شريف: (كان مشا يصلي فالصالون جات عندو امينة) خالتي!!
أمينة: غتبات اليوم معانا
شريف: بلا منعذبكم
أمينة: الله يهديك اولدي راها داركم حتى نتا
شريف: (تبسم) ربي يخليك اخالتي (طوا الصلاية وحطها فوق السداري مشا للبيت أمينة دخلت للكوزينة تغسل الماعن.. لقا غيثة جالسة سااهية جلس حداها) غيثة صاڤا!!
غيثة: (كتشوف فيه) فين مشاو؟
شريف: مشاو يوصلو ضياف ياكما عييتي تبغي نوصلك
غيثة: اه بغيت نتكى هنا مغيخليونيش نعس حيت اورطيغا مبقاش تيحملني
شريف: لا لا مكاينش هادشي نتي راكي ختنا زوينة
غيثة: (لواش شنافتها التحتانية) بغيت نعس (تكات على فخضو جامعة رجليها عندها) عييييت
شريف: (خرج عينو كيبغي ينوضها وهي تشدو فرجليه وباركة على راسها) غيثة!!!
غيثة: هههه (هزت راسها شافت فيه) نتا ممصاحبش دابا؟!
شريف: (مبغاش يدير القوة معاها) نوضي بعدا (ناضت قافزة خلعااتو مقربة ليه) مالكي شنو واقع معاك
غيثة: (كتشوف فشنايفو حتى باستو فشنافتو التحتانية شادة فعنقو بيديها بجوج، بقا مصدوم فيها حتى رجعت تكات على فخضو وغمضت عينيها.. دخلت امينة لقاتهم هكاك)
شريف: ماااا مابغاتش تنوض (طل عليها كانت حلت فمها شوية ونعست)
أمينة: (ناض وقف شادلها راسها دارت وسادة تحتها ووقف)
شريف: انا كنت جالس حتى جات (كيبرر ليها) محسيت حتى نعست و..
أمينة: صافي اولدي خليوها ترتاح (خرجو من لبيت طفات الضو وسدت لباب كان محرج)
هاد لبنت غضييع خاص يردولها لبال
شريف: (مزال مصدوم فيها) معرفت شنو واقع معاها خوها حاضيها فالدخلة والخرجة
أمينة: اوا راه محاضي واالو مبقاتش فيتبعها خاصو يقرب منها خاص يتنقص حتى داك الفشوش شوية خاص مها ترد ليها لبال
شريف: (مزال مصدوم من البوسة) بالصح!! انا نهبط نتسناهم لتحت
أمينة: خليك اولدي هنا
شريف: لا لا معليش بغيت نتبرد شوية (خرج من تماك وهبط جلس فالكرسي فالجردة وعقلو مع غيثة للي بدات كتلاشي…)
اورطيغا: (كان طالق الموسيقى المعتادة عندو ولكن ناقصها حيت لوخرين كيهضرو، والهضرة كانت على نجية ومرت ولدها اما هو مرة مرة كيمد يدو من اللور كيقيس بيها ركبتها كيبغي يشدها ووالو كتبعدها تبسم حاضيها من لمرايا كانو فعالم ديالهم غير بوحدهم، وصلو لصفرو للحومة نزلو يوسف مشا حطلها الطموبيل فين وراتو خديجة.. هبطو وحتى هو هبط وقف حدا ملاك كيبغي يدير يدو من مور ظهرها حتى بعدت شافت فيه مخرجة عينها مع ضارت باها جاي سلم على اورطيغا ويوسف وخديجة شكرهم كانو باقيين مجموعين حتى شافو حمزة هاز شي صااك وماشي لطموبيلتو غير شافهم بقا كيشوف بين ملاك واورطيغا واقفين مجموعين مع مها وباها والعائلة مفهمش اش وقفهم مجموعين واش كيدير هداك تماك !!!!)
رشيد: حمزة امضرا اولدي؟!
حمزة: (غوبش) مزال.. مزاال انا عاد ماشي عندهم
اورطيغا: (عطا بظهر شاف فملاك) شوفي شي حاجة فلكوفر
ملاك: (تبسمت بدلع) شنو؟!
اورطيغا؛ حتى تشوفي ياله تحركي وعنداك تحاكي مع هاد الق***
ملاك: (موركة على هضرتها) بابا!!!
اورطيغا: ياله زلقي لداركم (مشا لطموبيلتو وتم يوسف جاي يركب حتى عيط بصوت مسموع) ملااك (شافت فيه مخلوعة اما لاخر بقا فطموبيلتو كيشوف)
سوارتك!!
ملاك: اه، احم (مشات عندو تحت انظار باها عطاها سوارت خايفة من شي لمسة اورجووو ساعة لباس سلمت على خديجة ومشات لطموبيلتها مع حلتها لقات باليزة صغيرة فلموڤ خرجت عينها ضارت لقات اورطيغا رجع باللور وبقا واقف تبسمت عاد ضار مشا هزتها وتمات لاحقة بمها جاراها)
زهرة: وهادي؟!
ملاك؛ كنت شريتها صباح نسيت مقلتهالكش!!!!
زهرة: امتى؟!
ملاك: وا زيدي حتى للدار
حمزة: (دخل لراسو ان علاقة ملاك وهداك قربت تكون رسمية منين واقف هاكا معاهم متسرطاتلوش خاصو يلحق لصبيطار كسيرا شاف طموبيلة ديال اورطيغا وقفت فسطووب وهو يجي قداامو ووقف ساد عليه طريق بالطوول لاخر غير شافو كسيرا جارو فطرييق)
يوسف: (شدلو لڤلون خاايف) مراااااااد مراااد!!!!
اورطيغا: (كيشوف فحمزة للي باغي يهرب بالطموبيل كيدور الڤولون دغيا وتعكساتلو كان حاكمو مراد حيت طموبيلو عالية على طموبيلة حمزة )
انا نوري ل**** علاش تيقلب!!!!
خديجة: عفاك اخويا مرااد ع….
خديجة: عفاك اخويا مراد حبس (شدت فكتفو كترغبو ويوسف حتى هو كيهضر معاه بشوية كطل غير شكون هداك كيبان ليها حمزة!!!)
يوسف: مراد واش باغي تخرج على راسك!! (اورطيغا وقف وطموبيلة حمزة بعدت رجع بيها اللور من بعد متحكم فيها)
لاااااا مديرهااش اصاحبي غيكون غير شي سكران ولا شي واحد مرييض واش باغي تخرج على مستقبلك دير عقلك امراااد
اورطيغا: (عقل كيقولو كسيري ضرب **** ولا عفسو غمض عينو استغفر الله اما حمزة بالخف ديماارا وهرب من طريق بقا غير متبعو والناس متبعين كيشوفو)
يوسف: شنو وقع ليك وشكون هاد الكلب
خديجة: (حطت يدها على قلبها بالخلعة ولكن مهضرتش ومقالتش شكون اذا يوسف منتابهش هدا هو ولد الحومة!! يمكن مكانش باين من طموبيلتو شافت فاورطيغا حيت مقربة فهمت انه طااايح بالمزيااان فختها ودايرين هو وحمزة عداوة عليها..)
يوسف: بنادم تيقلب على صداع واش تتعرفو؟!
اورطيغا: (ديمارا وزاد شاد طريق ساااكت ولكن من لداخل بقالو شوية وينفااجر)
يوسف: (مفهم والو، جاه ميساج من عند شريف صونا عليه) مشيت للدار؟! حنا مزال شوية.. لا فطريق.. صافي واخا.. هو صايݣ دابا (قطع)
قالك شريف مشا لدارو
اورطيغا: (حنحن باغي يبدل الموضووع) ياك قال غيبات اليوم عندنا
يوسف: هادشي للي قال!! واش تتعرف هداك الحيوان
اورطيغا: هو للي مزال متيعرفنيش (بقا ساكت ويوسف وخديجة كيهضرو فموضوع اخر، وصلو طلعو للدار كانت أمينة كتسناهم باش تنعس حتى كيتفاجئو بغيثة ناعسة تماك)
يوسف: انا نوضها
أمينة: علاش اولدي خليها مرتاحة
اورطيغا: صافي انا نمشي لعند شريف (عاد فهم علاش مشا)
يوسف: مكاين لاش نعذبووكم
اورطيغا: تا خلي لبنت تنعس عادي اصاحبي (دخل لبيتو هز صكادو ديالو وخرجو هوما مشاو لدارهم عالم مو شنو واقع واخا مبغاتش ولكن صافي لبنت نعست واورطيغا مشا عند شريف للي علمو بضروري باش يجي)
اورطيغا: (مشا عندو لدارو كان ساكن ف””مونفلوري”” كانت دار زوينة مأثثة دخل غسل يديه رجليه راسو صيفطاتلو ملاك ميساج كتسول واش وصل وبمعنى راها فسطح كتسنى كتب ليها ميساج كاااعي)
زين غير هبطي من سطح مصالحليش نهضر معاك حتى لغدا ونجي عندك تصبحي على خير…
شريف: (عاودلو بالديطاي شنووو وقع مع غيثة حتى من البوسة) ما فيهاش واقع ليها شي حاجة
اورطيغا: بابنة ديك الحالة ديال شي وحدة تتضروݣا!!!
(بتأسف) غيثة!!!
شريف: زعما؟!
اورطيغا: داك نهار فاش عيطاتلي كانت يمكن شاربة ودابا على للي سمعت كتكون صحة سلام حتى تتسيف وتبقى تبلبل وراك شفتي قبيلة باين كضرب الحب
شريف: لا لا ميمكنش!! معرفتش!!! يوسف تيظل يتبعها
اورطيغا: غير يزيد يتبعها طيح طيح من غير الا داكشي كان تيجيها حتى للدار ولا شي واحد قرييب للي ميتشكش فيه
شريف: (مصدوم) غيثة!!!!
اورطيغا؛ من اللول داك الفشوش بزااف مصاالحش من ديما كانت تتعاودلي شحال مها تتخنقها
شريف: دابا عاد فهمت يوسف للي كان تيظل يغوت ويعيطولو فالدار المعقد
اورطيغا: (زفر حتى هادي مشكلة تزاادت غيثة كانت بالنسبة ليهم الاخت صغيرة الدلوعة طبيعي مغيتقبلوهاش ضيييع!!!)
~~~~~~~~~~~~
ملاك: (دخلت لبيت مها للي مشغولة كتهضر مع نجية للي غير كتبكي معارفااش مصير مرت ولدها للي بين الحياة والموت حيت غيبت ودخلوها للعمليات ومزال مردو عليهم بوالو!!!
مشات حلت الباليزة كتبسم وجلست فوق الزربية مربعة رجليها، شحال فرحها بهاد الجست وبزاف مع حلتها بان لابتوب ديال الخدمة ديالو تبسمت)
ولد لحراام هههه كيستاغل قلبي لهشيش
(حيدات لبيسي، جبدت كرطونة فيها شومبرير على شكل دونااات فلغوز شحال ظحكت ممتيقاش، لقات بوركيني ديال العومان عينيها غرغروو ميمكنش شحال فرحها يعني من اللول بغاها تسافر فهمت المشكل للي كان فسفر هو مع وفاء!! هزت البوركيني كتشوفو من النوع للي كيجي واسع بحال شكل كيطمة رداتو فميكتو
هزت ساشي لقات كسيوة فصفر مع وريدات صغار فلموف صيفية طويلة وستيلها واسع مع شال فلموڤ بقات غير كظحك بحال شي هبيلة، عاود لقات اتروس فيها واقي شمسي مع البخاخ ديالو واخا ماشي من النوع للي كدير وكريم نيڤيا وكاكاويت دلفريز دارت يدها على فمها عاجبها وطااايرة بالفرحة لدرجة كظحك بصوت مسمووووع ناسية شكون حداها، هزت عينها لقات مها غير كتشوف فهاد لهبيلة)
احم مالكي؟!
زهرة: باسم الله عليك نتي للي مالكي؟!
ملاك: (كتجمع دوك لحوايج) والو والو شنو درت خالتي نجية؟!
زهرة: منين جاوك هاد لحوايج
ملاك: شفرتهم
زهرة: هضري لمك
ملاك: راه قلتلك شريتهم قبيلة فصباح وعاود رجعت شفتهم دابا (هزت داك لابتوب فتحاتو لقات ورقة داكشي للي خاص ديرو تماك)
انا نمشي نكمل شي خدمة، حقا شنو دارو؟!
زهرة: مزال مسكينة دخلوها العمليات حيت غيبت
ملاك: اممم مسكينة وداك شماتة باش يلحق مرتو دغيا قبيلة كيمشي على لبيض انا بحال هداك نطلقو كل 6 شهور ومتبردليش!! يخخ تفو كنكرهو مكنحمل فيه الشعرة…
أصبحنا وأصبح الملك لله…
أمينة: (فاقت بكري طرفات الدار صونات على مراد حيحت عليه مزيااان على حساب الزربية دالصالون للي وسخها بالشكلاط ولسقتها فيه يجي يصبنها ولا يديها تصبن مهم تعطيه نهار يجيبها ليها نقية!!!
وجدت فطور وبقات كتسنى فغيثة تفيق باش غتهضر معاها مزيااان..
صونات عليها ختها نعيمة للي علماتها بالورث غيتقسم دوزت ليها كتهضر مع ختها للي كانت كتوصل ليها اخبار دارهم)
….: اوا ختي نتي مسك عليك الله اش بغيتي بشي ورث!!
أمينة: انا حقي مغنسمحش فيه واخا نمشي لوحهم فالواد..
….: اوا اختي راه غيرك محتاج
أمينة: اوا رزقي هداك ندير فيه واش بغييت
….: الدار راكي شفتي خوتك ساكنين فيها مع عيلاتهم نجريو عليهم
أمينة: أسمعي اكلثوم نعطيهم سيمانة قبل مندخل فيها المحامي الدار غنصيفط ليها الخبير وحتى دوك جوج جنانات وللي جاني فحقي يعطيوهلي فلوس
…: ولوااه لواه اختي نعلي الشيطان باش تقربي منهم نتي راك تزيدي غير تغرقيها معاهم
امينة؛ وشكون ݣالك انا بغيت نقرب ليهم
….: حيت الخاوة حدها الدنيا حنا هنا وسمحنا
أمينة: شغلك هداك تسمحي ولا لا انا لا رزقي عطاهلي الله منسمحش فيه ونابينا عليه السلام
….: صافي هدا كلامك اللخر امينا؟!
أمينة: ااايه
….: هاكي مك بغات تهضر معاك
أمينة: اوالله وينوض با من القبر افرنك منسمحش فيها ومّا خليها عليك فالتيقار السلام عليكم (قطعت)
غيثااااا (مشات عندها كتنوضها بشوية حتى فيقتها)
نوضي احبيبتي غسلي وجهك واجي نفطرو انا وياك
غيثة: نعست هنا؟!! محسيتش براسي (هزت تيليفونها لي فيه كتر من 20 ابيل من عند مها)
ناري ماما غتحيح
أمينة: نفطرو بعدا ابنتي (ناضت غيثة تغسل وجهها صونا عليها يوسف كيعلمها متخرج حتى يجي هو باش يوصلها الدار واهم حاجة معندها مناش تخاف على حساب مها، جلسو كيفطرو حتى نطقت)
مزالة ابنتي مع داك الكيدار
غيثة: لاااا صافي اطاتي من داك نهار
أمينة: حسن ابنتي بلعي عليه راه ميسوااش
غيثة: عفاك اطاتي نساي داكشي للي شفتيه
أمينة: انا مشفت واالو، حنا دابا غير كنهضرو وصافي
غيثة: انا حشمانة منك بزااف
أمينة: انا بحال مك ابنتي فوقما بغيتي تهضري اجي عندي ديريني مك صاحبتك ختك
غيثة: (تبسمت) لهلا يخطيك علية اطاتي متخيليش شحال تنبغيك
أمينة: حتى انا احبيبتي داكشي باش بغيتك تبعدي من داك وجه الشر…
ملاك: (فاقت نشييطة دخلت لبيت مها طلت على الباليزة فرحانة ميمكنش شحال فرحها واخا مفهمتش علاش مهضروش فالليل ولكن كانت طاايرة…
لبست حوايج الخدمة هزت لابتوب حيت يقدر يجي عندها الخدمة خرجت لقاتهم غير صاقرين)
مالكم؟!؟
زهرة: اجي ابنتي تفطري (جلست حدا مها للي باست ليها يدها كبت ليها أتاي وقدات ليها قريشلة فيها فرماجة كونفتير كتاكل) لا اله الا الله
ملاك: مالكي ؟!
زهرة: مسكينة أميمة ولدت ودخلت كومة والولد حطوه فالقرعة وحالتهم حالة
ملاك: (حطت داكشي من يدها للي كانت كتاكلو) مساااكن!!
زهرة: نجية سخفت وراها مزالة فصبيطار حتى هي
ملاك: ياااه الله يكون معاهم، قاسحة!! تبغي نوصلك لتماك
زهرة: شوية ونمشي مع باك، غتجي بكري نتي؟!
ملاك: ها!! لا لا بلعكس اليوم الخدمة مزيرة ونكمل نمشي نتقدا للي خاصني وتابعني نخلص الرحلة غنتعطل شوية ياك معليش
زهرة: (بحزن) غير متعطليش بزاف ابنتي
ملاك: (باست ليها يدها) انا مشيت
زهرة: فطري بعدا
ملاك: والله مبقالي شي خاطر نفطر باشما علميني صافي!! (مشات من تماك اي إنسان يبقى فيه الواحد ركبت فطموبيلتها حطت لابتوب ومشات للخدمة مع دخلت صونا عليها اورطيغا علماتو أن الخدمة غتخرج منها بكري، المشكل هو للي مزال مغيكمل)
اورطيغا: تقدري تجي عندي بلا متصوݣي طموبيلتك اجي فتاكسي وانا نرجعك
ملاك: اممم صافي واخ.. (قطعت معاه.. عرفت من زينب الكار غيقلع بكري مع 4 دصباح تحمست بزااااف فرحاانة رغبت المدير باش تمشي بكري خلاها تخرج من مور صلاة الضهر كملت علمت اورطيغا للي حتى هو ياله كمل مشات لمحطة ركبت فتاكسي للي ديما كيكونو موجودين حيت المسافة قصيرة وصلها للأطلس ودخلت لقهوة كتسنااه صونات على مها علماتها انها ففاس هي وزينب كيتقدااو شنو خاصهم.. وهي كتهضر دخل كيقلب عليها كانت كتهضر تبسمت جلس حداها مقابل معاها حتى جر الكرسي ديالها لحدااه وهي كتخرج عينها كتسمع مها للي كتعاود على حالة أميمة ونجية وراجلها لي تأثرو بزااف والعائلة جات! محست غير مد يديه لخصرها بعداتو)
ياله اماما بلاتي ونهضر معاك (قطعت)
اورطيغا: (دار يدو فوق كرسيها) شنو واقع
ملاك: غير جيرانا وصافي
اورطيغا: شكون هاد الجيران
ملاك: خالتي نجية وصافي
اورطيغا: (لعب بلسانو فوسط فمو وملامح وجهو تبدلو) تغديتي؟!!
ملاك: مزال راه من الخدمة لعندك
اورطيغا: نمشيو للدار ؟!! (خرجت عينها) الوالدة تماك نتغداو مجموعين
ملاك: لا لا منقدرش
اورطيغا: ياك معانا مينا مناش غتخافي مني!
ملاك: وشكون قالك انا كنخاف منك ولكن بلاش هنا حسن, ياله ياله طلب لينا مناكلو راه شوية غنبقى نبكي بالجوع حتى الفطور مفطرتش مزيان
اورطيغا: وزغة
ملاك: ههه (سكتت لسانها، طلبو كسكسو بقاو كياكلو مجمعين عطاتو لابتوب وشكراتو على داكشي للي جاب وبينت ليه شحال فرحها)
اورطيغا: ماشي شي حاجة
ملاك: بلعكس هاد لحوايج صغاار كي…
اورطيغا: اسبحاان الله اشريفة!!! كفاش حوايج صغار !!؟
ملاك: هههه (ملقات متقوول شدت جوج صباع من يدو حاضنة عليهم بيدها) لهلا يخطيك علية…
اورطيغا: (شد يدها قلبها كيتلمس فيها) قيستي دوك لحوايج
ملاك: اه عجبوني بزااااف، ماما عندها ماكينة غتنقس لية من الكسوة شي سانتيم
اورطيغا: علاش راه أكدت على لبنت قلتلها البنت عندي فيها متر ونص
ملاك: هاها بزاااف عليك
اورطيغا: كذبت!!
ملاك: و6 سانتيم فين خليتها؟!!
اورطيغا: خليتها فلساانك (قرس نيفها باليد لوخرا تحط لغدا وهربت يدها للي كانت دااافية كان إحساس زويين حست بيها شدت المعلقة كتبسم وتاكل)
متولفيهاش قاعدة فسفر بوحدك
ملاك: ماشي ديما، اصلا كنسافر أول مرة، كنت خايفة متبغيش، مبغيتش نسافر وحنا مخاصميين
اورطيغا: يعني كنتي غتسافري
ملاك: صراحة اه ولكن غتكون خايبة ونااقصة الا مشيت وحنا ماااا…
اورطيغا: مكنتش غنحرمك بحال هاد المشيات مع ناس بعقلهم من الخدمة ونتي اصلا محتاجة ميمكنش للي نبغيه لراسي نبغيه ليك كتر!!
ملاك: (تبسمت كتشوف فيه بعينيه قربو يرجعو قلووبة)
اورطيغا: يا كوولي هاد الشوفة الا مكانتش تابعاها شي بوسة شي تعنيقة بلاش
ملاك: ههه (بدات كتاكل وهو حاضيها بطرف عينييه صونات مو كتسولو يجي ياكل كسكسو فالرياض وعلمها انه تغدا قطع مع حط التيليفون لقاها كتخنزر حرك راسو بشنو عارف مالها)
ملاك: قلتلي مك فالدار يا البانضي؟؛
اورطيغا: هههه كولي كولي
ملاك: باااز علم الله شنو كنتي ناوي
اورطيغا: تاليتها غنشوييك (غمزها عوجت فمها وهبطت كتاكل ميمكنش تكمل معاه حيت ببساطة مكيحشمش، كملو بقاو تماك) مزال خاصك شي حاجة
ملاك: مزال بغيت ناخد شي حاجة
اورطيغا: (شاف فالساعة) نحطك فالبرج تقداي شنو خاصك، انا ضروري نمشي للضريبة باش ميسدوش ونلحق عليك
ملاك: صافي واخا (خلص ووصلها لتماك قبل متنزل حل بزطامو هز شي فلوس مدهم ليها) شنو هادو
اورطيغا: شدي خاص نمشي
ملاك: لا منشدش براكة غير شنو جبتيلي
(قبل ميهضر دغيا هبطت سادة لباب بقا كيهلل عليها وهي مبعدة هو كيغوت على لباب للي زدحت وهي حسابها على لفلوس للي مبغاتش تشد.. ظحكت ومشات دخلت اما هو كان مزروب ومشا
مشات لمروة خدات لبيسة بصندالة عندها شال ليها مشات كتقلب على شي باغفاان حيت للي كانت عندها خداها ليها مراد داك نهار وأصلا رجعت كرهتها.. خدات للي كانت موالفة كتدير وكتجيبها ليها ختها نعيمة la vie est belle مع سبراي ديالها كانو برومو واخا هكاك بقا فيها الحال حيت كانت غالية وهي كانت مولفاها كتجيها فابور من عند ختها، خارجة كتشوف فالثمن 950 درهم وتنݣر)
ولاد لحرام ناقصين 50 درهم ومسميينها برومو!!!
(دخلت لمينيسو كتلف الوقت خدات شاپو وصندالة ديال صبع بقات كتمنظر خدات صباغة ديال ظفار خلصت وخرجت)
بففف هاد نهار خسرت بزااف..
غيثة: (مبغاتش تهبط تفطر كانت فحالة ديال الغضب كبيييرة مفهمتش شنو للي مخليها هاكا ومنين جاي هاد الغضب كاااامل للي كتحس بيه!!! صونات على ادم)
ادم شنو داكشي كتعطيني؟!!
ادم: (ببرود) منشطات
غيثة: مفهمتش واش دروݣ؟!
ادم: تقرييبا غير هو تيخلي العقل خفييف خاااوي من داكشي كامل للي تيخلينا ماشي فحالتنا الطبيعية
غيثة: (جاتها البكية) وعلاش كنتي تتعطيهلي؟!!
ادم: (بهدوء) باش تنساي هداك للي متيبغيكش يمكن هو سباب باش وصلتي لهاد الحالة، بنت زوينة بحالك تستاهل دراري هوما يتبعووها ماشي هي تبع واحد ملقط فقير شمكااار
غيثة: (جاها على الجرح، بقات كتبكي) ودابا انا علاش تندير هاكا؟!
ادم: متنبغيش نشوفك فهاد الحالة تستاهلي ديما تكوني ظااحكة اغيثة اللومة خاص تكون لهداك الكلب
غيثة: واخا، جيبلي هاداكشي
ادم: بغيت نجيبو ولكن نتي لحد الان معرفتيش داركم على نوع علاقتنا
غيثة: (قلبها زدح حيت مبغاتش يعرفها اورطيغا انها مرتابطة مزال عندها أمل واخا صغييير ولكن!!)
ادم: حبيبة شنو قلتي؟! بغيتي تكوني معايا؟!
غيثة: (بقرف) ولكن حنا اصدقاء
ادم: وانا بغيت نكون كتر جربي مغتخسري واالو راحنا ف2023
غيثة: واخا نفكر، حيت خويا يوسف!!
ادم: ممكن نديرو شي خطوة رسمية على متحبيني معنديش مشكل الا مبغيتينيش غنتقبل كولشي منك المهم هو نتي تكوني مرتاحة
غيثة: (عضت على شنافتها بألم) نفكر… عطيني كتر من حبة
ادم: تو تو تو خاصك ترتاحي باش متقوليش غنخليك وحدة مدمنة تتهمني صحتك احبيبة
غيثة: (جاوبت بعصبية) منقدرش خاصني ضروووري
ادم: (ببرود) غيثة كاالم طوا!!!
غيثة: (بحرا كتنفس وقلبها كيضرب يديها كيرجفو) عفاك
ادم: اووو حبيبة!! واخ انا نكمل شي شغال ونرجع نصوني عليك
غيثة: متعطلش انا تنتسناك
ادم: وحتى نتي فكري فشنو قلت ليك باش فاش نبغي نجي عندك ولا تخرجي معايا متخافيش من هاد خوك البوعو للي خانقك فالدخلة والخرجة
غيثة: واخا واخا.. غير متعطلش علية
ادم: (قطع وبقا غير كيشووف عارفها كتموت على اورطيغا للي معاطيهاش وقت وهادشي عارفو من اللول، وغير كيزيد يعصبو!!
واخا كانت معاه هاد المدة كاملة محست معاه بواالو مفهمش شنو كيعجبهم فيه هي ويوسف شريف وبنسليمان!!!! )
يوسف: (كان فخدمتو وعقلو مع ختو للي مشا يجيبها صباح كانت غير هااادئة كتجاوب غير باه ولا لا، وَكّل خديجة تراقبها حيت هي اكتر وحدة كيتيق فيها راه لدابا لا مو لا خوه قالولو جبناها من لبار اما بااه مكيبغيو يوصلولو والو على حساب مرضو للي مشكلة صغيرة كتدير ليه أزمة صحية!! صونا على خديجة)
حبيبة صاڤا؟!
خديجة: الحمد لله ونت؟!
يوسف: عقلي غير مع غيثة!!
خديجة: انا بغيت ندخل عندها ولكن كانت ناعسة وعااد!!!
يوسف: شنو؟!
خديجة: مكنبغيش نصدعك بهادشي ولكن خالتي الغالية مبغاتنيش ندخل فهادشي شوف هي منحقها وبنت…
يوسف: (زفر) خديجة انا غنهضر معاها الا مكانتش عندك بلاصة فهاديك الدار حتى انا معنديش!!
خديجة: عفاك بلا مدير شي حاجة انا بغيت نكون هانية عفاك ايوسف
يوسف: خديجة نتي راك مرتي واش تتفهمي هاد الكلمة للي يضرك يضرني واخا تكون الوالدة مهم عارف طلبت منك بزاف دلحوايج فوق طاقتك
خديجة: لا لا بلعكس غيثة راها ختي
يوسف: بفففف شي ساعة ونكون تمااك الا بغيتي نخرجك لشي بلاصة نتي غير ديري شي بروݣراام
خديجة: لا لا.. مهم انا نتسناك (قطعت ناضت دارت فولارها وخرجت من بيتها سادااه بالساروت، رجعت لحدا بيت غيثة دقت وهاد المرة حلت كانت لابسة حوايج خروج)
زين خارجة
غيثة: اه، دخلي
خديجة: (دخلت) متغدايش معانا؟! أنا للي طيبت اليوم
غيثة: بالصح شنو طيبتي؟!
خديجة: درت دجاج بلدي محمر غيعجبك بزاف
غيثة: (تبسمت ودارت ميكاب) مغنتعطلش غنمشي نجيب غير شي حاجة ونجي
خديجة: تبغي نمشي معاك ولا غتمشي معاك شي صاحبتك
غيثة: لا لا غير هنا شي 5 دقايق مغنتعطلش
خديجة: واخا زين تشهيتي شي حاجة نقادها ليك
غيثة: نتي ضرييفة بزاف اخديجة (تبسمت معاها ومشات باستها فحنكها) اممم عرفتي شنو
خديجة: شنو؟!
غيثة: بغيت شلاظة ديال داك خيزو للي تيجي محمض كليتو عندكم نهار الخطوبة حمقني
خديجة: مشرمل؟!
غيثة: اه هداك عجبني بزااف
خديجة: داابا ازين نهبط نقادو ليك (وقفت خارجة دغيا غير وصلت لتحت دخلت للحمام صونات على يوسف علماتو ان ختو غتخرج دابا البلاصة قريبة حيت قالت ليها مغتعطلش، قطعت ماشية للكوزينة كانت المساعدة كتقاد الحوت تفاجئت حيت لغدا طاب باقي خاص غير تحمر دجاج وتقلي فريت)
راه درت الغدا
….: لالة مبغاتش داك دجاج وقالتلي نقاد غدا اخر…
اورطيغا: (رجع عندها مصوني عليها تخرج خرجت هازا ساشيات تبسمت معاه حل الكوفر وهو بقا فطموبيلتو حاضي طريق حيت دوزيام بوزيسيون وطريق صغيرة حطت داكشي تماك وطلعت ركبت حداه مد حنكو بقات كظحك وضارت دارت الصمطة) متنسايش شي نهار؟!!
ملاك: ونتا معييتيش؟!!
اورطيغا: عمرني نعيا حتى تبوسيني
ملاك: هاهاها بقى كتحلم
اورطيغا: اممم تجيبها الوقت، شنو تقديتي؟!
ملاك: شي حاجة وصافي
اورطيغا: (سب شي واحد فطريق مكمل الصوݣان، قرب حداها ولكن مركز مع طريق حيت مبلوكية وخاصو يخرج من زحام.. شم ريحتها) ماشي ريحة ديالك هادي
ملاك: (تبسمت عجبها الحال) هادي هي لي كنت موالفة تندير من قبل
اورطيغا: وللي عطيتيني؟!
ملاك: هه معطيتكش نتا للي هزيتهالي مهم هاديك مااا مبقاتش كتعجبني
اورطيغا: جايبهالك شي واحد؟!
ملاك: (سكتت قالبة وجهها يعني باينة من كلامها انها رجعت الريحة لقديمة وهادي كانت كادو من عند شي واحد،
حتى هو صقر حتى خلعها منين فتح لمجر هز ديك الريحة ولاحها فطريق بعصبية بقات غير مخرجة عينها)
احم، مراد خاص نمشي نرجع للدار
اورطيغا: (بعصبية) معاش غتركبي غدا؟
ملاك: مع 4 دصباح
اورطيغا: (شد طريق صفرو.. بنفس النبرة) صافي مناقصك والو؟!
ملاك: لا، (كترطب) حقا راه كملت ليك هاديك الخدمة
اورطيغا: (حرك راسو باه مزال قضية الريحة كضور ليه فلبال) كان تيجيبلك كادويات؟!
ملاك: شكون؟!
اورطيغا: (خنزر فيها) نتي عارفة علامن تنهضر
ملاك: ميمكنش امراد هادشي (شاف فيها) انا مغنجيش نهضر على لبنات للي كنت نتا معاهم هادشي غير غيجبد صداع بيناتنا وصافي!! داك بنادم عماين باش فرتكنا داكشي مبقيتش حتى معتابراه كااين بارفان جاتني كادو وكنت كنديرها ودابا رجعت لي كنت كندير
اورطيغا: عماين!! (حرف من طريق وااقف)
ملاك: اه، انا مفهمتش علاش غنضيعو وقتنا بهاد تخربيق (شافت فيه) شوف الا مكانتش الثقة بيناتنا عمرها غتكون شي حاجة مقادة الا بقيت كتفكر انا معامن كنت وانا نبقى نتخيل معامن كنتي غادي غير نمرضو فراسنا والشك يدخل مغرتاحووش وعمرنا غنزيدو القدام
اورطيغا: (بقا كيشوف فيها)
ملاك: مراد انا مكيهمنيش شنو دوزتي من قبل حتى فاش كنت كنشوفك مع شي وحدة محييتها حيت داكشي بااصي داااز ومكيهمنيش حتى نعرف شنو كنت كدير معاهم!! أنا للي كيهمني هو دابا
اورطيغا: ..كملي
ملاك: (شافت راسها كتعتارف) يعني فهمتني!!
اورطيغا: لا بغيتك تزيدي تفهميني
ملاك: (سكتت كضور عينها)
اورطيغا: (بهدوء) ملاك.. مرة مرة خاص نهبطو كوارينا باش نوصلو داكشي للي تنحسو بيه، عادي كملي انا باغي نسمع منك كولشي ماشي نفهم من راسي لا بغيت نسمع…
ادم: (كان عند الغالية فالجردة كيهضر ليها على غيثة للي مبقاتش بغات تلقاه….)
~~~~~~~~~~~~~
يوسف: (جا خارج كان المدير دخل خدا إذن ولكن كانت خدمة مستعجلة تعصب ولكن خاص يبقى هااادئ مكملاش 5 دقايق صيفطاتلو خديجة انها رجعت يعني للي مشات عندو كان حدا الدار!!)
واخا حبيبة انا شي ساعة ونجي
خديجة: (بغات تمشي عند غيثة وهي توقف ليها الغالية للي داخلة من الجردة كطلع وتهبط فيها) شي حاجة اخالتي؟!
الغالية: يخوييلك جناب قدي قدك فالعمر وتقولي خالتي؟!
خديجة: هه بنيتك؟!!
الغالية: هااااه خرجي خرجي عندي وريني وجهك لحقيقي
خديجة: (حتى بغات تنطالق وخافت من شي كاميرا ولا تكون كتسجلها)
شنو بغيتي مني؟!
الغالية: بغيت ولدي يعرف حقيقتك
خديجة: اشمن حقيقة معارفهاش هو وعارفاها نتي بوحدك؟!
الغالية: هاد الوجه الملاائكي للي تظلي تمثلي علينا بيه
غيثة: ماما!!!
الغالية: طلع نتي لبيتك واخر مرة نلقاك مجمعة مع هاد الهجاالة للي بغات تخرج عليك وتبقى تخبر عليك باش تبعي داك الشمكار!!
خديجة: هجالة!!
غيثة: مامااااا!!!
الغالية: (غوتت) طلع لبييييييتك
غيثة: بفففف (طلعت معصبة) بزااف هادشي بزاااااااف عمرك غتبدلي!!
خديجة: (بقات كتشوف فهاد زويزوا للي تجمعها غير بنص تصيفطها كومة جات ماشية بغات تشدها ضارت مخرجة عينها فيها)
حيدي يدك!!!
(لوخرا حيدت يدها وطلعت دروج تحت نݣيرها للي مكيتستلاش مشات تبعت غيثة لي لقاتها كتشرب لما)
غيثة: مفهمتش مال ماما معاك مموالفاش تتكون هكا!!
خديجة: معليش نتي بيخير؟!
غيثة: (زفرت معصبة لهاد الحال للي رجعت فيها جلست دايرة يدها على راسها جلست حداها خديجة)
خديجة: غيثة قوليلي مالكي؟!!
غيثة: معرفتش بفففففف معرفتش يمكن قنطت خاصني نبدا الخدمة
خديجة: اه احسن حل والله… تلاقيتي صاحبتك؟!
غيثة: (كانت جات نفس البنت للي تلاقات فالقهوة) اه ولكن معجبنيش داكشي للي جايبة
خديجة: بحالاش؟!
غيثة: هي تتبيع وتشري فشي حوايج شي مرات لاقيك بيها.. متقلقيش اخديجة من ديك الهضرة ديال ماما
خديجة: مفهمتش مالها معايا ولكن منين كتكوني تايقة فراسك مغتخلي حتى شي واحد يبزز عليك شي حاجة… يعني مغنتقاقش من هضرة كنحسبها مبرهشة فهمتي
غيثة: (تنهدت) بالصح….
~~~~~~~~~~~
اورطيغا: شنو!! (تبسمت حنات راسها) يا بنت رشيد راه تنعصر منك الهضرة غير بالسيف
ملاك: ههه صافي براكة عليك هادشي اليوم
اورطيغا: (شد يدبها بجوج احتاضنهم كانو دافيين شي حاجة لداخل منعتها تنتر منو هاد المرة) انا تنتيق فيك هادي دخليها لداك الطنطون عندك!!
ملاك: (بقات متبسمة) مزيان
اورطيغا: وباغيك كما نتي، ولكن!!
ملاك: يااااه عاد كنت زوين ولكن علاش!!
اورطيغا: (فك الصمطة ديالو مقرب ليها وهي بعدت ومبعدة يدها) ولكن!!
ملاك: كنسمعك غير بقا بلاصتك (زاد مقرب حتى حصرها فالقنت) وااا مرااااد
اورطيغا: (لمس بلسانو شنافتو التحتانية وعضها بحال كيتغزف عليها) غنذبح مك الا لقيت هاك ولا هاك!! (خرج عينو) نذبحك!!!
ملاك: واش غير نتا ݣزار فمك فيه غير ذبيحة
اورطيغا: هادشي للي كاين ازين مكاين غير ذبح وسلخ
ملاك: هاكا راه كتخلعني ماشي كتخليني مرتاحة
اورطيغا: وانا هاكا (شاف فشنايفها) مرتاح باش تكوني على باال ازين نهار حطيتك فراسي مبقات رجعة
ملاك: وانا مبغاش رجعة باغا نكون معاك ولكن
اورطيغا: مكاينش ولكن (كمش عينو فيها وهي بقات كتشوف فيه حتى عينها تضببو وحناتهم)
ملاك: احم مراد حنا فطريق!!!
اورطيغا: (بقا جوج ثواني ورجع راسو لكرسيه) تيليفونك ديما يكون حدااك مبغيتش نسمع منك لا مشفتوش ولا طفالي تكوني فطواليط جاوبي
ملاك: (تبسمت) وااخ (صونا تيليفونها كانت مها)
نجاوب ماما..
اورطيغا: (حرك راسو باه، راجع كيصوݣ)
ملاك: الوو..
وي ماما اممم انا جاية قربت …
(هزت حواجبها متفاجئة) بالصح!!
لا حول ولا قوه الا بالله العلي العظيم..
صافي واخا… بابا مكاينش؟!
وااخ.. (قطعت حرك راسو بشنو)
خالتي نجية عروستها لبارح كانت كتولد
اورطيغا: مرت داك ****!!
ملاك: ولدهم للي تزاد مسكين مات ومرتو مزال كومة وخالتي نجية حتى هي طاحت على وقفتها (بتأثر بقات ساهية)
اورطيغا: (حرك راسو باه كيشوف فطريق ورجع شاف فيها) متقوليش غتمشي ؟!!
ملاك: لا غير ماما بغاتني نرجع باش نحضي أنير باش تمشي هي لعندهم لصبيطار
اورطيغا: (شاف فيها) بقا فيك؟!
ملاك: (شافت فيه بجدية) الولد صغير اه وتخيل حالة مو فاش تفيق ويقولو ليها ولدك مات علاش ميبقاوش فية؟
اورطيغا؛ وانا مبقيتش فيك
ملاك: ههه علاش نتا مالك؟!
اورطيغا: (وقف حدا خدمتها فين كاينة طموبيلتها) محتاج الحنان ونتي زقراامة
ملاك: مرااااااد تعطلت غنمشي!!
اورطيغا: وريني بعدا شنو شريتي؟! (هبط من الطموبيل جاب الساشيات كيشوف شنو شرات) بالصحة وانا؟!!
ملاك: اممم مااا ماا…
اورطيغا: من وزغة لخروفة؟!
ملاك: ههه (مالقات متقول حشمت! تبسم،
دار داكشي فلكوفر ووقفت حداه وهو تكا على طموبيلتو مربع يديه)
غنمشي
اورطيغا: متبوسينيش؟!! زعما راكي مسافرة
ملاك: ههه لأ
اورطيغا: هاد المرة سولتك المرة جاية لا
ملاك: اممم حلم (هزت يدها) باااي
اورطيغا: منعاودش كلامي املاك نتي معندك سوق حدك داركم انا نوصل ونصوني عليك
ملاك: صافي واخ
اورطيغا: ياله ركبي برويطتك (تبسمت ومشات حتى هو ركب وبجوج تحركو كل واحد فاتجاه..)
حمزة: (بقا مصدوم الناس كيعزيوه وهو مفاهمش اه مكانش باغيه ولكن مؤخرا تقبلو ومكانش غيخليه هو مباغيش مو!!! حس بتأنيب ضمير خطيييير انه هو سباب اكترية عيطولو فلعشية ومشا حتى الليل حيت كان مقهوي مع دراري الشيشة ولبنات جالسين معاهم!! جا عندو باه)
اب حمزة: (بحزن كبير وعينيه دامعين حيت كان باغي هاد الحفيد بزااااف وكيتسناه بفارغ الشوق)
ماشي خسارة عند سيدي ربي اولدي
حمزة: (غير كيشووف)
اب حمزة: دابا ما علينا غير ندعيو بنتي أميمة تفيق
حمزة: (تخيلها حتى هي غتموت تفكر معاملتو الخايبة معاها وانه عمرو قدر يبغيها خاطرو تزعزع!! شاف مها وباها كيبكييو خوتاتها العائلة كتجي منطق بحتى كلمة بحال شي واحد كان ناعس وفيقوه منفوسط شي حلمة ممفهوماش!! تخنق، لسانو تقااال جا عندو طبيب باش يعلمو يخرج ولدو يمشي يدفنو وهاد الكلمات كانو اقسى كلمات سمع فحيااتو!!! عاود نفس السؤال)
علاش مات؟!!
طبيب شاف فيه بتأسف حيت يمكن هادي 50 مرة وهاد السؤال كيسولو فوقما جاو هضرو معاه وفهموه انه تزاد على 8 شهور والبيبي كان عندو مشكل والام غيبت حيت كان الطونسيو طلع ليها بزاااف وعاد ليموراجي….
طبطب على كتفو باه وخرجو لبرا حيت شاف فولدو الا بقا هاكا غيتسطى!!
~~~~~~~~~~~~~~~
ملاك: (خرجت دوك لحوايج من الكوفر ومشات للدرب كانت دار نجية عامرة دخلت لدارهم حيت لباب محلول كانت مها لابسة جلابتها كتسنى سلمت عليها)
غتمشي؟!
زهرة: ردي لبال لخوك ابنتي
ملاك: واش مزال مفاقت أميمة؟!
زهرة: مزال ابنتي حتى خالتك نجية مزال غير كطيح وتنوض مسكينة (هزت تيليفونها صونات على رشيد باش يتعرض ليها)
راه غداك فالكوزينة
ملاك: انا تغديت
زهرة: خوك راه ناعس بقاي حداه راه دار الجلبة صباح مسيكين وطلعت ليه سخانة
ملاك: واخا (مشات مها فكرت كفاش غتكون حالة حمزة معارفاش واش غيكون متأثر ولا لا حيت رجع كيبان ليها بحال شي وحش بدوك التصرفات دخلت لبيت مها مشات حلت الباليزة كتجمع حوايجها فرحانة بيهم كولهم جداد وعاد كاينة احلى إضافة هي ديال اورطيغا دخلت للدوش دوشت سمعاتو فاق خرجت عندو لابسة بينوار دغيا لبست حوايجها صونا اورطيغا)
اااو!! دغيا وصل؟!!
(جاوبت)
وصلت؟!
اورطيغا: تقريبا داير مع دراري غنتفرجو فلماتش فالمركب
ملاك: اممم كتعلمني ولا كتشاورني
اورطيغا: ههه بتلاتة
ملاك: هه نتا ودادي ولا رجاوي؟!
اورطيغا: واحد فاسي شنو غيكون ماصاااوي ابنتي
ملاك: (تبسمت) معندييييش مع داك الهيت ديال الكورة
اورطيغا: ومعاش عندك؟!
ملاك: دابا مكنفكر فحتى حاجة من غير غدا (تبسمت) مزال ممتيقاش بابا خلاني نساافر…
غيثة: (مفهمتش فلغدا كانت خديجة قالت ليها كنطيب دجاج محمر ولغدا كانت حوتة معمرة!!
ولكن مهضرتش حيت الا هضرت بزاف دلحوايج غيتجبدو!!!!!! بقاو جالسين يوسف وخديجة كيوريها شي حاجة فالتيليفون وكيظحكو يمكن تصاورهم، مقدرتش تبقى سااكتة حيت راس كيقولها غير تنوض تنتف مها والسلام!!)
ماما خديجة كانت مطيبة دجاج محمر!! مفهمتش علاش متخطش واش خليتوه لعشا!!
خديجة: (تبسمت وحنات راسها كتحرك راسها)
يوسف: حبيبة!! مطيبة لينا لعشا؟!!
غيثة: لا انا متأكدة قلتيلي لغدا اه متأكدة كانت مطيباه فلغدا ياك اخديجة انا مزال عاقلة قلتيهالي و
خديجة: احم مرة أخرى!!
الغالية: (حسابلها غتفرشها حيت منين عرفتها مطيبة داك دجاج صيفطات الماكلة العساس بحجة فيه سحور ليها)
غيثة: فينها دجاجة ههه ديك الريحة عجباتني
الغالية: اشوينيفييييييك، دابا نطيبو لالة غيثة دجاج
غيثة: واخ ولكن دجاج لي طيبت خديجة!!! فينو؟!!!
الغالية: غيثة!!! طلع لبيتك
يوسف: علاش غطلع ها هي جالسة معانا!! وعادي تتسول ههه فينو دجاجك اخديجة
خديجة: طار ههه (يوسف فهم غتكون شي حاجة بقا غير كيشوف ومنظرة خديجة كتبين كولشي!!) كمل وريني عجبني هاد الديكور يكون فالصالون
يوسف: بالصح ندوموندي على واحد
خديجة: الا مكانش غالي
يوسف: انا عندي التخفيض حتى 50٪
خديجة: صافي واخا، شنو بانلك الا مكانتش عندك شي حاجة نمشيو لصفرو
الغالية: شنو؟!
خديجة: تمشي معانا غيثة وحتى خالتي إلا بغات
يوسف: (شاف فالساعة) دابا غنطلع للمركب كاين ماتش.. معليش؟!!
خديجة: صافي صافي ماشي مشكل حتى لغدا
غيثة: خديجة ياله نمشيو للصالون
خديجة: (شافت فيوسف كتاخد الاذن حرك راسو متبسم والغالية كتزيد تفقس) واخا، دابا؟!
الغالية: غيثة متعطلووش جايين عندي شي ضياف
غيثة: شكون؟!
خديجة: انا نطلع لبس (مشات طلعت لبيتها تلبس وصونات على مها كتعاود ليها شنو وقع عند الجيران… لحق يوسف بيها دوز ليها فلكونت ديالها الفلوس وحتى هو لبس حوايجو تيشورت الماص وسروال)
حتى انا بغيت بحالك
يوسف: دابا نجيب ليك شي واحد شي مرات نديك معايا تفرجي… شنو وقع هاد نهار
خديجة: يوسف توحشت داري
يوسف: غدا احبيبة غنمشيو ليها…
كانو دفنو داك الوليد للي سماه محمد جاتو قاسحة وشحال بكا فالقبووور إحسااااس قبييييييييح واميمة داتها لومبيلونص لفاس CHU تبعوها العائلة هو كمل من دفينة ومشا لدارهم يبدل عليه حيت حوايجو توسخو بترااب ومو كانت فاقت.. وبقاو معاها العائلة وزهرة…
دخل دوش وبكى مزياااان رجع لبس حوايجو علمهم فالخدمة شنو وقع عطاوه ميجيش تم خارج باش يمشي يجيب مو للدار وهو يلحق بمرتو لقا ملاك جاية من الجهة الأخرى هازة انير وشادة ميكا فيها دانونات وهرنيس غير شافتو زربت المشية قالبة وجهها وهو بقا واقف كيشوف تسناها حتى وصلت جبدت الساروت
حمزة: مات ولدي املاك!!
ملاك: (ضارت شافت فيه وباين فيه الحزن) البراكة فراسك
حمزة: ممتيقش شنو كيوقع ؟!
ملاك: (حركت راسها هازة حواجبها) قضاء الله وقدره
حمزة: (حرك راسو باه وحناه متنهد وكمل طريق ضارت كتشوف فيه هدا هو حمزة للي كانت كتعرف هااااادئ معرفت واش بقا فيها ولا شنو ولكن مشمتتش حلت لباب ودخلت ساداه من موراها فرقت دانون على ولاد عمها ومرت حنينها وبقات كتوكل أنير صونات عليها زينب بقاو مجمعين فهادشي ديال الرحلة قطعت رجعت عاود كتصوني على وفاء تيليفونها طافي وشحال وهي غابرة معندها عليها حتى خبر!!
صونات على ختها مريم مجمعين حتى كتسمع الهرج مشات لحدا لباب عرفت جابو نجية دخلت مها للدار)
ملاك: ماما!! امدرا؟!
زهرة: مزالة مسيكينة مغيبة لا حول ولا قوه الا بالله العلي العظيم الله يكون معاهم فموصيبتهم
ملاك: قاسحة بزااف!! (مشات مرت عمها ومرت حنينها يطلو عليها) غدخلي عندهم؟!
زهرة: (كانت حالفة عمرها تزطم تماك مشات لبيتها بدلت حوايجها ومشات تطيب ملاوي يديوه لدار نجية راه العائلة بداو يتكبو عندهم وردت حتى لعشا دارت حريرة.. )
ملاك: ماما بغيت نعس غدا غنفيق بكري
زهرة: سيري لبيتي على ميجي باك
ملاك: (بضجر) راه الا نضت غيطيرلي نعاسي (ياله بغات تعلم وقطعت الحس منين صونا تيليفونها) انا نطلع لسطح نطير هاد نعاس شوية على متشتتو فحالكم
زهرة: نتي مزال عندي معاك حساب (طلعت ملاك كتعوج ترم** حتى ظحكت مها.. ومشات تعشي أنير دخلت سهام) امدرا؟!
سهام: مزال مفاقت ياااااه مسيكينة تفيق ويقولولها ولدك تدفن شحال وااعرة!!
سهام: الله يكون معاها مسكينة فسبييل الله داك الوليد…
ملاك: (كان ابيل ڤيديو منو، مشات الظلمة كما العادة وجاوبت كتشوفو صايݣ لابس تيشورت الماص (المغرب الفاسي) )
جا معاك لصفر
اورطيغا: (تبسم شاف فيها ورجع شاف فطريق) شنو تديري #الوزغة ؟! مبيناش مزيان
ملاك: فسطح الدنيا عامرة ومتبقاش تقولي هكاك سميتي ملاك
اورطيغا: ماشي خاصك تنعسي بكري!!
ملاك: (فنفسها مالقيت فين نعس) بقيت كنتسناك نهضرو شوية عاد نهبط نعس
اورطيغا: اووو حبيبة نتي!!
ملاك: هاااء!! (بقات كتفرنس وهو كان دور راسو كيظحك مع دراري للي هابطين ناشطين حيت رابحيين الماتش)
ربحتو
اورطيغا: انا للي رابح هاد الساعة
ملاك؛ اممم، (تطلق القران فدار نجية)
اورطيغا؛ ممشيتيش لديك الدار!!
ملاك: صراحة بقاااات فية خالتي نجية مسكينة متستاهلش، حتى واحد ميستاهل اصلا داكشي للي وقع ليهم
اورطيغا: شنو واش مات الولد؟!
ملاك: ااه ياك قلتها ليك، مسيكين ودفنوه قبيلة ومو مزال حتى مفاقت من الكومة
اورطيغا: اممم البقاء لله.. مهم نتي معندك فين تحطي رجلك تم
ملاك: مشيت قبيلة شفت خالتي نجية دغيا ورجعت
اورطيغا: ياك هضرنا فهادشي
ملاك: مكانش حمزة هو راه مع مرتو فاس، مشيت انا ومي حلو طليت عليها إنسانيا وصافي دغيا دغيا
اورطيغا: (صعر عليها) واش ابنااادم متتفهميش لا هي لا!! اشمن إنسانيا لا **** انا تيباانلي غير تتشديها ضد فية زعما هضر حتى تݣرع وللي فراسي فراسي ونتا عاودها ****..
ملاك: (شافت فمها للي طلعت دارت صيلونص ليه، اما هو مزال كيهلل وهي كتبسم بحال شي بهلة عين فيه وعين فمها لي دايرة يدها على خصرها!!)
ماما!!!
~~~~~~~~~~~~~~
غيثة: (صونا عليها ادم فكرت شحال عاد جاوبت خارجة للجردة)
وي ادم
ادم: حبيبة مرديتيش علية
غيثة: منقدرش ادم
ادم: (بقا ساكت شحاال) اخر كلمة؟!
غيثة: (تنهدت مغمضة عينها) اه اخر كلمة
ادم: واخا غيثة اعتباري هادا اخر أبيل معاك باي ولكن بالصح كنت بااغيك (قطع وهي بقات واقفة كتبكي يعني غيتقطع عليها كولشي واخا مقاداش ولكن راه خصها دير حد فهادشي ماشي هي للي غتولي مدمنة!!!!)
اورطيغا: (شافها فديك الحالة ميمكنش هو كيغوت وهي كتبسم وتمتم مموالفاش ليها بقا ساااكت وقف فسطوب حاضيها كانت كتهضر مرة تبسم مرة ظحك قطع وصونا عليها ابيل عادية مجاوبتش عاود صونا)
زهرة: اوا جاوبيها
ملاك: (كتشوف فلابيل) غتكون بغات تقولي على غدا فين نتلقاو..
حم الو زيينب
اورطيغا: (معصب) شكون معاك شكون للي تظحكي معاه وعلاش قطعتي صوتي
ملاك: اااه، كنت جالسة انا وماما فسطح عاد بغيت نزل باش نعس نتي نعستي (قطع منين عرفها مها ماشي شي واحد اخر)
انا خاص نعس.. اه بسلامة (دارت راسها قطعت) شحال ضريفة هاد زينب
زهرة: اوا سيري نعسي فبيتي حتى يبغي يدخل باك ونوضك (هبطت كتنݣر على راحتها للي مكتلقلهاش دخلت لبيت مها كانت موجدة شنو تلبس تكات رجعت صيفطات ليه ميساج)
“ماما للي طلعت سطح ومقدرتش نجاوبك”
تفكرت انه كان كيغوت على دخولها لدار نجية ولكن مها للي بززت عليها منين دات ليهم لمسمن من مرت جدها، مرجعش صونا حاولت تغمض عينها وفكرت مجاوبش اذا ممساليش ولا معاه شي واحد.. وهي تنعس
~~~~~~~~~~~
خديجة: (كانت قادات راسها حتى هي شافت فغيثة للي قطعت شوية من شعرها ودارت رموش قدات ظفاار حيت مبقى والو وغتبدى الخدمة ولا سطاج.. كملو ورجعو للدار فتاكسي)
شكون ضياف لي جايين
غيثة: (بدات تجيها الحالة ديال الاعصاب والخوف) ديك الياقوت
خديجة: وعلاش جاية للدار
غيثة: (معصبة) انا مفهمتش ديك ماما والله (سكتو وصلو للدار دخلو وخديجة ممرتاحاش كان صوت ظحكهم جاي من الصالون)
انا نطلع لبيتي
خديجة: حتى انا معندي مندير هنا (مدورتش حتى وجهها واخا عيطت الغالية باسمها، مع دخلت سدت لباب)
علاش جايبة هاد زمر هنا!!! عييت عييت وانا سااكتة هنا راه هاكا كنت حتى فدار عمر كنتكل من لداخل حتى جبتها فراسي!!!!!
(مكرهتش تمشي فحالها لدارها تاخد راحتها دااابا، حطت حوايجها لبست ديباردور بشورطو فساتان سمعت الدقان على الجهد)
شكووون
الغالية: حل علية هاد لباب قالاك شكوون!!
خديجة: (شقلبت عينها) ملبسااش
الغالية: حل علية هاد لباب
خديجة: (طلقت شعرها للي صيباتو ودارت ݣلوص رشت بارفاان وحلت لباب) نعام!!
الغالية: نزل سلم على ضيافي
خديجة: مفهمتش نتي جايبة صاحبة يوسف لقديمة انا ماالي وعلاش اصلا نسلم عليها وعلاش كتفرعي لباب هاكا بالدقان!!!
الغالية: هاديك ضيفتي وهادي داري
خديجة: ضيفتك نتي انا مبغيتش نضايفها ولا نعرفها باغا نبقى فبيتي حيت راجلي عيطلي قالي 5 دقايق غيكون هنا وهادي بالصح دارك ولكن نتي للي شديتينا نبقاو هنا هاد ليمات!!!
(شافت لوخرا من مور الغالية بقات كتشوف فيها وحتى لوخرا كطلع وتهبط فيها وكتمضغ المسكة بطريقة مستفزة)
الياقوت: هبطي خلينا غير نتعرفو عليك مغناكلوكش…
شريف: (مقدرش يعاود ليوسف شنو وقع بينو وبين غيثة وصل معاه للدار حيت عارضو جايبين معاهم اللحوم ديال شوا وصلو هو بقا فالجردة مبغاش يدخل معاه ويوسف دخل للدار حط داكشي فلكوزينة يقادوه)
يوسف: (طالع لبيتو لقا الياقوت ومو واقفين حدا باب خديجة تصدم بوجوودها بقاو غير كيتشاوفو لمدة دقيقة وهي كتحلون تماك فوقفتها وقلبت وجهها بكل غرور)
شنو تدير هادي هنا؟!
الياقوت: (كتهضر بدلع) الا داكشي تسالا بيناتنا علاقتي مع طاتي ولا غيثة ماشي بالضرورة تسالا!!!
يوسف: (بقرف) شنو تديري حدا بيتي؟!
الياقوت: كنا تنهضرو وصافي، علاش شي ماانع
الغالية: ولدي حشوومة الياقوت راه بنتنا
يوسف: (شاف فمو بغضب) عوااض متقابلي للي قراب منك جايبة هادي هنا!!
الياقوت: يو..
يوسف: خرجي ت*** علية من هنا وعرفي حدك!! ضييفة حدك لتحت مطلعييش لبيوت نعااس (بغا يحل بيتو كان مسدود دق) خديجة!!!
الياقوت: تو تو توء ماشي مستواك هدا ايوسف
خديجة: (حلت لباب كانت زادت قدات راسها دخل زادح الباب عليهم بجوج) يوسف شنو هادشي؟!!
يوسف: بففف غير مسحيها فية احبيبة انا مفهمتش الوالدة كفاش تتفكر!!!!
خديجة: (بقات كتشوف فيه) مفهمتش كنتسناك فبيتنا وهوما هاجمين باغييني نخرج هاكا صحة لتحت يوسف انا مموالفاش هاكا فالدار كول حاجة باحترامها عفاك هضر مع الوالدة ديالك وحتى هاد قضية تجيب وحدة كانت مع ولدها تعرفها على مرتو فشكل!!! يمكن تقول انا معقدة ولا ماشي متحضرة بحالكم ولكن بحال هاد العيشة منقدرش عليها ومنبغيهاش
يوسف: لا لا بلعكس كلامك للي على حق.. نواعدك نتعشااو حيت جايب معايا شريف وغيجي حتى اورطيغا يمكن ونمشيو فحالنا ولكن غي..
خديجة: صافي غيثة نديوها معانا راه بيتها كاين تماك وغدا نمشيو لصفرو ندوزو نهار تماك باغية نرتاح شوية من هادشي
يوسف: سمحيلي (هز يدها باسها وتسعها كيشوف فيها) شنو هاد الزين احبيبة رخفي علية شوية راه قربت منعاودش نخرج من حداك
خديجة: ههه (عنقها وجمعت الظحكة هادشي للي كيوقع معاجبهاش!!! وبلانات فراسها ديرهم واخا مكانتش باغية هاد الحرب!!!)
اورطيغا: (مشا للمحال كمل شغلو صيفط الدري للي معاه بكري وبقا هو مرجعش صونا عليها عصباتو منين مدارتش بكلامو ومشات لدار الكلب مكيهموش شنو يكون واقع، للي كيهمو هي متمشيش.. جا عندو شريف)
فين كنت؟!
شريف: كنت مع يوسف فالدار وخرجت مشيت وصلت ادم للمطار
اورطيغا: هداك ز** متترتاحش ليه
شريف: بلعكس مكاالمي بعييد على صدااع
اورطيغا: (لوا شنايفو) تيعنر معاك بزاف
شريف: اه ولكن عادي متيعرف والو علية راك عارفني
اورطيغا: امم مهم نتا غتبدا داكشي ديالك فرمضان
شريف: بحال ديما وكان حتى نتا درتيه بنادم تيعجبو داكشي فشهيوات وداكشي مشرمل ومقاد
اورطيغا: رمضان راك عارف تدووز علية ذبيحة كولها تتكون علية حيت السي سعد متيقدرش
شريف: هاد المرة شفيق غيدخل يعاون وشغل يتقسم علينا ب3
اورطيغا: هاكا تتقولو فالسيمانة اللولة ومن بعد تتماوتو واحد بواحد
شريف: ههه ونتا عزيز عليك تمارة جيب الݣزار اصاحبي يذبح وخرج داك السوق
اورطيغا: زايدين فية دوك ريوس للي غنخلص عليهم الݣزار
شريف: غير فين تدير دوك الفلوس ؟!!
اورطيغا: *****
شريف: ههه ياله سد نمشيو غنتعطلو على يوسف
اورطيغا: لوكان عفيتوني معنديش مع داك القنت
شريف: راك عارف حالتو غير ياله (بقا كيقنعو كمل طلع للدار شريف بقا كيتسناه هو دوش بدل عليه وهبط مشاو عندهم كانو موجدين جلسة فالجردة ومنها يشوييو)
فين غيثة؟!
يوسف: بقات مع خديجة
شريف: (شافها جاية هي وخديجة كل وحدة وشنو هازة حيت خديجة للي شرملت لحم ودجاج وقدات سلطة جات عندهم)
خديجة: سلام عليكم (يوسف كتعجبو منين ديما لباسها محتشم ومعاه كتلبس للي بغات، متبدلتش كما عرفها كما بقات)
الكل: عليكم السلام
شريف: لباس عليك اختي؟!
خديجة: الحمد لله اخويا ونتا لباس عليك كيف بقا الحاج
شريف: الحمد لله اختي
خديجة: اتاي نعناع ولا شيبة؟!
اورطيغا: (هز يدو) شيبة (تبسم) الله يحفظك
خديجة: مرحبا!! (شافت فيوسف) قهوة؟!
يوسف: (متبسم) حتى انا اتاي.. (مشات من حداهم وغيثة كانت عاطية بظهر كتقاد داكشي فوق الطبلة بهدوء) غيثة!!!
غيثة: (ضارت) نعام اخويا
شريف: مخاصمة معانا؟!!
غيثة: (معاقلاش على البوسة كانت غير كتفادا اورطيغا تبسمت ومشات عندهم وجلست حدا يوسف) صاڤا!!
شريف: الحمد لله ونت
اورطيغا: (كيشوف فيها)
غيثة: الحمد لله (شافت فاورطيغا وكتنهد من لداخل) صافا اورطيغا
اورطيغا: الحمد لله ونتي؟! (حركت راسها باه، صونات أمينة عليه جاوب نايض، وحتى هي ناضت مشات وبقاو دراري مجمعين لحق خو يوسف وباه اما الغالية مولاتش بانت حيت مخاصمة مع يوسف على شنو دارت….)
كملو عشااهم اغالبية رجال بقاو بوحدهم وغيثة وخديجة ومرت خوها جلسو بعاد كيهضرو على مواضيع نسائية…
شريف مشا مع اورطيغا بات معاه فالدار أمينة كانت فالرياض اما غيثة مقدرتش تنعس قلبها كيضرب كتحس براسها ماشي نورماال حتى كتبغي تصوني على ادم وتحبس معارفاهش مكاينش فالمغرب جاتها نوبة ديال الخوف والبكى بقات سوااايع على ديك الحالة كتصبر فرااسها حتى نعست مكمشة..
فهاد الوقت ملاك فاقت مع صوت الريڤيي من تيليفونها حيت خاصها تنوض معقلتش حتى فوقاش نوضتها مها ومشات لبلاصتها مشات طواليط ورجعت كتلبس حوايجها حيت كولشي محطوط حداها مها للي خرجتهم ليها، شافت فتيليفونها مكاين منو لا أبيل لا ميساج استغربت!! واش مزال مقلق!! صونات على زينب كانت فايقة طرونسبور غيجي عندها لحدا قهوة باها ولكن متخرجش حتى تعلمها، شافت فسطاتي الواتس شنو حاطة خديجة كانت هي ويوسف فالجردة شافت ديال غيثة كانت دايرة سيلفي مع العائلة خرجت عينها منين شافت اورطيغا حتى هو جالس حدا شريف ويوسف للي كياكلو
مشا عندهم؟؟! مقالي والو!!! (بقات كتزوومي مغووبشة والعافية خارجة من نيفها حتى صونات زينب وقفت هازة باليزتها باش متصدعش ولاد عمها للي ناعسين حداها وخرجت صقييير الفجر ومزال مأذن معرفت واش تفيق باها ولا شنو دير!! اصلا غيجيو حدا القهوة معندها علاش تخااف مشات لبيت مها ميمكنش دخل والا دقت خافت غير تفيقهم حتى سمعت تيليفون مها كيصوني وكتنوض باها بقات وااقفة كتسنى حتى خرج باها باستو فيدو)
ملاك: بابا غير رتاح هوما غيجيو حدا القهوة
رشيد: ياله نوصلك دخلي تكلمي لمك (دخلت عندها توادعت معاها من بعد موصاتها تهلا فراسها وتحضييه، وخرجو بجوج بيهم هاز باها الباليزة) مخاصك والو
ملاك: لا كولشي كاين واش لفلوس زعما
رشيد: ههه اه
ملاك: هه لا عندي (لقاو حمزة جالس فراس الدرب شافت فيه غير حاني الراس عمرها شافتو فهاد الحالة)
رشيد: حمزة ولدي شنو كدير هنا؟!
حمزة: (هز عينو لقاها حتى هي شاف فالباليزة للي هاز رشيد) غير جالس كنت جيت من فاس وبقيت هنا (شاف فملاك) مسافرة؟!
ملاك: امم (قلبت وجهها)
رشيد؛ سير دخل اولدي رتاح شوية وصلي صلاتك راه كولشي من عند ربي رحمة وحكمة
حمزة: (زفر وقف) ارا نهز عليك اعمي (لاخر كيعتارض حتى هزلو الباليزة تمشااو وملاك سابقااهم حتى وقف لباص ملاك مشات باست يد باها وقف حداها حمزة حيت باها كان كيهضر مع واحد خدام معاها كيمشي هو ومرتو وصديق رشيد مكيخويش عندو من القهوة كيوصيه على ملاك)
حمزة: انا فهاد الحالة ونتي مسافرة املاك
ملاك: (شافت فيه بإستغراب وفنفسها شنو كيقول هاد ايخان)
حمزة: غيجي من مورااك هادشي نتي للي هامك هو تبدلي الجو وتكوني معاه، وانا ولدي مات
ملاك: ولدك الله يرحمو سير قابل مرتك مسكينة للي بين الموت والحياة قابلها هي للي غتفيق وتسمع ولدها تدفن متكونش أناني كتفكر غير فراسك فكر للناس للي ضايرين بيك شوية شوف حالة مك حتى هي اما انا بعيدة عليك كل البعد
حمزة: (سالت دمعة من عينو) تفكيري فيك نتي للي خلاني لغيت كوولشي فحيااتي ولدي منين كان كيموت كنت كنقلب غير نسااك
ملاك: متسبي فية واالو
حمزة: مسبيتش ولكن على الاقل… (مستحملتش تسمع هادشي وعاد شي واحد يلومها وهي مدايرة والو طلعت خلاتو هكاك كيهضر، سلمت على زينب وجلست بانزعاج كلامو كيتعاود فودنيها…)
ملاك: (شدو طريق دارت لكيت فودنيها طالقة الملحون وناقصة الصوت، كتفرج فطريق عكس للي بزاف نعسو تماك كتحاول تحايد كلام حمزة ميمكنش حيت بغات تبعد منو يسبي فيها موت ولدو!!
تفكرت اورطيغا للي مصوناش ݣاع ومقلق على مشيانها لدار حمزة وحتى هو مشا لدار غيثة!!! صيفطات ليه ميساج على شحال)
“”صباح الخير انا ركبت””
طلعت ليها غير شرطة وحدة يعني ناعس بقات كتفرج فطريق حتى شرقات الشمس مقدرتش تنعس بقات كتفكر بايجابية هي اصلا داكشي علاش سافراات بغات تفوج ماشي تبقى مهمومة قربو لشفشاون ومع الشمس ضاربة بداو كيفيقو للي معاها، وصلو مشاو لساحة وطا حمام هي اللولة عجبها الحال كانت 8دصباح هبطت من تمااك دارت الشابو ونزلو مخرجين الأمتعة ديالهم كتشوف فالدنيا تمااك عجبها الحال ومكتاينش فين تحط رجلك مع الݣور والسياح
واش هنا فين مثلو بنات لالة منانة؟!
زينب: هنا غنفطرو ونمشيو لراس لما نوريك الدار فين مثلو
ملاك: (تبسمت كتشوف المنظر مشاو لاوطيل تماك فالساحة طلعو خدات شومبر بوحدها طلت على الساحة فرحانة صونات على مها علمتها راها وصلت شافت فنمرة اورطيغا مزال مقرا الميساج مجات فين تحط التيليفون حتى صونا عليها أبيل ڤيديو دغيا طارت دارت عكر وصاوبت لفلتر عاد جاوبت متبسمة شافتو عاقد حواجبو ناسية راسها انها مقلقة منو وهي دور الكاميرا كتوريه المنظر على برا عاد قلبت الكاميرا متبسمة كتشوفو صايݣ)
صباح الخير
اورطيغا: (بصوت فيه بحة نعاس) صباح النور كيف وصلتي؟!
ملاك: منعستش بقيت غير كنتمنظر فطريق ودابا غنمشيو نفطرو
اورطيغا: (كيشوفها متحمسة) ومن موراها
ملاك: غندورو هنا لشي بلاصة معقلتش مهم فيها لما، وغنمشيو لأقشور نعومو ورجعو هنا نباتو وغدا غنمشيو الجبهة وفلعشية غنشدو طريق لصفرو
اورطيغا: مزيان.. (تدق لباب حطت التيليفون فوق الكوافوز كيشوف فالشومبر كيسمعها كتهضر وتظحك رجعت عندو) معامن كنتي تتهضري
ملاك: مع زينب باش نهبطو نفطرو.. مالك
اورطيغا: والو (وصل لبن سودة وبقا فالطموبيل على ميكمل معاها) واخا منجاوبش بقاي تصيفطيلي شنو تديري
ملاك: ومالك كتهضر هاكا؟!
اورطيغا: لبارح داك الديكور مطربنييش (جات تهضر) مهم مديري فبالك والو سيري فوجي
ملاك: قولي مالك بعدا؟! الا على حساب البارح راه مكملتش حتى دقيقة ورجعت فحالي انا ومي حلو راه حدنا دينا ليهم مسمن، ولكن نفكرك نتا فاش مشيت لعند امم يوسف ومقلتيهاش (مبغاتش تقول غيثة)
اورطيغا: مقلت والو دابا املاك نساي عليك وسيري نزلي تفطري (شافها كتشووف مبغاش يطفي حماسها)
وصافي املاااك هانتي قلتيها يوسف
ملاك: واخ.. بسلامة (قطعت عليه، هزت كتفها مغالطااش وهو للي غيرطب بغا ولا كره، مشات لبست الكسوة للي شرالها وقدات الفولار وهبطت تحط الفطور للي كولشي طلب فطور شمالي بقات كتصور وعاجبها الحال من بعد طلعت هزت الشاپو ونظاظر لبست سبرديلة كما وصلاتها زينب حيت غيتمشاو ومشاو لراس لما للي كان منظر اااااخر مريح للنفس والعين….)
يوسف: (شاف فالساعة كانت 8 دصباح خديجة كانت ياله كتفيق حتى هي من نعاسها) صباح الخير (باسها)
خديجة: صباح النور
يوسف: حبيبة نوضي وجدي راسك نخرجو نفطرو برا
خديجة: (تبسمت) وااخ
يوسف: ومن تماك نمشيو لدارنا ياك حوايج واجدين كولشي مجموع؟!
خديجة: اممم سير فيق غيثة بحرا تنوض ليك… (ناض قضا روتينو وحتى هي ناضت مشا يفيق غيثة لقاها نعاسة مكمشة فوق لفراش بحرا بغات تفيق حيت منعستش مزياان وجدو راسهم الغالية مبغاتش تخرج عندهم. حتى هوما مدقوش عليها ولا حتى علموها حيت يوسف خدا منها موقف خديجة ممسوقاش ليها اصلا فرحانة غتمشي فحالها وغيثة تفكيرها غير فهمها!!
مشاو من تماك غيثة غير ساكتة كلامها قلييل جا عندهم شريف للقهوة فطرو مجموعين.. غيثة جاها ميساج بنمرة معندهاش)
سيري لقهوة**** دخلي غتلقاي البنت ديال اخر مرة فطواليط غتعطيك داكشي
غيثة: (فرحت هادشي للي كانت باغية عرفات غيكون ادم لي فكر فيها هاكا!! ولكن ماشي هدا هو المهم، نسات شحال قرات راسها وقررت تاخد خطوة بعيد على هادشي ولكن من اول ألم مقدرتش دمها كيغلي وراسها تقيل واعصاب على سبة حاسة براسها غتنفاجر على شي واحد من أتبه الأسباب!!
ركبو شادين طريق لايفران ومن حسن حظها ماشيين من داك الاتجاه قربو يوصلو للقهوة)
خويا بغيت ندخل طواليط
يوسف: (شك) عاد كنا فقهوة اغيثة
غيثة: عفاك اخويا..
شريف: صافي حطها حتى انا ندخل نجيب قهوة
خديجة: حتى انا بغيت ندخل
يوسف: سبحان الله كولكم بغيتو دخلو
(غيثة كضور عينها كفاش غدير!!!
وقف هبطو كيتقرااو بعينيهم يحضيوها شريف مشا دموندا قهوة ووقف حدا طواليط وحتى خديجة دخلت مع غيثة، دخلت لداخل مكرهة خرجت لقات خديجة كتغسل يدها للي مدخلتش وبقات مراقبة دخلو جوج بنات غير شافتها غيثة عقلت عليها هي للي عطاتها اخر مرة)
غيثة: خديجة عطيني داك الݣلوص ديالك
خديجة: (مع حنات عينها تجبد البنت حطت ليها الحبة فوق تيليفونها طيرتها غيثة بالخف عطاتها لݣلوص وهي كتشوف دوك لبنات بقاو كيقادو عكرهم وكلامهم غير بالفرونسي خديجة غير كتشوف اما غيثة دارت لحبة تحت لسانها ودارت لݣلوص)
غيثة: عندك لما؟!
خديجة: فالطموبيل
غيثة: صافي ياله نخرجو (خرجو وخديجة غير مراقباها لقاو شريف حدا طواليط هاز قرعة دلما مع قهوة خدات ليه قرعة ديال لما) عطشت
شريف: (تبسم شربت وعطاتو شاف فخديجة دارت حركة بوجهها مكاين والو وتمشاو خارجين حرك راسو بلا ليوسف وشدو طريق…)
~~~~~~~~~~~~~
ملاك: (منين وصلت لدوك دروبة وهي كتصور محمقها داكشي وشحال تمنات يكون معاها اورطيغا صونات عليه ابيل ڤيديو جاوب فأخر صونيط مقرب وجهو للي فجبهتو كاينة نقطة الدم جاافة)
اورطيغا: زيين!!!
ملاك: (كتوريه فين هي) هادشي كيحمق (تبسم قربت لميكرو) مكرهتش وكان كنتي معايا هنا
اورطيغا: عولي عليها المرة جاية
ملاك: (تبسمت باينة فيها الفرحة) باي باي
اورطيغا: اري شي بوسة
ملاك: هه (قطعت وهو ورجع لداخل…)
يوسف: (شاف غيثة من لمرايا كانت كتشوف فطريق كانت عادية يوماين وهو حاضيها مكانتش فيها بوحدها!! ممكن جدا متكونش مدمنة تكون غير جربت!!!! سمع شريف كيهضر فالتيليفون كمل) اشمن دوا
شريف: ديال المعدة ادم مشا لفرنسا
غيثة: (ضارت شافت فيهم منتابهة كفاش فرنسا؟!)
يوسف: بالصح امتى رجع لتماك؟!
شريف: شي يوماين كان عندو كونجي ومشا يريح راسو
يوسف: هو عاجبو الحال يجلس هنا؟!
شريف: هو جالس على حساب باه، كان قالي قبل كان تيجي يجلس بزاف فالمغرب، غير مكانش تيبان عندنا خدمتو بين هنا ولهيه
يوسف: خدمتو زوينة صراحة وفيها الراحة
شريف: حتى هو جونتي بزااف كان بغا يتزوج شي وحدة هاد الايام ومبغاتش ولا متفهاموش
يوسف: هنا؟!
شريف: امم صافي قالي نمشي نرتاح شوية نعاود نفكر ويرجع!!
(غيثة منتابهة معاهم ممتيقاش انه كيبغيها وعاود حتى لشريف!! باينة معاودش بسمية ولكن واش لهاد الدرجة متأثر بيها!!!
رجعت شافت لميساج كان بنمرة دالمغرب يعني ماشي من عندو!! مشات الواتس مخرجتش ليها تصويرتو بحال مبلوكيها!! غمضت عينها مباغا تفكر فواالو حيت هاد دوا سكت شحال من صوت وصداع كان عندها فالراس!!)
خديجة: زيين فين راكي دابا؟!…
اممم.. يا لالة بالصحة والراحة…
غتمشي لطنجة ولا مارتيل؟!..
إوا مزيان.. واخ.. بسلامة (قطعت)
يوسف: واش ملاك سافرت؟!
خديجة؛ اه مشات مع الخدمة شي يوماين لشفشاون وقالتلي حتى الجبهة
يوسف: مزيان مقالتلي والو!!
خديجة: نسات يمكن..
غيثة: حيت دابا عندها اورطيغا للي غتهضر معاه نتا سالا وقتك
كولشي بقا كيشوف فيها وهي مغمضة عينها مرد حتى واحد متبعين غير طريق…
~~~~~~~~~~~~~
زهرة: (قطعت مع ملاك للي فرحانة كتوريها باب ديال دار بنات منانة فين تصور المسلسل وبقات هازة أنير للي فيه سخانة من الجلبة) سهااام سهاااااام!!!
بنتها: ماما راها فدار خالتي نجية امرت عمي
زهرة: واخا ابنتي الله يرضي عليك (بقات فيها نجية ولكن متقدرش تمشي لديك الدار دخلت سهام للي عرفت منها مزال أميمة مفااقت وكولشي خايف عليها!!!)
ملاك: (كانت كتشرب عصير الليمون وحاطة رجليها فداك لما البارد مستمتعة مرة مرة كيبغي يأنبها ضميرها من كلام حمزة وكتنفض دوك الافكار رجع صونا عليها اورطيغا دارت لكيت كان ابيل ڤيديو هو مزال خاصها تستفسر منو مشية لديك الدار ولكن دابا كتفضل تعيش اللحظة والعتاب ملحوق…
تبسمت وهي كتكمش عينها حيت ضاربة الشمس فيها وكتشوفو بصعوبة)
هاالوووو
اورطيغا: عاجبك الحال
ملاك: (تبسمت) بزاااف ولكن الجو سخووون حسابلي هنا الحرارة غتكون ناقصة ساعة العافية
اورطيغا: معليش صبري مهم تفوجي
ملاك: (شافتو ماشي هو هداك) مالك؟!!
اورطيغا: والو، والو.. قوليلي خاصك شي حاجة
ملاك: (تبسمت) نتا؟
اورطيغا: الا جيت عندك شنو تعطيني؟!
ملاك: نعطيك رضا هههه
اورطيغا: لا بغيت السخط (تبسم وهي كظحك باينة فيها الفرحة)
انا غرجع للخدمة
ملاك: شنو كدير دابا؟!!
اورطيغا: صباح تتكون فيه ذبيحة ومن بعد غنمشي للمحال
ملاك: كتعيى!!
اورطيغا: ولفت ازين غير نتي للي مزال مبغيتي تولفيني (تبسمت) شنو!!!!
ملاك: بلعكس ولفتك
اورطيغا: واش أجمتي غنبقى ديما تنعصر منك الهضرة!!!
ملاك: هه على أساس نتا تتخرج منك بلقناطر!!
اورطيغا: انا تندير ولكن منك نتي ودني تتبغي تسمع وعيني تتبغي تشوف ويدي تتبغي تقيس
ملاك: (جمعت الظحكة) شنو تقيس؟!
اورطيغا: تقيس شنو عندك فداك القلب وحتى للي فوقو للي كاين
ملاك: (عوجت فمها) اممم
اورطيغا: فكرتيني فعجل خاصني نمشي نذبحو..
ملاك: (جات تهضر وعيطولها باش يمشيو لأقشور) حنا غنتحركو دابا
اورطيغا: اري شي بووسة!!
ملاك: ههه بااااي (قطعت ولحقت عليهم مشاو ركبو فلباص ومشاو لأقشور للي بعيدة شوية على شفشاون،
وصلو كان عالم اخر تماك دخلو لبنات طواليط لي بغات تعوم بدلت ملاك لبست بوركيني وخرجت كتشوف دوك الاجواء مشاو لجهة ديال لما دخلت كتعوم جاها لما بااااااارد حاامد مݣلاصي عكس الحرارة للي كانت عندهم..)
حمزة: (كانو عطاوه 3 ايام فالخدمة ميمشيش على حساب موت ولدو، بقا فصبيطار كاين هو ومها وختها مكيهضرش معاهم مكيهضرو معاه، باقي بين عينيه غير فاش دفن ولدو باقي كيحس بين ذرااعو داك الكتلة للي كان هاز خفييف ملوي فكفن!! كيرمش عينو دغيا بحال كيحاول ميفكرش فهادشي للي غرق فيه حس بخوف كبييير انه يكون هو السبب فموتو!! مزال مستوعب شنو وقع، جات عندو فرملية علماتو يدخل عند طبيب فلبيرو دخل علمو ان مرتو فاقت ولكن مزال داايخة شكرو وخرج قالها لمها للي سخفت من الخبر وقف معاها على مداوها ليرجونص لتحت وهو هز التيليفون صونا على باه حيت مو مكتهضرش معاه علمو راه أميمة فاقت! بقا تمااك حتى خرجوها من العناية وداوها لغرفة عادية تبعهم وهي كتحاول تهضر وداايخة وقف حداها بقات فيه وهو كيشوفها كتألم بالحريق)
أميمة!!!!
أميمة: (هزت راسها فيه ورجعت سدت عينها دايخة حطت يدها على كرشها للي مزال منفوخة شوية) واش ولدت؟! مبقيت عاقلة على والو من داك لحريق!!!
حمزة: اممم
أميمة: ولد ياك؟!! (قلب وجهو لسرجم) حمزة واش ولد؟! فيينو مغيجيبوهش
حمزة: لا نتي رتاحي بعدا
أميمة: مغرضعوش؟!
حمزة: (حرك راسو بلا غتعرف تعرف) شوفي نتي بعدا خاصك ترتاحي ويطير منك البنج
أميمة: ونتا شفتو؟! فين ماما ومرت عمي؟!
حمزة: لتحت
أميمة: واش زوين غيكون زوين بحالك (كتحس بالحريق) الحريييييق مكنتش ݣاع معولة نولد سيزاريااان
حمزة: أميمة الولد (بقات فيه ولكن ميخليها متأملة) الولد مات الله يرحمو
أميمة: (بقات مصدومة حتى من لحريق مبقاتش كتحس بيه)
اويلي!!!
حمزة: بغاه الله وهو دابا طير فالجنة (تضببو عينيه منين تفكر فاش دفنو) الله يرحمو مهم نتي براي ب.. (بقات كتغوت)
أميمة: ولديييييي لااااااا نتا غير كتكذب اصلا مكنتيش باغيييه (بقات كضرب فوجهها وهو حداها)
ولديييييي (كيبغي يشدها دخلو جوج فرمليات وهو تسع خرج متأثر.. جات ختها علمها راه فخبارها وبقاو كيتسناو باش يدخلو عندها)
~~~~~~~~~~
زهرة: (جات عندها نجية لدارها) اوا على سلامتها مسيكينة اختي نجية والله يعوضكم فداك الوليد
نجية: امييين (وجهها صفر وباين عليها العيااء)و الله يسلمك اختي علم الله بحالتها كيف غتكون
زهرة: الله يكون معاها انا مجربة حر ديك الكية من بنتي مليكة الله يرحمها
نجية: (تنهدت) فسبيييل الله مشاو فسبييل الله الله يرزقنا صبر…
ملاك: (واخا جاها لما بارد بقات فيه حدا الحجر مزعمتش حتى تمشا…
بقات فيه شحاال عاد خرجت من تماك مشات جلست حدا لبنات كتقفقف وجاها الجوع كل واحد وشنو طلب فلغدا كلاو ورجعو كيعومو وللي كيصور اما هي نفخت الشومبرير واخا حشمت فاللول ولكن زعمت باش دخل دوزت عشية زوينة تماك عاد رجعو لشفشاون لوطيل وكل واحد حر يدير شنو بغا، دخلت دوشت وكانت غسلت البوركيني للي نشراتو فلبالكو هو والفوطة خرجت سمعت التيليفون كيصوني مشات تشوف كان اورطيغا هزت ليزار دغيا دارتو عليها فراسها وجاوبت)
انا نلبس ونرجع نصوني عليك
اورطيغا: لا لا صافي غير خليك (وججها فازݣ) غير لبسي انا نتسناك
ملاك: هه مرااد
اورطيغا: وصافي بحال مكاينش غير قضي قضي باغي نشوف الزين ديالي طالق علية السر
ملاك: هه بسلامة (جات تقطع وبركت غير ف retour تحت من العلامة الحمرا وصغارت لقطة الكاميرا حيدت ليزار من على شعرها للي مطلوق، كانت لابسة بينوار حنات جبدت من الباليزة لحوايج للي غتلبس بغات تشعل الموسيقى قلبت على تيليفونها مشات لكوافوز فين خلاتو واقف كيبان ليها ممطفيش قربت كتشوف الكاميرا مزال خدامة خرجت عينها وهو دار ابتسامة عريضة جا يهضر تجننت وقطعت محايدة الويفي)
ولد لحراام!!!!! ويلي على شوووهة!!
(صونا أبيل عادية قطعت دارت يدها على فمها كانت غتحايد لبينوار باش تلبس شهقت وكان شافها عريانة!!! صيفطلها ميساج)
“جاوبي راه عجبني الفلم”
ملاك: (مجاوبتش مغوبشة) سير تزمر (حطات التيليفون معصبة تحت لوسادة ولبست حوايجها بقات طالقة شعرها كتنشفو صونات بريڤي عليها مجاوبتش كان ظلام بدا كيطيح طلت كانت الساحة عاامرة صونات على زينب كانت غتخرج هي وراجلها مبغاتش تخرج معاهم تخليهم على راحتهم لبست كسوتها دارت عكر خفيف هزت صاكها وخرجت تسارا بوحدها ومغتبعدش…
كانو اجواء زوينين لحلاقي كيغنيو ݣناوة هبطت المدينة كتمنظر بغات تشري شي حاجة لاورطيغا ولكن مكيناش شي حاجة من غير سوڤونيغ صغار ديال مدينة شفشاون وهو كيجيب ليها داكشي بزاف وكبير وخا هكاك خدات كرة زجاجية فيها تذكار ديال شفشفاون، ومشات عند محال ديال شمع خدات شمعة كبيرة كبيرة فكاس عليه زخرفة ديال المدينة برائحة لڤاني دارتهم فبواطة شراتها من عند مول المكياج باش تعطيه داكشي مقاد..
مشات للمطاعم للي تماك تسنات شي نص ساعة، وصلت نوبتها وجلست باش تعشا بقات كتشوف فلموني ختارت بلا وبقات كتسنى عشاها.. رجع صونا عليها أبيل ڤيديو دارت لفلتر للي كان كيصفي الصورة ركبت لكيت فودنيها)
وي
اورطيغا: (عاد خارج من لاصال) مال مك؟!
ملاك: شوف نتا عيييب داكشي للي درت قبيلة وهادشي مكيظحكش امراد
اورطيغا: مشفت والو اصلا
ملاك: وحتى تشوف
اورطيغا: اه باغي نشووف
ملاك: واش مكتحشمش
اورطيغا: لا وباغي نشوف غنكذب عليك والله مكرهت (بقات غير كتسمع) عوجة مرة أخرى عرفي كفاش ديري تحطي التيليفون باش نشوف داكشي مقاد
ملاك: راه والله حتى غنتقلق
اورطيغا: حتى انا تقلقت مشفت والو وداي تهمة باااطل وعاد تتقردي فية على والو
ملاك: (جابلها الظحك ولكن مظحكتش) حلم تشوف شي حاجة
اورطيغا: وا هي ماشي غادي غير نشوف غادي ن..
ملاك: مرااااد وصاافي
اورطيغا: تجيبها الفرصة مغنزݣلكش
ملاك: غنقطع
اورطيغا: حتى انا باغي شي سبة باش نخلط على مك تماك…
سلام بنات نتمنى تكونو بيخير نتوما وعائلاتكم وكل أحبابكم بنات مراكش تارودانت الحوز شيشاوة ورزازات.. نتمنى تكوني بخير بقا بالنا معاكم بزااف انا نفسيتي عياات بغيت نقول لبنات لي أغلبية غتكون نفسية ديالهم مضمرة باش تبراو شوية واخا صعيب ولكن خطوة كتفاجي شوية للي قدرت تبرع ولو بمبلغ بسيط ولا فراش اي حاجة قدر المستطاع ولا بجوج ركعات مع دعوة لخوتنا للي فصبيطار ومع الشهداء
انا ساكنة فسلا وكانت هزة خفيفة الحمد لله ولكن كانت مرعبة نطلبو السلامة للجميع
ونتي فين ساكنة وكفاش نفسيتك؟!
حمزة: (حالة أميمة كانت خايبة جات مو وباه وقفو معاها اما هو براسو داايخ ومكاين للي واسااه بحكم كولشي واخد عليه فكرة وحدة انه مكانش باغي الحمل وحتى واحد محس بيه ولا فكرو انه شنو كان كيحس فاش دفن ولدو وهو كيموووت بتأنيب الضمير اتجاهو…)
~~~~~~~~~~~~~
الياقوت: (خرجو وتلقاو فكافي متنكرش انه خديجة زوييينة وظنت غتطيحها ففخه ولكن كما قالت الغالية عارفة شنو كدير مزيان!! جات الغالية)
طاتي!!!
(ناضت سلمت عليها بالوجه)
تتباني عيانة
الغالية: بحالا مشفتيش هاديك الموصيبة للي عندي فالدار!! كفاش بغيتيني نكون… لبارح تخاصمت مع ولدي بسبابها
الياقوت: (بتأسف) حسن عوانك اطاتي انا لبارح مقدرتش نستحملها حتى دقيقة
الغالية: (بجدية) تنسمعك الياقوت شنو طرا وجرا باش تفارقتي نتي ومولاي يوسف
الياقوت: مكناش مفارقين عادي مناقشين
الغالية: شنو هاد مناقشين ونتي مشيتي لدبي
الياقوت: كنت غير بغيت رتاح عند ختي وصافي
الغالية: ترتاح عام!!! شنو جرا الياقوت ولدي مكانش فمزاجو منين مشيتي نتي
الياقوت: وحتى انا كنت محطمة ولكن صدمني منين سمعت خطب مكملتش حتى 6 شهور وخطب!!
الغالية: شنو وقع بغيتني نكون معاك وفصفك عاودلي الصراحة
الياقوت: كنت…
~~~~~~~~~~~
شريف: (وصلو لعين ڤيتييل خديجة ويوسف مشادين اليدين كيتمشااو كان جو مبرد شوية وهو كيشوف فغيثة) غيثة!!
غيثة: (شافت فيه) وي
شريف: شكون صحباتك للي تتكوني معاهم هاد الايام
غيثة: هه علاش تتقلب على شي عروسة عاود!!
شريف: اممم الا كانت شي وحدة علاش لا
غيثة: عاود اشريف!! ياك نتا باغي تستاقر بحال يوسف شوف مع شي وحدة بحال خديجة ضريفة ومعقولة شوف مع ختها.. ملاك
شريف: وعلاش ملاك؟!
غيثة: حتى هي باغية تزوج، ومنها تبعد على اورطيغا
شريف: ولكن هو باغيها وتابعنا
غيثة: قالهالك هو
شريف: بلا ميحتاج يقول
غيثة: انا مبغيتش يكون معاها
شريف: علاش؟!
غيثة: ماشي ديالو هي معقولة وماشي ستيل ديالو
شريف: امم واخا ولكن عاوديلي عليك نتي معامن تتكوني هاد الايام؟!
غيثة: بوحدي
شريف: متأكدة!!
غيثة: نتا ويوسف تتسولو هاد الاسئلة بزااف قولي شنو بغيتو تسمعو ونقولكم
شريف: (واش كتصطانع ولا ممفكراش ديك البوسة) حيت ختنا مبغيناكش تبقاي بوحدك
غيثة: لا ماشي بوحدي تنخرج انا وخديجة…
غيثة: (كانت مكااالمية عكس فاش كتجيها نغزة زايدة ديال الظحك ولا الهضرة بزااف لدرجة رتاحو منين شافوها هاكا دخلو لقهوة تقهواو حتى جات وحدة اول مرة تشوفها جلست معاهم قدمها شريف ليهم كانت زوينة متبتة لابسة حوايج مستورين عاديين مدايراش فولار وهضرتها مرزنة حتى من لميكاب خفيف..
كانت كتشوف فيها ورجعت شافت فخوها وشريف غير قبل كفاش كان ذوقهم هاد الجوج ودابا العكس تفكرت اورطيغا حتى هو كان باغي البنت تكون بحال باربي ودابا كيحوم على ملاك يعني هادشي للي كيتبغى فالمعقول!!
شافت فشنو لابسة كانت كسيوة مزيرة الفتحة فوق ركابيها بصميطات وهادشي غي حيت يوسف معاها اما هي كتموت على العرا سمعت حدييثهم كيهضرو فأمور عاامة، جاها الملل وفنفس الوقت حست بدماغها خاوي فوسطهم)
شريف امتى غنبدى مع هاديك السيدة
شريف: (تبسم) هي هادي، شوفي معاها
غيثة: (وساعو عينيها كتشوف واش هادي للي عندها لاتولي كبير وكتعلم لبنات كتبان من حوايجها عادية )
تيحسابلي شي مرا كبيرة
أسماء: (تبسمت) تنخدم مع ماما ولكن لاتولي رجعت انا للي شداه فاش متتكونش هي
غيثة: متشرفين
أسماء: الاثنين ان شاء الله تكوني عندي مع 9
غيثة: 9؟!
يوسف: ههه غيثة غير غتجربي لفياق بكري غيعجبك الحال
أسماء: اول مرة نعرف 9 بكري ههه
شريف: ههه غيثة هداك راه عندها مور الفجر
خديجة: ههه صراحة حتى انا نجي نتدرب ولكن غير لخياطة
أسماء: مرحباااا انا نصيفطك المحال فين تيتعلمو لخيااطة تيشدو الخاطر وتعلمي دقة دقة
يوسف: (شافت فيه خديجة) معاك فأي حاجة بغيتي ونتي عارفااني مع قضية الصنعة
خديجة: (تبسمت) ان شاء الله
غيثة: (جاها الحديث ممل كيهضرو فالخدمة ومسائل كباار هزت العصير كتشرب كدور عينها كاين واحد كيشوف فيها قلبت عينها ممسوقااش صونات عليها مها مجاوبتش رجعت صونات)
بفف… وي ماما (كولشي نتابه) مزال مغرجعوو…
كفاش عقروشة راه سميتها خديجة ماشي عقروشة
يوسف: احم غيثة اجي معايا
خديجة: (تحرجت دورت عينها)
شريف: اممم نخرجو شوية نتمشااو؟! (شاف فخديجة اما يوسف نوض غيثة للي كتغاوت مع مها خرج بيها من القهوة)
خديجة نتمشااو
خديجة: معليش نتسنااوهم (اسماء غير كتشوف شافت فشريف)
أسماء: فين وصلتي فقرايتك اخديجة
خديجة: الباك ونتي
أسماء: حتى انا من الباك مشيت تعلمت الحرفة ديال العائلة تقريبا حنا كولنا هكا
خديجة: مزياان ولكن ماشي بنت فاس!!!
أسماء: هو انا كزاوية ولكن ساكنين فاس من شحال هادي
خديجة: انا من صفرو (بقاو مجمعين ولكن كرهها زاد على الغالية…)
ملاك: (تحط عشاها للي طلبت بقات كتاكل ودايرة أبيل ڤيديو مع اورطيغا للي حتى هو كان جاب عشاه كيااكل منين كتبغي تاكل كدير يدها على فمها) شنو غدير دابا؟!
اورطيغا: (كيخشي فوجهو عادي) نخرج للحومة
ملاك: وعلاش!! زعما راك عييت دخل تنعس ترتاح حسن
اورطيغا: وايلي غتبقاي دخليني مع العشا؟!
ملاك: ههه غير قلت
اورطيغا: متخافيش غنجمع شوية مع دراري وغنتم راجع فيحالاتي
ملاك: اممم (كملت ماكلتها وبقاو مجمعين… تفوهت) عييت انا بزاف هاد نهار كنحس بعيني كيتغمضو
اورطيغا: الا كملتي عشاك سيري طلعي الشومبر
ملاك: عجبني الجو هنا مسخييتش
اورطيغا: (شاف فالساعة كانت 10 دالليل) زيدي شوية وطلعي
ملاك: (حركت راسها باه، جا عندها السرباي تبسمت معاهو هي كتخلصو وطلبت ݣلاص بقات كتبسم وهو كيرحب بيها، رجعت شافت فاورطيغا للي مخنزر) مالك
اورطيغا: مالك نتي للي حالة فمك تماك !!! علاش بسلامتك تظحكي معاه!!!
ملاك: مظحكتش غير خلصت وطلبت ݣلاص
اورطيغا: (ببرود) داك لݣلاص غتاكليه لفوق تهزي من تماك
ملاك: مرااد!!
اورطيغا: يااااو بربي لاكليتيه تم واااتهزي من تم اوووو داابا
ملاك: (نقصت الصوت) مالك شنو شفت
اورطيغا: ياله داابا نوري لمك تتفركي معاه (غووبشت) وااا ياله (عقل كيقولها تقطع ولكن غادي غير يزيد يصعر بقات كتشوف فيه جابلها لاخر لݣلاص دغيا)
ملاك: (بلا متحس هزت معلقة وكلات وهو يقطع)
واش هدا حمق!!
(رجع كيصوني كملت كتاكل من داك لݣلاص دغيا معلقة من مور معلقة جمد ليها حلقها وناضت مسحت فمها دغيا مبعدة على القهوة)
احم علاش قطعت
اورطيغا: انا تنهضر معاك ونتي..
ملاك: والله الا نضت وسمحت فداكشي (دارت راسها مقلقة) مفهمتش كنا صحة سلام حتى تسيفت راه انا للي كنت مقلقة
اورطيغا: (كيشوفها) هضرتي زايدة ناقصة!!!!!
ملاك: ذقت معالقة كنت مشهيااه، صافي موقع والو امراد
اورطيغا: لا وقع!! سيري طلعي دابا فحالك
ملاك: ندور غير شوية (دورت الكاميرا) الدنيا مزال عامرة نشري ݣلاص ونطلع
اورطيغا: (كمش عينو فيها)
ملاك: اوووف… صافي انا غنطلع ناخد غير شي سقاطة ونطلع
اورطيغا: (صونا تيليفونو كان صاحبو) 5 دقايق رجع نصوني لقاك مكمشة فبلاصتك
ملاك: واش هنا ولا لفوق (قطع عوجت فمها مشات لمحال لقات سلعة دبرا خدات شكلاط دانون وخدات الزريعة بقات كتدور تمااك غير صونا مشات كتجري لوطيل مع الدخلة جاوبت ياله غيهضر) راه غير زينب شداتني بالهضرة فالدخلة
اورطيغا: (هز حاجبو مكيهضرش طلعت فدروج) انا خارج شوية نرجع ونصوني عليك
ملاك: متعطلش (بقا كيشوف فيها) ولا غنعس
اورطيغا: حتى متجاوبيش وعاد نتفاهمو ياله قطعي (قطعت ناض من تماك وخرج للحومة ديريكت…)
حمزة: (بقا غير تمااك فصبيطار، رجع طلع عندها تكلم مع مها على حالتها كانت تكالمات شوية اكترية منين كولشي صبرها من باه مو العائلة!! علموه حتى الغد ليه عاد يخرجووها باتت معاها ختها وهوما وهو وباه ومو رجعو فحالهم لصفرو دخل لبيتو تكا كيحاول يواسي راسو براسو حيت بنظر كولشي هو للي غالط وممزيانش مهما كان وجعو….)
~~~~~~~~~~
أصبحنا وأصبح الملك لله…
ملاك: (ناضت على صوت الريڤي كانت أبيل من عند اورطيغا شهقت نعست محستش براسها، اليوم يحيح عليها!! ناضت مشات قضات روتينها الصباحي صلات ولبست البوركيني للي نشف حيت غيمشيو للجبهة، كانت 9 صونات على اورطيغا مجاوبش عارفاه دابا كيكون فايق هبطت باليزتها من بعد متفقدت المكان انها مخلات والو من موراها مشات تفطر معرفت واش ترجع تصوني ولا تسناه!! كملت ركبو فلباص وشدو طريق للجبهة دايرة الموسيقى فودنيها والو مزال مصوناش وهي تصيفط ليه ميساج فلواتس)
“”صباح الخير””
(طلعت ليها جوج شرطات)
ولد لحرام حال ومبغاش يجاوب ݣاع لا..
(ردت التيليفون للصاك مغوبشة شنو غديرلو راه غلبها نعاس ومحستش براسها…
وصلو الجبهة وهي عقلها معاه صونات عليها مها للي عرفت ان أميمة جابوها وحالتها خايبة غير كيصبرووها قطعت ولتاحقات بلوخرين جلست بوحدها شادة كرسي وباراسول كتمنظر حتى رجع مصوني عليها جاوبت)
وي
اورطيغا: شنو فيها!!
ملاك: شكون؟!
اورطيغا: (بقا ساكت شحال) فين راك؟!!
ملاك: الجبهة.. (سكت) لبارح محسيتش براسي حتى نعست كنت عيانة وحتى فطريق فاش كنا جينا بقيت فايقة داكشي باش غلبني نعاس ومحسيتش براسي.. والله
اورطيغا: انا تيبانلي عندك زايد ناقص
ملاك: لا.. علاش كتقول هاكا غي حيت نعست!!!!
اورطيغا: متتسمعيش هضرتي املاك تبقاي تفرنسب مع **** مفهمتش!!! كلامي ممسموعش!!
ملاك: متبسمتش مع حد خلصتو عادي شنو بغيت ندير نخلصو ونجمعها معاه بتصرفيقة!!!
اورطيغا: مزال تتخرجي عينك؟؟
ملاك؛ مراد نتا عارفني
اورطيغا: اه عارف عينيك غير تيضوورو
ملاك: (بقات ساكتة) بففف
اورطيغا: اخر مرة نشوف داك الديكور املاك
ملاك: غير بغيت تكبر الموضوع انا يمكن غير بالفرحة دالمسافرة وكنهضر معاك نتا ضرت بشكل عفوي وهضرت معاه هكاك بنية عادية منويت والو وأصلا مكانش زوين
اورطيغا: (هز حواجبو)
ملاك: مشفتفش فيه اصلا نتا فاهم شنو بغيت نقول
اورطيغا: منبغيش نشوفك تضحكي مع شي واحد اخر كما كان وكما كانت نيتك
ملاك: (مبغاتش تزيد تكبر الموضوع راه تابعها تفوج ماشي داابز)
واخ
اورطيغا: ديري كاميرا نشوفك…
يوسف: (مشا صباح عند مو لقاها كتفطر هي وباه غير شافتو دارت ابتسامة باغا ترطب الجو، لبارح بنتها فرشاتها فالتيليفون قداامو)
مالكي مع ديك بنت الناس
الغالية: والو احبيبي مكاين والو جلس تفطر
اب يوسف: شنو واقع؟!
يوسف: معرفتش سولها هي!!! واش خديجة قالت ليك شي حاجة معجبااتكش ولا دارت معاك شي جست خاايب؟!
الغالية: منين متتكونش فالدار متتحتارمنيش
يوسف: بحالاش؟!
الغالية: تتعايرني واحد نهار قالتلي العقروشة وهدداتني تضربني
يوسف: (متيقهاش) الوالدة نهار لاكط جيتي عندي شنو قلتي؟! (بقات ساكتة)
صافي تقبليها انا تزوجت بخديجة حيت باغيها ومرتاح معاها
الغالية: (بقات ساكتة كتشوف فيه)
يوسف: اخر وحدة نتوقعها متبغينيش نكون مرتاح وعاد مكملها تتجيبي هاديك للدار
الغالية: هادي داري نجيب ليها شكون ما بغييت
يوسف: اه من حقك وهاديك مرتي منبغيش للي يقلل منها
الغالية: تتسبق مرتك على مك بقالك غير تقطع معانا!!!
اب يوسف: الغالية مرتو عليك بالاحترام متتقابلوش متهضروش بيناتكم السلام وصافي
يوسف: وانا متأكد خديجة عمرها دارت معاك شي حاجة قبيحة اصلا متتلقااوش بزااف
الغالية: نتا حر تيق ولا لا للي تيهمني للي يدخل لهاد الدار يحتارمني ويعرف انا هي مولات الدار ونتا ولدي انا قبل حتى متعرفها ولا تعرف غيرها (بعصبية) من نهار تزوجتها ونتا غير تتهتر بيها خديجة خديجة بحالا معرفت شكون هي ونسيتني انا للي كنت تتقول علية اميرة ملكة رجعت هي للي زوينة لعينيك ومكاين حتى شي زين من غيرها
اب يوسف: هههه كتغيري من مرت ولدك!
ام يوسف: انا نغييير من وحدة بحال هاديك شلحة دلعباار!!!
يوسف: (خرج من عندهم معصب حيت مبقالو هضرة معاها ميمكنش هادشي للي كيسمع من عندها كتغيير!!!! مشا لخدمتو هو عارف مو مكتحملش خديجة يعني حوار عقيم مغيستافد لا هو لا هي…)
~~~~~~~~~~~
خديجة: (كتهضر فالتيليفون) مسكينة كتجي قاسحة..
خلي يجي يوسف ونجيو…
والله معرفت اماما حتى نصوني عليه ونشوف… واخ.. (قطعت جات غيثة من لبيت فين كانت ناعسة)
زين صباح الخير
غيثة: صباح الخير يوسف مشا؟!
خديجة: اه قبيلة جلسي تفطري
غيثة: (تبسمت معاها وجلست) شكون هادي للي مات ليها ولدها
خديجة: جيرانا وبغيت نمشي نشوفهم بلاتي وحتى يوسف باغي يمشي
غيثة: غتمشيو لصفرو
خديجة: اه حتى يجي يوسف وتمشي معانا ياك تبغي؟!
غيثة: بحال عندي شي حل اخر راكي عارفة يوسف غيبزز علية نمشي
خديجة: معليش خوك غير كيبغيك
غيثة: بففف….
ملاك: (بقات كتشوف فالتيليفون باينة فيه كاعي حيت هضر معاها غير شوية وماشي بنفس الدلع للي كل مرة كيدلعها وقطع… ردت التيليفون للصاك وحطاتو حدا مرت المدير للي مكتعومش ودخلت لبحر ولكن تفاجئت مكاينش المواج؟!! ماشي هاكا كانت كتخيل لبحر هاكا غير غتزيد تفرش مكتعرفش تعوم!! بقات مع زينب كتعلمها تعوم ووالو شربت لما كتر معاامت،
ولكن واخا هكاك كان عاجبها الحال ومستمتعة بوقتها ناسية العااالم.. خرجو من تماك مشاو كلاو الحوت ورجعو لبحر من بعد مدهنت عاود ليكخو ديالها مشات جمعت كوكياج عجبها وبغات تحتفظ بيك كسوڤونيير وصل الوقت وتمو راجعين فحاالهم كانت مسخسخة وعينيها مقلوبين بنعاس صونا عليها مراد كانت نسات معلماتوش انهم راجعين زاد صعر منين مقالتهالوش غوبشت معرفت واش تفرح لهاد الاهتمام ولا لا هي راه مموالفاش بهادشي حدها كتعلم واليديها!! قطع وبقات كتشوف تصاور وعينيها كيتغمضو بنعاس ولكن بقات مصحصحة حيت غير تفكير انهم مخاصمين مكيعجبهاش الحال وصلو لفاس بلا متفكر فيها بزااف نطقت)
خويا عبد العالي واخا تحطني فشي بلاصة هنا!!
زينب: بغيتي تمشي عند ختك؟!
ملاك: اه بغاتني ندوز عندها اصلا حتى هي غتهبط للدار
زينب: اوا مزيان قولو يقربك لفين ساكنة
ملاك: زعما يبغي
زينب: انا نقولهالو خويا عبد العالي دوزها (شافت فملاك)
ملاك: السعادة
زينب: السعادة… (مكانش عندو اعتراض وصلها لتماك نعتاتلو فين بالظبط وهي تهبط مهبطة باليزتها والشاپو ديالها شافت طموبيلتو كاينة كان قالها غيكون تماك..
مشا لباص وهي جرت باليزتها ندمت على هاد القرار جاتها زعامة قبيحة وفشكل !!!)
ملاك: بفففف اش داني (ضارت كتشوف شي تاكسي توصلها لمحطة تركب لصفرو) نزيد حتى فلوس التاكسي ولعيا ****؟!
شريف: (كان قاطع طريق ماشي عند اورطيغا) ملاك؟!!
ملاك: (شافت فيه) سلام
شريف: صاڤاا ملاك
ملاك: صاڤا الحمد لله نتا لباس عليك؟!
شريف: الحمد لله
ملاك: (مرݣت وهو كيشوف فلباليزة وباغية تشد تاكسي قبل مايخرج صعصع)
شريف: شنو تديري هنا؟!
ملاك: كنت فلفاك ودابا شادة طريق لصفرو دايرة مع صاحبتي تاخدني من هنا (مفهمتش منين طاحت عليها هاد الكذبة البايخة)
شريف: واقلة على مسمعت حتى يوسف وختك غيهبطو
ملاك: اه عارفة غير يمكن نصوني عليها نمشي معاهم حسن هادي تعطلت.. بفف
شريف؛ تبغي نوصلك عندهم؟!!
ملاك: لا لا متعذبش راسك انا غناخد تاكسي (شافت اورطيغا خارج من المحال كيكمي)
ياله بسلامة بلا منشدك (شافتو كيشوف جهة ديالهم بحال كيتأكد واش هي!!!! فنفسها..
صافي *****!!!)
اورطيغا: (جاي بشوية عندهم كيكمي وصل حداها كيشوف فيها عاقد حواجبو كيطلع فيها ويهبط وهي كضور عينها)
شنو تديري نتي هنا؟!!!
يوسف: (مناقش مع ختو فالبيت حيت مبغاتش تمشي معاهم لصفرو ومبقاش كيتيق يخليها من موراه على الأقل هاد الايام يعرف المصدر منين كتجيب داكشي وشكون!!! كانت كتهضر بعصبية معاه)
متغوتييش!!!!
غيثة: صافي بغيت نرجع للدار
يوسف: غير صباح قلتي غادي نمشي معاكم شنو وقع دابا؟!
غيثة: موقع والو بغيت نرجع للدار سير نتا ومرتك منبقاش غير لاسقة فيكم
يوسف: غيثة… (كيرطب) نعلي الشيطان حنا بغيناك معانا غنتعشاو تماك وغرجعو فحالنا
غيثة: بفففف واخا خليني بوحدي غير شي 5 دقايق (مخرجة عينها) غير 5 دقايق!!!
يوسف: شنو معصبك؟!
غيثة: والو ايوسف وااالو بغيت نبقى بوحدي شوية ونجي عندكم
يوسف: واخ انا نتسناااك (باسها فجبهتها للي شافها عرقااانة والجو ماشي سخوون كان عادي، سد لباب ومشا عند خديجة للي فلكوزينة كتكتب)
خديجة شنو تديري؟!
خديجة: كنكتب شنو خاص فالدار خاص نتقدااو
يوسف: اه مزياان.. (خرج من تماك ومشا جلس فالصالة كيفكر شنو يدير فهاد لحريرة!!!)
~~~~~~~~~~~~~~~~
أميمة: (دخلوها لبيتها عينيها نشفو من دمووع بقات معاها مها غير دخل حمزة خرجت بقات كتشوف فيه حتى هو باينة فيه مأزم)
حمزة نتا للي دفنتيه؟!!
حمزة: (حرك راسو باه) سميتو محمد الله يرحمو ويجعلو طير من طيور الجنه
أميمة: محمد!! (عاود سالو دموعها) مسيكين غيكون تعذب باش مات ݣاع ميستاهل هو مدار حتى حاجة فهاد الدنيا باش يتعذب
حمزة: مغيكونش تعذب مايكون حس بوالو والملائكة كانت معاه
اميمة: داكشي غير تخربيق هو مدار حتى حاجة يستاهل يمووت عليها
حمزة: (بقا كيشوف فيها) نعلي الشيطان أميمة
أميمة: الشيطان مدارلي واالو نتا للي درت
حمزة: واخا هكاك نعلييه ولدنا مشا فسبيل الله مشا لبلاصة حسن من هاد لبلاصة للي كان غيعيش فيها
أميمة: راه انا مو علاش كولشي كيقولي مشا لبلاصة حسن من بلاصتي علاش انا كنت غنعذبو؟! راه بسباابو بقيت عايشة معاك العذاب وصاابرة غير باش نربيه ونعيشو مزيان.. منافقين كولشي منااافق
حمزة: كولشي كيبغي يواسيك أميمة حتى واحد مقصد غتكوني قبيحة
أميمة: (رجعت كتبكي بحرقة) مبغيت حتى واحد يواسيني بغيت غير نفهم علاش كيوقع معايا هاكا من دون الناس لا زواج مقاد لا حياة زوينة وحتى من الولد للي هزيتو فكرشي مات شنو باقي اخر غيوقعلي كفس من هاكا وكان غير مت حتى انا نتهنى من هاد العذاااب….
اورطيغا: (تيطلع ويهبط فيها) شنو تديري هنا؟!!
ملاك: كنت.. كنت جيت هنا دايرة مع خديجة ويوسف باش نهبط معاهم!!
شريف: (عاد قالت ليه كانت كتسنى صاحبتها) مهم انا غنمشي
اورطيغا: كفاش هاد خديجة و**** (شريف مشا كيظحك)
ملاك: متخصرش الهضرة (شافت فشريف للي مشا) متعاودش.. انا كنت جيت عليك نتا
اورطيغا: كفاش علية انا ونتي واقفة مع هاد خونا
ملاك: راه خوك
اورطيغا: ماخوياااااش اش وفقك معاه جاية عندي انا راني فالمحال لي تتعرفيه ولا تلفتي عليه هاد نهار
ملاك: نتا اصلا مغتيقنيش الا قلت ليك جاية عندك وغير تلاقينا صدفة انا وخوك!
اورطيغا: (بشوفة تشكيك) وعلاش معلمتينيش؟!!
ملاك: وعلاش نعلمك انا جاية عندك عارفاك فين كاين علاش غنعلمك؟! مكتعرفش شي حاجة سميتها مفاجئة
اورطيغا: كنعرف غير مفاجعة هاد الساعة!!. (بقا كيشوف فيها شحال جر باليزتها وهي بقات كتشووف تبعاتو دخل للمحال لداخل رجع سد باب الزاج ودار إشارة مقفل ورجع عندها)
اجي (تبعاتو للداخل حط الباليزة فالوسط واقفة)
شنو تديري هنا املاك؟!
ملاك: (بعصبية) بغيت ندوز عندك نتا اللول ساعة يمكن غلطت!!
اورطيغا: كفاش هاد غلطتي!!
ملاك: مفهمتش باش يعجبك الحال كديرلي هاكا مهم انا خاص نمشي (بقات واقفة كتشوف فيه)
اورطيغا: (بقا كيشوف فيها كان وجهها مبرونزي وحنيكاتها حميمرين بكترة مضربت الشمس فيها)
ملاك: (غوبشت ماشية جهة باليزتها مكتشوفش فيه) نتا هاد نهار بقيت غير كتعصب علية!! عارفني باغية نسافر نبدل الجو ونت…
اورطيغا: (مشا جرها ومتنترتش، جلسها فالكرسي وحنا على ركبتو) ملاك من اللول تنقولك اي حاجة درتيها علميني باش منطيحوش فبحال هاكا
ملاك: كاين شي حوايج كيجيوني عادي حتى تصوني ونقولهم ليك
اورطيغا: لا بغيتك تعلميني
ملاك: ميمكنش شي مرات راه كنسى ولا كتجي حاجة مزروبة وانا ممولفاش هاكا
اورطيغا: (كيرطب) حاولي تولفي راه قلتها ليك ديك المرات انا ماشي حداك انا بعيد عليك وباغي نعرف كولشي عليك وماشي تحكم لا حيت باغيك وباغي نعرف اي حاجة كديريها
علاقتي معاك املاك ماشي غير شي حاجة داايزة!!
(شد يدها وعينيه فعينيها مكيرمشش) هادشي صغير للي نتي ممولفاهش انا عاشق نعرفو عليك تتهميني وبزااف
(دخل معاها الصهد بقات غير كتشوف) تفاهمنا املاك؟!
ملاك: امم.. احم (بقات كتشوف فيه بعياء) خاص نمشي بابا كيعرف الشيفور وكاين صاحبو مسافر معانا غيعرف راه وصلو
اورطيغا: صبري شي ساعة على منسد ونوصلك
ملاك: (وقفت) لا لا لا بابا مغيدوزهاليش براكة غير غااامرت وجيت عندك
اورطيغا: (وقف) مصالحش نسد المحال تنتسى شي كليان ضرووري
ملاك: نمشي فتاكسي انا اصلا هاكا كنت معولة ولا نصوني على خديجة حيت غيهبطو لصفرو
اورطيغا: (الا زاد تعصب غادي غير تنفر منو) واخا انا نصوني على يوسف يجي هنا
ملاك: نمشي عندهم فتاكسي
اورطيغا: (هز تيليفونو وشاف فيها شوفة دلقتيلة هز حواجبو بجوج رجع شايف فالتيليفون مدوز نمرة يوسف)
فين العود!!!..
مزال مهبطتيو؟!!.. صافي منين تبغي تقلع دوز عندي للمحال.. كاينة ملاك معايا وانا مصالحش لية نوصلها…
ههه سير ت****.. ياله تلاح
ملاك: (مخرجة عينها ساهية صافي تفرشت ودابا كولشي عرفها معاه!!!)
اورطيغا: شت بحااالا معجبكش الحال!!!
ملاك: (عوجت فمها مشقلبة عينها وهاد الحركة غير كديرها كيشد ليها فكها يديه ويجيبو)
وااااا مرااد متعاودش دير هاكا (شدت فكها)
كضرني!!!!
اورطيغا: اوا زين (جلس فالكورسي باغي يجرها تجلس فوق رجلو وتنترت مبعدة) مال مك
ملاك: واش مكتفهمش!! متعاودش دير هاكا شحال غنبقى نعاودها ليك من مرة!!
اورطيغا: (جلس طالق رجليه) شنو معصب الزين ديالي
ملاك: انا دايرة ليك مفاجئة جاية ونتا غير شفتني بقيت كتغوت اخر مرة نعاود ندير بحال هاكا
اورطيغا: اممم.. هضرتك مع شريف حدها السلام متعاوديش توقفي معاه
ملاك: علاش؟!
اورطيغا: (مبرد) متنبغيش الزين ديالي يوقف مع حتى واحد
ملاك: الله يهديك السيد وقف معايا ا عادي
اورطيغا: لا والو، مكاين لا عادي لا ستة حمص حدك السلام الله يعاون وهكاك فاش غتمشي مع يوسف سلام لباس وجمع وطوي
ملاك: (قلبت وجهها مربعة يدها ناض حداها كتشوف بطرف عينها غيدير شي حاجة!!! بغا يقيسها فوجهها وبعدت معاجبهاش الحال علاش يفرشها مع يوسف، رجع دغيا هزها حاطها فوق البوطاجي خنزرت فيه)
مغنبقاش نجي عندك هنا دابا تشوف
اورطيغا: (كيشوف فعينيها ويهضر بشوية) نجي انا
ملاك: (قلبت وجهها)
اورطيغا: شنو معصبك (لمس حنكها وبعدت بشوية) ندمتي علاش جيتي عندي؟!
ملاك: (شافت فيه والمشكل كيطفي داك الغضب لي فيها بعينييه) نتا عصبي بزاف
اورطيغا: (تبسم) تبارك الله على لمشيشة ياك نتي غير بوطة صغيرة وتتفرݣع علية (غلبتها الابتسامة) توحشتك امجينينتي هاد اليوماين، نتلقاو غدا؟!
ملاك: معرفتش!! مبغيتش نعيق على بابا، راك عارف خلاني نسافر، وبوحدي منعيقش عليه
اورطيغا: اممم منعيقوش على سي رشيد ونخليو العزي يكمدها فريتو
ملاك: هه سميتها قلبو
اورطيغا: نتي راك النيكوتين!!!
ملاك: ههه ݣارو انا؟!
اورطيغا: تنشمك تنتدروݣا والدم فعروقي تيغلي شي نهار ناكل مك
ملاك: (تبسمت مفرنسة)
اورطيغا: يخليلي ظحييكة (صونا تيليفونو هزو كان يوسف جاوبو)
صافي وااخ.. (قطع)
كما علمتك
ملاك: (حركت راسها باه هبطت وهو يقرب باغي يلسق فيها وهي تسلت ليه من تحت ذراعو مشات الباليزة جبدت لبواطة للي فيها سوڤينير للي شراتلو والشمعة، تبسم ومداتو ليه)
معرفتش شنو نجيب ليك جبت غير شي حاجة بسييطة سوفونير صغيير
اورطيغا: (شدو من عندها وشد يدها باغي يبوسها وهي تنتر)
ملاك: واااا زمر متعاودش دير هاكا!!!
يوسف: (دخل المحال كيسمع هضرتهم مبغاش يدخل للداخل) اورطيغا!!!
ملاك: (بعدت من حداه مشات سدت الباليزة كتويل على الشوهة فين دارها وهو متبعها عارف ما بيها)
اورطيغا: صافي غدا نجي عندك
ملاك: (بهمس) صافي غير سير حل من بعد ونهضرو
اورطيغا: (هز حاجبو فيها وخرج عند يوسف مربع على الكونطوار) فيين
يوسف: هاحنا… (مسح على وجهو بعياء) غيثة صعاابت امراد
اورطيغا: علاش؟! واش رجعت تتعصب وتغوت؟!
يوسف: بحال هزيت وحدة وحطيت وحدة
اورطيغا: شكون عارف بهادشي
يوسف: حنا بتلاتة
اورطيغا: انا معطيتها والو وحتى شريف ونتا!! يعني كاين شي واحد مرافقها نتا معارفوش قلب على الرابع
يوسف: خديجة تتبحث فهادشي
اورطيغا: (حركت راسو بلا) خلي مرتك طرونكيل على هادشي اصاحبي اه تكون بحال ختها واخ ولكن تخدمها فهادشي بلاش ميمكنش ختك تتيق فيها وهي غتجي تعاود ليك اسرارها، خليها بعيدة
يوسف: (بقا كيفكر فكلامو) اوا
اورطيغا: معليك غير تبعها مزيان نتا قلتي تتخرج 5 دقايق يعني اللعبة تتجي حتى لعندها للدار اوا دوزها لعندك للدار وهانتا حااكم
يوسف: بففف هادشي تيعصب
اورطيغا: يا تتاخد ضوز كبيرة يا قطعاتو شوف دير لختك تحاليل الدم من التالي
يوسف: هاديك للي معرفتش اشمن طريقة
اورطيغا: كاين جوج يا بالخاطر يا بالسيف ومتنساش راه صحتها للي تضيع عتق باش تلقى متعتق
يوسف: (حرك راسو باه) فين ملاك
اورطيغا: غا سير حنا جايين، ويكون خير شري دوليبران 1000 عطيهالها (مشا يوسف وهو دق لباب خرجت ملاك جارة باليزتها)
شنو حشمانة!! علاش مخرجتيش؟!
ملاك: لا.. غير خليتكم كتهضرو على راحتكم
اورطيغا: امم (حرك راسو باه هز ديك الباليزة خرجها وتبعاتو حشمانة وندمانة على مجيتها، مشا حطها فالكوفر ورجع حداها قرسها فحنكها قدامهم مخرجة عينها)
توصلي صوني علية
ملاك: (حركت راسها باه وركبت اللور حدا غيثة لليتصدمت بوجودها ولوخرا كتر ومخرجة عينها فيهم رجع طل عليهم)
اورطيغا: غيثة صاڤا!!
غيثة: (مربعة يدها مكتشوفش فيه) الحمد لله منين تفكرتني وتتسول علية
اورطيغا: (تبسم) ياك صاڤا؟!
ملاك: (شاف فملاك تبسمت ابتسامة صفرا معاه بحال كطنز وقلب عينها مفهمش مالها)
اورطيغا: ياله بلا منعطلكم (ضرب فباب الطموبيل شاف فملاك للي قلبت وجهها مشافتش فيه بقا غير وااقف، تحرك يوسف وهو رجع للمحال عاد طلعت معاه متبسم..)
غيثة: (كتشوف فملاك للي كتفرج فتصاور وكتخيل ان علاقتها مع مراد بدات كتخرج الواقع راه كولشي شااف!!!) نشوف معاك
ملاك: اهااه (بقات كتوريها تصاور الرحلة)
غيثة: وكان قلتيهالي كنت نمشي معاك
ملاك: مقلتيليش اما كان عندي الحق نجيب معايا شي واحد
غيثة: (زفرت) قنطت بزااف اول صيف متنسافر متنخرج على راحتي بحال عايشة فشي حبس طلعلي كولشي فراسي حتى من صحباتي مخلاونيش نسافر معاهم كما موالفة
يوسف: (شافها فلمرايا) غيثة فين تبغي تسافري
غيثة: (بعصبية) مخليتنيش نسافر مع صحباتي انا باغا نسافر مع لبنات
يوسف: غي حيت بغيت تكوني معايا
غيثة: وانا مبغيتش، العام كامل وأنا معاك دابا بغيت شوية نرتاح بغيت بنات نجلس معاهم ماشي نجلس معاك نتا
ملاك: غيثة (استفزتها كفاش كتهضر مع خوها وهي كتشوف عندها نعمة الاخ لكبير!! ولكن ماشي شغلها) كنت بغيت نسولك داك الصالون عندو صباغة زوينة لشعر
غيثة: علاش بغيتي تصبغيه بزعر؟!!
ملاك: لا بغيت مااغو شي خصلات وصافي
غيثة: اه، عندو انا تنصبغ (رجع كلامهم على صباغة وشعر وصلو لصفرو غيثة عيات تصيفط لادم ولكن محالش كونكسيون ونمرتو دالمغرب مخداماش تجننت يوماين مخدات والو!! ومعرفتش امتى يرجع!!!!
مشاو للدار يوسف دخل ديسير وحلويات من باتيسري للدار لقاو كاين عيالات فالصالون حيت دايرين صدقة دار حمزة ومكفاتهمش دارهم ودخلو لعيالات عندهم)
شنو كاين ملاك عندك الخطاب ههه
ملاك: هه بحال والو
غيثة: (دخلو الصالة صغيرة جلسو تماك ملاك مشات تبدل حوايجها اما غيثة مقابلة غير تيليفونها.. بداو لعيالات كيقراو القران خديجة وغيثة مشاو حداهم)
ملاك: (بدلت حوايجها لبست بيجامة واسعة مع شال حلفت متعلمو راه وصلت باش توريه داك التصرف للي دار مع غيثة!!!
خرجت لقات حمزة واقف فوسط الدار مع مو وزهرة للي كيحاول 4 ايام يهضر معاها ومبغاتش واستاعن بزهرة تصالحو)
زهرة: بنتي اجي هزي خوك (مشات ملاك شافت فحمزة للي مهزش راسو فيها عطاتولها)
صافي انجية واش غتزيدي من حالة ولدك
نجية: (كتبكي) تبدلتي اولدي بزااف تبدلتي نتا ماشي حمزة ولدي لحنين للي ولدتو وربيتو
ملاك: (معرفتش علاش ولكن بقا فيها اكترية منين شافتو كيبكي فصمت…)
خديجة: (ناضت خرجت وتبعتها غيثة للي تخنقت من داك الجو واخا كان جو زوين ديال القران، جلست على برا صونات على اورطيغا بريڤي للي جاوبها)
غيثة: انا بغيت غير نعرف علاش قلبت علية؟! (بقا كيفهمها انها دارت غلط نهار العرس وهي ختو ومخاصهاش دير داكشي)
وعلاش كذبت فاش سولتك واش نتا مع ملاك!!!!…
اه عندها ياك انا ختك ومتنخبيو والو على بعضياتنا…
حمزة: (مشا جاب لمو دواها ديال الطونسيو كيقلب شكون يعطيهلو بانتلو ملاك شادة خوها)
ملاك هاكي عطي هدا الوالدة
ملاك: (شداتو من عندو) واخ
حمزة: شكرا (تم ضاير ماشي فحالو وهي دخلت لبيت فين كاينة نجية مع ماين أميمة للي تخاصمو وجاو عندهم باش يتفاهمو حيت بغاو يديو بنتهم للي غير كتشوف حمزة كتبقى تغوت عليه وتعايرو وتخصر الهضرة)
غيثة: (مكملة الهضرة مع اورطيغا للي كيجبد ليها لسانها على معامن كتكون) دابا جالسة بوحدي، خديجة مع الناس يوسف مشا عند رجال انا متنعرف حد، حتى من ملاك واقفة مع ولد جيرانهم من اللول محملتش نجي هنا
اورطيغا: معامن واقفة؟!!
غيثة: متنعرفوش، مشا عطاها غير شي حاجة ومشا… ملييت من هنا بغيت غير ر(سمعت طيط طيط قطع)
بففف علاش جيت هنا علاش؟!! (رجعت صونات على ادم والو نمرتو مزال طافية)
فين مشا هاد لحماار عاود بلاني وغبر!!!
(فكرت تشري ݣارو يمكن ينفعنا خرجت من تماك كتقلب على شي حانوت ولا صاكا حيت حست باعصابها غيتفوراااو)
اورطيغا: (صونا على ملاك للي تعطلت شوية عاد جاوبت سمع صوت بكى باين أنير وهي كتسكتو)
ملاك: الو (قاستو كان سخون) نااري فيه سخانة
اورطيغا: معامن كنتي؟!
ملاك: الدار عامرة راني قلتها ليك، بفف فيه سخانة وماما جالسة مع لعيالات شنو ندير عاد عطاتو سيرو وواالو
اورطيغا: معامن كنتي واقفة!
ملاك: شكون؟!
اورطيغا: شوفي نتي
ملاك: مراد هضر عفاك شكون؟! تأ واش نديه صبيطار راه ميمكنش غير شي ساعة ماما عطاتو سيرو ومبغاش يسكت
اورطيغا: (سكت شوية ضمصااتو واخا هي معارفاش علاش كيهضر) معرفتش عاودي ديه ليها وشوفي هي شنو دير بالصح الا كانت سخانة واعرة بزاف ديوه لصبيطار
ملاك: داكشي نيت. صبر صبر متقطعش ولا يكما مشغول
اورطيغا: لا لا انا معاك متقطعيش.. (حس براسو زربت عليه بقا ساكت سمعها كتهضر مع مها عاودو عبرولو سخانة كانت 40 سمع مها كتهضر مع رشيد باش يدييوه)
ملاك: واش نمشي معاه انا اماما؟!!
زهرة: اه ابنتي سيري مع خوك
ملاك: انا نلبس لعباية (بقا هو كيسمع دارت تيليفون فودنها) مراد نكمل ونصوني عليك
اورطيغا: صافي واخا باشما قوليلي شنو كاين شي شوية ونرجع نصوني عليك جاوبي
ملاك: واخ (بقا فيها أنيير جا باها ومشاو داوه ليرجونص..)
رجعت من عند طبيب مكانتش شي خطر عليه عطاوه دوا نزل ليه الحرارة وبقات مقابلاه زهرة بالكمادات ودارت ليه الخل فتقاشر تعشاو خديجة ويوسف وغيثة رجعو فحالهم لعيالات مشاو فحالهم.. زهرة بقات كتقلب على بنتها ملقاتهاش
زهرة: ملاك ملااااك (طلعت لسطح لقاتها ناعسة تماك بقات فيها حيت كانت باينة عياانة نوضتها هبطتها لتحت ورجعت حدا أنير للي بدات الحرارة كتنزل ليه ولوخرا كطلع ليها…)
~~~~~~~~~~~
أصبحنا وأصبح الملك لله
أمينة: (من بعد إذن الحاج للي قبل بكل فرح انها تستقبل ختها للي جاية عندها فالرياض وجدت على حسابها لغدا وعلما ولدها للي معاجبو حال باش يجي يتغدا معاهم.. رجعت صونات على زهرة تسول كيف بقا أنير كملت قطعت ودخلت للكوزينة شافت الماكلة للي كطيب وخرجت لقات مفتاحة معاجبها حال ولكن متقدرش ترفض حيت خوها وصاها تستقبل الناس مزيان كما أمينة كتستقبل عائلتهم مزيان)
مفتاحة: اوا الا عندها ولد راه مصالحش يبقى هنا
أمينة: عندها ولادها وغيمشيو لداري للي فالسعادة غير كوني هانية وطلقيها امفتاحة
مفتاحة: ماشي تديهم لتماك وتجلسي معاهم لهيه خير!!
أمينة: وعلاش وانا دار راجلي يجري فيها خييل
مفتاحة: اوااااا غير باش يرتاحو وصاافي
أمينة: هاد الساعة قلبي غير على راحتك ضيافي انا قادة بيهم…
~~~~~~~~~~~~~
ملاك: (كانت فالخدمة ولكن عياانة مشابعاش نعاس وراسها غيطرطق بديك السمرة لي نعست تحتها مرتاحتش ݣاع!! صونا تيليفونها كان هو)
وييي مراد
اورطيغا: مالكي؟!
ملاك: عييت والله حتى عيت.. لبارح نعست فسطح
اورطيغا: اه عييت تنهضر نتي مشيتي مبغيتش نعاود نصوني
ملاك: ومنسعساش مزيان وصداع بففف ملييت من هاد زمر كااامل
اورطيغا: مناش؟!
ملاك: (بلا متشعر) كاين بيت مكينعس فيه حتى واحد مبغاوش يعطيوهلي واش ماشي المرض تفوووو
اورطيغا: ديالمن لبيت
ملاك: كاين واحد ديال عمي ولكن هو رحل مشا لخريبݣة وكاين واحد اخر مسدود للي جا من خوتاتي ورجلاتهم ولا شي ضيف كينعسو فيه،
رغبتهم نعس فيه الا جا الا جاو نخرج منو (بعصبية) ولكن بابا قالي لاااااا وغينوض صدااع وولاد عمك حتى هوما يبغيو داك لبيت عصبني عصبني قداش ݣاع هاد ولاد عمي راه صغار وانا مكلقاش رااحتي كنبغي نعس شي مرات بكري على حساب الخدمة مكلقاش راحتي فدارنا!!!
اورطيغا: (كيسمع ليها راه اول مرة تشكى وتهضر هاكا)
ملاك: دابا غنمشي الدار عامرة عاود حيت كولشي كيجي عندنا غنبغي نعس خاص ندخل لبيت ماما هدا الا كان خاوي
اورطيغا: وعلاش تتسناي الأوكي دخلي لبيت للي خاوي تعراي ونعسي حتى واحد مغيزعم يدخل عندك ينوضك ومن هم باك!!!
ملاك: (بقات ساكتة بحال كتفكر فهاد الحل وتخيل راسها) …لا لا… مبغييتش صداع امراد
اورطيغا: وشنو الحل للي تيبان ليك
ملاك: مكرهتش نخرج من الدار ونكري
اورطيغا: واش مدوخة!! مغيقبلش باباك وحتى الا بغا انا منبغيش
ملاك: بفففف عارفة معندي حتى شي حل
اورطيغا: غير هاد الساعة مكاينش!! معليك غير تزيدي تصبري شوية
ملاك: (حركت راسها باه) غنمشي نطلب المدير الا بغا نخرج بكري، عيني كيتغمضو بنعاس وكنحس براسي ماشي هي هاديك
اورطيغا: مغنشوفكش هاد نهار!!
ملاك: معرفتش
اورطيغا: مهم نتي شوفي واش تخرجي دابا رتاحي وعاد نشوفو قضية نتشاوفو، انا رجع للخدمة
ملاك: واخ (قطعت وبقات فبلاصتها كانت خدمة قليلة وصلت 2 ونص طلبت المدير للي خلاها مشات كما العادة جاو شي عائلة باش يعزيو نجية حيت بكترة ماهوما جيران قدام رجعت من العائلة دخلت لبيت مها فين كان ناعس أنير ودايرين ليه كمادة بدلت حوايجها مقدرتش تصلي تكات فنموسية مها واحد جوج تلاتة وجبدت عليها بنعسة…)
~~~~~~~~~~~~~~~
اورطيغا: (جاو عائلة مو جات غير ختها بنتها وولدها عمر وجوج ولاد بقاو مع باهم للي كانو محايدين بين أمينة وخوتها باش ميتخاسرووش… رحبو بيهم تغداو جا ماشي)
أمينة: نوض اولدي عمر سير مع مراد
اورطيغا: (هز حاجبو) انا غنمشي للمحال!!!
أمينة: (عضت شنافتها كترغبو بعينها وتبسمت) يجلسك معاك يونسك
اورطيغا: (بقا كيشوف فيها شاف فعمر) الا متملش ياله معايا
عمر: واه نمشي معاك (خرجو من تماك وتمشاو جهة الطموبيل) زوييين هاد الموضع
اورطيغا: (حرك راسو باه) الا بغيت تبقى دور هنا حتى تلحق
مراد: لا لا حتى لشي مرات نجيو انا وياك، هنا مكنعرف حد وغير غنتلف
اورطيغا: (فنفسو: صبرك يا رب) واخ.. (ركبو فطموبيلتو مشاو للمحال طلع للدار دوش صونا على ملاك مجاوبتش عرفها تكون ناعسة، هبطو للمحال مصيفط الدري يتغدا وهو بقا كيخدم فشي وراق)
الا بغيت تقهوا كاين هنا قهيوات زوينين
عمر: حتى تكمل ونتقهواو بجوج (مراد جاتو الخنقة من هدا، مموالفش هادشي.. جا الدري بقاو بجوج أذن العصر)
كاين شي جامع قريب
(مشاو بجوج صلاو ورجعو صيفطو الدري جاب ليهم الرايب والحرشة اورطيغا مجمع مع عمر على الاجواء والسنة فاوروبا، صونا يوسف عليه علمو انه شد لبنت للي كتعطي لغيثة الكينة وخاصو يجي)
اورطيغا: عمر واخا تسناني شي ساعة فالقهوة نغيز شي بلان ونخلط عليك؟!
عمر: واه نتسنااك (نعتلو فين يمشي وهو مشا عند يوسف لحدا دارو يفهم هاد لبلان جديد…)
#فلاش_باك
يوسف: (كان هز تيليفون غيثة دار فيه ابليكسيون ديال التجسس على الميساجات كيقرا اي حاجة بينها وبين صحاباتها للي كانو ميساجات عاديين، حتى جاها ميساج من عند نمرة غريبة)
*انا حدا داركم*
غيثة: (بفرحة كبيرة) انا فهاد العنوان واش تقدري تجي عندي؟!!
*وجدي 1000 درهم ونكون عندك*
غيثة: (اول مرة يتطلب ليها لفلوس!! ومعندها والو وحتى كارت ݣيشي ديالها بقات فدارهم)
*عفاك معنديش فلوس هنا حتى لمن بعد ونعطيهم ليك ولكن بغيت كتر من حبة*
(يوسف وهو كيقرا خرج عينيه هادشي للي كان كيقلب عليه!!)
*1000 درهم تكون واجدة قربت للعنوان للي عطيتيني ولا مغنعطيك والو واخر مرة نجيب ليك شي حاجة!!*
غيثة: (خافت من ديك اخر مرة!! بقات كدور عينها منين تجيب فلوس والا خرجت لدارهم يوسف غيتبعها خرجت من لبيت يوسف سمعها كدور فالدار مشا فين حاط فلوس هز 1200 درهم والورقة للي كاتبة خديجة ديال تقدية وحطهم فوق البوطاجي)
يوسف: (بصوت مسموع) خديجة انا خارج غير نصوني عليكم وجدو راسكم باش نخرجو نتقدااو
خديجة: (من بيت نعاس) واخ
غيثة: (كانت فالصالة تبسمت معاه بتوتر وهو خارج داير راسو كيهضر فالتيليفون مع شي واحد للي غيتلقا معاه فالسعادة، غير مشا ناضت بغات تمشي طلب لخديجة دازت من حدا الكوزينة كيبانو ليها فلوس محطوطين فوق صالة مونجي قلبها تعصر بألم ولكن حلفت حتى غتردهم غتمشي للدار وتجيب فلوس وتردهم قبل ميجي خوها ولكن متفوتش هاد لبنت، مدت يديها للي كيرجفو وهزت كتحسب هزت 1000 درهم مخلية 200 درهم فوق ورقة تقدية..
ورجعت لبيتها اما خديجة كانت كطوي حوايجهم فبيتها طالقة الموسيقى كتغني معاها…
لبست سروال كيطمة مع تيشورت واسع دارت سفنجة هزت نظاظر الشمس.. مشات عند خديجة)
زين انا خارجة عند البنت للي قلت ليك تتجيب حوايج كانت قريبة من هنا وغنهبط نشوفها
خديجة: واخا غير متعطليش باش نخرجو مجموعين
غيثة: لا لا منتعطلش الا سبقني يوسف صوني علية غنكون غير هنا!!
خديجة: واخا (مشات غيثة دايرة نظراتها وهي تصوني على يوسف) الو يوسف.. غيثة عاد خرجت
يوسف: صافي واخا.. (قطع وهو يصوني على اورطيغا علمو وبقا كيتسنى فطموبيلتو مباينش شاف فختو مشات حدا قهوة حداهم ووقفت كتسنى مربعة يدها وهو بكل حزن وغضب وألم كيشوف فيها حتى جات عندها شي بنت تصدم كان كيتسنى شي عصابة شي راجل كبير!! خرج دغيا من الطموبيل ومشا بالخف وقف من مور لبنت للي بنية جسمها ضعيفة لابسة داكشي مستيلي وشعر مبوكلي ومطلوق شنق عليها من اللور)
غيثة: (مخرجة عينها مصدوومة) يوووسف (كتبكي) خويا صافي طلق لبنت (لوخرا كتركل)
يوسف: (كان فلوسها مزال فيدها مشا بيدو ليد ديك لبنت غارس صباعو فيدها حتى قسحها وطلقت راحة يدها وطاحت الحبة للي كانت فالازرق)
غيثة: (دايرة يدها على وجهها وكتبكي)
يوسف: (جار ديك لبنت للي يد شاداها عاصرها ويد دايرها على فمها بكل قوتو) تبعيني اغيثة (بقات واقفة كتبكي وهو بعصبية) تبعيييني!!!!
نعيمة: (كانو جالسين فالصالون صغير بوحدهم للي كانت التفريشة فاسية طلامط البهجة والديكورات نحاسية) تبارك الله هدا راه قصر ماشي رياض
أمينة: (تبسمت وشافت فبنتها) بنتي ياكما بغيتي ترتاحي؟!! راه بيتكم لفوق واجد
ياسمين: (بحياء) ربي يخليك اخالتي انا جالسة معاكم
أمينة: تبارك الله عرفتي تربي اختي نعيمة واخا عايشين فوسط الݣور
نعيمة: التربية هي كولشي الواحد غير ميكونش قاسح ويوصل الميساج مݣاد تربح ولادك
أمينة: كااينة، اوا اش خبارهم لهيه مزال مطايفين على الورث
نعيمة: ههه نوضتي فيهم الحريݣة
أمينة: خليهم ادرهم باباهم منسمح فيها
نعيمة: صافي مزيان، على للي سمعت جاياك شي 18 ولا 20
أمينة: اممم مكنقتيش فدوك شلاهبية ولكن اللهم رمش ولا لعما
نعيمة: كاااينة اختي غير هو راه شرطو قالو متمشيش عندهم ورجليك متحطيهاش فديك الدار
أمينة: ياك مّا مزال حية نمشي فوكما رشقاتلي ونهار تموت الله يحفظ، غنديرلهم الطيارة عاود على حقي فيها
نعيمة: ههه والله نتي لي عبرتي
ياسمين: هههه
أمينة: شوفو نوضو تكاو شوي ومن بعد نخرجو شوية هنا غيعجبكم الحال
نعيمة: حتى ياسمينة من داك نهار وهي تحلم معمرها جات لفاس غير داكشي للي كيشوفو فالتيليفون
أمينة: غيعجبك الحال ازين دابا اجيو معايا لفوق ترتاحو شوية (ناضو تابعينها داتهم لبيت لفوق فيه 3 سدادر دخلتهم وسدو لباب وهي مشات تطل على الحاج واش خاصو شي حاجة وتوجدلو حوايجو حيت غيبات فزاوية سيدي أحمد التيجاني..)
الحاج!! غتمشي دابا ولا حتى لبلاتي
بنسليمان: (داير نظاظرو وشاد القران حطو وشاف فيها)
فين ضيافك
أمينة: مشاو يتكاو شوية
بنسليمان: انا بلاتي، حتى لمور المغرب عاد نخرج
أمينة: انا نوجد ليك حويجاتك حيت غنخرج مع ختي وبنتها نضورو شوية
بنسليمان: مزيان وفين الولد
أمينة: حسن يبقى مع مراد باش ياخدو راحتهم
بنسليمان: غدا نعيطلو على حساب الفرمة مزال مرديتها باسمي
أمينة: اممم ضرب فيها تماااارة مسيكين دوك 3 ايام
بنسليمان: (تبسم) راه تخلص
أمينة: شحال ݣاع الحاج حتى نتا مزير يدك معاه راه ماشي واحد من الخدامة هداك راه مومو عيني
بنسليمان: (بقا كيتبسم حيت اورطيغا حسب عليه كولشي حتى من 2 دراهم ديال لباركينغ)
دابا نزيدو غير بقاي على خاطرك…
….: (كيهضر فالتيليفون) الشكاية التالية للي درنا مصدقتش حيت دخل فيها شريف..
…لا لا كون هاني الدقة جاية فرمضان…
…هو كيكمل شهر بوحدو يعني ساهل يتشد فيها…
..اممم داكشي للي كاين…
..واخا تقرس وحاضي ولكن ديما خاص نفكروه مرة مرة…
~~~~~~~~~~~~~~
زهرة: (دخلت تطمئن على أنير لقات ملاك ناعسة) امتى جات هادي؟!!
ملاك ملاااك!! (قاست جبهتها حتى هي كانت حرارتها مرتافعة عرفتها من السمرة حيت لبارح كانت ناعسة فسطح وكانت عيانة من سفر والبحر وطريق،
قاست أنير لقات حرارتو عادية مشات لماريو جبدت ساشي ديال دوليبران دارتهالها فكاس ونضوت بنتها برفق وحنان كتلمس على حنكها)
هاكي بنتي شربي
ملاك: اممم ما فيااش
زهرة: الله يرضي عليك احبيبة شربي (شربتها بالزز ورجعت نعست غطاتها بليزار كتشوف فيها واخا تكون عند هاد لبنت 70 عام غتكون هي ديما صغيرة ديالها.. مشات خرجت من تماك وجلست فالصالة مع نسا دالعائلة جات سهام للي كتعاون مع نجية فضيافها)
امدرا كيف بقات مرت ولدها
سهام: الزغبية ماشية وكتهبل
مرت الجد: مزال مناݣرة مع راجلها وحماتها؟!
سهام: شركت كولشي حتى مها وباها للي بان ليها، على للي سمعت راجلها شدلها رونديڤو عند شي طبيب ديال هاداكشي دلهبال
زهرة: سميتو طبيب نفساني
سهام: بحال بحال
زهرة: اوا مسكينة مدازش عليها لقليل
سهام: مسكينة!!! تجيها سكيينة علاه الناس شنو دارو ليها وجبدت حتى بنتك ملاك للي عاطياها 60 كيلومتر ديال التيقار
زهرة: ضبر راسها اسهام هي ماشي فوعيها هاد الساعة
سهام: باز يا ختي باز!! لهاد برودية دمك
زهرة: ههه ونمشي نتفها اسهام ولا ندير عقلي بعقل وحدة ياله مات ليها ولدها ومحروقة هانتي قلتيها شركت كولشي تقول حتى غدا العيد الواحد ميديش عليها هاد الساعة وساعة اخرى يحن الله
سهام: راه كتهضر قدام لعباد انا بعدا مرضيتش وخرجت من تماك قبل مندور فيها
زهرة: متعاوديش تمشي عندها هاد المرة غتجبدك حتى نتي
سهام: تجبدني نجبد ليها عينيها
زهرة: ههه اوا على وقفتك ياله نصايبو ليهم شي طرح دبغرير
سهام: عييييت هادا هو الجهد!!
زهرة: اوا هانتي جالسة نمشي يانا…
اورطيغا: وصل لحدا دار يوسف صونا عليه علمو كاين فلباركينغ تحت العمارة فين ساكن مشا كيلقى غيثة واقفة كتبكي ويوسف شاد شي وحدة من ذراعها…
شكون هاد الكانيش؟!!!
…: (شافت فاورطيغا مطلعاه ومهبطاه بقرف ورجعت شافت فغيثة)
غيثة: (كتبكي على هاد الفرشة للي تفرشت ومع خوها واورطيغا!!!)
اورطيغا: غيثة صاڤا؟!!
غيثة: (كتبكي وتشوف فيه حركت راسها بلا وعاودت دارت يدها على وجهها كتبكي)
يوسف: (تفكر الكينة) هاك شدها
اورطيغا: بلا منشدها تحرك نفلعص مها (طلقها يوسف ورجع لبلاصة فين كانو واقفين باقية الكينة تماك هزها معصب ورجع عندهم لقا اورطيغا جمع مع لوخرا بطرشة حتى طاحت)
…: تضرب بنت؟!
اورطيغا: راه قلت ليك متنفرقش بين البنت والدري
يوسف: (وقف حداهم ووراه الكينة) غيثة هضري دابا
غيثة: مكاين والو انا (كتبكي) عفاكم صافي نساو هادشي
اورطيغا: (دار الكينة فجيبو اللوراني) علاش نسااوه وحنا فيه الا عندك شي حاجة نطقيها دابا ولا بغيتي حتى تولي شمكارة تضوري فزناقي!!!
…: (وقفت كتقاد شعرها) الا غتديوني البوليس سربيو مزال عندي كليان تيتسنى
اورطيغا: (تبسم معاها) غير صبري معانا شوية (مشا عندها كيقلبها بطريقة مستفزة تحركات يدو فمناطقها خلاوها مكرهة!! جبد من جيبها ساشي صغييورة فيهم 5 دالحبات ونتر صاكها مع حلو عامر فلوس)
مرفحة مع *** ابنت **** (هز دوك الفلوس ولاح داك الصاك دايرهم فجيبو) فين التيليفون!!!
….: هادشي علاش تنشربو هاد السم باش نساو هاد المجتمع الذكوري فاش عايشين
اورطيغا: الاخت زام**!!! (شافت فيه بقرف) واا هو باينة علاش!! كاين شي حميدة غيق** عليك (بزق على وجهها) حاشا النعمة (لوخرا كتمسح وجهها ببرود كتخليه كيغلي يطير غير على عنقها يهرسو!!)
يوسف: (كيشوف فختو ممتيقش ولكن دابا بالدليل وكولشي كااين جات كتبغي تعنقو ودفعها بشوية)
نسامحك فحالة وحدة
غيثة: (كتشوف فيه حشمانة) شنو اخويا؟! للي بغيتيه نديرو ليك!!
يوسف: تعالجي
غيثة: انا اصلا مشربتش بزاف يمكن هادي 3
يوسف: واخا هكاك
غيثة: (بقات كتبكي بهستيرية واورطيغا عاود جمع لوخرا بنص للي كتستاافزو بحركاتها حتى طااحت) اورطيغا صافي طلقها
يوسف: غنديوها البوليس
اورطيغا: (شافها ظحكت كتزبد تفقسو زطم على صدرها ويديها كيبغيو يهزو رجليه حيت قصحها دار يديه على جنابو)
اوا وختك؟!!
اورطيغا: اوا وختك؟!!
…: ختك حتى هي غتمشي معايا مغنزولهاش من فمي سمية غيثة تتبيع بحالي بحالها
غيثة: (بقوة الاعصاب طاحت على. قفتها سخفت وجات على راسها باينة كلات الدقة فجبهتها مشا يوسف عندها كيهز راسها واورطيغا باقي زاطم على صدر لوخرا وكيزيد يعفس حنا عندها كيشوف فيها)
اورطيغا: شكون عرفك عليها
…: أي.. زول رجلك ونقولك (حيد رجلو جات تنوض وحط رجلو فعنقها باراك حتى خرجو عينها كتكح بعد رجلو)
هي للي قلبت علية فالتيليفون
اورطيغا: شكون القو** للي كان بيناتكم؟!
….: (بحرا كتنفس وخايفة من هاد لهبيل للي تسلط عليها) كاين ݣروب بريڤي فلفايس للي بغا شي حاجة تيحط نمرتو وتنبقاو نتواصل كل مرة ونتلقاو فشي كافي ولا بلاصة للي باينة!! (كترد نفسها) واصلا عادي راه كولشي تيدير هادشي !!
اورطيغا: (متاقش، قلبها على كرشها كيقلب جيابها)
لا تر** لا صد* (عاود قلبها على ظهرها شاف فيوسف للي فيق ختو)
فين تيليفونك؟!
….: بقا مع صاحبتي
اورطيغا: ودغيا سمحو فيك؟!
….: عادي حتى ونتشد كاين مني بزااف متيهمنيش دير فية للي بغيت ديني عند البوليس نعطيك ساعة يجي بابي يخرجني
اورطيغا: (شحال كيستافزو هاد النوع وقف مبعد معندها ما تݣر شاف فغيثة للي تفتحت ليها جبهتها من الجنب ودمايات هابطين على حنكها وباينة داايخة)
دي غيثة لصبيطار
يوسف: وهادي؟! (حتى لوخرا مهربتش بقات جالسة فالارض كتشوف غير فاورطيغا كتسنى الضربة فين غتجيها)
اورطيغا: هاد **** معندها باش تنفعنا واخا **** من دابا لصباح مغتقولك حتى كلمة تنفعك بيها
يوسف: (بغضب شاف فختو) غيثة هضري شكون اول مرة عطاك هاد زبل!!
غيثة: (مقادراش تشوف فيه، الدوخة فيها بحرا كتقدر تحل عينها شافت فاورطيغا بحزن عزت عليه وجمعت شنايفها بحزن كتبكي)
اورطيغا: ديها لصبيطار ايوسف (بغا يهزها ولكن محاكمهاش براسو كيترعد بالاعصاب هزها اورطيغا عليه وهي دفنت وجهها فصدرو شاف فهاديك لبنت للي وقفت كتقيس فعنقها)
صرفق معاك هاد *****
يوسف: (طالب عليها مشا صرفقها بكل جهدو حتى سيل ليها الدم فجنب شنافتها… عيا يسولها نفس الهضرة للي قالت لاورطيغا كتعاودها بكل برود وكل ثقة ان وسيلة تواصلهم كانت الفايس عرفو مغيجيبو منها لا حق لا باطل والا مشاو البوليس هي هددت بغيثة غتمشي فيها حتى هي!! مشا تبعهم
حلهم يوسف الطموبيل فين دخل غيثة اللور ويوسف صونا على خديجة تلبس اي حاجة عليها وتنزل عندو ضروووري.. اورطيغا شاف لوخرا خارجة بحال شي هبيلة جاتهم فشكل بنت فعمرهاا 19 عام مبلية وكتبيع)
منتبعوهاش؟!
اورطيغا: (سد لباب على غيثة مبعدين) تيليفون غيثة للي غيبين شحال من حاجة الا كانت كتكذب هاد الكانيش بقا نتا حاضيها مول الدعوة يبان يبان ولكن راه حتى ختك غالطة فهادشي وخليك ماشي معاها بالسياسة، مهم فالليل ونبان عندك الوالدة ملصقة فية ولد ختها
يوسف: (زفر) الله يعزك
اورطيغا: باشما قولي شنو كاين غير بشوية غتجبد منها الهضرة.. (هبطت خديجة مخلوعة)
انا مشيت (طل على غيثة)
من بعد ونجي نشوفك..
اورطيغا: (مشا لطموبيلتو داز من حداه يوسف مزروب معجبوش هاد الوضع دابا تشدت وعندها الحبة رجع هز الساشي كانو حبات فالابيض وولي جاب يوسف كانت فالازرق!! جلس فطموبيلتو كيشوفهم هاد النوع للي قرا الرقم فيها، شايفو عمرو تعاطاااه ولكن شايف حالات وصلو لحماق ولحبس بسبابو)
#الإكستازي !!!
(عارف هاد النوع دالقرقوبي بالظبط صعييب مقسوم على زوج كيخليك فحالة ديال الهلوسة ومنشوي، وفنفس الوقت كتكون نااشط وشي مرات بشكل هيستيري… وغير كتفوت ديك 6 سوايع او لا 8 على حساب المبلي كيتسالا تأثيرو واخطر الااعراض الجانبية فيه هو فقدان الذاكرة…
صونا على ملاك مجاوبتش كتب ليها ميساج)
“”الزين فين غابرة””
(ديمارا مصوني على عمر لقاه مزال كيتسناه المشكل مبقات عندو ݣانة ولاخر باغي يتسارا ومن صباح وهو كيتوحم ليه على صلاد فروي.. مشا وقف حدا القهوة وهو يركب عمر وتمو ماشيين للبرج)
~~~~~~~~~~~~~~
يوسف: (داها ليرجونص دخلوها كتغرز كيفكر فشنو غيدير فهاد الموصيبة واش يعيط لمو؟!! ولا حتى يستنطق غيثة جات عندو خديجة وقفت)
فين كنتي؟
خديجة: غير طواليط قولي شنو وقع بالظبط!!!
يوسف: (عاودلها على كولشي) ندمت علاش متبعناش ديك لبنت
خديجة: وهي كتقول معندها متخسر يعني مراد عندو الصح
يوسف: (معندو ميقول بقاو ساكتين حتى كملو لغيثة ودخلو عندها لاويين عليها الفاصمة فراسها) صاڤا!!!
غيثة: (مقادراش تشوف فيه مشات عندها خديجة عنقتها)
خديجة: تبغي نمشيو؟!! (حركت راسها باه.. وتمو خارجين فجو مكهرب..)
~~~~~~~~~~~~
ملاك: (فاقت داايخة كانت بوحدها ناضت دخلت للحمام توضات وخرجت صلات هزت تيليفونها خرجت عينها كانت 6 دالعشية مموالفاش تنعس هادشي كامل خرجت حدا مها كان بدا يظلام الحال شوية جلست حدا مها للي كانو حاطين الݣوتي بقات كتاكل واخا مقادااش قرات ميساج ديالو حطت التيليفون معندها خاطر ولا ݣانة منين مها كتهضر معاها)
والله اماما الا عييت علاش متخليونيش نعس فبيت عمي راه نهار يجي نخويه ولا غير داك لبيت صغير يجيو لبنات نخويه
زهرة: واش بيدي ابنتي
ملاك: وبيد من؟!! اماما هضري مع بابا ولا غنفرع لباب وكل نهار ندير مشكلة ونغصها علييكم والله حتى ندير الشووهة فينما بغات توصل توصل…
وصلو للدار من بعد مجاو من عند طبيب، يوسف حط سوارت تابعينو لبنات بقا واقف حدا لباب متبع غيثة للي حانية راسها ومسندة على خديجة للي دخلتها نيشان للبيت قدات ليها لوسادة بغات تكى
خديجة: صبري تبدلي حوايجك، عامرين بالدم !!
غيثة: (حركت راسها باه عاونتها خديجة مسحت بليلانجين رقبتها لبستها بيجامة ديباردور بسروالو وتكات حشماانة ولكن كتحس براسها مخنوقة غتنفااجر كولشي تجمع عليها وهاد عقلها بقا مع الكينة للي كانت غتكتلميها..)
خديجة: شنو نوجد ليك تاكلي ؟!!
غيثة: (حركت راسها بلا وهو يبان يوسف باين عليه الحزن حنات راسها)
خديجة: هانتي تكاي شوية على منطيب شي حاجة ونجيبها ليك (خرجت ويوسف بقا واقف حدا لباب دخلت للكوزينة كتحاول تفكر غير فهداك للي شافتو معاها هداك نهار للي بانولها من بيتها، والو معقلتش عليه!! حلت الثلاجة فيها غير بسكوي وعصير حيت مزال متقدات)
يووسف يووسف!!!
يوسف: (سد على غيثة لباب ومشا عندها جالس فوق الكرسي شاف ف200 درهم للي خلات فوق ورقة ديال تقدية جمعها مع ألف درهم للي عطاتو خديجة) وي
خديجة: معندي منطيب خاص نتقدااو
يوسف: (بنرڤزة) واش هدا وقت تقدية وطياااب!!!
خديجة: (شافت فيه مدة، هزت حاجبها)
متعاودش تغوت علية انا بغيت باش نطيب لختك وليك ولية ماكلة نقية ديال الدار
(خرجت من الكوزينة وهو دار يدو على وجهو بتعب، وقف تابع خديجة للي دخلت كتبدل حوايجها فبيت نعاس)
يوسف: خديجة متزيدينيش حتى نتي
خديجة: مقلت والو ومزدتك والو!!
يوسف: متقلقيش
خديجة: سمع ايوسف انا معاك ولكن باش تغوت علية على والو مغنقبلهاش كما متفهماك حتى نتا فهمني وحتارم هادشي للي كندير معاك!!
(دخلت للحمام وهو بقا جالس فوق النموسية حااير فشنو يدير فيه واحد الغضب كبير للي يمشي يدير فختو شي عاااهة وفيه واحد الحزن كبييير للي يمشي لشي بلاصة يبقى فيها بوحدو وفيه حييييرة كبيرة واش يخبر مو ولا يدي ختو تداوا قبل!!! خرجت خديجة مشا وقف حداها شد فيدها كيشوف فعينيها بترجي)
عااارفك تديري كتر من جهدك
خديجة: مكنديرش كتر من جهدي كندير داكشي للي انا مرتاحة فيه غيثة بحال وحدة من خوتاتي عادي نتعامل معاها هكاك (تبسم معاها)
مهم موقع والو..
يوسف: شنو نخرج نجيب؟!
خديجة: معرفتش، صافي خلي تقدية من بعد هاد الوقت بقا فيه مع ختك ودموندي على شي حاجة…
ملاك: (رجع صونا عليها حيت مجاوبتش نهار لعشية كااملة!! طلعت لسطح معندهاش الخااطر وللي زاد كمل عليها كتصوني على وفاء للي كتر من 10 ايام وهي غاابرة وتيليفونها طاافي معارفة عليها والو وفين هي!!!..
تقنتت فبلاصتها كترجف واخا لابسة مزيان ومكاينش شي برد قااسح)
الوو..
اورطيغا: (كيهضر مع عمر) انا جاي، (بعد عليه) فين أبنتي غابرة علية؟!!
ملاك: غير فالدار
اورطيغا: نجي نشوفك؟!
ملاك: بلاش امراد
اورطيغا: علاش؟!! وكفاش هاد بلاش؟!
ملاك: ما فيا للي يخرج عياانة
اورطيغا: كفاش مفيهاش للي يخرج؟!!
ملاك: (بنرڤزة ورائها ضارها) مبغيييتش!!
اورطيغا: اهاااه واخا (قبل متهضر تشرح قطع قبل ميتعصب عليها ويخصر الهضرة حيت عصباتو شحال كيتسنى يشوفها وهي كتهضر ببرود ومباغيااش رجع لعند عمر للي جا عندهم شريف جبد ݣارو كيكمي جاه ميساج من عندها قراه)
“متعاودش تقطع علية”
(هز حواجبو بجوج كان كيحسابلو غتعتاذر منو حط التيليفون فوق الطبلة قاالبو غتحمقو!!! )
عمر خاص نرجع للمحال هانتا مع شريف حتى تشوفو شي قنت نمشيو نحشيو وجهنا فيه
شريف: مغرجعوش للدار؟!!
اورطيغا: بلاش الا بغيتو نتوما سيرو حتى تكملو ولحقو علية لبلاصة المعلومة
شريف: (كيخليه على خاطرو) صافي
اورطيغا: ياله هو هدا (ناض مشا ركب فطموبيلتو حك ذقنو رجع صونا عليها مجاوبتش تبسم بعصبية غياكل ريتو على هادشي للي كديرلو مشا للمحال طلق الدري يمشي وبقا تمااك صونا عليه يوسف)
فين اخااي
يوسف: فين شادها؟ باقي مع ولد الخالة!!!
اورطيغا: انا فالمحال دابا
يوسف: بوحدك
اورطيغا: (زفر بعصبية) عفا الله..
يوسف: هه انا جاي (كان فطموبيلتو مشا نيشان عندو دخل حداه كانو شي كليان كمل معاهم اورطيغا حيد ليݣات غسل يدو وجا حداه)
اورطيغا: كيف بقات غيثة؟!!
يوسف: نعست
اورطيغا: اوا شنو غدير؟!
يوسف: حرت واش حالتها خاصها داوا ولا شنو؟!
اورطيغا: مهضرتوش
يوسف: واخا تشوفني هاكا الا هضرت معاها دابا نقدر نضربها عييت وانا ساد راسي معاها هي ماشي شي وحدة صغيرة باش تدار بيها ولا تبع هاد السم راه كبيرة والمشكل كولشي موفر ليها شنو ناقصها مفهمتش!!!
اورطيغا: امم صعييبة!! الواحد ميقدرش يتحكم دغيا فراسو ولكن غنصحك دير بحاجة انا وكان كنت فبلاصتك مكنتش غنديرها ولكن للضرورة أحكام!!! خاصك المهل معاها العشيير باش نتا تفهم شنو خاص يدار ولكن ايوسف الصمطة خاصها تزير شوية حيت لبزيم ترخف…
ملاك: (بقات لاسقة فمها على حساب لبيت ومالقات للي يجاوبها ومها كتقولها تسكت بقات كدور عينها ميمكنش تسكت وبصوت عالي) مرت عمي
زهرة: (عارفها شنو غتقول) ملاااااك!!!
سهام: ههه خلعتني ماالك البنت؟!
ملاك: شنو فيها الا شديت داك لبيت للي خاوي نعس فيه ؟!!
سهام: مݣلعتلكشاااي راه لبيت دخلي فيه مالي وقفت ليك فيه
ملاك: اوا وفاش يجي عمي؟!!
زهرة: ملااااك!!
ملاك: (زفرت) انا فية نعاس دابا خرجو بغيت نعس سيرو للصالون وجلسو وتجمعو تماك
زهرة: (خرجت عينها) كوني تحشمي
ملاك: نطلع لسطح؟!!! نعس فسطح غدا خاص نفيق بكري بغيت نعس!!! (مجاوبوهاش!! ناضت زااعفة دخلت لبيت مها دارت شالها وعبايتها وخرجت من الدار قاصدة قهوة باها ركبت فدماغها ديك الفكرة وخاص طبقها والسلام صونات على باها مجاوبهاش وقفت حدا طموبيلتها كتسناه يبان.. شافت فحمزة وقف بطموبيلتو حداها خرج شافها وقلب عينيه حلت مرتو لباب كانت اول مرة تشوفها من مور شنو وقع ليهم حنات عينها باغيا تعاود تصوني على باها حتى جات عندها شافت فيها ولوخرا من عينها كيطلقو شراار شافت فحمزة)
أميمة: (دارتلها يدها فحنكها مدورة ليها وجهها) شوفي فية انا ماشي فيه متشوفيش فراااجلي!!!
حمزة: أميمة!!
ملاك: (محست حتى دفعتها) خليني محتارمة هادشي للي دزتي فيه واخر مرة تقيسيني
حمزة: (كيجرها وهي كتغوت على ملاك وباغية تضاارب) ريحي ولا غنتفااهم معااك (طلقت حلقها كتغوت وتسب)
ملاك: دي دي هاد لمريضة من هنا قبل ميخر.. (للأسف الناس كتفرجو وباها جاي جيهتهم، بقات كتشوف فيه)
خ**….
حمزة: (مبغى صداع جرها وهي كتنتر ليه مبعد على ملاك وباها للي ضار شافو كيوبخها تمات حتى هي جاية كاااعية، زرب بلوخرا دخلها للدار ساد لباب)
ملاك: (جاية كتنݣر كانت خارجة تهضر على حقها صدقت هي للي ممزياناش الفكرة ديال اورطيغا كدور فراسها باش تشري دار تبعد ولكن واش غيخليها باها ولا مها تعيش بعيد عليهم!! وعاد خدمتها هنا!! دابا بغات تهضر معاه دخلت حيحت عليها مها على لخروج لتماك حيت رشيد عاود لمها حيت مصلاحش يطلق القهوة ويتبعها…
طلعت لسطح جلست معصبة كازة على تيليفونها صونات خديجة مجاوبتش كتسناه هو يهضر معاها.. )
اورطيغا: (بقاو مجمعين على داكشي للي كانت كتشرب كيشرح ليه النوع ويعطيه أمثلة مكيزوقش ليه الهضرة باش يعرف جدية الأمر، دخل شي كليان بعد يوسف كيهضر مع خديجة كمل مع لكليان وهز تيليفونو صيفطلو شريف انه أمينة أصرت يمشيو يتعشاو معاهم صونا على مو)
انا الخدمة عندي مزيرة والدري صيفطتو…
صافي يتعشا ويتم جاي عندي…
وصافي اصاحبتي انا نصيفطلو لوكاليزاسيون ولا غنهضر مع شريف يلوحو عندي…
واااا ماشي تشوفيني هاكا تااااا…. وااا هنينا الوالدة!!!
ياله بسلامة..
لا متصيفطي والو انا غنصيفط على شي لعبة ناكلها… (قطع شاف فيوسف واقف)
شنو فيها؟!!
يوسف؛ خديجة عيطتلي غيثة كانت بغات تخرج ترجع للدار
اورطيغا: صافي سير اصاحبي وقف على شغلك (مشا يوسف وهي تصوني عليه بريڤي جاوب)
وي!!!….
ألووو!!!!..
(مكيسمع واالو قطع شاف فالساعة كانت 9 ونص جاه الكليان للي كان جامع ليه شنو بغا كمل وناض كيرجع لحم لفريݣو مسح الدنيا تماك طفا ضواو سد المحال هاز بلاستيكة فيدو طلع للدار دخل للكوزينة نيشان شرمل ستيك ديال لحم وحط الروز كيتسلق، دار تيليفونو يتشارجا ومشا دوش خرج صلا لعشا ورجع للكوزينة كيلاهي راسو حيت افكار +21 كدور فراسو وكيحس براسو تزير! سمع تيليفونو كيصوني مشا لقا بريڤي رجع جاوب)
وي!!!…
(حتى صوت) سير الله ****** ****…
(ملاك قطعت بالزربة هاربة من هاد الوابل ديال تخصار الهضرة)
(رجع كينݣر مشا للكوزينة صاوب داك ستيك لحم مع صوص بلونش والروز وحطو..
جلس كياكل داير فلم فMBC جا مع لقطة الاحضان والقبل)
ولاد **** باغييني *****
(قلب داير ناسيونال جيوكرافيك)
على هاد الز**ة للي ضارباني غيجيبو شي سبع **** شي ضبع
(كمل خدا داكشي للكوزينة غسل الماعن ورجع جلس مصوني عليه عمر كيعلمو انه جاي.. قطع ورجع صونا عليها جاوبت هاد المرة دغيا)
ملاك: ألووو
اورطيغا: غير للي يشد مك دابا فشي بيت معندو لا باب لا سراجم
ملاك: (جابلها الظحك كتمسح دموعها من التصبينة للي صبنها باها على خروجها والكلام ديال أميمة)
اورطيغا: مال مك هاد نهار جاتك علية!!
ملاك: (بصوت مخنوق) كنت مريضة
اورطيغا: ونيت راكي مريضة، ولكن ديريها فين تجييك
ملاك: مراد..
اورطيغا: رية مرااد.. مالكي؟!!! ومال صووتك (جاتها البكية وتقجت بقات ساكتة وحتى هو سكت حيت قال شي واحد طلع عندها حتى قطعت مربعة يدها على وجهها كتبكي واخا عاد راجعة من سفر ولكن كتحس براسها قنطانة ومخنوقة كتر مكانت قبل سفر!!!!)
اورطيغا: (تسناها تعاود تصوني والو مصوناتش مابغاش يجبد ليها صداع ويصوني حيت معارف والو شنو كاين وعاود مصيفطاتلوش ميساج كتخليه ديما يفكر شنو عندها!!
جا عمر بقاو مجمعين شوية حتى هو عيا مع الخدمة والافلام للي كيتفرج حبسهم حيت غير كيتزير.. صيفط ليها ميساج)
باغي نهضر معاك قبل مننعس…
ملاك: (فبلاصتها مقهورة) “حتى لغدا ونهضرو انا فبلاصتي والدار مزال فايقين”
اورطيغا: “متوحشتينيش؟!”
ملاك: (بقات كتشوف فلميساج شافت فمرت عمها للي كتغطي ولادها للي مجمعة معاهم وكيظحكو بصوت مرفوع حيت غدا غيبداو لقرايا واخا غيمشيو غير يقيدو دفاتر والكتوبة حتى الاثنين عاد يقراو نيشان، كانت كتحلف عليهم للي مقراش غتجلسو من لقرايا)
سهام: ياك املاك غتخدمي معاهم؟!
ملاك: (معندها خاطر) ضرووري
سهام: متديش على باك ݣبيل راه حتى ديك لهبيلة دمرت حمزة خاصها شي طرحة دلعصا
ملاك: اودي..
سهام: معليكش للي موصلكش تفقس منك!! ياله تصبحون على خير خليو بنت عمكم تنعس (طفات الضو وهزت تيليفونها هي عارفاه مكيبغيهاش تعطل عليه بقات كتفكر هاد الصد ديما ليه ماشي حل وحتى هي بغات تشوفو كترتاح بالجلسة معاه وهضرتو واهتمامو مشات ترجمت توحشتك بسبليونية وصيفطتهالو باش ميفهمهاش وفنفس الوقت باش ميقولش مجاوبتش..)
ملاك: “”Te extraño””
(مجاوبهاش عرفت غيكون نعس وراس كيقولها ولا غيكون كيهضر مع وحدة اخرى)
مخاطبة دماغها: نعس نتا الا مفقستنيش متجلسش هاني!!!
~~~~~~~~~~~
يوسف: (بقا شاد أعصابو بستة وستين كشييفة باش مينفاجرش عليها شاد ليها يديها لي كيرجفو)
انا خوك احبيبتي عاوديلي كفاش وقع
غيثة: (بلعت ريقها الا قالت الحقيقة ممكن تخسر خوها) دوك لبنات تعرفت عليهم فلفايس، أنا للي غلطت اخويا عفاك سمحلي
يوسف: وعلاش؟! شنو ناقصك؟!
غيثة: عقل.. ناقصني لعقل ولكن تنواعدك عمرني نعاود
يوسف: (مكيحسش براسو تايق فيها، اصلا الثقة للي كانت تهرسات) متأكدة!! غدا غنمشيو لطبيب
غيثة: علاش؟! خويا واش بغيت تردني وحدة شمكارة بالسيف انا خديت يمكن شي 3 ولا 4 عفاك نساو هادشي كاامل بحال عمرو وقع انا غنبدا الخدمة وغندير غير داكشي للي بغيت
(كتهضر وقلبها غيسكت ودمها كيغلي ولكن مبغاتش تمشي معاه دير تحاليل مبغاتش تزيد تشوف شي خيبة أمل فعينيه.. وصل لعشا ناضت باش ميزيدش يمرض جلسو فوق الطبلة وخديجة كتحط جرت يدو وباستها كانت اول مرة ديرها)
عفاك سمحلي اخويا!!!!
(بعينين عامرين دمووع وبغصة كبييرة فحلقها…)
عفاااااك!!
أصبحنا وأصبح الملك لله…
الغالية: (شافت حتى واحد من دوك الجوج مسول عليها بقا فيها الحال لا يوسف لا غيثة!!
فاقت بكري مشات لباتيسري خدات فطور ومشات لدار يوسف تفيقهم وصلت للدار بدات تدق حل ليها يوسف كان لابس عارفة ولدها كيفيق بكري بقات كتشوف فيه) غتمشي بلا متفطر!!
يوسف: (تبسم) صباح الخير بعدا (سلم عليها) دخلي (شد من عندها ميكات للي جايبة)
جيتي بوحدك؟! مجاش الواليد!!
الغالية: خاك وباك خليتهم غيمشيو للخدمة من بعد مفطرتهم
يوسف: اممم
الغالية: فاااين دوك لخميرات (شافت طبلة لفطور متنوعة شافت خديجة لابسة كسيوة قصيرة وهازة طبسيل فيه حرشة)
خديجة: مرحبا مرحبا (حطت الطبسيل وتمات ماشية عندها سلمت عليها) زيدي دخلي مالكي واقفة
الغالية: (حسابلها مغتلقاش لفطور، تبسمت معاها ودخلت) فين لالة غيثة
خديجة: ناعسة (دخل يوسف للكوزينة حط شنو جابت مو)
الغالية: نمشي نفيقها تفطر معانا
خديجة: لا لا غير خليها مرتاحة، نعست معطلة لبارح
الغالية: عاود شنو قلت؟!
خديجة: كما سمعتي كانت عيانة منعستش بكري (جات تجاوب الغالية وشافت فيوسف جاي كانت ملامحو ماشي كما موالفاه بديك الابتسامة سكتت فكرت يكون مدابز مع مرتو جلسو والغالية كتشوف فديك الحرشة للي حطت عليها خديجة رابعة ديال الزبدة) خالتي نقطع ليك ولا تاكلي بيدك
الغالية: انا ناكل هادي؟!
يوسف: شوفي هاكا قلت فاللول ولكن ذوقي بعدا (شاف فخديجة تقطع لو طرف)
خديجة: ههه راه تاكلها بيدك حسن ههه الحرشة بالفرشيطة ايوسف!!!
يوسف: وصافي اخديجة
الغالية: عذرها مموالفاش
خديجة: (شافت فيها وهو يشدها يوسف من يدها) مهم.. (سكتت لسانها، قطعاتلو الحرشة وحطات ليه فطبسيل وبمعلقة هز الزبدة وحطها فوق الطرف ديالو وبقا كياكل)
يوسف: اممم احسن حرشة كليت فحياتي
الغالية: (ميقت فيه) فحياتك ݣاع!! لواه لواااه
يوسف: هادي حرشة بالعشوب شنو هاديك العشبة؟!
خديجة: مانتا، (كتشرح ليها ولكن بدلع كتفقسها) وكتزيدي عليها بصلة محكوكة وزعتر مهم نتي شنو لعشوب للي كنبغي وكطيبيها… (بقات كتاكل صونات عليها ملاك جاوبت) زين صاڤا (وقفت ومشات من حداهم…)
يوسف: الوالدة غيثة لبارح تضربت فراسها طاحت وتجرحت
الغالية: الله يا سيدي ربي على بنتي فاين هي؟! (ناضت) ومتعلمتيش واش جاتها شي ضربة قبيحة فوجهها؟!!! واش خسر ليها وجهها؟!!
يتبع
التعليقات 0