دحماني : ايوا صافي راه معندك مناش تخاف راني رشيت سيفط لفلوس لمسؤولين تاع لمحكمة او وصيتهوم عليك
عبد الله : او داك لقاضي تاع جود ؟
دحماني : معندو ميصور راني رشيت دوك لي كبر منو غي تيق فيا
عبد الله : نتا باقي فلمغرب ياك ؟
دحماني : واه راني باقي مخبي هنا كنتسناك تخرج من هاد لقضية باش نحرݣو بجوج
عبد الله : ان شاء الله
قطع معاه او قاد تكية ديالو سيد مقاداه فرحة
#فصباح#
بضبط فجلسة لمحكمة كانت ياسمين ݣالسة لور دايرة كمامة او حداها كاين اكسيل او مجد او محسن او تا غزلان اما صباح فمشات هي او دنيا اݣلسو مع لغالية ، وعلى لجانب لاخر كان سليمان او ناصر او كلتوم ݣالسين كيستناو ، هزات عينيه فدوك لمحركين لي كانو لبلوسي كيدخلوهوم واحد مور واحد تا قشعات عبد الله بيناتهوم داخل بواحد طاقة إيجابية عكس دوك لي معاه ، دققات شوفة فوجه كل واحد فيهوم مخلية عقلها يستحضر داك لألم لي عاشت فطفولتها بسبابهوم ولي باقة كتعالج عليه لدابا ، دخل جود لمحكمة او بدات لجلسة لي كانت طولات شوي بسباب لمماطلة تاع لمحاميين ديالهوم
جود : (طلع ليه كولشي فكغو او اخيرا لقا راسو كينطق بلحكم) كل من (ذكر لأسماء تاع ريوس لحربة منهم داك دحماني ، انا عبد الله لا) متهمون بترأس عصابة مكونة من 25 عضو ، لخطف القاصرين و التجارة بهم بمختلف أنواعها بالإضافة إلى التعذيب و الحبس ، فمنذ سنة 2005 الى سنة 2017 اي ما يقارب 12 سنة تم العتور على ازيد من 300 قاصر ثبت أنه كان ضحية هذه العصابة ، حيث اثبت ان مايعادل 75 عملية اجهاض غير قانونية تم اجراؤها في حق قاصرات و قد وافت المنية 20 منهن حسب التحقيقات ، بالإضافة إلى التجارة بأعضاء ازيد من 100 قاصر و ثبت وفات ضحايا اخرى جراء هذه الممارسات ، بالإضافة إلى التجارة بالبشر للخدمات الجنس’ية و الدعارة ، بالإضافة إلى التجارة في المخدرات و استغلال القاصرين لتهريبها
حسب القانون الجنائي تم الحكم على كل من رؤساء العصابة بالاعدام مع غرامة تقدر ب55 مليون سنتيم (الدحماني واخة ماشي معاهوم تحكم عليه) ، و لباقي الأعضاء التي شاركت في تطبيق الجنح بالمؤبد مع حق الاستئناف بعد 15 سنة مع غرامة 20 مليون سنتيم ، و ما بين 5 الى 7 سنوات لكن المتورطين و المساعدين على التستر على جرائم العصابة مع غرامة تصل ل15 مليون سنتيم
عبد الله : (كان كيشوف قدامو دوك لي حداه هالي كيبكي هالي شاد راسو او جود مكاين غا مؤبد اعدام خمسنين لفوق ، مغيكدبش او يقول بلي مدخلوش لخوف ولكن كان تايق فدحماني فلأخير راه لملاين صحاح لي عطاه)
جود : (شاف فعبد الله او دوا بتقة) الجاني عبد الله المتهم بالتجارة بإبنته الضحية ياسمين التاجي لأعمال الشعوذة و الإستغلالات الجنسية بالإضافة إلى استدراج الضحية و اخذ مبالغ مالية كبيرة من كل من الجانيين الياس لمرق و الدحماني ، بالإضافة إلى المساعدة على اتهام الضحية بجنحة حيازة المخدرات للتستر على القضية ، و حسب القانون 27_14 تم الحكم على المتهم ب45 سنة سجن نافذة مع غرامة تصل الى 30 مليون سنتيم وحق الاستئناف بعد 25 سنة رفعة الجلسة
(كنعاود نقولها ختكوم ليست على دراية بالقانون انا راه غي تخايلت كغي قاضية او حكمت عليهوم كيما تشهات خاطري عاد غي حشمت ايما كون درت ليهوم 250 عام واجيو حيدوها ليا من فمي ههههه)
كلتوم : ولدييي (غي سمعات لحكم غوتات قبل مطيح سخفانة)
عبد الله بحالا صرفقو شي واحد هو لي كان على نيتو كيتسنا احكمو براءتو تا سمع ديك 45 عام تما حس بواحد لقالب تاع سكر طالع معاه مفهم تا وزة
عبد الله : (ملي سمع صوت لمطرقة تاع لقاضي فودنيه بحالا ركباتو جهالة بدا غا كيغوت) مدرت والو مدرت ولو أنا بريء انا بريء
غزلان : (كانت كتبكي حيت مكانش ساهل عليها تشوفو فهاد لوضع او فنفس لوقت عارفة انو يستاهل هادشي لي وقع ليه ، يمكن بالنسبة لياسمين كان اب خايب ولكن هي كان كيعاملها مزيان فهاد لمدة لقصيرة لي عرفاتو فيها واخة شي مرات كتلقا راسها شاكة فواش فعلا عبد الله قاد يبغي شي حد)
عبد الله : (نوض روينة ولا غا كيغوت او ينقز تما ولبليس دخلو او كالاوه معا لحيط راضين ليه يديه اللور ، هو ديك الضور لي ضور وجهو قشع ياسمين معاودش ليكوم سيد بحالا حكو ليه لحارة فقزيبتو ، ناض كيغوت او يسب تقول كواه عجل) جيتي تشفاي الكلبة عجبك لحال ، دخلتي باك لحبس بحالك بحال مك غي بنات لحرام الله الݣيها ليكوم هي مامات تا شيباتني ونتي باغة تقتليني اطحبة الخانزة شبعو فيك كوا فلبيران او جاية ديري فيها حجابي عفتي ، دوي اشمكارة نسيتي يامات طاسة او طحاب اطحبة
ياسمين : (دموعها خانوها بلاما تشعر اخيرا خدات حقها اخيرا ديك لعافية طفات داخلها ، ولكن كلامو كان باقي كيجرحها ، مابقاتش بغات تشوفو ولا تسمع سم ديالو هي تخرج بحالها)
عبد الله : (زاد جعر) رجعي الكلبة مشيتي غرقتيني ومشي الله الݣيها لجدك الله اتبعك لكلبة تاع مك الخانزة
ياسمين : (خرجات من لقاعة تاع لمحكمة هي لولة عاد موراها خرجو لوخرين)
محسن : زعما دوك رباعة غيتعدمو بصح ؟
مجد : لا لاعدام غا كيحكمو بيه مكيتطبقش بعد مدة غيرجعوه ليهوم مؤبد ، لواليد أتمشي لسبيطار دبا
اكسيل : اندوز لدار نبدل عليا عاد انرجع لسبيطار ، ركبو نوصلكوم معايا
محسن : واخ ولكن فين ياسمين مغتمشيش
غزلان : غتكون مشات كتسنا جود حدا طونوبيل
ياسمين : (فعلا كانت واقفة حدا طونوبيلة جود كتسنا فيه ايجي تا شافت سليمان او كلتوم لي كانت فاقت من سخفة جايين عندها)
كلتوم : (كانت حالتها حالة بلبكا بدرع باش واقفة على رجليها ، قصدات ياسو شادة ليها فيديها او كتدوي بترجي) لعار ابنتي مشوفي كي ديري تخرجي باك من لحبس ها لعر ابنتي راه حيبقا باك ترضاي ليه ادخل لحبس فخر يامو
ياسمين : ولدك غلط او خاصو ياخد عقابو ونا معندي مندير ليه
كلتوم : (ركعات عند رجليها تبكي او ترغب) عندك ماديري عندك كي فاش تفكيه ، ها لعار متشديش ليا ولدي وحني فيه راه باك او ميمكنش ايكون دار فيك هاكداك ، ولدي مسكين ماشي تاع هاكداك غي ضحكو عليه او طمعوه
ياسمين : (كانت تأترات ببكاها فلول ولكن حملتها لأخيرة خلاتها تراجع) هههههه واش منيتك باقة كدافعي على واحد بحال هاداك انا حفيدتكوم من لحمكوم او دمكوم شتوه كفاش كان معيشني انا وهي او مع ذلك سكتو بعينيكوم شنو شنو دار فيا باش تجي تقوليلي ولدي مسكين ميديرهاش جبتيلي الضحك والله ، سمعيني من لخر ولدك لحبس رحم ليه من داكشي لي كان يستاهل بحال ولدك سرو اتسطا ويبقا يجري فزنقة اضرب الناس بلحجر تا دوز عليه شي طونوبيل طحنو باش تا يلى بغا يتوب ميكونش عندو لعقل تاع توبة او دبا عطيوني شي شبر تاع تيساع
جود : (بدرع باش قدر اتجنب الصحافة ، ملي مشا لفين بلاصا طونوبيلتو قشع كلتوم محنية عند رجلين ياسمين او كتبكي) ياسمين يالاه نمشيو
ياسمين : يالاه
جود : (مدواش معاهوم بتاتا او جر ياسمين مركبها فطونوبيل او ركب هو حداها مبعد عليهوم) تبغي نمشيو لشي بلاصة ؟
ياسمين : خلينا نمشيو عند عمتي نشوفها شديتي لكونجي ؟
جود : دفعت شهادة طبية فيها تلاتة تاع سيمانات
ياسمين : وايلي وشنو ضارك بسلامة
جود : ضارني قلبي
ياسمين : هاد ساعة بانلي تبك لي ضارك
جود : هههه مال فمك خسر عاود
#عند لغالية#
كانت متكية فلبياص او صباح او دنيا ݣالسين حداها
لغالية : سالاو دراري سباغة تاع لبيت ؟
صباح : هههههه ناضو دراري سبغو بيت ماسين او ماسينس بشيبي او لسقو فيه شي زواقات او رسمو فيه شي حوايج تاع دراري ، ناض مجد بدا كيرسم باربيات او مدخل لون لوردي او لبنفسجي حقا غنولد بنت او خاصها تبقا معا خوالها فلبيت
لغالية : تسطيا فداك دري لبنات بغاو اخرجولو عقلو كون عرف عندك دري ايطيح فيه نص
مجد : شكون لي حاملة بدري ؟
صباح : (قفزها) ياتا دير غا لحس
مجد : ماتقوليش ليا تا نتي حاملة بعزري
محسن : (ربت ليها على كتافو) لمكتاب اعشيري تا انا لبارح صدماتني
مجد : عيقتو و الله تا عيقتو وا بزاف لي جات فيكوم تولد ذكر ونتوما لي جافيكوم احمل بدري متعرفوش كفاش كيولدو لبنات ، طلعنا زرق فراس بغينا لغوز بغينا فبنفسجي بغينا نشوف لبانضات لمقابطات
جود : سمح ليهوم اسي مجد لمرة جاية ميعاودوهاش
اكسيل : هاحنا غنشوفوك واش اتكتر دراري ولا لبنات
لغالية : اكسيل مجبتي معاك والو جاي طويل ونتوما لي معاه لواحد ملي كيزور فسبيطار كيجيب لحليب دانون ماضلين
محسن : (زلقات ليه) دانون او ماضلين اوحق دوك لفرمليات لي مقابلينك شارفة على ختها
صباح : (حمراتهوم فيه) ميبقاش فيك لحال ايقابلوك لفرمليات تاع روضة
محسن : ههههه غا ضاحك معاك
مجد : غدا اتولدي ياك ؟
لغالية : لا
مجد : ياك عدة ادخلي فتسعشهور
لغالية : ايوا ملي اندخل ليها غدا عاد ديك ساعة نبقا نقول ليوم غدا
ياسمين : ايبنجوك كاملة ؟
لغالية : لا غا لكرش
ياسمين : طبيب لي ايولدك ياك
اكسيل&محسن : زمر لي غيولدها على قلت طبيبات
لغالية : كيقولو سبحان الله ملئ كيولدك الراجل ماشي بحال لمرا خليني انا يولدني راجل او صباح تولدها مرا صافي باش نعطيوحوم شكون حسن
صباح : ياك المرضية باغة داك لبوݣوص اولدك ونا دفعيلي ديك شايبة علاش انا لي ميولدنيش طبيب
محسن : ضاهرلي انا لي غنولدك ولا عرفتي شنو بلاما تولدي ديري كي لكنغرة
جود : وامي وامي على اللغة العربية بشدرتي ليها لكنغرة ؟ بحالك بحال صحاب لأسدة
لغالية : لحلوة تاع سبوع جابوها ولا باقي ؟
اكسيل : غيساليوها غدا
لغالية : كتر من شهراين هادي او عاد ايساليوها غدا مكايناش بزاف
صباح : ههه واقلة مفخباركش بلي لواليد طلب عشرة تاع شكال
لغالية : عشرة ݣاع ياك اودي لاباس
مجد : (غمزو اكسيل يسكت ولكن والو) على هاد لحساب اتيبسي ايلى سمعتي شحال طلب ، عشرين كيلو
لغالية : عشرين كيلو او عشرة تاع شكال راها مزيانة جوج كيلو فكلى شكل
مجد : ههههه الا عشرين كيلو فكلى شكل
لغالية : (شدات اكسيل بقرصة من يديه) واش باغي اخرج ليا لعقل نتا تسطيتي عشرين ايلو من كل شكل هي ميتين كيلو باغة نفتاتح كأس لعالم عندي
اكسيل : وراه لغاشي غيكون كتير
لغالية : علاش ايكون كتير دوك لي حيجيو بصدقة لي غيجيو
اكسيل : مالي داير صدقة سبوع كولشي خاصو يجي
لغالية : كولشي خاصو يجي والد ليهوم ولي عهد النمسا
اكسيل : صحابي ايجيو او ولادهوم ايجيو دوك لي خدامين معايا ايجيو او عئيلتي اتجي من مي و با ، ولحاجة اتعرض على صحباتها او لحاح على صحابو وخوتي على صحابهوم او عئيلتك او صحاب دراري او شي معارف
لغالية : لي هي شحال من طبلة ؟
جود : ايلى جاو غا دوك لي عرضنا عليهوم عندك 120 طبلة تاع عشرة دناس (عئيلة جداتي دارو لعرس فهاد الصيف وصلو 1200 خلق هههه او كاين لي محضرش)
مجد : او حيت توام غيضوبل تا لعدد
محسن : عطي لماط بتيساع
لغالية : هاويلي حي على 120 طبلة او تاع عشرة دناس واش بغيتو تسكتولي لقلب واش بغيتوني نولد بلى وقت
صباح : معندك مادير حنا صحاب شلوح هاكدا كنعرضو على ݣاع دوك لي كنعرفو او دوك لي كنعرفو كيجيبو معاهوم دوك لي كيعرفو تا كنصدقو فموسم ههه
اكسيل : نتي غا بلاما تعمري راسك بهادشي راني وصيت على لقياطن لكبار او دبايح او دجاج لقوام ݣاع تاع لماكلة وصيت عليه
لغالية : شحال من دبيحة ناوي دير على هاد لحساب
اكسيل : عندك حولي لطبلة وليلا زدنا دوك جوج بݣرات او حساب ستة تاع دجاجات لطبلة غتجي ديك ….
لغالية : تجيك لموت على هاد لغدايد ونا كنقول مال سيد قال ليا خلي كولشي عليا نتي غي عرضي على دياولك ونا نتكلف بدياولي
اكسيل : مالك على لحسابات كولشي في سبيل الله شحال قد لواحد ايعيش غنوحلو لبشار او نصدقو منو او ناكلو منو ݣاع ميبقا او هانتي تشوفي
لغالية : ايوا على هاد لحساب فينما تزاد شي بعلوك فلعئيلة غيكون عندنا لموسم ياك ، ايميلشيل عندها لموسم تاع زواج حنا نديرو ليهوم لموسم تاع سبوع او طهارة
مجد : انا عطيوني نجمع غي لغرامة
جود : باش لي جمعتيه تعلقو لشيخات
مجد : اتجيبو شيخات احسن حاجة غديرو
غزلان : متأكد احسن حاجة ايديرو ؟
مجد : شيخات حرام
ياسمين : او لحكام حلال
صباح : واقلة حنا نوضو نمشيو
لغالية : اكسيل سير معاهوم لتحت جيبلي شي حاجة نقرقبها ونتوما تسناو دنيا لتحت تا تخلط عليكوم
جود : واخ
لغالية : (بقات غا هي او دنيا) قربي لهنا
دنيا : (قربات عندها)
لغالية : (جبدات واحد لباطة حمرة او عطاتها ليها) هادا لكاضو ديالك تاع لحبالة
دنيا : (ملي حلات لباطة او لقات فيها جوج براسليات تاع دهب سداتها او رضاتها لغالية) منقدرش نشدها باركة عليا غا لخير او لفضل ديالكوم عليا
لغالية : شديها راني قلت ليك لكاضو تاعك هادا خليهوم عندك متعرفي لوقت شنو تجيب ليك ، او بلاما تبقاي تفكري فعمام راجلك راه ميقدوش اوصلو ليك ونتي معانا او واخة تا يجيو معندهوم ميصورو منك اكسيل مغيخليهومش اقربوليكوم نتي او بنتك امانة على رقبتنا
دنيا : (تغرغرو عينيها او عنقات لغالية) معرفت كي غندير مرض خيركوم سكنتوني فداركوم او نتي وراجلك مخليتوني مخصوصة من والو تا من حوايج بنتي او بيتها قاديتوهوم ليها فلبيت لمخيرة فدار خيركم سابق
لغالية : (دوات بضحك) هانتي عطيني بنتك نربيها راه واحد راجل عندي باغي يحماق على لبنات تولي نتي لي خيرك سابق عندي ههههه
دنيا : هههههههه حسبيها بنتك
لغالية : ايوا بقاي عاقلة على هضرتك متنكرينيش ملي تزاد ان شاء الله انرضعها مع ولادي باش تولي ختهوم برضاعة ، نتي غي تهلاي فصحتك او حنا معلينا غي نقابلوك نتي او بنتك لحاجة لي خدينا لدراري ديالتها معاهوم او معند دوك سلاݣط تاع عمام باها ميصورو منها
دنيا : الله ايجازيكوم بلخير او يكتر خيركوم او يخليكوم ديما مجموعين او يبعد عليكوم ولاد لحرام
لغالية : آمين أختي آمين
دنيا : نخليك انا دبا غيكونو كيستناوني لتحت ، بسلامة
لغالية : بسلامة
دنيا خرجات من عند لغالية او هي مطمنة على راسها او على بنتها معاهوم ، الله عز وجل خلق الناس مختالفين ها لي فيه لخير او هالي كاملو شر ، او هي بعدما توفا راجلها سندها او ولي كان مسخن كتافها ، هي لي كانت بلى بيه يتيمة لا من احن عليها ولا يعطف ، لقات غا دياب تاع عمام راجلها لي ضارو بيها طمعو ليها فرزقها او لحمها خلاوها على الضص ، هربان من تحت يديهوم او هي واحلة فروحها شدات طريق لبعيدة بلاما تعرف فين ولا عندمن تمشي تا لاقاها ربي براجل قام بدور لأب ليها مد جناحو مغطيها او حاميها هي وبنتها ، عئيلتو رحبو بيها وداروها وحدة منهوم ، كانت تقدر طيح بين يدين ولاد لحرام ، ولكن نيتها او صفا دقلبها جابلها ناس عارفة بينها او بين لي خلقها تبقاو الله فيها او صانو شرفها او كرامتها
#فلحبس#
كان عبد الله فزنزانة ديالو بحال آخر مرة ولكن لحالة النفسية ديالو كانت خايبة كيحاول ايصوني على دحماني ولكن والو ولد لحرام مكيجاوبوش
عبد الله : (هبط طيليفون مع لأرض او مشا كيضرب فلباب) خرجوني منهنا مدرت والو بنتي ونا حر فيها خرجوني منها عيطو لديك لكلبة تخرجني منهنا ، جاوبني اولاد طحاب جاوبوني ولا دايرين كركوك مكتسمعونيش ، خرجوني منهنا ينعل التامل بوكوم ، جيبولي لحمار تاع دحماني دالي فلوسي ونكرني راني فرزقي
بقا على ديك لحال كيغوت او يتنتر تا جاو عندو واحد جوج بولسيين طول فلعرض دواو معاه فلول بلغة لإنسان ملي لقاوه مكيفهمش او باقي كينقز عليهوم او يسب , قلبوها لغة لحيوانات او عطاو لجدو واحد لملخة تاع لعصا دايزها لكلام عاد خرجو او خلاوه ، باقي كيغوت او يسب واخة ديك لقتلة لي كلى
#بعد أيام#
مع جوج دليل كان كولشي خرج من دار كيجري لسبيطار مخليين ياسمين بوحدها فدار مع دنيا ، حيت جاتهوم لخبار بلي لغالية شدها لوجع او غيدخلوها تولد
اكسيل : (كان واقف حدا لغالية لي كان لوجع داير فيها مابغا) مابقا والو قريب ادخلوك تولدي صبري غا شوي
لغالية : (ولات مزنݣة بلبكا شادة كرشها بيديها) اربي غنموت غنموت اربي اكسيل دير شي حاجة مابقيتش قادة هئ هئ عاونوني غنولد
مجد : (وصل لسبيطار مخلوع كتر من باه تقول هو لي غيولد ، لابس صورك تاع دار مرسومين فيه دلافين او توني بيض) وبدات غتولد بلاش ؟
جود : بشوية عليك انتسناو لواليد اخرج عندنا او شهادشي لابس
مجد : راني خرجت زربان ونتا لي كتدوي لابس صرفاقة ياسمين او قبيتها لوردية كتبان كي دوك زوا’مل تاع ميريكان
محسن : هههههه ناري أصاحبي لخلعة دارت فيكوم مابغات
صباح : (كانت كرشها منفوخة شوي او غادة وكتبان ، طرطقات فيه عينيها) كضحك عليهوم ونتا قائل ليهوم شكتعرف حيد لپينوار تاع نعاس ديالي حيد
محسن : (عاد رد لبال بلي كان لابس پينوار مشبك تاع صباح فوق توني حيدو بزربة) ونا كنقول علاش لي داز كيشبع فيا ضحك
صباح : علمتو لحاج ؟
مجد : راني علمتو او راهوم فطريق دبا
اكسيل : (دخلو لغالية باش تولد او خرج هو عند دراري)
محسن : صافي ولدات ؟
اكسيل : يالاه دخلو ايديرو ليها لبنج
صباح : (قفزات ملي سمعات لغوات تاع لغالية باقي) ناري هادشي كيتسناني ؟
محسن : شنو بان ليك بلاما تولدي خليه معاك ها لغالية بغات تخرجهوم شوف غواتها
مجد : دبا انا مفهمتش واحد لحاجة علاش خاصها تولد بلفتيح ؟
اكسيل : حيت قالت ليها طبيبة عندها لعضام تاع لحوض مقربين معند دري مناش ايدوز
جود : (شاف فمحسن او سولو بشوي) دبا كون مكانتش اتولد بلفتيح كان خاص دري اخرج من لتحت
محسن : صباح لخير سي جود
جود : مطنزش كي غيدير اخرج بنادم من داك ديق
محسن : لحم كيتجبد او يقدرو اشرݣو شوي
جود : (خصر سيفتو) ضراتني كرشي
محسن : مالك اسحابليك لولادة ساهلة سمع غا لغوات تخايل معايا تقبة قد هاكدا ايدوز منها بنادم راه لمعانات
جود : او ملي يا ولد طحبة عارف هاد لعداب ݣامل كيدوز عليهوم لاش محمل ختي ؟ باغي هادشي ايدوز عليها
محسن : داك لكعبي غي زلق لينا او عنداك نتا متولدهومش (من غير اكسيل تا واحد مكان عارف بلمشكل تاع ياسمين ، جود نقابها لحد ماشي حيت باغي اخبي ولكن جاه امر ماشي بضرورة كولشي يعرفو)
جود : لا لا ابدا واش نخلي مرتي انا تولد مالي تسطيت انا راه غا سمعت او شدني لوجع بحالي شي حاجة بغات تخرجلي من لتحت ، انا اسيدي غنجيب دراري واجدين ناضيين
محسن : احسن حاجة غدير
#عند ياسمين#
ملي بقات بوحدها فدار مشطونة على عمتها طار ليها نعاس او هبطات لتحت شعلات تلفازة وبقات كتفرج فواحد لفيلم فحين دنيا لي كانت ناعسة تا صونات ليها الساعة مع ديك الربعة عاد فاقت توضات او صلات لفجر وبقات كتسنا صبح اودن باش تصليه ، او ديك بوقفة لي وقفات شبر معاها لوجع مخليها كتعض على شنايفها باش تكبح تأوهاتها ، شدات كرشها بيديها او مشات كتمشا فاتحة لباب دبيتها او خارجة تقلب على شكون ايعاونها تا ضربات فياسمين تما
دنيا : (بدات كتعراق او كتفقد تحملها) عو..نيني عافاك آي كرشي وامي كرشي
ياسمين : دنيا (ضارت جيت صوت وبقات غا كتشوف فدنيا لي كانت حالتها حالة عرقانة او بدرع باش كتمشا ) مالك ضاراك شي حاجة ؟
دنيا : ل.لوجع لوجع غ.غنولد آي اربي اربي آه آه غنولد عاونيني ها لعار راني كنموت آربيييييي
ياسمين : غ.غ.غتولدي ولكن راه تا واحد مكاين فدار اوصلنا ونا معنديش لپيرمي ، انصوني على عمي اكسيل ايجي ولا شي مول طاكسي نتي غي ݣلسي هنا صافي (عاوناتها تا ݣلسات او مشات هزات طيليفونها مصونية على دراري او اكسيل ولكن تا واحد مشاعل طيليفونو ، صونات لطاكسيات تا هوما والو قالك دايرين اضراب) شغنديرو دبا انا غنصوني لومبلونص عالله تجي بكري
ياسمين : (شافت بلي لومبلونص تعطلات او دنيا لي كان وجها بيض ولات حمرة حمرة او كتغوت لربي لي خلقها تا من رجليها فشلو عليها ، هزات طليفونها عاود او صونات هاد لمرة لغزلان)
غزلان : الو ياسمين راك فسبيطار انا وماما فطريقنا عندكوم
ياسمين : فين غادة اصݣعة جيو لدار دنيا راه شادها لوجع باغة تولد او تا واحد مكاين معانا تا من لعساس مكاينش او لفرملية ديالها مريضة مجاتش
غزلان : واخة هاحنا جايين ، ماما قلبي طريق لدار عمي اكسيل دنيا كتولد
سناء : واخ
ياسمين : هانتي شهيق زفير شهيق زفير (شافت لما نازل مع رجلين دنيا) ياه بلتي ياكما اتخراي بعرض سطل
دنيا : (تجمعات عليها الضحكة ولوجع بحال باك فاش كيكون كيسلخك او كيحيد السمطة تاع سروال باش اكمل عليك بيها تا كيطيح ليه سروالو) ماشي بلت راه السݣية لي طرطقات
ياسمين : وايلي عندك سقاية تما
سناء : (وصلو عندهوم لدار) فين هي نديوها لسبيطار
ياسمين : ها هي عاونوني فيها
دنيا : (غا وقفوها بدات كتغوت كتر من لول) لبنت غطيح غطيح الراس خارج
سناء : (تحنات او طلات عليها لاقياها فعلا غتولد) سيدة غتولد عاونوني نديها لبيتها قبل مطلق لبنت هنا فلأرض
دنيا : (رجعوها لبيتها او تكاوها فوق الناموسية) ياربي ياربي كنموت
سناء : (طلعات ليها پيجامتها او نصلات ليها شورط او سليپ لي كانت لابسة او فرقات ليها رجليها) سيرو سخنو ليا لما او جيبو شي فوطات
غزلان : شبغيتيهومو
سناء : (كانت كتجمع فشعرها او طلع فكمامها) شنو بان ليك غندير غنولدها
ياسمين : ويلي على تولديها ويلى وقعات ليها شي حاجة ؟
سناء : راه ايلى زادت تعطلات لي غتوقع ليها شي حاجة مغنجيو فين نوصلوها لسبيطار تا تكون ولدات ، سربيو غتبقاو تجمعو معايا (مشاو لبنات ايجيبو ليها داكشي لي وصاتهوم عليها) هانتي ابنتي طلعي نفس او نزليه غي بشوي اتفكي على خير
دنيا : اوه اوه اوه اوه
ياسمين : (جات هي او غزلان كيجريو) ها لما ها لفوطات
سناء : (كانت تا هي متوترة) دوزو حداها شدو ليها فيدها او ديرو ليها شي زيف فمها
دنيا : (شدو ليها فمها بكتانة باش تقد تعض فيه)
سناء : هانتي انا غنبدا ونتي زحمي ، يالاه بسم الله (بقات دنيا اتزحم ولكن والو مابغاش راس لبنت اخرج) زيدي زحمي ابنتي زيدي الله يرضي عليك مزيدي زحمي لبنت اتخنق ليك
دنيا : (كتعصر او تعاود)
سناء : شي وحدة فيكوم تبرك ليه على كرشها تعاونها فدفيع
غزلان : (بدات كتبرك ليها على كرشها باش تنزل)
سناء : (حسات يديها فيها كتحاول تجبد لبنية او دير هاد لخير فهاد سيدة او تفك وحايلها)
ياسمين : (صونا ليها طيليفون او ناضت تجاوب بزربة) عمي اكسيل
اكسيل : لقيتك ابنتي صونيتي عليا عمتك غا شوية هادي باش تفكات او داوها لبيتها ، ملي هزيط طيليفون لقيتك مصونيا واقعة شي حاجة
ياسمين : دنيا اعمي اكسيل كتولد..(قبل متكمل كلمتها تسمع صوت روح خرجات لدنيا بعد صراع طويل) ولدات اعمي
اكسيل : (تهزات شي حاجة اوسطو ملي تسمع صوت ديك الطفلة فودنيه للحضة حس بقلبو قفز من بلاصتو) فينكوم نتوما دبا
ياسمين : فدار خالتي سناء هي لي جات ولداتها
اكسيل : انا غنجي دبا مع لومبلونص
ياسمين : واخ
سناء : (قدرات اخيرا تولد دنيا او تخرج لبنيتة منها ولي كانت كتغوت بحالي كتقولهوم اخيرا خرجت لهاد دنيا ، بزربة لواتها فواحد لفوطة او قطعات ليها لحبل السري)
غزلان : ماما دنيا سخفات
سناء : (هزات فيها عينيها او بدات تحركها) دنيا فيقي ابنتي راه باقي توابع مهبطو ليك فيقي
دنيا : (لي كانت غيبات لحضات قليلة عاودات ضرباتها لفيقة) بنتي ؟ بنتي فين هي
سناء : (حطاتها ليها على صدرها) هاكي ها بنتك ولكن زحمي راه توابع باقي منزلوش ليك
دنيا : (جهد باش تبقا تزحم والو مابقاش عندها عنقات بنتها لأول مرة بحالي آخر مرة غتعاود تشوفها)
سناء : خصها ضروري تمشي لسبيطار توابع حصلو فيها
ياسمين : عمي اكسيل راه جاي فطريق يمكن هو هادا لي جا (خرجات عندو هي او غزلان ) عمي اكسيل
اكسيل : فين هي دبا ؟
ياسمين : راها فلبيت ولدات ولكن توابع حصلو فيها
اكسيل : لومبيلونص ها هي هنا ايدخلو اهزوها
سناء : (خرجات عندو) اكسيل تكلم لدنيا بغات تدوي معاك
اكسيل : ماشي وقت لهضرة هادي اسناء خاصها تمشي لسبيطار
سناء : لبنت قالت ليك بلي معندها فين تمشي تا تدوي معاك دخل عندها
اكسيل : (شاف تا عيا او دخل عندها لاقي سناء غطات ليها نصها بليزار او قادات ليها زيفها) دنيا
دنيا : (لي كانت حالتها مكتبشرش بلخير شاد بنتها عندها معنقاها او دموعها غا نازلين) عمي اكسيل
اكسيل : يالاه بنتي لسبيطار
دنيا : (شدات ليه يديه أو باستها) لعار اعمي مبنتي امانة عندك الى خطيتيها معندها حد ولا انا عندي حد نأمنو عليها من غيرك
اكسيل : ماتقوليش هاد لهضرة بحالي مغتعاوديش نشوفها راك اتصحي
دنيا : (نهارت بلبكا) مغنعاودش نشوفها اعمي حاسة بلموت قريبة مني داكشي علاش بغيتك تعطيني لعاهد ديرها بنتك او تحطها بين عينيك نتا او مرتك عافاك
اكسيل : (تا هو حس بلي سكرة لموت بدات كطلع معاها او موحال واش تفلت منها ) نقسم ليك بلي خلقني او خلقك بنتك غتكون عز ليا من روحي ، مقامها غيكون مقام ولادي غتكون منهوم او فيهوم
دنيا : (حسات براسها تزيرات بزاف داكشي علاش قربات بنتها عندها او باستها بوسة مطولة مستنشقة ريحتها لآخر مرة) هانتي ابنتي ها بابا جديد غيديك عند ماماك جديدة ياك متبرزطيهومش ابنتي صافي (عاود باستها عاد مداتها لاكسيل) ها امانتي
اكسيل : (قلبو تزير عليه عليه ملي شد من عندها لبنيتة)
دنيا : فصاك ديالي كاينين تصاوري انا وباها وريهوم ليها عافاك علأقل تعرفنا فوجهنا
اكسيل : كوني هانية (حس بيها زادت تزيرات او لموت دخلاتها تاع لمعقول بقا معاها كيشهد ليها تا دا مول لأمانة امانتو او خرجات روح)
سناء : (بقات هي او لبنات على برا كيتسناو تا خرج عندهوم اكسيل هاز تريبية بين يديه أو لحزن باين على وجهو ، فلبلاصة عرفو شنو وقع) لبركة فراسك من جيهتها
اكسيل : مامشا معاك باس
سناء : شنو غنديرو دبا ؟
اكسيل : انا غنمشي لسبيطار ايشوفو لبنت واش راها بيخير نتوما بقاو هنا انسيفط واحد فدراري مع طبيب او لمقدم باش اعطيونا شهادة لوفات تاعها (قصدت زعما إ أكدو بلي مات)
سناء : واخة
مشا اكسيل بحالو او هي رجعات لبيت لداخل نقات داكشي لي داير بدنيا عاد مشات لحمام تغسل فيديها ، الله عز وجل كيعطي لإنسان فرصة او مواقف اختابرو بيهوم ولا اكفر بيهوم لواحد على الذنوب لي رتاكب ، يمكن سناء دارت اغلاط بزاف فحياتها اساسهوم الزنا ولكن ليوم قدرات تعتق روح او تخرجها لهاد الدنيا ، يمكن هادشي لي دارت فتح ليها باب لتوبتها التابتة و لخالصة ، مهما كانت ذنوبنا كبيرة او اخطاءنا فادحة خاصنا نتفكرو بأنو الله عز وجل غفور الرحيم مدام تبنا الى وغادي يرحمنا او يغفر لينا ، مهما غلطنا خاصنا نتفكرو بلي توبتنا او سماحتنا خاصها تكون لله عز وجل ماشي لعبد (مكندويش على لعبد لي غلطتي فحقو هاداك لازمك طلب منو سماحة كندوي على لعبد لي مقستيش بمعنا لمجتمع) حيت الله عز وجل كيسامح او لعبد لا ، اغلاطنا الله عز وجل بوحدو لي يقدر ايسامحنا او يعاتبنا عليهوم ام لمجتمع فمكيقبلش التوبة او مكيخليش لواحد ايتوب بحالا انا ونتا وحنا عندنا لحق نعاقبو واحد غلط فحياتو ، ياما بنات خرجو طريق او ملي تابو لي خلقهوم او يمكن الله عز وجل غفر ليهوم خطاياهوم او هو بوحدو لي عالم ، حنا كمجتمع مسمحناهومش بحالا شغلنا فيهوم ملي كنشوفو وحدة من دوك لبنات دايزة فطريق كنتغامزو عليها او كنقولو فلانة كانت كدير ، متزوجش فلانة راها هاشنو كانت كدير ، داك شمكار تا هو بدا يصلي داك الصراق زعما تاب فين عمر الشيخة نسات هزت لكتف ، شحال من وحدة فيكوم دبا واخة سناء توب لي خلقها او تندم على افعالها او تحاول تصلح من راسها غتبقا ديما خايبة او مكتستحقش الرحمة أو خاص عذاب الدنيا ودين اتجمع عليها ، نتمنا نكونو رحيمين بعضنا الى كان لواحد مأدناش او مضلمناش واخة ايكون خايب منعاتبوهش ولا نبقاو نتغامزو عليه حنا ماشي ربي باش نغفرو ليه دنوبو ولا نحاسبوه عليها لذلك علأقل نخليو ليه باب او مجال تاع التوبة ادخل منو ملي يتنادم معاه لحال على افعالو ماشي نسدو عليه تا باب توبة
اكسيل وصل لسبيطار او نيشن لقسم فين كيبقاو دراري صغار حديثي لولادة ، دا ديك لبنية او سلمها لطبيبة تطمأن على صحتها او تهزم ليها الصرة او تحطها معا ولادو ، عاد مشا عند دراري ولحاج لي كانو كيستناو لغالية تفيق باش ادخلو يشوفوها
صباح : امضرا ابابا تفكات على خير لبنيتة بيخير وعلى خير ؟
اكسيل : لبنت بيخير
لحاجة : (تا هي جات معاهوم حيت صلحات علاقتهوم) ايوا لحمد الله على سلامتها
اكسيل : ولكن مها حصلو فيها توابع او دا مول لأمانة امانتو
صباح : (شهقات بصدمة لا هي لادوك لي كانو معاها او بلاما تشعر لقات راسها كتبكي حيت راه ماشي ساهل تلقا خبار موتها فلأول او تلأخير شهراين تقريبا او هي معاهوم) ان لله وان اليه راجعون
صفية : مسكينة باقة صغيرة ، ياو بنتها فين هي او شنو غديرو معاها
لحاج : اهديها معايا ربيعا انا ولحاجة نتوما شرفتو مابقيتوش تونسو
عزيز : علاش ماشي انا لي ربيها زوجتولي بنتي خاصكوم تعوضوني
رقية : متافقة
مصطفى : صفية خت اكسيل او هي لأولى بيها
يحيى : باركة عليك نتا راه عندك تلاتة تاع لبنات انا لي عندي وحدة خاصاني تانية اما تا عزيز راه عندو حفيدتو بنت
صفية : حيت عندنا لبنات بزاف حنا عارفين كفاش نتعاملو معا لبنات او ربيوهوم ياك اخويا عطيها ليا انا
رابحة : مناش جاتك أختي ونتي عندك لحفيدة
اكسيل : ديرو عليها زدين بون باح
لحاج : صافي مشات حجرة ورقة مقص
عزيز : (ربحهوم) شتو انا لي ربحت ديالي
اكسيل : ديالك مكتوبة فسميتك رابح ليا قبية (بجدية) لبنت بنتي معاطيها لحد غا هنيونا
يحيى : مناش جاتك بنتك بسلامة وارتها
مجد : قالك بنتو هي بنتو ايوا حيدها ليه من فمو
اكسيل : جود سير لدار عند لبنات علاما نسيفط طبيب او لمقدم عندكوم
جود : شمن بنات ؟ علاه ماشي غا ياسمين لي كاينة تما
اكسيل : لا كاينة معاها تا غزلان او سناء حيت مك لي ولداتها
جود : بصح ؟
اكسيل : واه
جود : صافي انا غنمشي تا نعاود نرجع
اكسيل بعدما مشا جود زادو تسناو شوي عاد قالت ليهوم طبيبة بلي يمكن ليهوم ادخلو يشوفوها او تا من تريبيا غيدخلوهوم ليها ترضعهوم دبا نيت
اكسيل : (دخل عندها بوحدو هو لول لاقيها متكيا فوق لبياص مݣعدينها شوي ) لغالية
لغالية : (كانت دايرة يديها على عينيها فحين ليد لوخرة فاش مركبين ليها السيروم مسرحاها ، لعيا كان باين فيها تاع لمعقول واخة غمضات شوي ولكن والو باقة مسخسخة او مايتة بنعاس ، ملي سمعات صوتو حيدات يديها او شافت فيه) جيتي
اكسيل : (قرب عندها بايسها فوق راسها او مربت على شعرها بحنية) على سلامتك كي بقيتي
لغالية : الله اسلمك ، شوية غا عييت باغة غا نعس
اكسيل : ياكما كيضرك جرح
لغالية : لبنج طلق مني داكشي علاش بديت كنحس بلحريق شوي ، شفتي دراري ؟ تزادو بيخير أبعدا ؟
اكسيل : تزادو بيخير او على خير ، ولكن تا انا باقي مشتهوم ، كنت مشيت لدار حيت دنيا كان شادها لوجع تاع لولادة
لغالية : تا هي ولدات ليوم تفكات على خير أبعدا
اكسيل : (قبل ميدوي دخلات عليه طبيبة او لفرملية مع لوليدات)
طبيبة : ها ولادك جاو
لغالية : (تحمسات او شداتها لبكية او لفرحة او تخالطو عليها)
طبيبة : (قابلت ليها الجرح او شافت واش امورها مزيان) لحمد الله كولشي عندك مزيان او بما انو داز وقت كافي مور لعملية يمكن ليك ترضعي دراري
لغالية : ههه واخ شكون فيهوم لي سبق ؟
طبيبة : لي مريض بسكار
لغالية : ماسين كي دايرة صحتو أبعدا
طبيبة : مزيان غتسبقي دري تاني فرضاعة
لغالية : واخة (حطاتو ليها طبيبة بين يديها مخلياها كتشوف فيه او تبوسو من فوق نيفو) ماسينس الحبيب ديالي ها ماما ههه
اكسيل : (مدات ليه طبيبة ماسين) بسم الله (ملي هزو بين يديه أو شافو للحضة حس بحالا روحو خرجات او رجعات ليه ، قربو لعندو او ودن ليه فودنيه)
لغالية : هبطو ليا نشوفو
اكسيل : (تحنا عندها)
لغالية : (مدات يديها كتلمس فوجهو صغير) عي تا هو تا لغوات مكيغوتش ههه
طبيبة : بينهوم بجوج هادا هو لي مكالمي
لغالية : (قبل مترضع ماسينس عطاتو لاكسيل هزو او ودن ليه فودنيه عاد رضو ليها ، لكن ملي بغات ترضو لقات يزاولها مابغاوش اخرجو ليها لحليب ݣاع) مابغاش اخرج
طبيبة : هادشي عادي اول رضاعة ليك اوزيدي عليها فهاد لول كيكون الرأس باقي متحلش مزيان لفرملية اتعصرهوم ليك
لغالية : (قربات عندها لفرملية او بدات كتعصر ليها فبزازلها او لغالية حيت كانو أصلن ضارينها او طايبين لبكا لي بدات كتبكي او تشد فإكسيل عاد فلخر قدر لحليب يبقا منين اخرج ، قالت صافي تفكات ولكن ماحد ولدها كيجر منها او هي كتقرب تزغرت بضران)
اكسيل : (بقا واقف فجنب تا سالا ماسينس رضاعة او قبل ميمدولها ماسين بدات لبنوتة كتغوت)
لغالية : (ستغربات من صوت تاع لبيبي صغير) ماسينس ناعس او ماسين ساكت بين يدين لفرملية شكون كيغوت على هاد لحساب
طبيبة : (هزات لبنية بين يديه أو عطاتها لغالية) ها هي لي منوضة زحام مابغاتش تسنا نوبتها
لغالية : ياكما لقيتوني حاملة بتلاتة ؟
اكسيل : لا الغالية هاد لبنت …
لغالية : متقولش فيا بنتك
اكسيل : بنتي ولكن
لغالية : ياك الغدار بنتك او جاي تعطيهاليا ربيها زعما هي لي متكونش ليك شد بنتك او طلقني
اكسيل : يا هاد لمرا خليني غي نكمل هضرتي هادي بنت دنيا
لغالية : ياويلي على راجل عارفاك تموت علبنات ولكن ماشي لدرجة تسرق لسيدة بنتها حرام عليك
اكسيل : غتبقاي هاكدا فينما نبغي نݣول شي كلمة تقطعيها فيا ، هادي بنت دنيا عطاتها لينا قبل ميدي مول لأمانة امانتو
لغالية : (شدات فمها مصدومة) متقولهاش أ إكسيل كي وقع ليها مسكينة
اكسيل : سناء لي ولداتها او لبنت حصلو فيها توابع مابغاوش اخرجو
لغالية : (ديك لفرحة لي فرحات تهرسات ليها او هبطات عويناتها لبنت لي بين يديها ، كتغوت حيت فيها جوع بلاما تشعر لقات دموعها نزلو هبطات راسها كتبوس فيها او تعنق بحنية) خالتك ماماك الحبيبة ديالي انا نكون ماماك ونتي تكوني بنتي ياك أنومنسا ، ياك ابنتي
لغالية : (عطاتها ترضع او هزات عينيها فإكسيل) هارلي جابنا بنية اوسط جوج عزارة
اكسيل : (مسكين تخالطو عليه موت دنيا ولادت لغالية فرحتو لولادة فرحتو بهاد لبنية كولشي تخالط عليه)
لغالية : (رجعات كتشوف فيها او تفرنس غا هي وراسها) دبا عاد عرفت علاش كنتي كتموت علبنات
طبيبة : (بقات معاها تا رضعات نومنسا عاد عطاتها ماسين ترضعو)
لغالية : (شدات ماسين عندها او عطاتو تا هو يرضع)
اكسيل : (مشا هز عندو نومنسا لي كانت ناعسة وبقا كيشوف فيها او هو حاس بقلبو عرق فعشقها من أول من سمع صوتها ، قربها لعندو او ودن ليها فودنيها ، عاد رجع كيراري بيها)
طبيبة : صافي باركة عليه
لغالية : ولكن عاد شوية هادي باش بدا يرضع باقي مشبع او تا لحليب راه باقي
طبيبة : مدام لغالية ماسين عندو السكر يعني رضاعة ديالو مغتكونش بحال خوتو
لغالية : بمعنا
طبيبة : ولدك خاصو يرضع بلوقيتة او بلعبار يعني واخة مشبعش خاصو يحبس
لغالية : (تزير عليها قلبها) غيبقا بجوع
طبيبة : عارفة بلي هادشي صعيب عليك ولكن راه كنديرو هادشي على قبل ولدك السكر مرض لي كيقيس لكلاوي لعينين او زيد او زيد داكشي علاش خاصو ديما يعبر السكار باش تشوفو لقياس تاع لنسولين لي خاصو ايدير
لغالية : (شرحات ليهوم طبيبة مزيان او بتفصيل شنو خاصهوم ايديرو او كيفاش خاصهوم اتعاملو معاه عاد مشات خرجات من عندهوم)
اكسيل : (ملي خرجات طبيبة هو عينيه فلغالية لي بقات تحبس فدموعها تا عيات هي طلقهوم ، ناض عندها ݣالس حداها او فنفس لوقت هاز بنتو عندو) دما علاش كتبكي
لغالية : بقا فيا مسكين تا رضيع ديالو مكملوش مكملوش
اكسيل : (مد يديه كيمسح ليها دموعها) باركة من لبكا هاد لول فيكون قاسح شوي لحال ولكن هاكدا حسن باش ميوقع ليه والو الله يستر
لغالية : (مسحات دموعها او مدات يديها مقربة اكسيل عندها او بايساه من فمو)
اكسيل : (حدو بغا يحكم فمها بدات ديك لي بين يديه كتغوت او تبكي) هانتي قلتي ليا لبنت
لغالية : من دابة الحاجة بديتي تغيري ملي تزيدي شوي موحال تا واش تخليني نقربو
اكسيل : (هزها قدام وجهو كيبوس فيها او يعاود) المغيارة ديالي ابنتي
لغالية : (بدا كيبكي تا ماسينس) ها لمغيار تاني شافنا هزينا خوتو او خليناه وبقا فيه لحال
اكسيل : (مشا عندو لبياص حاط نومنسا حداه او تحنا عندو كيلعب معاه) الفكرون ديالي مالك مغيار
لغالية : (مدات ليه تا ماسين احطو حداهوم) مد ليا زيفي نديرو باش ادخلو دراري ايشوفوهوم راك نشرتيهوم برا
اكسيل : واخ (عاونها تا صايبات الزيف او غطات راسها مزيان عاد مشا حل ليهوم لباب)
مجد : مالك سكنتي (داز ليه من تحت يديه أو مشا قصد دراري صغار هاز نومينسا عندو) هادي ديالي جوج لي بقاو فرقوهوم بيناتكوم ياك الحبيبة ياك ازين ، ياك اتقطيط
لحاج : جيب جيب لبنت لهنا (حيدها ليه) ها صغيرة ديالي سبحان الله كنشبه ليا غا انا فياماتي
يحيى : مكنتيش زوين تال ديك الدرجة ابا
صباح : (قربات هي او صفية او محسن عند دراري) تبارك الله تبارك الله مرحبا بيكوم ازين مرحبا بلحفايد صغار تاع آيت اوسو مرحبا
لغالية : (بقات غا كتشوف كفاش مشاو ضارو على دراري ناسيينها) ايهو اسبحان الله أناس انا هنا ، للمعلومة راه أنا لي ولدت دوك فلجاجغ نسيتوني ولا كيفاش
لحاج : (عاد ردو ليها لبال) آه لغالية نتي هنا
لغالية : ياك الحاج غا هزيتي لبنت عندك نكرتيني رضولي ولادي
لحاج : رضولها دوك جوج
اكسيل : تا ديك لي هاز
لحاج : هههههه حلمو هادي حفيدتي انديها معايا لبلاد ياك أيلي
رقية : كي بقيتي الغالية شوية على سلامتك
لغالية : الله اسلمك
صفية : شنو ناويين تسميوهوم ؟
لغالية : لي هازة صباح ماسين لي عند محسن ماسينس ولي عند لحاج نومنسا
محسن : (عطا ماسينس ليحيى او عزيز او مشا عند اكسيل) عمي اكسيل
اكسيل : نعام
محسن : هانتا لعار انا نعطيك لحتروف لي غنولد ونتا عطيني هادي عافاك
اكسيل : ياك المرضي مكفاوكش دوك جوج فكارن لي عندي نزيد تالت ونا كنت نقلب علينا بريق الناشف (هز لبنت عندو معنقها) عطيو شبر تاع تيساع مغنعطيها لحد ياك الحبيبة ياك ابنتي
محسن : مسموم
اكسيل : لمسمومة هي ختك
لغالية : ايوا حاشاك
#عند جود#
كان طبيب خرج من عند دنيا بعدما أكد لوفات ديالها لمقدم باش اقدرو ادفنوها ، سناء مشات تكات فواحد لبيت ترتاح حيت عيات ، غزلان تا هي مشات تكات حداه فحين جود او ياسو طلعو لبيتهوم تا هوما
ياسمين : بقات فيا مسكين خلات بنتها بوحدها واش غيربيها عمي اكسيل ؟
جود : واه
ياسمين : عرفتي ملي شفت دنيا او هي كتولد قلت لحمد الله متابعنيش دكشي سيدة كانت كتغوت لربي لي خلقها او داكشي لتحت كيوساع ضرني ديالي ونا غا كنشوف
جود : (جمع رجليه عندو مخسر سيفتو) سكتي سكتي مدويليش على لولادة راه كنحس شي حاجة غتخرجلي من لتحت ، تي راه خص لحبس لدوك لي كيحملو عيالاتهوم او هوما عارفين شنو غيدوز عليهوم
ياسمين : ههههههههه شحال كنتي تحكم عليهوم زعما ؟
جود : نحكم عليهوم اطلعو شي قالب على كل دري
ياسمين : كون اسمعك عمي اكسيل كون طلع معاك هو نيت
جود : ههههههه حيت عارف الى مشا تا تطبق عليه لحكم ايطلعو معاه ستة تاع لقوالب
ياسمين : هههههههه الله امسخك متهزش على باك شي قالب
جود : منهز عليه ميهز عليا
ياسمين : (بقات ساكتة شوي هي تفرشخ بضحك) ههههه
جود : مالك كضحكي
ياسمين : لا لا والو غا تفكرت واحد النكت
جود : عاوديها ليا
ياسمين : لا ماسخة
جود : غي عاودي نسمع
ياسمين : (خدات نفس او بدات كتعاود ليه) قالك هادي واحد الشارفة عندها تلاتة تاع لبنات مرضيات جا واحد نهار مرضات فيه مرضة خايبة هوما يجيبو ليها طبيب دوز ليه او خرج عندهوم ، سولاتو وحدة فلبنات “دكتور مال مي” ، رد عليها “شغنقولكوم مكوم مريضة بزاف او باش تبرا خاصينها سبعة دلكويات ” ، نقزات لوخرة فبناتها “ولكن ادكتور منا شرفات اووكبرات مابقاتش قادة على هادشي كي غدير ليها” ، سكتو لبنات واحد شوي كيفكرو فلحل عاد دوات لولة فيهوم ، “مي مريضة الدكتور داكشي علاش انا غنهز عليها جوج كويات” تبعاتها تانية “ونا نهز عليها جوج” ، تبعاتهوم لخرة “ونا ادكتور نهز عليها جوج هي ستة تبقى وحدة نشوفو كي نديرو ليها” ، ملي سلاو هضرتهوم سمعو مهوم كتدوي من بيتها “يا دوك طحبات دوا دوايا تا حد ميشاركو معايا” (رجعات تفرشخات بضحك) هههههههههه
جود : (سها فضحكتها) هانتي لكوية سابعة ديالك ميحيدهاش ليك طبيب
ياسمين : (شحطاتو) ماسخ كيف داير حشومة عنا والله سيدة عاد مات او حنا كنضحكو هنا
جود : (تكات ليه على يديه) الله ايواليها برحمة الله
ياسمين : اللهم آمين
جود : (بقا ساكت شحال عاد دوا بنوع تاع تردد) فخبارك باك داوه لسبيطار ؟
ياسمين : (بدون اهتمام) دغيا وصل سبيطار او باقي تا سيمانة صحيحة مفاتهاش فلحبس ، ضربوه لحباسة ؟
جود : لا دخلوه لسبيطار تاع لحماق حيت تسدا
ياسمين : عقدات حجبانها بستغراب) حماق ؟ داوي نيشن ولا ميتبوهل ؟
جود : لا بصح داوي معاك ديك ليلة فاش دخلوه لحبس سيد بدا كيغوت او سيب او يعاير او او يضرب فلباب ، غدليه نفس شي تا ولا غي كيخرج او يدخل فلهضرة او يطلقهوم تحتو ، او طبيب براسو أكد بلي صافي تڤيڤا
ياسمين : (حسات بشوي تاع الشفقة من جيهتو ولكن ماشي لحزن)
#عند عبد الله #
على غرار كل دوك لمرات فاش كانا كنلقاوه فلحبس ليوم كان فبيت حاملها بيضة او هو بنفسو لابس لبيض ، ديك التقة او لغرور لي موالفين كيضهرو على وجهو مابقات منهوم تا حاجة ، تعابير وجهو كيتبدلو او يتعوجو كي نمس
كلتوم : (واقفة هي او سليمان كيطلو عليه من الشرجم ، كتبكي وتقول شي مبكيت) ونا علولدي تسطا ونا على كبدتي ولى حالتو حالة
عبد الله : (وبدا كيغوت او يخرج او يدخل فلهضرة غا هو اوراسو) جيتي اطحبة سوسية تفو تفو ، باغي نكوي باغي نكوي (بدا كيقف تا كيزغرت او يرجع يݣلس او يعاود اوقف تا يزغرت او يعاود اݣري) تفو تفو
كلتوم : (زادت نهارت بلبكا) الله على وليدي سطاوع ليا
رجع سكت شحال شوي هو ينوض ابدا يشطح او يغني او يدوي بحالا كاين شي حد معاه فلبيت
عبد الله : ليلة حمات جيبو شي بيرات يا وعيطو لبنات هههههههه هاكاك اعيشة لوزي وعاودي هههههههههه (بقا كيضرب فلخوا بحالا كيصرفق طغمت شي وحدة شوي رجع كيحرك يديه بحالا كيرشرش لفلوس) زيدي كوزي اخدوج لفلوس عطاهوم الله
سليمان : خلينا اكلتوم نمشيو باركة من لبكا
كلتوم : ولدي مسكين ضاع او هو فعز شبابو ضاع غي هاكاك
سليمان : الله يهديك اكلتوم شحال قدنا نطنزو على راسنا دنوب مرتو او بنتو لي كيخرجو فيه ، شتي غا شنو دار فبنتو لي من لحمو او دمو تا من هضرتو دبا غا تاع داكشي لي كان كيدير فياماتو كان حاضي غي شيخات او وهو او مخلي ولادو بجوع فلوسو كاملين مشاو فلقمر او سهرات غي الله يلطف بيه او بينا
كلتوم : يعيا يدير كيبقا ولدي من لحمي او دمي شوفتو فهاد لحالة كتقطعلي قلبي طراف طراف ، ميعدالش لينا نجيبوه لدار ؟
سليمان : فين غتجيبيه راه هنا فين ايقابلوه مزيان زيد عليها هو عيواض ميكون فلحبس رضوه هنا حيت تسطا يعني بحال لحبس منقدوش نخرجوه
كلتوم : هي انخليوه هنا بوحدو ؟ مندويوش مع ياسمين تنازل ليه على الدعوة باش نخرجوه راه كيبقا باها فلأخير ؟
سليمان : واش مدرسة تنازل ليه وقتما بغات ؟ او زيدون داكشي لي دار فيها نحشمو تا ندويو معاها لعساك نقولي ليها سمحي لباك لي باعك او سمح فيك او شبع فيك عصا او محلى مدار فمك داكشي علاش غا زيدي خلينا نمشيو
خرجو من سبيطار بجوج مخليين عبد الله غا كيخرج او يدخل فلهضرة ، يخربق بايات تاع لبيران او سهرات او الشيخات او زهو
#عند لغالية#
كان ليل طاح او هي ضارباها بنعسة بكترت لعيا او لحريق لي شاده تاع مور لولادة او تاع جرح
لغالية : (ضرباتها لفيقة على لغوات تاع دراري ، حلات عينيها بدرع او لبكية قربات تشدها يالاه رضعاتهوم او قالت تنعس شوي دغيا ضرهوم الجوع عاود )
اكسيل : (كان ملي سمعهوم كيبكيو ناض عندهوم هاز نومنسا عندها) مال بنتي كتبكي أ صافي ششش غنفيقو ماما او هي يالاه نعسات يالاه شششش
لغالية : مالهوم ضرهوم جوع
اكسيل : هاد لفارة لي عطاتها لغوات تا قفزاتهوم ولكن راه رجعو ينعسو
لغالية : آراها ليا نعطيها ترضع قبيلة رضات كولشي
اكسيل : هاكي (مدخل ليها او ݣلس فلكرسي لي مقابل معاها)
لغالية : بنتي فيها جوع أ ألحبيبة ديالي ألبخوشة نعطي لبنتي ترضع أ (عطاتها ترضع او هزات عينيها فإكسيل) دفنتو دنيا ؟
اكسيل : واه قبيلة جات لمرا لي غسلاتها او مشينا تا دفنتها
لغالية : الله ايواليها برحمة الله ، او الصدقة ؟
اكسيل : لحاج غيتكلف الصدقة تاع هاد تلتيام ايوقف عليها
لغالية : الله اجعلها ليه فميزان لحسنات ، قبيلة شتك خرجتي دويتي مع طبيبة على حساب ماسين ؟
اكسيل : سولتها واش كاين شي بديل لداك تكان تاع لعبارة فكل مرة قالت ليا بلي يمكن نديرو ليه واحد كيسميوه فريستل ليبري
لغالية : شنو هو هادا عاود
اكسيل : هي بحال واحد اللسقة كتلسق فيديه عيواض كل مرة تشكي ليه يديه بليبرة باش تغيري ليه السكر كتلسقيها ليه او هي كتعبر السكر الراسها او كتعطيك قياسها
لغالية : الى كان غيعاونو حسن
اكسيل : علأقل غيتهنا من طيبة تاع صبعان بكترت شكان
لغالية : غيكون غالي ؟
اكسيل : غلى من ماسين مكاينش
لغالية : (بتاسمات او شدات ليه يديه) الله اخليك لينا او يطول فعمرك
نومنسا : (بدات تبكي)
لغالية : (حيدات يديها عليها) صافي صافي بلى بكا اتفيقي خوتك المغيارة ، شاك ماشي تلهيه واقعة شي حاجة ؟
اكسيل : (سكت شحال او عاود دوا) طبيبة دوات ليا تا على صحت نومنسا او ماسينس
لغالية : (بقلق ) بيهوم شي حاجة
اكسيل : ماسينس مابيه والو ولكن نومنسا
لغالية : (حسات بيه تزير شوي)
اكسيل : دارو ليها المسح السمعي او بان بلي عندها مشكل فالسمع
لغالية : مشكل فسمع واش غي ضعيف الى دارت السماعات تبقا تسمع لودن وحدة ؟
اكسيل : (بأسف) مكتسمعش بتاتا او فودنيها بجوج طبيبة قالت بلي تا سمعات مغيديرو ليها والو
لغالية : (جاتها لبكية) او غتبقا هاكدا ؟ ميعدالهاش دير شي عملية ميمكنش نخليوها هاكدا نديوها تال لخاريج الى تطلب لأمر غي منفرطوش فيها
اكسيل : شمن تفراط الله يهديك الغالية غنديرو عليها تمسومانت قالت طبيبة بلي يمكن لينا نديرو ليها زراعة لقوقعة فلودنين بجوج ولكن مكيديروها هنا فلمغرب تال تسعشهور عام
لغالية : (مسحات دموعها بزربة) ماشي موشكيل لموهيم هو تقدر تسمع او دوي بحال خوتها
اكسيل : قالت طبيبة بلي كاينين شي مراكز فالمانيا كيديروها من ربعشهور
لغالية : خلينا نسولو عليهوم كلما دارتها قبل غيكون حسن ، واخة نعرفو نبيعو لي قدامها او مورانا هاد لعملية خاصها ديرها بغيتها تقرا فمدرسة عادية بحالها بحال خوتها مبغيتهاش تعزل او تقرا فمدرسة خاصة لذوي الاحتياجات الخاصه
اكسيل : (شافها دموعها عاود نزلو) ايكون خير نتي غي باركة من لبكا من صباح ونتي كتبكي غيتقطع فيك لحليب
عاودات مسحات دموعها او هبطات عينيها لنومنسا لاقياها كتشوف فيها او تفرنس
لغالية : (بلاما تشعر لقات راسها نسات لحريق نسات لموضوع نسات لوجع او بدات تا هي كتفرنس) هههه كضحكي المشة أ عمرتي لكريشة او كضحكي (قرباتها لعندها كتبوس فيها) ناكلك انا ناكلك على هاد ضحيكة الله اخليك ابنتي ديما ضاحكة الحبيبة ديالي
اكسيل : ها لمغيار فاق (سمع ماسينس كيبكي ما هزو عاد سكت) مالك منوض صداع أ مالك كتزاحم شنو منخافوش شوف خوك كي ناعس او ساكت
لغالية : هاداك راه ݣاع ممسوق لا ليا لا ليك تا فاش كان فكرشي مكانش مسوق ، عرفتو ايخرج ليك مكالمي تقول والداه فتلاجة
اكسيل : هادا ضامنو هاد جوج لي شام فيهوم ريحة لغدر
لغالية : هادي أبعدا لغيرة او ضحك دايرين فيها مابغاو
اكسيل : تبعد ليا غا من دراري باركة
لغالية : قولي لجزء التاني تاع صباح ايبدا
اكسيل : هادي مكاينش زواج بتاتا
لغالية : يهديك الله اهاد الراجل ويلى بغات شي واحد او بغاها
اكسيل : (غوبش معصب) تبغيه لموت ان شاء الله بن لكيضار لاخر
لغالية : يابنيتي ونا عارفة لحرب لي تنوض على زواجك ربي عوينك ، شباقي أبعدا درتي فبلان مجد ؟
اكسيل : صونا عليا ميمون قاليا ملي ايكون عندكوم لوقت دوزو تخطبو
لغالية : قبل ؟ لعجب او ايمتى غتمشي
اكسيل : ملي تولي شوي باش تقدري تمشي معانا
لغالية : انا موحال واش نمشي باغة نبرا على خاطري ، او نتوما خاصكوم توربو ليغير رأيو فوت غي سبوع او سير خطب ليه ، او لخطوبة لعقد نيشن زرب عليه
اكسيل : ان شاء الله
اكسيل : (هز ماسينس لسما بيديه) هانتا تشبه لخوك مجد نعلق ولدي
ماسينس : (بدا كيبكي)
لغالية : خلعتي دري
اكسيل : تي شمن خلعتو راه بكا حيت تخايل تعليقة
لغالية : أجي واش اتختن ليهوم ملي يديرو عام
اكسيل : لا تا يولدو باش نختنهوم معا ولادهوم فسابع ايتختنو
لغالية : ناري باقي صغار
اكسيل : وصغار حسن باش ميعقلوش
لغالية : واه حسن نيت اقطعو ليهوم دبا محدو صغير دغيا ينوض ايما الى بقاو تا كبرو غيكون كبر او مينوضش ليهوم دغيا
اكسيل : تي شنو غينوض ليهوم
لغالية : وا تب أصاحبي ملي يجدرو ليهوم شنو غينبت فبلاصتو شجرة تب آخر
اكسيل : (تزلع بضحك) هههههه وامي وامي غدايدي قاتلك اجدرو ليهوم واش عندهوم شجرة تا يزبرها ليهوم
لغالية : علاه ماشي فاش كيختن ليهوم كيقطعو
اكسيل : الى قطعو شبقا لقبر ؟ راه غا واحد الجلدة كتكون من لفوق
لغالية : كيحيد ليهوم لميكة تاع تل (تنهدات براحة) ايوا لحمد الله أجي مبانش ليك بلي عندهوم صغير بزاف قد لبلبوشة
اكسيل : (مقدش احبس الضحكة) ههههه ياربي على مرا عندي شقي لبلبوشة باش تكبر راه عادي ايكون فداك لحجم حيت صغار ملي يكبرو غيكبر معاهوم
لغالية : (هزات يديها لسما) يا ربي اورتوه منك ياربي ايكون عندهوم كي موطور باهوم ياربي
اكسيل : دراري او غيحشمو يطلبو هاد دعوة من ربي
لغالية : وحيت عارفاهوم غيحشمو ونا مهوم طلبت ربي فبلاصتهوم او باقي ندير عليها قيام الليل
اكسيل : تفردݣتي اشعيبية
لغالية : أجي شنو غتهدي لدراري ؟
اكسيل : (حط ماسينس بعدما نعسو) دراري كل واحد فيهوم غنكتب ليه واحد من لفيرمات
لغالية : او نومنسا ؟ هاه بنت وحدة لي عندي او اصغر بنت عندك ، او اصغر حفيدة عند لحاج محمد آيت اوسو خاص لكادو ديالها ايواتي مقامها اولا
اكسيل : (هز نومنسا عندو) معلوم لغالية بنت لغالية خاص خديتها تواتي مقامها ، داكشي علاش غتوزن بذهب او لجوهر لحر
لغالية : كفاش ؟
اكسيل : كيفما سمعتي غنوزنوها او داكشي لي خرج ليها هو باش ايتوزن دهب او لجوهر يعني لوزن ديالها هو لي غتشد فدخل مخالط معا لجوهر
لغالية : ايوا شتي الالة هانتي وليتي توزني بدهب او لجوهر
اكسيل : معلوم راه 23 عام عاد تصح ليا تكون عندي بنت خرا
مجد : (حل عليهوم لباب) فين لخوادرية
اكسيل : جاي دير مع نبوري نتا
مجد : (مشا حيد ليه نومنسا او ݣلس فوق لفوطوي) جاي نشوف ختي عندك شي مانع
اكسيل : جي شوفها مقلتش ليك ولكن باش تجي معا ستة تاع صباح ياك لباس
مجد : دوي بشوي لغالية ناعسات
اكسيل : (نقص صوتو) هاني داوي بشوي او باركة متبوس فيها حيد شلاقمك عليها المرض
مجد : (كيبوس فيها باش افقصو)
اكسيل : فين خوتك مجاوش ؟
مجد : صباح صبحات مريضة شوي
اكسيل : (بقلق) مالها شنو ضارها ؟
مجد : راك عارفها مكتقدش على لجو تاع لݣنايز ، ياسمين او جود مشغولين مع الصدقة تاع دنيا
اكسيل : ونتا بلى شغل جاي عندي مخدامش ؟
مجد : شديت كونجي
اكسيل : لحقتي تخدم باش تشد كونجي
مجد : الله اعز شهادة طبية
اكسيل : دويتي معا غزلان ؟ قالت ليك شي حاجة ؟
مجد : لا أصلن هاد ليامات تشغلنا قليل فين كنهضرو علاش ؟
اكسيل : سبوع غيكون بسبت ، تنين نمشيو نخطبو ليك
مجد : توحشتي كرامتك تمرمد هههههه
اكسيل : علاه لي والد دحش بحالك تبقا عندو شي كرامة ميمون قال ليا بلي قابل على لخطوبة ديالكوم
مجد : تا حلف
اكسيل : حط لبنت غطيحها واش انكدب عليه
مجد : ههههه اخيرا واخة ممرتاحش لهاد لموافقة ، فخبارك عبد الله
اكسيل : مالو
مجد : تسطا خرج ليه لعقل راه فسبيطار تاع لحماق
اكسيل : لي مخرج من دنيا مخرج من عقايبها ، او مكيخلص عبد الله دبا غا داكشي لي كان كيدير ، او صافي حطها غتبقا هازها هاكداك طيبتي ليها جناب
مجد : (عنقها) بنتي هادي نعنقها نبوسها او موت نتا بسمك
اكسيل : شوفها راها ممرتاحاش عندك نعسات او فاقت نعسات او فاقت غتبغي ترضع
لغالية : (حضرات لمهاوشة ديالهوم) يا هاد راجل راه غا خوها واش تا هو تغير منو
اكسيل : خوها ولكن كترت لبوسان ممزيانش غيصدق ناقل ليها شي مكروب
مجد : على معيار شد شد بنتك بدل ليها ليكوش
اكسيل : ملي وصلنا ليكوش ولات بنتي او مبقاتش ختك
مجد : بدل بدل انا غنرجع لدار حيت منهنا شوي ايجي جود مع ياسمين ايشوفوهوم بلاما نتزاحمو هنا
اكسيل : اخلاقك يا شيخة
خرج مجد من عندهوم او بدل اكسيل ليكوش لدراري او عاون لغالية تمشي لطواليط تقضي حاجتها ، عاد مشا جاب فوطة فازݣة مسح ليها بيها صحتها كاملة بحكم متقدرش دوش ، عاد رجعها لبياص او غطاه
جود : (كان هو او ياسمين عاد جاو عندهوم) فين لبجاغط
لغالية : ياناري توما قولو غا سلام
ياسمين : متديش عليه راه نعاس مابغاش ايديه قالك والو نمشيو نشوفوهوم فواحد لوقيتة
جود : (مشا عند دراري كيلعب معاهوم) اوا حنقولكوم مكاين محسن من لبنات ياسمين قربي لهنا تشوفي
ياسمين : (قربات عندهوم) باركت من لبوسان شوف ختامها مسكينة كي ولاو حمرين
جود : (هز واحد فدراري او مدو ليها) هاكي هزيه
ياسمين : (رجعات خطوة لور) منهزو ميهزني حط دري غطيحو
جود : تي مالك هزي دري دايرة بحالا قلت ليك هزي سبع
لغالية : ههههه علاه اجود مفخباركش
جود : شنو
ياسمين : عمتي
لغالية : ياسمين كتخاف من دراري صغار لي عاد تزادو
جود : وايلي
لغالية : هههههه راها مكتقرب لدري تا كيكون دار عام عام اونص ، تا خوها يوسف مولات كتهزو تا فات عام او نص
اكسيل : وعلاش ؟
ياسمين : حيتاش رطبين بزاف كيزلقو من ليدين
اكسيل : (هز ماسينس او حطو ليها بين يديها) الى هزيتي تريبية مزيان مغطيحش ليك
ياسمين : (تكوانسات او بقات مبلوكية فبلاصتها)
جود : (تفرشخ بضحك ملي شاف وجها تخطف) ههههههه وامي وامي تي كون كنتي هازة قنبولة مكنتيش تخلعي بحال هكذا
ياسمين : (بدا ماسينس كيغوت شي لي خلعها لدرجة شوية مكانت اطيحو كونما اكسيل لي لحقو او عرض ليه ليد من لتحت)
اكسيل : عنداك (حكم ماسينس او هزو لعندو) الله ابنيتي كنتي غتخبطيه
ياسمين : راني قلت ليكوم مكنقدش نهز دراري صغار
جود : (مشا وقف موراها هزها او بعدها على لبياص تاع دراري ) نتي خاصك تخلي مسافة لأمان بيناتكوم
لغالية : غزلان مجاتش معاكوم ؟
جود : خليتها هي او لوليدة مشاو ايشوفو واحد السيدة ناعسة تا هي فسبيطار
سناء : سلام عليكم
جود : هاهوما جاو نيت
غزلان : (دخلات عليهوم هازة بوكي تاع لورد او معاها سناء جايبة شكلاش ، قربات عند لغالية حاطة حداها لورد)
سناء : على سلامتك
لغالية : الله اسلمك (خدات لباطة تاع شكلاط حلاتها او شاف فجود) شتو لي كيعرف ايجيب نتوما سلݣوط لي جا ايجيني طويل تا دانون مربحناهش معاكوم
غزلان : ثكون فيهوم ماثين او ثكون ماثينث
لغالية : لي ناعس ماسين ولي منوض زحام ماسينس
جود : منين جين او هو ناعس
لغالية : وراه من لبارح او هو عاطينا نخال كيضل ناعس كيفيق يرضع او يرجع ينعس ولا يبقا فايق او ساكت ، راه تا خلعني لبارح ولكن طبيبة قالت بلي عادي
جود : السكر عندو مزيان بعدا ؟
لغالية : ايوا هاد الساعة معا لعبار او لنسولين مزيان
ياسمين : غزلان خلينا نهبطو لتحت نجيب شي حاجة نفطر بيها معدتي كتحك كاين لي باغي شي حاجة
جود : انمشي معاكوم باغي قهوة
لغالية : (خرجو دراري من عندهوم مخليينها غا هي او سناء او اكسيل ، مدات يديها شادة لسناء يديها او دوات بمتنان) قال ليا اكسيل بلي نتي لي ولدتي دنيا ، شكرا بزاف والله ، عمر خيرك نساه كونما نتي لي عاونتيها كنا انخسرو تا نومنسا مع دنيا او مكانتش غتكون هنا معانا
سناء : (بتاسمات ليها بهدوء) لا شكر على واجب ميناتناش
اكسيل : (هز نومنسا او مدها لسناء تهزها) تعادلنا ابنت خالتي متساليني منسالك
سناء : هههه صفينا لحسابات ، بسم الله (هزات لبنوتة عندها) انومنسا ازويونة
غزلان : (رجعات هي او لوخرين لاقية نومنسا غا كتفرنس) مضحك والله تا كضحك
لغالية : ديك لبنت عندي مفروحة غا كتفرنس كون تسلف لخوها غا شوي
جود : (غزلان مشات هزات ماسينس عندها فحين هو مشا هز ماسين) فيق أصاحبي فيق انعاس ونتا غا كتشخر فيق غا نشوفوك
ماسين : (حل عويناتو بشوي مغوبش)
جود : ههههههه كتغوبش من دابا اصݣع هههههه صافي خلات علينا ملي تكبر ها اكسيل تاني ههههه شبهليك الواليد فكولشي زݣل غا لون تاع لعينين تا تغوبيشة غا ديالك هههههه
اكسيل : لمن بغيتيه أشبه الى مشبهش ليا دوي
غزلان : ايمتا اتخرجي من سبيطار ؟
لغالية : انبقا هنا تال نهار لي قبل سبوع عاد انخرج ، ايمتا غنمشي لفرانسا ؟
سناء : لخر تاع شهر جاي
لغالية : مزيان الله ايجيب الشيفة
سناء : (شافت فساعة) تعطل لحال نخليكوم انا دبا
غزلان : ستناي غنمشي معاك لدار
جود : نمشيو نيت مجموعين يالاه بسلامة
اكسيل : بسلامة
لغالية : (شدات نومنسا من عند سناء)
اكسيل : (سد لباب موراهوم)
لغالية : وصيتي على ديك لپراي ؟
اكسيل : ديك لي كتجر لحليب ؟
لغالية : واه بزازلي تبرك الله فاتو تاع لبݣرة كنرضع تلاتة او ديما فائض لحليب حوايجي كاملين فزݣو
اكسيل : او شنو غديري بداك لحليب
لغالية : انخوي بزازلي او نعمر رضاعة حيت كيضروني ملي كيكونو عامرين
اكسيل : وصيت على جوجات غدا ايوصلو
لغالية : سجلتي دراري ؟
اكسيل : واه
لغالية : سجلتي تا نومنسا ؟ دبا تبني حرام كي درتي ليها
اكسيل : واخة مسجلتهاش فنفس لحلة لمدنية تاع دراري ولكن درتلها احلى لمدنية ديالها بوحدها او عطيتها كنيتي ، قيادتها على اساس انو انا ونتي أولياء لأمور ديالها او لي مكفلين بيها
لغالية : او قبلو ليك تعطيها كنيتك ؟ واخة ماشي باها لي ولدها ؟
اكسيل : عطي لفلوس او غيقضيو ليك لغرض
لغالية : دبا هي قانونيا كتعتابر نتا ولي امرها او عندكوم نفس لكنية على اساس انها من عئيلتك ، او فلمدرسة كاين لي ايعرفها ماشي بنتنا مابغيتهاش تلقا مشكيل من ديك ناحية راك عارف اقدرو يبداو اعايروها اتنمرو عليها شي حاجة بحال هكذاك
اكسيل : متخافيش من ديك الناحية مدام نفس لكنية لي عندنا ، راه تا مجد معارفينش بلي يحيى لي والدو ماشي انا تا نسخ انا لي كنخرجهوم ليه ماشي يحيى حيت أنا لي مقيدو
لغالية : (هبطات عينيها لنومنسا) عرفتي فاش كان عندي مشكيل تاع لحبالة ، كنتي كتقول ليا ديما نمكفلو شي واحد ، كنت الصارحة خايفة او مترددة كنقول زعما نقدر نبغيه كيما غنبغي واحد تزاد من كرشي ، ولكن فاش هزيت هاد لبنت عندي كولشي مشا من بالي لقيت راسي غارقة فيها او باغياها بحال توام لي ولدت وليت عاد خايفة ايجي نهار لي تقول ليا فيه علاش ربيتيني ولا ايجيو عمام باها ياخدوها مني ، مكاملة تا نهار باش ولات بنتي ههه ولكن دارت بلاصتها بحال خوتها عاد حيت بنت معناها فشكل شوي على معزت دراري
اكسيل : (شد ليها ليد) معندكش علاش تخافي من ديك الناحية مغيقدوش ياخدوها او تا هي مغتمشيش او تخلينا ، شتي راه تا ولادك لي من لحمك او دمك الى مدرتيش فيهوم لخير او ربيتيهوم مزيان غيجي نهار لي يقولو ليك فيه علاش ولدتينا ، داكشي علاش خاصك تأكدي من حاجة وحدة لي دار لخير عمر ربي اخيبو
لغالية : (شد ليها اكسيل ليد او باسها ليها)
نومنسا : (حسات بلغدر هي طلقها لبكا او لغوات)
لغالية : هاه هاه على لمغيارة غا بوسة فليد يانيري على بنت
اكسيل : (باس ليه لنومينسا) ها بوستك تا نتي
لغالية : شوف شوف ككضحك عجبك لحال دبا ملي باسك ياك ، مابقيتيش بنتي نتي وليتي ضرتي اشيطانة
#عبد ايام#
كان سبوع وصل داكشي علاش كولشي كيجري منهنا او من لهيه ، لقياطن تنصبو فلفدان لوراني تاع لفيرمة ، او عمروهوم بطبالي او لكراسا ، عاد فدخلة تاع لباب دارو طبالي طوال فوقهوم لأهرمات تاع تمر او شكلاط او لحليب او تقاوت كيستقبلو بيهوم ضياف ، لغالية لي كانت خرجات لبارح من سبيطار او رجعات لدارها لاقية دراري وجدو بيت دراري بتلاتة ، فاقت بكري لاقية لحاجة او لبنات جايين عندها تا من سناء او غزلان جاو احصرو
صباح : زين كي صبحتي
لغالية : لابس لحمد الله شتكون كاملين لبستو قفاطنكوم تا انا نمشي لبس قفطاني او نقاد شعري
رقية : هههه قفطانك نسائه او شعرك تا هو نسايه حنا انباليو بيه
لغالية : شباغين ديرو فيا
لحاجة : نتي عروسة شلوح داكشي علاش سبوع ادوزيه بتقاليدنا
لغالية : شنو فيهوم هاد تقاليد أبعدا
صباح : زيدي او غتعرفي
لغالية دخلوها لبيت أو لبسوها لبسة شلحة او حزمو ليها فرجل ثيغدويت (كيقصدو بيه لخيط تاع الصوف لي لواو ليها على رجليها) عاد فرقو ليها شعرها على سبعة تاع ضفيرات او طلاوهوم بلحنة عاد دارو السبنية من على راسها مغطيين ليها شعرها حيت كدير زيف ، او خلاوها ضور بدراري فدار كاملة عاد طلعات تحضر بيهوم فدبيحة
اكسيل : لحاجة شدرتي ليا فلمرا كليتو ليها لشعر لحنا
لحاجة : واحسن سبوع اولدي
مجد : هههههه واع ابابا حنا تال نومينسا يد او رجل هههههه تعداو عليها
لحاج : ملي تسالي دبيحة هبوط حنيو ليها با ليد او رجل لوخرة متخليوهاش هاكداك
صفية : واخ تا نديرو لكحل لدراري او نحنيو ليها لي بقا
اكسيل : مكاين لا كحل لا هم يحزنون
بعد نقاشات او تقشاب اكسيل دبح دبايح او سما وليداتو عاد هيجو لتحت بدلو عليهوم او مشاو كيستقبلو ضياف ، مكانتش دارو شي شطيح كيما كانو موالفين حيت عاد ماتت دنيا مجاتش
لغالية : (كانت لعشرة تاع ليل فاش كانو سالاو روينتهوم او جمعوها او بدلو عليهوم عاد تجمعو لتحت) جود وريني تصاور لي درتي نتا او مجد لدراري لبارح بليل
جود : واخ راني دوزتهوم لپيسي فين دراري أبعدا ؟
لغالية : راهوم ناعسين
مجد : انا لي ضحكني هو لختان ملي جا اختنهوم مالقا ميختن
ياسمين : (زلقات ليها) ويلي معندهومش ؟
جود : طلبي شتا طلبي شتا
مجد : (تفرشخو بضحك عليها كاملين) هههههه
صباح : (قربات عندها او دوات) لقاهوم مختنين خلوق من عند الله
لغالية : والله تا كنت كنخمم لختانة سعا ربي دار لخير (بدات كتشوف تصاور معاهوم) أجي هادي نومنسا ولكن لبنت لي حداها بنت من ؟
محسن : هههههه هاديك ماسينس لي لبسلها مجد لكسوة هههه
لغالية : حليلي وليدي على مزينتو بنت
اكسيل : اتعقدو ليا دري بهاد لفعايل
مجد : ولكن خلينا نكونو صريحين ربي واش مجاش كيشي كتكوتة
لغالية : جا فنة كي معدبوكمش فتصوار ؟ ديكورات فنين
جود : لا كانو مكالميين مول لاستوديو صاحب محسن كريناه من عندو خلانا لمطرييل ديالو كامل
اكسيل : (فلوقت لي كانو ملاهيين مع تصاور تاع دراري بانت ليه صباح ماشي عليه واخة كضحك حس بلي شي حاجة مقلقاها) مقلقاك شي حاجة ؟
صباح : (شافت فيه او دوات بهدوء) لا ممقلقاش
اكسيل : متأكدة مواقع والو ؟
صباح : مواقع والو ابابا غي عيانة شوي او صاف
اكسيل : سيمانة هادي ونتي عيانة مشفتيش طبيب ؟
صباح : ول لبارح مشيت عند طبيبة خرجات ليا شي ڤيطمينات او صاف
اكسيل : (ربت ليها على كتافها) لحوار ابنتي كيحل بزاف تاع لمشاكل ، من لأحسن تحطي نقط على لحروف
بقات صباح غي ساكتة مزادتش دوات ، بقاو هاكداك مجمعين تا تعطل لحال عاد كل واحد فيهوم مشا لبيتو ينع ، صباح دخلات لبيتها لاقية محسن سبقها لتما او كيتفرج فتلفازة ، مدواتش معاه بتاتا او كملات طريقها لحمام نيشن
محسن : (تبعها بعينيه مني دخلات لحمام تا خرجات ، لقاها باغة تخشا فراشها تنعس ، وقف او تقدم عندها داوي بجدية) لينتا غنبقاو هاكدا ؟
صباح : (هزات عينيها فيه ولكن مدواتش)
محسن : واش غتبقاي هاكدا مبغاش دوي معايا باقة مقسحة راسك ربعيام هادي وحنا هاكدا ياك لاباس
صباح : هاد ربعيام نتا لي جبتيها راسك ماشي انا لي جبتها ليك
محسن : انا غا شرحي ليا علاش مبغيتيش تيقيني وا قلت ليك مكنعرفهاش او مابيني او بينها والو
صباح : مابينك او بينها والو ؟ باغيني نتيق هاد لهضرة ؟ محسن هادي كتقول ليا مكتعرفهاش عندها نمرتك كضل تسيفط ليك فلميساجات او تصاور مبينة فيهوم نصها او كتقولي مكتعرفهاش
محسن : يا صباح الله يهديك كتقولك لبنت كتسيفط ليا بدلت نمرة او رجعات كتسيفط ليا بلوكيتها ما مرة ما جوج شبغيتيني انا ندير ليها ؟
صباح : واه سبحان الله بدلتي نمرة او عاودات لقاتها خدامة مع لمخابرات ، هادي لي كتسيفط ليك كتعرفك او كتعرفها او مزيان
محسن : واش كتسطاي عليا كنقولك مكنعرفهاش واش انكدب عليك
صباح : نقولو مكتعرفهاش فعلا (حلات لمجر او جبدات منو واحد الساشية مورياها ليه) او هادو كتعرفهوم ؟
محسن : (غوبش) شنو دكشي بعدا ؟
صباح : معرفتيش شنو هدشي ياك انا نوريك شنو هدشي (بدات كتجبد من الساشية او توريه) هادا اسيدي عكر ماط بلون الترابي ولي سبحان الله من لألوان كاملة مكيجيش معايا او مشرياهش بمعنى ماشي لعكر ديالي ، ندوزو لتاني شعر كحل كيوصل لمولاتو حد لكتاف طاسيلتنا كاملة كدير الزيف او شعرنا ما كحلش شعري ؟ لا ماشي ديالي ، سالينا ؟ لا الله اودي باقي حنا عاد باديين ، شنو هادا ؟ هادا سليپ حمر مشبك شي واحد فسليپات ديالي هادا ؟ ابدا واش ديالي ، ملي هادو بتلاتة ماشي ديالي شكيديرو فطونوبيلتك اسي محسن ؟
محسن : صباح راني بصح معرفتش هاد لحوايج مناش جاوني طونوبيل مكانتش عندي بتاتا فهاد لأيام خليتها لعشيري
صباح : باش كتعجبني دغيا كتلقا كفاش تسلك راسك حقا معرفتش مناش جابت نمرتي حقا سلفت طونوبيل لصاحبي
محسن : اربي معا قولي ليا علاش انكدب عليك
صباح : علاه كاين لي كيحصل او يقول انا ، برهوشة امحسن تاع لخلى باش مبدلني ملي اخويا كيعجبوك بنات 18 رعام كنتي تزوج ليك شي وحدة لاش لسقتي فيا انا ، حقا اصباح انا كنبغيك حقا مكيهمنيش لعمر ، واخة تكوني كبر مني معنديش موشكيل او مكيهمنيش ، هادا غا مكيهمكش او شوف شدرتي اما كون كان كيهمك منعرف شغادير
محسن : (صافي طلعو ليه تاع لمعقول) واش نتي فينما ندوي معاك كلمة جوج لعمر لعمر طلعلي هادشي فراسي ، واش كنبان ليك دمدومة تال هاد الدرجة غنبغي نخونك او نعطيها نمرة طيليفوني لي عندك لكود ديالو غنكويها فطونوبيل لي كنوصلك بيها بلاما نقلب واش نسات شي حاجة واش لا ، علاش كيعجبك تنكديها عنا اصباح كنا غاديين مزيان تا بديتي فهاد شك ديالك واش لهاد الدرجة مكتيقيش فيا
صباح : (تخالطات ليها لبكية مع لهضرة) وليت دبا انا لي باغا نكدها او أنا لي كنشك فيك او انا لي مكنتيقش فيك ياك بعد هادشي كامل لي درتي فيا وليت انا لي كنشك فيك ونتا لبريء
محسن كان معصب تاع لمعقول قريب يتفرݣع عليها ولكن ملي شافها كتبكي مالقا فين ايزيد هز سوارتو او طيليفونو او خرج رادخ لباب من موراه ، مخلي صباح غتسطا بلبكا
#عند لغالية#
كانت فلبيت لابسة پينوار تاع لعومان او كتنشف شعرها فحين اكسيل كان كيبدل لدراري ليكوش او كينعس فيهوم
لغالية : (سمعات لغوات تاع صباح او محسن لي كان مسموع فلفيرمة كاملة بعدها تسمع لخبيط تاع لباب او الصوت تاع الطونوبيل مكسيرية) ياربي السلامة محسن او صباح هادو مالهوم شواقع
اكسيل : الله وعلم
لغالية : كون مشيتي تشوف صباح واش بيخير عندها ابعدا
اكسيل : خليها بينها او بين راجلها اضبرو راسهوم ، كيكون بين الراجل او مرتو خلاف بسيط كدخل لعائلة كيوساع او يتشرݣ او تا داك ستر بيناتهوم كيتحيد ملي كيدخل لبراني بيناتهوم ، اللهم تيساع
لغالية : عندك لحق ، نعسو دراري ؟
اكسيل : (دوا بشوي) واه
لغالية : (تا هي كتدوي بشوي) كحزتي نومنسا حدا واحد فيهوم
اكسيل : واخ
لغالية : رشيتي ريحتك حداها ملي كضربها لفيقة او مكتلقا تا حد حداها كتخلع او تحميها لغوات
اكسيل : واه (شد لفوطة مكمل ليها تنشاف تاع شعرها)
لغالية : خاصنا نشريو دوك لي كيشعلو ضو فسقف فلبيوت تاع دراري صغار راه كتكون بحال سلحفات ملي كتشعلها كضوي واحد نجيمات صغار
اكسيل : عرفتها ملي نهبط غدا لكازا نشوف فلحوانت واش كاينة
لغالية : أتمشي طل على لحوانت ؟
اكسيل : ضروري راه شهراين هادي مطليت عليهوم غا ياسمين لي مقابلاهوم
لغالية : ملي تمشي سول ليا عافاك على السمطة لي كتجمع لكرش بعد لولادة مع شي كريم كيرطب
اكسيل : شبغيتي شي سمطة تبقاي تحزمي فكرشك خليها تا ترجع راسها
لغالية : راها مكترجعش كيفما كانت بلأخص لكرش تاع توام حيت كنكون كبيرة بزاف غتبقا ليا مدلية
اكسيل : أو تبقا مدلة عادي شكون شافك
لغالية : شفتيني نتا شفت راسي اتقنطني
اكسيل : نتي تعرفي
لغالية : جبد ليا حوايجي عافاك نسيت منجبدهوم
اكسيل : (مشا جبد ليها واحد لپيجامة واسعة مع لحوايج دخلانيين)
لغالية : خلي سلپ او رد هادو حيت مكيعدالوش ليا فرضاعة راني شريت لپيجامة او ستيمات تاع رضاعة اتلقاهوم فجيهة لوخرة تاع لحوايج او جيبلي معاك تاشي فوطة صحية
اكسيل : واخ (جاب ليها حوايجها او عاونها فلبيس)
لغالية : (لبسات لتحتانيين او بقا ليها لفوقنيين) انلبس راسي
اكسيل : (عنقها من لور خاشي راسو فعنقها كيبوس فيه) وايلي وصلتي تالهنا او بغيتي تلبسي بوحدك
لغالية : (بورشها فعنقها او فصدرها حيت يديه لي كانو محطوطين عليه كانو باردين) غادي غا تفيقو او متلقاش كي تبدو اسي اكسيل
اكسيل : ايمتا تسالي هاد ربعين يوم ديالك خلاص
لغالية : هههههه مابقيتيش قاد تصبر ولا
اكسيل : حسبي شحال دبا ونا صابر
لغالية : غي شهراين او شي حاجة وصاف كنتي كتسافر تلتشهور ربعشهور ݣاع مدرتي هاد لحالة ههههه
اكسيل : (زاد فعمق لباسات تاع عنقها) ديك ساعة كنتي بعيدة او كنا كندوزوها صيام او قيام بليل اما دبا راه غا حدايا
لغالية : بلاتي أبعدا غا نلبس كيدخلني لبرد من جرح
اكسيل : (عاونها تا كملات لبيس او رجع كيبوس فيها من فمها)
لغالية : (حكمها حكمة خايبة مخليها دوب فبلاصتها او دوز يديها مور عنقو مندامج معاه ، هو أمص ويجر فشنفتها لتحتانية او هي شادة شنفتو لفوقانية)
اكسيل : (دخل لسانو فمها معمق لبوسة او مخالط ريقهوم)
لغالية : (تزنݣ وجها او تقطع فيها نفس شي ليخلاها دفع اكسيل شوي)
اكسيل : (طلق سراحها نسبيا مخليها تاخد نفسها)
لغالية : نومنسا غتفيق اتحس بلغدر اتفيق
اكسيل : (كان كيبوسها بوسات متقطعة) يالاه نعسات مغتفيقش ولكن تاني فاق
لغالية : هههههه ياك علمتك مبروك عليك ربحتي عومة مݣلاصية
اكسيل : ضحكي ضحكي
لغالية : (شافتو ناض عليها) الى مفيكش لي يدوش بلما لبارد نفكك بطرق اخرى ؟
اكسيل : بطرق اخرى (صغر فيها عينيه) لا بلاش انمشي ندوش
لغالية : هههههه ايوا سير سير
اكسيل : (دخل ادوش فحين لغالية ركبات ديك لي كتجبد لحليب )
لغالية : (ملي خرج اكسيل من لحمام لقاها عمرات رضاعة ونص)
اكسيل : (لبس حوايج او جا باغي اشد فيها) حݣرت دوك جوج برقوقات ديالك سعا عطا الله فيهم لخير غي من قبيلة لدبا عمرتي رضاعة ونص على ديك رضاعة لي كانت قبل سونطرال صافي
لغالية : (شيرات عليه بصرفاقة) غي تبقا طنز عليا تما
اكسيل : (تكا حداها) غا ضاحك معاك
لغالية : عرفتي عييت سخسخت بغيت غا نعس قبل ميفيقو دراري عاود
اكسيل : (دوز يديه تحت راسها) غي نعسي دبا نتي الى فاقو انعطيهوم ارضعو
لغالية : باش اتعطيهوم ارضعو همم ؟ هههههههه
اكسيل : دوك الرضاعات تاع سونطرال لي عمرتي
لغالية : باركة مطنز او نعس غدا تابعك تقدا لخطوبة تاع مجد
اكسيل : (تنهد) واييه حريرتو تا هو
لغالية : ههههه باش تعرف شنو كنت هازة عليك
اكسيل : (زاد عنقها او تخشا فيها)
لغالية : ناقصك لحنان هههههههه
اكسيل : نعنقوك ماحد باقي مزاحمني فيك حد
لغالية : ونا كنقول نومنسا لمن شبهات كتغير من ولادك اهيا
اكسيل : (زاد زير عليها) هانتي اتشوفي دبا شاركوني فلبرقوقات ديالي نهار كامل عندهوم ، ايزيدو شوية ابغيو انعسو حداك او تبقاي عليا اكسيل نعس فوق لفوطوي ولا فبيت خرى ماسينس باغي انعس حدايا
لغالية : تخيلتي نتا السيناريو ݣاع او بقا فيك لحال حيت نعستي فبيت خرى او ماشي حدا مرتك لعزيزة لي هي انا او صبحتي حاقد على ماسينس اما نومنسا مقديتي تقول ليها والو ، ماسين خلاص هاداك خاصو غا يبدا اتمشا على رجليه غيخوي لبيت فشك تا دار
اكسيل : هههههه درتي فيلم كون غا قريتي لإخراج
لغالية : ياك أبعدا عندي موهبة ههههههه تصبح على خير المغيار
اكسيل : ونتي من اهل لخير
اكسيل فاق بكري حيت كان تابعو شلا شغال ايدير ، دخل توضا او صلى الضحى عاد لبس حوايجو او مشا عند دراري ، شاف السكر عند ماسين او خلط ليه لانسولين عاد عطاه يرضع
اكسيل : (لقا نومنسا او ماسينس فايقين ولكن ساكتين) صباح لخير ، فقتي ابنتي أ فقتي تا نتا الحتروف كي درتي تا بقيتي ساكت موالف كتفيق على صداع او لغوات
رجعهوم انعسو عاد هبط لتحت مصادف لحاج
لحاج : فقتي
اكسيل : (باس ليه يديه) واه
لحاج : الله يرضي عليك ، خارج لشي بلاصة ؟
اكسيل : غادي غا نقضي شي غراض فلحوانت
لحاج : خليني نيت نمشي معاك معندي مندير هنا
اكسيل : واخ
لحاج : (ركب معاه فطونوبيل او شدو طريق لفين غادين) فخبارك بلي دراري باعو لبلادات او ديور لي عندهوم ؟
اكسيل : واه
لحاج : عرفتي او ممنعتيهومش لاش بغاو لفلوس ؟
اكسيل : بغاو لفلوس باش ايسيفطة سناء لفرانسا تعالج
لحاج : او ملي هاكداك علاش معطيتيهومش نتايا لفلوس ولا قلتيها ليا نعطيهوم ليهوم انا لاش خليتيهوم ايبيعو كولشي خلاو غا لقهاوي او ريسطو لماباقي كولشي باعوه او لمشكيلة ضاعو فيها خداو نص تاع تمان حيت مزروبين دوك لبلادات او ديور ماشي تاع داك تمن نهائيا ، او لقهاوي لي قلت ليك او ريسطو لي بقا عندهوم فلوسو أصلن مكيشدوهاش نيشن لجمعيات يعني بقاو على ضس كنتي متخليهومش ايبيعو بتاتا تا طونوبيل جود باعها صباح تا هي باعت
اكسيل : علاش انمنعهوم بسلامة ؟ مهوم هادي الى ستخسرو فيها دوك لبلادات او ضيور او مباعوش لي قدامهوم او موراهوم باش ايداويوها لاش نافعين بسلامة ؟
لحاج : ومهوم مقلتش ليك ولكن كنتي تعاونهوم راك باهوم
اكسيل : شحال قدي نعاون فيهوم الحاج ولا ندوم ليهوم ، وحدة قريبة تولد لاخر مزوج لي موراه قريب اتزوج لينتا ايبقاو بابا ؟ الى مقدوش على معلوم بدوك لكتاف او طولة غا يقلبوها تشياخ
لحاج : ايا ولدي ملقيت مناش نشدك مالك شريتي من عندهوم داكشي لي باعو دوي ؟
اكسيل : فين غلقا بحال دوك لبلادات او ديور بداك التمن همزة او جابها ربي
لحاج : ربي واش محشمتيش
اكسيل : علاش انحشم ياك هوما بغاو ايبيعو ونا سيفط لي شري ليا من عندهوم بتمان لي مسلكني
لحاج : ايا بوسكة فلبيع او شرا متعقل على حد ضربتي ولادك لجدارة لودن حشيتي ليهوم ركابي
اكسيل : ايوا لغالب الله لبيع او شرا هو هادا
لحاج : تحرميات هوما هادو
اكسيل : ههههههه غدوز معايا نتقداو لخطوبة تاع داك دحش
لحاج : مانعرف لديك لخطوبة داك ميمون شام فيه ريحة لغدر غيعصر مجد تاع لمعقول
اكسيل : انا مناش خايف هو ديك جرانة غيبقا اعصر فيه اعصر اعصر او مجد اصبر اصبر تا يطرطق عليه مايبقا عاقل لا عليه لا على غزلان ، راه كيضحك لواحد او يصبر عليه ولكن فاش يمشيو تا يطلعوليه تاع لمعقول غيقلب عليهوم
لحاج : الله ايدير لي فيها لخير هادا منقول ليك
بقا لحاج مرافق اكسيل تا قضاو غراضو او شرا داكشي لي كان خاصو يشري عاد رجعو بجوج لدار
اكسيل : (بعدما بدل عليه مشا نيشن عند صباح لبيت)
صباح كانت متكية فوق ناموسية مخرجاتش من بيتها من لبارح فاش خرج محسن او معاودش رجع ولا سول او تا هي مصوناتش عليه حماتها غي لبكا تا راسها بغا يطرطق عليها
صباح : (مسمعات دقان فلباب ناضت بزربة لحمام غسلات وجها عاد مشات حلات لاكسيل لاقياه جايب ليها لماكلة) بابا
اكسيل : (لاحض بلي عينيها منفوخين بلبكا او عرف علاش كتبكي ولكن ميغا يقول والو حيت فلأخير موضوع كيتعلق بينها او بين راجلها) جبت ليك عشاك قالولي مكليتي والو من صباح
صباح : ضرني راسي شوية مكانش فيا لي ياكل
اكسيل : ياكما شقيقة لي شداتك عاود مشربتيش ليها دوا ؟
صباح : ديك لغبرة لي موالفة كنشرب ليها ميعداليش نشربها دبا
اكسيل : نمشي نجيب ليك شي حاجة من لفرماسيان
صباح : لا بلاما تعدب راسك انا غنعس او ملي تفيق غنولي مزيان
اكسيل : (باس ليها فوق راسها) تعشاي عاد سيري تنعسي
صباح : واخ
اكسيل : محسن مكاينش مبانش ليا ؟
صباح : خرج يقضي شي غراض
اكسيل : مزيان الله ايعاونو ، تصبحي على خير
صباح : ونتا من اهل لخير
#غدليه#
وصل نهار تاع لخطبة اخيرا مجد كان متحمس او خايف فنفس لوقت ، كان كولشي كيوجد راسو لهاد لخطوبة سوا هوما سوا غزلان او عئيلتها ، كان لحاج او لحاجة او عمام او عمة مجد مع عيلاتهوم او رجلاتهوم غيمشيو معاه ، اكسيل او جود او محسن اما لغالية مكانش يعدال ليها تمشي صباح عيانة شوي او معندها خاطر ياسمين بقات معاهوم
اكسيل : (صونا لمحسن)
محسن : الو عمي اكسيل
اكسيل : فينك دبا نتا من سبوع ونتا غابر
محسن : غي تلاهيت مع شي خدمة او صاف
اكسيل : حط داكشي لي بين يديك واجي لدار توجد راسك باش نمشيو مجموعين عند الناس
محسن مخلالوش فين ايجاوب او قطع عليه ، بقا كيشوف تا عيا هو ينوض من ناموسية بدل عليه او رجع لدار لي منهار تهاز هو مع صباح معاودش عتب فيها
جود : جيتي ، فين كنتي غابر أصاحبي
محسن : شدني غا واحد لغراض
جود : سربي سير بدل عليك راه كنتسناوك غا نتا باش نمشيو
محسن : واخ
تخطا جود او طلع لبيتو ملاقيش صباح تما ، مشا لجيهة تبدال ابدل تا ضرب فيها واقفة بدوپياس كتشوف شنو تلبس ، فحين صباح مكانتش رادة لبال ݣاع واش جا
محسن : (تكوانسا فبلاصتو لاقي راسو كيطلع فيها او ينزل من ساسها تال راسها) احن سلام
صباح : (ملي سمعات صوتو ضارت عندو تالفة شوي) س.سلام
محسن : (هزات صباح پيجامة لبساتها بزربة او خرجات من حداه ، تبعها بعينيه منهد قبل ميضور البس عليه تا هو)
صباح : (مشات ݣلسات فوق ناموسية حازمة راسها لي كان غا كيطبخ فهاد لأيام كاملة)
محسن : (ملي لبس عليه خرج عندها لاقيها باقة غي پيجامتها) مغتمشيش
صباح : (بهدوء) لا
محسن : كتشربي شي دوا لداك راس ؟
صباح : شقيقة لي جاتني غنشوف نمشي عند شي واحد اكويها ليا
محسن : (غوبش) عاودي عاودي عندمن غتمشي او شنو يدير ليك ؟
صباح : قلت ليك انقلب على راجل لي كيكوي على شقيقية يكويلي راسي باش تفوتني
محسن : غيكوي ليك الرأس من فوق الزيف كي غيدير ليها
صباح : شمن من فوق زيف ؟
محسن : هي لقضية فيها تحياد زيف
صباح : واه ، لضرورة احكام لغالب الله راسي باغي اطرطق عليا او دوا ميعداليش نشربو دبا كي بغيتيني ندير
محسن : على قلت لعيالات لي كيكويو شقيقة ولا قولي لبركة عند رجال ياك
صباح : لمرا لي كنعرف كتكوي على شقيقة مكيناش مسافرة او مغترجعش دبا
محسن : ايوا تسنايها تا ترجع اما باش تقوليلي تمشي عند راجل اكويك هاديك لي مغتكونش
صباح : (كمل عليها داكشي نيت لي كان خاصها) واش دبا انا الى مرضت منمشيش لطبيب تسطيتي
محسن : نسميك مرا اعتبو رجليك عند شي زمر والله تا نݣرضهوم ليك
صباح : تݣرضهوم ليا ياكما واخدني بلى طسيلة جرب غي يديك تهز على كتفك عليا الى منحرك بابا او ݣرضوك خوتي راني مكنتسماش
محسن : (حلف تا يخرجها على طوعها على لبلان تاع طيليفون او على لبلان تاع تمشي عند راجل اكوي ليها راس ، هو غي كيسمع الراجل اكوي عقلو كيمشي لقنة خرى ، قرب عندها تا زيرها معا لحيط او دوا بجدية مخالطة بتهديد) كنقسم ليك برب لكعبة اصباح تعتبي عند شي راجل كيكوي على شقيقة تا نݣرضك او تشوفي مني داكشي لي مشفتي من بعد ايجي باك او خوتك اقتلوني ولا يݣلسو سمعتيني
صباح : (تخالطو عليها لمشاعر ها ضران الراس ها لغيرة ها لوحش ها لحبالة هي تعطيها لبكا) لاش كتقرب بعد مني
محسن : (شدها من فمها مزير عليه تا خرجو قنانفها عاد هبط راسو بايسها منهوم بزز عليها) باغي نقرب شغلك
صباح : (دفعاتو عليها ماسحة فمها) ماتبوسنيش فيك ريحة ايناس
محسن : شكون ايناس
صباح : ديك لبنت لي كانت كتدوي معاك ولا نسيتي سميتها
محسن : ولكن ديك لبنت مكتباتش ليا سميتها باش عرفتيها ايناس
صباح : (زلقات ليها ناسية راسها) علاه مكتبتش ليك سميتي ايناس ، وايلي نسيت ݣاع
محسن : لا مكتب… (ملي ستوعب غوت) كفاااااش ؟ دبا نتي هي مولات هاد لبلان كامل
صباح : (كتقول غا ياربي ميخبطهاش) هانتا ابيبي كالم طوا او تفكر بلي انا حاملة او متغوتش عليا
محسن : راه خاصني نلوح جدك من شرجم على هاد لفعايل طلعتيلي لطونسيو بديك روينة لي نوضتي باش شنو باش فلخر نلقاك نتي هي رأس لحربة ݣالسة عليا مافيك تيقة خائن مزمر شككتيني فراسي ابنت لعبد
صباح : هانتا انا بغيت غا نخلق شوي تاع لومبيونص بيناتنا شت لملال شدنا
محسن : وراه انا لي خاص نشد جدك على هاد لفعايل سليپ فطونوبيل لعكر لميساجات
صباح : (غوتات عليه) متغوتش عليا والله ايلى او زيدون كون جاوبني فطيليفون ݣاع مندوز لحوايج خرا ملي سيفط ليك ميساج كان عليك تجاوبني او تخوني معايا ماشي تخليني منشورة
محسن : (شد راسو) ياربي غتخرجلي هادي لعقل
صباح : هادي دير ليك لعقل ملي تسيفط ليك شي بنت جاوبها او خوني معاها باش علأقل ملي نحصلك تكون داير علاش صافي احياتي
محسن : لا لا نتي صافي تفضيتي غنمشي لخطبة تاع خوك او ملي نرجع نتفاهمو ايلى مفديت فيك هاد سيمانة تاع لأعصاب او طانسيو منتسماش محسن
صباح : (خلعها) شكون قالك سميتك محسن أ ؟ شكون كدب عليك الؤي
محسن : (مجوبهاش او خرج عاقدهوم) هاني جيت
مجد : (مشاو ركبو معاه فطونوبيلتو) مالك أصاحبي مقلق
محسن : اكبر جريمة ادير فحق راسك هي تزوج والله اختي مجد بحالا غادي تخطب لموت ونتا بكامل قواك لعقلية
جود : دوي أخاي على راسك اما انا احسن حاجة درت هي تزوجت ، راه غا مطلعا ليه صباح دم داكشي علاش كيقول هاد لخضرة ايما مكاين من أنك تعنق كائن حي ونتا ناعس
مجد : شدارت ليك صباح تا زعفتي او تقلقتي بحال هاكدا
محسن : يا خويا منين حملات او هي مكاين غا زبايل او لكوارت تخايل سيدة تلتشهور او هي كتسيفط ليا على اساس شي بنت او كنوض نبدل نمرة او نلقا سيدة وا ضبرات عليها دخلني لوسواس ، سيمانة هادي او هي عاطياها لبكا الخائن مافيك تيقة فاعل تارك شكون هاديك معامن كتدوي ولي حطات ليك سليپها او عمرها فطونوبيل او شعرها ، باش فلخر شنو نلقى لالة صباح هي لي دايرة هاد لبلان كامل
جود : هههههه يا خاي زهرك عطيناك قتلة تاع لعصا مبغيتي تبعد ضربك لواليد علقك مابغيتي عفاك او هانتا جيتي ربحة
مجد : صباح ماشي تاع هاد لفعايل غي لوحم طاح عليك او صاف
جود : نري دري غيشبهك حمد الله مكانش بنت ايما تخرج غي محسن بزيف ، غي تخايلتها شداتني الضحكة ههههه
مجد : هههههه حمد الله ربي كيدير لي فيها لخير
#عند لغالية#
كانت فلبيت ݣالسة مع ياسمين كيطويو شي حوايج تا دخلات عليهوم صباح
صباح : ناري قفرتها البنات
لغالية : شدرتي عاود
صباح : (عاودات ليهوم كولشي) قلت زعما نحصلو كيخوني مع راسي سعا قفرتها معاه ، حالفها فيا غا يرجع افديهوم فيا فناضاركوم شغيدير ليا ݣاع
ياسمين : شغيدير ليك غيكويك صافي
صباح : ربي ربي
لغالية : شتك كتفرنسي عاجبك لحال
صباح : كون عرفو خرتها كوا كون درتها من مشحال هادي
ياسمين : لي سمعك تقولي راه كان قاطعو عليك شوفي غي عنقك كي مطبع
صباح : ويلي كيبانو معيقين ، باين طبايع تاعاش ؟
ياسمين : باينة لعما فطلمة
صباح : ويلي ويلي او كنݣلس قدام لواليد كنفرنس بكل روح رياضية
لغالية : تا نتي كولشي كيكوي او كيتكوا فهاد لوقت ياسمين مدي ليا دوك لكضيات لي تجابو نشوفوهوم
ياسمين : (جابت ليها الساشيات او لكارطونات) قلت انا واش حليتيهوم
لغالية : لا باقي داكشي باش تجاو باش بقاو
صباح : (وقفات طل على دراري لاقية نومنسا بوحدها لي فايقة داكشي علاش هزاتها لعندها) لحبيبة ديالي فاقت ؟ بغيتي تشوفي لكادو لي جاوك أ ؟ نمشيو نشوفوهوم مع مامي هههه
لغالية : (بقات كتحل فلكراطن لي كانو فيهوم حوايج ولا پوپيات ولا العاب تاع دراري صغار) الى بعت هادشي شحال ايجيبلي
ياسمين : هادو كاملين مركاتهوم غالية يعني ايجيبو ليك التمن ولكن مغتحتاجيهومش
لغالية : راني غا ضاحكة مغنبيعهومش ولكن انعطيهوم لشي حد محتاجهوم انخلي غا لپوپيات او شوي تاع لألعاب ، عمك اكسيل او راجلك او لوسك او عمك قتلوني بشراوط غا كيشريو تقول والدة ميا
صباح : نومنسا شوفي پوپيات معجبوكش ؟
لغالية : حيدي حيدي شمن پوپيات بنتي وا نعرفها (هزات دوك الساشيات جابدة منهوم شي باطات ، كل بارطة كانو فيها مجوهرات فشكل) شوفي پا سيدي او مي لالة شنو شراو ليك اخنيفيسة
نومنسا : (غا هي وراسها كضحك)
لغالية : راني قلت ليكوم بنتي غا شافت لبراسليات تاع دهب بدات كتفرنس ياك اخوينزة ديالي
ياسمين : درتي لاباس اعمتي ، لواحد ايجيوه بحال هاد لكاضويات يبقا غا يولد
صباح : تا نتي ولدي شكون شادك
ياسمين : هههههه مالي تسطيت نمشي نفرع راسي غا هاكداك
لغالية : ههههه تهنيتي ، نجيو نفرزو دهوبات هادو ديالي او تا هادو او هادو تاع نومنسا
صباح : ودراري جابو ليهوم
لغالية : (جبدات من لمجر شي جوايات) ها كضوياتهوم هوما عيواض دهب
صباح : بابا شنو جاب لنومنسا تشوقت نعرف
لغالية : لكاضو ديالها باقي موجد
ياسمين : او لكاضو ديالك نتي
صباح : متقوليش باقي مجاب لماين ولية العهد لكاضو
لغالية : ههههههه ياك ابعدا نستاهل كاضو ، حب قلبي كان مواعدني يديني لعمرة بعدما نولد او يكبو دراري شوي
ياسمين : مزيان ولكن مشيتي مشيتي حجي نيت
لغالية : وقال ليا نحجو قلت ليه هاد الساعة غا لعمرة باقي متبت انمشي نحج او نرجع لزبايلي شمن حج شد فيا ولا بقا
ياسمين : عارفة راسك أبعدا
لغالية : ايوا لكدوب عالله حرام نمشي نحج او نرجع نزبلهوم كارتة مور كارتة نزلي كنافق ، او نفاق نيت لي بقا ليا فلحساب
صباح : ايوا نتي ولدتي جاب ليك بابا كاضو ونتي جبتي لواليد كاضو حيت حملك ؟
لغالية : (تزلعات بضحك) صافي كملات ههههههههه شغادي نعطيه جائزة انشط حيوان منوي ؟ ولا ندير ليه تمتال على شكل تبو ولا حيوان منوي ؟ ختاري شكون فهادو لي نهديه
ياسمين : الى كنت نعرف عمي اكسيل او بما انك درتي تمتال درتيه ديريه على شكل ديالك ايعجبو كتر
لغالية : نبطنو من لداخل باش إخلي ديالي او يمشي عند تمتال هههههههه مالي تسطيت اصلا هو كيقول ليا وجودي احسن كاضو ليه
صباح : لواليد لواليد قالها ؟ لعجب
لغالية : او مالك علاش ميقولهاش او كيفوتها لهيه
صباح : كتجيني فشكل نتهليل بابا بشخصيتو كيتغزل كنتخايلها
ياسمين : غيكون كيقولها هكدا بحالا باغي اسلخها (ناضت كتقلدو ، عقدات حجبانها او دوات بجدية) لغالية جيتي زويني ، تبقاي تلبسي هاد شرويطة ديما
لغالية : ههههههه لهلا يحييك اسلحفانة تا يكون كيدوي هاكداراه حنين البنات
ياسمين : صافي صافي لقيتها عمي اكسيل تعبير كيخونو داكشي علاش عيواض ميقول ليها كنبغيك غيعلقها فشجرة ولا يسلخها قمت لحب كيما كيدير مع جود او مجد او محسن
صباح : هههههههه هاد سيناريو قدرت نتخيلو سبحان الله
نومنسا : (طلقاتها لبكا)
لغالية : هانتوما بكيتولي لبنت علاش كتعيبو ليا فباه شوف كي بقا فيها لحال ( هزاتها عندها كطبطب عليها) صافي صافي ابنتي
ياسمين : واغي متبكيش الحاجة هاحنا ساكتين هزاتك النفس على باك
صباح : باش تشوفي ليك لبنت من دابا ولات طيح على باها او يطيب خاطرها الى جبدناه ، باقي تا مكملات عشريام باش عرفتيه ألبخوشة
لغالية : بعدولي من بنتي لحنينة ديالي هادي
ياسمين : منعرف فين ايكونو وصلو هادوك
لغالية : ريحة عطات غا الله احضر سلامة
#عند اكسيل#
كانو كاملين مجموعين فصالون واحد ضايفوهوم او ستقبلوهوم مزيان
اكسيل : (شاف فميمون لي على عكس آخر مرة كانت راشقة لي ليه) سي ميمون جينا قاصدينك للمرة تانية باش نطلبو يد حفيدتك غزلان لولدنا مجد على سنة الله ورسوله
ميمون : تا حنا اسي اكسيل منرضوهاش ليك فوجهك بما انو لبنت باغة او دري باغي منزيدوهوم غي لخير والاحسان
جداتها : (طلقات واحد تزغريتة او تسالمات هي ولحاجة وصفية و رقية و رابحة) مبروك عنا
لحاجة : الله ايبارك فيك
سناء : (طبطبات على ضهر غزلان مبتاسمة)
لحاج : نقراو لفتحة
ميمون : نقراوها
جود : (هزو يديهوم او قراول لفاتحة) غا نقولو مبروك
مجد : تا نخرجو من هاد الدار عاد تقول مبروك
اكسيل : بما انهوم كيتعتابرو دبا رسميا مخطوبين مكاينش لاش نزيدو نجرجروهوم معانا داكشي علاش الى جاكوم مناسب لعقد نديروه بعد سيمانة
ميمون : واه الى كان مناسب غزلان مكاينش موشكيل او كان مناسب تا ولدك معندناش مانع
اكسيل : مكنضنش عندهوم موشكيل
ميمون : ولدك غيقدر الحق
لحاج : غيقد الحق على لوراق تاع لعقد علاش ميقدرش الحق
ميمون : ماداويش على لوراق داوي على صداق
اكسيل : صداق لبنت تافق مع مجد عليه او نهار لعقد تشدهوم مكاين تا موشكيل
ميمون : لا صداقها هو شرط ديالي باش اتزوجو راني قلتها ليها
اكسيل : شحال طالبة فصداقها ؟
ميمون : صداقها انا نقولو ليك
جداتها : ميمون
ميمون : قلت شي عيب ياك ابنتي شرط الى بغيتي هاد زواج صداقك بيدي
غزلان : (كانت كتقول غا لباس ملي قبل بزواجهوم لفرحة مقداتها داكشي علاش قبلات شرطو أنو هو لي يطلب صداقها) واه
مجد : (مفهم والو باقا غا ساكت كيتسنا لقرطاسة لي ايطلق عليه ميمون)
اكسيل : قولنا صداقها اسيدي
ميمون : انا مغنطلبش بزاف غنطلب غالي من مقام حفيدتي ، واخة هادشي لي غنطلب ميدير تا صبع من لي تستاهل حفيدت ميمون
اكسيل : (رجع راسو لور كيحاول ميغوبش)
ميمون : فصداقها بغيت ڤيلة بالجردة ديالها او لاپيسين تكون لڤيلة من لحجم لكبير ، مع عشرين مليون كاش أو تلاتة تلاتة من لحاجة ، مع جوج اصمبلات بلبراسليات ديالهوم ، سرتلة تاع ستة او جوج براسليات خرين مع ݣورميط طويل ، او اخيرا طنوبيلة
مجد : (طلع ليه زعاف تا نطق بلاما يشعر) متأكد هادا غي صداق ماشي لارباح تاع مشروع ؟ الى لقيتي لي يعطيها هاد صداق جيب نتزوج بيه تا انا
محسن : مجد
مجد : (شاد راسو بزز) واش مشتيهش شكيهترف ، متبغيش طيارة تا هي
غزلان : (صدمها ميمون) جدي
ميمون : خليك برا ونتا الى مكنتيش قاد تا على صداقها لاش مزاحم ، ويلى مبغيتيش تعطي هادشي غا نسا هاد زواج أو خلي لي رجال لي قادين على صداقها
لحاج : مكاينش لاش نقولو هاد لهضرة ان شاء الله صداقها غيكون واجد غي مضربش لحساب
ميمون : ايلى كان غا غادي يوجد صداقها من فلوس باه غا بلاش
اكسيل : عاضرك على هاد لهضرة حيت مكتعرفناش او مكتعاملش معانا ، ولاد عئيلتنا من صغرهوم كيدمرو على فلوسهوم او كيخلصو قرايتهوم بفلوسهوم او كيديرو دارهوم بفلوسهوم او مكيتزوجو تا كيكونو قادين على عيلاتهوم سمعتيني اسي ميمون ، او صداق بنتك اكون خير ان شاء الله نخليوكوم على خير دبا
لحاجة : (خرجو من عندهوم كاعيين) شوف سيد ݣالس كيتشرط عنا او يعاود كبرنا ليه الشان تا حس بجنابو
جود : غي متقلقش أصاحبي ايكون خير
مجد : بسلامة
غزلان : (خرجات عندهوم) فين غادي
مجد : (كان معصب نيت) غادي لقرينة لكحلة لي ضربني او ضرب زمر تاع جدك على هاد لفعايل تاع توامل
اكسيل : (حمرهوم فيه) مجد حضي فمك
مجد : انا غادي نبدل ساعة بخرى الى زدت شوي اندخل نطحنو تفو على نهار (شد ليه طاكسي او مشا بحالو)
سناء : خليه دبا يبرد باغي يبقا بوحدو ، يالاه حنا نمشيو لدار
غزلان : واخ
جداتها : شنو هادشي درتي اميمون
ميمون : قلتي ليا قبل لخطوبة قبلت قلت ليكوم صدام انا لي نطلبو قبلتو شنو لي جاكوم عجب
جداتها : لعجب هو كيفاش وليتي ، غا كتخربق او ضرب او تزݣل شرفتي او هترتي غي الله يهديك او صاف
#عند لغالية#
كانت فبيتها كتنعس فدراري بعدما رضعاتهوم بجوج مخلي نومنسا هي لخرة حيت أصلن مكتبغيش تنعس ليها
لغالية : (دخل عليها اكسيل لاقيها هازها عندها) رجعو
اكسيل : واه (مشا نيشن حيد عليه حوايجو او لبس غي شورط ورجع عندها)
لغالية : امضرا شنو درتو ؟
اكسيل : درنا زفت هاد الساعة داك شارف عكس لأمور او طلب صداق تاع لفراعنة
لغالية : (عاود ليها شنو وقع) كنت حاسة بلي كيطبخ شي حاجة ، او شنو غدير دبا
اكسيل : انا معندي مندير لي غيدير هو مجد قد اتوكل عالله مقدش يعطي لبنت تيساع او صافي (هز نومنسا عندو خاشي وجهو فعنقها كيستنشي ريحتها بحالا كيتنفس بيها ، تكا راسها على كتفو داير يديه من موراه حيت كانت باقة صغيرة بزاف راسها كيطيح) روح نتي روح (عاود خشا راسو فعنقها كيبوس فيها) شدرتي فيا البخوشة أ ؟ شدرتي فيا ؟ مشيت نخطب لخوك جيت مقلق غي شفتك نسيت كولشي ابابا كنت كنقول غا ايمتى نرجع لدار ، ماسين كي داير عندو سكار ؟
لغالية : مريݣل هاد ساعة عاد شوي عطيتو شوي تاع لحليب او نعستو
اكسيل : (قابل معاه نومنسا) نمشيو انعسو ازين أ ؟
لغالية : خاصها تنعس راه تعطل عليها لحال مابغاتش تنعس ليا شريفة الى منعستيها نتا متنعس
اكسيل : هههه (داها معاه لحمام يغسل سنانو) نسل ليك سنانك تا نتي ، آه معندكش سنان كي شارفة
لغالية : وا تا تريبية مفلتاتش من تنمر ديالك
اكسيل : (رجع لبياص متكي على ضهر او حاط نومنسا على صدرو) طفي ديك ضو
لغالية : غتنعسها هاكدا فوقك
اكسيل : واه
لغالية : غتقلب او تقلبها الله يستر
اكسيل : متخافيش انا مكنتحركش فنعاسي
لغالية : وا دي لبنت تنعس فبلاصتها غتعدبها بهاد نعسة
اكسيل : شوف عينيها كي تعسلو هادي حالة وحدة معدبة
لغالية : ملي بغات تنعس ديها لبياصها تولفو او منها متقطعش ليها نعاسها
اكسيل : دبا واش غرتي منها ولا كيفاش
لغالية : وا وا ولفت كنتوسد صدرك ونا ناعسة نتوسدها دبا هي
اكسيل : تسالا عقد لكراء ديالك بعت لبقعة ليها
لغالية : (معجبهاش طفات ضو او غمضات عينيها كتبرݣم) نعسي نعسي نتي معامن جات واخدة لبلاصة لمخيرة هاد ساعة بان ليا انا لي غنبقا نعس فوق لفطوي
اكسيل : (بتاسم على نݣير ديالها ، حط يديه على ضهر نومنسا كيطبطب عليها) نعسي نعسي اثقطيط اينو أتسكورة (دلع بشلحة ههههه) نعسي شي ناس كي لقنبولة ايطرطقو عنا بلغيرة مكيقدوش ايشوفو اب او بنتو منساجمين
لغالية : (شافت تا عيات هي تكحاز عندو تا لسقات فيه او حطات راسها على كتفو) لي معنا عليا امعني على مو ، ونتي متولفيش سلفتك هاد لبلاصة غا هاد ليلية غدا بياصك ولا شوفي شكون ارضعك
نومنسا : (تنوغشات فنعاس او بغات تبكي)
لغالية : صافي صافي انرضعك ولكن تا نتي تعاملي معانا او رجعي لبياصك عطي راجلي تيساع صافي (شافتها رجعات نعسات) صافي تافقنا
اكسيل : ههههههههه
لغالية : مضحكش نتا او نعست
اكسيل : هاني ناعس
#عند مجد#
لقا راسو ݣالس فالجردة تاع دراري صغار راكب دواحة او كيدوح او هو كيفكر معصب ، بقا شحال تما كيترد او كيفكر تا بدات غزلان كتصوني عليه
مجد : (مكانش عوال ايجاوبها فلول حيت مكان فيه لي يدوي ولا يتناقش مع شي حد ولكن فلأخير جاوبها) الو غزلان
غزلان : الو مجد فينك ؟ نتا بيخير ؟ نجي عندك فاشمن بلاصة كاين
مجد : معندك فين تجي عندي انا مزمر هاد ساعة انصدق شاعل معاك ، انا شرحيلي هاد لبلان تاع صداق بيديه على هاد لحساب غي نعقد عليه نيت او نكويه على دوك لفعايل
غزلان : هو قال ليا هو لي يقولك صداق كان هادا شرطو باش اخلينا نتزوجو ميسحابليش غيتشرط عليك هاكدا
مجد : هادا كيتوحم عليا ياكما كتجيه ريݣلا تا هو
غزلان : حشومة تقول هاكدا راه جدي
مجد : بزعطة الى جدك انا راه طلعلي فوق راسي ، وا كون جاني فوقيتة مرخوفة ميغلاش عليك داكشي لي طلب ولكن جاني فوقيتة حازق تاع لمعقول ريال هو لخر منكسابوش ، بعت كولشي اغزلان مابقا عندي والو بقيت على ضس تا من لخدمة باقي تا مسخنت بلاصتي فيها ، كي غندير نجيبلك طونوبيل ونا منكسابهاش غا قولي ليا ، داكشي لي مخبع مباغيش نقيسو لمصاريف تاع لعلاج دلوليدة معرفتهومش بشحال غيخرجو
غزلان : راني عارفة شنو كاين انا غندوي معاه او نحاول نقنعو صافي او نشوف تا مع جدة تدوي معاه خالتي لموهيم نشوف كي ندير نقنعو ، نتا غا متقلقش صافي ايكون خير
مجد : ايكون خير غنقطع دبا بسلامة
غزلان : بسلامة مديرش فبالك غنلقاو لحل
#عند محسن#
محسن : (دخل لبيتو نيشن بعدما رجع لدار)
صباح : (بصوت حنين) رجعتي
محسن هز راسو فيها مغوبش او فنفس لوقت مصغر عينيه او معجب فيها ، السيدة لابسة شوميز دنوب كحلة او مشبكا او من تحتها ملابسة والو غي سترينݣ ، قصيرة او مفتوحة من جناب او صدر لي تا هو كان باين تحت ديك شبكة ، كريشتها لي كانت منفوخة او باينة شوي زادتها واحد لجاذبية اللطيفة لي تخالطات مع جاذبية لإثارة لي كاينة فباقي جسدها ، مصايبة شعرها او طالقاه بطولو على كتافها او ضهرها ، ريحة عطرها عمرات لبيت أو كلما كانت كتقرب منو كانت كتعمر ريتو بعطرها
محسن : (دوا مستغرب) شهادشي دايرة فراسك
صباح : (وصلات عندو او مدات يديها حاطاهوم على صدرو) قلتي اتفدي فيا داكشي لي درت فيك داكشي علاش وجدت راسي ، هانتا كوي او متحنش
محسن : (ضحك ضحكة تاع لفقصة) هههه دوك لفعايل كاملين لي درتي فيا او بغيتيني نبرعك كوا من لفوق لالا كتبهريني سعداني بيك ربي مناش كتجيبي هاد تقة كاملة
صباح : وشنو دبا مكاين كوا ، هانتا ياكما يسحابلك غنفرح ولا غيعجبني لحال حيت اتكويني كعقاب الا اما مغيعجبنيش لحال بلعكس انحس بلغلط ديالي او نعاو.. بغيت نقول منعاودوش
محسن : لا لا باين مغيعجبكش لحال اوحق لمقادة لي قاديتي راسك
صباح : هانتا جرب كويني الى انا عجبني لحال بصحتي او بصحتك ، معجبنيش لحال بصحتك
محسن : ولا في احلامك يا حبيبتي على دوك لفعايل نو كواء
صباح : تا لينتا بسلامة
محسن : تا تولدي
صباح : تا نزمر قالو ليك عليا راهبة ، نتا براسك مغتصبرش
محسن : الله اعز لما بارد تزيرنا ݣاع ها صابون
صباح : هانتا غي ليوم او من غدا بدا تقرب لحسابات غي ليوم
محسن : خاصية لكواء غير مفعلة حاليا
صباح : او كينديرو نعبوؤوها ؟
محسن : غير قابلة لتعبئة إلى بعد لإنجاب ، لمعرفة عدد لأيام المرجو الضغط على زر واحد او طلب لمساعدة
صباح : هاد ساعة طالبة على لكوا ، هانتا آرا غا شي بيسة
محسن : شنايفي كونجي
صباح : متكونش مسموم غي وحيدة
محسن : تا نص وحدة لا
صباح : على مسموم كيف داير دبا اعدبك ربي ، ماخليت مول شقيقة يكوي لينا الرأس مكويتينا نتا علبرد خويا تفو
محسن : تا نكون هبيل او نجي نبرعك كوا بعد لفقصة لي درتي فيا
صباح مشا دخل بدل عليه او خرج شد ليه لفوطوي ، هي بقات كتشوف تا عيات والو لي فيها مهناها بغات تكوا او لباس ، مشات قصداتو او ݣلسات ليها على حجرو مضورة رجليها على خصرو
صباح : (قالت زعما سيد ايدير شي ردة فعل سعا والو)
محسن : غتبقاي ݣالسة هنا مغتنوضيش ؟
صباح : لا مغنوضش أجي نتا ياكما لموطور عندك مابقاش خدام ؟
محسن : ديزكتيڤيتو خارج التغطية حاليا ومستقبلا تا تولدي ان شاء الله
صباح دارت يديها مور عنقو او قربات عندو كتبوس فيه من عينيه من حناكو ودنيه كتبوس او تعض فيهوم عنقو ، عاد رجعات لفمو كتبوس فيه او تمص فكل شنفة او تعطيها لخاطر
محسن مكانش كيبادلها ولكن راه بدرع باش كان شاد راسو عمرها وعملت عليه بحال هاد الزعمة أو خدات زمام لأمور سنانو لي كانو مسدودين كان لسانها رطب او لفازݣ كيدق عليهوم
صباح : (ستغلات الفرصة او خشات لسانها اوسط فما تا عضها محسن واحد لعضة منو ، مخليها ترجع راسها لفوق او تشد فمها) اي تسطيتي
محسن : (مكان ناوي يقول والو تا شاف عينيها تغرغرو بدموع تما صافي داب) صافي صافي بلاما تبكي سمحي ليا صافي
صباح : بعد عليا
محسن : (باس ليها يديها او مسح ليها على كرشها بحنية) صافي وا صافي بلا بكا بغيت نشد فيك غا شوي
صباح : (شافتو كيقرب منها عرفاتو بغا يبوسها هي تنوض من فوقو مبعدة عليه) متبوسش اتصدق كاويني
محسن : ياك داكشي علاش كنتي كتقلبي من صباح
صباح : هاء ؟ انا ؟ ايوا الله امسخك كطيح عليا لباطل
محسن : آجي لهنا نفكرك
صباح : متفكرني منفكرك اصلا عليا حق شهر
محسن : عليك حق لهبال شمن دورة شهرية غتجيك ونتي حاملة ؟
صباح : وا وا كاينين عيالات حاملات كتجيهوم الدورة الشهرية يعني ماشي شي حاجة غريبة
محسن : (مسايرها فهبالها) واه كاينين عيالات كتجبهوم الدورة الشهرية تا فلحمل ولكن نتي ماشي منهوم حيت نتي مجاتكش منين هزيتي كتولدي
صباح : قلبتيني ؟
محسن : خروب بلادي ونا كنعرفو
(جيت نعطيكوم لوصفة كتشدو لهبال او قلة ميدار او توحام او تسطية او لمحنة او لبكية او تحرميات او الضلم او زيد او زيد او كتخلطوهوم كيعطيوكوم لهرمونات متحتاجوش تشكرون او قولو عاود فاتي الرعدة مكتفيدكومش)
صباح : دبا صافي غا انا مكتجينيش فلحبالة منتضامنش مع دولي لي حاملات ولي محاملاتش او كتجيهوم ، فين تضامن فين تعايش فين لود فين الرحمة فين لعطف فين الرفق بالحيوان فين التآزر ، فين نكونو يد وحدة جسد واحد روعه وحدة ، فين عقلك امحسن فين طيبوبة ديالك او تضامن ديالك مع العنصر النسوي هنا خاصو يبان
محسن : فين داك لي سد عوكاشة نسلخ والديه فين ؟
محسن : صافي صافي خلي تضامن فجنب واجي لهنا
صباح : ههههه تا نولد ازين (دارتها ليه على قد فمو او مشات حيدات داكشي لي كانت لابسة او لبسات پيجانة مصوفة واصلة تال ركبة عاد رجعات ݣلسات حدا محسن حالة واحد لبكية تاع الشكلاط) ايوا كي دازت لخطوبة
محسن : مفعايل ما والو اصباح ، عطيني غا شوي تاع شكلاط
صباح : لا جمع يديك (شحطات ليه ليد ، او دارت رجليها على فخاضو) دلك ليا رجليا او عاود شنو وقع فلخطوبة
محسن : (بدا كيدلك ليها رجليها) داك شارف على جوك طلب قالك فصداقها ڨيلة كبيرة بلاپيسين او جردة طونوبيل عشرين مليون ، تلاتة تلاتة من كل حاجة او جوج اصمبلات بلبراسليات ديالهوم او سرتلة تاع ستة او جوج براسليات خرين مع ݣورميط طويل
صباح : ياكما غيخطب ولية لعهد ؟ تسطا ماباغيش ازوجها
محسن : ماباغيش ازوجها لخوك ممهضومش ليه بتاتا
صباح : لهلا ݣاع اخليها عندو تا تغمل
محسن : هههههه نوضي نوضي تنعسي راه تعطل لحال (تحنا عند كرشها) ياك أصاحبي نمشيو نعسو
#بعد اسبوع#
هوما فلأصل كانو سبعيام ولكن بالنسبة لمجد كانو ميات عام ، دوز سيمانة تاع تكرفيس ديال لمعقول خدمتو من جيهة او صداق غزلان من جيهة خرى مقدش اوفر داكشي لي طلب منو ميمون ، يالاه قدر اتسلف باش اشريلي ليهوم دوك جوج اصومبلات او يوجد عشرة تاع لمليون دصداق ، كان ݣالس فلقهوة كيتسنا فميمون ايجي يدوي معاه او يحطو النقط على لحروف طامع ياكما يرجاب شوي واخة قالت ليه غزلان بلي مصر على هضرتو واخة هضرات معاه هي او جداتها
ميمون : سلام عليكم
مجد : وعليكم السلام تفضل تشرب شي حاجة
ميمون : لا مزروب طلقني علاش جايبني تال لهنا
مجد : احن ، بغيت ندوي معاك بخصوص صداق
ميمون : آه صداق وجدتيه ليوم ، غدا لي درنا ياك
مجد : واه ليوم ولكن انا باقي موجدتو كامل
ميمون : ايوا معندي مندير ليك مامكتابش ليك تزوج بيها
مجد : انا وجدت عشرة تاع لمليون او جوج اصمبلات ، الى صبرتي عليا غي شوي هاد لأيام لقضية شوي مزيرة عندي داكشي لي كان عندي بعتو
ميمون : على حساب مك ياك
مجد : واه
ميمون : قالتها ليا غزلان
مجد : او خدمتي يالاه بديت فيها تا لكريدي منقدش نهزو قلت زعما الى بغيتي نعطيك دبا هادشي لي عندي نديرو لعقد او ملي يترخفو عندي لأمور نكمل ليها صداقها يمكن تا تقيدها فلعقد
ميمون : عاطيك بنت ولا كريدي ؟ ساليتي من الشكوى ديالك على غزلان جات نوبتي تبكي عليا انا ؟ مقادش على صداقها او جاي كتزاحم كنتي تشوفليك شي وحدة تقبل عليك او على زلطك ، تا باك طلع معاك زقرام
مجد : (سرط هاد لاهانات كاملين او حاول يبقا شاد راسو) خانات صبر عليا غي شوي علاما تفك شي امور او نسيفط لوليدة لخاريج ، يمكن نأجلو لعقد شوي
ميمون : منصبر عليك متصبر عليا غدا لي درت معاك جبتي صداق تكتبو كتابكوم مجبتيهش مغنأجلش لعقد ، مجبتيش صداق كيعني مكاين لا زواج لا هم يحزنون صافي الله ايعاونك او يعاونا
مجد : ربي غي مقول ليا مالك معايا علاش حاط عليا
ميمون : مكنحملش دوك لي كيترماو لزواج او هوما مقادينش إ أمنو تا صداق عيالاتهوم ، خليتك على خير
مشا ميمون مخلي مجد حاس بلعجز بلفقر ولا لأصح بلحݣرة ، صعيب على الراجل اسمع بحال هاد لهضرة لي كتنقص منو او كتهين رجولتو ، بزاف تاع الناس الله يهديهوم مكيراعيوش لواحد كيشوفو صداق كي ديك لهمزة كيبقاو اتوحمو على ولاد ناس او كيسدو فوجهوم باب لحلال او كينقصو منهوم بطريقة خايبة
(يفضل ترفضو سيد على انكوم طلبو منو او تحملوه كتر من استطاعتو لمادية تحت شعار صداقي نطلب فيه مابغيت ، هاداك صداقك ماشي راس لمال تاع مشروع ، سمعتوني اصحبات خمسة تاع لمليون فصداق ؟ باك لي ولدك منين تولدتي تا تزوجتي مخسرش عليك هاد خمسة تاع لمليون ، تشرطي ليا على شبعان اما لمݣرد مسكين متبقايش توحمي عليه تعقدونا دراري ويلي هههههه انا غنسكت حسن)
رجع مجد لدار او هو معندو خاطر انا حاجة مابغاتش تسرط ليه بلي مقدش اكمل صداق تاع غزلان ، فهاد لوقت كانت سناء كتدوي مع اكسيل
سناء : داك زمر تاع ميمون باقي معكس دوات معاه غزلان او مع ذلك والو فشكل تا مجد دوا معاه او مصور منو والو ، كون غي خليتيني نرض دوك لفلوس لي عطاوني دراري انا قادة ندفع لعلاج ديالي
اكسيل : ولادك مفروض عليهوم ايعالجوك او يتكفلو بيك ، او مجد يالاه كلا تصرفيقة من دنيا مغيوقع ليه والو ، خليه اتحݣر باش ميحݣرش ناس
سناء : انا غنمشي ندوي مع ميمون غدا فصباح لعلى وعسى يرطاب شوي
اكسيل : لغالية طفي لكليمة دراري صغار فلبيت
لغالية : واخة
اكسيل : (رجع لاپيل) ديري معاه تمسومانت لعلى وعسى يبغي
سناء : داكشي لي غندير يالاه بسلامة
اكسيل : بسلامة
لغالية : سناء أتمشي عند ميمون ؟
اكسيل : واه
لغالية : كون غي مشيتي معاها تشرحو لداك زعاف لوضعية
اكسيل : الى مشيت غنصدق سالخ لكلب دوالديه اللهم نبقا بعيد
سناء بعدما قطعات مع اكسيل تخشات فبلاصتها او نعسات ليها شي سوايع تا صبح صباح عاد ناضت قادات لفطور ليها او لغزلان ، بعدها جمعات دار او خملاتها كتلاهي راسها بما انا فكونجي ، تا فات ليها لعاصر عاد ناضت لبسات عليها او مشات هي او غزلان عند ميمون
جداتها : (خرجات عندهوم) مرحبا تفضلو لداخل
سناء : أرحب بيك لخير (سبقات غزلان فلمشية بخطوة ، مبتاسمة ابتسامة هادئة) سي ميمون كاين ؟
جداتها : واه كاين راه فالجردة بلاتي نعيط ليه
سناء : غا خليه حنا غنمشيو عندو ، غزلان تسنايني هنا غنمشي عندو بوحدي
جداتها : (خرجات معاها لجردة) ميمون سناء جات تدوي معاك
سناء : سي ميمون
ميمون : لالة سناء مرحبا
سناء : أرحب بيك لخير جيت عندك قلت الى كنتي مسالي ندويو شوي
ميمون : ليوم لحد هو علاياش تافقنا نضربو لعقد وجد ولدك فلوس صداق
سناء : على هاد صداق بغيت ندوي معاك نيت ، راك عارف دراري صغار يالاه باغين ابنيو حياتهوم بجوج او مدام بغاو لحلال حنا لازمنا نعاونوهوم او منتعكسوش ليهوم اولا
جداتها : عندك لحق ابنتي
ميمون : او تا انا متعكستش ليهوم كاين شي زواج بلى صداق
سناء : كاين شي صداق بحال داك لي طلبتي ؟ ولدي مجد كيدوز من ضروف مزيرة او هادشي بسبابي لمرض ديالي خلى ولادي بربعة ايبيعو املاكهوم باش ايسيفطوني نتعالج برا ، داكشي علاش جيت باغة نشرح ليك لموقف مزيان
ميمون : انا فاهم لموقف مزيان ونا ماشي ضد ولدك كيما كيسحاب ليك
سناء : وعلاش تعكستي معاه واخة طلبك
ميمون : كيما قلتي نتي سباب
سناء : كفاش ؟ مفهمتش ؟
ميمون : نتي سباب لي خلاني منقبلش بولدك ، يمكن ولدك الله اعمرها ضار ولكن انا لا يمكن نقبل على حفيدتي تزوج بواحد مو طحبة بلعربية تاعرابت خانت راجلها من مور ضهرو
جداتها : ميمون يهديك الله
سناء : (حسات بهضرتو كتغرس فقلبها ولكن بقات شادة راسها ، بكل بساطة كنعاود نقول ربي كيسامح او لعبد لا) خليه اكمل باش نعرفوا كي نفكوها
ميمون : خنتي راجلك او عشتي مع واحد فلحرام او يعلم الله عاود معامن مشيتي ، كون جمعتي رجليك من لول موحال واش كنتي تمرضي ولا يخسر عليك ولدك دوك لفلوس كاملة
مجد : باشمن حق كتقول لمي هاد لهضرة ؟
سناء : (وسعات عينيها ملي شافت مجد) مجد ؟ ايمتا جيتي اولدي
مجد : (لي كان جا باغي ايعاود ايدوي مع ميمون حلات ليه غزلان لباب عالماه بلي سناء هنا فجردة كتدوي مع ميمون داكشي علاش خرج عندهوم سامع كلام ميمون لمو كامل ، شي لي خلاه يكعا تاع لمعقول ، قرب عند الشارف كارز على سنانو) غطلب منها سماحة دبا على هاد لهضرة لي قلتي ليها
ميمون : علاش تتطلب سماحة مالي كدبت عليها قلت غا لي كاين حمد الله درت بوجه حفيدتي لي ربات ايما منخليش وحدة بحالها تحط رجليها فداري او توسخها
غزلان : (ملي حلات لباب لمجد مشات لكوزينة تشرب مجات فين ترجع تا شافت دنيا مقلوبة) جدي شواقع مالكوم
جداتها : ميمون يهديك الله
مجد : ياك هادا هو كلامك
سناء : مجد سير خلي لكبار ادويو
مجد : والله منمشي شيسحاب ليك راسك ݣاع ؟ لي تجي تبقا تحاسب فمي او تعايرها او تقلل منها ؟ باشمن صيفة كتجرحها او تهينها دوي ؟ كون كانت فيك لفايدة كون خديت حق بنتك لي تغتا’صبات علأقل ماشي دير رجل على رجل ؟ انا فبلاصتك نحشم نقول على راسي راجل او بنتي تعداو عليها او مخديتش ليها حقها
ميمون : (جمعها معاه بتصرفيقة ، معصب او مخنوق من هضرتو لي قاست ليه نقطة ضعفو) حمار بحالك ميجبدش بنتي على فمو او هاد زواج مغي…..
مجد : هدا هدا قسحاتك هضرتي باغي نطلب منك سماحة واخة قلت غي لحقيقة ؟ زيدك هادي من عندي ، انا دبا لي كنقول ليك حفيدتك بخر بيها مابقيتش بغيتها او نفضل نموت على انني ناخد حفيدة واحد قال من مي او عايرها نموت او مناخدش حفيدة واحد تا بنتو تكرفصو عليها شمايت او هو باقي فلحياة تا حقها مخداتوش ، لوليدة يالاه
سناء : مجد شكاتقول
مجد : (شدها من يديها جارها معاه لبرا)
غزلان : (تبعاتو كتجري) مجد شواقع شكون عاير لاخر شرح ليا علاش قلتي لجدي مابقيتيش باغيني
مجد : ( ركب سناء فطونوبيلتها او خلاها تمشي عاد رجع عند غزلان صاعر او مغوت عليها) حيت جدك عاير ليا مي قاليها بلي هي سباب تا مخلانيش نتزوجك قال عليها موسخة او بلي مرضات بسباب وسخها
غزلان : هو غالط مكانش خاصو يقول على ماما هاد لخضرة حيت اصلا مكيعرفهاش ، انا اندخل عندو ندوي معاه (نهارا بلبكا) غي نتا متقولش بلي مابقيتيش باغيني
مجد : (ملي كيكشكش كيتسدو عينيها) الى كنتي اتبقاي بصفتك حفيدة هاد تامل ديك ساعة انا كنقولك مابقيتش باغيك فحياتي
غزلان : (شدات ليه ليد كتبكي وتهضر) عافاك غي متقولش ليا بحال هاكدا هو جدي ونتا دري لي كنبغي عارفاه غالط او بزاف ونا براسي معجبنيش هادشي لي دار معاك او مع ماما
مجد : متأكدة معجبكش داكشي لي دار فيا ماشي حسيتي بلي راك عزيزة عند جدك ؟ مكتحسيش راسك وليتي أنانية اغزلان ؟
غزلان : علاش كتقول هاد لهضرة امجد
مجد : (عاود نفاجر عليها) حيت اغزلان شايف راسي بوحدي لي كنتقاتل باش نتزوجو نتي عاجبك لحال او مبردة مكديري والو سيمانة ونا كنبات بلى نعاس نشوف منين نجيب ليك صداقك فحين نتي كنمشي بوي معا جدك او كتقولي ليه حشومة عليك اجدي مجد ضريف
غزلان : شنو كنتي بغيتيني ندير نوض نسلخو
مجد : متسلخيهش ولكن علأقل بيني ليه بلي راك معارضة بلي معاجبكش لحال كون وقفتي قدامو او واجهتيه او مضسرتيهش مكناش نطيحو فهاكدا ، غزلان فاهم بلي عاد لقيتي عئيلة ماماك او مبغاش تخسريهوم او تخسري لحنان ديالهوم ولكن ماشي على ضهري منين عرفني جدك او هو مكيخلي مكيقول ليا برهوش عديم لمسؤولية ممربيش ماشي راجل ماشي مدراع مكحط منونخ ونا كنصبر غي على قبلك ولكن باش اعاير ليا مي هاديك لي متكونش ليه يحمد الله راعيت عمرو ايما برب لكعبة كنت نسرح والديه فشانطي او نبقا ندوز عليه بطونوبيل تا نطحنو زا’مل لاخر ، او دبا من لخر باغة جدك كليه او نسايني باغة مك راك عارفة ضارها او تفكري هي لي رباتك اغزلان او هي لي سهرات عليك متقارنيهاش بوحدين تا لعام مضارش عليك ونتي عارفاهوم
غزلان : مجد مجد
مزادش معاها لهضرة او مشا وخلاها حالتها حالة بلبكا ، كانت فموقف لا يحسد عليه يمكن سكتات او حشمات تقول لجدها شكادير حيت كيما قال مجد مودة طويلة كانت عايشة غي مع مها بلى عئيلة ملي لقات عئيلة مها سميرة حسات بواحد الدفء لي كانت خايفة تخسرو ولكن ماشي لدرجة تخسر فيها حب حياتها ، رجعات لدار عند ميمون كاعية تاع لمعقول
جداتها : بنتي غزلان
غزلان : عاجبك لحال دبا ملي مابقاش بغاني ؟
ميمون : لهلا يحييه ميدير منك تا شعرة ميستاهلكش
غزلان : انا لي منستاهلوش باشمن حق كتعاير ليا مي ؟ كتعرفها ؟ معاشرها تا تقول عليها بحال دوك لهضور ؟ ديك لي معاجباكش هي لي رباتني هي لي مخلاتنيش نتلاح فزنقة هي لي سهرات معايا ، فين كتعرفها ولا كتعرف شنو دارت على قبلي باش دوي معاها هاكداك ؟ شكون عطاك لحق دخل فيا او فختياراتي عييت نقول جدك هادا اغزلان مجاتش تخاسري معاه دبا يبرد دبا يدير عقلو ولكن غا مزايد فيه ، علاش دخل فيا علاش تختار ليا باشمن حق ولا صفة حياتي كاملة ونا مكنعرفكش يالاه هادي شهورة قلال باش عرفتك فنضارك عندك لحق تحكم على ناس لي فحياتي مخليتي مقلتي لمجد او كندوزها ولكن باش اعاير ليا ماما تا لهنا لا
سمية : اهدني ابنتي ها لعار
ميمون : كتقابحي معايا على قبل داك جحموم
غزلان : هاني علمتك الى مامشيتيش طلبتي من ماما سماحة على داك زمر لي قلتي ليها او محزرتيش مجد او طلبتي منو سماحة او طلبتي منو اقبل اتزوج بيا ، والله متعاود تشوف وجهي او غنتزوج بيه بلى خاطرك او دبا تشوف
جداتها : عافا بنتي متقوليش هاكدا نتي لي بقيتيلي من بنتي سميرة
ميمون : خليها راها معارفاش شكتقول يسحاب ليها اتلقا لي عارف مصلحتها كتر منها ، معندها فين تغير نلقاها نلقاها
غزلان : انا باغة خلى دار بويا صافي ويلى مزوجتينيش مجد او مطلبتيش من ماما سماحة منهنا لغدا غنقتل راسي او قدامك او نخليك كتشوا فتأنيب الضمير او قول غزلان مقالتهاش
جداتها : (مشات غزلان خرجات بحالها راجعة لدار مها مخلية دعوة مخلطة عندهوم) عجبك لحال دبا تحنيتي بردتي عييت معاك قيل عليك دراري ، سيدة شدارت ليك تا تقول ليها بحال دوك لهضور باقي غزلان دوي معانا ملي عايرتي ليها مها ، قسما بالله تقطع غزلان معانا لهضرة انا لي غنقتل راسي
غزلان : (دخلات لدار او مشات نيشن عند مها عنقاتها) سمحي ليا اماما بسبابي سمعتي دوك لهضور من داك الشارف تفو عليه
سناء : موقع والو غي تهدني راه غا كيخرف
غزلان : ملي وصلات بيه الدرجة ايقول ديك لهضرة ليك مكيخرف موالو غنرجع معاك لفرانسا مابقا عندي مندير هنا ، تا من مجد قلب عليا خطرة وحدة
سناء : مجد غا كان طالع ليه دم داكشي علاش قال ليك هاكداك
غزلان : لا مجد مامشا تا قال ديك لهضرة تا كيعنيها ، الى مجاش ميمون جلب منك سماحة نتي او مجد غي بلاما اعاود اوريني كمارتو
سناء : حشومة مسبقا جدك
غزلان : مجديش يعطيني تيساع كون كان جدي بصح كون باس ليك راسك ماشي ايعايرك او يقولك بحال دوك لهضور ، انا وبقا فيا لحال لعساك نتي
سناء : ماديريش فبالك او سيري عسلي يديك نتعشاو
مجد : (رجع لدار كيطبخ ماشي كيغلي)
صباح : تعطلتي ، امضرا اش درتي غتزوجو
مجد : مغنتزوجو مغنخراو داك لقل’اوي كامل سديناه كل واحد اشد طريقو
لغالية : شنو وقع
مجد : لي وقع هو انا مغنتزوجش بحفيدة تامل بحال هاداك او سدينا مسبقا يسولني حد فيكوم
مزادش معاهوم لخضرة او دخل بحالو لبيتو ساد عليه ، طفل طيليفونو او تلاح لناموسية خابطها بنعسة
مجد : (دوك لأعصاب كاملين خرجهوم فنعاس ، ضرباتو على دقا. لا لفريع تاع لباب ناض مفزوع مفاهم والو)
صباح : مجد حل لباب حل
مجد : شواقع مالك كتغوتي
صباح : غزلان
مجد : مالها عوتاني هاد غزلان
صباح : راها طالعة فوق سترة باغة تلوح راسها
مجد : ههههه شي فيلم هادا تفرجتي فيه
صباح : (شعلات ليه طيليفون فكمارتو مورياه لايڤ لي كان مبين غزلان واقفة على السترة دير غي هاه طيح)
مجد : على نهار خزيت تفو
محسن : سربي أصاحبي نمشيو لنصدقو فشي حريرة
مجد : (لبس قبيتو او تبعهوم لطونوبيلة اكسيل لاقي جود او اكسيل براسو او سطها ، ركب لور مخلي صباح راكبة مع محسن فطونوبيلتو)
#عند غزلان#
بقات نهار كامل فدار مع سناء كتسنا ميمون ايجي يطلب منها سماحة ملي سيد ماجاتش ناضت معصبة ركبات طاكسي او مشات عندهوم لڤيلة لاقية جداتها كتدوي معاه
جداتها : سير طلب من سيدة سماحة راك ماشي نتا لي خالقها
ميمون : انا ميمون نمشي نطلب منها سماحة هي لي متكونش ليها عدويا ماركتها
غزلان : باقي زايد فيه
سمية : غزلان جيتي
غزلان : دبا ماباغيش طلب من ماما سماحة واخة ايوا غي ضرب على سميتي من دابة او ممحركة منهنا تا طلب منها سماحة باقي متزادش هادا لي يقلل لحيا على ميمتي واخة تكون تا نتا براسك ، هاد لمودة كاملة صابرة على التسلط ديالك كنقول لقيت عئيلتي مكاين لاش نتخاسر معاهوم ولكن مي كتبقا مي اولى ليا
ميمون : دبا كتهددي فيا ولا شنو
غزلان : انا انوريك تهديد تاع لمعقول (مفهوم والو والو حدهوم شافوها كتجري لفوق)
سمية : (تفكرت سطح مخلوعة) مشات لسطح ابا سطح
جداتها : أسامة جري تبعها جري لدير شي حاجة فراسها جري اولدي
أسامة : (لي كان عاد وصل لقا راسو غادي كيجري فدروج طالع لسطح ، سعا لقا لباب مسدود من برا) سدات لباب امي ، غزلان حلي غزلان
غزلان : قول لباك الى مطلبش سماحة من ماما انلوح راسي
ميمون : (خرج هو او مرتو او عئيلتو لبرا شاهقين من لمنضر لي شافو فيه غزلان)
جداتها : (دخلها لخوف ملي شافت غزلان طالعة فوق السترة تاع سطح مشي غا تفقد توازنها شوي طيح) غزلان ابنتي شكاديري تما غطيحي
غزلان : غنطيح او نموت نيت نتهنا او تهناو
سناء : (ملي شافت غزلان خرجات من دار تبعاتها خايفاها دير شي حاجة فراسها تا لقاتها فديك لحالة) غ.غزلان شكاديري تما نزلي
غزلان : الى مطلبش منك سماحة مغنزلش
سمية : صونيو لبومبية ايجيو لتصدق زالقة الله يخفض
جداتها : غتبقا هاكدا واقف كتفرج فيها دير عقلك او طلب من سيدة سماحة راه مصرفات فينا غي لخير علأقل مخلاتهاش تلاح فزنقة هزاتها رباتها وحلاتها قراتها لبساتها مخلات جهدها عليها ، كون مرباتهاش كانت أتمشي لخيرية واش كنا انلقاوها ديك ساعه ولا حتى حنا انطمنو بلي كانت عايشة مزيان ؟ كون مكانتش هي واش كنا نقدرو نعاودو نشوفو بنت سميرة او نشم فيها ريحتها ؟
ميمون : (قنعاتو مرتو بهضرتها داكشي علاش ضار عند سناء او دوا بصدق) سمحي ليا على دكشي لي قلت ليك لبارح مكانش خاصني نقول ديك لهضرة
سناء : موقع باس كاملنا كنغلطو
ميمون : هاني طلبت سماحة يالاه نزلي من تم
غزلان : شنو قلت ليك انا طلب سماحة من ماما طلبتيها ، ولكن باقي مقنعتي مجد اتزوج بيا باغيني نرمي راسي منهنا دوي باغيني نديرها
جداتها : (غي كتبكي) لعار ابنتي منزلي من فوق السترة غطيحي ها لعار
غزلان : ماشغليش مابغيتوش تزوجوني بمجد يسحاب ليكوم غا تربيت فرانسا غديروني فجيبكوم كي جاكلين ، بربي مكتعرفوني عيطو ليا لشوف طيڤي بغيتو غا شوهة انا مولاتها غنطاحر پي پيبليك فاتيحة شعلي لكميرة
صحفية : (تاع شوف طيڤي هههه) كيما كتشوف معايا لبنت باغة تنتاحر او تلوح راسها من سطح تاع دارهوم حيت مابغاش ازوجوها بدري لي كتبغي ، حاليا لبومبيا فطريقها لعين لمكان كنتسناو اي جديد باش نخبروكوم بيه حاليا كيحاولو اقنعوها تنزل ولكن هي مابغاتش او تا دري لمعني بلأمر باقي مجا
سمية : با عافاك لبنت غتلوح راسها
ميمون : راها غا كدير عنا دوك لفعايل ݣاع مغتلوح راسها
غزلان : تسحاب ليك كنضحك واخة (بقات واقفة على رجل وحدة وعلى شوية كانت اتلاح او فآخر لحضة شدات توازنها)
سناء : (بغ قلبها اسكت) لعار ابنتي منزلي غنلقاو حل كنواعدك
ميمون : (كاملهوم غوتو فديك لحضة ، تما دخلو لخوف تاع لمعقول) عيطو لمجد عيطو هاد لهبيلة غتلوح راسها
جداتها : ها هو جا نيت عافا اولدي مدوي معاها تنزل سي إكسيل ها لعار شوفو كي غتهبطوها
صحفية : دري او عئيلتو لتاحقو بعين لمكان فنتضار لمستجدات ياربي تحفض
محسن : (هز راسو فيها مغوبش) شكادري نتي تم مشارباش دواك ؟
غزلان : باغة نطاحر امحسن
صباح : الله اودي باغة تنتاحري تنتاحري لايڤات لاش ؟ باغة طلعي طندونس العفريتة ، هبطي هبطي راك واخة طيحي مغتموتيش اديري غا شوهة
غزلان : منعرف شكون عيط ليهوم ماعلينا انا مصرة نطاحر الى متزوجتش مجد ليوم قبل من غدة
جود : هو زعما الى كنتي مصرة على لقرار ديالك كنتي تشوفي ليك شي عمارة كيما قالت صباح واخة طيحي منهنا مغتموتيش غا غتعوقي وصاف
غزلان : مشغليش جدي تزوجني مجد ولا نبالي بروحي
ميمون : (شاف فمجد او دوا بتقة) صافي ، صافي انا قابل نزوجك بيها او دبا ݣاع
مجد : (مكانش متوقع بلي فعلا تكون طلعات فوق السترة باش تلاح دعوة تخلطات الصحافة شمو لخبار او جاو كيجريو ، لبومبيا تا هوما دخلو عليهوم لموهيم كولشي ترون ، ولكن هو بقا مصر فقرارو) لا دبا ولا بعدين انا مابقيتش باغي نتزوج خرمت
ميمون : راني غنتنازل على صداق عطي غا داكشي لي وجدتي
مجد : واخة تعطيها ليا فابور مغنتزوجهاش مابقيتش باغي نتزوج انا ، حفيدتك خليها عندك تبور
غزلان : صافي تهنيتي اميمون ميشدني حد غنطيح
جود : الله يهديك شكون شادك
جداتها : (ضربات فخاضها) هاويلي تشويت على بنتي نتشوا تا على بنتها
ميمون : نعطيك انا صداق غي تزوج بيها
مجد : تعطيني صداق ؟ ياكما فيه تا لحمالة انا لي نحبل بلاصتها ؟
ميمون : (ملي شافها فعلا غتلاح رجع كيزاوݣ) لعار متزوج بيها راني طلبت من مك سماحة ، قبل تزوج بيها راه غتلوح راسها ولا تزال رجليها الله يحفض
مجد : (شاف فضفارو) خطبني من با او نفكر
غزلان : (لبومبية بداو ادويو معاها باش تنزل زعما) وا مغنزلش ويلى قربتو انتلاح منهبط تا تقرا فاتحتي او يتكتب حتابي على حب قلبي مجد
ميمون : (شاف تا عيا او دوا باستسلام) سي إكسيل انا جاي طالب راغب فيد ولدك لمصون مجد لحفيدتي مجد
اكسيل : (خلى ميمون تا سالا على خاطرو او دوا) ونا ولدي ماباغيش نزوجو نتوما ماشي من مقامو ، ولدي مربي او مخلق او بخدمتو او ولد عئيلة خاترة متصلاحوش ليه
ميمون : الله يهديك راه لبنت غطيح
جداتها : لعار اولدي معاونا راه هي لي بقاتنا من لمرحومة
اكسيل : على وجه مرتك غنعطيك فرصة خرى عاود خطبو مني او كبر بيه
محسن : باك حالف تا يعصرو
جود : يستاهل
ميمون : (جمع ما تبقى من كرامتو او دوا) احن سي إكسيل انا ميمون جاي طالب راغب فلمرضي او لحنين او لمدراع او الشهم تاع المصون ولدك مجد سيد رجال لحفيدتي غزلان
اكسيل : شقلتي العريس
مجد : حشمتوني والله
صباح : (هبطات لضهر) ايوا متحشم
اكسيل : احن سي ميمون لتالت مرة غنقول ليك حنا طالبين راغبين فيد حفيدتك لالة لبنات غزلان لولدي مجد شقلتي
ميمون : قابل
جود : قراو لينا لفتيحة
ميمون : (قراو لفاتحة)
جداتها : صافي هانتي ابنتي ايوا نزلي
غزلان : ههها هاي منزل تا يجي لعدول اكتب كتابنا
مجد : شمن كتاب اصݣعة باركة من شوهة
غزلان : ياك نتا لي بقيتي عليا باغي عرس ميتنساش الى نسيته جي وشم ليا ريم خرجي لعدول من لبيت خرجي
ريم : واخ ابنت خالتي (مشات حلات لبيت على لعدول) سي لعدول تفضل معايا
لعدول : (خرج عندهوم)
مجد : شكون جاب هادا ؟
ريم : انا باش ازوجكوم
مجد : وكلت امري الله ، سي لعدول دير خدمتك نفرقو هاد الجوقة
لعدول : (بدا خدمتو او غزلان حلفات متهبط ليهوم تا تسمي لعقد) غزلان تاجي واش نتي قابلة تزوجي بمجد آيت اوسو على سنة الله ورسوله
غزلان : قابلة
لعدول : قابلة ؟
غزلان : ياودي قابلة غي طلقنا لفراجة
لعدول : مجد آيت اوسو قابل اولدي تزوج بغزلان تاجي
مجد : قابل
لعدول : قابل ؟
مجد : قابل
لعدول : صداقك ابنتي شحال عطاك
مجد : (سنا ليه شيك بعشرة تاع لمليون) هاك ها صداقها
لعدول : قابلة بيه
غزلان : واش مكتشوفنيش قربت انا لي نعطيه صداق آراو ليا شي حجرة تا شروط معندي بو شروط عطيه يسني
لعدول : هاك اولدي يني هنا
صحفية : على المباشر وحصريا من قناة شوف طيڤي عقد لقران تاع لبنية او لوليد كيتم او فهاد لأثناء
ملي سنا طلعات ليها ريم دفتار تا سنات تا هي ، عاد هبطاتو لتحت عاود باش يسمي فيه كل من محسن او مجد لي كانو شهود
غزلان : (حدها سنات هبطات من السارية داخلة لبيتها ) سيري الغالية راني راضية عليك
لغالية : (كانت طول لمدة كتدوي معاها فليكوت لي كانت غزلان دايرة فودنيها) او شنو كنتمازحو هنا
غزلان : لخطط ديالك جهنمية تزوجت انا ومجد والله ما متيقة واخة معرفتش شكون عيط لصحافة درنا شوهة
لغالية : حنا لمغاربة هكا نشمو تبرݣيݣة تلقاينا مجموعين ، أجي ياكما اكسيل عرف بلي انا راس لحربة راه نتي تزوجي منهنا انا نطلق منهنا هاد لمرة غيعلقني لحبالة لي كانت كتشفع ليا قدامو على دوك زبايل اما دبا زݣي لنار
لغالية : لموهيم انا غنقطع دبا بسلامة
غزلان : بسلامة (قطعات معاها او مشات حلات لجداتها لي كانت كدق عليها لباب هي او سناء او سمية)
سناء : (حيدات الصرفاقة او شداتها كتسلخ فيها) والديك طيرتيها منا خلعة ياك لاباس
غزلان : اي اي إماما مضربينيش انا دبا مرت راجل
سناء : غالي بشوي والديك
غزلان : وصافي تا نتوما درتو حالة واش من نيتكوم تيقتو بلي غنتلاح مالي تسطيت بغيت غا نزير جدي
جداتها : خرجتيها مني ابنيتي خلعة
غزلان : (عنقاتهوم بتلاتة) سمحو ليا صافي
سمية : (شافت فريم) احياني عليك اسليحفانة عاونتيها
ريم : وانتوما لي قهركوم جدي قلنا نباليو بيه
سناء : (شافت غزلان حلات واحد لبريزة) هاد لبريزة لاش ؟
غزلان : (جبدات واحد لقفطان لبساتو) هادي لبريزة تاع السفر سيمانة ونا موجداها عاد جا لوقت لي نستعملها ريم معاياش قلتيلي غيمشي تران ؟
ريم : قطعت ليكوم منهنا ساعة
غزلان : ويلي ويلي غنتعطلو تشاو انا غادة
جداتها : فين غادة
غزلان : زواج أو تزوجنا او شهر لعسل مندوزوهش ويلي حشومة
مجد : (بدرع باش قدو اصدرو الصحافة من تما او تا لبومبية رجعو بحالهوم لعدول تخلص ومشا او هو بقا تما غي واقف او ساكت)
محسن : مال لعريس ديالنا ساكت
مجد : حاس راسي فحلمة تاع لعاصر
جود : هادي ماشي حلمة هادا زواج اولدي طلع معاك لقالب بصحتك
غزلان : هاني جيت
صباح : ها مرات خويا جات
غزلان : (عطات لمحسن طيليفونها) هاك صورنا انا وعمي اكسيل او جدي
مجد : (لسقات فيه غزلان هي كتفرنس اما هو بحالا مصرفق ببوطة )
ميمون : (جرانة غزلان أتصور ببزز)
غزلان : صافي جات تصويرة زوينة مجد يالاه نمشيو غنتعطلو على طران
مجد : كاين شي طران كتر من هادا لي ضربني
غزلان : غنمشيو نصافرو واحد شهر تا يحن مولانا او يديرو شي ناس عقلهوم لحرف لول من سميتهوم ميمون ، يالاه باش توصلونا تال دار ناخدو حوايج مجد او نمشيو بمحطة نيشن
صباح : يالاه ماحد لقضية همدات
مجد : (ركبو بجوجهوم مع اكسيل فحين جود ركب مع صباح او محسن)
اكسيل : تهنيتو دبا ؟
غزلان : على سلامتنا تا شحفنا ولكن عرس متورخ ياك اعمي
اكسيل : زواج كي تاع لأفلام من اخراج لمدام (تنهد داوي بينو او بين نفسو) احياني عليك افليلوية باقي تا جرح كبرت او بديتي فلمصايب عاود
وصلهوم لدار لاقي ياسمين قادات ليهوم لبريزة خداوها او تسالمو معاهوم ومشاو شدو طاكسي لمحطة
لغالية : (غي سمعات حس الطونوبيل رجعات كلها كتقفقف) ياربي غي هادي او منعاودهاش ، الصارحة مافيا تيقة نعاودها او نفوتها لهيه ياربي راه غيشرب من دمي هاد لمرة ، فيقو ستكون نعستو بتلاتة
لحاج : مبروك مدار مجد اولدي
اكسيل : لمباركة من بعد الحاج فين لغالية
لحاجة : لفوق باغيها لشي حاجة
اكسيل : شي حساب خاصو او يتفضا (وقف داير يديه مور ضهرو او عيط بلغوات مقفز كولشي) لغالية
صباح : شبغيتيها ابابا
لغالية : (قفزات من بلاصتها) ناري ناري صافي قفرتها هادي هي لخرة ليا نومنسا فيقي ابنتي ها لعار تفكيني منو عافاك
اكسيل : (قراها فسما او عاود غوت) هبطي بوحدك
لغالية : اشهد ان لا اله الا الله وان محمدا عبده ورسوله ، اللهم اني كنت من الصالحين شوية ماشي بزاف ولكن لموهيم كنت (دارت زيفها او هبطات عندو مترددة خطفات فيه شوفة لاقياه واقف كي سبع هههههه كان باين عليه معصب او ناوي على خزيت)
اكسيل : (بأمر) قربي لهنا
لغالية : (قربات او هي حاسة بلكبدة طاحت فسليپ) ج.جيتي ت.توحشتك فخبارك
اكسيل : مفخباريش ويلى توحشتيني نكتبها فجليجة تاع قبرك ازين ديالي
لغالية : دير ليا رخامة
اكسيل : شكنقول ليك ديما ؟
لغالية : راك ديما كتقول شحال قدي نحفض
اكسيل : (غوت) لغالية
لغالية : (بدات كتفتف) قلتي ليا ملي شيطان كاين متبقايش ديري خدمتو
اكسيل : ونتي شدرتي
لغالية : خ.خدمتو ولكن هاه ماشي شي خدمة غي جمعنا زوج فلحلال
اكسيل : نجمعك مع لحيط على هاد لفعايل ولا شنو همم ؟ من بين لأفكار كاملين مالقيتي غا تقولي ليها طلعي فوق السترة تاع سطح او قياس ليهوم غنتلاح باش ازوجوه ليك
لغالية : خانات والله تا فكرت غدوا تاع لفار ولن ݣاع منقدرش تدوي بلوجع او تهددهوم ، او فكرت فأنها تجرح راسها او تحدد ولكن خفت متوصلش لومبلونص تا تخسر بزاف تاع دم هادا وكان ، ماقتارحت السترة تا فكرت او فكرت فيها مزيان من جميع نواحي هي كانت على شوية تزلق او طيح على كمارتها تعوق ولكن فلأخير مغتموتش او متشوفش لفكرة شوف نتيجة تاع لفكرة فاش فكرت
اكسيل : (دوا معصب كتر من لول) وا متفكريش ها لعار لبقاش تفكري عطي لهاد الراس الراحة متبقايش تفكري شنو قلت
لغالية : م.منبقاش نفكر
اكسيل : كون قتارحتي عليها تشنق راسها
لغالية : ياه والله مفكرت فيها ولكن دبا ملي فكرت مغتصدقش ميعدالش ليها تدوي او هي مقجوجة ولا يمكن ؟ بلاتي نفكر
اكسيل : نتي ماباغاش توبي
لغالية : (جبدات تسبيح) تبت تبت
لحاج : اوليدي هي بغات غي تعاونهوم صافي ياك ابنتي
لغالية : واه انا عزيز عليا ندير لخير او صاف ، ياه دراري كيغوت انا غنمشي نشوفهوم
اكسيل : (مدارلهاش فين تحرك دوز يديه مور رجليها او ضهرها او هزها طالع بيها دروج)
لغالية : فين دايني اهيا ؟ توصلني ؟ غي متعدبش راسك أو نزلني ها لعار شي واحد افكني
لحاج : وطلق السمرة اولد لحرام فين الدايها (شي تبعو شي خرج لجرضة ايشوف شغيصنع)
اكسيل : (طلع بيها لسطح او قصد السترة)
لغالية : اهيا لا اكسيل حياتي حبيبي لعمر ديالي متسطاش او حطني ها لعار
اكسيل : (وصل تال السترة او مد يديه لي هاز فيهوم لغالية)
لغالية : (عينيها مشاو لتحت لاقية راسها معلقة فسما امشي تا يطلقها غطيح تموت مفيهاش ، تخطف اللون من وجها او شدات فيه من يديها) عافاك عافاك لا
اكسيل : ياك هادو هوما افكارك ونا جيت نعيشهوم ليك ، شنو دبا نلوح طسيلتك على دوك لفعايل
لحاج : واتا نزل السمرة من تم غطيح
لغالية : (صبرات تا عيات هي طلقها لبكا) مابقيتش نعاود غي عفاك نزلني
اكسيل : (ملي شاف دموعها حن قلبو او رجعها لتحت عندهوم عاد نزلها) تعاودي بحال دوك لبلانات ميعجبك حال
لغالية : (باقة كتبكي) ك.كون هاني
محسن : احقا نسيت نقول ليكوم ايهاب راه جا لمغريب يمكن قريب اوصل عندنا لدار
اكسيل : (غوت) كفاش ؟ او علاش مكتعلش هادي حاجة تنسا
صباح : (شافت اكسيل طلع فدروج كيجري) بابا فين غادي
اكسيل : غادي نخلي بنتي قبل ميشوفها داك لعتروس
ياسمين : عمتي صافي بلى بكا
لغالية : (مسحات دموعها بزربة) الله يهديك شمن بكا حمدتك ياربي وشكرتك على هاد لعنين تاع تيمساح ديما عاتقيني من شلح ملي كيصعر
اكسيل : (وصل لبيت كيقلب بعينيه على نومنسا ملقاهاش مع دراري هو هبط عندهوم مخلوع) فين بنتي
ايهاب : (خرج ليهوم من لكوزينة هاز نومنسا بين يديها) داوي على هادي اعمي اكسيل
لغالية : بسم الله الرحمن الرحيم منين خرجتي نتا ايمتا جيتي
ايهاب : ملي كان بغا ايلوحك من سطح لقيت لباب محلول ونا ندخل او كانت هاد زين كتبكي
اكسيل : آرا بنتي
ايهاب : متوقعتش لغدر منك والله شنو زعما تزادت عند بنت او قلتولي غي جوج حتارف ، خفتيني نخطبها منك ؟ وريتيها ولا موريتيهاش خاطبها خاطبها ديالتي هادي صافي خيرها ميديه غيرنا (باس نومنسا) ياك الحبيبة
اكسيل : يعطيك حبوبة (كشكش ومشا حيد ليه لبنت كيمسح ليها فحنكها) ايخان لي غتصور مني قالك اخطبها لهلا يحييك نزوج بنتي ليك
جود : ربي آش جابك عاد تفكينا منك رجعتي مكتخراش ؟
ايهاب : ساليت قرايتي او جاي نحضي رزقي
لحاج : ايباون لي تحضي
ايهاب : ودويو تال غدا حطيت عليها لعين هزكوم لما
اكسيل : واكلك فمك نهرسو لولدي ؟ عطا الله لبنات لاش لاسق ليا فبنتي
ايهاب : شندير ليك نتا لي كتولد غي نقيلات لقا ليا محسن او منسولش فبنتك
اكسيل : عطيني شبر تاع تيساع
جود : (شافو لاح ليد على كتف ياسمين) شتك مرتاح حيد يديك حيد
لغالية : ايكون فيك جوع نقول ليهوم اجيبو ليك متاكل ؟
ايهاب : واه
اكسيل : (تحت سنانو) تاكل فيه الجغديد
ياسمين : (تسمع سرسار فلباب ومشات لخدامة هي لي حلات) شكون جا ؟
ريم : (دخلات عليهوم جارة باريزتها) هادي غا انا سلام
صباح : سلام دخلي مرحبا جبتي حوايج غزلان ؟
ريم : لا هادو حوايجي غنݣلس عندكوم شي يامات ولا شهورة على حساب ايمتى جدي غيخليني نرجع لدار
لغالية : متقوليش ليا جرا عليك
ريم : هو بلأصح ماشي جرا عليا بصريح لعبارة ولكن انا جمعت حوايجي او خرجت بكرامتي قبل ميلوحني لزنقة
لغالية : مرحبا مرحبا
ايهاب : (خرج من لكوزينة هاز تفاحة كياكلها تا ضرب فريم ، صغر عينيه وبقا واقف مادواش)
ريم : (غي شافت ايهاب وحلات ليها او قلبات وجها) أنا أنا عاد تفكرت بلي نسيت واحد لحاجة انمشي بسلامة
لغالية : فين غتمشي ليل هادا دخلي دخلي ، (عيطات لخدامة) وجدي ليها لبيت ديالها فين تݣلس
لخدامة : واخة
لغالية : وجد لعشا ولا باقي ؟
لخدامة : راه واجد
لغالية : صاف علاما ريم او ايهاب ابدلو عليهوم او نتعشاو
لخدامة : واخ
ريم : (جرات بريزتها او تبعات لخدامة لبيت)
ايهاب : (قرب عند اكسيل لي كان كارز على نومنسا) باغي نبعد من بنتك ؟
اكسيل : واه
ايهاب : ديك لبنت لي جات كتجيكوم
اكسيل : واه
ايهاب : زوجها ليا او مبقيتش نسول فبنتك
اكسيل : (هاماه غا بنتو) حسبها مرتك ، منها نيت نسكت لقلب لداك الشارف او منها نتهنا منك ولكن هاه طلع راجل
ايهاب : مكاينش لعب دراري صغار رشمها ليا او بنتك محسوبة من لمحرمات كي مي
اكسيل : كون هاني علاما تكبر شوي او تهز راسك أو تخدم غنبقا حاضيها ليك او ملي تكون موجود انا بنفسي نخطبها ليك
ايهاب : (تسالم هو وياه) توكلنا عالله
اكسيل : عطي لبنت تيساع تا تخطبها ولا نݣرضك ضيفة عدي تقربلها نعلق ولدي
ايهاب : كون هاني
رجعات ريم عندهوم بعدما بدلات عليها او ݣلسو تا تعشاو عاد كل واحد مشا لبيتو
ريم : (فطريقها لبستها لقات ايهاب واقف عليها دارت بحالا مكتعرفوش او دازت)
ايهاب : حبسي حبسي فين غادة اشريفة
ريم : كتعرفني اخويا ؟
ايهاب : ياك المرضية رازياني فرزقي او كتقوليلي واش كتعرفني ؟
ريم : انا ؟ بلعمى فين كنعرفك تا نرزيك فرزقك ولا عزيز عليكوم طيحو لباطل على بنات ناس
ايهاب : دبا انا لي وليت نطيح عليك لباطل شكون دالي رزقي او باعلي پيسي خاسر
ريم : هانتا قلتيها بفمك هاداك سميتو لبيع والشراء انا بعت ليك ونتا شريتي شندير لينا انا الى كنتي دمدومة دغيا كتيق
ايهاب : علاه شكون بسلامة لي قال ليا بلي هو دري فعمرو 25 عام او عندو محال تاع طيليفونات فكازا او سيفطلي تصاور باش اتبتني او صورلي پيسي فشكل او سيفطلي پيسي فشكل آخر تا لخدمة مخدامش
ريم : شكون قالك مكانش خدام غيكون غي مع الشحن لبرا خسر شندير ليه انا ؟
ايهاب : نقولو لخسير خسر فطريق ياولون او لماركة طالب سامسونݣ كحل وصلاتني قرينة حمرة ؟
ريم : (دافعة سنطيحة) ايلى سبغوه ليك فديوانة شندير ليك انا او مالك مصدعني على قلت لپيسيات فسبانيا ؟ او زيد عليها شحال خاصني فيه ݣاع نرضهوم ليك او هني سوق الف درهم ياك تا نخدم او نعطيها ليك
ايهاب : (ضحك) الف درهم ؟ هههههه راه خمسالاف درهم الحاجة
ريم : توته انا شديت خمسالاف درهم كاملة هههه كون كانو غا شي جوج دحوشة خرين بحالك كون تغنيت ، تا يأنبني ضميري او نخدم او نرض ليك لفلوس صافي
ايهاب : مكاينش لاش
ريم : (فرحات) سامحتيلي فيهوم لعز صدقت حنين ماشي غا مكلخ
أيهاب : (تبسم ليها فوجها) دوك لفلوس متحتاجيش تسناي تا تخدمي باش ترضيهوم ليا غيتنقصو من فلوس صداقك ازين تشاو
ريم : تاهاديك فكرة زو.. كفاش ؟؟؟ شمن صداق علاياش داوي بسلامة ؟
ايهاب : صداق لي غنعطيك ملي نتزوجو
ريم : (عقلها مشا نيشن لفلوس) شحال كنتي ناوي تعطيني بسلامة ؟
ايهاب : ميات الفريال
ريم : او شحال نقصتي منها ؟
ايهاب : ميات الفريال فاش خورتيني
ريم : او واش خليتي ليا
ايهاب : نتي لي زربتي على رزقك
ريم : مقابلاش قالو ليك انا شايطة باش تعطيني ميات الفريال فصداق ميحل ليا تا مشروع
ايهاب : باغي تحلي مشروع بفلوس صداق من نيتك
ريم : او لاش انا غنتزوج الى مكانتش نشد صداق متختخ
ايهاب : ياكما قالو ليك نتي هي اليزبيث يات الفريال او تفوبرت معاك فيها
ريم : او مالها ديك الزبيث باش حسن مني ؟ انا اولدي الى مكانش جيبك تاع فهد بن سلمان غي بلاما تجي تخطب
ايهاب : منهنا تال داك لوقت ايلى عمرتي او ربيتي طرف ديك الساعة نشوفو شحال ايجيب ليك رزقك ايما ايلى بقيتي هاكدا كي پلازة منعرفك جاية ولا غادة نتي تعطيني صداق
ريم : (صغرات فيه عينيها) هانتا الى ربيت الطرف نتشرط فصداقي كي بغيت بقيت هاكدا كي پلازمة جي ديني انا وخيوطي صافي
ايهاب : صافي مشات
ريم : ( خلاتو او مشات دخلات لبيتها ، هازة طيليفون او مصونية على واحد صحبتها هبيلة بحالها) هانتي مابقيناش محتاجين نبيعو كلوتنا باش نديرو لمشروع ضبرت على واحد الدحش همزة انجيب راس لمال منو
صحبتها : وايلي شي قطري ولا ؟
ريم : واحد دمدومة داك لي خورتو فلپيسي
صحبتها : وايلي
ريم : والله كنت كنقول نيشن ايديني لبوليس سعا سيد باغي يعطي صداق او يتزوج ݣاع
صحبتها : او غتزوجي بيه اصحبتي
ريم : تا نتي راه دبا عطا غي لكلمة منهنا واحد خمسنين عاد تكون شي حاجة خاصني نصحاح او نربي طرف باش نشد صداق مهبر ولا ايهزني لما او نصدق مزوجة بلى قداق ولكن في كلتا الحالتين راني رابحة سوا شديت صداق سوا تزوجتو بلى صداق
صحبتها : هي شي بوݣوص
ريم : ماشي موهيم زين لموهيم هو ملي نتزوجو او نتزير على لفلوس مغنبيعش كلوتي انبيع كلوتو هوا ناري تغنيت اما الى بعت لبيضات ديالو صافي انولي مليرديرة راه دايرين تمان ياك
صباح : واه غاليين تخايلي معايا با وباك او خوتنا او رجال كاملين كيتمشاو او هوما هازين 360 مليون بين رجليهوم
ريم : (هبطات عينيها لبين رجليها) دوماج معنديش لقل’اوي لي نبيع
ايهاب : (لي مكان سائق لخبار ݣاع لبلانات لي كانت كتخطط ريم ترتاكب فيه ، خرج عند مجد او محسن لي كانو ݣالسين فجردة) دويتو معاك دحش تاع مجد
جود : لا
ايهاب : نصونيو عليه
محسن : سيد مغيكونش مسالي دبا ههههه
ايهاب : وا هي لحرمناها عليه
محسن : هادي عندك ناضية صوني صوني عليه
ايهاب : (صونا على مجد كمرا)
مجد : سلام
ايهاب : واقفين العريس ناعس ولا ليل باقي طويل
مجد : جيتي الكارتة
جود : اكي جاتك طنجة
مجد : شتا كطيح او لبرد
محسن : تزوجتي او باقي كتحس بلبرد هي خصاتك زݣورة
جود : اهيا ياكما بقيتي ليها تما مرعود ترجل معانا أصاحبي راه شرف لعائلة على ضهرك
ايهاب : هاه منوصيكش أخاي لإحتياط ثم لإحتياط ديك ضرب لحم فلحم ربي يحفض ممسلكاش
محسن : هههههه ناضية عندك هادي
مجد : الله اغبر ليكوم شقق سكتو غزلان غتسمعكوم
جود : هههههههه داير قدام لبنت راني رويش منعرفش او هو ناوي ليها على لغدر
مجد : غنقطع غتشوهونا
ايهاب : قطع قطع او حاول علحلوة راه سكر خايب
جود : (قطع عليهوم مجد مخليهوك كيضحكو عليه) يالاه لاخوان تصبحو على خير انا طالع لبيتي
محسن : تا انا غادي
ايهاب : باقي لحال فين غادين
جود : سير سير شعل ليك شي فيلم توانس بيه انا مرتي كتسناني خليتها بوحدها نمشي نونسها
ايهاب : عرفناكوم مزوجين تفو
جود : (طلع لبيت حال لباب لاقي ياسمين عاد خارجة من لحمام لاوية عليها فوطة شعرها فازݣ كيقطر ، عض على شنايفو او قرب عندها)
ياسمين : (مرداتش لبال لجود واش جا لبيت قربات لداك لݣيطار لي كان حاط جود فلقنة ، تا حسات بجود محاوط خصرها من لور او عاضها من عنقها مبورشها) ج.جود
جود : (دوا ليها فودنيها) نعلمك كيفاش ضربيه
ياسمين : تبغي ؟
جود : نبغي علاش منبغيش ولكن بشرط
ياسمين : اما هو
جود : شطحي ليا
ياسمين : شحاف عليك فين عمرك قلتي هادي
جود : رشقات ليا ليوم بغيت نشوفك كتشطحي
ياسمين : (شافت تا عيات هي تدوي باستسلام) واخ تسنا نلبس حوايجي
جود : (جرها من خصرها لعندو ملصقها معاه ممخليهاش تمشي) مكاينش لاش شطحي بلفوطة معليش
ياسمين : علياء باغيني نشطح بعدا ؟
جود : بلاتي (مشا شعب شموع لكبار لي كان داير فلبيت كاملة او طفل الضو مخلي غي ضو شموع ، طلق موسيقى هادية او رمنسية او حيد تريكو مخلي راسو غي بسروال تاع لپيجامة دنعاس)
ياسمين : (جا لسقها معاه حاط يدو على خصرها او مخليها دير واحد ليد على كتفو وتانية شادة ليه بيها يدو تانية) علاش حيدتي توني ؟
جود : باش نتحرك على خاطري كان مديقني
ياسمين : مزيان
جود : (زاد زير على خصرها كيتمايل معاها على انغام الموسيقى) شوفو فيا
ياسمين : (هزات عينيها لقهويين فيه)
جود : (مد يديه راض ليها شعرها مور ودنيها) نهار على نهار كتزياني
ياسمين : (خلى قلبها يضرب بجهد او بحركتو وترها او بورشها بحالا اول مرة يقيسها) مرة مرة كيحوفو عليك
جود : ههههه شكون بحالك عندك راجل رمنسي بحالي
ياسمين : هههههه سعداني بهاد راجل ياك
جود : معلوم
قرب عندها بايسها من فمها بوسة خفيفة او بعد شوي ولكن لتواني قليلة او عاود دمج شفايفهوم فقبلة عميقة ولكن حنينة فنفس لوقت ، مخلي ياسمين دوب فبلاصتها او تنساجم معاه ، ناسيين شنو ضاير بيهوم
ياسمين : (مفاقت من سهوتها تا حسات بلفوطة طاحت لأرض) ج.جود لفوطة طاحت
جود : (عضها من تحت ودنيها) انا لي طيحتها
ياسمين : (ولا وجها حمر بلأخص ملي زير عليها او بدا كيبوس ليها فعنقها) يا ياك غي لبارح
جود : (قاطعها بوسة فمها قبل ميرجع لعنقها كيبوس فيه او يديها هبطو معا صرتها لأعمق بلاصة فجسدها كيداعب فيها رافعها معاه لعالم الشهوة) لبارح بنصيبو او ليوم بنصيبو
ياسمين : (دورات يديها على خصرو) ربعيام متابعة ياك لابس جهازك لمساخن تاع سبوع ولا هه
جود : ( دفعها على الناموسية منصل سروالو) نتي مكتقدريش النعمة
ياسمين : (بدا ليها جود لبوسان من رجليها او هو طالع مخليها كتقول بينها او بين راسها ولد لهم نهار على نهار لخبرة عندو كتزيد)
جود : (وصل لصدرها هو يسطاسيوني لسانو او يديه فيه)
ياسمين : فخبارك دبا نتا كترتاكب جريمة فحق قاصرة
جود : (مد يديه قارصها من بين رجليها فحين فمو كان كيبوس فمها) هادا ماشي تاع لقاصرين
ياسمين : او ديالمن ؟
جود : ديالي (فرع ليها رجليها مقابل معا وسطها ، كيتمنضر السيد فرزقو) واو شتو ولا غوزي مايل لحمر واش كل مرة كيبدل عندك لون
ياسمين : قالو ليك عندي تما حرباء راه بقوة مضربتيه فهاد ليامات ولا حمر اما طغمتي خلاص ولات زرقة بشحيط مابقيتش قادة مݣلس عليها متشحطهاش
جود : على هاد لحساب نزيد نضرب فيه باش اشد لون لحمر فمرة
ياسمين : ايشد زمر راك سلختيه اشريف ايزيد شوي غيولي زرݣ
جود : علاش بغا يولي زرݣ بسلامة
ياسمين : الى هزيت بيضة ضربتك بيها لعينك كي غتولي بلاصة الضربة
جود : زرقة من طبيعة لحال
ياسمين : ايوا هاد شريف لي ضل كضرب فيه بجوج بيضات باش من لون بغيتيه ايكون لقوقي متلن ؟ غيولي زرݣ
جود : عمرني قلت ليك
ياسمين : شنو لي عمرك قلتي ليا ؟
جود : (طلعو معاها وبدأ سيد خدمتو) كنموت على زرݣ انا
ياسمين : (ضحكها) ههههههههه ماسخ مكتحشمش
جود : لي حشمو ماتو ونا قلت غي لي كاين راني مامفاكش معاك الله اجعل يولي اصفر مخضر
يتبع
التعليقات 0