشوفك ماد هداك الحنك مع شي زبلة ومنين تشوف شي وحدة دير راسك عندك زهايمر ولا شي هبيل مضهصص مشغلييش مهم حدوودك متفوتش سلام لباس الله يعاون!! اه وغيثة راها خت يوسف..
ملاك: (مسمعات والو منو) اوا جااوب!!! اه ويوسف راه بحال خويا وواحد من العائلة غير باش تفهم ومتبقاش ماشي غلاط كنعاملو بحال محمد بحال حميد بحال عبد الهادي
اورطيغا: اممم
ملاك: (عصبها وهو ميجاوب مبرد وعاد ظحك فاش جبدت غيثة) شنو اممم انا من قبيلة وانا كنقولك ونفهمك !!!
اورطيغا: انا هضرت ونتي هضرتي المعنى ديالي وصل ليك مكاينش لاش نبقى نعاود هضرتي
ملاك: حتى انا مغنعاودش هضرتي امراد ميمكنش غنقاطع يوسف
اورطيغا: مقلتش ليك قاطعيه ولكن كولشي يكون عندو حدوود
ملاك: (تعصبت) انا حدودي كنعرفها مزياان مغتوريهاليش نتا
اورطيغا: (صاط من الݣارو ببرود) يعني داك كترة الظحك مغنعاودش نشوفو معاه
ملاك: (تجننت) علاش كتبغي تعقدها علاش منظحكش معاه؟؟؟ مفهمتش علاش حكمتي علية بالخايب هاكا من اللول كانت علاقتي معاه محترمة وهاكا غتبقى هو مشفت منو غير الخير
اورطيغا: (اوطوماتيك تفكر نهار عنقها فاش كانت كتبكي فاش جاو خدا سوارت من عندها ونهار قالو كنت حاط العين عليها)
ملاك: وهو رجع واحد من العائلة علاش بغيتني نعادييه وهو مداير لية واالو
اورطيغا: (غير كيكمي)
ملاك: (عصبها مكيجاوبش وهي تقطع) **** تفوو *****
(جلست فوق النموسية عاد كانو بيخيير منين جاب موضوع يوسف عاود!!! سمعت صوتهم جااو مخلاش ليها المورال للي تخرج ولكن مها صاوبت الݣوتي زويين وفيها الجوع!!
شافت فتيليفونها منين مرجعش صونا حتى هي مغتصونيش حيت مغالطااش ومغتحزرووش باش ميولفهااش خرجت من بيت مها مشات تسلم عليهم مدت يدها ليوسف للي فهم مكاينش سلام بالحنك جلسو مجمعين)
يوسف: ملاك صافا ؟!!
ملاك: الحمد لله اخويا ونتا لباس عليك كيف دوزتو الهاني مون
يوسف: خاصك تمشي لتماك
ملاك: ان شاء الله والله احسن حاجة درتو (بقاو مجمعين وخديجة مجمعة مع مها ومرت حنينها ووفاء غير كتصنت… شافت فتيليفونها كان وصل ميساج من عندو قلبها زدح خايفة تلقى شي حاجة للي تزيد تغيرها مقراتوش بقات كتاكل ويوسف كيعاود طرائف وقعو ليهم جا باباها للي سلم عليهم عطاوهم لي سوفونيغ للي جابو عجبهم الحال بزااف وفرحو انهم تفكرووهم عياو يشدوهم لعشا ولكن كان خاص يمشيو باش يمشيو يعزيو أمينة.. توادعو معاهم وهي طلعت لسطح ويدها على قلبها خاايفة من شي كلام للي ميعجبهاش مشات للقنت وشعلت تيليفونها دخلت للميساج ديالو كتقراه فنفسها….)
ملاك: …مشات للقنت وشعلت تيليفونها دخلت للميساج ديالو كتقراه فنفسها…
اورطيغا: “”منين تكمل علميني””
ملاك: واضفاك!! شنو هاد *** بففف مفهمتش شنو للي معجبوش فيوسف ياك صحاب ولا معرفت لمهم!!!
(بقات كتفكر شحاااال خاصها تعرف الخلاصة!!! صونات قطع ورجع صونا عليها جاوبت مكرهة)
وي!!
اورطيغا: (كان كيصيد فديك البحيرة) مشاو؟!
ملاك: (بعصبية) اه
اورطيغا: (بهدووء) ملاك, انا مقلتش ليك نتي ماشي محتارمة ولا قللت منك انا تنقول داكشي للي كان بيناتكم كنتو بزوج بيكم سليباطير ونتي مبيقيتيش ديال رااسك
ملاك: (منتابهتش لكلامو) راه كنا غير كنهضرو نتناقشو كيعاود لية صافي
اورطيغا: (شاد ليها الخاطر) هاديك!! دابا هو عندو مرتو يعاود ليها تعاود ليه يعاودوها راسهم نتي لا!! تعاملك غيكون معاه كما تتعاملي مع رجال خووتك لوخرين
ملاك: والا بغا يجي يعاودلي ولا يتشكالي نقولو بعدني!!
اورطيغا: علاش نتي نااقصة مشاكيل باش يجي يزيدك هو!! ونفتارو معندكش علاش يجي يخوي همو علييك!! بنادم كان ظاحك ناشط ويجي واحد يديرلو الغمة!!
ملاك: (كيهدئها شوية بشوية) ماشي هكاك ولكن مكيعجبنيش نتقلب على بنادم
اورطيغا: مقلتش تقلبي ولكن شي حدوود خاص يكونو باش متلقايش مشاكل لا معايا لا مع ختك
ملاك: معرفتش علاش كتحسسني بحال انا ويوسف بيناتنا شي حاجة اخرى معجبنيش هادشي امراد
اورطيغا: انا لوكان عرفت اصلا كانت بيناتكم شي حاجة كنت عمري نجي نهضر معاك واخا يكون غير اعجاب ديال دقيقة من جهتك نتي!!
(بقات ساكتة) ملاك (زفر) نتي تتعني لية بزااف وانا متنبغي نتشاركك مع حتى شي واحد!!
الظحك جموع يكون فحدود حيت رجع واحد منكم ولكن شي حاجة كتر من هاكا غترجع بالخااايب وانا قليييل فاش تنتحكم فراسي منبغيش نكون قبيح معاك ومعاه
ملاك: نتا متايقش فية
اورطيغا: آش جاب الثقة لهادشي واش انا تنشرق ونتي تتغربي صافي للي باين راه قلتو مكاين لاش نبقاو فنفس الديسك
ملاك: (بقات ساكتة حتى جات حجرة صغيرة حدا رجليها، هزت راسها كان حمزة فسطح كيديرلها إشارة تجي)
اورطيغا: ملاك!!
ملاك: كنسمعك
اورطيغا: شنو تديري دابا؟!
ملاك: كنهضر معاك ونتا؟
اورطيغا: تنصيد
ملاك: (غوبشت) شنو كتصيد؟!
اورطيغا: عرفتي شي حوتات لقيت هنا بشااااااخ
ملاك: (بعصبية) انا للي راجل ختي جالس علية متهضريش مضحكيش ونتا بوجهك مسنطح جاي كتقولي هاكا!!! (سمعاتو كيظحك.. عطات بظهر لحمزة كتكمل هضرتها)
وكظحك!!
اورطيغا: والله يا مك وتقطعي زطمة وحدة بالطموبيل نخرج فيك راه تنصيد الحوت ابنادم باش نااكل ههه
الغالية: (خداو كرطونة السكر ومشاو يعزيو واخا مغارضهاش تعزي بكترة مباغا تعاود ليها مفتاحة شنو داز فهاد تسافيرة المشؤومة…
العائلة كانت كولها مجموعة فيهم للي عزيزة عليهم أمينة وكاين للي جاي غير على وجه الحاج بقاو جالسين مجمعين حتى نطقت الغالية )
وتقبلووك داركم؟!!!
أمينة: (شافت فيها ديك الشوفة ديال بنيتك!!) بنادم راه كيصبر الغالية، هاحنا كنتقبلو للي يسوا وللي ميسواش جات عليهم ميتقبلوش بنتهم للي معرفت انا اش درت باش تسوليني نتي هاكا!!
الغالية: (بقات غير كدور عينها وشافت فمفتاكة للي حركت راسها كتقولها تسكت)
انا غير قلت حيت عارفاك معاديااهم
أمينة: ايييييوا للي شاف شي يقول الله يستر.. (تفكيرها كوولو فولدها وعارفة حالتو غتكون خاايبة وبووحدو!!!
ناضت من تمااك مافيها متجاوب وترااض ولكن معندهاش المورااال للي طااايح طلعت لسطح فهدووء دخلت لبيت الصابون مع شعلت الضو لقات غيثة صدرها عرياان وادم كيعبز فيها ويبوس فعنقها شهقت بصوت مسموع نادبة حنكها بطراف صبااعها)
ويلي على ولاد لحراام !!!!
غيثة: (عينيها مكمشيين منين تشعل الضو، غير كتشووف اما ادم بعد من غيثة مهبط ليها الديباردوور على صدرها وعاطي بظهر كيقاد راسو)
ادم: عفاك خرجي من هنا
أمينة: ياك اولد الحرام وكان غير معندكش ختك مقنت البنت وعاد كتزيد تهضر (بلا متشعر) هبط ت*** من هنا استغفر الله العظيم تخرجو الواحد على طوعو!!!
ادم: (ضار عندها مخنزر وشاف فغيثة للي واقفة بحال خشبة غير كتشووف ملامحها عادي بحال ماشي هي للي تشدت متلبسة واقفة بحال كتسنى الطوبيس.. شاف فأمينة)
عفاك متقول والو لشي وااحد
(شد فيد غيثة جارها يهبطو وقفت)
أمينة: عرفتي خوتها يسيقو لخبار!! ولا باها ولا عمامها ياكما حساابلك البنت ساايبة
(كتشوف فغيثة بإستغراب كبيييير مكاين حتى شي ملامح الخجل ولا الحشمة!!)
ادم: (مخرج عينيه) انا وياها مصاحبين!!
أمينة: خرج خرج قبل منبدا ندير شراع يدي فيك نتا اللول
ادم؛ (مبغاش يجبد معاها العيب طلق من غيثة وهبط محرج مدام مغوتتش ولا دارت شي ردة فعل مجهدة الا مبغاتش دير الشووهة)
تفو على مصوفجيين!!!
أمينة: (مشات لحدا غيثة ضرها خاطرها عمرها فكرت تلقاها فهاد الموقف وكانت كتمناها عروسة ولدها، وعاد محشمت مرمشت غير وااقفة، تصدمت من هاد الفضيحة وتصدمت فردة فعلها) شنو هادشي اغيثة؟!
غيثة: انا للي بغيت
أمينة: (زادت صدمتها) شنو بغيتي!! بغيتي يبقى يلعب فيك ابنتي لا لا نتي ماشي غيثة للي كنعرف
غيثة: (سالو دموعها بحال كتوݣض عاد شهقت شهقة مسمووعة ودارت يدها على وجهها كتبكي)
أمينة: واش بيك ابنتي فين باغية توصلي؟!!
غيثة: (غير كتبكي حتى جات أمينة كتعنقها) تنمووووت اطاتي أميينة تنحس براسي تنمووووت…..
أمينة: (بقات معنقاها كطبطب عليها بقات فيها مجااتها حتى ذرة شماتة بلعكس بقات فيها بزااااف من ديما عزييزة عليها حيت هي ماشي بحال مها كتحتارمها وتبغيها)
بنتي واخا تكوني معاه مخاصكش تخليه يقيس فيك
غيثة: (بصوت مخنوق بعدت كتمسح دموعها) متنبغيهش اطاتي متنبغييهش (بحرا كتنفس)
أمينة: واش كان شادك بالسيف عليك؟؟ غير قوليلي متخافيش
غيثة: (حركت راسها بلا كارهة راسها) معرفتش شنو وقع!!!
أمينة: وشنو ابنتي راك حيرتني فيك واش نتي هي غيثة لبنت لمأدبة والمحتارمة تخلي الواحد يقيسها هاكا؟!!
غيثة: (كتبكي) معرفت شنو وقع والله معرفت انا ادم غير صديق وصاافي علاش وصلنا لهاد مفهمتش!!
أمينة: (بقات كتشوف فيها) بنتي راه خاصك متبقايش تلقاايه والا عاود ضسر عليك خاصك تعلمي خوتك هوما يتكلفو بعدي من هادشي ابنتي
غيثة: يمكن انا للي درت شي حركة بيناتلو انني تنبغيه ولا معرف!!
أمينة: (شدالها الخاطر) علاه ابنتي للي كيبغي كيدير فحبيبو هاد الحالة شادك فظلام بديك الحالة والعائلة لتحت مجموعة لوكان باك ولا خوك ولا ماماك هوما شافوك هاكا!!! فين كنتي غتوصلي وكان راه واحد فالحبس واحد فالقبر الله يحفظ
غيثة: (رجعت غير كتبغي غير فكرة قاسها خلاها تخنقت!! براسها مفهمت والو وكفاش وصلو والمشاكل شكون لي شدهم! !!)
متقوليهاش لاورطيغا اطاتي عفاااك
أمينة: راه كما هو ولدي حتى نتي بحال بنتي والا حتى سمعها راه ميبغيش شي واحد يقيسك راكي بحال ختو ابنتي واخر حاجة يلغي هو شي واحد يضرك
غيثة: ختو!!
أمينة: بنتي رضي البال لراسك وفكري مزيان قبل مديري شي حاجة نتي بنت زوينة ومربية وبنت عائلة كبييرة ماشي ديالك ابنتي هادشي متخليش للي كان يضيع هادشي زوين للي فيك
غيثة: (رجعت عنقتها غير كتبكي وقلبها كيتقسم وحتى لوخرا بقات غير كطبطب عليها راسها داااخ بهادشي للي شافت!! نسات مواجعها ورجعت غيثة اكبر من دوك المشاكل!!
رجعت اللور ماسحة دموعها ونيفها)
فين اورطيغا بغيت نشوفو؟!
أمينة؛ مسافر ابنتي
غيثة: ياك رجعتو واش مشا يتريبي؟! بفف (ضربت فراسها بحال كتوݣض) حقا مشا يتريبي عقلي مبقاش تيخدم غير تنسى وتنتعصب
أمينة: (شدت ليها يدها) دابا يفوقتك ابنتي
غيثة: (تنهدت حركت راسها باه) عفاك اطاتي متقلقيش من هادشي للي شفتي عفاك ديري عمرك شفتيني هاكا عفاااك
أمينة: انا تقلقت عليك ابنتي ووجعني ݣلبي عليك
غيثة: معرفتش شنو وقع والله ولكن غنهضر مع ادم
أمينة: بعدي ابنتي من طريقو متهضري معاه ميهضر معاك باين مصافييش داك البرهوش
غيثة: (حركت راسها باه) حقا (كتجخر بنيفها وتسهق بكترة لبكى للي بكات) البراكة فراسك من جهة باباك اطاتي
أمينة: ممشا معاك باس ابنتي الله يرضيك ديري عقلك…
أصبحنا وأصبح الملك لله…
ملاك: (بقات غير كتشوف فهاد تسافيرة قلبت الورقة كتقرا) معرفتش صراحة واش يبغي بابا (باغا تمشي وبشدة)
زينب: (خدامة معاها) صراحة فكرة زوينة حاولي معاه املاك ومعانا حنا معندو فين يخاف عليك
ملاك: (بقات كتفكر اول مرة يديروها فالخدمة voyage organisé بيناتهم وللي بغا يجيب مرتو او تجيب راجلها كانت يوماين بين شفشاون والجبهة)
دابا نشوف
(كملت خدمتها شافت برا كانت مغيمة ولكن الزمت شافت فتيليفونها لدابا مزال مصوناش عليها يكون مفاقش!!! صونا عليها يوسف)
افيين
يوسف: فين نتي الآلة متتسولي موالو
ملاك: هه باسم الله عليك عاد تشاوفنا البارح!!
يوسف: لا لا بزااف هاد القلبة للي درتي شي حاجة تم!!
ملاك: مكاين والو والله غير مع الخدمة وصافي
يوسف: مزيان الآلة غير تكوني مرتاحة هدا هو المهم, بغيت نسولك نتي وغيثة متتهضروش هاد الايام
ملاك: لا قليييل مرة مرة سلام صاڤا!!
يوسف: اممم صافي (مسولت لا علاش لا واالو) شنو متجيش تزورينا شي نهار
ملاك: معرفت سمعت الدار كيقولو غيمشيو على حساب خالتي أمينة غدا لفاس
يوسف: بالصح خاص نضايفوهم فالدار
ملاك: اووو نسيب بغا يدير بلاصتو
يوسف: ههه بحال داكشي
ملاك: (طلعت ليها لابيل ديال اورطيغا) يوسف واحد شوية ونصوني عليك (قبل ميجاوب هي جاوبت على لابيل)
وي
اورطيغا: الريزو حمقني هاد صباح
ملاك: بالصح عليها مبغاش يشدلي صونيت قبيلة ومكيطلعلي والو (مصوناتش)
اورطيغا: معرفت مال هاد ***** على صباح
ملاك: (عوجت فمها كضور عينها)
اورطيغا: فالخدمة؟!
ملاك: اه، حم مراد بغيت نقولك شي حاجة ولكن الا تعصبت غنتقلق منك
اورطيغا: الله يسمعنا خبار الخير!!
ملاك: كاينة واحد voyage organisé فالخدمة سبت وحد مكرهتش نمشي ليها وفنفس الوقت خاايفة بابا ميبغيش
اورطيغا: مع الخدمة؟!
ملاك: اه عارفاك حتى نتا غتوقف فيها حسكة بحال شادين النوبة علية
اورطيغا: هه حسكة!! شوفي انا نفطر ونعاود نطلع لهاد الجبل نهضر معاك
ملاك: صافي واخا
اورطيغا: مكايناش شي كلمة زوينة!!
ملاك: هه بالصحة لفطور
اورطيغا: مّا يا مّا وشكون راني نتسنى!!
ملاك: هههه
اورطيغا: شوية ونصوني عليك.. (قطع وهبط يقاد مزاجو عاد يهضر!!!)
وفاء: (كانت على اعصاابها من داكشي للي عاشت وحسات بيه وهي فالقبور خلاها غير ساااهية!! لدابا ممتيقاش كفاش وحدة بقرايتها وثقافتها وصلت ليها الدنااااءة باش دير هاد تخربيق؟! وتبع هاد طريق كانت ممرتاحاش ولكن خايفة تمشي لدارهم يجي عندها طليقها للي مبغاش يتفك منها وعاد دارهم للي بغاوها ترجع معاه حيت رغب وطلب والا رجعت لفاس خافتو يوصل ليها وهاد الايام غير صااعر كيقلب عليها كانت دار ملاك هي الأمااان بالنسبة ليها ولكن باغيا تبقى بوحدها!! جات ملاك من الخدمة بكري تغدات معاهم)
شنو خلاك تجي بكري؟!
ملاك: عييت والله كملت شي خدمة وطلبت نجي بكري
أمينة: (دخل رشيد مشات للكوزينة باش تقاد ليه لغدا حيت كيدي للخدامة يتغدااو ويتغدا معاهم) رشيد مي حلو وسهام بغاو يمشيو يعزيو فأمينة
رشيد: الخدمة مزيرة الزهرة خلي حتى لخميس
زهرة: واخ
رشيد: فلعشية نخرجو لمارشي
زهرة: صافي واخا (عطاتو غداتو ومشا وهي رجعت تكمل غداتها مجمعين.. كملو كولها فين تلاحت يتكااو)
ملاك: (منين علمها اورطيغا تلقا شي صاحبو ومن بعد ويهضرو وهي كتفكر واش حتى هو غيوقف ليها فهاد تسافيرة جهة كتقول ماشي من حقو وجهة مباغياش تخسرو ولكن غيعصبها الا حتى هو وقف ليها!!! شافت فوفاء كتشوف فسقف)
وفاء مالكي؟!
وفاء: (طرطقت كتبكي وملاك كضور عينها مفهمتش مالها!! بقات فبلاصتها كتسناها توقف من لبكى)
عييت بزااف املااك
ملاك: مناش؟!
وفاء: ندمت ندمت ندمت علاش تزوجت هداك لحمار من اللول بسبابو انا فهاد الحالة
ملاك: واش على داكشي للي دارلك؟!
وفاء: وهو دار وانا (زفرت) درت
ملاك: مفهمتش واش هو داك نهار عطاك لصاحبو ودابا باغيك تخرجي عندو!! والله مفهمتش واش هاد *** ماشي راجل لهاد الدرجة
وفاء: لوكان كان رااجل ميوصلنيش فهادشي تفوو ندمت ندمت املاك
ملاك: معليش دابا كولشي يفووت
وفاء: مكرهتش نمشي لشي بلاصة بووحدي
ملاك: سيري اصاحبتي محد عندك الحرية تمشي سيري وفكري مزياان انا ماشي كنطردك ولكن بعدا حتى عندك الحرية ماشي بحالي سيري وصفاااي مع رايك
وفاء: (بقات سااكتة كتفكر هادشي خاصها ديرلو حد 8 سنين دالفساد ودايرة كأنها ماشي مسلمة جلستها مع عائلة ملاك بيناتلها بزااف دلحوايج!! بقاو متكيين حتى سمعت ملاك كتجخر تبسمت من هاد المخلوقة قدات ليها راسها للي كان عوج وبقات هي غير كتفكر وتخمم!!!)
اورطيغا: (كان تلقا مع واحد كل عام كيتلقاو فهاد القنت، ماشي صاحبو وماشي عشيرو غير كان بيناتهم السلام وهاد المرة جا عندو تعرف علييه وبقاو جالسين كيصيدو الحوت بجوج كملو ومشا لاخر لاطونط ديالو اورطيغا شعل العافية وبقا كيشوية داك الحوت صونا على ملاك مجاوبتش كانت علماتو خرجت بكري من الخدمة حيت عياات صونات مو جاوب)
الوالدة!!
أمينة: امتى تجي اولدي
اورطيغا: علاش الوالدة؟!
أمينة: حيت توحشتك اولدي بغيت نشوفك ونهضرو
اورطيغا: بعد غدا الا كتاب
أمينة: ان شاء الله اوليدي، صافي تلقاني فالدار
اورطيغا: ان شاء الله (دار الدكة) رتاحيتي شوية
أمينة: الحمد لله اولدي (هضرتو كانت ناقصة دارت بكلام الحاج تخليه على خاطرو قطعت ودوزت نمرة زهرة للي كتبقى تفش عليها هموومها وتعاود ليها حيت لقات راحتها معاها…)
~~~~~~~~~~~~
نجية: دير عقلك احمزة راه الا وصلوها لرشيد غتنوض رويينة وحنا مشفنا من دوك الناس غير الخير
حمزة: هي للي قالت ليك هاكا
نجية: اه هي وشكات على مها المرة جاية تشكا على باها
حمزة: لا لا مزيان نيت!! نساات كولشي غير قبل منعرفو ديك الموصيبة حاملة كانت مدوزة معايا الحب والغرام وتشد فلكادوياات
نجية: اسكت اسكت غتسمعك مرتك راه حراام هادشي للي كدير واش مرتك قرب شهرها ونتا مزال داير عقلك فملاك
حمزة: ندير حيت من اللول لوكان موقفتوش فيها وكان راها هي دابا للي حاملة. هي لي تكون مرتب
نجية: (كتندب حنوكها) أويييييلييي استغفر الله واش هبلت؟!
حمزة: دابا شنو بغات منعاودش نتعرض ليها واخ ولكن ونشوفها مع شي حد غنشوهها نقتلها ونقتل للي معاها
نجية: ونتا شغلك؟!!!
حمزة: اه شغلي نهار يقولي راسي بعد غنبعد دابا غنوريها كفاش تبقى تشكى على ديك بمادنة ديال مها للي معمرالها راسها انا نوريها الوجه لاخر
نجية: هاا ودني راه متلقى غير رشيد قدامك راه جبدلو عينيه ومتجبدلو بناتو
حمزة: داك السوق خرجي نتي منو
نجية: هاا ودني احمزة!! والا عاودو تشكاو ذنوبك على راسك
حمزة: صافي خرجي دابا خليني نعس تابعاني الخدمة بلاتي وقول لهاديك متعتبهاش باغي نعس!!!
~~~~~~~~~
ادم: (كيهضر فالتيليفون) تندير هاكا فيها حيت عارف هي للي غدير بزاف دلحوايج وانا تنشووف…..
هههه لي لقبر ولي الحبس…!!!
اورطيغا: (كمل غدااه جمع داكشي للي تماك، لبس بروطكان ديالو ومشا كيقلب على شي حانوت يشري خبز هز صكادوه للي فيه داكشي للي مهم وتمشا هاز عصا ماشي من طريق باينة باش يرجع وكان عارف حتى بلاصة الحانوت ودايرها حجة وزيارة..
بقا ماشي سااكت مدارش حتى موسيقى براكة غير دماغو خداام يحاجي ويفك.. وصل لدوار خدا نص دجاجة وخبزة وشي سقاطة ورجع ماشي بشوية وصلو ميساج من عند ملاك صونا عليها)
كنتي ناعسة
ملاك: (كانت فبلاصتها فسطح) اممم
اورطيغا: وايلي 8 دالليل هادي؟!
ملاك: لا فقت قبيلة غير جاو شي ضياف وبقيت معاهم وغير سلت دابا باش نهضر معاك
اورطيغا: شكون هاد ضياف عاود
ملاك: ههه من العائلة
اورطيغا: باباك ولا ماما
ملاك: بابا
اورطيغا: اممم شحال عندك ديال عمك وعماتك؟!
ملاك: كاين 3 دعمامي و2 عماماتي وجدي وجداتي ميتة وكاينة مرتو كنعيط ليها مي حلو
اورطيغا: مي حلو!! اممم مزيان نتوما شلوح
ملاك؛ هوما ههه انا كنفهم الشلحة وكنعرف شي كليمات ولكن الهضرة مطلوقة لا
اورطيغا: وماماك؟! واقلة ماشي شلحة
ملاك: باش عرفتها
اورطيغا؛ شحال هضرنا انا ياها باينة فيها غير من كلامها ماشي بحال باك
ملاك: بالصح (جا يهضر قبل ميجبد تريكة مها) امتى ترجع
اورطيغا: علاش؟؟
ملاك: (تبسمت) غير باش نجي لفاس نخلص هداك للي صاوبلي الطموبيل
اورطيغا: فين ودنك اجحا ها هي باش تقولي توحشتك تدوري دورة قد هاكا علاش عليك ابنتي!!!
ملاك: هههه
اورطيغا: شنو دابا توحشتيني
ملاك: لاااااااااا
اورطيغا: وطلقي معانا اللعب شوية
ملاك: شنو كدير دابا!!
اورطيغا: والو راجع من دوار جبت فيه شي حاجة نديره لعشا
ملاك: شنو غدير لعشا
اورطيغا: دجاج
ملاك: ݣزار معشي باللفت!!
اورطيغا: ههه الواحد يبدل مرة مرة
ملاك: هه وغتطيب دجاج بلا متكون ملحو وداير فيه الحامض
اورطيغا: هاد السيد للي كيبيعلي كيكون مقاد هادشي
ملاك: مزيان يعني داير بحساب الناس لي كتجي تخيم تماك
اورطيغا: اممم عرفتي اكتر حاجة مشهيها دابا هو نتي
ملاك: كفاش انا!!
اورطيغا: باغي نشوييك
ملاك: (بقات مخرجة عينها مكتهضرش) لحمي قاسح
اورطيغا: من داك الناحية متخافيش راني ݣزار وحافض لحم متنشوي حتى ترطبو مزيااان
ملاك: (بدات الامور كتخرج على السيطرة) ياااااه امراد صافي صافي
اورطيغا: ههه مال مك تنهضر على لحم وشوا (ديك شوا كيورك عليها) فين مشا عقلك
ملاك: اممم مهم انا نهبط
اورطيغا: متعطليش وطلعي نكملو هضرتنا
ملاك: فاش هه
اورطيغا: نقولك العطرية للي تندير
ملاك: ههه بلاش بلاش انا اصلا مكنطيبش لحمي عاااصي..
اورطيغا: وانا سناني ماضيين غير متهزيش الهم…
أصبحنا وأصبح الملك لله..
كانت كتفطر مع مها عندها جوج مواضيع مهمييين بزااف بغات تهضر معاها ديال سفر وديال الدار وللي باقية براسها كتفكر فيها حيت معندهاش شي مبلغ للي كبير!! ولكن مصالحش تهضر باقية العائلة وخاصها تختار الوقت باش متسمعش لا، واليوم لاربع وغدا كحد أقصى خاصها تسجل معاهم الا كانت غتسافر خرجت للخدمة لقات باها كيتغاوت مع للي كيجيب ليه القهوة كان جابلو شي وحدة مسوسة حتى باها ماشي الوقت المناسب ركبت فطموبيلتها حتى مراد مولاتش هضرت معاه فهادشي!!
مشات صاݣت لخدمتها دخلت لقات تقريبا كولشي من للي كتعرفو ماشي حتى من صاحبتها للي بولادها بغات تمشي تبدل الجو وهي ضرووري خاص تاخد الأوكي من عند واليديها صونات على مها لقاتها مشغولة مع الدار وشقا كتفكر كفاش غدير ليها صونا تيليفونها حتى كتلقاها أمينة!!! استغربت بزااف
ملاك: احم (جاوبت) الو
أمينة: اهلان اهلان بلغزاالة ديالي
ملاك: (تبسمت) سلام خالتي لباس عليك
أمينة: الحمد لله ابنتي ونتي لباس عليك كدايرة مع الخدمة
ملاك: الحمد لله اخالتي ونتي كيف بقا الخاطر؟!
أمينة: الحمد لله ابنتي هاحنا..
ملاك: (معرفت متقول) اوا الله يرحمو
أمينة: امين، مزال متجي لفاس؟!
ملاك: سلات الخدمة عندي تماك دابا رجعت لصفرو
أمينة: فيها خير اوا بنتي ان شاء الله نهار الخميس اجي مع ماماك وخوتاتك
ملاك: ان شاء الله ضرووري (جاتها فشكل تعرضها شخصيا)
أمينة: ان شاء الله ابنتي ياله بلا منطول عليك نخليك تخدمي
ملاك: ربي يخليك اخالتي بسلامة (قطعت، عاجبها الحال غتشوف بعدا مراد هدا الا رجع اما هو راه عقل لارووب شافت مصوناش عليها يكون مزال مفاق!! صونات قطع ورجع صونا عليها)
صباح الخير
اورطيغا: صباح النور
ملاك: صايݣ؟!
اورطيغا: راجع للدار قربت لفاس
ملاك: اهااه!! (سكتت جوج ثواني) مقلتيلي والو!!
اورطيغا: عرفتي واحد شتا هربت منها وأصلا واحد لبلان فالحومة خاص نطرقو
ملاك: مزيان، غير ميبقاش فيك الحال مرة أخرى الا درت شي حاجة ومعلمتكش
اورطيغا: راه كنت غنوصل ونصوني عليك
ملاك: مزيان، مهم عندي شي خدمة نكمل ونهضرو
اورطيغا: (قبل ميهضر قطعت عليه رجع صونا مجاوبتش اما هو عقلو مبرزط خاصو يرجع للحومة على حساب شي شغاال…)
ملاك: (عصبها كما هو كيبغي يعرف عليها كولشي حتى هي هكاك والكلام غيمشي عليهم بجووج!! ولبارح بقاو مجمعين لوقت معطل بزااف علاش مقالها والو رجع صونا مجاوبتش)
زينب: زين بقاو جوج بلايص ويوسف الا تسجل دابا غيدي معاه مرتو كما موالف زربي على راسك الا كنتي غتمشي
ملاك: بالصح!! (فكرت شحال جبدت من صاكها 200 درهم) سيري سجليني انا نمشي نجيب فلوس
زينب: قلتيها لباباك؟!
ملاك: مزال ولكن غنعرف كفاش غير سيري عطييهم (مشات خرجت لݣيشي تيرات فلوس ورجعت كملت ليهم الفلوس.. كملت خدمتها ورجعت للدار معصبة حتى هو مرجعش صونا وغيكون وصل لفاس!!
وصلت لدارهم كما العادة تغدات وبقات متكية حتى نعست فاقت لقات وفاء باغية تمشي حساتها فشكل ماشي كما موالفاها ولكن مبغاتش تحكر حتى وتبغي هي وتعاودلها، توادعات معاهم ومشات باش توصلها ملاك للمحطة غتمشي لفاس ومن تماك غتمشي لاݣار ولا الساتيام مزال مقررت، ومع كان مزال الحال مهضرش باها)
وفاء: والله مسخيت بيك عارفاك حتى نتي بغيتي تفوجي مكرهتش تمشي معايا ولكن
ملاك: معليش غطولي؟!
وفاء: شي سيمانة بغيت غير رتاح فراسي
ملاك: سيري رتاحي (تسالمو رجعت فحالها من حسن حظها فاش رجعت لقات باها برا القهوة واقف هو وخوه كيظحكو هبطت ومشات عندهم)
بابا!! عمي!!
(باستلو يدو عمها دخل) شوفي نقولك واحد الحاجة ومتقلقش ولكن قبل خاصك تقولي اه والا قلت لا والله غنكتائب ونمرض
رشيد: الله يسمعنا خبار الخير
ملاك: الخدمة دايرين رحلة وكولشي غيمشي (صونا تيليفونها شافتو كان هو قطعت الصوت) زينب كتصوني ديك السيدة للي خدامة معايا
رشيد: كملي
ملاك: مهم (تشجعت) بابا بغيت نمشي معاهم عفاك ابابا والله الا قنطت كولشي ماشي غير يوماين عفاك ابابا
رشيد: يوماين!! بزاف بزااف ابنتي
ملاك: عفاك ابابا مبزااف واالو (وقف حداهم حمزة) مهم نتا غير فكر وحتى ترجع ورد علية
رشيد: ابنتي راه متنقدش نخليك تسافري بوحدك
حمزة: فين بغيت تسافري (مجاوبتش)
رشيد: راه واخا مع الخدمة ولكن يوماين
حمزة: لا لا واش مكتسمعش اعمي شنو وااقع فالدنيا متييقش فالبراني حتى تسالي نتا وديهم يخيمو بوحدها!!!! تخاف اعمي ومكاينة ثقة
ملاك: (عصبها) ونتا ماالك باش دخل اش حشرك بيني وبين بابا
رشيد: (نهض فيها) ملاااك سيري للدار
ملاك: وااا ديها فراسك ماشي شغلك فينا تفوو على حيوان (تمات ماشي معصبة وصلت الدرب كتسمع خطوات جرا تيليفونها كيصوني قطعت الصوت)
حمزة: علاش كتهضري معايا هاكا!!
ملاك: (معصبة) نهضر كما بغيت بعد مني ابنادم واش مكتفهمش!!! غير خاشي راسك فية ودير فراسك النفس وقلب علية
حمزة: أواااقفلك فيها أوالله متعتبييه من هاد لباب
نجية: حمزاااااا
حمزة: (مشات ملاك مكرهة وهو تابعها ممسوقش لمو حتى دخلت وزدحت لباب عليه بكل جهدها)
انا نوريك باغية تسافري معاه!!! والله يا مك حتى نديرلك لعصا فروييضة نوريييك مزيااان شكون انا!!! (شاف باها جاي وهو يتم داخل لدارهم بالزربة..)
اورطيغا: (الصوت كان مشوش ولكن غواتها بعد مني ودير النفس وصوت دري غيكون غير هو قطع ورجع صونا عاود مكتجاوش!!! زاد تعصب كمل مع السمسار شي حاجة ومشا لطموبيلتو شد طريق لصفرو كيصوني مكتجاوبش!!! صونا على وفاء لقاها فطريق لفاس وأكداتلو ملاك خرجت وصلتها يعني كانت برا منين كانت كداابز!!!!)
~~~~~~~~~~~
رشيد: (دخل للدار) ملاك ملاااك (خرجت من الكوزينة فين كانت غتشكى لمها ومشات عندو لبيت نعاس فين سبقها مكرهة غتفرݣع.. كيغوت عليها) شنو داكشي..
ملاك: بابا قبل متهضر هو اش دخلو فينا انا وياك موضوع خاص بين أب وبنتو هو لاش كيفتي فرايو؟! شكون اصلا هو باش يجي يهضر معايا؟!
رشيد: واخا هكاك، هو بحال خوك
ملاك: ماشي خويا ومكنعرفوش ياك انا عندي غير خويا واحد هو أنير علاش يجي يهضر ويدخل فشي حاجة مسوقوش فيها
رشيد: (عزيز عندو حمزة راه كبر مع لبنات ولكن قنعاتو) واخا هكاك متغوتيش فالزنقة
ملاك: (بقات كتشوف مجننة واعصابها غيتفرݣعو) بابا عفااك خليني نمشي نساافر راه كولشي فالخدمة ماشي كل عام كنقولهم لا لا لا لدرجة شي وحدين كيحسابلهم معنديش الفلوس كيقولولي لبنات نخلصو عليك وانا اصلا والله حتى باغية نسافر بغيت نشوف البحر اعباد الله
رشيد: قولهم بابا كيخاف علية ماشي مكيبغينيش وماشي معندناش
ملاك: ومتخافش علية نموت بالقنط هنا؟؟؟ ابابا عفااك غير يوماين، سبت وحد صاافي
رشيد: (بقا كيشوف دخلت زهرة هازة أنير ناعس مكانتش عارفهم تماك)
اجي شوفي بنتك
ملاك: وعلاش ماشي بنتك نتا؟!! انا جيت كنهضر معاك حيت ميمكنش ندير شي حاجة بلا بيك
زهرة: شنو واقع؟ وهضرو بشوية الولد ناااعس
ملاك: اعععع (زادت تجننات اورطيغا غير كيصوني قطعت عليه) بابا بف!! (ضارت عند مها بقلة صبر) ماما كاينة رحلة ماشيين ليها فالخدمة لأقشور والجبهة
زهرة: خلي لبنت تمشي ارشيد
رشيد: (شاف فيها مخرج عينيه زعما مزال حتى مكملت الهضرة ومناقشوش هادشي)
ملاك: (براسها بقات غير كتشوف راه موجدة رغيييب وطلييب وهي دغيا قبلت!!)
زهرة: (كتشوف بنتها مزنݣة وباينة معصبة بزااف وعينيها خارجين)
ملاك: (محست حتى بقات كتبكي) بغيت نفوج غير شوية غنمووت بالقنط هنا (جلست ف ق النموسية)
هنا دموعها سلاو معاهم بجووج رشيد عارف بنتو مطيح الدمعة غير الا وصلت ليها العظم
زهرة: رشيد صافي ياك ماشية مع الخدمة وراك شفتيهم ناش معقولين صافي خليها تمشي ماشية حتى زينب؟! (حركت لوخرا راسها باه) ها السيدة براجلها وولادها غتكون معاها معندنا مناش نخافو ارشيد
رشيد: انا راه غير كنخاف عليها
زهرة: بنتك بعقلها معندك مناش تخاف للي دارو ربي هو للي يكون وان شاء الله تفوج شوية وترجع
ملاك: (دايرة يدها على وجهها)
رشيد: (بقا كيشوف فبنتو)
زهرة: سير رجع للقهوة من بعد ونهضرو (خرج ومشات حدا بنتها للي دغيا هزت راسها كتمسح دموعها) بلبكى ݣاع
ملاك: اوا على الله يبغي (تبدلو ملامحها كتمسح دموعها وحتى نبرة صوتها بحال ݣاع مكانتش كتبكي) خاصني نشري حوايج
زهرة: هاي هاي هاي على سليعفااانة كيف تيسفاات!! كنتي كتمثلي علينا؟!!!!!!
ملاك: ههه (هي بالصح بكات بالقهرة, ولكن كتبغي تهرب من جو دراما) مرة مرة الواحد يلعب على العاطفة ديالكم..
اورطيغا: (وقف فالدخلة ديال المدينة كان الحال بدا يظلام رجع كيصوني عليها)
زهرة: (تيليفون بنتها موقفش هزاتو كتلقى اسم زوبيدة استغربت جاوبت)
اورطيغا: (بعصبية) مال مك متتجاوبيش؟!!!
زهرة: الو؟!؟؟
اورطيغا: (سكت هدا ماشي صوتها يا مها يا مرت عمها!!) فين ملاك
زهرة: انا مها شكون نتا
اورطيغا: (بقا ساكت شحال معرف ميقول وعاد باديها بمال مك!! سمع الخط تقطع علاش مها لي جاوبت فين هي زاد صاايݣ مشوش عليها!!)
زهرة: (بقات كتسناها، خرجت من الحمام لاوية عليها فوطة) شكون هاد زوبيدة للي كظل تصوني عليها
ملاك: ها! غير واحد الزمرة (هزت تيليفونها خرجت عينها منين لقات مها يالخ جوباتو ومدة الاتصال 12 لثانية!! شافت فيها)
زهرة: شكون هدا؟!!
~~~~~~~~~~~~~
غيثة: (دازت 24 ساعة بدا راسها كيضرها وصحتها طااحت وفبالها غير ادم للي لبارح سالات معاه محست غير ديبلوكاتو وصونات عليه مجاوبش حطات التيليفون مكرهة رجعت كتبت ليه ميساج)
شنو سميت داكشي للي تتعطيني؟!!!
ادم: (قرا الميساج وحطو لبارح كان مندامج معاها كره ديك أمينة للي تدخلت من الاساس مكيحملهاش هي وولدها رجعت صونات جاوب) وي غيثة
غيثة: جاوبني
ادم: شنو بغيتي؟!
غيثة: راسي تيضرني
ادم: اجي عندي لقهوة****
غيثة: واخا (قطعت ناضت لبست حوايجها دارت ميكاب خرجت واخا مها عيات تعيط ليها تمشات لراس الشارع وشدت تاكسي ماشية عندو)
~~~~~~~~~~
ملاك: واحد السيد تعرفت عليه
زهرة: وشنو داك الأسلوب باش كيهضر معاك شكون هدا للي مخلياه يتعصب عليك هاكا ومزال مدرتو بالطاجين ميتحرق!!!
ملاك: (بلعت ريقها) علاش شنو قال؟!
زهرة: شكون هدا بعدا؟!
ملاك: ماما راني عاودت ليك عليه داك نهار يمكن معصب حيت مبغيتش نجاوبو هو بلعكس كيعاملني زوين وباحترام
زهرة: متقوليش هو للي باغيا تسافري معاه
ملاك: لا لا اماما والله ما هو اويلي نجلس يوماين معاه مالي حماقيت والله ما هو اقسم بالله مع الخدمة وهو بعيييد على خدمتي وعلى هاد المسافرة
زهرة: اوا!!
ملاك: اواااا هاحنا كنتعارفو بعدا هو اللول نهار يكتاب يجي لدارنا
زهرة: (بقات غير ساكتة سمعت كيعيطولها) مزال مكملنا، ومزال غنتفااهمو على هادشي (مع خرجت صونات عليه جاوبها)
اورطيغا: (بحذر) الو!!
ملاك: وي مراد
اورطيغا: خرجي عندي خرجي…
ملاك: فين غنخرج امراد!! مصالحش
اورطيغا: كفاش مصالحش!! فين مك بعدا؟!
ملاك: خرجت شنو قالت ليك فاش جاوبااتك!!
اورطيغا: والو نتي واش قالت ليك شي حاجة ياكما غوتت عليك؟!
ملاك: لا ولكن شنو قلتي؟!
اورطيغا: شنو واقع معاك هاد نهار؟! علاش مكنتيش تتجاوبي؟! عصبتي جد اصل مي!!
ملاك: بفف(جلست فوق النموسية) والو عصبتيني نتا قبيلة حنا تافقنا داك نه…
اورطيغا: داك الز*** شنو بغا منك؟!
ملاك: (تخلعت) شكون؟!
اورطيغا: راكي عارفة علامن داوي، شنو بغا؟!
ملاك: (مفهمتش منين جاب هادشي!!!) والو بغا يهضر مخليتوش شكون قالها ليك؟!!
اورطيغا؛ خرجي عندي
ملاك: مصالحش امراد راه غير شوية تناݣرت مع بابا وعاد انا مدوشة وماما كتسولني شكون هدا للي كيغوت فالتيليفون
اورطيغا: علاش مقراتش سمية؟!
ملاك: (خرجت عينها) كاتبة سمية مفهمتهاش، واش نتا هنا؟!
اورطيغا: شنو قالك داك “*** هضري ابنادم ولا غاندخل على مك فداك الدار
ملاك: والو امراد واالو، راني تبريت منو عند ماما ومو وحتى بابا قلتلو يقولو يبعدني
اورطيغا: كفاش قلتي لباك يبعدك علاش هو عارف تابعك وساكت!!!
ملاك: ماشي هكاك ولكن هو داير فيها خويا قدامو
اورطيغا: كفاش خوك قدامو ونتوما كنت مخطوبين
ملاك: (تزيرت) هو واخا تفارقنا بقينا عاديين جيران حيت أنا للي فرتكت ديك الخطوبة
اورطيغا: تخربيق !!
ملاك: (تزمتات) هو بقا معاهم عادي زعما محقدمش قدامهم فهمتي داكشي باش قلت لبابا انا ميبقاش يقولي حتى السلام !!! (غير كيسمع كيشوف فقهوة باها كان جالس هو وشي دراري كيبلاني فييه زطمة وحدة يكسيري يجمع ال*** كامل وحتى باها)
ملاك: واش بالصح جيت؟!
اورطيغا: اه منين سمعت داك **** تيهضر معاك جيت وعاد مك فاش جاوبت خفت يخاصمو عليك
ملاك: بغيت نسافر وبابا
اورطيغا: مخلاكش عاود
ملاك: بغا
اورطيغا: (هز حواجبو متفاجئ!!) ڤري؟!
ملاك: (كضور عينها كتسناه يهضر) اه
اورطيغا: (حاضي حمزة شاف باها خرج من تماك ووقفو كيهضر معاه)
ملاك: مراد!!
اورطيغا: انا حدا الدار باقي عااس الا صلاحلك تخرجي بغيت نشووفك
ملاك: امم واخ…
اورطيغا: انا حدا الدار باقي عااس الا صلاحلك تخرجي بغيت نشووفك
ملاك: صافي واخ…(قطعت مفهمتش واش بغاها تسافر ولا لا!! هي مسافرة مسافرة ولكن كتفضل ميكونش بينهم شي خصام باش تمشي بنفسية زويينة بقات كتفكر شافت فأنير ناااعس ناضت لبست حوايجها مرجعش صونا عارفة راسها مغتخرجش عندو راه مستحيل!! عيطت ليها مها مع مكانوش دراري من غير براهش جمعت شعرها للي فازݣ سفنجة وخرجت هازة تيليفونها)
شنو اماما
زهرة: اجي عاوني شوية العزري وقشريلي بطاطا، حقا غدا غنمشيو لفاس
ملاك: اه عيطاتلي خالتي أمينة عرضاتنني حتى انا
زهرة: وشتي صواب كداير ماشي بحال معزيتيهااش حشوومة ݣاع خوتاتك عزاوها نعيمة من لعيه عيطت
ملاك: واش هي للي قالتها ليك؟!
زهرة: (دخلت سهام سكتو هاكا موالفين، شافت فبنتها للي كتقشر بطاطا وكطير منها النص) ملاااك (خرجت عينها فيها)
ملاك: شنو اماما!!
سهام: ويلي استغفر الله شنو خليتينا نقلييو؟!!
ملاك: (عطاتها لموس) سمعت أنير كيبكي!!!
(هربت ليهم من تماك وسهام كتعاتب زهرة باش تزير مع بنتها تزيدها للكوزينة طيب ميمكنش فعمرها ومتعرفش تقشر حتى بطاطا وزهرة جاها كلام معقول حيت راااخية لملاك بزااف…)
~~~~~~~~~~~~~~
اورطيغا: (حتى كيبغي يهبط من الطموبيل يقصدو ويترااجع داير بزاف دالاعتبارات اولهم غيخلق لملاك المشاكل مع باها وعائلتها حيت غيتعرف علاش غيدابز معاه وعلم الله لاخر شنو غيبدا يخرج من فمو !! قادر يضارب معاه وميخاافش ولكن راه فوسط حوومتو وحدا باها للي كيعرفو ويصدقو فحوايج خايبة اهم حاجة منها هي غينوضو ليها مشاكل وعارف باها مزير معاها..
لثانية جا فبالو شنو هادشي كيوقع معاه واش بالصح راه تابع بنت جاي لمدينتها واخا مغيشوفهاش عاس حدا دارهم؟!! لهاد الدرجة اشمن سطاج وصلو مع ملاك؟!!
حرك راسو كينفض الافكار حمزة تحرك من تماك جا ماشي وهو يعيط ليه باين ملاك ولاخر حاني الراس كيسمع لرشيد)
رشيد: ولدي الله يرضي عليك نتا عزيز علية وكابر مع بناتي ولكن ملاك عندي بوحدها متعاودش دير بحال قبيلة
حمزة: عمي انا غير خفت عليها سفر بوحدها وبلا بيكم قاسحة للبنت واش مكتسمعش شنو واقع
رشيد: اييه ولكن هادشي نهضرو فيه انا ومها واخا ولدي
حمزة: عمي انا ملاك راه كبرت حدا عيني الا دخلت غي حيت بناتك راه فمقام خوتاتي للي معنديش وكنحس انا خوهم
رشيد: حنا كولنا عائلتك ولكن… متعاودهاش الله يرضي عليك نهار نبغيك دخل غنجي نقولهالك
حمزة: واخا عمي (مشا رشيد وهو بقا وااقف باين معجبوش الحال يعني هي للي غتكون عمرااتو مفهمتش ياك هو مزير معاهم علاش جا كيهضر معاه!! واش غيخليها تساافر!!! مشا فحاالو واورطيغا غير حاضي حتى جاه أبيل من عند ولد الحومة..)
ملاك: (دخلت عندها مها غوتت عليها على حساب تقشار بطاطا وأنها خاصها دير عقلها شوية فطياب ميمكنش تبقى هاكا على الأقل هاد لحوايج صغار تعرفهم صونا اورطيغا ومها مزال محيحة، وهي خاصها تجاوب ضروووري راه كاين فالحومة!!)
ماما ندخل لطواليط
زهرة: واش انا كنه.. (وقفت ملاك كدير حركة راه مزيرة ودخلت للحمام تابعاها مها كتنݣر) ݣاع خوتاتك كانو كيقراو ويتعلمو الا نتي
ملاك: بففف (جاوبت بهمس) ألو!!
اورطيغا: (بقا ساكت كيسمع مها كتغوت ولكن الكلمات مواضحينش) شنو واقع عاود؟!
ملاك: غير ماما واش نتا مزال حدا الدار؟!
اورطيغا: اه ولكن متخرجيش.. مشا لحال
ملاك: (عحبها الحال مها خبطت عليها الباب)
اورطيغا: شنو درتي؟!
ملاك: هه معرفتش نقشر بطاطا
اورطيغا: الا!! ميمكنش؟!
ملاك: (جات تحلف وهي تفكر راسها فطواليط) اه
اورطيغا: باينة هاربة فشي طواليط
ملاك: ههه بحال داكشي..
اورطيغا: (تبسم بلا نفس) حق الرب متنفهم فيك واالو
ملاك: صباح معجبنيش الحال تسافر ومتقولهاليش
اورطيغا: محيت مكنتش ناويها, كنت مزال باقي اليوم ولكن صونا علية الخدام وكان ضروري خاص نرجع
ملاك: ولو!!!
اورطيغا: اوا ونتي؟!
ملاك: شنو انا!! للي كنديرو كنقولو ليك كما وصيتني
اورطيغا: كما وصيتك ماشي حيت باغية
ملاك: اممم لا وحتى باغية
اورطيغا : (زفر معرفش شنو معصبو واش حمزة واش مجيانو هنا واخا عارف راسو مغيشوفهاش مهم يطمأن مفهمش!!)
مهم انا غرجع لفاس
ملاك: واخا
اورطيغا: واقلة ماماك مشات
ملاك: اه خرجت حيت بقات كتغوت وفاق أنير (حلت لباب) صافي انا نقطع
اورطيغا: متوصلينيش؟!
ملاك: ههه مكرهتش نكون معاك ݣاع
اورطيغا: اممم بالصح؟!
ملاك: (بقات مفرنسة) تسنا نطلع لسطح راه فأي لحظة غتهجم علية راه ضيعت ليها كيلو بطاطا
اورطيغا: ههه عالم نتي.. (ضرب الدورة فالرومبوان ورجع شاد طريق لفاس، شي 5 دقايق عاد هضرت) فين هادشي كامل
ملاك: غير لبست شالي وبينوار باش نطلع لسطح
اورطيغا: (بقا كيسمعها ويدورها فراسو) مزيااان.. مزيان متزوليش الفولار حتى فسطح امتى درتيه؟!
ملاك: من السادس تقريبا… ( بقات كتعاودلو قصة من خيالها كفاش بغات الفولار من صغر وكانت هي للي قررت ديرو.. بقاو مجمعين وهي كتسناه يرد عليها على سفر ومعاودتش جبدت الموضوع حتى يهضر هو فيه…)
اورطيغا: (وصل لدار مو معندو ݣانة يمشي للحومة مقطعش طلع للدار مع حل لباب لقا مو واقفة كتسناه مكانش عارفها جات كان داير لكيت) امتى جيتي؟!
(ملاك عضت شنافتها كضور عينها)
أمينة: غير قبيلة
اورطيغا: بوحدك؟!
أمينة: واه (حط سوارت بلاصتهم) نحط لعشا اولدي؟!
اورطيغا: ندوش نصلي ونجي.. (دخل لبيتو قبل ميسد لباب) ملاك من بعد ونصوني عليك
ملاك: مراد صافي طلقها متبقاش مقلق
اورطيغا: سيري هبطي من تماك حتى نصوني عليك وطلعي
ملاك: واخا ولكن طلقها
اورطيغا: (بعصبية) شنو جامع باش نطلق؟!
ملاك: (شافتو تعصب) صافي صافي ياله بسلامة حجاارك يشدووك ونتا غير معصب
اورطيغا: هبطي دابا نتي (قطعت حيد لكيت هز حوايجو دخل دوش خرج صلا المغرب ولعشا وخرج عند مو)
هانتي هنا؟!
أمينة: وفين بغيتني نمشي ولا مبقيتش حامل تشوفني
اورطيغا: مقلت والو غير سولتك
أمينة: تاامااال طاسييلتك غير ݣالب علية كمارتك علاه انا كرهت يكونو عندي والدين مݣادين مشفتنيش داخلة لتماك بحال شي يتيمة معندي حد
اورطيغا: (ببرود) عندك انا براكة عليك
أمينة: اوا ومّا مشتيش كدارت
اورطيغا: خطينا من داك التمثيل ديال جوج دريال
أمينة: (سكتت كتشوف فيه وهو شاد التيليكموند كيقلب على الكورة.. غتسكت حيت هاد الموضوع غير غيدابزهم) نحط لعشا
اورطيغا: اممم (دازت من حداه ناتفااه رجع راسو اللور كيقاد فشعرو تمت داخلة حاطة لعشا وجلسو كياكلو ساكتين حتى صونا تيليفونو شافها كطل وراها)
هاد ولد ختك فايت فيه كان لسقة
أمينة: عمر؟! على مزيناتو داك لوليد اولدي شحال فرح منين عرفك وحاامق يجي عندك
اورطيغا: (هز حاجبو فيها) راه راجل بحالي بحالو اش غيحمااق ولا يݣجدر
أمينة: ههه وا بغا يزيد يعرفك اولدي
اورطيغا: سبحان الله هاد المحنة دالغفلة معنديش معاها
أمينة: لا لا نعيمة ماشي كيفهم بعدا منين جلست وهي تطلب فسماحة وتبوس يدي وراسي وهكاك مّا اما لوخرين مسݣيين بمغرف وحدة
اورطيغا: اممم انا غنوض نعس غدا غنبدا الخدمة بكري ومغنسالي حتى الليل
أمينة: غدا غتجي عندي زهرة وبناتها (ضار شاف فيها بانتباه حرك راسو باه)
أمينة: عرضت لبنات وحدة بوحدة
اورطيغا: (كمش عينو فيها وهي كتبسم) لا حولة (وتم خارج داي معاه طبسيل لعشا للكوزينة عاد مشا الحمام هي ناضت تجمع داكشي خرج عندها)
اورطيغا: انا نصيفطلك الدري يتقدا ليك فصباح شنو تبغي
أمينة: الله يرضي عليك اولدي.. (هي دخلت لبيتها وهو دخل لبيتو نيشان مصوني على ملاك يهضر شوية باش ينعس بكري…)
اورطيغا: باش تتعمري وقتك فالليل
ملاك: اممم (كتفكر) بيك
اورطيغا: قبل منبداو نهضرو
ملاك: افلام مسلسلات عندي طابليط كنتفرج فيها
اورطيغا: شنو النوع للي تتبغي
ملاك: كل مرة وشنو
اورطيغا: عندك نتفلكس
ملاك: لأ (جاها ميساج فيه جيمايل والكود ديالو) ميغسي
اورطيغا: باش نبقاو نتفرجو بجووج
ملاك: هه اوكي متبع شي مسلسل؟!
اورطيغا: دابا تنتفرج فواحد “panshee” واخا طويل زوين غير هو الا بغيتي تفرجي خاصك تكوني بوحدك ودايرة لكيت وباك ميكونش فالدار
ملاك: (هزت حاجبها) علاش؟!
اورطيغا: (متبسم) فيه القرطاس والاكشن
ملاك: (ممتيقاهش) اممم (بقا كيصيفط ليها عناوين المسلسلات كملو جموع حتى جاها نعاس هبطت وحتى هو غينعس بكري دخلت وتكات فالسداري ضرها راسها علاش لدابا مجبدش ليها حس سفر واش زعما الأمر منتاهي عندو ومغتسافرش خافت تفارق معاه على حساب هادشي!!)
~~~~~~~~~~~
يوسف: (دخل للدار هو وخديجة هي طلعت تبدل حوايجها دايرين ليهم الخاطر يجلسو معاهم هاد الايام قبل ميسافرو لمراكش، قلب بعينيه) فين غيثة؟!
الغالية: (مشوشة عليها بزاف حيت مكتجاوبهاش.. جاوبت علدي) خرجت عند شي صاحبتها
يوسف: شكون؟! قبيلة مبغاتش تخرج معانا قالتلي مريضة!!!!
الغالية: راه جات صاحبتها حتى لهنا وخرجتها بالزز
يوسف: بالزز!! (دار التيليفون فودنو وجاوبت) فينك
غيثة: انا جاية اخويا
يوسف: فين كنتي
غيثة: راه قلت ليك انا قربت للدار (قطعت وشافت فادم) الا بغيتني نعاود نتلقاك متعاودش هداكشي
ادم: واش نسيتي راه نتي للي بقيتي تتبوسيني اللولة!!
غيثة: (سكتت حيت معاقلاش) واخا انا منعاودش
ادم: (لعب بصبعو فوجهها) ولكن عجبني الحال (باسها بوسة صغيرة فشنايفها) تتعجبيني اغيثة
غيثة: (بعدت راسها بشوية) خويا تيتسناني ادم
ادم؛ غدا شوفي كفاش نتلقاو
غيثة: واخا (كانت قريبة للدار خرجت من الطموبيل دايخة كتحاول توݣض عاد تمشات لدارهم متبعها ادم للي حتى دخلت عاد مشا دخلت للدار وهو يوقف عليها يوسف مخنزز ياله غيهضر بعصبية شافت فيه)
بفففف البوليس عاود شنو شنو بغيتي؟!!
——————–
غيثة: بففف البوليس عاود شنو شنو؟!!؟
يوسف: (مصدوم فيها عمرها هضرت معاه هاكا) كفاش؟!
غيثة: شنو بغيت ايوسف!!! عيانة باغا نعس علاش ديما واقف علية هاكا بابا ومتيديرش هاكا ها هي ماما متتقول والو علاش نتا بالظبط غير خااانقني فحيااتي!!!!!
يوسف: (بقا كيقرب ليها بغات تبعد وهو يشدها من عنقها الغالية ناضت كتجري وحتى خديجة يفااكو)
غيثة: طلق مني!!! طلق ايوووسف
يوسف: (بعصبية كيقربها يشمها واش شاربة كامية!! ريحتها عادي باغفان ديالها!! دفعها من عنقها مشات معنقاها مها)
الغالية: شنو هاد الاسلوب تدير مع ختك؟!! (مرضااتش كتشوف فخديجة وتشوف فيه) هاكا انا ربيتك تضرب ختك صغيرة وهي مدايرة والو
يوسف: فين كنتي؟!
غيثة: (كتبكي جهلت) ماشي شغلك نكون فينما بغيت شكون نتا للي تهضر معايا وتحاااسبني
يوسف: (مصدوم فيها هي للي عمرها حتى هزت العين فيه، غوت عليها)
فين كنتي؟!!!!!!
غيثة: ماشي شغلك (قالتها بشوية شادة عنقها) حماار (طلعت لبيتها والغالية شادة ولدها كتعاتبو دخلت لبيتها وسدت لباب بالساروت بقات كضرب فوجهها وراسها وغير كتبكي كتحس بألم كبييير فقلبها وراسها غير كيتقاال عليها صونات على ادم تفهم منو شنو واقع معاها واخا عارفة ولكن مبغاتش تعرف مجاوبهاش!!)
خديجة: (جرت يوسف للجردة بالهداوة لي بقا مصدوم فغيثة) يوسف نتوما بجوج معصبين حتى تبردو وهضرو دابا غير غتزيدو تضاربو
يوسف: اورطيغا عندو الحق خاص نحضيها مزيان
خديجة: علاش شنو قالك
يوسف: (مخرج عينيه) قالي ختك غضييع الا مرديتوش ليها لبال!!
تكون تتعاطا؟!!!!
خديجة: مسمعتكش!
يوسف: غدا منقدرش نسافر اخديجة!! منقدرش نمشي ونخليها هاكا
خديجة: ماشي مشكل سفر ملحووق نتا غير برد وفهمني شنو واقع؟! باش نفكرو مزيان
يوسف: متأكدة؟!!
خديجة: يوسف راه زواج هدا ماشي مزوجاك غير باش نسافر ونتسارا مشاكل ديالك هوما المشاكل ديالي!! ياله لبيتنا وتهدن شوية وفكر بلعقل واخا!!!
يوسف: (بامتنان هز يدها باسها جات مع الغالية خارجة كتقلب عليه وكحلت بلعمى دخلت مكضويييش كتر من للي كانت…)
~~~~~~~~~~~~~~
وفاء: (مشات لساتيام قطعت لأݣادير باغيا تبعد على كولشي وترتاااااح… صونات عليها بريڤي عرفاتو هو جاوبت)
شنو مزال باغي
…..: وفاء انا ندمت على شنو درت ليك داك نهار
وفاء: حتى انا ندمت علاش رجعت تقت فيك
….: عطيني غير فرصة أخرى انا فاس بغيت نشوفك
وفاء: غير نسا ديك الهبيلة لي كانت كل مرة كتيق فيك مااتت نهار عطيتيها لصااحبك اشمااتة ولكن الدنيا كدووور.. (قطعت.. تفكرت من مور متعتقت من الانتحار عينيها كانو كيشوفو غير ظلام ندمت علاش مشات تبعت داك طريق كانت بغات تآذيييه ولكن كانت كل ليلة هي للي كتخنق وتآذا وممرتاحاااش تمنات تكون فكت عليها داكشي باش يبعدها وتعيش حياتها مرتاحة شوية…)
أصبحنا وأصبح الملك لله…
يوسف: (منعسش بالفقسة على غيثة كان هاز ليها الهم غير على لباسها والتفتح الزائد!! دابا طورت وكلام اورطيغا مكيبشرش بالخير خلا خديجة ناعسة للي شحال وهي كتواسيه فالليل وسمحت فسفر للي واعدها بيه غير على قبلو لبس حوايجو خلا ليها ميساج حيت نعست معطلة معاه الفطور منين تفيق غيجيها للبيت..
لقا باه جالس فالجردة مشا جلس معاه شوية عاد خرج مشا لبنسودة فين غيلقى اورطيغا حيت عرف من شريف راه رجع لخدمتو بقا متسع مصيفط غير دري يكلمو خرج لابس بوط ميكا وطابلية عامرة بالدم، وحتى يديه للي كيمسحهم مشا حداه سلم غير محرك راسو باش ميوسخووش) الله يعاون
اورطيغا: اش تدير هنا؟!
يوسف: مراد قولي باش عرفت غيثة داك نهار فلبواط شكون شافها
اورطيغا : واش وقعت شي حاجة؟!
يوسف: داكشي للي قلت هو للي كاين
اورطيغا: (زفر) مقالهالي حد، هي داك نهار صونات علية مهم تتقول شي هضرة انا سايست معاها عرفتها فين كاينة مع قطعت صيفطت لأشرف خوك ميساج فين هي، وباينة مقالو ليك والو
يوسف: (حرك راسو باه معصب) مقالولي والو
اورطيغا: واا كنتي لهيه وعريس يمكن داكشي!!
يوسف: خصني نعرف معامن تتمشا هي عمرها كانت هاكا
اورطيغا: ماشي اليوم مسافر؟!!!
يوسف: أجلتها، (كانت باينة فيه مدمر)
اورطيغا: سير معاها دقة دقة نتا عارف غيثة تتجي غير بالخاطر والكلام زوين قربها منك وهي غتݣر ليك بكولشي الا تعصبتي غتدير منك اطونسيوو
يوسف: (زفر) ان شاء الله، باقي خدام؟!
اورطيغا: (بعياء) خوك من الفجر وهو هنا باقي شي حاجة قليلة ونهبط المحال بلاتي دوز عندي راه حتى مرتك غتكون عند مي
يوسف: ان شاء الله، انا نمشي دابا (توادع معاه ورجع الفيلا لقاهم كيفطرو مشا جلس كانو عاديين بحال مواقع والو وهادشي كينيرڤيه من لداخل ديالو مقدرش يفطر) فين غيثة؟!
الغالية: فبيتها، مال مرتك منزلتش تفطر؟!
يوسف: (مسح على وجهو بعياء، مشا للكوزينة وصاها تقاد فطور للي كتبغي غيثة هز بلاطو وطلع لبيتها كانت مظلمة ومزال ناعسة مشا حل السرجم حط لفطور فوق كوافوز جلس حداها كيتلمس على وجهها عاد كيلاحظها ضعاافت شوية..)
غيثة غيييييثة!!!!
غيثة: اممم
يوسف: نوضي تفطري
غيثة: (حلت عينها بشوية غير شافتو هو تفافاات) يووسف!!
(جلست مقادة وكانت جامعة شعرها سفنجة بانت طبعة صغيرة فعنقها تحت ودنييها شافها وحنا عينيييه داير عين ميكة)
شنو!!! يوسف (صوت كيرجف) انا والله لبارح مقصدت
يوسف: ششش شنو تبغي ليكخيب بعسيلة ولا شكلاط
غيثة: (شافتو مقاد ليها كولشي حتى بقات كتبكي هو قربها لعندو كيعنقها)
سمحلي على لبارح والله منعاود نغوت هكاك معرفت شنو وقع لي عفاك متقلقش منك نصبر لكوولشي الا تقلق مني نتا….
ملاك: (كانت خدمة قلييلة موالفة كيصوني عليها فهاد الوقت ويهضرو ولو غير 5 دقايق، حدو صيفط ليها صباح الخير واخا صونات مرجعش صونا كان ديجا فالليل قال ليها غيكون مشغول)
ولكن ميتشغلش علية!! واش عاد زمر كيبغيني ولا شنو؟!!
(كملت نهارها وهي كنحلم غير بهاد تسافيرة وخاصها تشري باش تعوم وشي لبيسة ولا جوج…. وصلت 2 عاد صونا)
الوو
اورطيغا: الفونووون صاڤا
ملاك: (تبسمت) الحمد لله ونت؟!
اورطيغا: وا تسخسسسخت!!! مزال نتي فالخدمة؟!
ملاك: مزالة
اورطيغا: والله مكرهتش شي بيرو وجوج ستيلوات ونرتاح مع قبي
ملاك: غتجيك مملة انا دابا بحال فشي حبس كنتسنى غير امتى يطلقونا بعدا نتا محلل رزقك هه
اورطيغا: (تبسم) فين غتشديها
ملاك: بلاتي معروضين عند مك
اورطيغا: مك اجدك؟! تبقاي تقولها طاتي أمينة غتزيد تحبك
ملاك: وعلاش تحبني هي؟
اورطيغا: حيت ولدها زاالق فييك، (بدل نبرة صوتو) تتنخنق املاك
ملاك: هههههه
اورطيغا: هه هانا على الشيخة ديالي
ملاك: ههه منقدرش نقولها طاتي
اورطيغا: تعلمي ازين (جا عندو واحد كيهضر معاه كمل وهو يسكت الطموبيل) ******
ملاك: (بعدت ودنها من هاد تخصار الهضرة) باسم الله عليك عاد كنت صحة سلام
اورطيغا: حتى كملت والحاج جايبلي بريكول بحال ق****
ملاك: وااااا مرااااد شور شوية
اورطيغا: بلاتي ونهضر معاك (قطع مكره وهبط من طموبيلتو مشا يشوف هاد الكموند!! اما هي وصلت 3 وهي تسلت لقات مريم جات عنقتها موحشاها بقاو مجمعين حطت ليها مها لغدا تغدات وبقاو مجمعين وصلت 6 دالعشية لبسو حوايجهم باش يمشيو لفاس ملاك كانت دوشت ولبست ديباردور بيض مع اونصومبل واسع شوية فلماغو جاي مريح لوات شال عليها بستيل تركي دارت عكر خفيف مع أيلينر ممعيقش رشت بارفان مرة وحدة حيت مبقالهاش)
ملاك: بففف خاصني نشري ريحة
مريم: هاي هاي على زوينات
ملاك: (تبسمت) هكدا كلبس ديما (لبست صندالة عالية) واش كملتو خاص نعلمو بابا
زهرة: قالي بابا تدينا نتي هو حتى يلحق بينا فالليل يمكن
ملاك: حسن، زعما هو دابا فخدمتو وحنا باش ناخدو راحتنا تماك
زهرة: (دخلت ملبسة أنير) والله يا مك نوصلو لتماك وتقوليلي عندي شي غراض خاص شي حاجة حتى نحك لمك لحروور مزيان تبارك الله وعلى من على واحد كيقولك مال مك من البدية
مريم: ههه شكون
زهرة: وتعرفي هادي كتعاود!!!
ملاك: بففف (خرجت من حداهم مشات لحدا لباب صونات عليه مجاوبش حتى جات مها ختها مرت عمها وبنتها ومرت حنينها مشاو للطموبيل ركبو جا عندهم رشيد كيظحك)
رشيد: اوا المسامحة بانلي غتمشيو جملة!!!
زهرة: هاد الكرسي دأنير رجعيه اللور ابنتي باش يكفيهم يجلسو (رجعو رشيد الكوفر هي جلست حدا بنتها وكولشي اللور مريم شادة أنير) حتى نعيط عليك هي راه دايرة بحساب لعشا
رشيد: ياك قلتو غير عشية
ملاك: بحال عشية بحال الليل اصلا خالتي أمينة كتحط لعشا بكري وانا نجييبهم
زهرة: ههه بسلامة (ديمارات طلقت ليهم الملحون) زوينين هاد الاغاني سنيييين متصنت عليهم
ملاك: شحال وليت كنحماق على هاد ستيل!! أذووووووب
زهرة: اممم (كتفرج فطريق صايݣة بشوية باش مدوخش مرت جدها وماشيين مجمعين وصلت لفاس اختاصرت طريق ومشات لدار زهرة)
عقلتي على الدار
ملاك: حيت باينة وصافي
(قلبها ضرب بقات واقفة دوزيام بوزيسيون على متقلب على بلاصة غير لقاتها مشات حطاتها ونزلو دازو من حدا المحال كان عامر ولكن مكاينش هو)
زهرة: بنتي شكون يهز السكر
ملاك: نتوما انا نمشي لشي باتيسري
مريم: ولايني مبقيتيش كتحشمي
ملاك: ونهز انا جوج كراطن؟؟! (بقاو مناقشين غير على لكراطن مشات باتيسري جابت ليصواري داكشي منوع مشات عند العساس)
قالك مراد الݣزار طلع لدارهم دوك جوج كراطن
(مدات ليه 10 دراهم مشا هزهم دخلهم للمصعد وطلعهم وهبط عاد طلعو هوما)
مريم: شنو قلتيلو؟!
ملاك: قلتلو تعاون معايا ودورت معاه عادي.. (قلبت تيليفونها كان ميساج من عندو انه يوصل للدار ويصوني عليها)
انا سبقتك للدار
اورطيغا: ااااح وتكون بالصح
ملاك: ههه رجوع الله كاينة انا وطاسيلتي
اورطيغا: سيري لدار الليدو
ملاك: تحمستي شوية
اورطيغا : مكرهتش ( ظحكت من ميساجاتو وصلو لعند أمينة سلمو عليها كيعزيوها مدت ليها الكرطونة)
أمينة: بلاش عليك احبيبتي.. عذبتي راسك
ملاك: ها (معرفت متقول) بالصحة والراحة (دخلو جلسو صونات عليها خديجة)
حنا وصلنا..
صافي واخا (قطعت)
جاية خديجة
مريم: توحشتها (بقاو مجمعين كانت الطبلة محطوطة مقومة داكشي من المملحات للحلويات اتاي قهوة عصير كول خير ربي حطاه بفرحة زبارتهم ليها، سمعو الساروت فلباب)
أمينة: غيكون ولدي جا (تسد لباب) مرااااد مرااد
اورطيغا: (حط سبرديلتو دارها فبلاكار لبس صندالة باقي حدا باب الدار) سلام عليكم…
اورطيغا: (كان ياله جاي من الݣرنة مشا حداهم للبيت بتيشورت كحل وسروال بارا داير كاسكيط، وريحة ذبيحة فيه دور عينو وملاك كتشوف فيه معجبة مغرمة متبسمة)
سلام عليكم
الكل: عليكم السلام
زهرة: لباس عليك اولدي؟!
اورطيغا: الحمد لله الآلة زهرة نتوما بيخير، (شاف فيها) ملاك صافا!!
ملاك: (صدمها محسابش ليها غيوجه الهضرة ليها) الحمد لله اخويا ونتا
اورطيغا: حمدالله، (تبسم زعما حيت بقا بعيد مصالحش يدخل) سمحولي ياله جاي من الخدمة
زهرة: دخل اولدي دير الݣوتي (أنير ماد يديه لييه) ههه عقل عليك
اورطيغا: راه ولينا صحاب (ملاك كتبيضهم بيض بيض.. خرج مشا لبيتو تابعاه مو)
سهام: خخخخخ ريحة مجهدة داخل بيها يا لطيييف!!!
ملاك: (ضارت مخنزرة فيها باغيا تاكلها جات تهضر)
زهرة: لا مزيان تبارك الله فعشهم وكنجلدوها فيهم لا لا مزيان اسهام
مريم: حشوومة امرت عمي
مرت الجد: من فمك لودن راجلك غير صبري
سهام: أويييييلي ونتوما ضرتو فية كاملين!!! (بدلو الهضرة منين جات أمينة للي مستاانسة بيهم تدق لباب دخلت خديجة وغيثة للي حشمانة من أمينة بزااف دخلو حتى هوما ملاك تفاجئت بحضور غيثة ولكن هنا غيبان واش حتارم هضرتها!!! شافتو فالممر دخل للدوش)
أمينة: ملاك كولي احبيبتي ياكما نجيبلك شي حاجة اخرى
ملاك: لا لا بلعكس اخالتي الخير موجود تبارك الله (هزت حلوى كلات منها ودوزت بأتاي شافت فغيثة كانت لابسة كسوة مبين صدرها وسيقانها طالقة شعرها دايرة ميكاب خفيف وباغفان عااطية حتى هي شافت فملاك وتبسمت)
صاڤا!! (تحصلت)
غيثة: الحمد لله متتسولي مواالو
ملاك: مع رجعت لصفرو بقيت مبرزطة مع الخدمة وصافي
غيثة: حتى انا غنبدا الخدمة السيمانة جاية ان شاء الله ولكن اجي نجلسو شوية
ملاك: ضرووري.. ان شاء الله (شافت فخديجة) كنتو غتسافرو اليوم؟!
خديجة: يوسف خرجت ليه شي خدمة وأجلناها
غيثة: (زادت حشمت من راسها سمعت باب تحل كان هو خارج من الدوش لابس حوايجو وريحة زوينة عاطية لاوي على عنقو فوطة شحال توحشاتو دخل لبيتو نيشان زاد قلبها ضرها)
ملاك: (وصلها ميساج من عندو قبل متقراه عارفة شنو فيه تبسمت وهي كتقراه) “اجي عندي”
(رجع كتب ليها)
“جيبيلي شي لعبة نحنجرها”
اورطيغا: اجي عندي…
جيبيلي شي حاجة نحنجرها!!
ملاك: (تبسمت كتبات ليه)
“اجي كول معانا الدار داركم”
(هزت راسها لقات غيثة كتشوف فيها قلبت وجهها لمها كان أنير شاد فقاسة كيغزغز فيها غير شافتو بقا كيظحك ويغاغي)
ههه مسحيلو اماما فمو
غيثة: شنو سميتو
زهرة: أنير
غيثة: سمية زوينة بزااف، احم طاتي فينو اورطيغا ؟! (ملاك شافت فيها)
أمينة: فبيتو كيرتاح
زهرة: قاديلو ياكل أمينة
غيثة: انا نوض نقادلو اطاتي (ناضت مشات للكوزينة ملاك شافت فأمينة زعما شنو هادشي!)
امينة: انا نوض (ناضت مشات للكوزينة لقات غيثة كتقادلو) بنتي سيري جل.. (سمعت اورطيغا دخل لبيت) صافي ها هو ناض يجلس وياكل
اورطيغا: (شاد انير مجلسو على رجلو فكرسي كيلعب معاه باسو فحنكو وشاف فملاك غمزها غمزة خفيفة) شنو ازرييقا متوحشتيينا مجيتيي عندي (ملاك شادة تفرنيسة غير بالسيف كتحس بفمها تعوق بكترة مظاحكة وغير شنايفها للي مجموعين)
الوالدة
أمينة: (جابتلو داكشي فبلاطو ووقف) هانا اولدي
غيثة: اورطيغا (شاف فيها تبسم محرك راسو تهزت مادة حنكها وهو ضار عند زهرة)
اورطيغا: معليش نديه معايا للصالون
غيثة: (خرجت عينها مصدومة محرجة خلاها بلاكة عاد دار عندها معرفت متدير!!)
اورطيغا: (عاد ضار عندها) غيثة صاڤا!!!
ملاك: (دارت رجل على رجل مرتاحة هازة كاس أتاي كتشرب منو وكتفرج)
غيثة: بغيت نهضر معاك
اورطيغا: واخا، الوالدة اجي معايا (شاف فغيثة) جلسي جلسي اختي رتاحي (مشا للصالون وامينة براسها معاجبهاش هاد التلسااق وكتشوف ولدها مبعد وهي لاسقة مبغاتش تخسرها ولكن الا بقات هاكا غيدور فيها شي دورة خايبة وعاد هي كتقلب غير كفاش تعتقها من داك ادم، مشاو للصالون حطو فالزربية وهي حطات داكشي فوق الطبلة)
علاش معيطة لها!!! واش مزال الوالدة مبغيتي تفهميني؟!
أمينة: والله اولدي معيطت ولا هضرت معاها جات مع مرت خوها واش نمنعها؟!
اورطيغا: (بقا كيݣمݣم هي مشات وهو بقا شاد الخاطر لأنير كيلعب معاه صيفط ميساج لملاك باغي يشوفها)
بغيت نشووفك الوزغة ضرووري
ملاك: قرس أنير فرجلو وانا نجي حيت كيبكي…
اورطيغا: (خرج عينو فالميساج كتب ليها) مجرمة!!!
ملاك: هههه (جمعت الظحكة وشافت فالي كيشوفو حداها) واحد الڤيديو ظحكني (جمعت التيليفون ومها مقوسة عينها فيها ناضت خديجة جابت لاطاغط شادين فيها واش كاين لي كيعزي بطاغط)
غيثة: شافتها قالت والو ناخدووها
أمينة: يجيك الخير وربح ازين
زهرة: (أمينة جابت طباسل معاوناها خديجة قطعت ليهم للي بغا مجمعين) عطي لولدك من الحلوى
غيثة: اه اورطيغا تيبغي الشوكولا
أمينة: (قطعت مورصو منها دارتها فطبسيل) ملاك حبيبتي واخا توصليها لمراد راه فالصالون
ملاك: (شافت فمها للي حركت راسها باه وناضت متبسمة) نيت نشوف أنير ونجيبو..
( غيثة غير كتشوف تصدمت فأمينة علاش تسبق ملاك وكفاش ملاك للي تاخد لولدها!!! مشات للصالون لقات اورطيغا متكي على ظهرو وحاط أنير فوق كرشو كيلعب معاه)
هههه للي شاف شي يقول الله يستر
اورطيغا: (هز راسو فيها) انها الشرييرة يا ولدي فلنهرب من طغيانها
ملاك: (دارت ظحكة شريرة) هاهاها….
هههه جبتلك الحلوة
اورطيغا: تنشوف جوج حلواات تماك
ملاك: تأ!!!!
اورطيغا: اجي قربي (دخلت لحداهم حطت الطبسيل فوق الطابلة وجلست فالسداري هو جلس فوق الزربية طالق أنير كيحبو وهاز راسو فيها متبسمة كتهرب من شوفااتو حتى عض شناافتو)
ملاك: احم متاكلش
اورطيغا: (بعينين نايمين) مسخسسسسسسخ متوكلينيش؟!
ملاك: (حركت راسها بلا جا أنير لرجليها كيتعلق باش تهزو، هزاتو)
اورطيغا: (ربع يديه طالق رجلييه كيشوف فيها باغي يتقرب منها ولكن شاد راسو بالسيف)
نوضي نشوف لبيسة
ملاك: هه لااا
اورطيغا: وا غير غنشوف مغنقيسك موالو عجبني ستيل بغيت نشوف مزيان (وقفت هازة أنير) دابا عاد طاح حبك على زريقة
ملاك: ههه (جلست) مغتنزلش للمحال؟!
اورطيغا: شنو بغاك داك الكيدار البارح؟!
ملاك: كنت واقفة مع بابا كنهضر حتى جا هو بقا كيهضر معاه معجبنيش الحال كيبغي يدخل فحوايج مشغلوش وانا ندور فيه وحتى بابا ضار فيه
اورطيغا: مزال تيتعرض ليك!!
ملاك: (حركت راسها بلا مبعدة على المشاكيل)
اورطيغا: متأكدة!!! متخبعي علية والو املاك
ملاك: اممم (بغات تهرب من الموضوع) رتاحيت فاش مشيت لهيه منين خيمت!!
اورطيغا: مزيان..
ملاك: (أهم موضوع مزال منطق بيه) انا نرجع
اورطيغا: (حرك راسو باه) غير حطي أنير خليه معايا، وعطيني الله يحفظك داك الطبسيل
ملاك: (حطت أنير ومدت ليه طبسيل معرف كدار عكلها برجليه جابها جالسة على رجليه والحلوة جات على الزربية)
اويييلي!!!
اورطيغا: (بغات تنوض شدها من خصرها مقرب لوجهها كيشوف فيها بعينين نايمين، منطق بوالو وهي كتعصر تنوض مكملاش 5 الثواني خلاها ناضت معصبة كتقاد حوايجها) بسسس
ملاك: (مخرجة عينها فيه معصبة كازة على سنانها)
متعاودش دير بحال هاكا
(خرجت من تماك وهو كيتبسم مشات لحداهم اما هو ناض هز الحلوى ونجر الشكلاط بالمعلقة قبل متجي أمينة تحيح عليه ناض كلا وكيوكل معاه أنير، اما هي لقات خديجة كتوصل داكشي للكوزينة بقات كتعاونها)
أمينة: اويلي استغفر الله حشومة لبنات جايين معروضين وينوضو يجمعو
زهرة: عادي اصاحبتي لبنات كيتعاونو
أمينة: دارهم هادي غير!!
(غيثة شادة تيليفونها مهزتش عينها فيهم كتميساجا تبدل ليها لمزاج جاتها نوبة غضب شادة راسها غير بالسيف!!)
ملاك: (باقا كترجف من داك التقرب خديجة بقات كتغسل دوك الماعن حتى كتشوفو دخل هاز بلاطو واكل كولشي قلبت عينها مقلقة)
اورطيغا: عطيني سوارت طموبيلتك
ملاك: (كضور عينها) علاش؟!
اورطيغا: عطيني (بقات كتشوف فيه جاي يقرب وهو كيتبسم اما خديجة دايرة راسها كأنها مكينااش شادة الظحكة بالزز)
ملاك: صافي صافي انا نجيبلك
اورطيغا؛ (مشات من حداه مضيق عليها فين تحرك ودازت تحت ذراعو شاف فخديجة) خديجة صاڤا؟
خديجة: الحمد لله اخويا ونتا؟!
اورطيغا: (كب لما وشرب) الحمد لله.. (جات ملاك عطاتو سوارت)
ملاك: واش بغيتي تشوف ديك المشكل للي فالطموبيل ياك (مخرجة عينها باش ميعيقش قدام خديجة)
اورطيغا: (تبسم شد من عندها سوارت وشد يدها بنفس حركاتو وهي مخرجة عينها كتنتر بدون صوت حتى هزت موس من فوق البوطاجي هز يدو بجوج باستسلام كيظحك رسل ليها قبلة صغير زادت مخرجة عينها وخرج من الكوزينة كيظحك ضارت خديجة لقاتها هازة الموس وهي طرطق بالظحك)
خديجة: ههههه
ملاك: (بعصبية) تهجريييه تهجريه تهجريييه ***
اورطيغا: (لبس كاسكيط ديالو) الوالدة انا خاارج (مشا هز أنير من الصالون وعطاه لزهرة) خاصك شي حاجة
امينة: الله يرضي عليك اولدي
غيثة: (متبعاتوش هاد المرة مبقالها فين تبعو يمكن أمينة عاودات ليه حيت ميمكنش شحال قالب عليها كانت غير كتشوف فيه خرج من تماك وهي شادة دمعتها بالزز)
انا غنخرج اطاتي عند صاحبتي ورجع (مشات للكوزينة) خديجة انا خاارجة
خديجة: واخا متعطليش
غيثة: لااءء.. ملاك ياك مزال هنا (قالتها وهي مكرهة لوخرا حركت راسها باه) اوكي (مشات خرجت صونات على ادم دارت تلاقا معاه ولكن مكاينش فاس وراها فين تمشي غيعطيها الحبة، عارفة انها كتشرب شي حاجة ماشي هي هاديك ولكن ديك الحبة عاوناتها بزاااااف…
اما هو قطع معاها كان مع شريف فالقهوة)
ملاك: (متاقتش واش غتكون مشات عندو ولا دايرين يتلقاو حتى سمعت خديجة كتهضر مع يوسف)
خديجة: يوسف غيثة خرجت.. اه غير دابا.. قالت شي صاحبتها.. واخ
ملاك: شنو واقع؟!!
يوسف: (كان مبعد فطموبيلتو حاضيها ركبت فتاكسي ولحقها تفكيرو الوحيد شنو كدير؟!!!! وشكون هدا!!!
وصل لكافي كانت ماشي شي وحدة مشبوهة ولا ديال الشيشة قهوة عائلية فالسعادة، دخلت هو قلب فين يحط طموبيلتو مجا يهبط حتى لقاها خرجت مفهم واالو!! بقا فوسط طموبيلتو كيشوف واش خارج شي واحد من ديك القهوة معروف والو كانت الامور طبيعية شدت تاكسي ورجع تبعها وكانت الوجهة دار امينة!! تخربق فراسو زربت عليه!! هبطت منها وطلعت لدار منين هبطت، هبط من الطموبيل داايخ صونا على خديجة )
خديجة حبيبة غنزيد نبرزطك
خديجة: لا لا عادي قولي شنو كاين؟!
يوسف: بغيتك غير تحضي تصرفات غيثة وصافي اي حاجة علميني بيها
خديجة: واخ (قطعت وشافت فملاك) ها هي جاية
ملاك: خاصهم يردو ليها البال مزياان!!
يوسف: (دخل لمحال اورطيغا مكانش تماك صونا عليه مجاوبش صونا على شريف كان فالقهوة دار معاه باش يجي عندو باش يبقى مراقبها جا هو وادم للي العشية كاملة وهوما عاصرين فقهوة فالأطلس…)
~~~~~~~~~~
أميمة: (الحريق جهاااد عليها صبرت على للي كان كل 5 دقايق كيجيها ولكن دابا زادت الحدة وقفت) حمزاااااا حمزااا!!!! (غوتت حر جهد لحريق)
خالتي نجيييييييية
نجية: (مشات كتجري عندها) بنتي مالكي واش جاك الحريق
أميمة: المووووت امرت عمي الموووت
نجية: صبري صبري ابنتي (هزت تيليفونها صونات على حمزة تااالفة)
ولدي فينك..
مرتك كتولد اجي عندنا…
اجي داابا
(قطعت تسندت عليها داياها للبيت متكية فوق السداري)
تنفسي ابنتي مزيان ومتزحمييش
أميمة: (كتغوت) كنموووت كنموووت (كتبكي) عيطي لحمزة!! عيطي لماااماااااا
نجية: انا عيطت عليه ابنتي ها هو جاي
أميمة: (حريق مصبرااتش ليه غير كتبكي وكتألم وتختمها بلغوات…)
نجية: محسبناش مزيااان يمكن راكي فالتاسع
أمينة: (كتألم) معرفتش معرفتش (كتبكي وتغوت)
~~~~~~~~~~~~~
الغالية: (كانت كتشرب لويزة وجالسة دايرة رجل على رجل شادة تيليفونها كتفرج حتى دخلت شافتها ودارت حركة فوجهها معاجبهاش الحال)
الياقوت: طاااتي!!!!
الغالية: لا والو انا مقلقة منك بزاااف ديال بزااف!!!!
غيثة: (قبل مدق لباب صونا عليها) وي ادم
ادم: زين خديتي داكشي من عند لبنت!!
غيثة: اه بالصح عطاتني غير وحدة شربتها تماك فعصير ورجعت
ادم: (سلم على يوسف للي جاو عندو هو وشريف) من بعد ونصوني عليك…
~~~~~~~~~~“
خديجة: (مشاو للصالون كتشوف فهاد لبنت كيف كانت سااكتة حتى رجعت غير كظحك وتعاود على مها وتبعكيكها والمواقف المحرجة للي طاحت فيها بالعربية فرشت مها معاها)
ههه والياقوت؟؟؟
غيثة: (خرجت عينها) تتعرفيها حتى نتي
خديجة: لا ولكن شكون هي حيت من قبيلة ونتي كتهضري عليها ؟!
غيثة: الآلة الياقوت الإكس ديال يوسف كان تيحماااق عليها كولشي كانو موجدينو باش يتزوجو ولكن اصلا كانو بحال المزوجين ههه
خديجة: كانت ساكنة معاه
غيثة: تقريبا هداكشي علاش ناض بدل الاثاث ديال الدار كامل ههه باش ميتفكرهاش
خديجة: اممم اوا!!
غيثة: معرفناش علاش تفارقو ماشي تفارقو هي للي سافرت لدبي وخلاتو لدابا مقالش لينا علاش ولكن باينة وقعت شي حاجة ݣغاااڤ بيناتهم شتي انا من اللول كانت تتجيني داكشي بيناتهم فشكل!!
خديجة: بحالاش
غيثة: دابا فاش تنشوفك نتي ويوسف تتجيوني بالصح مزوجين ولكن هوما فشكل!؟! بغاو يديرو فيها ݣور صحة هههه
اورطيغا مكانش تيحملها
خديجة: اممم معليش كولها كيدي للي مكتاب ليه
غيثة: ولكن ماما متتحملكش !!!
خديجة: ههه عارفة
غيثة: وانا تنبغيها ولكن هي تتبغي غير راسها ويوسف انا عندها بحال شي بوبوية خاصها تلعب بية كيف بغات
خديجة؛ لا ماماك كتبغيك غير هي بغات تشوفك احسن وحدة
غيثة: انا ماشي احسن وحدة انا بنت عادية وصافي ماما مبغاتش تفهم انا ماشي برنسيسة
خديجة: نتي اميرة فعينيها هادكشي علاش (جات عندهم ملاك للصالون)
غيثة: (طلعتها وهبطتها) شنو بغا فيك اورطيغا وملقاهش فية انا
ملاك: (دورت عينها هزت حاجبها) نعام؟!
غيثة: واش نتي واورطيغا مع بعضياتكم، مصاحبين؟!!
ملاك: ههه شنو كتخربقي اغيثة
غيثة: (بحزن) مبقاش حتى تيبغي يهضر ولا يشوف فية واش نتي للي قلتيهالو؟!!
ملاك: (شقلبت عينها بعدم اهتمام) قالتلكم خالتي أمينة اجيو باش تحط لعشا (مشات من تماك وخديجة كتشوف فغيثة لي بقات سااهية مخرجة عينها)
خديجة: غيثة ياله نمشيو نتعشاو
غيثة: غير سيري انا جاية…
اورطيغا: (من بعد مكمل شغلو رجع للمحال كيراجع شنو فات وشنو دخل فالحسابات بقا شي ساعة ونص هو هكاك حتى كمل، هز تيليفونو صونا شحال عاد جاوبت بهمس)
زين متهبطيش عندي؟!
ملاك: واش حمق
اورطيغا: راه موحش فيك ابناادم هبطي نشوفك انا فالمحال
ملاك: (بقات ساكتة)
اورطيغا: ياله املاك باغي نشووفك ضروري غير 5 دقايق وطلعي مغنشدكش بزااف
ملاك: وراه غيحطو لعشا
اورطيغا: (تبسم) مزال لعشا أنا للي غنطلعو ومزال مجا، انا نتسناك فالمحال دخلي عندي نيشان.. (قطع ودخل لداخل حل لابتوب شي 10 دقايق لقاها دخلت عندو ضار متبسم دار إشارة باش تجي سدت هي لباب وقربت فاتح ذراعو)
ملاك: شنو؟! واش مكتعيااش ههه
اورطيغا: (حرك راسو بلا) اجي (مشات لجهة أخرى جمع يدو وضار لابتوب للي فوق لبوطاجي) شحال عندك دالخدمة هنا
ملاك: اممم قولي هكاك علاش جايبني
اورطيغا: (ضار ماشي عندها قبل متهرب حط يديه على البوطاجي وهي فالوسط قبل متهضر هزها كتغوت وجلسها فوق البوطاجي) غتشوهينا الموصيبة وحنا مدايرين والو
ملاك: (خرجت عينها) متعاودش تهزني، متعاودش تقييمي واش مكتفهمش امراد متعاودش تقيسني!!!
اورطيغا: واخ… (زاد مقرب ليها كيشوف مرة فعينها مرة فشفايفها) توحشتك
ملاك: ( حنات عينيها هز ذقنها شافت فيه باقية بابتسامة)
اورطيغا: (بنفس نظراتو للي نايمين بين عينها وشفايفها) فين باغية تسافري
ملاك: (كان قريب ليها بزاف حتى تلفها) لشفاون شفشفاون ههه الشاون
اورطيغا: (متبسم وباقي فنفس الشوفة) باغية تمشي
ملاك: (بصوت خافت كتشوف فعينييه للي كيجذبووها) بزاااف
اورطيغا: امتى؟!
ملاك: احم سبت وحد (دارت يدها على ذراعو) عفاك بعد شوية
اورطيغا: (زاد مقرب مهربة يدها عاض على شانافتو التحتانية من الجنب) معامن؟!
ملاك: احم مع الخدمة وو زينب خدامة معايا (كتشوف فشنايفو وفعينييه) بففف الصهد هنا؛!!
اورطيغا: (تبسم حتى تقوسو عينيه)
ملاك: وااااهضر امراد مقلتي والو على هاد المشية!!
اورطيغا: (كيهضر بشوية لدرجة كتبقى تشوف فشنايفو) مع الخدمة وغير يوماين معنديش مشكل نتي اصلا محتاجة تفوجي شوية (تبسمت فرحاانة) صافي غير عنقيني حاس بيك باغا تعنقي متحشميش
ملاك: هههه انا نطلع راه قلت ليهم غير نجيب الشارج من الطموبيل
اورطيغا: (بقا كيشووف فيها) صافي!! حتى انا حس براسي باغي نتشارجااا
ملاك: (صوت لداخل كتسمع غير بوسيه بوسيه بوسيه…)
عيط شي واحد مراد بقا على حالتو حتى رجع عيط
ملاك: (هزت حواجبها بحال كتوݣض) احم (حكت جبهتها)
اورطيغا: انا جاي (شاف فيها) انا رااجع متخرجيش،
(كيأكد) اوالله يا مك!!!!
(بعد من حداها خرج اما هي صاطت على راسها الهواا متبسمة وهبطت من تماك خرجت شافتو برا كيهضر مع شي واحد خرج عينو فيها وهي تبسمت وضارت طلعت للموبل متبعها بعينييه…)
اورطيغا: (بقا متبعها حتى طلعت كان متأكد غتهرب راه بدا يحفظها كمل مع السيد للي كان تريتور خدا من عندو العشا للي كان عبارة عن بسطيلة ديال دجاج كبيرة ݣميلة ديال لحم بالمعسلات علم مو باش توجد طلع داكشي حطهم حدا باب الدار وهو يصوني يوسف وشريف) فين
يوسف: كاين شي عشا
اورطيغا: كاين فداركم
يوسف؛ خويا انا تابع مرتي معروضة عندكم حتى انا نجي
اورطيغا: ههه مرحبا
يوسف: غنجيب معايا واحد ليتييم حتى هو
شريف: انا ماشي لدار خويا
اورطيغا: ياك **** دابا عاد بنتلكم (عرفهم راهم قراب علم مو اصلا الخير موجود حلت لباب ودخل معاها كانت ملاك فالكوزينة كتمسح معاها فراشط دارت راسها مكتعرفوش بقات مقابلة غير مع الروبيني حط داكشي معاها)
أمينة: نوضت ملاك مسيكينة تعاوني
اورطيغا: (شاف فملاك) متكرفسيش لينا على الأميرة ملاك
أمينة: وانا لمك جايبني من الموقف
اورطيغا: هههه
ملاك: (فرتست دخلت خديجة مكرهتش تزغرت بالفرحة وطلق شي ظحكة ديال الحمااق أمينة بقات كظحك هو خرج وبقاو كيوجدو داكشي غياكلو مجموعين ملاك غير مسحت طباسل ولفراشط ومشات جلست بقات خديجة كتعاون مع أمينة دخل يوسف وشريف للي حسابلهم غياكلو بوحدهم حتى عرفو كولشي غيتجمع تحط لعشا اورطيغا جر كرسي هاز أنير طول رجلو من بعد مشافها فين حاطاهم وبصباع رجليه سرح طالع مع رجلها من لتحت حتى نقزت شافت فيه وغمزها، خرجت عينها فيه مبعدة رجليها)
يوسف: (بقاو مجمعين حتى شاف فختو للي كانت غير كضور عينها بحال خايفة بحال تابعها شي واحد مفهمش مالها عاود!!)
غيثة حبيبة، صاڤا!
غيثة: لبس!! لباس الحمد لله نتا لباس عليك كداير مع الخدمة كدايرة خديجة؟!
يوسف: (تبسم كيشوف فيها رادها بحال تمازحات معاه اورطيغا كمش عينو فيها وللي جالسين تماك كولشي لاحظ الفرق!! بقات غير كتااكل وبشرااهة)
شريف: غيثة مالكي؟!
غيثة: والو علاش شنو بنت ليك دايرة مدايرة والو غير راسي تيضرني وصافي
شريف: اه كملي وشربي شي دوا (أمينة قلبت الهضرة معاودش هضروها كلاو الديسير وبقاو مجمعين)
زهرة: اوا هدا هو الوقت حنا نمشيو
أمينة: جلسو تباتو الله يعطيكم ستر
زهرة: لا والو اختي الله يخلف عليك
يوسف: نوصلكم؟!
زهرة: لا ولدي متعذبش راسك ها ملاك كاينة
يوسف: دابا طلقتي يدك مزياان
اورطيغا: (اذا هو للي كان كيعلمها!! شاف فيها بتخنزيرة لدرجة دارت راسها مسمعتش يوسف ضارت كتقلب على والو غير تهرب من ديك الشوفة)
يوسف: ملاك!!
ملاك: ها!! نعام اخويا ؟!
يوسف: صافي مزيان دابا فالصوݣان
ملاك: لا الحمد لله بابا علمني مزيان اممم نمشيو!!!!
كملو عشااهم واجواء مكهربة بين ملاك ويوسف للي كيهضرو واخا كولشي مجمع، خرجو من تماك مودعين أمينة هبطو لتحت هبطت خديجة معاهم واورطيغا مزال هاز الولد بعدت زهرة كتهضر فالتيليفون
اورطيغا: (مشا حدا ملاك كيهضر بشوية) غدا بغيت نشوفك
ملاك: (كتشوف بعينيها واش كتشوفها شي وحدة) معرفت..
اورطيغا: غدا غنشووفك شوفي شي وقيتة باش نجي ناخدك من الخدمة (عطاها سوارت طموبيلتها شافت فيه) واخا!
ملاك: (جات مها قلبت عاطياه بظهر كتعيط لخديجة) مزال نتوما متمشيو
زهرة: ياله ابنتي دغيا عيطت علية نجية مرت ولدها راها فصبيطار
خديجة: علاش مالها
زهرة: شدها وجع لولادة من فوقاش ومزال الحال عليها
خديجة: مسكينة
مريم: داك نهار قالتلي ياله عندها 8 شهور!!
اورطيغا: (مد الولد ليها) الا كنتو مزروبين نوصلكم انا ملاك خلي الطموبيل ديالك غدا عندي شي خدمة فصفرو ونجيبهالك (جات تهضر)
ياله ركبو اصلا بلاما تصوݣ فهاد الوقت
خديجة: اه اماما حسن وعرفتي ݣاع نتي كتبغي طموبيلتك تبات حداك يصوݣها يوسف ويجي مع مراد
زهرة: وعلاش هاد العذاب كامل منعذبكمش معايا اولدي
اورطيغا: (شاف فيها) قادة تصوݣي دابا؟؟ (ملامح وجهو كتقول قولي مقادراش)
ملاك: (بلعت ريقها) مااامــ.. راسي تيضرني وو
خديجة: (صونات على يوسف هبط طلعو لعيالات مع اورطيغا فالطموبيل شريف بقا كيدير لونكيط لغيثة لفوق)
يوسف: ملوكة اجي ركبي معانا
اورطيغا: (شيرلو بيدو خااسر) وااا سير اصاحبي مع مرتك طلعي طلعي نتي
(طلعو يوسف وخديجة كيظحكو على غيرة اورطيغا اما هي ركبت من مورااه على مكيتقادو فالركبة خرج يدو من مور الكرسي تبسمت وشدت فيه مع تسد اخر باب بعدت يدها جر يدو وصاݣ تابعو يوسف فطموبيلتها..)
يوسف: هاد الجوج بيناتهم شي حاجة ميحايدهاش طبيب ههه
خديجة: بحال والو هه ولكن متواتيين
يوسف: قوليلي شتي فضيحة دغيثة؟!
خديجة؛ ختك خرجت صحة سلام رجعت ماشي طبيعية ايوسف عندك الصح كتاكل شي حاجة
يوسف: مقالت والو
خديجة: أغلبية هضرتها على الإكس ديالك
يوسف: عفاك احبيبة متقلقيش من داك تخربيق
خديجة: لا غير واش بالصح كنتو ساكنين بجوج؟!
يوسف: (معجبوش الحال) كانت تتجي عندي هاد تخربيق مبغيتش نهضر فيه احبيبة
خديجة: اممم مهم نتا فاش لحقتها؟؟
يوسف: والو رجعت لديك القهوة انا وشريف كان معانا حتى ادم متعقليش عليه مبانتلي حتى شي حاجة ماشي هي هاديك لدرجة السرباي سولناه واش كاين شي واحد تيبيع شي حاجة مفهم والو…
خديجة: يمكن للي عطاها هاكا كان داير معاها ولا شافت تابعها يا هي يا للي كيعطيها
يوسف: كنت بعيد ولكن بحال واالو!!!
يتبع
التعليقات 0