الفصل 6

ايدو على ركبتو والخرى على دقنو ..تيشوف قدامو… عينيه فيهم تقويسة وفمو مجموع حواجبو مقرونين ….الطيور في السما تتقلب فين تبات .والشمس بدات تميل . الريح تيحرك وريقات بلعمان لي كاسي الحقول. فصل الربيع بالوانو الزاهية تيفرح كل مغبون ومقهور….

الشمس واخدة لونها ديال نهاية يوم عند بكر وشهلة وبداية يوم اخر في جيهة اخرى ..شمس حمرة تتبان قريبة من الارض ..جات قدام عينن بكر ..حظا الشمس لي في السما وخيوطها عندو في قلبو تتحرق …مهزوز من الارض ومن العالم….الف سؤال بتدور ليه في دماغو …صوتها عالي تتهضر وتتحرك اديها تتمشي وتجي قدام الطموبيل.. لاحت الصندالة بغوتة واديها تتشير ليه بيهم

_ انا ونت ماهنتفارقوش ولكن ماغداش نتهلى على ديفد …..جات من جيهتو .حلات الباب.. ببعصبية وقالت

_ تتسمعني…داگ شوفاتو في الشمس ….دورات ليه راسو لعندها وهي واقفة في الارض حفيانة ونصها عريان..صدرها نصو باين…..هبطها بشوفة حت لعند رجليها ..ظفيرات مصبغين بالخضر ..حت لون الصباغة غريب بالنسية ليه.. رجعات لور حطات اديها على جنابها ..خلاتو تيشوف فيها بعيون ماعرفتش تفسيرهم..تنهد وقال:

_ لا حول ولا قوة الا بالله.. .سكت برهة : واش ماغاديش ديري عقلك وتفكري بيه وتقول انا راه مابقيتش ديال راسي ومابقيتش عايشة كيف كنت وانا حياتي تبدلات وتحاولي تقنعيه ماشي غ تفكري بيه..اااا ..حركاات راسها ليه بلا ..شار ليها تجي لعندو..قربات منو ..شد في حوايجها جرهم

_ تتعرفيني مكلخ وهمجهي ومع دالك تتصرفي بحال الدراري الصغار معايا…

_ نت خصك تفرق بيني وبينك…انا هدا هو طعبي ..حياتي عالمي….دخلتي ليه نت بزز عليا . مانكرش اني تنغبيك ولاكن حياتي هادي .. مابغيتش حياتك نت ..بغيت نكون معاك ولكن ماشي بافكارك وماشي بتقاليدك…الي تتشبه افكار بابا ولي عيشاتني الحجيم..فلبقيتي معايا بهاد التصرفات غادي نهرب منك كيف تنهرب من بابا … هز ايدو حطها على راسو كلامها كلو صحيح ولكن الواقع هو هدا: كلمة وحدة قال وهو تيشوف فيها بشفقة كبيرة

_ ضايعة….سولتو بعينيها مافهمتش..: عايشة في ضياع كبير….الحياة ماشي هي تعراي وتغني وتشطحي الحياة اكبر من هاكا …ردات عليه

_ لا هياتي هكا…ونت هاصك تقبلها كيف ماهي… شاف فيها بنص عين وقال

_ وحياتي انا هكا شنو نقول ليك تقبليها كيف ماهي ونولي في حرب ااا حيت انا المعارك عندي مربوحة واخر معركة نت لي استسلمتي فيها.. قوست عينيها بياس تفكرت عدابها وجات عنقتو وقاالت

_ ماتعدبنيش بفراقك وماتهرمنيش من موهبتي رجعت لور شوية مخلية مسافة صغيرة بيناتهم وقالت

_ بكر ..انا هبيت عليك واهد الهاجة حيت نت ماتتبغيش هادشي ولكن انا طلعت معا ديفيد المسره وشطهت قدام الناس شنو وقع والو ..انا قدامك مافيا هت نقص … بجحرجة قال

_ طلعي نرجعو بحالنا….حركات راسها بلا

_ انا بعدت من الدار باش نتافهمو شوية…ظحك بسخرية..وقال

_ نتافهمو شوية.. لا ابنت الناس نت مامعاك مفاهمة بشوية ..كلشي تتضربيه ليا في الزيرو .. تحدو ليا معاك. ..شدات ليه في خدودو وقالت

_ اكيد نتافهمو الا الفراق لي ماتقولش نتافرقو عارفاك نت الى غبتي عليا صافي مابقيناش نرجعو.. تتهضر جامعة حجبانها وعلامة البكا بدات ترسم على وجها.

_ شوف نت تتبغي الهيول وتتهماق عليهم وهت واهد ماتيمنعك منهم .كنت غادي تموت وسط منهم ومع دالك تترجع تبوس راسهم وتنعقهم .. بكر نت تتعمل شنو باغي حت انا تنمعل شنو باغا. فرق بيني علاقتنا وبين هدمتنا ( خدمتنا) عالم ديالك بوحدو وعالمي بوحدو ولكن هبنا هو ملطلقى الطرق.. هز فيها عينيه مع تقويسة وقال

_ ماشي ملتقى الطرق اشهلة اناو نت هما سكة ديال تران واحد جاي من هاد جيه ولاخر من هاد جيه حبنا هو داك المفترق لي بين السكة والسكة . انا وياك بيناتنا فواااارق كبيرة …بكات وعنقتو وقالت

_ لا لا مانتفرقوش…هز راسها عليه وقال

_ مايمكنش ليا نبقا تابعك ونصلح في اغلاطك واش انا نرضى مرتي تخرج قدام العالم عريااااااااانة وتتشطح من الفوق اااا ..راه نقتل راسي ومايقولوش على مرات سي الكوريت شيخة …. رجعت عنقتو بحرارة…يالي غرابة الوضع عناقها يمتص غضبه وكان هدا العناق عناق طفلة دات العمين …

كمل كلامو

_ بغيتي تشطحي شطحي في دارك بغيتي لفلوس نعطيهم ليك بغيتي تسافري انا معاك بغيتي تعراي تعراي في دارك لبغيتيها انا معاك فيها ولكن باش تباني لعيون الناس هكا راه انا وليت ديوتي ونتساهل النحير بموس حافي .يعدبني وماتزهق روحي حت نطلب الموت الف مرة …..قتليني اشهلة وديري لعجبك ولكن هادشي لي تتديري فيه ماتنقبلوش انا ومايدخلش ليا لهنا…حط صبعو على راسو…. باسى قالت

_ راه نت ديالي انا

_ راه نت ديالي انا . ضربها لصدرها ببونية حت بدات تكح

_ واش انا تنهضر ليك هوك .. شار لغرب ونت تتضهري جيهة اخرى .. شار لشرق ..ربعة ايدها

_ وقالت ماعرفتش يقول ليك راسك سير عند شي بنت اهرة راه مانعقلش عليك… شدها من مؤخرة راسها وجابها لعندو

_ راه انا لي ماخصنيش نعقل عليك دابا حاليا واللحمة العريانة نقطعها .. انا تنطبل ونت تتغيطي ولا شنو ..وبنادمة واش بغيتي تحمقيني وتخرج ليا لعقل ..

_ المهم شفتك مامامعصبش بزاف قلت تيفكر يجيب شي بنت اهرى

_ هاد المراة نجيب عشرة باش مايخلوش ليك من دوزي لعندي ..رجعت ليه الضربة لصدرو وقالت

_ غااااااادا نقتلك….

_ الله اكبر… والله حت نت مخك مضروب واش هازيتيني حت لسما بفعلتك ..تتشطح لرجال في تلفون ومبردة مع راسك…

_ تنشطح شنو تندير ..تنبوسهم ؟ ااا انتبوسهم ؟؟؟.. ميل وجهو لجنب لايح شوفاتو بعيد …رجعت ليه وجهو بصباعها وقالت

_ غ تنشطح .هداك مدرب ديالي ولاهر مغني مشهور ومابيناتنا وااالو بش نت تعصب وتهرس لي تلفوني.. قال بنفاد صبر..خرج رجل من طمويل دلاها الارض والسليمة موقفها تيسوط .. ..ضربتو لفخضو وقالت

_ جيب ليا تلفون …حيت بيه باش هانخدم حت نسالي الحفلة مع ديفد وديك ااساع نتافهمو بزاف دابا غ شوية …ضربها برجلو لركبتها وقال

_وااااقيلة تتقلبي على شي حفرة ندفنك فيها ونت حية ..راه شحال من واحد دارها ماشي انا لول لي غادي نقتل مرتي ولا لاخر مني عدااااااد ودوزو الحبس تلاتين عام وخرجو نمشي نتعرف على قصص المجرمين وحياتهم راها فيها بزاف ديال التشويق شنو بان ليك؟.

_ غ الضلام شعل الضواو ديال طموبيل ..سكت وخلاها واقفة …مدات ايدها من عندها لبوطونات دافعاه معاها حت شعلتهم ومارجعتش وقفت بقات عليه وقالت

_ راه هشومة تبعدني عليك . ونا تنبغيك .. عنقتو ..شدات ليه وجهو بايديها بغات تبوسو وهو يضربهم ليها وقال

_ طلعي سوقي والله حت غادي نتفاهم معاك مزيان الى قال ليك راسك رجعي شطحي ليا لعباد الله …بعدات من الطموبيل وقالت

_سير تلعب . الهيوان….دور لسانو في فمو وقال

_ اجي نتصالحو..اجي ..تلفت ليه وجات عندو تتضحك وهو يشدها من دراعها شدة العمى في الضلمة

_ انا شكون؟؟؟

_ هيوان.. زاد زير عليها وشد فيها من خدودوها حت بغا يطقبو

_ راه فعلا حيوان لي خارجة قدام البشار بجوج شروطات وماعطيت لباباك حت ملخة ديال العصى قلنا عاد تصالحنا ندوزو ليها هاد المصيبة بالبارد وناكلها بوحدي ساع نت والله ماديال الشفقة ولا رحمة…شطحها لمؤخرة وجبد ليها فخضها بقرسة .. ..تكات عليه بعضة لكتف حت خلات سنيها فيه دفعها منو وجات طايحة تشقلبت وجات على حجرة لراس .شدات في راسها تتغوت

_ ااااااي …. اااي ..وقفات دايخة جايا عندو وايدها تتحسس الضربة ..دارت ركبت تتقلب في ايدها عند البولة وهي تشوف الدم ..شهقات وقالت

_ اوووف الدم …تيشوف فيها باساغراب

_ اري نشوف ..مدت ليه راسها قلبو بين صبباعو تيزيح خصللات الشعر وهو لقا فتحة صغيرة لكن بحال نافورة تتخرج الدم ..: ياربي حط صبعو تيسد الضربة وقال: صافي غ شوية ويحبس….حطات ايدها عبى ايدو تتنين ..حس بايدو فزكات وهو يهزها لعينو بدهشة وقال

_ مصيبة هادي …يله نرجعو لدار.. حيد تريكوه مدو ليها لبسي لبسي . لبستو جاها عريض وكمامو كبار ..تتغمض عينيها وتحلهم…: يله الدار….تتدور الكونطاك وتترعد …رجعو لدار لقاو مو واقفة تتسناه جامعاهم لشهلة وليه ..غ وقفت الطموبيل مشات تتجري بي ب بينوار مغزة عليها ..

_ شوهتك يا المقدم شهوووهاك ياوليدي …درتي العز لراسك وتيحطتو ليك بنت بلاد النصارة.. حلات شهلة الباب لاحت عليها لاخرى بينوار في الغوز …اديها واديه عامرين دم شدات في البينوار وهو يطبع.

_ الوليدة ماشي وقتو ..شهقات لالة خدوج فاش شافت الدم هابط مع رقبتها…

_ ضربتيها الصگع لیام …دخلتها تتجري بيها وهو تابعهم تيعرج .. عمرات ليها الجرحة بالطحميرة والو…مطيشة والو وهو غ واد هابط حت بدات تصفار وتسخف.. جابت ليها سميرة حوايج لبستهم ليها قدامو و عينيه بیاضو …تجمع عليهم كل من سمع شهلة مضروبة ودمها تيسيل..عبد الرحمن ابمعطي هنية امينة…كل واحد يعطي راي وحل لكن مابغاش يتحبس الدم وهو يزيد بيها السبيطار ..هو ومو ابراهيم …دخلوها المستعجلات …تيسولو مالها شنو واقع ..طاحت على راسها وضربت…..قلب ليها الطبيب الضربة ر وسولهم شحال ديال لوقت باش طاحت .. جوج سوايع..وماتحبسش الدم ادن عندها مرض هيمو فيلايا.. قلبو ليها على لي بلااكيت واااالو خاصهم لي بلاكيت هما الحل باش ياتحبس الدم وااالو واش يدور اصلا في السبيطار هاد النهار…لي حطوها ليها على راسها تعمر دم .. خلعتو ولا غ جالس عند راسها وشاد في ايدها وجبهتو عند جبتها مسنين مركز تحاقن الدم يجيب ليهم خنشة ولا جوج…جري منها سير من لهيه ..ساعة جوج تلاتة . بانو طبايع زرقين تحت عينيها كبار بدات تسخف ليهم تما ….وصلات الخبار لكل من الحاج عيسى وولادو وجاو في ليل تيجرو ..علقو ليها اخيرا لي بلاكيت حت بياضو عينين بكر وصفارت الالة خدوج لي جات في بالها ضربها وغادي يقتلها……باتو معاها تسالي خنشة يزيدوها خنشة حت بدا الدم يتحبس ..كلشي تخلع كلشي خاف … صباح الحال عليها ناعسة مرتاحة اما بكر صبح مافيهش الدم وطلب يتعملو ليها تحاليل اخرين واش بصح عندها مرض هيموفيليا …. تعملو تحاليل اخرين خرجو مزيان مافيهاش داك المرض ولكن عندها نقص حاد في الكريات البيضاء

رجعات لدار تحت اهتمام كبير من بكر .. .شافتو ناسي الموضوع وهي تبدا تلعب عليه خداتها حجة وجابت عليه الفشوش..مايخرج من البيت مايضرج منو الشي لي خلا لالة خدوج تجلس ليهم في البالكو بنهار واليل تجري عليه وتنعس حداها…حت زعفت منو ومن نگيرو ولكن هي معامن غ تمشي تصلي العشا حيت طويل بالشفع والوتر يجي لشهلة بقبولاتو ومدعباتو حت يحسو بيها داخلة ويجمعو ويطو ويلوي شي خنز في شي صبرو مع مو تقادا.. ومبقاش باغي يخرج ليها من البيت وقال ليها

_ والله لتحركت من هنا سيري جيبي ليا الحاج من السويد ولا عيطي ليا لعمامها.. ولا عرفتي اش ديري انا وليت بخير رجلي تنتمشى بيها عادي سيري عند الحاج سي عيسى راه غاضي يغضب عليك …

_ والله يا بوك لاتحركت ليك من هنا ….خرجات من البيت مغزة عليه ولراجلها تتعيط

_ شوف ولدك باغي يدير الحرام عيط على بوها يجي . نت فينما نهضر معاك تقول ليا بوشتة لجا ينوضها مع ولدك وشنو نخلوه عاصي الله ولا شنو عيط عليه نت ولا ارى نعيط عليه انا استغغرت الله لعظيم.. قطعت معاه ورجعت ليهم وقفت عليهم كيف عزرايل ..حشمتو ..خرج ماحملش راسو شهلة كل ماشافتو داخل ولا خارج تسيفط ليه قبلات …هز تلفونو تيهضر مع باه يجيو باش يحضرو لدبيحة ويعرض على عمامها ويفك الجرة مع مو …في بيتو مامهني وسط دارو مامهني كل مرة خارجة ليه سميرة ولا امينة .ولا هنية …ولا يقلب معاها على بلايص خاوين من عينن مو ولا رجلين الخدامات فینما وقفها فی شی قنت ولا وقفتو یسمعو خطوات ومع هو منوي غ بوحدو يزيد يجعر ويطلع ليه الزعاف حت فاض الكاس …ولا غ جالس ويشوف لابيت يتسد عليه معاها لا جلسة مع بعضياتهم الراس في الراس ..عند ولادهم كاين مو تابعاه عند النعاس مو تتدخل وتخرج دارت ليه الحصار ودارت عليها العسة.. مابقات تنعس مابقات تقيل …في فمها

_ بقات فيا ااشمتة ديال داك النهار شافها عبد الرحمن بلا حوايج .خارجة ترعد عليه بدوك الفخاض وبياضها سارق العين..حت ينسى وتفكرو ..فيما لقاها واقفة وحاضية اللبيت تقول ليه كون غ فطمتي الدراري وصفيطي امينة وراجلها بحالهم….ولكن هو ولادو عز ليه من كلشي ..دوز الفظيحة بكاس ديال السم فينما تفكرها ياكل سنيه غيض ولكن كيف قنع راسو لابد من الصبر حت يوصلو عمين ويفطهم ..وكيف تيقول مرات عبد الرحمن تتدور عندو في الدار ادن النية متبادلة داكشي علاش مخليه يسرح ويمرح وسط الفيرما احت ضغط كبير رجل سميرة ماتيجي غ من ليل ليل …وحت وجا من بيتو ماتيخرجش

************

.داخل الحاج واديه وراه محيح وسط المطار وهو يعاير ويسب…اش دارو ليها حت ولات تشوف فيه غ هو وكولها ليا الجلود وكلوها ليا الجيف بنتي بغات غ ولادها وهو يربح بلاخرى والله لكانت ليه..عيريني وسبني وقاليا عطيني التيساع يعيطي لبتني دابا التيساع لاش دابح ليها ومعرس بيها اش بغا عندها يسطيها ليا اا شهر ونص ونا نجري من هنا ومن لهيه حت قطعت الواد ونشفو رجليا قليك رجعها لا اسيدي مايرحعاهش كون باغيها مايتزوج عليها اا ..يبعد مني ويعطينا التيساع …… . ماعندهم كيفاش يعيطو لبنتهم لي غابت عليهم بتلفوناتها هادي يومين ..لكن اليكسي ماتنهاتش حت اتاصلت ببكر وهضرت معاها فرحت ليها وخبات الظحكة على الحاج لي حلف مايرجعها ليه وبسيف غادي ياخد منو الولاد ..كان فرحان بالدعوة لي رفع عليه والقاضي صاحبو غادي يعاونو بشما عطاه الله من علم و دار على مية ومية محامي باش يجي المغرب ويهز بكر لسما ويطلقو الارض وهو تيشوف فيه فرحان حت تيصدمو شي عيسى اجي راه المقدم مزرد لبنتك ودابح ليهاضروبة ومنهنا يومين عندو الطلبة والفقها وجامع الناس… شداتو الساكتة واللقوة حت صرفقتو مرتو عاد رجع لوعيو..بجعرة وحرب وحدة اخرة ..شد الطيارة مزال ماصلى على وضوه لي خرج منو تيتقتر قبل اتصال صاحبو ونسيبو لي ولا تيقول عليهم الدفلة الحارة ….

تقرر النهار لي غادي تدبح فيه الضروبة وتجمعو الطلبة عند ابو بكر..صدقة على صحتو لي حفظو الله من مصيبة كبيرة خرجات غ بجرح معلم على شكل هلال في دراعو وعلى شهلة لي ربي حفظها ..ولتلبية رغبة مو لي منعات عليه شهلة حت يحلل عليها .فكانت حرب بينها وبينو مو في العلن لكن بينو وبين شهلة مقابلات سرية سماتها .معاهادات الحرب..استعملت معاه نفس السياسة ..حت هو وخبات عليه تلفون جديد ..وهضرت مع المدرب وديفيد وقرات انه ما بقا يشوفها حت توقف على لاسين وديك الساع تحطو قدام الامر الواقع ..بقات ليها حيلة كيفاش تغيب عليه اسبوع كامل لي قبل الحفل وهي خاصها تكون في مدينة الرباط..فكرت حت عيات ولقات ان خاصها معاه شي خصومة متوسطة الحجم وفيها منين يدوز الصلح عيات تقلب خدات الباس العرا دريعة لكن لقات خدوج لي واقفة ليها في الباب وجرات على گاع الرجالة من تما لي باغي يدخل لدار تسولو لاش جاي ماشي وقت هدا ويرجع منين جا…فكرات حت قفزات وقالت

_ النبيييييييد يس غادي يكون تصاوب ورجع كحول . حسبات بايدها شحال وهو مخمر لقات سيمانا والصرف هبطات خرجات تتجري راسها سابقها بكسوة ديال دجين عند الركبة بسميطات فوقها قميجة محلولة في البيض ..مشديدن كمامها بصدايف من المرفق بسبادرية بيضة مع تقاشر طوال حت ركبة في البيض ..جامعة شعرها بزيف صغير مخطط بالوينات حريري…..تتقلب على هنية . ماشافتش ولادها في الصالة مع بكر ولكن حنين شافتها وبصويتها الرقيق بدات تعيط

_ ماامييي ماااميي… تبعها حنين حت هو

_ مامممااا مماااامما…كان كريم على كرش باه بقا غ تيشوف فيهم وهو يغمزو بكر وقال

_ نت فين صوتك .عيط ماماا ماماااا….ظحك وقال

_ لاء لاء …ظحك معاه بكروقال

_ ت عيط على مك راه جداك تتصلي الظهر .تعيط….قوول ماما…طلقو حلوقهم بربعة وعوض تجي شهلة جاتو الالة خدوج تتضحك……..مشات هي وهنية هزات عليه الغطا ..حلات القرعة طلت بعينيها مغمضة وحدة وحالة وحدة شافت لونو الاحمر بدا يتاكسد وهي تفرح وعنقت هنية ..رجعت غطاتو وقالت

_ هوني هدا غادي نشربوه نهار الحفلة انا وبكر فقط..تقوسو عيون هنية وميلت فمها عرفتها شهلة تقلقت وقالت:

_ ندوقك ماشي مشكل كاس باركة عليك..

_ اويلي على كاس صافي نت مصاوبة خمسة ايترو ديال العصير وتعطيني غ كاس..لا ا ضريفة انا كاس والمعطي كاس……. ..ظحكت شهلة بلؤم وعينيها ظاحكين ووسنيها كارزين على شفايفها .. وقالت

_ اووكي ماشي شغلي….خرجو من بيت الفرارن تيتهامسو لقاو بكر عند الباب مسنيها شافتو وهي تشهق ….شار ليها تجي ..شدها من معصمها وطلعها لعندو فوق العود ركبها لقدام وقال:

_هنية الى سولاتك الوليدة قولي ليها مايا .. عند جلبانة.. راه خليتها مع الدراري …حركات راسها..ومشا تيحرك بعودو لجيهة اخرى خلا هنية تسول على طريق جلبانة…فين جات!!…حاضياهم وهو طاير بيها ..فوق العود ..

وصلو لحقول ديال الدرة ….. هبط من العود وهبطها بايد..نقزت وجات عند وجهو…….من بعيد طموبيلة الحاج دارت مع الطريق…شي عمال كانو حاضين بكر تيحرك فوق العود..كيف ديما لكن غ شافو معاه مراتو ..حدرو..روسهم تينقو المحاصيل من الطفيليات…لباس زرق موحد وترازات كبار على روسهم..تيتهامسو بيناتتهم . .لكن حب الاستطلاع والتبركيك ميزة عند العام كامل والمغاربة بالخصوص..عياو يحدرو عينيهم لكن قصص كتيرة سامعينها على مرات المقدم .. البرانية خلات بعض العقول تواقة لشوفتها….شي هاز راسو وشي يعاير فيه

_ حدر راسك افلان.. رزقك غادي يتقطع المقدم راه خايب

_ ت غ خليني راااااااهم فين تيبانو البشنة علامنهم.. ت غ هز راسك راهم دخلو دخلو لبشنة…شافو في بعضياتهم تيضحكو واحد فيهم قال

_ وت الك*** ديال الخلا شحال زين وبنين… رشقو لاخر بطوبة ديال التراب وقال

_ هي مجربو اجوان ؟؟

_ ويييه شحال هادي ..كان الحال سخون وانا سخون لابس غ واحد سروال ديال التوب سنسلتو خاسرة كل ساع نطل عليه وهو يطل عليا ..ايدي في تنجمع في التبن وعيني تتمشي المعلم …مادوز غ بنت الحاج التهامي…بواحد تشامير مورد غادية بالغداء لواحد السارح عندهم ..اتشعلتني بداك الطرف وبنت الحرام دارتها بلعاني .تقلب وتلوى غ لفعة سارطة طوبة وقفت ليها تحت ظهر ….ماعفلتش حت شديتها وجريتها لقربوس ديال التبن …

_ مسخوط شدتيها صحة ياولد الكلبة؟؟

_ لا اشمن صحة علاه هيا خلات الخلاوات والطرقان غ مشرعة جيا تلوة عليا وانا فرادي غ انا والخلا وحال سخون وت قنية مادور يالطيف كون دازت نعجة مانفلتهاش وبغيتني نفلت بنت الحاج.. . ضربو مرة اخرى وعيط على الخدامة .

_ اا حنش حنش حنش حنش حنش…. تجمع عليه عشرين خدام ..تيقلبو ولاخر ميت عليهم بالظحك

_ سمعو سمعو…عبييد السلام شاد بنت الحاج تهامي في قربوس ديال التبن …دارو عندو تيسولو فيه

_.معاش اولد الحرام…ظحك الشلاهبي وقال

_ مع الظهر..المودن يكبر وانا نصرفق وبنت الحاج توحوح

_ سعداتك اجوان… قالو على المراة اللحلاحة غلبت السحارة نت اش تقول؟؟

_ المراة الوحواحة غلبت اللحلاحة…..كلشي تيضحك ويصفر وباغي يسمع ماكتر..

_ خلعتني بنت الحرام قالت ليا اش تتديير هدى عليا ولا نقولها لبا… قلت ليها سكتي خلني غانبوس..

_ اوى خلاتك ؟؟

_ خلاااتني وزادت من عندها …طيبتها نيتت حت ولات تزاوك وتلوى وانا نا نزعم غ زعمت وزعمت وبركت تلوى وتنين من هداك النهار غ يقول الله اكبر نقول فين بنت الحاج

_ عزيز عليك الادان وخا ماتتصليش اولد الحرام ……تلاههاو على ابو بكر وشهلة لي غابو وسط حقول الدرة خضرا وطويلة تساراو فيها مشابكين الادين الكتف على الكتف وفرحة في عيون بكر وسعادة ….جلسو الارض مباشرة على طراب بني لون ورطب مافيهش الحجر مسند كل واحد .على ظهر التاني…مجمعين بيناتهم ..شادين في بعضياتهم مشبكين ايد وحدة ولاخرى كل واحد شنو هاز بيها شهلة وردة صغيرة من ربعة وريقات بنفسيجةاللون وبكر ..كركازا كل ساع يهرها بيها لودنها ولا نيفها.. حت جاها النعاس وتكات على ظهرها حاطة راسها على فخضو تتشوف في السما من بين سيقان ديال الدرة لي كل ساق هاز ربعة كبالات . ناضجين ..كل وحدة وشعرها في لون … دورت عينيها وقالت

_ علاش هاد التمار كلها نساء ؟؟ قهقه تيلعب ليها في شعرها ووريقات صفراء صغيرة ديال وردة الكركاز بريحتهم القوية تيمررها بين حجبانها تيهبطها لينفها .حت تحكو وتعطس ويرجع ليعب بيها في حجبانها وشفارها حت دخلات ليها بدرة صغيرة لعينها ووناضت مغمضاها

_ اي عيني عيني…. جات قدامو جالسة رجليها وراها قلبها ليها ونفخ عليها ..لكن مابغاتش تحيد وهو يسلت تيشروطو . جاب طريف ديال توب برمو شوية ..حل ليها عينيها ومرروو وسطها حت حيدت … عينيها تتدمع..باسها فيها ..جرعت لبلاصتها ونعست ليه في حجرو .هازة فيه عينيها الخضرين صافين وقالت

_ وعندكاك هه ..هز دقنها لععندو وهبط براسو باسها ولعب بنيفو لنيفها الممدود بجمال اروبي متير..

_ باش عرفتيهم نساء… وقفت مشات قاست بايدها وحدة وقالت

_ شوف شعرها حريري وطويل ولابسة بزاف ديال الحوايج…..جمع الوقفة وقال

_ كاين الراجل هانت تشوفي… بداو يحلو في الكبال وكل كبالة شعرها طويل وحريري هاصفر هالبني هاالحمر..حت وحدة ماقرعة فلا معاها ابفدان وهي تتحظ وتقول

_ النسا هما لي حاكمين هاد الحقل.

_ غ صبري هاني نلقا ليك الملك قلا النسا لي حاكمين هاد الحقل ..هادو غ الجواري ديالو ماشفتيه الزعرة هالسمرا…تيقلب ويضحك حت للق كبالة بلا شعر وهو جيبها لها تيفرنس..

_ اوى هاكي سيدي موالاي…..شدات من عندو وضربتو بيه.وهربت تبعها تيعرج مزال مابرات ليه بزاف

_ اجي اجي وقفات تتشطح ليه حت يقرب عندها وتهرب…..ظحكو ولعبو ورجعو عند العود ركبها هي لولا عاد ركب..دار جوج دورات . هزو الخدامة فيه عينيهم من جديد. وخا بعيد لكن دروري من الوقفة ديال تبركيك خاصة الى عطاهم بالظهر…

..خرج بيها من الفيرما.. ودار لجيهة فين باني ليها داك القفص..

خرج بيها من الفيرما.. ودار لجيهة فين باني داك القفص….وقف العود عند الباب ..نزل هو لول ونزلها ..هزات اديها مجموعة حطتها على فمها مستغربة علامات الخوف ترسمات على وجها وقالت

_ اكتشفتي امري..؟؟ تكمشو جناب عينيه بظحكة عجيبة بينت سنيه البيضين…..جر كتفها مدرعها وقال:

_ شنو مخبية عليا..؟؟

..وقفت وجات قدامو بسرعة تتفحص عينيه..طولت الشوفة حت علا ظحكتو وقالت

_ شنو باغي؟ هاد الكوخ تتجبني ليه لكانت شي مصيبة واقعة ؟…جبد الساروت من جييبو . راشقة ليه منغم غ بوحدو طالع ليه هرمون السعادة ومعدل الخصوبة ..زاد كمل فاش تغدى بالحوت في الفران مع خضرواات مخللين بزي للعود والحامض ..طلع ليه فيتامين السي لمخمو وخلاه يشطح بلا هواه..وحت الانسان لكانت ممنوعة عليه شي حاجة تتولي شغلو الشاغل.ومحور تفكيرو …..الحصار لي دارت ليه الالة خدوج عمرو ماكانت ليه في الحسبان . قصح دراعو على عنقرتها وقال.

_ ياك بعد تتعرفي راه تديري غي المصايب.انا ماقلت والو ؟….حل الباب..وعلامات الحب مرسومة على عينيه والقلوبة باغين يخرجو ليه من ودنيه.. وشار ليها تدخل..سبقت رجل وتلات رجل مغمضة عين وحالة عين…شدات في الباب باغا ترجع وهو يجرها عنقها وباسها تحت ودنها وقال

_ خايفة مني؟؟..رجعت وجها لور وقالت

_ ناوي دفني هنا وتتلعب عليا تكتيكات المافيا وتمتل عليا رواية روميو وجوليات ..اور نووو. سبقها جارها ايدو في ايدها

_ اجي الارنب اجي ..حبست راسها عند الباب شادة في جنابو باايدها . دار وجرها بالخف والقهقة عالية منو .. دخل وسد الباب.. .. تتشوف فيه بريبة وفي نفس الوقت شاكة عينيه فاضيحنو.. وقالت وهي تتحاول تقرا افكارو… ماخلاهاش تهضر ..كلاها مع الباب بقبلة ..

_ توحشتك …طبع قبلة مابين الدقن والعنق..اديه تيزيح بيهم كول القاميجة ديالها تيقلب على عضمة رقبتها…مددت عنقها مسمتمعة بقبلاتو اديها تحطو على صدرو بصباعها تتحل ليه صدايف قميجتو …..دخلو في قبل طويلة جامحة تتعبر على مدى شوق كل واحد فيهم لتاني ….تهزات كسوتها وتلاحت قميجتو ….رجلها تحطت ليه عند خصرو قبولاتو تسارت على كل انش من وجها.. اديها عند شعرو وتتهبط مع ظهرو….شعريات دموية ساخنة زارت كل خلية من جسمهم احساس بالحب جامعهم ..شافو في بعضياتهم وقالو بجوج بلغة مختلفة

_ تتبغيك..ايلافيو……جرها وراه وهي تتشوف في المكان بنظرة مختلفة …دخلو البيت شافو في بعضياتهم ظحكو وتشابكو بقبل في لمحة بصر بحال الى هربانين من العالم كامل..علماتو فن التقبيل وشبعها حب ..كل ماهزو روسهم في بعضياتهم يرجعو يقبلو بعض كانها اخر مرة ..يله كملو اخر طرف من حوايجهم وهو يتفرع الباب بالدقان وصوت الحاج مالي المكان …تخلعت هي وتعصب هو وعلى حوايجهم تيقلبو.. سروال من هنا كسوة من لهيه سليب من هنا قميجة من فوق الفوتاي . سبادرية مليوحة فردة تحت سرير ولاخرى عند الباب ….غوات برة والباب تيضرب بالحجر والعود تيصهل ويتعلى وصوت الحاج بوشتة عالي بكلام نابي… تفتح الباب اخيرا وخرج عندو بوجه حمر وعينين فيهم الشر تبعتو وقفت تكات على الباب بكتافها مربعة ايديها تتشوف في الحاج لي جمع سخط الدنيا والدين عليه .

ايد ورا ظهرو ولاخرى تيتحلف بيها عليه.. كشاكشو خارجين .

_ ياك العيساوي يا ولد الشلاهبي يا الملقط اااا عرفتي راسك خسرتي قلتي ندوز ليهم من جيهة اخرى ااا طول شوفتو منو لهيه ودكها في ببنتو وقال

_ ونت اش تتديري معاه هنا ااا..جاوبت بكل شفافية ومصداقية .

_ تنمارسو الحب… صفق الحاج من فقصتو ..تلفت بكر ليها بعيون خارجة .. هز الحاج حجرة وقال

_ وبغيت البننتي بو گلیب ماينوضها ت يا الهبيلة ماابغيتي ديري عقلك ااا لي جا يظحك عليك…كلا ليك مخك بجوج بوسات وتعنيقة .اااا….سكت بكر حت عيا وقال بنبرة مجحرجة

_ الحاج.. الله يكملك بعقلك راك نت قد للوليد مابغيش نغلط معاك.. رد عليه الاخر بغضب شديد

_ لا غلط غلط. ..لاح الحجرة جات لبنتو عند رجليها. وهي تغوت

_ باباااااااا…

_ بغيت ليك لوبة يا الهبيلة راه تيضحك عليك راه جاتو الخبار ولادو غادي يطيرو ليه من بين اديه قال نشد مهم ظحك بكر باستهزاء وقال

_ سولها هي ياك ماتتحمش منك ولا نت منها سولها ولا ظحكت عليها ..شار لوجهو بصباعو تيتحركو : جي لعندي نت وياها والمكحلة العامرة نعطيها ليك بين اديك… سمع نقلك …ونت عارف سباب خصومتنا ونسيتيها وتناسيتيها ورجعتلي ليا انا كلشي وانا لي صدقت خايب وماساويش ومع دالك ماقلت في بنتك حت دگت البرة ولا طيحت منها شعرة ومن بعد تصافينا انا وياها وتصالحنا ورجعت المياه المجاريها ..اش بغيتي ؟؟ ياك هادشي لي مخطط ليه عامين هادي والصرف علاش تتقلب دابا ..بغيتي تفرتك شمل بنتك تفرقها على ولادها وراجلها مايمكنش..نت مول العقل وحاج زعمة….

_ مابغيتش بنتي ترجع ليك. عدبتيها…بلا قياس وتزوجتي عليها وبكتيها ليا وحرمتيها من نعاسها شهرين وزيادة وهي تبكي وتشكي عليا.كيفاش حت طرا وجرا حت سكت وقبلت بالضرة

_ ماكين ضرة ديك البنت طلقتها وبنتك رجعتها

_ نت هو القايد سي عيسى تزوج وطلق كيف بغيتي..

_ والله عطاني من ملكو باش نولي قايد على راسي ماشغل حد فيا وها بنتك ..شار لشهلة وكمل كلامو

: سولها

_ نت شفتك كيف البهيمة لي ساقك قدامو تبعيه.. حمر بكر عينيه فيه وقال

_ حشومة تقول هاد الهضرة على بنتك انا مانرضاهاش ليها ودابا هي مرتي مانسحمش ليك تقول عليها بهيمة حشاااااك الحاج حااااشاك

_ وتفرق على بنتي وبعد من بنتي. مشا ابو بكر وقف حداها وقال

_ جيتيني نت نوبتك وسمع نقول ليك والله بنتك لافرقت عليها سمعتي… شد في ايدها ومشا جارها وراه ولاخر تابعهم اديهم ورى ظهرو قراجتو بحو وهي عاجبها الحال. غادية وتتظحك ..الدار بعيدة العود طلقو بكر رجع تيجري .جايين بتلاتة السبان والمعيار من عند الحاج تيتسمع ..کل ساع يهز طوبة ديال الحجر يجيبها ليهم عند رجليهم مرة تهرب شهلة مرة يروغ عليها بكر .مرة يضحكو مرة يتلفت ليه ویوقف ..عارفو طالع ليه طونسيو وتيحماق بعد المرات .شاد فيها ضد فيه وداز وسط قيامة ديال للخدامة كلشي يشوف في مولاي السلطان ويسمع غوات الحاج ..مابغاش يجبد معاه العيب كتر وخلاه على هواه مدام تيتلفت لشهلة ويلقاها تتظحك وتغمزو وتمعل ليه اشارة شوش….وصلو لدار وهو يجرها الحاج من ايدها ..

وصلو لدار وهو يجرها الحاج من ايدها

_ سيري شوفي مك وخوك ونت تقولي وكلوك الجلود… مشات تغنج في مشيتها كلها دلال ورقة … دخلات لبيت عند مها عنقاتها اللخرى ومشات وجات بيها وجلسو تيتعاودو على كيفاش وقع وشنو طرا ..شهقات مها من جراة بنتها وتاسفت لعروس وتمنات ليها سعادة طول حياتها..لحق عليهم الحاج وتعاود الديسك من عند اليكسي وتجبد موضوع الحضانة وخدات المحادتة نقاش طويل وعقيم …خلاتهم ومشات لبيت دانيال تيلعب بابجي..خدات منو طابليت وعطاه ليها بطيبة خاطر وجلسو يلعبو طروحة ..تعشات بلبيموات ولعصائر المعلبة والشكلاط لي جابو ليها .مشات عنقت ماماها ونعست في حضنها من بعد ماقالت لباها

_ سير نعس مع دانيال باش تعرف بقيمة الحب ضربها بالمخدة وخرج تيحوقل ..

بكر في بيتو يصول ويجول بسروال سيرفيت في زرق غامق وتيشروط بيضة بجيب عند الصدر زرقة ..صندالة صبع في رجليه…ساعة في ايدو فضية كل ساع يهزها لعند عينيه ويتسنى الباب يتحل لحيتو الكحلة تنتفت من كترت ماحكها وجر شعرياتها….جاب ليها تلفون جديد….باغي يعطيه ليها ليلة قبل غدا ولي بداوه في الكوخ يكملو معاها في شي قنت ساع والو…واش لقا من يدوز ليها…هبط مع الدروج. تسارا في الجردة داز من جيهة بيت باها الخوامي مطلوقين والضواو طافيين… رجع من جيهة اخرة وعينو على بيت دانيال…جوج المرات تيطلع ويرجع يهبط حت عيا ومشا جلس في البالكو ..

صباح الحال.. وبدات التحضيرات ديال الحفل اول الحاضرين..هبة وراجلها وبناتها والسي عيسى ..كل ساع جاي فوج من الرجال خوتو وعمامو وعمام شهلة وعماتها. حضرو الطلبة ..بلباس بيض انيق جلالب وبلاغي العمامات على الراس…حمام السلام تيتسارا في الفيرمة قبل ماتبدى الحفلة وتدبح الضروبة…الحاج بوشتة ماعجبو حال لكن بزز منو واقف ويرد المباركة وفينما بغا يقول شي كلمة يتفكر بنتو لي باغياه ويسكت ….تكات العجلة وسال دمها بموس ماضي في يد ابو بكر على تكبيرات بين لسانو ..تعلقات وتسلخات وحوايج بكر ورشيد عمرو دميات ….تقطعات طراف طراف وخرجات صدقة لكل حاضر وغايب…طناجر تيطيبو وريحتهم عند العساس لي وصلو عشاه قبل مايتحط في طيافر ويدور على الطبالي..

طلع بكر دوش وبدل حوايجو جلابة بيضة مخطة بالصفر مع سروال بيض وتقاشر بيضين وبلغة صفرة وعمامة صفراء مدورة على راسو.. بحال باه وخوتو بجوج حت سيراج لابس تقليدي غ مبدل جلابة بجبادور….عمرات الصالة بالطلبة الفقها بلباس تقليدي مغربي بيض وصفر على روسهم قباب ديال الجلاب باش يترتل القران ..قراءة جماعية تتصدح المكان بتلاوة مغربية رائعة تقشعر لها الابدان…تختم حزب وبداو حزب اخر النساء على برا في خشوع تام شهلة وماماها وهبة لبسوها وصاوبو ليها شعرها اول مرة تسرحو وتبدل ليه لوك جاها هابط حت فات المؤخرة كان ديما مبوكلي ومجعد واقف عند ظهرها عجبها بزاف وجلست تتجدب بيه …فكرات النبيد خاصها تجيبو..تسلتت بشوية عليهم وهبطات هازة قفطانها الباج ديال جوهرة بصباعها والبلغة في رجليها وللحنة حمرا عاطية العين .بنقش صحراوي من ادين هبة .. ..تتقلب على هنية بالريق الناشف حت لقاتها في شد ورد مع المعطي عيطات عليها ولاخرى صلات على النبي.. جاتها مبدلة بالماكياج كحل غامق في العينين والعكر حمر يعيط ياليل ياعين وخدود وردية والشعر حرير تيتمايل جنب كل ماهزات راسها ولا دورتو خايفة يشوفها شي واحد…الطيبات في الكوزينة والسربيات تيمشو ويجو

_ يله نجيبو العصير اهوني ردت عليها لاخرة

_ راه صاوبنا العصير غ خلي هداك من بعد

_ الا اهوني هداك راه صدق وااااعر ويله…

_ مشاو تيتسلتو هزو القرعة ديال خمسة ايترو عامرة حمرا تتشهي..ودخلو لكوزينة التانية فين مصاوبين كلشي مقاد بلاطوات ديال العصير طبيعي هالخوخ هالفريز هاالكيوي ..هاليمون..خوات كاس لول داقتو وهي تعرض الابتاسمة تتشوف في هنية لي بانو ليها الفقعات سحبتو موناضة وقالت

_ اري ندوق

_ خوات ليها جغمة بالحساب .شربتها جاتها مرة .. هزات كيسان خاوين عمراتهم وهي تتفكر .. لمن تعطيه من غير بكر..هزات عينيها لسماء تتفكر شكون شكون وهو يطيح في بالها باها ظحكت وعمرات كاس وزادتو عصير الخوخ..داقتو جاها ماباينش وهي طيح عليها فكرة جهنيمة شربات واحد ..شافت في هنية وقالت ليها لخرى

_ ماعجبنيش

_ تسناي انا نصاوبو ليك يجيك واعر ..دارات على الكيسان كاملين تنقص من شي ووتزيد شي…حت سلات القرعة كلها ومدت كاس لهنية وقالت

_ هاكي شوفي واش زوين دابا . داقتو جاها نقصت الحموضة ولكن بنكهة الخوخ عجبها شربتو وقالت فين ديال المعطي؟؟ عطاتها كاس .. جاو السربايا هزو البلاطو وهي تتشوف في الشراب غادي الطلبة قدام عينيها.. بقاو تلاتة جراتهم عندها وكانو عامرين غ شراب فيهم غ نكهة ديال الخوخ شوية ماشي بزاف.. ماخلطتوش مزيان..هزاتهم بين اديها في بلاطو وخرجات…عجب هنية العصير وزادتها كاس اخر وتبعتها .. شافت باها تيمشي ويجي اديه ورا ظهرو ظحكت بريبة ومشات عطاتو كاس من الدقة نزل عليه

_ والله ابنتي الى وجهي في التراب خلاتو ومشات .. ..مارضاش ببكر يغلبو ويدي الجمل بالقافلة خاصة من بعد ماتسابو وتعايرو في عرسو مع هناء مارضاش وماتصرطاتش ليه..دازو من حداه السربايا ببلاطو وهز كاس اخر ..نزل عليه دقة وحدة..وقفت شهلة عند باب الصالة مخبية ..شافها منصيف وجا عندها قالت بغات تشوف بكر شوية…دخل قالها ليه في ودنو وخرج عندها هاز جلابتو من لتحت..تلفت يمين وشمال محمر فيها عينيه تيهضر بهمس وتتجاوبو بالمتل

_ علاش تتدوري هنا راه غ الرجال.

_بغيت نشوفك…

_ حت انا ولكن نساليو هاد شي وغادي نعيط عليك

_ وماماك وبابا ؟؟

_ صافي تحل المشكيل…هزات الكاس مدتو ليه وشربت هي ديالها .نزل عليه دقة وباس ليها جبهتها شار ليها تخرج من هنا وتمشي عند العيلات…بقا واقف حتى مشات ودخل …رجع تيمدح معاهم..طباسل ديال البلار مهزوزين من فوق الطبلة على شكل كيسان كل طبسيل باش عامر لوز كركاع بيسطاج اكاجو…وكيسان ديال عواصر وبرارد ديال اتاي تيتعمرو في الصالة مع مبيخرات طالقين ريحة عود القماري …هز بكر كاس اخر ومشا رجع بلاصتو طلبو منو ورد من القران بصوتو تيعرف يقرا القران ويجود…سمى الله جر القب على راسو ..وبدا بقراءة جميلة مرتلة بقراءة مغربية برواية ورش ..مخشع جامع حواحبو …

_اعوووووذو بالله من الشيطاااان الرجييييم وَیَقُولُ ٱلَّذِینَ كَفَرُوا۟ لَوۡلَاۤ أُنزِلَ عَلَیۡهِ ءَایَةࣱ مِّن رَّبِّهِۦۤۗ إِنَّمَاۤ أَنتَ مُنذِرࣱۖ وَلِكُلِّ قَوۡمٍ هَادٍ ٱللَّهُ یَعۡلَمُ مَا تَحۡمِلُ كُلُّ أُنثَىٰ وَمَا تَغِیضُ ٱلۡأَرۡحَامُ وَمَا تَزۡدَادُۚ وَكُلُّ شَیۡءٍ عِندَهُۥ بِمِقۡدَارٍ عَـٰلِمُ ٱلۡغَیۡبِ وَٱلشَّهَـٰدَةِ ٱلۡكَبِیرُ ٱلۡمُتَعَالِ سَوَاۤءࣱ مِّنكُم مَّنۡ أَسَرَّ ٱلۡقَوۡلَ وَمَن جَهَرَ بِهِۦ وَمَنۡ هُوَ مُسۡتَخۡفِۭ بِٱلَّیۡلِ وَسَارِبُۢ بِٱلنَّهَارِ لَهُۥ مُعَقِّبَـٰتࣱ مِّنۢ بَیۡنِ یَدَیۡهِ وَمِنۡ خَلۡفِهِۦ یَحۡفَظُونَهُۥ مِنۡ أَمۡرِ ٱللَّهِۗ إِنَّ ٱللَّهَ لَا یُغَیِّرُ مَا بِقَوۡمٍ حَتَّىٰ یُغَیِّرُوا۟ مَا بِأَنفُسِهِمۡۗ وَإِذَاۤ أَرَادَ ٱللَّهُ بِقَوۡمࣲ سُوۤءࣰا فَلَا مَرَدَّ لَهُۥۚ وَمَا لَهُم مِّن دُونِهِۦ مِن وَالٍ ..ختم بصدق الله العظيم تفرق اتاي وهو هز كاس اخر ديال العصير .ماعندوش مع اتاي فيه السكر…عيطو على الحاج مشا ليه سي عيسى ورشيد وجلسو مقابلين والفقهة مجمعين وفي الدين تيحدتو ولي ماعرفهاش شي واحد تيسول عليها..واحد فيهم كان زعيم وهضر على الزواج وقيمو ومابدؤو وان الراجل خاصو يتعلم حسن المعاشرة ومايطيحش على المراة بحال البهيمة لابد من التقديم واستدل بحديث شريف .. بكر تيسمع لفقيه وكلام شهلة وطلبها تيتعاود ليه في ودنو..لكن حشم .. هز كاس اخر ديال العصير زادو لكرشو.وبدوز باللوز..تسارحو الطلبة ورجعو يقراو القران ..جماعة اصواتهم عالية وقراءة مسترسلة كانه صوت واحد هما تيتمايلو وبكر تيدور في راسو مابقا بان ليه والو ختمو الحزب وهو مازال . سكتو وخلاوه يقرا يقرا حت بدا يبكي وكتافو يتهزو…وقف عليه باه باش يسكتو والو واش سكت دارو بيه خوتو وباه جلسو حداه … وشي يقول خليوه يبكي شي قول غ العين تتخرج منو شي يشوف في شي حت بدا الحاج بوشتة يضحك ويقهقه وناض وقف مخروع ..

بكا حت عيا وبكا معاه لي تيسكتو فيه منصيف رشيد سي عيسى ..الالة خدوج برة تتولول وضرب في خدودها ..سميرة وامينة وهبة واليكسي كلشي تجمع عند باب الصالة بغاو يعرفو مال بكر واش تشير ولا وشنو…دارو بيه الفقهة شي شد ليه في نواضر شي جلس حداه تيكبر في ودنيه ..حت سكت قالو الحمد لله على سلامتك اسيدي العين هادي غي العين.. رجعو لبلايصهم ….شاف فيهم كاملين دور عينيه عليهم نفر نفر حت جات في الحاج لي واقف وقال:

_ انا تنبغي مراتي اعباد الله … طول كلمة الللللللله وعباااااااد االله وتنبغي مرتيييي ومرتي حت واحد مايديها ليا لا نت ولا ولد خالتها ولا ولد عمتها ولا خويا ولا بويا ولا انا وانا ومانديهاش… غمض عين بتقالة وقال لا انا نديها نديها انا هي دياااالي ابا .شهلاتي ديالي انا هداك سيراج ديالك الى شاف فيها نتقب ليه عينيه ..وحت داك ولد خالتها طرواون ولا زمر اون ولا خرااون غادي نتقب مو ونخليه .نسيفطو يتعالج ..ومايتعالجش اولليد غادي يشوف حت يعيا يرجع مراة غادي نخليه يولي يقلب عليك وعليا حنا حنا الرجالة صافي الوليد..هانية واش هانية ..عنقو باه تيسد ليه فمو..ولاخر اديه غلاض الى شدو فيك غير سلم…كمل هترانو وقال:

_ شهلااتي حبي انا ديالي انا . تنبغيها وتنمووووت عليها ..حبها سم تيقتلنييييي ..اديه تيشيرو فوق راسو ويشالي بيهم….انا جيبو ليا مراتي . تشطح ليا بوووحدي مايشوفها حد ..دفع باه مد عينو لخوه وشار ليه تيتحلف

_ شتي نت والله حت نگرض ليك عنقرتك على ربعة حط ايدو على عنقرتو تيطبل عليها : ..الى فكرتي غ فكرتي تهز عينك في حوايجها.. نطيرها ليك من بلاصتك .هادي هادي . سي عيسى واكل فمو بالعضان وتينوض فيه وهو حجرة صمة كبيرة تابتة …هز عينيه في باه مقلوبين وقال:

_ تتعرف الحب الوليد.. ظحك مبسم وعينو براقة ومعسلة وحمرة : تتعرفوووو ..تيحرك راسو مقوس عينو ونصو في وجهو راقد : شلاهبي نت احياني عليك. شار لس نفسو …وحت انا تنعرفو مزيان نقول ليك نقول . الحب …..تحركو صباعو جيهة صدرو بحال رجلين الاخطبوط تيتتراقصو ..وقال : هو المشاعر ..المشاعر… المشاعر المشاعر .بزااف ديال المشاعر… .ضرب صدرو وقال : مشاعر هنا ومشاعر هنا….ضرب راسو بصبعو ..كمل كلامو

_ المشاعر هي شهلة الحب الحب هو شهلة هي الحب وهي وهي المشاعر وهي الغراااااااااااام..شهلة ديالي هي المشاعر هي كلشي هي المشاعر المشاعر المشاعر المشاعر رجع هز عينيه في باه وقال

_ الحب شنو وا ابا ؟

الاب واقف عليه ويهز ليه في درعانو ولاخر والو واش تقلع

_ جاوبني الوليد …الحب الحب شنوواا؟؟ ..جاوبو لاخر ماعرف يضحك ولا يبكي ولا يشدير

_ الحب اوليد هو الماشعر ..صافي

_ لا الوليد الحب هي شهلة هز صبعو لعند عينيه :.لا الحب هما المشاعر والمشاعر هما شهلة فهمتي دابا حط صبعو على ناضرو …حرك الحاج عيسى راسو سولو لاخر بعينه وفمو مايل جنب وعينيه مقلوبين :

_ وقول دابا الحب اشنو هو الوليد ؟؟

_ الحب هو شهلة…ضرب باه لركبتو بشوية بضهر ايدو وقال

_ لا اوليد شهلة حبي انا نت قول الحب هو المشاعر. رد وراه الحاج بضحكة

_ الحب هو المشاعر ونوض تنعس…

_ لا الوليد قول ليا بعد …

_ ت اش نقول الوليدي راه لي دار فيك هاد الحالة مصيرو على اديك غ الله يحفظ وصافي…شاف فيه وجرو عنقو وتيتمم ويبركم

_ الحب هو المشاعير والمشاعير هما الاحاسيس الاحاسيس واللاحاسيس وشنو هما اوليد ؟؟

_ هما المشاعر …قالها الحاج عيسى بضحكة ورد عليه لاخر تيصحح ..

_ الا هما شهلاااا الاحاسيس هما المشاعر والمشاعر هما شهلة ا فهمتي دابا ؟؟ حرك راسو سي عيسى ظاحك وقال

_ بقات عليك متورخة يالمقدم طلعتي السماء وهدا لهبطك تحت لارض مصيبتو كحلة ..دور عينيه فيه وفي الصالة

_ وت تقول ليا الحب شنواااا؟؟ ماتقولش ليا شهلة هديك الحب ديالي نت ديالك خدووج ..

..شاف في الفقيه لي كان تيحدتهم وباغي يسولو … ..ظحك وقال

شاف في الفقيه لي كان تيحدتهم وباغي يسولو … ..ظحك وقال

_ اجي نسولك الفقيه بو فهامة اجي نسولك اجي الله يرضي عليك اجي .تيحرك اديه ليه تقول تيعيط على واحد من ولادو…..ناض لاخر عندو حت هو تنغم بكاس ساع غ تقل ليه راسو وصافي..جا عندو وتكا باديه على ركابيه..من صباح وهو يضحك وحاضي كل واحد ملاهي مع راسو تقول غ دجاج شي يقلب في جلابتو من جيهة وحدة وشي يحك في راسو كي المجراب وشي شد في شي ومدابزين على حوايج بعضياتهم واحد قال لاخر طلق جلابتي لاخر قاليه طلق ليا سروالي خمسة الطلبة وبكر والحاج لي داخو اما البقية غ يتفرج ويظحك ..جرو بكر من ودنو .خلا سي عيسى يضحك ويتهزو كتافو تيتلفت لولادو بعيون ظاحكين وايدو على فمو ..قربو حت هما باغين يسمعو لبكر اش غادي يقول .هز عينيه في الفقيه وقال

_ دابا نسولك سؤال محرج شوية وسمعني ماعناودوش كلامي ..شاف في خوتو بظحكة في عيونو وقال

_ بغيتو تستفادووو..ظحك بعيون مغرزة .. رجع شاف في الفقيه وقال ليه لاخر

_ غ قول لبغيتي لا حياء في الدين…رشقو ابو بكر لكتفو وقال:

_ نت غادي نتافهم معاك مزياااان ودابا عطيني فهماتك … كلشي حط ودنيه وعينيه عند بكر بتركيز لانه فمو بدا يتقالو حروفو وقال

_ مرتي بغاتني نتلاحسو انا وياها ..تصعقو خوتو بغا الفقيه يوقف مستيقم وهو يجرو بكر من قبو وكمل كلامو

_ واش نحلس ليها تحتها وتلحس ليا ديالي حرام ولا ماشي حححرام …….جاوبني وفهمني …..كلشي هرب خوتو باه والفقيه ولا تيقلب فين يجلس تلف على بلاصتو غ جلس ناض تيجري لبلغتو لبسهم مفاردين …تبعو سي عيسى

_ اجي فين غادي راه العشاء مجود ماجاوبو لاخر مارد كلام في في فمو

_ الله ينعل لي مايحشم.. الله ينعل لي مايحشم… …..الصالة مقلوبة ظحك وبكا واحد الفقيه شد مخدة عنقها واحد ناض يتشقلب ويضرب الطبالي برجليه.. اما الحاج..بوشتة هز جلابتو حزهما عند مؤخرتو .وبدا يخلف في رجليه .يشطح بلا موسيقى ويغني ويجدب …رجع عندورشيد من جيه ومنصيف من جيه وقلعوه من بلاصتو بزز وهو تيحلف ماينوض غ لماجات مرتو وباه تيسايس فيه

_ يله طلع عندنها راك عريس ليوم نوض

_ لا ماطلعش هي لي تجي فين هي جيبوها ليا تتظحكو عليا راه داوها ليا ..

_ لا ماداها ليك حد اوليدي غ نوض تيضور راسو لا

_ وشكون داها؟؟؟ داير ليه الحاج خاطرو ويجابو عارفو ماشي في وعيو

_ نتااااا لي ديتيها صافي.نت .ظحك وهو ينعقو . غادي مايل ..طول ايدو شد في قب الحاج لي بقات ليه غ الوطرة ويلولي قزيبتو لفقهة ..وقال

_ صافي ديتها انا لي ديتها ..بنتك ديتها ليك صااافي جاوبو لاخر تيضحك

_ ودتيها و دتيها ….باس بكر ايدو وسيفطها ليه وقال

_ معلم … ..شاف في خوتو بجوج وقال

_ غنو ليا ديتها وماخلتيها . مكرشخين عليه بالظحك عمرهم ماشافو بكر خارج على شبكة الريزو حت ليوم جاتهم فرصة ومناسبة ..عنقو رشيد جنب وقال ليه في ودنيه

_ دتيها ديتها والله ماخلتيها .. هز ايدو دور وجه رشيد عندو وباسو في حنكو … تطلقات ظحكة في السماء من منصيف والحاج عيسى وهو يقول

_ دوز عندو امنصيف ماحدو تيفرق البركات لعقل غ هرب وجهك.. .. ضرب لاخر في فخاضو .ودموع عينيه تيسلو مقهق .شاف فيه بكر وهو يقول ليه

_ نت مغنتيش ليا فيك السم ديال خوك الصغير غني. غني ..ظحك لاخر وقال

_ داها داها وبكر هو مولاها..جاوبو السكايري ديالنا

_ هكاااك ارضى ……تسمعت الخبار بكر سكران شي مسعوق وشي تلفان..دخلات هنية محزمة تتشطح وتشقلب وسط الدار وتزغرت وتغني

_ الكاويني والله لابقات .فيك تابعها المعطي ويصفق ويتلوى بحال المراة ويقول

_ واهنية ديري هااه وديري هاااه تيلوي في مؤخيرتو. ويحرك كتافاو كلشي تيتفرج فيهم الالة خدوج شادة في خدها بفقصة وهبة ميتة عليهم. بالظحك دموعها عند دقنها مقرونين .دخلو بكر وهي تمشي عنقتو هنية تتشطح

_ والمقدم يالمير يا بو جلابة حرير.. لاحت زيف راسها وتشقلبت بحال الشيخات . عيط عليها منغم كتار منها وقال

_ اجي ياجي ت اجي غني لمقدم ديالك داها وداها والله ما خلاها .. جاوباتو تتلوي في قزيتها والمعطي بارك على رجل وتيصفق ليها

_ داها وداها داها لبييتو يرد عليها المعطي

_ داها البيتووووو ..

_ فرش ليها زربيتو . تفرقو خوتو تيجيرو ولالة خدوج هبطت شالها على وجها سميرة وامينة طارو بقات اليكسي تتفرج في المسرحية وهنية تتلوى وتغني

_ فرش زربيتو ووخخ .زن**** ..شداتها لالة خدوج زمات ليها فمها ولاخرى تتنطر منها وبكر تيضحك عاجبو الحال عينيه تيبرو

_ خليها الوليدة ..واجي نتفاهم معاك الوليدة اجي نت علاااااش ماتخلينيش نعس مع مرتييييي ..وهي ديالييي حلاليي نعس معاها صبح وعشياااا.. فهمتي واش فهمتييي واش هي تتجي عندي برجليها ونت تتجري عليها ولينا نتخباو عليك في القنات وحشومة واللي ت حشومة عليك ..واش انا واخد العسل بشهدو ومنغمسش ….شهلاااا انا جاي عندك وهاد الوليدة غادي نسورت عليها … ديتك انا ديتك…والحاج بوشتة واجي

طلعو باه جارو غ بزز تور ولا عود ولا شنو تيقول سي عيسى في خاطرو تبعتو لالة خدوج من بعد ماسورتت على هنية الي قلبت البيت سفاه على علاه … تتدور في راسها سورت عليه هو لاخر وتلاقاو في الكولوار

_ اش ديك المصيبة لي وقععت اخدوج نعيط على البوليس دابا شي واحد مايخرج من الفيرمة.

_ داروها بولدك بغاو يتشفاو فيه مايكون غ الحاج بوشتة هدا .

_ وت فين الحاج راه محزم وتيشطح..وسي العياشي تيتشقلب فضيحة صافي . ..عيط على العساس جاوبو لاخر وقال ليه غ فقيه الفلان الفلاني هو لي خرج

_ سورت الباب ولي باغي يخرج صحة تيري في مو بالمكحلة…

..غادي جاي في البيت باغي يغني ويشطح ويردح واسم شهلة على فمو ..خرجات من الدوش من بعد ماتقيات كلشي لابسة جوج بياسات فقط في البيض سليب غ خويطات والسوتيانات مشبكين.. من بعد مالاحت القفطان …شافتو تيصول ويجول مبدل في وجهو وهي ظحك وضربت ايد مع ايد وقالت

_ سكييير

..شاف فيها وهو يفرح وقال باستفهام ..

_ شهلااااا..جاوباتو تتنطز عليه

_ نووووووو..غطات وجها بشعرها

_ شهلولوتي تتضحك لسما وقالت

_ مايمكنش دغيا سكرتي؟؟ رد عليها

_ نت الحب ديالي جاوباتو تضحك وباستو

_ نت لووووف ديالي…دخلو في قبل ومداعابات جياشة .دفعاتو فوق النموسية ..تتشوف في عيونو بريبة وابتسامة شريرة على وجها…خدات مابغات حركتو كيف بغات وهو ماعقلش اش تيدير في وعيو تيسد ليها فمها دابا غواتها توسلاتها وكلامها بجميع اللغات واصلين لاين لاين . .السراجم مترعين البالكو محلول قصة ولا طاحت على البال..تعلات اللاصوات الغريبة في الفيرمة ولي تيدرو في الجردة هاز راسو اش هادشي ولي كان تيتعشا وحلت ليه .لي فاهم وعارف وواعي تخشى في حوايجو ولي غ مگدم تيسول شكون تيغوت ..عندكم الغوات عتقو الروح…..رحيمو تتصول وتجول وتعاير في اليكسي نوضي شوفي بنتك مالها ..واللخرى غ تتدور في راسها حشمانة وشادة في الحاج لي مرة ينوض يشطح مرة يبدا يركع…شافت حت عيات السكيي وطلعت تتدق عليهم هي ولالةخدوج وشكون سمعهم . حرب فوق النموسية .سكرانين . بشراب من نوع اخر غطا على شراب العنب تلاحو المخاد في الارض الايزار نصو مجعظ ونص لاخر ماكينش النمسوية صادا بجيه وهما بجيه ….لالة خدوج تتضرب في خدها هبة وسليمة وامينة وسميرة ورحيمو …في صالة حشمانات كل وحدة فين صادة ومغطين وجاهم بزيف راسهم ….منصيف سد على الطلبة الباب والسراجم رشيد يضرب ايد مع ايد وتيتسارا على البيوت ويسد على لي فيهم جمع السرباية كلهم في بلاصة حمر فيهم عينيه حت واحد مايخرج .سيراج في الجردة ..داير ليزيات في ودنيه مع اول صرخة من شهلة عرف شنو كاين . شافت رحيمو حت عيات ومشات تتقلب على رشيد

_ دوز هرس الباب عليهم شوهة صافي الله يقطعهم ويقطعني

_ نهرسو وندخل عليهم نت مريضة ولا شنو؟؟

_ انا ندخل اجي غ هرس عليهم الباب

_ باش غدا يهرسني ونولي نمشي على ركابية سري دابا كلشي يفوت. غ سيري … جاب منصيف المكرفون ديالو لي تينده بيه ابو بكر وسط الحركة في الموسم ويقاد بيه العلفة .بدا يمدح ويصلي على النبي.من بعد ماقال لفقهة قراو الاحزاب قابو ليه حت واحد ماعاقل نحرفو القران نزيد ايتم على اتم ..جلس وسطهم وهو يمدح ولاخرين يفصقو ويصلو على النبي …. وسي عيسى عند العساس تيبحت فيه شكون البراني لي دخل وخرج قبل المغرب.. الساروت في ايدو مارجع حت سمع لي سمع وحشم لي حشم وتنغص لي تنغص وكان خاصو غ هاد الكاس ويخرج لي في قلبو… لاح عبد الرحمن حوايجو وخارج غ بالشورط حفيان ويغوت ويجري كي التور المربوط

_ وتنبغي مرت المقددددددددم وتنحماق على مرات المقددددددم والمقدم هو لي موزج والمقدم هو لي معرس والمقدم هو لي عندو المراة .. وبغيت الجلدة ديال مرات المقدددمم . تيجري ومرتو تضرب في فخاضها وولدو تيبكي غواتهم غطا عبى غوات العشاق ..خرج ليه منصيف ورشيد .شدوه غ بزز ودخلوه لواحد البيت وعطاوه ماعطا الدباغ لهياضر رجعو ظهرو رطب من كرشو وفينما جبد سمية شهلة ينزل عليه واحد برجلو..لفم حت ريبوه ليه كلو تبعهم سيراج تيتفرج فيه وهو عقلو تبرمج

_ تنبغي شهلة تنبغي شهلة تنبغي مرات المقدم ….والمقدم سعداتك ونت لي مزوج ونت لي تبوس وتعنق…سخفو هما وهو ماسكت .جروه لزريبة وربطو رجليه مع اديه ورا ظهرو .. منعسينو على كرشو وجهو في روت البهايم…..تشتت شمل امينة وعلى باها ومها عيطت …

.صباح الحال البوليس عند الباب..كلشي واقف صف واحد حت الكيسان لي تفرق فيهم العصير فوق طبلة

…حل بكر عينيه على دقان مجهد حل عينيه ورجع سدهم…. رجع الدقان هز راسو وهي تجيه الدوخة .خدا برهة تيقاد فيها عينيه حت تحلو…تلفت لشهلة لي ناعسة على كرشها زبطة.. شاف في راسو كتر منها

..دور راسو في البيت . تيحاول يرجع الداكرة..حت رجعت ليه السينتا ببطء كمش حواحبو وناض تيقلب على مايلبس وجهو خاسر بسؤال واحد

_ شنو وقع؟؟

ايد عامرة دمالج ديال الدهب كل ماحركتهم على الباب تيستمع ترسيرهم ..عرف شكون لي ورا الباب تيدق بجهالة…

_الوليدة صبري هاني جاي…رجع هز الغطا من الارض لاحو عليها حت خلا غ راسها باين..غارقة في النعاس..ماجيبة لدنيا خبار…. حل الباب خارج جارو معاه تيسول

_ الوليدة اش كاين؟؟… جرات خدها بصباعها وسنيها عاضين في شفتها السفلى وقالت

_ الشوهة ياوليدي الشوهة… تنهد مت عمق كرشو ولاحها ..صور باهتة تتدوز على عينيه ..شد في كول تيشروطو الزرقة الغامقة ..تيفعف فيه ..شدات ليه في ايدو وجراتو وراها

_ هبط تكلم البوليس.. وقف وشاف فيها براس عوج مع سؤال في عينيه

_ البوليس..؟؟

_ اه البوليس عيط عليهم باك باش نعرفو شكون رونها لبارح فظيحة صافي ..سبقها مخلف الخطى تابعاه بقفطانها البيض فوقو وشاح ديال الخيط حت هو بيض ..تبعاه كيف الحمامة…خرج وهو يضربو شعا الشمس لعينيه..غمضهم برهة وحلهم بدموعهم ..صابحين وارمين وحمرين.. تلفتو ليه خوتو والخدامة والضياف .. ابتاسم رشيد وهمس في ودن خوه

_ هالمشاعر جا ….ظاحك في صمت

_ والاحاسيس ..كتافهم تيتهزو

_ كون غ مرة مرة يضرب كويس…جاوبو لاخر

_ العجب كون غي صورتو مشات ليه تمقدميت في خبر كان . تيتكرشخو بالضحك ..

_ مانكدبش عليك امنصيف شحااال بغيت نشوفو معسل وناشط وظاحك من قلبو ولكن باش نشوفو طايح على زنافرو على مرتو ويبكي ماعمرني توقتعها..

_ خوك طلع مجهد عليك وخا مزوج قبلو موحال واش دير بحالو ارشيد

_ اودي فايتنا في كلشي ..هاد خوك..انا كون سكرت وكون وليت نودن ونهلل بقا لي غ البغو نشرحو

_ وت هاد ابو بكر طلع قيس وحنا ماعرفينيش..تلفت ليه رشيد ..من بعد ماكانو تيشوفو فيه ويتهامسو بناتهم

_ غادي يقتل عبد الرحمن ..شاف فيه لاخر وقال

_ فكيتو قال ليا ماعاقل على والو سحاب راسو غ تيحلم…قاليك يدوز البحت ويغبر طلبني مانجبدش لمقدم هادشي

_ عارف قفرها المصيبة…

_ عرفتي ويعرف ارشيد هادشي ومن طلقناه والله حت نمشو فيها

_ خلي النم يغبر راه فيها روح هادي مانعستش فكرت حت عيت ولقيت هدا هو الحل..

***** …

ايدو على لحيتو تتتجر حواجب مقرونين عينين داخلين .تيسمع لبوليس ولباه والطلبة لي باغين يعرفو شكون شربهم لحرام مايتفاكوش معاه ….داز واحد بواحد قدام البوليس اولهم السربايا .. والطيابة شكون خوا العصير في الكيسان شكون سرباه وشكون شربو وشكون لا ..القضية فيها الشراب ولي شربوه طلبة وحاملي كتاب الله القضية صعيبة ..واقف على الشوك.. هادشي غ ماعرفش فضيحتو في البيت ولات حكاية..من صدمتو تحشو ليه الرجلين…جلس على كرسي مرفقو فوق ركبتو وايدو على خدو فمو مكمش وعينيه تيقراو عباد الله لي قدامو ولي غادي يديرو في مول الفعلة محالش واش حت فكر فيه البوليس …فينما سولو شخص وشافو في بكر شنو رايك يهز بكر اديه ماعرفش بلا مايضهر ولا يطلع ليه سوط…..تنف شعر لحيتو عرق جبينو ..جاه الوجع في كرشو تيتقطع ..صدرو تيطلع ويهبط وفي دماغو غ حلفة وحدة

_ والله حت نلعقهم في الشجر ليلة ونهار ….صوت الفقهة عالي وبكر ماحملش راسو . وتيتمم بغيض

_ الشراب ..الشراب…انا شربت الحرام..والله حت نعلقو من رجليه ..مرة يشوف بنادم لي واقف قدام البوليس في بحت مرة يدرو وجهو لحيط….حت واحد ماهز فيه راسو ولا شاف فيه ..حت من باه غ يدور في راسو يمين وشمال…الحاج بوشتة صبح مريض واليكسي واقفة بحجاب مع النساء …المعطي وهنية واقفين بوجاه مماتل لوجه بكر ..ساخطة هنية وماحملاش راسها مغطية وجها على الكل.. حادرة راسها الارض والدموع شلال..عمرهم ماشافو شعر هنية حت شفوه وهي تتشطح ..الى ماقتلاتهاش هادي عمرها تموت واقفة تتمشي وتجي براسها ماجات توصلها لنوبتها حت طاحت ليهم تما …جاتها سميرة وامينة ولالة خدوج والمعطي ..هزوها دخلوها ..شربوها الما والسكر وهو يتبعهم واحد من البوليس وقف عليهم …

_ اش هادشي سخفانة ولا غ تتمتل فعايل العيلات معروفين عندنا….مسح المعطي عينيه وخرج عند بكر وهمس في ودنو

_ مرتك المقدم هي مولات الفعلة. .هز فيه لاخر راسو بالزربة وعينيه بياضو ..دور مومو دعنيه جوج دورات كمل كلامو المعطي

_ مرتك ووهنية هما لي صاوبو الشراب راسو ولاو فيه عشرة تيتحركو …مشا ريقو من حلقو وحس بالعافية تتشعل ..دك وجهو في المعطي .ماعرفش لاخر واش تيشوف فيه ولا الصدمة جمدتو.. حت سمع واحد من البوليس قال

_ فين مرتك المقدم؟؟؟… هبط راسو الارض.. حت عاودو ليه السؤال

_ فين المراة؟؟

_ فين المراة؟؟؟ ..حرك راسو بمعنى كاينة ..وقف خاوين عليه رجليه .رجليه عرقو وسط صندالة صبع .. مابقا بان ليه والو قدامو حت الباب تلف عليه.. خرجات الالة خدوج صباعها طاقبين خدودها طارت عندو

_ مرتك الزينة ياوليدي شوهتك شوهة العدو .. لي لحظة انتابه ان طريق الباب ماشي فين غادين بيه رجليه ورجع بوجه اخر ونفس اخرى ..دخل طالع مع الدروج…تينقز وحدة ويزطم في وحدة ..حل الباب بالجهد حت ضرب مع الحيط ورجع تسد .. نطرا وحدة تلاح الغطا عليها..وقلبها على ظهرها بشدة من الدراع حلات عينيها مخلوعة سحاب ليها طاحت من الفراش.. تدور في راسها..غ فاقت وهو يشدها من دقنها طاقب ليها وجها بضفارو هازه وجها عند عينيه

_ صاوبتي الشرااااب ؟؟؟ .وجهو تبدل عروقو جبهتو تعقدو ….تبعتو مو لقاتو واتش عليها واديه غارقين في خودوها شادة ليه في ايدو تتحاول تستوعب شنو واقع …

_ هدى عليها هدى …جيبها وخرج عندهم .. انتابهت لبزازلها مزنطرين عريانين . وهي تولول وخرجات تتجري .حبسات اليكسي باديها وتلوي في راسها… صفعة منو لوجها خلاها تغوت لسما …..جرها معاه …لاح ليها حوايجها تلبسهم . وهو واكل وجهو ولحيتو باديه. لسانو ملجم غارق وسط حوايجو عينيه مفكسين عليها بغيض …لبستهم تتشوف فيه ودور في عينيها……خرجها قدامو ..دافعها ..طول ايدو لوشاح ديال مو من فوق كتافها لاحو ليها على راسها…هبطو لوسط الدار لقا البوليس دخلو كلهم كل واحد فين تيشوف حت وقفها عندهم …شد براسو شاف فيها الشاف وقال

_ نت لي صاوبتي الشراب؟؟ .بقات ساكتة ..وهو يشوف في بكر

_ هادشي ماشي ديالك المقدم تصاوب الشراب وسط للفيرمة ؟؟ …. هزات فيه عينيها تتدورهم واحد من البوليسي باين عليه سكايري من الطيراز الرفيع..من كرشو المنفوخة ووجهو الحمر.. شاف في شهلة بعيون اعجاب وحب وتمنى انه كون هو بلاصة المقدم ابتاسم .تيطلع ويهبط في شهلة وهو يقول

_ كيفاش صاوبتيه.؟. حرف واحد خرجتو بخوف

_ ااا

.يله ورينا كيفاش درتي ليه؟؟؟ ..نطق الشاف وقال

القضية عندك فيها الحبس اسي بو بكر..تخلعت وتلفتت ليه وقالت

_ علاش ؟؟ ..ظحك الشاف وقال

_ حيت ممنوع االالة ردت عليه بعدم الفهم وقالت

_ علاش ممنوع؟ .خلات التاني تيضحك وقال

_ تتصاوبيه معتق ولا فيه شي زيادة؟.. شافت في بكر لي صفار وخضار جميع الوان الطيف دازو عليه….جابو هنية من بعد ماستجوبوها وعطاتهم التفاصيل مانقصت مازادت ..

_ فين صوبتيه.؟؟؟.شحال صاوبتي من ايترو ؟؟. تتبعوه ؟؟ حركات راسها بلا

_ بغيت نشربو.. ضرب سي عيسى ايد مع ايد من بعد ما وصل الضياف لباب وخوا الدنيا وبقاوغ خوتو والبوليس عماتها عند بوشة تيبكيو على راسو ماحيلتهم ليه ماحيلتهم لبنت خوهم لي مشات فيها …نطق الشاف وقال

_ غ تشربيه ماتبعيهيش ؟؟ حركات راسها بلا

_ تتشربي ااشراب ادن..حركات راسها بالايجاب..ظحك البوليسي المعلوم بكر لسانو تكلا خوتو جاتهم الساكتة وتيشوفو في بعضياتهم وجه بكر كحال ولماقتلهاش في هادي يبيع الخيل ويشطح معاها ..شافت في بكر وهي تسحب كلامها

_ لا ماتنشرب..

_ عاد قلتي تتشربي !! ..بدات تمتم ولاول مرة ماتكونوش راضية على كلامها

_ تنشرب ماتنشربش ..تنشرب غي شي شوية صافي قد ديد هاك..شارت لطرف ظفرها.. رد عليها الشاف

_ امم غ تتدوقي..ياك؟؟

_ لا تندوق وتنزيد شوية. شوية صافي .. مسح بكر على وجهو بتنهيدة ..عينيه مقوسين بشر شافت فيه وهو لايح شوفاتو بعاد وقالت:

_ الشراب هداك ديال لي بيسري ولي تيتباع في المحلات . ماتنشربوش . نو نو صبعها تييتحرك رد عليها البوليسي

_ اوى علاش صوبتي الشراب؟؟ وسقتي بيه الناس؟؟

_ صاوبتو حيت كنت تنصاوبو مع جداتي وفاش شفت العنب تفكرتها وهي ماتت دابا وبغيت نحي دكرى زوينة معاها وصاوبتو انا وهوني.. وحت باش نشوف بكر كيغاش غادي يولي هو سكران….تلفت ليه البوليسي ظاحك وفي نفس الوقت متعجب وقال:

_ يله ورينا فين صوبتيه…وكيفاش حيت الى كنت تتصاوبيه باش تبعيه حريريتك حريرة …مشات معاهم هي وهنية والمعطي بقا بكر في بلاصتو…داتهم الجنان سولوها على الكمية وصفت ليهم جابو ليها البانيو وقالت هادا عمرتو…وهما تيقيدو وداتهم لبيت فرارن وراتهم فاش صاوبتو وباش غطاتو وفين خباتو وكيفاش حت صوبتو هي تتشرح ولاخر تيقيد حت لاخر مرحلة وهي كيفاش حت شربوه الناس.. سولها الشاف

_المقدم كان عارف هادشي؟؟ حركات ليه راسها بلا وحت هنية اكدت كلامها ..رجعو لعندو لقاوه واقف في بلاصتو فين خلاوه وجه ليه الشاف سؤال

_ شنو بغيتي دير معاها حنا كتبنا المحضر خاصو يتسينا شاف فيها مطولا حت كان غادي ينطق ب مالا يحمد عقباه وهو يزرب الشاف وقال

_ غ كانت بغات تنشط معاك حيت رجعتيها يمكن ياك؟؟ تيشوف فيها حركات ليه راسها بالايجاب ..

_ مزيان وراه غادي تمشي معانا لحبس باش مرة لخرى ماتعاوديش تنشطي المقدم ديالنا..تلفت ليه ظاحك

_ حيحتي لبارح … شاف فيها مطولا وقال

_ شحال ديال الحبس غادي دوز ؟

ماعندنا شكوى ولا ضرر الوليد ديالك هو لي عيط علينا نشوفو معاه هو في الحقيقة راه اعتراف منها بصنع الممنوعات راه قفارت عليها ولكن تتبان ليا ماشي بنت هنا وماعيشاش هنا .حرك راسو بالايجاب

_ اصولها نصارا وجداها نصرانية ووكانت عايشة برة جات هاد الشهرين ..

_اممم عليها . شاف فيهامطولا وقال

_ سمعي ابنتي الى سمحو ليك بهاد الشكوى حمدي ربك ..جا قدامو سي عيسى وقال_

_ ماكين شكوى دبا يتولاها هو غ مازال ماعرفاش وصافي دابا تعلم ..ايد كلامو منصيف ورشيد ولالة خدوج ترغب في البوليسي واليكسي تتبكي والالة رحيمو تبوس في الكتاف

_ العار خويا مريض العار لمشات بنتو يموت…دخلو عندو البوليس شافو حالتو في دقائق الاخيرة .سولها

_ شكون هدا؟؟؟ جاوبت بدموع محجرة في عينيها

_ بابا…تنهد الشاف وشار لي معاه يخرجو عطاو الوراق لحاج سي عيسى وقال

_ قطعهم .بالحق حت نعيطو عليك لماكنتش شي شكوى من الطلبة صعيب يتقبلوها . خرجو البوليس من جيه شد بكر بقبضتو في رقبة شهلة من جيه..

.عند الباب لقا مو وباه في شد ورد فاتهم سايقها قدامو ..تبعو ليهم العين حت طلعة لبيت عاد كملو كلامهم .. مو مكشمشة وباه جامع وطاوي ماعرفتو علاش منوي ..

_ مالو اش باقي بغاها من نهار لسقتيها فيه وهو غادي في الخسران….خسر عليها دم جوفو في العرس وزادت بحالها حرق دارو ..خسر في عرس التاني ودابا دابح ليها ومحللها لبارح جايبة ليه خطية ليوم.. صافي هدا الله ما كاين بنات ا خاص البنات ..

_ الاللاهم الالة مولاتي ..يهديك الله ولا تسوطيش على العافية خلي الرماد يخمد دازت ودوزناها ويحمد الله ويشكرو خرجات ليه طريفة

_ خرجات ليه مصيبة الحاج. سكت نت ماشفتي والو….

_ اش بغيتيني نشوف كتر …

شافت فيه حشمانة ..لاحت شال على نيفها وقالت

_ سورتي عليهم نت وغوات نعاسهم واصل لاين لاين حشمونا مع الضياف ولادك حشمو ولاو يدورو يسدو في البيبان والسراجم على عباد الله..ظحك زام فمو ..ضربتو لكتفو

_ عجبك الحال شفتك .ياويلي يا الحاج

_ حت نت غ مايسيقش الخبار هو شنو دار اما المخير في الطلبة عارف داكشي حلال ..

_ نتوما الرجال احياني عليكم..غ سكت ماعرفت ا ش غادي يدير معاها

_ ماعندو مايدير مبرعاه وراضي وفرحان ..تفكر سؤال بكر لفيقه وهو يطلق ظحكة في السما..ردت عليه مرتو

_ مخسراه..جبات ليه غ الخسارة ماشفت تبراع …

غادية قدامو حادرة راسها من الالم قبضتو شنجتها ..دخلات تتجري وهو مزال ايدو في عنقها تتنفض منو

_ ماشي قطة انا اوووف ضريتيني….ساكت ماجوبهاش ساكت وتيشوف فيها شككها في راسها

_ مالك شنو فيا باين. عاوتاني .هبطت عينيها لصدرها وشافت في جنابها حكت رقبتها وقالت

_ خاصني غ نحك جسمي بحال هكا ..حركت ايديها بحال القط المبرغت … قرب منها وقال

_ كيف تيبان ليك وجهي ؟؟ .ابناسمت وقالت

_ وسيم ولسانك حلو بزاف ..

_ درتي لي قال ليك راسك .. سكرتيني باش دوقي لساني ..حركات راسها بالايجاب …جوابها مع ظحكة رضى وقالت

_ بيييرفكت ..هزها بنضرة اشمئزاز وكاع الحب لي صرح بيه غاب هاد الللحظة ..هز ايدو حت لسما وبظهرهة عطاها ليها لفم حا جات طايحة الارض وقال

_ ماشي بكر لي يشرب ويسكر ويلحس *** …هبط جلس قرفصاء وشد ليها من شعرها

_ ماشي بكر لتلعنو الملائكة وفمي حاشة واش نحطو في الحرام وهو تيقول الا اله الا الله فمي حرام عليه يقيس الحرام وهو تيقول الله اكبر .. جرها من شعرها موقفها تتغوت وتضرب اديو باش يطلقها لوا شعرها مع ايدو ودرها كلها حت تقصحت في فروتها ولاحها بتصرفيقة وقال

_ اعتابريني حيوان وماتنفهم واااالو وقولي لي عجبك وسبي كيف بغيتي ولكن باش تشربيني الشراب عمرني نسمح ليك ودابا حلفتي غادي نوفي بيها ماتستحقيش نحنت على قبلك…. خلاها وهبط..تيقلب على هنية …والمعطي.. .جات المسكينة حادرة راسها شافها وناض وقف كان جالس قرفصاء عند دخلة ديال الجنان..تابعها المعطي …حشمان منو من راسو… صاوب جوج قنانب في شجرة ديال الزيتون

_ المعطي علق هنية لهيه ولا مابغيتيش نعطيك حسابك والله يجيب ليك ما احسن مني.

_ لا المقدم لي دار الدنب يستاهل العقوبة

_ علقها باش نهار تقول ليها المصيبة شي حاجة ترد ليها عقلها.. خلاهم ورجع لبيت لقاها ماكيناش…قلب الفيرمة سفاها على علاها حت لقاها مخبية في بلاكار ديال دراري ..جبدها من شعرها وجرها وراه الكل تابعو وساكت الا رحيمو

_ بوها مريض بوها مريض …غ شافو هنية معلقة من ااديها رجعو لور وسكتو…ربط ليها اديها مع بعض وشركهم بحبل لواه على غصن وجر حت تعلات بقاو رجليها يلعبو وهي تتغوت وظحك …ربط الحبل وخلاهم تيدلاو ..شار لمو وعمتها وختو يرجعو لدار وحلف

_ قسما بالخالق ونشوف شي وحدة تتحوم حداهم حت نخليها تونسهم..

وصلات الوحدة ديال النهار ساعة وهما معلقات بلا فطور بلا ماء كرش شهلة تتقرقر في حين هنية مانشفوش دموعها فينما قالت ليها شهلة شب كلمة ماتجاوبها حت شكت وقالت

_ هوني نت ميتة ولا حية….عياو ليهم اديهم وجاتهم السخفة …شهلة تتعيط وهنية تتفركل برجليها… من بعيد ..حاضيها بكر من السطح سمع سميتو منها غمض عينيه وتنهد استغقر مولاه مية ومية مرة وطلب المغفرة عل دنب دارو ماكانش في الوعي ديالو.. مشا وجا والفضيحة مابغات تمحى ليه من بالو..لعب مع ولادو .نعس بزز باش ينسى والو ..وهبط تيجري بواحد السمطة ديال الجلد غليضة …شافتو شهلة جاي وهي تفرح وقالت

_ حبيبي ديالي ..فيا جوع ….ولكن عينيه قالو كلام اخر.. وصل عندها وقال

_ عارف هادي اخر حاجة غادي ندير ولما بردتش ليا حرقة قلبي غادي تمشي بحالك ..هزات فيه هنية عينيها شهلة بعدم الفهم قالت

_ شنو باغي دير ؟؟ طلقني نمشي بحالي …عييت…..جمع ليها رجليها بجوج وربطهم مع غصن اخر وبرك عليها بالفلقة وهي مع كل شوطة تتغوت لسما ومع الحنة مابانش دمهم حت سخفت وهنية تتغوت عليه وهو ساعر

_ بغيتي الشراب هاالشراب ..هالشراب هالشراب…يله شربي مع راسك……خلاها معلقة ورجع بحالو ..دخل لبيتو كاره راسو كتر وكتر ..بقا فيه حت طاح الظلام كل مانجاه يترجاه يرجع بخفي حنين حت وصلات تناعش ديال ليل. خوتو مشاو من ورى الغدا مو وباه مشاو مع هبة .بقات غ عمتها مع باها لي ولا شوية عاودو ليه اش دارت بنتو وراها معلقة في شجرة جاتو من الجنات والناسىوقال

_ خليه يربيها راه انا ماعرفتش نربي ..خرج من الاعتكاف ديالو مشا باس ولادو وخرج تيسوط ويزفر لقا المعطي مقرد عند الباب شافو وقف ومشا تبعو حت لعند عيلاتهم ..وقفو عليهم . بقا واقف شافهاةماتحركتش عكس هنية لي غ سمعت الخطوات بدات تفيبري…ومشا عندها ..شد في رجلها مادارت حت ردت فعل وهو يحل القنب بالزربة ..ونزلها دايبة مشا تيجري بيها ..حل المعطي هنية وهي ضربو

_ ياك انا درت الدنب اا يالحماري اا ….

_ زيدي زيدي وسكتي اش بغيتيني نقول ليه لا

_ اه قول ليه لا هنية هادي

_ والمقدم هدا ..

_ يااااك العيساوي تعلق مرتك في خاطر صاحبك

_ صاحبي وولدي ولي ضرو في خاطرو كبر من هاد تعليقة …زيدي ماعرفت مال مرتو

_ مامالها والو كنا تنهضرو غي شافتزدو قالت ليا انا ننوت ونت تحركي ..ظحك المعطي ومشاو…وصللها لدار .ماحلاتش ليه عينينيها عيا يعيط والو شربها الما شربتو تعجب فيها .. هزها لبيت نعاس حطها في الفراش جامدة ..شاف رجليها ..قاسهم سخان طايبين قاس ليها جبهتها باردة وحت كفوف اديها باردين غ رجليها لطيبهم ليها بالسمطة ..رجع بعد منها وبقا واقف تيشوف فيها وحاير معاها حت حلات عينيها وشافت فيه وقالت

_ فيا الجوع..حرك راسو بلا هزات زاوية فمها وقالت

_ او فيا بيبي …شار ليها لطواليت ..بغات توقف وهي تجلس الارض تتمسد في رجليها وتبكي وقالت

_ ضروني رجليا بزاف …

_ باش تعلمي ديري الزبايل ..

فيا بيبييبي شاف حت عيا وهزها لكرسي حطها وخرج حت سالات وعيطت عليه

_ هيوان اجي ساليت ..دخل عندها وقالت

_ بغيت نغسل تحتي . عمر ليها البانيو بالما بارد وحطها فيه بحوايجها..وخرج خلاها تتشهق . حيدات حوايجها .بغات تخرج منو ماقدرت ..شافت حت عيات وخرجت تتحبو طلعت فوق النموسية جرات عليها الغطا تترعد وتعطس توسط اليل وبدات تغوت بالجوع

_ فيا جوووووع ….دخل مغزز

_ سكتينا..

فيا الجوع فيا الجوع فيا الجوع فيا الجوع .. من لبارح مع الغدا مابقيت كليت ..

_ ماشي شغلي نت لي بغيتي …شافت فيه بحزن وتلفتت لجنب ونعست ..نفس الشي حت هو ماوكل وماعندو مين يدوز ليه…ماحنش فيها ومشا تخشى في بلاصتو ونعس على ظهرو تيفكر جاه الارق وتعصب ولا غ يتقلب ويسوط ..حت تقلبت وجابت ليه ايدها عند وجهو .كان باغي يلوحها ليها وهو يرجعها لعندو دارها بين اديه بجوج عبرهم جاوه صغار بزاف ….شعل فيوز قارن دراعو بدراعها ورجلو مع رجلها تقلب جنب تيشوف فيها وهي ناعسة وتنفسها منتضم وقال

_ حگرتي عليها ..تخللو احساس غريب رجع شعورو بالحب الديد ..لي تيحسو معاها بريحتها الخاصة وصوت انفاسها… قرب بشوية منها وقال

_ نسى ابكر لي فات مات ..زاد قرب حت لقا راسوو باغي يعاشرها ..فيقها بقبلاتو وهمساتو في ودنها

_ شهلة .فيقي

_ لا بغيت نعس

_ مابقيتيش بغيتي تاكلي؟؟

_ بغيت نعس وناكل.. باسها في نيفها وقال

_ نجيب ليك شي حاجة …مشا جاب ليها الخبز والجبن والعصير ديال ليمون بنانة مقطعة مع تفاحة مخوي عليهم االعسل الحر والحليب رايب طبعيبي عصر عليهم نص حامضة وجابو ليها ..تتاكل مقلوبة بالنعاس لكن الجوع غلاب فيقها بزز حت كملت كلشي ..وقالت

_ بغيت نغسل فمي ..هزها حت غسلتو وهو غ مازايد ويحما فيه الطرح .رجعها لبلاصتها تقلبت على كرشها جارة الغطا ناوية تنعس ..هبط لعندها باس كتفها وطلع بقبلاتو حت لتحت ودنها ورجع بيهم وهي تتنطر منو جرات الغطا عليها كلها .. تخشا معاها فيه وقال من تحت الغطا

_ اجي نتصالحو ..حركات راسها بلا

_ علاش لا راه انا لي مقلق منك شوهتي صورتي قدام البشار

_ وانا هدا لحمي البشار ..ودابا ماغاداش نتصالح معاك. عطاتو بالظهر ..حط ايدو فوق دراعها وهبطها بلمسة ناعمة خلاتها تنهد في صمت ..هبطها حت لكفها وشبكها مع ايدها سلت حوايجو ولسق لحمو مع لحمها فمو عند كتافها بقبلات خفاف عامل ليها التعديب الجسدي جمعت النفس حت عيات وساطت مستمتعة بقبلاتو ولمساتو دورت عندو وجها ودخلو في قبلات حارة ادت بيهم لعلاقة حميمية كاملة خلاتو يسد ليها فمها بايدو فاش تفكر البالكو محلولين والسراجم كدالك ومتال ….حت سالة عااد ناض سدهم وهو راجع تفكر انه لبارح كانو محلولين وايدو ماشي على فمها وقال._

قفرناها .

ماشاف النعاس ماداقو ..جاتو التقية حس براسو مريض ..فاشل . رجليه خاويين بكر يطيحو ليه الملاين ومايبقاش فيه الحال قد مابقات فيه الشمتة حس براسو ضعيف مهزوم ماشي بكر الرجل الحديدي .لي حت حاجة ماتتبكيه الا رحيل الخيول عن ناظره.. هبط مع الدروج في الضلام.. تيسوط حل لبيت لي فيه الديكورات واللنواني ديال النحاس شعل ضو ديال ترية على شكل شمعدان فيها بولات على شكل فتيلات صغار لونهم ازرق باهت .. هز واحد السرج ديال الجلد في الاسود ..كان بادي فيه الخدمة ومازال خاصو شي زواق وتنبات . هزو من الارض وحطو فوق الطبلة بزعاف ..حت تسمع ليه صوت..جر كرسي بالجهد وجلس …جر علبة خشبية فيها مخيط وخيط غليض ديال سبيب وتينبت الرشمة على سكل حدوة حصان ..عينيه مجموعين شاربب@@سو هابط على شفايفو. لي مرسوم بجمالية وجادبية مع نيف مهزوز جميل.شفارو كحلين مالاقين مع بعض .تيحاول ينسى ويتناسى .تيخشي الابرة في الجلد ويهز الخيط لفوق ويرجع يخشيها في السرج بعصبية ..شعريات اديه تيبانو واقفين.مع العرورق ..كل ماهز الابرة ورجع خشاها كل ما دازت صس ثورة ودكرى ليه وهو في وضعية لو كان في كامل وعيو كان الف سيف يتحط عليه على رقبتو ومايطيعش اوامرها…ومايخليش شي واحد يسمع بعلاقتو لو كان الطاير يطير في السماء….انفاسو تتصعد وتنزل كانه تيخشي الابرة في جسمو ماشي في الجلد .ولي لحظة . لاح لي قدامو بايدو وتشتتت العلبة وطاح السرج وطلق صرخة مكتومة

_ ااااااااأااخ … تكا بضهرو على جنب الكرسي رجع اديه ورا راسو كارز عليه وهبط بيه لحافة ٥ياتو وقلباتها سفاها ععلى علاها ورضى لراسو لي عمرو فكر انه يطيح فيه ولا حت مجرد تفكير.. بكر الى الدخلة لدارهم تتخلي الكل يجلس مستقيم والهضرة بالعبار وحت صوت مايترفع قدامو ولا تقال كلمة ناقصة او طايحة ولتقالت بسهوة من الشخص ياخد عقاب شديد…حت خوه الكبير راجع صغر منو بسنوات بل حت الاب ديالو تيتحتارم بكر فارض احترامو على الجميع بقوة شخصيتو وتعزيز كرامتو . ومغطي على كلشي بفلوسو فماتيخليش النقاش علىشي حاجة تيطح من قيمتو قدام الطرف التاني وخا يعرف يخسر فلوس المهم راسو ونضرتو عيونو وسطو تكون مرفوعة بنيف ممشوق هاز لسما احب من احب وكره من كره ..الشي لي خلاه يكون مقدم على مية شاب فوق مية جواد تيحرك السربة بكلمتو ويقاد الصف بكلمتو ولا كلام فوق كلامو حت جاتو لبعترت اوراقو وزرعت الف خلية تتنبض بسميتها مع كل غلط ومع كل لحظة حب وكل سهوة منها وكل لحظة حضورها وغيابها.. ..خلاتو طفل صغير تيعرف يشد لجام عودو ومايتعرفش يشد لجام لقلبو …وصل تفكيرو لقلبو خرج كاع الهوا لي في صدرو ورجع هز السرج من الارض..حطو فوق الطبلة ..هز العلبة وجمع لي تشتت وهو جالس قرفصاء .وصورة حبيبتو تتدوز قدامو من نهار شافها تحت حوافر خيلو الى اخر ضربة عطاها ليها بالسمطة … ضو الفجر تيطل عليه من السرجم .بدات الشمس تشرق .. وتطل بخيوطها .. حل الباب وخرج…الاسطبل..خرج الخيول ديالو….دوش ليهم واحد بواحد..وكلهم..وجمع ليهم بيوتهم وطلقهم تجيرو وسط الگریاج ويلعبو …..صهيلهم عالي فيق كل ماغابت عليه الساعة ونسى راسو…..رجع دخلهم لبلايصهم تحت قبلتو ولمساتو لكل جلد ناعم وعضلة مرسومة وعيون كلها حب متبادل…..تلاقا وهو خارج من الاسطبل بالعمال غ شافو الدنيا نقية وايد بكر تتلوح ليهم يرجعو فرحو ورجعو من جاو …..ريحة الخبز ديال لاقمح في فران ديال الطين عطات…..دخل مع الباب تيسمع صراخ احد اطفالو ..وسميرة تتهضر معاهم

_ صافي سلينا ياحليم شحال فيك ديال تجعويق كتر من مك .وقف عند الباب كان ناوي يدخل عندهم وهو يرجع بحالو….ومشا لبيتو ..رجلين السرفيت مكردين وعامرين ماء..والطراب واصل ليه الكعبة….دخل نيشان دوش وخرج لاوي عليه فوطة في الزرق… واقف قدام الماريو لي شاد من الراس لراس..تيقلب على مايلبس حت سمع صوت وراه نعسان وباح مع لكنة غريبة جمعت بين حروف عربية وتعكيلة غربية

_ ياابو بكر يا هيوان الهيوانات الوهشية ماهنسمه ليك نيفر ايفر ..خطف قميجة زرقة في البوردو .. وشروط قصير وسروال تجين زرق غامق .عاد تلفت ليها بوجه لا تفسير ليه …وقال

_ حت نسمح ليك انا بعدة …. تكات على كوعها حاطة كفها تحت راسها هزاه والايد التانية محطوطة على راس بزولتها تتقشر فيها بدون قصد ..ابتاسمت بمكر وقالت

_ اغتصبتيني لبارح في جوج اعضائي المفيدة ..حرك حواجبو ..وجا قرب منها وهو نصو عريان

_ اشنووو؟؟؟

_ اشنووو؟؟؟

_ يس اغنتصبتي رجليا .. هزاتهم ليه : شوف مانقدرش نمشي بيهم اي اي..تتمر ايدها على اقدامها بلطف حك لحيتو وقال:

_ تستتاهلي..ونت لي ماتتحشميش وكلاك جلدك وكدمتي معاك هنية عمر با ماشاف وجها كامل حت شافها تتشطح غادي يجيها السكر

_ وهي لي بغات تشربو انا قلت ليها ماشي شغلي.. ضرب فوق النموسية بكف ايدو وقال بغضب

_ شرحي ليها قولي ليها هنية راع تنصاوب في الشراب ماشي عصير ..

_ نووو مانقلهاش ليها هفت تفظهني معام وتجي ليا …. وقف مستقيم .تيشوف فيها بعيون مقوسة وقال

_ ماحشوماش عليك خليتني ندخل لفمي الحرام وزايدها بالايشهار ااا فين نحط وجهي من بعد لا مع الله لا مع العبد…شوف اشهلة نت خاصك تحطي في بالك انا راه مسلم والمسلمين عامة راه حرام عليهم شيربو الشراب ماشي غ ااشراب كل انواع المخدرات لي تتنونخ العقل وتخليه غايب كيف درت انا ..راه اتم كبيير مع الله نت ماعليك دنب لانه يمكن باك ماقالش ليك الشراب راه من المحرمات بحال القتل بحال الزنا بحال السرقة بحال الكدوب هادشي كلو عدنا حنا امة محمد عليه السلام حرام الله يرضي عليك هادي فلتها ليك بفلقة مرة اخرة مانعقلش عليك..حشومة گاع خليتني نضربك مرة اخرى واش نت ماتتدخلش ليك لهضرة لمخك ولا شنو بغيت غ نفهم . قرب لعندها وهي مرجعة راسها لور

_ شرحت ليك وعطيتک ادلة من الاحاديت الشريفة تتتحرم كل مسكر ومخدر وقلت ليك راه لي تيصيبو ولي تيشربو عندهم عقاب كبير ومع دالك صاوبيته باديیییك عييت نحلل فيك مالقيت بيك جهد ..تنهد ورجع ..لبس قمیجتو بالزعاف ..مره مره یلوح لیها شوفات . قاصحين خدا لحظة هدنة تيحاول يتهدن بنيو وبين نفسو : سرط ريقو وقال

_ والتانية؟؟…سولها نفس بملامح الغضب لكن بنبرة خافتة مع صوت خشن

…ظحكات وقالت

_ اعضائي التناسلية صبحو تيضروني ادن كان هناك اغتصاب وهشي منك ياهيوان..

_ على اساس نت كنت تشطحي العلوة غ ديريها قد راسك وقولي اغتصاب اللهم لا باطل ..

_ نت هدييتني بدون مقدماات.( خديتيني).

_ اوى نت تتخلي الواحد ينسى راسو شنو ندير ليك؟؟ انا اصلا نسيت راه هاز منك وجيت صالحتك

_ كيفاش تصالهني ..سولت بعينيها تيدرو وكملت كلامها: دابا تصالهنا وتسامهننا وتفاهمنا… صافي صافي؟؟

_ تصالحنا اينعم وتسماحنا مزال خاصك طلبيها وتفاهمنا هديك لي عليها كلشي ..قلبت وجها عليه وقالت

_ ماغبيتش هت وهدة من هادو..

_ يااااااك؟؟

_ يس لابغيت نتاصاله ولاااا نتافهم ولا نتاسمه رع اديه وقال

_ ايوى اش بغيتي الظريفة شقلبت عينيها تدورو فيهم وكلام المدرب تيتعاود ليها في ودنيها خاصك تجي لرباط راه حنا فيه

_ .تلفتت ليه وقالت

_ مستهيل نتصالح معاك

_ مستطيل غادي يجيك بين الفاخظ ..لاحت مخدة ليه وقالت

_ الهيوان راه معاك هضرت ..

_ ايوا هي . مخبية عليا شي حاجة مزال تتحاولي ديري ليها طريق:

_ مهبية عليك .هدا .. فرقات ليه رجليها . تكا عليها شحطها لفخاض وجمع ليها رجليها وقال بتنهيدة : ..

_ درنا فضيحة اشهلة فضيحة وكبيرة ماعرفتش شكون سمعني نموت ونعرف شكون … هز صبعو عند عينو وقال_ والله والله واشهلة حت فظيحة ونت السباب حدر عينيه تيلبس في سروالو …ساكتة وتتفكر شافتو برد السوق ودكر سميتها ادن الوضع تهدن و هي تبلورها في دماغها وقالت

_ لبغيتي نتاصاله ونتافهم ونتسامه ابكوري …جلس على طرف النموسية تيلبس في تقاشرو ..شاف فيها جنب بسؤال في عينه ..

_ . هاصك تبدا معاية العلاقة ب لهيسة بنينة لبسانك هنا .. فرقات رجليها وجابت كل رجل عند ودن ..خرجو عينيه وحمارو …..وخيب وجهو باشمئزاز وقال

_ نت فتي مرات لوط لهيه…

_ انا مراط زهطوط لواه الى مابغيتيش صافي هت انا مابقيتش بغيتك .

_ واش ماتتكسابيش درة ديال الحشمة وااالو مقزدرة تقزدير الجاهلية .

_ ونت على اي اساس رجل؟؟ وقفت تتمشى على ركابيها وتعلقت ليه في ظهرو لصقت عليه بحال العلقة وجابتو طايح عليها تيحاول يفك اديها منو وهي شادة فيه شدة العمى في الضلمة وقف بيها مشا وجا تيحبد سبادريتو وهي تتخربش ليه في وجهو وقف عند المرايا تيشوف في وجها وقال

_ شحال خاصك من عام باش تكبري ليا؟؟ هزات كتافها وقالت

_ كبرت من نهارو بانو هادو… جابت ايدو لصدرها ..ظحكتو وقال

_لا محالش يمكن تزاديتي بيهم

_ لا حت شعر العانة تييتزادو بيه الاطفال لا ..قوس عينو وقال

_ فين هو ماعندكش بالمرة ادن مزال طفيلة

_ كااان عندي حيدتو بجوج جلسات طبية… دورها بايدو وجابها لقدامو وهي مزال معلقة فيه رجليها عند ظهرو وقال

_ طبية ؟؟ طبيبة ولا طبيب…ظحكات لسماءوقالت

_ طبيبة ضربهة بصبعو

_ نتوما البنات ما عندكمش لاش تحشمو وشنو فيها لبقا گاااع ومرة مرة حيديه بوحدك ضروري ماتصورو عباد الله لا حول ولا قوة الا بالله

_ نت جاااااهل .اكيد مانخلهيش تيعصب حيدتو وتنهنيت انا وماما ..حمر فيها عينيه وقال

_ هضري على راسك فقط..ابتاسمت وخرجت لسانها وقالت

_ شفايفك تتير غرائزي بشكل عجيب ..چاب نیفو لنیفها

_ ياك مهاصمة معايا ؟؟ ميلت وجها جنب وقالت

_ يس ولكن هدا ماتيمنعش اني نستغلك جنسيا. ضربها براسو حت تسمعو سنيها ظحكت وقالت

_ متوهش…

رجعها لبلاصتها وبزز باش فك اديها من عنقو وقال

_ تتخليني بعد المرات اسعد رجل وبعد المرات تناكل سنيا بدمهم حلات عينيها تترمش وتتقرب في سنانها

_ هكا هكا كليتيهم.. حرك راسو بالايجاب

_ وسرطيهم ماجرحوكش في كرشتك ….ناوي خارج وقال

_ نوضي دوشي وجمعي حوايج السفر

سد وراه ااباب على شوفاتها ليه ..تبدلو ملامحها لحزن ووقفت تتمشي على صباع رجليها..دوشت ولبست صولبيط دجين تحتو تيشروط بيض مع سبادرية بيضة ..جمعت شعرها ظفرة وهو فازك ..خلا ليها طبعة في ظهرها ديال الماء..جبدت حوايجها كاملين بلا ماتعزل .خشاتهم بلا ماتطويهم تتجبد وتخشي حت سلات وهبطتها جاراها.. حطتها قدام الباب ومشات عند باباها صبحت عليه…كاين غ هو ماماها مريضة شكات في راسها ومزال ماتاكداتش وقفت عندالباب خاشية اديها في جايبها .. شاف فيها بغضب ردت ليه نفس الشوفات وقالت

_ بابا انا مسافرة ماتخاصمش مع بكر باش فاش نرجع لقاك في صفي لانه ربما المعكرة هاد المرة غظا طول حت نرجعو لبعض…مابغاش يهضر عارف ماعندو عليها سلطةعليها الا بالحيلة ولكن مابقا بغا يخدم معاها والو حداتهم ليه خاصة الفضيحة لي دارت ليه ..شاف فيها بعدم لامبلاات وخلاها منها ليه هو عارف شنو يدير معاها..ماسولها لا فين غادية ولا علاش غادية…عيان ومهلوك باغي راحتو على قبل دانيال لي تعلق بيه كتر وكل ماشافو مريض تيجلس عند راسو عكسها هي تتيبقا فيها وبزاف ولكن ماتتقدرش تقرب منو ولا حت تحسسو انها تتطعف عليه .هكا خلقها الله ..حت حاجة ماتتبدلها لعصا لا غضب لا سخط لا حب ..ابدا شهلة هي شهلة بغات بكر خداتو صافي ارتاحت ونعست على جنب الراحة ولكن بقات ليها مسالة وهي انه خاص بكر ديالها يرجع بحال باباها ..يغضب يسخط ولكن فاش تتقول بابا محتجاك تينسى كلشي هكدا ظنها ان اي واحد تيبغيها غادي يمشي بهواها ومزاجها ويكون معاها في جميع حالاتها ..واي حاجة دارت ليها في دماغها تتبقى دور ليها حت ديرها وتسنى النتيجة ..شخصية شهلة منهم عدد كاين لي تزادت في دولة اسلامية خدمت عناد شخصيتها في الحوايج لي مرسومين بدستور اسلامي تحت النواهي والمسموح تكونت عندها شخصية ناجحة قدوة تتميز بالتحدي لكن.بالنسبة لي شهلة جميع التحديات مباحين تحت سداجة المجمتع لي تربات فيه وبين تقافتين في تناقض تام ..فكان حب جداها ليها غالب شربات منها قيمها الا اخلاقية والعيشة المنحرفة تحت شعار النساء جميلات واجسادهن بحر من المتعة خلقت لي تتمع بيه وان الرجل دمية جنسية متحركة فقط كانت جداها ديما تتقول ليها حركي جسدك وماتخليهش يموت تمايلي مع الموسيقى او تمايالي تحت لمسات رجل حركي جسدك حت تتعلن الفوضة وتخلق حرب بين الرجال والاقوى دو ساعد فتاك يصبح راكعا تحت اقدامك…خودي بنصيحة انا ودعك من المشعود ابو المطر الاسود واي حلم ابتسمت ليه من اول فكرة حققيه حت لو كان عندك وريد واحد ينبض بالحياة…فكانت تتشوف جداها التسعينية تتعرى وتشطح وعايشة الحياة واي حاجة بغاتها تعملها كان عندها مرض السكري وكانت تتاكل الحلويات وتشرب الدوا واحيانا يتخباو هي وشهلة ويشربو الكحول لي تتصاوبهم باديها فكل ماتفكرت شهلة الجظة لويز تفكرها باسم الحرية والوطن….حطات الشوانط في طموبيلة ..شافتها هنية والمعطي مخرجاهم ماسولوهاش لانه عندهم خبر ان بكر مسافر ..رجعت تتودع اطفالها كيف تتقول حت سمعت بكر تيهضر في تلفون مع العساس تيسول شكون عند الباب…حطات اديها عل فمها سحبت البوليس.. لانه من صوت بكر باسن عيله معصب بلا قياس …. رجعت ادراجها تتخبى حت داز من حداها مهبية عليه بسارية ..حضاتو خت خرج ودخلت باست حنين وعنقتها هي وحليم وكريم وهبطتت تتسلت… خلات بكر في جيهة ودازت تخبات في جيهة اخرى ..

……

واقف بكر اديه بجوج على جنابو..مقابل معاه رجل ستيني بعكاز من العرعار والنحاس منقوش بفخامة متكي عليه رجل في كامل اللاناقة والشياكة والابهة من صباطو الابيض وتقاشرو الناصعين وجلابتو الصفرة وطربوشو الاحمر وبجظية في كلامو والحجة والادلة ماخلا لبكر فين يزيد ينطق وتلجم بما الحديد

_ سمعني اولدي نت قلبتي على صحاب العود حت ماليه كانو تيقلبو عليه وراه الشفار تشد ووانا وبنتي من نهار شفناه في تلفازاو وحنا ادينا عند قلوبنا .وهانت هاتصاور مو و وها تصاور باه تيحط ليه تصاور في ايدو.. شاف في بكر لحزم وقال

_ راه نبيل انا كنت مسميه نبيل .ولد العودة لوسيا لي بنت العود الشبق وراك عارف نت المركد ديال كل عود وعودة راه عامين وانا نقلب عليه حت شفناه معاك ودابا اوليدي بغيتي ترجع ليا العود ديالي مرحبا مابغيتيش نت شاري المسروق

يا الداعي بالمنع عندك لا تحصل لا تحمق.. عقلك.تلاتة فيك جهالة راه المراة والعودة ولدت في وطى وجبل .حت بلاد ماخطات من الخيل والرجالة لي بغا يركب يركب على عود مخير ويشد لجامو بدكر الجلالة ولبغا يكسب يتخير عودة زرقة القلب بعد تصيح تفيق دوك البخالة ولبغا يعشق يعشق النجمة الضاوية قبل الفجر بعدى ضوي في قلوب الرجالة.. صالة وسلام على محمد زين الحالة……تحلو عيون..الرجل الكهل في كلام بكر ولاخر زاد على كلامو كلام..باشراقة

_ شوف اراسي شوف العمى بغا يگود لي يشوف عمر الناگة ماترضع الخروف………. ولبغا يركب يركب على عود معلوف ويدير ليه ركباتو من الهند وتكون عندو المضاوة …….جمعو معانا بالجد باش نبقاو ديما خوت ونبقاو خاوة……………ظحك الشايب وعلى ظحتو وعلى كلام بكر ختم بالقافية

_ يا المبدل النقرة بالقزدير. مامشمت الا بروحو بعضين بحالك حلا من العسل في الگرجوة وشي بعضين واللهم ملقاك مع البحر ولا جماعتهم هوما…. هز بكر ايد المعطي وقال

_ اري شي براد اتاي بدوازو وقادو راه سي علال المرجاني عزيز عليه الكاس بالرزة.. ظحك الشايب وقال

_ ناوي تخدمني ولا غ تجبدي كلامي من الخايبة ماعندي مامنتسالك….

_ علاه كاين شي واحد ينسى كتاب بحالك..

_ ماعمرني شفتك اوليدي ..تمشا بكر وشار ليه يجلسو في الاستراحة تحت الضلضيلة وقال

_ ياك نت سي علال البودالي من قبيبة بني الوكيل فقيه بنن صالح نسيب مولاي احمد الزوين..

_ اييه.. السي اسماعيل واخد بنتي والسي الكوشي واخد ختي . ابتاسم بكر وجلس من بعد ماجلس سي علال وحط عكازو على ركابيه .

_ اايه اسي الكوشي المقدم المحنك راه ظيافتو معروفة وكنت عندو هادي عام ونت كنشوفك في المجمع حاضر . علاه اسي علال ماعقلتيش على لي شد العود ديال سي ابراهيم من عرفو فاش خرج في الخزيان وضرب مراة بي بنتها وطاح من فوقو الباردي..كان غادي طيح روح داك الساع مزال ماعرمرني شفت بحال داك العود .. خرج ليه حراني وجابو لمسوم سيد السباعي وقاليه نزل ولا نطيحك عند رجليا وحارو فيه مابغا يتساق ليهم ووقفت السربة ديال ولاد يوسف يومين ..

_ ايييه عقلت على ديك للحادتة وتسمع شي ولد باااردي عفريت.. العود يتعلى وهو يتعلى حت خلاه يطيع ..وقاد العلفة وشد الحركة وفرج للناس

_ اوى راه هو هاد عبدو ربه ..هز فيه الشايب راسو تيتفكر صورتو وقال

_ اييييه ايييه نت ولد سي عيسى بو شكارة ؟؟

_ هو هدا؟؟ ..حك الاشيب راسو وقال

_ وت انا مالقيت معامن نطيح ولا ؟؟

_ اوى نت وزهرك ..

_ اودي سامع علييك في المجامع وراه قالو ليا عودك محال ترضو .

_ ظاكشي علاش دخلتيني ديك الدخلة واتهمني تهمة خايبة بقا ليك غ تجيب ليا البوليس .اودي اسي علال انا حالي مايشارو مع البهايم و كيف ماكانت البهيمة نشريها نعتقها انا شاري عود من ادين الشناقة ومالين الكراول ..باش نتهلا فيهمماشي نديرو كفتة .وتقول ليا شاري عود مسروق خايبة في حقي اسي علال .ظحك الاشيب وقال

_ وااش غادي نقولك سبقو ليا اللغا وقالو ليا الى بغيتي عودك قصح الهضرة …حك بكر لحيتو وهز رجلو حطها على ركبتو ايدو على سبادريتو تيقاد في لاستيك على شكل سير وقال

_ وغ قصح ولا رطب العود انا مادرتو في التلفازا حت بغيت نعرف اصلو منين … حط ليهم المعطي صنية ديال اتاي براد القضة والصنية نحاس والكيسان بلار من وراه ابراهيم.. هاز في ايدو مكاب فيهم طباسل مشكلين بالفاكية ..وتدواز اتاي ..البطبوط سخون.. والزبدة البلدية والعسل الحر والزبيب طبعيي.. املو زيت العود البكر وزيت ارگان.. في جنبهم طبیقة من خبز القمح طايب على العواد وريحيتو تتشهي ….مد ايدو بكر هز البراد تيبري وعلا ايدو حت كب كاس برزتو ..مدو الحاج وواحد اخر لي معاه..خوا ليه نص كاس….جغم جغمة وقال

_ فطر اسي علال مزيان . باش تشد الطريق لبني مسكين ولا بن وکیل؟ …نطق الشايب وقال

_ وضيافة النبي تلات ايام او لا…قهقه بكر وقال

_ مرحبا بيك حت تلات سنين غ هو لا تجبدش ليا العود مرحبا بيك نت وقبيلتك….حط الشايب كاسو وناض واقف وقال..

_ تجي مولاتو وتفاهم معاها… ظحك بكر حت تغرزو عينيه وقال

_ ولا ماتفاهمناش؟

_ اودي ديك الساع شركو الديور….قهقه الحاج وتحلو عينين بكر .. ربت الشايب على كتف بكر وقال

_ بنتي عندها ربعين عام ميت ليها الراجل وقالت : لما كان باردي مانخاوي مسندي وهنية عليك المقدم.. حرك بكر ايدو هازها لسماء وهز كاس الحاج مدو ليه في ايدو وتمشاو الاسطبل وقال

_ اوى كون جيتيني قبل اما دابا واحل…. تلفت ليه الشايب وحبسو بعكازو وقال

_ ماتغلبكشاي ماتغلبكشاي حت ربعة نسا ..مد عينيه ودورهم في الفيرما وقال

_ صلى على النبي شاب بحالك وعندو هاد الخير كلو وتغلبو مراة ولا جوج ماميكنشاي….ابتسام بكر ابنتسامة عجيبة حت كان غادي يصدر صوت قهقهة وكتمها ……..

خرجات اليكسي من الطواليت وشارت بصبعها لراجلها وقاالت

_ سمعت حديتك مع شهلة فين غادية مرة اخرة واش تسطات هاد البنت عندك فين بغات تمشي ؟

_ مابغيت نعرف والو االيكسي خليها حت تعيا وترجع …هزات شال دارتو على راسها وقالت

_ لا لا ما ميمكنش تعاود الغلط لا لا..مستحيل .خرجات تتجري وتقلب وعلى بكر تتعيط

مشات تتقلب عليها بيت ب بيت قنت ب قنت مغزة طالع ليها الدم…جلايل فراشتها .السودا المرصعة بالدهبي تيطايرو .شال بيض على راسها وجها مورد عينيها دابلين باهت لونهم اللاخضر …تتحل البيبان وتردخهم وتعيط كيف الحمقة

_ ليليييييييي ليليييييييي…حسها ماكينش في الدار….هبطات تتسول سميرة قالت ليها شفتها مع هنية…. ..

هنية واقفة مع المعطي وشهلة لي كانت ناوية تسلت بطموبيلة حت سمعت المعطي وهنية تيتهامسو على بكر والعود والشايب والبنت الربعينية لي طامعة في زواج من باردي.. كانت شهلة تتسلت بحال الروكان حت سمعت كلمة من المعطي على بكر وقفتها..

_ واااااهنية وااااا هنية وبكر غادي يحماق ويلوح حوايجو في الزنقة ….اش كاين ماكاين: العود شرف قالو ليك مسروق وشراه بكر هنية ياهنية للعود مسروق وبكر لمشا ليه للعود يشمي هو معاه…وقفت عليهم بدون شعور تتسول فيهم والمعطي تيجاوب وهنية مفيكسية وشهلة تتدور في عينيها … رجع المعطي عندهم سمع خبار جديدة وجابها لشهلة ..شاد في فمو بعصبية وقال

_ قال ليه لمابغيتيش تعطيني العود تزوج ببنتي…شهقات هنية وتحلو عينين شهلة باندهاش وزاد كمل كلامو تيصفق

_ والبنت شااااارفة كون غ صغيرة..ضربتو هنية لكتف وقالت

_ وهااااادي نت مريض تتكون صغيرة ولا تكون اميرة …..خرج ورجع تيحيح….

_ مشااااادين بالسبان وبكر مغدد على عودو..يابا يا با… بغات شهلة تخرج من باحة الدار من الباب التاني وهي تشدها مها من دراعها تتغوت بحر جهدها

_ فين غااااااااادية؟؟؟؟؟ فين مزاااااااااال بغا تمشي ؟؟؟ واش ماتتحشميييش الحمارة جمعتي حوايجك وبغا ترجعي لديك لبلاد اش عطاتك ااا…

.

في هاد الاتناء كان بكر مغزز من الاشيب لي قال ليه

_ العود غادي نديه يا بالرضى يابالسيف…رد عليه بكر وقال

_ العود مغاديش ديه ووراقيه غادي تجيبهم ليا . ليرد عليه اللخر

_ واش هبالتي ولا خرج ليك للعقل واش نفرط فيه راه عندي محضر مسيني هادي عامين تجهمو عليا الشفارة وداو لليا جوج خيول واحد رجعتو وهدا عاد لقيتو….دار بكر جوج دورات وقال

_ لا هي لا …انا شريتو من مولاه ماشي انا لي سرقتو

_ كون حقاني المقدم ولا تخرجش مع الشيوخ العيب راه الحاجة المسروقة تترجع الماليها…..تسمع غوات اخر في الجهة التانية.. تلفت بكر بعيون مشعر فيهم الدم ووجه صفر تيحاول يميز الصوت حت عرف مولاه … شار لجماعة يخرجو من الاسطبل ..وهو خارج سمع صوت شهلة عالي كتر

_ مامااااااااا تفرقي مني نت …خلاهم مع المعطي وابراهيم ودخل.. دور راسو انا بلاصة جاي منها الصوت .

_ ماما طلقي مني ….تسمعو خطوات قراب ليهم وهي تبدل اليكسي اللغة وقالت صبعها عند وجه شهلة

_ انت اسوء كائن حت خالاتك ماشي بحالك .. تتهربي من الواقع المر ومن دم خلاتك لاكن طلعتي خيب منهم بالف درجة دلكارمن لي تتقولي عليها خايبة ربات جوج ايتام ماشي من كرشها في حين نت تخليتي على تلاتة ومن كرشك.. حت خالتك ميشال احسن منك ماخلاتش ماماها مريضة وهربت تنقول ليك الواقع نت شايفة راسك عليهم ونت اسوء منهم ..جيتي لهنا باش تبيني ليهم ان لي قالو عليك غلط …ظحكات اليكسي ..بقهقهة وغيض وقالت: لا ماشي غلط وهما ل خاصهم يحتاقروك ماشي نت…وقف بكر غ تيتفرج مافهم والو ولكن عارف ان شي حاجة خايبة دارتها شهلة مايمكنش اليكسي الوديعة تغوت غ هكاك بلا سبب….حمار وجه شهلة ومها تتدفع فيها

_ خرجي يله خرجي نشوفك فين غدا توصلي يله سيري بحالك اشريرة عديمة الاحساس…جا بكر بيناتهم رجع شهلة وراه وقال

_ شنو كاين وهضرو باللغة لي تنفهم.. مسحت اليكس دموعها وقالت

_ ماعندك ماتفهم في هاد المصيبة لي رزقني بيها الله تمنيت نموت الف مرة ومانولدهاش…حس بنغزة في قلبو وتلفت لشهلة ساكتة ووجها حمر جامعة شوفاتها لمها بلا ماتحرك ساكن… جابها قدامو وقال

_ هضري نت شنو واقع مال مك.؟. سرطت ريقها تتحاول تجمع الكلماات وقالت

_ بغيت نسافر لرباط. تحركو خدودو وقال

_ جمعتي حوايجك بعدة ولا لا.

_ جمعتهم…

_ بحال الرباط بحال العيون كنت بغيت نبعد شوية ساع نمشو لرباط.. شاف في اليكسي لي تبدلو ملامحها مابقات فاهمة والو

_ مرات عمي ياك شي باس ماكين ؟؟ مالك مع شهلة

_ ربما تتضحك عليك ..قالتها ومشات . تلفت ليها وقال

_ عندي شي ظياف موصليني لحماق كوني نت ظريفة غ ليوم.. حدرها بصبعو : الله يعميها ليك…خرج وخلاها تتعوج في فمها ..

..لقا ضيافو رجعو الاسطبل وتيتساراو بين الخيول وعينين الشايب على شرف لي اي عاشق للخيل تيسلبو لعقل بوقفتو الشامخة وحركااتو المنخوية ولونو الجداب ..قرب منو وحط ايدو على ناصيتو وهو يتلفت ليه العود بزربة ..داكرتو قوية عقل على الريحة . طلق صوت غريب تيعبر بيها مع حركات براسو اول مرة يشوفهم بكر قوس عينيه بقا بعيد شرف تيسد نيفو ويحلهم بسرعة باغي يشتنقش ريحة السي علال حت تاكد منو وهو يصهل حت رجع الشايب لور وبقا شرف تيحرك راسو يمين ويشمال ورجليه تيتهزو كانه تيرقص فرحا بمولاه الحقيقي فهم حركات شرف لاول مرة يديرهم ..ديما تيجيو الضياف ويقربو ليه ويبوسوه ولكن عمرو ماشافو بهاد الحالة…كرز بكر على سنيه ربع اديه عند صردو وطلق تنهيدة من العمق…انتابه الشايب لبكر وغمزو وقال

_ عرفني الاصيل

قرب منو الشايب بصدر كلو فحرح..ووقف قدامو وقال

_ مابقا ليك ماتزيد الى كنت تتبغي الخيل وتتبغيه باركة عليك غ هاد الفرحة لي دار ….فك بكر تربيعة اديه وخشاهم في جيابو…. ربت سي علال على كتافو وقال لي معاه

_ يله نمشو بحالنا حت وكان نجيبو ليه الدليل… خرج وخلاه في بلاصتو واقف تتبعو المعطي وابراهيم حت لباب ووتفرقو حت واحد مارجع عندو عارفينو اش غادي يدير..وفعلا..مشا عنقو وبكا بصمت حت وقفت عليه شهلة شافت كتافو تيترعدو وعنقتو بدورها وكرزت اديها عليه…دوز نهار كلو وهو حاضيه مرة يوقف مرة يجلس مرة يمشي لعندو يعنقو ويحك ليه جلدو… وداز نهار تاالت بلا مايلكل بكر ولا يشرب… ما تفرق عليه حت ادن العشا ومشا طلع توضا وصلى طول السجود جا يوقف ماقدرش . بقا جالس حت دخلات شهلة من عند الدراري بشميز دو نوي في البوردو على شكل كسوى ناعمة بالفداق في الجناب مع تشبيكة في الضهر هابطة حت لخصر بينت جسها الناعم ولونو الوردي بشكل متير راشة ريخة فقط وجها خالي من الزينة واصلا ماتحتاجش . فكرات تلبسها من بعد ماشفتو منهار وحزين …قالت نبان ليه بشكل مغاير يسنى شنو طرى ليه.ويبقى يتفكرني فاش نمشي حت انا واحد شهر ولا شهر ونص ماعرفاش بالضبط لي عافرة عندها مع ديفد حفلة بعض المقابلات تلفزيونية …. جلسات على طرف لنموسية تتسناه ينوض من الصلات ساع طول حت شكت واش ناعس وهو جالس وحاني راسو…مشات في جنبو وحركتو بصباعها على كتفو تلفت ليها وعينيه حمرين .. وقالت

_ ساليتي ؟؟؟ حرك راسو بالايجاب…مشات على ركابيها وجات قدامو شدات ليه في خدودو وباستو بوسة حارة تسارات بفمها على كامل وجهو وكن هو جامد حت بغات استسلم وهو يدور اديه عليها معنقها بحرارة ..وقال

_ عاونيني نوقف…. وقفتو بزز طالعة ليه السخانة ومرعود تيتفتف ..دخل لفراشو كلو تيترعد تقول صابة عليه الشتا..دخلت حداه عنقتو مدورة اديها على عنقو راسو مخشي في صدرها وادايه معنقينها مغمض عينيه باغي ينعس ويفيق ويلقى راسو غ تيحلم………

.دوزها بكر مرضة في الفراش فراق الخيل عندو تاتير سحري عجيب غيابهم عليه تيسل منو الصحة بالمهل ويعمر بلاصتها نار شاعلة…

الوقت تيجري والمدرب محمق شهلة بتلفونات..مابغاتش تمشي وتخليه مريض وراها …لاول مرة تحس بواحد مريض ومجتاح وجودها معاه كل ماتحركت من جنبو يشد في ايدها ويقول خليك حت ولات تعطيه اعدار مرة حمام مرة ظوش وهي تتدوز ساعة ولا جوج قدام تلفون…..داز تلات ايام وهو في الفراش لاماكلة لا شراب ماعلم حت واحد ماباغي يسمع لحت لواحد ..لكن المصائب لابد منهم ومكتوبة عليه هو بالخط للحمر.. فاق تيعيط شهلة شهلة ..بغيت نشرب… شهلة …بزز حل عينيه موسعهم اديه على راسو ..تيفرك فيه ..دازت ساعة وساعة ولا مجيب ..ناض وقف تيتفت حل الباب وجلس في جنبو تينهج وعيط حت جات هنية وسميرة شافوه بديك الحالة وبداو يغوتو حت طلع المعطي هزو ودخلو لفراشو وجاب ليه الما..وهو فمو غ فين شهلة …جاوباتو هنية بكل صدق وقالت

_ شهلة من لبارح مابيتة في الدار ومها وباها وخوها ماكينش ليهم الاتار .. شاف فيهم بتساؤل وقال بتتاقل وخفوت وصوت مرعود

_ ياك شي باس ماكين..؟؟

_الله اعلم المهم بيوتة ديالهم خاوين من الحوايج شرويطة ديك اللخرى ماكايناش..وساعو عينيه وترعدو شفايفو وقال

_جيبي ليا تلفوني اهنية…جابتو دوز النمرة جاوبو المجيب الالي”” الرقم الدي تطلبونه غير مشغل حاليا المرجو اعادة النداء لاحقا””

وقف بزز ..تيشد توازنو مع الحيط.. ..خرجات سميرة وبقات هنية والمعطي… تبعو الصديق الوفي ..تيشوف فيه و سولو

_ شنو بغيتي حوايجك.؟. .حرك راسو بتقالة…

_ انا نجيبهم ليك…جلس فوق واحد الكرسي ..لبسو مونطو كحل كاشميرا هابط حت لحت ركبة مع سروال دجين رزق سباط كحل..حزم ليه راسو بعمامة بيضة ..تيلبسها في الحركة مع زي تقليدي مغربي.. تتكون على شكل زيف صغير ببانضة طويلة تتدور على الراس عشرة المرات ووتحزم لور جمع ليه بيها راسو كل مادور المعطي البانضة كل ما دارت الدنيا بيه .سولو الصديق

_ نعيط ليك على ابراهيم ولا نمشي معاك انا مانتباهش وقال

_ امم.. بعيون حمراء بلا دموع لكن هموم الدنيا كلها تجمعت عليه .فمو بيض مقشر عيونو داخلين تحتهم زروقية باينة ….تلفت جيهة البالكو كانه شاف طيف شهلة وقال

_ شوف شكون في البالكو المعطي… مشا شاف مالقا والو وهو يحس بالدوش تحل وتسد ..شار ليه لدوش .

_ دخل تقضي حجاتك؟… حرك ليه بكر راسو بالنفي ز

وقال بطلوع الروح في صوتو

_ دق في الباب ..مشا دق جوج المرات ..غمض بكر عينيه……..

اي تعلق هدا يابكر اي عشق هدا الدي اكتوا بنار الشوق ..اي قسوة هده ياشهلة اي جفاء لهدا القلب واي نسيان الدي سيمحو هدا الطيف…المزعج …وقفو شاد فيه .شار ليه لسوارت والبورطابل .بلا مايهضر..جابهم ليه وخشاهم في جيبو وشد فيه شبه معنقو .نزلو بشوية جلس فوق واحد الكرسي وسط الدار وقال

_ كلم ليا اراهيم…خرج المعطي..خشا ايدو في جيبو جبد تلفونو…تيصوني على نمرة الحاج..رد عليه المجيب الالي…تينجه فمو محلول صدرو تيطلع ويهبط.ماقادش يوقف ولا يتمشى …سمع صوت الطموببل وقفت عند الباب.. ووقف كانه شيخ خدا منو الزمن العمر بصحتو..لكن العاشق لا يالام وبكر حقا مغرم بشهلاء حد الجنون ..وقوفو بهاد الهوان خوف عليها وخوف مابقاش يشوفها …شد فيه المعطي حت هبط تلات درجات وركب في جنب ابراهيم..تلفت لمعطي وقال بخفوت تام وحلق ناشف

_ قول لهنية تهلا ليا في ولادي …مسح المعطي دمعة . بكمامو وباسو فوق راسو..سد عليه الباب وزاد بيه ابراهيم .مع الفجر لمدينة بن سليمان..حاط راسو على الزاجة انعكاس وجهو فيها مقابل مع انعكاس شاشة تلفونو .كل دقيقة يصوني ويقطع وترجع لشاشة على صورة حنين ظاحكة ناعسة على حليم وكريم هازا رجليها لفمها.ظاحكة…

…وصلو لمدينة مع خروج الناس من الجامع.. لصلاةالفجر .دارت الطموبيل ووقفت قدام باب دار الحاج هز فيها عينيه كانو السراجمع كلهم مسدودين .دقيقة وهو تيشوف فيهم عاد…هبط بتتاقل شديد ومشا بخطوات بطيئة .. دق الجرس. حط ايدو عليه ماهزو..لكن مامن مجيب… رجع لطموبيلتو وزهز عينو في السراجم ..لاحركة فيهم ولا ضو خاصة ان الحاج معروف عليه ماتيفلتش الغجر وعود الييكس عليه .. ركب وبقا واقف بطموبيلتو حت بان الضو..وشرقت الشمس.. قال لابراهيم يمشي يدق هبط تيرجي ..دق الجرس ورجع دق تلفت ليه شار ليه يطلع.. مع الستة ونص كان تيدق على دارهم..خرجات لالة خدوج تتجري من بيت النعاس تتصاوب زيفها على راسها ورشيد من بيتو ..حل منصيف الباب وقال باندهاش

_ بكر .؟؟؟؟

…….. تقطع ليهم الحس الحاج بوشتة تقداو ليه مع بنتو وتلاها مع مرتو لحاملة في سن حرجة…ونعسها الوحم في الدار الي خدا ليهم في الرباط….مصيبتو كبيرة كتر من بكر خاصة فاش تاكد ان بنتو مسيحية قطع كلامها وقطع معاها كل حاجة تتشركها معاه.. لكن طلب اليكسي تبقا حداها هو لي مخليه معاها .مارضاش ..بشنو تتدير .حبسها في البيت بالساروت .جابت ليه البوليس وحطت ليهم الشرط الجزائي يخلصو .فيها فلوس كتيرة و بالدولار..شدها المدرب وديفد من العنق ….سنات على وراق في الفترة الي كانت فيهم بوحدها وماعرفاش لا وراق ولا قانون وحت ولو خلصهم باها غادا تطلع تشطح وماتخلاش على ديفد الي عطاتو كلمة كيف تيقول ليها ماتخويش بيا هاد الحفل كبير بزاف وفيه عشر سنين ديال النجاح والرباح ….موهبتها اعتابرها المدرب كنز بالنسبة ليه اما المغني مكسب وربح….سرطتهم الارض. اسبوع داز وكل ماحاولت شهلة تتاصل بيه تتقول غادي ضعاف قدام صوتو وترجع تحط تلفون وتخرج لتداريب .وترجع اخر ليل ..محمقمة مهما وكل ماتعلات اصوات الشجار تقول ليهم صبرو يفوت هاد الشي وانا لي غادا نرجع لعندو برجليا..

بكر ولاى كيف الحمق .كفروه وخرجوه على طوعو ..لاعزاء عندو الا ولادو ..لي تيشوفوه داخل يفرحو ويشوفوه خارج يبكو عليه..الكل رجح رجوعهم لسويد ولكن الهتب تم العتب على الحاج بوشتة ..توعدو ليه باقصى العقوبات من عند صاحبو وخوتو لي الحزن كلا ليهم الفؤاد عل خوهم وولدهم…. سخطات لالة خدوج وسخط الحاج سي عيسى لكن بكر مالقا الاسئلتو جواب ..يضور بتفكيرو حت عيا ويقول باين سي بوشتة مارضاش بنتو تعلق وتفلق ..كلا صباعو ندامة على العصا لي عطاها ولكن تيجرع لنفس تفكير شنوةالحوار لي دار بينها وبين مها ومافهموش علاش نطقت بالرباط ..اسىلة كتيرة والقلب طايب والاايام تتجري وبكر حاير وتالف باغي غ يعرف علاش باتو ماصبحو مناش خايفين شنو وقع ..يكما دارت شي مصيبة وهربوها مني …يدخل ساهي ويخرج ساهي ….جاوه الظياف لي باغين عودهم ومعاهم صاحبة شرف الي رافقت باها اميال واميال باش تشكرو على الاهتام لي عطاه لعود وتفاوض معاه عليه…كان جالس في الجردة . جامع الشباب ..باغي يدربو على الحركة ويطلقو الخيل تجري ويدربوالجدوعة لي ماعمرهم شمو ريحة البارود ولا سمعوه…. تلاتين شاب تيستعدو لتداريب جالسين في دار ضايفة عند بكر ..معزولة على الدار وجات وسط المحرك.بتصميم خشبي جميل…كل واحد تيلبس لاخر العامة ويقاد ليه الحزام على كتافو الا بكر لي تيلبسو المعطي ..عرسان تيتجهزو لموكب العرس بزي تقليدي ابيض من تقاشر وسروال وجبادور والخف الجلدي خفيف ومطروز بخيوط دهبية بحال السروجة ديال الخيل لي عندهم زي موحد من الدير والنشاشة والركابات والققلدات لي مزينة صدر كل عود ..جمالية المنظر وبهاء الفرسان جعلات منهم لوحة فنية جميلة وسط الحقول وهما شي تيركب على عودو شي ركب وشد الصف وشي على استعداد..اصحاب الخيول تيميزو بالحنكة والادب والاخلاق .اصواتهم خفاتة وكلامهم رزين ومعقول والابنسامات بهية فرحانين بهاد الجمع الي تيحر العقول والقلوب…..ركب بكر على فجر بمساعدة المعطي وابراهيم.. تيشد لجام ويدور عودو باش يمشو في خط واحد ويقادوةالسربة ويحيو طلقة وحدة…حت جاه العساس..تيجري …همس في ودن المعطي ورجع وصل المعطي عند بكر تسناه حت طلق البارود في السما . تسمعت عند الضياف هزات جميلة عينيها في ااسما وقالت

_ الحفيظ الله ..صلات على رسول الله البارود الوليد… تلفت ليها سي علال وقال

_ المقدم تيحرك فوق العود

_ ولكن ماشي بوحدو…تنضن طلقة عامرة هادي . رجع العساس وتبعو بكر على العود بحال العريس بالجلابة شفافة في الصفر تحتها جبادورة في البيض بخف في البيض مزخرف بخيوط الحرير مدهب..العمامة على راسو ملوية في البيض.. عيونو فيها حزن لكن ركوب الخيل عندو تاتير قوي.العود تيزين مولاه ولكان دو وسامة فتيكون لوحة فنية جميلة…. اللحية بنية تتبري شافتو بحال الامير فوق العود وقالت

_ نزلو حشومة نكونو جالسين قدام الامير مولاي بو بكر….حلات الباب قبل باها ونزلت بجلابة مفتوحة ديال الحرير موردة بلوينات مغلوقة زوينة بقفطان. رطب في البوردو.. بشربيل فاسي ديال الصم في رجليها ..سبع دمالج في ايدها ومكانة ظهبية في ايد لاخرى وقلادة من العقيق الجوهر بعمارة ديال الدهب على شكل خميسات جوج مصافحين ..انيقة وجدابة وكل ماهو مغربي حر تتعشقو من عشاق الاناقة والاصالة المغريبة ..عاشقة الخيول وجمالها من جمال الطبيعة وجها صافي وردي لا مسحوق فيه دبال الزينة سوا كحل بلدي وسواك ….تزوجت امير ساعودي لتشبتها بالتقاليد المغربية وعزها لبلاد والنخوة وكل ماهو بلمسة مغربية تتلقى ايدها عليه شافها في احد المواسم لانه كل موسم التبوريدة تتخيم فيه وتتبع السربات فينما مشات شافها بالزي المغربي والشرببل تلفتو على بلادو وعلر مراتو ..حيرات الامير السعودي وعشقها عشق قيس ليلى وكان شرطعا لزواج يجيب ليها فرس عربية اصيلة من الاميرات وكان ليها الطلب تزوجت بيه وعيشتو في المغرب حت نهار رجعوه الهلو بالحيلة لبلادو وتقتلوه ليها وسيفطوه في النعش امراة محبة للحياة كان حلمها تزوج باردي وتسمع صوتو في الندهات والمكحلة في اديه لكن حبها الامير خلاها ماتبقاش تفكر في الزواج وجلست بلا ولاد .

نزل من فوق العود بكل تبات مد ايدو لشايب وولدو ولوح بيها من لبعيد لسيدة…قربو ليه بتلاتة هي وخوها وباها ..حطت ايدها على فجر وقالت

_ عندك المليح .. ابتاسم وقال

_ الحمد لله على سلامتكم..دخلو ..شاف في خوها وقال

_ وصلها لدار ورجع تفرج في التداريب لبغيتو حت وكان نسالي ونا معاكم..ظحكات وقالت

_ كاين شي تسگويطة بعدى …علاى السي علال ظحكتو وقال

_ حالها حال المبلين المقدم … شاف فيها بخجل وقال

_ خاصنا عيساوة ..قالت بعفوية

_ والشيخات .قهقهات بصوت عالي خلاتو يضحك بزز منو … كملت كلامها وقالت

_ نمشي نتفرج فيكم قالاك الدار..طلعت لطموبيل ..وركب خوها وبوها خلاهم حت دخلو عاد ركب على عودو وتبعهم.. وصلت الخزاين على

ى شكل متلتات مقببين من الفوق وعرياين بكراسة .. قالت لخوها يسطاسيوني الطموبيل مقابلة مع المحرك بلا ماتهبط هي… رجع بكر لسربة وعلى الطريقة الناصرية تيلعب مكحلتو وبصوتو الخشن تيعلي تيعلم كيف تيقولو الخيالة الباردية الندهة كل ماجات الطلقة مقادة كل ماسفقت جميلة في بلاصتها فرحانة بهاد الجو الرائع وريحة البارود وغلاف من التراب تيبتع حوافر الخيل. ..بقات حضياهم وناسية راسها جايا ملهوفة عل عودها ساع تلفت خاصة فاش شافت ربعة ديال الباردية تيحركو المكاحل بشكل بهلاوني ..عرفتو لبا طلبها وقالت

_ المقدم واشمن مقدم هدا . تلفت ليها باها ظاحك زعمة راه لبى طلبك وفرجك في التسگویط لي بغيتي..حركت راسها ليه فرحانة…داز نص نهار كلو وهما في المحرك حت بح بكر وفرق المجمع من المحرك وجمعهم على طبالي كبار فوقهم قصريات ديال العرعار بسبع خضاري . او كيف تيسموها عبده الگصعة ….

دخلات جميلة لدار وعينيها فرحانين وقلبها بغا يسكت من جمالية المنضر والزخرفات لي في السقف والسواري والافرشة والديكورات ديال النحاس …استقبلتها هنية وسميرة وجلسو تغداو مجموعين تتسول كيفاش الدار مغربية قحة ومولايها گور..تتظحك على حليم وكريم وحنين ..اول ماباستهم قالت ليهم عجبتوني ولكن كون كانو عينكم غ كحلين بحال باكم ..خلات سميرة وهنية يسمو الله على عينيها وهي تتسمعهم مارتاحو حت قالت ليهم

_ عيني حارقاها بالصلاة على النبي وباسم الجلالة ماتخافوش راه نفضل نمرض انا ومايمروضش الدراري ولي ماشي محروم عمرو مايحس بالقلب لي خطاتو الامومة …سولتها هنية

_ علاش ماولدتيش ونت زينة هكا مال الرجال تقطعو من الدنيا؟

_جاوبتها لاخرى ..قتلو ليا راجلي وحلفت مانتزوج ولا يعمر وسادتو وحد اخر حت نموت ونمشي عندو

…..دخلات شهلة من اخر تدريب ديال هاد النهار عيانة ..ماقداش تهز ايد ولا تحط رجل بغات غ تنعس وماتسمع لحت لواحد حاطة لي زيات في ودنيها تتحفظ اغةني ديفد الجداد وناعسة على ظهرها من بعد ماخدات دوش سخون ولبست بيجامة بسروالها غوزي وفيه لي بانكوا في الكري …سادة عليها بيتها خلات الحاج مفقوص في الدخبة وفي الخرجة وفي كلامو لي ماغبرتش عيني عليها ش مرة نقتلها . لكن تيرجع يستغقر الله ويمشي عند اليكسي لي قلبها الوحم قلبة وحدة مابقات حس الصداع جلس وخمم مع راسو وعرف ان بكر ماعمرو يسمح ليها ولا يرجعها حت لو بغات هية مستحيل يرضى بزوجتو تكون مسحية وخدا تفكيرو يرجع بيها لسويد ويبعدها على الدراري ويخليهم يترباو تربية دينيةاسلامية واخلاقية بعيدة على مهم الي ماعمرها تبدل.حيز كبييير من وقتو فينما..شافها مامسلياش وماتتفكرش فيهم تيقول من من الاحسن تبعد عليهم وتفبر وجها ويعتبروها ميتة احسن مايعرفوها ام كافرة شيخة ..ماتسوى ماتصلاح..بكا وبكاتو الدم عليها ….. بداو الاشهارات ديال الموازين في التلفزا دوزام والاولى .وكل ساع تبان دقيقة ولا جوج ودخلت لبيوت المغاربة لكن ماعرفوهاش غ تيقولو وجه جديد مع المغني الفلان فلاني لحد الان مادكروش اصلها غ سميتها المشهورة بيها في السويد…لي لي

سالى التداريب وتفرقو الخيالة وكل واحد رجع بعودو مودع بكر .. رجع لدار …دخل الاسطبل بعيون مغمضة …تابعو المعطي وابراهيم..خلى اسي علال في جنان هو ولدو تيسارواويهضرو بيناتهم..شافتهم جميلة من السرجم وودعت هنية وسميرة وخرجات عندهم..كلها تترعد خايفة يعند ومايعطيهاش العود …لكن توقعها كان غالط..سمعت صهيلو ودارت بالخف اديها على فمها ..وعيونها ظاحكين…مشات تتجري وعنقتو وخوها تابعها فرحان ..فرحة في قلبو وحسرة في قلوب..باغي يبكي على عودو وماقادرش…لو كان في فترة غير هاد الفترة كان شد بيه باديه وسنيه ولكن حزن مخيم على قلبو باغي يتخلص منو في مرة داكشي علاش قرر يعطيهم العود ويغطي على فراق شهلة بفراق اصعب واصعب …شاف فيه مودعو مد ليهم لجام وقال

_ الله يربح …طلق اللجام من ايدو وطلق دموعو معاه .عنقو سي علال دور وجهو لجيهة لاخرة وقال

_ الله يرحم ليكم الوليدين خرجوه دغيا… زادت بيه صاحبتو وهو تيتعلى والقلادة ديال النقرة مرصعة بعقيق خضر دايرة على عنقو تتهز مع كل خطوة خطاها. جميل وانيق ..خرجوه وخرج قلب بكر معاه… عض شفايغو غيض وهز تلفونو وساط الريح من فمو دوز الخط جلس على حجرة كبيرة تيسمع الدعاء بلاصة سنوري ..حت جاوب الطرف التاني…ورد عليه بكر

_ سلام عمتي رحيمو…الحمد الله اوى مزال ماعندك خبار ماعيطش ليك خوك اوى خليه دابا يجبدوه ليا البوليس ….قطع معاها وهي تجبد وجها بضفارها ودوزت الخط لخوها ..تتقشر في سنيها وتولول وايدها على فخاضها تتضرب وتحيح …جاوب الطرف التاني يله داخل من الجامع..

_ سلام رحيمو..الحمد اختي..عيانة شوية اجي قابليها راه غ ناعسة ….يعيط ولا يجلس ماعندي باش نجاوبو بنتي كحلت ليا وجهي اختي وزايدة فيه فضيحتها غادي تشوفوها بالعلالي لي مامعمرو ضحك على بوشتة ولا جبدو بالهضرة غادي يجبدو ببنتو…..خايفة من البوليس

_ مصدعني اخويا قالي بيناتنا البوليس هو لي يجبدوه ليا

_.. سيري عندو وقولي ليه خويا مارضاش بنتو تعلق وتفلق في الزيتونة ..وسدي عليه خليه حت يشوفها تشطح في التلفزا وراه ينيس منها ويتفرق عليها . ولايني الكافرة بالله بغات تمرمدني وترجع ليه يسحاب ليها غادي يتلقى ليها بالتمر والحليب

_ هاد المصيبة عندك ماتهنى حت وكان تموت وتدفن تحت التراب

_ كون غ مااتت ولا هاد الشوهة يا رحيمو راه بيل ونهار ونا نطلب ربي يديها عندو وتغبر وجها عليا

_ لا اخويا لا دعيش بالموت طلب ليها الهدايا

_ اودي الله يهديها ولا يديها قهرتني قهرتني اختي قهرتني..مابقيتش حملتها مابقيت قبلتها ولا وجها كحل قدام عينيا .كون ماالمراة بغات تبقى حداها كون زدت شي قنت لي مايعرفني فيه حد .

_ صبر اخويا صبر

_ ماعندي مانصبر ارحيمو الصبر ولا يدبر بنتي كافرة

.تصدمت رحيمو صدمة العمر وحلات فمها وضربت على وجها وقالت

_ ت اش تتقول اخويا..تنهد المسكين من قاع صدرو وقال

_ وييه اختي وييه ردتني جاهل وانا لي خارج على ديني وانا لي ماعارف والو ..

_ استغفر الله العظيم وهادي كيف حت غادي يهديها الله وخويا يا خويا

._ ربي ماغادي يهديا حت وكان هي تبغي ولايني هي مافمفكرهاش بالمرة وبغيتي الله يتفكرها

_ لا حول ولا قوة الا بالله ..خويا راجلها داير معايا غدا يجي لعندي

_ مابقا عندها راجل اختي فرطت فيه وفي ولادها وفي دينها وفيا وفي مها مسخوطة . هادي ….قطع معاها وتلفت باغي يدخل لبيتو لقاها مربعة اديها وتتشوف فيه بعدم تصديق وقالت:

_ شكرا على حبك الكبير لي يخليك تمنى ليا الموت . اووو حب عظيم هدا لس كنت فارع ليا بيه راسي وانا تنسمع ليك وحت .دينك زوين بزاف لدرجة ان اي واحد تتكرهو تتمنى يغبر وجهو عليك من الدنيا للاسف الشديد انا حت لو كرهتك شي مرة ابدا واش نتمنى ليك الموت لانه اسوا حاجة يقدر الشخص يوقع معاه الموت هو رحلة ابدية الى عالم مجهول ربمى عالم مضلم عالم مخيف وحيد منعزل لانه شنو كاين تحت الارض تراب يعني خراب الموت خراااب مغادرة الدنيا وملداتها يعني تشوه الجمال ومغادرة الروح الجسد شنو قيمة العالم الى كانت فيه الروح بلا جسد لا قيمة ولا حياة شوووكرا بابي ماتخافش انا لي غادي نمشي ونغبر وجهي عليك….بكات طاحو دموعها وقالت

_ لا نت ولا بكر ولا ماما ولا حت الاله ديالك يقدر يخرج من قلبي حبي للحياة ولا حبي للرقص وهاد الدار خليتها ليك خاوية مني واعتابرني مت وتهنيتي من شهلة ومن فضايحها الي مكحلة ليك وجهك..خرجات من الدار من بعد ماعيطت لمدرب ديالها .وجا من وراها داها لااطيل فين جالسين كاملين معاهم ديفد وللمدرب وعشرة ديال الراقصين تانويين..

بدا العد العكسي.. وتكتفت التداريب . وكترو الاشهارات على شاشة التلفاز ..وبعض القلاءات مع الفنانين لي دازو فوق الخشبة ولي مزال تيدوزو…بكر حرت الارض والسما عليهم ولا شاد العسة عند عمتهم رحيمو في قلب دارها مابقاش بغا يخرج ليها منها بل اكتر من دالك شد تلفونها عندو .رفع عليهم دعوة بحت …لكن باش تتهضر مع خوها تلفون جديد عطاه ليها الحاج قبل مايقرر يغبر كل واحد من خوتو عطاهم تلفون جديد نوكيا بيل مافيهش الكونكسيو باش مايطمعوش فيه ويحصل في ايدهم عطاهم التلفونات ووصاهم مايجبدو حسهم حت وكان يدير الله تاويل الخير مع بنتو . لكن للاسف الشديد ماقدرش يقنعها ولا يسيطر عليها والي خايف منو وقع والهروب لي هرب معاها باش يقدر يغير قرارها وترجع لولادها مانجحش فيه وخلاها منها لمصيرها ولي بغا يتغرج فيها يتفرج ..اش غادي يوقع ليها اسوء من كفرها لي صرحت بيه في وجهو فاش قال ليها

_ ربي غادي يجازيك على فعايلك الخيبة قالت

_ ان واحد فيهم ديالك ولا ديالي..صدماتو باعترافها وقالت: المسيح رحيم عليك وظحى بحياتو من اجلنا وختمتها بالحركة التلاتية وقالت وهي تتحلف ليه باسم الاب والابن والروح القدس على انها حرة في حياتها كيف ما المسيح حر ….ضربها غوت…. سخف بكا…ودعا ولكن لا جدوة منها ومن افعالها …

اليوم الجمعة وعلى قصرية ديال كسكسو مجموعين كيف العادة..قلالت الهضرة والقيل والقال في حضور بكر وتنقصت الاسئلة …واش ماكين خبار مابقاوش تيجبدو ليه الموضوع بالمرة لانه للموضوع كبر من المنقشات العقيمة الى غادي تجبد معلومة وخبار جديد مرحبا كنت غادي تسولو على واش كاين الجديد وجهو يعيطك الخبار …الكل رجح ان لمصايب لي فيها عين خبيتة تتربص ليه من بعيد وان شي واحد حاضيه وحاضي اخبارو وبسمو تيهضر بيه في المجامع بكر عندو وعندو ربي عطاه المال والجاه والاراضي وكرمو بمراة ماعمر شي واحد حلم بيها اش خاصو واش ناقصو .وعلاش هو من دون الناس لي مبرعو الله ساكن في قصر ويتسارا على العود وعوض واحد عندو عشرين وهو لي عاطي العين بين الجماعة الي شافو يحتارمو ولي سامع عليه يحتارمو ماعمر شي واحد قال ليه درتي ولا ما درتيش ولا ماديريش ولي بغا يهضر معاه يسولو ويسكت حارو فيه الرجال علاش الله فضلو عليهم وديما سارق منهم الرباح وخا غ اللكلمة الزوينة…بغيتي تكون نت هو المقدم بكر ولد سي عيسى . نت هو بكر ولد سي عيسى وهلي فين تعلقتي مالقيتي لمن تشبه لراسك غ المقدم بكر ولد سي عيسى اييه لبغيتي العود المليح قصد بكر ولد سي عيسى و لبغيتي الغلة قصد بكر لبغيتي هادي مايردهاش في وجهك…شهرتو بشخصيتو الفريدة والمتالية خلقت ليه حساد فينما شافوه ولا سمعو عليه شي حاجة ياكلو سنيهم غيض وحسد..حت ولا بكر نهار فرحان وعشرة سايح بلا عقل وخير دليل المقولة الشهيرة كل دي نعمة محسود فمابالك بشخص جامع النعم وحامد الله عليهم اكيد عوض حاسد كاين عشرة وعشرة كاين لي بغا مالو وكاين لي بغا صمعتو وسط الناس وكاين لي بغا مرتو وكاين لي بغا خيلو وكاين لبغاه هو وخلاه يفكر فيه بموت ولا يكون ديال شي مراة بحال اسية وشادية وعمر المحضي مايهنى ولا يتهنى ولا ماجاتك من القريب تجيك من البعيد ..العين حق وحقا بكر مصاب بعين قوية واخطر عين عين المحبة فهو مفضل عند باه وتيتباها بيه قدام الناس في اي مكان سوا الجامع سوى قهوة سوا سوق ولدي بكر ليوم شرا عود ولدي بكر مجموعين عندو المشايخة ودلي بكر باع تلات تيران ..حت ولا بكر لا نعاس ناعسو كيف الناس لا ماكلة ولا شراب كيف الناس تبلى بلية خايبة وهي بلية حب شهلة.. طيفها في كل مكان وصوتها على مسامعو وقد حبو ليها قد العداب لي عدبتو …

….ريحة لحم الراس في الصالة كان سي عيسى اول واحد يدوقو ويرجع لور حامد الله شاكرو..اما البقية مزال تتقرقب في المعالق وتحط وتهز الكيسان ديال اللبن .حت تلفتو مجموعين كل واحد وحركة ايدو شي على فمو وشي في القصرية وشي شاد في كاس …

_ شوفو شوفو واش هادي شهلة؟

_ شوفو شوفو واش هادي شهلة …تلفت بكر هو لول هز عينو في تلفازا..تبعو الكل وسي عيسى مزال تيهضر: هي هي هاادي مرتك ابكر ياك؟؟ وحلات لسيراج لانه عرفها قبل مايدقق فيها في حين ناضت سليمة وقفت عند تلفازا هزات تلكمونض عملت بوز على وجها…بكر لا حياة في وجهو لا حركة ولا تعبير كلشي تلفت ليه وهو مصدوم مابقا رمش مابقا تنفس دخلو عينيه وفمو تكمش على لقمة ديال كسكسو ماعقلش فوقاش دازت ليه بلا عقل وشرقت ليه وخنقتو حت تجيف بالكحة شي ينش عليه بحال مو وباه لي كانو حداه ورشيد مد ليه الماء ومنصيف وقف مخلوع هز حنين لي شافت باها تيكح بطريقة غريبة بددات تبكي.. .عرق ونشف عاد تنضفو ليه مخارج الهواء من حبيبات الكسكسو وقف تيمسح وجهو لي مابقا ليه لون كحل ولا زرق .تبعتو مو بي ب بيجمتها غ ركب في طموبيلتو ركبت حداه شاف فيها بعيون ووجه لا محل لهم من الاعراب..شدات ليه في ايدو

_ فينما مشيتي ديني معاك طيح في البحر نطيح معاك .تبعهم سي عيسى وركب حت هو وقال

_ ساعة الغضب خيب من الحطب..والله لفرقتني عليك غ الموت زيد فيما بغيتي حنا معاك.. شاف فيهم وقال

_ تيرو فيا وماتخلونيش نوصل ليها .نطقت مو وقالت

_ ماعندك مادير ليها ولادك عندك خلاتهم ليك ومشات صافي تعوم بحرها تشطح ولاتجلس ..نطق سي عيسى وقال

_ كون غ قالت لينا راه بغات تشطح نخلوها غ ماتغبرش حت تصدمنا..تلفت ليه بكر بعيون فيها الشر وقال

_ هي انا قرد ااا..تحكو روايض طموبيلتو …وزاد خلى الكل يسول ويقلب في اليوتيوب على اسم ليلي والمغني وخرج ليهم الفيديو لي كلا عليه سيراج العصا مدت سليمة تلفون لرشيد قالت ليه شوف مرات خوك على فضيحة ويلي ولي اش تتدير ..شدو منها وضربو مع الارض وقال

_ تلوحيه لمك ولا لختك ندبحك ونشرب من دمك. جمعت فمها ..ولكن لي فيها ماهناها خرجات شرات تلفون جديد وخباتو عليه باش تقلب وتفرج في فضايحها وفيها … وصلات الخبار لدار عمامها وعماتها وولادهم والقريب والبعيد لي حضر لعرسها مع بكر شبها وقلب عليها ولي طلع ليهم ماطلع في بلادها عند صحابتها وخلاتها شي يبارطاجي مع شي حت وصلات لشادية وبرد قلبها وقالت

_ الله جازاه باسوء عقاب يله شد المفرعن تسحاب راسك نت هو السلطان سليمان الله يعيطك العداب كتر من هدا ..الكل عرف معاش غادي دوز في تلفزا ولي ماعرفش من الاشهار عرف في الواتساب شي عجبتو وشي كحلت ليه وجهو وهي لي بغا يربح العام طويل ولي بغا يزيد را الطريق ..ربما الالف غادي يشوفو الحفل خاصة النقل غادي يكون مباشر توزهو لي تكيت والصحافة الاليكارونيا دارت خدمتها ووفات وعرفت من مصادر ان ليلي راقصة الجليد هي شهلة بنن الحوافر دات اصول مغربية وتعملت ضجة عليها في الفيس وللنستا وشي يهز تصاور منها ويشي يكوبي من هنا والعجيب في الامر ان المغاربة عجبتهم بجمالها ورقصها الفريد حت انه هضرو مع المدرب يكون عندها لقاء معاهم قبل الحفل على المباشر رحبت بالفكرة وعجبتها وبجوها الجميل وكلامها المعكل لي نصو عربية نصو سويدي وظحكتها البريئة سلبات عقول الشباب وتهافتت على شراء التداكر ولي سولوتو الصحافة شنو عجبك في موازين هاد العام تيقول بكل صريح العبارة شهلة هي زوينة وسميتها زوينة ومسنين الحفل ديالها بفارغ الصبر .شباب وشابات مراهقين وكهول كل عاشق للموسيقى والرقص الجليدي لانه عنظو جمهور خاص بيه متبعو مسني نهار العرض .. تتصممتةليها لبسة خاصة ومرافقة خاصة وكوتش تيوجها نفسيا .. ومن ضمن الحملات لي دارينهم الصحافة دخلو عندها لتداريب وصورو معاها وصوروها وهي تتقوم بحركاات رياضية باباس رياضي ضوني عريض شوية كحل تحتو ضوني لاصق في الفوز وسروال كلون حت هو كحل عاقدة قميجة على مؤخرتها جامعة شعرها كوتش فال..والعرق هابط مع عنقها تيبري ..تتشد عليها الكاميرة على ملامحها مزيان حت لي تاكد لي مازال عندو شك…تجمعو ليها اللقطات من كل فيديو وتعملو عليهم موسيقى تنقلات من صفحة لصفحة …..لكن لااسف الشديد توقعها للحفل ماكانش كيف حسبات ليه وصدمتها صدمة عمر وهي تتلقى خبر خلا اديها تيترعدو وفمها يبياض كانت واقفة وجلست فوق كرسي ديال الحديد قدامها مرايا كبيرة شادة من لتحت لفوق ..تتسوف في انعكاس صورتها واديها على عنقها..

سيارة تجيب رمادية اللون …وسط الطريق سيار ..تتسابق الريح. .لالة خدوج كل ساعة تقفز على سيارة ولا كاميو غادي سايق . بسرعة اابرق ..اديها شادين في الباب .خايفة من السرعة ومن ولدها..عينيها حمرين.. مرة تشوف فيه مرة تشوف في راجلها تحرك ليه راسها وعينيها وحجبانها ..فمها مكمش بغيض وخوف..تنهد سي عيسى ومد ايدو حطها على كتف ولدو وشد فيه حت حس بها بكر ودور وجهو نص دورة .. وقال

_حبس الطموبيل اولدي حبس .. بكر الله يهديك حبس الطموبيل . خفف السرعة ووقف في لبيست

_..فين غادي بوجهك كحل ااا فين …صافي ..لي بينك وبينها تحد ماشي ديالك.. وماشي في رزقك ..وماهياش نهاية العالم ..ااا سمعني كنت تقلب عليها حيت ماعرفهاش فين صدت وشنو طاري معاها واش باها لي داها صحة ومابغاهاش ترجع ليك والله علم ولكن فاش عرفتيها مشات لغرادها وباش تشطح .صافي اولودي صافي …ماعندك مادير بيها ولي درتيه فيها مايبرد ليك الجوف …اشنو تقتلها ضيع حياتك وضيع ولادك . لا اولدي لا منهم عددد هربو عليهم عيلاتهم ومنهم عدااد هربو على رجلاتهم الروس مفروقين الجسدة خصها ترتاح .سمع اولدي …كرز ليه على كتفو تيصبرو ويتبتو

_ …العيب جا منها خليه فيها ماترضوش ليك ..والعيب والعار لرجعت برجليها تتقلب عليك وحليتي ليها الباب مرة اخرى ..دارتها المرة لولا وسمحتي ليها هادي ماتعودش اولدي ..نساها وعيش حياتك اعتابرها ماتت ودفنتيها . مشاكيلها ماتيسالوش وهي ماتتهدش وماتتقاضاش الي شاف وجها مايقول فيها دوك الفعايل ولايني الشيطان غالب عليها.. غلطت المرة الولا والمرة التانية والتالتة اش بقا الرابعة هادي ولاخرة رجع بحالك عند ولادك .. والنهار لي تقلب عليهم علقها في بير وسد عليها..صافي انا معاك في لي درتيه فيها من بعد ومانلومكش وليني خت وكان طل عليك بوجها..دابا خليها منها لمولاها والقنوت….سمح ليا نقلها ليك راك نت ولدي لي ضرتك ضرتني مرتك تتشرب الشراب اش باقي باغيها . اا وزبداها فضيحة اخرى كبر منها .كون تشربو وتخبي تقولو ربي يعفو ولايني هي فاتت الحدود ماعندها حياة معاك وماعندها بلاصة معانا نت ماشي ديال هاد التبهديل وهي مااشي بنت الناس باركة عليك اولدي صومها ولا تفطرش على سميتها ومحيها من حياتك ومن حياة ولادك ونهار لي تجي عندك رد ليها ظهرها رطب من كرشها .وحبسها بالجوع والعطش ولي جا برجليه ينقي علفو بإديه.. رجع لدارك وتسناها حت وكان تبان عندك ..وغادي تجي تجي ..قد ماطال الزمان ولا قصار راه عندها تلات درراي تما ولي درتيه فيها تستاهلو . ….مسحت الالة ووج وقالت

_ الله ينعل لي كان حيلة وسباب في هاد للرزية لي ترزيتي فيها يا ولدي…ضربها لحاج بقضبة لكتاف وقال

_ والله يطيرك عليا حت نت النسا گنس ناقص لي درتيه فيهم زين حرام ..ولي درتيه فيهم خايب حلال على والديهم….دور اولدي نت مبارك خلات ليك الدراري وجا منها العيب … ..باسى وحزن وصوت عميييق قال وهو حاط راسو على مو من بعد ماجراتو هي وعنقاتو وباست ليه راسو وخدو تتطلب فيه بصوت خافت رجع رجع .. وقال

_ رونت ليا حياتي ابا روتني …..مرضتني في خاطري .. مسحت ليه على راسو وخودود بكفوف اديها وقالت وقالت

_ الله غادي يجازيها غ تسنى دعوتك مقبولة ودعي الله تموت وماتشوه بولادها وبيك كتر …تمتمت بيها في سرو مع دمعة وحيدة ..صد عليهم بجيه حط كفو على خدو احساس بالفراق لتاني مرة كيجربو ..لول صعب التاني ولكن نفس الاحساس ونفس الشعور…. هاد المرة حت حاجة ماغادي تبرد نارو .. صعيبة عليه وهو لي غ رجليها تيخاف يشوفهها ليه راجل واحد عساك العالم كامل غادي يتفرج فيها وهي تتحرك مفاتنها وتتعرضهم لشاري ولي غ باغي يتنهزه….رجل عربي مغربي نزيه حت الشوفة ماتيهزها ناقصة في بنت مراهقة دازت من حداه مرة وجوج تلاتة ولا عاشقة بغات تلفت انتباهو يسمح بمراتو تشطح عريانة او لابسة قدام العالم برمته فحقا من عجائب الدنيا السبع…..خدا وقت في التفكير اديه طاقيبن خدودو… غمض عينيه وتنهد وقلب الدورة ورجع..

تلفتت بدهشة لمدرب لي جلس قرفصاء حداها وشد ليها في ايدها وسط اديه وقال

_ ماتخفيش …انا معاك… البرتو معاك. ودييفد حت هو قاليك ..مابغاش يضلمك معاه وخلى ليك السهرة بوحدك…يعني غادي تكوني نجمة الحفلة وتسرقي الاضواء ..وتوولي تحيي حفلات على مسارح كبيرة…وغادي تسافري العالم .بلوحات فنية من تصميم البيرتو عرفتي اليلي غادي تفوقي على شاكيرة العالم ..تيقي فيا نت موهبة ساطعة ونجمة في السماء… جمعتي بين الرقص الغربي والشرقي والافيريقي اضافة الى انك راقصة جليد… غادا تاخدي جوائز كتيرة تيقي بيا…شاف في ديفد وقرب منها هاد الاخير وقال

_ مابغيتش نكون اناني معاك نت تتستحقي تحيي حفلة كاملة داكشي علاش هضرت مع ايدارة موازين نت تحي الحفلة نهار السبت وانا نهار الاحد ماشي ماشكل عندي ..يكفي اني ندوز ساعة فقط…شافت فيهم بعدم تصديق .. وقالت بصوت باح خافت

_ والاغاني ؟؟.. ظحك ديفد والبرت وقالو في دقة وحدة

_ محلول اللامر….غادي ناخدو الاغاني لي مكدور فيهم المغرب بحالon the flroo و اانا عاطيك تلاتة وحت لي دزتي معايا فيها وغادي يرافقك المدرب ديالك حت هو غادي يكون من بين لي دانسر .والمفاجاة الكبرى ليك وهو الديدجي .نيييلسن غادي يكون معاك…..تكا عليها ديفد وباس ليها راسها وعنقها جنب وقال

_ النجاح تيقلب عليك..اليلي وانا عطيتك فرصة لا تعوض.. وتايق فيك… لمعو عينيها وقالت

_ شكرا…. وقفها وقال

_ اجي معايا باش نسقو اللامور مع ايدارة موازين ومن بعد الخدمة غدا تكون ممتازة وانا معاك خطوة بخطوة موازين المغرب هاد العام برعاية ليلي وديفيد اوووكي؟؟

_ يس ……..رافقتهم الايدارة وعطاوها التوقيت معاش غادا تكون في الباك ستايج ومعاش غدا دخل لاسين وشحال ديال الوقت غادي تشطح وكانت صدمتها انها غادي تشطح ساعتين لوات راسها جنب وقالت

_ اووو نوو ساعتين ؟؟ رد عليها منسق الحفلة وقال

_ يس ساعتين..بالحق غادي يكونو لوحات استعراضية .. شدات في عنقها من لور بجوج ادين مشبكين خيم عليها الخوف والدهشة وقالت

_ الوضع صعيب عليا .اوووف…ظحكو الرجال لي معاها وبعض المنسقين والمسؤولين وقالو

_ حنا معاك لاحت الاخير بغينا منصة حي النهضة كلها تهز راسها وتتتمايل معاك… اوووكي؟؟ …ظحكت بخوف عجبت مدير الحفل وقال

_ تهلاو ليا فيها وبغيت نشوف جميع للكميرات عليها … يله شباب الحفل بقات ليه اسبوع ابتداءا من غدا غادي تجهزو ليا اموركم .. صفق وقال: النجاح ..تيحتاج المتابرة يس اور نوو….؟؟

… وصلو لدار من بعد هضرة باه وتوسللات مو….وقف الطموبيل ..نزلت لالة خدوج .. وشدات فيه من دراعو جراتو. وراها …وباه وراه…حلات الباب وهي تحل عينيها على صراخ ومشادة كلامية بين منصيف وسيراج وسليمة …. .حبس مو. في الباب تيسمع وقال

_ ماتنضلموش؟؟؟؟ بقا واقف وباه وراه ومو حابسها بايدو وسيراج تيعلي في صوتو

_ هو هو لي ماشي بنادم…اش داه يقبل بيها .. ويتزوج بيها ااا ولا حيت عندو الفلوس تيسحاب راسو ماعرفت اش …يتزوج ب بنت ماكملاش تسعتاعشر عام ويسكنها في العروبية…عند بالو غادي تبقى معاه ..ااا هو لي مكلخ ملكخ تيسحاب راسو مطور وهو لا غ كانبو .. ولديها خرجو عليها زوجوها ليه وهو باغي يخرج على حياتها ..ماعندوش الحق يمنعها من احلامها ويخليها معاه وسط الزريبة والبهايم.. يسحاب ليه شهلة هي ربيعة بنت حميدة الا الا اسيادي البنت كابرة برا مها سميتها الييكسي ماشي ضاوية وجداها سميتها لويز ماشي رقية …صحاباتها روز واميلي ودولسي ماشي مينة وعواطف وخديجة عرفتو شنو تيعني هادشي ؟؟؟ يعني البنت تتصرف عااادي في حياتها العادية… جايبين بنت من سويد ومعيشينها في عروبية سيدي سليمان وبغاوها تكون مرات المقدم مرات البعر هدا….هو غلط حيت تزوجها مرة لولا ودابا غادي يغلط مرة اخرى الى مشا حت ضربها ولا قاسها والله حت نشهد فيه هو وباها ونقول ليهم البنت هربات ليهم جوج المرات ومابغاتوش وعلقها في الزيتونة وفلقها ..وبغاها تكون معاه الا شهلة ماشي ديال الواحد يضربها وينعنفها ويردها ام صحة ومراة ديال الدار…. وقفت ليه سليمة وشارت بصبعها لوجهو

_ بغااااااتو وحباااتو وعشقتو سويدية ولا زعرية ولا هولاندية طاحت فيه بغاتو هو ..ماشي نت ولي ماكنتيش عارف الوسي الحنين راه ليلة دخلتو مع العروسة هي لباتت معاه وخلات العروسة تشوى وتكوى وقول ليها علاش ..حيت تتغير عليه دخلت لبيت العروس شدها هي وخلا العروس عند بالك ماتتبغيهش وهربانة منو مابقاتش في سويدية حطتها الطيارة لا اسيراج بقات في خوك اش تيسوى راجل ونص ولي شداتك الغيرة منو دير بحالو والله لوصلتيه ..حيت فاش تمرض نت هو لي تيحط فلوسو باش تنوض على رجليك نسيتي العملية لي درتي على عينيك ولا اااا شكون خلصها ااا باااك هاهاي والله ماحط ليك فيها ريال بكر سيدكم كاملين ةحت واحد مايوصلو بعيد عليكم وماقلتوه ولي خصاتو شي حاجة عيطو لبكر ودرك فاش مرتو بانت في مزاوين رديتيه هو لي مايصلاحش ليها…لا اسيدي يصلاح ليها والف وحدة غيرها وهي ليي خاسرة…. . مشا جلس سيراج ومزال في فمو شلا كلام باغي يفرغو

_ وسيري تحلمي نت عيتي تشدي فيه للختك ماتشد ليكم دابا تتلمقي ليه …والله لا حيدت هاد الفكرة من راسي هو لي جاب المصايب لي راسو وتيلوم بنت الناس اصلا هديك البنت والله ماديالو فين هو وفين هي شارف عليها وداير فيها راسو… حط بكر رجلو في الدار مع كلمة من فم سيراج

_ باغي عودو يجدب ومرتو لا هء .

_ باغي عودو يجدب ومرتو لا هء … دارت سليمة بالخف وشهقت بعدما شافت انعكاسو في واحد الاية قراأنية كبيرة معلقة في الحيط…. وهو يتلجم كل ماكان صوتو عالي واصل السقف …بقا ساكت ساكت تيشوف في سيراج بعيون مقوسة حت تخلع الكل حت واحد ماهضر ..النار شعلات وشكون غادي يطفيها ..كلشي ساكت . لالة خدوج تتهبط خدودها وراه وسي عيسى مصدوم لصدمة الكل الا هو عارف خوه مزيان….شاف فيه بعيون فيهم الشر فقط وقال

_ باركة عليك نوقف قدامك كتسكت هادي في حد داتها تتوريك شكون هو بكر واش وشنو تيسوى ولكنت راجل هضر …شار لوجهو بصبعو عاود هاد لهضرة ونا قدامك…رجع بكر اديه وراه ..حمار وجهو سيراج وعينيه…مشا ليه سي عيسى نزل عليه بتصرفيقة طيحتو كاو وقال

_ والله ماتوصلو كون كنت راجل ماتهضرش وماسوقكش يتزوج بيها حت بنت تسع سنين ويجيبها من للهند ولا السند وتقبل عليه وتبوس ليه رجليه ونت مالك اش حرق شطاتك يضربها ولا يعفو عليها منو ليها انا ماشغلي ونت ماشغلكش.. عند بالك ازويزو هي من سهمك سير غ غسل فمك من ريحة الگارو. ..نزل عليه مرة اخرى لضهر عطاه نيت الهم هو ولا بكر تتمت لالة خدوج في سرها لكن ماعرفاش ان لي غادي يجرى لسيراج عمرها ماتخيلتو …. بقا بكر واقف حت وكان حيد من حداه سي عيسى يسحاب ليهم صافي سيراج كلى العصا بكر غادي يدوزها ليه ب بونيات ديال باه… شاف في باه بنص عين شوفة القتالة ومشا بخطى تابتة لعند وجهو اديه مزال وراه وقال

_ بالرب حت تعاود شنو قلتي. عودي يجدب ومرتي لا ياك كيفاش قلتي ليها…تمتمت بخوف عارف المسكين قدامو واحد سيمانا ولا جوج ديال الدكديك..وقال

_ جات في فمي وصافي….ميل بكر راسو جنب ماد ليه ودنو

_ لا ماجاتش جبتيها نت قول..شفافيو ممصوصين لداخل … غفلو وغلفهم ونزل عليه بروسية شركت ليه الجبهة والنيف حت تهرس ليه نيفو مال لجيهة وهو يفك بكر ايدو ورجعو لعند وجهو وقال

_ نهار تجيب لمراة جمعنا كاملين وحزمها وخليها تشطح وسطنا وعلمني باش نعلق ليك وليها زوينة عندك ااا..زادو روسية وحدة اخرة لفمو حت تسمعو سنيه وتشقلبو عينيه…سي عيسى ومنصيف شادين في بكر ولاخر كلو دم.. تحت سنيه تيهضر

_ ماتنجبدش سميتك على فمي وانا واحل ليك هنا..شار لتفاحة ادم ديالو: خايف عليها…شد عليها العسة ….. ونزيدك هاد لي قدامك عمرو مايطلقها وغادا تبقى مرت خوك.. وانت تتقلب على دنب كبييير مع الله فرقني حسن ليك..هاد الغوات وهاد الهيلالة لي داير نت ما مسوق ليها حت واحد غ تتطيح من راسك …. هادي التالتة ليك معايا …من بعد هادي غادي ندخل على قبلك الحبس …طلقو ورجع لور وقال

_ جييبي ليا الدراري اسليمة…… هبطوهم ليه الطموبيل قادوهم في الكراسة وزاد بيهم خلا وراه مسرحية درامية من ام مفرقة كبدتها واب حزين . لايم راسو .. وسطهم شاب شبيه بكر في تفاصيلو الجميلة فايتو بميزة انه ماتيحقدش ومع الكل ماتيبغي يخسر لخاطر حت لواحد ولكن سيراح كفرو هاد المرة خلاه معصب وتيسب ويرد اللومة ليه

_ ماحشوماش عليك شغلك فيه سد فمك لي فيه كافيه شفتوه واقف يسحاب ليكم بخير بكر راه ميت من لداخل ..اعلم الله اش غادي يوقع ليه تيسحاب ليك حجرة راه عندو قلب اسي الكريت عيييت معاك ونت زايد فيه مافهمتش ماالك اش مشا ليك قلبتي على هرسة ليف تفوووو عليك مرضتينا اش بغيتي عندو تعلمو تسدو فامكم تعلمو دخلو سوق راسكم ..ديما جايبين ليكم فامكم المصايب كنت هاني دابا قلب على لي يقاد ليك نيفك مريييض .بالرب حت مريض . الواحد هو لي يقولها زوينة ولا يسكت ويسد فمو …خرج تبع خوه وعيط على رشيد يتلاقه ..عاود ليه شنو وقع قاليه تسناني.. حت نجي ..

..دخل بكر الفيرمة واحد اخر..يصول ويجول..بلا عقل البلاصة لي جلس فيها مايسخنها ويرجع ينوض ..دازت تلات ايام وهو كيف المجنون راس يقول ليه سير نحرها وفصل ليها الراس على الجسدة وراس تيقول ليه خليها حت وكان تجي برجليها وراس تيقول ليه سير ليها قبل ماتطلع تشطح وجرها من شعرها وجيبها وسد عليها ..جن جنونو لا ماكلة لا شراب يضحك بزز مع ولادو والقلب عامر …تبت خوتو بانه ماشي حمق ويتهور ويمشي يدير جريمة بالعكس مهدن واهم حاجة عندو هما ولادو…لكن حرقة شهلة وفعلتها مابحالها حرقة ..هو لي نسا في حبها العالم كامل ..وحافظ على شرفها وشرفو وستر فظيحتها لي كلاتو من الجدر ماجا فين يداوي جرح حت بان حرج اخر وماجا فين يتهنى بيها ويرتاح معاها ويعيش الحب معاها حت قلبت الصفحة البيضة لي عطاها وحطات قدامو روجيستر كحل منين يبداه دبحتو وسيلت دمو وياخوف خوتو من سكوتو قدامهم ويخوف باه من شوفاتو ..كل ساع جاي واحد غادي واحد لعندو خايفين عليه لا يمشي ليها……وهو خارج طلقى في ودنو .هضرة وكلمة العيب ديما سماعة ….في جنب الجردة قريب من جناح ديال الحاج كانت واقفة سميرة وهنية وعلى سيرة شهلة مجمعمين..نطقت سميرة وقالت

_ من زويناتها وعيبها ضاسرة .. نطقت هنية

_ مانقدرش اختي نكرها تتبقى فيا وعزيزا عليا وخا شربتني الحرام سمحت ليها ومابغيتها تفرق على المقدم .. ردت عليها لاخرة

_ مابقا رجوع اهنية مابقا رجوع لي بقات فيا هي امينة دكمت معاها

_ ياختي على عبد الرحمن طلع مايسوى مايصللاح طمع في مرات المقدم شارك معاه طعام والملحة… ..وقف عليهم وقال

_ عاودو.. انا وليت خدام معاكم غ من ورا الحيوط الحاجة لي بغيت نعرفها خاصني نولي حنش عليها كيفاش عبد الرحمن مال عبد الرحمن ؟؟؟؟

ماكان ناقص بكر الا هاد الخبار .باش يفيض الكاس…كلام سميرة تيتعاود ليه في ودنو وهو شاد طريق وايدو على تلفونو…جاوب الطرف التاني..والخلعة تترعد ليه اديه وتتقرقب ليه سنيه …

دازت يومين كان بكر غابر فيها على دارو عاد رجع ..دخل مع الباب وهو يوقف كل من سي عيسى ولالة خدوج…كل واحد سؤال فين صاد..لكن حت جواب ما عطاهم…دخل لبيتو… خدا دوش بارد وخرج تيلبس في حوايجو بالمهل وتفكيرو بعيد

.. شوفاتو بعاد..نار صدرو مابغاتش تطفى..لبس قميجة في بلو مارين ماركة فوقها فسيت .رطبة حت هي في بلو مارين غامق درجة على القميجة مع سروال دجين زرقة وحداء رياضي كحل .قاد ساعتو الدهبية وخاتم النقرة غلييض …رش ريحتو.. وخرج تيقاد في كول لافيست..غ شافتو للالة خدوج ظحكت وصلات على النبي وداكشي لي باغي ابتاسم معاها سولتو على اناقتو قال

_ معروض لواحد العرس .. عنقتو وقالت

_ سير اولدي فوج ليا مع راسك..الله يرضي عليك…….شد الطريق حواجبو مقرونين..وعينيه تيشوفو في نقطة وحدة مرفقو على حافة نافدة الطموبيل وصبعو لكبير بين نيابو.. سايق بايدو وحدة شاد للطريق السيار….

اليوم السبت…بدات الجماهير تتجمع مع الضهر كل مجموعة من جات ومحبي الحياة والرقص والغناء كانو شادين الطريق مع فجر هاد اليوم باش يجو مع السهرة قدقد…وكاين لي حطاتو الطيارة هادي يومين ولا تلات ايام ..الصحافة عند المداخل وكل متفرج داخل تيعطيهم حركة بل اكتر من دالك كاين لي هاز تصاور شهلة ..شباب واطفال نساء ورجال.. مهرجان موازين معروف عالميا بنجاحو الباهر تيكون تحت اضواء الصحافة من كل بلاد لانه جمهورو عريض من مختلف القرات …خاصة انه تيتضنم في اجمل مدينة في المغرب واامنها الرباط مدينة الانوار فتيكون ليلها بمتابة لوحة فنية ..فمابالك الى كان منضم فيها حفل بضخامة موازين….

وصلات شهلة لمقر الحفل مع الحراس والمدرب والبيرتو مصمم الرقصات وديفيد…دخلات استوديو فين تبدل ..متوترة وخايفة وفي نفس الوقت متحمسة…دخلات عندهاالصحافة دوزام باشى

تصور معها وهي تتجهز صوروها وهي بين ادين الكوافور..تيسرح ليهة شعرها وكل ماجات الكاميرة وراها تتعطيها غمزة في المرايا مع حركات النصر بصباعها مرة ظحك مرة تسهى حاطة صبعها الصغير بين سنانها مرة تهضر مع المدرب مرة مع البنت لي غدا تعاونها تلبس وفينما سولوها تجاوبهم ب

_ لاباس هي لبقات ليها مقادة هربو ليها الكلمات حفل كبير اكيد من الخبعة والضغط النفسي .. وقفت من بعد سرحو ليها شعرها جاها زويبن بزاف ..مشات مع البنت لي غدا تلبسها الكسوة تبعوها بالكاميرا حت دارت وسدت عليهم تتظحك بقاو حدا الباب حت حلاتو بجمالية اخرة وروعة الفستان..كمامو بلون الجسم ماتبيبانش منبت بالعقيق لي شافو من بعيد يقول ملصقين ليها العقيق على اللحم ..وعند الصدر خيوط مطلوقة بعقيق خفيف في الفضي مغطي ليها صدرها وعند الخصر .ظهرها تيبان عريان منبت بالعقيق في حين عند المؤخرة نفس الخيوط بالعققيق في الفضي كل ماتحركت تتيتحركو. عجبها الفستان وعملت حركة بصدرها خلاتو يتهز عجبها خفيف وفي نفس نوقت متير . سباط فضي .قفت عند المرايا قادو ليها ماكياجها . فرحانة بهاد الاجواء .رغم التقفقيفة كل مرة توري اديها يتعردو. لديفد والمدرب ..بقات ليها ساعة على صعود المسرح .جلست فوق واحد الفوتاي حداها كاس العصير ديال اليمون فوق طبلة ديال الزاج.ديفيد من جيه والمدرب من جيه ..خدات تلفونها رقم بكر على الشاشة .. تتحرك في صباعها على جنب تلفون باغا تسمع صوتو وخايفة يعكر مزاجها وهي في الاصل خايفة ومخلوعة ..سمعتهم تيعيطو عليهم ..عملت حركة براسها وكتبت “”I love you” سيفطتو و سدت تلفونها وعطاتو الكوتش ديالها…وخرجت .من كولوار صغير معاها لكارد والمدرب شاد في ايدها شدات عليها الكاميرة وبانت في الشاشة لجمهور غ شافها جايا تعالات التصفيقات والصفير والصراخ..همس ليها في ودنها المدرب وقال

_ شافوك في الشاشة دورت عينيها تتقلب على الكلميرات حت جات في عينها ابتاسمت خلات الجمهور يحل فمو ..

الكل عند شاشة تلفاز لي ماحضرش مباشرة غادي يحضر النقل المباشر احساس جميل خالج بنات عمها وعماتها لي تجمعو في دار رحيمو باش يتفرج فيها على خاطرهم سليمة شرات تلفازا دخلتها لبيتها .شحال وهي مهرسة ليها وبمسبتها حت ليوم مشات شراتها استغلت عدم وجود رشيد وجابتها سرقة ..شعلتها وجلست مسنياها من تمنية ونص .وخايفة يجي يراجلها بغات غ فوقاش تبدا…..كل ماتيعرف فلانة راها مرات المقدم شد دوزام وجلس يتفرج حت شادية واسية وهناء ومها وخوها مستحيل يفلتو هاد الحدت ..مسينيها بعيونهم واديهم على قلوبهم …كل واحد وشنو هاز فيه شادية واسية بغيض وسارة نهيلة ورحيمو بحب من دمهم ولحهم والضجة لي تعملات عليها في وسائل تواصل خلاهم يحنو ليها هناء بغيرة وسيراج بحب…لكن الكل غادي يحط ايدو على فمو فاش شداتها الكمايرة وهي تتعمل الحركة التلاتية المسيحية .باسم الاب والابن والروح القدس باست صبعها ودخلات الاسين.

طلعت فوق الخشبة هازا اديها بجوج مرحبا بالجمهور .الي صوت صراخو وصل لواحد الشخص وقف طموبيلتو بعيدة شوية على المسرح بافكار ربما ماغديش يندم عليهم الا بعد مايلقا راسو وسط ربعة حيوط…وباب ديال الحديد من وراه.. حارس تيقرقب بعصاه وتيطل على السجناء من فتحة صغيرة في قلب الباب….تعالات التصفيقات فاش شافت ماماها وخوها دانيال وصيفطت ليهم قبلة طايرة في الهواء.. فرحة الجمهور بهاد الشابة المرحة لجميلة خلاتو يعلي صوتو ونداءات باسمها .. وقفات وسط المسرح لي لحظة ورجعات تمات خارجة بمشية عارضات الازياء حت بغات تخرج ورجعت بنفس الخطا …..طلقات الموسيقى . هادية وهي تتمشي من راس المسرح لراس تتسيفط قبلات وترحاب حت تقادو الراقصين لي معاها ودارو بيها …طفاو الضواو .ديال المسرح بقاو غ التلفونات شاعلين الاف تجمهرو مسنييها على احر من الجمر…..هزوها الراقصين ببطء تيعلو فيها غ هي لي تتبان .تتححرك اديها بحال امواج البحر وكلماات اغنية اسبانية بلا موسيقى ..بصوتها …في لحظة تقلبات الاغنية بايقاء سريع على اغنية on the gloor مع نزولها بسرعة وتشعلو ضواو .. مهبطة شعرهالارض .تحركت بخفة بحماس .شعرها تيمشي ويجي رجليها تقول تيطيرو ماشي تيتحركو .وكتافها مابقاو في بلاصتهم …تنزل بحركة وتوقف بحركة في ايقاع جميل خلات الجهمور يتمايل ويتهز .بحال امواج البحر …شعلات الخشبة بحماسها وشعلات المسرح باصوات الجمهور.. شعلات عيون المتفرج حماسة خلات لي مسنيها ناض من بلاصتو ولي دارتها يديرها.وكل ماحركت طرف المشاهد يحرك نفسو……ظحكات سليمة فاش شافتها عاطية الكاميرة بمؤخرتها وضربتها جنب وهي في صف مع الراقصين عشرة قدامها وعشرةوراها شي شاد في شي من الكتاف ..وهي وسط منهم ..تهز رجل وتحط رجل حركات هبهوبية وحركات رياضية ورقصات متنوعة رقصة الفانكي وارقصة الجاز بل حت رقة النقري ..بدعات فيها..سلاتها بصدرها تيطلع ويهبط وهي تتشوف في الجمهور لي محيح صوتها عالي من فرحتها بابتسامة عريضة وجماالية تغرها قالت ل الجمهور

_ اي لافيوووو… هز بكر عينيه في الشاشة كبيرة قدامو ..خرج من الطموبيلة . دق عينيه فيها وهي تتبان قريبة منو اقرب من الجمهور شاشة كبيرة معلقة اخر واحد واقف في المسرح ..تيتفرج فيها بدون تعبير . رد عليها الجمهور بالمتل بقات بوحدها فوق الخشبة مشاو الراقصين يبدلو حوايجهم وشعلات هي الجمهور من جديد تتمايل بحركات جميلة برازيلية على اغنية بيلاندو …ابدع الديدجي في خلق تناغم بينها وبين الاغنية …خلات الكاميرة شادة غ عليها وبعض تواني تتهرب منها ودور شوية على عيون الجمهور لي حاط اديه عل فمو فرحان …ساعة متواصلة مارتاحشت فيها ولا دقيقة وكل ماسلات رقصة تبداها بوحدة اخرة مرة تشير لجمهور يعملو نفس حركتها متناغمة معاهم وتتضحك لانه زعمة ما صدقتش ليهم وترجع تعاودها ليهم يإما بصدرها..ولا كتافها ولا كرشها او خصرها…. من حماسها مرة تحط رجلها فوق الباف مرة فوق واحد الخشبة تتعطي الضو لجمهور فيها بولات ملونين . شطحت جالسة ولا على ركابيها ولا مرجعة رجليها لور متكية على ضهرا او متكية على ايد وحدة شاركها راقص رقصة ديالها لي رقصات بيها على الجليد ..ماعياتش وماقالتش اح جنبي .. ..في سادس رقصة شاركها المدرب صالو المسرح وجالوه برقصة السالسا .. ختمومها بدخول الراقصين بلباس للشرطه فيهم .. وهربو كل واحد مشا لجيهة مع حركات بهلوانية راقصة…

ختمومها بدخول الراقصين بلباس للشرطه فيهم .. وهربو كل واحد مشا لجيهة مع حركات بهلوانية راقصة…تختمت تلك الرقصة ورجعت بلبسة اخرة سروال ديال الجلد تيبري وبودي كحل غ سميطات فوق البوط حفيانة .. بنظاظر كوحل.. السروال من جناب فيه اهداب براقة دهبية تتمايل مع كل حركة وكاسكيطة .فوف راسها رقصات اجمل لوحة كومدية ماخلات حت طرف في جسمها تابت تقول هاد البنت ماعندهاش العضام بالمرة عرقات وبان فيها كل ماقربت منها الكاميرة لي تغرمات بيها وماحيداتش العدسة عليها ..تتشد على الجمهور تانية من الفوق تسرح فيهم حت تحدهم وترجع بالخف لشهلة لي تتشتف كيف اللبوة فوق خشبة المسرح…تفرج فيها كل تانية ماروغش عينيه عليها والف فكرة خاطبتو والف جرح خدش قلبو حت انتابو شعور مرير .. كلام سيراج فيه من الحقيقة المغطات .بقش من تبن ….تخبات على الجمهور بدخان طلق من جناب المسرح بدلات فيها حوايجها وتجمع شعرها كرينات .وبدات رحلة اخرى في رقصة اخرة…حلات فيها سليمة فمها وهي تتشوف صدرها لي بان نصو عريان مغطين غ الروس ..حطات ايدها على فمها …مع مني جيب قصير ولي بوط طالعين لركبة تيلعبو بيها الراقصية ربعة لاحوها .تعالات النداءات وصراخ الجمهور وجات واقفة..كانها فتاة مراهقة تابعينها الشباب تيتغزلو بيها قوامجهم محلولين وصدرهم عريان…وهي غادية وتشطح ودور ضربهم بمؤخرتها حت يطييحو مصافين ..وكل هاد الاستعراضات ابدعت فيها بتحريك جسمها … قرب العرض يسالي بدلت لبسة اخرى كسوة كلها اهداب في البيض تتبري بالموزنة عندها كم وكم لا حد الركبة عريضة من لتحت ولاصقة من الخصر على راسها تاج من الورد..بيضة ..ختمتها برقصة شرقية على ايقاع الدربوكة والبندير .بايقاع ايفريقي تنافس داوتي البشرة السوداء والمؤخرة البارزة ….تطلق عليها من الفوق فتاتات براقة بحال التلج وهي تتحرك في رجليها وخصرها واديها ع دخل ديفيد هاز طبل معلقو في عنقو تيطبل فرحان….تعلات التصفيقات مرة احرى دارت بيه تتشطح وهو تيطبل العين في العين ..حت سخفت تلفتت لجمهور وقالت

_ نشوفكم الحد الجاي مع ديفد ؟؟؟ ..الكل غوت : يسسسسسس .. عجبوها ظحكات قدام الكاميرة صدرها تيطلع ويهبط بالعيا والسخفة جابت الكاو ودعت الجمهور مولحة بايدها ورجعت تتجري خجرات مع الباب باب المسرح …طلعت الكتابة على ساشة تلفاز وكل واحد ناض من حداها الا بكر لي بقا خاشي اديه في جيباو وبقا حاضي الشاشة..بدات الجماهير تتفرق وكل واحد وشنو تيقول

_ عفريتة …. شطاحة. غزالة فنة واعرة قرطاسة… زييينة وااااو….انا حمقاتني . انا هبلاتني . انا طيراتني غادي نتبعها لسويد هاد القرطاسة هادي لي يقول عليها لواحد تتعرف تشطح . فين كانت غابرة هاد النجمة…كل هاد الاطراءات سمعهم وهو متكي على طموبيلتو تفاحة ادم تتطلع وتنزل… كاين لي غاديو يعاود حركاتها بكتا٥و ورجليه …كاين لي تقول تيجي معاها الرقص البرازيلي واعرة ..ماكرهتش كون شفناها بش قفطان وتشطح العلوى الله ياجدمهم دوك الجفنات لي عندنا حت تجيهم اللقوة غ مخنزينا بلا فايدة هدا هو الفن صراحة ..داتنا لاسبانية وداتنا البرازيل مشينا لجمايكا ساراتنا العالم في هاد الساعتين وحدة اخرة هازة لحمها ولحم جارتها ماتجي تسالي الشاليني يابابا تتكون قيمتي عليها زخاصك فين تبرد تترعد ك فلون خاسر الله يعطيهم العداب..بحال هادي بالرب خت نخليها غ تشطح اديا مانحطهمش عليهاةنخافها توسخ…قهقهات واطرات واعجاب حضات بيه من الجمهور…

تجمدو رجليه من الوقفة بلا هدف .هاد الساعتين كانت كافياه باش يتاكد انه ماتت بالنسبة ليه فعلا اسبوع وهو في حيرة شنو يدير معاها .لكن كان خاصو يشوفها وهي فعلا تدير شنو تتقول ليها دماغها باش يسلها منو ويحدد موقفو كون جات قدامو قبل هاد الساعتين كان غاي يقتلها ويقتل راسو بسمية الحب لكن شوفتو ليها وهي تتعرض جسمها خلاه يحرك راسو يمين ويشمال بان مستحيل حت يفكر يعاقبها ولا يعاتبها ولا يرجع ليها هو في عالم وهي في عالم اخر والنقطة لي بناتهم خاصها تمحى بدون نقاش ..كلام الناس جاه عادي تخدر من تصرفاتها …حت انه سمع واحد قال وخا باها مغربي هي مسحية..شاف فيه ماهزت فيه المعلومة حت حاجة بالعكس هز زاوية فمو . لي بقا فيه تينبض بغيض وهو الى جات تتقلب عليه غادي يبزق ليهاعلى وجها.. اما شي حاجة اخرى نيس منها تسلات منو كيف الشعرة من للعجينة قتلت كل خلية كانت تتنبض بحبها حت انه دكرياتو معاها جاوه باهتين بزاف …حط ايدو على فخضو تتحسس المكحلة لي مخبيها تحت سروالو… .خوات الساحة من الجمهور بقا غ هو والمخزن ..شافهم جاينين وهو يركب في طموبيلتو.. وتحرك .لكن بقات ليه نقطة تتحرق وغاظي يحيدها بصبعو على الزناد…. مشا لوطيل فين جالسة خدا شونبرا وجلس في الاستقبال تيتسناها … شاف طموبيلة بالوگو ديال موازين عرفها .هي .عطاهم بالظهر تيشوف فيها من الجنب دخلات هي ومها وخوها و وللمدرب وديفد مجموعة داخلين فرحانين هي معنقة مها عيانة…خرجاات السيدة لي شادة الاستقبال تتجري خدات سيلفي معاها وهي تعنقها شهلة وقالت.

_ اول سيلفي مع فانز ديالي مغريبي .ايلافيو… جا واحد اخر واحد اخر وهو تيشوف فيهم غ من لتحت….خلاهم حت طلعو ومشا عند االاستقبال وقال

_ هديك البنت مشهورة ؟؟شفت كلشيى تيتصور معاها بقيت غ انا .ظحكت وقالت

_ واااعرة في الشطيح وضريفة فنة فنة ..ابتاسم وقال

_ هي نمشي ناخد سيلفي ماعها ماتقول ليا والو؟؟

_ لا لا ماتقول ليك والو هنت طلع دق عليها في الرقم كدا كدا قبل ماتمشي بحالها ..حدر عينيه شاكرها غ عطاها بالظهر تبدلو شوفاتو.وطلع ليها نيشان…يله لاحت الكبيتشو وبقات في دوني نص لبسة حت دق عليها..سحبتو المدرب ولا ديفيد حيت فرحان وقال ماغاديش يجيه النعاس .. حلات معصبة باغا ترتاح حت لقاتو هو بشحمو ولحمو. واقف قدامها ساد الباب بكتافو وجسمو … بغات تتضحك وخايفة خدودها تيتحركو ناوين يتفتحو بظحكة عريضة .عكسو هو لي واقف بجمود تام.. تلاحت عليه بتعنيقة .قبل ماتوصلو شد ليها اديها ودفعها حت طاحت .الارض ..خرجت مها من الطواليت..تتجري .لقاتو هاز عليهاالمكحلة سد وراه الباب واقف عليها وهي عينيها خارجين والجعبة بين حجبانها….جات اليكسي لعندو تترغبو بشوية..خايفة تيفيق دانيال يبدا يغوت

_ بلييييز ماضيعش راسك وضيع ولادك حنين وحليم وكريم محتاحينك نت اعز انسان عندي واحن انسان على ولادو الى غبتي عليهم غادي يتعدبو ويضيعو ابكر وغادي يتكرفسو .ولادك بلا بيك غادي يعيشو التشرد. والتمزق .فكر فيهم هما قبل راسك ونساها صافي نساها اولدي نساها وهي اكيد غادي تنساك…بكر انت انضف شخص وحياة الله نت انضف انسان ماتتستاهلش بنتي ولا تستاهل انك ضيع راسك على قبلها.. شافت في شهلة لقات عيونها تيسلو بالدموع وعينو هو تجمدو شدات في الجعبة وقالت بصوت خافت

_ بكر غادي تقتلني بشوفتك ماشي بسلاحك .بكر بليز سمعني .. لا رد ولا حركة فقط لخص ليها في هاد الحركة انها ماتت بالنسبة ليه …شافت في مها وقالت

_ علاش تتقولي ليه نساها علاش لا لا ….ورك عليها بالجعبة شافت فيه تتبكي .گاع الفرحة لي فرحتها بنحاج الحفلة تقلبت ..:بكر بليز سمعني انا ماعمرني نساك وعمرني خنتك. والله هاد الشهر كلو ماحنتك فيه ولا بست شي واحد .صافي ساليت وغدا نرجع معاك …اخيرا تفكو خدودو وقال

_ الى جيتي لعندي نخرج فيك هادي …حيد عليها المكحلة ودار باغي يخرج ناضتت تتجري شدات في رجليه..

_ لا لا ماتخرجش لا لا بكر نطر منها رجلو حت تكروعت وقفت ..شدات فيه من لور تلفت ليها زادحها مع الحيط وبعيون فيهم الشر قال

_ اقسم لك يمينا ونشوف وجهك مرة اخرة حت نقتلك…تتحرك راسها بالزربة بلا .

_ قتلني دابا وماتمشيش …

نطرات من مها ومشات شدات فيه صحة وقالت تترغب فيه

_ نوووو نتوحشتك توحشت ابكر….شدات فيها اليكسي قبل ما يدير فيها شي مصيبة جراتها وراها والخرة ماهمهاش يضربها ولا يقتلها كاع كانت ناوية وفي حسبانها ترجع عندو ساع صدمها بمكحلتو..بين عينيها …شاف فيها ببرود وهي تتبكي قدامو وقال

_ سبحان الله كنت جاي ناوي نقتلك سحاب ليا باقي تنحس بيك مرتي وشرفي ..وعرضي ساع مابقيت حسيت بیک حت واش عيشة ولا ميتة ..تصوري عرفت انك ماشي مسلمة وماتتسوقتش ..شافت فيه باستنكار مابغاتش تبعد عليه ولا يقول ليها هاد الهضرة غ تتحرك في راسها بلا .اببتاسم وقال:

_ شحال من واحد تنعطوه قيمة وحجم كبر منو ووتنمجدوه ولكن فاش تتشوف عليه شي حاجة ماتددخلش لعقل ..شار لراسو .وكمل كلامو

_ تتحيد ليك الغشاوة لي علا عينك سبحان الله تيولي يجيك داك الشخص عادي بحال ماعمرو داز في حياتك .. تنقول ليك هاد الهضرة ماشي باش نبرد على راسي لا والله العظيم. .كنت غادي نتسطى عليك فاش مشيتي مالقيت ليك طريق يسحاب ليا باك هربك عليا ساع فاش دورت هضرة سيراج في دماغي لقيتو عندو الحق .ظحك باستهزاء وقال

_ خويا صغر مني وفاهم الدنيا عليا شار لي نفسو ..انا شارف وعروبي وماتنفهمش في هادشي ديالك ونت مزال صغيرة مراهقة باغا تعيش الحياة والحرية حشومة عليا نحرمك من هادشي ونكون متسلط ادن انا مستبد وجلاد وماتنفهمش في قانون الحياة هدا سبب كافي يخليني نفكر في حياتي بعيد عليك..تاني حاجة نت مسحية وانا مسلم وهدا سبب اخر باش نتفاروقو .. ماشي على قبلي لا على قبل الدراري باش مايعيشوش في بيت شي يشرق وشي يغرب ويخرجو مراض نفسين ماشادين حت دين…واخر حاجة مرتي انا عمرها تشطح ولا تعلي صوتها حت يسمعوها الرجال. بغات تشد فيه وهو يهرب جسمو بحال الى غادي يقيسو شخص حامل فيروس…تتنخصص وتتبكي وجها لي كان زوين قبل ساعة رجع شاحب وعلامات الحزن ترسمات عليه..شاف فيها بكل راحة وقال

_ تستهالي حياتك هادي فنانة تفرجت فيك ماعندي مانتسالك كملي في طريقك ولكن انا ماتنصفقش لبحال هاد للخزعبيلات مانتفهمش فيه وماتنبغيهش نتي حرة في حياتك ديري لي عجبك اوى الله يوفقك. كون بقا ليك قد هكا معايا كنت هادي ..شار لمكحلتو غادي تجيك هنا شار لدماغو ساع الحمد لله ربي سلك مني قبل ماندير شي مصيبة…وبما اني ماقستك ماسبيتك ماضربتك اعتابريي اني تنكرم الميت بدكر المحاسن …..كل ماحاولات تشد فيه تيهرب ايدو حت حل الباب تيخبي المكحلة تحت حوايجو..تبعتو تتجري ومها تتشد فيها نزل مع الدروج وخرج بلا شعور صافي عهد شهلة سالة …

رجعتها مها تتغوت وتتضرب في راسها وتحك رجليها مع الارض بغا تبعو ولاخرى ماخلاتهتش

_ غادي يقتلك اشهلة غادي يقتلك

_ بغيت نموت وانا معنقاه اماما انا تبنيغه .. اماما.. شدت ليها في دراعها وقالت

_ نت ما ختاريتيهش هو نت بغيتي تشطحي وتردحي وهو وهادشي كيف النار مع الما ..شهلة نت خسرتيه صافي….ضربت وجها تتبكي بحرقة

_ لا مخسرتوش نوو نوووو ..وقفتها بغيض دورتها عندها

_ شوفي اخر حاجة يفكرها فيها وهي سميتك شفتها في عينيه متي اشهلة بالنسبة ليه متي . رجعي لبلادك كيف قلتي وحاولي تنسايه انا مابقيتش قادة على مساكيلك خاصة دابا في كرشي طفل محتاج ليا وباباك مريض محتاج ليا.. هي تتهضر معاها وشهلة تيتقلبو عينيها لسما وشي حاجة في كرشها تطرطقت .شدات في كرشها حسات بالوجع بداها..تمات هابطة على ركابيها بشوية بشوية حت جلست الارض الدنيا تتدور بيها مامها ولا تتبان ليها فيها ربعة بفم يابس وريق ناشف قالت

_ ماما تنموت وجات طايحة براسها على الضس تسمعت دقتو. هبطات مها تتغوت تتحاول تفيقها .حت تيبان ليها واد من الدم هابط مع رجليها ..شهقات وصرخة عالية طلقات

_ شلاااااا

ركب في طموبيلتو لايح المكحلة ..تحت رجليه..حرق الضو الحمر شدو الردار مايجا يخرج من الرباط حت شدوه البوليس اليوم السبت تيكنو الدوريات .والسطافيط والدرارج البوليسية غ تتسارا اكتر من الايام العادية. .دغيا تعطات التعليماات بنوع السيارة …جاو قدامو جوج رجال الشرطة بماطر كبار وسيارة تابعاعم من لور

..شارو ليه يوقف في الجنب… خرجوه من الطموبيل قلبوه باش بشوفو واش سكران ولا لا … دارو بالطموبيل وهما يشوفو المكحلة. مليهزها واحد فيهم ..كمش عيهنيه وساط الريح.. حار مع تنهيدة من القلب .

_ اش هادشي؟؟…..طلع طلع… طلعوه في السطافيط..مع جوج دراري تيشوفو فيه غ من لتحت .خاسرين مافيهم مايتشاف وجاهم خريطة بنو بطوطة ولكن وجهو هو كتر منهم خاسر بلا تخطاط …..

تسمعت لونبلونص في الشارع ..تلاتة ديال ليل المدينة في سكون تام الا بعض المتسكعين .والقطط..ولي مازال تيتستعد لي نوم وسمع صفارة الاسعاف قال يالطيف ..يالطيف … وصلوها تيجرو بيها ..بدات تفقد الوعي بالكامل..وكل ماغمضت عينيها يفيقوها …دخلوها المستعجلات.. اديها طايحين من الحمالة شعرها نصو تحت راسها ونصو طايح جنب ..الدم تقطع من وجها وهبط ليها مع فخاضها وعمر الحمالة وحوايجها.. دخلوها لغرفة الفحص .والبقية تيسولو في مها لي من خلعتها نسات فاصلة الدم ديالها.. تباعهم تتجري وهي كيف المجنون مرة تقول A مره ب B مرةAB.. حت تفکرت وبصرخه قالت O+ فحصوها واكتاشفو انها كان عندها حمل جديد وطاح…علقو ليها الدم…وخرجو يعلمو ماماها. اتاصلت بالحاج بوشتو تعلمو…جا تيجري خايف على بنتو تيترعد…دخل تيسول واديه تتشد في هدا وداك ولي شافو يسولو الباب دخل منو يخرج منو.. تتيجري في بلاصتو…تلفون في ايدو تيصوني وهو عقلو غ مع بنتو .. .واليكسي خايفة عليه كتر

_ جااااااوب فينك …جااااوب….. ليلتتهم كحلة لا عندهم لا عند بكر لي تشد بمكحلة عامرة رصاص. .وسط المدينة.. دارو بيه تشد ليلة كلها في البحت .. مين جيتي؟؟؟ واشنو تتدير هنا ؟؟؟…فين الرخصة ديال المكحلة.؟؟..

.دخلو شهلة غرفة العمليات ينضفو ليها الرحم دوزوها على باها ومها بلباس اخضر وبونية على راسها..مبنجة صفراء .. حالها يشفي العدا ….رق لي حالها الحاج بوشتة ونزل باس ليها ايدها الرقيقة…جلسو الاطباء معاها ساعة وخرجو من بعد ساعة اخرى خرجوها لكن حالها صعيب .الدم تيزيدوه بحال غ تيخو الماء في الرملة..ماتحبسش النزيف الشي لي خلاهم يدخلوهالانعاش.. ويخدمو ليها على تحاليل كتيرة..

صباح الحال على نفس الاحوال ،الجسم ماتيتستافد والو من للدم ،التحاليل خرجو خيبين بزاف وطالبو الاطباء بتحاليل اخرى

داز النهار وهي على نفس الحالة خلات الاطباء في حيرة .شكو في شي حاجة وعملو ليها تحليل اخرى خلاتهم يتاسفو لي حالها…واحد من الاطباء والممرضين عرفوها..كانت نجمة السهرة ..خرجو بوجه متاسف وكلو اسى وقال لوليدها لي ليلة ونهار وهما الدموع حفرت ليهم الخد والفك.. بتنهيدة من القلب نطق طبيب

_ ما كاين مانخبي عليكن بنتكم عندها سرطان الدم..طاحت ليهم اليكسي و الحاج ولا تيشوف الدبان قدامو ..وراس الطبيب ولا مربع . جاو الممرضين هزو اليكسي .عتقوها بالسيروم.في حين عنق الطبيب الحاج من الجنب وخداه معاه البيرو ديالو ..جلسو في الكرسي وجلس هو قرفصاء شاد ليه في اديه وتيصبر فيه .بايض ليه الفم ونشف ليه الحلق ..غي تيشوف في الطبيب بدون حياة

_ خاصك تعرف الوليد ان هاد المرض ولاى .تيتعالج قوي راسك وتتبتو ونت هو رب الاسرة .الى ضعافيتي نت كلشي غادي يهوى من بعدك.. نت عمود البيت والظهر ديال الاسرة ديالك.،طبيب في مقتبل العمر صغير بزاف .من الاطباء المحبين للحياة تيزرع فيي المرضى للامل وتياخد خدمتو مهنة انسانية ….وقف مع الحاج بوشتة …داخل خارج معاه تيقلبو على حل ..عيط هو على الاطباء ..اختصاصين في الاورام. الرسطانية..عملو اجتماع معاه على حالتها وناقشو الامر في سرية تامة بعيدة على مها وباها وقررو انه يجازفو معاها بعملية استعجالية زرع النخاع خاصهم …تعملو تحاليل اخرين وتحاليل .وتحاليل…وعدة صور اشعاعية …شهلة مابين ليلة ونهار مشات شهلة وجات بلاصتها كائن اخر….اي قرعة ديال الدم تتزادها تتحرق في البلاصة ماتتعوضها حت نص ساعة الشي لي خلاهم معليقين ليها القراعي ديال الدم ولي بلاكيت في نفس الوقت ..تيو من هنا وتيو من لهيه وجهاز تنفس..ولكن الدم لي ضاع منها ماتعوضش جسمها زراق ولات بحال الوزمبي …دوبت الحاج من الزاج اليكيسي رفض عقلها الفكرة وجاتها هيستيرية على بنتها وكانت ضعيفة مع الحمل مابقاتش قادرة توقف على رجليها ..حت واحد ما تعلم بمرض شهلة..تحفظ الاب والطاقم الطبي على مرضها.

داز بكر في البحت عند القاضي .ودخلوه الحبس بيدما تعمل تحقيق عليه….

يومين وهو في الحبس .وعائلتو. يقلبو عليه ولديه الخيط الناشف مابقا على جلدهم من كترة ماخرجو ودخلو وطلعو وهبطو لسطح يطلو عليه واش جايباه الطريق ولا لا . تلفونو تيصوني ولاكن لمن يجيب … تجمعو خوتو وعمامو وعماتو خالاتو ..شي يقولها لشي بعد الحفلة ديال شهلة كترو اتصلات على مو وباه تيسولو فيه…عارفينو ماغاديش يقبلها على راسو ..وخايفين عليه …الحاج معصب ولايح حوايجو تيلوم في الالة خدوج لي قال ليها ولدها غادي العرس وتيقتو .كلهم لاموها وخاصمو عليها وهي لي فيها كافيها…اتصالات المعطي بصحابو الخيالة تيزيدو يشعلو النار في الحطب خاصة فاش قالو ماسمعنا بعرس ماشفنا عرس وشكون لي معرس….رشيد تيقلب في جيه ومنصيف في جيه عمامو وخوالو الا سيراج لي ناعس على جنب الراحة مامسوقش ليه كل مادخلت سليمة تتبكي وتخرج تبكي .يسب من وراها قلبو مات من جيهة خوه ..خاصة فاش تقطعت اخبار شهلة من الفيس وماحلاتوش ومالاحت حت حاجة تتخص الحفل دخلو الشك ورجح انه يقدر يقتلها ويموت معاها عارفو مزيان بكر الحاجة ديالو ديالو ولي ماديلاوش مايجيش جيهتا حاجتو يدفنها ولا يحرقها مايعطيها لحد يخليها عندو تغمل ولا ودوب اي حاجة مهرسة ولا قديمة تيبغي يهزها هو او منصيف ولا شي واحد من اخر ممنوعة .ولا يقرب ليها وخا غ مرمية في الارض يعطيك باش تشري بحالها ولكن حاجتو لا ماتقربش ليها ..مستحيل واخا غ ستيلو فايض..طبعو غريب.داكشي علاش تيفضل يسكن بوحدو .وحاجة الناس ماتيشوفش فيها واخا تتكون تقطر بالدهب ..

جمعت الالة خدوج امة محمد نهار ومطال وهي اديها على تلفونها تبكي وتشكي وطلب حبابها يدعو ليها مع ولدها لي غابر عليها….جالسة وسط خواتاتها مسرحة رجليها وتحزن حت دخل عليهم المعطي والبوليس ..شي وقف وشي طاح ليه الما في الركابي والحاج سي عيسى تابعهم….غ شافتهم وبدات تغوت

_ قتلها؟ واااقتلها وقتلها ؟؟ ا ولدي قتلهااا.

…وقف الطبيب جنب الحاج وفي اديه ملف كبير فيه مجموعة فحصات وتحاليل … ا وقال دخل السي الحاج ….دخل هو لول وتبعو الحاج بعكازو …. جبد صور اشعاعية لصقهم على لوحة من وراها بولات صغار تيقرا فيهم وقال

_ غادي نشرح ليك طبيعة لمرض لي عند بنتك ..في الول يسحاب لينا المشكل من الطيحال هو لي تيحرق ليها الدم وكنا شاكين فيه هو لول بدرجة عالية وكنت نتمنى يكون منو ونحيدوه ليها ونكونو قدرنا ربحنا معاها شوية الوقت لكن لااسف الشديد تبين لينا الامر خطر من دالك.

_ غادي نشرح ليك طبيعة لمرض لي عند بنتك ..في الول يسحاب لينا المشكل من الطيحال هو لي تيحرق ليها الدم وكنا شاكين فيه هو لول بدرجة عالية وكنت نتمنى يكون منو ونحيدوه ليها ونكونو قدرنا ربحنا معاها شوية الوقت لكن لااسف الشديد تبين لينا الامر خطر من دالك..ومرض بنتك من اخطر السرطانات لانه ماشي ورم غادي نستاصلوه ونعالجو بلاصتو بالشيميو ..للاسف الشديد بنتك مرضها تيتعلق بالخلايا الدموية الوكيميا…هاد المرض فيه بزاف الاقسام وبنتك عندها الاصعب وهو مايتسمى بالخلايا الدم الشادة وهي خلايا دم بدائية غير متطورة ماتتقدش تقوم بوضائف ديالها وتتميل الى انقسام بواحد الوتيرة سريعة داكشي علاش هاد المرض تيتفاقم بسرعة خيالية وتيطلب ابيضاض الدم الحاد لمعالجة قوية ومشددة خاصنا نبداو فيها على الفور. هادي المرحلة لولا باش نقدرو نسيطرو عل الخلايا الخبيتة لي المسوؤل عليها وهو نخاع العضمي اي النخاع الشوكي. هاد العضو للاسف الشديد وقع ليه خلل ولا ينتج لينا خلايا سميتها ليك في لول خلايا بدائية متهورة بكترة وعوض ينتج لينا كريات بيضاء سليمة ولا يناح لينا الخلايا الخبيتة تتهاجم الكريات الحمراء وحت الصغائح. الدموية …..بنتك غادي يكون مصيرها معقد شوية لانه العلاج ديالها على جوج المراحل .. هو تيشرح والحاج تيموت عرق بعرق… العلاج ديالها هو الشيميو باش نقتلو الخيلايا المتهورة على الاقل الدم لنزيدوه ليها مليتحرقش بسرعة و يبقا في داتها واحد ربعة وعشرين ساعة كحد اقصى …..ومن بعد غادي تحتاج عملية زرع النقي النخاعي … هوات ايد الحاح من العكاز و وترعد لهول الكلماات اخ ياطبيب حن على اب لا يرى غيرى ابنته فهي مقلتيه وعيناه فهي دمه وخلاياه كم يحبها وفي فؤاده سكناه …ياطبيب رق لحال هدا الكهل المسكين الدي ان ماتت ابتنه فهو للكفن سياعنقه بحنين ….ربت الطبيب على كتفو وقال

عملية صعيبة بزاف وتتطلب ايمان كبير عند الله وصبر والاعتماد على الله ماشي علينا حنا غ سبب ..هاد المرض تيغفل مولاه لانه اكتشاف ديالو تيكون غ بالصدفة كون بنتك ما وقعش ليها ايجهاض لي تتسبب في نزيف حاد كانت غادي تلقا راسها في مراحل متقدمة بزاف وربما حت علاج ماينفع معاها او تقدر ماتقاومش العملية لانه اعراضو تيشبهو بزاف لانفلونزا العادية.. تنقول واش ماعمرها تعرضت لشي جرح ولا نزيف بانو ليكم علامات تتدل على انها مريضة بلوكميا ..لانه راه مريضة شحال هادي هزاه وتتجري بيه المسكينة ..بصوت خافت قال

_ كانو مشاكل معاها تخليت عليها مابقيتش تنسولها على صحتها خرجت على بنتي خرجت عليها ….رد الطبيب باسى وقال

_حاليا هاد ربع ساعة لي شرحت ليك فيها الوضع بنتك تتقرب من الموت لحضة بلحضة لانه من نهار دخلت لسليبطار هادي تلات ايام وحنا مانعسناش باش نوصلو ليها لحل جدري لكن المرض عندها خطير جدا وكل تانية محسوبة ليها صراحة الى مابديناش ليها العلاج في هاد الساعة غدا نقدرو نودعوها ..بنتك حاليا بحال الواحد الى تتطعن في الكبدة بسيف وبقا طايح بوحدو.الدم لي تنزيدوه تيتحرق بسرعة خيالية لااسف الشديد غادي نضرو نظوزو ليها جرعات كيماوية ..بكا لحاج وابتلت لحيتو وعلى مصيبة بنتو طاح على ركابيه ساجد لله باش ينجيها ليه..وولادها..

مشا سي عيسى تيجري باغي يسد ليها فمها وهويوقفو بوليسي

_ وشهد شاهد من اهله…اجي الالة اش قلتي؟؟ اديها على قلبها تتضرب فيه وتحزن وتولول

_واش ولدي قتل مرتو؟؟ شافو في بعضياتهم واحد فيهم قال

_ ادن نت عندك شلا مايتقال.. نطق سي عيسى وقال

_ غ هبيلة وديما معيشانا في الرعب غ لتعطل عليها ولدها تتولي دخل وتخرج في الهضرة ..

_ اوى خاصها ستة وتلاتين … ساد الصمت والاعيت تتراقب المكان…ترجل واحد من رجال الشرطة لواحد تمتال ديال الخيبل منحوت في الحيط خارج منو في البيض .ممرر ايدو عليه وقال

_ وااااو عندو دوق رفيع مشاء الله شكون عارفو فين مشا؟؟؟ تلجمو وسكتو شي يشوف في شي بقا الشرطي تيمرر ايدو على العود واحد فيهم مشا لمتحف ديالو لي كان محلول تيبان منو النحاس اللاف الديكورات الاواني كبار وصغار خاصة الحساكي ديال الشمع بالمئات مصافين على شكل ساريات …تبعو صاحبو عجبو واحد الطروفي مجموعة من الاقمار محطوطين في صحن هزو خارج بيه وقال

_ هدا هاهو عندي …مشا شدو من عندو سي عيسى وقال

_ مولاه ماكينش مايمكنش ليا نعطيكم شي حاجة ديالو

_ انا نقولها ليه .تحلو عينين المجموعة وخاصة الالة خدوج جات تتجري طلب وتزاوك

_ العار العار فينو…ظحك معاهم واحد منهم وقال

_ كان تيسحاب لي غ الوقيدة لي حارقة راسها باراسها ساع ماكينش لي خرج على الولد قد مو ..ولدك الالة عندنا مشدود….غ يقول ولدك مشدود وتهبط على وجها كلو تتغوت خلات ولدها منصيف يجرها من صدرها و رجليها في الارض…سد عليها ورجع وقال

_ قلتكم مريضة

_ الله يشافيها

_ مال ابو بكر مشدود ؟؟

_ هاز جويجة بلا ترخيص تيتسارا بيها في الرباط..تسعق لي تسعق وفهم لي فهم دخلو عينيهم وسدو فامهم..

_ حنا عندنا مدكرة بحت كان دايرها هو على قبل مرتو فاش عرفها في موازين تنازل عليها .السؤال لي بقا مطروح لقاضي واش المكحلة مرخصة ولا لا . نطق باه

_ معلوم مرخصة وجميع الباردية عندهم المكاحل…

_ فين ترخيص ؟؟ …مشا قلب عليه منصيف وجابو ليه من بعد ماهرس ليه جميع القفولة …خداه سي عيسى وتبعهم وهما خارجين ولوجهة الرباط شادين عزا خلاو وراه .لي يندب يندب ولي يتمرضغ في الطراب بحال المعطي تمردغ …مدكرة تحقيق مع خوتو وعائلتو والخدلمة لي عندو تفتحت وكلهم غادي ينزلو لدائرة ديال سيدي سليمان باش يشهدو بحسن السلوك اما باه ورشيد مشاو الرباط فين تشد..طلعو ونزلو وعلاش وكيفاش وشنو واقع وفين مرتو لقاها ولا مالقاهاش ..بغينا نشفوهاااا

كان في عرفة التحقيق.. وخاالقاضي وصلاتو الرخصة وحسن السيرة والسلوك..لكن وجهو وسمطو حكا قصة اخرى ..حالتو.كانت تتوحي انه داير جريمة .. خلص كفالة لكن بقا تحت امر مايامشي فين حت تبان مرتو فلانة بنت فلان لي كان عامل عليها هو مدكرة بحت من قبل ..تعرفات شكون.. بقا ليهم غ يمشو يتاكد من صحتها وسلامتها وان هاد الهروب لي كانت هربانة منو شنو سببو وعلاش هو كان تيقلب عليها. اسئلة كتيرة….بالرغم ماعندهم عليه حت شكوى لكن الموضوع ككل غريب … توجه فريق معين لاطيل فين كانت لكن الخبار لي تعطاتهم ماتتفرحش اتصال هاتفي من شرطي في الغرفة لي كانت فيها بمرافقة الاطر العاملة تحت اسئلة قال

_ خليو السيد عندكم .. مزال مطول معانا….

.كان غادي يخرج ليوم وهي تجي مدكرة اخرة مفادها انه كان في الوطيل خدا غرفة ومانعسش فيها ..والسيدة المبحوت عنها خرجات في سيارة الاسعاف في حالة حرجة.. .رجع نص الفريق المحققين لمركز الشرطة في حين توجه النص الاخر لسبيطار…كان رشيد وسي عيسى مسنين نفس البوليس لي مشا يقلب على شهلة ..على امل تجي معاهم او يجيبو هما .مايتبت انها في حالة جيدة ساع غ وقفو قدامهم قالو

_ ولدكم مشا فيها..البنت خرجات من ولطيل في حمالة الاسعاف . وبعض العاملين قالو انها كانت تتنزف ..وفي حالة حرجة….شد رشيد في راسو ودار جوج دورات في حين الاب سي عيسى تلجم …دخلو البيرو عند الشاف باش ياخدو رخصة تفتيش الكاميرات .ديال الوطيل خارجين داخلين وسي عيسى ايديه على فمو جميع الاحمتالات طاحو ليه في بالو وحت جمود بكر وسكوتو اكد ليهم ان المصيبة وقعات مافيها ادنى شك…

وصل فريق البلويس لسبيطار لقاو غ سميتها اما هي تحولات لمستشفى اخرى بحتو علاش دخلات السبيطار وعلاش تحولات منو .تقضيت جميع الاسئلة والاجوبة ..و تبعوها لسبيطار خاص بالاورام السراطينة…. رجع الفريق لوطيل قلب الكاميرات ..بان ليهم معاش دخل وفين كان جالس..والوضعية لي كان فيها وضعية تربص …مشاو خطوة بخطوة في التسجيل ..حت شافوها هي تابعاه في صحة جيدة وتتجري ومها شادة فيها تترجعا وهي مابغاتش….لكن واحد من الفريق انتابه انه مخبي شي حاجة مابيناش عياو يرجعو في الفيديو لكن ماببيانش شنو مخبي الله اعلم… خداو التسجيلات ورجعو بيهم عندو..دخلوه غرفة البحت وخدمو ليه الفيدوات وتيشرحو ليه ..

_ هنا علاش شفتيها داخلة مع الباب وخبيتي وجهك ؟..غ ساكت ماقال حت كلمة…وهنا علاش مشيتي سولتي الاستقبال ونت عارفها وخبيتي هويتك ونكرتي انك تتعرفها ؟.ولكن هاد هنا هنا…شنو مخبي تحت تجاكيطتك ؟؟؟ .. ماجاوب حت على سؤال. عصب المحقق وقال

_ ياغدي تهضر ياغادي نتصرف معاك بطريقة لي ماتتعجبش.. نفس الشوفة ونفس الملامح..بل اكتر من دالك ماطاحتش النعمة في كرشو تلات ايام وهو تيشرب غ الماء عقدة ليه في اللحق.ماعرفش ديالاش..حت وراه المحقق الفديو لي وقال

_ شنو عندك مانتقول هي لي مهزوزة مع الوقاية المدينة ولا لاء؟؟؟.. تحركو محلامحو وعينيه وقرب وجهو من الشاشة شافو المحققين في بعضياتهم وقالو

_ نوض تهز ولاينا عايشين في زمان السيبة

.دخل فريق البحت لسبيطار الاورام …قلبو على باها ومها وفين ناعسة ..لاسف تصدمو من التقرير الطبي وان البنت دخلات في حالة حرجة بزاف ماتقدرش تقول شنو سبب النزيف والاجهاض وشنو طرا داخل الغرفة….توجهو بالبحت والاسئلة لاليكسي والحاج بوشتة .

وقفو جوج محقفين على الحاج واليكسي . قالو السلام عليكم..هزات اليكسي راسها من حضن الحاج ..تتمسح دموعها..

_ مايكون باس عند بنتكم بالشفاء يارب …امنو على الدعاء مع الشكر.. عينيهم على الزاجة وقلبهم من وراها… وقفو معاهم المحققين تيشوفو . في تلك تعيسة الحظ الي منهار بدات تحل عينيها في الدنيا وهي في صراعات كتيرة ولكن اصعب صراع هو صراع الموت…جسمها مغطي بكومة من التيوات فقط حجبانها وعينيها مغمضين ونيفها لي تيبان ليهم..رغم دالك تتبان زوينة بزاف . رغمة شحابة وجها وشبح الموت لي مغطيها الا انها عندها جادبية تتخلي العين مدقوقة عليها.. جوج تيوات حمرين واحد تيدخل دم نضيف والتاني تيخرج دم فاسد وتيو صفر ديال لي بلاكيت وتيو تيبان زجاجي وهو الشيميو دايز مع السيروم… الة كبيرة او مايسمى روبوت مشعبين منها مجموعة من التيوات صغار تتقوم بتنقية الدم بدقة عالية وتقنية…عالية.. نطق واحد من المحققين وقال

_ العلم تطور بزاف. ماتخافوش عليها دابا تنوض من هاد المرضى بصحة جديدة..تنهد الحاج وقال

_ ياربي ياربي .. نطق التاني وقال

_ نهار السبت كانت صحة وسلام شنو لي وصلها لهاد الحالة…شاف فيهم الحاج مابغيش يهضر وحت هما ماعرفوش بنفسهم لكن سكوت الحاج خلاهم يهضرو نيشان

_ سي بوشتة بالحوافر معاك البوليس ..تلفتو بجوج بدهشة ..كمل كلامو المحقق وقال

_ بنتك وقع ليها ايجهاض في الوطيل فلان فلاني شنو وقع ليها ؟؟ شكون كان معاها في الغرفة.؟…تلفت الحاج لاليكسي لي عاودت ليه القصة كيفاش طرات تهز صدرو وقال

_ قضاء الله وقدرو..وقع مشادة كلامية مع راجلها ..شاف محقق في صاحبو وقال

_ ضربها؟؟ .. حركات اليكسي راسها بلا وقالت

_ لا ماضربهاش …

_ شنو وقع بالضبط ؟؟ ..

_ مابغاهاش تشطح في موازين.وجا معصب …

_ اوى؟ ساد الصمت ..

_ . كان هاز في ايدو شي حاجة؟؟ شاف الحاج في اليكسي شوفة عرفة انها خاصها تنكر

_ لا ماهاز والو كان معصب ولكن ماقدرش يضربها او يعايرها قال ليها ختاريتي طريقك الله يسهل عليك..بدات اليكسي تتبكي وكملت هضرتها :بنتي مابغاتوش يمشي عليها ماغاتش تخسرو وبقا فيها الحال بكااات وغوتات وطاحت الارض تتضرب برجبليها ا فاش نوضتها من ايدها وقفت تترجف قالت لي ماما تنموت..طاحت ليا من ايدي الارض وشفت الدم هابط ليها مع رجليها..عنقت للحاج تتبكي ولاخر دموعو شلال..تنهد المحقق وقال

_ خاصك تجي معايا باش توقعي على اقوالك ..شافت فيه باستغراب كمل كلامو المحقق وقال

_ محجوز عندنا زوج بنتك…نتمنى كلامك يوافق كلام بنتك فاش تفيق بادن الله …نطق الحاج وقال

_ مابغيت حت واحد يعرف بنتي باش مريضة مابغيتش نعيا مع بنادم وانا مهلوك خلاص بغيت هاد شوية لي بقا ليا من صحتي عنطيه لبنتي انا هداك الراجل ماتنتاهمو بحت حاجة…..تاسف المحقق وقال

_ للاسف الشديد تاهم راسو..خاصنا غ نتاكدو انه ماعندو دخل بالايجهاض لي وقع معاها . شار لاليكسي تمشي معاهم ..ترجلت قدامهم والحاج في جنبهم تيوصي

_ مابغيتشهم يعرفو بنتي مريضة بالسرطان .شنو نديرو الله يجازيكم بالخير خودو اقوالها حتو وكان تفيق بنتي نعلمكم . حك واحد فيهم راسو وخرجو مجموعين….رجعو لسبيطار لاول لي جات ليه باش ياخدو تقرير مفصل انه لي وقع معاها اجهاض من فرط الحركة والاهمال ..مالقاوش الطبيب لي عمل ليها فحصها مرة لولا.. رجعو لمركز الشرطة مع اليكسي لي شافها سيى عيسى بوجه مريض وعيون وارمة ولا يطلع النفس ويهبطها غ بالزز ماهضرتش معاهم باش مايكتروش عليها الاسئلة جلست ساعة معا التحقيق وخرجت ماشافت فيهم عطاتهم سلام.ومشات تتجري . .تتبعها رشيد تيجري ماجا فين يوقفها حت شدت طاكسي ومشات رجع تيضرب اديه مع بعضياتهم ..خرج عندهم المحقق وقال

_ البنت ناعسة في السبيطار..بسبب الايجهاض .وحالتها صعيبة ولديها مابغاو حت واحد يعرف لدالك ولدكم غادي يبقا عندنا حت تفيق او نجيبو تقرير طبي من عند المعاين الول لي فحصها وسينا على الايجهاض….تهزت الخبار من المركز الشرطة ووصلت لالة خدوج لي تتحزن ودايرة مندبة وعزو . وتقول

_ ميمتي ولدي غادي خيخ في الحباس حت يولي عضامو مكاحل ..

تكلف المحامي بقضيتو وجاب ليه التقرير الطبي ايدو بكلام اليكسي وخرج من الحبس.. بعد اسبوع جلس فيه بالتمام بالكمال .. نعاسو مانعاس غ جالس مقابل الباب ويخمم …هاد الفترة خلاتو يفكر لولادو لي ماسمع خبارهم ماعرفهم كيف دايرين… وحمد الله على كل حال وحمد الله حت على داك الولد لي ماتقدرش ليه يعيش وقال هدا من نعم الله ….خرج ونيشان لدارو …تلاقاو ليه بالزغاريت وتتطبال لكن ياوليهم من هضرتو وكلامو برد فيهم غدايدو خاصة مو لي جمعت عليه سوق ربي العالمين.. حيح ولاح حوايجو وكشاكشو تيغوت لسما خلاهم مصدومين منو …

_ انا ماشيي صغير تندبي وتنوحي عليا…نقتل ولا نموت ماشغل حد فيا….ودخلو سوق راسكم ..علاش خليتو سيريتي عند لي يسوى ولي مايسواش..هاد المرة نموت في شي قرينة كحلة وماتقلبوش عليا خليو النمل ياكليني .. ..وعطوني التيساع .ونت شار لمو . بغيتي تعاونيني صلي ودعي الله علاش تعيطي لبنادم ااا صومي وتصدقي وطلبي الله يفكني ماشي تبرحي .. واش نت مخلية الخالق وترغبي في الخلق .والوليدة مابغيتي تفهميني وهنيني امي هنيني ..

_ هزات اديها في ااسما؟ : ونت لي كدبتي عليا وخلتيني معلقة وغادي ناوي على مصيبة فين عقلك ل لي تنتبهاو بيه اا عما ليك الشيطان عينيك وقاليك سير قتلها ودخل على ودها الحبس اا وهاد الدراري شكون يكبرهم ليكم انا ؟.انا نتبعك في البلاصة اا شكون يحن فيهم ويواسيهم ومايقولها في وجهم خايبة اااا كي غيكبرو هاد الدراري ووصمة عار خلاها ليهم باهم اما مهم ماعندها دنب صغيرة ونصرانية ظحكو عليها المسكينة وجابوها من بلادها مقلوبة وزوجوها ليك..يتكتب عليها كتاب يتعاود في المدارس ..هي ضحية باها ونت ضحية راسك نت كبير وفاهم ولايني بفعلتك هادي مابقا بانت ليا فهامة…طلقها وخليها تعوم بحرها تشطح ولا تغني مالك على حالتك ؟. مخيط لحمك مع لحمها شنعتي نت . گاع .كاين رجال مزوجين بالشيخات ديال القياطين وعايشين الحياة ونت مزكمنها على راسك وساد عليه ..هاهي شطحت اش تنقص منها .. راهم عولاما ومزوجن شطاحات راهم لاعبة ديال الكورة مزوجين شطاحات .. مال شطيح مالو ياك فاطنة بنت الحسين شيخة مالها تتدون في مكة ونت نهار ومطال ونت تترحم عليها …شاف فيها مقوس عينيه ..كون ماكانتش مو كون ريب ليها سنانها وخا كبيرة في العمر. تکی كمش ولادو بتلاتة من بعد ماكانو تيعلاو في رجليه وهو عينو في عين مو ..قال بصوت خشن معصب

_ والله يهدي ماخلق …. ظحكات لالة خدوج وقالت تتشوف فيه وهو طالع مع الدروج معلق ولادو بتلاتة فيه .

_ رجعتي ليا هادشي لبغيت ..الله یحن علیک .. خواو ليه الدار وخلاوه منو لراسو ولادو …رجعت لدارها تتبكي من م كلامو وفي نفس الوقت من الفرحة عملت صدقة وفرقتها على الجوامع وجنب الحيوط على البناية والسعاية وتقول

_ دعو ليا مع ولدي ربي يهديه عليا حرقتو مراتو رجع الومة عليا …دعيو ليا معاه بالهداية ومرتو بالدهاية بغيتها تبات ماتصبح عدبتو وكحلت وجهو .

فصلو عليها روبوت تنقية الدم واستبداله باش يشوفو تجاوب جسمها مع الجرعات ديال الشيميو وشنو مصير الخلايا الخبيتة ….بعد ساعات بدات تحل عينيها بشوية وترجع تسدهم تتحس بجسمها بحال الى تيطفو فوق الامواج ..والماء تيدخل ليها لودنيها .. حلات عينيها بالكامل في سقف ديال للغرفة تتشوف تلات بولات فوق راسها بضو باهت ..تلفتت يمين تتشوف الة تتحرك بخطوط القلب في الخضر تلفت ليسار اجهزرة اخرى هزات ايدها بشوية شافت خيط معلق فيها تبعتو بشوفات حت وصلات القرعة ديال السيروم معلقة.. فكت الشفة على شفة باغا تهضر . تمتمت بكلمة وحيدة بخفوت تام بحال الى كتهمس

_ ماما..تسمع صوت اندار عند المراقبة ديالها . جات تتجري وعلاش لا والحاج بوشتة عطاها خصلة عام في سيمانا.غ تحضي ليه بنتو في غيابو .يشمي مع تنعاش دليل لدارو .يصبح مع الفجر عندها ..كانت الوحدة ديال ليل…لبسات الممرضة لبسة واقية ودارت البافيت ودخلت عندها تلفتت ليها شهلة بعيون مبتاسمة وقالت بخفوت ونفس غامقة ماقدراش تهضر

_ شفت حلم زوين فيه انا وتلات بطاريق صغيرة انا لقدام وهما ورايا تيجرو باغين يلعبو معايا وانا خفت عليهم ورجعتهم لخم ديالهم وحبستهم ومشيت ولكن تفكرت اني خليتهم في بلاصة فيها غ التلج رجعت باش ناخدهم توضرت عليهم ..ابتاسمت ليها الممرضة وقالت

_ خير انشاء الله اي حلم فسريه زوين باش يخرج ليك زوين…ابتاسمت شهلة وقالت

_ كتبيه ليا في ورقة وعطيه ليا تيعجبني نكتب الاحلام باش مانساهمش ردت عليها الممررضة وقالت

_ نت اصلا حلم زوين وخا نكتبو ليك في مدكرتي ونعطيها ليك كادو من عندي..حركات ليها شهلة راسها وقالت: علاش انا هنا شنو وقع ليا؟.رحعت الممرضة الابتسامة بالعرض البطيء وقالت

_ مريضة جاك نزيف حاد من ورا الحفلة ياربي السلامة عين تعطاتك يخ حنا المغاربة لشفنا شي حاجة زوينة مانقولو بسم الله ماشاء.. ابتسمت ليها شهلة وقالت

_ فين ماما؟؟…شافت في ساعتها اليدوية وقالت

_ هادي لوحدة ونص غدا يكونو عندك مع الفجر.. حركات ليها راسها بالايجاب وقالت

_ وشنو ندير دابا؟

_ نعيط لطبيب ديالك راه وصاني غ تفيقي نعيط ليه وانا جمعت معاك حااي عليا من خيبها قاعيدة… خرجات تتجري ورجعو بجوج .دخل طبيب قلب ليها عينيها وشاف في الالة ابتاسم معاها وقال

_ على سلامتك.. هضر مع الممرضة بالفرونسي حيت عارفها ماتفهمش ليها

_ ماتقولو ليها والو …قيد في الملف ديالها ..وقاد ليها الخيوط بدل ليها السيروم . ابتاسم معاها وخرج فرحان عل امل غدا احسن من ليوم..بقات معاها الممرضة في الغرفة وخا وصاها تخرج ماتبقاش معاها لكن شهلة مابغاتش تبقا بوحدها ….

دخل الحاج على خبار تفرح من وراه اليكيسي وداني..كمش مولات الخبار في ايدها شي حاجة انا براسي ماعرفتش شحال الصدقة تتبغي تكون مستورة ماعلينا.. وقف ورا الزاجة فرحان ..كانت تتشوف قدامها حت حست بشي واحد واقف ورا الزاج تلفتت وهي تحل عينيها في باها ماصدقاش وهو باغي يطير من الفرحة وتيعنق ماماها ظحكت معاهم ..هبط للحاج ساجد هو وداني وبقات اليكسي اديها تيطراسو الزاجة بالعرق وتترسم ليها قلب وتتسفيط ليها بوسات ..فرحات ليهم شهلة ولكن عينيها فين هبط باها حت طلع تيمسح عينيه وجبهتو ورسم ليها قلب بحال اليكسي ظحكات ولكن ماقدراتش تكملها حسات بقلبها فيه شي حاجة تتنغزها غمضت عينيها وهما يتخلعو ودقو عليها حلاتهم تتنهج ..جا الطبيب سلم عليهم ودخل مباشرة عندها وهز صور اشعاعية ديال صباح وهو تيقرا فيهم وعينيه تيتبدل ليهم الون لكن حافظ على ملامح الفرحة دار عند شهلة وقال

_ الفنانة ديالنا لباس؟..حركات ليه راسها بلا وقالت

_ فيا الوجع في داتي كاملة تنحس بالحريق والم في قلبي ..بقا ساكت وقال

_ دابا تبراي وترجعي العام جاي في موازين ..حركات ليه راسها بلا وقال

_ علاش؟؟

_ مابغاش حبيبي ..ابتاسم طبيب وقال

_ اووو عندك حبيب وانا كنت ناوي نخطبك من باك.. شافت في ايدو فيها خاتم وقالت

_ ماتنبغيش لي تيكدبو . شد في خاتمو وقال

_ هدا دايرو غ على ود البناات باش مايعمروش راسهم بيا مع انا وسيم بزاف..ظحكات وقالت

_ لا نت ماشي واسيم .. وفعلا ماشي وسيم ربي ميزو بالدكاء حت ولا طبيب الاورام السرطانية ولكن حضو من الوسامة والجمال عطاه لواحد اخر ظحك وقال

_ صادقة لدرجة متتتصورش مستحيل وانا طبيبك جامليني باش مانزيدكش شي يومين معانا انتقاما ..ابتاسمت بخفوت وشافت في باها ومها حاضيناها بحب.حت خرج عندهم ظاحك وقال

_ هاد البنت والو واش تتكدب تربيتك نقية الحاج..سرط ريقو الاخير وتنهد وقال

_ الحمد لله..قول ليا بنتي شنو حالها دابا شاف فيه مطولا وقال

_ الحمد لله..قول ليا بنتي شنو حالها دابا شاف فيه مطولا وقال

_ الحمد لله الدم لي تزادها مزال سليم وغادي تستافد منو هاد النهار ولكن لالسف الشديد عندها وريد قريب يتخنق كنت خايف يتزاد حجم القلب مع الشيميو وفعلا تزاد بنتك عندها مشكل حت في القلب كان عندها منفوخ على وضعو الطبيعي ..صدمة اخرى خلاتو يرجع لحالتو لاولى كمل الطبيب كلامو

_ خاصها عملية على القلب هي لولى ولكن في حالتها مستحيل تنجح وحت وكان غامرنا بالشيميو مرة اخرة غادي تجيها الجلطة غمض الحاج عينيه مامصدقش وقال

_وشنو المعمول.

_ في كلا الحالتين امرها محسوم لالسف الشديد بنتك مرضها في مراحل متقدمة بزاف وحت لو سبقنا عملية زرع الخلايا الجدعية القلب ضعيف بزاف .ماغاديش يتحمل .بنتك كانت تتكتم صدماتها في قلبها خلا الاوردة الدموية يتزاد حجمهم بزاف ويخنقو بعضياتهم …اليكسي مابقاتش قادرة تسمع ومشات تتجري تبعها دانيال . بقات حاضياهم هي من الزاجة حسات بصعوبة حالها من خلال تعابير وجه باها وبكاء مها..كمل الطبيب الشرح وقال

_ عملية القلب دقيقة للغاية تحتاج لجسم صحيح فيه فقط عضلة القلب لي مريضة باش تنجح وعملية زرع النقي النخاعي ادق تحتاج لقلب من فولاد باش تنجح .تيأسفني نقول ليك ماعلينا غ نتبعو ليها حصص ديال الشيميو.. نقتلو خلايا الخبيتة ونتسناو خلايا اخرة ولكن مع احتمال القلب مايتحملش هاد العلاج…تلفت لبنتو حط ايديه بجوج على الزاجة تيبكي راسو تيضرب فيه خلاها تشك بحالها غرغرو عينيها تتسول فيه .. بدا قلبها يضرب بسرعة . .تسارعو خطوط الالة تلفتت ليهم لقاتهم ولا تيمشو بسرعة ..بدات تنهج تلفت ليها طبيب شاف صدرها تيطلع وينزل وهو يدخل بالزربة وقال

_ تهدني ماخصكش تعصبي ..طاحت دمعة وقالت

_ شنو مرضي؟..ابتاسم ليها وقال

_ علمت باباك انك كنت حاملة وطاح ليك البيبي بقا فيه هدا ماكان.. شافت فيه بعدم تصديق هزات ايدها بتتاقل وحطتها على قلبها

_ علاش ماكنتيش عارفة راسك حاملة ؟ حركات ليه راسها بلا

_ كنت حاملة ولكن يعوض بادن الله غمضت عينها باريحية …مابقاتش حلتهم نعسات انتاضم خط القلب خلاها وخرج..علم باها بالكدبة لي قال ليها ..ومشا….دازت يومين واخرى وهي تتاخد الجرعات الكيماوي كل مافاقت تتبكي من شدة الحريق في عضامها …كرهت الخيوط وكرهت السبيطار .حت واحد ماتيدخل عندها من غير الممرضة ولا طبيب وباها ومها وخوها من الزاج متبعين حالتها .. تعملو اجمتعات على حالتها وكل طبيب جراح قال ماغاديش يغامر بعملية من اختصاصو رفض طبيب القلب يعمل ليها العملية بحجج صحيحة وطبيب النخاع العضمي كدالك ومتال الحاج في صيراع معاهم باغي يخرجها من تما ويسافر بيها ماعطاوش تصريح بالخروج لانه وضعيتها الصحية صعيبة بزاف وماتحملش حت نص نهار في الطيارة جاب ليهم ادلة ان غادي تمشي في طائرة مجهزة بجميع الالات لكن رفضو رفض تام انه يصرحو ليها بالخروج . فهمات الوضع راسها دخل عليها طبيب قالت ليه :

_ انا مريضة بالسرطان؟ من وجهو وسكتو تاكدت ..حطت دراعها على عينيها مغطية بيهم دموعها مبقاتش بغات تكلم لحت لواحد لا لممريضة لي ولات صحبهتا ولا طبيب . تيشوفو غ دموع هابطين من جناب خدودها وفمها لي تيتعرد .

حقيقة حروفها شضايا زجاج.. لا تلقى بافواه بل بسهام. اي عقل هذا الدي سيرغم جسده على الاستماع واي دماء تسيل ابجدية الحروف فتشكل طعنا وليس كلاما .. من الملقي واي قاتل هذا اتقول لشخص مفعم بالحياة عاشق للحرية لا يحب القيود حت في انتعال حدائه قدميه انت مريض سرطان ..كيف لك وبالله عليك اتنطق بها على مسامعه بكل عفوية ؟؟مرحبا انت مريض بالوكميا !!ام تكرر الجملة الاف المرات وانت تنضر الى عينيه الغائبة اي صدر هذا واي قوة هذه. … لكن.. الحقيقة تكون اهون من زيف المشاعر..لا تسمع مرارة هدا الجرح من حبيب ولا من قريب اختر طبيبا مرت امامه حالات عدة ربما صادف شخصا كانت معجزة ربانية في حياته وانسل منه هدا الداء بلا دواء ربما غانت لا تعلم مدى قصص مرضاه يخبرك بما يهين عليك مصابك..وتلقى الامااال في عيناه وابتسامته ربما معرفتي بمدى مكر الاطباء لكن حقيقتهم المرة تكون صادقة .. لكن طبيبنا صادق المشاعر وصادق الاحاسيس يحب مرضاه ويطلف كلامه حت انه لا يقول للمريض بما انت به .يراقب ويعطي مالديه من انسانية وحب للخير….

.جاب كرسي وجلس حداها .. خلاها حت بكات وتسمع بكاها …وعيات طلقات ايدها لي كانت على عينيها من شدة طقلها خطفها قبل تهبط جنب السرير ..حطها ليها على صدرها وخلى ايدو فوق منها وقال

_دائما تخنوني مرضاي ..شافت فيه لعيون حمرة هضر بعينه لممرضة تجيب ليه كلينيكس ..عطاتو ليه جفف ليها دموعها بلطف .حت سالة وطوى الكلينيكس ومدو لممرضة وقال: سبحان الله هاد المرض تيصيب الناس الزوينين بزاف والناس الدكيين ومن ابينهم واكترهم هم الاطفال دوي القلوب الطيبة والبريئة من خلال مراقبتي ليك تبين انت خاصك ترجعي الحضانة بلانش بوكس متقل عليك ومرجعك لور ..ابتاسم : اول مرة نصادف جميلة الجميلات بقلب طيب ..تحبست ليها دمعة بين الجفن وخوه .كمل كلامو وقال.: والله سبحان وتعالي تيستاجب دعوة طيبي القلب ودودين المشاعر وانا ..شار لنفسو: عاطيني الله قلب طيب للغاية واي دعاء وجهتو ليه تيرجع ليا الاستجابة .. وفوقها خير كتير يعني فاش تنقول يالله امنحني سيارة..ربي تيسهل ليا طريق ليها تنحلم بسيارة رونو تنشري البوش..ظحك بعيون ممتلئة امال : دائما تنستغل عطف الله وحبو ليا في طلب المستحيلات.. ومن بينهم ان اي مريض تيجي لعندي تيبرى هدا من كرم الله وفظله ولاكن ..شفات فيه بعيون استغاتة ولما ولا وهي لي تتخاف تغادر الحياة لي تتعتابرها جميلة. ..شاف في عيونها ولقاهم تيتوسلو بكلمة امل في الشفاء .ربت على ايدها وقال: ولكن الشفاء بايد المريض بحدو وبفضل الله الى كنت غدا تقاومي المرض وتغلبي عليه خاصك تكوني تتاميني بان رب الكون حت حاجة مامستحيلة عندو وكيف قادر يحلق الحياة من العدم يقدر يسحب المرض من جسمك بين تانية واخرة انا كطبيب كنزرع الامل في قلوب المرضى ديولي قبل ماتنزرع الخلايا الجدعية في العدم ..وتنخاف من الكلمة لي تتقال المريض كتر من الانبوب لي تحركو بين اديا ..يعني الى تقتي في كلامي ودرتي املك في الله بوحدو ..دور عينيه في المكان وقال: هو دابا تيسمعني وكاين معانا في الغرفة بالرغم اني ماتنشوفوش لكن تنحس بيه كاين ..بقات تتسمع ليه وهو تيشرح ليها ان الموت والحياة بايد الله وان هاد المرض ابتلاء للمومين وبالدعاء .. فقط بالدعاء تيترفع الالم والعداب وتيجي السلام والسكينة ختمها بقول

_ انا براسي ماضمنش حياتي وخا ماعندي حت مرض لكن الموت راه ماتيجيش غ بالامراض نقدر نودعك دابا ونقول ليك نشوفك غدا ونقدر مانجيش ربما نصادف حادتة سير او رصاصة طائشة او متهور احمق او نطيح من الدروج.. حت انا انسان ضعيف لاني ماقادرش نامن السلامة الراسي ونربي جناوح ونطير في السما…ظحك وقال : وحت في ااسما نقدر نصادف طائرة ربانها نائم او تيغازل مظيفة الطيران ونسى طريقو وخرج على المسار .. ابتاسمت عجبو الحال وقال

_ شنو سمية حبيبك؟ بببحة وخفوت تام قالت بكر لكن رجع سولها لانه ماسمعش وباغي يزيد يلاهيها هاد اللحظة جاوبتو بعلو على قبل وقالت

_ بكر….حك خدو وقال وهو تيمرر ايدو على شعرو

_ وسيم بحالي؟؟ حركات ليه راسها بلا .وقال

_ الحمد لله لقيت صاحبي سحاب ليا غ انا لي ناقصاني الوسامة .قالت بخفوت

_ هو وسيم ونت لا ..على زاوية فمو وقال

_ غادي نجيبو عندي ونبدل راسو براسي شنو بان ليك..حركات ليه راسها بلا قال

_ اوى كي غادي يكون هاد بكر ديالك علاش مال راسو ماجيش مع جسدتتي ..حركات ليه راسها بلا وقالت

_ هو طويل …عليك… وعندو بنية ….عريضة هو وسيم حت صباع رجليه قالت جملتها بتعب شديد لكن بغات تستحضر صورتو .. غمض عين وحل عين وقال

_ ادن نزوجي لختي مصدعاني على راجل وسيم كنت نقلب عليه ليها ومالقيتش فين هاد الوسيم. ديالك

_ مانقولش ليك

_ وعلاش؟

_ حيت ديالي انا

_ لا ديال ختي ..جمعت حواجبها تقلقت وقال

_ لا لا تهدني ديالك الالة شهلولة….رجعت اليكسي وقفت حدا راجلها …حطت كتفها عليه وقالت

_ كيف بقات

_ ربما عرفت بمرضها ..حطات اديها على فمها وقالت

_ علاش قالوها ليها علاش.

_ خرج الطبيب سمع كلامها وقال

_ بنتكم دكية بزاف ماحتاجش الواحد يشرح ليها.. غادي نقلها لغرفة اخرى باش تقدرو تدخلو عندها ولكن دعمكم النفسي اهم الجرعات لي تنعطيها..تما غادي وهو يرجع خطوة

_ فين راجلها؟

شغل بكر راسو بالخيل وعمر وقتو بالمزارع…والسواق ..غ هاز ولادو ويدور بيهم من سوق لسوق ويشري في النحاس ولخيل والتيران ويجيب تيتلف الوقت باش ماطيحش ليه على بالو…ولكن غ تيكدب على راسو عمرو ينساها والدليل من حركات بنتو لي تتشبه ليها بشكل غريب وحت هضرتها وتصرفاتها .بعد المرات تعصبو وبعض المرات ظحكو تيحاول يبعدها عليه نهار كامل ولكن دغيا تيتوحشها جرب يخليها مع جداها لكن سرعان مارجع ليها بليل ومانعس حت كانت في حضنو .تيمرر ايدو على شعرها المجعد تيقرا عليها القران…حبو لحنين تيفوق حبو لحليم وكريم لانه خايف من شبها لمامها ليكرها شي نهار عيا يوهم راسو بالنسيان لكن حنين تتخليه يتفكرها بدون هواه كل لحضة وكل تانية فينما حضرت حنين تتحضر شهلة مصغرة .كل ماحاول ينساها تتيشوف بنتو كيف تتصرف كيف تتمشي وكيف تتاكل. وهي معلقة بيه بزاف نهار ومطال وهي تابعاه وتجري مرة هازة فرركوس تتقلب على باها تعطيه ليه مرة ه تتحفر في الارض وتقول نزرع سجرة …مشطونة بلا قياس .عدبت هنية لي نهار ومطال وهي تابعاها من لقنت لقنت وتقلب عليها مرة تخبا ليهم وتخليهم يقلبو حت يشحفو حمقت باها وشحفتو وهو خايف عليها لتدخل الزريبة وتصادف تور مطلوق يوطى عليها او تلف ليهم في جنان وتاصدف حنش او عقرب خاصة داخلين على فصل صيف.. ولاى غ هازها على كتافو ويخدم بيها ..عكس حليم وكريم فينما حطيتيهم تيبقاو يلعبو بالعابهم عكسها هي لي تتغفل الواحد وتسلت .. ضاسرة بلا قياس وكلامها كبير الى حاول غ يغوت عليها تقول

_ ديني لميمة يرحم باك….شقاوتها خلاتو بلا خدمة ولاغ مقابلها تابعها ويشوف لو كانت تتعطيه سعات من الغياب على الاقل كان غادي ينسى اسم شهلة لكن طيشها وقفوزيتيها خلاتو تابع خطاها من لقنت لقنت ماياهنى عليها حت تنعس في بلاصتها ولااسف شديد نعاسها نعاس فرخ فوق الشجر مع الفجر تفيق تغبن وتحك في عينيها نعاسها قليل وشقاوتها كتيرة ديما شعرها طاللب الشرع خلاتها هنية حنين شهلة مصغرة ….الصيف دخل وشمسو قاصحة قرر يهزهم ويخيم بيهم في الجديدة هو والخيل حت وكان يبرد الحال وكان ليه الطلب ومشات معاه هنية ولالة خدوج ابراهيم وجوج دراري اخرين …

دازت شهرين على شهلة في سبيطار …لا جديد في حالتها .عايشة باالسيروم وكل مرة تزيد الدم جربو معاها الحقن الكيماوي في النخاع العظمي مباشرة ..خلاها طلع السماء وتنزل بالحريق…لكن مامستلماش لمرض وفينما طعطل عليها الطبيب على موعد الجرعة تعاتبو وتقول ليه

_ مازال مغداش نموت غ عطيني الدواء..حيرت الاطباء كيفاش لمريض تيتسمع بكاه في ارجاء السببطار يوقف ليحا كل زائر مريض اخر من حر الكيماوي ومع دالك تيطالب بيه ورافض الاستسلام.. شعرها طاح كلو مابقا ليها شفار ولا حجبان ومع دالك تتقول لمامها صبغي ليا ضفاري ورسمي ليا حجباني …ضعافت بزاف دخلو خدودها وبانو عضامها تسلتت من اللحم بقات غ الجلدة على العظم .. طالبت ببكر تشوفو ولكن لا جدوة كل ساع يعطوها عدر غادي يجي راه مسافر خايف باها يقولها ليه ويقول سرها هدا جزاءها .خايف من الشماتة والشفقة خايف يجي يقتلها بشوفتها ليه خايف لي شافتو وطالبت بي بقاؤو يحرق عينيها ويمشي عارفو كيفاش داير وفضل يوهمها بجملة

_ تصحي نديك عندو … مابغي حد يعرف بمرضها خبا على خوتو واتاتو وعلى العالم كامل..ايدو سخية مع الكل..لكن موت بنتو مابغا حد يعرف بيه…حت المدرب وديفد قلبو عليها مالقاو ليها اتر كيف عملت ضجة قبل الحفل عملت ضجة اخرى على اختفاءها..

واحد نهار مرضات بزاف وماتحملتش قلبها جرعة زايدة ودخلت الانعاش مرة اخرى بقات فيه سيمانا عاد خرجات هنا قررو اللأطباء يقطعو ليها الدواء ويخلوها لمصيرها…بغا يفرحها حل ليه الفيس في تلفونو باش تهضر مع اصدقاءها لقا ميس مسيفطة الاف من المسجات ..عطاها نمرة وقال ليها انا بابات شهلة بغات تشوفك..وكانت الصدمة …ماعرفتهاش وبكات على حالها .لكن شاف بنتو تتصارع وتنازع باغا تهضر معاها وتخرج وتلعب وظحك قطع عليها تلفون وقال ديشارجة…وسد ليها الصفحة بالمرة ..دخل سيراج الشك وبدا يبحت على اسماء بقا عاقل عليهم مت الجيمات لي كانو تيعملو ليها عقل على وحدة فيهم وي وصيفط طلب الصداقة ودخلها عن طريق شنو تيعجبها ونسبو ليه حت ولات تتعاود ليه على صداقتها بواحد المغربية بحالك صديقة وفية مريضة بسرطان مخبيها بابها على الكل ومحا ليها صفحتها على الفيس وماتيجاوبش على اتصالاتي وخفت تكون مامات لانه كانت في ايامها الاخيرة بغات تجي تشوفها لكن ماعرفتش فين تكون…تصدم سيراج وقال ليها اجي لمغرب انا وياك نقلبو عليها الى كات

نت مريضة بالسرطان غادا تكون في سبيطار كدا كدا…لاح تلفون من ايدو وناض جمع حواجيو وقال لمو غادي مخيم في مارتيل…

قبل ماتنطق بشي كلمة سد الباب وراه مع تسعود صباح تناعش كان في الرباط ..قدام سبيطار مولاي عبد الله كسكيطة كحلة على راسو ونضاضرو كيطما رياضية جالس على طوطوار حاضي لي غادي ولي جاي والگارو في ايدو حت بان ليه الحاج وداني خارجين مع الباب .. من صدمتو وقف وطاح ليه تلفون من ايدو والگارو حرق ليه صباعو.. حضاهم حت ركبو في طموبيل ومشاو وهو يتوجه عند الحارس تيطلبو ويرغب باغي يبوس ليه اديه يدخل غ ساعة طلبو حت بكاو عينيه مشا وجا عليه صدق لاخر ماتيشد لا ريال لا جوج لكن حن عليه نص نهار وهو يطلب فيه .. عاد خلاه يدخل .. نعت ليه غرفة شهلة وبقا حاضيه ..دق عليها ماسمع حت كلمة وحل ودفع راسو .ناعسة وسط الفراش طبي سرير بحديات من جناب وقرعة معلقة ديال السيرون تتقطر في تيو متاصل بيدها لي غ هيكل .في الجهة تانية الة لقياس الضغظ ودقات القلب. .تتسمع مرة مرة نقرة…ممدة على ظهرها ماتيبان فيها والو كأن لا وجود لها غي ايزار مخطط في الغوزوالبيض مليوح فوق السرير راسها داخل وسط المخدة مغطي بطاقية بيضة ديال القطن رطب عينيها تغورو وتيشوفو في تلفزا بلا شفار تتفرج في ماتش ديال تنس لكن بلا حضور ..عقلها ماكاينش لدرجة دخل ومشا وقف جنبها مانتابهتش ليه حت جلس قرفصاء وشد بايدو كتفها ..تلفتت ليه بشوية فقط نضرتها لي تتقول انها شهلة حت لون عيونها باهت فمها بياض وتشقق ..كدمات زرقين تحت عيونها. بصوت خافت ميت لا حياة فيه قالت

_ سيراج ؟!..مسح دموعو بكمو وحرك راسو بلايجاب تنهد تيشوف فيها والدموع تتطيح بحال الشتا .قالت كلمة ماسعاهش …هزات ايدها بشوية شدات فيه وقالت رافعة صوتها

_ بغيت نشوف بكر .حرك راسو بالايجاب …حط راسو عى ايدها كتافو تيتحركو حت بدا يبكي بصوت عالي .. دخلات اليكسي بكرشها صغيرة تعجبت من الرجل لي تيبكي وقفت عليه ايدها على كتفو تتوقفو تلفت ليها وقال

_ حرام عليكم والله حت حرام….علاش مخبينها علينا علاش.؟ خرجاتو ومابغاش وحت شهلة قالت بصوت باكي

_ هليه ماما.. تلفتو ليها بجوج مدت ايدها ليه وقالت

_ واعدني تجييب ليا بكر …..عارفة…… بابا تيكدب ….عليا كيف…… ديما ……..وانا عارفة …….راسي …..غدا نموت…. بغيت نشوف بكر وحليم وحنين وكريم… . ..بغيت نودعهم ….ولكانت اخر عيون بغيت نشوفها بغيت ……عيون بكر …….وبغيت ……نشم. …ريحة ….حنين …..ونسمع صوت حليم….. تيقول مااما..انا عارفة ماغاداش نعيش بزاف بغيت نودع الحياة وانا مع الناس لي تنبغي ….خرج سيراج تيبكي خرج حدا واحد للحيط تيبكي بصوت عالي وتيدور كيف الحمق .ويسب ويعاير..بان ليه الحاج وهو يتخبا الكار لي داه رجعو …مشا نيشان لفيرمة… كان بكر فوق عود جديد تيدربو وكان صعيب تيتعلى ويوقف برجليه لسماء ولاخر تيتعلى معاه ..شافو من بعيد وعرفو وجا عندو تيدور عليه بعودو العين في العين .لاكن شوفات سيراج الليائسة الباكية والمريضة غير صافية من الدموع خلاتو يغير شوفاتو ليه ويرطبهم لكن مع نفس ملامح الكره والغضب.

صورتها وطيفها واسمها ورائحتها تجوب المكان ..لا هروب ولا ماهرب منها حت سيرتها بتفاصيلها لا شيء يعيبها الا شغفها بالرقص..كيف لشخص ان ينازع حبه ويزيف المشاعر .. كيف لشخص لا يعرف الخداع ولا الكدب صادق القول صريح المشاعر ادا قال كلمة احبك فهو يعنيها ان يكره . ..هو عزيز النفس ودا هان قلبه فارق للابد ولكن لايستيطع ان يكره فهو لم يجرب الحب مرتين لنقول انه ينسى شهلاؤ ..ربما سينى مامر ولكن لن تمر في حياته طيف امراءة اخرة اكتفى بي سيرتها ربما سيخبئ حبه عن الجميع وسيخبئ حت كره….

اليوم غاضب جدا منزعج .. ازعجه نوم حنين وهي تنادي ماما ربمى قد زارتها في المنام او تدكرت سيرتها او دكرت بها ….فاق بكري مشا لسوق طاح على عود مليح جابو غسل ليه وكلو وسرجو وخرج يدربو….هكدا تفاصيل حياته ..صوت حوافره تشعل رغبته في التناسي عود زرق حار وعلى هاد النعرة لي فيه باعاوه وماشاراه حت واحد حت جا لي باغي فاش يتلاها وجابو ليه الله ..سماه مراد..لعله يلقى مراده فيه ..لكن هاد المراد اصعب عود كان غادي يطيحو غلى ظهرو جوج المرات وحت بكر ماشي في وعيو..

قبل مايوصل سيراج عند بكر وقع…شيجار عنيف شهدو عليه الممرضات في ساحة المشفى

_ نت اناني ومابقاتش فيك بنتك لي تتوسل ليك باش تشوف ولادها وحبيبها

_ لا ماغايدش نعيط عليهم الى شافتهم غدا تموت وتخليني هي مسنية غ تشوفهم وتودع الدنيا ومابغييتيش مابغيتش بنتي تموت بعدي مني بعد مني

_ هدا جزاك نت ياك نت طلبتي ليا الله شهلة تموت هاهو لبى طلبك ادن رضى بقضاؤو علاش تتتعاند علاش حت انا مها ومابقيتش بغيتها تبقى معدبة الى كانت غدا تشوفهم وتموت مرتاحة انا راضية نت اناني حت في موتها مابغيتيش لي يشاركك فيها نت لي عدبتيها في حياتها وفي لحظاتها اللاخيرة..غوت الحاج وهز ايدو في ااسما وقال

_ ياربي نموت انا وماتموتش بنتي ولا نموتو بجوج ياربي عنقتو وقالت عيط لعائلتها يحضرو ليها وربمى يطلبو منها السماحة ربمى قالو فيها شي كلام يندمو عليه من بعد موتها حبيبي ماتكونش اناني وخلي عماتها يجيو يشوفها وعمامها حت انا مريضة بحالك ولكن راضية بقضاء الله وقدرو وربمى في دعاء احدهم معجزة بليييز….بعد ساعات وساعات خرج تلفونو وركب رقم..كان مولاه يله جمع سجادة ديال العصر هز تلفونو وهو يتفاجا ..جاوب بعيون داخلة وحواجب مكمشة

_ الو سي بوشتة

_ السلام الحاج عيسى سمح ليا مافيا مايهضر بنتي على فراش الموت قولها لودك يجيب ليها دراري تشوفهم…قطع وخلاه ..ماقدرش الحاج بوشتة يكمل كلامو عطا تلفون لايكسي كان رجع الطرف التاني الايتصال جاوبت وشرحات وضعها خلات سي عيسى مصدوم .ولي حالو جلست لالة خدوج تستفسر سليمة على راسهم واقفة

_ مرات ولدك المقدم …فيها الكونسير..شهقو بجوجات وحطو اديهم على قلوبهم ..كمل كلامو وقال : بغات تشوف ولادها قبل ماتموت راها ناعسة في السبيطار على فراش الموت.. سجدت لالة خدوج تتبكي وتقول

_ ياربي لا تحافيني في كلامي راني غ هبيلة غادية وندعي وجايا وندعي ياربي مانويتها فيها صادقة ياربي تشافيها وتعافيها عمرها ماعيرتني ولا جبدتني ياربي انا عبدتك ضالمة ومدنيبة غي شافيها وعافيها ياربي

**** من بعيد عرفو وجا عندو تيدور عليه بعودو العين في العين .لاكن شوفات سيراج الليائسة الباكية والمريضة غير صافية من الدموع خلاتو يغير شوفاتو ليه ويرطبهم لكن مع نفس ملامح الكره والغضب وقال

_ شنو جابك..؟.بببحة رد عليه سيراج

_ عندي ليك رسالة. دار بعودو عرف بكر من عندم وهو يقول

_ سيراج خليني نرطاب من جيهتك ..ساط سيراج الريح من فمو وقال

_ شهلة مريضة بالسرطان.. كان العود لي سمع قبح الكلام وصهل ووقف على رجليه خلا بكر يتلاح من فوقو..وقف قدام وجه سيراج وقال بنبرة غامقة

_ شنو ؟؟ ..تنهد لاخر وقال

_ شهلة تتموت غيمت السما فجاءة في عيون بكر مابقا بان ليه حت واحد وقال

_مايمكنش لا مايمكنش

_ قدرها هداك عندها سرطان الدم ابكر وبغات تشوفك . تلون لونو وحس بصدرو ضرو حمارو عينيه وتخنق … حل فمو باش يدخل ليه الريح لكن مادخل والو حت قال بصوت عالي

_ يا الله يالله …راقب سيراج ملامحو وعيونو وشاف الحب الكبير المخبي ورا قسوة المظهر …خلاه واقف ومشا راسو مرفوع السماء وكانه تيطلب الله …تبعو سيراج لكن مادخلش لدار بقا برة شاعل كارو سمع الخطوات وطفاه ..وفي ايدو تلفون تيهضر مع باه يجي لعندو هو والدراري …خرج الطموبيل وركب معاه سيراج ..

ماتيقش هضرة سيراج بالرغم من ملامحو الدالة وبالرغم من احساسو لي تملكو هادي شهور بنفس الخنقة كان حاس بشي حاجة ولكن رجحها لفراقو معاها ماضنش انه غادي يكون فراق اخر لا وجود لها في الحياة ..نقل ليه سيراج الرسالة بالحرف الواحد ورد عليه بكر

_ في هادشي ماتنلعبوش الى كنت متافق معاها بالرب حت ندمكم بجوج . شاف فيه خوه وقال

_مابعيدة غ تادلة كيف تيقولو ..شاف فيه بكر بعيون تخلع منهم سيراج وقال

_ امتى غادي تنهي هاد الحرب لي بيني وبينك ..ماسمعش ليه بالو كلو مع كلامو لول وتيسول راسو والى كانت فعلا مريضة ..لا مايمكنش صورتها دازت قدامو وهي تتضحك برنتها الفريدة وهو يتلفت بسرعة بحال الى فاتها في الطريق .وققف الطموبيل وهبط تيشوف وراه ..خلا سيراج تيتلفت دور عينه في المكان ورجع لطموبيل استغفر الله ورجع قال تيهدد بصبعو لخوه

_ بالرب اسيراج وتكون ظاحك عليا معاها حت نعلقك عريان وونخوي عليك بالعسل نخلي النحل والدبان يتجمع عليك..رد عليه سيراج

_ مابقا فيها مايتشاف كلاها المرض قالت ليا مها تلات شهر وهي ناعسة في سبيطار .كمش بكر فمو بلا مايضهر وصل لدارهم دخلو بجوج بكر سابقو بخطوة لقا مو وباه بحال العزايا شافت لالة خدوج في سيراج وقالت

_ نت ماسافرتيش؟ حرك ليها راسو بلا نطق الحاج سي عيسى وقال

_ نشدو طريق الرباط اولدي ليلة نتسامحو مع مرتكك..تحركت تفاحة ادم لبكر وتحق الدم بخلايا حزينة وقال

_ شكون قال ليكم مريضة؟ رد عليه الحاج

_ باها عيط عليا وعلمني صدمني مسحت لالةخدوج دموعها وقالت

_ سامح اولدي ربي كبير ومحبتو عطيها ليك دعوتك ودعوتي مادازش عليها نص عام وهاهي ربي غادي يديها..ماخلاهاش تكمل كلامها وقال

_ مادعيت على حد استغفرت ربي ديك ساع مانبغي لموت حت لواحد وخاصة موت ولادي..شافت فيه سليمة باحترام وقالت

_ وحت هي ماتتستاهلش الموت الله يشافيها . وقف الحاج وقال

_ يله اولدي شوفها نت لول ومن بعد ندو ليها دراري كيف ماكان الحال ولادها ونهار يكبرو يسولونا عليها يله ابكر وطفي الغضب ..وقفت لالة خدوج تتلبس في جلابتها وقالت

_ سيري اسليمة مع رشيد عند الدراري ماتعرفي الوقت شنو تجيب …خرج هو لول حاط راسو على الفولا ودمعة كانت محجرة من زمااان هبطت بسميتها إستغفر الله على دعاؤو عليها وتيطلب الله يغفر ليه …ركبو معاه وانطلق وجهتو الرباط نعسو ولديه وبقا هو وقلبو المفتور شادين الطريق ..ادن عليهم العشا في الدخلة ديال الرباط حدد لوكازيسيو في المرشد وبعد ساعة كانو قدام السبيطار …ماشي وقت الزيارة ولكن الحارس سمع عندمن جايين والحالة لي فيها خاف تصبح ميتة ومايشوفوهاش ويبقا فيه وفيهم الحال وقال

_ الله يرحم ليكم الوليدن ندخلكم ولكن غ ربع ساعة الطبيب مانع عليها الزيارة ولكن حنا مسلمين نخليكم وماتمرضونيش في خاطري .وشوفوها غ من الزاج راه بيد الله وصافي .. تحركو خدود بكر وتجمع الريق في فمو .سرطو كانه سرط علقم مر. تماو داخلين وهو يقول ليهم الحارس

_ عرفتو اش ديرو يدخل واحد بواحد نتوما تلاتة غادي تشوفكم الايدارة تجري عليا. تقدم بكر وقال

_ هاكم سوارت رجعو طموبيل……مشا برفقة الحارس تيسولو اش تيجيها ماردش عليه لاخر بقا غ ساكت حت قال ليه

_ هاهي..

..بعيون محبة وبقلب عاشق تيقلب عليها وسط السرير ماتيبان فيها والو فقط نيف فيه تيو قاسم ليها خدودها الهيكلية.. طاحت دمعة من لعين الارض مارتاحتش على خد نيشان علمات في رخامة السبيطار. .طلع صدرو بخفقان خوف كبير تملكو دارت الدنيا بيه ودور راسو يمين وشمال ..نسا شنو دارت ونسا غضبو ونسا بكر وحضر فقط زوج وحبيب واسم شهلة .نطق بشفايف تيترعدو من من بعد ماحل الباب ودخل بزربة وقف على ركابييه واديه شادين في ايدها : شهلة.. ناعسة حت تنفسها غايب طفلة برئية اخدت من رحم الحياة وسلبت الصحة والجمال بل اكتر من دالك سلبت الحب والدلال كانت شقية فتية في ريعان شبابها اصبحت جامدة هالكة لا روح ولا نبض يعلو جسدها فقط اسمها وان فتحت عيانها فاكيد ستكون هناك مشاعرفقط …للمرة التانية نادى باسمها

_ شهلة ..طلع الجفن نص طلعة تتشوف قدامها بغات ترجع تنعس وهو ينوض طل عليها براسو واديه على جناب السرير مخليها وسطهم..دموعو شلال طاحت وحدة على دقنها ولاخرى على خدها.مسحهام ليها بظهر صبعو و حلات عينيها بالكامل حت تاكدت وقالت بخفوت تام وصوت شبه منعدم

_ بكر؟

_ بكر؟..حرك راسو بالايجاب تلمعو عينيها متبسمة ….حركات ايدها بشوية لوجهو تهز معاها انبوب رقيق ..ميل وجهو باش تقيسو .باردة ومتعرقة تحطات ليه على خدو بحال تلجة .هز ايدو حطها على ايدها مابقااتش بانت ايدها وسط ايدو وخدو تبسمات حت بانو سنيها البيضين مع عاج زرق وبانو فتحات في شفيفها بشكل كبير.. بصعوبة قالت

_ توهشتك …دمعة تابعة دمعة على خدها كل دقيقة يمسحهم ليها بظهر صبعو وقال

_ شنو تيضرك ؟.. حركات الايد الخرة وحطاتها على قلبها وقالت

_ هدا.؟ ابتاسمت .وكملت كلامها بنفس الخفوت والصعوبة : فضل يموت ونت بعيد عليه…تخلطت ليه ظحكة مع بكية وخرجت بصوت. فمو تيترعد وعينيه تيرمشو وقال:

_ دابا يصح ويرجع يحيا من جديد..حركات ليه راسها بنعم وقالت

_ نت كيف بقيتي؟. التازم الصمت ..كملت كلامها وقالت: ماضركش قلبك عليا ؟ ..حرك راسو بالايجاب وقال

_ كلي مريض ..مررت صبعها على خدو تحت ايدو وقالت

_ اجي نعس حدايا .. طاحت دمعة وسط عينيها مالقاتش الشفر لي يرمش ويحبسها ودخلات حط صبعو علا جفنها وسد ليها عينها باش تخرج الدمعة هبطت من جنب ومسحها بصبعو وقال

_ تتحرقك…حركات ليه راسها لا وقالت

_ لا حلوة …هزات ايدها دورتها على راسو وقالت

_ عنقني … حط خدو على خدها وحاول يحط صدرو بشوية هلى صدرها ..ابتاسمت وقالت

_ حاسة.. الشم… الوحيدة لي بقات تتعمل بشكل جيد….حركات خدها مع خدو بشوية وقالت: ماتحرمنيش منها ….دخلات اليكسي من بعد ماصلات العشا لقات رجل بقميجة رزقة وسروال تجين كحل متكي على بنتها وهي تشهق

_ شكون نت ؟؟ هز راسو بشوية وتلفت ليها تفاجات وقالت

_ بكر ؟؟ ..مشات لعندو عنقتو وقالت

_ عفاك خليك معاها في هاد الايام عفاك… .مسح عييه بصباعو عاصرهم وقال

_ ماعندي فين نمشي عليها… طلقت منو .شدات فيه شهلة من ايدو كرزت عليه دار عندها وجلس قرفصاء وقال

_ اكيد غادي تبراي ان شاء الله .ابتاسمت بحب وقالت

_ كلماتك عقاقير حلوة .. جابت ليه اايكسي كرسي جلس عليه وهي بقات واقفة ..ايدها وسط ايدو..تيشوف في الكدمات الزرقين لي مطبعين ليها لحمها وسطهم تقرحات حمراء …طلع بشوفاتو مع ايدها حت وصل لعنقها وهو يتفاجء بغدة وارمة ..هز صبعو ليها وقال

_ بادن الله غدا تبراي وترجعي احسن من لول..حركات راسها بالايجاب مستسلمة لنوم ولكن مابغاتش.. قالت بتوسل

_ ماتمشيش ..حرك راسو بلا .. غمضات عينيها ولكن سرعان ماحلتهم مخلوعة ..جا الحارس باغي يخرج ..دق عليه من الزاجة تيعيط عليه .. شاف فيه وحرك راسو بمنعنى جاي وهز صبعو : غ دقيقة..شدات فيه كارزة عليه وقالت

_ لا لا لا تتبكي وتنهج وقفت عليها ماماها بغات تشد فيها حيدت ايدها .تتحرك راسها وتعصر في عينيها دخلات في حالة صراخ وخوف ..عنقها وقال

_ صافي ماغاديش. انا معاك انا معاك شوش .. والحارس تيعيط عليه ..خرجات اليكسي طلباتو يخليه ندم حت علاش خلاه وخاف على راسو….بقا غادي جاي عليهم وخايف تجيه الايدارة ..مابقاش مسوقو بكر ورجع جلس على الكرسي مقرب راسو من وجها وتيهمس في ودنها ..حالها يوحي بالموت المحتوم ..رق قلبو وتخطف من الوجود .جميع دكرياتها الجميلة تحطو ليه في البوم صور تتدوز قدامو .وبلا مايشعر قال:

_ توحشتك. …ايدها على شعرو..بصباعها الرقاق تتتلعب ليه فيه بشوية تتنهج ..وقالت بهمس مماتل

_ خرجني من هنا … ديني معاك…..ساد الصمت الا عيونو لي تتدرف دموع غزيرة وكتافو تيتحركو..باكي ومالم لي حالها..كان ناوي يشوفها ربع ساعة صدق بيت معاها ليل كلو..حت صباح الحال وجات الممرضة تتسول شكون نت وعلاش مالابسش البدلة الواقية تتاخصم .عليه وهو حاط راسو على ايدها لي بين اديه ..هي ناعسة وهو تيخمم . ماشافش النعاس ولا داقو ليلة كلها وهو حاضي وجها وعينو كيف الشتا .كان حاس بيها مريضة ومقدرش يكرها ..او يخرجها من بالو شي حاجة كانت كاتكة على صدرو ..ربما كان خايف عليها من دعاوي مو وباه وعائلتو لي تيحبوه . كان حاس بشي حاجة خايبة غادي توقع ليها ولكن ماتوقعش تكون بهاد الهول ..خبر مرضها جا تاكيد ليه على شعورو بها وجا تيجري يشوفها ..حبو ليها كبر من الف كلمة كره تقالت في وجها ربمى يكون فراق الموت ارحم من فراق القلوب .شرب كاس حبها ومات مع اخر جغمة بسميتها طالب المزيد والمزيد من لمساتها وظحكاتها . ..خرجات الممرضة تتجري جابت ليه الايدارة معاهم االطبيب و السكيورتي …حط السكيورتي ايدو على كتف بكر

_ تسببتي ليا في مصيبة والله حت حرام عليك ..طبيب ساعر على الكل شكون هدا وعلاش دخل وفين كنتو ..غ وقف وسل ايدو من ايدها حلات عينيها وقالت

_ فين غادي؟ ..رجع عندها وقال

_ نهضر معاهم باش يخليني معاك.

طبيب ساعر على الكل شكون هدا وعلاش دخل وفين كنتو ؟..غ وقف وسل ايدو من ايدها حلات عينيها وقالت

_ فين غادي؟ ..رجع عندها وقال

_ نهضر معاهم باش يخليوني معاك. صافي انا معاك..قالت

_ و و ها … خرج على برة وقف عند الزاج تيشوف فيها دخل الطبيب لعندها…تحرك فمها وهو يتلفت الطبيب جيهة الزاج وشار بايدو يدخل ..والمدير مع العساس تيعتاب .. بلا تفكير دخل وصدرو تيتهز ويتحط تخلع عليها فاش شاف الطبيب ساعر والممرضة مخلوعة تتسول على الكماكة واللبسة قال صافي خرجت عليها …دخل بعيون تتدور وسط راسو وخطاه تيتسمع ..شد فيه الطبيب من كتفو وقال

_ اهلا سي بكر ت فين كنتي اصاحبي شوية ونديروك في مختافون؟ ..ارتاح قلبوا شوية والتازم الصمت ..كمل طبيب كلامو وقال

_ سمعت عليك شلا كلام..تلفت ليها وقال .هدا هو الوسيم عندك اودي ياشهلة خاصني نشوف مع طبيب العينين يدير ليك نضاضر قاع الكاس ..استنتج بكر ان كان حديت طويل عليه مع طبيبها .. بدل طبيب شوفاتو وهو تيخاطب بكر وقال

_ جوج ناس تنعاتبهم على هاد البنت نت وباها .الممرضة تتبدل ليها قرعة السيروم وتتقاد ليها التيو ديالو وعينها عليهم تتسمع …بعد الطبيب بكر من حداها وقال:

_ ماعرفتش المشكيل لي بناتكم شناهو ولكن في المرض حت واحد ماتيتلام ..بغيت نقول ليك شي كلام ماتيفرحش ولكن انا ماتندخلش في حكم الله ..الى قدرتو تاخدها عندكم حت يدي مول الامانة امانتو تبارك الله ماقدرتوش من الافضل تهضر مع باها وتبقى نت بلاصتو باها عنيد بزاف وصعيب شوفتها ليه تتمرضها بزاف حيت ماقدرش يواسيها وفي نفس الوقت مابغيهاش تموت . شحال من مرة طاح لينا هنا وشحال من مرة جن جنونو علينا تيقول حنا لي مابغيناش نداو ليه بنتو. ايمانو قليل داكشي علاش ماقدرش يوصل ليها الدين ديالنا كيف هو وخلاها بينها وبين نفسها حت ولات تتصارع …مراتك مرض القلب لي عندها جاها من كترة التفكير واش الله كاين ولا لا واش كاين شي حياة اخرى ولا لا اسئلة كتيرة مرضتها ولكن بينها وبين نفسها كانت داخلة في صيراع ماعالم بيه حت واحد تتشوف وتلاحض وتتقيد لي تيكدب ولي لا . حت للحاج الله يهديه كان ماشي بالو مع جيهة اخرى ونسى بلي بنتو راها عايشة وسط ناس ملحدين وقليل فيهم لي مسيحي مجتمعها كان فيه باها لي مسلم وصديقو القاضي ..شهلة حكات ليا اسرار كتيرة بلا ماتشعر واكبر خوفها كان تموت وهي تائهة ولاسف الشديد يمكن تموت وهي كدالك.. انا شرحت ليها على قد المستطاع لي تنفهم وعارفو ومع دالك ماتاقتش فيا لانه انا كدبت عليها لمرة لولا وخدات كلامي كلو من بعد كدالك..فإلى كانت تتيق فيك وماعمرها حصلت عليك شي كدبة حببها في الدين .ديالنا حت تنطق الشهادة وديك الساع ربي غادي يتبسم ليها ويسل منها المرض بلا عداب او يسل منها الروح بلا عقاب… تنهد بكر وقال

_ واش ماكينش امل العلاج هاد المرض سامع عليه تيشتشفاو منو الناس بزاف

_ سامع عليه ولكن واش قاري عليه لا ..المشكل لي عندها ماشي غ مرض لوكيميا عندها جوج عروقة ديال قراب لبعضيبااتهم بزاف وكل ماسارع القلب دقاتو كل ماتخنقو بجوج الشي لي خلا القلب ضعيف بزاف..الله سبحانه وتعالى خلى نبض قلبها ضعيف لدرجة ماتقدرش تحمل جرعة اخرى ديال الشيميو باش مايضربش بزاف ويتخنقو العروق. خصها عملية على القلب هي لولا باش نقدرو نديرو ليها عملية زرع النخاع العظمي ولكن لاسف نسبة نحاج عملية لولا صفر فاصلة صفر واحد.. هبطو خدود بكر مع شفايفو وقال

_ ربي كبير ربي كبير…تعصب الطبيب وقال

_ هاد البنت عندها باها ومها وراجلها وحت واحد ماعرف ان هاد البنت مريضة من سنين وهازة جوج القنبولات في جسدها مافهمتش واش لهاد الدرجة انسان عايش جاهل وبعيد على العالم ولا شنو.؟ واش هاد البنت ماكانت تتطلع ليها سخانة كل مرة واش هاد البنت ماكنتوش تتشوفها تتعيا دغية وماعندهاش شهية واش هاد البنت حالتها صفرا الدم مقطوع فيها عايشة غ بالنفس وحبها لحياة وشغفها بها هو لي خلاها تجري وظحك وشطح وتغني بحال الى عارفة ان ايامها معدودة ….تحركت تفاحة ادم لبكر وتنهد بصوت مسموع وقال

_ بغات تمشي معايا وماعرفتش شنو ندير .

_ من الاحسن لانه وجودها هنا بحال عدمو ماتنفعوها بوالو غ تتازم كتر المكان تيفكرها بشنو عندها من الافضل وجدو ليها بيت فيه كافة الاجهزة وتكون قريبة ليكم في الدار وسط العائلة والحباب ..الله يهدي الحاج قاطع عليها كلشي راه حت تبدال الوجوه بحدت داتو شفاء ..انا غادي نكتب ليها ورقة للخروج وديها معاك حت ربي يسهل عليها… خلاه واقف ومشا تيسول فيها بابتسامتو لي عودها عليها وقال

_ ليوم فرحانة ليا مع راسك وناشطة صافي جا روميو يديك .ابناسمت ومدت ايدها ليه وقالت

_ شكرا .. شد فيها وقال

_ خصارة ماغديش يديك فوق العود ولكن بادن الله يركبك عليه شي مرة قولي يارب.. ردت وقالت

_ شوكرا …تلفتت لبكر لي كان تيشوف فيها من بلاصتو .

تجمعت قوم ربي العالمين قدام السبيطار تكبو عليه مرة وحدة كلشي جا باغي يشوف شهلة كاين لي حبها وعزات عليه من ورا الحفل بحال بنات عمتها وعمها وسليمة وكاين لي تيبغيها لعفويتها وصدقها ومخلي دنوبها لمولاها .. ماخلاوهمش يدخلو سبيطار وتجعمو محيحين..حت خرج عندهم الحاج واليكسي وقالو ليهم راه بكر غادي يديها معاه في لونبلونص لعروبية …بقاو قدام السبيطار حت خرجت لانوبلونص وتبعها قوم ربي العالمين..بطموبيلاتهم ولي جا في الكار ركب مع واحد عندو بلاصة خاوية في طموبيلتو …

جالس معاها بكر والحاج واليكسي في سيارة الاسعاف وممرضة ايدها مافرقت ايد بكر..طريق كلها وهي ناعسة في راحة تامة وكل ساع الحاج يقيس ليها جبهتها واش باردة ولا سخونة حت وصلو لفيرمة وقفو اهلها وهلو في الباب دايرين ليها مين دوز باش يشوفها وهما مدخلينها ..هبط بكر هو لول ونزلو صحاب لونبلونص نزلو الحمالة وهي وسطها كيف لقيمة ضعيفة تسعق كل من شافها وبكا لي حالها وتبعوها حت لبيت . هزها بكر وحطها في فراشها .قدات ليها الفرملية لي رافقتها السيروم علقتو وبكر تيقاد في المخاد وهي مبتاسمة وسط حشد من الناس دموعهم شلال ..وصوت بكاهم تيتسمع تقول دخلو ميت .. حت دارت فيهم رحيمو

_ واش شفتوها في كفن تناوحو عليها بنت خويا مزال تعيش لراجلها ولاولادها ماحنا على فالكم ..سكتتهم وخرجتهم . بقات شهلة فرحانة بي بيتها ودكرياتو وايدها مافرفتش ايدو تسد عليهم البيت ..من طرف رحيمو وهي تتهبط في الناس

_ المقدم ماشاف النعاس مارعاه ..كلشي نزل لتحت شي شاد براسو متاسف وشي حاط ايدو على حنكو تيشوف في حنين وحليم وكريم تيلعبو ويضحكو ماعرفين والو….خلاها في بلاصتها تتشوف مطنئة وخا ناض وقف مااقالت والو ضمنت وجودو ضاحكة باتسامة عريضة كيف خلاها عليها دخل دوش كيف لقاها وهو تيمسح في شعرو قدام المرايا وعينو عليها ..ابتاسم لابتسامتها لبس جلابلة فوف سيرفيت وسرح سجادة وصلى طول السجود حت تسمع بكاه ..دخلو الدراري بتلاتة تيقلبو عليه ..ومشاو تيجرو طلعو ليه ظهرو عاد قطع الصلات وهزهم جابهم لعنهدا جنب السرير وجلسهم تيشوفو فيها ماعرفوهاش وه يسولهم بكر

_ شكون هادي؟؟ ظحكو بلا مايجاوبو طريقتها في الكلام الى ماعرفتش الحاجة تسكت وهو يقول

_ هادي ماما ماما شهلة حلات حنين فمها وقالت تعكيلة

_ ماما شهلة ماما زات؟.. ابتاسمت شهلة وهي تقول حنين : لاء ماما شهلة زوينة هادي هايبة عض بكر على شفايفو وقال

_ لا حشومة ..هادي ماماك الزوينة نت ماعندكش العقل حيت عقلك صغيور بزاف قد هكا ….هبطهم على للسرير وقال

_ سيرو عند الميمة بغيت نعس شوية..باسوه بالتناوب ومشاو تيجرو.. ابتاسمت ليه ومدت ايدها وقالت

_ اجي ..حبا على ركابيه فوق السرير قرب منها وتكا مكالي راسو بايدو ناعس على جنب رجل فوق رجل .دارت عندو بوجها وقالت

_ حيد الكماما بغيت نشوفك

_ لا غادي نضرك بنفسي

_ لا غ حيدها ….دار ليها خاطرها وقالت

_ رجعني جنب بغيت نتقابل معاك..ناض جلس قلبها لجنب قابلها معاه تيقاد ليها في راسها غ بشوية وتيحاول مع ايدها لي فيها التيو حت قادها ونعس نيشوف فيها وهي تتشوف فيه حطات ايدها عبى خدو وقالت بصوت هامس ناعم خافت

_ بغيت منك واحد الحاجة .

غمض عينيه بلطف باش مايفتحش فمو لانه بلا كمامة مع حركة الايجاب براسو .. قالت

_قبلني ..ابتاسم ومشا بوجهو لخدها طبع قبلة حنينة ورجع لبلاصتو تيضحك ..حك ليها نيفها بخفة حركات ليه راسها بلا وقالت بنفس الخفوت والنهجة في الصدر

_ قبلني

….تغرز ليه عينيه الدامعة وقرب بشوية بوشية مغمض عينيه وحت هي غمضات عينيها وقبلها في فمها بقات سادة عينيها في حين حلهم هو لقاها مستمتعة ورجع قبلها قبلة اخرى وقال

_ شهلة كانت ناعسة وظاحكة ولكن غ حلات عينيها رجعت قالت

_ قبلني

..رجع قبلها ورجعت غمضات عينيها وبقا كل ماحلات عينينها تقول قبلني يدير ليها خاطرها حت جاها الحريق في داتها والتقية وتقلبت لشهلة ممياء عدبتو ليل كلو وتعدتب حت ادن الفجر وناض توضى وصلى كمل صالتو وجا جلس حداها حلات عينيهها وقالت

_ قرا عليا القران…تحلو عينيه وانشرح وجهو مابقاش رمش حركت ايدها فوق خدو ورجعت قالت

_ فاش..كنت تتصلي حسيت برجليا بداو يسخنو .. حط ايدو على راسها وقال

_ بسم الله بسم الله بسم الله.. غمضت عينيها ..مستمتعة بصوتو لي تيبتبدل فاش تيقرا القران قرا عليها سور كتيرة معودات اية الكرسي ولاحظ ان عروق راسها تيضربو بحال الى فيهم شي حاجة تتتمشى وكل ساع يتحرك طرف من جسمها بحال الى فيه الطيور.. تابع الببايص لي تيشوفهم تيترعدو يحط ايدو عليها ويقرا القران حت شاف دمعة هابطة من عينيها وهي ناعسة مع انين غامق قرا القران ووتلاه حت سمعو لي لتحت ولي غادي في الجردة وقالو المقدم تيشهد لمرتو صوت ترتيلو خلا القلوب لب حزينة تخشع وتبكي منهم الحاج بوشتة لي مرض بنتو ماتقبلوش عياو معاه يصبر راسو لكن بلا جدوة بحال الى تيخوي الما في الرملة حت واحد مانعس ولا شافو دازت عندهم ليلة طويلة خرجو خوه الطيب جارو معاه ركبو في الطنوبيل وقال ليه

_ خويا تبت راسك ويله معايا لواحد الجامع تيقراو فيه الحزب مع المغرب والفجر يله نقراوه ومعاهم ونديرو ليها فاتحة مع الفقهة والتجا الى الله اخويا وحت وكان ماتت راه قدر الله اخويا تبت راسك داه المدينة ودخلو الجامع وصلى ببكاء شديد عملو الدعاء بسميتها….ماخرجش من الجامع باش يقرا معاهم الحزب مع المغرب .. اتاصل باليكسي قالت مزال معاها راجلها ماخرجش وماحيدش من حداها…..

كل نهار يبداه بكر بصلاة الفجر حداها قريب منها ويتف على اييدو ويدوزو على راسها وهي تتطالب بالمزيد والمزيد عجبها القران وهو تيرقاه بصوتو لدرجة ولات تتنتابه شنوو تيقول وواول مرة تعرف ان كاينين قصص وسط القران وكل ماكمل وجا قرب حداها تسولو. شكون يوسف .وموسى.شكون ياسين شكون زكرياء وهو تيعاود قصصهم حت تار انتباهها ايوب وعاود ليها قصتو وبانه كان مريض مرض شديد ولجء الى الله وعمل ليه سبب باش يبرى وقالت

_حت انا بغيت سبب … .حيرتو بكلامها خاصة انها بدات تامن بوجود ايلاه واحد وان جميع الاسماء لي دكرو في القران بحال عيسى .رد عليها وقال

_ خاص يكون عندك ايمان مطلق بالله وانه هو الواحد الاحد لم يلد ولم يولد وان عيسى ماشي ابن الله وانه انسان عادي خلقو الله وتلود من رحم مريم فسر ليها وشرح وفي كلامو حب كبير لله وحببها فيه حت خلاها تقول الى بريت نصلي صلاتك . لكن العداب والوجع وللالم تيخليها تراجع على كلامها وتقول الى كان الله عندو معجزات كتيرة وكبيرة يرحمني بوحدة وينزع مني هاد المرض تنموت .فما تيبقا قدامو الا انه يعنقها ويبكي لي بكاها ويصبرها …ايام دازت وهو مقابلها يغسل ليها ويبدل ليها والعجيب في الامر انه ولا تيحس بيها تقيلة على النهار لول وبداو يغبرو الكدمات فضل يبقا الامر سر بينو وبين نفسو وتبع ليها الرقية والعسل الحر مع الماء زمزم مقري عليه ادعية الشفاء …نهار على نهار بدات طالب بالماكلة كان نهار كبير فاش قالت ليه بغيت عصير الحامض جابو ليها محلي بالعسل الحر ولا عندها وجبة يومية وخا عمل بحت عليه وقالو ليه تيضعف القلب لكن داتها بغاتو ماقدرش يحرمها منو .كترو طلباتها مرة خرجني نجلس في التراب يخرجها هازها ويجلس هو ويجلسها في حجرو ورجليها في التراب هياكل عضمية لكن عاجبينها كل مرة تقول ليه صبغهم ليا في لون ولي شافتها حنين داراتها تشحف باها عليها.. مرة خليني في الشمس . الي جا يزورها يتاسف لي حالها هو عارف ان مرضها صعيب يمشي بلا دواء لكن مع امل كبير في الله ولا قدرة تعلو فوق قدرة الخالق….زارتها لالة خدوج وسليمة بعد جوج اسابيع وشافوها تبدلت وقالت ليه

_ وليدي دير في بالك الموت علينا حق مرتك شوفتها تبدلت ولاو بعاد وبدات تزاين وربي يعلم الواحد فاش تيبغي يموت تيرجع صحتو . خلاتو بلا نعاس ديك ليلة وكل ساع ينوض يقلبها ويرجع ينعس حت شاف في منامنة انه هجمو عليه اسراب كتيرة ديال الحمام بيض وجاو لعندها ونزلو عليها حت غطاوها جا تيجري وينش عليها فاش طارو مالقاهاش .. ناض مخلوع شاف فيها لقاها ناعسة ولكن بلا حركة حط ايدو على جبهتها لقاها باردة حركها تيعيط شهلة شهلة ماتكلمتش ليه ..ووهو ينوض شعل ضو ورجع وهو يتحلو عينيه وتصدم صدمة عمرو .

شعل ضواو ورجع وهو يتصدم بيها جالسة مربعة رجليها .تتحك في عينيها بايد وايد لخرى تتكسل بيها. ..من صدمتو بقا واقف بلا مايحرك رمش تبتت ايديها تتشوف فيه وهو مصدوم شكون هادي لي جالسة فوق السرير بهاد الشكل شهلة !! مستحيل هي ماتتقد تهز حت راسها من فوق المخدة واش ماتت ورحها جالسة فوقفها مدرقة وراها راسها ..تمشا بخطا تقال تيشوف من وراها جامد عرق بارد تيتصبب ليه مع جسمو ..دار على السرير من جيهتا تيشوف فيها ومنها لهيه وهي تستغرب من تصرفاتو ولتفتت بالزربة فين تيشوف ورجعت شافت فيه بخفة وجهو صفار وتقطع الدم منو يله قبل دقايق كانت جامدة وباردة .. بقا واقف تابت وعيونو بلا تعبير حت خلعها وهي تقول بصوت عادي مافيه حت تعب ولا خفقان قلب

_ هلعتيني بكر .. هزات ايدها تتلوح بيهم ليه وتقول: هييهو ..رمش اخيرا وسرط ريقو وقال

_ سبحان الله سبحان الله ولا حول ولا قوة الا بالله الله اكبر الله اكبر …ظحكات ليه بصورة جميلة حت اللتة لي كانت زرقة رجعت لونها طبيعي وحطت ايدها بخفة على فمها من بعد ماانتابهت انها جالسة ومربعة رجليها وبلا تتعب قالت

_ يارب يا الاهي … وبدات تشوف في جنابها وتحرك ايدها بشكل رياضي وتقلب فيهم وظحكات وقالت بدهشة واستغراب وفرحانة

_ بكر بكر انا انا تلفت ليها الهضرة وماعرفت ماتقول وهي تمد ايدها ليه تتحاول توقف على رجليها وقفت بالخف وشد فيها تيجري وهو مازال في حالة صدمة وقفها وهبطها الارض طلق منها وقفات تابتة خلاتو يصرخ بكلمة

_ يااللللللللللله ….عنقها ودار بيها وهي تتضحك في السماء ..حطها ومشا تيجري بعد عليها وقال

_ اجي لعندي.. ظحكتو عريضة ظاحك بجميع حواسو… مشات بشوية بشوية فرحانة قبل ماتوصل عندو رجع عندها مهرول وهزها تيدور بيها بتعنيقة وتيقبل في راسها وعنقها وخدودها مدورة عليه اديها من عنقو .وتشم في رحيتو .وتقلبو الظحكات الى بكاء الفرحة بجوج تيبكو حت تسمعت لتحت كانت هنية شافت منام انها تتغسل ليها في حمام ولبستها بينوار جديد طار عليها النعاس وخرجت جلست مع المعطي حدا الخصة مقابلين البالكو لي تيبان منو الضو تخلعو فاش سمعو بكر قال يالله وبداو يتعانقو ويبكو وكملت ليهم الباهية لكن رجعو سمعو ظحكات وتبعها بكا خلاهم بحال المجانين.. حت مابقا ل هنية صبر وبدات تغوت ليه تما فيقت لي ناعس وخرجو عندها وعلاو عينيهم تيسمعو نواح بكر وشهلة لكن بلا مايعرفو شنو كاين الحاج سخف ليهم وعواجو ايديه اليكسي تيشربوها الماء… هز راسو من على عنقها تيمسح في دموعها ودموعو رجع جلسها تيقلب فيها

_ بلاتي نشوف كانت ليك واحد الورمة هنا سبحان الله مشات اللهم لك لحمد … هز ليها ايدها تيقلب تحت باطها هرها وهي تبدى ظحك هي ظحك وهو يظحك بصوت مليء بالسعادة والفرح قال

_ بلاتي وحدة كانت ليك هنا ..طلع ليها كسوتها وهبط ليها سليب شوية تيقلب في واحد الولسيسة جنب منطقتها الحساسة ووهي تقول

_ فكرتيني . شافت فيه بمكر .. همو مع العقد والكتل لي كانت باينة وهي تتفكر لجيهة اخرة والظحكة مرسومة على عينيها ..فلاها وهو تيكبر ويسبح وناض تيجري سجد سجدة شكر…سمعت الهضرة خارج في الجردة ووقفت تمشات بشوية بلا طاقية غ بكسوية طبية عريضة في الغوز بارد تتبان بيضة وقفت طلت عليهم ..هزو عينهم فيها كانت اليكسي فاقت تتواسيها سميرة وهنية حت تيتكوانسو بلاصتها حت واحد مابقا قال كلمة مسعوقين مصدومين … لوحت ليهم بايدها وهو يسخف لي سخف وهرب لي هرب بقا غ الحاج في الارض واليكسي تيشوفو فيها ظحك باباها الي باغي يشوفها وخا شبح وخا روح . ..بزز على راسو الوقوف غادي وتيتخروع عينو عليها حت جا من وراها بكر وقال

_ كبرو الله وسبحوه هادي تبين ليلكم ان لا قوة الا بالله

مزال ماستوعبوش الامر عكسو هو لي حس بالدنيا كلها تحطت بين اديه ..شافت فيهم وهما حالين فاهم وقالت تتشير ليهم بايدها

_ بقاو تما سطوب لا حركة .. تتضحك .. هزها قدامهم وقال

_ هاحنا هابطين عندكم.. ..دخلها هزاها وهي معنقاه باديها بجوج راسها مخشي في عنقو .. حل الباب وهبط بيها ..لقاهم مصافين لتحت تيشوفو في الدروج ول هابطين معاه وقف وسطهم ونزلها وقفت على رجليها ..عنقتها مامها تتبكي والحاج حت هو دايرينها وسطهم هنية وسميرة تيتفتفو وحدة فمها وصل لودنها ولاخرى اديها تيترعدو وفي الباب واقف راجل سميرة والمعطي مابغاوش يدخلو لانه مزال ماطلع النهار ..وخا مشعولين الضواو كاملين لكن من نهار وقع لي وقع مع عبد الرحمن مابقاو دخلو لدارو وخا بقات خاوية شهور … مشا حداها دور ايدو على كتفها وجابها لعندو وقال

_ شنو خاصنا نقولو ؟ .

_ ماعرفتش؟

_ الحمد لله قولي الحمد لله..ابتاسمت وقالت

_ الحمد لله والشكر لي الله حل الحاج فمو تيشوف في اليكسي وقال وهو هاز اديه لسماء

_اللهم لك الحمد ولك الشكر وهبط ساجد وتيحمد الله ..دخلات اليكسي تتجري لصالة تبعت ليها شهلة العين حت لقاتها ساجدة حت هي شد فيها بكر وداها معاه لنفس الصالة وقال

_ سجدي اشهلة سجدي وقولي سبحان ربي الاعلى .. شد فيها وهبط معاها وهو شاد في ايدها حطات جبهتها على الارض معاه في نفس الوقت تيقول بصوت عالي

_ سبحان .. قالت من وراه

_ سبحان

_ ربي الاعلى

_ ربي الاعلى … شاف فيها ووهز راسو وهزو ليها حت هي وعنقها قدام الكل لي عند الباب تيشوفو فيها وفرحانين جاو جلسو معاهم وهما على الارض تكات عليه مدور ايدو من ورا ظهرها مربع رجليه جلس في جنبها الحاج على ركابيه في وضعية التشهد تيقلب في اديها وتيكبر ويسبح نفس الشي اليكسي في حين هنية وسميرة ملجمات غ تيشوفو بعينيهم مامصدقنيش حت قال بكر

_كنت تنقرا “”وَنُنَزِّلُ مِنَ القرآن مَا هُوَ شِفَآءٌ وَرَحْمَةٌ لِّلْمُؤْمِنِينَ . كنت نحط يقيني في الله ان شهلة غدا تبرا خاصها غ تامن بالله وكانت تتقلب على سبب يجعل ليها ربي فيه الشفاء بحال سيدنا ايوب ..قلت ليها الى امنتي بالله غادي تبراي على كاس ديال الماء نهار لاخر قالت ليا بغيت عصير الحامض تعجبت لانه هي ماتقدرش حت تشرب الماء عساك يهبط ليها الحامض ولكن قلت ربما سبب في شفاء ديالها بادن الله جبتو ليها شربتو دقة وحدة قلت صافي الانسان فاش تيبغي يموت تيدي في كرشو شنو تيعجبو لكن نهار على نهار تنشوفها تتزيد تبيغيه وهو ربي يلهمني باية قرانية “”ثم كلي من كل الثمرات فاسلكي سبل ربك ذللا ۚ يخرج من بطونها شراب مختلف ألوانه فيه شفاء للناس ۗ إن في ذلك لآية لقوم يتفكرون”” قلت الله منزل الشيفاء وماحددش نوع المرض ادن اي مرض ليه الشفاء بادن الله . وليت نحليه ليها الحامض بالعسل مع الدعاء ويقين ان الله ماقال هاد الاية الا راه صادق القول .. وهاهي قدامكم .الحمد لله جسمها غبرو منو دوك الطبايع وحت الغدد مابقاوش باس ليها راسها وكمل كلامو مع تنهيدة : كانت فيها عين خبيتة بزاف جامعة كوكب ديال الجن في داتها وهادشي كلو حيت كانت جاهلة وماتتقراش على راسها القران وماتتحصنش بالادعية وماتتصليش تسلطت عليها العين حرقات ليها الدم وتسببت ليها في السرطان وكانت غدا تقتلها لولا لطف ربي ورحمته معاها دورها عندو و في اديها بجوج عينيه في عينيها وقال

_ دابا نت تولدتي من جديد بصحة جديدة ودين جديد لي هو ديني ودين باك ومك ياك؟.حركت ليه راسها بالايجاب ..ظحك وباس ليها راسها وقال

_ قولي اشهد ان لاإلة الا الله واشهد ان محمد رسول الله….رددت كلامو بالحرف الواحد ..عنقها وعنقت باها ومها . .دوز اديو على راسها وقال

_ هاد الراس غادي ينبت من جديد شعرة شعرة . بغيتك فينما شفتيه تيكبر تقولي الحمد لله والشكر لله حركات ليه راسها بالايجاب بخفة ضربها لنيف وقال

_ واي حاجة مافهمتيهاش سوليني عليها لي سمعتيها ومدخلاتش ليك راسك سوليني عليها ماتخليهاش في قلبك وتمرضك اي حاجة. كيفما بغات تكون.. غمض عينيه من بعد ماحمارو ليه وكمل كلامو

_ كوني غ مسلمة وفينما قال ليك راسك عيشي عيشي . صافي حركات راسها بالايجاب ..وتكات عليه تتشوف فيهم بظحكة وقالت

_ لي عندو الشعر يخبيه ….تفكرات اليكسي انها بلا شال وناضت تتجري ..همس بكر في ودنها وقال

_ شهلة هي شهلة. تلفتت ليه وجا نيفها عند نيفو وقالت

_ اغار ..ظحكتو ..الحاج بوشتة طالق ودنيه مع ابتسامة عريضة باغي يسمع صوتها كتر وكتر انتابه ليه بكر وقال

_ غدا نمشو لسبيطار ونديرو ليها تحاليل باش نتاكدو ان المصيبة مشات بالمرة ولكان شي حاجة باقا نبالو بيها ياك ؟؟

_ ضروري اولدي .. وقف ووقفها معاه والكل ماساخيش بيها شاد في ايدها غادية جنبو غ بشوية هيكل عضمي وسط كسوة عريضة تبعو ليها العين كل من هنية وسميرة وتيتعجبو فتحت سميرة فمها وقالت

_ وزعمة غدا تبقا معاه؟ .حطات هنية ايدها على فمها وقالت

_ حت هو عارفها مزيان سمعتي اش قال ليها؟

_ الى مشات عليه هاد المرة ينتاحر مافيها شك .شافو في بهضياتهم وقالو

_ ولالة خدوج فاش غدا تسيق الخبار مرات ولدها صحت اش غدا دير؟ نطقت هنية وقالت

_ غدا تموت في بلاصتها

مابقا نعس حت واحد ..لبسوها حوايجها سروال توب رطب مع قميجة فوقهم لافيست رطبة على شكل منوطو هابطة حت ركبة في الباج الطقية في الغوز فوق رساها..ماماها تتلبس فيها وهي حاضية بكر لي تيخرج ويدخل كل مرة ناسي حاجة والشي بوشتة سبحان الله بنتو تتمرضو وبنتو تتداويه تقاد ليه طونسيو تقول هاد السيد ماكينة ماتعرفو صحيح ولا مريض قبل ساعة كانو اديه مكوانسين دابا تيقاد ليهت في تقاشر …وقف عليهم بكر في الباب وقال

_ مشينا؟؟… وقفت بشوية عليها وهو يجي لعندها وقال

_ مزال خاصك لوقت باش تعلمي المشية.. بان ليا ..ظاحك وناشط..هزها عنقتو وقالت

_ من الاحسن مانتعلمهاش ..تبعتها اليكسي .من بعد ماهزات وشاح بيض ديال شهلة والحاج هاز سبرديلتها في اديه….دازو من حدا هنيةوسميرة خطفت ليها هنية ايدها وباستها تقول بنتها ومشات معاهم بمشيتها العوجة حت ركبو في الطموبيل وزادو…

..شرقت عليهم الشمس قدام السبيطار….هبط بكر سلم على الحارس وقال ليه

_ واش ماعقلتيش عليا..جاوبو لاخر تيستحضر الداكرة وتيشوف الطموبيل شكون فيها حت شاف سي بوشتة وهز يقول

_ اااه نت هو لي درت فيه خير خرج ليا بومزوي… شد فيه بكر وجابو معاه لطموبيل .. حل واحد لبوات في طموبيل هز منو جوا عامر وحطو ليه في جيبو وقال

_ سمح ليا..مد ليه سي بوشتة ايدو وقال

_ سي العيدي شوف شكون لقدام..كانت ناعسة ومغطياها ماماها بشال .. قوس عينيه مامصدقش وقال

_ سبحان الله…مشا حل لليهم الباب باش يدخلو بطموبيلتهم… فيقت اليكسي شهلة غ شافت السبيطار وهي تجيها السخفة والفشلة وقالت

_ اووف حسيت براسي غدا نتقيا.. خرج بكر وهزها وقال

_ اجي لهنا ربيتي ماكد مية في الميا ولكن ضروري من للفحوصات عنقتو خاشية وجها في عنقو حت هرتو بحال المشة تتمشخشس فيه …كان سي بوشتة سبقهم لعند الطبيب لكن كان عندو خدمة كتيرة وبقاو تيتسناوه اكتر من ساعتين وهما جالسين حت داز من حداهم بطابليتو الببضة وصابو وسروال خضرين..كان ابو بكر تيهضر مع شهلة العين في العين منتابه ليها وهي تتقول ليه

_ ماعمرني نسى هاد المكان خاصة فاش كنت نحل عينيا وانا في الانعاش اوف كنت نحس براسي تنتحرق ناعسة على سرير من جمر …رد عليها بكر وهو ايديه شادين اديها

_الحمد لله على كل حال ..داز من حداهم ورجع بخطوات لور كانه لمح شخص تيعرفو دار ووقف عليهم عاد نتابهو هزو فيه عينيهم ظحكات شهلة وبغات تنوض شد فيها بكر وقالت

_ دكتوري عرفتيني…خرجو عينيه وسرط ريقو وقال بظحكة تتهز ليه صدرو وتشطح ليه كرشو ماد صبعو لعينيها وقال

_ خضرات العين ؟ متي وهربتي ليهم من الجنة ولا شنو؟؟ ظحكات وقالت

_ لا ماهربتش مزال في الجنة ..تساخر منها وقال

_ والله ماكرهت نعق المريضة ديالي ولكن خفت عليك اش هاد المفاجأة ..شاف في بكر وقال

_ فين تعالجت؟. رد عليه بكل امل

_ عند الله سبحان وتعالى الاهم بغينا نديرو ليها تحاليل وبعض الفحصات..تعجب الطبيب وقال

_ كيفاش تحاليل علاه ماكانتش في سبيطار.؟..حكا ليه بكر القصة وتعجب لامرهم وقال

_ راه قلتها ليها حنا غ سبب اما العلاج والشفاء بادن الله..

..دوزو في السبيطار نص نهار جميع تحاليل داروهم وتعاود حت الفحص الاشعاعي..فلاها الطبيب فلي وهو تيسبح الله ويحمدو وفي الاخير نصحها نصحية لي جاتها شوية صعيبة ولكن صحتها هي لولا.

_ ممنوع عليك المواد المصنعة وخا غ مسكة ماتحطيهاش في فمك لمرض تهز القلب رجع صح من لول ولكن خاصك شوية المناعة تبعي عصير الباربا وزيت العود حت هي شجرة مباركة والتمر والشريحة والشلاضة مشكلة مطيشة خص كروم سبانخ المهم الي ماكنتيش تتاكليه من قبل غادي تاكليه شفتي مؤكولات الي تتعحبنا تتقتلنا ياك؟؟..حركات ليه راسها بالايجاب كمل كلامو وقال

_ واهم حاجة غادا تجيك علی گانتك لكن الى درتيها في بلاصة بعيدة على الريزو غادا تكوني كملت الهرم الصحي ديالك وهي تمشي بالحفا فوق التراب ومرة مرة سجدي ديك خمس دقايق ولا تلاتة فوقو انا هاد شي تنصح بيه مرضاي لي تشفاو ليا نهار تنكتب ليهم ورقة الخروج تنعطيها ليهم مع قائمة فيها نصائح وارشادات نت كنت حالة خاصة ولكن ربي بغا ليك الشفاء و الفضل تيرجع ليه ولهاد السيد شاف في بكر وحط ايدو على خدو وقال

_ وانا تنقول علاش تتضل تعيط بكر . برافو عليك قليل الناس لي مزال متشبتين بكل ماهو طبعي وتيدير يقينو في الله تنحيك.. ..ظحكو جميع وخرجو بوجه فيه من الفرحة مايسع نصف الكرة الارضية ونصف الاخر خوف كبير هازو بكر… تساراو في المحلات ديال الحوايج خدات مقاسها في كلشي هي جالسة حدا بكر وباها ومها يجيبو ليها الحوايج ويوروها ….رجعو الفيرما مع ادان العشا …لقاو هنية وسميرة موجدة ليهم شنو طلب منهم وكانت اول مرة غدا تاكل معاهم شوية …بزز عليها بكر كبدة دياال الدجاج بالزبيب والزيت بلدية مع بصلة وقرفة عواد وعشبة الباديان او الينسون النجمي لي ماتتخطاش بكر في طعامو كشراب او كتوابل لكن بكمية قليلة

نهار على نهار بدات ترجع شهلة صحتها وعلاش لا وبكر داير ليها كيف العملة الدهبية.والقطعة النادرة .ماكلتها يوقف عليها هو باديه يصاوبها ليها بكل دقة بين صباعو تيحك خيزو او يقطع الباربة او يطيب ليها طاجين ديال دجاج البلدي او الحمام او السمان كل ماتييتسارا في الارض وياكل من حشاشها بدون اضافات اسطناعية تيعتابرها دواء وغداء طبیعي .. قاد ليها قائمة كل صباح يدوز صبعو تيقرا شنو يطيب ليها ليوم وشنو يعطيها خبز الدرة وجبة مع للفطور مع زيت البلدية وكاس اليمون والحامض مع الغدا قطعة صغيرة ديال لحم او حوت مع شلاضة في العشاء حساء ديال بلبولة بلدية ويحمر فيها عينيه حت تاكلها او تشربها وهي مرة ترجع الماكلة مرة تزم فمها عليها حت تسرطها خاصة عصير الجزر ماتتحملوش ولكن تاخدو وعينيها مغمضين … الحاج والیكسي شدو طيارة الحج ..فرحا بشفاء بنتهم ..

كل صباح يخرجها معاه مع الفجر .يصليه ويفيقها يهبطها الاسبطل مرة تكمل نعاسها فوق بالة ديال التبن او جالسة مقابلاه وهو تيدوش لخيل ويوكلو ويطلقهم يجرو ويتبعهم بشوية حت هو غ سمع الحفا مزيان ولا كيف فتى الادغال خلاتها هي داكشي لي كان ناقصك غ الحفا والعرا مرة ضربو بحجرة مرة عمر اديها بالتراب تنعقو بلعني وتهبطو ليه مع ظهرو..وتخليه يحيد حوايجو يمسح جسمو ولكان شي واحد يبقا يفيبري فيبلاصتو. . ..مرة من المرات مشات معاه مسافة طويلة وعيات …مشاو تحت وحد الشجرة ونعسو بجوج هو متكي على جدع ديال شجرة الكالبتوس وهي قدامو.موسدة ليه حجرو ..حت عمرو نمل وبخاخش عاد فاقو لقاو قريب ياادن المغرب ..رجع هازها في ظهرو .. قاجاه .فينما قالت ليه قبلني يرفض وتقجو حت يبدا يكح .وتنتف ليه في لحيتو وشعرو…..مشاكشة ..متمردة عنود . جامحة ..مهرة برية . داير ليها خاطرها فوق الحسبان …خدات بلاصة حنين وحليم وكريم .. فاي حب هدا ايعقل ان تكون حبيبته احب اليه من اولاده ونفسه؟..نعم انها شهلاؤ. الي غ سمع بمرضها هز قلبو وفؤادو ودموعو ماهنا ليه بال حت شاف عينيها تتلمع من جديد…. لكن داير في حسابو انها غادا طلب تمشي بحالها لبلادها او ترجع لعالمها .. هاد المرة غادي يخليها تمشي بلا شروط ربما غادي يودعها في المطار ولقررت ترجع ليه غادي تلقا غ بلاصتو . لاحظت ان في مداعبته ليها بحال مداعبتو لولادو مابقاش تيعاملها كحبيبتو او زوجتو كل ماحولات تعنقو بحب يعنقها بود ويختم العناق بدعاء الله يزيد في راحتك .. تيتجاهلها كامراة خايف من ميزاجها او وتتخرج ليه بشي قرار خايف من المجهول … ولكن لي ماعرفوش فهو مستحيل تبعد على من فداها بروحو ورجعها من الموت.. عشقتو عشق ابدي ولات تتشوف فيه الدنيا بملداتها ولات تشوف فيه المستقبل بمفاجاتو اعتابرتو خيط الروح لي تتيحيا بيه وتموت عليه..اول حب واخر كيف قالت لصديقتها وهي تتسولها على معجزة شفاءها فقالت ادا احبك شخص امن بحياتك قبل ماماتك وان حياتو معلقة بيك .قالت ليها بعد توسلات من ميس ان كانت تتشوف الامل في عيون بكر ودعاؤو لله..فكانت سببا اخرا في بحت ميس عن الاسلام اكتر وقررات تجي لعندها باش تشوفها وتلاقى بسيراج لي ولا صديق ليها.وربمى ابعد من دالك..

كل ليلة بعد مايعشيها ويوقف على حوايجها تبدل وتغسل وتخشى في بلاصتها يمشي يتوضى ويصلي ويختمها بالدعاء والرقية اديه فوق راسها ويتف عليهم ويمررهم من فوق راسها و اديها ويزيد يهبطهم ليها مع داتها فوق غطاها ..ويقبل راسها ويمشي ينعس في الجهة الاخرة وهو تيتمتم بالدكر كل ليلة نفس الروتين حت ولات هي تتجبدو بحركاتها..ولكن بدون جدوة جامد قاطع حبل شهوتو بالمرة تواق ليها وفي النفس الوقت..مزال مااكدش من رجوعها ليه وبالاحرى رجوعها ليه تيعتابرو معجزة بحال شفاءها ضامن التاني من الله وضامنش الاول لانه منها هي انسانة والانسان خطاء ولي خطا المرة لولا يديرها مرة وجوج وتلاتة خاصة انه هو ماعمرو خلاها وديما المشاكل منها.. شهلة بالنسبة ليه النسمة لي تتجي من الربيع لربيع تتبان بعطرها وجمالها كزهرة موسمية وتتختفي مع اول يوم من فصل الصيف .. حبو ليها ماكينش بحالو وخوفو منهاماعندو حد تيخاف منها كتر ماتيخاف من الزمان تيخاف تغدرو شهلة مامضموناش بالمرة ليوم معاك وغدا في جيهة اخرة هادشي لي تيعرف رغم انها تتبين ليه حبها الكبير بيه وجميع الدلائل تتقول انها تتبغيه لكن ماعرفش اشمن حب واش ولف بحال باها وخوها او رجل تيروي عطش جسدها ماعرفش حد لي قلبها معاه واش تقدر تسامح ليه الى وقع معاه نفس الشي او تجي تتجري لعندو وتبقا معاه كيف مابقا معاها …بكر الانسان لي بين الناس انه الى حب وعشق حب بصدق وعشق بوفاء وادا تهان فارق بلا عتب وبلا مبالات رجل خلا الكل يهضر بيه وبانسانيتو مراتو هربات عليه ومرمدد وجهو في الطراب ولكن نهار عرفها على فراش الموت مشا تيجري وجابها وبقا معاها واساها وحن عليها بقلبو وجوارحو …الكل حسدها على قلبو لكبير ليها وعلى حبو ليها..بكر ولا في المجامع بعنتر زمانو وفي وسط عائلتو بالرجل الشهم ماتيخاف لومة لائم ولا عتاب تيدير شنو تيملي عليه راسو وقلبو .. بالرغم ان تيبغي يكون وجهو نقي وراسو مرفوع قدام الخيالة والشيوخ ولكن فاش تتعلق الامر بشنو تيبغي بكر وشنو تيعجب بكر ماتيبقا مسوق لحت لواحد الى عندك مصلحة معاه قضيها ونت ساكت ماعندكش ماشي من حقك هو ماتيدخلش في حياتك وعاطيك كيلومترات ديال التيساع نفس الشي تيبغي منك .سمع مو وباه مارضينيش على رجوعها معاه من بعد مابرات حت انه جاو غ تاكدو ومشاو مابقاو طلو عليه عاتبهم في سرو ولكن مايلومهمش لانه عاشو معاناتو وخايفين عليه من لي جاي كيف ماهو خايف على راسو .وهاد المرة تيقول شنو غادي يرجعها ليا لمشات ؟..واش نرضى على نفسي نعيش لمرة الالف نفس المعانات…غمض عيينه وهو تيفكر شنو من بعد ؟ فين شهلة وسط حياة بكر وفين بكر وسط حب شهلة كل ليلة تيبقا يفكر حت تيادن الغجر وينوض يصلي ويفقيها لكن اليوم قرر انه يخليها تصرف كيف بغات واش غادي تهتم بماكلتها واش غاديى تلاحض الفرق شنو غادا تعمل الى عطاها بكر حرية تصرف لنهار واحد …نزل وصى عليها هنية وسميرة يحضوها ويراقبوها ولي بغاتها يعطوها ليها غادي يغيب عليها يومين حدرهم ماتغفلش عليهم باش يعطوه تقريى مغصل من اول مافاقت حت تنعس.

مشا لسواق من سوق لسوق سافر وقلب على النحاس في الجوطيات متلف الوقت وفي نفس الوقت تواق ليها ولي لهفتها في عينيها باغي يشوف شهلة وحدة اخرة تتقلب عليه ..ويرد النفس تيقلب على شي حاجة ترجعو ليها ولقيودو معاها بلا مايفكر انه لعاتبها او منع عليها شي حاجة تلعب من وراه او تمرض وتمرضو .او تغبر عليه تيفكر يخليها معاه حيت هي باغيا تبقى ولكن ماشي زوج تيقوم بدورو كوزج لا بل كحبيب خفي يروي شغفو بيها من ورا للسيتار حت تاخد قرار او يبان عيبها من جديد ..تايه وسط الناس وعقلو مع شهلة لي تيعرفو يعيط بسميتو ويسلم عليه لكن متلف سمياتهم سي فلان يردو فرتلان وسي عزوز يردو سي قدور ..باينة عليه التيه والهديان وهو لي تيحسب الملاين مرة وحدة ويمد لشاري ولا لبايع فلوسو بلا مايعاود يتاكد اليوم عشرة دارهم تلفات ليه بين الحساب .في واحد قنديل ديال النحاس قاليه موالاه مية درهم عطاهم عشرة دراهم وقاليه الله يربح خلا الاخر غ تيشوف

_ااوه هدا هو المقدم الفلان الفلاني وسبحان الله في تسعين درهم المعلم وراك ديلانا … صدق عطاه ميتين وزايد مع الطريق .

فاقت من النعاس بعد ساعتين على مغادرتو تعحبت في بلاصتو خاوية … هزات طاقية دارتها على راسها وخا تغطى بالشعر ولكن ولفاتها ..غسلات وجها تتقيس فيه وتقلب في اديها كيف تيدير هو كل نهار يقلبها واش هي هي ولا بانت فيها شي حاجة … نزلات بشوية عليها شادة في الحيط لقات ولادها تيفطرو مع هنية فرارج فطورهم قبل طلوع الشمس جلست وشارت ليهم يجيو كيف تيدير بكر مدت ليهم ايدها باسوها وباستهم وقالت

_ شكون انا؟؟ ..قالو بتلاتة

_ ماماتنا .. ظحكت ليهم وقالت

_ مامتنا الزوينة نسيتو الزوينة .

_ ماماتنا الزوينة.

_ برافو بطاريقي .. فين فتى الادغال ؟ .نطقت حنين لانه سمعتها مرة تتعيط عليه بفتى الادغال وتلفت ليها ظاحك :

_ تتهضري على باباتنا؟..حركت ليها راسها بالايجاب

_ ماسناهس انا ماسفتوس ..شارت لكريم بصبعها :وكريم ماسافوس ..وشارت لحليم بصبعها : وحليم ماسافوس .. شافت فيهم وهما هضرتهم قليلة ومعكلة بحال باهم غ تيشوفو ويسكتو. .وقالت

_ نتوما بجوج خاصكم تمشو معاه فينما مشا باش تعطوني تقرير عليه هادشي ناقشوه من بعد ونت ازوينة ديالي تنغير منك ..اجي لعندي

_ علاش باباك تيقول ليك الزوينة الفنكوشة ديالي وانا لا؟ انا راه مامتكم خاصكم تقولو ليه بوس ماما وعنق ماما صافي ؟ ..حركات ليها حنين راسها بلايجاب وقالت ليها

_ ماما ..ردت عليها شهلة بحب

_ يس بيبي وهي تمد ليها حنين فمها وقالت

_ هانبوس. باستها شهلة بوسة حارة وعيطت على وزارة المراقبة وقالت ليهم

_ كل ماشفتوني تنضور قول ليا هانبوس بحال حنين ايتس اووكي ؟.. يله اجيو بوسو ماماكم .باسها حليم وكريم حط راسو على صدرها عنقتو وقالت

_ اوووو شحال ريحتكم زوينة .حضاتها هنية تتقيد في راسها حت انتابهت ليها شهلة وقالت

_ فطوري اهوني دابا يجي الزوج يهيه عليا ..جابت ليها هنية الفطور كلاتو مسبقة طمرة وجغمة الماء مع بسم الله فطرات وقالت لهنية

_ واش مابقيتش سكوليت بان فيا شوية ديال اللحم ؟ ظحكات هنية وقالت

_ بانو فيك ودرتي خدود ماشاء الله عليك وبالسيف راك مرات المقدم بو بكر علفو منقي ووافي ..شارت ليها تجي حداها وهمست ليها

_ بكر شفتو بارد معايا ؟ شنو زعمة مابقيتش عجبتو حيت وليت هكا ؟ جاوبتها التانية بصدق وقالت ليها

_يمكن وماعرفتش عاوتاني سكتت لحضة وكملت كلامها_هو في الحقيقة راه كنتي وليتي تخلعي ياربي السلامة كاع داك الزين لي كان فيك داب حطت شهلة صبعها على فمها وقالت

_ شوش اهوني غدا تازميني باركة عليا غ هو لي تنفكر فيه بزاف وخفت يكون مابقاش تيحمل جسدي حيت شافو كيف كان ومزال مخيلتو وداكرتو محتافضة بالصورة البشعة .. شدات فيها هنية وقالت

_ اهم حاجة انك بديتي تصحي ليه وتقادي ليوم نطيب ليك الغدا الحوت في الطجين وللعدس مع شلاضة دياال الخصرة باش ملي يجي لقا عندك السوفل غادي يكون داير في بالو حت تخرج ليه عين المخيط عاد يقرب ليك

._ مافهمتش ولكن بغيت ناخد حمام ساخن ..جات في بالها فكرة وقالت

_ هوني خاص بكوري مايبقاش يشوفني في الحمام ومايبقاش يعاوني نلبس غادي نغطي عليه جسمي بالكامل حت يتفاجأ ولا ماتفاجأش ومانعسش معايا غادي نعطيه حريتو لانه بكر رجع ليا حيت كنت مريضة وكنت غدا نموت ولكن فاش مامتش ربما مزال في قلبو حرقة حيت عملت الحفل هوني انا دخت اهوني دخت وماتيعجبنيش نفكر بزاف .ردت عليها هنية وقالت

_ ماديري في بالك والو هو باغيك من قلبو وانا والمعطي لي حضرنا ليه كيف تيولي فاش تتمشي عليه اشهلة راه نعاود ليك من هنا حت لغدا ومانكملش ليك .ظحكت شهلة وقالت

_ هوني بليز قولي ليا بكر تيبغيني؟..علات زاوية فمها وقالت

_ معلوم تيبغيك هادشي كلو لي دار على قبلك وماتيبغيكش العجب لي نوصيك عليه هو تهلاي فيه غ بداكشي وماتمشي عليه فين صافي هنا حياتك معاه ومع ولادك سمعتي راه والله ابنتي ماتلقاي بحالو وخا تهبشي الارض وتحرتي السما مو لي هي مو ماولدتش خوه ..الى قال ليك راسك شي حاجة عرفي غ الشيطان وشي عين شافت فيك حيت نت ديتي سيد الرجال

يتبع