هنا عاد طلعات معاهم وبداو كربطو الاحداث مين شافو ديك التفليقة فجبهتو بدمها باقية عاد حوايجو وعنقو طاليهم شوية الدم وعرفو شنو سبابها الحاجة رحمة:الله ياوليدي اشوصلها لتما وكدارت ليك
المحجوب:واهيا ربي بنت خويا بخبيزتها
خليفة بابتسامة صغيرة:لا لا راه غكانت تلعب هي وولدك دريس بالحجر ومشافتنيش غتاخرجت ليهم من وسط الدرݣ غالدم لكان سخون هو لدار الشنعة اما مكاين باس
تيجانية كتراري بولدها:ياو كون شتيها كجاات وتغوت قتلتو قتلتو مااات عقلها خااارج
كلهم بداو كضحكو المندبة كبيرة والميت فار موقف طريف هو براسو لي تجرح ممسوقش وجالس كفرنس سليمة نازلة تتجري:مي الدرية عقلها خارج بالبكى تشهق وتعطي لقلبها حلفات مبغات تحل
للحاجة رحمة شدات فخليفة:انا مزاوݣة فيك اوليدي زيد نطلعو عدها راه من تشوفها شدارت عليك بالبكى وتقول قتلتو مات برا والباس عليك
خليفة:واخا امي رحمة مكاين باس
شد فيها وطلعو بزوج ووراهم سليمة لي تفكرات الخبز فالفران وطلعت تجري محجوب:مي انا غنمشي نتلݣى لطبيب دالبگر واش خاصك شي حاجة والدرية معندها باس ياك
رحمة:لا اوليدي غير سير قضي شغالك هاهو خليفة معايا دروك نسكتوها ومريضنا معدو باس
تفرتكو وهمدات القضية وكلا فين زاد رحمة معكزة على خليفة فالدروج داروها بيها الركابي بقاو حتى وصلو كانو كسمعوها كتبكي بدات كدق عليها جداها:الله على كبيدتي الله حلي ابنيتي حلي راه مكاين باس براكة عليك من البكى
دينا تتشهق:ضربتو اميما ضربتو وشفتو طايح فالارض مات وانا يمشي حبس صافي
رحمة شافت فيه تبسم وبداو كضحك عليها بشوية تقدم ونطق بصوت رجولي هادئ:دينا حلي راه مواقع باس غير حلي
رحمة:حلي ابنيتي حلي هاهو خليفة معايا معندو باس حلي الله يرضي على كبيدتي
دينا هزات راسها ودموعها سايلين صوتو هدا قادرة تفرزو دغيا ناضت حلات غير شافتو واقف صحة سلام بيه والو محساتش بالفرحة ديال انها مغتمشيش للحبس خخخ طلاحت عليه عنقاتو ورجعات تتبكي:سمحلي سمحلي سمحلي انا مكانش يبغي يضربك نت سمحلي هئ هئ
مع كملات كلامها بعدات عليه هزات فيه عويناتها حمرين وهو كشوف فيها كيف خايفة شفايفها كرجفو عويناتها حمرين كانو كشوفو فبعض لمدة ثواني هي تتسنى رد فعلو وهو معرف ميقول لانه هادي المرة الثانية لي كتعنقو فيها وهما عندهم عيب المراة تعنق الرجل بلا موجب شرع ولكن هي كان اخر وحدة حاجة تفكر فيها همها فقط تعتاذر وهاديك كانت وسيلة عادية فلبلاصة فين تربات بالنسبة لها تتبين بيها مدى اعتذارها وشعورها بالذنب رحمة شداتها من وجها تتمسح لها دموعها وهما كشوفو فبعض نظرات تلقائية ولكن شي حاجة تما ممعروفش شنو هي لانه كلشي داز بالزربة ورمشة عين حلات لباب خرجات طلاحت عليه عنقاتو كان مزال كحس بدفئ جسمها لي تلاصق مع جسمو واخا مكانت حتى ردة فعل من جيهتو حتى بعدات بوحدها ولكن حس بيها خلاتو غير واقف كشوف
رحمة تتمسح لها دموعها:سكتي اميمتي من البكى سكتي هاهو خليفة تباركالله قدامها بطولو بعرضو معندو باس
خليفة طول هاد المدة غير ساكت وكشوف فيها معرفش شنو وقع مكطولش الشوفة فالبنات محتارم راسو ومربي ولكن كبقى راجل
وعندو احاسيس تعنقو شي وحدة زينة راه واخا يكون ثلاجة غيحس كملات لي خص مين شدات فيه بيديها لي حس بيها رطبة مقارنة مع خشونة يديه هو وبصوت ممزوج بنبرة البكى لي بكات نطقات:اجي معايا انا عندي الدوا
الحاجة:دخل اوليدي انا نمشي نجيب لك شوية التحميرة تكمد ليك الجرح
خليفة عاد فاق من سهوتو ولكن محاولش ابدا يفلت يديه من يد دينا مزال مسهوت:لا لا امي رحمة مكاين لاش تعذبي راسك تنمشي لخيمة ونديرها
الحاجة:والله ما تمشي هكا مالك نت براني راك ولدي مكاين عذاب لا والو
دينا جراتو زادت اصرار على كلام جداها لي خلاه ميهضرش عيب يردها فوجه مرا كبيرة تبع دينا لي جاراه من ذراعو مدخلاه معاها لبيتها وهو غادي وراها نزل عينيه ليديها لي شادة فيدو شافت فيه ونطقات:اجي جلس انا يجيب الدوا دابا
خليفة جلس بشوية وهي ناضت تتحل فباليزاتها وتتقلب على لاطروس ديال الدوا كان جامع عينيه ومكشوفش جيهتها كانو عينيه على اليد لكانت شادة دغيا جمع راسو ومسح على ذقنو شافت فيه وهي تتحك راسها:انا ميعرفش فين درت لاطروس ديال الدوا
خليفة شافيها:زرق؟؟
دينا:اه كان هنا دابا مكاينش
خليفة:جبتو ليك وبقى لتحت راك لحتيه قبيلة
حركات راسها باه ومشات تجيبو نازلة فالدروج وتتعاير راسها فخاطرها على هاد الفضيحة لي دارت لقات لاطروس محطوط فوق الطبلة دالصالون هزاتو ورجعات رحمة تاني وراها هازة التحميرة فطبسيل وتابعاها دخلات لبيت كان مزال فبلاصتو كعما طاز عليه هادشي غادار لهم خاطرهم اما يمشي يلوي عليها فاصمة وهاهو نايض حياتو كاملة وهو كطيح وينوض كاع لحمو مطبع وقفات تتفتح داكشي ويديها كرجفو بغات تحل لفاصمة تعكسات ليها كان ملاحظ توترها مزيان شي لخلاه ينطق باش يريحها:غير بشوية عليك اري نحلها انا
شافت فيه باسى وطلقات النفس:انا خفت يوقع ليك شي حاجه شفتك ناعس قلت صافي مات
ضحك شوية على ديك مات كن شافتو شمدوز فالعروبية تجيها هاد الحجرة والو خدا من عندها الفاصمة حلها لها هزات هي واحد لقريعة دارت منها فالقطن وضارت عندو ضورات ليه راسو بشوية ويديها على ذقنو وبدات كتمسح ليه كحس بالرجفة ديديها على ذقنو منزل عينيه للارض لانها كانت قريب ليه باش تشوف الجرحة كدايرة وكتمسح فيها بعدات بعدما عقماتها ورجعات جبدات قريعة اخرى من لاطروس ديالها نفس الشي رجعات وتتمسح فيها وهو مكفوري شابك يديه مع بعض عينيه فالارض تقول فالكوميسارية مخليها دير مبغات كحس بانفاسها كضربو فعنقو بلع ريقو شوية وبدا كلعب برجليه كتلف الوقت انثى غزالة قريبة ليه لدرجة انفاسها كحس بيهم كدغدغوه على جلدو راه كيفما كان هاد السيد راه كبقى راجل فلحظة يلاه كان باغي ينوض بحالو صافي وهي تحط يديها على خدو ضورات ليه وجهو بشوية حيت كانت غتلصق ليه الفاصمة وخاص تبتها مزيان مع ضورات ليه وجهو عينيه جاو فيها لصقاتها ليه ومجات فين تبعد حتى لقاتو كشوف فيها بقات مكوفرية لانها عاد حسات راه قريبة ليه بزاف وحتى هو لمسة يديها الرطبة على خدو بلوكاتو كثر موقف كان كفيل يخلي الزمن يوقف عندهم وشي حاجة طلع مع جسمو من قاع رجليه لغة الجسم اقوى من اي حاجة لانه كبقى راجل عندو غريزة وعندو احاسيس❤️🔥
دقائق كدوز وهما على نفس الحال عينيهم على بعض شفاههم مسدودة ولكن يمكن لغة الاجساد هي لخدامة ومن المعروف ان لغة الجسد هي مفتاح الروح عند الرجل يمكن بحركة تلقائية منها يكون عندها فعل آخر بالنسبة ليه هو وداكشي لي كان عنقاتو بتلقائية وهادشي عادي فلبلاصة فين تربات وكبرات اما هو بالنسبة ليه لا من غير مو وخواتاتو معمرو كان قريب قد هكا لشي بنت تربيتو مخلياه ميكونش زير نساء او ببساطة قريب للجنس الآخر لان الوسط فين كبر مكاينش احتكاك بينهم بزاف وهادشي لي خلاها تكون اول وحدة تعنقو ومكتجمعو بيها حتى رابطة شي لخلا لغة جسدو ترجم تصرفاتو باحاسيس معرفهاش اول مرة يحس بيها وتخليه مبلوكي فلبلاصة ولكن فلحظة وسرعان ما حس على راسو وقف وهي بعدات منزلة راسها مسح على ذقنو ومجا فين يخرج حتى نطقات وهي كتهز الفاصمة والدوا من لاطروسها ومداتهم ليه وهي حشمانة:هادو ديهم معاك مغاديش تبقى فيك الا درتيهم
خليفة عينيه فيديها الممدودة قرب عندها بشوية خداهم مبغاش يردها فوجها ونطق:شكرا
مخلاش فين تزاد الهضرة ولا يحسو بشنو وقع لانه تحرج كيفما شافها حتى هي تزنكات نزل راسو ونساحب بهدوء وبالزربة غير سمعات لباب تسد جلسات فوق الناموسية وهي مسهوتة قلبها كان كضرب بالجهد وهي مركزة فعينيه الكحل كانو قراب بزاف لدرجة دابا متكرهش تشق الارض وتبلعها حاسة بالسخونية طالعة معاها وخدودها غيطرطقو ايه واخا زماݣرية كتحشم لانها واخا ميريكان والحالة الا انها مكانتش تتصاحب ولا تخلي من والا يقيس فيها بحال بزاف تما الحرية جاتها غا على اللبس والمكياج اما من طبعها ماشي خفيفة وطيارة وجا داك مراد ربطها حتى هو مسحات على وجها وهي تتنهد بهاد الكارثة لي دارت بقى فيها الحال نيت
لتحت كان نازل منزل راسو حتى شاف مو فوسط الدار هي والحاجة رحمة لي هازة طبسيل ديال التحميرة وكضحكو نساتو ݣاع ومعاهم حتى سعاد مجمعين وهما واقفين باينة مجية مو على غفلة اتكون خاصها شي حاجة وجات عند رحمة
رحمة:ايوا حطتها لي في راسو مسكين وجات تنحط وتمرغ
يزة كضحك كعما مسوقة عارفة ولدها حسكة متݣرش فيه اي حاجة:كن شافتو اشمدوز فالتمرميد اتجيها ديك الحجرة غي قرصة وذن
سعاد:هاهو خليفة اتا كبقيتي اخويي
يزة شافت فيه:وليدي جبتي الربحة
خليفة تبسم شوية:مكتابة اشغنديرو بخير اختي سعاد
رحمة:وسمحليا اولييديي نسيتك ونت عارف مك بنت قلبي مزينو جموع معاها
خليفة:مكاين باس امي رحمة بلاش منها صافي راه عطاتني دينا الدوا خليت ليكم الراحة هاد الساعة
رحمة:سمحلينا اوليدي ومسحها فيا راك عارف الدرية غا صغيرة
خليفة:مكاين باس موقع والو امي رحمة
زاد وخلا مو معاهم لي جات تاخد من عندهم شوية السمن وجلسو على الجموع يزة:غدا انشاءالله غنبدا فالحلوة يلاه نعݣبو مع نهار الفرح والناس بدا تجي
رحمة:انا معاك وباب داري هاهو ناسك هما ناسي دخلت عليك بالله ايزة
يزة:عارفة لي كاين العزيزة سيري الله يخلي ليك صحيحتك فينما حطيت كنلقاك
رحمة:حنا راه ماشي غا جيران ومجامعناش غالدوار مدوزنا قليل ولدنا ولادنا وكبرناهم قدام بعضياتنا جمعتنا الحلوة والمرة حتى من مقام النبي زرناه مجموعين وهاذي راه فاتت الخاوة
كان بيناتهم واحد الجورة ثمينة وغالية النبي وصى على الجار والناس دالزمان عارفين هادشي مزيان الجار ماشي فقط مشارك معاك الحومة ولا الدوار بكل كولي واحد قريب بزاف مع توالي السنين وهو جنبك ففرح ولا قرح فمناسبة تلقاه فجنازة كذلك تلقاه الجورة شي حاجة ثمينة وماشي اي واحد كقدرها بدات كتنقارض وكلا ولا شاد تيقارو عكس الدوار لي مزال فيه الجموع والتعاون لكانت شي مناسبة كلشي معاون ولا كان شي قرح كذلك
داز الوقت وهي فبيتها مراشقاش ليها الموقف لي طرا قلقها بزاف ماشي من عوايدها تضر الناس وزيد تحرجات معاه هو وليغيݣل زايداها احاسيس مخربقة طلعو ليها الغدا مبغاتش تنزل خلاوها على خاطرها متكية وحاسة بالكسل والخمول وشي جو مبدلاتو تنهدات مزال حاسة براسها كيفما هي وزادت كتأبات كثر بحال بدا كتنادم معاها الحال وسط مختالف بزااف كثر مكانت كتوقع من كان تما كن هزات غير لبيكالة ومشات ضارت شوية غتنفس اما هنا معندها فين تمشي غير الخلا شافت الطيلي كصوني لها مكانتش غتجاوب قبل متقرا سمية تراجعات وجاوبات فلبلاصة كانت ابيل فيديو نطقات بالانجليزية:هااااي
معتز قاد التيليفون ورجع اللور كان كتريني الحديد:افين غبرتي مالك؟
لاحظ انها متكية بكسل وحالها حال كتلة من الهم تنهدات:بدا كتنادم معايا الحال والله
معتز تحنى هز قرعة الما كشرب ورجع هز الحديدات كخدم على الكتاف:علاش مالك معجبكش الحال؟
دينا تگعدات شوية:مزال كنحس براسي كيفما انا تاشي حاجة متبدلات نفسيتي مريضة بزااف وزيد هنا مبدل بزاف
معتز حط داكشي من يديها ورجع هز التيليفون:قلتها ليك النهار الاول قلت ليك راك غادية لواحد البلاصة لمختالفة بزاف كن غير مشيتي لشي مدينة بعدا
دينا على سبة غتبدا تبكي ليه:انا علاش كوقع ليا هادشي منقدرش امعتز منقدرش نساه
عينيها دغيا بداو كغرغرو شي لخلاه يمسح على ذقنو:الدورة الشهرية ياك
دينا عضات على شفايفها حركات راسها باه وهي مضيومة
معتز:هادشي عادي فترة وغدوز حيت شفتك النهار الاول كيف كنت متحمسة تمشي وانا عارفك الا درتي شي حاجة فراسك تتوصلي لها
دينا تبسمات شوية كفهمها بزاااف هدا:هاي هاي وليتي تتفهم فينا بزااف ههه
معتز:ايوا الحب لخلاني تنفهم فلي بعيد عليا
دينا:كدايرة دانييلا منهار جيت مدويت معاها
معتز:بخير خرجنا لبارح بلاتي ندخل زوي
وداكشي لكان صونا على زوي وطلعات معاهم تاهي فلابيل كانت يلاه مدوشة وتتنشف شعرها:هااي ݣايز دينا آي ميسيو
دينا:ميسيو تو بايبي
زوي:شنو كنتو تتقولو عاودولي
عاودات ليها بشنو تتحس تاهي وخوات قلبها مزيان بلي مزال على حالها والجو تبدل عليها ومكاين ميدار وكدا
زوي:ولكن نت ميمكنش تنساي اصاحبتي ونت غير سادة عليك مكديري والو
معتز:هادشي باغي نقولها قضية ديال متبدل والو باقية انا كيفما انا راه ماشي لوجيك راه واخا بدلتي البلاصة ميمكنش تنساي واحد الشخص ونت غجالسة وتتسناي عقلك ينساه بوحدو مكايناش هادي راه نت خاصك تخدمي على هادشي واخا يكون الوسط مختالف شوفي الناس ديال تما شنو كديرو باش يبدلو الجو حيت راه تاهما انسان تاهما ككعاو وكحقدو ولكن كيفاش كخرجو من داكشي هادشي لي خاصك تعرفي خاصك تنساي بداكشي لي كتماشى مع داك الوسط
زوي:وزيد نت قريبة لمراكش سيري ليه اصاحبتي خرجي تصوري ديري الرياضة الصباح بحال كيف كنا كنديرو هنا راه مستحيل ميكون والو حلي عينيك وغتشوفي بلي كاين بزاف غير نت لي غافلة
معتز:واش نت مشيتي لمغرب ارض الثقافات المختلفة ارض الطبيعة والتنوع وتتقولي مكاين والو راه كارثة هادي
دينا بقات تتفكر فكلامهم فعلا من نهار جات خرجاتها معدودين على رؤوس الاصابع:عندكم الحق صافي انا من غدا غادي نحاول نخطط ونشوف كلا مرة شنو ندير
زوي:تعرفي على بنات جداد ومديريهمش صحابات بحالي انا طبعا حيت انا لي كاينة ولكن عرفيهم كيف دايرين شوفي كيف كفكرو عرفي بنات بلادك كيف دايرات نفاتحي على ناس جداد
بقاو معاها شحال كلامهم كولو كتشجيع لها باش تخرج من ازمتها قايمين بدور الصداقة على اكمل وجه كملو كلامهم وغير قطعات ناضت لبسات صندالتها قادات شعرها بلبلاك دغيا كان تشنتف لها ومن بعد مشات نزلات حتى ديك الوحدانية خايبة خاص تزرب على راسها ومتبقاش جالسة لانه عقلها مغينساش غير بوحدو كانت نازلة وهي تتسمع الهضرة الكثيرة فالصالون مع دخلات كلشي ضار عندها الحاجة رحمة:هاهي بنيتي نزلات دينا ها عمك منصور ومراتو سناء جاو
هنا نيشان ترسمات ابتسامة على وجها عمها الصغير لي كان غايب هو مراتو جاو مشات عنقاتو بحرارة وسلمات على مراتو حتى هي جلسات جنب عمها لي مضور يديه عليه كان مزال شاب فاوائل الثلاثينات وهو اخر العنقود مبسم ومضور يديه عليه:وكدايرة ابنت خويا عاش من شافك كداير خويا ومراتو وختك والناس ديال لهيه
دينا مبتاسمة:الحمدلله عمي كلشي مزيان
سناء مراتو لمكانتش كبيرة على دينا بزاف نطقات وهي مبتاسمة وهازة بنيتها صغيرة ناعسة:ونهار كبير هدا مين جات عندنا دينا
رحمة:وااايه من تشوفي فرحتي قداش اري اري ليا كبيدتي توحشتها
ناضت مدات ليها لبنية وجلسو مجموعين شوية حتى خرجات سليمة غادية جيهة لفران وهي تلمح دينا:دينا يلاه معايا
دينا بلاما تردد ناضت لبسات كلاكيطها وتبعاتها:شنو هادشي
سليمة هازة لاطة:الخبز غنطيبووه حيت جايين شي ناس فالليل
خرجو من ورا دار تما فين كان الفران البدوي مبني على حقو وطريقو وميمكنش ميكونش فشي دار عند الناس دالبادية ابدا
جلسات دينا وهي تتشوف فاللاطات قدامها كل خبزة مݣرصة ومقادة وسليمة تتهز بزوج بزوج كديرهم يطيبو ومجمعين
سليمة:دينا نقولك واحد الحاجة
دينا هزات كتافها:قولي
سليمة:جيتيني هاد المرة فشكل غير مقلقة وسادة عليك قليل فين كتخرجي وانا كنت معولة نشطو انا وياك نخرجو منخليو فين نمشيو مالك واش بيك شي حاجة
دينا قاصت لها الوثر الحساس معرفاتها واش بصح تتسولها على راسها ولا باغية تجر لها لسانها من جيهة مراد ولكن من نهار جات عمرها جبداتو لها اذن مفراسها ميتعاود تنهدات شوية ونطقات:والو غير ليغيݣل وزيد مزال مولفت شنو كديرو باش يدوز الوقت
سليمة كتقلب فالخبز:نمشيو لساقية نطلعو لجبل ولا نمشيو لݣريجيمة هاد لݣريجيمة واد صغير دايز وكنمشيو ليه مرة نصبنو ولا العيالات لي كنسجو الزرابي كغسلو فيه الصوف بحال هاديك الزربية مي لي نسجاتها
دينا تلفتات لجليسة لي دايرين مقابلة مع الفران كانت زربية تقليدية زوينة خلاتها غير تتشوف:يااه ميما يدير هادشي
سليمة خرجات الخبزة لي طابت:كانت دابا عيات مبقاتش كتنسج راك مزال مشفتي الدوار معرفتي ناسو غيعجبك الحال والله غير مكتبغيش تخرجي
دينا: صافي انا من غدا يخرج معاك ويدير معاك كلشي
سليمة بابتسامة:بالفرحات عليا ابنت عمي الزينة صراحة عمرتي عليا وليت نلقى معامن نجمع ومعامن نهضر حتى مرت عمي سناء فاش مشات لدارهم خلات بلاصتها
دينا:ونت عندك ختك نجية
سليمة:انا ونجية لي لمش مع بغات مكنتقابلوش
سناء بابتسامة عريضة:اسلااااامو عليكم
سليمة ضارت:حوبي تي دغيا حيدتي جلابتك سيري تجلسي يلاه عݣبتي
سناء جلسات معاهم وهي كتعݣد الشال باش مركبة بنتها:نت عارفة انا والجلوس منتقابلوش درت الكوزينة لقيت مخاصهم والو ودزت ليك نت دينا الزينة
دينا ابتسمات ليها ابتسامة عريضة كانت مرة وحدة طلاقات معاها هي قبل عامين كانت العرس ديالها هي وعمها وتما فين طلاقات داك مراد بقات تتشوف فيها شحال زوينة بلاماكياج بلا والو الجمال الطبيعي القروي هي براسها زوينة ولكن بقات تتشوف فيها وحتى ضرافتها زايداها وكيف تتهضر مع سليمة لي باينين مفاهمين سناء: شكون جاي ليوم معجنتوش الصباح؟
سليمة:عجااانت اختي وطيبت حتى طبت راه ليوم نوبة لفقيه فينا نسيتي نسيت الطبݣ نمشي نجيبو
سناء:اويلي نسييت غا خليك انا نمشي نجيبو
مجات فين تكمل كلامها حتى طارت ودينا تتشوف فيها كيف مركبة بنتها ناعسة ودغيا تتحرك بلا عݣز وهادشي جاي من الشقى وقوة التحراك ومن المعروف انا بنات البادية الحداݣة تتمشي على رجليها شافت فسليمة ونطقات:ضريفة
سليمة:اويليي سناء اللب عزيزة عدي بزااف كتفهمني كتر ختي نجية والله
دينا:قوليلي شكون عندنا ليوم قلتي حيت يشوف الخبز بزاف
سليمة:حنا ليوم فينا نوبة لفقيه حيت راجل وحداني ومقابل الجامع وكوذن الناس ديال الدوار دايرين ليه النوبة كل مرة كتعشى عند واحد ولكن مكجيش بوحدو كجيو معاه كاع الرجال ديال دوار فهمتي
حركات راسها باه وبقاو كهضرو وهي تتشوف داك الخبز كيفاش كتنفخ فالفران لي جاية منو ريحة داك الدخان تغلغلات لها من نيوفها وجوفها عجباتها ولات غير واقفة حداه وطلع النفس بالجهد ريحة داك حراق القش باش شاعلة العافية نفسها كانت مخنوقة بعد المرات تقدر شي ريحة متكونش ضمن لائحة العطور وتعجبك
#يتبع تعاليقكم وأرائكم زينات ديالي 🌹 وللتذكيييير التعاليق داخل الرد ديال الجزء اللي كانحط ليكم ماشي برا مع المجموعة ديال الأجزاء 😊
داز الوقت وخرجو جلسو شوية هي وسليمة قدام العتبة شافت فيها ونطقات:نجية مالها ليوم مريضة واقلة
سليمة تنهدات عارفة ختها تسببها:معرفت اختي يمكن تاهي غير حق الشهر
دينا عقدات حجبانها:شنو هي حق الشهر
سليمة:ليغيݣل ههه
دينا:مكلخة انا اه امتى يدير ليك ماكياج
سليمة:الليلة نعطي لحبي دير ليا ورديني علام زيناتي هاه
دينا:انديرلك بحال كايلي جينر
بقاو جالسين شحال حتى سليمة دخلات تشوف ختها خلاتها هي جالسة برا حاضية الغروب ولي عجبها كبان واضح واكثر فالبادية حلات لباب بشوية ودخلات شافتها جالسة وهي تنهد دخلات وتقابلات معاه:غير كتقهري نفسك وصحتك على والو
نجية هزات راسها بشوية وعينيها حمرين:سمعت صوتو قبيلة وشتو خارجة من عند بنت عمي اشواقع
سليمة عاودات ليها شنو وقع نجية غير سمعات بلي دينا ضرباتو وهي تحقد وقفات مخنزرة:واش هادي مريضة ولا مالها مزال تا مسخنت بلاصتها
تمات غادية خارجة وهي تشدها سليمة ودفعاتها:واش نت حمقة واش داروك محامية عليك وتفرقو على السيد وعطيو قيمة لراسكم وفيقي من الݣلبة راك مرمدتي نفسك وقيمتك فالغيس ابنت بويا
زادت وخلاتها حتى هي تعصبات مين تتشوف ختها وصلات بيها تبغي تمشي صور فبنت عمها علاش حيت جات فيه بحجرة الحماق هدا ماشي الحب مو ومدارتش عليه هاد الحالة
داز الوقت وظلام الحال الدار كانت فيها الحركة والهضرة الكثيرة الناس بداو كجيو عازلينهم فصالون بوحدهم كبير تقليدي مزال مجاش كلشي كان معاهم الحاج حمد لي شاد الصينية داتاي وولدو منصور هو لي كتسخر بحكم الصالون كولو رجال ميمكنش دخل شي مرا حط طبسيل الفاكيه ورجع خرج كانت مراتو سناء هي لكتمد لي من الكوزينة لي واقفة فيها الحاجة رحمة وعريساتها على اللحم بالبرقوق بقوامو لبراهش كتناقزو فجميع ارجاء الدار تقول كنبتو من الارض بكثرة ما هما كثار نازلة من الدروج بشوية تتقلب على سليمة حتى شقماتها سعاد خارجة من الكوزينة:دينا بنيتي دي هدا لعمك محجوب لكوري الله يرضي عليا يديا عامرين انا وخفت لبراهش يهرسوه
حركات راسها باه وخداتو منها ومشات خرجات لكوري لي كان برا لقات عمها نيت تما شافها خداه من عندها:اري اخويا الله يرضي عليك
عطاتو ليه وخرجات تتشوف فالدوار الصقيل والخيال مظلم من غير البولة لي مضوية بقات تتمشى وهي تتحس بداك البرد كضرب فوجها خفيف وهازة عينيها للݣمرة والنجوم لي كتار وهي واقفة كانو فجيهة اخرى بالضبط حتى حانوت الدوار جالسين واحد الجماعة ديال الدراري واحد منهم شاف دينا من بعيد ونطق:اتوما شفتو الجديد عدنا محݣل الدوار منور
_شتها اخويا شتها غاخليني ساكت عينيا طرطقو تبغاو يطلاحو من راسي وانا كنشوف التوت
_ياودي سعدات لي يصبح على هاد الشهدة سلعة لهيه ديما زينة
_ومولاها خلاتها حنة مكمد فخرقة بيضة غايدي الزين والخاريج بشاااخ هادشي غلرضات بولد هنا
من الجهة لوخرا كانت جاية فديك الظلمة شعرها مشعكك ضايراه ضفيرات غليظة وحوايجها ممقادينش من الشوفة تعرفها هبيلة وحمقة
واحد من الدراري غشافها وهو ينطق:وا نعيمة تعالي نقولك تعالي
نعيمة ضايرة لها النقشة شادة نص فيه المرقة تتخشي فوجها لي كولو عامر بلول:بعد مني عطيك السالمة
كانو ناويين يقشبو معاها بحكم بنت الدوار ناقصة عقل مكاينش لي ميشدش فيها ويطلعها عليها واحد منهم نطق وهو قايس ليها الوثر الحساس:تي تعالي قولي ليا امتى غيضرب بيك خليفة الكاغط
نعيمة هنا غير سمعات سمية خليفة الفراشات فرفرو لها فراسها كثر ماهي مفرفرة نطقات وفمها عامر:قاليا غدا يديني لاݣار يكوغطني وغنلبس قفيطين لالة مولاتي فالفانيدي
_سرحتي معاه البهايم ليوم؟
نعيمة فمها عامر:لا ضليت عند خيمة القاديري دايرين الدجاج
_نت غتلبسي قفطان وهو شغيلبس فاش يكوغطك
نعيمة:فوقيه تاع جدي التهامي
_ونوضي الهبيلة خليفة داتو ليك مولات الوريقات
نعيمة هنا الفرافر وقفو فراسها وبداو المطارق كضربو ليها فݣنتها عقدات حواجبها وطلقت حلوقها:هاشنووووو
_سكت اصاحبي دروك تحميها لغوت اجا مسكتها خليفة فخيمتو مجايب خبار وتا جالس تلصق فيه العيالات
_تاخلينا نبسطو شوي قلت لك شتي هاديك راه هي لقدام خيمة الحاج احمد جات من ميريكان على ودو تديه معاها وغيقطعو هو وياها البحر بزوج زهق ليك خليفة انعيمة
نعيمة شدتها الصعرة وبدات تغزل عليهم تما:شكون شكووووون شكووون هادي الليلة نفرس بوها
_راهي راهي سيري تشادي معاها لي ربحات غذا يضرب بيها خليفة الكاغط
نعيمة تلفتات فين كنعت ليها كتبان لها وحدة واقفة هازة راسها للسما شدتها كعطة وحدة بجرية عقلها خارج شكون هادي لبغات تدي لها زمانها خلات دوك الدراري كخاصمو على هداك لانه هي حمقة وسيفطها عند لبنت مكعرفوها مدايرة لهم والو ولكن واخا هكاك بقاو تتفرجو همهم غا يضحكو
دينا واقفة ساهية تتشوف فالقمر سمعات الحس وراها مجات فين تضور حتى بانتليها وحدة وراها معرفاتها منين هازة يديها تالسما ومع هبطاتها نيشان لقزيبة دينا خلاتها نقزاااات بغوتة معرفات باش تبلات
نعيمة: ياو الكافرة الصفرة الضغمووومة باغية تفرقيني على زماااني ياو لاهلا كانت ليك
مع كملات كلامها هزات يديها تلسما تاني ونزلات على دينا غير لقزيبتها للمرة الثانية حمراااتها ليها وهي تتغوت وتنقز وشادة فيها:اي اي اي قزيييييييبة دياليييي قزيييييبة ديالي بعدييييي منيييي اقزييييبة حمااااااارة
دينا تضعقات حيت غليظة بزاف غتعجنها ولكن مين شافتها غتعاود تنزل عليها بالصندالة وهي تشدها من يديها حكماتها واخا قصيرة ولوخرا غليظة ولكن كدير السكواد وهنا الرياضة غتنفعها دفعاتها بكل جهدها نعيمة مطاحتش وانما رجعات اللور مجات فين تعاود تبغي تضربها حتى دينا هزات حجرها:بعدي مني ايضربك بعديي منييي شنو درت لك انا ميعرفكش
لغة الحوار اتنفع مع شي حد عاقل اما نعيمة لمفرفرة لا مرفوع عليها القلم مبغات تحشم وبغات تنزل عليها ثاني بالصندالة دينا رجعات باللور وهي تتغوت وتقولها بعدي مني موقفهم غير واحد الصوت مولاه جاي بالزربة وتدخل بينهم
خليفة:هاديك المسخووطة اتفرقي على البنت
دينا غير شافتو رمات الحجرة ومشات تخبات وراه نعيمة مين شافت هاد الديكور جهلت وبغات طلاح فيها:اليوم نريشك يا دجااجة باغى تديه ليا ياوالله لا كانت ليك خليفة ديالي وغدا غيضرب بيا لاكط في لاݣار وانا لابسة قفيطين لالة مولاتي
خليفة دفعها وهو مطاكي على دينا لي تفقصات:انا ميفهمش شتقول هادي بعدي مني انا ميدير(مادرت) لك والو
نعيمة شافت فخليفة وهي مدلية قنانفها:خليفة راني موجدة ليك كسيكسو زيد تعشى وراني سخنت ليك لما تغسل رجيلاتك
خليفة فهاد اللحظة تحنى وهز حجرة هو لناوي يشقها دابا نعيمة غير شافتو هكاك ضرباتها بجرية تخاف متحشم دينا تتشوفيها كيف خافت عكسها هي لي شوية وتجلس عليها خليفة وهو متبع نعيمة لي طارت ونطق:نت لخصتيني فالحساب تبعك بوك لبلا
هنا ضار لديك الجماعة لي جبدو هاد الصداع وكانو تتفرجو تكارا ليهم بديك الحجرة وصلها تالعندهم كن مهربو كن تحطات لشي حد فيهم فقلقالتو
خليفة:جالسين تفرجو الحلقة هنا هادي هي الرجلة الله ينعل لجد بوكم الطاسيلة الطريكة الناقصة خزيت
دينا فاش شافت هاد المنظر كيفاش هربو تفرݣعات بالضحك رمى الحجرة وهو كمسح يديه وضار عندها بقى كشوف فيها كيف كضحك حتى عويناتها تسدو وسنيناتها بيض مستفين مخليين ضحكتها غزااالة تبسم شوية تاهو ونطق:واش قاصتك؟؟
دينا جمعات الضحكة شوية مبغاتش تقولو فين ضرباتها عمر كلمة القزيبة باقية ذكرها قدامو حركات راسها بلا:يلاه كانت اضربني ولكن انا يهز حجرة وجيتي نت شكراا
خليفة:متديش عليها راك معندها عقل نت اشمخرجك فهاد الليل
دينا:والو والو انت يدخل دابا
خليفة:يلاه زيدي دخلي بحالك
حركات راسها باه وزادو مكانتش بعيدة على دارهم وحتى حد مجاب خبار الكومبة عمها براسو لغير فالكوري مجاب خبار كن ما خليفة لي فكها كانت كضرب عليه بنص عين كبانليها غادي وراسو مرفوع واهم حاجه مفركس وريحة زوينة رجالية جاية منو عكس بالنهار ككونو حوايجو شوية مطبعين بحكم الخدمة دالارض وسير هنا ولهيه كتجرتل واهم حاجه لاحظات وعجباتها انه طويل كبان الفرق بينهم كبير ومن طبعها نقطة ضعفها الرجل الطويل والطول هيبه وهادشي لكعجبها هي كبنت وانثى دفعات لباب بشوية ودخلات حسات بيه مزال وراها تلفتات عندو ونطقات وهي مطلعة حجبانها بتساؤل:اتقول لميما بغات ضربني هاديك؟
خليفة تبسم شوية على كلامها لي مخليها تبان ساذجة ونية وزيد صوتها الرقيق الانثوي بديك الدارجة المعكلة مخليها تبان كيوت حرك راسو بلا ونطق:انا راني معروض مع الفقيه
دينا عاد فهمات تبسمات وقبل ميدخلو عاود سولاتو:اه صافي قولي كبقات
نعتات ليه وهي حشمانة فجبهتو لي كان ملصق لها الفاصمة حرك راسو شوية باه ونطق:بخير حمدلله مديريش فبالك
تبسمات ليه ودفعات لباب حتى تحل كامل ودخلات:اجي دخل اجي كاين با سيدي والناس جالسين فالصالة
مشى وراها دخلو للدار لكانت عامرة وهي تتبلبل وتتوريه زعما الناس فين جالسين وهو راه ماشي اول يجي معروض عندهم بلفقيه ولا بلا بيه وزيد باه سابقو وعمامو كاينين لكن كسمع لها وداير براسو تفاجئ ويلاه عرف وكشكرها زعما خخخ خلاتو دخل وهي ضارت لكوزينة تخشات معاهم نجية جاية نازلة تتسلت مع الدروج تتحاول تسرق نظرة لصالة عارفاه كاين واخا دايرة لهم موتة حمار ومريضة لكن دابا تتحرق وولاو فيها عشرة مكرهاتش هي لي تسخر ودخل وتخرج وتجيب ليهم لكن الغالب الله خوتها وعمها قايمين بالسخرة رجعات ادراجها تكمل مسرحيتها قبل ميشوفها شي حد وتبانليه على خير واقفة صحة سلام الدار كانت عامرة وقوة الهضرة واللغا تتسمع تلبرا بالإضافة للرجال لي مع لفقيه جاو شي عيالات سيفطات وراهم رحمة يتعشاو معاهم ومنهم يزة وبناتها لي مجاوش كاملين فقط بديعة وبشرى وثورية لان مشغولين بالعرس وزيد اصلا عندهم الناس ميمكنش يخليوهم بوحدهم دينا كانت تتحرك تاهي وتتسخر معاهم لاول مرة هزات الطاس ديال الغسيل ومداتو لعمها لي كان قدام باب الصالة فين جامعين الرجال وبدا كقوليها تجيب شي سخرة شي لخلا واحد من المعروضين يلمحها ويهز راسو كسرق بعض النظرات فيها ولكن سرعان ما نزل راسو وجمع عينيه واكيد معروف شكون هو
تحط العشى تعشاو الناس وختموها باتاي منعنع والفاكية ومرفقاتو ومن بعد تفرقات الدعوة بعدما طعمو الناس بهاد العراضة لي كدار كل مرة عند شي واحد وهدا حال ناس الجود والكرم فينما دخلتي تاكل حتى تشبع بالترحيب والضيافة على حقها وطريقها وهادشي باقي بكثرة عند ناس البادية
طفات الطيلي وحطاتو بشوية فوق الكوافوز تقلبات على جنبها تغطات وغمضات عويناتها تتفكر علاما يجي النعاس فلحظة جا فبالها اليوم كيف داز عامر كوارث حلات عينيها بشوية وهي تتفكر الموقف لي وقع كيف كانت قريبة ليه عينيها فعينيه لي جدبوها سوادهم قلبها كيف كان كضرب ودفئ يديه لي كانت شادة فيها عينيها مشاو نيشان لبلاصة فين جلس فوق ناموسيتها وهي تتفكر دوك الثواني لي محساتش بيهم كيف دازو شي حاجة بقات فداخلها من مور داك البلان وفاش مشى لي زاد جدبها ليه كثر هو انه سميمر ديك السمورية الزوينة خلات عينيها يبقاو حاضينو من اول مرة شافتو وزيد فاش تحمات بيه على نعيمة ونهار فكها من الكلب وواخا عايراتو مقال ليها والو والاهم من هادشي كامل واخا ضرباتو تا سيلات دمو مشافت منو حتى كلمة دالعيب شي لخلاها تبسم شوية وهي تتنهد الموقف لكان وقع لها مع مراد والكلام لخايب لي سمعها خلاها تميل دابا للتعامل الزوين
واخا جمعوها بيه مواقف محرجة ولكن مشافت منو عيب وهنا كتبان طينة بنادم بعيدا على الموقف دالصباح فإنه حتى الشوفة مكطولهاش فيها تتحس بيه محتارم واخا يلاه عرفاتو ولكن قراتو راه ماشي صغيرة كتلاحظ حتى هي خصوصا انها كانت فبلاد بنادم متفتح يعني مكاين حشمة عند الرجال وهادشي لخلاها تفرز هذا وتقرا تصرفاتو بقات هكاك حتى داتها عينيها وغفاات
نهار آخر صباح جديد باحداث جديدة
بعدما فطرو وجمعو الطبلة خرجات من الكوزينة راجعة لبيتها تقاد وجها نزلات بلاما دير والو وهي طالعة طلاقات بنجية بتاسمات لها:نجية نت لباس دابا مبقيتيش مريضة
نجية بلاما توقف ولا حتى تشوفيها نطقات قالبة وجها:حمدلله
زادت دايرة فيها مقلقة حيت ضربات خليفة لي هو براسو ممسوقش بقات تتشوف فيها مفهمات والو متسوقاتش قالت ليها سليمة فيها راه فيها ليغيݣل طلعات قادات وجها ليكخون دالشمس ضروري شوية فغاجو قادات حجبانها وݣلوص خفيف وخرجات تجلس شوية قدام العتبة كيف ديما طلاقات بسناء مرات عمها نوبتها فطياب الخبز جلسات حداها وهي تتشم ديك الريحة دلفران لي غلغلات فقلبها:ريحتو زوينة
سناء تتقلب الخبز:وااه كن تشوفي يانا شحال نموت عليه فاش كنت نتوحم وليت انا لي نعجن ونطيب الخبز كلا نهار لي ضربني ضربني على ريحتو
دينا لي كانت تتبسم لبنت سناء حاطاها حداها مدات ليها يديها:اجي اجي عندي
لبنية فيساع بدات تتحبو وجات عندها واخا اول مرة تشوفها هزاتها وهي فرحانة تتبوس فيها:جيتي عندي جيتي عندي انا هههه مواح عليك
سناء:مكتجيش عند اي حاجة من الدقة الاولى سبحان الله(بدات تتداعب بنتها)جيتي عند بنت عمك عجباتك بنت عمك الزينة تبارك الله
لبنية تتضحك وتخشى فدينا لي فرحات لوليدات الصغار كحسو بالقلوب والا مرتاحو لشي حد ميقربوش جيهتو بقات شاداها تتلعب معاها وتتهضر هي وسناء لي طلعات حتى هي ضريفة ويلاه عندها 21عام مكبيراش عليها بزاف بقاو كديو ويجيبو فالهضرة حتى ناضت دينا:سناء انا يجلس قدام لباب يدي معايا هبة؟
سناء:اه ديها بلاتي نجيب لها طربوشها على الشمس
دخلات سناء بالخف جابت طربوش بنتها دارتو لها ورجعات لخبزها ودينا خرجات تجلس قدام العتبة وفحضنها بنت عمها مكرهاتش تاكلها بالبوسان تتحماق على الدراري الصغار بقات هكاك حاضية لي غادي ولجاي ضاربة قشابة ديال ستمية دريال كيف ديما كاين لي بكثرة مكدوز كلا نهار ولف يشوفها جالسة وتلعب تتعقل على الوجوه منهم واحد لبنيات جاريت برميل ملصقينو فبغل تلفتو شافو فيها تبسمات لهم وحتى بادلوها الابتسامة وزادو مزال متعرفاتش على لبنات ݣاع من غير خواتات خليفة كانت لحداش دالصباح والجو مشمش والصهد ناضت بشوية دخلات عطات لسناء بنتها بغات تبدل ليها مشات حلات ثلاجة ملقات تحاجة باردة من غير لفواكه وهي مشهية 🍦حتى الموناضة مكانتش مديورة فالثلاجة زفرات وطلعات لبيتها هزات الفلوس بالخف ومشات خرجات تتمشى بشوية فالدوار دازت من قدام واحد الجماعة دلعيالات حسات بيهم كشوفو فيها نزلات راسها ومشات دقات فالحانوت حيت مولاه خاص تتصوني ليه عاد يحل لانه الحانوت لاصق مع دارو
حل لها تبسمات ليه شوية كان راجل كبير صغر عينيه كحقق فيها وفعلا عرفها لانه تاهو لبارح كان معروض عندهم:زيدي ابنت سي احمد اشخاصك
دينا مدات ليه عشرة دراهم شقفة:عطيني ايس كريم عفاك
_هاشنو هو هدا؟
دينا معرفاتش شنو سميتو بالدارجة حدها عاوداتها ليه:ايس كريم هداك لي بارد
_اشنو هو واش عصير ولا دانون
دينا حكات على راسها معرفاتش شنو تقول لسانها تربط وهي اصلا كسولة فالدارجة عاود نطق من الحانوت:سيري ابنتي سيفطي شي حد ولد الدوار يقولي هادشي لبغيتي انا راني منفهمش الفرنسية
فهاد اللحظة يلاه غيسد وهي غضور تمشي وهو يوقف وراها:سلام عليكم
مول الحانوت رجع حل:وعليكم سلام اسي خليفة
خليفة سلم عليه باليد:كداير ابا عبد اللطيف كصبحتي
_نحمدو الله ونشكروه جابك الله اولدي شوف هالبنية علاياش تسول راني مفهمتهاش
خليفة فهاد اللحظة نزل عينيه لدينا لي كانت غادية ولكن مين شافتو وقفات تبسمات ليه ونطقات قبل منو:سلام
خليفة:بيخير شخاصك؟
دينا:حمدلله انا يقوليه ايس كريم ولكن هو معرفش
خليفة شاف فمول الحانوت:عطيها ديك الموناضة الجامدة وزيد معاها واحد البريكة ابا عبداللطيف الله يحفظك
مشى يجمع ليهم وهما واقفين بزوج شافيها ونطق:جاك الصهد
دينا شافت فيه حطات يديها على حلقها:واخا يشرب ما يبقى فيا الصهد
وبدات تتنش على وجها وكطل على الجيهة لوخرا ديال الدوار تتشوف شكاين وهو كشوفيها وفحركاتها وكلامها المحدود بالعربية مخليها تتهضر بحال شي بنوتة صغيرة تتحاول تبسط كلامها رسم شبه ابتسامة على وجهو ورجع ضار عند مول الحانوت:زيدها ابا عبداللطيف الله يحفظك
بقاو واقفين حتى مدليهم شنو بغاو خليفة هز دوك الموناضات لي كانو طوال وجامدين بحال بولو نيت ومدهم ليها كانو خمسة شافت فيه مطلعة حجبانها:انا يبغي غير وحدة
خليفة مادهم لها:غاشدي هادشي لجا فحقك
دينا شداتهم مفاهمة والو كانو باردين خلاوها تلعب بملامح وجها بإشارة تلقائية من جسمها على باش تتحس انهم باردين وهادشي كان مراقبو هو كضرب على تفاصيل وجها غير بالريط شداتهم بيديها بزوج وضارت غتخلص مول الحانوت وهو يحبسها:صافي غير سيري
دينا:ها انا ميعطيهش(معطيتوش) فلوس
خليفة:غير سيري انا غنخلصو
دينا:ولكن
هنا قاطع كلامها وهو مخرج عينيه فيها شوية:سيري
مجا فين يكمل كلامو حتى ضار وعطاها بالضهر ممخليش لها فين تزيد تقابحو بغات تشكرو ولكن شافتو تشغل بالهضرة مع مول الحانوت بتاسمات شوية وزادت غادية تتشوف فيهم وتتبسم غير بوحدها موقف بسيط ولكن هي كأنثى كعني لها بزااف غادية تتشوف فيهم وتتبسم دخلات لدار لقات سناء تتنقي العدس وجالسة فالجلسة لي على برا مدات ليها وحدة وجلسات حداها:الله يخلف عليك عنداك يضروك راه بزاف
دينا حلات وحدة ضاقتها بنينة وبادرة بردات ليها حلقها:انا كنت يشري غير وحدة ولكن تلاقيت بهداك الولد هو لي شرا ليا كلشي(هادشي كامل)
سناء شافت فيها:اينا ولد؟
دينا بدات تتنعت ليها سميتو متتبغي تخرج لها مع فمها لانها سمية نادرة وكتنساها خخخ سناء حركات راسها باه:اه خليفة ضرايف مسيكين ديما كشري حتى لهبة بنتي
سناء:مكتجيش عند اي حاجة من الدقة الاولى سبحان الله(بدات تتداعب بنتها)جيتي عند بنت عمك عجباتك بنت عمك الزينة تبارك الله
لبنية تتضحك وتخشى فدينا لي فرحات لوليدات الصغار كحسو بالقلوب والا مرتاحو لشي حد ميقربوش جيهتو بقات شاداها تتلعب معاها وتتهضر هي وسناء لي طلعات حتى هي ضريفة ويلاه عندها 21عام مكبيراش عليها بزاف بقاو كديو ويجيبو فالهضرة حتى ناضت دينا:سناء انا يجلس قدام لباب يدي معايا هبة؟
سناء:اه ديها بلاتي نجيب لها طربوشها على الشمس
دخلات سناء بالخف جابت طربوش بنتها دارتو لها ورجعات لخبزها ودينا خرجات تجلس قدام العتبة وفحضنها بنت عمها مكرهاتش تاكلها بالبوسان تتحماق على الدراري الصغار بقات هكاك حاضية لي غادي ولجاي ضاربة قشابة ديال ستمية دريال كيف ديما كاين لي بكثرة مكدوز كلا نهار ولف يشوفها جالسة وتلعب تتعقل على الوجوه منهم واحد لبنيات جاريت برميل ملصقينو فبغل تلفتو شافو فيها تبسمات لهم وحتى بادلوها الابتسامة وزادو مزال متعرفاتش على لبنات ݣاع من غير خواتات خليفة كانت لحداش دالصباح والجو مشمش والصهد ناضت بشوية دخلات عطات لسناء بنتها بغات تبدل ليها مشات حلات ثلاجة ملقات تحاجة باردة من غير لفواكه وهي مشهية 🍦حتى الموناضة مكانتش مديورة فالثلاجة زفرات وطلعات لبيتها هزات الفلوس بالخف ومشات خرجات تتمشى بشوية فالدوار دازت من قدام واحد الجماعة دلعيالات حسات بيهم كشوفو فيها نزلات راسها ومشات دقات فالحانوت حيت مولاه خاص تتصوني ليه عاد يحل لانه الحانوت لاصق مع دارو
حل لها تبسمات ليه شوية كان راجل كبير صغر عينيه كحقق فيها وفعلا عرفها لانه تاهو لبارح كان معروض عندهم:زيدي ابنت سي احمد اشخاصك
دينا مدات ليه عشرة دراهم شقفة:عطيني ايس كريم عفاك
_هاشنو هو هدا؟
دينا معرفاتش شنو سميتو بالدارجة حدها عاوداتها ليه:ايس كريم هداك لي بارد
_اشنو هو واش عصير ولا دانون
دينا حكات على راسها معرفاتش شنو تقول لسانها تربط وهي اصلا كسولة فالدارجة عاود نطق من الحانوت:سيري ابنتي سيفطي شي حد ولد الدوار يقولي هادشي لبغيتي انا راني منفهمش الفرنسية
فهاد اللحظة يلاه غيسد وهي غضور تمشي وهو يوقف وراها:سلام عليكم
مول الحانوت رجع حل:وعليكم سلام اسي خليفة
خليفة سلم عليه باليد:كداير ابا عبد اللطيف كصبحتي
_نحمدو الله ونشكروه جابك الله اولدي شوف هالبنية علاياش تسول راني مفهمتهاش
خليفة فهاد اللحظة نزل عينيه لدينا لي كانت غادية ولكن مين شافتو وقفات تبسمات ليه ونطقات قبل منو:سلام
خليفة:بيخير شخاصك؟
دينا:حمدلله انا يقوليه ايس كريم ولكن هو معرفش
خليفة شاف فمول الحانوت:عطيها ديك الموناضة الجامدة وزيد معاها واحد البريكة ابا عبداللطيف الله يحفظك
مشى يجمع ليهم وهما واقفين بزوج شافيها ونطق:جاك الصهد
دينا شافت فيه حطات يديها على حلقها:واخا يشرب ما يبقى فيا الصهد
وبدات تتنش على وجها وكطل على الجيهة لوخرا ديال الدوار تتشوف شكاين وهو كشوفيها وفحركاتها وكلامها المحدود بالعربية مخليها تتهضر بحال شي بنوتة صغيرة تتحاول تبسط كلامها رسم شبه ابتسامة على وجهو ورجع ضار عند مول الحانوت:زيدها ابا عبداللطيف الله يحفظك
بقاو واقفين حتى مدليهم شنو بغاو خليفة هز دوك الموناضات لي كانو طوال وجامدين بحال بولو نيت ومدهم ليها كانو خمسة شافت فيه مطلعة حجبانها:انا يبغي غير وحدة
خليفة مادهم لها:غاشدي هادشي لجا فحقك
دينا شداتهم مفاهمة والو كانو باردين خلاوها تلعب بملامح وجها بإشارة تلقائية من جسمها على باش تتحس انهم باردين وهادشي كان مراقبو هو كضرب على تفاصيل وجها غير بالريط شداتهم بيديها بزوج وضارت غتخلص مول الحانوت وهو يحبسها:صافي غير سيري
دينا:ها انا ميعطيهش(معطيتوش) فلوس
خليفة:غير سيري انا غنخلصو
دينا:ولكن
هنا قاطع كلامها وهو مخرج عينيه فيها شوية:سيري
مجا فين يكمل كلامو حتى ضار وعطاها بالضهر ممخليش لها فين تزيد تقابحو بغات تشكرو ولكن شافتو تشغل بالهضرة مع مول الحانوت بتاسمات شوية وزادت غادية تتشوف فيهم وتتبسم غير بوحدها موقف بسيط ولكن هي كأنثى كعني لها بزااف غادية تتشوف فيهم وتتبسم دخلات لدار لقات سناء تتنقي العدس وجالسة فالجلسة لي على برا مدات ليها وحدة وجلسات حداها:الله يخلف عليك عنداك يضروك راه بزاف
دينا حلات وحدة ضاقتها بنينة وبادرة بردات ليها حلقها:انا كنت يشري غير وحدة ولكن تلاقيت بهداك الولد هو لي شرا ليا كلشي(هادشي كامل)
سناء شافت فيها:اينا ولد؟
دينا بدات تتنعت ليها سميتو متتبغي تخرج لها مع فمها لانها سمية نادرة وكتنساها خخخ سناء حركات راسها باه:اه خليفة ضرايف مسيكين ديما كشري حتى لهبة بنتي
دينا تتاكل وتفكر كيف مخلاهاش تخلص عجبها الحال بزاف وهادشي من سمات الجنتلمانية انه اذا كان الرجل حاضر المرأة متحطش يديها فبزطامها بقات مع سناء كتعاودو تفاهمات معاها بزاف ولي خرج من ولاد عمها تعطيه وحدة من طبعها سخية حتى بقات وحدة مكتابة لسليمة لي نضامات ليهم وجلسو تتعاودو حتى جبدات ليهم موقف نعيمة عاودات ليهم شنو دارتليها وشكون فكها خلاتهم كموتو بالضحك سناء:بنت الحرام خليها تتجيني ونوريها
سليمة:غير معرفاتكش منا اما راه متقربش ليك
سناء:ولكن خليفة هو عقلها شفتها ديك النهار غادية ليه بميكة عامرة بيمو من عند عبداللطيف
سليمة:تاهو سعدو تا فلمخورجات(الحمقات)ديك النهار فالسوق غادية وتقول خليفة غيضرب بيا لكاغط في لاݣار
سناء:وناري لمشى تتزوج والله تتبع الصݣعة دمرتو بالحجر
بقاو مجمعين حتى جا وقت الغدا تغداو مجموعين ومن بعد كلا واحد تلاح فجيهة ضروري القيلولة كانت تاهي متكية فالصالون شادة تليفونها تتهضر مع باباها ميساجات حتى دخلات عليها سليمة:دينا لبنات غاديين يݣلعو الهندي يلاه نمشيو معاهم
دينا ناضت:شكون بنااات؟
سليمة:غير بشرى وبديعة واسمهان نوضي يلاه معانا
حركات راسها باه وناضت طايرة تبعوهم حتى شي بعالك من ولاد عمهم الصغار وخرجو لقاو بشرى واقفة قدام باب دارهم تسالمو معاها ووقفو تتسناو لاخرين يخرجو
سليمة:لاش جاي سير تنعس النهار كامل ونت تنقز
لبرهوش ولد عمها:تي سوقك مغاديش معاك
مجات فين تصليها معاه حتى كانو خرجو بديعة واسمهان جلسو كتسالمو بديعة مع سلمات على دينا وهي تشنق عليها بالضحك:فلقات لياااا خوياااا شدوووني عليهاااااا
كلهم بداو كضحكو وزادو مجموعين كهضرو كانو معاهم حتى دوك لبنات دالعائلة غادين ضاحكين كهضرو هازين معاهم سطل باش يديرو فيه الهندي لي غادي يقطفو وصلو لجيهة الدرݣ وبداو يجرو فالهندي بحذر حيت الشوك كلهم كجبدو الا دينا لي تتشوف فداك الدرݣ والشوك لي خارج منو قداش بقات غير واقفة تتشوف حتى جات عندها وحدة من لبنات دالعائلة:دينا نت عندك آيفون واخا تعطيني نتصور بالسناب
دينا حلات لها التيليفون وعطاتو ليها:اه واخا
عطاتو ليها وهي واقفة مع لبنات دارت يديها معاهم زعموها وتتحاول كيفما قالو لها متحطش صباعها فالبلاصة فين مكاينش شوف لي غي دوك النقيطات كحلين
اسمهان:بديعة قشريه لينا
بديعة:التراسة ديال خالتك انا راه عدك صبعانك يخورو قبيلة غيݣر فيهم الشوك
اسمهان:هانتوما على مطردݣة العينين كن قاليها سعيد نقي ليا كن سرحات ليه سطل على قدو
بديعة:سعيد راه زمااااااني وتاج راسي بات ولادي يا موكة
اسمهان:الا بقى سخرتيني وجبت ليك شي خرية راني منتسماش واخا تخرااي الدم منعتقك
دينا بقات تتشوف فيهم كيف مدابزين كضحكوها وحتى هضرتهم تتهربها سليمة لي كانت تاهي تتقطف معاهم ضارت لولد عمها لي لاصق فجنابها:انوض من فوق ضرݣ دروك يطلع مع قزيبتك غبر لبوك الشقف
كانو مݣجݣجين على داك الدرݣ كيف الذبان والصداع مرة يدابزو مرة يجلسو يضحكو ودينا وسطهم عجبها داك الجو ديال اللمة بيناتهم
بشرى:تاحنا غتغدينا وخرجنا فهاد الصهدة كي الماعز
سليمة:ويا لبنات علاه ماشي نعيمة جاتها الحالة وهي تسلخ دينا قالت ليها ديتي لي خليفة
غير سمعو كلامها تكرشخو بالضحك ودينا تاهي ضحكات على راسها وبدات تعاود ليهم الموقف وبلي اصلا خوهم قليل فين كطلاقاه غا حتى هجمات عليها نعيمة معرفات فاش تبلات
بديعة جرات كرموسة ولاحتها فالسطل:ايوا شتي خويا راه علام زيناتو حتى من لهبيلة ديال الدوار مطيحها
بشرى:راه لحݣات ليه لبارح ميكة ديال الكيكس والفانيد من عند عبد اللطيف
اسمهان:داير معاها لباس عبداللطيف الريال لي طاحت فيدها تحطها عندو
بديعة:عقلتو نهار تبعاتو كان غيدي الحليب لمركز وهي مشات دخلات للجماعة تتقولهم كلمو ليا خليفة غير وصلاتو لخبار جا هز عليها عصى ديال الشطابة قالها والله ومتفرقيني تنسوس ليك سنانك
سليمة:سعدو فيه تاهو مسيكين لصقاتو لصقة اليهود اناري مراتو قفرتها الليلة دالعرس تبعها نعيمة بالحجر عقلها خارج ويزيد يخرج
دينا مكانتش مكرزة معاهم هاد المرة كانت تتاخد النمرة من عند لبنات لي تصورو عندها باش تسيفط لهم تصاورهم بقاو شحال تما كقطفو الهندي حتى جا الوقت فين بغاو يرجعو
سليمة:غير سبقوني انا نمشي نحش شوية النعناع لمي ونجي
دينا:يمشي معااك
بديعة:سيرو مين تساليو جيو عدنا نجمعو شوية راه بدينا فالحلوى
سليمة:صافي واخا باش بديتو؟
بشرى:بدينا بغريبة كعب الغزال غتصايبو مي رحمة مع مي
تفرقو هما مشاو لخيمتهم ودينا وسليمة شدو الطريق لارضهم فين زارعين النعناع مع وصلو وهي تضرب خدها: اويلي نسيت المنجل
دينا:شنو هو منجل
سليمة:باش غادي نحش ناري مفيا ميرجع تفوو
دينا شافت فجنابها:سيري جيبيه انا يجلس يتصور هنا
سليمة:واخا جلسي فوق هاد الحجرة متمشي فين انا جاية
طارت سليمة وهي جلسات فوق واحد الحجرة تتصور الشمس ساطعة بحكم يلاه كانت شي 15:30دلعشية كدير التيك توم وتتغني حتى حسات بشي حاجة سخونة تحطات فوق راسها شهقات وطلعات عينيها الفوق بانوليها الطيور والحمام دايزين عرفاتها مزيان شنو هي مزيان قبحات وجها وهي تتحس بيها فوق شعرها سخونة وزيد مصايباه عافت بزاف لدرجة حاسة براسها غترد شافت فجنابها بوحدها وسط الخلا سليمة تعطلات بقات براسها مكوفري مقاداش ضور خافت داكشي ليطيح ليها فوق وجها معرفات مدير وبغات غا تغوت بقات هكاك تحت تيقيقت ديال الشمس بحال الكلبة المجرابة وجها منو الحرارة ولا بحال الشريحة ونشف وهي وسط حالها ناضت بالزربة ميمكنش تبقى هكا تمات غادية وشادة فراسها اخيرا شافت شي حد دايز فرزاتو شكون قصداتو تتشتف بالزربة هو كان غادي جار العود من اللجام مخرجو شوية سمع الحس وراه تلفت غير شافها ضار عندها كامل بطولو وبعرضو عاقد حجبانو ونطق بصوتو الرجولي:اشكديري نت هنا بوحدك فهاد الشمس
هي ربي لعالم بيها فين عقلات علاش جات اصلا وقفات قدامو بحالتها يدفل عليها وتقول زيدني نيشان بكلامها التافه نطقات وتيرات فيه بلاما تعرف بلي لقالت كولو نية عوجة خخخخ:مسح لي عفاك راه فيا كاكا…
متسوقش لكلامها ومدارش فيه راسو بقدر مكان مهتم بشنو بيها حيت شافها مقبحة وجها وبيها شي حاجة مع كملات كلامها وراتو شعرها لي فوقو داك الزبل بلاما ينطق بحتى كلمة طلق من اللجام دالعود دار يدو فجيبو وجبد كلينيكس قرب عندها وبدا كمسح لها شعرها بشوية بلاما يعيف عكسها هي لانه مؤلف يشوف الزبل دالماشية والطيور كمسح لها راسها وهي عاضة على شفايفها مفقوصة فينما كانت شي شوهة وقعات لها قدامو هو بالضبط محملاتش راسها ابدا كانو قراب ثاني غير هاد المرة مكانوش العين فلعين وانما راسها عند صدرو وهو جالس كمسح لها وهي عاضة على شفايفها مع كمل وبعد شوية شافت فيه ونطقات بصوت شبه باكي:انا يولي قرعة شعري يطيح؟
خليفة كشوف فيها كيف حشمات ثاني وخدودها توردو وعويناتها مغرغرين بفعل الخجل اكثر حاجة هو شخصيا كتقتلو فلبنت هي الحشمة وهاهي كشوف مثال حي قدامو حمرة غطرطق رسم ابتسامة صغيرة على وجهو ونطق:لا لا ماشي شي حاجة غا سيري غسلي دابا معندو ميدير ليك
حركات راسها باه ونزلاتو ضارت قبل متمشي وقفها بكلامو:مكاين لاش تبكي موقع والو
دينا رجعات هزات فيه راسها بحالا كان عارف حشمات وكانت غتبكي غير بسبب الحشمة قدامو وماشي داكشي لي وقع لكن كلامو خلاها تخفف شوية تبسمات ليه وضارت زادت بحالها خلاتو متبعها حتى غبرات جر العود ديالو وتما غادي وهو كشوف فيه وكدوز يدو عليه غير تفكر شنو قالت ليه وهو يحرك راسو بلا وضحك من نهار طلاقاها وهي تتخرج شي هضور غريبة كن مكان عارف سبابها هو النقص فالدارجة كن دماغو ماشي غير يمشي بعيد طاحت فبالو لبارح قبل مينعس والصباح فاش شاف الدوا والفاصمة لي عطاتو الموقف ديال لبارح خلاه غير كخمم واخا حاول ما امكن يخوي راسو عمر شي وحدة وقع ليه معاها هكا وكانت قريبة تاهو دوز يامات القراية ولكن كانو العلاقات لي داز فيهم معدودين على رؤوس الاصابع وعمرو فات فيهم الحدود حيت كفكر لخواتاتو وعارف السمطة كضور فهادشي ليوم هو مع شي وحدة غدا نوبة ختو وزيد حتى الوسط فين تربى مكاينش احتكاك مع لبنات ݣاع من غير لقرابين داكشي باش الموقف لي وقع خربقو وزيد لي خلاها طيح فبالو هي ديك الحشمة والخجل لي كتسالي معاه هو بيه كوزن البنت وكعرفها شساوية واخا يكون بعيد على لبنات ولكن حتى هو بحال ݣاع الرجال عندو باش يوزنها ويعرفها كيف دايرة وميخفاوش عليه خصايل لبنات غادي يد شاد بيها اللجام ويد دايرها فجيبو وكفكر وشوف يا لسخرية القدر وحدة كابرة بين النصارى بلاد التفتح والحرية وكتحشم وشي وحدات هنا فالدوار كضربو غير من لتحت بينهم وبين الحياء غير الخير والاحسان اولهم بنت عمها لي نفس الدم ومختالفين وهادشي لمخليه بعيد على بنات الدوار حيت نصهم كيحومو عليه وميخفاوش عليه خصايلهم وكيف ݣاع الرجال حتى هو ميبغيش الحاجة الساهلة لي تجي تالعندو
سليمة:اويلي تانت سعدك فيه صافي سيري خوي عليك يطل الما انا نحش شوية النعناع ونجي نلحقو على لبنات
دينا حركات راسها باه وزادت وهي عايفة باغية غير تعوم تفارقات هي وسليمة كملات طريقها للدار دخلات كان كلشي ناعس داير القيلولة من غير الحاجة رحمة لي مشات تعاون يزة فالحلوى غير طلعات فالدروج نجية وهي تخرج من الكوزينة متبعاها طالعة عاقدة غوباشتها كارزة على يديها غير من الشوفة تعرفها تقيسها وطرطق المنظر لي شافتهم فيه قراب وكمسح لها راسها تبعاتو حيت عارفاه فهاد الوقت مخرج العود ولكن متوقعاتش تشوف داكشي حاسة براسها تتغلي عمرها شافتو هكاك مع شي بنت الدوار وهادي جات غير لبارح ولاصقة فيه هكاك كلها تتغلي جلسات وهي تترعد كلها بالعصاب دوشات بالخف وخرجات لبسات عليها قشابة فالبيض مطروزة نشفات شعرها دغيا وجمعاتو كودشوفال قادات وجها بشي حاجة خفيفة لبسات كلاكيطها ونزلات كانت غادية للخمسة دالعشية قبل متخرج طلات على عيالات عمامها فالكوزينة كانت وحدة شادة لمسمن ولوخرا شادة لبطبوط باش يديوه ويلحقو على عݣوزتهم يعاونو ناس العرس خرجات لقات سناء مركبة بنتها غادية هازة فيديها بانيو فيه بقايا الخضرة قشورها لي طيبو الغدا لصقات فيها علاما تجي سليمة ومشات معاها لواحد الجيهة عمرها رضات البال ورا الكوري ديالهم مستقلة عليه غير دخلات معاها وشافت الارانب🐰تبسمات بفرحة وعينيها بداو كبريو عمرها رضات ليهم البال بلي عندهم مشات عندهم هما غير شافوها رجعو اللور خايفين شي لخلاها تضحك وهي فرحانة بشوفتهم حمقوها كيووت وكانو بزاااف ولونهم مختالف بين لبيض ولكحل مخلطين:انا ميعرفش بلي كاينين زوينين بزاااف
سناء مدات ليها الربيع:هاكي عطيهم غيولفوك ميبقاوش يخافو
داكشي لي كان بدات تتمد ليهم بشوية وهي فرحانة حتى بداو بشوية بشوية كقربو عندها وكياكلو من عندها وهي فرحانة غطير حباتهم بزاف حلات طيليفونها وبدات تتصور فيهم بقاو شحال بغات تهز شي وحدة ولكن كهربو غتبقى تجي كلا نهار حتى يولفوها عطاوهم الماكلة وخرجو من تما بقات واقفة شوية قدام لباب تتسنى سليمة حتى خرجات نجية شافو فبعضهم وهي تنطق:ردي بالك ماشي لي ضحك ليك فوجهك راه نيتو صافية راك دجاجة بكامونها
لاحت ليها على الهضرة بغات تشوف ردة فعلها حيت دخلوها لمساوس لتكون خدات نمرتو وتتهضر معاه ولا بيناتهم شي حاجة ولا متعرف حيت داك القرب لي شافتهم قراب خلاها تبدا تفصل وتخيط وباش تلكانت شي حاجة ترونها نيت دينا آخر حاجة توقعات ضرب لها لمعاني على خليفة مشى بالها مع مراد اذن عارفة هي نزلات عينيها ونطقات:الثقة مشات واي غلط نتعلمو منو
فهاد اللحظة وقفات عليهم سليمة:هانا جيت نعطي لماما النعناع ونمشيو غادية معانا نت عند خيمة العيادي؟
نجية عينيها على دينا:اه غادة
جواب دينا خلا نجية متفهم والو حيت مكانش اصلا جواب على داكشي لي قالت هي كلا وحدة وعلامن كدوي خرجات سليمة هازة طبسيل المسمن مغطي:جيبي البطبوط ويلاه
زادو بزوج وهي منزلة راسها عرفات بلي نجية عارفة ولكن تفكرات كلام معتز واحد المرة تاشي حد مسوقو فيها وداكشي لكان دغيا خوات راسها فور محطات رجليها فدار الناس
دخلو كانو لبنات كاملين فالجليسة لي على برا قدامهم القصرية لي كانت عامرة العجيينة دالغريبة قدها قداش وقدامهم تلاتة اللاطات كل وحدة تتكور كويرة وتحط فاللاطة معاونين باش يكملو دغيا بديعة ثورية كانت هي لي مقابلة الفران لديجا خاشيين فيه لاطة دينا جلسات مبسمة وهي تتشوف فداكشي وكيف زوين ككورو العجينة وكحطوها فاللاطة بشكل منظم شي كجري يجيب شي حاجة من الكوزينة شي كدي اللاطة عاد لدخل كاينين العيالات كنقيو النافع الزنجلان الحاجة رحمة كتفسخ اللوز ويزة حداها كتݣلي الزنجلان وشي عيالات ديال الدوار معاهم كلا وحدة و تطوعات تعاون فشي حاجة جو زوين ديال اللمة والتعاون وكلا كدير شي حاجة والدنيا عامرة
بديعة غوتات فولادها لكانو تويميين:نلقى شي برهوش تاني هز شي شقفة نخشي مو نݣليه فهاد الفران كثرة الحلاوة مالنا الليلة تباتو تلواو بالحناش فقزازبكم بشرى اسمهااااان شدو عليا هاد البراهش محيلتي لدخان محيلتي ليهم يخخ
دينا شافت فثورية:انا يبغي يدير معاكم
ثورية شافت فيها نيشان فشعرها لي كان مطلوق:دخلي عند مي تعطيك شي زيف حياتي على قبل الزغب واجي بشرى سيريي مع دينا عطيها شي زيف حياتي
دينا ناضت بالزربة دخلات هي وبشرى لداخل وقفات فالصالة تتشوف فالعيالات معاونين معاهم جداها وعيالات عمامها بزوج يلاه دخلو يديرو يديهم تاهما عجبها هاد الهيت بزاااف
دينا:ميما حتى انا يصايب حلوة مع لبنات
الحاجة رحمة:سيري اميمتي عجبها الحال عدكم هنا ايزة لقات البنات اما حنا عندنا غا لعزارا والبراهش حدها تجمع مع سليمة اما تاديك نجية غسادة عليها كي موكة
يزة شافت فدينا بابتسامة:ومرحبا بيهااا كدايرة ابنيتي لباس
دينا تبسمات لها:لباس اخالتي
فهاد اللحظة جات بشرى وراتها كيف تجمع شعرها وقادات ليها زيف حياتي فراسها بحالهم غسلات يديها ومشات غير شافوها شدو فيها بلي ولات منهم صافي زيف حياتي والݣنودرة تبلدات جلسات معاهم يلاه بغات تهز لعجينة معرفاتش حيت ملصقة الصغار ودايرة الجيل عنكشها طلبات اسمهان دارت ليها القياس فيديها وبدات تاهي تتكور معاهم وتحط كملو اللاطة الاولى وتطوعات هي لي تديها لبديعة داروها لي فوق راسها وتمات غادية شاداها تتمشى بشوية كضحكو عليها وحتى هي كضحك على راسها لابسة البيض وزيف حياتي بيض دايرة كيف ديك القويلبة ديال دوليبران خخخ لكن فرحانة حيت كتعاون بقاو هكاك على ديك الحلوى حتى ضلام الحال الضحك والنشاط وجو الفرح سائد على دار العرس هما يكورو وسميحة حداهم ناشرة رجليها بشوية على حلوى عرسي حطي نت براكة غتقادي حلوة العرس بقات تشرط عليهم حتى ناضو ليها بالصنادل وبقاو هكاك حتى دوزو ديك العشية وسط جو ديال الضحك والتفواج حتى كملو ديك الغريبة فانتظار غدا تاني ويدوزو لحلوة اخرى الحاجة رحمة وعريساتها رجعو لخيمتهم واخا عياو يشدو فيهم للعشى حيت تاهما عندهم ميتقضى
#يتبع تعاليقكم وأرائكم زينات ديالي 🌹 وللتذكيييير التعاليق داخل الرد ديال الجزء اللي كانحط ليكم ماشي برا المجموعة 😊
بقات غير سليمة ودينا لي حبات هاد الجماعة مع لبنات وعاونات تاهي هادشي لكانت محتاجة تحرك تلاقى ناس جداد ضحك وداكشي لكان هاد المرة كانو لداخل فالدار لفيها الحركة كثيرة وهادي حال دار العرس كانو جالسين كهضرو ثاني على الوصفات وداكشي
ثورية:دينا كتقدري تاكلي بيديك ونت ملصقة الظفار
دينا:ولفتهم واخا هكاك هههه ولكن ميقدرش يحيدو دابا حيت الجيل حتى تجي ختي جوليا وتحيدو ليا
سميحة جرات يد دينا تتشوف فدوك فظفارها عجبوها بزاف:تعرفي تصايبي لي بحالهم
دينا:انا يعرف غير يصبغ ميعرفش يدير الجيل
سميحة:دابا الا لصقت الظفار تصبغيهم لي
دينا حركات راسها باه:انا يلصقهم ويضبغهم ليك
سميحة ضورات يديها عليها بفرحة:نت صحايبتي نت مخاصش نتفرق علييك
اسمهان:تي شمن ظفار شوفي كلا صبع عدها عرض من لاخر يثقبو عجبة
سميحة:انوضي يا دغموكة يالي عوجة كي المنجل دالفصة
دينا وسط هاد المشادات بينهم تفكرات ختها من لبارح مدوات معاها ناضت هزات التيليفون وخرجات تصوني لها وهي غادية دازت من قدام الصالة كان جالس حدا لباب ديالها كحيد فسبرديلتو يلاه دخل هز عينيه حسابلو شي وحدة من خواتاتو حتى حقق فيها بقى كشوف فيها بديك الݣندورة فالابيض زادها انوثة كثر والزيف حياتي لي مغطي شعرها المطلوق من اللور ولات منهم نيييت دارت الطيلي فودنيها تتهضر وهو وقف كخشي الصندالة فرجليه وعينيه عليها مدة قليلة فاش بانتليه غتقطع ضار وجمع عينيه وزاد من تما قطعات مع جوليا وزادت رجعات عند البنات بقاو شحال حتى جا وقت العشى تفرقو حيت كثار غسلات يديها وراجعة لقات بلي فرقو الطوابل معرفاتش فين تجلس جراتها غير بديعة لي جايبة الخبز:دينا زيدي نت غتجلسي معانا
تبعاتها للصالة لوخرا تما فين كانو البنات وشي ولاد عمهم ضايرين بالطبلة اسمهان شافتها واقفة:دينا تعاليي حدايا
دينا تمشات بشوية حدا اسمهان منزلة راسها كانت غادي تجلس بينو وبين اسمهان رسمات ابتسامة صغيرة على وجها غتقابلو بيها هو كان حداها وضاير كهضر مع ولد عمو لي واقف برا مع تلفت لقاها حداه مبسمة ليه:هااي
خليفة رسم ابتسامة صغيرة على وجهو:لباس
دينا:لباس ونت
خليفة نزل عينيه للجلسة لي جالسة على ركابيها بحالهم دغيا ضار هز واحد المسند ورجع شافيها:وقفي
دينا دارت بكلامو ووقفات حط ليها المسند بلاصتها وجلسات مع شافت فيه وهو ينطق:مزيان دابا
دينا مبتاسمة ومنزلة عينيها للارض:اه شكرا
كان حاس بيها مجالساش مزيان وغيضروها رجليها عكسهم هما لي مولفين يجلسو فالارض هكاك عجبها الحال بهاد لجيست لي دار بشرى:بديعة قطعي لخبز قتلني الجوع
بديعة شافت فخليفة:منتقدمش قدام خيي خليفة هو كبيرنا والكبير هو الله
داكشي لي كان هو لكبير هو لي قسم عليهم الخبز دينا لاحظات هادشي كيفاش خواتاتو ككنو ليه واحد الاحترام كبير وهو وسطهم وهادشي ناتج على المعاملة الزوينة لي كعاملهم هو التعامل الزوين من عندو والاحترام من عندهم هما
بداو كتعشاو دينا كانت تتغمس بشوية وكتاكل ماشي تصنع حيت حداه زعما باش تبان كيوت ولكن هي ماكلتها هكاك كانو كراقبوها غير بالتخبية واش تتعرف تاكل بيديها ولقاوها شوية بعدا تترقع تتغمس البلول هو لي لقات حداها البطاطة جات بعيدة عليها وممداتش يديها تاخدها شافت فيها اسمهان:مكتاكليش الجلبانة؟
دينا حركات راسها بلا:لا معجبنيش
هنا مع كملات كلامها هز واحد زوج بطاطات من جيهتو وكحزهم لها قدامها اسمهان حتى هي وبديعة هما لكانو قراب لها عرمو حداها البطاطة وهي تتاكل بشوية كهضرو ويذاكرو وسط الماكلة كانت مرة مرة كتلوح عينيها ليه كيفاش كيدخل ديك الدغمة كبيرة فوجهو وكيفاش كهضر مرة مرة كانت ذراعهم كتلامسو حيت قراب ولي حمقها فهادشي هو هاد الجماعة لي مجموعين على الطبلة وكهضرو ويضحكو منهار جات لاحظات ان الناس ديال هنا كتجمعو فكلشي وهادشي لي معيشاهش هي برا وليديها خدامين موفرين لها الحب والاهتمام وكلشي لكن اكثر الاوقات تتبقى بوحدها وختها تاهي خدامة هادشي لي جات تتقلب عليه تتقلب على جو جديد وناس جداد وفعلا بدات كطلقاه مع كملات البطاطا لي قدامها ورجعات تتغمس رجع كحز ليها من عندو سمح فبطاطتو حيت هو كياكل الجلبانة عكسها هي دينا:شكرا
خليفة بلاما يشوفيها كغمس:بالصحة
تتاكل وتتحس بديك البطاطا بنينة ولي بننها الاهتمام لي هو نقطة ضعفها كيفاش غير شافها سالات ورجع حط ليها ميمكنش بغات تبتاسم وحبساتها حاسة الفراشات كلعبو فكرشها جا وقت تفراق اللحم هو لي فرقو طبعا هو لكبير وسطهم حط لكلا واحد قدامو وحتى هي كملو وجمعو الطبلة وجا وقت الديسير حطو العنب والتفاح ولبنان جلسو ثاني كياكلو مجمعين كان الصراع كيف ديما بين سميحة واسمهان وتزاد عليهم واحد ولد عمهم شاد فبديعة جو كولو ضحك ونشاط محلي الكاملة لي وسط اللمة
ولد بديعة:خالي جلسنيي حدااك
خليفة جرو جلسو فوق رجليه:تعالا اشبغيتي تفاحة ولا بنانة
دينا كانت تتاكل بنانة وتتشوف فيه كيف عاطي لخاطر لولد ختو وكنقي ليه وكوكلو معاه محساتش براسها وبلي حاضيها عين باين مفيقها من سهوتها غير ثورية لي طلباتها تمد ليها تفاحة من حداها كانت تتجر فالعنب من العنقود ومبغاش يتجر لها حيت دايرة لجيل والا وركات بالجهد كضروها صباعها بقات معاقرة معاه وهو لاحظ هادشي مد يديه بشوية لواحد العنقود ونطق:بلاتي بلاتي
جر واحد العنقود وبدا كفسخ لها الحبات وكحطهم قدامها وكهضر مع ولد عمو ومرة مع بشرى هزات راسها وبقات تتشوف فيه وتنهدات مع ليغيݣل على سبة لقاها عرفتي شنو هي يكون شي حد دار ليك لبال وفاي خطوة تحسي بيه حاضيك وكتسنى غير فوقاش يتدخل واخا شي حاجة لي عادية وبسيطة ولكن بالنسبة لها كتعني بزاف قالتلو شكرا ولكن كان ملاهي بالهضرة تتاكل فدوك الحبات وتتحس براسها غتفرفر من بلاصتها شحال حلوين نزلو مع حلقها بحال العسل ترونات عندها الدعوة بكثرة الاحاسيس وتتشوف فجنابها واش جرا معاهم شي حد كان اصلا كلشي ملاهي بالهضرة ولي شبع راه ناض
تجمعات الطبلة وجلسو مجمعين غير لبنات بيناتهم الدراري ناضو بحالهم بقات معاهم جالسة ومرة تتفكر فدوك ليجيست لي دار واخا مشات سليمة وبقات معاهم غير هي محساتش براسها ابدا انها غريبة داز الوقت بلاما تحس وهي معاهم
بشرى جاية للصالة:دينا تكلمي راه جا ولد عمك يديك
بديعة:اويلي دينا نعسات مسكينة
اسمهان:عيات عاوناتنا صراحة فالحلوى
ثورية:صافي بلاما نفيقوها حشومة سيري قولي ليه غتبات معانا
بشرى:واخا يلاه بداو تفرشو
اسمهان:واش غنخليوها ناعسة هنا خاص تنعس معانا
ثورية:صافي غاخليها تايجي خليفة ويهزها سيري نت جبدي المانط انا جاية نفرش
داكشي لي كان مبغى حد يفيقها خلاوها ناعسة حشومة يفيقوها وزيد ماشي برانية عائلتها بحال عائلتهم مكاين حتى مانع من انها تبات معاهم مشاو للصالة لوخرا كفرشو وهي مجبدة تما كانت جالسة حتى ذاتها عينيها محساتش ليوم دوزاتو عامر وتحركات بزاف داكشي باش طاحت دودة
بديعة:خليفة تعالا اخيي تعالا
خليفة داخل كان برا ضرب طليلة على الكوري والاجواء برا قبل ماينعسو:مالك
بديعة جراتو للصالة:دينا نعسات حولها حدانا عفاك
خليفة غير سمع سميتها طل تفاجأ فاش شافها ناعسة عندهم وبالضبط فين كنعس هو نيت حيت ديك الصالة كنعس فيها هو وباه والرجال دالعائلة حيد صندالتو ودخل قاصدها كقرب بشوية وهو كشوف فيها كيف ناعسة بهدوء انفاسها منتظمة وطايحة كاو بشوية دار يديه تحت ضهرها وعينيه على يديه لاخر تحت رجليها حكمها مزيان بين يديه باش ميبقاش راسها كلعب ووقف كانت خفيفة يديها ورجليها كلعبو فالهوا تتبين على شحال غارقة فالنعاس وزاد بيها لصالة لاخرة عند خواتاتو لي فسحو ليه المجال حتى دخل اسمهان:حطها حدايا
تحنى بشوية حطها ويديه على راسها قادها مزيان فبلاصتها وناض خرج بلا حتى كلمة كان مزال كحس بدفئ راسها لي كان على صدرو غطاتها بديعة وكلا شد بلاصة والضواو طفاو وسدو عليهم كلشي طاح كاو حيت كدوزو النهار كامل وهما من حاجة لحاجة دخل بشوية بعدما بدل عليه صلا واحد زوج ركعات وزاد تاهو ينعس كان اخر واحد باقي فايق تخشى فبلاصتو ومع حط راسو على المخدة طلعات معاه ريحتها فالوسادة لي كانت ناعسة عليها طلع النفس مزيان وهو كستنشق داك العطر لي كان خفيف وزوين شمو حتى فالتيشرت لي كان لابس فاش هزها قبل ميبدلو قال فدماغو ليوم شافها وطلاقاها بزاف يلاه عرفها ودخلات بقوة معاهم وجودها زوين معاهم واخا هكاك مينكرش مفيها زيادة ولا بخ هادشي لي محليها وخلاها دارت بلاصتها معاهم غمض عينيه ونعس حتى هو كان عيان
نهار جديد كانت تتسمع الحس فجنابها وصوت الوليدات الصغار شي لخلاها تحل عينيها بشوية وهي تتكسل شافت فجنابها بانو ليها فايقين وجالسين كجمعو الفراش دغيا ناضت:صباح الخير انا بقيت هنا هههه
ختمات كلامها بضحكة ودايرة يديها على فمها بصدمة امتى نعسات معقلاتش بديعة:صباح النور ومالك يختي مرحبا بيييك
اسمهان:وشحال شخرتي علينا يختيي
بشرى نعتات فاسمهان:مزيان لي نعستي طلقات واحد الحزقة تقولي عندها الموت فمسارنها
ضحكو كاملين و ناضو جمعو الفراش بغات تمشي لدارهم ولكن حبسوها حتى تفطر معاهم وداكشي لي كان تتقلب بعينيها لربما تلمحو ولكن والو مشات لدارهم شافتهم من بعد خرجات هي وسليمة وولاد عمها لجيهة الاراضي دالفصة باش يعاونو مالين العرس يحشو حيت عليهم الشغال بزاف والحاج احمد قالهم يمشيو يحشو معاها وداكشي لي كان وصلو ولقاو اسمهان بشرى بديعة وولاد عمامهم بداو كحشو نضمو ليهم لوخرين ودينا جالسة تتفرج فيهم وكهضرو وتتشوفهم كيف كديرو بالمنجل حتى كجمعو داك العشب لي غيعطيوه لبهايم عائلتها هي كانو حشو ديالهم ولكن هما مزال حيت العرس وداكشي تشغلو فقررو يعاونوهم جاية تتشتف بلاما تهضر تحنات وبدات تتحش تاحد ما دواها وباينة من سيفتها لي عاقدة مقلقة مرة مرة كانت تتهز عينيها فيها تتشوفها كيف كضحك مع خوتاتاتو لي النص فيهم معندهاش معاه هي تتقطع وهي مغددة كيفاش باتت معاهم وتاحد من جدها ولا جداها هضر اكيد تجمعات معاه وكانت قريبة ليه معرفاتش مين تسلطات عليها هاد خيتي
دينا كانت تتهضر مع بديعة غير هزات راسها شافتو جاب وهي تشهق:واااو
خليفة لي جاي شاد العود دخلو وسط الارض وبدا كياكل من الفصة وهو كدوز يديه عليه دينا جات تتجري عندو وقفات وهي تتشوف فداك العود شحال زويين شافت فخليفة بعوينات كبريو ونطقات:زويييين
بقات تتشوف فالعود وتتبسم وهو كشوف فيها كيف فرحانة بغات تحط يديها عليه ولكن خايفة رجعات شافت فيه ونطقات:نطلع عفاك
بقات تتسنى ردة فعلو قرب عندها بشوية ونطق:غنهزك غير توصلي لضهرو حطي رجليك صافي؟
حركات راسها باه وداكشي لي دار مع قرب ليها وحسات بيه حط يديه عليها نزلات عينيها بلعات ريقها شوية حسات بالتوتر ضورات يديها على عنقو كيفما قاليها هنا هزها بين يديه وطلعها مع وصلات لضهر العود فرقات رجليها لاحت وحدة لهيه ووحدة بقات جيهة خليفة شدها مزيان حتى جلسات ورصات دارو هكا حيت مكانت عندو البردعة لفيها الرجلين علاياش طلع فرحات بزاف وهي تتقولهم شوفوني كلشي لاحظ فرحتها وتتبسمو لها الا وحدة حسات بالعافية شاعلة فيها وبدات كلها تترعد خليفة كان شاد العود من اللجام وتشوف فيها كيف فرحانة غطير خايفة شوية ولكن فرحتها طاغية مدازش بزاف حتى ناضت نجية بدات تتقرب للعود ويديها على راسها تتجبد فواحد الفنيتة كضور فعينيها واش شي حد كشوف فيها جات ورا العود داير براسها تتشوف فدينا وتتبسم عينيها على خليفة لي ملاهي بالهضرة مع خواتاتو خاص دير هادشي وميكونش راد لبال حيت غيحكم العود ومغتصدقش ليها فغفلة من كلشي جبدات لفنيتة ووخزات بيها العود من جنبو خلاتو طلق صهيلو وتهز واحد الهزة خلات دينا جاية مخبوطة للارض
كلشي شهق وناض عندها كان اول واحد يوصل عندها هو لي طلق العود وقصدها الا مشات تجات على راسها ولا ضهرها مشات دينا لي تنشرات فالارض كانت مصدومة ومعارفاش باش تبلات شهقات فاش حسات بواحد الالم رهيب طالع مع رجليها خليفة شد فيها كسولها بديك الدهشة بلاما يحس انه راه كنخض فيها وكفلي فيها بعينيها واش كاين شي دم ولا لا:واش نت بيخير باش تتحسي
دينا فالاول كانت مصدومة حتى ضارو بيها وتݣعدات هدا دليل على ضهرها بعدا متقاسش ولكن غير ضارو بيها ووعات وهي تتشهق: رجلي رجلي ضرني بزاف رجلي هئ هئ هئ
بديعة شدات فيها:صافي غير بشوية عليك موقع والو
دينا دموعها كطيحو تتحس برجليها مفيكسية مقادراش تحركها تتشوف فخليفة لي شاد فيها وتتبكي:رجلي رجلي ضرني بزااااف
خليفة شد فرجليها كقلب فيها وهي تتبكي بشوية حط يدو على الشوڤية:فين هنا هنا؟
دينا تتبكي وتحرك راسها بلا زعما متقيسش:كضرني كضرني
خليفة بلا حتى كلمة غفلها وهو يضور لها الرجل بالجهد حتى طرطقات خلاها غوتات حتى غرسات ضفارها فذراعو تتبكي وتشهق وهما كسكتو فيها مدام مزراقتش عرف بلي ممهرساش وممفدوعاش غير طرطقات لها وصافي وهو رجع ضورها لها باش تتقاد سليمة لي صفارت وتخلعات عليها ناضت دغيا لفين كانت جالسة تتحش كانت جايبة معاها قرعة لما باردة هزاتها ورجعات عندها حطاتها ليها على رجليها واخا قفزات ولكن كانت سكتات من البكى فاش طرطق لها خليفة رجلها مبقاتش كضرها ولكن مزال تتحس بداك الوخز فرجليها والصدمة داكشي وقع بالزربة كانت بلاما تحس حاطة راسها على صدرو وهو جالس القرفصاء مضور يديه عليها بديعة تتنش عليها يديها وتمسح لها دموعها ولد عمها نطق:عطيها تشرب
داكشي لي كان شربوها خليفة خوا شوية الما فيديها وغسل عليها وجها لدابا بانو فيه الدموع كان كلشي ضاير بيها ومبينين خوفهم عليها الا وحدة كانت غير واقفة عند راسها مقاصتها مقربات لها غير تتشوف فالاول عجبها الحال فشنو دارت ولكن غير ضارو بيها وهو كيف طار عندها وكسكت فيها خلاو عينيها وقلبها كنفتو الشرار تتشوف فيه كيف مضور يديه عليها وغسل لها وجها تتبغي طرطق وهي الشوفة مككملهاش فيها ندمات على هاد الخطوة لي دارت اشد الندم خليفة كان شاد رجليها الصغيرة بين يديها كشوف حمدلله مكاين لا زروقية لا والو:حركي صباعك
داكشي لي دارت وهدا دليل على انه مافيها والو مسجات دموعها شوية بيديها حط رجليها شوية فالارض ورجع شافيها: شوية باش كتحسي
يلاه غادي تنطق وهو يوقف عليهم عمها المحجوب:خليفة ياك لباس دينا مالك ابنتي
خليفة تنهد ووقف عاود ليه شنو وقع وللي معرفوش العود مالو عمرو دار هكا وهو مدرس ديال التبوريدة:سمحلينا اسي محجوب مسحها فيا
محجوب لي كان محني كيقلب رجل دينا:حمدالله مزراقت متنفخات خرجات طريفة
دينا:عمي يمشي للدار عفاك
حرك راسو باه وشد فيها حتى ناضت لكن مقدراتش توقف عليها تتحس بشي حاجة كدݣها فالعظم اظطر عمها يركبها فظهرو تحت انظار خليفة لي معاجبو حال لانها طلعات فوق العود ديالو وكانت تحت مسؤوليتو
مشات مع عمها والجو تقلب وتكهرب بعدما كانو فرحانين معرفوش العود كيف دار لانه مربيه مين هو صغير وزيد مدرس حيت ديال التبوريدة ميمكنش يتهز غير هكاك بلا اشارة وهي مكانت لابسة لا عقيق لا والو لي يقول تقاس بحوايجها نجية شافتو كيف تقلب داكشي باش نساحبات وتبعاتها باش تسمى تاهي خايفة عليها ولكن الاهم من هادشي هو ديك الفصة لي كانت كثيرة وطويلة هي لي هزات عليها الجهد باش طاحت اما كن تخبطات فالارض يمشي لها الضهر ولا الراس غير ربي ستر رجعو كحشو وهما ساكتين كشوفو فيه تقلب وباين فينأه تعصب غير من تصرفاتو كخبط المنجل بالجهد مع الارض فاش كحش صوت انفاسو لي كتسمع بالجهد مدازش بزاف حتى ناض جر العود وغبر من تما
حطها عمها بشوية فوق السداري وهما ضايرين بيها كقلبو لها فديك الرجل كانت بردات شوية بعدا من البكى رحمة جاية هازة طبيسيل فيه الزيت العود:اهيا بسم الله الرحمان الرحيم يخ عين بنادم حارة الله يستر لبارح وهي مع بنات ختي يزة ديك شعبية ومبارك بنت ولدك زينة بنت ولدك فاعلة بنت ولدك تاركة العمى انشاءالله
سعاد:راه مزراݣتش بعدا
سناء:والخيل ديال طريكة العيادي مدرسين اشطرا وجرا
تيجانية:صافي الحمدلله دازت طريفة عمرك تعاودي تركبي ابنيتي الخيل راه صعيب وعندو ماليه
رحمة:حمدلله مزطمش عليها هزي اميمتي هزي
بدات تتمسد ليها رحمة بداك الزيت لي مسخناه حتى ترخات شوية اصلا هدات عليها مين طرطقها لها خليفة ولكن دابا داك الوخز باش كانت تتحس حيد تكات فوق المسند وهي تتحس بيد جداها حنينة فوق رجليها شافت فيها رحمة:متقولي والو لباك ومك ابنيتي يتخلعو على والو راه معندك باس
دينا حركات راسها باه وبقات متكية حزماتها لها رحمة وصافي تفرتكات الجقلة كلا مشى يقضي شغالو بقات غي هي جالسة ناشرة رجلها مربعة يديها تنهدات كانت فرحانة معاهم حتى كلشي تقلب دارت يديها على خدها وهي تتنهد حزينة تقلبات نفسيتها بسباب هادشي
فجيهة اخرى غادي صايݣ كان كارز على الديريكسون مقطب حجبانو معاجبو حال داكشي لي وقع مرضو كانت من مسؤوليتو ومعرفش شنو وقع كان عاطي بالضهر داكشي باش مشافش العود فاش تهز ولا شنو سبابو اما ميخليهاش طيح واخا يوقع لي يوقع خرجات طريفة ولكن مرضاش ومبغاش داكشي يوقع تبكي بسبابو شافها شحال شهقات وشحال طيحات ديال الدموع وصل لاݣار فين كاينين الحوانت داز من واحد لواحد كقلب على بانضة دالرجل
داز الوقت تغداو وطلعات لبيتها بمساعدة سليمة لي رجعات تغسل لماعن كانت هي وختها عينيها عليها كل مرة تتحاول تقرا شنو لي فدماغها نطقات:بقات في دينا بزاف
نجية تتشلل الطباسل:هي اشداها للعود تعرف ليه
سليمة: سبحان الله الخيل ديال العيادي كلهم مدرسين ومولفين بالسربة شحال طلع ونزل فيهم من واحد عمرهم دارو هاد الفضيحة
نجية:ايوا المكتاااب
كملو التشلال سليمة قبل متخرج شافت فختها مدات ليها لفنيتة:هادي ديالك لقيتك قبيلة حدا العود
نجية شافت الفنيتة فعلا ديالها وهي باش دارت ديك الفعلة طيحاتها شافت فختها كيف تتشوف فيها بلعات ريقها شوية خداتها من عندها بلاما تبين
متقدرش تنكر لان باكية دلفنايت وحدة كديرو منها بزوجهاذن لنكرات اتخليها تشك:اويلي شحال قلبت فاش صايبت زيفي قبيلة وانا كنحش
بلاما تجاوبها سليمة خرجات وخلاتها حمدالله مطاحتش فيد شي حد لي توحل معاه ختها كيف والو داز الوقت جات يزة وبناتها عندهم يشوفوها ساعة لقاوها ناعسة طمنو عليها عن طريق رحمة نجية معاجبها حال ولات لي طلاقاتو تلقاه يهضر عليها من بعد مدة قصيرة مشاو بحالهم مخليين رحمة وعريساتها تبعوهم باش يعاونوهم فتحضير حلوة العرس لي بقات ليه سيمانة
بديعة كتطبع الحلوة:بقات بلاصة دينا عاوناتنا لبارح
بشرى:اه مسكينة بقات فيا حفظها الله
اسمهان:حنا لي سيفطناها ليها مكمدة بقينا عليها رجليك زينين حتى جابت الربحة
خديجة:حمدالله مزطمش عليها العود عجب شحال طلعنا ونزلنا عليه عمرو دار هاد الحالة
ثورية:اودي مكاتيييب خليفة تعصب من تما مبقى بان
برا كان يلاه رجع من لاݣار مشى قضى شي حوايج اخرين متعلقين بعرس ختو حل لكوري وخرج لبهايم يوردو واقف وكخمم الحادثة دالصباح شغلات تفكيرو كيف غتكون دابا بانت ليه بشرى مخرجة الذرة لدجاج وهو يسولها:مي رحمة كاينة لداخل؟
بشرى:اه هي وعريساتها علاش؟
خليفة:ودينا كاينة مسولتوش فيها؟
بشرى:لا مكايناش مشينا عدها ݣبيلة لقيناها ناعسة قالت لينا الحاجة رحمة معندها باس
حرك راسو باه وضار حاضي بهايمو نجية كانت جاية عندهم وعينيه عليها شافها عطاها بضهرو مفيه ميهضر مع حد خلاها دخلات وتتنهد كيف كعاملها هي وكيف كعامل لوخرا بقى واقف شحال كفكر واش داكشي لي بغا يدير هدا وقتو محد الدار خاوية هاهما العيالات عندهم هنا بانوليه شي ولاد عمها كسرحو اذن هادي الفرصة مشى لطوموبيل جبد منها واحد السويشية صغيرة وزاد لواحد لبلاصة فين كلعبو لبراهش ديما لقى واحد ولد عمها صغير عيط جا عندو يجري: خليفة غتخفض معايا الفرنسية ليوم؟
خليفة:دير هادشي لي غنقولك وغنحفضك وغدا نديك معايا للسوق صافي
ولد عمها حرك راسو باه بحماس مد ليه ديك الصويشية وشرح ليه شنو يدير مزيان: تاحد ميشوفك وكقلت لك حطها لها فين تتنعس ولا فين حاطة حوايجها مهم بلاصتها هي
ولد عمها مسمع بتأني وكحرك راسو باه حيت بقى عليه مهمة سرية والا نجحتي فيها راك واعر وكدا مهم كلا ليه دماغو بداكشي دالرسوم واصر عليه ميقول هادشي لحد فسبيل انه غيخرجو معاه للسوق سيفطو وهو بقى واقف متبعو حتى بانليه دخل للدار ماشي بزاف حتى بانليه راجع كجري وكلهت:حطيتها لها حداها في بيتها كانت ناعسة
خليفة:مشافك حد؟
ولد عمها:تاحد مكاين الدار تصفر
خليفة تبسم شوية ضرب يدو فجيبو ولاح ليه عشرة دراهم شقفة خلاه غيطير مشى يكمل اللعب وهو مسح على ذقنو بعد مدة من التفكير وزاد فاخر يامو ولا يخطط كيف يهضر مع شي حد مكانت فنيتو حتى حاجة خايبة ولا انه يغذر عائلتو فقط باغي يسول فيها ميقدرش يتسنى حتى تبان ليه ولا تجي عندو خاصو يعرف حالها لانه داكشي لي وقع كان بسبابو العود عودو والارض فين طاحت ارضو اذن هو المسؤول الاول على لي وقع ماعليه غير يتسنى واش غتقبل اهتمامو او لا
داز الوقت ناضت وهي تتكسل ناري على نعسة ورا الغدة كيف تتكون طاحت كاو ضارت تتفوه غتهز تيليفونها وهي تعقد حجبانها شنو هادي متاكدة مكانتش قبل متنعس عقدات حجبانها وهزاتها حلات تتقلب جبدات لبانظة لي كانت فبواطة فلحظة حسابلها غير شي حد من عائلتها هو لجابها لكن مين خشات يديها جبدات ديك الورقة خرجات عينيها محساتش حتى رسمات ابتسامة عريضة على وجها كان كاتب ليهاkhellifa وتحتها نمرتو ومعاها عبارة بالدارجة باحرف فرنسية حيت عارفها غتكونو متتعرفش بحروف دالعربية(hadi nmra dyli ila Makan mochkil sifti Liya reh bghit nsswl fik)عضات على شفايفها وهي تتشوف فنمرتو وسميتو حاسة بواحد الاحساس مخليها تجيها الضحكة هكاك هزات تليفونها يلاه غتقيد النمرة وهي تحبس رجعات حطاتو ماشي دابا بغات تستوعب بعدا هادشي دارت يديها على خدودها وهي مبسمة هادشي جاها بالزربة معرفاتش مالها يقدر هو يكون نيتو عادي غير باغي يسول ولكن بالنسبة لها هي تما فين بقات داك التسوال والاهتمام هو لي باغية مناقصهاش حنان واليديها كرسو حياتهم كاملة باش يربيوها هي ختها ويوفرو لهم كلشي حتى من الاحتياجات النفسية ولكن لي خلاها تميل هكا لجيهتو حيت كدوز من فترة صعيبة ولكن هادشي غيخفف جمعات رجليها عندها وهي تتفكر ومبسمة مفيقها من افكارها الوردية غير صوت الطيلي هزات وجاوبات كان باباها:الو باباه ايميسيو
بقات تتهضر مع باباها شحال وهي فرحانة غطير شي لخلاه يطمن بلي راه مزيانة تما داز الوقت وطاح الظلام كان حدا الكوري يلاه دخل البهايم وسد لباب قبل ميدخل جبد تيليفونو نيشان للواتساب كشوف واش داك الشخص لي باغي سيفط ولا لا زفر فاش لقى بلي مزال مسيفطاتش ليه ضرب التيليفون فجيبو وزاد داخل كفكر من قبيلة كلا شوية يحل التيليفون يشوف واش سيفطات ووالو تنشر يال بصح هو فاش سيفط لها نمرتو مكانش متوقع تقبلها مية فلمية خلاها هي ووجها حيت صراحة ميزعمش يقولها عطيني نمرتك فاص ومعرفش واش الحادثة دارها سبة باش تكون عندو فرصة اخرى فين يدوي معاها فاش تفرق مع خواتاتو وتمشي لدارهم ولا غير فقط يسول فيها ولكن فين هي دابا شكك فراسو شي لخلاه يزعم يسيفط لها نمرتو هو تصرفاتها معاه كلاحظ كيف تتوتر وهي معاه كيف كتحشم وزيد نظراتها لي ميخفاوش عليه كضرب عليها غير بنص عين فاش تتكون تتشوف فيه وهي عند بالها مرادش لبال ولكن دابا شنشطاتو زفر وزاد دخل زادح لباب وراه ومن هادشي كامل هنا فين ككون السر الرجل عمرو كبغي الحاجة الساهلة والمتاحة لي تجيه بالزربة بلعكس يحس براسو بلي راه تسنى وشحال من حاجة كن دابا سيفطاتو ديك الساع ولا غير مدة قصيرة من مور مسيفطها لنمرتو كان غير غيسولها فيها صافي وسدات النصرانية اما دابا لا
كانت نازلة من الدروج بشوية حمدلله مبقاتش تتحس بيها كيف الاول وربي ستر تتسول على نجية حتى قالولها فالكوزينة دخلات بشوية كانت هي سليمة كقطعو شلاضة قصداتها بشوية: نجية انا ديك النهار يعطي لبرودويات لبنات كاملين الا نت انا يجيب لك هادو خودي
مع كملات كلامها مدات ليه واحد المرطب وݣلوص ولصاقات ديال ليسيغن
ماداهم ليها وهي مبتاسمة سليمة مراقبة الموقف وعينيها على ختها لي ناضت مبسمة خداتهم من عندها ورجعات لبلاصتها تتشوفيهم بلاما تشكرها شي لخلا سليمة تنقذ الموقف:الله يخلف احبي نردوها لك فساعة لخير
وقربات بشوية لختها ونغزاتها نجية هزات راسها شوية وبابتسامة صغيرة نطقات:شكرا
دينا تبسمات لهم ومشات خلات سليمة ضارت عند ختها:تي معندكش شكرا فبلادكم
نجية حطات داكشي وكملات شغلها:شلا معطاتني
سليمة حركات راسها بلا:لا حول ولا قوه الا بالله الا عطاتك غير مسكة شكريها ممفروضش عليها تفرق علينا حوايجها
داز الوقت تعشاو شربو اتاي وتفرقو طلعات لبيتها بعدما دارت روتينها الليلي تخشات فبلاصتها هزات تيليفونها واول حاجة دارت هي قيدات نمرتو وهي عاضة على شفايفها قلبها كضرب وتتفكر شنو غتكتب ليه لخلاها تعطل هو انها حشمات احاسيسها مخربقين من جيهتو بحكم جا كلشي بالزربة ولكن داكشي لي وقع من نهار عرفات مخلاش الوقت يؤثر بحكم يلاه عرفاتو دغيا ولا تبسم لا هضر معاها اي جيست دارو كفرحها دخلات لواتساب ونيشان للمحادثة بقات تتفكر حتى سيفطات ليه:Hello khellifa Cava ana Dina
مكانش داخل طلعات غير شرطة وحدة جمعات ضحكتها شوية وخرجات تتهضر مع زوي ومعتز وصحابها كضور فانستا والسناب مجات فين تطفي الطيليفون حتى حسات بقلبها رجع كضرب مين شافتو هو لسيفط قرات الميساج غير من برا وهي تتطلع وتهبط فالنفس وتتشوف ديك كيف بقيتي شوية من مور تلاتة ديال الدقايق دخلات قرات ميساجو مزيان
خليفة:hmdlh ou nti kib9iti chwiya
دينا:ana bekher mb9ach darni rjli
مع سيفطات ليه ميساج لقاتو دخل اذن باغي يهضر معاها خرجات بقات تتسناه يسيفط وفعلا مع قرات ميساجو وهي تنهد اشهاد الاداب واشهاد الكمية من الرجولة اي واحد كعرف يهتم اذن راه مقدر الانثى ومدام هادشي اذن فهو راجل نقطة ضعفها الاهتمام هي ولكن الاهتمام من طرف آخر يعني ماشي واليديها ختها عائلة هداك شابعة منو بقات تتشوف فداك الميساج كيف كعتاذر واخا راه ماشي ذنبو وماشي بسبابو طاحت خليفة:semhiliya bzef m3rftch kif tra wlh ou tari9a bch sift lik nmrti mkntch mzyana wlkin kan khasse darori nsswl fik ou n3rf kib9iti
كان كقصد انه الطريقة باش خدا نمرتها متطفلة ولكن هي مكتشوفهاش هكا معرفاتش اصلا كيف وصلات عندها ولكن مدام دار مجهود باش يطمن عليها فراه كعني لها هادشي بزاف تدفݣات حتى قالت براكة
دينا:la la ana ynssa chno w9a3 mchi mochkil ou chokren bzef hit swlti fiya❤️
تبسم وهو كقرا رسالتي دابا رتاح بالو مين طمن عليها وبانتلي على خير وجاوباتو كان حتى قال راه قمعاتو مهضروش بزاف قبل ميتوادعو حط التيليفون ودار يديه تحت عنقو وهو كشوف فالسقف غريب ولا كدير لبلانات باش يعطي نمرتو تبسم شوية وحرك راسو بلا تفرضات عليه كان ضروري يسول فيها ويعرف حالها اما هي تكات على جنبها وهي مكمشة وتتبسم فرحانة غطير احساس زوين مين تلقى شي حد يسول فيك فعز الازمة
واخا معندو علاقة بالازمة لكدوز منها تنهدات وغمضات عويناتها وتتفكر وكانو مواقفها معاه كتعاود دوزهم من دماغها حتى غفات
صبح صباح جديد من الايام الاولى ديال غشت الصهد والشمس ساطعة شي لمخليها تجلس قدام العتبة كيف ديما تخضر عينيها فنفس الوقت تنفس شوية صابحة ليوم ناشطة ومعولة دوز نهارها عامر ومتجلسش مدام معندها باس كانت مرة كتلوح عينيها لباب دارو والكوري باغية تشوفو وتمشي عندو خرج واحد زوج ولاد عمها صغار هازين دفاتر تبسمات ليهم ونطقات:فين غاديين؟
واحد منهم:غادين عند خليفة يراجع معانا العربية
غير سمعات سميتو وقفات:فين واش فالارض؟
_اه مشى يسرح وحنا غنتبعوه يقرينا
دينا:زيدو انا يمشي معاكم بغيت نشوف الارض
دارت السبة بالارض وزيد هما غا صغار مداو مجابو بقات غادية معاهم كذاكرو وكهضرو حتى وصلو للاراضي لمحاتو من بعيد دخلو وهي كلما تتقرب تتحس بالتوتر ركبها تتمشي بحذر وسط الربيع حتى قربو كان عاطي بالضهر شاد دفتار وكخدم مع واحد من لوليدات لي كانو معاه قربات ليه ونطقات:سلام
خليفة تلفت فيها غير شافها وقف دغيا وهو مبسم:وعليكم السلام كبقيتي
كان راسم ابتسامة صغيرة على وجهو شي لخلاها تنزل عويناتها ومطولش فيه الشوفة حشمانة نطقات بصوت رقيق:يجلس(نجلس) معاكم
خليفة:اه مرحبا جلسي(هضر مع ولد بديعة)جري لخيمة جيب جلسي
دينا جلسات فالارض وربعات رجليها حداه:لا لا انا يجلس بحالكم
تبسم ليها وعلى شكلها وهي مربعة رجليها جلس حداها وكمل مع الدراري مرة مرة كهز عينيه فالبݣر لي سارح كانت تاعي تتشوف فالكتوبة لي كانو باللغة العربية شافت فيه ونطقات:تانا يقرا عربية معاكم
خليفة شافيها شحال وهو يشوف فالدراري:رحبوا بالتلميذة الجديدة
كلشي ضحك وحتى هي قربات حداه كلها حماس باغية تعلم للعربية كان كعطي لشي حد يخرج ويضور عندها هي علمها كيفاش تنطق اول حرف لي هو حرف الالف
دينا بتركيز:ألف ألف ألف
خليفة:يلاه كتبيها
كان عاطيها وريقة وستيلو تتكتب بقات تتحاول معاها شحال تتكتب الالف ولكن الهمزة متتعرفش ضورها كملات ومدات ليه: شوف
خليفة ضار عندها بانوليه كاع الهمزات معوجاهم قاليها تعاود وداكشي لكان كتكتب وهو حاضيها بانتليه غتعوجها ثاني وبحركة تلقائية حط يديه على يديها وبدا كݣيد لها يديها باش يدربها هادشي خلاها تحس بواحد التبوريشة طلعات معاها يديه دافية فوق يدها مبقااش مركزة قدما مركزة مع لبلان وهو كهضر وكوريها كيف دير شي لخلاها تحس بانفاسو على عنقها بلعات ريقها وهي ضور بشوية عندو وهادشي خلاه يسكت فاش تقابلو عينيهم للمرة الثانية يكونو قراب لبعضهم بلاما يحسو بلي ضاير بيهم عينيهم مفيكسيين على بعض مخلي داك القرب بينهم يرفعهم وينساو لعالام
عينيهم على بعض فوضع لي قريب بزاف جالسين ملاصقين يهديهم مشابكين وكل واحد كشوف فلاخر هو عينيها لعسليين لي كبريو بالشمس لي ضاربة فوجها مخليينو ساهي فزينها وكتفحص ملامحها الطفولية اما هي كانت شبه مرفوعة يديه الضخمة مقارنة بيديها كانت تتحس بملمس الرحى ديالها شبه خشن فوق يديها هادشي لي مخلي واحد الدفئ بين يديهم سرى مع جسمها وخلاها مبلوكية تتصرف بلا عقل مواعيينش بلي ضاير بيهم قدما مركزين فداك القرب مفاقو من سهوتهم حتى واحد من الدراري جا عند خليفة يصحح ليه بسرعة فلتات يديه من يديها وحتى هو كذلك تكاحز غير شوية ماشي بزاف ضار كهضر مع الولد وكحاول ميخطأش حيت باقي تالف وهو كان مرفوع اما هي تكمشات ودارت يديها على خدها تتكتب او تتحاول تلف ديك الحشمة باش تتحس دابا خدودها غيطرطقو وحمارت تاني وترونات
بشرى من بعيد:صافي زيدي راه تفارقو زيدي
بديعة:خويا مساهلش اخويتي
بشرى: واختي كبقى راجل يشوف الزين يتلف
ضحكو وتماو غاديين قاصدينهم شافو المنظر وجراو مع البلان ولكن بقاو تتفرجو فلبلان من بعيد حتى بانوليهم تفرقو وقصدوهم مكانوش كديرو شي حاجة لي خايبة ولكن داك القرب ديالهم فمنطقة بحال الدوار كان شوية حساس وكشكك
بديعة:سلام عليكم
دينا تبسمات وفرحات مين جاو بعدا يتلفو عليهم الجو وتخرج من داك التوتر والحشمة باش حاسة دابا بقاو معاهم شوية بديعة سولاتو على ولادها واش مزيانين ديما كدير هاد لبلان كخدم مع الوليدات فالصيف باش يدخلو موجدين للعام الجديد مع بغاو يمشيو ناضت دينا لصقات فيهم خلاوه بوحدو مع الدراري يديه على ذقنو وساهي كخمم كوقعو ليه معاها شي مواقف هما لخلاوها فوقت قصير دخل فبالو وزيد فيها شي حاجة متميزة معرفهاش بالضبط شي حاجة تتجذبو يبقى يفكر فيها زفر وهو كحرك راسو بلا هادشي ممسلكش من داز شي حد من عائلتها وشافهم من لبارح شي حد وقف ولد عمها لي سيفط ولقا مدي لها نمرتو شنو غيقولو كحوم عليها عاد طلعات معاه عواقب شنو دار وعائلتها عزاز ميبغيش يديو عليه شي نظرة ماهياش خصوصا كلشي عارفو شاد تيقارو ولكن دابا الغالب الله من جيهة اخرى كقول هانيا مهم دوا معاها وطمن عليها اما هي كانت قدام باب دارهم عيطات لها ماماها
دينا:توحشتك بزاف اماما والله
شادية:حتى انا احبيبتي مبقى والو السيمانة الجاية غنجيو انشاءالله
دينا:غنسيفط لك سميات شي برودويات جيبيهم لي معاك عفاك لي عندي عطيتهم لبنات هنا شفتهم محتاجينهم
شادية:واخا انشاءالله قوليلي عاجبك الحال شوية؟
دينا تنهدات نيشان طاح فبالها:مزيان غادية وكنولف
بقات تتهضر مع ماماها شوية عاد قطعات معاها حطات يديها على جبهتها وهي تتزفر عنداك يكون بديعة وبشرى شافوهم واخا مكانو كديرو والو لكن ديك لحظة القرب والصمت لي دازت بيناتهم خافت يمشي بالهم بعيد ولكن مدام مجبدوش لها الموضوع اذن راه مشافو والو جلسات معاهم شوية وهي كتلاحظ واش تتغامزو عليها ولا حسو بشي حاجة ساعة تعاملو عادي وحايدو لها الشك
بقات معاهم شوية ومن بعد ناضت مشات لدارهم واخا عياو يشدو فيها تبقى معاهم تاني ولكن شدها وجع دليغيݣل شوية وبغات تمشي وزيد خافت يجي وهي حشمانة متقدرش تشوف فيه دابا طلاقات بجدها لي كان جالس قدام الكوري مشات عندو باستو:افين غابرة على باك ݣعما شتك هاد الصباح
دينا جرات كلشي وجلسات حداه:غير فقت معطلة ابا وكنت مع البنات
فهاد اللحظة خشى يديه فجيبو وجبد ليها مصاصة وشي فينيدات خلاها تتبوس وتعنق فيها مابيهاش الفانيد وانما داك الاحساس لي كحسسها انه مزال طفلة ومفكرها وكجيب لها تاهي عجبها بزاف كتعوض البعد لي عاشت بعيدة على جدودها
هاد السنين الحاج احمد:الله يرضي عليك نهار لاربع انشاءالله ندي معايا بنت للسوق
فهاد اللحظة هما جالسين حتى وقف عليهم واحد الرجل:السلام عليكم
الحاج احمد:واهلا واهلا سي عبد الغني اتشهاد الغبور وعاش من شافك
تسالمو ودينا احتراما ليه ناضت وخلات ليه الكرسي مشات وقفات فباب الكوري تتمص المصاصة وتتشوف فالبݣر وجدها شد الحتيت مع داك الرجل
الحاج احمد:اتشهادشي اجاري تاغي حدايا ويومين مشفتكش
الحاج عبد الغني:وراك عارف اسي احمد العرس ديال الدرية قريب ودار الضيافة تاهي شاداني ومغيذوز هاد العرس عاد نرتاح ونعقل على راسي
الحاج احمد: وانشاء الله مغيكون غير الخير والله يجعل الخير فهاد النسيب يارب
الحاج عبد الغني:اللهم امين(لمح دينا)هاد الدريرية هي بنت ولدك بوبكر
الحاج احمد:اياااه دينا وا دينا زيدي سلمي على عمك زيدي
دينا فهاد اللحظة قربات عندو وسلمات عليه وهو على لسانو مشاءالله بقات تتشوفيه جاها الشبه لشي وجه مألوف
الحاج احمد:جات دوز عدنا العطلة ديال الصيف
الحاج عبد الغني:وسي بوبكر مغاديش يجي وحنا راه باغين نجمعو الحباب فهاد العراسية
الحاج احمد:غادي يجي انشاءالله غيجي قوليا
دينا نساحبات ورجعات ثاني تتطل على البݣر فالكوري وراخية وذنيها معاهم الحاج عبد الغني:والصحة قلالت اسي احمد كن ما ولدي خليفة لي هاز عليا كلشي كيف غيكون حالي وانا عندي غير البنات ميقدو على التكرفيس والتجرتيل فالاراضي والسواق
الحاج احمد:الله يحفضو نعم التربية وراجل وسيد الرجال قول الحمدلله لي رزقني بلغيكون الخليفة ديالي
الحاج عبد الغني:الحمدلله والشكر لله يارب
دينا غير سمعات سميتو وهي طلع معاها الشبه لي شافتو طلع هدا هو باباه بقات تتشوف فيه دابا عاد زادت شافت الشبه لي كبير بينو وبين باه لي التجاعيد كسات وجهو لحية بيضة زايداه وقار كثر وبحال جدها تاهو لابس فوقية وطاݣية بيضة فوق راسو ولي لاحظات كثر انه خليفة وارث من عند باه حتى الطول واخا مسكين رجل كبير وضهرو شوية بدا كتحنى بحال جدها ولكن باقين معالم الطول كاينين بقات شوية ومن بعد دخلات نيشان لكوزينة فين لقات جداها:ميمة
رحمة:كبيدتي جيتي تعالي جابك الله
مع كملات كلامها عرات واحد الجبانية ومداتها لها:هاكي شفتك اميمتي ݣعما فطرتي مزيان الصباح وقطعت ليك شوية ديسير
دينا خدات الجبانية لي كان فيها التفاح والبنان مقطعين وفوق منهم دانون وهي تتحماق على صالاد فروي ونيت منعشة فهاد الصهد بحالا جداها حسات بيها واخا عمرها جبداتها قدامهم حطاتها فوق الطبلة وضارت عنقات رحمة من اللور لي كانت كطل على طناجر الغدا وباستها بوسة كبييييرة:انا يبغيييك بزاااف اميييمة
وعنقاتها كثر وهي تتحس بحنان الجدود شحال زوين جداها كثلة من الحنان والرقة تتمشي على رجليها مع كلشي كاع حفادها وحتى هي رحمة:الله يرضي عليك ازينة بنت العزيز
تحط الغدا تغداو من بعد تفرقو لي مشى ينعس شوية ولي مشى يقضي شي شغل كانت متكية فالصالون هي وسليمة وسناء لي كتنعس بنتها
سليمة:مخاصمة تي وعمي
سناء قلبات عينيها:نطلبو على حاجة يندمني
سليمة كضحك:بانليا ساير يحزر فيك قبيلة غانت مباغاش ترطابي علاش تخاصمتو بعدا
سناء:قلت ليه جيب ليا عكر وطوانݣ من السوق ونسى
سليمة:هي كنت ناوية ضوري بالحالة الليلة
غمزاتها وهنا سناء شداتها الضحكة ولكن حبساتها:ويتوسد لحيط الليلة يبرد ليه جنابو
سليمة كضحك:حشومة عليك هههههه
دينا تݣعدات:سناء يدير ليك ماكياااج؟
سناء بحماس:بصح عندك؟؟؟؟
سليمة:عدها صالون دالحلاقة شي ماكياج عمرني شتو شتو عند دينا
سناء:صافي الليلة نجي صايبي ليا
سليمة:يلاه كنتي فݣعانة وغتخلي البرد يطلع مع جنابو
سناء: ايوا اختي لهلا يطيح حبك على حجرة
حسات بليغيݣل تكبات عليها ناضت دغيا دوشات بالخف بدلات عليها شربات الكينة ديالها على ود الوجع وتخشات تنعس شوية مفاقت حتى أذن المغرب ممشاتش ݣاع عند خواتاتو حاسة براسها عيانة مدݣدݣة ناضت شافت واش تسرحات عليها ونزلات شربات اتاي وجلسات تتفرج مع ولاد عمها فالصالون شي كنقز وشي جالس شي داخل خارج المهم حركة كثيرة فالدار تعشاو وجلسو شوية من بعد تفرقو
فجيهة اخرى كانو نفس الشي الصداع والهاراج وكلا نهار كتزادو الناس دالعائلة والدخول والخروج ككثر كانو تعشاو وكياكلو الديسير مجموعين على ديك الطبلة عض من التفاحة وهو ساكت مرة مرة كشارك فالحديث كان كفكر معاودش شافها من الصباح وكان متوقع يلقاها عندهم ثاني ولكن لا مرة مرة كان كلوح عينيه لجنبو فين كانت جالسة حداه فاش تعشات اما دابا بلاصتها جالس فيها غواحد ولد مصنن خشى لي بقى من التفاح ففمو كندغ بالجهد ساعة العسل سالات لبارح كان حداه التوت ودابا حداه ولد عمو كشوفيه مصدي بالشمس وفمو عامر تقول كان محبوس نطقات بديعة لداك ولد عمهم نيت:اخوي فمك الخرا عاد دوي عطيك السالمة
خليفة جاتو على النقشة هز واحد الصندالة وضار عندو:نوض تهز نوض ونت بحالا عندك الحناش فمسارنك مسينا عالله خزيت
ولد عمو مدار ليه والو مسكين غاحيت جلس فالبلاصة فين جلسات هي برد فيه ديك الفقصة انه معاودش شافها من الصباح عارفها غتكون حشمانة جمعو الطبلة وكلا واحد تخشى فبلاصتو كان هاز تيليفونو وكفكر واش يسيفط يسول فيها ولا لا حيت غبرات النهار كامل
وفنفس الوقت كفكر علاش هادشي جوابو الوحيد هو انه فيها شي حوايج لكبغيهم هو فالبنت اولا حاجة ولي هي مهمة الحشمة ثانية الزين تصرفاتها التلقائية لي خالية من التصنع تواضعها كيف كتجلس بحالهم فالارض مفيهاش الفوحان واكثر حاجة هي النقى لي باغي يخرج منها وريحتها لي بقات شحال فنيفو وهادي اكثر حاجة كتجذب الرجل فالانثى قبل كلشي هو نظافتها الشخصية وهو راه واخا عروبي عندو الذوق ويبقى كل مرة يفلي فالبنت حاجة حتى يسكانيها وداكشي لي طرا مع هادي وخلاها تدخل لعقلو طفى الطيلي وخلا حتى للصباح دابا بالكتبة مغيقدرش يوزن واش حشمانة منو ولا لا وزيد فنفسو باغي يشوفها فاص باش يشوف ديك الحشمة لي كتكسي خدودها وكتولي حمرة باغي يشوف على انه اكبر دليل على الحشمة هو التربية ماشي فين كبر لواحد
فجيهة كانت بدات تتغوص فالنعاس وتتفكر كانت باغية تسيفط ليه ولكن حشمانة وزيد معندها متقولو ولا باش دخلو معاودش شافتو وممشاتش لدارهم دابا باغية تسيفط ومباغياش تبان مبرهشة ومبغاتش تبان خفيفة خلاتها في يد الله حتال غدا يصبح ويفتح دابا تشوفو مزال ايام الله طويلة
صبح صباح جديد كانت غادية هي وسليمة بين ديور الدوار تتمشاو وتتوريها لي دازو من حداه يلقيو عليه التحية دينا تتشوف وصور عينيها عجبها البني اكثرية الديور مبنيين بالحجر كتبان وحدة فوق وحدة وقليل لي طالعين ومصبوغين بحال دار جدها ودار خليفة وشي ديور اخرين قلال وقفو فواحد الدار دقات سليمة ودخلو من الباب لكبير دالحديد
سليمة:سمية سمية وااااااسمية
سمية من لبيت:واااازييييديييي زيدييييي
دخلو لبيت فين كانت سمية مدخلة معاها لبوطة وقوام اتاي للبيت لي كان سائدة عليه البساطة فالاثاث والصباغة سلمو عليها وجلسو كانت وحدة من بنات الدوار صاحبة سليمة وكانت قدهم فالعمر تتشوف فدينا وفنفس الوقت تتعمر اتاي:مرحبا بيييك
دينا بابتسامة:شكرا
سليمة:مكايناش خالتي مباركة
سمية:مشات عند خيمة العيادي تعاونهم وانا يختي مرهونة هنا نشحر لبا اتاي هو والبناية
سليمة:شفتك الصباح غادية تسݣي
سمية تتشعل فالبوطة الصغيرة لي كانت وسط لبيت:مشيت يخلي سݣيت وحشيت شوية الفصة طلاقيييت مع سيدي خليفة علام زيناتو راجل يختي
كانت تتقول فيها وتفرنس وتشالي بيديها شي لكبين على انه شخصيتها ضحوكية وداك النوع لي مفرفر سليمة ميقات:يختي داك السيد طالب الشرع اما كن تشوفي واحد نجية الله يعطيكم غالدل
سمية:انا يختي معليا حرج ممخطوبة ممرشومة خليني نسقي عويناتي تايحن مولانا نمشي نزيد اتاي
ناضت سمية لكوزينة خلاتهم دينا غير تتشوف كيف تتعتارف بلي كعجبها وعادي تتفرنس من الفوق ضارت عند سليمة:يعجبها هي ونجية خليفة خو اسمهان
سليمة عينيها على البراد:يموتو عليه هما وواحد المدلولات عندنا فالدوار السيد شاد تيقارو وهما لاصقين فين كالعلكة
دينا كانت شوية وغتنيس ولكن مين سمعات بلي شاد تيقارو وكدا بلسان سليمة بردات شوية يحسابلها داك التسوال لي يسول فيها وهو باش شدها مع كلشي
دارت يدها على خدها وبدات تتفكر ياكما هو ما فنيتو والو غير كسول فيها عادي وهي تتخيط وتفصل غير بوحدها زفرات وهي هكاك تخمم حتى رجعات سمية وجلسو مجمعين كانت ضحوكية ودغيا بدات تجبد الهضرة مع دينا على ميريكان وحياة الخاريج وكدا بقاو معاها شحال حتى ناضو بحالهم راجعين وعينيها كضورو فراسها وكقلبو لعل وعسى تلمحو لكن والو دازو من حدا دارو بانتليهم طوموبيل وقفات وشي ناس نزلو ملقية لهم يزة تتسلم عليهم اكيد من الناس لي معروضين للعرس رجعو للدار داز الوقت تغداو وتاني تفرقو كلا وشنو كدير فداك الوقت كانت فواحد لبيت هي ونجية وسليمة كان فيه ماريو كبير فيه حوايجهم جابدينو كطويوهم وحتى دينا معاهم وكهضرو هزات واحد السروال غطويه وهو تشوف واحد السنيسلة دالعقيق طايحة هزاتها تتشوف فيها عجباتها وفيها الوان زوينين دارتها على عنقها بلاما تلبسها تتشوفها كيف جات مع لحمها نجية كانت تتهضر مع ختها غير شافت السنسلة دغيا خطفاتها لدينا من يديها ودارتها وراها:عزيزة عليا هادي مكنبغيش ليقيسها
دينا بقات غير تتشوف فيها واش كضحك معاها حيت كيف دارتلها ساعة لقاتها نيت دارتها من نيتها وكملات الهضرة مع سليمة لي جرات مع الموقف:احم دينا عندي وحدة زينة حسن من هادي انا نوض دابا ونجبدها لك
دينا كانت حاسة بالغصة وقفات لها فحلقها شي حاجة تعجبك وتحيد ليك من يديك بديك الطريقة وزيد مكانتش غتقولها عطيها ليا حسات بعينيها غادي يغرغرو وعاد ليغيݣل على سبة هزات تيليفونها وناضت:انا يعيط لصاحبتي ويرجع
كانت باغية غير تعزل بوحدها خرجات وهي عاضة على شفايفها زادت شوية وهي تكا على لحيط حاسة بالدوخة مع وقفات بالجهد وزيد جاتها لبكية على تعامل نجية
سليمة خنزرات فيها:واش نت مريضة عزيتي فالدرية لاستيك بالعقيق بستين ريال فالسوق
نجية ببرود:نت عارفاني حاجتي عزيزة عليا
سليمة:قولي جيعانة انا لبارح عاطياك بوماضة منعرف شحال ساوية وخاطفا لها السنسلة من يديها هكاك كضل غير تلاوح عاد طاح حبك عليها
نجية ممسوقاش شافت فيها:مسولتيهاش على ولد خالتي مراد؟
سليمة:مسولتهاش وماشي سوقي شغلها هداك
نجية:تاهو اصلا كن بقات معاه كان غير يقطع لبحر ويسوسها نورية هي لدايرها لحلال
سليمة:علاه مال هادي كيف جاتك تاهي خاصها العصى لي كانت دايرة فيه راسها مراد تاهو يتبغى ويهضرو معاه الناس
دموعها طاحو سخان على خدودها مسمعاتش كلام سليمة الاخير بقدر ما كلام نجية حرقها ودخل كيف السم فقلبها نزلات تتجري دموعها فعينيها يدها على فمها بغات تحيد من تما وتبعد باش تبكي وتفش على خاطرها حتى بدات تنسى بشوية وعاود فكرووها دوات فضهرها بكلام خايب وهي عمرها نوات فيها الشر ولكن نيتها خلاتها تسمع باش تعرف
بقات غادية تتشتف وتشهق ممسوقة لحد غطرطق تتبكي وتقول مبكتيش بقات غادية حتى خرجات للاراضي وجلسات فوق واحد الحجرة دارت راسها فوق يديها وعطاتها للبكى حتى نسات وعاود فكراتها كلامها حسسها بلي راه رخيصة كثر ما انها عرفات بلي كانت شي وحدة من غيرها تتبكي على راسها ووقتها لي ضيعات على فعلة نجية على كلشي جميع المشاكل تجمعو عليها دابا وجلسات تبكي عليهم دموعها سخان وتتبكي بحرقة سمعات الحس وراها وهي تلفت كان جاي قاصدها حتى وقف عليها جرها من يديها حتى وقفات ونطق وهو شاد فكتافها:مالك؟
صدرها تتهز ودموعها نازلين نيفها حمر وغيمة ديال الحزن كاسية عيونها العسلية عقد حجبانو وزاد شدد عليها كثر وهو باغي يعرف مالها:مالك شكاين اشواقع
بقات غير تتشوف فيه باغية تخوي قلبها ولكن متقدرش ميستاهلش تذكرو قدام الناس حدها نطقات بصوت باكي:واش انا خايبة علاش يديرو ليا هكا
كلامها خلا شبه يتأكد انها مدابزة مع شي حد فالدار حيت شافها خارجة منها تتجري وتبعها ولكن خاص يتأكد لكان شي حد من الدوار هو لي قلقها يدغمرو فهاد اللحظة حيت عارف ولا الدوار باسلين بشوية حط يدو على خدها وبصبعو مسح دمعتها لي كانت نازلة نزلات عينيها وهي مزال باغية تبكي حسات بيديه لي على خدها بحال شي ذرع غادي يواسيها ويخفف عليها رجعات شافت فيه بعويناتها لكبريو وحمرين بالدموع مبغاهاش تبكي لانه من نهار عرفها وهي غير كضحك رجع مسح دموعها ويديه مزالا على خدها حرك راسو زعما يلاه ونطق هو عاقد حجبانو ومخنزر:زيدي ݣدامي وريني هدا لي دوا معاك
مع كمل كلامو حركات راسها شوية بلا ونطقات:مكاين والو مكاين تاحد
خليفة حول يدو من خدها ليديها وجرها بشوية:زيدي
دينا وقفات مبغاتش تزيد:مكاين والو والله
خليفة وهو عاقد حجبانو:كيفاش والو ولاش سايرة تبكي
دينا نزلات راسها بشوية ونطقات بصوت رقيق وهي كطلع النفس بنيفها لحمر المخنوق بلبكى:والو والو
خليفة طلع حاجب:غملقيتي ميدار قلتي نجلس نبكي كتسيقي وجهك بالدموع ولا آش
دينا وسط دموعها ووسط حزنها ضحكات على كلامو بعويناتها مغرغرين دارت يديها على فمها كتفرنس ضحكها كلامو شي لخلاه يبقى يشوفيها كيف ضحكات فعز الدموع حرك راسو بلا وتبين شوية خلاها حتى سالات على خاطرها وبدات تتمسح دموعها رجع قرب عندها:دابا مغتقوليش ليا اشبيك
دينا تنهدات ورجعات نزلات راسها:والو غير مع نجية ما هضرش معايا حد
خليفة غير سمع نجية وهو يطلع حاجب عارفها بخبيزتها هاديك غير بفعايلها معاه وزيد ديما مدابزة مع شي وحدة فخواتاتو:مالها اشدارت ليك
دينا بدات تتعاود ليه شنو دارتليها نجية بلاما تجبد مراد ولا حسو:انا مكانش يقولها عطيها ليا انا يبغي غير يشوفها صافي
خليفة:متأكدة غير مع بنت عمك مدواك حد؟
دينا حركات راسها باه:والله غير نجية
خليفة حرك راسو باه وهو كمسح على ذقنو لكانت مع بنت عمك ميمكنش يدخل فداك التخرميز ديال البنات اما كن كان شي مصدي داك الساع كانت غتكون هضرة اخرى رجع شافيها ونطق:كدايرة هاد السنسلة ديال الصقلي؟
دينا عقدات حجبانها:شنو هو الصقلي؟
خليفة:قوليلي غا كيف دايرة هاد السنسلة وصافي ؟
دينا على نيتها:معرفش شنو سميت هداك لفيها ولكن فيها هداك لي مضور وصغير
خليفة عرفو بلي راه العقيق وهي تتعبر وتعاود بلي راه ماشي شي حاجة لي غالية باش تحيدها لها هكاك وهي اصلا كانت غير باغية تشوفها خليفة:مديرش فبالك وديك نجية معدك مديري بيها قدما لقيتي بعدي منها ومتسولينيش علاش واخا بنت عمك
دينا عقدات حجبانها وهي مفاهمة مبغاتش تحكر اصلا من النوع لي مكبقاش يسول علاش وكيفاش لكن واخا هكاك كلامو شككها واش يكون زعما عارف نجية مزعوطة فيه معرفاتش واش صافي سولها دابا وغيمشي ولا اش وهي مكرهاتش يبقى معاها وتزيد تهضر معاه داكشي باش جبدات معاه الهضرة باش طول مدة وقوفهم بزوج:فين هما بݣيرات؟
خليفة:كنخرجهم غااصباح دابا نوبة البهايم انمشي نجيبهم
دينا بلاما تحس:بصح يبقى معاك وقراو عربية؟
كانت تتهضر بحال شي بنوتة صغيورة ومع عاد يلاه ساكتة من البكى كيوت خلاتو تبسم شوية وحرك راسو باه تاهو ميقولش لا:يلاه زيدي معايا نجيبهم
دينا:غير سير انا يتسناك هنا
خليفة:تبقاي بوحدك نت هترتي لا؟
دينا مفهماتش ديك هترتي لكن عرفات بلي رفض:والله غير خليني انا يجلس هنا وتحركش الا مشيت معاك يشوفنا با ولا ميما ولا عمي ويقولولي دخلي وانا باغى يقرا عربية دابا
بقات تتبقلل فيه بعويناتها وبلي راه قادة براسها وفعلا خافت شي حد من دارهم يشوفها ويقولها دخلي وهي باغية تبقى معاه دايرة العربية طريق زعما باش ميعيقش هو راه قراها وعرفها لاش تتمعني حيت هو براسو باغيها تبقى حرك راسو باه ونطق:جلسي هنا ومتحركيش عنداك تمشي لهيه جيهة الشوك
دينا جلسات:لا انا يبقى هنا ميتحركش
زاد وخلاها كلا مرة كضور يشوف واش مزال فبلاصتها وكزرب فخطاويه باش يرجع عندها دغيا خلاها جالسة دايرة يدها على خدها وتتشوف فيه وتنهدات تنهيدة من القلب كيف وقف عليها فعز البكى وكيف قاليها زيدي وريني شكون هدا ومسح دموعها وكدا تتحس بشي احاسيس من جيهتو لي فوق طاقتها بتصرفاتو كخليها هايمة حيت كدير داكشي لي محتاجة وهو الاهتمام منهار عارفاتو وهادشي لخلاهم يتقربو خفا زربا معرفاتش باش تتحس من غير انها فرحاااانة وبزاف لمحات شي سياح كضورو تما اكيد غيكونو فالاوطيل ديال باه خاصها طلب شي نهار اسمهان تديها تشوفو ماشي بزاف حتى بانليها جاي وقدامو الخرفان كثار وجايين تتجاراو وقفات وهي كضحك وتنقز فاش شافتهم فرحانة دخلهم للارض يسرحو وهما جلسو حداهم كان جايب ليها معاه دفتر جدير وكتاب دالعربية ديال شي حد فولاد خواتاتو حلو وبداو وهي فرحانة غطير دارت يديها على خدها وهي تتشوف فيه فرحانة غطير
دينا:ايقراو الف عوتاني
خليفة:الا كتبتيه مزيان ندوزو لشي حرف اخر
حركات راسها باه وبدات تاني بشوية تتكتب حرف الالف وهو حاضيها وعينيه على البهايم جالسين على بعض وكل واحد مخبي اعجابو بهاد الوقت لي هما فيه بزوج قراب وبوحدهم حيت تاشي حد فيهم ممعتارف ولا عارف شنو هاد الاحاسيس هي مع يصحح ليها تتبقى تشوف فيه كتحمقها السمورية ديالو حيت مولفة لهيه تشوف غير الزعرين اما هو جاها مختالف وهي غير تنزل راسها تكتب كبقى يشوفيها تاهو تفاصيل وجها وملامحها زوينين مكحس على راسو حتى كجمع عينيههوكلقى نفسو ثاني حاضيها وللمرة الالف كبقى الرجل والرجل يعشق الدين والرقة تبسمات وضارت عندو:كتبتهااااا
شاف فالدفتر ولقاها فعلا قاداتها:مزيان دابا خاصك تعرفي الكلمات لي فيهم حرف الالف
حل الكتاب جيهة حرف الالف ونعت ليها فواحد الجملة:هانت أنا أكلت تفاحة حيدي هاد تفاحة وعطيني شي كلمة من عندك لهاد الجملة
دينا بقات تتفكر شحال وهي تنطق:انا اكولو مرقةً هيهي تغذينا بيها قبيلة
خليفة شافيها واحد الشوفة ديال واش منيتك:مرقةً؟
بدا كقلب فجنابو:ارا ليا شي عصى مرقةً قاتلك
دينا بدات تتضحك على راسها وهي شادة الكتاب عارفاها خطأ وهو زاد تأكد انه كثلة من الزليج ومزال تركيب الجمل بعاد تعرف بعدا غير تفرق بين كلمات الفصحى والدارجة السيدة راه مفورماطية حرك راسو بلا وتاهو كفرنس وكمل معاها كان كعطيها الكلمات لي كبداو بحرف الالف وكشرح لها كل وحدة بالدارجة خلاها تحفضاتهم مزيان وهو شاد معاها الخاطر وعرضاتهم عليه مغمضة عينيها وتتجاوبو:أرنب هي قنية
خليفة:شنو هو الأسد؟
دينا حلات عينيها:الأسد هو رݣراݣي ونايف أكرد وبونو منتخااب هيهيهي
ختمات كلامها بضحكة تافهة بحالها خلاتو يصغر عينيه شوية ويعقد حجبانو زعما كضحكي عليا جمعاتها ونطقات:لا لا غير كنضحك اسد هو السبع
خليفة:ايوا هكاك حسن جدا
ضحكات تاني لاحظ ليها بلي كضحك على اي حاجة روحها مرحة وزيد تتقول شي حاجة حامضة وكضحك ليها واخا من طبعو مكفرنسش على اي حاجة
بقاو شحال وهما هكاك وقيتة دازت كلا ضحك نساتها فبكاها شافت الشمس بدات تتغرب وهي تنوض:انا دابا نمشي غدا نرجع انشاءالله
خليفة مد ليها الدفتار والكتاب:دي معاك هادو وعاودي الكتبة ديال الكلمات باش تعقلي عليهم وتقادي خطك
دينا:هادي ديال ولد بديعة واناخدو؟
خليفة:غير خوديه دابا نشري ليه واحد وعقلي غدا انخليك تتنساي ونسولك
حركات راسها باه وناضت تتسوس حوايجها بغا يوصل معاها ولكن رفضات بغات تمشي بوحدها مبغاتش شي حد يشوفها ماشي خوف ولكن حشمة وهادي حاجة عاق بيها ومبغاش يحكر عليها هادي حشمات تمشي معاه فالدوار وبنت عمها تتجي عندو بوجه مطعرج ماكياج نفس الدم ولكن ماشي نفس الطباع ودعاتو وزادت معنقة دوك الدفاتر وفرحانة كضحك غير بوحدها وهو متبعها وزاد تبعها شوية حتى بانتليه وصلات للدوار ودخلات لدارهم
سناء:فين كنتي خالتي شحال وهي تقلب عليك
دينا: كنت غير نتمشى شوية وصافي
سناء نزلات عينيها للدفاتر:شنو هادو؟
دينا تسرطات لها الهضرة معرفات متقول:والو غير نتعلم عربية انا وصافي مهم فالليل ندير لك ماكياج
سناء حركات راسها باه وهي مشات تتجري طلعات خبات داكشي كن زادت سناء سولاتها منين جاوها اشغتقول لها ولمن مفكراتش بزاف قدما فكرات فالوقت لي دوزو وهي تتبسم
داز الوقت ظلام الحال وتعشاو كانت كتحرك بكل فرح وتتسخر وتضحك مع هدا ومع لاخر وهادشي لاحظاتو نجية وتتقول فبالها شكاين وهي قبيلة شافتها فاش حيدات لها السنسلة غطيح زوج دمعات للعين وهي مفراسها ميتعاود
كانو فبيتها سناء متكية وهي كتقاد ليها الماكياج وكتحتو وحداها بنتها لي نعسات
دينا:انا نبقى ديما ندير لك ماكياج ماشي مشكل درتو حتى لنجية ديك النهار
سناء خرجات فيها عينيها شوية:متبقايش ديريه ليها وياك
دينا بعدات عليها وهي تريد الريسيل ونطقات:بصح علاش؟
سناء هزات راسها شوية للباب ولكن كان مسدود بدات تتهضر بشوية:دابا حنا هنا عندنا عيب البنت دير الماكياج من غير الا كانت مزوجة وديرو فدارها هي كتنوض ديرو وتزوق وتتمشي ضور بخليفة خو اسمهان وهي داوي فيها واحد السيد
دينا فهاد اللحظة بلعات ريقها محساتش حتى نطقات:وهو يبغيها؟؟
سناء حركات صبعها بلا:لا لا داخل سوق راسو مسكين الله يستر ولاو دابا البنات لي كيرميو راسهم على الرجالة
دينا:حتى سمية تبغيه قالتها لي انا وسليمة
سناء:سمية مداوي فيها ممرشومة عادي كلنا دوزنا الزعطة ولكن باش تكوني داوي فيك واحد ونت عينيك فغيرو عييب وبزاااف الا مشى حتى عمي احمد ساق ليها الخبار هو ولوسي فضيحتها ميجمعوها شراوط والا وصلات للعريس يمشي يرميها وهاهي لا خليفة لي اصلا عينو ماعليهاش لا غيرو
سناء كانت تتعاود وهي تتسمع لها هاهي ثاني وحدة اخرى تشهد فيه بلي راه مزيان وداخل سوق راسو حيت بدات تتحس براسها فشكل من جيهتو مبغاتش ثيق وفالاخير تصدم بحال لي قبل منو تنهدات وكملات لسناء الماكياج وهي تتحاول تجر لها لسانها ولكن كاع كلامها عليه مزيان صراحة
سناء:معمرك تعاودي لنجية شي حاجة راه متخبي سر فجوفها ومسمومة ومتعطيكش حاجتها واخا منعرف شتعطيها نت سمحيليا واخا بنت عمك
دينا مكاين لاش تعتاذر اصلا جربات الدليل على صحة كلامها سناء ناضت تشوف فالمراية عجبها راسها واصلا هي زوينة وزادت برزات لها حروفها دينا:نصايب ليك شعرك؟
سناء:بصح ولكن الشيشوار كدير الصوت وخالتي وشيخي نعسو وحتى هبة غتفيق
دينا:انديرلك البلاك مكديرش الصوت
هزات شعرها سناء وبدات دينا تتقاد ليها عندها واحد الخاطر عجيب فهادشي ديال الكوافير سناء بقات تتشوف راسها فالمراية فرحانة:تهليتي فيا اصحايبتي الله يسهل عليك
دينا:ماشي مشكل نت اصلا زوينة
شكراتها بزاف وهادي كانت عكس نجية عتارفات بالجميل لي دارت معاها وهي فرحانة لاحت زيفها على راسها هزات بنتها لي ناعسة ومشات لبيتها دوز ليلتها مع رجلها اي مزوقة ليه مجات فين تسد لباب حتى بانتليها سليمة طالعة دخلاتها وجلسو مدات ليها واحد سنيسلة بحال هاديك ديال نجية:هاكي احبي هاهي لقيتها
دينا:لا لا اويلي انا قبيلة غير بغيت نشوفها والله
سليمة:شدي والله حتى غادي تشدي نت عطيتيني شلا بوماضات وانا منعطيكش
دينا تبسمات لها شوية مبغاتش ترضها لها فوجها خداتها من عندها ودارتها فعنقها:شكرا بزااف
بقاو جالسين شوية ومن بعد سليمة ناضت غتمشي قبل متخرج رجعات عندها:غتبقاي بوحدك من غير نزلتي نعسي معانا نضحكو شوية ونقشبو
دينا فكرات فالموضوع فعلا بعد المرات كتعطل عليها النعاس وتتبقى غير تقلب: واخا انا جاية
سبقاتها سليمة وهي هزات مخدتها وباش تتغطى وشوية السقاطة باش يسهرو ونزلات كانت الصالة عامرة بولاد عمها لي كبار وتادوك لي صغار منها شوية كلا واحد مشبح فقنت لايح عليه مانطة وعاطينها للضحك والتكركير نقز واحد منها:بنت العميم غتنعسي معانا
دينا جلسات وهي تتقاد مخدتها:اه هههه
ولد عمها 2:ديرو الفرانات ولي عدو شي مسارن يسدهم
سليمة لوات عليها المانطة وهي جالسة:هاه هاه براكة من التبرهيش لي عندو شي حباسات يديرهم راه عينينا كصبحو طايبين بالخنز
دينا فهاد اللحظة جبدات السقاطة لي جابت كرانشيبس كبيرة حلاتها وحلات الشكلاط وحطات الفانيد وشي تخربيق آخر:زيدوو
سليمة مدات يديها وهزات فانيدة:الليلة يباتو الحناش ينهشو فينا
ولاد عمها كلهم ناضو وكلا هز حاجة واحد فيهم جبد الكارطة من جيبو وجلس يدمص فيها:زيدو زيدو بسم الله شي طريحات والخاسر يشد العسة
كلهم ناضو ضارو بديك الكارطة شي جالسة وشي متكي فبلاصتو وهاز الكارطة كلعب طفاو الضو بقاو مضويين غير على ضو البيل دينا:نجية فينها؟
سليمة رمات الكارطة تتلعب:تتنعس وحدها فلبيت لفوق
بقاو عاطينها للضحك بشوية والمدابزة بالمخاد بالسكات وفالظلام دينا تتموت بالضحك ندمات لي مكانتش تتنعس معاهم منهار جات شبعات غير ضحك ونيت الجماعة مع ولاد العائلة فالليل قبل النعاس كتكون ناضية شلا ضحك وتعاويد وفينما يفيق شي حد من كبار العائلة يديرو براسهم ناعسين واحد من ولاد عمها هز داك شوية لي بقى فشيبس غير بيد وتبعها جغمة الموناضة خلاتو يتݣرع واحد التݣريعة حتى فاق جدهم غير سمعو حسو كلشي تكمل فبلاصتو وكلا واحد خشى شي كاغيط دالسقاطة معاه مخبيينو دينا تاهي مخشية تحت المانطة وتتموت بالضحك حتى خرجو لها الدموع
تسناو حتى طل جدهم لقى كلشي ناعس زعما غير رجع لبيتو وناض ثاني بقاو سهرانين شحال بالضحك والتقشاب حتى بدا كنعس بلواحد بلواحد وحتى هي طاحت دودة بلاما ترد لبال لتيليفونها ولا تشعلو
نهار جديد كانو على طبلة الفطور كفطرو وكهضرو شنو يديرو وكلامهم كولو على عرس بنت العيادي لي مبقى ليه والو وتاهما كعاونوهم وزيد غيبداو يجيو عندهم الناس حتى هما لان عائلة لعريس كجيو سعاد مرات عم دينا شي ريحة الشحمة فالشاقور وبنادم كثير ضروري يتكب عليهم تاهما تجمعات الطبلة ومشات جلسات تتجمع شعرها شفنجة وهي تتفوه شعلات تيليفونها لقات بزاف دالميساجات حيت طفى لها لبارح معاوداتش شارجاتو غير شافت ميساجو سيفط لها لبارح مجاوباتوش عينيها خرجو وعضات على شفايفها دخلات دغيا قراتو خليفة:salam Dina lbess mtnssaych tarje3i l3rbiya gheda Tkoni 3a9la 3la Kolchi
تنهدات وتفقصات كيفاش مجاوباتوش دارت ليه فوكال بعدما شافت فجنابها ملقات حد:سلام خليفة لباس سمحليا لبارح مهزيتش التيليفون صافي انا غادي نراجعهم شكرا
سيفطاتو وخرجات عيطات لماماها وباباها سولات فيهم وجلسات تتخمم وتفكر شنو زعما بدا كعجبها حيت صراحة اي حاجة كديرها تتفرحها وتتعجبها إذن مين عجبوها تصرفاتو اذن حتى هو غيعجبها جاوبات راسها بدوك الشوفات لي كتبقى تشوف فيه وتفحص فشكلو فملامحو تعابير وجهو يديه كلو تتفليه بعينيها تنهدات وهي تتبسم غير بوحدها وتتفكر لقاطاتها معاه داز الوقت تغدات من بعد مشات مع جداها وعيالات عمامها لدار العرس يعاونوهم كانت عامرة غطرطق خدامين فالحلوى وتزادهم حتى الدجاج الصنادق مستفين يكفيهم للعرس وحتى دابا للناس لكجيو فنفس الوقت كانو خدامين وكغنيو الاحتفالات كتبدا بايام قبل العرس دينا جالسة فواحد القنت وتتفرج فهاد الجو الخدمة ممزوجة بالنشاط والفرح والبهجة تنهدات وهي تتفكر العراسات لي حضرات لهم فامريكا ديال ناس ميريكانيين من معارفهم داكشي سامبل وخفيف ودغيا كساليو مختالفين كل الاختلاف على بلادها وعلاش لا والمغرب بلاد التقاليد والثقافات والتراث شافت فتيليفونها شحال فالساعة وهي تنوض نسللات وخرجات مشات بالخف لدارهم هزات الكتوبة وطارت لفين كسرح مكانتش دايرة معاه ولكن عارفاه غيكون ولات تتعرف امتى كدي الخرفان وفعلا مع بدات تتقرب بانليها تبسمات ودغيا قادات شعرها وزادت معنقة لكتوبة ومبسمة حتى وقفات عليه:استاااااذ
خليفة كان كحش الفصة بواحد المنجل وكجمعها فواحد الخنشة تݣعد شافيها:لباس
دينا بابتسامة:الحمدلله ونت؟
خليفة:حمدالله(طلع حاجب)نشرتيني لبارح
دينا فهمات شنو قصد:لا لا محسابليش غادي تسيفطلي معاودتش شارجيت التيليفون ونعست والله
كشوفيها كيف تتشرح ليه ومباغياهش يتقلق وحالتها حالة رسم ابتسامة شبه صغيره ونطق:مكاين باس يلاه جلسي نسالي هادشي وانا معاك جبدي حرف الالف كتبيه علاما نجي عندك
حركات راسها باه وجلسات تتكتب ومرة تشوفيه ومرة تتشوف فالخرفان مركزة معاه وتتشوف كيف خدام وباين كبدل مجهود حيت باش يقطع من الجذر ويبقى يجر فالفصة لي تابثة فالارض صعيبة كذاكرو مرة تهضر هي ومرة يهضر هو اكثرية كانت هي لقينا بلابلا وهو كسمع لها وعاطيها الخاطر وسط هادشي كانت واقفة بعيد وكارزة على يديها كلها تتغزل جاية تقطف لهندي حتى بانليها هاد المنظر كيفاش هي عمرها دواها كهضر معاها من فوق قلبو وهاذي جالسة معاه مجمعين مرة مرة كقرب عندها يطل على الدفتار رجعات تتشتف وتعاير معصبة غطرطق مين تسلطات عليها هادي وجات غير من وراها وشرات معاه المعرفة ولات تجمع معاها
محجوب:نجية وااانجية سيري كلمي ليا مك
نجية:راه مع لعيالات عند خيمة العيادي
محجوب: مشتيش بنت خويا بوبكر متخليهاش وحدها لتمشي تخرج وتلف
نجية هنا ضربات ليها طران فراسها دغيا نطقات:راهي وخليفة فالخلا ديال الفصة شتها غدابا
محجوب عقد حجبانو باستفهام:هي وخليفة اشكدير فالفصة هي بعدا
نجية:منعرف راه هي وياه شتهم ورجعت بحالي
كتأكد على ديك هي وياه فالخلا بوحدهم خلات محجوب مشى لهم يشوف اشكاين وهي حتى فاتها وبعد وهي تبعو بشوية تشوف اش غادي يوقع تخبات ورا واحد الدرݣة وبقات حاضية لفيلم وهي تتبسم تتسنى الجقلة تفرتك تطل مكانوش كبانو لها كبان غير خليفة واقف وعمها غادي جيهتهم وفنفس الوقت مباغياء تبان ليهم تاهي
اما عندهم هنا كانو مزال على حالهم هو محني كحش مرة مرة كضور عند الخرفان ولا يشوفيها هي لي كانت تتكتب وطالفة وذنيها معاه كان كحش حتى شوية بدا كدندن بصوت شبه مسموع:وااااشعيباه وااااشعيبااه
ومواصل خدمتو دينا وصلها صوتو ديجا سامعة هاد شعيباه قالها شي حد فولاد عمامها لبارح دارت يدها على فمها تتفكر ومع نطق تاني واشعيباه نقزات ىنطقات بكل ثقة فالنفس مبتاسمة زعما راني عارفة تانا بلاما تحس ثاني بلي زبلاتها للمرة الالف قدامو بلاما تعرف معنى شنو قالت:خانز تقيبااااااه
خليفة شافيها مخرج عينيه شوية لقاها مبسمة بكل ثقة فنفس يلاه غينطق وهما يوقفو عليه ولاد بديعة التوميين:خالي وااا خالي قرا معانا لفرونسي
خليفة:واخا سيريو تجلسو نسالي وانا معاكم
ولاد ختو نقدو واحد الموقف لي فات الإحراج بكيلوميترات لو كان عرفات معناها كن سخفات وهي تتحشم تشوفيها تتبوس فيهم محشمانة موالو هنا تأكد بلي راه معارفاش المنعى ديالها حرك راسو بلا وعطاها بالضهر مينكرش شداتو الضحكة وفعلا مسح على وجهو وهو كضحك بلا صوت هرب ليه فهاد اللحظة مع هاد السيدة لهاد الدرجة مفتاقرة العربية وراه بالسيف حياتها كاملة تما بالسييف واخا دابا تعلمات شوية على مقارنة كيف جات النهار الاول باركة عليه نت قزيبة ما قزيبة فهاد اللحظة وقف عليهم المحجوب:سلااام عليكم
خليفة تلفت:وعليكم السلام اهلا سي محجوب
محجوب صافحو:وتكدااير
خليفة:الحمدلله براك الله فيك ونت
محجوب ضار كشوف فدينا وولاد ختو لي كلهم جابدين الكتوبة:الحمدلله اشهادشي اخليفة قلبيتها معليم
دينا معرفات باش تبلات خافت شوية من عمها بكثرة ما انها باغية تبقى مع خليفة وباغية تشوفو متخوفة يقولها يتقلق عليها ويقولها متجيش عندو واخا مكانو كديرو والو نطقات بشوية:عمي انا نقرا العربية وخليفة يوريني
هنا محجوب بدا كضحك وشاف فخليفة:والله يلا غدير فينا خييير راه نص كلامنا مكتفهمو
بداو كضحكو صافي ودازت عادي لانه فعلا حاجة عادية وزيد ملقاهمش بوحدهم ولاد بديعة تاهما كانو هازين كتوبة اذن صافي ماشي شي حاجة محجوب:غاهو الا سالات اخليفة جيبها تالفم لباب الله يرضي عليك
خليفة:اه واخا مكاين باس شوف سي محجوب غدا لكنتي غادي لمركز واخا دوز معاك لبرامل ديالنا راني مدهي راك العرس ومجاي منو
محجوب:اهاه الله اودي مكاين باس غدا ندوز عليك خرجهم ليا ونديهم معايا
شكرو ومحجوب زاد كوصي دينا الا سالات تجي للدار وطلعها عليها باش تعلم العربية مزيان مع زاد شافت فخليفة:انا خفت يقولي منبقاش نجي عندك
مع نطقات كلامها كملات كتبتها عادي خلاتو هو تشوفيها بلاما تحس تتبين ليه مشاعرها وتتعتارف بلي كتبغي تبقى معاه وزيد بلاهادشي ميخفاوش عليه تصرفاتها معاه غير من شوفاتها ليه لي عند راسها بلي محاسش بيها كعرفها امتى طولات فيه الشوفة كلاحظ كيف كتزنݣ بزاف وهي معاه شلا حوايج قرب عندها بعدما رمى المنجل وجلس حداها كسوس يديه:حتى الا قالها انا نهضر معاه حيت تانا باغيك تقراي العربية
تبسمات ودارت يديها على خدها ونزلات عينيها على الكتاب تلفت لولاد ختو وصدرهم لحانوت يشريو بقى هو وياها الراس فالراس هز الخنشة لي كانت حداه جبد منها واحد الميكة ومدها ليها:هاكي
دينا ستغربات:شنو هادشي؟
خليفة:حلي بعدا وشوفي
هزات الميكة حلاتها مع جبدات اول حاجة عينيها خرجو وحلات فمها شافت فيه فيه مبتاسمة وفرحانة فنفس الوقت:زوينيييين بزااااف شكرا شكرا
خليفة: بحال هادي كانت عاجباك؟
دينا:هادي زوينة كثر
حمقوها وخلاوها بلا عقل كانو ربعة سنيسلات دالعقيق بألوان هادئة وراقية وزايدة عليهم الوسط واحد زواقة على شكل وريدة حسن بزاااف من ديك لي حيدات ليها نجية شافت فيه شوفة مطولة وهي مبتاسمة وتنهدات بلا حتى كلمة وتاهو كشوف فيها لغة العيون كانت كتقول كلشي فهاد اللحظة رجعات حلات الميكة وجبدات ݣاع داكشي لفيها هزات واحد الساعة يدوية كانت غزالة تاهي على شكل قلب فالغوز باااارد ومعاها براسلي ديالها:حتى هادي زوينة بزاااف غنديرها دابااا
وكانت محتاجة مساعدتو طبعا هزها بشوية حلها وركبها فالمعصم ديالها وهي كسدها كانت تتحس بصباعو دافيين وكدغدغوها فمعصمها خلاو تبوريشة خفيفة تسري فعروقها اما هو كان كسدها لها وعينيه تتسارا على سائر ذراعها لحمها صافي وبياضها مخلية سمورية يديه هو تعطي واحد الاختلاف شاسع ولكن زوين بينهم سدها لها وجرات يديها عندها تتشوف فيها جاتها زوينة مع يديها وحمقاتها هزات وحدة من السنيسلات وشافت فيه:انا غنديرها دابا
وفعلا عطاتها ليه جمعات شعرها عندها وركبها ليها وهي مبتاسمة واحد الابتسامة ديال الفرحة مكاينش بحالها مع سدها لها ضارت عندو عويناتها كبريو: شكرا بزاااف نت ضريف ومكاينش بحالك والله
خليفة بشبه ابتسامة:بصح؟؟
دينا:اه والله شكرا بزاااف متخايلش شحال فرحت
خليفة:تانا هادشي لبغيت غير تكوني فرحانة
نزلات راسها بخجل وهي مبسمة وهادشي لقتلو فيها غير الحشمة بقاو شوية تما من بعد ناضو جر خرفانو هو وغاديين معنقة الكتوبة وفرحانة غطير مرة مرة تتهز فيه عينيها شحال فرحها لبارح لقاها تتبكي على سنسلة وليوم جابليها ماحسن منها لهاد الدرجة مفكرها وعندها مكانة عندو وصلها لدارهم كيفما طلب منو عمها قبل مدخل ودعاتو بيديها خلاتو متبعها حتى سدات لباب وهو زاد دخل بهايمو تعزلات فبيتها سدات عليها وهي دايرة يديها على خدودها تتحس براسها فرحانة فرحانة غطييير جبدات الميكة وهي تتشوف فدوك السنيسلات لبارح كانت تتعاود ليه عادي ومتوقعاتش ابدا يدير هادشي نهار على نهار كتشوف منو شي حاجات لي زوينين كخليوه عزيز عندها وعلاش لا شي حاجة اخرى فور ما فكرات فيها خلاتها تزنݣ بزاف جبدات تيليفونها وسيفطات ليه كان مزال مداخلش من الصباح:chokreeeeeen bzeeeeeeef🥺❤️
رجعات حطات التيليفون وهي شادة السنسلة بين يديها حطاتها على قلبها وهي تتشوف فالصقف وتتبسم قدام بيتها بالضبط كانت وحدة عكسها فبلاصة الفرحة كانت تتحس بالنار شاعلة فقلبها تتفكر كيفاش باها رجع بلاما يقول والو وخلاها معاه تتبغي طرطق كن كانت هي كن دارو ليها حالة مفاهماش بلي هي معندها لاش تجلس معاه اشنو تاهي مكتعرفش للعربية مواعياش بلي هي داوي فيها واحد السيد وطالبها الحلال اذن حرام عليها اي واحد مباغياش تفهم بلي راه خليفة سنين وهو كشوفها كلا نهار كن كانت من نصيبو ميحيدو لها حد ولكن معمية وداك الحب والتعلق مخليها مواعياش بافعالها بدات تتحس بواحد الكره عجيب لبنت عمها كيفاش جات غير لبارح ودارت لي مقدراتش ديرو هي سنين ولي هو تدي وتجيب معاه فالهضرة سمعات شي حد كعيط لها زادت من تما تتسب وتلعن فحظها وفدينا تاهي
داز الوقت كانت مخشية فالصالة مع ولاد عمها مجمعين شادة الطيليفون كتهضر مع زوي ومرة مع معتز تݣعدات بشوية وتبسمات فاش شافتو جاوبها جواب خلاها تعض على شفايفها
خليفة:tesstahli Ayi haja 3jbatk goliha Liya mdssri TA whd
راه طايح ليها على نقطة ضعفها هو الاهتمام لي ممحتاجاهش من عند واليديها وانما من عند شخص ليكون طرفها الاخر تحس براسها مهمة عندو وفعلا هادشي بدات تتحس بيه معاه من نهار عرفاتو كيف كسول فيها كيف كهضر معاها المواقف ديال الاحراج لي جمعوها بيه وعمرو خلاها تزيد تحرج كثر نهار عايراتو معاملهاش بشي طريقة خايبة بكل بساطة تصرفاتو فيها كل ما تعشق الانثى الاهتمام الرفق وعاد زيد ماشي غتصرفاتو هو شكلو جذبها من اول مرة شافتو سميمر هكاك والطولة والتجريدة والوسامة والشهامة ساهية تتخمم مفاقت غير على صوت ولاد عمها يتݣرعو تقول واكلين الضلعة دخلات جاوباتو: Chokren❤️9oli ylh saliti
مع سيفطاتو دغيا دخل شافو وجاوبها:yalah tkit wa chhal dyl lbachar ou chhal dyl lbrahech 3la wjh khti Ama nbda nhez ou nchiyar
ضحكات بشوية ديما كلامو كضحكها وهاذي من بين الحوايج لي زوينة معاه مين كطلاقاه وهي تتضحك كفوج عليها
خليفة:ah fkrtini gbila dik ch3yba mt3wdich tgoliha tani
دينا ستغربات:3lech yk kigolha Kolchi ana sm3at Mohamed wld 3mi kigolha
خليفة:hdrt m3ak mhm nti mt3wdich tgoliha😑
دينا:wakha SF wch 3rfti bli mama ou baba 9rib yjiw ou ghdi ngolihom Nta ahssen whd t3rft 3lih hna😍
خليفة تبسم وهو كشوف فكلامها شحال حلو لهاد الدرجة تكون فرحانة وهي معاه كلامها كبين هادشي وحتى فاص كشوف عويناتها كبريو تنهد وهو متكي داير يدو تحت عنقو ولوخرا شاد بيها التيليفون تفكر كون قبيلة عمها سمعها اشقالت كانت فضيحتهم فضيحة وغيمشي بالو بعيد مزال خاص يوريها شنو خاص تقول ومتقولش الى جانب العربية لكقريها بقاو كهضرو شحال من بعد توادعات معاه حيت خاصو يمشي ينعس كفيق بكري وكقيل يحرت من حاجة لحاجة النهار كامل حطات التيليفون وبقات مجمعة مع ولاد عمها ولكن عقلها شارد وغايب لجيهة اخرى زوينة بزاف فوقما فكرات فيها تتحس بالفراشات والابتسامة مكتفارقش وجها
دازو شي ايام قلال وطايرين مكانش بقى بزاف لواليديها ويجيو دوزاتهم عاديين خروج ودخول مع سليمة وتمشي عند اسمهان لي حمى الطرح فدارهم بالتحضيرات والدار عمرات وكانو كلا نهار كجلسو على التطبال والغنى وهادشي حمقها بزاف اما هو كان كطلاقاه مرة مرة للقاها فدارهم تدهى بزاف وزيد مشات مرة وحدة عندو تقرا ولكن من بعد نساحبات حيت بانليها مشغول بزاف كتشوفو كيف كظل يتسخر غير يجي يعاود يهز الطوموبيل ويمشي لشي بلاصة اخرى واخا كان عمها وجدها وعمامو هو معاونين فشي حاجات لكن كبقى الحمل عليه هو كانو العيالات مكلفين بالطبخ والعروسة وشنو غيتحط للناس وهو وبااه داكشي ديال اللوجيستيك الخزانة الجوق شحال من طبلة وبزاف الوقت كقرب والضغط كتزاد داكشي باش مبغاتش تزيدو حتى هي حتى وكان يسالي واخا هو مقاليها والو وسولها علاش متتجيش وفالاخير تافقو يبقى يقريها فالليل غير فالتيليفون بالميساجات يسولها وهي تجاوبو
المهم الميساجات كخلفو داك الوقت لي مبقاوش كطلاقاو فيه بزااف كانت جالسة كيف ديما فالعتبة ديال لباب دارهم حاضية لي غادي ولي جاي وهاد المرة كانو الوليدات لي كلعبو فالزنقة كثااار بحكم تزادو عليهم ولاد الضياف الصداع والحركة والداخل كثر من الخارج لا فدار العرس ولا حتى عندهم حيت دار العرس كثر عليها الخلق وخداوهم هما جلسوهم عندهم وزيد مكانوش برانيين بل كانو من معارفهم العرس بقات ليه خمسة دالايام خاصها تبدا توجد راسها ودير الماسكات وزيد طلباتها سميحة تكون معاها فحمام العروسة باش تعاونها فالبرودويات وداكشي وتاهي كانت فرحانة اول مرة تكون فبحال هاد الطقوس وهي وسط سهوتها تلفتات فاش سمعات شي حد كعيط لها كانت بشرى:ديناا يلاه معايا للعشة نعطي للدجاج ياكل
دينا حركات راسها باه وناضت تبعاتها غاديين وكهضرو حتى ضارو ورا الدار لواحد لبليصة كلها ضايرة ببحال الݣرياج قصير دينا غير شافتهم عينيها تحلو:واااااااااو
كانت كلها عامرة دجاج وفلالس حمقوها بزاااف عمرها ردات لها لبال حتى فدار جدها نسات الدجاج ݣاع:عطيني عطيني نعطيهم يلاه ندخلو عندهم
بشرى عطاتها شوية الذرة فيديها:لا اختي تجوقو عليا ديك النهار نقبووني
دينا بقات تترمي لهم وهما كجيو جيهتها كان حابسها عليهم غير لݣرياج اما دخل عندهم بشرى تلفتات وراها:خليفة تعالا اخويي جبد ليا شي بيضات عيشك خفت ينقبوني بحال ديك المرة
دينا غير سمعات سميتو تلفتات كان جاي اصلا وعينيه عليها تبسمات ليه وحتى هو بادلها الابتسامة وعينيه على عنقها لي فيه السنسلة لي جاب لها حتى ضار لختو:شحال باغية؟
بشرى:ربعة شوف راه بانوليا شي وحيدات فالقنت معرت شكون حطاتهم
خليفة لباب دالݣرياج ودخل وهي متبعاه كيف مخايفش وسطهم مشى نيشان لواحد لقنت وهز ربعة لبيضات لي كانو بلديين ومدهم لختو ورجع كقلب واش كاين شي بيض آخر
بشرى دارت لبيض فسطيلة الذرة:يلاه زيدي ادينا
دينا عينيها على الفلالس:بغيت نهز واحد
بشرى:غيهربو ليك قولي لخليفة يشد ليك شي حد خليييفة هز لدينا شي فلوس انا غادية ندي لمي لبيض تسالي جي
دينا حركات راسها باه مجات فين تضور حتى لقاتو واقف حداها وهاز لها واحد غا بيد تبسمات فرحانة مداتليه تيليفونها ودارت يديها بزوج مع شداتو حسات بالترعيدة كان كدغدغ يديها برجليه وكان صغيور حمقها وكيووت خليفة كانو عينيه عليها وعلى شكلها اي حاجة تتفرحها وهي اصلا غير تتفرنس شخصيتها طفولية وبحال شي بنوتة صغيرة خالية من التصنع هادشي باش طيحاتو كشوفيها تتفرنس وتتهضر مع الفلوس فلوسة هازة فلوسة خخ شافت فيه وفيقاتو من سهوتو:صورني انا وياااه
داكشي لي دار تبسمات وهو بين يديها صورها شلا تصاور معاه مع بغات تاخد تيليفونها مداتو ليه سد وراه لباب ديال الݣرياج ونطق:غاديه معاك
دينا خرجات عينيها:بصح شكراا عجبنييي بزاااف
تبسم لها وزادت هي وياه للدار وهما غادين صونا ليها التيليفون ضار شافيها وهي تنطق:هادي صاحبتي زوي
مع كملات كلامها جاوباتها بالانجليزية:الو زوي توحشتك بزاف
زوي:حتى انا كدايرة ولفتي شوية تما
دينا عوجات عنقها باش تلصقو الطيلي مع كتفها وتبقى شادة الفلوس بين زوج يدين تنهدات ونطقات: ولفت اختي وبزاااااف
زوي:بصح ايوا مزيان وهداك مزال فالبال
دينا هزات عينيها لخليفة لي غادي حداها ونطقات:نساي الماضي والوسخ نسااااي شحال مطاح فبالي غانت لفكرتيني فيه دابا
زوي باستغراب:تقدم ملحوظ هدا وشنو السبب ولا ياكما شي جديد امسخوطة
دينا عينيها على خليفة تنهدات ونطقات:واحد الجنتلمان واحد الشخصية واحد الوسامة كلشي كلشي
زوي:بصح شكووووووون هدا شكووون حمستيني هي ضبرتييي واناا مفراسي وااالووو وااااو وبهاد السرعة
دينا:تانا مكنتش متوقعة ومعرفتش كيف وقع هادشي ماشي غير لكراااش راه ولا شي حاجة كثر
زوي:خاصك تعاوديلي كيفاش وشنو وقع وزيد قلتيها ليه؟
دينا:لا اختي منقدرش كنحشم منقدرش نقولو راع كعجبني اويلي كنحشم منو بزااااف
زوي:ونت كيف جاك زعما واش تانت كتعجبيه
دينا: معرفتش صراحة واش حتى انا كنعجبو ولا لا او منقدرش نسولو ومنقدرش نعتارف ليه ولكن اهم حاجة صاحبتي كتعامل معايا زوين وكسول فيا اشغادي نقولك
خليفة بشوية جرها من دزاعها مݣيدها حيت كانت غادي تزطم على حجرة:عنداك الحجر
دينا يلاه كانت كدوي على الاهتمام وتتوصفو نطقات زوي:صوتو هدا شقالك
دينا عاضة على شفايفها وعينيها عليه: قالي عنداك حجرة قلتها ليك اصاحبتي انا كنذوووب
زوي:بعدا صوتو زوييين رجولي معرفت كيف كقولو لها البحة خاصني نشوفو اصاحبتي
دينا:صافي تنشوف كندير او نصورو لك هانت نخليك دابا واحد شوية ونعيط لك صافي
قطعات معاها بعدما عبرات ليها مزيان وكلامها كولو بالانجليزية طبعا كانو وصلو للدار يلاه غيدخلو وهي تنطق:انا غنمشي
خليفة عقد حجبانو شوية:علاش مالك مغدخليش؟
دينا:انا نلعب شوية معاه ونجي
كانت كتقصد الفلوس حرك راسو شوية باه ومشات بقى حاضيها حتى جلسات فالعتبة ديال دارهم وهو دخل
سليمة:ياااه هزيتيه هاي هاي صافي وليتي بنت لبلاد
دينا تكاحزات شوية باش تجلس حداها:لا لا مهزيتوش بوحدي عطاه ليا خليفة
سليمة جلسات:اه اذن ماشي ديالنا ايوا مزيان نت معمرك ممشيتي لعشة ديالنا اصاحبتي
دينا:صافي تتبغي تعطيهم ماكلة ونمشي معاك
بقاو جالسين شحال كلعبو معاه وقدامهم لبراهش كلعبو بالكورة طلات نجية وبقات واقفة شوية بلاما تدوي مع دينا لي لاحظاتها هاد الايام قاطعة معاها الهضرة وحتى مهضراتش معاها منساتش شنو قالت فيها وشدارت لها رجعات دخلات نجية هنا سليمة وهي تنطق:دينا بغيت نقولك شي حاجة
دينا غير تتسمع هاد الجملة كشدها التوتر:شنو ياك لباس؟
سليمة بقات شحال ساكتة وهي تنطق:احسن حاجة درتي هي تفارقتي مع ولد خالتي مراد
دينا لسانها تربط من نهار جات معمرها جبداتو ݣاع متنكرش انه هاد الايام الاخيرة غاب على عقلها ومعاودش فكرات فيه لانها تشغلات وبالها حتى تشغل بالتفكير فواحد اخر نزلات عينيها ملاهية بالفلوس بلاما تنطق
سليمة كملات كلامها:مراد ماشي ديال العشرة عندو 25عام ومزال كدير فعايل ولاد الثانوية وزيد معندو مستقبل انا صراحة مكنتش عارفة حتى تفارقتو ووصلاتني الخبار
دينا قاطعاتها:اذن كلشي كان كدوي عليا
سليمة:لا لا والله مكان عارف شي حد غير هو قالها لنجية وهي قالتها ليا صافي
دينا:انا اصلا منكدبش عليك نسيت وخرج من بالي ميصلاحش ليك
سليمة:احسن حاجة ومهم ردي بالك ونتمنى تبقاي شادة فنفس هاد الكلام
دينا مفهماتش شنو تتقصد قدما عتارفات لراسها انها فعلا مبقاتش كيف الاول جات مدمرة وتتقول صعيب ننسى ولكن دابا لا نادرا مكزور عقلها زعما بهاد السرعة تكون نساتو وهي تتفكر لمحات خليفة وكملات تفكيرها بلاما تحيد عينيها عليه واش حيت هدا شغل بالها داكشي وحيت حسن منو ومشافت منو غير الخير واش حيت من مور ما خدلها مراد مسداتش باب قلبها وخلات واحد آخر يكسب مشاعرها يكون هادشي لخلاها تنساه دغيا ولا اصلا مكانتش كطلب مجهود لانها فقط كانت نزوة عابرة واش نساتو بسباب خليفة حيت عمرها طلاقاتو ݣاع عمرها وقع لها معاه شي موقف عكس خليفة معمرو عطاها شي حاجة بحال خليفة هو كان كبغي يعلمها تنطق الكلام الخايب ولكن خليفة لا قالها متعاوديش تقولي ديك الكلمة قدام شي مختالفييين بزااف وكلا واحد بعيد على لاخر لا فالتصرفات لا فشنو جرا ليها معاه مراد بكاها وقاليها كلام قبيح وطعنها فعرضها ولكن خليفة فاش كتكون معاه دموعها كطيحو بقوة مكضحكها وكتكون فرحانة فاش كتشوفو كانت تتشوفيه خارج من الكوري وكدير دوك المقارنات مفيقها من سهوتها غير صوت واحد الهوندا وقفات وبداو كنزلو منها شي ناس سليمة ناضت عندهم وهي مع حولات عينيها على خليفة طلاقاو نيشان مع عينين واحد الشخص كانت كتفكر فيه غير دابا مكاملاش نصف ثانية هاهو بعث وهو نفسو لكانت كتقارن بيه خليفة وشكون من غيرو لي بكاها ومخلا مقال فيها وبسبابو هي فالعروبية
#يتبع
شاركنا رأيك في هذا الفصل 🌹