العوض الجميل ❤️🩹
هابطة كتااوب لابسة غير تيشورت ديالو حد فخاضها وبانطوفة فرجلهاا
ايمان: صباح الخير
حذيفة: صباح النوور …نعستي مزياان
ايمان: ممم حاسة بدگدييگة
كلسات على الفطووي جا ورااهاا كيماصي ليها فكتفهاا وكيتفكر شنو مكتوب عليهاا والدعاوي لي خدات باطلاا كيكفر حتى برك علييه غوتات بالالم وشافت فييه مصدومة وقالت: وعتينيي
حذيفة: سمحيلياا انشووف (باسها فرااسهاا ) ااح (باسها فلبلاصة ) نسييت رااسيي
ايمان: وصافي برااكة ههه ايدك شحال قااسحيين اويليي كنتي غطير ليا كتفيي
ضحك بمجااملة ودغيا كتهرب لييه الضحكة مشاا هز لكاارو مشا لسرجم وقالت: ياك تافقناا متبقاش تكمي مع الصبااح
مجاوبهاش راسوو عامر وماسمعهاش من الاصل تكات راسها على لفطوي مقابلة معااه مرخية بالنعااس
تفكررات تيليفونها ونااضت لقات ديجا المخاد مرونين حطاتهم بلاصتهم كتاوب وناضت حدا التلفاازة كتقلب خنقها بلكارو وقالت: حذيفة برااكة خنقتيني
شافتو مسمعهاتش ومشاات كتجر فبانطوفتها حيداتو لييه من ايدو وهوا محنيي على زاج الشرجم مخرج راسو وحاط ايدو لي فيها لكارو على جبهتو حتى حس بيه طار من ايدو ودار فجنبو لقاها شادااه كتقلب فين طفييه وقالت: واش لي مكميتيهش فرمضاان بغيتي تكمييه داباا خنقتينيي وتافقناا بااش متبقاش تكمي فالصبااح وبقا عند كلمتك
حذيفة: وخة
ايمان(كتقلب بعينيها ): ماشفتيش فين حطييت تيليفونيي ! ملقيتوش اويليي
بان ليها تيليفونو محطوط فوق الطبلة وهزاتو : نصوني لييه
قفز من بلاصتوو وحيد ليهاا التيليفون حيت ادخل لنوامر غتلقا وديان صوناات بقات ايدها مممدوودة فلهوا وكتشوف فييه بصدمة متوقعاتش يحيد ليها التيليفوون والمشكيلة تلف مامولفش يكدب ومعرف شنو يقوول وهي كتشوفييه بديك النظرة ديال الشك فلبلاصة
ايمان: حذيفة ماالك هاد ابصبااح شنو واقع ؟
حذيفة: مواقع والوو احبيبة سيري دوشي نطيب لييك الفطور
ايمان(بتاكيد ): حذيفة قوليا شنو كااين
حذيفة : صافي ا ايمااان طلعي دوشيي السعاتو لله واااه متحكرييش
شافت فييه كترمش ومعجبهاش نهائيا جواابوو مشاات مهبطة راسها معاوداتش شافت فييه دخلات لدووش وبقا فيها الحال من الدورة لي داار فيهاا هبطو دموعها و ضرها خاطرها
اما هوا معالم بخاطرو غير الله كيمشي ويجيي وطالعوو الصهد والفقصة والحبس ليي تربطو فييه مقادرش يحرك تحاجة من بلاصتهاا كلس فالطبلة شاد كاارو و شاد تيليفونها كيمسح فالتعاليق حتى طااب ومزال مامسح حتى نصهم
تصدم من هاد الهجووم على اللااايف ! طاحو سب وشتم فوحدة معارفينهاش غير بسباب العااطفة والدمووع صافي حسمو الامر وتيقوو لي بغاو يتيقوو متسنااوش يعرفوو شنو وااقع
ضرب واحد لفااز بايدوو حتى طااح مشتت فلارض
خلاهاا تقفز من بلاصتهاا فالدووش وطلق ودنهاا حبساات الماا وقلبها كايضرب كتسنط مسمعات مزال والوو رجعات كتكب عليهاا لماا
سااط وهبط كيجمع فداك الزااج والورد كيسوط جمع كلشي ومسح لماا لي طاح من لفااز …خبا التيليفوون فوق لپلاكاار عارفها مغتوصلش تماا وطلع عندها لقاهاا خرجاات من الدوش دخل غسل وجهوو وسنانوو وخرج عندها لقاها كالسة حدا لمرااية كدهن فلحمهاا لابسة غير ديباردو قصيير مع شورط ديالو قصير فلبيض .. هزات عينيها فييه من لمرااية ورجعات هبطاتهم كدير فمرطب لشفايفهاا
كلس حداهاا فوق لفطووي وعنقهاا من اللور وقال : تقلقتيي منيي !
ايمان(بهدوء): عاادي السعاتو لله
حذيفة: غير صبحت مقلق شوية هدا مكاان
حركات راسهاا بااه كدهن ايدهاا فصمت
حذيفة(باسها فكتفهاا ) : شوفي فياا عفااك ، معمرها تعااود
بقات كتشوفييه وهبطاات راسهاا جرها عندوو وبقاو كالسين والجو فعلا مكهرب مقادرش يبين بلي تحاجة مكااينة وحتى هي محكراتش نفسيتها خاصهاا غير نغزة وتمرض اللهم تميك
وصلو مساج فتيليفونو طلق منها ونااض قال: غنمشي نصايب لينا شي حاجة ناكلوهاا
خرج متسناش جوابهاا هبط فدروج كيقلب فتيليفون لقاه مراد كاتب ليه مسااج : خاصنا نوكلوو محاميي باش نرفعو دعوة عليهاا السب والشتم والقدف والتشهير كتعرفو شي حد تيقة ويقدر يتكلف !
حذيفة: بلاتي ونرد علييك
دخل فليميساج عند ودياان سولها بلا سلام ولا كلام لقاها ديجا مسيفطة ليه ميسااج
وديان: ديك القضية لي دكرات ديال ايمان مابغاش دخل لمغرب حيت داعياها تواصلت مع واحد الصديق فلبوليس داكشي مامنو والو ومكاينة حتى شكاية بسمية ايمان
حذيفة : كتعرفي شي محامي نشوفو الاجراءاات لي ناخدو؟
وديان: نسول باباا ضروري يكون كيعرف شي حد ،واش ساقت لخباار
حذيفة: مزال
سد التيليفون وهبط لتحت تبعاتو ساكتة ،كلسات قدام الشميشة فلكرسيي كيبان شعرهاا كيلمع بدهبيتوو وجهها فييه براائة لطيفة كتعجبوو، بقا مقابل معاها كتلعب بطفوولة مع لمشة فوق رجلهاا كرشها عريانة ولبيرسينغ كيبان كيبري مع الشمش تبسم غير بووحدو وتبع تبسيمتو تنهييدة معارف ميقدم ولا يوخر
عطاها بالظهر كوجد وهي ناضت كتقلب على تيليفونها ظهر ليها لعجب فين غيكوون طااح
ايمان: مبانش لييك تليفونيي
حذيقة: اجي هاهواا عنديي
مشات منيتها عندو حتى جرها حطها على الكونطوار وتقابل مع وجهها باشر معاها فقبلات سطحيية حتى طلقات معااه نزل لعنقها مبرد فييه خلاه حمر كيطلب الشرع معااه ،هبط ليهاا دوني كانت طالقة صدرها مدايراش السوتيان ياله بغا يغرق فييه صونا تيليفونو فالجيب
متسوقش لييه خلاه كايڤيبري وهزو حطو حدا البووطة ، كيوزع كلمات زوينين كطلع ليها الموراال شوية بشوية حتى رجعات كضحك وتفشش علييه
هزات السميطات سترات صدرهاا وقالت : فيا الجوع احذيفة
هز راسوو وقال: داباا احبيبة
كالسة ورما ليها تميرة ففمها وباسهاا ضحكاات وفرحات بحال شي بنية صغيرة ابسط حاجة كتفرحها ماشي مهم تكون كبيرة عطاها طحن العصير وهوا وجد صاندويتشات خفاف بلاداند حيت كانت الجوج تاع النهاار
حطو كلشي فالطبلة رما طلة على تيليفونو لقاا غير ختو لي صونات مشا كلس حداها كيوكلهاا وتوكلوو
وراها جمعو لمااعن وصلاو بجوج وقالت: عطيني طابليت ديالك
حذيفة: علاش احبيبي
ايمان: حذيفة ههه راه عندي كوور مع 4
حذيفة(حط المقص وجا عندهاا ): اليووم مكااين والو غدا وعوضيهاا …انا بغييتك غير لياا
ايمان: ههههه مبرزطني باش نقراا وفاللخر مباغينيش نقراا واش حماقيتيي
حذيفة(هزها عندو ): نتي لغتحمقينيي
ايمان: حذيفة عيقتيي عليااا (كتغببن )صافيي برااكة نديرو بووز ههههه وعيييت بدوووش حرااام
حذيفة(رماها على لفوطوي وجا فوقهاا) : لبوز لوحييد هوا لي غنعطيك مرة فالشهر …ضارب لافوكا ولفروي سيك وباغاني نخلييك فالتيقاار
ايمان(شدها الضحك ) : طيبتييه مسكييين
حذيفة(ضحك ): هوا كيعجبوو لحال كينشط كيولي يترعد
ضحكاات مضاربة معااه حتى حكمهاا مزياان سرح لفطووي وشدهاا كي لفرخة تحتوو
موراها تكا وجرها عندو سااكت كيدوز لسانو على فموو كيحك لحيتوو وكيخمم وهي حاسة بلي شي حااجة ماهيااش ،احساسهاا مهوااش
مغطين بملاية رقيقة سترات بيها صدرها وهزات راسها فييه وقالت: مالك (كتلعب فصدرو بايدهاا ) قنطتي معاياا !
حذيفة: حشومة عليك تقولي هاد لهدرة
ايمان: حاسة بيك مهوااش واش مقلق منيي (هبطات عينيها ) مولف كضحك وتمازح معاياا ملي كنكونوو فشي غولاصيون ودابا كنتيي سااكت محسيتش بييك مرتااح
حذيفة: تءء لاا مشيتي بعييد لاقي معاك رااحة عمرني عشتها فحياتيي ،ومعنديش علاش نتقلق منك اكبيدة… غير حسيت براسي تحبست كنت اكتيڤ بزااف وبغييت نسافر معااك لبزاف تاع لبلايص حسيت براسي تربطت
ايمان(تبسمات وباستوو): انا حتى الدار عاجباني معااك منحتاجش نساافر
ضحك وباس جبهتها وقال: ندوشوو اكبيدة
حركات راسها بااه وناضت لاوية عليهاا لملاية طلعات بيها خلاتو مسفح كيقلب على حوايجوو وكيجمع فالرويينة لي خلاو وراهم
حذيفة: كاع الدراري لي جمعت لحتيهم ليا فالسطل
سمعها كضحك فدرووج ودخلات لدووش هز تيليفونو وتبعهاا حطو فدريسينغ حدا حوايجوو ودخل معاها لدووش
دوشو بجوج وخرجات مخليياه وراهاا لبسات حوايجهاا وهبطات كتقلب بعينيها فين يكون داروو
قلبات الدنياا كاملة ضحكات عاضة على فمها كدور فعينيهاا حتى هزات عينيها فلبلكاار مشات جابت كرسي وتهزات على صباعهاا كتقلب فلحاشية عاضة على لسانهاا كتحس بصبعها كيقيس شي حاجة ولكن بعييدة عليهاا
سمعاتو جااي وحيدات الكرسيي وكلسات علييه بحال الا مواقع والوو باش ميعرفهاش ملهوفة على التيليفون
صلاو العصر بجوج كلسو كيشغلو راسهم بايي حاجة تفرجو ف فيلم بجوج كوميدي كتقلب على تيليفونو بعينيها حتى هوا غبروو
دوزات النهار كلوو مشغولة غير بيه وحتى هوا مهزش التيليفوون قدامها
بعد منتصف الليل نعس حاضنهاا وهي النعاس طاير من عينيهاا حاسة بصدرها مزير عليها ومخنووقة
خلاتو ناعس وناضت هبطات مشعلة الضو
شربات لماا ومشات لمجورة ديال الثوب لي حاط فلقنت هزات الطابليط ديالو وشعلاتهاا قاداتها فوق الطبلة كتسناها تشعل
كانت مكونيكطية مع تيليفونو فيها الواتسااب والفيس وانسطا
دخلات لانسطا ديالو ودارت سميتها فروشيرش عاضة على فمهاا من كترت التعاليق فاخر بووسط شادة حنكها وكتفرنس حتى دخلات كتقراا شوية بشوية ضحكتهاا تلغاات وتمتمات بشفايفها: شنو واقع
بداو عينيها كيلمعو بالدموع وقلبهاا تزيير عليهاا ايديها كترجف وهي معارفاش لاش هاد السب والشتم وكينعتوها باقسى العبارات
بغات تدخل لفيس تدخلات لواتسااب بلغلط وطلعات ليهاا وديان الفوق وتحتها مرااد
جرها مساج وديان طالع الفوق : ضروري تعرف باش نسرعو الإجراءات
دخلات كتقراا طالعة طالعة حتى لقات سكريناات ومزال مفاهمة والوو حتى طلع لفيديو دارت بلااي ودموع كيقطرو من عينيها
حل عينيه تحسس بلاصتها بايدو ملقهاش وهز رااسوو..عيط باسمها جوج مرات وناض كيتااوب شاف الضو شاعل لتحت…سمع زداف فلارض وهبط كيجري فدروج كيعيط بسميتها حتى شافهاا مرمية فلارض جسمها كلوو كينتااافض من بلااصتوو بحال الى ضاربها الضوو
ماعرف بااش تبلاا مشاا كيجريي عندهاا كلس على ركاابييه ، اول مطاح فبالوو حل ليها فمهاا ليكون تسرط ليهاا اللساان قلبها على جنبهاا محضر عقلوو فهاد الوقت
طلع كيجري جاب تيليفونو ورجع هبط عندهاا ديك الساع ربط الاتصاال مع المستعجلاتت…كيشرح ليهم حالتهاا وكيعطيووه شنوو يدير ليهاا ولكن ايمان هنا غيباات وعينيهاا مقلووبيين مزير عليهاا فحضنوو وعلمهم بحالتها ولااح التيليفون كيمسح جنااب فمهاا
حذيفة: ايمااان ايمااان اييمااان
زير عليهاا فحضنوو وغمض عينيه حاس برااسوو كايدوور
رش عليها لماا دار الرييحة
مشاا لبييت هبط الحواييج لبسهاا كسوة ولبس علييه سورفييت ديالوو بانت لييه ديك الطابلييت محس براسو حتى رماها مع الحييط حتى تقسماات الزااجة وطلعاات الصوورة مضببة مشات ليها لفيشوور هز ورااقو وسواارتو حتى سمع صوت لومبيلوونص لتحت هزهاا بيين درااعوو سد الباب وهبط كيجريي بيهاا فالدرووج
كلشي كيطل يكما لومبيلونص الخاصة بكوروناا لقاوها العااديية طلعوها فلبيااص وطلع حداها كيدير لباافييط ديالوو وهوما كيعبرو ليهاا فالضغط ودقات القلب كيحلوو عينيهاا كيضرب فيهم الضو مقلووبيين
كيمسح على شعرهاا وكينطق اسمها بهمس
وصلوو لسبيطاار خلاوه فالاستقباال ودخلوها هي لمستعجلاات شرح ليهم الحالة لي كاانت فييها وكلس شاد رااسوو ومرة مرة ينووض يمشي ويجيي ملاقيش رااحتوو
الوحدة ونص تاع الليل ومزاال معطاوه تخباار علييهاا ،دارو ليها فحص شاامل من تحاليل وسكاانير حيت ماشي غير سخفاات غيباات
خرج الطبيب داير لبافيط حتى هوا فايدو صور الرااديو وقال: مبدئيا درناا الراديو على راسهاا معندهاا والوو ،التحاليل الصبااح غيكونو عنديي … كتعاني من شي حاجة مؤخراا ! حالتها النفسية كيفاش دايرو كتاخد شي دوا
حذيفة: كتاخد غير لا بيليل وقبل ميوقع ليها هادشي شاافت شي حاجة شوكااتهاا وكتجييهاا واحد الحالة مرة مرة كريز بانييك
_ طبيب كان كيحرك راسوو مع كلام حذيفة وقال: بالي ،غنتسناو التحاليل بعيدا على انه انهياار عصبيي ،ممكن يكون فيها مرض الصرع هوا لي كيسبب ديك الرجفة فاش لقيتيهاا،حاليا منقدر ناكد ليك والوو حتى نتاكدو من التحاليل
حذيفة: نقدر نشوفهاا
_نوو دابا معاها الممرضة غتبقا معاها الليل كلو باش ترااقبهاا الصباح وتشووفنا
حذيفة: واخة واش تقدر تنصحني بشي طبيب نفسيي تشوفوو !
_سيي تفيق ونهدرو فهاد الموضوع
لقا راسو جاي بلا طموبييل ولا واالوو لبرد كيضرب فييه
مقدرش يمشي ويخلييهاا رجع كلس فالاستقباال كيربت على رجلوو والسواايع كيدوزو كل مرة يسول واش فااقت وكيقولو لييه لاا كيزيد
مشاا لداار على رجلييه طلع خداا شي حوايج ليها هز وراقها تيليفونها و سوارت الطموبيل ورجع خرج هز طموبيلتو ومشا وقف فلبارك ديال السبيطاار كيتسناا النهار يطلع طالق سورة البقرة فالطموبيل ترييح بالو شوية
جبد تيليفونو كيقراا فشنو مسيفط لييه مراد وحتى وديان
وديان: راه هضرت مع واحد السيد قال بليي تقدر دير ليه توكيل وهوا يتكلف بالقضية
قرا ومجاوبش مشا كايقرا فشنو كاتب مراد وقال: صباح غنحط واحد الفيديوو خاصنا نتحركو بهاد السكات بحال الى كناكدو داكشي لي تقاال من الاحسن هي متردش على هدشي انا غنتكلف
حذيفة: ؤك
شعل تيليفونهاا وتسنا حتى تقااد ومشى لفيس عارفها مدخلة كروبات مغربيية كتاار حتى كيلقاا بوسطاات كيهدرو فالموضوع دازت عليهم كتر من 12 لسااعة لي لقااه حاط بوسط وكيسب كيسكريني كلشيي وكيسيفط لتيليفونوو
ماشي معقوولة انسان معمرك حتى تشاركتو السلاام تحط علييه وتبداا تنتااقد وتفصل وتخيط علييه لا يعقل
وهوا طاالع لقاا بووسط فيه صورة ايماان قدام لكيك وكتفهو حداها حاطاه بنت ياله بغا يسكريني رما عينو كيقراا
راه لاا يعقل البنات هاد الهجوم لي على هاد البنت بالضبط فهاد السنين اللخرة مكتجي فين تهز رجل كطييح وحدة اخرى
راه ميمكنش تصدمت دخلت كنقرا فتعاليق لقييت غير السباان حشوومة ديرو هكا فبنت بلادكم ماعمرها جبداتكم بالعيبب داخلة سووق رااسهاا كتخدم على رااسهاا علاش كيبغييو يطيحو الاصواات المتمييزة ، علاش دغياا تيقتوو هادييك راه القااضي وكيسمع للمتهم مرة وجوج عاد كيحكم نتوماا كتسنااو غير امتا ترمييو سمكم فبناادم
انا فاايت طلاقييت بيها فبرشلونة دارت معايا جيست زوين عمري نسااه ليهاا طيبة وظريفة لا هي لا صااحبتهاا وقالت بلي مها ميتة ،راه حنا بشر وكنغلطوو حشومة اتقاو الله راها بنت بحالها بحالناا متبقاوش ديما كتميلو مع الموجة ارحمو من في الارض يرحمكم من في السماء
قراه كامل ودخل لتعالييق شي كيقوول بووز شي كيقول راه وراات التصاور راه بنتها شي كيقوول قلة ميدار ، الاراء كثيرة
وفهاد العالم الى بغيتي ديري سمعة وشهرة خاص يكون قلبك حجر ومكتسوق لتا حاجة حيت هضرة بنادم سم كيسرح مع الد_م
سيفط كلشي لمراد لقاه داخل السبعة تاع الصبااح غير شافو دخل صونا علييه مغيدد
مراد: هادشي لي سيفطي لياا كلشيي غيمشيي لمحااميي ،مكاينااش السيبة
حذيفة: انا بغييت لخراا لي تمشي فيين ترباا حيت متربااتش (ضرب الطموبيل ) حبساتني الوقت اما نورييهاا شنو نقدرر ندير فديلمهاا
مراد: غير تهدن غنلقاو حل وغنقلبو عليها هادشي كاامل غير صبر ايمان شنو كتقول
غادي لباب سبيطار كيهدر: ايماان جاتها كريز لبارح ناعسة فالسبيطاار
مراد: لااا فففف
طل على لانسطا ديالها وحط فيديو لاية 6 من سورة الحجرات
﴿ يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ﴾
[ الحجرات: 6]
دارو فالجيب ودخل كيسول عليهاا طلبو منو يتسنا شويية حتى يجي الطبيب ويعطيه تقرير عليهاا
بقا كايتسنى جهد شي سااعة حتى عيطو ليه ومشاا لعند طبيب لقاه كالس فلبيرو وقدامو طبيب اخر كيقرا فالورااق
فشلووه وهوا كل ما في الامر انهم كيعطييو للمريض اهميية وكيبغييو يديرو خدمتهم فاكمل وجه
الطبيب: داكشي لي كنا خايفيين منوو مكااينش يعنيي داك الارتجاج لي جاها غير من حالات الهلع ليي كتجيهاا وعندها طيف الاكتئاب لي خاصو يتعالج قبل ميتحول ل اكتئاب حاد
حط ايدو على البيروو وشد رااسوو كيدخلو معاه مصطلحات طبيية وكيشرحو لييه حالتهاا كيشرحو شنو كتعنيي نوبات الهلع وشنو الجهد ديالهاا وشنو العلااج لي خاص يكوون هادشي كلوو كيسمع وكيحرك راسو بالايجاب لاي حاجة تنفعهااا
ناضو مشاوو عندها كانت نااعسة خلاوه معاها حتى تفييق والفرمليية على براا …تحنا حدا راسها باسها فجبهتهاا وجر كرسي عندهاا كيداعب فشعرهاا
بدات كتحل عينيها على لمستوو فشعرهاا حلات عبنيها وحبس ايدوو كيشوف فيهاا وهي كترمش فيين وعينيها تقاال
ايمان: شنو كندير هناا!
حذيفة: عيتي شوية وجبتك
ايمان(كتحاول دور راسهاا تقييل ): علاااش شنو وقع
بقا سااكت حاط قبضة ايدو على فموو تنهد وقال: باش كتحسيي
ايمان: كلشي تقيل علياا وراسي كيدوور
حذيفة: دارو لييك شي براا هي باش نعستيي …شوية وغتولي مزياان
ايمان(حالة عينيها فالسقف) : معاقلة على والوو شنو وقع
حذيفة: ماوقع والوو خوي رااسك غتولي مزياان وغنمشييو لدارناا احبيبة
بقات كدور فعينيهاا حتى دخل الطبيب ومعاه الطبيب النفسيي كيسول فيها اسئلة اعتياادية ،باش كتحسي ،كضرك شي حاجة
من بعد اسئلتهم نطق الطبيب النفسي ب بشاشة وقال: تخليونيي معاهاا
بغا ينوض حذيفة وزيرات على ايديه
حذيفة: انا غير هناا
خرج حدا الباب وبقا واقف مربع ايدو
الطبيب جر لكرسي وكلس حداهاا بابتساامة وقال: بياانكااا
لاحت عينها عندوو بلا متحرك ملامح وجهها الجامدين وجهها صفر وعينيها دابليين بالمهدئ لي عاطينهاا
_ انا خوسيه طبيب نفسيي
غمضات عينيها كتنهد وقالت: معارفاش شنو وقع بلا متسولنيي
_مغنسولك على والو بغيت غير نهدر معااك ،شحال فعمرك
غمضات عينيها كتنفس بجهد وقالت: 25
تبسم ليها وقال: عرفتي بشحال فايتك اناا ! ب 25 عام باينة فيااا ؟
حركات راسها بلاا وقال كيضحك : ونتيي كتبااني صغيررة ياله عندك 18
ايمان: هداك هوا العمر فاش تبلوكييت
_علاش ،شنو وقع فييه (ربع ايدو ) عاودي لياا
بقات كترمش فييه وقالت: مقادرااش
بقا ساكت كيشوف فيها لغا ضحكتو وقرب ليهاا وقال بصرامة : بغيتي تبقااي تجي كل مرة لسبيطاار طايحة كومة !
حركات رااسها بلاا وعينيها قطرو بالدموع
_يعنيي غتعاودي لياا وغنعاونك انا قاادر نعاونك تيقي بياا كل واحد فالدنيا عندو شي جرح غااابر مع الوقت داك الجرح كيتعفن وكيخناز ويعطي الرييحة …كتبقا قدام الاختيار واش بغيتيي تعالجوو واخا غيبقاا بلاصتو باينة ولكن كيتعالج مكيبقااش يضرك وكاين حل اخر تخلييه يخمااج ويسررح وتجييك العدوة ومتلقايش علااج مزاال (حيد نظاظرو وتقابل معاها )شنو قلتيي !
غمضات عينيها تقطرو دموعهاا وقالت: بغييت نتعالج ولكن حاسة برااسي معنديش الجهد
_ غنعطييك (هز جوج صبعان )يومااين لي هوما السبت والحد وغنتواصل معااك نهار التنين
حركات رااسهاا بااه كتب واحد الدوا فورقة وخرج عطاه لحذيفة وقال: خود ليها هاد الدواا ونهار تنين غيخصها تجيي باش نبداو مرحلة العلااج
حرك راسو بااه سد الورقة حطها فجيبوو وخدا الاذن باش تخرج مشا جاب ليها الصاشي ديالهاا
لقاها كالسة فوق السرير نتراات السيرووم من ايدهاا والفرمليية كتحبس ليها فالد_م وهي كتبكيي بحرقة، شافهاا ومشى عندهاا عنقاتو باييد والتانية عاطياها لفرمليية
حذيفة: صاففي شش
ايمان: هءهءهءه علاااش دارو فيا هكاا علااش
حذيفة: الوقت غينسي كلشيي
بكات حتى عيات فصدروو وعاونها تلبس ساكت كيخمم لبس ليها تقاشرها ولبس ليها بانطوفة و
دار ليها البافيط ديالهاا وخرجوو عطا المعلومات ديالها ورقم تيليفونوو وخرجها لطموبيل ركباات سااكتة وعينيها منفوخيين بلبكا عاد رجعات معاها صدمتهاا وكلام نورة كيتردد فعقلهاا بحال السم
شاف صيدلية وقف جاب ليها الدوا وعينيه عليهاا تخداه ورجع بجري لقاها كيف خلاهاا مهبطة راسها كتفرك فايديهاا ساكتة
مشا نيشاان لدار وتيليفونو لوسط كيصوني طلعات نمرة مراد وقلب التيليفون وهي دورات وجهها جهة الزااج عينيها مافيهمش الحيااة
كتشوف شنوو دارت لهاد السيدة حتى دارت فيها هاد الحاالة
هبط وحل عليها الباب هبطهاا طلعها لدار سااكتة غير دخلات بدات كدور عينيهاا بانت ليها الطابلييط مهرسة فلقنت كتر من قلبهاا لي فينما تجمع شضياتو تلقااه مرة اخرى كيتفرتت
حذيفة(عنقها عندو وقال) : اجي طلعيي رتااحي
ايمان (بسهوة) : كون غير مت
تشوكا من ديك الكلمة لي خرجات بسهولة شافيها بحال شي شمعة طافية فاقدة النور ديالهاا شد حناكها وقال: واناا مافكرتييش فياا
ايمان: تستااهل حسن منيي
حذيفة: وحدة لي كنستااهل ديتهاا ساليناا حنا بجوج غندوزو الحياة كيف كانت حلوة ولا مرة هادي غير حجرة عكلاتناا ونقزناهاا صاافي مكاينش لاش تمرضي رااسك
ضحكاتت وعينيهاا مغرغريين بحال الى كتقولييه راه طريقي كلها حجر فين بانت لييك طريق مسرحة
حركات راسها بااه وطلقات منوو طالعة لبييت بكل هدووء شادة ايدها مع الحييط
دخلات وتلاحت على الناموسية ..حسات بييه كيحيد لييها لبانطوفة،قادها فبلاصتهاا وغطاها كمشات على الغطاا وغمضات عينيهاا وقالت: ظلم البييت عفااك
دار شنوو بغات ..كان لبالكون كيتحل الزااج بحال السرجم وفييه السااروت سدوو وحيد السااروت وظلمو جاه الوسواس هز كاع لي ڤيتاميين لي حاطة تماا والدوا ديال الرااس
وخرجهم لبلكار فديريسنغ وسد علييه كيتنهد رجع طفا عليها الضو ورد لباب ماسدووش مخليها نعساات من الدوا لي شرباات باقي مأثر عليهاا
هبط لتحت هاز التيلفون يشوف شنو وقع لقا مراد حاط فيديوو فلانسطا ديالو وداير مونسيون لايمان باش يطلع حتى انسطا ديالهاا
كيكدب شنو واقع وكيواعد نورة بالقضااء والطعن فالسمعة وجبد اسمااء النااس لي سبوو واحد بوااحد وكلشيي تكتب كلشي غيتدفع لمحكمة فالمغرب
نورة غير وصلها الفيديو تزاد معاها الزاايد وصونات لصاحبتها
نورة: الو فاتي بخير
فاتي: لبااس مالك ياك لبااس
نورة : شفتي اللايف ديالي اللخر !
فاتي: قولي شكون مشافووش مكانش عليك اصااحبتيي تحطي داكشيي تخيليي دعييك
نورة: داك لمنادجر ديالها حط بليي غيلتاجئو للقضاء زعمة عندهم الحق ؟ وهي فبلاد اخرى
فاتى: ففف دخلتي راسك فلمرض ا نورة تيقتتي بلي ايماان تزوج ب حسام واش بعقلك شنو غيخليهاا 6 سنين هادي عاد تزوج بييه نتي هاد حساام خرج لييك العقل والله
نورة: متسرطاتش لياا اصااحبتيي متسرطااتش يبغيي البرهووشة
فاتي: راه يقدرو يدرو الوكالة لشي محامي وترفع علييك دعوة نتي راك ماخليتي فيها غير لي نسيتي وهي ماشي وحدة عاادية راه معرووفة يعنيي بغيتي تسالي ليها لكاريير تشوييه السمعة والقدف والتشهير الصااحيبة
نورة: نسبق انا وندعيهاا
فاتي: شنو غتقولي ليهم شفراتني عندك الدليل ؟ دات ليك بنتك ؟ ميمكنش متقدرش تخرج بيها برا المغريب بنتك مع باهاا …نورة ايمان راه ماوصلاتكش ندمت كاع حتى قلت لييك حاطة بووسط …بغيتي تخرجي عليها ولكن راه غتمشي فيهاا لحبس
نورة: وخة كوروناا يقدرو !
فاتي : كوروناا حابسة البوليس تي واش لبااس فكي حريرتك
ملقات مدير وصونات لوديان بقات مسجلة عندها نمرتهاا جاوبات وديان وقالت: الوو
نورة: الوو
وديان: شكون معاياا ؟
نورة(بتهكم ) : دغياا نسيتيي السبان لي عطيتيني
وديان(بركات على التسجيل): ااه اش بغيتيي …دخل معاك الصهد نتلاقاو عند وكيل الملك
نورة: انا بغيت نعرف غير بنتي فين هي
وديان: كنتي تسوليني فاللول وغنقولييك ايماان منهاار جريتي عليهاا معاودات شافت كمارت شي حد فيكم ولكن نتيي لاا مشييتيي بغيتي تعرعريي
نورة(كتبكيي) : واليد ديال الرااجل ديال حسام
وديان: شوفيي ولا سمعيي ولا معرفت اش كديريي …الى حسام هرب وخلاك ماتوحليييش فبنتك وماشي غير حسام لي كتبدا سميتوو ب ح المكلخة
نورة: عفااك انا غندير لايف و نعتادر وقوليها مدعينييش
وديان: نتي مخليتي فيها غير لي نسيتي كدبتي عليهاا ولحتي فلبااطل ودابا جااية كتبكيي
نورة: اوا أعلى ما فخيلها تركبوو
قطعات عليها خلات وديان كدعي فيهاا قلبات على الاوديو وسيفطاتو لحذيفة وقالت: سيفطو ل مراد وصلها الصهد جاية كطلب وترغب
كان كالس كيكمي وداير لكيت كيتسنط سيفطو لمراد ومع مكاين ميدار دغيا جااوب وحطوو سخوون تسجييل صوتيي وانقلب السحر على السااحر لا وديان ولا حذيفة كالسين كيتفرجو فالانقلاب ليي وقع طار ليها لانسطا والتيكتوك معطلوهااش وحذيفة كالس كيمسح فكمية التعاليق والميساجات جهد شي ساعة ولا كتر حتى ضروه ايدوو ومراد حتى هوا خدام فسطوريااتوو كيخلع فلبشاار وكل سطوري جابد وحدة من البنات كيحط سمية الكرووب وكيبقا عليها بالخلعة والهدرة حتى كتمشي تمسح الكونط كتشدها الخلعة وكتمشي ديزانسطالي الفيس حتى تبرد
عطاهم مهلة ديال 24 ساعة بااش لي حط شي حاجة يمسحهاا ولا القانوون فوق كلشيي
وداكشي ليي كاان الخلعة والخوف كتخلي بناادم يفش الصدر لي دافع ويدخل سووق جواه ويبعد من المعااطيية
وبدات الفئة التااانية كطلع وكتقوول شفتو شنو قلت معمري كنتيق صحاب التيكتووك هاهي بانت على حقيقتها غير سمعات لبوليس ولات كتبكي وتقوول الضغط يولد الانفجاار
لقات اللناس فاش تشد ولات حديث السااعة وهي مجايبة لدنيا خباار مكمشة ف فراشها مناضتش منوو غير لبغات تقضي حاجتها وبزز كينوضها تصليي معااه شحال من مرة كتبدا تبكيي فوق السجادة وتنخصص كيخليهاا تخرج شنو عندها كيقرا عليها شوية تاع القراان و كيعطيها الدوا لي خرج ليها الطبيب
كيخليها تهدن وتنعس كيعطيه ليها بايدو من بعد مكتاكل شوية
اليوم الثالث وصل
جرها عندوو خشا ايدو تحت حوايجهاا وهي عاطيااه بالظهر
لابسة كسيوة قصيرة سميطاات حالة عينيهاا كترمش قبالتها غير قاسها غمضات عينيهاا
باسهاا فكتفهاا وعنقهاا حتى تكمشاات
حذيفة: زعيبيلةة دياليي (عضها من شحمة ودنها تدورات ايدها حكات ليه فشعروو ) صبحتي مزياان
ايمان: صباح الخيرر …شحال دابا
حذيفة: شكون عرف (كيدوز ايدو عليهاا ، دورها عندو كيبوس فعنقهاا وصدرهاا
ايمان: حم حذيفة خاصني ندوش
حذيفة: علااش مالكي
ايمان: محسااش براسي مزياان
باسهاا وقال: مزيان وفوق مزيان
حركات راسها بلا وقالت: عفااك
بعد ايدوو فين كان حاطها وقال: وخة
ايمان: تقلقتيي !
حذيفة: لاا علاش غنتقلق بزز
ايمان: غير بغيت ندوش ون
حذيفة: شش مواقع والوو نهار كلو ديالناا
تبسماات لييه وحركات راسها بااه وقال: اجي فطريي معاياا توحشتك … توحشت البساالة معاك
ضحكات بلطف فحضنوو وقالت: وخة
حك ليها شعرها شوية ومشا حل البالكوون طلع الريدو وبان الضو…رمات عليها لفرااش وبقات كالسة فبلاصتها ساهية حتى كلس قفازية قدامها جمع ايديها قدامهاا وقال: واش غنبقااو هكاا ! الحاجة لي دازت ترون ليينا حيااتناا مم شنو قلناا مم
مكاين لاش تمرضي رااسك
حركات راسها بنفي وقالت: بغيتيني ندير بحال الى موقع والوو النااس كتسب فياا وهوما مامدوزينش حتى ربع لي دوزت
حذيفة: واش غتسكتي بنادم ؟ مغاديش يسكت وغايهضر فلخايب والزويين حيت كاين واحد النوع تزاد غير باش يعاتب الناس ويغفل على حياتو وحنا نمرضو راسنا بييه ؟ غنوقفو حياتنا ونسدو عليناا ونخليوه يفرح بداكشي لي بغاا ااه
هاديك السيدة وكاع لي قال فيك كلمة ديال العييب غيمشيي يتربى
حركات راسها بلاا وقالت : معندي مندير بيهاا تبعد منيي وتنكرني هادشي كافيني
حذيفة: ولكن خاصهاا قرصة باش توكض وترجع اللور نتي مدخليش فهادشي مراد مكلف وخة
مشات لدووش وهوا هبط قاد ليهم فطور خفيف حتى هبطات كتحاول تبيين راها بخير ولكن حاسة بنفسيتها مزيرة وباغة غير الظلام والعزلة غير كتشوف فيه كتحس بتانيب الضمير بحال الى معرفت شنو دايرة لييه
لابسة تيوشرت طويل مع تقيشراات هابطيين وشعرهاا مخلياه فازك منكووش
بتاسمات لييه وعيط ليهاا جات عندو عنقهاا وتحسس جسمها من فوق التيشورت وقال: كاين البرد شوية ملابسة والو
ايمان: مرتاحة هكا احبيبي
حذيفة: اتااي ولا قهييوة ازعيرة
ايمان (كتلعب بلحيتوو فايدهاا ) : كلشي منك عسل
تبسم لييه وضربها فمؤخرتها وقال: كلسيي
كلسات فبلاصتهاا حدااه كيفطر فييهاا وكيعاملها فوق الزويين وهي شنو كتعطييه والوو غير الغبينة
هادشي كلو كيدوور فرااسها وهي كتفطر معاه
ايمان: علاش هرستي الطابلييت ! وخدمتك ليفيهاا
حذيفة: نسااي كلشي كيتعوض
ايمانعينيها فلكاس ): مكنتيش تخبي علياا كنت نقدر نتقبلهاا
حذيفة(مسح على وجهوو ): مقدرتش
حركات راسها بااه وقال: سمحيلياا
ضحكاات وقالت: انا لي سمح لياا رونت لييك حياتك
بقا ساكت كيشوف فيها وقال: مغنساليوش من هاد الاسطوانة شنو درتي باش رونتييها ..بلعكس حليتيها وزينتيهاا ودرتي لياا التشويق والتجديد
ضحكاات بلا هواها وقالت: فاش هاد التجديد
عضها من كتفها وقال: نورييك فيين درتييه ؟
خشا ايدو تحت التيشورت وقفزاات كضحك وقالت: صافيي صافي هههه عرفت عرفت
حذيفة: اش عارفة سكتيي اجي نعلمك باقة صغيرة
جرهاا لقاها مدايراش حتى السوتياان داكشي صغير و واقف كيحمقوو وكيبانو الريووس مطراسين فتيشورت
جابها فوق منوو فاتح ليها رجليها وضحكات: بقا غير لكوزينة احذيفة
حذيفة: شفتي بلاصت لفراان
ضارت منيتها كتشوف وقالت : مالها
حذيفة(عضها فصدرها من فوق التيشورت حتى غوتات وقال): تما فيين غنمحطك مع العسل والشكلاط طلعي لياا لانسوليين
ضحكاات منيتها كداعب فشعروو وبدا كيسخن عندهم الطرح
سمعو تيليفونو كيصووني وقفزات اما هوا مغيبب معاهاا تعاود صونا من جديد
ناضت من فوقو خلات عينيه ناايميين وعلامو مهزوز كضحك علييه وقف كيجاوب وكيشووف فيهاا
_مم سي سي معاش (هز ايدو يشوف الساعة ) صافي ؤك
قطع وحط التيليفون وقالت: شكوون
حذيفة: ممم
جرها قبل متهرب غفلها وهزها عندوو طالع بيها فالدرروج كيبوس ويتحلف حتى رماها على لفرااش ملهوف على معاشرتها حتى قاطعاتو وقالت: ولكن راه مشربتش لفنيد هاد يومايين
حذيفة : كلشي ليه الحل الا القطعة من ورا الولف
ضحكات وعطاتوو جسمها بااس ومص وعض عاد برد خلاها كتوزوز وترعد غير بوحدها تلاح حداهاا كيفور وهي كتر كيردو النفس والتلفازة شاعلة قدامهم
ايمان: نوض ندوش
جر ايدها رجعهاا وخرجو عينيها كضحك : لااا احبيبي عفاااك براكة
ضحك بتقاالة وجرها لحضنو وقال: عدبتك لهاد الدرجة
ايمان(بخجل كضحك ) : مممم بزااف كتولي واحد اخوور (ضحكاات مخبية راسها فعنقوو وهوا كيضحك )
حذيفة: غير قوليها ، قول فين كانو رابطيينك هههه
ايمان:هههه(هزات رااسها كتلعب فلحيتو لي قوات ) بيناتنا زعما ماعمررك قستي شي بنت !
حذيفة: لااا والله اول مرة معاك(ضحك ) علاش
ايمان(غالب عليها الضحك ): هادشي كلو عارفوو ومعمرك قستي شي بنت
طلق واحد الضحكة خلاتهاا تسد لييه فموو حشمهاا وقال: شنو بغييتي نديرو كوية الواليدين ولاا
ضحكات وقالت: اشنو هي هادي
حذيفة: ههههه كينعسو فالظلام هههه العلم طور ودخولو بوزات جداد
ايمان: هههههه الله يمسخك هادشي فيه العلم
حذيفة(كيمسح عينو من الضحك ): ههه فييه حتى الفيزيك خاصك تكون معلم وتلقاا النقطة منين تدوب لييك الشحييمة ههههه
ايمان: لاا والله حتى كتصدمنيي ههه شمن نقطة
حذيفة: دابا بلا حشمة متزوجناش باش نحشموو شنو كايعجبك
ايمان(تزنكاتت ): معرفت هههه
عضها فودنها : انا عاارف لپوان فيبل ديالك
ايمان: دابا تا انا خاصني نعرف لپوان فيبل ديالك
حذيفة: لاا نتي غير كوزيي وتفرجيي لي پوان هواماا
طرشااتوو بالضحك وخرجات عينيها فييه وقالت: والله مكاتحشم اوف
حذيفة: غدا نعلمك درس جديد ههههه
دفعااتو بالضحك وقلبها فوقو وقاال : حركيها الحمامة
بغات تهرب ملقات لييه جهد عصر علييها كي المشتاق الى دااق
حتى سالا ليها جهدها ماخلاهاش تفكر فشي حاجة من غيروو حتى تيليفونها ماسولاتش علييه
حتى صافي دوشوو وكل مرة تشدها الضحكة من هضرتوو وزعاامتو كان كيبان دروويش حتى تقلب سيكسااوي من داكشي الرفييع
دخل عندها بالفوطة وقال: كتلبسيي
ايمان: ااه
جا وراها عنقهاا وقال: نهدرو شوية
تلغات تبسيمتها وقالت: شنو واققع
حذيفة: واالو والو مواقع حتى حاجة احبيبي (باسها فكتفهاا ) اي حاجة كنديرها لمصلاحتك وعفااك فهادي بالضبط مبغيتش شي كلمة فوق كلمتي معااك وخة
دورها عندو وقال: خديت ليك رونديڤو مع الطبيب وغنمشيو نشوفووه
ايمان: علاااش انا بخيرر
حذيفة: لااا نتي ماشي بخير
ايمان : ملي كنكون معااك كنكون مزييان واش كتحس بيا كنضحك بزز معااك ولا كنهضر معاك بزز (برجاء )مبغييتش
حذيفة: راه هنا فين كاين المشكييل ا ايمان ،انا بغيتك تكونيي بخير فحياتك فرااحتك حاس بييك كضحكي وتهضري غير باش متخسريش ليا الخااطر
ولييت خااايف ولييت موسوس من جيهتك ؤك دابا حنا كالسيين مع بعضياتنا ولكن واش هدشي غيطول لاا غيخصني نرجع لخدمتي لي شي مرات كتكون بالليل اشنو غادي ندير الى جاتك كريز بووحدك الى خفتي الى تخلعتيي شنوو غادي نديير حسي بيا تا اناا
ايمان(كتبكي): شنو غنقوولييه
حذيفة: قوليه شنوو كتحسيي شنو المشكيل لي كيوقع ليك نتي ماشي مضطرة تعاودي لييه قصة حياتك ايمان راه باديك اكتئااب رااه ماشي حاجة سااهلة
ايمان(بامتنااع ): لاا لا لا
حمر فييهاا وخرج عينيه فييها وقال؛ غتزيدي قداااميي وبلا هضرة زايدة ، لبسي ا ايماان
ضارت كتنتر كاتهز فحوايجهاا وكتلبس وهوا حداها كيطلع فالسروال كيسد فالصدفة كيجبد فتيشورت مرييح يلبسسو كان موجدو وكلس كيلبس فتقاشرو وهي مزال تالفة شنو تلبس
ايمان(بنفخة ): شنوو غنلبس كلشي سخوون
حذيفة: ولفتي التقزااب ماشي جاك الصهد،تفكري جهنم وغتهزك (كيرجف بايدوو )تبوريشة ديال شهر 1
جبدات كسوة كلووش نص كم عرييضة جات مع ركبتها نيشاان لبسات تحتها شورط وهزات شوميز دجين لبساتها كدور فعينيها باش يقولييها بركي اللرض السعاتي محكرش وهبطات تابعاه كتنهد
شدها من ايدهاا مد ليها صاكها وخرجو سادين وراهم الباب
هبطو لطموبيل دارو لباڤيط ديالهم وشد الطريق داير العنوان فلمابس وهي كتحرك فلخاتم بتوتر وقلبها كايضرب
شد يدها باسها وقال: مالكي واخدة الموضوع هكا ،واش عاجباك لحالة لي كتوصلي ليهاا ممم لكريز بانيك جاتك نورمال
ايمان راه الطبيب النفسي بحالو بحال اي طبيب راه غير لواحد لشدو ستريس كيمشي يخرج شنو عندوو والطبيب كايعاونو كيشوف شنو محتااج الرااحة ولاا السفر ولا الدوا هذا مكاان
وصلو لمكاان العياادة الدنياا خاوية و الصقيل فالشوارع مع الدخلة كايلقاو الملصقاات على التبااعد والكمامة والمعقم كديريه قبل مدخلي من الباب حاطينو تما
مسحو ايديهم ودخلوو لقات شخص واحد لي كالس تما شاد جورنال كايقرا غاطس رااسو فييه
كلسو حدا بعضياتهم كتربت برجلهاا وكتزير على ايدهاا حتى وصلات نوبتهاا جات المساعدة تكلمها وجرات يد حذيفة والمسااعدة رفضاات وقالت: بوحدك
حذيفة: اناا هناا متخافيش
زيرات على صااكهاا ومشاات حلات ليها الباب دخلات ايمان وسدات وراهاا بقات كتشوف فلباب حتى تكلم طبيب وقال: اولااا بياانكاا ولا ايماا ؟
قلبات عينهاا عندوو داير لبافييط حتى هوا ومحتاارم مسافة الاماان مخلي البيرو ديالو وكالس فواحد لكرسي وقدامو طبلة تاع الزااج فوقها كلينيكس وقراعي ديال الماا ومعقمات وحداه فطووي ، موسيقى هااادئة كلاسيكية كتسمع ، بزاف تاع الشواهد معلقيين فالحييط اشار ليها بايدو باش تجيي تكلس قبالتو فوق الفطووي
خوسيه: شوية !
ايمان: ش شوية
خوسيه: علاش خايفة زيارة طبيعيية كونما الجائحة كنت نقدم ليك القهوة والبيسكوي
تبسماات كتلعب فالسمطة تااع الصااك وقال : مغربية !
ايمان: سيي
خوسيه: تبغي نتواصلو بالاسبانية ولا الايطالية ؟
ايمان: الايطالية
خوسيه(قاد لكرفااط ) : عاودي ليا على المغرب
هزات عينيها فيه متفاجئة من سؤالو وقالت: زويين ،الوطن ،الانتمااء
خزسية: علاش هاجرتيي منوو
ايمان(عينيها تغرغرو وسكتات ..رجعات بظهرها اللور ) : مبقيتش مرتاحة فييه
خوسيه: علاش (بهدوء )عاودي لياا على طفولتك على فين كبرتيي
هبطو دمووعهاا وقالت: شنو غايفدني هادشيي من غير تضبرني فالجرحة
خوسيه: الجرحة خاصها تبراا باش متبقاااش تعطيك الصدااع
عطات طاقتها غير فلبكا وهوا كاالس كيشووف فيهاا داير رجل على رجل بسروال توب وقاميجة بيضاء مع كرفاط شعرو شاايب ونظارات طبية رجل خمسينيي شارب الحياة
خوسيهه: نوبات الهلع شحال ديال الوقت وهوما كيجيوك ؟
ايمان(مسحات عينيها ): شي خمس سنين هادي
هز مذكرتو وقال: قولي ليا باش كتحسيي
ايمان: كنحس بقلبي كيضرب ،خوف ماشي طبيعيي ،كنقول صافي غنموت ،ايدي كيرجفوو ،مكنبقااش مركزة قداامي ،كنولي نتخيل شي اصواات مكاينينش
كيكتب ومرة مرة يشووف فيهاا وقال: اجتماعية مع النااس
حركات راسها وقالت: كنت مبقيتش
_علاش !
ايمان: مبقيت بغيت حتى واحد تانيي فحياتيي
خوسيه: وراجلك ؟
تبسماات وعينيها فلورد لحمر : هداك هوا النور لي باقي فحياتيي
خوسيه: كتبغييه
ايمان: منقدرش نعيش بلا بييه (حطات ايدها على صدرهاا )الى شي نهار مكانش فحيااتيي م منقدرش نكملهاا
خوسيه: شنو تقدري ديري الى مكانش فحياتك
ايمان(بتاكييد ) : نساليهاا
كان كيكتب وتوقف على الكتاابة وهز عينو فيهاا كيقرا عينيها وهاد الكلمة لي قالت كتباان واثقة من كلامها ماشي قالتها غير فسيااق الكلاام
خوسيه: تنتاا__ حري !
ايمان: مكانتخيلش حياتي بلاا بييه
توقف لدقيقة غير كيشوف فييها وقال : عمرك فكرتي فالانت__ حار
حركات راسها بااه وقال: شحال من مرة وعلاش
ايمان: 3 ديال المراات
خوسيه: اولهم
ايمان: ملي ماتت مي جربت ناخد الممنوعاات وكترت
خوسيه: من بعد
ايمان: ملي ضااقت بياا وملقيت حتى حل فطريقيي بغييت نساليهاا
بقا كيكتب ياله بغا يزيد يسولهاا قالت: صافيي مقادرااش عيييت
سد المذكرة ومشا لبيرو ديالو وقال: غنكتب لييك الرقم الشخصي ديالي تواصلي معايا فأي وقت
هدا دوا غيعااونك باش تحدي ديك الحالة لي كتوصل ليييك ومتخالفيش الموعد لي غتعطيك المساعدة (شاف فيها )عفااك ،هادشي غينفعك نتي ماشي اناا…
ايمان(حركات راسها باه حاطة ايدها على صدرها باغة غير تخرج ): ؤك
_كتفكري تحملي حالياا ؟
حركات راسها بلاا وقال: ؤك كتاخدي بيلييل (جاوباتو باه وهوا كيكتب )
مد ليها الورقة عامرة مكاشي فيهاا وبطاقتو الشخصية وقال: كنتسنا اتصالك فاي وقت
حركات راسها بااه وخرجاات لقاتو كالس على الشوك غير شافها وناض عندها
ايمان: نتسناك حدا الطموبيل تخنقت
حذيفة: لا لا اجي
شدها من ايدهاا جبد خلص 100 اورو حطها فنص سااعة خدا الموعد التاني لي منهنا 15 اليوم وخرجهاا براا تكات على الطموبيل محيدة لبافيط كتنفس ،حيدات تجاكييط وطلعات فطموبيل حل كاع الشرااجم وزااد مع الطرييق …مباغيش يحكر خلاها على خاطرهاا شد من عندها الورقة قراهاا وهبط خدا ليهاا شنو تحتااج ورجع لطموبيل نيشان لداار
مع دخلوو لاحت تجاكيطة كتسووط ومشاات كلساات على لفطووي معوجة قنانفهاا ..لاحت حتى لكسوة وبقات بسوتيان هابطيين بشبكة وشورط
حط شنو جاب معاا سبرديلتوو ومشا غسل ورجع خدم لماشيين ديال القهوة ،حط جوج كيسسان دار ليهاا قياسها ديال السكر ومشا كلس حداهاا حك شعرها وتبسم ليها : مزياان !
ايمان: ممم
حذيفة: مالك !
ايمان(تنهدات كتسووط ) : حذيفة مبقيتيش تقولييا نمشي عندوو
حذيفة(حط الكاس بانتباه ) : علاش شنو وقع
ايمان: ماوقع والوو ياك مشييت درت ليك خاطرك شنو تبدل ؟ كنت ناشطة بخيير حتى مشييت عندو ،انا مخاصنييش الطبيب بنادم لي ضاير بياا لي خاصهم
حذيفة: غدا ناخد رونديفو نمشي
ايمان: تء حذيفة راك عارفني مكنهدرش علييك
حذيفة(قرب ليها بهداوة كيمسح على شعرهاا ): شنو قالييك مم عاودي لياا
ايمان: مقالياا والوو انا كنهدر وهوا كيقييد منصحنيي معطااني حل ما واالوو عطاني الدوا وقالياا صافيي سيري منهنا 15 اليوم جيي باش ملي ندخل تانيي يعطيني نفس الاسئلة واش اناا مريضة وهوا كيقولياا عاودي ليا على المغرب كنبان لييه خدامة صحفيية ولاا شنوو
حذيفة: الزيين راه هوا عارف خدمتو كيفاش يجيريهاا بغا يجبد معااك حواار نورماال
ايمان: مارتااحييتش (شدات يدو برجااء ) غنتبع الدواا لي عطانيي راه فييه شهرااين من وراهاا الى حسيت براسي مزال كنحس بنفس الحاجة غنشوف الطبيب حسن …شنو غنمشي ندير عندو نبقا نهدر معااه ؟ انا كنهدر معااك
حذيفة: كتخبي علياا شنو كتحسيي ا ايمان راني ماشيي كنعس نعسة اهل الكهف …مكتنعسييش
ايمان(مسحات على وجهها ): عادي كيطير النعااس
حذيفة: نتي طااير ديما ماشي غير مرة ولا جوج الى مشيتي حتى فقتيي كتبقاي شادة تيلي تالصبااح و البيبان مخاصهمش يتسدو راه هادشي بحد داتو خاصك تعالجييه
ايمان: كلشي غيمشي مع الوقت كنواعدك …ولكن غير متقولش لياا سيري لطبيب دوايا غنكملو كنواعدك والله تغنشربوو وغنصلي وغنقرا القراان وغنقرا الأذكار ونستغفر كيف قلتي لياا وغنولي بخيير
حرك راسو بااه وسكت كيشرب فديك القهوة حتى نطقات : فين تيليفونيي
توقف وحط الكاس شاف فيها وقال: اش بغيتيه
ايمان: راه عنديي عقوود احذيفة خاصنيي نشوف شنو عنديي
حذيفة: كون واقعة شي حاجة كون اتاصل مرااد
ايمان: عفااك والله مغنتسووق لي وقع وقع
حذيفة: من بعد من بعد ياك نتيي بخير ومرتاحة
ايمان: مرتااحة وبخيير
حذيفة(باسها ) : نوضي طيبي لينا منااكلو
طاحو كتافها وقالت: لااا كنتلف ومكنعرف منطيب
حذيفة: طيبي طاجيين
ايمان: حرام علييك
حذيفة: و نوضيييي نوضي حتى نشوف هاد الطاجين كيف دااير عاد نفكر نعطيه لييك …والله وخة تقلبي علييه تحت لحيوط لا لقيتيه
ايمان: فالطموبيييل ههه
حذيفة(حرك راسوو بلا) : نوضي تكعدي
ضرباتو لكتفو حتى تزلعت علييه القهوة فوق السروال وناضت كضحك وقالت: مزيانة فييك
شافها بغات طلع لميكة ديال الدوا وقال: ارى نشوف شنو كاين تماا
مداتها ليه بعفوية وقال: كوزينتك
ايمان: بااسل والله
طلعات الفووق جبد عرام ديال الكين قدااموو كيسووط ها لي مع الفطور ها لي قبل النعاس ها لي قبل الماكلة ورا المااكلة
جبد تيليفونو كيكتب الاسمااء وكيقراا علييهم
هدا تاع اضراب النوم
هدا تااع الاكتئاب
هدا تاع التعب
هدا هدا حتى دااخ ملقا قدامو غير وديان هي عندها علاقة مع الطب وفايت قالت عمها طبيب نفسي
صور ليها كلشيي وقال: تقدري تسولي عمك واش هادشي مزيان ! جاني كتير
كانت داخلة خدات وقت كتشووف التصاور وقالت: مشاات ! عاودات ليك شنو وقع
حذيفة: مبقاتش بغات تمشي
وديان: شووف الى شديتي معاها الضد حتى نتا مغتبقااش تعاود لييك غتولي تمتل راه بخير بحال كيف كانت كدير معايا ملي برزطتها على الطبيب …عطيها مسااحة وشوف شنو غادي دير خليها ترتااح ومتعطيها التلفون حتى تصلح الاموور مع هاد خيتي ،انا سيفطت هادشي لعمي يجاوبنيي ونجاوبك
شكرها وحط التيليفون حتى بانت ليه هابطة جمع دوك الدوايات وحطهم وطلع بدل عليه بشوورط وجاي عندها تالفة حدااه
ايمان: شنو ندير
حذيفة: اجي نعلم حبي الطيااب
ضحكاات وجمعات شعرهاا الفووق كيقول ليها شنو دير وحتى هي كتوجد والحال بدا كيظلام والطاجيين صغير قياس جوج ديال النااس ديال طيين كيطيب فوق البووطة على عافية مهييلة
كتقطع مطيشة وجا وراهاا كيعنكش فييها وكيقطع معاها وهي كضحك
ايمان: ويلي والخبز نتا عايش غير بطوست هههه
حذيفة: حتى هوا راه خبز انا مكناكلش الخبز
ايمان: باش غادي تغمس هههه
حذيفة: بييك
ايمان: ويلي على ماااكلااا غتاكل بلفرشييط سميتك فرانسيسكوو
حذيفة: اللهم لفرشيط ولا تخرج لياا كرش بوشعيب
ايمان(ضحكات ) : ههههههه وناري علييك خايف تغلاض ،غايجي معااك
حرك راسو بلا كيضحك وقال: غلاضي نتي …بغيتي ضيعي لياا لونطريما ديال 6 سنين فدغمة تاع الخبز
ضحكات وصونا تيليفونو وقال :هاكي صاحبتك عطيني نكمل
مسحات ايدهاا وشدات من عندو التيليفون جاوبات ابييل فيديو وقالت: ويليي نهار كبير ومضخم هدا
ايمان: قطع عليا الما و الضو
ودياان: عزيزي باغي ليك الخيير كوني تسمعيي هضرت رااجللك
ايمان(هزات حجبانها بمعنى منييتك ) : فيك السخانة
وديان(كضحك) : خفتو تانا يبلوكينيي عزيزي راك تماا
ضحك حذيفة حداهاا وايمان كضحك معااها خلاتوو ومشاات كلساات فطبلة كتهضر وتجمع مع ايمان مجبدوش حس المووضوع نهائياا شي ساعة وهوما دودودو فالهضرة ماعيااوش قطعات معاها وحطات تيليفونو حدا لبوطااجي لقاتو طلع ومشاات عاضة على فمها بغات تدخل من عندو لانسطاا لقاتو جامعهم فضووسيي كاامليين مخلي غير الواتسااب ومطرق علييهم بلكوود وقالت كتسمع لييه : ناري على فعاايل فييك احذيفة
جاوبها من الفووق وقال: كملي عشاااك هاني جاي
حطاتوو مقطووعة قلبات الطاجين لقاتو طاااب طفات علييه حتى بدا تيليفون كيصوني وقالت: حذيفة ،حوووذيفااااه
حذيفة: رااه غنهبط ليك
ايمان: ههه هبط ختك خديجة كتصوني ابيل فيديوو
حذيفة: هضري معااها قوليهاا شوية ويجي
ايمان: حتى تجيي
حذيفة: وهضري
قطعات ورجعات كتصووني قادات شعرهاا كانت لابسة غير كسيوة سميطات
فتحات لكاميرا بابتساامة تبانت قدامها لطيفة وتبسماات ليها
ايمان: خالتي لبااس
لطيفة: لباس ايلي كيدايرة تهنا الوقت
ايمان: الحمد لله البنات كلشي بخير
لطيفة: اللهم لك الحمد ،فين حذيفة مكاينش
ايمان: لاا كااين كيقاد واحد لباب الفوق شوية ويهبط
طلات خدييجة عليهم وقالت: السلام ايمان لبااس
ايمان: لباس اختي الحمد لله كيدايرن وليداتك كلشي بخير
خديجة: الحمد لله
جاي حذيفة كينشف فايديه وتبسمات لييه غمزها وقرب ليها تشااف شنو لاابسة وخرج عينوو فيهاا
مادات ماجاابت
هز التيليفون كيهضر مع موو حتى باانت خديجة وقال: خديجة لبااس
خديجة(بالشلحة ): الحمد لله نتا لبااس مباغيش دوي معايا ولاا
حذيفة(مشا لفوطوي ): لا علااش مالنا مدابزيين
خديجة: شتك مبقيتي كتسول قلت واش مقلق
حذيفة : ملي يكون شي حد راه كندويو باللغة لي كيفهمها اخديجة ماشي العكس ،راه الواحد كيتنواا على والوو
قلباتها عربية وقالت: هاك خالد بغا يسلم عليك (ولدها )
هضر معاه شوية وقطع
غير قطع جات تلاحت فوق رجلوو وقالت : مالك كتخرج عينيك قبيلة
حذيفة: جاوبتيي هكا كون كان الواليد
ايمان: الصراحة مطاحتش فبالي قلت غير خديجة
حذيفة: هاهي فبالك
ايمان: وعلمني الشلحة كنبقا كي الاطرش في الزفة هههه
حذيفة: الليلة نعلمك كوني هانية ندير ليك درس خاص
ايمان: لا لا بلاااش ههههه
تفكر الحوار لي ضار مع خديجة من ورا هادشي لي وقع لايماان كان فالطموبيل حتى كتصوني لييه جاوبهاا من بعد السلام
خديجة: حذيفة واش هدشي لي كدير فييه عجبك !
حذيفة: علاش شنوو كندير اختي ؟
خديجة: واش اخويا على قلة البناات ،منين طحتيي عليهاا منين ماهي من سهمك ما نتا من سهمها بعاد كي بعد السما على الارض
حذيفة: هي من سهمي وانا من سهمها معنديش مشكيل شنو لي معاجبكمش
كتهدر بالشويية وقالت: واش معمية لييك البصيرة ولا مالك ،البنت من ساسها لرااسهاا مشكييل اخوياا شنو باغي تصنع …. نقولوو الانساان خطااء تزوجات تمسسح كلشيي وتبت ،انا شفت داكشيي تصدمت ونتاا شاايف وسااكت عرضك وسُمعتك هكاك احذيفة
حذيفة: واش نتوما تقبلتوني حتى انااا بقا غير مرتي اخديجة
خديجة: حيت باغيين مصلااحتك صداعك من اللول مع باا غير على لكاارو شويية على هاد العجب لي تبعتي فاللخر تحش لييه الركابي بهاد التزويجة معولين عليا انا نقولها لييه ! والله اخوياا مندير ايديي فهاد لحريرة الى نتا مقتانع الله يسهل لييك معااه قولييه تزوجت وقوليه نيت شكون مرتك وشنوو كدير باش تكون هي اللخرة لييه معااك …. حنا كنرطبو الطرح معااه كانقولو ليه تبدلتيي وشديتيي فصلاتك ومخرجتيش الطريق وخة بلاد الغربة ، تنوض نتا من اللخر تجيب لييه وحدة
حذيفة(قاطعها ): خديجة محتاارمك فوق الجهد وحتارمينيي شويية هادييك الوحدة انا لي معاشرها وعارفهاا وبناادم نتوما معرت اش بغيتووه يصنع باش يعجبكم ؟ بغيتيها تبدل على قبلك باش تعجبك ولاا ، انا عاجباني ومتحمل المسؤوليية صاافيي ! نهاار غتقتاانع غتبدل رااسها مغنبدلهاش اناا
خديجة: واش ضربك طلاميس ولاا ماالك ،جمع رااسك راه بدا كيتشتت راه مبقاتش غير فالزيين حتى من خالد عاارفهااا اويليي واش بعقلك اخويااا مع تحط رجليها كلشي غيعرفهاا
حذيفة(تنهد ): خديجة داكشي قبل منيي يعنيي مغانحاسبهااش علاش لبساات وداارت
خديجة(بانفعال) : تمسح وتديها فدارها وراجلها لاش مزال كتحط لاش مزال كدير لفيديوات
حذيفة: خديجة اختي مامسالييش وانا ماشي صغير توريني شنو ندير كل حر فحيااتوو وكل واحد قبرو بووحدو
خديجة : ولكن راه غتدي ذنب مساترهاش
حذيفة : هانتي قلتيها انا لي غندييه صافيي مشغل حد نخلييك الله يعاونك
مشاو لطبيلتهم كيتعشااو فجو هاادئ وقالت: حذيفة اش بان لييك نديروو هنا صالوون مغربيي
حذيفة(شرب لماا ): غير صبري علياا شويية نقدر نبدل الدار ..اصلاا لفصالة ماشي ديال الصالون
ايمان : مكرهتش نسكن برا على المدينة ههه فشي داار مني لطبييعة و الشجر (تنفسات بالجهد من نيفها مغمضة عينيها ) تكون كبيرة ومفوجة ونغرسسو الشجر
حذيفة: ان شاء الله كلشي قريب عند الله خاص غير الخدمة تيسر
ايمان: كاينة واحد الدار ديال مي الله ارحمها فالمحمديية بغيت نشريهاا ومبغاوش يبيعوهاا
حذيفة: علاش مبغاوش !
ايمان: معرفتش ،مكرهتش نشريهاا
حذيفة: صبري شوية تقدر مع الوقت يبغييو يبيعوها
ايمان؛ كنتمناا
حذيفة: ياله تعشااي وشربي دواك
حركات راسها بااه بقا مسايسها حتى عطاهاا الدواا وقال: بالشفاء
ايمان(تنهدات ): اميين يارب
جمعوو الطبلة بجوج صلااو وسبقها لفووق عيط عليها من الفوق باش تجيب تيليفونو معاهاا
مشات هزاتوو ،حلاتو وجبدات نمرة الطبيب بلوكاتهاا من عندوو وطلعاات لبييت
نهار على نهار اثار الدوا ولاات كتباان النعااس والهدووء والسهوة بحال الى مخدرة هادشي زاد مرضها كتحس حتى بداك شوية ديال النشااط لي كان فيهاا طفاا ،ولا كيشربو ليهاا بزز منهاا غير كتشربوو كدوخ فبلاصتها جامدة بالنعااس وحتى الوزن تزادها شوية من لكلسة وغير لماكلة والنعاس و الدوا الحنيكات باانو وتزادت
دازو شهرااين اخرى الحالة لي كانت كتجيها مبقااتش وباقة كتاخد الدواا وبااقي غير الدار ولكلسة وخدامة على الاشهارات عن بعد فكلشي
بدات الاجواء والناس كتعتاد على المرض بداا الزيار كينقص وبنادم كيخرج مرة مرة مع احترام الشرووط والوقت المحدد
اليووم كانو عارضيين على طارق و زينة بمناسبة عيد الاضحى لي داز عاادي فهاد الظروف كتشرييه مد__بووح من بلاصتوو ومقطع ومقاد ،من بعد اسبووع دارو عرااضة لييهم شلاايض والعواصر والطبلة مكتخواش من اطبااق حذيفة الشهيرة
لابسة القفطان ومقادة شعرهاا كتعاون فييه فلكوزينة وريحة اللحم والشواية ديال الضو محطوطة كيقاد فلكوطليط
ايمان: مممم هادشي بنين
حذيفة(تحنا باسها كيضحك ) : نتي لي بنينة
ضحكاات وتخشاات فييه وقالت: حبيبي كتبغييني ؟
حذيفة(باس جبهتها) : شنو باان لييك
ايمان(بدلع): كيعجبني نسمعهاا منك
حذيفة: كنبغييك وكنزيد نبغييك
ضحكات كتلعب فتيشورت ديالو وقالت: كتبغيني وخة شي مرات كنعس ونخلييك ههه ولا كنعس ونخلييك كتهدر بوحدك
حذيفة(ضحك كيمسح فايدو وعنقها ) : عادي احبيبة ديالي ماشي لخااطرك دابا ترجعي مزياان
ايمان: بغيت غير امتا نسالي داك الدواا عيااني بزااف
حذيفة: ياك غير مبقيتي كتحسي بوالوو
ايمان: كنحس براسي مبنجة ومعجبنيش الحال كنحس براسي بحال الى ظالماك (هبطات راسها ) توحشت نبقاو سهرانين انا ويااك
حذيفة: صبري شوية صحتك هي اللولة مالي انا زربان ؟ العمر كلو ديالناا
ايمان(بحب ): احسن حاجة وقعات فحياتيي هي نتاا …الله اخلييك لياا احبيبيي
حذيفة(شدها بقبلة طوييلة كيدوز ايدو على انحنااءاتهاا ويعبز ويقول) :غلاضيتي الدووبة
ايمان(ضربات ايديه ): هداا هههه المهيم الكرش مكايناش هههه
حذيفة: الى بغيتيها حتى هي نعمرووهاا
ايمان: هههههه اويليي مزال الحاال
حذيفة: ههههه انا غير قلت نديرو لك خاطرك
ايمان: هههه مزال مكنفكر
حذيفة: حتى انا مزال مكنفكر فداك الموضوع غير كنضحك معااك والى قلت لييك بغييت شنو غتقوليي
ايمان(بحب ) : نوافق ،شكون هادي لي مكتبغييش تحمل من الراجل لي كتبغييه
حذيفة(ختمها بقبلة ) : كل حاجة بوقتهاا مزيانة حتى نرصيو امورنا
تبسمات لييه ومشات كلساات فوق الفطوي بعيااء شادة التيليفون ديالها لي ردو ليهاا هادي شهر تقريباا ومع دالك حلات لكونط ديالها فتيليفونوو ولا عندو وسواس ضروري يدخل يقلب كل مرة شنو غيكوون والى لقا شي حاجة ماهيااش كيمسحها بلا متسيق ليها هي الخباار ولاا وراها بحال جنود الخفااء وهادشي كلو كيديروو من حبوو لييهاا ومبغاهاش تزيد تكرفص على داكشي لي عااشت
اما نورة ف من ورا التهديد لي عطاها مراد شخصياا دخلات سووق رااسهاا داتهاا فمشروعهاا وفلايفاات فالتيكتووك وزادتها الشوهة شهرة فتحات انسطا جديدة وتيكتوك جديد حيت طارو ليها ولقاات راس السطولة مزال باغيينها وكملاتها باستهدااف البنات لي كيعانيو من التنمر ولات كدير برومو ف اللحسة وهادشي ساعد فانها تبقاا فالصوورة ،ولكن ايمان عمرها فكرات تشوف شنوو مزال كدير قبل ميعطيها حذيفة التيليفون كان بلوكاها ليها من لكونط انسطا وتيكتووك
داير جهدو كامل باش ترجع انسانة طبيعية
مدازش بزاف حتى تسمع الدقان فلباب ناضت ايماان كتقاد فالقفطان حتى توجه حذيفة لباب بكندورة كحلة
لقاو طارق وزينة حتى هوما بلبلدي وهازيين كاطو فايديهم سلمو ودخلوو كلسوو فلفوطووي ايمان من بعد الترحيبب دارت دورها كسيدة البييت وجدات الصينيية ديال اتااي مع طبسييل ديال اللوز ولبيسطاج والكركاع وتمر معمر بريستييج هي لي صاايبااتوو
حطات ليها زيينة لكرطونة حطات لحليوات فطباسل وقالت: محنتي رااسك
زينة: هانيية بصحتكم كيدوزتو العييد
ايمان: ههههه عااادي
زينة: هدا هوا عيد الغربة الصراحة وكملها بكوروناا (ضرباتها لكتفها )غبرتيي اصااحبتي
ايمان(تبسسماات وتنهدات كتقول فراسها كون تشوفي حالتيي ) مع الوقت والله(نتابهات لكرشها باينة شوية ) حسابني غير انا لي غلاضييت هههه
زينة: انا مع الحمل قريبة نفيض ههه
ايمان(ضحكات): وينو حااملة
زينة: عاد فرااسك ؟ قالها طارق ل حذيفة
ايمان: هههه والله مفرااسي مبرووك علييك شحال عندك
زينة: الله ايبارك فييك دابا 3 شهر ونص …يمكن ملي كنتي عيانة شوية نسا مقالهاا
ايمان: سيي كنت مرضت شي اياام
زينة(طبطبات على ايدها ): مديريش فبالك …كل عندو فموو يقول لي بغاا
تبسماات ليها ايمان بمجااملة وقالت: داكشيي ..سيري كلسي متبقاايش واقفة
مشات كلسات حدا راجلهاا والاخيرة عمرات اتااي زويين منعنع وكيسان مدهبين ديال الضياف داكشي زوين وهماوي
حط حذيفة الصينية فوق الطبلة تاع الزاج وايمان حطات الطبااسل
طارق: كويس هدا الله اعطييك الصحة
ايمان: بصحتكم
حذيفة: مال ناصر مجاش
طارق: علاش مقالش لييك الصگع يمكن تعاداا
حذيفة: وايليي مقاليا والوو
هنا ايمان وزيينة فتحو حوارهم الشخصيي كيهضرو فاشياائهم الخااصة كريمات مستحضرات حوايج اي حااجة كتجدب النسااء
وخة هكاك بدات كتحس بلعياا وبلي باغة غير تنعس وطفاا
حطو العشاا منووع ومشكل فوق الطبلة كيشهيي زينة خرجو عينيهاا
طارق: بشوية بشوية
حذيفة: خليهاا مالك حسدتيهاا
ايمان: ههههه دابا راه جوج لي كيااكلو ماشي بوحدهاا
طارق: بصحتها غير ضاحك
زينة: لا غير هضر بصح باش ندور ليك
لاح حذيفة ايدو وراا ظهر ايمان وقال: زيديي
ايمان: مزال معرفتي شنو عندك !
زينة: مزال حتى نمشي لكونطرول منهنا واحد 15 اليوم عاد نعرف
حذيفة(حط لايمان فطبسيلها ): تكون غير الصورة مكمولة
ايمان: خاصك غير توجدي السمياات هههه
زينة: انا نسمي لبنت وهوا الولد
طارق: ولكن سمية بعقلهاا ماشي افلام تركياا
زينة: لعندااك سميية زوينة ومختصرة كتعجبنيي قالييك لاا
ايمان(شربات العصير كضحك ) : من حقك تسميي لي بغيتي
زينة: ان شاء الله غنسميهاا نور شهوتي فهاد الاسم من زماان
ايمان: نوور
زينة: كيجاك بصرااحة مختصر وساهل يتنطق هناا
ميلات راسها بابتساامة بااهتة وقالت : زويين الصرااحة …
شاف جيهتهاا حذيفة وتبسمات لييه كتلعب فطبسييلهاا فقط وكتسمع الحوار
ودخلات فحوار مع نفسهاا من اللحظة لي تجبد اسم نور
بدا كيدور فبالها سؤال وجاتها لحظة ادرااك
فين كاينة نوور ؟
اخر لقاء ليهم كانت عندها سبع سنين تفكرات تعنيقتها تفكرات هضرتها الزويينة وصغيرة كانو لوليدات هوما الملائكة والبرائة لي كانت كتصد بيها الحݣرة
نور ، أسامة لي كان كيجي فرحاان وينعس حداها ويقوليهاا كنبغيك نتيي احسسن اخت
بلا ما تنتابه خلاتهم حتى هوما يكبرو بين جوج تنااس مفارقيين عيشاتهم نفس مصيرهاا ،واش حتى هوما غيكونو بحالها ؟
شنو غيكون واقع معاهم داباا …تنهدات وعينيها فالطبسييل مقدراتش مزال دخل معاهم فحوار معرفاتهمش مزاال عليااش كيهدرو …جاها طنين فودنهاا غمضاات عينيهاا كتسننط لييه
حط ايدوو على ركبتهاا كيعييط باسمهاا تلات مرات عاد حلات عينيها فييه مبااشرة لقاتهم كلهم كيشوفو فييهاا بتركييز وكيسولو مالهاا …حطات ايدها على ايدو تحت الطبلة
حذيفة: ايمان! حاسة بشي حااجة
بغات تفاداهم و تنفارد برااسهاا وقالت: غير الطونسيوون يمكن
زينة(كبات ليها الماا ): شربي الماا ،هاكي
طارق: دير ليها شوية ديال السكر
ايمان: لا لا بلااش (شربات لماا وحذيفة مرااقبهاا شد من عندها الكاس )تسمحو لياا نشرب غير شي كينة
زينة: خودي رااحتك ا ايماان
حذيفة: غير كلسيي انا نجيبها لييك
ايمان: غير خلييك
وقفاات مبعدة لكرسي ومشاات طلعاات البييت راسها كيدوور بغات غير تحطو فاقرب مخدة وداكشي لي داارت تكاات مغمضة عينييهاا وبقا لتحت حذيفة مشوش عليهاا
حتى نااض تبعها طل عليها لقاها متكيية ومشا جيهتها مشوش
حذيفة: ايماان واش نتي بخير ..تمشي لطبيب ؟
ايمان(مقادراش تحل عينيها ) : والو احبيبي…ولكن حسييت بلعياا مقادراش نحل عينيي
حذيفة: صافي رتااحيي شوية ونجي
مخداش جواب حييت تقالت خلا الضو شاعل وهبط عندهم لقا زينة كاتحول فلماعن لكوزينة
حذيفة: غير خليي داكشيي ا زينة
زينة : فين ايمان يكماا طاح ليهاا طونسيون بزااف
حذيفة(حك مؤخرة راسوو ) : اه خليتهاا متكيية
طارق: الله يجيب الشفااء تاحنا نيت هادي الوقت
حذيفة: عاودوها مرة اخراا ان شاء الله
زينة: هاد المرة نتوما لي تجييو تولي ايمان شوية وجييو
حذيفة: ان شاء الله
توادع معاهم مشاا جمع لماعن خشاهم فلماكينة كما كاروو عاد طلع بدل علييه وغسل سنانو
دخل البييت لقااها كيف خلاهاا نعساات بقا مدة كايشوف فيهاا من حدا الباب …كيبغيهاا وكيحماق عليهاا ولكن كاين واحد الجانب ااخور مكيبغييش يبينو ليها كيتغاضا على بزااف تاع الحواايج كديرهم ،اللبس ، السطورياات، اللايفات ، هادشي كلو باش مايقلقهااش حييت كتبقاا فييه غير كيتفكر شنو داز عليهاا كيغمض عيينيه ويسكت ربماا تخلطات لييه الحنية مع الشفقة معرفش الحاجة الوحيدة لي عاارف هوا مكيبغيش يشوفهاا ساهية ولا بااكيية ولا مقلقة
سد وراه الباب وقرب ليهاا …حيد ليهاا لفيليل لي كانت جامعة بيه نص شعرهاا حيد السااعة والخاتم حيت عارفها كتحيد كلشي باش ترتااح
حطهم فلمجر حداها فلبواطة ديالهم داعب خدها ملي شافها تحركات وقال: حيدي القفطاان باش ترتاحيي
بصوت نااعس: مقاداش نووض
حيدو ليهاا وتقلبات على كرشهاا حل ليها السوتياان وجبدهم من تحت البييل ورجعات تكاات باسها فكتاافهاا ،حيد التيشورت ديالو وجا حداهاا غير حسات بجسمو حداهاا تقلبات فوقو مرخيية وحضناتو
عنقهاا كيمسح على ظهرها حتى حس بيهاا جمداات نعس حتى هواا وطفا الضو
حلات عينيهاا لقات الظلام وقالت: حبيبي
لاحت ايدهاا لجيهتووو ملقاتووش ناضت مخلووعة الدار كلهاا كدوور بيهاا شعلات الضوو كتعييط باسموو كتنووض وطييح وتبكييي وكتغوت بسمييتو بحال الحمقة كدخل من بييت لبييت هابطة فالدرووج حتى تكركباات من الفووق كتغوت
فاقت وسط فرااشهاا كتغووت شدات فقلبها تاشعل الضو على غفلة ودغياا تلاحت علييه حاس بقلبهاا كيضرب
حذيفة (بصوت تقيل بالنعاس لانه فااق من غرق النعاس على غواتهاا معرف باش تبلاا طبطب على ظهرها ونطق ) مالك
كلها كترعد بعدات علييه عرقانة بالصهد حطات يدها على صدرها وقالت: غير كنحلم .سمحلياا ففف
حذيفة (داعب كتفها ): اعوذ بالله من الشيطان الرجييم ،حلمتي بشي حاجة خايبة (بمزاح )يكما سلختك حتى نطقتي سميتي بلهلا يطريه لييك
ايمان(تكات على كتفوو مخشوشة فييه وطلعات ايدها لحنكوو ) : ماعررفتش بحال الى كنقلب علييك ملقيتكش وجيت هابطة مع الدرووج واناا نطييح
حذيفة(غمض عينيه ) : انا حدااك اكبيدة
هزات راسها فييه وقالت بشك : عنداك شي نهاار تخليني
حل عينيه كيشووفييهاا وقال: علاش غنخلييك
ايمان: معرفت ،نطلع ليك فراسك
حذيفة: حيدي من بالك هاد التخربيق واش كنبان ليك دري صغير دغيا كنمل من شي حاجة !
ايمان: ماشي هكاك (كداعب زغيبات فصدرو) معرفت كيجيني طبعي فشكل مرة فرحانة مرة (تنهدات ) معقدة يااك (سااطت )نااري تفكرت ماتسيفطتش مع زينة وطارق !
حذيفة: عادي عيتيي
ايمان: عنداك يديو عليا نظرة خايبة ، الصباح نهدر مع زينة
حذيفة: ان شاء الله (هز تيليفونوو قلبو )فيقتيناا قبل نص ساعة الفجر
ايمان: شحال ماصليت معاك لفجر
حذيفة: كنعيا نوض فيك خاامرة
تبسماات وقالت: نوض نسبقك نتوضى نتاا تكا حتى نفيقك
باستوو وناضت منقزة من فوقو حتى شحطها لمؤخرتها مشات كتحك فيها وضحك …نهار على نهار ولات كتولف بسالتوو لي مكاتقضاش على طول النهاار ولات حتى هي جبهة معااه كيكون واقف ماعليه مابييه فلكوزينة حتى كتهبط لييه الشوورط ضحك وتهرب لييه
دخلات توضا شمات راسهاا حيت عرقاات ومشات تخشات تحت لماا بارد حيت الصهد دارت غير لجيل دوش يعطر لحمهاا برائحتو المنعشة لوات عليها فوطتها ومشاات بدلات عليهاا بشورط ستان وسوتيان من الدونتيل فيهم لبانضة لتحت لبسات عليهم عباايتها ..دات معاهاا الفوقية ديالو ومشات لبيت فرشات الصلايات ورا بعضياتهم وكلسات كتسنااه
كان ادن جا لبس علييه وصلاو وبقا مطول فالدعااء شوية
استغلات الوضع وخدات صورة لوضعيتهم فوق الصلاية وتبسمات لصورة
وقفات جامعة الصلاية وهوا حييد الفوقية وخرج لبالكون …حيدات العبااية وتبعاتوو عنقاتوو من اللور وباستوو فظهرو ،حتى دورها عندو وصفر وقال: اش هادشيي تااني(شم ريحتهاا عاضها من عنقهاا)
ميلات رااسهاا وقالت : مالك
هزها عندو غاطس راسو فصدرها وقال: غداا غنمشيي لدييك الشركة
ايمان: غتدي معاك لغوب
حذيفة: سييي ضروري
ايمان: غتخليني بووحدي
حذيفة(عضها من فمهاا ) : مكرهتش يزيدونا شي شهرايين ولا ربع شهور فالدار
ايمان: ههههه
حذيفة: ناوية على خزييت (غمزهاا ) اش هاد الزيين طالقة عليا فلفجر
ايمان: توحشتك ،متوحشتينيش ؟
دخل بيهاا لبيت وسد لبالكون رماها على السرير وقال : غير مكنبغيش نفيقك لنعستيي ولكن لفقتي راه مكانعتقكش
ايمان: دابا انا فقت لييك
حذيفة: تبرعيني
ايمان: وتبرعنيي !
حذيفة: نبرعك حتى توليي طلبيي وتزاوݣي مزال ههه
ايمان(رمات راسها اللور كضحك ورجعات شافت فييه ): برعني نبرعك
حذيفة(عض على فمو ) : شريتيهاا
فهاد الشهورة لي كلسوو فيهم وجها لوجه بسااعة وبختهاا خلاتهم يزعمو على بعضيااتهم وميخليوش شي حااجز بيناتهمم فايطار الحلال
علاقتهم سلييمة ومتراابطة كيتفاهمو بالعقل بعيدا على الجهالة و السباان معمروو سبهاا ولا سمعاتو كيسب وحتى هي هكاك
فقط يقدر يلوح ليهاا كلماات كاتخص العلاقة الحميمة ،يوصفهاا او يتحلف عليهاا او يعطييهاا متال لشنو غيدير ليهاا
وهي ولات كتستقبل هدرتوو وكتجاوبوو مزاال وتحدااه
فيض علييها الحنان وفيضات علييه الدلع والانوثة لي محتاجها هوا كرجل
اليوم التالي فااق ناااشط مدوش مرييح لابس دجين كحل ولفوق مزال مالبس داير ساعة جلدية فايدو والساعة لي حداه ضاربة ف 9 تاع الصبااح
كيوجد لييه فطورو ..حتى سمع حسهاا فالدرووج جاية كتااوب ب بينوار كريمي من ستان الحرير كيلعب على جسمهاا غير شافتهاا لمشة مشاات عندها كتجري وهزااتهاا فايديهاا ومشات عندوو بتاسم ليهاا وبااسها وبقات لاصقة حدااه
ايمان: محسيتش بييك ملي نضتيي
حذيفة: شفتك ناعسة مابغيتش نفيقك
ايمان: خارج داباا ؟
حذيفة: غير نفطر ونمشي نصايب ليك معاياا !
ايمان: تء مازال الحال بلاتي ونفطر
حطات المشة تفطر حتى هي و غسلات ايدهاا ومشات فوق ركابييه وكلسسات كتقاد لييه فشعروو شادها باييد وكيفطر
حذيفة: ملي نجيي نخرجو شويية
ايمان : ولكن واش تحل كلشيي ؟
حذيفة: نوو مزاال ياله بدااو شوية بشوية … الى بقاو هكاا كيحلو راه فاللخر ديال الشهر نقدر نرجع لخدمة
ايمان: ولكن الحدود !
حذيفة: اش بغيتي الحدود تهربيي
ايمان: ههههه خدمتيي اناا
حذيفة: كيفااش خدمتك
ايمان: فشهر 1 عندي واحد الحفل ف دبي ..وخاصنيي نمشي لروماا على ود التصوير مع (Gucci )وعاد الاغنيية
حذيفة: مزيان نيت لي سدو الحدود
ايمان(ضرباتو لراسو كضحك ) : كتشفا ،نيت غتوصلني شي كموند وخاصنيي نصورهاا
حذيفة: نهار يحلو محال نشدك مزال
ايمان(ضحكات): غنحاول نخفف كلشيي متخافش (باستو ) ولفتك معاياا
حذيفة: نتي مناوياش تخلينيي نمشي نخدم
ايمان: مكرهتش
حذيفة: نوضي رانيي على سبة نوضي
ضحكات وناضت كتقاد فلبينوار طلعات لفووق صلحات ليه قميجتو البيضااء اول مرة تشوفو بملابس رسمية بحال هكا جا بحال شي عرييس بالطولة والتجرييدة خاصوو غير السلهاام
سدات لييه لعقااد وقادها مع السروال وهبط لتحت كيجمع لاغوب فلكرطونة لي كبيرة وايمان معاونااه
غوب لي خدات منو تقريبا شهر باش يخرجها بلمواصفاات لي طلبوو لييه منبتة بثووب غاليي وملبسة من لتحت بحال شكل الاميراات عاد لكتاف كانو كلهم حجر كيلمع
ودعااتوو وهوا كيوصيي شربيي دواك وتيليفونك يبقا شااعل
سدات ورااه الباب وتكات عليها ميلة رااسهاا كتشوف فالدار و السكااات غير المشة كدور حدا رجلهاا
هزاتهاا وطلعات كتلعب معااها ،مشات لبيت وتكات شادة تيليفونها كتشوف الجديد وكتفرج تلف الوقت
فهاد الاشهر تعلمات تكون ربة بييت تقاد الداار تجمعهاا وتريحهاا وتصايب ماكلتها بوحدهاا
كتعلم من يوتيوب وحتى من حذيفة
صونا ليهاا مراد هضرو فتفاصييل العمل من ورا متحل الطرييق على المدن وموراهاا هضرات مع حذيفة غير مساجات
ايمان: بب امضرا ! شنو درتي معااهم
دخلات موراها لكوزينة تلف وتشوف شنو ديرر حتى وصلها مساج هازات كتقرااه بابتساامة وزادت توسعاات مليي شافت شنو كاتب
حذيفة: صافيي الزين قادييت معاهم الامور دابا شوية غنهضرو فلخدمة
فرحاا لييه وقالت: هي شي حفلة هههه
حذيفة: اييه عرضي على كورونا وطاسيلتهاا
ضحكاات وقالت: قنعتيني هههه
حطات التيليفون بنشااط ومشاات جبداات الدجاج شنو دير ،شنو دير خلات الدجاجة وجاوبات وديان لي كتصوني
وديان: مولات الداار اش كتروني تماا
ايمان(كتقاد فطابلية ) : غنوجد الدجاج(كتفكر )محمر صافي لقيتهاا ( جبدات ليگات جداد باش ميصفاورش ظفارها لي واخة مصابغاهمش مطولاهم )
وديان: ههههه من الحمارة لطيارة
ايمان: سكتي خليني نطيب
وديان (شدات حنكها كضحك ) : واتااك الزواااج هههه
ايمان: السريييط هداك ههه
وديان: كيجاك الزواج احبي عطينا نصييحة
ايمان(توسعت صحكتها ونطقات منيتهاا ) : زويين كنت ظالماه ههه
وديان(ضحكاات ) : العفريتة عجببك ليلو
ايمان(دارت طرف تاع البنان ففمها كضحك ) : هاد السااعة عاجبني ليلو ونهاارو هههه
وديان: شهيتيني فشي تزويجة تا انا هههه ولكن منطييبش ههه
ايمان : حتى انا راه مكنطيبش …الصراحة حذيفة مكيقولش ليا طيبيي ولا شي حاجة بلعكس كيقوليا شنو نطيب لبيك
وديان: غير بلااتي مزال جديدة هههه
ايمان: خليني نطيب غداياا سيري دگي شي براا لشي حد
وديان: واخة يلالة ههه
قطعات معاها وبقاات دايرة فيديو لحليمة الفيلالي كتشوف كيفاش دير لدغميرة حطاتها فلكوكوط ودارت معاها عطريتهاا والقزبر والتومة وخلاتو يتشحر مع البصلة
قطعات الشلاضة فسوبيرة وخلاتهاا ومشاات كلساات حتى صونا الباب مشات طلات من العين بان ليها ليفرور
زادت عليهاا بينوار ودارت لبافيط ديالهاا حلات الباب سنات لييه ودخلات مجموعة من لكرااطن صغير والكبير
ضحكات وهي كتقرا شنو مكتوب لقات جوج منهم ديال حذيفة حطاتهم فالجنب وتفرغاات لدياولهاا وحدة من دوك لكراطن كانت دعاية لمنتوجات
مشات بدلات عليهاا ورجعات صايبات التيليفون فلعصاا ديال التصوير مع رينك لاييت وبدات كتحل مجموعة ديال الزيووت العطرية الخااصة بالمسااج والاسترخااء وحتى سيرومات لشعر مستخلصين من اعشااب وزيووت طبيعية
لشركة اسباانية معروفة ..استهدفات الاسبان وتكلمات بالاسبانية فالسطورياات كتشررح وكدهن فايدهاا وكتششم
والكرطونة التاانية كانت للماركة ليي تواصل معاها مرااد ديال الساعات كانت ساعة نسائية و وحدة رجاالية صبوور واكسسوارات كيجيو مع السوايع
سالات هادشيي و وراتهم الصااك(Gucci) الجديد لي عاد وصلهاا
مع الريحة الرجاليية لي طلباتها مع لكوموند
سالات سطوريات عاد كلسات كتجرب تشم وتختار فين لي زوين فين لي لاعلاقة
وصلها مسااج من حذيفة : شربتيي دواك ؟
بدات كتبييض فعينيها وقالت: سييي قبيلة …جاي ولا مزال
حذيفة: واحد الساعة يكما قنطتي ؟
ايمان: بزاااف توحشتك اجي خلااص
حذيفة: ؤك حبي نساليي ونجيي
تبسماات وناضت قاداات الحالة لقات لي غيݣل جاتهاا بدلات عليهاا ومشات لدواهاا كتشوفييه باقي ليها شهر ديال الطريطمون فيه مبقاتش حملاتو رجعاتهم لبلاصتهم ومشاات صبغات ظفارها تقدات جميع اللوازم لي كتحتاج فالصباغة فظل الظروف فاش بقات محبوسة وهي من النوع لي ميمكنش تبقا بلا ظفار دابا مع الصلاة متقدرش ديير الجيل ولكن كتصبغ وتمسح
هبطات لتحت طلات على غداها طفات علييه ودارت لفريت فلفران كيف علمهاا حتى يقرب وتشعل علييه
ومشات كلساات كتسنااه كتفرج حتى داتها عينيهاا ونعسات
حتى كتحس بقبلاات على خدهاا وفمهاا…حلات عينيهاا بان ليها هوا ولاحت ايدها دوراتهم عليه وقالت: نعست
حذيفة: ممم ،تعطلت علييك
توكضات وگلسات حداه مخشية فييه لقاتو مبدل علييه عرفاتو غسل عاد جا عندها وهي مغيبة
ايمان: محسيتش بييك
حذيفة : دخلت لقيتك مغيبة
ايمان: كيدوزتيي النهار
حذيفة: مزيان ،اجي نورييك لبيروو الجديد
قربات بحمااس كيوريهاا صور ليها فيديو مفصل على الشركة قدااش كبييرة وكل مصمم عندو مكان خاص بيروو بابو من الزاج
بيرو من الزاج كدالك فوقو طابليط وبعض الاوراق واحد لمانكان فالقنت وخزانة من العود برفووف بالسوارت
المهمة ديالو دابا ولات غير التصميم ويوقف علييه فلاتوليي يتخييط يختار الثوب
شافتو فرحاان وكيعاود ليهاا وصور ليهاا كولشيي وقال: عرفتي خمس سنين وانا ضاارب على هاد الشركة
ايمان: تستااهل احبيبي ههه دابا حتى نتاا غنولي نشووفك فالتلفازة ههه صافي بدييت كنغير
حذيفة: هههه غنبقا بعييد مخاصني تلفازة
ايمان: علااش انا بغييت نشوفك شي مصمم مشهوور ان شااء الله نولي نلبس غير لمارك ديالك
حذيفة: ان شاء الله علاش لاا طلبها غير كبيرة …شمييت رييحة زويينة شنو طيبتيي
ايمان: طيبت لييك الدجاج محمر مع لفرييت ههه
حذيفة: ايهاي ديال النهار الكبيير هههه
ايمان: اييه رانيي مرات المصمم حذيفة الزووهري
عضها من حنكها وقال: ياله راه فيا لموت ديال الجوع …نصلي العصر صليتي ؟
ايمان: لاا غير صليي
شاف ظفارها وضربها لايدهاا وقال: رااحة واناا
ايمان: ههههه دير قيام الليل وحفظ القران قبل مايدير لييك عمي العقووبة
ضحك وناض كيتحلف فيهاا مشا يصليي وهي مشاات شعلات عليه يكمل طيابو ويطيب لفرييت
وجدات طبسييل شهوة منوو مع لباݣيط لي جاب حذيفة معااه كلسو على الطبييلة بجوج كيشكر البنة قبل مياكل وقال: الله اعطيك الصحة الحب
ايمان(بفرحة): بصحتك احبيبي
كلسوو كياكلوو ويهضروو وقالت: نسييت جاتك شي كمووند قبييلة
حذيفة(شاف لكراطن لي حلات ) : مبذرة مع رااسك
ايمان: ههههه غير اشهار
حذيفة: كدابة
ايمان(ضحكاات ): والله مكنكدب اصلاا مكنشدش شي حااجة لي منقدرش نديرهاا …الساعة غادي نديرهاا الصاك راني دايرة عقد ضروري نشكر العروسسة ههههه اما الزيووت نجربهم فييك
حذيفة: والله تنغرغرو لييك
ايمان: ههههه زويين واحد عجبني ديال الحبة السوداء كيحيد الشييب
حذيفة: كيحيد الدنووب
ايمان: هههههه هوا لي بقاا ههه
تغداوو وجمعو الروينة عاد كلس يرتاح قدام التلفازة جار قدامو لكموند لي وصلاتوو
كلسات فوق راس الفطوي ورااه هازة مشتها وهوا شاد موس كيحل بييه سكوطش
جبد كرطونة مربعة مدورة بميكة قطعها وحلهاا وبدا كيجبد فلبواطات لي فييهاا وقالت: ممممم شنو داكشيي
حذيفة: غير شفتي اللوان حوالو عينيك
ضحكات وقالت: لبواطات ديال الخواتم شنو شريتي
حل اللول وكان فيه خاتم نقرة رجاليي مدور من الوسط بخط اسود منقووش وداك النقش كمشات عينيها وقالت: اشنو مكتوب
عطاه ليهاا كدور فيها مدݣوك فييه اسمها “إيمان” بالعربيية ماشي فجهة لتحتانية وانما لفوق دايزة سميتها فلخط الاسود وقالت: واااعر بغييت حتى انا وااحد تكون فييه حذيفة ههه
حطات المشة وعنقاتوو تجرهاا عندو لاحها فوق الفطوي وقال: حتى تمشي وختاريي عندو داكشي
زوين
حل ليها البواطة التانية مسطحة وعريضة كان فيهاا اونصومبل من النقرة فيهم حباات اللؤلؤ الحقيقي فلبيض خاتم وحلقات وسنسلة وبراصلي شافتهم وتلاحت علييه عنقااتوو وقالت: ياعمريي شكراا حمقوونيي دوقك لا يعلى علييه
حذيفة: بصحتك
عطاتو بالظهر هازة شعرهاا دار ليها السنسلة وباسها فعنقها وتقلبات عندو كيركب ليها لبراصلي ..ركبات لييه الخااتم فصبعوو وبااستوو
حذيفة: عندو شي حوايج زوينين حتى نكونو غاديين لمغرب ونتقدا لواليدة حتى هي
تهز قلبها ومبيناتش وقالت: ان شاء الله
حل قدامها لكرطونة التانية كان مجموعة من الكتب الدينية موسوعة كاملة ستفهم حدا الطبلة ورجع كلس
صونا تيليفونوو وقال: الواليدة هاديي ،زيدي عليك شي حاجة
ناضت جرات لبينوار زادتو عليها وكلساات حدااه كيهضرو ومستغلين الحاج مكااينش خارج و حوارهم كان بالدارجة ديجا موصيهم حذيفة قدامها يهضرو بلغة تفهمها
لطيفة: ودابا راه شوية طلقو لنااس تخرج ويني 6 كلشي يدخل
حذيفة: حتى هنا امي هكاك شحال جهدهم يسدوو
لطيفة: انا ولديي بغيت غير نشوفك ولبغات الموت تجي تجيي
حذيفة: بطولة عمرك اميمتيي غير تقاد الامور غنجييو (تبسم لايمان )تشوفي عرووستك
لطيفة(بحسن نيية ) ؛ وضروري اولدي تاهي نكبرو بيها ونتعرفو على عائلتهاا ونرحبو بيهم
تبسم لمو وقال :ايماان انا هوا عائلتهاا اميي والى بغيتيي تكون بنتك الخاامسة مكرهتش
لطيفة: راها بنتيي اولديي وعزيزة كيف نقطة العسل
شاف جيهتها دايرة ديك التبسيمة ديال بزز وسكت حتى رجعات مو نطقات : واش اولدي مدويتيش مع الحاج حنا راه مقد حد يدوي معاه حتى ليين نهضرو بالتخبية واش غانخلييوه حتى لنهار تجييو مجاتش اولديي
حذيفة(تنهد )؛ مهضراتش معاه خديجة ومحمد
لطيفة: مقدووش
حذيفة(تعصب): مقدووش واش داير جر_ييمة واميي اش هاد رويين انا مبغيتش نهدر معااه حيت خفت يقوليا شي كلمة مغنصبرش لييه
لطيفة(بحزم) : راه بااك هدااك احذيفة ونتا لي خاصك توصل لييه بليي تزوجتي الدراري راه مقدووش علييه
حذيفة: صافي غنهدر معاه
لطيفة: يدير الله خيير
ققطع معاهاا وبقاو شحال ساكتيين وقال: نخرج نقضي شي غراض ونجي
معقبااتش وقالت: ؤك
هز لكاسكيط ديالو والباڤييط وخرج هبط لطموبيل وگلس كماا كااروو عاد هز تيليفونو صونا لنمرة باه لي كان تيليفون عااديي كيتسنااه يجاوب حتى قال مغيجاوبش عاد تفتح الخط وجاه صوتوو كيقول: السلام علييكم
حذيفة: وعليكم السلام اباا
الحاج: اه حذذيفة لبااس بخير
حذيفة: الحمد لله كيدايرة الامور
الحاج: ولله الحمد ،لباس بعدا خلاوني نحل المحال هاحنا واقفين عليه انا ومحمد .ونتا اش درتيي رجعتي لخدمتك
حذيفة: هاد الشهر غير كاينة شي اصلاحات فييه شويية ..حم باا بغييت ندوي معااك
الحاج: ايه مرحباا
حذيفة: باا اناا قصدت لحلال
الحاج: وداكشي لي بغييناا دير عقلك وتكون بدارك بوليداتك وزوجتك
حذيفة: داكشي لي كااين
الحاج: وحنا عند الوعد اولديي من غدا نعاودو نجددوه
حذيفة: باا راني قصدت لحلاال مع واحد بنت النااس وتزوجت بيها على سنة الله ورسووله
بانت فصوت الحاج الصدمة ولا غير كيتفتف وتاكلمة مبغات تخرج لييه مقادة : شش اش واش اوا عرفتي شكتخرج على فمك ولا معرفتييش كيفااش تزوجت كيدرتي ليهاا ومعاامن تشااورتي
حذيفة: تشاورت مع راسيي اباا ياك مبرزطني تزوج تزوج ودابا مفرحتيش
الحاج: اهااه هكا كيديرو ولاد النااس يتزوجوو بوحدهم بحال الى مقطوع من شجرة
حذيفة: جابتها الوقت وجابتهاا كوروناا
الحاج: داباا على كبريي بترجعني دري صغير كلمتيي طااحت داباا يااك طااحت، العهد لي عطيناا لبنت عمك تبخر هاه
حذيفة(ساط من نفس الموضوع) : قبل مانحط رجلي فالطيارة سبع سنين هادي قلت لييك مقادش على الزوااج والتيقاار زويين
الحاج بصوت غاضب : وكلمتيي انااا فيين خليتييهاا هااه فييين غنعطي وجهي مع ديك الدرية لي بسبابك بقاات بلا زوااج عمرها من عمرك
حذيفة(تعصب) : انا مقلتش لييك واعد شيي حد ،معمري قلت ليك غنتزوج بفلانة واش بزز ولاا
الحاج: زييييد غوت زييت غوت عليااا شتي نتااا معمرك غطفروو اناا راه سااخط علييك
محمد(كان حداه) : باا نعل الشيطان
الحاج: الشيطان هوا هدااا ،انا سااخط عليه قد السما مع الارض
قطع عليه حذيفة مشوكي ماستوعب شنو قال حتى قطع
برد جنونو غير فلكارو
الحاج غير بردات بيه الهدرة وقصد داارو كيغوت ويعرعر علييهم والتيليفون لي لقااه قدامو كيديه معااه وختم كلامو وقال: مباقييش نسمع سمييتو فهاد الداار
كان باقي فالطموبيل حتى صوناا لييه محمد جاوبوو بهدوء وقال: خويا بخير
محمد: ختاريتي اكفس وقت اصاحبي وقلتيها لييه هدر معايا انا اللول بعدا نقوليك اش كايين وهدر
حذيفة: با هوا باا فرحان ولا كاعيي السخط تحت لسانوو
محمد: داباا رااه مشا لدار حيح عليهم وحيد لمي التيليفون باش مايهضروش معااك كاع
حذيفة: بقات لييه ديك الورقة تاهي يقطعها لي جامعانا
محمد: الله اهديك اصااحبي مفهمتش لاش شاد معاه العكس فكلشي راه باك هداك
حذيفة: شنو دابا نطلقها باش يبقا على خاطرو هدا هوا الرضاا عندو غير يشدو عندوو …انا ما هاز تقليد حد امحمد معمري فحياتي واعدت شي وحدة بلي غنرجع ونتزوج بيهاا السلام علييكم الى غير السخط راه ساخط عليا سنين ومنين هاادي غير يجدد السخط مرة مرة
محمد: صافي سير سير نشوفو كيفاش نرطبووه ويكون خير
قطع عليه ولاح التيليفون معصب وقال: فين عمرو رطااب
هبط مغير عندو الجو الحال بدا كايظلام طلع لدارو لقاهاا كتنشر شي حوايج
سد الباب وتقلبات عندوو ماهضرهاش دغياا طلع لبييت وهي متبعاه بعينيهاا كترمش
حطات شنو فايديهاا وتبعااتوو لقاتوو متكي فبلاصتوو كيصونيي بتيليفونو كايلقى تيليفون مو طافي ومرت باه كذلك سخط بالمعقول
قربات لييه كلسات جنبو حطات ايدها على دراعو وقالت بهدوء: مالك احبيبي !
حذيفة: تناقشت مع الواليد شوية وصافي
ايمان: قلتي لييه تزوجتيي !
حذيفة: ممم
ايمان:شنو قال !
حذيفة(مسح وجهوو كيسووط ) : تخربييق وتزعليك هادشي لي قال هدرتو معندها متزيدك لي معصبني هوا حيد لواليدة التيليفون باش مدويش معاياا شوفي داباا الطغياان والمرض
ايمان: خلييه حتى يبرد
حذيفة: يبرد (ضحك بلفقصة ) اودي ا ايمان ، معمرو يبرد
مسحات على كتفوو بنيية منهاا تهدنوو عنقااتوو وقالت: صافي متقلقش عفااك …صوني لخديجة
حذيفة: من بعد ونصوني ليها ماشي داباا ،الى مشاا حتى حلفهم تاهي براسها مغدويش معاياا
اايمان: لهاد الدرجة ! مالك شنو درتيي كاع النقاش وقع بينك وبينو وخالتي مسكينة شنو دخلهاا يحرمها تهدر معااك
حذيفة: هادشي لي عطا الله
ايمان(باستو فحنكو ): وصافي متبقااش مقلق عفااك ، حذيفة غتخليني نحس بليي انا سباب ه
حذيفة: دابا نتيي باغة تنسيني ولا تزيدي تعصبيني مفهمتش غير خاشية كرموصتك فاي مشكييل وقع
ايمان(ضرباتو وضحكات): حسيت بحال الى قمعتييني …لا لا قمعتينيي ونفسي هناا ههه
شدها من عنقهاا قجهاا كتركل وهي بلا عكز بدات كتجبد معااه وضرب فكتاافوو مرة تعضوو كيهرب وجهو من ظفارهاا لي طوالو وقال: عرفتيي تخبشيني بشي ظفر نحيدهم لييك بلمووس
ايمان: صافي سخفت سخفت ههههه حذيفااا صااافي
طاحت من فوق الناموسية كتنهج حمرة وقالت: ندير لييك مسااج
حذيفة: اجي نديرو ليك اناا
ايمان: لا لا كضرني فعضامي
ضحك وسيفط عليها مخدة وقال: عطيني التيسااع
ايمان: اجيي معايا نصايب لعشاا احبيبي عفااك الى بقيتي مقلق حتى انا غنتقلق
ناض بلا عكز علييه هبط معاها مونسها فلكوزينةة وخرج يجيب شنو خاصهاا مع فتح البزطام يخلص كيتفاجئ بورقة حمرة خلص وخرج لطموبيل وجبدهاا يشوف شنو فيها مع حلهاا تبسم تلقاائيااا وضحك كااع كيلقاا ورقة مطوية على جوج غير حلهاا خرجو جناب الورقة بحال اليدين ومرسومة بنت لدااخل حالة ايديهاا ومكتوبة الفووق “I love you sooo much”
عطاتو ريحة زويينة منهاا قربها لنيفو شمهاا مغمض عينيه
فرحو لجييست وخة بسييط كيحتاج فقط مقص ولصااق وشوية الابداع
باس الورقة ورجعها وحفضهاا مزياان وسد عليهاا ورقة صغيرة غيرات المود ديالوو كاامل وفرحاتوو
*الكلمة الطيبة صدقة*
رجع لدار فايدو التقدية ومعاهم الورد الاحمر عادة من العدات لي ولفهاا ليهاا دارهم ولا فيها كتر من ڤاز كل وردة فلوون وكتشمي فيها ريحة الورد فالصالون البييت الكوزينة ضروري تلوح عينيك تشوف شي حاجة من الطبييعة
حل بالسارووت شافها كتهدر رمات عينيها عندو ودغياا حيدات التيليفون من قداامها تبسمات ومشاات عندو قبلة وتعنيقة كيف العاادة وخة يكون خرج غير لطموبيل ورجع
الافعال البسيطة كطول العشرة والاحترام المتبادل كيوطد العلاقة
باسخا فجبهتهاا وعنقها وقال : كنبغييك
ضحكاات فحضنوو عرفاتو قراا لوريقة لي كتباتها لييك بكل حب لانه عارفااه كيفرح بداكشي لبيسط من جيهتهاا وقالت: حتى اناا ههه
كلسو على عشاائهم كيداكرو تقالت: حبيبي … عيط ليا واحد المنتج باش ندير اشهاار هناا
حذيفة: فاش ؟
ايمان: قاليا مراد على شي ماركة ديال التيليفون غيدوز ف تيفي…اش بان لييك
حذيفة: حتى تقراي بعدا شنو طالبيين عاد قرري والقرااية الزيين الصاافي
ايمان: صافي راه قررت غنبدا هاد شهر عشرة ان شاء الله
حذيفة: شنوو بالضبط
ايمان: غادي ندير مساعدة اجتمااعية وفنفس الوقت غنقرا واحد التخصص ديال لابورطوار شنو بان لييك
حذيفة: سوسيال فهمناهاا مزياانة صاليرها حتى هوا مزيان ، ولابو ؟
ايمان: الصرااحة كنفكر فشي حاجة
حذيفة: متلا !
ايمان: ههه مضحكش علياا
حذيفة: حاشا حبيبي عمري ضحكت علييك
ايمان: ههه كنفكر ندير شي ماركة ديال لبارفان تكون اونييك وخاصني نقرا لماركوتينك وحتى كيفاش نستخلص الزييوت وزييد وزييد لمهيم باقة غير فكرة
حذيفة: ان شاء الله
ايمان: وبغيت نقوليك شي حاجة !
حرك راسو بشنو وقالت بتردد شادة فايدو وقالت: حبست الدوا بلاااتيي نكمل بلا متخنزر فياا (كتمسكن) حبيبي والله مبقيت حاسة براسي مزيان هلكنيي فصحتي كتر ماداواني
كنقيل ناعسة ونباات ناعسة انا اكتيف كنبغيي نتحرك هادشي زاد مرضنيي
حذيفة: وغير جيتي وقطعتي الدوا واش نتي شوية لبااس
ايمان: حاسة براسي بخير والى حسيت بلي خاصني ناخدو غنااخدو عيييت منوو
حذيفة: دابا نتي شوفي صحتك راه صحتك هادي ماشي انا لي غنقولييك شربيه بزز
ايمان: وانا حاسة براسي بخير و الدوا كيهلكني وكيمرضني انا مبغيتش نخبي علييك ولا نكدب علييك قلت لييك شنو كايين صافي
تنهد وقال: لي بان لييك
عنقاتوو ودور عليها ايدوو وقال: كنبغييك
تبسماات مغمضة عينيها فصدرو وقالت: نتا عندي بالدنياا وما فيهاا
حذيفة: مم مقلتش لييك ،غيخصني نبدل الدار
ايمان: علاش بلعكس زويينة
حذيفة: غيخصنا التيسااع شوية وعاد زييد بعييد علياا على ود الخدامي بجوج غنشوف فالسونتر
ايمان: غتلقا لغلاا تماا
حذيفة: ضروري ولكن الامان ..شفت شي ديور قبيلة (جبد التيليفون كيوريها فالسييت فيديوات وتصااور )هادو خاويين وهادي مفرشة
لصقو عينيهاا فواحد لبرطمة فيها جوج بيوت وكوزينة مفتوحة على الصالوون مشمشة ومصلوحة بدوق جديد داكشي لي بغات
ايمان: هاديي شوف فيها بلكارات فلبيووت ولباالكون وااعر لكوزينة مجهزة زويينة الصارحة
حذيفة: كنت عارف هادي غتعجبك
ايمان: هههه علاش
حذيفة: حيت كتير فيها الديطاي وزوااق لسطورياتك
شحكاات وقالت: ههههه عجباتني
حذيفة: صافي غداا غنمشيو نشوفوهاا فلعشية ملي نجي
ايمان: مشاات
حذيفة(خداهاا فحضنوو خاشي ايدوو تحت تيشوورت وهي عاجبها لحال ): دابا شنوو مكاين والو
ايمان: سدييناا هههه
حذيفة(ضحك): لهلا يسدها على شي مسلم
ضحكات خاشية وجهها فعنقوو
وتمضي الاياام كراو الدار وفرشاتهاا على دوقهاا ،بدا خدمتوو وبداا ابداعو فالتصاميم النساائية والرجاليية بدا كيدير بلاصتو فديك الشركة لي كانت معروفة بمصممين محدوديين بدا شوية بشوية كيدخل سميتو بيناتهم
من بعد مدة لي كتعدا شهر بداو لي ريستو كيرجعوو بشرووط محدودة كيخرج من الشركة مع 3 وكيمشي نيشان لريستو ومكيمشي منو حتى لتسعوود
في حين ايمان استئنفاات نشااطهاا فالاشهارات سوا فانسطا او اعلاناات تجارية وتلفزية دارت اسمها فاسباانياا
جلسات تصوير لماركة گوتشي وفي ظل هادشي جاها عمل مشترك مع مغني اسباني مغربي الجنسية هوا غنا بالاسبانية وهي بالمغربية موراها دارت اغنيتهاا لي من كتاابتهاا ورجعات لطوندونس من جديد والفلوس كدخل
حذيفة فهاد الوقت كان مرافقها فاي حاجة كتقاد مواعدها فالوقت لي كيكون ماخدامش خصوصا فلويكاند مدابزين غير على المكياج واللبس
مرات يرجعو ناشطين لدار مرة يرجعو مناݣريين ولكن هادشي مانقص ولا ذرة حب فحياتهم
بدات قرايتهاا وبدات كتعمر وقتها ملي مكيكونش معاهاا زادت دفعات لبيرميي وكيعاونها هوا فالسوݣان برا المدينة
وغادية الحيااة مرة ناشطين مرة مناݣرين حتى داز عام على زواجهم ،لي بحالو بحال اي حياة زوجيية فيها من كل فن طرب
واقفة فلبييت لي فرشاتوو بالشهوة وبالموديل لي خاارج فديك الوقت ديكورات بسيطة وزويينة نباتات فالبالكون ستائر بيضاء كيديها الرييح وهي كالسة قداام مرايتهاا كتركب حلقاات دهبية فودنهاا وشعرهاا قادات ليه التقطييعة وجهها كيبريي نقيي ومهلية فييه حجبانها مقاداهم اظافرها طويلة مصبغاهم باللون الترابيي جاي مع بشرتهاا
وقفات بكسيوة كحلة قصيرة مع ليبة سوداء كتبيين كتوضع حوايج النوم فالسانتر وكتعلق وكطوي فحوايج حذيفة كتمسح وكتقاد كل حاجة بلاصتهاا هاد البييت خلاتو لتصوير والحواييج حيت فيه الاضااءة زويينة ومقادة وعاد زيد توصياات حذيفة لي كيحذرها ماشي كيوصيهاا
السطوريات فبيت النعااس ممنووع وحتى هي قد الوصيية تصويرها كلو كيكون فلبيت التااني لي ستغلاتوو ودارت فيه لي بغاات اضااءة وفرااش ومراياات بحال الى داخل لشي محل ديال الحوايج و الكريمات والتصوير كلشي مخلط
فوطوي غووز بب بطابياات مزغبيين فالجنااب
دوزات سبيراتور وجمعاتو رجعاتو كيشعل باش دوز واحد الساعة تاني تجيها شي كموند وكلشي يترون من كترة الحواايج لي كتشري وليي كيوصلهاا ولاو حوايج حذيفة محكورين فواحد القنت سبابطوو وسبرديلاتوو معدودين قداام بلكارات ديال الحواييج عندهاا كتحاول كل مرة تجدد لبسهاا حتى طييح فستييل لي تخلييه هوا يسكت وهي ترتااح
مشات لصالون لي عااد كتااب وتفرش تبسماات وهي كتشوف الاصالة المغربية حااضرة فصالونها اخيرا بعد طول انتظار خدا منهم وقت طويل حييت عاد كلشي استأنف العمل
صالون مربع صغير مفرش بطلامط فلكري منقوشيين ومخاد بديكراضي فاللون طبلة ديال العود وسطها زااج وزربيية فتدرجات لون الطلامط داكشي لفرييع قدامو بلازما كبيرة وتحتها طابل من العود مناسقة مع الصالون فرفوفهاا قرآن وكتب ديال حذيفة وفوق الطابل صورهم مستفيين مع ديكورات بسييطة من الورد وعواد الند
لكوزينة لي حتى هي مجهزة فاللون البيض والكحل ورخامة كبييرة فاصلة بيين الصالون والكوزينة فوقها ڤاز كبيير فالابيض من الورود الاصطناعية مغطي شوية بيينهم بزوج وعاد الورد لي مكيخطاهااش مفرق ف ڤيزان صغار فلقنات فينما كيموت كيجيبو ورد اخور
فهدوء تام عايشيين حياتهم واليووم هوا يوم عيد زوااجهم
وقفات كدير لفواطة على خصرهاا حاطة تيليفونهاا تصاايب فيديو كيف كل مرة دخلات لكوزينة
متنساش اول مرة حطات فيديو كتقاد كيك بلفلاان وكتحيدوو من المول حتى تكفح كلوو كانت طالعة لاايف ، تشهر ضحكو عليها بلمزياان ومن تما كل مرة كيطلبوهاا دير فيديوات لطبخ لي داخلة ليه غير سنطييحة وجندي الخفااء لي كيتسمع غير صوتو ورا الكاميرة وشي مرات كيموت عليها بالضحك ملي كيعرفها غتزبلهاا ولاا كلشي ضارو راسو بغاا يعرف صاحب الصووت كل مرة خارجة ليهم بمحتوى جديد
صايبات عشييوة زويينة طلبات حلوة من براا على دوقها خلات كلشي واجد عاد مشات لبساات سروال عرييض مع بودي لااصق ومونطوو طويل
مع سبرديلة نايك عالية
تبوزات فلبيت قداام المراية طويلة عاد حطاتوو وصونات لحذيفة
جاوبهاا فلحين وقال: زعيبيلة
ايمان: الزوهري لعور
حذيفة: ههه احتارمي رااسك
ايمان: ههه بب غنخرج شويية خاصني شي حاجة
حذيفة: اش خااصك
ايمان: وخاااصنيي اويلي
حذيفة: صبريي نجي ونخرجوو
ايمان: حذيفة واش فينما بغييت نخرج كدير ليا محضر
حذيفة: حيت كتغطسي فلحاجة وكتنساي تيليفونك كتخليني مشطوون علييك
ايمان: مغاديش نتعطل دغياا دغياا
حذيفة: بالي …انا شوية نخرج تفوتي سااعة نضبر معااك
ايمان: وصاافي صافي
قطعات عاضة على فمهاا وقالت : اوى الى نسيتي شنوو كايين اليوم انا لي غنضبر معااك
خرجات دايرة لبافييط ونظارتها الشمسية دايرة فصاكها معقم
كتمشاا وكل مرة دخل لمحل تشوف شنوو خاصهاا محلات رجالية كتقلب على شي حاجة خاصة تاخدها لييه
عارفاه كيعشق السواايع وكيعشق لي كاسكييط وكتر من هادشي كيعشق المااطر فينما كانو كيتمشااو كيدخلوو لهاد المݣازة لي واقفة حداها كيشوف شنو الجديد والاتمنة
خداوها رجليها لمحال كبيير فييه لماطر لكباار وسكوترات واحد ينسييك فلاخر شكلا ومضمونا تابعها الباائع كيشرح ليهاا هدا اش فييه والتاني باش زاييد وغاادية هكا وخة مكتفهم والو المهيم كتشوف بعينيهاا
طاحو عينيهاا على موطور كبيير من نوع “tmax” سكوتر فلݣري مااط ،عضات على فمها وكتخيلو بديك الطولة والتجريدة رااكب فوق الموطور وهي ورااه عاجبها الحال ،تحمساات خصوصا هوا مغرقهاا بالهداياا وهي كتعطيه اشياء بسييطة
ايمان: بشحال هدا !
_ 55 الف اورو (خمسة المليون ونص ) ومزال بروموو كيدير كتر ..هاد النوع كيخرج بزااف حييت مرييح لا فالمدينة ولا على براا
ايمان: ممم
شافت مستلزمات المطور من كاسك وكويرة وليكاات بدات كتشوف قيااسوو كتلبس الى جاتها عريضة ومخنشة راه قيااسو
قيسات لكااسك وخدات جوج واحد كحل والتااني كري قيااسهاا حطو ليهاا كلشي فكرطوونة كبيرة وعطاتهم العنوان باش يجيبوهم ليهاا
والموطور بقات مترددة حيت ماشي لعبة تديهاا وهي مكتفهمش فيهم والوو والبائع حداهاا كيزنزن وكيشكر ويزين ليهاا ملي شاف عينيها لصقوو علييه
عمرات شي ورااق خاصيين بييه بالاسم الكامل ديال حذيفة ومعلوماتو لي حافضاهم كتر من ديالهاا زعمات وغمضات عينيهاا وجبدات الشييك كتبات فييه الفلووس وعطاوهااا السوارت شداتهاا متحمسة وفايدها الوثائق الخاصة بالمطور
رجعات لدار كلها نشااط وحمااس لردة الفعل كيفاش غتكوون مشاات للخطوة التاانية دخلات لدووش وفايدها باقة من الورود الحمرااء حطاتهم وشميعاات صغار زلعاتهم فالدوش والدخلة تاع الدار مع الورد خلقات جو شااعري زويين
وصلاتها لكرطونة والموطور حتى تاصل بييهم دخلاتها لدار وحطاتها فواحد القنت مكتبانش
مشات بدلات حوايجهاا بكسيوة حمرة لااصقة وغير خيووط و الظهر كلوو عرياان فتحت الصدر بااينة ضربات مكيااج من داكشيي شافت ساعتها لقات 9 تاع الليل هادي وقتوو مكيتعطلش
بدات كتقاد شميعاات حدا الباب وكتشعل فييهم قادات طبيلة بالورد والشمع ودخلات لكراتان لفراان بينما دخل غتكون واجدة محمرة
كل مرة تخرج راسها من لبالكون تشوف يكما يكون جااي تحت الديور كاين لكاف فيين كيدخل الطموبيل هوا والسكان
حتى قشعااتو ودخلات كطير لبييت رشاات ريحتها والحمااس طالع
البييت مفرش كيشعل باجدد لموديلات وكلو فاللون الابيض والبييج ،كيبعث الرااحة والسرور
خرجات وقفات حدا لبلكار لي تما ديال السبابط وفوقو مجموعة من التصاور ديالهم كاتقاد كل مرة بووز فشكل طفات الضواو وشعلات موسيقى خافتة وكتحلف الى كان نساا هاد النهاار اش غادي دير لييه
مشات ورا الباب كتسمع الساروت كيوور دخل هاز تجاكيط فايدو عياان حال القمييجة نظارات طبيية فعينيه ولكاسكيط قالبهاا …حيدهاا كيتعجب وقال: ايماان
مع سد الباب فاجئاتوو ملي دورات ايدهاا علييه وعنقاتو كضحك
ضحك ودورها عندوو غير شاافهاا عينيه خرجو وصفر مدورها على راسها وهي فرحانة وقال: اش هادشيي ! طلقتي عليا زيينك تاانيي مم (تحنا باسهاا ) الحمر العمر
ايمان: شنو اليووم
حذيفة(باغي غير يبووس خشا راسو فعنقها غير شم ريحتها زير عليهاا ): نهار من نهارات الله ،بقااي ديري بحال هكا ديماا
ايمان: ههه عجبك
حذيفة(عض على فموو وقال) : بزااف
ايمان(ضرباتو لصدرو ) : شنوو اليووم
حذيفة: اليوم الجمعة(غمزها )غدا الويكاااند
ايمان(غمضات عينيهاا ): ناري احذيفة شريتييها معاياا
حذيفة: هههه صافي الالة متعصبييش …اليوم كملنا عام على الزواج ياك ههه مكنتيش ديري هادشيي كولو كنت نجي نلقااك عريانة فلفراش نعييد بييك
دفعاتو كضحك وقالت: الله امسخك (مدات ايدهاا بغنج وتعوجات فلوقفة وهوا طلق منها كيحط فالسبااط ) ارى لكادو
شافها وضحك وقال: ضروري ؟ محسابش لياا كيفرقو لكادوات فهاد المناسبة
ايمان(ضحكات ): متجيش تالهادي حرام علييك
حذيفة: عطيني شي سينتة ندورها علياا ،انا احسن كادو
شدات ايدها فجناابهاا وقالت: والله تاتشريه
حذيفة: صافي ان شاء الله …ياله داز عيد ميلادك وخديت لييك تيليفون اش باغة نبݣ، اش خديتي ليا نتيي
ايمان: خديت لييك كاسكييط لمااارك
حيدها من فوق راسو كيضحك ولاحها ليها وقال: هاكيي كضحكي علياا بلعاب ميتين وستيين وتخليني نحط لملايين
مشاات لييه كضحك عضاتوو من دراعوو لوا عليها ايدو حتى كان غيقجهاا ولات غير كطلب ،طلق منها وجهها حمرر كضحك وقالت: غير بلاتي ههه
حذيفة: وجدتي لينا شي عشاا ولاا ندوزوهاا بالشمع
ايمان(قربات ليه كتحل قميجتو ): العشاا وااجد ،شنو تسبق دوش ولا تعشاا
حذيفة: طبعا الدوش نصليي ونجيي
تبسمات وقالت: ؤك نجيب لييك حوايجك احبيبي
غير دخل لدووش
دخل يحيد لعياا هي وجدات ليه حوايجوو ودات لييه الفوطة لدووش لي كبيير فيه مراية ولفابوو وبينواار عريض وبلاصة الدوش واقف تما فين كان كيدوش حتى هوا شعلات فييه شميعاات استغلات الضبابة فلمراية ورسمات لييه قلب وخرجات كتوجد فالطبلة وكتشوف فلكرطونة لي مخبياها وراا الطبلة ديال الصالوون عاضة على فمهاا كتسناه يجي كانت وجدات الطبلة كتسنااه
جاي عندها بسورفييت بيتية فلكحل ونظاظر
تبسم لديك الطبيلة عاد مشا عنقها براحتوو ملي دوش وحيد عليه العيياا
غمضات عينيهاا فحضنو برااحة بحال الى ملكت الدنيا بتعنيققتوو
حذيفة: ان شاء الله العمر كلو بجوج
ايمان: ان شاء الله
كلسو بجوج فطبيلة ديالهم كيتعشاو فجو زويين كيعاود ليهاا شنو دار اليووم والروتيين لي دوز وهي كتسمع ليه باهتمام وكتشااركوو افكار
ايمان: هضرتي مع خالتي !
حذيفة: هضرت معاها من عند خديجة
ايمان: سبع شهور هادي مبغاش يرجع ليها التيليفون محاولتيش تهدر معاه ! بينك وبينوو شنو دخل خالتي فهادشي
حذيفة: باش تعرفي تخربييق (تنهد ) مبطا عليا امتا يتحلو الحدود نمشي نشوفهاا صوتهاا عيان وعارف مي كتهزها وتصبر وخة تكون واصلة فيهاا
ايمان: غتكون غير توحشااتك احبيبي
حذيفة(باس ايدها ): سبع سنين مشفتهاا
ايمان: ان شاء الله مبقا قد لي فاات
حذيفة: ان شاء الله اكبيدة
ايمان(شدات ايدوو وقالت) : تعشيتيي نعطييك لكادو هههه
حذيفة: باسم الله
ايمان(وقفات): غمض عينيك
غمضهم وقالت لييه وقف شدات فايدو داتو لصالوون دفعات الطبلة وقالت حل
مع حلهم كيتصادف بكارطونة مربعة كبييرة استغرب وشاف فيها شنو غيكون فيهاا حتى كبيرة هكا
حذيفة: شنو هدا ؟
اييمان: حلهاا
هز حجباانو قرب لكارطونة هزها فوق الطبلة وهي قبالتوو عاضة على فمهاا لداخل كانو مجموعة ديال الكراطن جوج مربعيين وحدة طويلة وكاينبن صغاار كلهم مغلفيين
جبد كيحل حتى كيتفاجئ بكااسك من نوعية ممتاازة فلكحل ضحك وهوا كيقلب فييه وقال: منين طحتي على هادشي العفرييتة ! رجعتي لمكازة ديال داك النهاار
ايمان: وصاافي قلب تانيي
هزات لكرطونة التانية قالت: هدا دياليي
حلاتوو ورات ليه لكاسك لي شرات ليهاا
جبد لكرطونة لي طويلة شوية كيلقاا كويرة كحلة معاها ليݣات كوير مبطنين من لداخل وقاسحيين من برا على وديت لبرد وحتى الى طاح الواحد كيكاليو عليه الدقة
لبسهاا جااتو عباار وقال: معليييكش ناااضية دوقك لا يعلى علييه هههه
ايمان: بصحتك احبيبي(كدور فعينيهاا )
حذيفة: داباا خاصهم غير شي موطوور نركب الزيين وراياا
ايماان: ممم (حكات عنقهاا ) راه باقة شي حاجة فلكارطونة العور
حيد لكويرة حطهاا كتبان لييه كرطونة صغيرة مغلفة وقال: اش هادشيي تاني
هزها فايدوو وهي كتسنا ردة الفعل ديالو حل البواطة حتى كيتفاجئ بسوارت فيهم العلاقة ديال نوعية الموطور ومعاهم بوورتكلي ديال الموطور نييت
فاللول ضحك من لبورطكلي حتى جر العلاقة وتصدم من السواارت ،هز عينوو فييهاا وقال: شنوو هدا
ايمان: سوارت
حذيفة: عرفناهم سوارت ، ديالاش ؟
ايمان: فنظرك
حذيفة : ايمان بلاا دوراان اش هدشيي
ايمان: كادو اويليي
حذيفة: كادو موطوور واش نتيي مضرووبة لراس ولا ماالك
ايمان: انا هكا كندير لييك ملي كتجيب لياا شي حاجة ؟ الكادو كيفما كان كيشدو الواحد ساليناا
حذيفة(باقي كيقلب فالسوارت): واش معقوول شريتي موطوور ولا غير طانزة
ايمان: والله حتى شريتوو لمبغيتيش علمني لييه انا نركبك ههه
بقا ساكت كيشووف فالسوارت ويقلب فييهم شاف لكاارط لتحت ديال المطور فسميتوو ومطبووعة مزال وقال: بشحال شريتييه الموصيبة
ايمان: ماشي شي حاااجة (كدور فعينيها ) تمن رمزي
شدو الضحك وقال: ياربييي هههه
ايمان: ههه (وراتو فالتيليفون المطور ) عجبك
شو كيضحك
غير شاف تصويرة زاد ضحك بالفقصة وشاف فيها وقال: ماشي شي حاااجة غير 5 الملييون
ايمان: او نص
حذيفة: تمن رمزيي ماشي شي حاجة،غداا احبي غتمشي ترجعييه
ايمان: والله لرجعتوو وغتركب فييه وغتسووݣ بياا نرجعو كسوة هوا
حذيفة: نتيي واااحد المبدرة منك مكااين
ايمان(ضحكات ): بصحتك لكاادو تركب وتعاود ههههه طلعت النيفو ديال الكادو باش لكادو جااي تجيب لييا طموبيل
حذيفة: احلام بسيطة
ايمان: جداا
حذيفة(ضحك وعنقها بايدوو باسها فعنقها وقال) : شكرا وخة مكاانتش من الضرورة
ايمان: عارفة شهوتك فموطوور
حذيفة: راه الوقت باش ندور فهاد الموطور لي معندييش
ايمان(ضرباتو لصدرو )وعقل على لكادو لي مجبتي لياا
حذيفة(باسها كيضحك )نعوضها ليك احبيي غير تلهييت مع الخدمة
ايمان: هههه متحمسة امتاا نركبب معاك وتسووك بياا ههه غدا صباح غيجيبووو نخرجو بيه ياك ديجا عندك لبيرمي ديال الموطور !
حذيفة:سيي عندي ولكن فين ورااقو فيين لصورانص ديالو غير اجي وركب …حاجة وحدة لي نضمن لييك تركبي فيهاا داباا وبلا تعطال
ايمان: هههههه تعطلتيي كااع
هزهاا فوقوو حتى تهزات لكسوة بجرأة حيدات لييه القبيية وهوا كيتمنظر فييهاا تهبط خيوط لكسوة الفاصلة بيين لحمهاا
فاليوم التاالي فاقو بجوج فطررو وخرجو قاصديين المحل بزز منوو وبزز قنعاتوو بالهدية لي بالنسبة ليها هي بسيطة
سالاو الاجراءاات وخرجو الموطور كيشعل شحال فرحات ملي ركبب علييه وخدموو وكيدور بيه يقلب هنا وهناا بحال الدري الصغير وهي عاجبها الحال
بعد اياام فجو ممطر داك نهار والبرد خرجو يضربهم البرد وموراها مشااو يتقداو شنو خااص تفرقوو فلمارشي كل واحد كيقلبب فشنو بغاا حتى طاحو عينيهاا فرواق خاص ب لي بيبيي …دخلات بواحد البريق كيلمع فعينيهاا كتمشاا وايدها كدوز على لحوايج صغييوريين حسات بإحساس فشكل …استقرات فسبيبيط صغيور قياس صبعانها فلبيج من التوب فبواطة بلاستيكية
مشات خلصاتوو فلبلاصة قبل ميجيي ورجعات لتقدييتهاا
تلاقاو فلاكيس دوزوو التقدية وبقات شاداه فصاشي خرجو لطموبييل
خلاتو كيستف فالكوفر ومشات كلساات جبداتو كتشووف فيه وصوراتو ل وديان كضحك
خباتو ملي طلع وقال: اش داكشيي
ايمان: وااالو ههه
حذيفة: غير قولي من قبيلة ونتي كتفرنسي
ايمان: غمض عينيك
حذيفة: كترتي عليا ا ايماان اش تما
ايمان: وغمض عينييك اصااحبي
غمض عيينو وقالت: ارى يديك ههه
مد ليها ايدوو كضحك بهمس وحطات لييه السبااط فايدو وقالت: حل
حل عينو فييهاا وهبط عينوو لايدو تكمشوو عينو وتلغات ابتساامتوو وقال: اشنو هادشي !
ايمان: ههه شنو بان ليك
حذيفة: واش حااملة (بتاكييد )ايمااان
ايمان: مبغيتيش تكون باباا
حذيفة(بانفعال) : معامن تشااورتيي
صدماتهاا ردة الفعل ديالوو وقالت: علاش كتهدر معاياا هكا
حط السباط الوسط بنرفزة وسااط بالجهد باينة فيه ماعجبوش الحال وقال: ونتي هادشي لي درتيي مزياان …تشاوريي ماشي ديري شغلك هادشي علاش متاافقيين
ايمان: راه غير ضحكت معااك، محاملااش وكون فعلا كنت حاملة وجاوبتيني بهاد الطريقة كون حيدتوو
حذيفة: اش كتخربقيي ! عندك عادي تحيديه ،مزال ا ايمان كنشوف بلي حنا مزال بعاد على تربية ديال دري صغير شنوو نولدوه نبقاو نشوفوو فييه ؟ ولا نلوحوه لمربياات هادي هيا الامومة عندك ؟ انا راه كنشوف بعييد وخة تجييك هضرتي قااسحة …الى مكناش قادرين نضحييو على قبل هد تربيية راه مزال مقادريينش نولدوو
نهاري وليلي كلو فلخدمة كندخل غير نعس علااش باش مليي يجيو لوليدات يلقاوني مستااقر وحتى نتيي تكوني قريتي وعندك وقت لييه ،غير هدشيي حنا مزال ماكستاعدينش لشي تربية ا ايمان
مابقاتش جاوباتوو تقادات فبلاصتهاا شادة التيليفون لقات وديان مغرقة الواتسااب بلقلووبة وقالت: متقوليهاااش غنولي خاالة ههه حلفي بالله اصااحبتي
مجاوباتهااش حسات بالخنقة والبكيية ومبيناتش ولكن ردة فعلوو حسات بيهاا ناقصة
غادي فالطرييق حس بليي قسح معاهاا بدا كترجع معاه الهضرة لي قال فلحضة من الصدمة والخلعة تخلطو عليه ملي شاف سباط ، ومد ايدو فوق ايدهاا وقال: سمحيلياا ا ايمان راه غير مستريسي مع الخدمة
حيدات ايدهاا وماجاوبااتش خلاتو كيتقلاا وبقا شاك وقال: واش حاملة ولا لا …ايماان
ايمان(بنفخة): محاملااش غير بررد
وقفو قدام الدار هبطات منفخة طلعاات وعينيهاا انفاجرو بالدمووع لي عياات تحبس فييهم دخلات نيشان لدووش وسدات علييهاا خلاتهم يطيحوو حجر…غسلات ايدهاا وغسلات وجهها تنفسات عاد خرجات نيشان لبييت كتحط فحوايجهاا تدخل عليهاا كيحاول يرطب خااطرهاا وهي صاافي شدات هدرتوو وسدات عليهاا مع بزااف تاع الحواايج
مخلاتش فرصة لاعتذارو يمحيي شنو قال عيا يرطب
ايمان(تنترات منوو): صاافي احذيفة ماشي بزز
حذيفة: ايمان حنا متاافقيين على واحد الحاجة جيتي نتي صدمتيني شنو كتسنااي نقوول فيين هدرتناا حتى نديروو دارناا عاد نفكرو نولدوو واش لولاد عندك ساهلين راه مسؤووليية
ايمان: كنتي تجاوب بطريقة زويينة
حذيفة(بانفعال): دابا نتي كتقلبيي منين تجبديي عيبي هادشي لي بااان ليا الموضوع كلو مايستااهلش
خرجو عينيها لي قطرو بالدموع وقالت: مايستاااهلش ؟ مايستااهلش احذيفة
حذيفة: اناا قلت لييك شنو كااين من اللول ا ايماان انا لولاد ماباغيهمش حالياا
ايمان: علااش ! علاااش نتا خدااام وانا خدامة ومن غدا نشرييو هاد الدار لي داير بيها السبة
حذيفة: نتي عندك باش تشريها انا مازال
ايمان: داباا ولا بيناتنا حتى الفرق مابقيناش واااحد يااك
حذيفة: علاش كتعوجي هضرتيي علااااش
ايمان: حييت وجهك وهضرتك قالوو هضرة اخرى
حذيفة(تعصب): اش تقال بالسلاامة فقهيناا معااك
ايمان: قول مازال مامقتانع تولد معااياا. ديك الهدرة ديال الدار غير سبة
حذيفة: عرفيي اش كتخرجيي من فمك بلا منعاودو من الزيروو
ايمان(برجفة فصوتهاا مع ضحكات هبطات دمعة من عينيهاا ) : باغي السبة باش تغبر شي عشر سنين هاد المرة
حذيفة(بقا مدة كيشوف فيها وتراجع بخطوات اللور ) : نبدل ساعة ب اخرى حسن
ايمان(بشهقة): بدل بدل
خرج معصب من عندها سدات الباب على جهدو وكلسات كتبكيي وتشهق
جاوبات ودييان وقالت ليها على الواقعة وجاوبات وديان وقالت: وييلي اصاحبتي فين جريتو الموضوع مايستاهلش والله
ايمان: صدمني بديك لكلمة لي قال
وديان: ابب راه كاينين شي رجال مكيبغيوش لولاد من ديبار
ايمان: حتى انا راه مزال مكنفكر فييهم ولكن غير بغييت نضحك معاه هجرو لييا
وديان: بدلو ساعة باخرى غيكون غير مقلق من شي حاجة جاتو الفرصة وصافي هادشي كيوالو اصااحبتي ههه
بدلات حوايجها وبقات كالسة كطوي فعرام تاع لحوايج مزلعيين ماخرجات من البيت حتى رجعات كل حاجة لبلاصتها وخرجات ب سورفييت كري لفوق قصير وعندو سيور لتحت طالقة شعرهاا
لقاتوو كالس فالصالون شاد تيليفونوو ماهزش عينو جيهتهاا مزال محني على التيليفون ومن حركة ايديه باينة كيكتب
صايبات التقدية فبلاصتهاا هزات عينيها عندو فينما كتبغيي تحن كتلقا هدرتو فوجهها وكتبدا تخببط والبكية كطلع وتهبط فحلقهاا
وبداات من جديد مكيشوفنيش ام ولا مامقتانعش بياا ولا شنوو .شنو لي غيخلي راجلك ميبغيش يولد معااك
كان بدا كيظلام الحال مشات لبيت مسحات وجهها خدمات فيلم فالطابلييت وكلساات كتقاد فظفاارهاا
شافت الساعة لقات الطناش تاع الليل عياات وجمعات داكشي ومشات لبيت النعااس مالقاتووش سمعات صوت التلفازة فالصالون بدلات عليها ورجعات لبييت شعلات الأضواء الخافتة وطفات الضو وتخشات فبلاصتهاا غير كيطيح الموضوع فبالهاا كتبكيي ،الليل كلو كتقلب ماجاش حداهاا
ناضت خرجات كيبان ليها ناعس فالصالون والتلفازة طافية محطوط التيليفون فوق صدرو و النظاظر فعينيه
ربعات ايدها راجعة لبلاصتهاا ومعطاتهاش خاطرها تخلييه بلا غطا
جرات ملاية رطبة وسخونة لاحتهاا علييه ومشات لبييت تكات والنعااس حلف لاجاها ناضت كتقلب على الدوا ديال النعااس تشربو
لقاتو و شربات كينة ومشاات لبلاصتهاا حتى بدات كترخاا وعينيها تغمضوو مخلية الضو شاعل
هوا ضرباتو الفيقة لقا راسو فالصالون سااط ووتݣعد كيحك فراسوو رما عينو جيهة لكولوار لقا الضو جاي من البييت
ناض كيجبد فايدو لي تشنجات علييه ومشا كيجر فرجلييه لبييت حل لقاها ناعسة …لاح حوايجوو ودخل معاها فلفرااش لصق معاهاا ورما ايدو عليهاا باسها فكتفهاا عاد تكاا ونعس طافي الضو اما هي تبنجات ماحساتش بييه
طلع ضو الصبااح وطلعات شميسة تسللو خيوطها الذهبية من لبالكوون وقف سدو مشا صلى ورجع تكا جنبها اليوم غير الحد يبروفيتي فالنعاس شوية شافها متحركاتش من وضعيتها من لبارح بقات عاطياه بالظهر الليل كلوو ملي جا حداهاا بدا كيدوز اييه بلطف عليهاا وكيوزع قبلاتو بلا فائدة ناعسة
مبقاش نعس ببقا شاد تيليفونوو كيتلف حتى تقلباات لجيهتو
لاح ايدو كيحك ليها فشعرها وتقلب جيهتهاا كيداعب خدها وكيعيط عليها بشوية ولكن هي كانت كتجاوبو غير ب ممم وكترجع تغيب
شاف تاعياا ونااض لبس علييه ومشاا يضربها بجريية يبدل السااعة دخل لبييت يهز السورفيت حتى كتبان ليه القرعة ديال الدوا تاع النعاس محطوطة رجع سدهاا وسااط وعرف هاد النهار كيف غيدووز كلو مغيبة ونصها لي فايق لبس علييه وخرج
من بعد مدة طويلة ضرباتها الفيقة راسها كيدور غير كتهزو كترجع تحطوو
ناضت بزز كتجر فرجليهاا وكل مرة تعكلها حاجة مشات غسلات وجهها وبقات مدة طويلة قدام لمراية عينيها حمريين وفيها النعااس داتها مرخيية عليهاا
توضاات ورجعات لبييت كتاوب صلاة ورجعات لبلاصتهاا
سمعات باب الدار تحل وتسد جابت لمخدة ديالو لاحتهاا على راسهاا وتغطات مناوياش اليوم كاع تنووض من بلاصتهاا
حل الباب عليهاا وعيط بسميتهاا ومجاوباتووش مشا دوش ومشا لكوزينة يصاايب الفطور
وجد كلشي ومشاا لبييت حل لبالكون دخل منو البرد والشمش
كلس جنبهاا وحيد ليها لمخدة على راسها كيقاد فشعرها ونطق بهدوء: ايماان نووضي تفطريي معاياا
عطاتو بالظهر وقالت: مقادااش ضاراني المعدة
حذيفة: فطري ورجعي تكااي
ايمان: مفيااش بغيت غير نعس
مال جيهتها وقال : نووضيي عفااك ميكونش راسك قااسح …. مغانتفااكش معااك حتى تنووضيي (بدا كيجر فيها من ايدهاا )براكة من الفشوش
ايمان: تء ومبغيييتش وخلينيي ففف
نوضها بزز حتى وقفهاا وجرهاا معااه خرجها من البييت عينيها مسدوديين وشعر مرون كلسها فلكرسي هزات ايدها كتقاد فشعرهاا وتسرحو و شدات حنكها حتى حضنها من وراهاا وزير عليهاا باسها فحنكها وقال : سمحيلياا
جر ايدهاا وكلس قفازية قدامهاا كينطق بكلمات الاسف وهوا كيبووس ايدهاا ونظرتو كانت كتعبر على اسفو ليهاا
ايمان: لنفرض داكشي كان بالصح شنوو فنظرك غيوقع
عض على فموو كيرمش معرف باش يجاوبهاا وقال: ساعة غضب هادشي لي وقع ،غير تشوكيت فديك الوقت وصافيي كنعتارف بلغلط دياليي وكنطلب منك السماحة
ايمان(شافت فييه ): شي مرات احذيفة الهدرة كتجرح كتر من الضربة
حذيفة: الغلط كيوقع (برجاء)سمحيلياا
حركات راسها بااه ومع ذلك بقات شادة فخااطرها ومعرفتتش علاش
شربات معاه قهييوة وقال: عندي شي خدمة مزروبة غنمشي هاد لعشية لخدمة
ايمان: ؤك
حذيفة: ماغنتعطلش شي ساعتيين ونجيي
حركات راسهاا بااه وكملو فطورهم سااكتيين من وراها جمعات هي الطبلة ودخل لبس علييه تيشورت لاكوسط بيض مع دجين و هز لكويرة ولكاسك وجا وراهاا عنقهاا باييد وبااسهاا وقال: غنتوحشك
تبسماات لييه ،باسها من فمهاا وخرج ،جمعات الدار علاش قدات ديما كتكون مجموعة ومعاونها الروبوو لي خداتو كيدوز على الدار لكولوار ولكوزينة بتشطيبة وتجفيفة مهنيية من الركاني هزات مشتهاا غسلات ليهاا ودارت ليها روتينها حتى هي نشفاتهاا
تخشات فبلاصتهاا ولمشة كتلعب حداهاا كداعب ظهرها
رجعات فحالة من الحزن بحال الى تيليفونها حس بيهاا تطاحت ف فيديو كيشرح حالتها مزياان
“
اسوء شعور يوجع القلب ، انك تبكي وتنقهر من تصرفات شخص تحبه كثيرا
وخايف تفقده وتكتمه بقلبك ،ترا توصل لدرجة والله تتوجع اكثر من السبب نفسه
**
الفيديو والكلمات جاوها على قلبهاا بلا متفكر حطاتهاا فالسطوري
وغمضات عينيهاا تكاات ساكتة وهاادئة والمعدة عطاتهاا لحرييق غير هكاك
كل مرة تقلب لقنت ملقات راحتهاا حتى فقنت دازت سااعة وهي صاابرة فاللخر لبساات حوايجها ونااضت تقلب على فارماصي
سرحات رجلييهاا تنساات رااسهاا عجبهاا الجو ومشات لحديقة الاطفال كانت خاوية مشات لواحد دوااحة دفعاات برجليها اللور وطلقات كدوح ولبرد كيضرب فيها سدات عينيهاا ونساجمات مع ديك الشميشة والريح
بقات كترجع دكرياتهاا مع مها فالجردة ديال الالعاب كانت كدوح بيهاا وتلعب معاهاا
كانت كترجع كل حاجة زوينة فجأة سهات قدامهاا حاطة راسها على السنسلة ديال دواحة كايبانو ليهاا جوج سيدات وحدة منهم جارة بوسيت قدامها والمراة الكبيرة كانت لابسة جلابة بيضااء مع شاال فلبييج ضعييفة وبيضة
هزات ايمان راسها قاافزة وقلبهاا كيضرب نطقات بلا شعوور : ميي ،ميي
بدا صوتها كايرتاافع وهي كتعييط “ميي”
ناضت كتسرع فالخطوات شوية بدات كتجري وكتعييط ميي الشيء لي خلاا دوك السيدات يوقفو ويتبعو الصووت
محسات ديك لمرة حتى لقات ايماان معنقااها كتبكيي وقالت: توحشتك اميي هءهء
خلاتهم فصدمة خصوصا انهم مغربياات فهموهاا ولمرا هزات ايدهاا كطبطب على ظهر ايمان حتى نطقات البنت التانية وقالت: غير تشاابهات لييك
جاتها لحظة ادرااك ورجعات لوعييها بحال شي تصرفيقة فيقاتها طلقاات من لمرا و حطات ايدهاا على فمهاا بصدمة كتردد بتوتر: سمحوولياا ،،سمحوولياا
عطاتهم بالظهر شادة فقلبهاا وكتزرب فخطواتها تبعد من تماا حلات القمييجة كتنهج تقلباات لجيهتهم ملقات تاحد تزاد معاها الزاايد وبدات كترعد غير بووحدهاا
مشات لاقرب كرسيي وكلساات فجلسة بكااء مع وحدتهاا وجرووحها لي مرة مرة تجدد جرحهم وتنظف من فوقهم داك الدوا الموضعيي لي معمرو قدر يداوييها من لداخل
طول هاد المدة ولات كاتمة نوبااتهاا لي ابدا واش حبساات حاجة وحدة لي تحسناات هي ولات كتنعس بلا دوااء ،تشغلات بالخدمة ولقراية وحذيفة وحسات بنوبات الهلع ولاو خفاف كتشدها غير الخنقة فقط
دخل لداار فايدو بوكي ديال الورد وبواطة ديال الشكلاط المفضل عندها كعربون اعتذار
كيلقا الصقييل ، سمعاتو المشة وجات كتجري كتلعب حدا رجلييه سد الباب كيعيط على ايمان ،حط لبوكي والشكلاط فوق الكونطوار وهز لمشة شوية ورجع حطهاا مشا غسل علييه ومشا لبييت لي كدوز فييه نص وقتهاا ..خاف تكون دايرة لايف او سطوري دق الباب كيعييط باسمها مجاوباتش وحل لباب لقاه مجموع وداز لبيتهم مالقاهاش
قلب جيابوو على التيليفون جبدو ودوز الخط لتيليفونهاا كيصووني ومكتجاوبش
تزاد معاه الزاايد ملي مجاوباتوش كتر من 3 ديال المراات
تعصب بقا واقف وسط الدار كيسيفط ليها ميساجات فواتساب واوديو ،حتى قاليه راسو دوز لانسطا شوف اخر سطوري حطت كيتفاجئ بداك السطووري
دخل من تيليفونو لانسطا ديالها يشوف يكما هدرات مع وديان ملقا والو غير الناس كتعلق على داك الفيديو ولي جر اهتمامو اول ميساج على السطوري فيه *بنادم اختي مافييه خير الى عطيتيه كتر من قيمتوو كيطغى ونتي باينة كتموتي علييه وهوا غيمرمدك “
قراه بتمعن بلوكاها معطلهااش ومسح ليسطوريك ديالهاا
زاد عصبوو السطوري وبنادم لي غير كالس وكيفرق فالاحكاام وينشر السلبية ديالو على عباد الله بلا موجب شرع
ياله كيقلب يشوف لميساجات طلع لييه ميساج لفووق باسم مامعرووفش وكونط خااوي بلا حتى شي تصويرة مكتوب فالميساج * هههههه نتي اصلا معمر شي حد غادي يبغييك ،نتي مك لي ولدااتك ومعبراتكش *
كلس على لكرسيي طالعة لييه لقردة كتشطح وهوا كيشووف فداك لميسااج دخل كيقلب لقاها اول مرة تسيفط ليها ومدايراش ليها ابوني من الاصل وغير سيفطات داك لميسااج تبلوكاا الكونط مبقااش
ماشي اول مرة يلقاه ويمسح على وعدو وسعدو
رجع كيصوني ليها من جديد هز سوارت الطموبيل وخرج خارج يقلب فلمگازات فيين كتعمر بزااف الطريق لي كايدوز منهاا عينيه كيدوروو ومرااقب الطرييق ولكارو فايدو
**
كانت اسية فدارها تشاافت السطوري وطارت طلعات عند ختها خديجة لي مزوجة فوق منها من بعدما رمات عليها خمارهاا دقاات حلات عليها خديجة وقالت: شوف اش حطات مرت خوك
خديجة: شش سكتي خالد كااين
اسية: ولينا نحشمو نقولوها
خديجة: معرت اش هدشي تكون مخاصمة معااه !
اسية : معرفتش
خديجة: نتتيي واش مغاتحيديش هاد انسطاغرام واش بغيتي تجبدي الصداع مع رااجلك
اسية: دابا نحيدوو ولكن بغيت غير نعرف واش هادي مكتحشمش
خديجة: العيب على خووك ا اسية اما البنت راه من قبل ماتزوج هاديك خدمتهاا وشوفي من ورا الزوااج ياك غير تلت شهور هادي كتغني مع داك سبليوني وراها ليا خالد
اسية: مي عزيزة عليهاا
خديجة: مقادراش نقوليهاا هاكاين وهاكاين براكة غير باا غاضب علييه
اسية(بفضول): اش بان لييك نسيفط ليها ميسااج نقوليها ياك هانية الوقت
خديجة: منين جاتك نمرتهاا ؟
اسية: كان حذيفة نسا التيليفون فلخدمة وصونا عليا من عندها باش يهدر مع مي وبقات عندي …اش بان ليك
خديجة: دخلي سوق رااسك، انا سوقوو خرجتوو منك لييه
اسية: الى هدرت معاها نرد علييك
**
كالسة فلكرسي والشمش كضرب فيهاا وهي ساهية قدامها حاضنة رجلهاا حتى وقف عليهاا شااب مشمشكر حوايجو موسخيين وهاز فايدو قرعة ونطق بالاسبانية :اولاا سينيوراا …اييييه سينيوريتااا بيلااا
غير انتابهات لييه قفزات من بلاصتهاا وغوتاات تقلباات لجيهة لخراا وقال: دوري معاياا
قللبات صاكهاا لقات تيليفونها كيصوني سيلونص جبدات خمسين اورو لاحتها ليه فوق لكرسي الفاصل بيناتهم وهزهاا وقال: كراااصيااس بيلاا
جبدات تيليفونهاا وبعدات منوو وهوا تاابعهاا او غير تهيئ ليهاا وطريقو هادييك زرع فيها الرعب وجاوباات حذيفة بخوف
ايمان:ا الووو الوو حذيفة
حذيفة: على السلااامة فييينك اشمن جااايحة كايينة ليي مجاوبتييش على 14 أپييييل
ايمان(كدور وراهاا كتلقاه جاي كيتماايل وقلبها كايرجف): ا اناا حدا الجردة ليي حدا **
حذيفة: اناا قرييب لييك واش نتي فالطرييق
ايمان(كدور وراهاا ): ااه دغياا
قطعات عليه ورجعات التيليفون لصاكهاا كترجف زيراات علييه ياله بغات تقطع لطريق التاانية جرهاا من لحزام ديال المونطوو وقال: عطييه لياا
شافهاا لابسة غير ليماارك متخفاش علييه الحطة
ايمان(بتوتر): شنوو
_الصااك ولاا التيليفوون ولا السااعة لي بغيتي
شافتو بغا يدير ايدو ورااه وقالت كتبكيي: بلاش بلااش هءهءهء اناا نعطييك لي بغييتي
الخوف سيطر عليهاا الدري ماكبيرش بزااف تكون عندو ديك 18 مفايتهاش طويل وضعييف نساات بلي عندها السمطة لكحلة وتقدر دافع على رااسهاا ولكن حسات براسها ولات ضعيفة ومبقاتش كتحكم فحركات ايدها وقت لخلعة
عطاتوو المونطو شم ريحتو وقال: مممم زيديني الصااك
ايمان(زيرات على صاكهاا ): نوو منقدرش
طلعها وهبطها بعينيه وقال: عطيه بلخاطر
حركات راسها بلا وهربات لييه قاطعة الطريق بلاا عقل حتى فراناات عليها طموبييلة حذيفة الاخير هبط مشاافش جيهتهاا تبع الشااب لي مشاا كيجري بلخلعة ملي شافو جايي لييه دغيا تكركب فالجردة شدو حذيفة عطاه جوج تصرفييقاات ضربو بنص حتى ولا كيبكيي ويطلب ويزاوݣ لوا ليه ايدو تكان غيطرطقهاا وطلقوو كيتحلف عليه هادشي كلوو شافتوو من الزاج وهي كالسة مزيرة على ايدها وفيها الرعدة بحال الى فيها البرد الرجفة رجعات لايدها وزيرات عليهاا قطع عندهاا كيهز فلمونطو لي طاح فالزنقة ورجع كيشوف وراه لقا لولد هرب كيعرج
شافتو جاي لبلاصتوو فمها نشف وصفارت و الدموع ملااقيين
كلس حداهاا هز ايدوو حساب ليها غيجمعها معاها بطرشة تغوتات كتبكيي حامية وجهها بخوف كتشهق بحال البنت الصغيرة هوا كان قصدو يمد ليها الما من لكرسي اللورانيي
حذيفة(مبرد): شش هاكي شربي ،شربي وتنفسي
شدات القرعة كتحاول تشرب ايديها كيترعدوو واخة زيرات تعياات شد ليها شربات شوية وبدات كتشهق
حذيفة: قرب لييك (حركات راسها بالنفي )لاش (عض على فمو مبرد فييه سارط الهدرة وضرب بقوتو فلڤولون وسكت مهدرش مزال
ضرب الدورة ورجع فطريق داار حلات الزاج تنفس وقال): ديري السمطة
سد البيبان من حداه مابقاش كيتيق فيهاا سكت عاض فالصبر وكل مرة يستغفر الله وحجبانو مگرونين بلعصااب غير قرب لكاف يدخل الطموبيل
حلات الباب وهبطات شافها تطلعات ودخل الطموبيل حطها حدا الموطور ومشا طلع تابعهاا
دخلات لدار كتنهج عينيها نقطة من الدم وصفرة بلخلعة مشات لكوزينة شحفاانة عمرات لماا كتشرب كتشوف فايديها كيرجفو حتى دخل وسد وراه لباب تقفزاات
حذيفة: مالناا على هاد لفعايل اش كااين ،مخليانيي غنتسطاا مشوش علييك معارف اشمن قرينة مشيتيي
ايمان: صافي عفااك(مسحات على وجهها )
حذيفة(رما السوارت معصب ): مصااافييش امدااام لي قداامك راجلك ماشيي دري صغيير ، من الاحتراام تعلميني فيين غادية كيف كندير معااك وبزاايد مزال نتي خارجة معالمة حد كدوري فالزنااقيي اش باغة تصنعيي شنوو
حاطة سطوريي فانسطاا كيدريية الصغيرة ،شنو درت فحققك ا ايماان واش كتسنايني غير نغلط ولا شنوو طلبنا السمااحة كتر من عشرة المرات وكملتيها خارجة للزنقة
شادة فقنت لبوطاجي عاطياه بالجنب مغمضة عينيهاا وقالت: ماسمعتووش
حذيفة: نتيي النهار كلوو شاداه فايدك وملي يصوني حذيفة اااه حقاا ماسمعتووش ،مباغاااش تجاوبي ماشي ماسمعتييهش هادو ماشي فعاايل ا ايمااان
ايمان(بالدموع): صاافيي هءهء براكة علياا براكة هءهء عفاااك(شدات راسهاا كتنخصص )
هناا سكت لاح لكاسكيط فوق الطبلة وتحناا كيسووط
حسات بالردة والمعدة زيراتهاا مشات كتزرب لحمام حلات الطوالييط محنيية شادة فمعدتهاا وكتجبد كلها عينيهاا خرجوو حتى بداات كترد حتى خرج ليهاا حتى من نيوفهاا
كلسات فوق الطابيي حاسة بلمعدة كتقطع فيهاا تقفزاتهاا لمستوو فشعرهاا وكلس محنيي وقال بصوت هادئ : كضرك شي حاجة !
قبل ماتهدر غلبات عليها الردة تانيي وتقلباات لطوالييط بغا تخرج مسرانهاا لبراا بقات كترد حتى مبقاا مايترد شاد ليهاا شعرهاا وطلق لاشااص
نوضها بزز غسل ليهاا وجهها وعنقهاا داها لبالكون ديال الكوزينة كلسها فوق الكرسي يضربها البرد ومشا جاب ليها الما
مقدرااتش تشربوو وقال: شنو كيضرك
ايمان(بتعب لاحت راسها على لكرسي حاضنة كرشها ): لمعدة كتزيرنيي ،خرجت نجيب الدوا (كانت مغمضة عينيها والدموع كيهبطو من الجناب ) وكلست فالجردة حتى يفوتني الحال ونسييت راسي
طبطب على رجليها وقال: نمشي نجيب ليك شي حاجة غير رتااحيي ،اجي لبييت تكااي
ايمان: غير خليني هناا
هز سوارتو وخرج مخليهاا فلبالكون مهدودة بلبكاا كتشوف فنقطة وحدة وعينيها مرة مرة يتعمرو بالدموع
ديك التعنيقة لي عطات لديك لمرة فتحات ليها الجرووح حتى غوات حذيفة عليهاا مكانتش عندو بلاصة وسط الضجيج لي ولات كتحس بييه فعقلهاا
خرجات لصالون تكاات جارة عليها الغطا تدفي جسمهاا لي هازاه التبوريشة ونيوفها كيسيلو
مع حطات راسهاا بدات كتغمض فعينيها حتى سمعاتوو دخل وسد وراه الباب رما عينو لبالكون ملقاهااش عيط بسميتها حتى جاوبات بصوت متعب : نعاام
مشى لعندها لصالون وقال: شوية!
ايمان: فيا التبورييشة
مد يدو لجبهتها لقاها سخونة شوية وقال: بقيتي گالسة فالشمش بزاف
حركات راسها بااه وسكت
ايمان: غطيني عفااك
حذيفة: اجي لبيت نعسي مرتاحة
ايمان: تء غير خليني هناا
جاب ليها مانطة غطاهاا عطاها الدوا ديال المعدة شرباتوو مشاا صايب ليهاا بيتزا كيف كتبغيها وليه هوا صلاد منوعة وعصير ليهم هي حسات بالرااحة ونعساات
حط كلشي فالصالوون شعل التلفازة وقرب ليهاا كيحك فشعرهاا وكيرطب خاطرها بالقبلاات والحنية باش ترجع الامور لطبيعتهاا
تبسمات لمداعبتو وحلات عينيهاا وقال: النعااسة شوية
ايمان: شوية الحمد لله
حذيفة(جر الطبلة جيهتهاا) : نوضي تغدااي
كلسات كتغدا معاه ومرة مرة تسهاا حتى نطق كاسر الهدوء بيناتهم وقال: عندي لييك واحد العرض خااص
ايمان(حركات راسها كتبسم ) : العروض ديالك طبعا
حذيفة: لا لا ههه هدا عرض خارج نطااق الداار ،الخدمة
ايمان: شنوو !
حذيفة: لكوليكسيون ديال الربيع وجدات وخاصني شي مودل تپريزونطي لياا لحوايج
ايمان: زعمة اناا ؟ والله منتييقك ياك غير فشهر واحد قلتي لياا نونوو كحل عيونو لحطيتي رجلك تماا
حذيفة(شرب لما): قلت لييك عرض خااص ،مالك دابا كيفما درنا معاك وحلة
ايمان: حلف !
حذيفة: و الله حتى معاك معقوول ،ولكن راه غير لحوايجي ودوك لپوزات لمايعيين بلااش
ايمان: وخة ندير ليك تصاور الابتدائي اويلي حذيفة عيقتيي
حذيفة: بغيتي مبغيتيش نشوفو شي مودل
ايمان: وشحال تخلصنيي (غلب عليها الضحك )ممم هدر مع المنادجر ديالي معنديش الوقت
حذيفة(هز حاجبو فييها ) : ياك اختي وخة مقلتي عييب
ايمان: هههه وقتي عاامر الى لقيت شي وقت نفكر فالعرض الخاص بييك
ضحك و وصل للهدف ديالو هوا يضحكها ويرجع الحوار بيناتهم مرييح وخة كان رافض بتاتاا هاد الموضوع ديال تكون مودل فالشركة فين كااين على قبل يضحكها ضحى بمبادئ العمل والحياة الشخصية مكيتلقاوش
دار لماعن فلغسالة وايمان عمرات ماكينة الصابون بلحوايج وجمعات الصالون و هوا خرج لبالكون كيكمي …هزات تيليفونهاا لقات وديان مسيفطة ليها مساجات فواتسااب
وديان: اش داك سطوري حطيتي ا ايماان كتعطي لبناادم فيين يجمع فييك اصااحبتي
اييمان: علاش اش وااقع
وديان: ايماان راه هاد لبلانات غيديرو ليك مشكيل مع حذيفة ،بنادم راه كيتسناك غير تغلطيي باش يهجم علييك شوفيي سكرينات لي سيفطت ليك
رجعات لسكرينات الفوق لقات بزاف تاع البنات دازو لعند وديان حيت عارفينههم صحاباات
واش دابزتوو نتيي و بيانكا
سيفطات ليها سكريين اخر ديال سطوري ديالها فشي كروب كاتبة علييه وحدة
ساطت النفس وردت على وديان وقالت: مراض فراسهم والله
وديان: دونك متعطيهمش باش ميمرضوش ليك راسك عطيهم غير داكشي لي بغاو الحب والغراام والسطوريات لمكياج مدخليش حالتك النفسية فالسطوريات غادي غير يزيدو عليك
طلع ليها مساج من اسية كاتبة :سلام ايمان لباس امورك بخير
ايمان:سلام ختي لباس الحمد لله ونتي اش خبارك
خرجات من لواتسااب سمعات ل وديان مشات لسطوريات مسحات اخر سطوري
طلع ليها جواب اسية كاتبة ؛ كيداير حذيفة باك هانية الامور
جاوباتها ايمان وقالت: لباس علييه اختي
عرفاتها سافت سطوري حيت مامولفاش تسول فيهاا
حطات سطوري اخر وهي كتقاد القهوة قدام ماكينة القهوة لي سبونصور وكدير ليها الاشهاار صيبات جوج كيسان تاع القهوة دارتهم فصينية صغييرة مع طبسيل فييه كوكيز ومشات لعند حذيفة
قطعات السطوري اللول ودارت السطوري التاانيي قصيير مجرد صورة متكية على كتفوو مع اغنية ” حمزة نمرة “فاضي شوية “
شافها حطاتهاا حط لكااس وجابهاا لعندوو كلسها على رجلييه حطات تيليفونهاا وطرشاتو بشوية وقالت: لمرة جاية غنتخاصم معااك ديال بصح
حذيفة: دابا خلينا نهضرو بلخاطر وبالمعقوول عفا حبيبة (شابك ايدوو معاها)علاش اتافقنا النهار اللول
ايمان: مانحملش حتى نكونوو مستاعدين بجوج
حذيفة: زييدي شنو تاني
ايمان: ونخلييو حياتنا بعيدة على النااس
حذيفة: باليي وغنزيدك حاجات اخريين ا ايماان ، عارف غلطت فحقك نهار مشييت وخلييتك فايطالياا عارف وكنتفكرها مكنحملش راسيي ،ولكن ماشي فاي نقاش تحطيها ليا فوجهيي على اساس اناا على سبة غنخلييك ونزييد
ايمان: دابا جاوبني نتاا ،كونما جيت عندك معمرك كنتي غتفكر تجي عنديي
حذيفة: كون ماجيتيش و وقع لييك داك المشكيل مع داك خيناا كنت غنجيي بطبيعة الحال
ايمان: وكون ماوقعش
حذيفة: لاا
بقات كترمش فييه وقالت: الوقاحة هادي ماشي الصراحة
حذيفة: هههه دابا جيتك لصراحة ولكن داباا منقدرش نخلييك
ايمان: علاش بالسلامة
حذيفة: دابا عششتيي فياا هههه
ايمان: اااه يعني من قبل مكنتيش كتبغيني
حذيفة: سيي كنت كنبغييك ولكن ماشي بحال داباا …ديك السااع ياله تعارفنا ياله بديتيي كتسرحي ليا مع العرووق ونتي طفيني بدييك الهدرة
ايمان: صافي صافيي
حذيفة: اهاااه غير نتي لي مكتنساايش نفكرك
ايمان: تء وصافيي
حذيفة: ارااي شي بووسة
باستو بخفة وكمل كلاامو وقال: ايمان نطلبك
ايمان: ممم
حذيفة: نقصي شوية من الاشهاراات ياك دايرة كونطرا مع شركات عالمية علاش باقة كتقبلي العرووض
ايمان: عادي احبيبي راه تاهيا خدمة شنو فييهاا ! وزايدون كنتخلص منهاا وكنقرا منهاا
حذيفة: نخلص لييك المدرسة
ايمان: وفلوسي شنو ندير بيهم نصدقهم ! صاافي بلا مانوضو الروينة على هاد الموضوع تاانيي عفااك
حذيفة: والغناا اش درنا فييه حتى هوا
بدات كدور فعينيها وقالت: ياك كنغني تحت الشروط ديالك ..منديرش كليپاات مع شي حد مانلبسش قصيير
حذيفة: ولكن بغيت يجي واحد النهار وتسالي هادشيي وتديهاا فحياتك وخة ولجاو لوليدات تخليهم لمربيات وتمشي تغنيي
ايمان: شكون قالييك غادي نبقا نغني من ورا مانولد
حذيفة: حلفيي صافيي حملي بدلت رأيي بغيت لولاد
ايمان: تحمستيي هههه اوى مكاين ولاد حتى نسالي قرايتيي ياله زيدك هاديي
حذيفة: ربع سنين ونتي تغنيي
ايمان(حركات حجبانها كضحك ) نتا لي مبغيتيش لولاد داباا
حذيفة: المهيم حتارمي غير الشرووط ديالناا وغنكونو بخير حتى يجييك العفوو
ايمان: هههه
جرها عندوو بااسهاا دخل ايدو من تحت القميجة تلمس لحمها وقال: كيفاش زعمة راه حناا فلويكااند بغينا نقصرو ونعضو فاللحم
ايمان(ضحكات): مااك مهااوش ههههه
وقفات وجراتوو حتى نااض دخلهاا وسد الشرجم هزها عندوو محلف علييها
**
دازو اسابييع قليلة كان الجو بيناتهم هاادئ ولطييف هو ملهي مع خدمتوو وهي فخدمتهاا كمؤثرة فمواقع التواصل ومودل لاشهارات وفنفس الوقت كتقرا قرايتهاا كتجمعهم الدار غير بالليل وهكا غادياا الحيااة دقة دقة
ولاو كيسافرو من مدينة لمدينة كل مرة كيمشي معاهاا على ود التصوير او شي لقااء مرافقهاا وتبدلات حتى هي ولات كتلبس مستوور اكتر وانيق والاكثرية من التصميم ديالوو لي ديماا كيسولووها وكتقوول الاسم ديالوو بواحد الفرحة واللمعة فالعيين فأي حوار معاهاا
فشهر 7 تحلو الحدود وهناا بداو العرووض كيوصلوهاا كيف الشتاا لقاءات تلفزية مشاركة فبرامج غنائية وحوارية
وبدات الساحة الفنية كتحرك والسيااحة من جديد كتنعش وجاوها عرووض من المغرب واحد لجنيريك اغنية مغربية لمسلسل والتااني فبرنامج تلفزيوني معرووف والتالت لقاء صحفي فالراديو
حذيفة كان ضد البرناامج وحتى هوا كيشوف المصالح الشخصية مبغاش يدخل فصراع مع بااه وحاول يوصل ليها الفكرة بشكل مبسط بلا متهز فخاطرها من جيهتوو وكان حوارهم كالتاليي
حذيفة: فدوزاام ؟ لا لا
ايمان: وعلاااش شنو فيهاا
حذيفة: لااا مفيها والو ، ايماان واش ماكفاكش هادشيي شنو بغيتي ديري فبرنامج اش غيزيدك متلا معارفينكش النااس ؟
ايمان: خايف داركم يشوفونيي
حذيفة: كنهدر على راسي ا ايماان مباغيكش تشاركي فدوك لبرامج ديال التخربيق والله
ايمان: معكس
حذيفة: مامعكس والوو عطا الله مديري ،ياك تافقنا نشد لكونجي ونساافروو شنو تبدل داباا ونتي وقتك تقريبا كلو عامر
ايمان: معامر والو وهادشي دغياا يدووز نسالييه ونخرجو لي بقا لييك
بدات كدور فعينيهاا وقال: اش باغة تاني
ايمان: كنت قلت لييك واحد النهار بليي عندي واحد لحفلة فقطر وتلغات مع كورونا
حذيفة: اييه
ايمان: دابا ررجعوو عيطو لياا ومحمد اكد علياا باش نمشي حيت كنت سنيت معاهم نهااار واحد صاافي (تبسمات) وغاتصمم لياا شي تكشيطة من داااكشي الرفيع
حذيفة: مامسالييش وبراكة غير هادشي لي خدامة فييه هنااا
ايمان: عندي لييك عرض ولا ارووع غير قبل
حرك راسو بلا حول وسكت كيقلب فالتيليفون وهي كتورييه فين غيكون العرض وفين يقدرو يمشيو فقطر وزييد وزييد وهوا رافض رفض قااطع تغني فشي قنت تااني
ايمان: ههههه ندير لييك عرض استثنائي
حذيفة(ربع ايدو بحمااس) : قولي نسمع
ايمان: لااا مغاديش نقووول ،غادي تشووف
حذيفة: ارى برع
ايمان: الى عجبك
حذيفة: نقبل معجبنيش بلا مدوري جيهتي
ضحكاات ونااضت من حدااه وقالت: بقا فلبييت ماتخرج حتى نعييط لييك
حذيفة: ههه الله يسخر
خرجات سادة علييه البييت كضحك ودخلات لبييت التاانيي كتبقشش وسط لحوايج حتى جبدات واحد لكموند ماشي بزاف باش وصلاتهاا ومخلياااها فقط عرض خااص وقت الحاجة ودابا وصلاات وقتوو
كان لباس رقص شرقي فاللون الازرق فيه صاية لاصق فيها شورط مشبك من لتحت ومحلول من الجنااب طوييلة بتوب شفاف والسمطة كلهاا بحجر وموزون كيتسمع اما السوتيان هابطيين بلعقيق ولموزوون وفيهم بونج وسميطات فالظهر على شكل اكس بانضة بحال شكل خيط الريح فالجبهة وبراسليات فاليد وخلاخل جوج فالرجل
ضحكاات شادة فمهاا وقالت: ليوم غتشوف الرعب ههههه
تريحات ورطبات لحمها ورشات علييه سبرااي كيخليي البريوو فاللحم عاد لبسات الحطة ليي خداتها على طاايتهاا كتلبس وكضحك غير بوحدها قبالة لمرااية خبلات شعرهاا ودارت لخييط هزات صدرها باش يباان
وكاين الغطااء بحال السلهاام كتشطح بييه ركبات لي خاصو يركب وبدات مع كل خطوة كتسمع كلها مشات طفات الضواو فلكولواار وجبدات شميعات اليكترييك كيخدمو بالضو حطاتهم فلقنات كيبان بحال ضو شمع طبيعي مشاات لتلفاازة مقابلة مع واحد لمرااية كتشووف كيف كتبان تزعطات فرااسهاا وبدات كتمايل وتشوف كيفاش غتبان
وجدات الاغنية “بتونس بيك” لي ديجاا رقصات عليها بوحدهاا وجدات لبوز فلكولوار معوجة على واحد رجل والتانية لي فيها لخلخال معوجاهاا ومخرجاها من الصااية كتبريي مع الاضوااء لي داارت طلقات لموسيقى وغطات راسهاا بلغطااء الازرق الشفاف وايدها فوق راسها عاطية لباب لبييت بالظهر
كانت سادة السراجم ديال الدار كاملة و طلقات الموسيقى مشات دقات فلبييت بزربة ورجعات لبلاصتهاا
مع حل لباب كيشوف الاضواء فلارض والموسيقى بغات تبداا حس براسو داخل لشي كباري مصريي وظنو ماخاابش ابداا ملي شاف ديك التحفة لي بعيدة علييه ب بضع خطوات كتبان غير رجلهاا كتلعب مع اوتار الموسيقى وايديهاا كيلعبو بداك الثوب ولا عندو فضول يعرف اللوك الكامل محدو كيقرب وهي كتبعد حتى ولات حدا الصالون تقلبات عندوو تحل عينوو وجمد فبلااصتوو قربات ليه كتماايل دوزات ايدهاا على وجهووو وفكو شد صبعهاا بااسو دفعااتو عاضة على فمهاا تطاح فوق الكرسي ورااه لايحة علييه الثوب الشفاف دغياا حيدوو مبنج متبعهاا تلف معرف فين يشوف فلخصر المسطح لپيرسينگ ولا فالصدر المهزوز وسط العقيق كيبان كيبري مرة مرة تحنييه عندوو ولا تعطييه بمؤخرتهاا ولفخاض كيلعبوو قدااموو …معمروو فحياتو شهد على رقص مثيير وجرييئ وحلال لييه بحال هداا حل القاميجة حيت الصهد رما ايدوو فوق الطبلة حتى كيلقاا كاس ديال العصيير بااارد ضحك وشرب منوو وقال: ناري اش جبدتي على راسك
لعبات بشعرهاا قداموو وبداو كيبانوو نقاط العرق فعنقهاا كيبرييو والضحكة مفارقااتش فمهاا مرة تقرب لييه تكيبغي يشدها وكتهرب لييه فالاخير جراتوو بالثوب وقفاتو على طولو وتجريدتوو كيشطح معاهاا الشرقيي ويغني ليها بتونس بييك ونت معاياا غلب عليهاا الضحك وبقات فالجو مكانش من العاكزيين هز بزطاموو جبد الورقااات لي عندوو ف البزطام كان ياله تيرا لفلووس البزطام عامر مكاين غير الاوروات كيتشاايرو على الراقصة المثيرة لصق ليها فصدرهاا
ولا كيطلبها تجي عندو وهي هاربة لييه وقالت: تمشي معاياا لقطر
حذيفة: وغير اجيي ونقولييك
شدهاا من خصرها بزز كينهج وهي كتر وقالت: عجبك الحال ممم (كاتحيد لييه فالقاميجة وهوا عينو فالافترااس مامفااكش )
حذيفة: لمرة جاية شطحي ليا بلموزون هههه
ايمان(بدلع ) : شنو قلنااا الكبيدة ممم (كتحل فالسروال ) ندوزو للمفييد
حذيفة: جاااتك
ضحكات ضحكة ديال المصرياات وقالت: ايوااا يا معذبهم
من بعد الاجراءاات الازمة جمعات الشانطة ديالهم لابسة حوايجها وموجدة وراقيها و وراقو كذلك مع البيي ديال الطيارة هاد الحفل شهور وهي كتوجد لييه بالمساعدة مع محمد لي غيكون حاضر وخة لغاات العقد بيناتهم ولكن بقا مواكبهاا وكيعطيها نصائح وكيعلمها كيفاش تركز فاللحن ..لاول مرة غادي تغني قدام جمهور عربي متحمسة وخايفة فنفس الوقت دازت مدة طويلة على غنائها مباشرة قدام النااس ومن ورا الحفل مرشحة لجائزة احسن مؤثرة هي وبزااف ديال الفنانين والمؤثريين
دخل هاز جوج صاشيات كبار فيهم لعلاقة كادل على انهم حوايج
طلات علييه بشوورط وسوتيان كتلبس وقالت: تعطلتيي
حذيفة: جبت لييك حوايجك
ضحكات وشداتهم من عندوو جاها داكشي تقييل وقالت: نحل ؟
حذيفة: مبقاش الوقت حتى تلبسيي
ايمان(عنقاتو )شكرا حبيبيي …حم وعفاك حاسة بيك غادي معايا بزز
حذيفة: ايماان راك عارفانيي
ايمان: عفاااك(شدات فصدرو ) والله اخر حفلة
حذيفة: وعد
ايمان: وعد غنحاول منبقااش نبعد باش مانديرونجيكش فخدمتك (بتفهم) كنواعدك
حذيفة(باس شفايفها ): علاش دغيا كترطبيني
ايمان: هههه حيت كتبغيني
حذيفة: ممكن ههه ياله كنتسنااك
حلات السنسلة شوية من القفطان لقاتوو مطروز ومنبت بلعقيق كيبريي قالت واو تقفزها ملي قال: ودغياا
ايمان(جمعات كلشي ): خلعتيني
جر باليزتو وباليزتها لي جامعة فيها حوايجها ومكياجها الشخصي غير لي مارك
لقاو مراد والمساعدة لي غتكلف ليها باللبس والشعر والميكاب معااهم ديجا تكلمو واتاافقوو
من بعد اجراءات السفر لي ولات كتاخد وقت طويل مع الوبااء كلشي واخد احتيااطو وكلشي خايف يتعادا
الرحلة مكانتش ساهلة كانت طويلة وفيها ليسكال وصلوو لقطر مع الفجر ومشاو لاوطيل لي ديجا حاجزين فييه حدا القاعة لي فيها الحفل
صلاو الفجر بجوج وهوا غير راضيي على هدشي لي كيدير ولا حتى اشنو كدير هي ولكن كيخاف يهضر وترجع فشي حالة مغتعجبووش كتكون بخير نااشطة متصالحة مع نفسهاا غير كيوقع نقاش بيناتهم كتمرض ومكتبقاش حاملة حتى حاجة فحياتهاا
كلشي كيدوز على عينيه تحاجة مخافية علييه تيقول فراسو نتبعها تنشوف امتا غتحد ولكن صبرو بدا كيتسالاا وهادشي عندها غادي وكيطول والشهرة كتجبد عرض يغريها بعرض كبر منوو وغادية هكا
تخشاو فبلاصتهم مخشية فحضنو بملابس داخليية ومن الحماس لغدا مجاهاش النعااس وتقلباات عندوو معنقهاا وقال: كدوري عليا نعسي
ايمان: مجانيش النعااس ههه
حذيفة: شنو خاصك (كيلعب فنيفهاا )
بقات مسهرااه حتى ببدا كيطلع ضو النهاار هي نعساات وهواا خرج لطيراس مشعل كارو وساهيي فالشرووق و الشميسة كطلع عاض على واحد الصبع والكارو فايدو دليل بلي ولا عايش فحرب نفسية مع نفسوو فقط
مبقاش عاجبو هادشي ومقادرش يقول شي كلمة حيت نهار اللول كانت هكاا ماشيي لقاهاا كالسة فدارهم … شاف جيهتهاا كيكميي وكيتنهد هي فعلا دارت مجهود جيهتوو مسحات تصاورها لقداام لي فيهم لعراا بدلات لبسهاا نقصاات شوية من سطورياات نقصات من لعراا وتشالنجات لي كانت كدير محتارماه فشروطو يعني حتى هوا ملزم يحتاررم شروطها ،ما عليه غير يصبر حتى يشوف اخرتها فين
طفا لكارو ورجع ظلم الشومبر شرب لما ورجع جنبهاا غير حسات بييه تخشاات فييه بحال ديماا ،دور ايدو عليها بينما هي خشات وجهها فعنقو باستو وقالت بعفوية بصوت مرخي بنعاس : كنبغييك
زير عليهاا وباسها فجبهتها وقال: حتى اناا
فاليوم الموعوود غير فطرو مشاو لقاعة مع مراد ومحمد لتدريبات على مجموعة ديال الاغاني الطربيية واققفة فوق الخشبة مع الفرقة الموسيقية والقاعة كبيرة فيها كراسا وطبالي كالس حذيفة ومراد ومحمد طالع عندهاا كيصلح ليها شي لحن غلطاات فييه
محمد: هلاء راح تدربي على غنية وردة “باتونس بييك”
بدات الفرقة العزف شافت فحذيفة حسات بيه حابس الضحكة بزز
ايمان: بتونس بيييك (غمزاتو) وانتا معاياا
ضحكاات مخسرة الريتم
محمد: تء يا ايماان يلا نعييد مرة ثانيية ؤكيي
شربات لماا عاضة على فمهاا اما هوا صافي ترسخات فبالو ديك الاغنية وهي كتشطح عليهاا
ايمان: نقدروو نلغيو هاد الاغنية
محمد: ليييش ! صوتك كثير حلو عليها
ايمان: نبدلوو
محمد: ؤكي بشو راح تبتديي
ايمان: لولا الملامة ؟
محمد: ياله يا شباب ..مايسترو
فعلا بداو اللحن وهي كتقرا الكلماات
بدات فالمقطع اللول ونطقاتو باحتراافيية حتى صفق عليهاا محمد وقال: حلو حلو
شافت فحذيفة تبسم ليها برضى وكملات تدريباتهاا والسرباية كيوجدو ف الطباليي ومحتارميين المسافة بيين الناس
رجعات لاوطيل دخلات لدووش وهوا كالس فلبالكون قدامو كاس ديال القهوة كايتمنظر خرجات كتنشف فشعرها لابسة بينوار حرير تحتو دوبياس ديالهاا طلات عليه وقالت: غتجي الميكاب ارتيست دابا
حذيفة: نخرج !
ايمان: غير خلييك(تحنات باستوو) بب
حذيفة: مم
كلسات حداه وضحكات : غير من ديك مم كنعرفك كطنز
حذيفة: حيت عارف غتقولي شي لعبة مباغيهاش
ايمان: لا لا غدا فداك الحفل ديال الجوائز ياك غتحضر معاياا
حذيفة: الصحافة وداك تخربيق تانيي
ايمان: سيي ضروري يكون داكشيي غيكونو ممثليين و فنانة و صناع محتوى لي كانو اكتيڤ فهاد العام كل واحد كيعرض على جوج ديال الناس ولا 3 يعني الطبلة ديالي بغيتي نگلس فيها بووحديي ،شنو فيها لعرفو النااس رااجليي مرة وحدة لبنتي معاياا مغاديش تفنى الدنياا احذيفة
حذيفة: يكون خيرر
تبسماات وناضت عنقاتو وقالت: حبيبي اناا
سمعات الدقان وردات الريدو عليه كيف بغاا وتكا فواحد لكرسي معلق مرخي مع الجو ونسييم دافي لي كيضرب فييه
اما ايماان جبداات لاغوب فلݣرونة حلات فمهاا فالموديل وهي كتشوف الديطااي والخدمة المتقونة نفس الموديل لي شافت عندو فالدفتر غير هداا زايد الدونتييل فلكمام والعنق سااتر داكشي لي كان معري فلموديل وخة هكاك جا رااقي وانييق بتوب ستان طوييل
جبدات حتى التكشييطية الملكيية المنبتة بالاييد لقفطان لتحتاني كحل والعقاد هابطيين تالتحت مزيج بين االازرق ملكيي والكحل والتكشيطة كلهاا منبتة وحتى هي داخل فيها الواان لغوز قليل ، الزرق والكحل وشوية تاع الذهبيي مع اكسسوارات ذهبية ب احجار زرقااء
كانت ديجا هي لي ختاارت الثوب فصلوو وعطااه لواحد السيدة كيبيع ليها البلدي معلمة ف الطرز قادااتهاا كيف بغاات تصميم رااقيي ملكيي بقات البنت وراها مبهوورة كتشووف ، رجعاتها لبلاصتها خلاتها تحضر بيها ف الحفل ديال غدا
دارت مكياج منااسب وشعرها خلاتوو بوكلي على طولو دارت اكسسوارات من الذهب الابيض صبغات ظفارها بالاحمر ولبسات صباط كحل عاليي
جمعات البنت لماتريال رجعات كلشي لباليزة وستفات ليها حوايجها فلبلكار علقات ليها التكشيطة
وخرجاات خداو من الوقت كتر من ساعة تكانت واجدة مشات جرات الريدو علييه كان كيهدر فالتيليفون حتى تقلب جيهتهاا وقطع وقف كيصفر وهي معوجة شادة فخصرها لابسة الطالون وطوالت ومدة مشافها بمكيااج كثير جاتو مبدلة
حذيفة: تسيفتي علياا تاانيي
ايمان: كيجيت ؟ هه
شدها من ايدها دورهاا وحكمها من خصرها وقال: فرييزة (شاف لعكر حمر ) كون نقصتي من لعكر شوية
ايمان: دومااج مغاديش يتمسح ولكن عجبني جا زويين
حذيفة: ولكن راه بااين
ايمان: وصاافيي منقدرش نمسحو هااه (دوزات ايدهاا على فمهاا دارت كلينيكس ) كيتفيكساا فلفم خاصني ندير لجيل باش يتمسح ولدرتو غيخسر لييا كلشيي تانيي
هز حاجبو بقلة حيلة معاها وقال: الله اهدييك
ايمان(كدور فعينيها ): ياله لبس دغياا ههه
لبس علييه قميجة زرقة مع دجبين وسبرديلة بيضة
زادت عليهاا كااب كحل وخرجو لطموبيل كبيرة خاصة ركبو فيها مع مراد ومحمد كان لحال بدا كايظلام
نبهها محمد بلي غيكونو شخصياات مهمة فقطر فلحفل وهادشي زاد حماسها عكس حذيفة لي غير عاض فالصبر ومكمل من عندو باشما عطا الله
وقفوو وبانو ليها شي وحديين جنب الباب لكبير لمضوي ديال المسرح الدخلة بطابيي حمراء والاضوااء تبسمات لحذيفة ورجعات كتشووف حتى تحل عليهاا الباب غير هبطات مع محمد لقاو الصحافة كيتسناوهاا ب عفوية قلبات علييه وراهاا وشدات فايدو مبتااسمة
دخلوو وهنا تفرقوو هوا ومراد مشااو لخلفية ومحمد وايمان دخلو لقاعة عرفها بالشخص ليي دار هاد الحفل بشرفوو من الشخصيات المهمة فهاد البلااد
خداو صورة مع العائلة ديالوو ورجعو لعند حذيفة
ماشي بزااف حتى بدات الدنياا كتعمر وبدات كترعد رجليها هازينها غير بزز لاحظها وقرب ليها عطاها الماا وقال: مالك
ايمان(شربات ) : غير الستريس
حذيفة: وشكون قالييك غنيي قلتها ليك
ايمان: كتقلب غير على السبة تانيي ههه
هز حاجبو كيضحك تعيط ليها محمد ونااضت مزيرة على ايد حذيفة تنفساات مزيان وطلقات منوو مشات هازة كسوتها محيدة لكااپ بقا مراقبها وهي طالعة فالدريجات للخشبة تقلبات شافت فيه وحرك شفايفو بحال الى باسها تبسماات وتقلبات كتسناا الفرقة و الماايسترو يبدا الدخلة
وفعلا غير باانت بداوو التصفيقاات والتصفار هزات عينيها فلقاعة كتلقاهاا عمراات فلحد المسموح كاع التذاكر تبااعو عطات التحية براسها لشي ناس فالطبالي الامامية ضيوف الشرف كتشوف شي وحديين اللور هازين الرااية المغربية تبسماات وعطات التحيية للجمهوور تحيد الستريس امام الكاميرات لي كيضربو فييهاا
بدات سهرتهاا والكل مستمتع بالسهرة الطربية بالصوت الجوهري لي ماشي گاع الفنانة كيكون عندهم صوت مميز كيخليها تتقن جميع الالحان وجمييع اللغات بلا ميبان فرق فلهجتهاا داكشي لي خلاها تقن الايطالية والاسبانية ويتصدمو ملي عرفوها مغربية ناهيك على شهوبيتهاا
كانو گالسيين فالطبلة وسط الحضوور ومراد معاه حتى مراتوو
دغيا نساجماات ودخلات فالجو ولاات كتغني بحمااس بحال الى بوحدها فداك المسرح خلات كلشيي مبهور بصوتهاا
حتى تسالات الحفلة كان مشا الحاال خرجوو من تماا وهي نااشطة وفرحانة وعاجبها الحاال مع طلعات لشوومبر شدات فييه بحماس وقالت: كان داكشي زويين ههه حبيييت
حذيفة(تبسم ليهاا قرصها فحنكهاا ) : نتي لي زويينة
طلق منهاا ومشاا كيحيد فلقاميجة تسمعو الدقان فلباب تقلب جيهتهاا لقاها كلسات كتحيد فسباط
ايمان: شكون غيكوون
حذيفة: بلاتيي
رجع سد القاميجة ومشا لباب كيلقاا السيرفيس رووم هاز بزااف ديال صيكاان الكرطوون و جوج بوكي ديال الورد
سلموو دااكشي ومشاا سد حذيفة الباب وحطهم حداهاا عينيها كيبرييو ناضت عندو : شنوو هادشيي !
حذيفة: منعرف
حطاتهم فوق السرير شادة لورد كتشم فييه وكدورو فلقناات حتى بانت لييهاا البطاقة ” الوردة الحمراء ما بيليق بيها الا الورد الاحمر “
حذيفة(مربع ايدو وراها وكالس فوق لكرسي ) : شنو تماا
كمشاتهاا مخرجة عينيهاا وقالت: والو
دار راسو مشااف والوو وسكت كيمص فشفايفو ويحرك فرجلو
كلسات مقابلة معااه كتلقاا دوك الصيكاان كل واحد من مااركة مختلفة وكلهم معروفيين وعالميين
قرات السمية لي فالصاك الاول وقالت: هدا من *** (كدور فعينيها )مراتوو وبنتوو زعمة متمشيش غالط
حرك راسوو كيعض فقنوفتو وقال: ممم مزيان …(ببرود )شنو فييه
حلاتوو كتلقاا مجوهرات فااخرة من ديوور خرجو عينيهاا وهوا كااايشووف وكايتشاارجة من جيهة هاد الدوميين
علاش يجيوها كادويات ؟ وغالية مزاال
حذيفة: هدشيي كان كيجيك قبل ؟
شافت فييه كترمش وحركات راسها باه
حذيفة(قلب شفايفو كيحرك راسو بالاييجاب ): الاموال الطاائلة
ايمان: ميمشيش بالك بعييد
حذيفة: لا لاا انا حدااك وبالي معااك حلي داك الخير نشوف
من صوتو بااين كيطيب على نار مهييلة غير توقع شي تفرگييعة فشي دقيقة
حلات لكراطن وحدة صااك رتاحت ملي لقات من عند بنت تبسمات وقالت: زويين
حذيفة: زويين شنوو فلاخر
لقات پاك فييه ريحة للشعر والجسم
حذيفة: تبرعتيي
ايمان(بغات تبردوو ) : مغنشدهمش ههه اصلا ملي كان كيوصلني بحال هدشي كنبيعو وفلوسهم كنديهم لوليدات لي كيكونو فالزنقة ولا الخيرية المهيم كنستافد منهم فحاجة اخرى هاد لپااك نعطييه ل زينة ماركة زويينة منضيعوش وهدشي غنبيعوو والصااك نخلييه ؟
شافتو وقف وبدا قلبها كيضرب طير الورد من وراهاا وبقا كيتجاابد معاهاا حتى لقا الورقة لي كمشاات غير قرااها جعر كيشتت فداك الورد وكيضرب فييه فلحييط بحال لحمق هوا والصيكاان الصااك تقطع ولپااك كل ريحة شدات قنت وديال الزااج تهرسسات وفاحت ريحتها وهي مكمشة بلخلعة حدا لبلكار واقفة غير شافتوو جاي ليهاا خرجو عينيهاا ولصقاات
حتى شدهاا من ذقنهاا ونفسو كضرب فيهاا كينهج بلعصااب ومبررد كيهضر عادي ولكن هضرتو فيها تهديد فهماتوو: نهاار نشووف شيي زفتة تاع شي كل_ب عندك نحـ_رك ا اييمااان
ايمان : والله معندي شي حاجة
ضرب بقبضة ايدو فلبلاكار وراها تقفزاات خلاها وخرج لبالكوون كتشوف فديك الروينة ولورد مشتت زمات فمها شاداها الضحكة وهوا النار شاعلة فييه
حلات لكسوة حطاتها لبسات بينوار حريري وبانطوفتهاا وبدات كتجمع فداكشي ساكتة وريحة لكارو واصلااهاا تجرحات فصبعهاا تساال الد_م كمدااتها وسكتات لي مزال صحيح هزاتوو لكوليي والحلقاات والخاتم كانو باقين لاصقيين فبلاصتهمم هزاتهم حتى تعطيهم كادو لشي حد خباتو ليسالي معااه جابت لانجييت كتهز فالزااج لاوية كلينيكس على صبعها ،جمعات كلشي فلبلاستيكة دال الزبل وسداتهاا
دخلات ديماكيات وجهها و دوشاات وخرجات فيها الموت ديال النعااس، لقاتوو ناعس فبلاصتوو وعاطي لبلاصتهاا بالظهر ،شربات كينتها ولماا رطبات لحمهاا وطلقات شعرها لي مقاستوش بلماا ومشاات لبلاصتها حدااه ريحتهاا عاطية ولكن مضارش لجيهتها هاد لمرة هي لي قربات لييه وقالت بهدوء: ندير لييك مسااج ؟
حذيفة: نعسيي
ايمان: مولف تعطيني بالظهر ! عفااك شنو ذنبي فهدشي
ضار عندهاا بالجهالة خلعها ترجعات اللور وقال: بلاما تزيدي تجعري فياا ا ايماان لبدييهاا ونعسيي
بدات كدبل فعينيهاا علييه وسكتات مهبطااهم وقالت: صافيي سمح لياا(بعدات عليه شوية ) تصبح على خير
عطاتوو بالظهر وطفا الفيوز حداه بالزعفة خلاها كدور عينيهاا فالظلام تقلبات تعياات وهزات تيليفونهاا ناقصة ليه الضو عاضة على واحد الصبع وكتقراا وكتشوف بوسط اخر تصويرة حطاات بديك لكسوة لي لبساتهاا كتواتيهاا والمكياج كان روعة والشعر مواتي اللوك
دخلات لفييس حتى بان ليها فيديو ديالها ملي دااخلة لمسرح وايدها فايد حذيفة لي داير لكاسكيط و النظاظر والبااڤيط تهزات بالضحك وهي كتشوف الفضوول قتلهن يعرفوه شكون وهي ديما فاش كتحط شي حاجة من التصميم ديالوو كتكتب “من اناامل حبيبي “
حطات التيليفوون قبل ميدور ليها عرفاتو مزال فاايق تكات على ظهرها قلبات وجهها عندو وتنهدات قليل فين كينعسوو مناقشين معدودين على رؤوس الاصاابع
تقلبات جيهتو قربات عندوو شمات ريحتو غمضات عينيهاا ورمات ايديهاا حطاها على صدرو عاد حسات بالرااحة
حسات بييه تنهد وتحرك فلفرااش دار عندهاا وهي من الفرحة تخشات فييه وضربات الطم لا يقمعها تانيي حضنهاا وكمل على نعااسو
نعسوو ساعات قليلة وبدا الضو كيطلع ناض هوا اللول يتوضى يصليي تقلبات جيهة لحااشية ديال السرير ناعسة
فوسط لحلمة لقات راسها فلحاافة وشي حد دفعهاا بدات كتغوت تحلات عينيها لقات راسها مرميية فالارض والخلعة شاداهاا كلسات شادة فقلبها تخرج حذيفة من الدووش شافها طايحة ومشاا عندها
حذيفة: اش وقع طحتي ؟
ايمان: ففف تخلعت (شدات ايدهاا )طحت على ايدي
حذيفة(جرها) : نوضيي بعدا نوضي
ناضت كلسات فطرف السرير كتعود من الشيطاان وكتعاود ليه الحلمة تلقات راسها طايحة فلارض
ناضت لدوش حيدات لڤيرني من ايديهاا وتوضاات خرجاات عندو لقاتو صلاا
ايمان: غير تسنااا
حذيفة: تعطلتيي
خرج لبالكون خلاها كتصليي غير صلاة رجعات لبلاصتها فيها النعااس نعسات على صدرهاا تحسات بييه جا حداها وقال وهوا كيلعب فشعرها: دغياا نعستيي
ايمان(هزات فيه راسها وقالت بطنز): تعطلتيي
حذيفة: ضسرتيي
ضحكات وتكات تلقاتو كيجر فيهاا يعنكش ويبووس وقالت بغنج: ممم جيت عندك لباارح وقلت لييا لبدييهاا (دفعاتو بكتفهاا)حتى داباا لبدهاا
شحطهاا لمؤخرتهاا تخرجو عينيهاا وقالت : واش بعقلك اوييلي كي تسمعاات الضربة منها لحميي
حذيفة: قسحتك انشووف
هزات لكسيوة وراتو مؤخرتها حمرة بالضربة باسها تما وهي تبدا كضحك وقال: مالك
نطقات كيلمبلوزة ماكفاتهااش غيرة لبارح بغات تكمل علييه : ملي كنت مزال صغيرة شي 9 سنين يمكن كنلعب مع ولد خالي فالسطح وجا بااه سلخناا بالسمطة الصراحة هادي بوحدها لي كنتفكرها وكنضحك هههه كان كيضربني وكنورييه قزيبتيي
الاخير كان طالع فوقهاا كيبووس ويحل فلبينوار حتى هز راسوو مخنزر وقال: اش كتورييه
ايمان(شدها الضحك ) : قزيبتيي ههههه كنت صغيرة احذيفة اوييليي
حذيفة: شحال كان عندو !
ايمان: شي 10 سنين والله معقلت
حذيفة: ولكن عاقلة على راسك كتوري فقزازبك لدراري
ايمان: واش منييتك اشمن دراري حرااام يتفكر معاك الواحد شي حاجة
حذيفة: كنحاول نبرد معاك ونتي كتزيدي تشعلييني
ايمان(لمطات فمهاا ) : الله يستر
حذيفة: الله يستر ؟ وخة
عضها من صدرهاا تخرجو عينيهاا جر ليهاا ايدها لي كيقمشووه زيرهم وقال: هانتي غتشوفيي لي كانقولو ليهم الله يستر اش كيديرو
ايمان(غالب عليها الضحك مخلط مع الالم ) : فوت غير عنقيي ففف
**
كالسة قدام لمراية كتصايب ليها البنت اخر لمسات المكيااج والشدة ديال الشعر ..لابسة التكشطية لي اقل ما يتقال عليهاا فخامة ورقي الالوان كيبرييو مع ضو
المضمة كانت اخر حاجة ديرهاا طلبات من لبنت تسبقها لتحت بينما حتى حذيفة لبس
دغياا وجد راسوو بسروال كحل قميجة بيضاء وفيست كحلة عطاتو السمطة دورهاا عليها سدها ليهاا فقياسهاا بعد شعر وبااسهاا فعنقها تبسماات وقالت: جيتي بحال شي عريس
حذيفة(ضحك وهز عينوو فيهاا ) : مزال كتسالينيي عرس الحب
ايمان: براكة عليا غير نتاا
حذيفة(حضنهاا ) : ضروري خاص غير الكونجيي
هبطو لتحت فالسيارة الخااصة ركبو ب 4 بيهم كيهدرو على هاد الحفل وشكون غيكوون فييه
كانو الصحافة من مختلف الجنسياات وحتى المشاركيين حتى هوما من كل الجنسياات وكل وحدة وشنوو لاابسة ولكن كلشي مشاابه كساويي سهراات انيقة ولكن الاختلااف دارتو ايماان وخة ماشي بوحدها لي مغربية تماا ولكن خلقات الاختلااف بووحدهاا جاية كتمشاا فوق الطابيي لحمرااء غير شافوهاا شي صحاافة جاو عندهاا كيجرييو كانو دايريين واحد المنصة تماا بلوگو ديال الحفل كياخدو فييه المشاهير صور تذكارية
وقف حذيفة كيشووف ولفلاش كيضرب فيهاا
مع الدخلة وقفهاا واحد الصحفي وقال: مرحباا بيانكا كيفك ؟
ايمان: الحمد لله شكرا ههه
_عنجد كثير سعيد لانو ساعدني الحظ هالمرا معك فينيي اسئلك سؤال ؟
ايمان: اكييد
_ فيي نجوم كثير هوون تضني ميين حيكون صاحب الجائزة
ايمان: مبعرف صرااحة هههه
_الاوتفيت ها لمرة مغربيي اكييد …ميين المصمم هالمرة (ضحك )
ايمان(ضحكات): طبعا من اناامل زوجيي
_نقدر نتشرف بالهمصمم الراائع ولاا مستحييل !
شافت فييه كترجااه بعينيها باش يجيي ومراد كيوشوش لييه حدااه
كان رافض ولكن نظراتهاا مقدرش يقمعهاا وغير شافتو جاي تحمساات وضحكات
مدات ليه ايدها شدهاا مكرهاتش طير علييه بتعنييقة
_ممكن ناخد الكم صوورة !
شافت فييه كضحك وقالت: ؤك
جراتوو معاها وقال: بقيتي حتى جريتيني لهدشي
لاحت ايدها وراه وهوا كدالك وضحكات بحال الى ملكت الدنياا
خداو لهم صور عفوية كيشوفو فبعض ،موراها خداو صورة رسميية
_انا هلئ تذكرتك انتاا حذيفة مشارك فبرنامج اسبااني لتصميم وفزت
حذيفة(حرك راسو بابتسامة ): تماما
_في نظرك بيانكاا رح تاخد جائزة اليوم ولا لا
حذيفة(تبسم ) : ااه شكراا
ضحكات وجرهاا مخليهم واقفيين دخلوو لداخل فين كانت قاعة كبيرة فيها اضواء وطبالي بعاد على بعضهم وخشبة فيهاا شاشة كبيرة بحال السينما مضوية تماا كامل
مشاو لطاولة المخصصة ليهم ياله بغات تكلس وقفو عليهاا جوج بنات ونااضت كتسلم علييهم وقالت: بب انا جااية
حرك راسو باه ومشاات معاهم كتعرفهم وجامعهم دومين واحد الانسطاغراام هوا كيشووف فييهاا كل مرة علامن كتسلم كاين لي كيعرفوو وكاين لي اول مرة يشوفوو
كياخدو صور وسيلفياات وكيعبرو على اعجاابهم بالتكشيطة كلشي جابد تيليفونو السطورياات على الجهد
بدا الحفل ورجعات لبلاصتهاا حداها حذيفة والجهة التانية زوجة مراد وحداها مراد ومحمد
حطات ايدها على رجلو وحط فوقها ايدوو وقال: الزيين
ايمان(حطات راسها على كتفو): حبيبي
حذيفة: هادشي بان لياا مخلط نيييت هناا
ايمان: سيي راه بزااف ديال الناس كاينين شفتي هادييك لي القدام
حذيفة: مم لابسة الساري
ايمان: اييه هاديك عاليا بهات ممتلة وانفليونسر كل حاجة عندها جائزة خاصة خصوصا العام لي فات مكانش هاد الحفل ولكن العام لي قبل منو كان وخداه سعد المجرد فالوجوه الصاعدة
حذيفة: ممم
الحفل بداا بغنااء فنانين معروفين على الصعييد العالميي وتعرض على ايمان حتى هي تغني ولكن جاها الرفض من حكومتها الشخصية حيت الحفل كيكونو فيه عرووض رجال ولا بنات كيشطحو وراهاا
وهدشي نيت ليي كاان قدامو ولكن هوا مهبط عينو فالتيليفوون
مامولفش هاد الجو وبداا كيضرو الصداع فراسو كل مرةة يعيطو على شخص معيين يسلموه الجائزة مرة كيهدرو بالعربية او الانجليزية على حسب الجنسية ديال الفاائز
وكل مرة تانيي كيشطحوو ويغنييو
تكلم المقدم لي كان ممثل مصري وقال: والان مع اجمل صووت وصورة تألقت فاخر السنواات …بصوت جوهري جميل جداا فاازت بجائزة اجمل صوت الفنانة الصاعدة بياانكااا
خرجو عينيها وشهقااات تحت تصفيق الجمهوور متيقااتش بتاتا والكاميرا توجهات ليهاا تحت الصدمة
وقفات وضارت عند حذيفة عنقااتوو كضحك وطلبو منها تجيي عندهم
كانت مرشحة للجائزة ولكن كانو معاها فنانة كباار من غيرها فمظناتش نهائياا بليي غتكون هاد الجائزة من نصيبهاا
سلمات علييه بايدها وعطاهاا الجائزة دهبية اللون وطلب منها تقول كلمة قدام لميكروو
بدات كضحك من الصدمة متيقااتش ومعرفاتش
شكراتهم وشكراات جمهورها لي صوت عليهاا بالعربية والانجليزية شافت ف حذيفة وفمحمد وشكراتهم حيت محمد هوا لي وجهها لطريق صحيح وطلبات منوو يجي عندها فعلا نااض لانه معروف فالساحة الفنية منتج كبير كلشي دار لييه الطريق ورحب بييه عاونوه حتى طلع لمنصة ومشاا عندهاا تحت التصفيقاات
قال كلمتو فيهاا وخداو صورة وهبط بمساعدتهاا لطبلتهم
كلسوو كيكملو الحفلة وهي مامتيقااش الجائزة لي قداامهاا
ايمان: ههه غنحطهاا حداا الجائزة ديالك ديال التصميم
حذيفة(لاح ايدو وراها كيضحك وقرب لودنها باش تسمع ): بقا لييك غير ديك لبلاصة حتى هي زاحمينيي فيهاا
ايمان: ههههه ايي فرحت متخيلتهاااش والله خصاني غير وديان
حذيفة: مكافيكش لحسك
ايمان: سكت المغياار هههه
تسالا الحفل وخداو لي ربحو صورة جمااعية مع جوائزهم بمختلف الجنسيات
دازت الليلة من اروع ما يكون بالنسبة ليهاا فرحاات بجوج فرحات اللولة بان معاهاا والتاانية بالجائزة القيمة لي خدات
قررو يزيدو يومايين هوما بجوج فقطر استكشااف لاا غير
صباح ديك الليلة صبح كلشي كيهضر علىى القفطاان وصورتهاا مع حذيفة لي كتشوفييه وضحك رجعووهاا ريل فيه كلمات الحب والغراام وشي مسكريني الصورة من الفيديو وكاتب
واكلة علييه الصنادل باينة من عينيهاا
الى مدارت فيك هاد الشوفة غير رجعها لمها
كاين النوع التانيي لي مكيبغيش يضحك ولكن كيبغي ينكدها على عباد الله
*عشنااا وشفنا ولا الراجل يتخبا والمرا تباان
*كنت عارفااه هوا ملي حطاات واحد النهار تصويرتو ملي ربح فديك المساابقة عندو ميقول الصرااحة غير تزوجات بيه ولات كتلبس حوايج مستورين وزوينين
*فين ديك العاقيصة لي قالت ليهم تزوجات ليا برااجليي ههه عطاتهم يالبناات
الارااء تختلف وكل واحد ورأيو فحياة النااس ولكن ماشي ملزم طبق علييه رأيك وتخلييه يعيش الحيااة لي بغيتي نتاا
صورتهم بجوج او بالاحرى الفيديو العفويي لي صورهم المصور كيضحكو وكيشوفو فبعضياتهمم صممو وتفننو فييه بكلمات الحب عجبهاا وحمقها وكانت اول مرة تحط لفيديو تحت عنوان: انت السند انت الوطن انت العوض”
تنشر لفيديوو فليبااج ولكروباات وكاين لي حطاتو فسطوري واتساب
بقدما عجبها الحال بقد ما ناس اخريين شافوهم بعين الحسد وبعيين الشر والحقد والضغيينة
كالسة فبيتها وسط اشيااءها وروينتهاا ومشترياتها الجديدة كتققلب فالتيليفون والغيرة شاعلة فيهاا
نورة: عايشة الحيااة الله اعطييك العدااب
بداو كيوصلوها ميساجات فيهم السبان والناس كتشمت فيها وناس كتقول فيهاا بلي ظالمة وشامتة فييهاا حيت ظلمات بنتها وفالاخير خرجات مزوجة براجل اخر
فقدات الامل بلي بنتهاا نور مع ايمان واخر اخبار وصلاتها من عائلة حسام بليي كاين فروسيا
كيفاش مشا معارفاش سبع سنين هاديي عمرو دخل للمغريب ولا دخل ومشدوهش معرفاتتش
خرجوو فارجاء المدينة كيكتااشفو بجوج بييهم لابسين صبور دايرين كاسكييط ونظاظر شمسية وايديهم فبعضياتهم عايشيين السعادة
كالس الحاج فصالون كبيير مفرش بزرابي حمريين وبونجات هابطيين مجموعة ديال كتب القران والسنة فواحد الرفوف
كالس فبلاصتو المعهودة لابس جلابتو كيف العادة فلبييج مع تقاشر بيضيين رامي على راسو القب لحيتو بيضااء طوييلة وشاد فايدو جلابة رجالية كيخيط فيها خياطة يدويية كان سالاها وكيكفف فيها من الطولة
حتى دقات فلباب طفلة تكون فالعشر سنوات. لابسة جلابة وزييف فراسها مخربق مامقادش شافهاا وقال بالشلحة: دخليي اوريدة
دخلات بابتسامة هازة جزء عم فايديها كتحفظ فيه الاياات
حط الجلابة من ايدو وجات تحنات على ايدو باستهاا وباست لييه راسوو وقالت بالشلحة: لبااس ا بابا اينوو
الحاج: الحمد لله حفضتي
وردة: حفضت ا بابا (ترقيق الباء)
الحاج(شد من عندها الدفتر وقال) : على بركة الله
بدات كاتعرض عليه مربعة قداموو وهوا كيصحح ليهاا تسالات باسها فراسها وقال: الله ارضي على بنتيي
وردة: بابا انا كنحفظ مزياان
الحاج(ضحك): كتحفظي ابنتيي
وردة: خالد مكيحفظش مزال ماحفظش الحزب لي قلتي لييه
الحاج(باستفسار): وعلاش ياك العطلة هاديي
وردة: النهار كلو هاز التيليفون اباباا وكيشووف فلبناات
الحاج(خرجو عينو ): استغفر الله العظيم
وردة : باباا نقوليك شي حاجة ولكن تبقا بيناتناا انا مكنكدبش علييك
الحاج (قرب ليها ) : اش كاايين افليفلة
يتبع
شاركنا رأيك في هذا الفصل 🌹