الفصل 29

خرج جود او ياسو من لحمام بعدما دوشو توضاو بجوج ، هو لبس غي الكسور ديالو ومشا ݣلس فناموسية مسند على لحيط ديالها ، فحين ياسمين لبسات توني ديالو او جات ݣلسات بين رجليه مربعة رجليها

ياسمين : (كانت جابت لݣيطار معاها) ݣاع معلمتيني

جود : (حط وجهو على كتفها او شد ليها يديها وبدأ كيوري فيها) رخفي هاد صبع او زيري شوي على هادا

ياسمين : (طلقها جود مخليها كتتحاول طبق داكشي لي قال ليها ) هاكدا ؟

جود : (جبد واحد لباطة من لمجر )

ياسمين : (حيد ليها لݣيطار حطو فجنب ، او شد ليها يديها و بدا كيركب ليها دبالج تاع دهب مخليها تهز عينيها فيه) شنو هادو ؟ مبعتيهومش ؟

جود : راني قلت ليك الى تزيرت لي غنقيسهوم ولكن دبا مبقيتش محتاجهوم داكشي علاش خاصهوم ارجعوا لمولاتهوم

ياسمين : (ملي ركب ليها دبالجها شد صبعها او ركب ليها واحد لخاتم) هادا ماشي ديالي

جود : (باسها تحت ودنيها) ولا دبا ديالك

ياسمين : (تأملات لخاتمة شوي قبل كتهز راسها فيه) كنبغيك

جود : (صدماتو بديك لكلمة او زادت ليه الصدمة ملي قربات عندو او باستو بوسة خفيفة) آح آش كديري فيا عاوديها نسمع

ياسمين : (قلبات وجها حشمانة)

جود : وا عوديها عافاك راك غفلتيني

ياسمين : لا

جود : عافاك

ياسمين : (دوات بلاما تشوف فيه) كنبغيك

جود : (راسها فعنقها) ونا كنموت عليك

ياسمين : (جات تدوي طلق ليها تسجيل لي سجلها او هي كتقوليه كنبغيك) مسحو

جود : لا غنديرو فسونيط

ياسمين : حشومة عليك مسحو

جود : لا (خلا تيليفون حيت كانت بغات تخطفو ليه او عنقها مزير عليها) نعسي ابنتي نعسي

ياسمين : انا ماشي بنتك

جود : (زير عليها) نتي بنتي ومرتي نتي كولشي

#عند لغالية#

لغالية : (رضعات دراري او نعساتهوم وبقات كتسنا فإكسيل ايسالي صلى) الله اتقبال

اكسيل : آمين

لغالية : (تكاو بجوج او طفات ضو) اكسيل

اكسيل : شنو

لغالية : اكسيل

اكسيل : شحاف عليك ؟

لغالية : ضرني راسي بغيت نعرف

اكسيل : شنو باغة تعرفي

لغالية : شنو زعما ايكون مجد او غزلان كيديرو دبا

اكسيل : فنضارك زوج يالاه تزوجو شنو غيكونو كيديرو يا ناعسين يا كيقيمو ليل

لغالية : يعني تلقاهوم كيديرو لمسخ استغفر الله العظيم

اكسيل : الله امسخنا تا حنا على هاد لحساب

لغالية : هههههه توحشتيه

اكسيل : واه

لغالية : (بمكر) داوية انا على مجد توحشتيه ياك

اكسيل : نعسي المرض

لغالية : ههههه تا هو توحشك

اكسيل : داوية على مجد ولا على لي فبالي وبالك

لغالية : هههههههه لي فبالي وبالك اما مجد ݣاع ميكون مفكرك اصلا تلقاه ملاهي مع غزلان كيوريها كوية لكوكوط

اكسيل : ههههههه مسختي اهيتا

لغالية : نيتي ولات دغيا كتهرب

اكسيل : آح فين لغالية لي واخة تقولها ليها بصريح لعبارة متفهمهاش

لغالية : باش تعرف نيتي كانت صافية تا تزوجت بيك نتا لي فسدتي ليا لأخلاق ديالي كنت نحشم تا نشوف ممتل بلى توني وليت انا دبا لي كنحيد توني ههههههه

اكسيل : (عنقها) نعسي نعسي شي نهار تسكتيلي لقلب بفعايلك

#عند مجد#

طول طريق كانو ساكتين مدواوش او ملي وصلو لوطيل ضربوها بنعسة بعدما كلاو ، بلأخص مجد لي كان تالف ليه الراي تاع لمعقول

مجد : (كانت غزلان فاقت قبل منو او جات كتفيق فيه) شنو

غزلان : نوض راه صبح لحال او عاود ضلام ونتا باقي ناعس ، نوض خلينا نمشيو نتعشاو برا

مجد : (كان مدوخ بنعاس) غزلان خليني نعس

غزلان : (غوتات شوي) نوض غيجي راجلي يلقاك فبيتي

مجد : (فلبلاصة ناض مخلوع كيقلب منين اخرج تا جاتو صرفاقة لراس)

غزلان : راك راجلي الكلب راجلي ولا راك موالف

مجد : (عاد ضرباتو لفيقة مزيان) هادي طريقة كيفيقو بيها ناس خلعتيني

غزلان : (بدات شتا كتصب) ناري مبقيناش انخرجو دبا

مجد : (خرج من لحمام بعدما غسل وجهو) كان باين بلي لجو غيكون هاكدا من ليلة تاع لبارح

غزلان : شنو نديرو دبا

مجد : شنو بان ليك ندويو على شنو وقع لبارح او تشرحي ليا روينة لي وقعات

غزلان : واخة انا نعاود ليك كولشي

مجد : (سرسبات ليه كولشي مخلياه مصدوم) سيمانة او لغالية كتخطط او تفصل ياك ؟

غازلان : تماما من نهار تاع لخطبة او ديك لمدابزة لي وقعات جات فرصة ناضية لتنفيذ لخطة

مجد : (شير عليها بلوسادة) واش لغالية مسوطية ونتي كتر منها

غزلان : وشندير شتيه كي تعكس لينا ولكن كون مدرتش هاكداك ݣاع مكنا نتزوجو اولى

مجد : انا باقي مقاد نستوعب والله

غزلان : خلينا نتفرجو فشي فيلم علاما تستوعب على خاطرك

مشا ݣلس كيتفرج او غزلان ݣالسة حداه متكية ليه على كتفو ، مكانش مركز مع لفيلم حيت عقلو كان كيفصل او يخيط فهادشي لي وقع لبارح

مجد : (شاف فغزلان) دبا حنا كنتعتابرو مزوجين ؟

غزلان : شرعا وقانونا

مجد : (خطف بوسة خفيفة منها) يعني واخة غنبوسك هاكدا مغنلقاش جدك واقف عليا حيت نتي مرتي

غزلان : وا هو لجزء تاع انا مرتك ، مرتك ميحيدني ليك حد ولكن انك تلقى جدي واقف عليك منضمنش ليك

مجد : (زعم كتر من لول او دمج شفايفهوم فقبلة سطحية طول من لي سبقاتها)

غزلان : (تلفات ليها لهضرة) ل.لف.فيلم امجد

مجد : لفيلم عاد غيبدا اميرتي

دوز يديه مور عنقها مقرها لعندو او حاكم شنايفها هاد لمرة فقبلة عميقة ، غزلان كانت كتجاوب معاها ولكن حدو دخل لسانو فمها متعمق فلبوسة كتر من لول ، بقات هي مكوانسية

غزلان حسات بقلبها باغي اخرج من بلاصتو فايت تباوسات معاه ما مرة ما جوج ولكن موصلاتش معاه لهاد الدرجة كان دكشي خفيف او سطحي مداخلش فيه لسان او لعضان

غزلان : (ملي بعد عليها مجد مخلي ليها لمجال فين تنفس كانت ولات حمرة)

مجد : (دوا حدا ودنيها) شريتي لكينة؟

غزلان : (تأكدات بلي سيد ناوي عليها واحد راس كيقول ليها تقول ليه لا او تكدب عليه ، واحد الراس كيقول ليها تابعاك تابعاك طيري لبوشونة او هني لبشار) ش.شريتها

مجد : مزيان (وقف موقفها معاه ، تمشا تال الناموسية عاد وقف معنقها من لور او خاشي وجهو فعنقها كيستنشق عبيرها او كيبوس فيها فنفس لوقت ، متحسس دقات قلبها لي على شوية كان غيسكت ليها) غزلان غي بشوي رخفي راسك أو تنفسي

غزلان : (دوا ليها حدا ودنيها مبورشها او مخليها تخرج النفس لي كانت حابسة بلاما تشعر)

مجد : (دورها لعندو باوي بحنية) تبغي نحبسو ؟

غزلان : لا ، ايه ، لا ، لا ، ايه ، لا

مجد : دبا واش نحبسو إيه لا ، الى كان إيه فقوليها دبا محد باقي لوقت نزيد شوي غتبقا غي لا

غزلان : (مقداتش تحط عينيها فعينيه بحالي اول مرة تشوفو) لا من.حبسوش

كان كيتسنا غي الرخصة رجع قرب عندها ملسقها معاه او دامج شفايفهوم فقبلة خرى عمق او شرس من لي سبقوها ، يديه تخشاو تحت تريحو ديالها وتحطو على لحمها كيستكشفو منحنيات جسدها ، هبط راسو لعنقها كيبوس فيه او بعض بجشع

غزلان : آممم

تانية مور تانية كان مجد كيفقدها احساسها بمحيطها او كيرفعها لأحاسيس او لمسات جداد عليها هي او جسدها ، او للحضة لقات راسها متكية فوق ناموسية كيما خلقاتها مها او مجد لي كان فوقها نفس شي او صوت غريب عليها كان كيخرج من حلقها كأنو جسدها كان كيعبر على نشوتو بدون اذنها ، ايمشا حيدات حوايجها ولا ايمتى حيدهوم هوما شكون عرف هي براسها معرفتش كي وصلو لهاد لمرحة ، كانت كتحس فقط بلسان مجد او فمو لي مخلاو تا بلاصة فجسدها ، فمها ، عنقها ، صرتها ، صدرها ، تا من فخاضها كان وصل ليهوم

مجد : (كانو تشارك ريق واحد او نفس واحد او حتى قلب واحد او أخيرا وصلات اللحضة لي تشاركو فيها جسد واحد)

مجد كان مغطي فمها بفمو كاتم تأوهاتها لمؤلة لحد ما نتيجة عملية لمد ولجزر لي كان كتوقع فنقطة التحام اجسادهوم لأول مرة سواء بالنسبة ليهوم كتنائي ولا حتى على لمستوى فلردي كانت التجربة لأولى

غزلان : (لألم لي كانت كتحس بيه ولي كانت النشوة غالبة عليه او يمكن ݣاع نقولو مغطية عليه ، مع نقطات تاع دم تقطرو فوق لملاية اتناء كلية تسراح طريق ههههه كدل على حاجة وحدة انها بدا ولات مراتو او ديالو قلبا وقالبا هههههه او تا هو ولا ديالها)

مجد : (مخواش فيها وخوى على برا ماد يديه لكواغط لي كانو حدا هون ماسح ليه او ليها عاد تكا حداها خاشيها فيه او مغطيين بجوج)

غزلان : (بقات ساكتة شحال ملاقية ما تقول فاتها الصهضة تاع لكوا وبقات صحتها كاملة ضاراها بلأخص بين رجليها شي لي خلا احساس فشكل ايراودها ، احساس بعدم الراحة او عدم لارتياح نوعا ما ، او فلوقت لي كانت كتخاطب فيه راسها بلاما تشعر جهرات بواحد لجملة) دبا انا وليت مرت الراجل

مجد : (ضحكاتو) هههههه دبا عاد وليتي مراة الراجل بكل ما تحمله الكلمه ، ونا وليت راجل لمرا ههه

#بعد شهرين#

كانو واقفين حدا لباب بالحليب او تمر كيستناو يستقبلو بيه لعرسان جداد لي كانو عاد رجعو من سفر

لغالية : مرحبا مرحبا

مجد : (كان باين عليه ماشي تال لهيه يالاه بغاو اسلمو عليه دوا) لا اهلا ولا سهلا ولا مرحبا انا غادي نعس ملي نفيق نتسالمو

صباح : (شافتو مشا لبيت جار لباريزات معاه) مال هادا

غزلان : (سلمان عليهوم واحد بواحد) متديش عليه راه باقي مصدوم مقدش استوعب

لغالية : دخلي دخلي متبقايش فلباب وا طولتو فيها شبعتو استفسر بعدا

غزلان : كنا اندوزو غي سيمانة او رجعو باش نحضرو لصدقة ، صدق مجد خرجات ليه شي خدمة تما هي لي شداتنا تا مرجعنا تال دبا

صباح : (كانت كرشها باينة او منفوخة بما انها كانت فشهرها السابع) فيها خير بدلتو لجو شوي

غزلان : داكشي لي كاين نيت

لغالية : فيك الجوع نجيب ليك متاكلي

غزلان : لا كليت فطريق انمشي غي نعس نرتاح شوي عمي اكسيل مكاينش مبانش ليا ؟

لغالية : عمك اكسيل راه لفوق ناعس مع ماسينس لفوق كانت لبارح مريض او بقا سهران معاه محبس من لبكا تال دبا شوي ونعس حداه تا اكسيل حيت كان عيا

ناضت غزلان من حداهوم او دخلات لبيت تاع مجد لاقياه معك فناموسية شادها طول او عرض ، دخلات لحمام دوشات او جبدات حوايجها من لبريزة لبساتهوم او مشات نعسات فوق لفوطوي

مجد : (جارها بنعسة تا قاد لمزاج عاد مشا ضرباتو لفيقة مشا تا غسل وجهو عاد قصد غزلان كيفيق فيها بشوي) غزلان وا غزلان

غزلان : (حلات عينيها) فقتي ؟

مجد : واه فقت (ݣلس فلأرض مقابل معاها هي لي كانت باقة متكية) دبا بغيت نسولك

غزلان : سول

مجد : ربي واش حاملة بصح ماشي غا كنتي كضحكي ؟

غزلان : راني وريتك طيسط

مجد : ميكونش تاع كورونا

غزلان : او تحاليل لي درت

مجد : متعرفي ايكونو غلطو راه ميمكنش

غزلان : علاش ميمكنش

مجد : راه والله ما بلان ، داك لعتروس مدارنا تا فين نسرحو طريق تا شد لبلاصة ماشي حشومة انا ماشي وجه زواج أو لحياة ؟

غزلان : دبا لي سمعك غيقول غي وحل فيك شي حاجة مقاسكش

مجد : قاسني شمن مقاسنيش غنوليو عاود كترت لحركات لكوائية لا خرج لهنا جري لهنا غينقصو تزيدي شوي اولي لقيسان ممنوع وكتقولي محرمهاش عليا

غزلان : هاد شهراين مقنعاتكش

مجد : كطنزي ليا بعد اول مرة بقيتي مبليسية جوج سيمانات حقا ولواد تا نبرا مزيان ، لمرة تانية قلتي تاخدي فترة راحة سيمانية تولفي ، جا داك شهر او نص ناع لخدمة او تمارة يالاه صورنا معاك واحد جوج خطرات ، ونا الحاجة 24 عام ونا صايم فلخر نفطر على ربعة تاع تمرات او عتروس مزاحمني من لفوق

غزلان : متبقاش تقول عليه عتروس ياق ، ملي فيك هاد كترت لفهامات مالك مخديتيش لإحتياط ديالك

مجد : علاه شكون سولت واش شريتي لكينة او كتشربيها او قالت ليا ايه

غزلان : او مالك راني كنت كنشرب حبة غدليه باش تمنع لحمل

مجد : نتي راك بطلتي لوجيك فين قارية فين غي قولي ليا ها لعار واش لكينة كتشرب حب وحدة فكل مرة او منبعد عاد ماشي تا قبل

غزلان : باش غنعرف انا ؟

مجد : كنتي تسولي مولات لفرماسيان ولا فليوتيوب

غزلان : وا هي لي قالت ليا متكتريش منها حبة فشحال او تا باش قريت

مجد : انشوف انا هاد لكينات (حل صاكها ايشوف لكينات لي قرات فيهوم هاد تعليمات ، او انفوا شاف لباكية جاتو لبكية او شد راسو) هاويلي على زهري هاويلي

غزلان : مالك

مجد : واش ابنتي بغاني نلوحك من شرجم شجاب حبوب منع الحمل لحبوب تقوية لمناعة غي قولي ليا

غزلان : مالك ياك الى تقوات لمناعة كيعني مكاين تاشي حيوان منوي غيدوز لبويضة غيمنعوه

مجد : شكون غيمنوهو ياهاد أمرا ريجال لبلاد ، واش ماقريتيش لورقة تعرفي غا لاش كيصلاح

غزلان : قريتها كانت مكتوبة بلعربية او لونݣلي ونا زرݣة فيهوم بجوج هههههه

مجد : كضحكي ؟ ضحكي نتي معامن جات ربي واش ماشي حشومة عليك أنا بطيران لي فيا او دكا ديالك نتي طاعت الله هاد دري كي بغيتيه يخرج من غير انو يكون عتروس بحالي بحالك

غزلان : سالب مع سالب كيعطيو لموجب يعني كاين أمل

مجد : باغة تفهميني بلي عتروس تزوج معزة او غيولدو لبشرية سبع ياك ؟

غزلان : او مالك معمر خالتك سيفطات ليك قرد بعنق زرافة ؟ ولدي انا وياك ايخرج سبع متخافش

مجد : لاباس الى خرج كي سبع دإفران ميجبد حد ميعض حد

غزلان : أجي متمشيش تجيب ليا تفاح داك لخضر لي كيكون كبير او حامض

مجد : تقصي شي حاجة أبعدا

غزلان : قصي على برا او جيبلي معاك شي كسكروط مخلط

مجد : نوض على سعدي وعدي نوض (هز لفلوس من لمجر او خرج من لبيت داز تا سلم عليهوم واحد بواحد عاد خرج بحالو)

غزلان ناضت من بلاصتها ومشات تا غسلات وجها عاد خرجات عندهوم كتسنا فمجد ارجع

لغالية : تاكلي شي حاجة

غزلان : راني سيفط مجد ايجيبلي مناكل

مجد : هاني جيت (حط الساشيات لي فيهم كاسكروطات او تفاح قدامهامو او مشا هز نومنسا كيلعب معاها او يبوس فيها) ازين ديالي الحبيبة ، مشيت غا شوي جيت لقيتهوم كبرو

لغالية : دغيا تا حوايجهوم خلاوهوم مبقاوش قدمهوم

مجد : اش هاد كريشة خارجة أ واكلة حقهوم كاملين ياك ابخوشة ديالي غناكل انا

اكسيل : (دخل عليهوم) السلام عليكم

لغالية : وعليكم سلام امضرا هبطات ليه السخانة ؟

اكسيل : واخ او راه نعس

مجد : ماسينس مريض ؟ مالو ؟

اكسيل : (كان هاز ماسين عندو) منعرف لبارح طلعات ليه السخانة او رضان ، طبيبة قالت ميكروب

لغالية : ديك لقواسة تاع صاحبة لحاجة هي لي دارتها

غزلان : شمن قواسة ؟

مجد : واحد صاحبة مي لحاجة لي شافتها غي ترحمي عليها لاش وريتوها دراري

لغالية : جات عندنا حقا بغات تبراك حيت مجاتش فسبوع باركات او بقات فين دراري فين تا عييت ونا نزلهوم ليها شافت نومنسا قالت يا على سلامتك ولدتي ليه لبنت مجات فين تخرج من لباب تا على شوية كانت غطيح لمحسن من بين يديه دازت عند ماسينس او ماسين قاتلك ياه واحد مكالمي وتاني فيه كترت نشاط او مربي صحة

لغالية : من لبارح لي كلاها ارضها او لاسهال كيبقا يبكي يبكي تا ينعس ، ماسين طلع ليه السكر مابغاش يتريݣ ليه غي بدرع تا كنت كنقول دبا يغيب ، ليل كامل ونا طالقة سورة البقرة كون غي كانت تقول تبارك الله ولا مشاء الله مكاين غي صوارخ من دوك لعينين

نومنسا : (حدها شافت اكسيل هاز ماسن او كيطبط ليه على ضهرو قالت بيبو بلبكا)

مجد : شششش صافي صافي متبكيش مالك

لغالية : احياني معرفتيش مالها راهوم كتبو ليها اكسيل فسميتها غي شافتو هاز خوها بدات تبكي ، آرا ليا كاسين نهزو راه بغا ينعس ونتا هزها

اكسيل : غي خليها تبكي شوي مغيوقع ليها والو ماسين شحال هادي مهزيتو

محسن : سبحان الله واحد فيهوم مكيشبه لتاني ماسين قليل فين كنسمعو كيبكي

لغالية : ماسين فلول كان كيسحابلي غي مع لعيا لي مخليه غا نعاس او سكات ولكن دبا عندو شهراين او صرف او مع ذلك باقي على نفس لحاجة مهدن ، هادي او داك لاخر لي عزيز عليهوم لغوات او لبكا وتبوحيط

غزلان : تبوحيط من دابا

لغالية : آيه يسحابلك دبا غتسكت من لبكا اتبقا تبكي او تنخصص تا يجي عندها ، واحد لمغيارة كتراتني قاتلك متنعس غايلى تكات فوق صدر باها او هو انعسها جود ديك لمرا خليناها عندو خرجنا نقضيو شي غراض حلفات متنعس ليه وبقات فايقة تا جا اكسيل طفا ليها ضو دار ريحت باه او مع ذلك عرفاتو ماشي هوا ، اعنق شي حد ولا يهز شي حد أو تشوفو صافي تبقا تبكي عليه

صباح : واهي شبهات ليك غا نتي غا هي زايدة عليك نغزا ديك نهار ملي جاب ليها بابا دهب ديالها بقات حاضياه حاضياه ناضت لغالية تخليه هي تقول بيبيو والله مرخص ليها تا رجعاتو قدامها عاد سكتات

اكسيل : (بقا شاد ماسين تا نعس عاد طلع لفوق حطو فبلاصتو او رجع عند نومنسا لي عينيها ولاو حمرين بلبكا) آجي عندي ابنتي آجي

نومنسا : (ملي شافتو جا عندها حبسات من لبكا او ضورات وجها عليه مخشية فعنق مجد)

مجد : (كيطبطب عليها) مالها ؟

لغالية : آه نسيت منزيدك السيدة كتقلق او تغضب او تنفخ راني قلت ليكوم بنتي ميحيدهاش ليا طبيب

اكسيل : فرحانة حيت شابهاك فتعكاس في على ربي متكونش كدير خدمت الشيطان (هزها من عند مجد) أجي ابنتي عندي آجي

نومنسا : (دارت عرب بلبكا)

اكسيل : (بدا كيطبط على ضهرها) صافي ابنتي صافي ابابانو واش نهزوك غي نتي منهزوش خوتك هوما ماشي حشومة

لغالية : طاب خاطرها

جود : مشتيش امجد لكاضو تاع باك لنومنسا

مجد : مشيت قبل منعرف شنو جاب ليها

محسن : جاب ليها أسيكي كيلو على قدو تاع دهب او كمل ليها لوزن ديالها بكيلو تاع لجوهر لحر عاد ديك نص كيلو تاع نقرة باش تشوفلك السيد

مجد : شتك داوي بحالا حاسدها واخة انا براسي حاسدها ههههههههه نومنسا عندها دهب ونا لا متسلفيناش انومنسا

محسن : قلنا لباك لفرزيات لا بما انك وزنتي بنتك التانية ذهب تا لولة خاصك توزنها بدهب واش قلت شي عيب هههههههه

جود : لعيب شخصيا ولكن متافق معاك الى عطيتوني غا رابعة انا

مجد : الى عبرها ذهب ايولي دهب عندها كي روز عند صباح

اكسيل : باش جاوبتك انا اسي محسن ديك ساعة ؟ قلت ليك ولد ليا حفيدة بنت نوزنها ليك بدهب أول محاولة ليك ولدتي لعزري فلمحاولات القادمة ان شاء الله

مجد : هادشي شاملنا تا حنا ؟

اكسيل : لبنت لي تزادت منهنا لقدام فلعائلة كطبق عليها لقاعدة

مجد : بقا عند كلمتك

اكسيل : انا باقي نتا لي كحب لبنت

لغالية : راجلي سخي هههه

صباح : (كانت غي كتخشي فوجها هي وغزلان مامساليينش لهاد لهضور تا حسات بضو شبر معاها) أي

محسن : مالك

صباح : والو غي حسيت بشوي تاع لوجع

لغالية : (بقات غي كتشوف فيها كفاش غادة او كتزنݣ او تعراݣ) صباح مالك

صباح : (كتزربي تسالي كسكروط) لوجع وا واقلة غنولد اهياوينا

محسن : تولدي كي درتي ليها راك يالاه فشهر السابع (شد راسو) السابع نتي فسابع كاين لي كيولد فسابع نوضي نمشيو عند طبيبة نولد تولدي نولدو

صباح : منوض تا نسالي هاد كاسكروط

جود : واش نتي كتعصري او باقة باغة تاكلي

لغالية : غزلان سيري جيبي ليها جلابتها او زيفها تلبسهوم لوجع تاع لولادة هادا لي شدها

غزلان : واخة (مشات كتجري تجيب ليها متلبس)

محسن : (قرب ايطيح ليهوم تما بلخلعة) يا هاد لخلقة باركة من لماكلة واش وقتها هادي

صباح : (تا سلات ماكلتها عاد عطات لخاطر لغوات بلأخص أنو لوجع زاد تجهد عليها تا بدات كتبكي) بابا بابا صافي صافي مابقيتش قادة نصبر غنولد غنولد آي ابابا

اكسيل : (فشلو عليه رجليه) جود شد ختك

جود : (شد فصباح)

اكسيل : ماشي هادي نومنسا

جود : آه (شد نومنسا من عندو)

اكسيل : (وصلات غزلان عندهوم مادا ليه حوايجها ، لبس ليها جلابتها او زيفها )

صباح : بابا لما نزل غنولد ليكوم هنا عيطو لماما عافاكو كنموت ابابا

اكسيل : (شاف فمحسن حاقد) شتي ضسارة ديالك فين وصلات بنتي

مجد : لواليد واش غدابزو هنا ديو لبنت لسبيطار غتولد هنا

اكسيل : (هز صباح بين يديه أو مشا كيجري بيها لسبيطار مخلي مجد او محسن تابعينو)

لغالية : زيدي معايا تجمعو ليها صاكها إلى مكانتش جمعاتو ، جود طلع نومنسا لبلاصتها ماحدها ناعسة او دوز عند ياسمين فيها او قول ليها تهبط عندي محتاجاها واخة

جود : واخ

ياسمين : (كانت فبيتها كتراجع تا دخل عليها جود لي حط نومنسا فبلاصتها او جا عندها)

جود : صباح كتولد

ياسمين : كي دارت ليها باقي موصل شهرها

جود : يمكن اتولدو سباعي نزلي عند لغالية راها كتسناك

ياسمين : واخة

جود : (هبط لتحت هو وياها )

لغالية : جود سير وصل لحوايج لصباح نتا وغزلان انا غنبقا هنا مع ياسمين نقابلو دار

جود : واخ ، غزلان يالاه نمشيو

غزلان : يالاه

لغالية : ياسمين الله يرضي عليك جبدي ليا نوامر تاع طيابة او مولات لحلوة نصوني عليهوم ماحد باقي لحال

ياسمين : واخ ، هاكي ها نمرة

لغالية : (شدات منها طيليفون او صونات) آلو بشرى لباس عليك شخبارك صونيت عليك على حساب ديك لحلوة نشوفها واش وحدات ، عارفة درت معاك تال شهر جاي ولكن تا حنا معولناش شدها لوجع دبا او مشات تولد ، شوفي عافاك كي ديري ضبريلي على لحلوة او طلبي فيها لي بغيتي غي بلحق تكون شي حاجة زوينة ماشي سواقية راك عارفة لي كاين صافي شكرا بسلامة (قطعات معاه) ياسمين صوني على لحاج علميه

ياسمين : واخة

لغالية : إيه صوني تا على عݣوزتك علميها (صونات لنمرة خرى) آختي السعدية لباس عليك راني واقفة عليك تاع لمعقول صباح شدها لوجع او مشات تولد او حنا مكنا دايرين ليها لحساب غيخص لي يطيب لينا او نتي لي موالفة طيبي لينا فلمناسبات الى عدال ليك ، صافي كوني هانية تلقاي السلعة كاملة واجدة غدا نجيبو دجاج او لحم او لحوت انكونو فدار ملي تبغي تجي تغسلي دجاج معندنا فين نمشيو ، ربي يخليك اختي الله ايعاونك

ياسمين : الو خالتي سناء

سناء : ياسمين لباس

ياسمين : لابس لحمد الله صونيت عليك غي باش نعلمك بلي صباح داوها لصبيطار تولد حيت شدها لوجع

سناء : تولد ؟ ولكن باقي موصل شهرها ياكما اتولدو سباعي ؟

ياسمين : غالبا

سناء : صافي انا انخلي طليفون حدايا ملي تفك على خير صوني عليا علميني

ياسمين : واخة

لغالية : علمتيهوم ؟

ياسمين : واه لقيت مجد وا علم لحاج او راهوم شادين طريق

لغالية : انا انلبس جلابتي او نتبعوهوم لسبيطار ندي معايا دراري وقيلة

ياسمين : غي خليهوم هنا فدار انا راني غنبقا هنا مغنمشيش لسبيطار

لغالية : علاش ؟

ياسمين : مك او باك غيجيو ضروري لسبيطار ونا مافية لي يشوفهوم

لغالية : حسن ليك منها نخلي معاك دراري هانتي غنسيفط لعيالات لي يخملو دار فتحي ليهوم لباب صافي

ياسمين : واخة

لغالية : بالنسبة لدراري ماسينس الى ضرباتو لفيقة عطيه يرضع فبلاصتو ، نومنسا تا دوز واحد ساعة عاد تفيق ليك ماسين عطيه غي لما ملي يفيق الى حصلتي فشي حاجة عيطي لخدامة هي كتعرف تقابلهوم ولا صوني عليا صافي

ياسمين : كوني هانية

لغالية طلعات لبسات عليها او رجعات نزلات لتحت راكبة طونوبيلتها او شادة طريق لسبيطار ، فحين ياسمين طلعات لبيتها وبقات حدا دراري كتفرج فطيليفون

لغالية : (لحقات عليهوم لفين كاينين) امضرا ولدات ؟

اكسيل : لا باقي

لغالية : (شافت اكسيل ماشي تلهيه جود او مجد لخلعة شاداهوم تقول هوما لي كيولدو ، محسن خلاص بقا شوي او يسخف ليهوم تما مابقا عندو جهد ولا صفر) توما مالكوم صباح لي كتولد او مدارتش هاد لحالة لي درتو

محسن : (سمع واحد لغوتة تاع صباح او بعدها سكات) ناري قلبي غيسكت

جود : ملي طسيلت والديك عندك لقلب لاش محملها لاش باغي دراري ؟

محسن : وا غفلني داك دري غفلني علاه انا ضربت ليه لحساب

مجد : دراري تاع هاد لوقت كيغفلو

طبيبة : (اخيرا خرجات عندهوم) شكون راجل السيدة

اكسيل : (بتلفة دوا) انا

لغالية : تا ستغفر مولاك اراجل ياق ولفني كندخل لسبيطار هادا باها راجلها هو لي سخفان

طبيبة : ههههه على سلامتك اسيدي تزاد عندك ولد

مجد : تا حلقي بالله كاي يسحابنا اتزاد بنت ستغفيرت الله لعضيم

محسن : فين صباح ؟ كي بقات ؟ هي مزيان ؟

طبيبة : هي ولبيبي بخير وعلى خير

اكسيل : نقدرو نشوفوها ؟

طبيبة : واحد شوي او دخلو عندها

صباح داوها لبيت ديالها او ركبو ليها صيروم ، غمضات عينيها بتعب ناعسة ليها شوي ، تا دخلات عليها لفرملية بعد مودة جايبة ليها ولدها ، مدات يديها عندها هازاه لأول مرة

صباح : (تخالطو عليها لأحاسيس هبطات راسها كتبوس فيه) لحبيب ديالي ولدي دبا هاد قريطة شحفاتني هاكدا أ ؟ آخ على وليد

بقات لفرملية مع صباح تا رضعات لوليد عاد دخلو عندها لبيت ، صباح حدها شافت اكسيل وبدات كتبكي

اكسيل : (عرف خاطرها طايب داكشي علاش ݣلس حداها معنقها) على سلامتك

صباح : (كتدوي او تنخصص) ش.شوف قداش داير لي كان شاف لكرش او لوجع ايقول غنولد تيمساح ، ولكن صدقات يدي كبر منو (دارت عاود هري بلبكا ماكلة ليه لولد اهزو)

اكسيل : بسم الله

جود : هانتي وليتي جد الواليد هههههه شرفتي

اكسيل : الله اكبرنا على طاعتو (شاف فمحسن) هاك شد ولدك ادن ليه فودنيه

محسن : محافضش غي ادن ليه نتا

اكسيل : مسلم نتا ياك بعدا ؟ ولا يالاه ناوي دخلو ؟

مجد : متديش عليه راه تخالطو عليه أذن ليه نتا الواليد

اكسيل : (هز دري مقرب لودنيه أدن ليه فيهوم عاد باسو او مدو لمحسن) هاك شد ولا تا هادي محافضهاش ، الله اكبروو فطاعتكوم

صباح : (سكتات شوي من لبكا) اللهم آمين

محسن : (حدو هز ولدو بين يديه وبدا يبكي كي دري صغير)

غزلان : مال هادا

جود : محسن يهديك الله لاش كتبكي

محسن : (باقي كيبكي) دبا هاد شوية انا باه ؟

جود : نسولوك نتا

محسن : (شاف فدري او هبط كيبوس فيه) اولدي

مجد : (متر ليه دري) طلق طلق دري غتخليه يكتاءب بحالك بحال مو ݣالسين تبكيو تقول ݣنازة ، ياك اخالينو

جود : (باس ليه يديه) اخالو ازين

لغالية : (مشات تا هي كتشوف فتريبية) اعميتو ازين ديالي مرحبا بيك مربحبا بيك فعئيلتنا

غزلان : شنو غتسميوه

صباح : (كانت شادة ليد لمحسن) والله معرفت باقي مختارينا ليه شي سمية راك شتيه كي غفلنا ݣاع معولنا عليه

محسن : اسميه باك نيت

اكسيل : (هز يديه) منسميه ميسميني باه او مو اسميوه انا حدي ولادي سميتهوم

صباح : لا لا سميه نتا ابابا راه محسن الى سماه خلات علينا

محسن : مالك كي جاتك سمية بوجمعة

لغالية : الله اخويا شهاد سمية

صباح : قالك بغا اسميه بو جمعة باش اتنمر عليه ويبقا اعيط ليه لوپيغ دولپلوي

اكسيل : طامع تنمر فولدك محشمتيش

محسن : اعمي كون حرمها عليك كيما حرمها عليا كون تخليه بلى سمية ، بنتك ما ولدات تا ركبات فيا لاعصاب

اكسيل : ههههه ختار ادري شي سمية مقادة

محسن : غي شوف ليه نتا شي سمية راك نتا لي اتربيه نيت

اكسيل : شكادير نتا فشغلك تا نربي ليك انا دري ناقصيني لبجاغط

محسن : ونا منعيش لحياة نتا راك عشتيها نتا او مرتك داكشي علاش نتا ربيه انا باغي نسافر انا ومرتي

مجد : تا كي درتي ليها تخلي عندو ولدك او نخلي انا ولدي كي غيدير ايقابلهوم بجوج

صباح : سير تا نولدو عاد دوي

مجد : تمنشهور دغيا دوز ويلى كان زربان بحال هادا منهنا ستشهور تلقاوه عندكوم

جود : (طرطق عينيه فيه) متقولش ليا درتيها

مجد : شكتعرف على زهري ؟

محسن : (نفاجر عليه بضحك) هههههههه واع ، اللهم لا شماته بس انا شمتان ، هههههه شحال ضحكتي فيا اودي امجد بقيتي عليا يالاه سبعشهور باش تزوجتي باقي تا لعام مضارش عليك ونتا مزوج او مراتك حاملة نضتي نتا معا مبروك مدرتي مع يتربا فعزك هههههههههه

مجد : سري انا لي مبغيتش ولدك يقنط بوحدو قلت نولد ليه لي يونسو

جود : برد برد على مخك بديك لهضرة

لغالية : ونا كنقول مال مجد كان مصدوم هههههه مبروك عليكوم ، تنوضي بالصحة والسلامة

غزلان : (حشموها ملي بقاو كيدويو هاكدا قدام اكسيل) الله ايبارك فيك

اكسيل : هانتا ها لفرصة جاتك ولد لبنت باش نكبقو عليها لقاعدة

صباح : الى كانت بنت نزوجها لولدي متلقاش حسن من بنت خويا لولدي ياك امحسن

محسن : متافق

مجد : غا هنيوني راه دري

جود : عرفتو من دابا لجنس ديالو ؟

مجد : لا ولكن عارفو فيكون شي عتروس بحال هادا

لغالية : او باش عرفتيه ولد ماشي بنت ؟

مجد : باينة لبنات حنانات مكيحرموهاش على بواتهوم ، لعتارس كيهجروها لبواتهوم مع بسم الله سولي غا خوك

محسن : جواب منطقي

صباح : دويتو مع ماما ؟

غزلان : واه دويت معاها ملي تكوني مسالية او صوني عليها

صباح : واخ

لغالية : حنا غنرجعو لدار باقي شلا ميدار ، دراري بوحدهوم فدار مع ياسمين او لحاج او لحاجة غيوصلو لدار خاصهوم القاو فيها شي واحد

اكسيل : تا غزلان خاصها تمشي ترتاح بقا نتا معا مرتك رد ليها لبال

محسن : كون هاني

مجد : بسلامة

صباح : آجي لهنا فين داي دري معاك

مجد : قانون يجي لدار ايجي خلينا نديوه معانا اتقتلوه غي بلبكا

محسن : تا جيب ليا ولدي درتهالك فاش تولد غزلان عنداك متبكيش

صباح : (خرجو كاملين من عندها وبقات هي او محسن )

محسن : (دوز يدو على شعرها) ضاراك شي حاجة

صباح : ضارني قاعي هههه تا طواليط مابقيتش قادة ندخل ليها

محسن : شتي ازخبي شدرتي فمك

صباح : خلي عليك لولد ، ألحبيب ديال مامي ازين ديالي

محسن : (راسها من فمها) على سلامتك

صباح : الله اسلمك ، لمن جاك كيشبه ؟

محسن : (طول فيه شوفة) انا جاني مكيشبه لحد

صباح : داكشي لي لقيتيني تا انا كنشوف شابه لراسو هههههههههه

صباح : (صونات على سناء كميرة) ها واحد السيد باغي يدوي معاك ، ها مي ديالك

سناء : الحبيب ديالي ، على سلامتك ملي تفكيتي على خير

صباح : الله اسلمك

سناء : كي بقيتي بعدا شوية

صباح : لحمد الله

سناء : وا مبروك لعزري

محسن : الله ايبارك فيك ، او مبروك تا نتي جدة هههه

سناء : شرفتوني ههههه

صباح : غتجي لسبوع ياك اماما

سناء : منقدرش عندي لعملية فسيمانة جاية ميعدالش ليا نجي او نرجع حيت تا بعيني شي تحاليل

صباح : ماشي موشكيل تعوضيها فسبوع تاع غزلان

سناء : شمن سبوع ؟

صباح : علاه مفخباركش بلي حاملة

سناء : هههههههه شت غالي جا فيكوم اتغفل شاداكوم الدعوة كاملين

صباح : حيدي منا غا جود ههههههه

محسن : (بقات صباح مجمعة مع مها شوي او هو كان هاز ولدو كينعس فيه)

صباح : (قطعات مع مها) نعس ؟

محسن : واه

صباح : عيا تا هو هههههه

محسن : شمن عملية بغات دير مك ؟

صباح : قلتها ليك غايلا نسيتي بغات دير عملية استئصال الرحم

محسن : وعلاش ؟ لعلاج مفادهاش ؟

صباح : طبيبة ديالها قالت ليها بلي هو فلبداية ديالو او باقي منتاشر او متحكمين فيه بدوا ولكن ماما سولاتها على الى حيدات الرحم باش تهنا خطرة وحدة حيت واخة يمشي اقدر ارجع ، وطبيبة قالت ليها بلي ممكن بلأخص أنو فحالتها يفضل تحيد الرحم قبل ميقيش ليها بلايص خرين

محسن : او ماغاديش اهيج لمرض الله يستر ، ولا مغيأترش عليها الى حيدات الرحم ؟

صباح : طبيبة قالت ليها بلي حتمال كبير مغيهيش كيما قلت ليك باقي معشعش فيها لمرض يالاه فلول تاع لول ديالو ، او بخصوص استئصال الرحم راه كاينين عيالات كيحيدوه بعد سن ليأس ولا فاش كيولدو ولادهوم باش احميو راسهوم من سرطان عنق الرحم او كيعيشو حياتهوم لج’نسية عادي حيت معندوش علاقة العلاقة لحميمية

محسن : او شكون غيبقا معاها ؟

صباح : كنا عوالين على غزلان لي تمشي تݣلس معاها فديك لمودة ولكن دبا ملي حاملة حتمال كبير جود او ياسمين لي يطلعو عندها واخة هي مباغاش ولكن ميعدالش نخليوها بوحدها

محسن : احسن حاجة غديرو

#بعد مودة#

داز سبوع تاع ولد صباح او محسن بشحال و لي سماه اكسيل برفيق ، او جود لي شد كونجي من لخدمة (خدم شوي لمعارف ههه) ، طلع هو او ياسمين لفرانسا بقاو مع سناء ديك شهراين علاما كانت دارت لعملية او صحات منها عاد رجعو لمغريب مخليينها هي تما كتبع عند طبيبة ديالها او كتراقب صحتها باش تقدر تنزل تحضر لسبوع تاع ولد مجد لي كيما كان قال ليهوم ، صدق دري تا هو او ماشي بنت

غزلان دوزات فترة لحبالة ديالها غي فدار تا من لمسابقات نساحبات منهوم او قررات تحل پاتيسري حيت كان كيعجبها تصايب لحلويات ، مجد مسكين ندماتو غزلان على نهار لي كواها فيه شحفاتو بتوحام ياويلهوم يدويو على لماكلة قدامها حيت متفاك معاه تا يجيبها ليها ، كانت كل سيمانة كتمشي عند عبد الله طل عليه او تسول فيه كانت مضارب تدي ياسمين معاها ولكن والو حلفات لا شافتو ولا مشات عندو ولا سولات فيه

ياسمين نهار على نهار كانت كدير عقلها او كتديها القراية ديالها او لمحالات لي مقابلة للإكسيل ، نهار على نهار كانت نفسيتها كتحسن او علاقتها بلي خلقها كتزيد تقوى ، ولات كتلقا الراحة او طمأنينة ديالها ، او تا علاقتها مع جود كانت غادة او كتزيان كيخرجو او يفوجو بيناتهوم او موضوع دراري مخالقش ليهوم تاشي موشكيل حيت أصلن كانو كيشوفو بلي باقي لحال على انهزم لفكرة فيه او بغاو اخليو مسألة تكفلهوم بشي وليد (جود لاسق فلبنات ههه) مكتاب او قدر

اكسيل لي كان فينما يمشي كيدي معاه دراري صغار بلأخص نومنسا بقا ليها غي جامع لي ممشاتش معاه ليه ، رغم انو كان هو او لغالية دوزو وقت صعيب شوي معاها ملي وصلات ربعشهور كانو كيشوفو طبيب لاش يديوها فألمانيا باش دير عملية زرع القوقعة ، ولكن من حسن حضهوم او رحمة ربي بيهوم واحد طبيب ألماني كان فتح لعيادة ديالو فكزا او دار لنومنسا لعملية فودنيها بجوج ، شي لي خلى التتبع ديالها لعلاج او لمراقبة او حتى ترويض تكون ساهلة عليهوم لمركز او لعيادة كانو فنفس لمدينة محتاجوش يمشيو لخاريج او يبقاو تما شحال تا تبرا عاد ارضوها بلأخص أنو داكشي كياخد وقت طويل بزاف ماشي تاع نهار ولا يوماين ، ولادهوم كانو كيكبرو او صداعهوم كيكبر او يبان بلأخص قشبال او زروال تاع ماسينس او نومنسا ، اما ماسين فكان مسكين ملاهي غي مع سكر ديالي بزاف تاع لحوايج كانت ممنوعة عليه حفاضا على صحتو شي لي كان كيخلي لغالية هي او اكسيل يبقا فيهوم لحال من ديك الجيهة

غزلان : (ضرباتها لفيقة بليل وبدات كتفيق فمجد) مجد

مجد : (عيا للخدمة) نعام

غزلان : تشهيت سفنج

مجد : شحال دبا فساعة ؟

غزلان : تلاتة دليل

مجد : (حل عينيه بدرع شايف فيها قبل ميرجع ينعس داوي بتقالة) حكيها فشي بلاصة مكتبانش صافي

غزلان : واش حطنز عليا

مجد : هاد الساعة نتي لي كطنزي عليا منين انجيب ليك انا سفنج فهاد ليل واش كاين لي تامل كيبيع ولا كيشري سفنج فهاد لوقيتة

غزلان : متغوتش او متخصرش لهضرة غتخلع دري دير لبوشونة لفمك

مجد : كون درت لبوشونة لتبي ميكون لا ولد لا سفنج او نوض هاني

غزلان : (بدات كتبكي) قول مغتجيبوش ليا او متبقاش تزعف عليا هاكدا لهلى ݣاع بشي سفنج مابقيتش بغيتو

مجد : (تنادم معاه لحال ملي شافها عطاتو بضهر تكات او هي كتبكي ، لسقها حاط يديه على كرشها) صافي سمحي ليا مقصدتش نغوت عليك راك عارفة لخدمة هاد لأيام تزيرات عندنا فالشركة كنرجع لدار مسخسخ باغي غا نعس ، زيد عليها معدتك على سبة غي غتاكلي الزيت فهاد ليل اتكوانسة ليك

غزلان : مدويش معايا

مجد : (بدا كيمسح ليها دموعها او يبوسها فيها) صافي بلى بكا عافاك ، ياك طبيبة قالت ليك بعدي على دسام ، فقر الدم خاصك تاكلي ماكلة صحية على قبل صحتك او صحة لبيبي ، نمشي نقلب ليك على سفنج ؟ شحال من وحدة بغيتيني نجيب ليك

غزلان : (كان في طايب خاطرها ولكن ملي دوا معاها صافي رطابت ليه) صافي مابقيتش باغة سفنج غي رجع تنعس باش تديني غدا لسبيطار نشوف بابا

مجد : واخ

غزلان : (عنقاتو او نعسات)

#غدليه#

ياسمين : (كانت فلمحل كتساوا مع شي كليانات ) هاد تواب غي لبارح لي وصلو لمحل باقي تا مستفناهومش لناس ايشوفوهوم ، ملي جاية تشري لولدك دهاز تاع مرتو نصحك بهاد جوج لوان هوما لي خارجين ، كاينين لي فيهوم هاد نقشة ؟ او كاين ليفيهوم هاد زواقة

لمرا : صاف اناخد من هادو لي قلتي ليا منلقاوش عندك لپيجامات لپينوارات تاع لحمام ؟

ياسمين : هنا توابات ولكن هاد صف تاع لحوانت لي لاسق على هاد لمحال تا هوما دياولنا يمكن ليا نوصيهوم عليك داكشي ݣاع لي حتاجيتي غتلقايه عندنا

لمرا : الصراحة كنت عوالة نتقدا فمدينتي ولكن حيت لولد ايتزوج منهنا او دارو ايديرها هنا قلت ناخدو ليه كولشي منهنا باش لحاجة لي معجباتوش ولا معجباتش مرتو تقدر تبدلها ، او تبارك الله عندكوم حوانت مخيرين واش هادو هوما لي ديال شي حد كيعيطولو شلح ؟

ياسمين : واه هوما هادو

لمرا : (لي جات معاها) راني قلت ليك غي لحاجة لمخيرة لي كيجيبو ربيعة قالت نجيو لهنا حيت موالفة تاخد من عندهوم

لمرا : على هاد لحساب خاصكوم تعاملو معانا فتمن راه مسيفطانا كليانة ديالكوم

ياسمين : (فداك لوقت لي كانو كيدويو بجوج جاوبات هي جود) مرحبا الالة نتي غي ختاري شنو عجبك او مغتخلصي غالي مناسبك

لمرا : سيد لي كيقولولو شلح من عئيلتك ؟ ولا غا خدامة عندو ؟

ياسمين : انا مرات ولدو لكبير

لمرا : خسارة مزوجة كنت بغيت نشوفك لولدي صغير

جود : (كان باقي علخط كيسمع)

ياسمين : الله اسهل عليك او يجيب ليه بنت لحلال

لمرا : اللهم آمين

ياسمين : (دوات معا واحد لبنت خدامة تما) سيري معاهوم ايشوفو شنو بغاو او وصي عليهوم

لبنت : واخة

ياسمين : راك باقي فلخط ؟

جود : شكون هادي لي بغات تشوفك لولدها بسلامة

ياسمين : غرتي

جود : لا علاش انغير فين اتلقاي حسن مني انا زين او الطولة او لفلوس

ياسمين : رضيتي لباك كريديه

جود : حيدي لفلوس ولكن باقي زين او طولة او حنين

ياسمين : او مغيار ههههههه محتاج شي حاجة تا صونيتي ؟

جود : محتاج شي بوسة متسيفطيليش شي وحدة ترضلي روح راني شبت اوسط هاد لوراق ، واحد قتل تاني انا مالي ، واحد شفر لتاني فلوسو واش قسمهوم معايا ؟

ياسمين : هههههه خرج ليك لعقل صافي

جود : ايمتى اترجعي لدار نشوف واش ندوز عندك

ياسمين : انا خارجة دابا نيت راجعة لدار

جود : ايوا صاف تا نتلاقاو فدار بسلامة

ياسمين : بسلامة

#عند غزلان#

فاقت فصباح بكري لبسات عليها او فطرات هي ومجد حيت كان ايوصلها لسبيطار تشوف باها

مجد : نتسناك هنا تا تخرجي ؟

غزلان : لا غتعطل على خدمتك انا انرجع فطاكسي

مجد : صافي واخة بسلامة

غزلان : بسلامة (هبطات من طونوبيل او مشات دخلات لسبيطار باغة تشوف عبد الله سعا لقات لقضية مرونة تما او كلتوم غي كتبكي وسليمان كيدوي مع لبوليس) ش.شواقع هنا ؟

كلتوم : (جات عنقاتها) باك ابنتي باك

غزلان : (بخوف) مال با ؟ دوي أ مي مال با

كلتوم : مالقاوهش بيتو مالقاوهش فسبيطار كامل من لبارح بليل او هوما كيقلبو عليه ملقاوهش يمكن هرب

غزلان : اويلي على هرب هاد لبشار كامل او هرب كي دار ليها (هزات طيليفونها وصونات على ياسمين)

ياسمين : الو غزلان

غزلان : ياسمين بابا مكاينش فسبيطار من لبارح او هو غابر جدة كتقول بلي هرب

ياسمين : (بدون اهتمام) لى هرب عيطو ليه لبوليس قالو ليك انا الدرك لملكي ؟

غزلان : عارفة بلي مابقا كيعني ليك والو ولكن فلخر كيبقا باباك او بابا تا انا ، راني مشطونة عليه خايفة توقع ليه شي حاجة الله يستر (بدات كتبكي) راه ماشي فقواه لعقلية الى تلف ميعرفش يرجع

ياسمين : (برود) لهلى يرجعو بسلامة

غزلان قطعات عليها ياسمين مخلية قلبها باغي اسكت بلخلعة صونات على مجد ولكن كان طافي طيليفونو ، هي تصوني لجدها

ميمون : الو

غزلان : الو با

ميمون : (غوبش) مال صوتك ياكما داك دحش تاع مجد دار ليك شي حاجة

غزلان : (ولات حمرة بلبكا) بابا معرفناهش فين مشا ولا فين رجع خايفة تكون وقعات ليه شي حاجة

ميمون : خلعتيني يسحابلي وقعاتلك شي حاجة انا معندي باش تفيدك ابنتي كولشي الى داك باك صوني على شيخك هو لي نسيبو

غزلان : (تا هو معاونها بوالو داكشي علاش صونات على اكسيل) عمي اكسيل عافاك جي عندي

اكسيل : مالك ابنتي واقعة شي حاجة ؟

غزلان : بابا اعمي معرفناه فين رجع

اكسيل : تهدني او شوفي ليك شي كرسي ݣلسي عليه متبقايش واقفة هاني جاي عندك دابا

غزلان : و.واخة

لغالية : شنو واقع ؟

اكسيل : خوك

لغالية : مالو ؟

اكسيل : قلبو عليه سبيطار كامل ملقاوهش يمكن هرب ليهوم

لغالية : هاويلي على هرب ليهوم كي دار ليها

اكسيل : راه هبيل تلقايه غي خرج هاكداك

لغالية : شنو غنديرو دبا

اكسيل : غنمشي عند غزلان راه حالتها حالة تصدق واقعة ليها شي حاجة هي ودكشي لي فكرشها الله يحفض

لغالية : ستناني نلبس جلابتي او نمشي معاك

اكسيل : ودراري ؟

لغالية : لخدامة تقابلهوم

اكسيل : يالاه بزربة

مشات بزربة لبسات عليها حوايجها عاد ركبو طونوبيل او مشاو عند غزلان لي لقاوها حالتها حالة بلبكا

لغالية : غزلان ، يهديك الله شهاد لحالة دايرة فراسك راه ايلقاوه انشاء الله

غزلان : من لبارح او هو غابر يعلم الله فين تجلى

لغالية : ايكون خير نتي غي بركة من لبكا او شربي لما على وجه داكشي لي فكرشك

#عند ياسمين#

قطعات مع غزلان او كملات طريقها كتمشا تا وصلات لجيهة مناش كيقطعو او عينيها متلمحو غي هوا

عبد الله : (واقف اوسط الناس لمرا لي دازت من حداه ايعايرها) تفو على طحبة سوسية ، شلحة مولات لملحة هههههههه هاكاك زيدي شي شطيح آخ على طرف مريم وا مريم سناء وا سناء فينكوم اطحبات سناء وا سناء ههههههههه ههههههههه

وقفات فبلاصتها مبلوكية حسات بحالا لوقت حبس بيها ناس كيمشيو او يجيو من حداها ولكن هي عينيها على شخص واحد ، داك لإنسان لي كان خالق فيها الرعب فصغرها لإنسان لي باع او شرى فيها كيما بغا او عمر الندم ضهر عليه ولو نفاقا ، الشخص لي كان باها او مأساتها هي ومنها وخوتها كان واقف قدامها ، ولكن على غير طبيعتو حوايجو مبهدلين او مقطعين لحيتو او شعرو مخبلين او معنكشين ، غي كيغوت كيف لمسطي ولي داز حداه كيكون خايف منو اولى مقزز من ريحتو ، للحضة لقات راسها غارقة فمزيج تاع لمشاعر لمتداخلة فبعضها مزيج جامع الشفقة أو لحنين او الاشمئزاز او حتى احساس انو ربي كياخد ليها حقها منو راودها

ياسمين : (كانت ساهية لدرجة انها معرفاتوش تا ايمتى وصل ليها او وقف قدامها )

عبد الله : م.م.مريم (بقا غي كيشوف فيها او كيقرب عندها) م.مريم

ياسمين : (صوتو فيقها من سهوتها مخلي قلبها باغي اخرج من بلاصتو ولكن ملي نطق سميت مها خلاها تهز عينيها فيه) أنا أنا ياسمين ماشي مريم

داك لهدوء كامل تقلب فتانية تجنن تاع لمعقول جامعها معاها بتصرفيقة شادها من شعرها ليكان مغطيه الزيف ناس لي كاين فيهوم لي وقف اتفرج كاينين لي دار راسو مشايفهاش بتاتا كل واحد خايف على راسو من لهبيل تاع عبد الله

عبد الله : (كان مجنن) علاش علاش شبهتي ليها علاش بحالك بحال مك بغيتو تقتلوني ياك هههههههه والله لا مت ليكوم انا أنا عبد الله عيطي لمك تجي طيب ليا مناكل عيطي ليها مريم اديك لكلبة آجي لهنا كتولدي ليا غي طحبات بحال باغي دري ، مريم عيشة طبقي لمسيقة المسخوطة ههههههههه (طلقها ورجع كيدوي غي هو وراسو بحالا مكيناش حداه ولا كيعرفها) جيبو شي بيرات وا جيبو شي بيرااات هههههههههه (بدا كيزغرت)

ياسمين : (دموع خانوها مخليينها تدوي بهدوء هاز فطياتو ألمها) حتى حتى ونتا مسطي او خارج عقلك مكانتش عندي بلاصة فقلبك ، انا وغزلان بجوج كنا تولدنا بنفس طريقة بجوجنا كنا نتيجة اغت*ص*ابك لجوج بنات مقاسوك بوالو او مع ذلك بغيتي غزلان كتر مني واخة كنتي كتعرفني كتر منها ، تا فتسطية ديالك باقي كتبغيها كتر مني ، تمنيت كون ندمتي ولول شوية على داكشي لي درتي ، ولكن باش تعرف انا كنشبه ليك سوا تسطيتي سوا مرضتي سوا متي دمعة هي لخرة مغنزلهاش عليك ، بلعكس كنطلب ربي ايدوز عليك رموك اطحنك باش نلبس دهبي او نشطح فݣنازتك

مزادتش معاه لهضرة او مشات بحالها ، ملي شافت الضو لحمر شعل قطعات الشانطي لجيهة لوخرة ، تا سمعات عاود عبد الله كيعيط مريم مريم مضارتش عندو ولا عبراتو ، موراها كان الصوت تاع لكلاكسونات تاع طونوبيلات تجهدو بحالا جهلو او الحصان قليلة تسمع الصوت تاع واحد لفران مجهد تشد او شي حاجة تخبطات ولا طاحت

فودنيها تسمعو شهقات تاع ناس شي لي خلاها ضورات راسها بلعرض لبطيء ، شايفة عبد الله لي تهز تال سما او تخبط لأرض ، مليوح فلأرض غارق فدمو بعدما دخلات فيه وحدة من دوك طونوبيلات ، بقات واقفة تما مصدومة كتشوف الناس واخدهوم غي لفضول اما باش ايعاونوه تا واحد فيهوم معاونو ولا قرب ليه ايشوف حالتو بحالا حياتو بالنسبة ليهوم والو ، للمرة لألف إخونها قلبها او غريزتها لاقية راسها مشات عندو كتحرك فيه

ياسمين : نوض عبد الله نوض عبد الله حل عينيك (غوتات) وا حل عينيك خلاص شي شي حد ايصوني لومبلونص عافاكو راه غيموت ع.عافاكو عاونوه راه راه غيموت ، (رجعات كتحرك فيه) بابا بابا فيق

واحد من دوك لي كانو تما تاصلو بلونبلونص لي مجات تا كان فات لفوت او دا مول لأمانة امانتو ، عاد كانو وصلو ليه بحالا في باش إ أكدو ليهوم على موتو

لمسعف : نتي من عئيلتو ؟

ياسمين : (شافت فيه ساهية عاد دوات) لا أنا أنا ماشي من عئيلتو ها نمرت وليديه سميتو عبد الله

خسرات عليه النمرة لي عطاتو او ضارت بحالها راجعة لدار ، طلعات لبيتها نيشن ما سلمات على حد ولا دوات مع حد اصلا مكان حد فدار ، حدها دخلات لبيتها او سدات عليها منهارة فلأرض بلبكا او جامعة عندها رجليها

ياسمين : علاش كتبكي يستاهل داكشي لي وقع فيه ، هو لي دارها راسو ماشي نتي لي قتلتيه (كانت كتمسح دموع من عينيها ولكن كتلقاهوم كينزلو بوحدهوم) متبكيش ميستاهلش تبكي عليه ولا بسبابو

عبد الله لي كان ولا جتة هامدة باردة روحها خرجات منها ، هزوه لامبلونص مغطيين ليه وجهو او مصونيين على سليمان لي كان هو او كلتوم او ناصر او لغالية او اكسيل او غزلان برا لمصحة لعقلية كيتسناو شي خبار على عبد الله

لمسعف : الو

سليمان : الو

لمسعف : واش نتا هو لأب تاع عبد الله ؟

سليمان : واه هو انا ، انا باه لقيتوه ؟

كلتوم : لقاو ولدي ؟ لقاو عبد الله فين هو دبا ؟ فين نجيو عندو

لمسعف : ولدك مع لأسف ضرباتو طونوبيل او دا مول لأمانة امانتو دبا غنديوه لسبيطار لفلاني الى بغيتو تجيو عندو

كلتوم : شنو قالو ليك فين عبد الله ؟ فين ولدي

لغالية : مي بشوية خلينا غي نعرفو فين هو او فين لقاوه

سليمان : (دوا بضعف) عبد الله الله ارحمو دا مول لأمانة امانتو

كلتوم : لاااااااا ولدي لااااااااا (غوتات بعد تصديق قبل مطيح لأرض)

غزلان : (لي كان اكسيل واقف حداها كيدوي فطيليفون ايشوف لي يعاونو فتقلاب ، حدها سمعات غوات جداتها وقفات شادة راسها) ما مال بابا ، لقاوه ؟

لغالية : (لي دموعها خنوها فلأخير كيبقا باها ، قربات عند غزلان) بشوي عليك رجعي ݣاسي تا نتأحدو من لخبار

غزلان : ش.شمن خبار

كلتوم : (عاطاها غا لباكا) باك مات ابنتي ، ولدي مات ولدي مشا أناس باك مشا اغزلان

غزلان : (ديك مشا بقات كضور ليها فدماغها تا طاحت مغيبة)

لغالية : (غوتات) اكسيل شد لبنت اطيح

اكسيل : (لي كان عاد وصلو لخبار تاع لموت فطيليفون قدر يلحق غزلان قبل مطيح) غزلان غزلان فيقي ، واش مكتشوفوهاش واحلة فروحها جايين تغوتو حداها

هز غزلان او مشا كيجري بيها لطونوبيل هو او لغالية دايينها لسبيطار ، مجد لي مكان فخبارو والو حيت كان ناسي طيليفونو فطونوبيل ، خرج مع ستة تاع لعشية لاقي شحال من واحد مصوني عليه

مجد : الو غزلان

لغالية : معاك لغالية

مجد : هانية تا كتجاوبي فطيليفونها هي مكايناش

لغالية : عبد الله خويا مات او غزلان ملي ساقت لخبار سخفات لينا

مجد : كفاش ؟ كيبقات هي دبا ياكوا وقعات ليها شي حاجة

لغالية : عاد دبا خرجات من عندها طبيبة قالت بلي فلتات منها غي يسالي ليها سيروم غنجيبوها لدار سبقنا نتا لتما قول لخدامة تصايب ليها شي حاجة تاكلها

مجد : واخ

اكسيل بقاو تما مع غزلان تا خرجوها من سبيطار او رجعوها لضار لاقيين ميمون او مرتو او خوالها كيتسناوهوم تما مخلوعين عليها

جداتها : (جات كتجري عندي) كي بقيتي ابنتي شوية

غزلان : (بضعف) شوية

مجد : لحبيبة ديالي (جا عندها عنقها قدام كولشي ممسوق لحد)

ياسمين : (نزلات لتحت عندهوم) جيتي

جود : (كان عاد جا تا هو لدار) واه

غزلان : (دوات بصوت مخالط مع لبكا) ياسمين بابا مات

ياسمين : (بدون هتمام) فراسي

غزلان : ف.راسك ؟ او او مقلتي والو تا لبكا مابكيتيش

ياسمين : نبكي ؟ علاه كنعرفو تا نبكي عليه

غزلان : (عينيها كيف سقاية غي كيدمعو) عارفة بلي علاقتك بيه مكانتش مزيانة ولكن راه لموت هادي ، هو مات صافي مشا ماشي مرض

ياسمين : هنا لبشرية منو ملي مشا عاد راه طول فدنيا

لغالية : ياسمين متقوليش هاكدا شوفي حالتها كي دايرة

ياسمين : هاد لحالة لي هي فيها حيت باها لي مات عادي يبقا فيها لحال عليه اما انا شكيجيني باش تسناو مني يبقا فيا لحال عليه كي والو مات دغيا

غزلان : عمرني عرفتك هاكدا قلت بلي تهدنتي مدميتش قلبك ايكون قاسح قد هاكدا ، رتاحيتي دبا ملي مات ؟ بردات لعافية لي فيك ملي سمعتي خبار موتو ؟

ياسمين : (طلع ليها زعاف) عجبني لحال عاد باغة نطير بلفرحة تهنيت من داك لكلب علاش منفرحش ولا ياكما بغيتيني نبكي عليه ايوا تا يكون صرف فيا لخير

ميمون : (عصباتو ياسمين) متغوتيش عليها او نقصي صوتك راها كبر منك او عيانة

جود : سي ميمون بقا فجنب خواتات بيناتهوم هنينا

غزلان : شتي ها هو داك لي كنتي كتقولي محرمها عليك او شاعل فيك لعافية مات او نشوفو واش غتعيشي حياتك كيما كتقولي ، راك غا كتكدبي على راسك آتار دموع فعينيك او ماحدك شادة ديك لعافية فيك غتحرقك ديك لعافية نتي لي يمكن ليك طفيها ماشي موت بابا لي غطفيها ليك

جداتها : باركة ابنتي عافاك راه معندك جهد خليو الهضرة من بعد أو سيري ترتاحي

ميمون : غتمشي معانا نقابلوك فدار تبقاي معانا تا تولدي سمية سيري جمعية ليها حوايجها

اكسيل : معندك متجمعي ليها حيت معندها فين تمشي معاكوم هي دبا عروسة عئيلة آيت اوسو ، لعروسة كتبقا مع راجلها او مدام دار داري فعروستي غتبقا هنا نقابلوها او تا ولادتها اتكون هنا عندنا ، بغات خالتها ولا جداتها تجي تقابلها هنا مرحبا ولكن باش تمشي معاها لا

جداتها : حنا غي قلنا باش نقابلوها او صاف تا تولد

مجد : خالتي انا كاين او عمتها وعمها او ختها هنا غيقابلوها او تا لوليدة راها غتجي هاد ليلة لمغريب ، نتي غي بلاما تعدبي راسك

سمية : نتوما تعرفو اولدي

اكسيل : دي غزلان ترتاح فبيتها

مجد : (وصل غزلان فبيتها او عاونها تا تكات فناموسية ديالها) باركة من لبكا او متقلقيش من هضرت ياسمين راه ماشي ساهل عليها تسامحو بعد داكشي لي دار فيها كامل ، بالنسبة ليك نتي قام بواجبه كأب ولكن هي عمرو كان أب بالنسبة ليها

غزلان : عارفة غي تخالطو عليا شوي

ياسمين : (طلعات هي او جود لبيتهوم) جبتي ليا لحلوة لي قلت ليك

جود : لا نسيتها جيت زربان

ياسمين : جاي زربان سامع ليا خبار زين ، شنو غناكل انا دبا

جود : الى فيك الجوع نهبط نجيب ليك متاكلي من لتحت

ياسمين : لا بغيت شي حاجة حلوة

جود : نمشي نخرج لحانوت نجيب ليك شي حاجة

ياسمين : خلي تا دوز لعيشة او نمشيو نتمشاو شوي وناخدو داكشي لي بغيت دبا رتاح راك يالاه راجع من لخدمة

جود : مديريش ليا شي مساج بيديك آ ؟

ياسمين : (باس ليها يديها) ههههه كتبلحس

جود : معلوم

ياسمين : سير سير تكا نمشي نجيب الزيت

جود : جيبي زيت لح*شي*ش هههههه

ياسمين : لقينا لحسيس غي نلقاو زيت ديالو

جود : (حيد التوني ديالو او مشا تكا على كرشو تا جات ياسمين طلعات فوقو وبدات كدلك ليه حتى حس بشي نقاط باردين تنقطو عليه)

ياسمين : غ.غي زيت

جود : (عرف بلي دموعها هادوك لي نقطو عليه او بلي مراضياش تقول بلي كتبكي) عارف بلي الزيت هاديك شنو فيكون مازهر

ياسمين : (شحال صعيب تكون عايش تناقض بينك او بين راسك باغة تبكي حيت بقا فيها لحال على موتو او على انو مات قبل متسامح معاه ولكن فنفس لوقت مبغاتش تبكي عليه مقارنة بداكشي لي دار فيها داكشي لي وقع فيه كيوالو)

فليلة تاع داك نهار كانت سناء رجعات لمغريب بعدما تأكدات من الصحة شفائها واخة الرونديڤو مع طبيبة كان باقي مستمر ، عاونات فلمقابلة تاع غزلان فهاد تلتشهور كاملة تاع لحبالة ديالها بلأخص أنو بعد موت عبد الله تأزمات او نفسيتها وصلات لحضيض ، دخل شهرها او ولاو كيقولو ليوم غدا تولد وجدو كولشي اسبوع ، بقا ليهوم غا تحط دري وخلاص او حيت داك لبعلوك ولد مجد خلاهوم تا كانو شادين طريق لغابة افوجو عاد بغا يتزاد صدق محرمها عليهوم كاملين ، مجد لي كان كيطنز على محسن ملي كانت صباح كتولد فاتو بشحال لخلعة دارت ليه نعاس تمغط ليهوم تما قدات لباب تاع لبيت فين كتولد غزلان كالو سيد صافي سخف ولا شي حاجة هزوه لبيت ايشوفو مالو لقاوه غي ناعس هههههههههه

غزلان : (كانو كاملين ضايرين بيها ميمون هاز لولد عندو او هي كتفرنس تحلف عليها ماشي هي لي عاد كانت كتغوت بلوجع او ولدات) عمي اكسيل فين مجد ؟

محسن : راجلك ناعس

ميمون : فلوقت لي مرتو كتولد ناعس هو ما على بالوش

جود : راه لخلعة دارت ليه كيلا شارب لاضروݣ

مجد : (دخل عليهوم) السلام عليكم

اكسيل : وعليكم السلام ها هو جا

مجد : (مشا ݣلس حدا غزلان) زين صڤا

غزلان : لحمد الله

مجد : كي بقيتي مزيان ؟

غزلان : مزيان

مجد : شت كولشي مجموع عليها بحالي ولدات

لغالية : واراها ولدات

مجد : على سلامتك ملي تفكيتي على خير

غزلان : الله اسلمك

صباح : مغتنوضش تشوف ولدك

مجد : شمن ولد ؟ (ناض قافز ) ناري نسيت خرجلي من بالي ݣاع فين ولدي ؟

لغالية : على سلامتك ملي تفكرتيه راه هازة جدو

مجد : (قرب عند ميمون خدا من عندو لولد) وا شريف خرجتي على سلامتك تا قلت غطيح ليا شعري كامل بلفقصة عاد اتشرفنا ، ولكن بلاتي بلاتي مال هاد لبخوشة زعرة ؟ عئيلتنا كاملة مفيهاش تاشي زعر كي دار ليها هادا ميكونوش بدلوه بلات نشوف عينيه ، الى كانو زرقين نرضو ليهوم ايجيبولي ولدي هادا شاك فيه (شاف فعويناتو) لاباس خرجو مغلوقين

جداتها : هادا اولدي شبه لجداتو الله يرحمها كانت زعرة

مجد : الله يرحمها (تنهد براحة) كنت انرضو ليهوم ، لواليد شاك شديتي دوك لجينات تاع عينيك ونتا تخزنهوم مالك مطلقتيهومش كون بحال دبا شعرو زعر عينيه زرقين نسميوه جكلين او بيخير

صباح : هههههه واش نتا تا دري كطنز عليه ، ياك اعميتو ياك الحبيب

محسن : احسن حاجة درتي امجد هي غير تسخرتي فهاد دري او مخرج كيشبه ليك فوالو ايما كاريتة كون كان عندنا مجد اوس اتنان

اكسيل : ربي يحفض منهنا تا يكبر عاد نشوفو لمن يشبه

سناء : فين خالتو مجاتش ؟

جود : راها مشات غي لهنا او غترجع

ياسمين : شكون بغاني

مجد : بغاك ولد ختك ، ها خالتك جي هزيه

ياسمين : منهزو ميهزني خلي ولدك عندك يرحم باك

مجد : مالك مهزيتيش ولادهوم كاملين علأقل هزي ولدي انا

جود : جيبو ليا انا ياسمين مكتعرفش تهز دراري صغار او كتخاف منهوم (هز دري) أجي اعمي لهنا آجي نتا او رفيق شرفتونا ولينا خالي عمي ، خالتي

ياسمين : (تا هزو جود عاد وعمان تقرب عندو) هاد زهر ولدك ؟ متأكد ؟

مجد : معلوم ولدي ولا تصدمتو حيت مجد كيولد زعرين لمحاولة جاية نولدو عينين زرقين

محسن : باقي ناوي تعاود

مجد : معلوم فين خمسة تاع لبنات لي موجد ليهوم السمية ؟

غزلان : (شيرات عليه بوسادة) ماشي نتا لي كتولدهوم داكشي علاش ݣالس كتوحم ليا على طاشمة تاع لبنات

مجد : شكون قالك احبيبة بلي نتي لي غتولديهوم كاملين ؟

غزلان : (طرطقات فيه عينيها) ياك الكلب

مجد : لا لا متفهميش غلاط نتي زيدو جوج او تربية معاهم تلاتة ها حنا فخمسة صافي

صفية : الله يعفو عليك نتا ، جود

جود : شوفي اخوية لي عندو هنا ميكون غا مجد سبابو فيها كل مرة ناغزو فكرش مو

ياسمين : هههههههه حشومة عنا والله

جود : (كان كيتنمر على دري هو او ياسمين او كيضحكو تا عيطات عليه عمتو ) نعام اعمتي

صفية : ايوا ختك او خوك لي صغر منك تزوجو بعدك او ها هوما والدي ، ونتا مناويش هه

جود : مالي تسطيت شوفي غي خوك قرب ابقا يشير بلحجر فزنقة بسباب ولادو ، نوض انا نولد لأعصاب راسي

عزيز : عندك دبا تقريبا 25 عام يالاه يكبر معاك غتݣلس تا تشرف عاد تولد ، تلقا أبعدا غا شكون اورتك

ياسمين : هههههههههه الى لقاو ميورتو غي اوتو

جود : انا غنݣلس تا ترشق ليا او نمشي نجيب شي بنت نربيوها داك حمل توحد تعصر باش تولد ماخاصنيش مولدات لغالية او صباح او غزلان تا كرهوني فسيرة لولادة ، نوض نسيفط مرتي تولد ابدا

لحاج : تا هاداك نضار جيب بنت واجدة ترضعها ختم ولا خوك مع ولادهوم شبغيتو بصداع لولادة ، ولكن ملي تجيب بنت غتجيب تجيب جيب معاك تا تانية في باش اتوانسو بيناتهوم ياك

جود : نجيب جوجات باش تقول ليا عطيني وحدة نربيها ليك ابدا

لحاج : مسموم كي باك

اكسيل : مال هاد باه كيكون ݣالس ما عليه ما بيه تا كتجبدوه

ريم : ايوا شنو اتسميو هاد لبجغوط ؟

ميمون : سميت ياسر مزيانة

اكسيل : غزلان قولي ياسر

غزلان : ياثر

اكسيل : باغي تعقد دري من دابا ، شوفو شي سمية مافيها سين مافيها لخا او تا لعين مافيهاش

ميمون : او واش خليتي علاش ميكونوش فيها بسلامة ؟

اكسيل : غزلان قولي ماسينس ، خالد ، لعربي

غزلان : ماثينث ، حالد ، لهربي

ياسمين : هاد الساعة لحروف لي هاربين من فمك هههههه

ميمون : نتا لي ساير تدوي عدم شي سمية مافيهاش هادو

اكسيل : ها واليديه اسميوه

مجد : وا غي قول الواليد شي سمية من عندك

محسن : واش توما تسعشهور او مفكرتولو فتاشي سمية شهاد لعبث

جود : كدوي بحالا ولدك ماشي بابا لي سماه

اكسيل : تفاؤلا باش ميخرجش بحال باه سميوه نزيه

مجد : كفاش باش ميخرجش بحال باه انا قمة نزاهة

جود : سكتينا انزهة سكتينا نتي ونزاهة ديالك

مجد : هاني ساكت علأقل غيبداو اعيطو ليا ابو النزيه

اكسيل : ايوا على ربي دير عقلك دبا ملي درتي دراري

لغالية : يالاه خليناكوم على خير حنا غنرجعو لدار تال غدا فصباح او نعاودو نجيو

غزلان : بسلامة

مجد : (ݣلس حداها هاز نزيه)

غزلان : نزيه انزيه اماما اولدي

مجد : (تحنا كيبوس فنزيه) نكالك انا ازعر ديالي ناكل

غزلان : مجد

مجد : نعام

غزلان : كتعرف تبدل ليكوش ؟

مجد : لا ونتي

غزلان : تا انا مكنعرفش نبدل ليكوش ، شكون غيبدل لنزيه ملي يوسخ ؟

مجد : صافي كوني هانية غنخليوه بليكوش ديالو ملي ايشم ريحة ايفهم راسو او غيبدل ليكوش بنفسو خاصو يبدا يعتامد على نفسو

غزلان : واه عندك لحق حنا مغندوموش ليه رتاحيت دبا

مجد : الله يمسخني انا وياك غنتعداو عليه غي الله يسمح لينا منو وصاف

غزلان : متخافش كاين باك اربيه

اكسيل رجعو لدار جوايه ديك سبعة تاع لعشية ، كانو تسخسخو فيها داكشي علاش لي لقا شي بيت كيمشي يترما فيها ، طلع هو الغالية لبيتهوم بدلو عليهوم حوايجهوم لول

اكسيل : (مشا لبيت دراري لاقيهوم ݣالسين كيلعبو فلأرض او لخدامة معاهوم) يمكن ليك تمشي

لخدامة : واخة

نومنسا & ماسينس : (غي شافو اكسيل ناضو كيحبيو جيهتو او يغوتو)

اكسيل : ( تحنا عندهوم هازهوم عندو بجوج معنقهوم) ابابا توحشتوني آ انومنسا توحشتي بابا هههههه مالك نتا منوض زحام اشنو منخافوش منخافوش اسبع ديالي هههه

لغالية : (دخل عليها اكسيل هاز لوليدات بجوج) ماسين ناعس ؟

اكسيل : لا فايق جيت غي نوصل هادو باش نجيبو هو

لغالية : (خداتهوم من عندو) جيب معاك لماكلة ديالهوم

اكسيل : واخ

لغالية : ها مامي رجعات فيكوم جوع أ ؟ نعطي لحبيبات دياولي ياكلو (حطاتهوم فلكراسا ديالهوم) شكادير نتا فمك غالي لقيتيها تاكلها ياك لاباس

اكسيل : (رجع عند ماسين هزو لعندو او نزل بيه لتحت ايجيب لماكلة) سبع ديالي سكوتي داراك شي حاجة ؟ فيك نعاس ابابا ؟ نجيب لولدي مياكل

لغالية : (رجع عندها هاز ماسين) جبتيه ؟ مالو مرخي ؟

اكسيل : معرفتش يمكن طاح ليه السكر

لغالية : هاديك مطالع فيها والو

اكسيل : راه كملات 15 ريوم خاصها تبدل ، جيبي ليا نلسق ليه وحدة جديدة

لغالية : هاك ، نومنسا باركة من صداع غي نعبرو لخوك او نعطي لبنتي تاكل

اكسيل : عطيها تاكل انا غنقابل ماسين (لسق ليه ديك ليلة او تسنا شوي عاد شاف لعبار)

لغالية : (كانت كتوكل دوك جوج) شحال لقيتي عندو ؟

اكسيل : طايح ليه

لغالية : دوا ديالو راه فديك تلاجة عطيه ليه او جيبو نرضعو

اكسيل : واخة

لغالية : (ملي عطاه دوا شداتو هي ترضعو) الحبيب ديالي شوف كي ترخيتي

اكسيل : (كمل لماكلة لدراري او بدل ليهوم حوايجهوم عاد مشا تكا هو وياهوم ، عيا) نينيو شوي ابنتي صافي

لغالية : (تا هي تكات حدا اكسيل منعسين دراري بتلاتة اوسطهوم)

نومنسا : (واخة تطفا ضو هي مطفاتش غي كتدوي)

لغالية : (مدات يديها حاطاهوم على كرشها) معييتيش ابخوشة متنعسي متخلي لي ينعس ولا كيفاش شوفي بابا مسكين بغا ينعس كتصدعيه ، يالاه نيني ابنتي نيني راه باقي تابعنا توجاد لسبوع تاع ولد ديك جرانة ، أجي مشتيش ليها شي كريم لشعرها كنحصل فاش كنبغي نفكو ليها كنخاف غالا تعقدها لحروشية تاع شعرها

اكسيل : (خربق لنومنسا شعرها) مال شعر بنتي على مزيناتو مروري بزاف او صاف ، او جاي معاها ياك ابنتي

#عند جود#

بعد تمارة تاع سبوع دنزيه لي كان بلخميس زائد لخدمة لي كانت مزيرة عليه اخيرا وصل ليه لويكاند ، حدو تعشا مع ديك تسعة مشا تكا فوق لفوطوي كيتفرج تا داه نعاس

كان ناعس ناعس تا ضرباتو لفيقة على غفلة ، شاف فساعة لي فيديه لقا بلي كانت يالاه لعشرة دليل ، كان عوال ارجع ينعس ولكن ديك لكتابة لي شاف فيديه خلاتو احل عينيه بشك معرفها منين جات

جود : (دقق الشوفة فكلمة “هداية” لي كانت موشومة فيديه مستغرب منها) شكون كتبلي هادي عاود هنا ، ميكونو غي فعايل ياسمين

دوز يديه عليها كيحاول امسحها ولكن والو مابغاتش تمسح ليه داكشي علاش ناض لحمام اغسلها بصابون او لكيس او مع ذلك مابغاتش تحيد ولا تخفاف كانت بحالا موشومة ليه فليد ، كمل محاولات فتحيادها تا سمع دقان فلباب مدقة مجوج

جود : شكون ؟ (خرج من لحمام قاصد لباب ، حلو ضارب فسيد لابس لبيض او عاطيه بضهرو) شكون نتا

راجل : (مجوبوش بتاتا او بدا كيجري مبعد عليه)

جود : حبس حبس (مفهم والو فسيد ولكن تبعو بجرا تا هو باغي يعرف شكون هوا ، او شنو كيدير هاد لغريب فدارهوم تا وقفو صوت اكسيل)

اكسيل : (كان عاقدهوم) شحال من مرة غنقول ليك متبقاش تجري ونتا هاز لبنت

جود : شمن بن..(هبط عينيه ليديه لاقي راسو هاز تريبية) ش.شكون هادي ؟

لغالية : هاواي على شكون هادي بنت جيران يهديك الله اجود هادي بنتك

جود : (مفهم تا وزة) ولكن انا موالدش

ياسمين : باركة من تبهليل ديالك او عطي لهداية ترضع راني سخنت ليها لحليب

جود : (هبط عينيه لديك لبنت غا كيشوف فيها او معجب)

ياسمين : (بدات كتحرك فيه) جود وا جود جود نوض

جود : (قفز من بلاصتو مفزوع) هداية

ياسمين : (كانت ݣالسة لتحت شادة تجمعات معا لبنات تا وصلات ليها ديك لحداعش تاع ليل هي طلع لبيتها تنعس ، لاقية جود ناعس فوق لفوطوي قالت تمشي تفيقو ، تا سمعاتو كيهترف بسميت هداية ، غوبشات فلبلاصة) شكون هاد هداية بسلامة لي من صباح ونتا كتهترف بيها ؟

جود : (عقلو تشوش او غا كيشوف فيديه لي حس بلبرودة فيهوم) م.معرفتش

ياسمين : معرفتيش او كتحلم بيها او تعيط كطنز عليا لا

جود : دبا مالك باغة غا دابزي قلت ليك معرفتهاش

ياسمين : باغة غا ندابز ؟ عرفها ولا متعرفهاش شغل مي انا فيك (فقصها تا ناضت من بلاصتها او خرجات من لبيت نافطة لباب من موراها)

جود : (تجمعو عليه او رجع تكا كيشوف فسقف او فلبلاصة فاش كانت مكتوبة ليه سمية “هداية” فليد) شهاد لحلمة اربي

ياسمين : (هبطات لكوزينة معصبة تا تابعها جود لتما)

جود : ياسمين

ياسمين : شباغي ؟ ساليتي لاستلام ديالك بهداية جاي عندي بجنابتك

جود : والله تا غي حلمة مكنعرف تا وحدة سميتها هداية تا فلحلمة كانت بنت صغيرة لي سميتها هداية

ياسمين : حلف بالله

جود : قسما بالله

ياسمين : واخة حلفتي شامة فيك ريحة لغدر

جود : ريحة لحلبة هادي لي شميتي ماشي لغدر

ياسمين : عندهوم نفس الريحة

مجد : (دخل عليهوم هاز نزيه) شكاديرو هنا المساخيط

جود : منقية اقول شباقي مفيقك تال دبا

مجد : هاد لعتروس حلف لنعس هو يحرمها عليا

جود : (خدا من عندو نزيه) باقي مابغيتي تنعس اعمينو أ ؟ باقي فايق ازعر ديالي

محسن : ها واحد السلام عليكم

جود : وعليكم السلام تا نتا باقي فايق

محسن : (تا هو كان هاز ولدو) لي والد هادا غينعس ، سيد ضربها بنعسة مع لمغرب ملي حينا نعسو فاق هو

جود : (رض نزيه لمجد) رفيق أرفيق أخالو تا نتا مجاكش نعاس اولدي ، هاكداك نبغيكوم حرموها عليهوم

مجد : شوف لكلب هاك راري بيه ياكما ينعس

جود : ههههه نراري بيه مالي والدو لي ولدو ايراري بيه انا طالع نعس تصبحو على خير (جر ياسمين معاه او طلعو لبيتهوم)

اكسيل : (كان باقي فايق كيصلي او يقرا داكشي لي قسم ليه الله من لقرآن ، ملي بغا ينعس قال اهبط تا يجيب ليه قرعة تاع لما من لكوزينة) باقي منعستوش

مجد : باقي جابك الله شد ليا نزيه باغي ندخل غي لحمام

اكسيل : واخ ، متعطلش

مجد : دقيقة نكون عندك

محسن : محتاج شي حاجة ؟

اكسيل : باغي قرعة تاع لما

محسن : شد هاكدا رفيق انا نجبدها ليك (عطاه دري او مشا حل تلاجة جبد منها قرعة تاع لما حطها ليه فوق طبلة او زاد فحالو)

اكسيل : فين غادي جي شد دري

محسن : شوف كي ساكت عندك ، بقا ابابانو مع جدك ايعاود ليك حجايات

اكسيل : نعاود لطسيلتك ترابي ، فين داك دحش لاخر تا هو مشا ولا كيفاش

رفيق : (هز راسو فإكسيل) پا

اكسيل : شي يولد او شي يحصل فيهوم آجي ابانو نعسو آجي

مشا لفوطوي شعر تلفازة داير روسوم لقدام او تكا حاط نزيه على صدرو او رفيق معنقو لعندو بيديه او كيطبطب عليهوم انعسو بجوج

لغالية : (ضرباتها لفيقة مع نبوري على صداع تا ماسينس او نومنسا) شهاد صداع على صباح ابخاخش أ متنعسو متخليو لي ينعس ، فين بابا ؟

نومنسا : با با

لغالية : احياني عليك اسليحفانة قالك لبنات حنانات مسبقة بابا على ماما هادا هو خيري ياك انا لي كنرضعك الحرامية

ماسينس : ما ما

لغالية : لا لا نتا بان فيك حليبي لي رضعتي كون كنتي غي كتلبس حوايجك مالك عزيز عليك تبقا حزوطي مرطوطي ؟ غيضربك لبرد

ماسينس : (مابغاش البس ليها لحوايج او مشا كيهرب)

لغالية : آجي لهنا فين غادي غطيح نتا وديك الجرية تاع لبطريق ديالك (هزات نومنسا او مشات تابعاه) ماسينس وا ماسينس آجي لهنا دروج

ياسمين : (تزادحات معاه فطريق او تحنات هازاه) افين غادي اشريف

لغالية : شديه راه غيطيح

ياسمين : تسريحات ليهوم لمشية واخة يالاه دارو عام او شي حاجة

لغالية : محباوش بزاف ماسين هو ݣاع محباش بتاتا

ماسينس : (قرب عند ياسمين لي كان كيسحاب ليها باغي يبوسها سعا شدها بعضة)

ياسمين : اي طلق ماسينس

لغالية : (بدرع باش فكاتو تا طبع ليها سنان فوجها) باتت مالق غي تشوفها تعضها ياك لاباس فيك جوع ، زيد نعطيك تاكل زيد

جود : صباح لخير

لغالية : صباح نور مبانش ليك باك ؟

جود : لا أنا عاد فقت

لغالية : معرفتوش فين مشا (دخلات لكوزينة هزات لماكلة او مشات لفين كاينة تلفازة باش توكلهوم تا ضربات فإكسيل ناعس او نزيه ناعس فوقو ، رفيق مخشي فيه)

صباح : صباح لخير فين بابا ؟

لغالية : ها هو هنا فاش بغيتيه

صباح : رفيق معاه بغيت غي نشوفو ياكما ضرو جوع

لغالية : راهوم ناعسين هنا

صباح : (طلات عليهوم او هزات طيليفون كتصور فيهوم) تا نازيه كاين معاه

مجد : وحلتو فيه لبارح هههههه

لغالية : او زايدها بضحك

نومنسا : (حدها شافت اكسيل ناعس مشات كتجري عندو داربي لخير حبساتها لغالية)

لغالية : فين غادة اخيتي فين ، بابا ناعس غتفيقيه زيدي تاكلي بعدا يالاه اتصدقي منقزة عليه او عافسة نزيه الله يستر

اكسيل : (حل عينيه او ناض بشوي شاد نزيه بديه) فين باه ؟

مجد : هاني

اكسيل : شد دري ديه لمو ترضعو

مجد : ايتوب عليك الواليد

صباح : (قربات عند رفيق لي كان ناعس او معنق يد اكسيل) رفيق نوض إماما نوض باركة من نعاس

رفيق : (زاد عنق اكسيل خاسر ليه نعاس)

اكسيل : (هزو لعندو) نوض ابانو نوض راه خمرت انا وياك نوض

لغالية : خليوه مسكين ايزيد انعس لاش كتفيقو فيه

صباح : الى زاد نعس ليل مغيبغيش انعس فيه

نومنسا : (غا فاق ليها اكسيل خلات لماكلة او مشات كتجري عندو او كتمد فيديها باش اهزها عندو)

لغالية : هاح ها هي شافتو

اكسيل : (ربت ليها على شعرها بليد لي مكانتش هازة رفيق) فاقت بنتي ، مغنهزكش دبا رفيق ناعس غتفيقيه

نومنسا : مومو ني ني

اكسيل : واه مومو ناعس ، لغالية كملي ليها ماكلتها او حيدي لهاداك لهاية نهار او مطال او هي فمو

لغالية : راه غي كنحيد ليه لهاية كيولي لي لقاها ايديرها فمو

اكسيل : فين ماسين

لغالية : خليتو ناعس

اكسيل : (بقا هاز رفيق عندو او طلع لفوق لبيتو حطو فلبياص حدا ماسين او مشا دخل لحمام)

هادا هو حالو منهار تزاد رفيق فينما يبغيو اتهناو من صداعو كيلسقوع فيه او دبا ملي زاد تا نزيه كملات لباهي كان كيقول فلول غي ديك سيمانة لولة باقين مولفو دري صغير تا لقا راسو دري دار شهر او صرف او باقي هو لي كيقابلو

لغالية : (كانت كتمشط فشعرها قبل متمشي تنعس تا جا عندها اكسيل)

اكسيل : (دوا بهمس) نعسو دراري ؟

لغالية : (جاوباتو بنفس النبرة) واه نعسو (غي قالت جملتها لقاتو لايحها فوق الناموسية او طافي ضو)

اكسيل : اخيرا ( قرب عندها بايسها من فمها) توحشتك

لغالية : (دارت يديها مور عنقو) تا انا

رجعو كيتباوسو او كيحيدو شوق بيناتهوم مستغلين فرصة أنو لولاد ناعسين ، اكسيل كانو يديه كيتساراو فصحتها كاملة او راسو كان محشي فصدرها بعدما جردها من حوايجها كاملين ، او فلوقت لي كانو سالاو فيه من لمداعبة او وصلو لمسݣي لالة نومنسا قالت بيبيو

لغالية : ( لي كانت لتحت او اكسيل فوقها كيتباوسو ، بعداتو عليها شوي او دوات) اكسيل لبنت كتبكي

اكسيل : وكلتيها ؟

لغالية : واه

اكسيل : بدلتي ليها ؟

لغالية : واه

اكسيل : ايوا صافي مزيان (ضار لجيهة لبياص تاع نومنسا ودوا فضلام) بكي ابنتي تال غدا او قولي لداك لي حداك يبكي ، حرمتوها ليا لبارح او ول لبارح او سيمانة لي فاتت ليوم والله لا حرمتوها عليا

لغالية : (رجعات هي وياه مكملين لماتش) اراك حاقد

اكسيل : (عاطيها السيد لحلوة ولبوسان) دوك جوج شاك بلي لكيان الصهيوني لي مسيفطهوم ليا غا يشوفوني كنجاهد ايقولو بيبيو

لغالية : ههههههه خانات اسي اكسيل جاهد شكون شدك ، راه شحال هادي معشنا شي حرب ولا تقاتلنا تقطعنا ههههههه

اكسيل : نتي لي كنتي باغة دراري

لغالية : عندك لحق انا ولكن كنت كنقول لوحدة تولد او تربي او تعيش لحياتي مقالوش ليا لقضية فيها لحرمان من لكوا

اكسيل : كون قالوها ليك كنتي تولدي

لغالية : ابدا نفرط فدوا لبرد او نولد صداع مالي تسطيت ؟

اكسيل : (كمل معاها لماتش لول او دازو لأجزاء لإضافية فلحمام ، عاد دوشو او خرجو) بنتي باقة فايقة أ منعستيش

لغالية : وليني نتا غي شوية هادي نكرتيها

اكسيل : انا ؟ وايلي ههههههههه مبغاش تنعسي أ خوتك نعسي ونتي لا

نومنسا : (بدات كتمد لطيليفون)

اكسيل : طيليفون لا ممنوع باركة غي ديك تلفازة فاش تفرجتي قبيلة ، دبا وقيت نعاس

لغالية : (تكا حداها كسيل بعدما نعس نومنسا او حطها فبلاصتها ، قربات عندو عنقاتو او نعسات)

#غدليه#

مع ديك سبعة تاع لعشية كانت ياسمين صونات على جود تسولو على ايمتى غيرجع حيت كان تعطل ، كان قال ليها بلي عندو شي شغل برا كزا غي بقضيه غيرجع لموهيم مكانش غيفوت لحداعش تاع ليل او غيرجع لدار

جود مع ديك لعشرة دليل كان شاد طريق راجع لدار ، طيليفونو كان طفا من شارج او تا لعيا كان باين عليه حيت مكانش ناعس ، ملي حس براسو عيا بزاف حبس طونوبيل فجنب تاع واحد لخلى يرتاح شوي ، نعس ليه واحد نص ساعة عاد ضرباتو لفيقة حل لباب تاع طونوبيل او خرج قال اضربو شوي لبرد باش ايفيق مزيان او تا لغسيل اغسل وجهو ، ولكن ملي سمع الصوت تاع لكلاب مجهد قال امشي بحالو ليعضو شي حد تا سمع صوت دري صغير كيغوت ، للحضة حس بقلبو قفز من بلاصتو شعل واحد لپيل عندو ومشا يشوف مناش جاي الصوت ، تا كيبانو ليه خمسة تاع لكلاب ضايرين بواحد لكرطون هو مناش جاي الصوت تاع لغوات ، جرا على لكلاب بلحجر او قرب لديك لكارطونة

جود : لا حول ولا قوه الا بالله ، لا حول ولا قوه الا بالله

لملامح تاع وجهو خسرو ملي بانت ليه تريبية صغيرة يالاه تزادت تا من لحبل السري كان باقي لاسق فيها مع الدم او يديها لي كانت مجروحة اثر لخبيش تاع واحد فدوك لكلاب ، مزادش تسنا او حيد لفيسة ديالو لاويها فيها حيت كان زبطة كتانة هي لخرة مكانتش ملوية فيها ، هز تريبية عندو او نيش لپيل ديالو ايشوف مول لفعلة واش باقي

جود : (دخل لطونوبيل مع لبنت كيسب) ينعل جوايل مكوم حيونات تعرفو غي تولدوهوم او تلوحوهوم فالزنقة ، يعطي لجدكوم غي لعݣر او لݣرض

كمل طريقو لسبيطار عقلو حبس عمرو تحط فموقف بحال هدا ولا حتى تخيل راسو غيطيح فيه ، مبان ليه تاشي خيار من غير انو يديها لسبيطار اطمن على صحتها لول بلأخص أنو كانت غي كتبكي

وصل لواحد لكلينيك كان خدام فيه واحد عشيرو ، حيت كانت لبنت ماشي بنتو او ماشي تا من عئيلتو غي لاقيها او تا تبليغ راه كان باقي مبلغش بلي لقاها

صحبو : (شد من عندو لبنت او عطاها لفرملية) تكلفي بيها

لفرملية : واخة

جود : عمرني نسا ليك أخاي هاد لخير والله

صحبو : هانيا اشيري دبا دوا انداويها ولكن ميمكنش تبقا هنا راك عارف

جود : لا لا نتا غي شوف حالتها الصحية واش مزيانة ونا غنديها معايا لدار تا نشوف شنو ندير فحريرتها

صاحبو : ميكون غي لخير

#عند ياسمين#

كانت باقة فايقة كتسنا فجود او كتشوف فتصاور تاع لعرس فلپيسي تاع مجد تا طاحت على تصويرتها هي ومها تا لقات راسها كتبكي

ياسمين : (ملي سمعات لباب تاع لبيت تحل مسحات دموعها بزربة ، او ضارت تشوف جود لاقياه داخل او هاز فيديها شي تريبية) جود فين كنتي تلاتة تاع ليل هادي ؟ قلتيلي لحداعش تكون هنا خليتيني كنتسنا

جود : (كان باين عليه بحالا مصدوم شوي او زيد لعيا) كان عندي شي غراض هو لي شدني

ياسمين : (شافت فتريبية لي كان هاز) مجد عطاك ولدو عاود ومشا يتسارا هو ومرتو هههه

جود : لا ماشي ولد مجد هادا

ياسمين : او ولد من بسلامة ؟ ولد صباح ؟ (قربات عندو كطل على تريبية لي هاز تا كيبان ليها وليد عاد دزاد تا عويناتو باقي مقاد احلهوم ، بشرتو قهوية هزات عينيها فجود بإستغراب) ولدمن هادا ؟

جود : هادي بنت ؟

ياسمين : بنت ؟ مناش جبتيها اجود من غير نومنسا معندناش دراري بنات صغار ؟ او تا هادي عمرني شتها

جود : خلينا نݣلسو ندويو (ݣلس هو وياها او عاود كولشي من طق طق تال السلام عليكم)

ياسمين : دبا هادي لقيتيها فطريق ؟

جود : (بحزن مخالط مع غضب) واه لقيت شي حمارة رماتها او تخايلي حداياش حدا طارو تاع زبل كونما شفتها فلوقت لمناسب كانو لكلاب اينهشوها ، شوفي غا يديها كي تخبشات

ياسمين : (مدات يديها كتلمس يديها لي كانت ملوية بلفاصمة) او شنو ناوي دير دبا ؟ غتديها لبوليس ؟

جود : معرفتش والله

ياسمين : الى ديتيها لبوليسي ايوصلوها لميتم ياك ؟

جود : حاجة مؤكدة

ياسمين : عرفتي شنو خلي تال غدا ودوي مع عمي اكسيل هو غيقولك شنو دير بيها ، طبيب قالك بلي كولشي عندها مزيان ؟

جود : كولشي عندها مزيان غا لبرد شوي لي غيكون ضربها

ياسمين : ايوا لحمد الله

جود : مدي ليا ديك لكاشة صغيرة

ياسمين : واخ

جود : (لواها فديك لكاشة باش تسخن مزيان عاد مدها لياسمين) هاكي شديها ندخل ندوش

ياسمين : (حط ليها لبنت بين يديها) خلي تدواش من بعد واجي نتا هزها راه مكنعرفش نهز دراري صغار

جود : (مدواش معاها او دخل لدوش)

ياسمين : جود وا جود أجي هز لبنت (هبطات عينيها عندها كتشوف فيها او توتر باين عليها تا بدات لبنت كتبكي) مالك كتبكي صافي غا سكتي فيك جوع نعطيك لخبز جود وا جود آجي المرض شوفها راها كتبكي (لبكا تاع لبنت صغيرة وترها او خلعها فنفس لوقت مخليها تا هي كتبكي)

جود : (ملي خرج من لحمام لقا لبنت صغيرة كتبكي او ياسمين تا هي كتبكي) مالك نتي كتبكي

ياسمين : مالها تا كتبي هكدا سير جيب ليها خبز تسكت راه كيخلعوني دراري صغار ملي كيبكيو

جود : أراي أراي لبنت لهنا قالت ليك جيب ليها لخبز منعطيهاش تعجنو

ياسمين : (هبطات عينيها لبزازلها) معنديش لحليب فبزازلي ايما كون عطيتها ترضع لحليب

جود : (كان كيراري بلبنت) الله يهديك شمن حليب غيكون عندي ونتي تا صدر متكسابيهش قاتلك لحليب شربناه معاك تا حنا

ياسمين : الله امسخك

جود : ازوينا علاش كتبكي أ ضروك الجوع نعطيك تاكلي آ ؟ ياسمين هزي هاد لميمة لي جبت معايا اتلقاي فيها لحليب او رضاعة خلطي ليها ترضع

ياسمين : واخ (دارت داكشي لي قال ليها جود او مدات ليه رضاعة) هاك

جود : (عطا لبنت ترضع )

ياسمين : (قربات عندها كتشوف فيها او هي كترضع بفضول او بلاما تشعر دوات) كاين شي واحد اسمح فكبدتو بحال هكدا

جود : داكشي علاش كنقول ليك لأم ماشي هي لحبالة او لولادة هي المسؤولية او تربية لا غير

ياسمين : فيك نعاس ؟

جود : فيا لموت تاع نعاس ، تا هادي نعسات عيات هه

ياسمين : فين غتحطها تنعس ؟

جود : بيناتنا

ياسمين : اويلي لا انعفسوها

جود : رفيق او نزين ماسينس او نومنسا فاش كينعسو عندنا فلبيت كينعسو بيناتنا ايوا تا هادي

مزادتش دوات او مشات تكات فجنب مقنتة او هو نعس فجنب حاط لبنيية بيناتهوم ، كان كيقول غا غيحط راسو فوق بوسادة اينعس تا لقا راسو غي كيفكر فهاد لبنت لي منين جابها لدار او ديك لحلمة لي حلم مابغاتش تخرج من بالو ، بقا كيسترجع فداك احلم تا عيا هوا ينعس كيما نعسات ياسمين لي كانت تا هي كتفرك فهادشي لي قال ليها جود او ففين لقا هاد لبنية ولحالة فاش لقاها تا داه نعاس

#فصباح#

كانو كاملين مجموعين على الطبلة تاع لفطور من غير جود او ياسمين

صباح : فين جود او ياسمين مغيهبطوش افطرو ؟

اكسيل : (كان مݣلس رفيق عندو كيوكلو) غيكونو ناعسين

مجد : ها باش زوين لواحد ميكونوش عندو فجاجغ احرموها عليه تا فسهير

محسن : ههههه متافق معاك

اكسيل : الله اتبعك ليلى نتا وياه اوحد ولادكوم لي ديما مخليينهوم عندي

مجد : حفايدك هادوك ولا باغي تنكرهوم

اكسيل : خشي فوجهك قبل ما انا لي نكرك مرتك خرجات ؟

مجد : خرجات احقا ݣاع متحاسبنا ولدات صباح شريتي ليها دهب او أتتي ليها لعيادة ديالها من طق طق تال السلام عليكم ، غزلان ولدات حليتي ليها پاتيسري على قدها او جهزتيها ليها غي برات مشات كتخدم فيها ، جبتي ليهوم تا لفرمليات او لخدمات لي يعاونوهوم ، ولكن شتك نسيتي لمصدر تاع دوك دراري او نكرتيني انا ومحسن مجبتينا تا مسكة

اكسيل : كربي ليكوم ولادكوم ماشي احسن كاضو

جود : (ضرباتو لفيقة على لبكا تاع ديك لبنت لاقي ياسمين كتحاول تسكت فيها)

ياسمين : هانتي غي سكتي بلى بكا او قوليلي مالك ، زيغ باقي مكتدوي صافي صافي غي سكتي جود

جود : هههههههه واش نتي شاربة شي حاجة هزي لبنت عندك بحال هكذا او غتسكت

ياسمين : هزها نتا نيت

جود : خلطيليها لحليب انا غنبدل ليها راها وسخات

ياسمين : واخ

خلاتو كيبدل ليها ليكوش او مشات تا قادات ليها لحليب او عطاتو يرضعها ، عاد نزلو بجوج لصالون لتحت فين كان كولشي مجموع تا من غزلان رجعات

جود : السلام عليكم

مجد : نعستي تال طناعش خرجتي ومعاك تربية كون بقيتي تال جوج كون خرجتي بحفيد ، تا كيفاش درتي ليها

لغالية : تاعمن ديك تريبية ؟

اكسيل : خليو دري يݣلس او يشرح لينا

جود : (مشا حدا اكسيل او ݣلس او عاود ليهوم شنو وقع)

لغالية : (تبورشات عليها صحتها) ياربي تستر على بنادم عايشين معاهوم

صباح : شنو ناويين ديرو دبا

اكسيل : خرجو خليوني مع جود او ياسمين

لغالية : واخ

جود : (خرجو كاملين) لواليد شنو بان ليك فهادشي

اكسيل : شوفو نتوما شنو باغين

جود : انا راه تالفة ليا نعلمو لبوليس ؟

اكسيل : الى علمني لبوليس غيسولوكوم شي اسئلة او يديو لبنت لشي ميتم ويلى عندها زهر غتبقا فلميتم بحال ديالنا

جود : معندناش شي خيار آخر من غير هادا اقدرو يلقاو ليها لبوليس مها او يرجعوها ليها

ياسمين : علاش خصهوم ارجعوها لوحدة رماتها ؟

اكسيل : موحال يلقاو مها مدام فداك لخلى فين حطاتها

جود : او بان ليكوم شي حل آخر

ياسمين : (لجملة لي قالت خلات جود اطرطق عينيه) ع.علاش منخليوهاش عندنا نربيوها ؟

مجد : (كانو كيتسنطو حدا لباب) انا معاك

اكسيل : (شير عليه) غبر عليا

جود : ياسمين داوية نيشن ولا كضحكي

اكسيل : شوفي ابنتي تربي ولد راه مسؤولية كبيرة ، ماشي غاجي او ربي ولد او كون باه او مو ، حيت ماشي تاع نهار ولا يوماين راه تا تمشي لقبر ولا يمشي ، يقدر تا الله يستر اخرج ضلعة عوجة خاصك تصبري عليه او توقفي معاه او متخلايش عليه خاصو اولي منك او فيه ، ليوم سبت عندكوم منهنا لتنين فكرو او تشاورو او خودو قراركوم

نومنسا : (دخلات سيدة ممسوقة لحد هي او خوها ماسينس)

اكسيل : ها بنتي جات

ماسينس : (شاف ديك لبنيتة لي كان هاز جود او قرب عندها بقا كيشوف فيها قبل ميعضها من رجليها)

لغالية : (غوتات او مشات كتجري عندو) هاويلي هاويلي على لمجعور عض لبنت

اكسيل : (بعدو عليها) شكادير

ماسينس : (براءة) وكلاط

لغالية : آجي لهنا شمن شكلاط على شوية كنت اطير لبنت جلدة لي ضاربك ضاربك على كرشك اولدي

جود : صافي صافي بلى بكا موقع والو انشوف رجليك موقع والو صافي

صباح : (دخلات عندهوم ناسية راسها) لغالية راني دويت مع مولات لحلوة قالت ليك غتشوف مناش ضبر ليك لحلوة تاع سبوع كوني هانية

لغالية : (طرطقات فيها عينيها ناكراها) ش.شمن حلوة تاع سبوق قلت ليك تاع لعيد هههههههه كتنساي

غزلان : لا راه تاع سبوع لي قلتي ليها بليمارة وصيتي تا على طيابات

لغالية : (حيدات صرفاقتها مشيرة عليها بيها) انا لي غنخلي فوالديك ليمارة الى مسكتيناش

اكسيل : لغالية

لغالية : نعام احياتي

اكسيل : بديتي تخدمي عقلك عاود

لغالية : ههههههه شمن عقل عندي تا نخدم الله يهديك ههههه انا غادة ندوي مع طريطو..طو..طو غادة نطل على لكوكوط نشوفها واش صفرات بسلامة

مجد : (مشا عند جود طير ليه لبنت من بين يديه) وا نوطيلا لباس عليك

جود : (بقا مودة كيشوف فمجد او محسن كيلوسو فلبنت او هو عاقدهوم تا عيا هوا يدوي) باركة من لبوسان به على مكبوتين عمركوم شنو لبجاغط ، ها ولادكوم شبو فيهوم بوسان دايرين بحالا محرومين خزيت

مجد : محرومين عاد من لبنات شوفها جات عندنا غي ضيفة دار ضوات ولدي راه شهراين او هو معايا ضلمة ميضوي ميسكت

جود خلا لبنت عند مجد او طلع هو او ياسمين لبيتهوم لفوق ادويو فهاد لموضوع ، بلأخص أنو مسألة التكفل بطفل ماشي شي حاجة لي ساهلة او ماشي شي حاجة لي مؤقة ، طفل كلما كبر مسؤوليات كتير اوكيما قال اكسيل كان خاصهوم افكرو مزيان قبل ميتاخدو هاد لقارار ، قرار لي كان غير بزاف تاع لحوايج فحياتهوم دوزو ناهار السبت او لحد مقابلين ديك لبنية او ملي وصل تنين كان لقرار تخدا

ياسمين : صافي غتديها لعند لبوليس

جود : ضاروري تمشي لتما يقدر مها تكون كتقلب عليها او تنادم معاها لحال

ياسمين : (دوات بنفعال) باش نافع يتنادم معاها لحال ملي لاحتها من لول او فرطات فيها

جود : ياسمين دوينا فهادشي

ياسمين : دير لي عجبك مشغليش فيك انا

جود : (دخلات ليبت او خلاتو هاز لبنت عندو ، تنهد او زاد بحالو لتحت) لواليد نمشيو

اكسيل : يالاه

مجد : (كان طالع ليه زعاف نيت) ولكن راك واحد ولد طحبة ما منك جوج شنو لفرق بينك او بين ديك لكلبة لي لاحتها

غزلان : جود

صباح : مالو كدب عليه شنو فيها كون رباها عاجبو تجرجر فلخيريات على مزيناتهوم عندنا

لغالية : هانتا غي خليها انا نربيها ولا مجد ولا صباح ملي نتا ماباغيهاش ، أصلن كولشي فسبوعها واجد

اكسيل : هنيونا

لغالية : غا تديها لكوميسارية او تخليها تما ديك ساعة سانتا يا انا فهاد الدار ، او غنعيط لحاج هو لي يتفاهم معاكوم والله اويعرف بلي باغين تديوها لخيرية تا ينكركوم بجوج

اكسيل : زيد زيد نمشيو غنتعطلو

لغالية : (حابسة لبكية غي بزز) مشية بلى رجعة انشاء الله

جود : (خرج مع باه لبرا ركبو طونوبيل او مشاو لكوميسارية)

اكسيل : (دخلو عند لكوميسير) سلام عليكم

لكوميسير : وعليكم السلام سي إكسيل مرحبا تفضلو ، شحب لخاطر

اكسيل : على حساب لبلان لي قلت ليك عندك شي خبار

لكوميسير : سيفط شي رجال لتما او قلبنا ݣاع لكمرات لي على طريق ولكن ملقينا والو ، او بلاغات لاختفاء مكانتش ضمنهوم هاد لبنت ولى مواصفات قريبة ليها ، شنو لمعمول ؟

اكسيل : كيما قلت ليك فطيليفون مدام تا واحد مسول عليها فهي ديالنا داكشي علاش بغيتك تبدا لإجراءات لازمة راك عارفة حالتها كتختالف على حالة بنتي نومنسا ، بغيت تاخد لكنية ديالنا او لأب ولأم ايكون مكتوب فيهوم سمية تاع ولدي او مرتو ، مابغيتش لقضية تاع تبني ولا حتى تبقا شي ورقة تاع هاد لماضي راك فاهمني مغنوريكش خدمتك

لكوميسير : كون هاني بديت لاجراءات تاع لوراق سابقا ولي امرها يسني هنا

اكسيل : (شد من عندو لبنت )

جود : (سنا تما على شي وراق حيت هاد لكوميسير هو لي كان لوسيط ديالهوم بين سبيطار او لمقاطعة ، ميحتاجوش امشيو تال لسبيطار ايشوفو كي يديري اخرجو ديك لورقة باش يديوها لمقاطعة او حريرة تما بلأخص أنو بلانها شوي معقد)

لكوميسير : يمكن ليك تجي غدا تدي لورقة تمشي نيشن لمقاطعة تسجلها ولا عرفتي شنو سير ضرب واحد الدورة غتلقا امورك واجدة او سجل لبنت ماحد باقي لحال

جود : واخ

اكسيل : خليناك على خير (خرجو من عندو او رجعو لطونوبيل )

جود : هاد لكوميسير مساعف

اكسيل : ههههه مساعف ؟ لفلوس اولدي لي مساعفين عرفتي كون مشدش ميعطيش ، كون جرجرك أبعدا حيت مبلغتيش انك لقيتها فداك نهار او غيوصلها لميتم حقا تا نساليو تحقيق ، غيساليو تحقيق لي مبداوهش ݣاع حيت بكل بساطة داك دري صغير مكيهمهومش طبعا كاينين استثناءات ولكن لقانون براسو كيجرجر بنادم ، قانونيا ايحولوها لشي خيرية ويلا بغيتيها خاصك تمشي تبناها او جمع لوراق منهنا او من لهيه فلخر تيتعكسو ليك حيت مرتك قاصر بعدها كتب ليها تولوت بلاتي نشوفو بلاتي هادي تا كتلقا لبنت كبرات

جود : معندك مادير

اكسيل : علاش قررتي تكفل بيها ؟

جود : (شاف فديك لبنت) معرفتش انا براسي معرفتش ، كان بامكاني ملي لقيتها ندوزها لكوميسارية نيشن ولكن لقيت راسي دايها لدار ، فكرت فأنني نخليها ولكن كنت متردد بسباب ياسمين

اكسيل : فلأخير ياسمين كانت باغة تشدها

جود : هادشي لي صدمني فيها هي ماشي من نوع لي كتربي لكبدة على لواحد بلأخص دري صغير راك شتيها معا نزيه او رفيق ، جاني فشكل نلقاها كتݣلس تحضيها بليل لدرجة شي مرات كتفيق تشوفها واش كتنفس او ترجع تنعس ، تا فاش قلت ليها بلي غادي نديها لبوليس كان باين بلي معاجبهاش لحال

اكسيل : كون قلتي ليها من لول بلي غادي غي باش تسجلها ، راك شتي تا صحاب الدار زعفو

جود : كون مقررتش نربيها كنتي اتخليها تمشي لميتم ؟

اكسيل : ابدا دري لي دخل داري مكيعاودش اخرجها كنت عوال نشوف مجد ولا محسن اخليوها عندهوم ، فلأخير كنت كنتسنا نشوف شنو غدير

جود : (عنق لبنت عندو) نرجعو لدار غنلقاو لحرب لعالمية تالتة منوضاها مك ديك لقطعة ݣاع لي تقطعات فهاد لمدة اتخرجها فيا

اكسيل : نوصيك وصية ، لماكلة مادوقهاش تا تشرح ليهوم لأمور حيت لغالية ديسيس الى لقاتو فدار ديرو ليا انا وياك فلماكلة

باقا هو وياه فطونوبيل مجمعين شوي تا وصل لوقت عاد رجعو لعند داك لكوميسير لي كان قضا ليهوم لغراض بزربة ، او من عندو مشاو نيشن لمقاطعة سجلوها عاد رجعو لدار

اكسيل : (مع دخل لدار كان على شوية ايجيه واحد لمغرف راسو كون مخواش بيه) واش تسطيتي

لغالية : واه تسطيت او دابة غطلع تجمع حوايجك نتا او ولدك او غتخرجو عليا من دار بجوج

اكسيل : داري ولا دارك تا كتجري عليا منها بلعلالي

لغالية : (حمراتهوم فيه) داري واجي حيدها ليا من فمي الى محيدتش ليك سنانك

جود : (عاد دخل لدار) انا عطيوني حوايجي انا وبنتي او نمشيو نخويو ليكوم الدار هانية

لغالية : (غا شافت لبنت كحلات بلعما او شدات طيليفونها مصونية على واحد النمرة) آلو فاتيحة ضبرتو على لحلوة غدا ندوز نجيبها ، اكسيل حياتي لݣزار خاصك تدوي معاه صوني نتي على جدك ايجي ، ايوا فين خليناها آه فلغدا فيكوم جوع زيدو تغداو تعطلتو

اكسيل : اكتسيفي عاد دبا كنتي كتجري عنا او دبا باغة تغدينا

لغالية : ههههههههه تا نتا كتدي عليا عاد ساليت واحد لفيلم هيندي قلت ممتاز قدامك

مجد : (قرب عند جود كيفرنس باغي تهز لبنت تا شحطو جود ليد)

جود : جمع يديك عليها

مجد : مالك أصاحبي قبيلة غي ضحكة معاك عارف قلبك حنين زبدة عطيني نهزها

جود : هز ولدك او قبل عليك بنتي تبقا خاشي فيها قنانفك تبوس فيها كي دحش ياك لاباس

مجد : (بشر) نتا حر تعطيني نهزها ولا حليب مرتي والله لا داز فمها شقلتي ؟

جود : شد هاكدا او نقص من لبوسان ، فين ياسمين ؟

ياسمين : شباغيني (نزلات عندهوم عاقداهوم قربات عند جود او ملي ملقاتش لبنت معاه دوات بسخط) فلأخير عطيتيها لبوليسي او جاي عندي لدار

جود : (يالاه بغا يدوي هي تجمعها بتصرفيقة)

ياسمين : سير راك مطلق

مجد : شتي ها مك شعلات

ياسمين : (عاد ردات لبال بلي لبنت كانت مع مجد ، مابقاتش مغوبشة او رجعات كتفرنس) ياه جبتيها معاك

جود : شنو درتي عاد دبا ؟ سرفقتيني لا ؟

ياسمين : والو مدرت والو (وقفات على صبعان رجليها بايساها من فمو سيدة خافتو اشبر معاها هي تزمطو قدام كولشي) عنداك تقول سرفقتك غا واحد لقطة فلمسلسل ناضت صرفقاتو او باستو من بعد داكشي ديال نجرحك او نداويك ، ياك اعمتي

لغالية : (حشمات فبلاصتها) هاد لميكات تاع طبالي خاصنا نبدلوهوم ياكو

مجد : (مشا ݣلي حدا غزلان ناغزها) نتي مكتفرجيش فلأفلام ؟ متسرفقي متبوسي ؟

غزلان : كنتفرج فلأفلام قالك مكنتفرجش

مجد : كتفرجيلي فلأفلام تاع جاكيشان تاع سليخ تاع لأكسن تاع لخلعة او مخليالي الرمنسية

غزلان : (فرنسات) كنحشم فبلاصة لبطلة

مجد : انا لي حشمت فبلاصتك

صباح : (ضارو بالطبلة كاملين) قلتي اتديها لكوميسارية كي درتي تا رضيتيها معاك انبك ضميرك ياك

جود : حكمي قلت ليكوم انا انخليها تما ؟ مشينا غي نسجلوها ماحدي مخدامش ليوم

محسن : بصح هي سجلتيها او باشمن سمية ؟

اكسيل : أوآه انا براسي نسيت هاد لبلان شنو سميتيها ؟

جود : سميتها هداية

مجد : علأقل كتعرف تختار السمية

جود : يسحاب ليك انا بحالك

ياسمين : (صغرات فيه عينيها) هداية ؟

جود : بلاما تشوفي فيا هاكداك ديك نهار قلت ليك داكشي لي كاين او حلفت ليك ݣاع

ياسمين : آمنا بالله

لغالية : (ملي هزات راسها او شافت اكسيل او جود باغين ياكلو من طبسيل ديالهوم غوتات) لا متاكلوش ، حبسو حبسو

اكسيل : (شاف فيها بشك ) علاش ؟

لغالية : (بدات كدخل او تخرج فلهضرة) حيت حيت بقا بلى غطا غتكون طاحت فيه شي حاجة ولا برد

اكسيل : ݣري شدرتي فيه بلى هاد دخيل او لخريج فلهضرة

لغالية : (بندم) درت درت فيه شوية من ديسيس

جود : (طرطق عينيه فيها)

اكسيل : متأكدة غي شوية ؟

لغالية : الصارحة بزاف كنت معصبة منكوم او هزيت القرعة وخويت معقلتش تا شحال درت

اكسيل : (دوا بشوي) قلتها ليك ولا لا

جود : (تا هو جاوبو بهمس) قلتيها ، ربي واش كتنعس حدا هادي او كتشارك معاها لبيت كل نهار مكتخافش تبالي بيك

اكسيل : لا لغالية كدوز لواحد من لمعدة او هو فايق مكتغدرش الناعسين

جود : انا غادي نخوي دار الواليد ليوم ياسمين بدات كطبق لأفلام بحال كيما كدير لغالية غتزيد شوي اتبدا فلخدايم

اكسيل : واخة تدي مرتك لنرويج داكشي كيمشي ليهوم فدم ، هاد دحش تاع محسن هو لي فلت ليهوم

لغالية : (مشات تا رمات دوك طباسل فزبل بماكلتهوم او جابت ليهوم وحدين خرين)

اكسيل : شنو فهادو ياكما طابخة فيهم الجيكس

لغالية : ههههه لا دوك لي طابخة فيهوم الجيكس لحتهوم مع تاع ديسيس هادو مافيهوم والو

جود : (كان باغي ياكل سعا ملي سمع شنو قالت حط لمعيلقة) الله يخلف انا شبعت غنطلع لبيتي

ياسمين : (غي سمعات ديك تتطلع لبيتي كرمات فبلاصتها او تسدات ليها الشهية)

جود طلع لبيتو بوحدو قال انعس ليه شوي ولكن حدو حل لباب شم ريحة لغدر ، رد عليه لباب او قصد لماريو ديالو ياكما تكون دارت فيهم شي حاجة ولكن من زهرو لقا كولشي فبلاصتو كولشي مقاد ومعا بغا يتنهد براحة قشع لݣيطار ديالو مقطعين ليه لأوتار ، ياسمين حبسات هنا ؟ لا اويلي هاديك كانت غي لبداية لخيوط كاملين تاع لپيسي ديالو تاع لمطبعة تاع ليباف تاع شارجور ليكوت قطعاتهوم مورصويات صغار واخة يبغي اجبرهوم ميقدرش

جود : (عيط عليها واحد التعييطة) يااااااااااسمين

ياسمين : (نقزات من بلاصتها بلخلعة) ش.شكون هنا فيكوم سميتو ياسمين اتكلم

غزلان : لخضرة عليك

ياسمين : عمي اسست تبغي طلع معايا نوريك بيتي عمرك شتيها ياك هادي هي لفرصة

اكسيل : انا لي بنيت ليك ديك لبيت انتي غي طلعي

ياسمين : (شافت فيهوم كاملين تا واحد مزعم تمشي معاها تا كانت أتمشي بوحدها هي تفكر هداية) مجد ارا ليا هداية لهنا

مجد : لاش باغة طلعيها معاك او هو شاعل

ياسمين : وا حيت شاعل خاص ندي معايا لحماية

مجد : شدي هاكدا ديري يديك مور راسها وتانية تحت رجليها او ضهرها

جود : (كان كيتسنا فياسمين طلع لبيت تا دخلات عليه هازة هداية بين يديها) لاش جايباها معاك ؟

ياسمين : قالت ليا بغيت نشوف بابا او طلعتها تشوفك

جود : هي قالت ليك “بغيت نشوف بابا؟”

ياسمين : هداية عاودي قولي ليا شنو قليتيلي لتهد

هداية : (لبنت أصلن كانت كتغوت بينها او بين راسها)

ياسمين : شني قلتها ليك

جود : شهاد لحالة درتي فلبيت ؟

ياسمين : كنت حاقدة عليك او صاف حمد الله خرجات ليك طفيفة

جود : طفيفة فين غنلقا هاد لخيوط كاملين المصيبة فين (شد فمو) ياسمين مقستيش ليا لملفات تاع لخدمة ياك

ياسمين : (ضحكات ليه الضحكة الصفرة) ويلي مالي تسطيت

جود : (مشا حل لكارطونة فاش كيدير لوراقي لاقي كولشي مقطع , شد راسو فلبلاصة) ياربي خرجاتلي على خدمتي غيجريو عليا ياربي

ياسمين : غي تهدن وراقك فلمجر تاع لبيرو هادوك وراق خرين كنت باغة غي نخلعك حيت عصبتيني

جود : لواحد ايخاف منك ، ها لعار ما متبقايش تخدمي عقلك بحال لغالية ها لعار

ياسمين : صافي منعاودش غي هاك شدها راها كتحرك اتصدق طايحة من بين يدي

جود : هاد لحالة كاملة نوضتيها باش نربيوها ايوا هزي او بدلي ليكوش ازين انا غادي نعس

ياسمين : (شافتو مشا تكا فوق ناموسية نعس) جود آجي هزها عافاك راها كتحرك بزاف اتزلق ليا من ليد اجود ، ها لعار ما باركة متحركي واش معييتيش

جود : جيبي جيبي نݣمطها باش متبقاش تحرك

ياسمين : هاويلي على تݣمطها واش هي كرداسة تزير ليها ليدين لا

جود : وا راه كيݣمطوهوم باش ميتحلوش ليهوم لعضام (خدا من عندها لبنت وبدا كيݣمط فيها)

ياسمين : بشوي متزيرش على يديها ، واش اتنعسها فتابوت تا تلويها هاكدا

جود : ملي غتݣمطيها بليل فاش اتحيدي ليها تݣماط اتكون عيات او اتنعس دغيا ياك اشكليطة ههههه

ياسمين : عندها تقبة تاع الزين

جود : هي عندها التقبة تاع زين فحنكها ونتي عندك فبلاصة خرى

ياسمين : تفو على ماسخ

جود : (سالا ليها تݣماط او تكا حداها) نعسو اهداية آ نعسو ههه

اكسيل : (كان ݣالس فبلاصتو تا جاتو واحد لبلغة لوجه) آي

لحاج : (كان باغي اشير عليه بتانية) هادو هوما فعايلك الكلب فين هوا سلݣوط لاخر

لغالية : لحاج هدا راه كنا فاهمين غلاط مشاو غي يسجلو لبنت الحالة لمدنية ، إيه او سماوها هداية او سمرة لا هي لونها كي تاع شكلاط داك شكلاط لغالي لي كتشهيك شوفتو

لحاج : ربي ربي

مجد : ايه او نزيدك عندها تقبة تاع زين فحنكها

لحاج : تأ اخيرا جاتني حفيدة شكلاطية صباح او غزلان اترضعوها بجوجاتكوم

محسن : لا انا ناوي نزوجها لولدي

مجد : وعلاش ميتزوجهاش ولدي هو خير ليها حيت ولد خالتها او عمها

محسن : او ولدي راه ولد عمتها او ولد خو مرات جدها او حفيد جداتها

اكسيل : غتهنيونو بجوجكوم شي ايرضع ولاد شي تا غيوليو كاملين خوت لرضاعة زواج لعئيلة معندنا منقشبلو بيه سمعتوني

مجد : رفيق او نزيه مراضعين ولكن نخليو لبنات لا خيرنا ميديه غيرنا

لحاج : مكاين لي غيدي داك لخير لا حنا لا لبراني بناتنا ماشي تاع زواج

نومنسا : نا

لغالية : هاكداك التي قولي ليهوم لا بغاو اخليوك ليا بلى زواج

اكسيل : غتقولي لا ابنتي غتقلبي على فين تباتي معنديش لبنات تاع زواج تفاهمنا

لحاج : (هز نومنسا عندو) تسنطي لباباك ابانو معندك مادير بزواج فيه غا صداع راس ، عيطو لجود باغي نشوف لبنت

ياسمين : (هبطات عندهوم) راهوم ناعسين

لحاج : سيري فيقيه انزلها

لحاجة : خلي لبنت ماحدها ناعسة ، وجدت لسبوع

لغالية : كولشي واجد بقا غي ديدجي

مجد : هاداك انضبر عليه اخيرا انزهيوها فشي سبوع

جود قال بلي اينعس سعا غمض ليه غا واحد شوي او فيقاتو هداية بلبكا حيت كان فيها الجوع ، لبس عليه قبيتو او هزها منزلها لتحت اقلب على رضاعتها تا ضرب فيهوم كاملين مجموعين فصالون

جود : تجمعتو اهاد لقوم

لحاج : جيبلي لبنت جيب

جود : شنو غنجيب ليك فيها جوع مشتيهاش كتبكي

غزلان : جيب نرضعها ليك

جود : (عطاها ليها داتها معاها لبيت ترضعها)

غزلان : (ملي رضعاتها حالتها لحاج)

لحاج : بسم الله بسم الله اخيرا منتوج مختلف اخيرا لون شكلاطي فعئيلتنا

لغالية : (كانت نومنسا ݣالسة عندها او ياسمين حداها) بان ليا شعر غيخرج ليها رطب

صباح : مغيبانشبا حيت شعر تاع زيادة كيكون رطب

لغالية : واه منها شوي عاد نعرفو الزغبة ديالها انا هاد شعكوكة ديالي عندها شعر مكريبي وحرش شوي

صباح : راه معندهاش حرش بزاف غي مروري او طالع لسما واخة لون ديالو زوين على ربي يبقا ليها بهاد لون

لغالية : عندها بين لقهوي وزعر انا هاد لعوينات لكبار او هاد بقيمة لي غناكل (بدات كتبوس ليها وجها) ناكلك انا ناكلك

غزلان : شعر ماسين او ماسينس لي خرج بحال تاع عمي اكسيل

لغالية : عندهوم شعر قهوي او رطب بحال تاع اكسيل انا لون تاع شعري مغلوق ، رفيق لي شبه ليا فلون تاع شعر عندنا قهوي مايل لكحل ، ولكن هاد لبغوشة تاع ولدك لي خرج زعر

جود : (شاف فباه) لواليد مفكر شنو قلتي لينا ؟

اكسيل : (ماسين او ماسينس كانو ݣالسين على رجليه بجوج) انا شرفت مابقيتش كنعقل

جود : سير طلقها على شي حد آخر قلتي لي ولد لبنت توزنها ليه بدهب او لجوهر توزن دابا ولا تال سبوع الى بغيتي أجلها تا دير عام او وزنها

اكسيل : خزيت تفو مكتنساوش باغي تخليها تا دير عام باش تسيزيني ، غنوزنوها فسابع او داكشي لي جاها ديالها او غيبقا عندي مخبي مافيك تيقة دوز ليه عليها

جود : حشومة تقول هاكداك ابابا راني زعما قاضي

اكسيل : قبل متكون قاضي راك ولدي ونا عارفك

بقاو ديك ليلة كاملة مجمعين كيضحكو او بعدها تلاهاو فتوجاد تاع سبوع حيت كانو جمعو فيه لقصاير تاع سبوعات ݣاع لي دازو ولي معدالش ليهوم ايديرو فيها شطيح ، واحد مجد هو وياسمين لقاو داكشي ليبغاو لغنا او لحايحة او لوخرين عطاوها لشطيح او رديح واحيدوس تا صبح صباح ، بردو غدايدهوم او فوجو بيناتهوم عئيلة مع بعضياتهوم مكاينش ريحة لبراني

جود نهار على نهار كيلقا راسو مربي لمصارن على هداية اما لكبدة فاتها ليه عمرات عليه هو او ياسمين لي كان لاحض بلي تعليقات بيها بشكل غريب ولات كتحاول تزعم تهزها تبدل ليها ، او ملي تبكي تبكي معاها ههههههه تا فتدواش كانت اتسخف لغالية ملي كانت كتوريها كيفاش دوش ليها ، تا ولات مدوش ليها تا يكون معاها جود ولا شي حد آخر كيجيب ليها ربي غتزلق ليها من ليد ولا تخنق ليها بلبما ولا تحرق ليها ، ولكن معا كل نهار كانت كتعمر ليها وقتها او كتديها معاها لمحال لي كتب ليها اكسيل كيما دار مع بنتو او غزلان ملي ولدو دارو معاها هي واخة مولداتهاش ، ولكن مادام هي مها صافي تا ناس علامن عرضو اغلبهوم مكانوش عارفين بلي غي مربيينها او تا دوك لقراب لي عرفو كانو تهلاو فيها هي او بنتها بلكاضويات ، حيت مدام اكسيل او لحاج معتارفين بيها او عاطيينها كنيتهوم فخاصهوم اضربو ليها لحساب بحال لوخرين ، او تا لالة هداية لعزيزة تاع جدها مطلعاتش ساهلة دوزاتها على باها او مها بلغوات او لبكا فدوك شهور لولة بلأخص واحد جود حرماتها عليه الى مداهاش عند اكسيل انعسها والله لا سكتات ليهوم ، شي لي كيخلي نومنسا تغير حيت ولات كتزاحمها فباها ، لغالية فوقما مشات تقلب على اكسيل كتلقاه ناعس اوسط حفايدو او ولادو ، هوم كيلعبو او يغوتو فوق ضهرو او هو ناعس بلعيا ، حيت غالي ولد شي فجيغ السقو ليه او يمشي ايعيش لحياتي مع راسو مخليينو واحل فيهوم

اكسيل : (ملي قال صافي كولشي خرج او خرج معاه ولادو ايتسنط لعضامو شوي ، بلأخص أنو كان رواح ضاربو جات لبخوشة تاع نومنسا هي او ماسينس اصدعوه)

ماسينس : (مشا نيشن كيقلب فلمجورا او يجبد فلحوايج مستغل عدم وجود لغالية فدار)

نومنسا : (عافرات تا طلعات فوق الناموسية او مشات كتفيق فإكسيل) پا ، پا

اكسيل : (حل عينيه بعياء) واش ابنتي متعرفي واحد عيان متعرفيه ناعس خليتك فبيتك تلعبي فيا رواح انعاديك

نومنسا : (معامن كيدوي خشات لهاية فمها او تكات فوق صدرو)

اكسيل : (حل لمجر جبد منو كمامة ركبها لوجهو) آجي نينيو ابنتي آجي باش ملي نفيقو نجمعو روينة تاع داك لحتروف دخوك

نومنسا : (مكانش فيها نعاس غي ولات تلسق فيه او صاف)

اكسيل : (بدات كتدوي معاه ولكن شكاتقول الله وعلم او هو غي مسايرها) واه غلاو فزيت ابنتي حنا مناكلوش بطاطا مقلية ، لا لا تا هادي متافق معاك فيها لواحد هو لي يتسنط لعضامو ، تأ مكانش خاصو يقول هاكداك (نومنسا سايرة دوي او تجاوبو ، لاهي فاهماه ولا هو فاهمها) شتي كنقول ليك رجال ممزيانينش معندك مادير بيهوم حيديني غا انا منهوم ، واه انخليك حدايا منزوجكش مالي تسطيت

#بعد مرور 5 سنوات#

طبيب : كي كتحس براسك دبا

اكسيل : (بتعابير هادية او صوت كيدل على الراحة) كنحس براسي مت بيخير ، سيمانة تاع راحة لا مرا لا ولاد لا حفايد غي انا وراسي لهدوء

طبيب : آخر مرة حسيتي بهاد درجة من الراحة

اكسيل : يمكن فاش كنت فكرش مي فشهر تامن لواليد حبس نغيز او لهدوء تام

طبيب : فناضارك شنو لي كيخليك تحس بتوتر او لعيا نفسي عندك شي مشاكل فحياتك ؟

اكسيل : ماشاكيل هوما بلاتي نسميهوم ليك ، لغالية ، جود ، مجد ، صباح ، محسن ، غزلان ، ياسمين ، ماسينس ، نومنسا ، هداية ، رفيق ، نزيه ، او تا واحد جعل لي مفهمتش شكايدير فحاتي لدرجة واخد بيت نهار كيطلع لسپانيا كيدي سوارت معاه ايهاب او زادت تا ريم

طبيب : شنو نوع تاع لمشاكل لي كيدير ليك كل واحد فهادو لي ذكرتي عاود ليا

اكسيل : _غنبدا ليك من مرتي بكل بساطة مرتي واحد لانسانة لي عزيز عليها دير خدمة شيطان ، او كتفكر بزاف تقدر دوز غا سيدة فطريق تغلط فيك او تقول ليك السلام تلقا مرتي طيبات ليا شي أكلة كتعجبني او ناصباهالي بدوا تاع لفيران ولا ديسيس دوا تاع لاسهال دوا تاع نعاس اي حاجة ويلى تفرجات فشي فيلم ولا شي مسلسل كون متأكد داكشي لي داز فيه غيتطبق عليك غتقولي سعداتك هي ݣاع لافلام الرمنسية كتطبق عليك غانقول ليك واش هاداك زهر عندي عقلها كيشد غي لقطات لاجرامية لكارتية فقط

_عاد غيجيو ولادي بجوج مجد او جود او راجل ختهوم محسن لي هو خو لمدام حوايجي فلوسي رزقي داري طونوبيلاتي هادشي كامل كيولي حوايجهوم فلوسهوم رزقهوم دارهوم طونوبيلاتهوم ، ولكن لي كيقهر هو بنتي لكبيرة لعزيزة صباح هي كتبقا بعيدة تا كيكونو كيقسمو لفلوس بيناتهوم كيلقاو يديها تما ، طبعا مرتي مكنضكرهاش حيت كتكون كدير خدمة شيطان معاهوم

_ندوزو دبا لعريساتي غزلان او ياسمين لولة ضاربة دمية بركلة او تا لبشار ضارباه بركلة منهار مابقاتش كتشارك فلمسابقات ولات كتاخد جوائز فناس ، هادي موشكيل او لعرق تاع تكلاخ لي كيضيماري فراسها مرة مرة مشكلة خرا ، عاد كتجي ختها ياسمين هادي كتكون بعقلها بعقلها ساكتة تا كتفكر بلي عمتها هي لغالية او بلي دمها كيمشي فعروقها او كتنوض تمشي على لخوطا تاع عمتها

_سالينا ؟ اويلي انا عاد بادئ داك ايهاب لي قلت ليك ولي فجأتا لقيتو حاسب راسو من ولادي لدرجة خلى باه او داني انا نخطب ليه ولكن عجبني لحال فقصة ميمون لي مقبل ازوج ليه ريم تا هددتو بلي غنقال لعروستي هو لي خوا طريق لهبيل تاع باها تا هرب

_سالينا من لجيل لكبير ندوزو لصغير ولدي ماسينس لفضولي ديالي ولي لقب ديالو ابو لبنات كيفيق مع دجاج ادوش او يسوط ريحتي او يمشط شعرو او ينتف ليا الجردة ديالي من لورد باش اتسنا بنت جيران حدا لباب نتا متخايل معايا برهوش تاع ستسنين كيقولي انا كنبغي هاد لبنت او مكندويش مع لبنات حيت مخلص ، بعدها كاينين حفايدي رفيق او نزيه لول مو هي صباح وتاني مو هي غزلان ولكن واش يمكن ليك تشرح ليا علاش ولد صباح كيدوي بثا بحال غزلان ، او ولد غزلان كيسمي لحوايج بحال صباح فهمتي شي حاجة ؟ تا انا مفهمتش كون فهمت متلقانيش انا هنا عندك

_سالينا من دراري ندوزو لبنات لحفيدة ديالي لكبيرة هداية شكيليطة ديالي نوطيلا ديالي مولات سالف لحرير لي مفهمناش كي خرج ليها رطب ماعلينا ، كتموت على شي حاجة سميتها لحيوانات مشغلهاش هي واش داك لي شافت سبع ولا قرد ولا كلب مصعور خاصها دخلو لدار او لباس ، لمشاش عندنا فدار كتر من صحاب الدار ، او عاد كاينة بنتي نومنسا شعكيكة مولات لعينين لكبار لمغيارة لي الى مشات تا ضحكات فوجهك او ضورات دوك لعينين لجنب عرف بلي راها دارت شي قنبولة فشي قنت ، دبا نتا كتقول مع راسك موحال بنت تكون كدير هاكدا حيت بريئة ، بنتي بضبط استثناء واحد نهار وصلتها لمدراسة ناضت شي استادة قالت عليا زوين تسكت ؟ تقول غا داكشي لي سمعات ؟ لا اويلي مها لغالية مخرجة لافلام لكارتية مديرش لمؤترات ، مشات عند مها او قالت ليها ديك لاستادة جامعة فبابا او شافت فيه واحد شوفة فشكال إماما كيما كيشوف لبطل فلبطلة او حسيت بيها بحالا قالت بينها او بين راسها ياربي نتزوجو ، مرتي حبيبتي ترض ليها عقلها ؟ تأ تأ ناضت بدات او دارت كيكة خلطات فيها دوا تاع لحكة او قالت ليها بكل طيبوبة هاكي ابنتي دي لامطخيس ديالك هاد لكيكة او قول ليها سلمات عليك ماما ، او فعلا سلامها تبلغ او دخلات ديك سيدة لسبيطار بكترت لحكة تا قالو واقلة الجربة لي شداتها ، مرتي يتنادم معاها لحال إ أنبها ضميرها ؟ لا ادكتور خاصها تجي تعاود ليا بحالا ماشي هي لي طرات فيها دكشي او انا خاصني ندير راسي مسايقش لخبار او عاد غنعرف منها بلي لاستادة دخلات لسبيطار بلحكة

اكسيل : (شد راسو مغدد) نتا متفائل معايا انك تعيش مع هاد لقوم ربعة او عشرين ساعة على ربعة او عشرين ساعة واش هادا ماشي لجهاد في سبيل الله ادكتور

طبيب : شرب لما اسي اكسيل شرب لما او تهدن او خود نفس عميق

اكسيل : (شرب لما او رجع تكالما)

طبيب : ذكرتي ولادك كاملين ولكن مضكرتيش ماسين هو ماشي مشكلة بالنسبة ليك

اكسيل : (سترخا او هو كيدوي على ماسين) ماسين غير ولادي كاملين كنت كنقول فلول هاد لهدوء ديالو غا تاع هاد لول ولكن كلما كبر كلما زاد تهدن ، ماعزيزش عليه صداع ولا لغوات بغا شي حاجة كيقصدك مكيبلحسكش مكيعجبوش كترت لهضرة ، عزيز عندو ايدير حوايج هادية بحال اقرا شي حاجة ولا يمشي عند دوك لمعلمين تاع لفخار ولا دوك لي كينقشو لخشبو او ينحتوه او يبقا معاهوم او يحاول اقلد شنو كيديرو او يتعلم ، او شي مرات ݣاع كيعجبو يضرب لوجار ولا لݣيطار بلأصح كيصدمني بلهوايات ديالو شي مرات كنقول واش فعلا دري تاع ستسنين هادا ولا واحد كبير

طبيب : كتشوف فيه راسك ياك ؟

اكسيل : من بين ولادي كاملين هو شابه ليا كنشوف فيه راسي تا فلجوانب لخايبة مني

طبيب : هو عصبي ياك

اكسيل : بلعكس ماسين مكالمي ، مازال ماسينس تحيد ليه اللعبة ديالو ولا ماكلتو حيت كيموت على لماكلة اتعصب او ينوض صداع اخرج لبرا يلعب ادابز مع دراري اضرب او يتضرب ولكن دغيا كيبرد او دنيا هانيا ، فحين ماسين صعيب تعصبو ولا تجبد منو ردة فعل لي خايبة كايبين بلي ماعاجبوش لحال ولكن مكيدير والو ، كيما أنو هو سخي فولادي كاملين هو سخي يعطي حقو حوايجو ولكن لحوايج لي خاصة عندو ولي داير ليها خط حمر بحال لوطار ديالو ولا دوك لحوايج تاع الطين او لخشب لي صايب كتقيسهوم كيولي عدائي ، او اكتر حاجة متقيسهاش لماسين هي نومنسا او هداية

طبيب : على حساب هاد لعدائية او لحماية ديالو علاش جبتوه اتبع عندي شهراين هادي

#قبل شهراين#

كان اكسيل ݣالس فجردة او قدامو نومنسا او هداية كيلعب معاهوم فلألعاب ديالهوم

نومنسا : (مدات ليه كاس وري تاع اللعب) هاك شلب اتاي

اكسيل : (دار راسو كيشري) ياه بنين شكون فيكوم هنا لي صايباتو

نومنسا : انا مدرتش فيه سكال حيت مكتشربوش بهال ماسين

اكسيل : براڤو بنتي عاقلة على شنو كنشرب

هداية : (قربات عندو هازة واحد لمشة صغيرة) با سيدي شوف بيسا

اكسيل : انشوف انشوف امولات لمشوش مناش جبتي هادا عاود ؟

هداية : لقيتو فطليق بوحدو

اكسيل : عرفتو بوحدو كون لقيتي معاه شي مشا خرين كون جبتيهوم ، ديه عند طاطا صباح دوش ليه غتهزي شي مرض

لغالية : (تسمع غواتها فدار كاملة) إكسيييييييل

اكسيل : (قفز من بلاصتو) يا ربي السلامة توما مال مكوم كتغوت

ماسينس : (كان حداهوم كيلعب مع رفيق او نزيه) وا منعلف شوف نتا شدرتي ليها

اكسيل : يالاه معايا تايلا كانت معصبة مغدير والو ونتا معايا

ماسينس : كتعلفني اعمي ؟

اكسيل : حيد عليا حيد والد الريح انا (وقف تا قاد حوايجو او طلع بتقة زعما راني مخايفش ههه ، وصل لبيت لفوقانية لاقي اخلاقك كاملين مجموعين تما قدام لغالية لي كانت واقفة عليهوم) شواقع دايرين شي جتماع ولا ؟

لغالية : ݣلس ݣلس اراس لحربة

اكسيل : هاني ݣالس الله اسمعنا خبار لخير

لغالية : (خدات نفس طويل عاد دوات ) ليوم صوناو ليا من مدرسة ماسين حيت كان ايتقب لواحد عينو بلبيركار

مجد : كفاش ؟ ماسين ماسين ؟ او علاش بسلامة ؟

اكسيل : (عقدهوم) شنو دار ليه داك دري تا خلاه ايدير هاكداك ؟

لغالية : دري قال لهداية العزية او بقا كيضحك عليها ناض سي ماسين قصدو بلبيركار كونما لاستادة كان ايتقب ليه عينو

جود : (خبط طبلة) ولد لحرام قال على بنتي شكلاطة ديالي عزية

اكسيل : (ترخاو تعابير تاع وجهو) دوماج لأستاذة جات ايما كان ايبالي بيه كي سبع

مجد : خويا حنين

محسن : كان عليه اشدو فطواليط مشافهوم حد لمرة الجاية انشاء الله ايفاد ليه الشدة

لغالية : (عصبوها) تشدك لفعة لانتا لا هادو ، كنقولكوم دري تاع ستسنين كان ايتقب لولد عينو ونتا كتقول ليا قصدو كي سبع واش باغين تحمقوني ، شحال ونا كنوصيكوم داك سلخني نسلخك ماديروهاش قدام دراري صغار راه كيتأترو ، شوف فين صدقنا دبا

اكسيل : صافي غا تكالماي غندوي معاه

لغالية : غتسكتنا ، ماسين غيمشي عند طبيب نفساني او نتوما بربعة غتمشيو معاه حيت تا نتوما خاصكوم طبيب سمعتوني ، شنو قلت

كاملين : غنمشيو لطبيب نفساني مع ماسين

لغالية : لا غتمشيو كاملين عند طبيب نفساني ماشي اتديو ماشين بوحدو شنو قلت

كاملين : انمشيو كاملين عند طبيب نفساني

لغالية : او ليوم عندكوم رونديڤو اقول ؟

كاملين : اسمع

لغالية : تهزو عليا اطريكة لمجريمين عاديتو ليا دري

مازادوش مع لغالية لخضرة او مشاو لبسو عليهوم حوايجهوم باش يمشيو لطبيب كاملين

محسن : شتك مفركس بحالا دايينك تحج

مجد : لواحد هو لي يضور بلحالة مهما كانت لأوقات عصيبة

هداية : (جات هي او نومنسا كيجريو) بابا مسي معاك

جود : معندك فين تمشي معايا انوطيلا ديالي انا غنمشي غي لهنا او نرجع

اكسيل : ماتشوفيش فيا دوك شوفات حيت ماغاديش نديك معايا

نومنسا : (خسرات سيفتها) وعلاش

اكسيل : حيت غادي لخدمة

نومنسا : علاش ماسين ايمشي معاك ونا لا

لغالية : حيت ماسين باغي يمشي يشري كتاب نتي مكتحمليش لكتوبة ، يالاه ندخلو مصايبة كيكة

هداية : ميما انصايبو كيكا ؟

لغالية : واه الحبيبة ديالي انصايبو كيكة

اكسيل : ماسين مشينا ؟

ماسين : (شد ليه فليد او مشا معاه) فين غنمشيو

اكسيل : (كان كيقاد ليه السمطة لور) انمشيو عند طبيب

ماسين : علاش انا مضاراني تا حاجة

اكسيل : ماشي ضروري ما نمشيو عند طبيب تا ضرنا شي حاجة شي مرات خاصنا نمشيو عند طبيب قبل مضرنا شي حاجة ، او حنا انا ونتا او خوتك او عمك انمشيو عند طبيب ندويو معاه باش نرتاحو صافي

ماسين : (كتافا يحرك راسو بإيه)

اكسيل : لمرضي ديالي

خربق ليه على شعرو او مشا ركب لقدام صايݣ فجيهة لعيادة ، لي كان وصل ليها هو او دراري تقريبا كيف كيف ، دخلو لداخل او بقاو كيتسناو توصل نوبتهوم فلول كان يسحاب ليهوم غيدخلو واحد بواحد صدق طبيب دخلهوم مجموعين

طبيب : (تستفو قدامو بربعة او ماسين كان ݣالس على رجلين اكسيل) سلام

اكسيل : وعليكم السلام

طبيب : شكون فيكوم هنا ماسين ؟

ماسين : انا

طبيب : متشرفين اماسين عارف علاش جيتي لهنا

ماسين : قال ليا بابا بلي جينا باش ندويو معاك او نرتاحو

طبيب : براڤو عليك ، او كاينة شي حاجة مقنطة ماسين كتخليه اتعصب ؟

ماسين : (دار شاف فباه تا أومأ ليه اكسيل بعينيه عاد دوا) كيعصبني شي واحد ايقيس حوايجي ولا ولا يقيس هداية او نومنسا

طبيب : او كاين فيهوم لي قاس هداية ولا قلقها قدامك ؟

ماسين : (دوا بهدوء) واحد دري كيقرا معاها خلاها تا مشات او قال ليها لعزية وبدا كيضحك عليها هو او صحابو

طبيب : او شنو درتي ليه نتا

ماسين : ما درت ليه والو

طبيب : محاولتيش تخشي ليه بركار فوجهو كونما لأستاذة حبساتك ؟

ماسين : بما انو لأستاذة حبساتني قبل مندير ليه شي حاجة يعني مدرت ليه والو

طبيب : كون مجاتش لأستاذة كنتي ادير شي حاجة ؟

ماسين : كنت انخشي ليه بيركار فعينيه

طبيب : علاش كان خاصك دير ليه هاكدا

ماسين : حيت لواحد خاصويدافع على ناس لي كيبغيهوم ، او اي واحد شاف ولا ضحك على بنت فعئيلتنا خاصو ياخد لعقاب ديالو

طبيب : شكون كيقول هاد لهضرة ؟ فين سمعتيها ؟

ماسين : بابا ، ديما كيقولها لجود او مجد او محسن على حساب ختي صباح

طبيب : ولكن هو مكيقولهاش ليك نتا

ماسين : ولكن تا انا خوهوم

طبيب : ونتا عارف بلي لعنف حاجة ممزياناش او مخاصناش نديروها ياك

ماسين : (حرك راسو بإيه)

طبيب : ماسين دبا غيمشي مع لمساعدة لبرا علاما ندوي مع باباك هاك هاد لمكعب رتبو علاما نساليو لهضرة (خرج ماسين مع لمساعدة) احن كنضن شفتو بنفسكوم ماسين او ردة فعلو على شنو دار ، او ضاهرلي يمكن تا نتوما كتشاركوه نفس لهضرة اولا

محسن : لا مامتافقيتش

طبيب : فناضاركوم داك لولد لي عصبو غالط ؟

جود : لا مغالطش ، كفاش قدر داك لحمار داك لكلب داك لي مكيتسماش ايعايرلي بنتي او يقول ليها عزية كان خاصني نمشي عندو نلوحو فشي بئر او نتا كتسولني واش غالط ولا لا

اكسيل : (حمرهوم فيه) راك بعقلك زعما باغي تعنف دري صغير فين هوما لمبادئ والاخلاق ديالك دوي

طبيب : (قال الله اخيرا من بين هاد ربعة كان واحد فيهوم بعقلو)

اكسيل : لغلط ماشي تاع دري لغلط تاع باه يعني كان خاصنا نقصدو باه بن لعتروس لاخر لي والد ديك لجرتومة او نعاودو ليه ترابي عاد اعاود ترابي لولدو

طبيب : (فقد لأمل فيه تا هو) سي اكسيل راه لعنف ممزيانش او تعصاب تا هو

اكسيل : داك راس لمقلة لي فتصويرة ولدك ؟ (حس بطبيب تقلق) تقلقتي ياك او حسيتي بلي باغي تنوض تجمعها مع جدي بشي تصرفيقة ، او ديك لقراية ديالك كاملة منفعاتك بوالو او تعصبتي

طبيب : (ولا هو لي غادي عند طبيب اكسيل هههه)

اكسيل : ايوا تخايل معايا كون قلت لولدك أوجه لمقلة فوجهو ، كان ايبقا فيه لحال او يقدر اتعقد ݣاع او يفقد التقة فالنفس او لجسد ديالو ، ايوا شوف معايا انا دبا حفيدتي لي قال ليها داك مش لخلى كلمة جارحة بحال عزية قدام تلاميذ لوخرين او ضحكهوم فيها ، دبا انا الى تعقدات ليا حفيدتي ويلى تجرحات او فقدات التقة فراسها بسباب ديك لكلمة ، دبا حفيدت اكسيل آيت اوسو تلقلق بسباب بخوشة دلخلى ، او كتقولي بكل برود حقا ولواد لعنف لا زمر لا يحمد الله لقيتو برهوش تاع خمسنين ايما ديالتو هي لي متعاودش فوق شواية ، ولكن شتي باه والله لا دوزتها ليه غنسلخو ويلى قلتيليا متسلخوش انسلخك تا نتا معاه

طبيب : سي كسيل انا فاهم شعورك او عارف بلي ماشي ساهل عليك تضبط نفسك ، ولكن شوف من ناحية لي كنشوف انا ولدك عندو ستسنين او ردات لفعل ديالو خايبة تاع هاد الدرجة الى بقا على هاد لحال تا كبر شنو غتكون ردات فعلو ؟ ماسين فعمر مخاصش تكون هادي هي ردة فعلو بتاتا اتعصب آه ولكن باش إي آدي ناس لا ، لاحضت بلي شخصيتو كتشبه ليك او يمكن هادشي علاش كيلقا راحتو معاك كتر حيت كتجيه نتا لي كتفهمو او قريب ليه مادام كتشاركو نفس الصفات ، او يمكن هادا هو لي خلاه اختارك كقدوة ليه بالنسبة ليه نتا هو صح او نتا هو لمرجع ديالو ، دري كيتزاد بصفات فيه او كيختار ليه شي قدوة اتبعها او غالبا كيكونو لآباء ولا ناس لباليغين هوما قدوتهوم ، داكشي علاش لواحد خاصو ارد بالو لحوايج لي نتا كتقول مغيفهمهومش فعلا مغيفهمش لمقصد ديالهوم ولكن ايقلدك فيهوم او هادشي امكن إ أتر عليهوم وعلى شخصيتهوم سلبيا

#رجوع لحاضر#

اكسيل : ملي تبع عندك مابقاوش دوك ردات لفعل لعنيفة كتصدر منو او ولا منعا باتا يدابزو خوتو قدامو ولا يتفرج فشي حاجة فيها لعنف

طبيب : فندارك شنو تكون عئيلتك كدير بعدما غبتي عليهوم هاد سيمانة بلاما تعلمهوم

اكسيل : ساهلة مجد او جود او محسن اتلقاهوم شدو لعربون فديور او لبقع لي عندي يعني فهاد لوقت لي انا كندوي فيه معاك رزقي كيبيعو او يشريو فيه كيما بغاو هادا بلى لبيت لي دخلو هزو منها حوايجي او فرقوهوم بيناتهوم ، نزيه او رفيق تا هوما كي بواتهوم لحاجة لي صالحة فدار دارو لفراشة فزنقة او خرجو ايبيعوها باش داكشي لي شدو العبو بيه ماتش معا دراري ، هداية غتكون رضاتلي الدار حديقة لحياوانات فينما كاين شي حيوان تكون دخلاتو لدار ، نومنسا بعدما عطات لعربون فشي زبلة مشات تقلب على سطل تاع لحلوة ، ماسينس فيكون شد إقامة السكنة عند جيران لي عندهوم لبنت او ولا حاسب راسو من عئيلتهوم ، عريساتي بجوجات غيكونو مقابلين دراري صغار حيت بنتي صباح او ولدي مجد تزادو عندهوم لبنات اخيرا فهاد لعام ، بنت بنتي رباب او بنت ولدي هناء ، او جود ربا وليد صهيب ، عرفتي غي باش يتسماو هاد لاسماء صداع لي ناض عند رباب او هناء ناض محسن قال ليهوم نسميها الرݣراݣية تخلف بيها لمدرب الرݣراݣي لي فرحنا فداك لمونديال ياكما تخرج دكيا بحال ، نقز حداه مجد قالو ونا انسمي بنتي لياميقة باش ميخلعها لا لوكاكو لا خوه ، ملي عياو معاهوم عيالاتهوم نضت انا سميتهوم جات مرات ولدي قالت ليك والو نسمي ولدي ايرين جا راجلها قالها نون وكحل عيونو ميتسما غي ليڤاي ، نضت انا على نيتي كنسولهوم سميات تاع من واش روسيين واش علماء واش بلايص قالك لا شخصيات فلأنيم تاع هجوم لعمالقة ، بلفقصة سميت دري او مشيت تفرجت فداك لأنيم ناضي بروجولة

طبيب : داك لأنيم تاريخي مكاينش بحالو ، احن كمل ليا

اكسيل : فين وصلنا آه وصلنا لمرتي غتكون حازمة الدرة تاع حياتي براسها او كتبكي على لحاج فطيليفون او كتقول ليه دارها اعصار او تزوج عليا ، لحاج خص غا تبكي السمرة ايجي يسلخني انا بنتي حداها عيواض متصفي لخواطر كتقول ليها متكون غا شي بنت 2005 لي دارت بيه راهوم طيارات اختي او لفورمة (باش ميتقلقوش عنا بنات 2005 انا راني بنت 2005 ههههههه غي هو لا صدر لا فورمة داية الشنعة باطل ههههه) او مسبقا ليا ولدي ماسين غيكون ممسوقش ليهوم بتاتا هاز لميكة او كيلقط فزبل لي فجردة تاع دار ولا تاع شاريع معا نبوري ولا ݣالس كيتأمل سما او حداه نومنسا او هداية كيعاودو ليه قصة لمعيزات للمرة لألف هادا مكان ، آه او غزلان كتقري نزيه حرف السين لي هي أصلن كتنطقو ث او كتسما من دري انطق س ، ايه قبل منسا الى لقيتي شي صفحة فيها تصويرتي او مكتوبة تحتها لواليد مفقود او معندناش باش نقلبو عليه لحالة ضعيفة هادوك غي ولادي كيجمعو لفلوس على ضهري وصاف

طبيب : (سالات حصتو مع اكسيل او خرج بحالو محليه كيشرب فلما) بعد هاد لحضة تا انا خاصني نمشي عند شي طبيب شبت غا وهو كيعاود ليا على لكوارت ديالهوم كون كنت عايش معاهوم نضرب بلحجر ، بلاتي نشوف واش دايرين شي منشور عليه ( لقا واحد لمنشور فيه تصويرة اكسيل او تحتها مكتوب لأب مريض بزهايمر خاصو دوا او طبيب او لحالة ضعيفة) والله تا داروها ولاد لهم

#عند لغالية فدار#

لغالية : (قافلة لحامض او بطاطة لراس بزيف تاع حياتي كتبكي وتعاود) دارها لغدار دارها الحاج ، هادي هي فعايلو تزوج بلى خياري او مشا ادوز هو وياها شهر لعسال

لحاج : بلاتي على والديه في يرجع علميني نربي طاسيلتو

لغالية : واخة كون هاني ، شتي لغدار تاع بوك شدار ليا يعلم الله على أشمن بزولة متكي دبا تا تقطع حسو

صباح : ماتكون غي لبزولة ليمنية تاع شي بنت 2005 ولا بنت لآلفاين بصفة عامة راهوم طيارات

فلوقت لي كانت لغالية عايشة الدور فيلم من اخراجها كان جود او مجد او محسن مجموعين فلمكتب تاع اكسيل

مجد : هانتوما جمعنا لخير من لموقع

جود : سيفط دوك لفلوس لشي جمعية حنا درنا داك لموقع غي باش تصدقو فلوسو

محسن : قلبك عامر بلإيمان ، شديتي لعربون فديك دار

جود : لعشية نشدو انشاء الله او نضربها بواحد لغبرة فاعلة تاركة

مجد : فين داي نتا هاديك لڤازة ؟

رفيق : غادي نبيعوها

محسن : حمدتك ياربي وشكرتك تحيدات منو ديك يا

مجد : فين نزيه ؟

رفيق : طاتي غزلان كتقريه عندو فرض سيمانة جاية فلعربية

مجد : قوليه نوض على سلامتك صفر من دابة شديتيه قرات طاطاك لحروف مزيان غي تقريه (هبط عند غزلان لي لقاها خاصة مع نزيه)

غزلان : هاه هادي ثمكة ماثي ثمكة ، عاود مورايا ثمكة

نزيه : ثمكة

غزلان : واماشي حرف ثاء وا حرف ثين (كتقصد سين) هانتا ثمكة ديالكوم ماثي ديالي

نزيه : ونتي قلتيلي سميتها ثمكة

غزلان : واث هادي بانت ليك ثمكة شنو كاين فتصويرة ؟

نزيه : حوتة

غزلان : باللغة العربية ثمكة

نزيه : ثمكة

مجد : سمكة اولدي سمكة ، ربي واش باغة دري ايجيب سفنج سير ابابانو عند ياسمين تقريك

نزيه : واخ

مجد : (مشا لكوزينة لاقي نومنسا كتبقشش) علاياش كتقلبي نتي

نومنسا : السطل تاع لحلوة عارف ماما فين خباتو ؟

مجد : قلبت عليه او ملقيتش فين حاطاه أجي فين واحد خوك من لبارح مشتو

نومنسا : هاء ؟ ماسينس ؟ مشا عند هبة لدال

مجد : مسخوط كيستاغل لفرص او خوك لاخر ؟

نومنسا : لاه فبيتو

هداية : (جات عندو كتجري) عمي فين بابا

جود : هاني اشكليطة ديالي باغة شي حاجة

هداية : أنا أنا دبا كنت غادة لبرا ياك او سفت واحد معيزات مسيت نزل وحدة نزيبها لدال هو يزي عندي مولاها قالك لا

جود : وراه معلوم ايقول ليك لا راه ديالتو

هداية : ولاه عندو بزاف ونا بغيت هي وحيدة

جود : هههههههه بغيتي غي وحيدة ملي يرجع با سيدي قوليه تشري ليك معيزة صافي

#عند اكسيل#

رجع لدار فين كان ݣالس جمع حوايجو او لكاضويات لي شرا لدراري عاد رجع لدار مع جوايه لعيشة هاديك ، او حدو دار سوارت فلباب او حلو لقا كولشي واقف كيتسنا فيه

اكسيل : السلام عليكم

مجد : وعليكم السلام لواليد غبرتي

اكسيل : خديت كونجي (شاف فلغالية) بلاما تبداي ليا شي فيلم متزوجت ما تصاحبت ما زمرت ، ونتوما لي باع شي حاجة ارضها ولي شد لعربون فشي حاجة تا هي ارضها ، ونتا سير جاب ماسينس من عند جيران

ماسينس : (دخل عليهوم مصدوم فإكسيل) بابا رجعتي

اكسيل : انا لي خاصني نسولك واش رجعتي

ماسينس : واه رجعت شنو جبتي معاك

اكسيل : جي غي بوسني أبعدا (جا عنقو او باسو هو او لوخرين) هاد اللعبة تاع رفيق او هادي تاع ماسينس او هادي تاع نزيه

هداية : با سيدي (جات كتجري عندو معنقاه او موراها نومنسا)

اكسيل : لحبيبة تاع جدها شكلاطة ديالي شوفي لمنيكة لي جبت ليك

هداية : ياه كبيلة قدي

اكسيل : هههههه واه كبيرة بحال هداية ، ونتي مغتسلميش عليا

نومنسا : (كانت مقلقة منو حيت مشا بلاما يديها معاه داكشي علاش دورات وجها عليه او مدات ليه يديها يبوسها ليها)

اكسيل : (جارها لعندو معنقها) شكاديري لتعفار ولا ، زعما مقلقة ولا كيفاش على هاد لحساب انعطيهوم هوما شكلاط لي جبت ليهوم نتي بلاش

نومنسا : (غي سمعات شكلاط بدات تعنق او تبوس فيه) لحبيب ديالي پاپي توحشتك

اكسيل : احياني عليك اسليحفانة ، ها لپوپية ديالك صباح فريق ليهوم هاد شكلاط ابنتي

صباح : واخ (جات سلمان عليه أبعدا) شطنتينا عليك

اكسيل : (سلم على كولشي عاد مشا ݣلس) فين ماسين مبانش ليا ؟

ماسين : سلام عليكم (دخل عليهوم او مشا عند اكسيل باس ليه يديه) بابا لاباس

اكسيل : (تصرفو خلاه يبتاسم معرفش هاد لقعيدة مناش هزها تا واحد فخوتو مكيبوس ليه ليد تال هادا ، مد يديه مخربق ليه شعرو) لباس عليك

ماسين : لاباس

لغالية : هاك كول هادي

ماسين : لا

لغالية : هاك دوق غي هادي راه شوي تاع سكر مغيدير ليك والو

ماسين : لا مكيعجبنيش شكلاط لحلو

لغالية : كاين لي مكيعجبوش شكلاط حلو الهبيل

اكسيل : خلي دري ماحدو مقتانع ، او زيد عليها هو مولفش كياكل لحاجة لحلوة داكشي علاش لحلاوة كتقطع ليه لقلب دبا

لغالية : نسيت ديك لقضية تعشيتي ؟

اكسيل : لا باقي

لغالية : هي انتعشاو مجموعين ، نوضو غسلو يديكوم

ناضو غسلو يديهوم او تجمعو على طبلة تعشاو ليهوم عاد كل واحد فيهم طلع لبيتو ينعس

اكسيل : (دخل عليها لبيت حيت كانت سابقاه ليها ، لقاها كتمشط لشعرها ، مشا قرب ليها ) شبعتي سيناريوهات الغالية مع راسك ياك

لغالية : الله ينعل الشيطان

اكسيل : متنعليش راسك (هانتوما على سي إكسيل يقصف ولا يبالي هههههههههههه)

لغالية : ايوا حاشاك

اكسيل : ههههه غي ضاحك معاك

لغالية : تقارني بشيطان ، كتقارن لأستاذة بتلميدها ماشي حشومة

اكسيل : عارفة راسك أبعدا

لغالية : (ناضت عندو معنقاه) توحشتك خويتيها عليا

اكسيل : تا انا توحشتك

لغالية : (وقفات على صبعان رجليها او دورات يديها على عنقو مقربة وجها من وجهو او داوية بإغراء) غدا شنو ؟

اكسيل : شنو ؟

لغالية : غدا عيد ميلادك وصلات طناعش يعني دخل نهاز زوايوزاني ڤيغسيغ حياتي كل عام ونتا بالف خير

اكسيل : ههههه شحال درت دبا ؟

لغالية : دخلتي دبا ف52 عام بطولة لعمر انشاء الله

اكسيل : شرفت

لغالية : هههههههه انا هاد الساعة لي شرفة اما نتا عاد مكتصغار بلأخص (غمزاو) فين ايبان لموطور تاع لفيراري قدام ديالك هههههههه أجي دبا 52 عام او هو عندك تأ اعشرة خاصو لمتحف هههههههه

اكسيل : مشربتيش دواك

لغالية : نتا دوايا باقي مشربتك (باستو من فمو) شنو بغيتي فلكاضو ؟

اكسيل : امممم بلاتي نفكر شنو بان ليك تكوني نتي هي لكاضو

لغالية : ههههههه مكرهتش ولكن لويداد لاعبة

اكسيل : هي كون غي طولت لكونجي هه

لغالية : هههههه (قرب عندها دامج شفايفهوم فقبلة عميقة وحنينة ختماتها لغالية للعضو لي عضاتو فشنفتو لتحتانية) تاقي الله راني ختم فلإسلام

اكسيل : ههه شوف ليك لحاجة كتدوي

لغالية : هاد ساعة باقي محجيت يالاه درت لعمرة

اكسيل : خاصك توبي باش نمشيو نحجو

لغالية : ههههههه الله يهديني نمشيو نعسو

اكسيل : انا غنمشي نطل على لبيرو ديالي وعلى دراري

لغالية : واخ تصبح على خير

اكسيل : ونتي من اهل لخير

خلاها مشات تنعس او داز هو لبيرو ديالو ݣالس فيه كيفكر او مخلي ضو طافي تا تحل عليه لباب او دخل شي واحد كيتمشا بلى حس

اكسيل : (قدر اميز بضو لخافت شكون دخل) ماسين باقي منعستي ؟

ماسين : (خلعو) بابا ؟ نتا هنا ؟

اكسيل : (شعل ضو تاع لفيوزة لي حداه) واه ، بغيتي شي حاجة ؟ شنو مخبي مور ضهرك ؟

ماسين : والو

اكسيل : قرب لهنا نشوف

ماسين : (قرب عندو ماد ليه واحد لباطة) ها هادي ديالك حيت عيد ميلادك

اكسيل : (ترخاو تعابير تاع وجهو او خدا منو لباط حالها ولافي فيها تسبيح من لخشب ، كانت حل حبة فيه منقوشة) نتا لي صايبتي هادا ؟

ماسين : صايبو معايا لمعلم تاع لخشب عندمن كنمشي

اكسيل : (خربق ليه شعرو او هزو عدو مݣلسو على رجليه) جا زوين بزاف كنت باغي شي تسبيح بحال هادا ، مابغيتش تعرف شنو جبت ليك معايا

ماسين : جبتيلي شي حاجة ؟

اكسيل : معلوم غنجيب ليك ، غنجيب لوخرين او نخليك نتا (جبد واحد لبكية تاع شكلاط لمسوس ولي كان باين بلي دايرة تمان) هادا الشكلاط لي كيعجبك

ماسين : شكرا

اكسيل : ولكن ماشي حادشي لي جبت ليك (هز واحد لفكرون صغير بزاف كان دايرو فكارطونة او حطو قدام ماسين)

ماسين : فكرون ؟

اكسيل : واه فكرون ، ݣاع خوتك او ولاد خوك عندهوم حيوانات ديالهوم الى نتا داكشي علاش جبت ليك هاد لفكرون سكوتي مفيهش صداع او كيعجبو لهدوء او مكيوسخش بزاف او مافيهاش شعر يتساس ليه ونتا تجمعو موراه ، ولكن تا هو روح خاصك ترد ليه لبال باش ميموتش ليك ولا ياكلو ليك شي حيوان آخر

ماسين : واخ

اكسيل : سير دبا تنعس غدا واجي هزو ملي تختار ليه بلاصتو او تصايبها ليه

مشا ماسين خرج من لبيرو ديال اكسيل مخليه كيتأمل داك تسبيح او كيحاول اتخايل كفاش كان ماسين مركز مع لمعلم كيتعلم كيفاش ينقش على لخشب او يبردو ، بقا شحال ݣالس فلمكتب ديالو تا تعطل لحال عاد مشا ينعس تا هو

لغالية : (منين فاقت او هي جري منهنا او من لهيه كتوجد لعشا تاع عيد ميلاد اكسيل ، ما ولفوش كيحتافلو بعيد ميلاد لكبار ولكن هاد لعام قالو ادوزو وقيتة زوينة بلأخص بعد لغبير تاع اكسيل حسات بلي خاصو جو زوين) تجمعو لعشا تحط

مجد : هانتا الواليد دارت ليك لغالية هذا مربع او تا لكاضو ديالنا مبرع

اكسيل : (ترأس طبلة لي كانو ݣالسين فيها مجموعين من صغيرهوم تال كبيرهوم) شمن كاضو هادا الواليد

جود : (عطاه واحد لباطة) هانتا الواليد شوف او رض علينا واش عندنا الدوق ولا لا

اكسيل : (حل لباطة لاقي فيها سوارت تاع طونوبيل)

محسن : عرفتي اعمي اكسيل خدينا ليك واحد طونوبيل ناضية ساوية خمسة او عشرين مليون او مرتك ليها لفضل

اكسيل : الشركة ديالك ولات ترجع لملاين فلارباح ونا مفخباريش

لغالية : ههههههه الله يهديك انا عاد قلت بسم الله طونوبيل باقي متخلصات تا حطينا عندهوم شيك ديالك مسيني غدا ملي تكون مسالي دوز خلص طونوبيلتك او بصحتك احياتي

اكسيل : وكاضو نيت هادا

مجد : او مالك ماشي احسن كاضو ختارينا ليك شكل او لون تاع طونوبيل نتا شنو عليك غي تخليها صافي

هداية : ليوم عيد ميلادك ابا سيدي ؟ سحال درتي ؟

اكسيل : 52 عام ابنتي

نزيه : (بدا كيحسب بيديه) سالاو صبعاني او باقي موصلت لعمرك

رفيق : كون كملتي لحساب بصبعان رجليك

هداية : شري ليا ابا معزة لازل تاع لبالح مابغاش يعطيني واحد لمعزة

اكسيل : ههههه واخة ابانو انشري ليك معزة

جود : شرفتي الواليد

اكسيل : الله اكبرنا فطاعتو اولدي

حط معيلقتو او بقا كيشوف فيهم واحد بواحد او هو مبتاسم بفخر ، ماشي بوحدو لي تزادت خمسنين فعمرو تا ولادو كبرو او كل واحد فيهوم قصتو كبرات معاه او غتسالي معاه كيما بدات

او قصة عروسة الشتا هنا سالات

النهاية