ياسمين : ماشي موشكيل (كملات طريقها ممسوقاش ليه بتاتا او خرجات عند لغالية لاقياها واقفة معا فؤاد) هاني
لغالية : آه جيتي يالاه بسلامة
فؤاد : بسلامة
ياسمين : (ركبات هي وعمتها فطونوبيل ضارت شافت فؤاد لي كمل طريقو ودوات) داك لمودير ديالك فشكل
لغالية : (كانت باقة متوترة مسمعاتش داكشي لي قالت ليها ياسمين ݣاع)
ياسمين : (شافتها فشكل لون مخطوف من وجها او عرقانة) عمتي واقعة شي حاجة
لغالية : (فاقت من سهوتها او ضيمارات طونوبيلتها) لا مواقع والو شنو غيوقع متلا ، شنو كنتي كتقولي ليا
ياسمين : لمودير ديالك فشكل
لغالية : من آشمن ناحية ؟
ياسمين : معرفتش كيشوف فيك شي شوفات فشكل بحالا طايح فيك
لغالية : هههههه ايمتا لحق تا يعرفني باش اطيح فيا غا كيجيب ليك الله
ياسمين : ويلا زعما كان طايح فيك
لغالية : ايطيح ولا يتكربع عندي راجلي الله اخليه ليا ، يالاه نزلي راه وصلنا
نزلات هي وياها او دخلو لمحال فين غيكريو تكاشط لاقيين لبنات كيقيسو او يختارو فشو بغاو ، لغالية مشات تا هي تشوف شنو عاجبها ، وياسمين لحاجة لي قيساتها كتصورها لجود ايعاونها تختار فيهوم ، او تا كل وحدة فيهوم خدات تكاشط او لقفاطن لي بغات عاد رجعا لدار وكل وحدة طلعات لبيتها تبدل عليها وتحط داكشي لي خدات
صباح : (بقات تا تعشات عاد رجعات لبيتها هي ولغالية وياسمين اعاونوها فجميع حوايجها اما لبنات لوخرينات فمشاو انعسو حيت عياو بسفر) باش غنبدا لهادشي
لغالية : (باقة ماشي على بعضها)
ياسمين : عمتي راه دوات معاك
لغالية : جبدي أبعدا لبريزات ونشوفو
صباح : (جبدات واحد جوج باريزات من دوك لكبار)
ياسمين : دوك لباريزات يتخشا فيهوم بنادم
صباح : هههههههه بابا واحد لعام دخل لمليلية او جابهوم ليا
لغالية : كبار نافعينك تجمعي لپاݣاج كامل
صباح : قولي على ربي يكفاو راه عندي عرام تاع لحوايج
لغالية : خلي شي حوايج هنا ملي تجي تلقاي باش تبدلي
صباح : داكشي لي غندير
لغالية : بداي بحوايج لبرد أبعدا
مجد : (كان دايز هو وجود تا بانو ليهوم مجموعين فبيت صباح) شكاديرو ؟
ياسمين : ختك كتجمع حوايجها
مجد : علاش كتجمعهوم باغة تعطيهوم ؟
ياسمين : كتجمعهوم باش تديهوم معاها لضارها غدا
جود : غدا أتمشي ولا
صباح : واه
جود : (خسر ليه لجو)
مجد : غدا اتكونو عيانين بلقاعة بقاي تال غدليه
لغالية : حسن ليها تمشي لدارها باش ترتاح نيت
مجد : ايوا خليني نعاونك تجمعي لحوايج
لغالية : (شافت سيد عيواض ميبدا يحط لحوايج فلبريزة كيهزهوم من لبريزة ويرضهوم لماريو) شكادير نتا حط دوك لحوايج او سير ضرݣ نتا وخوك خليوها تجمع حوايجها بزربة باش تنعس بكري يالاه
ياسمين : (شافتهوم بجوج مشاو) حرام عليك بغاو غا يعاونو ختهوم
لغالية : حسن ليهوم يمشيو راه غا غيزيد ابقا فيهوم لحال ، خفت ديك جرانة تاع مجد ابدا يبكي راه شادهوم غا بزز
ياسمين : علاش غيبكي ؟
لغالية : حيت ختو أتمشي عليه بلاتي تشوفي غدا خاصني نوجد كلينيكس ، عندك جود او مجد خصوصا مجد ايديروها غا بكا ، عندك لحاج او عمامها تا هوما خلاص بلاش لعيالات هادوك بكاهوم مضمون ، ويلى عمك اكسيل غايلى شد راسو ميبكيش قدامها
ياسمين : لعجب لهاد طاسيلة عندكوم
صباح : هههههه ياك أبعدا فعئيلتنا كاملة الى كانو كيحسدو شي واحد فهو راجل عمتي عندو تلاتة تاع لبنات
لغالية : هههههه كيبردو على راسهوم بديك لقضية تاع ملي غيتزوجو ايبقا فيه لحال هو كتر هههههه أجي صباح شت ماماك تقطع حسها مكنتش بغيت نسيفط ليها دعوة تاع لعرس حيت عرس بنتها
صباح : تا كون دويتي معاها مكانتش غتجي سيدة مشات تحوص فبلجيكا
لغالية : مغتحضرش ؟
صباح : لا
لغالية : ميبقاش فيك لحال
صباح : علاش يبقى فيا لحال تمشي تموت ماشي تا تسافر مشغليش فيها او زيدون مكنتش بغيتها تحضر لعرسي
نجية : (جات عندها هي وجداها) حشومة تقولي هاد لهضرة ابنتي ماماك هادي
لحاجة : صباح شهادشي سمعت ماشي من طبيعة تقللي لإحترام على مك
صباح : ناس كيحتارمو لي يستاهل لإحترام ماشي وحدة بحالها
نجية : متقوليش هاكدا ماماك غيبقا فيها لحال الى سمعاتك
صباح : (سدات لباريزات دياولها) مغيبقا فيها لحال مغتقلق اخالتي علاش اتقلق بسلامة حيت قلت لحق ؟
لحاجة : مضحكيش فيك لبراني نتي عارفة مك كتبغيك راه غا حيت جاها السفر على غفلة
صباح : جاها نبݣ على غفلة شحال ونا عالماها لعرس او مع ذلك ناضت عمرات لكونجي سيمانة لي فاتت او سافرات ، فين هي هاد كتبغيني ملي كنت مليوحة فسبيطار فين كانت ؟ فين كانت ملي با كان كي لميت شاد لارض ماقات تا تسول فيه الالة متسولش فيه هو تسول فولادو لي مكان عالم بيهوم غا الله ، فين هاد كتبغينا ومجد مسكين ضل فلغربة الى مسول هو متسول فيه او جود مساقتش لخبار بلي هو لي شد تقل تاع باه علاه مقالت تقوليه غا صبر اولدي ، دوي الحاجة فين هي كتبغينا عييت نلقا ليها اعذار على تبرهيش ديالك ختك اخالتي بلعربية تاعرابت ناكرانا مراضياش بينا باغة تبان صغيرة بدرع ، داكشي علاش متبقاوش تمرضو فيا يرحم باكوم غدا عرسي باغة تكون راشقة ليا ، لغالية مدي لي دوك روايح لي تما
لغالية : ها هوما صافي ساليتي جميع
صباح : واه داكشي لي خاصني نجمع جمعتو تا انا مكترة عليا لحوايج من زهري دوك جوج باريزات لي جاب ليا بابا ملي سافر خليت فيهوم حوايجهوم مجبدتهومش
لغالية : عندك خمسة تاع لبريزات جوجات كبار او تلاتة متوسطات صافي سيري تنعسي نيت باش ترتاحي غدا تابعاك لكوافورة
لحاجة : سيري شوفي أبعدا باك راه بغاك
صباح : (لاحت عليها زيفها وخرجات)
نجية : انا غنمشي نعس اخالتي
لحاجة : سيري سيري ابنيتي ونتوما شباقين كديرو هنا خرجو من بيت لعروسة يعلم الله شناويين ديرو فيها
ياسمين : (شهقات شادة على فمها) هاء عقاب بينا شنو باغين نديرو عمتي حيدي حيدي داك سحور لي درنا ليها راه لحاجة عاقت
لحاجة : راكوم سلالة فتسحار نيت
ياسمين : (غفلاتها او شداتها من عنقها قاجاها) ياك حنا طاسيلة سحارات ايوا شدي طريق معانا متعرفي ايحوفو عليا ونخلي جوادي ايباليو بيك
لغالية : طلقي لحاجة اياسمين
ياسمين : (قربات عند لحاجة هامسة ليها فودنيها) غي زيدي تعفري الحاجة او حسبي راسك مالكة دنيا ، باش ملي طيحي من يدي طلبي يكون داكشي لي غندير ليك سحور ههههههه تي ملي نحكمك راه لا طبيب ولا حبيب يلقاليك دوا (طلقاتها او خرجات بحالها)
لغالية : (خرجات تا هي مخلية لحاجة بوحدها)
لحاجة : (كتسترجع انفاسها) خنقاتني بنت لهم
#عند اكسيل#
كان ݣالس فلبالكو تاع لبيرو ديالو كيتسنا فصباح تجي تا دخلات عليه
صباح : بابا بغيتيني
اكسيل : (دخل لداخل ݣالس فوق لفوطوي) أجي
صباح : (مشات ݣلسات حداه) تعطلت عليك كنت كنجمع حوايجي
اكسيل : هي صافي غدا اتخوي عنا
صباح : (حسات بيه بقا فيه لحال بزاف ، داكشي علاش شدات ليه يديه) وايلي الواليد على نخوي عليك 10 دقايق تاع طريق لي بيناتنا الى مجيت انا جي نتا ، او زيدون ياك فايت مشيت لفرانسا بقيت فيها عاماين ديرني بحالا غا سافرت
اكسيل : (باس ليها يديها او ناض حل لكوفر فور لي عندو فلمكتب جابد منو واحد جوج سنادق كبار شوي او رجع ݣلس حداها حاطهوم قدامها)
صباح : شنو هادو
اكسيل : (هز سندوق لول حلو) هادي لهدية تاعي
صباح : (وسعات عينيها ڤداكشي لي شافت اوسط سندوق لقاتو داير ليها واحد السنسلة فيها واحد تعليقة كبيرة ، او ماشي أي تعليقة حجرة كبيرة بلون تاع لبحر بين لخضيضر او زرق مغروسة فواحد زواقة تاع دهب لبيض) بابا واش هاد لحجرة تاع بصح ماشي جاج
اكسيل : لا ماشي جاج
صباح : فين لقيتيها راه قليل ذهايبية لي كيبيعو هاد شكل تاع سناسل حيت كيكون غالي بزاف
اكسيل : واحد سيد من لمعارف ديالي كنت موصيه حيت شي مرات كيجيب هاد شكل تاع لحجر شي عشرسنين هادي باش قلتها ليه او عاماين هادي باش جاتو هاد لحجرة من برا وطلبت منو ايديرها فسنسلة معا شي نقش ايكون خاص بيك
صباح : (تلاحت عليه معنقاه منين كانت صغيرة كانو كيحمقوها لأحجار لكريمة ، واحد لمرة كانت قالت ليه بضحك ملي نتزوج ها لكاضو لي بغيتك تجيب ليا ولكن متخيلاتوش ايديرها بصح حيت أصلن كانو غاليين بزاف لقليلة فيكون حط فيها كتر من 50 مليون) شكرا ابابا كتحمق
اكسيل : (ملي تزادت صباح دار ليها واحد الصندوق بحالها بحال خوتها كل مرة ايلوح فيه شي بركة باش ملي يكبرو يلقاو باش ايديرو مستقبلهوم ، ملي سهل عليه الله او دار لاباس محبسش او بقا كيجمع ليهوم او ملي عرفها كانت باغة هاد نوع تاع سناسل حلف تا يجيبها ليها فعرسها واخة مكانش دامي تزوج بكري او عشرسنين هادي بلحساب باش بدا كيجمع ليها فلوس هاد السنسلة بلاما يقيس لفلوس لي كان كيجمع ليها) مزيان غا ملي عجباتك
صباح : حمقاتني ماشي غا عجباتني
اكسيل : شفتي لكاضو ديالي وهادا لكاضو تاع خوتك مقدوش يعطيوه ليك مباشرة داكشي علاش ملي شراوه عطاوه ليا نخبعو تا يجي وقتو
صباح : (هزات داك الصندوق حلاتو لاقية فيه واحد التاج غا شافتو نفاجرات بلبكا)
اكسيل : (عنقها) متبكيش غيتنفخو ليك عينيك
صباح : (كانت من صباح صابرة باش متبكيش هي براسها مساخياش تمشي بكات شي شويا او مسحات دموعها)
اكسيل : سيري تنعسي دبا باش ترتاحي ودي معاك هادو
صباح : غا خليهوم مخبعين عندك تصبح على خير (باستو من حنكو او رجعات لبيتها تنعس)
لغالية : (دخلات عند اكسيل بعدما خرجات صباح من عندو) تشرب معايا لقهوة ؟
اكسيل : (ݣلسات ليه لغالية على رجليه) فين هو كاسي تاع لقهوة
لغالية : غنشاركو كاس واحد
اكسيل : دايرة شي ريجيم ؟
لغالية : لا علاش ؟
اكسيل : بحالا ضعافيتي
لغالية : معرفتش (ضارت عندو شايفاه ساكت) ميبقاش فيك لحال هادي سنة لحياة او زيدون راه غتسكن فنفس لمدينة
اكسيل : فنفس لمدينة ماشي فنفس الدار
لغالية : نتا واخد مرا من دار باها او مبغيتيش لي ياخد ليك بنتك ، او زيدون انا باقة معاك مغنتزوجش او نخليك غا تهنا
اكسيل : (غوبش شاحجها فطغمتها) الله يعميها لجدك قالك تزوج نهرسهوم لمك
لغالية : (عنقاتو كتفرنس) ههههههههه غا ضاحكة معاك فين نلقا حسن منك ولا بحالك ، غنتزوج فحالة وحدا الى كنتي باغي دير ليا لعرس هههههه
اكسيل : ههههه ايهيه نديرو ليك لعرس علاش لا
لغالية : ههههههه هاواي على فضيحتي على لعرس بعد خمسنين تاع زواج ههههههه مدرت لعرس تا فاش يالاه تزوجت لعساك دبا
اكسيل : على خاطرك بغيتي ندير ليك لعرس نديرو ليك
لغالية : حادݣ غا فخسران لفلوس يديك متقوبة ، ها مجد زوجو او دير ليه لعرس
اكسيل : عرس هاداك كنخمم ليه ، واخة بقا فيا لحال جود او ياسمين مدرتش ليهوم لعرس
لغالية : عوضها ليهوم فسبوع ههههه
اكسيل : سبوع ݣاع
لغالية : يالاه نمشيو نعسو غدا تابعنا شلى شغل
اكسيل : ݣاع موريتيني شنو كريتي
لغالية : كريت جوج تكاشط
اكسيل : غا جوج ؟
لغالية : واه غا جوج حيت عندي فدار شي تكاشط يالاه فصلتهوم باقي عمرني لبستهوم
اكسيل : مزيان
لغالية : سولتي واش كولشي موجود
اكسيل : واه غدا انمشي انوياك نسبقوهوم لقاعة
لغالية : واخة ، يالاه نوض تنعس احقا راني جبت ليك حوايجك من لمصبانة
اكسيل : شكرا
لغالية : تخشات فراشها) تصبح على خير
اكسيل : ونتي من أهل لخير
فلوقت لي كل واحد مشا تخشا فبلاصتو ينعس كان جود او مجد متكيين فوق ربيع تاع الجردة طايح عليهوم واحد الضيم واحد الضيم
مجد : راني قلت ليك ديك لمرة نربجوه او نلوحوه فلبحر ولكن متسنطتيش ليا
جود : كون تبعت راسك بحال دبا مهنيين منو او من صداع ميتزوج ختنا ميديها عنا
إيهاب : (جا تكا اوسطهوم) يلكفرة كتزوجو خوتات ناس او مبغيتوش لي يتزوج ختكوم
مجد : هنيما نتا شكون تزوج ختك
إيهاب : هاد دحش تاع خوك متزوجش ليا ختي وداها معاه
جود : شديت ليك انا فين تا كنعرفك
إيهاب : (شافهوم بقا فيهوم لحال وبغا افوج عليهوم شوي) ياصاحبي راه عادي غتجيكوم صعيبة شوي فلول ولكن راه دغيا اتعودو شحال بكيت انا ملي تزوجات ياسمين عاد أنا محضرتش ليها
مجد : نتا بكيتي على ياسمين آمپوسي
ياسمين : (جات ݣلسات حداهوم حاطة لݣارو فمها) نوريك لڤيديو ديالو او هوا كيبكي
إيهاب : ݣاع معندك لڤيديو غا كتكدبي
ياسمين : (طلقات لڤيديو فاش كان كيبكي) متأكد
إيهاب : الا لغدر لا خوك انا متشوهيناش
جود : (خطف ليها طيليفون من يديها او كحاز حدا خوه كيتفرجو فإيهاب لي بغا يحيد ليهوم طيليفون ولكن مخلاوهش)
كاين إيهاب : (كتدوي معا إيهاب فحين باه كيصورو بتخبية) هاك دوي معا ختك او بارك ليها زواجها راه ليوم عرسها
إيهاب : (كيبكي كي دري صغير او كيشهق) وا لا مغندويش معاها هاء مابغيتش
باه : دبا غا مالك كتبكي بحالا ماتت راها تزوجات عرسها
إيهاب : (نفاجر بلبكا) وا علاش تزوج هاء باقة صغيرة متزوجش هاء غدارة
ياسمين : (من طيليفون كتدوي) تا جمع عليا خناينك عندي عزو هنا وقول ليا كي جاني لقفطان
ايهاب : جاك زوين هئ وعلاش ايجيك زوين
ماين إيهاب : قطعي قطعي ابنتي الله اكمل عليك بلخير
إيهاب : الله يعطيه لحكة ولهرس تزوج ليا ختي هئ هئ مبانتش ليه غا ياسمين من بين لبنات كاملة
باه : تا باركة من لبكا فضحتينا معا جيران
إيهاب : خليهوم اسمعو مشغليش أصلن مكيفهموش لعربية (قلبها بكا بسبليونية) ودا عليا ختي مغنبقاش نشوفها
مو : (هزات عندو صرفاقة كتشحط فيه) ياليهودي مشوهنا معا لمغاربة زيدني تا نصارا مغنبقاش تشوفها داخلة لبرشيد هنينا من لبكا
إيهاب : واش منبكيش انا على ختي
مو : باغي تبكي بكي أبعدا على شي حاجة مقنعة (شداتو بصرفاقة كتعطيه كتعطيه تا بردات غدايدها) ايوا بكي دبا
إيهاب : الله يعطيه لحكا مزوج لخوادرية او واكل قتلة بمسبتو ونتا الواليد عيواض متجي تفك ݣالس كتفرنس عليا
باه : تا مريض شكون اقد على مك بغيتيها تجمعنا
مجد : ههههههههه لبكاي صاڤا
إيهاب : (ضار عند ياسمين) عجباتك هاد لفضيحة لي درتينا مشوهانا معاهوم
جود : (شحطو مور راسو) شبعتي فيا معيور الكلب
ياسمين : نوضو نوضو تنعسي تعطل لحال
كل واحد فيهوم طلع لبيتو ونعس
#فصباح#
كانت روينة فدار صباح مشات معا لبنات عند النݣافة باش تصايب ليها ، فحين دراري كانو واقفين على لأمور فلقاعة معا لغالية واكسيل ، وصلو لكارطونات دلحلوة تما او ليدغاجي ، لغالية كانت كتشوف طيابات واش محتاجين شي حاجة فحين اكسيل كان كيشوف صحاب الصونو او كيعاون هو ولادو سربايا فزواق تاع الطبال او لݣلسة تاع لعروسة تا قرب لمغرب عاد لقاو بلي كولشي موجود او مقاد
اكسيل : لغالية يالاه نلحقك على لبنات باش تلبسي حوايجك
لغالية : بلاش غنمشي غا لدار نلبس درت معا ياسمين تصايب ليا هي
اكسيل : صافي واخة كنضن تا دراري غيرجو لدار
لغالية : لا هوما ايمشيو عند محسن
اكسيل : يالاه نسربيو حنا باش نرجعو نتعرضو لضياف
لغالية : واخة هاني
اكسيل : (كان كيصوݣ الطونوبيل ) لماكلة طابت ؟
لغالية : لبسطيلات باش يبقاو سخونات باقي ماداروهومش اتحمرو ، ويلى لحوالة تشواو تقريبا كاملين دجاج تا هو تدغمر او تحمر ، الى ليطاغط تاع لݣلاص خليناهوم فلكونجلطور باش ميدوبوش
اكسيل : (بلاصا طونوبيل او نزلو منها بجوج داخلين لدار)
لغالية : ياسمين ، غزلان جيتي
غزلان : ثلام {سلام}
لغالية : مزيان لي جيتي باش نوصلوك معانا سيرو لبسو حويجكوم بزربة
ياسمين : واخ
كل وحدة فيهوم دخلات لبسات عليها حوايجها او جمعت تبدال فبريزة وحدة ، غزلان لبسات ليها واحد لقفطان تاع لموبرة بزيتي فحين ياسمين لبساتو بصفر ، اما لغالية فلبسات قفطان تاع لجوهرة بلحمر ، قادات ليهوم ياسمين ماكياج خفيف او زوين جا لكل وحدة فيهوم معا وجها ، اكسيل ضرب عليهوم كوستيم بلكحل
لغالية : كي جيت
اكسيل : (هبط باسها من فمها) كتحمقي
ياسمين : عمي اكسيل حنا باقين هنا
اكسيل : (عاد رد لبال بلي كاينين لبنات معاها فلبيت) راجلك باقي مرجع
جود : ها راجلها جا
مجد : (كان هو وخوه ضاربين كوستيم بلكحل تا هوما) امضرا الوليد كا ولا ماكا راك والد الزين
اكسيل : شكون شكرك العروسة
مجد : (عاد قشع غزلان او مشا عندها كيحنقز) شهاد الزين أ شهاد لحلاوة (شدها من حنكدها باغي يبوسها بتقزدير ديالو)
اكسيل : (جرو من لكول ديالو مقربو عندو) تزݣا لا
مجد : هاني هاني زاݣي
جود : متقلتيش مكياجك لا ؟
ياسمين : لا درتو خفيف عاد مجاش معايا
جود : لا جاك مزيان غا هو منهنا نتافقو شطيح ممنوع الى قلنا شطحتي حركي لكتاف شوي وݣلسي راه طيليفونات دبا خرجو على بنادم
ياسمين : واخ
اكسيل : يالاه يالاه غنتعطلو حنا صحاب لعرس حنا خاص نسبقو
لغالية : يالاه دوات معايا مي نيت راهوم فطريق
كل واحد فيهم ركب طونوبيلتو او رجع لقاعة كيتأكدو لآخر مرة بلي كولشي مقاد عاد وقفو حدا لباب هوما وحباب لعريس كيستقبلو او يرحبو فضياف بلحليب او تمر او شكلاط
اكسيل : مرحبا وألف مرحبا
راجل : (من لمعارف تاع اكسيل) الله اكمل كولشي بلخير مبروك
اكسيل : الله ايبارك فيك
راجل : هادي مرات ولدك ياك كنت مشغول مقديتش نحضر لعرسو
اكسيل : ماشي موشكيل ، واه هادي مرات ولدي لكبير جود ولي حداها خطيبة ولدي لاخر مجد
راجل : تبارك الله دراري دغيا كيكبرو
اكسيل : داكشي نيت لي كاين دخل مرحبا
بقاو واقفين تما كيرحبو بضياف تا كولشي جا ولقاعة عمرات ، صونو طلق موسيقى خفيفة تا وصلات لعروسة ولعريس او طلق لمسيقة تاع ترحال او نݣافات طلقوها بزغاريت او سلام او دقايقة تا هوما
صباح : (كانت لابسة قفطان بلبلون كاسي دارت ماكياج خفيف كيبينها طبيعية دايرة لفولار او تاج من لفوق وحدتها محسن بكوستيم رمادي) ناري شدني لنطيح اهيا او نتشوهو راني مخلوعة عمرني عرست
محسن : (كيضحك لمول لكميرا) كي شتي انا مولف بلعراسات راه تا انا خاص لي يشدني لنطيح الخلعة طلقي مني
صباح : زيد زيد ݣرعة محزمة بسلاوية
لبنت : (كانت ݣالسة معا صحباتها) شوفو شوفو لعروسة دخلات
لبنت : ياختي طايح عليها سر سمعت بلي كبر من لعريس ولكن مبيناش فيها كتبان صغر منو ولا قدو
لبنت : راهوم ممفاوتينش بشي بزاف او زايدون تهلو مكيخليش لوحدة تشراف سمعت بلي غا هي لي عند باها
لبنت : أختي غا من لعرس لي داير ليها يعطيك لخبار على معزتها عندو
لبنت : فين هو باها هنا ؟
لبنت : داك لي واقف تما حدا مولات لحمر راها مرتو نيت او خت لعريس ضبرات على راسها وعلى خوها
لبنت : ضبرات تا على بنت خوها راها واخدة خو لعروسة لكبير ݣاع ودري لي بقا سمعت بلي خطب ديك مولات شعر لقصير هي خطيبتو علاما كنضن
لبنت : ياختي سعداتهوم باهوم شوفي على عرس دار لبنتو غا لقاعة قداش زيد عليها الديكور او نݣافة لي جابو هادي نادية ياك يعلم الله شحال عطاوها
جود : لواليد عاد وصلو شيوخ ولكن باقين شي وحدين وقع شي زحام واقلة شي كسيدة وباقي مجاو لماطيرييل ديالهوم او لي كيضربو ليهوم لي وصلو شنو لمعمول تا داك لي جبنا تاع لعربية مرض او متلاش جاي
اكسيل : متخليش ختك تعرف غا غتقلق او شوف معا ديدجي الهيهوم
مجد : انا نلهيهوم
جود : بلى فضيحة اعشيري
اكسيل : غا سير غني شلحة راك كتعرف تغنيها
مجد : انجر معايا ياسمين تغني
جود : لا قيل عليك مرتي
مجد : سير تلاح عليا مرات خويا يالاه نغنيو
ياسمين : (غا سمعات لغنا مشات كتحنقو) شغنغنيو
مجد : حافضة شي أغنية بشلحة
ياسمين : وحدة لي عارفة او حافضة ولكن راني معارفاش شكيتقال فيها
مجد : ماشي موهيم تكوني فاهمة لموهيم هو حافضة (دوا معا ديدجي أطلق ليهوم لموسيقا او شد هو لميكرو او عطا لياسمين واحد آخر) طسط طسط هادي فخاطر لخوادرية
محسن : (همس لصباح فودنيها) شت خوك ناض ياكما بغا يغني علاه كيعرف
صباح : خويا لغنا بشلحة كيعطيه قتلة
ياسمين : وهادي فخاطر عمي
مجد : (تطلقات لمسيقة وبدا كيغني وياسمين كتعاود موراه)
*حاولاث غيفي بضاض اوريري دوا*
*وا كان نيد وسان انݣري ذسمون*
*ليلي ويا ليلي سلاث تاسانو مسييخ*
*وحاولاث غيفي وحاولاث غيفي بضاض اوريري دوا*
*وا كان نيد وسان انݣري ذسمون*
*ليلي ويا ليلي مانو يامنو سلاث تاسانو مسييخ*
اكسيل : ديك جرانة طلقها لزهو ونشاط تبهرك
جود : زيد عليه ديك بيزويا لي حداه شوف كي كتفرنس عاجبها لحال
لغالية : اعجبت فياسمين تحفضات ليها لأغنية بشلحة ههههه
ياسمين : (بقات هي وياه كيغنيو تا سلاو لأغنية وكانو شيوخ جاو هوما يحبسو وخليين واحد من شيوخ انوض اغني هو)
جود : (ملي حما لناس طرح كولشي ناض كيشطح جرو مجد لوسط او بقاو هادي تنفع هادي ضر تا سالات لأغنية عاد حبسو تا هوما)
ياسمين : (كانو دينارين طرح ايكون شلحة طرح تاع شعبي ولكن داك معامن دارو حيت مرض سيفطوها تشد بلاصتو)
جود : (حضر ليها كتغني اغاني هادية ولكن لأغاني الشعبية عمرو سمعها ولا دماها تغني شعبي تا شافها حيحات عليهوم ، مكرهش امشي ينزلها من تما ولكن مجاتش اخصر لختو عرسها)
ياسمين : (تطلقات ليها لمسيقى وبدات كتدوي قبل منبدا تغني وهي كتفرنس او تحرك غا شوي بلكتاف) هادي فخاطر صحاب بني ملال صحاب دار لبيضة ، يا ونساوش صحاب خينفرة هادي فخاطر ݣاع لحاضرين فخاطر لعروسة ولعريس سير عالله
*وليل ليل اسيدي عمارا ، آليل ليل ابابا عمارا ، آليل ليل اخويا عمارا*
*باينة نتسوط انا وربيبة بايتة نتشوا انا والحبيبة*
*ليل ليل شحال زوين ليل اوا ليل شحال طويل*
*وليل ليل اسيدي عمارا ، آليل ليل ابابا عمارا ، آليل ليل اخويا عمارا*
*ليل اليل الالة طامو لي بغا صباح اخوي بزطامو*
*ليل ليل شحال زوين ليل اوا ليل شحال طويل*
*ليل اليل الالة هنية ديري عرسك ياوعيطي عليا*
*حبيبي و يا حبيبي ونا كلام لعار منݣولو*
*ونا سيدي محسن يالكزاوي يا ولمݣانة حدا راسو*
*ونا وبلاتي يانݣافة و وبلاتي على كتيفاتي*
*ونا وبلاتي يانقاشة يا وبلاتي على يدياتي*
ياسمين : (حمات ليهوم طرح مزيان تا ولات لي عندها شي طغمة ناضت تحركها اما هي فكتغني وشادة راسها بزز)
لبنت : عمرني شفت هادي لي كتغني شي فنانة جديدة
لبنت : اويلي لا هادي راها عروسة اكسيل مشتيت ولدو كي وشا وقف حداها عاس ليقرب ليها شي حد
لبنت : اعندها الصوت ياختي غا هو باقة صغيرة بزاف
لبنت : موحال واش دارت 17 رعام ولكن تا دري راه يالاه دار 23 عام او زيدون اختي غا شوف كسيلة لاش تزوجات غا عمتها راها صغيرة على ولاد عمي اكسيل او معا ذلك مزوجة بيه
جود : (بقا حاضيها كيفاش فرحانة وهي كتغني اول مرة احس بيها فرحانة من خاطرها ، ملي شاف شي دراري ناضو كيشطحو جيهتها وكاين ݣاع لي بغا أعلق ليها مشا وقف حداها مبعدهوم عليها)
ياسمين : (ملي سالات لأغنية حطات لميكرو او مشات وقفات حدا جود) مالك مغوبش
جود : داك تامل ليلهيه من صباح او هي كيشوف فيك
ياسمين : متديهاش فيه بلاما تخسر لعرس انا غنمشي عند عمي قتلني لفضول شنو كيوشوش ليها فودنيها تا كتفرنس
محسن : (كان كيضحك هو وصباح تا جات عندو ياسمين)
ياسمين : شكتوشوشو ها لعار راه لغز باقي لدابا متحلش
صباح : ههههه كنتنمرو على عيباد الله واحد راجلك غيزيد شوي او ينوض اسلخ شي واحد
ياسمين : ههههه غا سكتي ولكن باش عجبني طير ليهوم لغرامة من يديهوم ههههههه
صباح : ولكن تبارك الله عليك تصلاحي شي فنانة
ياسمين : ههههه ياك أبعدا ولكن شكون خلاك
حبسات لموسيقى او مشات لعروسة ولعريس ابدلو عليهوم فديك لبيت لي كاينة لفوق باش ايكونو نازلين انزلو معا دروج لكبير لي فلقاعة ، سرباية كانو غا كيضورو بلعصير او لحلوة ، نزلات صباح بلبسة تانية او دارت موراها تالتة عاد تحط لعشا لعروسة ولعريس دارو ليهوم طبلة كبيرة لوسط ݣلسو فيها هوما او باين او ماين لعريس او خالو ومرتو او خالتو وراجلها وجيهة لعروسة ݣلسات لحاجة او لحاجة عمتها او او باها او عمامها بجوج
اكسيل : كون غا ݣلستي نتي
لغالية : لا غا ݣلس نتا نتا باها مجاتش متݣلسش معاها انا خاصني نوقف معا دراري نشوفو الى خصات شي حاجة صافي
اكسيل : (رجع ݣلس جيهة بنتو)
صباح : (شدات ليه يديه) شهاد الزين اسي اكسيل
اكسيل : (طول فيها شوفة) الزين والد الزين
صباح : (تحطات ليهوم لبسطيلة هي لول قطع ليها اكسيل لمورسو ديالها وحطو قدامها)
غزلان : (كانت كتسخر معاهوم تا تحطات ليهوم لبسطيلة بان ليها مجد واقف برا بوحدو)
لغالية : سيري بقاي معاه شوي راه غيكون بقا فيه لحال حيت صباح تزوجات
ياسمين : بقا فيه لحال او نايض كيشطح
لغالية : راه غا كيلهي راسو او صاف اما كون مناضش اشطح كوراه داير هري بلبكا تا جود غي مصبر راسو او زيدون هاد شطيح لي شطحو بجوج راه ماشي لي موالفين كيديرو فلعراسات ، سيري تا نتي عندو ونتا جيب تحرك قدامي من صباح ونتا تخشي فكمارتك شكون دار ليك لمرقة فلخبز ياكمي هزيتي من طبلة تاع ناس ؟
إيهاب : (كيخشي فوجهو) لا مشيت عند طيابة لي دارت ليا اوسط لخبز
لغالية : لعفو
صباح : (هزو لبسطيلات بجوج حيت كانو دايرين تاع لوز او تاع لحوت او حطو ليهوم دجاج دارو فيه خمسة تاع دجاجت كبار لكل طبلة ، عاد حطو ليهوم نص حولي مشوي معا سدورة تاع بيبي مشرملين للي مكياكلش لغنمي ، شافت بلي اكسيل ماكلى والو كان غا كيقطع ليها تاكل هي ، مدات يديها لسدر تاع بيبي قطعات منو او حطاتو ليه) كول راك ماكليتي والو
اكسيل : (مكان عندو منين ايدوز دار ليها غا لخاطر نقبل شويا وحبس ، ملي تحط ديسير معا لݣلاص نقا ليها واحد بوعويدة او ناض من طبلة) بصحتكوم غنمشي نشوف ناس
محسن : مالك باك واش مريض ؟
صباح : راه مسكين مقادش ايشوفني كنتزوج تا من جود او مجد راها مرشقاش ليهوم
كمل لعشا او مشات لعروسة بدلات عليها عاود كيما تا بنات عئيلتها بدلو بتكاشك تاع لفريع او تسنسرو دهوبات
تسمعو لغياطة معا لباب تاع لقاعة او بدا دفوع تاع لعروسة كيدقل لداخل تحطو صينيات او طيفورات لي عامرين بلحوايج ، او تا لعمارية فاش اتهز صباح تحطات لوسط او تمت لعروسة جاية باش تركب فيها
صباح : (دخلات لعمارية وهي كتدعي مطيحش كانت كتسنا ايجيو دوك لي غيهزوها تا شافت محسن او اكسيل او خوتها بجوج او إيهاب زادو عليهوم ولاد عمها علاء او رضوان او سعد هوما لي جايين اهزوها)
ياسمين : (كانت هي لي كتغني ليهوم فحين غزلان كتصور بطيليفونها ، ولغالية مشات كتعاون نݣافات فتوجاد تاع لݣلسة دلحنا )
صباح : (هبطات من لعمارية ومشات بدلات عليها بلحوايج تاع لحنا عاد نزلات هي ومحسن بصلى وسلام تا ݣلسات فلݣلسة تاع لحنا او جات جداتها تا دارت ليها لحنة هي وكلتوم)
مجد : (مشا عند الشيخ لي كانت نوبتو فلغنا قال ليه لأغنية لي بغاو تاع لحنة ورجع دايرين واحد نصف دائر فلوسط تاع لقاعة ، كانو فيها عئيلتها تقريبا كاملة عمامها او عيلاتهوم او ولادهوم خوتها بعيالاتهوم تا هوما او باها ولغالية كيديرو احيدوس او كيعاودو معا شيوخ)
*اثا حاول اثناس ايغمون اثا حاولاه* {اديك لي كتحني ليها حاولي عليها}
*اثا لا حروريناس ايضوضان اثا حاولاه* {راه رطبين ليها صبعان اوا حاولي}
*اثا حاول اثناس ايغمون اثا حاولاه*
*اثا لا حروريناس ايضوضان اثا حاولاه*
*اثا حاول اثناس ايغمون اثا حاولاه*
*اثا لا حروريناس ايضوضان اثا حاولاه*
جود : (مشا جر صباح او محسن خشاوهوم بيناتهوم او جاو ناس كملو ليهوم دائر تاع احيديسو وبداو كشطح)
صباح : (فرحات ملي شافت باها كيديرو احيدوس معاها ولكن شدات دموعها بزز حسات بهاد لأغنية بحالا باها لي كيغنيها ليها او كوصي عليها)
*ابو ثايمات ايزيل ايثييد اثا حاولاه*
*وثا داند اممي حاضراش اثا حاولاه*
*ابو ثايمات ايزيل ايثييد ياثا حاولاه*
*وثا داند اممي حاضراش اثا حاولاه*
*ونام ايسموند لغاشي ايظا ياثا حاولاه*
*اذاس يقظو ربي اسكين ياثا حاولاه*
بقاو هاكداك ليل كامل صباح كتبدل فلباسي او لوخرين كيشطحو او كتصور معاها عئيلتها وبها وخوتها ، او فواحد اللبسة جلقو ليهوم رݣادة ونوضو دراري محسن او إكسيل ادير معاهوم رݣادة
صباح : (اول مرة تشوف باها كيشطح رݣادة تقول سيد وجدي ماشي شلح)
اكسيل : (فنص تاع رݣادة تطلقي شعبي هو يتقلب معاهوم تا هو مخلي ولادو مصدومين فيه)
جود : (محسن رجع حدا صباح وبقا هو وخوه او باه او عمامو لوسط عاطيينها لشعبي)
مجد : من ايمتى باك كيعرف لشعبي
جود : انا مابقيتش كنتصدم فيه ولفت
صباح : ناري لواليد مسخوط لبنات كاملين حلو فيه لفم
لغالية : خلي ساكة بلاما ندعي ههههههه ولكن شتي ملي ناض باك لشعبي عرفت بلي وصلات فيه لعضم
محسن : تا لعشا متعشاش
لغالية : نتا غتدي عليه بنتو او باغيه ياكل
جود : (رجع وقف حدا ياسمين بعدما سالات لموسيقى وشاف فساعتو لقاها ربعة تاع صباح ، لقا تا صباح طلعات تبدل عاود) شحال من لبسة بقات ليها
ياسمين : ملي اتلبس ليها هاد اتبقا ليها غا وحدة نيت
جود : (ضرب طم)
مجد : شحال قالت بقات ليه من لبسة
جود : هادي لي اتلبس دبا او وحدة خرى
مجد : (مكرهش كون ميساليش لعرس باش متمشيش) ماشي قللات لبسات
غزلان : دارث جوجاث او ثلاثة دارث فيهوم لعمارية او ثاع لحنة او هاذي لي اذير دبا او ليبكات ليها ثمنية {دارت جوجات او تلاتة دارت فيهوم لعمارية او تاع لحنة او هادي لي ادير دبا او ليبقات تمنية}
لغالية : (بقات واقفة على لعرس هي واكسيل او دراري تا وصلات صباح لبسة شلحة ولي هي لخرة نيت ليها ، ملي بدلات لعروسة بتاع شلحة بنات عمامها وعمتها ولحاجة وهية وياسمين و غزلان او تا شيماء لبسو تا هوما اللبسة الشلحة معاها)
صباح : (جات نوبة باش تقطع لطغط جات هي ومحسن بوسط حدا لكيكة فحين كولشي دار عليهوم دائرة تاع احيدوس محيحة حيت كان 46 لي كيغني أغنية *تيسليت ايمازيغن*)
تفرقات لحلوة على لحاضربي او ناضت لعروسة هي وحبابها كيفرقو لكارطونات تاع لحلوة او ليدغاجي على حباب لعريس ، فحين لعريس او حبابو ناضو كيفرقو على حباب لعروسة تا سالاو عاد فرقو على الناس زلايف تاع لحريرة تا شربة وسلاو عاد كول واحد فيهوم مشا بحالو ، اكسيل خلى شي عيالات او شي رجال كان شدهوم اجمعو روينة او لماكلة لي بقات او يوصلوها ليهوم ، حيت كان خاصهوم هوما امشيو اتوادعو معا صباح
صباح : (بقات بلبسة تاع الشلحة ومشات ركبات فطونوبيل هي وعئيلتها راجعين لدار )
محسن : (كان واقف لتحت معا عئيلتها كيتسناها تهبط)
صباح : (طلعو معاها لبنات عاونوها تبدل عليها او تهبط حوايجها ، كان خاصر ليها لجو او خاصاها غا سبة وتبكي )
صباح : (سلمات على عمامها او جدها وجداتها وبنات عئيلتها وهوما كيوصيو فيها تهلى فراسها ملي وصلات لجود مقداتش تحبس لبكية كتر خصوصا ملي شافت دموعو نزلو) خويا
جود : (عنقها ماباغيش انفاجر بلبكا تا هو) متبكيش
صباح : (عنقاتو مزيرة عليه حاسة براسها مخنوقة وباغا غا تبكي)
لحاجة : (كطبطب عليهوم بجوج) متبيكش ابنتي متبكيش
جود : صافي باركة من لبكا
صباح : (بعدات عليه كتمسح فدموعها) فين مجد مغيجيش اسلم عليا
لغالية : (بكاوها تا هي) لا ها هو غيجي عيطو لمجد
إيهاب : ها هو (جرو معاه لتحت بدرع) سلم على ختك أصاحبي حشومة تخليها تمشي بلاما تسالم نتا وياها
مجد : (وقف قدام صباح حاني راسو مقادش ايشوف فيها عينيه حمرين بلبكا او تا نيفو حيت شبع بكا لفوق)
صباح : (ملي شافت عاود مجد عمرو عينيها بدموع او دوات معاه بصوت منغنغ) مبغيتيش تسلم عليا
مجد : (عنقها وهو كيبكي كي دري صغير او تا صباح عطاتها لبكا مخليين لوخرين لي شاد لبكية يطلقها)
إيهاب : (تا هو نزلو دموعو ملي شاف فعمو لقاه تا هو مزير) دبا هوما كيبكيو حيت ختهوم أتمشي عليهوم نتا لاش كتبكي
محسن : حيت أنا لي غنديها
إيهاب : بقا فيك لحال خليها ليهوم
اكسيل : (واقف كي جبل مكيبكيش ولكن لداخل ديالو فاشل قرب عند محسن عاطيه عرام تاع جويان) هاد جوايات عطاوهوم ليكوم ناس تاع لعرس وليها هاد ربعة تاع جويان (كانو غلاض على لوخرين) من لحاج او عزيز او يحيى او عمك الراضي ، ويلى هاد جوا مني انا (كان جوا عامر على لوخرين مابغاش احرجو ويقول ليه متعطي تاشي ريال لعرس على حسابي خلاه اخلص معاه او باش ارضهوم بلاما ينقص منو عطاهوم ليه هدية تاع لعرس داكشي لي خسر ردو ليه)
محسن : مبيناتناش اعمي
اكسيل : غا شد انا لموهيم عندي تهلى فيها
محسن : كون هاني
لغالية : مجد صافي باركة من لبكا غيضروك عينيك او تا نتي اصباح باركة عليك
صباح : (بعدات مجد)
مجد : (بدرع باش قدر يهضر) تهلاي فراسك
جود : (عنقو مجد كيبكي عارفة غيكون بقا فيه لحال بزاف ݣاع حيت مجد كان هو لوسطاني قريب لصباح او قريب ليه تا هو)
صباح : (سلمات على غزلان او ياسمين او لغالية لي بكات معاها تا هي)
لغالية : ردي لباب لراسك راك ساكنة قريب انبداو نتشاوفو كوني هانية
صباح : (عاودات عنقاتها هامسة ليها) تهلاي فباب او عطيه ياكل راه مكلاش ݣاع
لغالية : (كتمسح عينيها) كوني هانية
صباح : بابا بسلامة (عنقاتو ودارت هري بلبكا عاود)
اكسيل : (دار حجرة على قلبو او هبط بايس ليها راسها) متبكيش ابنتي غادي تنفخي عينيك او طيبيهوم بلبكا ، مسحي عينيك او سيري معا راجلك خاصكوم ترتاحو غتكونو عييتو
صباح : (مسحات دموعها) واخة
لغالية : (جات عند محسن بواحد جوج باطات قدهوق قداش او ياسمين هازة هي وغزلان وحدة) سخفت تقال
محسن : شنو هادشي
لغالية : هنا شي دجاج او شي لحم من لعرس
محسن : مكترتيش
لغالية : راه ساط لخير هادا حقكوم تلقاو شتاكلووفهاد سيمانة كاملة بلاما طيبو غا ملي توصل خشي كولشي فلكونجيلاطور لي شريتي ، ها لبسطيلات او الدغميرة درتها ليك تا هي فسوپيرة بوحدها ، لحم او صدر تاع بيبي ودجاج كولا فجيهة تكفل العطل طونوبيل ؟
محسن : انحطهوم فلكوسانات لور الى دفوع راه سبقنا لدار
لغالية : ايوا صاف دي مرتك قبل ميسكت ليها لقلب بلبكا
محسن : صباح يالاه
جود : (جا هو ومجد باغين اهزو لباريزات يديوهوم لطونوبيل لقاو محسن وا داهوم) ولا عندها لي يهز ليها حوايجها مابقاتش محتاجنا نهزوهوم ليها
مجد : لغالب الله
اكسيل : (بعدما محسن حط كولشي فطونوبيل مشا معا صباح تا ركبات او قاد ليها السمطة وتحنا تا باسها فوق راسها) حبسي من لبكا او تهلاي فراسك او فراجل ويلى داقت بيك الدنيا ولا دارلك راجلك شي حاجة تفكري بلي باك باقي عايش او ضارك باقة ، صبري على لي خاصو يتصبر عليه ولكن متعفطيش على راسك أو تحملي راسك كتر من طاقة ، كوني مرا تاع زمان كتفكر بعقلها او قلبها ، او وياك تقولي فراسك صافي تزوجت غنولي غريبة على ضارنا وضيفة عندهوم دارك هي ضارك او خوتك ونا نفديوك بروحنا
صباح : عارفة ابابا الله اخليكوم ليا (باست ليه يديه أو راسو) الله اطول فعمرك او يخليك تاج فوق راسنا تهلى فراسك ابابا
اكسيل : الله يرضي عليك
محسن : (عاد دخل طونوبيل) عمي اكسيل
اكسيل : هاني نعلمك قدامها ديتي لعزيزة على قلبي وديتي مومو دعينيا ختاريتك تكون راجل ليها من بزاف ، ولكن راه تجيني خبارك ضريتيها ولا لزلتي دمعة من عينها غا هاكاك ولا شفتي غيرها ، برب لكعبة تا تشوف لي عمرك شفتيه نغزك بسناني وندفنك تحت تراب
محسن : (عرفو الى قالها اقد بيها تقطعات فيه) كون هاني اعمي اكسيل
اكسيل : طريق السلامة
محسن : الله اسلمك (كسيرا طونوبيل مبعد) باركة من لبكا ها لعار واش مسمعتيهش شباغي يدير
مشات صباح لدارها فحن كل واحد فطاسيلتها طلع لبيتو ينعس حيت دݣدݣو تاع لمعقول ، لغالية بعدما خشات لماكلة فلكونجيلاطور او قادات لأمور طلعات لبيتها بدلات عليها لول عاد خرجات كتقلب على اكسيل حيت مكانش فبيتهوم
اكسيل : (كان فبيت صباح كيبكي على خاطرو ، ماشي ساهل عليه تمشي عليه بنتو لي ربا 22 عام هادي هو لي راه او هو لي كبر ، تاشي قنة فهاد دار مخالية من لوجود ديالها ، ولف ديما يلقاها فدار او يسمع ضحكتها نهار لي مكتكونش مكيصبرو غا انو عارفها قانها ترجع ، ولكن دابا مشات تبني حياتها وعئيلتها جديدة)
لغالية : (تزادحات معاه خارج من بيتها لاحضات بلي عينيه حمرين عرفاتو بكا ولكن مابغاتش تحرجو داكشي علاش دارت راسها ملاحضاتش)نتا هنا ونا كنقلب عليك نسخن ليك متاكل
اكسيل : لا أنا بغيت غا نعس راسي دايخ
لغالية : تا انا باغة غا نحط راسي على لوسادة
اكسيل : (تلاقاو فطريقهوم جود مطلع قرعة دلما لبيتو) باقي منعستي
جود : يالاه ناوي
اكسيل : (جرو لجنب) قاد امورك معا مرتك مانبغيش سيمانة تكمل او متلقاكومش مصالحين ، عيقتو بهاد تقساح الراس ديالكوم
جود : كون هاني الواليد
اكسيل : يالاه سير ترتاح دبا
جود : (مشا باه او لغالية ينعسو ودخل هو على ياسمين لاقيها كانت كتفك ديك سبنية من فوق راسها ، كمل لحمام نيشن ادوش باش ينعس مرتاح اما تا صلى كان وا صلاها)
ياسمين بعدما حيدات السبنية من شعرها مسحات لماكياج دوجها او بغات تفك تا لحوايج ولكن معرفات مناش تبدا ليهوم داكشي علاش قالت تا يخرج جود من لحمام او يعاونها ، ضارت تشوف فين حلات طيليفونها تا قشعات واحد لباطة كحلة متوسطة عليها سينة بلحمر قالت يمكن جود جاب ليها شي كاضو داكشي علاش هزات لكارطونة عندها
ياسمين : شنو غيكون فيها زعما (حلات ديك لباطة لاقية فيها واحد لمنيكة تاع باربي لابسة كولشي بلوردي مدات يديها هازاها وهي كترعد او مطرطقة عينيها كتحس بقلبها باغي يسكت من بلاصتو ديك ضورة لي ضورات لمنيكة لقات واحد لعين محيدة ليها شهقات شادة على فمها باش متغوتش مطيحة ديك لمنيكة لأرض)
جود : (خرج من دوش لابس غا شورط ديالو وقبل ميسول ياسمين على شارجور بانت ليه طلات من لبالكو وهي صفرة عاد شداتها بجرية لبار ، قبل حتا ميستوعب لقا راسو لبس توني ديالو فطريق او مشا كيجري موراها)
ياسمين : م.مناش جات هادي شكون سيفطها (كانت كاملها كترعد قلبات لكارطونة ملاقية فيها تاشي حنوان ولا اسم ديك الطلة لي طلات من الشرجم بانت ليها طونوبيل باش كيوصلو سلعة عاد تحركات ، جرات بزربة كتحاول تلحق عليها حفيانها وكاملها كتقطر بلعرق تا حسات بشي يد جراتها بجهد)
جود : فين كتجري شواقع
ياسمين : (نفس كيتقطع فيها او غا كتشير ليه جيهة طونوبيل) هاداك هاداك
جود : شكون هاداك علامن داوية
ياسمين : (سترجعات نفسها) درت دومونض لواحد جوج مونيكات على حساب نهيلة ويسرى سعا وصلولي غا وحدة او محيدة ليها لعين قلت نلحق عليهوم اشرحو ليا علاش
جود : على منيكة خارجة كتجري حفيانو شيف رجليك كي ولاو يالاه يالاه لدار
ياسمين : واخ (شد ليها جود يديها جارها معاه او هي فكل مرة كضور تشوف واش شي حد تابعها ولا حاضيها تا دخلات لبيتها او نيشن مشات لحمام غسلات رجليها او وجها) شكون لقا ديك لمنيكة تا جابها ليا لهنا شكون أصلن دخلها لبيتي
جود : (ملي خرجات عندو ياسمين) كون قلبت لباطة ملي عطاها ليا سيد لي كيفرق ليدومونض كون سولتو ولكن ميسحابليش غيغلطو بحال هاكدا
ياسمين : (تنفسات شوي براحة ملي عرفات بلي جود لي دخل لباطة لدار ماشي شي حد آخر) جي عاوني نحيد هاد ليزار
جود : واخ (ناض عندها كيعاون فيها تا حيد ليها ليزار او بقات غا بقفطان من لتحت) هاحنا سالينا
ياسمين : (حيدات لقفطان قدامو تا بقات غا بسفيطة وشورط ، رجعات بلور تا تكات فوق ناموسية مقابلة معاه) باقي باغي ترجع معايا ؟
جود : (متيقش شنو كيسمعو ودنيه داكشي علاش طلع فوق الناموسية بركابيه كيقرب عندها تا ولا فوقها تقريبا) نيشنا داوية ؟ ولا كتفلاي ؟
ياسمين : (تهزات عندو شوي بايساه من فمو) كنبان ليك ضاحكة معاك ؟ ولا ياكما ماباغيش ؟
جود : لا لا هادا هو نهار لكبير عندي (تحنا عندها بايسها من فمها) توحشتك
ياسمين : تا انا
جود : (قرب عندها باغي يعاود ايبوسها ولكن وقفاتو)
ياسمين : قبل منرجع معاك عندي شرط قبلتيه هي هاديك مقبلتيهش غنمشي ندفع دعوة تاع طلاق فلمحكمة او نفرتكو كولشي
جود : شنو هو هاد شرط ؟
ياسمين : (شافت ليه فعينيه) لماضي ديالي مابغيتكش تضغط عليا باش تعرفو ملي غنكون مستعدة غنعاودو ليك بنفسي
جود : (طول فيها شوفة قبل مينزل ايبوسها من فمها عاود) غنصبر تا تجي تعاودي ليا كولشي راسك
ياسمين : مزيان يالاه انا غنعس
جود : تي شمن اتنعسي ابدا زيدي زيدي لهنا
ياسمين : (كان صوتها بادية فيه لبحة) واش معييتيش انا راني تسخسخت
جود : دغيا دغيا مغنتعطلوش
ياسمين : (حيدات السيفيطمة ديالها)
جود نصل تا هو توني ديالو وشورط او نصل ليها حوايجها تا هي كاملين تا بقات زبطة ، عاد قرب عندها دامج شفايفهوم فقبلة عميقة ، هاد لمدة كاملة فاش كانو مخاصمين توحشها توحش ايبوسها بحال هاكدا ، توحش تفاصيل جسدها من صبعها صغير تال زغب دراسها ، حيد من فمها ونزل لجيهة كتافها بحكم ديك سنسلة لي دايرة لعنقها مغطياه كامل مكلقاش مناش ايدوز ليه
ياسمين : (حسات بيه هاد لمرة جاعر شوي على لي ولفاتو )
جود : (يديه مخلاو تا قنة فصحتها هز راسو فيها كيشوف فصدرها بضبط فسميتو لي موشومة على وحدة فبزازلها ، نزل عندها بايسها من تما قبل ميدوي) ايمتى وشمتي هادي ؟
ياسمين : (مدات يديها لعندو خاشية صبعانها بجوج فمو كتلعب ليه بلسانو) فاش نسيتي كتابك فلقهوة ديك نهار
جود : (عض ليها صبعانها بشوي قبل متحيدهوم من فمو) وشمتي وشمتي كنتي ديريها فبلاصة كتبان أبعدا كولشي يشوفها
ياسمين : ساهلة نعاود نوشم فبلاصة كتبان
جود : (كان كيمص صدرها ويعجن فيه ملي سمعها شنو قالت عضها من الراس تاع بزولتها)
ياسمين : متعضش
جود : قلت نعضهوم ليك شوي ياكما يفيقو شوي شتهوم باقين ناعسين
ياسمين : داخلين فغيبوبة دائمة صافي
جود : ههههه مالك تقلقتي
ياسمين : وحيت حضيتيهوم آسيدي مابغاوش اكبرو شربنا ليهوم لحلبة دهناهوم بيها كبرو ليا يدي وهوما مابغاوش اكبرو
جود : (كيعجبو يطلعهوم ليها) هههههههه غا ضاحك معا جدك
ياسمين : (رجع باسها من فمها ولكن هاد لمرة نزل لفخاضها كيبوس فيهوم من لداخل تا شوي لقات لسانو تحط على ديالها ، عضات فمها بسبب لإرتعاش لمفاجئ لي طلع معاها لسانو سخون بزاف او زيد كان كيتحرك او مرا مرة كيعضها ݣاع ، شدات راسها باش متغوتش بدرع ودوات بتقطاع) ش.شكا شكادير
جود : (شاف وجها ولا حمر او نفس ديالها بدا كيتقطع او تا لهضرة بدرع باش كتخرجها ، ضحك لداخل ديالو حيت عرف نقطة ضعفها او آمپوسي ادوزها هه)
ياسمين : آي جووووود (صبرات كتحبس فتأواه ديالها تا عيات هي طلق حلقها ، شلاهبي تاع جود كان حالفها فيها مطلقها تا جابتو)
جود : (وقف كيشوف فيها كتلهت طايحة سخفانة دايرة يديها على وجها لي ولا حمر بتزناݣ ، سبعشهور هادي او هوما كيمارسو سطحيا ولكن عمرو شافها وصلات لهاد الدرجة من النشوية تا توحويح مكانتش كتوحوح بتاتا تا قال واش واحدها زيزونة) نوبتي دبا ياك
ياسمين : (هزات عينيها فيه لاقياه مفرع ليها رجليها باغي يمارس معاها سطحيا تا صدماتو) خشيه
جود : هاء ؟ (كان يالاه حطو فوقها باغي يحكو تا صدماتو) داوية نيشن ؟
ياسمين : (هربات بعينيها باش متشوف فيه) مابغيت صافي
جود : (زرب عليها قبل متغير رأيها) لا باغي
ياسمين : (ملي حسات براس ديو على بمدخل ديالها شافت فيه ودوات) ق.قبل متبدا مابغيتكش تسولني على شنو وقع
جود شوكاتو بديك لجملة لي قالت ليه معرف واش يحبس ولا يكمل زادت زرعات فيه شك لي دار راسو نساه ، هو براسو ماباغيش اسولها ولا نقولو مقادش اسمع جوابها ، اي واحد فينا ملي كيبغي شي واحد كيتمنا يكون هو أول شخص فحياتو اول علاقة ليه تكون معاه ، الى كانت ياسمين مبقاتش بنت حيت تعرضات لإغ’تصاب فيقدر اتغاضا على لامر حيت هي مكان ليها تاشي دم ولكن الى كانت دارت علاقة بخاطرها فلماضي موحال واش اقدر اكمل معاها ويلى كمل غيمرض لداخل ديالو بلى شك
جود : (توكل على الله او قال لي ليها ليها ضرب عليها طلة قبل ميحاول ادخلو فيها)
ياسمين : (كان سكات بوحدو لي ضاير بيهوم حسات براس دخل ولكن حبس)
جود : (كان باغي ايزيد ادخلو لداخل ولكن حس بيها مضيقة او شي حاجة ماشي تال لهيه مانعاه ، خرج منها او قرر ادخل صبعو يشوف)
ياسمين : (غمضات عينيها حيت حسات بضران شوي ملي كان كيقلبها بصبعانو)
جود : (مفهم تا وزة ملي دخل صبعانو ولا نقول راس تاع صبعانو لي قدر ادخل حيت شي حاجة حرشة بحال لخيوط كانو حابسينو مفهم تا وزة او هز عينيه فيها كيتسناها تشرح ليه لقاها دايرة يديها على عينيها ، حيد صبعانو او جاب واحد لپيل باغي يفهم او خلاص ، ملي ضرب الضو فتقبتها وضاحت ليه الصورة مزيان السيدة مخيطة من لداخل بسبيب) ياسمين ش.ش شهاد شي
ياسمين : (محيداتش يديها على عينيها ودوات بهدوء عكس لداخل ديالها لي كانت كتحس بقلبها باغي يخرج من بلاصتو) خاصك مقص باش تقطع داك سبيب
جود : (عرفها مغتشرح ليها والو داكشي علاش مشا جاب مقص او بدا كيقطع داك سبيب لي كان بحال لغراز تا فكها او مبقا فيها والو ، مكان حاير واش اكمل معاها ولا يحبس عقلو حبس)
ياسمين : (كتدوي بلاما تشوف فيه ) الى حيدتي لخيط كمل باش نمشي نعس
جود : متأكدة ؟
ياسمين : واه
جود : (رجع دخلو فيها ولكن هاد لمرا محبساتو تا حاجة من غير انا كانت مديقة)
ياسمين : (حسات بتحتها كيتجبد باش ايواتي لعضو ديالو شي لي خلاها تحس بضران او باش متغوتش عضات ليه يديه )
جود : (حس بواحد الراحة نسبية لداخل ديالو ملي عرفها باقة بنت رتاح حيت عرف أنو مكاينش لي تعداد عليها شحال هادي ولا هي عطات راسها لشي حد شكوك ديالو كاملين طارو ، ملي تقبها خرجو منها ماسح داك شوي تاع دم او عاود خشاه كيديه او يجيبو فيها بشوي) ياسمين رخفي راسك راك مزيرة عليا بزاف
ياسمين : (فدوك لأواخر حسات براسها ترخات معاه شوي او بدات كطلع معاها الصهدة تاع لكوية او وجها كيولي حمر) آمم
جود : (هزها لعندو بايسها من فمها او فنفس لوقت كيتحرك فيها بزربة مقارنة معا لول)
ياسمين : آح جوووود غا بشوي لا بزربة (سيدة مابقا لا حريق لا هم يحزنون الشهوة سيطرات عليها او طلقات حلقها تا ولى جود كيسد ليها فمها)
جود : (ساد ليها فمها) أتخرجي عنا أصݣعة غا بشوي غيسيقونا لخبار ، كنتي هاد سبعشهور كاملة دايرة سيلونص ملي بديتي توحوحي شوي درتي اوك پغلوغ
ياسمين : (كتعض على فمها وهي كتحاول تخرج الصوت غا بشوي) وراه كي….آي كيخرج ها ها ها هاكداك
جود : (ملي حس براسو صافي غيجيبو خرجو منها خاويه على برا)
ياسمين : (تكات ومرخية كتاخد انفاسها عمرها حسات بهاد لكمية تاع النشوة ، ولكن كلما بردات صحتها كتحس بتحتها كيتكها خلات رجليها بعاد شوي على بعضياتهوم مقداتش تجمعهوم بلحريق ، جود مسح لراسو او هز باش يمسح ليها) بشوي عݣرتيني حيدتي ليا جدك جلدة
جود : (مسح ليها صحتها كاملها ، ومشا تا رض ريدويات باش يضلام عليهوم لباب حيت كانت الشمس خارجة ، عاد مكا حداها بايسها من فمها او محشي فيها هو براسو عيا وتسخسخ) غا حيت لمرة لولة غتولفي معا لوقت ملي تسرح طريق مزيان
ياسمين : تسرح ليا طريق مزوجة كاميو
جود : (زاد عنقها خاشي راسو فعنقها او حاط يديه على بزولتها كيلعب فيها بصبعانو كي دري صغير) نموت فيك انا
ياسمين : حيد يديك على ديك لبزولة راها طايبة خلوق
جود : شكون طيبها
ياسمين : باقي كتسول خليني نعس
جود : (شاف بلي خسر ليها لجو منين قطع داك لخيط وقبل تا ميتقبها شاف بلي مابقاتش راشقة ليها بحال لول)
ياسمين غمضات عينيها مخالطين عليها ، كيجيب ليها راسها بحالا ولات فشكل ، بحالا تهنات من شي قيود كانو شادينها سنين هادي بحالا حررات راسها ، او فنفس لوقت بحالا ولات خاوية لداخل ديالها بحالا مابقاتش مرتاحة من راسها ، عقلها او مشاعرها مخربقين لدرجة مقادة تركز معا تا حاجة لا معا شكون لقا ديك لمنيكة ولا على لخياطة لي كانت مخيطة او دبا تفكات منها ، ولا على لعذرية ديالها لي فقدات كولشي مخربق فراسها ديار ليها صداع ، ولكن لعيا غلبها مخليها طيح فغيبوبة ناعسة بحال ديك الجيفة لي حداها هههههه
#بعد ساعات#
تقريبا لعئيلة كانت فايقة جواية لمغرب ، لغالية سخنات ليهوم من دجاج لي شاط او حطاتو ليهوم ياكلو ، كان لجو مضيوم خصوصا عند مجد او اكسيل غا ساكتين مجد ݣاع مداق نعما وملي مكياكلش هو كتعرف بلي صافي واصلة فيه لضم
لحاجة : كولشي كاين ؟ باقي جود او مرتو
اكسيل : بابا صباح مجا…. (بلاما يشعر دوا ولكن ملي تفكر بلي راها مشات تزوجات ستأذن منهوم او خرج لجردة يشرب فيها قهوتو)
مجد : (ملي ذكر باه صباح تزير او تغرغو عينيه او ناض طلع لبيتو ينعس)
غيتة : عمي مسكين او دراري ولفوها بزاف
لغالية : ماشي غا هوما لي ولفوها بلاتي عاد تخوا الدار او تشوفي
لحاجة : لينا سيري فيقي جود اهبط ياكل
لينا : واخة الميمة
لحاجة : (شافت غزلان) شباقة ابنيتي كديري هنا ياك لعرس سالا معندك واليدين اسولو فيك
لحاج : (نغزها) سكتينا ، لتديش ابنيتي على هضرتها باش عجباتني ديك جرانة دات الزين الدواقة
غزلان : (بتاسمات حشمانة من هضرتو)
لينا : (طلعات لبيت كتجري باغة تحل لباب بلى دقان جاب الله لقاتو مسدود عاد دقات او هي كتعيط) جود وا جود
جود : هاني جاي (ضرباتو لفيقة على تعياط ديالها ، داكشي علاش ناض تا لبس الشورط ديالو او توني وخرج عنها)
لينا : فقتي نزل تاكل نتا وياسمين
جود : غا كولو تا نهبط وناكل انا وياسمين
لينا : خانات فايق هبط تاكل معانا
جود : ياسمين باقة ناعسة
لينا : آه ايوا نتا تعرف
جود : (رجع لداخل لاقي ياسمين حالة عينيها) فقتي
ياسمين : (دوات بشوي بحالا كتهمس) شكون جا ؟
جود : غا لينا جات تفيقنا ناكلو
ياسمين : (لوات عليها ليزار مزيان او شدات لبانضة جمعات بيها شعرها ودوات عاود بشوي) عزيز عليها لخير ماما طيريزا
جود : مالك كتدوي بشوي بدرع باش كنسمعك
ياسمين : (صوتها مبحوح بزاف بدرع باش كيتسمع) تبح ليا صوتي وضرني حلقي
جود : معلوم اتبحلك ونتي درتي عليا حاجيب فلعرس او طاهر فلفراش
ياسمين : (وقفات غادية لحمام بحلان رجلين او جود غا كيضحك عليها) مالك كضحك
جود : (تبعها لحمام) ولات عندك لمشية تاع لبطريق
ياسمين : شكون سبابي ؟ خرج باغة ندوش
جود : (حيد ليها ليزار كيفرنس) غنعومو بجوج
ياسمين : (جهد باش تناقشو مابقاش عندها صحتها مدݣدݣة)
جود : (حيد حوايجو تا هو او دخلو بجوج تحت رشاشة)
ياسمين خلات جود هو لي يدوز ليها الصابون او يغسل ليها شعارها ويشلل ليها
ياسمين : (كان جود تا هو سالا تدواش ديالو)
جود : (شافها بغات تخرج) فين غادة ؟
ياسمين : غادة نلبس حوايجي
جود : مغتوضايش ؟
ياسمين : (غوبشات) علاش انتوضا بسلامة
جود : باش تحيدي عليك لجنابة
ياسمين : راني دوشت
جود : وغا توضاي راه صحيا مزيان لواحد اتوضا
ياسمين : (ساعفاتو واخة مكانتش مهتمة) كي كدير لهاد لوضو عاود
جود : (سكت فداك لول معجب انا معارفاش توضا) انا غنوريك هانتي ستنجاي لول
ياسمين : (يتنجات) صافي نمشي
جود : باقي شوي هانتي دبا قسمي شعرك على جوج او كلى نص خوي عليه لما مزيان تلاتة تاع لمرات (بقا متبع معاها تا سالات شعرها) دبا ملي ساليتي شعرك هو لي عندنا اختلاف فيه داكشي لي درت ديريه تا نتي صافي
ياسمين : (لي دارها كانت كديرها معاه تا توضات لوضو لكبير او زادت تا صغير ملي شافتو تا هو دارو قالت واش داخل فلوضو) صافي دبا
جود : (باسها فمها) صافي
ياسمين : (لبسات لپينوار ديالها وخرجات مخلياه كيجمع لحمام ، مشات لماريو ديالها جبدات منو واحد لقبية واسعة بلكحل فيها شي كتابة من لور ، لبساتها معا كولون اجمع ليها الصحة او نشفات شعرها بشيشوار او سبقاتو لتحت)
جود : (ملي خرج من لحمام لقاها هبطات ولكن قبل جبدات ليه حوايجو قبية كحلة بحال ديالها او شورط ، هز طيليفونها او مشا لبيت صباح ناسي راسو حل لباب او دوا) صباح هزيتي شارجور ديالي ؟
لينا : (كانت فلبيت تاع صباح) جود صباح مكيناش انا لي كاينة هاد الساعة
جود : (طاح عليه الضيم ملي تفكر بلي مابقاتش ساكة معاهوم) شنو كديري فبيتها ؟
لينا : صباح مكيناش او قلت نجي نݣلس فبيتها لإطلالة هنا حسن
جود : صباح مكتحملش لي يدخل ليها لبيتها بلى شوارها
لينا : (سنطيحة) صباح مابقاتش ساكنة هنا داكشي علاش دبا لبيت ولات خاوية
جود : راها غا تزوجات ماماتش باقة هادي دارها او باقة وغتبقا هادي بيتها بوحدها مديال تاشي حد آخر
لينا : مالك دبا داير حالة على هاد لبيت صباح تزوجات بيتها هي لي عندها معا راجلها فدارها اما هادي اتبقا تجي ليها غا ضيفة
مجد : (شاف خوه واقف حدى لبيت تاع صباح مشا قاصدو تا سمعها شنو قالت كان اصلن طايب خاطرو او معصب يالاه نيت لقا فين يخوي شوي) كنضن ضيفة هي نتي اما صباح دارها هادي بلهلى يݣزيها ليك سوا مات سوا حتى تزوجات ، هاد طيران وتحنقيز لي فيك مابغاش اتحيد منك ؟ داخلة لبيت تݣلسي فيها بلى شوار مولاتها تقول دار تاع باك ، جيتي ضيفة ركني حدا مك تا تمشي خلي بلاصتك نقيا والله يرحمهوم عليها كلمة ، الله يرحم من زار اوخفف
لينا : دبا كتجري عليا من دار غا حيت بقيت فبيت صباح ، مالك مجريتي على صحبتك لي جايبها لدار بلعلالي ماضارب عليها كغاط مخاطبها
مجد : هانتي قلتي صاحبتي ديالتي تشوفيني تا شادها فلبيت مشغلكش فيها ، مجريتش عليك ولكن باش تبغي تفطحي عليا او تݣلسي فبيت ختي بحالا دايالك ياك اودي لاباس او شتي من لخر بيت لخوادرية ترجع ليها ولا لا بغيتها تبقا كيما هي تكون فيها ريحتها هي انا ناوي نسدها ݣاع تا نرضها متحف تساليني شي حاجة
جود : (شافو كعا تاع لمعقول) مجد صافي باركة تهدن
لينا : هاني خليتها ليكوم (طيحات واحد جوج دميعات او خرجات من لبيت)
جود : مكانش عليك تقول ليها هاكداك راك جريتي عليها
مجد : تمشي تق’ود نيت راها طالعالي فكغي كتبونية عليا بدوك فخاض نعامة خلاتها زعما ، كنا كنغضو لبصر برا صدقنا تا فدار خاصنا نغضوه ، زيد عليها معنديش معاها من صغر اوهي ممسروطاش ليا لݣنس
جود : تانتا ادوز وقيتها وتمشي بحالها
مجد : (رد لبال لقبية لي لابس) ايمتا شريتي هاد لقبية جدك
جود : معرفتش انا براسي ايمتا شريتها لقيت ياسمين جابدها ليا ولبستها ، يالاه نهبطو لتحت
مجد : (سبقو جود فلخطاوي شي لي خلاه يقرا شنو مكتوب فلقبية من لور ، شد ضحكتو بزز)
جود : مالك كضحك
مجد : والو
جود : (دخل عليهوم لصالون لاقي ياسمين تا هي يالاه داخلة عليهوم ، قشعها كتحاول تمشي عاد لابسة بحال لقبية ديالو)
ياسمين : (نسات راسها وݣلسات واحد مولاتي لݣلسة فوق سدادر لي كانو قاسحين شوي ، شبر معاها الضو او وقفات مخلية كولشي كيشوف فيها)
ريحانة : مالك ؟
ياسمين : (بدرع باش سمعو صوتها او زادت عليها التلفة ولمرݣة) واش شيحد نسا ليبرا هنا تكاتني ، سدادر قاسحين
جود : (دوا حداها بشوي) ماشي سدادر لي قاسحين راه قاعك لي طايب
لغالية : مال صوتك تا مشا ضربك رواح ؟
لحاجة : رواح ؟ هههههههه داك تبراح كي شيخة لي دارت ليهوم لبارح هو لي دا ليها الصوت شوهاتنا
جود : (ݣلسات ياسمين حداه) شواهتنا شايفاها ناضت تشطح زبطة
لحاجة : شفرقها معا زبطة كولشي حل فيها فمو كيسول على سميت الشيخة تا من طيليفونات شبعو فيها تصوار
جود : (زعف) لحاجة ياك راجلك شاداه حداك ممخلياهش يشطح ايوا مشغلكش فمرتي
ياسمين : (شدات ليه يديه باش اسكت)
لينا : (دخلات عليهوم او عينيها حمرين مشات ݣلسات حدا مها)
نجية : (شافت عينين بنتها) مالك كنتي كتبكي ؟
لينا : لا
لحاجة : شمن لا شوفي عينيك كاين لي داير ليك شي حاجة ؟
مجد : (دخل عليهوم هو واكسيل دقة وحدة) معجبهاش نقول ليها مدخليش لبيت صباح
لينا : لعنداك الميمة جرا عليا وقال ليا انا غا ضيفة
مجد : وراك غا ضيفة مولات دار او مفخباريش
اكسيل : (عمرهوم فيه) سكتنا
مجد : لواليد لقيتها باغة تستعمر بيت صباح حقا مابقاتش ساكنة هنا
اكسيل : راني قلت ليك سكتنا
نجية : (معجبهاش لحال ابكيو ليها بنتها حيت غا هي لي عندها مفششاها) غاخليه اولد عمتي يدوي بانلي متقلين عليكوم حتى لبيت هي لخرة جاتكوم ناقصة تعطيها ليا ، كنت كنقول جيت عند عمتي او ولدها عئيلتي عندمن جيت حاسبة الدار داري
مجد : (فاش كيكون مكشكش راه لي جات فمو يقولها) حاسبانا عئيلتك ؟ علاه بسلامة فاش كنجيو عندك حنا حاسبينك عئيلتنا كنضلو نعزلو فلبيوت ؟ ولا كنتشرطو عليك كيما كديري نتي ؟ ياك كدفعينا شلاضة وتنعسينا فبيت وحدة او تحصينات رجلين لا اتوسخو هنا لا يالاه صبنت ، عمرنا حنا درناها ليك ياك لمخيرة ديالتك فلخر حنا فاش كاين ديفو بنتك مجريتش عليها ولكن راه بغات تبقا فبيت ختي على قلت لبيوت
لحاجة : (ضارت فيه) هادو هوما فعايلك اسليحفان كتهز على خالتك أدوي محشمتيش مستحييتيش ملي هادي كاملة نفس فيك مكنتيش تجيبنا هاد لخليقة معرفناها راجل ولا مرا لدار ، على خير يامنا ولينا نشوفو حفايدنا ايجيبو صاحبات لدار والله تا مزيان قلة ترابي
مجد : (على صوتو شوي) واه صحبتي وجايبها لدار تساليني شي حاجة تا حاضياها
اكسيل : (غوت عليه) تجمع عليا وعرف معامن كتدوي
مجد : (جمع فمو)
اكسيل : بوس لجداك راسها وطلب سماحة منها يالاه
مجد : (مشا باس ليها راسها او يديها) سمحي ليا هزيت عليك صوتي
لحاجة : مكاين باس
اكسيل : طلب سماحة من خالتك او بنتها يالاه
مجد : سمحو ليا كنت غا معصب
اكسيل : سير تلاح عليا دبا غبر من قدامي
غزلان : (شافت مجد مشا هي تعيط عليه) ثتنا وثلني معاك لدار {ستنا وصلني معاك لدار}
اكسيل : (حس بيها بلي تقرصات من لهضرة تاع لحاجة) ݣلسي معندك فين تمشي انا لي عارضك عليك لداري يعني إلى مجريت عليك أنا مكاين لي يخرجك ياك الحاجة ؟ ونتي انجية نتما فاش ادابزو دراري بيناتهوم حنا صحاب لعقل نخرجو سوق اولى ؟
نجية : واخ
اكسيل : بنتي لينا متديش على هضرتو راه معصب لي جاب ليه فمو ايقولها غا هو خصك تعرفي واحد لحاجة لبنت عندنا واخة تزوج كتبقا هادي دارها دور دور او ترجع ليها داكشي علاش بيت صباح كتبقا بيت صباح راه تا حوايجها باقين فيها (شاف فجود او ياسمين لي كانو كيخدمو فطيليفون ممسوقينش لباشار) وقفو
جود : هاء ؟ حنا ؟ (وقف هو وياسمين)
اكسيل : ضورو
جود : (دار هو ولكن ياسمين مابغاتش دور)
اكسيل : ضوري ضوري
ياسمين : (ضارت باستسلام)
اكسيل : (ملي ضارو بدا كيقرا شنو مكتوب فضهر تاع لقبيات) “ياسمين” “جود راجل ياسمين” الله اعز لحكام اوليدي
جود : (شاف كولشي كيضحك مفهم والو تا شاف لقبية تاع ياسمين مكتوبة فيها سميتها او ملي شاف فلمراية قرأ شنو مكتوب فلقبية ديالو) “جود راجل ياسمين”
إيهاب : كي جاك لكاضو انسيبي شغل اديا وروح عنيا
جود : غنعميهوم لجدك ونا كنقول هاد لقبية مناش جاتني على قلت لكتابات مرض
إيهاب : مرتك لي بغات ماشي انا
رانيا : (كانت كرشها منفوخة حيت فشهرها السابع) كتخدم لقبيات تاع دراري صغار ؟
إيهاب : واه باغة تاع بنت ولى ولد
رانيا : (بتاسمات) تاع بنت
عزيز : مزيانين حوايج لبنات (ملي سرا معاه لقالب غوت) بنت عندك بنت غتولي بنت
صفية : (فرحات) عرفتو اولدي بلي بنت لي عندكوم
رضوان : واه امي
لحاج : (بغا يطير من بلاصتو) غنزغرت على هاد لفرحة
اكسيل : لحاج تبت راك مكتعرفش تزعرت
لحاجة : (زغرتات ليهوم واحد تزغريتة)
مصطفى : وجدت شي سميات لبنت ولدي دايزها لكلام
عزيز : هاهاي قالك ختار ليها سمية بنت بنت اول حفيدة ليا انا لي غنسميها
رضوان : هاهما غيبداو
رانيا : كون غا مقلناهاش
مصطفى : هاديك لي متكونش ليك
لحاجة : واليديها لي يسميوها
صفية : عندك لحق امي ولدي لي غيسميها هو باها او سمية لي عجباتني لي كتعجبو
رقية : لاواه لاواه اصفية شي يزحم شي يسمي ؟ لاواه يتافقو بيناتهوم
عزيز : بنتي غتسمي سمية لي بغا باها
مصطفى : مرات ولدي مغتخسرش ليا خاطري
لحاج : توما هنيونا مدابزين علبلاد او زيدون واليديها غيسيميوها او صاف
رضوان : انا ورنيا وا تافقنا على شكون بغيناه اسمينا بنتا
عزيز : انا ياك
رضوان : نخليها اخالي بلى سمية او منخليكش تسميها ليا
رانيا : بغيت عمي اكسيل لي يسميلي بنتي
مصطفى : توما كي درتو ليها انا جدها ومسميتهاش لعساك خال باها
اكسيل : يفضل تسميو بنتكوم بجوج
رانيا : حرام اعمي ترضها ليا فوجهي
رضوان : واه اخالي سميها نتا اما جدودها لا
مصطفى : مال لكلب تاع بوك
رضوان : (اخيرا جاتو لفرصة افقص خالو وباه) مامالو والو غا هو ملي كنت بغيت نتزوج رانيا درتو لينا لعصا فرويضة كون ما خالي حبيبي وقف معانا ݣاع منتزوجو المسامين
عزيز : ينعل والديك لكلب
رانيا : شقلتي اعمي
اكسيل : انا غنعطي شي سميات بلحق الى معجباتكومش مديروهاش
رضوان : كون هاني
غزلان : (خلاتهوم ملاهيين فلهضر او خرجات هي وجود او ياسمين او تا إيهاب لجردة عند مجد) جين {زين}
مجد : (برد شويا) لحب
غزلان : (شاتو باقي مقلق) نلعبو
مجد : شغنلعبو بسلامة
غزلان : نديرو كومبا
مجد : ههههههه باغة تسلخيني لا
إيهاب : مالك خواف أصاحبي مقادش تا دابز معاها
مجد : جي نيت نتا لعب معاها الي فيه كترت لفهامات
إيهاب : او نلعب
جود : (بغا فيه لخدمة) يالاه انا لحكم إيهاب تفكر راك لاعب معا بنت
إيهاب : كون هاني انحاول عليها
جود : واحد جوج تلاتة بداو
إيهاب : (ماجا فين احاول عليها تا لقا راسو مرعف او طايح سخفان حس بدوخة او ضلام طاح على عينيه) شعلو ضو علاش طفيتوه
مجد : حل حل عينيك راك سادهوم
إيهاب : (حل عينيه) آه شعلتو الضو تعكلت او طحت قبل تا منبداو لعب يالاه نلعبو (وقف عاود)
مجد : متأكد
إيهاب : واه
جود : هاكاك نبغيك رجال مكيطيحوش غا كيتعكلو واحد جوج تلاتة بداو
غزلان : (مدارت ليه عاود فين يتحرك تا هزاتو لسما وخبطاتو معا لأرض)
إيهاب : (تقطع فيه لحس بلخبطة) ضهري رجلي راسي يدي
مجد : (تحنا عندو كيشوفو واش فلت) آشداك تلعب لعبت معاها تا انا ، غزلان يعييت معاك ضحك تاع لبناية لا
إيهاب : (كيتوجع) هادي هادي راها عيماد ماشي غزلان ياربي هرساتني
مجد : متهرستيش راها كتلعب لجودو وتيكوانضو ولبوحس عارفة فين تضرب عندها السمطة لكحلة
إيهاب : (ناض شاد ضهرو) عندها سمطة لكحلة او كتلعب دوك تلاتة تاع رياضات او مخليني نلعب معاها جدك
جود : وشفناك كلاتك صحتك قلنا نكرموك شوي
#عند صباح#
خبطوها بنعسة بجوج تا أدنات لعيشة عاد ضرباتهوم لفيقة
صباح : (كانت نعسات بجلابتها مكان عندها تا جهد لي يبدل مكانش عندها بلعيا ، ناضت عند لبريزات حلات وحدة فيهوم أو خدات منها پيجامة سماطي موالفة كتلبسها فدار دخلات لحمام دوش او تحيد عليها لعيا)
محسن : (فاق قبل منها توضا ومشا لجامع صلى عاد رجع لدار قصد لحمام نيشن حالو بلاما يدق تا كيضرب فصباح زبطة فلبلاصة خرج ساد عليها لباب)
صباح : (ولات حمرة حشمات من لموقف فاش تحطات دغيا شللات راسها او لبسات عليها اوسط لحمام عاد خرجات عندو وهي مقاداش تهز فيه لعين) لحمام خوا الى بغيتي دخل
محسن : (تلفات ليه لهضرة) سمحيلي مولف بوحدي فدار
صباح : ماشي موشكيل
دخل لحمام مخليها غادة تهز طيليفونها ، واخة كانو مزوجين شهور هادي من غير ديك ليلة تاع لوطيل معاودو دارو والو واخة كان كيجي ايبات عندهوم تا من لبوسان شي جوج تاع لمرات لي تباوسو بحكم لمرض ديالها او لمشاكل لي وقعو ليهوم مقدوش اعيشو حياة زوجية طبيعية
صباح : (لقات لغالية مصونية عليها مرة او لحاجة بزاف تاع لمرات عاودات صونات على لغالية آپيل ڤيديو) الو
لغالية : (كانت فلكزينة كتقاد لعشا) اهلن اهلن عاد فايقة اعروستنا
صباح : خبطناها بنعسة تال دابا تسخسخت
لغالية : ويلي ياختي على عاد فايقة علاه بسلامة الى نتي نعستي تال دبا شكون بغا يقاد لخويا لعشا ولا ولفتي لفشوش فدار باك ؟ سمعيني نقولك دبا راك مزوجة ماشي زوفرة خاصك تكوني لالة ومولاتي وتقومي بخويا معا ستة ايكون فطورو موجود لوحدة لغدا يتحج او هاه مكاين غا شهيوات عاد ترضيضة لبغرير او بشيار او لمسكوتة متخطاكش عاد لهذا تسعود لعشرة ݣاع ايكون موجود ، او ملي يدخل خويا لدار تعرضيلو لما سخون غسليلو رجيلاتو او وجدي ليه لحمام او مكاين غا سيدي محسن راك مزوجة خويا
صباح : (تفرشخات عليها بضحك) ههههههههههه ياختي السم تاع اللوسات جامعاك ، فين بابا ومجد او جود لباس عليهوم ؟
لغالية : واحد باك تلفات بيه الجرية جود شاد راسو الى ديك جرانة كي لكوكوط دور فدار كتشوف شي حاجة ديالك اوتعطيها لبكا
صباح : الحبيب ديالي
لغالية : انا كنخمم ملي تخوا الدار كي غيديرو ، غزلان مدي ليا داك لموس
صباح : باقة معاكوم غزلان ؟
لغالية : واه مها سافرات ايوا قلنا بلاما تبقا بوحدها فدار
صباح : حسن تونسكوم او تونسوها يالاه نخليك انا دبا بسلامة
لغالية : بسلامة
صباح : (شافت محسن خارج من لحمام) سلمات عليك لغالية
محسن : اسلم عليها لخير دويتي ومعاها
صباح : عاد دبا شوي قطعت معاها
محسن : مزيان ، نتعشاو دبا ؟
صباح : واه فيا جوع
محسن : انا غنمشي نسخن دجاج
صباح : صافي واخة
محسن : (هبط لكوزينة سخن لعشا او داه لبيت لݣلاس لي لقا فيها صباح شاعلة تلفازة او كتقلب على فاش تفرج)
صباح : مبادي تاشي فيلم
محسن : قلبي لدوزيم غيكونو دايرين شي فيلم عشية لحد كيديرو فيها شي حاجة
صباح : آه واخة ، لون تاع طلامط لي درنا جاو معا لبيت صالون باقي متلمط
محسن : هادو لمطهوم ولكن داك الصالون مالقيت مناش ندوز ليها تا لمزاود جاوني كبار على تلميطة ديالهوم اما دوك سدادر تاع لقنات معرفة كي نبدا ليهوم ونا نجمع زمر كامل
صباح : ههههههههه تا نفرشهوم انا
محسن : هاد دجاج جا ناضي
صباح : واييه خصوصا لبارح غا نقبت جاني فشكل ناكل كنت كنقول كون غا جمعونا معا ناس ناكلو فخاطرنا
محسن : مكاين لي فاقصني قد مول ديك لكمرة غا نبغي ندير لݣمة اوقف عليا خزيت
صباح : ههههههههه ولكن تا نتي درتي ليه واحد لبلان ضاير عندو وكنقول ليه شوف شوف شويا لهيه ههههههه حاقد
محسن : انا مواكل من صباح كنت كنقول غا ايمتا يحطو جا وقف عليا كونما إيهاب لي عتقني ملي دخلتي تبدلي داني عند طيابة كيقول ليها ديريليه شوي فلخبز
صباح : هههههههههه خطار داك دري
كملو عشاهوم او تكاو كيتفرجو تا سالا لفيلم عاد طلعو لبيت انعسو
صباح : غدا خدام ؟
محسن : واه ، ايمتا نتي اتبداي لخدمة
صباح : حاليا راك عارف يالاه لقيت فين نفتح لعيادة باقي خاصني نعمرها داكشي علاش انمشي نخدم عند واحد طبيب آخر
محسن : (غوبش) طبيب ؟
صباح : واحد الشارف
محسن : آه مزيان
صباح : تصبح على خير
محسن : ونتا من أهل لخير
#فصباح#
معا جوايه ديك تسعود كان اكسيل او ياسمين فلمحل كيسترزقو الله
ياسمين : (بقات مقابلة تستاف تاع السلعة ، صوتها ولا مزيان ملي شرباتها لغالية لعسل لحر او لينسون النجمي ، ملي وصلات ليها لوقيتة فاش ترجع لدار لقات اكسيل كيتسناها بطونوبيل) عمي اكسيل غا سير نتا انا عندي واحد لغراض نقضيه
اكسيل : ركبي نوصلك
ياسمين : ميحتاجش انا مشي عند ماما نشوفها او نرجع فطاكسي
اكسيل : واخة (شد ليها الطاكسي تا ركبات عاد مشا بحالو)
ياسمين : (داها مول طاكسي تال جيهة فين كاينة ديك طبيبة ، خلصاتو او مشات دخلات لعيادة )
طبيبة : (دخلات عندها ياسمين حيت كانت نوبتها ، غا شافتها بتاسمات) تفضلي جيتي بوحدك ؟ راجلك مجاش معاك ؟
ياسمين : (مشات ݣلسات قدامها) لا جيت غا انا
طبيبة : (دققات فيها شوف ملاحضاها بلي ياسمين كانت متوترة شوي مهادياش كيما شافتها ديك نهار) شنو لحاجة لي شاغلة بالك او كتقلبي على جوابها تا جيتي عندي اياسمين من تلقاء نفسك
ياسمين : (رجعات بضهرها لور وسترخات على داك لفوطوي داوية بهدوء) علاش كنسميوه ماضي الى كان موجود تا فحاضرنا ؟ علاش فكل مرة بغيتي تلوح داك لماضي مور ضهرك او تبدا حياتك من جديد كتلقاه تابعك بحالا كيأكد ليك بلي معندك تاشي حاضر بلى ماضي ؟
طبيبة : ماشي أي حاجة فلماضي يمكن لينا نتجاوزوها كلما تعلقتي بداك لماضي كلما صعاب عليك تهنا منو او فنفس لوقت ميمكنش ليك تستغنا عليه حيت بكل بساطة حاضرنا هو نتيجة لماضي ديانا ، باش تقدر تعيش فلحاضر خاصك تكون متسامح معا راسك فلماضي ، قولي ليا اياسمين شنو لحاجة لي كان كيعجبك ديريها مشحال هادي ملي كنتي صغير ؟
ياسمين : (بحالا تحمسات) كنعقل ملي كنت صغيرة كنت انا وعمتي كنشعلو راديو بليل او كنسمعو لقصص لي كيدوزو فسمير ليل
طبيبة : باقة عاقلة على شي قصة من دوك لقصص لي كنتي كتسمعا ، عاودي ليا شي قصة بقات فبالك هاد سنين كاملة عاوديها ليا باغة نسمعها
ياسمين : كانت واحد لقصة كيعجبني نسمعها تا وليت حافضاها فوقما كنت مقلقة ولا معصبة كنتفكرها ونبدا نضحك
طبيبة : شوقتيني نسمعها
ياسمين : (بدات كتعاود لقصة او هي مبتاسمة) كانت هادي واحد لبنت بوحدها عند مها وباها ، مها كانت حنينة بزاف او درويشة ولكن باها كان فشكل فشكل لدرجة انها كتحسو ماشي هو باها ، كانت حاجة وحدة لي كتهمو فهاد لحياة هو سمعتو بين ناس ، ديك لبنت صغيرة ادكتورة كانت كتفرج فلمسلسلات او كتعيش معاهم لدرجة انها تيقات علاقة لأب او بنتو فلمسلسل كان كيسحاب ليها بها بحال لوخرين ، كانت فداك لوقت باقة كتقرا او واحد لؤستاذ من لأساتذة ديالها كان كيتحرش بيها ، او بقد ماهي صغيرة مكانتش عارفة توقف عليها دوك لمسات لقذرة ولا حتى تواجهو او تقولو متقيسنيش حيت بكل بساطة كانت ضعف وصغر تا باش تعامل معا لموقف بنفسها ههههههههههههه داكشي علاش قررات تلقا حل لراسها ، ولكن عرفتي هاد لبنت شنو دارت ؟ مشات عند باها تشكيليه زعما بحال لمسلسل (تفرشخات بضحك)
ياسمين : حيت كانت صغيرة تيقات بلي باها هو داك صور لي غيحميها كيفما وقع فلمسلسل ولكن باها كان كولشي عندو بلمقلوب فلوقت لي كانت كتسناه احميها من داك الديب عطاها قتلة تاع لعصا او خلاها تسكت بزز عليها باش متجيبش ليه لفضيحة كيما دارت ليهوم واحد لبنت من عئيلتهوم ههههههههههه مكانتش قالتها تالمها حيت بكل بساطة كون مها كانت قادة دير شي حاجة كون فكات راسها هي لول ، ديك لبنت ادكتورة فعلا سكتات او ولات كتجنب أستادها او تغيب غا باش متحضرش عندو كانت كتفضل تبقا فطواليط لخانزة تاع لمؤسسة باش متقراش عندو ههههههه او بكترت مكانت كتبقا فطواليط بزاف معندها لا صحاب لا والو كانو كيعيطو عليها لكبينة ، ها لكبينة جات ها لكبينة مشات هههههههههههههه تخايلي معايا شدارت باش تغير حياتها مشات بليل توضات او بدات تصلي تا فات ديك 30 ركعة وقيلة ديك لي عاودات لقصة غا قدرات ، فدوك ركعات كانت كطلب ربي افكها هههههههه كانت كتقول ياربي فكني يا ربي حميني ههههههههه بحالا ربي زعما غيتسنط ليها هههههههههه (فشلات بضحك مرة خرى) غا سمحي ليا غلباتني الضحكة انكمل ليك لقصة ايوا الالة فصباح تاع داك نهار فاش كانت كتدعي عاود داك لحمار تحرش بيها او عاودات تشجعات او قالتها لباها او فلوقت لي كانت كتسناه اضربها بحال كل مرة ، لقاتو معنقهو او كيطمأن فيها ويقول ليها ماتخافيش ابنتي باك معاك انا غنربي داك لحمار او نهنيك منو ، فديك لحضة ديك لبرهوشة تيقات كل حرف قالو ليها باها كي دمدومة حسات بيه جبل مسخن ليها كتافها ههههههههههه او بعد تفكير قرر لأب لمصون انقل بنتو لمدرسة خرى باش احميها زعما ، جمع ليها حوايجها او ركبها معاه فطونوبيل تا وصلو لمرجان دخلها ليه او قال ليها “ختاري اللعبة لي بغيتي” ، ههههههههههه شحال فرحات مسكينة او متمشي غا عند واحد لمنيكة دباربي من صغرها او هي كتحلم تشريها ، فعلا شراها ليها او داها غداها برا لأول مرة منين عقبات عليه بلي هو باها ، او ملي قرب مغرب مشا يوصلها فين غتقرا بقات تابعاه من لور برجيلاتها صغار او هي معنقو ديك لمنيكة او فرحانة بيها تا وقفو قدام لبلاصة فين غتقرى
طبيبة : هنا فين سالات لقصة ؟
ياسمين : هانا فين سلاتها ملاتها لبرهوشة قرات او كبرات
طبيبة : نتي بنت او كتعاودي هاد لقصة ونتي كضحكي وعاجبك لحال ماشي فشكل ؟
ياسمين : خاصني نبكي معاها متلا ؟ هي لي دمدومة شنو ندير ليها أنا لكلاخ ديالها هو لي ضحكني
طبيبة : كون كنتي فبلاصتها كفاش كنتي غتصرفي
ياسمين : كون كنت فبلاصتها مكنتش غنسكت كيما دارت هي او من طبيعة لحال مكنتش انضيع وقتي فدعاء كيما دارت هي
طبيبة : فنضارك باش حسات ديك لبنت فداك لوقت ؟
ياسمين : باش غنعرف انا باش حسات مالي كنت معاها
طبيبة : (لاحضات بلي رجعات لعدم لمبالات ديالها) عارفاك مكنتيش معاها ولا نتي هي ولكن بغيتك تقوليلي متلا باش حسات
ياسمين : (دوات ممسوقاش) غتكون متلا حسات بشمتة ؟ بلحݣرة ؟ بضعف ؟ شي حاجة بحال هاكداك
طبيبة : انا كون كنت فبلاصتها غنحس بلوحدة حيت تا واحد موقف معايا ، غنحس بلي محاملاش راسي حيت قاسني شي حد بلاما انا نبغي ، غنحس بلخنقة حيت تا واحد معاوني ولا فهمني ، غنحس بخيبة لأمل من لاشخاص لي انا وتقت فيهوم ، ولأهم غنحس بلي لحياة ماشي عادلة بالنسبة ليها
ياسمين : كتحسي بزاف ادكتورة ولكن شكون عرف فلخر لي عاش ماشي بحال لي دوا نخليك دبا
طبيبة : يمكن ليك تمشي ولكن بغيتك تفكري ملي تكوني مستعدة تعاودي قصتك نتي غتلقايني هنا كنتسناك باش نعاونك ترتاحي نفسيا
ياسمين : (مجوباتهاش او خرجات من عندها ، دازت لعند مها نيشن لاقياها بوحدها فدار لوخرين خرجو)
مريم : دخلي تشربي معايا أتاي
ياسمين : (مشات ݣلسات معاها ملاحضة زروقية لي تحت عينيها ولكن هاد لمرة دوات بهدوء معاها) خلينا نمشيو
مريم : ف.فين غنمشيو
ياسمين : خلينا نمشيو نبعدو على عبد الله او نعطيوه تيساع لينتا اتبقاي عايشة هاكدا نتي ممرتاحاش او ولادك كتر منك
مريم : فين غنمشي بسلامة الى خرجت منهنا تا لخدمة معنديش
ياسمين : انا غنخرجك منهنا متحتاجيش تخدمي عندي جوج ديور سكني فوحدة او كري تانية وعيشي بيها أنا دبا خدامة خلينا نتهناو من هاد لعيشة ها لعار طلقي منو او سوسي زمر
مريم : معارفاش باك الى مشيت تا طالقت انا وياه اياخد لحضانة تاع خوتك راه عندو لمعارف
ياسمين : الى هو عندو لمعارف انا عندي لفلوس لي كيشريو لمعارف عندي راجلي قاضي نتي غا قبلي طلقي ونا غنخلي جود اطلقك منو او يخلي ليك لحضانة تاع دراري ، نقول فلول مكان عندك فين تمشي ولكن دبا اماما غايلا مابغيتيش تفكي من هاد لعيشة ، تيقي فيا غا هاد لمرة او فكري فوالدك راه حسن ليهوم ايعيشو بلى أب ولا هاد لعيشة لي عايشين
مريم : خليني نفكر
ياسمين : علاما تفكري انا غناخد معايا نهيلة او يوسف لدار ابقاو معايا شي يامات ، ونتي تستطيع لعضامك ماحد داك شماتة مسافر
مريم : انطلع نجمع ليهوم حوايجهوم
ياسمين : واخ (بقات كتسنا فمها تا هبطات ليها حوايج خوتها ، ناضت هزات يوسف عندها او شدات اختها ليد هازة صاك معاها) يالاه نخليك دبا
خرجات لبرا او شدات طاكسي راجعة لدار ، دخلات عليهوم لاقياهوم كيشربو لقهوة
لغالية : رجعتي انشوف انشوف شكون جا عندي (مشات هزات نهيلة عندها) لحبيبة دعمتها جات عندي
مجد : (غا سمع حس دراري صغار مشا يكجري هاز يوسف يعندو) اعشيري صڤا
لغالية : يسرى او امين مجاوش ؟
ياسمين : مشاو عند جداتهوم غدا فصباح عاد ايرجعو وصيتو ملي يرجع لدار ايجي هو ويسرى
لغالية : احسن مدرتي
نهيلة : (دخلات معا ختها لصالون لاقية كولشي مجموع تما تضهشرات او حشمات منهوم هي تخبا مور ياسمين شادة فجلايلها)
إيهاب : (ملي قشع نهيلة مشا عندها هازها) زين الصغير ديالي
نيهلية : (عنقاتو)
مروى : (جات كتلعب هي وختها معا يوسف لي كان هازو مجد) شنو كيجيكوم هاد لفنيون أ
لغالية : هادو خوت ياسمين
يوسف : (بقا غا كيدور فعويناتو صغار مفاهم والو كيدور كيشوف مروى او يصور لجيهة لوخرة كيلقى صفاء لي هي مروى هههههه تلف او بدا كيبكي)
مجد : خلعتو دري ولا كيشوف جوج مفهم تا وزة (ناض بيه مخرجو لجردة هو وغزلان)
ياسمين : نهيلة يالاه نبدل ليك او نرجعو
نهيلة : (شدات ليها يديها او طلعات معاها لفوق)
ياسمين : (ملي حلات لباب لقات جود كيدوي فطيليفون)
جود : (قبل مدخل عليه ياسمين كانت طبيبة صونات عليه) الو سلام عليكم
طبيبة : وعليكم سلام راك مسالي ندوي شوي ؟
جود : واه مسالي
طبيبة : بوحدك ؟
جود : واه يمكن ليك تدوي براحتك
طبيبة : صونيت ليك باش ندوي معاك بخصوص مرتك ، بحكم انك الشخص لأقرب ليها نتا لي تقدر تعاونها تخطا هاد لمرحلة ، جات عندي ليوم براسها او هادي خطوة مزيانة غا هو حسيت بيها جابها لخوف بحالا شي حاجة شاغلة بالها ، مكرهتكش فهاد لمودة تحضيها او تراقب تصرفاتها ، علاما لاحضت فيها انها وصلات لواحد لمرحة لي تقدر فيها تزيف كولشي مشاعرها احاسيسها بلاما تخليك حتى تعرف باش كتحس
جود : مفهمتش هاد نقطة مزيان
طبيبة : شوف انا غنشرح ليك متلا فاش كنتحطو فشي موقف محرج كنديرو راسنا بحالا متأترناش ولكن لداخل ديالنا باغين تشق لارض او تبلعنا ، الشخص الطبيعي فاش كيكون فرحان كيبتاسم كيضحك كتبان على وجهو لفرحة نفس شي فلحزن ، ولكن ياسمين معا لأسف مابقاتش عندها هاد لخاصية حيت مرضات نفسيا او ولات قادة تخبي مشاعرها قليل لمرات فاش تقدر تفقد سيطرة عليهوم ، تقدر تحط فموقف لي تشوف فيه شخص مايت تبكي عليه من برا ولكن لداخل ديالها ݣاع متسوق ليها ، او فنفس لوقت تقدر تكون فعلا حزينة داكشي علاش بكات عليه ، لمريض لجسدي مكيبقاش لجسد ديالو كيتحرك طبيعيا بعد لمرض الى كان تضرب فرجلو ايبدا يعرج ، ولكن لي مريض نفسيا كيوقعلو تغير فلمشاعر ديالو مكيتحكمش فماهو معنوي يا اما كيكون عندو افراط فيهوم يائيما تفريط ، او يقدر تا يجمع بيناتهوم متلا الى تصادف معا شي مشهد كيفكرو ولا كيشبهل لشي حاجة راسخة فذهن ديالو ضاراه لداخل ديالو غتلقاه نفاعل فيها واحد لانفعال مبالغ فيه ، فحين تقدر توقع قدامو شي حاجة ليخاص تكون ردة لفعل ديالو قوية ولكن ميدير والو
جود : فهمتك دبا
طبيبة : ياسمين ولات بحال شخص عايشين فيه جوج ياسمين تاع لماضي او ياسمين تاع دبا لي باغة تمحي لأتر لتاع مشحال هادي ، حاليا ياسمين تقدر تعاود ليك على نفسها ولكن بصفة وحدة خرى تعاود ليك شي قصة على شي بنت ولكن راها كتعاود على نفسها كتغير بزاف فلقصة باش مطابقش ديالتها ، حسيت بيها بدات كتبغي تفتح قلبها ولكن تقدر تعاود تسدو فأي وقت لحاجة لي غنقول ليك أنو خاصك تصبر او تزيد تصبر حيت هادشي ايستغرق مودة طويلة كتعلق برغة تاع ياسمين فأنها تبرا ، يمكن تعاود ليا انا كولشي ولكن لوقت لي غتجي تعاود ليك نتا قصتها بنفسها ، تما غتكون ياسمين تقبلات فيه لمرض ديالها وبغات تعالج منو ، بغيتك تكون داك الداعم لمعنوي بديالها
جود : كوني هانية (دخلات عليه ياسمين) يالاه بسلامة
ياسمين : (غوبشات) شكون هادي لي غا تكون هانية معامن كنتي داوي ؟
جود : غي لخدمة وصاف (شاف نهيلة) نهيلة لاباس
نهيلة : لباس
ياسمين : (داتها لبيت حيدات ليها حوايجها شايفة زروقية لي فلحمها) شكون دار ليك هاكدا بابا ؟
نهيلة : (حركات ليها راسها بإيه)
ياسمين : علاش
نهيلة : حيط فيقت يوسف من نعاس
ياسمين : (مشات جابت لپوماضة او دهنات ليها دوك ضرابي او لبساتها حوايجها بايساها من يديها او حنكها) مابقا والو او نهنيك من ديك لعيشة صافي
جود : جا معاك تا يوسف
ياسمين : واه راه لتحت عند مجد ، ايمتى غيسالي لكونجي ديالك
جود : ليوم تنين تنين الجاية نكون خدام علاش ؟
ياسمين : غا سولتك جي سبع ليا رجليا باش ملي نسالي يدي نلقاهوم نشفو
جود : (ݣلس قدامها هاز ليها رجليها عندو وبدا كيسبغهوم ليها على سو او وعدو)
ياسمين : سبغ مزيان كنداك تقيس ليا جناب
جود : قالو عليك أنا كوافورة
ياسمين : شحال فيك
جود : صبعانو تاع رجليك مشكوضرين عاد رضيت ليهوم لبال
ياسمين : تنمرتي على كولشي بقاوليك غا صبعاني
جود : ههههههه ولكن راه فشكل ههههههه
ياسمين : حيد عليا
جود : غا ضاحك مالك زعفتي
ياسمين : (سالات سبيغ تاع يديها) قربتي تسالي ؟
جود : بقات ليك هاد رجل
ياسمين : (كان كيسبغ ليها رجليها تا دخلات عليهوم لحاجة عاقداهوم)
لحاجة : (كانت طالعة عند جود تسولو على شي حاجة لقات لباب دلبيت محلول نهيلة لي نساتو فاش هبطات ، يالاه اتعيط على جود شافتو شاد رجل لياسمين كيسبغها ليها ولواعرة ملي سالا ليها سبيغ باسها من فخضها) لا لا تبارك الله عليك سباغة نيت لي كانت خاصاك تا وليتي دير فعايل لعيالات تسبغ ضفار او تبوس لفخاض او رجلين أدوي هادو هوما فعايل رجال
جود : (معرفها تا منين تسلطات عليه) شكاديري هنا الحاجة مدقيتيش لباب
لحاجة : ندق لباب ؟ علاه سديتو لباب باش ندقو لي داز ايشوف دل فاش وصلتي من ايمتا وليتي تبوس رجلين أدوي مك لي ولداتك او تعدبات عليك عمرك بستي ليها تا يديها بقا غا رجليها
جود : كون كانت بنت خوك تستاهل اتباسو رجليها كون وا بستهوم ليها
لحاجة : ييه لي ولداتك متستاهلش بوسان رجلين ولكن هاد لخانزة تستاهل يعلم الله شموكلاك تا وليتي تهترف او تخرف بيها
جود : كنتي باغياني لشي حاجة تا جيتي
لحاجة : كنت بغيت نسولك نيت على مك فين غبرات
جود : باش غنعرف انا
لحاجة : ويل شيطان على باش لنعرف انا علاه ماشي مك ؟ شكون غيعرف الى معرفتيش ويلا كانت واقعة لي شي حاجة
جود : توقع ليها شي حاجة ؟ ههههههه تلقايها مشات تحوص مامسالياش تا تحضر لعرس بنتها
لحاجة : الله يهديك على مك هادا منقول ليك ، جمعية رجليك ونتي ناشراهوم او قفلي ليك شي سروال تحت ديك لكسوة ونزلو تعشاو
جود : (خرجات لحاجة من لبيت ديك دورة لي دار شاف ياسمين متبعاها بلعين) ياسمين وا ياسمين فين مشيتي راها شرفات غا داوية خاوية
ياسمين : الى شرفات دير لجام او تهني لباشار
#عند لغالية#
خلات مجد كيوكل فيوسف او طلعات هي تنعس حيت كانت مدݣدݣة او تابعها لفياق بكري
اكسيل : غتنعسي دبا
لغالية : واه تا يعني غدا لفياق بكري احقا قبل منسا تقدر تخرج ليا شي تسافيرة لمراكش
اكسيل : لمراكش ؟ علاش بسلامة ؟
لغالية : واحد من لوطيلات تابعين لشركة داير واحد لحفلة او خاصنا مشرفة عليها علاما سمعت شي نصراني داير عيد ميلاد لبنتو تما اوقات نتشاور معاك واش نمشي ولا ندفع شهادة طبية
اكسيل : شكون غيمشي ݣاع
لغالية : عندك قسم لحفلات ايمشي او شي عناصر من لاقسام لوخرة او لقسم ديالنا غنمشي انا ولمودير او كوتر او شي جوج ولا تلاتة خرين
اكسيل : شحال ادوزو ؟
لغالية : بين سيمانة او عشريام
اكسيل : يمكن ليك تمشي مادام راكوم غاديين بزاف او معاكوم لبنات
لغالية : (قرصاتو من حنكو) مالك مغيار
اكسيل : رزقي منغيرش عليه ؟
لغالية : غير عليها شكون قالك لا تصبح على خير
اكسيل : ونتي من أهل لخير
#فصباح#
فاقت لغالية كيف عادتها بكري ولكن عيواض متوجد راسها تمشي صونات عليها كوتر باش تجمع حوايجها حيت معا لعشرة خاصها تكون حدا الشركة ، جمعات لحوايج لمهيمين او دات غا لكساوي او زيوفة لكبار جوج پيجامات تاع نعاس او جوج سراول واسعين معا قميجتهوم او سبرديلات ، شي تخربيق آخر بحال شيتة تاع سنان لفوطة لفوطة الصحية جيلدوش شامپوان
اكسيل : (عاد فاق من نعاس) باقي ممشيتي
لغالية : لقيتيني كنجمع حوايجي
اكسيل : (شافها لابسة او سالات تا جميع تاع حوايجها) نوصلك
لغالية : منقولش ليك لا حيت لكار تاع الشركة فاش غنمشيو ميعدالش ندي طونوبيلتي ، نتا مخدامش
اكسيل : مرات ولدي شادة عليا لخدمة هاد صباح
لغالية : ههههههههه وشنو ناوي دير الى مخدمتيش همم ؟
اكسيل : اقدر نخرج ولاد خوتك او صاف
لغالية : احسن حاجة ادير يالاه باش منتعطلش
اكسيل : (لبس عليه توني بزربة او غسل وجهو عاد مشاو ركبو فطونوبيل)
لغالية : (فطونوبيل دهنات وجها بليكخون تاع شمس) كنت زربانة تا نسيت مندهن وجهي
اكسيل : (حبسها قريب من الشركة او جبد شي فلوس من جيبو ) هاكي هادو خليهوم عندك قضي بيهوم علاما ندوز ليك شي فلوس لحسابك هاد لعشية
لغالية : راه باقين عندي لفلوس
اكسيل : واخة هاكداك متعرفي لوقت شنو تجيب
لغالية : شكرا (باستو جيهة فمو) لهلا يخطيك عليا ملي نوصل اندوي معاك ، شوف متنساش دوز تشري لماكلة لدوك جوج قطوط راه تقاضات ليهوم
اكسيل : واخة بسلامة
لغالية : (هبطات من طونوبيل او مشات لقدام الشركة لاقية كوتر او شي موضفين تما) ياكما تعطلت عليكوم ؟
كوتر : لا لقيتيني عاد جينا كنتسناو اكتر او مسيو فؤاد ايجي
لغالية : شتك جايبة معاك لعرام تاع لحوايج
كوتر : جبت غا ضروري
لغالية : غا ضاروري ههههههه شوفي محدهوم باقي مجاو خلينا نمشيو نتقداو شي حاجة ناكلوها فطريق
كوتر : فكرتيني
مراد : فين غادة ؟
كوتر : غادة لحانوت شد لينا لباريزات او لبلايص تا نرجعو
لغالية : تا هو غيمشي معانا ولا ؟
كوتر : معلوم راه خدام هنا
لغالية : خدام هنا ؟ مبانش ليا شهر ونا خدامة هنا
كوتر : خطيبي من لمحاميين تاع الشركة فاش جيتي نتي كانت عندو خدمة فلخاريج او بعدها شد كونجي عاد رجع
لغالية : مسخوطة درتي ليهوم خاوية فعامة جاية تخدمي او مضبرة
كوتر : الزعطة زعطة أختي
لغالية : زيدي زيدي (دخلات لبيم او هزات منو بزاف تاع شيپسات لموناضة سقاطة عمرات ربعة تاع سيكان تقريبا)
كوتر : شهادشي كامل
لغالية : حنا بزاف
كوتر : هاء ؟ او باش اتخلصي هادشي
لغالية : بلفلوس طبعا
كوتر : قلت ليك انا بريح
لغالية : (خلصات داكشي لي خدات او تعاونو تا وصلو دكشي بكار لقاو بلي كولشي ركب يعني كيتسناوهوم غا هوما)
مراد : جملتو لحانوت
لغالية : (حلات لميكات او بدات كتفرق عليهوم تا ضربات فؤاد تا هو راكب معاهوم كان مور مراد او كوتر لي ݣلسو بجوج ، ملي سالات تفراق على كولشي لقات بلي بلاصة وحدة لي بقات هي ديك لي خدا فؤاد)
كوتر : يالاه ركبي باغين متحركة
لغالية : (شافت تا عيات هي دوي معا موراد) نوض ݣلس حدا صاحبك خليني نݣلس حدا صحبتي
مراد : علاش ؟
لغالية : (مرݣات تقيليه مابغاتش تݣلس حداه) شوف نتا ݣالس حدا خطيبتك محشمتيش ملي دير عليها لكاغيط ݣلس حداها باش نحيد لفتنة من لكار انݣلس حداها انا
مراد : كنبعد على باها كتخرجي ليا نتي
فؤاد : حيد لبنت تݣلس ونتا ستحلاتليك لݣلسة
كوتر : نوض خلي لغالية تݣلس حدايا باغة نتجمع انا وياها
مراد : (كان ناوي ينوض من لول بغا غايضحك معاهوم) هاني نايض بلا دفيع
لغالية : (ݣلسات حداها)
كوتر : ݣاع موريتيني تصاور تاع لعرس ولا جبتيلي حقي تاع لحلوة
لغالية : راني مخبعاها فلبريزة منسيتكش تا نوصلو او نعطيها ليك
كوتر : وريني تصاور تاع لعرس نلهيو بيه راسنا
لغالية : واخ ديري ليكوط
كوتر : (دارت ليكوط فودنيها وبدات كتفرج فلعرس) ياختي هادشي فن نتي قلتيلي من كازا ولكن اغلب لموسيقى شلحة لعروسة شلحة ؟
لغالية : واه
كوتر : هادي لي كتغني صوتها زوين شحال باش شدوتوها
لغالية : فابور هههه
كوتر : معرفة ؟
لغالية : بنت خويا
كوتر : بنت خوك متجيبيهاش تغنيلي فعرسي
لغالية : راجلها مغيار ميخليهاش
كوتر : مزوجة ؟ فين هو راجلها
لغالية : راجلها هو لي واقف قدامها
كوتر : بجوجهوم صغار أختي ، زعما درتو ليهوم عرس دايزو لكلام الله اكمل عليهوم بلخير كتجيكوم لعروسة ؟
لغالية : ربيبتي
كوتر : (كانت باقة دايرة ليكوط معا لمسيقة سمعاتها بحالا قالت حبيبتي) هههههه
لغالية : (خلاتها كتفرج فتصاور تاع لعرس او لڤيديووات او تكات على الزاج تاع لكار ساهية او مغمضة عينيها)
كوتر : (ضربات فواحد تصويرة تاع لغالية او اكسيل دوات معا لغالية كيسحاب ليها بلي كتسمعها) باك مبوݣص العفريتة
لغالية : (كان داها نعاس حيت فاقت بكري)
فؤاد : (كان موراهوم هو ومراد كيدويو فلخدمة تا قشع تصويرة لغالية او اكسيل فطيليفون ، سمع شنو قالت ليها كوتر أو عرف بلي هاداك هو باها ، جاه مكيشبهش ليها ولكن قال يمكن شابهة لمها)
لغالية : (بقات ناعسة ناعسة تا بدا كيحرك فيها شي حد أو كيعيط ليها)
فؤاد : لغالية نوضي راه وصلنا
لغالية : آه داتني عيني (قفزات من بلاصتها هازة طيليفونها عندها او ساكها وهبطات)
فؤاد : ماشي موشكيل
لغالية : (هبط ليها باريزتها او هبطو لاحقين على لوخرين) علاش مفيقتينيش جدك
كوتر : عييت معاك تفيقي والو
لغالية : فين غادين دبا ؟
كوتر : غاديين لبيتنا دارو تلاتة تلاتة فلبيت
لغالية : مزيان
كوتر : نمشيو ندوشو او نرتاحو شوي باش ملي توصل سبعة خاصنا نمشيو لاجتماع لي داير مسيو فؤاد
لغالية : واخ سبقي نتي لدوش انا غنخرج ادربني لبرد شوي فلبالكو
كوتر : خودي راحتك
لغالية : (خرجات لبالكو او صونات على اكسيل كاميرا)
اكسيل : اهلن وصلتي ؟
لغالية : واه شوية هادي باش وصلت باقي تا مبدلت حوايجي
اكسيل : كي جاك لوطيل ؟
لغالية : واعر تا لمضر فن (دورات ليه لكمرا باش ايشوف) شفتي
اكسيل : زوين
لغالية : فين راك دبا نتا ؟
اكسيل : راني فجردة تاع دراري صغار مجد هبط من دواحة خلي دراري صغار ادوحو واش راك برهوش ، جود حيد من زائفة راك كبر منها ، شوفلك لعتارس جبت ولاد خوك العبو لقيتهوم ݣلسو هوما او ناضو لبغال صحاب شلاغم كيلعبو , وا إيهاب خلي لبنت صغيرة تلعب
إيهاب : وانا لي سبقتها اعمي لهنا
لغالية : (دور ليها اكسيل لكاميرا لجيهة دراري لاقية جود او مجد او إيهاب كيلعبو محرمينها على دراري صغار مرا ادوحو مرة اتزلقو مرة اديرو ديك تاع لميزان رجليهوم واصلين لارض) ياودي ياودي على مزوج او لخاطب ههههههههه فين دراري ؟
اكسيل : (دور ليها لكاميرا جيهتهوم) راه امين او غزلان ݣالسين معاهوم كياكلو لݣلية
لغالية : ياسمين مجاتش معاكوم ؟
اكسيل : لا راها ملاهية فلخدمة وصلات سلعة جديدة او كان خاصها تخرج سلعة لقديمة تبيعها برا
لغالية : مزيان ليها تشد لحرفة يالاه نخليك انا دبا تال ليل او ندوي معاك
اكسيل : صافي بسلامة
لغالية : بسلامة (ملي قطعات معاه لقات بلي فؤاد طلب منها تخرج عندو او تجيب شي وراق معاها ، هزات داكشي لي طلب منها او خرجات عندو لاقياه كيتسناها ، ركبو لاسنسور بجوج او هبطو لريسطورة تاع لوطيل خداو ليهوم واحد الطبلة )
فؤاد : (ضمونضة جوج كيسان تاع لقهوة او بدا كيناقش هو ولغالية لأمور تاع لخدمة)
لغالية : (ملي سالاو خدمتهوم كانت عوالة تنوض ولكن هو طلب منها تݣلس اتغداو)
فؤاد : من لأحسن نݣلسو نتغداو نتي فوتي عليك لإستراحة تاع لغدا قبيلة
لغالية : (كان فيها لموت تاع الجوع ويلا مكلاتش دبا خاصها تا يسالي لاجتماع عاد تقدر تاكل) واخ
فؤاد : شنو طلبي ؟
لغالية : (كتدوي معا سرباي) غنطلب هاد لپلا غا هو عافاك بغيتو بلا درة
سرباي : واخة الالة ونتا آسيدي شحب لخاطر
فؤاد : انا اناخد هاد لپلا
لغالية : (ملي حطو ليهوم لماكلة لقات بلي حاطين ليها ربع درا مسلوقة معا لماكلة جنباتها شوي وبدات كتاكل)
فؤاد : مكتاكليش درا ؟
لغالية : مكتعجبنيش نهائيا كتعيفني
فؤاد : لماكلة فهاد لوطيل نقية
لغالية : لا ماشي على لماكلة غا هو ملي كنت صغيرة كنت كناكلها او واحد لمرا كانت سنتي لقدامية كتحرك على سبا ملي عضيت فلكبالة طيرات ليا السنة او بدا دم كيسيل او من تما ونا مكنحملش لكبال (شافت بلي خدا لحوت تفكرات اكسيل) “ملي كلا هادا لحوت ديالهوم اذن زوين خاصني نجي انا واكسيل لهنا”
فؤاد : شنو ناوية ديري فاش تشديد لإجازة ديالك
لغالية : ناوية نكمل قرايتي تا نشد الدكتورة او نخدم فنفس لوقت
فؤاد : مزيان ، علاما شفت فسيڤي ديالك كان عندك بإمكانية تمشي تقراي على برا علاش ممشيتيش
لغالية : عئيلتي هنا منقدرش نمشي نبعد عليهوم مودة طويلة ، لخاريج نمشي ليه كونجي اقدر ولكن نقرا فيه ولا نستقر فيه لا
فؤاد : هو من ديك ناحية تاع لعئيلة كتجي تقيلة ولكن لفرص او لقراية تما ماشي بحال
لغالية : شمن دولة فاش كملي قرايتك
فؤاد : بريطانيا ، لأب ديالك فاش خدام ؟
لغالية : لواليد عسكري متقاعد
فؤاد : مزيان ، وصل وقت لإجتماع يالاه نمشيو
لغالية جاها فشكل تعامل لي ولا كيدير معاها بحالا تزادت فيه لمحنة شوي ولا هي لي جاب ليها الله ، حاجة وحدة من هادشي كامل انها ممرتاحاش لهاد صواب لي فيه ، مشاو حضرو لاجتماع لي دام تلاتة تاع سوايع معا ديك تسعة دليل تقريبا كانو سالاو او مشاو اتعشاو مجموعين خداو طبالي كبار حيت كانو شي عشرة فطبلة
لغالية : (كانت كتشاطي معا اكسيل مخلية لوخرين كيتجمعو او يتناقشو) “تعشيتي ؟”
اكسيل : لا باقي ونتي
لغالية : (سيفطات ليه تصويرة تاع لپلا) كنتعشا ، لي خداو لحوت هنا قالولي مزيان لمرة جاية فاش نبغيو نجيو ناخدو شي توكيل صغير او نجيو ناكلو هنا ، واخة لأتمنة طالعة تخايل معايا كون مكناش من طاقم لعمل ݣالسين فابور كنا انخلصو 3000 درهم لليلة وحدة لكلا بيت
اكسيل : الى عجبك يمكنا نجيو ندوزو فيه شي تلتيام لفلوس ماشي موهيم
لغالية : موهيم قالك ماشي موهيم 9000 درهم غا بيتان ياك اودي لباس ، زيد عليها هاد ليامات يالاه انرضو لكريدي لي خدينا من لحاج على حساب لعرس
اكسيل : مخلانا نتسلفو غايك السلعة لي حصلات فديوانة تاع سبة كون دخلات مكانش غيكون عندنا موشكيل فلفلوس
لغالية : تا لمحال تاع السلعة لي تحرق ضعتي فيه شحال كانت مشات ليك فيه
اكسيل : سبعين مليون
لغالية : ماتقولها عادي كون انا كون سكتلي لقلب
اكسيل : ههههه كون شي هوما لي دايرين حدايا خمسة ستة تاع لمحلات شحال تاع لفلوس خسرو مني تحرق لمركب ݣاع متبان سبعين مليون ديالتي
لغالية : ماقالوش سباب لحريق ؟
اكسيل : شي شماكرية لي قاسو شي حاجة تما
لغالية : ايوا الله اعوض لي ضاع
اكسيل : كي داير لجو تما ؟
لغالية : زوين ماسخون ما بارد ، فين دراري ياكما صدعوك
اكسيل : صدعوني ولادي اما صغار مادارو والو
لغالية : شدارو
اكسيل : مجد او إيهاب كيفقصو فأمين كيبوسو ليه ختو يسرى او تا نهيلة شديه اطرطق ، جود محرمها عليه يوسف غا يشوفو مقرب لياسمين اغوت قتلو بلعضان
لغالية : هههههههه مغيار
فؤاد : (بقا حاضي لغالية بنص عين كيشوفها كتشاطي وهي كتفرنس)
كوتر : جدك من صباح ونتي تفرنسي معامن داوية
لغالية : داوية معا دوايا
كوتر : هاي هاي على لغالية لقيتي ليك دوا
لغالية : من زمان ونا لاقيا دوايا
كوتر : من زمان ݣاع شحال هادي
لغالية : ربعسنين او سرف
كوتر : قولي داكشي ديال حب لمراهقة تارتي عقلك
لغالية : ويلى كتاب تا نشد لقبر
كوتر : ايوا الله اكمل عليك بلخير
لغالية : آمين انا غنطلع لبيت ندوش باقي مدوشت
كوتر : خودي راحتك
طلعات لبيت لي شادة معا لبنات او دخلات لدوش دوشات مزيان عاد خرجات لبسات عليها او مشات تكات فوق ناموسية او نعسات ، رجعو لبنات معطلات شوي لاقينها وا نعسات كلا وحدا فيهوم شدات بلاصتها او نعسات تا هي
لغالية : (ضرباتها لفيقة معا جوايه ديك تلاتة تاع ليل على سونيط تاع طيليفونها ، كانت نمرة ممسجلاش عندها جاوبات او هي مدوخة بنعاس) الو شكون معايا ؟
لمتصل : (سكات)
لغالية : (قادات لݣلسة) الو شكون معايا الو
لمتصل : (دوا بصوت بحالي مقجوج) الياس لمرق عقلتي عليا الغالية ؟
لغالية : نمرة غلاط اخويا (وسعات عينيها او دوات برجفة قبل متسد لخط )
ناضت من بلاصتها تالفة دخلات لحمام غسلات وجها او مشات دارت عبايتها او زيفها او خرجات لجردة تاع لوطيل كتمشا فيها او هي كتخمم شكون هاد النمرة لي مصونيا عليها فهاد ليل بلأصح مناش كيعرفها هادا لي مصوني عليها
فؤاد : (مكانش جاه نعاس او نزل يتمشا او فطريق رجوع ديالو ضرب فلغالية) شنو كديري هنا ؟
لغالية : (قفزها يسحابلها شي حد لي تابعها تا ضارت لاقياه فؤاد ملي شافت جنابها لقات راسها بعدات على لوطيل او الجردة كانت كتمشي بلى عقل) خ.خرجت نتمشا مجانيش نعاس
فؤاد : مكنضنش بلي مزيان ليك تخرجي فهاد لوقت تمشاي بوحدك غصوصا انك بعدتي على لوطيل
لغالية : بانو ليا ناس باقين كيتمشاو داكشي علاش خرجت نتمشا شوي
فؤاد : (بدا كيتمشا معاها راجعين لوطيل لي كانو مبعدين عليه ) شي حاجة شاغلة بالك تا منعستيش
لغالية : لا غا طار ضرباتني لفيقة او طار ليا نعاس هادا وكان ونتا مجاكش نعاس تا خرجتي تجري
فؤاد : بحال هاكداك
لغالية : (رجعو سكتو او شي مدوا معا شي تا رجعو لوطيل) تصبح على خير
فؤاد : ونتي من أهل لخير
#عند مجد#
كان ݣالس معا غزلان فجردة كيدويو
مجد : دويتي معا ماماك بلخصوص ديالنا
غزلان : ماما فهاد لأيام مثغولة زيد عليها ثافرات لبرا ثا ثرزع او ندوي ليها على لحطبة {ماما فهاد لأيام مشغولة زيد عليها سافرات لبرا تا ترجع او ندوي ليها على لخطبة}
مجد : هاد لوقت كامل او باقي مدويتيش ليها على لخطبة
غزلان : (دوات بلفرونسي) انا يالاه دورت ليها على أنني تعرفت على واحد سيد او بلي حنا فعلاقة ولكن حسيت بيها مخداتش لأمر بجدية يمكن عتابرات لأمر مجرد علاقة عابرة
مجد : (شي فهمو شي كملو من راسو) معندكش شي حد فلعئيلة تعاودي ليه ايعاونك تقنعيها
غزلان : نو مهنديث ماما يثيمة مهندهاث فاميليا {نو معنديش ماما يتيمة معندهاش فاميليا}
مجد : والو ݣاع ؟
غزلان : ماما كانث بوحدها عند والديها مهندهاث حوالها ولا حولاتها ولا همامها ولا هماتها او ملي ماثو واليديها بكيت هي انا وياها {ماما كانت بوحدها عند واليديها معندهاش خوالها ولا خولاتها ولا عمامها ولا عماتها او ملي ماتو واليديها بقيت غي انا وياها}
مجد : لموهيم ملي ترجع دوي معاها او حاولي معاها تا تقتانع
غزلان : واح {واخ}
#عند سناء#
كانت يالاه خرجات من لحمام لاوية عليها غا فوطة شعرها فازݣ قيقطى مشات هزات شيشوار نشفات بيه شعرها عاد لبسات عليا واحد شورط او سيفيطة او دارت فوقهوم لپينوار ديالهوم خدات طيليفونها كدور فلأنسطا مصورة راسها او ناشراه مستمتعة بتعليقات لي كيتكتبو عليها تا سمعات لباب تاع لشومبغ كيدق ، حطات طيليفونها او ناضت تحل قالت يمكن لخدمة تاع لوطيل لي بغات توصل ليها فطورها
سناء : (ديك لحلة لي حلات لباب ضربات فعبد الله وسعات عينيها قبل متنقز عليه معنقاه) حبيبي جيتي
عبد الله : (عنقها هو بدورو مبتاسم)
سناء : (باستو من فمو) ايمتى وصلتي
عبد الله : (دخل باريزتو لداخل) عاد دبا
سناء : قلتيلي تال غدا عاد اتجي
عبد الله : بغيت نديرها ليك مفاجأة
سناء : (باسها من فمها عاود) احسن حاجة درتي توحشتك بزاف
عبد الله : تا انا توحشتك
سناء : دخل دوش او خرج تفطر معايا
عبد الله : هي لولة
سناء : (خلاتو دخل لحمام كيدوش او مشات هي تاصلات للوكيل ايزيدو فلكمية تاع لفطور)
عبد الله : (ملي خرج من لحمام لقا سناء جبدات ليه ميلبس او تا لفطور وصل لبس عليه بزربة او مشا يفطر معاها )
سناء : ملي نساليو لفطور سير تنعس ترتاح باش نخرجو هاد ليلة نتعشاو اوسومبل اوكي
عبد الله : (باس ليها يديها من لوسط) لي عجبك هو لي نديرو
كمل فطورو او مشا تكا ينعس ، فحين سناء هزات طيليفونها او صونات على صحبتها كتجمع معاها تا طاح ليل عاد مشات كتفيق فعبد الله
سناء : حياتي فيق عبد الله (تحنات كتبوس فيه) فيق باركة من نعاس
عبد الله : (ستحلى لفياق بلبوسات حل عينيها) هانا فقت
سناء : (دوات بحنية) شبعتي نعاس ؟
عبد الله : واه
سناء : يالاه نوض وجد راسك تا انا غنوجد راسي باش نهبطو لتحت
عبد الله : ريزيرڤيتي ؟
سناء : واه ريزيرڤيت واحد الطبلة
عبد الله : (ناضت لبيت تاع تبدال تلبس عليها او دخل هو لحمام توضا او لبس عليه عاد خرج صلى ليه داكشي لي كان جامع عليه)
سناء : (دخلات لحمام تكمل لبيس ديالها او لماكياج)
عبد الله : (سالا صلى ديالو او بقا كيتسناها تسالي ، هز طيليفونو اوصونا على مو فلواتساپ) آلو مي
كلتوم : وليدي لاباس ؟ وصلتي بيخير وعلى خير ؟
عبد الله : لحمد الله نتي مزيان ؟
كلتوم : مزيان مزيان
عبد الله : دوزيلي مريم
كلتوم : هاهي اوليدي معاك
مريم : سلام عليكم
عبد الله : وعليكم سلام فين هو يوسف لاباس عليه
مريم : لاباس راه معا ياسمين داتو اݣلس معاها هو ونهيلة او ولاد سعاد
عبد الله : لاش خليتيها تديه باقي صغير
مريم : داتو تخرجو شوي
عبد الله : قطعي
مريم : (بتردد) عبد الله
عبد الله : شنو ؟
مريم : خاصيني شي فلوس
عبد الله : لاش بسلامة ؟
مريم : راني فطمت ليوسف حيت مشا ليا لحليب او قلت نرجع عند طبيبة تاع لأعصاب او خاصني باش ندوز حيت وصل ليا رونديفو او نشري دوا لي غتخرج ليا
عبد الله : رجعتي لديك تسطيا ديالك باغاني نبدا عاود نعطي فلوسي فدوايات ديالك ، باش تبقاي تنعسي ليا تما او تخلي مي تسخر عليك ولا شنو شدوك لأعصاب حكي لماعن على ݣلبك او هنينا باركة من تبوحيط ديالك
مريم : ولكن راه مكنحسش راسي مزيان إلى قطعت دوا بزاف راه غيدخلني لهبال
عبد الله : على ربي تدخلك لهبال نيت دوري تخيطي زناقي او ضربي ناس بلحجر نيت نتهنا منك ولا تلوحي راسك من شي سطح تبعي جحمومة تاع مك (قطع عليها) تفو كتعرف طلب غا لفلوس
سناء : (خرجات من لحمام ديالها لابسة كسوة مفتوحة تال لفخض سماطي من ليدين بلون لبيض ، شعرها جمعاتو لفوق مخلية غا خصلات قلال لي نازلين على عنقها حلاقات كبار فودنيها ، براسلي خفيف او خاتم تاعو صندالة عالية او خلخال فرجليها) انا موجودة نمشيو
عبد الله : (كان لابس سروال او تيشورط ماشط شعرو او ضاير بلحالة كيبان انيق ، جا موراها معنقها او بايسها من عنقها لمعري) شهاد زين كامل
سناء : (قادات لعكر ديالها او دارت عندو مبتاسمة دورات يديها على عنقو مخلياه محاوط خصرها) خلينا نزلو نتعشاو باغة هاد ليلة دوز مختالفة او فريدة من نوعها
عبد الله : (هبط هو وياها لريسطو لتحت فين حاجزين الطبلة ديالهوم ، جر ليها لكرسي تا ݣلسات عاد ݣلس مقابل معاها) شنو نطلبو
سناء : شوف لي عجبك نتا
عبد الله : (دوا معا سرباي بلفرونسي تا طلب داكشي لي بغا يطلب منو)
سناء : هاد ريسطو من احسن ليريسطو لي فبلجيكا
عبد الله : ولكن مغيكونش بحال داك فاش ولفنا ناكلو فرانسا
سناء : (تحطو ليپلا قدامها) هاداك فيه بزاف تاع ذكريات لكونجي جاي نمشيو ندوزوه فرانسا
عبد الله : (شد ليها فيديها) مكنتش متخيل بلي غيجي لوقت لي نوليو فيه نساب لبعضياتنا متخيليش شحال تصدمت ملي شتك جاية معاهوم تخطبو ياسمين
سناء : تا انا متصورتهاش
عبد الله : ولكن ملي شت راجلك لول تعصبت محملتوش كون مكانش بيناتنا فداك لوقت مكناش غنتفارقو
سناء : انا طلقت اكسيل على قبلك ولكن فمقابل نتا مطلقتيش مرتك عاد مزدتي ولدتي معاها
عبد الله : ماشي طلاق لي دارها ليا انا مبغيتهاش تاخد لحضانة ديال دراري او نزيد نبقا نصرف عليها من لفوق ، داكشي علاش خليتها تاكل او تسخر على لوليدة او تهز عليها شقا
سناء : واخة هاكداك محاملاش نشوفك معاها ، كتنعس معاها شكون عرف تقدر تزيد تولد ليك عاود راها كي لقنيو
عبد الله : ماديريش فبالك نتي عارفة بلي بوحدك لي كاينة فقلبي ، مريم فاش كنكونو مخاصمين ولا بعيدة عليا او كنتوحشك كنقضي بيها ولكن باش تجي فبلاصتك ابدا
سناء : هههههههه تجي فبلاصتي ؟ مادير مني تا شعرة لݣلحة لوخرة (تطلقات لموسيقى) نوضو نشطحو ؟
عبد الله : (ناض شد ليها يديها او مشاو لفين كيشطحو حط يديه على على خصرها او شد ليها يديها وبداو كيشطحو)
سناء : منسالكش باقي عاقل تشطح بحال مشحال هادي تا حاجة متبدلات فيك من غير انك بدا شيب كينوض ليك ، انا شنو تغير فيا ؟
عبد الله : ناس كتكبر او كتشراف نتي لا عاد مكتصغاري
سناء : هههه نكملو ليلتنا فشي بلاصة خرى ؟
عبد الله : (خشا راسو فعنقها كيشم ريحتها بهيام ) فبيتنا توحشتك بزاف
سناء : (بتاسمات ليه) تا انا توحشتك بزاف انخلص او نطلعو
عبد الله : لا أنا لي غنخلص
سناء : خلصتي لوطيل باركة عليك راه بزاف عليك
عبد الله : تا حاجة متغلى عليك
خلص سي عبد الله داكشي لي كلاو عاد طلع هو وياها لبيت ، سناء مدارت ليه فين اسد لباب تا جراتو لعندها كتبوس فيه ، عبد الله لقاها من لجنة و الناس دور يديه على خصرها كيتلمس لضهرها او ينزل تال طغمتها اعجنها ، دورات يديها على عنقو متعمقين فلبوسة هالي يمص هالي يعض لسناتهوم مشابكين
سناء : (بعدات كتلهت تقطع فيها نفس ، مدات يديها لقميجتو كتحل ليه فصدايف) شنو كيعجبك فيا ؟
عبد الله : (نصل ليها حوايجها كاملين كيما دارت ليه هي تا بقاو زبطين ، قرب عندها خاشي راسو فعنقها ، يد طلعات لصدرها او يد نزلات كتلعب تحتها) كولشي فيك كيحمقني ، صحتك فورمتك عقليتك كولشي فيك
سناء : (طالعة معاها الصهدة وسخونية) مممم ، ش.شكون آح حسن انا ولا مرتك
عبد الله : هههههههه مكاين تا مجال تاع لمقارنة بين وحدة قارئة او واعية صحفية او مقدمة اخبار على قدها غا لكريمة لي كتدهن لصحتها كي داير والدة ولكن فورمتها تاع بنات 18 لباسها كي داير ، او مابين وحدة ههههههه يالاه عندها غا لباك عاطياها غا لپيجامات كتدهن راسها بڤازلين ، واسعة من تحتها مشعرة كتعيف
سناء : (كيعجبها لحال ملي كتسمعو كيعيب فمرتو او كيشكرها كيحسسها بلي حسن منها مكاين ، تكات فوق ناموسية مخلياه اطلع فوقها)
عبد الله : (بدا لخدمة فيها تا جابو عاد تكا حداها) ديك نهار فاش فاش نتا’حرات بنتك او قالو بلي جات عندك كنت خايف لا تقول شي حاجة ولا تكون شافت شي حاجة
سناء : كون شافت شي حاجة كون قالتها او داكشي لي دارت فراسها فغا حيت مريضة ولا منعرف شنو
عبد الله : عندك دراري فشكل قاسحين
سناء : حيت رباهوم باهوم عقليتو كفس من ديالهوم ، او زيد عليها ماشي غا ولادي لي فشكل راه تا بنتك مقطعة لوراق
عبد الله : بغيت لديك لبنت لهلاك طريكة مها تا قلت تزوجات غنتهنا منها صدقات واخدة ولدك
سناء : لاسقة فولدي ماشي واخداه ، خليني منهوم او من صداعهوم (تخشات فيه معنقاه واخة نعسات معاه حسات براسها مستمتعاتش غا سلكاتو او صاف لعضو ديالو صغير ، فكل مرة كدير معاه علاقة عقلها كيفكرها باكسيل ، واخة مكانتش كتبغيه كان قادر اشبع رغبتها او يمتعها مزيان نيت ، طيرات دوك لأفكار من راسها او نعسات)
#عند صباح#
كانت ݣالسة فبيتها كتسركل فلأنسطا تا طاحت على تصويرة تاع مها ناشراها فلوطيل كانت باغة طلع ممسوقاش ليها تا قشعات بلي عبد الله داير ليها قلب دخلات بزربة لحساب ديالو لاقياه ناشر تصويرة فنفس لوطيل او تا سناء دايرة ليه جادوغ حسات بدنيا ضارت بيها ، عقلها مشا بيها لداك نهار فاش مشات عندها
#فلاش باك#
بعدما وصلها محسن لعمارة فين كاينة مها طلعات عندها تشوفها مكانتش كتحس براسها بيخير بتاتا كانت بغات تدوي معا مها شوي ياكما ترتاح ، ديك دقة لي بغات دق لباب لقاتو محلول تعجبات عمر مها خلات لباب محلول دخلات لدار مشطونة تا كضرب فلحوايج مليوحين فلأرض تعجبات شكيديرو حوايج رجال عند مها فدار ، بدات كتسمع شي صوات مهماش ، قربات لبيت مها لي كان تا هو محلول موسعة عينيها فداكشي لي كتشوف قدامها ، مها عريانة ومكوزة لعبد الله لي ݣالس كيضرب فلحلوة على قلبو ، حسات بحالا شي واحد صرفقها معرفات تا كي دارت تا خرجات لاقية راسها او سط الناس كتمشا ، مقاداش تيق بلي مها من هاد نوع مها لي خاص تكون قدوة ليها مفرعة رجليها لراجل مزوج ، شمن وجه باش غتقولها لخوتها شمن وجه باش غتقول لمجد مك طحبة مك وحدة رخيصة ، كي غدير تقول لجود مك راها مفرعة رجليها ولمن لنسيبك باين مرتك ، كي غدير تشوف فياسمين او تقول ليها باك او مي عاطيينها لكوى بلي باك او مي ماخافو من لي خلقهوم مادارو بوجه ولادهوم ، اوسط ناس طاحت منهارة بلبكا
مريم : (كانت راجع من سوق على رجليها هازة السيكان تاع لخضرة بوحدها الشمس دايرة فيها مابغات ، قشعات صباح جامعة رجليها لأرض او كتبكي قربات عندها بزربة) بنتي صباح مالك ؟ علاش كتبكي ؟ واقعة شي حاجة ؟
صباح : (هزات عينيها فمريم باغة دوي معاها ولكن لوجه باش تدوي معندهاش ، كتشوف قدامها مرا مسكينة مقاتلة معا زمان او راجلها غادي كيتمتع ليا او ينشط ، باشمن وجه غتقول ليها مي ضارت ليك براجلك اخالتي)
مريم : (عنقاتها) متبكيش ابنتي كولشي غيكون مزيان غي متقلقيش
صباح : (ستجمعات قوتها او ناضت ماسحة دموعها)
مريم : (دوات معاها بحنية) وقعات ليك شي حاجة
صباح : غا فوت واحد لامتحان اخالتي
مريم : ههههه هادا وكان او علاش غتبكي عليه او تمرضي راسك ، لقراية كتعوض صحة لي مكتعوضش
صباح : ربي اخليك اخالتي راك غادة لدار ؟
مريم : واه لقيتيني عاد رجعت من سوق
صباح : (شافتها متقلة داكشي علاش شدات ليها طاكسي نوصلها لدار او بقات هي تما باغي قلبها يسكت بلبكا لعافية شاعلة فيها او ذنوب هاد لمراة هزاتهوم على كتافها ، كيقول ليها راسها تمشي تلاح فلبحر ولا تشنق راسها لموهيم تهنا من هاد تأنيب الضمير)
#نهاية لفلاش باك#
سدات طيليفون ها ماباغاش تشوف فيه شي حاجة خرى لي تقلقها ، تفتح لباب تاع لبيت أو دخل معاه محسن
محسن : سلام عليكم
صباح : و عليكم السلام رجعتي عاد دبا ؟ تعطلتي لا ؟ قلتيلي اترجع معا لمغرب لعيشة دبا
محسن : تعطلت حيت دازت لجامع
صباح : نسخن ليك شي حاجة تاكلها
محسن : (الاحد فوق ناموسية على كرشو) لا باغي غا نعس
صباح : نوض لبس عليك شي حاجة إلى نعستي بدجين غتعدب او تقلب نعس على ضهرك راه بهاد نعسة لي داير الشيطان شبع فيك تخوار
محسن : ههههههههههه تا شيطان والو كيقلب فين احكو مبانتش ليه غا طغمتي
صباح : كون تحشم ونتا مقزدر
محسن : شوف شوف لي متاقية الله زعما
صباح : سلم عليك جود غا شوية هادي باش قطعت معاه
محسن : اسلم عليه لخير كنت داير معا دراري نخرجو نتقهواو سعا خرجات ليا لخدمة من جنب ، احقا قبل منسا خالتي منى عارضة عنا سيمانة جاية لعشا
صباح : بصح قالتها ليا غيتة ولكن قلت يمكن غا جاب ليها الله
محسن : (كان كيبدل حوايجو) اتكون سمعاتها حيت راهوم معيطين على كولشي كانت عوالة تعيط على حساب غدا ملي لقات لغالية مسافرة تا ترجع او تعرض عنا مجموعين
صباح : حسن (مشات تخشات فبلاصتها)
محسن : (تكا حداها) مالك ضاراك شي حاجة ؟ شت وجهك مخطوف
صباح : فيا لوجع داكشي علاش
محسن : شربتي ليها دوا ؟
صباح : واه (تخشات فيه ناعسة)
#عند اكسيل#
كان ݣالس معا مو فجردة كيشربو آيتاي
لحاجة : كي دوزتي نهارك اوليدي ؟
اكسيل : (كان شاد عندو يوسف عاطيه طيليفونو كيتلاها بيه) مزيان
لحاجة : مرتك باقي مناوياش ترجع ؟ باقة مطولة ؟
اكسيل : واحد سيمانة عندها لخدمة بزاف
لحاجة : على ربي تكون غا لخدمة لي شاداها ماشي حاجة خرى ، راه اولدي دنيا مخالطة متعرفش شنو تصادف ، لبنت باقة صغيرة الى لقات ليها شي واحد صغير العب ليها بعقلها فاش غنوليو ملي تمشي
اكسيل : الى لقات لي يدير ليها حسن مني غا تمشي مكنشدش شي واحد بزز او زايدون انا عارف مرتي او عرفها شكتسوا ، مالك مقلتي نفس لهضرة معا سناء ياك نتي ݣاع لي وقفاي معاها باش تمشي تكمل قرايتها فلخاريج أدوي
لحاجة : بنت خويا عارفة معدنها مزيان
اكسيل : عرفي ولا متعرفيش انا كترت هاد لهضور طلعولي فراسي مرتي نسيفطها تال شينوا شغلي هادا
لحاجة : انا راني باغة غا مصلاحتك دير غا شي وليدات عيواض مابقا هاز ولاد عباد الله
اكسيل : (شاف يوسف بلي نعس) غنمشي نحط دري ينعس
لحاجة : الله يهديك على راسك
ياسمين : (كانت ݣالسة كتفرج فطيليفونها فجردة تا لقاتو طفا ضارت عند جود) عطيني طيليفونك نتفرج فيه
جود : معرفتش فين حطيتو
لينا : (كانت لابسة كسوة سماطي وقصيرة جاتها كتهبل) ها طيليفون جود عطاه ليا نخدم بيه ولكن هاكيه لابغيتيه
ياسمين : (نتراتو ليها من ليد او هي مغوبشة)
لينا : (ݣلسات حدا جود كتدوي معاه) ملي كان عندي طيليفون صونات عليك شي وحدة سميتها ماريا هي نفسها ماريا لي كانت كتقرا معاك ياك
جود : (عينيه على ياسمين) واه هي
لينا : ملي كنتو كتقراو كانت طايحة فيك او نتا دافع كبير ولكن صراحة دالله فلتيها عليك لبنت كتحمق بزين
جود : مغتكونش حسن من لي خديت (ناض خلاها ومشا دخل لداخل يلعب معا لبنات صغار)
ياسمين : (كانت كتسمع شنو كتقول او فنفس لوقت كتقلب طيليفون جود تا طاحت على تصاور لينا فطيليفونو ، كانت هي لي مصورة راسها سيلفي او هي بلمايو حيت عاد دبا خرجات من لاپيسين ) نبغي نعرف كمارتك شكادير فطيليفون راجلي ؟
لينا : كالم طوا مالك معصبة تصورت عادي
ياسمين : سمعيني يرحم باك داك تسلݣيط ديريه على شي تامل او بعديلي من راجلي ولا ميعجبك حال
لينا : مالكي كدوي كي لعيشوريات تأدبي شوي او كوني كلاس فهضرتك كون بغيت جود كون واخديتو ملي كان تاع راسو ولكن انا لي مديتهاش فيها (بغات تفقصها بلعاني) ايما كون تبعتو كون وا تزوجنا او درنا تا دراري
ياسمين : نكون كلاس ؟ لا أنا غنولي تا لاݣلاص او نربي جدك(صافي طلعات ليها عيشة قنديشة لسطح مابقاتش كتشوف قدامها ، مدات يديها غافلاها او شداتها من شعرها كتنتف فيها او لوخرة كتغوت) كون بغيتيه كون خديتيه ؟ علاه انا ساهلة لحمارة تاع بوك تا تزربيلي على راجلي ونا كنشوف هي لي متكونش ليك
لينا : (تا هي شداتها من شعرها) شمكارة تاع لخلى موسخة
ياسمين : (واخة كانت فايتاها فطول او لعرض قدات كيحها لأرض او بداو شي تخبش شي تعض) موسخة او مرتو شمكارة او مرتو او ديالي طحبة بحالك سلݣوطة تشوفلي فراجلي بالله تا هي لخرة ليك البقرة
كولشي سمع لغوات او جا كيجري اول وحدة وصلات هي لحاجة او ناجية او باش افكوهوم تحاماو على ياسمين شادينها من شعرها كيجرو فيها لور
يتبع
التعليقات 0