العوض الجميل ❤️🩹
وقف شعل الضو غمضات عينيها مغطياهم وسط رجلهاا بقا واقف شاد جنبوو ومشا جيهتها بغا يقيسهاا ورجع ايدوو لبلاصتها وقال:ايمان غتقولي لياا شنو عندك ولا لاا
هزات راسهاا فييه وقالت:مقادرااش هءهءه
حذيفة(بتفهم ) : شنو لي مقادرااش واش خايفة مني مالك شنو عندك ،لا بقيتي هكا ساكتة نتي كضريني وانا غنضرك راه ميمكنش
مسحات عينيهاا وقال: عطيني وقت
حذيفة(تنهد ): عطيني سبب علاش خديتي الموضوع هكا ،واش خاصني نعرف شي حاجة هضريي قولي شنوو عندك
ايمام: ماتفهمش غلااط هء انا عمر شي حد كان فحيااتيي
حذيفة : اوى علاش هاربة منيي بحال هكاا ،راه حتى نتي اول مرا فحيااتي ،باغي نعيش معاك كلشي ولكن لكنتي فرحانة ماشي بزز منك
ايمان: مقدراش نخليك تقرب ليا هءهءه ماشي لخاطري محسااش براسي مرتااحة هءهء
حذيفة: وخة غير تهدنيي …تهدني(حط ايدو عليهاا وقفزات وحمر فيها )ايماان واش حتى تزوجنا عاد وليتي خايفة نحط ايدي على ايديك …شنو وقع شرحي لياا
هزات عينيهاا فييه حمريين كتشوفو كالس جنبها كيتسناها تهدر وقالت: ف هءهء
حذيفة(ساط): ايماان عفااك احبيبة دياليي بلا بكاا مبغيتينيش نقرب ليك منقربش لييك حتى تكوني بخير ولكن قولي ليا مالك شنو عندك …هاد السؤال منهار عرفتك واناا كنسولك ودابا بغيت جوابوو …فينهياا البنت لي شفت اول مرة فلبحر ممم من وراها ولاو عينيك كيبانو بااهتيين وقليل فين شفت الضحكة فيهم
ايمان: ماتت مع ميي
حذيفة: انا عارف شنو هي الام ولكن واش تموت ونتي تموتي فالدنيا ! واش ماشي كضري نفسك وغتحاسبك حتى هي
ايمان: علاش هوما ميتحاسبووش ،علاش انا بوحدي نتحاااسب علاااش
حذيفة: شكون. هوماا
ايمان: ماشي ديما الام ام احذيفة هءهء انا معمر كانت عندي ام هء معمر كان عندي اب منهار وعيت على راسي وبا وميي هوما جدي وجدة هءءه عرفتي شكون اناا ههء انا هي ديك البنت لي تاحد محاملهاا تاحد مباغيهاا فحياتوو كرهوني واناا مدرت والوو (بحرقة )حيت اناا بنت الحرااام ،حييت تولدت فلحرام بين جوج حيوانات بينهم وبين البشر غير السمية نورة و كرييم ، حياتي عذاب من نهار وعيييت على هاد الدنياا وانا من وحدة لوحدة هازة ذنب فجبهتي وانا معندي فييه حتى شويية (طاحو دموعها كتشوفييه بضعف وهواا تابت بملامح جامدة بحالا كتخوي علييه الثلج ) لعبو بياا كيف لكورة بيناتهم نهار درت تمن سنين عاد عرفت شكون باباا(مسحات دموعهاا ) موراها غبر تاانيي كنت كنشوفوو فزنقة وكنمشي نجري عندوو ..كيخسر علياا درهم يحطها فايدي ويقوليا سيري لدار ،معمرو سولنيي ، كنت محتااجة شي راجل فحياتي احذيفة(بشفايف كيترعدو ) كنت باغة حتى انا نقول بابا بحال صحبااتيي (شابك ايدو مع ايدها مغمض عينييه وحلهم مغرغرين مقادرش يحل فمو بكلمة وحدة غير كايسمع ) واحد النهار كنت كنسمع بنت خالي كتقول باباا وحتى انا بغيت نقولييه باباا قالياا بزاف عليك نكون بااك مكنولدش بنات الحراام ههه وتخيل هاد خالي فعرس ماما لقيتو مع واحد البنت بنت خالتو مزوجة و والدة شادها فالظلمة كيبوس فيهاا ملي كنت غادية كنجري بلخلعة طحت فلابيسيين وكنعيط لييه ومبغاش يعتقنيي كان غادي هارب وخلاني كنغرق باش ميتفضحووش غير واحد لولد لي عتقنيي عاد جا كيجريي تمن سنين احذيفة قالياا الى سمعت شي حاجة نق_تلك … شبعنيي عصاا كنكون كنلعب انا وبنتوو ويسمع الصداع كيجي يضربني انا بالسمطة كنت كنسمع منو غير بنت الحرام ،السلكوطة ،قدام الزلط والنحس
العقاب لكبيير لياا
ولالة ماما من ورا متزوجات بالنسبة لعائلة راجلها انا ختهاا عمري كنت بنتهاا ،وبابا نهار حيا فيه الضمير كان مرة مرة يكسيني مرة مرة يديني لطبيب ونهار بغا يتهلا فياا حتى هوا خطب ومقايلش لمرتو راه عندي بنت ملي شافتو معاياا خرجني ركبنيي فطاكسي وانا عندي 11 العاام مع راجل مكنعرفووش
مبقاتش بغات تخرج ليها الهدرة وحطات ايدها على قلبها بالنخصة لي ضرباتهاا
ايمان: مم
حذييفة(مسح عينيها ) : صافيي غتمرضي رااسك باركة
حركات راسها بلاا وقالت: هادشي لي عاودت لييك راه والوو واش عرفتي شنو وقع داني لخلاا وقف الطاكسي وبدا كيقيس فرجليي وانا عندي 11 العام هءهءهءه …هربت بوحدي فلخلاا ومعارفاش الطرييق(كتشهق ) تما لقاتني نجاة وصلاتني لداار ومسولش مقالش واش وصلاات
تزادت ختيي وكتقوليا طاطاا وكانت الحاجة الوحيدة لي مصبراني هي ميي تنقول عندي بعدا شي حاجة زوينة فحيااتيي ونهار ماتت حسييت بليي الدنيا طفات وفعلا طفاات مزال ميي مبرداتش فترابها بداو كيفرقو فالورث وشكون غيشد هاد الخطية لي هي اناا بحال شي سلعة خامجة بغاو لمن يلصقوهاا
مبغانيش نبقا فدااروو ضربنيي وجرا علياا ومشييت معاها لدارها هي وراجلهاا كانت كتقوليا فوجهي مكنحملكش نتيي كتفكريني فدنوبي وكتفكريني فالشماتة تاع بااك…كانت دايرة ليا كلمة فصباح وكلمة فلعشية لنساا هه
كنت كنعس وكنحس بييه دخل لبييت ونهار عقت بيه قاليا غير كنسمعك كتغوتيي ببقيت فييه
نهار قلتها ليها متيقاتنييش قالت لياا وخة نشوفو منتيقكش
سجلتوو باش نوريه ليهاا كان بغا يتعدا عليا ملي شافتو ولاا كيدافع علياا سيفطاتني عند بابا مزوج وعندو جوج وليدات مرتو رجعاتني خدامة وكتزيد تحرشوو علياا لاحت علياا باطل فرمضان وشتا خيط من السماا داني لعند مو بليل مجيت فين نكلس حتى دخل عاوتاني كيضرب فيا وقالياا شفرت لمرتو الدهب قلب لكارطابل ولقا السنسلة سلخنيي وجرا علياا بليل و الشتاا ،مشيت كنتلاوح بليل عند خاليي وتهوا جرا علياا مرحمنييش بقييت فدييك الشتاا خييط من السماا
كي اليتييمة تاحد مرحمنيي غير نجاة لي لقيتها فوقت الحزة عمري نسا خيرها داتني لدارهاا يوماين واناا عندها تاحد مسول فياا … الحقد قدام لي كنحس بيه جيهتهم غير شوية من بزااف
رجعت عندهاا ومشات كرات ليا بيت فالسطح وقالت لياا عيشي الحيااة لي حرمتيني منهاا بسبابك مدوزتش حياتي كيف الناس …كتلومني حيت ولداتني
خليتهم حتى تجمعو ومشييت شوهتهاا قدام عائلة راجلهاا (بدموع)حرقت لبابا داروو كيف حرقوو قلبيي ،اتاهموني بالسرقة وسرقت ليهاا رزقيي لي نهار عطاها القااضي فلوس ليصانة ديالي مشات شراتهم دهب من عند خو بابا باش تفقصوو …بعت كولشي وجيت لتركياا ولحد السااعة معمر شي حد سول فييا لاا مسكينة ماما خافت علياا ومشات لشوف تيڤي قالت ليهم بنتيي من صلبيي هربات لياا مع راجليي وبنتيي
بعدت عليهاا ومزال صهدها كيوصلني ،مقادراااش والله عيييت حاسة برااسي عيييت مبقيتش كنقدر نعس كيفاش هوما عاشو حياتهم وانا بقيت كنعاني ا حذيفة غير قولياا شنوو ذنبيي مكنت باغة والو ليصرفو علياا ولا يعطييوني والو كنت بغييت غير كلمة زوينة نحس تا اناا بلي عندي عائلة باغااني
بكسرة وشهقة :باش تعيش حياتك وسط ناس مباغينكش احذيفة صعيبة بزااف
قرب جيهتها هدرتها دمراتوو نفسياا ،كيفاش هازة هادشي كلوو وصابرة عنقهاا طلقات العنان لبكاها فينما كيفكر المواقف لي تعرضات ليهم لحمو كيشوك وكيحس بالقهرة والغضب والحقد على اشخاص معمرو حتى شاافهم
كيفاش غينفس عليها حرقة المااضيي وداكشي تغلغل فعقلهاا
هضرات وكانت باغة قلبها يبرد ولكن عاد مرجعات معاها العافية وحسات بكاع الجروح كينزفوو ولات معدبة جسديا ونفسياا
بعد عليهاا جر ايدها باسها وقال: نتي مدنبك والوو وتاحد فينا مكيختار واليديه ولا شنو غيعييش من بعد …الحاجة الوحيد ل عندنا فيها اختياار هوا الطريق الصحيح وشريك الحيااة
بغيتك تنسااي هادشي…نتي عندك انا وغنعوض لييك كلشي …معمر شي حاجة ضرك غنديرك فعيني كيف بغات المرحوومة وكيف وصاتني علييك (داعب حنكها بصباعوو) مبقيتش نشوفك كتبكيي …اليوم غنطويو هاد الصفحة ونبداو حياتناا بجوج وخة حبيبة
حركات راسهاا باه حسات براسها بغات تكاا مقدراتش مزال تدوي جراتو من ايدو ملي تكاات تنهد وجا وراهاا تكات فوق ايدو كيحس بقطرات دموعها كيطيحو فوق ايدوو
جر عليها الغطاا كتشهق مرة مرة وهوا كيداعب شعرهاا
الموضوع مقادرش يستوعبوو ب ببساطة …كيفاش ام تقدر دير هكا فبنتهاا …كيفاش اب يعرض بنتو لتحر_ش وهي طفلة
كيفاش وكيفااش وكيفااش
كلمة مبرداتش لييه جوفوو معندوش طريقة يبرد بيهاا على خاطرو لي تزير وعرووقو ليي حرقووه فعنقوو
الوقت كان داز وهوما فنفس الوضعيية نعساات ومزال جسمها كينتافض من كترة البكا…بدا كيسل ايدو بشوية من تحتهاا ونااض محتاج الهواا وجرعة من النيكوتيين
معمرو كماا فهد الوقت لي كانت 4 تاع الليل تقابل مع السرجم وكلس كيكميي واحد ورا واحد محسش بليي ضرب كمية كبيرة من لباكية لي كانت فالاصل كتدي ليه يوماين دابا حلها جديدة ضربها فسااعة ومبرداتش ديك الحرقة لي عندو لدااخل
حس بتانيب الضمير على نهار مشاا وخلاهاا كيأنب رااسو ويعاود ،كان خاصو يكلس معاهاا يفهمها وتفهموو تسرع وحس بلي أداها نفسيا بلا ميحس
كالس مشابك ايدو تحت فمو ودخل فدوامة التفكير وستريس
طلع بدل عليه حوايجو لي شدو ريحة الكارو وشلل فمو بلغاسول ومشا لبييت لقاها مزال فوضعيتهاا كيف خلاها قرب جيهتها غطاهاا تحسس ايدها لقاهاا سخونة وطلع ايدو لجبهتهاا لقاهاا كتشوط
حذيفة: متتتء بفف …ايمااان ..ايمان
ناض كيجمع فلكمام هز فوطة صغيرة وجاب سطيلة فيها لما باارد حطو عليهاا وبدات كتنين كيدوز على عنقهاا
طلعاتها التزنيݣة وبدات كتهبط ليهاا الحرارة شوية بشوية مع طلوع الضو وهوا مزال منعس دازت عندو ليلة بيضاء مشافش فيها النعااس
من بعدما صلى صلاتو دخل معاهاا فلفرااش منعس راسهاا على صدرو بقا كيحك على راسهاا حتى بدا كينعس زادت تمخشات ولاحت رجلهاا عليه وتكمشات…مسح على ظهرها وغمض عينيه من بعد نهار وليلة دوزو فيها جميع المشاعر الزوينة و الخايبة
حلات عينيهاا بالشوية كتلقا راسها فحضنوو مدور عليها ايدو دليل انه فاايق لايحة نصهاا علييه وراسها على صدرو كتسمع دقات قلبوو ورجعو معاها ذكريات الباارح كيفاش خوات قلبهاا حتى خلات عينيه دمعوو من قساوة الاحداث لي دوزات وهي مرااهقة …بقات على وضعيتهاا كتسمع لنفسوو ودقات قلبوو
عينيهاا ضارينها وحاسة ب داتهاا بحال الا واكلة العصاا…كتسمع لفريخات دخلو كانو تلاتاا كيشربوو وياكلو لي كتحط لهم …تبسمات بهدوء …حاسة بدفئ فحضنو مسخاتش تحرك بعد دقائق هزات راسهاا كتحس بيه تقيل عليهاا
شافت جيهة حذيفة لقاتو رجع نعس، خدات وقتهاا كتشوف فملامح وجهو حققات فشفارو لكحليين لحيتوو وشعروو القوي مخربق بنعاس ..بشرتو القمحية …بعض الشيبات فشعرو اما لحيتو كحلة
ناضت بتتاقل من حداه حاسة براسها واكلة العصاا قضات حاجتها وتقابلات مع المرااية وجهها شااحب وعينيها منفوخيين
تنهدات باسى على حالهاا ،فالوقت لي كان خاصها تفيق اليوم فرحانة فاقت وقلبها مقبووط ،حسات براسها كظلمو معاهاا جراتو لعالمها الكحل من بعدما كان مرتااح فحياتوو هادشي بحد داتو كيضرهاا ولكن ملقات ليه جهد
غسلات وجهها ورجعات لبييت لقاتو مزال ناعس..مشات جنبو تكاات مقابلة معاه وهوا نااعس…حتى حل عينييه ولقاها كتشوفييه …بقات على وضعيتها وهوا كدالك عينو عليهاا هز ايدو بعفووية وداعب دقنهاا وقال بصوت باح: صباح الخير
ايمان: صباح الخير
حل ايدو ليهاا وربت جنبو وقال : اجي عنديي
ابتاسماات وقربات عندو رمات راسها فوق ايديه ودخلات فصدرو مغمضة عينيهاا معنقيين بعضياتهم لوقت طويل
كلما مرت الأيام أيقنت أنك عوضي العظيم من الله🕊️
خلاها متكية فبلاصتهاا وهبط لتحت كيحاول يخلق جو لطيف يبعد الغمامة ،وجد فطور وشكل طبيلة بلفطور لي كيعجبهاا وطلع عندها
مكمشة ف فراشهاا وكتشوف غير فريدو كيحركو البرد حتى سمعات حسو وراها تقلبات جيهتو ،كلس جنبهاا وقال: نوضي نفطرو
ايمان: مافياااش
حذيفة: وعفااك ديري لياا خاطري (وقف ومد ليها ايدو)نوضي
وقفاات وشدات فايدو ، عنقها بايد وحدة فالدرووج مزير عليهاا
ايمان: ههه حذيفة قجيتيني
حذيفة: باش ياله نهبطو بجوج بينا فالدرووج
هبطات كضحك شد فايديها وداها لكرسي فطلة لي كتعجبهاا حدا السرجم كطل على العمارات وجريدة كانت خاوية مفيها حتى واحد ،بقات ساهية تحط قدامها القهوة وطوست فيه البيض وجبن
حذيفة: ياله فطري
هزات القهوة شربات منهاا وحطاتها كتشوفييه كدور فعينيها وقالت: داباا حبستي الخدمة
حذيفة: لي على براا ولكن هادشي لي وراك محاابسش
كيقصد لكسوة لي كيصايب وقالت: كموند !
حذيفة: سيي .. خاصني نوجدهاا بعد غدا ..(جر ايدها عندو ) مزيانة نكلسو مع بعضياتناا شوية
تبسماات وكل مرة ياكد عليها تفطر كدير ليه خاطرو وخة الشهية مسدودة وغير مكابرة على راسهاا وكل مرة تسهاا وتسكت …لاحظ كلشي ولكن مبغاش يحكر عليها
حذيفة: فين تبغي نسافرو مليي يطلقو الطريق !
ايمان : معرفتش
حذيفة: نمشيو لواحد لبلاصة كتعجبك (غمزها )كنت واعدتك بيهاا ملي كنا فالنمساا
تبسمااات بلطف وقالت: سويسرا
حذيفة: اش بان لييك
ايمان(حركات راسهاا ): ؤك ههه
جمعو ديك الطبيلة ومشات كلسات على الفطوي سااهية حتى صونا تيليفونها من طرف مراد
كان حذيفة واقف قدام المانكان شاد لبرا وكيقاد لبلياات وراهاا
ايمان: هدا مرااد
حذيفة: جاوبييه
ابمان: مافيااش
حذيفة: تقدر تكون شي حاجة مهمة جاوبيي
جاوبباتو بهدوء وقال: مراد بخير
مراد: صافاا ! عييت نصوني
ايمان: غير عيانة شوية هدا مكاان
مراد: دازت الحلقة ديال البرنامج البارح
ايمان(نسات): والله متفكرتهاا غتكون الاعادة
مراد: سيي ضروري غتكون فيوتوب ..شوفي واحد لمارك اسبانياا ديال السوايع بغاو يصورو معاك اعلان
ايمان: ولكن ياك كلشي حابس اشمن اعلان غيتصور وفيين
مراد: حالياا بغاوك ديري بحال انتيرڤيو على السااعة ومن بعد تصوري اعلان شنو قلتيي
ايمان(تنهدات ) : مراشقا ليا على والو امرااد بغيت غير نرتاح حالياا وصافي
مراد: ؤك نقوليهم يأجلو حتى تقاد الامور
ايمان: صافي
مراد: ايمان الشركة لي دايرة معاها شومبوان
ايمان(حطات ايدها على وجهها كتسوط ): مالهاا
مراد: سيفطو ليا الباارح بليي خالفتي الشرووط ومبقيتيش كتوري المنتوج كيف اللول ،شرحت ليهم شنو كاين ولكن وخة هكاك خاصك تصوري واخة غير مرة فسيمانة
ايمان: عرفت
مراد: مبغيناش مشاكيل معاهم ا ايمان ديري لي تقدري عليه وراني محمد لكونطرا بقات ليك معاهم شهراين … كملتيي الاغنية فالكتبة
ايمان: هي لي بقاات امراد
مراد: نساااي وشغلي رااسك وقت لي ساليتيها نديرو ابيل فيديو مع محمد ونتافقوو مزيان ميصلاحش لينا نتلاقاو حالياا
ايمان: حالياا بغييت نحبس كلشي ونرتااح
مراد: ولكن متنساايش العقوود لي سانية عليهم خصوصا مع الشركات لكباار
سلات معاه الهدرة وحطات تيليفون تقابلات مع حذيفة وقال: شي مشكيل ؟
ايمان: الخدمة وصافيي ،اجيي امتاا غاتخيط ليا لاغوب الحمراء ههه
حذيفة: اشمن غوب ؟
ايمان: كان عندك واحد دفتار كترسم فيه كنتي جايبو معاك من تركياا
حط داكشي لي فايدوو ومشا لواحد الرفوف جر لمجورة كيقلب تلقاه وراه ليها وقالت هوا ومشا كلس حداها
شداتو من عندو وقال: شحال هدا مرسمت فالوراق
ايمان: فين كترسم
حذيفة: ديريكت فطابلييت كتعطي ديطاي كثر وريه ليا نعاود نرسمو هناا ونصاايبوو لحبيبة دياليي شحال عندي منهاا
ضحكاات مدورة راسهاا وقال كيضحك: كتحشمي ازعيبيلة
ايمان: ههه وصافي سكت
لاح ايدو وراهاا متكية على كتفو كاتقلب فلوراق وراتوو اللبسة وقال: ايييه صافيي جاتك خاص غير الثوب
ايمان: مكاينش هناا !
حذيفة: على حسب الموديل …شي مرات كندير لكموند من تركيا ولا المغرب على وديت ثواب ودابا داير مع واحد التركي كيتقدا الثوب وصيتو على شي ثواب وصاري من الهند ومشاا ودابا راه واحل تماا
ايمان: هههه شنو غيدير
حذيفة: معندو ميدير الى رجع حي راه لبااس الهند داير فيها المرض خبلة
ايمان: هاديي الواليدة ديالك
تبسم لصورة ودوز ايدو عليها وقال: سيي هي هادي
ايمان: نهار شفت هد التصويرة تنقول معرت فين شايفاهاا
حذيفة:تقدري تكوني شفتيهاا حيت لواليدة ديالها كانت فكازا
ايمان: معرفتش قليل فين كنشوف شي مرا مزال دايرة هاد النقااب مغريبي …اجي واش ماماك ماشي شلحة
حذيفة: نص نص هي شلحة من نواحي تازة ولكن مشات صغيرة لكازاا وعاشت بزاف مع مها لي ماشي شلحة
ايمان(هزات راسها فييه ) عاود لياا علييك
كيلعب فشعرها وكيشوف فيها : شنو غنعاود ليك ديجا عاودت لييك
ايمان: علييك وصافيي على قرايتك على ماماك باباك خوتاتك خوك المهيم
حذيفة: ههه ومرت باا نسيتيها
شهقات: مزوج جوج
حذيفة: ايييه المرا اللولة مولداتش لييه وتزوج الواليدة
ايمان: قلتي لياا كان عندها ولد
حذيفة:مم قبل الواليد كانت مزوجة ومات ليها كانت ياله حاملة ب محمد وباهاا كان عندو حانوت وديك الساع الواليد كان فالجامع وتجمعات العلاقة وتزوجوو موراها تولدات خديجة ، امينة، فاطمة ، واللخرة لي قبل مني اسية
ايمان: ثم حذيفة
حذيفة: الربحة ههه
ضحكات وقالت: شحال فعمرهمم
حذيفة: محمد غيكون ف 41 وخديجة غتكون ف 39
ايمان: هي مبيناتهمش بزاف
حذيفة: راه مليي تزوج بيها الوالييد كان محمد ياله عندو شي ست شهور …وبين البنات غير عماين وبيني وبين اسية شي 3 سنين
ايمان: وكلهم تزوجو
حذيفة: دابا حسبينا كلنا تزوجناا محمد حتى هوا عقد على شي بنت وملي جات هاد الروينة مدارو والوو والبنات راهم مزوجين وبوليداتهم …خديجة ولدها تبارك الله راه عندو 19 كيقرا فلفااك
ايمان: تزوجو صغار
حذيفة: معقلتش عليها هي بالضبط
ايمان: و ماماك مفاهمة مع مرت باك
شدو الضحك من ديك ماماك وقال: ماما هههه
ايمان :ههههه شنو كتقوليهاا
عصر ليها فمها بايدو وقال: ميييي ميي. ومرت با كنقولو ليها اينا
ايمان: شنو هي اينا
حذيفة: هي مي بشلحة ههه والحاج كانقولو لييه باا ولا بابا (بترقيق الباء)
ايمان: المهيم معنى وااحد
حيد ليها الدفتار من ايدها وجر ايدها عندو تهزات راسها فيه وقال: دابا نهدروو عليك شوية
ايمان(تلغات ضحكتهاا وبغات تقاد وحبسهاا ) معندي تحاجة نقولهاا
حذيفة: تء عندك خلييك ياك تافقناا ناقشوو اي حاجة (حركات راسها)تافقنا ناخدو راي كل واحد فينا وناخدو قرار مزياان يااك ..شوفيي اعمري اناا بغيتك تنسااي لي فاات اعتابريني انا هو عائلتك ولي ربي ضيعك فييه فعائلتك ندير جهدي كلو ونعوضو لييك …انا عارف بلي شي حوايج تاحد ميقدر يعوضهم (كيقصد الاب والام )ولكن نكملو بعضياتناا يااك !
ايمان(حركات راسها بااه)
حذيفة(باس ايدها ): داباا سمعيني مزياان (بتردد )تبغيي احبيبة نشوفو شي طبيب نفسي
جرات ايدهاا منوو وتقادات فلكلسة وقالت: علاش ؟ واش كنبان ليك حماقييت احذيفة
حذيفة: واش الطبيب غير الى حماقيتي ! شوفي فياا ،شوفيي هاد الحالة لي كتجييك ملي كتخلعي جاتك نورمال
ايمان: اشمن حالة
حذيفة: الحالة لي خلاتك تخرجي من الطموبيل بلا ماتشعري
ايمان: داكشي علااش بلوكيتي الطموبيل قلتيي هادي حمقة
حذيفة: حيت خفت عليك ماشي حيت قلت حمقة ،دابا كنهدر معاك سمعيني
حركات راسها بلاا كتبكي: مبغيتش نمشيي ،شنو غنقولييه
حذيفة: هو غيعرف ،راه خدمتو وعارف شنوو كيدير
ايمان: نقوليه بليي كنت جاية فلغابة وقت_لت رووح
حذيفة(مسح على وجهو كيتنهد ) : كيبان ليك بلي خاصك تمشي لطبيب غير على هادشي ! نساااي دكشي لي وقع
ايمان: كون قدرت نسا كنت غنسا شي حوايج دازو عليهم 18 العام ،نتا كطلب منيي شي حاجة منقدرش نديرها احذيفة الطبيب معندو ميدير لياا ،داكشي عندي لدااخل
حذيفة(كلس قدامهاا ) : عفاك سمعي ليا الهدرة ، امتا اول مرة جاتك ديك الحالة !
تنهدات كتمسح فعينيها وقالت: نهار مشيتي وخليتيني ، فالمحطة ديال التران شفتك مشيتي وركبتيي ومقدرتش نوقفك (بضعف حطات ايدها على صدرها )كنت حاسة براسي غادي نمووت عمري حسييت هكاك
رجع باللور كلس فوق الطبلة شاد جبهتوو وقال: علاش محبستينيش
ايمان(حركات راسها بلاا ) : كون بقيتي معايا كنتي غتشبع غير مشاكيل (كتبكي )هادشي علاش كنت كل مرة كنرفضك باش منمرضكش فحيااتك هءهءه حيااتي مكفسة احذيفة …حياتيي خااايبة خايبة بزااف غانظلمك معايااا فهمنيي ،انا مخاصنيش. طبيب خاصني شي دوا نساا 25 عام من حيااتي هادشي لي خاصني وهاد الدوا مغيعطيه ليا حتى طبيب
خلاتو مشوكي فوق الطبلة وناضت طلعات البيت نعساات كتبكيي
خلاتو كالس فوق الطبلة شاد راسوو وكيتنهد على حالهاا وفين وصلات ،بقا فيه الحال كتر وكتر ملي عرف الضرر لي خلا غيابو عليهاا ،كيبغيها وكيموت عليهاا ولكن تعلقهاا بييه والطريقة باش كتقولييه عنداك تخليني عرف بلي متشبتة بييه بحالا هوا الطوق لي غينقدهاا من هاد الهم لي عايشة فييه
حس بصدرو تزير علييه ومرض فخااطروو ومعرفش كيفاش ينفس عليها وعلييه خصوصا كلشي مسدود كلشي مطرق مكاين فين يخرج الواحد الا لضرورة وهادشي زاد ازم الامور عليهم
جبد تيليفونوو كيقلب على نمرة وديان حتى لقاهاا وصونا عليها وعينيه ف الدروج حتى جاوبات
حذيفة : السلام وديان بخير
وديان: لباس اخويا الحمد الله ،واش هانية الوقت ! ايمان مكتجاوبش
حذيفة: لا بخير …انا لي بغيت نسولك داكشي لي قلتي لياا على ايمان ..عاود وقع ليهاا
وديان: هضرتي معاها على الطبيب !
حذيفة: مبغااتش
وديان: ولكن راه خاصها تمشي لطبيب …داكشي راه كيتزاد مع الوقت مكيبقاش لواحد حاس براسو مزياان …سولت عميي طبيب نفسي هنا فالمغرب على هاد الحالة …عندها بعد خاايب بزااف خاصها تعالجها
حذيفة(تنهد): شنوو نقدر ندير متلا بلا طبيب
وديان: معرفتش والله غير تبعد من الستريس وشوف واش غتبقا تجيها هاد الحالة ولا نو سينو ضروري طبيب كيعطيها واحد دوا كيخفف ديك الحالة مع الوقت
حذيفة: صافي شكرا اختي الله احفضك
قطع معاهاا وناض طلع لعند ايمان لقاها مكمشة فبلاصتهاا كتشوف فاص ليهاا وكتمرش بشوية حتى حسات بيه كلس وراهاا وتقلبات جيهتو
ايمان: الى باقي تعاودات غنمشي
حرك راسو باه مداعب شعرهاا وقال: مبغيتك تخبي علياا والوو لي حاسة بيه زوين ولا خايب قوليه ليا متبقاايش تخبي فقلبك (بغا يبدل الهدرة ) عطيني نقرا الكلماات لي كتبكيي
ايمان(ضحكات ) : ياله كتبت كلمة
حذيفة: شنو هي
ايمان: الغربة
حذيفة: ممم مغربية
ايمان(حركات راسها بااه ) : ولكن معرفت
حذيفة: شنو لي معرفت
ايمان: مبقيت بغيت ندير والوو ،وليت خايفة من كلشي ومقادراش نتحرك
حذيفة: سالي الكونطرات لي مسينيا عليهم ديك السااع غترجعيي تقرااي خلي هادشي هوااية ومتااخدييهش شي حاجة دايما
ايمام: مبقاتش عندي حتى الرغبة فلقراية…علمني نطيب
ضحك وقال: بغيتي تقلبيها ربة بيت
ايمان: حتى هي معندي ليها جهد
ضحك لضحكتها وقال: ولاش عندك الجهد الالة زعيبيلة
ايمان: مكرهتش نبقا غير ناعسة
حذيفة(جرها و وقف ): نوضي نوضي من العكز
جرها وقفهاا وقال: وصاافي ايماان …دخلي دوشيي باش ترتااحي وهبطي عندي لتحت … عندي واحد الثوب نعلمك تخيطي
ايمان: ههه مشيتي بعييد
حذيفة: تبعييني ههه
دار فيها شوية الحمااس مشات دوشاات وضارت بحالتها شوية وكيف قاليها مراد تصور علاش قداات بلمنتوحات لي مخلصة عليهم لوات عليها فوطة ومشاات كتختاار شنو تلبس جابت 3 تاع البيجامات ملات منهم…لبسات سروال سورفييت ومشات لحوايج حذيفة بانت ليهاا قميجة مخططة فلحمر ..من ديما كيعجبوها حوايجو ضحكات ولبساتهاا جاتها عريضة ولكن كيوت مع الكولون كحل جات هابطة عليها طوات الكمايم وسدات العقاد حتى لصدر لبسات تقيشرات بويض ورشات ريحتها تفكرات الكادو لي عطاتها زينة ومشاات حلاتوو كان قفطان جوهرة فلغوز بارد ب راندة خفيفة وفيه الحزاام شافت فييه باعجااب ورجعات طواتو وقالت: تنلبسو شي نهار
جبدات كارطونة مربعة ومسطحة حيدات ليها لبابي كادو كانت عباارة على شوميز باللون الاسود بتوب الستان الحرير فيها الشوميز وبينوار ديالو لكمايم والصدر بدونتييل داكشي رااقيي وزويين حمقووها وتمنات امتا تلبسوو براحة وبلا توتر وخوف غيهلكها وتهلكو حتى هواا رجعات داكشي لصاشية وهبطات
كان كيجبد من واحد لكرطونة ثوب تهز عينو فيهاا وتبسم ليهاا وقف كيشوف فيهاا بنظرة اعجاب حشمها توترات وقالت: الحوايج لي جبت طلعو لييا فراسيي ههه خاصني نتقداا
حذيفة: لا غير لبسي حوايجي
ضحكات وقربات لييه عطاتو ريحتها المنعشة والبارفاان المغري شفايفها لي كيبريو بالملمع وحناكها الحمرين بالسخونة منظر حرك غريزتو ولكن مقادرش يتحرك
حسات بييه ترون حداهاا وكيحاول يلهي رااسو كتزيد تعرف بلي ظالماه معاها وهادشي عندو تأثير سلبي علييه شحال جهدو يصبر وهي حداه كلها انوثة …تنهدات وبعدات من حداه مشات تشرب لماا ومتبعاه حتى جبد واحد الثوب ابيض مشبك كلو
ايمان(قربات جيهتو ) : زوييين
حذيفة: كان شاط ليا من واحد لغووب
ايمان: واعر ولكن مشبك
حذيفة : تيجي تحتو هداا توب ابيض سامبل بحال دوبلور
ايمان: ممم بغيتو كسوة
حذيفةة(هز حاجبو وشاف الطول ) : ديال داار مزيانة براا اوهوا
ايمان:هههه وخة
هز السانتيم عبر الطول وقال: اجي نشد ليك العبار
ضربات ليه ايدو كضحك وقال: براكة من البساالة راك عارف عبااري
لوا عليهاا الساانتييم وجرها عندوو كضحك وقال: باغي نتأكد
ضحكات وحاصرها بايدوو ملاصق ظهرها معااه باسهاا فراسهاا كيعنكش فيهاا
ايمان: مزال مهضرتي مع خالتي
حذيفة(نيفو فشعرها ) : دابا الواليد كالس فدار متقدرش تهدر بخاطرهاا
ايمان(هزات كتفهاا ): وعلمني نخيط
حذيفة: وايدك !
ايمان: اه فكرتيني خاصني ندير شي كونطرول على ايدي باش يحيدو ليا هدشي ديرونجاني
حذيفة: حتى نشوفو
جاتها لحظة ادرااك وضربات فايدو وفسانتيم وقالت: وهادو ليي كتخيط لييهم كتعبر لييهم
شدو الضحك: شنو كنعبر ليهم ههه
ايمان: لقيااس
حذيفة: هدشي كانت كتعاوني فييه زينة كتشد ليا العباار
ايمام: ممم علمني انا نشد العباار …اه نسييت عطيني نمرة زينة نشكرها على لكادو
حذيفة: شنو عطاتك !
ايمان: قفطان جوهرة زوييين حتى لرمضاان ونلبسسو
حذيفة: اول رمضان بجوج
ضحكات وحركات راسها بااه وهزات راسهاا عندو وقالت: بغيتو يدوز زويين
حذيفة: ضروري
كيشوف فيها وزعم وخايف فنفس الوقت باسهاا فحنكها سرطات ريقهاا وميلات وجهها عندو بحالا كتقولييه زعم
دورها عندو وقلبهاا كيضرب شد حناكها بايدو وتحنا عندهاا كيوزع القبلات على عينيها وحناكهاا ونيفهاا ،مغمضة عينيها كتحس بقبلتوو ونفسوو قريبة ليهاا مبغاتش تمنعو وتمنع رااسها تعيش طبيعيية وحياة زوجيية كيف النااس
مع كانت قصيرة علييها هزها فوق الطبلة ديال الفصالة تشهقات وشدات فكتافوو وقالت بتوتر: هه خلعتيني
داباا عاد اياخد راحتو ولات فنفس طولوو ميحتاجش يتعدب وقال: ملي كانو الناس كيطوالو فين كنتيي
ايمان: كنت ناعسة
حط ايدو على جنابهاا تقفزات وتزنكاات وقال قريب ليهاا : كنبغيك
هزات يدها حطاتها على شعروو مرجعاه بايدها اللور حتى غمض عينيه مع لمستها حتى حس بشفايف رطبين لامسوو جانب فمو
كانت بحال اشارة لموافقتها باش يتملك شفايفهاا،، بعدات شوية ورجع قرب ليهاا شدها من خلف راسهاا وتملك شفايفها حتى زيرات علييه تنهد وسط ثغرها بحالاا وصل لمراده وتدوق شنو تشهاا
كانت قبل طويلة تشااركو فييهاا انفاسهم كتحاول تبعد وكيرجع يجرها مسااخيش هبط لعنقهاا برد فييه حر الشوق والشهو_ة لي تحرم منهاا ،طبعو ليها وهي صاابرة وخايفة تصدوو ،كيتخيلو ليهاا صور فبالهاا وكتحل عينيهاا كاتلقى الشخص لي كتبغيي وترجع تزير علييه كتاكد بلي مكتحلمش وبليي كتشاارك احاسيس زوينة مع شخص كتبغييه ولكن باش تسلمو نفسهاا خافت ترفضو خافت تنفروو منهاا بصدهاا ليه كل مرة
بعد عليها بزز طالب على بزاف ولكن مبغاش يخسر الفرصة لي تعطاتوو ويمشي شوية بشوية مزربانش
حساات بالسخفة كون بقات واقفة كانت غطييح …اول قبلة حميمية فحياتهاا كان ليها طعم زويين حسات برااسها كتحلم باقي طعم شفايفوو على فمهاا وتوزوييز لي فعنقهاا
*ما اجمل الحلال*
كتكون اي حاجة عندها بصمة زوينة لكانت مع الشخص المناسب شخص كيعرف كيفاش يعامل الكائن الانثوي ويلعب على الاوتار
حيد عليه واحد العقبة ديال التقرب منهاا والباقي شوية بشوية توصل نوبتو
حذيفة(باسها قبلة سطحيية ونفسو سخونة كضرب فيهاا ): كيف تخيلتهاا
تبسماات مهبطة عينيها وباسهاا فوقهم وقال كيضحك: فين خليناهاا ؟ شنو بغيتي هادي كسوة
ضحكو بجوج للموقف وقالت: ديرها لي بغيتيي هههه
ايمان: بغيت ناخد شي حوايج
حذيفة: شوفي شي سيييت (جبد تيليفونو )شوفي هدا
عطاهاا تيليفونو كتشوف ليسيت فاسبانياا
دخلاتوو عندها و مشات كلسات فوق الفطووي لي عجباتهاا كتختاارها وبالخصوص حوايج الدار بيجامات كيووت وديال النعاس خصوصا دابا بدا الحال كيسخن
بقات كالسة وهوا مشغول فخدمتو حساات بوجيعات خفاف فكرشهاا وناضت طلعات لدوش لقات لي غيݣل جاتها ..مشات شربات كينتهاا ديال الوجع ومشاات لرفوف لي فيهم ملابسها الداخليية كتقلب على الفوطة لقات راسها مجابتهاش معاهاا مظنااتش غايتسد هدشيي
بقات حايرة شنوو دير وهبطات عند حذيفة
ايمام: حذيفة خاصني شي حاجة واش منقدرش نخرج !
حذيفة: شنو خاصك ؟ كتبي ليا داكشي لي خاصك باش نتقداه
حشمات تقولييه شنو بغاات وهوا كيشوف فيها كيتسناها تهدر وقال: اكمل الفراغ بما يناسب ههه
ضحكاات عاضة على ظفرها وقالت : واش نتا تقدر تخرج ناري الملل
حذيفة: هههه ياله سيمانة جاك الملل (قرب ليهاا وهي متكية على لبوطاجي )انا العكس هاد كورونا جات فصالحي نشبع منك
ايمان(دفعاتو كضحك): وسير تقدا لييا خلاص ..اه راه درت واحد لكمونض عطيتهم العنوان هنا
حذيفة: مزيانة (هز سوارت ودار لباڤيط ) خلي تيليفونك حداك مغانتعطلش ميركادونا غير هنا …غيخصك شي دوا ؟
ايمان: لاا ههه
خرج عادي وهي حشمانة غير بوحدها وحناكها تزنكوو …هدرات مع وديان ابيل فيديوو كيهضرو فامور طبيعيية وكتعاود ليها شنو واقع فالمغريب والحال لي وصلات ليه بكورونا
وديان: سيمانة باش سدوو هدشيي ورويينة مرجان متلقاايش بلاصتك واحد راه تشهر مقدي عراام ديال بابي جينيك كطيح عليه الكرش بلخلعة هههههه
ايمان(ضحكاات )ههههه كيطلعو ليا الفيديوات
وديان: ولكن بقاو فيا الناس لي ضاعو فخدامييهم خصوصا المشاريع الحرة ولي خدام بلا ورااق المهيم الروييينة والنااس خايفة مغيسالي هادشي حتى نص عباد الله يجيهم تسمم من لالكول والخل راه بزااف
ايمان: هناا واحد جريدة كانت ديما عامرة بلبراهش دابا خاوية
ايمان: شتي المغاربة لي تما ولا كاع المسلميين لي كيصومو رمضان واهلي الحياة السعيدة عاد غيعرفو رمضان كيف غيدوز
ايمان: معرفت كيف غيدوز رمضان مع حذيفة ههههه
وديان: داك عزيزي ظريف ولد النااس حنين البنات
ايمان(تبسمات وسهات قدامها مترددة تهدر وحتى وديان ماسولاتهاش على ليلة البارح حيت عارفة داكشي شخصي وحشوومة تسولي شي عروسة كي دوزتي ليلتك )ودياان بغيت نسولك
وديان:نعام احبيي
ايمان(كتلعب بصبعها فطبلة ): حمم لباارح م مخليتوش يقرب لياا
وديان (بجدية ) : خفتيي ولا شنو
ايمان(مهبطة عينيهاا وحركات راسها بالايجاب )مم
وديان: هدشي عادي ابب علاش باغة تبكيي اي وحدة نهار اللول كيشدها ستريس
ايمان: ولكن ماشي وحدة بحاليي (حركات راسها كتمسح دموع من عينيها ) مقادراش نخلييه اوديان كنحس بروحي بغات تخرج
وديان(تنهدات): معرفتش علاش معكسة راسك كون خديتي سايونص عند طبيب نفسي كنتي غتكوني بخيرر
ايمان: مالكم مع هاد الطبيب واش كنبان ليكم حمقة
وديان(تنهدات ) واش شوية لباس واش كيمشيو غير الحمقيين وغير باش نديرها فبالك الحمق مكيمشيش لطبيب كيمشي لسبيطار الطبيب غير كيشخصص حالتو …نتي ا ايمان خاصك غير تفرغيي التراكمات لي عندك فرااسك ،، نساااي شنو عشتي شوفييها بشكل ايجابيي
حذيفة هوا العوض وعطاك ربي فرصة باش تدوزي الحاجة لي مدوزتيهااش قبل شوفيي تخيلي معايا كون جيت هناا ونتي بقيتي بوحدك ف فرنسا ..تما فين كنتي غتحمااقي ديال بصح ،ربي دار ليك تاويل ديال الخير …تنفسي ورتااحي هداك رااجلك الزيين (بطنز) خاصو غير يكون حنين حتى فالسي_كس
ايمان(كتمسح دموعها وكضحك) الله يمسخك
وديان: ههههه طلقيهاا ونتي شداها ومزيراها بزاااف
قطعات معاها وبقات كتلعب بتيليفون مدة بملل ولفات تحرك تساافر تخرج دابا تحبسات ، سمعات الساروت كيدور وقفزاات حتى تحل الباب دخل هاز ميكات تقدية تبسمات لييه ،داز نيشان حط كلشي فلكوزينة ومشا غسل وبدل علييه ورجع عندها لقاهاا هزات شنو بغات من الميكا وطلعاات
بدلات عليهاا عاد رتااحت وهبطات عندو وقال: غمضي عينيك
ضحكات وغمضاتهم مشاا حل الباب تاع الدار ورجع سدوو وقال : حلي عينيك
حلاتهم حتى كتشهق بفرحة شافتو هاز فايدو مشيشة بيضة صغييرة تكون فعمرها شهر ومكاملش عينيها زرقيين وصغييورة حمقااتهاا
شداتها من عندوو كدوز عليهاا ومشات كلساات خلاتو واقف كيضحك
ايمان: زوييينة صغييورة
جا وراهاا وباسها فحنكها: بغيتيهاا !
ايمان : اه فنة هههه
حذيفة: بصحتك
شافت فيه كضحك وقالت: منين خديتيهاا
حذيفة: ملي كنت كنتقداا لقيتها تحت الطموبيل باينة تلفات على مها حيت قلبت تعيييت ملقيتهااش عزات عليا نخليهاا تما وجبتهاا
ايمان: احسن حاجة ههه غزالة شنوو نوكلوهاا
حذيفة: عطيها لحليب حتى نتقداو ليها لي خااص
ناضت ديك السااع هزاها بايدها لي دايرة ليها الفاصمة وتانية خوات ليها لحليب شوية وحلات ليها الفرماج والما وبقات موانسة معاهاا
حذيفة: نصلي ونجييو ندير شي حاجة ناكلوهاا
كان غادي ورجع وقال: ايمان
ايمان (هزات راسها فييه ضاحكة مع المشة)اام
حذيفة: كتصليي ؟
تلبكات ومعرفات اشمن جواب تعطييه حشمات تكدب عليه ونفس الوقت حشمات تقولييه لاا
ايمان: حم د داباا منقدرش
حذيفة: مكنهضرش على داباا
ايمان: لاا ولكن ناوية غير دوزني ايديي ونبداهاا
حذيفة(مبغاش يحكر عليها )ان شاء الله ،الصلاة ا ايمان هي عماد الديين هي لي كتقربك من الله،حنا ك بني ادم خطائون ولكن الصلاة عمرك تفرطي فيها ولا تقوليي انا كندير هاد الحاجة مغتقبلش صلاتي ،،مزيان الصلة متقطعش مع الله وخة المعااصي وزد وزيد ،ان الله غفور رحييم ،الى مشا حتى شدك الشيطان من هاد النقطة غتبقاي ديما عاݣزة تصليي
ايمان: بصح ،ياربي تسمحلياا
تبسم وقرب ليهاا وقال: كاملين كنغلطو الاهم هوا نعرفو نرجعو
باسها فحنكهاا وخلاها كتواعد راسها بليي غير تغسل تبدا صلاتها لي نسااتهاا الدنياا فيها
بقات كتلعب مع المشيشة حتى جاا الكوزينة وقفات حدااه كيقطع فشرائح اللحم كيعطرهم داير ليݣات وهي كتشوفييه بنظرات الحب والسرور والراحة وقالت: شنو غادي تغدينا الشااف
حذيفة: ستيك بالروز
ايمان: مم نعاونك ههه
جبد لاطة ديال الفران حك فيها التومة والزعتر ملح ابزار والزبدة دارهم فلفران حتى دابت الزبدة كان غسل قياسهم ديال الروز ودارو فلاطة وهي متبعاه كتسجل خلاه حتى شرب الزبدة وزاد علييه الماء الكافي ودخلو الفران ورجع لستيك كيشحر نقص عليهم البووطة وجرها عندو متكي على لبوطاجيي
ايمان: شنو نسميي لقطيطة
حذيفة: (رجع ليها شعرها اللور )انا عندي وحدة باركة عليااا
هبطات رااسها كضحك وعجبها الاطرااء وحلاوة اللسان لي معمرها سمعاتهاا بشكل قريب ومن شخص قريب …الدلع والحنان والكلام لحلوو دوبها ورطبهاا حتى لقاو راسهم فقبل فرنسية ولمستو بايدو مختاصرة فجنبهاا مباغيش يزعم حتى يلقاها خدات راحتها معااه
بعد عليهاا خلاهاا حناكها غيطيرو بسخونة وشفايفها حمرييين كيلمعوو دوبها تمبقات عارفة شنو دير ولا كيفاش تحبس …عجبها الاحساس وعجباتها القبلة وبدا خوفها من جيهتو كيخفاف وكتحس بالامان وبصدق المشاعر وبليي مغيضرهاش لا جسديا ولا نفسياا…بدات كتطلق معاه وتعلمات تبادلو القبلة وتعبر على مشاعرهاا ولات القبلة نهار على نهار شيء اساسي وضروري بيناتهم، عارفاه ميزعمش حيت عندها عذر وهادشي بحد داتو مخليها مبردة وعايشة القبلة بلا متقول شنو تابعهاا
كينعسوو معانقين الوقت تقلباات عندهم يقدرو يسهرو فالافلام حتى لفجر كيصلي وينعسوو شي مرات كتنعس شي مرات كتبقاا حالة عينيها والنعاس طاير ومكتقدرش تحرك باش متفيقووش
الامور على برا غادية وكترون و الاكثرية كان واخد الامور ضحك حتى دخل معاهم صحيح فالاول تروج انه المرض كيأثر فقط على الناس لكبار ولي عندهم امراض مزمنة من بعد ولا كيشد فئة الشباب وشحال من واحد كيتريني توفى بييه شحال من واحد صحيح فصييح مابيه والو حتى تخنق ومات …بدات الامور كتخلع والنااس ولات نفسيتهاا مريضة ولي خايف على حبابو لي خايف على راسوو
تسدو بيبان النااس تحت اختبار الصبر والمقاومة ،كثرو المشاكل لي تقطع من القهوة لي تقطع من الشراب ولي تقطع غير من خدمتوو مرضات الناس ولا واحد كيخرج العصاب فشخص اخر وترونات ديال بصح
دازت اياام وفهاد اليوم فاقت بوحدها فلفرااش عرفاتو منعسش حداهاا حيت كانت عندو خدمة يساليهاا ناضت من بلاصتهاا قضات حاجتها وجدات برودوياتهاا باش تغسل ودوش ، هبطات لتحت كتلقاا السكاات مكااينش فالدار و الكرطونة تاع لكموند محطوطة تما مغلفة بحالها كان سيفط ليها فيها الكسووة كانت قريبة 12 ..دارت القهوة فلماشين
صورات سطوري كتوجد القهوة وحطات تيليفونها كتشرب فلقهوة وهزاتو كتصوني لييه مكيجاوبش بدات كتشطن وعقلها كيوسوس ليها مشات كطل من السرجم كتلقا الدنيا خاوية ياله جوج تاع الناس كيبانو ليها
بقات حاضية الطريق وكتصوني لييه لعبات مع المشة هزاهاا لي طلقات عليه اسم “سنووي “
حتى كتسمع الساروت كيدور حطات القطة وغادية جهة الباب لقاتو داخل صفرر والكمامة على نيفو شافهاا جاية عندو وحبسهاا بايدو باش تبقا بعيدة وقال: بقايي بعييدة
ايمان : علااش ماالك (شافتو هاز صاشية ديال دوا وقالت قلبها كيضرب بخوف)واش كورونا ؟
حرك ليها فقط حجبانو مأكد كلاامها وكلس فالدرووج فااشل وراسوو عاطيه حريق عمرو حس بيه
بحال الا ضربتيهاا وفشلتي ليها الركاابيي ، حسات بداتهاا سخناات وبدات كتعرق وهي كتشوفو فاضعف حلاتوو
ايمان(بغات تقرب لييه) واش مريض بزااف ،حذيفة
حذيفة: راه دويت معااك بقاي بعيدة خاصك ديري تيست لتكوني تعاديتيي ،اايمان عفاك غير ديري لبافيط ديالك وبعدي ،راني بخير غنشرب الدوا ونرتااح
ايمان (غرغرو عينيها ) واش ضارك صدرك
حذيفة: شوية
ايمان؛ درتي التيست
حذيفة: درتوو عطاوني الدوا ولكن الى تزاد عليا الحال غايخصني نمشي لسبيطار ،غير نتكا شوية وغنرتااح
ليمان: اصلا غنكون تعاديت خير خلينيي نعاونك
حذيفة(تنهد مقادرش يهدر ) ايماان عفااك
طلع لبيت مدكد ومهلووك لقا راسو عرقاان ومشاا دخل يدوش طلعاات هي لبيت سدات البالكون وقادات ليه لفراش باش يخرج وينعس
خرج لابس سورفيت عينييه حمريين
حس بعضامو مدكدكيين معمرو حس بلي داتو ضعيفة حتى لهاد المرضة صحتو بحال الا مهلوك عصاا ورجليه فاشليين صدروو مزير وكيتنفس بشوية راسوو كيضرب غير دوش هزاتو الرعدة و التبووريشة ،معطاتهاش خاطرها تخليه دايرة لبافيط وكتغطي غير قاست حرارتوو ترعدات فبلاصتهاا طااايب
ايمان: ندير ليك شي حاجة تاكلهاا
حذيفة: لماا بغيت غير لماا
هبطات دغيا جابت لييه الماا وطلعات عاوناتو كيشرب دوا
ولكن غير متزاد علييه الحاال حسات بييه تهلك و النفس كيطلعها بجهد قوي مخنووق
حذيفة: ايمان ،هزي تيليفوني وصوني لرقم لي مسجل الفوق بكوروناا ،خاصني نمشي لسبيطار حاس براسي تخنقت
قلبات تيليفونو ديك السااع كانوو دايرين رقم خاص بكوروناا كيستقبلو فييه الحالات ،صونات ليهم عطاتهم نوع الحاالة وبشنو كيحس طلبو منها العنوان وعطاتو لييهم ،طلبو منها تبقاا بعييدة ولكن هي لي فيها ماهناهاا كتشوفييه كالس محن وشاد فصدروو كيطلع راسو لفووق ويهبطوو كيقلب على الاكسجيين
يوماين هاديي بدا كيحس بالمرض ومتسوقش قال يمكن ضربو البرد وصدرو مخنوق قال يمكن من الكارو لي كما بزااف واحد النهار اثر علييه غير حس بالشم بدا كيمشي لييه عرف بليي ماشي عادي
كانت لبسات عليها سورفيت وسبرديلتها ومشات جابت لييه بانطوفتو ولبساتوو التقااشر معافرة هي الاخيرة بايدهاا
هبطو لتحت وكلس على الفطووي ماشي بزاف حتى دخلات الفرقة المختصة بكورونا شكلهم ولبااسهم الواقي حسسها بالرهبة والخوف من الوضع
خداوه فاومبيلونص خاصة وداوها حتى هي حيت من المخالطيين دارو ليها التيست وطلع مافيها والوو اما حذيفة فدارو لييه الأوكسجين عاد تنفس شوية
الصحة والشباب او القوة معندها حتى قرار قدام قدرة الله سبحانه ،يقدر الشخص يكون قوي البنيية رياضي بامتيااز ولكن فشي حوايج كيقول بلي المرض معندو ميدي منيي كينساا بلي حنا قدام قدرة الله ضعاااف بزااف وغير حاجة بسيطة تقدر تاتر على حيااتك وصحتك فرمشة عيين
شحال من واحد كان مستهتر بهاد المرض وبليي واخا يجيه مغاديش يمحنوو كيصدق داي معاه اشخااص اخريين
بلا بيه فهاد البلاد لقات راسها معارفة منين تدوز بوحدها حساات بالخوف والخلعة وحسات براسهاا اطيييح ،حسات بخفقاان فقلبها وضعف خاايب وهي على برا مامسموحش ليها تدخل لداخل نهائياا وهدشي ازمها وهي معارفاش شنو واقع لداخل ،
عنداك يمووت
عنداك يمشي ويخلييني
عنداك نبقا بوحديي
شدات رااسهاا كتفكر موت جداهاا كتفكر وحدتهاا وخوفهاا تخيلاتو صافي ماات ومبقااش فحيااتها
جاتها هستيرية ديال البكاا والغوات بلا متحس ولات داخلة فعالم بوحدها ناسية فين هي وشنو كدير هناا
طاحت مغيبة فلارض وضارو بيهاا ممرضين بلباس ابييض كيبانو فيهم غير العينين
هزوهاا خداوها لغرفة بعيدة على الجناح لي فييه كورونا من بعدما تاكدو بليي مامريضاش
دكو ليها برا مهدئة حيت رجعات بحالة كفس ورجعات كتغوت وتركل وتبكيي وهوما شادينها وصدرهاا كيطلع ويهبط عرفو بلي دخلات فنوبات هلع من الوضع والخوف مأثر عليهاا
دازت سااعة وساعتيين بدات كتحل عينيها شوية بشوية تكلسات قافزة ،كانت فجنبها فرملية شافتها فاقت وقربات ليهاا
_انسة..نتي فسبيطار معندك مناش تخاافي تهدني
ايمان:ش شحال وانا هناا (كتقلب فايدها بغات تنتر لبرا )حذيفة هءهءهء بغيت نشوفوو
_كتقصدي الولد لي جا معااك
ايمان(بلهفة)ااه هواا عااافااك بغيت نشوفوو
_ متقدرييش دخلي تماا ولكن نقدر نطمنك على حالتو غير تهدني …كان خاصوو اوكسيجين حيت تخنق دابا راه بخير وحالتو مستااقرة
ايمان :بغييت نخرج منهنا
_منقدرش نخليك تخرجي ونتي فهاد الحالة ، عفااك رجعي لبلاصتك وتهدني
رجعات لفراش تكمشاات كالسة وحاضنة رجليهاا كدمع وساكتة وكترجع اللومة لراسها على اساس هي لي دخلات المرض
كتقول بليي كان صحة سلاام حتى دخلات لحياتو ،بدات اسطوانتها السودااويية كتعااود فدماغهاا
نتي مغناطيس الهم والمشاكيل والكآبة ،تابعاك غمامة كحلة كطيح على اي حاجة قربتي ليهاا
نتي خاصك تعيشي بوحدك ،تكبري بوحدك ،حتى تموتي بوحدك
دوزات معاه اياام زوينة وحسسها بقيمتهاا دلعها ودار ليها كيف لما القليل كيف كنقولو لقات علامن تجيب فشوشهاا ودلالها كأنثى ولكن هدشي مطولش،دغيا تقلباات وهي لي كانت ناوية تعيش معاه حياة زوجية سلييمة ومرييحة ،وتقاوم نفسهاا ومتبقااش تصدو كل ما قرب ليها،شلا متمنات وصدمها الواقع بحاجة متوقعتهاش انه يمرض ويدخل لسبيطار
جا الطبيب شافهاا وهي كتسول غير فحذيفة بعد بكائها وطلباتهاا لباو اشنو بغات لبسوها ملابس خااصة معقمة ودخلوها لبلاصة لي كتعقم كل مرة بعمال النظافة كانو غرف خاصة بالأوكسجين وليي تزاد عليه الحال كيهبطوه لعناية المركزة كيعاونوه فالتنفس
شافتو ناعس والسخاانة طالعة لييه وجهاز التنفس كيعاونوو
_غير كوني هانية علييه ،الوضع ديالو ماشي صعيب بزااف ،سيري لدار ورتااحي وقت لي حس براسو مزيان غيتواصل معااك
عطاتوو تيليفونو لي لقات شحال من ابييل باسم ” mimti❤️”
بقات كتشوف فداك الاسم وكتنخصص كيصوني رقم باسم خديجة ومعارفاش تجاوب وهي مزال متعرفات على تواحد فييهم ،حلات تيليفونو وحلات لكونيكسيون لقات عرام تاع الاتصالات فواتسااب
كيقولو قلب الام كيحس وام حذيفة حساات بليي ولدها ماشي من عوايدو تصوني وميجاوبش خصوصا دابا غير الدار ومخدامش وصونات مرة وجوج وتلاتا بلا اجابة وهي كتشوف صونا فايدهاا رقم طارق بدات كتبكيي وجاوبات
ايمان: الو طارق
طارق: وي ايماان هانية الوقت ،اش وااقع ! فين حذيفة دارهم مشطونين علييه خوه كيصوني لياا
ايمان : حذيفة شداتو كوروناا هءه جينا لسبيطار ودابا دايرين ليه الاكسجيين
طارق(متيقش) هه و واش كضحكي علياا ،اي ايماان اش واقع
بدات كتبكيي وقالت: راه قلت ليك شنو واقع ودابا انا معارفاش كيفاش نرجع لداار هءهء (داخت )شنو نديرر
طارق: ففف شوفيي اناا جااي عندك متخافيش ،واش حذيفة فاايق شنو وقع حتى تزاد عليه الحال هكا
ايمان: معرفتش مقالي والوو حتى مرض بزااف هءه بلا متجي عطيني غير عنوان الداار دخت نسييت كلشي التيليفون غنخليه ليهم باش ملي يفييق يهدر معاياا
طارق: واخة عطيني نمرتك باش نتواصل معااك (كايهدنها)غير تهدنيي
خرجات على براا الدنياا صااقلة ومكيخرج الواحد الا للحاجة الطريق خااوية وكلشي مطرق ومسدود بحال شي فلم ديال الرعب عاد باديي غادية وكتشوف وراها مخدمة لجي بي اس على العنوان ديال دارها محدها كتقرب بدات كتوضاح ليها الطريق ورجعات تيليفونها لصاكهاا وغادية وكتبكيي حتى وصلات لباب العمارة،
طلعات لدار واكتاشفات بلي ماشي الدار لي جاتها مريحة وزوينة ولكن طيف حذيفة ليي معاها طول النهار،ضحكتو وهدرتوو وريحتوو بحة صوتوو الجوهرية
شافتها المشة وجات عندها كتموك بصوت رقيق هزاتها ودموعها ملاقيين ،حتى فغيابو دار ليهاا لي تونسهاا شوية
مشات لحدا السرجم وكلساات مربعة فالارض حدا بلاصة المشة لي تقداها ليهاا عطاتها تاكل وكلساات مكدوي مكتحرك المشة نعسات وهي تكات راسها فالارضية وتكمشات حداهاا ،كل مرة تصوني فنمرتو كتلقاها طافية كاتقطع ودموعها كايهبطو حتى عيات من الخاطر وحسات بهدشي لي كدوز منو فوق طاقتها وبزااف عليهاا
شنوو ديير …شنو دير
سؤال بقا كيدور فبالهاا
مسحات عينيها وناضت طلعات لدوش حطات تيليفونها ودخلات تحت لما دافيي هدئهاا شوية غسلات وتوضات من الدورة وخرجات بعيون حمراء لابسة بيجامة حد الركبة نص كم منو لحمهاا لاوية على شعرهاا فوطة نشفاتو ومشاات ل كموند لي كانت دارت كموند ديال عبااية بشال ديالها فلبااج بصدايف القدام لبسات تقيشرات ومشات كتقلب على الصلاية وقلبهاا كيضرب وحاسة بتأنيب كبيير من جهة قربها لله حاسة بلي ربي غضبان علييهاا وداكشي علاش كيعذبهاا فاعز حاجة عندها
فرشاتهاا وعينيها مضببين بدمووع ،كدخل شعرها فزييف وكتدكر اخر صلاة لييهاا كانت فاخر رمضان دوزاتو مع نعييمة ،تفكرات طريقها كل نهار هي وياهاا لجامع يصليو التراوييح
**
خارجين من الجامع شادة ايدها مع ايد نعييمة وغادين كيتمشااو
ايمان: ضرووني رجلي عييت
نعيمة: ملي كضلي تنقزي فلصال مكتعيايش ،كتعياي غير فنهار كبير عند الله
ايمان: ناري امي خاصك تنكري عليا ولبااس ،قولي لييا (تابطات دراعهاا وحطات راسها على كتفها )دعيتي معاياا اكبيدة
نعيمة: دعييييت معااك
ايمان: شنو دعيتي معاييا اميي
نعيمة: باش ربي يسهل علييك وتنجحي وتشد ليا بنتي البااك وتقراا ويلاقيها ربي مع شي ولد النااس زين ودروييش وحنين
ايمان(ضحكات) باقي شي راجل حنين اميي
نعيمة: وعلاه مالو ابنتي لي ميكون ،بنادم طوب وحجر وان شاء الله يلاقييك مع المرضي والحنين
ايمان: اناخدو كاوري امي
نعيمة: اوى على قلة العرب ابنتيي تبغي دخلييه لدينك يخرجك منو ! لا لا انا بغييت لي يربييك
ايمان(خرجات عينيها كضحك)مييي
نعييمة:ايييه بغيت لي يبرييك ويسترك ويكون رااجل بشلاغموو يخرج فيك العينين تبولي
ايمان:مي هذا راه عبد الله ولدك اشمن حنين صافي صافيي ياربي متقبلش دعوتها
نعيمة:ياربي قبلهاا مديش عليهاا ،وتانا بغييت نشوفك بدارك وبراجلك ومرتااحة ابنتيي تولدي وليداتك
ضحمات وقالت: وتسكني معايا امي حيت غنخدم شكون غيقابل ليا ولاديي
نعيمة: نشدهم لييك ونربييهم معااك
ايمان: هههههه مي راه قلنا غير شنو دعيتي معايا نتي دغيا درتي ليا قصة
نعيمة: اوى قولي ان شااء الله ولي فيها الخير توصلك
ايمان: ان شاء الله ياربي ،الله اخلييك ليياا
**
بسم الله الرحمن الرحيم :
(وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا ۖ لَا نَسْأَلُكَ رِزْقًا ۖ نَّحْنُ نَرْزُقُكَ ۗ وَالْعَاقِبَةُ لِلتَّقْوَىٰ). (سورة طه)
طاحو دمووعهاا وتوجهات لله بوحدو بدات صلاتها كتنخصص مع كل حرف فلقران كطول السجود وهي كتناجي ربيي بااش يسمح ليهااعلى بعدها علييه يسمح ليهاا على نسيانها لصلاتهاا لسنين ماشي غير شهر ولا شهراين …صلاة جوج ركعات وسلماات هزات كفوف ايدهاا كدعي بليي فخاطرهاا كدعي وتبكيي
نص ساعة وهي على وضعيتها فدعاء فوق السجادة التيليفون حداهاا طالقة منو الدعاء كتسمع وقلبها حسات بييه ارتااح وعياات بلبكاا وتكات على السجادة
حتى فجأة كيصوني تيليفونهاا كلساات قافزة وهزاتو مخلووعة طلع ليها اسمو وجاوبات بلهفة ورجفة فصوتهاا
ايمان: الوو الو حذيفة
جاها صوتوو متعب ولكن مكابر وقال: ايمان
ايمان : واش بخيير كتحس براسك شوية
حذيفة: شوية الحمد لله متخلعييش عليا راني بخيير ..غيشدوني هنا 24 ساعة وغادي نجي حالتي مصعيبااش غير تخنقت شوية فاللول
ايمان: ودابا
حذيفة: دابا راني بخيير احبيية ديالي ،درتي التيست
ايمان(مسحات دموعها): درتوو مافيا والو
حذيفة: دونك ملي نجي عفااك بقاي بعيدة علييا هادشي مفيهش اللعب وماشي رواح عادي راه كيهلك ولا غنبقا هناا حتى نبرا
ايمان: لاا واش بغيتييني نحماق بووحدي (كتبكيي)منقربش ليك غير جي عفاااك هءهء داقت بياا بوحديي
حذيفة: ششش متبكييش، عفااك لخصاتك شي حاجة غيجيبها لك طارق ماتخرجييش بوحدك وسدي علييك
حركات راسها وقالت: واخة
حذيفة: خاصني نقطع حيت مقادرش نهدر …غنبقا اكتيف فلواتسااب احبيبة وخة !
قطع معاها وفرحات حيت فاق وبخير حمدات الله وشكراتوو
ناضت هوات البييت ومشات لفراش نشراتو فلبالكون ضربو الشمش …رشات معطر الحو برائحة البخوور العربية فلبييت وهزات كاع الحوايج لمسخيين هبطاتهم لتححت لماكينة دارتهم يتصبنوو وجمعات الصالون باش متبقاش غير كالسة كتفكر
شافت وديان حتى هي غابرة صونات ليها حتى عياات على مدة عاد جاوبات بابيل فيديو الاخيرة كانت فسبيطار دايرة كمامة وبايين فيها المرض فشلو عليها ركابيها من جديد والاخيرة حتى هي كتهضر غير بزز وقالت: متقوليش لياا حتى نتيي مريضة
وديان: مكنتش بغيت نخلعك … البارح تزاد عليا الحاال شكون مريض
ايمام: حذيفة بايت اليوم فسبيطار
وديان: شدوه ؟
ايمان: قبيلة غير دوش وهوا يتزاد عليه الحال مبقاش كيطلع النفس
وديان: مصيبة صافي
وديان براسها مقدراش تهدر مطولوش فلهدرة كلساات فوق الفطووي حتى وصلهها مساج منو وقال: كليتي شي حاجة ؟
فعز مرضو فكر فيها هدشي بحد داتو كيزيد يزير عليها خاطرها كيفاش غدير لمكانش فحياتهاا الموت بوحدها تبردها ولات كتقوول الى مشا حتى خلاني منقدرش نكمل حياتي بلا بييه
الموضوع مبقااش هييين مبقاش سااهل مبقاش حذيفة بالنسبة ليها شخص حبااتوو وتزوجات بييه
تخلط ليها مع النفس والأوكسجين ولا بالنسبة ليها شي حاجة متقدرش تعيش بلا بيها بحالو بحال الما والاكسجيين والماكلة رجعاتو عنصر اساسي فاستقرار حياتهاا
جاوباتوو وقالت: مافياش جوع
حذيفة: نوضي كولي ليك شي حاجة متبقايش بجوع ،نوضي وصوري ليا
ناضت بلا عكز كتقلب فتلاجة جبدات الحليب وحلات الكرطونة ديال لكورن فليكس بشوفان والمكسرات صورات ليه زلافة وكتب ليها: معليش قاضي غراض
ضحكات وفعلا صونا ليها ابيل فيدييو قادات شعرها القداام وكلسات فلكرسي قابلات التيليفون معاهاا وشدات الخط باسها بجوج صبعان حطهم على فمو وبااسهم وضحكات بخجل وقال: كولي
ايمان: ونتا كليتي
حذيفة(مسح نيوفو بكلينيكس ) كلييت
تكاا راسو على المخدة ومرة مرة يغمض عينو وكتحس بصدرو كايطلع ويهبط مرة يحل عينو ويماصي راسو حسات بيه معدب وصابر
شاف الجو غادي و كايظلام دغيا داز النهاار بالاحدااث والليل جاي وهي بوحدهاا حسات بالرهبة والخوف من جديد
ايمان: حذيفة اشمن ابليكاسيون ندير على ود الادان !
تبسم برضى وقال: ديري “salat first” فيها لي غادي تحتااجي ..دابا نيت عاد ادن المغرب
ايمان: صافي دابا نشارجيهاا
حذيفة: توحشتك
ضحكات بخجل حاطة ايدها على حنكها وقالت : حتى اناا
حذيفة: سعداتيي
ايمان: انا لي سعداتي بييك…مم هدرتي مع خالتي
حذيفة: هضرت لقيتهم مشطونين مساكن
ايمان: قلتيها ليهم
حذيفة: وغير صوتي يقوليهم لخباار
ايمان: خاصك ترتااح احبيبي راك مريض
حذيفة (صحك بتعب ) : صافي برييت
خرجات من فمها بلا متحس وضحكات وقالت: داكشي لي بغيت غير تبراا
حذيفة: دابا كان خاصني حتى نمرض باش نسمع شي كليمة منك
ضحكاات وقالت: غير كنحشم منك
حذيفة: هاد الكلمة حسن لياا من حذيفة ههه عاوديها ليا باش نبراا مزال
ايمان: وصافي احذيفة كتحشمنييي ههههه خليها حتى تجيي عفوية
حذيفة(ضحك )ياك العفويية نخلييك شوية ونهضرو
ايمان: صافي وخة
قطعات معاه ناضت صلااة وبدات كدور فالدار وتاكد من الباب مسدود وصقيل على براا خدمات القران فتلفاازة وكلسات كتلعب مع المشة جاها جوع ناضت كلات شوية تاع ديسير بعدات الطبلة من جيهة السرجم وحلات نشاشر نشرات الحوايج فييهم وحلات الزاج باش يدخل الهواء
بقات متكية فوق الفطوي مرة تكلس مرة توقف تمشا كتحسب السوايع و الدقايق امتا خلاص يطلع النهاار ،معرفاتش طعم النوم
حضنات راسها وغمضات عينيهاا ولات الى متخشات فييه وحسات بقلبو ماترتاح وتحس بالامان ودابا حاسة براسها كالسة فزنقة
كدور الخاتم فايدهاا ومتكية راسها على الفطووي
والليل وخة يطوال ولابد يطلع صباحو حلات عينيها المتعبين بقلة النعاس يمكن غفات ساعة ولا قل وقفات بتعب مشات طلعات لفووق كطفي فضواو فدار لي باتو الليل كلو شاعليين توضاات ومشاات كتصليي كانت عاد السبعة تاع الصبااح بدلات بكولون شورط وهزات من حوايجو تيشورت خلات شعرها على راحتو مطلووق وهبطات لتحت وجدات ليها قهوة بلحليب وكلساات شادة حنكهاا مهمومة كتلعب فالتيليفون كتشوف اخر مساج سيفطات ليه مع الربعة تاع صبااح كل مرة طل واش جاوبهاا
هكا دوزت صبااحهاا بغات تخرج تشوفو ولكن مغيخليوهاش والبوليس فالزنقة مغيخليوهاش تبعد
ضربات الطنااش وتيليفونو هاد لمرة طفاا وقفاات كتقلب على سبرديلتهاا لبساتهاا وغادية خارجة مع حلة الباب لقاتو فوجهها
ايمان: حذيفة
حذيفة(قاد لبااڤيط وعينيه حمريين باين فيهم التعب ) علاش تاافقناا
حركات راسها باه حلات لييه الباب ومشاات كتجري جابت باڤيط دارتهاا اشار لييها بايدو بمزيان
ايمان: نعاونك
حذيفة: حاس براسي مزيان خاصني غير نرتااح
ايمان: علاش تيليفونك طافي
حذيفة: تسالا من الشاارج
طلع فالدرووج دخل لبيت لقاه مهوي والفرااش مبدل باش يرتاح كثر طاح فوق لفراش بتعب وحط الدوا وتجاكيط ديالوو
بقات واقفة فلباب وقالت: نوجد لييك تاكل شي حاجة
حذيفة: لا مدااق لا شم ا ايمان معنديش الشهية
ايمان: ولو خاصك شي حاجة تقوييك شوية
حذيفة: واخة
ايمان: نجيب لييك شي حاجة تبدل بيهاا
حذيفة: مم
مشات لدريسينك جبدات ليه سروال سورفيت مقطن وتيشورت كحل مقطن فلكحل ورجعات عندو وقفها عند الباب وقال: لوحيهم لياا
لاحتهم لييه جاه تريكو فوجهو نيشاان وضحكات وقال: زيديني زيديني
ايمان: هههه شنو دابا داير ليا الحصار فهاد الباب
حذيفة : حتى الماكلة حطيها حدا الباب
شافتو كيحيد فالقبية وقالت: نمشي نوجد لييك
حذيفة: صافي سلات المسااعدة
ضحكات فالدروج وهي هابطة وكتفكر شنو توجد ليه خصوصا ايدها مزال مكتخدمهاش بزاف مامساعدهاش والاكل لي معتامد علييه صعيب عليها وكتجيها فيه كترت الخدمة
وقفات فلكوزينة كتشوف شنو تصنع وليي يكون ساهل ويقدر يشبعوو
دخلات اليوتوب تشوف ، شدات حنكها ومعرفات منين تجيي لديك لكوزينة بينها وبين الطيااب غير بيضة مصلوقة والى كااع تجهدات غطيب ليباط بلاصوص ولا بيتزا هدشي باش كانت عايشة نهار كتبغي تبدل كتاكل براا ،
دابا فهاد الازمة متقدرش تكموندي الماكلة يعني خاصها توجدهاا وهناا فين بقات شنو غتوجد لييه
صونا التيليفون فايدهاا وهي ساهية مع فيديو حتى قفزها كانت ابيل فيديو من حذيفة جاوبات دغياا وقالت: خاصك شي حاجة
حذيفة: شنو كتوجد ليا مراتي
ضحكاات كتشوف قدامهاا وقالت: مراتك سطلة فطيااب ونتاا ماكلتك فشي شكل
ضحك بتعب وعينيه معسلين بالمرض وقال: ممم كناكل لفكارن اناا
ايمان: عطيني شنو نطيب
حذيفة: كاين الشوفان حدااك
بدات كتقلب عليه فلبلكارات حتى لقاتو فقرعة وقالت: سيي شنو ندير لييه
حذيفة: خودي شي كاسرول ديري فيها جوج كيسان ديال الحليب
دارت شنو قال حطات التيليفون وهي مركزة مع هرتو وهوا مركز معاهاا غادية جاية قداموو كل مرة تورييه حاجة هادي ولا هادي شنو هادي ندير هادي
بقا معاها حتى وجدات لييه پلا متكون من الشوفان بلفروي سيك وشوية ديال كيوي فجنااب
دارت ليه طوسط معسات نص افوكا مع جبن ودارتها فييه قدات ليه لبلاطوو وشكلاتو ولعباات على الزوااق باش تفتح لييه الشهية
هزات ورقة من اوراق الملاحظات لي معلق فتلاجة قلبات على ستيلو وكتبات بشوية على ايدها “بصحتك احبيبي”
ضحكاات ولصقاتهاا فلكاس ديال الماا وفرحااات حسات براسها دارت انجااز ملي وجدات هاد الپلا
هزاتو بشوية وطلعااتو لييه حلات الباب ،لقاتو كيصليي كالس فوق السجادة
حطات ليه لبلاطو فوق الكرسي حدا الباب وبقات واقفة كتمعن فييه
حتى سلم وشاف جيهتهاا وقال: شكرا
ايمان: بصحتك
حذيفة: ونتي كليتيي
ايمان:مزاال مافياش جوع كول نتا باش تشرب الدوا ،غانمشي نصليي حتى اناا
تبسمات وخرجاات خلاتو قرب لبلاطو هزو وبانت ليه الملاحظة قراهاا وتبسم
ولات مقابلاه بحال عينيهاا وخة مكيخليهاش تقرب كل مرة توجد ليه حاجة باش طلع ليه المنااعة ،عطاتو الاهتمام لي كيعطييه ليها ديما ولا تركيزها غير عليه وتقلب وتبحت شنو طيب ليه شنو لي غينفعو فهاد الحالة ونهار على نهار بدات كتحسن حالتوو وكيقدر يهبط لتحت ولكن مبعد عليها قدر الامكاان
شافت الاهتمام من جيهة عائلتو كل نهار كيصونيو لييه كيف بقيتي كيف ضليتي شنو كدير شنو كتااكل ،وايمان كالسة فلخلفية مزال مجاتش الفرصة المناسبة باش يقوليهم راه معاياا بغا يعرفها عليهم فظروف حسن ،خصوصا ان الاب حتى هوا كيسول وهادشي لي مكانش كيديرو الا فالمناسباات
كان كيهدر مع خوه فابيل فيديو حتى نطق الاخير بهمس بالشلحة وقال: الحاج جااي بغا يهدر معااك
تقاد حذيفة فبلاصتوو وايمان كالسة فالطبلة كتشرب القهوة مقابلة معااه
جا الاب قدام التليفون بملامح جدية لحية بيضااء طويلة بشرتو بيضااء وكبر فالعمر من الوهلة لاولى غتعرفوو سوسي بملامحو الحادة لابس فوقية بييج وشاد فايدو تسبييح …تكلم بصووتو الخااتر بالامازيغية
الاب: حذيفة لبااس
حذيفة: لباس ابا الحمد لله نتا بخير ،امورك مزياان
الاب(كيدور فتسبييح وكيشوفييه من التيليفون گارن حجبانوو ) كيبقيتي شوية
حذيفة: شوية
الاب: ممم كيدايرة الامور تماا
حذيفة: وتقريبا دابا كلشي سد بحال بحال
الاب: ممم واش حيدتيي اللحية
حذيفة(دوز ايدو على لحيتوو ) : لاا ابا كاينة غير ناقص منها وصافيي
الاب: رد لبال لرااسك وعرف شكون كتمشي معاه منبغيش نسمع علييك شي حاجة ماهيااش الله ارضي علييك
حذيفة: مغتسمع غير الخير ان شاء الله
الاب: غير يتحل الحدود جيي طولتي بزااف خوك راه تزوج
حذيفة: قالها لياا الله يسهل الامور الله ايبارك
الاب: بقيتي غير نتاا
حذيفة: ان شاء الله يكون خير
الاب:ان شاء الله …اجي امحمد طفي هادشي
حذيفة(هز التيليفون): صافي ابا انا نقطع
قطع التيليفون وسااط وشاف فايمان لي مافهمات والو من الحوار كتشوف غير حذيفة كيف كيهدر مع بااه ووغير صوت باه لي سمعات استنتجات بلي قااسح وصعييب
ايمان: قالييك شي حاجة
حذيفة: لاا والوو غير كيسول
ايمان:ممم
داز الاسبوع ونهار على نهار بدات حالتو كتحسن من غير الشم لي مزال مرجع لييه كلياا
رمضان على الابواب مبقات ليه غير سيمانة كيكتب فواحد الورقة شنو غيخصوو وشنو غيحتاج فالتقدية …حتى بانت ليه هابطة كتحك فعينيهاا وكتااوب بالنعااس وقفات فالدرووج وكلساات كطل علييه
ايمان: صباح الخيير
حذيفة: صباح النوور الزيين نعستي مزيان
ايمان: مم ونتاا
حذيفة: توحشناا نعنقو عاد نعسوو
ضحكااات وقالت: شنو كدير
حذيفة: غيخصني نخرج نعاود تيست
ايمان: حتى انا غيخصني ندير كونترول على ايدي
حذيفة: صافي نفطرو ونخرجو
ايمان(بدلع): وجد الفطوور
حذيفة(ضحك ) : سبعيام تاع الباكور سالات
ايمان(خرجو عينيها ) : ههههههه 12 اليووم قلاه سبعييام هههه
حذيفة: وخة الالة ماشي مشكيل
ضحكات وطلعات بدلات عليهاا بكسيوة مخططة بلبيض والوردي تحت من الركبة ونص كم وهزات فيست بيضاء دجين ليتحرك البرد دارت مرطب وماسكارا فقط حيت ادير النظاظر والباڤيط مغتحتاجش المكياج
هبطات عندو لقاتوو طيب الفطوور رماا عينو جيهتهاا ورجع كيقاد القهوة
ايمان: دابا غنفطر حدااك ياك ههه
حذيفة: كتقلبي عليهاا
ايمان : مانظنش تكون باقة فيك
فطروو فجو لطيف وقال: العشيية غنهدر ابيل مع الواليدة وتهدري معاها
وحلها ليهاا وقالت: لااا منقدرش
حذيفة: علاش متقدرييش ! نبقاو هكا انا نهدر ونتي تخبااي
ايمان(بتردد ) خفت
لاح ايدو فوق يدها حركة توحشاتها هاد الايام كلهم وقال: علاش غتخاافي
ايمان: الى مبغاونيش
حذيفة: معندهم ميقولو الواليد بوحدو لي يقدر يعكس فاللول ولكن راه معندو ميدير حنا مزوجييين فالوراق وقدام الله مدايرينش شي حااجة حرام باش ميبغيوكش …سمعتيني
حركات رااسهاا بااه وشدتها الخلعة من داباا
فطروو وخرجوو هوا مشا عاود تيست وهي مشاات دير كونترول على ايدها وتعاود التصويرة حيدو ليها الجبيرة وبقات ب بانضة مزيرة باش يبقا العظم فبلاصتوو
رجعات لطموبيل لقاتوو كالس كيتسنااهاا وقالت: شنو قالو لييك
تبعها بعينيهاا تركباات حداه مترقباه اش يقوول كيشوف فيها حتى شوية تحنا عندها وجرها من دقنها لجيهتو وبااسهاا فشفاافهاا فصل القبلة وبقا قريب لييها وقال: قالو ليا تقدر تبووس ايماان (رجع بااسها وهي تحت التأثير مغمضة عينيهاا ) حسيت بالقطعة من جيهتك كتر محسيت بيها من جيهة لكارو
ضحكات بخفووت وخجل وشدات فحنكو وقالت: الحمد لله لي مبقاتش فييك
زادها بوسة اخرى وبعد مخليها حشمانة ومزنݣة وصقلات فبلاصتهاا
مد ايدوو قدامهاا وعطاتو ايدهاا شابكهم وباسهم
الطريق كلها شدات التيليفون كتلقا انستاغرام جيهة المساجات عاامر وكلشي كيسول فين هاد الغبرة
ايمان: شحال محطيت سطووري فانسطاا
حذيفة: شنو غادي تحطيي نتي مكتخرجيش
ايمان: داكشي اصلا مكنلقا منحط …بغيت حتى لعيد ونحط التصويرة لي خديت ملي عطيتيني الخاتم
حذيفة: اشمن وحدة !
وراتها لييه كانت مشابكة ايدها مع ايدو والخاتم بااين وقال: ولكن راه تافقنا ا ايمان
ايمان: حياتنا تبقا بعييدة انا عارفة هدشي ،مبغيتينيش نحط بلي تزوجت ؟
حذيفة: لا حطييها وقبل متحطيها ،بغيت نطلب منك واحد الطلب
ايمان: شنوو
حذيفة: مكرهتكش تمسحي شوية دوك التصاور القدام(شافيها) راك عارفاني علاياش كندوي..مغندخلش فخدمتك وفقراراتك ولكن داباا نتيي غتولي تعرفي شنو لي مناسب لينا وشنو لي لاا
ايمان: عارفة
حذيفة: دونك مانحتاج نقوليك والوو …انا بغيت اي حاجة جات منك تكون بقنااعة ماشي غير طاعة لياا ، بحال الصلاة نهار قررتيي وعرفتي راسك محتاجة للصلاة راك بديتيهاا ونتمنا معمرك تقطعييهاا وخة يوقع لي يوقع
ايمان: واعدت راسي عمري نقطعهاا
حذيفة: والوعد دين
وقفها قدام الدار وطلع معاهاا حتى دخلات وقال: خاصك شي حاجة
ايمان: ياك كنتقداو اونلاين
حذيفة: ماشي مشكيل دغيا غنرجع …خاصك شي حاجة
حركات راسهاا بلا وقال: انا مشييت
سدات وراه الباب هوا مشا وهي تكات على الباب مشات لماشين ديال القهوة صايبات قهوة والتيليفون فايدهاا حتى صايباتها ومشاات لشرجم مبينة غير الكااس …حطات سطوري مرافقاه اغنية *انا لحبيبي وحبيبي الي “
سطوري كان بان فيه الخاتم فواحد الوقت ياله تحط بخمسة الدقايق سيفطاتو ليها وديان سكرين من واحد لكروب مغربيي وقالت: قشعووه
قرات شنو مكتوب فالبوسط تحت السكرين ديال السطوري
*الواحد هوا لي يستاغل الكوفيد ويتزوج*
شهقات ايمان وقالت : ويليي نسييتوو واش نمسحوو
وديان: لااا خلييه متمسحي والوو امتا اتحطيه
ايمان: قلت فالعييد
وديان: مزياانة
مشات جابت مدكرتهاا وكلساات كتكتب وتعاود تمسح وترجع تكتب كتستاعن ب مراد ومحمد فاللحن ويقادو معاها الكلماات حتى تقريبا سالات الاغنية بعنوان “الغربة”
وكلساات من وراهاا كطوي الحوايج طلعاتهم كتقاد كل حاجة فبلاصتهاا حتى طاحت ليها الكرطونة ديال الشوميز وهزاتهم كتشوفييهم ،عندها منهم عراام خلاتهم ففرنسا كيجييوها رطبيين ومريحين خصوصا انها واخدة الستان الحريري مريح فالنعسة
وحشمات تلبسهم ولكن حتى ليين ،امتاا والاهم من هدشي واش هوا غيبقا صاابر وعايش فقط بالبوساان والتعنااق
عارفة هدشي مغيطولش ولكن خافت شي نهار يفقد القدرة على الصبر ويصدقو خاسرين بعضهم فشي لحظة ماهياش
سمعات الباب لتحتاني تسد ناضت قافزة لاحت داكشي ورا الحوايج وهبطات لقاتوو مقدي تقدية لي تخلييه ميبقاش كل مرة خاارج خضرة وديسير واي حاجة يحتاجوهاا فيومهم
هز عينو فيها لقاها واقفة فالدروج كتشوفييه كان كيغسل ايدوو وقال: وليتي كتخافي
ايمان: لاا غير كنشووف
هبطات وقربات كتشوف شنو جاب لقات سوبيرة موايان فيهاا بريوات وسيكار معسلييين ..جبداتها وقالت: شريتيها
حذيفة: لاا سيفطاتها ليك زينة
ايمان: ايي الله يجيها الخير خاصني حتى اناا ندي ليها شي حاجة ..خلي تنفكر (داقت وحدة )ممم بنينة (شماتها وتنهدات )زوينة الله اعطيها الصحة ،هاك
حذيفة: لاا غير بصحتك
جا وراها حط ايدو على كتافها بحال كيدير ليها مسااج وقال: شوية ايدك
يمكن داكشي لي فمها سرطاتو بلا مضييغ وقالت: شويية
حذيفة: داكشي لي بغييت
جبد ليها ورييدة قدامهاا شداتها وشكراتوو وقالت: شكرا احبيبي
حذيفة: نتي لي شكرا حيت معاياا
شافت فييه وضحكاتت بقاو مدة سااكتيين حاضنها قداموو ظهرها على صدروو
ايمان: ونتا فين هوا الخااتم
حذيفة: درنا ليه لكموند ولكن دوماج سد غير يحل غنجيبو
ايمان: نقرة
حذيفة: سيي نقرة … بقاي تخلي شعرك طوييل كيجيك زويين
ضحكات حاطة راسها على صدروو وقالت: غير مزال ما حل الصالون هههه
ايمان: لا غير خليه هكا طويل كيجيك زويين(باسهاا فحنكها)
ايمان: وخة ههه
شدها من ايدهاا دورهاا عندو عارفة غراضوو وبدات كضحك جاوبها كيضحك وقال: علاش كضحكي
ايمان: هههه والوو
حذيفة(ضربها بجبهتوو ): عقتي بيياا
ضحكااات وتحنا لعندها فالوقت لي هي تهزات على صبااعهاا لجيهتو مشابكة ايدها ورا عنقوو بداو تبادل القبل
بدا كيحرك ايدو على ظهرها هبطها على مؤخرتها شوية حتى قفزاات وشدات فدرعانوو كتنهج حتى بعد ايدو بقات مهبطة عينيهاا مقدراش تهدر وحتى هوا مهدرش كيتسنا ردة فعلهاا شنو غتكون
حذيفة؛ ايمان
ايمان: سمعت تيليفوني كيصوني خليتو لتحت
حذيفة(رجع ليها شعرها ورا ودنها ) : هانتي لتحت
ايمان: هه زعمة الفووق
حذيفة: ممم سيري شوفي شكون
تسلات منوو وقلبها كيضرب وايديها كيرجفوو محبسات حتى لبيت سدات عليها الباب حطات راسها على الباب وقلبها غيخرج من بلاصتوو
ايمان (برجفة): ميمكنش نبقاا هكا ،ميمكنش
دخلات لدوش غسلات وجهها وعنقهاا كتشوف فايدها كترجف كتزير عليهاا كتاخد نفس عمييق وقالت فنفسهاا ميمكنش نبقاو هكا هدشي ماشي طبيعي
دوزو نهارهم طبيعيي هوا ساكت وهي سااكتة دايرين فيلم فالصالون كالسين بجوج ولكن عقلهاا مكانش معاهاا ادن العشاء فتيليفونو وقال: نوضي لبسي نصلييو بجوج
ناضت بفرحة جابت عباايتهاا فرش الصلاية وهي ورااه صلاو العشاء وتبعوهم جوج ركعات عاد صلاو الشفع والوتر
بغات تنوض ومد ليها ايدو رجع كلسهاا ، تقاد فبلاصتوو كيقرا الدعااء وهي كتسمع لييه حتى سالا وتقلب لجيهتهاا تبسمات لييه
حذيفة : واتااك الفولار
ايمان:ههه بصح
حذيفة (هز ايدها جمعهم وسط ايدوو وبقا مدة سااكت) : واش متيقاش فياا
ايمان: عفاك متقولش هكا ،انا تايقة فييك
حذيفة: ولكن !
مجاه تارد منها من غير السكات كمل وقال: غنبقاو هكا ،خاصك تيقي بهدرتي بليي مغنديرش شي حاجة لي ضرك ولا شي حاجة بلاا رضااك هدشي لي بغيتك تفهميي
حركات راسهاا باه وقرب باسها فجبهتهاا طلق من ايدها وقال: اجي نكملو الفيلم
مشاو الفوطوي لاح ايدو وراهاا تكات على رجلو هبط عينو ليهاا وداعب شعرها بايدو
سد ليها نيفها وبدات كضحك ضربات ليه ايدو وقالت: خنقتيني هداا
حذيفة: هدا لاصق ولا تاقبة نيفك (دوز ايدو على ودنها كيحسسب فطانݣات وهي ميتة بالضحك ) ملقيتي حاجة خرجو رجليك لشواري
ايمان: ولكن محراامش كيعجبوني الطوانݣ بزاف فودني
حذيفة: دابا لبغييت نجيب لييك وحدة خاصني نجيب لييك ربعة الشكال
ايمان:هههه هادشي لي عطا الله
حذيفة: يكما تاقبة شي رجل ولا ايد تانيي
ايمان(ضحكات وتقلبات على ظهرها )
حذيفة: تااقبة شي لعبة تانيي غير قوليي فيين ؟
ايمان: ههههه دايرة بيرسينݣ فكرشي
حذيفة(بهدوء متكي راسو وكيهدر معاها بلا عصااب ولا هضرة ناقصة ) مم نشووف
ايمان: ههههه (هزات التريكوو وبان مدور فالسرة كيبري شكل رااقي وانيق ومثير حط ايدو علييه تدخلات كرشهاا وقفزات كضحك وقال) :هدااي
ايمان: جبتي ليا هر
حذيفة: وليتي بحال علبة المفاجئات (خربق ليها وجهها )
رجعو كيتفرجو وايدييه كتلعب فشعرها وكايهبط لعنقهاا يهرها ويلعب بودنهاا ويداعب حنااكها حتى ترخاات معااه
بدا كيدوز ايدو على ايدهاا حتى حطها على كرشهاا محسات حتى لقات لمسة ايدو على كرشها كيداعب لبيرسينݣ بايدوو
بدا كيصوني تيلي قفزهاا وقال: شش مالكي
كلساات قلبها كيضرب حيت كانت مرخية معاه ابسط حاجة ولات كتقفزها وتخلعها ، هز التيليفون لقا اسم خديجة طالع
حذيفة: ختيي هادي
ايمان: غنطلع نبدل هضر معاهاا
حذيفة: كلسيي تشوفك
ايمان: تالغدا بنهار عفاااك نتا قولها ليها بعدا قوليهم غدا عاد تجي
حذيفة: ؤك شوية و نجيي
داتها فودنها ومشاات اليوم غينعس حداهاا من بعد 12 اليوم وكل واحد كينعس فبلاصة
مشات دوشاات وكتسمع فييه مزال كيهدر رطبات لحمها وعطراتوو سدات الباب ليكون جااي وجا فبالهاا الشوميز مشات بلا عكز لبسات دو بيااس ديالهاا وبدات كتلبس فييه جاهاا كيق_تل مع لاطااي لي خدمات عليهاا فلصاال جاي طولو حد لفخض والفوق مشبك والظهر عرياان والبينوار كلو دونتييل
عجبها رااسهاا وعندها تقة ان جسمها زوين ومتناسق تحاجة مخارجة على الطبيعيي طايتها ومفاتنها مطابقين مع جسمهاا
لحم كيبريي مافيه تا زغبة بحصص الليزر لي كانت كدير هي و وديان هناتها منوو للمدى البعييد فكل جسمهاا وحتى المناطق الحساسة دارت ليهم التقشير وحدات ليهم اللون خسرات لفلوس على رااحتهاا وعلى نفسيتهاا باش تحسن ولكن كتحسن فثواني الاولى فقط وترجع منغالقة على راسها من جديد
راسها مع راسها داخل فحواار
شنو نديرر ،،شنو ندير
حتى ليين غنبقاو هاكا غيجي واحد نهارر اللهم يجي بلخااطر
تبسماات لحنيتو فلمستو ليهاا كتقنع راسها انه غييير وبليي غيعاملها زويين
عضات على فمها وقلبها كيضرب ،مزال واقفة قدام لمراية كتشوف فراسهاا كيف جاات وسط الاسود المغري
كتسدو وترجع تحلو، تفكرات ملي قاليها شنو مزال مخبية وعضاات على فمها وهي كتهبط السمطة على كتفهاا فين باين الوشم ناصح فوق بيااضهاا معرفاتش كيفاش غتكون ردة الفعل من جيهتو
سدات لبينوار خبلات شعرهاا بايدهاا باش يتبوكلا مع المااء مشاات خدات مسك الطهارة كانت جابتو ليهاا وديان پاك كامل ،، دارتو فمناطقها ورشات ريحتها ورا ودنيهاا.سدات لبينوار ومشات لجهة الباب تحلوو مع دورات لپوانيي ضار كلوو فايدهاا وطاح كامل تشهقاات وبقا مسدود عليها الباب ،بدات كضاارب معاه والفكرة ديال محبوسة من جديد زرعات فيها الرعب
كان لتحت كيهضر مع ختوو ويهضر مع وليداتهاا حتى قال: مهدرتيش مع الواليدة
_لاا ياك لبااس
سمع شي حاجة طاحت الفوق وهز راسو فالدرووج ياله بغا يهدر بدا كيسمع الغوات ديالهاا وكتعييط باسموو….
_اش هدشيي ؟
قطع عليها وطلع فالدرووج كيعييط بسميتها تبان لييه الپوانيي ديال براا حتى هوا طااييح قرب جيهة الباب وقال: ايمااان ايماان متخافييش
ايماان: هءههءه حل عليااااا تخنقتت تخنقت هءهءء حذيفة هءهءه حذيفة (كتنهج)تخنقت
كلسات فالارض شادة صدرهااا كتبكيي وسادة عينيهاا
مشا هبط جاب طورنوفيز خشاه بلاصت لبواني ودور السااقطة حل الباب كيلقاهاا مكمشة حدا الفوطووي…قرب ليها بزربة كيشوفها كتبكيي بهستيريية ومكمشة فبعضيااتهاا
غير قااسها تزعزعاات من بلاصتها حتى عاود شدهاا كيطمنهاا
كلس فلارض حداها وجرهاا عندو لصدروو وهي مزيرة على ايديه كلها كترعد وكتبكيي ،تخلعااات والبلاصة المغلوقة ولات كتجيب ليها الرعب والخلعة وكتخنق مبقاتش كتقدر تسد عليها البييت ولا يتعكس ليها الباب كدخل فحالة هستيرية
حذيفة: مواقع والوو صافيي …لافوت دياليي نسييت مصايبتووش سمحيلي عفاك
كتبكيي فحضنو وكتشوف فالباب وقف و وقفها لاصقة فييه …داها لدووش غسل ليهاا وجهها بايدوو كينش عليها بلماا باش توكض
حالتهاا مخلاتش عينيه ضور لشي بلاصة اخرى من غير وجهها ملاحظش بتاتا شنو لابسة فقط كيفكر فهاد الحالة لي ولات فييهاا
داها البييت حيد الغطا وكلسهاا غطاهاا ومشا جاب ليها الماا لي شرباتو كترعد وبدات كتنفس وكترجع بخير ،مسحات الما لي فوجهها بقات كالسة مغطية وضامة رجليهاا لوسط
حذيفة: شنو وقع
ايمان: بغيت نخرج (كتمسح فعينيها )جرت لبوانيي وطااح
حذيفة : كان خاسر ،موقع والوو (كيمسح على وجهها ) غير تخلعتي
حركات رااسها بااه دخل معاها فلفراش وعطاتو بلاصة متسناتش يعرض علييها دغيا تخشات فييه ،مكان منوو غير يحضنهاا ويدوز ايدو على ظهرها حتى حس بتوب فشكل ،هبط راسوو لقاها لابسة الدونتيل فالكحل معمرو شافها هكا ديما كتنعس حداه ب بيجامة مريحة هاد المرة ضاربة الحطة فالكحل
بدا كيدوز صباعو على كتاافهاا حس بيها رتاحت وقال : مزيان احبيبة
جاوباتو بحركة راسهاا حمات فييه البييضة وبغا يشووف شنو لابسة مركزش فاللول وملقا كيفاش يدير
حذيفة: ايمان فيين المشة ديالك
هزات راسها قافزة من حضنوو نيف حمر والعينين كدالك عاطينها منظر طفوليي وقالت: خليتهاا حدااك
حذيفة: لااا مباانتش لياا
دغيا تقلبات من فوقو وهوا متبع ليهاا العيين مبهووض وحس بالسخانة طلعاتو علاش لاا وهوا بدورو اول مرة يشوف شي انثى كدور حدااه بشوميز ودونتييل رجليين عريانين والظهر كيبان من تحت الشبكة ديال البينوار
خرجات من البييت وتبعهاا هبطات كتسد لبينوار حفيانة كتشعل فالضو وكتعييط سنووي
ايمان: يكما خرجات سنووي
حذيفة: غتكون غير تماا
اشار ليها اللور ديال لكنابي حتى كتلقاهاا ناعسة شدات فقلبها وقالت : تخلعت حسابنيي خرجات
ومع الدورة راجعة لدروج لقاتو متكي على لكونطوار مربع يدو كيشوف فييها وقال: وتاك لكحل الزعرة
خرجو عبنيها وشافت فراسهاا بحالا كتاكد شنو لابسة وشافت فييه كضحك ، مولفة تلبس القصير ماشي اول مرة يشوف رجليها عريانين ولكن اول مرة تلبس قدام شي حد ملابس النووم لي كتكون مثيرة للنظر كتر مكتكون مريحة لنعااس
تقاد فالوقفة وجاي مقرب ليهاا مع رمات خطوة اللور لقات لقنت تاع الفطوي لها بالمرصااد …سرطات ريقهاا وبدا كيدخل معاها الصهد
تبسم ليها بلطف تقرب جيهتهاا وقال: مالك تنادم معاك لحال علاش لبستي هكا !
ايمان(بخجل) عجبك
هز خصلة من شعرها كيلويها على ايدو وقال:لي لبستيها كتجي معااك
عجبها الاطراء وضحكاات هزات راسها كتشوف فعينيه وترمش فييه كي المشة…جر ايدهاا باسهاا وقال بحنان: شفتي مشتك (حركات راسها باه ) نطلعو
حركات راسها بااه وجرها مشابك ايدو معاهاا طالعيين فالدرووج وقلبها غيسكت
دخلها لبيت وسد الباب تقفزاات ، جاي كيقرب ليها وهي كترجع باللور حتى لقات الحيط تكات عليه كالا بايدو فوق راسهاا والتانية شدها من خصرهاا وهي كتشوفيه مقطوع ليها اللساان
بدا بتقبيلها كتجاوب معاه قدر استطاعتهاا لقاهاا مكنزة وقال: وغير ترخااي
ايمان(بهمس)مقادرااش ،م مقادرااش
حذيفة: حتى انا مبقاش لياا الصبر علييك ،عطيني حل
جاه منها الصمت تنهد وقال: صافي على خاطرك …اجي رتاحي فبلاصتك
حسات بييه تقلق ولكن طبعو مسالم وكيبغي حاجة الخاطر والرضى هدشي لي عطى الله …كل مرة تسرق نظرة منوو وتزادهاا عداب الضمير من جيهتو حسات بلي حارماه من حاجة حللها الله ومفروضة عليها كزوجة من جيهتو
خرج من البييت هبط لتحت خدا كرسي حدا السرجم وتسرح علييه حاط حداه طفاية وكاس تاع الماا وكيخربق فتيليفونو من بعدما شعل كارو
جات المشة كتلعب حدا رجلوو هزها فوق رجلييه كتشعبط فييه كيلعب معاهاا بصبعوو حتى عصبها وهبطات وقال: حتى نتيي هربتيي
ضحكات ايمان لي كانت جاية كتسلت فالدرووج حس بيهاا وراه وتقلب جيهتها وقال: منعستيش
ايمان : مجانيش النعااس
دازت شربات الماا وهوا دور راسو كيكميي قربات ليه مترددة وقالت: نتا ياله بريتيي كون غير قطعتييه
حذيفة(كيماصي جبهتو ومغمض عينوو ) صعييب
جات ورااه تكات راسو على كرشهاا وبدات كتماصي لييه وقالت: ضرك راسك !
حذيفة: لاا ممم ديري ليا هكا حتى نعس
ضحكاات كتماصي ليه كتاافو وعنقو طفا لكارو ورما فنيدة صغيرة ففمو كتحيد الريحة
جر ايدها باسها وقال: شكرا باركة علييك
ايمان: باقي گالس هنا ؟
حذيفة: غير شوية ونجي
بقات حاطة ايد على كتفو وضارت عندو هز فيهاا عينوو ،حل رجلوو شدها من خصرها تكلسات عندو
ايمان: نبقا معااك
حذيفة: بقااي
لاحت عينيهاا لبرا لقات الشتاا كتنقط ولكن الجو دافي
حط ايدو على ركبتهاا لقاها باردة وقال؛ تحرك شوية البرد ،ملابسة والوو
ايمان: لا مفياش البرد(داعبات لحيتوو وباستوو ففمو وبقا مدة شاد معااها تبعد شوية
حذيفة: غتمرضينيي ا ايماان
ايمان(استغربات ) علاش غنمرضك
حذيفة(تنهد مرجع راسو اللور كيضحك ) لي كيوقع كيوقع لياا اناا ماشي نتيي
مفهماتش وبدات كضحك وقالت: والله مفهمت
حذيفة(شرب كاس تاع الما وقال كيضحك )خليني محتارمك ،نتي عندك هانية ولكن انا راه عندي سهم البوورصة مرة طالع مرة هاابط عياا
ضرباتو لفموو حشمانة كضحك وقال:وسكت اوييلي
حذيفة: عييناا بالسكات نبقاو غير صاايميين منفطرووش
ضحكات كداعب شعرو وقالت: ياله نطلعو جاني البرد
سبقات ببضع خطوات عاطياه بالظهر وكتقول فراسها هادشي خاصو يساليي هناا مغنبقاش مجرجرااه
وصلات حدا السرير عاطيااه بالظهر فالوقت لي سد الباب بداو ايديها كيرجفو تحلات الحزاام خدات نفس طويل وهبطاات البينوار مع كتاافها تطاح فالارض
محدو كيقرب جيهتها محد البينوار كيطيح حتى طاح قدام عينيه وبان ظهر عرياان كيلمع وسط داك التوب
كتحس بلمستو بحال الثلج على لحمهاا صباعو كييدوزو حتى نزل مع ايدها وشاابكهم معاها ضمها عندوو وهوما على وضعييتهم ظهرها لصدروو ورجليهاا هازينها غير بزز حاسة بالخلعة طالعة معاهاا وبدات كتعرق غير بوحدها ..حاسة بقبلاتو اللادعة فعنقهاا حتى كتنين وتعوج فاييدو
حاس بيها خايفة ومرعوودة وخة غادي معاها بالسيااسة وبالشوية ولكن الى مزعمش وفتح المجال غيبقاو ديما يوقفو فالنص ،هاد المرة غادي يغمض عينيه على رجفتهاا حتى تولفو شوية بشوية
حس بالحرارة تزادت فالبييت حيد تيشورت ودورها عندو مقادراش حتى تهز عينيها فيه ولاا تقيس فصدرو العاري قداامها
هز ليها رااسها عندو كيداعب خدهاا وكياخد من رحيق شفايفهاا لي يرويي عطشوو
حذيفة: الى مترخيتيش تما فيين غتعدبيي ،،غير رتااحي (باسها )
اللسان لي تدوي بييه تلجم مبقا قادر ينطق حرف معاه
بدا كيحيد ليها فالشوميز وهي كتزير مقادرااش تعرا قدااموو كتر من هكا
رماهاا على السرير بالشوية وجا فوق منهاا وقال: هاد الشوميز زويين (دوز ايدو على صدرها )حرام يتقطع
ايمان(بامتناع)ماشي داباا
ضحك كيحرك راسو يمين ويسار على هاد البنت المتناقضة لي تحت جنااحوو
ورقو عينيه داك الوشاام تحت السمطة ومييك علييه ملهيي بتقبييللهاا ،مكرهش يطير دوك لحوايج دغياا ويمتع حواسو الخمس بالمتعة ولكن خاايف تهرب منوو وتخلييه راجع شحفاان
كيحاول يقيسهاا وكتهز كاملة كترجع تسووط وتقرب لييه ضحكااتو وقال: ايماان كل مرة هازة قزيبتك لقنت تبتيي
ايمان: فففف حذيفااا
ضحك وقرب ليها شد وجهها وقال: شوفيي فيياا نسااااي كلشي نساااي عيشي معاياا اناا متفكري فواالو غير ترخااي وخليي راسسك يتمتع باي حاجة غنديروها بجوج ،هدشي لي بغييت ……تفكريي شنو دوزت انا ويااك ،تفكري الحاجة الزوينة لي جمعاتنااا
حسات بالشوميز كتهز من لتحت وجمدات صدرها كيطلع ويهبط ودقات قلبهاا فاتو الطبيعيي ،كتقول فبالها كون غير سخفت وخليتو يدير لي بغاا
كتعوج ليه من قنت لقنت وهوا شاد الخاطر وصاابر ليهاا وعينيه فلحمهاا ومناطقها الانثوية قداموو فاصلو معاهم ثوب شفاف خاصو يحييدو ولبااس
هوا كيجر وهي كتجر حتى تسمع صوت التقطيعة من جيهة الصدر وشهقات مغمضمة عينيها وقالت : فف قطعتييه
حذيفة: حتى نجيب لييك واحد
ضحكاات كيقيسهاا ف فخاضهاا وكيبغيي يطلع ايدييه وتبداا تحرك وتبعدو باغاه غير يبووس ايدو متوصلش
بالطليب و الرغييب هبط الشوميز لاحها على عينيها وقال: عضي فيهاا لتفضحيناا
ضحكاتت وهوا ربي لي عالم بيييه مع هاد المعقدة لي تحت منو فينما قااسهاا كتغرس فييه ظفارها كي لمشة عدباتو وهوا مزال ياله كيكتااشف
باسها فكرشها حتى حلات عينيها كتشووف فالسقف حطات ايدها على راسوو وخرجاات ااه من فمها وجمدات فبلاصتها وحناكهاا تزنكوو ، طلع معاها بالقبلاات حتى هبط السوتياان وعطاها حقهاا من الرغبة ولات مغيبة تحتو حسات براسها تنوماات مغناطيسياا وحتى هواا جهدو فالهدرة عطاه بووساان ،دار ايدو وراهاا كيتفتف بغا يحل السوتياان ومعاارفش مخلا كي ضاارب معاهم شدهاا الضحك وعضات على فمهاا تسمعاات داكشي تجر عرفاتو قطعهم جرهم من ايدهاا ولاحهم
صوت الشتاا كيضرب فالزاج مرة تجهد مرة توقف هبط اخر حاجة بقات حابسااه عليهاا عينيه كيهربووو تما وباغي غير امتاا يربط اتصالوو بييه
يشووف الشهد ويعرف علاش الرجال كاتغر وكتبغيي تجرب وخة فلحراام ،علاش لي الراجل مكيصبرش ويتحكم فغريزتوو حتى تجيي لي توالمو فلحلال. كيبقا من وحدة لوحدة ونهار كتجي العرووسة وهي حشماانة كيتكرفص علييهاا وينعس معاها بحال الا هي مولفة وكيخليهاا فصدمة وكتبدا معاناتها ونفوورهاا من الفراش خلاتو مستسلمة لييه خلات راسها كيف العجينة قداموو يشكلها كيف بغاا
حاسة بييه كيبووس كل انش منهاا سالا الطقووس الاولى وكيوجدهاا لاهم مرحلة مستاامر فمداعبتهاا ونفسو طاايبة كضرب فييها حتى شافهاا ترخاات وعطاتو الطووع ليهااا
كيشوف قداامو انثى كاملة وصياامو على الحراام والعلاقة مامشاش غير هكاك صام وفطر على لي بغاها وتمناهاا
مهلية فراسهاا وجا لي يتمتع بييه كل حاجة فييها فبلاصتها وفقيااسهاا حمقاتوو وسلبات لييه عقلوو وطاح فغراام العنصر المهم فزواج “العلاقة الحم_يمية”
نزل عليها بقبلات فجسمهاا خلاتها تنتافض ،جسمها وطاقتها مكانتش مولفة هاد المشااعر والاحاسيس والرغبة ،شوية بشوية لقات راسها مندامجة معااه لقات راسها كانت حارمة راسها من متعة لطيفة واحاسيس كدغدغ معدتهااا
ترخات معااه ومخلاتوش يحس بلي بزز منها ودايرة لييه الخاطر شاركاتو المتعة والرغبة وطلقات معاه رغم خوفها ،الشيء لي خلاه مرتااح معاها وعجبو الحاال وهوما جسد لجسد كي تخلقو هي فراش ليه وهوا غطاهاا
شابك ايدو معاهاا مزيرة علييه كيبووس فعنقهاا ويتنغم بصوتهاا وحرووف الشهوة لي كتخرج منهاا ، نطق وقاال: احسن حاجة وقعت فحياتيي هي تزوجت بييك(قرصها فجنبهاا تعضاتو فايدوو وضحك ) راه كاع كنعرفو نعضوو
خرجوو عينيهاا ودمعوو وقالت: لا لااا هدشي بزااف برااكة براكة صافي صافي تالغدا حذيفااا
ضحكاتو ومخلاتوشش يركز فشغلووو عض على فمو مقابل مع وجهها كيشووف فيهاا تضحكاات بخجل ودورات رااسها لجنب وقالت: فف صافي كمل تء فف
حذيفة: غير بلاتي هدشي غنخرجو فييك من بعد
ايمان(ضحكات كتخبي فوجهها) ممم
غير حساات بييه بدات كتبعد هوا يجر وهي تجر وتخرج فعينيهاا مرة طلبوو مرة تسكت وتعض فايدوو
حتى واحد الشوية جاتهاا هستيريا ديال الضحك ملي كيقيسهاا بلاصة الالم كيشدهاا هر
حمقاتوو بدات كتغوت ليه بالضحك
ايمان: لا لا لا ههههههه حذيفة هبط احذيفة
حذيفة(شدو الضحك ): ياربي نكون غير كنحلم
ايمان(زيرات على رجلهاا كضحك وقالت): عفاااك راه شدنيي هر
تكاا حداهاا وجرهاا عندو عطاتوو بالجنب عند بالهاا بعداات هي عاد قادات معاه اللعب
ايمان: وغير غطيني بعدا ههه
جر ايزار خفيف لاحو علييهم خلاهاا ترتااح وفينما يقرب ولا يقيسها تبداا كضحك شدها لفوغيغ
ايمان: كح كح ضراتنيي كرشي احذيفة
معنقهاا لحمو لحمهاا وقال (كيبوس فكتفهاا وايدو على صدرها من تحت لغطاا :انا راه عذبتيني ماشي غير ضريتيني
هز ليها رجلها وقربهاا لجيهتو وقالت: ويلي اش كديرر هههه
حذيفة: نتي غير ضحكيي ومشغلكش فياا
ايمان(خشات راسها تحت لمخدة كضحك ): وراه لحميي هدااك
حذيفة(خشا راسو فعنقهاا مزير عليهاا بايد من تحت راسهاا والتاانية سارحة فجسمهاا ومناطقهاا ) : كااان يا مكاان
لمسااتو وحركااتوو خلاوهاا ضرب الطم وحرارتهاا طلع لقا لكوود ديالهاا وتنفس لي ترخاات معااه ولا كيداعبب كيف بغا ويحركها كيف بغاا ولات هي كاتقرب لييه حتى لقاا الفرصة واستااغلهاا ….
كل انش منها تبصم بقبلتوو وبرجولتوو لي تبصمات علييهاا وتزهق د_م عذر_يتهاا باسمو….
الخوف تلاشى وصدق مامنو والوو ودوزت ليلة لي غتبقاا راسخة فعقلهاا باجمل اللحظات نعس فرحان ونعسات مرتااحة دوزات عقبة كانت هالكاها فتفكيرها ومكبرة الموضوع لي اصلا ميستاهلش يكبر
نعسوو فجو حميمي و الشتاا زادت للمنظر جمال طاحت كااو مزادش فاقت ضرها الضو فعينيها تقلبات لجهة لخرا وحطات ايدها على صدرو العااري تلمساتو وحلات عينييها ،قفزاات من بلاصتها لقات راسها حتى هي عريانة شهقات وجرات الغطا عليهاا عقلها مزال مغيب كتشوفيه ناعس تقلبات عاطياه بالظهر مخرجة عينيهاا وحشماانة غير بوحدهاا عضات على صبعهاا رجعو معاها احداث الباارح كتندب بصبعانها وجهها وكتفكر ملي كانت كتوحوح بحال شي وحدة مولفة القصاير بالليل ،مضسراتش عليها الحشمة دغياا طلقات معااه وعاشت تفاصيل ليلتها بجرأة مكبتاتش مشااعرهاا واستمتاعها معاه فلعلاقة طلقات الحبال الصوتية معااه و نسات رااسهاا
لاح ايدو عليهاا حتى تكمشاات وجرها عندو لقات لحمها على لحموو وسمطاات كدور فعينيهاا كي المشة
هرها فكرشها حتى قفزاات وضربها الضو تحتهاا شهقاات بالم وقالت: اي
حبس الحركة وقال بصوت بااح بالنعاس وعينين مجبديين بالنعاس والرااحة نعس طالع ليه المورال وفاق كتر
حذيفة: صباح الخيرر
ايمان(بصوت خاافت): صباح الخير
حذيفة: باقي عاطيك الحرييق
حركات راسها بحشمة مقادراش دور عندو
دورها عندوو وغطات راسها كضحك مقداش تشوف فييه ضارب معاها تحيد الغطا وهي مباغااش وقال: درتي اكتيف الحشمة تااني
ضحكات بقا عليها تعرات وجهها مزنك وكضحك حاصرها برجلوو وزير عليها بايدو حتى مقدات
الفراش مخربق والحوايج كل بيااسة مليوحة فقنت وهوما فعراكهم كيتبادلو القبلات الصبااحية،المداعبات واللحظات الزوينة ختموها بعلاقة حمي_مية على ضوء الشمس وصوت لفريخات ..عاد من وراها حلات ليهم الهدرة والكلاام
حذيفة: ايمتى وشمتيي هادشي
كانت سادة عينيها فصدرو كتصنت لتحتها لي ضرها تهزات راسها فييه وقالت :ممم
حذيفة: لوشاام
ايمان (ميلات راسها وتنهدات) ملي كنت مزال فالمغرب …عقلتي نهار تلاقيناا فالمقبرة (حرك راسو باه كيداعب شعرها ) داك نهار نييت،غتقوليااا حراام وخايب لييك وانا عارفااه ولكن عقل الصغر وكنت باغة شي حاجة تبرد علياا شنو كنت كنحس بييه
حذيفة: وبردات شي حاجة
حركات راسها بلاا وقال: كيفما كان النوع تاع الوشاام حراام احبيبة ديالي خاصك تحيديه لبيرسينݣ وخة ماشي مشكيل داكشي كيتحييد ويتلصق عادي فاي وقت بغيتي ولكن الوشاام لا
ايمان: منقدرش نحيدوو
حذيفة: مقلتش ليك حيديه داباا ،ولكن مع الوقت ضروري يتحييد راه حنا مسلميين ا ايمان عاارف درتييه فوقت الصغر وفوقت لعقل طايش وغاايب وملقيتي ليي ينبهك ولكن داباا نتي بعقلك كاين انا كنبهك
ايمان: حيد لكارو
ضحك وقال: نحيدو ولكن تصبري ليا واحد الشهر مقطووع
ايمان: اويلي هههه بلااش غير كميي خلييك حنين
حذيفة: واش مفيكش حس الزغب كنعقل كان فايديك شوية زعر فينو ههههه
ايمان: هههههه درت الليزر
حذيفة: قولي ليا شي حاجة مقستيهااش ها لبيرسينك ها الشعر ها لوشام
ضحكات وقالت: درتي اكتيف لمود الموعضة احذيفة
عضها فحنكهاا تغوتات وقال: غتسكتي ولا نبكيك تااني
دفعااتوو كضحك وعطاتو بالظهر مغطية وقالت: وصافي باركة عييت
ناض كيضحك لبس لكالصون ديالو وجر عليها لغطا خلاهاا معرية قداموو سترات راسهاا بلبينوار
خلاها ومشاا دووش وهي ناضت كتشوف فالبيت مروون
كلينيكس باش مسحات فيه اثار الد_م قلبات ليزار لتحتانيي لقات بقعة صغيرة عضات على فمها وشدها هر من المعدة ملي كتفكر لبارح لبسات لبينوار وهو يدخل حذيفة لاوي علييه فوطة شافها شادة تحتهاا وقال: سيري دوشيي باش ترتاحي انا غنجمع هدشي
جرهاا قبل متمشيي وهز ليها راسها عندو وقال: كيف كان لباارح(باسها )
ايمان(كدور فعينيها وبداتوكضحك ) : زويين
حذيفة(عاود باسهاا ): عجبك نزييدك !
ايمان(خرجو عينيها بغات تبعدو وزير علييها مفرشخ بالضحك ): والله تنجمع عليك الجيران
حذيفة: ههههه نتي عاد بغيتي تجمعييهم لي سمع راه سمعك الباارح
ودنيها تصمكو بغات تغووت مارضاتش : شفتي دااباا شفتيي
هز رااسو كيضحك علييها ورجع كيعنكش فيهاا وقال : ههههههه مال حسسك مارضيتيش هههه
ايمان: والله (شدها الضحك)هه والله متبقا فييك عقل
حذيفة: نتلاقاو من داباا شوية انا كالس غير لييك هاد الشهر
خرجو عينيهاا ودفعاتو كضحك وقالت: حلم
دخلات لدوش سخنااتوو حطات لبينوار مقابلة مع لمراية حتى كتشوف لحمها مبرقع من بعد مكان موحد داكشي هاابط كل وحدة فبلااصة من عنقها وهي هابطة كانت فينما قمشااتوو يمصهاا نييت ضحكاات وماديرونجاهاش داكشي بلعكس استمتعات بييه ، دوشاات وخرجات كتفور ب بينوارهاا لقاتو شمش البيت وبدل الفراش لي تقااس دخلات تلبس عليها وتحتها عاد عطاها الحريق ديال بصح بحال الحكة مسحات بكلينيكس لقات قطيرات ديال الد_م
لبسات بيجامتهاا وهبطات لقاتو واقف فلكوزينة كيوجد الفطور ناااشط فوق السلك وهي بزز كتمشى لقات الماكينة كدور
شاف جيهتها وقال: بالصحة ،صلييتي
ايمان: لاا حتى دوشت ولقييت شوية تاع الد_م
قرب ليها باهتمام وقال: واش فهاد اللخر تقسحتي بزااف
ايمان(حشمات)مم شوية (كتفشش) تحمستيي
حذيفة: ههه اجي نشووف شنو عندك يكما مجروحة
خرجات عينيها فيه ودفعاتو كضحك: حذيفة ولااا
حذيفة: ههههه ومتخافيش اما حسن انا ولا الطبيبة
ايمان: ههه لاا تواحد فييكم يااه مبقيتيش كتحشم صدمتيني هههه
جرها عندوو كيعنكش فييهاا تطيبو الفطور بجوج داوه لطبيلة كان الجو غزال تشهاي تخرجي فيه ولكن ممنووع الا للحاجة
كلس وهي مع كلسات ضربهااا الضو تحتها وعضاات فمهاا هز عينو فيهاا وضحك …شافتو ضحك وقالت كضحك :الله يستر
حذيفة: سولي صاحبتك على شي حاجة تاخديهاا ترطب لييك ديك لزوون
ايمان: دابا نسولها
قاد ليها الطوست بالجبن ولعسل ومدو ليهاا مع كاس تاع اتاي منعنع
ايمان: ممم هاد اتااي والنعناع وااعر
حذيفة: واحد لكزار كنتقدا من عندو كلشي كيجيبو زوين الصراحة
ايمان: الكزار ؟
حذيفة: سيي كزار فيه عطار خضاار كلشي ههه كيبيع حتى المسمن ههه كنهضر على كزار مغريبي ماشيي
ايماان: اااه كيجيب السلعة
حذيفة(رما ايدو على الكرسي ديالهاا ): فطريي
من بعد الفطور كلسوو فلكنابي كل واحد كيدير روتينو هي فالسطورياات وكتواصل مع المنتج ديالها ومراد وهواا يا اما كيصمم ولاا كيفصل ويخيط شنو خاصو فنفس الوقت كيتناقشو مرة مرة هي تكات فوق الفوطوي كتفرج حتى داتها عينيهاا رمى عليها ملاية دافية ،قرب ليها وباسها فشفايفهاا عرفها نعسات وبعد كمل شغلو
وهي دخلات فحلمة خااايبة ومقادراش تنوض كتحس براسها بحالا خانقها شي حد وكتعيط لحذيفة ومكيسمعهااش فاقت كتنهج بغات تنوض وحطات ايدها فلحاشية وزلقات بيها جات طايحة وراسها ضرب فطبلة تاع الزااج تغوتات من قوة الالم بدات كتبكيي محيلتها لخلعة ولا الضربة
جاي عندهاا مخلووع ماعرف باش تبللاا السانتيم معلق فعنقوو والفنايت فايدوو وكيسولها مالك مالك
كلسهاا فبلاصتهاا وحيد ايدها من جبهتها لقاها تجرحاات وشوية ولبلاصة دغياا زرااقت
مشا جاب التلج حطو على لبلاصة حتى قفزاات
ايمان:احح كضرنيي باارد
حذيفة: غير ديريها باش متنفخش لييك …كنتي صحة سلام اش وقع
ايمام: شدني بوغطاط ملي فقت بغيت نوض وخوات بيا ايدي وجييت على الطبلة …بشوية
ضحك وقال : راس المحااين صاافي
كلس حداهاا دار ليها فاصمة صغيرة مع الدوا
وبقا معنقها حداه وقال: نهدرو مع الواليدة كل مرة تسول فييك
كلساات وقالت: وخة
قدات شعرهاا والكول على عنقهاا لي فيه الحمورية بااينة باسها ففمها وقال: زويينة الزين
ضحكات وقربات حداه صونا فتيليفون خوه ابيل عادية وطلب منو يدي التيليفون لموو باش يهدرو معاها صوت وصورة ،هنا ايمان كترعد ومعارفاش كيفاش تهدر
حذيفة: مزيانة معاها حتى خديجة واسية
ايمان: قلتي ليا مزوجات ودابا سادين
حذيفة: مزوجيين غير تما نيت واخديين جوج خووت
ايماان: مزياانة ههه الكبيرة و الصغيرة فيهم
حذيفة:اييه
بدا تيليفونو كيصونيي وطلق منهاا شد الخط وتبسم تلقائيا ملي شاف موو قبالتوو مكانتش باينة معاه ايمان فالصورة حتى يجبد معاهم الهدرة عاد تبان ..بقات مراقباه كيفاش كيهدر حتى قال: معاك شي حد
_كاين خديجة واسية اولدي كيوجدو لبيت ل محمد بغا يجيب مرتوو مليي سدو كلشيي اللهم يجيبهاا وديك السااع ملي يسالي هدشي يديرو صدقة ديالهم
حذيفة: اييه قالها لياا الله يسر لييه الامور ان شاء الله
_امين اولدي ونتاا فين العرووسة ههه وغير قلتي ليا تزوجت مبقيتي دويتي فهدشي
حذيفة(ضحك): جات مع المرض داكشي بااش ..هاهي كااينة
قربات حداه بخجل كتبان حدااه كي المشة لابسة بيجامة رطيطبة ب صديفات فلغوز وشعرها طالقااه …قلبها كيضرب ومخلوعة غير بوحدها ،رما ايدو وراها مسح على ظهرها كيطمنها وقالت: س سلام خالتيي بخير
غير شافتها الام نشارح خاطرهاا وتبسمات ابتسامة عريضة وقالت: لباس ابنتيي كيداير بخير
ايمان: لباس اخاالتي
حذيفة: كيجاتك المدام ههه سميتها ايماان
الام (بابتسامة )ما شااء الله وصلاة على النبي ورييدة اولديي
ضحكات ايمان بخجل وقالت: الله اكبر بييك اخالتيي
حذيفة: اينا مكاينااش !
الام: گالسة فالجردة مع الحااج بلاتي هاا البناات ..اجي هدرو مع حذيفة
بانت البنت الكبرى خديجة لابسة بيجامة طويلة ودايرة فولارهاا ونظاظر والبنت الصغرى لي كبر من حذيفة بعامين اسية دايرة العكسة لزيف وكتبان صغيرة مقارنة بسنهاا وحتى هي بلباس طويل كلسات كل وحدة فقنت وشدات خديجة التيليفون رمات السلام وشاافت ف ايمان
خديجة: لباس اختي بخير
ايمان: لباس اختي الحمد لله ،نتوما اموركم مزيان
خديجة: يسول فييك الخير
الام: مرت خووك هاديي
اسية :ارى نشووف ههه
مدات ل اسية التيليفون وكيسمع خديجة كتهدر بالشللحة بشوية ولكن دغيا فهمها قالت: ناري على حذيفة كيقلب على الصدااع
جاوبها محمد لي كالس بعيد عليهم :مدار غير الحلال
اسية:السلااام ههه مبروك علييكم اخوياا ايمان ختي بخير اش خبارك
ايمان: لباس اختي الحمد لله
بقات اسيية كتشووف فايماان وحذيفة كيهدر مع مو وهي كتبركك فوجهها وشنو لابسة وشعرها كيف داير وكتقول صورتهاا مغريبااش علياا
خديجة (بالشلحة ): قلتوها ل باا ؟
الام: سكتي مزال
هوا كيهدر واسية دوزات تيليفونهاا لخديجة وبحال الى جاتهم اللقوة بجوج بقات غير موو كتهدر وايمان كتسمع وضحك وصافي
ناضت خديجة شادة تيليفون اسية كطلع فتصاور وقالت: لا لا غير تشابهات لييك
دخلات لسطوري ديالها فانسطا وقالت بهمس : هدا ماشي لبالكون ديال دارو ! نوريك الفيديو نهار سكن فالدار وصورها لياا
جبداتو ديك السااع لقاوه نفسوو .شدات خديجة حناكها بصدمة وقالت : لا حول ولا قوة الا بالله
رجعو كلسو حدا مهم صاقلاات بيهم غير يقارنوو التصاور ب ايمان
حذيفة: فيين محمد !
خديجة: هاهوا (دورات ايدهاا على راسها بمعنى قوليها دير الزيف )
لكن ردو كان : غير قولييه يبان نباركو لييه حتى هواا
تقدم رجل فبداية الاربعيين بلحية سودااء وكيبان مزال صغيير بيض وشعرو كحل وكيبان درويش وداخل سوق راسو كيهدر ومهبط راسسو ماهزوش ف ايماان
قطعو الاتصال بعد ساعة وهوما كيهدرو وايمان حساات بلي خواتاتو وخصوصا الكبيرة فيهم معجبهاش الحال او هي احساسها غالط، تكات على الفطوي ساكتة كتلعب بتليفونها حتى قال : مالك !
ايمان: بحال الى خواتاتك معجبهومش الحال !
حذيفة: علاش بالسلامة مغيعجبهومش الحال ،غير كيبان لييك
ايمان: معرفتش
حذيفة: غير مزال متعارفتوش وهوما طبعهم حدودي هدا مكان، رتاحيتي شوية !
حركات راسها باه وقال: باقة كتحسي بالحريق ولا شي حاجة
ايمان: مم شوية ،خاصني شي حاجة من لفارماصي
حذيفة: شنو خاصك
ايمان: خاصني شي برودويات معرفتش واش غنلقاهم هناا
حذيفة: سيفطيهم لياا ونجيبهم لييك
خلاها كتهدر مع ودياان وهدرة تجيب هدرة تقالت ليها : وديان بغيت ناخد شي فنيد
وديان: واش مخديتيهش ملي جاتك لي غيكل الصكعة داباا شحال باش فاتتك
وديان: ملي مرض حذيفة شي 14 اليوم داباا
وديان: دابا الى بديتيهاا غادي غير تخربقي الهرمونات ديالك نتيي منظمة لييك يعني نتيي دابا فالايام اللخرة ديال الابااضة ،تقدري تحملي
ايمان: اويلي
وديان: قضيتو الغراض وجاية تندبي علياا هنا هههه خودي كينة ديال *** فيها غير وحدة شربيهاا وقضيو بالعزل هاد الايام
ايمان: العزل شنو هوا هدا شي كين
وديان: ههههههه ايماان واش مضروبة لراس ولا مالك ههه
ايمان(ضحكات) : والله معرفت شرحي لياا
وديان: ههه طيرتيني اصاحبتيي ،دابا خودي لبيليل لي قلت لييك ياك ومليي تكون شي غولاصيون سيكسيال يحاول ميخويش عندك هدا هوا العزل
ايمان: ياله تفكينا من حاجة نولي خايفة من حاجة
وديان: هههه وجدي رااسك وحظي راسك السااطة لتولي مو كريشة راه سااهلة هز بااق هانتي حاملة
ايمان: ااه (كتكتب وتمسح حشمات ) مليي نعسنا المهيم راك فهمتيي واخا دوشت باقي الد_م كيهبط شوية
وديان: فرعك ههه
ايمان(ضحكات ): انا لي هبيلة كنسول مسنطحة بحالك
وديان: تي هادشي عااادي ولفتوو خاصني غير نطبق هههه خودي واحد لوجييل دهني بيه تما قبل العلااقة واحد لبوماض من وراهاا ملي تغسلي باش تبقا رطبة ..انا غنكتبهم لييك
سلات معاها الهدرة وكتبات شنو خااص ف ميساج لحذيفة
ايمان: راه سيفط لييك شنو خاصني ف واتساب
حذيفة : صافيي دغيا نجيي (جرها بااسهاا )
ايمان: اه بلاتي نسييت
طلقات منوو وطلعات مهبطة لكارط ديالها وهوا واقف كيشوف فيهاا تمداتهاا لييه وقالت: انا غنسيفط ليك الكود
حذيفة: جمعي علياا هدشيي
ايمان: لي برودويي لي بغيت شوية غاليين
حذيفة: باغة تعصبيني ياااك
جرات ايدها بزربة وقالت ؛لاا
خلاها واقفة وحل الباب وسدو وراه وقالت: نااري مكيرضااش
مشات لكوزينة حطات تيليفونها قدامهاا فتحات لايف فانسطاا جمعات فييه وكلشي كيسول بمختلف اللهجات واش بدلتي الدار تزوجتيي استقريتي فاسبانياا وهي مطنشة بحال هاد الاسئلة كتجاوب فقط لي كيسولها على لي برودوي طلعات معاهاا ودياان وقولها وضحك عليها قلبوها عربيية خلاو لخريين غير كيبلقو فعينيهم وبداو كيبانو عندها المغااربة وخلقوو دعابة زويينة
في مكان اخر وبالضبط ف دار اهل حذيفة كالسة خديجة شادة التيليفون كتشوف فلايف وحداها اسيية كتحقق وتاكد حتى هي
اسية: هانتي شووفيي كوزينتوو والله حتى هي اصااحبتيي هاهي ياك هضرات وكانت لابسة بيجامة غووز اوى شنو لابسة هادي
خذيجة: ولي مبغاش يتفهم ليا ،اش وصل حذيفة ليها ماهي من سهمو ولا هوا من سهمهاا وهاد التزويجة لي دغياا كتب دغياا تزوج
اسية: يكما يكون غلط معااها
خديجة: معرفتش اختي (تنهدات ) من صغروو كيمشي غير لحاجة لي مخصووش يمشي ليها سبحان الله عكسي
اسية: وشنو نديرو دابا الى مشى با تساق لخبار غيسخط عليه هاد المرة وحنا بزز رطبناه من جيهتوو
خديجة: خلي تنهدر معااه ونشووف ،نقدرو نكونو غالطيين ،،نكدب عيني ونتيقوو ا اسية صافي نوضي جمعيي هادشي وياله نمشييو لدار قبل ميدوز المقدم من الزنقة
*
قطعات اللايف كضحك ونشطات فوجاات فييه ديال بصح خصوصا مع الحماق ديال وديان
دخل بصاشيية كبيرة لقاها كتقرا فشي وصفة وكتجبد المقادير
حطات داكشي لي فايديهاا ومشاات عندو وكيف ديما مكيسلم عليها تكيغسل ويحط حوايجو ويعقم جات عندو باستوو فمو وقالت بدلع: تعطلتي علياا
حذيفة: توحشتيني
ايمان: بزااف ههه
عطاتو بالظهر وهوا وراهاا باقي شادهاا بدات كتجبد فلي بروودوي كل واحد كتقوليه لاش كيصلااح
هز لكريطينة صغيرة لي فيها غير حبة وحدة وقال : هادي لاش كتصلاح
ايمان: ااه هادي خاصني نشربها داباا
هزات الحبة وهوا خدا الورقة كيقرا فيهاا وهز الكينة لخرى حتى هي وقال: مانع الحمل
شرباتها وجات عندو وقالت: مم يكما غتقولياا لاا متشربيهااش هههه نقجك
حذيفة(ضحك ) : لا لا بالعكس كنت بغيت نقولها لييك (جرها عندو ) شكون قالييك انا باغي البز دابا شبعت منك حتى نتيي
ايمان(كانلعب فقميجتو ونطقات بدلع): ممم دابا نهار تشبع مني غتقولييا حملي
حذيفة (خدا فمها بقبلة طويلة ): لاا عمري نشبع منك
ايمان: بب بغييت واحد الرجل ديال رينݣ لايت درت ليها كموند قلت نبقا نصور سطوريات فلكوزينة
حذيفة: شنو غاديري
ايمان: هههه نطيب
حذيفة(باسها فنيفها ): انا ما مانعك من والوو ولكن
ايمان: نعرف شنو كنلبس
حذيفة: ومتعطيش بقزيبتك لكاميرا نوليو فروتيني اليومي
ضحكات وقالت: كون هاني عندك مول ديال كيكة
حذيفة: كاين (جبدو ليها من الفوق وشداتو منو )
ايمان: اليوم غندير واحد لكيك ..كانت كديرو ليا ميي بزااف تشهيتوو
حذيفة: خودي راحتك انا حداك هناا
نساحب لشغلوو وهي دارت لفواطة كحلة على حوايجهاا جبدات البيض وسنيدة كطرب فيهم بطرااب وكترجع دكرياتهاا لي جمعاتها مع نعيمة
عصرات نص حامضة وحكات القشور دارت الزييت ودقيق والخمارات
دهنات المول وحطاتها فلفران بكل حبب بينها وبين هاد الكيكة سنيين مدارتها دارتهاا وطلعات برودوياتهاا ستفاتهم فالبييت قلبات تحتها ملقاتش الد_م كيهبط ومشاات هزات فوطتها وعيطات على حذيفة باش يرد لبال الكيك بينما دوشات دغياا
وداكشي لي داارت دوشاات بالخف وتوضاات دارت الجيل تحتها شوطها فاللول ودغيا برد عليها ،خرجات لدريسينك تشوف شنوو تلبس حتى كيدخل عندها محيد تيشورت وكيمسح بيه كرشوو …شافتو وتزنكاات وبدات كتلون مزيرة على الفوطة وقال: بصحة
ايمان: حم الله اعطيك الصحة مالك
حذيفة: تخوات عليا القهوة (هز عينو فيهاا واقفة مبندة بالفووطة ومشا كيزاحم فييهاا وكيعنكش فييهاا وهي كتعوج لييه منهنا ومنهناا تطاحت ليها الفووطة وقالت بتحدير والضحك والحشمة غالبيين عليها وهوا محاصرها قدامو: متعييقش هههه حذيفة صاافي لاا لاا
حذيفة(ضحك ): ضسرتيي كيفااش لااا
ايمان : ههههه ولااا
شكون سمع ليهاا بقا تعدبها بوساان ترخات بلهلا يطرييه لييهاا معاملتو كانت لطييفة وحببهاا حتى فالحميمية معاه مكانش همجي ومكانش زرباان …عاش وعيشها معااه لحظات زويينة محاول عليها وعارف امتا يحبس الى شاف الامور ماشي مزيانة
هادشي كلو عاشووه وهوما فوق الزربية الدائرية لي كااينة فدريسينك وصورتهم معكوسة فالمرااية عطات صورة تراجيدية لعلاقتهم
دوشو بجوج مع شوية البساالة خداو نظرة على اجساام بعضهم تحت المااء
مع حل الباب لاوي عليه فوطة كيسمع جهاز إنذار صغير دايرو فالكوزينة على الحرااق ماشم والو ولكن هي شهقات وقالت: الكيكة
هبط شعرو كيقطر وتبعاتو كتسد فلبينوار كتلقا الدخان خارج من الفراان ملي حلوو حذيفة بقات جامدة فبلاصتهاا
جبدهاا فااخرة وطفا الجهاز وقال: صافي فيها خير
شافت داكشي وطلعات فيها البكيية كانت مشهيااهاا ماشي مداقاا ولكن تنعش ذاكرتها ،ولات حبيسة الذكريات بغات تفكر اي ذكرى زوينة …شدها حنين قويي لفقيدتها خصوصا فهاد الوقت ليي كلشي كيسول على عائلتوو ،طاحت دمعتها ومسحاتها دغياا سمعاتو كيعييط ومجاوباتوش ،كتجبد شنو تلبس وعينيها كيقطرو بالدموع بلا هواهاا
“ميي ديري لياا كيكية عفااك،البرهوشة ديال اسراء كلاتها
نعيمة: هاد المرة انديرها وحطيها حدااك …نوضي جيبي ليا دانون
ايمان: لا ديريها بالحامض
*
شدات جناب رااسهاا كتنهج وبدات كتفقد السيطرة على رااسهاا ودنيها بداو كيصفروو وشوية بشوية كتكمش على شعرهاا بحال الى باغة تحيدو من بلاصتوو
جاها من اللور وعنقها بلطف وقال: لبسيي ونهبطو نوجدوها
ضارت عندو طالقة من شعرها وحضناتو مزيرة على التيشورت وقالت :انا مابغييتش الكيكة هءهءه انا بغييت ميي (بضعف)بغييت ميي
آمنت أنّ الأمهات أوطان صغيرة، ففي كلّ أم وطن نسكنه، نحبه، نفتخر به، امرأة وطن ولاؤنا لها وانتماؤنا إليها.
شنو يقدر يدير الانسان قدام قدرة الله ف الحياة والموت مكتبهم الله عليينا تاحد ميقدر يحي مييت من غير الله سبحانه. ،وحنا كا انسان ضعييف شي مراات مكنرضاوش بقضااء الله مكنصبرووش على لي مكتب ليناا
ملي كيجي شي حد يواسي شخص اخر كيقولييه وخة نعيا نوصف باش كنحس مغنوصلش لييك احساس لي كنحس بييه
وفعلا تاحد فييناا مامجرب ديك الكية صعييب يوصل لدرجة لي واصل ليها فقيد امه ولا ابوه
ولكن كتراجع نفسسك وكتصبر نفسك ان الحياة هي هادي وحنا غير مسيرين فوق الارض مااشي مخيريين
ربي كيختابر صبرنا وشدة ايماننا بالقدر خيره وشره…
**
حاضنهاا كيوزع عليها كلمات طيبة ربما تراضي خاطرهاا وترييحهاا
عارف ان الموضوع ماشي سااهل خصوصا لوحدة فحياتها كلهاا كانت مها هي اكتر انسانة حضناتها فالوقت لي كلشي نافرهاا ،،عرف هاد التعلق منين جااي وعرف ان طريقة موتهاا خلات ليها صدمة لي خلاتها مزال لحد السااعة مامتقبلاش الموت
حذيفة: لبسي علييك واجي نصايبو وحدة حسن
ايمان(حركات راسها بالنفي ): صافيي مبغيتهاش
حذيفة: خليني بخااطري عفااك ، حتى انا تشهيتها وبغييت ندووقها
ايمان(مسحات عينيها ): نتا اصلا مكتاكلش لحلاوة
حذيفة: على قبلك غناكلها معااك…نوضي لبسي صليي غنتلقاايني لتحت …صافي ؟ واا زعيبيلة
ايمان: صافي
خلاها كالسة مشا لبس حوايجوو وهبط خلاها بخاطرهاا خدات راحتها هاد المرة فاللبس كيف كتلبس ملي كانت فدارها بوحدهاا ،شورط قصير رطب وتيشوورت نص كم قصيير لاصق بكول V كيبان شوية من صدرها لي كلو بقع حمريين من عنقها وهي هاابطة
خبات شوية ب لفوندوتان الى بغات تحط شي سطووري ورجعات تفكرات بليي مشااات ايام تصور باشما كان دابا ولا الحكاام
تبسماات ورجعات حطات داكشي رشات ريحتها وهبطات. بعدما صلااة ، لقاتو واقف فلكوزينة كينشف ف المول ومكفض على القبيية وداير نظارات طبيية وشعرو مزال فاازك
كتشوف باعجااب فييه قربات جيهتو حضنات دراعو وحطات راسها على كتفوو تحنا باسها فراسها وقال: ياله الشااف شنو نديرو فهاد الكيكة نتي غير قولي انا غندير متفورصيش على ايدك بزااف ايسطا بياان (صافي )
ايمان: بياان ههه
جبد البيض والمقادير والحاامض حتى وجدها لييها دارها فلفران وشدها كيشطح معاهاا بالاغنية لي شطحو عليها فبلجيكاا بغا يفكرها فلحاجة الزويينة فقط
شوية بشويية طلقات البشرة وبدات كضحك وكيطلع هرمون السعاادة وهي كتشطح معااه و كايتغزل بيهاا … و يعنكشها ومرة مرة يقلبوهاا قبلات حميمية فقلب الكوزينة قدام الفران
منبعدما تكا على لكونطوار جات عندو لحضنو كيشوفو فديك الكيكة كطلع …مدور عليها ايدو وكتعلب بصباعها فزغب ايدوو وتنهدات برااحة
كتحس براسهاا كطلع كاطريام فالغبيينة والبكا وبفضلو هوا كتبقا هابطة شوية بشوية حتى كرجع لطبيعتها …فالاول كانت كل ماتفكراتها وخصوصا فاليوم فاش ماتت كانت كدخل فاسابييع من الحسرة والعزلة على النااس، حيت مكانتش كتلقا لي يجرهاا من داك المود ويقلب بكاها ضحك
تقاد فالوقفة وقال: بلاتي نشوف راه طابت
لبس الليگة وحل الفران كتبان طالعة ومشققة وريحة الفاني والحامض كتعطي منهاا ،باش يزييد يعمق ليها المدااق زادها سيرو بالحاامض تقييل سقاها بييه
عمرات كاس تاع القهوة بينماا برداات قطع ليها طرف ولييه طرف صغير وخة بينو وبين الحلاوة سنين منهار بدا لاصال والاكل الصحي حبس شي حاجة سميتهاا السكر الابيض ،ولكن على قبلها غيدوق
حذيفة :بايين هاد الحجر الصحي غنخرج منو بشي 10 كيلو زايديين
ايمان: متخرجش ليا غير الكرش وهانية شحال كتوزن؟
حذيفة: شي 85 كيلو
ايمان(شهقات ) : ويلي تكون فيا 85 نبقا نهج فدرووج هههه ولكن نتا مع مكضر مباايناش فييك …انا كتزاد كيلو على 58 كنوليي نصووم باش نهبطها هههه
حذيفة: ههه غنشوفو بشحال غنخرجوو …السريط و النعااس
ضحكات وحطات ليه قهيوتو بلا سكر وهي دارت فيها قياسها هزات طرف وداقت منوو مغمضة عينيها وهوا مراقبهاا متكي باييد على لبوطاجي وكيقطع فلكيك بفورشيط
حذيفة: كيجاتك !
ايمان: زويينة الله اعطيك الصحة(باستو فحنكوو ) ممم
حذيفة(ضربها لمؤخرتها ): بصحتك
ايمان(وحلها ليها حيت حركها كاملة ): كح كح والله متبقاا فييك
كان مشا من حداها كيضحك وقال: خليني نخدم تبعتك توليت مدوش
ايمان(ضحكات ) : ماتولفهااش
حذيفة :احنا غنشوفوو امدام زعيبيلة
ايمان: زوهري وعور عمري شتهاا
هز عينيو فييهاا كيضحك وحول عيينيه تحت النظاظر وقال: مزيان داباا
ضحكاات تدمعو عينيهاا ومشاات كلساات وهوا كيخييط وقالت: دابا هادشي لي كتخييط لمن غتعطييه
حذيفة: هدا ! …هدا الالة واحد المودل ماشي انا لي رااسموو …هادي شهر تقريبا كنت دافع سيفي ديالي لواحد الشركة معرووفة هنا ف اسباانياا …هي علاش ضاارب اناا منهار حطييت رجلي هناا ،عيطو لييا باش ندير واحد التصميم من اختياارهم ومن بعد نشووف شنو غيديرو معاياا
ايمان: الى خدمتي فالتصميم صافي غتقلب على الطبخ
حذيفة: مكنظنش حيت حتى الطبخ فيه واحد لوشاغم زويين كايمتعنيي …فهاد البلاد اكبيدة تقدريي ديري جوج ف واحد الى بغيتي نيييت توصل مزيان
ايمان: ولكن غادي تعياا
حذيفة: خدم اصغري على كبريي (غمزها ) تحاجة مكتجي سااهلة اي حاجة كتبغييك تدمر عليها من بعد (شافيها بنص عيين )راه مزال كنتسنا شي ناس ينوضو يقرااو
ايمان: حتى تسالي واجيي نقلبوو
حذيفة: عطا الله ميتقرا اونلاين خصوصا دابا ملي تسدو تقريبا كلشي ولا اونلايين شوفي نتي شنو باغة وتسجليي
ايمان: صافي واخة
*
دازت اياام واليوم الاول من رمضاان فاقوو بجوج تسحرو صلاو بجوج وكلسو فلفطووي كل واحد شاد قران كيقراو فحزبهم حتى بدا النهار كيطلع عاد ناضو لبلاصتهم يكملو نعااسهم
صبحات ناعسة وجابدة علييها ومظلمة البيت ،عكسو هوا لي نااض كيكمل فخدمتوو محدو باقي بخاطرو وباقي راسو فبلاصتوو ، مونس راسو بمحاضرة دينية
فاقت داايخة مفزوعة بصوت التليفون كان الظهر كيادن فتيليفونها ناضضت حلات السراجم ومشات توضاات وبدلات عليهاا حوايجهاا بشي حاجة مستوورة بقات تالفة شنو تلبس
غير كتلف ليهاا وكتمشي تلبس من حوايجوو كيعجبوها تريكوات ديالو لبسات واحد فلكحل بكول V عريض عليها وطويل ساترهاا مع كولون شورط حد الركبة اسود جمعات شعرهاا ومشات رطبات وجههاا وتهلات فييه كيف كل صبااح
مشات صلات عاد هبطات عندو لقاتو كيهدر فالتيليفون بالاسبانية مشات للسرجم كضرب فيها الشمش الدنياا كتصفر لتحت وطموبيلة الشرطة كل مرة تبان ليها ولا صوت لومبيلونص هادشي لي ولا كيتسمع بلاصة الهرج وصوت لوليدات كيلعبوو
حسات بيه قطع وتقلبات عندو وقالت: امتا فقتي
حذيفة : 8 النعاسة
ضحكات و گلسات كاتفرج مخلياه خدام حتى جاها الملل و طلعات لفوق فتحات لايف كان العصر قرب يأدن جمعات مع البنات شوية و ناضت صلات العصر و عاودات هبطات عندو لقاتو باقي فين خلاتو …..
بقات مجمعة معاه شوية تاحس برااسو غيتفركع كل مرة يماصييه
ايمان: اجي تسمع الجينيريك ليي غنيت ف مصر طلع وااعر غنحطو اليوم فيوتوب
حذيفة: راسي بغا يتفرگع ا ايماان من بعد ونسمعوو
ايمان: ؤك
تلغا حماسها كانت بغات تسمعوو معااه تنهدات و شدات الطابليط طالعة نازلة فلانسطا….. زاد معاها واحد نص سااعة وحط كلشي من يدوو تاتقلباات عندوو لقاتو لاقي حجبانوو
حذيفة: كنقولييك رااسي بغا يتفركع ونتي مجهدة الصووت
ايمان: ماقلتيش ليا نقص …. واش ضرك راسك بزااف
حذيفة (سااط كيحيد فالنظاظر ) : غنمشي نتكا شوية بينماا قرب يادن
بقات حاضيياه تغبر وقالت: ترمضن ولا مالوو
جاها الملل بغات تشد الجماعة مع وديان وهوما بجوج ماكيعرفوش بالشوية كي بنادم ضحكتهم وهضرتهم تاع جوج مقسريين فلباار
دارت الكيت ومشاات لكوزينة مبقا والو المغرب وسي الطباخ قالب وجهو عليهاا وخة كتبغييه نفسها عزيزية وبغات الحزاارة
خلاتوو ومشاات كتسول فودياان لي مابينها وبين الطياب غير الخير والاحساان وهنا كيحضر المثل المغربي ديال “تحزمات الݣرعة بالسلاوية وقالت ليها اجي نقطعو الوااد “
ايمان (كتهدر بالشوية وحاطة التيليفون كاميرا والكيت فودنها ) : شنو ندير لفطوور
وديان (واقفة بدورها فلكوزينة معارفة منين تبدا باغة تبكيي ) : شتي هاد الحصلة لي حصلناا بيضة هي اللخرة كنحرقوها
ايمان(ضحكات ): شنو ندير لبغيت الحريرة !
وديان: مالكي كدوي بالشوية
ايمان: نااعس
وديان: قولي مقطووع
ضحكات ايماان وبلا متحس كتقرقب فلمااعن وتعض فمهاا وديان حتى هي بلا متحس ولات كتهدر بشويية على اساس غيسمعهاا
وديان: شوفيي ديري الصوباا
ايمان: مالي ناعسة فالسبيطار
وديان: انا غنعتامد اكل صحي
ايمان: حيت معندكش الدرااع تحكي ماطيشة
وديان: قالتها لي كتعجن المسمن
ضحكات سادة فمهاا ومشات جابت الطابلييت ديالوو دارت وصفة ديال لاصوپ ب لكروفييت وبدات كتجبد شنو عندهاا لقات كاع المقادير من غير الفطر الاسود استغنات علييه وكلسات كتشحر
وديان: مكرهتش شي مائدة الرحمن تفطرني انا ودارناا هههه
ايمان: كانت عندكم شي مرا كتعاون خالتي
وديان: ايييه ولكن مشات عند ولاادهاا (بغات تبكي ) خلاتني حااصلة ههه
ايمان: تعلميي ههه
وديان: ودغيااا الالة الحادكة راه غتفطرو قبل مناا
ايمان: حلفيي ويليي شديتييني بالهضرة اصااحبتي سيري فحالك
قطعات معاها وعطات لاطااك بداكشي لي كتعرف بغات تبين انها حتى هي كتعرف دير شي بركة فالكوزينة
وجدات لاصوب بقواعدهاا وريحتها عطاات والجوع كيغروط فمساارنها ودوخها الصياام مامولفاش دير مجهود كبير فرمضاان كانت كظل ناعسة حتى كيادن وتخرج تفطر فشي ريستوو وتبدا خدمتها حتى فاش دوزاتوو مع وديان نفس الشيء كيخرجو يفطرو براا ويهنيو راسهم
وجداات التمر فالطباسل مع السيكار لي عطاتها زينة عمرات اتااي بالنعنااع وجبدات الديسير كتقطع وتشكل فالطبسييل غير باش تعمر الطبلة وتقول راني وجدت
جبدات الطوست دهناتهم بزبدة وحمراتهم وعمراتهم بداند فيمي والفرمااج وجمعاتهم خلاتهم تيقرب يادن وتخشيهم فلبانيني باش يجيو معلكيين ..قطعات الخياار ماطيشة ولافوكاا فجوج طبااسل
المهم الطبلة مشكلة وكتشهيي كاااع الافكار لي كانت جامعة حطاتهم فالطبلة اللولة ايوا من بعد اش تحط
ولات حايرة من دابا شنو توجد لغدا ولا دير السبة بايديها كضرها وتكلس تركن تجييب الفشوش علييه باش يطيب ليها شهيوات ويبرعها فرمضاان
ضحكات وهي كتحط فالطبلة جبدات شميعاات حمريين تقداتهم اونلاين مع الحدايد ديالهم عاليين فرشات طبيلة وحطات الطبااسل وقاداات الطبلة وصورااتها وبالفرحة حطاات صورة فالسطوري وكتباات بالفرنسية : رمضان كريم صحابي
حطات التيليفون وطلعات تبدل عليها من ريحة الطيااب كانت باقة شي 20 دقيقة ل ادان لبساات كسيوة خفيفة ديال الدار بسميطات رقاق وعريضة مهوية مع كان شوية الصهد
دخلات لبييت لقاتوو مجبد على كرشو بسورفيت بيتية ولايح مخدتها على رااسوو
حيدات علييه المخدة وهز رااسوو مكمش عينوو وهاز حاجبوو ،تقاد فالنعسة هز راسو كيمسح وجهو عينيه حمريين وقال: شحال داباا
ايمان: نوض مبقا والو ويادن
هز عينو فييهاا ومكمشهم مقادرش يحلهم بالرااس لي كيضروو وقال: وخة هاني جااي
بمعنى سيري هبطيي ، هزات نيفهاا ومشاات هبطات وكلسات فالطبلة كتسنااه
هوا توضى وغسل وهبط عنددهاا هاز فايدو كينة ديال الرااس وباكية تاع الكاارو والبريكي حطهم فوق الكونطووار وقلب عينيه جهة الطبلة كتبان ليه منوعة ومشكلة كيف كايبغي الخاطر والعيين…تبسسم وداعبها فشعرها وقال: بصحتك
ايمان: الله اعطيك الصحة
هادشي لي خسر عليهاا من العصر وهي واقفة بقات كتشوفييه حتى گلس وبقا كيمااصي رااسوو حتى سمع الادان تاكد وهز تميرة قسمهاا عطا نصهاا لايماان عاد تبسماات وشداتهاا وقال بهدوء : تقبل الله صيامك
ردت باميين ولك بالمثل وكلاو دييك التميرة مع المااء وناض عطاها ايدو توقفاات باسها فجبهتهاا وقال: تصلي معاياا
حركات راسها بااه ومشات لبسات عباايتهاا فرشو الصلاية وهي ورااه اقام الصلاة بصوت هادئ بسور قصاار وسلم
حطات الصلااية والعبااية وغادية لجيهة الطبلة فايدها لبريكي تجرها عندوو وبلا حتى كلمة باسها من فمهاا حتى رجعات عندوو حطات ايدها على وجهوو ختم القبلة وقال: الفطور بيك شي حاجة اخرى تااني
ايمان( بدلع): ممم علييها كاتهضر معاياا مخنزر ومنفخ وباغيي ضربني
حذيفة: اناا نضربك …سمحيلياا راه غير النهار اللول كيضرني رااسيي حيت مولف القهوة والكارو من بعد عادي
ايمان: واعنداك …(ميلات راسها ) من قبيلة وانا كنوجد فالطبلة ومعبرتيهاش
حذيفة: كتحلوني علياا نتي بان ليا باغة تفطري فلبييت
طلقات منو كضحك ومشا شعلات الشميعاات لي عطاو منظر رومنسي وداكشي ملون وزويين باس اييدهاا وقال:الله اعطيك الصحة
ايمان(رجعات ليها الضحكة كتر وميلات راسها عاجبها الحال): بصحتك احبيبي
كبات لييه لاسوپ تدوق الطعم والشم لي بدا كيرجع ليه شوية وشكر طياابها والبنة فايدهاا
غير شرب ديك الزلافة نااض جبد لكارو ومشا لسرجم مع كاس ديال اتااي قاد بيه المزاج وايماان كتهدر مع وديان لي صورات ليها الطبلة دارت ليهم بيتزا وتحرقات لپااط
ايمان: يااا ودي يا الطبيبة هههه
وديان: ماكانوش كايقريونيي نقااد لفران كيعلمونا غير اشكايين ف***
ايمان(ضحكات): الله امسخك راك صاايمة زعمة
رجع كلس حداها شاد مجاجو حطات التيليفون وتفرغاات لييه كيضحك معااها ويهدر عااديي
هادي حالة المدمن فرمضاان كيدوز نهار اللول مقطووع وكلشيي كيضرو فراسوو كيخصو غير السبة ويبداا يجبد الملة والطاسيلة وكيكملها ب اللهم اني صاائم
حذيفة كان ادمانو هوا الكاارو. ولكن وخة هكاك كتشدو القطعة شيء طبيعي حيت تاقلم يكميي فبعض الاوقات من نهار
وقفوو بجوج بيهم حطو الماعن فلماشين وجمعو الروينة بجوج وصايبوو كيسان ديال القهوة ..كلسو قدام التلفازة شاديين الاولى متكية علييه وكيتفرجوو كيتسناو العشا يادن باش يصليوه مجموعيين حتى ادن ناض توضاا
لانه العلماء ختاالفو فلكارو واش مبطل للوضوء ولا لا وهوا باش يحيد الشك فكل صلاة كيتوضا
لقاها لبسات وفرشات الصلايات جاي كيلبس حتى هواا ف لكندورة ديالوو مد ليها القران وقال: تبعي معاياا باش تبقااي فالخط
ايمان: البارح طولتيي (دلات شنايفها ) كنعياا
حذيفة(عوج هدرتو بحالهاا ) : ملي كتبقاي واقفة فلمحالات تاع الحوايج بالسواايع مكتعياايش
ايمان : وصافي صافي
حذيفة: شربيييه
عطاها بالظهر وقال : غطي رجلييك فين التقااشر
ايمان(قدات العباية ): هاهي راه طويلة
حلات القران على فين وصلو الباارح وتبعاات معااه كيقراا بصوت سااكن وهادئ مكيركع حتى كتولي تمشي وتجيي بلعياا
بقاا كيقراا وهي متبعة معاه حتى سالااو وسلمو وبقاو كالسيين فوق الصلاية كايرتاحو حيد لكندورة وتسرح تحط راسو على رجليهاا ضحكات وبدات كتمسح ليه على شعرو الرطب وكدوز على اللحية لي خلاهاا تطوال شفار عينيه لمشابكيين كحليين عاطينوو صورة زوينة
كانو كالسين حتى صونا تيليفونو وقف يشوف شكون وناضت هي كلسات حاطة لعبااية ومعرية الرجليين كتفرج … الوشام بااين فلكتف والشعر هازاه لفووق كتلعب مع المشة وتحطها على صدرهاا ،هوا كيهدر وعينو فيهاا كتصرف كيف شي طفلة صغيرة
مجرد الشوفة فييهاا كتبردو لكان غضبان من جيهتهاا
كيتكلم مع عائلتو كيداز رمضان عندهم كيعاودو لييه شنوو واقع عندهم وكيفاش دايز رمضاان وكلشي سااد وكل واحد داخل لداروو مكاين عراايض مكاين ليوم نفطرو عند فلان ،كل واحد شاد طبلتوو كياكل فلي قسم ليه الله
كيتسناا اللطف من عند الله كاين لي كالس مرتااح معند بالو والو وكاين لي كالس وكيحسب لغدا شنوو غيااكل شنو غيشرب…الدنياا هكا غادية والميزان مامقاادش
فكوروناا بانوو وجووه على حقيقتهم راابت بيووت حيت الصبر مابقااش وحتى طرف مقادر يصبر على الطرف التااني
رمضاان ،والاحتكاك طول النهار ولد انفجااراات هي فديور النااس وكل واحد ولا كيقوول يخ من هاد العيشة وكااين لي لقاها وجيبة يرتااح ويتسنط لعظامو الصالير دايز دايز لاش غنهزها منين تقالت
والنوع التالت لي تقادات حلول الارض وقال أرا نعطي وجهي لسوشيل ميدياا منايضة مناايضة نضبر على ڤيكتييم مالو كاع اش بغا يوقع
طلعو وجوه جديدة طلعة صارووخيية مولات لقويلبات مولات الوصفات ، ها اللحسة، ها الغنا ، ها النقش
كاين لي عاطية غير مؤهلاتهاا ومخبية وجهها كاين ليي حزمات وسطها ودارت فيها استادة الرقص على المبااشر
تكبييس ،تكبييس
الكلمة الشهيرة لي تشهرات فكورونا ولا واحد خاشي فوق رااسو مقلة وكيهلل لداعمييين باش يرسلو لييه سبع ..قلة مايدار والفلوس ولات كتشااير الكونط سخن وعمرر وماء الوجه بدا كينشف وكطغا قلة الحياا بين النساا و الرجال
هناا كانت واحد الانساانة ليي ضوسيها توسخ ومبقات لقات وظيفة مشرفة كيف خلاتهاا
خدمات فلاكيس فصونتر بيوتيي صغير على قد الحال كضبر مصيريف وكتقاد حالتها فابوور
بدات كضرب على مشروع يربحها واستهدفاات الفئة الهشة لي كيبان ليهم الضعف عييب وخاصهم يغلضو الطرف باش يلقا استحساان للعامة
دارت مشرووع هي وصااحبتهاا صحراوية لاقاتهم السكنة فواحد الدار ،عطاتها الاسرار وبداات حتى هي كتجرب وكتختاارع فاللحسة المدمرة عامرة سيروات ودردك وشوية تقاوت واالشكلاط باش لي كلاها تبان النتييجة مضمونة
بدات كتحل لايفات فتكتوك كطلع مع خليجيين الى دالك كتلعب ولات مرة وردة مرة طموبيل والهدية الكبرى هي سبع
بان ليها الموضوع فيه الربح وسااهل تعوجيي وبينيي شوية الصدر مرة مرة وهانتي كتخلصي كل نهار ورزقوو
شكون هاد الانساانة هي نورة …نهار كتبغي شوية العطف من المتابعيين ديالهاا كتحط سطوري كتبكيي على بنتهاا
كتشارك ڤلوكات وتصااور ليهاا على انسطاغراام ولاو كيتعرضوو عليها اشهارات لماركات بسييطة فپرودويات الجمال ومع كان شعرها كثيف تعرض عليها اشهار لكام ديال الزيوت وعايشة حياتها طول فعرض
**
هازة تيليفونهاا متكية فبيتهاا كتشوف فلفيدوات فتيكطوك وجوه جديدة شي بفائدة شي غير طالقها ولي شدات ليه مزيانة
حتى صدفة كيطلع ليها الفيديو ديال نورة لابسة كسوة قصيرة وشعرها مصبغاه بلكحل طوييل ولحمهاا بييض كيشقشق واللحم فاايض غلاضت ومباينش عليهاا فعمرها 42 سنة
تصدمات ايماان وكتقول يكما وليت كنهتر اش كدير هادي هناا لقات عندها انستاا مشات كتقلب فلكونط عندها كتشوف التصاور وكتصدم شداتها الشحفة وهي كتشوف هاد الانسانة فين وصلات
نفخات الشفايف وقادات السنان بقات هابطة تلقاتها حاطة اللقاء ديالها مع شوف تيفيي يعنيي من هادي بداات شهرتهاا وخة ماشي شي شووهرة نييت متبعينها الخليجيين والمصريين اكتر حيت هوما الدااعميين ف تيكتوك مكاين غير شكرا يا بعد ݣلبي
بلوكاتها من انسطا وبلوكات كونطها من تيكتووك ومبردااتش شعلات فيها العافية كيفاش عايشة حياتهاا عاادي ولا تهنات من المسؤولية لي فوق كتافهاا وعاشت الحياة لي كانت باغة
دخل حذيفة وحطات التيليفون كتبسم لييه تدخل حداها فلفرااش تكات على صدرو ودماغها مرون
مكانتش متوقعة نهائيا تشوفها، حقدها مزال كيتزاد عليها فكل دقيقة وكل نهار كتلعن الد_م لي جامعهم والرحم لي كبرات فييه
هزات راسهاا ف حذيفة وباستوو ففمو وعنقاتوو كتستامد منوو شوية الايجابيية
حذيفة : مال حبيي !
ايمان: والو (داعبات لحيتوو ) منبوسش حبيبي
رخا فيها عينيه وقال وجهو ضاحك : بوسييه تالفجر حلال علييك يفوت الفجر عطيني شبر ديال التيسااع
ضحكاات وكضرب فمو بايدهاا وقالت: مالك مرمضن علياا ياك لبااس
حذيفة: قربي نوريك الترمضين ديال بصح
ضحكات مقربة لييه شدها من قزيبتهاا عندوو لابسة غير تيشورت وسليب
دخل معاهاا الصحيح ونساات نوورة ولاا شنو كتجيهاا ولا فين هي دابا ولات بين ايديه كريمة ساايحة كيتفنن فترويض انوثتهاا ويخليها مسلمة امرهاا برضاهاا وبامر منهاا، كان كيعاملهاا زويين ،كان بالنسبة ليها كالبلسم فوق جروحهاا وهادشي كافيها
*
دازو اياام ورمضاان دغياا كيطير دوزو رمضان من احسن ما يكوون مرة ضاحكيين مرة منااكريين ونفسيتهاا كاالم ومدلعها مفششهاا وتشها وطلب لي بغاات كتلقاه واجد وحتى هي كانت لييه الونيسة والرفيقة …كيعجبها الدلال وكيعجبو ملي كتجيب فشوشها علييه
عايشين عيشة سويية وهاد الفترة بالنسبة ليهم كانت لازمة فعلاقتهم عاشو فيها الليل و النهار مع بعضياتهم
اليوم العييد واول عييد فحياتها الزوجية فاقت فرحانة وهي فحضنوو نااعسة ملي صلاو الفجر معاوداتش نعساات بقات شادة تيليفونهاا وهوا نعس
تبدا الحال كيبيين وكلساات مقابلة معااه كدااعب شعروو بلطف وكدوز ايدها على كتاافو العرااض وعلى صدروو ،تفاحة ادم ف عنقوو
حس بيهاا حل عينيه مع ابتساامة وهز يدو قرصها من حنكهاا وقال: صباح الخير
ايمان: صباح الخيير (بابتساامة) عيدك مبرووك
تقلب عندها ضاحك ومبشوور وباسها فجبهتهاا وقال: نتي لي منورة عيدي
ابتاسماات بفرحة وقالت : كنبغييك
حذيفة : حتى اناا اكبييدة
ناضوو بجوج بييهم حل الشرااجم لابس غير شورط قصيير بجسم ريااضي صحي داز من حداهاا وهي محنية كتقاد فلفراش جا ورااها شدها من جناابهاا وقال: بوزيسيون واعرة عقلي عليهاا
ضحكاات وطاحت فوق لفرااش كتبعدو برجليهاا وقالت: وصاافيي مخليتيي حتى شي فكرة مجربتيها فياا
جرها من رجلها حلهم لييها وهي كتغوت وكتنتر وهو كيجر ترون ليها لفراش لي صايباات كيجر فالشورط وهي كطلع طاحت فوق الزربيية هااربة
هربات منوو كتهز فشورط وميتة بالضحك سدات عليها فالدووش
توضاات باش يصلييو صلاة العيد غير بجوج بيهم
خرجات لقاتوو كيقاد لفراش فلبيت ضحكات ومشاات لدريسينك كتجبد القفطان لي علقاتو مصلوح ومقااد لبساتوو تريحاات ودارت خاتمهاا وبعض البراصليات ديالهاا مع السنسلة تاع ميمتهاا دوزات عليها ايدها قدام المرااية وقالت بهدوء: الله ارحمك اميي
دارت مكياج خفيف وتريحاات لقات حذيفة فالدووش علقات ليه الفوطة فلباب قبل ميدير ليها القاالب ديال عطيني الفووطة ويجرها لدااخل ولات عايقة بقوالبوو
هبطات كضحك جمعات الكيسان ديال القهوة كانو فوق الطبلة داتهم ل لاڤابو حطاتهم وحلات الزاج تهوا الداار ومشات
كتصاايب فلفطوور حتى هببط مدوش علييه وريحتو سبقاتو هزات عينيها فييه وكيحمقها بلبلدي لابس كندورة فلكرونة بسفيفة بنفس اللون معطر ومشييك الحاالة و النظارات فعينيه
صفر هوا الاخير ملي شافها قدامو بالقفطان مواتيها وتفصل على عباارها وقال: اش هاد الزييين على الصبااح
ايمان: كيجانيي ههه هدا هوا القفطان لي عطاتني زينة
حذيفة: عقلت علييه انا لي فصلتو ليها
ايمان(ضحكات) : نتا ديما ايدك كاينة
حذيفة(غمزها): فينما بغيتي
ايمان:ههههه ماسخ
حذيفة: خلي داكشي اجي نصلييو
مسحات ايدها فلحال وشد ايدهاا مشات لبسات عباايتهاا وقفات ورااه كتردد وراه التكبيراات وصلاة ودار الدعااء حطات العبااية وشدات فايديوو وقالت: شكرا
حذيفة:علاش احبيبي !
ايمان: هاد سنين كلها عمريي ختمت القراان اول مرة نختمو معااك ،عجبني الحال ملي كنغلط وكتصحح لياا،ملي كتنوضني بزز نديرو قيام الليل
حذيفة(باس جبهتها ) : حيت بغيتك فالدنيا والاخرة
بورشها بهاد الكلمة وحبسات من الهدرة معارفة بااش تجاوبو وقالت: الله اخلييك لياا احبيبيي ،عفاك معمرك تبل علياا محتاجة لي يحن فيا ويبغييني
باسها فشفايفها بلطف بورش احاسيسها بحال الا اول مرة يبوسها ولكن كل قبلة كتختالف على وحدة وكل وحدة شنو كتعنيي
حذيفة: حبيبة دياليي
تبسماات وحضناتوو لمدة طويلة كتستامد منو القوة والعطف
مشاو لكوزينة بجوج كيوجدو فطورهم عاادي ورجعو لايامهم العاادية مكاين لي يدق علييك ولا فين تخرج كلشي كالس ومحاصر فداارو التواصل الوحييد هوا التيليفون والابيل فيديو مع الحباب و الصحاب
صونا حذيفة لبااه وهضر معاه باحترام بارك لييه العوااشر مطولوش فالهدرة حتى جوج دقايق دغياا قطع ودور لمو
هضر معااها وهوا ضاحك ومبتااسم وايمان مقابلة معااه كتشووف الاختلاف مع بااه ومع موو
مكبر الصووت حتى نطقات موو وقالت: وفيين بنتيي اييمان
تحرك قلبهاا بديك الكلمة وفرحات بيها قدااش تقادات فلكلسة وتبسماات ونطق حذيفة : هاهي اميي هدري معاها
ايمان(باستحاء): الوو خالتيي لطيفة لباااس
لطيفة: تهنا الوقت الحبيبة الحمد لله مبرووك عيدكم ابنتيي كيدرتو مع الوقت
ايمان: لباس اخالتي نتي الصحيحة بخير البنات و خالتي ربيعة
لطيفة: كولشي بخير ا يلي مهلي فيك شي حذيفة
ضحكات: مهلي فيا اخالتيي
لطيفة: وتهلاو ايليي
حذيفة: ياله الواليدة تهلاي
لطيفة: ايكي عاون ربيي احنيني
قطع الخط وغمز ايماان وقالت: شنو هي ايليي كتقولها لياا خالتي بزااف
حذيفة(كيمسح فنظاظرو): هي بنتيي
ايمان: علمني الشلحة عفااك ياك قلتي ليا غير يسالي رمضاان ،انا راه دغياا كنتعلم باش نبقا نفهم خواتاتك كنحس بييهم كيهدرو بالعربية غير بزز معاياا
حذيفة(ضحك): لا لا غير كيجيب لييك راسك وصافيي ، راه حتى مرت محمد عربيية و الواليدة نييت راه ماشي مغلوقة بالشلحة كتخلط شي مع شي راه غير الوليييد ليي (حرك راسو يميين وشماال كيضحك ) شاد فالعرق السوسي مجدر
ايمان(كضحك ) : ههههه ولكن ملي كيبغي يقرا القراان كيهضر بالعربية ههه
حذيفة: ومع الناس لي كيجيو عندو لرقية راه مخلطيين ،شلح وعربي شمالي وفااسيي …الحمد لله كلنا مغاربة وجامعانا بلاد وحدة مخاصش يكون التمييز الله يهدي ماخلق
ايمان: امييين ،دابا شنوو غتعلمنيي الشلحة
حذيفة: نعلم الحوبيينو الشلحة
ضحكات وقال: صافيي مشاات
فهاد الشهر كانت تسجلات ف مدرسة اللغة كتعاود تقرا الاسبانية حييت لمدة طويلة ماتكلماتش بيهاا ولات كتلقاا راسها نسات بزااف ولات كدير كورس اونلااين لمدة تلت شهور
باش تعمر فراغهاا وتستافد وتعرف شنو ديرر ومتلقاش مشكيل فاللغة من بعد
هضرات مع وديان باركات العييد لزينة فالتيليفون وحتى نجاة هضرات معااهاا وباركات لييهاا وخة هضرتهم قلالت وكل وحدة تشغلات بحياتهاا معمرها تنساا خيرهاا ديما كتفكرهاا وديماا كانت كتسيفط ليها لفلوس بااش تهلا فبنتها وتشريي ليهاا كتغبر حتى تعيا ونهار تهدر كتقولييها غنسيفط لييك شي حاجة ل منى
وفعلا كتسيفط ليها غير ب 3000 درهم الفوق مكضربش حسااب الفلووس الكونط عاامر
وزادها حذيفة مامخليهاش تحط اورو واحد ف داكشي لي كيجيب ولا حتى شنو هي كيخصها من غير لدارت كموند من لكارط ديالهاا مكيحكرش عليهاا كل مرة شنوو جايبة
مرة مقدية حوايج مرة مقدية ديكورات منزليية وكل مرة شنو دايرة
بغات طل على انسطاا وكتقلب على الصورة المنااسبة لي عاد خدات دابا مع حذيفة عذباتو دير ايدك هك لا هكا لا مجاتش تصويرة زوينة عاودها وهادشي غير لايديهم بجوج
شاد التيليفون من فوقها وكيصور ايدهاا مشابكة مع ايدو والخاتم بايين
قاداتها و وضحاتها مزياان وحطاتهاا فانسطاا بوسط وكتباات بالعربية
🕊️كل عام وانت عيدي *💍H💍❤️🕊️
باركات للنااس بالعربية وحتى بالانجليزية وبداو اللايكاات والقلووبة والمباركات بگاع اللغات
كلسو بجوج كيقرااو كيفااش لپوووسط دغياا طلع فليجييم وبداو النااس كايطاگيوها فسطوريااتهم
فرحااات قدااش هي كتقراا وكيشوف فييهاا گالس جنبهاا وكل مرة يلووح ليهاا قبلة فعنقها كتضحك وتعوج حتى زندات علييه الاحااسيس ونطق برغبة بجانب ودنهاا وقال: نطلعو لبييت
حطات التيليفون كضحك وشافت فييه كيعجبها بدييك النظرة وديك الرغبة لي كتكوون فعينيه بااينة كيولي يتلبد ليها بااي طريقة …كتبغي تسل منوو كتلقا راسها طاحت فشبااك لعبتوو ومجرورة وراه تلبي رغبتهاا وتعييش السعادة معااه محارماش رااسها من المتعة فاللول كانت كتحشم من بزاف تاع الحوايج داباا كلشي ولاا كيبان لييهاا زويين ومبااح فاطار الحلال لاش غتصعبها على راسها وتكبت اعجابها بالعلاقة الحميمية معااه
اي رجل كيبغي الشرييكة ديالو تكوون مستمتعة معااه ولي كيزيدو فخر وفحولة ورجولة ملي كيبلغهاا للمقصصود كيحس برجولتوو وفحولتوو وقوتوو فلعلاقة
من وراا علااقة جمعاتهم فبيتهم الدافئ نعسو ديك العشيية كااو طاح عليهم العياا و السهيرر محركوش رااسهم حتى بدا الحال كايظلاام تجمع عليهم العصر والمغرب لي كيادن فتيليفونو
ناض كيفيق فييهاا بحب وكيدوز على ظهرها العاري بقبلااتو وهي كتنين مساخياش بديك النعسة لحلوة لي غااالبا فيين كتحس بحلاوتهاا
حك ليها جناابها بحال شي بنيية صغييرة وهي استحلاات ايدوو وگالسة كتفشش علييه وكترجع تجرو عندها حتى جمعها بابيدو وهزهاا نيشاان لدووش
بعد وقت طوييل جمعهم فالدووش غير صوتهم لي مسموع البراا خرجاات مزنكة هااربة منو ملوية فبينوارهاا كضحك
خلاتو كيتحلف عليها ومشات تلبس طلات على البوسط فتيليفونهاا لقاتو ضرب ملييون تحلوو عينيهاا بالفرحة وهادشي غير فأقل من 12 لسااعة
دغيا هدرات مع وديان شاركها الفرحة وهبطات صلااة معااه تقريبا كل صلاة كيصليوها بجوج جماعتاا ولا عندها روتيين ياماا تسنااه حتى يجيي ولكانت مشغولة كيبقا يزرب فيها ويتسناهاا
شهرااين وهوما الرااس فالراس دوزوها كلهاا حب ومعاملة طيبة وزوينة
تسالاا نهار العييد وجا تااني عييد وحييت مناعسيينش بكري صبحو خاامريين واول من فااق حذيفة على صوت ميسااجات كيوصلووه بشكل متتالي دار النظارات فعينيه و وقف لبس علييه الشوورط وخلا ايمان مشبحة مستورة بايزاار وشعرها مخبل فوق المخدة
هز التيليفون حتى كيلقااا اسم ودياان طالع تفاجئ وفنفس الوقت شداتو الخلعة حيت ميمكنش تسسول فيه غير هكاك
*عفاك لكنتي حدا ايماان خرج من حداها وصوني لياا *
طيحات لييه المااا فركاابيي هبط مع درووج وصونا لييهاا فلبلاصة جاوبااتو وقال: شنوو وااقع
وديان: واش ايماان بخيير ! مواقع ليها والوو
حذيفة: ودياان واش لبااس. مال ايماان راه بخير نااعسة
وديان(تنهدات ) ادا مشافت والو
حذيفة: شنو غتشووف
وديان: حذيفة دير جهدك كلوو ومتخليهااش تدخل لسوشيل ميدياا ولاا غدير فراسها شي مصييية ، غنسيفط لييك واحد الفيديو داباا رااه دااير بووم فلانترنييت تلاح لايف البارح فتيكتووك على ايماان
بقا واقف كيتسنا الفيديو يوصل وعينيه مرة مرة كيطلو عليهاا حتى كيتصدم وبدا كيعرق مع كل كلمة فداك الفيديو
حط ايدو على صدروو من الصدمة كيكدب شنو كيشووف وقال: ميمكنش لا ميمكنش
في المغرب
كالسة مربعة فوق ناموسيتهاا كتقاد حجبانها كطراسيهم مقررة مع 11 تاع الليل تطلع لايف كيف عادتهاا
سالات حتى كيصوني تيليفونها بنمرة صاحبتها من اياام الطفوولة فاتي
نورة: الزيين صافا
فاتي: صافاا اش خباارك
نورة: هاحناا مسلكيين قهرنا الملل فالداار
فاتي: ههه مازال گاع مبغيتي طيحي شي دااعم ويجي يتزوج بييك
نورة: ويلي تانتي كون بغيت كون تزوجت
فاتي: شفتيي اخر الاخباار !
نورة: شنوو
فاتي: غيولي عندك نسييب ههه ايمان تزوجاات
نورة: ونتي باش عرفتيهاا !
هزات التيليفون التاني ديالها من نوع ايفون مع دخلات الفيس لقات حديث الساعة هوا البوسط لي حاطة ايماان
فاتي: الوو
نورة: قطعي قطعيي
قطعات عليها والصهدة طلعاتها دخلات عندها لانسطا لقات راسها مبلوكياهاا
مشات لتيليفون التاني لي حالة منو كونطات وهميية لقات البووسط محطوط وضارب ملييون والصرف هادشي كلوو معندها بييه سووق ركزات على الحرف لي بين الخاتم وقلبها تزير وبدات كتعرااق وعينيها كيتغرقو بالدمووع حساات بخنجر كيضرب فيهاا ولي زاد صدمها هوا اليد لي شادة ايمان فيهاا خالة صغيرة بحال النقطة فمعصم ايدو كاينة حتى عند حساام
نورة(بكره): ولاد الحراام ولاد لحراام والله تنشوهكم هءهءهءه لحتوني كي لك_لبة وعايشين حياتكم بلااتيي
بكات حتى شبعاات ومافلتاتش الايف حلات الايف وخلات بنادم كيتجمع كلشي باغي يعرف مالهاا وبداات كتهدرر بحقد وجهالة ودمووع كتشري بيهم العطف
نورة: حاولت نسااا ونصبر رااسي بالموااقع ونضحك ولعب وندير بلي تحاجة موااقفة فاللخر هوما عايشيين حياتهم واناا (كتبكي) ماباغااش نخرج على صورتها حيت اناا ام واخا هدشي كلو لي دارتوو فياا ولكن لي ضرنيي هواا تزووج من رااجل مهاا تخيلوو معااياا ،كيفاااش كيفاش غتكون هاد الحيااة ….. سرقاااتني وسرقات لياا دهبيي سرقات ليا رااجلي وسرقات لياا بنتيي وهرباات هءهءه قولو لياا شنوو ندير انا مبقيتش قاادرة نسكت ،سكتت حتى عيييت وداباا غنهضر وغنفضحهاا كلكم كتعرفووهاا وانا سكت وقلت عقل الصغر دابا دير عقلهاا ولكن هي مبغاتش دير عقلها هيييي دااات راجليي وفلوووسي ودات بنتيي وتزوجاات ب بااهاا وحاطة ايدو فالسطوريات زعمة شووفي شكوون تزوجت برااجل مك البرهووشة تزوجتي بالشياطة ديال مك السلكووطة
بدات كتبكيي وبنادم شوية بشوية ولا كيدخل عندهاا وضربات المشاهدة اكبر عدد من نهار بداات
فالتعاليق كلشي واكلو الفضوول شكون هاادي كيفاش كلنا كنعرفووها
_قولي ليناا شكوون هااديي
_شكون لي حطات اليووم تصويرتهاا بخاتم الزواج ؟
_بياانكاا ؟ واش بيانكا علامن كدوي جاوبينا اختي
_متبكييش الله اياخد فيهم الحق ،حقك ميضييعش
_لا تبكي يارووحي بلييز
بداو الهدايا كي الشتاا كيوصلوهاا الداعميين كيسيفطو ليهاا سبع وكاع الهدايا لي ساويين لبثمن
نورة: انا كنت باغة نساا هدشي كنقول ملي تكبر بنتيي راه غتجي عندي حيت فعمرها 7 سنين غتعقل علييا داباا غتكون عندها 13 العام هءهءه ست سنين البنات مشفتهاا انا مبغيت منهم والو يعطييوني غير بنتيي …..كيفاش عايشة حياتهاا طول وعرض وانا مكرفصة ومكنعسش بالليل باغة بنتيي …سمعونيي بجوج بييكم البنات بغيت هاد اللايف يتبارطاجة يوصل ليهاا راه عاارفة راسهاا الى مهدرااتش معاياا وعطاوني نهدر مع بنتيي غنحط ورااقييك كااملييين هي راه معرووفة والى مشيت حتى دوييت غنهرس ليها لكاريير ديالها انا مبغيت منها والو تقوليا غير بنتي فين كااينة غنعطيها ساعتيين منهنا ل 1 تاع الليل غنعاود الايف
هادشي تبارطاجاا وديان كانت كالسة فالسطح كتاكل الزريعة حتى كتشوف اللايف طالع غير شاافتها عرفااتهاا دخلات لانسطا ديالهاا كتاكد واش فعلا هي حتى طاحت فلفيديو القدييم ديالهاا
وقفاات مصدوومة وايدها على فمهاا كتمشي وتجيي وهي كتفرج دخلات لتيكتوك ديالها لقات النمرة محطوطة
مكايين ميدار وكورونا قهراتها بالملل وهادي مكحكحة عليهاا غتسمع ليها جوج كلماات كي السسم تبتها اللارض كانت الطناش تاع الليل ديك السااع
هزات نمرتها وصوونات عليهاا جاوبات نوورة وقالت: الوو شكون معااياا
وديان: خلا دار مك الصووبيصة ،واش نتيي ام الخااانزة نتيي ام
نورة: جمعي رااسك شكون تكوني نتيي كااع
ودياان: واش مكفااكش داكشي لي درتي فبنتك مازال بغيتي تخرجيي عليهاا فاش كتفكريي فااش
نورة: شكوون نتيي ولكن مزياان لكانت حداك ديك السلكوطة قوليهاا والله تنشوهك برب العاليي حتى نهرس لييك حيااتك كيف هرستيها فياا ،ترجع لياا بنتييي انا مشغلييش فييها تزوجات بييه الله اعطيهم موصيبة بجووج
نورة: بغيت ديك الموصيبة ترجع لييك حيت نتي متسواااي واالوو واكتر خير دااروو هاد راجلك هوا دا بنتك وخلاك كطوطحيي فتكتووك كي لك_لبة كتسعااي المتابعيين على سبع بغييتو يهنشر ليييك ديك القزيبة يالشااارفة الهارفة لي دايرة فيها عندك 20 عاام ….والى تزوجاات بصحتهااا …. كيتك نتيي لي غتموتي قدام لاايف مجموع فييه المكاابيت
نورة(سرطات ليها لساان ) : عقلي على هاد الهدرة ،هزاتك النفس عليهاا بلاااتيي ،راني عرفتك شكوون ديك الطبيبة لي طالعة هابطة معااهاا يااك صوتك مخافيش
وديان: اناا عاقلة نيت خاصني الحمااس فهاد كوروناا اش جهدك ديريي ،سيري تكمشي والله متقدي علياا وفوتي علييك ايماان
قطعات معاها وحساات بلي بردت غدايدها فيها ولكن نورة حلفاات ،لقات شنو يطلع ليها التفاعل ويمكن هكا تضغط عليها تشوف بنتهاا
مع ضربات الوحدة حلات اللايف لقات بنادم معندو ميداار كيتسناها تحل كلشي هجم على لايف حتى لي معمرو سمع بيها كلاه الفضول وبغا يعرف شكون هاد المشهورة وخة راه الاكثرية قالو بيانكا حيت بوحدها لي حطات بوسط كتعلن فييه زوااج
بدات اللايف سااكتة و وديان حتى هي داخلة قلبها كيضرب وقالت: بنت لحراام ناوية على خزييت
اول مدارت نورة جابت التيليفون لااخر وطلقاات التسجييل ديال وديان طلقااتوو كتبكيي وقالت: مزال حتى مهدرت ولات كتسيفط لياا الخانزات صحاباتها باش نسكت
وديات شدات حنكها بالصدمة وقالت: نااري نااريي غنخرج لمها من التيليفووون
بدات الدمووع وهي تطلق القنبولة لي كلشي كيتسنااهاا
نورة: شفرات لياا دهبيي ومشاات حاركة لطالياان قلت خليها تعييش حيااتهااا ماشي مشكيل لفلوس كيتعوضوو ،حصلتها كدوي معااه كتقولييه جيي عنديي شنو بغيتي بالشاارفة تاع مييي
وديان(ضربات حناكها ): اويلااااي اويلي
نورة: وسكت وميكت وقلت ميديرهااااش ودااارها بيااا طلقني البنااات ودا بنتيي خرجها برا تاع البلاد دا بنتيي ودابا تزوج بييهاا ..حاطة تصويرة كتفقصني يحسابها غنبقا سااكتة ومغنهدرش
جبدات تيليفونهاا على البووسط ديال ايمان وقالت: هاااااهي شفتووهاا عرفتووها هادي ايماااان *** ولدتها من كرشي ايمان لي كاتبة بيانكاا معمرها دخلات المغريب منهار مشات حيت عارفانيي غنديها فين تربااا ….. حرقات لباهاا الداار والى كانت مرا طلع وتكدبنيي ولمرت باهاا طلع راه تاهي عندهاا انسطا ولكن منجبدهاش حييت طليقتو وعندها الحق دافع على رااسهاا شفراتهااا حتى هي سرقات ليها دهبهاا وهرباات (كتبكي)كون غير سرقات ليا دهب ومشاات سرقات ليا حيااتيي وبنتي ودااريي شرداتني كنت بلفيلا والخدامات ولييت كااريية منهاريي مبقا عندي مستقبل بسبااابهاا بسبااابهاا(بحقد) مشات ليا خدمتيي وفلوسي وطموبيلتيي
قدام الدموع الانساان وخصوصا حنا الاناث كتشدنا العااطفة وكنتعاطفوو وكنقولو مسكيين كيبكيي بحرقة دونك راه مظلوم ،العقل مكيقولش ااه بلاتي القصة فيها جوج ديال الناس خاصنا نسمعو ليهم بجوج ولكن هنا العكس
وراتهم تصاورها فصغرهاا ومع بنتها لي مغطية ليها وجهها وراتهم حساام حدا ايمان مصوريين فشي عيد ميلاد تاع البنت تبتات انها هي بنتهاا
بنادم جااهل معندو ميدار فنص الليل كلشي هجم على ايماان بالسباان والهضرة الخااسرة وطلعو حملة لسينيال فلفييس وهي غارقة فحضن حبيبهاا منعازلين على العالم ومخليين راسهم ف حميميتهم ودفئ فراشهم
السبان دخلو فيها طول وعرض مخلاو فيها غير لي نسااو
**
كيقرا فلپوسطات والسكرينات لي حطات وقلبوو كيتزير جبهتوو تكمشاات بالتخنزيرة لي ضاارب فالتيليفوون كيحل عينيه يقراا يتاكد واش فعلا هادشي لي تقاال عليهاا
بدا كيدور عينيه حدا لكوزينة كيقلب على التيليفون ديالها لباارح حيدو من ايدها على غفلة وحطوو مطلعاتوش معاها لفووق مشاا كيقلب فلمخااد تاع لفطووي حتى المشة هزها لاحهاا بلا ميحس تغوتات معرفات باش تبلاات حتى لقااه طاايح لتحت غيتفركع بالاتصالات من مراد ومحمد اما وديان مصوناتش بتاتا عندهاا
عرف لكوود ودخل ديك السااع لانسطاا لقاا لبووسط لي فييه التصويرة واصل ل 20 الف كمونتير محدو كيقراا وهوا يكشووف بنت كتعاير بنت كتسبهاا وكتنقص منهاا كيسبوو فييهم وكيعايرو جوج ديال الناس معارفيين عليهم والوو
داز لجيهة لميساجاات ومكاين غير السباان بلا ميدخل يقرا
ضروو خااطرو بزااف معرفش كيفاش يتصرف ،شحال جهدو يمسح من تعليق ولا ميسااج
التيليفون فايدو حتى صونا مرااد وجاوبو فالحيين كيمشي ويجيي فوسط الدار وعينيه فالدروج
مراد: ايمااان شنو هادشيي
حذيفة: معاك حذيفة
مراد: واش شفتوو اش وااقع راه ميمكنش
حذيفة: شفت كلشي شفت
مراد: خاصكم تكدبو هادشي راه هجموو على لكونط ديالها راه كيتسينيالاا غيطيرووه
حذيفة: غير يطير المهم متسيقش لخبارا
مراد: حذيفة هادشي ماشي ديال يتخباا راه غيمشي ليها لكاريير ديالهاا وهي غاتأزم
حذيفة: واش انا غير فلكاريير امرااد ،مراااتي غتمرض هادشي مخاصووش يووصللهاا دير خدمتك ياك نتا منادجر
مراد: ولكن شنو ندير هادشي خاصو يتكدب يعنيي خاصهاا تشرح
حذيفة: شووف كيفاش دير مبغيتهاش تسيق الخباار لهادشيي امرااد
مراد: هاد خيتي معمرها دير عقلهاا خاصها ترفع عليها دعوة تاع السب والقدف وحتى دوك البراهش لي تاابعيينهاا
حذيفة: واش عارفهاا
مراد: راني عاارفهاا المرحومة بوحدها لي دروييشة اما التريكة كاملة مساخييط وهاد خيتي بغات طلع الكونط على ظهر ايمان ولكن والله لدازت ليهاا كاين القانوون غير دارتها كوروناا اما طييارة نهبط عليهاا نيشان لكوميسارية
حذيفة: غناخد نمرتك وغنطفي تيليفونها حتى نشوف شنو ندير
قطع معااه وطفا التيليفوون كيقلب فين يحطوو حتى سمعهاا حلات باب الدوش لي كيدير شوية الصوت وخشاا التيليفوون فالجيب اللوراني تاع الشورط
يتبع
شاركنا رأيك في هذا الفصل 🌹