اكسيل : (طلع ليه زعاف تا غوت عليهوم) ايزيد واحد فيكوم شي كلمة نتفاهم معاه سمعتوني نتفاهم معاه (شاف فلغالية لي كانت باغة تنطق) منسمعش حسك نتي بضبط قطعيه منوضين حالة على والو الضيفة جات عندنا رضيتوها الضرة شوية لباس
يحيى : ضيفة ؟ كتجينا ؟ من لعئيلة ؟
اكسيل : (ضار عندها) شسماك الله ابنتي
لبنت : دنيا سميتي دنيا
اكسيل : دنيا جبتها لهنا حيت تقطع بيها لحبل فهاد لمدينة
لغالية : (غا سمعات ديك ضيفة سيدة تبدلات دغيا ناضت او مسحات خناينها ودموعها ومشات كتسلم على السيدة وترحب بيها بحالي مناقصها خير) مرحبا مرحبا بضيف الله ، متديش عليا غا مرة مرة كيعجبني نعيش الدور لهواية ديالي تمتيل دخلي متبقايش واقفة جيبولها تاكل تشرب مرحبا بيك ، صباح سيري معا ياسمين ديو معاكوم دنيا لبيتها ترتاح
ياسمين : واخ (داز معاهوم لبنت او مشاو)
لغالية : (ضارت عند اكسيل كتشوف فيه براءة عارفة راسها دارت لفالطة معاه) لحبيب ديالي رجعتي ؟
اكسيل : زمرت
لغالية : وصافي متبقاش مقلق
اكسيل : (متسوقش ليها ومشا ݣلس)
لحاج : (قرب عند لغالية ) زبلناها معاه شوية
لغالية : بزاف ماشي غا شوية بلأخص نتا اجدي سلختيه عصا
لحاج : علاه ابنيتي شوف سبق لبكا انا ولا نتي
لغالية : ماشي موهيم انا ولا نتا لموهبم كي غنديرو نصالحوه راه غا تلقا فينا وجه الله ايما ديالتنا متعاود
لحاج : لحمد الله على لطف الله ربي كبير (مشا ݣلس حدا اكسيل) كي غادي معا لخدمة اولدي مزيان
اكسيل : (مجاوبوش بقا غا عاقدهوم)
لحاج : واصافي تا نتا متبقاش مقلق راه لبلاصة لي ضربوها لواليدين مكتقيسهاش النار
اكسيل : رواهو لحاج مول سمطة ، قالك مكتقيسوش النار
لحاج : وصافي اوليدي حبيبي متبقاش مقلق
اكسيل : (تبورش ، ضار شاف فباه) لحاج زير معانا هاد لمحنة زايدة لاش
لحاج : (تعصب هو يحيد الصرفاقة) مال والديك من صباح اوحنا نراريو بيك كي دري صغير ونتا هاز قنانفك لسما ما كفاتك ديك السلخة نزيد لولدي وحدة خرى
اكسيل : (شاف فمجد او محسن او جود لي حبسو ضحكة) تهجروه يا لحمير تحركو من قدامي غبرو خويو داري
مجد : كتجري عنا من الدار ولا كيفاش ؟
اكسيل : داري نجري علامن بغيت
مجد : منسمحش ليك تقلل مني او من احترامي لذاتي انا راه نفسي هنا ولايمكن نقبل على راسي آنا مجد آيت اوسو نبقا فدار مولاها كيجري لأنيني انسان ذو كرامة
جود : (تصدم فخوه) بصح اتهز كرامتك او تخوي ليه الدار ؟
مجد : تا تكون عندي بكرامة او ديك الساعة نخوي الدار هضرة لأفلام ونا منزيدش دقيقة فدار جرا عليا ملاها منها مكتوكلش لخبز ، بت نبت هنا وعن أنف المتعفرين والله لا خويت ليك دار حقي دلورت فيها غنتبرع فيه ونتا عايش او قدام عينيك اسي اكسيل
اكسيل : (شير عليه بلبلغة تاع لحاج) قرين جدك انا يا لكلب تا تعيطلي بسميتي اقليل ترابي لانتا لا دوك جوج لي حداك غبرو من قدامي طريكة لعودة خزيت
لغالية : صافي صافي بلاما تقلق غيطلع ليك السكر عاود
اكسيل : سيري شوفي ديك لبنت ياكما محتاجة شي حاجة
لغالية : واخة (ناضت من حداه او مشات عند ديك لبنت لاقية لبنات قادولها لبيت) فين صباح ؟
ياسمين : طلعات تجيب شي حوايج باش تبدل لبنت
لغالية : مزيان ، سيري لكوزينة قولي لصفية توجد لبنت متاكل
ياسمين : واخ
لغالية : (جاتها لمرݣة شوي من لبنت) مرحبا بيك او سمحي ليا على قبيلة مرة مرة كيشدني لهبال او لحبالة كملات ليا داكشي لي خاصني او زادني تا راجل عاطي لعين نغفل عليه ايضورو بيه
دنيا : ماشي موشكيل انا لي سمحو ليا هجمت عليكوم فداكوم
لغالية : ههه متقوليش هاكدا مرحبا بيك
صباح : (دخلات عليهوم حازة پيجامة طويلة بلوردي فاتح او شي حوايج دخلانيين تا هوما بلوردي) هاكي ما شي حوايج لبسيهوم
دنيا : (هزات فيها راسها) ش.شكرا ولكن منقدش نلبسهوم
صباح : ماشي موشكيل غا لبسيهوم تا نصبنو ليك حوايجك
دنيا : أنا أنا شادة حق الله
لغالية : (عاد ردو لبال لحوايجها مزيان) سمحينا خرجات لينا من لبال
صباح : انا انطلع نجيبليك حوايج بيضين
لغالية : شحال هادي باش مات راجلك ؟
دنيا : شهراين هادي
لغالية : الله ايواليه برحة الله
دنيا : آمين
لغالية : وشحال عندك فلعمر ؟
دنيا : 23 عام
لغالية : راك قد ربيبتي نيت
ياسمين : (رجعات عندهوم لبيت) راني علمتها توجد ليها متاكل
لغالية : مزيان ها تا صباح نيت جات
صباح : (عطاتها لحوايج) هاكي لحوايج نخرجو حنا نخليوك دوشي على خاطرك
دنيا : شكرا
لغالية : (خرجو من بيتها مخليينها ترتاح)
اكسيل : شفتو لبنت ياكما خاصاها شي حاجة ؟
لغالية : خليناها كدوش
يحيى : شنو ناوي دير معاها ؟
اكسيل : (بغا يفقص لغالية) ناوي نتزوج بيها
لغالية : كفاش
اكسيل : ياك كليت لعصا كليتو اللهم نكون كليتو على شي حاجة درتها ياك اولا الحاج ؟
لغالية : ديرها ايلى مصلاوش عليك صلات لجنزة او كلاو على ضهرك قصرية تاع كسكسو ولبست انا لكحل كي تواركة راني منتسماش
اكسيل : غنشوف ليها شي قنة تبقا فيها علاما تولد عاد نشوف ليها شي خدمة ديپاني بيها
لغالية : لبنت باينة فيها ضريفة خليها تبقا عندنا علاما تولد او تحيد حق الله مامزيانش ليها كل مرة تبدل بلاصة وحنا نيت كنقلبو على لي تقابل لينا الدار من طبيعة لحال الى بغات
اكسيل : يصبح او يفتح ، يصبح او يفتح
لغالية : (شافتو نايض من بلاصتو) فين غادي ؟ غادي تنعس ؟
اكسيل : لا غادي عند لحاجة نطل عليها نشوفها كي بقات
صفية : راها ناعسة اخويا عاد داها نعاس
اكسيل : ولات أبعدا شوية
صفية : ملي شربات دوا فاتها السخانة او تا لكحة طلقاتها
اكسيل : مزيان (كمل طريقو خارج لجردة فين كانت سناء ݣالسة) سلام عليكم
سناء : وعليكم سلام
اكسيل : كي بقيتي مزيان
سناء : حمد الله
اكسيل : عبد الله
سناء : مات ؟ تعوق ؟
اكسيل : لا لا ناض منها سالم غا هو يقدر يرفع عليك دعوت تاع لإعتداء
سناء : عارفة
اكسيل : دويت معا واحد لمحامي ايتكلف بدعوة الى رفعها مغيكونش لحبس ولكن اتخرج ليك كفالة دفعيها وصاف
سناء : او زعما يمكن تخرجلي غا كفالة ؟
اكسيل : دويت معا شي معارف غيتوسطو ليك
سناء : ماشي من عادتك توسط تال راسك ؟
اكسيل : كون ضربتي شي حد آخر مكنتش اندخل ولكن ملي ضربتي داك لحيوان بلفرحات علينا متشديش ، غا هو بحالا جات ديك ضربة معطلة هه
سناء : هههه يمكن ، شكرا
اكسيل : لا شكر على واجب
سناء : شكرا تا على طبيبة
اكسيل : رتاحيتي عندها أبعدا ؟ شنو قالت ليك ؟
سناء : غناخد إجازة تاع عام من لخدمة حيت قالت ليك خاصني نبعد على ضغوطات تاع لخدمة باش نقدر نتبع لعلاج ديالي مزيان
اكسيل : الله ايشافي تبعي دواك
سناء : (بقات شحال ساكتة قبل متدوي بتردد) بغيت نطلب منك سماحة على داكشي لي درت معاك مشحال هادي عارفة راسي غلطت معاك بزاف او لعبت مور ضهرك او خنتك
اكسيل : بلاما تجبدي لماضي اسناء لي فات مات ، او كاملنا كنغلطو لواحد خاصو غا يعرف غلطو او يتوب لي خلقو هاداك هو لموهيم ، ملي عرفتي غلاطك او باغة الدولي اسناء صلحي داكشي لي قادة تصلحي من تما تكون لبداية ديالك
سناء : مناش غنبدا ؟
اكسيل : غتبقاي مخبية على مجد بلي غزلان ماشي ختو ؟
سناء : مقالتهاش ليه غزلان ؟
اكسيل : قالتها ليه او شتيه راسي هكدا كون قالتها ليه غتلقايه دوا معا طريطور
سناء : جاتني فشكل ايكونو معا بعضياتهوم بحالا كتقول ليا جود او صباح كيبغيو بعضياتهوم
اكسيل : بالنسبة ليك ولادك بجوج او خوت ولكن هوما ماشي خوت ، درتي كولشي باش تكوني مع عبد الله حيت كتبغيه يعني غتكوني فاهمة مزيان بشنو كيحسو او هوما مقادينش ايكونو بجوج ، مابغيت نقول لمجد والو حيت من لأحسن تقوليها ليه
سناء : الى قلتها ليه انا غتزيد علاقتي بيه توتر
اكسيل : مغتوتر ما والو هاداك حالو ساهل كمشي ليه خمسين درهم فيديه او قولي ليه تا غتموت ايستقبلها وهو كيفرنس او صاف ، سوى مجد سوى جود سوى صباح ماشي من نوع لي كيشدو فقلبهوم بتاتا نتي غا رطبي معاهوم شوي او غيصفاو من جيهتك
#عند لغالية#
لغالية : (كانت واقفة فلبالكو كتمنضر فيهوم )
ياسمين : (كانت حدا لغالية) عمتي
لغالية : نعام
ياسمين : شت كولشي تاب
لغالية : واييه كولشي تاب بقا غا باك على ربي ميوصلوش دوا تا هو يصدق تايب لينا هههه
ياسمين : لحاجة صدماتني او تا سناء
لغالية : سناء تا بدات كتمشي عند طبيبة عاد ولات مزيان ، قالت ليا صباح بلي صدقات مريضة نفسيا تاع لمعقول ، تا من خدمتها خدات كونجي باش تبع دواها
ياسمين : شنو عندها بضبط
لغالية : الى قلت ليك شي حاجة كدبت عليك ولكن علاما شرحات ليا صباح لي مشات معاها عند طبيبة كانت عندها عقدة من زواج تقليدي او من لخلى فاش كانت عايشة او زاد باها حمل عليها ملي خرجها من لقراية واخة كانت كتقرى مزيان ، قالك تݣلس تا فدار تعلم شقا باش تزوج ، ايوا ملي جات لحاجة خطباتها لإكسيل مكانتش قابلة تزوج بيه ، وباها ماخلالهاش شبعها عصا ملي عرفها كانت باغة تهرب
ياسمين : وعلاش مقالتهاش لعمي اكسيل مكانش ايتزوج بيها او هي ماباغاش
لغالية : لحاجة الله يغفر ليها لعبات ليها بعقلها وبقات عليها غير تزوجي وكملي قرايتك بحال الناس او توضفي تا نتي او ولي شي حاجة فلبلاد كوني قارية ولاعية ماشي بحال بنات لبلاد لي حدهوم سادسة واسعة حققي احلامك هي تكمل ليها لباهية ، او زادها لحولي تاع باك سيدة مريضة فمخها وتلاقاتو هو كتر منها هوما يكملو
ياسمين : ولكن واخة هاكداك هادشي مكيبررش خيانتها او تا ولادها سمحات فيهوم او عقليتها راه مستفزة فشكل بزاف كتر تا مني انا
لغالية : تا حاجة مكتبرر فعلا لخيانة ولكن لبنت ملي كتكون مجبورة على زواج او زيد مريضة نفسيا راه كتكره راجلها وميجي منو ، او لحق يتقال سناء راه واخة مكانت دير فيها ميصلاح راه ولادها عندها شي حاجة غا هي بحال تقولي مكولين ليها لمشاعر هههههههه كل مرة تصرف فشكل ملي عرفات صباح مريضة نفسيا ماقداتش تقبل مرضها ملي كان مبلي جود هي لي داتو لطبيب اتعالج انقول ليك واحد لحاجة ولكن تبقا بيناتنا ، راه غا انا وصباح لي فخبارنا شفناها من بعيد ههههه موحال تا واش فخبار اكسيل ولا دراري ، فاش طلعات صباح لباك كانت واحد لبنت ديما كتعيب فيها ايوا واحد نهار زغب الله ماين ديك لبنت قالت ليها سيري تا تكون عندك مك او دوي الحمقة ، رجعات صباح لدار كتغلي اسوا قلت ليها زيدي نمشيو نريشو لبنت او مها يا يسلخونا يا نسلخوهوم ، ملي وصلنا لبوتيك تاع كاين ديك لبنت لقينا سناء تما كون تشوفيها متقوليش هي سناء ، دايرة سفنجة فشعرها او مطلعة لكمام ليديها وبدات كتحيح على ديك لمرا
ياسمين : سناء سناء ؟
لغالية : والله تا بعينيا هادو شفتها شدات السيدة من شعرها وعطاتها واحد طرح تاع لعصى فاعل تارك تا بردات فيهوم غدايدها هي طلق شعرها وقادات حالتها ومشات بحالها ، كون تشوفيها تقولي شكون هادي تسيفات على سيدة كانت كضرب فيها وتقول انا هي مها الكلبة انا هي مها هههههههه باش هرباتني قالت ليها الى بنتي حمقة راك باقي مشتيش لحماق ديالي انا بقيت انا وصباح غا حالين فمنا ، وهادشي غالي حضرنا ليه يعلم الله شحال من واحد سلخات قبل آه فخبارك تا لإكس تاع مجد سلخاتها ملي عرفاتها تفارقات عليه ههههههههه شتي ديك لبنت تا سلام كتخاف تقولها ليها ، راه داكشي علاش ولادها واخة تقول ليهوم لي قالت كتشوفيهوم غاديين عندها او مكيفرقوهاش
ياسمين : صدمتيني والله انا الصارحة من اول مرة شتها كانت كتجيني ماشي طبيعية ، متناقضة غي معا راسها مرة أنانية مرة مكتسواش مرة مزيانة مرة مامسوقاش ليهوم ݣاع
لغالية : ها باش خايب لمرض النفسي هو ماشي بحال الى ضراتك رجل كتعرف راسك ضاراك خاصك طبيب ، كاين شي مرات واخة كتعرف راسك مريض مكتقبلش تمشي تعالج يمكن كان كيجيب ليها راسها الى مشات عند طبيب او ساقو ليها الناس لخبار ايبقاو ايعايروها ، قالت لطبيبة بلي تا ملي عرفات بنتها مريضة مكانتش بغاتها تمشي عند طبيب حيت كان كولشي كيعيط ليها الحمقة ، او مكانتش بغاتهوم ايقولوها ليها تا هي ، سناء واخة كانت كتبان مرة مستقلة او قوية او تايقة فراسك ، الى انو تيقتها فراسها كانت زيرو خاص تا يقول ليها كولشي نتي زوينة عاد كتشوف راسها زوينة نتي شجاعة انا شجاعة
ياسمين : (ضرباتها لكتف) اعندك اعمتي مع داكشي النفسي
لغالية : ههههههه قريت عليه شوية حيت كنت باغة نديرو تخصص ولكن حسيت براسي ماشي ديال ايجي شي واحد ابكي عليا ونداويه
ياسمين : ايصدق هو لي مداويك ههههه هاد لعائلة كاملة دازت تقريبا طبيب نفساني
لغالية : انا دزتو نتي صباح مجد جود تا محسن مشا ليه الى عمك اكسيل ولكن بان ليا قريبا ايمشي ولا كيزعف دغيا هههههه
ياسمين : دبا هو لموشكيل عمي اكسيل الى مشا عند طبيب او سولو شنو مشكيلتك غيجاوبو عندي ستة تاع لمشاكل صافي لغالية ، عيالات ولادي ، مي ، جود مجد محسن
لغالية : هههههههه انا ماشي شي موشكيل انا مشكل صغير ضريف كيوت
ياسمين : ديد دراما كاملة لي درتي ليه لتحت او غا شوي
لغالية : تأ راني تبت هادشي راه غاشويا كون جيتيني قبل منعرف راسي حاملة نقولك كنت كنتقب ليه لعينين ، عاونت دراري ايبيعو حوايجو ، عاونتهوم اكريو ضار بلى خبارو ، جربت فيه دوا تاع لإسهال تاع لقبض تاع نعاس تاع السخفة ، هادو غا زبايل نهار اما ليل حاجة خرى
ياسمين : هادشي كامل او كتقوليلي والو ، شتي نتي نحلف عليك بلي متبتي ما زمرتي راه غا لحبالة لي شاداك بلاتي تا تولدي عاد يبدا عندو لجزء التاني
لغالية : على مرض مناش كتفهمي راه لمرا خاصها دير فراجلها كولشي باش ميملش منها مرة طلعو لسما مرا تهبطو لأرض
ياسمين : (بطنز) مرة تسيفطو لسبيطار
لغالية : وعلاش لا مرة تكون ضريفة مرة تكون قاسحة مرة شيخة مرة حجابي عفتي مرة مبرهشة مرة بعقلها مرة مثيرة مرة باردة فهمتيني يعني حتلعبيه على صبعان يديه أو رجال كيموتو على دكشي
ياسمين : دبا لموشكيل ماشي فمنديرش هادشي ولكن راجلي انا ماشي هو راجلك جود استثناء
لغالية : ماشي استثناء غا نتي مكتعرفيش تعاملي واش اعيباد الله كاينة شي بنت معندهاش شوميزات دنوي فلماريو ديالها
ياسمين : عندي جوج قالتلك معنديش
لغالية : ننننن عندك جوج أحبي آبنت خويا خاصك تكتري منهوم او تخليه هو لي بشريهوم ليك
ياسمين : وا حوايجي كاملين قصار منحتاجش شوميزات
لغالية : ياربي معامن انا راه داوية على حوايج تاع نعاس نعاس خاصين غا بنعاس دوك لقصار لي عندك هادوك غي تݣلسي بيهوم فدار ، خاصك تعلمي تخليه
صباح : (دخلات عليهوم) بلاتي بلاتي لغالية كتعطي نصائح الزوجية غي عيطو عنا المسمومات
لغالية : كنت كنقول ليها خاص لوحدة مرة تكون ضريفة مرة تكون قاسحة مرة شيخة مرة حجابي عفتي مرة مبرهشة مرة بعقلها مرة مثيرة مرة باردة فهمتيني يعني حتلعبيه على صبعان يديه أو رجال كيموتو على تنوع ، او باش تحكمي راجل خاصك تحكميه فلفراش اكدب عليك لكادب اقول ليك دوزي لراجل من كرشو ، لفراش هو لأساس ماشي ضاروري لفراش ايكون غا فلكوا لا بلعكس ملي تبغي طلبي منو شي حاجة طلبيها او هو متكي ونتي كتلعبيلو بشعرو كدلكي ليه كتافو ، او أهم حاجة خاصكوم تحققو حاجة وحدة
صباح : (صغرات فيها عينيها) لي هي
لغالية : تخلي راجلك فينما شاف شي پياسة إتخايلك فيها فينما شاف شي سليپ شي شوميز يتخايلك فبالو لابساه او يمشي كيجري يشربه ليك
ياسمين : يبقا يتخايلني غا فلكوا ايوا نيت
لغالية : يا لمرض فهمي شنو كنقول ليك قصدت تخلي راجلك يبغي يشري ليك اي حاجة كيشوفها غا باش اتمتع بشوفتك ونتي لابسة شي حاجة هو شارياها ليك ملي كيوصل الراجل لمرحلة كتكوتي شاغلة ليه بالو
صباح : او حين نديرو تا نوصلو لهنا
لغالية : تا نعرف او نقولكوم راه تا انا كنقلب على الطريقة
صباح : شوف لكلبة دايرالي فيها لفايد من صباح
لغالية : ههههه ودبا هو نتوما غا تعلمو دلعو رجالاتكوم ولكن بلقياس متكتروش لخميرة باش ميفيضش
ياسمين : انا كنشكي ليك علعݣر كتقولي ليا شخبار دراري وا راجلي ماشي كي رجال تخايلو معايا سيمانة لي فاتت قلت نرطب معاه لهضرة ، بقيت عليه حبيبة ديالي الزين توحشتك بوسة هنا بوسة هنا قلت ايدوب سيد ، تا لقيتو ناض لبس توني لي كان محيد او بعد عليا معنق لوسادة وكيسولني مريضة ؟ فضيتيها لشي حد ؟ حالفاها فيا ؟ طريتي شي زبلة ؟
صباح : شوفي راه خوتي بجوج هاكداك دايرين غي مجد متلا علاش كان طاح فغزلان فنضارك ؟
ياسمين : ح.حيت زوينة
صباح : ابدا غا حيت سلخاتو نهار لول جود تا هو علاش طاح فيك ؟ راه غا حيت كنتي مجنناه مركبة فيه لأعصاب يعني خوتي بجوج مڤيڤيين محسن شوية طاح فيا او عجبتو بلاما نسلخو ولا نجننو
لغالية : نوضي على سلامتك قالت ليك محسن لا خويا ونا نعرفو ناس كانت كطلب نساب مقادين او هو كان كيطلب نسيب اسلخو نكاح فيك تاع لمعقول تا سلخو باك ، او عاجبو يعيش هنا باش ايشوف باك كيتغدد او كيسلخو كل شوي
صباح : واخة هاكداك هو ماشي بحال دراري
لغالية : (خلات لبنات مجمعين او هي هبطات لتحت توصل لماكلة لحاجة)
لحاجة : (كانت ݣالسة بوحدها فلبيت كتسبح)
لغالية : سلام عليكم
لحاجة : (ضارت عندها مصدومة شوي) و وعليكم السلام
لغالية : ها لعشا ديالك الحاجة (حطات ليها لپلاطو فوق لكوافوز او كانت باغة تمشي بحالها تا ترمات ليها لحاجة عند رجليها كتبكي)
بحاجة : (كانت شادة فرجلين لغالية او كتبكي وكتدوي بحرقة وندم) سمحي ليا سمحي ليا عافاك ، ندمت تا شاب شعر لي فراسي على داكشي لي درت فيك او فولدك عارفة راسي منسواش او منستاهلش سماحتك ولكن الله اسهل عليك مسمحي ليا نبوس تراب رجليك
لغالية : (تصدمات تا معرفات مادير ولكن ملي شافت لحاجة كطلب فيها وترغب بحالا طفات فيها واحد لعافية زمان او هي شاعلة) نوضي الحاجة نوضي من لأرض راك مريضة او خلي لي فات مات مكاينش لاش نعاودو نجبدوه ، مسامحاك على داكشي لي درتي او خاطري مابقاش شاد من جيهتك ماشي حيت داكشي لي درتي فيا او فولدي كيتسامح عليه ولكن حيت مافيا لي يزيد اهز هاد الجمرة فقلبي كتر من لي هزيتها فهاد سنين ، مابقا عندي جهد ولا قلبي قاسح بحال ديالك ، داكشي علاش ان الله غفور الرحيم خليتك على خير (ملي خرجات من لبيت ضربات فلحاج او اكسيل)
اكسيل : نتي هنا
لغالية : واه
اكسيل : لحاج دخل لغالية يالاه
لغالية : فين غيدخل
اكسيل : عند مرتو الى بغيتي
لحاج : خليني مابغيتش ندخل
اكسيل : دخل دخل داير ليا فيها معفر ونتا حصل دور على بيتها كي سحت ليل دخل راك محشها دخل
لحاج : كتحشمو لواحد خزيت تفو
اكسيل : (ملي دخل لحاج لبيت جر لغالية عندو) زيدي زيدي لنصدقو سامعين شي حاجة ماشي تلهيه
لغالية : (براءة) بحالاش هادشي لي غنسمعو ؟
اكسيل : راجل او مرتو ربعشهور متشاوفوش شغتسمعي تسبيح ؟
لغالية : (طرطقات فيه عنيها) علاه هوما فهاد لعمر او باقي كيقدرو ايديرو دكشي
اكسيل : وعلاش ميقدوش ايديرو ماشي كولشي كيعياو ليه لماطر بكري
لغالية : بغيت نقول زعما فهاد لعمر او باقي كيديرو دكشي ويلي حشومة لبسالات
اكسيل : ههههههه بانلي نتي عندك لكوا فلخمسين بدعة
#عند غزلان#
كان كيف لعادة ݣالسة فبيتها عند عئيلة مها تا كيجيها لخبار بلي عبد الله دخل لسبيطار ، بجرا شدات طريقها عندو لسبيطار باغة تشوفو سعا ضربات فلبوليس
كلتوم : (كتبكي وتغوت) فين باغين دخلو شبغيتو عند ولدي سيرو عند مرتو هي لي خاصكوم تشدو هي لي وصلات ليا ولدي لهنا
لبوليسي : لالة لالة خلينا نديرو خدمتنا ولدك راه مطلوب للعدالة مجرم او خاصو يتشد داكشي علاش تعاونو معانا
سليمان : ولدي شنو دار تا حتقلبو عليه او بغيتو تشدوه
كلتوم : دويو شدار ليكوم ولدي مسكين
لبوليسي : آلالة كنقول ليك ولدك خاصو يمشي راه متورط فتجارة بلبشر
غزلان : سلام عليكم
كلتوم : بنتي جيتي شوفي معا هادو راه بغاو اديو باك معاهوم ݣلسو عليا تجارة بلبشر او شي تخربيق ماشي تاع ولدي عبد الله
غزلان : (ملي سمعات ديك تجارة بلبشر فهمات لبلان مزيان) جدة خلي لبوليسي ايدر خدمتو الى كان ولدك مدار والو فعلا ميقلبوش عليه لبوليس او تايلا شدوه ملي ايحققو معاه الى كان بريء غيبان داكشي علاش خوي راسك من هادشي
لبوليسي : (مشا قصد طبيب عرفو براسو لول عاد كمل هضرتو) واش يمكن لينا ناخدوه معانا لمركز تحقيق
طبيب : الصراحة دبا لا ، حالة صحية مكتسمحش نخرجوه منهنا فهاد لأيام لأولى حيت هو مصاب بالتهاب الكبد الڤيروسي خاصو ينعس باقي فسبيطار شوي
لبوليسي : يمكن لينا نحققو معاه هنا ؟
طبيب : واه يمكن ليكوم مكاين تاشي مانع انطلب من لفرملية تعطيكوم كمامات او صباعيات احتياط
لبوليسي : واخة
غزلان : (مشات تا طمنات على عبد الله من عند طبيب اما تا من الزيارة ولات ممنوعة عليه ، عرفات من جدها وجداتها بلي مها هي لي ضرباتو او مشات معا اكسيل لدار ، خرجات لبرا تشد طاكسي تا لقات حالها لكبير او ميمون ݣالسين كيتسناوها برا) با خالي ؟ شنو كديرو هنا ؟
خالها : (زلقات ليه) مات داك تامل
ميمون : (نغزو) احن كولشي بيخير ؟
غزلان : بيخير بيخير خليت لبوليس عندو
ميمون : (حيت كتدوي بثا شي كيفهمو شي لا ههه) لبوليس علاه شنو دار بسلامة ؟
غزلان : (ركبات فطونوبيل لور نعاهوم) عرفتو ديك لقضية لي تنشرات فهاد لأواخر تاع ديك لعصابة لي لقاوها كتاجر بلبشار او لأعضاء ديالوهوم او كدير اجهاضات غير قانونية او داخلين تا دكشي تاع شعوذة
خالها : تاع ديك لبنت لي كانو دبحوها ، تبورشات صحتي ملي قريت تصريحات ديالها كاين شي بشر بحال هاكداك لا حول ولا قوه الا بالله شتي داك لقاضي لي وريتك ابا ديك نهار دوا راجل الضحية
ميمون : عقلت عليه لوكان ازيرو معا لبشار غا واحد شوي بحال هاكداك كون وا تهنينا من الشياطين لي عايشين معانا صدق تا باين لبنت متورط ياك
خالها : واه داك لكلب كاين لي كيبيع بنتو على قبل آش على قبل تخربيق
غزلان : ديك لبنت هي ياسمين او راجلها جود
خالها : كتعرفيهوم ؟
غزلان : ياسمين هي ختي من بابا او جود ولد ماما غزلان لكبير
ميمون : (غوبش) شنو داك لكلب تاع عبد الله هو باين ديك لبنت ؟
غزلان : (بحرج) واه هو باها او هو با
ميمون : يعني هو لي داير دوك لفعايل فبنتو رضوني عند والديه نصفيها لجدو قلب طونوبيل نرجعو عندو نهني لبشرية منو
خالها : با تهدن خليها ها لبوليس جاو عندو
ميمون : انا راه محدي باقي مخديت حق بنتي منو مغنتهناش نحدي باقي مقتلتوش بيدي
خالها : (كحل) كح كح لحاج تكالما
غزلان : انا حطوني غا هنا حيت انمشي عند ماما
ميمون : فين كاينة انوصلوك ليها
غزلان : راها عند ولادها لوخرين فدار
خالها : انوصلوك عندها ماشي موشكيل
غزلان : شكرا
#عند سناء#
كانت ݣالسة فبيتها بيتها كتسنا فمجد ايجي عندها باش تدوي معاه
مجد : (دخل عليها لبيت) لوليدة بغيتيني ؟
سناء : واه
مجد : (مشا ݣلس حداها) فاش بغيتيني
سناء : قبل منرجع لداري بغيت نقولك واحد لحاجة
مجد : كنسمعك
سناء : (شدات ليه يديه) أنا أنا كدبت عليك
مجد : فاش ؟
سناء : پخصوص غزلان ، هي بنت عبد الله من مرا خرى ونا ربيتها يعني غزلان ماشي بنتي او ماشي ختك
مجد : مضحكيش الوليدة ها لعار سديت لموضوع تاع غزلان مكاينش لاش ترجعيلي لأمل فشي حاجة خاوية
سناء : والله مكنضحك معاك انا مكنتش بغيتك تكون معاها مكنتش بغيتها تعرف بلي انا ماشي مها داكشي علاش مقلت والو
مجد : (رد شعرو لور تالف معارف اضحك ولا يبكي بلفقصة) غزلان عارفة ؟
سناء : واه عارفة
مجد : (طرش راسو ملي تفكر بلي قالتها ليه ديك نهار ولكن مدارس بالو مع هضرتها) هاويلي هاويلي على زهري اما حمار انا كلب قالتها ليا او متيقتهاش واع شدرت انا بقيت تا تخطبات
سناء : تخطبات ايمتى بسلامة ؟
مجد : (وراها تصاور لي عندو) هادا شكيجيها
سناء : خالها
مجد : خالها خالها ؟
سناء : واه
مجد : (مجات سناء فين تحل فمها تا لقات سيد خرج كينقز او يفرنس كيف لهبيل او يزغرت) والله ما ختي حق لي ليه لحق ماما خوها ههههه
ياسمين : مال هادا ؟
جود : شكون عرف
صباح : جبت ليكوم خبار فميكتها غزلان ماشي ختنا ماشي ماما لي ولداتها هي غا رباتها
محسن : ونا كنقول مال طغمتو كتسفق قولي مصدقاتش ختو
جود : انا صافي هزيت يدي على هاد لعئيلة خاصنا نديرو تحاليل نشوفو ياكما مكنجيوش لبعضياتنا
مجد : (خرج كيجري باغي يمشي عند غزلان لي أصلن معارفش لعنوان ديالها تا حيضرب فيها واقفة فجردة معا لغالية او جوج رجال ، لفرحة نياتو راسو مشا كيجري هزها لعندو كيفرنس) زين ديالي
غزلان : (لي كانت دخلات لفيرمة هي وجدها وخالها تصادفات معا لغالية تما) لغالية
لغالية : (كانت كتمشا هي ودنيا فجردة او كيتبادلو اهلن زين اهلن
غزلان : ماما لداخل ؟
لغالية : واه ، جدي هادي عمتي صغيرة ، لغالية هادا جدي او خالي لكبير
لغالية : (دوات معاهوم من بعيد) مرحبا تفضلو لداخل مابقاوش واقفين برا
ميمون : لا غا خلينا هنا
غزلان : شكون هادي ؟
لغالية : هادي دنيا ضيفة عمك اكسيل
غزلان : لموهيم انا غنمشي نشوف ماما (مجات فين تزيد شي خطوة تا حسات بشي حد جا معنقها وبدا كيضور بيها او هو كيفرنس)
ميمون : (غوبش ملي شاف مجد معنق غزلان)
مجد : لحبيبة ديالي اخيرا مي ومك طلقات سراحنا
غزلان : بعد عليا (ملي حطها وشافت جدها او خالها كيشوفي فيها مرݣات او حشمات او زادها تا تقليقتها من مجد ، داكشي علاش غفلاتو)
مجد : (نحس براسو تا تهز تال سما او تخبط لأرض) آ.آ.ض…ه..ري
غزلان : مدويش معايا نتا (قطعات فيه لحس او كملات طريقها لداخل عند مها)
لغالية : (مشات كتجري عند مجد لي كان باقي مجبد فلأرض) باقي عايش
مجد : باقي باقي ولكن زواتني
لغالية : حمد الله هي لي سلخاتك شوف شوفات لي كيديرو فيك دوك جوج لي لور
مجد : شكون هادو
لغالية : جدها وخالها العتروس
مجد : متقوليهاش (ناض بزربة داير راسو متقسحش) مرة مرة لواحد خاصو انقر لغبر تا حوايجو او هو لابسهوم (مد يديه لميمون) سلام انا مجد
ميمون : (دار بحالا مشافوش لا هو لا ولدو)
مجد : (خلاوه بلاكة تما شاف تا عيا او خرج بحالو كان عارف غزلان مغتبغيش تدوي معاه)
غزلان مشات تا شافت سناء او طمنات عليها عاد وصلاتها معاها فطريقها لدارها ، او حيت سناء كانت بغات تبقا بوحدها رجعات غزلان معا جدها لدرا
مجد : (بقا كيصوني على غزلان تا شحف فلول كانت كتقطع عليه فلخر بلوكاتو ، شاف تا عيا او صونا على محسن) جيب معاك داك لحولي تاع جود او تبعوني
محسن : الله يهديك فين غنتبعوك ؟ فين باغي تمشي ؟ ولا فين راك ݣاع
مجد : غادي نرض رزقي
محسن : ورتي شي وحنا مفخبارناش ؟
مجد : مال جدك مادي داوي على رزقي حلالي غزلان يالاه طلقو راسكوم
جود : شبغات ديك جرانة عاود ؟
محسن : نوض نوض نمشيو عندو قبل ميطري شي حاجة عاود راك شتي شوفات لي كان كيدير فيه جد غزلان قبيلة
جود : ميمكنش نݣلس شي نهار فهاد دار بلى صداع
محسن : زيد باركة من لعݣز
جود : هاحنا نايضين الله اخرج هاد ليلة على خير (خرجو من دار او ركبو طونوبيل او شدو طريق مصادفين معاه كيتسناهوم جنب طريق)
مجد : شتي نتوما خوتي لحباب
محسن : طلع طلع قولنا فينجا لعنوان تاع دار
مجد : انا غنوريكوم تبعتهوم قبيلة بطاكسي تا عرفتهوم فين ساكنين
اكسيل : (كان خارج لبرا تا ضرب فصباح لابسة جلابتها او دارية زيفها) فين غادة ؟
صباح : (توترات) غادة غي نجيب شي صخرة
اكسيل : الى نفسك لي يمشي انا خارج خارج نجيب ليك شنو باغة
صباح : لا لا بلاما نعدبك باغة يضربني لبرد شوي
اكسيل : ايوا صاف يالاه نخرجو بجوج شحال هادي مخرجنا او زيد عليها الدار فيها واحد سكات خالعني
صباح : هههه تا سكات ولا اجيب ليك لوسواس هههه
اكسيل : سكات معا خوتك او راجلك كيعني كارتة غتنوض
صباح : (ركبات معاه فطونوبيل)
اكسيل : (حيد جكيطو ديالو مغطي ليها رجليها بيها) غطي رجليك لهادي غيضروك فهاد لبرد فين كاين هاد لغرض ديالك
صباح : ف.فلفرماسيان
اكسيل : مريضة ؟ ولا شي حاجة خاصة ؟
صباح : (فهمات شنو قصد بديك خاصة) خاصة او ماشي خاصة
اكسيل : ههههه
صباح : (بقات ساكة ساكتة تا لاحتها ليه كيف لقنبولة) بابا واقلة انا حاملة
اكسيل : (شد واحد مولاي لفران او ضار عندها لاقيها ولات حمرة بلحشمة) وقيلة ؟ حاملة ؟
صباح : أنا أنا غا قلت يمكن تكون شي حاجة داكشي علاش بغيت نشري طيسط نديرو
اكسيل : ايكون خير
صباح : (هادي هي لحاجة لوحيدة لي خسر عليها ولا نقولو لي قدر ايقول فهاد لموقف)
اكسيل : (تخالطو عليه وبقا غا ساكت تا وصلو لواحد لفرماسيان او بلاصا) بقاي هنا لبرد عليك
صباح : (خرج اكسيل او من بعد مودة رجع او فيديه ساشية كبيرة شوي)
اكسيل : هاكي
صباح : (لقات شي عشرة تاع لماركات تاع اختبارات لحمل) هادو كاملين ابابا ماشي بزاف ؟
اكسيل : لواحد باش اتأكد مزيان حيت يقدر واحد اخرج غالط
صباح : (بقات غا كتشوف فيه هي ترجع تسكت)
#عند دراري#
وصلو لفين ساكنة غزلان او خرجو من طونوبيل كيتمنضرو او كيفكرو فشنو يديرو
مجد : (بقا واقف شحال قدام ديك لڤيلة كيتمنضر)
محسن : هانتا اعشيري صوني عليها تخرج عندنا ولا نبقاو منشورين هنا كنطلبو الله طل علينا
مجد : كون كانت كتجاوبني ݣاعما تلقاني منشور هنا عطيوني شي حل
جود : (مزير على جكيطو) نعطيو لجدك لراس جايبنا فهاد لبرد او لكز كاملي كنقفقف
مجد : شي واحد فيكوم ايصوني عليها
محسن : طافية طيليفونها شتي نتا بربي غا تاع لعصا شقلتي ليها فلحفلة (كيعوجو) سوا كانت كتربطني بيها علاقة ولا لا مكنضنش هادشي شغلك سوا دويتي بصفتك لإكس ديالي سوا دويتي بصفتك ختي
مجد : (قرب يندب) واش انا لخاطري تخالطو عليا يسحابلي تخطبات او زيدون معرفتها ماشي ختي تال ليوم ، او دبا ماشي وقت اللومة نقزو معايا الصور نمشي عندها ندوي معاها
جود : نتا لي كي لقرد نقز حنا خلينا بعاد
مجد : تفو على ݣنوس زعما نتا عمها ونتا راجل ختها
محسن : او داك لي لداخل جدها انا شتو من بعيد خلعني باينة فيه قاسح ونا كنبغي مرتي او باغي نشرف معاها ماشي نسبقها لقبور
مجد : ميكونش بحال لواليد (زعم زعمة وحدة او نقز الصور) ملي تسمعوني كنغني حلبة لمصارعة عرفوني حصلت واجيو عتقوني صافي
جود : كون هاني ودنينا معاك
نقز مجد فجردة تاع لڤيلا ومشا كيتسلت ايشوف بيت غزلان فين جات قشع واحد الصدرية منشورة فلبالكو تاع واحد لبيوت عرفها ديال غزلان دونك هاديك بيتها
~~~~
“لكاتبة : آجي أديك جرانة لهنا تا كي درتي تا عرفتي الصدرية ديالها ؟
مجد : سر لمهنة هاديك
لكاتبة : ݣر ݣر ولا نعيط لباك نقوليه ولدك حافض سليپات تاع غزلان واحد بواحد
مجد : علال لفرشة هنينا انا لي جبت ليها هاد صدرية كاضو داكشي علاش بقيت عاقل عليها
لكاتبة : يخليك بلخلى نتا ولكضيات ديالك”
~~~~~~
مجد : (كيعط بشوي) غزلان وا غزلان غزلان
غزلان : (سمعات تعياط بصوت بحال صوت مجد او حجر صغير ترما لبالكو ديالها هي كل لاقياه هو) شكادير نتا هنا
مجد : بغيت ندوي معاك او نشوفك ونتي مكتجاوبينيش ونا نجي لعندك
غزلان : واش تسطيتي جاي لهنا باغي جدي افضيهوم ليك
مجد : كولشي يهون عندي غي نتصالح انا وياك العمر
غزلان : متصالح معايا منتصالح معاك عطيني شبر تاع تيساع
مجد : (كيعيبها) متثالح معايا منتثالح معاك ، نزلي ندوي معاك اصݣعة نزلي راه ايجي جدك يلقاني هنا خلات عليا
غزلان : ياك كولشي يهون على قبلي ولا لخوف شدك
مجد : الى جا جدك ايرزيك فيا او يخليك أرملة هالي دارها ليا
غزلان : على قلت رجال فلبلاد تا نبقا أرملة ، او دبا سير منها
مجد : عارف راسي كحلتها معاك غي نزلي عندي
غزلان : سير سير عند ديك الزعرة لاش جاي عندي انا تلفات ليك لادريسة
مجد : ينعل جدبو لفم لي ذكر الزعرة ، لعار غي نزلي وا غي ندوي معاك او رجعي
ميمون : (كان شاف مجد ملي نقز من صور من بيتو داكشي علاش مشا هز جويجوة او جا قاصدو ) دوي معاه ابنتي دوي
مجد : شتي تا جدك متافق…. (قفز من بلاصتو ملي ستوعب لأمر)
ميمون : هاي هاي على طياب لعنب
مجد : (تقطعات فيه او تلفات ليه لهضرة) ن.ن.نسيبي ؟
ميمون : (كان شاد لمكحلة بين يديه أو موجهة على مجد) تعاود والديك تقولي نسيبي نخوي فيك هاد لقرطاس
مجد : باركة غا لقرطاسة تاع حفيدتك تانية لاش ، هانتا شوف هبط جويجة وخلينا ندويو بلعقل
ميمون : داخل لداري كي شفار او باغيني ندوي معاك بلعقل ليوم نفضيهوم لجدك
مجد : فوتني غا انا وفضيهوم تال جدة اوريلي بو لموشكيل
ميمون : او زايدها بطنز واخة
مجد : (شافو عوال على خزيت) هانتي اتفضيهوم ليا تفضيهوم خليني نغني واحد نويطة (بدا كيغني بجهد) حلبة لمصارعة ، حلبة المصارعة
جود& محسن : (كانو مجمعين تا سمعو ديك حلبة المصارعة الحرة عشيرهوم ؟ لا لا ندامجو معا لأغنية) حلبة المصارعة حلبة الأبطال فيها زوايا أربعة مشدودة الحبال لا يكون الفوز فيها إلى للأبطال ، حلبة المصارعة حلبة الأبطال فيها زوايا أربعة مشدودة الحبال لا يكون الفوز فيها إلى للأبطال
محسن : ههههه لأيام لجميلة
جود : وييه يامات سپيستون او سليپ فوق راس زعما لقناع ههههههه
مجد : (شداتو لبكية ملي سمعهوم كيغنيو معاه عيواض ميجيو افكوه ، شاف تا عيا وبدا كيغوت) تحمستو يولاد لق’حاب ، هانتا اعمي ميمون تهدن راك معارفش معامن كتعامل
ميمون : شكون نتا فملك الله دوي شكون نتا اطياب لعنب
مجد : أنا أنا مجد آيت اوسو دري لوسطاني او لعزيز تاع اكسيل آيت اوسو سطر على ديك لعزيز ، تقاس شعرة مني ولا يجي با او يلقاك هاز عليا جويجة غي..
ميمون : غياش ؟
مجد : غيحيدها ليك او يتيري فيا بيديه والله ميحن فيا
جود : (عاد ستوعب لبلان) داك صݣع حصلوه داكشي علاش كان كيغني نسيناه ݣاع
محسن : شغنديرو دبا كي غنديرو نفكوه نقزو عندو
جود : اويلي لا شغتنقزو عندو بلاتي نعرفو ابا غا شكون شدو (مشا لكوفر تاع طونوبيل جبد منو واحد لبندير وبدأ كيضرب فيه او يغني بجهد) وا وما وا وما {وا خويا وا خويا}
مجد : (ملي سمع جود كيغني او كيضرب لبندير عرفو كيدوي معاه ، داكشي علاش بدا كيحرك كتافو كيدير احيدوس او كيرض عليه بلغنا تا هو) وا نعام اوا نعام وا نعام اوا نعام
جود : وا وما وا وما إيساكيذ حصر وا وما وا وما إيساكيذ حصر {وا خويا واش حصلوك}
مجد : وا بيه أوا ييه اوا ييه وا حنينينس اوا ييه وا حنينينس اوا ييه وا غراس ايباش اوا بيه وا غراس ايباش اوا بيه {وا ييه اوا ييه وا جدها اوا بيه وا عيط لباك اوا ييه}
ميمون : (خلاه كيغني ويشط على خاطر خاطرو تا سالا عاد دوا معاه) ايناس اذي غر آوذ إجديش ماشي غاس باش
{قوليه اعيط تال جدك ماشي غا باك}
مجد : (طرطق فيه عينيه) نتا نتا شلح ؟
ميمون : شلح او شلح قح
مجد : هانتا تيري عليا قبل ميجي با ها لعار اللهم قرطاسة من عندك ولا قتلة من لواليد
ميمون : واقلة يسحابليك مفيهش لقرطاس تاع بصح ؟
مجد : لقرطاس تاع بصح مالك فلإستعمار قرطاسة وحدة لي بصح هي حفيدتك ياك الحبيبة
غزلان : (حشمها) هه الله امثخك
ميمون : (وجه جويجة لفوق او طلق قرطاسة فسما)
مجد : والله تا تاع بص.. (قفزو سوط لقرطاس مجا فين استوعب تا طاح سخفان لأرض)
غزلان : مجد
محسن : (ملي سمع صوت لقرطاس او لغوات تاع غزلان) قتلو ولد لحرام
جود : (كان كيدوي معا اكسيل فطيليفون او حدو سمع صوت لقرطاس لاح طيليفون اوسط طونوبيل او نقز صور هو ومحسن) مجد وا مجد
محسن : قتلتيه محشمتيش (هبط عند مجد كيقلب فيه) ناري غيكون تضرب فراسو خاصاه عملية على الرجل بزربة
جود : فين قاري فين مدام سخف اذن ضربة جاتو فلقلب شوف تا من دم مكاينش اذن لقرطاسة سدات ليه لعروقة ديالو داكشي علاش دم مخرجش
محسن : ماشي حشومة عليك تيري فدري صغير شمن قرن كاينين حنا
ميمون : لحقت تا نتيري فيه سخف قبل تا منحط جويجة على راسو (نيش عليهوم) ولكن غنتيري عليه دبا
#عند اكسيل#
كان موقف طونوبيل حدا لبحر كيتمنضر او ساكت فحين صباح كان ݣالسة كتاكل زريعة لي شرا ليها ، مدواش نهائيا بقا غا ساكت تخالطو عليه ملي عرف بنتو حاملة من جيهة مكرهش اسلخ محسن او غيسلخو باقة صغيرة زاد تعصب ملي تفكر طريقة باش حمل ليه بنتو ، او فنفس لوقت حس بشي حاجة هورتاتو فقلبو حبالتها كتعني أنو أول حفيدة ولا حفيد ليه غيجي ، صونا ليها طيليفون
اكسيل : الو جود
جود : الو بابا عتق
اكسيل : (شد راسو) شطريتو عاود ؟
جود : مجد مشا يشوف غزلان ملي عرفها ماشي ختنا نقز الصور تاع لڤيلة دجدها او مشا يشوفها ولكن راح حصلو (تسمع صوت لقرطاس) ناري تيرا عليه
اكسيل : (بقا مكوانسي فبلاصتو مفهم والو شاف تا عيا او ركب الطونوبيل مكسيري لعنوان تاع دار دجد غزلان حيت فايت وصلها واحد نهار لتما)
صباح : فين غادين ابابا ؟
اكسيل : دوك رهوط تاع خوتك او راجلك زبلوها عاود شافونو ترخيت معاهم مشاو كينقزو لضيور ناس ولكن انا معاود ليهوم ترابي منتسماش
صباح : غا تهدن مغيوقع والو
اكسيل : الى موقع والو غيوقع (فرانا حدا لڤيلة او نزل منها معصب مخلي صباح تابعاه)
صباح : بابا غي بشوية متعصبش
اكسيل : (سرسر فلباب او بقا كيتسنا تا حلات ليه سمية لباب)
سمية : (كان كولشي مجموع على مجد او دراري فجردة كيتسناو فإكسيل ايجي) دخل مرحبا
صباح : السلام عليكم سمحونا جيني فهاد لوقت
اكسيل : فين دوك تلاتة ؟
سمية : تبعني منهنا
اكسيل : (تابعها هو وصباح تا وصلو لفين مجموعة لعئيلة)
مجد : لواليد جيتي
ميمون : (كان مكتف دراري بتلاتة ، ملي شاف اكسيل طلعو او نزلو) قولي نتا هو اكسيل باين هاد دحوشة
غزلان : عمي اكثيل جيتي جدي هادا راجل عمتي لغالية او بنتو صباح مراة عمي صغير محسن ، او كيما قلت ليك محسن عمي او جود راجل ختي شنو بان ليك تفكهوم
ميمون : مغنفكش ليوم نصفيها ليهوم عيط لباهوم باش يشهد
اكسيل : شريف قالوليك نتا هو ولي عهد النمسا هاز جويجوة وباغي تيري نزل سلاح خلينا ندويو بلعقل
ميمون : شمن عقل اندويو بيه او شفارة تاع ولادك هاجمين ليا لداري باغين اخطفو حفيدتي
غزلان : جدة خالتي دويو معا جدي شوف شكيدير ليهوم
جداتها : راه شداتو لحالة ابنتي
غزلان : (كدوي بشوي) راه عمي اكسيل الى مشات تا طلعات ليه لسطح غيتيري فينا كاملين راه مفضي كتر من جدي
اكسيل : (كيحاول يدوي بهدوء) سي ميمون حط ديك جويجة بعيد ماشي على قبل هاد رهوط ولكن بنتي كتخاف من سلاح داكشي علاش حطو لأرض
ميمون : (مد جويجة لولدو) ايوا اسي اكسيل فرحان بهادشي لي دارو ولادك منقزين الصور او جايين عند حفيدتي فنصاصة دليل دوي
اكسيل : (ضحك بلفقصة) فرحان باغي نموت بلفرحة ياك امجد ؟
مجد : (كانو فكو ليهوم لحبل) لواليد تهدن ريلاكس خليني في نشرح ليك دبا انا كنبغي غزلان ياك او جيت ندوي معاها حيت مكتجاوبينيش فطيليفون
ميمون : شعند حفيدتي مدير بحمار بحالك
مجد : شمن حمار الله يهديك حمار حيت كنبغيها
اكسيل : (غوت تا قفزو) هنينا مكفاكش هادشي لي درتي وليدها كتهز على راجل قد جدك ، ولكن غا بلاتي انا انوري لكلب دطواسلكوم تنقاز سطوحة
جود : ولكن ابابا
اكسيل : نتا بضبط سكت لا نتا لداك لي حداك عواض مديرولو عقلو مزيدينو فين عمر رجال دعئلتنا نقزو لبنات ناس من الشراجم دوي ولكن انا عارف حسابي معاكوم سي ميمون كنطلب سماحة نيابة عليهوم على هاد لفضيحة لي دارو دري عندي معندو عقل كان واقع بينو او بين غزلان سوء تفاهم ملي حلو جا بغا يصفي لخواطر معاها ، غا هو معرفش مناش كيدوزو ناس
ميمون : الى كان ولدك معندو عقل سير ديه لسبيطار ولا ربطو ميطلقوش اتعدا على بنات ناس
اكسيل : (بقا فيه لحال شوي يدوي على ولدو بديك طريقة) الى كان ولدي حمق فحفيدتك لي حمقاتو او سطاتو ، نتا اسي ميمون راك كتدوي حيت معارفش معزتها عندو
ميمون : (تعصب) مكاين لا معزة لا سيد ريح ابعد من حفيدتي او يعطيها تيساع
مجد : ولكن
اكسيل : قلت منسمعش حسك
غزلان : (بتردد دوات) جدي مجد ماشي شي واحد براني مجد راه خطيبي
أسامة : خطيبك ؟
غزلان : واه خطيبي غا كان وقعو بيناتنا شي مشكل او صاف
جداتها : ايوا شتي الحاج دري مسكين جا عند خطيبتو
ميمون : ما خطيبتو ما هم يحزنون جا خطبها من عندي ؟ عطيتها ليه ؟ اذن مكاينة لا خطوبة لا سيدي بوزكري او دبا خرجو من ضاري
اكسيل : (تخنق بلأعصاب ولكن ما لقا ميقول لافوت تاعهوم) زيدو قدامي خليناكوم على خير
ميمون : (دوا بشوي معصب ولكن اكسيل كان سمعو) معارفين تا يربيو او ݣالسين بط بط
اكسيل : (زير على يديه عارف الى مشا تا دوا دوا غيسد اي باب ولا شرجم محلول بين غزلان او مجد داكشي علاش كمل طريقو لبرا معا ولادو)
مجد : بابا
اكسيل : صباح ركبي طنوبيلة خوك او رجعي لدار
صباح : (عرفاتو ناوي ليهوم على خزيت) ولكن ابابا
اكسيل : صباح
صباح : واخ بسلامة
اكسيل : ركبو
محسن : انا غنمشي معا مرتي بلاما تعدب راسك أو توصلني
اكسيل : تحرك قدامي ماحدي كندوي بصواب
محسن : واخ
اكسيل : (ملي مشات صباح بحالها ركب طونوبيل صايݣها فحين دراري بتلاتة مزاحمين اللور مد يديه لطيليفونو او طلق لقرآن فطونوبيل)
جود : (كانو مستفين كي سرديل فوق لكوسانات لور) دراري موضيين
محسن : انا موضي لوضو لكبير صغير لا
مجد : انا موضي ونتا اجود
جود : انا لا هادا لا هادا
محسن : كفاش ؟
جود : ما موضي صغير ما موضي لكبير
مجد : وايلي على راك مجونب او فهاد لوقت ؟
محسن : كون تزوجتي كون عرفتي علاش
مجد : متفقصونيش
محسن : ماشي وقت لفقصة هادي
مجد : أتمشي اخويا جودبجنابتك الى شفق عليك لواليد اخليك تا توضا عاد ادوزلك
جود : شكون سبابي دوي ياربي باقي مشفت متشوفت فحياتي باقي تا مسافرتش انا ولمادام باقي متساريناش
محسن : ع.عمي اكسيل بنتك راه والله مكيجي معاها اللون لبيض
اكسيل : بنتي اتشد حق الله بلون تاع سواعدة
بقا غادي بيهوم غادي شي جوج سوايع او نص او هو صايݣ تا وصل واحد لخلا غي الشيح او الريح عاد حبس طونوبيل
اكسيل : نزلو
محسن : ميمتي ميمتي فين جابنا هدا
اكسيل : منعاودش لهضرة نزلو (شافو تا عياو او نزلو واقفين قدامو بتلاتة) طلعو بزاطمكوم او طيليفوناتكوم يالاه
جود : (عرفو علاش ناوي) لواليد مغتخليناش فهاد لخلى ياك
مجد : لواليد غي سمعني عافاك انا كنت باغي غا ندوي معاها
اكسيل : (جمعها معاه ببونية) كنتي باغي دوي معاها او مشيتي نقزتي ليها من صور ياك كي رجال
مجد : لواليد انا كنبغي غزلان منتا عارف انا مشيت غا ندوي معاها عادي
اكسيل : (شنق عليه صاعر) مشيتي تدوي معاها عادي هادي هي تربيتي شكنقول انا لجدك ديما بنات ناس كندوزو ليهوم من لبيبان فنهار قدام ناس ماشي قليل كي طيابين لعنب ، عييت معاك دير عقلك ولكن نتا غا مزايد فيه كتبغيها او غادي كتسلت ليها كيف لمرعود
جود : لواليد تهدن عافاك
اكسيل : (طلق من مجد او شنق على جود او محسن دقة وحدة) عندكوم خواتاتكوم الكلاب عندكوم عيالاتكوم ترضاو ليهوم تنقاز فوق صور فليالي ترضاوها على راسكوم تا كديروها لبنات ناس الى هو غلط نتوما متغلطوش (قبل ميطلقهوم عطا لكل واحد فيهم بونية زاويهوم بيها ورجع عند مجد) غتعاود بحال داك التصرف انحرك يا ترجل معايا يا ندفن طسيلتك حي ، عند بالي درتي عقلك سعا والو ، ولكن انا لي هبيل قلت لمك تقول ليك ايما كون خليط طاسيلتك فدار غفلون
مجد : كنتي عارف بلي غزلان ماشي ختي ؟ (محس براسو تا غوت) كنتي عارف ابابا او خبيتي عليا مخليني كيف لمسطي معارف رجلي من راسي
اكسيل : (عاود ضربو لوجه ببونية تا رعفو او طيحو لأرض عاد نزل عندو وقفو عوتاني او شنق عليه) شكون انا ؟
مجد : (عرف راسو زبلها معاه) ل.لواليد
اكسيل : باك الحمار باك ماشي طحبة ديالك تا تجي تهز عليا كيف شيخة ، الى نسيتي ترابي نعاودهوم ليك ويلى عند بالك كبرتي غنطح جدك مع لأرض نوريك تهز صوتك عليا سمعتيني لانتا لا هادو لي معاك اتهز علي شي واحد فيكوم نسيفطو لقبر بلى كفن طريكة توامل
مجد : س.سمح ليا ابابا محسيتش براسي
اكسيل : حس ولا ݣلس (طلقو او دوا معاهوم بنبرة تهديد) آخر مرة احشيولي ناس لهضرة على تربيتي بسباب طيشكوم آخر مرة نلقا جدكوم مقربين لبنات ناس ولا منوضين ليا صداع هاد لمرة دوزتها لمرة جاية لا ، ونتا الى كنتي باغي غزلان ترجل ولا قسما بالله تكمل فهاد لهبال ديالك عمرك تحلم تا بشوفتها
محسن : (بقاو ساكتين مكاين لي زاد دوا شافو اكسيل ركب طونوبيلتو او عاود خرج قالو هادا حن فيهوم)
اكسيل : (شافهوم بغاو ادخلو لطونوبيل) فين مدرمين وقفو تما
جود : لواليد
اكسيل : عنينا او حيدو عليا دوك جاكيطات اراوهوم
محسن : عمي اكسيل راه لبرد
اكسيل : ايكون تا تبروري حيد ولا نجي نحيد (مرخص ليهوم غا حيدو لفيستات ديالهوم عطاوهوم ليه او بقاو بتريكويات خفاف) حيدو عليا تا دوك سبابط او تقاشر
مجد : بابا عافاك
اكسيل : ملي كان داك زمر تاع ميمون كيقول عليا حادݣ غا تولد بلاما تربي فين كانت هاد عافاك حيد لمك حيد متزيدش تجهلني نقزتو صور غا لحفل لي غلب طسيلتكوم ، غدا فلفطور نبغيكوم تكونو فوق طبلة ولا ميعجبكوم حال
حيدو سبرديلات او تقاشر وبقاو بلحفا اكسيل لاح كولشي فلكوفر تاع طونوبيل ، او مشا هو ركب لقدام مكسيري او زايد فحالو مخليهوم فداك لخلى ولقيفار لبرد او لحفا فوق تراب او لحجر وشانطي بلى ما بلى ماكلة بلى طيليفون بلى فلوس منهوم لسما
جود : واش مشا وخلانا ڤري
محسن : باك كيضحك محمدو الله مخلاماش زبطين لي جا يتفرج
مجد : تا خرخاشة مكدوز من هاد لخلى شنو نديرو دبا
جود : نتسرحو فشي قنة او نعسو
مجد : واش مسمعتيهش قالك غدا فلفطور نكونو تبا
محسن : بمعنى ؟
جود : لي معنا تا فهادي موحال واش كان كيطنز
محسن : يعني خاصنا نتمشاو على رجلينا تا نوصلو لفين كاين لبشار على وعسا اخونا شي واحد
مجد : تماما لموشكيل ضلمة راه تا طريق مكتبانش مزيان
جود : شتي راه كان باين لعربوم من لقرآن لي كان طالق طريق كاملة فين عمركوم اناس شفتو مجد طاح فشي بنت او مطلعش معانا شي قالب حنا بتلاتة غا قولو ليا ها لعار
مجد : دبا وليت انا هو سباب فكولشي نسيتي شحال تاع لعصا كلينا بمسبتك
جود : كلينا لعصا ايه ولكن عمرنا تجلينا فلخلى كي طحاب كيما هكدا
محسن : هنيونا ادابزو ليا هنا تحركو امي نمشيو او نقصو لهضرة
#عند اكسيل#
ملي خلى دراري جايين على رجليهوم رجع هو لدار لي كان وصل ليها بعد جوج سوايع او نص تاع طريق ، كان تقريبا كولشي ناعس من غير صباح لي كانت كتسناه حدا لباب
صباح : بابا
اكسيل : باقي منعستيش
صباح : فين دراري مجاوش معاك
اكسيل : غدا فصباح ايجيو لدار نتي غا سيري تنعسي
صباح : فين مشاو علاش مكيجاوبوش فطيليفون
اكسيل : صباح بنتي باركة من قوة لأسئلة او سيري تنعسي الله يرضي على بنتي
صباح : واخ تصبح على خير
اكسيل : (باسها من راسها) ونتي من اهل لخير
حضاها تا مشات تنعس عاد طلع لبيرو ديالو صونا لواحد السيد
اكسيل : هانتا غتشد طريق ل”””””” فطريق ايبانو ليك واحد تلاتة تاع لمتشريدين ولادي بتلاتة جود او مجد او محسن هزهوم معاك او رضهوم لكازا بلاما تقول ليهوم انا لي سيفط دير راسك مكتعرفهومش ، يلاه بسلامة
لغالية : (دخلات عليه لبيرو) رجعتي ؟ فين كنتي
اكسيل : (ملي قربات عندو ݣات ݣالس على لكرسي دمكتب ديالو داكشي علاش جرها مݣلسخا على حجرو ، او مد يديه كيلعب فخصلات شعرها) شباقي مفيقك تال دبا
لغالية : مجانيش نعاس كلمى تفكرت بلي موعد لولادة قرب كنتوتر او يطير ليا نعاس
اكسيل : مغيوقع والو كولشي غيدوز على خير لفرملية راه ديما معانا فدار مقابلاك
لغالية : عارفة ولكن حاسة براسي فهاد لأواخر بدرع باش وليت قادة نتحرك هههه فخبارك دنيا
اكسيل : مالها خاصها شي حاجة
لغالية : لا هي حاملة فشهرها تامن بحالي غا هي عندها بنية
اكسيل : وحنا عندنا جوج فكارن
لغالية : ههههه تا هوما مسلموش من تنمر ديالك
اكسيل : (حط يدو على كرشها) مناويينش تزادو خلاص راكوم تقلتو على مماكوم (حس بواحد فيهوم تحرك) شنو دبا كتهز عنا معاجبكش لحال تقلقتي مسخينيش تخرج ولا زربان تا نتا هههههه
لغالية : (مدات يديها لشعرو كتلعب فيه) بنتيلي مقلق وقعات شي حاجة ؟ قلقاتك شي حاجة ؟
اكسيل : تا حاجة
لغالية : ولكن مبيناش عليك بلي تا حاجة قول ليا وقعات شي حاجة ؟ دارليك شي واحد شي حاجة ؟ سمعتي شي حاجة معجباتكش ؟
اكسيل : لا غا شفت موقف معجبنيش او صاف
لغالية : شنو شفتي
اكسيل : ماتعمريش راسك بهادشي قالت ليك ديك لبنت شي حاجة عاودات ليك على شي حاجة ؟
لغالية : قالت ليا بلي هي من لخميسات يتيمة مقطوعة من شجرة تا ريحة شحمة فشاقور معندهاش ، تزوجات واحد لولد قالت ليا الله اعمر ليه الضار تا هو يتيم معندوش ولديه ولكن عندو تلاتة تاع عمامو ، دار مسكين كسيدة ومات او عماما حيت دري كانو عندو شي بلادات او ضار مخلاش دراري من وراه اول حبالة لمرتو كانت ببنية ورتو حقهوم قول قسمو كيما بغا هوما ، او قالو ليها منعطيوك حقك الا الى تزوجات بواحد فدوك عمامو كان حاط عليها لعين قبل تا ميموت راجلها ايوا ملي مقبلاتش باش ازيروها دازو ليها على حقها او حق تريبية لي فحرشها ، ملي مصورو منها والو ناضو بغاو ابززو عليها داكشي علاش هزات لكارط ديالها او واحد جوج دبالج كانت تكساب او هربات ليهوم ، بنادم تا حرمة لميت محترموهاش ولا حتارمو مرتو لي واحلة فروحها او تامن حق الله باقي محيداتوش او هوما بغاو ازوجوها وداولها رزقها
اكسيل : الله يهدي مخلق
لغالية : شنو ناوي دير دبا ؟
اكسيل : نتأكدو من هاد لخبار او يحن لحنان
لغالية : (شافت فساعة) تلاتة هادي فيك نعاس
اكسيل : الى باغة تنعسي غي سيري انا باقي شوي
لغالية : دقت فدار خلينا نخرجو نتمشاو شوي غي انا وياك كيما حنا كنديرو من قبل هاد لعام جميع لكوارت دازو علينا تا هملنا بعضياتنا ههههه
اكسيل : ملي تولدي خلينا نسافرو غا انا وياك بلاما نديو معانا واحد فهار رهوط
لغالية : داوي على هاد جوج لي فكرشي ؟
اكسيل : لا لا مداويش على لفكارن داوي على رهوط لكبار
لغالية : عيواض متبقا تعيط ليهوم لفكارن عطيهوم سمياتهوم فكرتي فشي وحدين لأسماء لأخيرة منبدلوهمش
اكسيل : هههه واحد ايتسما ماسين ، او لاخر ايتسما ماسينيسا ، او كون كانت عندنا بنت كنت انبغي نسميها نومينسا
لغالية : عجبوني ولكن فكرني فلمعاني
اكسيل : ماسين “السيد” ، ماسينيسا “سيد القوم” ، نومنسا “نوع من انواع الورد”
لغالية : نمر غيولد السيد او سيد لقوم ههههههه دوماج أوردة تاع لأسياد منبتاتش هههه
اكسيل : (دار يديه تحت دقنها مقربها لعندو او بايسها بوسة خفيفة من فمها) نتي هي لوردة لي كيحميو دوك سياد
لغالية : هههههه ايوا شكون فيهوم ماسين او شكون ليهوم ماسينيسا
اكسيل : هادا لي فيه لحركة بزاف انسميوه ماسينيسا او لمكالمي ماسين
لغالية : وعلاش ؟
اكسيل : عندي احساس لداخل ديالي بلي نومنسا تا هي جاية لعئيلتنا فطريق او حيت عندي احساس تاني بلي هاد مول لحركة ايكون واحد بو بنات واحد الزهواني هو لي غيونس نومنسا او يمشي ليها فهبالها
لغالية : ههههههه ايوا اسي احساس هههههه ماسين كي غيكون؟
اكسيل : ماسين غيكون مكالمي عايش فلعالم ديالو بوحدو غيكون سيد على راسو وعلى خوتو
لغالية : شتك ملاي لماسين من دابا
اكسيل : تأ تأ فكارني بجوج غا هو شخصيات كتكون مختالفة واخة توام داكشي لي معندش هادا غيكون عند لاخر بحال لفولة الى تفرقات على جوج ، ولكن الصراحة نومنسا عزيزة واخة مكايناش
لغالية : هههههههه نومنسا الى كتاب نديروها فلحلقة لقادمة ههههه
اكسيل : جهدي حطيتو فهاد جوج فكارن الله يجعل لبركة
لغالية : ايوا صفي نربيو نومنسا ههه
اكسيل : علاش لا
لغالية : ولكن الى ربينا شي بنت اتاخد بلاصتي عندك ونا كنغير
اكسيل : غرتي من نومنسا بنتي لي بوحدها ، ݣاع مدويت انا على هاد جوج فكارن ايشاركوني فلبرقوق
لغالية : كتقلب عليا عاود
اكسيل : باقي قانا نخرجو نتمشاو
لغالية : لا ماتليتش ، فيا الجوع الى مشيت تمشيت غادي ايزيد اضرني جوع
اكسيل : على هاد لحساب تݣعدي تنعسي تعطل لحال
لغالية : نوض تا نتا تنعس
اكسيل : انا واحد شوي ونجي نعس نتي غا سبقيني
لغالية : واخ تصبح على خير
اكسيل : ونتي من اهل لخير (ملي رجعات لغالية لبيتها ناض هو لبالكو وبقا واقف فيه كيستنا دراري ارجعوا)
#عند دراري#
تمشاو تا طابو رجليهوم او تسلخو لابسين راسهوم بحالا متمشاوش ݣاع باقين فتلت لخالي ، ملي عياو تنشرو على لارض كيتسناو لي يد ايدوز
جود : لخلى وجلى لبرد او لقهرة
محسن : دبا شوف معايا كاينين شي ناس ملاقيين ميلبسو فرجليهوم ولا مياكلو ولا فين اسكنو هادشي لي كنعيشو حنا فهاد سويعات هوما كيعيشوه حياتهوم كاملة تا كيدي مول لمانة امانتو
مجد : الله افرجها على كل واحد او الله ازوجني
جود : متزوج نتا تا يرزينا باك فصحتنا
محسن : معليش هادي دير لينا لعقل (تسمع صوت تاع طونوبيل او تضربو ليهوم ضواوها ، متيقو تا واش دازت شي حديدة منهنا او بزربة وقفو كيشيرو ليها تحبس)
سيد : (كان كيقلب عليهوم بعينيه تا بانت ليه منشورين فلخلى او ملي شافوه بداو كيشيرو ليه ، حبس طونوبيل قدامهوم) السلام عليكم
جود : وعليكم السلام اشريف الى كان ممكن توصلنا معاك ولا غا تقربنا لشي جيهة فيها ناس او لحديد راك كتشوف تقطع بينا لحبل هنا او تسلطو علينا شي شفارة كشطونا مخلاو لينا لا طيليفونات لا فلوس لا سبابط
سيد : فين ساكنين ؟
جود : كازا
سيد : طلعو طلعو راني تا انا غادي لكازا نوصلكوم فطريقي
محسن : الله يرحم ليك بيها لواليدين
سيد : والدين اوالديك
مجد : (ركبو معاه فطونوبيل او شد بيهوم طريق تال باب الدار لي طبعا عطاوه عنوانها ، شكروه او عاودو عاد كل واحد فيهوم دخل لدار طالع لبيتو) سيرو يا لكفرة عند عيالاتكوم ادلكولحوم كتافكوم اما انا شكون بغا يدلكهوم ليا
جود : دلحهوم ليك جنية ماشي بمسبتك ولينا هاكدا عبر من قدامي غبر
صباح : (كانت باقة فايقة كتسنا فمحسن ارجع تا تحل لباب او شافتو داخل ميعرج) محسن رجعتي ؟ مالك فرجليك ؟
محسن : باك باك اشريفة كشطنا او خلاها فلخلى بلحفا مرجعنا تا غفر لينا ربي دنوب
صباح : ݣلس ݣلس رجليك كاملين تجرحو
محسن : (تكا فوق ناموسية مخلي صباح كتعقم ليه الجرح)
جود : (دخل لبيت كيتسلت مباغيش افيق ياسمين ولكن ملي وصل جيهة ناموسية تشعل ضو تاع لفيوزة)
ياسمين : (شغلات ضو او دارت عند جود) رجعتي ؟
جود : واه باقة منعستي
ياسمين : مجانيش نعاس شاك كتمشي بحلان رجلين كواك سينيݣالي
جود : هاد الساعة سينيݣالي هو راجل عمتك طلقنا فداك لخلى نجيو على رجلينا رجليا او فخاضي تسلخو بلمشية
ياسمين : سركوم تابعين مجد فهبالو
جود : قولي فخبارك
ياسمين : واقلة ديك عندمن نقزتو صور لخوادرية صونات عليا ملي مشيتو
جود : منقزنا صور تا سمعنا صوت لقنبول تا ديك ختك عيينا نصوني ليها تخرج في يدوي معاها او بلعاني مكتجاوبوش
ياسمين : كنتي باغيها تخرج عندو فنصاصة دليل
جود : كنت بغيتها غا ملي صونا عليها تقوليه تال غدا فصباح او نتلاقاو ندويو ماشي متجاوبوش بحالا معارفاش لهبال ديالو كيف داير ، او داك جدها تا هو
ياسمين : سيد من حقو حفيدتو ميبغيش لي يجي ليها تحت شراجم
جود : مقلتش لا اياسمين ولكن داك سيد معكس او باقي غيتعكس محلى مقال لواليد تقول هو لي سيفطنا عندو ، او ملي ختم قالت ليهوم بلي راه خطيبي قالها مخطيبك ما ستة حمص واش طلبتيها من عندي لا ، غا لبارح عرفها او جاي كيدير فيها لقايد بو عرفة ، غيتعكس فهاد تزويجة او هانتي اتشوفي
ياسمين : اتعكس تيشبع الى مشا تا طلعهوم لعمي اكسيل غيريبهوم عليه
جود : كون شتيه قبيلة كنت كنقول غيشد جويجة ايتيري فجدنا كاملين بلأخص ميمون ملي حشا ليه لهضرة تاع حادݣين غا تولد بط بط ولكن مكتعرفوش تربيو كونما زعما حنا لي بدينا لعيب كان ايتقب ليه عينيه ولكن درناها بيه ، كان حي تور تشديه اطرطق
ياسمين : ملي رجعتي مورصو واحد تا من لخسائر ماشي شي بزاف حمد الله لوكان انا نحرك
جود : وايلي تنحريني ؟ او تسخاي بيا ؟
ياسمين : على فعايلك نسخا بيك
جود : (جارها لعندو خاشي راسو فعنقها) راك غا كتدوي ݣاع متصبري على فراقي
ياسمين : ياكما قالو ليك نتا هو عنترة ونا عبلة تا منصبرش على فراقك
جود : ناري مالك حرشة
ياسمين : (رطبات لهضرة) عندك لحق كي ندير نسا براجلي لحبيب ديالي
جود : رجعي رجعي لحروشية خلي رطوبية ليا
ياسمين : كتعتارف بلي راك رطب
جود : كولشي فيا رطب
ياسمين : تفو مال عقلك موسخ
جود : ههههههه او مالي كدبت
ياسمين : هو صارحة قاسح وملس تا كيكون ناعس عاد كيرطاب
جود : انا داوي على فمي رطب نتي علامناوية آ ؟
ياسمين : على والو متعاودش دوي معايا
جود : (بعدما لوا لفاصمة لرجليه تكا منعسها على صدارة) هههههههه غا ضاحك معاك الحبيبة
ياسمين : سولتي فماماك ؟
جود : كنت دويت معاها فلعشية قالت ليا بلي كولشي عندها مزيان ولكن غدا أتمشي لسبيطار دير شي تحاليل او غنمشي معاها
ياسمين : تحاليل تعاش ؟
جود : باك كان مريض بالتهاب الكبد الڤيروسي او حتمال ايكون عاداها داكشي علاش بغات غدا تمشي تأكد
ياسمين : او بالنسبة لبابا ايبقا فسبيطار ؟
جود : حاليا واه علاما يولي لمرض ديالو شوي باش ميعاديش ناس ولكن لمحامي ديالو راه كيمتلو كي دوك لوخرين غتطوال جرة شوي ديك لمماطلة او زيد دوك لي خاريج كنتسناو لقنصلية تعاون معانا نرضوهوم لهنا باش نحكمو عليهوم بحضورهوم الى والو غنحكمو عليهوم او يبقاو مطلوبين للعدالة وصاف
ياسمين :’قريب تشد شي كونجي ؟
جود : قلت نخلي لكونجي تا تولد لغالية او نشدو باش نحضر لسبوع
ياسمين : حسن
اكسيل كان فلبيرو ديالو باقي فايق منعسش ملي سمع صوت دراري لتحت راجعو لدار عاد رتاحت بالو ، وتسنا واحد ساعة عاد مشا قصد بيت مجد حال عليه لباب او لاقيه ناعس على كرشو او مدلي رجليه لي كان غا غسلهوم مدارش ليهوم دوا ، هز لباطة تاع لإسعافات الأولية او نقا ليه رجليه من الدم لي كان كيقطر منهوم ، بلأخص واحد جيهة كان ضربو زاج ليها ، عقم ليه الجرح او لوا ليه لفاصمة عاد رجع لبيتو متكي فوق لفوطوي ينعس حيت لغالية تنشرات فوق ناموسية مابغاش افيقها
#فصباح#
كانت سناء ݣالسة قدام طبيبة ومعاها غزلان او صباح هوما لي جاو معاها عند طبيبة حيت جود او مجد غفلهوم نعاس
طبيبة : مدام سناء تحاليل ديالك هاهوما عندي ، الصراحة داكشي مناش كنا خايفين لحمد الله معندكش
صباح : هه ايوا لحمد الله
طبيبة : ولكن ملي درت ليك تلفزة لرحم لاحضت بلي عندك بحال كورات فالرحم ديالك اقدرو يكونو مجرد كيوس عاديين كنا انه يمكن ايكونو حاجة خرى
سناء : (دخلها لخوف) بحالاش هاد لحاجة ؟
طبيبة : كيما قلت امكن ايكونو عندك غا كيوس غنطلب منك ديري شي تحاليل باش نعرفوا شنو عندك
سناء : واش يقدر ايكون عندي سرطان الرحم ؟
طبيبة : كاين احتمال أنو يكون عندك سرطان الرحم مع لأسف ولكن ماشي شي حاجة مؤكدة ديري تحاليل او يكون خير ان شاء الله
غزلان او صباح كلام طبيبة برد ليهوم لما فركابي ولكن حاولو ميبينو والو قدام سناء حيت كانت الصدمة باينة عليها تا هي ، خرجو من سبيطار او رجعو لبنات بجوج فطونوبيل فحين سناء كانت بغات تمشي بوحدها فطونوبيلتها داكشي علاش خلاوها على خاطرها
غزلان : (كانت كتبكي) شنو غنديرو دبا الى كان سرطان فعلا فيها
صباح : (كانت مزيرة ولكن حابسة دمعتها) معندنا منديرو من غير ندعيو ربي اخرج لعاقبة على خير غي بلاما تبكي دبا
غزلان : اتقوليها لجود او مجد ؟
صباح : ضروري اعرفو راه غا حيت ضروهوم رجليهوم داكشي علاش مجاوش معانا
غزلان : علاه مالهوم ؟
صباح : بعد ديك لقربالة لي دارو لبارح كان يسحاب ليك بابا ايفوتها ليهوم مشا جلاهوم فلخلى ورجع مخليهوم اجيو على رجليهوم او بلحفا عاد ، رجليهوم من لتحت تنفخو
غزلان : جدي لبارح نوضها واخة قلت ليه بلي راه خطيبي قاليا والو تفرقي عليه
صباح : روينتك روينة تا نتي عالله غا جدك ميزيدش اجهل لواليد حيت اينوضها معاه ، ايوا ناوية تدوي معا مجد ولا اتبقاي هازة قنانفك عليه ؟
غزلان : يمشي يدوي معا ديك الزعرة
صباح : الله يهديك شمن زعرة اتسكايلي لقلب نتي او داك لعتروس اجمتي آ بنتي دري مكانش عارف بلي راك ختو شبغيتيه ايقولك ملي تقوليلو توحشتك ؟ بلأحضان يا وطني ؟
غزلان : انا راه غا تلقت منو شوي ولكن مادميتوش ايجي لدار او ينقز صور غا حيت مجاوبتوش
صباح : بحالا مكتعرفيهش عقل واحد لي كان عندو ديتيه ليه باش بغاه افكر يالاه نوصلك لداركوم
غزلان : واخ
صباح : نتي عاودي لجداك او خالتك على علاقتك بمجد تايلى تعكسات لقضية اعاونوك
غزلان : ليوم ندوي معاهوم وصلنا ، هانتي صباح قولي لمجد اتلاقاني فلبلاصة لي ولفنا كنمشيو ليها صافي ميعداليش ندوي معاه فطيليفون
صباح : متأكدة ؟
غزلان : واه باغة ندوي معاه
صباح : باغة دوي معاه ولا توحشتيه
غزلان : مالك ماسخة
صباح : هاد ساعة نتي لي ماسخة نخليك دبا بسلامة
غزلان : بسلامة
صباح : (رجعات لدار او هي ماشي تلهيه طلعات لبيت مجد نيشن لاقية جود عندو) سلام
مجد : اهلن رجعتي
جود : امضرا شنو قال ليكوم طبيب
صباح : قالت بلي معاداهاش عبد الله
مجد : (تنهد براحة) لحمد وشكر لله
صباح : (داك لبكا ݣاع لي كانت شادة طلقاتو) ولكن قالت ليها بلي حتمال ايكون عندها سرطان الرحم خاص تا دير تحاليل عاد اتأكدو
جود : (بقا مكوانسي مالقا ميقول)
مجد : (تلجم لسانو تا هو او ناض عنق صباح) صافي ششش بلى بكا ياك قلتي بلي باقي ما تأكدش لخبر ايكون خير ان شاء
صباح : على ربي نتمناو ايكون خير انا غنمشي نعس فقت بكري
جود : (ناض مسح ليها دموع منعينيها) ميكون غا لخير ويلى قدر الله او كان بصح راه بزاف تاع ناس تعالجو او حنا مغنخطاوهاش داكشي علاش بلاما تشغلي راسك صافي
صباح : واخ نخليكوم دبا (خرجات من عندهوم او رجعات فبيتها لاقية محسن تما) كي بقاو رجليك
محسن : مزيان (قرب عندها بايسها من فمها) مالك ؟ واقعة شي حاجة ؟ كنتي كتبكي
صباح : (حيدات زيفها او حطاتو هو او صاكها فوق طبلة او عنقات محسن مخشية فيه) هاد ساعة باقي موقع والو
محسن : (مسولهاش على شنو قالت ليهوم طبيبة حيت عارفها مابغاتش تدوي عليه ، تحنا عندها هازها عندو او دايها لناموسية متكيها او متكي حداها معنقها) فخبارك خفافيتي ؟ دايرة جي ريجيم ؟
صباح : راك شتيني غا نعاس او لماكلة منين جاتني ضعافيت
محسن : كتعتارفي بعدا بلي راك نعاسة وليتي فينما تلقاي شي قنة كتجبدي
صباح قبل متغمض عينيها وتنعس كتبات ميساج لمجد كتقول ليه بلي غزلان بغات الاقل معاه فين موالفين كيتلاقاو ، عاد طفات طيليفونها او خبطاتها بنعسة لا هي لا محسن
مجد : (بعد داك لخبار تاع سناء فشلات عليه صحتو او تجبد فلفوطوي تا وصلو ميساج من صباح كتعلمو على حساب غزلان) الا
جود : (شافو نقز من بلاصتو) مالك شوقع
مجد : (لعقل باش ايجاوبو مكاينش طار نيشن لماريو كيجبد فلحوايج او يحط فلخر ختار سروال تاع توب مع قميجة لبسهوم بزربة او دوش بريحة ومشط شعرو مزيان ، عاد دار ساعات او لبس ليه سباط وخرج عند خوه) مي جيت
جود : فين غادي
مجد : غادي نتلاقا مع غزلان
جود : يا لكلب غا لبارح كليتي قتلة بمسبتها
مجد : دبا غا غنتلاقاو ندويو شوي او صاف عطيني سوارت طونوبيلتك لمطور ديالي تقاضا ليه لمزوط
جود : ونا لي كنت باغيك ملي تمشي تجيب ليا لمازوط معاك حيت راها نشفات
مجد : على زهر
جود : شوف طنوبيلة صباح ولا محسن
مجد : راهوم ناعسين مبغيتش نفيقهوم
جود : شوف لواليد يعطيك وحدة فطنوبيلاتو راه عندو جوج وحدة غا
مجد : الى مشيت عندو بهاد لحالة ايعرفني فين غادي
جود : ايوا شوف معا لغالية تسلفك طونوبيلتها
مجد : هي عندما انمشي خاصني نشري شي طونوبيل ، ديك لي كانت عندي مشات اغراء نيشن بعد لكسيدة
جود : خاصك تلقا خدمة أبعدا ايها العاطل عن العمل
مجد : بزاف عليك نكون عاطل عن العمل غنترسم مع الشركة لي درت عندها تدريب فتركيا
جود : اترجع لتركيا ؟
مجد : لا لا الشركة الرئيسية كاينة هنا فكازا لفرع ديالها لي كان فتركيا ، شوف شديتيني بلهضرة تا فات عليا لحال بسلامة
جود : شوف شوف جرانة مابقاوش رجليك ضارينك
مجد : قلبي لي ضارني هاد ساعة (خرج من لبيت كيحنقز او مشا قاصد بيت لغالية ، دق عليها كيفرنس ولكن حدو فاش اكسيل لي حل ليه لباب هجرو ) ل.لواليد شكادير هنا
اكسيل : كان خاصني نتشاور معاك باش نكون فبيتي ؟
مجد : لا لا ماشي هاكدا ، أنا أنا كنت باغي لغالية
اكسيل : شبغيتيها ؟ او فين غادي ؟ او لاش مفركس هاكدا ؟ باقي متبتي ؟
مجد : تبت تبت أصلن هاد تفركيسة وريحة ماشي على حسابي كولشي على حساب مرتك ياك الغالية
لغالية : (خرجات عندو) مالي أنا مجد ؟
مجد : (غمزها) هاني لبست كيما قلتي ليا او درت تا ريحة شنو باغة نجيب ليك من برا ؟
لغالية : د.دلاح
اكسيل : شنو جاب دلاح لتفركيس
لغالية : علاه مقلتش ليك تشهيت ايجيب ليا مجد شي دلاحة او بلأخص تكون مخالطة معا ريحتو او يجيني من بعيد هازها او هو مفركس
اكسيل : شحال قدني نقولك ملي توحمي على شي حاجة بعدي على رهوط باركة غا هوما باغة تزيدينا جيش آخر
مجد : لغالية سربي عطيني سوارت طونوبيلتك نمشي بيها ماحد باقي مضلام لحال
لغالية : (عطاتو سوارت) هاك هاك سير سربي قبل منحكها سربي
مجد خدا سوارت او مشا طاير عند غزلان لي كانت ݣالسة كنتسناه فديك لقهوة
غزلان : (فلوقت لي كانت كتسنا فيه مجد جا عندها واحد دري)
دري : (ملي شافها عجباتو او قال ايضور بيها) كتسناي شي حد ؟
غزلان : (كانت بغات تصدو) واه كنثتنا حطيبي
دري : (نفاجر عليها بضحك ملي سمع طريقة هضرتها) كتثناي حطيبك ههههههههه حطيبك ، كنتي عاجباني ولكن ملي لقضية فيها حطيبي هههههههه مالك كتدوي كي دراري صغار
مجد : (وقف موراه داير يديه فجيبو) او مالك نتا كضور عليها كي لكياضر ؟
دري : (ضار عندو او هو باقي كيفرنس) نتا هو حطيبها ؟ هههههه
مجد : غتمشي منهنا ولا لا
دري : ويلى مابغيتش اضربني
غزلان : الى مضربكث هو نضربك انا
دري : (مجا فين يستوعب هضرتها تا كانت قلباتو لأرض مضحكة فيه صحاب لقهوة كاملين)
مجد : نوض على سلامتك اولدي (شد ليد لغزلان او خرج هو وياها من لقهوة)
غزلان : (ملي وصلو لفين كيبلاصيو طونوبيلات حيدات يديها من يديه) قول شنو عندك بزربة باش نمشي
مجد : (ضار عندها) وا صفي غتبقاي هاكدا مقلقة مني سمحي ليا راه والله مابين وبينها شي حاجة ، او زيد عليها كنت فاهم كولشي عوج شت تصاورك معا خالك يسحابلي ضبرتي على مخك ، او زيدي عليها باركة غا جدك معكس ليا غتعكسي تا نتي ؟
غزلان : جدي راه حنين
مجد : جدك مزمر ماشي حنين
غزلان : مجد
مجد : صافي صافي غا ضاحك دبا تصالحنا ولا باقي
غزلان : (بتاسمات او هي حشمانة شوي) توحشتك
مجد : تا انا
غزلان : (قربات عندو باغة نعنقو)
مجد : (بعدها عليه بشوي) شباغة ديري
غزلان : نعنقك ؟
مجد : لا بلاش خليها هاكدا حسن
غزلان : علاش ؟
مجد : شوف ازين الله يرضي عليك منهنا لقدام مافيش بوس مافيش احضان ، بسناك جوج بوسات تلاتة ݣاع قبل خرجنا سيناريو هندي صدقتي فيه ختي نبوسك دبا شنو طلعي مي اللهم تباعد كرونة كاينة او شيطان كاين وصبر مكاين نتزوجو نعوضك بلفائدة من لفوق
فلوقت لي كان فيه مجد كيدوي معا غزلان او كيوضح هو وياها لأمور او كيرضو لمياه لمجاريها ، كان اكسيل ݣالس فلمكتب ديالو كيشرب فقهوة ، او مقابل معا دنيا
اكسيل : عاودات ليا لغالية شنو وقع ليك ونا بنفسي سيفط لي يتأكد ليا من قصتك ، ماشي حيت كدبتك ولكن تا انا كان خاصني نعرف معامن كنتعامل او شكون بغيت نعاون
دنيا : من حقك اسيدي
اكسيل : سيدي وسيدك رسول الله ابنتي عيطيلي عمي حسن ، كتارين لحيوانات لي كيحݣرو على بنات ناس او كيدوزو ليهوم على رزقهوم او رزق ولادهوم ، طمع انواع او خايبهوم لي طمع فلي مديالو ، تقطعو بيك لحبولة او ربي لاقانا بيك او كنطلبو ايكون فلقانا لخير
دنيا : (تغرغرو عينيها) خيرك اعمي عمرني نساها تا نمشي لقبر حليتي ليا باب دارك او ضايفتيني بين ناسك ، وليوم غنمشي نقلب على راسي او على شي دار نكريها
اكسيل : نساي بلان لخدمة دبا تا تولدي او ديك الساعة الى بغيتي يمكن ليك تبقاي فدار نتي او بنتك ، تخدمي عندنا مكاينش لاش تمشي تحاكي عند لبرانيين
دنيا : الله يرحم ليك لواليدين ملقيت منقول ولا باش نشكرا على خيرك او فضلك عليا لا انا لا هادشي لي فكرشي
اكسيل : عتابري راسك نتي او بنتك امانة عندي يمكن ليك ترجعي لبيتك ترتاحي
دنيا : (لكلمات باش تعبر ليه على فضلو او لخير لي دار فيها ملقاتهومش ، رجعات لبيتها او سدات عليها طالقاها لبكا ولكن بكاها بكا تاع داك لي تحݣر او اخيرا تنصف ، بكا تاع يتيم لقا لي يحن فيه ، بكا تاع واحد سنين او هو طايح او اخيرا تمدات ليه يد تعاونو او تنوضو ، حطات يديها على كرشها) شتي ابنتي قلت ليك ربي كبير او مكيتسد باب تا كيتحلو بزاف دلبيبان ، خوينا بلادنا او ضارنا ابنتي او خلينا باك بوحدو فقبرو ولكن ربي لاقانا بهاد سيد فتح ليما باب ضارو أو خلانا ممحتاجين تا حاجة ، قام بدور لأب ليا وليك ابنتي داكشي علاش بغيتك تكوني فرحة هاد سيد او ترضي ليه خيرو او فضلو علينا (ركلاتها بنتها) هههههه يرضي عليك متافقة معايا ياك
لغالية : (دقات عليها لباب او دخلات) راك بوحدك مسالية
دنيا : واه بغيتيني فشي حاجة
لغالية : عيط ليك نخرجو نشربو أتاي فجردة كاينة غا انا وحدي
دنيا : واخ (خرجات معاها لجردة)
لغالية : (ݣلسات فجردة هي وياها تا تم اكسيل جاي عندهوم بصينية تاع أتاي حطها قدامهوم )
اكسيل : انا غادي لمحال (باس ليها فوق راسها قبل ميمشي بحالو)
لغالية : (ضارت عند دنيا) فعمري 21 عام
دنيا : ها ؟
لغالية : غتكوني كتسولي راسك شحال فعمري واش راني كبيرة او غا كتبان صغيرة
دنيا : (بحرج) كون مقالش ليا بلي راك مرتو كنت انقول واش بنتو
لغالية : انا بنتو ، بنت قلبو ، هو كان با وخويا وصاحبي قبل ميكون راجلي
دنيا : الله اخليكوم لبعضياتكوم
لغالية : آمين او يخلي ليك معز عليك ، ملي تزوجتو كنت كنقول ليوم نمشي غدا نمشي ولكن كلما عرفتو وليت كنقول الى مشا نموت ويلى مشيت نموت هههههه ، شحال علاياش تزوجتي ؟
دنيا : تزوجت على 18 رعام
لغالية : معا مبروك لكارط معا مبروك لاكط
دنيا : هههههه حمد الله صبرت تا درت لكارط ايما كنت باغة نتزوج منين درت 15 رعام ولكن با الله ارحمو حلف ميزوجني تا ندير 18 علأقل
لغالية : مكان عندك صبر نتي باك مكانش بغا يزوجك ونتي صغيرة ونا با لي زرب عليا هههههه غا هو حمدت ربي وشكرتو زربتي زينة وعاطية لعين ههههههه
#عند سناء#
كانت ݣالسة فبيتها كتصلي صلى ماشي بحال كيفما موالفة طال فيها سجودها او معاها بكاها ، يمكن بعد هاد سنين كاملة اول مرة سناء تصلي بهاد لخشوع كامل او طلب لي خلقها بهاد لإلحاح كامل ، او لأول مرة سناء طلب سماحة او لغفران على داكشي لي دارت كامل ، عيواض مطلب ربي انجيها من لمرض طلبات يسمح ليها او يغفر ليها على ديك الزنا لي دارت فحياتها كاملها ، بزاف تاع لحوايج تبدلو فسناء منين بدات كتمشي لطيبة ، دارت كي داك لي كيبقا ساهي ساهي تا كيفيق فيقة وحدة ، عينيها بحالا تحلو على بزاف تاع لحوايج لي يمكن فات لفوت عليهوم ، منهوم علاقتها بولد عمتها اكسيل مشافت منو غي لخير او مصرف فيها غا لخير فزواجهوم كان هو بوحدو لي كيعطي او هي غا كتاخد ، عاشت حياتها منهار زواجها تال نهار لي ضربات فيه عبد الله دخلاتو لسبيطار بأنانية ، كانت كتفكر غي فراسها او فمصلاحتها يمكن تا تربيتها لغزلان كانت أنانية منها ، منادماش عليها بلعكس حيت غزلان بنتها لي مولداتش ولكن ندمات على دوك 3 لي ولدات من كرشها ولكن مرباتهومش او مكانتش ام ليهوم فهاد سنين كاملة ، أنانيتها خلاتها تا لإعتراف متعتارفش بيهوم قدام ناس ، واخ طلبات منهم سماحة او عاودات او فكل مرة جوابهوم كان هو مسامحينك اماما مكاينش لاش طلبي سماحة كانت عارفة او متأكدة بلي ديك لفجوة لي خلقات بينها او بينهوم صعيب تجمع ولكن علأقل تقدر ترقعها ، دراري لي كانو عايشين على لهامش فصحفة سناء قبلو اعتذارها حيت بكل بساطة داك لي رباهوم مكانش شخص اناني بحالها
بعدما طاح ليل كان كولشي تقريبا فدار من غير مجد ، لي دخل لدار معطل شوي لاقي كولشي مجموع فلبيت
مجد : السلام عليكم
لوخرين : وعليكم السلام
اكسيل : فين دلاح ؟
مجد : شمن دلاح ؟
اكسيل : لي سيفطاتك لغالية تجيبو
لغالية : (نقزات) انا لي صونيت عليه قلت ليه صافي مبغيتوش
مجد : (كمل لكدبة) بقات مرتك مجرجراني بين صحاب لخضة حقا بغيتها كي طولها كي عرضها تكون مسوسة تكون حلوة فلخر صافي ماتليتش ، انا غنطلع لبيتي
اكسيل : سير سير الله يهديك سير
مجد : (طلع بدل عليه او عاود نزل عندو)
صباح : دبا ملي تجمعتو كاملين عندي ليكوم واحد لخبار
جود : الله اسمعنا خبار لخير
صباح : (شافت فإكسيل لي كان محسن ݣالس حداه فلقنة تاع لبيت حطات اختبار لحمل قدامهوم او رجعات كتسنا ردة فعلهوم)
محسن : (هز اختبار لحمل كيشوف فيه) فيه جوج شرطات ههههه ضرباتك كرونة المسخوطة
صفية : لا لا هاداك بمعنا راها حاملة
جود&مجد&محسن : شنو ؟
صباح : (شافت باها ساكت) بابا
لغالية : (عرفات اكسيل ميدوزهاش ليه) محسن سير جيب ليا لما
عزيز : راهو ابنتي غي قدامك
لغالية : هههه بصح ، محسن نوض جيب ليا تيد بزربة
اكسيل : (ردة فعل وحدة لي دار مد يديه شانق محسن معا لحيط عيت كانو ݣلسين فلقنة) شنو هدشي ؟
صباح : اختبار لحمل هاداك ابابا
ياسمين : سكتي سكتي غتخرجي على راجلك
محسن : (ملي قالت ليه بلي راها حاملة حس بلما جمد ليه فركابي بلأخص أنو اكسيل كان حداه ، ديك نوضة لي كان باغي اينوض اكسيل زرب عليه او كالاه معا لحيط قاجو بيد وحدة) ع.عمي اكسيل
اكسيل : (كيدوي مزير على سنانو) او شنو هادشي ؟ علاش بنتي حاملة ؟
لغالية : يهديك الله إكسيل طلق دري كتسولو علاش مرتو حاملة بغاو وليدات
اكسيل : (زاد زير على عنق محسن ملي تفكر الطريقة باش غتكون حملات بنتو) تزوجتيها قلنا مكاين باس ندوزوها ولكن باش تحملها خاصني نصفيهوم لجدك
محسن : (ولا حمر بدرع باش كيخرج لهضرة) هانتا اعمي اكسيل راك فاهم علاج ميمشيش بالك بعيد ، راه لعلم تقدم مابقاوش دوك الطرق لبدائية تاع قيسني نقيسك باش كيولدو ، ولاو كولشي بلبلوتوت ياك أختي صباح ياك
صباح : شكون ختك ؟
لغالية : دي دي عليا هادي منهنا راها أكتيڤات عرق تكلاخ
اكسيل : (قرب عندو داوي ليه حدا ودنيه) قلتيلي بلبلوتوت ياك شبان ليك نقطع ليك لكابل لي بين رجليك باش متعاودش تبرونشيه مع شي تقبة
محسن : (شداتو لبكية) حملتي قلت ليك شي حاجة ؟
اكسيل : ياك دبا ولينا فلحسابات شنو زعما حملت ختك نضتي شديتي ضد او حملتيلي بنتي ، داير ليا فيها لعين بلعين والسن بالسن ، شنو بان ليك نطبقها فيك تا انا داكشي لي درتي لبنتي نديرو فيك
ياسمين : (زلقات ليها) ناوي تحملو اعمي اكسيل ؟
لغالية : ياربي كنسكت وحدة وتنوضلي لوخرة اكسيل طلق خويا غتقتلو طلق
محسن : (بلكشايف طلقو اكسيل مخليه كيرجع النفس)
جود : (ربت على ضهر محسن) مبروك اعشيري ولكن السمية انا لي غنسمي راه اول حفيد فلعائلة
ياسمين : تسميه مالك زاحم عليه
صباح : (عنقها او بارك ليها جود) الله ايبارك فيك اخويا
مجد : (لعئيلة فرحات بصباح او باركات ليها ولكن هو بقا غا ݣالس ݣالس شوي هو ينوض اشنق على محسن) حملتي ليا ختي اولد لواسعة
لغالية : جر جر داك دحش راه يالاه لكونيكسيو عندو تقيلة
اكسيل : (تهدن شوي) طلق دري طلق
مجد : (طلق محسن او مشا كيعنق فصباح او هو كيفرنس) اخيرا اتولد عندنا بنت
صباح : كي درتي عرفتيها بنت
مجد : حيت لبنت كتولد لبنت راني باقي عاقل على الدرس
جود : اخليك بلخلى نتا ودرس ديالك كون سمعك طبيب ايجيه شلل نصفي
اكسيل : (اخيرا سلم على محسن) مبروك دزتي فوجه حفيدي (ضر عند صباح) مبروك
صباح : (عنقها اكسيل او باس فوق راسها) الله ايبارك فيك ابابا
محسن : (ملي لقا اكسيل تكالما او بارك ليه طلع لبيتو فحين صباح كانت تابعاه)
صباح : هاك تشرب احبيبي هاك(مدات ليه كاس دلما ، او شافت فعنقو لي كانو مطراسيين فيه صبعان باها) وليتي شوية ، بابا كان ايصفيها ليك ضحكو خايب شوي
محسن : وامي وامي قالت ليك ضحكو خايب ، فين عمر باك كيضحك مع لواحد (شاف فيها) علاش اصباح سكتي او خليتي تال قدام كولشي عاد قلتيلي بلي راك حاملة علاش
صباح : ميسحابليش كنتي بغيتيها لحضة خاصة بيناتنا
محسن : واتي شمن لحضة خاصة كون علمتيني قبل كون جمعت حوايجي او هربت لشي قنة ولا كون نقزت من شي سطح ولا هاد لحالة
صباح : انا ميسحابش ليا بابا ايشنق عليك قلت زعما نديرها ليك مفاجأة نتا وياهوم كيما كيديرو ناس ، شعرفني انا
محسن : واش بان ليك باك كي ناس واش باك تاع لمفاجآت ، هاويلي هاويلي على صݣعة خلاتني تا ݣلست حدا باها عاد جات كتفرنس او كتقول ليه بكل روح رياضية بابا انا حاملة
صباح : انا دويت عادي مفهمتش علاش معجبوش لحال او تا نتا معاجبكش لحال بان ليا
محسن : لا لا ماشي هاكداك (شد ليها فيديها) دبا احبيبة ديالي حنا رجال ماشي بحالكوم يعني ملي مشيتي قلتي لباك انا حاملة هو سمعها “بابا محسن كواني تا حملت فهمتي”
صباح : وعلاش زعما
محسن : حيت بكل بساطة باك واحد لمغبار مامنو جوج او نتي بنت وحدة لي عندو أصلن راني واحل ليه حيت تزوجتك او كنعس معاك فنفس لبيت ، يعني هو فرح حيت غيولي عندو حفيد ولكن راه كيتفقص ملي كيتفكر كفاش حملتك كيتجنن
صباح : (قلباتها ضحك) انا ضحكتيني ملي قلتي ليه والله مافي بالك اعمي اكسيل لعلم تقدم ولاو احملو غي بلبلوتوت ولكن شنو قالك فودنيك
محسن : ههههههه قال ليا شبان ليك نقطع ليك لكابل لي بين رجليك ههههههههه
صباح : ههههههه ناري على لواليد مسكين الله اخليه ليا ولكن عرفتي والله مدار فيك تا حاجة ملي معلقكش او مضربكش او غا شنق عليك تا طرطقو عينيك حمد الله حنين لواليد
محسن : واه حن منو مكاين مسكين مقتلنيش غا حيت مابغاش ايتم حفيدو ماشي حبا فيا
صباح : ايوا شكون بحالك عندك نسيب كيضرب لحساب لولدك
محسن : لعار تبقاي تقولي لبنتك نتفايلو لعلا وعسا ايجيب ربي شي بنوتة
صباح : عرفتي الى لولدت بنت حسن عنوانها
محسن : علاش ؟
صباح : عندك نتا او جود او مجد او بابا او دوك جوج لي جايين فطريق اديرو عليها لقوات لمسلحة تجي بلحراس او تمشي بلحراس
محسن : هههه معلوم بغيتيني نخلي بنتي ايضور بيها شي حد ولا يتزعط فيها تأ ابدا بنتي انخليها حدايا كي دوك الراهبات متزوج متصاحب تبقا ديالي بوحدي
صباح : وعلى هاد لهضور انا باغة وليد
محسن : (قرب عندها كيفرنس عاد شدات فيه بفرحة مزيان) شبلانك نتا غفلتيني
صباح : انا لي خاصني نقول هاد لهضرة حيت نتا لي غفلتيني لإحتياطات كاملين درناهوم ومع ذلك
محسن : شتي ربي ملي كيكتب شي حاجة واخة منعرف شيدير لواحد غا هو واش هادشي مغيخلقش ليك مشكل راك عارفة مكناش كنفكرو فدراري بتاتا علأقل تا تسالي لعلاج ديالك ولكن دبا ملي راك حاملة غيخصك تقطعيوا ديالك
صباح : دويت معا طبيبة راني كنعالج كتر من سبعسنين هادي واخة مكنتش منتاضمة ولكن راه فهاد لأواخر وليت كنشرب غي ربع كينة ، قالت ليا طبيبة واخة نحبس دوا مغيأترش عليا بزاف حيت تقريبا ساليت لعلاج ديالي
محسن : (غا سمع داك لبلان رجع كيفرنس او يبوس فيها)
لغالية : (كانت معا اكسيل فلبيت كيجمع ليها الساك لي اتدي معاها لسبيطار حيت كانت أتمشي تنعس فيه من هاد سيمانة) متوقعتش تكون صباح حاملة
اكسيل : ونا متوقعتش خوك اخرج فيه هاد لغدر كامل
لغالية : ههههههه راك هبيل والله تا هبيل كتغير على بنتك من راجلها
اكسيل : دبا نتي تبغي واحد من لفكارن تبوسي شي وحدة او نعس حداه او تعنقو او تبدا تعيط ليه حبيبة
لغالية : (عقداتهوم) لهلا يحييها تا تعيطلو حبيبة مالها زاحمة عليه أصلن ولادي انا معندهومش مع لبنات عندهوم غا انا
اكسيل : (بطنز) مالك غرتي اشعيبية ياك غا عيالاتهوم
لغالية : زمرواتهوم انا ولادي مغنولدهومش ولي شافت فيهوم نتقلب ليها لعينين
اكسيل : غتكوني عݣوزة مسمومة
لغالية : بلعكس انا ضريفة غنزوج ولادي بشرط واحد ايكونو عليالاتهوم مصبة كحلة
اكسيل : الله يستر مالك مبغيتي ليهوم شي بنات ناس
لغالية : بنات ناس شغندير بيهوم ابقاو عليا خالتي خالتي انا بغيت معامن نتشاد بغيت لمن نقول دار ولدي هادي ، او ملي يجي واحد فيهوم من لخدمة عيان القاني شادة لقنة او طايح عليا الضيم او طالقة أغنية حزينة اسولني مي مالك ، نقوليه والو اولدي او يعاود ايقول ليا مي مالك عاودي ليا او نشوف فيه بحزن او نقول مرتك اولي ، شدارت ليك امي ؟ انا نعاود ليك أو قول واش ضلمتها فقت فصباح لقيتها دارت لفطور فطرنا قلت ليها هانتي ابنتي داك صالون خرجيه اتشمش فيها اولدي هادي شي حاجة ؟ لا امي ، خرجات الصالون شمشاتو او رجعات قلت ليها هانتي دار خاصاها شي تسييقة نوضي ابنتي سيقيها هادي اولدي فيها شي حاجة ؟ لا ، ناضت سيقات او جففات او بغات تݣلس قلت ليها هانتي ابنتي دوك لكواش خاصهوم اتغسلو هادي اولدي فيها شي حاجة ؟ ناضت غسلات لكواش او نشراتهوم او جات بغات تݣلس قلت ليها هانتي ابنتي راجلك غيجي من لخدمة عيان او فيه جوع نوضي صايبي ليه شي حاجة ياكلها هادي اولدي فيها شي حاجة ؟ قالت ليك لا عييت قلت ليها صبري راسك ملي يجي راه غنقولها ليه ، قالت ليا تا يكون ولدك راجل عاد قوليها ليه هانتا اوليدي لعار مضربهاش ههههههه
اكسيل : (بتاسم بشوفها كتزلع بضحك) راني قلت ليك حسن عوانهوم هههه
لغالية : غا ضاحكة الله ايجيب لينا محسن منا ، انا أصلن غا غيوصلو 18 رعام انزوجهوم او نسيفطهوم لديورهوم باش نبقا انا وياك راس فراس بلى صداع
اكسيل : كتخططي من دابا
لغالية : معلوم ، احقا شنو درتي فبلان مجد او غزلان
اكسيل : دويت معا ميمون او عاودت طلبت سماحة منو على داكشي لي دارو دراري ولكن واخة هاكداك هاز قنانفو لسما ، ايوا شفت تا عييت او قلت ليه غنزوروهوم فدار
لغالية : علاش ؟
اكسيل : باش نخطبوها رسمي
لغالية : ويلى مقبلش
اكسيل : مغنتفاكوش تا يعطينا لبنت
لغالية : او شمن نهار درتي معاه
اكسيل : سبت
لغالية : هاد سبت ؟ لي هو غدا ؟
اكسيل : واه بغيت نشوف ياكما نطرقو هاد لمسمار قبل متمشي لسبيطار
لغالية : او باقي كتقولها موجدنا والو
اكسيل : راه انمشيو غا ندويو فلبنت ماشي خطوبة رسمي
لغالية : راه اول لقاء بين لعئيلات هو لأساس هو لي كيبان فيه مقام لواحد موجدنا حوايج موجدنا داكشي لي عندي معانا متقدينا لبنت تا حاجة معانا موجدنا راسنا
اكسيل : اهدني غا بشوي انا تكلفت بكولشي
لغالية : آجي قلتيها لمجد مقال لينا والو
اكسيل : نتي او سناء لي فخباركوم ، مغنقولها ليه تا نكونو فطريق لدارهوم
لغالية : حرام عليك كون غا علمتيه
اكسيل : انعلمو ايتحمس او ملي كيتحمس كيزبلها
لغالية : نتا تعرف غدا انخليو كرمتنا فدار او نمشيو ههههههه داك ميمون موحال واش اتفك
#غدليه#
معا نبوري كان اكسيل علم كولشي بلي غيمشيو اخطبو لمجد من غير هاد لاخير لي كان فدار غفلون ، وصل لمغرب او طلع اكسيل لبيتو كيدق عليه
مجد : (خرج عند باه او هو يالاه فايق من نعاس) لواليد ؟
اكسيل : شتك فتي لحالة فينما نضور نلقاك ناعس دخل لبس شي كستيم من لكستمات ديالك باش نمشيو
مجد : فين غنمشيو او علاش تا نتا لابس ؟ فين خارجين ؟
اكسيل : معروضين
مجد : لقضية فيها لقص ؟
اكسيل : دخل دخل لي ضاربك ضاربك على كرشك
مجد : (رجع لداخل دوش بزربة او لبس او تقاد كيما قال ليه باه عاد هبط لتحت لاقي كولشي لابس او مقاد) انمشيو كاملين علاش مكاين لي علمني
اكسيل : عمامك رجعو لبلاد بقات صفية اتݣلس معا لحاجة غنمشيو حنا او لحاج او دنيا
مجد : واش شي عرس باش ندي معايا لخبز من دار
ياسمين : (كانت لابسة جلابة مخزنية منبتة بلحجر معا فولار او صندالة عالية) شباغي لخبز
مجد : باغيه باش نتسلت عند طيابة ديرلي لمرقة اوسطو
جود : زيد زيد موحال تسول فلخبز اتݣهم هههه
لغالية : (تا هي لابس جلابة بحال ياسو او صباح) يالاه انتعطلو
اكسيل : (شاف صباح) شهادشي لابسة
صباح : مالو محاتش معايا جلابة ؟
اكسيل : طلع جيب لمرتك سباط پلى
محسن : هاكي لبسي هادا ونتي لابسة لعالي
صباح : وراه ديما كنلبس لعالي مواصلاش لطولك
جود : راك حاملة داكشي علاش من لأحسن متلبسيهش تصدقي مكركبة
لحاج : يالاهو يالاه
مجد ركب فطونوبيل معا باه او لحاج ياسو فحين جود او لغالية او دنيا فطونوبيل او صباح او محسن فطونوبيل خرة ، باش الهي راسو شد طيليفونو كيشاطي معا غزلان
مجد : شكاديري
غزلان : (سيفطات ليه تصويرتها لابسة كسوة حمرة) جايين شي ضياف عند جدي او كنوجد راسي
مجد : جدك جايين عندو ضياف نتي شحرݣ شطاطك تا توجدي راسك
غزلان : ونا قالوليلي وجدي وجدت يمكن شي ناس من لافامي لي جايين ونتا كادير ؟
مجد : معروض (بحبس واحد شوي او ضار عند باه لي كان كيدوي مع ياسمين )
اكسيل : السلعة لي مبقات من هاد شهر خرجتوها لقدام لمحال تباع ؟
ياسمين : لا باقي حيت تا فلمحال تاني كان باقي شوية من نفس السلعة غدا اندوز نجيبها من عندو باش ندفعوها دقة وحدة
مجد : لواليد فين غادين ؟
اكسيل : فين بان ليك غادين
مجد : لا متقولهاش
لحاج : غادين نزوجوك
مجد : ناري على بلان ونا كنقول مال لخلعة شاداني (طونوبيلة جود دازت من حداهوم او تاع محسين كانت موراهوم مباشرة خرج راسو من الشرجم او غوت) وا كتغفلو اولاد لحرام
جود&محسن : (مساليين قبهوم تا هوما رضو عليه) وا بصحتك لقالب
مجد : شتي الواليد بلاناتك
اكسيل : تهانينا ونا نرجعو بحالنا
مجد : لا الله اودي ناس كتسنانا حشومة نخويو بيهوم
لحاج : انمشيو نطلبو لبنت ولكن دير فبالك حتمال كبير ارفض جدها
مجد : وراه الى مرفضش غتكون شي حاجة ماشي تلهيه يا مشاربش دواه يا تڤيڤا
اكسيل : نتا غي بقا ساكت او خلي لحاح يدوي
لحاج : مندوي ميدوي دوي نتا نيت لي وجهك قاسح تقدر تعطيه خو جوائز ونا ندعي معاك
مجد : دعي معاه غادي يحرر الصحرة جوج كلمات هوما يقولهوم او صاف
ياسمين : ههههههه شوف شوف لمرعود كي كيدوي نتا سيد تيرا قرطاسة فسما سخفتي ليهوم بقا غا تخطبها منو
مجد : غا كنت داير راسي سخفان مكتفرجوش فنداء الطبيعة يا كدير راسك ميت باش متكالش يا كدير راسك ميت باش تاكل ونا معا لول لواحد احمي راسو
اكسيل : ما ماتش غير دفنوه اودي اودي حياتك كاملة كي سلوݣي فينما تطلقات شي قرطاسة تبعها جيتي تال قدامو ونتا تولي حجلة
وصلو لڤيلة تاع ميمون او نزلو منها هازين داكشي لي جاية معاهوم ، فلمقدمة ديالهوم كان اكسيل سرسر لباب او بقا كيتسنا تا حل ليهوم أسامة
أسامة : تفضلو مرحبا
دخلو لداخل تاع لڤيلة لاقيين جدات او حالة او خال غزلان واقفين كيرحبو بيهوم بصواب
جداتها : (مشات معاهوم لصالون) مرحبا بيكوم ݣلسو متحشموش
لغالية : أرحب بيك لخير اخالتي (مدات ليها دوك ساشيات لي جابو معاهوم)
سمية : علاش عدبتو راسكوم بلى شك نتيا هي عمت غزلان
لغالية : واه هي انا او هادي ختها خلاص صباح اتكونو كتعرفوها
سمية : متشرفين ابنتي
جداتها : أسامة سير شوف باك واش سالا صلى باش اهبط عند ناس ميخليهومش كيتسناو (غمزاتو فخر كلامها)
أسامة : واخة امي
جود : لواليد فين لوليدة ؟
صباح : راها قدام لباب خرج عندها
جود : واخ (ستأذن منهوم او مشا خرج جاب سناء او رجع)
سناء : ياكما تعطلت
جود : لا عاد دبا لقيتينا وصلنا
سناء : (دخلات عليهوم) السلام عليكم
جداتها : وعليكم السلام
سناء : انا مامات مجد
جداتها : متشرفين تفضلي
سناء : (ݣلسات حدا صباح او بداو كيتعارفو هوما او جدات او حالة او مرات خال غزلان او يتبادلو لأحاديث تاع نسا تا دخل عليهوم ميمون)
ميمون : (كان باين بلي معاجبو حال او جاي غا بزز) السلام عليكم
اكسيل : وعليكم السلام سي ميمون
سمية : (طارت لكوزينة لي كانت غزلان او ريم بنتها ݣالسين فيها)
ريم : ماما شكون فيهوم لعريس ها لعار راه غازين على خوه ونا محضرتش ملي جاو ديك نهار
سمية : تبتي اندخل ليهوم أتاي ونتي تبعيني بلحلوة او غتشوفيه راه هو لي ݣالس حد مول جلابة
ريم : (تحمسات) واخة
غزلان : ونا
سمية : مالك نتي
غزلان : مغندخلش
سمية : هههههه تا نعيطو ليك عاد اتجي
اكسيل : (دخلات عليهوم سمية بصينية دتاي او دوراتها عليهوم)
ريم : (تبعات مها بطبسيل تاع لحلوة كضورو عليهوم تا وصلات عند مجد) نتا هو مجد ياك
مجد : واه
ريم : انا ريم بنت خالة صحبتك بغيت نقول خطيبتك
مجد : (بغا يضحك ولكن ضرب فميمون هو يجمعها)
ريم : (معندهاش لفرانات لي جابها لفم تݣولها ضارت عند جدها) أجدي بقيتي عليا واحد تيمساح واحد لحلوف كي دوك جوج لي معاه يالله عليك واش كاين شي تمساح زوين بحال هكذا ولا حلالف بهاد شكل
سمية : (حمراتهوم فيها) حطي طبسيل تاع لحلوة
ريم : (مزادتش معاها لهضرة او مشات ݣلسات)
لحاج : (بعدما شربو لا أتاي نغز اكسيل باش أدوصضض
اكسيل : احن سي ميمون الى جات على خاطرك عيط على حفيدتك غزلان تجي حيت لموضوع كيخصها او خاصها تكونض حاضرة معانا
ميمون : مكاينش لاش هضرتكوم معايا انا
سمية : انا غنمشي نعيط عليها
غزلان : (ملي عيطات ليها خالتها جات بزربة او سلمات عليهوم واحد بواحد)
اكسيل : كي دايرة ابنتي لباس عليك
غزلان : لابس لحمد الله (رجعات ݣلسات فبلاصتها)
اكسيل : ملي لمعنية بلأمر حضرات مكاينش لاش نزيدو نطولو لهضرة سي ميمون حينا جينا طالبين راغبين فيد بنتك غزلان لولدي مجد على سنة الله ورسوله شنو قلتي
ميمون : سي إكسيل انا ديك نهار قلت ليك شنو كاين هاد زواج انا مقابلوش
اكسيل : سي ميمون كاملنا عندنا لبنات او مكنسخاوش بيهوم ولكن هادي كتبقا هي سنة الحياة او قبل متقبل ولا ترفض حنضن خاصك تاخد رأي لبنت او تشاورها ماشي تعطي لقرار من عندك
ميمون : انا جدها ونا عارف مصلحتها او كما قلتي كاملنا عندنا لبنات او كنبغيو نزوجوهوم لي يستاهلوهوم ، بلعربية تاعرابت ولدك ماشي هو لي بغيتو لحفيدتي ميصلاحش ليها او ميستاهلهاش
اكسيل : (كيحاول ابقا مبرد) من اشمن ناحية ولدي ميليقش ليها ؟
ميمون : انا قلت ميصلاحش ليها او صاف مبرهش خفيف ماشي مسؤول مكياخدش لأمور بجدية
اكسيل : سي ميمون سمعني نتا معرفتي ولدي الا شي تلتيام هادي ملحقتيش تعرفو مزيان فبأشمن مبدأ حطيتي عليه تصور ، نتا راك ديني فزمان او جبتي بنتك او ولدي كيبغيو بعضياتهوم او كونما شي ضروف كانو دبا وا مزوجين او حنا هنا حيت دري باغي او لبنت باغة او حنا باغين نجمعوهوم فلحلال شنو لمانع ؟ صحيح انك جدها ولكن زواجها بيديها
سمية : بابا
ميمون : (متسرطش ليه مجد) حفيدتي مغاديش تعارض قراري او أنا ولي امرها او قلت لي عندي
غزلان : (فمها تلجم او لبكية شداتها)
اكسيل : سي ميمون كبر عقلك او خلي هاد زواج اكمل
ميمون : (ضرب لعكاز فلأرض) هضرتي مكنعاودهاش هاد زواج هو لي مغيكونش طارة معزة ولا نزلات والله لا زوجت حفيدتي لولدك ميستاهلهاش او ماشي هو لي بغيت ليه قلتها ليك ديك نهار او نتا كبرتي مخك او قلتي غتجي جيتي او رحبنا بيك ولكن هاد زواج مغنقبلوش بيه
جداتها : ميمون ستغفر مولاك
ميمون : استغفر الله او نعاودها والله لا قبلت اتزوجو
اكسيل : (هز راسو كيشوف فيه او دوا بهدوء) سي ميمون ملي وصلتي لحلوف او تقساح ريوس ، انا مولاه عئيلتنا من زمان لحاجة لي نحطو عليها لعين ناخدوها ، فلول نبداوها بسياسة ولا منفعاتش نقلبوها حوايج خرى ، قصدناك كي ولاد ناس او طلبناك كي رجال ايوا ملي باغي تقلبها لعب دراري صغار ، غنقلوبوها فعايل ولاد لحرام شبان ليك
ميمون : (ضرب بعكازو لأرض) هادا هو لمضمون فلي بحالك دغيا كتقلبوها لأصلكوم او نعاود نقولها هاد زواج هو لي عمرك تحلم بيه او كلامي مغنرجعش عليه
محسن : (دوا بشوي) لقضية غادة او كتحماض
مجد : غا خليها عالله لواليد راه هاد تبراد ديالو كيخلعني
اكسيل : اصلنا نقرة صافية اصلنا تقيل او وازن ، غا هو حنا كي لمراية لوجه لي عطيتينا نعطيوك ايوا ملي جيناكوم بنقرتنا ومقبلتوش ، ديالتكوم هي نتشللو بلقزدير باش نواتيوكوم ، ويلى نتا قلتي كلمة انا كلمتي كطبق مكتقالش بغيتي ولا كرهتي هاد زواج هو لي غيكون او عئيلتنا وعئيلتكوم غيتناسبو او اصلنا وأصلكوم غيتخالطو او لمخير فعودك ركبو خليناكوم على خير
مرتو : خليني نوصلكوم لباب
ميمون : بلاش خليهوم امشيو بوحدهوم لباب لي جابهوم ارضهوم
اكسيل : (بتاسم ليه) مكاينش لاش توصلونا لباب ، دار نسابنا دارنا نعرفو بابها فين جا
ميمون : (برݣم ) مشية بلى رجعة
اكسيل : (سمعو) كتجري عنا ؟ تأ حشومة غنتقلق منك انسيبي
خرجو من عندو او ركبو طونوبيلاتهوم راجعين لدار ، اكسيل طول ريق ساكت مدواش تا وصلو لدارهوم
لحاج : متعصبش اولدي ايكون خير راه سيد غي مقسح راسو شوي
اكسيل : والله ثم و الله كون مكان غراضي تا نوريه هاد هزان لقنانف كيف داير تفو على زمر
مجد : (سيد معلى بالوش ݣاع غا كيفرنس) متقلقش الواليد داك الشارف غي داوي خاوي
صباح : انا بعدا فقصني بقا ليه غا سبان لي مسبناش لواه ولدك م ميستاهلش بنتي مبرهش غير مسؤول مزعتر تقول مشينا نخطبو بنت پوتين
مجد : غزلان حسن من بنت پوتين
صباح : (حيدات صرفاقتها او شيرات عليه) غبر من قدامي اهاد لمدلول
مجد : شوف لواليد خلينا كلى نهار خيجي بيطي عندهوم تا نمرضوه او يقبل
اكسيل : غتشد رجليك عندك او ديك جيهة مدوزهاش علاما تفك لغالية على خير عاد ديك الساعة نشوف كي ندير ليه
مجد : واخ
اكسيل : يالاه انا طالع نعس (قبل مايطلع لبيتو داز عند لحاجة لاقيها ݣالسة كطوي حوايجها حيت اترجع لبلاد معا لحاج)
صفية : (كانت كتجمع لحوايج معا مها) خويا رجعتو
اكسيل : واه
لحاجة : امضرا اولدي كي داز دكشي ؟
اكسيل : جدها تعكس لينا حي دايرة نتي مزيان
لحاجة : مزيان لحمد الله
اكسيل : نخليكوم انا تصبحو على خير
لحاجة : ونتا من اهل لخير
#عند سناء#
ملي رجعات لدار مشات نعسات نيشن ، او مفاقت تال سبعة تاع صباح لبسات عليها او شدات طريق لمحامي لي وكلات على حساب طلاقها من عبد الله انا تا لقضية تاع ضريب فكاتها او دفعات ليه لحافلة لي كانت غاية عليها شوي ضطرات تبيع لپرطمة ديالها باش تخلصو هو او لمحامي ، حيت داكشي لي كانت جامعة تسلط عليه عبد الله بلاما تعرف او داز ليها عليه ، وصلات لمكتب تاع لمحامي او دخلات عندو
لمحامي : مدام سناء تفضلي
سناء : جيت نسولك فين وصلات الدعوة تاع طلاق
لمحامي : راحنا غاديين فيها لقينا صعوبة فتواصل معا زوج ديالك راك عارفة بلي راه دبا تحت تحقيق فلقضية تاع بنتو ، ولكن فلأخير قدرت نتواصل معاه هو ولمحامي ديالو او قال بلي رافض اطلقك
سناء : انا مباغة منو والو غي يطلقني او يمشي فحالو شنو لمعمول دبا
لمحامي : عندنا جوج خيارات يا نتسناو تا يتحكم عليه عاد نرفعو دعوة تاع طلاق او هادشي غيطول شوي حيت يقدر ايبغي اطلب لإستئناف ولا يصر على عدم طلاق (لبنات كي قلت ليكوم انا راه حدي مداولة يعني معرفتي على لقانون سطحية)
سناء : انا باغة نطلق فأسرع وقت ممكن مابغيتش نتورط معاه فهاد لمشكل
لمحامي : ايوا لحل تاني هو اننا نتسايسو معاه او نقبلو للمطالب ديالو
سناء : شمن مطالب بغا ؟
لمحامي : قال ليا الى بغيتيه اطلقك الدار ديالك تكتبيها ليه او تحكي ليه 10 تاع لمليون
سناء : واش مريض هادا راه أنا لي خاصني نطلب لفلوس ماشي هو ، دبا انا سؤال واحد لي عندي الى تبتات عليه التهمة واش انا غنضرر ؟
لمحامي : شنو غنقول ليك على حساب تهمة لي دار راه مكيسواش او يقدر اورطك معاه بلأخص الى كانت جمعاتكوم شي علاقة فداك لوقت
سناء : كنا تفارقنا او رجعنا معا بعضياتنا ف2017 كنت كنبقا عندو بزاف تاع لفلوس او كيشري ليا لكاضويات او شي مرات ݣاع كان كيحط عندي فلوسو ولا كيحولهوم لحسابي ولكن انا مكنتش عارفة مناش كيجيب دوك لفلوس ملي كنسولو كيقوليا لقمر
لمحامي : على هاد لحساب راه اقدر ابغي اجرك معاه او واخة تبان براءتك او بلي مكنتيش مشاركة معاه ، غتخسري صورتك او اضرر خدمتك الى تورطتي فهاد نوع تاع لقضايا ولو بلغلط
سناء : (بقات ساكتة شحال او فلأخير دوات) انا باغة نطلق منو او نتهنا من صداعو او غنعطيه داكشي لي بغا غا نتفك
#بعد ايام#
كانت واقفة قدام طبيبة كتسمع شنو كتقول ليها او معاها ولادها بربعة واقفين موراها كيتسناو خبارها كيتسناو طليق صراحهوم
طبيبة : (شافت فسناء لي كانت متبتة او هادية عكس ولادها لي واخة كيبانو شادين راسهوم او واقفين ولكن لداخل ديالهوم معالم بيه في الله) تحاليل ديالك رجعو
جود : (حالو من حال خوتو شحال صعيب تكون داير لامل ديالك على كتابة فورقة بيضة)
طبيبة : مدام سناء مع لأسف عندك سرطان الرحم
فديك لحضة بضبط تسمع سكات غريب فديك لبيت ، مشاعر مخالطة بين لخوف او لألم او قلت لحيلة جتاحة قلوب دوك لأولاد لي تلقاو خبر مرض مهوم ، خبر لي كان كيف لقنبلة لمدمرة بالنسبة ليهوم ، ولكن لي كيضر كتر أنو تا باش ابينو حزنهوم مقدوش حيت مهوم كانت معاهوم ، مكنوش بغاوها تشوفهوم ضعاف او بدرع باش واقفين على رجليهوم ، خبر مرضها حش ليهوم ركابي بمعنى الكلمة
سناء : او شنو لمعمول دبا
طبيبة : باقي غيخصك ديري شي فحوصات خرى باش مدرسة مزيان لحالة ديالك او من حسن حضك تم لكشف على لمرض في مرحلة مبكرة او هادشي كيزيد من نسبة التعافي ديالك
سناء : (زادت تناقشات معاها فشي امور عاد خرجات من عندها هي ودراري) فيكوم جوع نمشيو نتغداو فشي بلاصة
صباح : (كانت تزيرات او بدرع باش قدات تدوي) انا غيخصني نمشي معا غزلان عند طبيبة حيت رونديڤو دبا معاها او محسن مكاينش لي يمشي معايا
سناء : (حسات بيها هي او غزلان غا حابسين راسهوم داكشي علاش مابغاتش ضغط عليهوم) خلي شي واحد فخوتك اوصلك
صباح : لا بلاش راني جايبة طونوبيلتي
سناء : ايوا صافي سيري قبل متعطلي
جود : لوليدة يالاه
خرجو لبنات بجوج من سبيطار او ركبو طونوبيل فحين دراري كانو مشاو يتغداو مع مهوم
غزلان كانت هي لي كتصوݣ بقات حابسة دموعها واخة سمعات صباح كتبكي ، و لكن شحال قدها تحبس دموعها لي بداو اخرجو بلى خاطرها ، كان عندهوم أمل متكونش مريضة كان عندهوم أمل تكون عندها غي حاجة خفيفة ، ولكن السرطان مرض جاهوم تقيل او كبر من انهوم اتحملوه ، بلأخص انو علاجو ماشي شي حاجة لي ساهلة ، تلفات بيهوم دنيا او حل واحد فيهوم كيفاش كانت حالتو ، بجوجاتهو بكاو تا شبعو او خواو قلبهوم عاد كل وحدة فيهوم مشات لدارها تا من طبيب متلاوش مشاو ليه ، عكس دراري لي كانو مقادينش ابكيو فديك لحضة حيت مهوم كانت معاهوم ، تغداو معاها عاد رجعوها لپرطمة لي كانت كارية ، حيت باش اطلقها عبد الله بلاما اجبدها فلقضية او يشوه سمعتها واخة مدارت والو كتبات ليه الدار او باعت طونوبيلتها باش تعطيه ديك 10 تاع لمليون عاد طلقها او سنا لإلتزام ، رجعو تا دراري لدار لي كانت فيها غا دنيا او لخدامات بجوج لي جابو ، اما لغالية فجوج سيمنات هادي باش نعسات فلكلينيك فحين اكسيل هو لي كان مقابلها او ݣالس معاها فسبيطار ، او ياسمين كانت خلاص كنمشي تقابل لحوانت او دوز لسونطر تقرى
مجد : (مبكا مكان على وجهو آتار تاع لبكا) تفرج فلماتش ؟
جود : (باين التعب النفسي على وجهو) لا انا انطلع نعس
مجد : على خاطرك
جود : (طلع لبيتو نيشن سد عليه لباب او مشا ݣلس فوق الناموسية شاد راسو ، كانت النفس بدرع باش كطلع منو او تنزل صبر تا عيا او دموعو مصبرو )
اكسيل : (صونا لجود) الو
جود : الو بابا
اكسيل : مال صوتك ؟
جود : ولو
اكسيل : واقعة شي حاجة ؟
جود : (غلبو لبكا) لوليدة مريضة
اكسيل : (سكت ملي توقع شنو ايكون طبيب قال ليهوم) ميكون باس عندها ربي ايشوف منحالها او يشفيها
لغالية : (كانت متكية فلبياص تاع سبيطار مركبة سيروم او لعيا باين عليها بزاف بلأخص أنو شهرها ايدخل بعد قل من سمانة)
اكسيل : انا غنمشي لدار
لغالية : واقعة شي حاجة
اكسيل : سناء قال ليها طبيب بلي عندها سرطان
لغالية : (شدات فمها او لحزن باين فعنيها) لا حول ولا قوه الا بالله ، الله ايشافيها غيكونو دراري حالتهوم حالة
اكسيل : داكشي علاش خاصني نمشي لدار تا يطيح ليل او نرجع تهلاي فراسك
لغالية : سلم عليهوم
اكسيل : مبلاغ (خرج من سبيطار او ركب طونوبيلتو راجع لدار ، سبق جود هو لول دخل عندو لبيت لاقيه بوحدو ݣلس كيتبتو شوي) شوف اولدي مكتاب الله او كيتصرف او هادا ميكون غا اختبار من اختبارت الله عز وجل لمك او ليك او لخوتك باش ايشوف شكون ايرضا بلقضاء ديالو او شكون لي لا ، شي مرات لمرض كيكون رحمة او باب من ابواب شفاعة الله عز وجل للعبد ديالو على ذنوب لي دار ، داكشي علاش لواحد خاصو يرضى او يصبر على مكتاب الله
فشي اوقات كيكون لواحد ضعيف او ساهل ايضور ليه شيطان براسو ولكن دورنا فهاد لموقف كخوت لهاد شخص كآباؤو حأصدقاؤو نتبتوه او نساندوه او منخليوش فرصة للشيطان العب ليه فدماغو او يستغل ضعفو
جود : (بقا غا ساكت او كيتسنط لشنو كيقول ليه باه)
اكسيل : (ربت ليه على كتفو) فين ختك او خوك ؟
جود : مجد راه فبيتو كيتفرج فلماتش ويلى صباح يمكن باقي مجات
اكسيل : انا غنمشي نشوف خوك
جود : واخ
اكسيل : (خرج من بيت جود او قصد بيت مجد لي لقا فيها شادة واحد لماتش او كيكركر)
مجد : لواليد رجعتي
اكسيل : واه شخبارك
مجد : بيخير لحمد الله تفرج فلماتش ؟
اكسيل : انا انزل نطل على لمشوش ديالي فين غبرو
مجد : غتلقاهوم فوق بياصك ناعسين
اكسيل : (خرج من بيت مجد او طلع تا طل على لمشوش ديالو عاد رجع نزل لتحت مصادف مع صباح لي كانت داخلة هي او غزلان لي صدقات جات معاها لدار فآخر لحضة حيت مكنتش بغات تخليها بوحدها او هي حاملة)
صباح : بابا (قربات عندو عنقاتو)
اكسيل : (بادلها لعناق تا طلقاتو بخاطر) غزلان لباس
غزلان : لباث حمد الله
اكسيل : لحمد الله
غزلان : انا غنمشي بسلامة
اكسيل : خليك تا تعشاي معانا (شاف فصباح) شنو بغيتي نطيب لعشا
صباح : بغيت لحم بلبرقوب او بغيت معاه لفلو تاع لكراميل
اكسيل : واخ (سكت شوي او زاد) مكتاب الله كيتصرف او لا عتراض على قضاء الله
قال جملتو او كمل لكوزينة مخلي كل وحدة فيهم غادة لقنة تصادف فطريقو دنيا لي كانت متقلة بزاف او قريب ادخل شهرها تا هي
دنيا : السلام عليكم عمي اكسيل
اكسيل : وعليكم السلام كي دايرة لباس
دنيا : (حادرة عينيها عليه) لابس لحمد الله
اكسيل : ياكما خاصك شي حاجة
دنيا : لا لخدامة ما مخلياني مخصوصة من والو فين هي لغالية كي بقات
اكسيل : ايوا ها هي كتعافر قالت ليها طبيبة الى مولداتش منهنا سيمانة ايديرو ليها وجع اصطناعي
دنيا : الله افك وحايلها على خير
اكسيل : آمين راها سلماتك عليك
#عند ياسمين#
كانت خارجة من لمحل معا جوايه ديك تلاتة او شدات طريق لقبور باغة تزور مها او خوتها ، كانت كتمشا على رجليها تا بان ليها سوق قالت دوز منو تشوف واش تلقا شي حاجة فيه تعجبها
ياسمين : (كانت كتشوف شي فولارات تا تزادحات معا واحد سيدة بلغلط)
سيدة : سمحي ليا ابنتي
ياسمين : (ملي سمعات صوت تاع ديك سيدة جاها مألوف داكشي علاش هزات راسها تشوف شكون ، تا بانت ليها سيدة لابسة عباية كحلة او دايرة فولار فوق راسها عاطياها بضهر او هازة وليد فيديها ايكون قياس يوسف او تا ديك لمرا شبهات ليها لمها ، قلبها للحضة كان غيخرج من بلاصتو ، داكشي علاش محسات براسها تا كانت تابعاها كتعيط عليها) ماما ماما
سيدة : (كملات طريقها مراداش لبال لياسمين واش كتعيط ليها)
ياسمين : ماما (بقات كتحاول توصل لسيدة اوسط داك زحام تا وصلات لواحد جيهة خاوية عاد قدات تقيس فيه كتفها او فقلبها واحد لحماس او لأمل أنو تكون مها)
سيدة : (ضارت عندها مستغربة) ؟؟؟؟
ياسمين : (ملي شافت وجه السيدة لي كان لا علاقة بوجه مها غرق قلبها او تخلطو مشاعرها) س.سمحيلي غلط
سيدة : ماشي موشكيل
ياسمين بعدات من تما غادة فحالها ولكن لفين منعرف او فاش كتفكر فتا حاجة غا ساهية تا تعكلات او طاحت لأرض حاردة يديها ، او مستغلة ألم طيحتها كسبب باش انزلو دموعها ، وقفات على رجليها مرة خرى او كملات طريقها لقبور او دموعها غا نازلين فهدوء ، ولكن حدها وصلات قدام لقبور تاع مها او خوتها نهارة بلبكا فاقدة السيطرة على ديك الطفلة لي داخلها ، ديك الطفلة لي تبعات ديك السيدة على أمل تكون مها على أمل تكون مفقداتش مها على أمل ميكونش هاد لقبور تحتهوم مدفونة مها وختها ، يمكن ياسمين تيقات بلي مها ماتت ولكن لبنت صغيرة لي فياسمين باقي متيقات او مقاداش تيق باقي محتاجة حنان مها او باقي باغة تعناقها باقي باغة تشم ريحتها ، باقة باغة تنعس حداها او تدفا بوجودها ، من ݣنازتهوم معاوداتش بكات ولا نقول معاوداتش قدات تبكي ولا كان عندها جهد تبكي تال هاد نهار مقالت والو او منطقتنا بوالو ، او شمن كلام تزيد او تعبر بيه على حزنها او كيتها او هي دموعها او بكاها كيفي اوصل آلامها
بعدما بكات تا طابو عينيها ناضت وقفات على رجليه او نقراتهوم من تراب ، ترحمات على مها او خوتها او ݣاع لي مدفونين تما قرات شوي تاع لقرآن عاد رجعات لدار ، لاحت عليهوم السلام او طلعات لبيتها لاقية جود تما مسولاتوش او تا هو مسولهاش ماشي حيت ممسوقش ولى حيت هي ممعبراهش ولكن كانو فوقت مقادين اهضرو فتا حاجة معا تا حد ، كل واحد فيهوم كان موجوع وجع مختالف او متشابه فنفس لوقت ، بجوج على مواتهوم علاياش بكاو ولكن هي دفناتها تحت لارض او هو كيشوف موتها او خسارتها قريبة ، بجوجهوم عاجزين ولكن عجزهوم مختالف هي عاجزة تنوض مها من لقبر او تحييها او هو عاجز ايشافي مو او يداويها
#عند مجد#
كان ݣالس قدام تلفازة كياكل لݣلية او كيتفرج فواحد لفيلم او هو كيضحك ، تا عيطو ليه اتعشا عاد خرج من بيتو او نزل عندهوم لاقي كل من جود ياسو غزلان صباح اكسيل دنيا ضايرين بطبلة جر ليه واحد لكرسي او ݣلس تا هو
مجد : (شاف فطاجين تاع لحم بلبرقوق) لواليد شتك حداݣيتي ليوم
اكسيل : انا ديما حادݣ
مجد : (بقا كيخشي فوجهو او واحد سكات غريب كان فطبلة ، تهز طاجين او تحط ليهوم لفلو)
اكسيل : (عينو كانت كضور على كل واحد فيهوم او فلأخير ستقرات على مجد)
مجد : (ملي دار لمعيلقة فمو مجا فن اسرطها تا بدا كيهنهن كي دري صغير او غا كيتشكا) علاش درتي لملحة فلفلو علاش
ياسمين : (ضار كولشي كيشوف فيه) كفاش لملحة
اكسيل : (طول فيه الشوفة عرفو كان خاطرو طايب او كيقلب غي على سبة) صافي صافي باركة من لبكا
مجد : (باقي كيبكي) مكنبكيش هئ هئ غي لملحة لي فلفلو قطعات ليا قلبي او دموع بداو كينزلو الراسهوم
اكسيل : (خلاه كيبكي او يخوي قلبو او فنفس لوقت كان كيصور فيه)
مجد : (اخيرا حبس من لبكا او مسح عينيه)
اكسيل : ساليتي ايوا نوض على سلامتك (وراه تصويرة لي دار ليه) كون ايشوف ميمون هاد تصويرة واخة تموت ميزوجوهاش ليك
مجد : شتيه دبا ملي مشافش تصويرة بغا ازوجها ليا ؟
اكسيل : زهرك انا غترجع لسبيطار دبا
غزلان : عمي وصلني معاك فطريق
مجد : بقاي انا غنوصلك خارج خارج
اكسيل : فين خارج ؟
مجد : باغي غا نضرب ضويرة وصاف
اكسيل : وصل لبنت نيشن لدارهوم
مجد : كون هاني
اكسيل : (خرج من دار مخلي كل واحد طلع لبيتو)
مجد : (طلع تا بدل عليه او نزل راكب طونوبيل هو او غزلان)
غزلان : خلينا نمشيو لشي بلاصة نبقاو فيها بجوج ، من ديك نهار مݣلسنا ودوينا راس فراس او تا لمرض تاع ماما
مجد : بلاما ندويو على لمرض ديالها عافاك
غزلان : على خاطرك تا انا مافيا لي يدوي فهاد لموضوع ، شنو بان ليك ندويو فينا انا وياك
مجد : فاش اندويو او داك جدك عنق أطلق سراحنا عاود دوا معاه لواليد والو عاودت دويت معاه انا والو لموشكيل عندو في معايا انا ماشي مع زواجك
غزلان : دويت مع جدة او قالت ليا بلي غتدوي معاه
مجد : واخة تدوي معاها تا طريزة ميغيقبلش راني واحل ليه هنا
غزلان : مقبلش خلينا نهربو او نتزوجو بلى خبارو تا نحطوه امام لأمر لواقع
مجد : (غوبش) لا ابدا هاديك لي عمرني نديرها ، امكن طول جرة هاد زواج ولكن باش نتزوجك مور ضهرو او نهرب معاك بحالا دايرين شي فضيحة ابدا ، او حتى انا منبغيش شي نهار ايجي بنتي ولا حفيدتي تهرب او تزوج بلى خباري
غزلان : ويلى مابغاش
مجد : تا نتي شحال قدو اقسح راسو انبقا لاسق فيه تا يبدا يقول ها لعار لما تزوجها او هنينا
غزلان : ههههههه تا هدا نضر
مجد : يالاه نزلي راه وصلنا
غزلان : بسلامة
مجد : بسلامة
غزلان : (ملي نزلات من طونوبيل او دخلات لدار لقات ميمون واقف فجردة) جدي
ميمون : فين كنتي ؟
غزلان : كنت عند ختي
ميمون : او داك طياب لعنب هو لي وصلك ؟
غزلان : واه حيت ليل طاح او مكان لي يجيبني
ميمون : كنتي تعيطي على واحد فخوالك اوصلك
جداتها : خلي عليك لبنت دخلي لداخل لبرد عليك
غزلان : واخ (دخلات لداخل غامزة جداتها)
جداتها : (قربات عند ميمون) باقي مابغا ربي يهديك عليهوم او تزوجهوم او بلاما تزيد تدوي لبنت كانت كتعرفو قبل متعرفنا او لحق يتقال دري الله اعمرها ضار كيموت عليها او تا باه راه حجرتو تقيلة سوا فسوق سوا فلأخلاق ديالو نتا بنفسك سولتي عليهوم او مسمعتي غا لخير من جدهوم لبنات عئيلتهوم مكاين لي قالها فيهوم خايبة ايوا شنو شادك
ميمون : داك دري كيجيني رطب او مبرهش حاسنينو ولاد صحابي لفورمة او لهيبة هو كي عود لقماري
جداتها : ستغفر مولاك اميمون كضحك فخليقة الله دري مفصل على قدو منافخش راسو كي ولاد صحابك او فين عمر للمسؤولية كانت بكترت لحم ، او دري ماشي مبرهش دري غي ضحوكي كيحد لهم او لغم على لواحد الرجلة ماشي هي لواحد ايضل عاقدهوم بحالي غارقين ليه لبابر شمن خير فراجل لي تا تبسيمة متاخدهاش منو ، او من ناحية رطب راك غا خربقتي فيها الحاج هو ماشي رطب هو حنين ، ايطيح على لواحد او مكيشدش فقلبو او لواحد تبان نقرتو غي من شوفة
ميمون : (زمطاتو فهادي) ايوا نقولو هنا مزيان او فين لمسؤولية او هو باه لي كيصرف عليه
جداتها : شكون كدب عليك قالك باه كيصرف عليه دري بخدمتو او رزقو غزلان قالت ليا بلي باهوم واخة عندو لخير او لخمير ولكن مربي ولادو على لمسؤولية راهوم من صغرهوم محنترين او خدامين عطيه فرصة
ميمون : هي لي ميحلمش بيها مصالحش او مبايناش عليه
جداتها : (فقدات اعصابها او غوتات عليه) ايوا صاف من صباح او حنا كنراريو بيك كي دري صغير ونتا طالع لسما ياك اودي لاباس هبط كواريك ونتا شيباينا ، كلمة وحدة هي لي غنقول انا غيتخطبو او سدينا ، شنو قلت ؟
ميمون : ايتخطبو
جداتها : ايوا هاكداك الله يعميها ليك
مجد : (بعدما وصل غزلان رجع لدار لاقي جود ݣالس فجردة) مجاكش نعاس
جود : (كان داير يديه فجيابو) مناش بغا يدوز ها بلان لوليدة ها بلان ديك زمر تاع لمحكمة
مجد : غدا آخر جلسة ياك
جود : الى معودوش تعكسو آخر جلسة ، طلعلي هاد لبلان فكر’ي حق الله راه تلتشهور هادي او حنا مجرجرين
مجد : حمد الله راه غا تلت شهور لي خدات كاينين لي عوام او عوام او والو ، عبد الله راهوم شدوه ايتحاكم تا هو غدا ؟
جود : واه ولكن سيد معلى بالوش تحت راسو شي حاجة واخة تقول ليا لي قلتي شغيستافد واحد عارف راسو ايمشي لحبس بأنو تكتب ليه دار فسميتو او يشد عشرة تاع لمليون
مجد : الا الى كان ضامن يخرج ولا ضامن ميتحاكمش ݣاع
جود : داك طبيب لي كان كيدير لعمليات هرب لهولندا او بدل لجنسية مصورنا منو والو دحشي علاش انا شاك ايكون دار ليد مع عبد الله باش ايعاونو يهرب حيت راه عبد الله عاونو اغطي على لمقتل تاع الياس ملي دخلو ياسمين لحبس بتهمة حيازة وبيع لمخدرات
مجد : روينة ، شنو غنديرو فبلان لوليدة ؟ هاد الساعة مبان ليا انا غا نسيفطوها لفرانسا تبع فشي كلينيك او صاف
جود : تا انا فكرت فيها ولكن لعلاج تاع السرطان طالع او فرانسا كتر شنو غنديرو على حساب تكاليف ؟ بلأخص تا لوليدة مبقا عندها والو
مجد : أخاي هاد الساعة انا معندي تا ريال فجيب تا من لخدمة باقي متخلصتش ، غنشوف مع لحاج اضبر على شاري لدوك لبقع لي عندي ايلا مكفاش نبيع لپرطمة لي فلعرايش تا يحن الله
جود : لبرطمة ديالي ميعدالش ليا نبيعها انا ، ايقدر نشوف تا انا نبيع دوك لبقع او طونوبيل
مجد : ياك باقي مساليتي طونوبيل فلخلاص
جود : واخة مساليتهاش غنبيعها
صباح : (جات عندهوم) خلي طونوبيلتك راك كتحتاجها راني دويت معا السمسار غنبيع دار لي عندي فخنيفرة او مكناس ، ريسطو كنت بغيت نبيعها تا هي ولكن خفت نقطع رزق دوك لي خدامين تما
جود : الى بعت انا او مجد دوك لبقع غيكفاو لفلوس مكاينش لاش تبيعي دوك جوج ديور
صباح : واخة هاكداك خاصنا نطرفو شي بركة بلأخص الى كانت حتاجت شي عملية
مجد : انا غنمشي نعس دبا نخليو تا ندويو مع لوليدة او نشوفو ديك الساعة شنديرو
صباح : تصبح على خير
مجد : ونتي من اهل لخير
جود : مشيتي عند طبيبة قبيلة ؟
صباح : لا جيت لدار نيشن
جود : محسن قرب يرجع ؟
صباح : قال بلي مع تلاتة غيكون هنا حيت خليتو جاي فطريق
جود : مزيان ممشيتيش تخدمي عند داك طبيب ؟
صباح : كنت عوالة نمشي نطلق يدي عندو ولكن ملي عرفت راسي حاملة قلت تا نولد منها نيت نكون جهزت لعيادة ديالي تما نقدر ندي ولدي معايا لتما
جود : (شاف فيها) ولدك ؟ علاه عرفتي بلي عندك دري ؟ ياك باقي لحال ؟
صباح : راني معرفت راسي حاملة تا دخلت تقريبا فشهري تالت كنت مجايبة لدنيا خبار او دبا راني قريبة لشهر الرابع يعني لجنين كيكون لجنس ديالو تعرف
جود : او ايمتا عرفتي ؟
صباح : ملي مشا معايا بابا لسبيطار سيمانة لي فاتت لي عرفت
جود : فخبار محسن ؟
صباح : هههه لا قلت تا يجي او نصدمو سيد غادي بمبدأ لبنات كيولدو لبنات ههههه
جود : ايوا غا بلاما تقوليها تال مجد دبا
صباح : علاش
جود : غيسكت ليه لقلب راه جامع شي مقابطات من عند لغالي ، او فاش عرف لغالية حاملة زاد بكيات خرين تا صدماتو بماسين او ماسينس ، كان بغا يعطيهوم ملي عرفك نتي عاود حامل شرا بكية خرى زايدها على لوخرين حيت عندو امل تكوني حاملة بنت
صباح : هههههه ضاع لهبيل ، أجي مابقاش بابا ايسمي ماسينسا ؟
جود : ماسينسا هي ماسينس ، رضها لواليد ماسينس باش ميتعقدش بماسينسا حيت كاين لي كتجيه سميت بنت
صباح : ههههه عبر ياسمين نعسات ؟
جود : والله معرفت ملي نزلت لهنا خليتها ناعسة
صباح : مالها بيها شي حاجة بانت ليا ليوم ماشي تلهيه
جود : ليوم غي خليه عالله كلا وشمن هم شغلو
صباح : داكشي لي كاين نيت نخليك تا انا دبا غنمشي نعس
جود : تا انا غنطلع نعس بنوي
صباح : بنوي
جود : (مشات صباح لبيتها تنعس او طلع تا هو لبيتو لاقي ياسمين داها نعاس او هي كتفرج فتلفازة ، مد لتيليكومونض طفلها عاد تحنا عند ياسمين هزها تا وصلها لفوق الناموسية ونعس حداها)
#عند عبد الله #
كان ݣالس فزنزانة لانفرادية ديالو حيت عندو مرض معدي حالو ماشي حالة شي واحد اوسط لحبس بلعكس مهدن او مكالمي ، سيد ݣاع جبد طيليفون بطونات من جيبو او صونا لواحد النمرة
عبد الله : الو دحماني
دحماني : (هو نفسو داك طبيب) الو عبد الله راك بيخير
عبد الله : بيخير بيخير وصلوك لفلوس ؟
دحماني : واه وصلاتني عشرين مليون
عبد الله : ايوا آش باقي درتي فبلاني متأكد غدا غيحكمو عليا براءة
دحماني : ياك نتا اصريتي على انو معندك تا دخل فلقضية ؟
عبد الله : واه تا دوك لفلوس قلت ليهوم بلي الياس كان كيعطيهوم ليا حيت كنت كنسالو شي فلوس
يتبع
التعليقات 0