الفصل 7

كملات هنية كلامها على بكر وختمها بدعاء في ظهر الغيب

_ سير يالمقدم يا بوعلام يا العلام يازين السنحة يا زين المقام ..بغيتك ديما زايد القدام .ولي مابغاك تشهد عليه الليام بالعدم .والندامة وقلة الهدام عريان جيعان مكرفس قدام العديان سير يالمقدم يابو راس مرفوع ..الله يعطيك ماعطا الله لسليمان الحكمة والعقل والنباهة ..وكلامك مسموع..ظحكات شهلة برقة وقالت.

_ هوني انا ونت تنحبوه بزاف ..جات حنين تتدور بيها وفي ايدها كاس ديال الما وقالت

_ ماماسهلة سوربي ..شدات منها الكاس شربت وعطتتا اكاس وقالت

_ شووكرا بيبي ردت عليها حنين وقالت

_ لا حمد لله بابا تيقول .. رشقتها في نيفها وقالت

_ الحمد لله .. مدات ليها فمها وقالت

_ بوسي ظحكات شهلة وقالت

_ نبوس اري اري فيم باستها في فمها وظحكات حنين وقالت

_ اجي معايا…شدات فيها شهلة وخرجو مع طلوع الشمس ..جاراها وهنية تباعهم شادا في التوام .من وراها…..تساراو في الجنان..حت عياو كلاو من كل شجرة تمرة ناضجة …. من بعيد صوت المعطي تيعيط على هنية وبهرولة جاي في ايدو تلفون .. وصل عندها وقال

_ شدي شدي تي شدي

_ اش شكون ؟؟

_ المقدم… سمعت شهلة اسم المقدم ودارت وقفت …

_ الو الو…ايييه فطرات كلات كووولشي حت املو كلات منو .ايييه اييه راه حنا في الجنان…تتهضر بصوت عالي من طبعها ماتتعرفش تهضر بشوية… قربات منها شهلة وقالت

_ اري نهضر معاه… مدات ليها تلفون ..حطتو على ودنها بابتسامة مبهجة وصدر منشرح وقالت

_ اووووو ماشي معقول ….ابنتاسم بحال الى تيشوفها قدامو دور عينيه في المكان وبعد من ابراهيم…الظاهر انه عينيه فاضحينو.. .وقال

_ علاش ؟؟.. ردت عليه

_ مافيقتنيش وما قلتيش ليا غادي تغيب لساعات ..عليا فينك نت ؟ رد عليها

_ بعييد شي مية كيلموتر ماغادي نجي حت لغدا ..عبست عينيها وقالت

_ علاش ماقلتيهاش ليا؟

_ _ مابغيتش نفيقك بغيت نخليك مرتاحة

_ لا ابكر درتيها هايبة معايا

_ وايلي؟ خايبة كاع؟

_ اه حيت توهشتك بزاف .. خشا ايدو في جيبو وتكسل برجليه وقال

_ مزيان توحشيني

_ لا مازيانش ورجع ليوما قبل غدا ..ظحك بصوت عالي وقال

_ لا مايمكنش عندي مايدار ..

_ اوكي شنو غادي تجيب ليا معاك؟ .بابتسامة قال

_ شنو بغيتي؟..

_ بغيت تجيب لعبة لحنين .نعطيها ليها..وساعو عينيه وقال

_ علاش حنين بالضبظ

_ تتبوسني بزاف وتتهتم بيا خدات قلبي حنين صراحة ..جمع فمو بضحكة حب وقال

_ حنين وخدا حت قلبي ..ردت عليه وقالت

_ لا قلبك بغيت ناخدو بوحدي.. رد عليها بضحكة وقال

_ يااك؟ وعلاش االالة ؟

_ حيت شهلة تتبغي بكر هاصك بكر يبغيها رد عليها

_ والا ؟؟

_ والا هانعاقبك ..دور عينيه وقال

_ وباش؟.

_ ب ..هزات عينيها ملمعين لسما وقالت :بتقبلي الف قبلة..ظحك لسما ء ردت عليه وقالت

_ اصعب حاجة انك تقبل شهص نت ماتتبغيش رد عليها وفي صوتو اشتياق كبير :

_ بالنسبة الرجل تيقبل لي تيبغي وحت لي تيكره لدعات الضرورة ….طال حديتهم الشيق ..حت رجعت لدار وجلست فوق سداري تتحاول تقاد المخدة تحت راسها تسمعت عندو تتنجه وقال بسرعة

_ شهلة مالك..؟ ردت عليه ممازحة

_ هلكني الحب…ظحكتو وقال

_ يله غبت عليك نص نهار تهلكتي اوى راه خاصني القصاص معاك ونغيب عليك شهر وربعيام..شهقات وقالت

_ لا نت باغي تقتلني اكيد..رد عليها وقال بظحكة باينة من كلامو

_ نت لي غدا تقتليني . ردت عليه بصوت نعسان وقالت

_ شنو بان ليك نموتو بجوج بحال روميو وجوليات .

رد عليها بدعاء جميل وقال

_ الله يطول في عمرك.. ويخليك ليا ..قالت

_ اميين.. بسؤال رد عليها

_ مزيان باقا عاقلة على تامين الدعاء ماعندي مانتسالك..جاوباتو وقالت

_ لانه سر حياتي ابكر دعاءك رجعني من بين ادين ملك الموت هدا بحد داتو عرفان كبير مني ليك ولله تنشكرك ابكر وتشنكر الله على هاد النعمة نعمة الحياة ونعمة العلم اجي باش تعلمني بززاااف لانه حنين لصغر مني وعارفة عليا شي حوايج ..ظحك وقال

_ حنين غ نتي في كلشي الفرق الوحيد هو المصير وصافي اما كون تولدتي نت هنا وكبرتي هنا كنت غدا تكوني حنين…ظحكات وقالت

_ لا مابغيتش نكون حنين ..تعجب من كلامها وقال

_ علاش؟؟ ردت وهي تتقبل التلفون وتتسمعو صوت القبلة وقالت

_ باش ماتكونش الاب ديالي ..ققهق وقال

_ افكارك ياربي السلامة منهم هزات كتافها وخا ماشفاهاش وقالت

_ افكار سيدة جميلة تعشق رجل في كامل قوته العضلية. ..ساد الصمت وكملت كلامها وقالت

_ بكر

_ نعام

_ امتى غادي تنعس معايا؟ غفلتو بسؤالها حت انه تعرق جسمو ولكن ماخاصوش ينداهش او يتعجب من كلامها فاهادي هي شهلة ..رد عليها وقال

_ حت تجيبها الوقت .. همهمت في كلامها وقالت

_ همممممم ادن تتهرب مني؟..رد كلام جدي وقال

_ تنهرب من راسي …شهلة حت نجي ونهضرو في واحد الموضوع مهم ..ردت عليه وقالت

_ حت حاجة ماممههمة عندي قد اني نحس براسي زوجتك وحبيبتك.. الى كانت في مخيلتك صورة وانا شبح فامن الاحس ماترجعش حت تمحى ليك من بالك…ودابا بسلامة وبتوفيق في مايدار عندك وجيب معاك تلات لعب وهدة لهنين وهليم ولكريم عيونهم تتقول انهم تيبغيونو بلا مايصرهو بيها وهت انا تنبادلهم شعور مافمفهومش عندي لكن روههم تتهاطب روحي .بسميتها تيتنطق عرفها تعصبت وقال

_ شهلة سهلة شهلة..ردات عليه بزعاف

_ نعام. ظحك وقال

_ وخليني حت نجي ونهضرو بلا ماتعصبي دابا

_ لا صافي تعصبت منك ومن الاحسن ماتجيش دابا راه وها تجي ماغاديش تشوفني ….قطعات عليه .. تنهد ورجع لطموبيل جلس فيها مخرج رجل حاطها الارض .اتصال اخر تيرن ..جاوب بزعاف

_ الو …رد عليه الطرف التاني وقال

_ عبد الرحمن وصل لعيون … حك راسو وقال

_ على رجليه ولا حن فيه شي واحد ؟.

_ على رجليه.. هو لي بغا يركبو تيرفض وتيقول درتها لراسي نفكها لراسي..

_ وخليه يبرد رجليه ..

_ دابا مابقا حت واحد زاعم عليه راه ولا كيف الهبيل اسي بكر ….قطع معاه وقال

_ بش يتعلم …

داز النهار هو متلفو مع الناس لي تيعرف وهي مع ولادها ولكن الارواح والافكار تتخاطب بعضها .من حسن حظو تلاقا بمعارف قدام وشدو فيه شدة العمى في الضلمة يتعشى عندهم ونهار لاخر يروض ليهم واحد الجدع ..تسمعت سميتو بين الخيالة بكر ولد سي عيسى المقدم سابقاه صمعتو ومعرفتو وخبرتو في الخيل وكيف تيقول احد للشيوخ الكبار :العلام الكبير سميتو تجبد من قاع البير.. من لواحد لواحد وكل من عرفو راه في الفيلاج الفلاني والسوق كدا يتوجه ليه قاصدو ياباغي يبيع ليه ولا يشري منو ولا يخصب ليه فرسو. ولا يعقد معاه صفقة العلف او السروجة ..من زمان مابقا بان في الساحة بين الخيالة ونهار بان تشغل بالمعقول …..كان في يومين صدق في سيمانا وهو من فيرمة لفيرما ومن اسطبل الاسطبل..لكن محور تفكيرو حبيبتو شهلاؤو لي غضبت غضب شديد عليه ….

في احد المزارع كانت واحد الفرس عندها اعاقة في رجلها وخاصها صفيحة خاصة …لانه رجل عندها ناقصة على رجل والعضم باين تيقيس الارض تيخليها تعرج…الشي لي خلا بكر يجلس نص نهار وهو غ تيرسم في الصفيحة لي غدا تجي مع رجلها عاد بدا ليها في النحت والصقل ظل معا ديك الفرس نهار كلو وماسلاش . حت ادن العشا الامر تيتعلق بعودة ورجلها ادن بكر ماكاينش هنا…تلفونو في جيب تجاكيطو تيصوني لمرة المليون حت تعصبت بالمعقول وشارت لهنية وهي تتخاطبها باش تعشى وتنعس باش ترتاح

_ هاد الزمر لي عندي غ دايال شي عصا واه اهوني ماقالش راه شهلة الهمقة توهشتو بزاف وهاصني نشوفها ..هدا مالو تيتعامل هكا واش بغاني نهماق هماقيت ولا نلوه هوايجي ولا نتسطى .. ردت عليها هنية

_ غادي يجي غ صبري راه عندو الخدمة

_ عندو انا تيهرب مني هوني راه ماتنهملش لي تيكدب قوليها صعيبة وهايبة وماتكدبيش عليا تنكره الكدب اهوني وهق الله .

ردات عليها هنية وقالت

_ ماكدبتش عليك راه هضر مع المعطي وقال ليه راه ليلة عندي شي واحد ..سكتاتها بصبعها قريب لعينيها وقالت

_ قولي وهدة . جلسات تتعشى ..لاحت الطاقية من على راسها وهي تحط حنين اديها على فمها وقالت

_ هيييه ماما سهلة فين هو سعورات ؟..شافت فيها شهلة وقالت

_ عندك اهنين انا راه وليت بهال باباك.. خرجات عينيها وشافت في هنية وقالت بدهشة

_ اووبس عندك يسحابني وليت راجل بصح ؟ ومابغاش ينعس معايا ….حشمت هنية وسميرة ولكن بما انهم غ وليات ظحكو وقالت سميرة

_ لا بلا مايمشي بالك بعيد راك نت مزال عيانة اش بغيتي بشي نعاس ؟ شافت فيها شهلة وقالت

_ بغيت وصافي افكاري في كامل صحتها نطقت هنية وقالت

_ شهلة بنتك تتلقط للهضرة طايرة يجي باها تقول ليه كلشي..شافت فيها وظحكت وقالت

_ نت بنوتي ياك اهنينو حركات ليها حنين راسها وهي تتخشي خيار في فمها تقضم منو شوية وتمد نصو لمامها في فمها وتتقول

_ كولي اماما.. تعض شهلة بشوية وتمد ليها فمها وتقول

_ بوسيني ابنوتي …هزات معيلقة كلات شلاضة بجميع الخضر تتمدغ وتشوف في سميرة وقالت

_ شنو هاصني اسميرة ندير باش نغضب عليه ومانسلموش راسي راه انا ضعيفة معاه . ردات عليها سميرة وقالت

_ وهو كتاار عمرها تنسى ليا نهار لي خلى هناء ونعس معاك غ قولي ليا شكون ؟ لي ضعيف ..هو هربان ومتلف راسو في جوايه اخرين حيت نت مازال ضعيفة وصحيحتك على قد الحال…حطات سميرة ايديها على خدها وقالت: راه خاصك تعطي لراسك الراحة التامة وحت حاجة ماتفكري فيها ومزيان ملي فكرتي هكا فاش يجي سورتي عليك البيت ولا نعسي مع ولادك وخيليه يطرطا..مافهمتش الكلمة الاخرى وقالت

_ لهرى شناهي؟ الكلمة لاهرة ؟

_ يطرطا يعني يمشي ويجي . عليك وباغي يقول ليك دوزي لبيتك وماقادرش ماشي بحال الى كنتو ناعسين في فراش واحد يقدر دغيا ينعس معاك الى كنت ماتتقدريش تمنعيه .قالت باسف

_ دغيا عقلتي نهار كليت فلاقة على رجليا وتعلقت انا وياك اهوني في الشجرة راه الهيوان نعس معايا هديك ليلة وشفتو على كرامة عندي اوووف زيرو كرامة انا زيرو ..حدرات عينيها وكملت كلامها: انا راه هاصني المناعة هنا ..حطت صبعها على ناضرها : ماشي في دمي انا زيرو كرامة زيرو انفة زيرو شهصية انا في الهضيض .ضحكات سميرة وقالت

_ قولي مدلولة . انا الدل بعينه ردت بنفس اكلام وقالت

_ انا الدل بعينيه ..تلفونها تيصوني ..ناضت هنية جابتو .عطاتو ليها وهي تلقاه هو ..سالة الخدمة تعشى وفضل ينعس يرتاح باش يشد طريق لدارو تخشى في بلاصتو فوق سداري في الصالة مفتوحة … شافت فيهم وقالت

_ هو.. قبطت الخط وقالت : انا راه الدل بعينيه..جمع الظحكة بين شفافيو وقال

_ الناس تيقولو السلام عليكم بعدى..ردات عليه

_ انا راه مدلولة. انا زيرو ..قال بصوت خافت

_ ياك شي باس ماكاين ؟..تيشوفو فيها العيلات ظاحكات ردت عليه

_ غير بقا تما لاتجيش اصاحبي.طلقات سميرة ظحكة سادة فمها باديها..ظحكتو كلمتها وقال

_ ولينا صحاب ؟ ردت عليه تتعاير

_ ولينا زعطوطة زمطوطوة فرطووطة هريوطة صافي وتتحلف عليه: عنننندك تجي الهيوان ..تيهز في كتافو ظاحك وقال

_ ت مالك ؟ شهلة رجوع الله واش هبالتي

_ نت هبلتيني .صافي قلت ليك توهشناك ماهسيتيش بيا اوى شنو لمعمول تتشير ليها سميرة بايدها وتهمس

_ ماتجبديش توحشتك على فمك شوش. غمزتها شهلة وقالت

_ شهاال هادي قلت ليك توهشتك دابا مانقولهاش ليك رد علليها ظاحك وقال

_ نقولها ليك انا توحشتك ..ردات عليه بكلمة خلات هنية وسميرة يهربو

_ هرايتني نت لواه ..سد فمو بايدو ظاحك معلي حاجب ومهبط حاحب وقال

_ هشاك ..ساد الصمت وقال : واش معيط ليك باش نسمع هاد الهضرة اشهلة؟

_ ولاش معيط ليا اصلا ياك نت هربان بقا هربان

_ اوى باش نشوفك لاش مصدعاني بمليون ابيل من لوحدة ونت رن رن رن راه قلت ليك لبارح خدام

_ هدام اااه هدام تيقتك ودابا بغيت نتعشى ونعس…سولها شنو تتاكل عطاتو جواب بكل عفوية خلاتو يزيد يسولها متلف موضوعها وفي نفس للوقت باغي يسمع صوتها .. .خلات الطبلة…وناضت طلعت لبيتها تسرحت فوق النموسية على ظهرها تتهضر معاع على شنو دارت من صباح لدابا .خلاها حت سلات كلامها وقال

_ عرفتي اشهلة ماكرهتش تبقاي معايا هكا بلا ماتفاجئيني شي نهار..تنهد وكمل كلامو: كون حطيت حياتي من جديد بين اديك ..مافهمتش وقالت

_ شنو مافهمتش ..رد عليها

_ غدا جاي لدار بادن الله وبيناتنا حديت طويل ..ردت عليه

_ بيناتنا حيط طويل وبابو فيه قفل ..قطعات عليه تتفكر اخر جملة قالها ..حت غلبها النعاس

مع ادن الفجر فاق وجمع الجلسة وبقا في فراشو.. تيتسنى مول الدار يبان اووتسمع خطوات باش ينوض يتوضى ويصلي ويشد طريق…شعل الضو.. هز تلفونو تيشوف الساعة وهو يقلى مساج من شهلة في الواتس

_ فيق صلي وخرج اجي لعندي..ظحك بحب حك راسو ورد عليها

_ واخا هاني الالة ماتكون غ خاطرك.. ..حطو وناض تيجمع في قشاوش جيابو من كونطاك وواحد المقص ديال الخيل بحال صنارة معقوفة تينقي بيها حافر الخيل ولا الحدوة من الزيادة ..تسمع خطوات نتاع المضيف ودخل عندو بوجه بشوش صباح الخير صباح الخيل سي المقدم ماعندك فين غادي …شاف فيه بكر بعيون مستغربة وقال وهو ظاحك

_ الله ياودي… رد عليه سي بوشعيب الغزو وقال

_ عيط ليا سي بوجمعة وقال ليا شدو ليا عندك راني جاي في الطريق .. باغيك توقف معاه يعمر الفيرمة ديال ولدو عاد شراها من بعد مادخل من برا سولني على الخيل ديالي قلت ليه ان سي بكر ولد سي عيسى هو سوق ديالي لماكانتش عينو حاضرة راه مانشريش وخيلي كلها من عندو وحت وكان تعجبني ونعشق شي حاجة على برى نحضرو قالي هو علاش تنقلب وراه هضر معايا لبارح فاش تفرق المجمع ولايني ماصبتش كيف نزل عندك نت نعستي بكري…مابقا لبكر الا يوافق وقال

_ الله يسخر ..قال كلمتو وهو ويصلو مساج من شهلة “صليتي؟ ولا مزال تتفكر؟ مع ايموشن نعسان ” قراه وتنهد قشر شنايفو بسنيه وعينيه تيفكرو..وقال في سرو

_ غادي تحيح مافيها شك.. ..مشا توضى وصلى بلا مايجاوبها .يله سلم حت تسمع هضرة على برى وصوت رجل كبير في السن تيرحب بيه السي بوشعيب

.دخلو .. ومشا بتعنيقة لابو بكر بادلو بكر العناق وكان سلامهم عزيز وفيه من الصدق الكتير لانه مايجمع الخيالة الى حب واحد … …شدو طريق لسوق ودخلو الرحبة وهنا بانت اللبلية الحقيقية ديال بكر وسر خبرتو ..عاود داخل يتبعو بالشوفة من الحافر حت الناصية عينو تابتة غي عليهم. تيفلي السوق ويميز ويهندس ..وغ عرفو واحد من البياعة مابقا بغا يتفاهم مع حت واحد من الشراية لكن. للحاج باغي الخيل بشوفتك المقدم تعرض عليه عود عاطي العين لكن عيبو مخيبيه ماعالم عليه غ هو وملاه ..ومع دالك طالب فيه التمن.. دار بيه بكر باغي يزيد يقلب وخا عرف العيب لكن سي بوجمعة عجبو بالطولة والوقفة ..وهمس لبكر باش يشريه سمعو البايع وقال

_ لغيرك لبعتو هاهو ديالك..شد بكر في اللجام وقال

_ اشمن عيب فيه؟ رد عليه البايع هاد الزين كلو معيبوب لا اسي المقدم ونت ولد الضومين دوز البيعة والشرية الله يربح .. ظحك بكر وقال:

_ نشري من عندك انا ماعندي سوق الخيل عندي كلها بحال بحال ولكن العود الزين تيعبو خوه الخايب ؟؟

_ اايه نت معلم كدالك ومتال ..رد عليه بكر

_ اوى هاد العود عندك فنش..( اي العاج ديال فمو زايد القدام) هو جامع فمو ماعلم عليه حد ولايني مانغشوش الشاري ياك المعلم..بقا الحاج تيشوف ويضحك على راسو..حل بكر فم العود وقال

_ شوف الحاج هدا عيبو ولايني راه مليح..رد عليه الحاج وقال

_ بغيت عود زين ديال التوبريدة ويتباها بيه ولدي هدا نشريه ولايني ندي فيه اجر وصافي… شاف البايع في بكر وقال.

_ ياك نت تتشري العرج والعوج والهبش والزين والنخوة مايمكنش تخليا في عنقي الفنش..ظحك بكر وقال

_ كاين لي باغي يشري ولايني نت مغلي السوق وجامع وطاوي… تهاتفو االباياعة والشراية على بكر والحاج لي داخل بشكارة كل واحد تيعرض عليه خيلو ولي فيه شي عيب سبقو باش مايديش عيبو مع بكر لكن ماشراو والو وصدقو مبدلين السوق في مدينة اخرى .وكدالك مع الدخلة عين بكر تابتة وكلامو تيقلال ..نمس مع الخيل قالها الحاج بتهاميس مع صاحبو ورد عليه لاخر

_ علاه سيدنا عطاه الوسام غ هكاك راه تيشم الخيل باقا گاع مادخلات… ..شد باب السوق بکتافو ولا العود لي داخل على عينو ولي خارج على عينو حت طاح في جوج النخوة والعظامة شراهم بلا ميتاوا مع مولاهم وقال

_ يافي رزقك الحاج يا في رزقي..كان ناوي غ يتوسط ساع الادمان صعيب لكن شد فيهم الحاج بسنيه وقال

_ انا لي شاري. . رد عليه بكر

_ الله يربح اسيدي انا تهلا ليا غ فيهم. العود ماعندو تمن ..طلعو الخيل الكاميو وشد فيه سي بوجمعة شدت العمى في الضلمة ولفيرمة ديالو داه معاه … ادن العشا كانو في دارو ..بايدو صوب ليهم العلف وبدل ليهم الصفيحات وسمرهم ودوش ليهم تقول غادي يحطهم في المرگد عندو( الاسطبل).. بكر من طبعو تيشري العود ماتيقلب على وراق الا لكانت شي سلالة نادرة بحال شرف اما لكانت الخيول عربية بربيرة او عربية انجليزية تيشري لمول الوصية المليح ويقاد ليهم معاه الوراق لانه معروف بتوصيف الخيول . يحط عليه ايدو يعرف اشمن سلالة …الشي لي خلا الكل يتهافت عليه بحال السمسار ولابد من عند بكر الراي والشوار …كسب قلوب الكسابة والبياعة والشراية حت مالين العلف ..

.على نص حولي مشوي مجموعين.. ولد سي بوجمعة غ ساكت ويشوف في بكر قدو قدو في العمر وسامع عليه شلا تتعاويد وباغي يسل منو مايفيد طالت شوفتو فيه حت تحرج بكر وقال

_ سيادنا جاوني شلا تلفونات من الدار ماوالفش نغيب عليهم…

ولد سي بوجمعة غ ساكت ويشوف في بكر قدو قدو في العمر وسامع عليه شلا تتعاويد وباغي يسل منو مايفيد طالت شوفتو فيه حت تحرج بكر وقال

_ سيادنا جاوني شلا تلفونات من الدار ماوالفش نغيب عليهم..رد عليه ولد سي بوجعة وقال

_ ماعندك فين غادي المقدم بغيت نتعلم ركوب الخيل وبغيت منك تعطيني غ شوية من عندك راه من صباح باغي نهضر معاك وحشمان..ظحكو جميع وقال بكر

_ مرحبا الله ياودي اش باغي تعرف

_ كيف درتي حت عرفتي داك العود لي قولبنا مولاه راه عيبو جامع عليه فمو ..ظحك بكر وقال

_ هو راه من الحافر تعرف العود على لي جامع ولايني تيبقى الممارسة وتعاملك مع الخيل بزاف وبشكل يومي راه صورة الجميلة تتحفر في الدماغ .والعود راه نقش وطابلو لوحة فنية الى ماكنتيش تترسم غادي تعجبك اي لوحة فيها لوان الى كنت من عشاقو او لا غ لون ولا جوج ولكن الرسام اكيد غادي يبان ليه العيب وخا غ خط هكاك انا مع العود وخا يبان ليك العود عاطي العلو والعرض لكن الشوفة في عينيه ووجهو لماكنتش عاطية النضرة تيبقا العود ناقص ولكان الوجه هو هداك لودينات صغار وتقعيرة والعينين والفم والماخر والراس صغير راه الجمال اخويا راه وخا يكون قصير ولا جسدة مجموعة تتعشقو وانا عندي الخيل كلها زوينة ماتنفرقش بيناتهم لانه لي خالقهم واحد وكيف قال عليهم روسنا الكريم الخيل معقود في نواصيها الخير الى يوم القيامة ووتيبقا العشق هو الدهم كيف وصفو الرسول صلى الله عليه وسلام …طال حديتهم وكان . عجب كللام بكر سي بوجمعة وقال

_ غدا الزردة و وغدي تبورد ليا على الدهم لي شريتي ليا نت لول حرك عليه و فرجني المقدم فرجني وفرح قلبي راه الغربة خلات قلبي مشوي على بلادي وعلى هاد التورات الجميل الترات العالمي . نطق لدو وقال

_ وانا على يدك اسي بكر بغيت نتشيخ ومن غدا مانزل على العود غ لما هزوني لقبري ..ظحك بكر وقال

_فكرتيني في سي محمد البهاني ..الله يرحمو قال من الركاب التراب وفعلا مات على ظهر الخيل الله يجعلنا من حسن الخاتمة يارب…. تلفونو وصل لحد الاقصى من الميساجات ولي زابيل.. وفي الاخير جلست على طرف السرير جنب حنين وكريم شادة في ايدها ستيلو ومدكرة بالسلك .. تتشوفيهم وتكتب ..حت بردت غدايدها وقالت لحنين .

_ شوفي هنين مرة من لمرات قلت ليك قولي لباباك بوس ماما شهلة…دابا ماتبقاي تقولي ليه والو صافي ماردتش عليها ..شدات ليها في نيفها بظهر صباعها وقالت

_كون غ بقيت بلا قلب كون كنت هانية مع رساتي هداك باباك راه مافيه ه فائدة . غير صاله لا لعناق ولا للقبل ولا حت…حطات ايدها على فمها وقالت : اهسن نعايرو في مهي ديالي..هنا..حطت ايدهاا على راسها وبدات تمتم وتشوف في السقف

_ نت راه غ هيوان هشرة ماشي صالح لهب ولا هت المعاشرة نت صاله فقط لاكل الدييدان الزاهفة نت هاصك تكون في فم الاناكوندا وتعصرك بهال هكا..لوات اديها خلات ولادها تيشوفو فيهم ..وجهت صبعهم ليهم بتلاتة من بعد ماصافتهم صف واحد حطات حنين وسطهم وقالت

_ اياكم دهلو شي واهد هنا..حطت ايدها على قلب كل واحد فيهم وكملت كلامهما:نتوما مهلوقات جميلة ورائعة هليكم عايشين بتلاتة ماتفارقوش وهبو بعض وسامهو بعض وماهلوش هت واهد يعدب ليكم هدا..حطات ايدها على قلبها وقالت

_ اوووف تنهب باباكم بزاف وهو صافي نساني.. علات عينيها وكملت كلامها : هيت انا همارة بنت همار كان تيبغيني بزاف ونسى كلشي درتو فيه ولكن ضيعتو ..هزات كتافها وقالت : صافي اشهلة نسايه هو نساك نسايه هوني قالت ليا .ماكينش لاش تفكري فيه صافي نمهيه من مهي نهرجو من هاد المه وهاد القلب ونعيش بسلام اووف صهيت من السرطان مرضت بهيوان …رنين تلفونها مليوح بعيد عليها ..تلفت ليه وهي تهز صبع ليه ودارت تتشهق حاطة اديها على فمها وقالت

_ سوري سوري مهويه ..ممممحيو هاد اللقطة بليييز… بدات طبل ليهم على راسهم بتلاتة بشوية وبلطف وتقول

_ بلييز بليزز بطاريقي ماشافتو واالو نتوما ماشفتو والو يس ؟ يس؟ وبدات تغني ليهم وتهز اديها بشكل راقص باش ينساو تقليزة لي دارت لتفلون .

باستهم وقالت

_ نتمنى تكونو نسيتو والله هاد اللقطة لي درتها عن غير قصد ماتتشرفش بتاتا صافي ..انا ماماكم سمعو الهضرة مني اياكم تكونو باقين عاقلين على ديك الهركة السوقية نتاع الباسلين متلا انا باسلة وو و هبيلة في مهي نتوما لاااا زوينين..ظريفين مادبين دكيين واهسن هاجة نقين بزاف قلبكم نقي مهكم نقي تصرفاتكم نقية كلامكم هلو وزوين بزاف بزاف انا هبيتكم وعشقتكم هيت نتوما تتكونو صادقين و تتبوسوني انا غ بوسوني نهبكم بزاااف فوق الهيال..يله شكون يبوسني ؟؟ مافهمو ولا حرف من كلامها ورجعت قالت .

_ ماما سهلة بغات بوسة شكون يعطيها بوسة ؟ نطقت حنين وقالت

_ ماما بوسي…باستها في خدها عشرات البوسات ودازت لحليمم ولكريم ….لعبات معاهم حت نعسو وحت هي عيات نهار كلو وهي تسنى فيه. نعسو بتلاتة مخربيقن في نعاسهم كل واحد فين صاد …

… تعشى وصلى العشا وخرج على برة متكي على جدع شجرة برجلو تييقرى لي ميساج كلهم ظحكوه الا واحد جاب ليه تمام خلاه غ تيفيبري ” يدق القلب لي ترقص المعدة فقط وليس من اجل الحب لان الحب كلام فارغ اخبر به مخرج فاشل مجموعة من الممتلين المتقاعسين عندما رشقهم الجمهور بحبات طماطم فقال المخرج الئيم الحب هو دقات القلب لترد عليه شهلة الحب هو الهامبرغر” ظحك لسماء وهو تيقرا المساجات ” اخبروني انك امير فاجابت شهلة انه حيوان شرير”” عجباتو ديك فاجابت شهلة وصيفط ليها مساج ” شهلة تتجاوب غ على راسها اوى فين هي شهلة راه صونت عليها ماجاوبتنيش “.. قرا المساجات كاملين ودخل نعس ..ومع ادان الفجر فاق هو وسي بوجمعة صلاووجماعة وتامم عليهم ورتل القران بصوت جميل خرجو تيشوفو الخيل لشراو كيف صبحو…بدات تحضيرات لزردة جمع بوجمعة صحابو لي تيعرفو الخيالة وتجمعت ليهم سربة غادي يتقدم عليها ولدو بعد مايتشيخ على ايد بكر …تهدات ليه لبسة بيضة ديال التبوريدة ثماک ديال الجلد خفيف بيض مزكرش ومطروز بالدهبي طالع حت قرب يوصل لركبة جبادورة من التوب الفريع وجلابة وسلهام شفاف وعمامة بيضا وخنجر….تسنحت الخيل بسروجة عريقة .. ولبسو الخيالة وتشكلت لوحة فنية فرجوية تسر عاشق الخيل ..وكان بكر سيد الحضور تتواتيه اللبسة وتيزيدو الخيل هبة ونخوة تتسحر المتفرج …..كتافو عراضو وجسمو دا لياقة بدنية رفيعة تيحلي اللبسة والركبة وتيخطف العين دارو بيه الخيالة في الواتق كيف تنسموها حنا الخزانة رافيعن اديهم بقراءة الفاتحة والمعوداات والدعاء طالبين السلامة في الركوب وفي النزول..وكيف معروف مند القدم فن تبوريدة الفانطازية تترافقها اهاجيز فلكورية شعبية عيساوة ولا الطقطوقة ولا طبالة والغياطة او لكوامنجية …وباش يكمل هاد الفن اللاستعراضي الي تيحاكي معارك التحرير والغزوات.. وتحلى الفراجة ويجدب العود ويلعب المقدم ويقاد السربة ويجيب الطلقة موحدة ..كان المغني الشعبي عبد المغيت حاضر بفرقتو من ضمنهم جوج شيخات تيتفننو في الجدبة وكل ما حركت السربة وجابو طلقة موحدة تعالات الزغاريد.. تغنات اغاني توراتية دات معنى بحال نتوما العلامة او قادو الخيل ..كل ماجاب بكر طلقة موحدة وتعلات الزغاريد ممزوجة بصهيل الخيل وفرحة الخيالة ….عرس فرجوي ماكانش على بال بكر حت لقا راسو وسط عشقو فين تيتسى العالم ويبقا غ هو وعودو وصهيلو وريحة البارود .وصوتو.. غربات الشمس ونزلو سروجة من على ظهر الخيل وتجمعو الباردية فرحانين ناشطين بهاد المجمع لي اعتابرو اابعض عرس ماشي غ تتادريب.. تلفون بكر مليوح في طموبيلتو نهار كلو وحت توسط ليل ..منغم ناشط مع الرجال والشيوخ الكبار تيراقب رقصات الشباب مع الشيخات .ظاحك فرحان مانقاصو خير كون مافيه ديك الحشمة كون توسط القاعة مع الدراري حت هو تيخلف في رجليه ويشتت فلوسو على ااشيخات لكن لي التباتة عنوان ولي تقالة عنوان وهو المقدم ابو بكر لعلام.. ولكن اديه ماسلموس من تصفاق لابد من الباروك خلاها سي بوجمعة حرك اديك المقدم ودير الباروك ….دارو بيه الدراري حت نوضوه وجاتو الشيخة تتجدب عليه وضربو بشعرها وهو ظاحك حشمان …كان باغي يبعد على شهلة يومين صدق في خمستاعشر يوم ناسي علاش هربان وومن هربان وللبعد حنين واشتياق تنهدات ليه شهلة وهاد المرة خلا عينيها بلا نعاس تتقلب في فراشها وتسوط حت حن عليها سلطان الغرام باتصال خفيف مع نص ليل

هزات تلفون معبسة جامعة حروف وجها كلهم في نقطة وحدة وقالت بزعاف وهي تتقبط الخط

_ شنو بغيتي؟ رد عليها وفي صوتو ظحكة

_ نسمع صوتك .ردت عليه بغضب

_ تسمع الهرا لواه…لاح شوفاتو بعاد وقال

_ تعلمتي الهضرة الخاسرة

_ نت سباب الهيوان ..صافي مابقيت بغيت نسمع صوتك ولا نشوفك وهق الله رد عليها

_ علاش.؟

_ صافي نت اهتاريتي طريق بعيدة عليا وعجبتك ..بسط شفايفو وقال

_ غبت عليك جوج سيمانات رديتينيي ختاريت طريقي اوى نت يالالة سلطانة تتديريها ولا لا ؟؟ اا تتغيبي غ شهر اا مابغيتش نهضر معاك في هاد الموضوع وانا بعيد لكن تيبان ليا نحلو دابا نيت…

وانقلب الإتصال الى اعصار من المضمور ..جمع بكر حواجبو وكمل كلامو

_…حيت لاحظت انا الواحد فاش يتقرر يبعد ويتيكون عارف اش تيدير ماتيهموش شكون مخلي وراه يتعدب ولا يتحرق ماشغلوش ياااك انا مابعدتش عليك باش نعاقبك ولا نرد ليك الصرف جابتها الضروف وصافي حيت ربي بغا ليا الخير ودار ليا طريق باش الانسان لي معاه انا يعرف بقيمتي ويحس بيا شوية كيف ماانا كنحس بيه ويلاحض اللفرق مع راسو ويجلس مع راسو ويعرف ويصحح الغلط مع الطرف التاني..شهلة فكري مع راسك مزيان وسولي راسك فين بغيتي تعيشي فين نت من داكشي كلو . واش قادرة على بكر وحياتو حيت اشهلة بكر مابقاش قادر على شهلة مابقاش عندي فين نزيد صدمة اخرى منك يا تختاري تكوني معايا وبلا مانفيق شي مرة ومانلقاكش يا الحل بين ايدك اما باش نرجعو بجوج وكان حت حاجة ماوقعت لا اشهلة مايمكنش ليا.. بغيتي تبقاي في الدار مرحبا نت في بيت وانا في بيت ولي جامعنا هما الدراري نهزك على الراس والعين.بغيتي ترجعي لبلادك ولموهبتك مرحبتين انا مانعطيك مانقلع ليك وفينما بغيتي تشوفي ولادك جي شوفيهم ولا يمشو يشوفوك اما انا اشهلة التقة معاك تمحات …دموعها تيطيحو في صمت سادة نيفها قاطعة لحس غ تتسمع ليه ..سولها واش تتسمع قالت. يس بخفوت وكمل كلامو ..بدايت علاقتي بيك كانت من لول ماصلحاش ومع دالك قلت بكر نت حت حاجة ماتتغلبك وديما دايرها في ايد الله ولكن كنت غافل على الان قرارات الانسان ربي تيخلي ليه الاختيار معامن باغي يعيش ومعمن باغي يحيى كيف ما مخلي ليه الاختيار فين يعيش واش الجنة ولا جهنم وقلت ان شهلة غادي نخليها تاقلم مع حياتي وكيف ماحبوني الناس غدا تحبني وكيف ماتمناوني الناس شهلة غدا تمناني ولكن للاسف شديد شهلة راسها عامر بحوايج اخرين ماتيدخلوش لبكر لعقلو وماشي من شيمو ومن ماشي شرف الخيالة لي هازو على كتافي شهلة نت مافيك تيقة صراحة بالرغم انك ماتتكدبيش لكن تصرفاتك تيجيو على غفلة ولي قالها ليك راسك تتديريها ..الى سولتي راسك دابا وقلتي ليه شنو باغي من بكر غادا تلقاي جواب واحد وهو لي جيتي على قبلو مرة لولا وكل ما شبعتي من بكر وقنعتي منو صافي خصك تخليه هو معلق ماعرف راسو من رجليه او لا تزيدي وتخليه تيقلب عليك كيف الحمق الهبيل . لي نقدر نقولو ليك دابا بكر غادي يعتابرك كام ولادو لبغيتي نت كصديق وفينما حتاجيتني غادا تلقايني اما حاجة اخرى ماعمرها تجمعنا والحل لبغيتي نديرو معاك نديرو .ساد الصمت بيناتهم وقالت

_ كنت عارفة وماكدة من كلامك وكان عندي هوف انك تقول هاد الهضرة وكنت تنهرب منها ومابغيتيش نسولك سؤال مباشر ونقلك واش مابقيتيش تيق فيا وكنت نرجع سؤالي ولكن لي هانقولو ليك ان فعلا هبيتك وبقوة ومستهيل نعيشو في دار وهدة وهنا منفاصلين انا عن نغسي مانقدرش لانه تتغلب عليا شهوتي معاك ومستهييل والف مستهيل معاها انك تكون هاضر ابكر ومايجمعناش سرير واهد .ريهتك ونفسك وعناقك ولمساتك وهمساتك هما سر سعادتي وهما لي هلاو روهي تشبت اكتر بالهياة فالى كنت ناوي تبعد عليا كان عليك تهلي دعاك لي بيه استجاب الله ونزع مني مرض هبيت لربما كنت في عالم ارهم مني ان نعيش بعيدة عليك..فعلا هطات بزاف المرات وتنعتارف باهطائي الكبيرة ولكن كانو قبل مانعرف ان في قلبي تلات ديال الهب هب الله وهب بكر وهب بطاريقي. بكر كل كلمة قلتها ليك صادقة وكل هرف هرج من فمي صادق والله يشهد عليا هبيتك وغشقتك وانغرمت بيك بصدق ولا كنتي ناوي تبعد عليا فا هت انا غادا تكون عندي دعوة مستجابة ..وانا هاليا غمضت عينيا وغدانقول يارب لو كنت هرجتي من قلب بكر لا ترد روهي بعد مانعس. سرط ريقو وقال

_ الله يطول في عمرك بكر عمرك تخرجي من قلبو ولكن عقلو مزال خاصو الوقت اشهلة.. قطعت عليه مخلية دموعها تيسلو على المخدة طفات تلفون بالمرة وغمضت عينيها وقالت

_ يارب انت تتعرف مافي القلوب فالى كان بكر هبيبي هرجني من قلبو هرجني من هاد الهياة .

مسحات دمعتها وقالت

_ لا ياربي ماتتهرجنيش من الهياة غ هليني فيها وهرجو هو من قلبي وحط فيه شي واهد اهر يشبه ليه في كلشي غ سمية لي مبدلة باش يشوفني عايشة الهياة وهو لي هاخسر لانه قال ماغداش نهرج من قلبو ادن غادي يبقا يتعدب غ بوهدو لا يربي ماااااتهرجني من الهياة انا تنبغي الهياة وتنبغي بطاريقي… غمضت عينها بغا تنعس تفكرت دعاءها وهي تحل عين وسدت عين رافضة تنعس خافت يكون خرجها بكر من قلبو وربي استجاب دعوتها . .غلبها النعاس ونعست تتحلم بيه في علاقة كاملة والصورة لي شافتو فيها كانها حقيقة لدرجة فاقت مع صباح شمات ريحتو في حوايجها وناضت زعفانة مخزز مابغاتش الحلم ..دوشت معصبة وتتهضر مع راسها

_ صيفط ليا افكارو يلعبو عليا مهدم قانون الجدب اووكي يالهيوان يا قرد .. تدوش تخاصم مدابزة مع راسها خرجات لاوية عليهة فوطة حت سمت الخيل تتصهل شمت ريحة مولاها وفرحت بيه .. عرفتو جا وهي تنشف جسمها بسرعة ولبست حوايجها وهبطتهم كلهم الارض تتعيط على سميرة من الباب سميرة سميرة سميرة اجي …جات لعندها وقالت

_ عاونيني اصديقتي نهبط لبيت بابا وماما حت يجيو راه هداك جا ياك؟ ..ظحكات سميرة وقالت

_ اه جا هي ناوية ديري بنصيحتي .. هبطو الحوايج في اديهم شي طيحتو وشي هزاه وقالت

_ انا عليت درجة كرامتي زدتي رقم واحد على اليسار ولات عندي عشرة كرامة مابقاتش زيرو ردت عليها سميرة وقالت

_ ماعندي مانتسالك الالة عندك تشوفيه وتحلي

_ لا هنشوفو هنجلس على راسي باش مايبقاش يفكر فيه..ظحكاات سميرة. علة كلامها .كان هو في الاسطبل يسكت خيلو ويقطع عليهم وحشو..استغلت شهلة الفرصة وبدلت ليه حت الفراش تتهضر وتنكر

_ ريهتي مانهليهاش ليه هااانت اتشوفي اصديقتي والله مايشوفها . غمضت عين وحلت عين تتفكر شنو قالت وهي تصحح كلامها: والله مايشمها ..جابت ريحة الدراري ورشاتها في البيت ورشاتها عليها باش حت لدازت من حداه مايشمش ريحتها .وقالت

_ هاني ندوز من هداك اسميرة وشمي شنو ريحة ..دازت من حداها وهي ترد عليها سميرة

_ عبرتي عليه هادي فكرة زوينة…خلات سميرة غ تضكك ..نزلات لصالة عند الدراري وجلست تتفرج وحاضية الباب ديال الدار..لابسة كسوة في البيض مضوبلة بجوج تواب لوفق مشبك ولتحت حرير رطب حد الركبة مع ليبا موس في الكحل وطربوش على شكل طاقية في الكحل . ..مسنياه يدخل بفارغ الصبر تتغمض عينيها وتحسب لمية مادخلش لميتين والو حت بغات تمشي طل عليه وهي تسمعو جاي مع هنية ويهضر غ سمعوه ولادو ناضو تيجرو تلاقاو ليه برة دخل هازهم معنقهم ويبوس فيهم…حت قطع الاشتياق منهم وهما كي الفراكس بابا بابا بابا شي يعنق شي يبوس ظحكوه شاف صندالة في باب الصالة عرفها ظحكو عينيه ومشا بخطوات تابتة هاز القلل بتلاتة وقف عند الباب شاف فيها ..وهي ماهزاتش فيه راسها قال

_ سلام عليكم..ردت بخفوت تتلعب قي تلفونها

_ سلا.. وهي تنطق حنين

_ بابا بوس ماما سهلة .

هزات راسها فيهم تترمش بسرعة بهديبات صغار ..وهو يتبت فيها بكر شوفاتو .. تبدلت عليه في هاد جوج سيمانات عمرو ليها خودو شوية وتنفخو شفايفها . تلاقات العيون ..دغدغو القلوب .احساس تملكهم …نفس الشعور تيضرب في كيانها وكيانو ..بجوج باغين عناق حار يجمع بين صدورهم

..قوست فيه عينها تتسول في راسها وقلبها تيضرب

_ واش مزال قبولاتو حلوين وزوينين كيف عاهدتهم؟ ..واش مزال ريحة نفسو تتجرك باش تغرقي في تنايا قبولاتو.؟ ميلات شوفاتها فيه تتفكر بعمق : كيفاش غادي يكونو لمساتو؟ ..هبطت..عينيها مع ايديه وشافت فيهم: واش مزال بنفس الشغف؟ ونفس القوة؟ واش مزال تيعرف يتغزل فيا ولا مشا كلشي مع صورتي لي دابت مع المرض؟ ..حسات بقشعريرة في جسمها وتحركت بتبوريشة بحال الى فيها البرد تتحاول تزيح بصرها عليه حت شافتو تيضحك ..كمشت فمها فيه مع تقويسة في عينيها وسولتو بشوفاتها.. باس بنتو وقال

_ دابا بغيت نبوسك غ نت الحلوة ديالي ..مزال ماشبعت منك..اجي لهنا… حط حليم وكريم وبقا تيللعب معاها يعليها في السماء ويشدها ويرجع يلوحها..وبهاد الحركات وصلات ريحتو لعند شهلة دخلت ليها نيفها هزتها باشتنشاق وسدات نيفها .. بجوج صباع ومتبقى مفرقين … وهو يجي لعندها حليم وقال

_ ماما سهلة كريم ايف…ظحك كريم وقال

_ انا انا ايف ايف.. تلفت ليهم بكر وهو معلي ضحكتو مع حنين ..جا شد فيه حليم من رجليه وقال

_ بابا كريم ايف شاف شهلة سادة نيوفها وهو يقول

_ يله اكريم سير بدل حوايجك سير مزال صغير ااا؟ عيط سميرة هاكريم …خرج كريم تيجري تبعو حليم..حط حنين ومشا جلس حداها في الجهة المقابلة وقال

_ كيف بقيتي شوية؟ لباس بعدة ماتتضرك والو ؟ تتاكلي مزيان؟ ..بقات دايرة ايدها على نيفها … .ماتيشم والو.. ..حيد تجاكيطة في الخزي غامق لاحها جنب بقا غ بتيشروط كحل وهو تيتحرك وريحتو تتوصلها …قاطعة النفس حت تنفخو ليها خدودها وبداو ودنيها يصفرو وجها حمار ..تيشوف فيها باستغراب وقال

_ كريم راه مشا ودا ريحتو معاه.. علات زاوية فمها بلا كلام..جاتو حنين جلست ليه على فخضو وقالت

_ بابا بوس ماما سهلة… خرجات فيهم عينيهم ولات بحال الكورة شاف في حنين وقال

_ واش محامية ديالها نت ولا شنو؟؟ وصاتك ياك؟ ..طلقات زفير وساطت الريح وقالت

_ هنين ليوم الجمعة وانا مانتبوسش حت واحد نهار الجمعة اوكي بيبي ..شاف فيها ظاحك وقال

_ سمعتيها احنين ليوم الجمعة عقلي مزيان .. رن تلفونها في ايدها كانت نسياه وهي تخلع وطيحتو ظحكات حنين وعطاتو صبع كيف تدير شهلة وهما يشوفو في بعضياتهم ..عرفها هي لي تتدير هاد الحركة بغات ظحك وتلف الموضوع صدقات مكغساها

_ هنين نت داكرتك قوية ياك هرجت ليك هاد الهركة السوقية من مهك ياااه نت دكية بزاف…..ماعجبوش بكر الوضع وهو يشد في شعيرات حنين وجرهم ليهها حت تلفت ليه وقال

_ عاودي شنو درتي ؟ تللفون ؟ هزات صبعها لوسطاني لفوق شد فيها وقال بعيون حمرة

_ هاد الحركة مامزياناش ماتبقايش ديريها ابنتي ..ظحكات بخوف وقالت

_ ماما سهلة.. دورات عينيها فيهم بجوج وقالت

_ ماما صعيبة ماشي سهلة فهمتي نت شارت ليه لعينيه وكملت كلامها : هديك هركة عملتها انا مانتابهتش ليهم وطلبت منهم سماهة ولكن……هزات . كتافها .وكملت كلامها: هنين داكرتها قوية …تيسمع ليها وهي تتشرح وخايفة وفي نفس الوقت مبرزطة من ريحتو وافكارها . اديها تيشرو في السما .ناضت وقفت وقالت.

_ شكرا على سؤال انا بهير…خرجات بخفة خلات غ نسمتها في المكان ..مشات بخطوات سراع لبيت باها سدات وراها وقالت

_ اووف اوووف اوووف مستهيل نبقى برشدي معاه وبعشرة كرامة . هضورو رجعني لهضيض اووف اوف ..تلاحت على ظهرها وقالت : اي لاف بكر .

جاوبت المتصل .بدون ماتشوف النمرة وقالت بالداريجة

_ نعام ..رد الطرف الطاني بالانجليزي..

_ وير اريو ..ليلي ( فين نت اليلي)… شافت في الرقم لقات ديفيد وهي تشهق ودورات عينيها خايفو يكون بكر تيطوف في المكان جاوبتو..بالزربة ونهات المكالمة بالزربة ماسمعت حت شنو بغا يقول.. طفات تلفون وقالت

_ سليت من هداك الهلم عندي هلم اهر تيمشي على رجليه وهو اصعب هلم .اوف اوف…حلات البيت وخرجات عينيها تيقلبو يمين وشمال فين كاين ؟.

طلع لبيتو خدا دوش وبدل عليه حوايجو بلبسة مغريبية تقليدية باش يرتاح هاد النهار ..تكا في بلاصتو على مايوجد للغدا ولادو تيضورو بيه وهو تيخطط في الفراش بلا ستيلو غ تيدي في صبعو ويجيبو وعقلو وتفكيرو مع شهلة شنو مصيرها فين غدا تعيش فكر ليها ولحياتها وكيفاش … تقول غادي يصيفط بنتو تقرا بمنحة دولية …حبو ليها فات الحدود وترسمات على قلبو بنقش من الحب العدري يصاحب حب الجموح ماكرهش كون بقا غ هو وياها في عالم لا طير يطير في السماء ولا زاحف يزحف في الارض يبقا غ يسمع صوتها ويشوف تحركاتها .لكن باغي يرود نفسو ويخليها تميل الى التفكير ان لي غادي يجمعو بيها هو القرابة الدموية لي ولات بيناتهم . ولفضلت تعيش بعيدة في عالم اخر يتقبل الفكرة برحابة صدر وطيب خاطر ..طال تفكيرو حت جاتو حنين قاطعة حبل الافكار بمشيتها المتغنجة وايديها تيرجعو شعرها لور وقالت بعفوية وصوت جميل لجمال وجها الاخاد

_ بابا يله نلعبو مع ماما سهلة.. شد في صبيعها وقال

_ سميتها شهلة ماشي سهلة انا لي ساهل ابنتي انا لي ساهل وتنطيح على زنافري في مك كل ماجات بدموعها لعندي تتسلب ليا عقلي ..جراتو وقالت

_ نوض ابابا نلعبو مع ماما سهلة ونديرو هكا ..حطات اديها على جنابها تتلوي مؤخرتها ..ظحكتو وقال

_ تتعلمك تشطحي ؟ حركات ليه راسها

_ اوى كيف تديرو؟ كررت الحركة وقالت

_ هووكا .. دارت عطاتو القويع تتلولي فيها وهو تيظحك على شكلها وقال

_ ونت اش علمتيها؟؟ حطات صباعها على دقنها تتفكر معليا عينيها لسما وقالت

_ حمد الله . خرج عينيه فيها معجب ظاحك وقال

_ الله يصلحك الفخامة ديالي واجي نلعبو هنا انا وياك…جاو عندو البطاريق التانين تيركز على وجاهم عاد تيعرف حليم من كريم شبه عجيب وغريب اما حنين مختافلة شوية ملامحها جدابة بحال مها نفس نيف والفم وتدويرة ديال الوجه الرسمة لخدود والحواحب والشفار وحت في الحركات نفسها شهلة مصغرة بغمازة وحدة مامقعراش بزاف على شكل خط تتزيد من روعة ظحكتها … ..سمع سميتو من تحت البالكو بصوت المعطي وناض طل عليه

_ اشب داكشي العيساوي .. رد عليه

_ الخيول الارينسي نجيبها لهنا ولانخليها في البوكس لهليه راه الخير المعلم عرسان ماشي خيول ..ظحك بكر وقال

_ خلليهم تما وطلقهم يرعاو وسميهم باش ماعجبك غ عقل عليهم . رد عليه المعطي

_ وهدوك العودات الجداد راهم حاملات

_ هدوك هما هدية لحنين وكريم وحليم غ يولدو نجيبوهم لهنا يكبرو معاهم ..صيفطت ليه المعطي بوسة وقاال

_ الله ينصرك تما غادي وهو يشوف شهلة وهز عينو في المقدم .لي شافها غادية لجيهة الجنان ..رجع خرج ولادو قدامو الدراري مشاو تيجرو وحنين شادة فيهم مايهبط رجل مع الدرجة حت تلوحها هي … خرجهم لجردة تيلعبو وهو عينيه بعاد .تيشوفو في شهلة لي تتعلى مع الشجر وتتارجح حت سمعت سميتها بنداءات تمتتالية تلفتت لقاتهم جاين لعندها تتيجرو مسابقين ظحكات معاهم وشافت فيهم بتلاتة . ورجعات هزات عينيها بشوفات بعاد لقاتو عاطيها بجنب عينيه في جهة اخرى..هزات حجرة وقالت : بصوت خفات

_ اجي الهيوان ندير فيك علامة ايزو

تتشوف فيه وتتقرا ملامحو..دار دورة كاملة لقاها تتشوف فيه حاطة اديها على جنابها وهو يهز ايدو محيها.. تبدلو شوفتها باستفهام…وهي توريه الحجرة .تتحلف بيها عليه ظحك وخطا خطوات باتجاها …ماتسناتوش يجي وبدلت البلاصة ومشات دخلات لوسط لجنان… مرة مرة تتلفت ليه وتبدل اتجاه حت غبرت عليه وغبر عليها.. شافت هنية في الطرف الاخر تتلقط الحطب وهي تهرول تتجري عندها…وقالت

_ هبيني هبيني هبيني…. مافهمتهاش وقالت

_مالك العروس ؟ تخبات وراها مدرقة بجلايل كستوة ديال هنية تتحاول تهبط راسها .. دورت راسها تتقلب واش تبعها ..تلاها مع ولادو ولكن عينه تيقلبو عليها … . مشات هنية القدام وشهلة وراها حاضية ليها ..

_ راه صاد لهيه …راه تيشوف في كريم..تخباي تخباي راه تيشوف فينا ..لا لا دار لهيه ..زيدي زيدي… تخبات وهربات تتجري ودخلو لدار …من جهة لاخرى .وخلاتو تيقلب هز حنين وخلا كريم وحليم على رجليهم وتبع طريقها ولكن غبر ليها الاطر… قلب حت عيا ورجع لدار ..تيعيط لهنية وسميرة .. شدو دراري ورجع لجنان ..هاز كاندورتو بايدو تيبانو سيقانو غلاض و بعض شعريات متناترة …فلا الجنان حت لاخر ورجع من جيهة اخرى ولكن مابان ليها الاتر .عرق في حوايجو .. خرج لجيهة اخرى تيمدد بصرو لعند العمال بعيد وتيستغفر الله …رجع لدار طلع فوق السطح ..والو گاع لي تيهب ويدب في الفيرمة شافو ا الا هي …نزل تيعيط بصوت خشن مغلضو كتر من لقياس .باش يخلعها وتبان زعمة ساع معامن دخلات ليه للبيت النحاس وتخبات ورا واحد مكب كبير عریض ومقبب من لفوق كانت بغات تحلو ماقدرتش وتخبات وراه. سادة فمها بايدها تتظحك وتهز في كتافها ..كان عزيز عليها تخبا فاش كانت صغيرة وديما محمقة باها.. تكات في وضع السجود راسها تيطل عليه .بعد صوتو حت مابقاتش سمعتو وهنية معاها في لعبها مسحت السما بليگه ..

_ ماشفتها يا يالمقدم ماراعيتها… قلب حت عيا ..ورجع جلس في الصالة حدا بطاريقو وقال

_ الثعلب تيخرجو الجوع والارنب تيخرجو اللعب وهي لمخرجها هدا يخرجها داك .غ خليها اهنية .. ولكن هو معان ناسي شهلة خبيرة في فن التسلل.. دازت ساعة وساعتين..كرشها تغرغر..بغات تفطر ….مشات تتحبو وتصنت لفين كاين..ودنيها ودنين سبع دغيا ميزتو فين جالس وخرجت تتسلل ..شهقات هنية ولخرى شدات ليها فمها

_ هوني انا مع النهاس .. بغيت ناكل ونرجع…بالخف .. طاحت على كاس العصير هبطتو وتلفت ..عمرت ليها هنية بواطة بالشريحة والتمر والخبز . وسطو زبدة بلدية وخرجات تتسلت ..رجعت لبلاصتها..وجلست تتاكل وتحلف

_ هانت غادي تقلب عليا بهال للمهق المسطي ياهيوان الادغال والسافانا الافريقية .يااسد الجبال البرية..انا شهولة تقول ليا لا ماهنسش معاك ويله قلب عليا ..يالله…وصل وقت الغدا مابان ليها اتر ..تحط فوق الطبلة وهما تيسولو بعضياتهم لكن الراحة لي فيها هنية فظحتها وخا عيات تمتل وتخبى وهي لي معروف عليها الى توضرت ليها غ دجاجة تقلب عليها الارض والسماء ..قوس عينيه فيها وقال

_ هنية هنية ..شافت فيه… كمل كلامو : غادي نخسر معاك.. ..سولها براسو وعينيه…حطت صبعها على فمها وقالت

_ داك النحاس لي جبتي جديد نحكو انا ولايحكو المعطي؟ ..تحلات عقدة حواجبو….دور عينيه في ولادو وقال

_ بسم الله..رددو وراه بحروف مخربقة : بس م الله . الا حنين للي تتنطقها مزيان وزادت عليها

_ بسم الله …فين ماما؟.

_ سارحة البهايم تغداي احنين… .تغدا وناض دخل البيت ديال النحاس.. تيتسلت حت هو …عرفها غدا تكون ورا المكب وهو يهز واحد صينية .ومشا قرب المكب وضربها معاه حت ناضت قافزة وزدحت راسها معاه ..منضرها ظحكو اديه على جنابو وهي تتحاول تشد توازنها ..كانت ناعسة وغارقة في الاحلام. طلق ظحكة في السماء..جاتها الدوخة …وتشقلبو عينيها سرع خطوتو وشد فيها تكات عليه وقالت

_ دوهة دوهة .. شد ليها في راسها وتبتو ليها بين اديه وقال

_ غ تخلعتي وصافي . اجي شد فيها جايبها لعندو شافت فيه وقالت

_ بليز هزني ..هزها دورت ايديها عليه…..داها لطبلة لماكلة وجلسها.عطاها الما. شربت .تصببت بالعرق ..حيدات الطربوش لاحتو نشات على راسها حت رجعت فيها الروح وهي تبان ليها الماكلة محطوطة..كلات حت شبعت وهو تيشوف فيها ايدو على حنكو ….تسمع غوات كريم في جيهة اخرى وبعدو حليم عرفهم مدابزين..ناض شافهم ورجع بيهم لقا غ بلاصتها..ظحكتو وخلاها على خاطرها..هاد المرة.. خرج يشوف الخيول الجديدة ويقاد ليهم بلايصهم…دوز النهار كلو معاهم .حت ادن العشا….كانت يله فاقت هي من النعاس ..بقات تتفرج في فلم في بيت بابها حت غلبها النعاس وغرقت في سبات ….دخلات دير بيبي وهي تلقا العادة الشهرية ..ظحكات وقالت

_ يس . تتحرك حواجبها وتكركر..كانت الحل الوحيد باش تفكيرها المشاغب وانه حت وكان بغات تنازل وتعكل خطوات كيف ديما لقات المحفز… بدلات ودارت الحفاظة وخرجات تتقلب على ولادها لقات معاهم سميرة وهنية..هزات نيفها لسما وقالت

_هوني سميرة.. قالو

نعااااام

_ عطوني هوايجكم ..

عطوني هوايجكم ….. شافو فيها باستغراب : مالكم : نسيتو الهضرة .لي قلت ليكم ..عطوني بيجامات بكمام وطواااال ..ظحكو وقالو

_ وعراااض علاه حنا هما نتي ..نتي ضعيفة علينا شوية…ظحكات وقالت

_ اگزاكتلي تماما … طوال وعراض وبكمام يس ..حركات اديها مع جسمها وقالت: شهلة غدا تولي مراة مغربية هرة..ظحكو عليها وقاالو

_ اوعدي راك مغربية وحرة وزوينة راه حنا لي بغينا نولو بحالك ماشي نت ؟؟ ..داخل مع الباب من جيهة اخرى كلامهم مسموع. وهي بالاخص . جلس فوق كرسي تيحيد في البوط وتيسمع ليها

_ شهلة اوف كورس زوينة ولكن هاصها تكون اهسن الجمال بوهدو ماهدامش .مع الرجل المغربي . والمكدم ديالكم تيبغي المراة المغربية الهرة ساو انا بغيت نكون مرات المكدم…ظحكات سميرة وقالت

_ والله ياشهلة نت لي حرة ..مافيك كدوب مافيك نيفاق ومافيك تحرميات ديال العيلات بغيتي تكوني مغربية حرة خاصك حاجة وحدة ديريها في بالك وهي العزة .. النفس المراة المغربية الحرة ماتتضراش تقال عليها كلمة مشبوهة المراة المغربية فيها الشموخ وكرامتها سابقة كلشي ماترضى براسها يتهان ولا ولادها يتهانو ولا راجلها يتهان ..ديما مكبرة بيهم وساترة عيبهم ولي تيوقع وسط دارها ماتعاود لجارة اسرارها ..عندها ولا ماعندهاش ديما تتبان لاخر راها مانقصها خير ومانقصاها سعادة هدا الى كان معاها الراجل ولد الناس الى ماكانش معاها الراجل ولد الناس راها تتهز راسها وتخرج من عندو وخا يكون مسكنها في قصر..المراة المغربية الحرة فيها النخوة والفخامة في دمها وراتاهم مامعلماهمش …..ساترة راسها خافضة صوتها ولهضرت وتكلمت دوب القلوب برزاتنها وحلاوت لسانها ..نت راك مراة مغربية حرة وانا نبصم عليها… نيتك زوينة وصافية وكلامك صادق عجبتك الحاجة عجبتك ماعجبتكش ماعجبتكش.. بغيتي الحاجة بغيتيها كرهتيها تتلوحيها… اش بغا المقدم كتر . ربي جابك ليه من بلاد النصارة حيت هو راجل مغريبي حر اصيل ولي فيك فيه حت هو غ نية وقلبو صافي بغاك بغاك كرهك كرهك ..غ هو الفرق لي بينا حنا العيلات والرجال هو الراجل سواء حر ولا ولد الحرام تيعجبو يشوف العرا ونت بغا تغطاي ليه .؟..ظحكات شهلة وقالت

_ لا هت هو مراة…حل عينيه ..مخرجهم…شهقات هنية وظحكات سميرة ..شافت فيها هنية تتولول

_ ويلي ويلي يسمعك قلتي عليه مرااة يدبحك الصقعة .. ابتاسمت وقالت

_ مستهيل يدبهني انا هب هياتو اهوني وهااا هو هيوان معايا لكن مستهيل.يدبهني .. قاطعتها سميرة وقالت

_ حاااي قفرتيها معاه اشهلة ماتقوليش ليه مراة وماتقليش ليه حيوان غادي يغضب عليك…هو راه الي شافو يقول ولد الملك بديك المشية وديك الوقفة وداك البروتوكل لي تيدير مع الناس ختي كانت تتقول عليه قايد وباشا وراه فعلا فايت القياد والبشوات لهيه والله مايتقادو معاه كيف ماكان لي واقف قدامو مايحدرش قامتو ويسلم عليه بوقفة تابتة يخلي لي الواحد يشوف الهيبة في جسدتو ونت تقولي عليه مراة لا اشهلة المراة تتحنى راسها قدام الناس من الاحترام وهو تيفرض الاحترام بقامتو وفخامتو .. لا لا اشهلة عندك تجبدي هاد الهضرة قدامو والله حت يتقلق منك .. شافت في السقف تتفكر وهي تقول

_ هليه يغضب انا بغيتو يغضب يله ..سميرة نقلك هاجة ..ردت عليها سميرة

_ قولي

_ بكر مراة و هيوان… ..حطات اديها على فمها تتظحك . ظحكو كاملات حاطين اديهم على فاهم وهو يدخل عليهم تيحنحن بصوتو.. تخلعت سميرة و.قادات زيفها وهنية في جلستها ناوية توقف شافتهم كيفاش دارو وهي تقول

_ شوفو نتوما هرات هراات هراات مغربيات هرااات وانا بغيت نولي بهالكم… وقفو ومشاو سالتات تيضحكو بصمت بغات تبعهم وهو يتقلا ليها . جنبت باش تفوتو جا قدامها وهي توقف مقوسة عينيها فيه وجامعة فمها شاف فيها بالمتل وقال.

_انا شكون؟؟ .. بسطت فمها ملطفة الجو

_ بكر ابو هنين وهليم وكريم

_ ابو زعيطر تتعرفيه؟؟ ..حركات ليه راسها بلا وقال

_ نت لي خاصك تكبري بيا قدام العيلات وتباهاي بيا تتقولي ليهم عليا مراة وحيوان…هزات كتافها وقالت

_ في التشابه فقط ..ربع اديه مسنيها تكمل كلامعها لكن هي نوات تمشي وهو يشد في ايدها وقال

_ وريني الشبه فين كاين؟؟ ..

_ المراة تشبه ليها في الهشمة قالت ليا سميرة الى بغيتي تولي مراة مغربية هاص تكوني تتهشمي والرجل تيبغي العرا ونت لا ادن … قوس عينيه مزيان حت صغارو بزاف وقال

_ ماشي انا لي ماعزيزش عليا العرا بالعكس ولكن نت ماتتخليش الواحد يقلب عليه .وتكون عندو داك ..حب الاستطلاع نت عاطياه بلا فلوس حت انا راجل وتنبغي العرا ومراتي نشوفها عريانة والراجل شهوتو تيبغي يشوفها قدامو …حلات عينيها فيه حت بلنو كبر من المعتاد وقالت بتاكيد كلامها.

_ ادن هيوان هقيقي

خلعها بوشفاتو ..وقالت

_ سوري… نطق بجدية وقال اجي معايا..

.تبعتو لبيتو وقال

_جلسي ارتاحي بيدما صليت ومنها تسمعي القران شوية ونرقيك من بعد . جلسي وارتاحي وفكري في الهضرة لي قلت ليك لبارح في تلفون.. حركات ليه راسها بالايجاب … توضى وخرج تيمسح في اديه ووجهو وتيتمتم بدعاء الوضوء.. سرح السجادة جابها لجنبو حط ليها مخدة وجلسها …كبر وقام الصلاة بصوت جميل..مع تكبيرة بدات تتاب ويهبطو ليها الدموع . رتل القران وركع وسجد حت جاها النعاس ماعقلتش على راسها حت جات على كتافو وهو جالس تيشهد التشهد الاخير..سلم ودار جيهتها حط ليها راسها على حجرو وبدا يرقي فيها حت بدا تيحس بشي بلايص تيتحركو .. تنهد وقال مزال فيها العين ..رتل القران وقرا سور وايات مخصصة لتحصين الدات حت عيا..وفيقها . بصوت خافت وحنون تيمرر ايدو بين شعرها القصير .شافت فيه وقالت

_ ساليتي؟..حرك راسو بالايجاب وقفات وقالت

_ بغيت نتعشى نهضرو من بعد..

_ لا نهضرو دابا ومن بعد نتعشاو….رجعت جلست وقالت

_ جيب المخاد ..ناض جابهم حيد الكاندورة بقا بسروال سيرفيت وتيشروط بيض بسماطي..سرطات ريقها وقالت

_ لبس حوايجك تتير غريزتي..ظحك وقال

_ خليها تجي شافت فيه وقالت

_ ياك نت مابغيش تنعس معايا صافي حت انا مابغيتش . رد عليها وقال

_ سمعتك قبيلة قلتي بغيتي تكوني مغربية حرة ومرات المقدم .دكاشي علاش بغيت نعطيك اخر فرصة لي تكوني فيها مرات المقدم داكشي علاش قلت ليك فكري في الهضرة لي قلت ليك لبارح ساع نت نعستي .. شارت ليه بصبع وقالت

_ لحظة… شدات المخاد دورتهم على شكل دائرة وقالت

_ دابا هنا في جلسة دائرية نعطو كل واحد دورو في الحديت ونخليوه يعبر على لداخل ديالو.. شاف في تلات مخاد وهما بيناتهم وقال

_ عرفيني بيهم ظحكات وقالت

_ السيد رمادي والسيدة بيضاء والسيد ابو رالبيوض ..ظحكتو حت قهقه وقال

_ لا انا لي تنعرفهم مزيان _ السي الناعس والسي التاعس وسب كسلان .. شارت ليه يسكت وقالت

_ السيد طويل والسيدة ناعمة والسيدة الراحة..رشقها لينف وقال

_ يله مرحبا تفضلو نضر انا ولا نت ولا هما..شافت فيهم وقالت

_ السيدة ناعمة يله سكت هليها تهضر..شافت في المخدة مطولا تقول فعلا تتسمع ليها حت بدا يتهزو كتافو ظاحك وقال

_ سالات وقتها فيها شلا هضرة….. علات زواية فمها وقالت

_ عندها معاناا ت كتيرة مع واهد الراس تقيل تيهطو عليها ماتيبقاش يهزو . شاف في المخدة وقال

_ تقلبي عليه خليه هو تحت منك ..ضربتو شهلة لركبة وقالت

_ غادي تهنق. شافت في المخدة وقالت: تصاهبي مع البهاهيش( البخاخش) والنمل فاش ينعس يقرسوه ..رجع ليها الضربة وقال

_ لا غادي يدخلو ليه لودنيه ونيفو والعينيه .. ردت عليه وقالت

_ عينيه مغمضين هيت هو ناعس ادن عندي ليها هل وهو فينما نعس تطلق صرهة قوية وتفزعو ..ظحك بكر وقال

_ ولا تخلع وداخ بحالك ؟ ردت عليه وقالت

_ اوكي سالة وقتها تفضل نت .ابنتاسم وقال

_ شنو امنيتك؟ ..شافت فيه مستغربة وقالت

_ علاش هاد السؤال .رد عليها وقال

_ حيت هو مصيري معاك .؟ تنهدت وقالت

_ غادي تتحقق ليا امنيتي .ابتاسم وقال

_اكيد شافت فيه وقالت

_ امنيتي نعرف شنو غادي يوقع قبل مانغلط

_ امنيتي نعرف شنو غادي يوقع قبل مانغلط..ظحك وقال

_ مستحيل لانه تيدخل في الغييب وهاد العلم فقط تيتخص بيه الله ومن الاحسن مانعلموش عبى الغيب ونعرفو اش غادي يوقع لانه صعيب على الواحد يعلم على راسو بشي حاجة خايبة غدا توقع غدا وينعس هاني ليوم لا ادن غادي يمرض ويقدر يموت فيها متلا ربي خبا الغيب وهو عالم علاش وانا تنفضل مانعرف مانحس بشنو غادي يوقع من هنا ساعة باش يبقا فمي رطب بدكر الله وفي نفس الوقت عايش مرتاح في اللحظة لي فيها انا فهمتي حركاات ليه راسها وقالت

_ ولكن انا فاش ماتنكونش عارفة شنو غادي يوقع تنتصرف بلا تفكير وتندمر كلشي بهال لي وقع معايا ومعاك من هلال هفل موازين .. او قبل كيف وقع مع هادت براون يعني الى شفت شنو هايوقع هتجنبو ..شد في ايدها وقال

_ ماشي بالضرورة تكوني عارفة الامور الخايبة وتجنبيها المسالة هو نت كيفاش غادية حياتك كيفاش راسمة ليها بناءا على ضوابت دينية وقانونية ..قبل كنت نصرانية لانه الى قلت ليك مسحية راه عيسى عليه السلام مسيحي ادن لاحرج في دالك ولكن كنت كافرة اي ماتتامنيش بوحدانية الله وبعتت محمد صلى الله عليه وسلم فكان عندك كلشي مخربق مشقلب ماعرفة واااولو لا قانون ديني لا دستور ايلاهي تابعة كلام تحرف وتبدل شحاال هادي ..دابا لا …وليتي الحمد لله مسلمة يعني غدا تمشي على ضوابت دينية وقوانين عقائدية منزلهم الله سبحان على نبينا محمد صلى الله عليه وسلم .. في كتاب مسطر مرقم صحيح مية في المية جامع جميع اللاحكام والتشريعات..فيه كلشي كلشي.كيفاش يتصرف الابن مع باه وكيفاش يتصرف الاب مع ولدو وكيفاش يتصرف الرجل مع مرتو وكدالك المراة مع راجلها..جااب قانون البيع والشراء والكراء جاب قانون الارت شكون يورت فيك وشكون لا ونت فيمن تورت وحقوق المراة سواء مزوجة ولا مطلقة ولاعزبة وجاب اداب الطعام والشراب كيفاش تاكل وكيفاش تشرب وكيفاش حت تجلس الى كنت مع الجماعة .واداب المشي والباس والهضرة حت هي وجاب قوانين لي محرمة على الانسان وماحرمها الا لعلم ..متلا حرم الكدب وحرم الزنا وحرم النميمة .. مافهتش النميمة وسولاتو

_ شنو النميمة.؟؟ باعجاب قال

_ النميمة هي لي كنت تتقولي فيها قبيلة مع العيلات ..شهقات وحطات اديها على فمها كمل كلامو وقال

_ اوى نت قلتي عليا كلام اني مراة وحيوان هنا راه درتي جوج ديال المحرماات.. حمارو عينيها وتجمرو .كمل كلامو الدنب لول هو هضرتي فيا تتسمى نميمة والتانية كنيتي عليا حيوان وحت هي حرام.. لوقوله تعالى “يا أيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق “”صدق الله العظيم الله هنا قال حت واحد ماخصو يسخر من خوه ولا يعيط عليه بش كنية خايية .ولا يضحك عليه بشي عيب او خلقة مزيودة فيه او ولات مع حادت ..مدات ايديها معنقاه وقالت:

_ سمح ليا سمح ليا.. بادلها العناق وقال

_ مسامحك الالة بيني وبينك قولي لي عجبك ..قوليها في وجهي ولكن قدام الناس اشهلة في حياتك تقولي عليا كلمة ناقصة صافي؟؟ حركات راسها بالايجاب وهي معنقاه …وقالت

_ ااااه شحال توهشت عناق الرجال

_ ااااه شهال توهشت عناق الرجال

فك ايديها عليه وشد فيهم من القبضة بجوج جابهم لقدام كارز عليها وقال

_ شنو ابنت الناس ؟ شنو قلتي ؟…شافت فيه ظاحكة وقالت

_ شكرا على المعلوماات القيمة .مانبقاش نقلك الفاض هايبة .يله نزلو بغيت ناكل .. زير على اديها وقال

_ تتهربي من هضرتك ياك؟ ..ابتاسمو خدودها بلا ماتبين سنيها . تتحاول تجمع الظحكة عندها شاف فيها مخزز بدلات ملامحها لجدية وقالت

_ شنو تيقول ليك هاد المهك .هدا..حطت صبعها على ناضرو ووكملت كلامها : هانبقا بلا راجل ؟ تسطيتي نت ولا هماقيتي ؟ راه الهضرة لي قلتي ليا في الفون نسيتها كووووولها الا ديك الجملة لي قلتي فيها … حطت صبع تحت دقنها ولا خر فوق شفايفيها وعينيها تيشوفو في السما..تتدوبو هاد الحركة تتخليه باغي ياكلها ومايشبع منها . ..حركات بؤبؤ عينيها وقالت

._ اه تفكرت..نت قلتي . حطت سبابتها على صدرو هداك كلامك من فمك خارج على لسانك .””لي نقدر نقولو ليك دابا بكر غادي يعتابرك كام ولادو لبغيتي نتي .او كصديق وفينما هتاجيتني غادا تلقايني اما هاجة اهرى ماعمرها تجمعنا”” ساو ابكر لي فهمت هنا..حطات اديها على راسها: ان نت غادي تعاملني معاملة طبيب ..مراقب ..مرشد.. مساعد .لكن هبيب وزوج لا وانا ك ليلي لي تتهب تمشى هفيانة عريانة مايمكنش ليا نقبل علاش؟؟ نقلك علاش!!…سولتو وجباوت لراسها : هينت مهي تيشطه.. ظحكات ..بصوت عالي : عندي هنا..افكار تترقص بلا موسيقى علاش قلت ليك كتنمى نعرف شنو يوقع باش .نعمل هساب ..ليك نت فقط…شارت ليه ..اما انا اي هاجة تنديرها سواء طلعت هايبة او زوينة تتبقى عندي تجربة فاشلة او ناجهة . علاش انا تنفوز بالمسابقات لانو عندي التجربة اهم من الفوز او الهسارة. لكن هاليا انا ماتنفكرش نغير افكاري .انا تنفكر نغير مستقبلي الى كان غادي يكون هايب مافيهش نت نغيرو ونهليه فيه نت فقط .لدالك انا هنقلك انا ماعنديش اهلام لي نقلك هليتهم على قبلك لا ماعنديش .عندي هوايات كرقص على الجليد فقط اما هت الرقص على المسره وامام الجمهور زوين وهايب .. زوين لانك تتشوف تهافت الناس عليك وهايب لانو وسط دوك الناس ماكينش اعزهم واهبهم لي هو نت .. انا تنشوفك نت هو جمهوري وعيونك المهبة تعادل الف والفين شهص واقف تينطق باسمي. بكر انا عارفة اني لقلت ليك هانمشي نرقص على الجليد غادي تمشي معايا ولكن يكون النادي هاوي مافيه هت واهد وتهليني نلعب هت تنشبع ونرجع ولقلت ليك بغيت نشطه غادي تقول ليا علي المسيقى وتجلس ليه .شارت فوق النموسية وتفرج فيا هت نسهف.هدا تفكيري لفكرتو قبل مانت تقول ليا انا معاك كصديق فقط ..نت تيسهاب ليك شهلة مافكرتش في بكر لي كسبتو و رجعتو ورا ديك المرضة.. نوووو شهلة فكرات وناقشت افكارها وكل فكرة داتني بعيدة عليك مهيتها من مهي.. ولكن نت صدمتيني بكلامك ..من هقك تهاف مني ومن هقك تهلي مساافة .ولكن نت مافكرتيش ان شهلة ..مستهيل عليها وصعيب عليها تعيش بلا رجل.. كان مستمتع بكلامها حت صدمتو بالواقع…ربعات اديها وقالت: فقط..تلات اشهر او اربعة نعيش بلا قبلات وبلا معاشرة وبلا عيناق ..اما باقي الفصول هتما(حتما) جسمي مهتاج للمعاشرة. وهت نت كرجل والمعروف على الرجال ان شهوتهم تتكون تواقة لملاعبة النساء ومعاشرتهن ..هددتو بصبعها وقالت

_ شوف ابكر هانعطيك مهلة مدتها تلات يوم هاتصله فيها افكارك معايا وماتهافش مني هنصله الوضع بيناتنا ..شاف فيها بعيون جامعة كلشي .جرها لعندو وقال

_ نت غ نطقتي كلمة توحشت عناق الراجل شداتني الغيرة ديال الدنيا والدين ..وبغيتيني نزيد نفكر ونصلح …انا حاليا صلحتهم معاك وسمعت ليك مزيان وفهمتك وعرفت ان شهلولة غدا تفكر بزاااف باش تعمل خطوة لقدام ولي مافيها مصلحة لينا حنا بجوج تحيدها يااك هادشي لي قلتي؟؟؟…..شافت فيه معلية حواجبها وقالت

_ يس .

شافت فيه معلية حواجبها وقالت

_ يس ..باس جبهتها وقال

_ وانا تنواعدك ديما في جنبك في السراء والضراء واهم حاجة انك تكوني مراة مسلمة فقط سواء مغربية او سويدية او كرواتية او هندية ..المراة المسلمة راها اغلى مراة في العالم وانقى مراة في العالم وربي عاطيها قيمة وكرامة فاتت بيهم المراة الن**صرانية والي**هو..دية اي مراة كيف ماكنت بالجمال والمال والدكاء ماتكونش مسلمة تتيكونو فيها جميع العيوب وتتكون مهانة ..تحت مايسمى بالحرية المطلقة..المراة ماعندهاش حرية مطقلة مايمكنش ليها تمشي عراينة كلها او نصها وسط الرجال ..مامكنش ليها تمشى بتغناج وتلواز وتقول انا حرة وعايشة بحرية لا وهنا الله وسبحانه قيد لمراة ضوابط تمشى عليهم ماتعريش شعرها ومفاتنها وماترفعش صوتها حيت المراة عندها صوت جميل .خلقو ليها الله في احبالها يقدر الواحد تعجبو غ من صوتها ويتبعها ويتسبب ليها في مشاكل..كبيرة . نت نهار شطحتي فوق لاسين عرفتي شحال من دنب هزيتيه على كتافك ولا لا راه قد لي تفرج فيك وتمناك قد لي هزيتي نتاع الدنوب..نحمد الله انك داك الفعل المشين درتيه ونت مسيحية وفاش دخلتي الاسلام ترفع الدنب وتمحاو الخطايا وهنا باش تعرفي الرحمة ديال الله سبحانه انه عطاك فرصة في الحياة باش نهار يتقادا اجلك تلقايه بوجه مسلم خالي من الدنوب ..فهمتي هو تيهضر وهي تتبكي ..مسح ليها دموعها باديه وقال

_ المشاكسة ديالي دنبك بادن الله مغفور لانه اروع قلب في الدنيا هو قلب شهلة ..والتائب من الدنب كما لا دنب له .الواحد غ مايشركش بالله الي تيتعتابر اكبر دنب وماتبقى تيتغفر بكلمة استغفر الله العلي العظيم.. انا كل نهار نعلمك حاجات جديدة على الدين باش تعرفي لي ليك ولي عليك.صافي.. تنهدت وقالت

_ واها ..شد ليها في خدودها بايدو تاقب ليها خدودها وقال

_ عمرو ليك هاد الخديدات الزوين .. وهاد الشفيفات حت هماا بداو يرجعو كيف كانو واحسن..جات معاك العروبية.. وخبز هنية تهلات فيك…ظحكات وقالت

_ تنهماق على هنية هب قلبي ..شد في نيفها وجرو وقال

_ انا فقط حب قلبك .لا هنية ولا السعدية ..هدا بوحدو ليا كولو ..شافت فيه بتخنزيرة وقالت

_ سير سير تهلم بعدة انا راه عطياك مهلة توهشني فيها .. دفعتو حت طاح على ظهرو جا يشد فيها هربات وقفت عند الباب وقالت

_ امامك عشريام نتهداك تبقا تابت فيهم وماتقلبش عليا..باش تعرف مرة اهرى تقول صديقان صديقات اصدقاء لواه زعطووات زعطوطان .. بقا غ تيشوف فيها ..شافت في المخاد وقالت

_ شكرا على هسن الاستماع …سدات وراها بكل هدوء وهبطت تتظحك .

هبطات لتحت لقات هنية تتقلب عليها وفي اديها تلات بجيمات وسميرة جوج ظحكات معاهم وشداتهم منهم شكراتهم وقالت ليهم

_ هوني عشايا جيبيه ليا لبيت هدمو معايا هدمو .سمعتو هابط قبل مايسمعوه هما وهي تمشي تجري خلاتهم ماعرفين والو

توسط الدروج تيدور في راسو يمين وشمال غ شافهم وقف تابت ولبس توب الجدية حنحن صوتو خشا اديه في جيابو..معرض الكاندورة على جسمو من القدام …جا حت لخر درجة وقف وقال

_ هنية حطو العشا وجيبو دراري .. حركات راسها تمات غادية وهو يوقفها وكلمو معاكم شهلة ..

_ وخا…تحط العشا تجمعو عليه تيتسناو في شهلة لي قالو ليها لابد ماتعشاي مع ولادك حنين تتسول عليك ولاكن هما غ حيت قال ليهم المقدم كلمو شهلة خاصهم يكلموها ليه باغين يشوفو عصافير الحب . جاتو شهلة تتقرقب في صندالتها .. قلبو تيفرفر..جامع الابتسامة غ بزز حت دخلات عليه بكسوة موردة عريضة وطويلة وكمامها هابطين وزيف على راسها.. جات بحال بنات الجبل بداك الزين لي فيهم وسط كسوة ديال مبرة في الزرق والبيض .جمعو ظحكتهم عندهم …رجعت وحدة منهم جاتها الكسوة زوينة وخا عريضة وطويلة وكمامها هابطين مدلين .لكن نطابق عليها المتل لي تيقول الزين حبو مولانا وخا غ في دربالة.. جلست مقابلة معاه تتدور في راسها وخايفة يضحكو عليها راسمة الجدية على وجها شافت فيه وهو عينيه مفكسين ظاحكين..علات زاوية فمها وقالت

_ الموضوع ماتيظهكش تنعاني من اكتااب هاد هاصك تضامن معايا.. جمع ظحكتو بزز مدخل شفافيو وسط فمو وقال

_ نضامن معاك وخا شنو ندير ؟ متلا

_ هبس الضهكة في الداهل ديالك وماتبينش ليا انك فرهان هاسك تكون هزين .. كرشو تتفيبري باغي يضحك بزز وقال

_ نكون حزين .شاف فيهم وقال حت نتوما شدو معانا الحداد عشريام الله يرحم ليكم الولدين …نطقت حنين وفي عينيها النعاس وقالت

_ ماما كولي .. ظحكات شهلة وهو ينطق بكر بجدية وقال

_ شهلة ممنوع الظحك.. شافت فيه وقالت

_ لا انا يمكن ليا نظهك باش نهرج من هالة الاكتااب .. حرك راسو وقال

_ وخا الالة نت ظحكي ليا مع راسك ونا نكدها عليا.. ..كلاو في سمط وكل ماهز عينو فيها تيلقاها جامعة الظحكة بزز ..تعشات وناضت باست ولادها ووتمنات ليهم ليلة سعيدة ومشات غ درقت عليه شدات كرشها تتضحك …توسط اليل ..نعست حنين وحليم في حين كريم طار منو النعاس .. وهو باغي يمشي لعندها تيمشي ويجي بيه في بيتو تينعسو وفي نفس الوقت مسنيها .تبان ..تحرق حت عيا عاد نعس ليه .. خرجو من البيت نعسو في بلاصتو وهبط تيخلف في رجليه مع الدروج نزل ومشا لجناح باها هو غادي والحرارة والشوق تيتزاد شد في البواني دورو لقا البيت مسورت قوس عينه ودق ..جوج تلات حرك البواني ..وهو بدا يتعصب جمع فمو كمشو ..ناعسة وشبعانة نعاس ….خرج ودار لسرجم .. دق بضفرو مرة وجوج حت حلات عينيها . سمعتو رجع يدق بحجرة وهي تنوض ..دورت عليها ايزار وحلات الخامية تتسولو بعينيها .. شار ليه تحل ردت عليه بلا وهو يتحلف عليها .هزات كتافها ومشات خلات الخامية مجموعة . ونعست ..دق دارت لجيهتو تتشوف فيه وهو زعفان دار اديه وراه وعينيه تيتحلفو عليها خلاتو واقف ونعسات شاف حت عيا وهو يرجع لبيتو . تلاح في فراشو ونعس…

صبح الحال طالع ليه الدم ..لبس وخرج لعند العمال..ضل معاهم حت لضهر عاد رجع غ سمعتو جاي ناضت تتجري تخبات عليه …دخل تيقلب عليها بعينيه ماراضيش يسول عليها..تغدا ولعب مع الدراري وعينيه مرة مرة تتحسس فين كاينة ساع ختارت بلاصة ماطيحش ليه على البال..بيت سميرة لي قالت ليها عمرو جا لهاد الجيهة…

…. دازت يومين وهي تتخبا عليه..تتبعو بخفة وحدر حت تشوفو وتقطع الشوق ..يدور مايلقهاش..تبهتو في الجنان في الاسطبل لي درجة تتدخل حت لبيتو في ليل وماتيحس بيها ..خفيفة بارعة في فن التسلل .طلع حفاينة وتنزل حفاينة ..حلفتها فيه ووفات بيها ريحتها ولا تيقلب عليها في حضن ولادو لكن عيا يشمشم تيشم غي ريحتهم ماطاحش على بالو تترش ريحتهم. . ولا خارج طالع ليه الدم نازل طالع ليه الدم ..خلاها على هواها وعمر وقتو بتدريب خيول الارينسي باش يدخلهم لساحة للسباق والمحرك بسميتو ويدير ليهم التيتير ديالهم لانه تيشوف فيهم الفحولة والقوة والدكاء وقاال ممنوع هاد الخيل تكون مهمشة حيت ماعندهاش الوراق انا هو وراقيها وانا هو البيدكري ديالها . دوز وقتو معاهم وعمرو في تداريب حت ولات الخيل تمشي بحركاتو وخطواتو وتووجيهاتو يوقفها على رجل او تحنى على ركابيها او تمشى تتخلف رجليها ..خمسة الخيول دهمة جميلة ولات تحرك وتمشي وتجلس وترقص على ايقاعات موحدة وعلى حركة موحدة ..خلاتو يعيش في عالم اخر وهو راجع لدار بلبسة ديال ترويض الخيول بوط ديال الجلد طالع حت لركبة وسروال قطني في الكحل لاسق ..كانت مراقباه وناوية تكمل لعبة الغميضة معاه. حت طاحت على بالو فكرة ماخطرتش على بالها.

توجه لبيتو نيشان .. عرقان .. ودخل يدوش قبل مايبرد ..عارف راسو غادي يمرض بترويحة فاعلة تاركة ولكن ولابد من كمين يجيب بيه الارنب .. مابغاش یکدب ویمتل. داكشي علاش ظحى بواحد النهار ولا يومين طلع فيه السخانة والعطيس والكحة مافيها باس فايت ليه واقع ليه نفس الشي وبالعسل الحر والزنبوع والحامض فاتو الحال ورجع احسن من الول المهم . شهلة طيح بين اديه وهي ولات معاه بحال البزنانس حاضي الحناش ..الجوايه لي فيهم الكاميرات مادوزش منهم.. فات جلس حدا الكاميرة باش يشدها قطي ساع شافت فيهم كاملين وخرجات لسانها واديها عند ودينيها تترفرف بيهم ومن تما غبرت عليهم… دوش لبس حوايجو وخرج عند ولادو تيلعب معاهم قبل ماياكلها في جلدو ماشي مشكل يمرض نهار ولا يومين في سبيل تجيه طائعة خايفة تقول الحبيب ديالي نهار ولا يومين ديال السخانة دايز وهو مناعتو زوينة وخا طلع ليه الحرارة ربيعين تيبقا شاد الصحة غ كسلان ومدكدك … حلف حت هو حت يسخسخها معاه…تغدا معاهم ..دازت من حداه بي بيجامة صفرا وفيها الحمراء باست ولادها وجلست تتغدا بلا ماتهضر كيف العادة تبان وقت الماكلة ببيجامة طويلة وزيف على راسها.وريحة حنين تتنجنج منها . هزات طري ديال الحم حطتو في طبسيلها مع خضرة مبخرة مدت لبنتها لفمها .وتكات عليها باستها بغات ترجع تقاد وهي تمد حنين ايدها بجوج وقالت.

_ ماما بوسي..باستها و كملت ماكلتها..غار حليم وناض حت هو قال

_ ماما بوسي ..دارت جنب باستو وشافت في كريم وقالت

_ ونت اجي قول ماما بوسي. حرك راسو لا وهي تجمع حواجبها بقا فيها الحال شاف فيه بكر وقال

_ كريم نوض بوس ماماك يله ..ناض وهي تهزو لعندها وباستو هي لولا وقالت

_ انا بستك هت نت بوسني صافي كريم ..مابغاش وهي تبوسو جوج وتلاتة وقالت

_ ماشي مشكل انا نبوسك ياك ؟؟ حرك راسو بالايجاب وقالت

_ تتهشم اممم بهال واهد الراجل ولكن هاصك تعلم تبوس وماتهشمش صافي كريم…نزلتو ورجعت كملات ماكلاتها تتشوف غي في حنين وحليم لي جاو قراب ليها….عطس بكر وقال

_ الحمد لله..ردت عليه هنية وحنين..انتابهت ليهم شهلة وقالت بحالهم

_ رهمك الله واصله بالك.. رد عليهم يغفر لي ولكم ..شاف فيها وقال

_ كيف بقيتي؟؟ ردت عليه

_ الهمد لله الايام الهمراء قربات تهتافي من هياتي تنعيش لهضة سلام ..الان .. رد عليها وهو حادر راسو.

_ مايكون عندك باس….تيتغيدا وتيعطس ..وقف وقال

_ هنية جيبي ليا الزنبوع والعسل.. سولتو

_ يكما مريض اولدي؟ .

_ شوية تنحس براسي بديت نمرض… طلع لبيتو ونعس ..دخلت هنية حطات ليه الحامض وقالت

_ شجرة الزنبوع مطيحة كلشي مافيها ولا حبة

_ رد عليها ماشي مشكل … …خرجت هنية و تلاقات شهلة عند الباب .

_ راجلك مريض ابنتي قابليه وتهلاي فيه راه عزيز وغالي . ظحكات معاها …دخلات عندو بلا حس كان فعلا ناعس ..قربت منو حطت ايدها على جبهتو لقاتو عادي ..تساخرت منو وجلست تتدور في البيت ..حت عيات ورجعت حطت ايدها قاست ليه حرارتو لقاتو سخون ومزنك وعرقان . قالت بدهشة

_ ياريي هبيبي مريض .. فيقتو ..تتحركو من خدودو حل عينيه ورجع سدهم .. هزات الكاس ديال الحامض في ايدها ونوضتو

_ بكر فيق فيق حل عينيه. شاف فيها بعيون حمرا ودامعين .ابتاسم وقال

_ شهلة ؟؟ ردت عليه

_ يس هبيبي نت مريض .هاك شرب شرب عصير الهامض باش تولي بهير وعلى هير هاك. ..حطت ايدها تحت راسو هزاتو ليه بحنان باديها الصغار الرقاق معافرة معاه حت هز راسو بزز وشربتو ..وقال

_ شهلة .ردت عليه

_ نعام… بخفوت قال

_ تنبغيك.

حطت ايدها تحت راسو هزاتو ليه بحنان باديها الصغار الرقاق معافرة معاه حت هز راسو بزز وشربتو ..وقال

_ شهلة .ردت عليه

_ نعام… بخفوت قال

_ تنبغيك.. ابتاسمت وقالت

_ هت انا .رد عليها

_ لا نت مانتبغنيش صافي نسيتيني وخليتني بوحدي صافي اشهلة نسيتي بكر .شدات ليه في خدودو وقالت

_ لا مستهيل .نت هبيبي نت دابا مريض شوية ياك تصه وتولي بهير وتعرف مانسيتشك .. رد عليها

_ لا نسيتي الراجل ديالك صافي انا تاكدت..ردت عليه

_ لا لا ابكر انا تنبغيك وهق الله شوف..باستو في فمو وخدودو ..وعنقتو .كح وقال

_ نوضي غادي تمرضي نوضي من حدايا… عنقتو وقالت

_ نمرضو بجوج ماشي مشكل اهبيبي . رد عليها

_ مابغيتكش تمرضي ليا ..يله نوضي رجعي فين كتني مخبية وخليني نمرض بوحدي . ..ردت عليه

_ لا مانبقاش نتهبا عليك صافي نت هاليا سهون بزاف..حطات ايدها على جبهتو : اوف ابكر طايب. نعس باش ترتاه وفاش نعس وترتاه انا معاك.هنا.رد عليها

_ عارف راسي ماعندي زهر معاك غ غادي نعس نفيق مانلقاكش… هبطت باستو وقالت

_ وهق الله الهبيب ديالي مانهليك بوهدوك انا معاك غ نعس ورتاه ليا مع راسك .. تكات حداه تتلعب ليه في شعرو..شبكت ايدها مع ايدو . .نعس وارتاح نيت كل ماحل عينيه يلقاها حداه .عرق في حوايجو ناض تيتفتف ماقدش .مرض نيت ..حاول يجلس غ بزز لكن رجع نعس على ظهرو راسو تيزدح جلست حداه مرجعة رجليها لور وقال

_ بغيت نحيد هاد .. شد في تيشروطو . ..وقفات ونقزتو ظحكتو وهو مافيه مايظحك كانت غدا توطا ليه على حجرو بديك الكسوى لي عكلتها..جابت تيشورط بيض بسماطي.وجات ..حطت ايدها تحت راسو تتهزو ليه حت جلستو بستة وستين كشيفة سلتت ليه لول وبغات تلبسو التاني قال

_ بلاش بغيت نبقا عريان…خلاتو عريان وتكاتو

_ جري عليا الغطا اااميمتي مرريض ..جرت عليه الغطا وتكات حداه وقالت

_ صافي اهبيبي شوية وتولي بهير .. رد عليها جايب الفشوش موالف يمرض يسكت دابا باغي يسمعها ويخرجها منها

_ ومريض اي راسي ….باستو في راسو..تتتدلكو ليه وتبوس . مرة مرة تقيس ليه جبهتو وتمسح ليه نيوفو فاش يعطس وهو صافي شدها حداه كل ساع يحل عينيه ويقول

_ شريبااا ..تجيب ليه يشرب . بغيت نمشي لطواليت.. تشد فيه وتكيه عليها وتحل لليه سير سيرفيتو .مابقا خدم ايد مابقا خدم رجل خلاها هي مكلفة ليه بكلشي وهي من نيتها..ايد معنقها بيها وايد مكالي بيها مع الحيط وقفتو حدا الكرسي وقالت

_ ما تهشمش اهبيبي عااادي. ظحك وقال

_ ديري لعجلك غ سربي راه واقف غ بزز.قادات ليه المسائل حت كمل ورجعتو ليه لبلاصتو وهو جايب الكاو من جوج جوايه ولكن لابد مايصبر هو لي خطط وهو لي نفد ونجح ادن يصبر حت يبرا .داز النهار وجا ليل وتسوط وهي مقبلاه حت غلبها النعاس ونعست عند كتافو جابتو الفيقة لقاها ناعسة حداه تقلب جنب وخشا ايدو تحت منها جابها لعندو معنقها راسو تيزدح عليه ولكن خطتو جابت نتيجة . ابتاسم باسها في خدها ونعس..فافقت مع الصباح لقات راسها وسط درعانو مخشية في صدرو.. حطت شفايفها عليه وباستو في صدرو بقبلات خفاف حت فيقتو ..بصوت خافت قال

_ شهلة انا عيان . ردت عليه

_ الله يشافيك ا هبيبي ..ابتاسم ورد عليها

_ بوسيني ..طلعت ببوساتها من صدرو لتفاحة ادم لدقنو حت وصلت لشفايفو وطبعت قبلة وجوج تسارات على خدوودو وقالت

_ بكر..رد عليها

_ نعام

_ تنهس براسي بغيت نعس معاك. ابتاسم وقال

_ نعسي شكون حابسك

_ هاص ندوش قبل كانت فيا عادتي الشهرية . شد فيها من دقنها وقال

_ كنتي هربانة على ودها ..ظحكات وناضت من حداه وقالت

_ يس. خرج فيها عينيه الي مدمعين وحمرين…هربات نزلات تدوش خلاتو مصدوم …كلاها في عضامو وتسخسخ نيت وفي لاخر يعرفها .غ قالب حيت اصلا لولا هاد العدر ماتقدرش تصبر شاف في السقف تيضحك على راسو .سمع الماء تسد..تقلب على كرشو وتغطى ونعس. .دوشات وخرجات لبسات ليه كاندورة وهبطت لبيتها تعطرات لبسات بيجامة قصيرة شورط وضوني رطبين ناعمين في البوردو.. عجبها جسمها من بعد ما كسبت وزن زائد شافت في المرايا دارت تتشوف في مؤخرتها . وتتضحك رجعت طلعت لعندو تتضحك غ بوحدها وحرارة جسمها طالعاها من صبع رجليها.. حبات فوق السرير ..حيدات عليه الغطا وتكات حداه تتلعب ليه في شفارو وتتفيقو بببوسات وفي نفس الوقت تتعبر ليه السخانة ..

بصباعها الناعمين تتهبطهم بلمسات مع دراعو حت تشبكهم ليه مع صباعها وتهزهم ليه لشفايفها تطبع قبلات … نزلات حرارتو ولكن هو غادي يلعبهم عليها .. ماحلش عينيه تقل جسمو…وهي تتحكحك ليه خدها مع خدو بحال القطيطة وعلى شفايفو تتقلب بشايفها .. تتفيق فيه والو حت عصبها عاد حل عينيه وقال

_ شهلة راني مرييييض ..رجعت تتاكد ليه من حرارتو بشفايفها على جبينو وقالت

_ ولكن نت قولتي ليا نعسي شكون هابسك.. جر عليه الغطا وقال

_مرييض اشهلة مريض .ردت عليه وقالت

_ بكر ولكن..هز كمش راسو وسط صدرو وخرج ايدو من الغطا حطها على المخدة وقال

_ هنا نعسي اشهلة .باستو في جبهتو وقالت

_ صافي هت تولي لباس وبهير ماشي مشكل . ماعندي ماندير .. ناضت من حداه تتشوف فيه وهو رجع نعس وتيكمش .جامع كلشي ظحكتو وشهوتو وحت القالب تيتهزو كتافو تيتظحك في صمت ولكن عيان ومدكدك ..هبطت لبيتها بدلات حوايجها ..لبست كسوة بسماطي تيتعقدو من الكتاف في الكحل مرفرة حد الركبة بلا ليبة .عجبها جسمها لي بدا يعمر ورجعت تتعرى رشات ريحتها حطات كحل خفيف وعكر خفيف رسيل هزات بيه شفارها.. لبست سنسلة ديال دهب رقيقة تتبري بعمارة شميشة ..في زرق مغلوق تتلمع ..مشات الكوزينة لقات هنية فيها .طلبت منها عصير ليمون والفطور ليه طلعتها هنية وهبطتها حت من شعرها عراتو .. بحال ديال دراري لكن جاها زوين .وقالت

_ رجعات حليمة لعادتها القديمة . ظحكات شهلة وقالت

_ اهلى شيء بهاد الهياة نسمة الهواء تتهط على جسمك . هوووني شوش. لا تعقيب ولا عتاب ولا هت نصيهة . ظحكات هنية وقالت

_ هاني ساكتة غ ردي لبال ماتخرجيش من برى الدار عريانة راه عندنا واحد الراجل كملت شهلة كلام هنية وقالت

_ واااهد الرجل طبيعي مهتوم على جبينو شهادة الايزو .خلاتها تتعاود هضرتها في مخها باش تفهمها ساع والو وقالت

_ الله يهديك ابنتي…..هزات بلاطو طلعتو . دخلات تتشوف فيه ناعس…حطتو في البالكو فوق طبلة ديال الخشب والزاج..ورجعت تتفيق فيه مابغا يفيق ليها فطرت بوحدها ورجعت لعندو تكات حداه .بزز حت فاق وشربتو العصير وهو جاب عليها الفشوش نيت دوزت معاه النهار التاني وهي مقابلاه.. تعطيه يشرب الما .تشد فيه حت يقضي حاجتو ويرجع معكز عليها خرج منها وفدا فيها ليام لي تخبات عليه فيهم ..حس براسو هو هداك ولكن مفشش .توسط اليل وعيات. .لبست بيجمة نعاس شورط قصير وقميجة قصيرة بصدايف عراض بلا كمام ..قدات المخدة حداه وهي تتشوف فيه ناعس ..باستو في خدو مخلياه مرتاح حطات راسها على المخدة ناعسة على الجنب لي مريحها عاطياه بالظهر تتغمضو ليها العينين.يله مشاو عيونها في نومة حلوى وهو يفيقها

_ شهلة شهلاا ..ردت عليه بشوية

_ يس ..حط ايدو على شعرها تيمرر صباعو بشوية في فروتها

_ بغيت ندوش . جلست بتعب وقالت .

_ يله نوض وقفات ونزلت من على السرير وشدات فيه .من اديه بجوج. وداتو وعينيها تيتلصقو ..تتحيد ليه السيرفيت بشوية جلستو في البانيو غ بشورط ..تكا على ظهرو واديه مرخين وهي تتخوي عليه الشامبوان على راسو ود و وتهبطو ليه مع كتافو وصدرو وبداو عينيها يتحلو بشوية حت طار النعاس غسلات ليه راسو .حلات المجرا مشا الماء لول وعمرتو من جديد وهي تجي قدامو بحويجها وقالت

_ نت بهير؟ ابتاسم وقال

_ وعلى هير .. ابتاسمت بمكر وهو يقول

_ دابا دوشي معايا وحاجة اخرى في الفراش وخا هكاك مزال ماشادش التوازن ..ردت عليه وقالت

_ نوووو هبيبي نووو

دور اديه عليها معنقها وهي ناعسة عليه وباديها تتشعل رغبات جامحة ..ابتاسم وقال

_ كيفاش نو هبيبي نو ؟..هاد المكان راه مافيه امان وانا صحيح عساك دابا راسي مخروع بمسبتك ..

_ نهاف تمشي فوق النموسية وتقول ليا مريض اشهلة مريض … قهقه بصوت خشن و جحرجة رجولية وقال

_ وراه بصح مالي كدبت عليك.. شدات ليه في حلماتو بجوج ادين وقالت

_ ونا مهنتفاكش معاك كون صهيه كون عيان. جمع فمو بظحكة وطلقها لسماء وقال

_ وحني عليا راه ماهنوضش ليك .شارت ليه يسكت وقالت

_ هلني ندير شغلي وشوف هتولي صهيييه وبهيييير ومزيااان ومافيك هت هاجة مريضة غادي ترجع هصان تيصعل.. ظحكاتو باس ارنبة نيفها .. مد ايدو حطها على زر ديال الرشاشة طلق عليهم الما من الفوق وقال

_ يله ديري لعجبك شغلك هداك ..سكتاتو بقبلة جامحة خلاتو يتجاوب معاها هزت عينيها فيه بغات تاكلو مبارداتش ليها القبلة حر اشتياقها ليه ورجعت ليه حت خلاتو شد فيها من عنقنها وبنفس الشغف تيقبلها ..جموح وجنون وعشق وولع ونار شهوة قوية بيناتهم تحت مياه دافئة زادت من حميمية الوضع.. دوزو وقتهم في المداعبة والهمسات حت مابقا ليهم صبر …وختموها بكل ماتحمل معاني الحب وممارسته من لحظات جياشة تصاحبها همسات وغزل واصاوات نابعة من اجساد تتررنح سكرانة بلدة وترقص بنشوة ….شهد المكان على ليلة رومنسية جمعت قلبين وجسدين وروحين ..كل مافكرها في الحمل ترد عليه

_ بغيت نهمل . بغيت نجيب بنت صغيرة تلعب مع هنين….عجبتو الفكرة ولكن خايف من ضعف جسمها لي باقي خاصو مزال الوقت ومابغاش يغامر بيها ورفض طلبها وقال

_ ماشي دابا خلينا نعيشو مع بضياتنا في سلم وسلام واحد تلات سنين هكاك عاد ونولدو ردت عليه وهي في حضنو تتهز الما بكفها وتخوي ليه على صدرو

_ ادن بقا راد اابال راه انا تننسى راسي فاش تنكون ندير هكا…بدات تفيري وتمتل عليه رعشة جسمها عينيها مشقلبين… رد عليها مقهقه في السماء وقالت

_وعندك غ نتي تفيقني من نعاس مقلوب في بالي شي عود باغي يحمل شي عودة ونبقا نعطيك هاك بلاك وتصدقي جايبا ليا تلاتة ولا ربعة ..ظحكات وقالت

_ تتشوفهم تيسمارو الهب وتتكون عادي…جر ليها ودنها وقال

_ معلوم راه انا تنكون شاد ليه المدام وواقف عليه حت يسالي مافيها عيب حطات ايدها على فمها وقالت

_ماتتحشمش من الهيوانات وتتهشم من راسك ..

.ضحك بخجل وقال

_ يمكن .ردت عليه وقالت

_ ادن خاصك تولي هيوان

درععها ..بحب وباسها في خدها وقال

_ هيوان اليف انا يله نوضي تنعسي..شافت فيه مخرجة عينيها تترمش بسرعة .وبدات تغني ليه وتشطح لیه وسط البانيو وضرب بايديها الماء حت يطير وتشلبخ .. تحرك كتافها وتهز صدرها ومؤخرتها تعوجها يمين وشمال ..وقفت عليه .حاطة رجل على حافة البانيو هز راسو وهو يحدرو بسرعة حشمان وفي نفس الوقت عاجبو الحال هزات رجلها حطاتها ليه على راسو ..تتلوى ليه تما. ظاحك فرحان تيضربها بخفة.. وفي الاخير استسلم لرغبتها ووقف تشيطح معاها ..تحت توجيه بحركاتها الغربية الاسبانية.. خرجو من الدوش برقصات بلا موسيقى غ بغناءها.. حت قادتو لسرير ولاحتو على ظهرو. وتلاحت عليه حت شد في كرشو .وقلبو السرير سفاه على علاه ..على لسانها كلمات من اغاني مادونا ..

صباح الحال. وابطال معركة الحب ناعسين بسلام وكانهم ربحو الحرب عن جدارة واستحقاق ولما وقصتهم قصة غريبة الرابح الوحيد هو نبض القلوب لا التقاليد ولا اللاعراف تعترف بقوانينو واي قنان في الحب اعتقد ان الحب سلطان لا يعترف بدستور الحياة ويلعب لعبته الجميلة خيوطها اوردة القلوب.وغطاؤها وابل من القبلات والاحظان ..ان كان العاشق محظوظا حقا سيلتحف بجسد حبيبه وتغلفه الوعود والعهود .

..توسط النهار ..فطورهم تحط وتهز ..وغداهم كدالك ومتال. .وعصافير الحب مزال في غرفتهم غارقين في الاحلام… هنية رجعت المعطي جوج المرات كل ساع جاي يسول عليه تعطيه جواب واحد مازال ماخرج من بيتو ..تهلات ليه في ولادو ..فرحانة بهاد النهار تقول بنتها ومراتو لي صابحين معرسين…دوشت ليهم وكولتهم ونعستهم باش مايبقاوش يدابزو ليها خاصة كريم وحليم الي الحاجة في ايدهم ويقلبو على الخرة في حين حنين في فمها .. بابا بابا …

ادن الظهر .. فاق..ومشا يدوش .مخليها ناعسة غ خرج فاقت ليه تتظحك وتكسل .. شارت ليه يجي يعنقها ..شار ليها بصبعو لا ..

_ حت نصلي .. علات ليه زاوية فمها وقالت

_ عناق بريء..

_ وخا تحلفي ليا تما. ضربتو بمخدة ولاحت الغطا من عليها . زبطة هزات رجلها لعند راسها وقالت

_ بوجورنو.. رجع ليها المخدة ومشا صلى الظهر.. غ سلم وهي تلاح عليه جابتو الارض حاكماه من قرفادتو.. برجليها وإديها تيخرجمو ليه وجهو …ظحك عليها حت شبع وناض هازها في ظهرو معنقاه..زدحها مع الفراش.. ..ربط ليها رجليها واديها بسروال سيرفيتو..وهزها لدوش طلق عليها الماء بارد ..خلاها تترعد حت حلفت ليه دير عقلها عاد طلقها . وقال

_ غادي نعلمك توضاي الوضو الكبير باش تصلي الزين ديالي…حطات اديها على فمها وقالت

_ اااه راه بغيت نقلها ليك

_ اوى هاني سبقتك.. يله اول حاجة هي النية. هزات الابهاهم وقالت

_ النية… كمل ليها سنن الوضوء وفينما غلطت يرجع يوريها ولكن هو معامن. ..خلاتو بحركاتها وظحكاتها وعفويتها وكلامها المعسول والمعلك ..ينقض الوضوء ويرجع يتوضا من جديد وهو تيعلم فيها …ساقها قدامو لبسها حوايجو ظحكتو وهي تتررفر بكمام فوقيتو صلا بيها ولاحظ انها تتاب بزاف وعينيها تيدمعو بعد ماكمل الصلاة علمها دعاء التحصين تبقا تقولو كل نهار قبل ماتخرج من بيتها وهو تيوصي وهي تهز في راسها ودور فيه بحال طائر الفلاميكنو….نزلو فطرو. وخرجو تيتساراو بجوج ايدها في ايدو تيهضرو مجمعين ظاحكين كل ساعة خارجة ليه بموضوع جديد..هاد الشجرة اش سميتها وعلاش هكا وهاد الحشرة شنو سميتها .. خاصة انه من عشاق الحشرات فيما كان تحت شجرة ولا في شي حقل تيعجبو يقلب على الحشرات ويشوف شكلهم ولونهم ويسبح الله على قدرة الله في خلق اشياء عجيبة وغريبة سواء صغيرة ولا كبيرة ..قرب يادن المغرب عاد رجعو من الحقول كيف خرجو رجعو اديه على كتافها وايدها مدورة على خصرو..بلباس محترم كسوى طويلة وبوليرا ديال الخيط بكمام فوقها..تلاقاو ليهم ولادهم تيجرو.. جلس قرفصاء معنقهم في حين تسلتت حنين من عندو وعنقت شهلة … تبعها حليم الا كريم مزال تتحس بيه بعيد منها الظاهر انه خارج شخصيتو تتشبه ابو بكر…

.دازت الايام وتلاتها ايام لا ملل في حياة بكر مع شهلة ديما خارجة ليه ببلان جديد مخها ماتيعاياش من التفكير ..

_ غدا فين نمشو؟

_ حت نصبحو

_ لا صابهين بخير وعلى هير غ قول ؟!

_ نمشو نحرتو الارض ونزرعو بطاطا.. . جرت ليه شعرو

_ انا بغيت نزرع البيض ونشوف شنو غادي يفقص.. ظحك عليها حت ضربتو لينيف شد ليها في شعرها لي وصل ليها لعند الودنين..

_ غادي يخرجو حناش ولا فكارن واش البيض تيتزرع..؟

_ نجرب ربما تهرج ديناصور.

_ لواه تور ..كان فيها النعاس وهي تنوض تربعت الارض وشعلت الضو وقالت

_ شكون لي سبق قبل واش الدجاجة ولا البيضة..ظحكتو وقال

_ الله اعلم..الله قال وخلقنا من كل شيء زوجين .ربما خلق الدجاجة والفروج وعطاونا بيضة ومن تما..بدات المنضومة ديال الحياة عند الدواجن.. حطت صبعها على فمها تتفكر وقالت

_ ربما البيضة هي لولا؟!! جرها لعندو معنقها وقال

_ علاش؟

_ شفت روبرطاج على الديناصورات والتطور ديالهم هت وصل الشبه لدجاجة.. ربما بيضة ديال ديناصور تهرج منها ديناصور مشوه وعطانا دجاجة .متل يعض البشر سبهان الله تيتزاد من ام متالية واب متالي ولكن فيه عيب ..شاف فيها بتركيز وقال

_ الله اعلم يمكن ..ظحك حت تغرزو عينيه وقلبو الفراش سفاه على علاه

اليوم .يوم استتنائي في المزرعة ..ضيوف بالجملة .شي داخل وشي خارج..حدت مهم تاجل اكتر من مرة وهو ختان حليم وكريم.. الكل فاق مع الفجر اولهم بكر توضى وصلى وخرج عند ولادو هو لي لبسهم باديه وكل ما هز قطعة توب بين صباعو تيقرا عليها القران ودعاء التحصين .عينيه دامعين بالفرحة والخلعة وفي نفس الوقت بالفخر…عيونهم الجميلة وظحكاتهم العالية خلقت رهبة واعتزاز .في قلبو. سلهام ديال المبرة في خضر ملكي تحت منو جبدورة في البيض وطربوش گرونة وبلغة صفراء وتقاشر بيضين مضروبين قي جوج.. لابسهم كل من كريم وحليم الي خداو شبه كبير من اليكسي الا عيونهم الى تغيرو الى لون عسلي ميال الى غروب ااشمس ..اما حنين فهي شهلة مصغرة تختلف عليها فقط بلون شعرها لمايل البني فاتح .. فرحانة حت هي بقفطانها الزرق وشربيل تيربي مبت بالعقيق . دميلجات في اديدها والسنسلة ديال الدهب والحلقات .تتضور بيهم بغنج ودلال وعلاش لا وهي اميرة جدها سي عيسى ولالة خدوج وسلطانة على راس بكر .وسط مجمع جميل اقل مايقال عنه لوحة فنية تقليدية عريقة جميلة تتميز الشعب المغربي عن باقي الشعوب والحضرات ….ان كان لنا منافس بتناسق الالوان وجمالية المنضر وروعة وبهاء ادق التفاصيل فحتما ستركع لنا الهند لجمال القفطان المغربي .رغم ماتتميز بيه من فخامة الاتواب الا ان الصانع المغربي يحاكي جمالية ودكاء المراة المغربية.. مما جعلها الابرز بين نضيراتها من نساء العالم.. حقا جميلة انيقة بهية .وان كان للعنوان جمال اخاد فهو حتما اسمه شهلة .

شهلة الفتاة الارق والانظف والاروع بين الحضور ولكن في عيون من .. عيون شخص لا يرى سوى عيونها الخظراء وصفاء ونقاء ونعومة بشرتها .. تتسارا .امام ملك عرش قلبها بكل اهتمام.. حاضيها فينما مشات ومما جات.. اهتمامو بيها بليغ خاصة فاش تيكون عندو مناسبة وضيوف..تتولي عندو شغلو الشاغل .. حاضي معاها خايف عليها ومنها ماتيرتاح حت تخوى عليه الدار وتبقى دور غ بوحدها .. عفويتها وسداجتها تتيطلب اهتام كبير كانها مزالت طفلة في خطواتها الاولى في الحياة ماتيفرقها حت يحصنها ويتف على اديه ويقرا عليها..الشي لي خلاها تفرح بي حبو ليها واهتمامها بيها خلق ليها شغف كبير بيه وخداتو دريعة الى كان زربان ونزل قبل مايقوم بروتينو اليومي معاها تخلق ليه حجة وتغضب حت ينعق ويبوس ويهزها بين درعانو الى كان نازل او طالع ولا رفض بحجة عيان عاد نزل من فوق الخيل يا ويلو وسواد عينو تخبا ليه وتخليه يقلب نهار كامل ولماقلبش عليها وناوي يربيها على عفلتها تما بقات ضل وتبات.وتما جلس يتسنى حت ولا تيشوف بربعة العيون عينيه بجوج زائد قلبو وعقلو…لكن حياتو معاها حلوى بزاف وفيها من العشق والغرام مايخليه ماينعس حت تحط راسها حدا راسو ويحكي ليها حكاايات وقصص ومغمارات في حياتو شحال من ليلة باتو فايقين على قصصو هو واسئلتها لي ماتتساليش . ماعسايا الا ان اقول ان بكر سلم حياتو بحدافرها الى حب تشعبت خيوطو بين ضلوع رجل عربي بافكار تقليدة متشبتة بكل ماهو اصيل وعريق .حب بكر لشهلة فاق حبو لولادو .غريب هاد الامر لكن الواقع . تيعجل في هضرتها معاهم استتناءات وديما عاطيها هي الاعدار كانه هي بنتو قبل ماتكون حبيبتو.. .مايطيب نهارو وليلو وطعامو الا بوجودها مرة من المرات بلا قصد نعتها بملح طعامي مافهمتش شنو المغزى حت قال ليها

_حب حياتي…… دارت ليه قصة ولي جا تقولها ليه

_ سمع انا مله طعامو يعني هب هياتو .. .ماخلات لمن قالتها حت لالة خدوج قالتها ليها… خلات هاد اللاخيرة تعاود فيها لخواتاتها ولحباباتها..

_ ممرمدتو وجفت بيه الارض خلاتو ظحكة وشفاية لعديانو .وتيقول عليها ملح الطعام .ملح زايد هدا ماكلاوه ضياف مادازو حداه جنون … في حين سليمة غضبت لرشيد حت هي بغات كنية عليها تنفرد بيها وتعتز بحبو ليها قدام الاهل لكن لي ماعندو زهر ماعندو جا يقول ليها ناسي واهلي قال ليها كاسي واهلي صدقو ظاحكين عليه وعليها واش كاس حلو ولا مر ومن طبعو ماتيعرفش يتغزل قال لي عجبكم هي جامعة كلشي . خلاها بلا لقب بلا قلب .

اليوم ..لبست شهلة قفطان شبيه ديال بنتها في اللون والتصميم …زينت شعرها ببونضو ديال العقيق في البيض تيبري .وجها خالي من مساحيق التجميل .الا الحنة لي مزينة بيها اديها ورجليها.. حت الكحل منعو عليها وهدا شرط الى بغات تبقا دور حداه وتجلس في الوتاق وهو تيتبورد في احتفال كبير تجمعو فيه الخيالة الباردية..

.خفيفة ظريفة ..تتحرك في الدار متل الفراشة …تيعجبها الجو المختلط. وتجمع اللاهل…هاد المناسبة..خلاتها تبان ام بقلب حنين وفؤاد خايف خاصة فاش شرح ليها بكر حسات بقلبها تقبط وصدرها مخنوق قالتها ليه بحب وهي تتحط ايدو على صدرها

_ اووف مهنوقة ابكر مهنوقة …وهي تتشوف فيهم مخرجينهم بجوج ظاحكين ماعرفينش اش مسنيهم…باس ليها راسها وتبع ولادو الي خرجهم سي عيسى ورشيد .هاز ولدو ..بقات تمشي وتجي قدام الدار حت يجيبهم ليها كيف قال بكر ..غادي نركبهم على العود مع الباردية والخيالة عاد نزلهم مباشرة نختنوهم ..مخصص ليهم حفلة مع الشيوخ الكبار وصحابو الخيالة تحت تقاليد موروتة اب عن جد بالبرزة وفلكور واهاجيز شعبية تحت اروع العيطات من شمال المغرب الى جنوبها مع صوت حوافر الخيل وقرع اجراسهم وتوحد واطلاق البارود …مشات وجات اديها تيفركو في بعضياتهم حت شافت ماماها داخلة بلباس تقليدي وراها الحاج سي بوشتة في اديها تربية صغيرة دات اربع اشهر . .هزات جلالها من الارض بصباعها حت بانو رجليها ومشات تتجري .. لعندهم تلقا ليها باباها بتعنيقة هو ودانيال .. عاد عنقت ماماها وعرات على المولود ..وشهقت وقالت

_ اوووف صغيير ..مالو ماكبرش ؟؟..ظحكت اليكسي وقالت

_ سبحان الله تزاد المسكين ناقص ..عندو تاخر النمو ..رق لحالو قالبها وباستو .. وقالت

_ وسيم وهدا قدر الله .كيف تيقول بكر .عنقها الحاج وقال

_ زيانيتي ياشهلولتي .وشعر طوال تتهلاي فيه مزيان؟؟..حركت راسها بالايجاب ..بغات تنعقو حت سمعت ولادها تيبكو مدخلينهم..دارت بالخف ومشات تتجري..تبعت بكر ومنصيف لي هازينهم بين إديهم ..شاف الحاج في اليكسي ولمس لهفتها عليهم.. في عيونها وكيفاش خلاتهم بلا حت كلمة وهرولت لعند ولادها. غمزها وقال

_ طارت تتجري عندهم الله يحفظها ليهم . ويحفظهم ليها ….تبعوها ..دخلو من وراها تحت تبريكات الاهل بالمولود الجديد وبمناسبة ختان احفادو…وهو كيف الخليفة بلباسو التقليدي ةمشيتو لي تتعطيه هيبة ووقار وعجرفة .لكن في كلامو روح دعابتو حس الطيبة الدفينة ..كاين خايف من المولود لجديد يعدبو كيف ماعدبتو شهلة وتمنا ان انه ماتجيهش بنت لكن حكم الله عطاه ولد غادي يبقا مقابلو طول حياتو ….

.نهار ومطال وهي ناعسة متكية حداهم في جيه وبكر من جيه.. وكل مافق التوام تيتالمو ومقصحين وتيبكو حت هي تتبكي معاهم في حين بكر تقلبت ليه الخلعة والخوف لي كان فيهم الى سعادة عارمة فاش داز كلشي بخير وعلى خير وفرح بيهم..وليهم … خلاهم ناعسين ونزل يتبورد على خيلو بلبسة موحدة مع الخيالة في لوحة فنية تراتية غاية في الجمال والبهاء. جلابة بيضة والقب على الراس والحيك هابط حت واصل حوافر الخيل الي تتمشي بابهة وعجرفة كانها ملوك على خمس قرات … . من فوق عودو الدهم لي تيجدب ويشطح برجليه هز عينو في سرجم ديال بيتو من بعد مالمحها واقفة تتفرج فيهم ..عرفتو ..من وقفتو وشوفتو التابتة لسرجم لوحت ليه باديها ..دار بعودو دورة دليل على فرحو. بيها وبهاد اليوم .وتبع السربة .تحت تعالي الزغاريد والتصفيقات…كانت ناوية تكون مع النساء تتفرج فيهم عن قرب لكن قلبها ماطوعهاش تخرج من البيت وتخليهم قابلتهم واهتمت بيهم حت لقات راسها ناعسة ايديها في ايد كريم لي كل ما حل عينيه يقول ماما ديدي اح ..تبوسو وتلعب ليه بوجوهو بنيفها وتسكتو باغنية . كل مادخل عندهم يشوفهم تعجبو شهلة باهتمامها بولادها حت داع سيطها بين الضيوف والاهل وتلاشات تلك الصورة لي كل مادكر اسم شهلة الا كانت دكرى سيئة تصاحبها .. لكن دائما الكلام لي تيتعاود من لواحد لواحد ماغاديش يوصلكم كيف هو بالحرف الواحد مانقصو او مايزايدو بل العكس ..ابدا السيرة لي تتنقل بين الالسنة دائما حقيقة ناقصة وصورة مشوهة تحتاج الى اعادة النضر وتجاهل بعض الامور وقص الالسنة بالتزام الصمت ..وترك صفاء الوجوه عند الالتقاء تكون بريئة شفافة مراية لكل شخص يتبها بها امام المجالس فانت سيد نفسك وسيد القوم مادمت تحفظ لسانك وتصون عرضك وعرض اخاك المسلم

داز حفل ختان التوام على احسن مايرام… تحت رعاية لالة خدوج وسي عيسى الي ماخلاوش من جهدهم على حفايدهم وبينو حبهم لكبير ليهم الشي لي خلا ابو بكر فرحان بلا قياس والهم لي كان هازو ليهم وهو تيوجد لمهرجان التبوريدة في خمس مدن متابعين ومسابقة دار السلام .حت هي تحط اسمو تحت الفارس المغوار مرتاح.. مهني من جيهتهم ..لكن دائما تتكون في الطريق المستقيمة بعض المنخفضات ولا بعض المرتفعات المهم الواحد تيكون هاني مع راسو حت تتخرج ليه شي مصيبة من جيه وهادشي لي وقع مع السي المقدم ديالنا..كان تيوجد باش يدخل المحرك . لبس الجلابة وحزم راسو..واقف عليه المعطي ورشيد.كل واحد وشنو هاز في ايدو تيمدو ليه..المعطي الحزام بلون اصفر ورشيد سلهام بلون ابيض حريري شفاف .. مقابل معاه منصيف تينضف في المكحلة ويعبرها.. الوتاق مزين بخيرة الفرسان كل واحد وشنو بقا ليه في لباسو .كاين لي سالة وجلس تيدور على صحابو يساعدهم وكاين لي ماعرفش علاش التماك ديالو جاه صغير وتيسول صاحبو.ويعبر في رجليه وكاين لي على راسو تيحزم عمامتو ..وكاين لي تيصور في هاد اللوحة الفنية الجميلة …تحت دندنات من شيوخ كبار على نفاىح دينية لا تخلو من دكر حبيبنا المصطفى صلى الله عليه وسلم.. وقدام الوتاق ..ياله من منضر اجمل الخيول .مسرجة ومسنحة باروع سناح لا تقل جمالية على فرسانها …فجر ليوم فرحان غ تيدور في راسو يمين وشمال ويجدب ويحرك في رجليه تيرقص على انغامع عيساوة لي مصافين وصوت مزاميرهم تتعالى في السماء .حايط بيهم جمهور غفير منغمين وناشطين..شي يجدب وشيي يركز وشي محير الله ياربي .سعدات لي مافيه حال.. مربع ايديه طالق ودنيه حت عينيه تابتين لكن وجهو لا يخلو من تعابير السعادة والسرور والا علاش واقف مع الجمهور الا لجمالية المنظر وعدوبة الالحان لي تترقص عليها حت الافاعي … خرج ابو بكر من الوتاق وكانه عريس وسلطان زمانه في رجليه تماك بيض مزخرف ومنقوش بالسلقي او كيف تيقولو خيوط الشمس بجلابة شفافة في البيض تحتها جبادورة حت هي بيضة بصفيفة زرقة على راسو زيف بيض ناصع بحال سلهامو ..متوجه الى عودو بابتسامة عريضة وادين سابقينو لراسو مقبل ناصيتو فرحان بيه وبنهارو….تسمعت سميتو من بعيد صوت مالوف ولكن شنو جابو لهنا.. تلفت بالزربة وهو يلقا باه سي عيسى جاي على عجل زربان .وجهو كحل ماتيتفسرش لا بفرح ولا قرح .جاي اديه وراه بل غتوةالبيضة متقلة ليه مشيتو.. تابعو سيراج عاض في شفايفو اديه على تلفونو .تيصوني لطرف التاني لي حلف لجاوب وخا تلفونو في ايدو وعينيه تيدورو يمين وشمال ….

..قربو عندو وهو ايدو اليسرى تتمرر على خد فجر واليمنى .هزها حك بيها جبهتو لانه من ملامحهم وهما تيقروبو ليه عرف شي حاجة ماشي تلهيه…مسنياه .وقف عند رجليه سي عيسى بجملتو لي خلاتو يشوف ربعة من الواحد..تزعزعت صورت باه قدام عينيه وهو تيسمع بودنيه .جملة لي ماعمرو كانت طيح ليه على بالو ..

_ مرتك تتبورد مع سربة بنات المقدم الريساني..خدودو تحركو بجوج.طلعاتو سعلة مخنوقة ..خلات انفاسو محبوسة غ عينيه لي خرجو عند باه ورجعو…كمل الحاج عيسى كلامو وهو تيشوف فيه ويحرك راسو لسيراج.: قالها ليا سيراج ..حرك راسو اخيرا ببطء لحد الان مامستوعبش شنو سمع ومادخلش ليه لراسو..حت نطق سيراج بصوت فيه من الرجفة لي تخلي سبع يضحك عليه..لكن سرعان مادارك اللامر وان العهد لي عطاه لراسو . دائما خاصو يبقا قوي مهما كانت المصيبة كبيرة..

_ اه اه قالتها ليا ميس لبارح ولكن سحاب ليا غ تتكدب عليا.وليوم في صباح صيفطت ليا تصويرة ديالها هي ومرتك على الخيول..شوف…حدر المسكين عينيه مامصدقش شنو سمع ياله من رجل سيء الحظ…تبت عينيه على الصورة ..كانت فارسة على ظهر جواد بزي التبوريدة .في غاية الجمال ابتسامتها عريضة..تتبان من تحت لتام شفاف .عينيها الخضروات براقة تتشع بالفرحة في جنبها ميس خطيبة سيراج لي اول حديت بينهم تغرمت بيه وجات حت لعندو …دق عينه في الصورة حت الف سيناريو عريض طويل ورجعو لخوه .طالق رجليه لريح بخطوات سراع تبعو باه في حين دخل سيراج قالها لرشيد ومنصيف الشي لي خلاهم يخرجو من الوتاق ويحضو ليه العود والعدة وسنيهم تتعض في بعضياتها بلا ماينطقو بحت كلمة لانه لي غادي يوقع كبر من الهضرة..وكبر من التفسير….بلا شعور وبلا مايعرف شنو تيدير دخل الوتاق ديال سربة المقدمة .نور الهدى السرياني. جهة عبدة رحامنة…تيقلب ..جاب الله كان خاوي فيه بعض المشرفاات فقط والا اش جاي مايفكو مع اباء ودوي الخيالات لكن ماغاديش يفلت منها تسمعت خبارو المقدم فلان الفلاني دخل وتاق ديال البارديات وهو تيجري بلا مايعلم ……..بتماك ضربت ليه المقدمة مع وتد حت طار الجلد ….قلب الدورة ومشا تيجري المحرك ..وباه تابعو تيجري ولكن ماوصل ليه حت دخلت السربة وتقادت العلفة وبدات الحركة وتسمع صوت المقدمة نور.تتنده..شد براسو وهو تيحاول يوصل باب الكرياج… مع وصل دازت من حداه السربة بعجاجتها لكن فين هي شهلة ماشفاهاش تبع العين لخيلات وحدة بوحدة حت تسمعت طلقة في السماء وكانت طلقة وحدة تعلات عليها الزغاريد وتهرست القلة تحت تصفيرات الجمهور…..نقز الكرياج ودخل المحرك تيجري تابع الخيول من وراه القوات المساعدة تتجري بغات توقفو …دارت الفارسات راجعين وهي تشوفو ..جاي قدامهم تيجري وعينيه فالتين ربما عرفها .. دورت السلهام على وجها خلات غ العينين تيبانو وزاحمت عودها مع الخيول ورجعت وراهم تتخبا حت دورتو الجيهة لخرى وسلتت خارجة من المحرك ..ماجا فين يميزها هي حت هربت ودخلت مع الموسم خلاتو تابعها كيف الحمق ..يقلب ورا الوتاقات والخزاين.ويتعتر في عباد الله .عكسها هي لي جرس عودها تيدير ليها ااسامع طريق.. ..عروقاتو يتقاطرو …خرجاات من الموسم كامل وهربات مسافة بعيدة وقفت بعودها .لتاتمها على وجها ولكن لي جسدها تيوحي بانه بنت لي داز تيشوف فيها حت خافت على راسها وبغات ترجع فمها مجموع مكمش لي ليها ليها …يله دورت العود باش ترجع دخل الموسم وهي تشوفو قدامها بعودو العين حمراء والجبين يتقاطر بالعرق .الفم ولا زرق الحجبان معقدوين والقلب المحروق..صدرها تيطلع ويهبط بالخلعة…واخيرا عرفت حجم المصيبة ..وهي تحرك مهامز السرج وطلقت رجلين العود الريح عجاجتو في السماء .تابعها بنفس السرعة لكن هو خيال لا يعلا عليه سبقها وخالف العود مد ايدو لجام ديالها وجاب عودها عندو مغزز وتيسب عروق اصل جد المخير في قبيلتها لي ماعمرو سمع ابو بكر مخسر الهضرة غادي يسمعو ..لولا الخلاء لكان كلام بكر دخل التاريخ بحال سميتو…. مالت على جنب العود كانت غدا طيح..تتغوت حت هي وكلامها مخربق حرف باين وعشرة لا

_ هاامسهوطي هانطيه هانطيه ( اامسخوطي .غدا نطيح .نطيح)

نزل على عودو .كيف السبع نقض على فريستو.. شدها من دراعها نزلها ..جايبها الارض خباط ماقال غدا تهرس من شي رجل ولا شي ايد ولا يتضرب راسها مع شي حجرة..ماخلات ليه عقل ماخلات ليه تفكير….. غواتها وهي في رمشة عين تهزت وتحطت وتلاحت ماعرفت راسها واش طاحت ولا طيحها ولا لاحها.. حت لقات راسها مكروعة تحت رجليه. ماجات فين تهز راسها حت هزها من قرفادتها ..بجوج ايدين مطلعها معاه رجليها مدلين عينيها خارجين مقجوجة بقبضة اشديدة لسانها مدلي وجها حمر..مانتابهش حت هو لتامها لدار على عنقها وزاد الطين بلة ..تحت ايدو تتصارع الموت وهو عقلو غايب..سي عيسى ومنصيف على حر جهدهم تيغوتو… شافو داك المنضر هما ولي غادي وجاي كلشي تيجري عندهم واديهم فوق روسهم …ولي ماقاد يجري مامخلي من جهدو من تولويل …..لكن مسااافة طويلة بيناتهم … .وصل سي عيسى لقا شهلة زرقة بين ايديه وهو عروقو ديال جيبينو باغين يطرطقو ..حت عطاه باه طرشة ميلت ليه حنكو عاد طلقها جات الارض تترعد وتقيا شد فيها منصيف ولاول مرة شي واحد من خوتو يحط ايدو عليها .. وقفها من الارض وهي كلها تترعد وكلمات متقطعة بين لسانها

_ ب ك ر هنموت .. تجمعت عليهم امة محمد .. دور عينيه فيهم كيف التور مفرق رجليه اديه في السماء مع صوتو

_ وسيرو تق***** . شي رجع بحالو وشي بقا مامسوقش لكلامو….قاد لليها منصيف شالها على راسها… وبقات واقفة حداه تترعد وعينيها على بكر لي عينيه مابقا بان فيهم حت لون تعابير وجهو خسرو ..كتافو مايلين عنقرتو تتطرطق . راسو مابقاش زاگي في بلاصتو .. نيفو تيسيل بالدم..رعف وماجاب خبار…تخلعت وهي تتشوف جلابتو البيضة ولات كلها دمايات..طرطق ليه عرق في نيفو مابقاش بغا يتحبس بحال الى دبح بقرة .هز سي عيسى ايدو تيشير ليه

_ _ رعفتي اولدي رعفتي.. يالطيف يالطيف…رجع غسل وجهك .ماطرا باس. شدو طريق داركم وتفاهمو يله اولدي يله .. شاف فيها ودماياتو تيقطارو وقال

_ عطيني التيساع من ليوم مابقيت نشوف كمارتك… تحركو خدودها بقلة حيلة وبغات تهضر وهو يغوت

_ وسيري ** غادي نقتل جد اصل مك . تهزو كتافها خايفة جرها منصيف من طريف من زيف راسها كان طايح على كتافها . داها قدامو غادية وتلفت ليه وهو بقا مع باه واقف تابت لا ايد تحركت ولا رجل …دخلت مع الموسم. هي ومنصيف وخرجو من جيهة اخرى ركبها قي طموبيلة بكر..غ ركبت وشمت ريحتو وشافت اغارضو .وطلقت حلقها تتبكي . غطات عينيها بايدها وجلست تتبكي وترعد …بعد ساعة جابو باه وخوه رشيد.. غ شافها في الطموبيل.وهو حيح علليهم وسب كل عرق في اصلو هاد المرة ماخلا جد ماخلا جار حت خرجها سي عيسى وداها معاه في طموبيلتو.. تقلب.الموسم لي كان فرحان ليه لمهرجان. ديال الكوارت… العود لي كانت راكبة عليه ديال بنت المقدم الريساني بقا مطلوق ودار على العودات .شي عضها وشي هرسو ناضت روينة وشكون سبابها مرات المقدم.لي دخلت لمحرك باللتام .شحال من واحد سامع بقصتو معاها وفاش عرف ولات تتبورد .جا يجري باش يشوفها عن قرب حت ولات سميتو تتعاود بين السربات.وحكايتو حكاية …المقدم .لي ماقد عليه شي واحد لا في بيه ولا شرا ولا في هزت المكحلة. شطحتو المراة. ولا لي غادي

_ شفتي مرت المقدم؟….ولي جاي..

_ شفتي مرت المقدم؟؟ وحت في القهاوي ووسط السرباات وعلى ظهر الخيول شفتي مرت المقدم؟. .تغامزو عليه..فين هيبتك المقدم .مرتو دخلت المحرك باللتام..خبارو وصلات مو لالة خدوج لي ماعارفتها فوقاش تبعتو وامتى ولات تتبورد وتركب على العود . تهزو الادين في السماء .وقالت باسى وحسرة

_ هادي لاخرى ليها المصيبة هادي هي اللخرة

وصلوها لدار وهي في حالة يرتى لها ..كلها خايفة عليها ومنو…تلقات ليها لالة خدوج . تولول رجليها مخالفين.تابعها هنية مطيحة خدودها بجوج بايدها . .فاتتهم في طريق تتشتف جلال سلهامها طايح من وراها..شالها نصو مغطي راسها ونصو مدلي على كتافها .عيينيها وارمين بالدموع.. دخلات لبيتها تسرحت فوق سريرها راسها تيشوف السقف .. سيمانا ماشافت بكر بحجة تلفونها مهرسة ليها الكاميرا.وكل ماهضر معهاا وهي تتدرب مع باها او مع البنات تقول ليه غ هنة والدراري بعاد عليا وفعلا ولادها بعاد منها لالة خدوج ضنت انه تتكون مع مامها .وبابها لي مشاو لفيرمتهم وخلاو بنتهم مع راجلها وولادها باش تزيد تغلغل فيهم كتر لكن لي وقع ان الحاج بوشتة يصبح على بنتو وهي تمسي عليه ..حت طاح ليها بلان تولي باردية حت هي .ودالك نهار لي كانت مع بكر في مزرعة المقدم الريساني وبغات تمشي معاه. تعرفت على بنتهم المقدمة..شافت شغفها بالخيول وكيفاش تتعامل معاهم وشافت سعادة كبيرة في عيون بكر وهو تيشوف بنت في عمرها تتعرف تلعب بالخيل وتهز المكحلة وخا تقل منها ماكان .. .. راقبت تصروفاتو وهو تيروض ليها عود جديد ويعطيها تعليمات واساليب باش تحافض على توازن العلفة ..طاحت في بال شهلة فكرة وانها علاش لا ماتوليش حت هي خيالة وفارسة بحال نور .. وهما في الرجعة اقتارحت عليه الفكرة.. لكن رد فعلو خلاتها طول فيه الشوفة وتخبيها في قلبها خاصة فاش كان جوابو بارد وفيه من السخرية مانتاابهش ليها بالمرة او نقولو هي لؤ اعتابرتها كدالك فاش قال ليها

_ نت الالة تبروردي غ عليا اش داك شي سربة ولا محرك.. حاولت تمهد ليه وتلين كلامها لكن ظحكاتو عليها خلاها تزيد تشبت بفكرة طاحت في بالها ولصقت صافي.. كيف وصلت الدار ولات بحال ظلو كل ماركب على عود تركب على لاخر وتبعو وفينما هز المكحلة تشدها منو مرة طيح ليها من ايدها مرة ضرب بيها وجها مرة يجيبها العود من فوقو وهي تتحاول تلعب بالجام كيف تيعمل هو الشي لخلاه يرفض رفض تام وينبها على العود الى كانت غدا تركب عليه وتسارا بيه مرحبا كانت غدا تلعب بيه خت تجي على راسها وهي صحتها على قد الحال من نااقص. لكن راسها قصح من صمة تيمومة… عملت متابعة لنور الهدى عل لانستا وتاوصلت معاها وعرفتها على راسها وقالت ليها بغيت نولي معاكم في السربة..رحبت البنت بالفكرة وعلاش لاوصاخبة الطلب مرات المقدم الفلان الفلاني الغني على التعريف فاكيد كل قواعد وفنون التبوريدة عندها والدهبيات لي تيجيبهم راجلها غادي يعلمها تجيبهم حت هي ماضنتش المقدمة ان فلانة مرات فلان راها مخبية سرها على الجميع الا باها لي طلبتو يسافر معاها بحجة هو لي غادي يسافر وبغاها يرافقها ..وفعلا تمت السفرة واجتمعت شهلة مع افراد السربة ودربت معاهم ليومين متابعين ونسقت معاهم الامور ورجعت بحالها وبقات الايتصلات بيناتهم .حت واحد ماقال ليه فلانة مرات فلان مع بنت فلان في السربة الهضرة داولات بيناتهم لكن ماوصلتش لبكر وماكينش ليوصلها ليه ولا يجبد مراتو على لسانو حت خوتو ومو وباه غابت عليهم يومين قالو انه هو على علم وربما مشات لعندو وحت هو فاش غابت عليه بتلفونها واحد نهار ماقدرش يسول مو عليها لي بيناتهم بيناتهم تقة تامة حب كبير .كان التلفون غادي يخلق ليها مشكل معاه هرست ليه الكاميرا خلاتو عما بحجة ماكينش لاش تصوني ابيل فيديو حت تجيب ليا تلفون جديد….صهد وطلعاتو السخانة ..وهو تيحاول يلقى اسئلة كتيرة

_ كيفاش حت ولات تلعب معاهم ؟ فين كنت انا؟ شنو تيوقع من ورايا؟ وشكون علمها طلق البارود؟…غادي تسطيه وتخرج عليه… لعب جولاتو بل ا عقل لدرجة مانتابهش اشنو تيعمل وماراقبش المكحلة وكانت عامرة بزاف وطرقطقت ليه على اديو خلات دمايتو نازلة الي بقا من عرق نيفو كملتو لايد …خرج من الموسم بتلات مصايب .اليد لي كلها تفلحات والنيف لي خاصو يتكوى والشهلة لي خاصها العصا..

يومين وهي على اعصابها ..تدخل وتخرج في الفيرمة وتفرك اديها وحاضية الطريق ..تضل في السطح مراقباه فوقاش يبان ليها جاي. خاصة فاش صونات ليه ديك اليلة وبلوكا نمرتها….حسات بمدى حبها ليه ومدى اشتياقها ليه ومدى خوفها عليه . ابدا ماحساتش بالخوف منو ولا قالت غادي يجي يدبحني ولا يقتلني ولا يعلقني في الشجرة ..بغات غ فوقاش يجي وتشوفو في قلبها لهفة وشوق حت واحد ماعالم بيها غي الله..لي شافها شاردة يقول تتفكر في مصيبتها وشنو مسنيها .ولكن هي تفكيرها ابعد من دالك صورو تيدوزو قدام عينيها بحالات العشق والغرام والرومنسية والاهتمام لي كانت تتحضى بيهم معاه ..الى كان بكر في الدار فعينو باحساسهم تيراقبو شهلة .شنو تتدير شنو كلات كيفاش تتضحك كيفاش تتهضر .. . فوقاش خصها تنعس وفقاش خصها تغسل وشنو تلبس وشنو لي تشرب وشنو لتهز في ايدها ..حبو ليها خلاه يعاملها كانها حنين ماشي شهلة..وكتر شهلة ليوم بغات تسهر بكر خاصو يسهر . شهلة بغات تشطح بكر خاصو يشطح ..شهلة بغات تاكل وتشرب في السطح بكر طالع بماكلتو وشرابو ..حنين تتقلد مها ولكن حت تيسول شهلة واش بغيتي هادي لا ..قالت ليه اه مشات فيها حنين رجعت لور قالت لا تاخدها حنين وهي تتضحك لدرجة ولادو يطلبو منو الحاجة وهما تيشوفو في مهم .. متلا اخر مرة بغاوو يلعبو في الحديقة وشهلة بغات تمشي مع هنية عند المعطي بسبة ديال الماكلة..وبغاتو يمشي معاهم ولادو شادين فيه من جيه وهي تتهضر من جيه ..شار ليها تمشي قدامو خلا ولادو شي يعرنن وشي يتمردغ .حت حمر فيهم عيينه عاد سكتو ودخلو تركنو حدا سميرة ..لانه لبغاو يلعبو في الحديقة خاص يكون معاهم لانه لكانو مع شي واحد تياكلو تراب خاصة حنين لي يعياو مايحضو معاها حت تيلقاو فمها يتغزغز…داكشي علاش حرم عليهم الخروج من باب الدار الا لكانو معاه عقابا وفي نفس الوقت باش يوليو يسمعو الهضرة لانه روسهم قصح من مهم ..

دوز ليليتن ماشافش فيهم النعاس..اسئلة كتيرة حمقاتو عيا يدور في راسو فقاش تعلمت طلق البارود وكيفاش حت ولات مع السربة وفين كان هو ..صدمة عمرها تنسا ليه ولا طاحت ليه على البال .من قبل كانو بزاف ديال الادلة انه يمكن دير شي مصيبة ولكن في هادي ماتوقعش تكون بهاد الخيبة .بين ليلة وظحاها ولات تتبورد على العود والمكحلة في ايدها والزوينة گاع مابين سيدي سليمان وعبدة نص نهار ديال طريق.وكيفاش حت قنعتهم ومن هادشي كلو فين انا حس براسو کانبو ولي تعلمو في حضور الشيوخ الكبار والجلوس مع الفقهة والقدام وكل واحد وشنو خدا منو ولكن حرب النسا ماقرهاش بالمرة وجاتو شهلة لعبتو على صبعو الصغير كيف قال في اخر جملة وناض تيسوط

_ لعبتني على طراف صباعي ؟ فين بكر لي تيخاف عليها من النسمة وريحة الدخان .نساحب من المواسم ورجع بحالو بايد محزومة ببانضة ونيف منفوخ وحواجب معقودين..بوجه خاسر .مسطاجو مبعتر ولحيتو مرونة .وشفايف مكمشين…الدار عمرت قبل مايجي هو .الحاج بوشتة واليكسي ..داني .الحاج سي عيسى .لالة خدوج.. رشيد.. منصيف .سيراج ميس ..سليمة .هبة وبناتها ..سميرة .راجلها المعطي وهنية.. رحيمو عمة شهلة وسي الطيب..كلشي مسنيه .يجي لانه سمعو بالخبار ولكن الي جابهم هو مسالة ايدو ونيفو …..

الكل مجموع في الصالة .ظاحكين ناشطين قهقهة ريحمو واصلة فين وفين .. لانه عارفين بنتهم ماعمرها تهدى ولا تهد وهو مبارك ولات ليه باردية كيف قالت رحيمو

_.مالو اش بغا ياك هو علام ومقدم ويخليها حت هي دير فاش تلاها راها طبعها گاووري والگور ماعزیر علیهم الراحة والگلاس في الديور الى مالقيتيهم في الجبال بسيكانهم على ظهورهم تلقاهم في البحر ولا في النهر المهم والله الى الگور تيعرفو يعيشو الحياة .ماشي بحالنا .توزج ولد خرق كبر هنت وليتي عگوزه ولا نسيبة .مشات حياتك بين هزان التربية على الظهر والعجينة في الايد .. لا والله مانلومها ولا نقول ليها باك شكون مالها بغيتوها تقبر في الدنيا..ياك دخلت المحرك باللتام..علات ظحكتها حت جات في ودنو وهو داخل ومغمص عيينه .ماحملهمش يجيو ولا يقولو ليه اش خبارك كيف بقيتي .

ريحتو سبقت ..حت خيالو العريض وخطواتو .معروفين.عندها..وقفت من وسط الجماعة بحال الى قرصها الضو. خلات لي كان تيهضر يسكت ولي كان تيشوف في جيهة معاكسة قلبها لجيهتها …دقت عينيها في باب الصالة وقالت

_ جا .هبييبي جا اوووبس . الكل تلفت قدقد مع دخل .. اول واحد لاخ شوفاتو عليه كانت هي ..ابتاسمت نصف ابتسامة لكن بحب كبير وفرحة بشوفتو . وقفو تيسلمو عليه واحد من ورا واحد ويسولو على صحتو وايدو وهو تيحرك غ راسو وعينه فيهم شرارة كبيرة لشهلة الكل منتابه ليها ومننيسه الرد.. . تعلقو فيه ولادو تيتشعبطو ليه في رجليه. واح شوفاتو اخيرا عليها . نزلهم لحنين باسها في راسها تعلقت ليه في عنقو .صدق هازها بايد وحدة .وتمشا بخطوات حت لفين واقفة شهلة ورجع نفس الشوفات باش دخل خلاها تسولو بعينيها . وقف باها حداها وباه حداه شي يشوف في شي ..وهي تنقز رحيمو

_ صلو على النبي الجماعة . شدات في خوها رجعتو لور وعنقت شهلة وقالت

_ والله ياالمقدم يالود شي عيسى الى راك معلم .شكون قال بنتنا تولي باردية وتجيب القرصة ساوية. ياحليلي ياحليلي..سعداتك ياولدي وشمن زهر عندك حت كتب ليك ربي الزين وخضر العينين باردي يحرك على العود .زغرتي الالة خدوج ولدك لي عندو الالة ومولاتي ..جات خدوج ملطفة الجو..تزغرت وضحك وقالت

_ يسحاب ليه غ هو لي يعرف يحرك على العود صدقت مرتو احسن منو..وباين هاد الجدرة . باست حنين وكملت كلامها _: غادي تولي تلعلع بالبرود في السما… تنهد ولاح وفرة طويلة وقال

_ الى ساليتو حديتككم العيلات طلعو جمعو ليها حوايجهلا..نقزاات عليه بتعنيقة وبكية وقالت

_ نوووو والله مانمشي لشي بلاصة والله هت نبقا هنا .. دفعها بايدو وقال

_ والله ماتباتي ليلة عندي …تغرغرو عينيها ورجعت لور جامعة فمها ومكمشة عينيها.. وقالت

_ اوكي هبيب .هلفتي بالله ماعلش هت انا هلفت ولكن انا نصوم ونبقا بجوع ومانهليكش تصووم كفارة على هلفتك هيت تنهاف تمرض اوكي ابو كريم باي ..خلاتو واقف ومشات ..تبعتها حنين من بعد ماهبطت من عند باباها تتجري ..تبعتها اليكسي وخرج هو زاد الاسطبل ..تيشوف العودات والخيول…وهو واقف ايد في جيب وايد مهزوزة لعند صدرو هاز حجرة تقيلة على قلبو .. جا عندو الحاج بوشتة.متاسف ليه ولبنتو ..وقف جنبو وقال

_ استغفر الله اوليدي وماتكبرش الموضوع .راه كان في راسي كلشي وبغيت نقولها ليك وحبستني وانا خفت عليها ومابغيتش ندير مادرت معاها من قبل عارفها الى حطت شي حاجة في بالها تتبقى تحفر تحفر حت توصل ليها. قلت اللهم نكون معاها انا ولا تمشي بوحدها …غ هو كانت بغات دير ليك مفاجاة وتجيب السربة لعندك تشوفها نت لول ماكنش في بالها گاع هاد الموسم.. بنتي راها اوليدي هي هادي..الحمد لله بعدة خرجت لينا بالتبوريدة وطليق البارود ..انا اوليدي مابغيتش نعاود معاها نفس الغلط راك شفتي وعشتي فين وصلتها ..الحمد لله ربي كتب ليها عمر جديد ..وانا معاها فيه سوا بالخيب ولا بالزين هي ضو عينيا .. جيتك دابا تنطلب ونرغب فيك لاتبكيها ليا راه الى وقعات ليها شي حاجة راني عمري مع عمرها.. عفا ولدي نت راك هو كلشي بالنسبة ليها وبغات تفرحك زعمة .وتولي تفتاخر بيها وهي كانت قالت ليا بغيتو فينما شاف شي بنت تتبورد يقول ماشي بحال مرتي ويحدر عينو….تلفت ليه بالزربة كانه مستنكر شنو قال .شاف فيه مطولا..كمل الحاج كلامو وقال

_ بنتي عز منك عندها ماكينش .جلسو جمعو وحلو مشاكيلكم بيناتكم لا تعاندش ولا تكابرش.. كمل كلامو وسكت طال الصمت حت كان ناوي يرجع بحالو وهو يوقفو بكر

_ الحاج عاون بنتك باش تخرجني من راسها .

وقفات قدام المرايا..تتصاوب شالها لي ديما مضاربة معاه. وخا كيف مادرت ليه تيجيها زوين .ولكن هي تعودت يصابو ليها بكر الى كانو غادين مسافرين او جا عندهم ضيف او حضرو خوتو ..تيفضل تغطي شعرها … ضلت بالساعات.واقفة على رجليها. تلوح في جناب شالها على كتافها وترجع تحيدو وتنتر .ماماها مراقباها بحسرة هي ورحيمو .لي لجمت ليهم لسانهم بكلمة وحدة

_ هو هلف صافي ماهصنيش نزيد ليلة وهدة هنا اوكي مام !!!! اوكي تونت ( عمتي..)….

في الاسطبل .جلس على كرسي قديم عبارة على جدع ديال شجرة هو لي ناحتو وبدع فيه وخلاه وسط الاسطبل للراحة.. عيان..مهلوك ومهموم.. خدا قرارو بالهجران..خاصة فاش لام راسو على ايدو لي سبقت تفكيرو وكان غادي يقجها بلا مايحضر عقلو ولكن لي دارت ليه دنب لا يغتفر .كيفاش المراة حاسبها في الدار مع الولاد حت لقاها فوق العود تتبورد ليه . صدمتو وخلات جميع عروقو ينفاجرو .. ..دازت ساعة وساعتين مسنيها .تخرج من البيت باش يمشي ليه ويتمدد ويرتاح .باغي غ الراحة هاد الساعة . تهدو ليه اعصابو .وحت الدم لي ضاع منو ماتعوضش .لانه ماكلاش بالمرة حت الماء مادز من حلقو …تيحس بالسخفة والعيا الشديد ..ماعندو حيل ليفكر ولا يتناقش ..كيف جا عندو باه كيف رجع كلامو ترجم لخفي حنين ورجعو معاه .كدالك ومتال .لالة خدوج قرات عليه ..فتوة من فتاوي شيوخ الازهر ولكن شكون سمعها…بقا جالس وحاط راسو بين رجليه .حت سمع صوت مالوف عندو مابغاش يهز عينيه في مولاه ولكن الواقف جنبو وصاحب الطلب عنيد جدا

_ مابغيتيش تسمع ليهم . سمع ليا…مانطق بحت كلمة..جات قدامو وجلست قرفصاء اديها على ركابيه .. : هبيبي الغالي .روهي وقلبي .سامهني اهر مرة ..تنهد من اعماقو بلا مايقول حت كلمة : شوف فيا ابكر..بغات تهز ليه راسو وهو يهزو بسرعة مروغو على ايديها تيشوف فيها بغضب شافت فيه بحنان وقالت

_ هانمشي بهالي ولكن طلبي الاهير.. سولها بعينيه مكمشين. ..ابتاسمت بحب وقالت: صاوب ليا شالي .. مدتو ليه …حمر فيها عينيه وزاد قوس حواجبو حت قالت غادي يضربها برجلو ..ولكن هي ماتتخافش منو بالمرة وهادشي لي خلاها تاخد قرار انها تعلم ركوب الخيل مع السربة وتلعب بالبارود .وخا رفض او قبل..ضمان غفرانو ليها كل مرة خلاها تامن على حياتها معاه بكلشي حت بشغبها وتفكيرها وخا ولات تتفكر بمنضور امراة مسلمة واعرافو هو وتقاليدو هو لكن نضرتو وسعادتو وهو تيشوف في نور الهدى تتبورد وتلعب بالمكحلة حركات ليها خيوط الغيرة ولي اول مرة تجربهم . وتحس بيهم .بالرغم من حبو الكبير ليها لكن شعور المراة عجيب وغريب. حب سلطوي حب عنيف بالرغم من القيود لي حاطهم بكر كشخيصة رزينة وتابتة وواعية وتقيلة الا ان حبو للخيل والتبوريدة خانوه هاد المرة وبينو سعادة لا توصف وهو تيشوف في نور على ظهر العود.. فسراتها شهلة على احساسها هي ونضراتها هي ..حت انه دماغها الف ليها حكاية غريبة وعجيبة وقالت في نفسها ربمى مزال تيهوى ويعشق البنت الخيالة لي ماتتخافش من طلق البارود على ظهر العود وسط سربة من عشرين فارس ….زيارتها معاه لعند المقدمة نور الهدى خلاها تغير تفكيرها وتميل لشغفو هو وتبحت علاش بكر عزيز عليه الخيل والبارود لهاد الدرجة شنو لي تيخليه مبلي بيهم لهاد الدرجة ..ومن طبعها الى بغات تبحت على شي حاجة تتعمق فيها حت تتولي تجيها عادية ومملة ودوز لحاجة الاخرى .لكن كيف تيقولو بلية العود بلية خايبة ولدخلتي ليها نهار لول عرف من راسك غادي تشد شدة صحيحة وداكشي لي وقع لشهلة… كانت داخلة لميدان التبوريدة وركوب الخيل غ باش تخلي بكر يشوفها كاحسن خيالة وتحس باحساسو.هو وتفسر وتحلل الشغف لي فيه هو .ساع لقات راسها وسط المحرك .هازا المكحلة بشعور تتقشعر ليه الابدان كانها في حرب وجهاد …والعجيب في الامر انه قرات تاريخ التبوريدة ولقات راسها وسط رواية كاحد المجاهدات تتحلى بفنون الحرب….كانت عايشة حياة عادية ام لتلات توائم كل واحد وشنو متطلباتو ولي ديرو ليوم ديرو غدا حت لفتت انتباها نضرة خاطفة من بكر لاحدى الخيالة وقالت .عليك تنقلب وهنا طاحت شهلة ووقعت في غرام وعشق حوافر الخيل.حت ولات تتعرفهم وتميزهم على باقي الكائنات

امام باب الاسطبل .جوج ناس تيستارقو السمع .. الحاج بوشتة وفي ايدو حنين لي تبعت ماماها ولكن حبسها جدها باغي يخليهم يهضرو شوية لعل وعسى يتصالحو.. لكن هي تتفركل وبرزاطاتو.. يله باغي يطلقها تمشي لعندهم حت شاف شهلة.قربت من بكر.ناوية تبوسو في خدو كقبلة اخيرة كيف قالت ليه

_ هانمشي بهالي … . قمع قربها منو وناض وقف بالخف حت جاتو الدوخة ومد ايدو باغي يشد في شي حاجة . مدت ايدها تتساعدو وهو ينطرها… غمض عينيه وقال

_ سيري بحالك اشهلة والا والله حت غادي نبرد فيك دمي لي تيغلي بطريقة ندمو عليها حنا بجوج….شافتو فاقد توازنو دورت عينيها فيه وقالت

_ نت مريض اكيد..؟؟ ..دور وجهو لعندها مادو بغيض وعصبية مغزز وقال

_ شكون سباب؟؟اا شكون؟ . شارت لي نفسها بلا ماتهضر ..ظحك باستهزاء وقال

_ الواحد مايأمنش ليك..بالمرة خنتي التقة لي رجعت عطيتك اشهلة ورجعتيني شماتة قدام العالم كامل. رجعتينا لنطقة البداية لصفر اشهلة لنقطة لبداية ..زعزعتيني گاع داك الامان لي عشتو معاك هاد الشهور محتيه اللالهم .. رجعتي لديك شهلة لي ماتتسوقش لحت لواحد لي بغا يتحرق يتحرق ولي بغا يدفن يدفن..رجعتي فيا الرعب .. اول ماسمعت كلمة مرتك تتبورد مع سربة فلانة ..عرفتي باش حسيت. هنا؟؟ شار لقلبو ..حركت ليه راسها بلا .بحزن على شفايفها ..كمل كلامو وقال: تطعنت ..تدبحت .. .تحرقت ..تهزيت من ارضي وانا تنحاول نستوعب شنو درتي.. خرج ليا العقل ونا تنقول مايمكنش مايمكنش ديرها مستحيل ..هي لي بينت ليا انا هو حياتها ومستحيل دير شي حاجة بلا خباري..كيف تتسولني على ريحتها لي ترش على لحمها..عرفتي اشهلة ..مابقيتش تنعرفك ولا نقولو ماقدترش نعرفك كيفاش دايرة ولا كيفاش تتفكري رجعتيني لحالة الخوف لي عيشتيني فيها من شحال هادي ويله بديت تنقول لحمد لله بديت نبرا منها حت رجعتني لنفس الدوامة..غدرتيني اشهلة وحرام عليك…بغات تقرب منو ..دموع عينيها تجمعو وتحجرو وحمارو..ولي غرابة الامر جمال عينيها تيزيد يبان ويلمع الى كانت بغات تبكي…هز صبعو حدرها

_ ماتبكيش عليا الله يرحم ليك الولدين..درتي غلط تحملي مسؤوليتك .نت ماتتعتابريش هاد عبدو ربه كاين وماتتحسبيش ليه حساب..صافي اختي الله يعاونك الالة سيري ديري لي عجبك اما انا شبعت صدمات منك الله يجعل شي براكة لا اله الله محمد رسول عليك.. تمتمت بفم مليء حزن وعيون باكية

_ مهمد رسول الله….خلاها واقفة في بلاصتها وطلع بشوية عليه تلاح في فراشو مريض عيان.. حت سباطو ماحيدو .مليوح فوق السرير كيف البطانة ديال الفيل. غ تلاح راسو مخشي وسط المخدة نعس بعمق ..دخلو عندو ولادو ماجاب ليهم خبار شحال نقزو فوقو . وهو ماكينش حت شكو واش حي ولا ميت..نزل كريم وحليم فيهم جوع تيغوتو تابعاهم حنين …شهلة حبستها لالة خدوج هي وهبة باش ماتمشيش حت لشي بلاصة حت يعاود ينزل ويهضرو معاه مجموعين..جلست معاهم في الصالة حت دخلو الدراري شي يتشكى وشي يعرنن وكلوهم ولعبو معاهم تحت اسئلة شهلة لكريم

_ باباك ناعس؟؟ .. تيجاوب براسو حت نطقت حنين وقالت

_ بابا سحون بزاف .. انتابهت ليها لالة خدوج ورجعت سولتها

_ بابااك مالو ابنيتي؟؟

_ سحون فيه فوفة في فمو …ناضت قافزة..مشات طل عليه لقاتو فعلا مريض .تيترعد …

.. مشات شهلة قبل مايادن المغرب مع باها لدارو وخلات روحها معاه من بعد ماعرفتو مريض..مشات معاها حنين … داز الغد ليه تتراقب تلفونو واش غادي يدخل واتساب ولا لا بغات تصوني ليه ماقدرتش.. غ هازة في ايدها تلفون باها وحاضية اخر ظهور لعندو ومسنية فوقاش يحلو ..داز نهار اخر والو حت خبارو ماكينش من عندمن تعرفها .حنين رجعت لعند باها نهار لاخر مع جدها بوشتة غ وصلها ليهم ورجع حت انه ماسولش عليه كيف بقا تحت وصية منو فاش قال ليه عاون بنتك تخرجني من راسها مابقاش باغي يجبدو ليها ولا يعاتبها كل ماشافها في حالة شرود وحزن يقول ليها

_ الى كان باغيك يطيح في الجمرعلى قبلك .هادشي لي نقول ليك..الغلط منك والصلح منو نت طلبتيه وهو رفضو ادن ماعندك ماديري ترجعيه ليك بالسيف لا بالحزارة لا بالدل لا عزي راسك ابنتي وقد ما طال الزمان ولا قصار غادي يبان علاش ناوي ولي سامح مرة وجوج يسامح الف مرة هو ماعندك ماتلوميه ولي دارها في حياتو شغلو هداك حت واحد ماتييبغي واحد بزز الى جا عندك واشتاق ليك راه فعلا باغيك ولعاند وكابر وهز مناخرو لسما راه حرامت العيشة بيناتكم نت قلتي ليه سمح ليا مرة وحدة صافي والمقدم ماشي من الناس لي تييتعززو في الصلح باش يخلو الواحد يطلب ويرغب فيه لا..راجلك ابنتي كلمة وحدة تجيبو وكلمة وحدة ديه صافي . فك البلوك من تلفونك راه غادي يهضر معاك مانواش ماعندك مادير لو …سمعت كلامو بالحرف الواحد وكل ما وسوس ليها راسها تهز رجليها وتمشي لعندو تفكر شوفاتو لنور وترجع تهز كتافها وتجلس الارض حت قرر يحط النقط على الحروف….

اسبوع وهو في بيتو مريض ومامريض باغي الراحة لقلبو ماشي لجسدو ..كل ماحاول يخرجها منو ووسوست ليه نفسو ان شهلة زبايلها ماتيتحدوش ومن هنا لقدام علم الله اش غادي تجيب ليه من مصيبة تيخلي البلوك معلق ويرجع ينعس .. اليوم فاق بكري دوش ولبس عليه سيرفيت في الكحل بخط في جناب ديال الكمام ببلو كلير وسبادرية كحلة . حط طاقية على راسو وخرج تيشم الهواء ويطلق نظرو لبعيد خرج من الفيرمة ديالو غادي ويخمم حت وصل لباب الفيرمة ديال باها على رجليه.

وقف عند الباب الاول اديه في جيابو..منوي باغي يدخل .وفي نفس الوقت باغي يرجع بحالو… السور لي داير بالدار عالي شوية لكن على وقفتو.. شي شجيرات تيطلو بغصانهم الفتية عليه. ..خرج ايدو من جيبو…جبد تلفونو فك البلوك..ودوز نمرتها .. بنفس العقدة بين حجبانو لي فارقها بيهم بنفس الملامح لي تيصوني بيها. . خط عريض تيتوسط جبينو …حيرة وخوف وعدم التقة بنفسو قبل كلشي . …جاوب الطرف التاني بضحكة جميلة .حفرت الغمازة لي تتوسط خدها الايسر . عيونها تيشعو بالفرح ..اول مافقت من النعاس وحلات عينيها فاجأها باتصالو…ردت بسرعة … وهي مزال مخشية تحت غطاها

_ هاي . صباه الهيييير .. رد بصوت هادي وكانه تيستنشق صوتها

_ صباح الخير ..فيك مايخرج عندي لبرة ؟ .دورت عينيها وجمعت رجليها وناضت قافزة معترة في مانطتها .وعوض تحط رجلها على على الارض حطاتهم على طرف السرير وزلقت بيها الرجل وجات مكروعة تسمعت عندو

_ اااي … وقفت بالخف بحال الى ماطحتش نص في سروالها هابط تيتجرجر مع رجليها .. حلات البيت وخرجات حفيانة كيف عادتها .شعرها طاير لسماء عينيها منفوخين .خدودها طالعاهم حمرة ديال النعاس …..حلات عليه الباب… وقالت بظحكة رنانة اديها في السماء .

_ هاااي.. لاح شوفاتو لجنب لبضع تواني ورجع هزها من رجليها لحت لاخر شعرة وواقفة مع ختها ..شافت نضراتو وهي تهبط عينيها لرجليها ورجعت الابتسامة بالعرض البطيء وقالت

_ سووري تفاجات باتصالك كان عليا نكون في كامل الزينة ديالي ولكن شوقي ليك واشتياقي الكبير هلاني نهرج هفيانة عريانة .وهدا دليل على مقدار هبي العظيم ليك..فلوسمهت تقبل اعتداري وتقبل مانا عليه اهيانا تنفكر بدافع الهب وتننصدق مهربة كلشي ( مخربة كلشي) ..جمعات اديها بجوج عند دنقها تتوسل وكملت كلامها: انت انسان رائع انسان هلوق انسان جيد وانسان كريم ومتواضع واهسن واهد في هاد الهياة وقلبك كبيييير قد هكا…سرحات ايديها تتعبر : فعلا الفت العيش معاك بغض النظر كوني هبيبيتك وزوجتك لكن هياتك نت كانسان في منتهى الروعة .. تتجعل الكل ينهني ( ينحني) اهتراما ليك( احتراما) هبطت راسها ليه وقالت: بكر صراهة متااسفة بزاف على لي وقع ماكنتش بغيت نهطك في موقف هايب ولكن..هزات عينيها الجميلة فيه وقالت: شفت نضرات الاعجاب لتلك الخيالة نور وقررت نولي بحالها حت نال نظرتك تلك… زاد كمش عينيه حت بانو ليها داخلين وعرفت ان جملتها الاخيرة هي بيت القصيد ..هز ايدو حك بيها نيفو تيتفكر الحلقة لي جمعتو مع نور بنت الريساني وشهلة ومنين جابت هاد الهضرة حت قاطعتو

_ كان هلمك تكون زوجتك خيالة ؟ على زاوية فمو .بلا مايينطق..قربت منو وقالت

_ انا وليت خيالة واجمل من دالك وليت بهالك نت ادن الفهر(الفخر) كل الفهر ليك ياسيد الفروسية واروع الفرسان… . تنهد ..ابتاسمت بدون ماتعرف شنو غادي يقول حمر فيها عينيه حت جمعت الضحكة .نطق بجدية وقال

_ صراحة ابنت الناس نت مجهدة عليا..بزاف عييت نحاول نكون بحالك ماقدرتش تفكيري الى دار ومشا وجا وخمم تيلقا راسو غ تيدور وسط السواق تيقلب على شي هميزة صغيرة عود ولا جدع ولا گاع فكرت بعيد غادي نمشي لصحراء نجيب النحاس ولا نشري ارض ونقلب ترتبها بايدي ونشوف اشمن غلة تجي فيها وشحال ديال الرباح هاد العام..اما باش نكون جالس مابيا ماعليا حت نلقى راسي في بلاصة ماعمرها جات في بالي مستحيل.. تنخطي خطوة وتنعرفا فين غادية وشكون غادي تنفع وشكون غادي ضر فقط …هدا هو بكر مول الخيل فقط..نت الالة شهلة في حياتك ماغدا تحدي افكارك معايا ولا تقمعي شي رغبة وتقولي لا هداي امرات المقدم هادي ماتليقش بيه هو مانديرهاش انا.. .سكت لبرهة وكمل كلامو وقال

_ هضرتي على حلمي وقلتي بغيت مرتي تكون خيالة شكون قالها ليك ؟ فين عمرني شركتها معاك ؟ ربعت ايدها وقالت

_ وشادي لي كنت غادي توزج بيها هيالة ولا ماشي هيالة..؟؟

_ فادي ماشي شادي لواه ؟ كنت غادي نتزوج بيها لانها كانت تتبغي الخيل ماشي حيت خيالة وهدا فرق كبير …نت دخلتي تبوردي حيت شفتي ماشفتي ..وهادشي حيت نت مزاااال برهوشة.. شافت فيه باستنكار ماعجبهاش كلامو ..حمرت فيه عينيها ..كمل كلامو

_ شنو تتخربقي نت ؟ شفت في فلانة ولا علانة اش هاد الهضرة.. كنت تنشوف في انسان راكب على عود ماعتابرتها واش بنت ولا راجل ولا جن گاع ..شار لواحد الفروج كان تيتسارا حداهم وقال: هداك المخلوق لكان تيركب على الخيل غادي تلقايني تنشوف فيه نفس النظرة اش تتخربقي نت ؟ … ساد الصمت بيناتهم لدرجة ولات غ دور في عينيها وهربانة من شوفاتو …حت قال

_ ماعلينا …جمعي حوايجك ورجعي لدارك عند ولادك. الى بغيتي؟ شافت فيه بحب وقالت

_ وعندك؟ نت !! دار عطاها بالظهر وقال

_ مزال ماسمحت لليك عليها .

طلعات سروالها لحد كرشها .وشطحت على طريقة الارانيب راجعة لبيتها وتشطح وتصفق … لبست تريكو ظلهيك كةيل وعريض مفتوح. فوق البيجامة.. دورت شال على راسها .خشات رجليها في سباظرية طالعة… خلات رسالة فوق الطبلة وخرجت تتجري ماجا فين يوصل حت لقاها عند رجليه.. وتصفر ..دور وجهو لعندها غمزتو ومشات تتلوي في رجليها ودور لعندو وتشير ليه حركة مرحبا …مسافة طويلة بين الفيرمات بجوج .غادية ودور بجنابو كيف القطة .تقطع حسو هو حت شوفاتو بعاد عليها مخليها تتنقز وتفركل غ بوحدها .حت عيات وتبعت خطاه من وراه ..وصلو استقبلتهم هنية والدراري وتبعوها فين حاطة الفطور سخون .جلست مع الجميع كان شيئا لم يكن لكن ماسلماتش من نصائح حماتها .وانه ماعندها مادير بشي تبوريدة ولا سيدي زكري راه الى بقات طير بحال هكا غادي تيتم ولادها اما الفراق راه مايفرفقهاش …لكن ماعرفتش ان بكر خدا موقف من شهلة الشي لي خلاه يهجر الفيرما ليل ونهار حت يتقطع حسها وتنعس عاد يرجع …ماعرفتش ان غداه وعشاه تيكونو في الدار لي كان بنى ليها شحال هادي وحت النعاس تينعس فيها… خلاها تشتاق ليه نيت لدرجة ولات غ معصبة ..حاولت تبعو لكن الميدان ميدانو حافظ مين يدخل ومين يخرج علمتو فن الاختباء ولاى هو سيد اللعبة بل كتر من دالك تيعرف يهجر ويخلي الواحد يشتاق ليه ويترقب وصولو….

فكرت حت عيات وحضات حت عيات رباها على فعلتها وحرمت ماتبقا دير شي حاجة بلا خبارو حت انها حلفت مابقات تغير عليه ولا يهمها امرو .خاصة فاش شرح ليها باباها مبدأ تعدد وأن في الدين الى كان الراجل قائم بداتو وقادر يفتح جوج بيوت ولا تلاتة ولا حت ربعة فهو تيطبق شرع الله .وحلال عليه .رحبت بحكم الله وقالت ماعلش كل القلوب تهوى والى قدر يبدلني او يحب شي وحدة بقدر الحب ديالي مرحبا ماقدرش ادن حبي الغالب .فبعدت مفهوم الغيرة ..وخلات الاشتياق ليه مبدا عطاء منو واهتمامو وبغات ترجع تشوف بكر لي تيسول على ماكلتها وشرابها ونعاسها..هاد الموقف لي طرا كان في الصالح ديالو هو قبل لانه نقص من فرط ومبالغة والحرص الشديد على حياتها ورجعت بالنسبة ليه حبيبة ينبض القلب ليها فقط وان لا كانت مكتابة عليها شي حاجة فربي مقدر ومكتب كلشي… داز اسبوع اخر ماتجمعش فيه راسو مع راسها على سريرهم لي خواتو هي سيمانا وهو جوج…الشي لي خلاه يتحرق شوق لسريرها وريحتها وانفاسها لكن صبرو طويل وهمتو عالية. عكسها هي لي ولات غ تتسب في خاطرها وجميع رسائل العتاب تكتبت باللغة غير مفهومة ليه ماعرفتوش واش تيقراهم ويترجمهم ولا غ تيفتهحم لكن هو عمل ليهم ترجمة ولا وحدة هزتو وخلاتو يتزعزع من بلاصتو بالعكس كل ماكتبت ليه توحشتك يقول في خاطرو زيدي مزال .. حت طفح الكيل بيها وعملت عراضة بمناسبة عيد ميلادها وخلاتو هو من المعروضين في نهارهم ..

.اليوم ظل في السوق ..جالس في طموبيلتو منغم بصوت فاطنة بنت الحسين..صينية ديال اتاي ببراد علي بابا في الصفر مع جوج كيسان وطبسيل ديال الحمص طايب وهاري وخبيزة ديال الدرة وزويتة بلدية ..تيعمل بيهم كاسكروط مع ربعة ونص ديال عشية ..حت وصلو مساج…《 هاي ابو حنين .اليوم عيد ام كريم وحليم .. الى كنت مهتم بامر ام اولادك عليك الحضور متل البقية . 》 .سد تلفونو من بعد ماقراه جوج المرات ولاح شوفاتو تيتفكر شنو ليوم .

تجمعت عائلتها ..مع وليداتها.. لي طلباتها حضرات من حلاوي وزينة …وتهلات في راسها مزيان. شحال مابقات مشات لصالون حت ليوم فرحانة براسها وباول عيد ميلاد غادي تحتافل بيه مع وليداتها وحب قلبها وسط عائلتها …من بعد ماقاضت شعرها وضفارها بلا مانهضرو على المسائل الاخرة ….تشرطت على مولات الصالون ولكن فاش بغات تخرج فرحتهم .. من طبعها ولي ورتاتو من باها سخية بلا قياس تعطي لي خدمها ولي تسخر ليها ولكان شي واحد حضر لخلصة ماتخليش عينيه يشوفو على الخوا ضروري ماتخلي ابتسامتو عريضة .. ركبت في طموبيلة باها مع بنتها واليكسي … تتدور المرايا عندها حاضية وجها وشعرها لي وصل ليها لعند كتافها فاش سرحتو … راجعة على امل تلقاه في الغيرمة مع شي كادو وينهي الخصام ويبدا معاها عامها الجديد بالصلح .. عجبها الجو عيد ميلاد مغرببي بالطبالة والغياطة والبيفان يشطحو على موسيقة شعبية كلشي مختالف على سالف الاعياد.. بنات عماتها حاضرات من بينهم سارة لي طاحت في منصيف طايحة خايبة ولا ت تتحجج بشهلة وتجي لعندها باش تبقا تسول عليه وعلى احوالو وخا بطلتنا زرقة في نقيل الخبار لكن لي قالتو لسارة راضية بيه وخا غ تجبد سميتو قدامها متلا مشا بكر لسوق مع منصيف ..يالعجب الفتيات .جملة بسيطة لكنها خلقت سعادة لا متيلة لها في قلب الحبيبة العاشقة الهائمة بحب احدهم وان كان لا يعلم له سر .. لبسات حت هي قفطان زوين على شكل غوب بطرزات في جناب بحال شهلة مختافلين غ في الالوان. لانه لعمات شهلة ولا عيبات عماماها تينساوها من شنو تيخيطو لبناتهم اعتابروها وحدة من بناتهم خاصة لان خير الحاج بوشتة سابق من زمان ولحد الان وبلخصوص فاش شرا فيرمة ولاو جميع العراضات والمنسابات عندو فيها ولي بغا شي خاجة سير جيبها من الفيرمة..الدجاج البيض البلدي زيت .زيت الزتون الخضرا.. حت الحاج مولوع بالترات المغربي..وكل ماهو تقليدي حت حاجة مابقا تيجيبها من السوق حت الطحين..شرا مطحنة صخرية الي تنسموها بالرحى اعتابر معجزة شفاء بنتو من مرض السرطان دافع قوي باش يرجعو لتغدية القديمة الي خالية من المواد حافظة ومشا على نهج ابو بكر ..قطع السكر والطحين البيض ولا عايش عيشت نسيبو خلصة فاش لاحظ فرق كبير ان الطونسيو مابقاش تيطلع ولا خفيف في الحركة ….

..توسط اليل وبدات الهمسات بين عائلتها بعيد على عائلتو لكن واحد المتل تيقول الى بانت المعنى نقص اللغا..طفات الشموع وقسمت الحلوى .كلات منها هي وولادها ظاحكة ناشطة . بعيدها وبجو الحفلة .. خلات العتاب من بعد حاليا عاجبها كلشي بحال الدراري الصغار.. لعبت مع ولادها بالزوايات والقبعات وفتات الاوراق الدهبية البراقة وطرطقو البالونات ..

سالات الحفلة … عاد جاي يجر في رجليه .داخل مع الباب .بجلابة ديال الصوف مخدومة باليد تيلبسها في السواق . القب على راسو تحتو طاقية.مع سباط طالع ..خاشي اديه في جيابو .ريحة الغنم عاطية من بعيد ..كان يشارجي مع العمال الحوالة في الكاميو .حت سالة وقالها ليه راسو عاد تفكر راه شهلة دايرة حفلة ..جاي يشوف شكون حضر وشكون لا.. لقا السلام ولوح بايدو على الحضور.. وقف منصيف وسيراج ورشيد سلمو عليه بوجهم. … تكا على الباب الصابة وقال

_ لباس عليكن نهار كبير ظحكت معاه مو فقط اما سي عيسى هز في خاطرو . على التعطيلة لي دار لمرتو وعلى الحالة لي داخل بيها . شاف فيه ولاخر فهم المعنى وقال

_ سمحو ليا سيادي الدار داركم عيان شوية خليت ليكم الراحة… دار عطاهم بالظهر وبدوك الكتاف العراض لي زادو بانو مع الجلابة ..طلع لبيتو ..ريحتو نقية وفراشو مريح بلون غطا متير دور عينيه في البيت تلاحو دكريات جميلة مع شهلة .. حك جبهاو ومشا لماريو تيجبد حوايجو مع طرطرقة بصباعو .. دوش وبدل حوايجو وتلاح فوق السرير مقلوب على كرشو تيحاول ينعس لانه فايق قبل الفجر ونهار كلو وهو النعاس شادو من رقبتو لكن جابو حت لفراشو وغبر ريحة شهلة ومخدتها خلقو ليه ازعاج لديد وشعور بالحنين غالب على شعور بالغضب .

تقلب في فراشو وهو ينفض عليه الغطا ونزل من السرير لبس بلغتو في رجليه.زادو كابيتشو على كتافو بالقب وهبط مع الدروج…سمع جماعتهم مزال وهو يخرج لجردة.. قطف وردة بيضة ..وجابها في ايدو طلعها لبيت حطها فوق مخدتها ورجع تكا في بلاصتو . اديه تحت راسو بجوج.. طافي الضو ..تحل الباب… دخلت بقفطانها الجميل وصندالتها العالية . ومكياجها الرائع. غاية في الجمال.والدلال…وقفت في الباب شافت في السرير ضنتو ناعس .خلات الضو طافي ومشاات لدوش سلتت عليها الحوايج مسحت المكياج…غسلت وجها بقات غ بي الملابس الداخلية.. مابغاتش تشعل الضو حت تقلب عليهك فضلت تمشي لبلاصتها نصف عريانة… دخلت تتسحب لبلاصتها غ بشوية مابغاش تشوف جيهتو ولا تقرب ليه .حطت وجها على المخده وهي تنوض قافزة

_ اااي . شنو هادشي ؟؟؟ تلفت ليها ..هزات الوردة وقالت

_ فلورا ؟؟؟ عرفتو هو لي جابها وهي ضربو بيها لوجه وقالت

_ جايبها بشوكة شنو تتنتاقم مني؟؟ بصوت دافء قال

_ مانتابهتش سمحي ليا .. مدت ايدها فين لاحتها تتقلب عليها جات ايدها في وجهو بين الشفايف والدقن خرمجت ليه وجهو تتقلب عليها حت لقاتها هزاتها من فوق صدرو وقالت

_ اوكي مسامهاك….شمتها وابتاسمت : اشمن لون؟

_ بيضاء ..تلفتت جيهتو واخا تيبان فيه غ السنين قالت

_ علاش جبتيها بيضاء ؟

_ حيت تترمز لبزاف المعاني..رجعت شماتها وناضت شعلت الضو ورجعت تكات حداه بجنب تتشوف في الوردة في حين هو هاز عينيه لسقف ….باستها وحطتها على شفايفو وقالت

_ استقبل قبلة مني على اوراق الورود . . حرك عينه لعندها بلا ماينطق ظحكت وقالت

_ مشتاقة لقبل ديولك ولكن معلش غ صيفطهم عن طريق مرسال جميل دو رائحة فواحة.. حركتها فوق شافيفو وقالت: شكرا قبلة خفية ..رجعت شماتها مع ابتسامة وقالت

_ تغيرت رائحة واو رجع قبلها بليز حطتها ليه على فمو مسنية منو شب حركة لكن والو جتة هامدة ..طالت شوفتو ليها وتاه في جمال وجها ماحسش بيها حت قربت منو وحطت شفايفها على الوردة وباستها..خلات تفاحة ادم ديالو تحرك ..رجعت لبلاصتها وعطاتو بالضهر وقالت

_ تصبه على هير وشكرا على الهدية .. جرات عليها الغطا..ساد الصمت لبرهة حت كسر الصمت وقال

_ هديتي ليها معنى وهي الشفافية والصدق والوضوح اشهلة الوضوووح.. ردت عليه وهي مزال في بلاصتها

_ شكرا على تفسير لون الوردة …ناض من بلاصتو وجلس الارض شد ليها في دراعها ودورها لعندو

_ جيت نعست معاك ليلة في نفس الفراش دليل على اني بغيت نبدا معاك صفحة جديدة اساسها لون هاد الوردة ولكن تنضن اني غالط وانك نت عمرك تعطيني حبل الامان ولا نعس على جنب الراحة معاك.. .حدرت عينيها وهو يخزز صوتو

_ شوفي فيا.. هزات فيه عينيها بالخف

_ فوقاش غادي نولي انا هو محور حياتك .كيف مانتي؟؟ اا فوقاش غادي ديري عقلك معايا اشهلة ..ردت عليه بكل صدق وقالت

_ قلبي عطيتو ليك كلو ولكن عقلي فيه شي هاجة ماتنتهكمش فيها ..

_ الى ماقدرتيش تحكمي فيها سوليني ديما تنقول ليك سوليني اشهلة عل اي حاجة تتخصك وت تتخصني شهلة راه والله حت فعايلك الغراب تيمرضوني ..شهلة راه تحدو ليا معاك راه عيت مانعطيك مبررات ونزيد ولكن اشهلة راه بزااف .. ردت عليه مربعة ايدها

_ قلت ليك بغيت نولي هيالة ونت ظهكتي عليا ..رد عليها باستنكار وقال

_ ظحكت معاك ماشي عليك..عارفك تقدي عليها وتفوتي التبوريدة لهيه ولكن ماشي بالضرورة تكوني تبوردي باش نبغيك شهلة تبرهيشك هدا حيديه معايا.. راه بيناتنا وليدات اشهلة ..بغض النضر على لي بيناتنا ولي عشناه …مدت ايدها لخدو بصفعة خفيفة وقالت

_ شوش ابكر .شوش هلينا نعيشو الهب فقط.. فقط هاد ليلة نساو كلشي يس تنعتارف غلطت ولكن اهتارمت كل مقايس المراة المسلمة ..حسبت ليه بصباعها: ماعريتش شعري ماسلمتش على الرجال..مارفعت صوتي قدام الغريب.. شد ليها في ودنها وجرها لعندو وقال

_ ولكن درتي دنب كبييير ..وهو مشيتي وسافرتي بلا خبار راجلك وهنا راه دنب واشمن دنب هزات فيه عينيها الجميلة وقالت بخوف

_ لا مستهيييل !!

_ اااه اشهلة المراة خاصها تعلم راجلها فين غادية يله باش غادي تكفري عليها هادي ؟؟ من داكشي كلو ليقريتو ليك على الدين ديالنا شديتي غ الى حلفتي وحنتي خاصك تصومي . وحت هادي قلتها ليك شال من مرة ولكن نت غ زين ليك الشيطان الفكرة في راسك ووسوس ليك راه فلان شاف في فلانة شوفة عوجة نضتي حرقتي ليا دمي ماحشوماش عليك… شدات ايدو وجابتها لقلبها وقالت

_ سوووري هبيبي بليييز سامهني بليييز .

مدات اديها بغات تعنقو ..شدهم منها ورجعهم وراه كارز عليها.مقصحها .راسها تحت دقنو بابتسامة عريضة وفي نفس الوقت مقصحة.من قبضتو. غ تتكركر…هزت فيه عينيها جامعة حجبانها بتوسل. طالو شوفاتو لنظرتها فيه وجمالها تحلت شفاه على الاخرى بنصف ابتسامة مع تنهيدة وقال

_ والله اشهلة شحال بغيت نسامحك من قلبي ولاكن فعلتك تتخليني نتراجع . حيت اشهلة راه ماااشي معقول لي درتي ..واش عارفة ولا لا..حركات ليه راسها بنعم غمض عينيه برهة ورجع فتحهم وقال

_ مابغاتش دخل لي لعقلي ومابغاش يتقبلها والله المصيبة الى كنتي مشيتي فيها على بوند كنت غادي نحلف ليك بالطلاق ولكن عينيك هادو تحطو قدام عينيا ..فعلا اشهلة راه ضيعتي تقتي بيك من جديد . ومابقيتش غادي نعطيك الامان ولا تحلمي بيه ديريها في بالك.هادي …فك اديها وجابهم لعندو حاكمهم بقبضة قوية: غادي تولي تحاسبي على اي حاجة درايها وغادي تعاقبي عقاب شديد .في هادي بعدة راه ماهنساها ليك غ وجدي راسك . بريبة قالت

_ عقاب؟؟ حرك راسو بالايجاب..ظحكت بخوف وفي نفس الوقت بحب

_ هتعلقني في شجرة؟؟ ..حرك راسو بلا . غمضت عين هازا لاخرى لسماء تتسول في راسها ظحكتو وقال

_ واخا تفكري حت تعياي ماغاداش طيحي فيها غ صبري يصبح ويفتح خاص هاد الفعايل فيك يتحدو .. بالخف فكت ايدها منو وعنقتو تتوزع وتتبعتر بوسات على كتفو وصدرو وتطلب السماحة

_ اووبس وهق الله صافي هق الله ماهنعاود الهبيب ديالي …دور راسو . على التحزار تتعطيه صلية

_ رجعي بلاصتك الحزيزيرة ونعسي.. هزات راسها فيه تتدور في عينيها بسرعة وقالت

_ كيفاش نعسي؟؟ .. هز زاوية فمو وقال

_ بغيتي تشدي العسة على طيور ليل ولا شنو؟

_ نوووو هبيب ..مانعسوش .. .حركات كتافها تتشطح بيهم ومؤخرتها وهي مربعة رجليها وقالت بصوت حنون

_ ليلتنا رومنسية. ليلتنا ليلة عرس ياهبيب .اجي لعندي جراتو من كولو ديال تيشورط والتاهمت شفايفو بقبلة طويلة..خلاتو يهزها بايد وحدة ويقادها مع الفراش..مع ابتسامة عالية ابتسامة نصر منها…..

. فاقت حنين تتدمع وتحك في عينيها مع الفجر..مفزكة حالتها حت لصدرها .. من زمان مابقات عملات ليكوش عكس خوتها لكن في الحفلة شربات بزاف ديال العصير والموناضة خلات فراشها يعوم.. تتغوت وتعرنن فيقت حليم وكريم وهي تتعيط مااما …شكون سمعها غارقين في النعاس.. حت لودنين… هبطات من سريرها ونزلات مع الدروج تتغوت وحت واحد ما جاب خبارها ..خرجات مع الباب. ..ضو الفجر بدا يبان والفريرجات تيصيحو .. تبعت صياح الديك تتقلب عليه ..خرجات الجردة ومن الجردة مشات لجنان حفيانة …شافت ارنب تبعتها وهي غادية وتابعة لي شافتها قدامها حت وصلات بيت الكلاب .ودخلات ليه . تتلعب بديل واحد فيهم وفروتو.حت جاها النعاس وتكات عليه ونعسات…فاق الجميع تيهب ويدب ويجمعو في الروينة ديال الحفلة… بيدما فاق بكر وشهلة وتحط الفطور… نزل حليم وكريم تلقا ليهم سي عيسى تيسول على حنين..جاوبو كريم

_ باااح حنين..باااح. ظحكو على كلامو كاين لي قال راهها مع باها ومها وكاين لي قال غ هنا ولا لهيه .. تحط الفطور..فاق المقدم وشهلة دوشو ولبسو حوايجهم وجاهم حمرين وودنيهم فاظحينهم .قراتها سليمة طايرة وهمست في ودن عكوزتها

_ تصالحو على سلامتهم…. صبح بكر عليهم دور عينه في الحضور وهو تير انتباهو حنين غابرة تلفت لشهلة وقال

_ حنين ماكيناش ؟ دورت عينيها في الحضور لي مجموعين على الطبلة وكل واحد ملاهي مع حاجة الصباح هدا الواحد تيفيق فيه الجوع او دارو راسو باغي يتنغم بكاس ديال اتاي . هز سي عيسى البراد ديال اتاي تيخوي ليه كاس برزتو وهو يقول بصوت عالي ومسموع

_ نتوما فين غابرة علينا حنين؟

رجع طلع مع الدروج جوج درجات في خطوة وحدة.حل لباب بالخف عينيه لسريرها ودارو مع البيت رجع ادراجو تيعيط..من عادتها السيئة تتكون تلعب تحت شي طبلة ولا في شي بيت ولا دخل الماريو تقطع الحس وخا تسمع سميتها ماتكلمش وماتقولش نعام وديما واكلاها على اديها من عند بكر على هاد التصرف ومع دالك ماهداهاش الله تسمعك تهز عينيها وتكمل على لعبها ..قطع الحس وبدا يقلب بيت ب بيت صالة ب صالة حت بدا يتخلع ..لي كان ناوي يفطر وشاف بكر مزال تيقلب ولى تيقلب معاه.. بدا يطلع معاه الزايد البنت ماشي في الدار.. خرج تيجري الاسطبل تبعوه تيقلبو معاه الالة خدوج تبعاه وتنگر

_ الله ياولدي شحال ديال الخراشش عندك فين نقلبو عليها فين ؟؟ وفعلا كلامها كلو على حق ..وخا يضل يقلب مايحد دارو باسطبلاتها ولا ب المستودعات هاديال الحبوب هادايال العلف ها ديال التبن..ها الزريبة هاخم هاد بلاصة الحمام هابلاصة الارنب . الواحد غ لنوا يحسب شحال فيها من باب وحيط يعيا….قلب حت عيا ورجع الكاميرات …مابنتش ليه ومن زهرو وسوء حضو دازت من جناب الحيط والكاميرات ماشدتها حت وحدة الشي لي خلاه يرجع يقلب الدار ويفليها حت شحف..كلشي تخلع الا شهلة لي قالت

_ ربما كانت تتلعب في شي بلاصة ونعست بحالي هت انا كنت تنعس في اي بلاصة غ قلب ابكر وغي بشوية وماتهافش عليها شاف فيها مخنزر

_ البنت غابرة ساعتين هادي وعيت بتقلاب ونت تتقولي ماتخافش عليها.. شافت فيه بالمتل وقالت

_ هي ماعندهاش جانوه باش طير ساو غادي تكون غ هنا ..تكالمة وقلب بالعقل .. مابقاش جاوبها والا غادي يرجعو في قطيع شد ليا نشد ليك.. . رجع فلا الماريوات وتحت الطبالي..سخفتو وعرقتو وبداو الاحتمالات الخايبين يطيحو ليه على بالو واي قصة سامعها قديمة على اغتصاب الاطفال وقتلهم بدات تجي ليه في بالو.. خرجو عينيه ..وتغيرو ملامحو ولا غ يتيسوط ويلوح. خاصة لي جا من برة يقول ليه ماكيناش ولي هابط ولا لي خارج من شي قنت يقول سرطتها الارض…تفلات الجردة والجنان وبدا في البحت مع كل واحد

_ حليتي الباب نت؟؟ معاش خرجتي ؟؟ .. وصل الظهر والبنت غابرة ها السكر بدا يطلع والطونسيو بدا يهبط ..ولا شي يشوف في شي ..حزم راسو بعمامة وخرج من جديد تيقلب تحت الشجر تقول تيقلب على برة ..طال البحت..فاقت وبقات جاللسة مع الكلاب..حت شمو ريحتو وخرجو تيجرو وينبحو تبعتهم تتجري حت هي..هز عينو في الكلاب وهي تبات ليه تابعاهم وتتجري خلف خطواتو ولعندها خفف مشيتو مهرول غ قرب لعندها هزها من شعرها .. تحت صرخة منها ..من بعيد شافوه خوتو ومعاهم شهلة ..جات لعندو تتجري .. حنين تتفركل برجليها وشهلة شادة ليه في ايدو بغاتو يحطها

_ هراام ا كصهتيها بكر بكر بكر…. عاض في شنايفو.. شد في شهلة من دراعها طلق حنين من شعرها وشدها حت هي من دراعها .. وحدة صراخها في سما ولخرا تتطلب وتزاوك حت وصلهم لدار ..دخلهم لواحد البيت مافيه لا زربية ولا مخدة على الضس .تيحط فيه السروجة لي مخدومين وسلاهم . دخلهم بجوجات وشاف فيهم محلف عليهم ..جار الباب وراه

_ والله نت وبنتك لفتو هاد الباب غ لما قلتي هادي والتوبة .

رجع ..تيضرب ايد مع ايد .. ويخبط ويهشكر برجليه . دخل الدار . لقا عائلتو مجموعة وتيحمرو في عينيهم ويشوفو في بعضياتهم غ بالتغاميز . خيب وجهو فيهم . جمع شوفاتو مع تكميشة في جبينو وقال

_بغيتو تغداو وتشدو الطريق . قلبو عليه بغيتو تزيدو خلفة دابا الله يعاون ….حشمت الالة خدوج قدام نسابها وشدت في خدها مغطية فمها . . مشا الكوزينة تيعيط بصوت عالي

_هنية هنية..جات تتجري وتمسح في ايديها مع طراف طابليتها المزوقة بالكاروات .. وقفت في الباب تترعد . شاف فيها مخرج عينيه

_ كاس ديال الما مايخرجش من هنا سمعتي؟؟.. قوس عينيه ..تيتحلف: تبقا فيك وحدة منهم مشيتي فيها خلا والله اهنية لعقلت عليك ….. هز الخبز من طبيقة فتحها على جوج وعمرها بمطيشة والبصلة ..والزيت العود

هز قلة ديال الماء وخرج جار معاه كرسي مصنوع من القصب ..صوتو ماخارجش من حنجورتو ولكن تيسب ويعاير ..

_ وحدة شطحات باها حت ولا مايعرف فين يصد ولاخرة قالتها ماتعرفيش اماما انا طالعة من الجدر… قرب لجنان وهو يسمع الحجل تيصيح ويقاقي فارع الدنيا…حط الخبز والما فوق الكرسي وهز الحجر..جابها لوحدة في الراس ماناضتش من بلاصتها ..شافها المعطي تتركل..جا تيجري.. خرج الموس من جييبو ودوز عليها ..مسمعو

_ الله اكبر. قالها بطريقة تتخلع خلات بكر تيضحك وكتافو تيتهزو كان حط دغمو في فمو زم عليها لتوحل ليه ..شار ليه يجي لعندو ..جاب الحجلة ..

_ حت نت خاااصك واحد الشحطة راك مابقيتي حاضي والو …. ناض بكر.. من بلاصتو هز تلات حجرات وقال

_ تموت قبل مادبحها تجي في بلاصتها..ماجا يقول ليه سلام الله عليك..حت زف بكر على حجلة اخرة وجابها الارض.. مشا تيجري ليها المعطي ويكبر غ دوز عليها بانت ليه وحدة اخرى. .. تبعهم بكر بالحجر .. والمعطي بالموس حت قطع حسهم.. ورجعو هازين تمنية الحجلات…في اديهم … حطهم في الكزوينة… خرج تيسوس ايدو …لقا مو ومرات ولدها لابسين الجلالب …ابتاسم ومشا عاقد حواجبو لجيهتم يله بغا يهضر حت شاف هبة ورحيمو وبنات خوها وبانتها نازلين من الفوق ماعاقجبهمش الحال.. حرك فك خدو ولسانو بين ضراسو .. خاشي اديه في جيابو ….خرجو من قدامو منفخات ماقالو ليه حت بسلامة …حت وصلو لباب الاخر في المفيرمة .وهما يتصدمو..

_ نت حل لينا خلينا نزيدو بحلاتنا…

_ لا اسيادي مول الشي عيط ليا دابا وقال ليا مايخرج حد مايدخل حد….طلع الدم رحيمو.وهزات حجرة وقالت

_ غادي تحل ليا الكيدار بوك والا شنو ها والله غ لما صمكتك بيها… تلفتت سارة على خطى تقال وهي تبتاسم لا اراديا. ظحك معاها منصيف وقال

_ الله يهديكم رجعو بحالكم راه نسيبكم هو هداك ماتيعرفش يهضر وعدروه راه خرجاتها منو بنتو خلعة…شافت فيه رحيمو معصبة وقالت

_ يمشي يكويها اااا يحط حجرة باردة على كرشو ..مايجيش يفهم علينا… حنا مالنا جاين طالبينو العشا بنتنا عندو وهي لي عارضانا وجينا عندها هي مالو كان يعرفنا ولا نعرفوه ااات سير اولدي نت من زيناتك ماشي بحالو خلينا نحتارموك..ابتاسمت سارة وشافت فيه بعيون براقة انتابه ليهم وهو يحدر راسو ودورو لجيهة اخرة وقال

_ داكشي لي قال ليكم قالو لينا غ حنا مشينا نقلبو على الغدا والمخير في الحوالا دبحناه ليه دابا يضبر راسو اجي الالة رحيمو نت ولبنات راه بنتكم في مصيبة وقفو معاها .وحشومة تخلوها محبوسة وتمشو وهااادي ماشي طبعك الالة رحيمو ورجعي فكي بنت خوك عاد سيري وحنا معروضين عندك يااك اخالتي..

_ مرحبا بيك اوليدي ولايني خوك مادار فيها مايصلاح..

تبعهم الحاج بوشتة ظاحك وفرحان..جاب ليه الله لي يهز عليه الحمل جاه كلامو بحاال العسل ماتقلش منو ماهز في قلبو بالعكس جاه على گانتو راضا ختو وعنقها ورجعو الدار…. تدبح الحولي وتشوا..وصلت الريحة لشهلة لي ميتة بالجوع..من فرحتها بحفلة عيد ميلادها والجرا لي جراتو بنهارو ماطاحتش النعمة في كرشها الا الحلوى لكلاريم .. جاها الجوع وبدات تلوى هي وحنين لي ماصبرتش ليه بالمرة وبدات تبكي وتعررنن معنقة مامها وتقول

_ ماما غ هبيز اماما غ هبيز . فيا الجوع..

_ هت انا اهنين وصبري يجي باباك يهل علينا ونمشو ناكلو الفروي والهضرا صافي… ضربات حنين برجليها الارض تتغوت

_ ناء ناء ناء بغييت هبيييييز . وبغغيت هبيييز… .عنقتها شهلة والو هزتها والو ماشات وجات بيها والو واش سكتت خناينها خارجين ودموعها هابطين وكملتها دارت كاكة في حوايجها ووزاد الطينة بلة في البيت .مابقاتش قدرت شهلة تخل نيفها ولا فمها عيات تصبر لريحة وهي تبدا تغوت على حر جهدها

_ هيوااااااان

كان صوتها دخل ليه الودنو وناض على الطبلة تيمسح في اديه وفمو.. كلشي هز فيه عينو باغين يشوفو الوجهة ديالو….قلبو ماطوعوش ياكل بلا بيهم وخطا خطوات سراع..في اتاجه البيت. وهو تيقرب وصوت شهلة تيقرب منو بكلمات معكلة وغير مفهومة

_ هانقتلك هنهمقك هنسطيك.. الهيواان الشرس الززومبي… تترد عليها حنين

_ وبغيت هبيييير وبغييت هبييز… ظحك مقهق حل عليهم وهما يقطعو الحس . دخلت ليه ريحة حنين. هز نيوفو لسماء مشات تتجري لعندو وقفت ليه عند رجليه معلية اديها ليه بغاتو يهزها ..العينن حمرين والخدود تفاحة هبط لمستواها باسها وهزها من كرشها في جنبو خلا ليها رجليها مدلين..شافت فيه شهلة باستنكار كمشت عينيها ..ضربتو بكتافها وخرجت.. ظحك على فعلتها غادية وتتنتر وتعاير وتلفت ليه ..وتشير بايدها ليه

_ هانعاقبك .الهيوان غ تسنى .. تنكرهك صافي دخلتي اهاسيس الكره في قلبي اوكي .. تابعها وريحة حنين گلبتو .. ..شار لهنية تجي..وبالخف كانت عندو..عطاها حنين تغسل ليها وتبدل ليها وتجيبها غ هبطتها الارض بدات تغوت وهو يعلي صوتو

_ شووش مالنا..رجعت ليه شهلة تتجري ضربتو لصدرو وقالت

_ ماتغوتش عليها..هي صعيورة ماتتعرفش العقاب . زادتو بونيةاخرى ووهو يشد ليها اديها لعندو وقال

_ ونت تتعرفيه اشهلة ياك وعندك ديري شي زبلة اخرى والله هاد المرة لخليتك خرجتي منو غ لما هزوك لقبر .. شافت فيه باستنكار وقالت

_ كبااايو… مافهمش الكلمة وسولها

_شنو قلتي؟. حركات ليه راسها بلا وبغات تمشي وهو يهزها من الارض بحال الريشة في جنبو تتفركل برجليها..وتغوت وهو ظاحك لسماء خرجها معاه برة ودخلها الاسطبل …وسدو ..بالسروت عليها وعليه …

_ يله شنو قلتي ؟

_ لا …سير تقرا شوية .. حط ايدو على نيفو وقال

_ الحاجة الوحيدة .لي بغيت نقراها ونتعمق فيها هي نت.. تقرقرت كرشها وشدات فيها تتلوى بالجوع…العصر ادن وهي مزال على لحمة ديال كرشها…جلست الارض مربعة رجليها والدموع في عينيها وقالت

_ بغيت ناكل..حرك ايدو بلا شافت فيه بغضب وقالت

_ هنموت بالجوع حرك راسو بلا ..ترجل لعند الخيل وهي مزال في بلاصتها.. غ تتشوف فيه وتعاير في خاطرها الى زادت معاه شي كلمة غادي يزيد معاها ساعة ديال العقاب..تسارا عليهم كاملين ورجع لعندها جلس حداها وقال

_ شنو بغيتي ؟

_ هبيز….حرك راسو . بلا وقال

_ لا شنو بغيتي ديري من هنا لغدا ..

_ هبطت راسها لكرشها وقالت

_ هاليا تنفكر في بيدزا ولا شي هامبرغر ولا غ هبيز فيه زبدة ولا مافيهش .. قهقه وقال

_ شفتي بزاف الناس مابغاو والو من الدنيا غ يشبعو في كرشهم ..ونت الالة بغيتي طيري ليا مع الطيور..مخليك في الدار صدقت تتقتل ليا في البرد.. شافت فيه معصبة وقالت

_ والله تم والله هت نت هايب وشرير ..شاف فيها بحب وقال

_ انا تنبغيك اشهلة وحبي ليك هو هدا تقبليه بززمنك وبالسيف عليك..الخيل هاهما متعي ليا عينينك وركبي عليهم هنا في دارك وشبعي منهم ولكن باش تبوردي ليا في المواسم وتهزي المكحلة وتجي طايحة لي في المحرك ولا تكون المكحلة عامرة وتفرقع ليك على ايدك لا اشهلة نت هنا شار لقلبو وهنا ..شار لعقلو وكمل كلامو

_ توقع ليك شي حاجة نبقا نادم عليها طول حياتي اللهم بلاش تتلوى بالجوع جاتها السخفة وباش تسالي هاد النقاش قالت

_ واها هاطرك لي تكون .. شاف فيها وفي شفايفها وقال

_ يله بوسيني … هزات فيه شوفات قاصحين وقالت

_ نعضك ..الواهد باغي ياكل فقط مابقا باغي والو من الدنيا…ظحك لسماءوقال

_ ياك؟؟..اوى ماشي شغلي .بكوعها ضربتو رجع ليها الضربة تعاركو وسط الاسطبل حت فاتو العراك بمسائل اخرى لولا نداءات المعطي ليه لكانو قضاو ساعات طوال .وهما في عالم اخر..

رجعو بجوج بعد غياب جميل لقا لالة رحيمو مزال تتغني ديسك ام كلتوم

_ كون كانت العصا ت گرفي الواحد كون بوشتةواهلي فين كان مزال عيش ولايني راه تربية نصيحة ومراقبة .ماشي تغفلو عليهم حت يزبلوها وطيحو تخبطو فيهم شد نت سرك نت .. حدر راسو وزاد كمل طريقو..بتغي يدوش عاد يجلس مع ظيافو ويلطف الجو مع اهلها .. وله دالك ..نزل هو شهلة بعد ساعة ونص. .طاحت في الماكلة عمية ..بلهفة ماولفاش ليها واخا تكون جيعانة الظاهر ان مولود جديد قادم ..تتاكل وتقلب بعينيها على حاجة اخرى ..سمعت نصائح عمتها وعمها ولكن مادخلوش ليها لدماغها حاليا مشغولة بجميع حواسها مع طرف مشوي ديال اللحم .. .هزات عينيها من بعد ماسمعت صوتو بنبرة حادة موجه كلامو للمعاتب

_ انا ماغديش نبقا نطناطح مع القدر ..هادشي مكتبو عليا الله ماعندي ماندير من غير الصبر والله يفتحها عليا وعلى الجميع…سكتات لالة خدوج تتشوف .في جنابها حشمانة ..

..في لغلة الحب حت الخصام يصبح لديدا..العتاب والعقاب لهم طعم جميل والاجمل من دالك تلك اللحظة التي يتعانق فيها الشوق بالحنين.. وترسم احلاما للملتقى .وتترك العين تتكلم والشفاه تتلعتم ويصبح القلب سعيدا سعيدا للغاية …

..فترات جميلة قضاتها شهلة مع بكر وهو تيعمر ليها وقتها باش ماتحسش بالملل .وشغلها معاه في تصميم السروج والزينة ديالهام خاصة عندو لمسة فنية تيبدع في حياتكتهم وتتطرزهم بشكل جميل مع زينة تتعتبر لوحة فنية ياما بالعقيق ولا بالنحاس ولابخيط الصم….اقتارح عليها تكون مشرفة على صفحة في الانستقرام تتنشر فيها كل مايخص مستلزمات التبوريدة من ازياء وسروج تتخص الفرس والفارس..ولي صاوبها هو تتعمل ليها مونطاج وتصوير فني وتلوح في لاانسطا. لقات الصفحة تفاعل كبير من طرف عشاق الخيول والتبوريدة سواء داخل المغرب او خارجو نالت استحسان الاجانب بشكل عجيب …

. واحد النهار جالسة تتصور فيه وفي خدمت ايدو وكيفاش تيهز البرا والخيط وتيحيك السرج بواحد الطريقة سريعة واحترافية .مانتابهش ليها حلات لايف ..وحطت تلفون مقابل معاهم دخلو المتتبعين وتبارطاجا الايف ..قربت منو .. هزات طرف من التوب حطتو على ركابيها تتشوف في الرشمة .. حت غفلها بقبلة نارية .. جارها معاه باغي يتكا على الحيط وينعسها عليه ..دارت لتلفون بعيون خارجة .. حطت ايدها على فمها…. تبارطاجات القبلة تحت اسم ..# قبلة فارس عربي.. مابغاتش تبين ليه راه قفرتها . بقات غ تتدور في عينيها.ل حسن الحظ دخلو عندهم ولادهم تيتجاراو رجع لخدمتو حادر راسو مركز مع شنو بين اديه حت جاه اتصال من منصيف..

_ الو … تلونو ملامحو .. دور راسو بسرعة لتلفون لقاه مقابل معاه والقلوبة ولي جيم تيطلعو … مال خدو لجيهة شهلة لقاها صفراء ومخلوعة وبتمتمة قالت

_ عقاب اهر نووو …

النهاية