دوزات لغالية هي وشيماء نهار كامل فتقدية او مراجعات كل وحدة فيهم لدار تال جوايه لعيشة ، دخلات لدار هازة فيديها شي سشيات دازت على لحاجة او صفية بلاما تحاشيها ليهوم ݣاع او طلعات لبيتها لاقية إكسيل كيقيد شي حوايج فدفتار تاع لحساب
لغالية : رجعتي بكري
اكسيل : وقعات شي روينة وصدقنا سادين لحوانت بكري
لغالية : (دخلات تبدل عليها) شنو وقع
اكسيل : واحد لمضاربة
لغالية : (لبسات عليها لاپيجامة بزربة او خرجات عندو) مضاربة ؟ شكون دابز ؟ او علاش ؟ لبوليس دخلو ؟
اكسيل : هادا كامل فضول فيك
لغالية : دوي دوي راه شحال هادي محضرت لشي مضاربة ولا صداع
اكسيل : تموتي فصداعات
لغالية : خليك مني دبا وقول ليا شكون دابز
اكسيل : وغا شي شماكرية بيناتهوم واحد شاف ختو كيتبسل عليها شي حد ناض سلخو داك لي تسلخ جاب خوه او لاخر تا هو جاب خوه شي جاب شي تا ولاو رباعة مضاربة معا رباعة لي عندو شي جنوية جابها ولي معندوش عاون بلحجر تا جات صطافيط جمعاتنا كاملين
لغالية : جمعاتكوم كاملين ؟ نتا شدخلك
اكسيل : من زهر جدي مشيت نعاون داك لݣزار فتݣراض لحم سمعت صداع خفت ليكون شي واحد من دراري لي مقابلين لحانوت لي دابز ، ديك لخرجة لي خرجت كانت جنوية باقة فيدي او طابلية عامرة دم لبوليس غا شافوني قالو هادا بالا بشي حد جمعوني معاهوم
لغالية : (تفرشخات عليه بضحك) ههههههههه واع امي كرشي ههههههههه ولكن لحق ايتقال عندك السيفة تاعهوم
اكسيل : ضحكي ضحكي نتي معامن جات
لغالية : ايوا كي درتي تا فكيتيها
اكسيل : جا لݣزار قال ليهوم هادا معايا عاد طلقوني
لغالية : ايوا على سلامتك فلتي ايما كانو غيسميو عليا مراة لحباس
اكسيل : ههههه معامن خرجتي ؟
لغالية : معا شيماء كان خاصها تشري شي حوايج
اكسيل : ونتي شريتي شي حاجة ؟
لغالية : واه بلاتي ، غنوريك شنو شريت (مشات دخلات لبيت تبدال او هزات دوك ساشيات لي شرات او داتهوم ليه) مشريتش بزاف عندك هاد الصاية او هاد لكسوة او واحد جوج سبابط لقيتهوم بستمية لواحد ، او هاد لخلخال تاع لفخض
اكسيل : خلخال تاع لفخض ؟
لغالية : واه كيتلبس لفخض معا لكسوات لي فيهوم لفتحات والصين تال لفخض كيدير ديكر زوين ، او هادا كيدار لكرش خلخال تاع لكرش زعما
اكسيل : موحال واش ايجيو معاك
لغالية : (فقصها ) شنو قلتي ؟ ميجيوش معايا ؟ باش شفتيهوم دوي ؟
اكسيل : انا غا قلت جيبي نركبو ليك او تشوفي براسك
لغالية : (على نيتها نصلات لپيجامة تا بقات غا بصدرية او سليپ ، دارت رجليها على فخضو باش اركب ليها لخلخال لفخض ، او دارت هي لخلخال لكرشها) شفتي جاو…..
اكسيل : (سد ليها لخلخال لفخض او قرب عندها بايسها جيهة لفخض)
لغالية : ليا لغدر بدا باقي مابغيتي تحيد منك هاد طبيعة
اكسيل : (جارها لعدنو مݣلسها فوقو او يديه كدوز على لحجر لي فلخلخال) ونتي هاد لكلاخ مابغاش ايفوتك
لغالية : انا لي مكلخة ولا نتا لي شلاهبي أدوي
اكسيل : (خشا راسو فعنقها كيضحك) شويا من عندي شويا من عندك
لغالية : (ضارت عندو باغة تحيد ليه توني)
اكسيل : غا خلي توني لحاجة اتعيط عليا
لغالية : وايلي شغتبغي فيك لحاجة فهاد ليل حيد حيد
اكسيل : نتخاطرو عليها ؟
لغالية : علاياش نتخاطرو فلوس
اكسيل : غنتخاطرو على داك لݣورميط ديالك
لغالية : (تايقة فمخها) صافي مشات
اكسيل : (حيد توني ديالو او قربها لعندو باغي يبوسها تا تسمع دقان فلباب)
لحاجة : اكسيل وا اكسيل
لغالية : (جاتها الساكتة)
اكسيل : واتي زهري ونا عارفو (رجع لبس التوني ديالو او ناضا اخرج عند مو)
لغالية : (ملي شافتو خرج عند لحاجة جاتها لبكية) دبا شنو عواض منتكوا فتقبتي تكويت فلݣورميط تاعي ، سيري يا لحاجة شبغيتلك غا كوية لفجر ناس تصلي ونتي توحوحي معا لمودن تفو تريكة لحرمان
ناضت بتفنطيز لبسات پيجامتها او هزات لپيسي ديالها لاقية فؤاد مسيفط ليها واحد لإيمايل كاتبة كامل بلفرونسي “راجعي هاد لملف او عاودي تحققي من لحسابات لي فيه”
لغالية : كنتي ناقصني غا نتا كاتب ليا جريدة بلفرونسي عمر جدك عرف لعربية
اكسيل : (بقا شحال كيدوي معا لحاجة عاد رجع عند لغالية) جاتك شي خدمة
لغالية : واه ، شبغاتك لحاجة ؟
اكسيل : راك عارفة لحاجة معجبهاش لحال حيت تزوج علاء بشيماء حقا كانت دوات معا شي ناس على شي بنت او مجاتش تخوي بيهوم شضهر ليك نخطبوها لمجد
لغالية : الله يهدي لحاجة ، ونتا شقلتي ليها
اكسيل : شغنقول ليها من غير انو دري حاط عينيه على وحدة خرى
لغالية : غا عينيه لي حاط ههههه
اكسيل : من زهر علاء لقا مو وباه ممعكسينش ليه
لغالية : دويتي معا علاء فهاد ليامات
اكسيل : دوا معايا هو
لغالية : لاباس تا سول ولا غا توحشك او سول
اكسيل : صونا عليا حيت بغا شيماء دير زيف ولكن هي باقي مبغات ديرو
لغالية : او باش جاوبتيه نتا
اكسيل : باش غنجاوبو متلا قلت ليه احاول يقنعها اما داك شدات ضد مينفعوش فديك الجيهة
لغالية : قالت ها ليا شيماء ليوم ولكن مطولناش فلموضوع ، كيما قلتي خاصو يقنعها تخاف افرضو عليها اوملي ديرو ليوم ولا غدا تحيدو اللهم احببها فيه تا ديرو راسها للي خلقها او منها نيت دير لخاطر تال راجلها
اكسيل : نتي درتي زيف حيت بغيتي ولا على حساب باك
لغالية : معرفتش منين كنت لواليد مكانش كيخليني نلبس لي بغيت سوا فدار سوا فبرا ديما حوايج كبار عليا او تا شعري سفنجة هههههه ملي شديت تاسعة بدات لوليدة كتلبسني الزيف تا ولا عندي زيف غا كستيل تاع لباس اوصاف ، اوملي وصلت تامنة كنت قريت واحد لكتاب ديني تذكر فيه لحجاب او بلي ربي فارضو على لبنات لأسباب او بلي فدين كتعتابر لبنت شي حاجة قيمة او لحجاب نوع من لحماية ليها او لعز لذاتها عاد بديت ديك ساعة كنفهم ديك حرام لبنت تعري على شعرها ، او تما حسيت بلي كنستر راسي حيت ربي لي بغاني نسترو ماشي حيت با بغاني نغطي راسي باش منخرجش طريق
اكسيل : كون مقريتيش داك لكتاب كنتي اتبقاي دايرة الزيف ؟
لغالية : ابدا انا كنت كنتخايل راسي مابقيتش عايشة معاهوم ، غنحيد الزيف او نلبس مابغيت هههههه هادي هي مشكلتنا لواحد ملي كيجي اقنع بنتو بزيف كيفرضو عليها كيضربها عليه ولكن مكيحببوش ليها ، بالنسبة ليا ماهو ديني خاصنا نبغيوه من قلبنا باش نقدرو نعطيو فيه او نكونو مرتاحين او حنا دايرينو ، وإلا غتكونو بحال دوك لبنات لي كيشرط عليها راجلها الزيف او باش تزوج كدير زيف ليوم ولا غدا ملي كيطالقو كتعري على شعر حيت من لول دارتو غا باش تزوج ماشي حيت مفروض عليها دينيا
اكسيل : علاء ديك نغزة تاع لغيرة شاداه ماباغيهاش تعري على شعرها
لغالية : من حقو كيبقا راجلها او حيت راجلها خاصو ايعاونها تقتانع ، حيت فلخر راه الزيف مفروض بحال صلى ، نتا لواحد لي كيصلي غا حيت خايف من باه اسلخو صلاتو دايزة ؟ فين هي النية ديك الساعة ، قوليه امشي معاها بلخاطر راها هي براسها باغة ديرو خاص غالي ازعمها
اكسيل : ههههههه ديك لقضية تاع صلى فكراتني فلحرايمي تاع مجد او جود كانو ديك ساعة واحد فيهوم عندو 10 سنين او لاخر 11 رعام ، ايوا الالة كنت كنحاول معاهوم باش اولفو صلى من صغر ملي جا خويا عزيز قالي شمن بشوي قرصهوم او شوف الى ميبداو اصليو قلت ليه نعطيك سيمانة جرب معاهم نتا وشوف، ايوا سيد خلعهوم بلي غيعصيهوم الى مصلاوش ، ونتي كتشوفي ليك مجد خارج فازݣ باين بلي توضا كيصلي او جود تا هو كيصلي حداه سيمانة على قدها وعزيز داير ليا فيها فقيه او ها كيفاش كنربيو دراري على صلى ، ونا ولادي ونا عارفهوم ديك صلى مدخلاتش ليا لراسي ، تال واحد نهار سمعتهوم كيݣرو لبعضياتهوم ، مجد الالة كيتوضا او يدير راسو كيصلي او هوا غا كيتحنا ميقرى قرآن ميسبح تشوفي سيد تحلفي عليه بلي مصلي بلبقرة ، ويلى لعتروس تاع جود كيبزݣ راسو زعما راه توضا او يمشي يصلي او يقرا القران لموهبم صلى دايزها لكلام ولكن بلى وضو عزيز خويا ملي عرف قرب احيد حوايجو بلفقصة هههه (فخباركوم هادشي لي مجد او جود كانو كيديروه هاد رعدة لي معاكوم هادشي لي كانت كدير فصغرها ياربي تسمح ليا غا هوا انا كان قاسح ليا الراس او كنشد ضد ملي ابززو عليا صلى كندير بحال هاكدا زعما راني جبتها فيهوم ونا فكغي فاش جبتها عقل صغر ، ولكن متخافوش هداني الله هههههههه)
لغالية : (طاحت لأرض بضحك) هههههههه وامي كرشي على فعايل ، شتي ملي باقي عايش حمد الله
اكسيل : دويتي معا دراري ليوم ؟
لغالية : لا قالو ليا معندهومش ريزو
اكسيل : ساليتي لخدمة ؟
لغالية : وأخيرا ساليتها
اكسيل : معاياش داخلة غدا ؟
لغالية : سبعة نكون تما كي ديما
اكسيل : نوصلك
لغالية : واه باش دوز لجامعة تجيب ليا شي دوروس صافي
اكسيل : واخة
لغالية : انوض دبا نعس عييت او تابعني لفياق بكري
اكسيل : (باسها من فمها) تصبحي على خير
لغالية : نتا مغتمشيش تنعس ؟
اكسيل : باقي شوية
لغالية : نونسك ازين
اكسيل : سيري تنعسي نتي وتوناس ديالك سيري
لغالية : معارفش بحق نعمة والله هادا مابقاك تما حاصل فدوك لوراق اللعنة ديالي غتحل عليك
اكسيل : (شير عليها بلوسادة) سيري تنعسي باركة من دراما
لغالية : متبغيش لواحد اخلق معاك لجو تاع داراما والو
اكسيل : باركة عليا غا هاد دراما لي عايش معاك
لغالية : او مالك شكون بحالك ايلى جاو ايديرو عنا فليم الجميلة ولوحش تجي معانا ، ولا عرفتي نسميو لفيلم الشايب بفلوسو آرا داك الراس نبوسو هههههههه
اكسيل : هههه شداتك لحالة عاود
لغالية : هاني هاني غادة نعس غا ضاحكة
#عند دراري#
بقاو فلقيطون تال جوايه لعاصر ملي بردات ليهوم الشمس عاد خرجو اغطسو فلما صباح لبسات لكيطمة تاع لعومان فحين محسن لبس عليه غي الشورط بحال جود او مجد اما يسمين فلبسات ليها توني معا سروال حيت مكانتش غتعوم
مجد : (دخل على غزلان ايشوفها فين تعطلات تا لقا السيدة ضاربة ليه لمايو) شهاد شي لابسة ؟
غزلان : لحوايز ثاع لعومان {لحوايج تاع لعومان}
صباح : مجد فين تعطلتي ؟
مجد : غا سبقوني انهز لپاراسول او نجي
صباح : صافي هاحنا سابقينك للتحت
غزلان : يالاه هز لپاراثول باث نمثيو {يالاه هز لپاراسول باش نمشيو}
مجد : كطنزي عليا لا فين غتمشي بهادشي لي لابسة أدوي ، عرفتي شنو غا حيدي تا هاد لمايو لي لابسة نشوف اويشوفو معايا ناس صافي
غزلان : اويلا لا حثومة {حشومة}
مجد : تا حلفي تا حشومة مفخباريش واش باغة تسطيني نتي هادو حوايج تلبسهوم بنت قريبة تزوج ادوي لا أصلن واش هادو حوايج تلبسهوم لبنت فزنقا (قرب عندها كيحاول يقنعها غا بشوي) هانتي هاد لحوايج لبسيهوم ملي نكون غا انا وياك راس فراس او نمشيو لاپيسين لي نكونو فيه غا حنا طبعا بعدما نتزوجو
غزلان : (سيدة ستحلات تعنيقة لي داير ليها) وعلاث زعما {وعلاش زعما ؟}
مجد : (سيد شاد راسو غا بزز عينيه لا شعوريا كيدورو على عنقها او يديها كانت رقيقة او لعضام تاع كتافها عاد مباينين كتر ، قرب عندها تا تخالطو أنفاسهوم) حيت نتي حبيبتي انا مخلص تا واحد ايشوف فيك او يشوف فصحتك
غزلان : (أول مرة تزعم عليه او تاخد لمبادرة تهزات على صبعان رجليها او باستو من فمو ولكن بزربة حيدات)
مجد : آهيا لكافرة بالله منهار عرفتك ونا فلحرام غارق موحال نعاود نحلم بجنة أصݣعة (مابقاش قاد اشد راسو او زاد قرب عندها دامج شفايفهوم فقبلة)
غزلان : (فداك لول كانت مسايراه او مدورة يديها على عنقو ولكن حدو دخل لسانو اوسط فمها جاها فشكل فايت باسو بعضياتهوم ولكن عمرهوم تعمقو فيها بحال هاكدا)
مجد : (سيد مابقاش عندو لفرانات نزل راسو لعنقها كيبوسو ليها او فنفس لوقت يديه كانو كيتساراو على صحتها)
غزلان : (ملي نزل لعنقها كيبوسو تسمرات شافت سيد ايزيد شوية اتكيها لأرض) مجد حبث {حبس}
مجد : (ملي عيطات عليه عاد ضرباتو لفيقة او بعد عليها ، ودنيها ولاو حمرين حشم من داكشي لي دار ليها) ل.لبسي حوايجك انا كنتسناك برا
غزلان : (هز لپاراسول او خرج لبرا فحين عليا لبسات عليها توني بحال تاع لباش او دارت معاه سروال تاع لعسكر واسع او خرجات عندو) نمثيو {نمشيو}
مجد : يالاه
هبطو بجوج عند دراري لاقينهوم داخلين لما من غير ياسمين لي ݣالسة كتشمش
ياسمين : على سلامتك كنتي كتصنع داك لپاراسول ؟ شمس ضراتني فراسي
مجد : سامحاس هاني أنقاد ليك فين تݣلسي صافي
ياسمين : (قاد ليها ضليلة اومشا غطس فلما هو وغزلان)
محسن : (مشا كيعوم حدا مجد) جدك فين تعطلتي مافيك تيقة
مجد : هنينا نتا كنتسنا غا يدوز عرسك او نمشي نضرب لكحل فلبيض تا انا
محسن : مالك زربان ياكما تقبتيها اولد لحرام
مجد : بنت ليك شنيول هنينا
غزلان : ياثمين مغثجيث ثعوم ؟ {ياسمين مغتجيش تعوم}
جود : مكتعرفش تعوم
ياسمين : (بقات ݣالسة تما كتمنضر او تصور ، بان ليها كولشي مشا بعد فلعومان فحين جود بقا قريب شوي)
جود : (مابغاش ابعد باش يبقا حاضي ياسمين ليجي عندها شي واحد)
ياسمين : (كانت ݣالسة تا حسات بشي حد وقف عليها كان يسحاب ليها جود تا سمعات صوتو لاقياه دري طويل او مفورمي زعر كانت لكليكة ديالو ݣالسة بعيد عليهوم غا بشوي)
دري : واش يمكن ليك تسلفيني طيليفونك خاصني ندير واحد لمكالمة ضاروري
ياسمين : معنديش الصولد او تا ريزو موحال اشد ليك هنا
دري : نتي منهنا ؟
ياسمين : لا
دري : كنت عارف بلي راك ماشي منهنا (مد ليها يديه) انا توفيق ونتي
جود : (غا شافو واقف عليها دار عومة لحوتة خارج عندهوم شد ليد لدري كيسلم عليه) ونا جود راجلها متشرفين اسي توفيق
توفيق : (ملي عرفها مزوجة مالقا ميقول) متشرفين خليتكوم على خير
جود : (كيعوج فيه معصب) خليتكوم على خير شبغا عندك
ياسمين : راه باين شباغي سيد جا يتعرف عجبتو
جود : عاجبك لحال
ياسمين : ماشي شيحاجة جديدة عليا باش يعجبني لحال ، او زيدون بما اننا طلقنا خاصني نضبر على مخي أولا ؟
جود : (حيد ليها طيليفون خباه فساكاضو او هزها دايها معاه لما)
ياسمين : شكادير واش تسطيتي ؟ راني مكنعرفش نعوم
جود : مكتعرفيش تعومي او كتغرقي ناس فزعطة
ياسمين : جود بلا هاد الضحك لباسل ديالك
جود : (دار بحالا مسمعهاش او مشا تلاح فلما غارق)
ياسمين : (شدات فيه شدت لعما فضلمة ، شهقات معنقاه) مبلانش
جود : (شافها كيفاش شادة فيها حوايجها لصقو عليها كاملها كتقطر ، عنقها بيد او ليد لوخرة كان كيضرب فيها فلما)
ياسمين : رضني ماباغاش نبقا هنا
جود : (زاد دخل بيها لداخل) لا مابغيتش
ياسمين : باركة من سيارة اجود اورضني
جود : باغة ترجعي رجعي شكون شدك
ياسمين : كطنز عليا فين كنعرف نعوم انا بعدا
جود : ملي مكتعرفيش اذن تا ترشق ليا او نرجعك ، احقا كنت بغيت نقول ليك واحد لحاجة
ياسمين : (دورات وجها عليه) مابغيت نسمع والو
جود : (زيرها معاه كتر من لول) دوك لوراق تاع طلاق لي سنيتي
ياسمين : باقي خاصني نسني فشي قنة من غير دوك فاش سنيت
جود : خاص لي يسني لجدك فصحة سانية لسيد فوراق طلاقو ضاربي لخير سيد تصالح معا مرتو مابقاش محتاجهوم ايما خلات عليا
ياسمين : شمن سيد
جود : انا لي خاصني نسولك لاش سانيا فوراق مافيهوم تا سميتك
ياسمين : شوف علامن تضحك بديك لهضرة دوك لوراق ديال طلاقها تبقا تفهم عليا
جود : وراق طلاقنا اوكاتبهوم بلفرونسي مزوج ليا ماكرون ، دوك لوراق تاع واحد عشيري مزوج فرانسا جا عندي لرباط او نساهوم كان خاصني نتسنا تا يرجع عندهوم ولقيتك بلفهامة لي فيك مسينياهوم ماقربتيش السمية
ياسمين : (نزلات عليها لفضيحة او مرضاتش منو ملي شافت لوراق قرات غا لفوق لقات تما مكتوبة وثيقة الطلاق بلفرونسي ، او باش متبانش مدمدمة قالت تسنيهوم زعما راني قريتهوم او كنطير فلفرونسي) راني عارفاهوم ماشي ديالك غا عجبني لوراق فاش مكتوبين او سميت فيهوم لوراق تاع فرانسا رطبين على دياولنا
جود : واه عجبوك لوراق او سنيتيهوم تيقتك
ياسمين : دبا بنت ليك كنكدب ولا مكلخة فلفرونسي
جود : لا حاشا تا عطيني شرح تاع هاد لجملة
ياسمين : (زربات عليه قبل تا مينطق لجملة) ماتقولش فاش كنكون فلما كتلف ليا لفرونسي
جود : امسكينة عندك طغاداكسو تاع مخك مكيخدمش فلما
ياسمين : بحال هاكداك خرجني دبا من لما راه لحبوب مخاصهومش افزݣو ليا
جود : شمن حبوب
ياسمين : لحبوب لي خرجو فيا بمسبة ديك لحارة لي درتي فداك طاجين لبارح
جود : (شاف ليها جيهة لعنق لقا شي حبوب منبلين ليها تما اودايرين نفاخات دلما) ملي تخرجي قولي لغزلان تعطيك دهني من لبوماضة لي عندها تا هي خرجولها هاد صباح شي حبوب بحال هادو
ياسمين : (آخيرا جود خرجها من لما ولكن ماشي نهائيا حطها فوق لحجرة مخلي رجليها مدليين فلما او مشا كيعوم هوا ، هزات راسها كتمنضر تا قشعات واحد جوج بنات كانو كيعومو او عينيهوم على جود ، وحدة فيهوم حدها شافتو كيشوف جيهتهوم بدات كدير راسها كتغرق فحين صحبتها بعدات عليها)
جود : (كان كيعوم معليه ما بيه تا سمع شي وحدة كتبقبق غاف لتكون ياسمين ملي شاف لقا بنت بوحدها كتغرق او صاحبتها خارجة لما او كتعيط عليهوم اعتقوها ، ماعطاتوش خاطرو اخلي شي حد كيموت قدامو بلاما يعتقو هوا يمشي يقصدها)
ياسمين : (حضرات لفيلم من لول شافت سي جود مشا يعتق لبنت او لبنت لقات شباغات نيت عنقاتو زعما باش مغرقش ، ايوا شديها هي طرطق عقداتهوم وبقات غا كتشوف)
جود : (حس يابنت سخفات بين يديه خرجها لعند صحبتها)
صحبتها : (عايشة الدور) يسرى فيقي يسرى واقلة تخنقات بلما خاصها تنفس اصطناعي
ياسمين : (غا شافتو خرجها من لما مشات كتجري عندهوم او متوصل غاعلى جملة ديك خيتي) تنفس اصطناعي عندي فيلم هندي مكاين لا اصطناعي لا قبلة لحياة انا انفيقها ليكوم (ݣلسات على ركابيها او بدات كطرش فيها وحدة مور وحدة)
جود : (مفهم تا لعبة واش كتفيقها ولا كتسلخها حيت شافها كتهز يديها تال سما او تنزل عليها حناك لبنت ولاو حمرين او مطبعين)
لبنت : (بقات صابرة صابرة تا عيات هي تحل عينيها) بارك راني فقت
ياسمين : (عاودات صرفقاتها) سمحي ليا يدي تطلقات ، على سلامتك ملي فقتي كونما راجلي معا لأسف بغيت نقول لحسن لحض جبدك من لما كون راك متي
صحبتها : شكرا او سمح لينا يسرى نوضي تمشي ترتاحي فلخيمة
جود : شداك ضرب درتي ليها مسكينة تقولي حالفاها فيها
ياسمين : علاش انحلفها فيها شدارت ليا كنت بغيت غا نعاونها غا نتا لي عزيز عليك دير لخير
جود : عندك لحق لخير كينفع مولاه
مجد : نطلعو ولا باقين باغين تزيدو تعومو
محسن : باركة عنا راه برد لحال او لمغرب قرب
صباح : كلا يهز شي حاجة معاه
هزو حوايجهوم او رجعو لقيطون دخلو دراري هما لولين بدلو او تا خرجو عاد دخلو لبنات بداو عليهوم تا هوما ، تجمعو على الطبلة او جيدة كارطة كيلعبو بيها او فنفس لوقت دايرين عشاهوم كيطيب ، بقاو على ديك لحالة ليل كامل كيلعبو تا عليهوم نعاس او نعسو
ياسمين : (ضرباتها لفيقة فنصاصة تاع ليل محصلها لبول ، بقات كتحرك فصباح تفيق ليها والو سيدة مايتة شافت ليها تا عيات او مشات كتفيق فجود)
جود : (كان مدوخ بنعاس) شنو
ياسمين : نوض يالاه معايا
جود : فين
ياسمين : لقرينة لكحلة نوض راه غنطلقهوم تحتي سربي يالاه معايا
جود : يالاه يالاه
ياسمين : يربي سربي (ناض معاها تا وصلو لواحد الجيهة مضرݣة او مجات فين تنصل سروالها تا طلقاتهوم تحتها حيت كانت مزيرة بزاف) تفو تفو
جود : (شعل لپيل منيشو عليها لاقيها بزݣات حوايجها) ههههههههههه بوالة
ياسمين : لبوالة هي مك
جود : زيدي زيدي نهبط معاك تغسلي حوايجك
ياسمين : (هبطات معاه لفين كاين لما) حيد شورط ديالك حيد
جود : علاش بسلامة
ياسمين : ملي غنغسل سروالي نطلع زبطة عطيني شورطك نلبسو
جود : ونا نبقا زبط عادي
ياسمين : على خاطرك انا مخاسرة والو نمشي بلى سروال بلى سليپ عادي جدا
جود : (حيد الشورط ديالو اوبقا غا بسليپ) شدي هاكدا لبسي هادا
ياسمين : (غسلات سروالها او سليپها بلما او لبسات الشورط تاع جود حازمة ليه سيور مزيان باش ميطيحش ليها)
جود : صافي ساليتي
ياسمين : يالاه
رجعو بجوج لخيمة نعسو فيها او فصباح جمعو قشهوم او رجعو لكازا لاقين لحاجة هي لي مصايبة لغدا
صباح : لحاجة جيتي ؟
لحاجة : واه أبنتي جيت انا وعمتي نوجدو لعرسك
صباح : كون غا معدبتوش راسكوم لغالية راها تكلفات ليا بكولشي
لحاجة : شعرف هاديك فلعراسات لكبار او هي تا لعرس مدارتوش لمخها
ياسمين : ياكما لعرس شي حاجة مفروضة على لواحد ايديرها عمتي مابغاتش دير لعرس اوصاف
صفية : ههههههههه مابغاتش الدير لعرس ههههههه علاه ابنيتي فين عمرك شتي رخاص ايديرو لعرس ، عئلتنا مكديرش لعرس لمن والا الى مكنتي بنت لآصل او لمفصل متعرسيش عندنا
ياسمين : هههههههه قلبك عامر الحبيبة عاضراك نتي ومك راها واحلة ليكوم هنا
صباح : (خافتهوم اضاربو) مي قريب تحطي لغدا ؟
لحاجة : دابة غنحطو غا يطبخ شوي
صباح : يالاه اياسمين نمشيو نݣلسو علاما تحط لحاجة
ياسمين : غاسيري نتي بصحتك مفياش جوع (خرجات صباح او صفية هوما لولين)
لحاجة : لهلا اطيحو فكرشك راك ممولفاش ماكلة لحادݣات
ياسمين : (خرجات لحاجة مخلياها غا كتشوف فيها) ماكلة لحادݣات ههههههه انا نوريك لحداݣة
مشات حلات تلاجة او هزات لحامض عصراتو فوق داك الطاجين سيدة رضات طاجين غا حامض ، قطعات واحد لمورسو تاع لحامض دارتو فمها او طلعات لبيتها كتفرنس ، لحاجة طفات لطاحين او مشات حطاتو ليهوم اوعي كتقول حسن من طاجيني مكاين
مجد : (غا دار الدغمة فمو رجعها) لحاجة ناصبة بلحامض
لحاجة : شمن حامي اوليدي علاه لحامض كيدار فطاجين (داقت من طاجين مخصرة وجها من مضاقو) ينعل شيطان مناش جاه هاد لحامض كامل
مجد : بديتي الحاجة تزيݣزاݣي فلعبارات شرف او ميدير
ياسمين : (فطريقها لبيتها تصادفات معا اكسيل) عمي اكسيل
اكسيل : على سلامتكوم كي درتو معا طريق
ياسمين : مزيان
اكسيل : كي دايرة نتي مزيان ؟
ياسمين : مزيان
اكسيل : باقين ناويين طالقو نتي وداك لعتروس ؟ مدواش معاك محزركش ؟
ياسمين : (فهمات بلي ساق لخبار) دوا معايا ولكن ولكن انا مابغيتش
اكسيل : مابقيتيش مرتاحة فهاد زواج ؟ بغيتي طالقي نتي وياه ؟
ياسمين : لا ماشي هاكداك بغيت غا نحكو شوي
اكسيل : حكي وقيسي
ياسمين : مغتقولش ليا زعما ديك تويشية تاع رطبي معاه او سامحي ليه راه ولدك زعما
اكسيل : منك ليه انا مشغليش ديري فيه مابغيتي ، آه قبل منيا غدا نلقاك فلمحال معا نبوري
ياسمين : وايلي انرجع نخدم
اكسيل : شنو بان ليك ؟
ياسمين : واخة (كملات لبيتها تنعس)
#عند لغالية#
خرجات من لخدمة جوايه ديك ربعة كانت لاستراحة تاع لغدا ، دازت لقهوة فين دايرة معا محسن باش توريه شي شكال تاع دفوع اختار منهوم هو
لغالية : ياكما تعطلت عليك
محسن : لا يالاه تا انا جيت
لغالية : (عنقاتو) كي دازة لخرجة ؟
محسن : مزيان شنو تشربي ؟
لغالية : عاصير
محسن : شنو كنتي باغة توريني
لغالية : غا شي شكالات فاش كيجيب لعريس دفوع لعروسة او قلت تختار معايا لي عجبك نديروه
محسن : (بقا كيشوف فتصاور تا عزل ليه واحد جوج) غنشوف معا صباح شكون عجبها فهاد جوج
لغالية : ايوا صاف هانتا شوف معاها او رض عليا من بعد انا غنمشي نتغدا قبل ميسالي لوقت تاع لغدا بسلامة
محسن : (عنقها او باس ليها فوق راسها) بسلامة
لغالية : (تفكرات بلي تا فهاد لقهوة كيديرو كسكروطات محسن خرجو بحالو او هي ديك نوضة لي ناضت ضربات فؤاد لي كان باين عليه شوي تاع تعصاب ، حداه كاينة كوتر) مسيو فؤاد ؟
فؤاد : (كان شاف محسن فاش باس فوق راسها اومشا حس براسو تزير من لداخل) داك طيليفون عندك لاش صالح بسلامة ملي يصوني عليك لواحد او متجاوبيش
لغالية : (شافت طيليفونها لقات بلي كوتر صونات عليها شي ربعة تاع لمرات) س.سمح ليا كنت دايرة طيليفوني فصامت
فؤاد : نتمنا أ آنسة تعيري شوي تاع لاهتمام بخدمتك او تخلي حياتك الشخصية آپار لاستراحة تاع لغدا فيها ساعة ماشي تلاتة أولى لخمسة او 16 دقيقة واش يمكن ليك تشرحي ليا شنو غنديرو بخصوص لاجتماع لي عندنا معا لخمسة ونص
لغالية : (معا لعرس كان عقلها مشوش نسات داك لاجتماع فمرة) يمكنا نلحقو عليه الى مشينا دبا
فؤاد : (خرج وركب طونوبيلتو لغالية وكوتر ركبو معاه او مشاو لداك لاجتماع)
لغالية : (بقاو تما شي نص ساعة وسالا لإجتماع عاد شدو ليهوم هوما مياكلو فحين فؤاد مشا بحالو ، او فنص ماكلتها صونات عليها نݣافة) الو السلام عليكم
كوتر : (تسناتها تا سالات لمكالمة عاد سولاتها) كتوجدي لعرسك ؟
لغالية : ههه لا كنوجد لتاع خويا
كوتر : داك دري تاع قبيلة خوك ؟
لغالية : واه مكنتشابهوش ياك
كوتر : بتاتا
لغالية : ههههه نخليك انا دبا تعطلت على الضار بسلامة
كوتر : بسلامة
لغالية : (رجعات لدار لاقية كولشي مجموع فصالون طلعات تا بدلات عليها او هبطات عندهوم )
مجد : (سمع سرسار فلباب) شكون جاينا معا لمغرب ؟
اكسيل : سير حل او تعرف او نعرفو تا حنا
مجد : ( مشا حل لباب لاقي دري تكون عندو ديك 17 رعام داير ساكاضو كبير فضهرو او واقف كيفرنس)
دري : هنا ساكنة ياسمين ؟
مجد : واه شكون نتا ؟
دري : انا إيهاب
مجد : (قبل تا ميسولو شكون إيهاب سمع ياسمين لي كانت هابطة معا دروج جاية كتجري مليوحة عليها)
ياسمين : (معنقاه كتفرنس) إيهاب توحشتك
إيهاب : تا انا ازين ديالي
جود : (غا سمع صوت ياسمين او شي راجل مشا خرج عندهوم مغوبش لاقي ياسمين معنقة سيد) شكون هادا ؟
لغالية : (خرجات هي وصباح لي دارت عليها الزيف) إيهاب ايمتا جيتي
إيهاب : (طلق ياسمين اومشا قاصد لغالية معنقها) عمتي توحشتك
لغالية : تا انا الحبيب دعمتو
اكسيل : (شاف سي إيهاب باسها من لحنك) شور شور اوليدي شكاتبوس مناش خرجات هاد عمتي عاود الغالية
لغالية : ههههه هادا ايهاب باه ولد عمي او مراضع معا خويا عبد الله أو إيهاب مراضع معا ياسمين يعني ولد خويا برضاعة او خو ياسمين برضاعة ، ايمتى رجعتي من سپانيا
إيهاب : لبارح
جود : (متسرطاتش ليه ديك تعنيقة) لبارح جيتي اودغيا جيتي عندنا كنتي تݣلس تا ترتاح مالك زربان
صباح : (ضرباتو لكرش) حشومة
إيهاب : نتا هو جود ياك ؟
ياسمين : هو
إيهاب : صدق لا بأس به كنت كننتاضر منك منتوج اجمل من هادا ، عمتي مغتعرفينيش
لغالية : عندك هادا جود راجل ياسمين او هاد خوه صغير مجد او هادي لحاجة عݣوزتي ولي حداها لوستي ، او هادي مراة عمك محسن
إيهاب : (مسلمش عليها دوا غا بفمو) معليكش اعمي عندك دوق اوشكون هاد زرق لعينين بسلامة ؟
لغالية : هادا باين دراري او راجلي
إيهاب : ألا متقوليهاش شكون قال عليه شارف ونا كنبان والدو مبقاتش عندك شي بنت اعمي لزواج
اكسيل : (ضحك ليه فوجهو) لحمد الله مابقاتش عندي
إيهاب : ايوا تعشيتو فيا جوع
لغالية : انا غنوجد ليك متاكل نتا غا سير معا ياسمين توريك بيتك
إيهاب : واخة ياسمين يالاه
جود : زيد زيد نوريك فين تݣلس
إيهاب : (تبعو تا وصلو لواحد لبيت دخل ليها ونيشن حل داك ساكاضو ديالو او بدا كيستف حوايجو فلماريو)
جود : (شاف سيد واخد راحتو) شتك كتستف حوايجك مغيعدبوكش ملي تبغي تجمعهوم عاود
إيهاب : تا نتا ملي تقرب لعطلة تسالي او نجمعهوم
جود : علاه ناوي تݣلس تا تسالي لعطلة
إيهاب : شتك بحالا معجبكش لحال الراجل ختي هاكدا كترحب بنسيبك ماباغينيش نݣلس ؟
جود : لا لا حاشا ݣلس تا فوق الشوك ان شاء الله مرحبا بيك
إيهاب : أرحب بيك لخير انسيبي لعزيز
جود : (خرج من عندو ساخط او طلع لبيتو نيشن اخدم فشي وراق او ملي عيطو ليه لعشا هبط لاقي سي إيهاب ݣالس ليه حدا لمادام مشا شد لكرسي لي مقابل معاهوم)
مجد : (شاف خوه كاعي وبغا يشد فيه) غا شافتو نساتك اخويا
جود : (كيحاول اصبر راسو) عادي غا خوها هاداك توحشاتو خوها برضاعة يعني شاربين حليب واحد خوت
ياسمين : مقلتيش ليا بلي غتجي
إيهاب : خليتها ليك مفاجأة
ياسمين : جا تا باك او مك ؟
إيهاب : لا هوما باقي مجاو
جود : كنتي تسنا تا يجيو او جي معاهوم مالك زربان تجي
إيهاب : (لاح ليد على لكتف تاع ياسمين) توحشت ختي وجيت نشوفها او منها نيت نتعرف تا على عئيلة راجلها او طبعا باش نحضر لعرس خالي
لحاجة : ميدو فيا زادوه فيلة
إيهاب : (مكانش اكسيل ݣالس معاهوم) ايمتا زادوك أجدة
لحاجة : احدى ليك لعروق ايمتى كنت جداك
ياسمين : ايوا لاباس مراكش جداه ايما خلات عليه
لغالية : ياسمين تعشاي
إيهاب : (ملي سالا لعشا او كل واحد طلع انعس كان ناوي اخرج تا ضرب فمجد)
مجد : فين غادي نتا بسلامة
إيهاب : غادي نقيم ليل او نتا
مجد : غادي نتمشا
إيهاب : جابتها طريق يالاه نمشيو بجوج
مجد : ناقصني حنان تا نمشي معاك
إيهاب : لقينا حنا حنان نتصورو حداها
مجد : حتارم راسك أو عرف معامن كدوي انا شخص محترم او قريب نخطب
إيهاب : بزعطة الى قريب تخطب عقبان لينا تا حنا
جود : (وقف عليهوم) شوفلك لبرهاش تا هو باغي يخطب
إيهاب : واش غتخرجو ولا غا نخرج بوحدي
مجد : زيد زيد حاس بلي هاد ليلة انكملوها فسيلون او هانتونا تشوفو
خرجو بتلاتة من الدار لاقيين محسن كيتسناهوم تما بطونوبيل حيت مجد كان داير معاه اتلاقاو
إيهاب : عمي
محسن : (خربق ليه شعرو) إيهاب ايمتا جيتي ؟
إيهاب : لبارح اعمي
مجد : لعشران فين غنمشيو ؟ شي قهوة ؟
إيهاب : (جبد لكمرة من ساكادو لخفيف لي كان هاز) شمن قهوة أصاحبي انمشيو لواحد لبلاصة
محسن : شمن بلاصة من لبلايص هادو عاود
أيهاب : هناتوما قبل منجي لهنا قال ليا واحد صاحبي بلي جوايه كازا كاينة واحد الدار مهجورة فشك دازتها شي شوافة ولا شي حاجة بحال هاكداك غنمشيو ليها نضربو عليها طليلة او نصورو داكشي لي وقع اونجيو بحالنا
مجد : تا واش مريضة ايلى لقينا فيها شي بسم الله الرحمان الرحيم شنديرو نهربو ولانعمرو ليه طرمتو بروز ولا نعمروها ليك نتا نيت بهاد لافكار ديالك
إيهاب : ياعلى خواف على خاطروم بغيتو تمشيو سيرو مابغيتش ݣلسو انا غنشد طاكسي او نمشي الله ايعاونكوم
محسن : (شاف إيهاب بعد عليهوم شوي كيتمشا) دراري كون غا مشينا معاه هاد لبرهوش تاع لخلى خفت توقعلو شي حاجة
جود : كون غا وقعات ليه نيت نتهناو منو
محسن : اراه ولد خويا نخاف توقعلو شي حاجة انمشي معاه
جود : ستنا غنمشيو معاك تا حنا
مجد : تا فين غنمشيو معاه مسمعتيهش قالك دار مسكونة تكافيت تا معا لباشار غا نزيد عليا هادوك ماغاديش
محسن : مالك خواف أصاحبي شوف ولد 2005 كي زاعم عليك غادي بوحدو زيد زيد
مجد : (جروه معاهوم بزز او لحقو على إيهاب بطونوبيل) ركب ركب
إيهاب : (ركب حدا مجد لور) اخيرا تشجعتونا شوي
جود : هنينا او قول لينا فين جات ديك دار
إيهاب : واخة واخة انسيبي غا متقلقش ، فلخرجة تاع كازا انشدو طريق لوتوروت فأول باحة تاع لإستراحة أنحبسو طونوبيل تم او نمشيو على رجلينا
محسن : هي خاصني ندير لپلان لطونوبيل
إيهاب : من لأحسن
مجد : الله اخرج هادشي على خير (محسن كمل بيهوم طريق فلوتوروت تا وصلو لباحة لإستراحة عاد حبسو ، بلاصتو طونوبيل مزيان او او هبطو منها)
محسن : انا غنمشي نشري شي قراعي دلما لقاو منشربو أبعدا
مجد : (هز طيليفونو مصوني على غزلان داوي معاها شوي او قطع)
محسن : (رجع من لحانوت) هاكو لبسو هادو
إيهاب : كمامة و صباعيات غادين نفتحو لشي حد
جود : لبس اوسكتنا متعرف تقيس ليك شي حاجة او يوقع شي موشكيل من بعد فاش أنصدقو
لبسو دوك لكمامات او صباعيات او حزمو سيور تاع سبرديلة مزيان عاد شدو طريق ، بقاو كيمشيو فداك تلت لخالي شي نص ساعة عاد وقفو قدام واحد الدار فيها السفلي او لفوقي ضاير بيها واحد الصور بلى باب ، دار من برا كتبان مفينية او مقادة
محسن : متأكد هادي هي دار بانتلي تبنات جديد تا سباغتها ممقشراش
إيهاب : خلينا ندخلو او نشوفو (سبقهوم هو لداخل شاعل لكمرة او لپيل كيما تا لوخرين دارو بطيليفوناتهوم ، بقاو كيتمشاو فديك الجردة لي كانت حالتها حالة داك ربيع لي فيها يبس)
مجد : (كانت مقطوعة فيه تاع لمعقول خصوصا انو ضوا لواحد الجيهة لاقي بحال لعضام تاع شي حيوان) ك.كون غا رجعنا بحالنا
محسن : لحباسات او دزناهوم اخلعونا هاد لبلايص
جود : انا خايف غالا متكونش مهجورة
إيهاب : ساكن فيها شي حد أو مافيهاش تا لباب تاع دخلة
شجعو بعضياتهوم او درمو لداخل لاقيين دار من برا مصايبو ولكن من لداخل دايرة غا لحارش او واحد الريحة خانزة كتعطعط منها كي ريحة جيفة ضواو لبلاصة بلپيل لاقيين دنيا كاملها مجلخة باش الاه وعلم لحيوطة مكتوب فيهوم شي تخربيق او فلأرض دائرة ݣدها ݣداش او سطها شي متلتات او شي كتابة تا هي ممفهوماش ، او دوك شمعات لكبار شي وحدينات دايبات مزيان او شي وحدينات بقا فيهوم نص
مجد : (تروع خاطرة بريحة لي كيشم او تا بلمنضر ها شي كتانات معقودين ها دم منقط فلأرض ها لعضام تاع لمشاش او رجلين تاع دجاح هادشي لي ميز ، تا من أولويزات عامرين دم كانو تما)
جود : (عينيه كانو على واحد الجيهة فلحيط قدر اميز منها شي كلمات ، كانو سميات لي مكتوبين ولكن عينيه شدو فسمية وحدة “ياسمين” معاودة ماشي مرة ماشي جوج ، رجع كيشوف لقنات لوخرين او كيسول راسو واش باشار لي دارو هادشي)
إيهاب : خليونا نطلعو لفوق نشوفو واش فيه شي بيت هنا تا طواليط مكايناش ممفصلش
طلعو كاملين لفوق لقينو ماشي بحال لتحت مفصل فيه شي تلاتة تاع لبيوت او طواليط او كوزينة صغيرة ، ضارو داكشي بيت بيت مالقوا تا حاجة لي غريبة واحد لبيت لقاو فيها حوايج شي سيدة باينة كبيرة فلعمر ماشي شي وحدة صغيرة ولكن فبيتها بزاف تاع لحروزة او لحجابات او تاشي شيلان محزومين ، كملو طريقهوم لآخر بيت بقات ليهوم ملي حلوها لقاوها مختالفة على لبيوتة لوخرين ، بيت كاملها مسبوغة بلوردي او داخلها صفر واحد لمسطرة فيها بزاف تاع دوك دوبات لحمرين شي خمسة ولا ستة منهوم
جود : (قرب لجيهة واحد تصويرة كانت طايحة لأرض او مقلوبة ديك لهزة لي بغا يهزها ايشوف تاع من حبسو محسن)
محسن : بلاما تهز أصاحبي شي حاجة متعرف شنو فيها ولا شنو دازها
جود : (متلاش هزها) غنمشيو دبا ؟
إيهاب : باقي مشفنا السطح او الجردة لورانية
مجد : (لما حبس ليه فركابي بقا ليه شوي او يطلقهوم تحتو) واش لمك ماكفاكش هادشي لي شتي خاص لي يعميهوم لجدك خلينا نرجعو بحالنا
إيهاب : جينا جينا اللهم نشوفو كولشي
طلعو عاود لسطح نبقاو فيه تاشي حاجة من غير واحد لبيت كانت عامرة لرجلين تاع لمعيز او جلود ديالهوم تا من لمصارن تما ، مجد مسكين ديك الضورة لي ضار ضرب فراس تاع واحد لكلب بلخلعة بغا يقرى لقرآن زعما تقوى
مجد : (كيجود بخوف) طلع البدر علينا من ثنياتي لوديك
محسن : (كان هو او جود او إيهاب مخلوعين ولكن غا متباين راسهوم تا شافو مجد كيغني) شكادير
مجد : (لخوف كان متلفو) كنقرا لقرآن
إيهاب : واش زادو شي صورة فلقرآن ونا مفخباريش ، توما من إيمتا ولات طلع لبدر علينا قرآن
جود : متديش عليه (ضربو لراسو) سكتنا نتا بقالك غا جنون لي مضحكتيهومش علينا بصحتك شبعو فينا تا هوما ضحك
إيهاب : (تا سيد غا دافع سنطيحة ايما قرب يخرى تحتو) بقاتنا الجردة اللورانية
توكلو عالله او هبطو لديك الجردة كيشوفو شنو فيها دارو للور تاع الدار لاقيين واحد بحال شي قبر تما ، داك إيهاب بقا تابت تابت ملي ضرب فداك لقبر غوت او بلخلعة تلف على طريق داكشي علاش نقز الصور مخلي دراري غا كيشوفو فيه مفهموش علاش جرا ولكن ملي قشعو لقبر عطاوها لجرا مبعدين على الدار
مجد : (إيهاب كيجري قدامو مخلوع او هوا كتر منو او غا كيغوت) سير آ إيهاب شبغيت لطاسيلتك غا جدام او قلت ضفار بغيتلك الساحق والماحق او الرصاص لمتلاحق
إيهاب : (لحاصول او مكاين ديك طريق لي ضربو فنص ساعة ضربوها فربع ساعة بجرى تا وصلو لطونوبيل سخفانين) الله ياربي فين مشينا
جود : (الاخ عليه من لقدام كون ما لكوسان لي شدو كان غياكلو) فين مشينا شكون دانا لتما اولد لحرام شكون ؟
محسن : (كولشي كيلهت سخفو بلخلعة وجرا) كون باك شرب حليب لحمارة او ميشاركش معا لكلب تاع عبد الله ديك الجغمة دلحليب
مجد : (سكتو كياخدو نفسهوم تا رتاحو عاد دواو) ݣالس عليا مكنخافش مكنخافش ونتا غا شتي لقبر طرتي او خليتينا ناصدقز صور اعيباد الله
إيهاب : كي شتي راسك نتا مطفرو شتي راس كلب تلفات عليك لفتيحة وليتي تجود ليا طلع البدر علينا محشمتيش
جود : رجعونا رجعونا لدار
محسن : اخويا زيد تصوݣ نتا راه ركابي لي يكسيريو مابقاوش عندي
تبادل هو وياه لبلايص او صاݣ جود تا وصلو دار نزلو كاملين او دخلو لدار تا من محسن دخل معاهوم مقدش ارجع لدار بوحدو ، جود مشا لبيتو ويلى دوك تلاتة لي بقاو نعسو حدا بعضياتهوم بلخلعة
جود : (دخل لبيت لاقي ياسمين ناسة او لغطا محيد عليها مشا تا غطاها مزيان عاد مشا تلاح فوق لفوطوي مغمض عينيه او طالق لقرآن من طيليفونو كيرقي راسو)
ياسمين : (كانت ناعسة ولكن ضرباتها لفيقة ممرتاحاش بتاتا او داك الصوت لي كتسمع مديقها ولكن مفرزاتوش مزيان شعلات لفيوزة ديالها او بدات كتقلب على منين مطلوق لقرآن تشافت طيليفون جود) نتا لي طالق عليا هاد زمر طفيه
جود : (مكانش ناعس حل عينيه فيها مغوبش) علامن داوية ؟
ياسمين : داوية على هاد زمر لي طالق فطيليفونك باغة نعس مصدعني فراسي يالاه طفيه بزربة
جود : واش نتيا ڤيو فمخك شايفاني طالق ليك الشعبي طالق لقرآن مالك معصبة او معاجبك حال
ياسمين : (صافي زعفات تاع لمعقول) مابغيتيش طفيه واخة (خطفات داك الطيليفون او هزاتو تال سما وخبطاتو معا لأرض تا تشخشخ ماكفاهاش انها زدحاتو معا لأرض هزات واحد لڤازة تاع الجاج او بدات كضربو بيها تا تشخشخات لڤازة او يديها كانت كتخبط فزاج تا ولات كاملها دمايات) عييت معاك طفي زمر طفي زمر باغة نعس ايوا شوفليك دبا مناش طلقو
جود : (شدها من يديها مزير عليها وصلات ليه لخرى لفوق الراس تا بدا كيغوت) واش هبلتي لمك جعرتي مهرسالي طيليفون او كتقولي على لقرآن زمر واش جدك مقلتيش عليك تالي خلقك أدوي
ياسمين : ساليتي ؟ ايلى مساليتيش انا غنمشي نعس (نترات يديها من عندو او مشات تخشات فبلاصتها ونعسات مخلية يديها كتقطر دم او جود غا كيسوط بلأعصاب)
جود : (شاف طيليفونو او هو معصب كولشي مشا ليه نوامر تصاور , او زادتو بديك لهضرة لي قالت كيقول ليه واحد الراس اينوض اجيفها انتفها باش يالاه ابرد غدايدو ، ستغفر مولاه او مشا ݣلس فوق لفوطوي مقادش ارجع ينعس ، بهادشي لي دارت ليه ليوم عمات ليه لعينين تاع لمعقول )
#فصباح#
فاقت صباح بكري او لبسات عليها حوايجها او ديك لخرجة لي خرجات من بيتها ضربات فمحسن
صباح : محسن ؟ ايمتا جيتي ؟
محسن : بنت هنا لبارح معا دراري
صباح : مقلتيش ليا بلي غتبات عندنا
محسن : جاتني على غفلة خرجت انا ودراري لبارح او مرجعنا تال واحد لوقت معطل
صباح : او فين مشيتو ؟
محسن : ضرنا غا شوي ورجعنا ، شتك لابسة حوايج لخريج فين غادة ؟
صباح : لغالية قالت ليا نمشي ندوي معا واحد النݣافة او نختار لبسات لي بغيت ، لقيتيني غنصوني عليك تديني
محسن : يالاه نوصلك نيت
صباح : واخة يالاه نمشيو
محسن : (هبط هو وياها لتحت او حدهوم بغاو اخرجو معا لباب دوات لحاجة موراهوم)
لحاجة : صباح فين غادة أبنتي ؟
صباح : (كانت شادة لمحسن يديه غا شافت لحاجة هي طلقها) صباح لخير مي غاديين غا نشوفو نݣافة
لحاجة : ايوا ملي غادية تشوفي نݣافة كنتي تمشي معا واحد فخوتك لاش دابا معاك هادا
محسن : (كيبرݣم غا بشوي) لاش داية معاك هادا علاه شكون ايخلص نݣافة خوتها تا يمشيو معاها
صباح : (سمعاتو شنو قال ليها او ضحكات) لحاجة خاص تا محسن امشي معايا باش اختار معايا
لحاجة : (كانت أصلن لابسة جلابتها) يالاه زيدو قدامي انمشي معاكوم متعرفو متختارو صفية يالاه أبنتي نمشيو
صفية : (كانت تا هي لابسة جلابتها) هاني امي جيت صباح فقتي ؟ فين غادة
لحاجة : غادين ايشوفو نݣافة وغنمشيو معاهوم
صفية : فين غنمشيو امي لبنت غتمشي معا راجلها اختارو لي بغاو
لحاجة : غتزيدي قدامي ولا نمشي بوحدي
صفية : هاني غادة
محسن : (ركبو كاملين فطونوبيلتو او مشاو لعند ديك نݣافة معامن دارت لغالية)
صباح : (دخلو عندها لداخل كولشي متول او نقي تا لباسي عندها ستايلات لي خرجو)
لبنت : السلام عليكم سحب لخاطر
صباح : جينا نشوفو نادية
لبنت : درتو معاها ؟
صباح : واه لبارح دوات معاها لغالية آيت اوسو او قالت ليها بلي فصباح غنكونو عندها
نادية : (خرجات عندهوم مبتاسمة) مرحبا مرحبا كنت كنتسناكوم تفضلو معايا ، جيبي لينا منشربو
صباح : (دخلو معاها لداخل او ݣلسو فوق لفوطوي)
نادية : (جابت واحد لكاطلوݣات او مداتهوم لصباح ) قالت ليا لغالية بلي عرسكوم لخر تاع هاد سيمانة ، من زهركوم كانت لغالية دوات معايا شي جوج سيمانات هادو او تا لوقيتة فاش درتو لعرس مرخوفة شوي يعني لݣلسات او لباسي كولشي موجود ، يمكن ليكوم تختارو لباسي او شكال لي بغيتو
لحاجة : بغينا آخر مكاين فسوق شي حاجة كتحمر لوجه
نادية : مرحبا شحال من لبسة بغيتو ديرو
لحاجة : انديرو جوايه ديك 10 12 لبسة
صباح : (وسعات عينيها) الله يهديك الحاجة 10 تاع لبسات دايرة عرض ازياء غندير ربعة خمسة الى كترت
لحاجة : ربعة ولا خمسة كون كنتي دايرة ليا عرس فوق سطح او كنتي بنت من والا راك حفيدة عئيلة آيت اوسو خاص عرسك ايكون قد مقامك نتي ماشي تزوجتي ليا من ديك طسيلة صافي ديري عرس بحال عراساتهوم
محسن : (ياكون مكانت كبر منو او جدات صباح كون ناض كواها) غا ختاري لبسات لي بغيتي
صباح : (عارفاه يالاه بادي لمشروع ديالو او غيكونو عندو بزاف تاع لمصاريف ، مابغاتش تقل عليه بمصاريفها كون دار ليها باها راي بلى هاد لعرس ، تا هاد نݣافة لاش جاو راها من نݣافات طپ تاع كازا غا من لمحال اعطيك لخبار على التمان ديالها) انا لي مباغاش نكتر عليا لبسات الحاجة
محسن : (خلص نݣافة) نمشيو دابة
صباح : ياله
خرجو من عند نݣافة او ركبو طونوبيل راجعين لدار ، صباح طريق كاملة غا ساكة مكترضش على نݣير تاع لحاجة لي معجبهاش لحال حيت مداروش ليها راي تا من صفية معجبهاش شنو دارت ليهوم مها تفكرات عرسها شحال من حاجة كانت باغة ديرها ولكن لعاجة دارت غالي عجبها ، وصلو الدار او نزلات لحاجة او صفية هوما لولين من طونوبيل وبقات غا صباح او محسن
محسن : مالك مقلقة
صباح : ممقلقاش كنقول ليك امحسن نشوفو على قدنا ، تمنية تاع لبسات او ها تنݣاف ها زمر شوف شحال باش خرجات فلخر ، قلت ليك كون غا شفنا شي نݣافة خرى رخيصة على هادي ولكن نتا مكتسمعش ليا
محسن : او من بعد لواحد كيتزوج مرة وحدة ماشي عشرة ونا باغي ندير لراسي عرس دايزو لكلام ، غا يلا بغيتي ديري ليا شي عرس آخر منعرف
صباح : (غوبشات) ندير ليك ݣنازة بلبسات لا ها جلابة بيضة ها قفطان بيض
محسن : هههههه غا ضاحك معاك عرس واحد لي غندير نقوموه او صافي لوخرينات بلى عرس
صباح : (ضرباتو لكرش زواتو)
محسن : (شد كرشو) أي غا ضحكت
صباح : مضحكش معايا داك ضحك
محسن : صافي صافي منعاودش
لحاجة : (نقزات) دهب كولشي ايكون دهب
صباح : (غتزيد شي شويا طيح لحاجة بلأعصاب) غنديرو غا لمشلل
لحاجة : غنديرو دهب فين عمرك لبستي لمشلل ولا ياكما رويجل ديالك مقادش على لمصاريف
صباح : (مادواتش باتاتا شدات راسها وبقات ساكة)
محسن : (شاف بلي صباح معاجبهاش لحال) ديرينا دهب
صباح : (دوات معاه بشوي) محسن شبغينا بشي دهب راه متعرف شنو يوقع طيح ليا شي سلسلة ولا شي لعبة فاش نوليو عاود
محسن : مضربيش لهم لدكشي انا غنتكلف ، ختاري دبا نتي لݣلسة لي عجباتك
نادية : غديرو لحنة او دفوع فلقاعة نيت ؟
صباح : واه راه ختارينا شكل تاع دفوع لي بغينا او لݣلسة الصراحة معرفناش شنو نختارو فيها ديريها نتي على دوقك حسن
نادية : واخة
محسن : قلنا لݣلسة اتشوفيها نتي او لبسة تاع لحنة هادي لي ختارينا فيها لبسات لوخرين عندك هادي او هادي او هادي
لحاجة : (شافتو ختار داكشي لي بغا او ماشي داكشي لي ختارت هي) ماشي هادوك لي قلت ليكوم انا
محسن : (صافي طلعات ليه زعاف) ملي يكون عرسك نتي ختاري داكشي لي بغيتي
نادية : (ضحكها) صاف قلتي لحنة او دفوع فلقاعة سبعة تاع لبسات او بلبسة تاع لحنا هاهوما تمنية الشلحة حيت نتوما لي غديروها محسوباش ، بغيتو دهب فلاكسيسوارات لبسات ديالك نتا غيكونو على حساب لبسات ديالها ، لݣلسة اندير ليكوم جوج ݣلسات فوحدة ، غديرو لعماريات ؟
محسن : واه غنديروها
نادية : شكل تاع لحنة وزواق لي فيها ختاريتوه ؟
محسن : عجبنا هادا
نادية : مزيان بالنسبة لمكياج شنو تبغي فيه او الشدة تاع لفولار باش ندوي معا لميكپ آرتيست تشوفلك شنو بغيتي
صباح : (ملي سمعات لميكپ آرتيست عرفات بلي غرقو فيها نيت) بغيت ميكپ خفيف بزاف ايبان طبيعي مابغيتش شي حاجة تقيلة ولا أوڤر الزيف تا هو بغيت شدة عادية كتغطي شعر او لعنق مابغيتش ديك لقضية تاع نص زيف ولا اطلعولي شعري من لتحت باش اطلع زيف من لور ، لحلقات مغاديش نديرهوم بتاتا او مبغاش نبينهوم
نادية : كوني هانية
محسن : شحال عندنا ؟
نادية : (جمعات لحساب لكولشي) عندكوم أسيدي غا حساب لبسات 4000 درهم لݣلسة او دفوع او داكشي تاع لحنة ، زائد لعماريات لي باغين ديرو لمجموع ب4500 درهم حيت داخل فيهوم تا لخلاص تاع دراري لي ايهزو لعماريات ، عندكوم 3000 درهم تاع لاكسيسوارات تاع دهب حيت عندكوم كولا لبسة بزواق لي فيها ، عندك 1500 درهم تاع لمكياج حيت نوغ مالمو كيديرو طلب عندها شهر قبل مي حيت راكوم عزاز أصريت عليها تحضر مابغيتش نجيب ليك شي وحدة لي دير ليك شي حاجة متعجبكش او تعلم فيك ، او عندكوم واحد 2500 درهم خلاص لبنات لي غينݣفو ليك ، فلمجموع عندكوم 15 ألف او 500 درهم
صباح : (شداتها ساكتة مليون او مية او عشرلاف ريال غا فنݣافة بغات تقول ليها بناقص ولكن محسن مخلاهاش)
محسن : واش نخلصو دبا ولا نعطيوك لعربون او بالنسبة لغرامة او لكضويات لي غيجيو فلعرس ؟
نادية : بغيتي تخلص كولشي دبا بغيتي تعطي غا لعربون لي عجبك ، ولا لغرامة انا درت لي لحساب لي كنتخلص كون نقصت ليك فتمان ديك الساعة لغرامة او لكضويات انا لي غنشدهوم
محسن : (شاف فصباح) عطيني دوك لفلوس لي خليت عندك لبارح
صباح : واخ (جبداتهوم من صاكها او عطاتهوم ليه)
لحاجة : (غا شافتها عطاتو لفلوس هزات شوكتها) اودي ياودي ياك قلتي نتا لي غتخلص شت صباح لي عاطياك لفلوس
صباح : (مارضاتش انها تنقص منو) لحاجة هادو فلوسو خلاهوم عندي حيت واقع موشكيل فلبانكة مناش غتجيني انا خمسة تاع لمليون كاش ؟
محسن : (خلص نݣافة) نمشيو دابة
صباح : ياله
خرجو من عند نݣافة او ركبو طونوبيل راجعين لدار ، صباح طريق كاملة غا ساكة مكترضش على نݣير تاع لحاجة لي معجبهاش لحال حيت مداروش ليها راي تا من صفية معجبهاش شنو دارت ليهوم مها تفكرات عرسها شحال من حاجة كانت باغة ديرها ولكن لعاجة دارت غالي عجبها ، وصلو الدار او نزلات لحاجة او صفية هوما لولين من طونوبيل وبقات غا صباح او محسن
محسن : مالك مقلقة
صباح : ممقلقاش كنقول ليك امحسن نشوفو على قدنا ، تمنية تاع لبسات او ها تنݣاف ها زمر شوف شحال باش خرجات فلخر ، قلت ليك كون غا شفنا شي نݣافة خرى رخيصة على هادي ولكن نتا مكتسمعش ليا
محسن : او من بعد لواحد كيتزوج مرة وحدة ماشي عشرة ونا باغي ندير لراسي عرس دايزو لكلام ، غا يلا بغيتي ديري ليا شي عرس آخر منعرف
صباح : (غوبشات) ندير ليك ݣنازة بلبسات لا ها جلابة بيضة ها قفطان بيض
محسن : هههههه غا ضاحك معاك عرس واحد لي غندير نقوموه او صافي لوخرينات بلى عرس
صباح : (ضرباتو لكرش زواتو)
محسن : (شد كرشو) أي غا ضحكت
صباح : مضحكش معايا داك ضحك
محسن : صافي صافي منعاودش
صباح : انا غندخل لدار دخل تغدا معانا
محسن : (شد ليها يديها) غا دخلي تغداي نتي بصحتك انا ديك جداك غا غادي تسد ليا شهية
صباح : سمح ليا سمعتي هضرة ماشي تالهيه بمسبتي مسحها فيا
محسن : تا نتي كلينا لعصا من باك او دوزناها بقات لينا غا جداك
صباح : من ناحية لعصا كليتيه نيت لواليد كيكرم بزاف
محسن : هههههه فات لكرم لهيه (قرب عندها كتر من لول) ولكن انا عاضرو تا انا كون كانت عندي شي بنت بحالك منزوجهاش
صباح : (طلعات معاها لحمورية شوي) عارف راسك ابعدا شنو واخد
محسن : معلوم واخد الزين
صباح : (شافتو كيقرب عرفاتو بغا ايبوسها من فمها خافت ليخرج شي واحد او يشوفهوم داكشي علاش زربات عليه او باستو من حنكو او خرجات كتجري لدار) بسلامة
محسن : دبا انا عاطي مليون او ميات الفريال لنݣافة باش تبوسني من لحنك ، ولكن غي بري ايفوت لعرس او نصرف هاد لفلوس بوسات
صباح : (دخلات لدار مرشقاش ليها بتاتا باغة تمشي تبكي فبيتها متسرطتش ليها شنو دارت لحاجة لمحسن او كيفاش نقصات منو )
اكسيل : (كان خارج من لكوزينة تا بانت ليه صباح طالعة لبيتها او باين فيها معاجبها حال ، تبعها لبيت داق عليها قبل ميدخل ، لاقيها كتبكي) صباح مالك
صباح : (مشات عنقاتو منهارة بلبكا كتر من لول)
اكسيل : (دور يديه عليها كيهدن فيها) ششش متبكيش شواقع ؟ ضاراك شي حاجة
صباح : لا
اكسيل : كاين لي قاليك شي حاجة قلقاتك ؟
صباح : (هزات راسها كتشوف فيه او عينيها ونيفها ولاو حمرين بلبكا) ل.لحاجة ابابا
اكسيل : لحاجة ؟ شنو دارت ليك ؟ (مسح ليها دموعها) باركة من لبكا او عاودي ليا شنو مقلقك ؟
صباح : مشينا ليوم عند واحد نݣافة كانت لغالية لي دارت معاها ، كنت انمشي انا ومحسن نختارو لبسات هي تلسق فينا لحاجة تمشي ديناها معانا هي وعمتي ، عمتي بقات ساكة او لحاجة كتختار لي بغات هي او كل مرة تلوح لهضرة لمحسن او تنقص منو قدام لي تما مرضاتني ، قاتلك نديرو كولشي دهب ايهي لبسات بزاف
اكسيل : او شنو خديتو فلخر
صباح : محسن خدا دكشي لي عجبني انا او هو لي خلص نݣافة حط فيها شي مليون او ميات الفريال او عشرالاف ريال من لفوق ، دار معاها 8 دلبسات او كولشي دهب او شي تخربيقات خرين زادهوم لحاجة ملي مختاريناش لبسات او شكال لي بغات معجبهاش لحال او طريق كاملة او هي كتنݣر او كل مرة تقول ليه مقادش على عرس بنات آيت اوسو لاش تزوج منهوم ، حرام عليها تبقا دير هاكدا مكنتش بغيت نمشيو لديك نݣافة غالية ولكن محسن بقا شاد فيها
اكسيل : صافي غا متعصبيش راسك نتي انا غندوي معاها ، لعرس ديالك غيمشي كيفما بغيتي نتي او غيدار فيه لي بغيتي نتي ، ملي تشوفيها كتختار خليها تختار واجي عندي ولا عند لغالية اوقولي لي بغيتيه ايدار صافي ، تا محسن مضربيش حساب راني قلت ليه انا غنتكلف بلعرس غيكون على حسابي انا واخة ميبغيش هو صافي
صباح : كون غا درتيلي راي ابابا او نديرو لعرس غا فدار تحضر غا عئيلتنا او عئيلتو بركة
اكسيل : ابدا بنت وحدة لي عندي غاص عرسها ايكون مقوم او دايزو لكلام مقلتيش ليا شنو باغة تجيبي فدوك لي كيغنيو
صباح : معرفتش
اكسيل : تكلفت بشيوخ ولكن راجلك عربي ختاري نتي وياه شي وحدين كيغنيو لعربية غنقول لمجد اوريكوم دوك مناش تختارو
صباح : شكون فشيوخ لي جبتي ؟
إكسيل : دويت معا 46 ، او مصطفى اومݣيل ، او موحا أمزيان ، او أحوزار او غنشوف ليا شي حد آخر
صباح : بقات ليك غا لبوؤة لأطلس او عيشة مايا لي مجبتيش
اكسيل : بزاف لي بغيت نجيب ولكن عامرين ولكن انشوف ليك عيشة مايا تجي كوني هانية
صباح : لواليد كطنز عليا ديدجي كيغني شلحة او لعربية
اكسيل : ماشي بحال
صباح : او شحال باش تقامو عليك دوك تلاتة لولين ابعدين
اكسيل : خوي نتي راسك من ناحية لفلوس باك كاين
صباح : عرفت با كاين ولكن راه هادوك كيجيو بلفلوس صحاح الى الى معطيتي والو غتكون عطيتي تلاتة تاع لمليون بقليلة لواحد
اكسيل : لفلوس لي ميديرو لبنتي عرس صحيح باش نافعيني ، بدلي عليك او هبطي لتحت تغداي
صباح : واخة
كولشي تجمع على الطبلة او لغدا تحط قدامهوم
لحاجة : فين هي مرتك ؟ باقي مرجعاتش من لخدمة ؟
اكسيل : مكترجعش فهاد لوقت امي
لحاجة : لينتا ناوي تخليها كتخدم برا هاملة دارها او راجلها او يعلم الله شنو كتصادف فخدمتها ، مخصكش ضسرها اولدي
اكسيل : الى مضسرتش مرتي شنو بغيتيني نضسر او زايدون انا بغيتها تخدم او علاش لا دير لمشروع ديالها بوحدها
لحاجة : خاصينك لفلوس تا تسيفطها تخدم ؟ منقص عليها شي حاجة بسلامة ؟
اكسيل : مناقصينها فلوس مامحتاح انا فلوس ، بغيت منها شي عوام ايبداو ايقولو على راجل لمديرة الحاجة هادا وكان
إيهاب : (نفاجر هو ومجد بضحك عكس لوخرين لي كانو حابسينها ) هههههههههه عطاك الحاجة
لحاجة : (مفهماتوش) شعطاني
إيهاب : عطاك دواك
اكسيل : (تسنا تا سالا لغدا) لحاجة بغيت نوريك شي حاجة على حساب لعرس
لحاجة : واخة اوليدي هاني تابعاك
ياسمين : (شافت فإيهاب) شخبارك نتا تا نعستي معا مجد فبلاصة وحدة معانقين ياكما تخربقو لجدكوم لاتجاهات
مجد : انا اتجاه واحد شادو عند غزلان الى هاد خوك مشكوك فأمرو
إيهاب : شوف لكلب نعس معانا تا عمي
صباح : كيفاش ؟ ماتقوليش تا هو ؟
إيهاب : مال عقلكوم موسخ غا لخلعة لي شداتهوم او نعست حداهوم باش ميخافوش
جود : (ضربو لراسو) باقي دافع الجبهة ونتا كنتي اديرهوم تحتك
صباح : توما فين مشيتو لبارح
مجد : هاد زمر دانا لواحد الدار منعرف شكان كيتصنع فيها ها لعضام تاع لحياوانات ها دم واحد لمضر
ياسمين : ايوا شداكوم لتما ملي غا لخواف على خوه
إيهاب : شوف شوف شكون لي كيدوي ، علاه شكون كان كيديني لبحال هاد لبلايص او يزعمني عليهوم ملي كنت صغير ماشي نتي ولا غا ملي مابقيتيش كتمشي زعما تبتي
ياسمين : هههه خواف
صباح : يالاه نوريك شنو ختاريت
ياسمين : واخ
مجد : كانت كتمشي لدوك لبلايص ؟
إيهاب : لبجاغط كانو كيمشيو لجردة هي فينما كان شي غار شي دار مهجورة كانت كتديني ليها ولكن منين رجعات من داخلية مابقاتش كتبغي تمشي لدوك لبلايص
جود : كانت فداخلية ؟
إيهاب : مفخباركش يمكن متكونش عاودات ليك مموالفاش كتعاود لشي حد بعدما تزوجات عمتي لغالية عبد الله دخل ياسمين لواحد داخلية ولكن غا عام بعد داك لعام وقبل مترجع لدار دخلات لحبس
جود : ” قول ليا سيدة كانت كدوز دوك لبلايص متكون غا تسكنات” ، دراري نجيبو شي راقي اقرا عنا لقرآن تايلى دخلات فينا شي حاجة ولا تخطينا شي حاجة نضربو لفݣد فراسنا قبل ميفوت لفوت
مجد : احسن حاجة غدير انا راه تا طواليط مابقيت قاد ندخل ليه
إيهاب : لهاد درجة أصاحبي خواف
جود : هنينا نتا حيت ملقيتكش معنقو من لخوف ، سيفط ليا داك لڤيديو لي صورتي لپيسي
إيهاب : واخة
جود : (طلع لبيتو لاقي ياسمين فيها كتسبغ ضفارها مدواش معاها او مشا شد لپيسي ديالو كيخدم فيه)
ياسمين : (تفكرات بلي هرسات ليه طيليفونو لبارح او لموشكين كان يالاه شراه او غا كريدي باقي تا مكملو فلخلاص ، بغات تنوض طلب منو سماحة تا سمعات صوت ماريا ملي هزات عينها فيه لقاتو داير معاها آپيل كمرة فلپيسي ، طلع ليها زعاف نيت او ناضت دخلات لحمام كتبرݣم) داير ليا معاها آپيل او قدامي عاد ، وسيدة متيقاتش كرها او دوات معاه او هي لابسة غا سميطات انا غنوريك نتي وياه (هزات واحد لكسوة معرية من ضهر او تا من جيهة صدر معرية فيها فتحة تال لفخض ، مزيرة عليها او كاملها مشبكة بلون لحل كتبي صحتها كاملة ، سترينݣ لي لابسة من لتحت باين او حين سماطي تاع يديها معريين ، طلعات شعرها لفوق او عكرات مزيان او عامت السيدة بالريحة ماشي ساكت منها ، شافت راسها فلمراية) كولشي زوين فيا كون غا كبر هاد صدر تاع لخرا معرفتش فين كنت انا ملي كانو لبزازل كيتفرقو تا مخديتش حقي ، هانية هانية بلى صدر او كنحمق بزين حاسنة ديك لعوجة ، هاني غنشوفك اسي جود واش تبقا مركز معا ديك لكلبة
جود كان كيدوي معا ماريا على حساب لخدمة مكيركزش عليها محني على دوك لوراق لابسة غا دوك سماطي ، او هو مركز معا دوك لوراق طلعات معاه واحد واحد ريحة عشعشات فصدرو عرف مولاتها فلبلاصة ملي هز عينيه ، لقا ياسمين دايزة او غادة تال قدام لك لفوطوي مقابلة معاه او ݣلسات ، ماريا كتدوي معاه او هو غا كيشوف فياسمين او فشنو لابسة السيدة معكرة او مقادة راسها او تا داكشي لي لبسات ندم حيت شراه ليها مجات فين تلبسو تال هاد لأوضاع لا ولواعرة كولشي مشيك كولشي باين من لتحت سترينݣ ديالها او صدرية من لتحت زيد يديها لمعريين او لفخض لي كيبان ليها من لفتحة ، عاد لݣلسة لي ݣالسة رجل فوق رجل او هازة طيليفون ممسوقاش ليه
ياسمين : (هزات عينيها فيه) لبنت كتدوي معاك
جود : (رجع شاف فماريا) من لول مكانش خاص الصحافة تدخل فهادشي لغلط تاع باين الضحية ملي لجأ لإعلام قبل لقانون
ماريا : (كانت شافت ياسمين ملي دازت او شافت كفاش جود تلفات ليه لقبلة مني شافها) السيد كان باغي اضم الرأي لعام لصالحو ولكن معرفش بلي قدما لاعلام مزيان باش اوصل صوتو قدما خايب باش اجبد لي كاين ، بزاف تاع لأمور مكانتش اتبان او تشوه سمعة الضحية كون مدخلش لاعلام طبعا هادشي مكانش فصالح ديالو حيت أتر سلبا على لقضية
جود : (بالو كامل معا ياسمين لي شافها كتدوي فطيليفون)
ياسمين : (دارت راسها مصونية على شي حد) الو نوفل لا راني لابسة قريب توصل لدار ؟ ايوا صافي راني كنتسناك هههههههه نمشيو نزهاو شوي تا يصبح صباح شحال هادي مفوجتش هههه تا انا توحشتك او توحشت دوك ليام
جود : ماريا من بعد أو نكملو لهضرة (مازادتش تسنا كتر أو سد لپيسي ودوا بهدوء) غادة لشي بلاصة
ياسمين : (هبطات طيليفون زعما راني ساليت لمكالة) ساليتي لهضرة معا ماريا ؟
جود : واه معامن كنتي كدوي
ياسمين : (بتاسمات ليه) معا نوفل
جود : خارجة
ياسمين : (هزات طيليفونها كتصور او كتپوزا) واه خارجة
جود : فين
ياسمين : فين او ايمتى او معامن وشنو غديرو كاملها أسئلة مابقاش عندك لحق تسولني عليهوم
جود : (بقا غا كيشوف فيها) علاش معنديش لحق بسلامة
ياسمين : حيت بكل بساطة مبقيتيش راجلي
جود : راك غالطة حنا باقي مطالقنا رسميا يعني راك باقة مرتي او محسوبة عليا ، اذن من حقي نعرف فين غادة او معامن
ياسمين : (ممسوقاش) غادة لبارح معا نوفل
جود : ندوزو غادة لبار او معا داك نوفل كنتي ناوية تمشي بهادشي لي لابسة
ياسمين : مكنتش ناوية انا باقة ناوية نمشي بهاكدا
جود : (نفاجر عليها بضحك) ههههههههه جاتك لبسة زوينة مغيكونش داك نوفل عيا يستنا فيك لتحت هبطات متعطليش عليه او متقويش فشراب باش ميضركش راسك فصباح
ياسمين : (“مال هادا واش مابقاش كيتسوق ليا”) متحتاجش توصيني بسلامة
جود : انا فبلاصتك عيواض منمشي نخسر فلوسي فلبيران كنت نعوض داكشي لي هرست لناس ، ولا ياكما يسحاب ليك دوزت ليك قضية طيليفوني لي هرستي عندك وحدة من جوج يا حطي فلوسو يا شري ليا واحد آخر
ياسمين : مالك زقرامة بحالي معندكش باش تشري طيليفون آخر
جود : قالو ليك عليا انا هو اخنوش ولا انا لي كنطبع لفلوس مناش جاوني تا انا ، ميسحابليش من نوع لي مكيتحملش مسؤولية داكشي لي كيدير كون كانت ماريا كون خلصاتو ليا فلبلاصة
ياسمين : (محملاتش ايقارنها بماريا) او مال تلاتين الفريال تاع طيليفونك تغلبني ؟ انرضها ليك
جود : ههههههههه تلاتين الفريال كنت شاري نوكيا پيل راني حاط فيه 140 ألفريال قاتلك 30 الفريال
ياسمين : (وحلات ليها) 140 الفريال شكتصنع بيه ݣاع غتصور ليا بيه لجزء تاني تاع زين لي فيك ؟
جود : قولي معندك فلوسو او هنينا
ياسمين : شتيني واش معنديش غنعطيهوم ليك كاش او دقة وحدة غدا بليل غا هنينا
جود : (شافها رجعات لحمام بدلات عليها بواحد توني او سروال تاع لكيطمة) شتك بدلتي كانت ديك لبسة جاتك زوينة
ياسمين : ماشي شغلك “مايت لݣلب لاخر يعطيك لحكة نتا وديك ماريا ديالك لكيدار لاخر”
جود : (ضحك ملي شافها مشات معصبة) باغة غا لغدايد الالة ياسمين انا باخوم ، جايبالي إيهاب افقصني بتعناق ديالك او لعب ، ونا غنجيب لي تخرج لجدك لعقل او تخليك ترجعلي ليا بلا ديدي بلى حب الملوك ، قاتلك خارجة معا نوفل الله ايلاقيني معاك انوفل فشي زنقة مكتخرجش ، ولكن نسالي جرة هاد الراقي نعرفوها واش مسكونة ولا هي لي ساكنة او نتفاهم معا جدك
دخل تا هو بدل عليه او مشا خرج يقضي شي غراض عندو برا
#عند اكسيل#
كان ݣالس معا لحاجة كيشربو فاتاي
اكسيل : لحاجة آخر مرة نبغي نشوفك قلتي صباح
لحاجة : ايمتا قلقتها اولدي
اكسيل : ليوم ملي مشيتو عند نݣافة بقيتي كتختاري نتي بحالا عرسك او زدتي كتنقصي من راجلها قدام ناس او قدامها
لحاجة : اوليدي علاش مباغينش تفهموني راه داك لولد ميصلاحش ليها او ملي ختاريت فحين انا كبر منهوم او عارفة لي يليق ليهوم
اكسيل : لحاجة عرسهوم ايديرو مابغاو فيه ، او بالنسبة لداكشي لي كتقولي على محسن لي خاصك تعرفي دري راجل هاز راسو براسو او عمر الزلط او لحفل يكون عيب لعيب هو لواحد تهز كتر من جهدو ، كان باغي اتكفل بلعرس كامل ولكن انا لي مخليتهاش حيت أنا لي بغيت نديرلها لعرس من عندي آخر مرة نسمعك كتنقصي منو ولا ميعجبك حال
لحاجة : كتهددني ولا كيفاش
اكسيل : كنعرمك باش ماشي ليوم ولا غدا تقولي موصيتكش
جود : (دق عليهوم لباب) لواليد
اكسيل : دخل
جود : لواليد بغيتك تدوي ليا معا داك مول رقية صاحبك ايجي عندنا لدار
اكسيل : علاش ؟
جود : لبارح مشينا دخلنا لواحد الدار او خفنا لنكونو تخطينا شي حاجة
لحاجة : هاويلي اولدي شداك لتما
اكسيل : ياك كنوصيك متبقاش تمشي لدوك لبلايص متعرف شنو يوقع ليك تما
جود : تزمطنا نعول عليك تعيط ليه ايجي عندنا
اكسيل : انقول ليه الى عندو شي وقت ايجي هاد لعشية
لحاجة : انا انخليكوم دبا
اكسيل : (بقا هو او جود) متأكد غا على دكشي بغيتي نجيب الراقي
جود : (مشا ݣلس حداه) لبارح ياسمين كانت ناعسة او ملي ضرباتها لفيقة لقاتني طالق لقرآن شخشخات ليا طيليفون او جرحات يديها او بدات كتقول مطلقش ليا هاد زمر ، او ديك نهار فلݣنازة ، او ليوم قال ليا إيهاب بلي كانت موالفة تمشي لدوك لبلايص متعرف تكون تسكنات ولا شي حاجة ونا مشارك معاها نفس لبيت ولموشكيل غوت عليها لبارح كون جمعاتها معايا او تسيفات عليا ايسكت ليا لقلب الواليد ، شي مرات راه كنكون كنصلي او ملي تفيق او تشوفني كنصلي كتغوت
اكسيل : (عارفو كيخاف من سيرة جنون) انا اندوي معاه ايجي انصر عليه
#عند ياسمين#
ركبات طاكسي او شدات طريق لعند واحد لپاتيسري خدات منها شي حلوة عاد مشات لشركة فين خدامة لغالية حيت هي لي وصاتها على ديك لحلوة ، معا بغات تقطع الشانطي باش دخل لشركة شوية مطحنها واحد طونوبيل مخلياها طيح ديك لكارطونة تاع لحلوة لأرض
فؤاد : (لي كان غيبلاصي طونوبيلتو تا خرجات ليه وحدة من الجنب شويا ميضربها كونما فرانا بجهد ، نزل عاقدهام) واش تسطيتي مكتشوفيش قدامك ضو خضر لاش قاطعة
ياسمين : (طلع ليها زعاف) ونتا شوية مضربني مسولتي تا واش انا بيخير شوف كي ضربي ليا خطية لسخرة المرض
فؤاد : (كان طالع ليه دم بسباب شي خدمة) واش نتي بيخير مامتيش
ياسمين : برا ولباس عليا تا نموت (لقطات لكارطونة لي واخة طاحت بقات مسدودة) حيد عليا ندوز بقات فلكتاف
فؤاد : (ركب طونوبيلتو او مشا تا بلاصاها كيستغفر لي خلقو) صبر اربي الصبر
ياسمين : (دخلات لشركة او سولات موضفة لاستقبال قالت ليها بلي لغالية كتسناها لفوق ، ركبات فسانسور تا وصلات لطابق فاش كاينة عمتها)
لغالية : (كانت فلمكتب ديالها تا قشعات ياسمين هي تشير ليها) انا هنا
ياسمين : (دخلات عليها لمكتب) ها سخرة ديالك
لغالية : (حلات لباطة لاقياها مهرسة) شوقع لهاد لحلوة
ياسمين : واحد التيس بو كتاف شويا ميدوز عليا تا طيحت لباطة او تشخشخات ليا يعطيه لحكة
لغالية : احياني عليك ايكون منك لافوت
فؤاد : (دخل عليهوم لمكتب) كوتر ساليتي داك لملف لي…. شكادير هاد لمعزة هنا
ياسمين : لمعزة يهيا م…(قرصاتها لغالية بجهد) هي خالتك
لغالية : سكتينا
فؤاد : شكادير هادي هنا ؟
لغالية : سمح ليا امسيو فؤاد بنت خويا جات توصل ليا شي صخرة وصيتها عليها
فؤاد : (ملي عرفها بنت خوها تهدن شوي) علمي بنت خوك متبقاش تقطع الشانطي او ضو لخضر مشعول كون محفض الله كنت اندوز عليها
لغالية : سمح ليا طلبي جدك سماحة
ياسمين : سمح ليا
فؤاد : كوتر جيبي ليا لملف لمكتب ديالي
كوتر : واخة مسيو فؤاد
ياسمين : ربي واش راك خدامة عند هادا متسرطش ليا
لغالية : الى متسرطش عليك دوزيه بلما او يالاه سيري دبا تسنايني فطونوبيل تا نلحق عليك
ياسمين : هاني غادة بسلامة
لغالية : (بقات تا سالات خدمتها عاد هزات ساكها او مشات ركبات طونوبيلتها)
ياسمين : غنرجعو لدار دبا
لغالية : واه توحشت راجلي نمشي نشوفو
ياسمين : توحشتيه ؟ غا لبارح شتيه
لغالية : صافي غا شتو لبارح منتوحشوش ، مكتوحشيش جود
ياسمين : ماشي شي وحشة
لغالية : ههههههههه احياني عليك العفريتة حيت مكنشوفكش كي كضلي عاسة فلبالكو ملي كيتعطل
ياسمين : (وصلو لدار او ملي دخلو لقاو كولشي مجموع فصالون ، بان ليها واحد جوج درجال بلحية)
لغالية : السلام عليكم (مشات ݣلسات حدا اكسيل) شنو واقع هنا
اكسيل : هادا صاحبي جبتو ايدير لين الرقية
لغالية : احسن حاجة درتي هاد ليامات كترات علينا لعين
جود : (ناض عندها) ياسمين أجي ݣلسي
ياسمين : (عينيها على دوك جوج لحيات) انا طالعة نعس
جود : صاحب بابا جا عندنا ماجاتش طلعي لبيتك حشومة
ياسمين : باغة نطلع لبيتي نعس آخر همي هوما دوك شطابة لعتروس نݣلس معاهوم
جود : حشومة تقولي هاد لهضرة ايتقلق بابا الى سمعك
ياسمين : (جرها تا دخلها عندهوم او ݣلسها حداه)
راجل : (ملي شافها ݣلسات بدا الرقية ديالو او هو حاضيها حيت اكسيل وصلها عليه)
ياسمين : (غا سمعاتو كيقرا لقرآن كانت بغات تنوض سعا شدها جود ، رجعات اللور او بقات كتسنط)
جود : (لاحض بلي مدارت تاشي ردة فعل انما ݣالسة شادها لملل من لوضع)
ياسمين : (ملي شافتو سكت ناضت بغات تمشي بحالها تا عكلاتها لحاجة شوية مطيح على فمها كونما صاحب اكسيل شدها من ليد)
راجل : (طلقها بزربة) بيخير أبنتي
ياسمين : (عيواض متشكرو ناضت كتغوت عليه مجننة) لاش قايسني اشداك تشدني نطيح ولا نݣلس مكبوت لاخر
اكسيل : (عقدهوم فيها او غوت) ياسمين طلعي لبيتك
ياسمين : (طلعات لفوق كتسوط)
اكسيل : (خرج هو وجود معا صاحبو لبرا) مسحها فيا اعبد الرحمان
جود : سمح ليا اعمي راه معرفناش مالها
عبد الرحمان : ماشي موشكيل اولدي لبنت باقة صغيرة غا هو معندهاش السحر ولا تلباس تا توكال معندهاش ولكن امكن تكون عندها عقدة نفسية من لأحسن تديوها عند طبيب نفساني ايراقب حالتها حيت هادشي ماشي عادي ، واش وقع ليها شي موشكيل معا شي سيد داير اللحية راه كتارين اعداء الله لي عندهوم دين هو اللحية
اكسيل : ضاروري غنشوفو شي طبيب نفساني
عبد الرحمان : (طبطب على جود) بلتي هي احسن اولدي او رض مرتك راه شاورني باك فلمضوع ديالك ، حاول معاها تا تعرف لموشكيل لي عندها ويلى لقيتي متصلح صلح دير لي عليك او ربي غيكمل ليك
اكسيل : طلع شوف مرتك
جود : واخ
اكسيل : (بقا هو وصاحبة راس فراس) عبد الرحمان بقيت غا انا وياك قول ليا شنو كاين
عبد الرحمان : منين كنتي ونتا كتقشعها طايرة ، مكنتش بغيت نقول هادشي قدام ولدك مابغيتوش اتخلع باقي صغير او يالاه بادي حياتو ، كيما قلت ليك لبنت ممسحوراش او مساكنها حد ولكن توكال واحلا شي حاجة قديمة شوي حيت داك رضان لي قلتي ليا دارت ديك نهار كيدل على هادشي ، ولكن توكال ديالها خفيف ، خاصها غا تخوي قلبها على طبيب او يحاول راجلها اجبد منها لهضرة بشوي ، حيت باين بلي مكتحملش رجال الدين والا دين براسو ، او هادشي لي ضارها فخاطرها او منفرها من لي خلقها متعلق شي حوايج من هادو ، انا واخة قارئ علم النفس منقدرش نفيدها او نشخصها مزيان بحال طبيب مختص
اكسيل : غنشوفو معاها الى بغات تمشي مابغاتش غنبززو عليها وصاف ولكن راه باقي مقلتيش ليا كولشي
عبد الرحمان : بغيت نقولك غا حضيوها مزيان هي دبا بعيدة على لي خلقها هادي لولة او باقة صغيرة ساهل اتلعب بدماغها او لي بحالها كيقصدوه اعداء الله من المشعوذين او سحارة حيت لبنت مزوهرة ، وهاد ليام دنيا مابقات تعجب دراري ولاو كيتخطفو او يدار فيهوم لعجب داكشي علاش حضيو معاها
اكسيل : كون هاني من هاد ناحية
عبد الرحمان : نخليك انا دبا غنمشي بحالي
اكسيل : ݣلس تا تغدا معانا
عبد الرحمان : مانصيبش تابعاني واحد لمحاضرة فلجامعة
اكسيل : ايوا الله اسهل عليك نعوضوها فنهار آخر ، قبل منسا مرحبا بيك نتا ولعئيلة لعرس بنتي
عبد الرحمان : (بغا يشد فيها) داير شطيح او رديح الكافر بالله
اكسيل : لغالب الله اخويا تا نجمعكوم بلأمداح مرة خرى
عبد الرحمان : ههههههه داير ليا شوي لربي شوي لعبدو ، ايكون خير الى سيفط غنسيفط غا لمرا او دراري ايشوفو شوي ويتمنضرو
اكسيل : ههههههه نتا سير بات فجامع تصلي اوسيفط لمرا تمنضر ، غا ضاحك سيفط لبنات افوجو شوي
عبد الرحمان : ان شاء الله
#عند ياسمين#
كانت كتغسل ليد مناش شدها صاحب اكسيل او هي كتعاير او معصبة
ياسمين : داك لعزافة تاع لخرى قاسني تفو لمكبوت لاخر
جود : (دخل عليها لاقيها معصبة) حرام عليك شديك لحالة لي درتي لراجل مسكين او هو بغا غا يعاونك
ياسمين : (معصبة) ميعوتي منعاونو اجمع عليا يديه من تامل لاخر لمكبوت شطابة لعتروس
جود : دبا غي تكالماي لاش معصبة
ياسمين : شوف نتا آخر مرة نلقا جدك جايب ليا شي زمر لدار بقات لينا شهراين او نطالقو اوديك الساعة جيب تا لفقهة مشغليش
جود : (ضرب طم ماتلاش دوا معاها بقا غا كيشوف او كيستناها تهدن)
ياسمين : (زادت شوي او مشات نعسات)
جود : (بقا مودة كيشوف فيها قبل ميهز طيليفونو او يحجز موعد معا طبيبة لي كتمشي عندها صباح ، شرح ليها لحالة ديالها مزيان عاد قطع معاها)
لغالية : (جات دقات عليه) جود
جود : (حل ليها لباب) لغالية
لغالية : جيت نشوف كي بقات تهدنات شوية
جود : راها ناعسة
لغالية : مزيان ملي نعسات
جود : (خرج عند لغالية ساد لباب من موراه) لغالية
لغالية : نعام باغي شي حاجة
جود : باغي نعرف واش عارفة علاش ياسمين كتصرف هاكدا
لغالية : شنو لي خلاك ضن انني عارفة شي حاجة على شنو واقع لياسمين
جود : فلأول او فلأخير نتي عمتها غتكوني عارفة عليها شي حاجة اتكون كتعاود ليك
لغالية : غا كيجيب ليك الله ياسمين مشتهاش خمسنين هادي ملي تزوجت خليتها صغيرة ، او تا كون عشت معاها مكنت انسيق لخبار لتا حاجة حيت ياسمين من طبعها كتومة مكتقولشي لحاجة لي ضاراها
جود : تصبحي على خير نخليك انا دبا
لغالية : مغتعشاش ؟
جود : لا مفياش جوع
لغالية : على خاطرك تصبح على خير
جود : ونتي من أهل لخير (دخل لبيت مرة خرى او مشا صلى واحد ستة دركعات عاد مشا تكا فوق لفوطوي كيفكر او يخيط فبالو ، الشك ديالو انها تعرضات لإغت’صاب من شي بو لحية ولا شي حاجة بحال هاكداك ، مقدش اغمض عينيها مجرد انو كيتخايل بلي يمكن ايكونو لشكوك ديالو صحاح كيركبوه لأعصاب او كتشدو لخنقة جوج حوايج لي مكيحملهومش او مكيقدرش اتسامح معاهوم هو لخيانة او لإغت’صاب ، هاد جوج حوايج خط حمر عندو امشي تا يشوف شي واحد دارهوم ولا حتا سمع بيهوم كيبغي قلبو يسكت)
#فلعشا#
لحاجة : (كان كولشي ضاير بطبلة) انا مفهمتش هاد قلة ترابي لي وصلات ليها بنت خوك ، مغوتة على سيد او هو باغي غا يعاونها
لغالية : (كانت متحكمة فأعصابها بزز ولكن غا سمعات شنو قالت لحاجة وقفات كي تور لهايج) حتارمي راسك الحاجة مالها بنت خويا كي جاتك شكون عكلاتها تا طاحت أدوي دايرا ليا فيها لملائكة بقات فتسبيح طر
اكسيل : (هز عينيه فيها مغوبش ملي شافها كتغوت على لحاجة بديك طريقة داكشي علاش رفع صوتو تا هوا) نقصي صوتك او ݣلسي
لغالية : بناقص من شي عشا انا طالعة نعس
اكسيل : (هاد لمرة غوت بجهد تا قفز دوك لي ضايرين بيه) رجعي ݣلسي كملي عشاك يالاه
لغالية : (طيح ليها لما فركابي تا رجعات ݣلسات بلاما تهز فيه لعين ملي غوت عليها بحال هاكدا قدام كولشي يعني طلع ليه زعاف تال لحد او فاتت لحدود بغواتها)
صباح : (كانت ݣالسة حدا باها شافتو عادي نيت مدات ليه كاس تاع لما) مشربتيش لما ليوم راه ممزيانش ليك تقلل لما ، لأطباء كيقولو بلي لواحد أقل حاجة يشربها فنهار هي جوج لتر
اكسيل : (خفف شوي من تعابير تاع وجهو عرفها باغة تخفف عليه ، ناض من بلاصتو) انا شبعت بصحتكوم ، لغالية
لغالية : (قفزات) ن.نعام
اكسيل : قاديلي قهوة او طلعيها معاك
لغالية : واخة
اكسيل : دابة
لغالية : (طلع هو لبيت أو مشات هي وصباح لكوزينة تقاد ليه قهوتو)
صباح : (شافة لغالية تالفة)
لغالية : شنو بان ليك نحكو هاد صواني تاع لفضا ولا نخسلو هاد لماعن نسيقو حنا ݣاع
صباح : ماديريش فبالك راه دغيا كيبرد
لغالية : الله يهديك شمن غيبرد (ضربات فمها) هاك افمي شداني ندوي طبيب كيقول ليه بعد على صداع مفخباروش انا صداع شخصيا شبان ليك طلعي ليه نتي لقهوة ؟
صباح : (دارت ليها لقهوة فلكاس او دارتو فلپلاطو وعطاتو ليها) شدي شدي وطلعي عند راجلك
لغالية : (شدات لپلاطو او طلعات لبيت كطلب الله تلقاه ناعس سعا هيهات لقاتو واقف كيتسناها) ها ها قهوتك
اكسيل : حطيها فوق الطبلة
لغالية : (حطاتها فوق طبلة او قالت تدوي معاه زعما) شوف انا قبيلة مكنتش باغة نغوت راه غا تعصبت من هضرتها
اكسيل : (نفاجر عليها) كنتي معصبة ولا مزمرة مشغليش آخر مرة ألغالية نشوفك كتغوتي على لحاجة قدامي ولا قدام دراري آخر مرة تقول ليك لي قالت يا رضي بلهداوة يا سديه سمعتيني ولا خليني انا نتكلف ، اما باش تبقاي تنقزي عليها تما قدامي لا ياكما بانتليك صحبتي راها مي مي لي ولداتني ، ملي يشوفوك دراري كتغوتي عليها قدامي شنو يفهمو ادوي ؟ ليوم ولا غدا اوليو تا هوما كيتهزو على جداهوم على مهوم او يخليو عيالاتهوم اتهزو عليها ، ها ودني منك مي تحتارميها واخة دير لي دارت ضراتك جي عندي انا عيب عليا الى مخديتش ليك حق (دخل لمكتب ديالو مخليها واقفة تما شادة لبكية)
لغالية كتعرفو داك لمتل تاع يديك منك ولو مجدامة ، ايوا تا اكسيل هاكداك مو هاديك واخة تكون لفعة عݣربة ، تاشي راجل حر تاشي بنادم ميبغي شي حد اغوت ليه على مو بلأخص قدام لوخرين تا بلى لوخرين ميتغوتش عليها ، اكسيل مو وباه راه انحر لواحد على قبلهوم لعساك اخلي شي حد اتهز عليهوم ، تنادم معاها لحال حيت قلقاتو عرفات غيكون دابة تقلق منها بزاف ݣاع ، لحق اتقال عمرها جات عندو قالت ليه مك دارت ليا او دوزها ليها كيرض ليها حقها فسكات بلى غوات بلى فضيحة ، وراجل لي مفيه خير لواليديه شمن خير تسناي منو ليك ، بقات كتسناه يخرج والو او تا باش تمشي عندو مقداتش والله كون مكان مربي مزيان او عارف بينو اوبين لي خلقو كون هردها عصا تا تعوقات ، جاب الله مزوجة راجل كيعرف اشد يديه عندو مشات تخشات فبلاصتها دايرة راسها ناعسة تا حسات بيه متكي حداها ولكن ممعنقهاش كيما موالف
لغالية : (ضارت عندو مقربة ليه او داوية بحنية) سمح ليا قلقتك منعاودش ، غتبقا هاكدا مقلق مني نمشي نطلب سماحة من لحاجة آ وا اكسيل
اكسيل : (دار يديه على عينيه او دوا برود) نعسي غدا تابعك لفياق بكري
لغالية : (ضارت لجيهة لوخرة مغمضة عينيها مغيدوي معاها تا يبرد)
#فصباح#
فاقت معا ستة كيف لعادة لقاتو فايق او لابس عليه باين غادي لخدمة ، دخلات تا هي لحمام غسلات وجها عاد خرجات لبسات عليها حوايجها
لغالية : صباح الخير (قربات عندو باغة تبوسو من لفم ولكن بعد عليها)
اكسيل : (خسر عليها كلمة وحدة) صايم
لغالية : (تفكرات بلي ليوم لخميس او من عادتو كيصون تنين او لخميس على طول لعام الى الى كانت عندو شي حاجة معدالش ليه) الله اتقبل توصلني ليوم لخدمة طونوبيلتي تسالا ليها لمازوط
اكسيل : (هز سوارت تاع طونوبيل) يالاه
لغالية : (هزات سلكها او تبعاتو لطونوبيل ركبات حداه او بقات ساكتة تا زادت شوي عاد دوات) بليل ملي نرجع غيخصنا نجيبو طبالي تاع ناس لي جايين او ملي تجي ترضني غندوزو نجيبو الدعوات باش نكتبو فيهوم السميات او نسيفطوهوم لناس
اكسيل : ان شاء الله
لغالية : (وصلها تال قدام الشركة نزلات بوحدها او هو منزلش بقا لداخل) بسلامة
اكسيل : (بقا حاضيها تا دخلات او قبل ميتحرك شاف طونوبيل واعرة بلاصات قدامو نازل منها واحد سيد مݣلضم او طويل سي فؤاد ديالنا ، بقا متبعو بلعين تا شافو دخل لشركة) ها لمرض عاود زعما لواحد ميديرش شركة فيها نسا بوحدهوم او شركة خرى خاصة غا لرجال ضاروري ايخالطو ليا زمر كي لبحر
ياسمين : (كانت ناعسة تا جا فيقها جود من نعاسها) شنو باغي ؟
جود : فيقي نمشيو لواحد لقنة
ياسمين : شمن قنة بسلامة
جود : يالاه أو تعرفي
ياسمين : (ناضت من بلاصتها ومشات لمارية جبدات منو واحد لݣيطمة لبساتها بزربة او تبعاتو لطونوبيل) فين دايني معا هاد نبوري أدوي
جود : غادين نلقاو دوا لراسنا
ياسمين : شمن دوا
جود : غاديين عند طبيبة نفسية تعاونا
ياسمين : شكتخور ؟ شمن طبيب فاش غيعاونا بسلامة
جود : انا مريض فكغي وتا نتي حنا بجوج مراضين فكغنا لمغريب كامل مريض فكرو او خاصو طبيب لذلك انا وياك غنمشيو لطبيب نستاشروه او ناخدو نصيحة
ياسمين : واش نتا غا كتشد السالير ديالك كياكلوك قلا’ويك ؟ شايطين عليك لفلوس عطيهوم ليا ونا نلقا لجدك دوا
جود : ياك فلوسي يعني نخسرهوم فاشما بغيت
ياسمين : (كتعيب فيه) فلوسي تقول عندك لملاين ياك كتكمل شهر غا بلكريدي
جود : هاء او مالو لكريدي كي جات ياك كنتسلف غا من راسي تا كنرض ليا فلوسي
ياسمين : (بقات ساكة تا وصلو لعيادة تاع طبيبة متسناوش بزاف قبل ميدخلو عند طبيبة)
جود : (سلم على طبيبة حيت كيعرفها شحال من عام هادي منين بدات ختو كتعالج عندها)
طبيبة : مرحبا بيكوم تفضلو ݣلسو
ياسمين : (مشات ݣلسات فوق لفيطوي فحين جود ݣلس حداها ، ديك لهزة لي هزات راسها لقات واحد التصويرة تاع ديك طبيبة معا واحد بو لحية)
طبيبة : نبداو لجلسة ديالنا (بقات كتسول فيهوم او كتسول على علاقتهوم او لحوايج لي مكتعجبهومش فبعضياتهوم تا عرفات داكشي لي بغات) الوغ كيما كتعرفو لمشاكل بين كلا كوپل شيء عادي دكشي راجل انهوم جوج تاع لاشخاص كبرو فوسط مختالف كيفكرو بطريقة مختالفة ولكن شي مرات لخلافات الى مدرناش ليهوم حل مغيخليوناش نرتاحو فعيشتنا ، نتوما باقين صغار او الزواج عندكوم شي حاجة لي جديدة عليكوم ونا كنتفهم هادشي ، نتوما كتنائي كتفتاقرو للحوار من الدرجة لأولى حاولو تعطيو لراسكوم فرصة انكوم ندويو او تحطو نقط على لحروف بلاما تغوتو بلاما تنوضو صداع ، نتا اجود حاول تقبل ياسمين حاول تقبل لجوانب ديالها كاملين ، ونتي اياسمين حاولي تفهمي بلي مصلحتك لي باغي او بلي ماشي اي حاجة كنعتاقدوها هي صحيحة ، حاولو تشوفو لجانب لإيجابي لكل واحد فيكم متبقاوش تشدو غا فلجوانب السلبية (مدات ليهوم واحد لبطاقة) هادا واحد لمنتزه نتما تمشيو ليه او دوزو فيه شي يمات بلا طيليفون بلى صداع الراس فراس او لأهم بلى أعصاب فتحو قلبكوم لبعضياتكوم ، جود يمكن ليك تفضل
جود : واخ
ياسمين : (شافتو ناض بغا يمشي داكشي علاش بغات تلحقو سعا وقفاتها طبيبة)
طبيبة : باقة محتاجاك اياسمين
جود : انا غنتسناك فطونوبيل
ياسمين : (مفهمات والو) واخ
طبيبة : (بقات غا هي وياسمين) كتقراي ؟
ياسمين : لا
طبيبة : كديري شي حاجة فحياتك
ياسمين : (كتجاوبها على قد السؤال) حاليا خدامة فلحانوت معا شيخي
طبيبة : باينة فيك شخص لي متحفض بزاف مكتعاوديش لي داخلك بسهولة
ياسمين : (كانت كتشوف فطبيبة بدون تعبير) ماشي كولشي كيتقال
طبيبة : ديك السنسلة لمشبكة لي فعنقك زوينة قالو ليا بلي كتلبسيها ديمة ، غتكون عزيزة عليك بزاف
ياسمين : ماشي ديما لحوايج لي كنديرو كيكونو عزاز علينا
طبيبة : هي هاد سنسلة معزيزاش عليك
ياسمين : ماشي بضرورة نكون كنبغي لحاجة ولا كنكرها تا نديرها يمكن نكون غا دايراها هاكداك
طبيبة : تا حاجة من داكشي لي كنديرو ديمة كتكون غا هاكداك يمكن نكونو باغين نخبيو بيها شي حاجة مباغينش ناس لوخرة تشوفها
ياسمين : شعند هاد شبكو دلحديد متخبي متلنا ادكتورة
طبيبة : ماشي بضرورة تخبي بيها شي حاجة كتبان على برا يمكن كتخبي بيها شي سر حابساه لداخل ولا شي عافية شاعلة فيك لداخل ولا حتى جرح مابغاش يبرى
ياسمين : (بتاسمات ليها) يمكن شكون عرف
طبيبة : (ضارة عند تصويرة وبدات كتدوي) منين جيتي ونتي كتشوفو فهاد تصويرة يمكن عجباتك ، هادا بابا الله اخليه ليا كون مكانش هو مكنتش غنوصل لهادشي فاش انا قراني او كبرني ودعمني تا شديت فخدمتي
ياسمين : (قلبات عينيها بملل) الى ساليتي من قصة لعشق ديالك نتي وباك واش يمكن ليا نمشي حيت آخر همي نسمع هاد لمحاجيات
طبيبة : (بتاسمات ملي لقات راسها قاست واحد النقطة فلداخل ديالها) كنضن بلي صعيب تفتحي ليا قلبك ولكن لي نبغي نقول ليك ملي تكوني مستعدة او باغية تحيدي عليك داك لهم لي هازة وباغة تخوي قلبك بلاما حتى واحد يعرف غتلقايني كنتسناك ، عطي لراسك فرصة وبداي صفحة جديدة
ياسمين : (خرجات من عندها ومشات ركبات فطونوبيل حدا جود)
جود : وقعات شي حاجة قالت ليك طبيبة شي حاجة ؟
ياسمين : مقالت والو أجي عمي اكسيل معندوش شهادة فطب نفسي تقول هادي ناقلة منو غا عطيناها لفلوس باطل
دازو لواحد لقهوة كلاو فيها بجوج لغدا عاد رجعها جود لضار او مشا هو يقضي شي غراض مسولاتوش على فين غادي او دخلات لداخل لاقية كل واحد او فين ملاهي طلعات لبيتها ، باغة تنعس تا قشعات لپيسي تاع جود مشعول قالت دخل تبقش فيه شوي قبل ميجي ، كانت ناوية تشوف ياكما سيفطات ليهيك لمرضة تاع ماريا شي ميساج تا طاحة على داك لڤيديو لي صور إيهاب لضار بقات كتفرج فيه من لول تالخر او هي غا ساكتة تا تحل عليها لباب على غفلة بلخلعة سدات لپيسي
صباح : (دخلات عليها) فاش كنتي كتفرجي العفريتة هاء ؟
ياسمين : (كان لون مخطوف من وجها) و.والو غا كنت كنشوف شي تصاور
صباح : ههههههه راني غا ضاحكة معاك مالك جا بابا ولغالية وجابو معاهوم دطاقات الدعوات او بغاوك تهبطي تعاونينا فلكتابة
ياسمين : يالاه نزلو (نزلات معاها لتحت او ݣلسات حدا اكسيل ولغالية لي كانت كتقيد فواحد لورقة كبيرة)
لغالية : اخيرا سالينا حباب لعروسة ستين طبلة بلحساب
مجد : ياربي سلامة شحال كتار
اكسيل : (ضربو لراس) قول تبارك الله
لغالية : حباب لعريس وصلنا 25 طبلة محسن شوف واش نسيت شي حد
محسن : لا لمهيمين كاينين
لحاجة : هاء 25 طبلة مناش جاتك مخلص لقاعة
اكسيل : راك غلطتي فلحساب حنا ماشي 60 طبلة غا 50 دوك عشرة تاع طبالي تاع صحابات لحاجة بلاش منهوم
لحاجة : هاء باغي تحيد صحاباتي تسطيتي
اكسيل : نحيد تا خوالي ؟ راني مخاسر تا وزة
إيهاب : ليا لحاجة وليتي مدمنة على دواك
لغالية : يالاه بداو لكتابة تاع هاد لأسماء تما
ياسمين : (هزات كتكتب ملي طلات على اكسيل لقاتو تا هو كيكتب) خطك ناضي حداش وصلتي فلقراية ؟
اكسيل : (عرف بلي تنادم معاها لحال على لبارح او باغة تجبد معاه لهضرة هو براسو تنادم معاه لحال حيت غوت عليها) تالت ولا رابع معقلتش بضبط
ياسمين : تا حلف
اكسيل : غنكدب عليك
ياسمين : يسحابلي تكون شديتي لإجازة
اكسيل : شديتها فلأعصاب تخصص زبايل ولادي
مجد : (شاف لورقة لي كتبان صباح هو ينفاجر بضحك) واش نتي مسيفطة ليهوم بطاقة دعوة الزفاف ولا أردنونص تاع طبيب خاص ايديوها لفرماسيات باش تعرفو شكون يحضر او شكون لا ههههههههه
اكسيل : (شاف لورقة) معا هاد لخط تاع طبا ابنتي نتي تبقاي تسدي لوراق او تزوقيهوم بلوردة (جمع شي بطاقات مادهوم ليها تا قشع واحد لورقة) شكون هاد *غزلان و حرمه* ؟
مجد : مناويش تعيط ليا على لمادام ولا كيفاش الواليد غتجي غزلان ونا لحرم ديالها
اكسيل : (شير عليه بلوسادة) مانيذا يقرا يباش تاعرابت {فين هنا قرأ باك لعربية}
مجد : عارف بلي باقي متزوجنا ولكن كنتعتابر لحرم ديالها
إيهاب : هههههههه واش جدك نتا هو هيام تا تكون لحرم ديالها ، لحرم يعني نسا الكانبو نتا مرات مرتك ؟
مجد : آه ندير وزوجها لوحيد و لاول ولأخير
اكسيل : غتمشي تزوق معا ختك ولا نوريك لوحيد
لغالية : عندو لحق خاصنا نعرضو عليها
اكسيل : ياك قالك قريب اتخطبو يعني تعتبر من لعئيلة ولعئيلة مكيعرضوهاش ناس
مجد : شوف لفم لي كيقطر لعسل على هاد لهضرة غنبوسك
اكسيل : بعد عليا
مجد : تا والله تا نبوسك (باسو بدرع من لحنك)
جود : (دخل عليهوم) السلام عليكم
هوما : وعليكم السلام
صباح : فين مشيتي
جود : مشيت نجيب خالتي نجية من لمحطة
نجية : السلام عليكم
صباح : (مشات كتجري عندها معنقاها) خلتي
نجية : لحبيبة ديالي
صباح : شخبارك اخالتي غبرتي ايمتا رجعتي من بلجيكا
نجية : (ݣلسات حداها بعدما سلمات على كولشي) سيمانة لي فاتت ، ولد عمتي شخبارك
اكسيل : لابس لحمد الله
نجية : لغالية لباس عليك
لغالية : حمد الله ونتي فين لينا مجاتش معاك
لينا : je suis la
ياسمين : (سمعات صوت طالون ملي هزات راسها لقات واحد لبنت شغنقول ليكوم ها صدر ها ليهونش ها زين ها زعورية وشعر مسبسب لابسة صاية معا صدرية بشرتها كتحمق ، حسات بحالا شي حد طرشها)
لينا : لميمة يزة لاباس
لحاجة : (فرحانة بيها) لابسة الحبيبة ديالي
لينا : مجد غنتقلق منك ماجيتيش تاخدني من لمحطة
مجد : وايلي على تقلقي علينا حشومة ݣاع تقوليها حصلنا غا معا توجاد لعرس
لينا : مسامحاك مي سي لدغنييغ فو هاني علمتك ، ماشيغي صباح فين طون ماغي مغنشوفوش
صباح : الله اودي (ݣلسات حدا محسن او شدات ليه ليد مزيرة ليه عليها) نعرفك محسن راجلي ، محسن هادي بنت خالتي
لينا : داكوغ مشرفين جود ڤغيمون تصدمت ملي عرفتك تزوجتي ، ماشي بكري او عطاتك خاطرك تزوج بلى بيا فين هي مرتك (ماخلاتوش يدوي) أطوند أطوند مغضحكش معايا وتقولي بلي هاد لعزري سي طا فام
ياسمين : (كانت لابسة توني تاع دراري او شورط كانت شافراه لإيهاب شحال هادي) متشرفين هاد لعزري مرتو
لينا : ههههههههههه آپوسي جود كنعرفو مزيان نتي ماشي ستيل ديالو
ياسمين : (كانت كتسناه يدوي سعا ضرب طم)
لينا : (شافت فيه ممتيقاش) واش ڤغيمون طا فام ؟
جود : واه مرتي
إيهاب : (كحاز عند مجد) اياخويا هادشي عندكوم مجهد شداكوم عند لبراني وطسيلتكوم عامرة أخلاق او خيورات ، ولكن هاه متجي فين ترجع لبلادها تا تلقا ياسمين عوقاتها
جود : (مشا ݣلس حدا ياسمين هو براسو معندوش معا بنت خالتو فيها لقفوزية بزاف ولكن باش ارجع ياسمين ايجيب تا طالوني معندوش موشكيل)
ياسمين : هادا هو لغاراض لي مشيتي تجيب
جود : واه
ياسمين : وايمتا هاد ناوي ترض هاد لغراض بسلامة
جود : يلاه جات او بغيتيها تمشي
ياسمين : هاء بغيتها تمشي ؟ شغلي فيها انا تݣلس تا شهر
لغالية : (قربات عند ياسمين) خلات عليك أبنت خويا ملي جاتك هاد لسقة
ياسمين : (كتدوي بشوي) انا واحد لحاجة لي مفهمتش ملي كانت لفورمة كتفرق على لبنات فين كنت انا وياك
لغالية : نسولك نتي مك فورمتها كتهبل شبهتي ليها غا فلكمارة انا شي صدر وتقول مزال انا مي مسطحة نقول شبهت ليها ولكن نتي داك تسطاح مناش جاراه
ياسمين : جريتو من لواليد عندي صدر مسطح بحالو
لغالية : (مقداتش تحبس الضحكة او طلقاتها) هههههههه واع
لحاجة : ضحكونا معاكوم ولا ضحكو غا بوحدكوم ، لغالية نوضي عمري لينا كويس داتاي
لغالية : سيهام
سيهام : نعام الالة
لغالية : عمرينا كويس داتاي او خرجيه لجردة انشربوه تما هنا عامر بلوراق
سيهام : واخة الالة
لحاجة : (كتبرݣم) جاو عندها ضياف ماقدات تعمر ليهوم تا كويس داتاي
لغالية : مجد دويتي معا دقايقية ؟
مجد : واه دويت معا دقايقية ولغياطة غا هو واش لقيتو شي قاعة تهز ليكوم ديك 80 طبلة ؟
اكسيل : لقيت واحد لقاعة فواحد كبيرة بزاف حيت جات فواحد لفيرمة
لحاجة : مزيان ، أجي لينا بنتي ياكما عييتي معا طريق سيري ترتاحي فلبيت
لينا : واخة الميم خاصني نبدل عليا
لحاجة : جود نوض وريها لبيت لي وجدت ليها او هز معاها تا لحوايج راه تقال عليها
ياسمين : (نقزات) انا غنمشي معاها جود غيكون عيا
لينا : (هزات ليها لبريزة او داتها تال لبيت لي موجدين ليها) ستنايني باش توريني فين جات الجردة
ياسمين : (بقات حاضيها او هي كتبدل تا سيدة كتحمق بدوپياس هي لي بنت او تلفات)
لينا : (لبسات ليها واحد لݣندورة او جمعات شعرها لفوق عاد خرجات من لبيت كتلوي قزيبتها فلمشية)
لحاجة : (ملي شافت فلينا كيفاش كتمشا وشنو لابسة وحداها ياسمين لي ممسوقاش بتاتا)
نجية : شكون قال جود ايدير عقلو او يتزوج
لحاجة : كون غا تزوج شي وحدة مقادة ميبقاش فينا لحال
جود : (قبل متوصل لعدهوم دوا) مرتي هازة هبالي ونا هاز خلالها لعقل خليتو ليكوم
لحاجة : آجي ابنتي ݣلسي حدايا آجي كبرتي وزيانيتي كاينين شي خطاب
نجية : بلى حساب غا هو هي فيها كترت الشروط او باها مساخيش بيها
لينا : لعنداك الميمة تا واحد فيهوم مكيحمر لوجه تا فاش خدامين ممزيانش
لحاجة : هههههه فاش كنتي صغيرة كنتي مصدعانا باغاه قاضي هههههههه كنا غنزوجوكي معا جود كنتو كتحمقو فصغر بجوج جود ايضور ويقول نتجوج لينا نهار كتبغي ترجع مكتمشي غا بلبكا هههههه ولكن مكتابش بنادم كيلسق
إيهاب : ههههه تانتي الحاجة كتدي على عقل صغر ، كون كان داكشي لي كنطلبو فصغر هو لي كيوقع كون وا قفارت عليا بكترت ما كنت كنمشي لعراسات او كنشوف ناس كيعلقو ليهوم لغرامة ولا لي سولني شنو باغي تكون كنقول ليهوم شيخة
مجد : ههههههههههه نتا مسلك شوي جي لصباح لي كانت باغة تزوج بمول لحانوت قالك باش تبقا تهز سقاطة وقتما بغات
محسن : طحتي من عيني
ياسمين : (معجبهاش لجو داكشي علاش بعدات عليهوم شوي او هزات ليها واحد لݣارو كتكمي فيه
صباح : (ملي شافت ياسمين واقفة بوحدها ناضت عندها) مقلقة ؟
ياسمين : لا
صباح : ديك النعجة تاع لينا مانعرف لاش جات
ياسمين : انا لي خاصني نقول هاد لهضرة ماشي نتي لي بنت خالتك
صباح : بنت خالتي ونا لي عارفاها واحد لسقة ما منها جوج او زيد عليها زاعمة بزاف خاصني نصدر خالك منهنا نخافها ضور بيه
ياسمين : لا مغتوصلش بيها تال هاد الدرجة الدور براجل مزوج
صباح : احياني على بنت خالتي ملي كتبغي شي حاجة كتلسق فيها ملي كنا صغار او كنمشي عند جدي كنت كنخرج نلعب معا لبنات تاع ديك لحومة ، وهي من نوع لي كيعجبها ݣاع ناس اعطيوها لإهتمام باش تخلي دوك لبنات ميلعبوش معايا او يلعبو معاها بوحدها مشات كتقول ليهوم بلي مها هربات عليها او راها عايشة غا معا باها ، تا مابقا حد باغي يلعب معايا عاد تهنات
ياسمين : (ضارت شافت جود لي كان كيضحك) شوفي خوك كي تحلات ليه ملي شافها
صباح : هههههههه راك هبيلة منين جيتي لهنا وهو حاضيك
ياسمين : واه تيقتك حاضيني او ݣالس حداها
صباح : هي لي ݣلسات حداه ماشي هو لي ݣلس حداها
ياسمين : مشغليش فيه اݣلسها تا فوقو
صباح : (ضرباتها مور راسها) واش جدك من صباح ونا كندير فيك نفس تنوضي تحضي رزقك قبل ميدوزو ليك عليه ونتي دافعة عليا السنطيحة زيدي قدامي امايتة لݣلب
ياسمين : (مشات ݣلسات حدا إيهاب حاضية جود او ديك لعقروشة) نوض نتا نمشيو
إيهاب : فين غنمشيو
ياسمين : عندي شي غراض نقضيه بغيتك توصلني بلمطور
إيهاب : دبا ؟
ياسمين : واه دابا
إيهاب : (وقف) يالاه
لحاجة : غادي بحالك ولا ؟
إيهاب : هههه غادي غا نشري شي حاجة ونرجع
لحاجة : هي ناوي تخيم عندنا
إيهاب : ناوي نݣلس تا يقول ليا عمي اكسيل خرج من داري
ياسمين : (طلعات لبيتها خدات منها شي حاجة او بدلات عليها بواحد سالوپيط عاد نزلات عندو عاود) يالاه نمشيو
جود : غادة معاه تا نتي
ياسمين : واه
جود : خليك انا غنوصلك
ياسمين : (قربات عندو او تحنات هامسة ليه فودنيه بلعاني) خليك تونس بنت خالتك غتقنط انا باغة نخرج معا خويا ، إيهاب يالاه
لينا : (حضات ياسمين تا مشات) شنو قالت ليك فودنيك
جود : قالت ليا داكشي لي كيتقال بين راجل او مرتو
لينا : مكانش يسحابلي غتزوج بهاد السرعة
جود : عمري 23 عام خدام بداري او لقيت لبنت لي نشارك معاها حياتي شنو لي بهاد السرعة
لينا : ماشي هادشي لي قصدت غا هو مرتك باينة فيها برهوشة قالت ليا لميمة بلي كتكمي ݣاع مكنتش متوقعاك تاخد هاد النوع دلبنات
جود : ايوا لهلا يطيح حبك على حجرة
ياسمين : (ركبات مور إيهاب فلموطور او كسيرا بيها مخلي الريح اطير ليها شعرها طلقات لمسيقة من طيليفونها وبدات كتغني معاها)
إيهاب : (وقف الطونوبيل قدام لقيصارية تاع دهب) هنا فين قلتي ليا ؟
ياسمين : واه (نزلات هي وياه من لموطور او دخلو لقيصارية بضبط لواحد لمحال)
إيهاب : السلام عليكم
ذهايبي : وعليكم السلام شحب لخاطر
ياسمين : (جبدات واحد لباطة حمرة حلاتها جابدة منها واحد لݣورميط من دوك لي جابو ليها فلعرس) بغيت نرهن هاد لݣورميط
ذهايبي : ترهنين ؟ ديالك أبعدا ولا
ياسمين : ولا آش شوف الروسي باشمن سمية كاين ها لكارط ديالي
ذهايبي : او شحال طالبة فيه
ياسمين : عطيني تامانو أبعدا آپار رهين
ذهايبي : (عبر لݣورميط) عندك هاد لݣورميط ساوي مليون او خمسين ألفريال
ياسمين : ايلى بغيت نبيعو بشحال ؟
ذهايبي : نعطيك فيه مليون
ياسمين : او رهين ؟
ذهايبي : مليون
ياسمين : او فشحال فاش نرض ليك ؟
ذهايبي : نعطيك شهراين
ياسمين : واخ
ذهايني : نعطيهوم ليك دابة ؟
ياسمين : واه (شدات من عندو لفلوس او خرجات من تما)
إيهاب : شباغة دوك لفلوس ؟ او فين غاديين دبا ؟
ياسمين : انمشيو عند مول طيليفونات
إيهاب : واخ
ياسمين : (مشات عند مول طيليفونات خدات ليها طيليفون ب140 الفريان عاد مشاو لواحد الزنقة مضلمة شوي)
إيهاب : سجينا نديرو هنا أدوي
ياسمين : خليك نتا هنا انا غنمشي بزربة ونرجع
إيهاب : (خلاها تمشي او ݣلس كيتسنا فيها فوق لموطور تا رجعات عندو) شنو خديتي
ياسمين : (جبدات ليه لقرعة تاع شراب لي كانت دايرة فلميكة) ها آش مشيت نشري
إيهاب : (ندب حناكو) هاولي هاويلي على شراب بغيتي راجلك ايسيفطنا بجوج
ياسمين : هني السوق او يالاه نرجعو لدار
إيهاب : (ركب هو وياها فلموطور او رجعو لدار بجوج)
ياسمين : (طلعات نيشن لبيتها خلات ديك لقرعة مزيان عاد دخلات لحمام)
جود : (ملي شافها رجعات طلع لبيت عندها لاقي لكارطونة تاع طيليفون فوق ناموسية)
ياسمين : (خرجات من طواليط لاقية جود فلبيت)
جود : شريتي طيليفون جديد ؟
ياسمين : لا هادا عيواض طيليفون لي هرست ليك ماتسالني منسالك
جود : مناش جاوك فلوس ؟
ياسمين : ياك طيليفونك خديتيه ماشي موهيم مناش جاوني لفلوس
جود : ياسمين بلى ملاغة مناش جاتك 140 الفريال باش تشري هاد طيليفون
ياسمين : بنتلك مݣردة عندي رزقي
#عند لغالية#
لغالية كانو باقين ݣالسين مجموعين او حداها اكسيل هزات عينيها فيه لقات ݣالس كيشوف فطيليفون او عيواض ميقول ليها هي تمد ليه يشرب مد لكاس براسو
لغالية : ( ملي شافت وجهو تحنا حداها غفلات دوك لي حداهوم او باستو من حنكو) سمح ليا عافاك
اكسيل : (تا هو ستغل لغفلة عيواض مرض ليها بوسة لحنك شد ليها لفم)
لغالية : (دفعاتو عليها وهي حمرة حمرة خايفة شي حد ليكون شافهوم)
إيهاب : (كان يالاه ݣلس بين محسن او مجد)
مجد : دراري قشعتو تسلل
إيهاب : الله اسهل عنا تا حنا نديرو شي تسلل بحال ناس
محسن : عندك الجهد تاع تسلسل ، شوف مول تسلل كي داير الطول او لعرض جيب لعامر جاب الله لخوادرية كتحشم ايما كون دارها بلعلالي راه مكيمرݣش
مجد : اخويا لي مرݣو ماتو لي عندو شي رزق اتمتع بيه
محسن : ههههههه تلقا جدك كتسنا غا ايمتى تزوج ناوي زعما تبرع
مجد : او لاش مزوج إلى مكنتش نترع
جود : (هبط من لبيت أو ݣلس حدا محسن) تبرعنا تا حنا لي سابقينك غا نتا تبرع
مجد : مالك داير ليا بحالا محروم
محسن : هههههههه هاد خوك كيتخايل كرو ملي يتزوج غبولي كي السلطان او غزلان اتولي هي هويام مكاين غا برݣص هههه
جود : ههههههه تا خليه يحلم تا يتصدم او تجينا خبارو
لغالية حطات لعشا فوق طبلة او طلعات هي لبيتها دوشات بزربة قبل ميطلع اكسيل لبيت ، مشات لماريو ديالها جبدات منو واحد ليبا بلكحل مشبكة لبساتها او دارت فوقها صايا تاع لكوير كحلة وقصيرة بزاف او من لفوق لبسات صدرية ودارت فوقها تريكو مشبك تا هو ، جمعات شعرها لفوق او ساكت الريحة وبدات كتسنا فإكسيل ارجع لبيت
اكسيل : (تعشا وطلع باش ينعس ديك لحلة لي حل لباب ضرب فلغالية لابسة لكحل كولشي مشبك جاتو ساكتة)
لغالية : (بتاسمات ليه) اخيرا جيتي
اكسيل : لا باقي مجيت بغيت نقول نسيت طيليفوني لتحت
لغالية : ماشي موشكيل مغتحتاجوش أصلا
اكسيل : لا ضاروري نجيبو إلى صونا عليا شي واحد
لغالية : (عرفاتو باغي يهرب داكشي علاش قسحات معاه لهضرة او دوات بأمر) سد لباب واجي لهنا معندك مادير بطيليفونو لي بغا يصوني يصوني
اكسيل : (تنهد او سد لباب) “الله اخرج هاد ليلة على خير” هاني جيت
لغالية : ݣلس فوق لفوطوي انا من صباح ݣالسة كنوجد فراسي ونتا باغي تمشي كي درتي ليها بسلامة
اكسيل : (ݣلس مقابل معاها) ماباغيش نمشي
لغالية : وشنو كنتي باغي دير
اكسيل : نضرب صورة تا تنعسي ونرجع
لغالية : وعلاش بسلامة
اكسيل : باقة كتسوليني علاش معرفاش زعما راسك غا كتلبسي ليا هاد ليبا معرفت شنو كيوقع فيك
لغالية : شكيوقع فيا انا لي هبيلة باغة نخلق معاك لجديد باش متملش
اكسيل : تخلقي معايا لجديد الى نسيتي نفكرك آخر مرة لبستي فيها هاد ليبا شوقع
لغالية : (هربات بعينيها) شوقع ݣاع
اكسيل : ماشي تفرجتي ليا واحد لفيلم تاع دوك لمازوخيات او مشيتي شريتي ليمينوط من الجوطية وجاية عندي كتجري حقا مات حقا جي نتكاواو او حنا مينوطين ، قلنا نديرو ليك خاطرك او مينط يدي معا يديك او شبعنا كوا ملي جينا نحلو ليمينوط قالك حقا لالة ولالة لغالية شرات لمينوط بلى سوارت ، ملي قلنا ليك باش انحلوه دبا قلتي بالدعاء فوت صلات لفجر او الصوره ولعاصر او لمغرب او تا لعيشة نهار كولو بقينا فلبيت تا جوع قتلنا ، وتا ضلام لحال عاد مشينا كنتسراو فنصاصة دليل كنقلبو على شكون اهرس داك لحديد ماتفكينا تا شحفنا
لغالية : شوف شوف نكار لخير ماشي دوزنا ليلة من داكشي رفيع شبعتي فيه كوا ودوا أدوي الكافر بالله
اكسيل : جيني من لخر شمن فكرة تسلطات عليك هاد ليلة عاود
لغالية : (مشات ݣلسات فوق رجليه كتشرح ليه على نيتها) هانتا دبا شتي لباب تاع لبيت دتبدال فيه لفجوة انا ضبرت على واحد لحبل علقني من يدي او كويني ، باغة نجرب نتكوا ونا معلقة
اكسيل : حليلي حليلي بغيتي نعلقك او نكويك معلقة (شحطها لطرمتها بجهد فقصاتو) واش كوينا جدك فلارض غا نكويوك فسما
لغالية : ناري أصاحبي معندكش معا تجديد هنتا داك لفيلم فاش تفرجت سيدة كان عاجبها لحال باغة نجرب تا انا
اكسيل : واش مزوج مازوخية تا باغة تعلقي كي سݣيطة نوضي عليا نتي وتسطية ديالك ، قالتلك بغات تكوا معلقة استغفر الله العظيم
لغالية : نجربو نتا شخسرتي
اكسيل : واخة نجربو آجي معايا
لغالية : (مشات تبعاتو فرحانة كيعجبها تجرب معاه لجديد) هاني
اكسيل : (هز ديك لكوردة او حزم ليها يديها مزيان او دوز لكوردة من فوق لباب هاز بيها لغالية عاد حزم لكوردة مزيان)
لغالية : (عليها اكسيل تا تهزو رجليها على لأرض)
اكسيل : كيجاتك تعليقة
لغالية : ناضية غا هو يديا بداو اضروني من دابا
اكسيل : بداو كيضروك او حنا باقي تا تا مبدينا بغيتيني نعلقك ايوا تحملي لمسؤولية
مشا هز واحد لكرسة حطو مقابل معاها او بدا كيتأملها
لغالية : (باقي تا مدازت خمسة دقايق ولقات راسها عيات) جي جي كويني بزربة وطلق ليا يديا راه كتافي ضروني تا كي كيديرو دوك لمخلوقات تا كيبقاو معلقات او يزيدوها بلكوا من لفوق
اكسيل : هادوك عندهوم جهد لكوا فتعلاق نتي جدك لكوا فلأرض مكنكملو ديك 45 دقيق تا كتبغي تسخفي ليا او باغة تكواي فسما
لغالية : (مقادة تݣلس ولا حتا تبقا واقفة حيت رجليها مقايسينش لأرض ، زيد عليه يديها ضروها) جي جي هبطني مابغيت بو كوا بغيت لارض حلاوة لكوا لارض
اكسيل : هههههههه وليتي طلبي لفكاك تاعت لي ينوض يكويك نيت ولكن لقيتيني حنين خليك معلقة تا تسالي نص ساعة بحالي كويتك صافي
لغالية : اتا لا بناقص من شي كوا غا هبطني
اكسيل : لا غا خليك عاجبني نشوفك هاكدا معلقة كي سݣيطة ديالنا لي يشد شي سمطة ويبدا يعطيك يعطيك تا ديري عقلك او متبقايش تعاودي تقسحي راسك عييت معاك اهياتا هداي لا بغيت نتعلق ايوا ها حلاوة تعلاق
لغالية : الله ينعل جد بو داك لفيلم زلقني بن لكيدار لاخر ، يدي ضروني بغيتليه لهرس
اكسيل : (تسنا غا واحد 10 دقايق او ناض فكها مابغاهاش تبكي ولا تقسح بزاف بغا غا يرد ليها عقلها) هاني فكيتك وا تكمشي
لغالية : (ضروها كتافها) حرام عليك علقتيني نيت
اكسيل : (بدا كيمسد ليها لكتاف) سرك باش تحيد منك ضسارة مازوخية تاع الله احسن لعوان
لغالية دارت بناقص من شي كوا او مشات تنعس او اكسيل بقا شاد فيها وكلما تفكرها كيموت عليها بضحك
اكسيل : هانتي خلي ديك لكوردة متعرفي توحشي شي تعليقة مع ليام هههههههههه
لغالية : وتاريخ شحال فيك تاع لغنانة هنينا وخليني نعس عييت
اكسيل : نعسي نعسي راك عييتي بتعلاق (مقدرش احبس راسو ونفاجر عليها بضحك) هههههههه وامي كرشي معامن انا
لغالية : نعس نعس ولا نوض من حداك بناقص ݣاع
اكسيل : (مخلاهاش تنوض) بقاي غا ضاحك معاك نعسي راه تابعاك غدا لخدمة
لغالية : (تخشات فيه مغمشة عينيها) “كتحطي راسك الغالية فمواقف بايخة”
#غدليه#
بقات يوماين لعرس او لغالية واكسيل مبرزطين واحد مولاتي تبرزيطة معا لخدمة ومعا توجاد نهار كامل واقفين على رجليهوم ، كانت فواحد لمطعم عندهوم فيه واحد لإجتماع معا لمستثمرين تاع الشركة
لغالية : (شداتها لقنطة من لوضع كيدويو فلخدمة من صباح)
فؤاد : (لاحض بلي قنطات فلإجتماع او هو براسو مل ضاربي لخير سالا لاجتماع او مشاو لمستثمرين)
لغالية : (حطات راسها فوق الطبلة هي وكوتر باستسلام) اخيرا سالينا شحال فيهوم تاع لهضرة
كوتر : واييه تي مكيساليوش
دري : (صاحب فؤاد) شكون هادو لي مكيساليوش ؟
كوتر : (هزات عينيها فيه كتفرنس) أسامة شكادير هنا ، عادل تا نتا هنا
اسامة : جينا نتغداو مزيان ملي صادفناكوم هنا كانت عندكوم شي خدمة ؟
فؤاد : حاليا لا يالاه سالينا او بغينا نتغداو تا حنا
عدنان : (ݣلس حدا فؤاد ناغزو) ماشي هادي هيا
فؤاد : سكتنا
عدنان : (عرف بلي هادي لي قدامها نفسها تاع لعرس) هاني ساكت
كوتر : (دوات معا لغالية بشوي) نقدم ليك أسامة خطيبي وصاحب مسيو فؤاد
لغالية : تي منسالكش واخد صاحب سي فؤاد زعيمة معا راسك
كوتر : ههههههه لا لا أسامة ماشي بحال داك لمعقد تاع فؤاد
اسامة : (قرب عند كوتر) شنو كتوشوشو
كوتر : هضرة تاع لعيالات طلب لينا شي حاجة راه قتلني الجوع
لغالية : (بقات كي لغريبة بيناتهوم من غير معا كوتر لي كانو كيتجمعو شوي ، تحطات لماكلة وبدات كتاكل تا صونا ليها طيليفون كان محسن مجاتش تنوض من حداهوم داكشي علاش حاولات تدوي بشوي) الو محسن
محسن : شوفي لغالية فكريني شحال من ليدغاجي لي قلتي لعطار ايجيب لينا
لغالية : قلت ليه اوجد حساب 900 وحدة بلحلاوي ديالها
محسن : ماشي بزاف
لغالية : شوف تشوف واش يكفاو عندك ديك 800 خلق تقريبا لي ايحضرو ايوا خاصنا نديرو ميا احتياط الى كان الزايد ولي ماجاش ضاروري نسيفطو ليه حقو
محسن : صافي واخة
لغالية : أجي دزتو تجيبو لحلوة
محسن : غنسبقو ليدغاجي
لغالية : هانتا نوصيك بشوية على لحلوة لاطيح ليكوم او تهرس ولا تفرتت ، هاه راه داكشي شاداه بلكيلو او لحساب نلقا وحدة ناقصة ندير بناقص من كولشي وشوف معامن تعرس ديك الساعة
محسن : كوني هانية
لغالية : يالاه بسلامة
كوتر : (دوات عادي) فين وصلتي فتوجاد تاع لعرس ؟ قربتي تسالي ؟
لغالية : نهار سبت لعرس
عدنان : (تصدم تا دوا بلاما يشعر) عرسك نهار سبت ؟
فؤاد : (لداخل ديالو كان باغي يسمع جوابها واخة كان عندو تخوف ولكن من برا كان كيبان ممسوقش)
لغالية : (ضحكات بحرج) لا ماشي عرسي عرس خويا
أسامة : الله اكمل عليه بلخير شحال عندو فلعمر
لغالية : قرب ايدير 20 عام
اسامة : واه باقي صغير ، سمعتي الحاجة ها ولاد ل2000 دارو لعرس قبل منا حنا
كوتر : دير لعرس شكون شدك عندك فلوسو ولا غا داوي
اسامة : تانتي شحال خاص هاد لعرس ݣاع
كوتر : الى باغي دير عرس دايزو لكلام راه لغالية غا فدكشي تاع لحلوة او زواقها فاتت جوج تاع لمليون
اسامة : لحلوة على حسابي عين موكا مغتفوتيش فيها عشرين الفريال او غتوكلي فيها لموضفين تاع الشركة كاملين
لغالية : هههههه حنا لحلوة عطينا فيها بزاف تاع لفلوس حيت عندنا لغاشي بزاف كمية كبيرة لي طلبنا داكشي علاش
عدنان : شحال من واحد علاش عرضتو
لغالية : فطوطال تاع دوك لي ايحضرو لعرس عندنا ديك 800 خلق
كوتر : ماشي بزاف لقيتو شي قاعة كبيرة ؟
لغالية : واه ، لعئيلة كبيرة خصوصا تاع لعروسة كبيرة بزاف او مكتجيش تعيط على شي وتقوليه متجيبش ولادك معاك
كوتر : وراه تا انا على هاد لحساب مكنتش باغة ندير لعرس عرض على واحد ايجيب معاه ستة ، احقا نتيا أصلك من هنا ؟
لغالية : واه طاسيلتي كاملة كزوية
كوتر : هههه بحالي تا أسامة عدنان من هنا فؤاد معرفتش
فؤاد : فؤاد هاكداك قرينك
كوتر : نقولك خالي متلا او بيني وبينك غا خمسنين او ديك مسيو فؤاد فلخدمة اما برا لخدمة منعفك متعرفني
اسامة : بلاما تعيي راسك معاه هاد سمورية لي فيه يا تاع جيهة موريطانية يا تاع السينيݣال
عدنان : لا لا سمريتو تاع لبرازيل ولا لميكسيك
فؤاد : مكناس مكناس
اسامة : وايلي نتا مكناسي ميسحابليش مكناسا معصبين بحال هاكدا
لغالية : (كانت كتاكل ملي سمعات أسامة شقال دوات بشوي بلاما تحس) صحاب مكناس الله اعمرها دار غا هادا خرج ليهوم الله اخليها سلعة من جنب مكناس ماليها تاشي دنب (سمعات سقيل على غفلة ملي هزات راسها لقاتهوم كيشوفو فيها عرفات راسها زبلاتها او دوات بجهد تا سمعوها)
فؤاد : (ملي عرف بلي لعرس عرس خوها رشقات ليه ولكن غوبش ملي سمعها شنو قالت) واش قلتي عليا الله اخليني سلعة ولا غا جابلي الله
لغالية : (دارت ليه الضحكة الصفرة ) غا جاب ليك الله او صاف ، انا غنمشي دبا بسلامة خليتكوم على خير (ناضت راجعة لطونوبيلتها وهي كتندب حناكها) هاويلي هاويلي على فم عندي غيجبدلي صداع شي نهار
#عند ياسمين#
كانت لتحت فلكزينة كتخوي لراسها لمناضة قبل مترجع لبيتها ، ديك لحلة لي حلات لباب باش تدخل ضربات فلينا فلبيت
ياسمين : (غوبشات ملي شافتها محنية كتبقش فلمجورا تاع جود) شكاديري نتي هنا
لينا : (وقفات او ضارت عندها مبتاسة او فيديها شارجور) كنت كتقلب على شارجور تاع جود باش نشارجي طيليفوني
ياسمين : (قربات عندها) مكتشوفيش بلي من قلة لاداب دخلي لبيت زوج مزوجين بلى اذن ؟
لينا : انا دخلت نجيب غا شارجور شنو فيها ؟ او زيدون بيت جود هادي موالفة كندخل ليها من مشحال هادي بلاما يقول ليا والو او تا دبا مغيقول ليا والو
ياسمين : هههه نصحح ليك لمعلومة كانت بيت جود دبا ولات بيتي انا وياه ، او ملي فيها حوايجي دونك بيتي انا يعني ازين الى بغيتي دخلي ليها مهما كانت اسبابك او اعذارك خاصك تاخدي لإذن مني انا ، او واخة يوافق ليك جود خص انا نقبل او نكون معاك اوكي بيبي
لينا : انا مفهمتش مالكي على هادشي كامل ياكما يسحاب ليك انا شفارة تا تخافي على حوايجك مني
ياسمين : لا لا اويلي متقوليش هاكدا هادشي لي فهمتي من هضرتي ، انا ماشي هادشي لي قصدت دبا كي شتي انا وجود ماشي بزاف باش تزوجنا وراك عارفة ناشاط كيكون زايد فينا شوي متعرفي تقدري دخلي عنا على غفلة تلقاينا كنلعو شي ماتش ونا كنحشم ، ولا حتى تلقاي حوايجنا مشتتين ها سوتيامات ها سليپ فلأرض تقدري تلقاي تا لواقي الذكري فلأرض ، حيت شي مرات كنكونو مزروبين مكنجمعوش بكري داكشي لي مورانا هادشي علاش انا وصيتك مابغيتكش تشوفي شي حاجة مهياش ، ههههههههه ملي غتزوجي غتفهمي شنو كنقصد
لينا : فشكل مكنتش كنتصور بلي جود غيتزوجك ملي عاودو ليا عليك قلت مستحيل جود اقبل يتزوج بيك او تايلى تزوجك موحال تا واش اكمل زواجكوم ، عنداك تقولي بغيتكوم تفارقو انا بلعكس مكرهتكومش تكمو اوسومبل ڤوزيط أنبو كوپل ، غا هو نتسنا نقصي شويوش من لكماية راه بدات تلسق فيك ريحتو او تا سكرة بعدي عليها راه غينفر منك جود حيت عدوه هادشي
ياسمين : ههههههه من ديك ناحية غا ريحيلي بالك جود انا دواه ، سي ڤغي مكيحملش لي كيكميو ولي كيسكري مي راك عارفة لكل قاعدة استثناء ، آه او نزيدك واحد لمعلومة ازين الراجل برعيه فلفراش ميسولش ليك فطياب
لينا : مزيان نخليك انا دبا
ياسمين : (بعدما خرجات لينا سدات لبيت عليها) نقصي من سكرة كنت كنتسنا غي طحبة ديماك تقول ليا نقطع لبلية ، او داك تامل تحلات
مشات جبدات ديك لقرعة تاع شراب خوات ليها منها واحد لكاس جݣطاتو فلبلاصة او عاودات عمرات تاني لكاس او جݣطاتو عاد رضات لقرعة لبلاصتها ومشات غسلات فمها بسانو او مجات فين تهبط عندهوم لتحت تا بدات كنحس براسها مرفوعة او دنيا كضور بيها لدرجة مشات تݣلس حدا جود صدقات ݣالسة فوقو
جود : (بزربة نقد لموقف او ݣلسها حداه)
لحاجة : الله ينعل لي ميحشم
لغالية : ياسمين بيخير
ياسمين : (ضحكات ليها) بيخير
جود : (حس بلي راها ماشي تلهيه ولكن مافيها تا ريحة ايقول سكرات)
ياسمين : (لمفعول تاع دوك جوج كيسان بدا كيعطي قربات عند جود داوية ليه فودنيه) فيا صهد
جود : (تأكد بلي لقضية فيها إن) طلعي لبيتك او طلقي لفرفارة
ياسمين : لا لا بغيتك نتا تبردني
جود : استغفر الله العظيم واش عارفة شكتقولي شغنبردك
ياسمين : نتا حمار عاجباك ديك لبقرة تاع بنت خالتك داكشي علاش مابقيتيش كتشوف فيا
جود : شششش دوي بشوي غيسمعنا شي حد ، طلعي لبيتك
ياسمين : هاء نطلع لبيتي او نخليك معاها ابدا
جود : (نوضها قبل مدير شي فضيحة قدامهوم) يالاه نطلعو بجوج
ياسمين : (قدر اطلعها لبيت أو يسد عليهوم)
جود : شربتي ؟
ياسمين : لا منعرف مالي دنيا كدور ها هي كدور فدار باها كضور ههههههننه
جود : هادي حالة وحدا مشرباتش
ياسمين : (تسيفات عليه) ماشي شغلك فيا نشرب ولا نݣلس أجي نتا بعدا ، ماشي نتا لي قلتي ليا غنطلقك نتا هو ياك (جمعاتها معاه بتسرفيقة) نتا طلقيني انا ، انا لي خاصني نطلقك او نرضك لدار باك ولكن انا غنرببك (عاودات غفلاتو بتصرفيقة) انا لالاك ونجيب سيد سيدك غنطلقك او نمشي نتزوج جود آيت اوسو لا لا متناقشنين انتزوجو وخليك نتا تندم عليا
جود : (شبعات فيه ياسمين طرش تا ولا حنكو حمر)
ياسمين : (شافت حنكو حمر مدات يديها قايسة حنكو او دوات بحنية او حزن) علاش حنكك حمر شكون ضربك احبيبي أ غا قول ليا متخافش
جود : (عرفها سكرانة وتالفة ليها لقبلة) تا حد مضربني
ياسمين : لا شي حد ضربك (بغات تخرج معا لباب ولكن شدها) خليني خليني نمشي نربي هاد لكلبة ولا لكلب لي ضرباتلي راجلي ، هادي نتي يا لخانزة لي ضربتي ليا راجلي مكتحشميش ليوم نوري طواسلك
جود : (شافها كتدوي معا لڤاز) زيدي زيدي خلي عليك سيدة
ياسمين : خلينا نشطحو شوي
جود : (ساعفها فهبالها وبدأ كيشطح معاها بشوي او قال يستغل لفرصة اسولها ولكن مابغاش ادخل فلموضوع فيشان) شنو لون لي كيعجبك
ياسمين : تا لون
جود : او شي لون مكيعجبكش
ياسمين : لوردي
جود : شنو لحاجة لي كتعجبك
ياسمين : (هزات عينيها لمهرسين فيه) نتا
جود : هههه طايحة فيا أبنت لعبد ، قولي ليا شنو لحاجة لي مكتحمليش
ياسمين : لكفاتة
جود : علاش درتي لراجل ديك لحالة ديك نهار ؟
ياسمين : ح.حيت بغيت
جود : (قرب منها) مكيناش شي حاجة سميتها حيت بغيتي كاين سبب
ياسمين : (طولات فيه الشوفة قبل مضحك) كتكون زوين ملي كتكون جدي (قربات عندو بايساه من جنب فمو
جود : (عرفها بلي قلبات لموضوع باش متدويش فيه ) حتى ونتي سكرانة مباغة تقولي والو
ياسمين : (جراتو عندها) بوسني
جود : راك ماشي فلوعي ديالك او معارفاش شنو كديري نعسي دبا تا لغدا ملي تصحصحي ونبوسك
ياسمين : لا بوسني دبا
جود : ملي نحلو مشكلة طلاقنا ديك الساعة نقدرو نتباوسو
لموهيم جود دازت عليه هاد ليلة او منعسات منعسات ليه تا شحفاتو تاع لعقول وسخات ليه حوايجو برضان قتلاتو عصا شداتو من فمو عضاتو لموعيم بردات فيه غدايد طلاقو ليها
ياسمين : (ضرباتها لفيقة لاقية جود ناعس على ضس)
جود : فقتي
ياسمين : (وقفات شادة راسها) علاش ناعس فلأرض
جود : عييت او نعست
ياسمين : مال فك طحتي ؟
جود : سنانك هادو الهيشة لي طيرولي لحم تاع فمي معاقلاش
ياسمين : (معقلات على والو) ياكما درت شي فضيحة قدام صحاب الدار
جود : من زهرك طلعتك لبيت ولكن تشوهنا
ياسمين : علاش ؟
جود : من تمنية تاع لعشية وحنا سادين عنا فلبيت تقول كنصنعو دمياطي ، جي نتي بعدا مناش جاك شراب ؟
ياسمين : (مشات طارت لحمام باش متجاوبش على سؤال ديالو)
لغالية : (جات كدق عليهوم) ياسمين
جود : (حليها لباب) صباح لخير
لغالية : صباح نور ياسمين فايقة
جود : واه راها فلحمام
ياسمين : عمتي باغاني لشي حاجة
لغالية : بغيت غا نقول ليك وجدي راسك باش تمشي معانا نكريو ولا نشريو شي تكاشط لعرس
ياسمين : شكون غيمشي ݣاع
لغالية : انا نتي صباح لينا بنات خوت عمك اكسيل راهوم جاو
ياسمين : بلاتي نلبس حوايجي
غيتة : ملي كولشي كاين نمشيو
لغالية : غيتة رانيا مروى او صفاء فطونوبيل ، صباح لينا ريحان فطونوبيل ونا وياسمين فطونوبيل
صباح : صافي واخة نتلاقاو تما
ياسمين : غنتعطلو حنا شوي عليكوم
لغالية : علاش ؟
ياسمين : عندي شي غراض خاصني نجيبو من داري
لغالية : واخ (دخلات هي وياها لطونوبيل) شمن غاراض نسيتي ؟
ياسمين : نسيت نص فلمكياج ديالي تما نهار لي جا كنقول نجي نديه ولكن والو كنسا
لغالية : ماشي موشكيل نمشيو دبا نجيبوه
ياسمين : باغة تقولي ليا شي حاجة ؟
لغالية : (كانت كتسوݣ) ديك نهار سولني جود عليك
ياسمين : شنو سولك بضبط
لغالية : سولني على شنو مخبية نتي عليه
ياسمين : او باش جوبتيه
لغالية : قلت ليه بلي انا براسي معارفاش
ياسمين : مكدبتيش راك معارفاش
لغالية : مناوياش تعاودي ليه شنو وقع شحال هادي
ياسمين : هانتي قلتيها شحال هادي علاش خاصني نعاود ليه على شي حاجة وقعات او سلات
لغالية : حيت راجلك من حقو يعرف عليك كولشي
ياسمين : راجلي تلاقيتو فلحاضر او تزوجتو فلحاضر لا أنا عندي لحق نعرف لماضي ديالو ولا هو ، ونا سديت ديك الصفحة ماباغاش نعاود نجبدها مرة خرى مهما كانت لأسباب
لغالية : ولكن الى جا لوقت لي عرف فيه غيبقا فيه لحال
ياسمين : يبقى فيه لحال الى خبيت عليه شي حاجة كتخصنا بجوج فحاضرنا اما لماضي ديالي معندو تا علاقة بيه باش نعاود ليه عليه
لغالية : واخة هاكداك راكوم مزوجين ماشي مصاحبين ضاروري تعاود وتسارو بيناتكوم
ياسمين : هو براسو مكيعاودش ليا راه مخاصم معا مو منعرف شنو طاري بيناتهوم ، لا أنا سولتو ولا حتى كيهمني نعرف
لغالية : راه ماشي كنقول ليك احاسبك على لي داز ولا تحاسبيه انما تكونو عارفين كولشي على بعضياتكوم كيقوي لعلاقة او كيحيد لغموض
ياسمين : نتي لي كتدوي عارف عليك راجلك كولشي
لغالية : من طبيعة لحال
ياسمين : ونتي كتعرفي عليه كولشي تا على علاقتو بمرتو لولة ؟
لغالية : كنعرف عليه كولشي ولكن علاقتو بمرتو لولة شي حاجة مبغاش نعرفها او تا اكسيل مكيدويش عليها ولادو لي ولادو او عئيلتو معارفينش علاقتهوم كي كانت خصوصا من طرفو هو ، هاحنا وصلنا تنزلي بوحدك ولا نزل معاك
ياسمين : غي تسنايني لتحت انا بزربة انطلع نجيب لمكياج ديالي ونرجع
لغالية : واخة
طلعات ياسمين لدارها تاخدم منها داكشي لي باغا فحين لغالية خرجات حدا طونوبيل كنتسنا فيها ، او فنفس لوقت كتلهي راسها بطيليفون تا تحطات يد على كتفها ديك ضورة لي ضارة ضاربة فداك الشخص طيحات طيليفونها لأرض
شخص : (كان دري طويل ورقيق زينو عادي حروفو قهويين) لغالية هادي نتي
لغالية : (هبط دري تال لأرض هازليها طيليفونها او مادو ليها ، قدرات تستجمع شوي من شتات نفسها او تنطق بصوت راجف شوي) وي هي انا ش.شكون نتا
دري : (بتاسم ليها) انا أيمن نسيتيني ؟ أيمن ولد لأستاد إلياسي ترعيسي
لغالية : (حسات بضو شبر معاها فديك اللحضة ملي قال ليها شكون هو ولا نقول ملي أكد ليها شكوكها فهويتو حاولات تسطانع لهدوء) آه دبا تفكرت س.سمح ليا معرفتكش فلول تبدلتي
أيمن : ههههه ماشي موشكيل تا نتي تبدلتي غا قمرت كنت نقول هي ماشي هي شخبارك
لغالية : حمد الله ونتا شخبارك ، شخبار لأستاذ الياس لباس عليه كي داير معا صحيحة شد تقاعد ولا باقي
أيمن : (طغا لحزن على عينيه) لوليد دا مول لأمانة امانتو مات
لغالية : (شهقات شادة فمها) ان لله وان اليه راجعون سمح ليا مكنتش عارفة ، ايمتى هادشي أبعدا
أيمن : شي خمسنين هادي تقريبا كان يسحابلي غيقولها ليك خوك عبد الله راهوم كانو صحاب
لغالية : منين تزوجت نقص تواصل بيني وبين لعئيلة داكشي علاش ، نتا ساكن هنا
أيمن : (شير ليها للموبل فاش كاينة ضار جود) خديت واحد لپرطمة هنا
لغالية : م.مزيان
أيمن : منزيدش نطول عليك الله الاقينا فساعة لخير بسلامة
لغالية : بسلامة (دخل لموبل مخلي دنيا كضور بيها او السخفة شاداها)
فؤاد : (كان كيتمشا فدوك جوايه تا قشع لغالية واقفة تما بوحدها قال استغل لفرصة او يدوي معاها شوي ملي قرب ليها لقا لون مخطوف من وجها) لغالية ؟ لغالية مالك ؟
لغالية : (هزات راسها فؤاد مطرطقة عينيها بحالا نفاجرات عليها لبوطة) فؤاد ؟
فؤاد : (اول مرة تعيط ليه بلى رسميات ) مال وجهك مخطوف وقعات لي حاجة دارلك شي حد شي حاجة ؟
لغالية : (فاقت من سهوتها لاقية فؤاد لي ديما كيدوي بجدية وكيلقي غي لأوامر واقف قدامها كيسول على حالها وباين لقلق فنبرة صوتو) أنا انا بيخير بيخير غي سهيت شوي
فؤاد : تبغي تشربي لما ؟
لغالية : لا واه (شدات لقرعة تاع لما او شربات منها عاد حسات براسها شوي) شكرا
فؤاد : لعفو
ياسمين : (هزات داكشي لي خاصها من دار او تمت خارجة تا تساطحات معا شي حد)
أيمن : سمحي ليا
يتبع
التعليقات 0