الفصل 3: زماكرية في العروبية

مطولاتش فيه الشوفة ݣاع وقفات وسلمات على الناس لي كانو معاه وعرفاتهم طبعا مو وختو وخوتو وبااه مفراسهم ميتعاود اصلا سلمات على كلشي عادي ومجات فين ضور حتى لقات بلي الدور عليه فالسلام مدات ليه يديها بكل برود مكانتش كتصنعو وانما فعلا كانت حاسة بيه تصافحو بليد بلا حتى كلمة وهو كشوف فيها كحاول يقرا معاليمها ووجها جرات يديها عندها شافت فجداها خرجات ترحب بالناس هما دخلو وهي قلبات الضورة تتقلب على خليفة بعينيها مبانش ليها وهي تدخل للدار عندهم الدنيا مطرطقة كيف ديما بقات مع لبنات شوية ورجعات خرجات تتفكر كيفاش اتصرف قدام هاد خينة بعدا اول حاجة ضحكتها تكون واصلة تلودنيها وداكشي لي كاين معرفاتش علاش حسات بالبرود من جيهتو فاش شافتو متوترات متدهشات وهي لي كانت تتقول مغنقدرش نساه شنو زعما حيت خليفة خلف بلاصتو وخدا مكانة زوينة فقلبها وحيت مختالف عليه ودوزات معاه فعشريام لي مدوزاتش مع مراد مدة عامين كانت لكقولوه فالتيليفون اليوم يعاودوه غدا اما خليفة لا جمعوها معاه مواقف وتصرفات تنهدات وخوات راسها مبغاتش تفكر فيه بزاف شافتو خارج ثاني من الكوري ودافع واحد الكرويلة تبسمات ليه ونطقات:فين غادي

خليفة:يلاه زيدي معايا غادي لجنان التفاح

دينا:وااو عندكم التفاح هنا

خليفة دفع الكرويلة:هانت غتشوفيه

بقاو غاديين بزوج بديعة لكانت خارجة غادية جيهة عشة الدجاج بانوليها من بعيد غاديين بزوج كيف شي زوج حلاقم تبسمات وزادت كانت الطريق كلها حجر شي لمخليه حاضي معاها وكلا مرة يقولها عنداك ويوجهها منين تمشي غاديين وكذاكرو حتى شهقات:اييي

خليفة ضار عندها دغيا:مالكيي

دينا حيدات صندالتها وهزات رجليها شوية وهي تتنعت فݣدمها:كضرني هناياااا

خليفة تحنى وشد رجليها بشوية وبدا كقلب ليها فݣدمها كانت حاسة بصبعو على رجليها كدغدغها ملقى فيها لا شوك لا زاج اذن غتكون غير زطمات على شي حجرة(ناري فاش كطلع ليك شي حجرة مع رجليك وخصوصا الݣدم🥲)بشوية نزل ليها رجليها وخشاها ليها فصندالتها وقف ونطق:اتكوني عفستي على شي حجرة اجي طلعي هنا اجي

مخلاش ليها فين تهضر فرش لها ديك الخنشة فوق الكرويلة وشافيها:طلعي

بانتلينا فكرة مزيانة وزيد باغية تجرب شافت فجنابها مكاين حد ومشات طلعات بقاو رجليها مدليين شادة مع جناب الكرويلة وهي كضحك وهو دافع بيها عاجبها الحال بزاف

خليفة:كضحكي

دينا:عجباتني بزاااف

هنا زاد فالسرعة وولا دافع بيها بالجهد وهي كضحك وتقولو لا واخا هكاك عاجبها الحال وتاهو كفرنس وكشوفيها كيف فرحانة وهادشي لبغا بغا يضحكها شوية وفنفس الوقت غتبقى تعفط على الحجر تتلقعها حيت بانوليه رجليها زوينين بحال وجها ماشي ديال ديك الارض عندهم وصلو لجنان ودخلو مد ليها يديه باش توقف ساست حوايجها وتتشوف شحال ديال شجر التفاح تما عجبوها بزاف:وااااو دابا هدا ديالكم كامل

خليفة حرك راسو باه ونعت ليها فواحد الجيهة:راهو ديالكم نتوما

تلفتات لجنان ديال عائلتها كان بعيد ولكن كبير تاهو وضاير بيه الݣريااج

بقات تضور تما وتشوف كانت ريحة التفاح زوينة وفايحة بزاف طلعاتها مع نيوفها تتحس بريحة الطبيعة التراب الشجر هو كان كحل الخنشة وبدا كقطف التفاح وكخشيه فيها مرة مرة كضور عينيه لها لتمشي تبعد وتلف دينا وقفات قدام واحد الشجيرة كلها تفاح عينيها مشاو لواحد التفاحة كانت غير عليهم حمرا وزويينة كانت عاطية للعين ولكن بعيدة مدات يديها بغات تشوف واش غتوصل لها ولكن بعيدة جربات تنقز والو و اصلا هي قصيرة شوية حسات بيه وراها تلفتات مع بانليها مد يديه غيقطفها بسهولة كان واصل ليها وهي تحبسو:لا لا لا

خليفة شافيها:مالك مبغيتيهاش؟

دينا:بغيت نجبدها بوحدي

خليفة طلع فيها حجبانو وتكاحز مربع يديه:يلاه جبديها نشوف

دينا:حتى انا طويلة هانت غتشوف

عطاتو بالضهر وبدات تتنقز باش تقطفها ووالو غير تتسخف راسها على الخوا وهو كحرك راسو بلا والله معندها غرام دالعقل باغية تجبدها بوحدها يدير لها خاطرها قرب عندها بشوية حتى شافت فيه جلس قفازي ونطق:طلعي نزيدلك شوية فالطول

فهماتو شنو بغا يدير قرباتلو بشوية تتشوف فجنابها واش كاين شي حد على اساس هو راه مفكرش فهادشي فرقات رجليها بشوية وطلعات فوق كتافو حكمها من رجليها ووقف بيها وهي تتضحك قربات وقطفاتها شداتها بين يديها وهي تتشم فيها وبدات تتشوف فجنابها كبانليها كلشي من الفوق دينا:سعداتكم نتوما الطوالين تتشوفو كلشي

بدا غادي بيها من شجرة لشجرة كتقطف ݣاع داك التفاح لي بعيد داير لها الخاطر حتى بغات تنزل نزلها بشوية وهي شادة تفاحتها فيديها:كن غير كنت تانا طويلة بحالك وبحال ختي جوليا

خليفة:حتى هكا زوينة(ضار كقلب على التيو باش كسقيو)بلاتي نغسلها لك

دينا:لا لا مغاديش ناكلها غادي نخليها عندي

وضماتها عندها وهي مبتاسمة مجا فين يهضر حتى خرجات عينيها:ناري هاديك لي ضرباتني ديك النهار جاية

تلفت يشوف شكون وهي تخبات وراه كانت نعيمة جاية هي واسمهان وبشرى وواحد زوج ولاد عمو جايين يقطفو معاه التفاح لي غيحطو فالعرس يلاه يغسلوه ويقادوه ويتحط حتال للناس لي كاينين دابا

خليفة:معندك مناش تخافي تقربليك نشقها

اسمهان:دينااا نت هنااااا هاي هاي طحتي على تفاحة زيينة

دينا كانو عينيها غير مع نعيمة لي مداتهاش فيها ݣاع ودغيا دخلات بين الشجر وتتشوفيها كيف غليظة مين مجلساتش عليها داك النهار عندها الزهر

اسمهان:اويلي تمالك زيدي معندها مدير ليك

خليفة لقاها سبة جرها من ذراعها بشوية:تعالي حدايا مغتقربش لييك

بداو كقطفو كلهم وهي واقفة حداه تتلعب بتفاحتها وحاضية نعيمة لي واخا هبيلة معاوناهم وتتقطف فلحظة جات وقفات حدا خليفة حطات التفاحات لي قطفات فالكرويلة بدات تعبر فطولو وهي طلق حلوقها حتى قفزاتهم

نعيمة:ياااااا رااااه كتاااااافو عراااض وديال السلهااااام

خليفة:بسم الله الرحمن الرحيم مسينا عالله

اسمهان جات حداها وبدات تتخمس بيديها:قل اعوذ برب الفلق ضربي ليا خويا بالعين قولي ماشاءالله على طولو وتجريدتو

نعيمة:واااخليفة راني وجدت قفيطين لالة مولاتي امتى نمشيو لاݣار نضربو لكاغط

خليفة تحنى كوش على حجرها وضار عندها:والله وما تݣعدي من حدايا ياتا نسيفطهم يقراااو عليك مسينا عالله خزييت بغيتي ليا غا تي والزواج

كلشي ضحك عليها وحتى دينا ضحكها تاهو تلفت مخنزر تتخرجو على طوعو واخا كعيا يراعي انها حمقة ولكن قجرات عليه غجيب بيها الفال وزيد مبغاهاش تجيب عليه حماقها ثاني قدام دينا لي النص فكلامهم مفهماتوش بقى هكاك حتى رخاها وبدا يضحك تاهو عمرو الخنشة مزيان من بعد زادو بحالهم مجموعين حيت ظلام الحال مشات معاهم لدارهم كانت نيت جداها مع يزة مزال حاصلين فالحلوى دخلات مع لبنات لواحد لبيت وكانو تزادو بنات آخرين دالعائلة جلسو على الماسكات وهادشي تنفع هادي ما ضر

سميحة:امتى غادي تصاوبي لي ظفاري احوبي

دينا:يمكن غادي ديري لحمام ياك خلي حتى نعومو باش متحيدش ليك

وحدة من بنات العائلة:وريني ادينا ظفارك هدا الجيل ياك

دينا بسطات يديها:اه ولكن مدرتوش هنا ضرني بزاف نتسنى غير ختي تجي تحيدو ليا

لبنت:غزااال حتى انا كنت درتو واحد المرة ولكن مصاوبوهش ليا زوين

بقاو كهضرو على الوصفات والظفار المهم كلام دالبنات الدار عندهم غطرطق والداخل كثر من الخارج برا كان الظلام فالدوار من غير ضو دالبالي كانت جماعة دالرجال برا يلاه رجعو من صلاة العشاء وجالسين برا كان منهم خليفة وباه عمام دينا وجدها كهضرو فامور العرس الفلاحة المهم هضرة دالرجال

مراد خارج من الدار تتجبد وتتكسل خاشي كلاكيطة فرجليه شاف الجماعة قصدهم:السلام عليكم

الكل:وعليكم السلام

ريح مشاركهم فالهضرة طاحو عينيه على خليفة وهو ينطق:وجهك مغريبش عليا اعشيري

خليفة شافيها عبرو بانليه من دوك صحاب السقازو وحتى الدخلة باش دخلو جبهاوية:معندك فين تشوفني من غير الدوار

مراد:كطلع لتيران وداد راجا الجيش ولا والو

خليفة:لا معنديش مع داكشي غالصداع حدي التلفازة ولا شي ماتش مع ولاد الدوار

مراد:ضروري نقصر معاك الخاوة

خليفة مبغاش يطول معاه فالهضرة معندوش مع داك النوع الجبهاوية وكثرة اللغا بلا فايدة كقرا بنادم من الشوفة واخا يلاه تعرف عليه ولكن محملوش:انشاءالله

بقاو شحال تما كهضرو ومراد تخشي راسو بلابلا حتى تفرقو وكلا زاد لخيمتهم فدار العرس كان العشى تحط عبارة عن كسكسو كلشي ضار بالطوابل لي كانو فكل صالة فرقو بنادم دينا كانت مزال معاهم غسلات يديها ورجعات للصالة لي كانت فيها مع لبنات لقات الدراري ولاد عمهم وشي دراري آخرين من ولاد لعائلة كبار وصغار ضارو بالطبلة تاني تتقلب على فين تجلس حتى لمحات خليفة لي اشار ليها بعينيه تجي حداه وداكشي لكان قربات بشوية وهو كقاد ليها الوسادة جلسات وهي مبسمة حتى رصى كلشي فبلاصتو وتقادو شحال عجباتها هاد الجماعة والجلسة فالارض ناض خليفة بحكم هو لكبير مشى جاب القصرية من الكوزينة كان كسكسو بسبع خداري بقوامو باقي الفوار طالع منو مدردر بالحمص ضارو بالݣصعة كهضرو وياكلو ويضحكو وهدا الحال الماكلة الجموع دينا كانت الوحيدة لي كتاكل بالمعلقة ولاحظات هادشي حطاتها بشوية ومدات يديها بغات تاكل بيديها بحالهم مع قاصد السميدة وهي تقفز سخونة خليفة مع مع هز المعلقة لي حطات وجر ليها كسكسو جيهتها وسطحو لها مع القصرية باش يبرد الطريقة التقليدية ولكيدير اي مغربي باش يبرد ليه كسكسو

جمعات الابتسامة لي كتعبر بيها على انها فرحانة وتبسماتها لداخل خلات الفراشات كلعبو لها فالمعدة وهو كقادليها حط المعلقة وشافيها:كولي دابا هاهو برد

داكشي لكان مدات يديها وبدات تتاكل فعلا كان دفى شوية لاحظات بلي ككورو كسكسو وكرجعوه كورة أي اللݣمة كانت كتشوف ماماها وباباها ديما كديروها ولكن عمرها صدقات ليها بغات تجرب ثاني بحال كلشي جمعات كسكسو وهي تتشوف فيد بديعة كيف كدير عيات تجمع فيه بيديها ووالو زفرات وكلات داكشي مع مدات يديها تاني وهو يمد ليها كورة مقادة مصوبة حطها ليها فالرحى ديال يديها

خليفة:هاكي

دينا خداتها من عندو وهي مبسمة ليه:شكرا

ضار ككمل هضرتو مع الداراي وتاهو كلݣم كلات الكورة لي عطاتها وجاتها بنينة كثر حيت من عندو ݣعما سخات تبلعها مع سرطاتها تنهدات واش كقرا افكارها هدا راه بزز تتحبس راسها باش مدويش ليهم تما وتزلع بقاو هكاك كلݣم كورة ليه مع يسيفطها ككور وحدة ليها صغيرة على قدها يدها عكس هاديك لي كدخل هو فوجهو وزيد يديه هو ماشي هما يديها وهي فرحانة غطير تيضربها السقف وتعاود تنزل

بديعة بهمس:تي شوفي خوك

خديجة دايرة زيفها على فمها تلݣم وتهضر:شفتو غاخليه تاهو مسيكين معليهش الله

بقاو هكاك حتى كملو ديك القصرية بقى فيها غير الدخان طالع كانت اول وحدة تحبس ورجعات اللور وصلو للحم لي ختمو بيه وكيف ديما كان الكبير لي كفرق اللحم بدا خليفة كعطي لكل واحد حتى وصل عندها كانت راجعة اللور حط ليها فبلاصتها وضار عندها:هاهو ديالك خليه تايبرد

قربات بشوية وهي تتنفخ على لحمتها بدات تتقطعها بصباعها وكتاكل كان واحد من ولاد خالو جاي من كازا كشوف فيها ومكانش صغير كبر منها شوية كوزن فيها ضار عند خليفة ونطق:ولد عمتي واش هاديك هي مولات الوريقات وبياااسة اصاحبي

خليفة يلاه غيهز يدو وهو يجمعها العائلة الفرح بلا شوهة وعلى قبلها هي باش ميتروش الشبوهات كتافى فقط يضرب فيه بشوفة ديال القرطاس ونطق بصوت متحجر:لقلا**هادو ماشي الوريقات زندتيها ونوض تهز حيد جمع عينيك وكون تحشم

ولد خالو معاودهاش معاه عارفو مكبغيش بحال هاد التبرهيش وماشي بحالهم كجلس يجمع بالبنات وعارف الا زاد معاه الهضرة غينوض يشقو عارفو كيف داير واخا ضريف ولكن الا ناض كقصد ناضت دينا بغات تمشي بحالها لصقات فيها اسمهان:انا نوصل معااك

بديعة:جلسي نت تاكلي الديسير فين غادية زربانة

كلهم شدو فيها ولكن والو تتحس براسها عيات بغات غير تحط راسها وعظامها خلاوها على خاطرها بديعة طلبات ولد عمها دريس هو لي يوصل دينا حيت الظلام متقدرش تمشي غاهي واسمهان فيه غازوج وليات دريس:نغسل غايدي وانا معاك

دينا حركات راسها باه وهنا رجع خليفة لي كان مشى يغسل يديه ويجيب الطبسيل ديال الديسير عرفها بلي باغية تمشي وعيات وبلي ولد عمو هو لي غيوصلها مع رجع هضر معاه

خليفة:غا جلس ادريس انا لي غنوصلها نت سير طل على العشة شوف واش الباب مسدود

دريس هز تفاحة:واخااا

دينا مشات لبسات صندالتها كتسناه يخرج خليفة تحنى على الطبسيل حاجة حاجة من داكشي لي حاطين تفاحة وبنانة وليمونة وقصدها مدهم لها صحة:شديي

دينا حشمات قدام العائلة لي اصلا مكانوش مسوقين من غير بديعة وبشرى لي كانو جاريين معاهم من الاول ودعاتهم ومشاو خرجو

غادين صوت خطاويهم هو لي كتسمع داير يديه فجيابو ومرة مرة كشوف فيها حاضنة ديك التفاحة والبنانة الظلام من غير ضو البولة ديال برا هي لي ضاوية وصوت الصرصور جبدات تيليفونها وهي غادية بدات تدير فيديو فالسناب وتتحاول تشدو معاها كان عالي كبان فالفيديو حيت طويل حتى عاق بيها شاف راسو فالكاميرة وهو يتبسم وهز حجبانو زعما هانا غاصوري شي لخلا تضحك ويتشد داك الفيديو زوين شافت ونطقات:زويين

خليفة كشوف فالفيديو:ݣعما شدات فيا البيوضية تانا باقي مصدي

دينا شافت فيه:لا لا زوييين

خليفة وهو كشوف قدامو فالطريق ويديه فجيابو:غاحيت نت زينة كتشوفي كلشي زييين

كتافات بالابتسامة وهي تتحس بالصهدة طالعة معاها وهي تتسمعو تتعنب عليها وصلها لدارهم وهي تدير ليه باي باي عاد سدات لباب وهو بقى واقف داير يديه فجيبو خرج تنهيدة مرفوقة بابتسامة من بعد زاد بحالو

رحمة:زيدي تعشاي ابنيتي

دينا جلسات فواحد القنت:تعشيت اميما عند اسمهان

وبدات تتحل فالبنانة لي عطاها خليفة كلاتها وهما تتعشاو وقوة الهضرة والداخل والخارج نجية لكانت تتاكل وبحال تتبلع السم وهي تتشوف فيها كانت عندهم ولات داخلة خارجة عليها تتحس براسها غطرطق وبنات فوجها لي تسكف وطريقة المديغ دالماكلة تتمدغ بالزربة تتبان شحال مفقوصة وعينيها كيف القرطاس على دينا داز الوقت وجا وقت النعاس تجمعو فالصالة وكان حتى هو الحاجة لي فكرات فيها انه مغاديش طلع تنعس فبيتها غتبقى واخا كاين حيت لمشات ضروري غيسول فيها شي حد ويعرف بلي كانت تتنعس معاهم ومني جات مبقاتش اذن غتبان مقروصة لا غتبقى وغتبات معاهم وغضحك كيف ديما وهادي اول خطوة باش تبين ليه انه مساوي والو عندها وداكشي لي كان فرشو وتجمعو هاد المرة باتت معاهم نجية بغات تشوف ردة فعل دينا وحتى مراد كيف غيتصرف كان كلعبو الكارطة كملو طرح وبغاو يعاودو الثاني ولكن نساحبات تخشات فبلاصتها تتاكل فشيبس وشادة الطيليفون دخلات سيفطات ليه الفيديو ديالهم لي صورات بتاسمات فاش تتشوف دغيا كدخل يجاوبها

خليفة:ghyb9a 3ndi hada 3mro ytmssa7

دينا:ja zwiiin🤤

خليفة:راه قلت لك حيت نت زينة

تبسمات وهي شادة الطيلي مراد مرة مرة كلوح عينيه عليها بانتليه ناشطة وعادي كان كقول يقدر يجي يلقاها مغبونة كان عارفة غادي يطلاقاها نجية تتشوف فيها كيف مبسمة وشادة الطيلي وتتقول فبالها ياكما كدوي معاه كيفاش عطاه نمرتو شنو بينهم مكرهاتش عينيها يتخشاو عند دينا جالسة على العافية وهي قدامها ولات غير الشوفة فيها تتفقصها وسط هادشي نقز واحد ولد عمهم:ݣبيلة فاش كنت جاي شفت شي حد كيطوف حدا الرحبة المهجورة والظلام معرفتو بنادم ولا آش بسم الله الرحمن الرحيم

سليمة:تاديك النهار خليفة قال لعمي راه بانليه الضو حداها بحال العافية تشعل وطفى

دينا غير سمعات سميتو لاحت وذن عندهم وجلسات تتسمع

نجية:وبا محجوب نيت علاه مفايتش سامع صوت مرا تتغوت

دينا:واش بصح هادشي يقدر يكون غير شي حد دايز من تما

سليمة شافت فيها:تاحد مكقدر يقرب تما بالليل راه سنين وهي مهجورة حاجة عادية تسكن

دينا:انا مكنتيقش فهادشي صراحة حتى نشوف بعيني

ولد عمها:الجن مدام مذكور فالقرآن اذن راه كاين حتى هما تخلقو معاها فهاد الدنيا غير هو مقسمين كاين لي مسلمين مكآديوش وكاين لي لا واكثرية الجن الخبيث كسكن فالخلا الرحبة شحال وهي خاوية شفنا شي حوايج لي ميقدرش انسان يديرهم

كلا واحد بدا كعاود شنو شاف ولا شي حاجة صادفاتو خارقة للطبيعة وكاين لي كزيد فيخرات اولهم مراد وشحال ديال التساطيح وشحال ديال القنبول كسيفط ليهم وفيه ديك انا انا دينا كان حتى كبدا يهضر هو وتتشد التيليفون ممسوقاش شحال من مرة فاش كبدا ينفخ عليهم راسو مبدا يشوفيها وطلاقاو عينيهم بانوليها شي عيوب شافتهم فيه دابا فاص كانت غافلة عليهم فالوقت لي معاه او كانت معمية وزيد مكانتش كطلاقاه بقاو هكاك كلا واحد كقول شي حاجة وفداك الليل على عالم الجن والظواهر الخارقة حتى خلعوها وتكمشات نعسات خلاتهم كضحكو عليها وشادين فيها

دازت هاد الليلة وجا نهار جديد

كانت تاني كيف ديما جالسة فالعتبة شادة تليفونها صبحات عنقها كضرها هزات تيليفونها مع بانليها خليفة غفلاتو وصوراتو وسيفطاتو لزوي طلاقاو عينيها معاه تبسمات ليه ودارت ليه بيديها باي باي وهاد البلان جرات معاه نجية من الكوري كانت تتعطي لبهايم الفصة خارجة تتنطر دازت من حداها وهي عاقدة حجبانها بلاما دويها سخرات خوها وهي مشات قدام الفران معزولة وبقات تتسنى حتى بانليها

مراد عاقد حجبانو وجاي:مالك ابنة خالتي

نجية طلعات النفس ونطقات:عاجبك الحال ولا اش؟

مراد مفهم والو: شكاين مفهمتش جيني لمفيد نيشان

نجية:راه غير كاذبة عليك سرحاتك ونت تيقتي راه مقطعة ترجع الشهر الجاي اشنو خدمة عامين تمشي هكاك

مراد عاد فهم البلان:اودي تمشي غبحالها تسابينا انا وياه وطلعات مساهلاش حسابلي انجي لقاها مغبونة عليا

نجية:ويا لهبيل راه لقات لبديييل ضار ليك بيها وفسيمانة نت لي جالس عامين كطبخ وشي مقديتيه

مراد باستغراب: وايلي دغيا ضبرات وشكون هدا

نجية: ميهمش شكون المهم هو نت عامين تمشي غير هكاك عاجبك الحال بطالي هكا لا شغل لا مشغالة نورية تعيا تسنى غيتقادا جهدها راه ميريكان هادي اشريف فكر فالعز نت ونورية من بعد عارفاك مباغيش هاديك ولكن معندك مدير كقوليك الا كانت حاجتك عند الكلب قوليه سيدي

مراد:تكي غندير ليها نكدب عليك مبقى عندي جهد ليها بالرب وهاد نت تتقولي عرفات شي حد

نجية:يراه بفمك كنت تتقول نية ودغيا تشدات النهار الاول مول النية مكتبدلش كيما طاح فالشبكة المرة الاولى كطيح عاود عارفة صعيبة ولكن فكر فمن بعد الجنسية المطار العز فكر لبعيييد باش يجيك لقريب ساهل

كانت كطبخ عليه باش بالجنسية والعز وكطمع فيه باش يتدخل ويحيدها لها من الطريق وعارفاه طماع ومن النوع ديال لبلاد معطاتناش نقصدو البابور والبحر شاف فيها شحال وهي تسبقو فالهضرة:راهي بوحدها قدام الباب هادي هي الوجيبة راه غتحضر العرس وتزيد متقدرش تبقى هنا انا لي عارفاها وزيد عمي ميخليهاش

بلاما يجاوبها زاد وخلاها متبعاه وهي كطلب تكون حركات فيه علاياش مهيف ويحيدها عليها من الطريق عارفة خليفة كداير يشوف هادشي مغيصبرش واخا مزال ممتأكدة واش بيناتهم شي حاجة ولا لا

المهم الا شافها مع مراد مغيعاودش يطوف بساحتها كانت ساهية وهي تتفكر بزاف دالحوايج فراسها واهمهم فوقاش غتجي مها وباها حسات بالحس وراها تلفتات غير شافتو وقفات وتمات غادية مبعدة على الدار حتى وقفها صوتو

مراد:قالبة عليا شنو زعما متتعرفينيش

وقفات شوية زفرات حركات راسها بلا وبغات تعاود زيد لمن وقفها بصوتو ثاني:مدوزناش لقليل باش مضربيش فيا حتى نص شوفة حشومة

دينا فقصها واش من نيتو هدا نسى شنو دار نسى كيف دغيا خرج للعيب نسى كيف طعنها فعرضها نسى ونسى تلفتات عندو عينيها فعينيه غير شافت فيه تبسم قرب عندها ويديه فجيابو بغا يهضر لكن قاطعاتو

دينا:واش كتهضر من نيتك ولا كضحك على الوقت

مراد:تعلمتي العربية مزيااااان

قرب عندها بشوية وهو نطق بهمس:توحشتك

حسات بواحد الاشمئزاز خطيرومنو ومن راسها لي ضيعات عامين من حياتها على بحالو وهي تتشوفيه هكا فاص بعدما قاليها نتوما ديال كو*ي خود لوريقات وخوي ودابا جاي ياكل لها دماغها بزوج كليمات ولكن مبقاتش دينا لي لكعرف نطقات وعينيها فعينيه:خاصك ديبلوم فالتمثيل لانك مشيتي بعيد غير هاد المرة مغاديش تصدق ليك حيت دينا ديال شحال هدا ولكانت حمارة ومتيقاك ماشي هادي لي واقفة قدامك كنحمد الله انني فقت واخا ندمت قد شعر راسي على الوقت لي ضاع معاك

وسط كلامهم وقربهم سمعات سميتها تلفتات غير شافت بلعات ريقها ورجعات شافت فمراد لي كان مبسمخشبه ابتسامة استفزاز وهو كدوز لسانو على شفايفو وعينيه عليها خليفة وقف عليهم نطق وكشوفيهم بزوج وفالاخير فيكسا عينيه عليها:مالك اشكاين ياك لباس

الهضرة وقفات فحلقها مبغاتوش يعرف لانه ماشي ديال تهبط النيفو وتهضر على هاد خينة دمراد قدامو معرفات متقول نقز مراد ونطق:مكاينة حتى حاجة غير سولتها على قرعة ميريكان وكيفاش وندفع وكدايرة الحياة تما هدا مكان اعشيري

خليفة شافيه حرك راسو بشوية ونطق: خاصك مول السيبير على هاد الحساب قصد السوق غتلقاه تما ولاكنت زربان شوفليك غوغل ينفعك

مراد طبطب ليه على كتفو:داكشي لغندير الخاوة

زاد مراد وهي شبه رتاحت كانت خايفة يقول شي حاجة مخايفاش وانما كان من الماضي وشي حاجة لي متستاهلش تجبد شافيها خليفة عاقد شوية حجبانو مبغا يقول والو حيت كيفما كان الحال ماشي شي واحد لبراني على عائلتها وجالس معاهم لي يقوليها عليه اشداك توقفي معاه خرج كلامو مصحوب بالزفير لي زفر:سيري تكلمي لبديعة بغاتك فشي حاجة ودخلي من الشمس

حركات راسها باه وزادت وخلاتو بقى هو واقف عينيه على مراد لي بانليه كهضر فالتيلفون من الشوفة مرتاحش ليه وحتى فاش دواه لبارح داكشي باش شافو معاها دابا تدخل ضرب فيه شي شوفات وزاد هز البيكوب ومشى يجيب شي شغال من شغال العرس

دينا فرحانة وعويناتها كبريو:بصح ليا كاملة

بديعة:دياااااالك كاملة عاونتينا تانت فالحلوى وزيد خيرك سابق ووليتي وحدة منا وصاحبتنا

دينا فرحات بزاف ديك الطويسة لي عطاوها عامرة حلوة وهي تتحماق على الحلوى المغربية قربات عندها باستها وشكراتها

بقات معاهم فالدار سميحة باركة وطلس ثاني لحمها كامل كلا وصفة دارتها لقنت عاوناتها شوية وعاوناتهم هاهما كانو كستفو الحلوة فالبلاطوات وكغلفوهم وتاهي دايرة يديها معاهم بقات معاهم شحال حتى سمعات اسمهان غادية تدي شي حاجة لدار الضيافة ديالهم لصقات فيها باغية تشوفها نيت مشات معاها هازة طويستها دالحلوى فرحانة بيها تتاكل ومذوقة اسمهان حتى وصلو هزات عينيها فالباب لي كان تقليدي وزوين باب مغربي بخشب اصيل على شكل قوس دفعات لباب اسمهان ودخلو كانت تتسمع الهضرة اذن راه كاينين الناس وفعلا لقات بنادم واكثرية السياح لي شافت شحال من واحد فيهم كضور فالدوار ولا طالعين للجبل هزات عينيها وهي مبهورة واش هادشي كاين هنا فالدوار وغافلة من برا مبنية بالحجرة وتتبان عادية ولكن لداخل واو كانت كلها زليج وبالقواس الوسط كانت واحد النافورة وجدتها السيد لي مكلف باتاي كي عمرو فالارض وحتى الناس جالسين فالارض كان واحد لvibe مغربي نيييت مشات مع اسمهان للكوزينة لي كانو فيها زوج عيالات قاسمين الشغل وريحة الطياب المغربي عاطي بقات تتشوف وهي مبسمة عاجبها الحال:هادشي زوين بزااااف

اسمهان شدات فيها:اجي نوريك واحد البلاصة غادي تعجبك

جراتها وزادو مع واحد الكولوار كان كولو زليج والصقف منقوش بالجبس وديكورات تقليدية عاطية اصالة للمكان طلعت فالدروج المزلجين للطابق الثاني كانو فيه البيوت كولوار كولو بيوت من الجوايه بزوج رجعو طلعو فدروج آخرين وهنا شهقات وحلات فمها من روعة المكان كانو فالسطح بالضبط لي مفرش كولو بزرابي تقليدية من صنع ونسيج عيالات الدوار ومقاد بمخيدات علاش يجلسو الناس والاروع انه مقابلة مع الجبال نيشان منظر كرتاح ليه القلب جامع بين اصالة التراث وابداع الطبيعة لقاو واحد الولد تما كقاد طبيلة وكراجع اتاي باين مريزيفيه وكوجدوها

اسمهان:عبد الخالق فينو باه؟

عبد الخالق:راه خرج يجيب شي تقدية لكوزينة

حيدو صنادلهم ودخلو دينا حطات يديها على الحيط تتطل وتسقي عينيها بابداع الخالق وتتنفس هوا نقي عجباتها بزاف وندمات لاش هاد الوقت كامل مجاتش ليها كانو كبانو ليها الناس كوقفو بالطوموبيلات تتغداو فيها من بعد ككملو طريقهم ولا السياح كستكشفو الدوار شافت فاسمهان:عجباتني بزااااف زويينة

اسمهان:نت لعمرك بغيتي تجي دابا مع الصيف بدات تتعمر

دينا شافت فواحد الدار مقابلة معاها دار الضيافة وعاطية للجبال والجنان من ديك الجيهة وزوينة من برا ومصبوغة عمرها ردات ليها البال نعتات فيها ونطقات:ديال شكون ديك الدار

اسمهان شافت فين نعتات ليها:هاديك ديال خويا خليفة نهار غادي يتزوج انشاء الله غيسكن فيها هو ومراتو با عطاه ديك الارض فسميتو وبقى كبنيها بشوية كبنيها حتى كملات مزال خاصها الصباغة من لداخل ولكن كاملة فالبني تندخلو لها تاهي

دينا غير سمعات غيتزوج مراتو محساتش حتى تنهدات وهي تتشوف فيها رجعات شافت فاسمهان ونطقات:دابا السياح شكون كدوي معاهم بالانجليزية

اسمهان:خويا خليفة

دينا بالصدمة عينيها خرجو محساتش حتى نطقات:واش خليفة قاري يفهم إنجليزية

اسمهان بالضحك دارت يديها على خدها:هايوا شفتك حݣرتي ليا على خويا شنو زعما حيت عروبي ههههه مالو عمرو هضر معاك بيها؟؟

دينا حركات راسها بلا وهي مزال مصدومة والضو شعل معاها تتفكر اشدارت تتبغي تغرق فحوايجها اسمهان كملات كلامها:قاري يلالة وعندو إجازة فالادب بالفرونسي

تزادتها صدمة اخرى ولكن ماشي هاديك لي عارفات بلي راه كفهم الانجليزيه ولبارح كان معاها فاش خرجات شي هضرة اسمهان نعتات ليها فالجنان:راه هو خليفة شوفي شوفي قداش كبان من بعيد

دينا طارت من حداها لبسات صندالتها وخرجات تتجري بطاستها دالحلوى وتقول مجريتش دغيا نزلات من الدروج وطارت تتجري تجري فالتراب وتقول اويلي اويلي شدرت صافي تشوهات قدامو وهي لبارح وصفاتو من راسو لرجليه مكرهاتش دوب ولا تموت ولا تنقارض تبعاتو لجنان كانت تتبان ليه جاية تتجري من بعيد مفهم والو رمى المنجل وقصدها مع وقفات شد فيها وهي تتلهت

خليفة:مالك اشكاين ياك لباس

دينا يديها على قلبها تتلهت بالسيف باش نطقات:نت نت تتفهم الانجليزيه ومقلتي لي والو

خليفة طلع حجبانو بزوج وهو كشوفيها عرفها علاش تتمعني وتاهو زاد ليها فيها نطق وكمسح على حاجبو بابهامو: مممم كنفهم غير داكشي لي كتقولي

دينا حلقها نشف السخونية طلعات معاها يمكن تصرفاتها كبينو على الزعطة ولكن باش تقولها وتعتارف ويسمعها ويعرفها امبوسي دارت يديها على حناكها زعما اويلي بلاما تهضر لسانها تربط سمعات سميتها تلفتات وهي فديك الحال غير شافتهم عينيها تحلو وشهقات بقات تترمش بالجهد واش هما ولا لا وفعلا كانو حقيقة ماشي تخايلاتهم جايين كجريو عندها زوي معتز ودانييلا اييه تبعوها تالمغرب وجايين قاصدينها للجنان كجريو ويشيرو لها بيديهم وكعيطو بسميتها دقة وحده هي الصدمة والحشمة من داكشي لدارت شلوها خلاو فرحتها تبلوكا بصحابها خليفة جرها من ذراعها ضورها عندو نطق دغيا قبل ميوصلو وعينيه فعينيها: حاجة زوينة يعتارف الواحد بالمشاعر ديالو وشنو كحس وخصوصا الا كانت متبادلة

وختم كلامو بغمزة زادت كملات لها لي خص من مور اعترافو الغير مباشر ليها…

رمشات عينيها بالجهد وشداتها الضحك حلات فمها وهي تتشوفيه راه غمزها نيت ولمح ليها بدات تتبعد عليه وراجعة باللور وهما كشوفو فبعض هو مبسم وباغي يضحك على حالها كيف ولات حمرا وهي فعلا الحشمة والفرحة والشوهة كلشي تخلط خلاوها تعطيه بالضهر وتهرب شداتها جرية فرحانة كن صابت تنقز ولا طير بحال شي فراشة ماشي غير بوحدها حتى هو كبادلها احساس الاعجاب والزعطة تتجري عندهم فاردة يديها وكضحك مبعداتش عليه بزاف حتى طلاحت على زوي وتعانقو عناق حار تتباوسو دانييلا تاني تتعنق فيها كتبوسها وكلمة I Miss you كقولوها كاملين لبعضهم كان واقف وكشوف فيهم مبسم كيف فرحانة وتتعنق صحاباتها غير شافها عنقات معتز عقد حجبانو وبدا كعض على شفايفو وهو كشوف فيهم تتضحك وتهضر معاهم فرحانة غادي طير رجع كمل خدمتو تحنى هز المنجل وكمل شنو كان كدير وهو عاقد حجبانو بلاما يهضر بلا والو مخليهم على راحتهم حتى حس بالحس حداه هز راسو وهو يلقاهم واقفين عليه دينا لي كانت ابتسامتها عريضة والفرحة باينة فوجها بشوفتهم تݣعد وبقى كشوفيها وساكت شافت فصحابها ونطقات بالانجليزية:صحابي العزاز كنقدم ليكم خليفة احسن واحد طلاقيت بيه هنا

معتز كان اول واحد يصافح خليفة لي بدورو صافحو عادي:سلام متشرفين معاك معتز

خليفة جاوبو بالدارجة كيفما هضر:الشرف ليا مرحبا بيك

دانييلا وهي تتعبر فيه بعينيها معاودة لها زوي قربات وصافحاتو:هيلو متشرفين عاودات لينا دينا عليك ههه

خليفة بابتسامة وجاوبها بالانجليزية:الشرف ليا إند ويلكوم او موروكو

دانييلا:طانكيييو

زوي تقدمات وصافحاتو تاهي وهو كرحب بيهم وكدوي معاهم بالانجليزية بطلاقة ودينا غير تتشوف فيه مخلط عليها كلشي

زوي:غير جلسنا سولنا عليك وسيفطونا لهنا

دينا:احسن مفاجئة درتو واخا مقلتوهاش ليا

دانييلا نعتات فمعتز:الفكرة ديالو كنا عارفين بلي فالاول مغاديش تولفي دغيا قلنا نجيو وباباك مردهاش لينا فوجهنا فاش قلناها ليه

زوي:فنفس الوقت نشوفو المغرب

دانييلا جراتها:زيدي راه ماماك وباباك كتسناوك

دينا:احسن مفاجئة كنبغيكم(شافت فخليفة)خليفة انا نخليك دابا انمشي نشوف ماما وبابا صافي

حرك راسو باه وهو مبسم ابتسامة صغيرة زادو وهو بقى متبعهم غادين شافها شحال فرحانة بشوفتهم وجاو فوقت غير مناسب فاش لمح ولكن الاهم انها عرفات ونقص عليها شوية الحشمة ضحك على شكلها فاش عرفاتو كفهم وتفكر لبارح فاش كانت تعتبر لصاحبتها كان بزز حابس الضحكة وداير بلي مفاهم توزة معمرو دوا معاها بالانجليزية حيت شافها باغية تعلم العربية وكدا وفعلا مكاين ماحسن من لغة بلادهم

زوي:ناري يصاحبتي زوييين وسمر واهم حاجة انه طوييل

دانييلا:تانا حبيييييتو

معتز شاف فيها واحد الشوفة مصغر عينيه شي لخلاها دغيا تقلب الهضرة وشدات فيه:احم بغيت نقول زعما حسن من لي قبل منو احبيبي

معتز شافت فدينا: جيتي تنساي صدقتي مضبرة

دينا يديها على قلبها:احسن حاجة وقعات هي جيت لهنا والله

معتز:وزيري شوية باش منعاودوش الديسك من الاول

دينا:بعيد عليه كل البعد مزال نعاود ليكم شنو وقع راكم معارفين والو

زوي:فاش دخلنا للدار بانليا داك خينة معتز مبغينا مشاكيل وحنا عند الناس

معتز دوز يديه على ذقنو:ولكن الا شفتو كضور بيها منعقلش عليه

دينا وقفات وشدات فيه:ميستاهلش امعتز نديرو عليه الشوهة تاشي حد فالعائلة معارف وزيد حتى خليفة مقلت ليه والو

مع بغا ينطق وهي تسمع التيجانية تتعيط ليهم من الباب:الدراااري زيدو تشربو اتاي دينا ماماك وباباك جاو

طارو كاملين للدار دخلو مشاو نيشان للصالون تما فين كان كلشي مجموع لقااأت باها جالس ومعنق مو حداه وماماها تاهي طلاحت عليها عنقاتها كبوسو فبعضهم:توحشتك بزاف اماما

شادية بعدات عليها بنتها وهي شادة وجها بين يديها وتتفحص فيها حمدالله على خير:حتى انا احبيبتي حتى انا

طلاحت على باها حتى هو عنقااتو وهو كسول فيها كيف دايرة وهي دوزات هاد الايام

بوبكر:تعلمات تشقى الوليدة ولا والو

كلشي بدا كضحك والحاجة رحمة تاهي:اويلي اوليدي بنيتي اول مرة تجي عندي ونزيدها للشقى

دينا:فين هي جولياااا اويلي

شادية:الخدمة عندها مضغوطة مقدراتش تشد كونجي قبل غتجي حتال بعد غدا اماما

دينا موحشة ختها بزاااف جرها بوبكر وكمل على كلامو:اجي قولي ليا اشدرتي هنا وفين مشيتي

رحمة:كظل النهار كامل مع بنات العيادي هي بنت وخوك سليمة

دينا:انا مشيت مع لبنات ابابا للجنان وشفت بݣيرة ومشينا نجيبو الما

بوبكر شاف فمو:تطلق لينا اللسان الوليدة

كلشي بدا كضحك وتاهي مشات جلسات حدا صحابها لي كانو كشوفو فالدار كيف مجهزة بأثاث تقليدي مغربي لا من زرابي ولا طوابل ولا سدادر وهادشي لي جدبهم تحط اتاي بقوامو ومرفقاتو لا من مسمن بطبوط البغرير كلشي

رحمة تتكب اتاي:مرحبااااا بصحاااب دينا مرحبا

معتز هو لي كان كفهم شوية الدارجة:شكرا الوليدة الله يكبر بيك

زوي ودانييلا بعدما ترجمات ليهم دينا:شكرااااا حنا فرحانين بزاف

دينا:قالوليك اميما هما فرحانين بزاف حيت جاو لمغرب

الحاجة رحمة: مرحباااا بييييهم والف مرحبا

الحاج احمد:مغيمشيييو من هنا حتى يتفسحوو وينشطوو مزيااان

دينا هي لكانت تترجم ليه الترحيب لي كانو كرحبو بيهم وهادشي فرحهم بزاف والكرم اهم حاجة كيفاش الحاجة رحمة تتقرب ليهم الطباسل دالمسمن والبغرير وتعطيهم وعاد زيد اهم حاجة بات دينا لي غير جاو قالوليه بغاو يمشيو معاه لمغرب مردهاش فوجهم ابدا جا محجوب لي تلاح على خوه بالعناق الحار تسالمو عاد جا خوه الصغير راجل سناء كذلك وتجمعات العائلة على صينية اتاي واللمة والجماعة والضحك والنشاط فوقت قلالت فيه لمة العائلة

داز الوقت دينا جرات زوي ودانييلا طلعاتهم معاها لبيتها وسدو عليهم نجية كانو عينيها عليهم من لتحت كيف لقرطاس بقات تتفكر وهي تضور فعينيها كبانليها مراد ممسوقش منهار جا يعني خرجها من بالو مغاديش ينفعها اذا لبغات دير شي حاجة خاصها ديرها لراسها بقات تتفكر وتتخطط لفوق كانت دينا مسرحة فوق الناموسية لبيجامات ديال 30درهم

دينا:هنا مكاينش الشورط مكاين ميني ڤونتخ حتى نرجعو ميريكان

زوي هزات وحدة:واعريييين انا غنلبسها هي مبغيتش الشورط

دانييلا حتى هي هزات وحدة ودغيا نصلات حوايجها ولاحتها عليها فرحانة بالتقليدي غطير بتلاتة كانو لابسينهم وكتصورو اكثرية زوي ودانييلا كانو فرحانين بيهم بزاف سمعو الدقان كانت سليمة دخلاتها وعرفاتها بيهم وبقاو جالسين مجموعين كضحكو نضامات ليهم سناء تاهيا

فدار العرس كانو فلبيت غلفو اخر بلاطو ديال الحلوى وجلسو حداه كقادوهم باش ميتهرسوش مبقى والو والضغط كتزاد عليهم بديعة تتنش على وجها:كن راه قالت ليه شي كلمة خايبة بالانجليزية وحسابليها ميفهمش

اسمهان:تقدر ولكن ضحكاتني كيف طاااارت من حدايا

بشرى:خوكم مزعووووط البناااات

بديعة: ياودي غامين تزعط بعدا راه لباااااس

اسمهان:وشنو زعما ياااخدهااا

خديجة: دينا ضريفة وغزاااالة والقلب الكبير ولكن معرفتش متصلاحش لخويا تربية برا وهو بلدي راه الما والضو وتاهي راه متصبرش ليه هنا

بديعة:دابا هي تخلي ميريكان وتجي هنا تي تخورجتي

ثورية:نتوما ممتأكدينش غاداويين شتو بعينيكم؟

بديعة وبشرى شافو فبعضياتهم: شفنا اختي شفناه يلݣم ويحط لها فيديها شفناه يبرد ويقولها كولي

ثورية:ايوا تانت غير هادشي نت عارفة خوك كداير هادشي وكديرو معانا حنا متزيدوش فيه

بديعة:اهاه وحنا كيجلس ويبقى يشوفينا حنا كنتزݣو مين يمد لينا شي حاجة انوضي الله يجيبك على خير

اسمهان:وصراحة شحال من مرة حصلتو حاضيها بعينيه ويبقى متبعها وكيفما كان الحال الدرية راه زينة وخونا بحالو بحال ݣاع الرجال ينغمو الزين

خديجة:خليو نشوفو هادشي باش غيكمل

داز الوقت وظلام الحال كانو تتشعاو مجموعين على الطبلة كياكلو وقوة الهضرة واللغى زوي ومعتز ودانييلا طاحو ميتيين فاللحم بالبرقوق واحد ولد عم دينا كان شاد الحتيت مع دانييلا واخا ميعرفش يهضر بالانجليزية ولكن جرها لعندو وهو كوريها كيف تاكل بيديها وهي كضحك دينا وسط منهم فرحانة غطير مجيتهم فرحاتها بزاااف سليمة كانت تتاكل وعينيها على معتز لي خالقها هو ودانييلا كانت وصاتهم دينا يتجمعو يعني بلا بوسان بلا تعناق قدام العائلة حيت هنا ماشي هو اللهيه مراد وسط هادشي كامل مرة مرة كلوح عينيه لدينا من الصباح معاوش دواها خصوصا فاش جا معتز محيدش من حداها نجية كانت فالطبلة الاخرى وحاضياهم تعشاو وجمعو الطبلة قصرو شوية بآتاي ومن بعد تفرقو كلا مشى يقلب علا فين ينعس كانو ثاني مجموعين فالصالة وهاد المرة تزادو كانو مفرشين وكلا شد بلاصة زوي حدا دينا جارين معاهم دانييلا بعدوها على معتز الليل هدا ومخالفة معاهم سليمة ونجية فقنت بعيد غير تتشوف او بالضبط تتفكر وتخمم معتز رجع من برا كان خرج يكمي شد بلاصة تاهو مع الدراري وجلسو مجموعين على الكارطة

بوبكر طل عليهم:الشباب تجمعو هنايا

دينا:بابا مزال منعستيييش

بوبكر:هانا غادي احبيبة اييه يا ليام فكرتوني فايام التسعينات

سليمة:ديما اعمي كعاودلينا بابا على فاش كنتو كتجمعو

بوبكر:ايام زويينة دازت ابنتي يلاه نخليكم تصبحو على خير

سيفط لدينا بوسة فالهوا ومشى خلاهم مجمعين

الدراري كانو كلعبو الكارطة والبنات كانو متكيين مجمعين دينا كانت موصية دانييلا متجبدش خليفة قدام سليمة ولا نجية حيت معارفين والو وداكشي لي كان سمعات التيليفون صونا بشي ميساج هزاتو كان هو دغيا دخلات قراتو

خليفة:👀jaw shabk ana tnssit SF

دينا جاوباتو:la la ylh glssna ou knt ghnssift lik

خليفة:3jbni lhal fch chftk fr7ana bihom gbila hit jaw

دينا:bzef wlh frhoni hit mknoch galoha li ou zid 3zazin 3liya bzeef

خليفة:aji fkrtini khona chno blano tahowa

دينا:chkon wch mouataz malo؟

خليفة:chabka t3na9 wla kifch

مفهماتش الكلمة الاولى ولكن كلمة التعناق عطاتها لخبار حيت عنقاتو زعما قبيلة قدامو عضات شوية على شفايفها وكتبات ليه

دينا:mouataz bhal khoya mkyna hta haja wlh hnta chof

ودغيا دخلات تتقلب فالتصاور وسيفطات ليه تصاورها معاه وهما صغار فالجردة فلعيد ميلادات خلات تنهد ودار يديه على جبهتو مكدخلش ليه هادشي للراس قضية صديقي وكدا هي هو مسميتو جاك سميتو خليفة وزيادة وخلوق فالعروبية معجبوش الحال فنفس الوقت منفاعلش عليها حيت بشوية غيشرح ليها لانه تربيتها مخلياها تشوف هادشي عادي وهو واعي بهاد البلان وغيدوي معاها فيه دابا عاد غيبدا يبان هاد الجانب فعلاقاتهم بقى كقرا شنو كتسيفط ليه

دينا:reh sinin ou Ana kn3rfo mymknch mnhderch m3ah db ou zid howa reh 3ndo sahbto ou Hiya Daniella🙂

خليفة:ana m39ltch lik mthdrich m3ak wlkin ktrat tlmasse mkyn lach

دينا تبسمات شوية شنو زعما غيرة هادي:SF wkha🤍

خليفة:ewa hakak aji fkrtini ou dak khina li w9fk gbila wch nit dwa m3ak 3la 9bl usa

دينا هنا بلعات ريقها شوية خافت ليكون حس:ah ghir swlni

خليفة:wkha alala mhm ytof bik Chi wjh l7bss rek 3rfa chno Ghadi diri

دينا تبسمات شوية وهي تتنهد بقات تتهضر معاه شحال وكلا واحد وفاش مشغول وفنفس الوقت تتفكر مراد كاين معتز تاهو خافت ليمشي يجبد معاه شي صداع وعلاقتها بيه تعرف فنفس الوقت توصل لخليفة معرفاتش واش تقولو عليه ولا لا وزيد اصلا شي حاجة لي فاتت بالنسبة لها مكاين لاش تعاود تجبدها حطات الطيلي وبقات مجمعة مع زوي ودانييلا اما سليمة نعسات نجية تاهي بقات ضور فعينيها حتى غفات

داز هاد الليلة وجا نهار جديد كيف ديما جالسة فالعتبة معتز مشى يصلي فالجامع مع محجوب والحاج احمد وبوبكر لبنات دخلو مع سليمة لكوري وهي كيف ديما بقات جالسة مراقبة الدجاج لي سارح والناس هالي جار حمارو هالي جار كرويلة حسات بالحي وراها تلفتات كانت سناء تبسمات لها وجلسات حداها:صحاباتك عجبهم الحال

دينا:اه بزاااف من ديما باغيين يجيو للمغرب

مراد لي كان جاي من الحانوت داير يديه فجيابو وكياكل شافتو ضورات وجها سناء ناضت ليه من الطريق باش يدخل وهو يمد ليها مسكة تبسمات وخداتها:شكرا اخويا الله يخلف عليك

مد لدينا تاهي هزات عينيها فيه لقاتو كشوف فيها مبسم زفرات وخداتها

خليفة تكى على الحيط وربع يديه غادي ليها مع هبالها:ديري نشوف

وهنا بدون سابق انذار وللمرة الالف غادي دير قدامو شي حاجة عيبة دارتليه حركة هاااهو ديال ساري كول وهي كضحك وعاجبها الحال خليفة بقى تشوفيها مطلع حجبانو مسح على ذقنو وحرك راسو بلا:لا حول ولا قوه الا بالله

دينا:مالك معجباتكش؟

خليفة’شلااا متعلمتي

وهنا يلاه غادي تنطق وهو يشوف باها وجدها دايزين تخطاها ومشى عندو بوبكر غير شافو تبسم سلم عليه سلام حااار وهو كسولو على الحال والاحوال

على ود سناء باش متحسش ودخل تعصبات فنفسها محاملاهش يهضر معاها غير تتشوف سيفتو تتفكر شكان قاليها

وكيفاش سبها وعايرها سناء مجلساتش بزاف ورجعات دخلات الكوزينة هنا وهي ترمي ديك المسكة وهي مخنزرة وتتزفر هزات عينيها وهي تلمحو كان حتى هو جاي وكشوف فيها مبسم تبسمات حشمانة من لبارح ناضت عندو غادية بشوية كان يلاه جاي من الجامع تاهو وداير سجادتو على كتفو:لباس كصبحتي

دينا بابتسامة عريضة وتتنزل عينيها:حمدالله ونت

خليفة:انا بخير فينهما صحابك

دينا:معتز مشى لجامع مع بابا ودانييلا وزوي راهم فالكوري

خليفة:مزال مشفتش باك خاص نسلم عليييه

دينا:ياااه تتعرفو

خليفة كقلد صوتها:لا مكنعرفوش غير سامع بيه

دينا وهي تتضحك:اه عرفتي تعلمت واحد الحركة جديدة شفت ولد عمي دارها لبارح نوريها ليك

خليفة تكى على الحيط وربع يديه غادي ليها مع هبالها:ديري نشوف

وهنا بدون سابق انذار وللمرة الالف غادي دير قدامو شي حاجة عيبة دارتليه حركة هاااهو ديال ساري كول وهي كضحك وعاجبها الحال خليفة بقى تشوفيها مطلع حجبانو مسح على ذقنو وحرك راسو بلا:لا حول ولا قوه الا بالله

دينا:مالك معجباتكش؟

خليفة’شلااا متعلمتي

وهنا يلاه غادي تنطق وهو يشوف باها وجدها دايزين تخطاها ومشى عندو بوبكر غير شافو تبسم سلم عليه سلام حااار وهو كسولو على الحال والاحوال

بوبكر: كدايرة الحاجة والحاج عبد الغني والدريات خليفة:الحمدلله اسي بوبكر ونت بخير

بوبكر:الحمدلله اولدي الحمدلله

دينا كانت تتشوفيه كيف كسلم على باها تبسمات وتنهدات فنفس الوقت مشات مع باها وجدها وحتى معتز لي عجب الحاج احمد حيت بانليه ولد لهيه وشاد فصلاتو جارو عندو كنصح فيه ومعتز غير اه عندك الحق الحاج ولاهيلا بصح

دخلو تغداو مجموعين ثاني دينا ولبنات طلعو لفوق لبيت كهضرو مع جوليا ابيل فيديو

دينا:ولاهيلا خاصانا غير نت

جوليا:انا نهار السبت نكون عندكم ان شاء الله

زوي:مشفتيش الجديد اجوليا مبقاتش ساهلة دينا

جوليا:اشكاين معاودتي لي والو

دينا وهي مبسمة:خلي حتى تجي

زوي:وبوݣووووووووص

دانييلا:وسمر وطويييييييل

دينا:سكتووووو غيسمعنا شي حد تتجي وغنعاود لك

جوليا:مبقيتيش ساهلة مشيتي تنساي واحد صدقتي فالجديد

دينا حطات يديها على قلبها:اشغادي نقولك صافي خلي تتجي

جوليا: تجمعي بنتيخلي ذبتي بلا قياس

دينا تتفكر اهتمامو تصرفاتو افعالو كلشي:دبت اختي وماشي بيدييي

بقاو كهضرو شحال مع جوليا وتتعاود ليها شوية واخا هكاك باغياها حتى تجي باش تشوف وصلات لعشية وناضو خرجو هي ودانييلا وزوي ومعتز بغاو يضورو فالدوار شوية ولكن داتهم نيشان لجيهة الاراضي هدا وقتو فين كسرح البهايم وباغية تشوفو وداكشي لي كان كانت اول وحدة تلمحو هي زوي

معتز شاف فدينا:عليها جبتينا هنا وحنا باغين نشوفو غالدوار

دينا:وغير صبرو معايا اصحابي لعزااااز قلبي لدارها ماشي بيدي

معتز:منها نيت نقرا هاد خونا ونشوف شنو بلانو

دانييلا:صراحة كبان ضريف ماشي بحال لاخر

بقاو كقربو جيهتو كان عاطيهم بالضهر غير سمع الحس وهو يتلفت وقف بعدما لمحهم والابتسامة على وجهو دينا تقدمات عندو وهي مبسمة:سلام

صافحها وصافحهم كاملين وهما كشوفو فالخرفان والمعيزات

دينا:كنا خارجين وقلت نضورهم شوية على الدوار وجينا هنا

خليفة مبسم:مرحبا

زوي:Can I carry this little goat(واش نقدر نهز هاد المعيزة)

خليفة:yes of course

هزها بشوية ومدها ليها وهي كضحك وتتشوف فدينا لي قربات تاهي وبدات تتقيس فيها معتز ودانييلا طلبو منو يصورهم حدا الحوالا وداكشي لي كان كان كهضر معاهم بطلاقة بالانجليزية دينا هزات المعيزة وقالتلو صورني وداكشي لي كان بدا كصورها وشاد ليها الخاطر وهي فيها كثرة بلاتي نوقف هكا لا صورني هكا لا هادي مزويناش وهو شاد لها الخاطر ولي قالتليه كديرو هاز هبالها

دانييلا:Your patience must be long in taking pictures of Deena(خاص يكون صبرك طويل الا بغيتي تصور دينا ههه)

خليفة ضحك شوية:All girls are like that(كل الفتيات هكذا)

بقاو شحال معاه تما كهضر معاهم وكوريهم الخرفان وبلي كجي واحد الوقت كبيعوهم زوي تتسول شكياكلو وهو كوريها الفصة كيفاش كقطعوها وشنو فوائدها على الماشية مهم داو وجابو معاه فالهضرة وعطاهم وقت وخاطر

بديعة جاية جايبة لخليفة اتاي:اهلا اهلا نتي هنا واشهاد الغبرة

سلمات على دينا بعدما عطات لخوها الصينية مغطية عاد سلمات على لبنات دينا:جات ماما وبابا وصحابي داكشي باش تلهيت شوية

بديعة:يلاه جلسي معانا اصاحبتي

دينا:راه معايا لبنات مبقيتش غير بوحدي هههه

بديعة:جيبيهم معاك تاهما مرحبا بيهم اويلي وشحال فيك يا دينا

دينا تبسمات مكانتش بغات تمشي حيت معاها لبنات وهما اصلا الدار عامرة متزيدش حتى هي شافت فلبنات ونطقات بالانجليزية:We will go to the house where the wedding will be held and see the bride(غادي نمشيو لدار لي فيها العرس ونشوفو حتى العروسة)

زوي ودانييلا بحماس:اااه يلاه يلاه

دينا ضارت عند معتز لي كان شاد الهضرة مع خليفة:معتز هاحنا غاديين عند لبنات

معتز:غاسيرو انا انبقى هنا

زادو وخلاوه جلس مع خليفة كانت بدات تتغرب الشمس كب ليه اتاي وجلسو بزوج كتعاودو معتز كعاود ليه على الغربة وخليفة كعاود ليه على الحياة فالمغرب كلا واحد فيهم بانليه الاخر بلي درويش خليفة شاف فمعتز انه بحال دينا مفيه تبوزيق مافيه بخ ومعتز شاف فخليفة انه درويش ودري نقي وهادشي على ود دينا بغا يتعزل معاه باش يقراه ويشوفو علاش مطوي وواش تاهو بحال لي قبلو

يزة كتسلم على دينا:مرحبا مرحبا بدينا والناس دالخاريج يافين غبرتي

دينا:غير الدار اخالتي

يزة سلمات على زوي ودانييلا:دخلو دخلو مرحبا بيييكم

مكفهموش العربية ولكن عرفو بلي راه كترحب بيهم ومستقبلاهم دخلو مع العيالات كانت الحاجة رحمة عريساتها وشادية وسليمة وشي عيالات من الدوار وجالسين على التطبال والغنى جو طغات عليه فرحة العرس لي على الابواب

شي عيالات نايضين كشطحو النصرانيات عجبهم هاد الجو بزاف وعاد التقاليد سميحة كانت وسط العيالات وراتها ليهم دينا بلي هاديك هي العروسة كانو كتغناو باغاني شعبية ادواتها الموسيقية هما البندير والطعارج الحاجة يزة واقفة فباب الصالة كتصفق مرة معاهم مرة فالكوزينة ولي معاوناها فالطياب هي الحاجة رحمة بحكم اكثر وحدة كثيق فيها دينا شافت تيليفونها غيطفى لها فيديها ناضت دغيا وشافت فلبنات:انا نمشي دغيا نديرو يتشارجا ونجي

حركو راسها باه وهو ملاهيين مع داك الجو الزوين لي حمقهم وكصفقو كانو الانظار عليهم بحكم انهم برانيات وعاد خلي دانييلا الشهوبية ولعينين زرقين كانت محطة انظار العيالات والبنات دينا خرجات طايرة طلعات لبيتها دارت الطيلي يتشارجا ورجعات خرجات كانت الدار خاوية من غير شي ولاد عمها تتفرجو فالكورة حمدات الله ملقاتش مراد اما كن عزلها هنايا ماماه كانت ناعسة جات مريضة شوية باه مع الرجال خواتاتو خلاتهم فدار العرس وهي خارجة طلاقات بنجية كانت بغات تخطاها ولكن حبساتها فاش شداتها من ذراعها دينا تلفتات وبقات تتشوف فيها نجية تنهدات ونطقات:دينا سمحيليا بزاااف ابنت عمي مديش عليا هاد الايام راه عقلي مخرمز

دينا:انا مدرت ليك والو ونت متتهضريش معايا

نجية:غير سمحلي ليا اختي راه ربي لي لعالم بيا قريب نتخطب ونتزوج وكنفكر غنخلي دارنا مي و خوتي راه ربي لي عالم بيا سمحيليا بزاااف

دينا تنهدات وحركات راسها باه:ماشي مشكل معندك ماديري هادي هي الحياة

نجية شدات فيها:ساعتو الله اختي وصافي قوليلي غادا لخيمة العيادي؟

دينا:اه تانت غادية؟

نجية:تمشي معايا غير لهنا ومن بعد نمشيو عندهم

دينا هزات كتافها:واخا يلاااه

خرجو غادين وكهضرو مدوزاتهاش من الطريق العادية مشاو من واحد الطريق خرجاتهم نيشان للور ديال الدوار مظلمة وفقط ضو ديال البولات لي وسط الدوار هما لي مضويين لها شوية غاديين وكهضرو حتى تلفتات عندها نجية:دينا انا صراحة عارفة شنو كان بينك وبين مراد نتوما دابا تفارقتو مكاين لاش يعرفو الدار هادشي زعما متقوليها لحد

دينا عينيها فالارض:اصلا مقلتها لتاحد

نجية حكرات:تاحد متأكدة؟؟

دينا شافت فيها:والله تا حد اصلا داكشي فات

نجية حركات راسها باه وهما غاديين رجعات ضارت عندها:دينا عرفتي الرحبة المسكونة لي كنا كنهضرو عليها لبارح

دينا:لي فيها الاصوات وكدوز من حداها داكشي؟؟

نجية:اه راه هي

دينا تلفتات وهي تتشوف فيها كانت بحال الدار كبيرة تتبان مهجورة سراجمها مديور ليهم الحجر مسدودين باين اتكون مظلمة بزاف وجات وسط الخلا ومخربة فقط بابها لي محلول وكمشي وكجي بالبرد صراحة تتخوف

نجية:نمشيو نطلو ونضربوها بجرية؟

دينا بقات غير تتشوفيها وساكتة كتفكر شي لخلا نجية تزيد تزعمها:نقولو ليهم فالليل بلي راه طلينا وملقينا والو غا كذوب زيدي

دينا تتشوف فالدار وداك العرق ديال التهور والاستكشاف ركب فيها ياما دارتها هي وزوي وصحابهم ديال المدرسة يمشيو لشي خلا يطلو فشي قنت يلعبو ويجا فالظلام ويعيطو لشارلي مولفة شي لخلاها تقدم خطوة جيهة الرحبة نجية حسات بلي وصلات لشنو بغات جات وراها ودينا غادية عاطياها بالضهر مكانتش بعيدة على فين كانو واقفين بزاف نجية:سيري طلي نت الاولى دغيا راه شي حد كعيط لينا

دينا ممسوقاش لشتتقول غادية باغية تروي فضولها نجية بانتليها زعمات وهادشي لعب لصالحها دارت هكا باش تسبقها بوحدها كانت فكرة عبيطة لشنو بغات دير ولكن نجحات حيت دينا زاعمة داكشي لكان دينا كلاها الفضول بداكشي لي سمعات قربات جيهة لباب لكان خارج منو غالضلام وحتى لبلاصة لي ضايرة بالرحبة مضلمة من غير ضو الݣمرة اول خطوة دارت طلات فالدار غير الظلام مع زادت دخلات شوية وهو يتسد عليها لباااب بالجهد وتحبسات وسط داك الظلام لي سنين وهو مخيم على ديك الرحبة

دينا معرفات باش تبلات فاش تزدح لباب حاولات تدفعو وتحلو لكن والو تتعيط بحر جهدها على نجية ولكن ما من مجيب بدات تتشوف فجنابها الظلام كحل مكتشوف والو بعيدة على دارهم وحتى الدوار خاوي موحال واش يسمعها شي حد خافت وهي وسط داك الظلام وتتفكر شكانو كعاودو ولاد عمها تتبغي تبول فسروالها عاد طلعات معاها ضريبة الزعامة الخاوية تتقول دابا ايخرج لي شي حد تتبكي وتغوت فين نجية شكون عيط لها حتى خلاها مشات عليها بدات تتشهق وهي كلها كترعد غتموت غير بالخلعة مكاملاش عشرة الدقايق حتى سمعات الجري جيهة الباب لتحل بالجهد معرفاتش شكون الظلام حاجب الرؤية شهقات فاش حسات بشي يد جراتها لبرا بالجهد حتى تزدحات فيه معرفاتش شكون بسباب الدموع لي غمرو عينيها ولكن ريحتو لي تغلغلات فنيفها عرفاتو شكون نطقات تترجف بصوت باكي ودارجتها الركيكة:خليييفة

خليفة شد وجها لي صفار بين يديه وبدا كمسح ليها دموعها:شووو متخافيش

دينا وهي تتبكي وتشهق:انا خفت بزاااف تسد عليا لباب

كانو دموعها نازلين على خدودها وصدرها تتهز تبين قداش كانت خايفة وفعلا الظلام والخلا يخلع لي ما يخاف بلا حتى كلمة جرها عندو بشوية وعنقها وهي تتبكي كرزات عليه وكأنها تتحس بيه الامان وفعلا عتقها فاكثر موقف خايب بالنسبة لها تتبكي ويديه على راسها لي على صدرو كحاول يهدنها خليفة:شووو متخافيش انا معاك موقع والو

جسمو الضخم لي محاوط بيه جسمها الضعيف والصغير الانوثي مخليها تحس بيه الامان والحماية بقات هكاك حتى سكتات بعدات عليه شوية شافت فيه بعويناتها لكبريو بالدموع ونيفها لي ولا حمر ونطقات:شكرا

خليفة شد وجها بين يديه الدافيين لي حسات بيهم على خدودها مسح لها دموعها ونطق:حمدالله موقع والو يلاه نحيدو من هنااا

فهاد اللحظة خرجات نجية من جيهة الدوار جاية تجري حتى وقفات عليهم تتلهت:دينا ختي سمحيليا راني سمعت شي حد كعيط ليا كيف قلت لك مشيت لقيتها سمية صاحبة سليمة لقات لبرهوش ديال خويا مغيث دايع فهاد الليل تعطلت عليك اويلي مالك واش تتبكي

دينا:فين مشيتي وخليتيني كنت غير حدايا راه دخلت وتسد عليا الباب حتى جا خليفة حل عليا

نجية ضربات فخادها:اويليييي شكون سد عليك ياكما غير لبرد زدح لباب وكوانساه

دينا تتمسح عينيها:يمكن معرفتش شحال خفت(ضارت لخليفة)شكرا بزااف

خليفة لي كان مراقب الحوار وعينيه على نجية عاقد حجبانو شوية تلفتات عندو نجية ونطقات:شكرا اخويا خليفة الله يسهل عليك يلاه ادينا نمشيو اختي

دينا مع بغات تتنطق شد فيها شابك يديه مع يديها ونطق بنبرة جافة:لا غتمشي معايا غارجعي نت فين كنتي

نجية:فين غادي تديها راه مها غتخلع عليها

خليفة:مها عندنا فالخيمة بلاما تهزي الهم

ومع كمل كلامو جر دينا لي منطقات بحتى كلمة حيت مفهمات والو لاش دوا مع نجية هكاك خلاوها وراهم فداك الظلام تتقلا وهي تتشوف فيديهم مشابكين بغات تاكل ريتها سدت عليها كانت ناوية تخليها تبات تما يلاه يخرج لها العقل وتعطيها بالتيساع تخليهم كقلبو مسوقهاش كانت عارفة تاحد مغطيح ليه على لبال يجي يقلب عليها فالرحبة حيت تاحد بالليل مكزعم يقرب لها ساعة تحاجة لحد الان مبانت ليها نفعات

جا فآخر لحظة هو بالذات وخسر كلشي سمعات شي صوت جاي من الرحبة طارت وضرباتها بجرية تخاف متحشم كي الكلبة دينا مع دخلو للدوار بشوية فلتات يديها من يديه خلاتو ضار شافيها وتنهد مزعماتش تسولو كيف عرفها تما ولا غير يقولها اشداك حيت بانليها مخنزر وعمرها شافتو هكاك ديما مبشور وضاحك الطريق كاملة وهما غادين بين الدخالي دالدوار حتى دوزها عند عبد اللطيف مول الحانوت دقو عليه وحل ليهم من بعد السلام نطق خليفة:با عبد اللطيف واحد قرعة الما صغيرة ومصاصة القلب الله يحفضك

عبد اللطيف:واخا هي الاولى

رجع شافيها كانت جلسات فوق واحد الجليسة مبنية بالحجر وساهية مد يديه وقرصها من نيفها بشوية كداعبها خلاها تشوفيه وتبتاسم كان باين فيها الحزن وبلي باقى خايفة عطاه عبد اللطيف شنو طلب خلصو وضار عندها ماد ليها ديك المصاصة:هاكي

دينا شافت فيه وتبسمات مسحات عينيها ثاني وخداتها من عندو تتشوف فيها كان شكلها زوين وحمرا باين بنينة حلاتها وبدات تتمص فيها وهما غاديين بزوج جيهة دارهم شافت فيه لقاتو حل ديك القرعة مقربها حدا فمو وكقرا عليها بشوية كانت تتسمع شي حاجة وعرفاتها بلي القرآن مدات مجابت وصلو لدارو ومجات فين تدخل حتى وقفها:جلسي جلسي هنا

نعت ليها فالعتبة الباب جلسات وهي مفاهمة والو وتتشوف فيه مصاصتها فمها عاود نطق مخاطبها بهدوء:حيدي ديك المصاصة شوية

حيداتها من فمها وهي مفاهماش شنو باغي يدير بشوية حط يدو على راسها وبدا كقرا عليها القرآن وهي تتشوف فجنابها ليكون شي حد دايز واخا مكيديرو والو بقا كقرا عليها مدة حسات بالراحة وترخااات حتى غمضات عينيها مع نطق صدق الله العظيم مد ليها ديك قرعة الما لي تاهي قرا عليها القرآن:هاكي قولي بسم الله وشربي حاولي تشربيها كاملة خلي غير شوية

وداكشي لي كان سمات الله وبقات تتشرب شوية بشوية حتى مخلاتش بزاف كيف قاليها ومداتها ليه خوا شوية فيدو وبدا كرش عليها كاملة وهي مفاهمة والو من غير انه قرا عليها القران وشربات ما فيه القران اذن شي حاجة مزيانة وفالاخير عمر يدو بشوية لي بقى ودوزو ليها على وجها بحال شي بنوتة صغيورة يرجع فيها اللون حيت صفارت مع كمل نطق وشرح ليها:كنت فبلاصة مهجورة وخاوية مزيان هادشي يدار على ود الاحتياط وصافي

حركات راسها باه بعدما ربطات الاحداث فدماغها إذن القران غيحميها من داكشي لي كانو كهضرو عليه ولاد عمها ناضت بغات تدخل وقبل متفوت لباب رجعات شافت فيه:عفاك متقول لباب وباسيدي والو

خليفة حرك راسو بلا:متخافيش غير رتاحي وراه خرجات طريفة الحمدالله

تبسمات ليه شوية وزادت خلاتو متبعها حتى غبرات دار يدو فجيبو وتكى على الحيط عقد حجبانو فور ما تفكر نجية مسولش دينا علاش مشات واشداها لتما حيت بكل بساطة عارف وساكت حتال لوقت المناسب مفيقو من سهوتو غير صوت معتز لي كان جاي قاصدو بعدما لمحو وكنتر ساط الدخان وهو مضور وجهو كنش بيديه عاد شاف فخليفة لي صافحو باليد:افين

خليفة:بيخير حيد عليك داكشي اتهلك صحتك

معتز وقف حداه كشوف فالسمى وكسوط:اودي الله يعفو

بقاو كهضرو بزوج يلاه تعارفو وتفاهمو دغيا كانو كتافقو الصباح يجريو شوية بعدما يجيو من الجامع حيت معتز بدا كدوي على الرياضة وبلي غيغبر على لاصال هاد المدة وخاصو البديل وميترخاش على السبور حتى لقا خليفة اصلا عندو البديل لي هو الجري فالطبيعة وفالصباح

دينا لداخل لقات جداها ومها وعيالات عمامها وسليمة مشاو للدار بقات غير زوي ودانييلا لي كانو كهضرو مع البنات بطريقة جديدة للتواصل ختارعوها هما كانت زوي تتكتب شنو بغات لبديعة فغوغل تخاديكسيو كتحول لعربية وبديعة فاش تتبغي تجاوبها تدير نفس الحاجة باش يتحول كلامها للانجليزيه حتى جات دينا وولات هي المترجم وبقاو مجمعين وهي تتحاول تنسى شنو وقع ولي زوين هادشي هو انه هو لي عتقها وموقف آخر معاه وكيفاش تعانقو وكيف شربها لما وغسل ليها والمصاصة تنهدات وهي تتفكر داكشي تعشات معاهم تاني هي ولبنات ولكن هاد المرة مجلساتش حداه حيت فرقو عيالات بوحدهم والرجال بوحدهم حيت نوبة عشى الفقيه فيهم داكشي باش الرجال تعزلو معاه بوحدهم مع سالاو جلسو شوية وناضت رجعات هي لبنات وعمامها وباها بوبكر ومعتز والحاج احمد لي كلهم كانو مع الفقيه وصل وقت النعاس دارت روتينها الليلي وهي خارجة من الطواليط طلاقات بنجية لي شقماتها وسرسبات ليها الهضرة:دينا ختي سمحيلي بزاف على قبيلة والله معرفتش كيف وقع مشيت بجرية شفت سمية شبغات خليتك كطلي عند بالي اتبعيني حتى وقع لي وقع راه باين غير البرد لي زدح لباب فايتة واقعة تالنعيمة وتحبست تم

دينا اصلا نسات داكشي تنهدات وحركات راسها باه:ماشي مشكل صافي نساي يلاه نعسو

تبسمات ليها وسبقاتها خلاتها غير فاتتها قلبات وجها وهي تتخنزر فيها من اللور تنهدات بغات هي دير شرع يديها مدام شافت مراد مرخي ولكن مصدقاتش ليها واخا هكاك ضروري متلقى شي تخريجة مدام حلفات ليها بلي مقالت لحد علاقتها بمراد ضربات ليها طرن فدماغها حطات صبعها على فمها وهي تتفكر دينا لي تخشات فبلاصتها حدا زوي لي نعسات عيات بالضوران ليوم سليمة تاهي نعسات الدراري مقصرين كارطة بقات غير هي ودانييلا كهضرو بزوج وبهمس عاصرين على واحد شيبس

دانييلا بهمس:قالي معتز غيمشي هو وياه غدا يصليو ويديرو الرياضة

دينا:ونت كيف جاك زوين ياك؟

دانييلا:حبيتو اختي وعاد سميمر ولكن معتز حسن منو طبعا

دينا ضرباتها على كتفها وهما كضحكو وبدات تتعاود ليها على مواقفها معاه ودانييلا تذوب تاهي كثار منها

دانييلا:انا كبانلي صراحة ضريف ومؤذب حسن من هاد خينة عمرو دوا ليك على برا وميريكان؟

دينا حركات راسها بلا عمرو جبد لها الوراق الميريكان وداك التخربيق من غير خواتاتو لي كانو كسولوها على الحياة تما بقاو كهضرو شحال عليه مرة مرة عينيها كانت تتجي فعينين مراد حتى تكاحز معتز لي عاطيها بضهرو وحجب عليها رؤيتو معرفاتش واش قشعو كشوفيها ولا كانت حركة تلقائية مبغاتش يجبد معاه شي صداع ويعرفو سيرتها معاه

دانييلا:نت قلتي ليه على هاد خينة

دينا حركات راسها بلا وآخر حاجة تفكر ديرها حيت بزاف عليه حتى تجبدو قدام خليفة

بقاو هكاك دانييلا تلاهات بالتيليفون داك الساع نيت دينا كان وصلها ميساج وشكون من غيرو دخلات دغيا قراتو

خليفة:كي بقيتي؟

دينا جاوبات:شوية🥺

خليفة:الحمدلله موقع والو

دينا:شكرا بزااف كن مجيتيش معرفتش شنو كان غادي يوقع

سيفطاتو ليه وتلاهات بالهضرة مع دانييلا مع رجعات دخلات هنا بداو فراشاتها كفرفرو وهي تتشوف ميساجو وكلامو

خليفة:فوقما غتحتاجيني غتلقايني❤️

دينا:راه قلت ليك نت احسن واحد تعرفت عليه🥺❤️

خليفة:اجط فكرتيني تعاودي ديك الحركة لي درتي الصباح نتفاهم معاك

دينا بقات تتفكر شدارت عاد طاحت فبالها حركة ولد عمها:علاش مالها؟؟

خليفة:انا عارف علاااش متعاوديش ديريها وصافي

دينا:واش🔞؟

خليفة نيشان:آه🙂

دينا:😶😶😶😶😶😶

خليفة:صافي نساي المهم عرفتي بلي راه خايبة

هاهي حاجة اخرى تتزاد ليه هي انه ماشي اول مرة يعلمها الصواب ويقولها هادي متصلاحش وهادي مكدارش تنهدات وهي مبسمة وبقات شحال تتهضر هي وياه ونجية شادة تليفونها وتتشوفيها تاهي

جا نهار جديد كانو كتسناو فيه غير جوليا تجي باش يطلعو لمراكش يكريو التكاشط كانو مجمعين فالصالة هي ولاد عمها وصحابها غير الشباب بيناتهم كثرة الهضرة شي كدوي فكورة فالكورة شي جابد جابد الكارطة شي واقف وشي جالس دينا كانت لاعبة مع ولد عمها المعابزة شكون غيطيح لاخر دانييلا شادة اللعيبة دالكحل وباغية تكحل ومعارفاش شحال من مرة خورات عينيها زوي تاهي لاعبة مع واحد من ولاد عم دينا الكاتش باغية طيحو كان جو شبابي ومجمعين بينهم مراد عينيه على دينا كشوف فيها ضاحكة لمح من بعيد نجية تتشير ليه بيديها ناض عندها وتقنتو فواحد القنت

مراد:مالك ابنة خالتي اشكاين؟

نجية تنهدات بتمثيل:قلبي كياكلني عليك اولد خالتي وانا كنشوف حالك ومستقبلك كضيع ورزقك كديه البراني

مراد فهم على دينا تنهد ونطق:اودي نكذب عليك وليت باغي عبر راحة البال اختي الشوفة متتشوفش فيا صدماتني فيها بالرب

نجية:حيت نت ترخيتي انا قلت راه راجعة غير شوف لاش قالت ليك هكاك واش باغية تجرب ولا منعرف ونت طحتي لها فالشبكة ميسالش حتى دابا باقي الحال

مراد:اشمن باقي الحال تي كغندير ليها وهي معاها داك خينة كيظل يضرب فيا شي تخنزيرات ديال الحبس غنبقى تنشبكها معاه عاد باها جايين نخلقوها فالعرس مباغيش نشبكها ونولي مبلبلها

نجية عارفة ولد خالتها فيه غا قوة الهضرة وديك انا انا ستاغلات هاد النقطة:واش نت تبغي واحد غير ولد الدوار من هنا يجي وراك ويسلك ياخد داكشي لي عامين ونت جالس تبني فيه متسولنيش شكون ولكن لغنقولك اولد خالتي حل عينيك ودير شرع يديك راني عارفاك قدها على الاقل واحد فتريكتنا يتعتق ويسلك اما حنا بنات اخرتنا زواااج

مراد غا سمع شي حد غيدي بلاصتو وهي تحمى فيه البيضة شحال وهو كخيط ويفصل ويسمع بلي شي حد غيديها باردة وغير عروبي كيفما قالت ليه ناجية تالهادي حبس المرقة رجع شافيها:ضبريلي فشي كوان مخلوي وشوفي كديريلي جيبيها نهضر معاها

نجية:هي لي متعاودش سير لجنان الفصة انا دابا نشوف كندير نخرجها ونجيبها تالعندك

حرك راسو باه وقصد فين قالت ليه انا هي دخلات بقات تتقلب على شي فجوة تجيب بيها دينا بوحدها بلاما يلصقو فيها صحاباتها وداكشي لي كان مع شافتها خارجة تتلبس صندالتها وهي تشقمها:دينا يلاه معايا

دينا:فين منمشيوش لتما فين مشينا لبارح

نجية:اويلي من نيتك يلاه معايا غير لجنان لفصة نجيب غا شوية

دينا غسمعات جنان الفصة ديالهم لي مقابل مع جنان القصة ديال دار خليفة ولاو فيها عشرة:يلاه زيدي

نجية تبسمات وزادو وهي تتشوفها شحال ساهلة دغيا كطيح معرفاش بلي هداك مول القلب البيض والنية مكنويش الشر فبنادم حيت هو مفيهش الشر كقول كلشي بحالي وماشي مكلخ بقاو غاديين بزوجات دينا تتلوح عينيها فالاراضي يقدر يبان لها هدا وقتو فاش كسرح ولكن نيسات فاش شافت ولد عمو هو لي جالس مع البهايم عندو الشغل بزاف لعرس بقاتلو يومين داكشي باش مسرحش وكان قالها ليها زفرات وبقات غادية هي ونجية حتى سمعو شي حد كعيط لهم تلفتو كان مراد كينفذ جزء من الخطة دينا شافت فنجية:هاهو معاك انا غنمشي

نجية:متمشيش اتبيني ليه راك مقروصة متمشيش

مع بغات تهضر دينا وهو يوقف عليهم يديه فجيابو مد يدو لنجية صافحها وهما كهضرو غير بلعينين ومد يدو حتال لدينا لي زفرات صافحاتو وجرات يديها دغيا كانت تتبين ليه شحال ممستحملاهش شاف فنجية ونطق:فين غاديين؟

نجية:غادين غانجيبو شوية الفصة

مراد:يلاه زيدو انمشي معاكم

دينا على شفايفها وهما غادين من واحد الناحية مبغاتش تنساحب باش متبينش ليه راه مقروصة ومنوية من جيهتو ومن جيهة اخرى فقصها واش هو لقاليها نتفارقو لاش لاصق فيها دابا وفينما ضارت كتلقاه وهما غاديين ساكتين نجية تتسنى غير تعزلهم فواحد القنت مخلوي ميضرب عليهم حد

وهما غادين نجية ومراد كهضرو هي غير ساكتة معاجبها حال تتسنى تجمع نجية هاد الفصة ويرجعو بحالهم فنفس اللحظة شهقات عفطات فحفرة خلات رجليها تلوا وتجي طايحة للارض يديها نيشان تحطات فواحد الشوك خلاتو يدخل ليها فالرحى ديال يديها عينيها دموعو متحملاتش داك الالم لفيديها تتشوفيها كيف دخلو فيها تلاتة الشوكات هكاك باينين مخشيين ليها فيديها بدات تتبكي وهي شادة فيديها نجية ومراد شافو فبعضهم وهما يتكرشخو بالضحك عليها خلاوها غير تتشوفيهم وتتبكي بصمت كتسناهم يعاونوها ولكن مشغولين بالضحك

نجية كضحك:وناري كيف تكربعتي اصاحبتي

مراد:امالك مصنوعة من الفرماج زوج خطوات ونت تريبي

كضحكو مخاصهم خير مطلعينها عليها مدازتش دقيقة حتى شافتو نجية قاصدهم دغيا جمعات الضحكة خليفة وقف عاقد حجبانو شاف فدينا مكربعة فالارض كيفما شافها من بعيد وهو خارج من دار الضيافة بعدما جا من السوق ورجع شافيهم:كضحكو السينيما هنا؟

نجية شافت فدينا ومدات ليها يديها:نوضي ادينا راه غكنبسطو معاك ابنة عمي

خليفة جا قدامها بينها وبين دينا ونطق بصوت حاد:قبيلة ديري شي حركة ماشي حتى ضحكتي وشبعتي راه بنت عمك هادي وشاركة معاك الدم

ورجع شاف فمراد لي واقف مسمر حاضي لبلان وتيرا فيه:خاصك تكون مقطر تالقاع باش تضحك تلودنيك وقدامك ولية مقهورة كطيح فالدموع ما رجلة موالو

مراد:عشيري مالك داخل سخون وكتبومبا علينا والمعيار مالنا منخافوش

خليفة مسح على ذقنو وهو كسمع دينا تتقولو صافي موقع والو زفر ونطق ببرود عكس كيف كان:سير بحالك

مراد قرب عندو:لا مغاديش اشغدير داخل سخون

خليفة مخلاهش يكمل حط يدو على وجه مراد ودفعو بالجهد من وجهو:وسييير بحالك البشاااار راه غنخلطك

مراد دار يدو على خدو داير فيها معصب وضابط راسو حيت غيرونها نعت فيه ونطق:عقل عليااا مزياااان

خليفة زاد قرب جيهتو:عاقل عليك غا سير ليام كضور

مراد زاد دينا ونجية كرمو فبلاصتهم نجية صفارت فاش شافتو شاف لجيهتها وهو مخنزر وتيرا فيها بنبرة آمرة:تبعييه طيري حيدي من هنا تانت

داكشي لي دارت نزلات راسها وزادت كي الكلب تاهي بحال لي قبل منها مع غبرو ضار عند دينا لي براسها خافت فاش شافتها غتشبك وشافتو هو كيف كان عمرها شافتو هكاك تحنى بشوية بلاحتى كلمة وهي تتشوف فيه وهزها بين يديه ضورات يديها على عنقو وزاد بيها جيهة فين كاينين لبهايم كانت تتشوف فيه وهو هازها بين يديه ممسوقش لبنادم كان ولد عمو ولكن غا صغير هدا ماشي من دوك الكبار هو لي مقابل البهايم حطها بشوية على واحد الخنشة خاوية مسرحة تما وضار عند ولد عمو:منصور صافي اسير للخيمة

حرك راسو باه ومشى خلاهم بزوج تقابل معاها وشد يديها لي وراتها ليه كانو لاصقين فيها تلاتة الشوكات بحال لعواد رقاق على شفايفها وبدا كحيد لها بوحدة بوحدة وهو مورك على الرحى ديديها باش يخرجو بلا دم مع جبدهم كانت واحد القرعة تما مثلجة خلاها ولد عمو هزها ومدها ليها:بقاي شادة فهادي

وداكشي لكان حسات بيها بردات لها يديها ومبقاتش تضرها

خليفة:تلوات ليك رجليك ياك؟

دينا حركات راسها باه وبدات تتوريه:اه كضرني من هنا

كانت تتنعت فالشوفية لي المرة الثاني وهي كتلوا لها بمسبة نجية وهو كان عارفها تلوات لها رجلها حيت شافها كيف طاحت من بعيد وداكشي علاش هزها بلاما يهضر شد ليها رجليها وبدا كماصيها ليها وهي تتشوف فيه هايمة كمية من الرجولة وخصوصا كيف دار لداك خينة برد لها لقلب نساها انهم ضحكو عليها ومعاونوهاش فاش جا هو قلبها غيفرفر ومبقاتش قادرة تصبر واخا كبانليها معصب مقادراش تسكت وهي ترونو عليها الاحاسيس خلاوها تنسى الحشمة وزيد عارف مبقى عندها متخسر

دينا:بغيت نقولك شي حاجة وعتابرها كيفما بغيتي واخا راك عارف وزيد انا كبرت فبلاد ماشي عيب نعتارفو عتابرني كيفما بغيتي ممربياش معنديش كرامة المهم لي بغيتي المهم مقادراش نسكت

خليفة وهو مزال شاد رجليها هز راسو فيها ونطق:اشتما

دينا القلوب كخرجو من عينيها الفراشات فمعدتها قلبها كضرب وصوت كبين كمية الذوبان لي حاسة بيه:كتعجبنييي ومتخايلش قدااش فيك ݣاع مواصفات فارس احلامي لي سنين وانا كنقلب عليه وهانا لقيتو

الحاج احمد:ياعودو بالله اشهاد المسخ فعز النهار

دينا غير سمعات صوت جدها عينيها خرجو وجرات رجليها من يدين خليفة لي ناض وقف الحاج احمد لي كان جاي قاصدهم وكنعت ليه:وتاشد راه غيمشي يطرحها اناري

خليفة معرف باش تبلا عند راسو راه جاي ليهم ولكن بانليه كنعت فجيهة اخرى وبالضبط جيهة البهايم تلفت وهنا لقى واحد الحولي من بهايمو طالع فوق واحد الحولية وهي اصلا حاملة قصدهم بالزربة وفرقو عليها حيت حاملة مخاصوش يطلع يمارس عليها وهو تقيل يقدر يطيح لها الكرش دينا دغيا جمعات الوقفة نسات الرجل لي ضاراها:باسيديي

الحاج احمد شد فيها بلاما يهضر عينيه على الحولية والحولي:وتاهي حاملة لاش مخرجينها لاش اشوية ومكان غيطرحها(يطيح ليها الحمل)الكافر بالله

خليفة وهو جاي قاصدهم:راني غا تدهيت ابا احمد وسيفطت كلشي مع منصور ولد عمي هادي مجيتي من السوق

الحاج احمد طبطب ليه على كتفو:معندك مدير اولدي ان شاءالله كلشي يدوز بخير وعلى خير والدريرية تمشي لدارها هازة راسها

خليفة تحنى وباسليه يديه:امين اللهم اميييين

دينا:باسيدي فين كنتي؟

الحاج احمد:كنت عند شي ناس ابنة ولدي نت اش سايرة ديري هنا

دينا شافت فخليفة:انا كنقرا عربية ابا خليفة يوريها ليا انا والدراري الصغار

الحاج احمد عارف ولاد ولادو كجيو عندو يخدم معاهم داكشي باش محكرش بزاف وزيد ݣاع مدر لبال فاش كان شاد لها فرجلها وهو اصلا ناقص ليه الشوف

الحاج احمد:يلاه زيدي راني جبت ليك معايا شي حاجة من لاݣار خليفة دوز بخير

خليفة تقطعات ليه اللحظة لي كان عايش معاها تنهد ونطق:الله يحفضك ابا احمد

دينا زادت مع جدها معاجبها حال كانت حتى عتارفات وخسرات لها اللحظة تلفتات شوية تتشوف فيه من بعد غبرو هي وجدها وسط الاراضي مبقاوش كبانو ليه خلاتو كمسح على شعرو وختمها بتبسيمة هز فيها راسو للسما وهو كتفكر كيف عتارفات بصوتها الرقيق وديك نت فارس احلامي زعزعات ليه المشاعر خلاتو كقول فبالي تهدا ݣاع زهر عندك اسي خليفة ولكن قطعها عليهم الحاج احمد مجا فين يضور حتى بانتليه نجية صايݣة حمار وغادية تسݣي رجع عقد حجبانو وهو كحس بموجة من الغضب من جيهتها قصدها بلاما يفكر تا وقف عليها خلاها شهقات معرفات باش تبلات عينيه كانو كيف القرطاس عليها خلاوها تخاف وتبدا تبلع ريقها نطق بصوت متحجر:هادوك فعايل ديريهم مع بنت عمك شاركة معاك الدم

نجية:والله اخليفة الا كنا غير كنضحكو معاها

خليفة:مكندويش على ݣبيلة كندوي على الرحبة راني عارف كلشي بلاما تبداي تبوهلي عليا اشهاد لفعايل دليهود

نجية بدات تترجف وهي تتحاول تحكم فراسها وتبت:والله اخويا خليفة لبارح الا خليتها حداها مشيت دغيا تكلمت لسمية رجعت لقيتك نت راني قلت ليها ميكون غير لبرد لي سد عليها

خليفة دم سنانو شي حد يكذب ليه فوجهو وهو عارف الحقيقة نطق وهو مغزف:البرد غيحط حجرة قدام لباب باش يتبثو ميتحلش ياك راني ماشي برهوش سنان لحليب ضحكي عليا بزوج كلمات مكفاكش التسلݣيط وزايداها مقطرة من لفوݣ

نجية بدات كلها تترجف تخاف متحشم بلعات ريقها وهي تترعد وتتشوفيه حالو كيف داير صح من قال تجنب نوضة الدرويش الا مشى تناض ليك عول على خزيت هز صبعو فوجها ونطق بتحذير كان كعني كل كلمة كقول

خليفة:عطيها بالتيساع ولا هاد المرة غتشوفي مني لي عمرك مشفتيه واول حاجة غندير هما فعايل الشايطات لي غيوليو فراس باك فوتيني عليك وتقاي ربك راك قريب تولي على دمة راجل هادشي لكديري فيه مكبغيه لا عبد ولا خالق

لاح عليها كلامو لي كان تهديد بانه طفح الكيل من تصرفاتها عيا يتحاشاها ولكن لصقة عافطة على كرامتها من جيهتو وهدا كان تحذير باش تحبس عليه هاد الحزاق ولي زاد جعرو هو فعلتها زاد خطوات قليلة حتى وقفو كلامها بصوت باكي

نجية:شنو لي فهاد دينا مفياش درت عليك لي ميدارش ونت عمرك شفتي جيهتي شنو ناقصني

خليفة ضار شوية وتيرا فيها:ناقصك العز والنفس

لاح عليها كلامو لي كان كفيل بانه يخليه تحل عينيها وتقبل الواقع زاد وخلا دموع حارين يطيحو على عينيها خدات الجواب لي مدة طويلة كانت تتهرب منو جاها نيشان انها رخيصة وساهلة والرجل عمرو كبغي الساهل حيت مغيحسش بحلاوتو حيت بكل بساطة ساهل بقات واقفة هكاك تتبكي على وقفتها حسات بالحس وراها تلفتات بدموعها وهي تشوف سليمة لي كان مخبية ورا الدرݣ خرجات ووقفات مقابلة معاها تتشوف فيها:صافي سمعتيها منو قنعني دابا

بدات تتمسح دموعها بعصبية وسليمة تتشوف فيها:ماشي حرام عليك كن وقعات ليها شي حاجة فين عمرك كنت هكا واش على قلة الرجال

بغات تزيد بحالها ولكن حبساتها وشداتها من ذراعها:شوفي فلكبغيك اما لي لكتبغيه نت راه سمعك هضرة قصح من الزمان واخا نت لي قلبتي عليها سعيد شاريك بالغالي نت لي مبهدلة راسك انجية

طلقات منها وزادت بدموعها تتبكي فصمت ولكن رجعات وقفاتها:غدا غادي يجي سعيد يحضر العرس ومجيتو باينة باش يرصي ضريب الصداق والعرس بداي تقبليها حيت هدا مكتابك وانا متأكدة مكتوبك زوين غير رخفي على راسك

زادت وخلاتها تتشوف فيها لهاد الدرجة يقدر الحب يوصل لواحد انه يدل راسو ويبغي يآدي غيرو وماشي شي وحدة لي مقموعة باش دير على راجل هاد الحالة جاي فيها واحد كلشي عارفو كحماق عليها غير نهار جا يطلب يدها شحال جاب تنهدات وزادت للدار هازة سطلها ديال الهندي غادية تتفكر فدينا وفحال ختها

فجيهة اخرى كانت قدام بهايمو عاقد حجبانو وباين مجاجو وممقادش وعلاش لا وهما خرجوه على طوعو كتفكر كن مكانش لبارح ولمحهم غير صدفة كن خلاتها تما توقع ليها شي حاجة اقل ضرر الا متمساتش كانت غادي يخرج لها العقل بالخوف شوف ربي مين كبغي يفضح الواحد كان غير راجع من الجامع وقال اجي يدوز من الطريق اللورانية ديال الدوار حتى شافهم من بعيد كيف دخلات ولوخرا سدات عليها وتبتات على الباب حجرة باش ميتحلش اليهود وميديروش هاد الفعلة زيادة على فعايلها ديال بنات الزنقة شحال حومات عليه وكان كدير براسو مكفهمش وزيد وهي هاضر فيها الرجل هادشي لي مكقبلش العقل فرق كبير بينها وبين لوخرا لي غير نية الله تتحشم وهي كابرة فبلاد النصارى يا حسرة

تنهد وخوا عقلو الحمدلله خرجات طريفة وحضر فيها هو خاص يحل عينيه ويبقى حاضيها مين شاف هادشي عرف بلي ضربة الغذر تجي غامن لي قريب ليك فلحظة تفكر قبيلة واعترافها محسش حتى تبسم وهو كلعب فالتراب بصبعو ويديه على ذقنو كيفاش طلقاتها وعتارفات وما اجمل الاعتراف واخا راه كان عارف لانه ميخفاوش عليه تصرفاتها لكبينو شحال من حاجة واخا قطع عليهم اللحظة جدها الا انه مدا مجاب وهدا هو الربح

فجيهة اخرى فدار ديال عائلة دينا مجوقين على الحاج احمد فالصالة لي حال واحد الخنشة وبارك كفرق دانييلا تبسمات وناضت باستو فخدو وهي تتشكرو

دينا:قاتلك شكرا بزااااف اباسيدي وتانا غنقولها ليك

ناضت تاهي باستو فخدو وفراسو تبعاتها زوي وهما فرحانين بحال ݣاع ولاد عم دينا لي كانو مجموعين تقدا ليهم السقاطة والطوانݣ والسناسل من السوق وفرق على الحزاق كامل

زوي كان شادة طوانݣ ديال الصقلي مدليين دغيا حلاتهم ودارتهم عاجبينها دانييلا جات فحقها سنسلة دالعقيق دارتها تاهي ودينا ختارت بوندو دالشعر لصقاتو فراسها وكلا واحد اشنو جاه فحقو كانو هدايا رمزيين وبساط لكن فرحهم والاهم غير مين تفكرهم هدا هو الرباح عاود فرق عليهم الفانيد كلهم حتى بانليه معتز دايز وجلس يعيط ليه تاهو:تعالا تعالا تي اش سمو هدا

دينا عيطات ليه:معتااااااااااااز

معتز طل:وي دينا سلام عليكم

الحاج احمد:تعالا تعالا هاك

دخل وعطاه تاهو ݣورميط ديال العقيق كحلة ومصاصة خلات معتز يتبسم وتحنى باسليه على راسو:الله يحفظك الحاج شكرا

الحاج احمد:غدا نجيب ليكم الفول والفاكية من السوق

دينا ناضت وتلاحت على جدها تتبوس فيه حنية الاجداد مكاينش بحالها ابدا:انا كنبغييك بزاااف اباا سيدي

الحاج احمد ضور يديه عليها:تي انا اشعندي عندي غانتوما

وشدها من ذقنها وهي كضحك وباسها فخدها كان جو زوين عائلي سائد على الدار

دينا تتوري لمها البوندو:ماما شوفي اشجاب ليا با سيدي

شادية دخلات وجلسات:هاي هاي الله يخلف عليك الحاج

الحاج احمد خشى يدو فالخنشة ومد ليها طوانݣ ديال الصقلي:هاكي تانت امرت ولدي منسيتكش

شادية خداتهم:الله يخلف عليك الحاج ويطول لينا عمرك

الحاج احمد:انا غامين جيتو عندي هاديك هي الدنيا وما فيها

مد لسليمة سنسلة تخليها لختها وبقى لي دخل يعطيه حاجة حتى من مراد لي كانو عينيه قرطاس على دينا متسرطش ليه بلان قبيلة خصوصا مين عرف ان هداك لي دفعو هو لي خدا بلاصتو

زوي:جدك كي حمق اختي وجدااااتك حبييييتها

دانييلا:الجو هن زويين تتحس بطعم العائلة حنا كنتجمعو غير فالكريسماس

دينا تنهدات وهي مبسمة وتتشوف فالصالة شحال عامرة بعائلتها وبالضياف لي عندهم فعلا الدفئ العائلي لا يعوض حسات بيه فاش حسات ان لمة العائلة لا تعوض كلشي مجموع كلشي تتعاون وهادشي شافتو حتى فدار خليفة كيف معاونين على العرس عكسهم فميريكان كلا ساد عليه بابو كلا كجري مع الوقت كتجمعو فقط فراس العام والكريسماس ندمات بزاف على الوقت لي ضيعات ومكانتش تتجي عند جدودها لي أحن منهم مكاينش شنو دايرين عليها

نهار جديد تتعنق وتبوس فختها لي موحشاها يلاه وصلات بعدما مشى باها ومحجوب والحاج احمد جابوها من المطار جلسات حداها دينا وكلشي كرحب بيها

جوليا معنقة جداها:توحشتك بزاف اميمة

الحاجة رحمة:وتانا اكبيدتي وفرحتوووني وحنا مجموعين والله يخلينا ديما مجموعين ياربي

كلشي:اميييين

بوبكر باس راس مو:الله يطول فعمرك اميمتي دارتها الغربة ولكن مين كنشوفك نت والوليد على خير كنسى البعد

الحاج احمد:انا راه نتسنى النهار لي تدخل فيه لبلادك بالريق الناشف اولدي

بوبكر تنهد مساهلش حيت صافي رسم حياتو تما:يكون خير الوليد الله يطول ليا فعمركم نتا والعزيزة

بقاو جالسين كان مزال مودنش الظهر رتاحت جوليا غير شوية ونوضاتهم يمشيو لمراكش لي كان بعيد بساعة على الدوار يكريو التكاشط باش غادي يحضرو حيت كانو تتسناوها غير هي وداكشي لي كان شدو الطريق تقسمو حيت كانو كثار طوموبيل دمحجوب غيمشي فيها الحاج احمد وبوبكر وشادية وجوليا وطوموبيل دعم دينا الصغير اتمشي فيها دينا زوي معتز دانييلا ومراتو سناء لكان ديجا جمعات مع شادية وقالت ليها بلي تتعرف شي وحدة زوينة موالفة تكري عندها غتوريها لهم وتكري تاهي الطريق كاملة وهما مجمعين فالطوموبيل ولقاو عم دينا راجل سناء عالاااام تاهو بحكم مكانش كبير بزاف تاهو شباب بحالهم

جوليا بهمس:هي فاتتني شحال من حاجة

دينا:الليلة غادي نعاود ليك كلشي

جوليا شدات فيها:انا لي بغيت منك هو تردي لبال وصافي

دينا تنهدات:غلطة دازت وتعلمت منها

جوليا:مقربش جيهتك داك الحمار؟؟

دينا حركات راسها بلا مظطرة تكذب باش متعمرش بيه ختها راسها ميستاهلش:معتز مكحيدش من حدايا

جوليا:ماما معرفاتش شكون هو ياك

دينا:مقلتش ليها شكون

جوليا:مزيان صافي اصلا غير وسخ شفتو حالتو

دينا تنهدات فعلا ماماها عارفة بلي كانت مع شي حد لي قريب من العائلة ولكن مقالتش ليها شكون وراه جالس معاهم فالدار مشارك معاهم كلشي وصلو لمراكش بالضبط قدام المحل ديال التكاشط والقفاطن نزلو ودينا تتشوف فجنابها توحشات مراكش عامين مجات ليه دخلو وبوبكر ومحجوب والحاج احمد ومعتز وعزيز لي هو عم دينا الصغير مشاو لاقرب قهوى يتسناوهم

دانييلا عينيها طرطقو بالقفاطن والتكاشط لي حمقوها:كنت كنشوفهم غير فانستاغرام دابا غنلبسهم

شادية بالانجليزية:شوفي هادي ادانييلا الازرق الملكي غيجي ليك مع لون بشرتك

دانييلا:اه تانا عجباتني بزاف

جوليا خرجات ديجا لبسات:شوفوو حمقاتنييي

زوي وهي تتشوف فيها:واااااااو

جوليا:زوينة ياك صافي اماما انا غناخد هادي

شادية:صافي حبيبتي جاتك غزالة تباركالله حتى تشوفي ليزاكسسيسوار ديالها

دينا لي كانت فبلاصة دالتبدال لابسة تكشيطة ومعلقة وحدة وتتسناه يجاوبها بعدما لبساتهم بزوج وتصورات بيهم وسيفطاتهم ليه يختار معاها كانت عالماه بلي غتسيفطلو وبغاتو يعاونها تختار تبسمات فاش ختار نفس التكشيطة لي عجباتها هي نفس الذوق جاوباتو

دينا:حتى انا عجباتني هاديك نيت🥺❤️

خرجات عندهم وفعلا كلهم عجباتهم عليها دانييلا وزوي تاهما قيسو وختارو وهما فرحانين اول مرة يلبسو القفطان جمعوهم ليهم وخرجو دارو شوية فالمدينة ماشي بزاف حيت مزروبين جلسو تغداو بالشوا ومن بعد شدو الطريق راجعين للدوار

خارجة بعدما سيفط ليها ميساج تخرج يشوفها تتسلت وتتشوف فجنابها غادية مع الحيط وسط ظلام الليل بقات غادية تتسلت فين قاليها حتى وصلات بالضبط ورا الكوري ديالهم فين كانت واحد الدخيلة معزولة تبسمات فاش شافتو متكي على الحيط يديه فجيابو تقابلات معاه مبسمة شادة خصلة من شعرها مرة مرة تتنزل عينيها للارض وحتى هو كشوف فيها مبسم: لباس؟

دينا عينيها فالارض:حمدالله ونت؟

خليفة:بخير غابرة عليا ليوم شنو قصتك

دينا تكات على الحيط تاهي:راك عارف فين مشيت شنو زعما توحشتيني؟

خليفة ضار جنب و تقابل معاها عينيه عليه كيف بدات تتطلق معاه وهادشي عاجبو ليوم مشافهاش مجاتش عندو للجنان وجاتو ناقصة خلات بلاصتها:شبانلك؟

دينا عينيها فالارض مبسمة وهزات كتافها:معرفتش

خليفة:مخرجك من وسط داركم والظلام باش نتخشاو وسط هاد البنييقة وتتقوليلي معرت انا ݣاع هادشي غنديرو لله فسبيل الله؟

دينا تبسمات وهي منزلة وهو كضرب ليها المعاني انه توحشها وكدا وصراحة تاهي دوزات نهار ناقص بلا بيه وزيد لبارح مدواوش فالليل طاحت كاو نعسات

خليفة:لبارح الا منفعني عقلي اخر هضرة كانت بيني وبينك فيها داكشي ديال الاعجاب وفارس الاحلام ياك

دينا دارت يديها على خدها وهي حشمانة ولكن مدام خرجاتها لبارح بكل ثقة معندها لاش تحشم دابا هزات فيه عويناتها وحركات راسها باه هو هنا حط يديه على قلبو ونطق:اححح

ردة فعلو خلاتها دير يديها على فمها وهي كضحك اما هو مكتافي غير بالابتسامة وعينيه كبريو دابا هو لي قلبو كفرفر وهو لي حاس براسو غيطير وهو كسمع اعتراف من وحدة ملكات عقلو وحتى قلبو فمدة لي قصيرة بتصرفاتها شكلها هضرتها فعايلها كلشي كسرات الصمت بصوتها الرقيق:واش بغيتي تعرف شنو لي خلاك نت بالذات

خليفة بشوية حيد رجع لها خصلة من شعرها ورا ودنيها ونطق بصوت اشبه بالهمس وهما قراب لبعض كتسنى يسمع شنو لخلاها تفتح ليه قلبها:قولي انا كنسمعك

دينا بقات تتشوف فيها وهي تتجمع الكلمات لمناسبة فشنو خلاها طيح فيه علاش فتحات ليه قلبها ويكون هو وماشي اي واحد فيكسات عينيها فعينيه وبدات تتنطق وكل كلمة كانت كتعنيها بزااف:منهار عرفتك معمرني كنت خايفة وانا معاك فوقما حتاجيتك كنلقاك قبل منقول الحاجة كتكون نت فهمتيني وحسيتي بيا معاك كنحس براسي فرحانة متخايلش قداش بحالا كنعرفك من شحال هدا واهم حاجة هي أنك كتخدم بزاف اي حاجة قوليك كديرها كتعاون اي واحد خواتاتك ماماك باباك لي بغاوها كديرها ليهم بكل فرح وهادشي لاحظتو فيك وزيد كلشي كقول عليك هضرة لي زوييينة بزااااف وعاد انك مؤذب ومحتارم وهادشي ولا قليل فالناس ومعمرني سمعت ولا شفت منك شي حاجة لي خايبة

خليفة بقى غير كشوفيها وكسمع لها كيف تتعبر وخوات قلبها خلاتو غير كشوف معمر شي حد رد لبال لانهم كخدم بزاف لان هادشي واجب عليه طبعا يخدم عائلتو هو لي راجل وسطهم بعد باه ولكن باش تكون هادي نقطة تخلي شي وحدة تبغيه بيها راه عمرو تخايلها دينا بعدما نطقات بكلامها وخوات قلبها عاد حسات على راسها عضات على شفايفها ونزلات راسها وهي حشمانة حتى طلقاتها عاد حشمات خليفة بشوية حط يدو على ذقنها وهز ليها وجها حتى تقابلو عينيهم

نطق بصوت طاغية عليه بحتو الرجولية كلام غيخلي قلبها يفرفر تاهي:داكشي كنديرو حيت واجب عليا اما نت شي حاجة كتجيبني جيهتك كنبغيك فاش تكوني معايا تحاجة متخصك تكوني مرتاحة وناشطة واي حاجة تقيصك ولو بشعرة نحيها كيفما مبغات تكون نت قلتيها دابا وانا راه عتارفت شحال هادي وفعايلي كانو هما باش عتارفت

ومع كمل كلامو قرب بشوية جيهتها كثر وطبع قبلة على راسها وقبلة الراس عندها معاني كثيرة واولها الاحترام والتعبير عن غلاوة الشخص عندك دينا كمية من المشاعر العاطفية تتحس بيها دابا معاه كتنسى كلشي من غير انه كان سبب فانها تنسى حزنها هو سبب فرحتها وسعادتها بعد عليها وحط بشوية يديه على خدها ونطق:راني خورزي(خضر)فهضرتي منعرفش نعبر فهادشي ولكن الخالق بوحدو لي عالم بيا من جيهتك

هزات يديها تاهي وحطاتها على يدو لي على خدها وهما كشوفو فبعض كانت موجة ديال الاحاسيس بينهم عاد لغة عيونهم لي على بعض ولغة اجسامهم شكون قال اخر حاجة كانت توقعها دينا هي انها غتعيش قصة زويييينة فوسط الدوار لي جات هي حزينة ومحطمة وهو براسو مكانش متوقع انه تجي وحدة من بعييد وتكسب قلبو واعجابو فوقت قصير وسط هاد السكوت كامل كسر الصمت بشي حاجة لي ضروري يقولها ليها

خليفة:متسولينيش علاش وكيفاش ولكن بنت عمك نجية خليك بعيدة من ساحتها

دينا بقات غير تتشوف فيه شافتو شحال من مرة تعامل معاها خايب وهي عارفة علاش ولكن معارفاش قضية الرحبة وهو فضل يبقى ساكت تنهدات وحركات راسها باه وزاد كمل كلامو:داك نص رويجل عمرو طاف بساحتك ولا دواك؟

دينا هنا بلعات ريقها شوية فاش شافتو قالها وهو عاقد حجبانو شوية هي مصرة انها متقوليه والو حيت مكاين لاش ولكن شنو غتكون ردة فعلو الا عرف؟دغيا حركات راسها بلا ونطقات:لا اصلا مككونش قريب ليا وزيد ديما معايا معتز

وهنا مع بغا ينطق سمعات شي حد كعيط ليها بعدات عليه ونطقات:ماما يلاه نخليك دابا

خليفة:ردي لبال لراسك

سيفطات ليه بوسة فالهوى ومشات تتجري خلاتو متبعها تنهد وهز راسو للسما قلبو فيه شلا كلاااام ليها ولكن هو كبين بأفعالو وهي لاحظات هادشي وكانت سبب فانه ياخد بلاصة فقلبها كيفما قالت ليه

شادية:فين كنتي اماما؟

دينا:غير هنا اماما مالكيي؟

شادية:راني جمعت ليك الحوايج لي غتدي معاك لحمام

دينا دخلات هي ومها:واخا انا غنشوفهم

دخلات هي ومها ومعتز خرج كان نيت واقف مع شادية فاش كانت تتقلب عليها ساط الدخان وهو كضور عينيه فالدوار واحد الهدوء غزال وعجبو لمح خليفة خارج من الكوري وهو يقصدو صافحو وبقى مجمع هو وياه

داز الوقت كان فبيتها هي وجوليا بعدما عاودات ليها بلانها كامل معاه منهار عرفاتو جوليا تتسمع ليها وتتشوف فيها كيف كتعبر وغارقة مسكينة

دينا: عرفتي راه واخا نعيا نوصف ليه منقدرش نوصف داكشي لكدير معايا والله

جوليا:معمرو مسولك ولا جبد ليك الوراق والجنسية وكدا؟

دينا حركات راسها بلا:عمرو دوا لي على حياتي تما اصلا

جوليا:سولت عليه معتز صراحة شهد فيه مزيان ولكن خليني تنشوفو تانا

ناضت جوليا تكلم لجداها رحمة تتعيط من لتحت وبقات هي جالسة جامعة رجليها عندها وتتفكر فاعترافها ليه وكذلك اعترافو لها حتى اخيرا تفكرات القبلة لي طبع على راسها حسات بيها قبلة دافئة وحنينة خربقات كيانها خلاتها تغطي وجها بيديها وهي كضحك حشمانة

جا نهار جديد الصباح مع جوايه العشرة الدنيا عامرة وهما كتسناو العروسة تجي من الحمام كلشي واقف حدا دارها ݣاع ناس الدوار كغنيو ويشطحو الرجال واقفين بعيد شوية والعيالات قدام باب دار العرس شي كيشطح وشي كصفق وكغنيو دقة وحدة والبراهش كتناقزو بدات الصلاة والسلام على النبي فاش شافو الطوموبيلات جايين من السوق لي فيه الحمام فين مشات سميحة مبغاوش يغسلو فالحمام ديال الدار حيت الصغير ومغيقدش هي ولبنات لي غيدخلو معاها وقفات الطوموبيل الاولى وهي لي كانت فيها سميحة وصايݣها خليفة نزل حليها لباب خرجات اسمهان وبشرى وقفو ليها عند الباب خرجوها بالصلاة والسلام على النبي وهي لايحة عليها سلهام بالبيض ودايرة قبو على راسها طلقاو ليها بديعة وخديجة بالتمر والحليب ممشاوش معاها حيت مزوجات كلشي كغني وكشطح جات لعندها يزة تتبوس فيها وتعنقها مقاداها فرحة وسميحة تتبوس يد معاها وتعنق فيها مبقى والو على الفراق كان كلشي كسلم على سميحة واخا هي جاية غا من الحمام ولكن الفرحة لي مشاركينها مخلينهم فرحانين بيها وعاد عندهم العروس شي حاجة مقدسة فالموروث ديال منطقة حداهم كانت لبيكوب لي مشاو فيها البنات مع سميحة لحمام بدات تتنزل وحدة بوحدة ومحجوب كعاونهم ينزلو كان وكانت معاهم حتى دينا وزوي ودانييلا وجوليا لي باين فيهم الحمام من داكشي لايحين عليهم الجلالب لاويين على ريوسهم الزيوفا ديال حياتي بحال لبنات ديال الدوار شافو داك الجو هكاك بدات تتعمر تتمايلو وكديرو بحال الناس فالشطيح كلشي ناشط كلشي عاجبو الحال كلشي يشطح دخلو سميحة للدار وتفرتكو يوجدو راسهم حيت دارو الحمام الصباح وفالليل ليلة الحناء وعاد غايجي العريس تاهو وعائلتو

كانو فلبيت لي مرون هالي كتصايب شعرها هالي كتنشفو هالي تتصبغ دفارها دينا قادات دغيا ودارت الماكياج جمعات شي صبايغ فواحد الصاك وناضت خارجة غادية عند سميحة لي طلباتها تصبغ لها ضفارها قبل ما تنقش سدات لبيت وراها الدار كانت شبه خاوية حيت الحاجة وعريساتها كاملين سبقوهم عند مالين العرس نازلة من الدروج وهي طلاقاه نزلات عينيها وضورات وجها مبغاتش دويه مجات فين تفوتو حتى شدها من ذراعها ضورها عندو طلاقاو عينيهم وهو ينطق

مراد:على وجهك مبغيتش نخرج على طوعي مع داك بنادم ولكن راه باين شنو باغي ازين

دينا نترات منو ونطقات:ماشي كلشي طماع بحالك

مراد:كلشي باين وبلاما ديري فيها الفداء ديال زوج دريال نت معروفة عليك ساهلة طيحي وهو ولد العروبية باغي يصوڤي

دينا حسات بموجة ديال الغضب طلعات معاها بكلامو لي كعبر على شحال انه خبيث دفعاتو بحر جهدها ونطقات وهي معصبة:ماشي كلشي طماع بحالك خليفة بزاف عليييك وحسن منك فكلشي واهم حاجة انه راجل مكتسنانيش انا ندير ليه الطريق بحالك الفاشل

لاحت عليه كلامو وزادت خلاتو عاض فسنانو دخلات للصالة ورمات الصاك جلسات فالارض وهي كلها معصبة تترجف خرجها على طوعها

ياك عطاتو بالتيساع ياك هو لي بغاهم يتفارقو لاش لاصق فيها لاش مزال خارج ليها فعودها عصبها ولعب ليها على اعصابها فاش هضر عليه بالخايب وهو ميوصلو حتى فظفر رجليه بدات تتسوط على وجها وهي تتحس براسها غتبكي مين تتعصب صعيب باش تهدن هذا حالها وزيد مع هاد الحمار قهرها فحياتها ومبغاش يبعد منها طاحو عينيها على باكية الݣارو فوق الطبلة وحداهم بريكة عرفاتها ديال معتز لي شافتو دخل للطواليط فاش كانت نازلة مفكراتش بزاف خاصها باش تهدن ناضت هزات واحد وهزات البريكة وخرجات من الصالة تترعد وهي معصبة دارتهم فصدرها وخرجات من الدار غير غبرات وهي تبعث نجية من واحد القنت شافت كلشي وحتى هضرتها مع مراد هزات تيليفونها غتبعها وتصورها بالݣارو خرجات تتبان ليها راهي شدات طريق ديال الجنانات مجات فين تخطوي خطوة وتبعها حتى بانليها خليفة حدا الكوري كيتسخر وداخل خارج دغيا ضربات ليها فالراس طران وهي تقصدو تجري:خليفة خليفة واااا خليفة

خليفة تلفت غير شافها عقد حجبانو:شكاااين؟

نجية بخوف مصطنع:عتق اخويي راه غتوقع شي مصيبة

خليفة ضار كامل عندها: اشكاين هضري

نجية خفضات صوتها:دينا دابزت مع مراد كي شتي هي قبل متجي للدوار كانت مصاحبة هي وياه ايوا وتعصبت هزت الݣارو ومشات تكميي فالجنان الا مشات تشافها جدي ولا با ولا عمي غطيح شي رووووح عيت نهضر معاها تحيد داك الزبل مبغاتش تسمع والله مكنكدب عليه راهي

ونعتات ليه تلفت والصدمة كاسية معالم وجهو تتبان ليه راهي غادية بعيدة رجع شاف فنجية لي دايرة فيها خايفة ورمى الصندوق من يديه وزاد تابعها كجري خلا نجية وراه تتبسم بشر والخبث نازل عليها غادية كشتف وكلمة انها كانت مصاحبة مع داك خينة لي كسولها واش كقرب جيهتها تتقولو لا وزيد لي مقدرش يصبرليها هي تكون كتكمي يكون كموت عليها تالهادي وحبس لانه كيفما كان الحال كبقى رجل بلدي تربيتو تقليدية كحس بيديه كترعدو عليه وهادشي ناتج على واحد الموجة ديال الغضب طالعة من رجليه تجمع عليه كلشي فهاد اللحظة بغاها غير تبان قدامو وداكشي لي كان بانليه جالسة فوق واحد الحجرة عاطياه بالضهر وكتبكي وتشهق بدا كقرب لها بشوية وكتمنى كلام نجية يكون كدوب مباغيش يتصدم شلا هضور فدماغو مع جوا وراها على بعد خطوات حس بالعافية شعلات فيه وهو كشوف حاكمة الݣارو بين صباعها

كرمش بشوية وهو كشوف فيها وكحاول يكذب عينيه مباغيش يتصدم من جيهتها من بعد ݣاع لي داز بينهم بقى مبلوكي وراها وغير كشوف اما هي كانت تتبكي وتشهق تفقصات وتعصبات كانت على سبة تتشوف فالݣارو فيديها مزال مشعلاتوش مترددة ديرها ديجا جربات مرة وحدة وحلفات متعاود ودابا عقلها او نفسها الأمارة بالسوء تتدفعها تديرها وهي تتفكرها بلي راه ككالمي وكبرد الحر ديال العصبية كلشي مجموع عليها عينيها عامرين دموع وعقلها كدي ويجيب فيها يلاه داتو لفمها نيشان طاحت فبالها ماماها وهي ترميه فالارض ووقفات تتعفط عليه برجليها وتتبكي تشهق

دارت يديها على وجها ودموعها كنزلو:ياربي تسمح ليا ياربي

فهاد اللحظة لمحاتو وراها عينيها خرجو وتصدمات ضارت كاملة وهي تتشوف فيه خبات لبريكة فيديها وعفطات عليه برجليها ولكن شاف كلشي بلعات ريقها وهي تتشوف فيه عينيه على رجليها لعافطة بيها عليه رجع شافيها ونطق ببرود:تربية النصارى بدات تتبان هي ماشي اول مرة؟

دينا قربات عندو بصوت باكي ونطقات:مكنتش غادي نديرو والله غير تعصبت

خليفة جمع يديه على شكل بوكس وهضرة نجية كضور فدماغو خلاتو ميتسناش بزاف باش يتفرݣع لها فوجها:تفكرتي الايام الخوالي مع داك القو**اد داكشي باش تعصبتي مخلياني انا كي الحمار خايف عليك منو ساعة هو اصلا معرفة قديمة انت لي طلعت براني

دينا حسات بقلبها تهز وهي عارفاه علاش كمعني اذن عرف ولكن كيفاش شكون قالها ليه بلعات ريقها لي خاصها تفكر دابا كيفاش تهدنو وتشرح ليه:خليفة سمعني ماشي كيف كحسابلك

خليفة وهو صاعر كغوت ليها فوجها لاول مرة يتعامل معاها هكا ولكن مقدرش يستحمل هادشي:اشغادي نسمع مجموعين فدار وحدة وانا ضاربة عليا الطم كنسولك كتجمعي وطوي علام الله اشصاري وانا كي الكامبو غادي معاك فهاد التخربيق

ومع كمل كلامو شدها من دقنها خلاها تشهق فيكسا عينيه مع عينيها ونطق وهو كارز على سنانو:الدخان نسكت عليه واخا ماشي من شيمنا وعوايدنا القلب يخليني نسرطها حاجتي الا كانت عوجة نقادها بيدي منسمح فيها ولكن تطيحي معايا فالكذوب دم سناني ادينا نشوف واحد آخر مشاركني حاجتي وراك مزال مكتعرفينيش

دينا اصلا ربي لعالم بيها وزيد كلامو خلاها تفكر نفس كلام مراد لي طعنها بيه فعرضها وزايدها هدا تاهو كقوليها الكذوب ما الكذوب وهي اصلا عمرها كذبات عليه حيت مفارقة مع لاخر هي فقط خبات ومجبداتش ليه لبلان دفعاتو بالجهد عليها وهي تتلهت معصبة ودموعها كطيحو محارت فحد وبدات تتغوت ممسوقاش لانها فعلا تعصبات

دينا:انا مكذبتش عليك انا جيت لهنا مفارقة معاه شحال هادي انا معمرني قلت ليك هادشي حيت ميستاهلش نجبدو قدااااامك داكشي فات ومكاين لاش نعاود نجبدو انا معمرني كذبت عليييك عتارفت ليك بشنو كنحس وربي لي عارف قلبي شنو فيه انا النهار الاول جيت هنا محطمة ومريضة ولكن منهار طلاقيتك نت نسيتو ونسيت كلشييي معمرنيييي هضرت عليه حيت دابا كاين نت

كانت تتهضر وتترعد وهو كشوف فيها حبسات كلامها وهي تتلهت خلاتو مسح على وجهو وهز راسو للسما كحاول يهدن نفسو مجا فين يهضر حتى سبقاتو

نطقات وهي محطمة وبصوت مقهور:مهضرتش عليه قدامك حيت مكبرة بيك ولكن كلكم بحال بحال ديما كترجعوني انا لي خايبة وانا لي مكنسواااش

بغات تزيد وهو يشدها من ذراعها مخاطبها بهدوء عكس كيف كان خليفة:سمعيني

دينا نترات منو يديها بالجهد:صااااافي حيد خلينييي

وزادت مخلياه وراها مغزف باغي فين يبرد الحر عض على شفايفو ودار يديه على راسو يلاه لبارح كانو مزيانين مين خرج ليهم هادشي مين سدات عليها فلبيت مكان حد كلشي مشى لدار العرس مبغاتش تبكي لانها ماشي لي لغالطة دارت يديها على وجها وهي غطرطق منهار طلاقات مراد وهي من حاجة لحاجة منواتش تخبي عليه حيت ناوية الغذر وانما ميستاهلش تجبد مسخ بحال هداك قدامو ولكن رجعات ليها اللومة هضرتو قصحاتها بزاااف مسحات دمعة نازلة من عينيها مبغاتش تبكي وهي غادية للفرح ديناميات وجها وعاوداتو بعدما ساح ليها الريسيل قادات وهي مرفوعة صونات ليها ماماها وزوي حتجات بلي فاش خرجات لقات واحد التوريست تالفين وداتهم لدار الضيافة وهاهي جاية قادات وحاولات تبين بلي ماواقع والو طلعات النفس مزيان ومشات خرجات رجعات لمعتز بريكتو وكذبات بلي حرقات بيها غير شي خيط تسرب من قفطانها هزات صاكها لي لاحت دالصباغة وقصدات دار العرس

سميحة:الله ياختي وشحال تسنيتك فين مشيتي

دينا:كنت جاية وطلاقيت الناس كسولو على دار الضياف وديتهم لها

سميحة: يلاه صايبي لي اختي الله يسهل عليك

كانت الدنيا عامرة والغنى والشطيح وهما مخشيين فواحد لبيت علاما تجي النقاشة بدات تتصبغ ليها باللون لي ختارت وزوي ودانييلا تاهما كصبغو لتورية وبديعة بعدما طلبوهم

جوليا:انا نصبغ ليك بهدا غيجيك زوين مع يديك

اسمهان بابتسامة وهي تتشوفيها شحال زوينة وضريفة بحال دينا:واخا ازين الله يسهل عليك

دينا كان عقلها مرفوع وقلبها مقبوط عليها كل مرة تتنهد ولكن ممبيناش قدام لبنات صبغات ليها وبدات تتوجد راسها سميحة باش تخرج بعدما علموها بلي النقاشة كانت لابسة قفطان جوهرة بيض وفولار بيض مبغاتش تجيدو ماكياج خفيف مع السر لي طاح عليها مفرزة عروسة من الطيارة دخلات عليهم يزة وخرجوها بالصلاة والسلام شادة فيها دينا واسمهان من كلا جيهة ووراها لبنات كصليو على النبي دخلو لبيت وجلسات فبلاصتها المخصصة لي مغلفة بيزار العروس الابيض بالطرز الفاسي الطاغي عليه الاخضر الملكي قدامها طويبلة بكل مستلزمات الحناء ولعيالات ولبنات ضايرين بيها بالبنادر والحاجة يزة داخلة وترحب بالناس وهي حابسة دموعها النقاشة بدات خدمتها نقشات لسميحة يديها ورجليها وكانت نقاشة اخرى لي تكلفات بالبنات العازبات حيت كثار داكشي باش جاو زوجات دينا تتشوف فيها تتنقش ليها وهي مبسمة وسط حزنها وتتنهد تسمع بلي العريس وصل وهنا خرجو عدد من الناس يستقبلوه كان جاي وجايب معاه دهاز العروسة فالطيافر والبݣرة هدية لها ولي غتكون فالعرس تاهي دخلوه بالغنا والشطيح هو وعائلتو سميحة غير شافتو تزادتها حشمة على السر طبع قبلة على راسها وجلس حداها وهي هازة يديها ومادة رجليها المنقوشين جو سائد عليه الشطيح والغنى والفرح واللمة ديال الحباب والقراب

داز الوقت فالنشاط كانو عدد ديال الناس واقفين قدام الباب وهما كشوفو قدم البݣرة سال بعدما دوز عليها الحاج عبد الغني دينا كانت منهم هي وصحاباتها تتفرج وكانو عينيها بالضبط كيفاش مقاتل وكتسخر منهنا لهنا تكى البݣرة لباه بمساعدة عمامو ومحجوب كلا شد من قنت حتى تذبحات وكقادو باش غتعلق وتسلخ الليلة يفاريو معاها وغدا لحمها يتنصب للناس كانو عينيها عليه كيف عرقان وكتقاتل وواقف فعرس ختو على قدم وساق تنهدات مبقاتش بغات تشوف بزاف ودخلات كانو مزال العيالات كشطحو ويغنيو وسميحة وعريسها مزال جالسين تصورات معاها دينا ولبنات نجية نايضة تشطح ناشطة وعارفة علاش ناشطة وعلاش لا وهي بلانها صدق تبعاتهم حتى شافتهم تتصادعو ورجعات غطير شافت فدينا لي جالسة وتتبان ساهية تتحس بالضحكة تتخرج من قلبها وهي تتشوفها على داك الحال داز الوقت وطاح الظلام حطو للناس يتعشاو والعروسة مسحات حنتها بقاو مجمعين حتى بداو الناس كمشيو ضاربين موعد لغدا النهار الكبير بقاو فقط الاقرباء ولي غيباتو دينا وعائلتها جا وقتهم باش يرجعو بحالهم وداكشي لي كان سلمو على اهل العرس ودينا تتوصي فيها سميحة باش تجي غدا بكري قبل العرس يلبسو ويتقادو مجموعين شادة فباباها من جيهة وجدها من جيهة اخرى كانو مع الرجال وغادين ووراهم معتز وماماها وجداها وعيالات عمامها صحاباتها وختها يلاه جاو يخرجو حتى طلاقاو معاه جات عينيه فعينيها وهي تقلب وجها طلقات من باها وجدها لي وقفو شادين معاه الهضرة وزادت مع ماماها

شادية:جاتك حنينة زوييينة فيديك

دينا تتشوف فيديها عجباتها بزاف وخرجات ليها حمرا كان نقش خفيف ولكن انيق وزوين خصوصا انها مطولة الظفار زادتها جمالية فيديها دخلو للدار نيشان تفرقو كلا طاح فجيهة معشيين مدݣدݣين باغين غيطلاحو دينا بغات تنعس فبيتها بوحدها معندها خاطر عياو يطلبو فيها ولكن مبغاتش بحجة انها عيانة ضارها راسها مقادة على صداع وهادشي خلا نجية تزيد تفرح حيت عرفاتها مقلقة من جيهة داكشي حيت شبكوها تكات بلاصتها بعدما دارت روتينها الليلي مع شعلات التيليفون لقات طاشمة ديال الميساجات وليزابيل من عندو دخلات شافتهم وهنا كان على القرص عاود سيفط ليها

خليفة:جاوبيني نهضر معاك

طلعات ليهvu وهي تتنهد مبغاتش تهضر على مراد قدامو حيت حاطاه فمقام عالي وبزاف على مراد انه يتجبد قدامو فاللخر ترجع كذابة تربية النصارى فهاد اللحظة صونا ليها متردداتش فأنها تقطع عليه معندهاش ݣانة ولا راس انها تجاوبو ولا تهضر خرجات وهي تلقى زوي مسيفطة لها ميساج

زوي:نت مقلقة انا كنحس بيك شنو واقع واش معاه؟

دينا جاوباتها:خلي تالغدا ونعاود ليك

ومع جاوباتها طفات التيليفون نهائيا وحطاتو تكمشات بلاصتو بلاما تفكر بغات ترتاح حاسة بقلبها مبلوكي ديال بصح بغات غير ترتاح داكشي لي كاين غمضات عينيها ونعسات وهي محطمة نفسيا

حيد التيليفون من وذنو وهو كزفر لقاه طافي دابا دوز يديه على شعرو وهو تتنهد باغي غير يهضر معاها دابا عارف قبيلة قصح معاها وبزاف ولكن ماشي لخاطرو تخربق وترون

من جيهة كتفهم لاش مقالت ليه والو حيت مكانتش تتعرفو فاش كانت مع لاخر كيفما قالت يعني داكشي معاه فات ولكن من جيهة اخرى بغا يعرف اي حاجة تتعلق بيها وزيد فكرة انها معاه فدار وحدة واخا الدار عامرة متقلبهاش زيادة انه محملوش هادشي لي خلاها ثار عليها لاول مرة غيرتو خلاتو ينسى موضوع الݣارو لي عارفها ومتأكد انها مكتكميش حيت اتكون باينة فيها لبنات دغيا تتبان فيهم مخلفات لبلية فشكلهم زيادة على الريحة بعدا فآخر لحظة تراجعات عليه كن لقاها شاعلاه كان يقدر يسرطها واخا عقليتو وتربيتو تقليديين ولكن فكرة واحد آخر يكون داخل بيناتهم هادشي ميصبرش عليا غيرتو فارت وصعراتو فوجها مسح على راسو عرف كلامو كان قاااصح ولكن هدا الله عارفها مكتكذبش لانه مدوزش عليه هو ولكن لحظة غضب خلاتو خرج كلام قاصح بغا دابا غير يهضر معاها وتسمع ليه ويسمع ليها مارضات سمع مو كتعيط ليه مسح على ذقنو ونطق:انا جاي اميمتي انا جاي

دار تيليفون فجيبو ودخل وهو عقلو مرفوع يلاه كانو فرحانين حتى تقلب ليهم كلشي

جا نهار جديد فاقت معطلة شوية بعدما زوي ودانييلا طلاحو عليها فالناموسية وفيقوها تكسلات وناضت دارت روتينها سمعات الصداع كثير برا طلات من الشرجم لقات خيمة كبيرة تبنات ام بالضبط ݣيطون ديال العراس تنهدات وهي تتفكر فالبارح

زوي:اجي قوليلي مالك لبارح شنو واقع؟

دانييلا:حتى انا شفتها مبدلة مالكيي واش ليغيݣل

دينا تنهدات وهي مواصلة سكوتها مشات كدير سكينكير ديالها وهي ساكتة شافو فبعضهم ويمكن حسو شافت فيها دانييلا ونطقات:واش معاه مالكم واش تخاصمتو؟

دينا شافت فيها من المراية وحركات راسها باه ناضو عندها بزوجات كلا وحدة شدات فيها من جيهة بقاو عليها حتى عاودات ليهم كلشي

دينا بحزن:فاللخر انا لي كردوني خايبة وممزياناش

زوي زفرات:مبغيتش نزيد عليك ولكن شنو داك نت لݣارو ياك جربنا وقلنا عمرنا نعاودو

دينا:تهورت ولكن فآخر لحظة حبست راسي

دانييلا:دابا سمعيني هو صراحة فاش كان كسولك واش كقرب ليك كان عليك تعاوديليه عادي هو الا باغيك راه غيعرف بلي هادشي فات وداك الوقت مكنتوش كتعرفو بعضكم

زوي:شقالك على لݣارو

دينا هزات كتافها:والو قالي ندوزها ولكن الكذوب لا انا مكذبتش البنات مكذبتش

دانييلا:مين قال هكا اذن راه كبغيك ادينا غير مرضاش شي حد لي بلدي كابر فمجتمع لي محافظ ويغمض عينيه على شي حاجة بحال هكا عارفيه راه باغيك حاولي تهضري معاه وتصلحو الموضوع لان داك المسخ ميستاهلش هادشي كامل

زوي:لاحظتو كيف كبقى يشوف فيك ادينا واخا ماشي بزاف باش عرفناه كبان فيه ظريف وولد الناس ماشي بحال داك مراد تتشوفي فيه ريحة الغذر

دانييلا:دابا خاصك تعرفي شكون قالها ليه

دينا تتفكر:منضنش يكون مراد انا متأكدة

زوي:نوضي دابا نساي عليك هادشي نوجدو راسنا للعرس نشطو ونضحكو من بعد غنشوفو شي حل مديريش فبالك

دانييلا عنقاتها:حنا معاااااك احوبيي

نزلو مجموعين فطرات فوقما شافت فمراد تتحس براسها باغية تهز جنوي وتغرسو فيه من نهار عرفاتو ماهي فربح مشات جلسات فالعتبة كيف ديما وهي تتفكر واكيد فشكون من غيرو اول مرة تحس بالحزن فعلاقاتها معاه وعلاش لا المشاكيل ميخطاو حد داز الوقت كولو تحضيرات للعرس حتى جا الوقت لي لبسو وتقادو وكلا وحدة دارت احلى اللمسات عليها باش طلع زوينة فهاد النهار

دينا حلات عينيها بعدما دارت آخر حاجة ولي هي الماسكارا قادات شعرها ووقفات تتشوف فالمراية عجبها راسها بتكشيطها جات حلوة بالتقليدي جابت ليها زوي الحزام تسدو ليها وداكشي لي كان وجدو كاملين وتقادو وجلسو كتصورو جوليا ودينا كانو كتصورو مع المراية بالتقليدي كلا وحدة وجمالها كيف برز دخلات عليهم شادية وسناء لقاوهم وجدو

شادية تتشوف فبناتها وݣاع لبنات:ماشاءالله ماشاءالله تبارك الرحمان

سناء:جيتو غزالات تبارك الله

جوليا:ربي خليك ازين اجي نقادليك لعكر

شادية قربات وهي تتقاد لدينا شعرها ونطقات:خاصك توريني هداك لي وقع معاه المشكل

دينا بلعات ريقها شوية وآخر حاجة تسناها دابا حركات راسها باه باهمال وهي تتحاول متبين والو وصل لوقت بدا كظلام الخال وفنفس الوقت الموسيقى جاية من الݣيطون خرجو كاملين ونزلو كانو كتسناوهم لتحت نجية عينيها تفيكساو على دينا وهي كطلعها وتنزلها وتشوفيها السم شعل فقلبها فهاد اللحظة كيف ديما واخا تاهي راه لابسة ومقادة ولكن ديما تتشوف فغيرها معتز كشوف فصاحبتو وصديقاتو كدير ليهم غير بالاشارة بلي جاو زوينات حيت معاه الحاج ميقدرش يهضر تغمز فدانييلا ويسيفط ليها بيسات غير بالخفى خرجو كانت الدنيا عامرة والداخل كثر من الخارج جات نفخات الصدر وتمات غادية بمشية متوازنة فاش شافتو قدام باب الݣيطون كهضر مع بديعة وشي دراري وهما كقربو حتى لمحها نسى مها لي قدامها ومقابلة معاه

الحاجة رحمة:ومبروووك اوليدي مدرتو لختكم وشحال تسنينا هاد النهار الله يجعل ايامكم كلا افراااح

خليفة حس على راسو شاف فرحمة وقرب باسليها راسها:الله يطولينا فعمرك امي رحمة

رحمة:يزة لداخل ياك انا ندخل عدها

بديعة تتسلم على دينا:هاي هاي هاي الزين والبلدي تبارك الله ماشاءالله

دينا:ربي خليك احبيبة تانت جيتي غزالة تبارك الله

شادية قربات وتسالمات مع بديعة وهي تتبارك ليها وعطاتها لكادو وستقبلاتهم وهي تترحب بيهم فهاد الوقت كان خليفة كهضر مع واحد من السرباية ولكن عينيه عليها كيف مشافتش فيه ݣاع دخلو كان الݣيطون كولو طوابل والناس داخلين وكاين لي باقي كجي الجوق خدام والفيجطة غتبدا بنادم وبالتحديد الدراري غير بانو ليهم الوريقات والزين الغربي داخل عينيهم تفيكساو وبداو يهضرو بينهم ختارو طبلة وجلسو ضارو بيها مجموعين ولي ملقاش بلاصة مشى لطبلة اخرى حداها كان عرس مختلط حيت لي معروضين كلهم غير المعارف مكاين حد براني حيت اكثرية اعراس البادية ككونو مفرقين الرجال على العيالات كانت جالسة وتتخمم تتصفق بشوية وساهية وهي تتفكر شنو كانت غدير الصباح وهي لحياتها كاملة جربات مرة وحدة وندمات كن شعلاتو وشافها شي حد من عائلتها واخا كابرة تما وداكشي عادي ولكن المجتمع المغربي القروي المحافظ مكانش غادي يتقبل هادشي واولهم هما دابا غيكون دا عليها بلي راه مجربة وماشي اول مرة ندمات لانها خرجات من طبيعتها وتهورات تنهدات فاش فاقت من سهوتها يدوز هادشي وتشوف شغدير معاه تبسمات فاش شافت العيالات ناضو يشطحو والبراهش تاهما فݣاع القنات

ناضت سليمة واسمهان لي شيرات لدينا بيديها من بعيد باش تجي اعتاذرات بأدب وبقات غير جالسة تتشوف جات عينيها عليه كان داخل خارج كلا مرة مدخل كرسي لشي حد الݣيطون عمر والناس جاو الفيجطة بدات الجوق خدام والمغني طالق حلوقو الناس كلها مفركسة ونايضة تشطح والجو زويين وغير النشاط كان هاد المرة تاهو جالس فالطبلة لي فيها ولاد عمو وعمامو وحتى الحاج احمد لي مجمع مع الحاج عبد الغني تتشوفيه بالتلقيدي كيف جا داك الجبادور ملبوس على بنيتو الرجولية القوية خلاتها نعيمة كتافو عراض نيت فهاد اللحظة ضور وجهو وطلاقاو عينيهم بقى كشوف فيها تاهو كيف جات بالتقليدي لي عندها القالب ديالو وعاد الزين لي سالبو من النهار الاول والجلسة بالتاويل عينيهم كانو كقولو شحال من حاجة واولهم الخصام الخايب بين القلوب قلبات وجها خلاتو تتنهد وكمسح على ذقنو وعينيه عليها فهاد اللحظة كلشي رجع بلاصتو فاش سمعو الصلاة على النبي دليل على ان العروس جاية وداكشي لي كان النݣافات طالقين حلوقهم سميحة بالقفطان الابيض ديال دخلة العروس معاها عريسها لي محاوط يديه على خصرها دخلو بالصلاة والسلام على النبي تحت انظار الحاضرين تهزات فالعمارية وكلشي مشاركها فرحتها دينا زوي ودانييلا جالسين على التصفاق والشطيح فبلايصهم حمقهم الجو والعرس بزاف دينا غير تتشوف وتصفق مبتاسمة لسميحة لي لمحاتها وسيفطات ليها بوسة فالهوى من العمارية خلاتها بدورها تبادلها بقات هكاك تتفرج وتشوف الجو والناس ناشطين جوليا بدورها كانت نايضة تشطح مع لبنات دينا ضحكات على نعيمة لي تاهي وسطهم وجالسة تشطح بقفطانها دلالة مولاتي خلاتها هي نيت

دينا ضارت عند مها:ماما انا غنمشي نلبس صندالتي لوخرا هادي ضراتني

شادية:واخا اماما بشوية عليك

ناضت بشوية وخرجات تحت انظارو كان كهضر مع ولد عمو وكشوف فيهاا خارجة غادية وصوت الطالون تتسمع هازة جلايلها بحذر حيت الطريق ممقاداش الطالون يقدر يلوي لها رجليها مع وصلات لعتبة ديال الدار لي كانت محلولة حيداتها ودخلات حفيانة محدها تتقرب وهي تتسمع صوت العصاري وشي أصوات مخافيينش عليها الباب ديال الدار الدخلاني كان مردود فضولها خلاها توقف بلاما دخل وترخي ودنيها

نجية:انا الصباح قلت ليه بلي راك كانت معاك وشتها بعيني فاش نوضتوها هزات لݣارو دارتو فبزازلها وخرجات هي فاش طلاقيتو وسيفطتو وراه راهم شبكوها دابا غير لمبغيتيش ضرب الضربة

مراد كيسد صداف القاميجة يلاه كوجد باش يمشي:متسرطاتش ليا بالرب يجي غير فسيمانة يغوفل على كلشي وغا عروبي ولد اللدينا

نجية:ايوا شتي قلتهاااااا ليك راه الا كتوݣضتيش هزك الما انا دابا درت ليك الطريييق اولد خالتي غير لمبغيتيش انا عارفة خليفة نفسو حارة يشوفها فداك الحال جالسة تبخ الدخان ويعرفها مكانت عالماه عليك لا والو ميزيدش معاها الدقة

مراد تنهد:اودي مبقاتش فهادشي اولات صعيبة شحال هدا كانت ساهلة زوج كليمات كذوب اما دابااا تبدلااات ولا تتعايرني فوجهي امصبراني غا الطيارة اما بالرب تنوريها مراد شكسوا

تدفع لباب بالجهد خلا نجية تقفز مراد شاف فدينا طلعها ونزلها مينكرش قرطاسة دينا كانو عينيها نيشان على نجية قربات جيهتها بالزربة وباينة معصبة تقابلات معاها وهي مخنزرة

دينا:واش نت حمقة علاش درتييي هادشي علاش مشيتي قلتي ليه كنت مع هداا علااااش واش نت سوقك

مع كملات كلامها وهي دفعها دينا وتتقولها علاش شي لخلا نجية تصعر ودفعها حتى هي وتخرج ݣاع لي فقلبها

نجية:جمعييي يديييك وكوني تحشمي بحالك مخاصوش يهضر لي جالسة تكمي فالخلا وفينما نضور نلقاك الراس فالراس نت وياه هو راه الرجل ماعليه حرج نت لشنو كحسابليك ليك راسك ديك الضسارة الخاوية مخلياك باغية طيري شوهتي بينا جيتي غلبارح وباغية تقلبينا سفانا على علانا وتمشينا على كيفك

دينا تتشوف فيها كيف خرجات من روندتها وكيفاش خرجات سمها وكلامها لي صفعاتها بيه ولكن معامن حتى هي مساهلاش

دينا:شوفليك شكون كدوي على الشوهة انا بعدا راه محسوبة على النصارى تلكميت ولا درت مغيهضروش عليا حيت كلشي عارف تربية لهيه كيف دايرة شوفي راسك نت لي مخطوبة وغادية كتقلبي على واحد اصلا معمرو مشافيك هادي الشوهة لكبيرة قبل متشوفي الناس شوفي راسك نت الاولى الشوهة دبصح فهاد الدنيا هي الدل ديري لقيمة لنفسك المدلوولة

نجية حسات بالعافية شعلات فيها عطاتها كلام لي نيت على حق اذن تاهي عارفة شكانت كدير نطقات بحقد كثر:بغيتي تشوفي الشوهة انا غنوريك خبارك مع خليفة غتكون فراس با وجدي وعمي وحتى الݣارو والله متبقى فيك هانت غتشوفي وحتى قصتك مع مراد تاهي اتكون فخبارهم اشضهر ليك غيتقادا داك الهزان والحطان وفينما نضورو دينا دينا بقاليك غاشوية ونديرو صلاية ونعبدوك

دينا ضحكات حتى بانو ضروسها وهي تتشوف كمية السم والحقد لي كان مخبي هاهو بان:واش منيتك بابا غادي تيقك نت ويخليني انا لي كابرة قدامو وتربيتو بغيتي غا تهضري تانا غنهضر ونقولهم خاطبها داك الرجل وكتمشي ضور بخليفة وشحال من واحد عارف هادشي اما انا وياه لقاني باسيدي معاه وعمي ومهضروش حيت عرفوني لاش كنجلس معاه نسيتي نت فاش كذبتي عليا ودرت ليك الماكياج ومشيتي عندو ها اما قضيتي مع هاد ولد خالتك شوفي واش شي حد غادي يتيق بلي انا كاملة كنت مع واحد بحال هدا بغيتي غير الشوهة تانا عندي باش نهضر انا الا تشوهت نهار غنشد طيارة ونمشي بحالي غينساوني ماشي بحالك نت لي غتبقاي حياتك كاملة هنا وشوفي واش داك الرجل ايبغي يتزوج بيك فاش يسمع هادشي ولا لا

مراد كان وسطهم كيف لولية تتفرج شافها فاش عيراتو بكلامها تاهو ولكن ضبط راسو مزال شاد فأمل دلوريقات الفشل ديالو مخليه يشوف كرامتو تتمرمد وساكت تتفرج نجية حسات بالعافية تتشوط فيها عطاتها وخلاتها كلها تترجف ومعصبة ملقات باش تجاوبها دفعاتها بالجهد وزادت خلاتها تتشوفيها تاهي وتترجف تعصبات بزاف دارت يديها على راسها تكات على الحيط وهي تتطلع النفس بالجهد ومراد واقف تتفرج فيها

فالعرس بالضبط فوحدة من الطبالي دالرجال الحاج احمد كقلب بعينيه مبانليه حد من حفادو ومبغاش ينوض لبنات بانوليه ناشطات تلفت عند خليفة ونطق:ولدي خليفة واحد السخيرة الله يسهل عليك دنيا وآخرة

خليفة:اياه ابا احمد على الراس والعين اشخاصك

الحاج احمد:اتمشي اوليدي عندنا للدار في الصالون فوق الطبلة راني مخلي واحد الخنشة ديال الدوا جيبها ليا الله يرضي عليك راني نسيتها وخاصني نسكح دوا ديال الطانسيو

خليفة ناض:هي الاولى

نجية جاية تشتف معصبة طلاقات بيه فباب الݣيطون مشافش فيها ݣاع دخلات جلسات وهي كلها معصبة كلام دينا لعب ليها الى اعصابها بغات تلوي لها يديها وقالت نخلعها ساعة لقاتها شادة عليها ما كثر الا مشات دوات هي لي غتخرج خاسرة جاو عينيها فعينين سعيد لي طالب يديها كشوف فيها وغمزها خلاها تعطيه بالضهر ونزيد تشربن كثر بوحدها وسط الناس لي كتبان عاقداهم اما كلشي ناشط

تݣعدات على حيط شافت فيه مخنزرة وبغات تزيد تطلع وهو يشدها من ذراعها نترات منو ونطقات:طلق مني شباغي مزال مبغيتيش تفهم الهضرة بيني وبينك سالات؟

مراد كطلع وينزل فيها:زوينة وكتزيدي تزياني كثر فاش كتعصبي

دينا:نت اكثر واحد مريييييض شفتو فحياااتي

مراد:خويتي قلبك سبيتيني جبتي ليا خونا سمعني هضرة واخا هكاك لبدتها على ودك غلطت وعارف راسي ولكن ندمت بزاف ادينا متخليش عامين ديال الحب والغرام تمشي هكاك راني عارفك غير معصبة

هو تدوي بصوت هادئ كحاول يطيحها عارفها ترطاب ترطاب وسط كلامو لي باغي ياكل لها بيه مخها هز يديه وحط على خدها ونطق:خلينا نرجعو كيف كنا راه عارفك مناسياش شنو دوزنا ازين ديالي

كلامو مكانتش غير هي لي تسمعو بل حتى هداك لي واقف مشوكي قدام الباب كشوف هاد المنظر قدامو والهضرة لي دازت على وذنيه كاملة

حاط يدو على خدها كياكل ليها دماغها او عند بالو كياكل لها دماغها حيت فور ما كمل كلامو نترات يديه من خدها هزات يديها حتى لسما ونزلات عليه بتصرفيقة خلاتو تصدم وخرج عينيه عطاتو جوابها وهي معصبة

دينا:آخر مرة تحط عليا يديك الموسخة معمرني مشفت شي حد وقح كثر منك ياك نت لي بغيتي نساليو علاش مزال لاصق فيا عطي لراسك قيييمة معمرني ندمت على شي غلطة قدما ندمت عليك نت ولكن كنحمد الله كحل لينا عينينا على اغلاطنا فالوقت لي جرحتيني وهرستيني لقيت واحد معمرك متوصل عندو ولا تكون بحالو هو لي دواني هو لي معاه عرفت المعنى ديال الحب بلاما يتسنى مني شي مقابل هو لي خلاني نعرف بلي مزال ناس مزيانين فهاد الدنيا بعدما نت خسرتي كلشي نت دابا باااااااح من حيااااااتي لباب لي دخلتي منو النهار الاول راك خرجتي منو وتسد سير دير شي حاجة تنفعك فهاد الوقت لي جالس كضيع فيه على والو

مراد فهاد اللحظة تقادا صبرو لاح ماسك التمثيل وعرا على نيابو هز يديه تالسما ونطق:كبرتها ليك ابنت اللدينا

مع بغا ينزل عليها بتصرفيقة يدو تحكمات بقبضة من حديد دينا خرجات عينيها معرفات خليفة من خرج دارها وراه ووقف بينها وبين مراد كان شادو من يدو وعينيه كنفتو الشرار نطق بصوت متحجر بنبرة تهديد:تفكر ديرها ماشي غير تحاول يديك تشوفها منصولة قدامك

وطلق منو بالجهد وبغفلة جمع معاه بواحد الكروشي غفلو بيها خلات دينا تشهق وتشد فيه من ذراعو:خليفة لا لا غيولي الصداع غادي يجي شي حد دابا عفااك

خليفة مكانش كسمع لها عينيه فقط على مراد لي كقلب واش نازل ليه الدم نطق مخاطبو بنفس النبرة:نت راجل نت لي تهز يديك على ولية معندش دينمك الخواتات

مراد:فآخر ايامي يولي العروبي الهروي يتبومبا عليا هدا هو لي دايرة لينا بيه مسلسل

خليفة:عروبي ونفسو هنا(نعت فنيفو)اشدرتي نت المديني لي كتعنى بالمدينة الا كانت غابحالك هي تجري عليا وانا لاصق حسكة مية عروبية ولا حالتك ينعل مها هاد المدينة لي تخليني بهاد لحال لا نفس لا ذراع

مراد شاف فدينا لي كحاول يقلبها لصفو حيت عارفها نية ودغيا كثيق:راك عارفاه اشباغي واش لي عايش هنا غيزݣلك راك هوتة غتحيدو من التهوميج والتشومير

دينا:ماشي كلشي طماع بحالك شنو هي هاد ميريكان وشنو هما هاد الوراق لي يخليوك داير هاد الحالة طماع وحقيير

خليفة رجع دارها وراه شدات فيه محمية بيه وعينيها على مراد وخايفة تقدم جيهتو كان رجع اللور خايف من شي كروشي ثاني شي لخلا خليفة يتبسم باستهزاء من بعد نطق بهدوء:عرفتو علاش اولاد المدينة كنبانو ليكم مهومجين ولا مشومرين حيت ماشي بحالكم نتوما لاقين كلشي مسݣي داكشي باش النص فيكم طالع فنيان كضرب على الشعى و ها الدليل(نعت فيه)كتسنى غيرك يرد منك بنادم اما انا لݣتݣول عروبي وهادي كلمة هاز بيها راسي عرفتي علاش حيت العروبي الا مدارش الحاجة بيدو ميحلمش بيها الزمان كحكنا وحنا صغار باش نهار نكبرو منطلعوش بحالك حسن ليا الف مرة نموت مقهور جيفتي ينهشوها الكلاب فالخلا ولا نتسنى من ولية دير ليا الطريق العز لمدرتيهش فبلادك وبوحدك بلاما تسناه من غيرك ومن بلادات الناس

مراد هنا شنق على خليفة ولكن معامن نزل عليه بواحد الكروشي على فعايلو هبطو الارض نفس الطولة ولكن ماشي نفس الصحة واحد حاضي على التبوزيق ونافخ الكتاف على الخوا والثاني حياتو كاملة وهو كربي الصحة فالاراضي والخدمة من النبوري حتال نص الليل مراد مع وقف ثاني رجع عاودو بكروشي على اليد لي تحطات عليها مخلاهش يطيح شنق عليه ولصقو مع الحيط مراد تاهو داير فيها شانق ولكن معامن دوك تلاتة الكروشيات دوخوه عينو فعينيه خاطبو من تحت سنانو بصوت متصلب عكس كيف كان قبل لان هاد المرة آخر كلام غيكون بينهم:كنقسم ليك بلي خلقني وخلقك نشمك عاود ضرتي بساحتها غيبقى بينك وبين القبر غا شبر والا معݣديتهمش(مامتيش)غتبقى فيك حاجة تفكرني بيها حياتك كاملة كلامي كلام دالرجال واخا نت بينك وبين الرجلة غا التيساع

هنا نخضو ودفعو بالجهد خلاه مشروط داير يدو على فمو فين جاتو اخر كروشي وتما خارج بلا وجه وهو كنعت فخليفة

مراد:عقل عليا والله منساهى ليك

خليفة:الكلب لي كينبح معندو جهد ولا وجه باش يعض

لاح عليه كلامو خلاه زاد بلا قيمة وبلا وجه ولكن هو لي قلب على هاد الحال دينا كان هاد الموقف طيح منها النص خافت غير يجي شي حد ويتفضح كلشي وعاد عمرها شافت خليفة هكا معمرها شافت الوجه الثاني ديالو بعيد كل البعد على التعامل ديالو معاها مسح على ذقنو وهو كارز عليه بسنانو تلفت عندها وهنا بلعات ريقها نزلات عينيها للارض وقلبها كضرب بالجهد تقابل معاها وهنا هزات فيه عويناتها بشوية كان كبان مهدن قدامها عكس كيف كان من دابا ثواني بشوية هز يديه وحطها على خدها حسات بيها دافية حسات بواحد الشوق واخا راه كانت تتشوفو ولكن الشوق لحالهم قبل ميقربلوها تخاصمو نهار تقطعات عليهم بزوج كانو غير كشوفو فبعض ولكن عينيهم لي كهضرو مجا فين يكسرو الصمت حتى تحل لباب ضارو بزوج كانت زوي داخلة هازة جلايلها

زوي:فين تعطلتي اصاحبتي(شافت فخليفة وتبسمات)سلام

خليفة بابتسامة صغيرة:سلام

دينا تحنات هزات صندالتها:انا جاية راه كنت غير واقفة

رجعات شافت فخليفة بلاما تعرف اصلا لاش جاي مشات طلعات وتبعاتها زوي وهو كشوف فيها فلحظة حس بواحد الفرحة طلعات معاه وتغرسات فقلبو كن شوية تسرع وما سمعش كلشي ولا حكم غير بداك المنظر كان غيرونها بينهم ولكن الحمدلله هاهو مسمار وطرق بقا غير يهضرو دابا مشى هز الدوا وزاد خلا الفوق هي وزوي كتعاود ليها:عرفتي اول مرة غنحس براسي بغيت شي شخص نشوفو كتبهدل قدامي والله

زوي:الله على راحة الله ناري ضيعت عليا اكثر مشهد كنت بغيت نشوف فيه وجه داك المسخ دابا شنو تصالحتو؟

دينا:يلاه كنا انتصالحو ونت تجي

نطقاتها وهي مبسمة وتتفكر كيف عطى لمراد كيف هو لخدا بحقها منو وكرفسو قدامها على داكشي لي دار ليها وكان هو السبب فانه غادي يبعد منها حيت من بعد هادشي مستحيل يرجع بساحتها

زوي: فرحانة ليك بزاف معاه والله

دينا:تانا متخايليش شحال فرحانة والله عمرني كنت غادي نتخايل غنعيش هادشي وهنا بالضبط

زوي:بعد المرات ماشي ضروري يكون الحب ديالنا قريب يقدر يكون بعيد وحنا لي كنمشيو عندو برجلينا انا فرحانة ليك بزاف والله

تعانقو بزوجهم كمثلو المثل الحقيقي ديال الصداقة زوي عاشت مع دينا مأساتها وكانت معاها وهاهي دابا تتعيش معاها فرحتها لبسات صندالتها لاخرى وقادو الماكياج شوية وخرجو راجعين للعرس لي كانت الحيحة فيه

مراد كان واقف مشربن بعيد على الݣيطون شوية وبانت فيه العصى لي كلا زراقت ليه جيهة فمو تتسنو ختو تكلم ليه مو يعلمها باغي يمشي بحالو دابا لمراكش ويحيد من هنا مبقى عندو وجه وهو واقف معرف باش تبلا حتى طلاحت عليه وحدة

نعيمة:تبارك الله تبارك الله شهاد الطولة وشهاد التجريييدة وطلييي عليا امييي لقيت زماني

مراد بغا ينتر منها:طلقي مني راه غنݣلب مك على راسي سيري عطيني بالتيساع

نعيمة لكانت لابسة واحد القفطان ديال ظلموني الحبايب وواحد التعكيرة بعكر ربعة وعشرين ساعة وزايداها بالشعر لي مطلوق كمشي ويجي شدات فذراعو شدة العمى فالظلمة:نموت انا فلي على النقشة كلمة زوووج يعطيني علاش نقلب زيييد عليا بليمين الليل تكتب عليا وانا بقفيطين لالة مولاتي

وبدات تجر فيه ومع غليظة وهو طويل على الهوا حكماتو وهو مفاهم والو باغي يتفك منها وهي حاتية عليه بيد دينا وزوي كانو غاديين للݣيطون دالعرس شافوه راهو لهيه غادية بيه نعيمة جيهة الظلمة شافو فبعض وتكرشخو بالضحك دخلو لقاو سميحة بدلات اللبسة وكلشي نايض يشطح حتى من شادية وبوبكر لي جر دينا كيشطح معاها زوي دانييلا تاهما واخا معارفينش شطيح الشعبي ولكن كيديرو بحالهم معتز مخشي مع الدراري لي تاهما مكاين غالله يعطيك الصحة

بوبكر شاد فيد مرتو شادية وكيشطحو بزوج نطق مغازل شطيحها:راك شادة الريتم امدام

شادية كضحك:ايوا اشنو العرق المغربي غالب

جوليا ودينا كانو كيشطحو بزوج وحدة تجي من لهيه ووحدة تجي من الجيهة لوخرا والكوامانجي حاضيها المغني طالق حلوقو والجوق داير خدمتو جو مغربي نشايطي بامتياز خواتات خليفة كلهم من غير من غير لعروسة لي بارزة مكاين غير هاك بالاك جرو وسطهم دينا وجوليا وجلسو هادي تنفع هادي ما ضر فالشطيح شي كيشتف شي كيهتف العيالات هالي سايرة تهز فالبوط هالي جالسة دردك البنات تاهما حذت ولا حرج كلا وشنو هذفها فديك النوضة ديال الشطيح لي باغية تكسب قلب عݣوزتها المستقبلية وتعمر لها لعين لهلا وعسى يتݣعد لها الميمون وتخرج مخطوبة من داك العرس لي طالقة زينها على ولاد الدوار ولي منهم خليفة خخخ ولي نايضة غا تفوج وتلوح ديقة الروح كلا وهمو كلشي شطح حتى برد قلبو من بعد جا وقت العشى كلشي تستف فالطوابل ولي عندو شي بلاصة شدها تفرق الخبز والموناضة وكيسانها ومن بعد تحط الدجاج المدغمر لي ميخطاش شي عرس واخا ولا كيتبدل بالبسطيلة ولكن كبقى هو الاصل كلشي طاح فيه عمى بنادم كياكل وكهضر جو سائد عليه الضحك والنشاط تحط اللحم بالبرقوق كأكلة ثانية تاهي نفس الشي تهزو غير طباسل خاويين مع العظوم تحط الديسير كلشي كلا وشبع ودا معاه ضروري باروك ماكلة العرس يمشي معاك للدار ناضت سميحة وراجلها كضورو على الطبالي كرحبو بالناس لي شبعات وناضت تشطح ثاني نص الليل داز والعرس مزال مواصل كانت تتقلب عليه بعينيها كبانليها تاهو تتسخر مع السرباية ويمشي من هنا يشوف باه لاش معيط ومن لهيه يشوف مو شخاصها مقابلة الطيابات لي كانو من عيالات الدوار ضحاو بنفسهم باش يطيبو ويخليو فراجة العرس وكانت منهم الحاجة رحمة ويوقف شوية يصفق ولا يتفرج ويمشي ثاني يقضي واقف على عرس ختو بݣاع جهدو

الليل غادية فنهايتو والعرس حتى هو ولكن الفيجطة مزال النايض كثر من لي جالس سميحة كانت غادية تبدل ثاني لبسة اخرى مخلية وراها الناس مشاركين فرحتها دينا كانت جالسة دايرة رجل على رجل وزوي قدامها تتصورها كلا مرة بوز فشكل شبغو غير تصاور هاد الليلة رجعات دانييلا لخرجات مع معتز عرفوها شبكاتها معاه بوسان فشي ظلام حيت هاد الايام محبوسين رجعات سميحة بآخر لبسة ولي هي لاغوب كلشي ناض يتصور معاها فالبرزة كلا مرة كجيو وحدين من عائلتها بعدما تصورات مع واليديها وخواتاتها هما الاولين ناضت دينا لي جراتها اسمهان تصور معاهم تمات غادية قاصدة لبرزة هازة طرف من تكشيطها سلمات على سميحة بلابيز وعلى عريسها بليد ووقفات معاهم بتاسمات لتصويرة وقلبها كضرب وهي تتشم ريحة برافان هداك لي واقف حداها تشدات لهم صورة مع العرسان وهما واقفين حدا بعض مع نزل المصور الكاميرة شافو فبعضهم بالخف وكأنهم دواو غير بلعينين جاو عائلة دينا ماماها باباها جدها جداها عيالات عمامها تصورو مع العرسان تاهما ودازت ليلة زوينة على كلشي فرحو فيها وشاركوهم الفرحة القراب والحباب نجية كانت بعيدة ولكن حاضية الفيلم كامل وعينيها عليهم معرفاتش شنو تتحس ولكن غيرتها تحولات لقهرة وهي تتشوف شحال دارت باش تبعدهم وهاهي دابا تتشوفيهم كيف كهضرو غير بلعينين سميحة جرات خوها لوسط كتشطح هي وياه وكلشي ضاير بيهم وكغني ليهم وكضحك:ولاهيييلا بصح خليييفة كيشطح ولاهيلااا بصح خليفة كيشطح

دينا كتصفق وضحك بحال كلشي حيت عارفينو متبت مكبانش فهادشي بزاف ولكن على قبل ختو ناض ختموها بعناق حار بينهم هاهي غتخرج من تحت جناحو لي كان فيها نعم الاخ الحامي وجناح واليديها وغتمشي لدار راجلها وتحقق سنة الحياة كلشي خرج برا وكلشي كسلم على سميحة لي تفارقات على عائلتها بالدموع لي ضروري منهم فهاد اللحظة غتخلي فين كبرتي باش تمشي فين غتكبري ولادك تقريبا كلشي كان كبكي فصمت وحتى دينا لي قاصها هاد المشهد ركبات سميحة فالطوموبيل مع عريسها وكلشي كودعها مشات مخلياهم وراها كدعيو ليها بالفرح والتيسير والبنين والبنات

كانت فبيتها كديماكيي وجها وتتفكر فقبيلة كيفاش فكها ودافع عليها من هداك كيفاش عطاه كلام قاصح وفنفس الوقت عجبها هي تنهدات فاش مهضروش حتى فاش سالا العرس ملقاتش شي فجوة طلاقاه مبقاتش ليها ݣاع تنهدات وهي شبه مرتاحة لان مراد صافي غير لبقى باغي يضور بيها حمدات الله انها مكانت مسيفطة ليه تصاور مكانت عاطياه حاجة لي يشدها عليها ناضت تنعس تاهي من بعد ما زوي ودانييلا نعسو بتكاشطهم لي لقى شي بلاصة تلاح فيها عياو بالشتيف وطيحو عظامهم بالشطيح

داز هاد الليلة وجا نهار جديد لي حسب تقاليد المنطقة او اي عرس كياخدو فيه الفطور للعروسة دوزو النهار كامل فالدوار لي غتسكن فيه مديين ليها الفطور لدار راجلها دينا وزوي ودانييلا حتى هما مشاو حيت جداها مشات مع لالة يزة وحتى بديعة ولبنات اكدو عليها انها تمشي معاهم نشطو ووضحكو وهما غادين بداك لفطور بالغنى والتطبال مع عيالات الدواو فجو كولو نشاط مع عائلة راجل سميحة غناو ضحكو ونشطو ورجعو بحالهم بعدما دوزو النهار كامل تما

زوي طلاحت فوق الناموسية:هادي احسن عطلة دوزت فحياتي

دينا تبسمات وهي تتبدل فحوايجها تاهي نفس الشي فرحات بزاف نشطات وستمتعات بزاف تكات فوق الناموسية كرتاحو يلاه جاو خلات جداها ومها مشاو مع لالة يزة للدار بحكم باقي عندهم الناس تفكرات مراد واكثر حاجة مفرحاها هي انه سمعات مو تتقول لرحمة بلي شد المركوب البارح بليل ومشى بسبب شي كذبة طلقها عليهم مبغاتش تعرفها مدام عارفة السبب الحقيقي لي خلاه يطج بحالو الما والشطابة نيت نجية ضروري متشوفها ولكن مهضراتش معاها ݣاع زوي دغيا نعسات كانت عيانة اما دانييلا خرجات مع معتز يضور شوية فالنواحي

مع هزات تيليفونها لقات ميساج واصلها تبسمات كان هو

خليفة:واش واخا تخرجي دابا بغيت نشوفك

دينا جاوباتو:واخا

خليفة جاوبها داك الساع كتسناها:جي عندي انا كنخرج فالبهايم

طفات الطيلي بلاما تجاوبو وناضت بدلات لبسات واحد الكسيوة طويلة قادات دغيا شعرها زنݣات الحناك ودارت ݣلوص خفيف مع شوية ماسكارا وخرجات كانو عيالات عمامها كعجنو وكطيبو اتاي فالكوزينة طارت بلا حس مع خرجات كانو ولا عمامها الصغار كلعبو وشي دراري من دار خليفة الدنيا عامرة مشات عندو جيهة الكوري خاوي تما كان واقف وعاطي بالضهر مراقب البهايم حتى وقفات عليه:سلام

خليفة ضار طلعها ونزلها بديك الكسيوة كيوت وكتحمق:كدايرة لباس؟

دينا بابتسامة صغيرة:حمدالله ونت؟

خليفة حرك راسو باه:الحمدلله

دينا حسات بيه ماشي هو هداك وعارفة علاش تنهدات ونطقات:سميحة ياك

خليفة تنهد تنهيدة طويلة قاصت ليه الضبرة ولي هي ختو وحدة اخرى كتخوي عليهم دار قربات عندو شدات فيدو بشوية بيديها الصغيرة ونطقات:هادي هي حياتنا ضروري منتفارقو من الناس لي كنبغيو باش يمشيو يكملو حياتهم معندك مدير خاصك تكون فرحان ليها حيت تزوجات وغتبني حياتها ويوليو عندها ولادها فالقريب

تبسم لكلامها الزوين بصوتها الرقيق كان هو كنصحها وهاهي هي دابا لي كتنصحو وهدا هو الطرف الآخر مرة عليك ومرة عليك شبك يديه بشوية مع يديها كانو ملمس يديها كحس بيه ناعم فوق يديه الخشنة نزلات عينيها ليديه المشابكين وهي ضحك كيفاش يديها صغيرة مقارنة مع الرحى ديال يديه تبسم شوية ونطق: يلاه نغبرو من هنا

حركات راسها باه وفلتات يديها بشوية وهي تتشوف فجنابها وهما غاديين يبعدو غير من الدوار وغيغطيهم الدرݣ كانو تتمشاو بزوج وكهضرو فامور العرس فاش بعدو من الانظار شدات فيه وهما كل مرة كنعت لها فالحجر ومنين دوز من بعيد بانو ليها معتز ودانييلا كتجاراو فالخلا عايشين الحياة بزوج بقاو غادين بزوج حتى دخلو فواحد الارض كانت كلها ورد اصفر خلاتها تحل فمها منظر واحد عمرها شافت ضارت عندو فرحانة كضحك:زوينة بزااااف

بدات تتنقز فبلاصتها وهي كضحك فرحانة وهو كشوف فيها بحال شي بنية صغيرة هادشي لخلاها تكسب قلبو تلقائيتها وخلوها من اي تصنع ولا تكبر قرب شوية وشد فيديها خلاها ضور عندو وتقابلو عينيهم بدون مقدمات نطق وباشر بالكلام: سمحيليا على الكلام لي قلت لبارح اللسان مافيه عظم حالي من جيهتك هو لخلاني ندوي بلا فرانات

#يتبع