كانت كتهضر معاه حتى حلت مها لباب قطعت عليه بلا متعلمو
زهرة: (جلست) شنو درتي مع حمزة ابنتي؟!!
ملاك: (تأكدت من التيليفون بعدا واش قطعت معاه، عاد.حطاتو عاودات ليها بالتفصيل شنو وقع) هادشي للي كاين
زهرة: صدقت جداام هاد أميمة
ملاك: (حركت راسها باه) مهم، غدا كتبيلي شنو يخصك فلعراضة ماشي زعما لحم ودجاج لا داكشي الكبير عليكم، كنهضر على لباتيسري وداكشي المأنتك
زهرة: هه اوا غير منين بغيتي تسخاي بريال راه لباس
ملاك: ماما صراحة عزيييييزة عندي خالتي مينا حتى هي مكتخليش من جهدها معانا ومن ديما مكبرة بينا عندها فالدار
زهرة: (حركت راسها باه) بالصح!!
ملاك: ماما!!! (عيات تفكر كفاش تقولها) بغيت نشري دار؟!
زهرة: (ضارت عندها متفاجئة) ومنين غيجيوك لفلوس
ملاك: هانتي عطيوني فلوسي باش غديرولي العرس نزيدهم على للي عندي وغندفع فيهم اباغطومو ووووللي غيبيعلي مغنمشيشو االبنكا هو غيقسملي للي بقالي طريطات على مدة عامين ولا 3
(شافت فيها باستغراب) انا نفهمك كاينة فالحومة ديور
زهرة: اشمن حومة؟!
ملاك: (مخرجة عينهل) الليدو!! ففاس، هانتي غير سمعيني كاينة دار فيها 70 متر ممصلوحاش غير كحلة كتباع 14 مليون مولاها طاشرون كبيير كيدير مع الناس يعطيوه تسبيق مثلا 10 مثلا ولا 7 مهم ماشي قل ياااكي!! مهم غير مثلا و4 ولا 7 تبقى طريطات على مدة عامين والا بغيت نزرب مثلا عام ولكن كولشي قانوني وموثقين فالمقاطعة مهم كولشي بالورااق وأصلا غيكون معايا بابا
زهرة: (كتشوف فيها)
ملاك: انا بغيت نشريها حيت مربووحة بزااف مع الوقت نصلحها ونقلب على شي ولد الناس نسترو فيها
زهرة: ههه
ملاك: هكاك ظحكي الزين، والله حتى كنهضر بالصح بغيت نصلحها ونكرييها جاية فموقع غزاال وعلى الشاريع وغتبنى حداها دائرة ديال البوليس وعاد قريبة بزاف لفاك والقشلة ديال العسكر ومدرسة ديال الفرمليات وجاية فالسونطر تقريبا حدا الأطلس كولشي قرييب ليها، هانتي غتكرى وها هية تبقى ديالي باش فاش يطلقني راجلي نلقى منين نصرف على وليداتي
زهرة: اعوذ بالله من الشيطان الرجيم اش هاد الفال الكلبة
ملاك: اوا الدنيا متعرفيش شنو جايبة وزايدون شكون غيصبر علية الا نتي ماما وكنحس بيك شي مرات ندمتي على نهار للي ولدتيني فيه
زهرة: هه راه غنضربك
ملاك: وايخان غير كنظحك معاك (عطاتها ضربة لفمها) ااح عدمتيني اصاحبتي (دارت صبعها فشنافتها كان الدم) يااه اصاحبتي عندك لعب البنااية!!!
بقات كتشرح ليها وزهرة كتسمع ليها بأذان صاااغية!!
زهرة: وشكون قالك هادشي!!
ملاك: (خرجت عينها) واحد
زهرة: وانا قلت ليك جوج؟!! واحد شكون؟!
ملاك: مغتعرفيهش ولكن من بعد (فرنست) غتعرفيه راه هضرنا فداكشي دالمعقول وداك تخربيق مهم منسبقش الفرح بليلة حتى لمن بعد ونقوولك على الله غير يصدق
زهرة: يا لالة ويا لالة وهاد الهضوور
ملاك: ههه مهم علمينا زوجك المصوون
زهرة: بغيتي نقولو يعطيك فلوس العرس!!! (حركت ليها راسها كتبسم) واش نتي هبيلة؟!!
ملاك: (خرجت عينها) فلوسي ندير بيهم للي بغيت زوجتو نعيمة وفاطمة وخديجة جوج مرات فلوس باش توكلو عباد الله زايدين فية، وانا اصلا مبغيت عرس كافييني جوج ݣصاعي طعام نهز باليزتي ونمشي عند جوجي العزيز
زهرة: (كتشوف فهاد لبنت كتحب فيها هاد الطمووح لكبيير حركت راسها باه) دابا نهضر معاه نوضي نجلسو معاهم
ملاك: غير سبقي انا جاية (كتهز حواجبها مفرنسة)
زهرة: متعطليش!!
ملاك: (باستها فلهوا، خرجت معا جبدت التيليفون من القجر كانت دايرة صيلونص لقاتو مصوني لبست شالها ورجعت صونات عليه قبل ميهضر) كنت كنهضر مع ماما دخلت بلا منحس (عاودت ليه انها قالتها لمها وبقاو كيهضرو شوية…)
~~~~~~~~~~~
أصبحنا وأصبح الملك لله
غيثة: (مجاهاش نعاس حتى كانت فاتها شوية هاد الحالة ومبقاتش كتألم هاكا ورجعت مجهدة قلبتها بكا على حاالتها وصلت 6 دصباح كولشي كيضرها فصحتها وراسها تقييل عليها عاد الاعصاب كتحس بيهم هجموا عليها!! لقات راسها كتصوني على ادم للي جاوبها بصوت نعساان)
ادم: وي شيغي!!
غيثة: ادم معرفتش شنو وقعلي خاصني ضرووري هاديك الكينة
ادم: (بقا ساكت حتى سمعها كتبكي) ششت حبيبة داكشي خاصكي تقطعيه انا مستاعد نعاونك.. نسااايه عفااك خوك وكولشي باغي يعاونك ونتي تترمي راسك النار!!!
غيثة: (مفهمتش يمكن كاين حداه شي واحد) اه بالصح، واخا نشوفك اليوم
ادم: ولكن تواعديني تنساي هادشي اغيثة انا وعائلتك خايفين عليك بزااف
غيثة: (قطعت عليه ممسالياش تسمع لهاد الهضرة بقات على ديك الحالة وصلت 8 لبست حوايجها ومشات للخدمة حتى كتشوف ادم واقف حدا طموبيلتو مشات عندو قبل متهضر عطاها نفس الكاس للي عطاها داك نهار!!)
ادم: لويزة!!
غيثة: (بقات كتشوف فيه)
ادم: غتهدنك احبيبة
غيثة: (لاحتها فالارض بعصبية) عطيني داك زبل!!!! اشمن لويزة ولا خ**!!!!
ادم: انا منقدرش ناذيك اغيثة
غيثة: (كتبكي بعصبية) نتا اصلا سبابي باش وصلت لهاد الحالة عطيني ولا غنقولها لكوولشي
ادم: (بهدووء) شنو غتقولي أغيثة؟!
غيثة: غنقول نتا للي عطيتني داك **** حتى رجعت هاكا نتا للي بليتني نهار اللول عطيتولي فالعصير انا مكنتش عارفاه درووݣ
ادم: علاش شحال فعمرك؟! جو بوزص 26!!!
غيثة: (بقات كتبكي شافتو ماشي تبعاتو) ادم!!! ادم!! (زربت وقفاتو كتبكي على راسها للي ضاع، وكرامتها للي فالارض وحياتها للي كتمشي وهي كتشوف وكتزيد بيدها تضيعها بحال شي واحد عارف هاديك الحاجة سم ومصالحالوش واخا هكاك كيشربها!!!) عفاك عطيني
ادم: تصدمت فيك ونتي تتهدديني
غيثة: عفاك منعاودش ندير اي حاجة عفاااك ادم عفاااك عطيني
ادم: واخ… دابا معنديش ولكن فلعشية غنجي عندك بيان سيغ انا ولاففامي ديالي باش نهضرو على الخطوبة من بعد يوماين للي غنديرو!!
غيثة: خطوبة!!
ادم: وكادو ليك غنعطيك شي حاجة للي غتعجبك بزااف وتخليك يوماين ناسية العالم وما فييه، شنو قلتي؟!
غيثة: (بقات كتشوف فيه وكتبكي كيمسح دموعها حل ليها باب الطموبيل بقات غير كتشوف فيه ميمكنش شحال كتكرهو فهاد اللحظة ركبت سد لباب طلع هز يدها باسها)
علاش تدير فية هاكا؟!
ادم: علاش نتي مبغيتيش تقتانعي ان العيشة معايا حسن من العيشة مع داك شمكاار
غيثة: (معندهاش الجرئة تسبو ولا تهضر حنات عينها وكتبكي)
انا متنبغييكش خلينا عفاك غير اصدقاء
ادم: ختاري اغيثة اصدقاء ولكن حالتك غتبقى ماشية وتضيع ولا خطييبك وعندك لاڤونطاج باش تقادي من حالتك
غيثة: نقادها بداك السم؟؟
ادم: من حقك توقفي وتمشي تعالجي
غيثة: انا ممريضاش باش نتعالج
ادم: نتي مرضك هو اورطيغا!! هو للي بسبابو بقيتي تتقلبي باش تنسايه مفهمتش علاش متتحلوش عينكم شحال كياذيك نتي ويوسف والحاج علاش ماشيين من موراااه!!!
مهم!! حبيبة تمشي دابا لداركم باش تعلميهم ولكن نبغي الظحكة واصلة لودنيك والفرحة باااينة فعوينااتك ولا مغنجيش واخر مرة غتشوفيني فيها هي هنا!!!
غيثة: نتا متتبغينيش؟!
ادم: الا تتعتابري انك تتبغي داك الشمكار راه بالصح متنبغييكش (لمس على حنكها)
نمشيو؟!
غيثة: (شافت قدامها بحزن كبييير صاݣ حطها حدا دارها متكلمتش نزلت بالزربة مشات وطلعت لبيتها دغيا..
اما هو بقا واقف بطموبيلتو صونا على الغالية للي عرضاتو يدخل دخل علمها بقرار غيثة المفاجئ انها اتصلات بيه وبغات تكمل معاه وداكشي يكون فخبار العائلة!! فرحت بزااف ووراها ميساجات كاتبة ليه بغيت نشوفك ضرووري قالتلو يسكرينيها يصيفطهالها باش توريها ليوسف للي حيح عليهم يبعدو منها وأنها مبغاتش ادم ويحتارمو قرارها..
مشا والغالية عيطت على تريتور باش توجد للخطوبة الكبيرة اما لعشية غيكون داكشي غير خفييف…)
ملاك: (فطرو مجموعين خرجت لخدمتها نشيطة حيت اليوم غيجي حبيب القلب للدار..
وقفت حدا طموبيلتها لقات حمزة كيقاد الزيت فطموبيلتو شافها قال السلام وكمل شغلو.. عجبها الحال منين عطاها التيساع ومرداتش عليه السلام، ولكن بقا فيها على الحالة للي وصل ليها ياله غتركب جا عندها باها باستلو يدو)
صباح الخير بابا
رشيد: بنتي مك قالتلي على داكشي!
ملاك: (قلبها ضرب) على الدار!
رشيد: بنتي علاش باغيا تزيري راسك نتي ياله شريتي الطموبيل
ملاك: بابا خليك تفكر بعدا راه هاديك همزة ومنفلتوهاش
رشيد: (خايفها تهز راسها وتمشي تسكن بوحدها) لا بنتي غير نسااي
ملاك: (بقات كتشوف فيه بقا فيها الحال مغتهضرش هنا قدامو ركبت بلا متهضر معاه حيت غيكملها بالاعصاب ويقدر يضربها حيت عارفة لسانها غيخرج شي كلمة كبييرة رجعت اللور ومشات بالزربة كتنݣر)
دابا انا سولتكم وكنتسنى كلمتكم ولكن متلومونيش الا درتها من مور ظهركم!!
~~~~~~~~~~
رشيد: (شاف فحمزة للي كيقاد شي حاجة فطموبيلتو، هو كيعتابر حمزة ولدو راه منين كان صغير وهو فالدار كبر على يديه) سكتت ليك!! ياك جديدة
حمزة: (معرفش شنو وقع!! بين ليلة ونهار سكتت ليه) معرفتش كولشي تيبان مزيان!! ولكن مبغاتش ديماري
رشيد: ديها لمعلم حسن ولا جيب شي واحد
حمزة: داكشي للي غندير.. عمي واش ملاك بغات تشري الدار؟!
رشيد: (مع من ديما كان كيحلم يكون عندو ولد كان حاسبو ولدو وكيعاود ليه عادي كما كيعاود لبناتو يعني تدخلو فهاد الامور كتجيه عادية) ويييه
حمزة: اوا مزيااانة هي من ديما كانت كتمنى تشري دارها تبعد غير من البنكة والربا
رشيد: خفت عليها اولدي
حمزة: علاش غتخاف اعمي
رشيد: الدار بغات تشريها فاس ماشي هنا غدا ولا بعدو تهز راسها وتمشي لتما
حمزة: لا لا ملاك مديرهاش!! هي متقدرش تفرقكم حتى يكتاب وتزوج، سير معاها شوف شنو كاين سمعلها اعمي بعدا وديك الساعة عينك ميزانك
رشيد: الله يصاوب وصافي، شوف راه كاين واحد الميكانيك كيفطر لداخل شوف معاه
حمزة: بالصح!! (شاف فالساعة) باقيلي شي ساعة للخدمة نشوف شنو غيقول فيها!!
اورطيغا: (كيسمع لملاك للي كتشكا كانت عارفة باها مغيبغييش تشري الدار وبعيدة على صفرو، وعارفاه كفاش كيفكر حيت شحال من مرة هددت تمشي تسكن بعيد عليهم و أكترية فاش تعرف انه عندو ولد!! ولكن كانت غير هضرة عفوية منين كانت غضبانة ومعصبة… خلاها تهضر على خاطرها حتى سكتت)
ملوكة معليش خليه دابا يدورها فراسو مزيااااان ومن بعد عاودي قوليهالو وغيتقنع شوية بشوية
ملاك: راه الدار غتمشي!!
اورطيغا: واش فلوسك كاملين؟؟
ملاك: لا!! اممم تنسالو شي حاجة هو للي غيكملي
اورطيغا: سلفتي باباك؟!
ملاك: (خرجت عينها) ااه، وكان مكنتش واقفة عليهم منطلبهمش ليه
اورطيغا: علاااام نتي، مهم! نعطيك انا؟!
ملاك: ياك نتا معندكش؟
اورطيغا: كاين شي حاجة قليلة نسلفهالك على متقادي امورك
ملاك: مكيعجبنيش نتسلف امراد صراحة كتجيني قاسحة نرد
اورطيغا: هه مساامحك
ملاك: اممم باش تشرمل علية شفتك داك نهار واحد بغا يزرب عليك ب50 درهم شنقتي عليه حتى حط ليك فلوسك
اورطيغا: ههه حيت تنعرق عليهم
ملاك: عارفاك كضرب تمارة عليهم ولكن حسن جمعهم وصرفهم فالحاجة للي تستاهل
اورطيغا: نتي تستاهلي!! (فرنست) اليوم بداو كيكملو فلبني ديال الدار للي وريتك، غتجي فيها زوج بيوت صالون صغير كوزينة حمام
ملاك: كتفقسني زعما!!
اورطيغا: وانا نقدر!! انا غنبقى مع السيد حتى يخليها ليك ان شاء الله..
ملاك: عفاك غير دير جهدك!!
اورطيغا: فاش؟!
ملاك: فالدار امراد فالدار!!
اورطيغا: اممم… مهم نتي متخمميش بزاف، بلاتي نشووفك؟
ملاك: راك غتجي للدار!
اورطيغا: ااااام دابا بغيتي الدار، بغيتي نشوفك فالدار؟
ملاك: ههههه (بقات غير كظحك)
اورطيغا: ڤري البنت بغيت نشوفك شوية
ملاك: مرااد نتا عارف حتى انا بغيت نشوفك ولكن!!
اورطيغا: هاد سلوكا مكافيينش املاك تنبغي نجلسو شوية نهضرو نشوفك تشوفيني!!
ملاك: خلي لويكاند
اورطيغا: (بقا كيفكر) واخا حتى نشوف يقدر السبت ولا الاحد على حساب الخدمة!
ملاك: صافي.. ياله بسلامة مشغولة شوية
اورطيغا: اري شي بوسة
ملاك: ههه حشوومة امراد التيليفون يتباس ونتا لا!!
اورطيغا: ههه سيري لمك نتي لسااانك مبري منك (قطع معاها صونا عليه شريف على حساب خدمتهم باش يخلي ليه شي حاجة فلحم كان موصيه شي كليان عليها ومبقالوش)
صافي هادشي للي كاين!!
شريف: صافي غير هادشي، يوسف مزال مبان؟!
اورطيغا: يقدر غدا عاد غيجي…
كملت خدمتها مشات للدار ريحة طياب عاطية خديجة ووفاء خملو الدار كانت رتاحت نسبيا على الاقل كتنعس فالليل بلا متنوض مخلوعة.. مشات لبيتها كتحل الفرخة وقفت عليها مرت عمها
سهام: اش هاد القفل البنت
ملاك: غير باش ميدخلش أنير
سهام: أنير!! وعلاش غيدخل أنير؟!
ملاك؛ عندي شي خدمة كنجيبها معايا خفتو يقرب ليها يخرب فيها ولا فلوراق
سهام: اممم (دخلت ملاك عاطية الساروت غير لمها خاصها تقاد الصاقطة باش تبقى تسد عليها الباب بدلت حوايجها كتشوف شي بيجامة زويينة للي تلبس وقررت تلبس كيطمة كتجي واسعة شوية حسن من بيجامة قداامهم، دارت شالها خاصها تشري مرايا كبيرة خرجت مشات عند مها للي عاودت ليها شنو دار باباها ووصاتها بصبر دابا تدخل ولكن الا مبغاش صافي تنسى.. سخراتها تمشي لباتيسري تشري شنو يتحط فلݣوتي)
~~~~~~~~~~~~
غيثة: (صونا عليها يوسف يتأكد من هاد الخطبة المزروبة!! تبسمت مبدلة وجهها الحزين لوحدة فرحانة جاوبت كنشوف فالكاميرا) خويااااا
يوسف: شنو هادشي سمعت
غيثة: واش قالتلك ماما والله حتى كنت غنصوني نقولهالك
يوسف: وشنو تبدل من لبارح اليوم؟!
غيثة: لقيتو اخويا بالصح تيبغيني ماما فاش ضرباتني لبارح قدام الناس فالكافي هو بقا تيحامي علية ومخلاهاش تغوت وحتى فاش كنت قلت ليه لا بعد وخلاني على خاطري (تنهدت ولكن دارت ابتسامة فوجهها مخبية داك الألم)
تيحتارمني بزاف
يوسف: مدخليش هادشي لراسي
غيثة: مزال مغنديرو شي حاجة دابا ياله هضرة وصافي اصلا حتى تجي نتا
يوسف: داك نهار تتشكاي مبغيتيهش واليوم نتي صابحة باغية
غيثة: اه
يوسف: ونتي للي بغيتي تلقايه
غيثة: خويا انا فكرت مزياان قلت اللهم نتبع للي باغيني كما قلتلي نتا
يوسف: (فهم قصدها على اورطيغا وبغات تنساه بادم)
معرفتش جيتيني زربتي ومتشاورتيش معايا هاد ادم مزال متنعرفوش مزياان!!
غيثة: هادي خطوة غنديروها باش نعرفووه والا معجبناش عادي نتفارقو
يوسف: (كيشوف فيها وهي كتقاد الميكاب وتبسم)
امتى غيجيو!!
غيثة: يمكن من مور العصر
يوسف: انا غنعيط لشريف باش يجي
غيثة: اه صافي قلهالو حتى اورطيغا الا بغا
يوسف: هو غيدي مو لصفرو عند نسابي
غيثة: (حركت راسها باه بحرقة حيت عارفاه تابع ملاك شحال تمنات تكون بلاصتها)
كولشي تيزيد بحياتو اخويا القدام ومتيبقاش عاايش على الاحلام حتى انا بغيت نزيد بيها…
اورطيغا: (كان خلا الدري يكمل فالمحال حتى الليل ويسد من بعد ميجمعلو الحساب حتى يجي هو، طلعو ركبو فطموبيلتو وشدو طريق لصفرو)
أمينة: عقبال نشدو طريق لخطبتك
اورطيغا: (كينݣر تحت لسانو عاد وصاها متقولها حتى لواحد ومتبين واالو هو من داك النوع للي كيبغي حاجتو تكون مستوورة!!! سولتها نعيمة واش كاينة شي حاجة قالت غير كتمنى، كانو كيهضرو وهو غير صايݣ رجعت فكرة زواج جدية عندو بسباب نص متر للي محمقااه بفعايلها تفكر غير منين كان كينصح يوسف باش ميتزوجهاش وها هو دابا هو طالب عليها كيتبسم بحال شي هبيل بحال كيظحك على راسو)
الا للي ظحك يتبلى
عمر: هه امالك اولد خالتي
اورطيغا: واحد لبلان بقيت على صاحبي مديروش مديروووش راه بيعة وشرية فالصو حتى لقيت راسي شاريه
أمينة: شريت بلان؟!!
اورطيغا: لا.. (ما فيه ميشرح) مغتفهميش شي حاجة فالخدمة
أمينة: اممم نيحساااب
اورطيغا: اوا عمر امتى غترجع
أمينة: كح كح
اورطيغا: حلال الوالدة (طل عليها من المرايا لقاها مخرجة عينها) حلال.. تنسول على سويسرا ماشي تنطردو!!!
ياسمين: ههه
عمر: مزال هاد المرة درت نضرب شهرين هنا الوالدة وياسمين نوصلهم لݣرسيف مبغاوش يمشيو معايا
اورطيغا: فين؟!
عمر: بغيت نمشي واحد السيمانة مرزوݣة, مشيتلها نتا؟
اورطيغا: غير طريق
عمر: نمشي اخويا نكمد عظامي اذا تحب تمشي معايا ياله
اورطيغا: مرزوݣا!! تدفن تحت الرملة؟!!
عمر: الا كتاب ولكن حتى نوصلهم لݣرسيف
أمينة: يبقاو معايا حتى نصيفطهم فلكار
عمر: (باستغراب) لكار وحدهم؟ لا خالتي مجاتش نسا يسافرو وحدهم!! خاص ضروري يكون معاهم راجل وانا كاين ونخليهم بوحدهد!!!
اورطيغا: هااااه غير تتنقزي الدين متتعرفي فيه غير زواج وكمل نص دينك النص لاخر عندك (صفر)
أمينة: الله يمسخك (بقاو كيظحكو كفاش شاد فمو ياسمين شافت فيه مكانش كيحسابها كيظحك عمرهم هضرو بجوج حتى من السلام بيناتهم قلييلة هز عينو شاف بدون قصد تشاوفو دغيا نزل عينو اما هو كيشوف فيها شبه خطيير ديال مو بحال تقول بنتها غير أمينة عندها شوية تجاعيد وهادي لا!! )
ولدي دوزنا لسويقة نتقداو شوية ديال الديسير
اورطيغا: هادشي جيبيه من لهيه الوالدة!!!
أمينة: خرجتلي من بالي اولدي….
غيثة: (كانت لابسة كسيوة خريفية بصميطات فوقها ريبيكا خفيفة، جالسة فالقنت حدا مرت خوها للي معيشتش معاهم فهاد العالم حيت موطياها الغالية متهضر حتى تهضرها ولا تسولها وغير ساكتة كتشوف وصافي،
بقات غيثة حاضية آدم لي كيناقش مع خوها اشرف وباه كيهضر مع باها وبنسليمان، والغالية كتهضر مع مو وهي غير كتشووف بعينيها كتسنى حاجة وحدة يعطيها الكينة باش يهدا هاد صداع للي فراسها ودمها يرجع طبيعي ميبقاش غير كيغلي مع هزت راسها لقات شريف داخل تبسمت ناضت سلمت عليها بلبيزو هادشي مدارتوش مع ادم للي غير مدت يدها وهادشي خلاه كيغلي ولكن مبين الهدوووووء واللطف)
صاڤا!!
شريف: الحمدلله نتي مزيانة؟!! (حركت راسها باه شاف فادم تبسم جلس حدا غيثة حتى كتبغي تقولو شنو كاين حيت مكاينش يوسف يقدر هو يحل الأمور وديا ولكن الضرييبة غتكون قاااسحة عليها.. شافت فادم للي خنزر فيها مفهمت والو حتى جاها ميساج من عندو)
ادم: حبيبة غيثة تتبانيلي فرحانة بزااف عجبني الحال
غيثة: (فهمت قصدو بقات غير كتبسم ناضت هزت حليوة باش تلفت انتباههم انها فرحاانة)
اممم واش مغنهضروش انا وادم هه
كولشي بقا كيظحك شريف غير كيشوف، ناض ادم بحال حشماان شادين فيه خرجو للجردة مشاو حدا لابيسين
ادم: فهادشي كامل بانلي غير شريف للي فرحتي بمجيتو
غيثة: ادم نتا عارف حالتي دابا (كتحك يدها بجهل) راه مقادراااش نبقى وااقفة
ادم: ولكن متتبينيلي والو مشفتكش فرحانة بهادشي للي تنديرو
غيثة: (غير كتشوف فهاد المختل كذب كذبة وتيقها!!!)
ادم: عنقيني (كتشوف فيه باستغراب وهو كيهضر بشوية بين سنانو) عنقيني احبيبة باش نعرفك فرحانة معايا
غيثة: (عنقااتو بغراابة وهو بقا وااقف لا حركة بعدت لقاتو كيحنحن شافت من موراه كان خوها اشرف) احم انا ندخل
(حنات راسها وتمت داخلة وصلت حدا خوها)
أشرف: نقصي من لبسالات اغيثة راه عاد غتخطبو ونتي لاسقة فالسيد
غيثة: (بقات غير كتشوف فخوها للي شير ليها بعينها دخل.. دخلت غير دخل ادم تبسمت اي حاجة تقالت كظحك معاهم جاو خارجين كتشوف فيه بترجي)
ادم: احم واخا غدا ندوز عند غيثة غتكون معانا ليلى نمشيو نختارو خاتم الخطوبة
الغالية: (شاف فيها راجلها) نخرجو مجموعين
ادم: كنت بغيت نعرضكم خفتكم متقبلوش، ليلي الشرف نكونو مجموعين فهاد الخطوة لي غنديرو
الغالية: (كتشوف فيه بحب) الله يسخر ليكم اولدي
اب الغالي: الله يتاويكم للخير…
غيثة: ادم (شاف فيها) نقولك شي حاجة
ادم: (تبسم معاهم مشاو العائلة على جنب) نعام احبيبة
غيثة: عفاك عطيني!!!
وصلو للحومة هبطو كيقشع ملاك كتزرب وتشوف من موراها هازة فيديها كراطن فلبيض حتى غبرت!!
اورطيغا: (عيا يرودي فلبنات وهادي متشداتلو حتى شوية!! بقا غير متبعها حتى غبرت زاربة، خرج داكشي من الكوفر للي جابو)
عمر نمشيو نتلاحو لشي قنت؟
أمينة: دخلو معانا بعدا (تم جاي عندهم رشيد سلمو عليه كانو دراري بغاو يمشيو ساعة حلفلهم يديرو كاسكروط عاد يخرجو الا بغاو ولا يتقهواو عندو.. مشاو تم حمزة خارج من دارهم)
حمزة: (شافهم مجموعين فهم غتكون شي خطبة ولا هضرة على ملاك وهدا كمدها فقلبو حيت صافي!!!)
سلام عليكم
(ردوها عليه، تم ماشي اورطيغا كانو عينيه عليه بحال سقر دخلو تحت ترحيبات للي تماك..
اورطيغا كيدور عينو فدارهم كتعجبووو بزااف، حتى شافها خارجة من بيت مقدرش ميتبسمش منين شاف لباب دبيتها فيه ورقة مكتوب فيها ممنوع الدخول بخط عريض بالأحمر، وعاد كملتها ردت لقفل للي قد اليد ولكن مسداتوش، قلب وجهو لعمر جات عندهم باينة حشمانة والفرحة مخلطة سبقت كتسلم على لعيالات بلا متحس مدت يدها لعمر للي حشم ودار يدو على صدرو كعلامة مكيسلمش هزت راسها بهاد التحشيمة للي تحشمت نسات داك الاحراج وشافت غير فعينين اورطيغا هربت عينها منهم لقات باها مخرج عينو فيها محست حتى مشات طلعت لسطح كتزرب!!!
بعدت كتلوم فراسها عمرها اصلا نقزت كتسلم على رجال واش تضهشيرة ديال وجود حبيب القلب فالدار خلاها بلا عقل وعرفت هادشي مغيدوزش على خير لامت راسها حتى بغات تعض يدها!!!)
دخلوهم للصالون كان حتى الجد جلسو فطبلة اما لعيالات مشاو لبيت صغير باش ياخدو راحتهم تماك فالهضرة كانت زهرة دارت جهدها وكتر فداك الݣوتي عاد دخلت خديجة جايبة لي صواري للي خرجت ملاك تجيبهم وداكشي ديال باتيسري
أمينة: فينها ملووكة!!
زهرة: عاد كانت هنا (مردوش البال لديك اللقطة)
اورطيغا: (وقف) واخا نغسل يدي
رشيد: اه اولدي (وقف) اجي
اورطيغا: غير خليك اسي رشيد انا عارف فين ياك الحمام ياك على ليسر
رشيد: اه اولدي
اورطيغا: (خارج مصيفطلها ميساج) اجي لبيتك ولا غنجي عندك انا لسطح
ملاك: (خرجت عينها من داك لميساج هبطت من سطح)
واش هاد ايخان مكيخاافش
(كضور عينها تسلتت مشات لبيتها مع حلاتو لقاتو جالس فوق النموسية دخلت بالزربة سدت لباب بقات كتشوف فيه وه مقوس عينو فيها)
ملاك: صاڤا!!
غيثة: (واخيييرا وراها فين كاين كان داير لادروݣ فوسط بواط ديال الشكلاط للي جابو ليها طلعاتو لبيتها بالزربة دغيا فتحتها قلبت ويديها كيرجفو لقات حبة صغيرة دارتها فمها عاد ناضت كتقلب على لما شربت وتكات كتشوف فسقف مغمضة عينها ودموعها شلال باغية هادشي يتساالا.. دخلت عند مها كتبسم فرحانة)
الغالية: اوا شفتي منين سمعتي كلام ماماك
غيثة: (لا رد)
الغالية: (شافت فالشكلاط مليوح فالارض) مالك على هاد الحالة!! بحالا عمرك شفتي الشكلاط!!!!
(جمعت هداكشي وكتهضر وغيثة بحرا كتكيف مع ديك الكينة صدعتها وحلت عينها)
غيثة: خرجي خليني نرتاح.. (جاها ميساج ومها كتنݣر هزت راسها كان ادم)
ادم: نتمنى هاد الخطوة تكون خير علينا الآلة غيثة (كيصيفط ليها غير للي بغا حيت داك نهار للي كانت معاه قلبلها التيليفون لقاه مراقب وباينة غيكون شي واحد من خوتها واكترية يوسف)
غيثة: (لتحت تيليفونها ممسوقاش لهضرتو الحامضة)
الغالية: حمااارة مال حسك وليتي تتهضري معايا هاكا!!! (صونا تيليفونها كان هو)
هدا ادم!!!
(جاوبت)
اولدي ادم.. ها هي هنا (شافت فيها)
واش تيليفونك طافي بغا ادم يهضر معاك
غيثة: (استغربت هو عاد صيفط ليها ميساج عطاتها التيليفون جاوبت) وي!!
ادم: انا فاالشارع الثاني فين موالف تنجيك بغيت نشوفك عندي ليك شي حاجة حسن من هاديك للي غتسالا ليك فمدة ساعة
غيثة: ها!!!
ادم: ولكن متعيقيش!! قولي نتي للي بغيتي تخرجي عند شي صاحبتك (قطع)
غيثة: (عطات لمها التيليفون للي كتشوف فيها باستغراب) اممم غير بغا يسولني واش عجبني الحال
الغالية: (طانزة) وعجبك الحال!!
غيثة: (كانت معصبة مباغاش هاد طنيييز باغا الحب باغا الحنان باغاها تهتم بيها واش مكيبانش ليها بنتها تبدلت!!!)
انا غنخرج عند ريما
الغالية: علاش؟!
غيثة: بغيت نوصيها حيت ماشية فرنسا على شي حوايج باش نوجد للخطبة حيت غتمشي تقدا هي وماماها وترجع
الغالية: ااااه الا هكاك متعطليش راك عارفة خوك يوسف غير حاضيييك
غيثة: وااخ (خرجت بدوك لحوايج ناسية حتى الريبيكا خايفة يتسالا مفعول داكشي للي عطاها مع خرجت من لباب رجع صونا على مها)
ادم: لالة الغالية يمكن غيثة عندها شي مشكل فالتيليفون متتجاوبش واخا تعطيهالي!!
الغالية: (حشمت منو) يمكن مسمعاتوش اولدي
ادم: مهليش، واخا تعطيني نهضر معاها انا دابا مساافر وخاص نقولهالها
الغالية: اممم هي خرجت عند صاحبتها غير هنا حدانا تجي غنخليها تهضر معاك
ادم: بالصح!! قالتلي مغتخرجش
الغالية: مغتعطلش اولدي
ادم: صافي واخا انا دابا شاد طريق لكازا غنخلي ليها ميساج ونرجع نصوني عليها خليتلك الراحة الآلة الغالية…
ملاك: (شافتو مكيهضرش وباينة معصب غير من الجلسة ومن عينيه) مرااد بابا راك عارفو (والو مكيرمشش) عفاك منديروش المشاكل على والو!!
اورطيغا: (وقف ماشي باتجاهها وهي كدور عينها خايفة من ردة فعل ديالو ولكن مخرجة عينها وقف حداها وهزت راسها فيه.. بتهديد هاز صبعو)
شي نهار عن**** على هادشي..
(زادت خرجت عينها ممتيقاش شنو قال ليها حل لباب وهي بعدت من مور لباب خرج ورجع للصالون كان حتى بغا يضربها شاف راسو مغيتحكمش اللهم يسكت يبعد ويخرج ولكن مغدوزلهاش!! غير كيتحلف عليها..
اما هي بقات وااقفة مصدوومة اه موالف كيخصر الهضرة للناس ولكن هادي راه موجهة ليها وماشي أي تخصاار الهضرة!!!
خرجت من تماك ياله كتسد لباب خرج باها كيجااوب مزرووب شافتو ماشي هو هداك تبعاتو لبرا كتسمع عاطيها بظهر وهي )
رشيد: لا مبغيتش هنا الله يرحم الوالدين، نتا عطيني العنوان انا نمشي نتلقاها…
فينما بغات..
ماشي مشكل واخ.. صيفطلي نمرتها
(قطع ضار وشاف فملاك للي من موراه هازة راسها مخرجة عينها)
مال مك
ملاك: هاد المرة والله حتى نمشي نشهد فيك
رشيد: (ظحكاتو) شنو غتقولي عاود!!!! دخلي لمك راك موالفة كتديني للمحكمة
ملاك: (بغضب) معامن كنت كتهضر؟!
رشيد: (خرج عينو فيها وسدت عليه لباب دايرة يدها على خصرها ظحكاتو)
ملاك: بابا معامن كنت كتهضر؟!!
رشيد: سيري قابلي ضيااف واش هاد العادة مغتوووزلش منك؟! واش اعباد الله مرتي ومكتبعنيش كما كتبعيني نتي
ملاك: وهاد الخيانة مغتعيااش منها؟! (دخل تابعاه ووقفو اونفاص للصالون) قولي معامن ولا غنوصلها لماما دابا
رشيد: ابنتي نعلي الشيطان وسيري عند مك راه الناس هنا
ملاك: بابا حشومة عليك راه الا عاودتها والله حتى نهز ماما ونهربو بجوج متعاودش تلقانا
رشيد: (حمر عينو فيها) سيري دخلي لبيت
ملاك: (بقات كتشوف متقدرش تعاود تشوف داك الحزن فعنين مها عاود!! شافت فالصالون كان اورطيغا كيشوف فيها حنات راسها ومشات عند لعيالات جلست صااقرة غير ناضت مها تبعاتها عاودت ليها شنو سمعت من عند باها)
زهرة: اممم صافي
ملاك: كفاش صافي؟!
زهرة: سيري جلسي ابنتي مع الناس حشوومة منين جاو معطيتيهم صوابهم وزعما نتي مولات لعراضة
ملاك: واش زعما مباغاش تجبدي صداع دابا؟!
زهرة: ههه مكاين بو صداع انا عارفة باباك معامن كيهضر
ملاك: معامن؟!
زهرة: ونتي شغلك سيري تجلسي…
من بعد الݣوتي تمو خارجين دراري ورشيد، هي بقات مع العيالات جات نجية دوزو وقت زوين بين الظحك والمعاودة ديال نعيمة وأمينة وحتى سهام
ملاك: (صيفطات ليه ميساج) فين مشيت؟! (مجاوبش) حمار (قرب يتحط لعشا صونات أمينة عليه يجي عاود كتباتلو ميساج)
*ياك قلتلي غتقادلي باب لبيت وغتجيب معاك الصاقطة! وكان قبيلة دخل علينا شي واحد!!*
(مجاوبش كان فالقهوة مع باها وعمر كيهضرو كلام عادي.. صيفط ليها ميساج)
اورطيغا: غنهضر مع باك علينا
ملاك: (خرجت عينها صونات عليه خارجة من لبيت بالزربة وطالعة لسطح دغيا جاوب منفخ) مراد عنداك تقولهالو
اورطيغا: (ناض من حداهم) شنو عند مك فداك لعقل؟! متنفهمكش!!
ملاك: هانتا سمع الا عرفو نسا ديك المجية للي كنجي عندك لفاس ونتلقاو ولا حتى تجي هنا مغنخرجش!! حنا بجوج مزال مواجدينش امراد، ونتا قلتها داك نهار نزيدو غير شوية،
راه الا هضرت معاهم غيبقاو حاضييني فالدخلة والخرجة امراد وانا باغية نشوفك ونتلقااك ونزيدو نعرفو بعضياتنا مزيان راه زواج هدا نتفاهمو على شحال من حاجة للي تريحني وتريحك
اورطيغا: (بقا كيسمع ليها)
ملاك: (بدلع) مراد عفاك احبيبو سمعلي انا ماشي مباغاش انا غير حطيت لي الصورة قدام عينيك كفاش غتولي علاقتنا
اورطيغا: (هز حواجبو بجوج صدقت هي للي كتغمق عليه)
ملاك: مرااد ماما كتعيط لي خلينا حتى نتافقو ونفكرو مزيان وانا خاص ندفع ميطاسيون ومن بعد هضر فوقما بغيت
اورطيغا: (غير كيسمع) من بعد ونهضرو (قطع ورجع جلس كان جا حتى حمزة جلس معاهم عرضو رشيد حتى هو لعشا
مشا مراد لطموبيلتو هز الصاقطة للي جابها معاه كان ديجا فصغر كيخدم هادشي وكيتعلم فمحال فالحومة، ورجع عندهم ناضو باش يمشيو للدار حمزة كان غير سااكت مكيفكر فوالو وهادشي كولشي ملاحظو داير بحال شي جثة غير كيشوف وعينيه غارقين ملامح وجهو ديال واحد مكتئب ورشيد عز عليه بزاااف،
دخلو حط الصاقطة حدا لباب وصيفط ليها ميساج)
شوفي شي تخريجة باش نقادلك الصاقطة
ملاك: (قرات لميساج وبقات كدور عينها، بصوت عالي) ماما جبت الصاقطة لباب بيتي ومعرفتش شكون يقادهالي. بابا مكيسااليش
زهرة: (بإستغراب عاد شافتها كانت غير صاقرة!!)
سهام: وعلاش جايباها
ملاك: راه قلت ليك امرت عمي على حساب أنير كيلعبلي فوراق الخدمة
سهام: اممم
أمينة: (كتشوف بغرابة فهاد الحديث حيت ملاك كتعاودها بزاف شكون غيقاد ليها الصاقطة) راه ولدي مراد كيعرف يبريكولي فهادشي
ملاك: لا لا متعذبيهش اخالتي
أمينة: (هنا فهمتها) مكاين عذاب ابناي انا نوض نقولهالو… اجي معايا نعيطلو ياك جاو
ملاك: اه جاااو (كتخرج عينها فخديجة ووفاء للي كيتغامزو عليها ويظحكو وزهرة غير كتشووف!!)
أميمة: (متسرطتش ليها منين داوها لدارهم جلسوها وهوما رجعو فحالهم عيات تنݣر عليها مها دير عقلها وباها يسخط خوتها يهضرو وهي للي فراسها فراسها)
كووولشي من ديك العقروشة ديال مرت عمي
….: اويلي استغفر الله هاد لبنت غتهبلني!!! مرت عمك دايراك كتر من بنتها يا بنت الهم!
أميمة: دايراني كي**** قالاك!! الا كان غيطلقني غنشوف مع بنت عمك تشوفلي شي كونطرا للخليج منبقاش هنا
….: ومنين جاونا لفلوس
أميمة: من داك روييجل ديال ولدها حسابلك الا بغا يطلق غير نجي ونطلقلو!! والله حتى نخرجلو على خدمتو
….: غير قولي فاش عينك؟!
أميمة: عيني فييهم كاملين نعذبهم كما عذبوني غير صبري علية اماما!!!
خبارهم توصلك توصلك!!
~~~~~~~~~~~~~~
شريف: (حط بلاطو فيه عصير وشي حليوات ومن ليصواري للي جابت اسماء معاها.. بصوت مخنوق حيت صبح مريض بزاف بسخانة وكمل عليه رواح)
عذبتي راسك احبيبة
اسماء: بلعكس مكنتش غنخليك بووحدك علاش متمشيش لداركم؟؟
شريف: (كب ليها العصير حطو حداها) غنزيد نتكرفس مكاينش تماك للي غيردلي البال اللهم فداري حتى من مرت الواليد مكيناش تماك!!
اسماء: (حركت راسها باه كتشوف دارو كانت زوينة مأثثة وباين عليها نقا)
زوينة داارك
شريف: عويينتك..
اسماء: (جغمت من العصير متبسمة) خاص نمشي
شريف: عاد جيتي، جلسي شوية معايا نصيفط على عشا وسيري
اسماء: معليش مرة أخرى انا كنت بغيت نشوف كيف بقيت..
شريف: مجية ديالك هنا عناتلي بزااف
اسماء: (تبسمت، ووقفت) خليتلك راحة الله
شريف: (وقف يوصل معاها لحدا باب الدار) غدا ان شاء الله ندوز من موراك غتكوني فالخدمة!!
اسماء: اه، حقا غيثة جات غير مرة وحدة
شريف: اليوم كانت عندها شي حاجة فالدار
اسماء: اه اوا صافي حيت كنت قلتلي نعلمك الا مجاتش
شريف: زدتك خدمة اخرى
اسماء: لا لا هانية (تسالمو بالوجه هي مشات هو سد لباب ورجع جلس عاجبااه بزااف كما كان باغي بعقلها ممبرهشاش حنينة.. حطها فراسو وقريب غيتقدم ليها رسمي… )
غيثة: (من بعد معطاها حبة اخرى وهادي كانت بحال للي عطاها المرة للي كانت معاه فيه.. رجعت ليها الحالة مجهدة كانت بحال طاايرة فسما مشاو بوااط دخلو ناشطين مع الشلة ديالو..
زادها حبة اخرى صغيرة وجاب ليها كاس ڤودكا ميلونجيا مع عصير اناناس واخا جاتها قاسحة فجوج جغمات اللولة ولكن من بعد شربت الكاس وهي كتمايل وتشطح معه وتحاااك وزادت كأس اخر..
شد فيدها مشاو هبطو لتحت كانت الموسيقى مجهدة كان ݣاردكوور مد ليه فلوس فيدو بطريقة ممعيقاش بحالا سلم عليه، حايد من حدا لباب دخل غيثة للي مزال كتماايل وظحك سد لباب ورجع الݣاردوك مربع يدو وواقف تمااك قدام لباب..)
ادم: (بقا كيبوس فيها وهي كدور وجهها، عصبااتو) غيثة!!!!
غيثة: (بانزعاج!! وكانت بحرا كتحل عينها كان ضو خاااااااافت مكتشوفوش مزيان) شنوووو
ادم: شكون انا!!
غيثة: معرفتش!!! نتا ادم!!
ادم: انا هشام
غيثة: شكون هشام؟!
ادم: للي خرجتي معاه من الدار داك نهار تعارفنا انا وياك
غيثة: معرفتش معقلتش
ادم: هانتي شوفي مزيان
غيثة: بغيت نخرج
ادم: شششش… (هز تيليفونو كيصوني عليها وتيليفونها كان عندو هو داير ليه صيلونص.. رجع صيفط ليها ميساج كيسول علاش مكتجاوبش خلاها واقفة كتقلب منين تخرج.. دفعها على الحيط حتى خلعها هبط خويطات الكسوة كيبوس ظهرها وعنقها وبيدو زول ليها سليب دافعها بكل قوتو تركع باش متحركش حتى…..)
~~~~~~~~~~~~~~
ملاك: (كانت حدا النافورة كتشوفو مشغول مع لباب باين مقلق منها كان باها واقف حداه كيهضر معاه واورطيغا حاني كيركب الصاقطة حتى عيطاتلو زهرة.. غير مشا باها قرب ومشات عندو… بهمس)
مراد!!
اورطيغا: (مكيشوفش فيها) وي!!
ملاك: غتبقى مقلق هاكا!!
اورطيغا: (هز عينو فيها) نتي راه ديك الفارة ديال التخلاط للي فيك وانا للي غن (سكت)، عينيك غير تيدوورو وهادشي مغيبقاش معايا!!
ملاك: (بقات كتشوف فيه راه مكذب فوالو متقدرش يكون حداها شي واحد زوين ومتشوفش فيه)
مراد عرف شنو كتقول
اورطيغا: سيري دابا من هنا غيجي باك
ملاك: راه قبيلة غير معرفت شنو وقعلي باش سل
اورطيغا: (كتزيد تعصبو) كفاش شنو وقعلك ضهشرك زعما!! سيري املاك قبل منجبدها مع مك بهاد المطرقة للي فيدي نزيد نعوقك
ملاك: مكتعرفش تحاور
اورطيغا: تنعرف غير ن (سكت محمر عينو فيها خرج حمزة جاي حداهم) سيري لبييت
ملاك: (شقلبت عينها ومشات هازة راسها رجعت لبيت كتمختر فاسقاه بالنسبة..)
غيثة: (كانت جالسة فوق العتبة ديال الڤيلا وساندة راسها لباب للي مسدود طلعت معاها الترويعة عاود ديال شراب وبدات كتقيا حتى جاافت!!! هزت راسها بصعووبة كتشوف فسما معاقلة على والو ولا حتى فين هي معارفاش حتى راها حدا باب دارهم!!
داز العساس من تماك كيشوف فيها الكسوة طالعة لفخضاها ومفرقة رجليها ملبساش سليب هو تضهشر من داك المنظر بقا واقف مصدووم شافت فيه)
فين انا!!!
..: فداركم اختي
غيثة: (هزت عينها فلباب هو هدا باابهم!! وقفت بصعووبة كظحك ودايرة يدها على فمها كتصوني حلت ليها المساعدة لباب، دخلت فيها كتماايل ومها واقفة حدا لباب كتشوف واش بنتها للي جات لقاتها هي!! مشات عندها كتشووف راه ثاني مرة كتجيها سكراانة جرتها من شعرها)
الغالية: اويلي على بنت الهم باغية تشوهنا!!!! (لوخرا بالدوخة كطيح ومها كتنوضها ناتفاها من شعرها دخلتها من باب لاخر للي فالجردة ديال الكوزينة خشات ليها راسها تحت لڤابو طالقة عليها الروبيني دلما باارد)
معامن كنتي ابنت لحراام
غيثة: (كظحك) هه قالولي هشااام
الغالية: (طرشتها بشوية) شكون هاد هشام ؟!!
غيثة: (لوات شنايفها بإستغراب كظحك)
الغالية: اش كديري الحمارة ونتي ياله تخطبتي هاد نهار منين معينكش فالسيد قوليها!!!
غيثة: شكون!!
الغالية: (صيفطات المساعدة تشوف واش اشرف باقي جالس لقاتو مزال باقي)
سير ابنتي جيب ليها بيجامة ديالها من بيتها..
(جرتها لبيت المساعدة على مجابت البيجامة حيدت ليها الكسوة كانت لابسة غير سوتيان وملبساش سلييب وللي صدمها كتر هو تر*** للي حمرة وباين اثار ضرب باليد فيها قلبها سكت)
فين سليبك؟!
غيثة: (عاود لوات شنايفها بمنعرف ضربتها بطرشة اخرى حتى طااحت للأرض… بقات كتبكي)
علاش كضربيني علاش؟!!
الغالية: شنو درتي ابنت لحرام؟!!
غيثة: بعديييييي منيييي الزبلة بعدي مني
الغالية: (قربت تسخف) شنو اغيثة؟!! شنو اش هاد الحالة. صلاتي ليها؟!!
غيثة: مدرت والو (وقفت نترت ليها البيجامة) غنتسناك نتي تحضيني!!! انا حاااضية راسي (لبست لبيجامة بصعوبة ومقلوبة خلات الكسوة فالارض ومشات خرجت جات تلحق بيها مها تشدها وزربت خرجت طلعت فدروج خوها كيعيط وهي مكتجاوبش مشات لبيتها سدت عليها كتبان ليها غير النموسية تلاحت فيها على كرشها مغيبة بنعاس)
الغالية: (دارت يدها على قلبها) لا ميمكنش غيثة دير هاكا انا عارفة بنتي !!!
اصلا البنت كتبان طبيعية غيكونو غير بنات لحرام للي غايرات منها بغاو يجروها لطريق خاايبة ولكن من دابا غنديرها تحت عيني حتى تزوج بادم!!!!
من مبعد متعشاو وجمعو شوية مشاو فحالهم لفاس وهي طلعت لسطح حضاتو حتى مشا مشافش فسطح، بقات كتبرد شوية هي ووفاء وكيهضرو شحاااال حتى صونا تيليفونها كان هو هبطت لبيتها سدت عليها
ملاك: الوو
اورطيغا: (كان طلع لسطح نيشان يهضر على خاطرو وكيكمي) مغديريش عقلك املاك؟!
ملاك؛ راه نعيا نشرح ليك ونفهمك مغتفهمنيش، انا أقسم بالله هادي فية قاعدة معمري سبقت يدي لشي واحد كنسلم غير بفمي اكترية رجال والله غير بتضهشيرة ديال كنتي فدارنا معرفتش شنو وقع
اورطيغا: كنت فداركم تضهشرتي غتسلمي علية انا
ملاك: مغتيقنيش دابا؟!
اورطيغا: لا!! واخر مرة نشوف هادشي خلينا بعقلنا ابنت الناس
ملاك: بقا فيا الحال
اورطيغا: 4 دلحيوط ضايرين بيك والخامس هبطي بوسيه
ملاك: مرااااااد!!!
اورطيغا: (كيبرد راسو) حمدي الله كنتي فداركم انا بربي لكريم مكنت غندوزها طرييييفة
ملاك: عيقتي امراد!!
اورطيغا: المرة جاية غتشوفي لعياقا فين غتوصلني معاك
ملاك: (بقات ساكتة كضور عينها)
انا غنعس غدا خاصني نفيق بكري
اورطيغا: ومزال زايدة فيه!!! الا لفياق انا تنفيق قبل منك اشمن بكري ولا ****
ملاك: مكتيقش فية امراد يعني للي قلتو مغتيقوش غنبقاو هاكا غير غندابزو وانا مكنتش ناوية على هادشي بلعكس كنت فرحانة امتى نشوفك
اورطيغا: غدا حطي ميطاسيون ديالك
ملاك: (كانت حطاتها سيمانة الا بان شي واحد تبادل معاه)
نتا مكتيقش فية وبغيتني نحط الميطاسيون
اورطيغا: متتشوفيش راسك غالطة؟!
ملاك: الغلط ديالك للي مفهمتش الارتباك ديالي!!
اورطيغا: شناااهواا!!! شنو مفهمتش!!
ملاك: زعما نتا عارفني انا مكنشوف حتى واحد من غييرك!! يعني غتفهم انني مقصدتش نسلم على ولد خالتك
اورطيغا: حتى انا مقلت والو غدا دفعي ميطاسيون ديالك باش منزيدش نضيع الوقت باغيك تجي عندي وتكوني قرييبة
ملاك: (فرنست) علاش؟!
اورطيغا: باش حتى الا دفنت مك هنا مكاين للي يلوومني!! غيقولو مسكين هبلاتو مرتو ماشي صاحبتو للي بعيدة عليه بالكيلوميتراج
ملاك: وصافي امراد.. اه وميغسي على الصاقطة
اورطيغا: اممم فرحانة بيها!!
ملاك: فرحانة بالصاقطة وللي ركب الصاقطة وللي حاب الصاقطة!!
أصبحنا وأصبح الملك لله..
غيثة: (فاقت دااايخة معاقلة على واالو بحال ذاكرتها تمسحت شنو وقع لبارح!!
دخلت للحمام ديالها نفس لحريق رجعلها لتحت ولكن بدرجة خفيفة دوشت تحايد منها هاد الدوخة عقلها خاااوي مكتفكر فوالو هزت تيليفونها كان غيطرطق بليزابيل ومنهم ديال ادم جلست مصدومة كانت معاه لبارح فهاد الوقيتة للي كان كيصوني فيها وكيصيفط ميساجات تفكرت انها كانت مع شي واحد سميتو هشاام وكانت فوضعية حمييمية!!! شهقت دايرة يدها على فمها كتحاول غير تفكر وجهو فودنها كتسمع غير هشام ولكن هي خرجت مع ادم!!! وعطاها شي حاجة شربتها!!! عاد فهمت سليب للي كانت مها كتسولها بخلعة كبيرة ناضت لبست حوايجها خرجت لقات مها كتوجد لتحت مع ختها)
ماما!!!
الغالية: (مكتشوفش فيها) بلاتي غيرجع ادم من سفر
غيثة: اشمن سفر؟!
الغالية: لبارح منين خرج من عندنا سافر لكازا مهم ديري حساابك غتخرجي تشري الخاتم
غيثة: خاتم!!!
الغالية: (كتهضر مع ختها) شتي هاد لفضيحة رجعت بحال واكلة مخ ضبع!!!
غيثة: (خرجت من الدار، مغتحملش كلام مها شدت تاكسي كتقلب فتيليفونها على شي طبيبة نسائية نعتت لتاكسي ياخدها تماك..)
~~~~~~~~~~~~~~
أمينة: (من بعد مودعت ختها للي رغبتها ترجع شي أيام فرمضان للي مبقالو والو مشاو وهي خرجت عند السمسار كتقلب على شي دار وراها جوج وخرجت كتفكر ديك 18 مليون للي جاتها من الورث غدفعها لولدها فشي دار فهاد الحي وغتزيرو يشري دار واخا كاين لغلا شوية ولكن صافي الا مزيراتوش هاكا عمرو يدير الدار!!!)
~~~~~~~~~~~
ملاك: (كانت فالخدمة كملت بقات هي ومراد كيهضرو فالتيليفون حتى وصلت لحومتها مقطعتش حتى يعرفها وصلت لبيتها لقات باها واقف مع راجل مريم عرفت ختها جات سلمت عليهم من لبعد)
اورطيغا: معامن تتهضري
ملاك: بابا وراجل مريم باينة غتكون جات
اورطيغا: اممم هدا هو للي كتحشمي منو شوية
ملاك: ههه انا كنحشم من كولشي
اورطيغا: باينة الحشمة على وجهك اودي غير ديري معليك وانا تنجمع ليك.. ملاك اليوم عاودي هضري مع باباك باش غدا تجيو تلقاو مع السمسار
ملاك: والا مبغاش
اورطيغا: نتي شنو باغية؟!
ملاك: انا باغية راك عارف
اورطيغا: هضري ومن بعد انا غنشوفلها شي تخريجة!!
غيثة: (وجهها صفاار منين قالت ليها ديڤيرجات وان الجرح مزال جديد ولكن مع الوقت غيرجع كولشي عادي)
ميغسي…
(ناضت لبست سروالها خارجة كتبكي خلصت وهبطت مع دروج كتشهق بلبكى والمصيبة العظمى معارفاش حتى شكون؟!! جلست فدروج كتبكي هادشي للي وااقع معاها كيخليها تفكر فحااجة وحدة هي تهرب!!!
جا فبالها يوسف باها اشرف حتى مها اورطيغا قلبها كان كيتعصر وعاطيها لحريق حست عاود بدمها كيغلي وهاد المرة دغيا تسالا المفعول!!!
ناضت من تماك جبدت تيليفونها كانت دايرة ليه صيلونص لقات ابيل من عند ادم هو للي غيفهمها)
الوو.. لا ماشي فلاتوليي.. فينك بغيت نشوفك… مزال فكازا؟! امتى سافرت؟!!
ولكن انا لبارح خرجت عندك؟!
لا انا متأكدة خرجت عندك ياك كنتي قلتلي خرجي عندي..
ادم واش متأكد!!!
لا لا مكاين والو امتى غتجي…
انا غنكون فلاتوليي تنتسناك.. (قطعت)
يوسف: (حاضي تيليفونها ميساجتها لي زابيل حتى بغا يشك فآدم ولكن حتى حاجة ممشدودة عليه بلعكس أغلب اوقاتها للي كتكون خارجة ومو كتقلب عليها حتى هو كيكون كيقلب ويصوني!!! حيرااتو بزااف شحال قدو يحضيها راه كتجيه خدمة كيغبر بالأيام على فاس صونا على مو)
يوسف: الوالدة راك بوحدك
الغالية: (بعدت من حدا ختها كتحس بالطونيسو طايح ليها من لبارح)
هانا اولدي
يوسف: غيثة متعاوديش تخليها تخرج من الدار واخا تعرفي تسدي عليها الدار
الغالية: غدا غدير الخطوبة نتا مزال مغتجي
يوسف: معامن تشاورتو؟!
الغالية: بانلك شي واحد حسن من ادم مشفتوش شحال تيخاف عليها وباغيها
يوسف: انا غدا غنجي متعاوديش تخليها تخرج
الغالية: علاش شنو عارف؟!
يوسف: عارفها تتعاطا لادغوݣ!! غيثة رجعت تدير لا درووݣ!! (سمع شهقة من موراها سمع طيط طيط رجع كيصوني مكتجاوبش عارف غتكون مصدومة ولكن هادشي مبقااش فيه اللعب راه ختو صغيرة كضيييع!!!…)
الغالية: (سخفت من كلام ولدها، جات كتفيقها ختها ومرت ولدها طلعوها لبيتها دارولها زهر مقطر على راسها وفنيفها كما كتبغي عياو يسولوها مالكي كتقولهم غير منعستش مزيان…)
صونيو على غيثة تجي…
الخالة: (كتصوني جاوبتها غيثة) ابنتي فينك؟!
غيثة: (معندها ݣانة) انا فلاتوليي اطاتي
الخالة: ماماك بغاتك ابنتي اجي للدار دابا
غيثة: (بدون نفس) واخ.. (قطعت بقات فلاتوليي لوخرا كتشرح وهي عقلها غير فشنو وقع ليعا ومعامن كانت!! فين غتلسق وكان غير كان ادم تعرفو دابا معاقلة على واالو!! وهادشي للي زاد مجننها معاقلة لا على شكون للي نعست معاه لا حتى الواقعة!!!
صونا عليها ادم خرجت ومستأذنتش من أسماء للي بقات كتعيط ليها والو مجاوبتهاش لقاتو حدا طموبيلتو مشات مزروبة عندو وعقلها غيطير من بلاصتو)
ادم لبارح كنا انا وياااك ياااك!!
ادم: كالم طوا حبيبة… مالك!!
غيثة: (حكت رقبتها بعصبية) عطيني بعدا الا عندك شي حاجة
ادم: السلعة مبقاتش
غيثة: كفاش السلعة مبقااتش!!!
ادم: من صباح وانا تنقلب دابا داكشي وااقف غير تبان شي حاجة نتي اللولة احبيبة
غيثة: اوا!!! نتا كفاش كتخلي راسك مكالمي
ادم: تنبقى نفكر فيك!!
غيثة: ادم قولي كفاش؟!!!!
ادم: حبيبة واش نتي مدمنة؟! (حركت راسها بلا مغتقبلهاش على راسها) اوا صافي نتي غير تتبغي تجربي مرة مرة
غيثة: لالا انا خاصني ضرووري
ادم: اجي بعدا نختارو شي خاتم
غيثة: (بعصبية) واش دابا وقت لخواتم. لا داك تخربيق؟!!
ادم: تخربيق!!
غيثة: مقصدتش غير تنحس براسي ماشي هي هاديك!!
ادم: غيثة!! كالم طوا شيغي نسيتي غدا شنو عندنا!!! تنواعدك غدا فالليل نقلب ليك على شي حاجة
غيثة: حلف!!
ادم: ههه ياله نمشيو!!
غيثة: (كتلاحظها فيه مكيحلفش مكيجبدش الله معرفت كتحس بيه انسان فشكل!!! ولكن معندها غراض ماشي هو مشكلتها دابا،
ركبت معاه لقات كانيط خضرا كتعرفها ديال شراب جلس حتى هو)
ادم: باغدون نسيت وحليتها
غيثة: واخا نشرب!؟
ادم: من امتى تتشربي؟!
غيثة: لبارح شربنا انا وياك؟!
ادم: كفاش انا وياك لبارح انا كنت فكازا خرجتي عندي ميم پا 10 دقايق ورجعتك للدار
غيثة: (بقات كتشوف فيه!! بزااف هادشي على راسها هز ديك الكانيط زلعها من السرجم ولاح الكانيط اللور كيسولها كفاش قضية كانو بجوج) صافي صااافي غير تلفت يمكن، ادم وش داكشي تيدير الهلوسة؟!! تتخيل شي حوايج مكاينينش؟!
ادم: لا
غيثة: ولكن متنبقاش عاقلة على بزاف دلحوايج!! تنبغي غير نتفكر والو
ادم: هادوك غير المشاكل ديال ماماك تيأثرو عليك مفهمتش شنو مصبرك عليها!!
غيثة: ماما!!
ادم: مثلا ليلى منقدروش نعاملوها كما تتعاملك ماماك ولا خوتك هي إنسانة عندها طموحاتها خاص نحتارموهم سوا غالطين ولا صحاحين اما نتي عليك حكام بزاااف
غيثة: ولكن غير تيخافو علية
ادم: هدي هي المشكلة تيتحكمو فيك بطريقة خاايبة وفالتالي تيوهموك هداك راه غير خوف ومحبة مهم مغتلقايش معايا هادشي اشيغي فاش نتزوجو… (مشاو ذهايبية خدات خاتم عادي اصلا ممسوقااش كيجيها هادشي غير شي حاجة دايزة وغيجي وقت ويتسالا هاد تبرهيش ولكن بقات هضرتو فراسها… ومن تماك مشاو للدار ودخل معاها هاد المرة..)
ملاك: (دخلتها كتوري لمريم البيت للي فرحانة بيه وطااايرة بيه) وماما للي شراتلي هادشي كنت عند خديجة حتى جيت لقيتها مصايبة لية هادشي وانا شريت هاد تواشي
مريم: اه فخباري، خدات بيت نعاس من عند خالتي نجية
ملاك: بالصح!! مقالتلي والو يعني هادشي ديال حمزة!!
مريم: داكشي..
ملاك: (رجعت شافت فلباب ديال لماريو للي مكتوبة فيه سميتها بستيلو كحل، كانت ديجا عارفة هاد لبيت عندو من ايام كان كاري فقنيطرة واخا كانت الاكاديمي كان كيجلس تماك جمعة وسبت واحد فاش كان كيخرج مكانش كيبغي يهبط لصفرو حيت هو وباه مكانو مفاهين!! وخصوصا فاش مشا البوليس ولكن علاقتهم بدات من مور ما رجع فداك الوقت كانو عادي ولاد الجيران وصافي!!!) امم الا بغيتي تكاي تكااي هنا
مريم: نمشي نطل بعدا على أنير توحشتو لخويينز
ملاك: اممم اه صافي… (بقات كتفكر واش حمزة كان كيبغيها هاد المدة كااملة!! اه كان عاجبها شوية شكلا وصافي ولكن هو باين كان كتر!! صونا تيليفونها كان اورطيغا جاوبت) وي..
اورطيغا: واحد الخدمة ضروووري املاك تقاديهالي
ملاك: فين؟!
اورطيغا: انا قربت عندك
ملاك: (تبسمت) قول باغي تشوفني واش انا فالدار ولا ساالتة.. ݣاع هادي ماشي ثقة فية!!
اورطيغا: شي 10 دقايق اجي عندي من الحومة اللور
ملاك: مغنجيش!!
اورطيغا: غنجي انا.. متعطليش
(قطع كان وصل للحي مشا لفين كان كيتلقا يوسف معاهم جلس مدة شي 10 دقايق، حتى كيشوفها جاية هي وأنير هازااه، فتح لباب ركبت مخنزرة شد أنير من عندها)
هزي لبيسي من اللور وقاديلي داك لبلان الله يحفظك
ملاك: (حسابها غير دارها سبة طلت على لببيسي وشافت فيه هاد الايام كترو مدبزااتهم بقات كتشوف فيه كيلعب مع أنير)
اورطيغا: (شاف فيها) نمشيو لشي قهيوة!!
ملاك: علاش؟!
اورطيغا: ميمكنش غنبقاو شدلي نقطع ليك عندك شي مشكل ولا عندي شي مشكل يتحل اطاابل ازين
ملاك: انا مشكلتي نتا متايقش فية
اورطيغا: تايق املاك تاايق، ولكن نتي (صونا تيليفونو كان يوسف مجاوبش قطعلو الصوت) عينيك غير تيضورو وكان ماشي تنخاف عليك كنت هلكت مك عصا ولكن منقدرش دزتي فوجه مك
ملاك: مكيضوروووش!!! انا كنشوفك غير نتا
اورطيغا: راه تنشوفك بعيني البنت
ملاك: غير الشوفة اللولة كتهربلي وصافي وحتى نتا عينيك زايغين ماشي غير انا!!
اورطيغا: (هز حواجبو فيها ورجع شاف فأنير للي كيلعب فلڤولون) دابا ازريقة شنو غنديرو مع هاد الزهوانية!!!
ملاك: (تبسمت هي عارفة لڤيس للي فيها كداير!!! بقا كيصوݣ بشوية وأنير كيلعب فلڤولون شاد معاه الخاطر هزت لبيسي لقات ورقة فوسطو كانو حسابات ديال للي دخل هاد شهر) فلوس تترعرع هنا
اورطيغا: بحال داك القط للي تيبقى غير تيشوف بعويناتو صندوق السردين وهو مشايطلو والو
ملاك: ههه زعما معندك حتى ربح هنا!!
اورطيغا: شي براكة (غمزها)
ملاك: ها ها كترد الصرف شوف (شعلت لبيسي)
انا عندي 2
اورطيغا : 2 كيلو؟!
ملاك: اه جوج مليون ودايرة دارت بقات شهرين ونشدها فيها غير مليون وشي حاجة وغنضبر
(دخلت كتخدم هو كيسمع وحاضي مع انير)
على شي حاجة
اورطيغا: هي شحال!
ملاك: يمكن 6 ولا 7
اورطيغا: غتبقى ليك 7 على شحال تبغي تفرقيها عام ولا عماين
ملاك: اممم
اورطيغا: عام غتجيك 6000 درهم تقريبا حيت فيها تضويرة ديال السمسار للي غيحط عساس يحضي ليك الدار وعماين غتجيك فيها 3000 درهم قل شي حاجة
ملاك: ومصالحش 3 سنين؟!
اورطيغا: عماين ازين، غي حيت معرفة ومن طرفي انا مكيفوتش عام ومكينزلش على 10 دالمليون
ملاك: اممم
اورطيغا: شحال تتخلصي
ملاك: ماشي شي حاجة كتييرة
اورطيغا: (تبسم) ديريها على عام تسالي دغيا
ملاك: بزااف صالير كاامل!! متعرفش فاش نحتاجها عماين حسن وأصلا دايرة دارت وراك عارف مصارف الطموبيل ومصاريف ديالي وشحال من حاجة!!
اورطيغا: فاشما رتاحيتي
ملاك: (بقات كتقاد ديك الخدمة) مصالحش على عماين ونص
اورطيغا: ههه
ملاك: عندي مصاريييف
اورطيغا: عندك القوورع زعما!!!
ملاك: عفاك عفاك غير شوف معاه قولو مسكينة راه غير بنت باب الله وطالبة السترة
اورطيغا: ههه نتي بزااف!! (كيشوف فعينيها) وانا شنو شاطلي من هاد لبريكول؟
ملاك: (هزت حواجبها بجوج متبسمة) اممم
اورطيغا: نتي عارفني شنو باغي
ملاك: واش نتا حمق مثلا الا حملت!! لااا أمراد
اورطيغا: (هز حاجبو) تحملي من بوسة!! (خرجت عينها) ولكن عجبني تفكييرك
ملاك: ههه ايخاان (جرلها فكها كيديه ويجيبو وهي كتبعد، وأنير كيضحك بعدت كظحك كملت ليه الخدمة) فين ماشي؟!
اورطيغا: نضربو ضويرة
ملاك: مراد الدار عاامرة قلت ليهم نمشي نشري ليه غير دانون
اورطيغا: ونتي ممشهياش شي دانون
ملاك: (تمنات متفهموش ولكن) لا لا مافياش ناخد غير ليه..
غيثة: (دخلو باش يوريوهم الخاتم، هبطت الغالية من دروج وعين بحسرا على بنتها وشبتبها للي بغا يضيع.. هبطت وهي بحرا كتقدر تجر رجليها جاتها صعييبة تعرف بنتها رجعت كتسكر وتدروݣا وشاكة تكون عندها علاقات حميمية والمشكل الشك عندها يقين غير بغات تخدم كلمة الشك باش تكون عليها أهون!!! وراوها الخاتم)
ماما مريضة!!
الغالية: شنو هاد الخاتم اغيثة!!!
ادم: قلت ليها خود شي حاجة اخرى
الغالية: ولدي ادم هادشي عند غيثة غير تتلعب بيه راه خطوبة كبيرة للي غداار
ادم: عارف ها هي سوليها انا مكنتش باغي هاد لموديل ولا حتى هاذ ذهب لصفر ديال المزاليط
غيثة: انا بغيت شي حاجة بسيطة
الغالية: بسيطة عندي هي دياامو diamant يكون الحجرة ديالو صغيرة سير بدل علية هاد الجالووووق هادشي ماشي غير ديالك بوحدك عمرك تخدمي عقلك
غيثة: (مرضاتش شافت فادم بإشارة بعينه كيأكد كلامو للي ديجا قالو ليها على مها)
غيثة: ولكن انا عاجبني
ادم: شيغي لالة الغالية عندها الحق وانا من اللول كان اقتراحي ديامو ونتي غتكوني خطيبة ادم خاص شي حاجة للي تليق بييك وبعائلتنا وبعائلتك لكبيرة
الغالية: (بوجه شاحب) عندك الحق.. انا غنتكلف بالي بقا الا خليتو لهادي غدير لينا شي شوهة!! سيري بدليه
غيثة: مفياااش!!
ادم: صافي بلا منعييها انا عارف قياسها من هاد الخاتم غنمشي ناخد ليها على ذوقي بلا متقلقي الآلة الغالية غتكون شي حاجة فالمستوى للأنسة غيثة
غيثة: (ديك انسى ذبحتها ولكن دارت راسها ممسوقاش مفاهماش لاش باغي يوصل واش يكون هو للي بيها!!! طلعت لبيتها وادم مشا، الغالية شربت مهدئ ومشات كتكمل مع ختها وكدير اتصالاتها باش تعرض الناس كتحاول تغاافل ومتيقش داكشي للي كاين!!)
~~~~~~~~~~~~~~~
اورطيغا: (رجع وصلها للحومة قبل متخرج صونا تيليفونو كان يوسف عاود) صبري نجاوب
ملاك: (شدت أنير للي شرالو ميكة ديال دانونات وبيسكوي)
اورطيغا: فين اخونا!!.. وايلي!! بهداك خونا نيت؟!.. (بقا مستغرب)
فشكل هادشي العود!!.. انا غير عفيني غدا اصلا لا هو لا باه لا داك الجو كامل داخل فراسي… يوسف غيثة على راسي وعيني ولكن!! مهم نتا امتى جاي؟!
صافي غير توصل بان عندي راني بوحدي فالدار.. صافي (قطع وبقا ساهي)
ملاك: شنو واقع امراد؟؟
اورطيغا: (باستغراب) غيثة غدا غتخطب
ملاك: (شعلت فيها النار) ونتا علاش بقا فيك الحال؟!
اورطيغا: ماشي قضية بقا فية الحال!!!! غير شي سيمانة كانت تتبكي مبغاتوش ودابا هي لي بغات فشكل هادشي راك شفتي شحال كانت تتصوني علية وتتقولي مبغيتوش مبززين علية ودابا هي للي بغات!!!
ملاك: كتعرفو؟!
اورطيغا: ميكرووب بحال بااه
ملاك: اوا راها كبيرة هي تعرف
اورطيغا: (قرس نيفها) المشكل الا هو للي تيعطيها داك لادرووݣ معرفتش ولكن تنقول عندو شي صبع تما
ملاك: عفاك خليك نتا بعيد على صدااع وديها فراسك شوية
اورطيغا: هه بحالا عايرتيني
ملاك: وااا كنخاف عليك
اورطيغا: معندك مناش تخافي (شد يدها) انا بعيييد ازيين غير شي لعبة تما! مهم سيري نتي باش متعطليش
ملاك: الا كانت شي حاجة علمني (رسل ليها قبلة فالهوا.. فرنست دارلو أنير باي باي وتمات ماشية متقلة بلميكة لي غتقسمها معاه..)
التتمة بعد قليل…
خديجة: (كانت كتهضر فالتيليفون مع يوسف غيجي ياخدها رغباتو تبات فدارهم بحكم مجموعة مع خوتاتها واهم حاجة لدابا معرضتهاش الغالية ومقالت ليها والو لا هي لا غيثة!! قطع معاها من بعد مدار معاها صباح يجي عندها بكري يرجعو بجوج… من بعد متأكدت انه قطع الاتصال)
شوفيلك العاقسة!!؟
مريم: حتى نتي هناوك من شي روينة ولا شي تمارة
خديجة: الله يهديك اختي مريم، اشمن رويينة راه كولشي كيديرو تريتور والخدامات تماك
مريم: اوا صافي غدا سيري منك من ضيااف
خديجة: الا معرضتنيش منمشيش
مريم: شوفي متبقايش تتسوقي لهادشي عيشي حياتك مع راجلك ونساي العالم الا مشيتي غنمشي على وجه داك ولد الناس للي كيتعامل معاك مزيان ماشي عليها هي وعاد باش متحسبش عليك!!
خديجة: (حركت راسها باه شافت فوفاء للي خاشية وجهها فالتيليفون) مزال كتقلبي على الفايسبوك ديالو
وفاء: ههه نقولو هو لقاني
خديجة: وااايلي بديتو كتهضرو
وفاء: تأ لقيتو دخل الفايس ديالي كيقلب فيه ولكن مصيفطليش!!! (كتفرج فتصاورو وكتزوومي صوتو وهو كيقرا عليها القران وعينيه عمرها تنسااهم ولكن بحزن واش غيقبل عليها!!! وحتى ويبغي اورطيغا غيفرشها..)
~~~~~~~~~~~~
ملاك: (كتستف سقاطة للي شرا مراد لانير خلاتلو غير دانون وهرنيس وشي لاخر هرفت عليه فبلاكار كتستفو والا بغا شي حاجة تعطيها ليه..
رجعت صونات عليه مجاوبش جاتها فكرة يكون كيهضر مع غيثة وسوس ليها الشيطان انه تقرس من خطوبة غيثة ودغيا تقلب ليها لمزاج!!!!)
~~~~~~~~~~~~~
أصبحنا وأصبح الملك لله…
يوسف: (كانو باتو فدار اورطيغا هو وشريف دايرين علامة استغراب على ادم للي محملووش اورطيغا عكس شريف لي كيدافع عليه.. كولها مشا لخدمتو وهو شد طريق لصفرو لقا ملاك ياله كتركب فطموبيلتها سلم عليها عرضها ولكن مبغاتش بلباقة بحكم عندها ميداار وخاص تجلس مع مريم للي جات على ودهم.. مشات لخدمتها وهو مشا للدار حشمان حيت مو معرضت حتى واحد من نسابو…
فطر معاهم ومشا هو وخديجة)
خديجة: يوسف غير سير نتا ميمكنش ندخل لشي بلاصة ممعروضاش فيها
يوسف: متحتاحيش تعرضي حيت نتي من العائلة احبيبة
خديجة: وحيت من العائلة كان خاصهم يقولوهالي ايوسف حط راسك بلاصتي حتى انا
يوسف: (تبسم مخليها على خاطرها) مهم توحشتك
خديجة: (تبسمت) حتى انا…
~~~~~~~~~~~~
غيثة: (عند لكوافورة كتقاد حمام ظفار شعر اما الميكاب فيكون خفيف وحتى القفطان سامبل..
عينيها دمعو نهار خطوبتها حست بيه عادي بحال حتى هي معروضة ماشي معنية فكرت فادم حتى حاجة فيه مكتعجبها ندمت علاش عطاتو مساحة من نهار اللول ولكن داكشي باش كتحس كيداويه غير هو!! واش تحبس وتمشي داوا وتسمى عليها حياتها كاملة انها مدمنة ولا تكمل حتى يقتلها هاد السم تفكرت راسها كيف كانت خدها الا كمات الشيشة ومرة مرة اما دابا!!! صونا عليها مجاوباتووش مكرهتش تقتلوا وبزااف دالنرات كتمنى تكون عندها الجرأة تقتلوا!!!)
ملاك: (كيهضرو أبيل ڤيديو) غتحضر للخطوبة؟!!
اورطيغا: (ضار كيهضر مع شي واحد فالݣرنة وهي كتحنزز فيه واخا بدم لحوالة للي كاين مرشوش على وجهو شوية عاجبها ضار عندها) شنو قلتي!!
ملاك: قلتلك واش غتحضر للخطوبة صباح عرضني يوسف
اورطيغا: الوقت للي ضيعيه تم اجي عندي انا دايز فية داك الأجر
ملاك: هه اصلا مغنمشيش ونت؟
اورطيغا: (ببرود) لا
ملاك: (عجبها الحال) ومك؟
اورطيغا: لا غنمشيو انا وياها لشي قنت باش متقنطش شنو بانلك نجيو عندك ونمشيو لديك لقهيوة للي مشينالها داك نهار
ملاك: مع خالتي مينا؟؟؟ لا منقدرش مجااتش حشوومة!! ولا عرفتي شنو خليها هي مع ماما ونمشيو غير حنا (شافتو بحالا تصدم) هههه غير كنظحك معاك
اورطيغا: زعما!!
ملاك: والله غير كنظحك
اورطيغا: ملوكة حبيبتي، الزين ديالي!! (فرنست، بدل ملامح وجهو) مينا خط حمر ولا ندبح مك نعلقك من شفار عينيك مينا خط حمر
ملاك: ومالي انا قلت ليك كحل
اورطيغا: واش أمك متتحشميش؟؟
ملاك: وصافي بلا متقولي هاكا انا عارفة حدودي
اورطيغا: يعني بلا منهضرو فهادشي !!
ملاك: مراااد بالصح غنتقلق منك
اورطيغا: وشنو بانلك نجيبها ونمشيو لشي كواان انا عارفها غيبقى فيها الحال حيت بوحدها متتعرضش منهم وتيعزلوها
ملاك: وعلاش؟؟
اورطيغا: حسن، لا هي تتبغي الغالية وحتى لوخرا هكاك
ملاك: اممم عرفتي شنو!! غير سيرو خرجو فوجو حسن تبقاو الراس فالراس ديها لداك ريسطو للي فيه الشعبي
اورطيغا: لاااااا تنقربلوها انا وياها، اخر مرة ديتها تماك ناضت بغات تشطح نيشان
ملاك: ههه ديتها لتماك؟!
اورطيغا: أي قنت مشيتلو تندي الحبيبة ديالي معايا
ملاك: (تبسمت) الله يخليكم لبعضياتكم
اورطيغا: امييين ولكن معندناش مشكل نتبنااوك
ملاك: هههه انا وصلت لباب الدار
اورطيغا: اوا دخلي
ملاك: غير باش الا قطعت عرف شي واحد جا عندي…
الغالية: (حتى حيح يوسف عاد طلعت معاها عيات تحلف ليه مدارتهاش بلعااني وغير نسات مع مشكل غيثة، صونات على زهرة عتاذراات وطلبتها تجي ولكن لوخرا رفضت بلباقة بحجة مريم بنتها تتوحم عيانة ومقابلاها، قطعت هي مكتحملش خديجة دم سنانها ولكن زهرة ورشيد مشافت منهم غير الخير..)
اولدي والله حتى نسيت لبارح منين قلتلي على داك لفضيحة وانا غير مصدوومة واش متأكد!!
يوسف: اه
الغالية: اوا وشنو غنعملو
يوسف: خاصها تمشي داوة
الغالية: فاين؟؟
يوسف: شي مركز ديال المدمنين عطاهم الله
الغالية: لا لا بنتي تدخل تماك!!! ياكما غير سحابة ودايزة؟
يوسف: ههه واش تتهضري بالصح!!!
الغالية: اولدي حس بيا وفهمني
يوسف: انا فهمتك الوالدة غيثة خاصها تمشي تداوا اصلا هاد الخطوبة غير تخربيق ولبنت مدمنة ماشي غير جربت وصافي!!
الغالية: حسابلك انا لي بززت عليها؟!
يوسف: بحال والو حيت نهار خليتها كانت تتبكي وتتقول نتي للي تتبززيه عليها وهو لاسقها
الغالية: ياك عاد هضرت معاها وبكات حيت قلتيلها تحبس هادشي راه هي للي باغيا السيد
يوسف: واش دابا غتعاونيني ولا غتزيدي تكفسيها عليها
الغالية: هي حلفت معاودتش شرات شي حاجة من داك نهار نتيقوها شوية اولدي راه حتى الثقة مهمة
يوسف: اشمن ثقة انا غيثة غسلت عليها يدي من شي ثقة (كانت غيثة كتصنت عليهم دخلت على هاد الجملة شاف فيها) مغديريش نتي عقلك ؟!!
غيثة: مكاين والو اخويا انا بغيتو وهادي غير خطوبة الا بانلي فيه العيب صافي غنحبسها
يوسف: تحبسيها!! لعب دراري صغار ها باش قلتلك نتي اصلا مصالحش تزوجي حيت عقلك خاااوي فيه تخربيق والريح!!! باش وعمري وقتك وتقادي مستقبلك وديري بورجي ديالك للي شحال ونتي تحلمي بيه ماشي فطريق للي نتي خاصك تعالجي منها وزايداها بزواج!!
غيثة: (نفس كلام للي قالها خوها لكبير وكيزيدو يأكدو نضرية ادم) كلامك قاسح اخويا
يوسف: ديرو للي بغيييتو انا مغنتفكش معاك اغيثة حتى تقادي وديري حسابك اليوم هضرت معاك بلساني المرة جاية غتمشي لداك المركز ونتي مكتفة (خرج ورجع دخل)
نقولو نسابي نسيتوهم اوا وخديجة؟!
غيثة: (وساعو عينيها خرجت ليها من لبال فمرة، بقات غير ساكتة)
الغالية: علاش هي غتحتاج عراضة؟!!
يوسف: لا ولكن حتى واحد ميلومها غتجلس بحالها بحال ضيااف وغي حيت أنا لسقت فيها باش تجي ومن هنا لقدام منعاودش نسمع خديجة قبيحة
غيثة: والله اخويا ا… (خرج من لبيت) بفففف نسيتها!!!!
اورطيغا: (خرج هو ومو مشاو لقهوة هو اللول بعيد على الهرج جالسين فيها حيت تحرك البرد اما كانت باغية تجلس فلاطيراس بقاو مجمعين ولا هي كتهضر وتعاير فالغالية وهو كيتصنت ليها كما العادة، جا السرباي دمونداو شنو بغاو)
الحاج مشا؟!
أمينة: مشا، عيا فية نمشي وصونات هي بنت لحرام كتهضر من قرجوطتها للفوق كتشفى حيت بوحدي من دون جماعة مكيناش جماعة الشيكي والبخ الخاوي!! ومبغيتش للي معروض فنهارو يبقى فدارو
اورطيغا: ودابا علاش طالع ليك الدم
أمينة: نوض حتى نتا تجوج باش منعرضهاش
اورطيغا: شي حسابات عندكم خاوية!!
أمينة: اشمن!!!.. ونتا امتى ناوي؟!
اورطيغا: ضرتي عندي انا عاود
أمينة: صافي اولدي راك كبرت خاصك دير ولادك واش انا منفرحش شوية بيك؟؟
اورطيغا: راه واخا نخطبو ملاك غدا خاصها تدير ميطاسيون
أمينة: تخطبو بعدا وعقدو ݣاع ونشوف هاد لميطاسيو
اورطيغا: نعقد ونخليها من مورايا نتي ڤيو!!!! الله يهديك الوالدة راه زواج هدا انا براسي مزال مواجدش
أمينة: واجد الدار من غدا غنخرجو نقلبو عليها (هز حاجبو) وفالسعادة!!
اورطيغا: قالولك عليو تنسكهم!!
أمينة: التسبيق من عندي (جا يهضر) اشوووو واااا والله ومتشد دوك الفلوس متعاود تشوف هاد الكمااارة
اورطيغا: (بقا كيشوف فيها)
أمينة: مك باغية ليك الخير اولدي متشوفش فية بحال باغية نكتفك وربطك بالسيف عليك! واش نتا مباغيش هاد بنت الناس (قوس عينو فيها) هضر نسمعها من عندك باش الا كنتي ناوي تفلا غير عطيها التيسااع
اورطيغا: بنتلك تنتفلى!!
أمينة: حيت بنتلي اولدي معقول بدا بالخطوة اللولة مافيها باس نعاونك ياك هاكا بدينا انا وياك فاللول منين كنت لاسق فالارض تخرج للسوق وتبيع الميكة والملح انا هادشي باش نعاونك راه قلييل فحقك بحال نقطة دالما فالبحر
اورطيغا: (غير كيسمع بحال هاد الهضرة مكيعرف ميقول…)
أمينة: هادوك الفلوس انا ممحتاجاهمش نتا أولى بيهم حيت بسباهم تكرفستي ونتا لحمة
اورطيغا: مباغيش دوك الفلوس
أمينة؛ داكشي رزقي حلال علية ربي مكتبو لية
اورطيغا: وعلاش الدار فالسعادة!!
أمينة: تبقاو حداها اولدي
اورطيغا: (حرك راسو باه) خليني نفكر فيها
أمينة: شحال عندك؟!
اورطيغا: (تفكر ملاك) شي براكة
أمينة: من غدا هز داكشي للي عندك ونتا ضبر راسك فشرا قلب على خاطرك وشري عاود مطييحش على راسك
اورطيغا: (حرك راسو باه)
أمينة: نهار تشري نمشيو نهضرو مع واليديها
اورطيغا: ان شاء الله (مسح على وجهو) عصرتيني هاد العشية
أمينة: ههه نتوما رجل جنس قصييف
اورطيغا: براكة الله وفيك الدروييييشة!!
غيثة: (كتشوف فالحضور عائلتها انا حتى صحباتها معرضت حتى على شي وحدة بكترة ممدخلاش لراسها هادشي.. مدت صباع يدها ركب ليها الخاتم كتشوف فيه ديال ديامو مكتحس بواالو من جيتو لا هو لا خااتمو لا كولشي!! كانت كتمنى هاد الخاتم من شي واحد كيبغيها وكتبغيه على الأقل يكون غير إعجاب بيناتهم!!
اما هدا، شافت فيه كتحس غير بالكره اتجااهو والحاجة!!
تبسم شد فيدها باسها وهي بملامح جااااامدة كتشوف فيه حتى تفكرت يوسف!!
ضارت لقاتو هو وشريف مقنتين حاضيينها تبسمت شافت فالخاتم وهزت يدها للفوق بدلع كظحك كتوريهم الخاااتم مصطانعة الفرحة كولشي بقا كيسفق)
خديجة: (كانت لبست جلابة زوينة بخياطة مخزنية دايرة ذهوباتها مقادة وجهها دايرة رجل على رجل لابسة طالو عالي وكتشوف بحالها بحال اي واحد معروض، جالسة مع شي عائلة غير صااقرة مكتجمع مكتاكل)
ادم: (همس ليها فودنها) فرحانة بالصح!!!
غيثة: (تبسمت شافت فيه حركت راسها باه متقدرش تبين العكس راه غيقطع عليها كولشي!! رجعت كتشوف فماماها للي باينة عليها عياانة شوية، ولكن فرحانة شافت فخوها يوسف مكيتبسش على غير عادتو حنات عينها حيت عارفة الذنب الكبير للي دايرة ولكن اكتر حاجة فرحت فيها هي مشافتش اورطيغا حيت الوحيد للي كان غيخليها تراجع على هاد الخطبة ويمكن تعاود ليه كوولشي!!!
جات عندها ام ادم كتبارك ليهم.. بداو التهاني وكل واحد بقا مجمع ادم وغيثة فضلو يخرجو للجردة وخلاوهم على خاطرهم هاد المرة)
ادم جبتي هداكشي!!
ادم: (جبد تيليفون عادي عطاه ليها)
غيثة: شنو هادا؟!
ادم: تيليفونك مرااقب داكشي السري ديالنا نهضرو فيه هنا
غيثة: مراقب!!
ادم: خدمي عقلك شوية اشيغي خوك باش عرف داك نهار غتشري من عند لبنت وتبعك والغد ليه فاش جا راه كيقرا ݣاع ميساجاتك وتيسمع ليزابيل ديالك
غيثة: (تصدمت بقات كتشوف)
ادم: للي تيدخل لهاد العالم متيبقاش منونخ اغيثة
غيثة: حدك تما ادم
ادم: تتعصبيني!!! ومالك مفرحاناش؟!
غيثة: نتا عارف شنو بيا!!
ادم: صباح نتلقاو ونعطيك
غيثة: عيطيني دابا
ادم: غدا اغيثة (رجع تابعاه كترغبو ووالو.. انا حدا لوخرين ردت الابتسامة، تعشااو وهو هااادئ غير كيتبسم ويشوف وكيدير راسو حشمان مرة مرة)
خديجة: (شافت فالياقوت للي جات وكفاش الغالية رحبت بيها وطارت مكبرة بيها بحال هي مرت ولدها!!
بقا فيها الحال ولكن مبينت والو بحال مكاين والو جا عندها يوسف حيت بوحدها جالسة معزولة تبسمت)
يوسف: حبيبة متعشايش!!
خديجة: حسيت بالمعدة عندي متقلة
يوسف: شي حاجة ݣغاف
خديجة: لا لا الحمد الله.. اممم مزال منمشيو
يوسف: غير على ميخرجو الناس (بنظرة ترجي)
خديجة: اه صافي وااخ.. خود راحتك
يوسف: متأكدة متكليش شي حاجة نوصيهم يقادو ليك شي صلاد خفيفة
خديجة: (فيها الجوع) لا والله حسن نبقى خفيفة هاد الليلة
يوسف: انا مع شريف شي شوية ونجي عندك
خديجة: واخا (تبسمت ومشا باغية تاكل ولكن عزت نفسها مخلياها صايمة…)
دازت يوماين الوضع كما هو.. لي مشغول بخدمتو للي مشغول كيوجد المكائد وللي جالس كيتمعشق…
يوسف: (كان نهار الاحد جاو وهو خديجة يفطرو معاهم حيت رغباتو الغالية جلسو فالجردة كان الجو مغيم شوية..
جات غيثة تفطر معاهم كتفكر داكشي للي دارت مع ادم لبارح كيخرجو عينها كفاش كانو فلخلا وخلاها ديرلو داكشي حست بالاشمئزاز واخا فديك اللحظة مكانت كتحس بوالو وهي وجهها مخشي ***** ولكن صورتها للي صورها وهي كظحك ومدير داكشي بحال شي وحدة بروفيسيونال مسحت داكشي من تيليفونو ولكن مكيناش الثقة فيه!!!)
يوسف: غيثة!!!!
غيثة: ها!! نعام اخويا؟!
يوسف: مالكي؟!!
غيثة: لا والو.. حقا اسماء قالتلي شي نهار نخرجو مجموعين
الغالية: شكون هادي!!
غيثة: السيدة للي تندير عندها سطاج هي مزالة صغيييرة ولكن فخدمتها كتكون جدية!! حقا خديجة قلتي حتى نتي تبداي معاها
خديجة: ان شاء الله حتى لسيمانة جاية
الغالية: علاش نتي بسلامتك مزال تتفكري ديري مستقبلك قدك راه تيفكرو يديرو مستقبل لولادهم
خديجة: بالصح مستقبل لوليدات ضرووري نخممو فيه مزيان نراعيو ليهم ونعطيوهم الاهتمام ومنبقاوش كنديوها غير فالخاويات وتخربيق..
(كتاكل حتى هي البيض بالفرشيطة واخا عينها فالخبز للي متحطش كاين غير طوست محمر)
الوقت للي نضيعوه حاضين هادي وهادي نخممو لوليدات.. اوا دعي معايا اخالتي بالذرية الصالحة للي نهار نموت يترحمو علية من موراها
الغالية: (شافت فيوسف مخرجة عينها حيت جاتها كتخشي فيها الهضرة على غيثة لا ماشي كتخشي راه فرعتها) اممم (شافت فيوسف للي عقلو مع ختو) ومزال مغتنوضوش ديرو لينا حفادنا
خديجة: فوقما يجي الخير مرحبا بيه اخالتي (كانت جاتها ليغيݣل ومعجبهاش الحال)
يوسف: (كيشوف غير فختو!!) غيثة فين ادم!!
غيثة: سافر لكازا لبارح عندو شي خدمة
يوسف: (مراقب هضرتهم للي عادية مكاين والو بلعكس ادم للي كيسولها كيف بقات من داكشي كتقولو ولفت وراني بيخير ومنعاودش نقرب لداكشي على حساب خويا وماما..)
~~~~~~~~~~~~~
اورطيغا: (اليوم مخدامش دار مع ملاك غيتلاقاو يدوز ياخدها ويمشيو لايفران.. صونا تيليفونو كان عمر جاوب)
فين اعمر
عمر: انا فايفران
اورطيغا: وااايلي!!!! (بإستغراب) مزيااان ياك قلت غتجي عندنا لفاس
عمر: العشية غنجي عندك الا صلاحلك
اورطيغا: الله اودي الدار داركم
عمر: جيت مع واحد صاحبي نبقى معاه شوية ونجي عندكم ان شاء الله..
اورطيغا: مرحباااا الغزال..
(ناض من بلاصتو دوز روتينو الصباحي هضر معاها عرف غتجي هي وأنير ووفاء واخا تكره ولكن مبينش حيت ميمكنش تخرج بوحدها..
هضر مع مو للي قنطت ولفت ختها ولفت تجمع وتهضر وتظحك وهادشي كيخليه يفكر بجدية فملاك حيت مو وهو محتاجين للي غتجي تعمر عليهم الدار ومكاينش حسن من ملاك فنظرو!!)
ملاك: (من داك نهار مجبدتش معا باباها موضوع الدار خلات مها هي غتكلف ويعطيها نيت فلوسها دالعرس من بعد مقنعا مها ان دوك لفلوس زايدين فمستقبلها وحلفت ليها انها عمرها تفكر شي نهار تمشي تسكن فيها وهي مزال ديال راسها بلعكس غتكمل من خلاصها وغتزيدها ربح وتفكر دير حلمها الاخر..
كان كولشي كيوجد غيمشيو العروبية وهي بقات هي ووفاء ومرت حنينها وشدات حتى أنير طلبت إذن من عند باها غتخرج أنير يلعب شوية، هوما مشاو وهي بقات كتوجد راسها هي ووفاء للي كتحاول تخليها أفضل حيت اهم حاجة بدات بالخطوة اللولة وهي ركبت دماغها غتعاونها ومغتسمحش فيها من بعد مسمعت ان مها سخطت عليها حيت مابغاتش ترجع لطليقها للي مزال لاسق فيها وبغا يديرها مرا تانية حيت تزوج بݣاورية برا..)
شوفي مكنقولهاش لبنات ولكن جيتي ماشاء الله عليك ونازل عليك واحد الزين فشكل
وفاء: (تبسمت) حلفي!!!
ملاك: أووووووووقسسسم بالله..
وفاء: صافي تيقتك ههه زعما مكيبينيش كبيرة فلعمر
ملاك: لاااااا نهائيا، صراحة شوية وصافي ولكن نتي اصلا كبيرة
وفاء: ههه مكيهمش المهم وا اخييرا لبست درتي وغنتبع هاد طريق مقادة
ملاك: هو هدا راه درتي ولكن هانية كادو من عندي
وفاء: زقيريمة لوخرا!!! والله يا مك حتى تشري الكادو هاكا كنشجعو الناس
ملاك: ختي نتي بينك وبين للي خلقك وانا اش دخلني غتعطيني شوية من حسناتك
وفاء: اه حيت هادشي للي درتي معايا نتي وعائلتك غيبقى دين فوق رقبتي
ملاك: هي الا سلفتي ختك شي 3 دلمليون واقفة عليها
وفاء: ناااااري املاك… (خرجت من لبيت كانت لابسة كسوة خلاتها ليها خديجة حيت كساوي ملاك قصاار وطايتها قريبة لخديجة، لبست صباطها وبقات كتلعب مع أنير خرجت ملاك مقادة شوية)
واش اورطيغا عندو زعما هانية
ملاك: (هزت كتفها) عادي كما هو صاحبي نتي صاحبتي زعما شنو الفرق!!
وفاء: هههه مكتقدايش
ملاك: (خرجو من الدار كيظحكو ركبو فطموبيلتها ومشاو حدا خدمتها فين كيجي مراد يهزها لقاتو كيتسنى تماك مع جاو عندو شد أنير مد حنكو خلاتو بلاكة وطلعت أنير لجيهتو) دير لعمو أواااا أواااا
اورطيغا: نقضيييو (باس أنير شاف فيها) فين
ملاك: (بدلع) هانا
اورطيغا: معوااااقة
ملاك: ههه حقا قول لوفاء مبروك
اورطيغا: (ضار شاف فيها بغا يسول وهو يلقاها جالسة حشمانة) مزيان احسن حاجة درتي مشيتي فهاد طريق..
ملاك: عقبالك حتى نتا (قصدت تزهوانيت)
اورطيغا: اوا ختي طرف الخبز صعييب (بقاو كيظحكو ركبو هي حداه ووفاء شادة أنير اللور مجمعين ضاحكين وصلو لايفران مشاو لقهوة وفاء فضلت تخليهم بوحدهم شدت أنير وجلست فطابلة بعيد عليهم وهوما بقاو بجووج)
صافي غير تبقاي تخرجي معاك وفاء تشدنا زرييقة
ملاك: ههه مالك فيدك
اورطيغا: لبارح درت 2 غرزات
ملاك: اويلي استغفر الله (مزعمتش تقيسلو يدو) مقلتلي والو!!
اورطيغا: مجابتهاش الهضرة وصافي
ملاك: كفاش مجابتهاش واش صاڤاپا هادشي ضرووري يتقال وتوريني!!!!
اورطيغا: وحتى ف.. تقسحت تشوفي!!
ملاك: (صغرتغينها فيه) مكتمرݣش!!!!!
اورطيغا: (شد يدها) خلينا دابا من هادشي كولشي ملحووق ارا منشوف وتشوفي.. توحشتك
ملاك: (فرنست) هانا حداك
اورطيغا: معاك ماشي حداك، حداك راه فيها بزاااف
ملاك: ههه
اورطيغا: (مقوس عينو فيها) واش داكشي زوين مخبياه حتى نتزوجو ياك!! مغتبقايش زيزونة هاكا!!!
ملاك: راه غير كنحشم
اورطيغا: متبقايش تحشمي.. شوفي عاوديلي على راسك
ملاك: اممم انااا..!! راك عارف كولشي قريت وخدمت ول..
اورطيغا: لا لا ماشي هادشي عاوديلي على رجليك يديك نتخيل شوية راك شحفتينا ابناادم!!
ملاك: ههههه
اورطيغا: ايوااا واااا لبشااار جمعي فمك ولا نهرسو لمك
ملاك: (دارت يدها على فمها) ظحكتني ازمر وميااات مرة قلتلك متعاودش تجبد ماما راك غتشري عداوة معاها بااطل راني برواالة وكنعاود ليها كولشي!!
اورطيغا: هضرتيلها علية!!
ملاك: (حركت راسها بلا) مزال
اورطيغا: (حركت راسو.. كيشوف فيها كيعجبوه عينيها نيفها شنايفها ولكن اكتر حاجة هي حواجبها كيبدلو ليها ملامحها دغيا، بيهم كيعرفها مقلقة ولا معصبة ولا مستغربة ولا كتقليلو السم… كيعجبووه) مزال مكاين والو من الإدارة ديالك
ملاك: عرفتي شحال حركت ديال المعارف
اورطيغا: فين غتخدمي فاس فاش تجي؟!
ملاك: عرفتي شارع الحسن الثاني!! كتعرف اوطيل رويال ميراج (حرك راسو باه) قرييب
اورطيغا: (حرك راسو باه) حسابلي الاطلس حدا الحومة
ملاك: لا تماك كانو غير اجتماعات أما الخدمة فين قلت ليك
اورطيغا: قريبة للسعادة
ملاك: اه
اورطيغا: وتيخص بزاف ديال الوقت؟؟!!
ملاك: غيعلموني 3 شهور قبل
اورطيغا: اممم عييت تنسول من دوك القماقم للي تنعرف أغلبية بعاد على هاد الضومين حتى نتي ملقيتي غير هاد الخدمة المعلكة فين خليتي معلمة استادة فرملية!!
ملاك: هه رزقي.. الناس للي هضرت معاهم ان شاء الله غيسهلولي هادشي
اورطيغا: صراحة باغي نتجمع انا وياك دغيا (هزت حواجبها متبسمة ها للي قال.. تبسم) أباار داكشي.. بالصح باغيك، باغي نكون معاك نكونو مجموعين!!
ملاك: وانا رجعت تنحسب نهارات ولا كيجيني نهار طويييل باغيا غير يدوز دغيا باش يوصل داك الوقت للي نكونو فيه بجوج..
اورطيغا: (تبسم كيلعب بإبهامو فوق صباعها) ولكن انا قبيح متنتعاشرش!!!
ملاك: (هزت حواجبها مع ابتسامه) عرفتك قبيح من اللول، وعرفتك زوين من بعد واخا هكاك بقيت معاك وغنبقى معاك
اورطيغا: ممفاكاش!!
ملاك: هه وا تاقوول
اورطيغا: وانا مبغيتكش تفاكي! عارف ك** غنعاني معاك وغتركبي فية الاعصاب ديال الدنيا والدين ولكن غنصبر..
ملاك: مرااااد (بدلع) انا راه حلاوة ݣاع مكنعصب
اورطيغا: (تبسم) غير عصبي ديلمي نهار تكوني تحت جناحي غنعاود نديكوريييك من اللول
ملاك: ههه هي يا ديكوريني يا نديكوىيك، (هز حاجبو) نديكوريو بعضياتنا حسن!
اورطيغا: اممم وصدرك كبير ولا صغير؟
ملاك: (خرجت عينها فين كانو كيهضرو ودابا دغيا تحول!!)
اورطيغا: شي حاجة نبردو بيها اصاحبتي عاوديلي على راسك شوية
ملاك: وااا مراد!!
اورطيغا: عندك الكرش؟ جناااب! لفخاض!! (غير كتشووف) واخ شعرك كداير طويل قصير رطب مشعكك!!
ملاك: هه (ظحكها قلبت وجهها)
اورطيغا: كداير ل.. (جات تنوض شدها جلسها بقوة) تعاوديها نقلب على مك هاد القهوة
ملاك: اوا سكت
اورطيغا: مال مك منسولش على سلعتي
ملاك: سلعتك فصݣيطات لي كتذبح ماشي انا
اورطيغا: بجوج بيكم غنذبحكم غير هوما صباح ونتي صباح وليل باش نوري لمك صلابة ديالك
ملاك: بفففف
اورطيغا: وشنو بغيتي نسولك؟؟
ملاك: معرفتش
اورطيغا: واخ، شنو تتعرفي طيبي
ملاك: (بكل ثقة) حتى حاجة
اورطيغا: اوا!!
ملاك: اوااااا الله يخلف على خالتي مينا اممم طاتي أمينة
اورطيغا: مغتسكنش معانا ازين طاتك أمينة!!
ملاك: لا تجي تبقى معانا تغدا وتعشا وتمشي فالليل لدارها
اورطيغا: ياك ابنتي!!
ملاك: ونتا كتعرف طيب
اورطيغا: متنعرفش لمسمن وطعام والحريرة
ملاك: حتى انا مكنعرفش ليهم ومكنشربش اصلا لحريرة (كيشوف فيها تبسمت) نتا طيابك غزاااااال نقضيو بداكشي للي كتعرف حتى تعلم طياب لبلدي صابرة ونقبل عليك.. (هز حواجبو لجوج)
والله الا هانية حتى تعلم على خاطرك!!
اورطيغا: بشرط!!
ملاك: (تبسمت) شنو؟!
اورطيغا: نجلس من الخدمة ونتي للي تصرفي
ملاك: هههه نصرف عليك ازين حتى يبانو والديك
اورطيغا: ههه.. (ظحك حتى تغمضو عينيه) ومغتعلميش؟!
ملاك: والله مكنعرف مكيصدقليش طياب!! هانتا كتعرف طيب
اورطيغا: كبييدة انا نطيب ليك داكشي ديال لستيك مهم دوك لعبيات ولكن شي لاخر نتي غتقاديه
ملاك: وصافي نسكنو مع خال.. طاتي أمينة
اورطيغا: هههه لا الآلة ملاعبش نتي لي غطيبي وغنسكنو غير انا وياك الرأس فالراس
ملاك: اوا انا متنعرفش ومن التالي معنديش مع الكوزينة !!
اورطيغا: عادي على قبل الناس للي تنبغيو تنتعلمو شحال من حاجة بحال انا معاك معلم صبر ومتندير والو.. من الخدمة للدار ظريف وبوݣوص بحالا قلتي شي نونوس
ملاك: ههه لا ظريف نييت!! شوف ممكن ممكن نطيبو انا وياك
اورطيغا: اهاه نخلي المحال وذبيحة ونجي نطيب لالة ملاك
ملاك: (خرجت عينها) اوا حتى انا خدامة!!
اورطيغا: معفية من طياب صباح ولكن عشايا عليك نتي ازين ومتنتعاتقش تنبغي نتعشاااااااا
ملاك: (كتشوف فيه) مكنعرفش!!!
اورطيغا: (كيشرب من القهوة) معاك ازين دقة بدقة حتى تعلمي، للي علية مغنݣرش عليك
ملاك: (حركت راسها باه) ولكن انا ماشي مسؤولة على داكشي للي غنقاد
اورطيغا: وااخا.. ولكن الحار خطينا منو
ملاك: انا كيعجبني
اورطيغا: شغلك هداك انا متقيسيليش طيابي بيه (تبسمت بشر كيعرفها غير من دوك لحواجب غاااديرلو الحاار) تتقيسي حواجبك
ملاك: (اه) لااااا علاش!!
اورطيغا: (باعجاااب) تيساااليو معايا.. خليهم هاكا طبيعيين
ملاك: (تبسمت) ماشي زعما شي طبيعيين هه
اورطيغا: واش راضعة الكذوب البنت؟!!
ملاك: ههه كذيبات بيضين مداو مجابو غير دايزين وصافي…
(كيشوف فيها باعجاب حتى صونا تيليفونو وترها بدوك الشوفات حست بحنيكاتها سخنو.. جاوب وهي مراقبة شناايفو متقدرش تقولو شحال كيحمقووها وعاد ظحكتو ودوك سنينات للي مستفين ومهلي فيهم اصلا من ديما كتشوفو نقي زوين ومهلي فراسو حتى من ظفارو ديما نقيين منتابهتش ݣاع معامن هضر ولا شنو قال.. شاف فيها مقوس عينو متبسم ضورت وجهها)
احم
اورطيغا: غيجي عمر يمشي معانا فطريق، معليش؟
ملاك: اه عادي!! رجعتو مزيانين؟!
اورطيغا: (حرك راسو باه) بلا منبلبل عليك
ملاك: السلام مردهاش عليه مزيان هاكا!!
اورطيغا: الله يرضي عليك..
بقاو مجمعين فجو الظحك ضارو كيشوفو وفاء للي جالسة وشادة أنير كتلعبو وشادة ليه الخاطر رجع شاف فيها شحال نهاها عليها ولكن تشبتت بيها عارف عندها شخصية يعني عارفة للي صالح ليها، كان غيقول ربما تخرج عليها ولكن ها هي وفاء دابا دايرة الحجاب ماشي بالضرورة نسبقو نحكمو على الناس مرة مرة الصالح كيغلب الطااالح!!!
وهادشي كيزيد يتشبت بيها كتر وباغييها دابا فهم ان العقلية كتلعب دور على المظهر، واخا اصلا كتعجبو كمظهر ومبقاش عندو مشكل فطولتها بلعكس رجعت كتبان فعينو طوب ديال الأنووثة…
~~~~~~~~~~~~~
يوسف: (ناعسة فوق صدرو وكيلمس فشعرها ويهبط حتى لظهرها) متقلقيش راسك احبيبة
خديجة: (بحزن) ونت!!
يوسف: انا مع الخير فوقما جابو ربي حنا كنديرو السبب ونتسناو الفرج من عند ربي
خديجة: ان شاء الله، الا سولاتك خالتي الغالية متقولها والو كنبغي أسرارنا ميعرفهم حتى واحد
يوسف: حتى واحد ممنحقو يعرف شي حاجة وأصلا عادي احبيبة راه ياله بدينا زواجنا مزال مشرينا حتى تقدية اللولة
خديجة: ههه ويييه واش غنبقاو بحال زوافرية
يوسف: غدا منين نجي من الخدمة نخرجو نتي وجدي شنو باغية وكتبي بحال هداك نهار
خديجة: صافي واخا.. حقا امتى العرس!!
يوسف: قالو من دابا شي عام على متقاد غيثة مشروع ديالها
خديجة: (هزت عينها فيه) شنو معجبكش فادم ايوسف!!
يوسف: ماشي كيسيون معجبنيش ولكن اورطيغا دخلي تناوي فيه واخا كولشي قريتو من تيليفونخا كيبين انه بعيد كل البعد ولكن!!
خديجة: وشنو قال مراد؟!
يوسف: قال حاس بيه ديك المثالية للي تيبين ليتا فشكل وبالصح واحد علاش يبقى تابع وحدة مباغيااهش ومصر على زواج وعارفها كانت كتدروݣا !!!
خديجة: وشنو غيكون الهدف ديالو؟!
يوسف: هنا فين كاينة المشكل!!! ماشي حتى شي واحد معندوش للي نقول طماع ولا شي واحد عمرو شاف الزين!! معرفتش وهي مكتقول واالو حرت معاها والوالدة كتزيد فيه حتى هي أشرف ياله مكافي مع الخدمة مكيجي حتى الليل..
خديجة: اممم ولكن قبيلة كانت كتبان فرحانة
يوسف: تنعرف الفرحة ديال غيثة هادي اصلا قبيلة للي كانت ماشي غيثة وانا شاااك انها قلبت على شي مصدر اخر
خديجة: لاااا كتبان عادية والله معرفت ميمكنش نقول شي حاجة معارفهاش
يوسف: بقالي حل واحد نهزوها بالسيف ونديها للمركز
خديجة: شوف خليك دابا معاها مزيان زيد تقرب كتر ولكن منين تشوفها رجعت لداك السم اللهم المركز تبرا واخا تحقد عليك الموهيم هي مضيييعش!!!
وفاء: (شافت فعمر داخل للقهوة قلبها ضرب عاد كانت كتفكر فيه كفاش جا هنا واش كانو لوخرين فخبارهم!!! تلفت، شاف فيها شوفة خاطفة بحال مكيعرفهاش دورت وجهها عطا بظهر مشا عند لوخرين وبقات متبعااه)
اويلي شنو هادشي وااقع!!!
اورطيغا: فين اولد الخالة (وقف سلم عليه وجلس حداه) شنو نمشيو نتعشااو!!!
ملاك: (كان صراع كبيييير بيع عقلها وقلبها وعينيها للي كتشدهم بالسيف ميشوفوش فعمر)
اورطيغا: (كانت حانية عينها) ملاك!!
ملاك: (شافت فيه) حنا نمشيو راك عارف مخاصش نتعطلو كتر من هاكا
اورطيغا: واخ (وقف، شاف فعمر) حنا حتى نمشيو لهيه ونريحو فشي قهوة
عمر: مرحبا خويا مراد (خرج هو اللول عاد تبعوه مشا لطموبيلة اورطيغا وقف شاف فلوخرين جايين هنا لاحظ لبنت للي قرا عليها وقلب فلفايس ديالها هي للي دايرة الفولار قلب عينيه بالزربة ملاك ووفاء ركبو اللور كيوشوشو بصوت غير نسموع، عاد هوما ركبو القدام)
شنو درتي اولد خالتي فداكشي
اورطيغا: لبلان ديال مرزوݣة!!!
عمر: واااه
اورطيغا: اش غنقولك سيمانة بزاف نقدر نلحق عليك الويكاند
عمر: حتى الويكاند نمشيو بجوج نتا رجع وانا نبقى تماك
اورطيغا: صافي.. صافي مشات، حيت رمضان مزيرني والخدمة تتكون مدبوووزة نزرب على هاد اليوماين
عمر: اللهم يسر.. (شاف فلمرايا من جيهتو بانتلو وفاء كتشوف فيه بجوجهم قلبو عينيهم.. اما لوخرين كيهضرو حتى رجع كولشي مشارك فالهضرة وملاك دايرة حدوود قبل ميقلب بيهم الطموبيل!! وصلو لصفرو لبنات نزلو هبط اورطيغا معاهم عمر جالس فالطموبيل كيشوف ولد خالتو مدام شاركو ووراه البنت للي معاه وناوي المعقول معاها الا بدا كيتيق فيه وحسبو من العائلة شاف فوفاء للي هازة أنير فكرسي ديال الطموبيل مشاو لبنات طلع مراد معوج عنقو متبع طموبيلتها مشات وهو ركب)
اورطيغا: تبغي تمشي لشي قنت هاد الليلة!!
عمر: فينما ديتنا الله يخلف عليك
اورطيغا: كاين واحد لبوااط مفرݣع!!!
عمر: (تخلع) الااااااا!!!
اورطيغا: ههه نديك لزاوية!!
عمر: ههه نمشيو لشي بلاصة نقية زوينة وصافي
اورطيغا: هاد المواصفات تنعرفهم غير فدارنا
عمر: وحتى تماك زيين!!
اورطيغا: شووو كاين بلاصة زوينة فيها الشعبي ريسطو ماروكان من داكشي ديال الضخامة والفخامة وهاك على حبي للي عطاني سيدي ربي
عمر: (تبسم) ماااا..
اورطيغا : شي حاجة ديال الفاميلات
عمر: هه مشينااا!!!!
دازو أيام كولها كيلغي بلغاااه….
رشيد: (وصل لصويرة كيقلب على القهوة للي عطاوه فالعنوان غيجيو يتلقااوه تماك، بقا جالس تماك كيتسنى طلب براد أتاي شيبة وكيشوف فأمواج لبحر متردد ولكن على خاطرها وأصلا خاصو يدير هاد الخطوة حيت هي بوحدها للي معذبة!!.. صونات عليه زهرة)
ازهرة!!!
زهرة: (قلبها غيسكت بالخلعة) واش جاو؟!
رشيد: لا مزال هانا كنتسنى
زهرة: وباش غتعرفهم ولا يعرفووك؟!
رشيد: فاش يبانولي تالفين ههه
زهرة: (ظحكت بألم) لوكان غير درت بناااقص
رشيد: نتي غير كوني هانية كولشي غيدوز على خير ان شاء الله
زهرة: (تنهدت) ان شاء الله، واش باك عارف؟!
رشيد: حتى واحد معارف… (شاف جماعة داخلين للقهوة شك يكونو هوما حيت كيقلبو بعينيهم) واقلة هوما هادو من بعد ونصوني عليك…
زهرة: (قطعت، دارت يدها على قلبها كتقرا القران هو للي مخليها صابرة على كولشي وهو للي كيهدأها من الخلعة للي كل مرة كتحس بيها كتقراه..)
~~~~~~~~~~~~~~~~
شريف: (جا عندو يوسف للمحال مجمعين) شنو بانلك فأسماء؟!
يوسف: تتبان بنت الناس وداكشي للي عاودت عليها نتا راه باين العربون
شريف: غير نزعم!!
يوسف: ههه زعم تاكل لحم
شريف: ههه فية شي خلعة بحال أول مرة غنمشي نخطب
يوسف: لحلال كيظهشر اعشيري ولكن حنيين
شريف: فين غيثة؟!
يوسف: قاتلي الوالدة خرجت عند شي صاحبتها للي فالسيكتور نيت كولشي حاضيها دابا
شريف: حتى ادم
يوسف: على للي فهمت حتى هو (كيقرا ميساجاتو انها مشيبااه) مهم انا دزت غير طريق حتى لعشية ونتلقاو
شريف: بعد غدا مراد غيمشي مع ولد خالتو لمرزوݣة
يوسف: (فكر شحال) نمشيو!!!
شريف: نمشيو؟!
يوسف: نمشيو…
~~~~~~~~~~~~~~~
اما ادم علاقتو بغيثة نفس الموال كيقطع عليها باليوماين عاد يعطيها ولكن معاودش قرب ليها من الناحية ***** حتى نهار الجمعة فين عطاها دوز كبيرة شوية حطها حدا العمارة فين ساكن اورطيغا وبعد بالطموبيل حطها ورجع متبعها، بقات واقفة شحال كتفهم فين جاية وفي هي وشكون هي!! مشات للمحال لقات الدري تماك بحرا كتشوف حيت كيبان ليها ضباابة وجوج جوج من الحاجة
غيثة: اورطيغا!!!
…: (كيعرفها) راه طلع لدارو اختي
غيثة: (دارتلو إشارة لايك وطلعت كتماايل فدروج بحال شي سكرانة ناسية المصعد كتقلب غير على الطاج 4!! وصلت بقات كدندن وماشية لدارو كدق بالجهد وتعيط)
اورطيغا حل اورطيييييغا!!!
(مشايفاش للي كيصورها من بعيد حتى تحل لباب وتلاحت مايلة عليه وصوت ظحكتها مسمووعة!!…)
ادم: (منين تسد لباب بقا واقف كيشوف باغيه يحصل ولكن حس باحساس فشكل من جهة غيثة قد مكيكرهها باغيها ليه!!! ولكن احساس الكره غالب اكتر وحتى الا نقص هو كيشحن راسو براسو ميمكنش داك الاحساس للي حس بيه منين عرف باه تشد فالمغرب العائلة كاملة مسؤوولة حيت كيغيرو منهم ومن نجااحهم وحتى واحد محاسب اورطيغا واخا كولشي شاك فيه هو مول الفعلة وكيتعاملو عادي وهادشي أكدو سعد!!!
دابا رجع متأكد اورطيغا عندو يد فهادشي وماشي غير هو حتى يوسف وشريف راه ب3 مكيتفارقوش يعني كاين اتفاق وحتى الا مكانتش اتفاق غيكونو عارفين بلانو وحتى واحد محس بيه تعاطف مع الأب ديالو!!
وعاد ختو للي قاسها شمكار مكيهمش تكون باغية ولا لا ولكن هو طمع وشاف لفوووق وخاصو يتعاااقب على هادشي هو وغيثة للي شافت وفضلت عليه شمكار!!!
طاپا نمرة يوسف فتيليفونو كيصوني عليه حتى دازت من حداه أمينة للي ضارت لقاتو ادم وهو بقا كيشوف فيها متوقعش حضورها… ولكن مزيان بعدا تشوف ولدها كيتربا)
أمينة: شنو كدير نتا هنا اداك اصّفريط؟!
ادم: تنقلب على غيثة!!!
أمينة: (بخوف) علاه فينها؟!!
ادم: تبعتها شفتها دخلت لهاد الدار!!! واش دارك هادي (بعصبية) متقوليش جات عاود عند ولدك!!!!!
أمينة: (طارت بالزربة جبدت سوارت من بزطامها كتمنى ميكونش داكشي للي فبالها!! دغيا حلت تااالفة حتى على تقبة الساروت، دخلت لقات غيثة فالأرض بحال سخفانة وعمر واقف كيشووف فيها)
شنو واقع!!
عمر: (مغووبش) معرفتش!!! شكون هادي اخالتي؟!
أمينة: (حنات عندها) مالها واش سخفانة (ادم كيطل كيشوف شكون هاد الوجه عاود هو حسابلو اورطيغا داير بحسابو اورطيغا غيكون هنا فهاد الوقت راه حافظ ݣاع تحركااتو!!!)
مالها اولدي
عمر: (هز يدو) ضربتها مبغاتش تبعدني!!!
~~~~~~~~~~~~~~
ملاك؛ (كانو فمحال دراري اورطيغا كيشري حويجات وهي كتختار معاه) راه لبرد علاش باغي هاد التيشورت
اورطيغا: راه مرزووݣة اجمتي تماك غير الصحرا والشمس
ملاك: معرفتش.. معمري مشيت لتماك
اورطيغا: نمشيو من بعد
ملاك: غيييييير بصحتك معنديش مع صهودات وشمووش
اورطيغا: (خدا شنو كان باغي وتحركو من تماك دازو كلاو الصوصيط مشوي متفكرين نهار لكسيدة للي دارت وجاو تعشاو فيه)
حقا كيف بقات ليك البز**
ملاك: (طلع ليها الدم اصلا هاد الكلمة معندهاش معاها) امراد تبقى تختار كلامك
اورطيغا: عندها شي سمية اخرى!!!
ملاك: متسميش بسمية قولي غير هدا وهاديك
اورطيغا: (من بعد مصرط) كيف بقات هاديك من هادوك جويجات!!! صغار ولا كبار؟!!
ملاك: ههه باااز
اورطيغا: طلقينا اللعب شوية البنت راه شوية غنبقى ن… وااا حتى نتي شوية هاكا شوية هاكا
ملاك: (عوجت فمها شقلبت عينها شدها من فكها وهي كتمضغ مخرجة عينها فيه)
اورطيغا: (كيعجبو الحال يديرلها هاكا كملو مكلتهم وصونات مو عليه) شنو بانلك نخطفو دورة عند الوالدة راها فالدار!!
ملاك: (متاقتش فيه) أااالااااااا
اورطيغا: وفين عمرك قلتيلي على شي حاجة اه
ملاك: مجاتش امراد فمرة!!
اورطيغا: (جاوب مو)
ازيين
(عاوداتلو بالخف شنو واقع.. تبدلت ملامح وجهو)
صافي انا جاي.. داك خينا مزال تماك؟!
صافي واخ، انا جاي..
(قطع وقف مشا خلص حط ربع خبزتو وهي متبعاه شادة خبزتها جا عندها)
ياله كملي ماكلتك فطريق
ملاك: علاش شنو وقع؟!
اورطيغا: ياله معايا وتفهمي فطريق.. (ناضت حطت حتى هي الخبزة باينة تعابير وجهو كاين شي حاجة ݣغاڤ، غسلت يدها تابعااه لاحت فمها مسكة جبدتها من صاكها وركبت حداه)
~~~~~~~~~~~
خديجة: (بلا خبار يوسف مشات لطبيبة للي تبعت معاها نهار اللول تعرف الا كانت شي مشكل من عندها..
طمناتها مكاين والو وغير تكمل تريتمو للي عطاتها، خرجت من تماك، فضلت تمشى كان الجو زوين وخريفي كتفكر فحاجة وحدة خاصها تحمل متشوقة يكون عندها بيبي يعمر وقتها زائد أهم حاجة لقات راسها مرتاحة بزااف مع يوسف وباغياه وتعامل ديالو مبين انها كتعني ليه بزااااف وكيبغيها…
دخلت محال ديال لماعن لقاتو فطريقها لقات شي لعيبات كانت باغياااهم حيت هو كيبغي داكشي يكون متول وداكشي للي كانت بحثت عليه لقاتو باش اليوم غتوجد شي عشا رومانسي حيت شحال وهوما غابرين على بعضياتهم جات مع مسافرة ديالو ومشكل غيثة والدورة الشهرية ديالها…
ياله غتخلص بانت ليها الياقوت على برا كتشوف فيها، خلصت وهزت ساشي ديالها وخرجت ماشية ولوخرا جات حداها واقفة ليها فطريقها)
الياقوت: واخا نهضرو
خديجة: انا وياك مكتجمعنا حتى هضرة
الياقوت: سي، تيجمعنا يوسف
خديجة: (تبسمت باستهزاء) بنيتك!!
الياقوت: راه عشرة سِيينِييييين وهو معايا ماشي ساهلة
خديجة: عادي، اووومن بعد!!
الياقوت: خديجة انا ويوسف كنا قراب بزااف من بعضياتنا وقع سوء تفاهم و..
خديجة: (مبردة راسها) دابا انا شنو المطلوب مني؟!
الياقوت: خاصك تفهمينا
خديجة: نفهمك نتي والغالية!!! حيت شفت يوسف معلابالوش بيك حتى فاش تعرفت عليه سميتك عمرو ذكرها ولا جبد موضوعكم صراحة فشكل هادشي للي كديري!! مااااا مكيستوعبوش العقل للي شاف لباسك وكفاش كتهضري يحلف عليك حتى عندك كراامة ومثقفة ساعة الله غااالب!!
نجية: (جات عند زهرة وبقاو معمرين اتاي شافتها ماشي على طبيعتها هضرتها قليييلة)
مالكي ازهرة؟!
زهرة: والو غير سهييييت وصافي، حقا فين وصلتي مع مرت ولدك
نجية: هاحنا مخلينها دير عقلها إلا بغات
زهرة: وولدك شنو كيقول فهادشي؟!
نجية: (بحزن) مشاالي ولدي اختي زهرة من نهار دفن ولدو ومديتهاش فيه وهو اللور اللور مكالتو ماهي ماكلة نعاسو ما هو نعاس غير ساهي وكيخمم وهاز الهم على قلبو هاد ليام كيقول غيحط الكسوة يكمل 6 شهور دلحبس ويزييد
زهرة: لا حول ولا قوه الا بالله العلي العظيم كولشي من راجلك ومنو حتى هو وشوي منك
نجية: كووولنا غلطنا اختي زهرة ولكن مكتابة وصافي
زهرة: المكتاب ممنو هرووب.. رديه لعندك وعطيه شوية دالحنان حتى هو
نجية: فينو غير نشوفوه حتى طبلة الماكلة مبقينا تجمعنا فيها
زهرة: اوا ضربي الفقد فيه قلبي عليه واسيييه ورديه لعندك حمزة مربي ودغيا غيسمع ليك
نجية: على مولانا اختي زهرة!!
~~~~~~~~~~~~
ادم: (صونات عليه ليلى قالها فين هو وحتى هي على سبة علماتو غتجي عندو شاف فغيثة للي جبدت عليها باينة نعست هو بقا حدا لباب مزعمش يدخل كيشوف فالدار كيسمع لعمر للي كيحلف لخالتو مكيعرفهاش وعمرو شافها ومفهمش اصلا علاش جات)
يمكن مجاتش عندك نتا
أمينة: (طلت عليه كتكرهو) ويمكن جات عند خوها هاربة منك خوها للي هو ولدي..
ادم: انا تنعرف خوتها هو يوسف وأشرف
أمينة: اوا راك مكتعرف والو.. نده علية من هنا
ادم: مماشيش حتى كولشي يحضر غيثة اشمن شغل عندها فدار ولدك؟!
عمر: (بحزم مشير بيدو) هضر نتا مݣاد مع خالتي ولا ميعجبك حال!!!
ادم: (بقا غير كيشوف ياك هادو معندهمش عائلة منين خرجلو هدا للي صاعر غير بوحدو)
أمينة: الله يرضي عليك اولدي متديش علييه دابا هدا راه خطيبها
عمر: خاطيبها راجلها شكون ما بغا يكون يهضر معاك مݣاد من ݣبيل وانا سااكت ليه ميخلينااش نوضوها معاه نجيب نكسلو حدا هاد خيتي..
(تم دخل اورطيغا بالزربة للي طلع مابغاتش تطلع معاه ملاك مصونية على وفاء للي كاينة هي وأنير فشي كافي كيتسناوها تكمل..)
اورطيغا: (طلع وهبط فادم) شي حاجة نتا!!
ادم: خطيبتي هنا مفهمتش شنو تدير!!
اورطيغا: سير ت*** فحاالك، انا غنعيط لخوتها يجيو…
ملاك: (متاقتش تخليه بووحدو اكترية منين سمعت سيرة ديال غيثة وكاينة فالدار، خرجت من الطموبيل وطلعت للدار كتسلت، قربت للدار للي محلول بابها كتصنت وكاين ادم فلباب مداخل مخارج..)
اورطيغا: ياله حسبهم
ادم: منمشيش هنا بلا غيثة
اورطيغا: (وقفت مو حداه باش ميقربلوش، حرك راسو بلا حولة كتبانلو غير يذبحو، هز غيثة من الارض تحت أنظارو مدخلها للبيت لداخل هز تيليفونو صونا على يوسف)
افين اخونا..
(خرج من الدار ودخل ادم لداخل شوية زعما راه حاضيها منهم، تشعل ضو الكولوار اوطوماتيك لقا ملاك واقفة مربعة يدها كتصنت تحرجت مد يدو قرس حنكها بشوية وهي محرجة)
غيثة جات هنا للدار مهم شوف كفاش دير اجي…
راها ناعسة.. وداك خينا هنا… ادم ولا جدام…
صافي انا نتسناك.. مغنخليهش يهزها يديها.. صافي.. جيبها…
(قطع ورجع عند ملاك كيهضر بشوية)
بريݣيݣة ديالي!!!
ملاك: الاااااا غير بغيت نعلمك غنمشي
اورطيغا: دخلي
ملاك: فين غندخل واش حمق (خرجت مينا لقاتهم كيهضرو بشوية غير شافتها حنات راسها حشمانة)
أمينة: ولدي اجي فك هاد الجوج راه عمر غيضربو يسكتو ديك الحجرة ديال خطيبتي ما خطيبتي!!!
اورطيغا: والا دار علاش!!!
أمينة: نعل الشيطان وزيد اولدي دخل فك الجرة علية، عفاك الله يرضي عليك، بنتي اجي دخلي
ملاك: ها لا انا غير كنت دايزة…
اورطيغا: هه عندنا كورنيش فالعمارة ومفخباريش!! (ضارت خنزرت فيه) دخلي متبقايش واقفة هنا
ملاك: معليش نمشي
أمينة: اجي ابنتي نشوفو هاد الحريرة فين غتصدق راه دوخوني… واش جاي خوها؟؟
اورطيغا: اممم وحتى مها
أمينة: على الله تحل عينها شوية (سمعو غوات عمر دخلو لقاوه شانق عليه بغا يدخل صحة عند غيثة يفيقها فكووه ادم خرجوه للكولوار دافعو مراد كان كيهضر مع الغالية فالتيليفون وهوما بقاو لداخل)
اورطيغا: تدخل نفلعص مك
ادم: (بكره شاف فيه ورجع شاف فملاك للي غير كتشوف)
عمر: منحملش للي يستقوا على نسا
أمينة: لا حول ولا قوه الا بالله العلي العظيم
اورطيغا: دخلي.. (دخلت كانت أمينة دايرة يدها على راسها خايفة توقع شي جريمة هنا)
ملاك: ولكن علاش جات هنا؟!
(ضارو شافو فاورطيغا للي ممسوقش)
اممم مهم انا تعلطت خاص نمشي نلحق على وفاء وأنير
اورطيغا: صبري يجيو ياخدوها نوصلك عندهم
ملاك: انا نشد تاكسي حسن غير خليك
اورطيغا: يا صافي هضرنا صبري 5 دقايق ونوصلك..
يوسف: (طالعين للعمارة وضار معصب عند مو من كلامها للي كينرڤييييه) هو مزال خطيبها!! متيجمعو معاها والو متمرضينيش الوااالدة الا هاكا غنديها عندي للدار حسن!!! واش مشيفاش حجم المشكل هي اش تدير هنا!!! وهو علاش كاين؟!
الغالية: عفاك اولدي مديرش شي حاجة للي تقلقو هو باغي ليها غير الخير
يوسف: الخير للي يدير هاد الساعة هو يمشي فحاالو قبل منقلبوها عند الناس علاش مبغيتيش تفهمي حنا ماشي ݣور!!! متنفهمكش الوالدة!!
الغالية: ويلي على شوهااااا وقدام الݣرسيفية!!!
يوسف: (كمل طريقو مكيضويش هو وياها مبقاوش كيتفاهمو…
وصلو للدار اورطيغا دخل ملاك للكوزينة وحتى هي قبلت مبغاتهمش يشوفها واكترية الغالية.. يوسف مسلم مواالو دخل نيشان لبيت فين شير لي اورطيغا حنا كيشوف فيها كيفيق فختو والغالية كتهضر مع ادم للي كيعاود ليها السيناريو للي خدم واخا هو كان غراضو تشد مع اورطيغا ولكن المرة الجاية غيحبكها مزيان!!!
زائد كيبين مابغاش يمشي بحجة يطمأن على غيثة وفنفس الوقت مقلق لوجودها فهاد الدار)
اورطيغا: (حتى بغا يهضر وهو يسكت ميدخلش راه يوسف كاين وعارف شنو كيدير!! دخل للصالون جالس هو وعمر كيشوفو) شنو وقع من اللول
عمر: شكون بعدا هاد الطفلة؟!
اورطيغا: خت صاحبي
عمر: واش جابها لعندك وتݣول اورطيغا نحبك؟!
اورطيغا: واش ڤري ضربتها؟!
عمر: ماشي شي ضرب طرشتها وكانت بغات تمسني، اصلا كانت على سبة باينة واكلة شي حاجة حيت مافيهاش ريحة شراب!!
اورطيغا: وايلي!!
عمر: لا حول ولا قوه الا بالله العلي العظيم الواحد كيلوح فراسو وهو حال عينيه!!! نسا الدنيا راهي فانية اليوم هانتا حي وغدوا ها حنا عند ربي باشمن وجه غنݣابلو معاه!!!
اورطيغا: (حرك راسو باه تفكر يماتو كفاش كان مبلبلها بنات وتزلال البيران مخلا مداار!! حتى كيشوف ليلى دخلات حيت لباب كان محلول ضارت لقاتو كيشوف فيها جات حداه)
ليلى: (وصلت كان ادم دخل لبيت واقف كيشوف فيوسف كيفيق فغيثة.. شافت اورطيغا جالس) اورطيغا شنو وااقع؟!!
اورطيغا: (ببرود طلعها وهبطها) شنو جابك نتي هنا؟!
ليلى: اورطيغا ماشي وقت هادشي فين غيثة شنو واقع معاها وفي ادم؟!
اورطيغا: الله يرحم باك هزي خوك وسيرو ت**** من هنا واش حالينها سيد للي جا يدرم ويدخل!!
عمر: (غير كيشوف فهاد ولد خالتو للي بين كلمة وكلمة كيخصرها)
ليلى: نتا هو نتا ديما فاهم كولشي غلاط (شافت يوسف هاز غيثة خارج بيها والغالية وادم تابعينها) ادم ادم!!!
أمينة: الغالية الغالية!!!
ملاك: (كطل) شنو جاب هادي هنا عاود!!!
اورطيغا: (منين شافهم خرجو ناض باتجاه الباب ياله جا يسدو أمينة مشات حدا عمر تستفسر وهي ترجع الغالية وقفت كتخنزر فيه) السلامة با ربي!!!
الغالية: سمع نتا اداك الشمكار نقولك حاجة
ملاك: (طلقت ودنيها مزياان كتصنت ومستغربة علاش مجمعش معاها منين عيراتو)
الغالية: بعد من بنتي ولا ميعجبك حال
اورطيغا: (بطرف عينو شاف فمو نايضة هز يدو بإشارة غير بقاي) واخ
الغالية: هي ماشي ختك وماشي من عائلتك متتجمعك بيها والو بعدهاااا
اورطيغا: واخ!!! ياله الا ساليتي جميعتك معايا سيري حضي بنتك وديها فيها
الغالية: بنتي بزااف عليك الشمكار بنتي عندها خوتها وخاطيبها ممحتجاكش نتا تحضيها
اورطيغا: سيري الغالية خليك دايزة فوجه ولدك وراجلك
أمينة: (بالزربة مشات طالع ليها الدم) بنتك حضيها من داك للي مسمياه خطيبها
اورطيغا: الوالدة!!
أمينة: بعيني شفتو شادها فسطح وهي..
اورطيغا: الواالدة (خنزرت فيها ومشات من حدااه سد لباب ضار شاف فمو) شنو هاد الهضرة!!!
أمينة: علاه مخليتنيش نشد مها نتفها نوريها مزيااان شنو كنسواو
اورطيغا: (بهدوء) اش غديري بشي صداع!! هاديك ماشي هضرة تتقال فهاد الوقت!!
أمينة: هاد الهضرة كان خاص نقولها شحال هادي
(حرك راسو بلا حولة ومشا طل فلكوزينة على ملاك)
…اجي حدانا بلا متبقاي واقفة تماك
ملاك: (كديرلو إشارة باش صافي خاصها تمشي تخرج فحالها)
أمينة: (كتعيط) ملاااااك رواااحي ابنتي هنا
ملاك: (خرجت من الكوزينة معاجبها حال باغا تمشي جاتها ماشي من صواب ݣاع تجي ولكن فضولها دارها بيها)
اورطيغا: (مشا عندها للكوزينة كيهضرو بشوية متكي على الحيط شدها من ذراعها) مال الزين ديالي
ملاك: معجبنيش الحال نجي هنا بغيت نمشي وعاد وفاء وأنير كيتسناونا
اورطيغا: نمشي نجيبهم انا نبقاو هنا شوية منخليوش الوالدة بوحدها
ملاك: لا لا مجااتش
اورطيغا: غير شوية ونوصلكم انا
أمينة: (خرجت عندهم) صافي سير نتا جيب وفاء نديرو كاسكروط مجموعين
اورطيغا: (هز حواجبو بجوج من مو للي طالقة ودنيها معاهم مبعد شوية، ملاك تبسمت بقا كيشوف فيها) شنو بانلك!!
أمينة: اجيو دخلو هنا حدانا (بغا يجر ملاك نترت ذراعها بشوية دخل وهي من موراه حشمانة وندمت علاش تبعاتو من اللول واخا جانب فيها باغية تزيد تبقى معاه)
دخلي ابنتي مرحبا بيك هادي راهم داركم
ملاك: انا نمشي خاص نرجع كنت خدامة هنا و..
أمينة: وصافي هانتي جالسة معايا تجي وفا هنا نجمعو شوية ويوصلكم مراد
(شافو اورطيغا مد سوارت لعمر قالو القهوة فين جالسة وفاء يمشي يجيبها هو، قوست مو عينها فيه هدا للي كان مكيبغيش يجلسلها فالدار دابا مصيفط واحد يركب فطموبيلتو للي عزيزة عليه غير باش يجلس معاهم او بالأحرى مع ملاك)
عمر: وااااه.. غير علموها الا بغات؟
ملاك: احم صافي واخا انا نقولهالها!! (كتبت ليها ميساج)
*غيجي عمر ياخدك من القهوة غتخلصيني على هاد لبليزير…*
(هزت راسها غمرها اورطيغا تبسمت وحنات راسها حشمااانة من هاد الموقف فاش تحطت..)
عيات كتسنى دقائق كيدوزو عليها بسواايع رجعت صونات على رشيد مبقاتش قااادة جاوبها
زهرة: شنو درت ارشيد؟!!
رشيد: (ناض من حداهم مبعد شوية خرج لاطيراس) انا مزال معاهم واش تبغي تشوفيهم (دار يدو على التيليفون حيت الريح وبحرا تسمع مزيان)
زهرة: (قلبها رجف) هوما بغاو؟!
رشيد: اه قالو غيجيو يشوفوك يتعرفو عليك
زهرة: هنا فصفرو ولا تما فصويرة
رشيد: مزال مهضرنا على لبلاصة
زهرة: ولكن!!! وووو وواليدية باقيين حيين!!
رشيد: اه
زهرة: (سالو دموعها سنييين هادي اكتر من 39 عام مشافتهم منين كانت عندها 17 ولكن صوورتهم ديما محفورة فراسها اما خوتها وباقي عائلتها معاقلاش عليهم فمرة حتى سميات هربو ليها حيت رجعو غريبين وغير معتادين على سميات للي موالفة دابا… بصوت مخنووق)
صافي سير حتى تكمل..
رشيد: عفاك مديريش فقلبك
زهرة: واخا رشيد…
(قطعت وبقات كتبكي شحاااااال…. ناضت دخلت للدوش توضات وخرجت كتصلي باش على الله يتفاجا قلبها وتمنات ربي يعطيها شي إشارة يعاونها فهاد الحيرة للي فيها..)
~~~~~~~~~~~~~
وفاء: (غير قرات ميساج ملاك خرجت عينها تبسمت ومشات للحمام دغيا، نسات حتى أنير للي حاضياه زعما، رجعت هزاتو مشات للحمام كتشوف وجهها فلمرايا حتى كيوسوس ليها الشيطان انها الفولار كبرها سمرها ورجعت خايبة وكبيرة ومجاش معاها فمرة وكتلعن الشيطان،
قدات غير العكر للي كدير ملاك قدات ماسكرا رشت بارفان مرة وحدة ورجعت خرجت دارت بناقص من شي مرايا حيت شحال ما طولت الشوفة فيها غير كتعقدها، جلست وقلبها كيضرب)
احم اويلي مالي أول مرة كنتلقا شي واحد!!!!
أنير: (كان كيتعصر ويشوف فيها مولفها بزااف)
وفاء: لا أنير لااااا متقولهاش صبر غير نص ساعة!!!
(كيزيد غير يتعصر ويحمااار بقات كتشوف فيه حتى يكمل)
كملت احبيبي!!!
أنير: (كيظحك) دادادا…
وفاء: ههه واخا فيك…
(هزت الصاك لكبير للي كيديرولو فيه تبديلة ليكوش حليب داكشي ديالو ودخلت لبلاصة المخصصة باش يبدلو لي بيبي بدلاتلو وهي كتمسحلو بلانجيت طوش عليها دار بيبي بقات غير مغمضة عينها للي جا فشالها للي جا فحوايجها!!!!)
يااااك أنيير يااااك!!!!
عمر: (دخل للقهوة كيقلب عليهم سول سرباية على شي وحدة معاها وليد صغير قالتلو كاينين لداخل دخل كيقلب بانتلو كتلبسو حوايجو شافتو وحنات عينها كانت ياله بغات ترش الفولار للي عمرت ليها بلما)
ختي انا برا نتسنا فيك على متكملي..
وفاء: حم واخا.. شكرا..
وصلو للدار دخل بيها وهي مسنودة عليه حيت فالطموبيل فاقت وبدا كيمشي المفعول ديال لادروك تماك عرفها راه رجعت لهادشي، دفعها على السدااري كلاتها فظهرها وزاد مفيقها مزيان
غيثة: اي.. (دارت يدها من مور ظهرها)
يوسف: دابا غتجمي شرااوطك باش تمشي معايا (دخلت مو)
الغالية: فين غتمشيو!!! (ضارت عند بنتها) ونتي صافي هادشي للي بغيتي نجيبك من عند داك الشمكار وفحضور خطييبك يا الحماارة؟!! واش باغية تسكتيلي القلب
غيثة: (مفاهمة والو) شنو واقع؟!
الغالية: شنو كنتي تديري فدار داك الݣرسيفية للي شرعت فمها وبدات تقول عليك لحوايج قباااح ولكن انا بغيت ربي يفرجني فيها ياااا ربي الحبيب الا مشويها فكبدتها كما باغيا تشويني عليك
يوسف: سكتينا من تخربيق الوالدة… فين كنتي نتي؟!
غيثة: انا… انا كنت مع اورطيغا
الغالية: هااااااا للي قلت
يوسف: (كيشوووف فيها محس حتى مشا عندها نتفها من شعرها كتغوت شادة فيدو موقفها وجمع معاها بطرشة حتى تجرحت بخاتمو فحنكها)
رجعتي تتضروݣاااي الكلبة!!!
الغالية: لا لا بنتي مديرهاش غتكون ديك بنت لحرام دالݣرسيفية للي عطاتها شي حاجة، تجمعو على بنتي حبيبتي وبغاو يقتلوها
يوسف: واش مزال تدافعي عليها ؟!! مزال مبغيتي توعاااي هاد الموصيبة للي حنا فيها؟؟!
الغالية: ونتا مزال تدافع على شمكار دلخلا
يوسف: مراد مشمكاارش مراد بميات راااجل وكان شي واحد غذار وكان راه استغل بنتك من زمااان
الغالية: اشوينيفيييه ميوصلش حتى اوسخ ظفر رجليها هو للي تيدور بيها ويجي يمثل عليك
اورطيغا: السيد مجاا حتى جات مو وكان فالدار غير ولد خالتو
الغالية: كذبو عليك
يوسف: شكون؟!!!! ادم للي كذب!! حيت هو بفمو للي قالي هادشي!!!
الغالية: لا لا شي حاجة كاينة ميمكنش بنتي تدير شي حاجة (كانت جالسة فالسداري دايرة يديها على وجهها كتبكي هي عاقلة كانت فدار اورطيغا صافي وشي لقطات حميمية يمكن مع ادم… براسها مبقات فاهمة والو!!!)
يوسف: انا غنعيط على المركز تمشي تعالج
الغالية: بغيت تخرج علينا بغيتي نرجعو شفااية للعديان وظحكة!! بغيتي تخرج على ختك؟!
غيثة: عفاك خويا لا
يوسف: (خرج عينو كيشوف فيها ممتيقش) بغيتيها ضيع!!!
الغالية: غادي نلقاو شي حل متعاودش تخرج
يوسف: منين تتشري نتي داكشي؟؟؟
غيثة: (مقدرتش تجااوب كيبغي يضربها كتوقف مها فالنص حتى هربت وطلعت لبيتها بجرا ومو شاداه ميلحقش عليها)
يوسف: راه غنديها بغيتي ولا كرهتي
الغالية: داك المركز هو للي متحطش بنتي رجليها فيه!! شكون قال عاد يزيدو يهبلوها ولا تمشي تقتل راسها لا لا لا منقدرش نفرط فيها واخا نعرف نخدم عليها عساس نتبعها ومنلوحهاش تماك!!!
أمينة: علاه مخليتنيش نوض لمها نتفها هي جاية داية بنتها من هنا مدوخة ونتا كتعيطلك الشمكار لا مزيان تبارك الله
اورطيغا: (ببرود) حتى نتي
أمينة: مزال كتݣولك الشمكار ؟!!
ملاك: علاش كتعيطلك الشمكار (شافتو شاف فمو وطرطقو كيظحكو.. تبسمت وشافت فامينة) علاش؟!
أمينة: واا هضر
اورطيغا: ماشي شي حاجة غير بلان دصغر وصاافي (شاف فمو باش تسكت)
أمينة: كليتي عليها ما كلا طبل داك نهار اولدي
اورطيغا: وصاافي هنينا الوالدة!!
ملاك: وا قول هه عفاك عفاااك..
اورطيغا: (حك رقبتو ورجع جالس طالق رجليه) كنت صغير
أمينة: اشمن صغير ونتا كنت طول مني
اورطيغا: واش محلفة علية… كنت صغير كان عقل صغر اما وكان بلانيت حاجة اخرى
أمينة: نجيبك واخا تݣطع شݣ لبحر لهييه
ملاك: ههه
اورطيغا: مهم، هربت ليهم كنت باغي نحرݣ حتى واحد مبغا يعطيني فلوس
أمينة: انا ؤحسابلي غير كيظحك معانا ماشي باغي يحرݣ بالصح وبالصح
اورطيغا: اواااا مبانتلي غير فالغالية، ݣريسيتها
ملاك: هههه وااايلي
اورطيغا: (مراضيش) عقل صغر وصافي
ملاك: نااري تخيلتها وفين؟!
اورطيغا: فالرياض (بقاو كيظحكو وهو غير كيشوف) يا صاااافي هنيونا!!
أمينة: ههه هكاك غتبقى متورخة عليك.. نوض نوجد اتاي
اورطيغا: سيري (مشات كظحك وقف باغي يمشي حدا ملاك للي اونفاص معاه وهي ترجع مو كان واقف فالنص)
أمينة: سير جيبلي شي حاجة من الباتيسري
اورطيغا: انا نعيط للولد يجيبها
ملاك: (زادت تحشمت) نجي نعاونك اخالتي؟!!
اورطيغا: ياك بيضة متتعرفيش تقليها!! سبحان الله جاتك لحداݣة غير هاد نهار
ملاك: (خرجت عينها فيه)
اورطيغا: سيري وكان سيري.. فيك غا تخراج العينين
أمينة: اجي ݣادنا ديك لبيتزا للي كديرلي تشهييتها
اورطيغا: لا
ملاك: (شافت فيه متبسمة هازة حواجبها وشاف فيها هاز حاجبو)
اورطيغا: غير على وجهك الوالدة
أمينة: على وجهي!! الله يمسخك.. (مشاو للكوزينة ومو شادة فيه لبس طابليتو ملاك مبعدة كتشوف بحب وكتبسم كفاش كيقاد لبااط للي كانت ديجا عاجناها مووقاد لاصوص طوماط دار الفرماج ولحبق والفطر من الفوق ودخلها الفران زول الطابلية ضار عندها قرس نفيها معمرها بطحين)
ملاك: وااا لاااا.. (مشات للحمام وتبعها كانت مو كتسخن المسمن ياله كتغسل نيفها جا هو مزاحم حداها كيغسل يدو كيشوفو بعضياتهم من لمرايا متبسمة)
مراد راه كنحشم هاكا!!
اورطيغا: انا بغيتك تولفي… (سمعت مو كتعيطلو) مزال باغيا هاد ختنا فالله تسكن معانا!!!
ملاك: ههه سير تكلملها…
يوسف: (خرج مجنن من تماك الغالية حلفات بكات وسخفت والو غيثة متمشيش لداك لمركز واخا تنطايق الأرض مع سما، كتقولو دفني وديها عيا يفهمها بالخاطر بلغوات واالو عصبااتو بزااف بقا فالجردة وااقف شحااااال وملقى حتى شي حل يديرو ومو واقفالوو فطريقو، خرج برا لقا ادم فطموبيلتو استغرب وخرج لاخر عندو)
شنو تدير نتا هنا؟!
ادم: (بعياء براسو حاير سااخط وحاااقد!!) خفت على غيثة!! شنو واقع معاها؟!
يوسف: هي كانت خرجت عندك؟! كانت معاك؟
ادم: اه مشينا لكافي جاها شي أبيل قالتلي صاحبتي بغاتني فشي حاجة مهمة، عييت ترغبها نوصلها مبغيتهاش تاخد تاكسيات اكترية كانت لابسة… مهم منين مقبلتش بغيت نتبعها حتى شفتها مشات لهاديك الدار.. مكنت عارف دار صاحبكم
يوسف: وعلاش تبعتها؟!
ادم: بصراحة ايوسف غيثة تبدلت معايا بزااف
يوسف: بحالاش؟؟
ادم: تنشك رجعت تتعاطا شي حاجة قبيحة من على شنو كانت تتاخد قبل وعاد رجعت عصبية بزاف وخفت تكون تتعرف شي وحد اخر
يوسف: اممم (شافو مكذبش من ناحية لادروݣ انا هوما باغييهم يتفارقو اليوم قبل غدا) نتا عارف صحابها جداد؟؟
ادم: متتوريني حتى شي وحدة معرفتش تنحس بيها قبلت هاد الخطوبة غير شكليا وصافي وانا هادشي للي بغيت نفهم من عندها
يوسف: (كيجبه ضريف ونية بزاااف لدرجة مشكوك فيها ولا اورطيغا خلاه يشك فيه) صافي غير سير هي دابا مزيان
ادم: مكرهتش نهضر معاها
يوسف: ماشي وقتو ادم من بعد هضرو وتفاهمو واش تكملو ولا لا ولكن مصاالحش
ادم: واخا يوسف.. بسلامة وكنعتاذر على التطفل ديالي هنا غير حيت انا كنت خايف عليها
يوسف: (حرك راسو باه متبعلو العين.. بغا يفهم غير علاش اورطيغا كيقول هاد ظرافات الزاايدة كيكون موراها وجه اااخر!! ولا مصلحة!! بقا واقف تماك لاخر تحرك بطموبيلتو.. صونا على خديجة كانت فالدار نسا راه كان داير معاها باش يخرجو)
حبيبة غير سمحيلي…
انا جاي دابا نفهمك علاش مجيتش..
بسلامة
(قطع ركب فطموبيلتو ديمارا مشا لدارو هبط يحط الطموبيل كيلقى طموبيلتها تماك نزل، اخر وجه يبغي يشوفو دابا ياله كيسدها خرجت من طموبيلتها جاية عندو وصوت الطالو كيتسمع ضار مكره)
شنو الياقوت؟!
الياقوت: بغيت نهضرو ايوسف!!! واش مباغيش تعرف الحقيقة خلاص؟؟
يوسف: اشمن حقيقة؟!
الياقوت: (قربتلو كتحلون) للي كذبت عليك فيها وخلاتنا مفارقين هادي عام.. انا متأكدة غير تعرف غرجعو اليوم قبل غدا
يوسف: (تبسم باستهزاء) لا مبغيتش ومتيهمنيش نعرف هاد الحقيقة.. احمد احمد
(جا عندو العساس للي معاهم فالعمارة… شير ليه بصبعو جيهتها)
انا هاد السيدة مبقيتش باغيها دخل عندي، انا مبقيتش تنتحمل مسؤوليتها الا قالت ليك جاية عند يوسف
(غير كتشوف فيه ممتيقاش)
ضبر راسك احمد مرة أخرى الا وقعت شي مشكل انا هادي متنعرفهاش..
(سد طموبيلتو بلكونطاكط ومشا للمصعد مخلي احمد كيخرجها بصواب وهي مصدومة فيه كفاش طردها وبحضور العساس!!!..)
اورطيغا: (مشا عند مو) شنو الوالدة شنووو!!! واش مغتخلينيش مركز شوية
أمينة: ههه الله يمسخك الجحموووم البنت راه أماانة عندي
اورطيغا: اشمن امانة ولا وديعة خليني م… راه بالريق باش تنشوفها
أمينة: (بفرحة كبيرة) اوا تزوجو دغيا
اورطيغا: (كيعيط) ملاك ملاااك (جات كدور عينها) فيك متزوجي دغيا!!
ملاك: هااء!!! ههه
أمينة: واش هاكا الناس تيهضرو
اورطيغا: واخا نفهموها ليك بشوية ملاك خاصها حتى ترصي بلاصتها فالخدمة عاد ديك الساعة نتزطمو ونغامرو معاها
ملاك: (نطقت) بالفرحات علييك
اورطيغا: (تبسم) بالعشق ماشي غير بالفرحة!!!
ملاك: (تبسمت جامعة ديك الابتسامة البلهاء ديال تفرنييس)
أمينة: الله يحفظكم من العين ويجمعكم ياربي فالقرييب سيرو كما فرحتوني هاد نهار الله يخليكم ديما فرحانين ويسهل عليكم
اورطيغا: امييين صافي بلا متحشميها راه هاد الجلسة هنا وجاتها عييب وحشوومة (شافت فيه ملاك بحب كانت بغاتهم يفهمو انها بالصح جاتها عيب واخا مرتاحة بزااف معاهم)
أمينة: انا بحال ماماك ابنتي معندك مناش تحشمي حتى وميكونش مراد اجي ونسيني الله يجيبك لينا على خيير وتكوني فوسطنا انا وهاد ليتيم
اورطيغا: اجي نوريك بيت اليتيم
أمينة: (شيرت بالمغرف للباب باش متجيش فيه) سير نتا تجيب السخرة ياله!!!
ملاك: هههه
اورطيغا: وصافي اصاحبتي خلينا غير جوج دقايق على منجمع حوايجي
ملاك: (حركت راسها بلا كتبسم) لا
اورطيغا: ياااك القزمة.. وقفي حدا لباب
أمينة: (صونا تيليفونها كانت زهرة وعارفة البلان شنو فيه) ياله سير دغيا متعطلش
ملاك: (حست بيها باغية تنفارد بهاد لابيل) انا نشوف تيليفوني!!
اورطيغا: (حسابلو باغيا تمشي معاه مشات وهو تابعها جرها من كتفها بغات تنتر جرها من قب ديال قبيتهاا بطريقة مظحكة، بقات حدا لباب مربعة يدها عيا يعيط ليها دخل وهي كتبسم وتحرك راسها بلا)
دخلي لمك
ملاك: وااصاافي..
اورطيغا: (حل لماريو كتشوف ماريوه كفاش مطوي مزيان وكتشوف فبيتو عجبها بزااف صباغة الزربية ترية النموسية وكوفوزاتها كولشي كان زويين عندو حتى كليما، بقا كيجمع حوايجو فصكادو ديالو)
فاش تتفكري؟!
ملاك: فوقاش يتجمعو حوايجي حوايجك فصاك واحد ونسافرو بجووج
اورطيغا: ههه هانا على شريميلة دياالي منين تتعبر على المشاااعير..
ملاك: هههه…
وفاء: (ركبت اللور حيت شادة أنير معطهاش خاطرها يبقى بوحدو اللور يطيح ولا توقع ليه شي حاجة.. طلع هو كيهضر مع مو قطع وشاف فيها من لمرايا ودغيا حنا عينو)
عمر: سمحيلي شديتك معايا
وفاء: لا.. لا ماشي مشكل نتا للي سمحلي صدعتك وجبتك حتى لهنا
عمر: مرحباااا ختي..
وفاء: (غير كيقولها ختي كتغوبش كتشوف فطريق وكتشوف فأنير للي كاين فحضنها)
عمر: شكون هداك لوليد خوك؟!
وفاء: (تبسمت واخيرا فتح معاها موضوع واخا ماأكدة انه عارف ماشي خوها)
بحال تقول خويا هو خو صاحبتي ولكن عزيييز عندي بزااف
عمر: الله يسخر فيه
وفاء: اميييييين (شافت فأنير) هو حنييين تبارك الله لقيت معاه واحد الراحة زوينة واخا بيبي صغير
(محست حتى بقات كتهضر اصلا من نهار قرا عليها القران وهي كتحلم بيه وباغياا غير تهضر معاه وتفتح قلبها)
ولكن كتحس بيه بحال كيفهمك وكيواسيك
عمر: (هز عينو فيها من لمرايا كيتصنت ليها)
وفاء: غير كنتخيل غنمشي نبعد عليه قلبي كيتزير
عمر: سبحان الله الوليدات راه ملائكة داكشي باش راكي تحسي معاه هكاك.. انا يحسابلي نتي ختهم
وفاء: لا.. مكرهتش يكونو خوتاتي عندي خوتاتي كبار ولكن فين لفين كنهضرو قليييل
عمر: نتي متݣطعيش معاهم صلة الرحم
وفاء: صراحة كنت قاطعاها معاهم، (كتفكر) قليل فين كنهضرو كل واحد فينا تبلى بمشاكيلو وعايش حياتو حتى من والدية كنهضرو يمكن مرة فالسمانة
عمر: لااااااا إلا الواليدين هرما ببراكتهم ربي مسخر لينا فشحال من حاجة
وفاء: ولكن هوما.. زعما مكنتفاهموش فشحال من حاجة
عمر: ولو!! حنا ولادهم نفهموهم بشوية منهزوش عينينا فيهم منغوتوش مع الوقت غيفهمونا
وفاء: صعيب اعمر دارنا يفهمو هادشي، من اللول كيخيروك بيم السخط ولا رضى فداكشي للي بغاو هوما وانا عارفة داكشي للي كيلوحوني فيه ما فيه حتى شوية ديال الخير لية.. راه شي حوايج مكيتقالوش وهوما مكيفهمووش
عمر: سمعيني اختي وفاء ربي سبحانه ݣال لينا نطيعو والدينا الا فحالة وحدة للي هي الشرك
وفاء: ولكن حتى زواج الا مكانش بالخاطر ربي مغيبغيش
عمر: (رجع شاف فيها وهي حنات عينها)
عندك الصح…
(وصلو محسش براسو شد معاها الهضرة طريق كاملة خرجت وهزت أنير جات تهز الصاك وهزو تبسمت سبقت قداامو عاد انتابه هي مكانتش دايرة الفولار ويمكن دابا دارتو فمرة حيت تاني مرة كيشوفها بيه…)
ملاك: (بقاو مجمعين وهي واقفة حدا باب بيتو مشا للكوزينة يشوف بيتزا ديالو وهي رجعت للصالون محتارم شعورها بالحشمة.. جلست حتى تدق لباب مشات حلات كانت وفاء وعمر دخلو، أمينة ناضت بقاو كيحطو الماكلة ناضت حتى ملاك كتعاون كان اورطيغا كيجمع داكشي ديالو حيت كيبغي يحط داكشي فبلاصتو باش ميبقاش يقلب رجعت ملاك لتماك تهز شبكة ديال الخبز كان حاني كيرد شي حاجة فلبلكار زرب وقف ودار يديه على البوطاجي دايرها فالوسط مفاجئها)
وااا مرااد
اورطيغا: (كيشوف غير فشنايفها حاني) مليييجة ديال مراد
ملاك: (ظحكها وتبسمت حانية راسها معنقة شبكة دالهبز للي ضاربة لكرشو)
اورطيغا: ملاك (عارفة الا هزت وجهها غيبوسها.. راه كتحس بأنفاسو كضرب فجبهتها)
وفاء: (دخلت مدرمة) احم سمحوولي (خرجت)
اورطيغا: (بقا فبلاصتو كيشوف فملاك للي كدفعو بداك الشبكة عاد رجع اللور شوية هي زربت هربت وهو بقا فبلاصتو عاض على شنافتو وعينيه كيلمعوو… مفهمش هاد المشاعر الفائضة واكترية منين جات معاه للدار وكانت مو حس بتريووو (trio) زويين هو وهي ومو…
رجع عندهم جلس دارو كاسكروط مجموعين عاجباهم بيتزا للي دار اورطيغا كملو فجو جموع والظحك ودعو أمينة للي فجاوها عليها… عاد هبطو باش يمشيو يوصلو لبنات لصفرو حتى عمر دار بلاصتو عند اورطيغا ومعندوش مشكلة يبقى معاه وعاد أمينة لي رغباتو يبقى معاه باش ميمشيش يقلب على ادم جيت شافتو قااني عليه ولا يلسقلو شي مشكل حيت مدخلتش ليها فكرة تبع غيثة هكاك ومعارفش ان هاد الدار ساكن فيه مراد..
اورطيغا بقا كيهضر مع ملاك بعيد عليهم حيت غيسافر هاد اليوماين حتى وقفت..)
ليلى: اورطيغا بغيتك واحد دقيقة..
ملاك: (طلعتها وهبطتها هازة حاجبها وشافت فمراد)
اورطيغا: واش متتعيايش؟!!!
ليلى: خاص نهضر معاك فموضوع مهم تعرف بزاف دلحوايج على غي..
اورطيغا: واش شي حد مسلطك علية؟!
ليلى: اورطيغا نساو هاديك الليلة شوية ونهضرو فموضوع مهم راه حياة تنشوفها تضييع!!!
اورطيغا: (بطرف عينو شاف فملاك للي مخرجة عينها من كلمة الليلة هوما هادشي للي سمعو بجوج)
شوفي خليني جونتي ولا غنتعرا على **** دمك هنا وق**** من هنا ونساي هاد السيكتور
ليلى: (شافت فملاك) انا عارفة هادي ه…
ملاك: كفاش هادي اش بيني وبينك اصلا باش تجبديني على لساانك
ليلى: بشوية عليك حنا غير تنهضرو
ملاك: (بعصبية) متهضرينيش معايا بينك وبينو انا متجبدينيش على فمك كفاش انا عارفة هادي!!!
ليلى: واش نتي صاڤاپا!! تيبانلي معارفاش معامن تتهضري متتعرفيش بابا شكون ؟!
ملاك: وانا مالي شكون هو باك؟! سيري سولي مك شكون هو باك توريهلك!!!
(ظحك مراد بالجهد.. شافت فيه معصبة)
مفهمتكش نتا منين كطيح على هاد لبريكولات الحامضين!!!
(مشات كتزرب طلعت للطموبيل كترجف وتسب)
اورطيغا: (بقا كيلعب بلسانو فوسط مو كيتبسم متبع ملاك ضار عند لوخرا وباقي كيتبسم)
ليلى مرة جاية تباني عندي غنخلي ݣزارة فاس كاملين ي**** مك حتى يردوهااالك ****.. (ببرود وابتسامة مستفزة) سيري فحااالك من هنا… نساي انا وياك جمعتنا حتى ق*** صافي شفتك بغيتك ديك سويعة وطااار داكشي..
(داير يديه فجيابو باقي كيظحك على هضور ملاك محاولش يهضر معاها حيت عارفها فاش كتكون شاعلة غتفرݣع عليه ويصدقوو مرونينها على حاجة متستاهلش، ركبو لوخرين وشدو طريق نيشان لصفرو…)
اورطيغا: (كانت سكتت من غير صوت أنير كيلعب اما هو حاضيها من لمرايا مرة مرة كيتبسم على الكلاش للي عطات ليلى مطيحلوش على البال تجاوب داك لجواب!!!
وهنا بعدا باش كتعجبو مكتبقاش عندها وتفقس لا عاجيو كفاش كتوقف على حقها وترد ومتبينش للناس انها ضعيفة وساهلة طلعيها عليها!! كان هاد نهار داز عندو زوين واخا عارف تقليقتها خاايبة ولكن راه علاقتهم ماشية فالاتجاه للي باغي..
صونا عليه شريف للي كان جا عندو المحال)
انا بعيد شوية…
شي غراض!! واش هضرت مع يوسف..
معاك!!.. صافي نكمل شي شغيييل ونلاح عندكم..
واخ (قطع وشاف فعمر)
معاش ديبار غدا
عمر: نمشيو بكري باش نلحݣو نهارنا من اللول ونوصلو ان شاء الله فنوبتنا تماك
اورطيغا: صافي مزيااانة انا نقضي شي لعيبة ونجي عندك للدار..
(وصلو لصفرو ولبلاصة فين حاطة طموبيلتها خرجت هي اللولة وزدحت لباب كتعصبو خرج متبعها)
ديييها معاك..
(مشات لطموبيلتها باينة كااعية وهو من موراها)
مرة جاية نعلق ليك ريدو تماك
ملاك: الا كانت المرة الجاية (طلعت لطموبيلتها)
اورطيغا: غتكون بالسيف على اصل جد أمك اداك البونت
ملاك: دابا تشوف
اورطيغا: شغااانشووف… (حنا لسرجمها) راك فاهمة كولشي وحاضرة بعينيك عليه متستاهلش هاد التقليقة عليه
ملاك: (خنزرت فيه ديمارات حنا شد لڤولون) طلق
اورطيغا: مغتسنايش وفا؟؟
ملاك: (بعصبية) وفااااااء طلقي راسك
وفاء: (تبسمت هازة أنير شافت فعمر للي بقا جالس وهي برا)
هادو ديما هاكا متديش عليهم
عمر: (تبسم) هادي هي الحياة
وفاء: بسلامة وطريق السلامة لغدا بون ڤواياج
عمر: الله يسلمك اختي
وفاء: (بقات متبسمة هزت صاك أنير وفنفسها)
يخويلك جناااب… تصاحبنا بكري!!!
اورطيغا: أبلا غوات ابناادم
ملاك: مراد بعدني هاد الساعة
اورطيغا: (وقف مبعد) ها هوااا (مع ركبت وفاء زادت بالطموبيل ومع صݣوعيتها دازت قريبة لطموبيلة اورطيغا للي نجرتها من اللور شوية طرطق عيينو وهي وقفت وخرجت راسها من بلاصتها ياله جاي جيهتها كتشوفو مخيخ)
واش حاط طموبيلتك فوس طريقي كفاش غندووز أنا؟!!
(دغيا رجعت راسها وزربت مكملة طريق.. بقا غير واقف كيشوف وصوت ظحك عمر مجهد مشا شاف ديك النجرة للي بحال نجرتها فقلبو معندو ميدير!!!
ركب فطموبيلتو كيشوف فولد خالتو ميت بالظحك على ردة فعل ملاك)
ياله شتي على عييينك وعاد مسبقة الجبهة… فيها متر دايرة فية خبلة!!!
زهرة: (فهمت ان غير باها وشي ولاد خوتها للي بغاو يشوفوها أما خوتها ومها مبغاوش ومقابلينهاش اصلا ممعتارفينش عندهم أخت وبنت ساكنة فالمغرب وعاد #مسلمة!!
من بعد مهضرت مع أمينة وخوات للي فقلبها حست براسها خفافت شوية عاد وقفة رشيد معاها… كانت بغات تقولها انها بغات ملاك لولدها وعاجباها بنتها تفاتحها جزئيا فالموضوع ولكن الوقت مكانش ملائم وخصوصا زهرة كان باين فيها الحزن بزاااف،
اما رشيد كان راجع من صويرة داير معاهم الوقيتة للي غيوليو يتلقاو فيها حيت غير غير شي أيام وغيدخلو المغرب..
سمعت الهرج كانت بنتها ملاك وصاحبتها جاو مسحت وجهها كتستغفر الله وخرجت من بيتها للي ضلت فيه تقريبا نهار كاامل)
تعطلتو شوية الغزالات!!!
ملاك: غير شوية وصافي، انا ندخل نبدل (دخلت لبيتها سدت لباب)
واش حتى هاد زمر كان مصاحب حتى مع هادي!!!! حت من زماݣرية مفلتهاش!!! كنت حاسة بيناتهم شي حاجة!!! بففف واش هاد ايخان مخلا حتى وحدة؟!!!؟
(تفكرت شنو دارتلو فطموبيلتو)
اوا صافي غير خبيشات صغار… ناااري ولد لحرام كيتصاحب غير مع طوالات والزووعر!!!
ولكن راه صدرها قدامي!! ياكما غير قدامي وصافي ورجع عندها؟!! ياكما هي للي صونات قبيلة ماشي شرييف!!!
(جلست مفقوسة هي كتعتابرو ديالها الا كان شي ماضي خاصو يتدفن ماشي يبقى تابعهم, هي هاكا نفسها عزيييزة معندهاش مع زحاام واورطيغا مغتخليه حتى لشي وحدة الا كان بالصح متشبت بيها!! ݣاع نهار زوين للي داز ضيعاتو هاديك للي جات عندو!! هزت تيليفونها)
بففف ومزال مصونا علية يرغبني!!!
~~~~~~~~~~~
الغالية: (شبعت بكا مزيااان فبيتها مخلية الخدامة حاضية بيت غيثة باش متخرجش هادشي للي وقع حتى أقرب المقربين للي هي ختها متقدرش تعاود ليها وتخوي قلبها عليها!! تلفت شنو دير هي مستحيل تخلي بنتها تمشي للمركز مع شماكرية والمدمنين وبغاتها تبرا والحل لي وصلات ليها فراسها هو تمنعها من الخروج وتعجل العرس منين تعرفها راه مبقات كدير والو هادشي الا قبل بيها ادم وبغا يكمل معاها حيت حضر وشاف كولشي وراس كيقولها خاصها تلغي هاد الخطوبة حيت واخا يبغي يتزوجها ممكن يعاير بنتها شي نهار باورطيغا راه خرجها من دارو مكيهمش يكون ولا ميكونش مدام مشات الا موالفاها… وعاد تزيد تعقد حااارت ومعرفت مدير صونات على يوسف يشوفو شي حل اخر من غير المركز الا صلاح شي طبيب هو يجي عندهم للدار ويداويها!!!)
يوسف: معرفت الوالدة مفهمتش علاش ميبسة راسك راه لبنت تضيييع قدامنا ونتي خايفة من البشري
الغالية: (كتبكي) وشنو المعموول؟!
يوسف: (تنهد كيحاول يشد معاها بالعقل) راه قلت ليك الوالدة غيثة خاصها تمشي للمركز راه حصلتها وهضرت معاها المرة اللولة بالعقل واخا هكاك عاودتها ووعلم الله شحال من مرة!!! من التالي هي مغتعالجش فالدار خاص تداوا عند اهل الاختصاص
الغالية: لا لا لااا منقدرش اولدي، منقدرش نفرط فبنتي..
يوسف: يكوون خير الواااالدة..!!!
يتبع
التعليقات 0