سناء : (معا لعشرة ونص فيقها جود بلبكا ديالو ، ناضت عندو بدلات ليه ليكوش او وكلاتو ، كانت عوالة ترجع تنعس سعا طار ليها داكشي علاش بقات كتلعب معا جود شوي) علاش فيك صداع دوي ؟ منين ولدتك وانا مكنشبعش نعاس ، كون تزوجت بعبد الله او ماشي بباك كون دبا نتا ولدي انا وعبد الله سعا خسارة ، ولكن على ربي غي متخرجش بحال باك لا قراية لا خدمة مسݣدة
اكسيل : (دق لباب قبل ميدخل عليها مسامعش ݣاع شنو قالت) سلام عليكم
سناء : (هزات فيه راسها) وعليكم السلام شهادشي هاز فيديك تريبة تاع من
اكسيل : هادا ولدي
سناء : مناش جاك ولدك بسلامة ؟
اكسيل : هههههه ولد رابحة ويحيى ولكن دبا ولا ولدي انا وياك غيبقا معانا تا يحن مولانا
سناء : (ناضت عندو هازة تريبية عندها) بسم الله بسم الله الفنيون ازويون ، كي دارو تا خلاوه ليك
اكسيل : (عاود ليها شنو وقع)
سناء : الله ايجيب شيفا شد دري هكدا نهبط نسلم عليهوم
جود : (غا شاف اكسيل ݣلس حداه هاز دري عندو بدا كيتمد معصب او كايبكي )
اكسيل : هاء هاء على لمغيار مالك تسيفتي (حط مجد فوق ناموسية حدا جود راد لبال ليضربو ولا يدير ليه شي حاجة) هادا خويا سمعتيني هادا خوك صغير ايبقا معانا او ملي يكبر ابدا يلعب معاك (هز جود عندو كيبوس فيه) وصافي متقلقش المغيار ديالي نتا راك لحب لأول هههههه
مجد : (بدا كيبكي)
اكسيل : ها لمغيار لاخر ناض عاود ، درك جوع غلبخوشة ديالي ياك يالاه كليتي صافي صافي بلى بكا انوض نقاد لولدي لحليب (حط جود فلأرض او مشا قاد لمجد لحليب ديالو عاد جا بغا يعطيه رضاعة سعا جود بدا كيبكي عليها يسحابلو ليه لاش وجدها) ماشي رضاعتك هادي هادي تاع خوك ديالتك خليتيها لهيه ، ياربي حسن علوان لي عندهوم 6 ستة دقة وحدة الله ايكون فعونهوم انا هاد جوج غيشيبوني على 24 عام
سناء : خالتي لباس عليك
لحاجة : لابس ابنيتي كي دايرة نتي معا تقل
سناء : بيخير بيخير اخالتي كي دايرة نتي شكتعاودي
لحاجة : هاحنا ابنيتي غي معا تمارة
لحاج : اكسيل فلبيت ؟
سناء : واه اعمي خليتو معا دراري
لحاج : (طلع عند اكسيل لبيت لاقيه كان كينعس فمجد او جود واحد فيد او تاني فيد)
اكسيل : (حط دراري بجوج فلبياص او خرج عند لحاج) رتاحيتي شوي
لحاج : لحمد الله على كل حال
اكسيل : جابك الله كنت باغي ندوي معاك
لحاج : الله اسمعنا خبار لخير
اكسيل : سبوع تاع مجد اندوزوه هنا فدار كيما عند جود
لحاج : دغيا لقيتيليه السمية
اكسيل : سولت رابحة على سمية لي بغات عطاتني شي خمسة نختار منهوم او عجباتني هادي
لحاج : مزيانة
اكسيل : لموهيم خاصنا نعرضو على ناس نوكلوهوم فهاد ليامات انا كنت شاري واحد لحولي على حساب لولادة تاع سناء او دبا ملي مجد تزاد غيخصني ندبح هاداك او نزيد واحد آخر على حساب لختانة او معا يالاه شريت سلعة تاع لحانوت او مكنتش داير بحسابي بغيتك تبيع ليا ديك لبقعة لي فلبلاد
لحاج : (عقدهوم) علاش تبيعها انا نتكلف ليك بسبوع ديالو او تا يحيى ولا عزيز اتكلفو ولي خصاتك على حسابنا
اكسيل : يحيى قال هو يتكلف بسبوع ولكن ماحدي انا لي متكفل لمجد انا لي غندير ليه سبوعو بحال ولادي
لحاج : ايوا قولي شحال خاصك ونا نسلفك
اكسيل : لا ابا ماباغي بو كريدي خلاها مولاها أمرواس آم أرواس { متل أمزيغي كيعني لكريدي بحال لمصيبة ولا شي حاجة خايبة} داكشي علاش بغيتك تبيع ليا ديك لبقعة ندوز بيها هاد جوج سبوعات
لحاج : (عارفو مياخدش لفلوس او تا لكريدي ميشدوش) معندكش لاش تبيع ديك لأرض او ضيع فيها وهي عزيزة عليك بزاف ، داكشي علاش عيواش متبيعها جيب نرهنها منك او ملي يكونو عندك رض ليا فلوسي او خود أرضك
اكسيل : (بقا ساكت شوي قبل ميدوي) صافي تا هادا نضار غا هو تبقا بيناتنا ايبا
لحاج : كون هاني
اكسيل : صاف انا غندوي معا لحاجة تشوف شي مرا لي دير لحلوة او طيابة لي طيب لينا
لحاج : غدا ان شاء الله نمشيو نشريو دجاج و تقدية ولقيطون او نرصيو لأمور عاد نعرضو على ناس
#بعد شهر#
داز سبوع تاع مجد لي كان اكسيل قايم فيه بكولشي فرح بولدو تاني وشراليه حوايجو من طقطق تال سلام عليكما كيما فرح او دار معا ولدو لول ، شارك فرحتو بيه معا ناسو وحبابو وكل واحد فيهم رجع فحالو مخليين اكسيل معا مرتو او ولادو بجوج
سناء : (كيف لعادة كانت ݣالسة قدام لپيسي كتدوي معا عبد الله او تجوانطا معاه تا حسات بضو شبر معاها فكرشها او لوجع بادي فيها)
عبد الله : (شافها ماشي تلهيه) مالك ؟ سناء ؟
سناء : (شادة كرشها او كتعصر) لوجع لوجع أعبد الله قطع قطع (غوتات) اكسيل وا اكسيل
اكسيل : (ݣالس لتحت كيتفرج فتلفازة جود كيلعب او مجد منعسو على صدرو ، ملي سمع غواتها هز دراري او طلع كيجري عندها) شواقع مالك
سناء : (لوجع دار فيها مابغا تا ولات كاملها عرقانة وكتعصر) لوجع غنولد سربي عيط لطاكسي لامبيلونص لزمر سربي أربي
اكسيل : (حط دراري فلبياص او صونا على مول طاكسي او واحد صاحبو ايجي يقابل ليه دراري عاد لرجع عندها كيحاول اهدي فيها) تنفسي كولشي ايدوز بيخير او على خير مول طاكسي قريب يوصل هانتي ها جلابتك لبسيها باش نزلو لتحت
سناء : وقت جلابة هادي أدوي سݣية طرطقات او لوجع قاتلني ونتا واكل لهم لجلابة
اكسيل : غا لبسيها راه لبرد عليك (لي دارها ليه هو كانت لابسة حوايج تاع نعاس شوميز قصيرة او سميطات شي مرات كان كيسول راسو لاش كتلبس هادشي بلاما تبغي دير معاه شي حاجة ، بدرع بدرع باش قد البسها ليها ديك جلابة)
خرجو لبرا وشدو طاكسي لسبيطار او من زهرهوم دغيا دخلوها تولد ، اكسيل دغيا رجع لدار طمأن على ولادو لي معا صاحبو ، داز على لپيسي لقا شي ميساجات واصلين ليها او حيت مكتوبين بلفرونسي معرفش يقراهوم ولا همو يقراهوم كان مشطون غي معاها ، هز الصاك تاع سناء لي كانت موجدة لولادتها عاد مشا عندها لسبيطار عالم لحاج فطيليفون وبقا كيتسنا تما بوحدو
لحاج : (وصل معا لحاجة او باين او ماين سناء او تا خوتها وخوتو لعندو لسبيطار) امضرا تفكات ؟
اكسيل : طبيب قال بلي ولدات ترتاح شوي عاد يمكن نشوفها
مها : (تسالمات معا اكسيل) على سلامتها اولدي يتربا فعزكوم
اكسيل : تركيا اخالتي تربا فعزنا
لحاج : (نقز) ولدات بنت ؟
اكسيل : (كان كيفرنس) واه
لحاج : (عنقو فرحان) اخيرا درتي شي حاجة مزيانة
اكسيل : شوف شوف شكون كيدوي لي سمعك ايقول والد جاشمة تاع لبنات
صفية : مبروك مبروك اخويا
اكسيل : الله ايبارك فيك اختي
سناء : (كانت متكية فبياصها لون مخطوف من وجها عيانة معندها جهد)
اكسيل : (دخل عليها هاز بنتو بين يديه أو مشا ݣلس حداها) شوفي الضيفة لي محناتك هاد تمحينة
سناء : (بتاسمات شوي ملي هزاتها عندها)
اكسيل : (حط جبهتو على جبهتها مرجع ليها شعر مور ودنيها) كي بقيتي شوية ؟
سناء : شوية
اكسيل : (هبط راسو بايسها من فمها بوسة خفيفة قبل كيشوف فيها بحنية ويدوي معاها بمتنان) شكرا كون مكنتيش مكنتش غنهز بنتي بين يديا ، ياك ابنتي (نزل راسو بايس بنتو لي كانت ناعسة بتعب) عيات تا هي هههه
سناء : شريتي ليها لحليب غتفيق او تبغي تاكل
اكسيل : م.مغترضعيهاش ؟
سناء : راني فايت قلت ليك مكنرضعش ايطيح ليا صدري
اكسيل : ولكن شوفي شحال صغيورة حليبك فيكون مفيد ليها كتر من تاع لفرماسيان
سناء : ها جود رضعتو غا نهر لول او راه مزيان
اكسيل : (عرف بلي مغيصور منها والو بحال عند جود) ايوا ملي مابغيتيش رضعيها غا هاد تلتيام أبعدا هي ومجد
سناء : مجد تا هو ؟
اكسيل : بغيتك ترضعيه باش ايكون لمحرم ديالك او ديالها او يكون ولدي برضاعة ماشي غا ولد خويا صافي ؟
سناء : تا نشوف
اكسيل : عافاك غترضيها فوجهي ماشي حشومة
سناء : ايمتا غنمشي لفرانسا ؟
اكسيل : يالاه ولدتي باقي تا مشبعتي من بنتك ولا هي شبعات منك او باغة تمشي فرانسا مغتهربش
سناء : (تعصبات شوي) دبا واش ضرتي فهضرتك ولا شنو داكشي لي درتي ليا عند جود تا ضيعت عليا عام باغيني نزيد هنا تا نصدق عاود مضيعة عام آخر ، راني دفعت لواحد لكلية او تقبلت هوما ايتكلفو ليا بكولشي ولكن خاصني نخلص ليهوم فلوس تسجال او لقراية باش شهر جاي نكون عندهوم
اكسيل : معامن تشاورتي تا تسجلتي او قاديت كولشي علاش مكتشاوريش
سناء : اكسيل واش باغي تخوي بيا ولا كيفاش راك واعدتيني غا نولد تسيفطني
اكسيل : (خلفها تفيق لبنت داكشي علاش دوا بشوي) صافي صافي بلاما تعصبي او رتاحي راكي غتكوني عيانة انا باقي عند كلمتي ندوزو غا سبوع او يكون خير (دوا بصوت حنين هاز لمحة اغراء) دغيا سخيتي بيا هممم ؟
سناء : (بقات ساكتة مقالت والو)
لحاجة : (دخلو عيلوهوم شافو لبنت او باركو لسناء) على سلامتك ابنيتي ملي تفكيتي على خير
سناء : الله اسلمك اخالتي
لحاج : (هز تريبية عندو) ونا ونا على الزين ونا صغيرة ديالي نيف سبحان الله غا ديالي
اكسيل : لحاج يهديك الله نيفك داير النص تاع وجها او كتقول ليا نيف ديالها غا ديالك
لحاج : عرو مميس نثيݣديث {شوف ولد لكلبة}
لحاجة : ايلى شان اݣذي آم شيين {كاين شي كلب قدك}
عزيز : بلاما دابزو اتفيقولي عمو صغيرة شنو ناويين تسميوها ؟
اكسيل : انا وسناء كانت عاجبانا سميت صباح
لحاج : سمية زينة هادي مواتية هاد لفارة ابانو ابانو ناكلك ، صافي صافي بلا بكا
مها : غيكون ضارها جوع مسكينة عطيو لمها ترضعها
لحاج : واخ هاكي ابنتي رضعيها
اكسيل : (خرجو رجال من لبيت) انا غنمشي عند جود او مجد لوليدة خالتي ردو ليها لبال
دوزات سناء داكشي لي قسم ليها الله فسبيطار عاد رجعات لدار مدوزين سبوع تاع صباح مجموعين ، او كيما قالت لاكسيل رضعات مجد او بنتها تلتيام او حبسات مكملة ليهوم غا بحليب لفرماسيان فهاد شهر لي داز
اكسيل : (رجع لدار معطل او عيان بدرع باش كيلوح لخطوة دخل لبيت لاقي سناء جمعات حوايجها كاملين) كتجمعي حوايجك من دبا ؟
سناء : سيمانة دغيا غدوز
اكسيل : (مشا عنقها من لور حاط جبهتو على كتفها) سخيتي بينا
سناء : خرجتي لفلوس باش انخلص لقراية
اكسيل : عشرين مليون ماشي كتيرة ؟
سناء : ناس راه كيحطو هاد تامان كلا عام ولا كتر اما نتا هاد عشرين مليون فتاع خمسنين دلقراية كاملة
اكسيل : الالة مغلاتش عليك علاه شحال من سناء عندي
سناء : (سلكاتو بواحد الضحكة ومشات كتمشط فشعرها)
اكسيل : (مشا عند جود لاقيه ناعس او حداه مجد تا هو ناعس صباح بوحدها لي فايقة ، مد يديها عندها هازها عندو) بنتي لحبيبة باقة فايقة آ أبابانو أيلي {ابنتي}
صباح : (غي سمعات صوت باها بدات كضحك)
اكسيل : (ملي شافها كضحك تحنا عليها بلبوسان فصحتها كاملة) اخليلي ضحيكة أنا اربي على ريحة على رجيلات صغار ناكلهوم واش كلات ؟
سناء : راك شتيها كي ناشطة
اكسيل : كليتي وباقي منعستي أ كنتي كتسنايني البخوشة (بقا كيراري بيها تا داها نعاس عاد حطها فبياصها ومشا دخل لحمام دوش عليه)
سناء : (سالات لمشيط تاع شعرها ومجات فين تجمعو تا لقات اكسيل دوش او خرج بشورط قصير بلا شورط ، هزات عينيها فيه ملي شافتو كيقرب عندها عرفاتو ناوي عليها)
اكسيل : (قرب عندها ماد يديه لبانضة محيدها ليها او طالق شعرها) خليه مطلوق كيجيك زوين
سناء : كنجمعو باش ميتخبلش ليا ونا ناعسة
اكسيل : (ناضت بغات تمشي لناموسية سعا جرها لعندو ملسقها معاه او مضور يديه على خصرها ، خاشي راسو فعنقها كيبوس فيها) خلي تا تبغي تمشي تنعسي او جمعيه دبا خليها نعيشو اللحضة ماحد دوك لبراهش ناعسين
سناء : (حسات بيديه نزلو لطغمتها كيعصرو فيها ) اكسيل خليني نمشي نعس راني عييت او زيدون ضو غيفيق دراري
اكسيل : (شد فمها كيبوس فيها بشوق)
سناء : (كتحس براسها مشمأزة من لوضع او من راسها ساخطة لداخل ديالها على اكسيل ، كان خاص عبد الله لي يكون فبلاصتو ماشي هو ، بعداتو عليها حيت حساتو تزير) اكسيل معندي ݣانة مبغاش
اكسيل : علاش مبغاش ؟ مقلقاك شي حاجة ؟
سناء : لا باغة غا نمشي نعس عييت
اكسيل : مموالفاش تنعسي فهاد لوقت
سناء : ليوم عييت او زيد عليها مبغاش يوقع ليا بحال آخر مرة ونصدق حاملة عاود تصبح على خير
اكسيل : (مشات نعسات مخليا لعافية شاعلة فيه بقا واقف حدا شرجم مودة تا حس براسو برد شوي عاد مشا تخشا حداها ونعس بلعيا تاع او جوع تاع نهار كامل حيت مالقاش لعشا طايب او مكان فيه لي يطيب شي حاجة)
#بعد اسبوع#
كان اكسيل فلماطار هاز جود عندو او جار قدامو صباح او مجد فلكروسة ديالهوم ، وحداه سناء لابسة سيدة ومقادة وجارة باريزتها باين فيها فرحانة وعلاش متكونش فرحانة وهي غادة تحقق حلمها غادة تكمل قرايتها باش تولي شي حاجة فلمستقبل ولأهم غادة عند حبيب قلبها الشخص لي بغاتو من كل قلبها شخص لي متبززش عليها تزوج بيه ، الشخص لي كتحس براحة لمطلقة معاه
سناء : يالاه انا غنمشي خاصني نشد بلاصتي فطيارة
اكسيل : (جبد واحد جوا عطاه ليها) هنا كانين 5000 اورو خلصت ليك لمدرسة او سكن تاع خمسنين ديالك كاملة علاما تسالي قرايتك ، هادو قضي بيهوم فهاد ليامات علاما تقادي شي حساب تما باش نسيفط ليك لمصروف تاع كلا شهر
سناء : واخ (قربات عند جود باستو هو او مجد او صباح) ملي غنوصل غنشوف مناش نصوني ليك بسلامة
اكسيل : بسلامة تهلاي فراسك او لبسي مزيان باش ميضربكش لبرد
سناء عطاتهوم بضهرها ومشات بكل روح أنانية متخلية على راجلها او ولادها باش تحقق احلامها لي طبعا هوما ماشي منهوم ، كيقولو بلي الزعطة ولا لهبال كيما كيعجبني نقول ليه كينسيك فكولشي فجروح لماضي او آلام لحاضر ، وعلاش لا تا ناس كنتي كتعرفيهوم ، كل واحد فينا فيه ديك النغزة تاع لأنانية لداخل ديالو الى مكنتيش متحكم فراسك ديك النغزة كتكبر فيك نهار على نهار تا كتولي كي ضبابة على عينيك ، ايوا هاكداك سناء من لول تزوجات اكسيل غا باش تقدر تجي لمدينة او تكمل قرايتها من لول ولدات منو دراري واخة مكانتش باغة غا باش ايسيفطها تقرا فرانسا او تقرب لعبد الله ، عبد الله لي كان بالنسبة ليها هو داك شخص لي بغاتو من كل قلبها او بغات تعيش معاه او تكون حداه واخة يكون هادشي غيخليها تخلا على ولادها بلاما يجيها حتى تأنيب ضمير ، فهاد سياق كنبغي نقول “راه ݣاع لعيالات اقدو يولدو ولكن ماشي كاملهوم كيتعتابرو أمهات ، حيت ماشي تسعشهور تاع لولاد لي صعيبة تربية مور ديك تسعشهور هي لي كتخلي لوحدة تكون أم ولا تشد غا لقب لأمومة”
اكسيل : (بقا حاضيها وهي غادة بحالها حس فهاد لحظة بلي سناء ماشي غا مشات تقرا وترجع يمكن مشات فمرة يمكن نهاية زواجهوم قربات كتر من لول) ستغفر الله شنو كنقول انا
زير على ولادو عندو ورجع بحالو لدار لاقي لحاج او لحاجة تما
لحاجة : ولدي جيتي فين كنتي
اكسيل : ليوم طيارة تاع سناء او مشيت نوصلها لمطار
لحاجة : (كانت عارفة بلي طيارتها ليوم حيت كانت تسالمات قبل) الله اوصلها على خير
اكسيل : واقعة شي حاجة تا جيتو
لحاجة : جيت نقابل معاك دراري فهاد لول سناء لي تقابلهوم ليك مكايناش
اكسيل : بلاما تعدبي راسك امي
لحاج : (كان باين بلي طالع ليه دم) علاش نعدبو راسنا او نجيو نقابلو ليه دراري سوا كانت مرتو ولا لا راه هو لي مقابلهوم لا
اكسيل : لحاج واقعة شي حاجة ؟
لحاجة : باك غي مشطون شوي معا لخدمة وصاف
لحاج : يزة طلعي دراري ينعسو لفوق
لحاجة : لحاج دير عقلك
لحاج : لحاجة طلعي دراري
لحاجة : (شافت تا عيات هي طلع دراري لبيت قبل متبدا لحرب)
لحاج : مرتاح ؟ عاجبك لحال ؟
اكسيل : (بقا غا ساكت كيتسنا باه ايقول داكشي لي عندو)
لحاج : راني داوي معا جدك مرتاح دبا ملي سيفطيها لبرا تخ’رى ؟
اكسيل : لحاج علاش كتقول هاكدا كاين شي عيب حيت عاونت مراتي تمشي تقرا ؟
لحاج : لا لا مكاين تاشي عيب تعطي عليها تلاتين مليون باش تمشي تسيفطها تقرى على برا مافيها تاشي عيب ، لعيب هو ميكونش عندك او تقطع من راسك باش تسيفطها لبرا على قلة لمدارس فلمغريب هاد تدمديم مناش جاك أدوي
اكسيل : لحاج غا برد لاش معصب كنت جامع شي بركة هي باش سيفطها مكلفتش راسي او زيدون جاتها فرصة باش تقرا برا لعام لي فات او تخلات عليها باش تولد جود تعاود ضيعها دبا
لحاج : (غوت عليه تا ضرب اكسيل طم) باقي زايد فتسنطيح ديالك شمن بركة كانت عندك غا قول ليا بعتي لبلاد لي عندك بعتي تا دار فاش ساكن نتا ولادك باش تسيفط ليا لالة سناء لبرا فين حلمات جدها تا تكمل قرايتها زايداها بلخاريج ، كون كانو عندك لفلوس منقولش ليك لا مرتك هاديك ، ولكن نتا بشحوفية قدرتي تشري هاد لخربة او ديك جوج ميترو تاع لارض او يالاه مكافي معا زمان عندك تلاتة تاع نفوس لي توكل بلا بيها هي ، او فلخر بقيتي على ضس باش دير ليها لخاطر لاش يديك متقوبة غا قول ليا لاش يديك متقوبة لي طلب ليك لحاجة تجيبها شوف حالتك كي ولات ، زوجناك باش تربي لكتاف او تعمر دار او تلقا علاش تحط راس ، ماشي تبهدل شوف غا حالتك تقرقبتي او ضعافيتي لخدمة بليل او بنهار او وليدها بلمقابلة تاع دراري ياك اودي لاباس ، ولكن ماشي نتا فيمن خاصني نخرج خاصني نخرج فمك لي لسقات بنت خوها فيك قالك بنت لاصل مخليا ولادها موراها ممسوقاش او غادة ، شكون ايقابلهوم ليك دبا
اكسيل : ولادي قاد بيهوم نتا غا متشطنش راسك أو كيما درت هاد الدار او بعتها غنعاود نشري وحدة خرى
لحاج : مكاين لا بيع لا شرا اتصوني على سمسار تقول ليه آجي نرضو لناس فلوسهوم وبقا فدارك
اكسيل : لحاج بعت لناس او شديت فلوسي او غنبدا نهز رحيلي ليوم بليل
لحاج : باقي زايد فيه باغي تجرجر دوك دراري معاك فلكرا أدوي
اكسيل : ماشي انا لول ولا لخر لي غيعيش فلكرا نص فلبلاد كاريين او نص لاخر كيقلب على فين يكري ، او سناء ملي تزوجنا لي عطيتها لكلمة بلي انعاونها تكمل قرايتها ودير داكشي لي عاجبها او مغنرجعش فهضرتي
لحاج : كون مفاتوش كتافك كتافي كون رطبت جدك او علقتك مزيان نوريك هاد كترت سخاوة لي فيك ، لي شاف لباس مرتك او حوايجها او شافك ايقول غا خدام عندها ربي مقول ليا آخر مرة شريتي فيها حوايج جداد منهار تزوجتي ونا نشوفك بنفس شراوط قربو اكشفو عليك
اكسيل : (بغا يغير معاه لموضوع مابغاهش ايزيد اتعصب) شكون بحالك عندك دري يلبس تا لخنشة تجي معاه
لحاج : سير جيب ليا كاس دلما سير
اكسيل : (مشا تا جاب ليه كاس تاع لما) هاك
لحاجة : (هبطات عندهوم هازة صباح لي كانت كتبكي)
اكسيل : (خدا صباح عندو) مال بنتي انا مالها كتبكي
لحاجة : نعست دراري ايلى هي مابغاتش تنعس ليا
اكسيل : (عنق صباه عندو داير راسها على كتفو او كيطبطب عليها) بنتي مكتنعس غا عندي
لحاجة : (شافتو طلع لفوق معا صباح) ربي شنو قلتي ليه خرجتي فيه
لحاج : كون مكان بولادو كون سلختو ماشي غا ندوي معاه
لحاجة : مالك نتا فيه بينو او بين مرتو هو باغي يسيفطها تقرا
لحاج : هنينا بحالك بحال بنت خوك واش مشايفاش ولدك
لحاجة : مالو ولدي بيخير معا مرتو فرحان
لحاج : علامن كطنزي هادي حالة واحد فرحان ولدك اشريفة راه داكشي كامل لي عندو باعو تا من دارو غا باش ايسيفطها تقرا
لحاجة : هاويلي على باع دارو او فاش ايبقا
لحاج : لكرا الالة خلاتلو ديك شريفة فين يسكن غادة مضاربة ليه حساب عارفاه خدام غا تغراضو معندو باش ايدير ليها او ممسوقاش ليه اموت هو ݣاع
لحاجة : لاواه متخليهش اكري غا غادي يتكرفس شري ليه شي دار هنا الحاج
لحاج : علاه هو يخليني خلاني تا نعاونو ملي طلع لكازا وهوا يالاه عندو 13 رعام غا نعاونو دبا بحالا مكتعرفيش نفس لي فيه
لحاجة : وشنو لمعمول دبا ؟
لحاج : معلينا غا نشوفوه كيتكرفس وحنا ساكتين ها دوقك فين وصلنا كون زوجناه تا برهوشة تاع 15 رعام كو دارت فيه لخير او كان عندها لعقل على ديك بنت خوك
لحاجة : (بطنز دوات) ايوا هنتا بقا تسنا تا تولد شي برهوشة رسمها ليه او خليها تا دير 15 او زوجها ليه او سيفطو نتا لحبس ݣاع
لحاج : اللهم لحبس ولا هاد لعيشة لي عايش
اكسيل : (بقا كيراري بصباح تا نعسها عاد مشا حطها حدا خوتها او تكا فوق ناموسية مسخسخ باغي غا ينعس يرتاح شوي باش ملي يفيق اجمع رحيل ديالو)
~~~~~~~~~~~~~~
بعد سوايع لي دوزات سناء فطيارة أخيرا تحطات فلمطار تاع فرانسا لاقية عبد الله كيتسناها هاز فيديه بوكي تاع لورد
سناء : (غا شافتو مشات كتجري عندو معنقاه)
عبد الله : (بادلها لعناق خاشي وجهو فعنقها) توحشتك احياتي
سناء : تا انا والله
عبد الله : كي دازت طريق ؟
سناء : مزيان
عبد الله : يالاه ترتاحي
سناء : (مشات معاه لدار لي كراو بجوج ولا نقول لپرطمة لي خلص اكسيل كراها ) عندك شي طيليفون خاصني نصوني لإكسيل نعلمو بلي وصلت
عبد الله : (غوبش) واش داك زعاف ايحرمها عنا تا هنا لاش تصوني عليه
سناء : ضاروري اعبد الله نعلمو راك عارف هو باقي راجلي
عبد الله : هادا هو لوقت فين طلقي او تلوحي عليك زمر
سناء : دبا منقدرش خلي نزيد شوي واحد عام ولا عاماين
عبد الله : عام ولا عاماين مريضة لا نبقا صابر انا هاد لمودة كاملة
سناء : عبد الله هاد لمدة انبقا هنا معاك يعني بحالا مطلقة ، او خلينا دبا منو متوحشتينيش ؟
عبد الله : (تلاسق معاها) غا توحشتك او سكتي كنت غنموت بلى بيك
سناء : (قربات عندو بايساه) كون تشوف انا كان ايخرجلي لعقل مولدت باش نقد نجي عندك تا كنت انتسطا
عبد الله : تا دبا نعوضو ماشي بحال فاش كنا كنتلاقاو فكازا بتخبية هههه آح العفريتة زيانيتي
سناء : (غارقة تال ودنيها فكلامو لمعسولو او لمساتو ناسية لي خلقها وغاطسة هي وياه فبحر الشهوة او رذيلة تحت مسمى الحب)
#بعد عاماين او تلتشهور #
فهاد عماين بزاف تاع لحوايج او لحوال تغيرو او فنفس لوقت بزاف تاع لحوايج بقاو كيما هوما ، كيف علاقة سناء او عبد الله عاماين كاملة مدوزينها فتبراع او لقراية او رومنسية مضاربينش لحساب لفلوس علاش اضربولو لحساب اصلا سي إكسيل مخلص لسناء خمسنين تاع لمدرسة او تا سكن خلصو ليها خمسنين ديالو ، هادا بلا لمصروف تاع كل شهر تا من لخدامة شاداها مكديرش يديه فلما عايشة كي لقايدة معا حبيب لقلب على ضهر اكسيل ، لي فهاد عاماين شرب فيهوم لمرار تاع لمعقول كان كيمشي غا بلبركة بلأخص فدوك شهورة لولين تلاتة تاع تريبيات هو لي كيقابلهوم بوحدو زيد لكرا زيد لخدمة زيد شغال دار او لمصروف تاعو او تاع سناء ، ولكن ربي كبير مكيضيعش لعباد ديالو بعد داك صبر كامل جا لفرج او بدا لفضل تاع راس لمال كيكتر او لخدمة كتكبر ، ربي دار ليه لبركة فرزقو او مضيعوش على دوك ليام لي واخة كيكون هو براسو محتاج فيهوم ضاروري اخرج الصدقة من فلوسو ولو بلقليل فلأخير لواحد مخصوش استنا تا يكون عندو لكتير باش اصدق حيت متعرف ديك الصدقة لقليلة شنو تهز عليك ، رجع شرى دار ولكن هاد لمرا دار كبيرة او واسعة فحي محتارم ، او عيواض حانوت ولاو جوج تا ولاو جوج او قهوة او هاكدا بدا كيكبر راسو او يبني ساسو او يدير تا هو لبلادات ، اما واحد ولادو نهار على نهار غا مكيكبرو او تا زبايلهوم اكبرو معاهوم ، جود لي قفل 3 سنين او شي شهورة كان مدخلو لروض اما جوج حتارف لوخرين يالاه قريب ادخلو
اكسيل : (كان داخل لدارو هاز فيديه ميكة فيها شي سقاطة لدراري ، لي غا سمعو لباب تحل مشاو كيجريو جيهتو)
جود : (لاسق لارض او طبيبز شوي شاد ليد لصباح) بابا
اكسيل : (حط لميكة او هزهوم عندو بجوج كيبوس فيهوم) سبع ديالي
صباح : (غا شافتو بدات كتفرنس بدوك سنينات)
اكسيل : اخليلي ضحيكة ناكلك انا
لمرا : (اكسيل كان شاد واد أمرا كتقابل دراري فلوقت لي مكيكونش هو فدار ، ملي شافتو جا خرجات هي بحالها)
اكسيل : (حط دراري لأرض) فين مجد ، مجد وا مجد
مجد : (خرج من لكوزينة بعدما كان كينبش فيها او جا كيجري حال يديه)
اكسيل : (فرح قال هاد جاي اعنقني داكشي علاش هبط لأرض او حل يديه ليه كيتسنا فيه يوصل عليه)
مجد : (محاشاهاش لإكسيل ݣاع همو غا فديك لميكة شنو فيها داكشي علاش مشا ليها نيشن حلها او جبد داكشي لي بغا يجيد وبدا كيضارب معا باسطة يحلها )
اكسيل : (جرو لعندو كيعنق فيه) والديك اجرانة لي ضاربك ضاربك على لفضول او كرشك متوحشتيش بابا آ ؟
حل ليه بسطا او حل تال جود او صباح عاد داهوم ݣلسهوم فبيت لݣلاس ومشا هو طلع لبيتو بدل عليه او هبط لكوزينة نصب لعشا عاد رجع عندهوم ، دوك جوج سراتح كيلعبو فحين جود بقا كيراجع معاه لحروف او كيعاونو فتلوان
اكسيل : شنو قراو ولدي ليومة ؟ (بقا كيتسنط لداكشي لي كيقول ليه جود شي فهمو شي لا ولكن لموهيم بقا مركز معاه) باش انلونو هادا ؟
جود : violet
اكسيل : (حك راسو كيشوف فيها) يسناشت ربي ، شناهو هاد violet اولدي مقرينك لفرونسي من دابا غي لعربية براكة ، انا نوريك لوان ونتا قول ليا هاد violet شكون فيهوم صافي
جود : (بقا كيوريه اكسيل تا ختار لون)
اكسيل : واقول ليا بنفسجي من صباح أصاحبي ݣالس عليا violet ونا حدي لحمر بلفرونسي ، ماعلينا آسيدي لمعرفة مزيانة (شد ليه يديه كيلون معاه) هانتا داكشي لي ملونتش فصغر كنلونو معاك حاول متخرجش على جناب صافي
صباح : (جات عندو كتجري ملي شافت لوان)
اكسيل : لا هادو ماشي ديالك تاع خوك ديالك لهيهة
صباح : (غا كتفرنس)
اكسيل : الله اخليك ديما ضاحكة ازين ديالي ابنتي ، اهياونا شهاد سكات (هز راسو مالقاش مجد هو ينوض مفزوع) فين مشا هادا عاود
مجد : (ملي كانو ملاهيين مشا لكوزينة كيبقش طلع فوق لكرسي تا وصل لعطرية بضبط لخرقوم وبدأ كيطلسو لوجهو)
اكسيل : (ملي دخل لكوزينة لقا كمارتو كاملة شفرة مشا هزو من قفاه) هاي هاي على ولدي دايرلي فيها والديك هندي عندي عيد لألوان هنا
مجد : (داه اكسيل لاڤابو كيغسل ليه فكمارتو ولكن والو سيد ولا صفر)
اكسيل : (بلاما يشعر ملي شاف كمارة مجد او يديه نفاجر بضحك) جيتي اعشيري كي دجاج تاع لعراسات قبل ميتحمر شندير ليك دبا ندهنك بزبدة او لهريسة ونديك تحمر آ
مجد : (غا سمع حس لماكلة تحمس) نميمي نميمي
اكسيل : غتميمي ؟ شغتاكل انا كنقولك نطيبك ماشي نوكلك ابو كرش او كون غا كان ايبان فين اجرانة كون غا كان ايبان فيك
مجد : نميمي
اكسيل : فيك جوع باغي تميمي ؟ يالاه نعطي لولدي يميمي باش يمشي ينعس
~~~~~~~~~~~~~~
سناء منين مشات معاوداتش نزلات لمغريب تايلا نزلات شي مرة مكانتش كتسيق لطاسيلتها لخبار ، كل مرة كتحجج ليه بشي عذر تا مبقاش هو كيسول ولا هي كتسول ، ولكن هاد لمرة قررات تنزل لمغريب باش تسالي كولشي واخة اصلا كولشي سالا شنو اتزيد تسالي منعرف ، وصلات لماطار فصباح او شدات طاكسي من كازا لمكناس ، مشات لدار جديدة تاع اكسيل او دقات لباب ، او متحل ليها غا رقية حيت كانو مجموعين كاملين عند اكسيل
رقية : سناء ؟
لحاجة : سناء ؟ (ملي شافت سناء مشات عندها كتعنق فيها) مرحبا ابنيتي على سلامتك على سلامتك ابنيتي توحشناك
سناء : الله اسلمك اخالتي
لحاجة : دخلي دخلي ابنيتي لداخل
سناء : (دخلات عليهوم فصالون سلمات على كولشي او ݣلسات حدا لحاجة) فين دراري ؟
صفية : اكسيل داهوم معاه حيت غادي يجيب جود من روض
اكسيل : (كان فطريقو راجع لدار هاز صباح عندو او شاد لجود ليد اما واحد مجد قالك بغا يمشي راسو) بشوية غطيح متجريش
مجد : (كان كيتمشا كي لبيطريق تا دازت من حداه واحد خيتي كتلوا)
اكسيل : (كان كيتمشا تا بان ليه مجد رجع لور ملي دار لقاه واقف كيشوف فديك سيدة وهية غادة)
مجد : (لبجغوط بدا كيسربي يلحق عليها كون مشدوش اكسيل)
اكسيل : زيد لمك ونتا تحلات ليك ملي شتي سيدة او باغي تابعها ݣاع بن زهواني لاخر ، مكامل تا نص ميترو او كدير هاد لفعايل او شوفات ملي تكبر شغادي ، حدر عينيك
مجد : (لا حياة لمن تنادي لبنت لي دازت اتبعها وهو كيفرنس)
اكسيل : (جاب ليه ضحك ملي شاف فصباح لقا ريوݣها طاحو على دراري لي دايزين) تا نتي المزة عينك زاغت
سربا فلخطاوي قبل ميغ’تاصبو ليه شي حد تا وصل لدار ، دخل عليهوم لصالون ضارب فسناء معاهوم ، متضهشر مشدو شوق ما توزة قال سلام او مشا طلع لبيت ابدل لدراري
لحاجة : طلعي ابنيتي تبدلي عليك او ترتاحي شوي طلعي
سناء : (طلعات لبيت لاقية اكسيل بدل لدراري ، تغير عليها حسات بيه تفورما او زيان او تا لحالة لمادية ديالو ترقعات ، ولات عندو ضار زوينة او كبيرة لأتات جديد)
اكسيل : (شاف ركبة تاع جود لقاها مجروحة) شكون جرحك هنا ؟ شكون دارلك ديدي ؟ طحتي ياك كنقول ليك متجريش
سناء : (قربات عند صباح او مجد كتبوس فيهوم) اماما لباس ، جود حبيبي أجي عندي
اكسيل : (شاف بلي صباح مابغاتش تمشي عندها حيت أصلن معارفاهاش او تا من جود تخبا من موراه مجد بوحدو لي مشا عندها حيت أصلن هو لي ضاربو ضاربو على لبنات) جود سير سلم عرفتي شكون هادي ، ماما هادي
سناء : مالو مابغاش ايجي
اكسيل : كي غيدير ايجي عندك او هو معارفكش او معاقلش عليك ؟
سناء : آه (بعد محاولات قدر جود ايجي عندها)
اكسيل : كي درتي معا لقراية غادة مزيان ؟
سناء : مزيان
اكسيل : كي درتي تا جيتي ؟
سناء : توحشت نشوف دراري داكشي علاش جيت
اكسيل : متأكدة على حساب دراري علاياش جيتي ؟ ولا لحاجة خرى ؟
سناء : شمن ح.حاجة ؟
اكسيل : باش تاخدي لورقة تاع طلاقك متلن ؟ ولا ياكما كنتي كتسناي تا طلقي عاد تقوليلي بلي راك كنتي رافعة دعوة تاع طلاق عليا ؟
سناء : (عرفاتو عرفها بلي رفعات دعوة تاع طلاق) اكسيل حنا منقدوش نبقاو مزوجين أحلامنا او داكشي لي بغينا مختالفين تماما ولكن هانتا انا غنخلي عندك دراري مغنحيدهومش ليك ايبقاو عندك
اكسيل : حتى فطلاق سمحتي فولادك ملي كنتي باغة طلقي كنتي تجيني نيشن او تقوليها ليا نطلقك بلى دوك تحراميات عام هدا باش رفعتي الدعوة تاع طلاق او دايرة بلعاني لعنوان لقديم باش يبقاو ايسيفطولي ونا مفخباري والو او غدا آخر جلسة عاد جاية حقا ولواد موحشة ولادي
سناء : كون جيتك نيشن مكنتيش تبغي طلقني او لعئيلة ادخل بيناتنا
اكسيل : شوف ابنت خالي واقلة هاد لعوام كاملة لي كنت عايش فيها معاك معرفتينيش لي باعني مكنشريهش او باش نهنيو السوق او تبردي تا نتي شوي راك مطلق
لحاجة : (لي كانت واقفة عند لباب مصدومة او شادة على فمها) لا حول ولا قوه الا بالله استغفر الله العظيم ولدي اكسيل شكتخربق شهاد شي كتقول فيه رميتي طلاق على مرتك واش تسطيتي شغنقول لخويا دبا انا أدوي
اكسيل : مكاين لي خارج عنا الحاجة غا هاد لهضرة نيت
لحاجة : (عيطات لحاج او خوتو ومشات شادة فسناء)
يحيى : شواقع امي
لحاجة : مواقع والو غا خوكوم تسطا او بغا يسطيني معاه لاح على مرتو طلاق ، هادي هي توحشتك امرتي هادي هي كي دايرة شخبارك
عزيز : اكسيل شواقع هادشي لي كتقول مي بصح ؟ رميتي عليها طلاق ؟
اكسيل : انا وسناء غدا آخر جلسة تاع طلاق بيناتنا بلاما يدوي شي واحد فيكوم بيني او بينها متفاهمناش حسن كل واحد اشد طريقو او نوضو نايضين
لحاجة : كفاش كل واحد اشد طريقو تا جمعوكوم تلاتة تاع لبجاغط عاد كتقول هاد لهضرة فاش متفاهمتوش دوي نحلو لموشكيل غا بلعقل شوصلكوم لمحاكيم
اكسيل : لحاجة قلت لي عندي خرجي هاد السوق
لحاجة : (تعصبات) كفاش مشغليش باغيني نشوفك كتريب ضارك بيديك لحاج دوي معاه رضليه عقلو
لحاج : نرضليه عقلو بان ليك هبيل هوما يعرفو راسهوم واش قادين اكملو معا بعضياتهوم ولا لا حنا غنخرجو هاد سوق
لحاجة : ما منك فايدك بحالك بحال ولدك انعيط لخويا يلحݣ بنتو
سناء : عمتي مكاينش لاش تنوضي هاد صداع ماشي حنا لولين ولا لخرين لي غنطالقو
لحاجة : حيدي عليا براك شكتعرفي مغنخليهش اطلقك (هزات طيليفونها او صونات على خوها لي كان معا مرتو فمكناس على ود شي غراض)
باها : (ملي قالت ليه يزة يجي ضروري متعطلش او دغيا كان عندهوم) شواقع ياك لاباس
لحاج : مكاين باس غا دراري بغاو اطالقو
لحاجة : طالقو يا خويا او غدا جلسة تاع لمحكمة لخرة
باها : اكسيل شهادشي كنسمع كفاش طلقتي بنتي
اكسيل : قلت ليها نتي مطلقة
مها : واقعة اولدي بيناتكوم شي حاجة ضراتك بنتي بشي حاجة ؟
اكسيل : لا غا هو اخالتي مابقيناش مفاهمين او صاف او حسن لكل واحد فينا اشد طريقو
باها : (معجبوش لحال حيت اكسيل طلق بنتو عند بالو هو لي ساسها) هادو هوما فعايل ولدك ايزة ، ياك زوجتك بنتي ونتا متكساب متعلام راس مالك غا حانوت ميترو على ميترو ولا دبا بريتي جناح او سخنتي كتافك او عمرتي جيبك قلتي نشوف جبهة خرى ، صبرات معاك او ولدات ليك او قابلاتك نتا ولادك ولكن حسن طالقو حيت بنتي تستاهل حسن منك واحد ميفرطش فيها او يعرف بحقها
لحاج : (شعل ) لي سمعك ايقول غا خلاها بجوع كان راس مالو غا حانوت او عيشها خير ملي كنتي معيشها نتا امول لبلادات ، لبسها لي عمرها حلمات تلبسو علومها تكمل لقراية لي حبستيها منها سيفطها لخاريج او خلص عليها تقرا او دبا جاي تحل عنا فمك ايوا سمعني مزيان هما لي مزوجين هوما لي عارفين شنو بغاو او تا بنتك باغة
اكسيل : لحاج
لحاج : او ولدي راجل او سيد رجال الزلط عمرو كان عيب لعيب هو بنادم ينسا لعشرة او كيما جمعناهوم خوت اتفارقو خوت ويلا كان غا على محسن فغنزوج ولدي بلالاهوم سمرة وصغيرة وحادݣة كتعطي لتبلحيس قتلا
اكسيل : (بقا غا كيشوف فباه عرفو كشكش خالو جر سناء معاه او خرجو بحالهوم)
لحاجة : عجبك دبا لحال رتاحيتي ملي فرتكتي ليهوم شمل
لحاج : (ݣلس فوق سداري مرتاح) انا ناشط ماشي غا عاجبني لحال عطا الله لبنات سمرات فلبلاد يعزل او يتخير
اكسيل : (ݣلس حدا باه) مالك الواليد لسقتي فسمرة
لحاج : او كاين محسن من السمرة فمهوم مكينقط غا بلعسل
اكسيل : نتا نتا مشكوك فأمرك الواليد شعرفك بسمرات ونتا مزوج مرا بلقة
لحاج : وعارف او صاف تحاسب معايا
سناء بعد داك نهار فاش ناض صداع بين باها او لحاج معاودوش تلاقاو تا مشاو لمحكمة دارت ليه تنازل على لحضانة تاع دراري او هو حط ليها 6 ستة تاع لمليون او كل واحد مشا فطريقو ، اكسيل طول صفحتو معا سناء او بقا غي معا ولادو مقابلهوم ، فحين سناء ملي رجعات لفرانسا فرحانة بطلاقها او تا بحملها من عبد الله الثاني ليها اكبر صدمة شافت سيهون شابع كوا معا واحد نصرانية فقلب دارها
عبد الله : (غا شاف سناء وقف مخلوع) سناء خليني غا نشرح ليك تهدني
سناء : (جمعاتها معاه بتصرفيقة او هي عاطياها لبكا حاسة بشمتة او لغدر حاسة بلموت داخلة معاها) شغتشرح ليا الحمار الكلب كتخوني اعبد الله او فقلب ضاري
عبد الله : (تسيفات عليها او نصرانية لبسات حوايجها او خرجات بحالها) سناء تهدني عافاك راه هي لي ضارت بيا فاش كنت سكران ايما نتي عارفاني كنبغيك او منقدش نخونك
سناء : متقدش تخوني او شكون هادي دوي اعبد الله شكون هادي ، لحت لي قدامي او مورايا باش نكون معاك او هادا هو جزاءي أدوي ولكن والله لا بقيتي فهاد الضار ولا ضرتي بساحتي حنا سالينا ، خرج عليا منبغيش نعاود نشوفك مازال (بقات كدفع فيه تا خرجاتو من الدار او لاحت ليه حوايجو سادة لباب موراها بساقطة)
عبد الله : سناء حلي سناء حلي نتفاهمو (خلاتو غا بشورط برا كيطلب فيها تحل ليه سعا والو جمع شطايطو او مشا لوطيل ايبات فيه)
سناء : (بعد داك نهار فاش حصلاتو بقات سادة عليها فدار عاطياها غا لبكا مكتخرج مكدرج سادة طيليفونها مكتجاوبوش عبد الله ولا كتحل ليه ملي كيجي ادق عليها)
#نهاية لفلاش باك#
سناء : بعدما تفارقنا مرضت مرضة خايبة شي لي خلى بنادم ايطيح ليا او تما نيت فين درت لعملية حيت مكنتش باغة نولد بعدها بمدة قصيرة جات لخدامة لي كانت كتخدم عندي او ستاقلات بلاما تقول ليا علاش كرشها على فمها او كتسول فيك ، قلت فلول يمكن بغاتك تعاونها ولا شي حاجة ولكن عرفت بلي غت’اصبتيها بزز داكشي علاش هربات منك ، ولكن ملي لقات راسها حاملة او قريب تولد جات تسول فيك باش تعتارف بداكشي لي فكرشها ، قبل تا منستوعب لقصة مزيان مشيت كنقلب عليها لاقية لوجع تاع لولادة شدها مجات فين توصل سبيطار تا كانت ولدات فلومبيلونص او ماتت ، او حيت ديك تريبية لي ولدات بنتك معطاتنيش خاطري نخليها داكشي علاش ربيتها عندي بلاصة ولدنا ولا بنتنا لي مات لينا
عبد الله : وعلاش مقلتيهاش ليا اسناء علاش خبيتي عليا
سناء : حيت بكل بساطة مكنتيش تستاهل تكون باين غزلان بلأخص ملي سمعتك تزوجتي او ولدتي ولادك مابغيتش بنتي تحس بلي غريبة معاك
عبد الله : (عنقها) سمحيليا عارف راسي انا لي غالط من لول كون مامشيتش معا ديك نصرانية مكناش انخسرو ولدنا ولكن علأقل عندنا بنتنا غزلان ، بعدما عرفت عئيلتي عليكوم غدا انمشي ناخد لموافقة على زواج من مريم باش نديرو لعقد شنو بان ليك
سناء : بابا مصدعني على زواج كلما سربينا حسن ولكن خاصني نقولها لولادي او تا نتا تقولها اولادك
عبد الله : خلي دراري عليا انا
#عند لغالية#
بعد داك نهار لي تهازات فيه معا فؤاد كانت كتجنبو بمعنا لكلمة انفوا كتسالي خدمتها كطلع لبيتها تݣلس فيها ، دوزها عليها رواح او زادتها تا لحبالة لي جاتها صعب من لولة ، معدتها ضرباتها او لحرقة دارت فيها مابغات ، قليل فين كتشها شي حاجة مكتكرهش ضل غا ناعسة حيت صحتها ديما مرخية ، اكسيل مكانش كيجاوبها بتاتا ولا كيسول فيها خبارو كتجيبها غا من ياسمين او صباح واخة مكتبينش بلي مخاصمة معاه ، تقريبا شهر او سرف باش هي هنا كرشها تنفخات شوي او تهديدات لي كانو كيوصل ها فلمغريب علأقل تهنات منهوم ، شحال من مرة كتقول ترجع لمغريب ولكن مكتزعمش ملي كتفكر ديك تصويرة فاش كانو مجموعين بسبعة كاملين او قال ليها ايمن بلي عيواض ديك روح غياخد تسعة مكانتش عارفة دوك جوج لوخرين شكون مي ملي عرفات راسها حاملة فهمات بلي حسب معاها تا هادشي لي فكرشها او بقا شخص آخر باش اكمل لمجموع تسعة ، نهار على نهار كتلقا راسها غارقة فكوابيس او احلام كاملين دمايات كتفيق مهلوكة او تا نفسيتها عيانة
لغالية : (بدات كتصوني عليها ياسمين كمرة) الو
ياسمين : الو عمتي ناعسة عاود فينما ندوي معاك نلقاك ناعسة
لغالية : قلت ميدار فينك نتي شخبارك
ياسمين : لابس هاد الساعة
لغالية : شتك ناشطة
ياسمين : بقات جلسة وحدة تاع شهر جاي او غتفك لوليدة من خوك
لغالية : ايوا على سلامتها
ياسمين : عندك غا تفك نزوجها
لغالية : لقيتي ليها شي عريس
ياسمين : كاين واحد لمحامي علمزيناتو مطلق او عندو ولد واحد كبر من لوليدة ب3 سنين عندو 35 عام
لغالية : احياني عليك اسليحفانة دغيا باغة تزوجيها
لغالية : نتاقل جود لكازا ولا باقي ؟
ياسمين : سيمانة لي فاتت لي خرج ليه لإنتقال هاد سمانة ايبدا لخدمة هنا
لغالية : هي غيكون جا
ياسمين : راح لتحت معا عمي
لغالية : أجي كي بقا مجد واخة دويت معاه معداليش نسولو
ياسمين : لاباس ملي دوا معاك بحالا هزيتي مجد او حطيتي واحد آخر ، ولا غا معصب او ساكت مكيدوي معا حد مكيخلي حد ايعاونو تا من عمي اكسيل مكيخليهش ايعاونو ساد عليه تا من طبيب كيجي عندو لدار واخة مكاينة تا نتيجة
لغالية : صعيب عليه لحال بلأخص فاش منجحاتش ليه لعملية نفسيتو غتكون مزمرة
ياسمين : ايمتى اترجعي باقي مبان ليك ؟ كون غا رجعتي عمي اكسيل حسيت بيه عيا كتر من مجد
لغالية : كنتسنا غا نشوف واش وافقو افتحو لقضية ولا لا ، الى هي لقضية ترفضات غنزل ويلى لقضية تفتحات من جديد غنشوف الى هوما بداو تحقيق من ازرو انهيط ويلى بداو من فين خلاوها مغنقدش نهبط
ياسمين : وعلاش متهبطيش ماشي من لأحسن تحضي لأمور عنقرب
لغالية : باغة ندوز لحبالة ديالي ترانكيل الى هبط انبقا موسوسة تا فمكلتي
ياسمين : من لأحسن تهبطي طال زمان ولا قصار كانت هاد لقضية غتفتح علأقل ملي تكوني هنا نقدرو نرضو لبال ليك اما تما فراه واخة مشيتي بعدتي كيما لقا نمرتك هنا غيلقاها تما او هانتي غتشوفي
لغالية : متخلعينيش ازمر لي فيا كافيني باركة غا لخلعة لي خلعاتني طبيبة هاد صباح
ياسمين : شنو قالت ليك ؟
لغالية : هاد ساعة مقالت والو من غير انو طايحة لية لكرش بحال لول ولكن عطاتني ندير شي تحاليل حسيت بيها شاكة فشي حاجة ولكن مابغات تقول ليا والو
ياسمين : ايكون خير نخليك دبا خاصني نوض نلبس عليا خارجة
لغالية : يالاه بسلامة
جود : (دخل عليها لبيت) باقي موجدتي راسك ؟
ياسمين : كنت كندوي معا عمتي يالاه قطعت معاه او غنوض نلبس عليا
جود : ايوا هي لنضتي وجدتي راسك
ياسمين : (ناضت كتشوف شنو تلبس) لا زربة على صلاح يالاه ستة تاع لعشية هادي او زيدون باغين نشريو غا شي تونيات
جود : تا منكونش كنعرفك انمشيو نشريو توني فربعة تاع سوايع
ياسمين : ياك توني على حسابك نتا مالك داير بحالا انا لي غنشريه
هزات ليها واحد لكسوة طويلة او واسعة بلون لݣرونة شعرها خلاتو مطلوق او هزات زيف بلبيلج لاحتو عليها مخلياه مغطي شي او مبين بحال كيما كيديرو ليه تواركة فلعزو ، جود كان كيشوف فيها بفخر علأقل هاد شهر او نص تاع نصح او تفهيم ديال دين مرة منو مرة كيخلي صباح دوي ليها على لقصص دينيا لي قدرو اوريوها لجانب زوين من لإسلام ، او هي كتسنط او ضرب حساباتها فراسها يا ديرها يا ماديرهاش بلأخص ملي خلى اكسيل لي يدوي ليها على صلى او لحجاب تا لقاه بعد يام قلال يا متسولة يا كتقلب على كفاش كيصلي لواحد ، او تا من زيف بدات فهاد لول غا كتلوحو فوق راسها مبينة ݣصتها ولا نص فشعرها شي مرات ݣاع تنسا او تخرج بلى بيه ، ولكن علأقل بدا كيبان فيها ضو او ولا كيشوف فيها أمل انها تصلح واخة شي مرات تا كيقرب استسلم او يعاود اتشجع حيت عارف بلي ماشي ساهل لواحد اتبدل بين ليلة ونهار شوي بشوي
ياسمين جملة وحدة خسرها عليها اكسيل خلاها تزعم تبغي تصلي ولا في تحاول ، ملي سولاتو علاش ربي كيسمح لكولشي ، “تا واحد فينا مضامن بلي ربي مسامحو او غافر ليه وإلى علاش غتكون لجنة او جهنام ملي ربي غيسمح على كولشي ، شي مرات لواحد واخة كيصلي كيصوم كيدير لخير اقدر اغلط غا فحيوان ضعيف اهدم داكشي ݣاع لي بنا ، او يقدر عاود واحد حياتو كاملة دوزها بارات او حرام او دار خير فمخلوق ضعيف غيكون هاداك هو بابو لجنة ، تا حاجة مساهلة تا طريق لحرام لي كيقولو عليها ساهلة صعيبة ، تعيا تقول انا مرتاح لداخل ديالك كتلقاك نافر من راسك محاملش راسك أو شنو كدير او مقادش تبعد ، او طريق الله صعيبة حيت كتخليك تحيد دوك طبقات تاع لوسخ لي غلفتي راسك بيهوم ، ولكن ربي كبير حقك تاخديه تاخدي ولكن ماشي ديما تسناي حقك تاخديه فدنيا شي مرات كيكون ربي خازنا حقنا تال لاخرة ، *الى لقيتي ربي مخدالكش حقك فدنيا ضمني لاخرة باش تشوفي حقك كيتخاد قدام عينيك*”
اصعب احساس انك تفقد لأمل فأنك تاخد حقك من واحد ضلمك واخة تسنيتي تا تعيا ، كتشوفو عايش حياتو فرحان مرتاح او نتا باقي ساد على دموعك او جروحك لي سببهوم ليك داك شخص كتشوفو زاد خطوة لقدام ولكن نتا رجلين باش تزيد خطوة لقدام حشهوم ليك هو ، حتلقا راسك واقف فبلاصتك كولشي كيتحر الا نتا جامد فبلاصتك ، هاكدا كتحس ياسمين عبد الله ديما كان عايش حياتو على ضهرها هي ومها او خوتها ، ديما غالط فحقها او هي لي كتكون خايبة فلخر ، مخنوقة مضرورة مقاداش تشوفو فرحان مقداش تفرح واخة هي لي تستاهل تكون فرحانة كتر منو ، آخر جملة فهضرة اكسيل خلاتها تفكر الى كان حقي مغنقدش ناخدو منو فدنيا واش علأقل تقدر تضمن حقها فلاخرة
اكسيل كان ݣالس فلبالكو ديالو كيشرب قهوتو شاف جود خارج معا ياسمين ، او صباح او محسن ݣالسين فجردة فحين مجد ساد عليه ، تنهد بتعب مضور وجهو لجيهة ديك الدار تاع لخشب لي لاسقة فشجرة صغيرة او لتحت مكتوبة سميتو كان هادا هو لكاضو تاع لغالية ليه فعيد زواجهوم ، آخر مرة دوا معاها هي داك نهار قال اعطيها آخر فرصة باش ترجع وبدأ كيتسناها سيمانة كاملة كيقول ها هي غتجي والو من آخر آپيل مابقاش عاود دخل عندها ولا شنو سيفطات ليه ، مابقاش باغي تا يعرف عليها شي حاجة حيت فعلن عصباتو او موحال واش ايعاود ايسامحها واخة ترجع ، مكيحملش تصرفات بحال هادو ملي كيمشي لواحد تا يعطيه بضهرو او يمشي بحالو كينفر فمنو لدرجة مكيبقاش مهتم لا يسمع اعذارو ولا اسبابو ، شاف فساعة لقاها تمنية عرف بلي لوقت تاع دوا دمجد وصل داكشي علاش مشا هز دوا او لما ومشا عندو لبيت دق عليه قبل كيدخل عليه ، لاقيه كيعافر اݣلس فوق لكرسي لمتحرك
اكسيل : (تقدم عندو باغي ايعاونو) انا نعاونك
مجد : لا غنݣلس راسي
اكسيل : (بقا كيشوف فيه كفاش كيعافر اݣلس فوق لكرسي تا ݣلس ) ها دوا ديالك شربو
مجد : (شرب دواه او بقا ساكت)
اكسيل : (مشا ݣلس قدامو) تواصلت معا واحد طبيب فرباط الى بغيتي نمشيو نشوفوه شنو ضهر ليك
مجد : شنو غيتغير واخة نمشيو عندو غيقولك نديرو ليه عملية نسبة نجاح ديالها مفيتاش جوج فلمية ونتا غتحط فيها زبابل تاع لفلوس كيما لول او فلخر غيخسرو عليك منجحاتش لعملية
اكسيل : نتا مشغلكش فلفلوس ، لفلوس فلوسي نحط مئة ميتين ماشي شغلك نتا غا متعمرش راسك بهاد تخربيق او خلينا نمشيو لعلى وعسى تلقا شيفى عندو
مجد : (كان على سبا) سوا هادا سوا ميا خرين انا مغنعاودش نتمشا على رجلي علاش كتعلق الواليد امالك على شي حاجة مغتوقعش عييت من انني نصبر راسي ونقول حقا غا ندير لعملية غنرجع نتمشا على رجلي او فلخر كنلقا راسي محاسش بيهوم ݣاع الى نتا معييتيش انا عييت انا تقهرت
اكسيل : (تعصب) ماشي غا نتا لي عييتي انا عيان كتر منك من صباح ونا كنسايس فيك عييتي بهاد لاستلام ديالك ماباغيش توقف على رجليك مكدير تاشي مجهود باش تبرى ، ولا ياكما يسحاب ليك ساهل عليا نشوفك ݣالس فلكرسي و كل مرة طبيب ايقول ليا معا لأسف لعملية مغتنجحش ليه ، او معا ذلك كندير حجرة على قلبي ونقول ربي كبير ولكن نتا نهار على نهار كتحبطني بهاد تفكير دلخرى لي عندك غا ساد عليك طبيب مصور منك والو حيت بكل بساطة معندكش لعزيمة
مجد : شمن عزيمة علامن كتدوي ولا شمن أمل ونا عارف رجيا مايتين مغنعاودش نوض عليهوم ، مابغيتش نبقا نبني علخوا او ملي يتهدم داكشي لي بنيت نبقا ندب
اكسيل : ايوا اشريف شنو باغينا نديرو نبقاو غا ݣالسين
مجد : (دموع بداو كينزلو ليه) خليني نمشي لألمانيا مابقيتش حملت نݣلس هنا ابابا تخنقت بين هاد ربعة تاع لحيوط مابقيتش باغي نݣلس فهاد الدار خيليني نمشي ابابا
اكسيل : لا مغنخليكش تمشي شنو غدير تما بوحدك مكاين تا لي يرض ليك لبال تما نبدلو دار لمدينة الى بغيتي ولكن مغنخليكش تمشي بوحدك لخاريج ونتا معندك لي يقابلك
مجد : خليني نمشي او نشوف لراسي شي طبيب تما
اكسيل : بقا هنا ونا نجيبليك طبيب لي بغيتي ولاخة نعرف نبيع لي قدامي او مورايا او نخلصو باش أجي نتا غي بقا هنا حدايا مغنكونش مرتاح عليك ونتا بوحدك تما
مجد : (نفاجر بلبكا بحال داك دري صغير ) الى زدت بقيت هنا ابابا غادي ندير فراسي شي حاجة وقول معلمتكش (شد فإكسيل كيطلبو) خليني نمشي عافاك ابابا خيليني نبعد
اكسيل : (حس براسو عاجز قدام دموعو تنهد) صافي غا متبكيش غنخليك ولكن بشرط غيمشي معاك محسن او صباح تا يلقاو ليك لي يقابلك عاد ايرجعو او خاصك تبع معا طبيب نفساني او طبيب ديالك الى مكنتيش دير هاكدا مغتعتبش برا لبيت
مجد : غنتبع تا معا عشرة او خلي معايا تا ميات فرملي غا خليني نمشي
اكسيل : واخ (هبط باس ليه فوق راسو) انخليك انا دبا
خرج من بيتو او مشا هبط عند محسن او صباح
محسن : عمي اكسيل كنتي عند مجد ؟
اكسيل : واه
صباح : عاود تجنن بحال ديك لمرة
اكسيل : شوي وصاف بغا يمشي لألمانيا
صباح : المانيا شنو بغا يدير تما
اكسيل : بغا يبعد داكشي عليش بغيتكوم تمشيو معاه تلقاو ليه الدار او طبيب لي غيتبع معاه او تا طبيب نفساني او شي فرملي ولا جوج ايقابلوه او رجعو ديك ساعة نجربو لعلاج ديالهوم راهوم فلأخير كيبقاو مجهدين على دياولنا هنا
محسن : كون هاني اعمي انا غي نسالي شي خدمة عندي هاد سيمانة ونا معاك
اكسيل : هادا لمضمون فيك مزربانينش ، انا غنقابل ليك لخدمة تا ترجع عندها
صباح : (عنقات باها) يمكن هاد لمشية فيها خير ليه ابابا بلاما تقلق راسك
اكسيل : نتمناو
#عند مريم#
دوزاتها غيمحكيم فهاد لمدة جاتها شحال من فرصة تغرق عبد الله ولكن هي عيات بغات غا لفكاك خلات لي خلقها اتولاه ، او تا من لموافقة تاع زواج سناتها ليه او سيفطاتها ليه غا باش متعاودش تشوف كمارتو ، دات دراري لبيوتهوم او نعساتهوم عاد مشات لبيتها ݣلسات فيها مدايهاش نعاس
مريم : (بدا طيليفونها كيصوني) الو
أيوب : الو مريم
مريم : هانية تا صونيتي أ أيوب خاصاك شي ورقة ؟
أيوب : (كان صوتو باين فيه بلي عيان او مضيوم) لا مخاصاني تا ورقة
مريم : او علاش صونيتي فهاد لوقت
أيوب : (ترخا فوق لفوطوي حاط يديه على راسو) محتاج نسمع صوتك داكشي علاش صونيت عليك
مريم : ملي ممحتاجني فتا حاجة ضرورية غنقطع
أيوب : لا عافاك متقطعيش عارف بلي معنديش لحق تا ندوي معاك ولكن مقدرتش نشد يديا او منصونيش عليك (دوا بصوت مخنوق) توحشتك أمريم توحشت نكون معاك
مريم : بانلي غا كتخرج او دخل فلهضرة
أيوب : مقديتش نساك 17 رعام ونا مقادش نطوي صفحتك مقادتش نسامح راسي ونا عارف بلي انا سبابك تا تزوجتي بعبد الله ، كون مكنتش برهوش او قليل لعقل مكنتيش تزوجي بزز عليك ولا كانت دوز عليك ، كلما تفكرت دوك تصاور كنحس براسي مخنوق او باغي نموت
مريم : (حاولات ما أمكن مطيحش دموعها او دوات بصوت هادي) علاش تخنق بحالي نتا لي كنتي متاكل لعصا ، علاش تخنق بحالا نتا لي تزوجتي بزز عليك ، علاش يبقى فيك لحال أيوب ماشي نتا سباب فلي انا فيه دبا من حقك متقبلش تكون معا وحدة بحالي مكنلومكش هادا مكتابي او داكشي لي قسم ليا ربي ونا قابلة بيه بسلامة
قطعات معاه منهارة بلبكا حاسة بروحها كتقطع حاسة براسها كتموت نهار على نهار ، ناضت تخشات فبلاصتها ونعسات
~~~~~~~~~~~~~~~~
فواحد الريسطو كبير بضبط فواحد الطبلة كبيرة كانت ياسمين وحداها جود وحداها صباح او محسن او مجد تا هو جابوه معاهوم او فالجيهة لي مقابلة معاهوم من طبلة كاينة سناء او حداها عبد الله او غزلان
غزلان : (كانت كتخطف الشوفة فمجد مقاداش تبعد عينيها عليه مكرهتش تنوض نعنقوا ولكن عارفة بلي هادشي حرام او هادا لي قدامها ميمكنش تفكر فيه بهاد طريقة)
سناء : (حطات يديها على يد سناء) ولدي حبيبي كي بقيتي مزيان
مجد : (قالب وجهو على غزلان) مزيان
عبد الله : مك بقات مشطونة من جيهتك ولكن لابس فيك راك بيخير
ياسمين : (صغرات عينيها فيه قبل متدوي بملل) نقص شوي من نيفاق او طلقنا علاياش جامعنا هنا كي دبان
سناء : هاحنا انقولو ليكوم متزربيش اياسمين ، صباح بنتي راك بيخير عييت منصوني عليك بدلتي نمرة
صباح : خسر طيليفون
عبد الله : احن جمعناكوم ليوم باش نشاركو معاكوم هاد لخبر
ياسمين : باغين تقولونا عندكوم شي ولاد خرين ولا كولشي متوقع منكوم
سناء : (ضحكات او شابكات يديها معا يد عبد الله) ههه انا وعبد الله تزوجنا لبارح
غزلان : مبروك (فرحات ليهوم ولكن مقداتش تبين قدام دراري لي كانو بحالا ضربتيهوم بطرشة)
ياسمين : هههههههه وايلي على تزوجتو انجاز هادا جود مك تابت هههههههه ولكن كيما قلت ليك جامعنا هنا كي دبان صدق خبارك خرى ، انا غادة جود ملي تسالي ليهوم لمباركة اتلقاني كنتسناك فطونوبيل
محسن : واش نتا مريض لا منايضش منك غي زواج ؟ او ديك سيدة لي مجرجرها فلمحاكيم دوي ونتي امولات لعقل على قلت شمايت مبان ليك غا هادا
صباح : محسن
محسن : محسن محسن شنو واش مكتشوفيش شكيخورو واش مك بعقلها
سناء : مالي كيف جيتك زواج عيب ولا حرام ؟
جود : هههههه لاباس وليتي تعرفي لحرام
محسن : حادݣة غا فلهضرة ولكن لايقين لبعضياتكوم تجمعتو
صباح : محسن براكة
عبد الله : مالك نتا كطير ياك لاباس تزوجت او من حقي
محسن : سدو يرحم باك الله اغبر لطواسل مك شقف لانتا لا لي بحالك كتكرفسو بنات ناس معاكوم او تمشيو تبعولي طحبات
سناء : ايوا حتارم راسك أو عرف معامن داوي يابن لمݣلرد لاخر
صباح : كدب عليك ؟ ولا ياكما حاسبة راسك من بنات ناس
سناء : صباح واش عارفة شنو كتقولي راني ماماك ماشي صحبتك تا تخلي جلاخة تاع راجلك اتهز عليا
صباح : ما ميش مي ماتت لهلا يرحمها اما نتي متعرفيني منعرفك بنتك هي ديك لي حداك هي ديك لي زنيتي مور ضهر بابا معا هاد لمسخ باش تولديها ، غزلان معندي تا مشكل معاك ، ونتي اسناء متعرفيني منعرفك مانتي مي مانا بنتك من ليوم فصاعدا انا غاسلة يدي عليك ، محسن يالاه
مجد : ديوني معاكوم
سناء : (عمرها ظنات صباح تبرى منها) مجد ستنى مغتقول ليا والو اولدي مغتباركش ليا او تحضر لعرسي لي غيكون شهر جاي
مجد : (شاف فيها برود) مخليتيلي لا جهد لي يبارك ليك فيه او تا باش نوقف على رجلي او نسلم على رويجل ديالك تحشو ليا
جود : (وقف) مكتسناينيش نبارك ليك انا ؟
سناء : (بقات غا كتشوف فيه هو وخوتو حاسة براسها لأول مرة عاجزة قدامهوم)
جود : مبروك عليك (مشا قرب عن عبد الله او غفلو بواحد لݣنݣ)
غزلان : بابا (غوتات محاولة تبعد جود على عبد الله)
جود : بعدي قبل منجمعك معاه (غوت عليها فوجها قبل ميبعدها او يتلاح على عبد الله مطيحو لأرض او طالع فوقو كيعطيه بلبونيات) من شحال هادي ونا باغي نصفيها لطاسيلتك ولكن ليوم طحتي بين يديا
سناء : (بدات كترعد او تبكي) ولدي عافاك باركة
جود : (ولا كيف لمسطي) هادا هو لخانز معامن خنتي لواليد تزوجتي ياك اوا وجدي حق الله (رجع تجنن على عبد الله راسو كامل غا دمايات بلبونيات)
صباح : محسن عتق عافاك جود باركة
محسن : (مقدش انوض جود على عبد الله لي كان فاقد لوعي او غزلان مخلوعة او غا كتبكي بحال مها ناس مجموعين ولكن مكاين لي زعم اقرب)
جود : (قدر انوضو محسن على عبد الله وقف مجنن او شاف فسناء كيغوت) هادا هو تامل لي خليتينا على قبلو دوي ، هادا هو سيد لي فضلتيه علينا ، هادا هو لي خليتينا نعيشو كي ليتاما على قبلو دوي
غزلان : (مشات عند مجد لي كان غا كيشوف) هافاك هافاك قوليه احبث هافاك امجد قوليه ابهد هلى بابا هافاك {عافاك عافاك قوليه ابعد عافاك امجد قوليه ابعد على بابا عافاك}
مجد : (شاف فيها برود قبل ميقرب منها او يدوي برود كتر) حمدي الله مواقفش على رجلي ايما كي والو هادشي لي دار ليه خويا ، شمايت لي بحال باك خاصهوم انقارضو
سناء : تهدن عافاك انا كنبغيه اولدي منقدش نعيش بلى بيه
جود : كتبغيه ؟ مقاداش تعيشي بلا بيه ؟ او حنا قادة تعيشي بلى بينا قادة ؟ كتبغيه هو او حنا مكتبغيناش ؟ او بابا هو بعد داكشي كامل لي دار ليك شنو لقا منك من غير لخيانة أدوي شنو لقا منك من غير حلات رجلين لشمايت ، هادا باش بدلتيه كون غي ختاريتي شي واحد مسݣد نعضرك غادالي لهاد تامل ، ولكن انا غنهي لباشار منو (قلب الطبلة او هز واحد لكرسي باغي اخبطو ليه على راسو)
ياسمين : (كانت كتسنا فطونوبيل تا عيات ملي شافتهوم تعطلو رجعات لريسطو شايفة قدامها جود كي لوحش يديه كاملها دمايات او هاز كرسي باغي اشير بيه على عبد الله ، بلاما تشعر جرات عندو كتغوت) جود ماديرهاش
جود : (بلأعصاب لاح لكرسي مدوزو من الزاج تاع الريسطو تا تشخشخ كامل مغوت عليها) بعدي خليني مني ليه
ياسمين : (عمرها شافتو فهاد لحالة بحالا ماشي جود لي كتعرف ، طاكات بيديها على وجها خايفة منو ليفوت فيها شي ضقة او دوات بصوت راجف) عافاك بركة
جود : (ملي شافها خافت منو حس بحالا تخوا عليه شي سطل تاع لما بارد مد يديه ليها) ياسمين
ياسمين : (تكمشات مور محسن بلاما تشعر وبدات كتبكي قالت صافي هادا سالا منو غيدوز ليها) متكونش بحالهوم عافاك
محسن : جود تهدن اصحبي
سناء : (كانت محنية عند عبد الله كتبكي او كي لعادة لامبيلونص او لبوليس عندنا مكيوصلو تا كيفوت لفوت هههه)
جود : (سمع الصوت تاع سطافيط عرف بلي جايين اهزوه خلى محسن ابعد شوي او جر ياسمين عندو معنقها او خاشيها فيه محاول اهديها او يهدي تا راسو) سمحي ليا
لبوليس : (دخلو لريسطو دايين جود معاهوم او لامبلونص هزات عبد الله)
صباح : يالاه نتبعوه لكوميسارية
مجد : وصلتي لدار انا بعدا نقولوها لواليد هو عارف شنو يدير
محسن : يالاه ، ياسمين باركة من لبكا موقع والو
ياسمين : (ركبات معاهوم فطونوبيل او مشاو تال دار)
اكسيل : (غي دخلو جات ياسمين عنقاتو) شنو وقع ؟
صباح : جود ابابا داوه لبوليس
اكسيل : داوه لبوليس علاش ؟
محسن : ضرب عبد الله بلأصح دخلو كومة
اكسيل : صافي ابنتي مغيوقع والو انا غنمشي عندو لكوميسارية تمشي معايا
ياسمين : لا مغنمشيش مبغيتش نشوف كماراتو الى خرج قوليه ميورينيش وجهو (طلعات لبيتها سادة عليها ، بدلات حوايجها او مشات تكات فوق ناموسية كتبكي)
اكسيل مشا لحق على جود لكوميسارية هو ومحسن بقاو تما مني منك باش اخرجوه ، حيت الى مشا تا غرق فيها خدمتو غتمشي ، شاف شي معارف تما قدر اخرجو بحالا غا مضاربة عادية وصاف
اكسيل : (كان معاه فطونوبيل) شهاد لحالة دوي
جود : (كان غا ساكت) ياسمين فدار
اكسيل : فقرينة لي ضربك حالة لبنت حالة بمسبة هاد لهبال ليفيك او قاضي يا حسرة مفكرتيش فخدمتك لي على شوية كانت أتمشي ليك ؟ مفكرتيش فديك لبنت لي على ذمتك بغيت ميدير ليها كيبقا باها مغتبغيش لي يدير ليه ديك لحالة ، او بلى تا ميكون باها ملي وصلتي سيد لكومة يعلم الله كي كنتي هايج او شمن رعدة حضرات ليها
جود : تعصبت ابا ݣالس قدامي هو وسناء كيفرنسو حقا ولواد غنتزوجو
اكسيل : خلي زمر اتزوج شغلك نتا فيهوم
جود : نتا جاتك عادي سيدة كانت حتلعب مور ضهرك او مادريت ليها ولا ليه والو
اكسيل : شنو خاصني ندير نوض نقتلهوم متلا ؟ كون نضت عندهوم يعني بقا فيا لحال على داكشي لي دارو ولكن انا مكتهزنيش النفس على زبالة عاطية الريحة باش نضيع عليها وقتي
جود : (دخلو لدار)
صباح : (عنقاتو) خويا على سلامتك على سلامتك
جود : الله اسلمك ياسمين لفوق ؟
صباح : راها سادة عليها مباغة تحل لحد
جود : غنمشي نشوفها
اكسيل : فين مكرم بسلامة دوز غسل حالتك او ديك ليدين لحمرين عاد دوز شوفها
جود : واخة
مشا دخل لحمام لتحتاني دوش فيه او لبس شي حوايج كان ناشرهوم عاد طلع عندها لبيت كيدق عليها والو مابغاتش تحل ليه تا دار هو يدوز من لبالكو تاع مجد لبالكو تاع بيتهوم ، لبيت كانت مضلمة ، تمشا جيهة الناموسية متكي حداها او شاعل لفيوزة لي جيهتها
جود : (عنقها خاشي وجهو فعنقها) سمحي ليا على قبيلة متحكمتش فراسي
ياسمين : (مجاوباتوش بتاتا)
جود : مبغاش دوي معايا ؟ غا ضوري عندي او غوتي عليا ومتبقايش ساكتة بحال هاكدا
ياسمين : (ضورها لعندو لاقي عينيها او نيفها حمرين حمرين بلبكى او حناكها فازݣين)
جود : (مد يديه كيمسح دموع من حناكها) صافي بلا بكا
ياسمين : حيد عليا يديك نتا كنتي اتقتلو كنتي اتشير عليه بلكرسي كون ماجيتش
جود : عارف راسي غلطت ولكن راه عصبني اياسمين كان كيضور بلوليدة
ياسمين : بلى مك بلى هو يحزنون شفتيه قدامك غارق فدمو او مع ذلك كنتي باغي تصفيها ليه ، جود مابقيتش كنعرفك
جود : (عنقها عندو مخشي فيها مالقا ميقول)
ياسمين : (بقات حالة عينيها شحال كتفكر شنو وقع تا داها نعاس)
#بعد 15 ريوم#
فاقت ياسمين بكري او لبسات عليها حوايجها
جود : (بعد داك نهار متصالح معاها او طيب خاطرها غا بلكشايف) فين غادة
ياسمين : (كانت كتقاد شالها) ليوم آخر جلسة فلمحكمة باغة نمشي ناخد لورقة تاع طلاق حيت ماما ميعدالش ليها تمشي
جود : نوصلك معايا ؟
ياسمين : بلاش انشد طاكسي نتا عندك تمشي لماطار تجيب صباح او محسن ، قادو لأمور لمجد ؟
جود : واه كراو ليه او شدو ليه سيد لي يعاونو فدار او يمشي معاه لأطباء عاد رجعو
ياسمين : مزيان يالاه انا غادة
باستو ومشات خرجات شادة ليها طاكسي لمحكمة وهي ناشطة صونات تا على مها دوي معاها
مريم : الو وصلتي ؟
ياسمين : واه راني معا لمحامي كنتسناو لوقت تاع لجلسة اوصل
مريم : مزيان
ياسمين : شكاديري ؟
مريم : والو غا كنفطر معا دراري
ياسمين : بوسيهوم ليا بزاف
مريم : واخ
ياسمين : كنموت عليك الوليدة
مريم : (بتاسمات) مات شي يهودي تا كتقولي هاكدا
ياسمين : هههههههه لا غا توحشتك داكشي علاش
مريم : توحشتيني ياك غا لبارح شتيني او تعشيتي معايا لي سمعك ايقول عمرك غتعاودي تشوفيني
ياسمين : ههههههه
مريم : اتوحشك لخير ملي تجي تلقايني دايرا ليك طاجين فاعل تارك
ياسمين : واخة
مريم : بسلامة آه قبل منقطع بغيت نقول ليك نتي بنت زوينة عمرني ندمت حيت كنتي بنتي بلعكس لولادة ديالك هي لي رضاتلي الروح
ياسمين : علاش كتقولي هاكدا
مريم : معرفتش يمكن ميجيش شي وقت مناسب لي نقدر نقولها ليك فيه بسلامة
ياسمين قطعات معاها او دخلات لمحكمة ، مكانش تا عبد الله حاضر غا لمحامين بقات تما تا سلات لجلسة او تنفذ لحكم تاع طلقاك ، كانت كتخايل راسها غطير بلفرحة ولكن لا حاسة بديق لداخل ديالها حاسة بحالا هاد لخبر جا معطل
ياسمين : (ستغفرات مولاها او شافت فأيوب) شكرا كونما لجهود ديالك مكانتش ماما غتفك من داك جلاخة
أيوب : درت غي خدمتي قولي لمك على سلامتك
ياسمين : مبلغ
خرجات من لمحكمة او دازت لواحد مول لورد خدات منو واحد لبوكي دلورد لبيض عاد شدات طاكسي لدار ، بقات كتصوني على مها والو مكتجاوبهاش قالت صافي غتكون غا مشغول مسمعاتوش
جود : (صونا عليها) الو ياسمين خرجتي من لمحكمة ؟
ياسمين : راني فطريقي لدار ونتا وصلتي ؟
جود : غتلقايني سبقتك ولا سبقتيني لدار نباركو
ياسمين : صاف هاني كنتسناك
مول طاكسي : (دازت واحد لامبلونص من حداهوم) ياربي السلامة منعرف فين غادة هاد لومبلونص
ياسمين : الله يحفض ، صافي غا هنا اشريف
خلصات مول طاكسي او نزلات كتمشا وهي مبتاسمة كتشم فداك لورد فطريقها تا كتشوف الناس مجموعين فجيهة فين ساكنين ، تا هزات عينيها لقات دخان او لعافية كتاكل فدارهوم ، طيحات لورد من يديها ومشات كتجري لدار او هي كتغوت كي لهبيلة
ياسمين : لا لا ماما
بقات كضور عويناتها فناس لعلى وعسى تقشع مها او خوتها ، ولكن والو ملقاتهومش فشلو عليها رجليها وقبل حتى متقرب لدار تسمع صوت تاع لانفجار او لعافية عاد مزادت تجهدات ، مشات كتجري لدار ولكن ناس شدوها
سيدة : فين غادة ابنتي لعافية اتاكلك ها لبومبية فطريق
ياسمين : (كتنتر من وحدة او تشدها لوخرة ولات كي لهبيلة غا كتغوت) ماما لداخل خليوني نمشي عندها طلقوني عافاكوم نهيلة يوسف لداخل طلقوني نمشي عندهوم
ياسمين : (قدرات تفك منهموم او مشات كتزدح فلباب تاع دار او هي في كتبكي) ماما حلي ماما هاني جيت عافاك حلي عافاك هئ هئ ، ماما شي حد افرع لباب ها لعار ماما
جود : شواقع هنا (وصل بطونوبيل ولكن مقدش ايزيد بيها حيت جوقا داكشي علاش حبسها او نزل منها هو او صباح او محسن داخلين بين ناس ، تا كتبان ليه ياسمين كتخبط فلباب او كتغوت او لعافية شاعلة فدار)
صباح : (شهقات شادة على فمها قبل ميمشيو اجريو عند ياسمين)
جود : (وصل عندها) ياسمين
ياسمين : (ناضت شادة فيه) جود ماما لداخل ماما نهيلة يوسف لداخل اجود عافاك دير شي حاجة عافاك
جود : (بعدها او مشا هو ومحسن او شي دراري كيحاولو افرعو لباب تا حلوه او دخلو لداخل كيقلبو عليهوم)
محسن كان دخان تا حاجة مكتبان ليهوم تا وصلو لقلب الدار عاد بانت ليهوم مريم او نهيلة فلأرض طايحات او لعافية بدات تشد فيهوم ، جرا عندهوم هو وشي دراري كيحاولو اخرجوهوم لبرا قبل متحرقهوم لعافية ، فحين جود دخل كيقلب على يوسف فلبيوت تا لقاه فواحد لبيت لعافية حرقاتو فيديه هزو بزربة جاري بيه لبرا
ياسمين : (كانت صباح حابساها من أنها دخل لداخل تا كيبان ليها جود هاز يوسف مخرجو جرات عندو بزربة تشوفو) يوسف خويا لحبيب ديالي
يوسف : (كان شبه فاقد للوعي كيتسمع منو غا لأنين تاع لألم ملي هزاتو ياسمين عندها قدر اخرج من فمو شي كلمات قلال) يام…ين دي….دي
ياسمين : (عنقاتو عندها بايساه من راسو وهي غا كتبكي) دبا تبرى الحبيب ديالي ها لومبلونص اتجي او نمشيو لسبيطار ايداويو ليك ديدي
جود : خلينا نديوه لسبيطار لومبيلونص تعطلات
ياسمين : واخ نهيلة وماما فين اجود
جود : (سكت مالقا باش ايجاوب) دراري دخلو يعتقوهوم
ياسمين : (حسات بيوسف ترخا بين يديها شافت فيه موسعة عينيها) يوسف لا لا لا عافاك حل عينيك اولدي حبيبي حل عينيك أخويا حل عينيك عافاك جود يوسف مالو جود يوسف مالو
صباح : (قربات عند يوسف مادة يديها عندو قبل متشوف فجود بأسا)
جود : (فهم شنو بغات تقول ليه هبط عينيه شايف فيوسف لي بين يدين ياسمين) ياسمين
ياسمين : (بخوف) صباح مال يوسف علاش ساكتة مال خويا غي سخف ياك لا لا تا سخيف لا ناعس ناعس عيا اجود داكشي علاش نعس موالف انعس فهاد لوقت ياك دوي مالك ساكت دوي
جود : ياسمين يوسف يوسف ما مات
ياسمين : (صرفقاتو قبل متزير على يوسف معنقاه) سكت سكت شكتعرف خويا ما ماتش خويا غي ناعس ياك ايوسف اخويا فيق راه قالو عليك ميت فيق اخويا عافاك عافاك
صباح : (فلوقت لي كانت فيه ياسمين ممتيقاش موت يوسف كانو لبومبية وصلو لتما او دخلو لدار ، شدات على فمها موسعة عينيها ملي بانو ليها مخرجين لجتت تاع مريم او نهيلة)
جود : (ديك ضورة لي ضار ضرب فمحسن خارج كي لميت بدرع باش هازينو رجليه وجهو مخطوف منو لون او موراه لبومبيا مخرجين مريم او نهيلة فهم بلي مول لمانة دا أمانتو ، شد على راسو) لا حول ولا قوة الا بالله
ياسمين : (شوية مطلق يوسف من يديها كونما صباح لي لحقاتو او شداتو بين يديها ، مشات كتجري عندهوم) فين غاديين فين دايين ماما فين
كانت اتلاح على مول لإسعاف كون مشدوهاش ، بعدات عليهوم او قربات عند مريم مادة يديها كتقيس فيها
ياسمين : ماما نوضي ماما مالكوم نعستو كاملين ماما نوضي باش تنوض تا نهيلة او ينوض تا يوسف ماما
جود : (جا موراها) ياسمين ماديريش هاكدا عافاك
ياسمين : (نهارت بلبكا طايحة على مها معنقاها) انا جيت اماما فين مشيتي نتي اماما فين مشيتي ، حلي عينيك عافاك راك طلقتي حلي عينيك عافاك اماما متخلينيش بوحدي متخليونيش بوحدي ، جود قلهوم اينوضو ميمكنش ايموتو علاش ايموتو علاش
جود : (نوضها معنقها او مزير عليها هو براسو كان غا كيبكي)
ياسمين : (نهارت بلبكا كتر من لول) عافاك قلوهوم اينوضو مابغيت والو غا ينوضو علاش اخليوني بوحدي علاش ، يالاه دويت معاها قالت ليا كتسناني قالك ليا مغتمشيش او تخليني بوحدي علاش مشات علاش عافاك عافاك
صباح : (ݣلسات لأرض كتبكي وشادة يوسف عندها ، هزات طيليفونها وصونات على اكسيل) الو بابا
اكسيل : فينكوم تعطلتو بالاتي بلاتي مال صوتك
صباح : (نهارت بلبكا) بابا مامات ياسمين او خوتها ماتو شعلات لعافية فدارهوم
اكسيل : لا حول ولا قوه الا بالله ان لله وان اليه راجعون انا دابة نكون عندكوم (قطع معاها او مشا ركب طونوبيلتو بزربة تا وصل عندهوم لاقي لقضية مرونة ، ياسمين حالتها حالة محسن جهد باش أدوي معندوش او صباح هازة دري عندها او غا كتبكي ، قرب عندها) عطيه ليا ابنتي وسيري حدا راجلك
صباح : و.واخ
اكسيل شد من عندها يوسف مطول فيه الشوفة عاز عليه ، عطاه لإسعاف حيت كان ضاروري يديوهوم لسبيطار ايديرو ليهوم تشريح ، ياسمين ملي شافتهوم دخلوهوم بتلاتة لومبلونص او غطاوهوم بيزار بيض بغا لهبال ادخلها بقات كتعيط بسمياتهوم بجهد تا طاحت سخفانة
(بنوي ، نمشي نكمل بكايا على خاطري)
جود : (سخفات ليه بين يديه ) ياسمين ياسمين فيقي
اكسيل : مالها ؟
جود : سخفات الواليد
اكسيل : هزها بزربة لجونوبيل نديوها لسبيطار
جود : (جرا بيها لطونوبيل هو واكسيل مخليين صباح او محسن موراهوم)
صباح : (هي لي كانت صايݣة طونوبيل بمحسن لي باقي لحد لآن مصدوم)
وصلو ياسمين لسبيطار او دخلوها لبلوك نيشن حيت جاها نهيار عصبي حد
محسن : (كان ݣالس شاد راسو تا جا اكسيل ݣلس حداه)
اكسيل : (طبطب على ضهرو) لبركة فراسك اولدي الله ابدل محبتهوم بصبر
محسن : ما مشا معاك باس اعمي
اكسيل : انا غنمشي نرجع عندهوم نشوفهوم فين وصلو فطفيان تاع لعافية
محسن : واخة
#عند لغالية#
كانت ناعسة فبيتها معلى بالهاش تا بدا طيليفونها كيصوني ليها مكانتش عوالة تجاوب ولكن طيليفون محبسش من لزاپيل
لغالية : (مدات يديها مجاوبة على طيليفونها) الو شكون معايا
أيمن : الو لغالية
لغالية : (عرفاتو من صوتو) شباغي عندي مناش جاتك نمرتي
أيمن : مصعيبش عليا نجي عندك لعساك نضبر على نمرتك ، شوفي تصاور لي سيفط ليك شوفي
لغالية : (بدات كترعد او كتفتف) ش.شمن تصاور ؟
أيمن : منحرقش عليك لمفاجأة
لغالية : (قطع عليها مخليها مترددة دخل تشوف خايفة تلقا شي حاجة تفشلها ، فلأخير زعمات او دخلات لاقية تصاور تاع مريم او نهيلة او يوسف فلومبيلونص ، او ياسمين منهارة لأرض بلبكا ، غوتات طالقة طيليفونها)
كوتر : (فاقت مفزوعة) لغالية مالك ؟ لاباس ؟
لغالية : لا لا لا ميمكنش ايكون بصح (تحنات هزات طيليفونها بزربة او بدات تصوني على ياسمين) جاوبي جاوبي ميمكنش ايكون بصح (بدات تصوني لمحسن) الو محسن
صباح : (كان عندها طيليفون) الو لغالية
لغالية : صباح شواقع فهميني مفهمت والو مريم او نهيلة او يوسف موقع ليهوم والو ياك
صباح : ماتو ألغالية ماتو
لغالية : (تصدمات)
كوتر : (شافت يديها كيفاش كيترعدو) لغالية شواقع خلعتيني طرأت شي حاجة ؟
لغالية : م.مرات خويا او ولادها ماتو
كوتر : لا حول ولا قوه الا بالله ان لله وان اليه راجعون
لغالية : خ.خاصني نمشي لمغريب او دابة
كوتر : فين غنمشي فهاد ليل خليه تال صباح تلقاي غالي يوصلك أبعدا
لغالية : (ناضت كتجمع فحوايجها) لا لا خاصني نمشي نشوفهوم
كوتر : (مشات عنقاتها ملي شافتها نهارت بلبكا) صبر صبر الغالية
لغالية لبسات حوايجها او دارت زيفها وهي غا كتبكي مقاداش تيق بلي ماتو مقاداش تيق بلي ماتو غي لبارح دوات معا مريم تبارك ليها طلاقها كي طرا ، خرجات جارة باريزتها او شادة كرشها لي كانت باينة ليها بزاف
كوتر : (مشات عند فؤاد تعلمو باش اوصل لغالية لمطار)
فؤاد : (غا سمع من كوتر لخبار هز سوارت تاع طونوبيل او مشا كيجري يلحق عليها لاقيها كتسنا طاكسي او حالتها حالة بلبكا) لغالية
لغالية : مسيو فؤاد ؟ شكادير هنا ؟
فؤاد : جيت نوصلك لمطار مغتلقايش طاكسي دبا
لغالية : (شافت تا عيات هي تركب فطونوبيلتو)
فؤاد : (وصلها لمطار) لبركة فراسك من جيهتهوم ، خليني نمشي معاك لمغرب راك حاملة مجاتش تبقاي بوحدك
لغالية : انا ماشي بوحدي انا غادة عند ناسي وحبابي عند راجلي ، مامشا معاك باس او شكرا حيت وصلتيني
عطاتو بضهر ومشات بحالها حجزات تيكيت تاع طيارة او من زهرها كانت قريب تقلع ، ركبات فيها او شدات طريق راجعة لمغريب
#عند ياسمين#
جود كان ݣالس حداها كيتسناها تفيق حيت من ليلة تاع لبارح او هي فاقدة لوعي او دبا ليلة تانية ، لحريق طفا او جوقة تزلعات او هي باقي مفاقت ، قال ليه طبيب بلي كون تعطلات غا شوي كانت تمشي فيها حيت جاها انهيار عصبي حاد
ياسمين : (كانو مركبين ليها السيروم او داقين ليها لمهدئ ، بعدا مودة بدات كتحل عويناتها شوي بشوي)
جود : ياسمين فقتي كتحسي براسك مزيان ( ياسمين بغات تنوض ولكن هو مخلاهاش) متنوضيش بقاي متكيا راك باقة عيانة
ياسمين : (بصوت عيان) فين ماما او نهيلة او يوسف فينهوم ياكما دفنتوهوم ؟
جود : لا لا راهوم فلفريݣو يالاه سالاو ليهوم تشريح نتي رجعي تكاي مابقا والو او يصبح صباح او سيري شوفيهوم قبل منديوهوم لدار
ياسمين : (نترات السيروم) لا غنمشي نشوفهوم
جود : ياسمين كوني تسمعي
ياسمين : خليني نمشي نشوفهوم عافاك
جود : (عاونها تا ناضت او خرجها لبرا دايها لفين كيديرو لموتى لقا اكسيل تما واقف معا طبيب)
اكسيل : بنتي فقتي
ياسمين : فينهوم باغة نشوفهوم
اكسيل : راهوم لداخل جود دخل معاها
ياسمين خدات نفس طويل او دخلات لديك لبيت لي كانت باردة لواحد الدرجة او فنفس لوقت برودتها كتشعل فيك لعافية من لداخل ، بقات مزيرة على يديها او هي كتشوف فلفرملي كيجبد مها او خوتها واحد بواحد
جود : (كالاها بيديه ملي حس برجليها فشلو عليها عنقها من لور باش مطيحش) ان الله مع الصابرين
ياسمين : (نفس تقطع فيها باقي ممتيقاش بلي مها صافي ماتت مدات يديها عندها كتلمس وجها كانت بحالا غا ناعسة وجها مطبع بزروقية مايلة لكحل) لبرد هنا انا شوفي نتي كي مݣلاصية يالاه معايا لدار متبقايش هنا بارد عليك لحال ، جود خلينا نخرجوهوم منهنا راه لبرد عليهوم
جود : (براسو على سبة دموعو مكان عندهوم فرانات)
ياسمين : (فلحضة وحدة نزلات عنقات مها او نهارت بلبكا) عافاك فيقي عافاك حلي عينيك مابقيتش غنكمي ولا نشرب غي فيقي عافاك متخلينيش ، ياك كنا عوالين نسافرو انا ونتي او دراري ملي تشديد لورقة تاع طلاق ايوا علاش مشيتو وخليتوني ، ياك قلنا انمشيو لبحر مجموعين علاش مشيتو وخليتوني بوحدي علاش ، علاش نتوما لي خاصكوم تموتو ماشي هو ، عاد قلنا انعيشو مزيان علاش مشيتو ، علاش هو لي كان خاصو يموت هو لي كان خاصو اتحرق حي علاش نتي ، فين مشيتو وخليتوني بوحدي علاش اماما خليتيني شنو لي عندي من غيرك شكون احن فيا او يهزلي هبالي اما من غيرك ، شكون نتخبا موراها ملي يبغي عبد الله يسلخني ، فيقي عافاك راك اتخليني لا حنين لا رحيم ها لعار
جود : (خافها تعاود تسخف ليها) ياسمين خلينا نمشيو باركة عليك
ياسمين : خليني غا شوية مزال (ناضت من حدا مها او مشات عند نهيلة هازة يديها او بايساها وهي كترض فشعرها مور ودنيها ، كتحاول ما أمكن متبكيش ولكن دموع كينقزو من عينيها بلى هواها) سمح…ي ليا لحبيبتي سمحيلي اختي مقدرتش نهنيك منو مقدرتش نحضرك معاك لحفلة تاع لمدرسة ولكن غا نوضي او نمشيو بجوج غا نوضي او نديك فينما بغيتي ، لبارح سولاتني واش نقدرو نبدلو بواتنا ونا قلت ليها لا عاودات سولاتني واش تقد تقول لصحاباتها بلي هو ميت ملي يسولوها عليها ، علاش هي لي تموت او ماشي علاش علاش ملي قلنا انطويو هاد الصفحة أو نبداو نعيشو حياتنا من جديد صدقو تجواو معا ديك صفحة وماتو (قربات عندو يوسف معنقاه كتبوس فيه او تشم فريحتو وهي منهارة بلبكا كتر من لول) اخويا اولدي اخويا اولدي تا نتا سمحتي فيا تا نتا نتي قدام عينيا وبين بديا ، يا يامين جات غي حل عينيك اولدي غي متخلينيش او كي ندير نصبر على فراقك او فراقهوم او كي ندير ندفنك او ندفنهوم تحت تراب غي قول ليا ، كي ندير على فراقكوم كي ندير
جود : ياسمين خلينا نمشيو براكة عليك
ياسمين : (عنقات كل واحد فيهوم تعنيقة حارة باستوه او عاودات او مكرهات تبقا غا هاكدة تحيد الشوف ، وقفات كتشوف فيهوم او قلبها كيتقطع خدات نفس طويلة او تنهدات بتعب ودموعها غا نازلين)
جود : (خرجها من لفريݣو قبل مطيح ليه تما)
ياسمين : *كويتي ياما بموتك او كيتك متبراش ، وعلى فراقك العزيزة ماين لحبيبة او لغالي مقديت ، خليتيني اما يتيمة نتوسد عتبت لباب ، موتكوم اما مخلالي جهد ولا درع نحامي عليا بيه من صهد النار ، و النار فداخلي شاعلة على فراقك او فراقهوم ، خليتيني اما كي طير بلى جنحين لا نا قادة نطلع أسماك لي مبقات ولا على لرض لي فيها تدفنتي قادة نحط رحال ، او كي ندير نعيش اما بلابيك ونتي روح ، مشيتي وديتي معاك ولاد قلبي اما*
اكسيل : (ملي شافتو ياسمين ترمات فحضنو مزيرة عليها او منهارة بلبكا بين يديه لي حاوطوها او ضموها لصدرو) ربي كبير ابنتي او دنيا مدور ليوم عليك او غدا ليك ، صبر ابنتي صبر
ياسمين : (ملي زيرها لعندو حسات راسها كي داك طير لي فلقفص باغة تبكي وبكات باغة تغوت او غوتات نمرة ماجوج) لعافية شاعلة فيا اعمي لعافية كتحرقني
اكسيل : (زاد زير عليها مطبطب بيديه على ضهرها) بكي ابنتي او متحبسيهومش فيك بكي باش ملي تنوضي على رجليك ميوحلوش فيك ، بكي وخوي قلبك باش ترتاحي
ياسمين : (بكات او بكات تا مبقا ليها جهد لبكا تا حسات براسها طفات جمرة من لعافية لي شاعلة فيها ، او لتلاتة تاع لمرات حتاخد نفس طويل او تخرجو كامل باش اريحها) اوووه اووووه اووووه (غمضات عينيها منزلة آخر دمعة كانت حاصلة فطرف عينيها)
اكسيل : (وقفها على رجليها كيقاد ليها فشالها) وقفي او هزي راسك ، مسحي دموعك او صبري وربي يجازيك وقفي على ݣنازت مك او خوتك او حضي معا ناس تما تعزلي لعدو من صديق او تما تعرفي علامن تحطي الراس او لمن تعطي تيقار ، او ملي يتفرق لعزو او تبقاي بوحدك تما بكي على خاطرك ، متخلي حد يشمت فيك او خلي لي ضحك يتبلى قتليهوم بصبرك او متخلي لبرهوش فيهوم اشفق على حالتك
ياسمين : (بقات غا ساكتة عارفة بلي داكشي لي قال كامل صحيح او بلي داكشي لي غتشوف فݣنازت مها يا يريحها يا يهديها)
اكسيل : دي مرتك تبدل عليها باش نسبقو لدار
جود : واخة ياسمين يالاه
رجعو كاملهوم لدار لاقيين لحاج او لحاجة او خوت اكسيل وولادهوم سبقوهوم لدار باديين توجاد لݣنازة
لحاجة : (كانو فعينيها آتار دموع) لبركة فراسك اياسمين
ياسمين : (جهد تا باش تدوي مابقاش عندها) مامشا معاكوم باس
اكسيل : طلع مرتك لبيتها ترتاح
جود : واخ
اكسيل : لحاج فين وصلتي فتوجاد
لحاج : راني اولدي شديت لقياطن واحد شوي او غيجيو إبنيوهوم فالجردة او يستفو طبالي ، وراه عزيز او يحيى وعيالاتهوم مشاو يتقداو لطيابة
اكسيل : لغسالة ؟
لحاجة : دويتي اوليدي معا شي عيالات منهنا شوي غيجيو
لحاج : واش جبتوهوم من سبيطار ولا باقي
اكسيل : خليت محسن او صباح ايجيو معا لومبلونص تاع نقل لموتى منهنا شوي غيوصلو وجدو ليهوم لبيوت فين اغسلوهوم قبل من لعاصر غندفنوهوم
لحاجة : مغنتسناوش عئيلتها راجلها وحبابو ايشوفوها
اكسيل : عئيلتها هي ديك لي لفوق او محسن ولغالية لاغير
لحاجة : لكفن اوليدي تشرا ؟
اكسيل : راني سيفط لي يجيبو
شيماء : عمي اكسيل راه يالاه دويت معا علاء قالك بلي وصلات لغالية او مشا يجيبها من لمطار (بانولها داخلين) هاهوما نيت جاو
اكسيل : (مدارش جيهتها بتاتا او كمل لهضرة معا لحاج على توجاد دلݣنازة)
لغالية : (كانت حالتها حالة عاطياها غا لبكا عنقات شيماء مكملة بكاها)
شيماء : لبركة فراسك اختي لغالية الله ابدل محبتهوم بصبر
لغالية : مامشا معاك باس دفنتوهوم ؟
اكسيل : لا باقي (قرب عندها معنقها ولكن ماشي شي تعنيقة) لبركة فراسك
لغالية : مامشا معاك باس فين ياسمين هي كي بقات
شيماء : راها لفوق حالة حالة الله اصبرها
لغالية : غنطلع عندها لفوق (طلعات لدروج ضاربة فجود نازل)
جود : لغالية (عنقها) لبركة فراسك من جيهتهوم
لغالية : (دموعها كيف شلال) مامشا معاك باس اخويا مامشا معاك باس
جود : بغيتي ياسمين راها فبيتها نازل نجيب ليها متاكل باش تشرب دو
لغالية : قول لسيهام طلعلي شي كاس دلما معصورة فيه حامضة
جود : واخة
لغالية : (كملات لبيت ياسمين حالة عليها لباب ولاقياها ݣالسة فلقنة على لأرض مكمشة رجليها عندها ، قربات عندها ݣالسة حداها) ياسمين لحبيبة ديالي
ياسمين : (هزات راسها فلغالية معنقاها ولكن مبكاتش بحالي دموعها نشفو) خلاوني اعمتي كاملين
لغالية : صبري الحبيبة ديالي قدر الله ماعندنا مانديرو هادي هي دنيا
جود : (بزربة كان رجع لكن مدخلش خلاهوم على خاطرهوم واحد نص ساعة عاد دخل عندهوم) ياسمين هاكي كولي
ياسمين : مفياش
لغالية : لا غتاكلي ضاروري باش تشربي دواك
ياسمين : (مدات يديها حاطاهوم على كرشها كتحسس لحركة تاع لجنين حيت كان كيتحرك)
جود : (ملي قاست ياسمين كرش لغالية عاد بانت ليه حيت كانت لابسة جلابة واسعة عليها) نتي نتي ؟
لغالية : (هزات راسها فيه) انا حاملة قريب شهري رابع يدخل
جود : (صدماتو مدماهاش بتاتا)
ياسمين : (سمعات صوت تاع طونوبيل هي تنوض) جابوهوم
جود : غي خليك هنا
ياسمين : لا غنهبط نشوفهوم
حاول يقنعها ولكن والو تا دار او هبط معاها هو ولغالية
لغالية : (تزير عليها قلبها ملي شافتهوم مدخلينهوم واحد مور لاخر مغطيينهوم بيزار بيض)
محسن : (غا شاف لغالية مشا كيجري عندها معنقها او منهار بلبكا هو وياها) مشاو أختي مشاو
لغالية : (دارتها غا بكا)
اكسيل : (قرب عندهوم داوي معاهوم بشوي) ماشي وقت لبكا هادا شكون يوقف معا ياسمين الى درتو نتوما هاد لحالة ، محسن تݣعد او شد فراسك بنت خوك محتاجاك كتر من أي وقت آخر
محسن : (دار بهضرة اكسيل او مسح دموعو مقاد لوقفة)
لغالية : (جات عندهوم) شكون فيكوم من عئيلة لمرحومة دخل معايا نغسلوها ؟
ياسمين : انا بنتها او خت لبنت صغيرة غندخل نغسلها معاك
لغالية : ياسمين الى مقديتيش دخلي بلاش
ياسمين : لا غندخل
لحاج : ودرب صغير شكون اغسلو اكسيل دخل نتا اولدي ؟
اكسيل : محسن دخل معايا
محسن : واخ
ياسمين : (دخلات معا سيدة لداخل بعدما توضات ولي قالتها ليها السيدة كديرها تا غسلات مها او ختها بيديها او عونات فتكفان ديالهوم او سبحان الله نزل عليها واحد صبر خلاها متبكي متغوت بلعكس بقات متبتة واخة شافت دراري خارجين بنعاشات فوق كتافهوم بقات غا كتشوف او ساكتة)
لغالية : (بقات معنقة ياسمين تا خرجو رجال من دار)
ياسمين : انا غنطلع لبيتي
لغالية : طلعي ترتاحي ناس شوي او غيبداو ايجيو
ياسمين : واخ
جود&محسن : (لي شافهوم ايقول هادي لي مات مهوم عطاوها غا لبكا تا وصلو لمقبرة عاد حطو نعش لي فوق كتافهوم ، او قادولهوم باش ادفنوهوم)
اكسيل سالاو دفين تاع مريم او نهيلة ولكن ملي وصل ليوسف حس بخاطرو مقبوط عليه او دموع فطرف عينيه ، تفكر نهار دفن ولدو تفكر كفاش قلب عليه تراب بحال دبا ، لحاج ربت على كتفو حيت حس بيه تفكر ولدو ، سالاو دفين او قراو عليهوم داكشي لي قسم الله عاد كل واحد رجع لدارو او تفرتكات الجوقة
دخلات ياسمين لدوش دوشات او خرجات لبسات جلابة سامپل بلكحل معا شال كحل ، لقات جود رجع من لمقبرة او تكا فوق الناموسية ، قربات عندو متكية ليه على صدرو
جود : (دور يديه على كتافها مزيرها عندو معنقها او داوي بتعب) خلينا نعسو شوي
ياسمين : (غمضات عينيها ناعسة كيما دار جود)
فهاد لأتناء كانت لغالية تا هي غارجة من لحمام بشورط او سيفيطمة عينيها منفوخين بلبكا او حمرين بزاف ، السيفيطمة مممغطياش ليها لكرش كاملة شي لي خلاها باينة
لغالية : (قربات عند اكسيل لي كان ݣالس فوق لفوطوي) رجعتو عاد دبا
اكسيل : (حرك غي راسو بلاما يدوي معاها ولا يشوف فيها)
لغالية : (وقفات قدامو) شوف فيا
اكسيل : (ملي وقفات قدامو عاد قشع كرشها) شنو هادشي ؟
لغالية : (ݣلسات فوق رجليه هازة يديه حاطاها فوق كرشها) هادا ولدنا ولا بنتنا
اكسيل : من ايمتا هادشي ؟
لغالية : قريب شهري رابع يدخل عرفت بلي حاملة ملي كان مجد فسبيطار داكشي علاش مجاتش لفرصة نقولها ليك ، راني سيفط ليك تصويرة فلواتس ولكن نتا مدخلتيش ليها (قربات وجها من عندو باغة تبوسو من فمو سعا قلب وجهو عليها) توحشتك
اكسيل : (دوا بهدوء) نوضي من فوقي
لغالية : ا.اكسيل عافاك متعاملش معايا هاكدا
اكسيل : كفاش بغاني نتعامل معاك نتعرضلك بلحليب او تمر حمدي الله شافعات ليك لݣنازة او هادشي لي فكرشك ايما كان ايكون عندنا حساب آخر
لغالية : اكسيل نتا عارفني ممشيتش بخاطري مشيت حيت كنت خايفة من أيمن
اكسيل : تا دبا لاش رجعتي هنا خطار عليك ملي تفوت لݣنازة رجعي لبلجيكا عند لمودير ديالك سي فؤاد هو لي غيطاكي عليك الضربة من أيمن هو لي غيحميك
لغالية : شنو دخل فؤاد دبا لاش مدخلو راني شرحت ليك ديك نهار بلي نسيت طيليفوني فلبيرو او هو لقاه او جاوبك شنو دنبي انا ، عارفة راسي قلقتك حيت مشيت بلى موافقتك ، ولكن كنواعدك مغنعاودش نمشي تا لاستقالة ديالي سيفطها
اكسيل : علاش سيفطي لإستقالة ديالك علاه كي غتقدري ترجعي لبلجيكا باش تحمي راسك هممم ؟ حيت أنا صافي هزيت يدي على لقضية
لغالية : كفاش ؟ اكسيل كضحك ياك ؟ الى بعدتي على لقضية غتعاود تحل
اكسيل : او تحل شغلي انا ياك هاد خمسنين كاملة مكنت كنطاكي عليك والو ياك مقديتش نحميك ايوا ضبري راسك معاهوم
لغالية عرفات بلي من هادشي كامل ممقلقش منها حيت مشات واخة هو مباغيش انما بقا فيه لحال على ديك لهضرة لي قالت ليه هي براسها تنادم معاها لحال تخالط عليها لوحم معا لهرمونات معا لخوف تا غلطات فحقو ، هاد لعوام كامل كان كي داك الصور مدرݣ عليها شتا ولبرد ولكن بكلمة وحدة منها هدمات داك الصور ، ناض دخل لحمام مخلي لغمة طايحة عليها او دوخة شاداها
اكسيل : (بقا فلحمام شحال غا ݣالس ملي خرج لقاها ݣالسة فوق لفوطوي او باين فيها عيانة)
لغالية : جيبلي شي مورسو تاع سكار عافاك
اكسيل : (مد ليها مورسو تاع سكر) هاكي ، مالك ؟
لغالية : طاح ليا سكار وقيلة
اكسيل : (مشا جاب لپراي باش كيعبر او عبر ليها لاقي سكر طايح بزاف) طاح ليك سكار
لغالية : (سكتات شحال قبل متنطق) عندي سكر تاع لحمل
اكسيل : قايس لجنين ؟
لغالية : معرفتش كنت انمشي ندير تحاليل سعا هاني هنا ولكن طبيبة قالت بلي حتمال كبير ايكون مصاب بسكار حيت عرفت معطلة بلي عندي سكر
اكسيل : (غوبش) ايكون خير
لحاجة : (دقات عليهوم)
اكسيل : (حل ليها) لحاجة
لحاجة : نزل أولدي راه ناس بداو ايجيو او عئيلة راجلها عاد شافو لخبار او راهوم جايين
اكسيل : واخ هاني هابط
لحاجة : (خرج اكسيل او دخلات هي عند لغالية حاطة عينيها على كرشها) حاملة ؟ من ايمتا بسلامة وعلاش معندناش لخبار ؟
لغالية : هههههه نعطيك لخبار شكون نتي بسلامة
لحاجة : انا ماين راجلك او جدات هادشي لي فكرشك هادا الى كان من ولدي حيت سيدة لي مشات مسافرة مقايلة لحد على حبالتها مشكوك فأمرها
لغالية : ياكما تخالط ليك معا لمارجة تاع بنت خوك ، فرعات رجليها او كوزات لبشار لي جا يكوي او دبا جاية تحلي عليا بوخرار ديالك
لحاجة : حتارمي راسك (كانت باغة تجمعها معاها ولكن لغالية شدات ليها ليد)
لغالية : شوفي فيا مزيان او من دابا حسبي لعد تنازلي ديالك بدا نفوت عزو ولاد خويا او مهوم يانتوالا ليك ولا ياكما باغة تقتليلي ولدي عاود دوي
لحاجة : بانلي لوحم خرج ليك عقلك وليتي غا تهترفي حمدي الله هازة لداخل ديالك حفيدي كيما كون وريتك لحاجة يزة تاع لمعقول حيت بعد هاد لعوام كاملة ضاهرلي باقي معرفتينيش شكنسوا مزيان
لغالية : شكتسواي ؟ باقي عندك شي وجه آخر انا تلتسنين هادي باش عرفتك شكتسواي باش عرفت شنو تقدري ديري قتلتي حفيدك بيديك شباقي تقدري ديري كتر ولكن برب لكعبة تا نخلي ولادك انفرو منك رزيتيني فواحد ونا غنرزيك فربعة طول لعمر
هبط اكسيل لتحت لاقي بلي أغلب ناس جاو او دخلو لصالونات بقا واقف معا صفية كيسولها على ضيافة تا دخلو عئيلة لغالية بلبكا او صداع ولكن عبد الله مكانش معاهوم
لغالية : (هبطات لتحت تعاون لبنات او تسخر) مي
كلتوم : (كانت دايرة حالة فلبكا) ومشات ابنيتي ومشات ودات معاه حفايدي ، مشاو مساكن
لغالية : مي باركة من لبكا او داك نواح ممزيانش
كلتوم : راني محروݣة ابنيتي عليهوم
اكسيل : لبركة فراسك من جيهتهوم
سليمان : ما مشا معاك باس علاش تا واحد فيكوم معلمنا بلي شعلات لعافية فدارهوم او لبارح مات علاش تال دبا عاد سقنا لخبار ؟ تا واحد فيكوم متفكرنا من زهرنا جينا شوي قبل ميتدفنو باش نحضرو لدفين
محسن : تا هو مغتحضروش ليه دفناهوم
ناصر : كفاش ؟ دفنتوهوم او بلا بينا سيبة ولا كيفاش
محسن : بنتها لي كتهم حضرات ليها اما نتوما معندكوم دخل
كلتوم : ولدي شكاتقول علاش ماشي شغلنا وحنا حباب راجلها او عئيلة ولادها
لغالية : مكاينش لاش نوضو صداع حضرتو لدفين ولا محضرتوش تا حاجة متفرق ناس كاينين بلى شوهة دكشي علاش دخلو ݣلسو حدا الناس
اكسيل : (شاف فلباب لاقي واحد جوج رجال كبار داخلين معا تلاتة دلعيالات) شكون نتوما ؟
راجل : (كانو ملامح لحزن باينين على وجهو) ح.حنا خوال مريم
لغالية : خوال مريم ؟
راجل : واه خوالها
اكسيل : تفضلو معانا لداخل
#عند ياسمين#
كانت ناعسة تا ضرباتها لفيقة على السونيط تاع طيليفونها ، مدات يديها ليه مجاوبة مجد
ياسمين : الو
مجد : (ملي ساق لخبار لموت مريم او ولادها حس بدنيا دارت بيه او بلاما يحس لقا راسو غا كيبكي نقطة ضعفو لجنازات او خبارات لموش بلأخص الا كان شي شخص كيعرفو ولا دري صغير كيما بغا يكون ، زاد بكاه ملي تفكر فاش كان كيلعب معا يوسف او نهيلة حس بحالي خوتو ولا ولادو صغار لي ماتو) الو ياسمين
ياسمين : (حياته بصوتو منغنغ)
مجد : لبركة فراسك من جيهة ماماك او خوتك
ياسمين : مامشا معاك باس اخويا
مجد : سمحي ليا مقديتش نحضر معاك ، كنت باغي نجي ولكن راك عارفة ميعدالش ليا مكاينش لي يعاوني نجي
ياسمين : مكاينش لاش طلب سماحة راني عارفة لي كاين كي داير نتا كي بقيتي شوية
مجد : ايوا هاني كنعدي وصاف
ياسمين : (شدات معاه لخط شوي تا سمعات صداع لتحت هي تقطع معاه او هبطات عندهوم بعدما قادات زيفها)
#فصالون#
داخلة عليهوم هازة ورقة فيديها او غا كتشوف بعينيها فناس لي فديك الصالة كولشي كيبكي كولشي طايح عليه ضيم ، مدوات معا تا واحد بقات واقفة وساكة
راجل : (قرب عندها او لحزن باين على ملاميح وجهو) بنتي
ياسمين : (هزات راسها فيه كتحاول تسترجع ملامح وجهو باش تعرفو شكون هو)
لغالية : هادا خال ماماك الله يرحمها او لي معاه خوالها وخالاتها
ياسمين : شجابهوم لهنا شكون عيط ليهوم
راجل : ملي سقنا لخبار لموتها جينا كنجريو ، لبركة فراسك ابنتي
ياسمين : (شافت فيه بحقد) شششش متقولش ليا بنتي ماتشوفش ليا تا فعنيا معندكش لحق تا يبقا فيك لحال عليا لا نتا لا هادو لي هنا ، (ضارت شافت فخوالات مها او كلتوم لي كانو كيبكيو) علاش كتبكيو أ لمنافقين أ طريكة طحاب ، لاش كتبكيو انا لي خاصني نبكي انا لي خاصني ندب حناكي او نضرب فخاضي على كيتي انا لي تشويت فميمتي اما نتوما شمشالكوم ، و لكن مغنبكيش حيت أنا فرحانة ليوم انا باغة نطير بلفرحة ، نتا دبا لي جاي عندي بسنطيحتك كدوي معايا ، بنتي ؟ عاد تفكرتي بنت ختك ؟ أدوي عاد تفكرتي مريم ؟ ولا ياكما تنادم معاك لحال ياكمي بقا فيك لحال ؟ ايوا سمعني اشريف مانتا من طسيلتي منا من طسيلتك انا مقطوعة من شجرة سمعتيني او تا مي متجمعها معاكوم تا نبݣة ، نوضو قو’دو عليا كاملين من داري تهزو عليا المنافقين
كلتوم : (وقفات عندها كتحاول تهدنها) حشومة ابنتي ناس معانا متقوليش بحال هكذا
ياسمين : (شعلات) حشومة ؟ علاش حشومة ؟ مكانتش حشومة ملي كانت كطلب فيكوم ترحموها مكانتش حشومة ملي كنتو دايرينها كي جفاف تحت رجليكوم ، سمعيني بلاما نطول هضرتي حاجة وحدة لي كانت جامعانا فهاد لورقة سالات على سلامتك امي (هزات لورقة تاع طلاق فسما او طلقاتها بتلاتة تاع تزغريتات)
ناصر : (خو عبد الله) شهاد لهبال كديري فيه باغة ضحكي فينا ناس راك فعزو ماشي فعرس باش تعطيها لزغاريت
ياسمين : نضحك فينا ناس ؟ هههههه مابغيتوش تق’ودو اوا انا انضرب ليكوم طر بغيتو غا شوهة أنا مولاتها ، هاد لمنافقين لي قدامي وحدين لاحو بنت ختهوم او مسولو فيها ، زوجوها لكلب معسعور نهار او مطال سالخها او مزرق لحمها ، او وحدين كانو كيعطيو بضهر مخليين ولدهوم كيعفس على مرتو وتانيين باش ميسمعوش غواتها او بكاها كانو كيجهدو لتلفازة او لمسيقى باش مينوضوش افكوها او دبا كتبكيو علاش كتبكيو حيت طلقات او تهنات ؟ ولا حيت مات او مشات عند لي خلقها ؟
ياسمين : مي قبل متاكلها لعافية وتزهق روحها قتلتوها او دفنتوها فداك زواج أو هي حية ، شنو قلتي اعمي هادي ݣنازة ماشي عرس ؟ الى كانت ݣنازت ميمتي ايطيحو فيها دموع لكلاب لي بحالكوم انا نقلبها عرس او نوض ندردݣ او خودلك هاد تزغريتة كاضو (عاودات زغرتات) على سلامتك اميمتي مني مطلقة تهنيتي منا لخانز او طسيلتو فدنيا ولاخرة ، او دبا خرجو عليا يالاه
جود : (قرب عندها) ياسمين بشوية خلينا ندوزو هاد نهار بيخير
ياسمين : جود باغي نهار اكمل خرجهوم من دار ولا و الله تا داكشي لي غندير ميعجبك ميعجبهوم
اكسيل : (قرب عند سليمان او خال مريم) سي سليمان نتمنا تمشيو منهنا مكنجريش عليكوم غا هو كيما كتعرفو عروستي عيانة شوي يالاه خرجات من سبيطار منبغيهاش تعاود تمرض داكشي علاش تفضلو برا
راجل : (دوا معا دوك لي جاو معاه) يالاه نمشيو
سليمان : كلتوم يالاه
ياسمين : لما وشطابة تال قاع لبحر
حضاتهوم تا خرجو او كانت غادة طلع لبيتها سعا منعوها لبوليس لي كانو دخلو لدار
لبوليسي : (سلم على اكسيل حيت كيعرفو) سي إكسيل لبركة فراسكوم
اكسيل : مامشا معاك باس
لبوليسي : سمحونا الى جينا فشي وقت ماشي تالهيه ولكن تقرير الطبي خرج
ياسمين : وشنو كيقول
لبوليسي : للأسف لأم او لبنت ماتو بسباب استنشاقهوم لݣاز بكمية كبيرة حتيمال كبير كانو ناعسين ملي تسرب لݣاز ، ويلى الطفل صغير فمستنشقش لݣاز بكمية كبيرة مقارنة بلأم حيت كان فبيت خرى ولكن دخان تاع لعافية هو لي خنقو ، ولكن ماشي هادشي لي خلانا نجيو فتشريح الطبي تبين بلي لأم تعرضات لعنف لجسدي بساعات قلال قبل موتها
اكسيل : لعنف ؟
لبوليسي : واه عندكوم شي واحد شاكين فيه ؟
ياسمين : عبد الله لكلب تاع عبد الله
لبوليسي : شكون هادا ؟
ياسمين : الطليق ديالها (عطات لمعلومات كاملين لي كتعرف على باها لبوليس عاد طلعات لبيتها)
لغالية : (كانت فلكوزينة كتعاونهوم تا ݣلباتها ريحة طياب هي تخرج لجردة لورانية تشم لهوا تا ضربات فإكسيل تما قربات عندو) اكسيل
اكسيل : (كان خاشي يديه فجيوبو او كيتمنضر فنجوم سما)
لغالية : (ملي مجاوبهاش قربات عندو بتردد معنقاه من لور)
اكسيل : (مدفعهاش او فنفس لوقت معنقهاش بقا غي واقف)
لغالية : (هزات راسها فيه) أ.أيمن سيفط ليا تصاور دار تاع مريم او هي كتحرق او تصاورهوم او هوما فلومبيلونص ا.اقدر ايكون هو لي شعل لعافية فدار كيما دار معا مجد
اكسيل : أيمن معندو دخل خوك هو آخر واحد شاف مريم او قرب من دارها
لغالية : كفاش ؟
اكسيل : كيف لمشماش بلعربية تاعرابت ستحمرك ونتي كي دمدومة تبعتيه أيمن كان خدام فلوقت لي شعلات لعافية فدار ملي وصل كان لي عطا الله عطاه او تما فين صور دوك تصاور ، او تا فلكسيدة نفس لحاجة حيت كان هو لمسؤول فديك لوقت داكشي علاش قدر اصور او يسيفط ليك ، ديك لقفوزية كاملة وطيران لي فيك او تاحراميات جا داك دحش دارها بطسيلتك ، بجوج تصاور خلاك كتفتفي او ترعدي عليا أيمن كون بغا اصفيها لشي حد كون بالا بيك حيت نتيا صاحبت دعوتو ولكن هو باغي اتحاسب معاك قانونيا داكشي علاش تبتي شوي او هني سوق قبل متغرقينا كاملين معاك
لغالية : (تخالطات عليها الشمتة لي دار ليها ايمن معا لفرحة أنو دوك تهديدات كاملة طلعو فالصو ، مالقات ماتقول ولا دير بقات غا ساكتة)
#بعد تلاتة ايام#
دازو تلتيام تاع لعزا او خوات دار من لباشار لبوليس قلبو على عبد الله تا عياو ولكن من بعد عرفو بلي سافر معا سناء لفرانسا هادشي لي خلاهوم اتاصلو بيه لتما باش اسولوه على مريم بلاما يقولو ليه بلي ماتت هي او ولادها بطلب من ياسمين او بهاكدا نرجعو لصباح تاع لحادثة
مريم : (بعدما قطعات معا ياسمين كملات فطورها او نعسات يوسف فبيتها رادة عليه لباب او مخلية نهيلة كتفرج فتلفازة ، مشات سدات شراجم تاع دار حيت لعجاج كان على برا ، عاد هزات لبوطة بدلاتها وقبل متأكد واش مسدودة مزيان او مكتخرجش لݣاز سمعات دقان فلباب وناضت تحل لبال ضاربة فعبد الله) شكادير نتا هنا ؟ شجابك ؟
عبد الله : جابني هواك ، جيت ندي ولدي او نهيلة عند مي باغة تشوفهوم توحشاتهوم
مريم : ماحد لمحكمة مخرجاتش طلاق او عطاتك لوقيتة لي عندك لحق تشوف دراري فيهم ولادي ايبقاو معايا وحدايا
عبد الله : (عصباتو داكشي علاش مد يديه شادها من شعرها) ضاهرلي نسيتي يامك خاصني ندݣ مك باش دير عقلك
مريم : (دفعاتو عليها) بعد عليا او جمع يديك المرض
عبد الله : لمرض ههه (زاد زير على شعرها او بدا كيعطيها لبونيات لكرشها)
مريم : (ردات لبال لنهيلة لي كانت مخبية او كطل عليهوم بتخبية فعينيها لخوف او دموع ، قدرات دفع عبد الله لبرا او تسد لباب موراها) خرج عليا
عبد الله : (بدا كيزدح لباب) حلي لباب الكلبة
مريم : (عصبها) لكلبة هي مك اقصير تب والله اومتمشي تا نعيط لبوليس (مشات عند نهيلة هزاتها) نمشيو نعسو ابنتي ؟ أنتماو او نعاود لبنتي حجاية تا يديها نعاس صافي
نهيلة : (حركات راسها بإيه)
مريم : (مشات شعلات لطاجين لي كانت ناصبة ليه ناسية لبوطة ، عاد مشات تكات هي ونهيلة فرحبة او بدات كتحجي ليها تا غفلهوم نعاس بجوجات)
لݣاز عمر الدار او حيت شراجم مبلعين مالقا مناش يخرج ، او حيت كانو ناعسين مردوش ليه لبال تا ستنشقوه مزيان او تخنقو بيه ، والعافية تاع الطاجين ملي تلاقات معا ݣاز زندات لعافية فدار او هاكدا ماتو بتلاتة مع لأسف
~~~~~~~~~
ياسمين كانت جمعات حوايج لي فلتو من تاع مها او خوتها او جابتهوم عندها تعزل منهوم لي صالح تعطيه ولا تخبيه ، او من بين حوايج مها لقات واحد لمذكرة عندها عمرها عقبات على مها بلي كانت كتكتب شي حاجة ولكن لفضول خلاها تقاد لݣلسة فوق ناموسية او تبدا تقرا ، صفحات لولين كانو عاديين كتبات فيهوم غي على أيامها فلمدرسة
*بلسان مريم*
جوج فشهر ربعة هو نهار لي كنت كنتسناه تلتسنين هادي أخيرا أيوب جا خطبني من ماما هههههه لفضيحة هي جيت نخوي أتاي ليهوم او معا رعدة تاع ليد طيحت أتاي على خالي ملي كنت كنمد ليه أتاي ، أيوب كان شاد الضحك بزز ونا وليت حمرة بلمرݣة ماما بقات كتحلفها فيا من تحت طبلة ، ولكن حيت كنت فرحانة متسوقتش ، دازو ليام نهار على نهار كان لوطني كيقرب او تا عرسي كيقرب او لخلعة ديالهوم بجوج غتسكتلي قلبي ……. عشرين شهر ستة كان آخر نهار عندي فلوطني بقيت كنتسنا أيوب ايجي يوصلني لدار كيفما موالف حيت منقدش نمشي بوحدي فداك لخلا ايصدق شادني شي واحد تما كيما وقع معا واحد لبنت مسكينة تعرضولها ربعة تاع شماكرية او خسرو ليها وجها ، وصلات ستة تاع لعشية او شتا كانت خيط من سما ، أيوب مكيجاوبنيش او خوالي ماكانوش مساليت ليا ولا نقول ماكان فيهوم لي يجي على قبلي ، لحال بدا كيضلام شفت تا عييت او شديت طريق لدار ونا حاضية جنابي تا وقفات عليا واحد طونوبيل ضرت نشوف شكون لقيتو لأستاذ ديالي تاع رياضيات عبد الله ، هاد لأستاد تعين فمدرستنا اول مرة هاد لعام الصراحة مكيتسرطش ليا كيجيني عينو زايغة او حاس بجنابو حيت زوين ، كنت غنكمل طريقي او نرفض لعرض ديالو باش اوصلني ولكن ملي شفت لحال زاد ضلام خفت نبقا بوحدي او ركبت معاه ونا حاسة بقلبي مقبوط عليا ، بقا كيحاول اجبد معايا لهضرة طول طريق ونا قليل فين كنجاوبو ، تا لقيت راسي فواحد لخلا لخالي مفهمت والو او تا ملي سولتو مجاوبنيش او خرج من طونوبيل ولكن ملي حل عليا لباب لوراني تما عرفت شنو كيستناني ، عبد الله لأستاذ ديالي تعدا عليا او خلاني نشمأز من راسي خلاني نحس براسي واحد لموسخة ، عبد الله لي فرغ فيا شهوتو بكل وحشية كيشي طحبة قدامو واخة طلبتو واخة زاوݣتو مرحمنيش او لاحني فداك لخلى ونا فاقد لوعي ، ملي حليت عينيا فسبيطار او لقيت عئيلتي ضايرة بيا كنت كنتسنا مي تعنقني وتقول ليا ماشي ذنبك ونتي مدرتي لا بيديك لا برجليك ، كنت كنتسنا خوالي ايقولولي والله لا بقات فيه او حقك ناخدوه ليك ، أول حاجة داتها مي هي جمعاتها معايا بتصرفيقة او خوالي قلبو وجهوم عليا حيت جبت لعار حيت وليت مرا مابقيتش بنت ، حيت دوك جوج قطرات لي كانو كيعبدو نزلو ، تا واحد محس بيا تا واحد مدعمني كولشي رض اللومة عليا حيت أنا بنت ماشي دري ، تا واحد مراعا ليا ولا باش حسيت ملي كان داك لكلب كيلعب فيا ، داك نهار فسبيطار كليت ماكلا طبل ، عاد داتني مي ندير شهادة طبية شهادة طبية كتبصم فيها مغت’صبة ، كيقلبوك من سليم تال راسك ونتي عريانة كيسولوك على شنو وقع او يطلبو منك تفاصيل ، باش فلأخير ملي تدفعي ديك الشهادة لبوليس غيخسرو عليك سيري تا نعيطو ليك هههههه
ولكن عرفتي شنو لواعرة خوالي خافو من لفضيحة داكشي علاش مرفعوش دعوة ضدو ، او مبين هادشي كامل جا لوقت لي يعرف فيه أيوب بشنو وقع ليا ، سب او ضرب راسو او لام نفسو حيت كون متعطلش مكانش غيوقع هادشي ، وقف معايا او دعمتي فداك شهر او اصر على اننا نكملو لعرس قال بلي كيبغيني قال بلي مكيهموش شنو وقع ليا حيت مكانش بخاطري ، خلاني نطير فسما او نسا شنو وقع فيا او شنو دارو فيا عئيلتي ، خلاني نآمن بلي يمكن لي نطوي داك نهار من حياتي ، او واخة هادشي كامل كنت كنحس براسي منستاهلوش كنت كنحس براسي مابقيتش صالحة ليه كنت حاسة بلي شي حاجة تهرسات فعلاقتنا ، ولكن انا كنت كنبغيه او تا هو كان كيبغيني داكشي علاش فليلة لحنا وقبل منهار لعقد جا عندي وملامح لحزن على وجهو وقال ليا “مريم سمحي ليا ولكن منقدرش نتزوج بيك منقدرش نكون معاك ، كلما تفكرت بلي داك لموسخ قاسم قبل مني او وسخك بيديه لهبال كيبغي يدخلني”
ديك السما لاش طلعني أيوب عاود خبطني منها او طيحني على راسي ، عاود فكرني فشحال انا موسخة أيوب عطاني بضهرو ومشا وخلاني بقفطاني او لحنة فيدي غمضت عينيا او محليتهوم غي على نواح تاع مي ، قلت بلي شافت لخبار لعريسي لي خلاني فحنتي ، شبعات فيا سبان او معيور او قالت ليا كلمة عمرني نساها “بقات ليك غا كرش لحرام هانتي هزيتيها” ، تخالطو عليا او لقيت راسي مفاهمة والو واش نبكي او ندب على حبالتي من داك لموسخ ، ولا نفرح بروح لي فكرشي ولا يبقا فيا على لمعيور لي بديت كنسمع ، عئيلتي خافو من لفضيحة او بنتها داكشي علاش لقيتوهوم جايبين عبد الله كي لخروف اتزوج بيا غوت او بكيت او ملقيت لي يحن فيا تا من أيوب مشيت كنطلب فيه او يرغب اكتب كتابة عليا او يطلقني غدليه لموهيم منتزوجش بعبد الله “مريم حسن ليك تزوجي بيه هو لي يصلاح ليك غلط معاك او زواجو غيصلح غلاطو” ، هاد لجملة سدات قدامي لباب لي بقا ليا رجعت لداري وعنيا منفوخين بكا لقيت عئيلتو جاو عندنا ، شداتني مي او لبساتني بزز عليا وزوجاتني بعبد الله لي كان تزوجني غا حيت خايف يتشد فلحبس او تغرقو مي ، او هاكدا تزوجت وتزوجت على قبل بنتي تزوجت باش ميبقاوش انعتوها ناس ببنت لحرام ولا ليتيمة كيما كانو كيديرو معايا ونا صغيرة ، مشيت لدار لي ولى راجلي او من أول نهار بدا لجخيم ديالي غتص’اب او ضرب ، شحال من مرة كنلقا راسي واقفة قدام لمحكمة باغة نطلق ولكن كتجي مي لي ترضني ليه ويلا مابغيتش كانت تسيفط خوالي اسلخوني باش نرجع ، نهار على نهار تا وليت كي داك طير لي ولف لقفص واخة ايكون لباب محلول ميخرجش ، حياتي ولات ضلمة مضوياها شمعة وحدة هي بنتي او حبيبتي ياسمين بعدها تزادو جوج شمعات خرين نهاية ويوسف ، ولاو هوما حياتي سنيني كاملة وعدابي قدام كلمة ماما من فمهوم كانت تنسيني همي ، ملي دخلت لدار التاجي شفت لغالية ، خت عبد الله لي متخرج غي وهما معاها شت كيفاش تا واحد مكان كيقرب ليها وتفكرت كيفاش عبد الله تعدا عليا ولكن ختو كان حاجبها فدار ، ولكن فأول سوء تفاهم تخلاو عليها ، فكراتني فراسي ولكن فرحت ليها حيت بعدات من هاد لعافية ، الى جا شي نهار قرات فيه بنتي هاد لكتاب او عرفات قصتي بغيتها متلومش راسها ولا تقول هي سبابي فعيشتي حيت تا كون مكانتش كانت مي اتزوجني بعبد الله بزز ، ولكن ولادتها هي لي خلاتني منلوحش راسي من فوق سطح ولا نشرب لكينة تاع لفار باش نتهنا ، بنتي ضريفة خلاتني منبكيش فليل بوحدي كيما ولفت ندير قبل متزاد ، خلاتني نضحك بعد دموعي او نساتني فهمي *هنا قصة مريم سلات*
جود : (دخل على ياسمين لبيت لاقيها حطات لكتاب فلمجر او تكات باش تنعس ، لاحض بلي عينيها حمرين عرفها كانت كتبكي) غتمشي تنعسي دبا ؟
ياسمين : واه
جود : (مشا تكا حداها او قال بتردد) غ.غدا لعرس تاع عبد الله او سناء
ياسمين : غتمشي ؟
جود : فين غنمشي شكيجوني باش نمشي ونتي أتمشي
ياسمين : (طولات سكانها قبل مدوي) معندي ماندير تم تصبح على خير
جود : ونتي من أهل لخير
#عند لغالية فلبيت#
كانت ناعسة تا ضرباتها لفيقة فنصاصة تاع ليل ، بقات كدور فعويناتها فلبيت لاقية اكسيل ناعس حداها فناموسية ، هزات پينوارها لبساتو او دارت زيفها عاد هبطات لكوزينة لتحت ، حلات تلاجة وبقات كتقلب فيها
صفية : (ضرباتها لفيقة فنصاصة تاع ليل ضارها لعطش مالقاتش لما حداها داكشي علاش هبطات لتحت تشرب تا ضربات فلغالية) شكاديري هنا ؟
لغالية : (قفزات) خلعتيني ج.جيت كنقلب على قرعة دلما
صفية : قرعة دلما ولا طاح ليك لوحم على شي حاجة ؟
لغالية : ديك نهار شفت لحاج جاب شي كرواصة مابقاتش
صفية : راها فلمجر تاع تلاجة ولكن تاع لحاجة
لغالية : تاع لحاجة
صفية : (مشات حلات لمجر او جبدات ليها واحد جوج كرواصيات) هاكي كوليهوم
لغالية : ولكن لحاجة الى عرفات
صفية : الى سديتيه مغتعرفش ، طلعي لبيتك او كوليها لتحكيها فشي قنة
لغالية : ن.نتي فايت والدة شنو كياكلو لحرݣة
صفية : كاين لي كينفع معاها خيزو ولا لقزبو ولا لحليب ولا لحلوة
لغالية : (خرجات صفية من لكوزينة مخلية لغالية هازة ايطرو تاع لحليب او كرواسة ومطلعاهوم معاها لبيت) صفية واخة ايكون معندهاش معاها ولكن فلوقت لي كتكون فيه حاملة كتعطيها تيساع تقدر تا تسخر عليها ، صفية مشكلاتها هي مها هي لي ديما محرشاها
اكسيل : (كان ناعس هاني تا سمع صوت نديغ حدا ودنيه او عدوه لي يدير الصوت تاع لماكلة حداه ، حل عينيه لاقي لغالية كي لقنية غا كتسرط او تشرب فلحليب) شباقي مفيقك نتي ؟
لغالية : (كتعوجو) شباقي مفيقك نتي ، فيا جوع نضت ناكل
اكسيل : (ناض وقف على رجليه مصدوم) فيك جوع ؟ كي درتي ليها اشريفة ونتي منعستي تا ضربتي نص دجاجة بجوج خبزات كبار هادا بلى تا دلاح لي دوزتيه بلخبز
لغالية : (تعصبات) شاك كتحاسب معايا واكلة ليك من طرمتك ؟
اكسيل : بقات ليك غا طرمتي نيت لي مكليتيش انا غي متندغيش حدا ودني او كولي تا لحيط تا تبوشو ليك لمعدة
لغالية : (شافتو رجع نعس او كملات هي ماكلتها تا تبوشات ليها لمعدة كيما قال ليها ، ناضت لحمام كترض تا طابت ولكن بسيف سيدة ضاربة ايطرو تاع لحليب ماتي غا لمعدة لي تبوشا ليها)
اكسيل : (كان فيه لموت تاع نعاس رجع خبطها بنعسة او مفاق تا صبح صباح ، غسل وجهو او هبط لتحت لاقي كولشي داير بطبلة تاع لفطور او هو آخر واحد فاق)
جود : شهاد شي الواليد مفايق تال دبا
اكسيل : كحاز كحاز لهيه
ياسمين : (هزات عينيها فلحاجة باغة تفقصها) لحاجة مامشيتيش تعاوني بنت خوك لحبيبة لغزالة بنت لآصل او لمفصل فعرسها ؟
لحاجة : (وحلات ليها) دكرنا سمن او لعسل لاش جابدانا ديك زفتة
ياسمين : ونا غا قلت اتكوني طرتي تعاونيها فلعرس حيت عزيزة عندك
لغالية : لعرس ؟ علاه ناويين ايديرو لعرس
ياسمين : معرضش عليك خوك لوطيل ***** ليلة لحفلة تاع عرسهوم
محسن : (عقدهوم) ناوي ايدير لعرس اوباقي تا مكملات سيمانة على موت ولادو واش تسطا ؟ صباح كنتي عارفة عرسهوم ليوم بليل ؟
صباح : (وحلات ليها) لبارح بليل وصلاتني الدعوة تاع زواج كان يسحابلي غتكون تا نتا وصلاتك
لحاجة : باش كيهم أصلن توصل ولا تݣلس بحالي غيمشي فيكوم شي واحد
ياسمين : (بتاسمات فوجها) شكون قالك مكاين لي غيمشي انا غنحضر
جود : كفاش ؟ لاش اتحضري بسلامة ؟
ياسمين : عرس بابا او عݣوزتي ومنحضرش ماجاتش خاصني نبارك ليهوم
لغالية : معندك فين تمشي شبغيتي بيهوم
ياسمين : مجاتش منمشيش تا واحد فينا مغيحضر لا ولادو لا ولادها ماجاتش
لحاجة : شمن كارتة باغة طري عاود بقاتلك غي صحافة معياش مفرشتيناش
صفية : مي عندها لحق الصحفيين غيعمرو لحفلة توقع أي حاجة لباشار كامل غيسيق لينا لخبار
ياسمين : بصحتكوم انا شبعت
جود : (ملي شافها طلعات لبيتها مشا تبعها) علاياش ناوية اياسمين لاش باغة تمشي لعرس ؟
ياسمين : (قربات عندو او غفلاتو بواحد لبوسة لفم) لباس عليك
جود : (نسا تا علاش طلع عندها وبدا كيفرنس) لابس لحمد الله ونتي (جمع ضحكتو ملي تفكر لاش جا) بلاما تلفيني مغتمشيش لعرس اياسمين
ياسمين : (عاودات باستو فمو او هي مبتاسمة) غنمشي
جود : (عاود تلف او رجع غا كيفرنس) غتمشي
ياسمين : هاه هانتا قلتيلي بلي غنمشي متسالني مانسالك
جود : ايمتا قلت ليك غتمشي بسلامة
ياسمين : عاد دبا او بلاما ترجع فكلمتك اجود حيت راجل هو لكلمة
جود : (طلع معاه لقالب لي دارت ليه هو يغوبش) ماشي خدمة اياسمين ملي نكونو كندويو جمعي فمك عندك ، نتي لي لهيتيني تا قلت ليك تمشي
ياسمين : ههههه تلفتي متلفايش شغلك هاداك لموهيم عندي انا هو عطيتيني الرخصة باش نمشي
جود : اي افادة كانت تحت التهديد غير معترف بيها قانونيا
ياسمين : واش انا هددتك ؟
جود : ولكن غريتيني ولإغراء نوع من لأساليب لي كتأتر على اتزان الشخص أو أي افادة كتابية او شفهية كان مولاهي ماشي فكامل قواه لعقلية لايأخذ بيها
ياسمين : (بدات كتقرب عندو او هو كيرجع اللور تا ݣلس فوق لفوطوي ، هزات رجليها وحلاتها ليه فوق صدرو ودوات) هاد لقانون كطبقو فلمحكمة ديالك اما دبا نتا فلمحكمة ديالي يعني غنمشي بلقوانين ديالي قلت ليك افادة معترف بيها هي معترف بيها شنو قلت ؟ لإفادة مالها ؟
جود : معترف بيها
ياسمين : ايوا هاكداك
خلاتو ݣالس ومشات دخلات لحمام دوشات او لبسات عليها واحد لكسوة طويلة او مشات عند لغالية
لغالية : (كانت ݣالسة كتفرج) زيدي اياسمين زيدي
ياسمين : عمي اكسيل مكاينش ؟
لغالية : خرج وقيلة ولا منعرف فين مشا مقال ليا والو
ياسمين : باقي مكيدويش معاك ؟
لغالية : باقي هاز قنانفو لسما
ياسمين : حمدي الله مهزكش تال سما وخبطك
لغالية : واش تي معايا ولا معاه
ياسمين : معا عمي اكسيل
لغالية : ياك ابنيتي
ياسمين : او مالك باغاني نوقف معاك او نتي غالطة مشيتي سافرتي بلى شوارو او علم الله شقلتي ليه قبل متسافري او زاد داك لمرض تاع لمودير ديالك فاقصو ياك انا قلت ليك داك سيد شامة فيه شي حاجة لاعساك عمي اكسيل ميشمش ريحتو
لغالية : تجمعتو غا سلوݣي على خوه هاني زبلتها معاه او هاني كنخلص دابا داير بحالا مكيعرفنيش ، مكانتش كضور شي وحدة بيه فهاد لوقت
صباح : (دخلات عليهوم هي وشيماء هازين الزريعة) كون تعطلتي غا شوية كون خطبنا ليه
لغالية : (وسعات عينيها) كيفاش ؟
صباح : (ݣلسات حدا ياسمين او شيماء حدا لغالية) كيف لمشماش شنو يسحاب ليك غا نتي تمشي لحاجة متقلبش ليه علمرا
لغالية : باك فخبارو بلي لحاجة قلبات ليه علمرا
شيماء : تأ منضنش
صباح : بابا الى بغا يجيب لمرا غيجيبها بلهلا يطريه لينا
لغالية : (عقداتهوم) شكون هاد بنت طحبة لي كانت عوالة دخلها لحاجة عليا ضرة ؟
شيماء : (ملي شافت لغالية كشكشات غمزات صباح متقول ليها والو)
لغالية : قولي ليا شكون هادي شي وحدة من لبلاد ؟ شي وحدة من لعئيلة
صباح : (كلاها فمها) س.سهام
لغالية : سهام ؟ لخدامة ديالي ؟
صباح : وا دكشي علاش ݣلست عليك رجعي رجعي سيدة بقالها غا شوي وتقولنا نعيطو ليها ماما
ياسمين : لحاجة دوخاتها بزواج تا ولات سيدة حاسبة مخها مولات دار
لغالية : فين هي مباتش ليا
شيماء : كانت كونجي يالاه رجعات
لغالية : رجعات واخة
صباح : ش.شباغة ديري اهيتا
لغالية : (غوتات) سهام وا سهام
صباح : لغالية تكالماي ما مزيانش لبيبي
سهام : (طلعات عند لغالية بشوية عليها فعلا سيدة تزادتها نغزة) نعام
لغالية : (طلعاتها او نزلاتها قبل متدوي مبتاسمة) يالاه رجعتي قالولي كنتي كونجي
سهام : واه يالاه رجعت
لغالية : هبطي قادي ليا مسكوتة تاع تفاح تكون رقيقة او معسلة من لفوق او لعجينة منسمة بلحامض خاطري تشهاها ليا معا لحبالة
سهام : واخ
لغالية : بلاتي فين غادة مقلتش ليك مناش تجيبي لحامض
سهام : عندنا فدار
لغالية : هههه عندنا فدارنا او تلاجتنا او حامضنا ههه سيري جيبيلي من لحامض لي فلفدان لوراني او دوزي حلبي واحد لعتروس تشهيت حليب لعتروس
شيماء : (نغزاتها) الله يهديك شمن حليب فلعتروس
لغالية : غا غلط بغيت تاع مرتو حليب لعتروسة لمعزة
سهام : واخ
لغالية : واخة الالة لكونجي نساك فيها هههه
سهام : واخة الالة
صباح : (تا مشات سهام عاد دوات) وليني راك مساهلاش حݣرتي على لبنت مسكينة
لغالية : مسكينة ؟ ملي الحبيبة بانت ليها فراجلي مكانتش مسكينة ؟ او زايداها منفخة عليا طلعاتلي السكر بنت لهم
ياسمين : أي وحدة فبلاصتها ادير نفس شي نتي لي خليتي ليها الرحبة خاوية او عمي اكسيل عاطي لعين الطولة او تجريدة تحنحينة وحدة منو تفرحك او عويناتو زوينة
لغالية : او زمر لكحل دبانة لي جات تبغي تحط عليه ، ولكن والله لا شمات ريحتو
صباح : كتخلعيني فاش كتغيري ݣلسنا هنا وخليناهوم لتحت ياسمين واش بصح أتمشي لحفلة ؟
ياسمين : واه (شافت فساعة) قربات لعيشة نيت غنمشي دبا
لغالية : (هبطات صباح او شيماء لتحت) هانتي قادي لپوزة باش ملي يشدوك فتصاور تباني غزالة
ياسمين : كوني هانية انبان شخصية
لغالية : نوصيك على حاجة وحدة مذكريش سميات
ياسمين : عارفة
خرجات من بيت عمتها او مشات لبيتها لبسات جلابتها لكحلة او لاحت على شعرها زيف كحل بحالا غادة لعزو ماشي عرس تا لمكياج مدارتوش بتاتا ، جود مخلاهاش تمشي بوحدها فليل داكشي علاش اصر اوصلها بطونوبيل قدام لوطيل ولكن ميدخلش
جود : انا غنتسناك هنا صافي
ياسمين : واخ مغنتعطلش عليك (خرجات من طونوبيل او دخلات لقاعة بعدما عطاتهوم لبطاقة ديالها ، لقاتهوم دايرين حفلة أقل ما يقال عنها فخمة ، موسيقى كلاص ناس كلاص)
غزلان : (ملي شافت ياسمين جات عندها) فرحث ملي جيثي بابا لهيه
ياسمين : خليني نمشي نعطي لكاضو ديالي بعدا
غزلان : آه واخ (رجعات عند عبد الله)
سناء : (كات لابسة غوپ سواري جاتها معا فورمتها زوينة وحداها عبد الله بكوستيم) فين كنتي ؟
غزلان : (قلباتها فرونسي) مشيت سلمت على ياسمين
عبد الله : ياسمين ؟ جات ؟
غزلان : واه ابابا جات
عبد الله : او فين هي دبا ؟ فين مشات
سناء : عنداك ديرنا شي فضيحة اعبد الله صحاباتي كاملين هنا او تا صحافة جات
ياسمين : طست طست الله الله
عبد الله : (هز راسو لاقي ياسمين طالعة فوق لخشبة او هازة ميكرو فيديها)
ياسمين : السلام عليكم جيت نبارك لسناء او عبد الله زواجهوم كنتمنا ليهوم السعادة ، كيما كتعرفو سناء الصحفية او مقدمة لأخبار لغنية عن التعريف ليوم عرسها داكشي علاش مغتقدمش لأخبار ههه ولكن انا جيت نعوضها (بتاسمات فوجه عبد الله او سناء لي كان وجهوم مخطوف او الصحافة ركزات عليها بلكمرات) “على بركة الله نبتدئ نشرتنا الإخبارية و ردنا خبر زواج الصحفية سناء بأستاذ ثانوية عبد الله التاجي و ذلك بعد علاقة غرامية دامت لأزيد من 20 سنة و نتج عن هذه العلاقة فتاة في العشرينات ، و قد ثبت أن سناء كانت متزوجة منذ 24 سنة و رزقت بثلاثة اطفال و تطلق من زوجها منذ 18 سنة أي عندما كان في عمر ابنتها من عشيقها عبد الله سنتان”
سناء : (شافت شي صحفيين لقاو شبغاو) عبد الله دير شي حاجة غتخرج عليا بنتك اعبد الله ، شكون جاب هاد الصحفيين كاملين لهنا
صحفي : (ضارو عند سناء بلكمرات) مدام سناء واش هادشي بصح كنتي على علاقة معا عبد الله او نتي مزوجة ، يعني خنتي راجلك لول
صحفي : واش فعلا عند تلاتة تاع دراري وعلاش عمرك دويتي عليهوم
سناء : (حاولات ما أمكن تمالك نفسها) لخيانة الزوجية مجرد كذبة
صحفي : او دراري
سناء : حياتي الشخصية بغيتها تبقا بعيدة على لإعلام نتمنا تفهمو هدشي
ياسمين : (كملات هضرتها) “نكمل نشرتنا الإخبارية مع عرض صور مرفقة ، زوج الآنسة سناء كان متزوجا و لديه ثلاثة أطفال هو الآخر ، أي أن سناء هي الزوجة الثانية لعبد الله غير ان الزوجة الأولى قد تطلقت منه قبر أيام قليلة و يذكر أن الزوجة الأولى عانت من التعنيف الجسدي و النفسي و حتى الاغت’اب من قبل المدعو عبد الله كما يظهر في الصورة ، و للمعلومة فقط ليست الزوجة فقط هي من تعرضت للتعنيف حتى طفلتاه عنفتا من طرفه ، الا انه لم يتم القبض عليه و ذلك لعدم رفع دعوة عليه أو لنقل خوفا من رفع الدعوة عليه في الأعوام الخالية ، و كختام لنشرتنا الإخبارية نبارك زواج سناء بعبد الله ، و نبارك لعبد الله و فات زوجته الأولى و طفلته ذات الخمس سنوات ، و أخيرا و فات طفله و ذكره الوحيد هو الآخر ، نشكركم على تتبعكم لنشرتنا”
عبد الله : (وسع عينيه فياسمين ممتيقش شواهد لوفات لي تمدو ليه تاع مريم او نهيلة او يوسف ، حس بدنيا ضارت بيه ممتيقش بلي ماتو خلاهوم حيين قبل ميطلع لفرانسا او منزل لمغريب غي قبل ساعة من لحفلة مدوا معا حد مقالها ليه حد ، مشا كيجري عند ياسمين شادها من كتافها) كفاش مات كفاش ماتو نهيلة او يوسف او تا مريم كانو عايشين ايمتى ماتو بسلامة كتكدبي غا باش ديري ليا شوهة دوي
ياسمين : ماتو فنهار فاش سلختي ماما فدار او مشيتي طلعتي لفرانسا تحرقات دار بيهوم ولادك بجوج او طليقة ديالك ماتو شوي بشوي مخنوقين شوي بشوي عاد جات لعافية كتشوي فيهوم شوي بشوي و نتا كنتي كتح’وي شوي بشوي ههههههه
عبد الله : (كان بغا لهبال ادخلو كان باغي اسرفقها ولكن تفكر الصحافة) ميمكنش ايكونو ماتو لا لا
ياسمين : (اول مرة تشوف باها لحزن على وجهو او دمعة تغرغرات فعينيه ، حسات بلفرحة لداخل ديالها هي طلقها بضحكة قبل متهمس ليه فودنيها) هههههههه مبروك عليك عرسك كنت بغيت نتزوق او نجي نشطح او نفرح فعرسك و لكن لقيتيني شادة عزو ميمتي او خوتي ، مريم لي تعديتي عليها او عدبتيها ماتت او بنتك لي عمرك حنيتي فيها تا هي ماتت او ولدك حبيبك تا هو مات مبروك عليك اتبدا زواجك بصفحة بيضة بسلامة
خرجات من لقاعة مخلية الصحافة ضايرة بسناء او عبد الله اما غزلان فكانت خرجات بحالها قبل تا متبدا ياسمين فشوهة ، رجعات لطونوبيل لاقية جود باقي كيستناها
ياسمين : تعطلت عليك ؟
جود : لا شنو درتي ؟
ياسمين : ملي تشوف لأخبار غدا اتعرف شنو درت
جود : الى كانت على الصحافة اقدر امسحو لأخبار حيت دوك الصحفيين عشرانهوم
ياسمين : شحال قدهوم اسكتو من صحفي
جود : خلينا دبا منهوم نمشيو لشي قنة
ياسمين : شمن قنة متلا
جود : (بعد على لوطيل) شي بلاصة شي قنة لموهيم نغيرو لجو
ياسمين : مطاحت ليا تا بلاصة فدماغي شوف نتا فأي قنة بغيتي و نمشيو
جود : شنو بان ليك نطلعو لسعيدية فهاد السبت او لحد صاحبي عندو دار تما او خاوية قال ليا الى بغيتي تمشي ليها نتا و ….
ياسمين : (دارت ليه داك لبلان تاع لمكتوب) ياك اجود الله يرحم لولدين
جود : (حافض السيناريو كتر منها شاف فيها مخلوع) مالك اياسمين راه فيه جوج بيوت
ياسمين : ويلى فيه جوج بيوت ديليه ختك صباح
جود : فيه تا لبيت تالتة نديو ليها لواليد ههههههه
#عند لغالية#
منين قالو ليها بلي لحاجة كانت كتقلب لإكسيل على لمرا او هي كي لكوكوط غا كضور او كتغلي او زادها اكسيل لي ممعبرهاش ، شافي بغا قلبها يسكت
لغالية : “شفت هادا غي خاشي وجهو فطيليفون زعما يكون شافليه شي وحدة ، لا لا اكسيل مايديرهاش انلهي راسي فلفايس حسن” (حلات لفايس او بقات كتسارا تا طاحت على واحد لمنشور دواحد سيدة كتقول بلي جاتها واحد لخدمة او سافرات شهر او ملي رجعات لقات راجلها تبدل عليها او حصلاتو كيدوي معا وحدة فطيليفون ، لغالية وحلات ليها ملي قرات داك لمنشور) “انا سافرت تلتشهور تقريبا زعما يكون اكسيل دارها”
مشات بزربة حيدات حوايجها وبقات غا بدوپياس هزات الزيت او مشات عندو
لغالية : دهن ليا ضهري عافاك
اكسيل : دهنيه راسك
لغالية : وا مكنوصلش
اكسيل : (طفا طيليفونو او بدا كيدهن ليها فضهرها)
لغالية : (كانت كتقول دبا ينوض عندها دبا ينوض سعا والو سيد غي سالا ليها دهين غسل يديه أو مشا ينعس داي معاه طيليفونو ، هنا صافي برد ليها لما فركابي او جاتها لبكية) “هادو هوما فعايلك أ إكسيل شفتيني بدوپياس زرقين او منضتيش عندي ولا قولي لقيتي لي يلبس ليك زرق من غيري الغدار”
مشات لبسات حوايجها بزربة وبقات كتسناه اغرق فنعاس مزيان عاد قربات ليه بلحس هازة طيليفونو باغة تفتحو تا لقاتو داير ليه لكود
لغالية : (قربات تبكي) “لكود أ إكسيل ولاو لكودات بيناتنا و الله غا لقيتيني سمرة مكيجيش معايا لبيض ايما نشد على جدك حق الله”
اكسيل : (حس بشي حاجة كتحرك حداه عرفها لغالية لي هزات طيليفونو ، ديك لهزة لي هزات يديه باش تحل لقفل جرها لعندو) شكاديري
لغالية : والو
اكسيل : (كان مݣلسها فناموسية) طيلوفيني شكيدير بين يديك ؟
لغالية : طيليفونك ؟ علاه هادا طيليفونك ياه تخالط ليا معا طيليفوني ونا كنقول علاش ولا فيه لكود
اكسيل : (حيد ليها طيليفون) سيري تنعسي
لغالية : ط.طيليفونك خدام مزيان ؟ لكود مكيبلوكيهش ؟ كون غي حيدتي لكود قبل ميتبلوكا ليك
اكسيل : من لخر شباغة ؟
لغالية : يا تحيد لكود يا توريني لكود
اكسيل : لا هادي لا هادي او سيري تنعسي
لغالية : لاش داير لطيليفونك لكود ؟ مخبي عليا فيه شي حاجة ؟
اكسيل : ياك طيليفوني ندير فيه لكود ولا نݣلس انا كنحاسبك على طيليفونك ؟
لغالية : ها طيليفوني قلبو خليه عندك ݣاع او حل ليا طيليفونك نشوف شنو فيه
اكسيل : واش نتي فوقما ضارت ليك فلخوا تجي عندي طايح ليك لوحم على طيليفوني
لغالية : واه مشهية طيليفونك ونا مرا حاملة الى مشيت تا حكيت غيخرج طيليفونك فدري
اكسيل : حاكة طيليفون حاكة ، حكي معاه تا شارجور باش الى طفا طيليفون القا باش ايشارجيه
لغالية : كطنز عليا دبا ولا شنو (شافتو رجع تكا ينعس) نوض دوي معايا شكون هاد لكلبة لي ضارت بيك
اكسيل : ضارت بيا ؟ بنت ليك رومپوان ؟
لغالية : مطنزش عليا وقول ليا شكون هاد لكلبة
اكسيل : مالك كتدوي بلفرد
لغالية : (ضربات فخاضها) هي كلبات هوما
اكسيل : داوية نيشن ؟
لغالية : بنت ليك كنضحك لاش داير لكود لطيليفونك إلى مكانتش فيه شي وحدة ؟
اكسيل : واش بنت ليك عندي جهد نساعف شي مصيبة ؟
لغالية : عندك الجهد تاع تا عشرة تاع لبنات او كتر ݣاع
اكسيل : لغالية باركة من لهبال او زيدي تنعسي خليني محدي متاقي فيك الله
لغالية : ماتاقيش فيا الله او قول ليا شكون هادي معامن كتخوني
اكسيل : (باغي غا ينعس) وا مكنخونكش وا مكنخونكش ابنت ناس
لغالية : ملي مكتخونيش لاش ملي شتيني لابسة دوپياس زرقين منضتيش عندي دوي ؟
اكسيل : (عرف بلي صافي لهرمونات دارو خدمتهوم) شغنوض عندك ولا تنوضي عندي
لغالية : (شدات فمها بصدمة) لا لا متقولهاش أ إكسبل
اكسيل : شغنقول شنو كيضور فدماغك عاود ؟
لغالية : مدميتهاش فيك غبرت عليك تلتشهور ولاو اعجبوك رجال داكشي علاش منضتيش عندي ، يعني دبا نتا كنتي كتخوني معا راجل أ إكسيل
اكسيل : (غمض عينيه بإستسلام) استغفر الله العظيم لا حول ولا قوه الا بالله
لغالية : اكسيل وا اكسيل نوض قوليا شكون هاد تامل لي ضار بيك اصݣع نوض قول ليا واش زعر ؟ قصير ؟ طويل ؟ نوض كون عرفت رجال كيعجبوك ݣاع منحيد لموسطاج كون خليتو
اكسيل : (عصباتو تا ناض عندها) غتنوضي تنعسي لا ؟
لغالية : هاني ناعسة اكواي لعزارة نعلة الله عليكم الى يوم الدين رديتولي راجلي من قوم لوط
اكسيل : (رجع تكا كيستغفر فولاه من هاد لخليقة لي حداه) صبر يا ربي صبر
لغالية : (والو كلاها فمها) هانتا شوف ريݣل لميولات ديالك راه داكشي حرام ونتا مول لعقل او عارف بينك او بين لي خلقك
اكسيل : ما بغاش تسكتي او تنعسي (هز واحد الزيف حداه او ربط ليها فمها بيه او تا يديها ربطهوم) الله على سكات
#عند محسن#
كان فبيتو معا صباح متكيين باغين انعسو
صباح : ياسمين مشات حضرات لحفلة
محسن : يعلم الله شنو تكون دارت فيها
صباح : تا انا ني لفضول ولكن بنت لهم دازت من لهيه او مشات سافرات
محسن : غتكون قربلات دنيا او خرجات ، تا حنا ملي نزيدو شوي نديرو شي تسافيرة فاعلة تاركة
صباح : دير ليا غا يوصلوني لأجهزة لي طلبت على حساب لعيادة ونا معاك
محسن : علاما نسالي تا انا شي بلانات ، مشيتي لطبيبة هاد صباح ؟
صباح : واه مشيت ولكن مالقيتهاش خرجات كونجي تال سيمانة جاية عاد اترجع ولكن دويت معاها فطيليفون قالت ليها نكمل شريب تاع دوا ولكن نقص فيه
محسن : مزيان
صباح : دويتي معا مجد ليوم
محسن : واه
صباح : شكيعاود
محسن : هاد الساعة مكيعاود والو مشا عند طبيب ولكن مقالو تاشي جديد عطاه دوا يتبعو او صاف
صباح : معطاهش ايدير لعملية ؟
محسن : ميمكنش ايدير ليه لعملية دبا حيت يالاه دار لعملية لولة خاص ذاتو ترتاح مزيان باش لجسم ديالو ايكون مستعد لعملية خرى
صباح : الله ايدير ليه لي فيها لخير بين ليلة ونهار حياتو تقلبات او تا نفسيتو ولات زيرو ماعندو زهر لمزغوب لاخر أمل خانتو او غزلان طلعات ختو
محسن : لاباس بقا بعقلو كون شي واحد آخر كون راه كيلوح حوايجو دبا او كيضرب ناس بلحجر فزنقة غا ربي لطف بيه او صاف لا هو لا غزلان ايما كون حماقو
صباح : لحمد الله على لطف الله
محسن : (جارها لعندو معنقها) تصبحي على خير
صباح : و نتا من أهل لخير
لغالية : (فاقت معطلة شوي جوايه لعاصر ههه ، غسلات وجها او لبسات حوايجها ودارت زيف عاد هبطات عندهوم لتحت)
لحاج : (تلاقا معا لغالية فطريق) فين غادة ؟
لغالية : كنقلب عليهوم واش خرجو كاملين ؟
لحاج : لا راهوم ݣالسين فجردة يالاه نمشيو عندهوم
لغالية : (شدات لحاج فيديه او تمشات معاه لعندهوم)
لحاج : كي غادة معا تقل قرب شهرك رابع يدخل ياك
لغالية : واه يالاه شهري رابع ولكن كنحس راسي فتاسع كرشي كبيرة بزاف
لحاج : قال ليا اكسيل بلي لقاو عندك السكر تاع لحمل
لغالية : واه اعمي او عندي تا لوالدة طايحة كيما عند لغالي
لحاج : الله افك وحايلك على خير حاولي على تحراك او تبعي عند طبيبة ، لحبالة ديالك جات فواحد لوقت مزيرة منقدروش نفرحو بيها ولكن فسابع ديالك غندير لبنت صدقة على قدها
لغالية : هههه ربي يخليك الحاج
صباح : ها لغالية فاقت
لحاجة : (برݣمات) على سلامتنا ملي فاقت
لغالية : تغديتو
لحاجة : كنا كنستناوك ، نعاس بزاف مامزيانش لداكشي لي فكرشك
لغالية : (تكات على كتف محسن) شنو كليتو ؟
محسن : دارت سهام لحم تاع لغنمي مفور
لغالية : سيهام وا سيهام
سيهام : نعام الالة
لغالية : سيري سخنيلي حقي تاع لغدا
لحاجة : نوض تحركي شوي او سخني راسك لاش كتصخري لمرا
لغالية : واقلة اخالتي خدمتها هادي اولا ؟
اكسيل : (دوا معا سيهام) مكينش لاش تسخني ليها لغدا
لغالية : (غوبشات) علاش
اكسيل : سلفي ليها شي سدر تاع دجاج معا شي شلاضة
سيهام : واخة
لغالية : (خنزرات فيه) علاش مناكلش الراس مفور ؟
صباح : لغالية الراس تاع لغنمي ونتي فيك سكر مامزيانش ليك
لغالية : (عاد تفكرات) كبي ليا شي كاس داتاي عافاك اخالتي
لحاجة : (خوات ليها أتاي او خلات صفية تمدو ليها)
اكسيل : (مد يديه واحد لكاس قبل متشدو لغالية) خوي ليها امي لمسوس
لغالية : الى كان مسوس غي بلاش منو
محسن : ايمتى أتمشي لطبيبة تشوفي شنو عندك ؟
لغالية : غدا الى كتاب
مروى : (كانت هازة بنت رانيا عندها) كرشك الغالية غادة بلعرض غتكون بنت هاكدا كانت عند رانيا ملي كانت حاملة بهاد لخنيفيسة
لغالية : متحمسونيش باطل مباغاش ندي فبالي شي حاجة او فلخر متسدقش
صفية : دوات معاك خالتك ؟
لغالية : واه مكانش عندها الريزو او معدالش ليها تجي هي وعمي راضي
لحاجة : دوات معاك على حساب ضريب صداق ولا باقي ؟
صفية : قالت ليا منى بلي ولدو خرجات ليه شي خدمة فمدينة خرى علاما يسالي او دوز مودة على لعزو او يتزوجو مزربانينش
صباح : (دوات بشوي) شتك درتي راسك مصدومة اغيتة بحالا ماشي نتي لي قلتي ليه نأجلو زواج تا ترجع
غيتة : سكتينا جدك لولشي كيسمع
صباح : كنت كنقول لفارة لي فيك اتزربك تزوجي سعا عندك فارة باردة ههههههههه
غيتة : لفارة هي كون تزوجت ليوم او سافر غدا
صباح : ناري طلعتي مساهلاش هههههههه
لحاج : شكتوشوشو ادوك جوج فارات
صباح : (غا سمعات هي وغيتة ديك لفارات دارو پاخ بضحك) ههههههه لا والو ابا غا كنت كنقول ليها لحاج زين او والد غي زين بلأخص صغير
محسن : (دوا حداها بشوي) غا باك لي زوين ؟ راجلك لا ؟
اكسيل : (سمعو) نوض نوض اراجلها لنقسمك وليتي معايا كي ضرة
محسن : ناري على ودنين عند باك
اكسيل : (شير عليه بلوسادة ولكن عيواض متجي فمحسن خوا بيها او جات فوجه لغالية)
لغالية : (هزات لحلوة بتخبية او خشاتها فمها وقبل متندغها جاتها لوسادة لوجه)
لحاجة : تأ ونا كنقول طبسيل تاع لحلوة فين غبر
لحاج : ضاربها يا لكلب (حيد بلغتو وبدأ كيسلخ فإكسيل)
اكسيل : وا بلغلاط ابا ونتي حطي داك طبسيل دلحلوة قبل منجي عندك
لحاج : (زاد ليه فجهد تاع ضربات) تمشي عندها ؟ نسميك راجل او قرب ليها
اكسيل : (كلا ماكلى طبل)
محسن : (شاف اكسيل كيتحلفها فيه)
لغالية : (عجبها لحال ملي شافتو كياكل لعصا او غوبشات ملي لقات لحاج حبس من ضريب) صافي عييتي الحاج باقي حنكي ضارني من الضربة ماشي حشومة
اكسيل : (غا شاف لحاج حيد لبلغة عاود مشا كيجري مبعد عليهوم)
لغالية : غتخليه يمشي مغتبعوش
صباح : (نغزاتها) ياق تسوات ، شتك حݣرتيلي على لواليد او باغة فيه لخدمة (حيدات ليها طبسيل) او حطي هاد لحلوة اصݣعة ونتي دخلتي فيها طول اوعرض غيطلع ليك السكر
لغالية : وراه فيا جوع
صباح : عاد دبا كليتي دجاج
لغالية : والو غا هر ليا لمعدة متنوضيش طيبي ليا
صباح : انا نطيب ليك ؟ ههههههه ماشي غا سكار لي غيكون عندك تسمم غذائي حرقة لمعدة ، لمصارن غيتكولاو
لغالية : هههههه يا صݣعة شبهتي لعمتك لخبز هو لخر مياكلوش معاك بنادم ربي كي درتي فاش كنتي عايشة غا نتي وخويا شنو كنتو كتاكلو
صباح : خوك ملي قلت ليه مكنعرفش نطيب حسيت بيه بحالا يسحابلو انا بنت لفشوش داكشي علاش ماباغاش نشقا ، خليتو واحد نهار تا جا من لخدمة فيه لموت دجوع لقاني مطيبة واحد طاجين حل لغطا وشاف لمنضر وهو يتبهر تستيفة تاع لخضرة ولمسائل ملي جا يضوق مابغاش ايقولو خايب وبدأ كيخشي ليل دوزو فلحمام برضان من تما جاب الله شيفا او ولا هو لي كيطيب او مبتاسم من لفوق
لغالية : (بقات كتجمع معا لبنات او تقشب تا غوتات صفاء)
صفاء : لا
مصطفى : مالك ابنتي
صفاء : شفتو لمجلة تاع *** شنو ناشرة ياسمين تشهرات
لحاجة : جيبي نشوف شطرات هاديك عاود
لغالية : (هزات طيليفونها وبدات كتقلب هي وصباح تا طاحو على لڤيديو تاع ياسمين او هي كتهدر او تا تصريح تاع سناء)
صباح : (كتقرا) خبر ساخن ظهور حقيقة انجاب الصحفية سناء لثلاثة أطفال مع زوجها الأول بالإضافة تصريحات تزعم خيانتها لزوجها سابق و إنجابها لطفلة كذلك مع زوجها الحالي عبد الله المتهم بتعنيف طليقته و طفلتيه
محسن : (عجبو يسمع لأخبار)
لحاجة : ويلي ويلا على فضيحة شوهاتنا هاد لخلقة
لغالية : (خلاتهوم او مشات طلعات لبيتها مصونية على ياسمين)
ياسمين : الو
لغالية : باقة ناعسة ؟
ياسمين : واه
لغالية : تمنية هادي او باقي ناعسة بقيتي سهرانة
ياسمين : مخلانيش هاد زمر نعس
لغالية : ههههه عبر عليك المسخوطة صحافة بدات كتنشر لأخبار مزيان ملي سافرتي تبعدي على صداع شوي كي داير لجو فسعيدية ؟
ياسمين : والله معرفت منين وصلت ونا ناعسة تسخسخت فطريق
لغالية : ايوا نخليك ترتاحي بسلام
ياسمين : بسلامة
لغالية : بسلامة (قطعات معا ياسمين او مشات لماريو ديالها كتقلب فيه تا لقات واحد لقرعة صغيرة) ماباغيش تصالح معايا او توريني لكود تاع طيليفونك ليوم نبالي بيك ازماني
اكسيل : (كان فلمكتب ديالو كيحسب شي حسابات تاع سلعة تا وصلات ديك تسعة عاد رجع لبيت ، لقا لغالية ݣالسة كتفرج داكشي علاش مشا هز كاس دلما شربو او تكا فوق ناموسية) نعسي بكري غدا عندنا كونطرول عند طبيبة
لغالية : واخ (بقات كتفرج او حاضياه تا دازت واحد نص ساعة عاد مشات قربات ليه بلحس لقاتو غارق فنعاسو) ݣرات فيك لكينة
هزات واحد الزيف او حزمات ليه يديه معا الناموسية او هزات طيليفونو حالاه بلبصمة ديالو وبدات كتخدش فيه
اكسيل : (حل عينيه بدرع لاقي لغالية طالعة فوقو او كتقلب فطيليفون) شكاديري
لغالية : فقتي ؟ هاناري تكون زعما لكينة فايت ليها تاريخ
اكسيل : (هز راسو لاقي يديه مربوطين) رجعتي لفعايلك عاود حلي ليا يديا
لغالية : تا نتأكد بلي مكاين والو فطيليفونك
اكسيل : اهاد لخلقة راه مكاين والو فطيليفوني
لغالية : (حطات طيليفونو) مافيه والو
اكسيل : ايوا فكي ليا يدي
لغالية : تأ تا تبوسني عاد انفك ليك يديك
اكسيل : (كيحاول ميغوتش او يتحكم فأعصابو) لغالية غنحسب حد تلاتة الى مفكيتيش يدي تا حبالتك مغتشفعش ليك
لغالية : ماباغيش تبوسني انا نبوسك
اكسيل : (حكمات فمو بفمها او حلفات لا طلقاتو)
لغالية : (طاحت ليها النقشة عليه سالات من فمو او دازت لعنقو) متوحشتينيش ؟
اكسيل : واحد
لغالية : (رجعات سدات ليه فمو بفمها)
اكسيل : (غوبش او بدا كيتنتر باش افك يديه ولكن والو بنت لهم قادات ليه لحزمة)
لغالية : (بعدات عليه كتفرنس) حسب تال مية مالك سكتي ولا تقاداو ليك مقديتيش تفك يديك ياك هههه
اكسيل : لغالية ماتزيديش تجهلي دين مي او فكي هاد زمر ولا والله تا نفدي فيك لقديم او جديد
لغالية : تصالح معايا او نفكك
اكسيل : (غمض عينيه معصب) صبر ياربي صبر
لغالية : (شافتو تعصب ولكن مزعماتش تحليه لينوض اخلطها)
اكسيل : (بقا صابر صابر تا غوت عليها) لغالية حلي هاد زمر
يتبع
التعليقات 0