قصر العرصة

تقديم بقلم ✍️ Qisatok
قربو عندي شوية… هادي ماشي غير قصة، هادي حجاية من حجايات زمان، خاصها تسمع والقنديل شاعل والليل ساكت 👀🔥

فزمان كانت فيه الكلمة عهد، والسر يقدر يبقى مدفون تحت حجر، والحكاية تمشي من قبيلة لقبيلة حتى ما يبقى حد عارف فين سالات الحقيقة وفين بدا الخيال…

كاين قصر اسمو العرصة.
اسم كايتقال بسهولة… ولكن الوصول للي مخبي بين حيوطو ماشي بالساهل. 👀

فاش كيدخل الفضول وسط الأسرار، وتدخل الشطارة وسط المكائد، حتى البيبان اللي باينين مسدودين يقدرو يتحلو بطرق عمرها جات فالبال 😂

ولكن ردّو البال…
فحجايات زمان ماشي كل واحد كيبان عدو كيكون هو الخطر الحقيقي، وماشي كل لغز كيعطيك الجواب ديالو من أول مرة. 🔥

قصر العرصة… قصة قصيرة بالدارجة المغربية بروح تراثية مختلفة، فيها الحجايات، الغموض، الشطارة، المكائد، الغرام والمواقف اللي مرة غادي تشدو فيها راسكم ومرة غادي تقولوا: هادي منين جابتها؟ 😂👀

القصة بقلم عواطف الشويع
قراءة ممتعة مع Qisatok ♥️📖

بقلم الكاتبة ✍️👇
القـــصــة بــعنـوان: •قــــصــــر الــعـــرصــــة•
•عشقها وباء أصاب قلبي الضعيف... وأقسم على أن لا يزول•
«عينيك بحر هايج وأنا فيهم غرقان»
◄اهـــداء إلـــى:جــدودنــا القــدام ونــاس زمــان ◄
شافت فيه وقالت سمع باقي الحكاية وتنغم معايا:
◄حاجيتك على الكاف والكاف كاملة مكمولة،
تأسر قلب الغريب والحبيب وتروح لدار باها مستورة،
الكاف ماتقتلك ماتحييك،
تشربك السم والدواء وترجع تتشفى فيك
الكاف ماعندها لا ساس لا رأس،
ماتشرب في كأس ماطيب في كسكاس
الكاف بنت الكاف قلبها مسرار وكلامها حار كله مرار
الكاف طيتها طيت الحمام وشوفة فيها تعيشك في الأحلام،
طولتها طولة الغزال ومشيتها كيف دالنعام.
حاملة النبالة وتقول أنا الحكيمة مولات الخالة، نداوي الصغير والكبير ونخليه يتشافى بحكمة الرحمان الرحيم.
الكاف بنت الحرام من فعايلها، شيطانة في شطارتها تلعب الحاكم والمحكوم،
وتزول الحجرة من فوق قبر المرحوم.
الكاف تحاجي الخبير، تقرا كف اليد وتبشرك بالخير، ودور في القبيلة تبيع العطور و الحرير
الحاصول وما كاين رد بالك يا السامع لا تحصل و تتعلق فوق باب الجامع،
هاذي راها الكاف، منها يخافو القضى وإلى حطاتك في بالها عمر حاجتك تتقضى.