لحاجة : (مستغلة لفرصة او كتقرص فيها او تصرفق) بعدي على لبنت الهيشة
نجية : بعديلي على بنتي حطيها تيساع
لينا : (ملي بعدوها عليها هجمات عليها هاد لمرة جارا ديك سنسلة لي فعنقحا بجهد) ديالك مناش جاك بغاك تا باك لي ولدك عاد يبغيك جود ، جاية دفعي ليا فيها الجبهة ونتي باك سامح فيك مهازكش من لأرض نتي وديك جرتيلة تاع مك
ياسمين : (لحر تاع ديك الجرة لي دارو ليها لشعر معا لي دارت ليها لينا لسنسلتها او كلامها ليها خلاها تجهل تا دفعات لحاجة او ناجية عليها او وقفات عند لينا مصرفقاها ) با ماباغينيش ونتي سوق مك (عودات صرفقاتها) مي خليها عليك فتيقار كلبة بحالك متستاهلش تدوي عليها (شداتها من شعرها جاراها عندها او داوية تحت سنانها) داك علامن داوية راجلي آنا راجل ياسمين ، يا نديه انا يا يديه ربي ، ربعسنين ونا مقاتلة على جدو باش تجي موسخة بحالك دور بيه كي دبانة لء ياروح مامي ماشي معايا ، راه جد بويا مقطع لوراق سيري سولي عليا فلحباسات اعطيوك خبار
جود : (جا كيجري عاد وصل عندهوم شاف ناجية شداتها من شعرها كتجر فيها بجهد لور او لحاجة معاوناها للمرة تانية ، قرب عندهوم زاعف نتر ليهوم يديهوم او بعد ياسمين على لينا مخبيها مور ضهرو ، شاف فناجية او دوا صاعر) برب لعالي كون مكنتي خالتي تا نهرس لجدك هاد ليدين نوريك ضربيلي مرتي
ناجية : عيواض ماتجي تهز عليا سير ربي مرتك تعطي تيساع لبنتي
جود : (زاد غوت) وا مشغلش مي انا متقيسوهاش ماتقيسيهاش
لينا : (بدات كتبكي) هي لي جات عندي معرفت تا شنو درت ليها
ياسمين : تصاورك لي لقيت عندو
لينا : شمن تصاور بسلامة
لحاجة : (مدات ليها طيليفون جود) ورينا شمن تصاور
ياسمين : (شدات طيليفون ملاقية تاشي تصويرة) مسحتيهوم الكلبة
ناجية : (جات عندها صرفقاتها) جمعي فمك بزاف عليك بنتي تكون كلبة
جود : (دفع خالتو تا شوية ماطيح او بدا غا كيغوت) وا مضربيهاش الخرا وا متقيسيش مرتي واش مكتفهميش
اكسيل : (كان فبيتو كينعس فيوسف تا تأكد بلي نعس عاد نزل لتحت سامع غوات جود جا كيجري لاقيه ساعر باغي يدخل فخالتو مشا بزربة بعدو عليها شايف لحالة تاع ياسمين او لينا هو يفهم شنو واقع) برد او بعد يالاه
جود : لواليد واش مشفايهومش دابزات ياسمين او لينا عيواض ميفكوهوم جاو تحاماو على ياسمين بنتيف او لقميش
لحاج : (كانو هو ولادو او حفايدو عاد راجعين من برا شاف لبلبالة مجد كان واقف معا لبنات صغار هو وغزلان كيلهيوهوم باش ميسمعوش صداع) تهدنو شواقع
لحاجة : شيخة تاع مرات حفيدك نايضة تنتف فلبنت مدايرة ليها والو او كتلوح عليها لباطل
اكسيل : طلع مرتك لفوق ونتي دي بنتك لبيت يالاه فرتكو عليا هاد الجوقة يالاه (كل واحد طلع مخلينو شاد راسو بلأعصاب)
لحاجة : تهدن اوليدي متعصبش
اكسيل : (كان فيديه واحد لكاس شير عليه لبعيد) خليتو دين مي منتعصبش يعطي لجد بويا لغاراق باش نتحنا من صداعاتكوم
يحيى : لاواه لاواه اخويا الله احفضك برد عليك صفية سيري جيبي ليه شي كاس تاع لما
صفية : (مشات بجلابتها كتسربي تا عمرات ليه كاس دلما) هاك اخويا شرب
لحاج : (شاف لكاس كيترعد فيدين ولدو عرف سكار داير فيه ما بغا) موقع والو اولدي راهوم بنات صغار عادي ادابزو
اكسيل : مدروهاش ليا لبنات ابا داروها ليا شراف لي عيواض افكو لمدابزة او يهديو نفوس محاميين ليا مراة ولدي مشتيش وجها كي ولا بلقميش ، ولكن هاه الحاجة والله اوتبقا جرهة قد شعرة فلوجها تا غيكون عندي حساب آخر معاكوم
جود : (وصل ياسمين لبيت كيدقق فيها الشوفة تا لقا عنقها كامل كيسيل بدم مفهم تا وزة ميمكنش تا لينا خبشاتها فيه حيت سنسلة مغطياه) مال عنقك جيبي نشوف
ياسمين : (بعدات عليه معصبة) لاش عاطيها طيليفونك أدوي ولا عاجبك تعمرو ليك بتصاورها عاجباك فورمتها ياك تموتو فطرامي كاملكوم ݣنس واحد
جود : (شافها كترعد) دبا مالك كتغوتي شغيعجبني فيها اصلا ونا مزوج واش يسحاب ليك انا تامل نخلي وحدة فدار او نمشي نقلب علقح’اب ؟ طلباتلي طيليفون قالت ليك باغة دير مكالمة ضروري شعرفني بلي باغة تصور
ياسمين : من لول مكنتيش تعطيها طيليفونك
جود : صافي غا سمحيلي منعاودش جيبي غا نحبسو هاد دم لي فعنقك
ياسمين : بعد عليا متقربنيش
دخلات لحمام سادة عليها شافت راسها فلمراية كاملها مخبوشة او مضروبة عنقها كاملو دم او سنسلة ترخات من لوسط ، هزات لمقص صغير او بدات كتقطع سبيب باش كانت مخيطة سنسلة معا جلدتها ، يديها كانو كيترعدو ، قدرات تفك ديك سنسلة غا بزز او هي عاضة فمها باش متغوتش من لحريق فلأول او فلأخير راه كانت جلدتها لي مخيطة ، ملي حيدات ديك السنسلة دوك لبلايص مناش تجرات كان دم كيسيل منهوم عيات تغسل فيه والو مابقاش احبس ، كمدات لفوطة لعنقها او خرجات عند جود لاقياه واقف حدا لباب تاع لحمام
جود : (حيد ليها يديها بزز على عنقها عوال ايجوف الجرح لي كيسيل ليها دم لقا بلي نقابي صغار على طول لعنق لي منافسين دم او خط كبير شاد ليها من لقنة تاع لعنق تال لقنة بحال شي حد دوز ليها لموس او خلا فيه لاطراس ، مادواتش او مسولهاش بتاتا على شنو هادشي مشا ݣلسها محيد ليها ديك السنسلة من يديها ) واحد شوي او غتجي طبيبة
ياسمين : لاش معيط ليها بسلامة تشكيت عليك
جود : هنينا يرحم باك (خرج من لبيت ايشوف طبيبة واش جات)
لحاجة : (ملي شافت طبيبة مشات عندها كتجري) مزيان ملي جيتي تشوفي ليد لينا
جود : دكتورة تبعيني لحاجة جبت طبيبة لمرتي
لحاجة : تشوف لينا أبعدا راه يديها ضاراها
جود : يجعلها تكون تا مهرسة انا مالي (طلع طبيبة لبيتو)
طبيبة : (قربات عند ياسمين تشوف عنقها ) واش كنتي مخيطة جلدتك ؟ باش كنتي مخيطاها ؟ هاد الدبحة لي فيك
ياسمين : بلى قوت لأسئلة ديالك عارفة ديري شي حاجة ديريها معارفاش ها لباب عنينا
جود : متديش عليها ادكتورة ، هاد السنسلة لي كانت مخيطة معا عنقها فيها سبيب باش خيطات دابزات او تبترات ليها السنسلة بجهد تا ولات غا دمايات
طبيبة : (كتحاول تستوعب كاين شي واحد بعقلو كيخيط راسو) نترة لي تسببات ليها فهادشي تجر لخيط بزاف تا جرح لحم
جود : ولكن راه دم مابغاش احبس
طبيبة : (خرجات هي وياه برا لبيت) اقدر لخيط كان دايز تحت شي عرق ملي تجرات سنسلة بجهد ايكون تقاس لعرق ، ولكن ماتخافش شي باس مكاين راني عقمت ليها عنقها او وجها الله ايجيب الشيفة ، غا هو خاصها تمشي عند طبيبة نفسانية ماشي نوغمال لواحد اقدر اخيط راسو براسو
جود : (وصل طبيبة لباب او رجع عند ياسمين لاقيها مشات تكات تنعس ، جمع لبيت أو مشا طفا ضو متكي حداها)
لحاجة : (كانت وقفة حدا نجية لي كتحاول تسكت لينا من لبكا) غا سكتي ابنيتي باركة من لبكا والله لا بقات فيها
اكسيل : عاودي شقلتي الحاجة زايداها كتحلفيها فيها
لحاجة : شوف اولدي لحالة لي وصلات ليها لبنت مسكينة
اكسيل : هي لي قلبات عليها
ناجية : ماشي غا حيت مراة ولدك توقف معاها او تضلم بنتي مسكينة ديك شمكارة هي لي قلبات عليا
اكسيل : (دوا بتحدير) آخر مرة تقللي ترابي على ياسمين أبنت خالي ملي تبغي تجبديها تفكري بلي راها عروسة اكسيل آيت اوسو سمعتيني مزيان ، ونتي ابنتي لينا هادي دير ليك لعقل باش تنقسي من داك طيران ديالك او تعطي لعز لراسك راني عارفك فرفارة
لينا : جود غي بحال خويا هي لي كتشك بزاف
اكسيل : ماشي خوك او مزوج ادن وقريه ، من حقها دير فيك تا مكتر الى شافتك كدوري براجلها رزقها حاضياه ولأهم ضارها سمعتيني ، ونتي الحاجة نعاود نسمعك كتجبدي سيرة ياسمين ولا طاسيلتها بلخايب ميعجبك حال تا ولاو لبرهوشات تاع اهلا ايعايروها بباها ، باها شماتة ميسوا ميصلاح مها مقاتلة معا زمان علأقل بنتهوم مكضورش برجال لمزوجين اولا ، هاد أمرا حذرتك حيت حاسبك بحال بنتي الى باها مقامش بيها او معرفش بحقها فأنا باها ، نعاود نشوفك كتقللي على بنتي طرابي غنعاودلك انا ترابي الي عندها باها
خرج من عندهوم او طلع لبيت عند ياسمين طمائن عليها من جود عاد مشا هبط لجردة فين كان باه او خوتو او ولاد خوه متكيين على ربيع
اكسيل : يبا (مشا تكا حدا لحاج معنقو او مدوز يد لحاج تحت راسو)
مجد : (نفاجر بضحك ملي شاف باه معنق جدو او ناعس حداه كي دري صغير ناض كيصور فيهوم) لواليد شت غا مشات ليك لغالية وليتي لي لقيتيه تعنقو ههههههه
عزيز : ونا كنقول مال الضيم طايح عليه قولي موحش لغالية
جود : (بعدما تأكد بلي ياسمين نعسات هبط عندهوم ضارب فباه) شهاد لحنان نزل عليك الواليد
يحيى : توحش مرتو او جا يعوض بحنان لواليد
مجد : (حلف تا يشد فباه داكشي علاش بدا كيغني ليه) “ايناس ايناس ميريغ ميريغ اذاسيخ ايزمان ، ايسي ينغا ايسي ينغا لقناظي ابعدي وبريد وبريدوسمون ايناس ايناس “
{قوليها قوليها شنو ندير لزمان ، حيت قتلني لقنط او بعيدة عليا طريق تاع صاحبي هههههههه}
لحاج : (حس باكسيل ترخا عرفو نعس ) خلي باك ناعس دبا تفيقو
مجد : لاباس نعس ايما كون ناض هرسني (مشا تكا حدا يحيى) آجي نعنقك الواليد آجي
سعد : تا كحاز لهيه شغتعنݣ مافيك تيقة شك بدا كيدخلني فيك
جود : بلاما تشك كون متأكد بلي هاد سيد لوبيا
مجد : (ركلو برجل) كاين شي لوبية قدك
جود : انا راني قطعت لواد لهيه مزوج نتا لي بين او بين
مجد : تا انا قريب نتزوج
رضوان : ناوي تزوج ايمتا وصلتي لعمر تاع زواج بسلامة
مجد : بغيتيني نبقا تا نشرف بحالك محمد وا محم.. (ماجا فين اكملها تا جاتو فردة لوجه) أي شكون ضرب
اكسيل : قرين جدك تا تعيط ليه بسميتو
مجد : واناري واناري ياك يالاه كنتي ناعس لواحد اطلب معاك غا سلامة
معا جوايه ديك تلاتة ونص ضرباتها لفيقة وهي كتقطر بلعرق نفس بدرع باش كطلعو او تنزلو ، كتشوف قدامها غا ضلام ضلام خانقها او مقيد روحها ، صحتها كانت فاشلة عليها مدات يديها كتحسس طرف لاخر تاع ناموسية لاقية جود ناعس حداها ، رتاحات نوعا ما لداخل ديالها ناضت من بلاصتها ومشات دخلات لحمام سادة عليها من لداخل ، قابلات انعكاسها فلمراية او بدات كتحيد لفاصمة لي دايرة ليها بعنقها كاشفة على على داك لخط لي شاد ليها من لقنة تال لقنة ، مكتحملش تشوف هاد الضربة لحمها كيتشوك عليها ملي كتشوفها باغة تغطيها محاملاش تشوفها او تفكر سبابها ، خدات نفس طويل قبل متهز برا وخيط باغة تعاود تخيط ديك الشبكة معا لحمها
ياسمين : (كانو يديها كيترعدو مقاداش تخشي ليبرة فراسها كلما قاس راس ديالها جلدتها كتشك او تحبس) مالك اياسمين ماشي أول مرة ديريها (قبل متحاول من جديد سمعات لخبيط فلباب)
جود : (حس بيها ملي ناضت من حداها قال يمكن داخلة لطواليط تقضي حاجتها ولكن ملي تعطلات عليه مشا كيدق عليها لحمام) ياسمين حلي لباب ، ياسمين داوي معاك حلي لباب
ياسمين : (متسوقاتش ليه او بدات كتحاول من جديد تخيط راسها)
جود : (حل لباب بضوبل تاع ساروت لي عندو مصدوم من شوفتها باغة تخشي ليبرة فراسها جرا عندها شاد ليها يديها مبعدهوم على عنقها) شكاديري واش تسطيتي ؟
ياسمين : طلقني ماشي شغلك فيا
جود : مغنطلقكش واش باغة ضرب راسك لاش اتخيطي لحمك هبلتي
ياسمين : (نفاجرات بلبكا) مكنحملش نشوف عنقي باغة نغطيه
جود : (شي مرات كيحس براسو عاجز استوعبها يالاه كانت كتغوت او دبا ولات كتبكي حيد ليها ليبرة من يديها او خرجها من لحمام معنقها) صافي بلا بكا انغطي ليك الطبعة بلفاصمة صافي
ياسمين : (دغيا حبسات من لبكا او بقات ساكتة لي شافها غيشك بلي راها مريضة بانفصام الشخصية)
جود : (مشا جاب لفاصمة او لواها ليها على عنقها) هاهو دبا تغطا
ياسمين : دوك طحبات خصرولي ولكن والله لا بقات فيهوم من جداك تال ديك لبرهوشة لوخرة
جود : شبغيتي بلماشاكيل ، مديهاش فيهوم
ياسمين : كيفاش منديهاش فيهوم شوف وجهي كي رضوه ليا أدوي الى بقا ليا لاطراس
جود : يبقا لاطراس ولا يݣلس انا كنحماق عليك كيما نتي
ياسمين : بزز على طواسلك تبغيني كيما انا ولاهيلا قالك ، شتي ديك طحبة تاع بنت خالتك الا مفديتها فيها الا مخليتها متعاودش تحط رجليها فكازا راني منتسماش ايوا عقل فين قلتها ليك
جود : علاش نواية عاود يهديك الله
ياسمين : تهدا غا نتا
جود : يالاه يالاه نخرجو حدا لبحر اضربنا شوي دلبرد راه بانلي سخن عليك داك الراس عاود
ياسمين : مد ليا ديك لقبية نلبسها
جود : (مشا لماريو ديالها او جبد منو واحد الجلابة من جلالب لي جاب ليها فدهازها ، كانت بلموڤ مخدومة بلعقيق خدمة خفيفة ) هاكي لبسي هادي عمرك لبستيها
ياسمين : انا نلبس جلابة ؟ ههههههههههه مكانش يسحابلي عندك معا نكت جيب جيب ليا لقبية ونتا باغي تشرفني
جود : وغا لبسيها اتجيك فنة
ياسمين : لا مغنلبسهاش
جود : نشري ليك لݣارو او لبسيها
ياسمين : لݣارو ديالك نكميه فجوج دقايق
جود : ن.نشري ليك باكية
ياسمين : مشات (حيدات لپيجامة لي كانت لابسة او لبسات ديك الجلابة)
جود : وقفي نشوف (وقفات) الى عندك شي شورط ولا كولون لبسيه حيت سترينݣ لي لابسة عزل ليك طغمتك
ياسمين : (كانت كتمشط فشعرها او تدهن وجها) جبد ليا شي شورط من داك لمجر
جود : (حل لمجر ناوي يجبد شورط تا لقا راسو كيتمنضر سليپات) عند جدك هاد شكال كاملين او مكتلبسيهومش
ياسمين : سيفطك تجبد ليا شورط سكنتي (خدات شورط راسها او لبساتو ، عاد مشات خدات الشاپو دارتو على راسها )
جود : يالاه (شد ليها يديها او خرجو ركبو فطونوبيل غاديين لواحد الجنب مدرݣ او قريب لبحر)
ياسمين : (كان لحال يالاه بادي كيضوي غا شوي حيت يالاه لخمسة قل ، مدات يديها لمسجلة طالقة صوت لپيانو بلى غنى خلات صوت ممجهدش كتسمو غا هي وهو)
جود : (حيد السمطة تاع الطونوبيل مستاغل انهوم بوحدهوم او قرب عندها بايسها من فمها)
ياسمين : (حسات بيه جعر عليها هي تبعد بشوي) شتك دغيا وليتي كديماري
جود : ههههههه
ياسمين : (هي لي قربات عندو هاد لمرة داخلة معاه فقبلة أعمق ملي سبقاتها ، شدات ليه الشنفة لتحتانية بلمصان تا طيباتها او دازت لشنفة لفوقانية )
جود : (فلحضة لي كان مستحلي فيها لبوسة مخلي ياسمين هي لي متحكمة فلبوسة ، دخل لسانو لفمها مشابكو معا ديالو او مشاركين ريق واحد ، تا دق عليهوم شي واحد فزاج تاع طونوبيل ياسمين بعدات عليه بزربة او هو ضار لجيهة الزاج لاقي بلي لبوليس لي وقفو عليهوم) زهري ونا عارفو آراك لتجرجير ابن عمي
نزل من طونوبيل مخلي ياسمين لداخل او شاف فلوليسي لي كان باين فيه معاجبو حال او مخنزر
لبوليسي : لاكارط ديالك او قول لديك خيتي لي معاك تنزل
جود : ها لكارط ديالي ولكن علاش هي خاصها تنزل
لبوليسي : (معصب) زايدها بلهضرة قلت ليك قولها تنزل
ياسمين : (نزلات عندو) جود شواقع ؟
لبوليسي : باقة كتسولي شواقع ؟ جيبي لاكارط ديالك كتسلتو من ضيوركوم باش تخرجو تسلݣطولي هنا ماتعرفو تحتارمو لا قانون لا دين لا باشار ، واليديك ناعسين فدار ونتي سالتة باش تباوسيلي فلخلا لخالي معا هاد شماتة والله لا داك احنينتي كريمة لقنب
جود : (شاف ياسمين عوالة على خزيت خلفها طلق شي قنبولة) شاف راك فاهم غالاك
لبوليسي : شنو غنفهم غلاط ؟ مكنتش كتباوسو ؟ ولا ياكما متعلما تقيم صلا والديك عندك 23 عام كتافك قداش او داير عقلك فبرهوشة فقاصر مدايرة تا 17 رعام ، فايقلي معا نبوري تجيبها لهاد اهلا تكويها كون فيقك باك لفجر كون تخاسرتي معاه ولكن حيت لقضية فيها لبوسان ستحليتي لفيقة ، حاميد جي هز عليا هاد جوج اتݣلاصاو شوي يالاه تحيد منهوم هاد دودة
جود : (كيبغي ايقول ليه راهوم مزوجين كيحبسو فنص او يعطيه محاضرة) راها مرتي
لبوليسي : هههههه حميد سمعتي لخوينز شكيقول مرتك ياكما بنت ليك انا هي ديرلي ديك لعيبة تاع حبيبة ربي مزوجنا فسما قبل من لأرض ، شبعك باك ضانو سايݣ عليا طونوبيل واعرة قلتي صافي بنات ناس نضحك عليهوم ولكن غنشوف واش انفعوك فلوس باك دبا يالاه تهزو عليا لسطافيط
جود : (عرف بلي مغيتفاكش معاه بغا يدخل لطونوبيل اجبد ليه غا نسخة من عقد زواج والو مخلاهش)
ياسمين : (فمها كان واكلها جود هو لي حابسها متقولش شي حاجة لي تغرقهوم ركبو فسطافيط بجوج دايرين ليهوم لمينوط) ها لخرجة تاع لخمسة دصباح تفو
جود : لبسناك جلابة او باقة كتباني صغيرة كون لبستك لقبية كون مشيت فيها مؤبد
لبوليسي : هنيونا بجوجكوم
جود : باغي ندير واحد لمكالمة
لبوليسي : ملي نوصلو دير تا عشرة
جود وصلوهوم لكوميسارية او من زهرهوم كانت خاوية شوي
لبوليسي : مال هاد جوج ؟
لبوليسي : لقيتهوم كيتحابو ليا فطونوبيل حدا لبحر
لبوليسي : هاي هاي على روميو او جولييت دياولنا كلاتكوم ؟
جود : راه ماشي هاكداك حنا راه
لبوليسي : (جمعها معاه بتصرفيقة) قلت ليك دوي ؟ ولا حادݣلي غا فتعدو على بنات ناس أدوي مابقيتو تحشمو سماعيل كتب لمحضر نعاودو ترابي لهادو شكادير فحياتك ؟
جود : خدام
لبوليسي : فاش
جود : قاضي
لبوليسي : (عطاه بونية لكرش) ينعل والديك قاضي او كضصر على بنات ناس
ياسمين : اباركة من ضرب واش هبلتي راك زويتيه
لبوليسي : وينو وينو بقا فيك طلعي نمرة باك ايجي يشوف لمصونة تاع بنتو شكانت كدير معا صباح
ياسمين : واش نتوما غالي شتوه يتباوس تشدوه نمرة با مغنعطيهاش ليك
لبوليسي : هبطو عليا هاد جوج لتحت نتا نمرة باك يالاه
جود : 06******
لبوليسي : (خلاوهوم تما ݣالسين او صوناو على اكسيل)
اكسيل : (كان يالاه سالا صلاتو او صوناو عليه) الو السلام عليكم
لبوليسي : وعليكم سلام نتا لأب تاع جود آيت اوسو
اكسيل : واه هو انا
لبوليسي : تفضل عندنا لكوميسارية
اكسيل : شنو وقع ؟
لبوليسي : تفضل عندنا او تعرف
اكسيل : (قطع معاه او مشا هز لاكارط ناسيونال ديالو او عقد زواج ديال ولدو حس بلي شي حاجة تما ، خرج ركب طونوبيلتو تا وصل لكوميسارية او دخل عندهوم) سلام عليكم
لبوليسي : وعليكم السلام سيدي تفضل ݣلس لاكارط ديالك عافاك
اكسيل : ها هي عافاك واخة نعرف علاش شديتو ولدي
لبوليسي : سيدي لقينا لقبض على ولدك معا واحد لبنت طونوبيل حدا لبحر
اكسيل : واخة نعرف شكون لبنت
لبوليسي : (شير ليه لياسمين) ديك مولات جلابة
اكسيل : (تبت راسو) وشنو لمعمول دبا
لبوليسي : بغينا غا نزيروهوم شوي باش متبقاش سيبة لي عندو شي صاحبة يديها لخلى ابقا يبوس فيها كيما دار ولدك دار ربي لخير وصلنا لقيناهوم باقي مابداو غا لبوسان
اكسيل : عندك لحق انا متافق معاك غا هو هاديك راها ماشي صحبتو هاديك راها مرتو بشرع ولقانون او ها عقد زواجهوم
لبوليسي : (خدا من عندو لعقد كيقرا فيه ، مسكين حس بلإحراج) يعني مرتو تاع بصح سمح لينا آسيدي غلطنا ، طلقوهوم دابا
اكسيل : ماشي موشكيل راكوم كنتو كديرو غا خدمتكوم
جود : (طلقوهوم لبوليس او خرجو من لكوميسارية مقدش اهو لعين فباه خصوصا ملي عرفو كان كيتباوس معا ياسمين او شدوه لبوليس مرݣ منو ، ركبو معاه طونوبيل او كان كيتسناه اغوت عليهوم تا سمع صوت ضحك ديالو)
اكسيل : (مقدش ايزيد احبس الضحكة او طلقها) هههههه ما عند جدكوم زهر هههههههههه سلخوك
جود : ههههههه كترت لهم كضحك محرمينها عنا فلحرام او لحلال
اكسيل : (وصلهوم لطونوبيل ديالهوم نزلات ياسمين لولة) نزل نزل اكحل لعفطة عرف تختار لبلايص ادحش
#عند شيماء#
كانت فدار ديالها حاطة لغدا كيطيب او ݣلسات كتجمع معا لغالية تا سمعات سرسار فلباب ملي حلات لقاتها رقية او رابحة لي جاو عندها
شيماء : (بتاسمات فوجهوم) خالتي رقية خالتي رابحة دخلو مرحبا
رابحة : أرحب بيك لخير ابنيتي
رقية : (مشات ݣلسات فوق سداري محيدة زيفها كتشيش بيه) شي كويس دلما عافا بنتي على شمش برا ولا
شيماء : (مشات جابت ليهوم لما) ليوم زايدة فيه لحرارة شوي مجاش معاكوم عمي عزيز او يحيى ؟
رابحة : لا مشاو معا اكسيل مانعرف فين بغا يديهوم هوما ومصطفى ولحاج فين علاء مكاينش فدار ؟
شيماء : معا نبوري رجع لدار من عندكوم ولكن قال ليا بلي عندو شي تسافيرة لمراكش على ود شي خدمة
رقية : الله ايعاونو كون جيتي معاه لبارح تحضير لواحد لمقاتلة
شيماء : شكون دابز ؟
رقية : ياسمين ترايشات هي وبنت خالة راجلها او ناضت لحاجة او ناجية تحاماو عليها غا حنا وصلنا جا جود فكها ايما كانو يقتلوها
شيماء : مالهوم جهلو
رابحة : كون تشوفي لحالة لي دارو ليها مسكينة وجها او عنقها كاملين ولاو دمايات ، ديك فليفلة تاع لينا مانعرف شخلوضات لوخرة عاود لي على قلبها على لسانها معطلاتها قالت ليها تفرقيلي على راجلي لاش لاسقاه مني منك هوما يترايشو ملي جات لحاجة شافو ياسمين راكشة على لوخرة هوما ينوضو عندها جود جا صاعر كان غيطير على خالتو كونما باه لي حبسو
رقية : ولكن تا ديك فريفرة هانتي تجي عندك او ضحكي ليها باها او مها مسيبينها او مفششينها بلى قياس تا بدات تنقل لعباد الله لعينين
شيماء : هادشي باقي مفخبار لغالية
رابحة : شكون غيقولها ليها اكسيل راه طلع ليه سكار مشا نعس حدا لحاج شويا ميسكتلو لقلب كل مرة ايحركو خايفو ليغيب ، ويلا لحاجة حيت عطاهوم ليها والله ما نزلات طل عليه واخة عارفاه مريض
شيماء : حشومة عليها والله زعما مراة حفيدها خاصها تجي من جيهتها
رقية : ديك شارفة خرفات غا حيت بنت بنت خوها او خالتها سناء كتقطر ليها من لعين ولكن دابا تعميهوم ليها والله كون خدا جود لينا تا تشوفي كي غتسيف عليها
شيماء : لحاجة كانت باغة سناء تبقى مرأة ولدها داكشي علاش مكتحملش ريحة لغالية او طسيلتها
رابحة : ايوا طر على لبغو ملي شافت ولدها خدم فكازا قالت ليه والو غا تزوج لي نختار ليك انا او دار ليها بخاطرها ، ايوا سيدة مقداتها فرحة بنت خويا ومراة ولدي ، تخليها ݣالسة ونوضو حنا تسخرو فلخر آش ديك بنت خوها سمحات فراجل كي داير كان حاطها بين عينيه
شيماء : باقي مفهمت لدابا علاش طالقو
رقية : تا يكونو ولادهوم عارفين راه تا واحد معارف شنو مشاركين ولا كي كانو عايشين مازال هي كتقولك كان فيه كترت لحكام كان كان ولكن هو عمرو جبدها بلعيب تفارق معا سيدة ميسول فيها ميدوي عليها ، انا راه ندمة ديك نهار فاش تهاويت معاه ولكن لكبدة لي دارتها ليا او واخة هاكداك والله ماقلق مني عارفني كيعجبني لعسل تاع ليمون نديرو لوجهي او شعري سيفطلي 5 يطرو معطلهاش
رابحة : راه منين كان او هو هاكداك ميجبد حد ميقيس حد ، سناء دروك تندم عليه تاكل تراب من وراه او مينفعهاش ، حيت داكشي لي دار عليها داك سيد والله لادارو شي حد بغات تقرا دخلها لپريڤي بغات تمشي لخاريج مشات لي حلات عليها فمها كانت كنلقاه ، اما يامات تاع لحمل مندويش ليك عليهوم كان ديك ساعة يالاه بادي مسكين كيدير راسو ، اصبن يغسل اطيب حوايجها غا هو لي كان كيغسلهوم مور مولدات ولا هو لي يخرق دراري او يعومهوم فين هي راها هنا معا صحاباتها لقراية او لفلوس ، عرفتي شكانت كادير ليه ولا كتحلبو بمعنى لكلمة ، راه دبا لغالية واخة طلب ليه كتقيس كتعرف عندو معندوش
رقية : تا نتي هاديك الى طلبات جات معاها ، لحاجة ممسروطاش ليها تشوفو دايرها بين عينيه لي بغاتها لغالية تحضر ، ولكن لغالية دارت ليه لي مدارتوش لي قبل منها واخة متشقاش مغرقاه حنان مغرقاه تحلوين ، كطلب ليه او تبرع راسها ولكن كون توقع ليه شي حاجة تبيع لي قدامها وموراه على قبلو او جمافو ، هاني وهاني على ديك زرافة لوخرة طالعة وأكلة نازلة وأكلة غي ضمنات راسها قالت ليه الله ايعاون
رابحة : هههههههه زرافة نيت تف تف شحال تاع دنوب خدينا عليها ولا
رقية : به نحشم نقول ليهوم عمرت لكارني بدنوب ديك خيتي شدو عليا موضوعها راه تروع خاطري ذكرنا سمن او لعسل او مذكرناها
شيماء : آنا غنحط ليكوم لغدا (مشات هزات طاجين من لكوزينة او حطاتو ليهوم) قالت ليا لغالية بلي خطيبة مجد راها معاكوم ار كي جاتك لبنت
رابحة : واهي لبنت كتبان درويشة خايفة على صݣع تاع ولدي لبنت مترينية تشدو تقسمو على جوج متسولش فيه
رقية : ههههههه تا نتي كي شتي ولدك معاجبوش لحال راه كيقول غا ايمتى نتزوجها
شيماء : (بقات رقية او رابحة معاها تا كلاو ترضيضة عاد مشاو من عندها ، ملي هزات طيليفونها لقات بلي علاء صونا عليها شي جوج مرات داكشي علاش صونات عليه) الو علاء
علاء : عييت نصوني ليك
شيماء : كنت كنغسل لماعن مكنتش حدا طيليفون وصلتي لمراكش ؟
علاء : واه راني فلوطيل
شيماء : كي داير لجو تما ؟
علاء : ملي وصلت كان لجو مابيهش ولكن دبا تزمتات
شيماء : تا هنا تزمتات
علاء : طيبتي شي عشا ولا والو
شيماء : صدرتك او نوض نصايب لعشا هههههه تا نكون مسطية الله اعز اندومي
علاء : مشيتي تسجلتي فلاصال ليوم
شيماء : باقي ماشريت حوايج تاع سپور او زيد ليوم صهد مكان فيا لي يخرج
علاء : مزيان غنقطع دبا كيصونيو عليا نسالي او نعاود نصوني ليك
شيماء : صافي واخة
#عند لغالية#
هادا تالت نهار ليها فمراكش دوزاتها غي خدمة او حريت تا لخريج مخرجاتش ليوم لي لقات راسها سالات معا تمنية شوية بكري طلعات لبيتها او صونات على اكسيل تدوي معاه سعا مكيجاوبهاش ، هي تصوني على ياسمين
ياسمين : أهلن
لغالية : اهل.. مال وجهك ؟
ياسمين : والو غا ضاربت
لغالية : معامن بسلامة ؟
ياسمين : معا ديك لكلبة تاع لينا
لغالية : وعلاش بسلامة عاودي ليا
ياسمين : (عاودات ليها شنو وقع بتفصيل)
لغالية : شوفلك لكلبات دارو ليك دعقة
ياسمين : والله لا خليتها فيهوم بغاو غا شوهة او لفضيحة أنا مولاتها
لغالية : علاش ناوية نتي عاود تكمشي خلي زمر عليك
ياسمين : تي بربي لاخليتها فديك لخانزة عجبها ضور براجل مزوج اوا انا غنوريها شغل لمزوجين
لغالية : (عرفاتها ملي دارتها فبالها والله مكاين لي يفكها منها) ديري وقيسي او خلي يديك نقيين ، عمك اكسيل مكاينش فدار ؟
ياسمين : لا راه مشا معا لحاج او عزيز او يحيى او مصطفى اصيدو
لغالية : مزيان انخليك انابا نمشي نتعشا صافي
ياسمين : بسلامة
لغالية : (قطعات معاها او لبسات عليها عاد هبطات لريسطو تاع لوطيل تاكل ، خدات ليها واحد الطبلة معا كوتر ) طلبي لينا شي حاجة ناكلوها انا غنمشي لحمام نغسل يدي او نرجع
كوتر : واخة
ناضت لحمام غسلات يديها او خرجات ديك لمشية لي كانت غادة تعرض ليها واحد سيد ايكون فأوائل الربعينات
راجل : (مد ليها واحد لبطاقة) انا عدنان مهندس
لغالية : (دخلها شك فيه) متشرفين
راجل : (كانت بغات تزيد بحالها ولكن مخلاهاش) مغتعرفينيش على راسك لأسم ديالك لعمر متلا
لغالية : دوماج لقيتيني بلا سمية
راجل : ههههه خلينا غا نتعارفو مالك زربانة
لغالية : باشمن صفة غنتعارفو متلا
راجل : هههه راجل او مرا كيتعارفو عادي ولا تبغينا نبدلو لبلاصة باش نتعارفو مزيان ، عندي شومبغ فهاد لوطيل كطل على واحد لمنضر زوين تبغي تمشي تشوفي
فؤاد : الى زوين طلعو معاك (كان دايز هو ومراد تا بانت ليه لغالية باغة دوز او لاخر ساد ليها طريق ، قرب عندهوم سامع هضرتو ليها مدار ليه فين اضور احقق شوفة تا زواه لكرش او خبطو لأرض) واش طواسل مك متوقرو بنادم متخليو لي يوقركوم
مراد : (شاف فؤاد كينزل على سيد بضرب) باركة عليك غتق..
لغالية : (منعات مراد) خليه اعاود ليه ترابي راهوم كترو ، مسيو فؤاد جيهة لوخرة باقي مقستيها غيبقا فيها لحال ههههه
لغالية خلات فؤاد املخو عصا ومشات هي تجاوب على طيليفون لي صونا ليها
اكسيل : الو لغالية مكانش عندي ريزو دبا عاد شد ليا
لغالية : ماشي موشكيل
اكسيل : شتك ناشطة واقعة شي حاجة
لغالية : واحد زمر بغا يدير لينا ركن التعارف خليت لمودير كيكرم فيه دبا هههههه
اكسيل : (غوبش) شكون هاد ولد طحبة عاود
لغالية : تا نتا شكون هههههه كون تشوف كي ولا كي شرويطة رجعتي لدار
اكسيل : لا باقي
لغالية : مشا معاكوم عمي الراضي ؟
اكسيل : واه راه معانا
لغالية : هدا هدا متأكد مشيتو تصيدو لحوت ماشي حرية لبحر ، ها ودني منك ايها راه خبارك توصلني توصلني نشم عليك شي حاجة ميعجبك حال
اكسيل : (بغا استفزها) شغاديري ݣاع
لغالية : باقي مكتعرفني نتا غا دير او تشوف شغيدار فيك والله تا نخليك مجرجر فسبيطارات كي ديك لمرة
اكسيل : شمن مرة ؟
لغالية : (عرفات راسها زبلاتها) شمن مرة ؟ تا مرة تعبير مجازي بسلام نخليك دبا
اكسيل : (شم ريحة لغدر فيها) بربي متمشي تا تقولي ليا قضية دوك سبيطارات ولا غنشد طريق عندك
لغالية : انقول ليك او متقلقش
اكسيل : غي ݣري عارف راسي مزوج اره’ابي
لغالية : عقلتي هادي عاماين كانت واحد الشارفة مسكينة الله ارحمها فهاد نهار ، ولفتي كتمشي كلا نهار طلع عليها الى خصاتها شي حاجة او تبدا ليها ، اما مكنتش عارفة بلي شارفة لي ساكنة تما ونتا مقلتي والو دخلني شك فيك قلت يمكن هادا مشا جاب عليا الضرة. لا كيخوني معا شي خانزة جيب نربيه باش ميعاودهاش ، داك نهار درت ليك دوا تاع لإسهال فلماكلة او زدت عليه تاع ضران لكرش كنت حاقدة داكشي علاش كرشك ضراتك داك نهار او مشينا بيك لسبيطار
اكسيل : وامي بيمن مزوج انا طبيب كيقول ليا تسمم غدائي او تسمم شخصيا كان كيبكي عليا معرفت شمن طبقة فجهنام غيحطك ربي
لغالية : والله ما درتها بلعاني انا غا معجبنيش تشوف وحدة خرى من غيري فيها شي حاجة إلى حضيت رزقي او خفت عليه
اكسيل : كاينة شي حاجة خرى درتيها ليا عاود في إطار لمحافضة على رزقك
لغالية : (عاود زلقات ليها) لا لوخرينات موصلتيش لسبيطار ب.ب.بغيت نقول غا ديك لمرة
اكسيل : احياني عليك ݣري ݣري
لغالية : علاش كتجر ليا لساني أدوي عفا الله عما سلف مالك حقود
اكسيل : دبا انا لي وليت حقود راك كنتي اتصفيها ليا يا بنت لعبد
لغالية : او او مالك يا نديك انا يا يديك ربي بسلامة
قطعات معاه او رجعات لطبلة عند كوتر لاقية فؤاد او مراد واقفين حدا الطبلة
لغالية : مسيو فؤاد شكرا على قبيلة
فؤاد : لعفو مراد يالاه
كوتر : فين غادين ؟
مراد : عندنا شي غاراض نقضيوه
كوتر : مزيان
لغالية : (ݣلسات كتعشا هي وكوتر)
كوتر : ايوا ازين شت ديك لمكالمة خلات لقلوبة اضويو فعينيك ، جاني لفضول نشوف حبيب لقلب
لغالية : راك شتي تصاوري معاه فطيليفوني
كوتر : ياختي كانو بزاف ددراري تما واحد انسيك فلاخر معرفتش شكون فيهوم
لغالية : دالي كان لابس… بلاتي (صونا ليها طيليفون) الو وصلتي ؟ راك قريب ؟ صافي انا غنخرج عندك دابا مغنتعطلش ، غنخليك دبا اكوتر
كوتر : فين غنمشي كملي غي عشاك
لغالية : مزروبة بسلامة (هزات صاكها بزربة او خرجات من ريسطو لاقية علاء كيتسناها برا حدا طونوبيل)
كوتر : (قشعاتها معا علاء) ونا كنقول هادا هو حبيب لقلب
لغالية : ياكما تعطلت عليك ؟
علاء : لا لقيتيني يالاه وصلت نيت مشينا
لغالية : يالاه (ركبات حداه فطونوبيل) سمح ليا عدبتك تجي عندي تاع مراكش
علاء : مكاين لا عداب لا والو كانت اصلا عندي شي خدمة هنا ، دويت معا سيد قالك دبا عاد مسالي غنمشيو نشوفو فين وصل
لغالية : تا هادا نضار
علاء : (حرك طونوبيل تا وصلو لواحد لمحال عاد حبسو)
لغالية : (دخلات هي وعلاء لمحال ضاربة فيها ريحة لخشب ، ضورات عويناتها فلمحال بفضول كتشوف شنو فيه كولشي تقريبا كان بلخشب ألعاب تاع لخشب ، حياوانات بلخشب وحدة تنسيك فلوخرة )
علاء : (خرج عندهوم واحد الراجل كبير شوية فلعمر) السلام عليكم
الراجل : (كان باشوش فوجهو) وعليكم السلام ولدي شحال لخاطر
علاء : جينا نسولو على واحد لأمانة واش وجدات ولا باقي
الراجل : شحال من أمانة عندي شكون فيهوم
لغالية : هادي شهراين باش دويت معاك طالبة منك تصايب ليا دار تاع لخشب الى باقي عاقل
الراجل : دار دار تاع لخشب معقلتش
لغالية : نمرتي عندك او
الراجل : هههههههه غا ضاحك ابنتي عقلت عليك من صوتك قلتيلي بغيتي شي شكل تاع الدار تحت سميت اكسيل
لغالية : واه جيت نسول واش وجدات
الراجل : هي تقريبا واجدة ولكن باقي متفينات واحد تلتيام عاد اتوجد
لغالية : تلتيام
علاء : ايمتى اترجعي لكازا
لغالية : غدا ولا بعدو
علاء : صاف ملي نجي انا نجيبها معايا قالي عمي اكسيل راك مجبتيش طونوبيل معاك
لغالية : جيت الحار صافي تا هاداك نضار ، بغيت عافاك تنقش سميتو فيها
الراجل : واخ
علاء : غنخرج نحرك طونوبيل يمكن سديت طريق
لغالية : سير
الراجل : يالاه معايا علاما يرجع ها لي معاك (دخلها معاه لورشة فين كيخدم)
لغالية : كتخدم بوحدك ؟
الراجل : أغلبية بوحدي
لغالية : خدمتك كتخدمها بلعشق
الراجل : ههههه منين كانت عندي 10 سنين ونا كنحت دبا 55 عام بلحساب ، هادا لمن خدمتي هاد الدار شنو كيجيك باك ؟
لغالية : لا هادا لمن خدمت هو داري راجلي عيد زواجنا قرب شحال ونا كنقلب على لي يخدم ليا شي حاجة بحال هكذا حيت كتعجبو لحاجة لمخدومة بلخشب ، كيقول ديما بلي مورسو تاع لخشب تكون ريحتو هازة بزاف تاع لمشاعر لمخالطة
الراجل : هههه راجلك دواق جاني لفضول نتعرف عليه قليل لي عارف بقيمة شي حوايج
لغالية : ان شاء الله ملي تسمح لفرصة غنجيبو عندك نخليك دبا غنمشي آه قبل منمشي (جبدات واحد جوا) ها رزقك علاش تافقنا
الراجل : الله يخلف
لغالية : (خرجات من عندو بعدما كانت تبادلات معاه لكلام بساعات ، ركبات طونوبيلة علاء او مشاو قصاو مزيان عاد رضها لوطيل معا جوايه ديك 2 دليل ، نزلات من طونوبيل) شكرا على ليوم برزطتك معايا
علاء : مكاين لا تبرزيط لا والو تصبحي على خير
لغالية : ونتا من أهل لخير
فؤاد : (كان خرج يجري كيما موالف تا ضرب فلغالية نازلة من طونوبيل تاع شي واحد فهاد لوقت او كتفرنس معلى بالهاش بتات ، عقدهوم او زير على يديه ، طلع لبيتو نيشن بلاما تشوف )
مراد : (شافو داخل كاعي) مالك اعشيري كاعي ياك لاباس
فؤاد : والو ساعة لله
مراد : أجي شديك لقتلة لي عطيتي لداك سيد بحالا مرتك علاياش تبسل
فؤاد : صافي غا حيت ماشي مرتي خاص نشوف شمكارة كيتبسل على شي بنت او نݣلس راسي
مراد : ههههههه ونا نفهم شتي دوماج كون مكانش عندها شي حد فحياتها كون باليتي بيها
فؤاد : شعرفك نتا واش عندها شي حد فحياتها
مراد : كوتر لي قالتها ليا بلأحرى جا عندها ومشات معاه قبيلة مورانا
فؤاد : (زاد ليه نيت داكشي لي كان خاصو كولشي تضربلو فزيرو ، كان عوال اعلمها بلي باغي ايجي يخطبها سعا عندها شي حد فحياتها ، خلا مراد كيدوي بوحدو او دخل هو دوش عليه ، او خيالها كيدوز قدام عينيه ضحكتها فأول مرة شافها فيها ، طريقة هضرتها او تقتها فنفسها طريقة باش كتعامل او زيد اوزيد من لحوايج لي جدباتو ليها )
رجل كل واحد لبيتو بعس ديك ليلة من غير اكسيل لي كان باقي كيحسب فلوس شي سلعة تا وصلات ديك ربعة ونص تاع صباح ، بدا طيليفونو كيصوني ملي هزو لقاها واحد النمرة
اكسيل : الو
لمتصل : سي إكسيل مسالي ؟
اكسيل : مسالي
لمتصل : ممكن نتلاقاو عندي ليك شي حاجة ضرورية
اكسيل : نتلاقاو فلبلاصة لمعهودة معا تمنية تاع لعشية
لمتصل : واخة مسيو اكسيل
اكسيل : (قطع عليه او شد راسو كيدلكو او هو كيفكر قبل مينوض يمشي ينعس)
#عند أيمن#
خرج من لپارطمة ديالو او مشا ركب طونوبيلتو تا وصل لواحد لخلا عاد نزل كيتمشا تما هاز فيديه قرعة تاع لما دإيطرو ، كان لحالي غادي وكيصبح شوي بشوي ولكن لغاشي مكيضورش تما ، وصل لواحد الشجرة كبيرة او تحنا عند داك لقبر لي تحتها
أيمن : (هز يديه كيقرى الفاتحة تا سالاها) صدق الله العظيم ، لوليد ل.ليوم ردو على الطلب ديالي بفتح لقضية ديالك بالرفض بحال كل مرة ، كنت عارف بلي غيرفضو الطلب ديالي ولكن انا مغنستسلمش مغندوزش موتك غا هاكداك ، مغنخليش هادا لي حرمني منك اتهنا فحياتو ، غنقلب او نعاود نقلب تا نجبدو او نتحاسب معاه على هادشي لي دار فيك ، رزاوني فيك الواليد ونتا بريئ ربي غيعاوني نرجع ليك حقك حيت كيما كنتي كتقول ربي مكيضيعش لمومنين ونتا كنتي عارف بينك او بين لي خلقك كنتي كتخاف الله ، هادا لي حرمني منك غنحليه اتمنى لموت او اي واحد شارك فهاد لقضية غندمو ، سوا لي قتل’ك سوا لي خبا هادا لي قتل’ك ، عارف راسي قليل فين كنجي نشوفك او نترحم عليك غبرت عليك ولكن دبا رجعت باش نوفي بلعاهد لي عطيتك ، غناخد حقك سوا للقانون سوا بحاجة خرى
وقف او حل ديك لقرعة رش بيها قبر باه تا سلاها عاد رجع ركب طونوبيلتو او مشا لدار
#معا لمغرب#
فواحد لفدان كبير تاع تفاح كان اكسيل واقف بنخوة حاط يديه فجيبو او كيتمنضر فشحجر تا سمع شي تحنحينة موراه مضارش عند مولاها بتاتا او بقا عاطيه بضهر
راجل : (ايكون قد اكسيل فلعمر غا هو باين فيه لكبر شوي) سي إكسيل
اكسيل : (ضار عندو مقابل معاه) عبدو شفكرك فيا دفعة تاع لفلوس دكلا شهر مابقاتش كافياك ؟
عبدو : لا لا حاشا اسي اكسيل انا ولادي او عئيلتي عايشين براكتك غا غا هو
اكسيل : طلقني قول داكشي لي عندك
عبدو : ل.لقضية تاع الياس تدفع طلب اننا نحلوها مرة خرى
اكسيل : ماشي شي حاجة جديدة
عبدو : هاد لمرة حاس بلي لأمور غتكونو مختالفة ولدو أيمن ولا ضابط شرطة خدام فقضايا لقت’ل مصر احب ديك لقضية بأي طريقة
اكسيل : (دوا برود) شمن قضية غيحل اعبدو
عبدو : (زلقات ليه لهضرة) لقضية تاع قت’ل لأستاذ الياس المرق ، الى تحلات لقضية او بحتو فيها غيعرفو بلي مرتك لي قت’لا…
اكسيل : (جمعها معاه) شششش رد بالك شنو كتقول اعبدو ولا نسيتي مرتي انا مقتلات مشافت لي قتل ولا عندك شي هضرة خرى ؟
عبدو : (عرف راسو زبلها معاه) س.سمح ليا راني وليت غا كندخل او نخرج الهضرة ملي شتو فلكوميسارية توترت
اكسيل : (كيربت ليه على كتفو) ششش علاش اتوتر ولا تخاف انا معاك ، ولا ياكما بانت ليك لهمزة فقت خرى (زير ليه على فمو) هاد لعوام كاملة وانا كنعطيك زبابل تاع لفلوس باش تسد عليا هاد لموضوع ، سيفط ولادك لخاريج او تكلفت بلمصاريف عيشتك نتا وطسيلتك لعيشة لي عمرك حلمتي تعيشها ، الى فكرتي مجرد تفكير تقلب عليا اعبدو ولا تغدرني تيق بيا غندير قبرك حدى قبل هاداك لي مكيتسماش غنخلي طاسيلتك تسعا فزنقة (حيد يديه أو بدا كيقاد ليه فقميجتو) عندك عئيلة كتخاف عليها او مستاعد دير كولشي على قبلها ، تا انا عندي عئيلة ندير أي حاجة باش نحميها غتمس شعرة وحدة من عئيلتي غنشعل فزمر كامل لعافية
معاودش معاه لهضرة او كل واحد مشا رجع بحالو لدار اكسيل دار بلي تا حاجة موقعات او مشا ݣلس حدا مجد لي كان كيلعب لپليسطيشن معا أمين
مجد : هانتي الى غلبتيني نحط لفلوس غلبتك
امين : الى غلبتك شنو
مجد : الى غلبتيني ختك ديالي
إيهاب : نوض نوض ملي لقضية فيها يسرى انا لعب معاه نتا راك قريب تزوج انا باقي علله او متلقاش حسن من امين تتناسب معاه ياك ايسرى
يسرى : مالي أنا
إيهاب : ايلى غلبت خوك انتزوج انا وياك
يسرى : (لي ضاربها ضاربها على زواج ، غا سمعات اتزوج مشات متجري عند خوها) امين حليه اغلبك باش اجوجني
امين : غنلوح ختي من شي سطح ونتا عطي تيساع لخوادرية پيدوفولي لاخر
ايهاب : ملي تغلبني دوي ديك ساعة
يسرى : (خلاتهوم كيلعبو وكانت باغة تمشي تݣلس حدى نهيلة تا لقات رانيا ݣلسات حداها هي تمشي كتجري عند نهيلة جارها) نوضي متݣلسيش حداها
نهيلة : (مسكينة معرفاتش باش تبلات) علاس
يسرى : هي نوضي
اكسيل : كاتب رانيا زوينة علاش مبغيتيهاش تݣلس حداها
يسرى : (براءة) اتكلها
رانيا : هاء ؟ ناكلها ؟
يسرى : كتاكل دلالي صغال سوف كرشها كي منفوخة حيت كلات بنتها
مجد : (نفاجر بضحك هو ودوك لي معاه) ههههههه رانيا حرام عليك كليتي بنتك
رانيا : مكليتهاش الحبيبة ديالي
يسرى : لا كتكدبي سولتك قلتيلي كرشك منفوخة حيت فيها موموية صغيلة كي وصلات لكلتما الى مكليتيهاش
مجد : (بضحك نسا راسو ݣاع) دوزاتها من جيهة خرى ههههه
جود : (قرسو) فراني آلفيراري
ياسمين : (هزات عندها يوسف او طلعات بيه لبيت بدلات ليه ليكوش او وكلاتو عاد تكات فوق ناموسية هي وياه كتنعس فيه)
جود : (دخل عليها لقاها كتراري بيوسف انعس ، مشا تكا فوق ناموسية حداهوم)
ياسمين : (ملي شافت يوسف باقي مجاهش نعاس بدات كتغني ليه) آشميشة لالة متمشي من دارنا من دارنا تا يجي عمي سوسو اويهز ولدي على ضهرو او يساريه من دار لدار تال لحنوت لعطار
يوسف : (بدا كيعاود موراها) ميميشا لالة نننننننن دار ، لعطال
ياسمين : انا كنحاول نعسك ونتا كتغني ليا ، ها جود جا بعد منك او نعس يالاه تا نتا نعس
يوسف : يامين نعو
ياسمين : واه نعسو (نعسات يوسف او ناضت من حداه واخدة طيليفونها لاقية شي تصاور وصلوها ملي حلاتهوم لقاتهوم سكرين تاع واحد لكونڤيغ ساسيون بين لينا او واحد الراجل ولا نقول بين وحدة دايرة راسها لينا او واحد خينا , بعد دوك سكرينات وصلها ميساج) “طلب مني ايشوف تصويرة الى عند شي تصاور ديالها سيفطيهوم ليا” الله اودي مرحبا تصاور هوما لي كاينين (هزات طيليفون جود ردات منو دوك تصاور لي صورات لينا فطيليفونو او مسحتهوم ، سيفطاتهوم لجيليفونها او من طيليفونها لديك خيتي) هاني برعيلي سي سيد تلفيه ليا على لمادام
لبنت : كوني هانية على حسابي
ياسمين : (طفات لكونيكسيو او مشات تكات نعسات)
جود : (كان غارق فنعاسو تا ضربات ليه شمس فعانيه ديك نوضو لي بغا ينوض ارض ريدو لقا شي حد شاد ليه صبعو ملي ضار ايشوف لقا يوسف هاز طيليفونو او كيحاول ابرك بصبع جود لور تاع طيليفون باش اتحل) وامي وامي شهاد لجيل (هز يوسف لعندو) واش البعلوك باقي تا مكملتي عماين او كتعرف طيليفون كيتحل لبلبصمة ، كنت قدك سيدة لي لقيتها قدامي يسحابلي واش مي كنبغي نرضعها
يوسف : (ملي شاف جود فاق بدا كيمد ليه طيليفون زعما حلو)
جود : (حل ليه طيليفون او عطاه ليه اخدم فيه تا شاف سيد داخل ليوتيوب كيبقش فيه) لا لا نتا خاطار انا راه أول مرة شريت فيها طيليفون شهر ونا كنتمزك لصونيطات فيه او فرحان نتا عارف تا ليوتيوب آسيدي سلاك معاكوم (شاف يوسف برك على ڤيديو تاع واحد خيتي كدير روتيني ليومي)
يوسف : (معارف تا فاش كيتفرج شايف بنادم كيتحرك او يهضر صافي وخلى لڤيديو)
جود : عفريت المسخوط كيعجبوك تلاجات او لبنات لمخلقات هههه كتشقا مسكينة على نيتها
ياسمين : شكون هادي لي مسكينة (حلات عينيها فيهوم او قربات تا شافت فاش كيتفرجو خنزرات فجود) منايض من جدك غا روتيني ليومي او زايدها كتفرج فيه معا دري صغير باغي تخرج عليه من دابا
جود : نخرج عليه راه هو لي ايخرج عليا عطيتو طيليفون لقيتو شاد روتيني ليومي
ياسمين : دبا باغي تفهمني بلي بعلوك تاع عاماين هز ليك طيليفون او دخل ليوتيوب او كتب روتيني ليومي او ختار لڤيديو لي عجبو كطنز عليا (شافت فخوها لقاتو كيشوف فيهم او يفرنس)
جود : ضحك ضحك نتا معامن جات
ياسمين : (هزات يوسف عندها) آجي آجي نديك نبدل ليك
جود : تعلمي فخوك باش فاش نولدو شي واحد تعرفي تقابليه
ياسمين : شوف لفم لي كيقول لولادة شمكارة او مول روتيني ليومي ولدو شي زمر شغيخرج
جود : هانتي غا ولديه او نعطيو لواليد اربيه
ياسمين : ولدو نتا نيت ملي عزيز عليك ابو انا معندي ماندير بيهوم ، دراري كيشرفو أمرا ونا باقة باغة نصغار
جود : صافي نتي بقاي صغيرة ونا نجيب شي وحدة نشرفها شنو بان ليك
ياسمين : خودها نتا ݣاع بولادها لاش تعدب فراسك أو تبقا تولد
جود : باركة عليا غا نتي نربيك تا تكبري
مروى : (دقات عليهوم لباب)
جود : (مشا حل ليها لباب)
مروى : صباح لخير
جود : صباح النور
مروى : هبط نتا وياسمين تفطرو ولا ديرو راسكوم كتفطرو
جود : علاش شكون مطيب
مروى : لوليدة لي حافو عليها إلى عندك شي سنة ضاراك بلاما تفطر
جود : هههههه خلات علينا هاني جاي دبا ياسمين يالاه نهبطو نفطرو
ياسمين : واخ
هبطو لتحت بتلاتة لاقيين بلي كولشي ضار بطبلة او هوما ممرتاحينش ، مشات هي قادات سيريلاك لخوها او عطات لسيهام توكلو عاد مشات ݣلسات حداهوم
ياسمين : فين نهيلة ويسرى مغيفطروش
لحاج : جاب ليهوم اكسيل شي حلوة من لپاتيسري كلاوها او مشاو العبو
مجد : (شاف عمتو حاطة لمسمن او لحرشة او لبغرير ولكن تا حاجة منهوم مكتحمر لوجه) واش بغرير هاداك ولا غا كنتخايل
صفية : بغرير هادا اولدي مصايباه بيدي
مجد : مالو ممتقوبش كي بغرير ؟
صفية : ها لعود تاع سنان تقبو لراسك قلت بلاما نتقبو كامل
مجد : (دوا بشوي) دوك ليدين لي خاصهوم تقيب
جود : بغرير مسلك او لحرشة هي بحالا مغلطاها معا السيمة بدرع باش قطعات شي مورسو
إيهاب : (مفخبارو والو هز واحد لمسمنة مشكودرة باغي ياكلها تا بانت ليه ياسمين متحرك راسها بلا او دراري مطرطقين عينيهوم فيه هو يرسا)
امين : (مكانش شافهوم شنو دارو إيهاب داكشي علاش هز واحد لمورسو تاع لحرشو دارو فمو ولكن مقدش اندغو يابسة ، عيا اشرب ليها أتاي لي كان كي لما لقاطع)
لحاجة : كولو مالكوم مكتاكلوش
صفية : با علاش مكتاكلش معجباتكش مكلتي
لحاج : (مابغاش اخسر ليها خاطرها حيت تعدبات على لماكلة او فنفس مقدش ياكل) هههه يابنيتي هادشي زين معطاتنيش خاطري نخصر ليه ديكور او نضيعو
صفية : ههههه لواه ابا درتو غا باش ناكلوه هاك هاد لمسمنة كولها خويا اكسيل هز تاكل راني درت أتاي ديالك مسوس
اكسيل : مكرهتش ولكن لقيتيني صايم
مجد : (طرطق فيه عينيه) كي درتي لهاد صايم نتا ؟
اكسيل : (ضحك فوجهو فاقصو) ليوم لخميس نسيتي بلي موالف نصوم
جود : الله اتقبال الواليد عمتي نقصي ليه باش يفطر بيه معا لمغرب
اكسيل : (بدا كيحلفها فيه من تحت سنانو)
لحاصول كولشي دار لخاطر لصفية او دفع داك لحجر فمعدتو عاد كل واحد مشا يقضي شغلو
لينا : (مشات لبسات او تقادات) يالاه باي
لحاجة : فين غادة ابنيتي
لينا : انمشي لقهوة الميمة
لحاجة : شمن قهوة أتمشي ليها تايلى ملقيتيش شكون اردك نسيفطو شي واحد فدراري ايجيبك
لينا : انبقا فقهوة **** ، يالاه تشاو
ياسمين : (خلاتها تا مشات بحالها هي طلع لبيتها او صونات على ديك لبنت) دوي معا داك زمر قولي ليه نتلاقاو فقهوة *** او تبغيه نتي لتما صوريلي ملي تجي مرتو
لبنت : كي غدير تجي مرتو بسلامة
ياسمين : شغلك نتي كي غدير تجي نتي ديري داكشي لي قلت ليك او ملي تسالي اتلقاي رزقك عندك
لبنت : واخة
ياسمين : (قطعات معا لبنت او تسنات واحد نص ساعة تا سيفطات ليها ديك خيتي تصويرة سيد ݣالس معا لينا فلقهوة عاد صونات على واحد النمرة) الو
سيدة : الو السلام عليكم شكون معايا ؟
ياسمين : ماشي موهيم تعرفي شكون انا لموهيم هو تعرفي بلي انا فاعلة خير باغة نوريك راجلك على حقيقتو
سيدة : (تعصبات) شكتخربقي نتيا واش هبلتي ولا مالك مناش كتعرفي راجلي ولا كتعرفيني ، تفو على باشار كتحماقو على تشتات شمل
ياسمين : (سيفطات ليها تصويرة لينا معا راجلها) سيري لهاد لقهوة قبل مضور ليك هاد لبرهوشة بيه (قطعات على السيدة مخلياها باغة تحماق) بغيتي غا لفضيحة او الراجل مزوج ايوا هانتي غتلقايه
لينا : (كانت ݣالسة كتقهوى معليها مابيها تا جا ݣلس قدامها واحد السيد ايكون فتلاتينات ديالو باين بلي مهلي فمخو)
سيد : سلام
لينا : وعليكم السلام
سيد : (عجباتو كتر من ملي شافها فطيليفون) صاڤا عليك ؟
لينا : حمد الله ونتا صاڤا
سيد : فتصاور كتحمقي ولكن لواقع خطيرة كتر
لينا : (كيعجبها اشكرها لواحد خصوصا دراري ملي قاليها تصاور قالت هادا شاف تصاور لي ناشرة فلأنسطا) مغسي
سيد : نطلبو شي حاجة ؟
لينا : وي علاش لا (طلب ليها او طلب لراسو وݣلسو كياكلو او يتجمعو او هي غا كتفرنس شمات فيه ريحة لغنم قالت ديرو فصبعها تا وقفات عليهوم واحد لمرا)
لمرا : (كانت كتغلي بلأعصاب) هادو هوما فعايلك الحمار مخليني فدار او خارج تخسر فلوسك على سلالݣط
لينا : ايوا نتي حتارمي راسك شكون نتي بسلامة ابعدا
سيد : حبيبة خلينا غا نشرح ليك راك فاهمة غلاط
لمرا : شغتشرح ليا اعدو الله أدوي باغة تعرفي شكون انا ؟ (غفلاتها او شداتها من شعر كتريش فيها) انا مرتو اخطافة رجال المشرݣة ، على قلت رجال تا ضوري ليا براجلي أدوي
لينا : (مطلقاتها ديك سيدة تا ركشاتها او جمعات عليها ناس دغيا خرجات كتجري مخلوعة او محاملاش لموقف فاش تحطات
ياسمين : (وصلها لڤيديو ديال لينا او هي كتريش مات عليها بضحك ، سيفطات لديك لبنت فلوسها او طلبات منها تهرس ديك لاكارط كيما دارت هي بلاكارط لي كانت كتدوي بيها معا لبنت او مراة داك سيد ، عاد هبطات عندهوم لاقية لينا داخلة لبيتها او باينة فيها ماشي تالهيه ، ستغلات فرصة أنو تا واحد مكاين معاها فلبيت او مشات دقات عليها لبيت)
لينا : (بدلات عليها بزربة او غسلات وجها عاد مشات حلات لباب ضاربة فياسمين) شباغة عندي
ياسمين : ويلي ازين جيت غا نشوف مالك بنتيلي مهياش
لينا : انا بيخير عطيني غا تيسيع
ياسمين : هاني غادة ولكن قبل بغيتك ضربيلي طليلة على هاد لڤيديو
لينا : (شافت لڤيديو ديالها وهي ݣالسة معا داك خينا تا جات مراتو ريشاتها) ش.شكدير عندك هاد لڤيديو نتي مولات لفعلة
ياسمين : لاواه لاواه لباطل لا كنت صاحبتي صدفة سيفطاتلي هاد لڤيديو تا لقيتك نتي لي فيه
لينا : مسحيهبا ولا ميعجبك حال
ياسمين : تأ تأ مراكش فموضع يسمح ليك تهدديني نتي لي سمعي شغنقول ليك غتهزي عليا قلاوعك نتي ومك او تخوي كازا ولا بربي تا أمة محمد غتفرج فشوهتك تحت عنوان “دنيا مابقا فيها ميعجب سيدة جات لقات راجلها واقف معا وحدة علامات الساعة هادو صافي” ههههه شنو بان ليك
لينا : (خلفتها لتشوها او دير ليها فضيحة) صافي غدا نمشيو
ياسمين : تأ نصبح غدا منلقاكومش
لينا : واخة
ياسمين : (قربات عندها داوية بهدوء) هادي دير ليك لعقل باش متعاوديش تلعبي معايا داك لعب لخانز ديالك من لول وصيتك جود ديالي عينيك نطرطقهوم لجدك الى غا شفتي فيه ، بغيتي تحدايني ولكن معامن نتي ابنيتي انا راه ياسمين
لينا : نتي مريضة او مهووسة بيه خاصك تمشي تعالجي
ياسمين : مريضة مهووسة بيه مايتة عليه ماشي شغلك نتي عرفي غا بلي ديالي انا وصاف وحدة بحالك والله لا داتو مني غا هني صوق او قودي عليا من ضاري
قالت لي عندها او مشات هبطات عندهوم لتحت ݣالسة بحالي مدايرة والو
#عند لغالية#
ليوم كان آخر نهار عندها فمراكش غدليه فصباح ايرجعو لكازا ، انا ليلة كانت لحفلة لي نضمو ، محضروش ليها حيت كانت تاع ماليها ، بقات هي وكوتر فبيتهوم كيتجمعو
كوتر : (عاد ردات لبال مزيان لخاتم لي دايرة لغالية فيديها ولي كان بحال تاع رخام لكحل او منقوش بدهبي) هاد لخاتم عندك زوين فكرتيني بغيت ناخد شي خاتم تاع زواج أو بغيتك تعاوني نختار ها شكال تاع لخواتم كون كنتي فبلاصتي شنو تختاري ؟
لغالية : موحال واش نفيدك غا هو نتي الى كيعجبك لخاتم تاع زواج تكون فيه لحجرة هاد لخاتم زوين
كوتر : علاه نتي مكيعجبكش تاع لحجرة
لغالية : انا شخصيا مكيعجبنيش بضرورة ناخد خاتم فيه حجرة كبيرة لي شافو كيعرفو تاع زواج ، كيعجبني ندير خواتم سامپل او خفاف تاع تنائيات ، لخاتم مجرد شكليات داكشي علاش كيعجبني خاتم ايكون كيحمل دلالة ولا ذكرى زوينة كتجمعني براجلي
كوتر : ملي تزوجي غيتبدل رأيك هاد لخاتم من عندمن خديتيه
لغالية : هههه هادا خاتم زواجي
كوتر : مزيان ، شنو ؟ نتي مزوجة ؟
لغالية : شتك تفاجأتي مكنتيش عارفة ؟
كوتر : للعمل يسحابلي غا مصاحبة ولا مخطوبة يعني داك تاع لبارح راجلك
لغالية : لا هاداك ولد خو راجلي
كوتر : وشكون فهادوك لي راجلك
لغالية : (وراتها تصويرة فاش كاينة هي او اكسيل او دراري) ها راجي ولي حداه ربايبي
كوتر : (بحالا صرفقتيها) هادا ماشي باك ؟ يسحابلي باك
لغالية : ههههه راجلي شمن با مناش جا لبا هاد زين كامل
كوتر : سمحيلي غا مكنتش عارفة
لغالية : هههه ماشي موشكيل بزاف كيغلطو (كبرات ليها تصويرة) تا هو داير نفس لخاتم لي دايرة أنا عندي خواتم تاع زواج بشكال ولكن مكنديرهوم غا فمناسبات ولا ضرورة ، كندير هاد لخاتم حيت كيفكرني فعيد زواجنا لول فاش جاب ليا انا وياه خواتم كيف كيف
كوتر : شحال ونتوما مزوجين ؟
لغالية : بعد غدا انكملو خمسنين
كوتر : هي تزوجتي ونتي صغيرة عندك شي دراري
لغالية : لا باقي مكتاب
كوتر : الله اكمل عليك بلخير
لغالية : آمين أجي واش كيبان لناس بلي ممزوجاش حيت مدايراش لخاتم
كوتر : راك عارفة لبشار عندنا كيعرفو لمزوجة من لخاتم زيد نتي كتباني صغيرة قليل لي كيشك بلي راك مزوجة
لغالية : هاكداك يالاه نوضي تنعسي باش نفيقو غدا بكري نرجعو لدار
كوتر : تصبحي على خير
لغالية : ونتي من أهل لخير
#فصباح#
كولشي فاق بكري او وجد راسو وهبط كيتسنا لكار باش ارجعو بحالهوم او منهوم لغالية لي كانت واقفة كتسناهوم تا جا عندها فؤاد
فؤاد : كوتر غتمشي معا موراد فطونوبيل نتي وجوج تاع لموضفين حيت لكار عامر ، ونتي الغالية غيخصنا ندوزو عند لمودير نساليو معاه لعقد عاد انرجعو بحالنا
لغالية : (حسات بنبرة صوتو فشكل على لي مولف ولكن متسوقاتش ليه) واخة مسيو فؤاد
فؤاد : وجدتي داك لملف لي طلبت منك ؟
لغالية : باقي فيه شي حوايج
فؤاد : كنضن بديتي ترخاي فلخدمة الغالية
لغالية : داكشي لي باقي خاصني باش نكملو خاص تا يسيفط ليا لقسم لاخر تقرير عاد نقد نساليه امسيو فؤاد
فؤاد : (شاف فساعة) يالاه قبل منتعطلو
لغالية : واخة (تبعاتو فسكات لعند لمودير ناقشو معاه تفاصيل تاع لعقد عاد سناه او مشاو بحالهوم)
فؤاد : (ركب فطونوبيل تاع الشركة فحين لغالية ركبات فلكوسان لور)
لغالية : (بدا كيصوني عليها علاء) الو علاء
علاء : الو لغالية واش راك مشيتي ؟
لغالية : واه راني فطريق بغيتيني لشي حاجة ؟
علاء : صونا عليا داك راجل قال ليا بلي سالاها
لغالية : لبارح ملي مشينا عندو قال لينا واحد يوماين
علاء : لا راه سرباها علمتك غا حيت انمشي ناخدها من عندو دبا ، لغالية عافاك بغيتك الى كنتي مسالية غدا تمشي معا شيماء لديك ليكول فاش دوزتي لپيرمي
لغالية : كون هاني اخويا غا نرتاح انمشي معاها تسجل او سمح ليا عدبتك لبارح بسلامة
علاء : مكاين بو عداب بسلامة
فؤاد تعابير تاع وجهو ترخاو شوي ملي فهم بلي داك لي كان معاها لبارح ماشي صاحبها ، طول طريق كانو ساكتين تا دخلو لكازا
فؤاد : فين ساكنة ؟
لغالية : يمكن ليك تحطني غا هنا انشد طاكسي لدار بلاما نعدبك معايا
فؤاد : على خاطرك
لغالية : (هبطات فنص تاع لمدينة او شدات طاكسي تا وصلاتها ، دخلات لدار جارة باريزتها)
امين : عمتي جيتي
لغالية : (عنقاتو) حبيب عمتو لباس عليك شخبارك كبرتي شوي (دازت سلمات على كولشي)
لحاج : على سلامتك ابنيتي كي غادة معا شي خدمة
لغالية : لحمد الله اعمي هاحنا كنسلكو
لحاجة : ايوا ملي غا كتسلكي ݣلسي لارض شباغة بشي خدمة ياك ولدي ممخصصكش من تا حاجة
لغالية : الله اخليه ليا مناقص عليا تا حاجة او معاوني نحقق ذاتي من لفوق نخليكوم دبا غنطلع نرتاح شوي (خلاتهوم او طلعات لفوق معا لآذان تاع لمغرب لقات اكسيل بدا كيقيم صلى ، مشات بدلات عليها او بقات عاسة عليه)
اكسيل : (حدو سالا ديك السلام عليكم او بغا ينوض نقزات عليه لغالية مطيحاه فلأرض او طالعة فوقو هاجمة عليه بلبوسان)
لغالية : توحشتك الحبيب ديالي
اكسيل : هههه خليني غا نوض نفطر راني صايم
لغالية : فطر بيا انا
اكسيل : (قلبها لأرض وطلع فوقها) كلاتك عاود
لغالية : (مدات يديها كتحيد ليه فتوني ديالو) كلاتني وا حكها ليا
اكسيل : ههههههههه نتي لي قلبتي عليها (حيد ليها لپيجامة ديالها مخليها بدوپياس او هبط خاشي راسو فعنقها كيبوس فيها) كي جاتك تسافيرة بلى بيا
لغالية : كي زفت مملة الحب
اكسيل : (طلع لفمها كيبوس فيها) مرة مرة خاصني نبقى نسيفطك تسافري بوحدك باش توحشيني بحال هاكدا
لغالية : (دورات يديها على عنقو جاراه عندها عاضاه من شفايفو) ونتا توحشتيني
اكسيل : (قلبها على كرشها او نزل لضهرها كيفرق فلبوسات او لعضات)
لغالية : (شحطها لطرمتها بجهد) آي بشوي غتخليلي طبعة
اكسيل : (عاود شحطها لنفس لبلاصة مخلي ديك لبلاصة حمرة) مكملتيش عليا زبايل لي كنتي كديري فيا
لغالية : (كانت عارفاه مغيدوزهاش ليها تا تݣر بكولشي ، ولكن مادماتوش استغل لوضع) ممممم منبعد عافاك
اكسيل : (عارف بلي هاد لوقت فاش تقدر تسرسب ليه كولشي حيت متقدش تحكم فراسها) دوي دابا
لغالية : (ملي فط ليها سوتيامات او دوز يديه من لتحت شاد ليها صدرها كيهصر فيه صافي دابت او بدات تدوي بلى هواها بصوت مخالط معا نشوة) واحد لمرة ش.شتك كتدوي معا سناء او حيت فايت سمعت لحاجة كتقولك رجعها قلت هادا يمكن باقي مانسا مرتو لولة بقا فيا لحال داكشي علاش
اكسيل : (عاود شحطها لطرمتها ملي شافها بغات تسكت) داكشي علاش آش ؟
لغالية : (كيلعب ليها بلوتر لحساس ، كيداعبها او فنفس لوقت كيجبد منها لخضر , لمخابرات او مكيحققوش بحال هاكدا) حرام عليك داكشي فاش خليه ايفوت لاش كتنبش فيه خلينا نعيشو لحضة
اكسيل : (حيد ليها سليپ او حط ديالو على ديالها) مابغيتيش تكملي صافي معليش غنديرو سطحي بزربة باش نسالي
لغالية : (دارت عندو مغوبشة) ش.شمن سطحي صحبتك انا دايني لبرتوش تجيبو معايا بلاما تقبني ، تا خشي لاباغي تخشي لاش دايرنا ربي تقبة الى مكناس نعمروها أ
اكسيل : كون دويتي كون كملت ماباغاش سطحي مخير شحال هادي مدرناه سطحي
لغالية : شباغي تعرف ملي بقا فيا لحال خصرت ليك واحد الشيك فيه شوية تاع لفلوس او صاف
اكسيل : (شحطها لطرمتها ملي تفكر شيك علامن دوات) شوي تاع لفلوس ؟ يالمسخوطة ضيعتيني فخمسين مليون تمان تاع سلعة لي بعت كان فيه تا راس لمال او شوية تاع لفلوس ؟
لغالية : (مرݣات منو) وا كون خليتيني ساكتة ݣاع متحس بشمتة او زيدون ياك نتا لي كنتي كتقول ليا ندفع لي قدامي او مورايا غا باش متقلقيش ليا ولا ملي صرفتيها فلوس جاتك تقيلة فين تبان خمسين مليون قدام تقليقة ديالي أدوي وا دوي شتك سكتي
اكسيل : (جابت ليه اللقوة بتسنطيح لي عندها) عندك شي بلان آخر
لغالية : (كانت كتعاود او هو كيتحرك فيها) انعاود ليك غا هادا أو باركة عليك ايصدق طايح ليك السكار ولا طالع ليك ، واحد لمرة ولكن ماشي على حساب بنت غا حيت فقصتيني واصف كنتي منفخ عليها او هاز قنانفك لسما مبغيتيش دوي معايا داكشي علاش مشيت حليت واحد لفايس او كتبت ليهوم انا امرأة أرملة وجميلة ورشيقة ابلغ من لعمر 28 عام موضفة و لدي منزل ابحث عن زوج يشبع رغباتي مهما كان عمره او عمله وانا مستعدة لأتحمل مصاريفه ، فلخر حطيت ليهوم نمرتك داكشي علاش كانو كيصونيو ليك تا بدلتي النمرة ، ولكن هاه كانت نيتي صافية نتا لي تنفختي عليا بلاما ندير ليك والو
اكسيل : (جابو فيها او طلع لبوكسور ديالو وشاف فيها مغوبش) بلاما ديري ليا والو ؟ علاه ماشي سافرت او ملي رجعت لقيتك نتي ودوك سلاݣط تاع ولادي كريتو ليا السفلي تاع الدار او سكتو فلفوقي داربي لخير كان واحد لفكانسي دوز فيها شهر تاع لكونجي ومشا بحالو ، غا جيت او مبقيتش كندوي معاك او زدتيها مقلقة مني او كتنتاقمي من لفوق
لغالية : راك غا مفهمتيناش قلنا نديرو شوي تاع تجارة صيف هاداك او زيد عليها نتا لغالط هاني انشرح ليك او قولي ماشي نتا لغالط انا قلقت ونتا تقلقتي مني حيت قلقتك ونا تقلقت حيت قلقتي مني ، اذن نتا قلقتيني ونتا لغالط (قربات عندو باستو) ماشي موشكيل انا مسامحاك واخة قلقتيني قلبي بيض مكيشدش
اكسيل : هههههههه هادشي كامل او قلبك حنين مكيشدش لبسي لبسي حوايجك اتشربي لبرد من لأرض ، قاتلك قلبي بيض راه أنا لي خاطري واسع ايما نعلق ملاك على هاد لفعايل لي كديري
لغالية : متقدش دير ليا والو
اكسيل : واه ديكسي علاش عاطياها لزبايل
لغالية : وغا شوي تاع زبايل باش نخلقو لاتارة فلحيات جوجية (ناضت كتلبس فحوايجها فحين اكسيل مشا دخل لحمام مدارتلوش فين اسد لباب تا دخلات عليه) لاش كنتي باغي تسد لباب بساقطة دوي ؟ بيناتنا سدان لبيبان
اكسيل : شحاف عليك ليوم أدوي
لغالية : (مشات تخشات معاه تحت رشاشة معنقاه) توحشتك داكشي علاش
اكسيل : الله اخلف عليك
لغالية : كيفاش الله اخلف مالي عاطياك الصداقة قلت ليك ابنادم توحشتك
اكسيل : (تحنا باسها من فمها كيضحك) تانتي ملي كنت كنقول ليك توحشت كتقولي ليا الله اخلف ولا شكرا ويلا ترومنسيتي معايا ݣاع كتقولي ليا الله يخلف
لغالية : تفو تفو فاش فكرتيني كانت عندي إعاقة فلمشاعر ههه
اكسيل : هههههه عارفة راسك
لغالية : مطنزش انا كانت عندي إعاقة فلمشاعر نتا عندك اعاقة فتعابير لوجه ، كمارتك الى معاشركش لواحد مودة ميميز لا راك فرحان لا لا ، هههههه شي مرات كنتي كتقول بصوت حرش توحشتك ولكن ملي كنشوف فوجهك بحالا كيقول باغي نسلخك هههههه
اكسيل : معارفاش بحق هاد لكمارة
لغالية : هههههه ولكن بصح كان وجهك في سكون معرفتش واش تبدل ولا انا لي وليت قادرة نميز تعابير دوجهك
اكسيل : غالبا لاحتمال تاني حيت منين كنت او كمارتي ممساعدانيش
لغالية : هههههه حسن باش مضسرش عليك لباشار
دوشو بجوج او توضاو بجوج عاد لبسو حوايجهوم او ݣلسو ياكلو ، لغالية دازت على لفطور تاع اكسيل ولا بحالا هي لي مدوقاه ماشي هي لي مزاحمة معاه فمكلتو
لغالية : (شافت دوك جوج مشوش لي مربي اكسيل دخلو لبيت أو جاو عندو ذكر نعس ليه حدا رجليه الى نتوى جات كتكسل فيه تا نعسات على حجرو) شوف شوف لكافرة بالله كي كتلوي عليك قزيبتها تي نوضي من فوق سيد ياق قادات النعسة
اكسيل : (هز لمسة عندو كيبوس فيها او يعني) خلي عليك بنتي ، ياك اركسانا
لغالية : روكسانا ؟ لاواه جوانا تا راه سميتها عيشة
اكسيل : روكسانا
لغالية : قلت ليك عيشة ولا سناء سناء جات معاها حسن هادي هازة قزيبتها او سناء هازة قنوفتها
اكسيل : الى كانت هادي سناء هادا شكون ؟
لغالية : حيت مافيه نفس حادݣ غا فلغوات او تهراس غيكون عبد الله
اكسيل : هههههه هبلتي (هز لمش عندو كيبوس فيه تا هو) ولكن ولدي انا بزاف عليه ايكون داك سلݣوط ديال خوك ياك اروكس
لغالية : (سدات ليه فمو بيديها) آسيدي روكسانا او روكس غا باركة من لبوسان شايطين عليك عطيهوم ليا انا
#عند ياسمين#
نهار كامل تقريبا دوزاتو فبيتها كتسركل تا وصل لوقت تاع نعاس هي تمشي تنعس مخلية جود كيراري بيوسف ينعس
جود : (فاش يالاه تزوج ياسمين كان يوسف محرر عليه لعيشة ههههه غا يشوفو قرب ياسمين اشدو بلعضان ميبغيهش اهزو يبدا يبكي الى قرب ليها ولكن حس بيه فهاد لخر تكالما واخة ايشوفو ݣالس حدا ياسمين ميدير ليه والو ، ولا تا كيقرب ليه العب معاه ، هاد نهار ݣاع جا عندو بغاه انعسو ، بقا جود كيراري بيه تا داه نعاس عاد مشا حطو حدا ياسمين او تمغط حداهوم
ياسمين : (بقات ناعسة تا فيقها يوسف معا نبوري فيه الجوع باغي ياكل ، ناضت من بلاصتها او هزاتو عندو وهبطو بجوج لكوزينة قادات ليه مياكل او وكلاتو مزيان)
لحاج : (دخل لكوزينة ايقاد لراسو براد داتاي) فقتي ابنتي صباح لخير
ياسمين : صباح لخير فيقني يوسف كان فيه الجوع
يوسف : (ملي شاف لحاج هز لبراد دار فيه أتاي او لما وحطو يطيب بدا كيتمد عندو) طاي طاي
ياسمين : باقي مطاب أتاي لي ضربك ضربك على أتاي ها لحليب مابغيتيش تشربو
يوسف : طاي
لحاج : (هز من عندها يوسف) آجي ابانو ايطيب أتاي او نشربو انا وياك ، غاسيري رجعي تنعسي انا غنقابلو
ياسمين : صافي واخة (خرجات من لكزينة ضاربة فلينا او مها هازين حوايجهوم او خارجين ولحاجة كتدوي معاهوم)
لحاجة : شزربكوم تمشيو ادويو بقاو زيدو شي يمات خرين
ناجية : منصيبوش لينا بغات طلع لطنجة تسارا شوي قبل ميسالي لينا لكونجي
ياسمين : صافي باغين تمشيو ؟ كون زدتو ݣلستو معانا شوي مالكوم زربانين
ناجية : ݣلسنا داكشي لي قسم لينا الله
ياسمين : ايوا ستناوني نمشي نعيط على جود ايجي يوصلكوم لمحطة
لينا : لا لا بلاش ماما يالاه انتعطلو
ياسمين : نتوما تعرفو بسلامة
لحاجة : (حضاتهوم تا مشاو او خنزرات فيها) امقاداك فرحة ملي عرفتيهوم باغين يمشيو
ياسمين : معلوم نفرح ونا مهنية من دبان لي كيزنو فوق راسي
لحاجة : وحيت خرية داكشي علاش كيدورو بيك دبان
ياسمين : معتارفة بلي طاسيلتك دبان ولكن هاه انا خرى وغادي طليني
لحاجة : شوف على نيڤو لا صواب لا اخلاق تقولي مربية فبوخرار ولكن عاضراك ديك لي تربيك راها مكنسة فدارها كتسنا راجلها ايجي يزردها عصا ولكن سرها حيت عقوبة مدلولة ، اما كون كانت لالة ومولاتي ݣاع ميديرها سباط تحت رجليه
ياسمين : (كعاتها ، قربات عندها كتسوط) شعرفك نتي بمي أدوي شعرفك بيها فيك كترت لهضرة او تعياب ، معجبكشي حيت جريت على بنت خوك او طحبة دبنتها ايوا هانتي ديريها فين تجيك غنردك لدارك بلمطرود يحبيبتي
لحاجة : هههههه نتي تخرجيني من دار ولدي هههههه يابنيتي بديتي تخرفي من دابة واخة راك باقة صغيرة
ياسمين : هههههه الله انجيك من تخرافي لحكمك (تخطات لحاجة او مشات رجعات لبيتها ونعسات وهي راشقة ليها)
#بعد يومين#
ليوم كان لحد من يامات الله يوم لي كان عادي عند لبعض او مميز عند لبعض لاخر فؤاد فاق معطل حيت بات سهران او مشا معا مو ايعاونها فتقدية تاع سلعة تقريبا نهار كامل او ملي داز ليه لمغرب صوناو ليه صحابو دايرين معاه اتعشاو مجموعين فشي ريسطو داكشي علاش ناض وجد راسو او مشا يتلاقاهوم ، فحين لغالية كانت نهار كامل ملاهية اكسيل خرج معا ياسمين لخدمة ، فحين هي مشات لصالون دير لماساج او تصايب شعرها وضور بلحالة ها لماسكات ها ضفران ها رجلين ، عاد دازت لكوافورة قادات عندها غي شعر او رجعات لوطيل فاش كانت مريزيرڤيا واحد لبيت عندهوم ، لبسات عليها كسوة واسعة بلأزرق لملكي معا فولار كحل او خرجات كتسنا فإكسيل قدام لوطيل
اكسيل : (ملي سالا لخدمة وصل ياسمين لدار او طلع تا بدل عليه بتريكو مزير او طالع تال لعنق بلكحل لبس معاه كوستيم عصري بلأزرق لملكي لفيستة ديالو كتبقا محلولة ، ستيل صغرو فلعمر او بين فورمنو او كتافو لعراض مزيان ، هز سوارت تاع طونوبيلتو لوخرة ديالتو او مشا يجيب لغالية )
لغالية : (ركبات حداه فطونوبيل) شهاد زين اجاوجي أ ؟
اكسيل : (قرب عندها بايسها من فمها) انا لي خاصني نسولك هاد السؤال
لغالية : فين غنمشيو نتعشاو ؟
اكسيل : غنديك لواحد لبلاصة يالاه تحلات جديدة اتعجبك (شابك يديهوم بجوج او ديمارا طونوبيل لبلاصة فين ناوي اتعشاو)
لغالية : (خرجو شوية على كازا بضبط فواحد لبلاصة قريبة لبحر كطل عليه نيت ريسطو مصغيرة مكبيرة ، راقي او سانپل او فنفس لوقت متميز او هادئ موسيقى خفيفة او رمنسية مبنية بلخشب ، خداو ليهوم واحد الطبلة فلاطيراس تاع ريسطو ، ناسي فيها كلا شاد طبلتو)
اكسيل : عجباتك لبلاصة ؟
لغالية : بزاف ݣاع ستيل لي كيعجبني كلاسيكية او متميزة فنفس لوقت لاتوش تاع تقليدي لي فيها حبيتها او تا فكرة انها مكبيراش بزاف او موقعها مخلي لواحد ايدير تا طبالي فرملة عجبني
اكسيل : (شد ليها يديها) داكشي لي بغيت تا انا ، شنو نطلبو ولا عرفتي شنو انا غنطلب
لغالية : ناكلو على دوقك
اكسيل : غيعجبك ، جيبلي لكيكة علاش وصيتك
لغالية : اتعشينا بكيحة ولا انسبقوها ؟
اكسيل : هاد لكيك غتخليك متبغي تزيدي تا حاجة موراها
لغالية : شوقتيني (بقات كتسنا لكيكة كتسنا تا جا سرباي بواحد طبق مغطي ملي حل لغطا وسعات عينيها) كيكة تاع لحم وايلي
اكسيل : راني قلت ليك شي حاجة اتعجبك
لغالية : (هزاط طيليفون كتصور فيها او هي كتفرنس) ههههه صدمتيني شي افكار كيطيحو عليك عندك تصويرتها مطيباش
اكسيل : واه تا نسيفطها ليك (قطع ليها مورسو او لراسو مورسو)
لغالية : (شافت لقرعة تاع شراب) يخليلي جبتينا شراب نشربوه معا لحم كي لݣور احسن مدرتي نجربو لجديد
اكسيل : تجربي جهنام هادا شراب بلى شراب
لغالية : هاء ؟ شراب بلى شراب كي درتي ليها ؟
اكسيل : قصدت هادا عصير لعنب بدون كحول بمعنى حلال
لغالية : هاكدا (خوات لراسها وخوات ليه) طلع هاد لحم ناضي تستاهل تكون كيكة تاع الدكرى ربعسنين دزواجنا
اكسيل : عامنا لخامس ماشي رابع
لغالية : هههه داك لعام لول مكناش عايشين فيه معا بعضياتنا
اكسيل : (بقاو كيدويو منهنا من لعبه تا لقاو راسهوم كيدويو فمواضيع خرى)
لغالية : نتا أصلن راك فايت الشرع فيا غا انا ها لغالية لمصوابة ، ها لعصبية ها شيخة ها لمبهدلة مولات زيف دحياتي ، ها لعصرية مولات ميني جوپ شبغيتي كتر ، ها لمازوخية تاع لعبار
اكسيل : فهادشي كامل انا كتعجبي لغالية لي حاكمة ليل
لغالية : (ستغلات فرصة أنو طابلات مباعدين او كولشي داخل سوق راسو هي ضحك كي دوك راقصات ولكن بصوت منخافض مبدلة نبرة تاع صوتها بحال تاع بنات ليل او دارت بحالا كتندغ لمسكة) ههههههه هاهاي سمعني الحب هادي لقدامك طحبة كلاس ماشي كي بنات ربعمية ، مكنخدمش براس ولا ساعة انا بنص ساعة ، تمان نتسنا شوف زيني اعطيك تماني زيد عليها ماش لپغومييغ فو لي نمشي معاك ، مي راك عارف معا ارتفاع لأسعار تا تمان ديالي رتافع
اكسيل : (كيعجبو هبالها داكشي علاش مسايرها) كيدعمك اخنوش تا زادلك فتمان ههههه
لغالية : ماعلينا كيفما قلت ليك انا كنمشي ب1500 درهم لنص ساعة
اكسيل : على هاد لحساب خدميني معاك تا انا ولا خلصيني على لخدمات دياولي باش ماشي يتمتع او شي يخلص
فؤاد كان داير معا صحابو يتلاقاو فواحد الريسطو اوسط لمدينة سعا غيرو لمخطط ديالهوم او قررو امشيو لبلاصة جديدة ، بضبط لريسطو فين كتعشا لغاية واكسيل ، شي مرات كيجموع شي صدف غراب معا شي ناس كاين لي كان غا غادي تا تلاقا معا لي ميحمل فيه شعرة , هالي كان غادي يسترزق الله تا لقا راسو فلخر لغرام ، او هالي كان صحيح فصيح تا صدق مريض ، او هالي كان بايت فلعز تا لقا راسو صابح على ضص من لخر كولشي بلمكتاب، او لمكتاب مامنو هروب او فؤاد تكتب عليه ايشوف لغالية فداك لوقت او فداك لمكان
فؤاد : (دخل حادرة راسو تا سمع صوت لغالية بضبط ديك لجملة تاع) “ههههههه هاهاي سمعني الحب هادي لقدامك طحبة كلاس ماشي كي بنات ربعمية ، مكنخدمش براس ولا ساعة انا بنص ساعة ، تمان نتسنا شوف زيني اعطيك تماني زيد عليها ماش لپغومييغ فو لي نمشي معاك”
ضار ايشوف شكون دوات تا ضرب فلغالية شادة ليد لباها او كتقول ليه هاد لهضرة ولا نقولو داك لي كان كيسحاب ليه باها ، حس بتبوريشة طالعة معاه كيقول كون غا كان كيتخايل ، مدماهاش تكون من هاد نوع ولا معا راجل قد باها ، حس براسو تخنق او تزير مقادش اتيق بلي تقدر تكون بنت تاع ليل مخبية تحت قناع لبنت لمخلقة او لي عارفا بينها وبين لي خلقها ، ماتلاش معشي ݣاع او خرم على صحابو راجع لطونوبيلتو معصب
لغالية : (هي واكسيل غارقين فلكلام لمعسول محاسينش بلي ضايرين بيهوم) فخبارك لحد لآن هادا اول عيد زواجنا ندوزوه بلى صداع
اكسيل : بلاما تقوصي عنا
لغالية : هههههه ولكن واش عقلتي فعيد زواجنا تاني ملي صدرتي دراري باش نبقاو راس فراس زعما ، ونضت وجدت دجاج محمر تا لقيت لحاجة جاية وجايبة معاها ضياف شحال بكيت فلحمام بلفقصة ههههه شتفكرت هههه نمشيو لوطيل دبا ؟
اكسيل : ماباغاش تشوفي لكاضو ديالك
لغالية : (تحمسات) كاين هنا باغة نشوف شنو جبتي ليا
اكسيل : (شد ليها يديها او خرجها لرملة تا قابلها معا ريسطو) كي جاك لكاضو ديالي
لغالية : مكاين والو… (شافت جنابها ملقات والو تا هزات راسها كتشوف فريسطو لي قدامها مفاهمة والو تا هزات راسها فسميت ريسطو “لغالي” ، حسات بقلبها ضرب بجهد او عينيها غرغرو بدموع) ميمكنش هاد ريسطو ديالي ؟
اكسيل : (عنقها) واه ديالك متبكيش
لغالية : (مسح ليها دموعها) فرحانة داكشي علاش كنبكي ، ايمتا شريتي هاد الريسطو ؟
اكسيل : بنيتها ماشي شريتها ، كنت شريت لأرض او خليتهوم ابداو فيها لبني ملي كنتي حاملة كانت غتكون لكاضو تاع لولادة ديالك ، ولكن ملي مكتابش ادزاد لغالي حبست لبني ديالها تال لعام لي فات عاد قلت نكملها
لغالية : احسن كاضو جاني (وقفات على صبعان رجليها او حناتو عندها شوي بايساه من فمو) تا سميتها زوينة
اكسيل : دبا عاد نمشيو لوطيل
فؤاد لي كان فطونوبيلتو معصب بانت ليه لغالية ملي تباوسات معا اكسيل مأكدة ليه شكوك ديالو ، شافهوم تحركو بطونوبيل محس تا لقا راسو تابعهوم من لور بطونوبيل ، تا لقاهوم وقفو قدام لوطيل او دخلو بجوج ، مكرهش اهبط عندها يجرها ويغوت عليها تبعد على هاد زمر ويلى كانت كدير هادشي على قبل لفلوس ايزيدها فسالير ولا حتى اسلخ هاد الشارف لي حاط عينو على بنت ايكون قد باها ، شاف تا عيا وقلب روايض راجع لدار معصب
لغالية : (دخلات لبيت هي واكسيل او مشات بدلات عليها بحوايج قصار او مشبكين عاد رجعات عند اكسيل) مغتسولنيش على لكاضو لي وجدت ليك ؟
اكسيل : (جرها لعندو خاشي وجهو فعنقها) نتي بوحدك احسن كاضو
لغالية : هههههه ياك أبعدا
اكسيل : علاه فيها شك
لغالية : ولكن تا لكاضو لي جبت ليك غيعجبك بزاف ملي نرجعو لدار غتلقاه فلبيت
اكسيل : (هزها لعندو لاوي رجليها على خصرو او ملسق ضهرها معا لحيط) مناش نبدا ليك همم ؟
لغالية : من لي عجبك
فلوقت لي كانت لغالية غارقة فالنشوة او الرمنسية معا راجلها وحلالها ، كان داك سيد لي طاح طيحة زغبية فبنت عمرو تا شارك معاها حديث خالي من الرسمية ولا لحدود لي كانت كتخلقها بينو او بينها ، ويمكن هادشي لي جدبو ليها ولي خلاه يتصدم من لحقيقة لي بنا عليها ، لبنت لي قال بغاها او رتاح ليها قلبو ونواها لحلال صدقات خارجة طريق مقدراتش تسرط ليه ، أي واحد فينا ملي كيشوف ولا كيسمع وحدة خارجة طريق يا كينفر منها يا كيقلب وجهو لعساك تعرفها على شخص باغيه ، صعيبة او بزاف ولكن لي صعيب كتير هو لواحد اعطي تصور ولا ياخد نضرة خاطأة على شخص معاشروش غا سمع عليه ولا شاف عليه شي حاجة لي موالماتوش هو ، سوء الضن صعيب ولي كنشوفوه ماشي ديما هو لحقيقة تاع شخص ، ديك ليلة كلى كيفاش دازت عليه هاد ليلة وخلاص *هالي فلغرام او لمعسول بات هالي بحرݣة لݣلب مجاه نعاس ، او هالي ناسو ضايرين بيه ولكن قلبو وحداني ، او هالي لدنيا مجايب وخبار ولا لاخرة ضارب لحساب* لحاصولو كلا وهمو لي شاغلو
#فصباح#
فاقت لغالية على خاطر خاطرها حيت ليوم واخة تنين مكانتش خدامة ، لقات اكسيل وا ناض لبس حوايجو
اكسيل : نوضي لبسي عليك باش نمشيو عند خالتك
لغالية : نمشيو عند خالتي ؟ آه ليوم لي عرضات عنا لغدا (ناضت من بلاصتها ومشات لحمام دوشات او لبسات عليها كسوتها او زيفها وخرجات عندو) نمشيو ؟
اكسيل : يالاه
لغالية : اندوزو لدار ؟
اكسيل : لا انمشيو نيشن لعند الراضي
لغالية : (خرجات هي وياه من لوطيل او مشاو ركبو طونوبيل عند خالتها منى)
#عند ياسمين#
كولشي كان موجد راسو باش يمشي فحين كانت هي كتسنا مها تجي حيت بغات تاخد يسرى او نهيلة او يوسف لدار اما امين فصباح لي مشا حيت كان قاري
مريم : (وصلات لدار او دقات لباب تا حلات ليها ياسمين) سلام عليكم
ياسمين : (عنقاتها) ماما لاباس
مريم : لابس لحمد فين لبنات
ياسمين : ايهبطهوم جود فكرتي نتي فداكشي لي قلت ليك ؟
مريم : ضارك بعيدة ؟
ياسمين : داري بعيدة على تاع سليمان او موقعها زوين
مريم : خ.خص تا يجي باك باش اطلقني
ياسمين : والله ميطلقك هاداك هزي حوايجك وصليهوم لدار ماحدو مسافر او سيري عيشي تما نتي ودراري تا ارفعي عليه دعوة تاع طلاق
مريم : را راه رجع ميعداليش تا نهز حوايجي
ياسمين : معندك متهزي خلي ليه زمر كامل تا حوايج دراري خليهوم غتهزي غا دهبك ونا غنشوف كفاش نخليك تخرجي من دار انلقا ليك شي سبة نتي غي صبري عليا
مريم : واخ
ياسمين : (جبدات شي فلوس من جيبها وعطاتهوم ليها) هاكي شدي باش تقضي
مريم : لا غا خليهوم ليك
ياسمين : شدي غتحتاجيهوم
لحاجة : شدي لفلوس متحشميمش علاه ماجيتيش تسعاي او دايرة سبة بدراري
ياسمين : (حطات لفلوس فيد مها) شدي شدي امي فلوسي لي عطيتك مسعينا حد مطلبنا لحد فلوسو ولي كيسالني شي زمر ايجي نعطيه ليه
نهيلة : (جات كتجري عند مها) ماما
مريم : (هزاتها عندها) الحبيبة
ياسمين : (خدات مها دراري او مشات شدات طاكسي راجعة لدار فحين هي مشات تقلبات عند لحاجة داوية تحت سنانها بلاما يسمعوها لخورني) ماباغاش تحشمي انا نوري لطواسل مك سعاية كيف دايرة ديريلي غا نرجعو من لعراضة او نفرجك
لحاجة : لي فجهدك ديريه ويلا وصلتي ودنيك عضيها
لحاج : كولشي موجود نمشيو ؟
لحاجة : يالاه
ياسمين : (كلا مشا ركب ليه شي طونوبيل ، كانت هي او جود بوحدهوم تا ركب مجد لور)
جود : شتك راكب معايا مغتركبش معا غزلان
مجد : فين هي غزلان راها مشات عند مها
جود : ونا كنقول مال ضيم طايح عليك
مجد : سوݣ او هنينا
وصلو لدار كاملين او هبطو واحد بواحد دخلو عند الراضي كيسلمو عليه هو ومنى
مجد : (مشا نقز على صباح لي كانت سبقاتهوم) لخوادرية
صباح : لباس عليك
مجد : لباس
جود : (دوا معا محسن) كحاز لهيه ولا عرفتي شنو سير لسق ختك يالاه
محسن : بديتي عاود
جود : نوض نوض خليني نݣلس حدا لخوادرية
منى : (ݣلسات حدى صفية كتدوي معاها او فنفس لوقت حاطة عينيها على غيتة لي كانت ملاهية معا لبنات كيتجمعو) صفية عندك لبنت كبرات تبارك الله
صفية : دغيا كيكبرو ها دراري غي لبارح كانو كيلعبو شوف دبا كل واحد فيهم فين هالي تزوج هلي قرب اولد
منى : داكشي نيت لي كاين
صفية : عروستك شهرها هادا ياك ؟
منى : واه
صفية : الله افك وحايلها بيخير وعلى خير
منى : آمين او يفك رانيا تاهي بيخير وعلى خير
غيتة : (كانت ݣالسة كتشوف فطيليفونها تا حسات بكرشها ضاراها شوي ملي شافت فتاريخ عرفات بلي تقدر تكون هاديك لي بغات تنزل ليها ولا نزلات عاد ، ناضت بزربة قبل متخرج فيها شي فضيحة لقات ياسمين قدامها او جراتها معاها) زيدي زيدي معايا
ياسمين : مالك
غيتة : فين جا لحمام ؟
ياسمين : لحمام هنا ولكن واقعة فيه شي تويشية تا لما مدايزش فيه
منى : راه طرطق لينا لقادوس او قطعنا لما على لتحت الى بغيتو لحمام طلعو لبيع عبد الهادي راه مكاينش خارج
ياسمين : واخ (طلعات معاها لبيت مخليا غيتة دخل لحمام)
غيتة : (لقات بلي نزلات ليها دورة ولكن داربي لخير مقاستش ليها لحوايج ݣاع لا لدخلانيين لا تاع برا) ياسمين وا ياسمين
ياسمين : نعام
غيتة : سيري عفاك أختي جيبيلي ساكي نهز منو لفوطة صحية
ياسمين : واخة (هبطات لتحت جابت ليها ساكها ) ها هو
غيتة : شكرا (ملي قلبات الساك لقات بلي مدارتش لاحتياط ديالها) على زهر تفو
ياسمين : مالك مجبتيهش
غيتة : لا سيري عافاك سوليلي لبنات
ياسمين : واخ (مشات سولات ليها لبنات تا عطاوها وحدة او طلعات باغة تعطيها ليها تا ضربات فعبد لهادي يالاه دخل لبيت)
عبد الهادي : (مكانتش علماتو مو بلي كاينين لبنات فبيتو ملي شاف ياسمين جاية قال واش بغات شي حاجة) باغة شي حاجة اياسمين
ياسمين : (مقزدرة كولشي عندها عادي) جيت نعطي اولويز لغيتة راها فلحمام دبيتك
عبد الهادي : آه (خرج من لبيت فلبلاصة)
غيتة : (ملي سمعات ياسمين شقالت بدات كتندب حناكها) ويلي ويلي شوهاتني
ياسمين : هاكي
غيتة : (شداتها من عندها دارتها او لبسات حوايجها ، خرجات عند ياسمين او هي حمرة) فرشتيني ملقيتي كتقولي ليه غا بغيت نعطيها اولويز كولشي ساق لينا لخبار دبا
ياسمين : عادي مالك سارقة
غيتة : زيدي زيدي ياربي منتلقاوش معاه مخليتي ليا لوجه باش نشوف فيه
ياسمين : متشوفيش فيه نتي ݣاع
غيتة : الله يعطيني وجهك (هبطات عندهوم لتحت او مشات ݣلسات حدا لغالية) شوهاتني بنت خوك معا ولد خالتك
لغالية : شدارت
غيتة : طلعت لحمام تاع بيتو قالت ها ليا مو او سيفط هادي تجيبلي اولويز لقاتو داخل لبيت قالها محتاجة شي حاجة قالت ليه باغة نعطي لفلانة اولويز ماشي الشوهة
لغالية : هههههههه بلان متبغيهش لعدوك
غيتة : انا بان ليا غنوض نمشي بحالي لقايلي شي سبة ها لعار
لغالية : تا نتي راه مغيݣليش اتغدا معانا غا تهناي
عبد الهادي : السلام عليكم (دخل عليهوم او ضار على رجال ݣلس حداهوم كيتجمع)
غيتة : ياك قلتي مغيݣلسش ها هوا جا قدامنا ݣاع
لغالية : معرفتش انا براسي جاتني لمرݣة لعساك نتي كمديها لقلبك او عمرك باقي تصخري بنت خويا كولشي عندها عادي هههههه حمدي الله مطلباتش لينا اولويز بجهد
غيتة : هههههههه تفو كترت لهم كضحك
منى : (حطات ليهوم لغدا فوق الطبلة ضارو بيه او كلاو داكشي لي قسم ليهوم الله عاونوها لبنات تجمع الطبلة او رجعات هي ݣلسات حدا صفية) شوفي اصفية لي نطول نقصروه راك عارفة عبد الهادي لي بقا عندي باقي متزوجش داكشي علاش قلت نشوف ليه شي بنت الناس او مكرهتش ليه بنتك غيتة قلت نقولها ليك بيني او بينك تسولي بنتك الى هي بغات نجيو نطلبوها كيف الناس
صفية : شغنقول ليك أمنى راك عارفة لمشاورة ماشي بيدي انا لي عليا نسولها او مستوى باها الى هي قبلات انا معنديش لموشكيل مغنلقاش حسن من ولدك ليها
منى : لموهيم باشما كاين ردي عليا غا هو بغيت هاد لكلام بيناتنا تايلا مكتابش مندخلوش معانا ناس
صفية : كوني هانية
ياسمين : (بقا راسها كيفصل او يخيط من صباح باغة سبة باش تخرج مها او باغة شي بلان تخلي بيه لحاجة ترجع لبلاد ، مجات فين تسالي تفكيرها تا لقات راسها بلي وصلو لدار معا جوايه دوك لمغرب ، طلعات لبيتها بدلات عليها بواحد لكسوة تاع توب سماطي او خرجات مزادحة معا لحاجة)
لحاجة : واش راك عورة مكتشوفيش او شهاد زمر لابسة كولشي كيبان فيك سيري لبسي عليك شي حاجة يالاه
ياسمين : مي ؟ با ؟ تا دخلي فشنو نلبس وشنو لي لا
لحاجة : كون رباتك مك عيواض داك هزان رجلين لي كانت كدير ݣاع متخرجي هاكدا
ياسمين : هزات رجلين ؟ ياكما يسحاب ليك راها طحبة بحالك تهزو من لقدام او لور تا ريحتها عطات
لحاجة : (جمعاتها معا ياسمين بتصرفيقة) حتارمي راسك شوي او عرفي معامن داوية
ياسمين : ههههههه معامن داوية معا مولاي براهيم ، ولا سيدي قاسم ، قلتي عليا موسخة مكنسواش شمكارة (قربات عند لحاجة كتر) ولكن على لأقل ماشي منافقة بحالك آه نسيت لالة يزة ولا نقول لحاجة واخة معرفتش مناش جاتك لحاجة ونتي بهاد ليديدات قتلتي حفيدك
لحاجة : (عاودات صرفقاتها) ياكما تخالط ليك معا طسيلتك بزاف عليك أنا ، انا لحاجة يزة مرات لحاج محمد تجي قليلة لحية بحالك بنت الزنقة تقول عليا لي مكاينش ، باغة تلعبي لعبي معا قرانك البرهوشة
ياسمين : يزة شنو بان ليك هاد لبرهوشة تلعب معاك رشقاتلي عليك ، كضلي تلاقي سلوكا او ديري لمتل تاع ضربتي وبما وسبقني وشكا ، شنو بان ليك تا انا نضربك او نبكي او نسبقك او نشكي
لحاجة : (قربات عندها ياسمين مقطعة ليها لپيجامة من جيهة لكم تاع يديها) واش تسطيتي نتي
ياسمين : (كتفرنس) واه تسطيت او باقي اتشوفي تسطية تاع بصح هانتي بعد هادشي لي غيوقع تفكري حاجة وحدة انا مكيلعبوش معايا ناس بلعافية حيت أنا مولاتها (رجعات بلور تا وقفات على لحاشية تاع دروج ، او فيديها شادة داك طرف تاع التوب او بدات تبكي او تغوتي) لحاجة واش تسطيتي راه غنطيح من دروج ، جود عتق بغات دفعني لحاجة عافاك راني مدرت ليك والو علاش انفرقك على حفيدك او نخرج عليه ، لحاجة ديري عقلك دروج هادا واااااااا (حدها كملات هضرتها غوتات او ضحكات فوجه لحاجة قبل مترجع راسها لور او تكركب فداك دروج)
لحاجة : (غوتات ملي شافت ياسمين لاحت راسها معا دروج شدات فمها او هبطات كتجري تشافها)
جود : (حدو سمع غوات ياسمين ماجا فين يلحق عليها تا لقاها مكركبة معا دروج او كاملها دمايات ولحاجة مخلوعة) شواقع هنا ياسمين ياسمين حلي عينيك ، لحاجة شدرتي ليها بابا عيط لامبيلونص ، ياسمين ياسمين حلي عينيك
لغالية : (ملي سمعات لغوات خرجات كتجري من لكوزينة ضاربة فداك لمنضر ياسمين مغيبة فمرة) هاويلي شواقع مال ياسمين
اكسيل : (صونا لومبلونص باش تجي) متحركوهاش لومبيلونص راها فطيريق
بغيت نقول ليكوم لومبلونص وصلات دغيا ولكن تفكرت بلي راحنا فلمغريب ، لحاصول بعدما وصلو هزو ياسمين لسبيطار فحالة مستعجلة ، كولشي ركب طونوبيلات او تبعوها لسبيطار
جود : (كان ݣالس شاد راسو بيديه ياسمين دخلوها لبلوك حيت يقدر ايكون عندها نزيف لداخل)
اكسيل : (مشا عند لحاجة) مي شوقع كنتي معاها كي طرا
لحاجة : اوليدي كنا كندويو تا لاحت راسها معا دروج او بدات تغوت
جود : (معرفات لحاجة تا كيدار تا وقف عليها كيغوت) غا جات او لاحت راسها هبيلة ياك ، زايداها بلكدوب
اكسيل : تهدن
جود : شغنتهدن الواليد واش مشتيش حالة ياسمين كي كانت مغيبة او غارقة فدماياتها (هز صبعو فوجه لحاجة) كنقسم ليك بالله توقع لمرتي شي حاجة تا نقطعا معاك سمعتيني
لحاجة : (بدات كتبكي) علاش مكتيقنيش اوليدي مرتك لي لاحت راسها انا مدفعتهاش والله مدفعتها
جود : (غوت) وا متحلفيش حيت مكنعرفكش مكتحمليهاش ديما مقللة منها قدام ناس بحال والو كنتي باغة تفكي منها ولكن غا تحل عينيها نتحاسبو مزيان
مجد : (جر جود بعدو) ݣلس أصاحبي تهدن ميكون غا لخير
جود : (بقا كيتسنا فلكونوار تا خرج عندهوم طبيب)
طبيب : عئيلة لمريضة ؟
جود : واه انا راجلها ياك مكاين باس
طبيب : وقع ليها كسر فجوج دلأضلاع دصدر من لتحت او يديها تفكات ليها مغير هادشي معندها باس
جود : لحمد الله ايمتى يمكن لينا نشوفها
طبيب : واحد تلاتة تاع سوايع علاما تفيق من لبنج يمكن ليكوم تشوفوها او غدا فصباح يمكن ليكوم تخرجوها
صباح : (تا هوما جاو لسبيطار) على سلامتها اخويا
جود : الله اسلمك عفاك الى عدال ليك سيري نتي ومجد جمعة ليها حوايجها او حوايجي
اكسيل : علاش ايجمعو حوايجكوم
جود : غدا فصباح انمشي لرباط او غندي معايا ياسمين ماحد لحاجة فدار عندك انا ومرتي مغنبقاوش فيها
لحاج : لاواه لاواه اولدي ماتقولش هاكدا
جود : شغنقول الحاج ليوم دفعاتها على دروج غدا شنو دير فيها
لحاج : حشومة اولدي تحط باك فهاد لموقف اجري عليك ولا اجري على مو
جود : مجراش عليا انا لي غنمشي فحالي نتهنا من صداع ملي ترض لحاجة عقلها ديك ساعة ندويو خاصك الحاج اديها لطبيب نفساني حيت ماشي نوغمال
صفية : عرفناك مقلق ولكن متزيدش فيه باغي جداك تمشي لطبيب نفساني مالها حصري بلحجر
جود : لا لا غا كتلوح بنادم
لحاج : غي تهدن اولدي هاد ليلة نوصل لحاجة لبلاد كون هاني ممنوع عليها طلع لكازا غا فلݣنازات لا غير نتا غا برد او بقا حدا مرتك راه متقدش تسافر بهاد لحالة ، باك مسكين مشات خوات عليه صباح تزيد نتا تخوي عليه ماشي حشومة
جود : شكون خلاك الحاج تحشم
لغالية : انا غنمشي لدار نصايب ليها شي حاجة تاكلها
اكسيل : يالاه نوصلك رانيا يالاه اعمينو لدار هاد لجو ممزيانش ليك
رانيا : واخة
اكسيل : كولشي يرجع لدار خليو راجلها او مجد غيبقاو هنا
كلشي رجع بحالو لدار لحاج تهاز معا لحاجة كون ما اكسيل لي برد السوق او حلف عليها لعودات عتبات هنا الا لضرورة بقاو ݣالسين لغالية كتوجد فلماكلة تا ساقو لخبار بلي ياسمين فاقت عاد مشاو ايشوفوها قبل ميشدو طريق لديورهوم
ياسمين : (كانت يالاه عاونها جود تقاد لݣلسة كنحس بصحتها مطحطحة )
جود : كتحسي براسك شويا
ياسمين : شويا (دخلو كيشوفوها او يطمأنو عليها واحد بواحد ، خرج جود او مجد ياخدو ليهوم قهوة مخليينها معا لغالية)
لحاجة : (دخلات عندها معصبة) عجبك داكشي لي درتي مطيحة عليا لباطل دابا تقولي ليهوم ماشي انا لي طيحتك نتي لي دفعتي راسك
لغالية : (دوات براءة) ويلي على هي لي دفعات راسها ستغفري مولاك الحاجة
لحاجة : متافقين عليا والله لاطفرتوه
ياسمين : بلا حلوف راك مقاداش على صيام ههههههه ياك قلت ليك تاقي شري ونتي لاسقاني راني نموت غا باش نفدي دقتي عاودي لعبي معايا او تشوفي لما تاكليها نتي هاد لمرة فعضامك او بضوبل (سمعات لحس) دبا واش انا الحاجة لي ولا فيا الديفو دافعاني تا تهرست او زايداها باغاني نكدب شويا لاباس لاش انلوح راسي او نهرس عشاني سلامة تسطيت عطيني تيساع راه لحد لآن ممصبرني غا وجه عمي اكسيل لا غير
لحاج : (دخل عليها عاقدهوم) باقة ماباغة تسدي نتي عليا هاد لموضوع تحركي قدامي سمحي ليا ابنتي مسحيها فيا
فصباح تاع غدليه خرجات ياسمين من سبيطار او رجعات لدار ، كان كولشي رجع بحالو بليل يعني دار خوات بقاو فيها غا هوما ، طبعها جود لبيتها او عاونها تلبس حوايجها عاد جات عندها مها طل عليها ، عطاتها سوارت تاع او عطاتها باش تشد الطاكسي
مريم : (ملي وصلات لدار صونات لياسمين تعلمها)
ياسمين : كي جاتك الدار
مريم : كبيرة وزوينة
ياسمين : راه يالاه تفرشات تا تقدية راني تقديت ليك فهاد لول بقاي فدار بلاما تخرجي الى خصاتك شي حاجة قوليها ليا انا نسيفطها ليك ، ملي غنولي شوية غنمشي معاك عند لموحامي
مريم : ان شاء الله
ياسمين : (سمعات دقان فلباب) نخليك انا دبا سلمي على دراري بسلامة
اكسيل : (دخل عندها هاز الصينية فيها لماكلة حطها قدامها) ها غداك
ياسمين : شكرا (هزات كتاكل)
اكسيل : (دار يديه فجيبو كيتفنضر فواحد طابلو معلقو جود فبيتو) هاد لمرة دوزت ليك لباطل لي لحتي على مي حيت جبتيها فعضامك تا نتي ، غا هو لمرة جاية تحملي مسؤوليتك
ياسمين : (كانت عارفاه غيقشعها كملات ماكلتها عادي) لحاجة هي لي قلبات عليا كنضن تا انا لحد لآن مغرجتش معاها لعيب ولكن منهنا لقدام منضمنش ليك ، كيما تانتا اعمي اكسيل عزيز عندك مك تا انا عزيزة عندي مي ولي جبد ليا مي ميلوم غير راسو ، منين تزوجت او هي ضل تعيب دايرة فاعلة او كندوزها فوجهك ولكن باش تقلل ترابيها على مي او ترضها سعاية خارجة طريق لا
اكسيل : ملي قللات ترابيها على مك كنتي تقولها راجلك أدوي معاها لحاج ماشي تصرفي من راسك
ياسمين : خلينا نكونو شوية لوجيك اعمي اكسيل مك ماشي تاع لهضرة بتاتا بلعربية تاعرابت تعيا دوي معاها او ترجع دير نفس شي داكشي علاش خاص لي يحدهوم ليها ، كون كانت لهضرة كتجيب معاها فيدا كون جابتها فهمتي ربعسنين ونتا كتنهيها سكتات ؟ شدات لأرض ؟ عاد مزادت فيه ، انا ماشي لغالية نسكت ليها او نخليها دير فيا مابغات مادام مقستهاش تعطيني تيساع حيت الى مشيت تا درتها فبالي مغنقدرش ندوزها ليها فوجهك
اكسيل : كتهددي دبا ولا شنو ؟
ياسمين : حاشة واش نكون كنهددك غا هو كيما قالو قاسح حسن من كداب انا حيدت تقليد عليا ، دوي معاها تشد حجارها عندها باش متقولوش انا لخايبة فلخر
اكسيل : ساليتي ايوا سمعيني غادي تكمشي امراة ولدي دارت ليك شي حاجة مي غتخرجي داك سوق او تخليني انا نتكلف عاودتي درتي شي حاجة بحال هادي غنتقلق عليك تاع بصح (طبطب على راسها) الله ايجيب شيفا رتاحي
ياسمين : (خرج اكسيل من لبيت بعدما حذرها)
#عند لغالية#
لغالية : (كانت فلمكتب ديالها خدامة على شي ملفات)
كوتر : (شافت بلي غالبها نعاس) منعستيش لبارح ؟
لغالية : لهلا يوريك لبارح تجرجرنا واحد تجرجيرة
كوتر : (شافت لخاتم تاع زواج فيديها) اخيرا كتباني مزوجة كي جرا تا درتيه
لغالية : واخة مكيعجبنيش نديرو ولكن تجنبا لشبهات او صداعات
كوتر : عطيني نشوف شكل ديالو الى بغيتي
لغالية : (حيدات لخاتم او مداتو ليها) هاكي ، انا غنمشي نوصل هاد لملف لمسيو فؤاد
كوتر : شوفي ردي لباب راه بان ليا معصب
لغالية : وراه ديما معصب
كوتر : ليوم زايد نغزة
لغالية : (مشات عندو لمكتب دقات عليه قبل مدخل) مسيو فؤاد لملف ديالك
فؤاد : (كان كيخدم فلپيسي مهزش فيها لعين بتاتا او دوا برود) حطيه هنا او خرجي
لغالية : (حطات لملف او دوات) نائب الرئيس طلبك لعندو
فؤاد : (هز لفيسة ديالو لبسها او خرج مخليها تابعاه من لور)
لغالية : (تبعاتو لمكتب تاع نائب لاقياه ݣالس تما او سكرطيرة ديالو معاه تما)
نائب : سي فؤاد تفضل
فؤاد : (ݣلس مقابل معاه او لغالية بقات واقفة كتقيد داكشي لي خاصو يتقيد)
نائب : (بقا كيناقش معا فؤاد شي امور تاع لخدم تا تفاهمو على كولشو) فؤاد يمكن ليك تفضل ، لغالية ݣلسي نتي
فؤاد : (كان خارج تا سمع نائب طلب من لغالية تبقا خرج من لبيرو عاقدهوم عارف بلي طريقو مصافياش او ديال لغالية كتر منو ، رجع لبيرو ديالو كيلهي راسو فلخدمة)
نائب : تفضلي ݣلسي
لغالية : (ݣلسات مقابلة معاه)
نائب : تشربي شي حاجة ؟
لغالية : لا شكرا
نائب : كنضن بلي لمدير فؤاد مقنعاه خدمتك داكشي علاش مخليك حداه واخة باقي مشديتي لإجازة ديالك او لحق يتقال خدمتك متقونة ، شفت فسيڤي ديالك بلي مزوجة
لغالية : واه
نائب : كنهنيك على تفاني ديالك فلخدمة رغم لمسؤوليات ديالك نتي ماشي شلحة ؟
لغالية : لا أنا كزاوية راجلي لي شلح
نائب : من أشمن جيهة
لغالية : خنيفرة
نائب : هي زياني شكنيتو ؟
لغالية : آيت اوسو
نائب : من عئيلت راجلك كاين شي واحد سميتو عزيز آيت اوسو راه باه كيقولو ليه لحاج محمد
لغالية : لحاج محمد شيخي
نائب : (فرح) ههههه قولي نتي عروسة لحاج محمد شوف على صدفة تا انا من دوك جوايه بلغي ليه سلام راجل محترم او تا ولادو الله اعمر ليهوم الدار من اطيب الناس ، كون ما هو لي عاوني نجي لكازا نكمل قرايتي كون ݣاع منولي هنا الله اكتر خيرو
لغالية : سلامك مبلغ غتسمح ليا نمشي نكمل خدمتي
نائب : تفضلي مانزيدش نشدك كتر
لغالية : (رجعات لبيرو ديالها كملات لملفات لي كانو كيتسناوها او مشات عند فؤاد تاخد منو اذن انها تمشي شوية بكري حيت كان فيها لموت تاع نعاس ) مسيو فؤاد
فؤاد : (كان واقف كيشرب قهوتو) شنو ؟
لغالية : واش يمكن ليا نخرج دبا ساليت لملفات لي عندي
فؤاد : واش عندنا لوطيل هنا تخرجي او دخلي كيفما بغيتي ولا عندك شي موعد معا نائب
لغالية : (مفهماتوش شنو قاصد) انا باغة نمشي نعس
فؤاد : (قرب عندها عاقدهوم) غادة تنعسي ولا غادة انعسو معاك مشغليش شنو كديري على برا واش حالة رجليك ولا جامعاهوم شغلك هاداك ولكن حتارمي راسك فلخدمة او جمعي رجليك عندك جاية تخدمي خدمي او لتازمي للوقت ديالك شركة ماشي تاع باك باش دخلي وتخرجي فيها وقتما بغيتي
لغالية : (ودنيها كتسمع فيهوم غا ديك حلي رجليك ولا سديهوم انعسو معاك ، مابقاتش كتشوف قدامها بتاتا هزات يديها تال سما او جمعاتها معاه) قليل ترابي حمار ، حتارم راسك أو عرف معامن داوي
فؤاد : (مرضاش حيت صرفقاتو شدها من يديها مزير عليها) طحبة بحالك تهز عليا يديها ياكما يسحابلك راسك شي حاجة ، خرتك طحبة لي خلص كتر كتمشي تحلي ليه رجليك فلوطيلات ، ولا ياكما يسحاب ليك ناعس على ودني لي شاف لفولار او بواسع ايقول هنا نبات ونتي تا شارف لي قد باك مخليتيهش عليك فتيقار
لغالية : (شكلت بلي شافها هي واكسيل شي مرة تنترات منو مبعدة عليه او هي كتڤيڤري بلأعصاب) ياكما شايفني طسيلتك غادية ليك معا باك ، راجلي شارف ولا صغير شغلك شدخلك
فؤاد : ههههه راجلك ؟ كواك شي جوج مرات ولا راجلك
لغالية : واش سايط ليك نتا ريح فمخك الباشار راجلي مزوجة بيه مقاريش السيڤي ديالي ݣنس كيف داير تعاود صور بيا غنجيب داك شارف علاش دويتي يكويك
فؤاد : (خرجات لغالية زادحة لباب من موراها ، مشا كيقلب على سيڤي ديالها منيرڤي تا لقا بلي فعلا لحالة عندها متزوجة زاد تعصب كتر من لول ، من ناحية ضلمخا او من ناحية خرى صدقات مزوجة ݣاع ، هز طيليفونو او صونا على واحد النمرة باغي اتأكد من لمعلومات ديالها او من تاع راجلها)
لغالية : (خرجات كتڤيڤري بلأعصاب دخلات لمكتب ديالها كتبات واحد لورقة بزربة او طبعاتها) عطي هادي لسي فؤاد اسنيها
كوتر : شهادي ومالك
لغالية : لكونجي ديالي انا غادة (خرجات برا الشركة ركبات طونوبيلتها ومشات بحالها لدار ، ضربات فإكسيل فدار) مخدمتيش ليوم
اكسيل : خدمت صباح شتك رجعتي بكري
لغالية : شديت كونجي داكشي علاش
اكسيل : هانية تا شديتي كونجي ؟
لغالية : (كانت كبدل) بغيت نرتاح شوي راك عارف لعرس تاع صباح باقي لعيا ديالو فيا عاد لخطوبة تاع مجد باغة نوجد ليها مزيان
اكسيل : بيك شي حاجة ؟ بنتيلي ماشي تلهيه
لغالية : (مشات عندو بتردد باغة تقولها ليه ولكن خايفة من ردة فعلو ايولي كي لعجاجة ) انقول ليك ولكن قسم ليا بلي مغدير والو
اكسيل : على حساب شنو غتقولي ليا
لغالية : ايوا صاف مغنقول ليك والو
اكسيل : صاف مغندير والو غا قولي
لغالية : لا تا تحلف ليا لا عطيني لعاهد ايما تا بحلول يمكن ليك تصوم عليهوم تلتيام
اكسيل : والله ماندير والو عهد مني
لغالية : ديك نهار فاش كنا فلوطيل ولا ريسطو يمكن شافنا لمودير او فهمنا غلط يسحابلو بلي راني من بنات ليل
اكسيل : داك ولد لواسعة معارفكش مزوجة
لغالية : معرفتش سيڤي ديالي مكتوبة فيه مزوجة ليوم حشا ليا لهضرة جمعتها معاه او خرجت كونجي
اكسيل : (تعصب) قدمي لاستقالة ديالك مغتعوديش تعتبيها تما
لغالية : خلي هاد لكونجي اسالي او نتصرف صافي
اكسيل : مكاين بو غتصرفي أتخرجي من ديك لخدمة او سالينا
لغالية : واخة واخة غا يسالي لكونجي باش نتخلص (مشات ݣلسات حداه) شاطناك شي حاجة
اكسيل : من لأحس تدوي معا بنت خوك الغالية راه اتجيبها فراسها واش كاينة لي تلوح راسها من دروج غا باش تجيب حقها ، من زهرها غا تهرسات ولكن كون وقعات ليها شي حاجة الله يحفض
لغالية : ياسمين راك عارفها منين كانت اعايرها لواحد تا يشبع ولكن اجبد ليها مها صافي متعقلش عليه ، او لحق يتقال لحاجة مدارت فيها ميصلاح نعتات مريم بسعاية حيت شافت ياسمين كتعطيها شي فلوس ، قالت عليها ݣاع ملي طحبة كتحل رجليها واش ماشي حشومة
اكسيل : واش انا قلت ليك لحاجة مغالطاش ، شفتها ملي لاحت راسها او مقلت والو حيت عارف مي غالط من لول ، ولكن راه ماشي طريقة هاديك كون وقعات ليها شي حاجة واش مكتفكرش فراسها بتاتا مكتفكرش فمها شنو يطرا فيها
لغالية : شغنقول ليك الله يهديها على راسها ياسمين انا براسي مابقيتش فاهماها تبدلات بزاف ، كانت مشحال هادي كترض كولشي داخلها او متهزش صوتها على لي كبر منها ولكن دبا لا ولات حتارمها لواحد تحتارمو محتارمهاش تكحل عليه عيشتو يمكن مابقاش عندها جهد لي تكمد لداخل ديالها
(بنوي ، غدا ايكونو أجزاء بالزايد)
#عند سناء#
فدار من غير الدار فاش كنا موالفين كنشوفوها فيها ، كانت ݣالسة فبيتها كترض حوايجها لماريو تا تسمع دقان فبيتها
سناء : دخل
غزلان : (دخلات عندها لبيت) ماما مثالية {مسالية}
سناء : (بتاسمات ليها فوجها او دوات معاها بلفرونسي) كنرض غير حوايجي مشتيش شنو جبتلك معايا من سفر
غزلان : (حوارهوم بجوج كمل بلفرونسي ، مشات حلات ديك الساشية لاقية فيها سبرديلة من نوع لي عاجبها ، مشات نقزات على مها كتبوس فيها) عجباتني شحال ونا كنقلب عليها فرانسا ملقيتهاش
سناء : مزيان غا ملي عجباتك هاني ساليت لحوايج اخيرا كنتي باغاني فشي حاجة ؟
غزلان : (بتردد) كنت بغيت ندوي معاك فواحد لموضوع
سناء : الله اسمعنا خبار لخير
غزلان : ها هادي شي ستشهور تعرفت على واحد الدري فتركيا او قال بلي باغي ايجي يخطبني
سناء : دري فتركيا ؟ تركي ؟
غزلان : لا لا مغريبي غي خدام تما
سناء : او فاش خدام بسلامة ؟
غزلان : فواحد الشركة معروفة فتركيا
سناء : عئيلتو كي دايرين ماديا ؟
غزلان : لباس عليهوم
سناء : شحال فعمرو
غزلان : كبير عليا تقريبا بعماين او شي حاجة عندو 22 عام قرب ايدير 23
سناء : باقي صغير او تانتي متسرعتوش شوية فمسألة لخطوبة ؟
غزلان : بغينا لعئيلات اتعارفو بيناتهوم شنو قلتي ؟ نقوليه ايجي ؟
سناء : (طولات فيها شوفة) باغاه نتي ايجي ؟
غزلان : واه
سناء : ههههه ايوا قوليه ايجي ولكن هانتي تا نشوفو او نݣلس معا عئيلتو عاد نقول ليك واش موافقة ولا لا
غزلان : (عنقاتها كتفرنس) واخة
سناء : (شديتها من حنكها مبتاسمة ليها بحنية) لحبيبة ديالي كبرات او ولاو كيجيوها لخطاب ، الى كانو غيجيو قولهوم ايجيو هاد لخميس
غزلان : واخ (بقات معا مها كيتجمعو شوي عاد رجعات فبيتها مجاوبة مجد لي كان كيصوني عليها) الو
مجد : من صباح ونا كنجاوب هانية عندك ؟
غزلان : هانية كنت كندوي معا ماما على حثاب لحطبة {معا ماما على حساب لخطبة}
مجد : بصح او شنو قالت ليك
غزلان : قالت الى بغيثي ثذجي ذي بلحميس {قالت الى بغيتي تجي جي بلخميس}
مجد : (كان ناشط) شنو سميت ليوم ؟ تلاتة يعندي بعد غدا وأخيرا تا قلت مقاناش نخطبوك انخليك دبا نمشي نقولها لواليد بسلامة
قطع معاها او هبط كيحنقز باغي اعلم باه تا سمع دقان فلباب مشا يحل لاقي عبد الله
عبد الله : عيطلي لمريم
مجد : قول غا سلام
عبد الله : (بدا كيعيط) مريم
مجد : بلاما تعيط راها مكيناش عندنا
ياسمين : (كانت ݣالسة معاهوم لتحت تا سمعات الصوت تاع باها كيعيط)
لغالية : صوت عبد الله هادا شجابو عندنا
عبد الله : (دخل عليهوم) فين درتي مك نتي
ياسمين : درتها فجيبي باغي تجي تشوف سير شوف مرتك فين مشات او خرج عليا من دار
عبد الله : مك هزات دراري او قالت ليا جاية عندك فين هي دبا
ياسمين : غتكون طجات منك او من فعايلك ومشات بحالها
عبد الله : (تعصب) واش كنطزي عليا الكلبة داتاي ولدي ومشات دابة تعيطي عليها ولا ميعجبك حال
ياسمين : شغادير ݣاع راك كي لكلب السراح تنبح بلاما تعض
عبد الله: أنا كلب واخة (غفل جود او شدها من شعرها جارها بجهد) انا نوريك لكلب
جود : (فك ليها شعرها من يديه او شنق عليه) واش نتا مباغيش تحشم لا
اكسيل : (جر ياسمين لور بعدها على باها او مشا فك جود او عبد الله) طلقو نتا نسيبك ، ونتا راه قالت ليك مرتك مكيناش هنا خرج عليا من داري ماحدي مدوزك فوجه ختك
عبد الله : ديك طحبة عارفة فين كاينة هي لي خباتها
مجد : حيد أصاحبي حشومة نسيبك (بعد جود لي كان باغي يتلاح عليه ، او قرب هوا عند عبد الله) جود مجاتش اضربك حيت باين مرتو او لواليد مدوزك فوجه مرتو لي هي ختك ولكن انا اولد قح’بة مكتجيني تا قل’وة لذلك (غفلو بواحد لݣنݣ رعفو بيه) انا واخة نضربك حيت تهزيتي على مراة لخوادري
عبد الله : (ماجا فين يستوعب تا لقا مجد نقزليه على كتافو او شدو من شعر يابس عليه) هبط عليا
مجد : (ملي كيحيد ليه عبد الله ليد من شي بلاصة كينقز لبلاصة خرى يا يعضو فيها يخبشو لموهيم اخلي فيه لمارة)
اكسيل : (رجع لور عند لغالية كيتمنضر هو وياها فمجد) فهمتي دبا علاش كنقول ليه جرانة
لغالية : جرانة نيت كينقز بحالها
جود : (ولا هو لي كيفك عبد الله من خوه ، شد مجد من كرشو كيجر فيه ) طلق أصاحبي براكة
مجد : (يبس ليه على شعر خوه كيجرو او هو كيجر فشعر عبد الله لي تبهدل فيها) خليني نوري طواسل مو نتيف على حقو وطريقو ناتف ليا لخوادرية شايطين عليك هاد جوج زغبات ليوم نهنيك منهوم
عبد الله : (بدرع بدرع باش فك شعرو من يدين مجد) هاني غادي او قولي نتي لمك غنلقاك نلقاك او ملي نحكمك تبقاي تزاوݣي
مجد : طلقني عليه (بغا ينقز عندو عاود ولكن شدو جود) آراو لي شي حجرة نفتح لطسيلتو الراس
اكسيل : باركة غا داكشي لي درتي فيه خليه يمشي بحالو
مجد : (قاد حوايجو) اجهلك بنادم نساني تا فشنو كنت انقول ليك الواليد آه عاد تفكرت لخميس انمشيو نخطبو غزلان
لغالية : (زغتات) ايوا هادي خبار زينة ايمتا دوات معاك ؟
مجد : غا شوية هادي ، هاه الواليد راني منعقلش عليك ادير ليا لخطوبة حسن من تاع صباح او جود ممفاكش معاك
جود : كي درتي ليها نتا ايدير بحالنا يا لا
مجد : ايوا تا نكون انا هو نتا (مشا لسق باه) انا راه مجد دري صغير تاع اكسيل آيت اوسو
جود : هههه نتا صغير انا راه لكبير بيا باش بدا لمسيرة ديالو كأب
اكسيل : غتبداو عاود هنيونا ، ونتا غنمشيو لخميس ندويو معا ناس نتعرفو عليهوم عاد انديرو خطوبة رسمية
مجد : واخة
لغالية : (صونات على صباح) الو ياكما كنتي ناعسة او فيقتك
صباح : لا راني فايقة باقي تا متعشيناش
لغالية : بحالنا تا حنا بغيت غا نقول ليك غدا ملي تفيقي جي لدار
صباح : واخ ياك مكاين باس أبعدا ؟
لغالية : سي مجد بعد غدا انمشيو نخطبو ليه ايوا خاصنا نتقداو شي حاجة
صباح : (فرحات) صافي غدا معا نبوري نكون عندك
محسن : شواقع
صباح : لخميس غنخطبو لمجد
محسن : ونا كنقول مالو كتب فلأنسطا خاطب ههههه
صباح : غدا انمشي عند لدار
محسن : لغالية دايرين شي عشا ؟
لغالية : ودايرين غا ياجي تعشا معانا
محسن : صافي متحطو تا نجيو
صباح : نيشن داوي ؟
محسن : طيبتي شي عشا ؟
صباح : لا
محسن : ايوا نوضي تعشاي او هنينا
لغالية : هانا كنتسناوكوم بسلامة
اكسيل : شكون جاي ؟
لغالية : صباح او محسن لي غيجيو اتعشاو معانا او يباتو
اكسيل : مابقاتش شي سقاطة عندنا زيد نتا معايا نمشيو نتسخرو
مجد : لا أنا عريس منتسخرش
اكسيل : (لاح ليه ليد فوق كتفو جارو معاه) زيد زيد ادحش قالك عريس
صباح : (هزات طيليفونها او مشات ركبات طونوبيل تا تبدال مبدلاتش بقات بپيجامتها لاحت عليها غا لكاپ او دارت زيفها وصافي ، وصلات لدار)
لغالية : (سلمات عليهوم) كي داير لجو برا
محسن : زوين فين هو لعريس ديالنا
جود : مشا يتسخر هو ونسيبك
محسن : (سلم عليه سلام رجولي او تنشر حداه دار تاع باه) شحال كتعجبني عندك ديك نسيبك
جود : (خبطو بلوسادة) هنينا اعم لمادام ، لخوادية صاڤا
صباح : (عنقاتو) هانية عندك
لغالية : غا حيدي زيف إيهاب راه طلع لطنجة لبارح بليل
محسن : هانية ؟
ياسمين : ريزيرڤا شي تواشة او حصلو ليه تما
لغالية : منعرف ايمتى يرجع
ياسمين : قالي غدا فلعشية ولا فليل
لغالية : مزيان (شافت فصباح لي ݣالسة حداها ودوات بشوي) واتا جدك زواج تفورميتي وزيانيتي
صباح : الله يخلف على سقاطة
لغالية : الله يخلف على حليب خويا قالت ليك سقاطة ضليتي عند باك 22 عام مݣراتش فيك سقاطة ، خويا سيمانة بان لبرهان
صباح : سقاطة ولحليب كلا ليلة وصفة مجربة هههههه تفو فاش كندويو غا هو حاجة وحدة مفهمتهاش نتي ملي تزوجتي ترقعات صحتك انا كذلك ولكن بنت خوك بانت ليا عاد مزادت رقاقت زعما حليب خويا موافقهاش
لغالية : لݣارو كيمص لواحد
ياسمين : مالكوم كتوشوشو من صباح
لغالية : سولتها على لوصفة تاع تقشير لي كانت مولفة كدير
صباح : بابا فين مشا ؟
لغالية : ملي سمعك جاية مشا اشري سقاطة غيكون نيت هو هادا لي جا
صباح : (مشات كتجري عند اكسيل منقزة عليه) بابا
اكسيل : (هزها عندو) شخبارك
صباح : انا بيخير
مجد : قدك قد دحشة وباقي باك كيهز فيك
صباح : اهزني ويعاود حسدتيني
مجد : على زينك نحسدك
اكسيل : (ضربو لراس) فين كاينة هادي لي زوينة على بنتي
مجد : (كيفرنس) كاينة غزلان
صباح : شابه ابابا مابقاش كيحشم ݣاع ولا يتقابح معاك
مجد : لاتيسينذ غاس اتحموذ لعافيث {كتعرفي غا تشعلي لعافية}
صباح : نكينين ابعذا لاتيسينخ اذيغ شا {انا بعدا كنعرف ندير شي حاجة}
جود : ربي ما سوسماث ذغيك اتبدوم عاوذ {ربي ماسكتو اتبداو عاود}
مجد : (جر عندو صباح لايح يديه على كتفها) لاتسخ نكينين ذولثما مكيحادزن غاس اينيي {كنضحط انا وختي شكون قربك غا قوليا}
ياسمين : (هي او عمتها او محسن مقشبلو والو) ليا لغدر بدا يا دايزو بلعربية لا هنيونا
محسن : حاس بمخي راكب طاكسي معا شلوح هههههه
لغالية : نوضو نوضو تعشاو
مشات لكوزينة جابت لبرما تاع لحريرة او تبعات ليها زلايف او لبيض مسلوق معا تمر او شباكية او شي ميني پيتزا ، خوات لكل واحد فيهوم زلافتو تا تعشاو او عمرو لكرش عاد كل واحد طلع لبيتو ينعس
لغالية : (كانت مخشية فراشها حدا اكسيل كدهن يديها قبل متنعس) غدا فصباح بكري دوي معا خوك يحيى او رابحة الى بغاو ايجيو اضرو لخطبة او تا لحاج او لوخرين باش نعرفوا شكون يمشي وشكون ينقص باش منكتروش على ناس
اكسيل : ملي خرجت دويت معاهوم لحاج او عزيز او مصطفى ميعدالش ليهوم أجيو ايجي غا يحيى او رابحة ورقية
لغالية : لحاجة او صفية لا ؟
اكسيل : لا
لغالية : ايوا دوي معا علاء او شيماء امشيو معانا صافي ياسمين موحال واش تمشي
اكسيل : علاش ؟
لغالية : راك شتيها كي مهرسة زيد عليها بغات لخميس تمشي تقاد لوراق على حساب طلاق مها
اكسيل : اخيرا ديك سيدة بغات تفك راسها
لغالية : واييه شوف شحال من عام او عاد قررات طلق ، واخة راه معالم بشنو جامعها هي وياه غا الله
اكسيل : عندها شي عئيلة
لغالية : مها لي كانت عندها ولكن ملي دارت ياسمين 6 ماتت
اكسيل : مشافتش شنو كان كيدير عبد الله فبنتها
لغالية : شافت ويلاما شافت تكون حسات غا هي كانت صعيبة شوي خويا عبد الله كان كيضرب ليها لحساب عارفها جلاخة ولكن شي مدارتو ملي مهزاتش بنتها ، كون تشوف مريم كي كانت ملي يالاه تزوجها غي ياسمين لعنين مشفرين او شعر كتير او رطب او طويل فورمتها كتحمق ولكن مكانتش فرحانة قبل تا متكنل سبعيام ديالها وهي عروسة شدها سلخها ديما واكلة لعصا ، مي وبا معندهوم فين انعسو من جيهتها كانو فلول غي كيدويو معاه شوي من بعد ولاو كيديرو عين ميكة مرتو ايدير فيها مابغا ، عبد الله كان صعصع تاع دار ملي كنت باقة ساكنة معاهوم انا براسي كنخاف منو محسن لي كان كيدابز معاه ملي ميلقا ليه جهد امشي يقطع الضو ولا اعيط على ضياف لموهيم ايدير شي حاجة
اكسيل : صعيب لمرا تزوج بشماتة او ميكون تا حد مسخن ليها كتافها
لغالية : شغنقول ليك الله افرجها على كل واحد تصبح على خير
اكسيل : ونتي من أهل لخير
~~~~~~~~~~~~~
صباح : (خرجات من لحمام لابسة پيجامة من لپيجمات دياولها لقدام) انزيد شوي متبقاش تجيني هاد لپيجامة خاصني نضعاف
محسن : فورمتك هي هاديك
صباح : انزيد شوي غتخسر ليا الصحة ݣلا ، دويتي معا مك قبيلة
محسن : واه
صباح : لباس عليها
محسن : لباس
صباح : نتا لي صونيتي عليها ولا هي
محسن : هي
صباح : حشومة عليك تبقا تسول فيها نتا او تمشي تبات عندها عمرني سمعتك مشيتي بتي عندهوم
محسن : حيت ديك دار مساكنينهاش لبشر
صباح : بلعكس كيبانو ليا ضريفين
محسن : غا كيبان ليك ضريفين دبا اما مشحال هادي غا لهبال
صباح : شنو دارو ليك
محسن : مدارة ليا والو غا مكنحمش ناس لي كيشوفو الضلم او كيسكتو عليه ولا كيضلمو ناس او من بعد عاد اندمو الى كانو غيندمو ميديروهاش ݣاع من لول ، خلينا منهوم تصبحي على خير
صباح : ونتا من أهل لخير
~~~~~~~~~~
جود : (شاف ياسمين مشات تكات فناموسية) غتنعسي دبا ؟
ياسمين : واه علاش
جود : مموالفاش ليك تنعسي دبا قلت نتفرجو فشي فيلم
ياسمين : (مشات ݣلسات حداه ) دير شي فيلم دلخلعة ولا لأكشن
جود : زعما منديروش شي فيلم تاع رمنسية كي ناس
ياسمين : دوك ناس عندهوم صحة رمنسية انا ضلوعي ضاريني
جود : واخ ، غا هو بدلي عليا هاد تريكو كيطيح عليك تلج
ياسمين : خليه مغطيلي عنقي
جود : (كان متكي على لفوطوي ولكن مݣعد هضرو ، قاد لفيلم او جرها لعندو مسند ضهرها على صدرو او رجليها ولاو بين رجليه ، مد يديه محيد ليها تريكو بزز مخليه غا بسفيطمة ، شاف يديها تمدو لعنقها ، داكشي علاش شابك يديهوم بجوج او هبط باسها مور عنقها) خلي عنقك اتهوا او تفرجي فلفيلم لبطلة ديالو ناضية
ياسمين : واش ناضية فتمتيل ولا بزازلها لي ناضيين أدوي
جود : تمتيل تمتيل
ياسمين : منعرف مالها على داك صدر كامل زاربالي على حقي بنادم مجعوف
جود : نتي صدرك هو هاداك جاو معاك
ياسمين : (وقفات عندو هازة سيفيطمة على صدرها مبيناه) غا قول ليا فين هو هاد صدر باش ايجي معايا ولا لا ولا ݣاع ݣاع
جود : (عيا يحبس فضحكة ولكن مقدرش) ههههه هبطي هبي سيفيطمة غتقتليني بضحك اصݣعة هههههه هبطي هههههههه
ياسمين : (هبطات سيفيطة او رجعوت تكات عليه) صافي باركة من ضحك بحالا عندك نتا راني فايتاك غا بصبر
جود : ههههه صافي هاني مضاحكش خلينا نتفرجو
ياسمين : (محسات بيه تا لقاتو حاط يديه فوق صدرها كيضرب بسبعانو بحالا كيضرب شي صنية) حيد يديك غتعݣرني
جود : هههه هاني هاني راسي
ياسمين بقاو كيتفرجو فلفيلم تاع سالا عاد كل واحد فيهوم ناض ينعس فبلاصتو
#فصباح#
فاقو لبنات فصباح قادو لفطور او فطرو مجموعين عاد مشاو لصالون تاع لماساج برعو راسهوم قبل ميدوزو يتقداو داكشي لي خاصهوم لخطبة ، كانت معاهوم شيماء معاوناهوم فحين ياسمين بقات فدار ، خداو شي بلاطوات تاع لحلوة او لمخلطة شي كضيات لغزلان بحال پاكيط تاع ريحة شي تواب تاع لقفاطن جوج جلالب لموهيم شي حاجة خفيفة تصلاح لتعارف ، خداو شكلاط او ضومونضاو على لورد عاد رجعو لدار تعشاو او طاحو ناعسين ، فحين دراري كانو عاطينها لتقشاب او لعب ليل كامل تا قرب يصبح صباح عاد مشاو نعسو
وصل نهار لي كان كيتسناه مجد او غزلان من مشحال هادي نهار لي كانو كيقولو بلي غيخطاو فيه خطوة لقدام خطوة لمستقبل جامعهوم بجوج ، مستقبل ضنوه غيكون مفرش بلورد ليهوم
لغالية : مجد جبتي لورد ؟
مجد : (خرج عندهوم لابس سروال كحل معا قميجة بيضة ماشط شعرو مزيان) ها لورد
رابحة : (جات عندو مقادة ليه صدايف تاع قميجتو) سعدي وفرحي بولدي دار عقلو او غيكمل نص دينو
جود : كمل تا نص لاخر غا يزيد هاد نص
لحاجة : (صدقات جات معاهوم مكتحشمش) يالاه الى غتمشيو قبل منتعطلو على ناس ، دويتي نتا معا مك مغتجيجش
مجد : لوليدة مكتجاوبش يمكن باقة مسافرة
لغالية : جود دويتي معا ياسمين مغتجيش ؟
جود : راها بايتة عند مها يوسف مريض شوي
اكسيل : يالاه راه فات لمغرب
محسن : (كانو تا هوما ضايرين بلحال توني وسروال فحين لبنات ضربو جلالب تاع لحضور) اطاح عليك سر
إيهاب : منين فاق او هو كيفرنس
يحيى : يالاه يالاه باركة من لهضرة
اكسيل : كلا يدي طونوبيلتو ولا تفرقوا على طونوبيلات سيفط لينا نتا فين كتسكن
مجد : واخة
كل واحد ركب فيهوم الطونوبيل او شدو طريق لدار تاع غزلان
#عند غزلان#
كانت واقفة قدام لمراية تاع بيتها كدير روج خفيف لفمها او الضحكة ممفارقاش وجها ، لابسة قفيطين خفيف بسماوي
سناء : (لبسات كسوة طويلة او قادات وجها او شعرها) كولشي موجود ياك لحلوة او لعشا ؟ الصالون مجموع ياك لحليب او تمر حطيناهوم فصينيات
صحبتها : اهدني كولشي موجود
سناء : راجلك نتي وراجلك نتي جاو ياك ؟
صحبتها : راهوم فصالون متوتريش كولشي ايدوز مزيان
صحبتها : سيري طلي على بنتك واش وجدات راسها
سناء : واخ انمشي نشوف غا عافاكو طلولي على كولشي تأكدو مرة خرى
غزلان : (سالات توجاد تاع راسها تا دخلات عليها مها) كي ذيث ؟ {كي جيت ؟}
سناء : (طولات فيها الشوفة قبل متقرب عندها تشد ليها فيديها او عينيها مغرغرين بدموع) جيتي كتحمقي الله احجبك ، مكنتش متخيلة ملي غتكبري دغيا بحال هاكدا
غزلان : (عنقاتها)
سناء : الله اكمل عليك بلخير الحبيبة ديالي ، نتي احسن حاجة وقعات ليا فحياتي (تسمع سرسار فلباب) هاهوما جاو غنمشي نقاد مكياجي طاطاك أتمشي تحل ليهوم
غزلان : واح {واخ}
لحاجة : (تقدمات عليهوم داقة لباب)
صحبتها : (حلات ليهوم لباب هي او راجلها) مرحبا وألف مرحبا
لحاجة : أرحب بيك لخير
راجلها : نهار كبير هادا ملي شرفتونا
جود : نسيبتك حنينة
مجد : شداتني لخلعة أصاحبي كيقولي راسي نمشي نضربها بشي جرية
إيهاب : انا وشداتني لخلعة لعساك نتا
محسن : زيدو زيدو مغيكونوش بحال باك متخافش ، باك سطاج لوحش
لغالية : (عطاوهوم داكشي لي جابو ليهوم او دخلو ݣلسو فصالون)
صحبتها : مرحبا بيكوم
رابحة : نتي ماين لعروسة
صحبتها : ههه لا أنا صاحبة مها بحال خالتها ، مها اتجي دبا سيري نتي جيبي غزلان
صحبتها : واخة
سناء : (خرجات من لحمام او مشات لكوزينة هزات لپلاطو لي فيه لكيسان تاع لحليب او دخلات عليهوم متاسمة حدها ضربات فإكسيل او ولادها تخطف لون من وجها تا طيحات لپلاطو من يديها)
صحبتها : (قفزات) سناء نتي بيخير بعدي على الزاج
مجد : لوليدة ؟
لحاجة : سناء ؟ شكاديري ابنتي هنا نتي صاحبة ماين لعروسة ؟
صحبتها : هههه لا هادي راها ماين لعروسة
كولشي : شنو
صحبتها : (جات معا غزلان لي كانت حشمانة شوي) ها عروستنا جات
رابحة : شواقع هنا ؟ سناء شنو كتقول صحبتك
سناء : (بحالا طرشتيها بقات مشوكية)
غزلان : (هزات عينيها فمها) ماما مالك
مجد : غزلان شمن ماما ولا زمر الى كان هادي شي پرانݣ راه والله مكيضحك
صحبتها : الله يهديك اولدي شمن پرانݣ واش وقت ضحك هادا سيدة كاين لبنت شنو ليفيها عجب
صباح : اشريفة واش عارفة شنو كتقولي ايمتا ولدات لوليدة شي ولد ولا بنت أ ؟ ايمتى ولداتها لواليد كنتي عارف
اكسيل : (الى كانت سناء واقفة مصدومة فراه اكسيل فشلو عليه مافهم تا وزة عقلو تكوانسا)
لغالية : (حركاتو) اكسيل شرح شواقع
اكسيل : (بحالا عاد فاق وقف عاقدهوم) شغنشرح ليك ونا براسي مفاهمش ألحاجة ايمتى ولدتي بنت عندها 20 عام أدوي
لحاجة : تهدن اولدي غتشرح لينا سناء قولي شي حاجة
اكسيل : (تعصب تا هز لما خواه ليها على كمارتها) تصدمي ليا من بعد أو شرحي شهاد لخرى
غزلان : (راسها عطاها لحريق) ماما ثواقع ثكيقولو هادو هلاث كيهيطو ليك ماما مالك ثاكتة {شواقع شكيقولو هادو علاش كيعيطو ليك ماما مالك ساكتة }
سناء : (نزلو دموعها من عينيها معنقا بنتها) سمحيلي ابنتي ولكن ولكن مجد خوك
مجد : (حس بودنيه كيصفرو عليه حس براسو ممستوعبش شنو كيتقال دماغو كضور فيه غا مجد خوك هز راسو او خرج من دار)
إيهاب : مجد مجد فين غادي
غزلان : (دفعات عليها سناء او بدات كتبكي او تدوي معاها بلفرونسي) لا لا شمن خويا مجد ماشي خويا مجد حبيبي قريب اولي راجلي طاتي مال ماما واش هبلات
سناء : (تخلعات على غزلان ملي شافتها كترعد قربات عندها) بنتي لحبيبة ديالي غنشرح ليك كولشي غي اهدني ماديريش فراسك هاكدا
غزلان : (دفعاتها مغوتة) ماتقيسينيش ماتقيسينيش ميمكنش ايكون خويا هو هو راجلي لا لا ميمكنش ايكون خويا
اكسيل : (بحالا وقف بيه الزمن فديك اللحضة معرف تا شنو يدير)
لغالية : (حالها من حال لوخرين مقاداش تستوعب صدمة)
غزلان : (ديك لوقفة لي وقفات طاحت سخفانة)
سناء : (جرات عندها وهي كتبكي) بنتي فيقي غزلان لحبيبة ديالي فيقي شي واحد اعيط لومبلونص غزلان
صحبتها : عاونونا نديوها لسبيطار
اكسيل : (مشا هز غزلان جاري بيها لسبيطار مخلي لوخرين تابعينو)
صباح : (لحقوق عليهوم لسبيطار دخلو غزلان ادقو ليها ليبرة مخليينهوم هوما فلكونوار )
محسن : صباح تهدني غيكون غاشي سوء تفاهم (خاف من سكوتها)
صباح : (بقات غا كتشوف فمها لي تا تعناق عمرها عنقاتها او هي مريضة ولا سولات فيها او هي مليوحة فسبيطار ليوم شافتها كتبكي دم على بنتها بنت قلبها واش تقبل فكرة أنو عندها ختها ولا تقبل فكرة أنو مها أم طبيعية معا هاد ختها)
طبيب : (خرج من لبيت) نتوما عئيلة لمريضة
سناء : (جرات عندو) أنا أنا مها كي بقات بنتي
طبيب : بيخير بيخير دݣينا ليها مهدء حيت جاها انهيار عصبي واحد شوي غازي مزيان
لحاجة : (عنقات سناء ) على سلامتها ابنتي على سلامتها ، حمد الله على لطف الله كنا غنلاقيو لخوت لا قدر الله لحمد الله
جود : (كان كيف تور عاقدهوم) بنت من ؟ أدوي بنت من هادي
سناء : (هزات عينيها محمراهوم فيه) بنت من ؟ بنت جيران بنتي او بنت باك
اكسيل : (عقدهوم) بنتي ؟
لحاجة : (تصدمات فلول ولكن دغيا رداتها لصالحها) مالك اولدي تعجبتي إلى مكانتش بنتك بنتمن غتكون راه عندها عشرين عام ونتوما كلقتو 18 رعام هادي ياك ابنتي سناء
اكسيل : ملي بنتي لاش انا مفخباريش أ ملي بنتي لاش انا معارفهاش ؟
سناء : ماشي بلاصة لهضرة هادي
اكسيل : (غوت) او فين بلاصتها جنب لبحر تحت الضو تاع شموع متلا ؟ ملي بنتي لاش معارفهاش ؟
سناء : (نفاجرات عليه او هي كتبكي) حيت خبيت عليك حيت مكنتش باغيك تعرف بلي عندك بنت او مطلقنيش ها علاش كنت رافعة الدعوة تاع طلاق كنت خايفاك متبغيش طلقني الى عرفتيني حاملة
اكسيل : واش باغة تحمقي مي
لغالية : (كانت آخر وحدة لتاحقات بيهوم لسبيطار مكانتش تالهيه كان باين بلي واقع ليها شي حاجة) لاش كتغوت غدير راسك مسقتيش لخبار غدير راسك معارفش بلي عندك بنت
اكسيل : شكون غيقولها ليا واش كتمرضني عليا
لغالية : اكسيل لي تا حاجة مكتخفاش عليه مغيعرفش بلي عندو بنت كطنز عليا اكسيل لي كيسيق لخبار لزبلة قبل حتى متوقع معرفش بلي عندو بنت عندها عشرين عام ؟ كضحك عليا باغيني نتيقك
اكسيل : راك معارفاش شكتقولي يالاه نرجعو لدار ما عندنا مانديرو هنا
لحاجة : فين غترجع بنتك طايحة لداخل ونتا باغي تمشي لدار ؟
لغالية : (نترات يديها من يديه منزلة دموعها) بعد عليا سير عند بنتك غتفيق مسكينة او متلقاكش حداها
خلاتو تابعها من لور او ركبات طاكسي راجعة بيها لدار او هي منهارة بلبكا يديها كيترعدو ، وصلات لدار او طلعات نيشن لبيتها سادة عليها او غا كتبكي
لغالية : (صونا ليها الطيليفون مكانتش باغة تجاوب خافتو ايكون فؤاد لي مصدعها عاود ولكن لقات نمرا خرا) الو شكون معاها
لمتصل : نسيتيني الغالية حشومة
لغالية : شنو باغي عندي لاش تابعني
لمتصل : تئ تئ تئ حشومة تقولي هاكدا الغالية شنو باغي من عندك ؟ نصفيو لحسابات لقدام ديالنا الغالية متلا ؟
لغالية : (كانت متوترة بلى قياس) شمن حسابات شكتخربق عليا ؟
لمتصل : وصلك لمساج ديالي تاع قبيلة قلت ليك فيه بلي انسيفط ليك واحد لكاضو سيري حلي لماريو ديالك اتلقايه تما
لغالية : (ناضت حلات لماريو ديالها كطلب الله متلقا فيه والو تا ضربات فواحد الصندوق مدات يديها كترعد حالاه لاقية فيها تصويرة عائيلة ديالهوم كاملين لغالية اكسيل صباح ياسمين دراري بتلاتة جود او مجد او محسن) ك.كي درتي دخلتي لداري
لمتصل : ششششش تهدني الغالية باقي مبدينا كان يسحاب ليك مغنعرفكش بلي نتي لي قتلتي لواليد ياك هههههههه ولكن هانتي قريب نتلاقاو الى نتي خديتي روح وحدة انا غناخد تسعة الغالية تسعة بلحساب
لغالية : (قطع عليها مخليها باغة تحماق او غا كتشوف فجنابها)
اكسيل : (وصل لدار هو او لوخرين حيت كولشي رجع من غير لحاجة) سير شوف واش مجد سبقنا لدار
محسن : عمي اكسيل دوا معايا ايهاب قال بلي راه معاه
اكسيل : سيرو عندو لتوقع فيه شي حاجة (قال هضرتو او طلع نيشان لبيتو لاقي لغالية دايرة حالة بلكا) لغالية دبا لاش كتبكي
لغالية : (تجمعو عليها لعرارم ها تهديدات ها لقضية تاع غزلان) لاش كنبكي ؟ ياكما خصني نزغرت حيت سي راجلي مابقاوش عندو غا تلاتة تاع دراري ولاو دبا ربعا ياكما باقي مخبي عليا شي فجيغ آخر
اكسيل : وشغيعرفني انا الله يهديك واش كون كنت عارف كنت انخلي ولدي ايكون معا ختو واش انا قاطع يدي من الرحمة
لغالية : ايوا فسر ليا هاد لبنت لي خرجات من جنب فعمرها 20 عام أ إكسبل عشرين عام كنتو باقين مزوجين او معارفش واش مرتك حاملة ولا ياكما شاك بلي ولداتها معا لحيط
اكسيل : كنقول ليك مكنتش عارف ويلى كانت بنتي او من بعد شنو غيزيد ولا ينقص
لغالية : شنو غيزيد ولا ينقص ؟ غيزيد اسيدي عدد لفجاجغ لي جامعينك بديك لكلبة اتبداو تخرجولي كي دوك تنائيات حقا على قبل دراري ، او تفكرولي يامات زمان ياكما توحشتيها حيت كتباني ملهوف تكون غزلان بنتك
اكسيل : شتي نتي مغندويش معاك دبا راك طالع ليك دم معارفة تا شكتخرجي من فمك
لغالية : واه متديش عليا راني غا هبيلة (دخلات لحمام سدات عليها مكملة بكاها وحاسة بشي وجع فكرشها)
اكسيل : (حاس براسو بحالا كاين فشي حلمة تاع لعاصر دنيا بدات كضور بيه عرف بلي سكر لي طاح ليه ، دار واحد طوبة صغيرة تاع سكار فمو او مشا نعس فلبلاصة)
~~~~~~~~~
لحقو دراري على فين كاين مجد لاقينو منزل لكوسان لقدامي او متكي تما
ايهاب : (كان ݣالس فوق طونوبيل) جيتو
محسن : فين مجد ؟
إيهاب : راه ناعس فطونوبيل
محسن : ناعس ؟ مغوت ما بكا ؟
إيهاب : لا مغوت ما بكا مقال والو صاݣ بينا تا لهنا او حبس طونوبيل هنا او تكا ونعس
محسن : لعجب قلت غيدير حالة
جود : باقي مشتي والو غا الله يحفض هاد لحالة هي لي كتخلعني غيبقا دبا ناعس اقدر ايفوت تا 12 ساعة او هو ناعس ملي غيفيق غينوض واحد لعجاجة منعاودش ليك
محسن : منحقو أصاحبي مك مدارت فيها ميصلاح انا راه غا حضرت كان غيخطب ختو تبورش عليا لحمي لعساك هوا لي كان عنق او بوس تا شبع
جود : ربي لي حفض او خلاص لواليد مسكين راه غا كيكمدها الى وقعات فمجد شي حاجة مور هاد نهار لوليد اقدر يمشي فيها
محسن : اخويا صعيب تستوعب بعد هاد لعوام كاملة تصدق عندك بنت نتا معارفهاش
جود : خلي داك جمل راݣد كتعرف شوهة او لفضايح هوما لي غيبداو غا الله استرنا
محسن : قبل منسا عافاك اخويا سمعت بلي مريم بغات طلق الى كتعرف شي وجه فلمحكمة طلق بلى صداع او تاخد لحضانة تاع دراري
جود : وايلي أصاحبي خو مرتك قاضي على قدو محكمة تحت يدينا ههههه كون هاني غنتكلف ، عرفتي كنحس براسي زاند عليا مكرهتش شي ݣارو
محسن : معندك مادير بيه اعشيري راك متفكيتيش منو بساهل آخر مرة
جود : اخويا معا هاد زمر لواحد ماشي غير اتبلى كاينة شي وحدة نوغمال فروحها تخبي بلي عندها بنت نقولو خافت لواليد ميطلقهاش ، علاش ملي طلقات مقالتهاش علاش ملي دازت عام عماين تلتسنين مقالاهاش ، كون مخباتهاش يعلم شنو كان غيوقع او يعلم الله شوقع بيناتهوم ، تا واخة موقع والو انا لي مجمعاتني بيها تا وزة تبورشت حسيت بشعر وقف ليا فصحتي لاعساك هو لي كان طايح فيها كان كيموت عليها أمال او مدارش عليها هاد لحالة ، كنا نسمعو هاد لفضايح غا فلأنترنت او كنبغيو نرضو ايوا هاحنا طليناها
#عند سناء#
كانت باقة فسبيطار هي ولحاجة ݣالسين معا غزلان لي يالاه بدات كتحل عينيها
سناء : بنتي لحبيبة ديالي كتحسي براسك شوي
غزلان : (غا شافتها أو قلبات وجها شادة دموعها بزز)
سناء : مبغاش دوي معايا ياك كنتي كتصدعيني باش نوريك باباك هاداك هو باباك او هادي هي جداتك
غزلان : (نهارت بلبكا ) هاداك ماثي بابا انا ماثي بنثو او ثا مجد ماثي حويا {هاداك ماشي بابا انا ماشي بنتو او مجد ماشي خويا}
لحاجة : (قربات عندها معنقاها بحنية) متبكيش ابنيتي راه غا تصدمتي دبا توالفي ، اكسيل هو باباك او جود او صباح او مجد خوتك
غزلان : (دفعاتها لها) حرجو عليا {خرجو عليا}
لحاجة : لواه ابنتي ماديريش فراسك هاكدا
سناء : يالاه الحاجة نخليوها بوحدها ترتاح (جراتها لبرا)
لحاجة : ماديريش فراسك ابنتي دابا تولي بيخير او كلشي غيتصلح شحال فرحت بهاد لخبار حفيدة جديدة ولات عندنا هادي إشارة من عند ربي باش ترجعي نتي او ولدي او تجمعو شملكوم لي تشتت
سناء : لحاجة يهديك الله شغنجمع انا وياه سالينا كلا شد طريقو ياق
لحاجة : لاواه لاواه ابنتي نتي مولات لعقل داك لوقت كنتو باقين صغار بلى عقل اما دابا راكوم كبرتو او عارفين لي عليكوم ، جمعو شملكوم ابنيتي ومتخليوش ولادكوم مشتتين
سناء : (طابت بلهضرة ديالها) ماشي وقت هاد لهضرة دبا انا غنمشي نجيب لغزلان شي حاجة تاكلها
غزلان : (كانت جامعة رجليها عندها او غا كتبكي هزات طيليفونها او بدات كتصوني على مجد والو طيليفونو طافي تا عيات هي تعاود ترضو اورجعات لبكا ديالها ، كيدير تسرط ليها ولا تقبل بلي لولد لي كتبغي لولد لي كتحلم غي ايمتا تزوج بيه صدق خوها ميمكنش عقلها مقادش استوعب)
#عند ياسمين#
معا نبوري كانت فاقت باش تجمع ضوسي لمها مخليا لوخرين كيوجدو باش امشيو اخطبو ، بعد داك صوران كامل فصباح معا جوايه الجوج ملي كملات شغلها دازت عند طبيبة حيت كان عندها رونديڤو معاها
طبيبة : ياسمين جيتي تفضلي ݣلسي
ياسمين : (مشات ݣلسات مقابلة معاها)
طبيبة : فكرتي شويا فداكشي لي قلت ليك ديك لمرة ؟
ياسمين : احساس ديك لبنت ؟ مفكرتش او مغنفكرش حيت باش حسات مكيهمنيش
طبيبة : ماشي موشكيل عندك شي قصة تعاوديها ليا
ياسمين : لا
طبيبة : اذن خلينا نلعبو ، انا انسولك ونتي عطيني لجواب لي كيباد ليك صحيح اول سؤال ، شنو هي لحاجة لي تخلي لواحد اسامح ناس لي أذاوه ؟
ياسمين : ساهلة ايكون هبيل
طبيبة : ولكن شي مرات لواحد خاصو ايسامح باش ايزيد لقدام
ياسمين : ويلا كان داك شخص طيحك طيحة خايبة واخة تسامحيه او تبغي تكملي غيبقاو ندوب فصحتك غيبقا داك الجرح لي سبب كينقط ، فنضارك أنو يسمح ليه هو شيء لمناسب ؟
طبيبة : لي نفريض مسامحوش او نتاقم منو واش غيبرا ؟ واش غيكون تخلص من لمعانات ديالو ؟ واش لانتقام هو لعلاج ؟
ياسمين : علأقل ميغيبقاش اليوم راسو حيت مقدش ايجيب حقو علأقل مغيكونش خلى داك لي دار فيه هاكداك ايعيش حياتو
طبيبة : شنو نوع تاع لأشخاص لي مكتحمليش
ياسمين : لمنافقين او صحاب دين
طبيبة : علاش بضبط صحاب دين
ياسمين : حيت منافقين او داكشي لي كيتبعو غا نفاق ههههه الى انا غلط او ملي مشيت صليت سمح ليا ربي شنو ستافد داك لي تآذا الى كان داك عندمن داعيني سامح ليا ، علاش خاص لمرا خاصها تضرب او تهان او ممنحقهاش تدوي حيت طاعة الزوج او لخرى لخاوي ، علاش خاصنا نحتارمو لواليدين او نخليوهوم ايديرو فينا ما بغاو اضربك ايبيعك ادبحك او معا ذلك حقا خاصك طيع واليديك تخربيق فتخربيق ، الى كان شخص لي ضرني غيدخل لجنة علاش انا بسلامة غندخل ليها علاش انا اصلا انعيي راسي نطلب فالله ياخدلي حقي فاش ترشق ليه هو
طبيبة : (شافتها نفاعلات فديك لحضة داكشي علاش بغات تبدل لموضوع) شنو لحاجة لي تخلي لواحد إيآذي راسو بلاما يحس ايزيد فلادوز تاع لبنج
ياسمين : لبنج مكيبنجش كولشي او تايلى بنجك منقدرش دير لراسك والو
طبيبة : متلا بغيت نقطع يدي او معنديش لبنج شنو ندير فنضارك
ياسمين : ههههه جيبي سبع قدامك
طبيبة : علاش غنجيبو
ياسمين : باش تخافي ملي غيكون عندك خوف كبر من لخوف تاع قطيع يديك ، عمرك تفرجتي فصاو
طبيبة : لا
ياسمين : فلتي عليك بزاف منهوم لجواب تاع سؤالك ، فواحد لحلقة كان حابس واحد فلحمام او داير معاه قنبولة او فواحد رجل داير ليه سنسلة تاع لحديد ، كاناصو الى بغا يعتق راسو ادوز رجليه من ديك تاع لحديد لي شاداها ، عرفتي شنو دار هز حجرة وبدا كيضرب فرجليه ادݣدݣها باش دوز من شبكة ، خوفو من أنو لقنبولة طرطق عليه خلاه افرط فرجليه عادي ، لخوف ادكتورة احسن بنج اخليك تا تخيط لحمك ونتا محاس بوالو ، لحصة ديالنا هنا سالات نخليك دبا
خرجات من عند طبيبة او مشات رجعات لدار ترتاح من لعيا او شمس لي دارت فيها مابغات ، دازت على صالون شايفة مها كفاش ولات مرتاحة لداخل ديالها كفاش كتلعب معا ولادها او هي كضحك من قلبها معندهاش لي ينكدها عليها ، اخيرا بدات كتحس بمها كتسترجع بريقها لي فقداتو شحال من عام هادي ، مقاطعاتهومش او مشات كملات لبيتها سادة عليها ، خدات ليها ݣارو كتكمي فيه او تقاد بيه لمزاج عاد مشات تكات تنعس
ياسمين : (خبطاتها بنعسة تا دازت لعيشة بشحال عاد فاقت حلات طيليفونها نيشن لاقية جود مسيفط ليها ميساج “نزلي كنتسناك لتحت” ، ناضت بزربة دارت بانطوفة فرجليها او خرجات عندو مخليا مها او خوتها ناعسين) ساليتو لخطوبة ؟ كي دازت ؟
جود : (كان باين فيه لعيا قرب عندها معنقها او حاط راسو على كتفها) كي زفت دازت مكملاتش
ياسمين : مكملاتش ؟ ياك لباس متافقوش ؟
جود : لا غزلان صدقات ختنا تخايلي
ياسمين : ختكوم كي درتو ليها
جود : (عاود ليها داكشي لي طرا)
ياسمين : (نفاجرات بضحك) هههههههه كان ايتزوج ختو واعرة هادي هههههههه تا ديك مك هههههه امتسواش ههههههه
جود : (ملي شافها كضحك على هادشي لي قال ليها بحالي عاود ليها نكت عادي جدا ، تفكر شنو قالت ليه طبيبة) “لمواقف لي غتكون ردة تاع لفعل تاع ناس طبيعية كتلاءم داك لجو متلا فلݣنازة غيكونو كيبكيو حزينين ، مرتك لا تقدر تبقا ضحك بحالا كتفرج فشي فيلم تاع لكوميديا داكشي علاش نتمنا تبقا تقبل رضات لفعل ديالها او تفهم بلي ماشي بيديها” (جرها لعندو كتر من لول مزير عليها فتعناق)
ياسمين : او شنو غديرو دبا
جود : معرفتش انا بعد غدا راجع لخدمة تمشي معايا ؟
ياسمين : ميعدالش ليا جرة تاع طلاق باقة مطولة
جود : صاف معليش طلعي لدار تنعسي تعطل لحال
ياسمين : تصبح على خير
جود : ونتي من أهل لخير
يتبع
التعليقات 0