خديجة: يعني حاملة!!!
غيثة: (كتبكي وكتحرك راسها باه)
خديجة: من ادم؟؟
غيثة: معرفتش
خديجة: كفاش معرفتيش واش ادم ولا مراظ هو داك نهار كان كيتحلف ويقول مراد
غيثة: الاااااا ماشي اورطيغا، اما كنت مدروݣيا معارفاش حتى شكون ولكن انا للي تنعرف تنكون غير معاه هو انا اورطيغا مستحيل هو الشوفة وتيشوفنؤ بحال ختي والا بغاني راه كنت غنكون معاه بخاطري ميتسناش يدروݣيني
خديجة: اممم يعني هو، وهو ولد لحرام لاعب عليك وكيقول ماشي انا
غيثة: اه قالي ماشي انا وقال داير احتياطو تيدݣ شي شوكة من 6 شهور ل6 شهور ديال باش ميحملش
خديجة: وغتبقاي ساكتة!!!
غيثة: وشنو ندير؟!!! نقولها ليوسف للي رجع حالتو ولا ماما ولا بابا ولا أشرف راكي من العائلة وكولشي قدام عينيك اخديجة
خديجة: اوا
غيثة: معرفتش اختي شنو ندير حرت وتلفت
خديجة: شوفي نتي غلطتي وبزااف ولكن راه عندك عائلة خاصك تحماي بيهم باش على الاقل يجيبو ليك حقك علاش نتي للي تحملي المسؤولية بوحدك حتى هو خاص يتحمل معاك
غيثة: مبغيتش اصلا نتزوجو!!
خديجة: ولدك ولا بنتك من حقهم ياخدو اسم باهم خاص ضرووري تعلميهم اغيثة..
~~~~~~~~~~~~
حمزة؛ (مقدرش يدخل للدار بقا غير فراس الدرب ولدابا حتى واحد مسولو ولا هضر على الموضوع فقط كيعزيو داز من حداه عم ملاك للي خنزر فيه وزاد يعني ماشي كولشي متيق برائتهم وفعز حزنو كيفكر فتعاملهم مع ملاك كفاش غيكون!! جا عندو عمو اب أميمة وخرجو من حدا جماعة الناس مبعدين)
حمزة: شفتي اعمي شنو دارت أميمة
العم: دابا غير فين هي!
حمزة: معرفتش ولكن الا مجاتش هي غيجيبها البوليس راه دارت جريمة فحقي وفحق بنت الجيران للي ضيعتها وفحق با للي مات مشموووت ومغدووور حيت هي بغات تنتاقم وكان قالتلي بغات طلاق نطلقها ولكن باش دير هاد الفضيحة انا الا لقيت غير تزيد نغرقها غنغرقها!!!
العم: غدخل الحبس؟!
حمزة: عمي مغنكذبش عليك أميمة خشات راسها فحرب كبيرة راه بوليس وتصنتو عليهم هاد نهار وعاد كاميرات وشهود اش داها لهاد تبرهيش للي خرج علينا كامليين…
ملاك: (دخلت مريم جايبة ليها متاكل لقاتها ناعسة هي وأنير معانقين، صونا عليها راجلها خرجت من البيت بالزربة قبل متفيقها)
مريم: وي عبد العظيم!!
كفاش!!! ….
ملاك ها هي فالدار شنو كتخربق؟!..
كفاش الحبس والفساد واش مريض فمخك عارف فمك شنو كيخرج!!!…
لا لا هادشي بزاف نتا عارف مكنبغي حتى لواحد يهضر على خوتي بالخايب وعاد تجي منك!!!! دابا صافي منك لبابا (قطعت)
(رجع صونا عليها عارفاه غيلبدها)
وي!!
اوا نتا كتعصب باش تسولني شنو وقع كتقولي ختك خرجوها فساد بحال معارفش ملاك!!!!
أوا سييير تمشي قالك مكنسمعش!!
اممم سمع ختي تدار بيها ملعوب ودابا راه هي للي داعيااهم راه عصابة ولاد لحرام للي دارو ليها هكاك..
مرتو دابا هربت والبوليس كيقلب عليها هي وشي بنت الجيران اخرى…
حسابها راجلها تابع ملاك اوا منين عرفت خطوبتها قربت ناضت دارت هادشي ولقاوها لاعبة بالتيليفونات والكاميرات وحتى شي بوليسية معاوناها..
ااااااه اسيدي…
ها هي فالدار فين غتكون قالك الحبس!!!.. صافي بلا متجي..
انا مزال منجي نجلس شي يامات ونجي..
ياك العطلة قربت صافي جيبهم هنا
واخ.. (عوجت فمها) موبلغ (قطعت)
ولاد لحرام دغيا وصلوهالو شو شكون هدا لي وصلها للفران سخونة!!! (شافت عمها داخل شاااعل من الكلام للي كيتقال فالقهوة للي ردوها قاعة العزو، شاف فيها)
عم ملاك: فين ديك الكلبة!!
مريم: (طانزة) بنتك؟
عم ملاك: (بعصبية) ديال ختك!!!
مريم: علاش كتسول؟! وهي ماشي كلبة اااااا اعمي!!
عم ملاك: انا دير فية لكلام!!!
مريم: علاش هي فين قربت ليك ولا جبداتك باش دير فيك!! هادشي مقالوش حتى بابا باش تقولو نتا للي غير عمها
عم ملاك: وليتو كلمة بكلمة ابنات رشيد
مريم: اوا الساكت على حقو شيطان صمك علاش مندافعش على ختي!! ونتا عارفها مظلومة وهادشي يقدر يوقع لبنت اي واحد غير بنادم يطلب السلامة
عم ملاك: الهضرة مع باك
مريم: (قالتها بشوية) سير ت*** جري طوالك…
ملاك: (كانت فبيتها صااقرة نوضها الألم لي عندها فصدرها بقات غير صااقرة دابا تفكيرها السااااحق فمراد وشنو غيكون دار، واش خسراتو حتى هو واش غيتوادعوو ولا صافي ضرب عليها بلا حتى متشرح ليه ويفهمها؟!!!! حتى دخلت مريم)
مريم: الزين فقتي!!! صبري نجيب ليك شنو طيبت ليك ماما
ملاك: مقاداش ناكل اختي
مريم: ضروري تاكلي
ملاك: خلي بلاتي والله مقادرة داابا (كذبت) كليت شكلاط كان عندي هني وݣهمني بزااف
مريم: صافي واخ شوية ونجيبلك، حقا قبيلة فالكوميساريا جا مراد
ملاك: (قلبها زدح حتى تخلعت رجعت دغيا كتخلع وتخاااف) بالصح!!
مريم: اه جا باش يشهد معاك وجاب تيليفونو صدقت الكلبة مصيفطالو حتى هو ميساج وتصويرتك فالحمام على اساس نتي صيفطتيها لحمزة قبل كدخلي عندو راه فهادشي علاش عاودو تصنتو على ديك البوليسية غلود
ملاك: (ديك الوقيتة كانت مرفوعة) شاف التصويرة!!
مريم: عرفتي شنو قال المحامية قالها سترووها وقادو التصويرة ميمكنش وحدة متحجبة وتبقى تصويرتها كدور هاكا مسكين كبر فعيني مو فالموت وهو جا يقلب عليك
ملاك: (محست دموعها نزلو) وعلاش متسناش يشوفني ؟!
مريم: ششت براكة عليك من لبكى, نقولك الصراحة
ملاك: اه شنو قالك علية؟!
مريم: هو مقلق منك شوية حيت قالي كان نبهك متسلميش على حمزة ومدخليش لدارهم راه هادشي كامل للي وقع هو للي مقلق مننووهو حيت دخلتي للدار اما هو متيق برائتك بلعكس مجاش باش يسول كفاش وفين لا جا كيقول راه شي واحد للي صيفط من نمرتك فهمتي هو متيق نتي غير تلعب عليك
ملاك: (عندها احساس ان داكشي للي بيناتهم عمرو يرجع)
مريم: فاش كتفكري
ملاك: (مسحت دموعها) صافي مراد صافي انا للي عارفااه
مريم: يهديك الله، نتي اصلا مدرتي والو
ملاك: هو فعينيه غير حيت دخلت لديك الدار صافي انا غالطة، انا عارفاه هو من اللول كان كيقولي بعدي بعدي راه معندها معنى تقوليلهم حتى السلام وانا للي حمارة مسمعتلوش انا للي فية الفضول ندخل نشوف كفاش طاح
مريم: شوفي نتي غير بغيتي تعاوني
ملاك: علاش اصلا نعاون!!! منين كانو البوليس مخرجني بحال شي **** شكون عاوني!!!! اصلا شكون تبعني فداك الليل حتى واحد بحال بينت لدوك البوليس للي كانو كيطلعو فية ويهبطو بدوك الشوفات انني بالصح فااسدة!!!
مريم: ملاك اي واحد فينا فهاد العالم معرض باش يكون مظلووم، ونتي تظلمتي بزاف والحمد لله مطولتيش اما كاين للي كيمشي فالرجلين اختي وياما فالحبس كاينين مظلومين
ملاك: (حركت راسها بلا ممقتانعاش بكلام مريم) انا للي غلطت انا للي درتها لراسي!!
اورطيغا: (وصل الليل فين كيبقى بوحدو مخلاش خالتو وعمر يبقاو حيت معندهم ميديرو غير غيعياو وصافي وواعدهم غتكون شي حاجة غيعلمه،
جا عندو شريف جالس معاه مكيهضرش بزاف وحتى لاخر احتارم حزنو فقط بغا يكون معاه ميخليخش بوحدو وحتى هو تقسم بين اورطيغا وبين الحاج لي فالمصحة..
اول مرة مراد كيتسنى خديجة تجي حتى شوية بانت ليه جات هي ويوسف جايبة بانيي معاها)
يوسف: عييت معاها متجيش
اورطيغا: (حاول يبتاسم ووالو جات عندو متبسمة) شكراا اختي تتعذبي راسك معايا!
خديجة: هاد لحمق كيحساب ليه خوك بوحدو راه حتى انا خويا
اورطيغا: خديجة (وقف بعد وجات عندو لوخرين غير كيشوفو، دار يدو على جنابو كيهضر بشوية) شنو دارت ملاك؟!
خديجة: (بشوية جاوباتو) رجعت للدار ولوخرا لي دارت المشكل هربت
اورطيغا: اوا شنو غدير؟!
خديجة: واش نتوما مدابزين!! مكتهاضروش؟!
اورطيغا: جاوبيني اختي الله يحفظك, شنو غدير وحقها؟!
خديجة: على للي فهماتي مريم… شوف صبر نصوني على مريم هي غتفهمك مزيان… (حرك راسو بأه صونات جاوباتها)
مريم فينك..
مريم: (كتهضر بشوية حيت مشاو باش يعزيو الا ملاك)
انا فلعزو بغيتي شي حاجة؟!!
خديجة: مراد بغا يهضر معاك
مريم: صبري (خرجت برا ودخلت لدارهم لي لباب غير مردود) اه واخا
اورطيغا: (شد التيليفون مبعد) شنو غديرو دابا؟!
مريم: (دخل نيشان فالموضوع لا سلام لا والو) أميمة هربت وحتى وحدة هنا مشاركة معاها للي صورتها هربت، اوا غيتسناو شي ورقة من المحكمة باش يخرج قرار التوقيف ضدهم بجوج ونيت غيلونصيو بيهم فكولشي ويجيبوهم البوليس فينما كانو عاد يݣرو بشكون معاهم حيت بجوج ميمكنش يديرو هادشي هكاك!! هانتا غير صباح بانت بوليسية
اورطيغا ؛ البوليسية ساهلة تقول انا غير حاني ابيل
مريم: ولكن هي ماشي من فرقة الاتصال داكشي باش تصنتو ليها
اورطيغا: الا هربت ديك ال.. (شد لسانو ) الموسخة برا؟! كنعرف تكون دايرة شي كونترا شي تخربيقة
مريم: لا متقدرش حيت ديجا عليها قضية خاصها تكملها راه هي للي بداتها كانت ظالمة ولا مظلومة خاص تكملها وتعطي اقوالها.. والمحامية غتعيط ليك فأي وقت حيت شهادتك وداكشي للي عندك فالتيليفون مهم
اورطيغا: فوقما بغاتني نجي، ولكن انا هضرت مع واحد المحامي نمس فهادشي غيهبط يتعاون مع هاد المحامية
مريم: لهلا يخطيك اخويا
اورطيغا: فيها هي؟
مريم: فالدار ناعسة
اورطيغا: (حرك راسو باه زاافر) …شكرا اختي
مريم: كيف بقات خالتي امينة؟!
اورطيغا: نطلبو ليها الشفاء.. بسلامة (عطا التيليفون لخديجة للي كملت الهضرة معاها)
خديجة: (مشات عندو) ختي غير تدارت بيها
اورطيغا: (حرك راسو باه) عارف (زفر) عاااارف.. (جبد ݣارو مشا بعييد كيكمي وهي رجعت حدا يوسف ضرو راسو يعرف شنو كاين!!!)
غيثة: (قتاتعت نسبيا بكلام خديجة وبقالها حل هي مها تسمع ليها وتلقى معاها حل وواعدتتها خديجة مغتسمحش فيها شنوما كانت ردة فعل مها وحتى يوسف خاص يعرف..
مشات لدارهم دخلت لقات الياقوت جايبة ولدها وجالسين فالصالة وكاين حتى اشرف ومرتو) احم سلام
الغالية: على سلامة الالة غيثة تفكرني عندك دار واليديك
غيثة: راكي شفتي شنو واقع اماما مع طاتي!!
الغالية: اوا وماماك للي كانت مريضة!!
غيثة: ماما طاتي أمينة راها فالموت وكان شفتي حالتها تبقى فيك
الغالية: امم اوا الله يشافيها ويعافيها مقلنشاااي العكس ولكن نتي اجي زورينا ولا ولفتي دار خاك
غيثة: والله ديك الدار تيديني ليها خديجة كتر من يوسف ههه (حتى واحد مظحد من غير مرت أشرف للي حتى هي بينها وبين خديجة غير الخير ماشي صحابات وماشي عدوات عادي..)
الغالية: متجيش تسلم على لالة الياقوت
غيثة: (من بعيد) ياقوت صاڤا!!
الياقوت: (وقفت) متجييش تبوسني وتبوسي ولد خاك سليمان
غيثة: واش هدا ولدك
الياقوت: ولد خااك (جات غيثة سلمت على الياقوت وعطاتها الولد تشدو، شداتو غيثة وجاها خووف راه بضع اشهر غتهز ولدها هاكا بقات كتشوف فيه رداتو ليها دغيا)
غيثة: مااا مـ… تنخاف على لوليدات صغار نقيسهم بالجهد ولا نضرهم
الياقوت: اممم.. (جلست) يوسف مزال مناوي يشوف ولدو؟!
غيثة: اختي داكشي ديالكم بيناتكم هو براسو مشطون هاد الايام مهم انا نطلع لفوق
(خاصها تهضر مع مها حتى كتشوف باها نازل تبسمت وسلمت عليه هبطها حيت توحشها هبطت معاه معاجبوش هاد الوضع ديال الياقوت جلسو مبعدين حتى جاها ميساج من عند ادم)
ادم: قالولي لاللة الغالية مزالة مريضة، بالصح؟! بغيت نجي نشووفكم
غيثة: (غوبشت ومجاوباش رجع جاها ميساج حلاتو كانو جوج ڤيديوهات واحد كتشطح فالديسكو ولاخر سااافل)
ادم: شكون عجبك فيهم احبيبة كتر باش نعطيه كادو لنسيبي (مصيفط سوايع ولكن هي فهمت كيدير هاكا باش ميخليش حتى دليل حتى سمعت تيليفون باها جاه ميساج طرطقت عينها ياله غيهزو وزربت هزاتو)
غيثة: بابا عفاك ابيل مزروب لخديجة كانت وصاتني مسكينة على نجيبلها مونغ تتوحم عليه ونسيت نقولها واش نجيبو دابا ولا لا!!! (حلت الميساج وهي تلقى نفس الڤيديوهات ديالها من ديك النمرة وصلو لباها!!!!)
خديجة: (شريف مشا عند اورطيغا ويوسف مشا عندها) ياكما عييت؟!
يوسف: شنو مخبية علية؟!
خديجة: والو!! علاش؟!
يوسف: شي حاجة عارفاها غير نتي واورطيغا شنو مخبية علية واش ملاك بيخير؟!
خديجة: بيخير الحمد الله راها غير ناعسة اما ندوزها ليك تهضر معاها فالتيليفون
يوسف: (بقا كيشوف فيها حاس كاينة شي ان) واش هوما مخاصمين؟
خديجة: معرفتش علاش ايوسف شاغل راسك بهادشي!! واش حنا دابا فملاك واورطيغا واش مصالحين؟!
يوسف: جوج تيبغيو بعضياتهم فهاد المصيبة تيكونو قراب
خديجة: راك عارف مع بابا متقدرش تجي
يوسف: عرفتي شنو انا غنهبط لصفرو غنسولها هي نيت حيت ملاك ميمكنش دوز شي واحد وحتى داك نهار ماماك غير جبدتها سولتها عليها بقات تتبكي، واش هي مزيانة؟!
خديجة: (بقات كتشوف فيه) لا.. طاحت فمشكل كبير لعبو عليها لعبة خااانزة
يوسف: شكون؟؟
خديجة: خلي حتى نمشيو للدار هنا مصالحش وراك شفتي مراد
يوسف: هو عندو علاقة بهادشي
خديجة: اودي العلاقة لي عندهم بجوج هو يفرقووهم وبانولي ربحو.. مهم حتى نمشيو (حرك راسو بأه وهو حاير شنو يكون وقع مع ملاك!!!!)
اورطيغا: (متبع الطاقم للي عاود دخل عند مو يشوفو حالتها وهو كيدعي)
يا ربي غير تخرج من هاد الكومة!!!
(خرج طبيب للأسف الوضع ديالها مزال هو هو ومخاصش تطول فيه زاد أزمو خديجة عياات معاه غير ياكل شي حاجة والو تعصب عليهم وبغا غير يبقى بوحدو ووالو مخلاوهش حتى كلا شوية من للي جابتلو وصل موعد انتهاء الزيارة خرجو وهو بقا تماك كيحس بوحدة خطييييييييرة عقلو مقسوم النصف لكبير لمو والنصف لاخر كيفكر فملاك…)
ملاك: (كانو العائلة مشاو يحضرو للعشا ديال اب حمزة بقا هي فبيتها مخليين معاها أنير حست بظلم كبير حيت مقادراش حتى تخرج من بيتها ماشي غير باب الدار مقادرة تشوف حتى واحد مقادرة لا تاكل لا تشرب لا تنعس حتى التنفس كيجيها تقييل جات مها كترغبها غير تاكل والو حتى باها للي كتحس بيه غضبان شوية ولكن بانت بقات فيه وكيواعدها كولشي يرجع كما كان مقنعهاش باش تاكل غير كتبكي ولا كتبقى تخمم وسااهية بحال شي وحدة بقات غير لكسدة والروح مشااات من عليها تيليفونها مزال مجابتو ليها المحامية شعلت الطابليط بغات غير تسلي راسها شوية حتى شافت أنير للي تجاهلاتو وقنط وهو كيلعب باللعاب وغير بوحدو مشا يخل لباب مقدرش وبقا كيعيط ليها مكتجاوبش حتى بقا كيبكي باش يتحلو لباب وهاد الصوت دارلها القنطة كتحس بيه داير ميكروفون حدا ودنها وكيغوت دارت يدها على ودنيها)
سكت سككككككككت (محدها كتغوت عليها وهو كيزيد يصغر بلبكى حتى غوتت عليه بصوت عااالي جااهلة)
سككككككككككككككككــ…ــت
(تدق لباب بالجهد فيقها وأنير كيشهق خاف منها وكيبكي ناضت حلت لباب لقات عمها)
عم: مال مك على هاد لغوات للي بديتيه لول لبارح باغية تكمليه دابا بحقلك
ملاك: شنو؟؟
العم: اري الولد هنا، مشوهة وباغية تزيد تشوهنا
ملاك: (غير كتشوفو هز أنير كيعنقو)
العم: احسن حاجة دارولك هاد لقبر هنا تغيري كمارتك علينا
ملاك: (كانت كتجاوب ودافع على راسها انا دابا لسانها كتحس بيه مربووط فقط دموعها للي كيهضرو ويعبرو على حالتها سدت لباب وهي كتشوف أنير كيشوف فيها بحزن بقات كتبكي بالشهقة طفات الضو ودخلت تحت كاشتها غير كتلوم فراسها علاش داك نهار سمعت لأميمة ودخلت معاها انا مكانش غيوقعلها حتى حاجة من هادشي.. حتى اورطيغا مكانش غيتخلى عليها تفكرااتو شحال كان كيواسيها دغيا ويظحكها شحال كان كيشد ليها الخاطر وباغي غير يشوفها كظحك كولشي مشا فرمشة عين وبقات بووحدها..)
اصبحنا واصبح الملك لله..
حمزة: (رجع للكوميساريا يشوف فين وصل داكشي ديال الكاميرات اما حتى التيليفونات مغيعتامدوش بزاف عليهم من غير الا جا خطيب ملاك شهد بنفسو فالمحكمة حيت ديجا هضر مع المحامية وغيطابقو وقت ميساج لي جاه مع الكاميرات امتى دخلت ملاك وعاد التصويرة للي مسصوراتش من تيليفونها)
الكاميرات كاملين للي فالحومة!
طارق: كاينة كاميرا ديال دار حداكم لقيناها خاسرة
حمزة: من امتى وهي خاسرة ؟!
طارق: عاد غيجاوبوني
حمزة: السيدة للي فالحمام تعطي حتى هي تسجيلات الكاميرا غتبين الوقت للي خرجت فيه ملاك ودخلت للدار والوقت للي عيطات فيه أميمة البوليس حيت مكملاش حتى 10 دقايق منين دخلاتها وجاو البوليس
طارق: (بقا كيفكر فكلامو)
حمزة: وهي منين مدايرة والو علاش غتهرب؟!
طارق: انا عارفك مظلوم نتا وديك البنت ولكن خاص كولشي يكون قانوني باش نتا وهي تاخدو حقكم منها راه حتى الخدمة بجوج توقفتو منها يعني غتربحوو من توقيفكم
حمزة: انا نكمل هاد روينة صافي غنحط لا ديميسيون
طارق: فكر مزيان
حمزة: صافي منين ولاو البرااهش داك نهار كيترطاو علية صافي
طارق: الا على حساب المينوط
حمزة: ماشي المينوط راه ساهل يجيو من الجهة الاخرى يجيو جوج دالناس يعلمو كنا غنجيو ماشي بالفضيحة والشوهة للي مشا فيها با حط راسك بلاصتي اسي طارق لبنت راه مرضت فراسها
طارق: فااهمك داكشي باش كنقولك خليلك وقت تفكر فيه مزيان..
~~~~~~~~~~~~~
غيثة: (مشا نعااس منين ادم وصل لنمرة ديال باها اذا ناوي عليها وعلم الله اشنو غيطلب منها هاد المرة!! خرجت من بيتها حتى كتشوف الياقوت دايرة من حداها ببيجامتها هازة بيبرو معاها فيها لحليب)
تتباتي هنا؟!
الياقوت: صباح الخير بعدا
غيثة: ياقوت واش تتباتي فبيت يوسف وخديجة ؟!
الياقوت: اه عائلتي قالولي سيري حتى يدير ليك الحل نبقى فالزنقة!! خاصو يدير حل راه ولدو هدا
غيثة: وشنو تتسناي يوسف يتزوج بيك؟!
الياقوت: (هزت كتفها بابتسامة شريرة ومشات كتعوج لبيت يوسف وسداتو من موراها مشات عند مها مدقتش لباب حلاتو عليها)
بنيتك جايباها الدار ساكنة معاك؟!
الغالية؛ مجبتش!!!! (سدت لباب كتهضر بشوية) حتى لقيتها جات كتبكي معرفت مندير
غيثة: هاكا غير ودعي ولدك اماما (حلت لباب وخرجت واش هادي للي غتلقالها حل وهي كتجري فخراب عش ولدها!!)
اورطيغا: (بقا على نفس الحالة لا ماكلة لا نعاس غير واقف كيتسنى حيت عندها الاطباء لداخل جات خالتو وعمر جا حتى الحاج برجلو وااخا مريض وشريف كولشي على أعصابو هو غير كيشوف، مبعد على جماعة ماشي كرها فيهم ولكن منين كيكون متوتر وخايف مكيبغيش يكون حدا الناس..
شاف غيثة جات وباها خرج طبيب زرب دغيا ماشي عندو نفس الهضرة مكاين حتى شي تحسن فحالتها..
زفر تعصب جاتو هاد الايام أعوااام ولكن كيستغفر الله باش مغيفقدش الأمل فربي وغيتفااائل،
جاه أبيل من عند شي نمرة مجاوبش صونات عليه خديجة جاوب بالزربة علماتو راه مريم للي كتصوني عليه رجع صونا عليها)
وي مريم!!
مريم: مراد كيف بقات خالتي امينة؟
اورطيغا: الحمدلله باقية عايشة
مريم: الله يشفيها اخويا.. عارفة ماشي وقت هادشي للي بغ..
اورطيغا: شي حاجة على ملاك؟! تبغي نجي؟!
مريم: اه بغاتك المحامية على حساب الميساج والتصويرة
اورطيغا: (شاف فالساعة فيدو) ساعة نكون عندك
مريم: صافي مزيان نتلقاو حدا المحكمة
اورطيغا: ان شاء الله.. (قطع مشا عند خالتو للي علمها غيمشي يقضي شي غراض ويجي، وصى عمر الا كانت شي حاجة يعلمو هبط تابعاه غيثة)
شنو اغيثة!!
غيثة: فين ماشي ؟!
اورطيغا: غيثة سيري للدار انا دابا خارج
غيثة: (هي خايفة من ادم واورطيغا احسن حامي ليها) صافي انا نتسناك هنا شوية وتجي خديجة ونيت نعلمك واش غتنشي دارك ترتاح!!؟؟؟
اورطيغا: (هبط ممجاوبهاش مشا لطموبيلتو ركب نيشان لدارو فالليدو مقادرش يمشي السعادة طرف راسو دغيا، حايد حوايجو للي عطاو بريحة لعرق ومن تماك شد طريق لصفرو وهو كيهضر مع عمر كل 10 دقايق كيسولو شنو الجديد!!)
ملاك: (عيطت ليها مريم علماتها مراد غيجي وعاودت ليها بالحرف شنو قال وكفاش، قلبها ضرب قطعت لدابا مخرجتش من بيتها من غير الا بغات تدخل طواليط حتى صلا رجعت كتعݣز عليها وهي للي مكانتش كدوز حتى شي ركعة جات عندها مها جايبة ليها مسمن بالشحمة داكشي للي كتبغي ووالو مبغاتش تاكل)
والله معندي الشهية اماما
زهرة: وشنو تاكلي احبيبتي
ملاك: ما فيهاش والله مقادراش على ليدام
زهرة: شنو بغيتي تاكلي
ملاك: خليني على خاطري اماما عفاك والله لبارح مريم بززات علية بقيت غير كنتقيا
زهرة: نجيبلك شوية ديال الديسير معندو ميديرلك…
مريم: (بقات هي والمحامية كيهضرو قدام المحكمة جا عندهم المحامي للي صيفط اورطيغا باش يعلون، لحق حمزة لي حتى هو كلف محامي باغي غير فين يغرق أميمة)
حمزة شنو درتي
حمزة: كنتسناو المذكرة تعطا باش يجيبوها سولو العائلة كاملة حتى واحد معندو
مريم: زعما متكونش غير هنا مخبعة ولا مشات غير لبلاد
حمزة: حتى تماك سولو.. وقلبت فحوايجها مكاين والو ، مشيتي لخدمة ملاك؟!
مريم: مشيت المدير مسكين مقال والو من غير كيطبق القانون ضروري خاصها تجيبلو ورقة من المحكمة على البراءة باش ترجع للخدمة ومن حقها حتى هي تابعهم
حمزة: مهم الطرد مكاينش؟!
مريم: لااااا لا لا مدايراش شي حاجة علاش تطرد راه غير مسألة وقت وصافي (شافت اورطيغا جاي شيراتلو ضار حمزة كيشوف فيه)
انا جاية.. (هبطت دروج بشوية شادة فكرشها ماشية عندو)
سمحلي بزااف كنصدعك معايا
اورطيغا: لا.. شنو درتو؟! (كيحاول ميشووفش فحمزة الا شاف فيه غيتقاتل معاه)
مريم: خاص داك الميساج والتصويرة يطابقوها مع الوقت المحاميين غتكلفو غير ضروري من شهااادتك زعما تكون حاضر
اورطيغا: (حرك راسو باه) صافي (جبد التيليفون عطاها ومشات عند المحامية عطا بظهر كيشوف شوية جات عندو)
فين ملاك؟!
مريم: فالدار
اورطيغا: شنو دارو معاها فالخدمة ؟؟
مريم: وقفوها مسكينة حتى تجيب ورقة من المحكمة بغيت نسولك ومتديهاش مني قلت صواب (حرك راسو باه) نتا متيقها؟!
اورطيغا: داك نهار قلت ليك شنو كاين اختي انا تاايق فييهاغير مان عليها ديك الدار تخطيها ماشي حيت كنت تنشك ولا شي حاجة ولكن معندها معنى تعاود تدخل تماك بغات تعاون غتعيط على باها اي واحد راجل يعاون واخا مفهمتش انا اصلا هي فيها جوج عضيمات لتر دم فاش مثلا غتعاون!!!
مريم: (ظحكها) هي مفكرتش فهادشي سمعت الراجل طايح ودخلت
اورطيغا : (حرك راسو بلا) اختي مريم المرة اللولة سلمت منين دارت بيها شكاية ودغيا تنازلت
(مريم طرطقت عينها محسابوش عارف)
المرة التانية مغنتيقش فواحد باغي غير يقلب على السبة باش يغرقني
مريم: شي مرات متنفكروش بعقلنا
اورطيغا: وهادي هي المشكل.. (صونا عمر جاوب) وي عمر شنو كاين!!..
كفاش!!!
واش ماتت؟!…
انا جاي انا جاي…
(تم ماشي بلا عقل ومريم تابعاه كتعيطلو ركب طموبيلتو وهي تابعاه حتى حلت لباب)
مريم: شنو واقع؟!
اورطيغا: خاص نرجع مرة أخرى ونعاود نجي عندك
مريم: صبر صبر نمشي معاك (مهضرش زاد فطريق هي صونات على المحامية عتاذرت منها هو صايݣ بلا عقل حتى شافها شدت فكرشها حيت تخبط فضوضان وهو ينقص شوية السرعة..)
غيثة: (جات خديجة ومشات عندها عاودت ليها كولشي شنو وقع ليها وحتى علا الياقوت) شنو غندير دابا!!!
خديجة: واش هاد مك حماقت؟!!
غيثة: (بخوف) تلفت تلفت حتى باش نمشي لشي بلاصة ونبعد مقدرتش عارفة راسي اخديجة منقدرش نعول على راسي
خديجة؛ بففف المشكل كفاش نوصلوها ليوسف خاصو يعرف اليوم قبل غدا قبل منوصل بطريقة أخرى ليه!!!! هداك مزال كيدور فالمغرب؟!
غيثة: انا قلت ليك مراقبني بحال والو داير شي كاميرا فالدار عندنا ولا باش عرفني جالسة مع بابا وبكل وقاحه مصيفط ليه لي ڤيديو!!
خديجة: ولد لحرام!!!
غيثة: (بقاو غير كيفكرو حتى بانت ليهم وفاء جات) انا جاية
خديجة: متخرجيش!!
غيثة: لا نمشي غير نجيب شي عصير دخت
خديجة: (جات عندها وفاء) فين نتي البنت
وفاء: فين ملاك عيت نصوني واش بدلت نمرتها؟!!
خديجة: ضاعلها التيليفون
وفاء: حتى خالتي زهرة مكتجاوبش واش مقلقين مني؟
خديجة: ألاااااا غير مشافتوش يمكن، كانت كنازة عندهم جيرانا مات باهم اوا تلهاو معاهم
وفاء: شكون؟!
خديجة: باين حمزة
وفاء: ايييه الله يرحمو ولكن كفاش ملاك مكيناش هنا؟!
خديجة: راكي عارفة بابا منين عرفهم بجوج وقربت خطوبتهم زير معاها ومكيخليهاش تخرج جاو غير نهار اللول
وفاء: (حركت راسها باه واخا عارفة ملاك سلايتية الا بغات تجي غتجي ولكن الا كان شي زياااار كتر راه مغتجيش!! بقاو كيهضرو وكيتسناو طبيب للي دخل ومعاودش خرج…)
وفاء: مسكيينة متستاهلش ولكن اش داها لتماك على للي فهمت هي كانت كتوجد الخطوبة
خديجة: حتى حنا معرفناش اودي غير تنوض دابا ومن بعد هي غتعاود لينا كولشي
…خرج عمر ومو مع طبيب مزال الحالة هي الحالة وديك الحالة فاش بدات كتزعزع كتوقع لأي واحد داخل الكومة وللي كيستعملو ليه أدوية الصرع باش كيخليوه يستاجب ويفيق.. مشا طبيب وهوما بقاو مجمعين كيتسناو اورطيغا حتى لحق ريتو غتسكت بكترة مجرا فهموه شنو وقع وانهم بداو معاها أودية باش تفيق مشا عند طبيب باش يشرحلو مزيان ويفهم عاد مريم وصلت كتلهت)
خديجة: مريم!!!
مريم: (كتلهت مشات عندها خديجة جرت ليها كرسي جلست كترد نفسها عاودات ليها شنو وقع وكانت حتى وفاء للي عاد فهمت شنو واقع مع ملاك وعذرت منين خديجة مقالت ليها والو..)
فينو مراد؟!
خديجة: مشا عند طبيب
مريم: وهي كيف بقات
وفاء: مانعين يدخلو ليها من غير ولدها مرة مرة كيطل عليها وخالتي نعيمة من مور الزاج اما حتى واحد مكيدخل عندها لداخل من غير طبيب…
ملاك: (سمعت لغوات برا عاود ودفيع الهضرة من جدها وعمها جات مها زادحة لباب عليهم جايبة ليها طبسيل ديال الديسير ودانون ومعصرة ليها كاس الليمون)
واش مبغاوش يبعدوني اماما؟!
زهرة: يمشيو يق**** ݣاع متديها فيهم قبيلة الهبل
ملاك: (تصدمت وظحكت اول مرة تشوف مها كتخسر الهضرة) ههه ضعتي الزعرة!!
زهرة: يكفرو للي ميكفر كولي ابنتي (صونا تليفونها كانت مريم) ياله كولي
ملاك: (هزت طرف الاجاص كتاكل وتسمع فهمت مريم ختها مشات مع مراد لفاس حيت مو وقعت ليها شي حاجة)
زهرة: (بخوف) وكيف راها؟!!…
… اوا الحمد لله, الله يشفيها يا ربي ويخليها لوليدها..
شفتو داك نهار قطعلي قلبي…
نشوف مع باك ابنتي..
صافي واخ.. وعبد العظيم؟!
صافي واخ.. (قطعت كتشوف فملاك للي كتشوف فيها بفضول)
من قبيلة هزيتي داك الطرف مكملتيهش!!!
ملاك: شنو وقع لخالتي امينة؟!
زهرة: خاص نمشي نشووفها (شافت فبنتها) نعطيك التيليفون تصوني على مراد؟!
ملاك: (بخوف حركت راسها بلا)
زهرة: الله يصفي قلووبكم غيمة وغدوز ابنتي
ملاك: مجاش لدابا اذا متايقش فية
زهرة: علاه الهبيلة للي مكيتيقش كيجي يشهد معاك ومخلي مو فصبيطار زعما راكي كطيريها من سما.. كولي داكشي نرجع ملقاش طرف باقي..
ملاك: (مها خلات التيليفون فوق كوافوزها وحتى هي منبهتهاش هزاتو بتردد دارت #31# ودارت نمرتو صونات مغمضة عينها مجاوبش رجعت صونات هي حسابها باقي غيطلع بريڤي عندو ولكن طلعت نمرة مها وحيت ديجا عندو ومقيدها جاوب)
اورطيغا: وي!!
ملاك: (قلبها ضرب ويدها بقاو كيرجفو حتى كرشها ضرااتها بقات ساكتة وحتى هو)
اورطيغا: (ماشي مها للي غتبقى ساكتة هاكا بقا غير داير التيليفون على ودنو باغي يسمعها!! حتى قطعت بقا شاد التيليفون باش تهضر وتشرح بقات غير ساكتة تفكر تيليفون مو لدابا مجابوش من الكوميساريا صونا على شريف للي عندو معارف تماك)
عشيري داك التيليفون ديال الوالدة لدابا مزال مجابوهلي..
اه بغيتو…
صافي اخاي..
لا مخااص واالوو..
الله يحفظك…
(قطع خديجة ومريم جاو ودعووه شكرهم على هاد الوقفة وهبطو عند يوسف لتحت للي مصر بزاااف يهبط لصفرو وغيشوف فاش يعاون ملاك!!!)
يوسف: (وصلو لصفرو كيشوف واحد كيستيكي فطموبيلة ديال ملاك) شنو واقع اخاي؟!
….: غير شي واحد كتب شي حاجة خايبة كنحيدها
يوسف: (حرك راسو بأه مشاو للحومة ودخلو للدار تحت ترحيبات الناس للي فيها دخلو جلسو) فين ملاك؟!
زهرة: (مدام جا الا رجع كولشي فخبارو) راها ناعسة فبيتها
خديجة: انا نمشي عندها
يوسف: انا نخرج عند عمي رشيد.. (خرجو هو وخديجة لوسط الدار) قولها بغيت نشوفها
خديجة: واخ ندخل نهضر معاها غير تبغي غنعلمك
(هو مشا للقهوة وهي دقت حتى حلت ملاك عنقتها وبقات كتشوف فيها مكملاش سيمانة باش متشاوفوش ملاك دغيا ضعافت ووجها شاااحب)
ملاك مالكي؟! مكتاكلي موالو!!
ملاك: غير مفياش وصافي
خديجة: شنو مافيكش! باغية تقتلي راسك!! راه هادشي للي بغاو يوصلو ليه
ملاك: راهم وصلو وفاتوها
خديجة: لا لا هادي ماشي ملاك للي كنعرف اويلي نوضي وتوݣضي اصاحبتي ونوضي نتفيلك شي وحدة ولا واحد
ملاك: ههه خديجة مغاديش تفهميني حيت داكشي للي دوزت داك نهار انا لدابا مزال ممتيقاهش!! أنا أنا!! للي دايرة حدود بيني وبين بزاف ومفتاخرة حيت صااينة راسي وعازااه يدارلي هاكا !!!!!
خديجة: هو امتحان من عند الله
ملاك: الا امتحان راه جاني صعييب ويمكن مقدرتش سقطت فيه حيت بالصح فشلت
خديجة: فترة ودوز
ملاك: عمرها دووز غادي تبصم علية بالعشرة واخا البوليس يجيبو بووق ويبرءوني صافي غتبقى علية خرجوني من عند حمزة بديك الشوهة!!
خديجة: حمار من اللول كان خاصو يوقف عند حدو
ملاك: انا وياه بحال بحال مظلومين ومشينا فالرجلين الخدمة خسرناها بجوج هو عاد خسر باه ومات مفقوس انا بابا كنحس بيه مراضيش واخا متأكد براءتي ولكن الهضرة اخديجة غتخليه ديما مريض فراسو!!
يوسف: (صونا عليه مراد منين عرفو مشا لصفرو) امدرا خاي مراد؟!
اورطيغا: مشيت عندهم للدار؟!
يوسف: اه ودابا فالقهوة
اورطيغا: مع باها؟!
يوسف: لا ملقيتوش هنا كاين غير عمها وصافي
اورطيغا: اممم
يوسف: سمعت شنو وقع لملاك معجبنيش هادشي للي دارو ليها السيدة منين جات مخرجت من بيتها مها تتبكي عليها متتاكل متتشرب
اورطيغا: علاش الباطل سااهل!! ولكن يحاولو معاها غير بشوية
يوسف: كنت بغيت نشوفها نهضر معاها شوية، ساعة سادة عليها
اورطيغا: خليوها ترتاح هي مباغاش للي يهضر معاها هي باغا ترتاح وتيق داكشي للي دازت منو (كيهضر مقهوور) غاتجيها قاسحة من بعد غتقسح راسها باش متعاوديش تدار بيها
يوسف: الا سمعت منك نتا هادشي حسن!!
اورطيغا: مباغيش نتحاك مع باها ولا نشوف داك ال**** تماك
يوسف: خليت خديجة كاينة معاها فبيتها
اورطيغا: اممم الا كانت شي حاجة علمني..
يوسف: (قطع معاه عارفو مقلق ولكن راه كيدافع عليها مفهم والو منو جا عندو عمها جلسو مجمعين كيتسناو رشيد)
~~~~~~~~~~~~~
خديجة: (عيات معاها تخرج عندهم يجلسو مجموعين مبغاتش خرجت وهي بقات غير كتخمم جا يوسف والو مبغاتش تخرج دارت راسها ناعسة تعشاو ومشاو وموضوعهم غير ملاك.. صونات عليها غيثة)
وي غيثة!!
حنا فطريق..
راكي فالدار مزيان!! حنا بقالنا شوية ونرجعو..
غيثة: (بقات غير جالسة صونا عليها اورطيغا جاوبت)
مراد!!
اورطيغا: نتي للي صونيتي على الوالدة تجي عندك؟!
غيثة: (بخوف) اه
اورطيغا: نمرتك مكيناش عندها فليزابيل !!!!!!!
غيثة: يمكن طلعت بريڤي!!
اورطيغا: لا مكيناش بريڤي كاين انا وخالتي زهرة ونمرة اخرى!! (فتاها عليها) نمرتك هادي اغيثة!!
غيثة: اه… دابا هو.. انا عندي جوج نوامر يمكن لابيل دازت من النمرة التانية مرديتش البال!!
اورطيغا: وشنو بغيتيها وعلاش مرجان اصلا علاش من مور مرجان!!
غيثة: (كتمشي وتجي فلبيت وتنش على راسها مبغاتش تكذب عليه ولكن شكون غيفهمها) غير بغينا نهضرو عادي وصافي بحال أي مرة تلاقينا
اورطيغا: كفاش بغيتو تهضرو عادي (شك فهادشي) البوليس شكو فأخر نمرة وغدا قالي واحد غيجيبو التسجيل دلابيل
غيثة: (خافت) انا قلتلها غير نهضرو علاش زعما البوليس غيشك فية
اورطيغا: غيثة قوليلي شي حاجة انا معارفهاش، تنعرف الوالدة عزيزة عندك بزاف خاصنا نتعاونو كما قلتي انا فرمضان وهي دابا !!
غيثة: تتشك فية امراد؟!
اورطيغا: واش حمقة راك نتي للي عتقتيها علاش غنشك انا بغيتك غير تعاونيني
غيثة: انا معارفة والو كنا تنهضرو حتى جات التاكسي قاصدانا وكان ملتم
اورطيغا: (ديك ملتم هي للي مخلياها جريمة كتر متكون حادث بدون قصد حتى الكاميرا شادة من لبعد ولكن مباين والو ولكن علاش اصلا يتلقاو تماك) علاش اصلا تلقاو تماك!!
غيثة: حيت أنا كنت فمرجان وصافي مالقينا راسنا غير ماشيين من تماك
اورطيغا: (غيبقى معاها كل مرة حتى يجبد منها الهضرة)
واخا أغيثة انا من بعد ونهضر معاك..
(قطع كيشوف فتيليفون مو للي مهرس من الزاجة وشوية من لتحت تخيلها وهي خايفة من الموت والتاكسي قاصداها تخيل بزاف دلحوايج للي خلاتو شاااعل وكيتحلف الا طاح فيه يقتلو بلا ميفكر جوج مرات وللي يوقع يوقع!!
فكر شحاااال!!! راس كيقولو غير يمشي لملاك ولكن فهاد الوضع غيزيد غير ما عليها، صونا على زهرة جاوباتو مخلوعة)
لا مواقع والو بغيت، خالتي زهرة بغيت نهضر مع ملاك واحد دقيقة
زهرة: (خافت كتر يزيد يكمل عليها) ولدي هي فواحد الحالة!!
اورطيغا: عفاك اخالتي زهرة مغنطولش عليها كنت بغيت نجي نشوفها ولكن..
زهرة: واخ (مشات دقت بابها حتى حلت ليها مدت ليها التيليفون)
مراد بغا يهضر معاك
ملاك: (شدت التيليفون وهي كترعد وكتسرط فريقها، مها مشات سدت لباب وحطت التيليفون على ودنيها مقادراش تواجهو ولا تسمع منو شي حاجة تزيد تهرسها)
اورطيغا: (بقات ساكتة هو نطق) ملاك!!!!
اورطيغا: ملاك!!!
ملاك: (قلبها غيسكت لدرجة كتحس بيه فحلقها) اممم
اورطيغا: (بقا ساكت كيسمع نفسها بحال شي واحد ضرب ماراطون ديال 2 كيلومتر)
كيف بقيتي؟!
ملاك: (جاتها واحد لبكية بحال شي بيبي صغير عيات تجمعها ولكن شهقاتها فرشتها واخا حاطة يدها على فمها وكتحاول كيتسمع والو)
اورطيغا: …. اودي بعدا نتي حسن من بزاف.. حسن مني انا نييت، (كيهضر عادي) تنعقل نهار اللول للي تدارت بية شكاية هاكا ظلم بحالك داوني فصطافيط بحال شي شمكار بحال موصيين علية دفيع وتخصار الهضرة!!
بقيت غير مشوكي بحال تشديت على خيانة الوطن بحال انا هو الانفصالي لي بعت معرفت شنو! جغمة دلما مبغاوش يعطيوهالي وانا مفاهم حتى ق****
(بقات كترد نفسها كتصنت ليه لاهيها على الغمة للي كانت عندها) عييت نغوت غير نعيط على الدار نعلمهم يجيبو محامي حيت بانلي القضية حامضة حسابلي غير قتلت شي واحد بشي طرف دلحم، واالو واحد فجيول كان مشدود جا تيجبد فية ويحيح وانا بالاعصاب تشاديت معاه اوا شنو نقولك كليتها فعظامي مزيااان ديك الليلة لدرجة جبدتها عليها نعسة حتى جاو صباح فيقوني تقول كمدلي عظامي مزيان
ملاك: (تبسمت كتمسح دموعها)
اورطيغا: اوا هي هاديك وصلتهم لخباار جا الحاج جايب محامي ولكن دوك ولاد **** للي تحماو علية فصباح ملقيتهمش بحال عمرهم كانو تماك، درت شهادة طبية ولكن مزعمتش نشكم بشي بوليسي تماك باش ميقنيوش علية
ملاك: (بصوت مخنوق باح) وللي دعاك؟!
اورطيغا: جا يتسامح حط فيها فلووووس… اوا الفلوس تيشريو طريق فالبحر، ولكن باش نكون شي واحد موݣض بحالك ونخليوهم يتصنتو لبوليسية مقدرتش (تبسمت) هاكا نبغيك متسمحيش فحقك للي خدالك غرام رديه بكيلو
ملاك: (بقات كتصنت ليه)
اورطيغا: مغتربحي والو الا حبستي راسك من غير الا بغيتي تمرضي راسك وتمرضي واليديك وخوتك والناس للي تيبغيوك..
حقك غتحسي بحلاوتو كتر الا جبتيه راسك تجيبيه بيدك نتي للي تظلمتي ماشي شي واحد اخر ونتي للي غتاخدي حقك منهم واحد بواحد اكيد بالقانون
ملاك: (حركت راسها باه وبين عينها أميمة)
..احم كيف بقات خالتي امينة!!
اورطيغا: خالتك أمينة لوكان كانت حالة عينها غتبغي تشوفك واقفة على حقك ماشي بحال شي شماتة سادة على راسك الباب
ملاك: (ظحكها بديك شماتة) ونتا؟!
اورطيغا: (بزفرة) انا مربوووط.. (شاف طبيب داخل هو وشي جوج فرمليات)
انا نشوف راه دخلو عندها (قبل متهضر قطع زاارب تابعهم كيشوفهم من الزاج!!)
بقا تابعهم كملت 12 ساعة باش دخلو عندها فنهار كيقلبو النبض ديالها باش تفيق من الكومة عاودو دارو ليها ضوز من داك دوا…
دخل للجهة فين موالف عندها هو كيدعي من قلبو غيسكت بالخلعة حتى شافها كتهتز زاد تخلع كتر كيشوفهم حاضيين قرب يهرس دوك الزاج ويدخل، كيشوف دوك الشاشات للي تماك وولي كيدݣ إبرة فالسيروم تمنى هو يكون تماك ولا هي حتى شافهم كيشيرو ليدها ويتبسمو بقاو كيقلبو عينها مفهم والو كيدق فالزاج بدرهم تهضر معاه غير الفرملية والو!! حتى شاف الاطباء خرجو مشا كيجري يتعرض ليهم وقفهم فهموه انها بدات كتفيق وغدا من مور 12 ساعة غتزيد تعطي اشارات حيت حركت سبابتها وهادشي إشارة انها فاقت
اورطيغا: (بفرحة) يعني هي تتفيق؟!!!
….: ان شاء الله غدا تحل عينيها
اورطيغا: شكرا شكرا بزاف ادكتور، (معرف ميقول) دوز عندي المحال نعطيك شي لحيمات من داكشي
….: ههه مرحبا..
اورطيغا: (هز التيليفون بلا ميحس صونا على زهرة يهضر مع ملاك حسابلو مزال عندها التيليفون) الووو
زهرة: اولدي!!
اورطيغا: خالتي زهرة…. راه الوالدة حركت صبعها وطبيب قال ان شاء الله غدا تحل عينيها دعي دعي معاها
زهرة: (بقا فيها) الله يشفيها يا رب تبغي اولدي نجيو عندك دابا؟!!
رشيد: شنو كاين؟!
اورطيغا: بلاش اخالتي دابا قالولي خاص حتى دوز 12 ساعة على حساب دوا للي عطاوها
زهرة: الا بغيت شي حاجة عيطلي اولدي
اورطيغا: (عاد طلعت معاه كيهضر بحال شي وليد صغيير) سمحيلي على صداع (شاف الساعة كانت 12 ونص دالليل)
زهرة: متقولش هكاك اولدي فرحتيني الله يخليها ليك ويخليك ليها ويحفظكم يا ربي
اورطيغا: اميين.. خليتلك الراحة
زهرة؛ غدا ان شاء الله نجيو نشوفوها ونفرحو مجموعين.. (قطع معاها ورشيد كيتسناها تجاوب)
مسيكين قطعلي قلبي أمينة بدات تفيق من الكومة
رشيد: مسكينة
زهرة: سمعتيه كيفاش كيهضر؟! (بزفرة) معندو حد يشارك معاه فرحتو
رشيد: (ندم على تعاملو الجاف معاه)
غدا ان شاء الله ونمشيو عندهم..
ملاك: (مقدرتش تنعس بقات غير كتفكر فكلامو اه هي مخاصهاش تبقى جالسة، ومريم للي واحلة فروحها كتجري على حسابها ومن جهة أخرى مفهمتش واش هوما باقيين بجوج هي وياه ولا حيت عزيزة عندو تعامل معاها هاكا كيقوي فيها!!
شعلت الطابليط كتقلب على شي حاجة تفرج فيها تلهي راسها بيها..)
~~~~~~~~~~~~
حمزة: (قلب فالتيليفون على العائلة كاملة حتى واحد معندو معرفش واش كيتسترو عليها ولا بالصح ممشاتش عند شي واحد.. خرج من بيتو مشا يطل على مو واش نعست سمع بكاها فلبيت اه كانت كداابز مع باه وكان صعييب ولكن باينة كانت كتبغيه ومسخاتش بيه تفكرو كان مريض قبل ميموت كيحس بتأنيب الضمير واخا الوعي ديالو كيعيا يبرأو ولكن واالو.. دخل عندها كيحاول يخفف عليها لوكان ماشي قضيتوو مزال خدامة كان غير يسافر بيها شوية..)
شنو بانلك نكملو هاد الحريرة ونمشيو انا وياك عمرة
نجية: (كتمسح دموعها) عمرة؟!
حمزة: ياك شحال ونتي باغية تمشي مع الواليد الله يرحمو نمشيو انا وياك
نجية: (بقات كتشوف فيه) زعما!! وشنو دير مع أميمة
حمزة: الا مقتلهاش غير غنطلقها ههه ولكن حتى تشبع عدس مزيان
نجية: دخل الحبس؟!
حمزة: الا مقتلتهاش!!
نجية: الله ينجيك اولدي ولمن تخليني يانا
حمزة: حيت متفكريش تقولي لواه بنت عمك لواه عمك انا هاد الحزاق كامل مشغليش فيه هي غضرب الحبس غضربو
نجية: وخدمتك؟!
حمزة: (مسخاش بيها ولكن حس انه تماك مبقات عندو قيمة) غنشد خدمة الواليد
نجية: الله يديرلك للي فيها الخير اولدي
حمزة: ياله نعسي باش غدا بكري نمشيو للمقبرة
نجية: (بتنهيدة) الله يبيتك فراحة الله اولدي
حمزة: انا وياك الوالدة…
اصبحنا واصبح الملك لله..
ملاك: (ناضت لبست حوايجها ولكن مزعمتش تخرج من بيتها حتى سمعت راجل مريم باغي يديها لأزرو خرجت من لبيت ) سلام
عبد العظيم: ملاك لباس عليك (هضرتو واخا كتكون عادية معروف عليه الصرامة)
ملاك: (وحيت محسوسة غتقرص من كولشي) الحمدلله اخويا!! مريم صافي اختي غير سيري مع راجلك
مريم: (مبغاتهاش تقلق) حيت خالتي فاطمة مريضة
ملاك: مسكينة الله يشافيها
عبد العظيم: ياله معانا تبدلي الجو
ملاك: معليش غير سيرو مرة أخرى!! (داز من حداها جدها كيݣمݣم فسرو ويخنزر فيها) خاص نمشي نكمل مع المحامية ونجيب تيليفوني
مريم: انا نهضر معاها باش تلقايها كتسناك وباشما ردي علية (مشات باسها كتهضر معاها بشوية) شوفي بالصح راه مو مرييضة ماشي بغيت نخليك ولا هو بزز علية
ملاك: لا متقلقش غير سيري اختي راك درتي معايا كتر من جهدك
مريم: واش حنا بيناتنا هاكا!!! شي يامات ورجع وصوني على مراد سوليه على ماماه راه لبارح مسكينة حركت صبعها
ملاك: (داكشي باش قطع معاها وهي حسابها كيتهرب منها!! حركت راسها باه، مشات عند بيت مها لقاتها لبست حوايجها) خارجة؟!
زهرة: نكمل معاك شغلك ونمشيو عند خالتك أمينة
ملاك: تمشي معايا؟!!
زهرة: باك للي قالي حتى نكملو معاها (ملاك عاد رتاحت جاياها صفرو كاملة عارفها شنو وقع معاها خرجت هي ومها كانت شوية وتحشا فيها كتقلب شكون كيشوف فيها ساعة الحومة كتصفر مشاو حدا القهوة فين كاينة الطموبيل وقفو جا باها درع ملاك بيدو كما موالف كيدير ليها هي وتزعزعت)
رشيد: شنو غنسبقو دابا
ملاك: (كتشوف فالناس هاد الحركة للي دار باها عجباتها وبحال كتقولهم بابا راه تايق فية)
زهرة: نمشيو عند المحامية عاد لصبيطار
رشيد: المحامية حتى 3 ونص عاد تسالي من الجلسات للي عندها نسبقو فاس نخليكم تماك ونيت نجيب انا شي سلعة…
ملاك: (ركبت اللور وباها ومها القدام زادو من طريق الحي وهي كتشوف.. دازو قريب من خدمتها بقا فيها الحال بزاف حيت وقفوها هي اجراءات قانونية غترجع غترجع ولكن علاش هي مظلومة وتزيد توقف حست بحال الخدمة منصفنطتهاش وهي كانت كتخدم معاهم بالنية!!!
تفكرت الدار للي عليها طريطا شنو غدير!! باقي قدامها 20 يوم باش تخلص 1200 درهم والمشكل مكملاش ممفينياش باش حتى تكريها لا زليج فالارض لا صباغة لا ݣبض!! ردت راسها اللور متنهدة كولشي تجمع عليها وباش تخلص لاصيرونص الطموبيل وشحال من حاجة هي معارفاش دوك الإجراءات شحال غيتعطلو فلوسها غيتجمعو رابيل ولكن دابا باش غتصرف؟! باقي عندها شي حاجة فلكونت ولكن بحال ديما كتفضل تخسرها فشي حاجة للي مهمة ماشي فالحاجات اليومية!! وصلو لصبيطار نزلو من الطموبيل)
رشيد: طلعي مع مك ولا تمشي معايا نتقدا؟!!! (زعما حيت تفارقو هي واورطيغا)
ملاك: احم… معليش نطلع نشوف خالتي أمينة
زهرة: حسن ابنتي تشوفيها (مشا باها وهوما طالعين بشوية فدروج شادة مها فذراعها) قالك مراد شي حاجة قلقاتك؟!
ملاك: لبارح؟؟.. لا
زهرة: اوا وشنو درتو؟!
ملاك: دابا مكاين والو، هو ملهي مع مو وانا مع حريرتي
زهرة: باش تكوني عارفة ابنتي هو راه داك نهار المشؤوم راه كان فالحومة (قلبها ضرب) كان حتى هو معصب بزااف ولكن منين باقي كيجي للمحكمة ويصوني عليك ودار المحامي عرفيه راه داير جهدو للي فهاد الوقت هو خاصو للي يوقف معاه ومنين باقي كيقلب يهضر معاك غيكون مزال باغيك
ملاك: فين كان داك نهار واش حدا الدار؟!
زهرة: (وصلو وهوما يسكتو منين شافوه واقف فسرجم عاطي بظهر أغلبية غيكون كيكمي شافت فبنتها وقفت) وااا زيدي!! (تمو ماشيين حتى كتبان غيثة جالسة فكرسي ساهية)
ملاك: (فنفسها هادي شافتني خويت وهي تعمر الساحة!!!!)
غيثة: (وقفت وتبسمت حتى خرجت خالتو من الشومبر كانو متكيين كيتسناو طبيب ضار اورطيغا كيشوف شكون جا حتى لقاها هي للي كان كيفكر فيها!!
بقاو كيتسالمو لاح داك الݣارو وهو كيتمعن الشوفة فيها 6 ايام بدلاتها!!
هي مشافتش فيه مقدرتش، ولكن عارفاه كيشوف فيها تم طبيب خارج مشا عندو اورطيغا زربان ولكن من ملامح طبيب باين..)
خديجة: (حست بلعيا بزاف مقدرتش تنوض تمشي لصبيطار مقدرتش حتى تنوض من فراشها تقاد فطور، يوسف صباح بكري خرج مشا يشوف مو كيف بقات وهي كتسناه يجي يقولها على الياقوت للي راها ساكنة تماك اه خافت يبعدوه عليها ولكن كرامتها هي اللولة مغتدخلش لديك الدار ولوخرا تماك وتقدر تهان دابا كتفكر فنفسيتها كتر ومقاداش شي حاجة تأثر على البيبي ديالها..
صونات على مراد تسولو على أمينة مجاوبش صونات عليها وفاء)
اهلييين
وفاء: فيينك مجيتيش؟!
خديجة: صبحت اختي عيانة شوية نتي مشيتي؟!
وفاء: ياله وصلنا انا وعمر عيطلو مراد قالو خالتي أمينة راها كتفيق
خديجة: بالصح!! الحمد لله يا سيدي ربي
وفاء: خاصك شي حاجة نجيبهالك؟!
خديجة: لا لا نتسنى يوسف يجي ويجيبني باشما ردي علية شنو كاين
وفاء: واخا (قطعت وشافت فعمر للي كاعي) وصافي اعمر راه ميمكنش نزيدو نبقاو فهاد الموضوع كتر من هاكا
عمر: علاش؟!
وفاء: راه ميمكنش اولا حنا معارفينش امتى يخرجو الوراق باش لحق عليك وانا ميمكنش نحمل ونبقى عايشة بوحدي ونولد بوحدي ونتا غتبقى مقسوم بين تماك و هنا، راه ميمكنش!!!!
منين نتجمعو انا وياك ويكون خير…
~~~~~~~~~~~~`
اورطيغا: (مخلاوهش يدخل يشوفها حتى يكملو الإجراءات ويحايدو قوة سلوكة للي دايرين بيها بقا كيشوفها غير من الزاج برا جات وقفت حداه من بارفانها عرفها ضار شافها)
شفتي كيف ولات!!؟
ملاك: (بقاو فيها) غتبرا وترجع كما كانت
اورطيغا: (بزفرة رجع شاف فمو) الحمدلله متهرستش من وسطها
ملاك: معرفتيش شكون؟!
اورطيغا: (حرك راسو بلا) حتى تحل عينها عاد نقدر نقلب ونسول ونفهم كولشي
ملاك: كتشك فولد الحاج!!
اورطيغا: (بجوجهم واحد مكيشوف فلاخر كيشوفو غير فأمينة) معرفت!!!
ملاك: (شافت فيه) خاصك متهورش قلب ولكن بالعقل وبدا من اللول شكون عارفو نتا باغيها تموت وشكون باغيها تآذا وعاد الا كنت نتا المقصود شكون للي باغي يهرسك فمك شكون هادا للي ميكرهك لهاد الدرجة وباغي ينتاقم منك بمك!!!! (غير كيشوف فيها)
سمعت كانت فلخلا شكون اصلا داها تماك من هنا بدا ماما قالتلي داك نهار قطعت معاها بشي نص ساعة وخالتي أمينة كانت مشغولة بزاف ونهضرتش على لخروج راك عارفهم كيتعاودو، وقالت ليها مغتخرجش حتى تجيها نتا (جاتها الدوخة والترويعة اكترية مكتاكلش وزادت تفكرت ان أمينة كانت مشغولة كتوجد الخطبة ديالها ساعة حتى وحدة فيهم مكملتش ليها فرحتها.. دارت يدها على فمها مغمضة عينها كيبان ليها غير ضبابة شدها من كتافها)
اورطيغا: مالكي؟!!!
زهرة: (كانت حاضيااهم من لبعيد كان بحال كيقيس حنكها واش فيها سخانة وشادها من ذراعه… اخر حاجة تبغيها هي شي واحد يقول لبنتها شي حاجة متبغيهاش ولا ضرها فخاطرها ولكن تايقة فمراد ومبغاتش تعيطلها ربما يحلو مشكل ديالهم، جات عندها نعيمة)
نعيمة: حتى الخطوبة مكتابتش ليها مسكينة تحضر ليها
زهرة: كولشي بمكتاب وتيسير الله اختي
نعيمة: بقات فية ختي بزاااف حتى بغات تفرح بوليدها ووقع ليها هاكا
زهرة: المكتااب
نعيمة: الحمدلله لقاتكم معاها مسيكينة بنتك واحلة فروحها واخا هكاك مخلاتش مراد وحدو تجيبلو الماكلة وحتى نتوما كتجبو تزوروها
زهرة: راه أمينة وحدة منا الله ينوضها على خير
نعيمة: امييين (جات وفاء سلمت عليهم كانت جايبة لغدا ليهم) فين عمر؟!
وفاء: (تناقشو وبقا لتحت) كيهضر فالتيليفون، خالتي زهرة (عنقتها) توحشتكم
زهرة: حتى حنا ابنتي لباس عليك كيف دوزتي سفرتك؟!
وفاء: غزااالة مكرهتكمش وكان كنتو معايا
نعيمة: كان ناقص غير وجهكم
زهرة: نحضرو جميع ان شاء الله فشي سبووع
وفاء: ان شاء الله، فين ملاك جات؟!
زهرة: اه، لداخل كتشوف خالتك أمينة
وفاء: مع اورطيغا ؟! زعما مراد؟!
زهرة: اه.. (بقاو مجمعين وغيثة غير جالسة فالكرسي كتشوف كفاش ادم طلب منها دير لأمينة الشوكة ديال لادروك واش بغاها تكون قتالة عاد يرتاح رجعت غير هاربة لصبيطار واخا عيانة محتاجة غير تنعس شي نهار على خاطرها رجع صونا عليها مجاوبتش!! قطعت عليه بقات غير كتخمم حتى صونات مها مجاوبتش رجعت صونات جاوبت)
الغالية: (غتحمااق من داكشي للي شافت)
شنو هادشي اغيثة!!
غيثة: (بخوف وقفت بعدت كتهضر بشوية) ماما!!
الغالية: الغمة يا بنت لحرام من اليوم متنعرفك متتعرفيني
غيثة: علاش شنو درت؟؟
الغالية: شنو هاد الڤيديو للي جاني واش هادي اخر تربيتنا ليييك يا الموووسخة لحماارة!!!!!
غيثة: واش ادم للي صيفطووليك راه هو اماما للي صورني وكيهددني بيهم ندير حوايج قبيحة !!!
الغالية: (قطعت عليها بقات غير كتبكي الڤيديو فيه بنتها فوضعية خايبة بزاف ناعسة مع شي واحد وكتنطق باسم زهير تصدمت فيها بزاف مقالتش غتوصل لهاد الدرجة ݣاع!!!
عيات تصوني غيثة عليها والو بقات فبيتها مقدرتش تخرج حتى لصداع للي كاين برا)
اب يوسف: (دخلو لبيت غيثة كيهضرو ويهدنو) ولدي غير بلعقل تتحل الأمور
يوسف: (صااعر) دابا انا بغيت نفهم المشكل انا مولاه الواليدة علاش مدخلة راسها بالسيف عيييت معاها بعدي بعدي واالو تجيبها للدار تسكنها مالها مرتي؟!
اب يوسف: لا حول ولا قوه الا بالله العلي العظيم انا قالتلي جات غير ضيفة شي يامات
يوسف: انا عاد فهمت علاش خديجة صبحت مريضة حيت عرفت الموسخة كاينة عنا
اب يوسف: شوف اولدي كمل الإجراءات ديالك
يوسف: (خرج عينو) حتى نتا تتقولي نتزوجها!!!
اب يوسف: تنهضر على ولدك للي خاص دير ليه الحالة المدنية ديالو
يوسف: راها تتصاوب انا ماشي سمحت فيه ولكن متجيبهاش تسكن هنا!!!
اب يوسف: الغالية تتغلط بزاف وهاديك مغتبقاش هنا
يوسف: بزااف ومعايا بزاف تتغلط (وقف راسو ضاارو) انا نمشي
اب يوسف: متخليش لخصام اولدي يدخل بينك وبين مك
يوسف: هي الا دارت عقلها اما هاكا غير تتخسرنا وصافي (حل باب بيتو لقاها خارجة جارة الباليزة وشادة ولدها كتبكي)
الياقوت الا كنتي مقادراش تربي الولد عطيهلي
الياقوت: كفاش نسمح فولدي ونعطيه لشلحة تربيه!!!
يوسف: متخلينيش نمد يدي عليك الهضرة بيني وبينك مدخليش خديجة فالهضرة مزال تنهضر على سليمان مقدرتيش عليه عطيهلي ولكن نتي باش تكوني فحياتي راه واخا تنطابق سما مع الارض
الياقوت: واخا تنطابق سما مع الارض منخليش ولدي عندكم داكشي لي بقالي نحطو فالخيرية ومنخليهش ليكم
يوسف: ديري بحسابك اي غلط فحق الولد غناخدو ليك بالقانون انا عارفك فين ساكنة وغنجي نشوف ولدي وناخدو ونصرف عليه
الياقوت: الولد مغتاخدو وتشوفو حتى تكون ماماه معاه ونتا عارف شنو خاصك دير!!! زائد والله منخليكش تشوفو وغنكبرو حااقد عليك وشرطي الوحيد هو نتزوجو الا بغيتي تشوفو..
اورطيغا: مالكي!!! (قاس جبهتها)
ملاك: غير دخت يمكن
اورطيغا: (كيشوف فيها لدابا عينيها مجاتش فعينو مباشرة) علاش تتعذبي راسك؟! وتتعذبيني معاك!!!!
ملاك: (تجمعو شنايفها كتمهد تبكي ولكن كتقمع راسها متبكيش قداامو)
اورطيغا: ياله خممي معايا شكون باغي ي.. (غيثة جاية عندهم كتبكي بعدت ملاك كترد أنفاسها) مالكي نتي عاود!!!
ملاك: (فبالها كفاش نتي عاود!! واش رجعو بجوج؟!)
غيثة: تيهددني غيخرج على حياااتي (بكات وترمات على صدروو حاشية وجهها فيه) غنمووت ولا نقتل راسي بغا يخليني نقتل كولشي غير باش منتفرشش
ملاك: (غير كتشوف اما هو بعدها شوية وعينو على ملاك فين كتشوف)
غيثة: (كتشهق) صيفط ميساج لماما فيه ڤيديو فضحتي فيه ومعول يصيفطو حتى لبابا ويوسف
اورطيغا: غيثة واش انا فهادشي دابا!!!
غيثة: (شافت فيه بيأس محسابلهاش غيتخلى عليها!!! حنات راسها وخرجت من تماك حست بالخذلان منو)
ملاك: لوكان غير خليتها تكمل
اورطيغا: عندي مشاكل كبر من هادشي ديالها املاك، شنو درتي نتي بعدا مع المحامين ؟!!
ملاك: حتى ل3 دلعشية عاد غنمشيو انا وبابا وماما لعندها (أكدت على واليديها)
اورطيغا: انا يدي مربوطين هنا (بمعنى معندي فين نمشي معاك، شافهم كيخرجووها تبعها بلا ميحس وهي تابعااه..)
~~~~~~~~~~~~~
غيثة: (رجع صونا عليها جاوبت كان كيتسناها لتحت زاد شعلها) انا جاية (دازت من حدا واحد كيفرق الماكلة قربت للكريسة للي فيها الاطباق والماكلة دالمرضى هزت فرشيطة وخرجت مكتشووفش،
قالها فين كاين خرجت من صبيطار للي فيه الرواج ها صحاب التاكسيات طوابل الماكلة سندويتشات وسقاطة وكولها شنو كيبيع.. بقات متمشية حتى بعدا على الناس مبقاتش خاايفة وهي ماشي لعندو دخلت الفرشية فكم تريكوها شافت طموبيلتو نيشان ركبت بلا كتشوف فيه زاد مكسيري بيها شوية للقدام)
ادم: هنا بعيد على الناس!!!
زهرة: (كتسول ملاك للي تابعة اورطيغا) فين دايينها ابنتي؟!
ملاك: (بلا متشعر كانت تابعاه عاد وقفت حدا مها مخلياه ماشي بوحدو مقادراش تسمع شي هضرة واخا مها اصلا معندهاش نية تحاسبها علاش كنتو بجوج وشنو قلتو)
غيهبطوها لشي شومبر على مترتاح شي يوماين باش غتمشي تكمل فشي مصحة
نعيمة: واه داكشي للي سمعت حتى يانا
زهرة: توحشت نشوفها حالة عويناتها الله يشفيها يا ربي وتفرح داك ليتيم حتى هو شحال تكرفس معاها
نعيمة: اميييين…
ملاك: (جات عندها وفاء تعانقو هبطو حتى هوما كيتسناو يدخلو عندها ولكن بقاو مطرفين بعاد على لوخرين)
وفاء: مالكي ضعافيتي؟!!
ملاك: غير معرفتش هه… (دورتها فراسها) واش بالصح ضعافيت؟!
وفاء: اااه واش مريضة؟!
ملاك: (محتاجة تهضر) وقعلي مشكل خايب بزاف
وفاء: مع اورطيغا ؟!
ملاك: قولي، حتى هو داخل فهادشي اجي نبعدو كتر على ماما (بعدو مشاو حدا السرجم عاودت ليها بالتفاصيل وهاد المرة مبكاتش)
وفاء: بنات ***** واش بغات منك ديك لهبيلة؟!
ملاك: الشوهة ووصلو ليها
وفاء: (تصدمت بقات غير كتشوف) وشنو قالك اورطيغا؟
ملاك: شهد معايا حيت قلت ليك شنو صيفطو ليه وكيحاول يواسيني
وفاء: غير هادشي غيبين ليك شحال كيبغيك أملاك واخا نتي مظلومة ولكن الواحد فاش كيتعامل هاكا راه باين كيبغيك (جات تهضر ملاك) سمعيني حنا فمجتمع ذكووري اي واحد بلاصتو سوا كنتي دايراها بالصح ولا مظلومة مغيعاودش يدور لجيهتك نتي عارفة هاد ذكوورة كفاش كيفكرو ولكن نتي راك طحتي فراااجل وكما قلتي هو مشكلتو غير علاش دخلتي عند واحد كيكرهو واش فهمتي!!
ملاك: نتي غيجي عندك واحد غيقولك اجي عتقي معايا واحد الراجل للي منين كبرتي ونتي حالة عينك عليه يعني بحال واحد من عمامي ديما مجموعين وفأي مناسبة غتدخلي تعاوني ولا تفكري تمشي تجيبي للي يعاون؟!
وفاء: غندخل نعاون ولكن املاك للي غنكون معاه متأكدة مغيوليش يدور لجيهتي وراك شفتي الكلبة المرة اللولة شنو دارت؟!…
اورطيغا كيبغيك ماشي كنقولك صافي راه هو البطل ونمجد ليك فيه حيت الا وقعلو بحالك غتكوني فصفو حتى نتي بجوجكم واحد مكيتخير على لاخر غير عطيه شوية دالوقت ومتنسايش المصيبة للي كان فيها ونتي عارفاه مع مو كفاش داير!!
عم ملاك: شنو أبّا غتبقاو ساكتين فاللول جاب وحدة لا دين لا ملة وعصا كلامك وهرب معاها وسامحتيه ودابا؟!
الجد: دابا عاد بانت مرت خوك لا دين لا ملة!!
العم: كنهضر على مشحال هادي اما منين سلمت مبقى عندي معاها حتى مشكل راك شفتي كانت الري وشوار فالدار وسبقناها على عيالاتنا ولكن دابا مع هاد لفضيحة؟! راه مبقيتش ݣاد نخدم فراحتي فديك القهوة!!
الجد: وخوك شنو كيݣول؟
العم: غير بنتي بنتي بنتي بحال مواقع والو وعاد كيجري معاها فالمحاكم ويخرجها قدام الناس
الجد: البنت مظلومة بالصح ولا علاش البوليس كيقلب على ديك الشايطة؟؟
العم: مظلومة ممظلوماش راه الناس الا مهضروش كياكونا بعينيهم وغير نعطيو بظهر كتبدا الهضرة
الجد: انا معندي منقول مع خوك!!
العم: انا كنطلب غير تبقى جالسة فالدار متخرجش حتى ينساو الناس واخا هادشي عمرو يتنسى!!
الجد: دابا نهضر معاه
العم: انا مبغيتوش يقتلها ولا شي حاجة ولكن متعاودش تخرج!! ولا تمشي تجلس مع شي وحدة فخوتاتها… وفين هاد الراجل للي جاي يخطب حتى هو هرب؟!
الجد: هاديك صافي بقاات تماك شكون يرضى على راسو يجيب التهمة لدارو.. لا حول ولا قوه الا بالله العلي العظيم.. الله يكون مع خوووك للي والد غير لبنات هادي حالتو!!!
~~~~~~~~~~~~~~
خديجة: (دخل يوسف للدار ضارو راسو نيشان مشا شرب كالمو عاد داز دخل عند خديجة كانت متكية فبيتها)
يوسف: حبيبة منضتيش؟!
خديجة: قلت نبقى مرتاحة حتى تجي نتا ونمشيو لصبيطار راه حتى ماما وملاك تماك
يوسف: امدرا شنو دارت نسيت مصونيتش على اورطيغا
خديجة: قالو مزال ناعسة ولكن راه حلات عينيها وفاقت يعني مبقاتش كومة
يوسف: الحمدلله، ونتي كيف بقيتي؟!
خديجة: الحمدلله (فيها الفضووووول شنو وقع) كتبان معصب!!
يوسف: (عاود ليها كولشي ومخبع والو) من تماك مهبطتش الوالدة وانا خرجت..
خديجة: لا حول ولا قوه الا بالله العلي العظيم
يوسف: كنتي عارفة اخديجة هاديك الكلبة تماك؟
خديجة: معارفاش ومبغيتش نعرف وماشي شغلي انا للي كيهمني هو داري وانا وياك وولدنا ولا بنتنا لي جايين فطريق اما داك تخربيق خويت راسي منو…
أمينة: (كانت حدا لبحر كتغدا هي وبنت بنت خالة مها قدها فالعمر ردت شعرها من مور ودنيها) ندمت ندمت ندمت علاش مجيتش هنا من شحال هادي
…: عييت معاك ونتي كنتي لاسقة فداك شماتة
أميمة: كانو عيني مسدودين كنت كنشوفو غير هو الله ياخد فيه الحق باينة مو كانت تسحرلي باش نبقى لاسقة فولدها
…: اوا دابا شنو غديري
أميمة: غنكمل مع طبيب النفسي الحصة اللولة بقيت كنبكي حتى درت راسي سخفت ههه
…: يا ختي كيف كديري للتمثيل
أميمة: هاكا خاص تكوني باش تعيشي مع هاد ذيابة هانتي ولد الكلبة قاتل ولدي ولقيتو مع وحدة وداعيني ههه فهم تسطى
….: ياك نتي للي لعبتي عليهم!!
أميمة: لعبت عليهم باش نوري للناس حيت مبغاوش يتشدولي ولكن قلبو علية كولشي ولاد ***** مووهيم تشوهووو
….: عبرتي على جد امهم مهم نتي ورقة طبيب هي للي غتنفعك (سلمت عليها باليد) وغتولي هبيلة رسميا وبوراقك وللي هضر معاك بوقلي بوووه..
أميمة: هههه الدنيا زوينة هنا هادشي علاش مبقيتيش ݣاع كتجي لبلاد؟!
….: اش ندير بشي بلاد ولا خ** هنا عايشة حياتي طول وعرض
أميمة: غير متقولي لحتى واحد انا هنا
…: نتي حمقة!! الجن لكحل ميعرفش ولكن خليك ماشية جنب الحيط وبعدي من البوليس على متقضي غراضك شدي ورقتك ديال طلاق وديال مرضك (غمزتها) والخدمة ساهل حالها هنا
أميمة: داكشي نيت فاللول قلت نمشي الخليج ساعة فكرت مزيان معندي مندير تماك وانا لا ديبلوم لا والو غادي غير نتكرفس تماك ويطمعو فية ز**** اللهم هنا نضبر على راسي…
~~~~~~~~~~~~~~
الغالية: (رجع جاها فيديو اخر كفس من اللول وباينة غير بنتها كتمسهم فبلاصة)
الله يا سيدي ربي اش هاد الفضيحة المرة اللولة زهير ودابا مراد معامن هاد الكلبة ماشية !!!!
(كتبكي وضرب فراسها)
بداتها بلادروݣ وكملتها بالفساد !!!
الله يا سيدي ربي مكنت حارماها من والو الحاجة المخيرة وزوينة ليها!!!
اورطيغا: (دخل حداها وامينة كانت ناعسة كيشوف فوجهها واحد العين كولها زرقة ومنفوخة كانو خايفين متعاودش تشوف بيها حيت جات على حجرة مشوكة نيفها حتى هو مجروح بزاف ضرابي فحنوكها على الفاصمة على وجهها بقات فيه بزاف على الهرس فكتفها وواكلاها فظهرها ورجليها واخا هكاك حمد الله غير متكونش ماتت، اما كولشي يبرا ويرجع بحال اللول يعالجها فينما غير تبقى معاه جلس فكرسي حتى تدق لباب ناض بالزربة حل كانت خالتو بغات تدخل)
راه مزال ناعسة غير تفيق غنجي نعلمك
(لاح عينو فملاك للي كتشوف فيه)
نعيمة: ياك هي بيخير اولدي؟!
اورطيغا: الحمدلله راك سمعتي طبيبة (شاف فملاك عطاتها مها التيليفون كتهضر وبعدت)
انا ندخل حداها باش تفيق تلقاني ونجي نعيط ليك.. (دخل معصب علاش منعرف كيحاول يركز غير مع مو ڤيبرا تيليفونو كان شريف هضر بشوية)
وي شريف!!!..
راها مزال ناعسة!!..
خرج ؟! ..مزيااان لا مبقاتش تماك هبطنا للجهة الأخرى..
صافي واخ.. (قطع وهو يتحل لباب دخلت ملاك شاف فيها)
سدي معاك لباب باش ميدخلش شي واحد
ملاك: (سدت لباب وجات مقربة كتشوفها) كتفيق!!
اورطيغا : (شاف فيها لقاها كتحاول تحل عينها بصعووبة اما للي مضروبة هاديك غير رموش للي دايرين بيها كيرجفو، باينة كدير مجهود باش تحلهم، شد يدها للي دايزة فيها السيروم)
الواااالدة!!!
أمينة: اممم….
اورطيغا: (بغا يبكي) الوالدة حلي عينيييك (جات حداه ملاك حطت يدها على كتافو كنوع من المواساة)
اميمة: (كتبغي تحل ويتسدو عينيها وكتحاول مرة وجوج..) مـ……..رااااد!!!
اورطيغا: (مقربلها) نوضي ازعرة راك طولتي ونتي ناااعسة نوضي خلاص راه توحشت نشوفك حالة عويناتك
ملاك: (تبسمت) الحمدلله على سلامتك اخالتي
أمينة: (بصعووبة كبيرة) طاااا طاااتي
اورطيغا: (تبسم درع ملاك بيد) نوضي ونقولك حتى لالة ماما..
ملاك: (حطت يدها على تحت ظهرو) انا نعيط الفرملية
اورطيغا: اه عفاك سيري عيطيلها..
كولشي فرح منين فاقت أمينة الحاج حتى هو جاي بصعووبة غير يشوفها فاقت ومراد مخلاش جماعة عليها عارف انها عزيزة على هادو للي هنا ولكن يشوفها واحد واحد باش متعيااش وعاد هي فوضعية حساسة وميبغيهاش تزيد تمرض وللي فيه رواح مكيخليهش يدخل..
خرج على برا مخليها مع الحاج شاف فرشيد للي جا كانو فالدورة وهو من الجهة الأخرى مشايفينوش
رشيد: عيطات المحامية قالت راه القضية ديالك ماشية مزيان
زهرة: مزيان امتى حنا نمشيو؟!
رشيد: غير نكمل شي شغل خليت السلعة كتوجد وجيت عندكم, (شاف فبنتو غير حزينة وساهية)
شنو نديرو ملاك كل مرة مدخلانا المحكمة جاب الله هاد المرة ماشي انا للي دعاتني
ملاك: (تبسمت عارفاه باغي يظحكها واخا واحد العقل كيقولها راه غير كيحشي فيك الهضرة)
دعيتك فاللول ومقضينا غراض
رشيد: ياك ابنتي ومالها سميت مليكة باش دعيني عليها
ملاك: علاش شنو دارو ليكم سميات جداد فاش قصرو معاكم
رشيد: مكاينش حسن من لقديم ابنتي ديما كيبقى أصيل وعندو معنى مليكة وراك مليكة نيت
ملاك: هههه غير نكمل هاد لحريرة ونعاود ندعييك وراك وراك حتى نبدل هاد سمية
زهرة: انا للي سميتك على حساب ختك الله يرحمها
ملاك: يعني غندعيكم بجووج… (قلبوها ظحك ومراد كيتصنت مزال عندو ان رشيد جزء فهاد المصيبة للي وقعات لبنتو، شاف يوسف وخديجة جايين هو كحز حيت هضرو معاه غيبان كيتصنت على لوخرين وبعدا عرف ملاك راه ديجا دعات باها، وقف حدا باب شومبر ديال مو وهوما تسالمو بيناتهم على ميجيو عندو)
~~~~~~~~~
غيثة: (كان بدا كيبوس عنقها وهي مستسلمة بملامح باردة رجع اللور وشاف فيها وشافت فيه كتحاااول متبينش هادد الوجه وهاد الكره والمقت للي كتحس بيه اتجاهو)
ادم: الڤيزا موجداش ليك لفرنسا، نقطع ليك لتركيا ونشوفو شي حل!!
غيثة: واخا.. (جبد الشوكة لي عطاها داك نهار ومداراهاش من بعد محايد ليها التيليفون للي عاطيه ليها وكان كيتواصل معاها وشد تيليفون ديالها باش متسجلوش وقلبها مزيان باش ياخد احتياطو)
مزال خاصك تكملي هاد المهمة ديالك احبيبة!! باش نرتاحو ياك عاودتي ليها كولشي
غيثة: اه عاودت كولشي
ادم: اممم مصلحة الغلط ياك احبيبة!!!
غيثة: وشكون هاد المرة للي بقالك!!!
ادم: اممم بديت بصاحبتو ودابا بغيتك غير تكملي خدمتك هادشي غيدوز فالسيروم ديال هاديك
غيثة: (منتابهمش لقضية بديت بصاحبتو) والا ماتت؟!
ادم: انا من اللول غراضي متموتش ولكن غيخليها تشلل واحد المدة
غيثة: وفاش غتنتاقم منو عاود!!
ادم: ضربتو فمو وفال**** ديالو بانلي هادشي كافي متنبغيش نكون شرير
غيثة: ملاك!!
ادم: مهم باش نكونو مزيانين وميوصل والو لخوتك ولباباك غديري هادشي؟!!!!
غيثة: ولكن علاش صيفطتي لماما؟!
ادم: باش تعرفي غير انا للي عندك غتكون صافي لاحتك من حياتها
غيثة: (حركت راسها باه باي حنكها)
ادم: براڤو عليك مزيان تعرفي مصلاحتك فين كاينة!!!..
يوسف: ملاك صاڤا!!
ملاك: (مبقاتش كتقدر تشوف فعينين الناس بزاف، كتهضر ودور عينها وتتكمش يدها كتزير على صباع يدها)
الحمد لله ونتا كيف بقيت!!
يوسف: صاڤا الحمدلله (مبغاش يجبد الموضوع معاها وباها وااقف ولكن حالتها معجباتوش بحال طفات مبقاتش ملاك اللي كيعرف خصوصا كيهضرو يجمعو وهي غير ساااهية كتخمم مبغاش يعيط ليها تبعد حيت عارف باها وبغا يخلي داك الاحترام)
خديجة مشفتيش غيثة
خديجة: لا كانت قبيلة هنا
ملاك: (تفكرتها منين خرجت كتبكي من بعد مقمعها اورطيغا)
`~~~~~~~~~~~~~
اورطيغا: (رجع دخل مع مو حيت منعو كولشي يدخل دقة وحدة وحيت هي معندهاش الطاقة تهضر مع كولشي شافت فيه تبسمت) باش كتحسي
أمينة: (بصعوبة كتهضر) بحال كليت قتلة دالكلاب
اورطيغا: ههه (حمد الله حيت مزال حية) شنو وقع الوالدة تماك راني غنحماق!!!
أمينة: (هضرتها غير بشوية ومقطعة) فين ملاك؟
اورطيغا: برا نعيط عليها؟! راه حتى خالتي زهرة هنل كولشي باغي يجي عندك ويدخل
أمينة: …زهرة.. (حرك راسو باه خرج مشا عند زهرة عيط ليها تبعاتو كتجري دخلت عندها باش عجباتو دخلت كنظحك وتنشط ماشي كتبكي خرج برا)
زهرة: يا صاحبتي عندك 7 درواح بحال لقطوط
أمينة: (تبسمت بصعوبة) حتى نصيفطك نتي اللولة
زهرة: ههه خلعتينا عليك اصاحبتي
اورطيغا: بزاااف
زهرة: الحمدلله على سلامتها…
~~~~~~~~~~~~
غيثة: (عرا ليها على 🍌 باش دير كوجاك خرجت من كم تريكوها ديك الفرشيطة للي خداات ياله داير يدو على راسها باش يهبطها دير شغلها هزت يدها على جهدها وبقات طعنة تابعة طعنة عيا يبعدها كيغوت وهي مزال كتقاتل كتزيد طعنو تماك ودمايات كطوش مخلياه غيسخف فشل مقدرش حتى يبعدها، شافت فيه وهو ياله قاجها مبعدها ولكن مخانقهاش)
من هاد نهار غنمرضك كما مرضتيني
(هزت الشوكة من جيب قبيتها للي عطاها ديرها وحيت سخفان دغيا زربت عليه دارتها ليه ففخضو داݣاها ليه حتى كملتها)
طال زمان ولا قصااار كنت غنقتلك
ادم: (هو قرب يسخف من الطعنات الي عطاتو فحجرو حتى فشل بحرا كيقدر يحل عينيه)
غيثة: (هزت تيليفونها من عندو وخرجت من تماك هازة معاها الشوكة والفرشيطة مخليله تماك على أمل يموت ويلا يتعوق!!!)
غيثة: (بقات كتشوف فطموبيلتو ولبلاصة فين جابها لخلا رجعت قدام الطموبيل كتشوفو باقي كيتحرك مشات وسنانها كيتحكو بالاعصاب حلب باب ديالو مد يدو ليها رجعت هزت الفرشيطة كتطعنو فكرشو ومبردتش وتغوت هو مرخي مع الإبرة مبنج..
خرجت من حداه الفرشيطة متغرزتش فيه لدااااخل عقلتا حابس كتفكر حاجة وحدة يموت والسلام!!! خرجت برا كتمسح فيد تريكوها للي جراتو بصمات صبااعها من بابو وبابها تمنات غير لتر مازوط تحرقو حي هو وطموبيلتوو ولكن معندهاش!! مشات لروايض بكل قوتها ضربت الفرشيطة مع رويضة قاااسحة وهي تعواااج الفرشيطة وضارت على معصم يدها داخلة فيييها حست بألم خفيييف ولكن ماشي بحال للي فقلبها مسوقتش وقفت مخبعة الفرشيطة فجيبها ودمها ساح ومع سخونة مبغاش يحبس حدها دارت يدها على معصمها مزيرة عليها.. بقات غير واقفة مخاصش تعاود تحل الطموبيل ومكرهتش غير بريكة تشعلها وتلوحها فين كيعمر المازوط… تمت ماشية فطريق عقلها مكيخدمش ولكن حست بالراااااااحة راحة شحال هادي مذاقتها عارفة تنكون توابع خاااايبة ولكن صافي مكيهمش المهم دابا هو ربحاااتو!!!!)
~~~~~~~~~~~~~
اورطيغا: (شاف ملاك هابطة مع دروج بوحدها مكملاش دقيقة تبعها يوسف عرف بغاو يهضرو مشا تبعهم دايز من حدا باها للي كيهضر مع خديجة فشي موضوع باينة مهم حيت باينة متعمقين تبع لوخرين لقاهم فدروج يوسف كيهضر مع ملاك وقف حداهم، ملاك هزت عينها شافت فيه) بغيت نهضر معاك
يوسف: اهاااه انا.. انا نطلع نشوف الا وصلت نوبتي ندخل عند لالة أمينة
اورطيغا: سير.. (بقا كيشوف فملاك للي حنات عينها) شنو درتي؟!
ملاك: (حركت راسها بلا) خاص ديك الكلبة تبان
اورطيغا: علاش دخلتي من اللول؟!
ملاك: (جاتها لبكية والخنقة حتى بدات كتسمع رجفة فتنفسها)
راه قالتلي طاح وكولو دمااياات!!
اورطيغا: اومن بعد نتي طبيبة فرملية حتى حاجة فهادو!! واش نتي بهاد الفوورمة كنتي غتعاوني مثلا راجل داير منك 4 وتهزيه!! ساااهلة دخلي لداركم تعيطي لباباك ولا ابيل 5 الثواني يجي هو
ملاك: مفكرتش!!
اورطيغا: (شافها ماشي طبيعية والا بدا اللومة معرفت كيفاش غتسالي حيت هاد الموضوع بالظبط ممسامحهاش فيه مدخلش هي مدخلش!!!)
واخا نساو هادشي دابا ماشي وقتو، علاش غير فوقما شفتك تلقاك حانية راسك!! ياك لباس؟!
ملاك: (مقدرتش تهضر طرطقت غير كتبكي قرب ليها حاني كيمسح دموعها جرها من كتفها عنقها مزير عليها وحتى هي ممناعتش وجهها فصدرو غير كتبكي الناس طالعة هابطة وهوما ماشي فهاد العالم مقنتييين)
شششششت حتى حاجة متستاهل ديري على حسابها هاكا
(محس غير باس راسها فوق درتها ومزير عليها)
العم: (رغباتو مرتو حتى هي تشوف أمينة جابها من صفرو عالمينهم،، طالعين فدروج فين منعت ليهم رشيد حتى كيشوف هاد المنظر قدامو للي كان باغي يخطبها معنق بنت خوه عيني عينك)
ملاااك!!!!!!!
غيثة: (عيات وكتحس بحريق تحت كرشها كاين لخلا وباين كولشي بعييد عطشت بزااف هزت تيليفونها صونات على مها تجيها ولا تصيفط تاكسي والو مكتجاوبش صونات على خديجة يوسف حتى واحد مكيجاوبها صافي عياات جلست فالارض جامعة رجليها وخاشية وجهها تماك مضرقة من أشعة الشمس واخا بارد الجو، غمضت عينها كتخيل راسها فالحبس حيت يقدر ادم يموت الا معتقش راسو ولكن غتكون تهنات من داك الرعب فين معيشها تفضل الحبس ولا هو يبقى حي.. رجعت خديجة صونات عليها)
خديجة انا قتلتو!!
خديجة: (مكتسمعش مزيان) نعام!! (هاربة من حدا الناس) شنو قلتي؟!!
غيثة: (رجعت كتهضر وتبكي كلامها ممفهومش) قتلتو قتلتو..
خديجة: مكنسمعكش فينك وعلاش كتبكي؟!! (شافت مرت عمها طالعة فدرووج)
سهام: جري جري فكي ختك من عمك
خديجة: غيثة صبري شوية ونصوني عليك (قطعت، هبطت لقات مراد شاد ملاك من ذراعها دايرها من موراه)
اورطيغا: شكون تكون نتا فملك الله للي تغوت عليها هاكا متتشوف حالتها كيف دايرة؟
العم: (مصدوم محسابلوش غيدافع عليها) الهضرة ماشي معاك نتي!!!
اورطيغا: ومعامن هاد الهضرة ݣاع!!!
خديجة: عمي!! ياك لباس؟!
اورطيغا: سمع اشريف كلمة منعاودوهاش وتتعاود غير الصلاة على النبي!!!
هادي راه بنت خوك وماشي انا للي غنجي نوريك هي كفاش دايرة وكفاش مربية باش نتا تجي تضرب كولشي فالزيرو عجبك الحال هانتا معاها وراكم عائلة محترمة ومتحتاجش تسمعها مني انا للي براني معجبكش الحال قيلها عليك حسبها مااتت ولكن داك الهضرة دوالو والغوات والسيدة اصلا فااشلة زيدو فراسك (باغي يرطب ميخسرش الهضرة ويبقى جونتي)
بعدها الله يرحم بيها الواليدين الا مكنتيش غتنفعها مخاصكش ضرها وهادشي ديروه مع داك شماتة للي تيظل تابعها وحفروولها هو ومرتو (شاف فملاك هضر معاها بشوية ولكن عاقد حواجبو)
طلعي..
خديجة: (جرتها وطلعو كتسولها شنو واقع مكتهصرش ملاك باقي وجهها دافي من حضنو يمكن اول مرة تكون تعنيقة حقيقية بيناتهم…)
واصااااااحبتي
ملاك: من بعد اخديجة.. (مشات حدا باها وبقات صاقرة عارفة عمها مغيدوزهالهاش ولكن داكشي للي وقع مع اورطيغا لتحت خلاها مكتفكرش فاللي جاي من غير ساهية فداك الاحساس…)
يوسف: (رجع صونا على غيثة مجاوبتش صونا على مو يشوفها واش راها فالدار مكتجاوبش وقف عليه عم خديجة حبس الاتصالات باش يعطيه صواابو…
كولشي طمئن على أمينة للي اورطيغا وقف ݣارديان بحجة صافي مو عيات خاصها ترتاح دخل عندها بوحدو)
اورطيغا: الوالدة قادرة تهضري؟!
أمينة: (كتهضر بشوية) فين غيثة؟!
اورطيغا: علاش تتسولي عليها؟!
أمينة: واش هي لباس؟!
اورطيغا: حيت كنتو بجوج؟! هي موقع ليها والو!!
أمينة: الحمدلله.. الحمدلله
اورطيغا: (كيشوف فيها) شنو وصلك تماك الوالدة وعلاش تلاقيتيها تماك
أمينة: من بعد اولدي ونهضرو دابا عييت
اورطيغا: (هز يدها حاضنها بيديه بجوج وباس راحة يدها) رتاحي دابا..
أمينة: (تبسمت) الله يرضي عليك… (رجعت غمضت عينها وهو يزعزعها بشوية)
اورطيغا: متنعسيش
أمينة: غير نغمض شوية اولدي (بقا مراقبها بخوف مبقاش كيحمل يشوفها مغمضة عينها حط يدها باش ترتاح انا اليد لوخرا كولها ݣبص من كتفها، تفكر ملاك خرج بشوية لقاها مشات هي وعائلتها)
شريف: مراد انا غندي الحاج باش يرتاح
اورطيغا: (مشا عندو، سيمانة باش وقع لمو هادشي مشافوش ولا طل عليه)
الحاج شوية دابا؟!
الحاج: (شاد فقلبو) الحمدلله اولدي ونتا سير. ترتاح شوية خلي خالتك تبقى معاها
شريف: بالصح اخويا سير ترتاح انا نوصل الحاج ونرجع نتا خاصك الراحة
اورطيغا: (مو نعست الاطباء عليها خالتو معاها) انا نشوفها ونمشي للدار شي جوج سوايع الحاج ديها فصحيحتك دابا وشرب دواك الحمد الله الوالدة راها بيخير
الحاج: الحمدلله اولدي الحمد الله انا غنمشي للكوميساريا هي اللولة نشوف فين وصلو عاد نمشي للدار
اورطيغا: بلا متعيي راسك انا غنمشيلها بلاتي ونرد عليك سير ترتاح نتا..
ملاك: (خرجو لبرا هي وعائلتها كانت غير ساكتة يوسف عزت عليه بزاااف ولكن مصلاحلوش يهضر معاها فحضور باها وعمها شافتو تبسم معاها تبسمت معاه ابتسامة مواصلاش لعينيها ضارت شافت فصبيطار مكرهتش تبقى معاه متنساش كفاش دافع عليها قدام عمها وحتى كفاش بغاها ترجع كيف كانت، واخا هادشي ماشي هي للي دايراه وباغاااه كتسمعهم باغيين يمشيو يتغداو مجموعين ويوسف مصر بزاااف وبنيتو كيرغبهم حتى قبلو على لعراضة)
يوسف: ملوكة تركبي معانا
ملاك: (شافت فباها للي حرك راسو باه) واخا.. (ركبت اللور وسبقو رشيد حيت هو للي عارضهم لشي ريسطو)
يوسف: ملاك صاڤا؟! رتاحيتي شوية؟!
ملاك: الحمدلله ونت!!
يوسف: انا مكنت عارف والو على شنو وقع ليك وحتى دابا حنا كولنا معاك فاشما بغيتيني غتلقايني اي حاجة حتاجيتيها قوليها لي
ملاك: شكرا اخويا
يوسف: (عيا يهضرها وهي كتجاوب بلݣرام حتى خلاها على خاطرها وصلو دخلو تغداو كولشي كيهضر ويشارك الا هي تفكيرها كولو فيه وفديك التعنيقة نساتها فشحال من حاجة وحتى ديك لبكية لي بكات فحضنو!!!
خلاتها مرتاحة نسبيا كملو لغدا ناضو لاكيس كيدابزو شكون يخلص خرجو ودعو خديجة ويوسف وشدو طريق لصفرو، رشيد وملاك وزهرة مشاو نيشان للمحكمة فين كيتسناهم حمزة تلقاو مع المحامين صافي أميمة تلونصات بقا دابا غير تشد رجعو ليهم التيليفونات ورجعو للدار..)
~~~~~~~~~~~~~
غيثة: (وصلت لحدا ديور دقت فدار كطلب لما وغسلت يدها للي عامرين دم يابس غسلت وجهها بللت ريقها عاد كملت طريقها وصلت لصبيطار وهي سخفاانة كتحس بالدوخة وبغيت وقلبها غيسكت بكترة المشيان وكانت كتزرب باش ميلحقهاش حيت هزها من تماك ومشاو لخلا،
دخلت لتماك لقات غير وفاء سولتها على مراد جاوبتها بمنعرف واخا عارفاه فين كاين!! مشات غيثة عند عمر للي نسات شنو وقع بيناتهم اخر مرة نفس الهضرة قالها منعرف ومعطاهاش وقت رجعت عند وفاء)
ختي واخا تجيبيلي صاكي بقا لداخل عند طاتي
وفاء: واخا (دخلت لقات الصاك تماك وامينة ناعسة عطاتولها ومشات نيشان لعند دار خوها عندها الساروت دخلت ملقاتهمش مشات للبيت نيشان سدت عليها ودخلت تحت الكواش كيتعاود السيناريو من اللول شنو وقع محست حتى تسدو عينيها…)
ملاك: (دخلت لبيتها سدت باب بيتها تفكيرها غير فمراد محست حتى تبسمت كفاش دافع عليها حست بيه رااحل للي تعول عليه يعني تايق فيها وكيبغيها سمعت الدقان بالجهد الضو ضرب فمعدتها بقات غير كتشوف مبغاتش تحل لباب حتى سمعت مها كتغوت)
زهرة: اش كاين!! اش كااااين!!! باش هاجم على لبنت هاكا!!
العم: عارفة شنو لقيت بنتك دايرة؟!
زهرة: اش دااايرة فملك الله هاد لبنت؟!! ونتا غير مقابلها
العم: سمعي الزهرة انا ملاك كانت عزيزة علية بحال بنتي
زهرة: وشنو تبدل؟!
العم: داكشي للي وقع ماشي ساااهل وزايدة لقيتها معانقة مع داك حتى للي مجاش كمل خطبتو معاها وكملتها بتخراج لعنين فية
زهرة: (شافت فيه وباه للي غير مخنزر) اوا !!!
العم: كفاش اوا واش بغات متهنا حتى تفضحنا
زهرة: اسيدي الا فضحت غتفضح غير راسها بعدها ها العار ياك كانت عزيزة كتهضر عليها بحال مبقاتش حتى دابا ديرها مبقاتش الا عمامها وللي قراب ليها مكانوش معاها دابا غير بلا ميكونو معاها من بعد
الجد: واش سامعة شنو كيقول؟! الا كان باغي يكمل معاها علاش مجاش قالهالنا ولا دابا لقاها سااهلة
زهرة: ساهلة!!!
ملاك: (حلت لباب منفااااعلة وكشاكشها خارجين) كفاش ساهلة؟!! عرف راسك شنو كتخرج من فمك
الجد: ياله شوف هاد الكارثة!! ممربياش
زهرة: ملاك بنتي دخلي لبيتك هاد الهضرة باك للي غيتفاهم معاهم فيها
العم: بنتك خاص تحتارمنا
ملاك: منحتارمش وعمري نحتارمكم ولا حتى نسمح ليكم دغيا رديتو فية العيب واخا عرفتوني مظلومة الله ياخد فيكم الحق راكم بحالكم بحالها هي نيت
العم: (غوت عليها) دخلي لبيتك!!!!
ملاك: متغوتش الخ** (خرجت ليها بلا متحس)
الجد: (تم ماشي جيهتها دخلت ملاك بالزربة قبل ميوصلها زدحت لباب فوجهو سمعت الغوات بقات كدور عينها خافت يديرو لمها شي حاجة حلت لباب حتى كتشوف عمها شاد جدها للي ووجهو كولو دم مها غير مخرجة عينها وسهام ومرت حنينها ماشيين لجيهتو بحال غيسخف رجعت دخلت راسها سادة لباب طلعت معاها التروييعة داكشي كامل للي تغداتو ردااتو تماك فوق الارض مفكرتش بزاف مسحت فمها بفوطة حلت ماريوها هزت صاكها دارت فيه للي تحتاج واخا مهزت والو بالتلفة سدت ماريوها بالساروت لباب بدا كيتزدح كانت هي غطيح بالاعصاب والرجفة جمعت لي غتحتاج وهزت كونطاكط طموبيلتها دارت ودنها على الباب فهمت خرجوه لصبيطار خرجت هازة صاكها وكولشي كيعيط ليها زربت جرات خارجة شدتها جرية لطموبيلتها ومها غير متبعاها بغاتها تبعد من هنا…
كانو كيركبو الجد ياله جاي باها مخيخ ديمارات سدت لباب والزاج باش ميحلش ياله بغا يحل لباب وكيدق فالزاج كسيرات ضاربة الدورة وزادت فطريق…)
اورطيغا: (جالس حاضي مو بقات كتيفيق تبسم معاها)
زين!!!
أمينة: (كتهضر بشوية) حبيبي..
اورطيغا: كيف بقيتي؟؟؟ توحشتك بغيتك تبراي دغيا رجعو لدوارنا
أمينة: (تبسمت) فين ملاك؟!
اورطيغا: مشاات مع عائلتها راكي عارفة مغيخليوهاش تبقى
أمينة: (حركت راسها باه كتشوف فيه وجهو ضعاف واللحية) شحال وانا هنا؟!
اورطيغا: سيماااااانة دازت علية عااااااااام
أمينة: داز وقت الخطبة!!
اورطيغا: ههه الوالدة شوفي من حالتي انا بعدا واش تنهضر ليك بغيتك تبراي ونتي تتقولي الخطبة
أمينة: (عيات بالهضرة حركت راسها باه كتبسم فهم حتى هو بقا غير كيبوس يدها دخل طبيب قلبها حداه)
اورطيغا: شنو تاكل؟!
…..: شي حاجة خفيفة بحال صوبا
اورطيغا: انا نعيط لخالتي تجيبها ليك حسن من ماكلة صبيطارات.. (صونا عليها طلبها ديرها ورجع جالس حداها..)
~~~~~~~~~~~~~~
حمزة: (كان غير فالقهوة حتى شاف داكشي مقربش حيت داك عم ملاك بهدلو بالسبان والغوات مجاوبوش ولكن كرهو.. رجع رشيد مغلغل)
شنو واقع اعمي؟!
رشيد: (دوز نمرة ديال ملاك صونا شي جوج مرات وقطعت رجع صونا تيليفونها طفا)
طفاتو؟!
حمزة: شنو واقع؟!
رشيد: مفهمت والو حتى خرج بّا بدمو قالو ملاك ضرباتو وانا بنتي مضربش حتى فاش لحقتها هربت
حمزة: لا لا ملاك مديرهاش
رشيد: هادشي للي عارف معرفتها فين زادت
حمزة: (بقا غير كيشوف..)
غيثة: (ناضت مفزووعة من صوت باب لبيت للي كيتدق فبابها غير البوليس جاو ياخدوها بقات واقفة شادة فقلبها حتى سمعت صوت خوها للي كيعيط محست حتى بقات كتغوت بالجهد جاها انهيار عصبي)
خديجة: شنو وااقع؟!!!
يوسف: (تلف كيبغي يدفع لباب بكتفو والمشكل مخاصوش يدير هاد الحركة حيت مزال عندو صداع فراسو طارت خديجة جابت الدوبل ديال سوارت عطاتو فتح دخل لقاها شادة فراسها كتغوت ربي للي خلقها تحنا عندها)
غيثة…
غيييثة!!!!
غيييثة!!!
(عيا يفك غير يدها من راسها والو عاد زادت شدت فشعرها ناتفاااه حتى غيبت)
خديجة: (بخوف) شنو نديرو نديوها طبيب؟!
يوسف: عطيني تيليفوني نصوني عليه يجي هنا
خديجة: (مشات جابت تيليفون عطاتولو عيط على شي واحد كان كيجيهم للدار صيفطالو لوكاليزاسيون وقطع بقا كيفيقها خديجة دارت فيدها زهر وكتقربها لنيفها ووالو)
ياكما دابزاات مع داك الكلب
يوسف: (ختو تبدلات بزاف كترو عليها المشاكل مكانتش هاكا هزوها حطوها فوق النموسية كيحاول يفيقها)
خديجة: (غير كتشوف طبيب جاي اذا غيبان حملها حيت الا بغا يدݣ ليها غير شوكة غتقولو واش تنفع للحوامل اللهم يعرف قبل ميعرف هو وطبيب فنفس الوقت وتجيه صدمة)
يوسف!!!
يوسف: خاص نقولها الوالدة!! يمكن داك لادروݣ للي دار ليها هاكا!!! غتكون رجعت ليه!!!
خديجة: غيثة مبقاتش كدير والو
يوسف: تتكذب هاكا كل مرة تتقول خاص نديها تعالج وهاد المرة مغيشدني حتى شي واحد
خديجة: ولكن غيثة فمشكل كبر من لحمل هي مسكينة مكانتش عارفة مفهمت والو أغلبية هادشي وقع وهي مغيبة زعما مدروݣية!!
يوسف: شنو اخديجة!!!!!
خديجة: غيثة حاملة….
ملاك: (وقفت فطريق بين صفرو وفاس
يديها كيرجفو بزاف كتحس براسها غتسخف مقادراش تزيد تصوݣ منظر بين عينها جدها كولو دمايات فوجهو يعني منين زدحت لباب كلاها فوجهو طرطقت كتبكي كولشي كتحسو ضدها كولشي تجمع عليها حست براسها عيات وبزاااف، تفكرت غيلحقو بيها ديمارات طموبيلتها وزادت صايݣة مخنووقة ولكن كتصووݣ غير بشوية حتى وصلت لفاس عقل كيقولها تمشي لشي مدينة أخرى ولكن مقادراش تصوݣ بانتلها غير دارها تمشي ليها حيت غيتبعوها عند خديجة ولكن قبل مخاصش تبين مشات لاݣار نيشان دخلت لباركينغ حطات طموبيلتها تماك خلصت عليها تبقى الليل كامل باش ميعيقوش بيها وفنفس الوقت متخافش على طموبيلتها،
عاد شدت تاكسي صغير للحومة حطتها قدام دارها حلت لباب لتحتاني طلعت لدارها حلاتو واحسن فكرة كانت دارت هي باب دلحديد للي دارت قبل باب الدار بالخشب سدت لباب ومشات بالزربة سادة سراجم كولهم الدار كانت باردة حيت غير السيمة بلا زليج ولا ݣبص بقات غير واقفة مقدرتش تشعل تليفونها عارفة 90٪ غيجيو يقلبو عليها هنا ولكن باها معندوش الساروت وحتى السمسار كان عطاهلها حيت مبغاتش تكمل الفينسيون.. مشات لبيت نعاس فين كاين الاثاث جرت كرسي وبقات جالسة جاها الخوف من ظلام ناضت شعلت الضو حيت بيت نعاس مكيطلش على الشارع جاي السرجم ديالو فلاكور كيطل على الموبلات للي ضايرين بيها تفكرت جدها)
يااااا ربي يتهرس من داك الفم الشاارف لاخر هو للي مبغاش يبعدني.. ولكن بابا غيزيد غير يكرهني!!
انا اصلا مدرتهاش بلعاني خفت وسديت باب بيتي هوما للي هجمو علية!!!
والهاجم يموت شرع داير فيها داك جدي فرعون اوا #كل_فرعوت_عندو_موسى_ديالو وهو للي كان قبيح معايا!!! اصلا كانت تسمات علية بنت لحرام وانا مدايرة والو بعدا دابا حتى دافعت على راسي!!!
وماما!!! بفففف عنداك يديرو ليها شي حاجة!!
مزيان بحرا نجيبها ونسكنو هنا نبعدو على ديك لقبيلة لكحلة!!!
كان عندها انفصااام وتضاارب فالمشاعر من جهة خافت ومن جهة ارتاحت من جهة ترعبت من باها، من جهة حزنت على شنو دارت ومن جهة فرحت حيت خدات حقها واخا مكانتش قاصدة تخربقت بزااف والحل للي كان عندها هو تبعد من كووووولشي وتبقى بوحدها هادشي للي كانت محتاجاه وناقصها!!
(اول مرة تحس بالجوع من داك نهار المشؤوم خافت تخرج تلقاهم كيتسناوها وميمكنش تشعل تيليفونها غادي غير توبخ ويجيييو ياخدوها اكترية الا مها أصرت عليها مشات لصاكها حلت بزطامها هزت 100 درهم خرجت من تماك محلت لباب لتحتاني حتى طلت واش كاين باها خرجت بالزربة قاصدة حانوت خدات شي سقاطة ودازت لسناك خدات بيتزا بقات كتسنى على اعصابها وحاضية مطرطقة عينها حتى عطاهالها خلصاتو ومشات كتزرب طلعت لدارها مطرقة عليها لباب…)
زهرة: (متبعت مغوتت على حساب بنتها بقات غير صااقرة بحال لعيالات للي تماك عندها احساس قوي بنتها غتكون مخبعة ففاس حيت معندها فين تمشي غير السؤال واش فدارها للي ممصلوحاش ومافيهاش فراش حيت مزال مقالت ليهم على اثاث وفاء للي عطاتها ولا تكون عند ختها بقاو غير ساكتييين حتى سمعت سهام كتهضر مع راجلها لي غير كيتحلف فملاك وحتى سهام مقالتلوش راه هربت غير كتنعم ليه قطع معاها)
شنو وقعلو؟!!!
سهام: تهرس من نيفو
مرت الجد: اش داه عليييها (تشاوفو بيناتهم حتى واحد مسب ولا عاير ملاك يمكن بقات فيهم كتر مبقى فيهم الراجل لكبير لي تهرس يمكن شافوه هو للي غالط ولكن حتى وحدة مقالت هادشي للي كيدوور فراسهم!!!)
زهرة: (هزت تليفونها صونات على خديجة مكتجاوبش خلات ليها ميساج)
منين توصل عندك ملاك قوليها لي ولكن للي سولك عليها قولو مجاتش عندي واخا يكون باباك، واخا يجي يقلب عليها تماك خبيها
(صيفطات ميساج ودخلت لبيتها سادة عليها مصونية على مريم تعاود ليها الجديد…)
~~~~~~~~~~~~~
رشيد: (لحق على باه لي نعس فصبيطار حشم من راسو كفاش بنتو هرست لجدها نيفو دخل شافو عينيه تنفخو ورجعو حومر وبداو يتسدو ليه ودايرين الفاصمة على نيفو)
با كيف بقيت
العم: عجبك الحال دابا؟!
رشيد: واش نتا مريض غيعجبني الحال وبا فهاد الحالة؟!!
العم: بنتك اليوم ميشدني عليها حد
رشيد: انا غنشدك؟! الا شي ضرب انا للي غنضرب زعما نتا هدا باك وانا كاريييه فهموني بعدا شنو وقع وكفاش اصلا ملاك تضرب وهي مكتهز حتى عينها فيه!!!
(حس براسو غير كذب فهادي حيت كانت كتخرج عينها فكولشي)
العم: نتا اخويا بنتك عماتلك عينك واخا نعاود ليك مغتيقش سير عند لعيالات ولا باك يعاودلك انا نعرفها تعاود ليها ترابي!! اوا اليوم بّا وغدا نتا ومها هادي راه خرجت على الملة نيشان!!!
رشيد: (معندو ميقول كيشوف باه للي حزين وواكلها ومن جهة عرف بنتو هربت معرف ميدير ولا يقول…..)
يوسف: (بقا غير مصدوم خديجة قالتلو بالحرف شنو قالت ليها غيثة وكفاش ادم كيظحك عليها وناكر انه ولدو وهو غير كيشوف فختو للي مغيبة!! تدق لباب حلت خديجة لطبيب ودخل عندها وهوما معاه وفعلا بغا يدݣ ليها شوكة تكالما قالتلو خديجة على الحمل ومدݣ والو من غير الا تعاودت ليها الحالة خاصها ضروري تمشي المستعجلات مشا وغيثة فاقت على هادشي مقادراش تشوف فيوسف لدرجة كدير الغطا على وجهها.. نترو عليها)
شنو باقي اخر اغيثة مزال مدرتيه؟!
غيثة: (كتبكي) مكنتش فوعيي اخويا راه هو سبابي باش رجعت كنتدروݣا كان تيديرولي فالعصير حتى محسيتش براسي وليت تابعاه اه عرفت فاللول شي حاجة ماشي هي هاديك ولكن محسابليش غنوصل لهادشي!!
يوسف: كفاش كان تيديرو ليك!!!
غيثة: ادم!!! هو ديما كان تيبان ليكم مربي وظريف وتيقلب علية كولشي ويردني خايبة فعينيكم ويبقي ينصح وهو لي كان تيعطيني كولشي وتيهددني الا مدرتش سي حاجة!!
يوسف: (بقاو غير مصدومين تدق لباب مشا خرج ممستوعبش شنو هادشي كامل للي سمع لقا رشيد)
سي رشيد!! زيد دخل مرحبا
رشيد: (جاي تاالف) سمحلي جيت فهاد الوقت بلا منعلم
يوسف: الله اودي اعمي هادي راه دارك دخل.. مرحبا بيك خدييييجة!! (كيحاول يطلع معاه غير الابتسامة واخا بانلو رشيد براسو ماشي هو هداك)
رشيد: (جات خديجة صفرا كتر من عادتها سلمت على باها حست بشي حاجة ماشي هي هاديك)
بنتي.. مجاتش ختك عندك؟!
خديجة: ملاك؟!! لا
يوسف: (حس براسو خاصو ينساحب باش يخليهم يهضرو على خاطرهم وحتى فاش سول باها على ملاك مردش البال بحال ودنيه مسدودين مشا لعند غيثة)
رشيد: بنتي الله يرضي عليك قولي واش هي للي عندك لداخل (حيت شاف يوسف تسلت حسابو منين ذكر اسم بنتو مشا لعندها)
خديجة: والله ابابا مكاينة شنو واقع؟! (مشافتش ميساج مها)
رشيد: (جلس فااشل) مشيت عندها لدارها مكيناش لا هي لا طموبيلتها ماشي لحمارة ضاربت مع عمك وجدك معرفت كفاش وقع سدت لباب فوجه جدك هرستلو نيفو
خديجة: لا بابا ملاك مديرهاش!!
رشيد: هاكا قلت حتى كولشي قال نفس الهضرة ابنتي وحتى مك
خديجة: واش قالو ضرباتو؟!
رشيد: سدت لباب قلتلك ابنتي، الا جات قوليها لي واش لحمارة تخرج من الدار بلا شوار بلا متعلمني… (تعصب) قولها غير ترجع
خديجة: غتكون خافت مسيكينة!!!!
رشيد: تخاف تجلس فبيتها مكاينش للي يقربها ماشي تهرب الزنقة!!!
يوسف: (واقف على غيثة لي هازة المانطة على وجهها مضرقة بيها وغير كتبكي عيا يشد راسو باش ميديرش شي صداع على حساب نسيبو لي برا، حتى محس براسو زول عليها لغطا صااعر)
زيدي شنو اخر دار؟!
غيثة: (كتهضر بشهيق وبلا متحس شي مرات كتشد فكرشها)
صورني عريانة فيديوهات وكيهددني
يوسف: (غير كيزيد يتصعق)
زيدي!!!
غيثة: قالي نقتل طاتي أمينة!! هو للي قالي نديها لتماك ولا نقتل شي واحد من عائلتك!؟
يوسف: (هنا فشلاتوو حتى جاه حريق خاايب فراسو وشد فيه ناضت غيثة للي كانت لابسة كولون بتريكوه مزيرين وكريشتها باينة شوية من تحت السرة، بقا كيشوف فيها راه موالف كيشوف ختو كرشها مسطرة تقزز منها كتر!! بغات تشوف مالو دفعها بشوية وهي زادت كتبكي كتر)
والله مكنت اخويا بغيت نآذيها راني عاودت ليها كولشي هو اصلا داكشي للي عطاني نديرو ليها مدرتوش
يوسف: (كيهضرو بلغوات) وصلات بيك لقتيلة؟!
غيثة: (منين جوج كيوصلو لهاد الحالة ودنيهم بحال كيتسدو وهضرتهم كتكون بلغوات باش واحد يسمع لاخر ويتصنت ليه) مبغيتش نقتلها، مبغيتش نقتلها راه صيفط تاكسي للي ضرباتها ماشي انا!!!
خديجة: (سمعت لغوات) ويلي اليوم يقتلها (مشات كتجري عندهم)
رشيد: (مزال شاك تكون ملاك للي لداخل تبعها)
يوسف: اجي عندي انا علاش ماشية للسيدة من اللول قوليلي شنو كاين مكنتش غنخليك توصلي لهادشي الحمارة!!!!
غيثة: حتى دابا راني قتلتو (هاد الكلمة خلاتهم كاملين واقفين مصدومين…) صافي تهنينا منو مبقاش غيولي يبان ولا يهددني ولا يصيفط ليكم ڤيديوهات ديالي… (هزت يديها) صااافي قتلتوووو
يوسف: (مشا عندها كيزعزعها من كتافها) شنو درتي!!
غيثة: هاد نهار قالي غتكملي داكشي للي قلتلك ولا نعاود ندير لماماك لادروݣ فالقهوة وقلتلو واخا خليتو حتى ثاق فية وبقيت كنضربو بالفرشيطة حتى كدخل فلحمو والدم كيسيل ودݣيت ليه ديك الإبرة للي عطاني نديرها لطاتي أمينة… ولكن قلبت على ليصانص باش نحرقو ملقيتش وكان غير درت بحسابي كنت غنحرقو صافي وهربت ومخليت حتى دليل من مورايا هاكا هو علمني عمرني نخلي الدليل من مورايا
خديجة: (شهقت ودارت يدها على فمها رشيد غير مطرطق عينيه اما يوسف كيشوفها مصدووووم وهي كتعاود ليهم بحال كتعاود على شي خبييرة ماشي على جريمة…)
ملاك: (كانت غير سمعت الدقان بالجهد قطعت الحس وبيت نعاس لي جاي بعيد على لباب حتى هو طفات الضو فيه خااايفة يعيق بيها هدا للي جا يقلب عليها،
رجع الهدوء مشات بلحفا كتصنت الجار للي حداها كيقولو هاد الدار مساكن فيها حتى شي واحد غير السمسار مرة مرة للي كيجي ليها واليوم بالظبط مجا ليها حتى واحد سمعاتو هابط فدروج عرفات باها هو للي حا،
رجعت للبيت شعلت الضو كانت كملت ماكلتها باقية غير سقاطة معرفتش علاش حسابها مراد للي جا يقلب من موراها..
ضرها خاطرها على باها ولكن مكاينش شي حل اخر هو تهرب منهم ميمكنش ترجع لديك الدار ولات كتحس بيها نفس الاحساس للي جاها فاش باتت ديك الليلة فالحبس، الا بقات تماك غتوقع شي حاجة كفس واكترية منين رجعت مصدر فتنة بين باها وخوه ومها وجدها عليها.. حست بلعيا وبغات غير تنعس داك لفراش مستف فالقنت وصعيب تجبدو بوحدها حيت عالي عليها مشات للكوزينة الماعن فيها على جنب هزت كاس غسلاتو ومشات لبيت كبت من قرعة دلما كتشوف غير كفاش تنعس وعاد الدار بااردة لحوايج للي جابت مكافيينش حتى باش تدفا دارت محاولة طلعت فوق الكرسي ولكن صعيب النموسيات بجوج تقااال لحقت غير كواش جبدتهم فرشت جوج وبقاو جوج تغطات بيهم خلات الضو مشعول وبقات غير كتشوف احسن حاجة دارت هي دخلت لما والضو لدارها وندمت علاش مفيناتش حيت كانو عندها الفلوس.. )
~~~~~~~~~~~~~~
جا الحاج عند زهرة بقا شحال معاها غدا غيحولوها المصحة تكمل علاجها تماك باش يزيد يطمئن عليها كتر جات خالتو هي وفاء وعمر وصيفطوه يرتاح شوية على ميوصل الليل ويرجع يشد لاݣارد معاها..
مشا للحومة حالف ميدخل لدارهم فالسعادة حتى تكون هي معاه..
طلع نيشان جبد عليها بنعسة حيت كان عيان بزاااف…
~~~~~~~~~~~~~~
زهرة: (جابو شيخها من صبيطار مشات تعرض ليه تهضر معاه على بنتها لقات عينيه بغاو يتسدو وتنفخو حمارو وداير الفاصمة على نيفو تسلات رجعت اللور معندها فين تهضر مدخلتش معاه لبيت هاربة من شي هضرة ديالو تساطحت مع ولدو هاز ساشي ديال دوا)
العم: شتي دابا شنو دارت بنتك؟!
زهرة: نتا غير متعمرش باها راها ضرباتو بالعاني وشهد بالحق متظلمهاش حتى نتا للي من لحمها ودمها اه معجبناش الحال ومبغيتاش ليه الضر ولكن نتوما للي هجمتو عليها قبيلات وهي مسكينة خافت وهربت منكم
(خلاتو واقف ومشات للكوزينة, للي زاد مرضها حتى العائلة للي فالعروبية لحقو يجيو يعني كولشي ساق لخبار)
سهام: مزية ملاك هربت من هادشي
زهرة: (ضارها خاطرها على بنتها) حسن…
رشيد: (شافو قاج غيثة دخل كيفك بيناتهم مكيخليش بنتو دخل خايف عليها وعلى كرشها، مشات غيثة من مور خديجة)
غيثة: (كترجف) عتقيني أخديجة.. عتيقيني!!
خديجة: (ضورت وجهها عندها) سيري لبيتي وسدي عليك على منبردوه (مشات غيثة كتجري رشيد كيهدأ يوسف)
يوسف: واش مسمعتهاش (مخرج عينو مصدوم) قتلاتو!!!
خديجة: واش بانتلك بعدا طبيعية كفاش كتهضر خاص نزيدو نفهمو منها ايوسف
رشيد: صلي على نبي اولدي، هادشي كيتحل بالعقل!! (هو براسو مغيحلش هادشي بلعقل لوكان كان بلاصتو)
يوسف: (تأزم وفتفس الوقت خايف عليها) مخلاتلي عقل اعمي مخلاتلييييش!!!!
رشيد: لا حول ولا قوه الا بالله العلي العظيم
يوسف: معمرني نقصتها من شي حاجة انا لي كنت واقف ضدها على داك الطيران ولكن قلت وقيتة ودووز وكولشي كان ضدي غي حيت حتى أنا غلطت
خديجة: (خافتو يهضر على ولدو الغير الشرعي قدام باها وهو قرب يفضح اسرارهم كاملين)
صافي ايوسف صاقي، نهضرو معاها بعدا ونفهمو كفاش قضية هاد لقتيلة!!
يوسف: (تم خارج من لبيت تابعاه هي وباها للي جا يقلب على بنتو لقا مشكل كفس من ديال بنتو واخا هكاك عقلو مع ملاك)
فيها الكلبة!!!
خديجة: راها فبيتي ولكن راه ميمكنش تهضر معاها هاكا
يوسف: حلي لباب اخديجة
خديجة: عفاك ايوسف راه امناتني على راسها ومتنساش راها حاملة!!
رشيد: (الصدمات كينزلو عليه بحال شتا منين وصلو لهاد الامور خاص يخلي المشاكل العائلية ديالهم على جنب وميسمعش كتر مخاصوش يعرف كتر من هاكا!!)
يوسف: دابا غير حلي غير نفهمو قبل ميبدا البوليس يقلب عليها ويلقاها!!! (رشيد تحط فهاد الموقف واش يمشي يقلب على بنتو ولا يوقف معاهم ولكن للي متأكد منو بنت ملاك بعقلها مغتوصلش لهادشي!!!!)
اورطيغا: (فاق من نعاسو داايخ ولكن كسر شوية داك لعيا حدو صلا صلاتو هز مسائل ديالو ومشا خرج من تماك ركب فطموبيلتو راجع ماشريال كتبانلو بحال ملاك حلت باب الموبل فين كاينة الدار ديالها رمش عينو بالزربة لدرجة وقف الطموبيل وخرج من الطموبيل يتأكد مبقاتش باينة)
اشهدا!!!!
(شاف فدارها سراجم مسدودين اصلا شكون غيجيبها هنا فهاد الوقت هز تيليفونو لدابا مزال طاافيااه معرفتش امتى غيبدا يتواصل معاها!!! كذب عينيه ومشا ركب فطموبيلتو نيشان لصبيطار كينݣر على الحالة للي وصلاتو ليه…)
ملاك: (مقالتلش ݣاع غيكون فالحومة غير شافت طموبيلتو تخبعت بقات مدة تماك حلت لباب لقاتو مشا الجوع دار فيها حااالة واخا غتغااامر ولكن البرد والجوع بزااف اللهم غير البرد والحوت عندها دواله، رجعت لسناك خدات سوندويتش و2 فريت ورجعت بالخف للدار مكرهتش لعوين للي يجي يقاد معاها غير تهبط النموسية..
طلعت لدارها مطرقة عليها لباب حتى تيليفونها مزعمتش تشعلو عارفة باها ومها غيكونو صوناو بزااف..)
~~~~~~~~~~~~
رشيد: (بقا هو وبنتو بطلب من يوسف لي بغا يهضر مع ختو غير يفهم حيت سرسبات ليه كولشي دغيا خربقاتو.. )
موصيبة مع هاد لبنات!!!
خديجة: حتى انا صدماتني ولكن خفت عليها مسيكينة دريوييشة ماشي ديال هادشي!!
رشيد: لا حول ولا قوه الا بالله العلي العظيم وحتى ختك تلفااتني
خديجة: بابا ملاك تقدر تكون فشي اوطيل داكشي للي داز عليها ماشي قليل وغتكون خافت
رشيد: تخاف تبقى فدار باها ماشي تخرج لزناقي!! نتي عارفة انا مكنقبلش بهاكا ولكن باش تهرس لجدك نيفو راه خاصها لعصى!!
خديجة: بابا نتا عارف هي متقدرش ديرها غير عاود سمعهم
رشيد: عارف متقدرش ولكن دارت الغلط تبقى ماشي تزيد واحد فوق واحد شنو نرجع انا للدار وبنتي ماعرفها فين زايدة!!!
خديجة: بابا الا جات عندي غنقولهالك ولكن واعدني متلحقش من موراها خليها عندي ترتاح
رشيد: ودابا نتوما شنو غديرو!!!
خديجة: معرفتش ابابا ولكن خاص حتى واليديها يعرفو باش كولشي يعرف شنو غيديرو هادشي مبقاش كيتخبى¡!!
غيثة: (دخل عندها لبيت من بعد معاها الأمان ميدير ليها والو، لقاها واقفة حدا السرجم دايرة يدها تماك وحالاه كيشوف فيها كدور عينها حس بيها بحال باغية تلاح من تماك داك الغضب كيحاول ينقصو شوية باش يتفاهم معاها على الاقل غير يشدها فيدو ماشي حتى ترمي راسها)
خويا راه خاصكم تفهموني خاصكم تيقووني اه غلطت بزاف وناادمة ولكن راه ظلمني بزااااف
يوسف: ياله فهميني اغيثة!!
غيثة: (زادت حدا السرجم) خرجت معاه نهار اللول عادي بحال اصدقاء….
~~~~~~~~~~~~~~
اورطيغا: (لقا تماك عائلة مو جاو من ݣرسيف جاو عندو ختها وراجلها كيهضرو معاه مشا سلم على جداتو من فوق خاطرو غير باش مو متقلقش منو، بقا برا تفكر كلام ملاك على الكسيدة وكفاش ودخلوه شي تناوي، صونا على غيثة تيليفونها طافي هاد الايام عارفها جالسة مع خوها يوسف والا مشا لتماك وزيروها بجوج تقدر تقول شي حاجة للي تنفعهم كانت وفاء جالسة فكرسي)
واافا انا نمشي نقضي شي لعييبة التيليفون بيناتنا الا كانت شي لعبة
وفاء: صافي خويا كون هاني
اورطيغا: لعز، (حك حدا نيفو كيهضر بشوية) الا صلاح ليك دخلي جلسي حداها باش الا شي واحد قال شي حاجة ولا شاف شي شوفة ماشي هي هاديك غير علميني
وفاء: (وقفت) كون هاني اخويا..
اورطيغا: يحظااااااااك… (خرج ركب فطموبيلتو رجع صونا عليى ملاك بقا بالو مشغول كفاش عمها هضر معاها قبيلة فصبيطار واخا شدهم معناقين ولكن الهضرة والشوفة باينة قبل من هاد الجست، وباين حاااقد عليها مزيااان)
هادي مغتشعلش تليفونها!!!! ياك قالت اليوم غيعطيوه ليها!!!!…
(صونا على يوسف مجاوبش ولكن صافي قرر يمشي وصل دغيا حيت اختاصر طريق ومن حسن حظو لقا شي واحد خارج هو دخل طلع لعندهم دق المرة اللولة التانية حلو رشيد بقاو كيتشاوفو)
رشيد: (هنا خاف ينوض صداع دبالصح راه مو للي جات فيها الضربو على حساب هضرت غيثة)
خديجة: (سمعت الدقان وباها حل حسابها الغالية، مشات طلت خديجة لي كانت كتنصت عليهم لقاتو مراد)
مراد!!!
اورطيغا: ختي كاين يوسف!! (كيشوف باستغراب فرشيد للي بحال تضرب بونية منين شافو ظنا أنه لهاد الدرجة مكيحملوش!!! اه هو تسرع داك نهار وشنق عليه ولكن كان عندو سبب وعمرو ينسى انه كيفضل عليه حمزة ومعطاهش حتى فرصة فين يعرفو)
خديجة: احم (جات تجاوب بلا وهو يتسمع غواتو) لداخل.. لداخل مناقش هو وغيثة
اورطيغا: (دخل) ياك لباس!!!
خديجة: معرفت انا وبابا بقينا هنا وهوما سادين عليهم انا نعيط لييه يجي عندك دخل جلس هنا…
ملاك: (مكمشة فبلاصتها من بعد مكلات وردت كولشي حيت معدتها مرونة وكضرها، وووالو لبرد قتلها معرفت مدير باش تزيد تسخن وحيت فراشها منو للسيمة عاطيها البرد مزياااان وفنفس الوقت جاها نعاس من مور هاد روينة للي وقعت ليها ناضت كتشوف واش تقدر تجبد غير البونجة تنعس عليها والو فوقها بزاف دلحوايج تقال)
ايخان هدا لي ستف هادشي!!! (تفكرت مراد هو لي تكلف فهادشي مكرهتش تمشي عندو دابا ولكن مبغاتش تزيدو هم فوق هم وعاد غيردها لدارهم حيت بحال باها ضد فكرة تسكن بوحدها…)
(رجعت تكات فبلاصتها وزادت تكمشت كتر مقلبة على دفا ومستسلمة لنعاس…)
~~~~~~~~~~~~~
يوسف: (كتعاود تفس الهضرة وتخربق ودخل وتخرج فالنواضيع معارفة شنو تسبق وشنو تفهمو وحشمانة فنفس الوقت وخاايفة!!! حتى مبقالو صبر باغي الموفييييد غوت عليها)
هضرييييييييي مقاااااد!!!
غيثة: (بقات كتبكي) هو للي خلاني نتدروݣا كل مرة، كل مرة شنو كان كيعطيلي حتى داك نهار فاش حصلتيني تحت دارك هو للي صيفطلي دوك لبنات وكان عارفك تتجسس علية داكشي باش عطاني تيليفون اخر فين تيهضر معايا وهدا تيكون فيه ملاك وبريئ..
يوسف: وفين التيليفون!!
غيثة: خداهلي قبيلة ونسيت مجبتوش معايا منين قتلتو
يوسف: (بحرقة وبغصة فحلقو) واش قتلتيه؟!
غيثة: (حركت راسها باه وهي كتبكي)
يوسف: ضيعتي راسك على حساب حمااار وضيعتينا معااك علاش اغيثة علااااش!!! (محس غير دموعو سالو)
علاش اختي مجيتيش عندي انا نعتقك منو!!
غيثة: (حتى هي بكات ودموعو كانو بحال العافية كتقطر على قلبها) منين بغيت نتفك لقيت راسي حاملة!!! ومعرفتش حتى كفاش وشكون وامتى وقعت شي حاجة بيني وبينو حيت كان كيستاغلني وانا ماشي فعقلي كان تيلعب بعقلي لدرجة شككني فراسي تيقولي لا ماشي هو بابات هادشي للي فكرشي هو داير احتياطو وانا متنعرف حتى واحد من غيرو وتيكذب علية تيقولي اورطيغا هو سبابك
يوسف: (جا يهضر وتدق لباب)
خديجة: يوسف مراد فالدار كيتسناك خرج عندو
غيثة: (تصعرت) علاش.. علاش عيطتلو؟!!! علاش اخويا؟؟؟؟ (بخوف) علاش!!!!!!! غيقتلني علاش اخويا علاش!!!!
(ياله غتنقز للسرجم جرا عندها تلاح عليها طاحو بجوج فالأرض حتى تسمعت زدحة ديال شي واحد كلاها فراسو!!!)
خديجة: يوووسف غيييييثة!!!!! (راه تسمعت بحال البوطة طاحت فالارض وجا من موراها صقييير) يوووووسف!!!!!
اورطيغا: (جاي عندها بجرا وهي كتحاول تحل لباب ويدها كيرجفو جا رشيد حتى هو للي تشد معاهم وعندو جوج مشكلات خاص يتحلو، خطف من يدها سوارت وحل لباب عليهم…)
العائلة للي فالعروبية والمدن المجاورة تجمعت وكولشي سمع بقصة ملاك وجدها يعني مشات عليها وتبصمت انها ضربت جدها وهرست ليه نيفو حتى مريم جات تبقى مع مها فهاد المحنة وهمهم غير ملاك واش بيخير
زهرة: هي تيليفونها طافي ورشيد مكيجاوبش علم الله شنو واقع ليهم بجوج عنداك غير يلقاها ويضربها
مريم: شوفي انا هضرت مع بابا قبيلة قالي مغيدير ليها والو حدو غيردها للدار راكي عارفة بابا إلَّا ملاك تبات برا الدار
زهرة: اوا ها الليل ليل ابنتي فين غيكونو؟!
مريم: غير زيدي صبري اماما (شدت فكرشها جاها حريق خفييف)
زهرة: متهنيتيش حتى نتي فهاد لحمالة
مريم: عادي انا بقات فية غير ديك لكعبية ݣاع المناتف ديال الدنيا والدين كيلسقو فيها وكان غير كانت كديرهم نقولو تستاهل هي للي قلبت عليهم.. مسيكينة معندها زهر
زهرة: اوا الله يجعل زهرها مع الله
مريم: ماما واش هضرت هي ومراد؟!
زهرة: علاه ماشي لقاهم عمك معناقين فدروج وكان غياكلو ردها من موراها وقالو ماشي شغلك
مريم: عمي؟!
زهرة: لا مراد خرج فيه عينيه وقالو دخل سوق رااسك وبعدها
مريم: ههه تلقاو مقزدر مع مقزدرة
زهرة: حتى هاد عمك خرج منو لعجاااايب مرتو لي كنت نقول عليها لفعة ومدارتش هاد لغرااايب…
مريم: ويييه تقول ماشي سهام للي كنعرفو..
~~~~~~~~~~~~
حمزة: (جالس فالقهوة تفكيرو بين لا ديميسيون ديالو وبين يشد خدمة باه بين جوج هريات لي عندو والمعصرة دالزيتون والبلاد حيت كولشي وارثو باه من جدو واكيد غيبقالو هو.. حتى سمع شي واحد كيسول على رشيد ضار عندو جاوبو)
مشا يقضي شي غراض بغيتو فشي حاجة اخاي!!
….: نتا كتعرفو؟!
حمزة: اه راه عمي هداك
….: كنت بغيت نسول على فين ساكن؟!
حمزة: نتا من العائلة ديالو ؟!!
….: لا من ديال مرتو (معارفش شنو سميتها جديدة قالولو ونسا حيت غير مسخر وهوما كيراقبو من بعيد)
حمزة: (هنا كان موصيه رشيد للي سول على مرتو راه غيكون من هادوك للي جايين من إس*****) اه مرحبا غير هوما دابا مسافرين ولكن عمي رشيد شوية ويجي من عندو بنتو لي ياله تزوجت
….: صغيرة؟!
حمزة: لا صغيرة مرتي انا…
اورطيغا: (دخلو بالزربة لقاو غيثة مغيبة ويوسف متكي حداها كيشوف فيها بحال ممتيقش شنو قالت وشنو دارت وهادشي كامل للي عايشاه وللي وقع والمجرم للي كانت معاه وحياتهم لي تقلبت سفاها على علاها عقل فهاد اللحظة كيقول وكان غير تموووت ولا هادشي للي جاي وكان غير خليتها تلاح من داك السرجم وغيتسد كولشي وقلبو مساخيش بيها وعقل كيقول يقتلها هو نيت عصى!!
استغرب مراد من صدمة يوسف حنا كيطرش غيثة فوججها عاد فاق يوسف)
مالك مكوانسي اصاحبي شنو وقع!!!
يوسف: (بدهشة) كانت بغات تلوح راسها وعتقتها دغيا
اورطيغا: (تصدم كفاش تلوح راسها شنو واقع اصلا توصل بيها الدرجة الانتحار!!) كحز نهزها (بغا يوقف وحس بدوهةوخطييرة لدرجة الشوفة رجعت مضببة عاوناتو خديجة وقفااتو وبقات حداه كتشوفو بحال كيحرك راسو باش يشوف مزيان جا حداه رشيد غير كيتفرج كتر عليه هادشي هاد نهار شاف اورطيغا مع هزها بانت مشقفة من راسها وكاين الدم فوق الارض فوسط الدم خااتم يعني جات على الخاتم)
خديجة: ويلي الدم!!!
اورطيغا: غتكون تشقفت لبس نديوها ايوسف لصبيطار راه طيحة خايبة
يوسف: (حرك راسو بلا) ديها غير لبيت لهيه انا نعيط على واحد الفرملي جاري (مباغيهاش تمشي لشي مؤسسة حتى يعرف شنو واقع)
اورطيغا: (استغرب من ردة فعل يوسف راه غيثة هي عينيه شنو هاد اابرووود؟!!!
ولكن معارفش شنو المشكل للي دايرة مخلية خوها مخيخخ من جيهتها، وهو براسو بقات فيه مغينساش انه هي لي جابت مو فالوقت المناسب لصبيطار واخا معارفش لبلان للي وقع وكفاش مشات عندها ولكن هي للي عتقتها…
داها لبيت لاخر خديجة جابت درة ديالها دارتها على راس غيثة على حساب الدم لي ماشي كتيير وكتقلب بين رجليها واش كاين دم خايفة من شي إجهاض)
رشيد: (مشا عند يوسف كيهضرو بشوية) حضر عقلك اولدي ومتنساش ولدها هنا بلا متخرج ليك شي كلمة باش متزيدش تشعل المشكل على الاقل فهم منها وميكونش هو حاضر
يوسف: سمحلنا اعمي على هادشي للي حضرت فيه
رشيد: حنا راه عائلة اولدي
اورطيغا: (تنكرى بزاف من رشيد بلا والو هو مقرووس من جيهتو تمو جايين جيهتو ساكتين وهو كيشوف فغيثة)
خديجة: (تبعت باها بعينيها) بابا!!
رشيد: انا مشيت ابنتي (غيثة كانت ماشي مغيبة 💯 حطاتلها راسها بشوية وخرجت تابعاه ويوسف كيهضر مع الفرملي باش يطلع عندو للدار ساكن فنفس الموبل اورطيغا فالكولوار طالق ودنيه واخا صوتهم ممسموعش بزاف ولكن كولشي جاه مخربق يوسف مبرد من ختو لهاد الدرجة!!! رشيد اش كيدير هنا فهاد الوقت!!….)
الا جات ختك قوليها لي ابنتي
خديجة: كون هاني ابابا..
اورطيغا: (بنص عين متبع رشيد للي مشا فحالو واحد مكيهضر مع لاخر، مفهمش اصلا اش جابو فهاد الوقت حيت عارف قليل فالقليل فين كيجي عند بنتو وعاد باين حتى هو ماشي هو هداك!! جات خديجة دايزة حداه بلا عقل)
خديجة ياكما واقعة شي حاجة عندكم فالدار؟! فصفرو!!
خديجة: ها!! لا لا لا… غير تلفت مع غيثة وصافي
اورطيغا: كفاش بغات تلوح راسها؟! عاد صباح كانت عادية معانا فصبيطار!
خديجة: على للي فهمت لقاها يوسف رجعت لداك السم وتخاصمو مخاصمة كبييرة، وراك عارف الحرب للي نايضة على هادشي
اورطيغا: رجعت!!!! (مصالحش يسول ويزيد يستفسر منها)
الله يهديها معرفت فين باغية توصل بهادشي!!!
(شاف فيوسف للي جالس على الكرسي وداير يديه على راسو وحاني للأرض بحال واقعة شي موصييبة رجع شاف فخديجة لي دغيا سهات)
حاولي نتي على راسك راك حاملة ومتغرقيش فمشاكل الناس بزااف!! هنا راه كل واحد كبير وعارف شنو تيدير
خديجة: (بقات غير كتشوف فيه عز عليها شو هو كفاش فكر فيها ولكن الا مشات قالت ليه شنو كاين عاد غتنوض الحرب ديال بالصح هو مغيسمحش فحق مو وممكن يتهور وعاد كاين صاحبو يوسف فالنص!! رجعت للبيت شافت فغيثة وهاد المرة عصبتها راه هي سباب هادشي كامل لوكان غير هضرت مكانوش غيوصلو لبزااااف دلحوايج..
وعاد ختها للي مزال مجات عندها يعني علم الله فين كاينة وعاطية الراس!!!
تلفت بزاف حست بكرشها تزيرت عليها بحال صريرة مشات لبيتها سدت لباب ودخلت لطواليط..)
اورطيغا: خاي يوسف جا الوقت باش تدي غيثة المصحة
يوسف: سي طروطاااار دابا
اورطيغا: كفاش طروطار مزال الوقت واخا تكون تتدروݣا كل دقيقة وااخا حالتها ماشي شي وحدة لي مبلية ݣاااااع راه كفس منها عطيهم شهرين تيدوااو
يوسف: (حرك راسو بلا مخرج عينيه)
اورطيغا: واش واقع ما كفس!!
يوسف: (حرك راسو باه)
اورطيغا: (مفهمش بالظبط شنو كفس ولكن للي فهم غيثة مغتعطيهش راس الخيط دابا هز تيليفونو شاف فميساج عمر كيسولو الا مكانش غيجي تبقى مو معاها هاد الليلة)
خاي يوسف انا غنمشي باش نحضي الوالدة باشما نتا علمني
يوسف: (كان باغيه يوقف ومقدرش مزال دايخ واخا الطيحة مجاتش فراسو ولكن كاين ارتدادات) سلم على لالة أمينة
اورطيغا: يووووصل… وشووو غير بالعقل هضر معاها… بيناتنا الألووووو..
وصل اورطيغا لصبيطار وعقلو خدام كفاش بلان غيثة ووجود رشيد تماك!! وكفاش قالو يوسف كاين ما اكفس!!!
لقا العائلة مزال كولهم للي جاو من ݣرسيف دخل حدا مو للي كتشيرلو يقرب قرب ودنو لفمها كتهضر بشوية
أمينة: عطي الساروت لعمر يديهم للدار راه معندهم فين يجلسو اولدي
اورطيغا: (ميقدرش يرفض ليها راه مها هاديك خرج برا عيط على عمر قالهالو حيت هو براسو كاري دار صغيرة بزاف مغتهزش هادشي.. وفوسط الهضرة لمح ليه بيتو ينعس فيه هو ومرتو الا بغا حيت فيه وراق خدمتو وشحال من حاجة مهمة عطاه الساروت هوما مشاو وهو بقا مع مو مقدرش يشد لسانو)
الوالدة علاش مشيتو نتي وغيثة حدا مرجان؟!
أمينة: (للي عاقلة عليه هو منين بغات تهرب من التاكسي ضربها) معقلت على والو اولدي
اورطيغا: صافي غير متعييش راسك حتى تعقلي على خاطرك (دخلت فرملية دݣت ليها شي إبرة فالسيروم مجمعة مع اورطيغا لي كيسول على حالة مو خرجت وهي عالمااه مو غتنعس فأي لحظة خلاها مرتاحة وتكا هو فالفوتوي طويل للي حداها بعدا هاكا كيبقى مرتاح وهي حداه وبكترة لعيا حتى هو نعس..)
~~~~~~~~~~~~~~
يوسف: (كان عندها الفرملي وخديجة معاها فلبيت كيغرز ليها فين تجرحت وهو برا صونا على مو ميمكنش هادشي يبقى مستور كتر من هاكا)
وي الوالدة!!!
(بحرا كتهضر بالاعصاب للي طيحوها)
الغالية: (مريضة على شنو شافت) اولدي
يوسف: مالكي؟!
الغالية: (بتنهيدة) غير نزلة البرد
يوسف: عرفت شي حاجة خايبة بزاف وخاص لقاو ليها حل.. على غيثة تنهضر!!
الغالية: ياكما وصلوك حتى نتا الفيديوهات؟!!
يوسف: كفس!! عرفت راها حاملة!!! وعاد كاين ما اكتر!!
الغالية: حاملة!!! (بقات كتبكي وهو غير كيتصنت)
نطيحووه اولدي قبل ميكبر داكشي!!
يوسف: وللي دارها يفلت؟!
الغالية: وشكون هدا؟!!
يوسف: شكون من غيرو ادم الكلب للي لسقتيه ليها صحة
الغالية: لڤيديوهات لي جاوني اولدي متتكونش تتهضر مع ادم ديك لحمارة غطست لينا راسنا فتراب هوما سميااات ها زهير ها مراد… يا ربي وكان مت ومشفتش هادشي ومعرفتهاش خرجت لطرييييق….
ومعااامن مع ولد الݣرسيفية!!
يتبع
التعليقات 0