غربال حورية

تقديم بقلم ✍️ Qisatok
قربو وردّو البال… حيت هادي حجاية من حجايات زمان، وشي حجايات ما كيتعاودوش غير باش نتسلاو بيهم… كيبقاو مخبيين أسرارهم بين كلمة وكلمة. 👀🔥

فزمان كان فيه الكلام موزون، والنية كتسبق الفعل، والحكايات كتدور من دوار لدوار حتى كيولي صعيب تعرف فين سالات الحقيقة وفين بدا الخيال…

كان واحد الغربال.

قديم، بسيط، وما فيه من برا حتى حاجة تخليك توقف عندو…
ولكن حجايات زمان علمونا أن الحاجة اللي كتبان ما تسوا والو، مرات هي اللي كتخبي وراها أكبر سر. 😶‍🌫️

واش كل ما كيورثو الزمن خاصو يبقى مدفون مع الماضي؟
ولا كاين أسرار مهما داز عليها الوقت، كتلقى ديما طريق باش ترجع؟ 👀

غربال حورية… قصة قصيرة تراثية بالدارجة المغربية، فيها الحجايات، الغموض، الفانتازيا، الدراما والمواقف اللي مرة غادي تضحككم، ومرة تخليكم تشدو النفس وتقولوا: هاد الغربال آش مخبي وراه؟ 😂🔥

القصة بقلم سناء الصنهاجي
قراءة ممتعة مع Qisatok ♥️📖

بقلم الكاتبة ✍️👇
📖كان يا مكان
في قديم الزمان
بعد الصلاة والسلام
على النبي العدنان
كان السر و الجمال باسرارو
و كان الصدق و الخلق زوارو
حكايتي اصبح ينطقها الصخر فيها مد و جزر و بحر
فيها نهاية و خواتم الصبر
كان يا مكان الحبق و السوسان و الصلاة و السلام على النبي العدنان هي المفتاح تزهي الالوان و بانوارها رب العالمين مضوي الاكوان ما كان الخو ايخلي خوه وراه كانت المحبة الصادقة و الخير ما احلاه كانت الناس تحسب للقرابة حسااب و كانو الجيران كلهم حباب كان المسجد باب المعرفة و الارشاد كان الفقيه امبجل يقري بنات و اولاد
كان يحدت و يفصل بين العباد و كان بالمعنى امشرف و سيد من الاسياد كانت الريح امهذا و السفينة سابحة و كانت البهايم في المروج سارحة كانت الناس مهدية في كل طريق سايحة و كانت اعطور الخير ديما فايحة
كان الصلح بعد كل اخصام و كانت الشيوخ و الطلبة تقضي بالاحكام كانوا يفصلو بين الحلال و الحرام يرضيوا الخواطر و على النبي الصلاة والسلام
كان الصغير يحترم كل كبير و كان الكبير يوقر كل صغير
كان الحب و السعادة بقلوب الخلق اتشير و كانت الناس تتعامل بنتها بالخير
كانت المراة اخرج بااحايك و اللثام و كانت داخل بيتها تتحزم بالحزام كان السر عليها حتى فالكلام و كانت الهيبة و الطيبة و الشرف و الاحترام
ما عمر كانو البنات عوانس و لا الاولاد يخيبوا في مساجد و مدارس اتغير الركب و اصبح العاقل فالس و ولات النعجة اتقري العتارس مللي روحو الدجاجة عروسة و جلسو العود وربطوه للكروسة اوضاحت ما ابقات حتى حاجة مدسوسة صبحات الحياة باهتة مسوسة
مللي كان العطار يعطر على الحمار كان يجول كل قرية و دوار و يداول بين الناس و الاحباب الاخبار مكانت الناس تواري بالادبار كانت النوالة و الخيمة و البراكة و الناس تتباهى بالخيل الحراكة مكانو لصوص و لا للدم سفاكة كانت الزريبة و الخير و الامور فيها سلاكة
كانت المرأة للصوفة لتقرشل و تغزل و تسدي البطانية و الزربية و الحنبل...
هادي حورية بنت سي مومن مولات النية و القلب الكبير... بنيتها تبغي تعاون الكبير و الصغير و حتى الحكيم... اييه و لكن لي نيتو قليلة نيتها تخرج عليه و طيحو فالعافية و تقلل ليه لكسيبة... كالوها ناس زمان مول النية ديما يربح و قليل نية يطير و لا ينزل عمرو يفلح...

الموسم الأول: غربال حورية.
الموسم الثاني: بندير خميسة.