لغالية : (قفزها غواتها او تا لوجع لي شدها) أي
اكسيل : اهاد لمرا حلي
لغالية : أي كرشي
اكسيل : (عاد رد لبال لوجها لي غادي وكيتزنݣ) مالك ؟ شنو ضارك ؟
لغالية : كرشي ضاراني
اكسيل : فكي ليا يدي فكي نشوف مالك
لغالية : (مدات يديها او فكات ليه يديه)
اكسيل : (ݣلس حداها) باقي فيك لوجع نمشيو لسبيطار
لغالية : (حسات بلوجع خفاف شوي) لا بلاش مدلي غا كاس دلما
اكسيل : (خوا ليها من لما لي كان فوق لكوافوز) هاكي
لغالية : ماشي هاداك واش بغيتي تخرج عليا راه فيه دوا تاع نعاس
اكسيل : شتي نتي غا ديال لعصا (مشا عمر ليها كاس دلما من قرعة خرى) شدي شربي ولا ياكما تا هادا فيه شي دوا آخر
لغالية : لا ، واقف واقف سير جيب ليا مناكل راه فيا جوع
اكسيل : (مشا جاب لپراي تاع سكار) مدي يديك نعبر ليك سكر أبعدا
لغالية : (مدات ليه ليد) شحال لقيتي
اكسيل : (غوبش) جوج الحاجة جوج
لغالية : وايلي على جوج زعما كنت رادة لبال مناكلش لحلاوة
اكسيل : او داك طبسيل تاع لحلوة لاش ضربتي نص دخلتيه فلحساب ؟
لغالية : كان فيا جوع داكشي علاش
اكسيل : لغالية آخر مرة أنبهك بعدي على حاجة سكار نهائيا عندك سكر تاع لحمل بقات ليك تسعشهور او تهناي منو ولكن داكشي لي فكرشك الى تصاب بسكر حياتو كاملة ايبقا مريض بيه
لغالية : راني عارفة ولكن مكنقدش نتحكم فراسي شوف غا كي وليت ديما فيا الجوع طالعة واكلة نازلة واكلة مقاداش على ريجيم
اكسيل : معندك مادير من غير تزيري راسك تا تفوت هاد خمس شهور على خير
لغالية : شتي لأخبار لي تنشرو على سناء او عبد الله ؟
اكسيل : شمن أخبار ؟
لغالية : (وراتو لڤيديو تاع ياسمين)
اكسيل : تأ تأ مرات ولدي عالام
لغالية : موت مريم هداها شوي كون كانت ياسمين لي كنعرف كون ضربات ليها واحد إيطرو دماحيا ومشات حيحات كيما دارت فضريب صداق تاع صباح
اكسيل : من داك نهار مابقاتش كتشرب
لغالية : ملي رجعت او شفتها كتصلي بدرع باش ستوعبت كنت كنقول صعيب ياسمين تشد طريق فهاد لوقت لقليل ، كنت كنقول اسلم ليهودي ومتوبش بنت خويا هههه
اكسيل : تزوجات بفقيه صحيح داكشي علاش
لغالية : (شافتو تسرح معاها فلهضرة شوي ، داكشي علاش تكات ليه على كتفو) بقا غا شوي هاكدا
اكسيل : (متحركش)
لغالية : شنو فنضرك عندي بنت ولا ولد
اكسيل : ولد
لغالية : ولد علاش زعما ؟
اكسيل : معرفتش عندي احساس بلي دري
لغالية : آخر مرة حسيتي فيها بلي بنت صدق ولد ميكونش دبا لعكس ؟
اكسيل : معرفتش
لغالية : ختاريتي شي سمية الى كان دري ولا بنت ؟
اكسيل : باقي تا مستوعبت بلي حاملة لعساك نختار سميات
لغالية : تا انا مدميتش طبيبة قالت ليا بلي نقدر نهز نحمل ولكن مكنتش عوالة نحمل بزربة
اكسيل : طفي ضو نعسو راه تعطل لحال
لغالية : واخة تصبح على خير
#عند أيمن#
خرج من لكوميسارية بعدما سالا خدمتو او شد طريق بطونوبيل لواحد الدار مغايرة على لپرطمة فاش ساكن
أيمن : (دق على دار او خرجات ليه واحد لمرا) عمتي عائشة
سيهام : (عنقات أيمن) ولد خويا دخل متبقاش برا
أيمن : (دخل لدار) شخبارك
سيهام : بيخير ملي شفتك على خير انا بيخير ، تعشيتي ولا نصايب ليك لعشا ؟
أيمن : لا تعشيت ، غا ياجي دبا قولي ليا كي غادة خدمتك فعئيلة آيت اوسو ؟
سيهام : موت ديك سيدة خلى لغالية ترجع قبل من لوقت كنت أنقدر نخلي لحاجة فصفي او نستغل توتر لي واقع بين اكسيل او لغالية ولكن كولشي تضرب فزيرو
أيمن : ديك تلت شهور كاملة مقديتيش تخلي اكسيل ينتابه ليك ؟
سيهام : إكسيل اولدي فشكل كيبان قاسح او عاقدهوم ولكن معا مرتو او عئيلتو كيولي مكالمي او ناشط ، او من نوع لي كيرد بالو من لبراني بزاف او تا علاقتو بلعيالات حدودية بزاف
أيمن : يعني مصورتي منو والو كنت عارف لبنت تاع 15 رعام لي قت’لات با ميمكنش تخبا مني الا الى كان موراها شي وجه صحيح ، ولكن قلتيلي اكسيل مقاريش
سيهام : علاما سمعت موحال واش واصل تا رابع ، لفرونسي مكيعرفش ليها حدو لعربية ولكن مطور داكشي علاش شاد لخدمة ديالو او غادي وكيكبر فيها ، ولادو كاملين كل واحد فيهوم داير شي حاجة دري لكبير قاضي او بنتو طبيبة تاع سنان او دري لاخر كان خدام فشركة كبيرة فتركيا ، هادا بلا ولاد خوتو كل واحد فيهوم وشنو شاد
أيمن : هادشي كامل تا فلوسو مغينفعوهش حيت لقضية ابتدأ من هاد ليلة كتعتابر تحلات
سيهام : بصح بهاد سهولة ياك يالاه قلتي ليا بلي حتمال كبير تعاود ترفض
أيمن : يمكن زهر جا من جيهتنا او حق لواليد مغيمشيش باطل
سيهام : عليك ياربي كلما شفت ديك لقتالة قدامي مرحة او عايشة حياتها بعدما رزاتني فخويا او يتماتك ونتا باقي صغير
أيمن : (باس ليها يديها) مغنساش خيرك اعمتي بفضلك قدرت نخلع لغالية او نخليها حاضية جنابها ، زيدي صبري غا شوي او غنهنيك من ديك تمارة تاع شقا فديك دار او غترجها تا سميتك لي بدلتي
سيهام : نتا هنيني من لغالية او شقا تاع ديك دار انا عارفة كفاش نتهنا منو او تبدال سميتي او شقا لي كندير كاملو يهون قدام حق خويا لي باقي متخاد ، قول ليا دبا ملي لقضية تحلات شنو غيوقع
أيمن : تحقيق ايبدا من أزرو
سيهام : يعني لقضية اتفتح بحالي غا لبارح وقعات
أيمن : واه او هاد لمرة غنراقب تحقيق بنفسي او مغنخليش اكسيل ايعاود اتدخل
سيهام : مغتشدش تحقيق بنفسك ؟
أيمن : مكرهتش ولكن منقدرش حيت كنبقا ولد الضحية
سيهام : ايكون خير هاد لمرة عندي احساس قوي بلي لحقيقة كاملة اتبان
أيمن : أن شاء الله انا غنمشي دبا تصبحي على خير
سيهام : ونتا من أهل لخير تهلى فراسك
أيمن : (رجع لدارو وبقا كيتحقق من شي وراق عاد مشا ينعس)
سيهام بقات شحال فايقة كتفكر فإكسيل إيه سيدة كتفر فإكسيل نهار على نهار كانت كتلقا راسها طايحة فيه ، ملي جات تخدم اول مرة عندهوم جذباتها شخصيتو هدوؤو او لجو لي ضاير بيه كيخلي شخص اتجذب ليه ، بقات مركزة على خدمتها او كتجمع فلمعلومات على لغالية وناس لي ضايرين بيها تا تهديدات كانت هي لي كتحطهوم فبيتها او تراقبها ، قدرات تقرب من لحاجة فغياب لغالية او قدرات تخليها تبدا تفكر فيها على أنها تقدر تشد بلاصة لغالية ، واخة عارفة بلي لحاجة تقدر طمعها غا باش ترمي بلغالية ولكن هي باغة تستغل اي فرصة قدامها
إكسيل : لغالية سربي غنتعطلو
لغالية : او نتعطلو مابقيتش باغة نمشي
اكسيل : واش دايك لكورنيش باش تمشي ولا لا ؟ نزلي كسوتك او يالاه ونتي محصلاها فنص
لغالية : (نفاجرات بلبكا) وراه مابغاتش تهبط ليا صغارت
اكسيل : (مالقا ميقول) لبسي جلابة باش جيتي يالاه غنتعطلو على طبيبة
لغالية : (مشات لبسات جلابتها او دارت زيفها) يالاه
اكسيل : (مشاو ركبو فطونوبيل بجوج او دازو خداو تحاليل ليدارت قبل نهار عاد مشاو عند طبيبة)
طبيبة : لغالية تفضلي ݣلسي
لغالية : (ݣلسات) ها تحاليل لي طلبتي مني ندير
طبيبة : (بدات كتقرا تحاليل) ايمتى عرفتي بلي فيك سكر هاد لمدة كاملة مجبتيش كنتي متبعة عند شي طبيب آخر
لغالية : الله اودي ادكتورة نخونك ههههه كنت مسافرة لبرا او عرفت بلي فيا سكر شي 15 ريوم هادي شوية معطلة داكشي علاش خايفة يكون لجنين تصاب
طبيبة : خلينا نطمأنو على لجنين او نسمعو دقات تاع لقلب ديالو لول
لغالية : (حسات بشي حاجة ماشي تلهيه)
طبيبة : (تكات لغالية فوق لبياص او عرات على كرشها) عرفتي جنس لجنين ؟
لغالية : لا باقي
طبيبة : باغين تعرفو ؟
لغالية : معرفتش شاداني لخلعة
طبيبة : سي إكسيل شنو كتقول عند مرتك ؟
اكسيل : زهري ونا عارفو غيكون دري
طبيبة : قطعتي لأمل هههههه
اكسيل : بحال هاكداك
لغالية : (سمعات دقات تاع لقلب) مال دقات تاع لقلب فشكل ؟
طبيبة : هههههه من أشمن ناحية فشكل
لغالية : كيضربو بزربة بحالي مكيحبسوش
طبيبة : نقول شنو عندكوم ؟
اكسيل : (تنهد) سير عالله
طبيبة : عندكوم وليد
اكسيل : (بتاسم) كنت عارف
لغالية : قلبي كان على شويا غيسكت
طبيبة : زهرك اسي اكسيل جاب ليك جوج ولاد
اكسيل : (طرطق عينيه) كيفاش ؟
طبيبة : (وراتهوم فشاشة) هنا عندنا لجنين لول او فهاد الجيهة عندنا لجنين تاني داكشي كتسمعي دقات تاع لقلب مزاديين كيديرو نوبة ههههه
اكسيل : (رد شعرو اللور ممتيقش بلي حاملة بتوام)
لغالية : (بكات مسكينة بلفرحة بعد هاد صبر كامل ربي عوضها بجوج عيواض واحد)
طبيبة : متبكيش الغالية ولادك تا هوما كيبكيو ملي كتبكي
لغالية : انا غا ممتيقاش هههههههه جوج ونا كنقول مال كرشي كبيرة بزاف
طبيبة : هاكي مسحي كرشك واجي ݣلسي ندويو شوي
لغالية : واخ
طبيبة : بغيتكوم تسمعوني مزيان هاد لمرحلة حرجة بزاف بالنسبة لحمل بلأخص أنو توام فهادشي كيزيد من ضغط على الرحم ، عندك لوالدة نازلة كيما فلحمل لول داكشي علاش خاصك ترضي لبال مزيان مزيان تحراك بزاف او تقل بعدي منو ، او بالنسبة لسكر خاصك الريجيم ريجيم منضبط الغالية انا غنكتب ليك لاليست لي خصك تبعي بلݣرامات او لعبارات على مدار ليوم حيت معا لأسف أحد لأجنة تقاس بسكار او بغينا نتجنبو أنو تا تاني اتقاس
لغالية : (فرحتهوم تعكرات شوي بهاد لخبار) واحد ليهوم تصاب بسكار واش هادشي خطر عليه بزاف او يقدر إ أتر على صحتو ؟
طبيبة : رغم انو قلال لحالات تاع لأطفال لي كيكونو مصابين بسكار مقارنة بناس لكبار الى رضينا ليهوم لبال غنتجنبو أنو يتأترو لأعضاء داخلية ديالو الله يحفض ، تبغي ريجيم او دوا او ميكون غا لخير ان شاء الله
لغالية : (خرجو من عند طبيبة او ركبو فطونوبيل راجعين لدار)
اكسيل : (طول طريق او هو ساكت تا عند طبيبة بقا غا ساكت )
لغالية : (وصلو لدار او دخلو عليهوم لاقيين لحاج او صباح او جود او لوخرين كيتسناوهوم فلباب)
جود : امضرا بنت ياكو
لغالية : ايمتى رجعتو
جود : عاد دبا ، وغا جاوبوني بنت ياكو
صباح : دري ابابا كان عندي احساس بلي دري
جود : هنينا نتي واحساس ديالك
محسن : ونا احساسي كيقول بنت شام ريحة لحلاوة منهنا
لحاج : تهدنو شوي بنتي واش معرفتوش جنس لجنين ؟
لغالية : لا عرفنا اكسيل تقول ولا نقول
اكسيل : انا غادي نعس قولي نتي (طلع لبيتو نيشن)
لغالية : (بحماس) غيجينا وليد
لحاج : (عنقها ناشط) مبروك مبروك لعزري
جود : هاد لواليد كيولد غا دكورة خزيت ولكن هانية واخة دري ايدير لمقابط
لغالية : هههههه باغي ترضلي ولدي بنت
جود : ونا بغاني نضيع فلمقابطات لي شريت هههههه
صباح : (عنقاتها) بابا واش تقلق حيت ولد ؟ شنو ماشي تالهيه
لغالية : راك عارفة باباك مغيتقلقش على مشيئة الله ولكن هو مصدوم
لحاجة : شكون صدمو ؟
لغالية : بتكون باقي مستوعبش بلي غيجينا جوج دراري توام (ملي سلات هضرتها بحماس تسمع سكات فدار)
صباح&ياسمين&جود&محسن : (غوتو دقة وحدة) توام ؟
لحاج : داوية نيشن جوج ماشي واحد
لغالية : واه جوج
لحاج : جيبولي لكرسي نݣلسي غفلني ولد لحرام
جود : ماشي غا نتا الحاج لي تغفلتي كاملين تغفلنا
محسن : ايا لغدر حݣل سيد تصدم هو ومتيقش راسو غفل راسو براسو
اكسيل خلاهوم لتحت او طلع لبيتو ينعس تصدم مسكين ماعرف مناش طاح عليه هاد لخبر
لغالية : (بقات لتحت ݣالسة معاهوم كتجمع تا قرب لغدا يتحط عاد طلعات لبيت تعيط على اكسيل لاقياه باقي ناعس) اكسيل وا اكسيل فيق تغدا
اكسيل : شحال فساعة ؟
لغالية : جوج او نص هادي لغدا قرب يتحط نوض غسل وجهك ونتا خابطها بنعسة تقول مشربينك لكينة تاع نعاس
اكسيل : لكينة تاع لبارح عاد عطات لمفعول شي نهار تشربينا سم
لغالية : وايلي تا نتا انا درت فيك غا لاجر ترتاح ليك شوي منين جينا من طبيبة ونتا مسرفق
اكسيل : (غسل وجهو او نزل لتحت هو وياها)
محسن : ها الضوبل جا
جود : لواليد كنتي داير لغالية پروموسيو شري واحد او نزيدك التاني فابور هههههههه
ياسمين : حشومة متشدوش ليا فعمي اكسيل من عادتو ايدير جوج جوج من لحاجة
اكسيل : (بقا غا ساكت كيشوف فيهوم) زيدو تحنجرو زيدو
صباح : (ݣلسو كياكلو تا سمعو تفرشيخ تاع الضحك ملي ضارو يشوفو لقاو اكسيل شاداه هستيرية تاع ضحك) توما مال لواليد
لغالية : يالاه بدا كيستوعب
لحاجة : بسم الله عليك اولدي هاك شرب لما
اكسيل : (شد من عندها كاس دلما لي مدات ليه او غا دار الجغمة لولة عاود نفاجر بضحك)
لحاج : تا واش تشيرتي
اكسيل : جوج الواليد واحد كيشبه لاخر ههههههه واع على جوج كيف كيف
لحاج : باكوم صافي طار ليه لفريخ
اكسيل : دبا بحالا شديتي جود او ضوبلتيه على جوج ولا مجد او ضوبلتيه على جوج (بلاما يشعر جمع ضحكتو) جوج من جود ولا مجد لا مامعاناش
جود : كفاش مامعاناش مالي كيف جيتك علمزيناتي خسارة مامنيش عشرة
اكسيل : ياك المرضي نتا بوحدك شيبتيني لعساك ايكونو منك جوج لا لا ولواعرة هي الى كانو غيشبهو لمجد
لحاج : (شاف اكسيل بغا يبكي) فاقصينك اولدي ياك
اكسيل : بحالا مكتعرفهومش ابا
لحاج : ماشي موشكيل اولدي يالاه شعرك اكمل فلبيوضية ولا يقدر اتساس كامل منهنا لقدام مكاين غا صهودات معندك مادير بشي شعر
اكسيل : (بتاسم) لغالب الله كنت باغي الضوبل تاع صباح
صباح : انا نسخة محدودة الواليد
لغالية : سيهام وا سيهام
سيهام : نعام الالة
لغالية : لغدا ديالي باقي موجد
سيهام : باقي
لغالية : واقلة قلت ليك ݣرضي غا شوي تاع لخص معا لخيار مقلتش ليك شوي ليا حولي
لحاجة : لبنت مسكينة من صباح او هي فلكوزينة الى تعطلات عليك غا شوي مغتموتيش
لغالية : برا ولباس عليا تا نموت او زيدون مطلبتش منها لمستحيل خدمتها هادي اولا
اكسيل : (دوا بتحذير) لغالية عرفي معامن او علامن كندوي
لغالية : علامن كندوي على خدامتي
اكسيل : لغالية
لغالية : بناقص من شي ماكلة (حطات لكاس دلما او طلعات لبيتها كتسوط)
سيهام : (بتاسمات ليها لحاجة كطمأنها)
لحاجة : سيري سيري ابنتي رجعي لكوزينتك تغداي تا نتي مابغاتش تاكل مغنبززوش عليها
سيهام : بصحتكوم
اكسيل : كملو غداكوم انا شبعت (ناض من الطبلة او مشا لكوزينة لاقي سيهام تما)
سيهام : (دوات بلطافة) سي إكسيل محتاج شي حاجة ؟
اكسيل : لا غا كملي مكلتك (مشا لتلاجة جبد منها شي خص او شي خيار)
سيهام : انا نقاد ليك شلاضة بلاما تعدب راسك
اكسيل : ميحتاجش بلاما نعدبك
سيهام : لا مكاين تاشي عداب (خدات منو لمكونات وبدات كتݣرض فيهوم)
لغالية : (دخلات عليهوم لكوزينة لاقية اكسيل كيصايب قهوتو وسيهام كتقاد شلاضة ، حسات بلخنقة او معجبهاش لحال ولكن حاولات متبينش) شنو كدير ؟
اكسيل : قهوة
سيهام : سي إكسيل ها شلاضة ديالك
لغالية : واو پراڤو عليك صدقتي كتخدمي غالي كيخلصك هه
اكسيل : لغالية شدي شلاضة ديالك كوليها
لغالية : (عطاها داك طبسيل تاع شلاضة ولكن مشداتوش) بصحتك كولو نتا راه وجداتو خدامتي على حسابك
اكسيل : (تعصب) لغالية من صباح ونتي خدامتي خدامتي ياك لاباس ؟ هاكدا ناس كيدويو
لغالية : كفاش باغيني ندوي معاها نقولها لالة متلا
اكسيل : باركة من ديمة كنقولك عدويا لي كيحقر بنادم خدامة ولا كسالة ولا بناية مكيعجيكش لحق تحقريها حيت مكتسعاش عندك
لحاجة : شواقع هنا غواتكوم واصل لهيه
اكسيل : مواقع والو
لحاجة : (ملي خرج اكسيل من لكوزينة بغات تقلي سم لغالية) بنتي سيهام شنو وقع
سيهام : لغالية مكانتش باغة تاكل شلاضة لي صايبت ليها
لغالية : ههههه من ايمتى ولات لحاجة يزة كتعتابر لخدامة بناتها ولا قولي فكراتك فيامكاكشي علاش مسخنة ليها كتافها او مزعماها
لحاجة : (طرشات لغالية) جمعي فمك كونما هادشي لي فكرشك كون حسابي معاك كان حاجة خرى
ياسمين : (دخلات معا ديك لقطة) واش تسطيتي نتي ولا كيفاش هبلتي لا لاش ضارباها
سيهام : حشومة دوي معا لي كبر منك هاكدا اياسمين ماشي من صواب
لحاجة : بلاما تحفي مخك معاها ديك لي كانت كدير ليها لعقل شوي راها تحت لارض شمن صواب عند لي معندها مها
ياسمين : (كانت اتلاح على سيهام كونما لغالية لي جراتها او طلعاتها لفوق) طلقيني اعمتي نوري لشارفة ليتيمة
لغالية : ݣلسي تهدني
ياسمين : واش مشتيهاش كي طرشاتك غتسكتي ليها ؟
لغالية : أبدا (بتاسمات) جا وقت لحساب طرشاتني لحاجة بيديها ونا غنطرشها بفضيحتها قدام طسيلتها كاملة
ياسمين : بالي نتي بلحاجة وخليلي ديك خدامة لخلى نوريها صواب على حقو وطريقو
لغالية : (شافت طيليفون اكسيل فوق ناموسية مشات هزاتو من تمى او داتو لبيرو ديالو ورجعات ردات لباب تاع لبيت) حضي ملي تسمعي لخطاوي علميني
ياسمين : واخ ، بلاتي شي حد طالع معا دروج وقيلة
اكسيل : (كان غادي لخدمة ديالو او فنص طريقو رجع لدار ، او طلع لمكتب ديالو نيشن ياخد طيليفونو حيت نساه ، ولكن قبل ميوصل لباب دلمكتب توقف قدام لباب تاع بيتو لي كان مرضوض غا شي شوية ، او ياسمين ولغالية كانو كيوشوشو بشوي مكانش باغي يستارق عليهوم السمع ولكن داكشي لي كانو كيقولو هو لي وقفو)
ياسمين : واش لقيتيها فين ساكنة ؟
لغالية : واه لقيتها رحلات لكافرة بالله لسيدي رحال
ياسمين : غتمشي عندها ؟
لغالية : ضروري غنمشي عندها علاش انا كنت كنقلب عليها هاد سنين كاملة ، خاصني نشوفها او نحاسبها على داكشي لي دارت فيا او فودي خاصني نربيها
ياسمين : و.وعلاش متقوليهاش لعمي اكسيل او تشرحي ليه باش ايعاونك
لغالية : ماشي ساهل عليا اياسمين نخاف توقع فيه شي حاجة غادي غا نجي ونقول ليه بلي مك هي لي قتلات ولدنا قبل تا ميتزاد ، هي لي جاية لقابلة فطيمة او خلاتها تولدي بلى وقت غيتسطا اياسمين غيخرج ليه لعقل او يقدر ايطيح كومة بحال داك نهار ، نتي معارفاش شحال عزيزة عليه لحاجة راه مابقا مو هاديك ، أنا أنا سكت على كيتي او مقلت والو غا على حساب مابغيتوش ينفر من مو بسبابي ، ولا نكون انا لي فرقتو على مو حيت عارفة كيت لمرا لي تحرمات من ولدها ، ربي عوضني بعد هاد لحرمان او لعذاب كامل او قدرت نهز فكرشي ولدي انا وإكسيل داكشي علاش كيما بقا هادشي سر بغيتو يبقا سر تا نموت
اكسيل : (بحالا طرشتيه او خوتي عليه لما بارد نسا تا شنو كان باغي يهز او رجع بلور خارج من دار)
ياسمين : (هزات راسها فعمتها) ايكون سمع هضرتنا ؟
لغالية : (كانت عارفاه بلي وقف حدا لباب داكشي علاش تقصدات تقول هاكداك قدامو) غيكون دبا فطريقو لدار فطيمة
ياسمين : ماشي كون قلتيها ليه منك ليه حسن هاكدا غا غتزيدي تعقدي لأمور بيناتكوم
لغالية : لأمور معقدة بيناتنا من شحال هادي هو تا شوفة مكيهزهاش فيا لعساك اسمع شنو بغيت نقوليه ، او زادت هاد لخدامة تاع لويل داخلة بيناتنا ، زيد عليها عييت مابقا عندي جهد لي يشوف لحاجة فرحانة بحال هاكداك بغيت نشوفها كتعدب قدامي او مقداش نواجه إكسيل مقداش نقصدو ونقول ليه هاد سنين كاملة كدبت عليك ونا مجهضتش دري انما مك لي حرماتني من ولدي
ياسمين : خفت توقع ليه شي حاجة فطريقو لتما منمشيوش نتبعوه ؟
لغالية : لا غا خليه غيبغي ايكون بوحدو فهاد لوقت انا غنمشي نعس نرتاح شوي قبل متنوض لعجاجة فهاد ليل
ياسمين : ونا غنمشي نقري صواب
لغالية : تكايسي
ياسمين : لعين لي تحطات على عمي اكسيل غنتقبها
لغالية : سيري سيري (مشات تكات فوق ناموسية مغمضة عينيها بعياء)
ياسمين : (هبطات لكوزينة) سيهام
سيهام : نعام
ياسمين : شنو سميت ليوم
سيهام : سبت
ياسمين : سبت اذن ليوم خاص دوك زرابي اتشمشو كيما كتعرفي لعزو يالاه داز او ناس وسخو زرابي تاع دار داكشي علاش بغيتك تهزي زربية تاع الصالون لكبير تغسليها
سيهام : علاه مكنديوش زرابي لاڤاج ؟
ياسمين : تأ تأ بلاش نتي كاينة طلعي زربية غتلقايني كنستناك فسطح يالاه
سيهام : (مالقات مادير من غير تمشي تحيد الزربية او تضارب معاها تا طلعها لسطح)
ياسمين : شكاديري باغة تسرحي زربية على لأرض بلاما تغسليها ويلي معلماتش مك تاويل ؟
سيهام : (ناضت كتسيق فلأرض عاد نشرات زربية)
ياسمين : (ݣلسات فوق لكرسي) هنتي اتبزݣي زربية مزيان ياك او دفعي ليها الصابون حجربة او تهزي شيتة تحكي و تحكي ياك ، عاد تشلليها او تخلطي التيد او جافيل او تحكي و تحكي ياك ، بعدها عاودي شلليها ياوعاودي دوزيلها التيد او تحكي و تحكي ياك ، عاد شلليها او رقديها شوي فلمعطر تاع لحوايج واحد شوي عاد شلليها او نشريها ساهلة ياك ؟
سيهام : شحال من مرة باغة نحكها بسلامة غا جوج مرات باركة
ياسمين : تأ تأ احبيبة لحكة لولة باش تنقي زربية وتانية باش تنقي راسك أو تالتة باش تنقي زربية لربما بقا فيها وسخك تاع تشلال او لمعطر باش تغطي على ريحة زفورية لي فيك آه او تشميشة تاع شمس باش لحرارة تقتل لبكتيرية تاعك الى بقات فزربية لا شكر على واجب
سيهام : (مرخص ليها غا مشات غسلات الزربية بيكانتو كبيرة بزاف تلاتة تاع لمرات هادا بلى تشلال او لمعطر او منشراتها تا تقييمات من ضهرها)
ياسمين : (قربات عندها باركة ليها على كتافها) من زهرك لقيتيني تايبة ولكن قسما عضما تعاودي تهزي عليا او تحسبي كرك من أهل لبيت غنݣرضك ماشي غي نقطع فيك لحم ، راك باقة مكتعرفنيش مزيان ، داكشي علاش دبا سيري خودي ليوم او غدا كونجي كاضو من عندي آه قبل منسا (زيرات ليها على كتافها مبتاسمة) عينيك ايعاودة يتحطو على عمي اكسيل ولول بلغلط غنخليك تقلعي الزليج بضفرانك او تشطبي تحتهوم بشفرانك اوكي زيني يالاه تسرسبي معا دروج لدارك نيشن نعسي ياكما ارتاحو ليك عشانك شوي
#اكسيل#
اكسيل : (كان كيدوي فطيليفون) خليني دبا من أيمن او جلاخة دعمتو او قلب ليا على عنوان تاع لقابلة فطيمة كانت فأجدير او رحلات لسيدي رحال فهاد لعوام لخرة
قطع عليه او بقا كيتسنا مودة شي خمسة تاع سوايع تا تسيفط ليه لعنوان عاد تحرك شاد طريق لسيدي رحال بقا كيتمشا بين ديور تا وصل لدار لي نعتو ليه او دق على لباب
فطيمة : (خرجات عندو وقبل متنطق عرفاتو شكون هو) إ.إكسيل ؟
اكسيل : واه اكسيل اخالي فطيمة تعقلذي يام مميس نيزة تامطوط نلحادج محمد
{واه اكسيل اخالتي فطيمة عقلتي عليا ياك انا ولد يزة مراة لحاج محمد}
فطيمة : عقلخاش اممي ثريدي ايشا ؟
{عقلت عليك اولدي بغيتيني لشي حاجة ؟}
اكسيل : ريخكم اذي ثينيذ ميوقعن ݣثادارث نلحادج محمد بمعنى ميثييذ اي ثمطوط اينو لغالية شمينين ذما
{بغيتك تقولي ليا شنو وقع فدار لحاج محمد بمعنى شنو درتي لمرتي لغالية نتي ومي}
فطيمة : (كانت وا دوات معاها لغالية او طلبات منها كآخر معروف باش تخليها فحالها) كشم غرجاج
{دخل لداخل}
#بعد مدة#
كانو مجموعين كاملين فصالون من لحفايد صغار تال لحاج او لحاجة ، دخل عليهوم اكسيل لصالون او هو باين عليه بلي ماشي تا لهيه وجهو مافيه تاشي تعبير ولكن اوسط عينيه يمكن ليك تقشع لعافية لي شاعلة ليه لداخل ديالو
لحاجة : ولدي جيتي زيد تشرب كاس داتاي انا لي معمراه
اكسيل : (هز فيها عينيه) ياكما جات نوبتي وبغيتي تقتليني انا هاد لمرة
لحاجة : (مفهمات والو) استغفر الله اولدي شمن غنقتلك مناش كتجيب هاد لهضرة كاينة شي أم كتقتل ولدها ؟
اكسيل : لمرا الى قتلات حفيدها متقدرش تقتل ولدها
لحاجة : (ملي قال ليها ديك لهضرة شافت فيه مطرطقة عينيها شوية متكفح أتاي) شكتخربق فهاد ليل واش واكل شي حاجة من غير لماكلة
لحاج : اكسيل مالك اولدي بنتيلي ماشي تالهيه غا كتخرج او دخل فلهضرة
اكسيل : (نفاجر بضحك) ههههههههه غا ضاحك امي مالك تخلعتي
لحاجة : (ولا وجها صفر) لاواه اولدي ماشي ضحك هادا
اكسيل : بلغات ليك فطيمة سلام
لحاجة : شكون فطيمة
اكسيل : لقابلة
رقية : شمن قابلة ؟
اكسيل : فطيمة لقابلة لي كانت عندنا فلبلاد تلاقيتها صدفة او قالت ليا نبلغ ليكوم واحد لمانة
عزيز : شمن امانة ؟
اكسيل : سلام لوليدة او شي امانة خرى اتسمعوها دبا (جبد طيليفونو او طلق ليهوم داكشي لي سجل لفطيمة او هي كتعاود ليهوم شنو طرا ديك ليلة)
“تقريبا هادي شي ربعسنين كنت لداري كيف لعادة جمعت ماعن لفطور حيت كان رمضان او قلت نصلي ليا شي ركعات تا جات لحاجة كدق عليا قلت واش شي مرا لي بغات تولد او جات تعيط ليا ، ولكن هي قالت ليا بلي عروستها لي حاملة او بغاتني نمشي نطل عليها ، تبعتها على نيتي ولكن ملي وصلت قلبات الهضرة او مابقاتش بغاتني غا نشوفها بغاتني نحيد ليها داكشي لي فحرشها محدها مدوخة بدوك لعشوب لي شرباتها ولي كانت وا سولاتني عليهوم ، مكنتش باغة ولكن هي قالت بلي اتعطيني لفلوس باش نقد ندير لراجلي لعملية ، واخة هكداك مكنتش باغة حيت أنا قابلة كنهرج روح من الروح ماشي كنقتل روح ، ولكن هي عمرات ليا راسي او قنعاتني ملي قالت ليا بلي كرش لحرام لي هازة او بلي هادشي باش حاملة ماشي ولد ولد لبنت غلطات معا ولد خو راجلها وخافت ، ولدها ملي يسبق ليها لخبار اقتلها او يقتل ولد خوه ، او فعلن تبعتها فرايها او جبدت دري من كرش مو بلى وقت واخطة طلبات فلحاجة باش متخلينيش نديرها ولكن لحاجة قسحات قلبها ونا قسحتو معاه تا جبدت الدري ميت عاد خرجت مخلية مو غارقة فدمها”
لحاجة : (بدات كترعد او شداتها لخنقة تاع لبكا ناضت عند ولدها شادة فيه وهي كتقفقف ) كتكدب اولدي غتكون هبلات راني سمعت بلي خرجات عقلها علاه انا نقدر نقتل ولدك أدوي علاه انفرط فكبدتي وكبدتك ، تا بضحك منفكرش فيها راك عارفني حفايدي كنبغيهوم منقدش نآديهوم لعساك ولادك نتا بضبط ونتا لمرضي ديالي علاش غنقتل ليك ولدك
اكسيل : (شاف فيها ودوا بحزن) تا انا كنت كنقول مي متقدرش تفرط ليا فولدي ولكن خسارة لوقت لي كان خاص ولدي يكون كيلعب حدايا راه مدفون تحت لارض او شكون سبابو جداه ههههههههه لحاجة يزة ومن لا يعرفها مرا كدير لخير او صدقة على جهد تسبيح مكيخرجش يديها (شد ليها يديها) هاد ليدين لي كنت كنضل نبوس فيهوم باش ناخد رضى هوما لي قتلو ليا ولدي
عزيز : (حالو كي حال لوخرين لي نزل عليهوم هادشي كي لقنبولة) لا لا مي ماديرهاش اكسيل غا تهدن اخويا ها لغالية شاهدة ، لغالية ياك لحاجة لي كانت عاوناتك
لغالية : (عينيها طابو بلبكا ناضت عند اكسيل شادة ليه فيديه خايفاه ليطيح ولا توقع فيه شي حاجة) اكسيل خلينا ندويو صافي ماديرش فبالك عافاك غي تهدن
اكسيل : (نتر يديها او دوا بحرقة) لعار ايزة ايما قولي ليا حاجة وحدة شمن شر صرفت فيك غا قولي ليا ، عمرني طيحت بيك ولا حتى قصرت من جيهتك غا قول ليا هالعار ايما قولي ليا شنو درت ليك تا تحرميني من ولدي ، تا ترزيني فيه شكرا ليك
لحاجة : هالعار اولدي متيقهاش انا مك اتكذبني او تيقهوم
اكسيل : (هز كاس شخشخو مع لأرض او غوت) باركة انا عييت من هاد لكدوب او نفاق ديالك ، كنتي مكتحمليش لغالية قلت ماشي موشكيل ولكن باش تآدي ليا ولدي لا لا
لحاج : لعار اولدي متهدن غطيح عاود ها لعار خلينا غا نستوعبو
اكسيل : (دموعو خانوه) شعندك متستوعب ابا لحاجة يزة لي ولداتني ورباتني لي كنت نبوس رجليها قتلات ليا ولدي او بكات معايا فݣنازتو ، هزيت ابا لغالي بين يديا او دفنتو وملي رجعت لدار عنقتها وبكيت على كتافها حيت مي حيت قلت جدات ولدي قسما بالله مكنت داير فبالي توصل بيها لهاد درجة ، ولكن عرفتي شكون لي بقا فيا كتر منقدرش نضربها ولا حتى نقابها ولا تا نسبها حيت مي شنو ندير دبا غا قولو ليا شنو ندير شمن عقل خليتو ليا ظبلة مور زبلة ونا كندوز ونقول ليوم تهدا غدا تهدا ونا هاد سنين كاملة كنت نطلب رضا من وحدة حرماتني من ولدي
لحاج : (مالقا ميقول ليه)
لحاجة : (نهارا بلبكا) ها لعار اولدي مسمعني نشرح ليك غلط ونا عارفة راسي غالطة ولكن ها لعار في سمعني
اكسيل : شغنسمع ؟ شغتقولي ليا ؟ ولدي اكسيل قتلت ولدك حيت رشقات ليا حيت بغيت ؟ ايوا سمعيني ايزة منهنا والى يوم الدين مانتي مي مانا ولدك مانتي مي مانا ولدك مي دفنتها معا لغالي
لحاجة : (قرب لهبال ادخلها طاحت على رجليها كتبكي وتحز) انا ميمتك ماديرش فيا هاكدا انا لي حملت بيك او تعدبت عليك ، او دبا باغي تنكرني هادي هي تربيتي أ إكسيل عارفة راسي غالطة ولكن كولشي درتو على قبل هالعار اولدي ، نتا ولدي ولدي ونا مك
اكسيل : (تحنا عندها شايف فيها برود قبل ميجبد بزطامو او يلوح عليها لفلوس لي فيه) عتابري هادو فلوس لحليب لي رضعت منك او لمباقي ديري ليه تمان باش نخلصك حيت مابقيتش باغي نشوف تا وجهك ايزة
لحاج : (شاف اكسيل خرج لبرا) اكسيل رجع اولدي فين غادي
لحاجة : (كي لمسطية ناضت عند لحاج شاداه) محمد ها لعار سير رض ليا ولدي ها لعار قوليه ميفرطش فيا انا مو
لحاج : (جمعها معاها بواحد تصرفيقة) سكتينا ، منسمعش حسك بتاتا الكلبة هادو هوما فعايلك ايزة لهاد درجة تحجر قلبك لهاد درجة مابقيتيش كتشوفي قدامك دوي
لحاجة : انا درت هادشي على مصلحتو كنقسم ليك بالله مابغيتش نضرو
لحاج : (عاود صرفقها) سكتي الموسخة (ههههه موووووسخة)
صباح : (جعرات او لعقل باش تفكر مابقاش عندها هزات لموس لي كان فوق الطبلة او مشات قاصدة لحاجة كونما جود لي شد ليها ليد فآخر لحضة كانت اتقب لحاجة لعين) قتلتيه الكلبة قتلتي ليا خويا او جاية تال ضارنا او كتاكلي معانا محشمتيش ، جود طلقني جود طلقني قلت ليك
جود : صباح عافاك تهدني عافاك
صباح : نتهدن هههههههه راه قتلات ليا خويا راه حرماتني منو (غفلات جود او شنقات على لحاجة) قتلتيه على مصلحة بابا تا انا انقتلك على مصلحتنا كاملين
لحاجة : عافاك ماديريش هاكدا ابنتي انا جداك
صباح : نتي والو نتي والو مكتجينيش بزاف عليك تكوني جداتي ديما كتقولي عليا هبيلة مور ضهري ليوم نوريك لهبال القتالة (شداتها من شعرها واخة جاو افكو والو مابغاتش يبسات عليها) شنو دارت ليك لغالية تا تقتلي ليها ولدها شنو دارتليك ، شنو دار ليك بابا تا تخلي ولدو يموت قدامو ، شنو درنا ليك حنا تا ترزينا فخونو ، شنو درنا ليك اشارفة هادا كامل حقد فيك هادا كامل شر امحجرة لقلب
لحاجة : (حاولات تفك منها) عافاك ابنتي ماديريش هاكدا رحميني
صباح : (زادت فنتيف) رحمتي خويا باش نرحمك رحمتيلي خويا باش نرحمك ليوم نفضيهوم لجدك بعدو عليا غنسيفطها لقبر
محسن : صباح باركة (جا جرها بزز ولكن فديك الجرة تقصد اجر شعر لحاجة بجهد)
صباح : (نهارا بلبكا) قتلات لينا خونا مسكين شنو دار ليها باش قاسها تا تحقد عليه بحال هاكدا
لحاجة حسات براسها خسرات كولشي شي مرات ماشي بضرورة نتعاقبو جسديا باش نتسماو تعاقبنا ، حيت شي مرات لعقاب النفسي كيكون اكتر إيلاما ، لغالية الى كانت دفنات ولدها حيت مات ، فهي مات بالنسبة لولدها واخة باقي عايشة ، ولدها لي ديما كان حاطها فوق راسو ليوم تبرأ منها لمرضي ديالها ليوم لاح عليها لفلوس بحال شي وحدة رخيسة ، بحالا هاد سنين كاملة لي ضحات على قبلو كي والو قدام موت ولدو ، كانت كتقول علأقل الى خسرات ولدها غيبقاو ليها لولاد لوخرين سعا هيهات ، تا واحد فيهوم متحرك افكها من يدين صباح لي ولات كي لهبيلة باغة غا تقتلها ، هزات عينيها فيهوم لقات راجلها او زمانها لي عاشت معاه لحلوة او لمرة عاقدهوم فيها او حفايدها او ولادها غا ݣالسين كيتفرجو تا من بنتها صفية كانت ݣالسة غا كتبكي او قالبة وجها عليها
صفية : عمرني دميتها توصل بيك تال هاد درجة بنادم نتي
لحاج : (شاف فلغالية لي كانت واقفة وكتشوف او غا ساكة) ها لعار ابنتي مسمحي ليا ماعندي تا لوجه باش نشوفيك ، عمرني دميتها تآدي روح
لغالية : نتا مدرتي ليا والو اعمي حسابي كان معا لحاجة او مكنتش باغي هادشي يوصل لهنا ولكن معرفتش كيفاش سمع اكسيل ولا حتى فين مشا
يحيى : غنخرجو نقلبو عليه دبا نتي غي طلعي لبيتك ترتاحي
ياسمين : عمتي يالاه
لحاج : (شاف لحاجة بكره) جمعي شطايطك او سيري سبقيني لبلاد تا نجي او نتحاسب معا طواسلك يالاه تݣعدي
لحاجة : (حياته براسها مابقات عندها قيمة ناضت كتعرج فبيتها تجمع حوايجها تا ضربات فلغالية او ياسمين فلبيت) ش.شنو كديرو هنا
ياسمين : شششش ايسمعونا (مشات تا سدات لباب)
لغالية : كي جيتك الحاجة
لحاجة : عند بالك غتفرقيني على ولدي هادي هي لي متكونش ليك هو غا مقلق شوي وصاف
لغالية : (صرفقاتها بجهد) سكتي اطحبة منسمعش حسك
لحاجة : (كانت بغات ترض ليها ضربها سعا ياسمين شدات ليها ليد)
ياسمين : تأ تأ منصحكش (جمعات ليها يديها لحاج اللور او سدات ليها فمها بدرع بواحد الزيف) تبداي ولا نبدا
لغالية : بداي نتي حيت أنا انطول
ياسمين : لوجه خليتو ليك ، ايوا ايزة شنو كنتي كتقولي على مي طحبة كلبة متفرع رجليها (هزات رجليها تال سما او عطاتها لكرش) دوي تقطع حسك ولا شنو
لحاجة : (ياسمين محبساتش فركلة وحدة او زادتها ركلة مور ركلة ، مخلياها باغة تسخف)
لغالية : باركة مسكينا شارفة متقدش على نوبتي عاود (شداتها من شعرها او صرفقاتها تصرفيقة لولة ، ومها كل جملة تصرفيقة) هادي تاع ولدي او هادي تاع أو هادي عاود تاع ولدي او زيدك هادي تاع ولدك هههههه بغيت نقول لي كان ولدك
لحاجة : (مطلقاتها لغالية تا رضات حناكها حمرين)
لغالية : (خلات ياسمين تفك ليها يديها ) سمعيني مزيان الحاجة تيقي بيا هادشي كي والو قلت ليك حرمتيني من ولد ونا غنحرمك من ربعة ، غنخليهوم تا لعين ميهزوهاش فيك قلتها ليك ولا مقلتهاش ليك ، او هانتي غنعطيك منهنا تا تشدي فراش لموت او تبقاي تقولي عيواض لما اكسيل اكسيل موحال تا واش غيجي عندك نتي قتلتي لكسدة تاع ولدي ونا قتلت علاقتك بولدك او خليتك نتي وياه كي لغراب على بعضياتكوم ، حيت أنا لغالية ماين لغالي أيزة
ياسمين : تشاو أيزة تفكرين بديك الزوية اوكي حبي
لغالية : (خرجات هي وياها من تما او طلعات لبيتها هازة طيليفونها وبدات كتصوني على اكسيل ولكن والو مكيجاوبهاش بتاتا) ياربي فين غيكون هادا وعلاش طافي طيليفونو ، ياربي متكونش وقعات ليه شي حاجة صوني على راجلك واش لقاوه
ياسمين : (صونات لجود ودوات معاه) لا باقي ملقاوهش
لغالية : (وصلها ميساج من اكسيل) “قولي لكولشي يرجع لدار واجي لهاد لبلاصة” ، صوني عليهوم قوليهوم ارجعوا لدار
ياسمين : (شافتها كتلبس حوايجها) فين غادة
لغالية : غادة عند اكسيل
ياسمين : عرفتيه فين كاين
لغالية : واه غنمشي عندو دبا
هزات سوارت تاع طونوبيل او خرجات بزربة غادة لعندو ، بقات شادة طريق تا وصلات لواحد الجيهة خاوية لاقية طونوبيلة اكسيل تما ، بلاصات حداها او نزلات كتقلب عليه بعينيها تا لقاتو واقف كيتمنضر او ساكت
اكسيل : (كانو عينيه حمرين دالين على انو كان كيبكي) جيتي
لغالية : ن.نتا بيخير
اكسيل : وايلي على بيخير علاش منكونش بيخير ونا عرفت بلي مي قتلات ليا ولدي
لغالية : (قربات عندو شادة ليه يديه) عارفة بلي هادشي بزاف او صعيب عليك تا تقبلو
اكسيل : سكتي ها لعار متزيديش عليا عرفتي شكون لي صعيب (غوت عليها) لي صعيب هو انك كنتي عارفة او مقلتيش ليا او خبيتي عليا واخة سولتك خليتيني هاد سنين كاملة كنعنق ونبوس فديك السيدة او مع ذلك مادويتيش الغالية شنو كنتي قلتي ليا قبل متسافري ؟ مقدرتش نحميك ونا بقيت كنخمم ايمتا هاد سيدة آذاها شي واحد ونا معاها ونتي كنتي كتمعني على مي ونا كي دمدومة معارفش تا علاياش داوية ، درتيني بحالا مكاينش بحالا مولديش هادي هي مشكلتك لغالية معمرك شاركتيني فياتك ديما كنسمع من برا ديمة
لغالية : (تغرغرو عينيها) عافاك متقولش هاكدا نتا عارفني مخبيتش عليك غا هاكداك خفتك مكتيقنيش خفتك متستوعبش بلي مك لي دارت فيا هاكداك انا براسي مكنتش قادة بلي يمكن لأم دير هاكداك فأم وحدة خرى ، او عارفة راسي غلطت او قلت ليك هضرة مكانش خاصها تقال او مكانش خاصني نسافر من لأساس
اكسيل : باش نافعة هاد لهضرة دبا ياك قلتي لي بغيتي او مشيتي سافرتي او موحال تا واش كنتي عوالة ترجعي اولا ؟
لغالية : ك.كنت باغة نبقا غا علاما يهدا ايمن شوي ويعطيني تيساع (بدا طيليفونها كيصوني)
اكسيل : شكون كيصوني داك تامل تاع فؤاد ؟
لغالية : مالك نتا وهاد فؤاد واحل ليك
اكسيل : (غوت شوي) واه واحل ليا هنا مبغاش اتسرط ليا
لغالية : (غوتات تا قفزاتو) مالك كتغوت تا انا كنعرف نغوت متسرطش ليك حيت مسلختيهش ديك نهار ها علاش كطعطع ملي كتشوفو
اكسيل : (ولا كيدوي بشوي) ايمتى غوت غا جاب ليك الله او صاف (سمع الصوت تاع لفواقة شاف لغالية لقاها ماشي هي) تاعاش هاد صوت
لغالية : (باقة مغوبشة) من صباح ونتا كتغوت تا خلعتي واحد فدراري ها لفواقة شداتو
اكسيل : (ترخاو تعابير تاع وجهو شوي او تحنا حاط ودنيه على كرشها كيسمع لفواقة ديال واحد فيه) و الله تا صوت منهنا شكون فيهوم
لغالية : باش غنعرف انا شكون فيهوم قالو ليك دايرة ليهوم لكمرات تما
اكسيل : (عنق لغالية خاشي وجهو فعنقها او مزيرها لعندو) سمحي ليا على داكشي لي دارت فيك لوليدة عمرني تخيلت ولا تصورت أنو توصل بيه هاد الدرجة
بقا فيه لحال بزاف او هو عاد دبا عرف لعساك لغالية لي وقع ليها دكشي ، تشوكات عليه صحتو ملي كانت كتعاود ليه لقابلة على كفاش حيدو ليها دري ولخايبة كتر أنو كانت فايقة كنحس بكولشي ، محملش راسو فداك لوقت محملش انو كان كيحميها من خيالو ، ولكن مقدرش احميها من مو ، هو دبا نكر مو ملي عرفها شنو دارت او كون كان فبلاصة لغالية اقدر تا يصفيهوم ليها ، او رغم هادشي كامل لغالية مدارت ليها والو او مردات ليها تا شوي من داكشي لي دارت فيها
لغالية : (زيرات فتعناق ديالو) مكاينش لاش طلب سماحة حيت نتا مدرتي ليا والو او بالنسبة لحاجة عارفة بلي صعيب عليك تسامحها ولكن واخة هاكداك متقسحش قلبك عليها ماشي على قبلها انما على قبلك نتا
اكسيل : لعار بلاما تعاودي تجبديها قدامي الغالية غادي غا نزيد نتعصب فبلاش
لغالية : صافي هاني مندويش غا يالاه دبا ناكلو شي حاجة على برا راه فيا جوع ، نمشيو نشدو لكبال منين كنت على برا ونا مشهياه
اكسيل : (بتاسم ليها) صافي هانتي عندك غي هاد خمسشهور او نشري ليك خنشة تاع درة كوليها تا خضرة
لغالية : غا مورسو صغير الله يرحم بيها لواليدين
اكسيل : لغالية نتي لي الله يرحم ليك لواليدين مراعي لدكشي لي فكرشك باركة غا واحد لي مرض غنزيدو تا تاني مبقاوش فيك
لغالية : كتعطي لتأنيب الضمير سلخة أحقا شتك باقي معطيتيني لكاضو تاع لحبالة
اكسيل : هههه هاد الساعة نتي لي خاصك تعطيني لكاضو على داك الضوبل
لغالية : داير انجاز زعما زيد زيد نمشيو بحالنا
#عند سناء#
غزلان : (خرجات من بيتها هازة بريزتها)
سناء : فين غادة ؟
غزلان : الى نثيتي عندي مثابقات او حاثني نمثي ندرب {الى نسيتي عندي مسابقات او خاصني نمشي ندرب}
سناء : قلتيها لباباك ؟
غزلان : بابا مثا لقبور هاد ثباح {بابا مشا لقبور هاد صباح}
سناء : مشا ؟ مقال ليا والو نتي ݣلسي تسنايه تا يرجع علميه او سيري
غزلان : علاث حاثني نعلمو {علاش خاصني نعلمو}
سناء : حيت باباك وقيلة او شهاد طريقة باش كدوي معايا
غزلان : كفاث بغيثي ندوي معاك هي قولي ليا نثي حنثي عمي اكثيل او ولدتيني او بابا لا لا هادا عيواض محثو يكون معانا حاثو لحبث
عبد الله : (دخل عليهوم او كان باين عليه لحزن شوي) شنو هادشي كتقولي فيه اغزلان
غزلان : مهزباثكث لحقيقة ابابا نثا مجرم أي واحد كيضرب مرثو او ولادو حاثو لحبث كفاث قذرثي دير هاكداك فمرثك كفاث قدرثي ثخونها مكنثيث باغيها طلقها علاث ضربها (نزلو دموعها) علاث ثغثاثبها واث نثا بنادم ؟ وليث كنحثم نقول ليك بابا ونثي قبلثي على راثك ثكوني معا واحد بحال هذا ولكن يمكن كتثابهو داكثي علاث
{معجباتكش لحقيقة ابابا نتا مجرم أي واحد كيضرب مرتو او ولادو خاصو لحبس ، كفاش قدرتي دير هاكدا فمرتك كفاش قدرتي تخونها مكنتيش باغيها طلقها علاش ضربها ، علاش تغتا’صبها واش نتا بنادم ؟ وليث كنحشم نقول ليك بابا ونتي قبلتي على راسك تكوني معا واحد بحال هذا ولكن يمكن كتشابهو داكشي علاش}
سناء : غزلان لي فيا كافيني باركة عليا غا لفضيحة تاع الصحافة لي دارت ليا ديك لخلقة فزواجي تا لخريج مابقيتش قادة نخرج عاد تزيديني نتي بهبالك
غزلان : كون كون محنثيث راجلك مكنثيث اتولديني او مكانث مجد ايكون حويا او مكانث غيوقع لينا لي وقع {كون كون مخنتيش راجلك مكنتيش اتولديني او مكانش مجد ايكون خويا او مكانش غيوقع لينا لي وقع}
عبد الله : قولي هادشي كامل على قبل داك زمر مبغاش تخوي عقلك او تهنينا
سناء : عبد الله صافي خليها هديه هديه الى عما سير او خليه ، غتعطلي على طيارتك ملي تسالي لمسابقات ديالك غترجعي لهنا وبلاما تناقشيني
غزلان : بثلامة {بسلامة}
جرات بريزتها او خرجات لبرا شادة ليها طاكسي اوصلها لمطار باغة تخرج هاد لقنة باغة تقلب على مجد باغة تكون معاه ولو من بعيد ، عارفة بلي هادشي مخاصوش ادار ولكن مابقاتش قادة تصبر نهار على نهار كتحس براسها مهووسة بيه او باغة غا تشوفو ، كرهات راسها او هاد لعلاقة لأخوية لي مانعاها تكون معاه كارهة انها تكون نتيجة علاقة غير شرعية ، كارهة تكون مها وحدة لعبات على راجلها او غدراتو او باها واحد أقل ما يقال عليه مكيسواش ، مخلى مدار فمرتو او بناتو لا وبلى ندم ݣاع ، بلاما تشعر لقات راسها كتبكي على لكرسي تاع لمطار ولي داز من لمسافرين كيشوفها كتبكي ويدوز ويخليها
عبد الله : هاد لبنت غتخرج ليا عقلي غا مزايدة فيه
سناء : شتي غا بنتي او مشتيش ديك لعقوبة تاع بنتك شوهة لي دارت ليا معا ناس عمر صحافة مذكرات سميتي غا فلإنجازات على خير يامي ولاو اكتبو عليا المرأة اللعوب ، حقيقة ضهور اطفال سناء بعد سنوات من اخفائها لهم وليت انا دبا لخايبة
عبد الله : كتدوي بحالا انا قلت منها مشتيش كي نوضاتلي صداع معا لجمعيات تاع حقوق لمراة حقوق زمر ، تا موت ولادي او مرتي مسقتش ليه لخبار
سناء : مرتك ههههههههه وايلي على مرتك تا طلقتيها او ماتت عاد وليتي تقول عليها مرتي عبد الله داك نيفاق ديالك متجيش ديرو عليا قالك بقا فيه لحال او غادي ايزورهوم فلقبر تا شيطان تلفتيه معاك توضيتي عاد مشيتي ولا مشيتي عندهوم بجنابتك
عبد الله : (غوت عليها) سناء حتارمي مخك او عرفي معامن كدوي
سناء : (غوتات كتر منو) معامن كندوي حريم السلطان جمع راسك أو هبط صوتك حيت نتا لي خاصك تعرف معامن كتدوي ، انا سناء مشي مريم غتجي تهز عليا او نسكت ليك قسما بالله تا نجرجرك فلمحاكيم او نجيب سطافيط تهزك الى مشديتيش معايا طريق لݣنس
عبد الله : (عارفها تقد على هضرتها او تفوتو لهيه ݣاع) صافي بلى غوات انا غا مقادش نستوعب بلي ماتو هادشي وصاف ، ليوم عارضة عنا مي لعشا كنت باغي تا غزلان تمشي ولكن مكتابش
سناء : صافي تا يوصل ليل او يكون خير
#عند صباح#
كانت فبيتها كتقرا لقرآن بعدما سالات صلى تاع لمغرب
محسن : الله اتقبل
صباح : آمين معامن كنتي كتدوي
محسن : غي معا لوليدة فكراتني فلعراضة تاع ليوم
صباح : او باش جاوبتيها ؟
محسن : مناويش نمشي
صباح : وعلاش بسلامة
محسن : هاكداك
صباح : ويلى بغيت انا نمشي ؟ راك عارف عمرني مشيت لداركوم او باغة نمشي نشوفها
محسن : ايوا نوضي وجدي راسك
صباح : واخ (مشات جبدات جلابتها من لماريو) نلبس هاد زيتية ولا لبلون كاسي ؟
محسن : (مشا عنقها من لور) شنو بان ليك نديرو بناقص حنا ݣاع او نبقاو غا فلبيت
صباح : كلاتك عاود حيد حيد عليا لضيماري عاود
محسن : هههههه معامن انا كتحسي براسك دبا مزيان ؟ شربتي دواك ؟
صباح : واه (تسمع دقان فلباب) سير شوف شكون
محسن : (حل لباب) ياسو
ياسمين : (شافت قميجتو مكمشة) عمي كنتي كدير شي تويشية نمشي نرجع تال شي وقت آخر ؟
محسن : وجه تواشا حنا لقيتينا غا كنوجدو راسنا باش نمشيو عندي ني لعشا نتي مغتمشيش
ياسمين : مكنمشيش عند شي ناس لي مكتربطني بيهوم تا علاقة بغيت نقول لصباح بلي جداتها أتمشي او جدها او عمامها الى بغات تنزل تسلم عليهوم
صباح : لحاجة ضبر مخها تمشي ولا تا تموت شغلها هاداك ويلا جدي وعماني راني توادعت معاهم
ياسمين : صاف واخة (نزلات لتحت عندهوم او مشات عند لحاجة لي كان باقة فبيتها كتبكي حيت اكسيل مسلمش عليها ولا قال ليها متمشيش) كتبكي تأ تأ متبكيش غتعزي عليا
لحاجة : لاش جاية جاية تشفاي
ياسمين : شفاية فناس خليتها ليك نتي لي موالفة بيها أنا لبارح ضربتك ايزة على حاجة وحدة على كلمة قلتيها لمي قبل متموت قلتي ليها “لمدلولات لي بحالك لي كيقبلو على راسهوم ياكلو لعصا موتهوم حسن من حياتهوم” ونا نبغي نقول ليك “لقتالات لي بحالك لي مفقلبهم لا رحمة لا شفقة موتهوم حسن من حياتهوم” بسلامة
لحاجة خرجات من بيتها وهي حانية راسها فين يزة لي كانت كتمشي براسها مرفوع ولات دبا غادة حانية راسها حاسة بلعار او بشوفات ولادها ليها حاسة بذل حاسة بلموت ، ليوم خسرات لحاجة يزة او لغالية لي ربحات ، ليوم لحاجة يزة خسرات بلاصتها فقلب ولدها ولغالية تبتات رصان فيه
لغالية : (قربات عند اكسيل لي كان واقف فلبالكو كيشوف لحاجة وهي غادة ، شافت لألم او لحزن او خيبة لأمل او لخذلان فعنيه ، ضرها خاطرها عليه داكشي علاش حاولات تشتت انتباهو) شتي باك خير منك جابلي مضمة تاع ذهب ونتا مصورت منك تا وزة
اكسيل : (ضار عندها مبتاسم ابتسامة هادية) شنو بغيتي نجيبلك
لغالية : (قربات عندو ودوات بتحلوين) بغيتك تجيبلي راجلي توحشتو
اكسيل : (حط يدو على على كرشها) مسكين راجل كونجي تا دوز ستة شهور
لغالية : وعلاش بسلامة ياكما لكوا فلحبالة حرام ونا مفخباريش
اكسيل : لي فيك مهناك نتي تا لمشية مكتمشايش مزيان بتقل او باغة لكوا الالة باز
لغالية : هانتا حسب معايا ربعشهور لي دازت او ستشهور لي جاية تبقا شهراين او غنكمل عام بلى كوا تا واخة نكون مزوجة عسكري مغنغملش بحال هاكدا علأقل لحسكري كل ستشهور كيجي يبرع مرتو واحد 15 ريوم او يمشي ، او مانتا عسكري منتا شاد لكونجي تبرعنا
اكسيل : إيه جميلك فتشبيهات او لحسابات او ملي تكولاي ليا تݣلسي عليا اكسيل اكسيل نتا سبابي فعدابي
لغالية : شحال فيك تاع دراما جي عبر ليا السكر باغة ناكل فيا جوع
اكسيل : واخ ݣلسي هنا (مشا تا جاب لپراي او ݣلس يعبر ليها)
لغالية : على حساب سميات تاع دراري شنو باليك نسميوهوم سميات امازيغية
اكسيل : شحاف عليك على شلوح نتي تا سميتي بدرع باش شديتيها
لغالية : حقا فكرني شنو كتعني
اكسيل : نمر
لغالية : (نفاجرات بضحك) واع على نمر ههههههه قالك نمر هههههههه لاواه سبع
اكسيل : اومالي ماشي نمر
لغالية : واه نمر تاع لقطن ، دبا خلينا من هادشي او ختارلي شي سميات امازيغية
اكسيل : تا نشوف
#فدار سليمان#
وصل محسن او صباح لدار هوما لولين حدهوم حطو داكشي لي جابو او سلمو على صحاب دار ، تا تسمع دقان فلباب
صباح : واش كانو عارضين على شي واحد آخر ؟
محسن : بحالي بحالك
كلتوم : ولدي عبد الله بنتي سناء جيتو مرحبا دخلو غزلان ماجاتش معاكوم
سناء : خرج ليها شي سفر من جنب داكشي علاش مشات اخالتي
كلتوم : خسارة كنت بغيت نشوفها دخلو متبقاوش برا
سناء : (دخلات لصالون ضاربة فمحسن او صباح)
عبد الله : محسن تا نتا هنا
سناء : صباح لباس
صباح : لاباس امراة لوسي نتي لباس
محسن : (متسوقش ليهوم او مد يديه مور ضهر صباح كيتسارا فيها)
صباح : (كتدوي بشوي) محسن حيد يديك واش سخنتي هاواي خلي باك هنا
محسن : ونا مالي ايكون تا باك
صباح : ههههههه نسميك راجل ديرها قدام لواليد
سليمان : كي غادي معا خدمتك اعبد الله
محسن : علاش باقي مطردوكش من لخدمة حݣل لقطاع تعليمي عندنا فلبلاد زيرو ، لمتحرشين او لي كيعنفو هوما لي كيقريو ولادنا
عبد الله : محسن هنينا
كلتوم : ماجاتش ياسمين معاكوم
عبد الله : متقولش ليا عيطي على ديك زفة لهنا
محسن : علاش غتجي عندكوم بسلامة شكاتجيوها ولا شمن خير صرفتوه فيها باش تجي عندكوم لهبال
أمين : (دخل عليهوم) السلام عليكم عمي محسن ختي صباح
محسن : عشيري كي داير لباس
أمين : لابس
سعاد : ݣلس تعشا معانا
أمين : لا انا خارج
ناصر : فين خارج فهاد ليل
أمين : خارج
عبد الله : مغتسلمش عليا مشايفنيش
أمين : لي بحالك ميشرفنيش نسلم عليهوم ولى ناكل معاهوم فنفس طبلة
كلتوم : امين حشومة عمك
أمين : عمي واحد محسن لمبقا الله يشعل فيكوم لعافية كاملين (خرج مخليهوم مصدومين فيه دري لهادي ولا كي تور او غا حاقد)
سعاد : متديوش عليه منين ماتت مريم او نهيلة او يوسف او هو غا معصب
كلتوم : زيدو تعشاو زيدو
محسن : (بقا هو وصباح تا تعشاو او ناضو مزادوش ݣلسو)
صباح : (قبل مدخل لطونوبيل شافت أمين ݣالس برا) مضركش لبرد
أمين : لا مشا داك زعاف
صباح : باقي ههههههه متقلقش راسك ويلى حسيتي براسك مخنوق أجي وجيب ختك عمتك او حنا غنبغيوكوم تعمرو عنا
محسن : معامن كنتي كتدوي ؟
صباح : (ركبات فطونوبيل) كنت داوية معا امين
محسن : كان برا ؟
صباح : واه
محسن : موت نهيلة ردو فشكل كان حاسبها فمقام ختو
صباح : علاش متقولش كان كيبغيها كتر من روحو
محسن : دري صغر ايمتا لحق يبغي اصباح الله يهديك
صباح : لحب او لكره كيكونو معانا من صغر غا هو مكنوعاوش او نفهمو هاد لمشاعر تا نكبرو او يمكن امين كانت نهيلة دايرة بلاصة فشكل فقلبو ، بين عئيلتك كاملة أمين بوحدو لي شفت فعينيه لحزن تاع بصح اما تا مك بكات بندم او تأنيب الضمير
محسن : يمكن
صباح : (بغات تغير لموضوع) باغي بنت ولا وليد كأول ولادة ؟
محسن : معرفتش لي جا
صباح : لي جا متأكد ؟
محسن : مكرهتش كولشي بنات او من ناحية بغيت كولشي دراري
صباح : علاش ؟
محسن : دبا الى ولدت كولشي بنات غنصدق مزوجهوم كاملين ولكن الى ولدت دراري انربح معاهوم لبنات
صباح : سياسي معا مخك ، شحال من ولد باغينا نولدو ؟
محسن : تا تقول لينا طبيبة وا بزاف عيقتو ههههه
#عند مجد#
طبيب : (حوار بلإنجليزية) هادا تاني شهر ليك فترويض ياك
مجد : واه
طبيب : (تحنا كيقرا تحاليل ولكن تعابير تاع وجهو مكانتش مبشرة بلخير) الصراحة معندي منخبي عليك لحد لآن باقي مبانت لينا تاشي إشارة على التحسن ، لجسد ديالك باقي معطانا تاشي استجابة
مجد : ماشي شي حاجة جديدة راه 4 شهور ونا كنسمع نفس لهضرة
طبيب : ولكن تقدر دبا تعاود لعملية غا هو
مجد : غا آش
طبيب : الى فشلات ليك تا هاد لمرة لعملية معا لأسف مغتقدش تعاود تنوض على رجليك ، فكر او رض عليا واش غديرها ولا لا
مجد : (زير على يديه) انا غنمشي دبا تا نرض عليك
خرج من عند طبيب هو وراجل لي مقابلو عاونو تا ركب فطونوبيل ، او ملي وصلو لدار عاود عاونو تا نزل منها
مجد : (غا دخل لبيتو) يمكن ليك تمشي بحالك باغي نبقا بوحدي
دري : غتلقاني فلبيت لوخرة الى حتاجيتي شي حاجة عيط ليا
مجد : سير لدارك باغي نبقا فدار بوحدي قول تال لخدامة ترجع لدار ها مطيب ليا والو
دري : واخ
مجد لخدامة كاملين لي فدار خرجو بحالهوم مخليينو بوحدو فدار ، حيد التوني لي كان لابس راسو ولكن مقدش احيد السروال لي لابس هادشي لي زاد عصبو مخليه اخبط لكاس دلما لي حداه معا لأرض تا تشخشخ ، بغا يبكي بغا يغوت باغي يتهنا من هاد لخنقة لي قاطعة فيه نفس ، باغي يسد عينيه او ملي يحلهوم القا راسو واقف على رجليه ، عيا مل او طلعات ليه حالتو فراسو
اكسيل : (بدا كيصوني ليه)
مجد : (خدا نفس طويل قبل ميجاوب على لإتصال) الو
اكسيل : ياكما كنتي ناعس ؟
مجد : لا كنت فايق
اكسيل : كانت عندك حصة تاع ترويض ليوم كي دازت
مجد : كي ديمة
اكسيل : شنو قال ليك طبيب هاد لمرة
مجد : قال بلي يمكن ليا نعاود لعملية
اكسيل : (فرح) بصح ؟ ايمتى عطاك ديرها
مجد : مغنديرهاش
اكسيل : علاش ؟
مجد : الا فشلات لعملية هاد لمرة مغنعاودش نوقف على رجلي
اكسيل : نتا مشتي الى نجحات ليك
مجد : (بهدوء) ويلى فشلات ويلى منجحاتش بحال ديك لي قبل منها شنو ندير ديك الساعة مباغيش نغامر
اكسيل : (بقا ساكت مالقا باش ايجاوبو حس براسو عاجز قدام هضرة ولدو) فكر مزيان ولقرار لي خديتيه انا معاك فيه
مجد : (بقا ساكت شحال عاد دوا) لغالي لحالة لي قت’لاتو بصح ؟
اكسيل : (بقا ساكت)
مجد : يعني فعلا هضرة جود معقول
اكسيل : ماباغيش نعاود نجبد هاد لموضوع
مجد : مقلتيش ليا دري ولا بنت ؟
اكسيل : جوج دراري
مجد : هاء ؟ جوج مناش جاك تاني
اكسيل : عطاوه ليا كاضو معا تاني ههههه
مجد : تمجهدتي
اكسيل : ديما مجهد
مجد : نخليك دبا
اكسيل : بسلامة تهلى فراسك
مجد : (قطع معا اكسيل او شعل تلفازة اتلها فيها شوي)
#عن لحاجة#
منين حطات رجليها فلبلاد او تا واحد ممسوق ليها كيما لول ولادها نقصو معاها لهضرة تا من صفية مقداتش تدوي معاه غا كتشوفها كتحس بيها مشمأزة منها ، بقات فبيتها كتبكي وتقول شي مبكات او تبكي وتقول شي مبكات تا دخل عليها لحاج لبيت
لحاج : (دخل عاقدهوم) كتبكي ؟ علاش كتبكي ؟ تحركات فيك لكبدة ولا تنادم معاك لحال ؟
لحاجة : كون رجع بيا زمان لور منديرش داكشي لي درت تيق بيا امحمد ، قلت نهني ولدي من ديك لفعة لي ضارت بيه قلت الى خليتها تا دارت زريعتها ايضيع ولدي من يديا كيما ضاع ولدو مدميتش يتبرى مني مادميتش ميبقاش حاملني
لحاج : حمدي الله تاقا فيك وجه الله ايما كون دوز ليك من لودن تال لودن 50 عام تاع لعشرة ايزة ضربتيها فزيرو بفعلك ، هادا كامل شر تجمع فيك تقاليد روح من لحمك او دمك واخة مدارت ليك والو ، علاش ؟ حيت مكنتيش بغيتي مو حيت نتي واحد سيدة أنانية كيعجبك كولشي يمشي على دوقك ولادك عندك كي لمونيكات تبغي تلبسيهوم كيما بغيتي نتي او تبغي تزوجيتوم من ختيارك ، لغالية مواحلاش ليك هي لغالية لا واحلة ليك حيت ختارها اكسيل او مختريتيهاش نتي ، عمرني دميتها فيك ملي شفت فعينين اكسيل لبارح عرفتي شنو شت ، شتو كيطلب لراسو لموت داخل عينيه ، شت قلبو تهرس لميات مورسو ، عمرني شتو عاجز كيما شتو لبارح عمرني شتو فاقد لأمل كيما لبارح ، تا دموع مقدش انزلهوم حيت شبع بكا لداخل ديالو
لحاجة : (نهارت بلبكا ملاقية باش تجاوبو)
لحاج : (تنهد) جمعي حوايجك
لحاجة : (شافت فيه) فين فين غنمشي ؟ غطلقني امحمد ؟
لحاج : ياريت كون كنت قاد نطلقك ولكن لعشرة لي جمعاتنا واقفة قدامي ، داكشي علاش لي نقدر ندير معاك هو تجمعي حوايجك او تمشي تݣلسي فلفيرمة تاع اغبالة او تخوي دار حيت مابقيتش باغي نشوف كمارتك قدامي
لحاجة : (وسعات فيه عينيها او شدات ليه يديه) محمد عافاك مديرش فيا هاكدا متبعدنيش على داري او ولادي ها عار ربي عارفة راسي غلطت ولكن منستاهلش منك تنفيني لخلى لخالي بحال لمقطوعة من الشجرة
لحاج : جمعي حوايجك بزربة لپيكوپ اتجي تديك منهنا جوج سوايع
لحاجة : (خرج لحاج مخليها كتندب حناكها) هايونو هارونو درتها راسي هايوني خف سعدينو هايونو
صفية : (دخلات عليها لبيت)
لحاجة : يلي {بنتي}
صفية : جيت نعاونك تجمعي حوايجك
لحاجة : بغيتيني نمشي تا نتي
صفية : مخليتيلي امي تا باش ندافع عليك ولا نوقف معاك قتلتي ولد خويا واخة تكون لغالية منعرف شدارت ليك ولكن تحرميها من ولدها تال هادي لا امي تال هادي لا
جمعات ليها بنتها حوايجها بيدها او عاوناتها تا وصلاتهوم لبيطوپ لاقية عزيز او يحيى واقفين تما
يحيى : (حاول يدوي بأدب) يو ربي اكمي عاون {مي ربي يعاونك}
عزيز : تهلو ݣخفنم {تهلاي فراسك}
لحاجة : (تسالمات معاهوم او ركبات فلبيكوپ غادة بحالها لدارها جديدة)
بعد ديك طريق كاملة حطات رجليها فلفيرمة لي عندهوم فغبالة لاقية لخدامة لي كتقابل الدار او راجلها لخماس تما ، كاين لي فيقول شكون بحالها مشات تݣلس فلفيرمة او لخدامة عندها ولكن لي بحال لحاجة كيعجبهوم الجمعة تاع لعئيلة كيعجبهوم ولادهوم او حفايدهوم اضورو بيهوم باش اقدرو ادخلو فحياتهوم ، اما ملي كيبقاو بوحدهوم كيحسو بحالي مابقا عندهوم دور ، يزة كانت كتحس براسها شان او هما ملي كانت لحاجة يزة مراة لحاج محمد او ماين عزيز او يحيى او صفية و اكسيل ، ملي كانو كيشاوروها فكولشي او كيقلبو على رضاها ماشي دبا ملي نفرو منها او من فعايلها ، دخلات لداخل طالعة لبيتها وسادة تبكي وتندب على حالها
#عند ياسمين#
ياسمين : (كانت معا جود فطونوبيل) صافي حطني غا هنا غيخصني نشري شي غراض عاد ندوز لمحال
جود : واخ (حبس الطونوبيل)
ياسمين : معاياش اتسالي خدمتك ؟
جود : معا جوايه ديك لخمسة غندوز عليك نرضك معايا لدار ؟
ياسمين : لا غا رجع لدار ، لعواشر هادو مكنسدو تال جوايه لعشرة عاد جميع سلعة يعني لقضية تال ل11 عاد انكون ساليت
جود : ايوا صاف ملي تسالي سيفطي ليا باش نجي نديك غتكون فلقهوة معا عشراني
ياسمين : شمن عشران هادو عاود مزوجين
جود : انا وعمك بوحدنا لي مزوجين لمباقي تاع راسو
ياسمين : شتك كتدوي بحصرة
جود : لا وايلي على حصرة مالهوم ناقصين ليا فلمانضة
ياسمين : احقا عاد تفكرت ساليتي طريطة تاع طونوبيل ولا باقي
جود : بقات آخر وحدة تال فينما عطيتها مزربانينش
ياسمين : ايوا راس شهر داز بشحال هاد لبنكة مناش واخد طونوبيل تاع باك تا تخلصها وقتما بغيتي
جود : وراه لواليد مناش تسلفت بغيتيني نمشي نتسلف بريبة ؟
ياسمين : او سلفك عمي اكسيل ؟
جود : سلفني علاش ميسلفنيش راني داير فيه خير كنخدم ليه دوك لفلوس الى بقاو عندو غيغملو
ياسمين : واه كتفكر فباك امسكين (قربات عندو او دوات بشوي) احقا مقلتيش ليا شحال صافي التروة تاع باك
جود : (دوا تا هو بشوي) الى قلت ليك شي حاجة كدبت عليك شي مرات راه لفلوس ݣاع لي كيكونو عندو كيصدقهوم كيخلي غا لمصروف او راس لمال او شي مرات كيدير بيهوم مشروع علاش كتسوي باغة تعرفي العفريتة شحال ايجيني فلورت
ياسمين : هههههه الى كملتي على هاد لفعايل انا نضمن ليك بلي باك غيكتب فلوصية كولشي صدقة باش ميخليليكش تا ريال او غتلقاني انا كاتبة تحت لوصية اصادق على لقرار
جود : تكركبي خليني نمشي لخدمتي خليني
ياسمين : هاني غادة بسلامة
هبطات من طونوبيل فحين جود مشا لخدمتو او هي دخلات لواحد لهرية تاخد ليها شي حاجة تا كتبان ليها واحد لبنت تكون عندها ديك 13 رعام هازة بكية تاع لݣارو بتخبية ، هزات داكشي لي خاصها او بقات حاضية لبنت لي كانت اتخرج سعا شدها مول لحانوت
مول لحانوت : (شنق عليها) حطي داكشي لي صرقتي
لبنت : (كانت دايرة كسكيطة) طلق مصرقت والو
مول لحانوت : او لبكية تاع لݣرو لي شتك هزيتي السرقة ولكماية داكشي لي بقالكوم نيت ضصرتو او كترتو
ياسمين : حيد يديك عليها راها معايا ونا لي قلت ليها تهز لبكية تا نخلصك انا
مول لحانوت : او ملي نتي لي اتخلصي لاش هازة هي لݣارو بتخبية بحال شفارة
ياسمين : باش مديرش ليها بحال هاد لفضيحة لي درتي (مدات ليه لفلوس) ها رزقك او لمرة الجاية جمع يديك
لبنت : (جراتها ياسمين لبرا ولكن غا خرجو دفعات ياسمين عليها) لاش مخلصة عليا فين كتعرفيني
ياسمين : مكنعرفكش غا هو لواحد الى بغا يصرق اصرق شي حاجة تستاهل تفيدو ماشي ݣارو
لبنت : (جبدات لفلوس من جيبها او لاحتهوم عليها) شدي رزقك ماتساليني منسالك
ياسمين : ملي عندك لفلوس لاش كتصرقي ولا نقول لاش كديري شي حاجة كتحشمي يشوفوك ناس كديريها
لبنت : ماشي شغلك فيا شدخلك
ياسمين : يا لبرهوشة كتعلقي فين تفلقي مدوزو لحبس من قبل باينة فيك لا ، ويلا مبغيتيش دوزيه حلي عينيك حيت ليوم فكيتك غدا لا او معا لوقت اتولي عندك بلية كتر من داك لݣارو لي فيديك
لبنت : لي شافك ايقول نتي مدوزاه او زيدون مكيدوز لحبس غا لقادات
ياسمين : ههههههه غا لمخورات لي كيدوزو لحبس راني قلت ليك برهوش يسحاب ليك داك لݣارو هو لي غيخلي ناس احسبوك خايبة او ميقربوش ليك ولا داك لݣارو هو لي غينسيك همك ههههههههه جمعي راسك اوسيري تكمشي حدا مك الى كانت باقة عايشة هاد طريق مغتسلككش علأقل الى بغيتي ضرب راسك ضريه شغلك هاداك ولكن مك شنو ذنبها تا تعدبيها معاك
لبنت : (عطاتها ياسمين بضهر) ياكما مات مك او تنادم معاك لحال داكشي علاش جاية ديريلي فيها لخطبة
ياسمين : (ضارت شافت فيها واحد الشوفة مخالطة بين لحزن او الندم ولكن شفايفها مبتاسمين) باش متندميش بحال او تخرجي تبقاي تلقي على الناس لخطبة ماتكونيش بحالي او مدوزيش من طريق لي نتي أصلن عارفة بلي مسدودة خليتك على خير
مشات بحالها لطبيبة عندمن متبعة حيت وصل رونديڤو ديالها
طبيبة : (بتاسمات لياسمين) تفضلي ݣلسي متبقايش واقفة
ياسمين : (ݣلسات فبلاصتها كيما موالفة)
طبيبة : شخبارك شكتعاودي
ياسمين : هاد الساعة مكنعاود والو
طبيبة : لبركة فراسك من جيهة ماماك
ياسمين : مامشي معاك باس
طبيبة : (حسات بيها تغيرات شوي) عندك شي ندم من جيهة ماماك ؟ ولا باغة تعاودي ليا على طبيعة لعلاقة لي كانت جامعاكوم ؟
ياسمين : كانت علاقتي بيها قوية ملي كنت صغيرة كان لحمام ديالها مقنعني او مخليني نستغني على لحنان تاع بابا ، ولكن ملي خرجت من لحبس كولشي تبدل
طبيبة : تعاملها معاك تبدل ؟
ياسمين : بلعكس كانت كتزيد تقربني منها انا لي تبدلت انا لي مبقيتش ديك لبنت لي كيعجبها حضن مها ، انا لي وليت كندير حواجز بيناتنا كنت عييت من اني نشوفها كتعيش فداك دل ولكن فلحقيقة كنت انا سبابها فديك لعيشة , كنت كنقول بلي كانت قادة تبعد على بابا ولكن هي لي كانت باغة تبقا حماتها او عطفها خلاني منشوفش لقيود لي كانت مربوطة بيهوم ، كنت فينما نشوفها مكنحملش راسي او كنزيد نكره راسي حيت مكانتش شي وحدة تستاهل نكون بنتها ، كنزيد نتعصب او نمشي نسكر تا نتلف على لقبلة او ملي نجي لدار نلقاها كتسناني فضلام باش تحل ليا لباب او طلعني بلاما يشوفني شي حد ، كانت الى سمعات تقرقيب تاع بابا تنوض كتسلخني باش ميجيش هو يسلخني كنت شي مرات مكنفهمهاش كنلقاها كتبكي بحالا هي لي كتضرب ماشي انا كانت كتألم فبلاصتي وكتر مني ، ولكن انا ختاريت نكمل فديك طريق ختاريت نبقا بوحدي فداك لغيس او منخرجش منو ، كنت كنقول الى كميت الى شرب غنكون خايبة لدرجة انو واخة يقولو عليا بلي خايبة ميبقاش فيا لحال كيما فاش مكنت كندير والو ، ولكن فاش ماتت لقيت بلي لوجود ديالها هو لي كينسيني همي ماشي شراب ، داك لأمل اني نشوفها عايشة حياتها كيما بغات هو لي كان مصبرني ، موتها خلا واحد لعافية قديمة كانت شاعلة فيا عييت نحاول نطفيها طفا فمرة بلاما تخلي تا رماد لداخل ديالي
طبيبة : كون رجعتي لداك لوقت لي فقدتي فيه راسك شكون الشخص لي كنتي غتقولي ليه شي حاجة
ياسمين : كنت غنقول لواحد لبنت صغيرة واخة تشوفي لباب مسدود قدامك قانو يتحل ، واخة يضروك رجليك او يتجرحو جري فداك لخلى لمضلم او متحبسيش جري ومتشوفيش لور باش ميتنادمش معاك لحال كنت علأقل انعنقها ونقول ليها بلي ماشي دنبك هادشي لي وقع
طبيبة : لحصة تاع ليوم سالات تبعي دواك بشكل منتضم
ياسمين : نخليك انا دبا بسلامة
#عند لغالية#
اكسيل : (دخل عليها لبيت لاقيها متكية على لارض او دايرة فوطة بازݣة على كمارتها) شكاديري نوضي فوق السيمة غيطلع معاك لبرد
لغالية : الصهد
اكسيل : حلي شراجم او غتهواي ولا ݣلسي فلبالكو
لغالية : سكت متدويش معايا فيا جوع غنسخف ليك هنا داكشي علاش متخلينيش نشوي طاقة ديالي كيما كيشويو درا فوق لمجمر ولا كيما كيشويو لغنمي فوق جمر
اكسيل : متخافيش مغتسخفيش راك واكلة شلاضة
لغالية : واكلة زمر شلاضة بلا خبز تا هي حاسبها ماكلة توحشت لخبز توحشت لمرقة بلبرقوق او سفرجل معسل
اكسيل : فين كنتي كتاكلي سفرجل معسل أبعدا قبل حتى متمرضي البحاطية
لغالية : كي عايش نتا غا قول ليا لا سكر لا خبز لا فريت لفريت اعيباد الله شمن سكر فيها وحنا كنديرو ليها لملحة
اكسيل : نوضي نوضي الهبيلة باغي ندوي معاك
لغالية : مد ليا يديك راني مقاداش نوض بوحدي (نوضها من لأرض او ݣلسات مقابلة معاه) هاني ݣلست الله اسمعنا خبار لخير
اكسيل : سمعيني مزيان لقضية تاع الياس تحلات
لغالية : شنو ؟ كيفاش ؟ ياك كنتي قادر تخليها تسد هاد سنين كاملة كي دار تا حلها أيمن مرة خرى
اكسيل : (رجع راسو لور مرتاح) جا لوقت فين كان خاص لقضية تحل
لغالية : لوقت فين كان خاص لقضية تحل ولا فين كان خاصك تخليها تحل
اكسيل : (بتاسم ليها) ماشي مهم الى انا لي حليتها ولا تحلات راسها فلأخير نفس النتيجة
لغالية : علاش عطيتيه لفرصة فين احل لقضية واش معارفش بلي هادشي خطر عليا فأي لحضة اقدر نولي مشتبه بها يقدر تا تتبع عليا التهمة
اكسيل : هادشي لي بغيت تا انا بغيت تولي مشتبه به رئيسي او تحضري فلمحكمة باش نقدر نسد هاد لقضية فمرة وحدة مبغيتش ولادي ملي يتزادو نبقا شاطن راسي معا هاد لبلان زيد عليها لموت او لحيا هادا متعرف شكون سابق فينا او ماحدي عايش باقي نطرق هاد لمسمار
لغالية : او شنو لمطلوب مني دبا
اكسيل : فهاد تحقيق لولاني غيستدعيوك كشاهدة كآخرة وحدة شافت الضحية قبل ميموت غتدلي بشهادتك عادي او خلي أيمن القا عليك التهمة آه قبل منسا بغيتك ديري دوك لبلانات دياولك تاع لهضرة بشوي مور لبيبان كيما درتي معايا
لغالية : درت معاك ؟ ايمتا بسلامة
اكسيل : راك عجينة يدي دوك لبلانات او دوك تخطيطات تحت دف دياولك شاربهوم ما كون دخلتي تمتيل كنتي اتولي ممتلة مزيانة ، كيما كتعرفي تبدلي تصرفك على حساب لوضع بغيتك توسوسي ليا او تخافي بغيت سيهام تشوفك كترعدي الغالية فبيتك بوحدك
لغالية : علاش سيهام بضبط ؟
اكسيل : نتي ديري لي قلت ليك او حضني شنو كيخرج فمك انخليك دبا عندي شي غراض نقضيه خودي دواك فلوقت
لغالية : معاياش اترجع ؟
اكسيل : غنبات تما واحد يوماين
لغالية : عاود عاود اتبات يوماين فين غادي بسلامة ؟ او عندمن ؟
اكسيل : (غوبش) من ايمتى وليتي كتسولي بحال هاد لأسئلة ؟
لغالية : ونا غا سولت واش ما من حقيش نسولك
اكسيل : ماشي مسألت حقك ولا ماشي حقك غا هو كتسوليني بنبرة شك ، غادي لمكناس نطل على ديك الدار لي تما
لغالية : (صغرات فيه عينيها) غادار لي باغي تشوف اوا صافي ديني معاك تا انا توحشت داري
اكسيل : لا مغتمشيش
لغالية : علاش بسلامة
اكسيل : ملي معمرة راسك بتخربيق خليه اضرك بسلامة آه قبل منسا سكار عطيه تيساع الغالية ولا ميعجبك حال
لغالية : حلف ايما غادي تشوف شي مرا
اكسيل : (خسر سيفتو) لغالية واش مكتعرفينيش
لغالية : ايوا حلف ايما غادي تشوف راجل راه لوقت مابقاتش كتعجب كنت فلول ضاربة لهم غا لعيالات اما دبا وليت نضربو تال رجال
اكسيل : (شاف فصدرها قبل ميدوي ) عندي راجل فدار او نمشي نقلب على واحد آخر
لغالية : (نزلات عينيها لفين كيشوف قبل متشوف فيه بغضب) بزاف عليك نكون راجل دبا يعمرو بلحليب او يتنفخو ونشوفك ديك الساعة مقرب ليهوم
اكسيل : اعمرو بلحليب او يتنفخو عندك بزولة لبݣرة لهلندية اي نوضي على سلامتك دوك جوج برقوقات لي عندك موحال تا واش اݣر فيهوم دردݣ لعساك لحليب
لغالية : (حيدات صرفاقتها او عطاتها ليه لوجه عماتو) برقوقات او كنتي ضل عاصر عليهوم انكار لخير
اكسيل : (شاد عينو) عماتني عماتني بنت لهم
لغالية : سرك باش متبقاش تشوف صدري واش برقوقات ولا دروعة
اكسيل : (لي فيه مهناه) زعما الى مشتهومش منقيسهومش او نعرف بلي عندك جوج برقوقات
لغالية : (حيدات صرفاقة لوخرة او شيرات عليه ولكن سبقها وهرب خارج من لبيت مخليها كتغوت) سير يا اكسيل اكبير طرمة كيما عيبتيلي بزيزلاتي انقص ليك ربي من طغمتك او يزيدهوم فبزازلي تا يبقاو اعيطو ليك راجل مولات لبزول
رجعات ݣلسات كتلتاقط انفاسها عصبها رجعات تمغطات باش متفكرش فلماكلة
#عند غزلان#
كانت وصلات لفرانسا شي يوماين هادي ولكن بقات غا فدار مخرجاتش بتاتا ، رواح ضربها ماخلا ليها فين تحرك تا تقلاب على مجد ضطرات تأجلو علاما تولي شوي أو دوز لمسابقة لي عندها
غزلان : (كانت متكية فبياصها تا سمعات دقان فلباب مشات حلاتو لاقية مرا تكون فتلاتينيات ديالها لابسة شيك او مهلية فراسها)
لمرا : (دوات معاها بلفرونسي) دار تاع سناء **** هادي ؟
غزلان : واه هي هادي يمكلي نعرف شكون نتي
لمرا : كاينة فدار ؟
غزلان : لا ماما مكيناش راها فلمغريب
لمرا : (تغرغرو عينيها شوي) ننتي بنتها ؟
غزلان : واه
لمرا : انا خت ماماك ب.بغيت نقول صاحبة ماماك شحال فعمرك ؟
غزلان : (من نوع لي تقولها السلام تقولك تا آش مطيبة لغدا) عشرين عام
لمرا : (محسات تا عنقاتها) ريحتك زوينة بحالك
غزلان : (مفهمات والو ولكن مكانتش كارهة أنو تعنقها هاد سيدة)
لمرا : هادي نمرتي خليها عندك الى حتاجيتي شي حاجة صوني عليا ، انا غنعاود نجي نشوفك صافي
غزلان : واخ
لمرا : (عاودات عنقاتها بحالة مساخياش بيها) تهلاي فراسك او ردي لباب لصحتك
غزلان : (بتاسمات ليها او رحبات بيها مدام صاحبت مها) دخلي متبقايش برا
لمرا : انا غنمشي تا نعاود نجي نشوفك
غزلان : (شافتها غتمشي) ش.شنو سميتك ؟
لمرا : الى بغيتي تعرفي عليا مزيان متمشي لتاشي بلاصة او متغبريش حيت صعيب نعاود نلقاك
غزلان : كنتي كتقلبي عليا من قبل ؟
لمرا : ههههه لا غا هو فرانسا كبيرة او تا مدينتكوم كبر ونا مساكناش فنفس لمدينة داكشي علاش كان صعيب عليا نلقاك هادشي لي قصدت بسلامة
غزلان : بسلامة
#عند أيمن#
دخل عند لقسم لي متكلف بلقضية تاع باه او قصد الشاف ديالهوم كان صاحبو معرفة
لبوليسي : افين اهاد الراجل صڤا
ايمن : صاڤا كنت بغيت نسولك بدوتو تحقيق ياك فين وصلتو ؟
لبوليسي : هاد الساعة موصلنا لتا حاجة من غير انو لأب ديالك آخر مرة تشاف فيها من طرف الجيران هو 13/4/2017 ملي سولناهوم قالو بلي كان واقف حدا طونوبيلتو كيدوي معا واحد لبنت تكون عندها ديك 15 رعام لموهيم معا قاصر ، او كيقولو بلي ديك لبنت مغريباش عليهوم كاين لي قال او أكد بلي ديك لبنت كانت تلميذة عند باك او خت واحد لأستاذ صاحبو ، قدرنا نشوفو السجل المدرسي تاع تلمذات لي كانو كيقراو عند باك او وحدة منهوم لي نطابق عليها لمواصفات لي قالو سمرة وصغيرة او خوها استاذ او صاحب باك
أيمن : (قال سميتها بلاما يتردد) لغالية لغالية التاجي
لبوليسي : كتعرفها ؟
أيمن : معرفة قديمة شنو غنديرو معاها
لبوليسي : كنتسناو تشريح الطبي للجتة تاع باك اخرج باش نأكدو على واش نتا’حر فعلا ولا تقتل ، بعدها ادوز لقضية لمحكمة او غيستدعيوها كشاهدة بحكم انها آخر وحدة شافتو قبل لوفاة ديالو
أيمن : او ملقيتو تا حاجة فطونوبيل ديالو فلمستندات ؟
لبوليسي : هاد الساعة ملقينا والو الى كانت شي حاجة غنعلمك كون هاني
أيمن : مغنساش خيرك
#عند سيهام#
سيهام : (كانت كتدوي معا أيمن فطيليفون) قلتي ليا نحط ليها هاد لكارطونة فبيتها ؟
أيمن : واه او تأكدي من أنك نعطيها ليها من يدك ليدها
سيهام : كون هاني غنطلع عندها دابة (قطعات معاه او طلعات لبيت لغالية وفيديها ديك لكارطونة دقات عليها وملي قالت ليها دخلي دخلات) لالة
لغالية : باغاني فشي حاجة اسيهام ؟
سيهام : غا جيت نعطيك هاد الصندوق يالاه وصل لدار بسميتك
لغالية : (بإستغراب) ليا ؟ ولكن انا مطلبت والو آري لهنا نشوف او سيري كملي خدمتك
سيهام : واخة (خرجات من لبيت أو رضات لباب مخلية فجوة صغيرة تحضي منها ردة فعل لغالية ملي تحل لكارطونة)
لغالية : (ملي حلات لكارطونة لقات فيها شي تصار تاع إلياس او هو غارق فدماياتو فمسرح لجريمة ، شدات فمها بيديها كنحاول تمالك نفسها خبعات دوك تصاور بزربة او عيطات لسيهام) سيهام
سيهام : (دارت بحالا يالاه جات عندها) نعام الالة
لغالية : (كانت الرجفة باينة فصوتها او دموع على طرف عينيه) شكون عطاك هاد لكرطونة دوي متبقايش ساكتة
سيهام : وصلها لفاكتور لدار كيف موالف
لغالية : صافي رجعي لخدمتك (بقات واقفة فبلاصتها تا تأكدات بلي مشات سيهام بحالها عاد عاودات جبدات تصاور من موراها ماسحة دمعتها لمزيفة) قولي ليا نتي هي سوسة لي حارقالي راسي او مدخلالي لوسواس ، تا طججتيني من داري او خرجتيني مها مخلياني نتنوطح فلغربة ايوا واخة اسيهام و الله لا بقات فيك الخانزة لا نتي لا داك زعاف دأيمن دايرين ليد فليد زعما ، مسيفطين ليا هاد تصاور بحالي مكنتش حضرت لهادشي
سيهام : (مشات لجردة هازة طيليفونها او مصونية لولد خوها) الو
أيمن : امضرا قوليلي شنو دارت ملي شافت دوك تصاور
سيهام : تخطف لون تاع وجها او ولات غا كتقفقف باغة تعرف غا شكون وصل ليها دوك تصاور
أيمن : ههههههه بلاتي ملي تزور لمحكمة فهاد ليامات
سيهام : صافي تبتات عليها تهمة ؟
أيمن : لا باقي غا هو اتحضر كشاهدة كنتسناو غا يخرجو نتائج تشريح غدا ويكون خير
#بعد ايام قليل#
كانت لغالية واقفة قدام شرطي تحقيق ، كيحققو معاها بعدما خرج تقرير الطبي للجتة
لبوليسي : (حس بيها خايفة) مكاينش لاش تخافي مجبناكش هنا كمتهمة انما كشاهدة تعاونينا نلقيو لقبض على لمجرم لي قت’ل الياس لمرق
لغالية : نتعاون معاكوم معندي تا موشكيل فلأخير إلياس كان لأستاذ ديالي ويلا كان باش غنعاون فقضيتو مغنبخلش عليكوم
لبوليسي : (حاضي حركاتها مزيان) نجيب ليك شي كاس دلما بانولي يديك يترعدو شوي
لغالية : واه ويلا كان ممكن دير ليا فيه شي طوبة تاع السكر كنضن السكر طاح ليا
لبوليسي : (جابو ليها داك لكاس دلما معا سكار) وليتي دبا شوي
لغالية : (حسات براسها مزيان) واه
لبوليسي : اذن نبداو شنو لعلاقة لي كتربطك بالضحية الياس لمرق ؟
لغالية : كان لأستاذ تاع تربية اسلامة ديالي فلإعدادية لتلتسنين متابعة
لبوليسي : غا هادشي وكان ؟
لغالية : آه او كان صديق تاع لأخ ديالي استاذ تا هو فنفس لمؤسسة
لبوليسي : مزيان فتاريخ 13/4/2017 فين كنتي ؟
لغالية : الصراحة معقلتش بضبط كيما كتعرف داز بزاف تاع لوقت او معاقلاش على تاريخ مزيان
لبوليسي : كتوقع آخر مرة شفتي فيها لأستاذ الياس ايمتى كانت او فاش دويتو او علاش مشيتي عندو ولا تلاقيتي غا مجرد صدفة ؟
لغالية : الى كان عقلي ينفعني آخر مرة شتو كانت بعد ديك ربعشهور من زواجي سنة 2017 ، كنت مشيت غا نسولو على بنت خويا او شكتعاود
لبوليسي : وعلاش بضبط قصدتيه هو او خارج لوقت الزمني تاع لخدمة علاش ما مشيتيش لمؤسستها او سولتي عليها خوك فلأخير بنتو علامن كنتي باغة طمأني
لغالية : فكرت نمشي لمؤسستها نشوفها او نسول عليها ولكن فداك لوقت علاقتي بخويا او عئيلتي كانت منقاطعة ، ويلى مشيت لمؤسستها كنت انتلاقا خويا تما ، داكشي علاش قصدت لأستاذ الياس فدارو بحكم انو كان استاذي لتلتسنين متابعة او الصديق تاع خويا كان كيحسبني فمقام بنتو داكشي قصدتو يعطيني خبار بنت خويا لي كانت كتقرا عندو تا هي
لبوليسي : او ملي تلاقيتيه كي كانت حالتو النفسية ولا لجسدية طريقة باش جاوبك على اسئلتك او كي تفارقتو او فين مشيتي نتي من بعد ما دويتي معاه
لغالية : سولتو اسئلة عادية بحال شخبارك او قصدتك باغة نسولك على بنت خويا ، جاوبني بلي راها مزيانة او كتديها فقرايتها واخة انطوائية شوي ، سولني على شنو درت او على خباري
لبوليسي : لاحضتي شي حاجة غريبة فيه ؟
لغالية : لا كان كيدوي عادي من غير اني حسيتو شوية متوتر او ممرتاحش ملي وقفت عليه فزنقة ، ملي سالينا هضرتنا انا كملت طريقي لخدمتي او هو معرفتش واش ركب طونوبيلتو لي كان واقف حداها ولا رجع لدار معرفتش
لبوليسي : قلتيلي مشيتي لخدمتك علاه مقلتيليش عاد دبا كنتي يالاه تزوجتي ؟
لغالية : كنت عايشة بعيدة على راجلي فداك لول لشي ضروف او ضطريت نخدم على راسي
لبوليسي : فين كنتي خدامة ؟ عندك لوراق تاع لخدمة ؟
لغالية : لا حيت كنت ديك ساعة عاد عندي 15 رعام يعني قاصر ميمكليش نخدم بلوراق داكشي علاش كنت يا كنخدم فديور ولا لپتيسريات او لمحلابات شي خدامي بحال هادو
لبوليسي : مكتبانش عليك شي وحدة ضربات تمارة قد هاكدا فصغرها
لغالية : ايوا هادي هي دنيا مرة ضحكك مرة تبكيك
لبوليسي : شكرا على تعاون ديالك يمكن ليك تمشي تا نعاودو نعيطو ليك الى حتاجيناك
لغالية : واخة (خرجات من لكوميسارية لاقية كولشي كيتسناها برا)
صباح : ها هي خرجات
محسن : (عنقاتو لغالية) كي داز دكشي
لغالية : مزيان جيتو كاملين فكرتوني نهار دوزت لپيرمي
جود : هههه ياكما قجرو عليك فلأسئلة
لغالية : سولوني اسئلة عادية ماشي شي حاجة
اكسيل : نمشيو نتغداو غيكون فيكوم الجوع
لغالية : كو زدت شي شوي كون كليت لكوميسير كانت فيه ريحة نعناع
اكسيل : دخلناك تجاوبي على لأسئلة ولا تشمي فناس
لغالية : (بغات تفقصو) عرفتو البنات على كوميسير ولا كون قال ليا نتي متهمة منعاودش معاه لهضرة غا باش اديني بيديه لحبس شنو كانت سميتو اشرف **** ياك
صباح : (بحماس) هي شي بوݣوص او شخصية
محسن : اصبحان الله اشريفة ياق طاحو ريوݣك
اكسيل : عيواض ماتجي تحل فمك على بنتي جي دوي معا هاد ختك هي لي بدات كولشي (كيعوجها) عرفتو البنات على كوميسير ني ني ني
جود : (دوا بفخر لائحة يدو على كتف ياسمين) باش تعرفو بلي انا لي مزوج عيالاتكوم غا سمعو كوميسير هوما يدوخو ولكن انا مرتي ݣاع متسوقات ليه (ديك شوفة لي شاف جيهتها لقا سيدة داخلة لأنسطا كتكتب فسميت لكوميسير ، نتر ليها طيليفون مخنزر) لا لا تشبارك الله ونا لي ݣالس كنشكر فجدك حيت متسوقتيش ليه صدقتي داخلة كتقلبي على لكونط ديالو منمشيش نطلب ليك نمرتو ؟
محسن : سرك نتا لي ݣالس كتبان عنا من صباح
اكسيل : كلا يركب خرشاشتو او يزيد قدامي نمشيو نحنجرو
جود : هاحنا تابعينك الواليد
كل واحد ركب فطونوبيل فاش جا او بقاو غاديين تا خرجو على كازا ومحبسو تال واحد السوق عامر قياطن تاع الشوا ، شدو ليهوم واحد لقنة مخليين اكسيل مشا شرا شي دجاج او شي كفتة وكباب تاع لبݣري عاد رجع عطاه لمول لقيطون اشويه ليه
لغالية : (دخلات طول او عرض هي ودوك لي معاها فلحم تا عمرو كرشهوم ، ولي ذلك ليهوم داروه فلخبز وداوه معاهوم) اكسيل
اكسيل : شنو
لغالية : خلينا نمشيو نتمشاو شوي او نضورو فسوق شحال هادي مجيت لهاد نواع تاع سواق
اكسيل : باغين ضورو هنا ؟
صباح : واه واه الواليد
جود : (بغا يشد فصباح) ولكن قبل خلينا ندوزو لجيهة لبهايم نلقاو لصباح شي معزة بحالها
محسن : ايوا حاشاك
جود : مديرش فبالك أصاحبي راه لعتارس لي بحالك عطاهوم الله ضاروري نلقاو شي عتروس او مرتو بحالكوم هاكدا
اكسيل : علامن قلتي لمعزة او لعتروس ؟ دوي
محسن : (فرح) شتو نسيبي هزاتو نفس عليا
جود : او مالي كدبت ؟ هانتي صباح شنو كيقول بابا ملي كيكون مدوخ بنعاس ؟
صباح : (تقلد باها) دخلو ديك جرانة لدار
جود : شديدة ونتا شنو كيقول لعتروس ملي كيبغي ياكل
محسن : (بشك) ماااااع
جود : وقوليا الواليد واش كاين شي عتروس بحال راجل بنتك
اكسيل : (بإستسلام) سلالة نادرة
#عند غزلان#
كانت ݣالسة فقهوة كتسنا فشي حد ايجي تا وقفات عليها نفس لمرا لي كانت جات عندها ديك نهار
لمرا : (حوار بلفرونسي) ياكما تعطلت عليك ؟
غزلان : لا تا انا يالاه وصلت
لمرا : شنو تشربي ؟ فيك جوع نطلبو شي حاجة تاكليها ؟
غزلان : لا أنا مفياش جوع
لمرا : تغديتي ؟
غزلان : لا
لمرا : وعلاش ؟ خاصكي تاكلي شوف كي ضعيفة
غزلان : (جاها اهتمامها فشكل) انا مكانش فيا جوع او زيد عليها خاصني نحافض على لوزن ديالي باش نشارك فلمسابقة
لمرا : لمسابقة ؟ شمن مسابقة ؟ كديري شي رياضة ؟
غزلان : واه كندير تيكوانضو ولبوكس
لمرا : مزيان مزيان
غزلان : مقلتيش ليا شنو سميتك ؟
لمرا : سميتي سمية عيطيلي خالتي سمية
غزلان : من ايمتى كتعرفي ماما
سمية : ماما عرفتها عن طريق ختي
غزلان : يعني ختك كانت صاحبة ماما فين هي دبا ؟
سمية : (بحزن) ماتت ، ماتت ملي كانت كتولد بنتها كون كانت عايشة اتكون بنتها قدك دبا
غزلان : مات تا بنتها معاها ؟
سمية : لا باقة عايشة مها لي ماتت (جبدات طيليفنها او بدات كتوري لغزلان تصاور تاع واحد لبنت تكون قياسها ولا صغر منها بشوي)
غزلان : هادي بنت ختك ؟
سمية : لا هادي ختي ملي كانت قدها عندها تقبة تاع زين بحالك تا شعرك بحال ديالها
غزلان : يمكن ماما كانت كتوحم على ختك
سمية : سناء كتعاملك مزيان ؟ باباك تا هو
غزلان : ماما كتعاملني كأي أم او بابا ماشي بزاف باش عرفتو
سمية : سميتو عبد الله ياك ؟
غزلان : واه كتعرفيه ؟
سمية : معلوم راني قلت ليك كنت كنعرف ماماك (بقات ساكتة شحال) امتى عندك لمسابقة ديالك ؟
غزلان : لخر تاع هاد السيمانة
سمية : واش يمكلي نحضر ؟
غزلان : واه انوصي عليك اخليوك دخلي
سمية : (فرحات) ملي تسالي لمسابقة ديالك باغة نقول ليك شي حاجة صافي
غزلان : شنو باغة تقولي ليا ؟
سمية : باغة نقول ليك شي حاجة ولكن هادي ماشي وقتها دبا ركزي معا تدريب ديالك او صافي
#عند مجد#
فاق معا نبوري مخلي دري لي مقابلو ايعاونو فلبيس حوايجو
دري : فين غنمشيو ؟
مجد : لسبيطار
دري : رونديڤو ديالك ليوم ؟
مجد : لا وكن عندي شي تحاليل نديرهوم
دري : واخ (عاون مجد اركب طونوبيل او صاݣ بيه تال سبيطار)
مجد : (دخل عند طبيب)
طبيب : مزيان ملي جيتي كنت باغي ندوي معاك وجه لوجه حيت بغيت نتأكد بلي فعلا باغي دير هاد لعملية
مجد : انا باقي على كلامي دلبارح او بغيت نديرو لعملية فأقرب وقت ممكن الى كان تا ليوم منقولش لا
طبيب : قبل مدير لعملية خاصك تعاود ليا شي تحاليل ملي نلقاوهوم مزيانين نديرو ليك لعملية
مجد : نديروهوم ليوم ؟
طبيب : الى مكانش عندك مانع ، ولكن شنو لي خلاك توافق دير لعملية
مجد : بغيت نقطع هاد لأمل بغيت نتقبل بلي انا مقعد او منبقاش نعمر راسي بآمال فارغة
طبيب : كنتفهم لمشاعر ديالك ولكن شي مرات كيكونو مفروض علينا ناخدو قرارات خطيرة او حازمة فحياتنا
مجد : (مزادش دوا معاه او بدا لفيلم تاع تحاليل او الراديويات ديك لعشية كاملة)
طبيب : سالينا تقريبا جميع تحاليل دوك لي بقاونا انديروهوم صباح باش نوجدوك لعملية ، ويفضل تبقا هنا فسبيطار تبات هاد ليلة باش نراقبو لحالة ديالك او منها تا ترتاح شوي
مجد : (شاف فدري) سير لدار عافاك جيب ليا لبريزة ديالي غتلقاها فوق ناموسية
دري : واخ
مجد : الى دوا معاك شي واحد من عئيلتي متقولش ليهوم بلي انا فسبيطار ولا تقول ليهوم بلي باغي ندير لعملية
دري : ولكن خاصهوم اعرفو باش اوقفو معاك
مجد : دير داكشي لي قلت ليك ماباغيش نعدب شي واحد معايا ولا نشطن لواليد
دري : على خاطرك
مجد : (خرج دري بعدما عاونو يتكا فلبياص ديالو)
اكسيل : (وصلات لوقيتة لي موالف كيصوني على ولدو داكشي علاش صونا ليه)
مجد : الو لواليد
اكسيل : افين لهاد راجل الى مسولت مكتسولش والد لخلا
مجد : (سمع لغوات تاع لغالية “وا فيا جوع اعيباد الله او عاطيني لخص نغزو كي لمعزة”) مال لغالية ؟
اكسيل : تسكر زحام خفوتشي {منوضة زحام على لماكلة}
مجد : ايوا اوشاس اتتش {ايوا عطيها تاكل}
لغالية : (غوبشات) اداك آه دوي بلعربية تاعرابت باش نفهم ماشي تنممفيني بشلحة نتا وجرانة تاع ولدك
اكسيل : متديش عليها راه جوع مسطيها كيداير نتا كي داير لجو تما ؟
مجد : كاين لبرد او شتا خيط من سما
اكسيل : تبارك لقضية باقي ناشفة عندنا نقطات هاد ليامات شوي وصاف
مجد : عرفتي الواليد كنتي طالقها عليا فلمغريب بديك غي تبقا تشوف فلبنات لي بحالك هوما لي مخلاوش شتا طيح ، كنتي غا كتلهي فيا باش منشوفش فلبنات هنا مكاين غا تقزاب او دوپياس او شتا تبارك الله خيط من سما
اكسيل : (شاف لغالية حداه) سمع سمع لهاد لأوديو لي غنسيفط ليك
مجد : (لقا لؤوديو مكاين غا سبان او تعراق من اكسيل) ههههههه شحال هادي مسبيتيني الواليد تا قلت واش ساخط عليا
اكسيل : كي دحش مكتمشي غا بنغيز طالق عينيك تسرح الكافر بالله
مجد : واهوما لي كيدوزو قدامي نسد عيني
اكسيل : سد تقبتك بانت لي تحلات ليك
طبيب : (دخل على مجد معا نبوري) واجد
مجد : (كان لابس لحوايج تاع سبيطار) واه
طبيب : قلت ليهوم اوجدو غرفة لعمليات غيجيو لفراملية اديوك لتما باش ايجي لبناج عندك
مجد : واخ
بعد دوك لإجراءات او تحاليل كاملة لي دارو لمجد اخيرا وصلات لحضة لي يدير لعملية ، كان لبنج غادي وكيعجي لمفعول ديالو ومجد لي كان خايف او متوتر لداكشي لي فيجي من بعد كتر حتى من لعملية براسها ، فهاد اللحضة كان بحالا معلق فسما او مشايفش شنو تحتو ، ملي يتقطع لحبل لي شادو يا غيطيح او يتشتت يا غيفلت ، مغيكدبش او يقول بلي لأمل على هاد لعملية كان كبير كيما لخوف من فشلها كان كبر ، بعد هاد ساعات لي غيكون فيهوم مبنج او محاس بوالو بحالي فغيبوبة ، يا غيحل عينيه على خبر لي يفرح قلبو او يرجع فيه الروح ، يا غيحل عينيه على خبر غيطفيه مرة وحدة ، على هاد تفكير غمض مجد عينيه مخلي راسو يفقد الشعور بصحتو او بلي ضايرين بيه ، بدات لعملية او بدا معاها تحديد مصير مجد ، او بعد ساعات طوال عاد سالات نقلو مجد لي كان باقي مفاق من لبنج لواحد لغرفة يبقا فيها
#عبد الله#
سناء : (هزات عينيها فيه) دويتي معا غزلان ؟
عبد الله : لبارح لي دويت معاها علاش ؟
سناء : لا غا سولت غدا سبت عندها مسابقة
عبد الله : انا مفهمتش علاش من بين رياضات كاملين ختاروت دوك الجوج لي فيهوم غا ضرب مكاين جيمناستيك مكاين تنيس او زيدون شنو دارت فقرايتها ؟
سناء : تخصصات فرياضة منين كانت او هي كيعجبها لبوكس او تيكوانضو تا فاش دارت لجامعة دارت داكشي تاع سپور مابغاتش تقرا شي شعبة خرى
عبد الله : شحال قدها تكمل فهاد لمسابقات غيجي لوقت لي تقاعد او شني دير ديك الساعة
سناء : يمكن ليها تولي مدربة ، احقا كنت باغة نشاورك فشي حاجة
عبد الله : اما هي
سناء : شنو بان ليك نقول لغزلان لحقيقة ولكن خفت نفسيتها تحطم
عبد الله : عاودي عاودي تقولي ليها بلي ماشي نتي لي ولدتيها باغاها تمشي بجرا عند داك لمعاق تزوج ليا بيه
سناء : (خنزرات فيه) عبد الله حتارم راسك بزاف عليك ولدي تا تبقا تعايرو بلموعاق ياك لباس
عبد الله : اسبحان الله اسناء منهار وقعات ديك لفضيحة ونتي نازلة عليك واحد لمحنة فشكل على ولادك ، ياكما لأمومة تحركات من جيهتهوم
سناء : واش نتا شوية صاڤا هادوك راه ولادي ونا مهوم شمن أمومة لي عاد اتحرك عليهوم او متنساش بلي نتا سباب تا خليت ولادي
عبد الله : يرحم باك باركة متبقاي تنافقي مخك او تليقيها فيا عرفتك قبل متحملي بولد جود او كنا كنهضرو فديك لمودة كاملة ونا شفت لأمومة ديالك عليهوم مزيان لدرجة طلعتي لفرانسا ونتي نفيسا بزازلك كيخويو بلحليب او قوليلي عاود انا لي قلت ليك خليهوم
سناء : ياك اشريف علاه شكون بقا لاسق فيا واخة عرفني مزوجة شكون لي ݣلس عليا أجي لفرانسا آجي وخلي راجلك اقابل دراري او يصرف عنا دوي ؟ ، ياك قلت ليك تسنا تا نطلق منو او نجيب ولادي معايا لهنا عاد نكونو معا بعضياتنا وبقيتي عليا ونا كنبغيك ونا مقادش نزيد نصبر على فراقك تا خليت لي قدامي ومورايا وجيت عندك باش فلخر نلقاك كدخل نصرانيات لداري بلى خباري دوي شتك سكتي او زايدها معدي على بنت الناس او كي شماتة عرفتيها حاملة وخليتيها
عبد الله : شنو كنتي باغيني ندير ليها نقول ليها تزوجي بيا حيت كويتم او حملتي شوية صاڤا
سناء : ههههههه تا والله تا كتهربو ليا واخة تكون كابر فبوخرار متكونش بهاد لخنز ولكن ملقيتيش لديك لبنت أم بحال ديك لي كانت عند مريم تعلقك فلحبس او تبزز عليك تزوج ببنتها علامن تعديتي
عبد الله : خلي عليك مريم لاش جابداها
سناء : وانا وانا على حبيب لقلب ياكما تنادم معاك لحال بعدما ماتت ياك نتا لي كنتي فينما نسولك عليها مذكر فيها غا لخايب ، حقا طغمتها محببة حقى مكتعرفش لفراش حقا كي لكلبة كنجيبو فيها ونا عايف ، او دبا حقا متجبديهاش نوض اولدي من لݣلبة مريم مكانتش مسروطة ليك حيت كنتي كنحس بكرك موسخ خانز حداها ، حيت تشمتي فيها قلتي غتكون بحال لبنات لي قبل مها تغت’اصبهوم او تزيد بحالك ، ولكن ملي علاقاتك مها او خوالها من بلحوحتك تا تزوجتيها ، مرضيتيش او متسرطاتش ليك داكشي علاش كنتي كترض فيها لغدايد بضرب
عبد الله : (تعصب او مرضاش من هضرتها) لي سمعك ايقول نتي حسن مني ياك لعبتي مور ضهر راجلك او خورت فيك تا شبعت او خوروك بعد مني عرام او جاية ديريلي فيها حجابي عفتي ونتي تقبتك وساعت تا مبقات تقد تال شي تب
سناء : (تسكت ليه هاديك هي لي متكون ليه) هههه عاود شقلتي تقبتي وساعت هههههه راك اوليدي نتا لي تبك طول او غلض منو صبعي لوسطاني وحوحنا ليك بلعاني شوي تيقتي كرك نوض على سلامتك قالك مكانتش كتبرعني فلفراش ايوا تا يكون عندك تب تاع تبراع عاد جي دوي ، عطيت لسيادك اخوروني حيت ديك لبلبوشة ديالك تا لهران مكتهرش (عجباتني فيها لمسخوطة ههههه)
عبد الله من ذكور (هاد نوع مكيتسماش راجل) لي عقلهوم بين رجليهوم كي بزاف تاع نماذج عندنا فلمغريب ، تقدر تعايرو فمو او متعايروش فسوسيطة لي بين رجليه داكشي علاش كنقولها او نعاودها ديمة “الراجل ذكر ولكن ذكر ماشي راجل” انك تكون خطير فلكوا القبوك تا لملك ديال لكوا مكيعنيش انك راجل ، حيت رجلك كتبان فتصرفات ماشي فلفراش ازين (في حالة شي فليلو ية كانت معنا تستافد هههههههه)
عبد الله : (مرضاش تعاير ليه تبو او تنقص من ذكورتو داكشي علاش غزز سنانو معصب قبل ميجمعها معاها بواحد تصرفيقة) نتي الكلبة لي تشككي فرجولتي او طيحي منها الواسعة
سناء : (ماشي من لعاݣزين هزات كاس شيراتو ليه على وجهو تا ترعف ولا فشك تهرس ليه نيفو)
عبد الله : (شد نيفو لي ولا غا دمايات او هو كيتعصر بلحريق) واش تسطيتي
سناء : واه تسطيت انا مسطية او دبا غنوريك تهز يديك عليا اقصير تب (هزات طيليفونها او صونات على لبوليس كتبكي عليهوم) عافاكو جيو عوني راجلي كيعنفني هئ هئ
عبد الله : (كانت ضبابة على عينيه جرها من شعرها) كتعيط لبوليس الكلبة باغة تسيفطي لحبس
سناء : (بلعاني خلاتو يضربها كتلهيه تا دقات عليهوم سطافيط فكاتها منو او هزاتو لكوميسارية ، مخليينها تابعاهوم لكوميسارية تقدم الشكاية ديالها)
عبد الله : (عاد ستوعب شدار او داكشي لي دار ماشي شي حاجة لي دوزها ليه سناء)
#عند جود#
كان خارج من لمحكمة تا تاصلو بيه من لكوميسارية
جود : (كان واحد صاحبو معرفة) افين العشير اغبرتي غبرة وحدة
دري : غا معا لخدمة أخاي جود صونيت عليك بغيت نقولك بلي لأم ديالك كاينة عندنا فلكوميسارية
جود : (بدون هتمام) علاش ؟
دري : جات تقدم شكاية على راجلها حيت ضربها
جود : (فرانا بجهد) شنو ؟ هاني جاي دابا
قلب الطونوبيل او شد طريق لكوميسارية معصب او ممسروطاش ليه او يضربلو شي واحد مو بلأخص داك شماتة بلاصا بزربة او دخل كيقلب عليها بعينيه تا بانت ليه ݣالسة فوق لكرسي قدام لكوميسير مدوا متكلم قرب عندها شاد ليها وجها كيشوف فيه
سناء : (وسعات عينيها فيه) جود ؟ شكادير هنا ؟
جود : (زاد جعر ملي شاف لحمورية فحنكها) فين درتو داك زمر
لكوميسير : جود صحبي تهدن ممنحقكش دخل عندو حيت راه فسيلون
جود : مامنحقيش ياك (هز واحد لكرسي لاحو على الشرجم مشخشخ بيه الزاج) تخريب الممتلكات لعامة او إزعاج السلطات اثناء مزاولة عملها (مد ليه يديه) يمكن ليك دبا تلقي لقبض عليا ياك
لكوميسير : (عرفو علاش دار هاكداك) نزلو هادا لتحت
سناء : فين غتنزلوه جود واش تسطيتي آجي لهنا فين غادي شبغيتو عندو
جود : ماشي شغلك شبغيت عندو (دخلوه لسيلون فين كاين عبد الله نيت ولي كان متكي داير يديه على عينيه)
عبد الله : (كان كيخمم كفاش اطلب منها سماحة حيت غلط معاها)
جود : (غفلو بواحد الركلة لكرش او هبط عندو شانق عليه او موقفو على رجليه) ضارب ليا لوليدة او جاي تكا ليا هنا أدوي اتامل
عبد الله : (شاف دخان طالع من جود عرف دبا ملي حكمو آجا مفكو منو) والله تا غا بلغلط زلقات ليا يدي مكنتش باغة نضربها والله
جود : زلقات ليك يديك ياك ؟ شنو بان ليك نݣرضها لجدك (ضربو بݣنݣ لنيفو مكمل ليه عليه او بقا غا كيركل فيه تا جروه لبوليس عليه) طلقوني نوريه زليق ليدين طلقوني نوري لطواسل مو يضرب ليا لوليدة ، غادي كترجل عليها طلقوني ليوم نصفيها لجدو يسحابليك ماعندها ولاد أدوي ماعندها لي يحامي عليها والله كونما هادو لي حبسوني تا نريب لجدك دوك سنان
لكوميسير : جود تهدن غتقتلو
جود : كون غا درتها نتهنا من جدو توريه اهز يديه على لوليدة
لكوميسير : يالاه يالاه خرج منها
جود : (شاف فعبد الله او دوا معاه بتحدير) نعاود نشوفك جيهتها ولا قايس شعرة منها نمحيك من دنيا اعبد الله نمحيك
سناء : (خرجو جود من تما) شنو درتي ضربتيه
جود : كملي شكاية ديالك باش نمشيو يالاه
سناء : (بتوتر) أنا أنا مغنقدمش شكاية عليه بغيتو غا يدوز هاد ليلة فسيلين اتربا شوي وصاف ولكن ملي ضربتيه انخليه يخرج
جود : ههههههههههه كطنزي عليا ياك ؟ واش على خر يامك توليلي مدلولة تولي كتقولي راجل هادا لي ميضربنيش وفيقي راه عمر الشيخة تنسا هزة لكتف لي ضرب مرة اضرب عشرا زعما راك قارية او واعية
سناء : جود نتا معارفش عبد الله مزيان داكشي علاش كتقول هاكدا ، او زيدون غا داكشي لي درتي فيه غيخليه ميعاودش تا يفكر تهز عليا يديه مرة خرى
جود : (تنهد) ديري لي عجبك راك ماشي صغيرة باش نوريك شدير انا غنمشي
سناء : (قبل ميمشي صدمها بتصرف لي دار مخليها مشوكية)
جود : (هو براسو معرفش كي دار تا قرب ليها معنقها او مزير عليا لتواني قليلة قبل ميطلها او يخرج بحالو من تما ، واخة يوقع لي يوقع كيبقا الرابط لي جامع لأم معا ولدها شي حاجة لي ميمكنش تقطع ولا تمحى ، مهما هرب من هاد لعلاقة كيلقا راسو منجادب لمو كي داك لمغنطيس)
سناء : (بقات كتسنا عبد الله تا خرجوه من تما عاوناتو تا ركب فطونوبيل او مشات بيه لسبيطار داوات ليه نيف عاد رجعو لدار)
عبد الله : (قرب عندها بايس ليها على راسها ويديها) سمحي ليا على قبيلة متحكمتش فراسي عصبتيني بزاف بهضرتك
سناء : تا انا غلط معاك فلهضرة ولكن ماشي مبرر لداكشي لي درتي هاد لمرة غندوزها ليك اعبد الله لمرة جاية ابدا (قربات عندو بايساه من فمو) فهمتيني ؟ دخل ترتاح غتكون عييتي
#عند جود#
دخل لدار عاقدهوم طلع لبيتو نيشن
ياسمين : (ملي شافتو هاكداك تبعاتو لبيت) مالك واقعة شي حاجة ؟
جود : لا مواقع والو
ياسمين : متأكد ؟
جود : واه
ياسمين : (قربات عندو ݣالسة على حجرو او مضورة يديها على كتافو كدلكهوم ليه)
جود : (ترخفو تعابير تاع وجهو شوي) شحاف عليك هممم ؟
ياسمين : (دوات بتحلوين) والو غا توحشتك
جود : (وقف شعر تاع راسو بنبرة ديالها او ݣلسها فوق لفوطوي مبعد عليها شوي) مالك ؟ شاربة شي حاجة ماشي تلهيه ؟
ياسمين : (باقة كدوي بحنان) شنو فيها الى قلت ليك توحشتك ياك راجلي نتا
جود : (شافها كتقرب منو هو يعنق لوسادة) متزيدي تا خطوتة وقوليلي شباغة من لخر هاد تبلحيس او حلاوة لسان ݣاع ما موالفة ليك
ياسمين : (قرصاتو) متجيش معا جدك رومنسية
جود : ها ها ها سير الالة قالت ليك الرمنسية تا كتزبليها عاد تجي تبلحسي عليا طلقيني شنو بغيتي
ياسمين : باغة نشري شي سوتيامات ولكن
جود : ولكن ملقيتيش قياسك ياك اصلا موحال واش دايرين ستيامات قياس زيتون
ياسمين : ختار ليمن ولا ليسر
جود : فاش ؟
ياسمين : (حيدات صرفاقتها) باغي تاكل دق فليمن ولا ليسر
جود : ههههه غا ضاحك معاك درتيها بصح ؟ نشري ليك تا تاع لپونج غا تهدني
ياسمين : خليني نكمليك او خاصاني واحد تلاتة تاع لپيجامات
جود : واخ
ياسمين : ايه او بغيتك تسجلني فحرة نكمل قرايتي
جود : كي درتي ليها ياك مكنتيش باغة تكمليها
ياسمين : عمي اكسيل لي بززها عليا
جود : تي الله اعز لحكام
ياسمين : ولكن راه خاصك تزيد ليا سوايع راني معاقلة على تا وزة
جود : واخ انشوف ليك شي استاذات ايجيو لدار
#عند لغالية#
لغالية : (ݣالسة فوق لفوطوي كتاكل لعنب او حاطة رجليها فحجر اكسيل كيدلكهوم ليها) كاين شي جديد ؟
اكسيل : هاد ساعة لا من غير انو لمحكمة غتبدا هاد تنين
لغالية : يعني بعد تلتيام
اكسيل : واه
لغالية : غيعاودو يعيطو ليا ليها
اكسيل : حتيمال كبير واه
لغالية : وشنو غدير من بعد ؟
اكسيل : كل حاجة او وقتها
لغالية : شتك مشطون واقعة شي حاجة ؟
اكسيل : لا غا مجد من صباح ونا كنصوني ليه والو مكيجاوبنيش
لغالية : ياك دويتي معا دري لي مقابلو قاليك بلي مابغا تا حد اصدعو حيت جا عيان من لحصة تاع ترويض
اكسيل : (بقا ساكت)
لغالية : (شدات يديه بيديها) وصلاتك شي خبار من لبلاد ؟
اكسيل : لحاج سيفط لحاجة لاغبالة
لغالية : بوحدها ؟
اكسيل : واه بوحدها
لغالية : صونيتي عليها ؟
اكسيل : علاش انصوني عليها بسلامة
لغالية : واخة هاكداك خاصك تسول فيها راني عارفة بلي راك مقلق او مجروح منها ولكن واخة هاكداك كتبقا مك لي ولداتك او عيات عليك متطولش فقطيع علاقتك بيها
اكسيل : مالقيت منين نشدك الغالية شنو كنتي كتسنايني مني ملي نعرف شنو دارت نبوس ليها راسها
لغالية : سمعني أ إكسيل انا قلت ليك شنو دارت حيت عييت منها او من تصرفاتها قسما بالله لوكان طلبات مني سماحة مرة وحدة مكانتش هاد لقصة اتوصلك ولكن هي مكانت هازة تا ذرة ندم من جيهة ولدي داكشي علاش تعصبت منها او بغيتها تجرب شوي من لخر لي دارت فيا ، ولكن هادا مكيعنيش اني بغيتك تقطع علاقتك معاها عاقبها غا شي شوي ولكن مطولش تلقي فيها وجه الله حيت كتبقى مك
اكسيل : خلينا مندويوش فهاد لموضوع عافاك راسي ضارني خلوق
لغالية : جيب ندلكو ليك
اكسيل : شغدلكي
لغالية : راسك اقليل النية الراسك
اكسيل : هههههه ايوا ذكري الراس (مشا ݣلس قدامها مخليها كدلك ليه راسو)
لغالية : راسك غادي او كيغلب عليه الشيب
اكسيل : او هدا من لفضل ديالك
لغالية : شوف شوف كي كيدوي ، شري سباغة نسبغو ليك
اكسيل : تسبغيه ليا واخ باش تزيد نبان صغير
لغالية : اصلا عاد تفكرت الشيب ݣاع مكتشد فيه سباغة
اكسيل : تنادم معاك لحال ولا
لغالية : (تحنات كتبوس فعنقو) الشيب جا معاك كيبينك خاتر
اكسيل : (مخليها على راحتها كتبوس او تعض فعنقو او حناكو) متخليش الطبعة فجيهة لي مكيغطيهاش لكول
لغالية : (جرات راسو اللور او هبطات بايساه من فمو)
اكسيل : (مد يديه لعنقها مقربها لعندو كتر من لول)
لغالية : (ݣلسات فوق رجليه مقادة لوضعية)
اكسيل : شباغة عندي نتي
لغالية : (براءة) والو
اكسيل : ههههههه مافيك تيقة اشنيولة
#عند مجد فسبيطار#
بعد دوك سوايع كاملة تقريبا ليل كولو او هو تحت تخدير ، عاد بدا كيحل عينيه ، دري لي كان مقابلو ملي شافو بدا كيف مشا عيط ليه لطبيب ايجي يشوفو
طبيب : (فحص المؤشرات الحيوية ديالو لقا بلي كولشي مزيان) دبا يالاه بدا كيفيق بقاو معاه تا يفيق مزيان عاد غنقدرو نحكمو واش لعملية ديالو نجحات ولا لا
لفرملي : واخ
مجد : (بعدما حل عينيه رجع نعس عاود تال بعد شي سوايع قلال عاد عاود فاق)
طبيب : (كانو علموهو بلي هاد لمرة فاق مزيان داكشي علاش جا عندو ) كي كتحس براسك دبا شوي ؟
مجد : (كان باين فيه لعيا) شوي ولكن باقي مكنحسش برجليا او صحتي تقيلة عليا
طبيب : هادشي عادي حيت يالاه خرجتي من عملية كبيرة وصعيبة عليك ، بالنسبة برجليك جا لوقت لي نشوفو فيه واش نجحات ولا لا (هز واحد لمطرقة صغيرة) انا غنضرب رجليك من لتحت ونتا رقم ليا مدى احساسك على عشرة
مجد : واخ (كان متوتر او خايف لتكون منجحاتش ليه لعملية ، ضربو طبيب تحت رجليه ولكن محس بوالو)
طبيب : (عاود ضربو) عطيني الرقم
مجد : (بمرارة) صفر على عشرة
طبيب : (زاد شوي او عاود ضربو بجهد على لمرة لي قبل) او دبا
مجد : باقي مكنحسش بوالو بتاتا
طبيب : (حاول معاه مرة وجوج او تلاتة تا صافي بدا كيدخلو شك بلي منجحاتش لعملية ولكن مقد ايقول لمجد والو) هادشي عادي أغلبية لعمليات كتبان نتيجتهوم بعد مدة على لعملية داكشي علاش ميمكناش نحكمو دبا على نجاح ولا لفشل ديالها انخليك دبا ترتاح تا نعاود نرجع عندك
مجد حس بلي شي حاجة ماشي تال لهيه غي من هضرة طبيب نقص احتمال أنو يعاود اوقف على رجليه لداخل ديالو ، غمض عينيه بتعب ممزوج لهيبة أمل حاس بغصة واحلة ليه فحلقو ، هز طيليفونو لاقي اكسيل مصوني عليه شي خمسة تاع لمرات
مجد : (نضف لحق ديالو او صونا على باه)
اكسيل : الو فقتي
مجد : فقت أصاحبي لي شاف سونيطات ديالك غيقول غا هارب ليك بلمرا
اكسيل : (ضار شاف فلغالية لي منوضة صداع على شنو تلبس) هاد الساعة دير فيا خير الى ديتيها معاك ، داك شوية تاع لعقل لي كان عندها مشا معا لحبالة
مجد : ههههههه كون درتي لبشونة الوليد كون تهنيتي
اكسيل : عندك لحق كون درت لبشونة وقفلتها تاع يحيى ݣاع متربي طواسل جدك ، تا وليتي تقزدر معايا صاحبك انا ؟ فين لإحترام
مجد : نسيت كنجيبو معايا او ملقيتوش كيتباع هنا
اكسيل : تحميل فلهضرة ، فين كنتي غابر لبارح
مجد : ملي رجعت من الترويض تسخسخت او نعست فلبلاصة مفقت تال دبا (كان كيدوي معا باه تا دخلات عليه لفرملية هازة شي ما سخون لمريض لي كان مشارك معاه فشونبر )
لفرمية : (ديك دوزة لي دازت من حدا مجد تعكلات شوي شي لي خلا شوي دلما سخون اتكفح على رجلين مجد) سمح ليا مقصدتش
مجد : (قبل ميتخوا عليه لما كان قطع معا اكسيل او دار طيليفون كيتشارجا تا حس بشي سخونية خفيفة بزاف على رجليه ، ملي هز عينيه لقا شنو واقع مفهم تا وزة)
لفرملية : (جات عندو كتشوف ليه فرجليه لي ولات حمرة شوي)
مجد : لما سخون هاداك لي خويتي عليا
لفرملية : ماشي بلعاني درتها
مجد : عيطو لطبيب ايجي
طبيب : (وصل لوقت لي يعاود اطل فيه على مجد) انا هنا مختاجني فشي حاجة
لفرملية : (مسكينة قالت هادا غيشكيني لطبيب)
مجد : تخوا عليا لما سخون او حسيت بشوي تاع سخونية فرجلي واخة خفيفة انا متأكد بلي حسيت بشي حاجة
طبيب : (تزرع لداخل ديالو لأمل كتر حتى من مجد) خلينا نتأكدو بحال قبيلة انا نضرب ونتا عطيني الرقم صافي
مجد : واخ (هاد لمرة كان خايف او متحمس كتر من لول ولكن ملي محس بوالو ملي ضربو رجع طاح عليه الضيم) صفر من عشرة
طبيب : (عاود ضربو بجهد شوي) او دبا ؟
مجد : (كان بحال داك لي راكب فوق لمواج مرة يطلع مرة ينزل) جوج جوج من عشرة حسيت بشي حاجة والله تا حسيت
طبيب : (نقص توتر ديالو شوي او عاود ضربو جهد من لولة ومنها كل ضربة كيزيد فلقوة ديالها او تا من مجد كيزيد ترقيم ديالو ، رجع وقف مبتاسم لمجد ابتسامة مطمئنة) كنضن دبا يمكنا نقولو بلي لعملية بدرجة كبيرة نجحات غيبقانا غا نتأكدو بعد أيام قليلة مرة خرى
مجد : (تخالطات عليه لبكية ولفرحة تا ولاو عينيه دايزين غا بدموع)
دري : على سلامتك
مجد : هههه الله اسلمك (هز طيليفونو بغا يصوني لباه اعلمو شويا تراجع قال تا يتأكد لخبر مية فلمية ، قبل حتى ميسد طيليفونو طلع ليه لإشعار تاع لمسابقة دغزلان ، مقدش امنع راسو او دخل يتفرج فلايڤ لي كان دايرو واحد من دوك لي كيتفرجو)
#عند سمية#
جات تحضر لمسابقة تاع غزلان او هي متحمسة او متوترة شدات ليها واحد لبلاصة او بدات كتفرج فغزلان او تصور فيها وتسيفط لشي نمرة فلواتساپ “هاهي كتشبه لسميرة بزاف”
سمية : (بقات تا سلات لمسابقة تاع غزلان بلفوز ديالها عاد خرجات لبرا كتسنا فيها تخرج عندها)
غزلان : (بقات تا بدلات عليها ودارت مقابلة معا الصحافة عاد خرجات عند سمية) تعطلت عليك ؟ “لحوار بلفرنسية”
سمية : لا متعطلتيش ، ركبي نمشيو لشي بلاصة ترتاحي فيها
غزلان : واخ (ركبات فطونوبيل معاها)
سمية : هاكي هاد كسكروط كوليه غيكونو فيك الجوع
غزلان : بزاف ماشي غا شي شوية
سمية : (بقات صايݣة تا وصلو جيهة واحد لقبور عاد بلاصات)
غزلان : (نزلات موراها وهي مفاهماش علاش)
سمية : (وقفات قريبة من واحد لقبر) هانا فين مدفونة سميرة ختي لكبيرة
غزلان : ديك لي وريتيني تصاورها لبارح ؟
سمية : واه هي ملي شدات لباك ديالها جات لفرانسا تكمل قرايتها ولكن حيت وقعو شي مشاكل لبابا فلخدمة شي لي خلى لبنكة تحجز تا على كولشي ، مالقاتش لفلوس باش تكمل قرايتها ولا حتى باش تعيش او تا حنا كانت حالتها حالة ، داكشي علاش خرجات مسكينة كتخدم فديور كنت ديك ساعة كنقرا فتاسعة فاش صونات عليا كتبكي حيت واحد لحمار كانت كتخدم عند مرتو فدار تعدا عليها ، بابا مرض مرضة خايبة ملي ساق لخبار لهدشي وهي تا لمجية مقداتش تجي ، ولا قدات تاخد حقها من لي تعدا عليها ، بعدها بمدة عرفات راسها حاملة من داك لحيوان مكانتش باغة طيح بنتها ، كملات فداك لحمل او حتى فتقلاب على لعنوان جديد تاع داك شماتة ، ولكن مقداتش تلقاه فلخر لقات غا مرتو لي كانت عاوناتها تا مشات لسبيطار تولد او تما ماتت ولكن بنتها بقات عايشة خدماتها مرات داك لحيوان ولا نقول لي كان كيسحابنا مرتو وهي غا صحبتو
غزلان : او لقيتي بنت ختك ؟
سمية : (نزلو دموع من عينيها ، مدات يديها شادة ليها ليد او مبتاسمة بحنية) بعد عشرين عام تاع تقلاب اخيرا قدرت نلقا لأمانة تاع ختي
غزلان : (مفهماتش مالها)
سمية : فخبارك كتشبهي ليها فكولشي فضحكتها فصوتها نسخة مصغرة على ختي سميرة الله ايوا ليها برحمة الله
غزلان : (بعدات يديها عليها) ش.شنو كتقولي نتي كفاش كنشبه ليها
سمية : عارفة بلي هادشي لي غنقول ليك صعيب عليك او مساهلش تستوعبيه ولكن نتي امانة ختي سميرة نتي بنتها لي من لحمها ودمها ، انا خالتك انا خت ماماك اغزلان
غزلان : واش هبلتي كفاش خت ماما ، ماما معندهاش لخواتات او ختك مكنعرفها مكتعرفني باش تكوني خالتي
سمية : معرفتش شنو قالت ليك سناء ولكن لي خاصك تعرفي بلي ماشي هي مك لي ولداتك ، أمرا لي ولداتك هي سميرة هي هادي لي تحت تراب ، تعدا عليها داك لحيوان تاع عبد الله او دمر ليها حياتها ورزاها فشبابها ، سولي سناء على دشي لي قلت ليك
غزلان : سكتي باركة من هاد تخربيق ديالك واش مريضة فمخك سيري قلبي على بنت خوك فشي قنة خرى او متعرفيني منعرفك يرحم باك
سمية : غزلان بنتي عافاك غي سمعيني
غزلان : ماباغاش نسمع بعدي عليا مابغاش نعاود نشوفك مازال
مشات غزلان كتجري مبعدة على سمية لي كانت كتعيط ليها ترجع ولكن والو شدات طاكسي او رجعات لدار سادة عليها
سمية : (عيات تصوني عليها والو مكتجاوبهاش بتاتا)
غزلان بقات سادة عليها نهار كامل فدار مقداتش تخرج بتاتا ، بقات غا كتفكر فهضرة سمية ، معرفاتش علاش حياته لداخل ديالها بلي تيقات شنو قالت ليها ، ليل كامل او هي فائقة كنمشي وتجي فلبيت ملي عرفات بلي عبد الله تعدى على مريم قبل كيتزوج بيها ، خلاتها هاد لحقيقة تزيد تشك فهضرة سمية
غزلان : الله ياربي غنتسطا فينما كنقول تحلات كتزيد تعقد عليا ، شنو ندير انا الى كانت هضرتها بصح شنو ندير
شافت تا عيات او ناضت حزمات سلكها او قطعات لبيي تاع طيارة ومشات كتسنا فلماطار
#عند ايمن#
أيمن : (كان كيدوي فطيليفون) امضرا كاين شي جديد
لبوليسي : هاد الساعة لا من غير اننا لقينا شي كاميرات كانو شادين دوك جوايه فين القات لجتة تاع باك غيخصنا نشوفو اللقطات تاع ديك ليلة باش نعرفوا واش كاين لي دخل ولا خرج من تما
أيمن : صاف ايكون خير
سيهام : كاين شي جديد
أيمن : هاد ساعة باقي غيشوفو غا تسجيل تاع لكمرة
سيهام : الى لقاو لغالية تما غتشد ؟
أيمن : واه ولكن غتشد غا مؤقتا ماحد سلاح لجريمة مبانش ولا دليل قاطع بلي هي لي قاتلة معندنا منصورو منها
سيهام : شنو خرج فتشريح باش مات ؟
أيمن : تشريح كيقول بلي تضرب بشي حاجة ماضية فضهرو او طاح على حجرة ولا تضرب بيها
سيهام : لمحكمة دبا كفاش غتكون او لمجرم ممشدودش
أيمن : الا قدرنا نلقاو شي دليل ضد لغالية غنقدرو نثبتو بلي هي لمشتبه به ، بغيتك تقابي الضار قنة بقنة فهاد يوماين اعمتي والا بد تكون خلات موراها شي حاجة
سيهام : كون هاني ، طوال زمان ولا قصار اتاخد جزاءها
#عند اكسيل#
لبوليسي : صونيت عليك بغيت غي نقول ليك بلي لبوليسي رجعو لدوك تسجيلات دلكمرة لي كانو تلقاو فتحقيق لولاني لي دار
اكسيل : يعني تسجيلات كانو باقين معا لملف تاع لقضية
لبوليسي : واه غيرجعو ليهوم باش ايشوفو واش تشدات شي حاجة فيهم ولا لا ، شنو نديرو دبا ؟
اكسيل : مدير والو خلي كولشي ايدوز كيما خاصو يكون الى لقيتي تا كفاش تعاونهوم الاحضو لغالية فلكمرة عاونهوم
لبوليسي : ولكن الى لقاوها غي…
اكسيل : دير داكشي لي قلت ليك صافي (قطع معاه او مشا رجع تكا حدا لغالية لي كانت مغطية غي بليزار او ملابسة من لتحت والو لحاصول متفاكات معاه تا جهلاتو)
لغالية : (ضرباتها لفيقة ملي حسات بإكسيل تكا حداها) متنعسش سير هبط جيب ليا لحليب من تلاجة
اكسيل : ماكفاكش لحليب لي شربتك ههههههه
لغالية : (ضرباتو لكتف) نوض جيب ليا لحليب نشربو راه شعلات فيا لعافية ، ميكون غا حليبك نيت لي فرع ليا لمعدة
اكسيل : تأ تأ غنتقلق منك الغالية لمنتوج ديالي مكاينش بحالو الى ماداوا ميضر
لغالية : عندك حليب سونطرال نوض تݣعد
اكسيل : هاني هاني نازل (هبط على سعدو او وعدو جاب ليها لحليب او مدة ليها) هاكي شربي
لغالية : (لقاها لبسات السدرة ديالها) شكرا
اكسيل : (ݣلس هداها داير يديه على كرشها) ابابا بقات ربع شهور او سيمانة وتزادو وباقي مشرينا تا وزة تا لبيت باقي مقاديناها
لغالية : (حسات بواحد فيهوم كيتحرك) شهر أ إكسيل شهر واحد ولفتي ليهوم صوتك عاود
اكسيل : (نزل باس ليها واحد جنب) الى مولفوش صوتي شمن صوت باغاهوم اولفو بسلامة
لغالية : صوتي متلا انا لي هازاهوم عندي مكيتسوقوش ليا
اكسيل : مالك مغيارة
لغالية : (ملي عاود باس نفس الجيهة عاود تحرك داك لي تحرك قبيلة) بوس تا جيهة لوخرة راه سيد معاجبوش لحال تبوس خوه او تخليه هو
اكسيل : (باس جبهة لوخرة تا هي جوج مرات) هاحنا المغيار بحالك بحال مك
لغالية : بيتي بيتي حنا متبوسناش
اكسيل : (باسها فمها) نتي ولدك دم واحد جامعكوم
لغالية : ههههههه هادا لي فجنب ليسر فيه لحركة بزاف كيضل نهار كامل اتركل بلأخص ملي كيسمع صوتك ولكن لي فليمن مكيتحركش قليل بزاف فين كيحرك يديه
اكسيل : سبحان الله توام واخة كيكونو مشابهين خصايلهوم لا علاقة ، داك لي فليسر غيكون كيطير معا طيور او بو زبايل بحال مو ، ولكن هادا لي فليمن هادا شابهني
لغالية : ههههههه شكون بحالك خليت ليك واحد اشبهك ، ديك نهار طبيبة قالت بلي هادا لي فليمن لي فيه سكر زعما يكون هاداك هو سباب قلة لحركة لي فيه
اكسيل : معرفتش ولكن مادام متبعة الريجيم مغيكونش عندو موشكيل ، ملي نعاودو نمشيو عندها او نسولوها
لغالية : (رجعات تكات حداه) دبا الى جاو لبوليس او داوني كمشتبه بيها غيخصني نبقا فلحبس تا تسالي لمحكمة ؟
اكسيل : وهو نوغمالمو هادشي لي خاصو يكون ولكن نتي مغتحطيش رجليك تما واخة يوقع لي يوقع نتي غي خوي بالك من هادشي
لغالية : لقيتي شي سميات ؟
اكسيل : فكرت فأنارو او يانو ، ولا يانو و انير ، ولا امنير او انير
لغالية : شنو كيعنيو هاد سميات ؟
اكسيل : أنارو كيعني النور او يانو زعيم امازيغي ، انير املاك او امنير الهادي
لغالية : عجباتني هاد امنير او انير هههههه امنير كيشبه لهاد سكوتي ههههههه كون كانت بنت شنو تبغي تسميها
اكسيل : تانارا كتعني لهدية
لغالية : راك موجد سمية ههههههه
اكسيل : معرفتش حسيت بلي غنحتاجها هههه كنت انسمي ديك لبخوشة لي كتحرك بزاف ماسينسا
لغالية : ماشي سمية بنت
اكسيل : سميت دري هههههههه ولكن خفتو يتعقد
لغالية : ايوا لاباس ملي كتفكر
اكسيل : نعسي نعسي
#عند لحاجة#
نص شهر او هي هنا بوحدها كي لمقطوعة من شجرة ولادها واخة كيسولو فيها ولكن غا من باب صواب او لبر بلواليدين او صاف ، اما اكسيل فتقول تا واش سيفط ميساج ، مرضات لداخل ديالها ملي لقاتو باقي شاد فقلبو من جيهتها ، عاضراه على ردة فعلو حيت فعلتها كانت قسح من أنو يصبر عليها ، قسح حتى من أنو يسامحها عليها ، ولادو كانو هوما نور عينيه نهار كانو كيمرضو ليه غي برواح كيبغي يحماق ، طاح كوما ملي كانت صباح او معاها تا مجد غيمشيو فيها ، فما بالك الشعور ديالو ملي عرف بلي مو لي قتلات ليه ولدو هاد لأخير لي كان كيستناه بفارغ الصبر ، او ليومنا هذا ملي يتفكرو ولا يزور قبرو كيشبع بكا
يزة ضلات عوام وعوام او هي متسلطة او متجبرة على لبشار كتقول رايها موراه مكاين راي ، قالت لغالية بما انها سكتات اضل ساكة حياتها كاملة ، ولكن نسات بلي بنادم بين ليلة ونهار كيتبدل ابات بوجه او يصبح آخر ، بلاما يكون عندو تا سبب لعساك أم تكوات فكبدتها
#عند غزلان#
وصلات لمغريب فلعشية بلاما تعلم تا واحد لا مها لا باها بلي جاية ، شدات طاكسي تال دار او دخلات عليهوم
سناء : غزلان ؟ جيتي ؟
غزلان : (دوات بديك ثا لي موالفة) جيت
عبد الله : مكنتيش قلتي لينا بلي غتجي واقعة شي حاجة ؟
غزلان : لا غا رجعت او صاف
سناء : نوجد ليك متاكلي ؟
غزلان : لا باغة غا نعس
خلاتهوم ݣالسين كيتفرجو او دخلات هي لبستها سادة عليها او طايحة دودة تنعس بلعيا تاع تخمام او السفر
سناء : (صباح تاع غدليه فاقت بكري هي و عبد الله فطرو او وجدو راسهوم باش يمشيو لخدمتهوم)
غزلان : (خرجات من بيتها) صباح لخير
سناء : (عنقاتها) صباح لخير مشغي رتاحتي شوي
غزلان : (طولات فيها الشوفة) “شنو غيوقع الى فعلن مكنتيش ماما شنو الى كنتي هاد سنين كاملة مخبية عليا هاد لحقيقة ؟انا براسي معارفاش شغيوقع فيا او فينا”
سناء : (بحنية) كتحسي براسك بيخير ؟
غزلان : انا بيخير
سناء : يالاه غنمشي لخدمتي دبا باباي
غزلان : بسلامة (خرجو بجوجهوم مخليينها بوحدها فدار ، دخلات لحمام تاع سناء او هزات لمشطة باش كتمشط شعرها واخدة منها شي زغبات) خلينا نتأكد واش داكشي لي قالت سمية كدوب ولا فعلا بصح
لولات دوك الوفيات فكلينكس او مشات تا لبسات حوايجها عاد خرجات مواجهة لفين كيديرو تحاليل ، قامت بلإجراءات لي كانو خاصينها او عطاتهوم لعينات تاعها او تاع سناء ، عاد رجعات لدار بعدما قالو ليها بعد تلتيام رجعي عندنا
#عند ياسمين#
كانت فاقت معا لفجر صلات او لبسات ليها كسوة طويلة او واسعة دايرة معاها فولار ولكن هاد لمرة ممخرجة تا زغبة
جود : (كان خرج من لحمام بعدما لبس عليه تا هو) واجدة
ياسمين : واه
جود : (عاد رد لباب لشنو لابسة) هنا سأسكت قليلا احتراما وتقديرا
ياسمين : حافو عليك عوتاني
جود : (مشا باسها من فمها كيفرنس) اكاديري ليا شي غفلات شي غفلات تسكتيلي لقلب بيهوم شي نهار
ياسمين : زيد زيد وصلني عند طبيبة غتمشي عليا النوبة
جود : واخ يالاه
ياسمين : (مشات ركبات معاه فطونوبيل او مشاو لفين كاينة طبيبة)
جود : (فطريق جاه واحد لإتصال) سمحي ليا مغنقدش نمشي معاك لطبيبة خرجولي شي وراق خاصني نمشي نسنيهوم فلمحكمة
ياسمين : صافي ماشي موشكيل غنمشي بوحدي
جود : (باس ليها يديها) باشما كاين رضي عليا صافي غتلقايني كنتسناك قدام لعيادة
ياسمين : واخ (هبطات من طونوبيل او مشات دخلات لعيادة بقات شحال كتسنا نوبتها او ملي وصلات دخلات عند طبيبة)
طبيبة : تفضلي ابنتي ، عندك شي موشكيل كتعاني منو ؟
ياسمين : عمري 17 رعام مزوجة ولكن الدورة الشهرية ليومنا هاذا مكتجينيش او بغيت نعرف واش طبيعي هدشي ولا لا
طبيبة : فحالات كيكون تأخر الدورة الشهرية عند شي بنات امر عادي كاين لي كتفوت 18 رغم انو كيكون حالات قلال لي كيكون عندهوم هاد التأخر طبيعي كيكونو كيعانيو يا من مشاكل يا من تشوهات خلقية فالرحم ، ولكن ايكون خير ابنتي تفضلي معايا نفحصك
ياسمين : (مشات معاه لبياص دارت ليها الرنين المغناطيسي فلول او بعدها دارت ليها منظار الرحم ، تعدبات فيها شوي ولكن فلأخير سالات طبيبة او رجعات لمكتب ديالها)
طبيبة : (ستناتها تا لبسات حوايجها او جات ݣلسات قدامها) راجلك مجاش معاك
ياسمين : راجلي خدام معداليهش ايجي معايا
طبيبة : (سكتات شوي)
ياسمين : دكتورة الى كاينة شي حاجة عادي غي قوليها ليا
طبيبة : لموهيم من خلال الرنين المغناطيسي او تا منظار الرحم ، تبين ليا معا لأسف بلي عندك الرحم الطفيلي ، هادا نوع من التشوهات الخلقية فالرحم ، طبيعي الرحم كيكون لوزن ديالو فحدود 180 غرام ، الطول 8 سنتيم العرض ديالو ديك 5 سنتيم او السمك 3 سنتيم ، ولكن فحالة الرحم الطفيلي او الطفيلي لي لحالات ديالو نادرة شوي الرحم كيكون صغير لدرجة حتى الدورة ميقدش انزلها ولا لحمل
ياسمين : (بقات كتسمع لكلام الدكتورة وهي ساكة بلاما دير لا ردة فعل) مكيكونش شي علاج بلعملية ولا شي حاجة بحال هكذا
طبيبة : معا لأسف قلال لحالات لي تقدر لعملية تنفع معاهوم ولكن فلحالة ديالك مكنضنش
ياسمين : شكرا
بتاسمات لطبيبة ابتسامة هادية قبل متنوض تخرج بحالها ، بقات كتمشا فداك لكونوار او هي كتدوي معا راسها
ياسمين : مبقاش فيا لحال ولا غيبقا فيا لحال ربي لي كتب عليا هادشي ونا راضية بقضاء الله ، كون كنت ياسمين تاع تلتشهور ولا غا شهراين قبل كنت انتعصب او نسب ونقول علاش غا انا فلول مي وخوتي ودبا تا لولاد ، ولكن انا تاع دبا راضية بهادشي ، الى كان موت ماما وخوتي او حرماتي من دراري ختبار لتوب ديالي ولا حتى تكفير لذنوب ديالي مغنقولش لا ، حيت أنا لي عارفة شحال من دنب او معصية درت فحياتي او هادشي لي خسرت كي والو قدام داكشي لي كنت كندير ، داكشي علاش كنطلب من الله ايكون هادشي كامل جزاء على داكشي لي درت فحياتي ودوك ناس لي غلط فحقهوم
ياسمين : (بقات واقفة شحال قدام ديك لعيادة كتسنا فجود تا جا)
جود : ياكما تعطلت عليك ؟
ياسمين : ماشي بزاف (مشات ركبات حداه)
جود : صاڤا ؟
ياسمين : حمد الله
جود : نمشيو لشي قهوة ؟
ياسمين : (بقات ساكة شحال) مغتسولنيش على شنو قالت ليا طبيبة ؟
جود : ميحتاجش مكنضنش بلي عندك شي حاجة بيزاغ تا دوا مقيداتوش ليك يعني شي باس مكاين
ياسمين : ولكن خاصك تعرف شنو قالت ليا
جود : خلينا نمشيو لواحد لبلاصة قبل ديك الساعة عاد ندويو صافي
ياسمين : نتا تعرف
جود : (رجعات ياسمين سكتات او هو كمل طريقو صايݣ صايݣ تا وصلو لواحد لبلاصة دايرة بحال منتجع صور كبيب او داخلو ديور بحال لإقامات) يالاه نزلو
ياسمينو : شنو هاد لبلاصة ؟
جود : نزلي وغتعرفي
نزلو بجوج من الطونوبيل شادين فيدين بعضياتهوم دخلو من داك لباب لكبير او بداو كيتوشاو فديك الجردة تا وصلو لواحد لكونوار طويل فيه لبيوتة كتار ، ياسمين هزات راسها تشوف من دوك شراجم تا كيبانو ليها دراري صغار ايكون بين تلتسنين عاماين ، مختالفة اعمارهوم او اشكالهوم لابسين مزيان او معاهوم جوج عيالات مقابلينهوم ، فكل غرفة كانو فيها أفواج تاع دراري صغار معاهوم عيالات كيقابلوهوم او يلعبو معاهوم او يقريوهوم ، كانت كتقول فلول واش راها فشي روض ولا مطعم او ناس كيخليو ولادهوم هنا تا بانت ليها واحد لغرفة فيها اطفال رضع او لأطباء معاهوم تما فهمات بلي راها فميتم ، كملو طريقهوم تا خرجو لتيرانات تاع ديك لبلاصة قدرات تقشع اكسيل كيلعب كورة معا مراهقين قل من 18 رعام ، او ملي سالا لماتش مشا عند دراري صغار لي كانو كيتفرجو كيلعب معاهوم او تا هوما كيلعبو معاه او ينقزو عليه ، عمرها شافتو كيضحك ولا فرحان تال هاد درجة
ياسمين : هنا فين كيغبر عمي اكسيل ؟
جود : فينما كيكون عندو لوقت كيجي كيدوزو فهاد لبلاصة لي بنى حيت هنا فين كيلقا راسو
ياسمين : علاش جينا لهنا هو لي عيط علينا
جود : لا معارفناش تا واش غنجيو
ياسمين : وعلاش جبتيني لهنا
جود : جبتك لهنا حيت بغيتك تعرفي بلي ماشي لولادة تاع طفل هي لي كتخليك أم ، هنا كتر من خمسين طفل ومراهق كاملين تولدو من ناس عندهوم لقدرة على انهوم اولدو ولكن معندهمش لقدرة انهوم ايكونو واليدين لداكشي لي ولدو ، كلا نهار كيان تخلي على بزاف تاع لأطفال كاين لي كيموت او كاين لي كيتكتاب ليه عمر جديد او كيمشي لميتم ، كيبقا فيه تا يوصل تمنطاعش او يقولو ليه لباب الحباب ، بزاف تاع الحيوانات كيتخلاو على ولادهوم او بزاف تاع الناس كيحضنو هاد لولاد ، يمكن ربي غيحرمنا من لولادة ولكن محارمناش من اننا نكونو واليدين ، بزاف بحالنا مسهلش عليهوم ربي اولدو ولد من صلبهوم ولكن بزاف تاع لأطفال لي تولدو من صلب محنش فيهوم او محتاجينا نكونو وليديهوم ، يمكن هادي هي لحكمة تاع الله سبحانة وتعالى باش حنا نعمرو فراغهوم او هوما يعمرو فراغنا
ياسمين : كنتي عارف بلي انا مكنولدش ياك ؟ من ايمتى ؟
جود : فلموت تاع ماماك ملي دخلتي لسبيطار طلبت ايديرو ليك فحص شامل او تما تعرف لموشكيل لي عندك فرحم
ياسمين : بقا فيك لحال ؟
جود : ابدا علاش غيبقا فيا لحال
ياسمين : حيت مغتكون أب بلأحرا مغتقدرش تكون أب ونتا معايا
جود : معامن بغيتيني نكون اب معا جيران ، علاش غيبقا فيا لحال أنني منقدش نكون اب لواحد دري ولا جوج كنتي اتولديه ونا بإمكاني نكون أب لبزاف تاع دراري محتاجيني كتر من دوك لي كنت انولد ؟
ياسمين : عندك عادي تربي ولد موالدوش نتا ؟
جود : متلا كون حملتي او ولدتي او ملي مشيت نشوف دري لي ولدتي حطولي واحد آخر يسحابليك كنت انميز واش ولدي ولا لا ؟ كون مشيت او خليتو منا باقي تا مشتوش كنتي اضني بلي انتوحشو ولا نحس بلأبوة معاه من طبيعة لحال لا بالنسبة ليا لي كيخليني نحس بلي داك لفجيغ ولدي ولا لا هو واش ربيتو ولا لا
ياسمين : الا فترضنا بلي تكفلنا بشي يتيم او كبر او قالنا علاش ربيتوني وريوتي ولديا شنو نديرو ديك ساعة ؟
جود : الى مربيتيش دري او غرقتيه حنان او وجهتيه بين صح ولغلط بلا ديك التربية تاع زمر تيقي بيا عمرو يقول ليك علاش ربيتيني حيت بكل بساطة صرفتي فيه غا لخير الى شرحتيليه من صغر شنو كوين واخة يمشي اقلب على ولديه ايرجع ليك ، شي مرات راه داك دري لي ولدتي من كرشك الى مربيتيهش مزيان نهار يكبر غيقول ليك علاش ولدتيني مقلتش ليك ولدتيني شنو غديري معاه ديك الساعة
ياسمين : انا معنديش مشكلة انني نتكفل بشي واحد ولكن منضمنش بلي نقدر نربي شي واحد
جود : من ديك ناحية لا انا لا نتي خاص لي يربينا لول عاد نشوفو نربيو ههههههه باقي لحال دبا على دراري خاص تا يولد خالك او نلقاو أمرا لمجد او يولد تا هو باش نقدرو نكونو عمامهوم ولا خوالهوم برضاعة ، حاليا خاصنا السفر او ضريب لحم فلم اخيرا انتهنا من لبشونة
ياسمين : شمن بوشو.. (ضرباتو ملي ستوعبات) على ماسخ
اكسيل : (مشا عندهوم ملي رد لبال بلي كاينين هنا) شكادير هنا
جود : توحشتك او جيت نشوفك
اكسيل : (خسر سيفتو) سير شوفليك متقضي
جود : ها هو غادي غا كتشوف عروستك كتنكر راجلها
اكسيل : على زينك نبقا عاقل عليك كنجيب السكر او سخفة
ياسمين : (بقات غا هي وإكسيل) اكسيل : كي جاتك هاد لبلاصة
ياسمين : (بقات كتمشا معاه) زوينة مكنتش متوقعة بلي بنيتي هاد لبلاصة ، من ايمتى واد لبلاصة كاينة
اكسيل : قريب تكمل 12 رعام باش بنيتها
ياسمين : او علاش معندهاش سمية ؟ بحال دوك لجمعيات او لمياتم لوخرين
اكسيل : مكنتش باغي فوقما داز شي واحد من هاد لبلاصة يقرا ميتم كدا ، حيت مابغيتش فوقما خرج شي دري صغير تبقاو انعتوه داكشي علاش بنيتو على شكل عمارات ، كي لإقامات تاع السكن ، أول مرة ملي جيت لكازا كانت عندي 13 كنت كنضور فزناقي كي لحراݣة ، تا شفت ناس مجموعين على واحد لبركاسة او كيقولو لاحول ولاقوة الا بالله قرب نشوف لقيت بلي لقاو تدريبية صغيرة بالات تولدات مليوحة تما او ميتة ، بقا فيا لحال او قلت كون كانت عندي شي دار كبيرة مغنخليش بحال هاد لملائكة اتلاحو فزبل ، او دازو سنين تا درت ولادي ولكن كنت باقي باغي ندير شي حاجة لهاد دراري صغار او بفلوسي ونبتي معا المائة باش نعز هاد لبلاصة كتر ، او فعلان فأول فرصة شريت بلاد كبيرة او ضورت ليها الصور وبديت نجمع او نبني تا ساليتها خدات مني تلتسنين او صرف عاد قدرت نكملها ، تواصلت او عاونت جمعيات باش نقدر نحضن فيها اطفال متخلى عنهوم ، ولكن شفت بلي نقدر نوفر ليهوم غا لماكلة او نعاس او دوا ولكن لحنان مغنقدش نملؤو ليهوم ، عاودت تواصلت معا جمعيات تاع حقوق لمرأة او عرضت على شي امهات عازبات انني نوفر ليهوم مأوا شرط انهزم ايكونو امهات لهاد دراري ، ونهار على نهار او عام على عام ولاو لعيالات لي تحرمو من لولاد ولا لقاو راسهوم فالزنقة كيجيو ايقابلو ربعة خمسة تاع دراري او يسكنو فوحدة من هاد ديور ، كنت بغيت هاد لبلاصة تكون ملجأ لناس لي باغين ايكونو واليدين ، او فنفس لوقت مكنتش باغي نسيفط هاد دراري لشي وحدين ميعرفوش بقيمتهوم ، ولا بغيت نبيعهوم لناس او نشرط عليهوم اكتبو ليهوم تولوت ولا الربع كنت باغي ليهوم عائلة تحضنهوم ، داكشي علاش أي طفل تكفلات بيه شي عائلة من لأطفال لي هنا مصروفو او مصروف قرايتو حنا لي كنتكفلو بيه ، نقدرو نوفرو تال عئيلتو السكن او خدمة عندنا في باش املؤو افراغ لعاطفي لداك الطفل
ياسمين : ولي متبناهوم تا حد ؟ واش ملي كيكملو تمنطاعش خاصهوم اضبرو راسهوم ؟
اكسيل : كيما شتي كاينين هنا مراهقين لي متبناهوم تا حد ولا جاونا فعمر كبير هادو كيبقاو هنا قرايتهوم او مصاريفهوم علينا او ملي كيكملو 18 كيكون بلإمكانهوم اخدمو معانا هنا او يعاونو فتربية او تعليم تاع هاد دراري تا حل واحد فيهوم كيتوضف ، حيت حنا كواليدين ولادنا كنساندوهوم مكنتخلاوش عليهوم واخة تكون عندهوم تا ميات عام
ياسمين : كيقراو هنا ولا فشي مدرسة خرى ؟
اكسيل : هنايا موفرين ليهوم الروضة او لأساتذة تاع الدعم اما لمدرسة فكيمشيو ليها بحال دراري لوخرين باش ميتعزلوش على لمجتمع
ياسمين : ويلا كانو شي اطفال مراض ؟
اكسيل : بزاف تاع لحالات كنلقاوهوم مراض كاين لي كتخصو غا عمليا يا فلباب يا فشل كلوي يا بزاف دلحوايج كنتكلفو بلعملية ديالو او فلحالات لي كنلقاو طفل مريض بتوحد ولا أي مرض عقلي كنحاولو ما أمكن نوفرو ليه جو خاص او رعاية خاصة او كنخرجوه فلمدارس لخاصة بلمشكل لي عندهوم
ياسمين : غتكون كتعطي بزاف تاع لفلوس فهادشي ؟
اكسيل : ماشي بوحدي لي كنعطي كاينين مساهمين خرين او ماشي بوحدي لي كنرتاح ملي كنشوف هاد لوليدات عايشين مزيان ، ولينا فمجتمع كولشي كنبغيو نرضو منو لفلوس ، ولينا فمجتمع مكيرحمش تا طفل صغير مدار لا بيديه لا برجليه كيساب لينا بلي عندنا لحق نقولو ليه نتا لقيط غا حيت تولد بطريقة غير شرعية ، ولينا حتى لإنسان الى بغا يتوب مكنخليوهش فحالو ، بلأخص الى كانت لبنت لي غلطات بلأصح زنات هنا خاص لمجتمع اعاقبها بحالا ربي عاطيهوم الرخصة بحالا ربي مرخص ليهوم ايعايروها حياتها كاملة ، بزاف تاع لبنات لعب الشيطان بعقلهوم او غلطو فواحد لوقت واخة مقاسونا بوالو خاصنا نعيبوهوم ، او نفكروهوم بلي زنا ذنب كبير او قاصح ولكن عرفتي شكون صعيب هو ملي تشوف لواحد غلط متخليليهش تا لفرصة فين ايتوب ، بزاف تاع لبنات كانو باغين ايتوبو كانو حاسين بغلطهم ولكن لمجتمع مخلى ليهوم تا فين ايتوبو لي خلقهوم او يكفرو على ذنبهوم ، فهاد سنين كاملة شت بنات تابو لي خلقهوم كاينة فيهوم تالي تبعات طريق الله او ولات كدير النقاب او متدينة ولكن عرفتي ملي كدوز كنسمع جملة “هاد فلانة كانت كادير او كتفعل او ترك” “بقات فزيف او هي ها شنو كانت كادير” ، غنقول ليك واحد لحاجة ديريها فبالك كولشي باغي يلزمك ملي تغلطي وقليل لي باغي اشد بيديك ، داكشي علاش فاش تغلطي ديري حاجة وحدة توبي لي خلقك حيت حسابك معاه ماشي معا لبشار
ياسمين : (كنحس بهضرتو كتقيسها لداخل ديالها كنحس بقلامو كي دوا على جروحها) مشيت عند طبيبة ليوم او قالت ليا بلي عندي تشوه خلقي فالرحم ، كيسميوه الرحم الطفيلي
اكسيل : هاد الرحم الطفيلي كيضر مولاتو ؟ كيسبب ليها شي مرض ؟
ياسمين : لا ولكن مكيمحنش نولد
اكسيل : فيها خير فيها خير
جود : لوليد ساليتي من لمادام ولا نمشي بلى بيها
اكسيل : انا باقي معطل هنا غا سيرو نتوما
جود : يالاه
ياسمين : بسلامة
#بعد ايام#
كانت ݣالسة فبيتها بوحدها فيديها لورقة تاع تحاليل مترددة تفتحهوم او تقراهوم ، بقات شحال تال لخر هي تزعم او حلات ديك لورقة موسعة عينيها من داكشي لي لقيت فنتيجة تحليلة
غزلان : (شدات شعرها مغرغرين عينيها بدموع) داكشي لي خفت منو هو لي وقع عشرين عام او هي كادبة عليا او هي مخبية عليا بلي ماشي مي ، شنو غندير انا (نهارة بلبكى) حياتي كاملها غا كدوب فلول مجد او دبا ماما علاش اربي علاش هئ هئ هئ
بقاش شحال او هي غي كتبكي تا خوات قلبها بعدها غسلات وجها او مشات حلات لپيسي ديالها كتقلب على لكونط تاع مجد على لجديد ديالو كتشوف تا لي خاصها تسول عليه ، فحين سناء ملي طاب لعشا جات تعيط عليها
سناء : غزلان زيدي تعشاي (دخلات عند غزلان لبيت لاقياها كتخدم فلپيسي ديالها)
غزلان : (غا شافت مها سدات لپيسي بزربة) دكوغ
سناء : شنو كنتي كتشوفي فلپيسي ديالك تا طفيتيه
غزلان : (لحوار كامل دار بلفرونسي) والو
سناء : وريني
غزلان : شي حاجة شخصية او صاف
سناء : (قربات عندها ناترة ليها لپوسي او حالاه لاقياها فاتحة لأنسطا تاع مجد او كتشوف تصاورو) واش تسطيتي نتي باقة مابغاش ديري عقلك
غزلان : كنت غا كنشوف
سناء : (خبطات لپيسي معا لارض او دوات معصبة) ماتشوفيش قلت ليك قلبي عليه واش معندكش لوجه علاش تحشمي خوك خوك حرام عليك
غزلان : (تا هي تعصبات) او من بعد نتي لي كتدوي على لحرام مخنتيش راجلك معا بابا باش تولديني هادي مكانتش حرام ولا غا فعلاقتي انا لي حرام ، عييت او مابقيتش قادرة نصبر كنشوف غيضيع مني الى مجد هو لحرام حسبيني كافرة صافي
سناء : (جمعاتها معاها بتصرفيقة) جمعي فمك او عرفي شنو كتقولي تا لكفار مداروش هاد لفضيحة ، على خر يامي وليتي تعايريني اغيزلان على خر يامي راضاني مكنسواش هادا هو جزاتي فيك هادا هو تسع شهور تاع لحبالة او لوجع دوي
عبد الله : (دخل عليهوم كيجري) شواقع صداعكوم كيتسمع تال لتحت
سناء : (دموعها نزلو) جي شوفليك بنتك آسيدي باقة لاسقة فمجد او مبغاش تفهم بلي خوها قالك الى كان حرام مشغلهاش
غزلان : متأكدة خويا ؟ متأكدة حملتي بيا تسع شهور كيما قلتي
سناء : ش شنو كتخربقي
غزلان : نتي اماما لي شنو كتخربقي مجرجراني هاد شهورة كاملة على ود كدبة ، عشرين عام ونتي معيشاني فكدبة قايلالي مجد خويا ونتي أصلن غي مربياني
عبد الله : (وسع عينيه) غ.غزلان بنتي شكتخربقي شكون غيربيك واش غتكدبي ماماك او تقلقيها على قبل موعاق دلخلى
غزلان : موعاق او عاجبني شغل شي واحد فيا (شافت فسناء لي كانت ضاربة طم ، هزات طيليفونها او خرجات من دار)
يتبع
التعليقات 0