الفصل 5

مد ايدو بين عينيه غمضهم بضيق وعصبية وكره وحقد . مابغيش يشوفها تدور حداه وكل الافكار الخايبة لي تكونت عليها تتهيج حقدو الدفين وغطات على كاع الاحاسيس لي عاشهم معاها من قبل …الي تيحس بيه حاليا هو التقزز من وجودها ..كا ماشافها وجات عينو في عينها تيتفكر المشهد الفاضح لي دارتو مع ولد خالتها …لدرجة تيحس بعضامو تيضروه من كترة البغض والكره….ساط الريح من صدرو سخون تيحس بالتقية في معدتو الى ماناضش قتلها ماغيديش تبرد حرقتو ولي زاد الطين بلة هو تصرفها الحالي . شهلة القديمة لي عرفها بشغبها وشغفها نفس النظرة ونفس الظحكة ونفس الصوت ونفس الحركة..كل هاد اللامور تتخليه يزيد يحقد ويكره حت حاجة ماتبدلت فيها ولا همها شنو طرا ولا همها العام لي عاشتو بعيدة على ولادها فين اشتياقها ليهم وفين لهفتها عليهم…واش هاد البنت مغداش تكبر واش هاد البنت مغاداش دير عقلها…ادن شنو كانت تتدير في السويد معامن مشات وشحال من واحد نعست معاه وشحال من واحد باسها وباستو ….ماحسش بيها حت وقفت عليه تسلت كيف القطة بقات حاضياه حت حل عينيه فيها وهي على راسو بكسوة ديال النعاس حد الركبة بالفرافر مت عند الكتاف مجموعة بلاستيكات تيتيرو الى بغات تهبطهم كيف العادة كسوة ماهي ديال شتا ماديال البرد ..لابساها ملابس داخيلة ..وقفات عليه بحال قباض الرواح خلاتو ينوض بالزربة حت طاحو الدراري من عليه خزز سنيه ورجع تيقادهم وهي بسرعة البرق هبطت ايدها تحت راس كريم كان غادي يجي الارض وقالت

_ بشوي بشوي عليهم… لاح ليها ايدها من عليه وشدو من عندها وبهمس قال

_ غادي تحطي ايدك المسخين عليهم غادي نقطعها ليك… بسط شافيفها وهبطت قدنها… خلاتو حت هز حنين معنقها باش يطلعها تنعس وهي تمد اديها لوجهو هو وشدات ليه في خدودو وكرزتهم وهربت قبل مايركلها برجلو …مشات لباب وخرجت ليه لسانها… وتخبات عليه ..خرج ببنتو هازها وراسو تيدور يقلب عليها بتغزاز طلع حطها في بلاصتها ورجع هز للخرين حت هما ومشا لبيتو . تيسب عروقها وعروق الحاج ..بدل حوايجو وخدا دوش سخون بخار الماء السخون ضبب الزاجة ديال الدوش …رغوة شعرو وطلق الرشاشة وهي مقابلاه من ورا الزاجة مابينش ليها معالمو بوضوح لكن جسمو باين.. رسمت ليه قلب وخرجت ..غسل شعرو وتشلل باغي يهز اللفوطة حت بان ليه القلب مزال جديد وساير يضبب حت هو بجهد حل الزاجة وطل براسو وهو تيلوي عليه الفوطة بحشمة… دور راسو في البيت كامل ماكيناش مشا سورت الباب ورجع تيلبس حوايجو .. تيشورط في البيض بالسماطي وسروال سيرفيت في الكحل …..هاز فوطة تينشف في شعرو وكلمات السب والشتم على فمو مشا لمرايا تيشوف في الضربة ..وهو يبان ليه خيلاها في ارض ديال الباكو…مشا يتسلت مع هي بغات دخل وهو قفزها وجود واقف ليهعا حسكة ورجعت لور هربانة …الشتا برة تتطيح .مابغاش يخرج باش مايضربوش البرد وقال

_ اجي جابك الله ..حركات ليه راسها بلا ورجعات لور…: غادي نسروت البالكو وتما بقيتي هزات كتافها… وهو يسدو عليها …ومشا جلس على طرف النموسية حت جاها البرد والرعد تيضرب والبرق خلق ليها جو الرعب وهي تجي دق بشوية..خلاها دق حت عيات وبدات تعيعط

_ بكر وحل الباب ….خلاها لساعة خرى وصلات التنعاش دليل وهي تقول

_ وحل راه هاد الوقت تيخرجو الاشباح عفاااااك .. حلف هو ل حل عليها حت بردت نيت وكلاتها في عضامها والشتاء مجهدة تتضرب في الحيط القصير ديال الباركو وتيطير حت لعندها وخا السقفية كبيرة لكن الباركو بوجهتين خلا الكولوندير قوي .. دخل لمانطتو وخلاها ترعد تما حت قرب يادن الفجر …مزال ليه ساعة ويقول الله اكبر..تقطع حسها . لاح المانطة عليه ومشا لبس تريكو ومونطو وتقاشر وسباط گاط كحل دار الطاقية على راسو هبطها على ودنيه.. ومشا حل عليها.. مسمرة مع القنت تترعد بالبرد وسنيها تيتقرقبو ..جرها من ايدها وراه وخرجها

_ اجي معايا لواحد البلاصة غادي نتافهمو انا وياك فيها مزيان .کان غادي بيها لطموبيل وهو يتكفر غادي يسمعو الحاج قلب الدورة . .الدنيا ساقلة شادها من مرفقها ..حل الباب ديال الكوزينة التاني وخرج الاسطبل.. لاح على عودو الدهم سرج خفيف ديال الجلد مقطن من لتحت عقدو بزعاف وهي وراه تتقفق .بالبرد..عينيه تيتحلفو عليها هزها كي الريشة حطها على العود وتلاح وراها شدها من كرشها قاطع فيها الروح …دور لجام حت حل العود فمو ودور راسو بالخف ..دار جوج دورات عاد شد طريق الباب ..خرج تيجري بيها والشتا فوقهم خيط من السما ماهموش واش غدا تمرض ولا تموت ولا طيح هو وياها الى تعكل العود مع شي ضاية ولازلق بيه العيص الدنيا مروية مزيان تيحط العود رجلو خت تتغبر ..وزاد بيها من طريق الجنان حت واحد ماتيبان ليها غ كلامها لي مسموع فقط وصدرو لي تيطلع بكره وينزل بجهالة

_ فين هانشيو ؟؟.جاوبني ؟؟ …طاير بها القفص لي بنا ليها وهي كل مرة تبغي طيح ليه ويشدها من كرشها مزير عليها حت خلا ليها صباعو مطارسين في قلب كرشها .. . وصلو وهما كي الززابي ديال دار الدباغة خيط صحيح مابقاش ناشف العساس تخلع وطلق كلابو يتنابحو على رجلين العود عرفوه داكشي علاش ماعضوس العود لكن وجودو في الضلام والشتا تطيح خلق رعب عند الحارس .. حت نطق بكر وقال

_ حل الباب ابا العياشي.. حل ليه الباب وخرج زاد بيها حت لباب ديال الدويرة … هبط هو لول وكيف طلعها هبطها …جبد الساروت حل الباب ولاحها لداخل صرفق لانكاصة على ايدو ليمنة حت شافت وجهو صحيح وقال:

_ هادي هي خربتك هنا غادا تبقاي

قال كلمتو وهي تحل عينيها فيه كتر ودورتهم في المكان كان بارد بزاف وصغير بزاف والما هابط باين مع الحيط حت لتحت لانه ماضوبلش ليه المرطوب وماصبغش مخليه بلون السيما وارملة فقط… والبولة الفوق ضاربها الما تترمش .. بيت كئيب وحزين ….جوج فوتيات وسطو وجوج بيبان واحد لبيت نعاس ولاخر لطواليت ..رجعت شافت فيه والظحكة على سنينها كسوتها لصقت عليها ملابسها الداخلية باينين شعرها الفازك هابط ليها على وجها والما مع عنقها تيبان ودرعانها . وباستفهام قالت

_ واش انا كلب ؟…شاف فيها بعيون مغورة ديال الغدر وفعلا جاتو فكرة انه يقتلها ويحفر في قبر في هاد البيت ويدفنها … رجعت ظحكتها بالعرض البيطء من الخوف لي انتابها من شوفاتو ووقفت بعدت منو وقالت

_ عينك فيهم الشر… رجعت لور وهو مقرب ليها تتلفت وراها ماكاين فين تهرب مد ايدو وهي تقفز وجات طايحة على الفوتاي وبدات تكاحز فوقو حت جات واقفة برجل بغات تعتادل في وقفتها وجات طايحةوهو يهزها من عنقها وخبطهاا مع الفوتاي حت تخضت كلها وطلعت كسوتها لسما …ركبتو فوق طرف من الفوتاي واديه بجوج على عنقها وكلمة غريبة على فمو تترد بلا شعور وبلا ملامح ..

_شحال من واحد نعستي معاه؟؟ بخوف تتدور راسها ليه…بلا

_ شحال باسك من واحد؟؟….

_ حت واحد ..

_ ماميمكنش؟؟..دوخها بتمرميقة بظهر ايدو ..حت بداو يبانو ليها حيوط البيت على شكل وراق ديال رواية لاتينية تيقلبها البرد ومعاهم وجهو وعيونو فيها جلاد …..هز صبعو بين حجبانو وعينيه مغمضين

_ الى ماقنعتنيش بانك عمر شي واحد ماقاسك غدا نقتلك اشلهة…صدرو حامي ومخنوق وتيهضر بزز ماعرفش علاش حت جبد معاها هاد الكلام… تحت منو تترعد بخوف سوتيناتها بانو من تحت الكسوة لي فزكت وللات شفافة .صدرها تيتهز .. بخوف قالت

_ ماعنديش باش نقنعك ..

_ ادن نعستي مع الرجا…زادها تصرفيقة لحنك لاخر حت سال الدم من شفتها السفلى ..اليوم لمابردتش هاد الحرقة لي في قلبي من نهار باسك هادك خينة غدي نقتلك وقفها لعندو وهي شادة في ايديه بجوج وعيونها تيتوسلو ليه ودموع بحال الشتا هابطين ..ماحسوش بجوج ببحوايجهم لي فازكنين عليهم قد ماحسين بنار وسط المكان شهلة بخوف وبكر بكره وراسو تيقنعو ان كلامها مستحيل يتصدق وهي بهاد الجرأة تبقا بلا راجل وبهاد الجسم الفتان الفايض بالانوتة والايتارة…. لاحها وراه مبعد عيينه عليها لكن سرعان مارجع هزها من الارض وكالاها مع الحيط ..كان حرش حسيت بيه هرد ليها مرافقها ..راسو تيترعد بالعصاب من كترة ماسنيه كارزين على بعضياتهم

_: جاوبيييييي…. هضري ضرب ايدو مبسطة مع الحيط حت قفزت

_ سولتك جاوبي ..خفظ صوتو تيخرج الكلام بزز مخنوق خايف من كلامها وفي نفس الوقت باغي يعرف

جاوبي .. غ لا لي فكلامها والريوق هابطين ليها مع شفايفها جامعة رجليها ..

_ تنحس بغيت ندير بيبي .طلق منها ..مشات لطوايت كان باين بابو محلول ..دخلت وسدت عليها ..كلست فوق الكرسي حاطة ايدها على فمها. تتقلب منين تهرب سرجم واحد لي كاين وصغير لفوق عند سقف …طولت فيها حت قفزها بضربة على الباب وناضت وقفت .وقالت

_ بعد مني

_خرجي

_ لا سير بعد مني شرير تتضربني شنو درت ليك ؟؟ علاش تتضربني نت كنت مجرد صديق ماشغلكش فيا نت وبابا بغيتو تقتلوني ..

_ اااه انا بعد غادي نقتلك

_ سير قتل راسك هو لول ….ضرب الباب برجلو..مرة لولا والتانية والتالة خلات ليه رجليه في الهوى حلات الباب وتساخرت لور ..بنفس العيون شاف فيها وحرك ليها راسو تخرج ..حركت ليه ايدها يكحاز بقا واقف ..تشجعت وخرجت بكل تقة في النفس تتهز في كتافها وفي نفس الوقت خايفة غ فاتت الباب مشات تتجري بغات دخل البيت النعاس وهو يشدها من شعرها ولاحها فوق الفوتاي جلست جامعة راسها ركابيها عند صدرها..مشا تقابل معها متكي على حيط اديه وراه وقال

_ اري ماعندك ولادك ماغاداش تشوفيه بالمرة..هزات فيه عينيها بدون تعبير

_ علاش؟؟

_ حينت نت مامزيناش .. ردت ليه الكلمة

_ نت لي مازيانش ..

_ غادي نضربك وتتقلبي عليا وجيتي تنقصي عمرك على اديا

_ حت نت غادي تموت معايا.. ..جايها بكل برود وهي تتزيد تكرز على راسها باديها مدرعة جسمها من الخوف … تكا على رجل جلس نص جلسة ايدو تتعرد وقال

_ مبقايتش غادي نضربك ولا نخلعك نت قلتي ليا انا صديق ياك؟؟..حركات ليه راسها بالايجاب

_ مزيان ادن نرجعو الصداقة وخليني صديقك وقولي ليا نعستي مع شي واحد من بعدي ؟؟؟

_ لا

_ تتكدبي ؟؟

_ لا ابدا ولا حت قبلت بعدك شي واحد … ضرب ايدو مع الفوتاي بالجهد وغوتة

_ وبراون !!!!!!! ادن تتكدبي تتكدبي تتكدبي

_ لا براون مابستوش انا هو لي باسني ومانتبهتش ليها بالمرة وماحسيتش بيها شفتو وانا في حزني اناداك وفي تعساتي حسيتو عزايا ومنقدي لي جا من داك لمكان البعيد…عنقتو كاخ او اب فقط لانه في فترتها كنت نت حبيبي وكنت رجلي ولي تنحسو معاك نت ماتنحسوش مع حت واحد وحت العناق لي حصل بيني وبين براون كان متل عناق لماما وجداتي لويز وصديقتي روز ..تتهضر معاه وهز عينيه تيفلو عينيها وتيدرو كمجنون مسني جرعة دوا … زاح وجهو من عليها فاش سكت وقال

_ وفاش مشيتي لبلادك ..كان شي واحد ؟؟

_ لا كانت محاولة..تلفت ليها بالزربة وهي تفك ايديها ملقياهم ليه وتتهضر بسرعة: سمع سمع ….كان كااان ..بسط فمو بغيض بانت على عينيه : كان مدرب ديالي باغي يحظني تتحرك صبعها تبسطو وتكمشو : حضني مجرد حظن لانو كنت مخاصمة مع ماما وكنت كنبكي .قالت ليا انا شريرة واني تخليت على ولادي واني غدا نعيش بوحدي ونموت بوحدي كلامها جرحني وشبهتني لخالتي لي مانبغيش نكون نشبه ليها حت في تسريحة شعرها .. ضرتني في قلبي وخرجت من النادي ومارجعتش لدار ماعرفتش فين مشيت وحت هو ماعرفتش كيفاش لقاني لاني كنت ضايعة بوحدي حزينة .. لقيتو واقف قدامي تيهضر معايا وتيهدن فيا لاني كنت غاديا وسط الشارع وبلا هدف…حاول يحظني لانه شافني تنبكي بحرقة ولكن بعدت منو فاش حط ايدو هنا ..حطت ايدها على عنقها .. كان تيحاول يحيد ليا شالي على رقبتي ..ضربتو لايدو وقاديت شالي وقلت ليه وصلني لدارنا ولا نزل نمشي بوحدي….صافي كان محترم وصلني لدار ودخلت مابقيتش خرجت من بيتي حت حليت عيني في السبيطار.. لا لا هداك دخلت البيتي وانا تنتفكر كلام طبيبي نفسي باش نرتاح خاصني نتفكر شي حاجة زوينة دازت في حياتي بقايت تنتقلب في فراشي حت حضرتي في بالي نت وحسيت باحساس الحنين والشوق ليك هزيت تلفوني عيطت ليك .قوس عينيه فيها وقال

_ كنت سكرانة ؟؟؟ .ظحكات برنة وقالت

_ لا

_ ادن كدبتي ديك المرة وحت هاد السيناريو فيه الكدوب ..

_ لا ماكدبتش قلت ليك اه فاش سولتيني واش سكرانة لانه كنت فعلا سكرانة باحساس الرغبة الجنسية …خرج فيها عينيه وميل خدو طلعو وهو تيترعد

طالت شوفتو ليها رجعت شعرها جنب .. تسمعت رعدة قوية وهي دور عينيها في السقف …دخل ضو ديال البرق من شق ديال الباب لفوق وهي تقول

_ تنحس براسي في قصة بائعة الكبريت. مع ظحكة جدابة بسنيها الي تيكون شادين في يعضياتهم لبغات ظحك .. وقف على رجليه ..تيدعك في وجهو وفي عينيه … جلستها بسليب غوز مشبك في جناب خلاه يحيك قصة اخرى في بالو تتضرب ليه في راسو بحال مسمار جحا ..دار مشا جلس مقرفص حدا الباب ..بدات الشتا ديال الرعدة تجهد والتبروري تيدق في الباب وفي السرجم ديال البيت طالبين ضيف الله ..غطا صوت الرعد والامطار على صوت زفيرو وقال

_ فين كنتو ساكين نت وماماك؟؟ في دار جداك مع ولد خالتك.؟…قالت تتفوه

_ لا .يله نمشو بغيت نعس وفيا البرد…شار ليها البيت ووقف حل الباب تبعتو تتجري وهو يسد عليها على وجها . ضربت باديها بجوج تتغوت

_ لا لا تنخاف لا لا رجع تيخلعني هاد الجو ابكر ….ركب على عودو لي كان مدرق على ااشتاء بالحيط من الجهة التانية.. دار العود جوج دورات وتبع الطريق تيجري…كان نهار طلع لكن السما مغيمة درقت الشمس وخلات النهار ليل عيطت بكر . حمار كلب صديق ..رجعت جلست في بلاصتها حت بدات تكمع .سندت راسها لحاشية ديال الفوتاي ونعست اديها وسط رجليها.. برودة المكان خلاتها تكور في نعاسها…..تسمع صهيل خيلو في الاسطبل واحد ورى واحد ..طل ابرايهم والمعطي .من واحد لبيت ديال اصالة شافو بكر تابع الدهم كي فروج فبراير صابة عليه الشتا … شافهم لاح ايدو ليهم وخرج طلع لبيتو ..حس بعضامو فيهم القريس والعضان وتغزاز .. بدل عليه حوايجو ..ونعس في فراشو جر عليه المانطة وغمض عينيه باغي غ يسخن وينوض يرجع عندها..ساع نعس مابقا فاق ولا سمع الي دق عليه حت داز النهار ومابنت شهلة لباها لي نعس براحة واطمئنينة ماجاب خبار لبنتو راها غابرة حت ادن الظهر وهو يبدا يسول فين فلانة جاوباتو سميرة

_ شفتها طالعة لجيهة ديال المقدم مع ديك الحداعش كونت بغيت نشوف الدراري واش في بلايصهم واش مغطين ولا عريانين حت دازت عليا غاديا لجيهتو واش دخلت عندو ولا في البيت لي منو للهيه ماعرفتش…طلع الحاج تيقلب البيوتة بيبت ب بيت ويجي حت لبيت بكر ويرجع لور…هبط سول عليه جوابهم غابر ومامولفاش ليه..وهو جامع النسا وتيسول بلا حشمة وبلا حية واش ناعسة معاه بغيت غ نعرف حت تسمعت الهضرة برة بصوت عالي من جد هناء وباها ومها وهي معاهم وحت الالة خدوج نازلين بظحك وتقشاب من طموبيلة ديال الحاج عيسى غ شافهم الحاج تحلو عينيه ووساع صدرو وبدا قلبو يفرفر ويشطح ياليل ياعين… باغي يشوف ردة فعل الحاج عيسى لي هضر في بنتو ولكن مابغاش يشوفوها في لباس فاضح عارف بنتو والعرا خوت… حرك ايدو لنسا لي كانو ضايرين بيه وحط صبعو على فمو زعمة ضربو الطم…..تلفت ليهم مرحب باديه بجوج لصديقو لجديد ولاخر ولا تيهضر ويقيس معاه مد ايدو سلم على الرجال وقال لنسا

_ دخلو مرحبا بيكم … اوى علاش مايرحبش هو بالضياف الدار دار بنتو ولادها وتادها صحاح تلات روس تيقولو ماما هي شهلة شار ليهم يدخلو الصالة وهو لي ختارها . بعدهم على وسط الدار ..داهم لصالة تالتة لي جات في كولوار صغير وعريض مع دروج تلاتة منها لجردة ..وفيها باب تيتحل على جوج ديال الزاج والاليمنيوم وتتهبط مع دريجات اخرين لبغيتي تمشي الجردة او تحرك ورا الدار …بقاو غ تيشفو في بعضياتهم وتابعينو …تبعتو اليكسي والحاجة خدوج بغات تاكل جنابها… تبتهم بالجلسة يرحب ويعاود خلا معاهم اليكسي ومشا زربان ..طلع . دق عليه ماجاوبو حد وهو يزعم وحل الباب .حت تيتصدم ب بكر بوحدو …مشا حيد عليه الغطا على راسو كان تيقطر بالعرق .حل عينيه فيه ولاخر ماعطلوش

_ بنتي باتت معاك فين صابحة؟؟؟ رد بصعوبة والعطسة والكحة شدات فيه

_ شحال في الساعة؟

_ العصر وطاسيلتك برة هوما ونسابك افين بنتي؟..

جلس راسو تقيل عليه وقال

_ خبيتها

_ شنوووووو ؟؟

لاح المانطة تيلبس في بانطوفة جا ينوض وهو يجي جالس شداتو الحمى…

_ ت فين بنتي راه غاي نرونها معاك؟؟

_ نت لبارح خويتي الدار باش نتافهمو على خاطرنا حت انا خبيتها حت نتافهم معاها على خاطري .. ناض لبس عليه تيركو دياا الخيط بصدايف كبار طاقية فوق راسو زادو مونطو جلدي حت ركبة وقال سبقني لبيتك جبد ليها ماتلبس وخليهم عندك هاني هابط … خرج الحاج ولاخر كمل لاباسو ..وتسلت على ضيافو…دار مع الدورة هز مونطو وسروال وسبادرية وتيركو مشا الكوزينة وصاهم حت واحد ماتفلت ليه كلمة هز اليمون والحامض وخرج..ركب في طموببلتو وزاد وصل عند العساس وقال..

_ لي خرج مع هاد االباب تبعو فين غادي حت يشد طريق المدينة ولي دار مع هاد الحيط طلق عليه الكلاب .

_ ولا عاليك.. .وصل الدار وحل بالساروت كيف خلاها كيف بقات .من خودها الحمرين ووجها لي مزنك والريق لي هابط مع شفايفها عرفها طالعة ليها السخانة كتر منو.. حركها ماناضش ليه لاوية عنقها .. هز تلفونو عيط لمعطي يجيب ليه جوج مانط وتجي معاه هنية ومولينكس وقرعة ديال العسل الحر …جلس تينهج مقابل معاها وهي تتقلب بالسخانة ..كسوتها طالعة لصدرها وشعرها نشف مغطي ليها وجها .رجل في الشرق ورجل في الغرب عامرين طراب ديال هاد القفص ومرة مرة تهدي بكلمة

_ هيوان. همار. همار هيوان

طلعاتو السخانة…جاه البرد تكمش فوق الفوتاي لي مقابل معاها تيحس بالرعدة خاشي اديه في جيابو…طاقيتو هابطة على راسو حت مخلية غ عينيه باينين ..الكول ديال المونطو مدرق ليه فمو….عروق عينيه حمرين ومعسلين بالسخانة . كلاها معاها …تيغمضهم ويرجع يحلهم …وهي تتقلب وفي فمها : هيوان .. هيوان.. هنزير ..بكر ..سمع سميتو كان تيتغمضو ليه عينيه رجع حلهم فيها وهي تتهتهت بالسخانة وتنين : هيوان بري وهش وهاد الهمار ماكينش بهالك الهمار… طلع عينيه الناعسين مع رجليها حت وصلهم لكرشها وتبتهم على شنو عندها في كرشها..حل عينيه مزيان تيحلهم بزز ..الندوب والعيوب ديال الحمالة رجعتهم اشجار فوقها عصافير ..شي طاير وشي على الاغصان . وقف ومشا وقف عليها تيتفحص كرشها بعينيه عاد انتاابه لوشامات لي دايرين بتحت سرتها… كانو جوج شجرات شادين من جناب خصرها ومايلين لعند السرة ديالها باغصان وارواق والطيور شي طالق جناوحو شي واقف على رجل شي تيحك بمنقارو تحت جناحو شي تيوكل في فريخات..بقا تيتفحص الوشام حت جات عينو على عش فيه تلات بيضات مشقوقين طالعين منهم روس ديال تلات طويرات صغار مادين فمهم لطائر كبر منهم الظاهر اب ديالهم في منقارو دودوة ملونة … وتحت هداك العش غصن ملوي عليه حنش راسو تيشوف في العش… كمش حجبانو من اللوحة في لول عجبتو غادي مسرح عينيه حت يصادف الحنش رجعو لواقعو ومابقا حمل لا لوشام لالوحة .جر عليها كسوتها هبطها عليها عند ركابيها مع سمع خطوات قاصحين ديال المعطي وهنية …جاين مدابزين..وقف مدرقها بضهرو وقال بصوت مبحوح مريض.

_ لمطي داك الفراش .دخلت لمطتو بقا المعطي برا وخا الشتاء تتطيح عليه … لمطتو وخرجت.: فيقيها شوفي لبغات توقف ..تكات عليها تتفيق فيها غ حلات عينيها شفات هنية وقالت:

_ هوني مدات اديها عنقتها ولاخرى شافت في بكر ورجعت ليها العناق دورات عينيها لقاتو واقف وهي طلق ايدها ضربتو جاتو لجحرو نيشان مع كلمة

_ هيوان نت هيوان .. شدات فيها هنية توقفها ولاخرة تتسب وتعاير: حححههمار شرير نت تفو ….بغات توقف وهي ترجع تجلس…تترعد ..

_ دخليها لبيت

_ ها بعد مني نت ماشغلك فيا نت همار وووو هانز.. ..وقفتها هنية بززز معنقاها دخلو البيت سدت وراها بدلت ليها بالكشايف بغات غ تنعس تتهز فيها كي الشرويطة مابقات قدات تهز ايد ولا رجل ..

_ نعسي ابنتي نعصر ليك اليمون . خرجت عندهم لقاتهم جالسين ساكتين وهي تقول

_ قتلتيها عصى يالمقدم وماحشوماش عليك.. تلفت ليها مريض حت هو ..نعس بلاصتها مكمش رجليها ديه وسطم

_ صاوبي لينا عصير وسكتي اهنية…هزات عليه اديها ومشات حاضياه بعصبية نسات راه هو عزيز عليها كتر منها ولكن تيبقاو فيها البنات تتقول عليهم حنانات … طحنتو وكبتو في كاس وجابتو ليه.. شار ليها لبيت بلا مايهضر… دخلتو ليها شربتو ورجعت سدات عليها ..جلست حدا راجلها تيشوفو في بعضياتهم وتيهضرو غ بالعينين بكر ناعس. جلسو معاهم ..هنية قابلت شهلة والمعطي قابل بكر ..طاح الضلام الضياف رجعو بخفي حنين …من بعد ماتقطع حسو وحت واحد ماعرفو فين مشا حت من الحاج بوشتة كلاه الفضول على بنتو عيا يدخل ويخرج ويتسارا بعودو في الجنانات ويمشي حت لعند العساس لي جمع وطوى ماشاف حد والمقدم شد طريق المدينة..نفس الكلام تقال لسي عيسى ولالة خدوج..تلفونو طافي وفيه تعيط هناء ودور عينيها لمو لي جمعت فمها وطوات من بعد ماسمعت كلام ماتيقتوش وهي غ طالعة تصلي المغرب حت سمعت وحدة من المرضعات تتقول لخرى : مايحابش ليا موت دراري زينة بحال هكا لبارح شفتها تسطيت عليها ولاخرى تتجاوب

_ وضريفة بزاف شفتي كي جمعت معانا وظحكت معانا ياختي حنينة بزاف

_ ولايني ياسميرة بحال الى جاتني ماشي مهم شفتها ماطيحت عليهم حت دمعة فاش شافتهم

_كل واحد وضروفو يامينة وماشيتيش المقدم صبح مغبر ليها لاطر

_ وحت هو مابان صراحة بقات فيا هناء يا سميرة زعمة مازال يكمل معاها؟

_ وماعرفت اخووويتي لجينا نشوفو من الاحسن يتصالح مع مرتو على قبل هاد الدراري ..

_ وعلى قبلو هو نيت ياصقعة مازيناتها زينها عشاق بحال الوردة تتشهاي غ تبقاي تتشوفي فيها

_ كون غ كنت نتوحم نجيب غ شعرها…وعينيها

_ انا عحبوني مرافقها

_ قولي كلها وصافي ديما المراة الاروبية عاطية العين..

_ حيت ماتيكدبوش ونية ماشفتيهاش نية بزاف باها لي ياختي شلاهبي

_ شلاهبي ولايني الحاج سخاوة ياختي لاسخرك يعطيك قيمة السخرة كتر من الحاجة

_ اوى عندو منين يعطي مالو لي ما يعطي ..ضربت لالة خدوج على خدودها وسكتت ونزلت بوجه صفر ماكلات ماشربت غ تشوف في هناء لي كلشي وجدتو وحت نهار الحنة والعرس بدا في العد العكسي نهار لي داز مابقا يتعاود …مجيتهم اليوم يخاترو الضروبة لي غادا دبح ليها على دوق باها واختيار السي عيسى جاو قبل العرس بخمس ايام ..تساراو في الزريبة تحطت العين على البهايم ولاكن مول الشي ماكاينش وتلفونو مقطوع ليه الحس…شوق هناء باش تشوفو جاية في كامل اناقتها وزينها حت انها خسرت فلوس ديال الصالون واللبسة جديدة على ود غ يشوفها على عكس العادة..ساع رجعت بتنهيدة وايدها على قلبها

دفات الدويرة الصغيرة بوجد هنية والمعطي لي جابو الخشب وشعلو العافية في زاوية ديال الدار ..هنية وجدات الحسوة ديال ادلبلبولة بالحليب في الدار الكبيرة وجابتها تخبية على كلشي وخا عيا الحاج يحضيها سلتت منو ومن هنا دازو …معاها المعطي..لي هاز في ايدو براد ديال اتاي خاوي والليقامة في جيه دخلو الدويرة نفس النعسة لي خلاوه عليها مزال فيها ..الا شهلة لي حلات عليهاهنية البيت لقات راسها لتحت وجسدها فوق الفراش..تخلعت وقالت بصوت عالي

_ ياالطيييييف.. خلات بكر يفيق من نعاسو ويمد راسو يشوف في البيت ..رجعتها لبلاصتها وجلست حداها تتكمد ليها السخانة بالحامض لجبهتها ونواضرها……

دازت يومين عليهم في ديك الدويرة وهما مناوبين في التهتهيت حت بدات شهلة تحس بعضامها خفافو ومابقاتش طالعاها السخانة وناضت تتكسل …كانت غ هي وبكر في الدار مع جوايه الفجر ….وقفت تتكسل وتكح لاحت المانطة كانت لاسقة ليها في رجلها ..خرجت تتقلب على هنية بسميتها… تتحسس الحيوطة تتقلب على اللانقاصة .. . شعلتها لبكر في عينه نيشان ..جر المانطة طلعها على راسو ضارو الضو…مشات شربت كاس دماء وتلتفت ليه وهي تهزو حت لسما وطلقتو الارض حت قفز من بلاصتو ….تيحك في عينه تتبان ليه واقفة عليه ولكن مضببة .. خدا وقتو باش يرجع شوف وهي تقابل معاه وقالت

_ نوض ديني لدار..ونت حابسني هنا الحيوان

_ صلحي فمك الانسانة ..

_ اوف كووورس . انسانة ….لاح المانطة وناض وقف دخل طواليت.. سمع الباب ديال الدار تحل وهو يقطع البولة خرج مالقاهاش …رجع لبس مونطو عليه وطاقية وتبعها…الضلمة مزال وهي غبرات …بصوت عالي تيعيط

_ شهلااااااا …تيقلب وهي ضاربة طم وساكتة ورا الحيط ..: وفين المصيبة وغادي ياكلوك الكلاب … شهلاا ومافيا مايقلب عليك … تحسست الارض وهزات حجرة قدها قداش فازكة وجاتو من لور ودقت عليه حت تلفت ليها وهي توقفها ليه عند النيف وقالت

_ساهل نجيبك الارض بدقة وحدة ولكن انا عندي العقل لي ماعندكش… شد ايدها ودورها وقال

_ وساهل عليا ندفن مك هنا ولي جاي يقلب عليك نهبطو عندك يونسك.. تفركلت وسطو وهو يخطفها بهزة ورجعها رجليها مجرورين معاه حت دخلها وافمها في ايدو . دخلها دفعها ورجعات ليه كان باغي يسد الباب ضربتو لظهرو باديها بجوج رعجت لور

_ شنو درت ليك تتعاملني بحقد ااا شنو و درت ليك . بعد مني…. حط الساروت في جيبو وجاها وهي راجعة لور

_ تتسولي شنو درتي؟؟ نحسب ليك بصباعي ولا …شد في شفارو : ولا بشفاري اااا شارت ليه بايدها

_ قوووول يله قووول .انا مادرت ليك والو نت لي ضربتيني وماشي من حقك وخليتني في هاد البلاصة مع البرق وصوت الرعد وفازكين عليا حواجي ..سرح اديه مبسطين

_ ماتيجي وااااالو قد لي درتي نت وعلى اساسو ماعندكش الحق تقولي انا عندي عقل حينت نت ماتتكسابيهش بالمرة…

_ نت بعد مني انا اولا ماجيتش عندك باش تحط ليا عقل في جمجمتي مابغيتوش

_ ولاش جيتي؟؟؟ اااا قاليك باك الحنين راه زعطوط غادي يجيب عروسة عاد تفكرتيني ولا شنو؟؟

_ شنو زعطوط؟؟

_ هاد…شار لحجرو .حطت اديها على فمها وعينيها ظاحكين : وليتي تتحشمي ؟؟

_ لا ولكن نت مابقيتيش تتحشم …قهقهت وقالت: هداك صديقي ماتسبوش ..

_ علاش جيتي ..شافت في حجرو تتضحك

_ جيت بلا هدف حت قبل تواني…بببطء تيخرج في عينه حت خرجو كاملين وقال

_ شنووووو ؟؟

_ يس مالك عادي كانت بيناتنا علاقة قبل من عام نعاودها دابا ..ولكن حت تصالحني نت حيت ضربتيني

_ شوفي ابنت الحاج .. ضربتك على ود ولادك ماشي على ودي فهمتي ..مشات جلست هزا رجليها فوق الحاشية ديال الفوتاي…مشا جلس وكمل كلامو

_ نت في عنقك تلات دراري مابقاتش الصورة تتخصك بوحدك وخاصك لبغيتي ديري الحاجة ديريها ونت تتفكري في وجه حنين وحليم وكريم.. خاصك تبني حياتك على اساس انت راك ام سمعتي ماشي بنت طايشة صمعت ولادك من صمعتك انا ضرني خاطري منك بزاف لانه نت وجهك طلايته بالتراب ونت هازا في كرشك وليد ماكنتش عارف شحال هما…ماحملتش هاد الدكرى تبقا تابعة ولادي من صغرهم حت لكبرهم وانا عايش على اعصابي خفت تقال عليهم باك طلق مك حيت خانتو مع ولد خالتها خفت يسمعو من شي واحد كلمة ناقصة وتجي فيهم ويمرضو وجودهم مرضني كتر مامرضتني دكرة ديالك .

_ شنو نصنعو الة الزمن ونرجعو عشر سنين لور ااا ادن قلب عليها واول واحد غادي يركب فيها هي انا ومغاداش نختار نكون بنت ومغداش نختار نكون في الاساس اصلي مغربيي ولا نتزاد انسانة انا اصلا كون عرفت شنو غادي يوقع من هنا لدورة ديال عقرب الساعة كون وقفتو بصبعي هدا واختاريت نبقا في البلاصة لي بغيت . نت ابكر كنت بحال بابا طبق الاصل هو جابني بالحيلة ونت خليتيني معاك بالحيلة حت حملت بتلات توام شكون مسؤول عليهم … ..وقفت وهزات على تريكوها وقالت هدا:: شارت لحنش لي داير بالغصن وطالع العش .. عرفتي هدا شكون ؟؟؟ .حرك راسو لا

_ هدا بابا وهدا نت وهدو هما التوام نت تتوكلهم وتحسن بيهم وبابا باغي يسرطهم ويخبيهم في كرشو ..تيشوف في الطوطواج وقال

_ فين نت ؟؟؟ …..سلتات التريكو وحلات السوتينات وقالت

_ ها انا ؟؟ ديل قرش فقط راسو مقطوع..كلاه هدا..هبطت صبعها لحنش وديلي مشدود بصنارة وهي العقد لي بيني وبينك ..

ناض وقف شرب الما لبست تريكوها بلا سوتينات ..ورجعت تكات .. شرب وجا جلس ..ساد الصمت بيناتهم حت واحد ماهضر مابقاش شاف فيها ولا هي شافت فيه تتحررك رجلها بتوتر ..طال السكوت حت كسرتو وهي تقول

_ بغيت نرجع لدار جاتني العادة الشهرية .شارت ليه وقالت: بسبابك

_ غادي نديك ولكن بشرط….طلعت ليه صبع وهو يشر عليها ببونية مغدد

_ اووكي شنو ؟؟

_ لبسي حوايجك ماتعرايش ليا بحال النصارا هاد السيمانا عندي العرس والدار غدا تعمر وحشومة وعيب في حق ولادك تقال على مهم مسوفجة انا ماشغليش فيك سيري بحال القرد كاع مابقاش تتهز فيا شعرة منك ولاكن ولادك في رقبتك وكل واحد تيتباها بامو ويقدسها قبل باه وحنين اول ماهضرت قالت ماما

_ اووكي صافي نلبس توب الراهبات

_ وجلستك حت هي تعلمي تجلسي بحال العيلات ..رعجت ليه صبع وقالت

_ وريني هاد الجلسة ديال العيلات .. لي نت عارفة وانا لا

_ حضي مك كيفاش تتجلس ..

_ نحظيك نت اوكي بيبي.. دات صباعها لعينيها بجوج وشارت بيهم ليه ..

_ اوكي بقاي هنا ..ناض وقف باغي يخرج وهي توقف بالخف

_ اوووكي مان سبقتو حفيانة وهو يوقفها من شعرها ورجعها عندو لاوية عنقها ..

_ لبسي في رجليك . حركات اديها بسمعا وطاعة

….وصلو لدار تحت اعين الكل ..شي يطل عليه من السراجم شي من البيبان شي واقف مسنيه بحال الحاج واليكسي لي مسنيينهم بفاراغ الصبر… دخل هو لول زربان مشات هي لبيت مامها وقالت

_ ناخد دوووش… خلات مها غ تتشوف بصدمة ديما ناويها عوجة … تبعها لحاج تيسول فين بنتك؟..شارت ليه لدوش وهو يصفق

_ غدا تحمل عاود تاني ياميمتي … سمعتو وهي تقول

_ سمعتك..

_ اوى الله ينعل لي مايحشم عنادك تكوني ساهلة ليه ابنت الحاج

_ بابا

_ والله حت غدا تقتليني ابنتي ..

_ كنت مريضة بالسخانة ..داك الحيوان داني في الشتا وسد عليا تما…

_ اوى علاش؟؟ ..

_ مريض في راسو بحالك

_ الله يعزك بنتي شووكرا

_ ضربني ابابا

_ وعلاش؟؟

_ حيت جيت المغرب..

_ ولد الشلاهبي مالو شغلو ….

_ ماما اري ليا فوطة بابا خرج … خرجت من الدوش…تتقلب على حفاظة وقالت

_ بغيت حفاظة ..اماما ..

_ نمشي نجيب ليك من ديال الدراري حت نخرجو نتسوقو والحمد لله بعدى ….لبست تريكو الخيط في الصفر رقيق وعريض بكمام عراض مع كلون كحل وسبادرية طالعة .. نشفت شعرها وجمعتو بنايفية ديال الحرير في لوينات..وخرجت هي وباها غادي ويوصي فيها

_ شوفي ابنتي جلسي معانا حت نشد الدراري من عندو ونديوهم معانا لسويد شنو بان ليك؟

_ ماعرفتش

_ انا عااارف ابنتي ..هاهو دابا غادي يتزوج ولا يكوز ولا ماعرفت جد طاسيلتو اش باغي يدير من بعد هاد ليالي لي دوزتيهم معاه. .انا راه همي هما الدراري وما نتي شديتي طريق الشيطان ابنتي مابقا نفعت معاك حزارة ولا عصى ..شوفي ابنتي جمعي راسك معاه وخا راك مرتو وحلالو ماتخليهش يقرب منك شفتي في الحمالة الولى كليتيها غ نت هو كاع ماتسوق حت ولدتيهم عاد ولاو ديالو..سمعي ابنتي الولاد ولادك ياك من كرشك خرجو وانا ومك لي حق ليا بيهم وهو راه يولد حت عشرة مع هناء ولا سناء ولا صفاء غ يبعد منك نت ويعطيني ولادي انا….وصلو الصالة لي فيها الدراري صوتهم عالي مع سميرة وامينة..غ دخلو وهما ينوضو خرجو وخلاوهم معاهم جلس الحاج على ركابيه تيمرر ايدو لراس حنين وحت هي تعلقت فيه وجات تتنعقو بحال خوتها … جلست مقابلاهم وهو مفقوص من جيهتم عزاز عليه بزاف: مايمكنش ليا نخليهم ليه وفي عنقو مراة اخرى ماعرفش طينة ديالها من انا قبيلة.. الى نت مابغيتيهم غ جيبيهم ليا انا ومك ونت ديري لي عجبك..شوفي شحال زونين ووهما تيضحكو …يهر فيهم ويبوسهم …كلامو النص لاخر سمعو بكر وقال

_ ياك الحاج هدا المضمون فيك والله يتقبل صلاتك الحاج

ماجاوبوش واعتابرو ماكينش وكمل على هضرتو

_ نت ابنتي مازال طايشة وسيط ليك الريح في راسك نهار تعقلي على حياتك وتبغي ولادك يكرهوهم فيك ولا يعقدوهم ويرجعو الللومة ليك . ابنتي انا كبير عليك في العمر وتنعرف في الدنيا لي ماتعرفيهش نت… هي ماكينة گاع معاهم بالها ما كريم لي تيخبش في الزريبية بصباعو وتيجر في الرشمة وهي تكا براسها وتسرحت على كرشها كيف داير ولدها تقول

_ اوووبس ماتتحيدش هادي؟؟!! ..هانت شوف ممم ماتحيدش ..نجربو هاديك… يله واحد جوج تلاتة مشات تتحبو وهو بقا في بلاصتو.تلفت ليه وهي تقول ليه بالانجليزيا

_ اجي اجي هاهي .تتخبش في رشمة وحدة اخرى باغيي يمشي وخايف..وهو يمشي حليم جلست على ركابيها وقالت

_ برافو.. يس خبشتها معاه وشارت لوحدة خرى ومشات ليها تتحبو وتبعها حليم دارت هي وياه على الصالة كاملة ..حنين مضاربة مع لحيت جدها تتنتف فيها ديما..

. جاو عندها بجوج وهي تصافهم وجات معاهم في ااصف وقالت

_ نديرو سيباق افوماغك بغي باغتي يااااا …جراو حت سخفو بكر واقف تيشوف فيها وكلام الحاج مزال ماسلاش

_ اوى ابنتي بنادم خايب والله لقالوها فيك زينة …خلاهم وخرج قاصد المدينة ..خرج طموبيلتو تسمعت عندها وهي تخرج تبعو تتجري … كان راجع ناسي بورطابلو طلاقاو في الباحة وقفتو

_ تسنى جيب ليا معاك..تلفت ليمن وليسر حت شافتهم حاضينها ومابقا ليهم والو من غيرها لي قلبت الدار سفاها على علاها وكلشي يسول ومسني بكر اش غادي يدير ..شارت ليه يهبط راسو باش تهضر معاه في ودنو

_ غ قولي من تما..

_ اوكي .قربت منو وقالت: جيب ليا حفاضات …. دخل مسرع تيدور في عينيه شكون شاف قربهم حت لمح سميرة… دخل هز تلفونو وخرج … فاتها وهي تتقول

_ وعندك تنساهم ضروري عندي ..حرك راسو بلايجاب ومشا….قضا شغالو حت لنص في طريق رجعتو عاد تفكر اش قالت ليه كلام الحاج نساه في كلشي…اتصال من هناء جاوب وقلب الدورة لمرة التانية ومشا عندها …دوز معاها العشيا هي ومها وخوها الكبير خداو لي خاصهم ولي ناقصهم بلا مايجبد معاها الموضوع…وصلهم لدار وهي تقشع الخنشة ديال فرماسي..كبيرة ..هزاتها قلباتها يسحاب ليها دواء وهي تتسول

_ شنو هدا؟..

حلات الخنشة وهي تصدم… بالخف جمعتها ورداها البلاصة.. شافت فيه من المرايا حمارت وفي نفس الوقت تتسول في سرها

_ شكون بغات اولويز سميرة لا مايمكش تتحشم زحت ماتكونش تتحشم عندها راجلها شنو زعمة راجلها وصاه لا مايمكنش عمرها تكون لي شي راجل حر ..وحت امينة لا شكون عندو في الدار…قدات صوتها وقالت

_ هبة جات عندك… حرك راسو بلا مع وصلهم لباب الدار ..حلات باب الطموبيل ومها تتعرض عليه يدخل يشرب كاس ديال اتاي

_ مرةاخرى ان شاء …لوح ليهم بالسلامة وزاد خلفة مع الطريق طاحنها ادن عليه العشا في نص الطريق …

جلسات هناء على اعصابها فوق السداري مربعة رجليها وايدها على حنكها….صلات مها العشا وسبحت وناضت من حداها وهي ساهية جات عندها تتقلب في شنو لي خداو واغلبية كانو كوفريلات ديال النموسية ..خداتهم على دوقو ودوقها وخا كان اغلبية المشوار كلامو مايحي مايقتل : خودي لي عجبك هادا واخا خوديه لا زوين ياك عجبك…مها جاها عبى كانتها وهي جاها ناقص ماشي بحال نهار لي بغاو يشرو فيه الخواتم ..كان دوقو حاضر وحت السرتلة كانت من اختيارو. لي عجبتها بزاف وبغات تاخدو معاها في كل مشوار لكن ليوم جاها مبدل وحت الخنشة لي للقات كملتها عليها .وهي ساهية مها تتشكر فيه

_ الله يعمرها دار لي قلت ليه هدا زوين يقول ليا اه واعر ويخلص بلا مايتشطر والله الى ماقالو عليه ولد الدار لكبيرة حت كان ولد الدار لكبيرة وحت جدك تيحماق عليه قال ليا تيخلصنا بفلوسو ويقول لينا سمحو ليا ت مالك ساهية يا هاد العروس؟؟ .تنت وقالت

_ اجي ايما واش ماحشوماش مرات الراجل توصي راجل اخر على اولوايز؟؟..ضربت الام فخاضها وقالت

_ اوعدي قلة الحيا والدين ..عمرها تكون ليك يا هناء وخا تقطعي حوايجك لي عليك وتستري بيهم العدوة ماتسخري بيها شي راجل من غير راجلك لا ابنتي قلة العفة ..

_ لقيت بكر عندو باكية ديال اولوايز في خنشة مخبية عضات الام على شفاها وطلعت حواحبها ..استغفرت هناء الله وقالت

_ ماتكون غ وحدة من لعيللات قالتها لراجلها وهو واصاه وصافي

_ اوى لهكاك الله يقطعهم رجلة

_ ماعرفتش سولتو واش ختو عندو قال ليا لا

_ نوضي ابنتي تنعسي غدا غادا تعمر الدار على النبوري هانت رايحة عندو عروس وديك الساع تعرفي اما درك عيب تسوليه لمن شاريهم مزال مامحسوباش عليه

_ بقات يومين بحال الى عامين الله يدوز كلشي على خير اماما

_ ان شاء الله ونوضي ابنتي..غدا في العشيا شكون غادي يجي يدينا ؟

_ قال ليا هو وخوه منصيف … ..وصل الدار كانو تعشاو وسلاو وكل واحد مخشي في بيتو ..طلع هو لبيتو هاز الخنشة . صونا لهنية جاوباتو

_ اسي المقدم عشاك في الفران دياا الضو..رد عليها

_ اجي طلعي دي شي سخرة لبنت

_ اشمت بنت؟؟

_ واش غدا تجي اهنية ؟؟ ولا ولا

_ والله ياوليدي الى خرجت من الحمام خفت يضربني البرد

_ وخا اااا اهنية تتسببي واااخا..قطع معاها وهو يصليها معاها المعطي ورجعتها ليه مضوبلة

_ خليه يلقب عليها شغلي فيه السخرة جايبها ليها والهضرة مابغيش يهضر معاها .

_ وللاو فيك الفعايل اهنية ااااهنية تتقلبي على العصا

_ تحط عليا ايدك نت نگرضها ليك… خرج بكر بخنشتو تيقلب عليها واصلا ماعرفهاش فين كاينة طل على ولادو ناعسين في راحة الله…دار مع الدار من برة حت وصل عند جناح باها تيدق من السرجم كانت فعلا في بيت باباها…حيدات الريدو وهي تلقاه ..حطت ايدها على قلبها وتفرفر في شفارها تتمل عليه الحب قبل ماتحل الزاجة رسمت ليه قلب وباستو حت بقا فمها مصور في الزاج قوس عينيه موجه ليها لكمة….بغات تحلو وهو يتعكس ليها دورت حت عيات . وشار ليها تخرج ..خرجات تتجري عندو الريح يطير شعرها تيمشي ويجي رجعت دخلت حت وصل عندها يله بغات تبوسو عربون شكر وهو يحبسها بايدو زاد ماعجبتهاش الصدة لي دار ليها ومشات حادرة راسها بغصة في قلبها دخلت البيت ونعست على كرشها وجها في الفراش تبكي و تتنخصص ..

تسمع بكاها لي عندها فيه رنة كيف ديمة من لبيت الجلاس جات اليكسي تتشوف شنو كاين لقات بنتها مهبطة دمعة لعين كيف الحجر .سولتها مالها ماجوبتش…خلاتها وناضت كلمت ليها باباها عنقها وعيا يحز فيها والو مابغاتش بكر صديقها كيف تتقول وولي هضرت عليه في المقابلة التلفزيونية بحب يصدمها بالنفور…مالقالت ليهم والو وناضت مشات حلات االبالكو وتكات على حيطو .خلاو ليها البيت ومشاو لبيت لاخر فين كاين دانيال ونعسو معاه مفرشين في الارض …تيتهامسو مع بعضياتهم قرر الحاج .يدوز العرس يهز ولادو ومرتو ويمشو ليفيرما ديالو ويشري ليها طموبيل .ضل مع ولادها فينما بغات مرة عندها مرة عندو مايخليهاش تبات في دارو…بقات متكية ..على الحيط والريح تيدي في شعرها ويجييب حت سمعت خطوات في جنبها فوق من الفوق هزات عينيها شافتو تكا على الحيط حت هو لابس تريكو خيط عندو كول كبير وعريض طايح على كتافو محلول بسنسلة في الكري والطاقية في الكحل ….وفي ايدو تلفون يله وصل الحيط وتكا قال

_ تصبحي على خير اهناء. مشات تخبات عليه مابغاتش تشوفو وهي توعج في كلمة تصبحي على خير اهنناء….بقات واقفة حت سمعت خطوات بحال الى دخل ورجعت لبلاصتها هز راسها حت بان ليها في جيهتها تيشوف لاكن لايح شوفاتو بعاد فقط انتابه ليها فاش تحركت هو هبط راسو شافها وهي هزتو . عملت ليه حركة دبح من العنق ودخلت غادية وتتشوف فيه مغززة مارضاتش بالقمعة سدات البالكو وبقات تتقلب في فراشها ..ماجاهاش النعاس وناضت تتسلت حلات اابالكو بشوية وطلت براسها مالقاتوش مشات ربعةةخطوات تطل واش في الجيهة الخرة مالقاتوش..بقات واقفة حت جمدها البرد ودخلت

على الصباح فيقها باها ..لبست تجاكيطة قصيرة ديال الجلد فيها السناسل من جيهة الكمام والجيوب مع سروال توب قطني لاصق ..حت هو في سناسل من حجيهة جيوب وصباط كاط في الموتارد وطقية في الكحل نلو لمدينة مالقاوش لي عجبهم ومشاو لكازا خدا ليها طموبيل اخر موديل رينو دوستر ختارتها على دوقها في الكحل استغرب باها وسولها

_ بكر عند تجيب رونجلير خسارة ماكيناش كون شريتها .سولها بظحكة عالية

_ بغييت ….

_ ولبغيتي ابنتي نوصي ليك عليها مغاداش تغلبني هي ناوية دخلي معاه في حرب.. هزات كتافها ماعرفاش اش بغات اصلا رجعو الفيرما مع العصر..كانت الدنيا بدات تعمر ولا عمرات نيت… خلاتها خاوية في الصباح رجعت لقات موسم شي داخل وشي خارج لي يله وصل مزال بجلابتو وهالي وصل وبدل حوايجو وبدا يتسارا بالقفطان…عراس الحاج عيسى تيلبسو فيه القفاطن يله يقولو فيه بسم الله حت لخر نهار فيك ياعرس لاصغير ولا كبير . والحناني نهار وليلة وهي النقاشة عندهم تيسبقو الحنة بنهار مايجي يبدا العرس حت تكون طارت منهم المهم السخرة بالقفطان والحنة والدمالاج والروايح وشي ماعقل على شي وكلشي يتجارا حت تيوقف العرس وتبرز العروسة ويبرزو حت هما معاها…ديك الساع تيولي العرس واقف على جوج الناس الكبير في الرجال مع الرجال والالهم الحادكة مع العيللات وفاش تيسالي العرس تتبقى كلمة فلان وقف في عرس فلان وقفة رجال وفلا وكادلك ومتال بالنسبة لنسا وحدة ولا جوج تييشدو السوارت الداخلة على عينيهم والخارجة ماتفلت ليهم عرس ناس الكبار تيخسرو فيه فلوس صحيحة وماتيعتامدو لا على تريتور ولا على منسق تيكونو هما كلشي يتشرطو على لي شاف ديال الطياب ويوقفو عليه وخا يطيب ربعة تيران المهم كلشي خاصو يكون طايب بالقوام ومحطوط بالتاويل تيتهز في مكبات ديول النحاس ويتحط فوق طوابل ديال خشب العرعار ولي يتسخر على الرجال مايدوش عند النسا عائلة الحاج عيسى خشابين وابوبكر زايد نغيزة …وقفت الطموبيل جديدة تتبري قدام الدار ..وفينما وقفت طموبيل لابد من الترحاب من عند اهل العرس ….البنيات صغار بشعوراتهم مطلوقين وقفطانتهم وبليغااته تيتجاراو شافو بنت اية في الجمال نازلة من الطموبيل دخلو تيتسابقو يقولولها …وحدة منهم دخلات تتجري وتعيط عمتي خدوج عمتي خدوج واحد البنت زعرة وعينيها خضرين هي لي جات مع عمي بوشتة …

وقفو مصدومين بحال الى قالو ليهم هربو العافية شاعلة . لالة خدوج سليمة رشيد ومنصيف الا سيراج لي تحشو ليه الركابي… بكر بلباس تقليدي وحنين على رجلو تيلعبها وحليم في ايد هبة وكريم عند الالة خدوج هناء حدا ماماها بقفطانة جوهرة في الباج مخيط بالراندة والعقيق في رجليها بلغة تتبري بحال الشال لي على راسها لاحية جنابو على كتافها بماكياج خفيف وحنيكات مزنكين حشمانة هي وماماها وماتبقى يقهق مع الحاج عيسى قبل الصدمة خوها وجدها وباها في جيهة تانية مع عمام بكر وخوالو .. كانو مجمعين على اتاي والحلوة مسنين العدول من ورا المغرب يتعقد القران حت دخلت شهلة مع باها تتدور راسها في الحضور وفي ايدها ميكات كبار بلعب ملونة كلشي تيشوف فيها مصودم حسسوها بانها جايا من الفضاء ماعرفت ظحك ولا تسد فمها. ولا تقول شي حاجة شي خرج ليها من الصالة وشي جاي مع الباب …لالة خدوج من نهار سمعت كلام المرضيعات وهي مصدومة حت رجلها ماشركتش معاه الكلام مخلية ولدها وفعايلو شنو تيدير شدت لسانها عندها وكل مابغات تحلو تفكر هو ماقال والو حت هي ماتقول والو …..دورت عينيها على الكل وهي تشوف هبة لي مزال عاقلة عليها وقالت

_ هااي هبة سيراج ماناضش من بلاصتو عينيها دورتهم على الكل ..شافتهم ماتحركوش وهي تما طالعة بلعابها تتحرك فيهم

_ شريت طموبيل ليا وهادو لطيوري .كلشي مسعوق ولا واحد هضر هناء تتشوف فيها وتتشبها طلعت درجة وباست حنين متجاهلة ابو بكر وقالت

_ اراهم ليا يرفحو بلعابهم قالتها وهي تتشوف فيه مخنزرة عيط على سميرة وامينة من بين الحضور وشار ليهم بايدو تبعوها الدراري ناضت عندو وسط الدار ..كلام سي عيسى ولالة خدوج مسموع .. الحاج بوشتة سد عليه جناحو وطلق صلايتو ولي بغا يطرطق يبعد عليه ..

_ اش هادشي اوليدي؟؟؟

_ ماكاين والو الوليد

_ كيفاش ماكين والو؟؟ ماشي مرتك لولا هادي …حطت هناء ايدها على فمها وناض خوها لكبير وقف حداهم في خبارو مزوج بحال هناء ولكن ماكيناش معاه ساحمة في الدراري وزادت

_ تتعرفها بلا متسول

_ لا نسول علاش مانسولش ااا ودابا هاد العرس لي واقف ديالمن…نطق زهير الاخ الاكبر وقال

_ مابقا عرس …شد في ايد اختو : يله بحالك… شاف فيه بكر وقال

_ من حقي نتزوج حت ربعة ونقد عليهم وبيهم . شار لهناء وكمل كلامو: هي عارفة كلشي وقلت ليها راه مامطلقش يعني فهمت مزيان ان موت الدراري في اي وقت تجي تشوفهم وتمشي

_ شنو زعمة هي جاية على قبل الدراري

_ على قبلهم باها قال ليها فلان غادي يتزوج مابغاتش ولادها يبقاو مع مراة اخرى وانا وهديك السيدة سالينا شحال هادي …رجعت هناء جلست مابقاتش قادة توثف من صدمتها هي ومها وباها ..نطق خوها بالغوات

_ هناء يله اهناء…شد فيه سي عيسى وقال

_ اجي اوليدي ديك السيدة مشات ولرجعت راه على قبل الدراري مازربش اولدي ختك جاها رزقها وقابلة بالراجل خليها منو ليه هي تفاهم معاه وهي عارفة شي نهار غدا تجي وقبلت حنا ماعلينا والو

_ وتجي نهار عرسو هو هادشي فيه الدغل الحاج

_ وتجي قبل ولا بعد اش غادي تغير..والو شكون غادي تيسوق ليها اوليدي…ادن المغرب وجاو العدول وهناء بكر في صالة بوحدهم كيف قال ليهم الكل والكل تجمع على باها ومها وجدها وكل واحد يهضر في جيه ولي سمحت في ولادها وهما لحيمة شكون يتيق فيها من بعد وهي كون بعقلها ماتلوحهمش ..وبنت برة ماتساق ماتقاد ..الحاصول ماخلاو فيها مايتجمع عائلتو هرسو ليها الصورة كيف بغاو وزينو ولدهم كيف بغاو والعرس عامر والعدول حاضرين خاص غ تخرج هناء وبكر بقرار .

جلس بكر مع هناء في الصالة اخرى بعيدة عليهم ماسمع لاشنو تقال على شهلة ولا شنو تزاد في رصيدو … خمسة دقايق خداها صمت وهي قامدو عينين باكين جامعة بكيتها وفقصتها في قلبها اديها تيترعدو …جا في جنبها وجلس بعيد شوية عليها وبصوت رزين وفيه من الرجولة يخليها تسمع ليه بلا هواها .قال

_ هناء من الول قلت ليك مامات دراري مزال على عنقي ماتفهمناش مشات بحالها وعلى قبل ولادي مخليها في عنقي حت طلب هي الطلاق باش نشدها من ايدها اما دابا هي ساكتة عليه خليها ساكتة عليه وهاد الشي ماغاديش يغير والو في حياتي لانه انا مانويش نرجعها وحت هي مابغااش ..جوج توزوجو ماتفاهموش الله يعرض كل واحد االسلامة..علاش انا نخلي حياتي واقفة في ببلاصتها واش ماشي من حقي نتزوج عليها حت تلاتة اخرين شنو غادي يمنعني ؟؟ هناء انا ماقلت ليك بغيت نتزوج بيك حت شفت راسي معاك من هنا لواحد عشر سنين كيفاش غدا تكون انت انسانة طيبة ومزيانة صالحة تكون زوجة وام وصديقة قبل مانهادشي ..انا ماشي غادي نخيرك ونقول ليك هانتي كلشي قدامك لبغيتي تراجعي على الزواج ديري لي عجبك لا اهناء انا بغيتك تفكري بالعقل وبشنو قلت ليك وعلاش باغي نتزوج بيك فكري مزيان انا براسي كون عرفت غادي نرجعها شي نهار غادي نزيد نخلي ليها الوقت خمس سنين خرى ولا عشرة ولكن انا عارف صافي سلينا قصتنا الله يسر لكل واحد ونا نجيك الصراحة الى قلت ليا مايصلاحش ليا نكمل غادي نقلك الله يعاونك ولكن انا عارف مزيان شنو تندير ليوم تمشي نت غدا نجيب وحدة اخرة عرفتي علاش اهناء …حركات ليه راسها ..بلا ..

_ حيت مابقيتش بغيت نعيش بوحدي..ظحك ولطف الجو..عيشة الزوافرية طلعت لي في راسي ساد الصمت من جديد وقال بصوت خافت : هناء… تلفت ليه..: شنو غدا ديري ؟؟.. بصوت خافت قالت

_ ماعرفتش …شد ليها في ايدها جابها حطها وسط من اديه بجوج على ركبتو وقال

_ لا خصك تعرفي الناس تيتسناو وانا كفة ميزاني ضعيفة بزاف نعيا مانحط ليك اسباب لزواجي منك ديما تيبقا واحد تخوف من رجل مزوج وعندو الدراري ..وونت تبارك الله عليك مغاديش نغلبك انا ولا ولادي ..عينيه عليها وهي حادرة راسها ..كمل بتنهيدة: هادي هي حياتي مابخبي عليك منها والو ..من الاول واضح مع كلشي ومع حت مع مامات الدراري وخا تشوفيها ليوم كاينة غدا غادي تهز راسها وترجع لبلادها ماتتقدرش تجلس في المغرب وهادي هي النقطة لي كانت فاصلة بيني وبينها هي مابغاتش تبقا معايا وانا مابغيتش نمشي معاها . بصوت باكي قالت

_ علاش تزوجتو؟؟ بكل ضيق قال

_ زواج الولدين وصافي باها صاحب الوليد ووبغاو يتناسبو زوجونا كيف شفتي الزواج التقليدي قليل فاش كاي نجح حيت تتيكون الانسان معمي مرة الولة حت تيتصدم بشي حوايج..ماغاديش نقلك انا لي تصدمت فيها لا وحت هي الى هضرتي معاها تقدر تقول ليك تصدمت فيه لانه العقلية باش كابرة هي ماشي فاش كابرين حنا انا وياك من محيط واحد ومن مجتمع واحد ومن مدينة وحدة هناء..صراحة دخلتي ليا لخطاري بزاف ..فماتسرعيش باش ماتندميش من بعد اما انا راه غادي ندم الى ضيعتك صراحة فين لقا فرملية بحالك … باضحكة رنانة : وانا عندي سبيطار هنا ..دبا قولي ليا الناس تيتسناو شنو اخر كلامك… تنهدت وقالت الله يسر .. هبط ليها راسها باسو وشد في ايدها خارجين… كانو عماتو هو مجمعات في جيهة من الدار وحداهم سليمة ..غ شافوهم خارجين ليد في اليد وطلقو الزغاريد وتعشاق على النبي …..تبعوهم من اللخلف وبقات سليمة مغزة والدم بين سنيها… ..ترجلت خطوات لور وقلبت الدورة تتقلب على الحاج حت شافتو واقف مع مرتو في جيهة ديالهم

بالخف طلعت جابت برطابلها وخرجت على البرا تتصوني على مها … تكات على جنب الحيط تحت من البالكو ديال الحاج وبدات في نقل الاخبار.

_ويلي يا الوليدة ماعرفتوش شكون جا العرس.؟؟ ويلي شوووهة صافي ومرااات المقدم اللولى.. ويييه جات العرس اختي وناضت الحيحة والعروس بدات تبكي وخوها يعرنن وشدها من عندهم وقاليها زيدي قدامي طلع ليهم سما ويلي ويلي على المقدم في هادي مادار فيها مايصلاح…شافت خيالو تيطل وهي تعلي صوتها

_ وييبه شوهة وصافي ولكن اختي بردوووها ودازت خليتهم تصفاوا دابا يزغرتو ويصلو على النبي و لكن الشمن صلات على نبي تخرج من فمهم وهو عامر دم كلاو يختي لحم مرات المقدم الولى ماخلاو فيها غ لي نساو…وقالو عليها مامزيناش وخايبة وصوبيصة وماعندها عقل ولي تسمح في ولادها تسمح في راسها ..وولي لاح ولادو يدير كووولشي وواحد مشرعة الفم ديال عمتو ومو ياختي بقا ليهم غ يقولو كراه حصلها مع شي خدام عندو ويلي ويلي وخا تكون قاتلة ليهم سابع جد مايهضروش فيها بالخيب اويلي نساو راها موت الولاد كلاو لحمها يختي وشربو دمو ماعندهم فين ينعسو يا لطيف وخا انا من لول ماكنتش بغيتها الصراحة لله ماشفت منها عيب…..سمع الحاج لي سمع ومشا تيتفتف لبلاكار عندو هز وحد البواطة صغيرة خرجها في ايدو… تحت من السلهام انيق مع راسو الجلابة صفراء مخططة بالبيض توب حرير رطب وفوقها سلهام عريض بقب بشاشية هابطة لظهر المارو مايل لسواد مع بلغة صفرا وتقاشر بيضين .والطربوش داير في البيض طالع شوية صونا لبنتو في تلفون جات عندو تحت انضار الحضور مما دازت العين تابعاها وصى مها تلبسها شي حاجة بلدية ووقف عليها حت لبست قفطان ديال المبرة عريض من لتحت بحال الكسوة بكميمات لاصقين وكول داير في الگرونة تيبري بطرزة وحيدة في الجنب عند صدر بحزام منو رقيق ديال الصم معقود لور جاها روعة مع وجهاا الوردي صاوبت ليها وجها بمسكرة وكلوس وكحل خفيف زينت ليها عنقها بسنسلة غليضة ديال الدهب على شكل مربعات شادين في بعضياتهم مع خلقات بنفس التربيعة.. وجمعت ليها شعرها سفجنة دورتها ببونضو تيتمجع تيبري ب حجيراتو صغار وملونين خالات ليها المشطة عنقها باين بأيتارة لناضر .واقف عليها الحاج ويقول

_ رشي ليها ريحتها باش يعرفو اللحم لي هزاه بنتي مايتكلاش الواحد يجيبو حت لفمو ويبقا غ يشوف فيه.. زين ليها اديها بدميلاجات رقاق سبعة ربعة بالحجر صغير وتلاتة سامابل تيفرق الدميليج على خوه .مع بلغة ديال الصم بنفس لون الحزام

شدها من ايدها معنقها وزاد بيها تيتوعد ليها بتسافيرا فاعلة تاركة

_ انا وبناتي غادي ندورو العالم كامل مين نداو؟؟؟.. دورت عليه ايديها معنقاه وقالت

_ مارعفتش..باسها وقال

_ من ليوم خاصك كلشي تولي تعرفيه ابنتي …داخل مع باب الدار كيف سلطان زمان

…داخل مع باب الدار كيف سلطان زمان ..شاد في ايد بنتو ويرد السلام بصوت عالي واصل لسماء..مع الدخلة لصالة فين مجموعين مع طلقت الزغاريد تكتب الكتاب..احساس فشكل حساتو شهلة بشوفتو حدا العروسة بجبادورة بيضة فوقها جلابة بلا قب على شكل قفطان رجولي بتوب موسليم في الرزق بارد والعدول حداه والطبلة قدامو عليها دفتر كبير خلاها دكت عينيها فيه بلا ماترمش كانو العيلات واقفين تيزغرتو ويصلو على النبي ويمدو ليه لي في اديهم من دهب باش يركبو. . هز فيها عينو ظاحك جات العين في العين سرعان ماشد من ايد عمتو سنسلة ديال الدهب ركبها لعروسة هي وتلات دمالج الزغاريت والصلات على النبي مخلين الحضور مخشعين مع العروس والعريس حت سالة ووقفو تيسلمو عليهم الناس بالدور كلشي لابس بالهمة والنخوة حت سلاو ورجع كل واحد بلاصتو وهو يتسمع صوت الحاج

_ السلام عليكم ..شي ردها وشي دور وجهو عليه …: ومبارك مسعود المقدم…..جاوبو بالله يبارك فيك… ..رجع اديه وراه ومشا وسط الصالة تقابل معاه وقال..

_ بقا غا العشا ؟؟ ياك اسي المقدم ؟؟ وبلا ماتحطو ليهم راهم شبعانين حت تتگرعو سقيهم غ الما ..وقف بكر مارضاش وقال

_ جلس الحاج مرحبا بيك …

_ نجلس انا في مجمع فيه ريحة الجيفا.؟؟ لاواه ماشي ديالي وماتليقش بقامتي .. بالزعاف كحز بكر الطابلة كبيرة دائرية .. وناض سي عيسى باغي يشدو من دراعو ..منصيف مشا عند الحاج تيهدن فيه حط ايدو ورا ظهر الحاج

_ الحاج الله يرحم ليك الوليدن. ..ماداهاش فيه موجه صبعو لبكر من بعد ما.تنطر من منصيف و وقال

_ عنداك يسحاب ليك بقا فيا الحال حيت تزوجتي اودي الله يعجلك دير فيها حت سلطان القانوني ولكن باش دوزوها بلحم بنتي مانسمحش ليك ماشي حق وماشي ديال الخيالة الحرار وماتقمدتيش وتشيختي على الكدوب ياالعلام ياك الباردي ياك الي عبى حكام النخوة محسوب اا يااك العلامة كلامهم رزين .الركاب فوق العود عندو قواعدو اسي المقدم طلع بسم الله وتنزل بالسم الله ركوب الخيل ركيزة معلم من بناها. ركوب الخيل ميزان وزان العود سفينة والباردي قبطان كلام المقدم كلام مرهف القلوب كلام عسل لكويس منسبوب ميزانو ميزان مخلف بصيفتو ملعوب وفوق العود مسلم حيت من هل العناية منسوب تمقدميت مقسومة بين الباردية كاين المدلول وكاين لي ميزانو مقبول لول ماكيف التاني واش الكدوب كيف المعقول المقدم الحر مسلم حت من لعبو مكمول المقدم نبيه الصلاة والدين مفروضة عليه ماشي مفلس مكروه حت من حزامو محلول اليوم الناس تكادت كلها دارت خيول ..سر اللجام اوليدي لا بد يبان هو حديد وجلد مزوق بالكتان والعقدة مطروزة حاكمها سلطان بيه تعطى الكلمة لعيشرك لامان وبيه تفسد المقدم الميزان .. واقف بكر بعيون فيها تفسير لكلام الحاج تبادلو النضرات كل واحد عارف التانبي لش قاصد . ترجل الحاج جوج خطوات ونطق هاد المرة بكلام لي يفهمو لي مافهم

_باش طلع على ظهر بنتي وتكمل العرس ونت تتنهش في لحمها ..غ بيع الخيل وتحزم بالموزن وشطح …. صفار وجه بكر وتخطف منو الدم .وقفو الناس دارو بالحاج ولاخر طويل عليهم تيهضر من فوق راسهم موجه كلام العروس

_ اجي ابنتي تشوفي الى خلاتو وزادت وليوم تقال عليها مامزياناش بردو ليكم الطرح بسيرة بنتي ها لي قال عليها ماتصلاح ماتسوى وها قال عليها ماعندها عقل…اا ..ضرب في صدرو وقال

_ انا لي ماعندي عقل طلبوني وباسو ليا راسي باش نجوجها ليه وهي مابغاتش وبكات عليا وماسمعت بكاها و غصبتها ودابا بنتي ولات ليكم طرف ديال لحم تلوكوه بين ضراسكم اا … خرج البواطة الخشبية وقال

شعلو ديك تلفزا …دار حت تلاح طرف من سلهامو على وجه من صيف ومشا حدا تلفازا لي وسط الدار كانت شاعة بالاساس . وشار بايدو لمو ولعمتو لبكر وقال

_ اجي شوفي باش تنقي سنانك راه لاصق فيهم لحم بنتي… ..كلشي تبعو والكلل

مسعوق جبد كلي يوزبي برونشاه مع التلفازة وتلفت ليهم وقال

_ديرو كراسة وتفرجو مع الحاج اجي الا لة خدوج تقدمي مالك راجعة لور نت ولالة فطومة البصر على قد العمر والسان طول من سلهامي … شي دار بكلامو وشي مجمد في بلاصتو. اليكسي معنقة بنتها جنب واقفين قريب منو حاجة صافي وقف بز منك سمع ليه .. سقلت الدنيا وتحد الهمس …حت سيراج وقف ودار اديه في جيابو . ..شافتو شهلة لاول مرة ..قربت منو وقالت

_ فين كنت ؟؟ ماشفتكش!@.. ابتاسم وقال

_ حت انا لباس عليك غبورات هادي ؟

_ هاني جيت في وقت غير لائق ظحكات رد بعفوية وظحكة بريئة

_ بالعكس مرحبا بيك …تسمعت موسيقى ديال الفيلم هزو عينيهم في شاشة ظحكت شهلة وقالت

_ بابا حماق هادي انا بيبي…

_ بابا حماق هادي انا بيبي… ظحكات وتهزو كتافها…منصيف تيشوف في سيراج بغاه غ يشوف فيه يغمزو يكحاز من حداها عينو عليه وعينو عبى بكر لي تحقن الدم في وجهو ….وقف الفيديو الحاج وقال

_ هادي بنتي فاش كانت صغيرة غ بنتها حنين تتشبه ليها..سبحان الله العظيم .ولايني ماغاديش نوريكم حياتها..بزاف عليكم . سرع الفيلم وتصاورها تيدوزو بسرعة حت وصل اللقطات لي كانت فيهم في السبيطار كرشها لفمها وقال بكلام فيه العتاب

_ شوفو اااالي قالو عليها خايبة !! فين ولدكم ااا فين؟؟ سي المقدم ولد الدار الكبيرة ااا بنتي انا لي خايبة ووولدك زين؟؟؟ ااا اا لي رمى مرتو ..الفيديو خدام وشلهة في قمة المرض والاحباط مرة تبان بلقطة باكية مرة مريضة مرة تيوكلو فيهاوهي ناعسة على ظهرها .لقطات معنقة فيهم الممرضة لقطات فيهم مقطوع فيها النفس غي التنفس الاسطناعي وهي فاشلة .مرة جالسة مهمومة مرة حاطة راسها على الحيط.. مرة تتمشى بمساعدة جوج ممرضات ولا تلاتة مع مسيقى تعبيرية … بقاو تيشوفو في بعضياتهم وكاين لي تخشع مع الفيلم بحال سيراج وشي بنات وزهير خو هناء.. اما بكر زراق وخضار وصدرو تيطلع ويهبط.مابقا بان لونو ولا حس تقطعت فيه النفس هناء تتبكي معنقة مها وباها حط ايديه على فكو مكمش فمو والحاج عيسى هبط راسو الارض والضياف يشوفو في بعضياتهم ويدرو جيهة العروسة لي كتافها تيتهزو في حضن مها ..اليكسي كل ماشافت الفيلم تترجع تبكي… وقف الفيديو على لقطة كانت تتولد مشدود على عينيها والدموع هابطين جا قدام تلفازا ووقال

_ نت الالة خدوج ليوم قلتي في بنتي كلام عيب في حقك وماهاوش ديال وجه بنتي لهاد الناس قولي ليا فين كان ولدك ملي كانت بنتي معدبة بكرش لفمها وهابطة ليها مع رجليها . شفتي شحال ضربت في وجها شفتي شحال نتفت شعرعها شفتي شحال بكات وشحاال تعدبات ومعمرها حطت ايديها على كرشها باش تاديهم …شفتو بنتي كيف كانت ااا باش تقولو عليها سمحت فيهم وزادت ..بنتي عانات بوحدها في الحمل وعنات بوحدها من وراه وانا لبقيت معاكم هنا على قبل داك العداب لي تعدبتو باش تولدهم مايمشيش مع الريح وفاش تبرا بنتي و ترجع تلقى الولد لي يدعي معاها بالصحيحة وطولت العمر ..وتجي نت الالة تخليها ليهم متورخة مكم ماتسواش مكم ماتصلاحش ا لا الالة خدوج ولدك لي مايسوا مايصلاح . رمها رمية الكلاب وخا تكون ضربتو بحنش مايهز على لي في كرشها .ضغينة..ولا يحقد عليه انا مانكرش وماندكبش فعلا فاش ولداتهم مابغاتش ومن حقها مرضت في صحتها وشافت معاهم الموت تسع شهر كل ليلة تموت وتحيا وبغيتوها فاش تولدهم تحن فيهم فعلا بنتي ماحناتش فيهم ولاكن معدورة ودابا فاش رجعت صحتها رجعت تقلب عليهم ..شاف في بات العروس وكمل كلامو: كونو هانين نتوما ونعسو على جنب الراحة جات عنظ ولادها ماشي عند باهم…. تقدم بكر لجيهة مو بوجه داخل في بعضياتو وشفايف بيضين وقف قدامها وقال

_ شنو قلتي فيها؟؟؟ تسمر حداها … عيونو تينطقو بالشر ..وشكون هضر عليها؟؟

عينيه تيدورو في مو كمشت فمها وربعت ايديها وهي تنطق عمتو كبيرة لابسة البيض غليضة ودهوباتها كتر من وزنها واحد المصحف قدو قداش مدلي مع صدرها وكل ايد هازا فيها فيترينا ديال الدهب وقالت

_ كلنا هضرنا ماشي غ مك وماكدبناش ..دار عندها فمو محلول وعنقو مايل ..

_ اااا عودتي اعمتي شنو قلتي؟؟؟ ..

_ قول لبوها يعاودو ياك سمعو …

_ ونت فين تتعرفيها حت تهضري فيها لا نت ولا مووي واي واحد فيكم هنا ماتيعرفهاش باش يهضر فيها بالخيب ولا بالزين فين جلستي معاها حت تعرفيها اش كتسوى ونتوما مالكم ماتددخلوش سوق راسكم ..فين وصلتكم البنت باش تهضرو فيها وهي ماهزاتكم حت من الارض مامسواقش ليكم ومامتعابراكمش واش كاينين ولا عايشي في هاد الدنيا باش تهضرو فيها … صوتو عالي وحت واحد مابقا قد يقول شي كلمة ….مشا بلا مايشعر شدها من ايدها وجابها لوسط وقال

_ لي قال فيك شي كلمة ماتسمحيش ليه الى يوم القيامة ولي دار الدنب مع مولاه هاهي قدامكم …تلجمو كاملين الا شخص جاتو من الجناتي والناس تقدمت سليمة مرحبا بيها وصلت عندها سلمات عليها من الوجه لوجه وقالت

_ انا ماشفتش منها غ الخير والاحسان ماعمرها جبداتني والله يسمح لينا منك اختي سمحي ليا انا بعدة شحال هادي هزيت منك الدنوب اما اليوم ماقلت فيك والو والله اختي ماقلت فيك شي حاجة وعزيتي عليا فاش رجعتي لولادك وهما لي غادي يكونو معاك ماديري في راسك والو عنقتهاوباستها..ظحكت شهلة ماعرفة اش واقع ولا شنو طاري… وبداو كلشي يسلم عليها ويرحب بيها حت بقاو صحابات اللسان الطويل .وقف لييهم بكر حسكة حبسهم في جيه وكلشي تيشوف ماحار في مو ولا عمتو لي كبر من باه ولي بغا يهضر يسكتو بشوفات قاصحين…طولتو وجسمو العريض وزاد كمل عليه الباس التقليدي بينو رجل ديال المگارعة ويديها في ايدو وجهو لي ركبت فوقو صورة ديب خلاه يدور في عينه في اي واحد باغي يتكلم… من وقفتو ومن هضرتو ومن شوفاتو ومن موقفو لي جا فوق كرامة مو وماتنازلش على كلمتو وقال

_ ياغادي طلبو منها السماحة ياغدي نضرب على وجوهكم وبالرب العلي العظيم هاد هاد الدار لبقات دخلت ليها شي وحدة فيكم ولابقيت حطيت رجلي فين تحطوها لا في فرح ولا في عزو… شافت فيه مو باكية وقاالت

_ المسامحة ابنتي غ من فقصتي عليه ومابغيتوش يتلاوح من مراة لخرى بسبابك طلعتني غدة منك مابغات تمحى ديما نقول كون غ رجعت قبل مايتزرف ويزرف معاه ولادو ..شفات مامات هناء في بنتها لي خرى مابقاتش غي هاد العالم وزاد ضاع لونو ….هادي هي لي تيقولو عليه جا يكحلها عماها … اجي ابنتي فقصتك ملي خليتي ليا ولدي من فقصة الحاج لميت عليك ولايني المكتاب مانكرش الحاج قلت على بنتك لي مايتقال ولايني ربي شاهد عليا الى ولاد ولدي مابغيت ليهم مرات البو…. شي يضحك وشي يضرب في ايدو ويحوقل .. عض بكر على سنيه وقال

_ صافي غ سكتي لا حول ولا قوة الا بالله ..مشات عند شهلة عنقتها وبدات تبكي عليها وطلب فيها

_ العار ابتي لاتخليش ولادك وتسمحي فيهم العار ا بنتي راه تيبقاو فيا الدراري العار ابنتي كبدة الام حنينة لما سمحي ليا وسمحي في بلادك وجلسي مع ولادك. العار اشهلة لما ديري بحساب حنين وحليم وكريم وجلسي معاهم العار ابنتي الام مابحالها حد العار ابنتي راه كدبتي مشوية عليهم وعلى ولدي ولي قلتو فيك راه غ حرقة والقلب ماعالم بيه غ الله .. العرس تقلب عزو وشي يبكي هنا وشي يبكي لهيه خاصة فاش شافو الفلم على شهلة وبقات فيهم جاتها هبة عنقتها ووبكات بكا مها غ يطلقها واحد يشدها لاخر..بكات معاهم وكل ماحيدت وجها من عند واحد تهز وجها تمسح عينيها لي حمارو بصيعاتها .. تبكي وظحك …الكل ايدو على قلبو . تيشوف فيها بالدور ..بقاو غ هل العروسة ومعاهم الرجال وفي عز الجو ديال الحنان وديال المسامحة . جا على بالها تعنق بكر ..شافت فيه مطولا هو ولي معاه تيشوفو فيها . تزنكو حنيكاتها وقلبت الظحكة لي كانت على وجها لحزن ورجعات الابتسامة بالعرض البطيء حت سول راسو في سرو

_ مالها ؟؟.. زادت عليها تخنزيرة وشوفات ديال القتيلة انتابه ليها الكل وفسرو هاد الشوفة برفض لزواجو وان هروبها منو وراه قصة ماتيعرف بيها غير هو وهي

هابطة سميرة بحنين كانت تتبكي…تلقا ليها الحاج شدها منها وقال

_ اجي ازيين ديالي….طلق ظحكة في السما وقال .

_ ارو الحناني بنتي لابسة قفطان في عرس بوها.. سمعو الحضور باركة من البكا حنا ليوم عندنا عرس طلقو الزغاريت والرش وجيبو الحنايات كيف ماكان الحال معانا عروسة حشومة نخسرو ليها نهارها …شاف في هناء وقال

_ بنتي هناء الله يكمل عليك بالخير والله يجعل كلشي مبارك مسعود…شاف في شهلة يله ابنتي نطلعو عند الدراري نلبسوهم ونهبطو لمدينة حت يسالي عرس راجلك وديك الساع نتافهمو …..مشات عندو لالة خدوج وسي عيسى دارو بيه وحلفو عليه والله مايخرج لشي بلاصة .شدو الحاج عيسى باس ليه راسو واليكسي عنقاتها لالة خدوج وهبة شدات في شهلة وجراتها معاها وقالت

_ يله تحني نت وبنتك .داتها بتعنيقة وكل واحد زاد القنت بقات عماتو مع العروس ومها ووباها وخوها مع خوتو ..رجعو لصالة لقاو العدول من كترة ماظحكو مابقا بغا يتحبس ليهم يشفو في بعضياتهم ويهزو في كتافهم مرة واحد يحط ايدو على فمو مرة لاخر يقول والله الى نزاهة …جلس معاهم خمسة دقايق وخرج تيعيط على هناء من حدا الصالة لي فيها العيلات…شد ليها في ايدها وخرجها معاه وهو غادي معاها هزات شهلة عينيها في باب البيت لي كانو فيه النقشات شافتو ..رجليها مسرحين فوق جوج مخدات ..يله بدات ليها.. هضرت معاها النقاشة عندك شي رشمة في بالك ماسمعتهاش..حداها هبة جاوبت في بلاصتها

_ ديري ليها شي حاجة زوينة بحال رجليها … نقشات ليها وكملات ليها وهي حاضية من باب ليه ومسنياه يرجع..رجعت بيها الدكريات نهار عرسها وعلاش كانو يتهامسو هي وياه وطلعتها حرارة فاش تفكرت ليلة عرسهم دازت اللقطة لي بقات فيها عريانة قدامو وهو بقا مصدوم . بدا قلبها يضرب بسرعة وشافت جسمها هي بوجه هناء..وبدات تلاشا صورة جسمها هي حت بقات تتبان ليها غ صورة هناء بلاصتها ..بغات تمحي الصورة من قدام عينيها وهي تسدهم بايدها ناسية فيها الحنة ..تكات على ظهرها حسات بحرارة طالعاها…كانت النقاشة سلات ليها وخرجت تجيب الما.في هاد اللحظة كان راجع مع هناء لي سبقتو حشمانة..تلفت بعفوية وهو يرجع شوفاتو بحال الى بانت ليه شي حاجة وبغا يتاكد تبت شوفاتو حت تيلقى شهلة مسرحة على ظهرها ورجليها منقوشين مسرحين فوق مخدة قفطانها طالع شوية مبين ليها نص في سيقانها….ايديها على وجها…تلفت ليمن وليسر خوتو شي داخل وشي خارج … تمشا بخطوات سراع باش يسد الباب . يله شد في البواني باغي يجرو ناضت جلست …قدقد معاه بوجها عامر حنة مجخلط كلو ..كان باغي يسد وهو يقول

_ اش داكشي في وجهك ،؟؟ عوجت فمها رجعت ليه نفس الشوفات وبدات طلعها حرارة ورغبة بيه دورت عليه وجها دخل ورد الباب شوية ماسدوش وقاال.

_ خصك تغسلي وجهك راك عمرتيه حنة تفكرت شنو دارت ..شافت في ايدها لقاتها خسرت وهي تنوض بالزربة ..وخسرت حت رجليها .وعمرت الزربية الباج فينما وطات تخلي طبعة بعصبية قالت..

_ اووووف خسرت كلشي.. …هزات قفطانها لحت ركابيها ومشات حفيانة وسط الدار ..شافوها العيلات وهما يبداو يولو عليها .ولكن غ شافو بكر خارج من البيت من وراها كان ليهم كلام اخر… تبعتها النقاشة وهبة ..كانت الصالة فين جالسة هناء والعيلات مفتوحة شافوها حت دازت حفيانة مخسرة حنتها يله دارو عند بعضياتهم باش يهضرو حت بان ليه مولاي السلطان حت هو داز من قدامهم ..حطات هناء ايدها على قلبها

….تعشاو الناس وتقلبت الصفحة ورجع الظحك والتقشاب بين الحاج بوشتة وسي عيسى ملطفين الجو… في حين مجمع العيلات تحمى الطرح بيناتهم ..وبقاو على الحكيات والمواويل القديمة والجديدة على لسان لي تترف تشد الميزان بغناها غناو وشطحو وضحكو . وكل واحد قلب على فين يتجبد ويتسرح ويرتاح لغد ليه عندهم نهار طول من هاد ليلة… طلقو الفراشات في وسط الصالات تجمعو الرجال مع بعضياتهم فوق السدادر والعيلات في الصالة وحدة اخرى مقشبين بناتهم وكل وحدة تقول ربطو ليا هناء مع رجلي لناضت نحس بيها عنقتها مها ونعستها في صدرها وقالت

_ لناضت نوض معاها مزال ماسخيت ب بنتي… بداو يطفاو الضواو بشوية بشوية الصالة لي تقطع فيها الحس تنزل هنية على ضوها حت بقاو غ ديال لفوق اغلبية البيوت خاوين لكن في العرس تيبغو العيلات يجمعو ويضحكو حت يديهم النعاس .. تسارات بيبطت بي بيت طفات ليه ضو بقا ليها بيت المقدم ..ماشغ

شغلها فيه…يله بغات تقلب الدورة حت شافت شي واحد تسلت بالخق وسد وراه قالت غ المقدم وهي هابطة طلاقت بيه طالع وهي تصدم وكمشت فمها . شاف فيها تيسولها بعينيه كيف ديما بقات مسمرة في بلاصتها..ظحك وخلاها طالع مع الدروج تبعتو العين حت قلب الدورة ودخل لبيتو..

دخل لبيتو تيحك في رقبتو تشنجت عليه من كترت ما ضغت عليها اليوم..عينيه صغارو بالعيا والعصاب..ورمو ليه حت ولا يحلهم غ بزز…مع شعل الضو .. مع شافها مجبدة ليه في بلاصتو . تحلو عينه بزز منهم وبهلا يطريه ليهم …ردخ الباب حت تسد ورجع حلو وشار ليها تخرج بلا مايهضر .حركات ليه راسها بلا وجبدت المانطة عليها حت وصلتها لعنقها… جاها بعصبية خطف المانطة لاحها الارض وشدها من رجليها جرها…كانت الحنة في لون ارونج غسلتها قبل ماتشد ولكن جات ليها مع رجليها..لابسة شورط قصير مع بيجامتو على شكل قميجة نص كم في الغوز والكري

..هبطت دايبة مع النموسية حت جات مكروعة فوق هيضورة ديال تور كبيرة في الكحل والبيض . بعد منها وقال

_ خرجي ت****

_ خرج نت ت *** ..

_ مابقيتش تنحمل نشوف فيك غبري عليا كمراتك قبل مانصدق ندافل على جدك .. عطاتو الصباع هبط مغزز عليها وهي تركلو برجلها وقالت

_ نت غادي تندم الوسيم ..شوف نقول ليك نت باغي الدراري اوكي وانا باغا حاجة اخرى ومنك غادا ناخدها ..بسط فمو بحال جون طرافولتا ضحكة استهزاء….ناضت جلست على طراف النموسية مرجعة اديها لور …متكية عليهم وكملت كلامها ..:.بفمك حاسبتني على الرجال وضربتيني عليهم تتسول فيا واش بست شي راجل او نعست مع شي راجل..انا مدكبتش عليك قلت ليك الحقيقة ونت مابغيتيش تيق شغلك هداك ولكن باش تحبس عليا انا الرجال ونت تنعس مع العيلات نوووو صديق ..حركات صبعها ليه : نووو وغادي نقلك كلام بابا .. قالي بغيتي تلعبي مع الرجال عندك واحد ديالك ديري معاه لبغيتي بشرط مايكون مع حت وحدة من غيرك والا ..ربع اديه

_ اهاه والا؟؟

_ ناخدو الاطفال ونت خود هناء .شنو بان ليك في هاد الصفقة… بدات طلعو الظحكة بشوية بشوية حت خرجها على شكل قهقهة وقال

_ كلام باك الحاج عفريت مع راسو

_ ونت كتاااار حيوان.. ودابا جيت عندك باش نت طلب مني السماحة .ونت تصالحني

_ اهاه علاش لا نقولها ليك بفمي ولاا بالاحضان والبوسان

_ لي عجبتك ..وخاصة مترجمة من فمك لفمي بقبلة ..هزات كتافها وتنهدت وكملات كلامها: اعتدار حلو ورومنسي ..

_ غاي تجمعي راسك وتخرجي عليا من هنا..

_ علاش ماطلبش مني السماحة خاااصك

_ والشنو لي خاص

_ حيت نت لي تعديتي عليا ماتكونش اناني وتخلي ماماك والكل يطلبو مني السماحة ونت مخبي وراك افعى سامة باغي تقتلني بيها . .

_ فعلا ..ماكرهتش نقتلك ونمحيك على وجه الارض ولكن للاسف ماعندي ماندير ليك ..

_ المهم جيت عندك على هاد الاساس اولا تانيا..بيتك عجبني .. نت لي قلب فين تنعس

_ علاش مانعسش معاك ياك نت باغاني

_ انا ليوم مابغيت حد نت عارف السبب ولعزيز عليك تسمع بحال هدوك الكلمات…ظحكت وحطات اديها على فمها وقالت

_ فونطازم… اوبس ..ولكن نرضي غرورك انا حائض ..بسطت شفايفها.. وهو يتكا عليها وهزها بقجة حت لعندو وقال

_ غادي تخرجي ت*** ولا غادي ندبح مك ..

_ التانية…تقد ديرها ؟؟..لاحها مع النموسية ..تقلبت على كرشها تتحرك في ايديها تتلعب بيهم ..مشا وجا تعصب ولا يصوت غ بوحدو.. رجعت تقلبت على ظهرها….شاف فيها مطولا وهو يمشي لبالكو تبعتو بخفة كون ماشاف خيلاها مايعرفهاش وراه…دار عندها وشدها من عنقا وداها لصقها مع السارية ديال البالكو وقال من تحت سنيه

_ بعدي من ساحتي…حركات ليه راسها بلا .

..وقالت

_ انا ماتعحبنيش نكون مخاصمة مع شي واحد ونت دابا تنحس انك مخاصم معايا

_ لا مامخاصمش معاك…طلق منها باغي ياخدها على هواها ويخرجا

_ ادن طلب مني السماحة .. ضحك باستهزاء

_ لا بيني وبينك ماكاين سماحة الى يوم الدين

_ غادي تعاقب ماشغليش فيك

_ باغي نتعاقب ونتحرق الالة ماشغلكش فيا ياك انت لي غادي نتعدب ماشي نت ..

_ وانا مغاداش من هنا حت نت طلب من السماحة وتصالحني.. خلاتو ودخلت تخشات في بلاصتو..شافها في فراشو حك راسو وقال

_ واخا تصالحت معاك الالة وسمحي ليا صافي

_ قالت بكل برود

_ واجي بوسني وعنقني …تترمش في عينيها وعاودت هضرتها : اجي بوس وعنق ..

خلاها مادا اديها ليه ومشا جيهة البلكار. حيد جبادورتو … هزات فيه عينيها من سمطة السروال حت لرقبتو ..تبلدو عينيها وتبتو على جسمو وهو واقف تيعزل تيشروطاتو حت جبد تيركو خفيف لونو تورابي لاحو عليه بالخف خشا اديه هما الولين مع هزهم بجوج تجبد ليه الخصر وبانو عضلاتو لي تعقدو وسرعان ماتخباو عليها في كمايم التريكو. خشا راسو هبطو بسرعة ..هز سروال سيرفيت..سرطت ريقها مع تلدد براس لسانها فوق شفايفها ..دار بالخف ناوي يدخل لدوش ويبدل حركت راسها بسرعة لايحة شوفاتها عليه ولكن رجعتهم ليه وهو داخل لدوش بقات حاضياه حت لبس وخرج … شاف فيها مخزز ناوي يخرج ويخلي ليها البيت…ناضت بالخف…وقالت:

_ اوووكي مان انا خارجة بحالي..اجي لبلاصتك شرير. خليتو ليك كبير وخاوي .. مشات حادرة راسها .. شاف فيها جامع ملامحو ورجع جلس على طرف النموسية ..تيشوف فيها من لتحت قربت الباب باش تحلو وهي دور الساروت وهزاتو عند عينيها ..تهز راسو بالشوية حت شافها اش دارت وناض تيجري ليها لكن خشاتو في سليبها قبل مايوصل عندها وتكات على الباب هازا اديها لفوق وقالت زامة على على ظحكة وحجبانها تيتحرك :

_ جبدو وحل بيه الباب وخرجني من بيبتي انا…واقف مغزز سنيه وماتبقى ليه من عصب في عنقرتو ماتشنجش وصلو وقتو حت ولا يحركها غ بزز بحال الى واحلة ليه تمرة ديال المشماش.. راسو قريب من وجها باغي ينزل عليها بروسية ولا ياكلها. بسنيه قربت وجها بالطريقة لي تتمشي بيها بلا حس وخرجت لسانها لحست ليه شفايفو جمعت ليه الفم مع مقدمة النيف واديها لي كانو الفوق هبطتهم لعنقو دورتهم عليه وشبكتهم على عنقرتو وقالت

_ نت ديالي انا وولادنا ديالك ..صفقة ممتازة وانا لي غادا نربحها شد ليها في اديها بجوج وفكهم بزز ولاحها وراه ..جاب الله ماطحتش مشات بديك الوحة حت طرف ديال طابلة تلفازا.. تلفت عندها كيف المجنون …تمشات بكل تبات وتخشات في بلاصتو .. واديها تيلوحو ليه اجي اجي… رمقها بنضرات ظحكوها وبقات حاضياه شنو غادي يدير ..جمع الهيضورات لي في بيتو كلهم ديال التيران مصاوبين بشكل رائع ونهم طبيعي لون التور ياما في الكحل واليض ياما في الصفر ولا البيض بوحدو ولا الحمر كايل النحاسي.. وزاد عليهم زربية وخرج گاع لي كوفر لي لي عندو حط واحد فوق واحد بقات ليه المخدة…عرفتو غادي ياخدهم وهي تشدهم عنقتهم شي حطتو وسط رجليها كارزة عليه وشي كارزة عليه باديها.مكورة عليهم .. طلع فوق النموسية بركابيه ..جر منها المخاد وهي لاصقة عليهم كيف العلقة…حت شحفتو وطلقت ليه وحدة بطيب خاطر… ضربها بيها لوجه وهي صوتها عالي بتكركير .. هبط لبلاصتو لي فرش… حط راسو على المخدة باغي ينعس حت بدا نيفو يتحرك ويشمشم.. ميل وجهو حط نيفو على المخدة وهي ضربو ريحتها …خطفها من تحتو راسو ولاحها. بعيد .. كان الفجر تيهلل…جاه النعاس عيان ..اول مرة يميك على ادان ولكن معامن…خلاتو حت بدا يتلسقو ليه عينيه ويتنضم تنفسو وغرق في النعاس وهبطت كيف الحنش ….فرقت رجليها عليه اختترت منطقتو المعلومة وجلست عليها وهبطت بجسمها لعندو تتحرك ليه في لحيتو بصباعها.. بشوية وتقرس ليه في تفاحة ادم بخفة..راسو تقيل عليه ..موالف بحنين ولا كريم ينعسو عليه بهاد الشكل ويلعبو ليه بلحيتو..وهو مابين ناعس وخيالو البعيد…ابتاسم..هبطت ليه لفمو وحطت فيه ريقها . تكمشو عينيه تيحاول يحلهم مع حلهم رجعت وجها عند وجهو وفمها في فمو وبلسانها لعبت وخدات شفايفو وسط شفايفها بقبلة خلاتو يرجع الحاضر والماضي ونساتو في المستقبل ….هزات وجها عندو ظاحكة وقالت:

_ وخا انا حائض لكن يمكن ليا نخليك اسعد رجل …

في هاد اللحظة كانت شادة ليه في ايديه ومشبكاهم مع اديها .. بقا تيشوف في وجها وفي جراتها بنضرات لخصت كاع لي يمكن يديرو فيها على جرأتها هده ومع دالك ماتسوقتش شنو ممكن يوقع فيها ..رجعت هبطت لشفافيو بعيون معسلة ومخدرة .فتح فمو حطت شفاها على شفاهو وشدهم بسنينه..بعضة حت غمضت عينيها وكرز عليها حت حس بسنيه اختارقو جدار شفتيها بالم بغات تسل شفايفها منو ماقدرتش وهو مغمض عينيه ومشهد قبلة براون تتعاود . حل عينيه على صرخة مدفونة وسط فمو.. واديها شادين ليه من شعر ناصيتو تتجر .. دموعها على جفونو تيطحو….تتتضرب في الارض بحال مصارع مهزوم في حلبة القتال ..فلتها اخيرا ودم شفتها تيسيل ليه مع جناب شواربو… غ طلقها وبعدت وجها…جبدات ليه عنقو بظافرها وجرتو..لاحها الارض ..حطت كفها على فمها وناضت لمرايا..شعلت الضو..لقات جليدة مقلعة من بلاصتها تتحرقها… ناض تبعها لدوش غسل فمو مزيان ..شاف في عنقو كلو جروح..تتحسسهم باديه .ورجع لبلاصتو ….الدقان في الباب. الالة خدوج …تتشوف الضو خارج من تحت الباب ولكن لا مجيب .. وقف عليها وهي دموعها محمرين ليها العينين وقال

_ اري الساروت…ماجاوباتوش…الي كان تيدق مشا… دخل توضى وصلى عيان تقيل بالنعاس… وزادت كملت عليه خلات ليلتو بيضة..وراه نهار طويل .شافت فيه بحقد..وهو كل ماجات عينيها في عينيه يتحلف عليها.. لبس حوايجو.. قدام عينيها وهي متكية على جنبها فوق النموسية وصبعها على فمها وشوفاتها عليه مرة تحلف عليه مرة تدكهم فيه بلا تفكير ….رجع كل حاجة لبلاصة ..لبس سباطو.. ..جلس على طرف النموسية عطاها بالظهر وتلفون في ايدو تيصوني …جاوب الطرف التاني

_ شوف هنية قلبي بين السوارت على ساروت بيتي..

_ عند المعطي هو لي مخبيهم والمعطي مشا مع الفجر هو وخوك رشيد لمدينة…

_ قلبي فين تنحط السوارت اهنية الله يرحم ليك الوليدن ..

_والله اسي المقدم ماعرفة فين تتحطهم

_ الله ينعل شيطانك وشيطان شي بنادم..قطع معاها ضار بالخف

_ اري الزمر….فرقت رجليها بحال صحاب البالي …..مد ايدو شحطها لرجل وهي تجمعها وقال: غادي نضربك ابنادمة…سرحت ليه الرجل لي ماكلاتهاش فيها يله بغا ينزلها عليها وهي تجمعها….وقف وجرها من رجليها بجوج وهي تتفكرل وتغوت وضرب ليه في اديه . جر ليها شورطها بسليبو خلاها زبطة ..شدو من رجليه وساسو طاح السليب غوزي بارد بخوايطات من الجناب لاصقة فيه حفاظة .طاح الساروت معاه..شاف فيه مزيان عاد هزو بروس صباعو…دخل الدوش. طلق الما عليه وخرج تيمسح فيه بكلينكس… لاحت عليها المانطة وتقلبت على كرشها من بعد ماسروت عليها وخرج…ضربتها بنعسة غارقة وسط فراشو بلا حوايج بلا حفاظات .. وصلات الضهر ولي جا بغا يدخل لبيت العريس يلقاه مسورت ….جاو النگافات … واللعابات والهدايا بالدقيقية وقف العرس ..وتسرحو رجلين العروسة في البرزة ديال الحنة بلبسة خضراء مطروزة بخيوط الصم الحر والعقيق المزون …والبنات دايرين بها ويصلو على النبي .. .كلشي حاضر ناضر يدخل ويخرج عند العروس حت اليكسي كاينة ومع مها شربات وكلات ولكن فين مراتو اللولى فين بنتك الشهبة هاد الاسئلة بقات في صدور النساء لي كانو حاضرين المسرحية بليل.. جات الالة خدوج تحنات على اليكسي وهمست ليها في ودنها لتتجاوبها الاخرى بدون كدب

_ ماعرفتش الشي لي خلى الوجوه المراقبة تحط احتمال واحد بايتة عند راجلها…تسلتت بنت من هل العروس على توصية من امها باش طلع لبيت ديال بكر وهي طالعة طلاقات بهنية لي مابقا ليها شغل الى تراقب جيهتو من بعد ماوصاها ماتفلفت عليه ولي قلب على الساروت تجاوب بماعرفتش حت يجي مول الشي…داز الضهر وادن العصر…وزاد العرس عمر وتعلات الزغاريد في البيفان وتعشاق على النبي ..شي يسول فين العريس شي يسول فين بنت الحاج…

تعالات الزغاريد خارج الدار في الباحة مع مزامير عيساوة …خرجو البنيات تيجرو ورجعو تيجرو..

_ العريس العريس….دخل بلباس عادي سروال تجين في الزرق وقميجة كحلة فوقها تجاكيطة بلو مارين ..داخل زربان .مو وختو وعماتو تابعينو

…كيف ماكان العريس عزري ولا مزوج ولا فايت مطلق ولا ارمل تتبعو العين نهار عرسو والمباركات والزغاريد وتعشاق على النبي… من وراه دخل دانيال المراهق الوسيم بملامح غربية بامتياز ..بلباس تقليدي بحال باه..لي شافو اول مرة يعرفو نسيب العريس …دخل تيقلب على ماماه جا عندها وفرش المخبي . هضر بصوت عالي وخا جملة فيها غ سمية ابو بكر لي مفهومة ….

_ ماما ابوبكر تيقلب عليك… ابتاسمت مع الحضور ووقفت بجبادورة عريضة في الخضر ملكي مع بلغة بنفس اللون وشال بنفس خياطة ديال الجبادورة شاهل دهبي براق .. هدية من الالة خدوج هي ولبسة لي غدا تلبس شهلة ليوم .مشات جابتهم ليها هي وهبة عربون اعتدار ..تبعتو لبيتو .. تغير حال ام العرزس وعماتها وخلاتها واحد جارتهم صبحة مهما معزة هناء من معزة بنتها جات وفي ايدها كادو مضخم طلاقاو ليها باللعبات والزغاريد واول ماحطت رجليها في الدار نوضت الحيحة وحمسات الحضور وشعلت العرس بالشطيح والرديح …

وقف بكر عند الباب تيشوف شكون تابعو لقا امة محمد عليه الصلاة والسلام ..شار لمو تجيي عندو هبط لودنها وقال

_ هبطي معاك عماتي وماتخلي حت واحد يجي جيهتي.. بانت الكسي من بعيد مع دارت الالة خدوج تتحرك اديها لويساتها يرجعو من جاو وقفت اليكسي.. نطقت الالة خدوج

_ اجي معناا احبيبتي حت يلبس وينزل عندنا…كان سحاب ليها للمسكينة ولدها غ ظحك معاها ولا ماسمعتوش مزيان تمات راجعة معاه حت عيط عليها

_ غ اجي امرات عمي… الكل تلفت ليه بدهشة فاتتهم وصلت عندو وهما بقاو واقفات .تيدور الساروت وعينو عليهم….حل الباب شار ليها دخل . شاف في الحاضرات وقال

_: ضربو الطم وسكتو.. هبطو تيتهامسو مع بعضياتهم غ شافو واحدة من هل العروس سكتو وبقاو على هاد الحال حت صونة تلفون هبة وطلعت هي بوحدها.. دقت حلت عليها اليكسي وقالت .

_ عفاك اجي معايا نبدلو هاد الماطلة بدهشة قالت

_ وهي لي كبيرة في الماطلات ماكاينش كيف نديرو ليها.. خرجات شهلة من الدوش مزنكة وفمها وارم غ شفتها هبة .بدات ظحك بحال الحمق حت سمعها بكر من البالكو ودخل عندها . لقاها تظحك وتعض في فمها ..بصوت رخيم وبحة فيها من الحشمة لنسيبتو وختو هز التهمة خاوية..

_ جمعي الدنيا وسكتي اهبة ..تتدور حداهم بفوطة زرقة ملوية على صدرها وهابطة لركابيها ديال بكر ..بغات تجلس وهي تحبسها مها

_ بقاي غ واقفة نهبط نجيب ليك حوايجك . نطقت هبة .

_ وهاد الطبعة لي في الماطلة شنو غادي نديرو ليها ؟ ..نطق بكر بوجه محقون فيه الدم كتر من الطبعة لي في النموسية

_ خوي جافيل عليها ومسحيها وقلبيها ماعندك ماديري ليها .. هزات ليزور لي كانو ملمطين بيهم النموسية والمانطة ..دخلاتهم الدوش جمعتهم وسدت عليهم دارت شنو قال ليها خوها جمعت البيت وعطرتو وقالت

لبس اخويا وهبط عند الناس.. حرك راسو بلايجاب …جات اليكسي ..عاونت بنتها حت لبست عينيها وارمين فمها منفوخ حنيكات مزنكين بالنعاس لي شافها غادي ينويها ومايصفهاش…لبستها ماماها قفطان تليجة حرة ملبس فوق كحل وتحتو توب ستان في الحمر مايل لدم الغزال ..وخبات ليها الضربة بعكر حمر ماكات ليها مكياج باين باش يغطي ليها على وجها زينت ليها رقبتها بسنلسلة رقيقة مع حلاقاتو شعرها مجموع سفنجة مزين بفلايل صغار براقة من جيهة وحدة على شكل عقيقة ….كملات ليها لبسها مع تسمعت الوطرة وايقاع سريع كانت ناوية تخرج وهي تبدا تلوي في رجليها ومؤخرتها ….كان بكر تيلبس في بيت اخر وجاي ياخد بزطامو وبرطابلو ويرش ريحتو حت تيتافاجا ب شلهة مامسوقة لهاد العالم وباركة على الشطيح وتهز في جلايل قفطانها من الجناب ودور بركزة تقول بنت هوارة ماخطاها عرس وماحضراتش ليه …شداتها مها من ايدها عنقتها لاخرى وبقات تشطح مع الموسيقى حت ختموها صحاب الجوق عاد وقفت مقادة تتنش على راسها .. هبة لي خلاتو ليها الصدمة فاش شافت الطبعة والشفة الوارمة كملتو ليها بهاد الركزة .. عنقتها وقالت

_ اجي امرات خويا الزوينة اجي الفنة ..خرجات معاها تتخنزر في بكر وظكح مع هبة ومها .. . خدا لي كان باغي ياخدو وخرج سورت البيت ..بانت وسط الدار كيف الاميرة بخمس دقايق وخطفت الانضار حت جا من وراها فايتها خارج كيف السلطان …همست بنت عمة هناء في ودنها كانو حاطينها حداها وزيرة..

_ كانو غابرين بجوج بانو بجوج ليك الله ياهناء ليك الله…

دابا غ قولو ليا شكون مع بكر خليو عليكم حب شهلة لا هضرو منطقيا…

بكر رجل عربي اصيل ماعمرو هز عينو في المراة وحت في تلفون..اول ماباس باس شهلة واول مانعس نعس مع شهلة حيياتو كلها مع الخيول والبهايم…مشغول بيهم فقط نهار دخلت حياتو بنت كانت نقيضو التام اقتاحمت حياتو عيشتو اللدة والمتعة ولي ماتيعرفو في النسا وراتو ليه وخا هو عن فطرة تيعرف يبوس لكن ماتيرعفش يتعامل مع النساء .. فدخلت لحياتو ولقلبو واعتارف ليها اول مرة تكون في تاريخو وشنو لقا الصد واكتر من دالك تيشوفها بعيويناتو معنقة راجل رجليها في ظهرو وفمها في فمو ….راه لباس ملي ماقتلاهاش ليكم .حاليا يدير فيها لي يدير مزال مابردش وماتسناوش يبرد حاليا 😁

دخل لقاعة فين بارزة العروسة .. ببلغة خضراء وتقشار بيضين والجبادورة بيضة بسفيفة في الخضر وفوقهم سلهام بلا قب خضر مفتوح ومعقود بسيور..تهزت القاعة بالزغاريد والتعشاق على النبي ولس ماحضرش ليه في الدخلة جا يجري كلشي من نساء واطفال .كانت شهلة مع الكيسي وتتاكل انتابهت لحركة الكتيرة والسريعة وكلشي باغي يشوف بكر عريس جالس مع العروسة …حطت الكاس من ايدها وناضت تبعتهم حت هي ..جات عينيها في بكر وهو تيعري على وجه هناء باسها في الجبهة . مع الزغاريد والكاميرا تتصورهم .. تفكرت نفس اللقطة دازت معاه.. بقات حاضية الطقوس و كل حدت فكرها بلقطة مماتلة… تهزت هناء في العمارية .تتشالي بايديها.. وهو قدامها تيرحب بالناس…وكل مادور عينو وجات عينيه في عيون شهلة تيشوف نفس النظرة.. ربما انتابه ليه بعض الحضور لكن شهلة نضراتها مترجمين لبكر كلشي…..جاتها هبة من بعد ماشافت نضاراتها ماتيتحولش على بكر الا لكان شي واحد هضر معها او غطا وجودو تتحول نضرها لهنا ولهيه ولكن الى جات عينها في عين بكر تتكون نفس النظرة ..جابت ليها حنين بنفس لبستها قفطان في الكحل ملبس بالحمر..عطاتها ليها في ايدها وقالت ليها في ودنها

_ شطحي مع بنتك عزيز عليها الشطيح. ..دارت بيها تتشطح معاها وحنين خاشية صبعها في فمها وتتكركر ….حطتها فووق طبلة وقفتها وشدات ليها في اديها وشطحت بنتها …كانت القاعة خاوية من حس الرجال الا بكر ..والدراري لي هازين العمارية…واحد منهم عجبتو شهلة ….وهي تتشطح هي وبنتها ومامها تتصور فيهم .. كل المرة الولد يرمي عينو لجيهتها حت عاقو بيه الدراري لي معاه وبداو يشطحو العروسة وحاطينو في دماغهم في غفوة منو كان غادي يجيب بكر على فمو وطا ليه على بلغتو وعينيه فالتين..تلفت ليه بكر ظاحك حت تيلقى السيد داك عينيه في شهلة والخرة هاك بلاك .. نسات في لحظتها بكر وحضورو بل نسات الكل…شدات اليكسي حنين تتشطحها في دراعها ..طلقت شعرعها.. تتدور وتحرك فيه بشطحة ماهي شرقية ماهي مغربية وانما كلونمبية….مشات مع المسيقى تتحرك الصدر وتهبط الكرش وتختمها بتحريك كل طرف من مؤخرتها بوحدو وترجع تحرك الصدر ودور شعرها تساخر من بنتها وترجع تهرها بشعرها والاخرى تشد ليها في شعرها بظحكة طفولية… انضمت ليهم هبة وبناتها ولالة خدوج وبنات عماتو صحبات هبة وخلقو دائرة بوحدهم .. محيحين وحدة تنقل من الاخرة مع ظحكات في السما .دارت عندهم الكاميرة وخدات وقت في تصويرهم .كان بكر رجع لبرزة وجلس عينو تبدلو من فرحة لي كان عاطيها لعروسة ولعائلتها لتغزاز وتخنزيرة باينة مع شهلة وهبة ومو لي مابقاو مسوقين لا لي هازين العمارية لا لي هاز الكاميرة.. .حت بردو هوايشهم في الشطيح وجلسو في طبلة مع شهلة واليكسي وحنين وسميرة وامينة .. تلفتت ليه هبة شار ليها تجي عندو

_ طلعو قادو البيت لي تيطل على الجنان ….رجعت ليه الهمس

_ وبيتك؟؟

_ غ ديري لي قلت ليك .

_ واش غادي تعطيه العروسة؟؟

_ هبة وليتي مكلخة سيري وطلعي ليه حوايجها ….مشات عند مها همست ليها في ودنها ولاخرى قالت

_ بكلام مسموع لي حداها

_ واش باغي يطلع هو العروس دروك؟؟ رجعت ليها الهمس

_ وديري لي قال ليك …تلفتت ليه شهلة لاحت ليه نظرات ونضات بزعاف كان هو حاضي مو وختو حت بانت ليه خرجات حادرة راسها.. تتززرب في خطوتها هازة قفطانها .. همس في ودن هناء

_ غدا تجي هبة توريك بيتيك الى بغيتي طلعي دابا..رجعت ليه الهمس

_ لا حت لشوية….

_ وخا لبغيتي …ناض ملوح الجميع

خرج مع الباب يسلم ويرد المابركة لماقدرش يسلم عليه من قبل …اليل طاح حس المراة ماتيدور برى غ الرجال في صالة خارجة من الدار بابها بوحدو كبيرة فيها تمنية الطبالي بفراش شبه شرقي بلمسة عصرية عكس الصلات لي لداخل . قدامها ساريات كبار وسقيفة طالعة بديرجات على شكل استارحة فيها كراسة من الخشب ..كان جالس فيها كل من منصيف وزهير مجمعين مع جوج دراري اخرين من عائلة هناء في حين الرجال ل داخل الصالة مجمعين على اتاي والحلوى فقط …وخالقين جو كميك بيناتهم ….اما رشيد مع الدراري صحاب العمارية تيشحطو وريدحو في جيهة تحت من الصالة الخارجية… وعلى شطيهم تيضحك منصيف وزهير لي اقل مايقال عنهم حجر جامد لا يصقفو ولا يشطحو ..غ يتغرجو حت الفديوات ماتيسجلوهمش ..جوج رجال تاتبتين مرزنين لكن عيب واحد فيهم مبلي بالكارو..كل ساع ينوض يكمي ويرجع يجلس …كان بكر خارج تيقلب بعينيه على شهلة لي لاحت ليه نضرات الغضب وخرجات معصبة…وقف في الباحة اديه في جيابو ..تيسمع ظحك الرجال.. ترجل عندهم سلم عليهم رجع خطوات لور تيتمشى برزانة وفي نفس الوقت عينيه تيقلبو هنا ولهيه ..بان ليه زهير متكي على شجرة وريحة الكارو واصلة عندو بغا يتساخر منها وهي تجي عينو في شهلة جالسة في الجردة في الجهة الاخرة .. غالبا هي لي شافت زهير ماشي هو لي شافها لانه كان عاطيها بالظهر. وبعيد عليها.تمشى لجيهتها ووقف بعيد شوية وقال

_ شنو تتديري هنا.. ماجوباتوش وبقات تتهضر مع ميس ابيل فيديو تتوريها القفطان الفلاش ضارب ليها على وجها ..وتتشرح ليها وهي خاص من يشرح ليها..

_ ساو هدا جابتو ليا خالتي لاااا ماشي ديما تنلبس بحال هكا غ ليوم عندنا مناسبة ….. نو عرس ديال واحد الراجل .. ميس تسناي نوريه ليك كلو…حطت تلفون في الارض وبعدت منو تتحرك جناب القفطان ودور والاخرى كلمة وحدة لي على فمها واااو واااو .. بقا واقف ومرة يشوف جيهة زهير لي طول الوقفة والگارو في اديه مرة في شهلة ….عيات العروسة وقررت طلع ترتاح شوية…وقفت هي ومها ووزيراتها جات عندهم هبة ولالة خدوج … طلعوها لبيت كانت ناوية دور جيهة ليمن ساع صدمتها هبة وخلاتها دور ليسر…بيت طولو قد عرضو كبير شوية لكن ماشي قد ديال بكر وولادو ..فيه بلاكار وجيهة وحدة ديال السراجم هي لي تتطل على الجنان ..رتبتو هبة بكوفرلي بلونكاسي ..حريري بتربعات بخیوطه ندهبین .. دخلت ليه شافت فيه مطولا وتنهدت من قاع قلبها بيت زوين لكن ماشي بجمال بيت السلطان كيف مسمياه هي مافيهش البالكو ومافيهش دوش دوش ديالو على برة مشارك مع جوج بيوتة اخرين حت هما بنفس الشكل و عندهم نفس الاطلالة…خلاتها مها ترتاح من بعد ماقالت ليهم غ هبطو بغيت نبدل ونعس مابقا فيا لي يهبط خلاوها على خاطرها وحت هبة قالت ليهم

_خويا قال ليا شوية ويطلع سدو عليها وخرجو ماعجبهم حال وماغاديش يعجبهم . مابغاوهاش لبنتهم لكن اختيارها ماعندهم مايديرو وجود شهلة في العرس حرر عليهم ماكلتو وشطيحو وحلوتو وريحة اتايه كلشي جاهم باسل وكلشي جاهم ماشي هو هداك…لاجلس معاها كيف تيجلسو العرايس لا تصور معاها كيف تيتصورو العرايس لا كلا معاها كيف تياكلو العرايس ويرحبو بالناس. ..لكن هاد التفاصيل لي جاتهم قليلة غادي تنوض عليها مسرحية في جيهة اخرة

سلات ابيل الفيديو وقالت ليه بايشارة

_ سير بحالك. سير . حرك ليها راسو

_ يله دخلي لدار ..خلاتو واقف ومشات ناوية دخل لجنان تبعها بالخف وشدها من دراعها

_ بلا تحماريت زيدي لدار…نطرت منو وزادات خلاها غادية حت قال ليها راسها وقفي وضارت عندو

_ علاش مزال واقف بعد مني ..وسير بحالك سير

_ غ بوحدك لي مراة خارجة في هاد ليل وبعيدة على الدار علاش كتقلبي واش داك المخ عندك ماخدامش بالمرة واش ماقالش ليك طنطونك الدنيا مخلطة بالرجال غرب دوزي الله يرحم ليك الولدين دخلي لدار…

_ لا مادخلاش

_ علاش؟؟؟

حيت نت صافي تزوجتي .. ظحك بنبرة

_ تزوجت اختي كاين شي مانع مادخليش لدار راه بنت ماشي سبع حطيتو قدام الباب..

_ نت درتي غلط كبير كلشي قالها حت ماماك ….بخطاه المعتادة مشا حت قرب منها ووقف في هاد اللحظة طلات هناء من السرجم واول ماجات في عينها هاد التنائي ..

_ دابا من هادشي كلو نت لاش باغا توصلي فاش كيهمك نتزوج ولا نجلس بعدي مني الله يرحم ليك الوليدن ورجعي من جيتي ماشي نت لي غدا تقولي ليا درت غلط ولا درت الصح . لانه نت فين تتعرفي اصلا المعقول فين جا..سمعتي مزااال خصك واحد العشرين عام لقدام يله تعرفي الغلط من الصح

._ لا ماخاصني والو..

_ لا خاصك….قربت منو بتحدي قالت

_ ماخاصني واااالو نت لي خاصني في خياتي

..بنفس النبرة وعلو القهقه قال

_ كلي ولا نصي ااا جاوبي اا شنو خاصك بالضبظ ..

_ بكر سمعني.. نت خربقتي ليا دماغي..حطات صبعها على ناضرها

_ ماعرفتش كيغاش نفسر ليك ولكن نت

_ انا شنو؟؟ ..سكتات تيمشو ليها الكلمات من فمها لز كان تيفهم الانجليزيا كان الحديت معاه ساهل فرق اديه وقال

_ انا هو لي جات عندو الزوينة ديال مراتو سابقا وقالت ليه بكل وقاحة بغيتك تكون ديالي . وخا الالة هاد دايالك لي هو انا وبغيتيه نت بالسوايع ولا بالدقايق… طال بيناتهم الصمت فقط عيونو تتيشوفو فيها .كيفاش متورترة وماعرفة ماتقول فمها تيتمم بكلماات داخلية بغات ترجمها ليه . بعيون ماكرةا وقال

_هاد المسرحية كلها باين السينارسيت شكون مولاها

… شاف فيها بلؤم وايدو على فكو تيحرك في شعريات لحيتو ..

_ باك طلع من ادكى الخلق عندو دكاء القرودة سبحان لي خلقو شنو زعمة حفظكت الدرس مزيان . لعب بيك ..علاش نت هكا علاش مايكونش عندك موقف ديالك.. علاش.؟.

_ غ تتخربق بابا ماهضرش معايا باش كنحس اتجاهك

_ اهاه وشكون خيط الصفقة الي حاطيتيها ليا ؟

_ هو

_ الحاجة الزوينة فيك ماتتكدبيش ..اوى فرضا واقفت على صفقة باك وخديت هناء وعطيتكم الدراري .. نت غادا تقبلي يعيشو معاك ؟؟

_ لا …

_ اهاه ادن غادي تعطيهم لباك ولمك ؟؟

_ يس

_ مزيان .ادن هنا الحاج لي رابح وفرضا ختارتك نت غدا تقبلي تعيشي معايا… هزات فيه راسها بالخف عينيها تيدرو بسرعة…ربع اديه وقرب منها راسو مسني جوابها

_ قولي …نت غدا تعيشي معايا..هنا… في داري حياتي هده وسط الخيل والبهايهم وسط الشجر والحجر .والحشرات بعيييييد على المدينة وصداعها اااا

_قولي …نت غدا تعيشي معايا..هنا… في داري حياتي هده وسط الخيل والبهايهم وسط الشجر والحجر .والحشرات بعيييييد على المدينة وصداعها اااا . قالت بسرعة

_ نووو… طلق ظحكة في السماء حت سمعوه لي تيشاهدو وقفتو كيفاش تتقرب وكيفاش تتبعد من شهلة بحيرة و خفقان القلبوب

.

_ اوى شننو!!…باش غدا تكوني ديالي؟ . تخلي ليا حوايجك نشم ريحتهم ولا تجيبي تمتال ليك وتحطيه ليا في بيت النعاس ولا تكوني معايا بالبلوتوت ااا ..حيت انا معاكم تحدو ليا ..واش فكرتي نت شنو غادي يكون مصيرك ؟؟ طول حرف في فمو عاد نطقو : اا اا. بنت الحاج وباك تيضحك عليك…باك رادك لعبة بين اديه … باك انااااني مع رساتو …شدك من ايدك وقالك اجي ابنتي دوري ببكر حت نطيرو من عندو الدراري وديك الساع رونيها معاه ورجعي بحالك يااك هادشي لقال ليك؟

_ لا

_اوى فسري ليا كيفاش هاد الصفقة ديالكم لي نت غدا تربحيها الزوينة

_ ماعرفتش ولكن قالي اهم حاجة هما الدراري وانت وانا غادي نتصالحو وغادي نعيشو الحياة كيف حبيبين ونسافرو بجوج …..

_ بااك خرب ليك حياتك بالمعقول ومزال زايد فيه .ظحك عليك..

_ علاش؟؟

_ حيت انا ماشي ورقة خاوية باشي طويني ويديرني باك في جيبو ولا في جوا وكل مرة يصيفطني بلاد مع ساعي البريد لي هو نت ..عحبتك في ديك اللحظة تعنقي وتبوسي ماعجبتك تلوحيني قدام شي باب .. ساد الصمت لحظات وقال

_ نهضرو عليك نت وتفكيريك ومستقبلك ؟؟ فين ساكنة ؟؟

_ في ااسويد نت عارف

_ نفرضو يله بديت نتعرف عليك ..هضري عليك نت وعلى احلامك وطموحاتك وفين بغيتي تعيشي

_ نختاصر حيت عيانة وماكليتش بزاف حينت نت السباب..شوف ..مدت ليه فمها عند وجهو ..غمضات هناء عينيها ودارت دخلت جلست فوق طرف النموسية تتنهج دموعها تيسليو بسمط… رجع راسو بالخف .وقال

_ حيت تستاهلي ..ولبقيتي قربتي ليا غادي نطيرها من بلاصتها حت وتولي بحال الراس المشوط .. .

_ شكون قاليك غادي نقرب ليك نت بستي مراة اخرى..ظحكو عينيه

_ شنو زعمة تترجعي ليا المعادلة ولا شنو؟؟

_ لا انا مابست حت واحد…. قهقه مرة اخرة وكأن الحديت لي بيناتهم عبارة عن مزاح وكلام شيق ممتع للغاية….نزلت ليه على دراعو ببونية وقالت

_ ماتهضرش ليا على براون مابستوش مابستوش مابستووووش….بتبات مربع اديه ومفرق رجليه تبت شوفاتو فيها وفي عيونها لتيقولو الصدق ..

_ نت مخبول العقل وعقيم التفكير وحت الاحساس . لو كانت عندك جزء من البصيرة والادراك كنت غادي تقول شهلة ماكنت ناوية تعنق او يبوسها براون وهي كانت تتتلدد وتتعتارف تحت جسمي انا بكر ان مابغات حت واحد من غييري ..قلتها ليك او لا ؟؟ قلت ليك عيشتني متعة ولدة بروجلتك مابغيت من بعدها لدة قلت ليك ..قبلاتك اروع قبلات وممارستك معايا حببتني فيك .. سكتت لحظة بغات تكمل هضرتها وهو يصدمها

_ غ حيت ماجربتيش الرجال وصافي…حسات بقيء في كرشها….كمل كلامو ..بهدوء تام

_ ياك نت لي بفمك قلتي ليا مابغيتيش تعيشي مع رجل واحد ؟؟ ولا نسيتي كلامك او لا نسيتك فيه انا.؟؟. عرفتي نقلك واحد الحاجة ..تفكيرك مريض بزاااف وانا ماكد مية في المية غ غدا تنعسي مع راجل واحد اخر غادي تنساي فراشي ماكد مليون في المليون…

_نت اناني فعلا..وكلامي لي قلت ليك قيم بزااف وهضرت معاك باش تنحس اتاجاهك ماشي باش نضرك او لا نتوسلك ولكن كون على يقين الغلط ي لي درتو من قبل ماغاداش نديرو من بعد ..ربمى بديت نحس اتاجهك مشاعر مختالفة على قبل كنت مسنية اني فقط نعتارف لراسي اني تنبغيك باش نقولها ليك ..لكن دابا تلاشى كلشي..واحساس اخر بداني وهو الكره ابكر …وانا لكرهت لواحد تنمحيه من ارضي وسمايا..نقدر نخلي ليه كلشي ونمشي . ودابا حيد من طريقي .. قبل مانخدم معاك شهلة ديال راسها

فتح ليها الطريق…تمشات جوج خطوات . تلفتت ليه كان تيشوف في دارو هز عينو لسراجم..بانت ليه هناء واقفة…..طول فيها الشوفة .. . دار باش يرجع من طريق الجردة ويدخل الدار.. انتابه انه تقطع حسها وغبر ليها الاتر دور عينيه في المكان دار دورة كاملة مالقاهاش …سرع خطواتو.. تيقلب براسو…شك انها تكون دغيا رجعت لدار … دخل تيقلب بعينيه وخرج عند هنية همس ليها في ودنها ومشا وقف عند الباب .الكبير. وعينيه فالتين هنا ولهيه… جات عندو هنية

_ ماكيناش لا في الدار لداخل لعند باها…طلعتو عرقة…. تلفت جيهة الرجال وخطا خطوات تقال وبعينه تيفلي شكون خاص حت تيفاجا بخوه سيراج ماكاينش . … رجع خوطات لور ومشا الاسطبل .. قلبو بعينيه ..خاصو عود .. مشا تيجري ويتيقلب علامن تيقلب على عودو ولا على شهلة ..مافكرش لي لحظة انها تركب عليه…. نتف شعر لحيتو وشد في عناقرو ..جا المعطي تيجري ..

_ ماشفت حد المقدم

_ وفين كحييل ؟؟فين العود….

_ يكما هزو شي واحد في خوتك المقدم ..بان ليا سيراج هو لي كان يدور حداهم….

_ علاش تيهزو معامن تشاور.!!؟؟. حل على شرف.. خلا فجر بغا يحماق ..يتعلى ويضرب في رجليه… تلاح عليه بلا سرج غ لجام لي في فمو…وخرج تيقلب تابع ودنو واش يسمع بيهم شي صوت ديال حوافر عودو ولا صوت تنفسهم….ولات عينو على عودو وعلى شهلة يدور في الجناات حت قطع الياس وخرج لفدادن ..حرتهم حرك عودو حت وصل عند العساس.. لي لقاه مسنيه وقف عليه ولاخر حل عليه الباب بلا مايهضر معاه ..من نباهة بكر قال

_ لمن حليتي الباب ؟؟

_ لمرتك اسي المقدم مابغيتش نحل ليها حت قالت ليا راه ابو بكر غادي يجي ورايا….تبعها مغدد .. شاف عود لاخر واقف عند الباب وهو يتلاح من فوق شرف بخفة . ركل الباب برجلو ..كانت جالسة حت قفزت سمعتو فاش جا لكن ماضنتش يضرب الباب ..رجع ضرب الباب ويعرنن

_ حلي الباب ابنادمة.. ضربت الطم وسكتت .. ياغادي تحلي الباب ياغدي نطرطقو هو راسك. …فارع الباب بالدقان … تكات على فوتاي اديها على عينيها وصورتو وهو عريس ظاحك مامسوقش مابغاتش تمحى ليها من قدام عينيها…ركب على عودو ورجع عند العساس..

_ ماتحل الباب لحت لواحد يالي باغي يدخل ولا لي باغي يخرج هاني راجع …مشا هز مكحلتو …شافو المعطي وهنية سخفت في بلاصتها… تبعو المعطي تيجري …على رجليه… حلات عينيها على صهيل من بعيد عرفتو راجع ..ناضت تتجري حلات الباب . وطلعت فوق العود لكن مع الخلعة ماقدرتش طلع بالزربة جاها العود عالي وخاصها تحط رجليها على شي حاجة ماشي بحال كيف ركبت عليه المرة لولى خدات سلم صغير مخصص ليهم تيكون في الاسطبل.. تقاتلت باش تركب لكن ماقدرتش قبل مايوصل عندها حلات ااباب وجابت العود عند الدرجة غ طلعت حت وصل عليها تلاح من عودو وشد فيها من خصرها وجرها هبطها راسها ضرب مع كتفو وهزهافي جنبو كيف طفل ولد عامين. .دخلها ولاحها والمكحلة موجهة لبين عينيها ..وقال

_ شنو بان ليك نتهنى منك بالمرة ؟؟.وصل عليه المعطي تيلهت…تلفت ليه بكر ومد ليه المكحلةوقال

_ رجع الخيل بلاصتها. خرج المعطي وهو يضرب بكر الباب بكف ايدو حت سمعها العساس ..جمعت الوقفة..ساست حوايجها ومشات جلست وبكل هدوء قالت

_ لاش تابعني؟؟ ياك هاد الدار ديالي رجع بحالك راك عريس

_ جيت ناخد عودي

_ عودك خديتيه يله خرج بحالك .. ناضت حلات الباب وشارت ليه يخرج …شاف فيه بنص عين وقال

؟؟ علاش تتقلبي؟؟ جات قدامو ودفعتو بغيض وقالت

_نت سببتي ليا الم كبير فاش عمرتي ليا كرشي بتلات اطفال وخلتيني معاهم خفت من وجودهم في الدنيا ليبقاو مع بابا ويعاملهم كيف عاملني ويرجع حياتهم بحال حياتي حت حاجة ماعندهم الحق يقروروها بنفوسهم ..ومشيتي بحالك… وخليتني في دوامة مع طفل ماكنتش باغاه وحماقيت فاش عرفت هازا في بطني تلاتة ماشي واحد تلاتة اجنة تلات حيوات تلات شخصيات تلات عقول كيفاش ندير ليهم وكيفاش نتعامل معاهم وكيفاش غادي يعيشو.. تمنيت نموت انا وياهم وحت الموت مرحمنيش ومجاش زارني بحالك.. عشت اليأس والضياع.وكنت نقلب على الامل في كل فتحة باب تمنيت تجي وتنقدني منهم كيف نقدتيني من بابا وحسستيني طفلة مزال تتكبر وتتعلم ولكن كنت ضالم كتر من بابا وتخليتي عليا وعشت الضياع مرة اخرى وماعرفاش نسيطر على نفسي وماعرفاش فين غدا نكون ولا كيفاش غدا نكون وشنو مصيرهم وهما معايا..زرعتيهم فيا الفترة لي بغيت نهرب من القيود وقيدتيني بيهم..انا مانتنبغيش لي قيدني بعرف او دين او قيم ماتنبغيش لي يتعدى حدودو معايا ويفرض سيطرتو عليا ماتنبغيش نعيش تحت جناح احد ..حت واحد لا بابا ولا ماما تخلقت بروح مخنوقة من كلشي حت من ملابسي وزادو كملو عليا هما انا تحرقت في منطقتي الحساسة تحت قيد الشرف وتحرقت في روحي بزواجي منك تحت قيد العدرية ومت تحت قيد الامومة انا مابغيتش نكون شريفة ولا زوجة ولا ام انا بغيت نكون حرة فقط نعيش بشنو باغيةولكن حت حاجة ماتحققت ..تضلمت وانا عندي سبع سنين وتقهرت وانا عندي سبطاعشر سنة ودابا نت قيدتيني معاك ببشعور .هنا…حطت ايدها على صدرها .. بغيت نكسر هاد الشعور من نهار قبلتيني بحب وعاشرتيني بحب مابقيت قديت نقيس واحد اخر ديما كنت حاضر معايا ولكن ماشي بقوة اني نبني عليك حلم تكون رجل ديالي حت كتاشفتها ليوم يمكن حسيت بنفس احساساك الى قرب مني شي راجل نفس الشي معاك مابغيت حت ايد ديال شي بنت تقيسك سمعتي ابكر ولقستي نت عروستك حت انا غادي ندير نفس الشي مع واحد اخر كون على يقين….

تبتت عينيها الخضورات في عينيه وقالت بكل تقة وكملت كلامها لي بدايتو سهم :

_وغدا نعاقب نفسي قبل مانعاقبك وغدا نحرق هاد القلب قبل مانحرقك …

_ درتيها من قبل وبستي ولد خالتك ..قالها ومشا طل على بيت النعاس… تبعتو تتجري دورتو عندها

_ مابست حد انا مابست حد … ظحك ظحكة استهزاء وقال

_ سري بوسي وعنقي ونعسي مع الرجال الى نت حطيتي حياتي مع حياتك فراه مغديش نكون ليك ولا تكوني ليا… غ هو ديري المعقول سمعتي قلبي على رجل في الحلال. على قبل لو جا شي نهار لي تنسيني فيه ودخلي لحياتك رجل اخر ماتندميش على عقابك لنفسك كيف تتقولي.. شافت فيه بحقد مماتل ليعيونو وقالت

_ ادن عطيني ديك الورقة لي جامعانا ..

_ مرحبا هي لولا ..نسالي شغالي غدا وبعدو نهبطو المحكمة… غ هو واش تلقاي لي يحليك بحالي مانضنش..بقات تتشوف فيه

_ مالك.. عاد قلتيها ولا نسيتي ولا غ حافظة درس ديال بوشتة .. تما غادي خارج وهي تشدو من دراعو دورتو عندها

_ عاود شنو قلتي؟؟؟

_ ماقلت والو نت لي اعتارفتي ليا انك مابقيتيش تتقدري تعاشري الرجال ولا يقيسوك حيت انا دخلت لحياتك اوى كيفاش غادي ديري ليها هادي فهميني ؟؟

_ ماتحاولش تجرني لعناد حيت لي مشيت حت دخلت معاك في دائرتو غادي يكون خوك سيراج هو الضحية.. عطاتو صفعة لوجه بلا ماتقيسو ..جمدت ليه عروق ايدو..

_ خاف على راسك من الجلطة بعدما توصلك خباري من عندو شنو بان ليك ساهل ناخد سيراج ااا ونشطح ليه.. بدات تلوى ودور بيه وهو مجمد ونبوسو ..تعلات على صباع رجليها ..قربت من خدو مانوياش تبوسو لكن هو نواها .. شدها من شعرها لوى ليها عنقها لور وهي غ تتضحك ونقاء ضروسها باين وجمال دقنها تيشهي ياخدو بالقبلات وجها صافي وردي الون شعر اشقر بلمعان طبيعي .. وشفايفها الكرزية .ريحتها دخلت ليه النيف وزعجعتو بطيبها . قفطانها المميز عطى لجسمها اتارة وخلاها متل اللاميرات .. حاول يبين ليها عكس شعورو وقال

_ من بعد ماتاخدي طلاقك سيري حت لعند ..جمع فمو ماكملش كلامو وهي تقول:

_ علاش مابغيتيش تعتارف خايف تجبد سمية شي راجل وبتحدي وعند فيك نمشي عندو ولي ماعرفهاش هو نوريها ليه انا ونت عارف شهلة كتاب في العلاقات الجنسية. .والمتعة الجسدية ..صبر ليها اليوم حت صفعة ماعطاها ليها لاعب معاها ببرود ومخليها تهضر ربما اعتارفها ليه هو لي خلاه معاها بهاد الشعور ام حكاية اخرة تينسجها ليها… طلقها فك سيور سلهامو لاحو فوق الفوتاي التاني ومشى جلس ..هز ايديه ورا راسو متكي عليهم عينيه في السقف وقال

_ شحال صغرتي راسك اشهلة .. عندك يسحاب ليك دافعت عليك قدامهم لبارح حيت سميتك شهلة ..هز زاوية فمو وقال: حيت سميتك ام حنين وام كريم وام حليم..اما نت ماتتهزيش فيا حت شعرة ولي تقال عليك ماعرفتوش واش صح ولا كدوب ولي عارفو انا نت وحدة ساهلة ماهلة ماتنسايش انك غ حالة فمك ولي جا قدامك يبوسك . شافت فيه بنص وجه وحركت حجبانها ..تقبلت معاه هزات سلهامو لاحتو ليه على وجهو وجلست في بلاصتو ..دارت رجل على رجل تتقاد في قفطانها وقالت :

_ غادي تندم . ابكر غادي تندم.. فك اديه وبسطهم ليها مهزوزين وقال

_ ندميني الالة

دخل الحاج مغدد من شنو سمع من بنتو حطتو بوجهو في كل كلمة قالها ليها… ضرب طربوشو مع الارض ومشا وجا قدام اليكسي لي مغرمة بالكتب والرويات … نطر كتاب من ايدها وقال

_ في مخك مكتابة ديال روما من العصور الوسطى وماقدتي تشدي بنتك تفقهيها وتخليها نابغة وخا تفهم غ تحرميات بحالي نت تتقولي انا كتاب وانا قريني لبنتك الالة وخليها تشد مني غ شوية.قلبيني صفحة بصفحة .. مشات ببطء باستو وشداات الكتاب منو وقالت

_ نسالي غي هاد الصفحة ..رجع شدو منها وهزو لفوق مطول ايو عليها وقال

_ في دماغك شي حاجة تفيدي بيها بنتي انا تقداو ليا معاها….

_ الي قريتو وستفدت منو انه اللانسان لمكانش مؤمن يقدر يدير في حياتو اي حاجة ويقدر ينهيها ويوضع حد للصرعات لي فيه لانه ماعندوش علامن يعول باشي غير قدرو…

_ ياك الالة هادشي لطاح في بالك وزيديني فقصة اخرى ..

_ واحد اللاميرة رومانية كانت الوحيدة عند باها وكان داك الملك طاغي وكان باغي يشد الارض كلها…ويتحكم في الشمس .. ولكن كان في الجهة التانية من الارض كان ملك طاغي كتر منو جاتو خبارو انه هداك الملك تيعتامد على حكمو على الهة النار فقرر الملك الطاغي يدخل بحييلة تلك المملكة ..مشا هو عائلتو وكان ديما مسبق بنتو قدامو باش تفتن الاعداء ويباغتهم ويقتلهم ..كان اي بلاصة تيدوز منها تيخلي الرؤوس وراه وبرك من الدم. ووديان حمراء.. حت وصل عند الملك اللاخر ولقاه باني عرشو فوق حمم بركانية وعيونو كلها شر .وكان داك الملك تيقلب على العدروات هو لي يشعلو ليه النار وكل عام تيقدم بنت عدراء جميلة لفواهة البركان باش ياخد شعلات كتار ويدوز عندو العام بخير… رعية ديال الملك الطاغي قالو ليه رجع بنتك وراك وحميها ودخل عندو بحيلة اخرة حت تجيب راسو ونكونو شدينا الارض وشدينا الشمس …خباها على الجنود وقص شعرها ردها بحال الولد غ حت يدخل عندو وفعلا دخل عندو القصر وخاطبو ببلاغة الملوك وتصاحب معاه وقال ليه جبت ليك هدية معايا من مغرب الشمش فرح اللملك الاخر وقال ليه وريني الهدية ولعجبتني ختار اي بقعة من الارض خودها ..فالملك الطاغي صدم عائلتو وعرى على وجه بنتو وقال

_ خودها هدية ليك راها جداها امراة ولود وتتلد غ الملوك…بعقل كبير وانا كون ماكانت بنتي كنت غدا نتزوج بيها ونولد غلام اكتر مني قوة ودهاء …رحب الملك الاخر بالفكرة وخداها عروس وليلة عرسها شرط عليها …الى ولدت ولد غادي تكون ام الملوك وتاخدي بقعة من الارض فيها تلات بحور وتلات قرات .ولكن الى ولدتي بنت غادي نقدمها لالهة ديالي …وغادي تولدي مرة وحدة في حياتك فردي لبال لشنو غادي تهزي في كرشك وطلبي الاه ديالك بشنو بغيتي …توزجت البنت الجميلة بالملك الضالم وحملت …خافت تولد بنت وخططت تهرب ..وفعلا نجحت وهربت وسط الغبات والوحوش كان الكاتب تيوصف وحوش عجيبة راسها رؤوس الدجاج بمناقير مقوسة وعيون صغيرة وجسم كبير بلا ريش وبلا جلد كان الاعضاء ديلهم تيبانو واي حاجة تياكلوها تتبقى تتبان حت تتطحن .. شافت المسكينة تلك الوحوش وتمانات تموت هي ولديها كانت تتبكي في صمت باش مايسمعوهاش الوحوش وكان فيما جاها الجوع تتاكل خشاش الارض دود حشرات واحينا تراب لانه كانو اوراق الاشجار بعاد بزاف ولا تساقطت ورقة من شي غصن ماتتوصل الارض حت تكون يبسات وتفتت …المسكينة عاشت وسط النمل تيدخل ليها لفمها ونيوفها واحيانا لودنيها لانه كانت تتهرب من حياتها بالنوم وكل ماطال نومها تتكون عرضة لهجمات النمل وقريصو.. حت جا النهار لي غدا تولد فيه..وفقيت الوحوش من الم المخاض وعلمتهم بمكانها وهي هربانة منهم طاح الولد والحبل السري ديالو لصقات معاها هزاتو تتجري بيه وماعرفتش كيفاش تقطع الحبل وخلاتو بيه تتجري والحبل السري مع الارض الوحوش تتشم اتر ديالو…دخلات البنت المسكينة بوليدها في واحد الجدع كان مجوف وولدها في حضنها فاش تقطع حس الوحوش للحظة بغات تشوف شنو ولدت فكانت صدمتها اكبر من معاناتها ولدت ولد فرحات وبكات وغوتات ولعنت جميع الالهة لي تتعرف لانه ماعطاوها حت ايشارة باش تعرف انه عندها ولد فقررت ترجع بيه ..ولكن الاسف غ خرجت من جحرها شدوه من عندها الوحوش وكلاوه قدام عينينها وهي تتشوف في احشاءهم تيقطعو ليه طريفاتو اديه ورجليه وفمو وكرشو حت قلبو بان ضربتهم وغوتات عليهم وفي الاخير وقفت تتسناهم ياكلوها حت هي ..فكانت النهاية اسوء من البداية…

ضرب الحاج ايد مع ايد وقال

_ نوضي اهيتا قلبي على بنتك من العشا مابانت ولعرفوها دوك الوحوش اللادمية لي في ديك الدار بيتة معاه لبارح ووليوم يقطعوها قطيع الدرة بالمنجل .

جالس باريحية فوق الفوتاي الاسود ..حت انه فكر يتقاد في الجلسة حرك جسمو مسند ظهرو وربع اديه كالمعتاد الى باغي يااخد قسط من الراحة…وقال

_ يله الالة عطيني نبدة على نوعية الندم لي غادي نحس بيه …جلست بنفس طريقة جلوسو فكات رجل على رجل وسرحتهم وقالت

_ اجمل حاجة تتعجبني في الشخص هو الهدوء … ابتاسم وفي اتبسامته لؤم..وقال

_ متقلبة ومزاجية واش هاد الشخصية ديال بنات السويد كاملين ولا غ نت ؟؟

_ اصلي عربي للاسف ..ولكن تنميل لهدوء احيانا وتيعجبني الناقش اللامور الجدية بهدوء . مد ايدو مبسطة بمعنى

_ ها حنا في جو هادء جدا شرحي ليا شنو بغيتي بالضبظ باش نفهمك مزيان وناقش معاك اللامور حت انا بهدوء

_ اووكي.. في البديات ديال علاقتي بيك كنت مجرد وسيلة باش نحقق غايتي وتفرضتي عليا ..

_ اهء عارف كملي

_ .. الشعور لي حسيتو اتجاهك ونت تتضربني في اول لقاء خلق ليا نقطة رمادية . بقات معايا حت اخر مرة شفتك فيها ونت تتغادر بتلات اطفال..فاش خرجتي في هديك اللحظة حسيت انك انسان رائع للغاية قادر يحمي تلات اطفال ..فتلاشات تلك النقطة …شاف فيها بنص عين وقال

_ ماهمتش ؟؟ كيفاش واش بقيتي هازة مني في قلبك من نهار ضاربنا في الموسم

_ ماعرفتش الشعور ولكن نت هجمتي عليا بلا ماحت نعرفك شكون ولا شنو درت من خطا ..حسيت بيك اسوء شخص على وجه الكرة الارضية وفاش عرفت انك نت اختيار بابا باش نكمل اتفاقي معاه كان عليا نغطي على ديك النقطة بتوب حت نسالي منك ومن بابا ونعري عليها …. ضرب ايد مع ايد ظحك وقال

_ تعريتي كلك وتغطيتي بخامية عرفتي شحال من نقطة كحلة هازانا من جيهتك ماشي غ وحدة ورمادية. لا ابنت الحاج بزاااف وكلهم كحلين واولهم شفت *** قبل مانشوف وجهك قدام موسم ديال البشار ..تاني حاجة خارجة تكسلي كي ولداتك مك تمنضري ليا فيك خمسة ديال البناية وزيداها وهادي الواعرة كاع معلقة في ولد خالتك كيف العلقة ومعنقاه… شار ليها بصبع

_ استتنيت البوسة صافي مبستيهش الالة..ولكن ماتيمعنش اني نقول انك نت لي تعلقتي فيه حت هو باسك اول لا ؟..سوا بسيتيه او مابستيهش ف نت السبب … وقفات بزعاف ومشات شعلت البوطة وحطت عليها معيلقة ..تتحمى ..بقات عطاياه بالظهر حت ولات المعيلقة جمرة حمرا وهزاتها قدام عينيه…وشارت لشفايفها ..وقالت

_ باسني هنا ادن شوف على عينك انا ماتنبغيش الواحد يشد عليا جرم واتر قبلة براون غادي نحميها هي وديولك….هزات المعيلقة وحطتها على فمها ..لاحت المعيلقة من بعد ماشوطت الشنايف ..تحرقت ودموعها هابطين مع شوفات غارقين..وقالت

_ ماشي نت لي حرقتك بوسة براون حت انا حرقوني بوساتك ودابا محيتيهم كلهم …دخلات بدموعها لطواليت غسلت وجها تتهز الما في كفها وتتحطها على فمها.. وتتسب وتعاير بالسويدية ودموعها شلال…..عصر عينيه باديه وقف مشا عند باب الطواليت….شافت رجليه وهي توقف دارت بالخف وزدحت عليه الباب وقالت بالانجليزية

_ سير***.. رجع لبلاصتو وجلس حت خرجت عندو بشفايف منبلين وعينين حمرين مشات لبيت النعاس تكات فيه وقالت

_ خرج بحالك سير عند العروس ديالك….وقف ومشا عندنها شدها من ايدها وهي تتنطر غلب عليها وساقها قدامو ….سد وراه الباب ومشاو كانت حفيانة كل ساع توطى على حجرة وتقصحها …وصلو لدار كانت الدنيا مزال عامرة والعيلات محيحات … قلب الدورة ومشا لدار هنية

_ دخلي غسلي وجهك لبسي في رجلك وطلعي لبيتك.. .وقفت تعكست ليه وهو يدخلها صحة وجلس مقابلها حت غسلت رجليها لبست صندالة ميكة ديال هنية ومشات قدامو ..طالعين من جيهة اخرة بعيد على الانضار….لكن غ وصل لبيتو شافتو سميرة….حل البيت دخلها وقال

_ فعايلك فعايل الدراري الصغار وقالت بغات تندمي….سيري تنعسي وشبعي نعاس مزال صغيرة على الهضرة لي قلتي ابنت الحاج ….مشات تكات في فراشو على ظهرها وقالت

_ ونت شارف.. وكبير عليا..فعلا مانقدرش ندمك مانضيعش راسي في تفاهات عادية وبسطية ..تتنش على فمها…دخل لبس حوايج النعاس سيرفيت بيضة مع كبيتشو حت هي بيضة بالقب بجيوب في الوسط مع كتابة بالانجليزية .البقاء للاقوى..قبل مايخرج قالت

_ البقاء اللاقوى… رجع سد الباب شوية وقال

_شنو؟؟؟.

_ جملة مكتوبة على حوايجك خاصك تقرى اي حاجة الى كانت على حوايجك ربمى تصادف كلمة انا متلي تعالى ون***.. ..طلقاتها بضحكة .. تتحيد في قفطانها مامسوقاش ردت فعلو. تحركت قدامو بدوبياس مشات لبلاكار تعلات على صباعها هزات تيشروطو دورتو ليه وقالت هدا مافيه والو ..بحال شفايفي..لبستو بوحدو ومشات شعلات تلفزا..رجعات لدوش قبل مايخرج سمعها تتهضر

_ جيب ليا حفظات مزال انا بيبي … خرج تيقلب في الكتابة اول مرة يلبس شي حاجة فيا الكتاابة ساع ندمتو دخل لبيت عند ولادو هز من المجر تلات ليكوشات جابهم لاحهم فوق النموسية ورجع خرج. غسلت تحتها وخرجت تتنشف بفوطة .جلست على ركابيها تتقلب في الجمورة ديال البلاكار على سبلباتو لقات كرطونة فيها مجموعة جديدة جبدات واحد حيدت منو صورة لاسقة فيه قطعتها وقالت

_العين غادي بيه عند عروسو ..دخل لبيت عند هناء..كانت متكية ناعسة وعاطية الباب بضهرها…قرب منها باس ليها راسها ..فتحت عينيها على ريحتو وقبلتو .

رجعت سدتهم بالخف تتحس وجودو في البيت غير من حس خطواتو ..سد السراجم دوز الريدو …داز ليجهتو وتكا بلا مايجر عليه الغطا حط رجل فوق رجل ايدو وحدة تحت المخدة ولاخرى تحت راسو.. عينه في السقف …صور شهلة فقط لي تيدوزو لا احساس اخر غير احساس بخوف كبير من وجودها مع اعتراف بحبها ليه.. ودفاعها على نفسها بقوة .. براس مرفوع .. عينيه تيقلبو في السقف كانه تيقرا كل كلمة قالتها ليه.. حت وصل مشهد لي حرقت فيه شفايفها وهو يتهند وغمض عينيه كارز عليه .. بقا مغمضهم وهو يحلهم بسرعة . تتحسس شفايفو بلا مايدور راسو قلب في المكان على طيفها ..رجع غمض عييه مستسلم لنعاس….عيان مهلوك في عرسو الاول كان بنفس كمية العيا لكن باختلاف بسيط ليوم عيان عياء نفسي وجود شهلة المفاجا في حياتو مرة اخرى برضاها هي خلق ليه تعب وحمل تقيل . بقا فايق مدة طويلة .عاد انتاضمت انفاسو حتى واحد مازعجو اليلة عكس ليلة زفافو اللاول كان في عيان عياء جسدي رهيب ومع دالك ماسلمش من مزعج لطيف بقبلاتو وبحركاتو .

حت ليوم ماسلمش من وجودها وازعاجها .. حل عينيه بتقالة تيركز مع شنو تيسمع …ابتاسم وناض من بلاصتو..لبس بانطوفتو خرج وسد وراه الباب وهو غادي وصوت الموسيقى تيزيد يتجهد. خرجت سميرة من بيت الدراري تتصاوب في زيفها . تتطل مينين جاي هادشي… شار ليها دخل…تمات طالعة هبة ولا لة خدوج مع الدروج حرك راسو يرجعو .. حل عليها الباب صرفقو اديل بحلقها..وهو يسدو وراه بالزربة… تلفتت ليه ..كانت تتشطح على ايقاع اغنية fier of rain طالقه تلفازا على حر جهدها .. قد كبر التلفزا قد صوتها لي تسمع عند زهير لي كان مزال فايق وتيكمي وسيراج معاه حت هو تيكمي بالتخبية ..واقفة قدام تلفزا وتتغني مع اديل حافظة اغانيها عن ظهر قلب تتشتف برجل وحدة واديها وكتافها تيمشو مع االايقاع شعرها تيتهز وراها مع كل دورة ..جاها تيجري طفاها ليها وهي ترجع تشعلها….مهدداه بصبعها

_ تقرب ليها نضربك….تكا باش يطفيها عاود تاني دفعتو وركلتو .. شدها من رجليها جابها الارض لصقت ليه مع اديه شادهم ورجليها شادين رجليه تتصارعو بحال الخصم في حلبة القتال … لكن جسمو قوى من جسمها مشا بيها حت مد ايدو طفاها دفعتو وجات قدامو باش تشعلها هزها من خصرها ولاحها فوق النموسية جات على ظهرها شادة فيه.. من درعانو بجوج…. بغا ينطر منها زلقت ليه رجلو بسباب هيضورة تحت من النموسية وجا مكروع عليها …بالخف دورت عليه رجليها من جيهة من ظهرو واديها على عنقو.. جمع الوقغة ناضت معاه هازها عينيه في عينيها لبضع تواني حت تقلبو تيدورو على وجها الجميل ..تاه في جمالها وقربو منها بهاد الشكل بخفوت قالت

_ كون ماحرقتش شفتي على ودك كنت غادي تاخد اجمل قبلة …بخفوت مماتل

_ شكون غادي يخليك

_ لبارح فاش قبلت ماقدرتيش تمنعني..

_ فكي اديك من عنقي ونزلي

_ لا ..زادت كرزت عليه برجليها وفخاضها واديها حطت راسها عند عنقو وقالت

_ خديت وعد على نفسي مانقبلكش لكن العناق لا ..كرزت عليه بتعنيقة..ظحكتو لاح شوفاتو بعاد وقال

_ شهلة شنو بغيتي ..؟؟

_ مابغيتتكش تنعس معاها

_ حشومة هي عروس

_ وانا ؟؟ هزات عينيه من عنقو تتشوف فيه كملت كلامها: قبلتيها؟؟؟ .. قول حطيتي شفايفك على شفيفها؟؟؟

_ نزلي ماشغلكش فيا…فكت اديها منو و نزلت مشات لبالكو ووقفت ..طل عليها كان باغي يرجع يخرج حت سمع سمية سيراج على فمها ..رجع لقاها تتلوح بايدها .. مشا جنبها طل فين تتشوف وفعلا كان سيراج مع زهير..هاز راسو.. خبا الكارو هز زهير راسو وتفاجا بالعريس مع المراة القديمة عض على فمو بغضب وناض وقف ..شد بكر ايد شهلة ودخلها جارها وراه

_ البالكو عريان من لتحت مبينك كلك وواقفة تتعيطي بلا حشمة بلا حية سيراج.. ردت ليه نفس الكلمة

ماشغلكش

طلق منها وقال

_ ديري لي عجبك هدا جهدي معاك راك بعقلك ماشي صغيرة… تما خارج وهي تقول

_ عاد قبيلة قلتي انا صغيرة ولا نسيتي…شاف فيها جنب ..مشا قلع التلفازا من بلاصتها خرجها برة ..دابز معاها حت خرجها طل عليها براسو

_ غ ماتصدعيش الضياف ودري لبغيتي … جاب الكاو بالعيا ليليتن ماشافش فيهم النعاس…رجع البيتو ..كانت هناء مقلوبة على جنبها في اتجاهو.. مغطية وجها بشعرها تتشوف من تحتو… تخشى في بلاصتو ..جر بشوية الغطا حط راسو على المخدة ونعس ..ماغاديش يقابل لالهم شهلة وفعايلها ….هو نعس وهي باتت تتقلب في فراشها وجميع السيناريو لي عاشتو معاه قبل حضر بتفاصيلها…حسات بشعور حميمي . ..مشات وجات في البيت..ومشاهد جنسية تتدوز ليها من قدامها تيبان ليها هو فقط لقبلات وعناق ولمسات ….تسرحت فوق النموسية وناضت بالزربة خرجت لبالكو دارت فيه كيف الحمقة تتمشي وتجي تكا على السور وترجع توقف دخلت لبيت ومن لبيت لدوش وقفت قدام المرايا حت عيات وخرجات ..تكات على ظهرها تعصبت ..بدات طلعها السخانة من جديد كحزت لمخدة جرتها حطات عليها رسها ..بقات تحل في عينيها وتسدهم حت غفات وكيف ديما فاش تتعصب تتحس بدمها تيتحرق تتمرض بالسخانة….شدات الفراش مابقات ناضت تلاها معاها الحاج واليكسي…خوات الدار من بعد مادارو لبنتهم تلات ايام ظحكو ونشطو بوجود فراغ كبير …. حمل بوشتة مرض بنتو لبكر خاصة فاش شافها حزينة وغ تنعق ماماها وتبكي وخبرتهم باعتارفها وشنو قالت لبكر …الشي لي خلا الحاج ياخد قرار يبعدها عليه ودخل في صراع مع بكر..على قبل الطلاق ….والحضانة.. مشا غاب فيها اسبوع لمدينة الرباط ..من بعد ماهضر مع محامي انه خاصو ورقة من السيفارة حول جنسية الام خاصة ان دولة سويد عندها قوانين حول الاطفال..وتعتابر الدولة الاكتر دعما لاطفال والامومة .. جنسية شهلة السويدية غادي يخلي بكر يطلع ويهبط ولمكانش تنازل مختوم من عندها مايحلمش بالدراري… رجع بخفي حنين من عند المحامي لي مشا معاه السيفارة وخا الاطفال عندهم جنسية مغربية لكن استحالة ياخدهم وخا يجيب الف شاهد على انه سمحت فيهم من نهارهم..الشي لي خلا الحاج ينعس على جنب الراحة وبكر تيمشي على الجمر.. هناء ومها في اتصال دائما حول موضوع الطلاق والحضانة بالرغم انه ارتاحو نسبيا لكن زهير عندو راي اخر وديما في فمو

_ غ تتضحكو على روسكم واش لي جات عندو السويد حت لبين اديه يطلقها تمشي .. واابعيني شفتو معاها جارها من البالكو من ايدها ..ضو بيتهم بات شاعل وضو بيت العروس طفا مع المغرب قولي لبنتك تعرجع بحالها مسامحينو في كلشي مابغينا منو والو غ الله يسهل على الجميع…حرب هنا وحرب لهيه ولكن اصعب الحروب حرب القلوب .. تلات قلوب متخبطة في مد وجزر وتلاطم اللامواج…ربمى ارتاح قلب هناء لمعرفتها بمايدور حولها من ايجراءات وعارفة راجلها باغي يطلق شهلة حت انه مامشاش طل عليها فاش كانت مريضة ماكلات ماشاربات حت ليوم ..

ربمى ارتاح قلب هناء لمعرفتها بمايدور حولها من ايجراءات وعارفة راجلها باغي يطلق شهلة حت انه مامشاش طل عليها فاش كانت مريضة ماكلات ماشاربات حت ليوم ..داز عليها جالسة تتفطر مع سميرة وهناء وامينة والحاجة خدوج .سلم عليها بالايد بحال سميرة وامينة في حين مد وجهو لهناء وباس راس مو… ومشا دخل تيقلب على ولادو…تبعتو بشوفات حت غاب عليها وبان في جيهة اخرى هاز حنين وحليم وهناء كريم وخارجين عند الاحصنة توحشهم …غاب الحاج واليكسي لنفس السبب وبقات هي مع هنية لي تتعزها بزاف لا هي ولا سميرة لدخلت ليها لخاطرها ….اليوم السبت يوم الحمام المغربي في الفيرمة ..تيسخن بعواد الشجر …تتكون عندو طقوس خاصة عند النسوة لازمو طبريمة بالحنة والورود والخزامة والحامض والقرنفل والريحان. على ايد هنية مصاوبين.. وقفو شهلة من بلاصتها من بعد ماشافو البرود لي عطاها بكر وعاملها كاي غريب ..دخلوها الحمام..اول مرة تشوفو مكون من تلات بيوتة بزليج مغربي عريق واحد سخون بجفاني ديال النحاس على شكل نجمات فوقهم جوج روبنيات كبار على شكل كوكويجات تيخرج منهم الما واحد سخون والتاني بارد.. داير بجلسة رخامية والبيت التاني دافء لي ماقدش على السخون يغسل فيه حت هو بنفس الجفاني ونفس الروبنيات مع حيوطة محفورين على شكل اوراق اشجار كل ورقة فيها حسكة صغيرة بشميعة .واخر بيت فيه جلسة بالمراية وفراش مغربي مع طبلة ديال النحاس ..حطات فيها هنية اتاي مشحر مع طبسيل مشكل بفواكه جافة والمملحات من صنع امينة قريشلات فاسية ومسفيوية ..دخلت سميرة وامينة وشهلة الحام زبطوها خلاوها بسليب خلطو اللاعشاب في زلافة حت هي ديال انحاس ودهنوها من لفوق لتحت مفرشين ليها جلدة وهي غ حاضياهم وهما يسرحو التبريمة من العنق حت لاخر صبع .. عاد شلولوها وكل وحدة هزات كيس وبركو يحكو ليها وخير الارض تيخرج غسلو ليها وكسلوها ويضحكو بيناتهم فاش عطاوها الكيس تحك مؤخرتها جلست غ تتلمس فيها حت شدتها منها سميرة وبردت الغدايد فركوها فريك جابت ليهم هنية الدراري حطوهم حداها وكل وحدة شدت واحد عطاوها حنين ماعرفت منين تبداها جلست غ تتلعب معاها بالما ويضحكو حت سلاو العيلات وشدوها بواحد تبريمة حت هية.. غسلو ليها شعرها حزموه ليها بزيف حياتي وخرجوها بي فوطة مزنكة غ شافتها هنية بدات تصلي على النبي..لبسوها بيجامة تركية طويلة على قدها لا في طول ولا في العرض رجعوها مغربية بملامح سويدية فاتنة..لبسو حت هما وجلسو يشربو اتاي حت خرجت هنية بدورها وكملو الجماعة حت جاهم المعطي يعيط من بعيد

_ ولاساليتو خروجو راه المقدم باغي يدخل يكمد عضامو … خرجو هما حشمانات ودخل المعطي بصينية ديالو مد عينو لشنو هازة سميرة وقال

_ هنية عمري طبسيل فاكية وجيبيه مع ساك المقدم غادي تخرجو ليك مرتو…عوجت فمها وقالت

_ هامرتو… لاخرة راه باقا بنت

_ وسيري المراة وباركة من الفمهات مابقيتيش تحشمي.. قربت منها شهلة وقالت

_ اجي هوني ..

_ نعام الزوينة ؟؟

_ عاودي شنو قلتي؟؟

_ ويه اجي نهضر ليك في ودنك… شافت فيها باستغراب

_ راه سافر فاش نت كت مريضة وهارجوعو ليوم وصلو الدار دخلو لصالة داز عليهم بصاك صغير فيه حوايجو تقول غادي لحمام في راس الدرب وهو غي في دارو ولكن حقا بعيد على الدار لانه تيسخن بالعواد .وتيطلق الدخان ..لكن ماتيستغناوش على نهارو كل سبت وخا الدوش كل نهار او يومين لكن ماكينش بحال الحمام المغربيي الى ما سخفتي فيه وخرجتي تتقلب على اتاي والما تتسمى ماغسلتي ماوالو …..تغداو في بلاصتهم وجلسو ممكملات ظحكهم جاها شهلة النعاس ..وقفت بغات تمشي طلع لبيتها حت داز عليها بفوطة على راسو رجليه حمرين واديه مكمشين بالما…تبعتو بخطواات نسى كان ناوي يدخل لبيتو وهو يتفكر مابقاش ديالو رجع دار دار فيها .قدقد .شافت فيه كيف ما شااف فيها.. ..حدر راسو وفاتها تلفتت ليه … دار مع الدورة وهي تسمع هناء قالت

_ بالصحة رد عليها

_ الله يعطيك الصحة..حلات بيتها دخلت ورجعت طلت فاش سمعت خطوات هابطين تبعت الخطوات لقات هناء حت هي نازلة بلاتروسة ديال الحمام اما حوايجها خداهم بكر معاه وخلاهم ليها تما…

دخلات لبيتها طلعتها صهدة لاحت زيف شعرها لي كانو حازمينو ليها ومشات تتقلب على ماتلبس ..شافت في ايدها مزال مصبوغة بحنة شوية من طبريمة …وهي طيح ليها على بالها فكرة غادي تحمق جد بكر وتخليه يلوح حوايجو.. بدلت كسوتها لبست كلون كحل مع قميجة نص كم عريضة جمعتها بعقدة من خسرها طلقت شعرها وخرجت بصندالة صبع … قالبت على هنية كانت في الكوزينة همست ليها في ودنها وعطاتها علاش تتقلب…هزاتو وخرجت الاسطبل …..مشات عند فجر وشرف هما لي لونهم ليض فاقع ونقيين …طبعتهم كلهم بالحنا والطحميرة ودوا الحمر…ردتهم بحاال خيل امريكا..باستهم وقالت

_ سوري خاصكم دوشو مزيان…رجعت عند هنية باش تشوف حل لايدها تغسلها وهدا مكان دارت ليها صابون لبلدي والزيت حت مابقا فيها اتر.. مشات هنية عند المعطي قالت ليه جري شوف الخيول اش فيهم غ شافهم حماق قبل بكر مشا يجري ويعيط طل عليه بكر كان ناعس قيلولة

_ هبط المقدم خيلك خرج فيهم شي عجب.. هبط حفيان تيجري ..شافتو شهلة هزات كتافها وطلعت لبيتها طل من البالكو…..دخل وهو يتصدم قبل مايوصل عندهم شدتو الخلعة من ركابيه ولا جاي ويتخروع …حت وصل عندهم كلهم دوائر على شكل بتور كبيرة ..باغي يقيسهم وخايف..مشا ليه الدم من عروقو وعلاين يسخف…مد ايدو والدموع واحلة في الشفر وخوه حط ايدو عليهم وهو يسلق فيه داكشي. خسر وجهو وتكمش فمو عيونو تترمش بزربة حابس البكية بين جفونو ..حت هز المعطي ايدو لنيفو وهو يقول

_ ريحة الحنا هادي بحال ل تخليطة لي لقيتها في الحمام المقدم . رجع بكر مس خيلو ويهز ايدو يشمها ولكن مزال مامتيقيش .. تيترعد .. خرجوهم برة وطلقو عليهم الما ء وبدات الصباغة تحيد ..هبط ايدو مع وجهو بغيض وعرف شكون دار هاد الفعلة…دوش ليهم وخداو ليه وقت يحك ويشلل ويرجع يغسل وحلف هو الدوا الحمر لحيد منهم حت طابو ليه اديه .. عاد سلم امرو لله مع ادان المغرب ..رجع كلو تيتقطر بالمياهات ويعطس خرج من الفراش سخون وكان اصلا سخون بالحمام . نشفهم ورجع مغدد …كان الكل داير على طبلة ديال الماكلة حنين في ايد شهلة ولفتها ولخرى حت هي ..شاف فيها وطلع بدل وصلى وهبط عندهم سيرة الخيول تتعاود شكون لعب فيهم حت واحد ماطاح على بالو فلانة….بقاو جالسين جماعين بيناتهم حت تحط العشا وقفت مابغاتش تاكل ..حطت ليه حنين في حجرو ضربتو بشعرها ومشات تتاصل ب باباها طولت معاه الهضرة حت بان ليها غادي مع هناء طالعين بجوج وهي يرجع ليها نفس التفكير قطعت عليهم ومشات لبيت دراري متلفة الوقت مع سميرة وامينة تينعسو فيهم ولكن تفكيرها فيه قضية وحدة تتضرب جميع العروق..نعسو الدراري ..مشات لبيت ديالها حركتو و سدات ونيرات فيه طيبتو بالمشي والمجي…سخنت بالمعقول وبغاتو ليها مايمكنش يخليها وينعس مع وحدى اخرة وهو لي كان تيخليها بلا نعاس وكانت تتدير ليه خاطرو وماعمرها قالت ليه لا صوت قبلاتهم حضرت في ودنها طايرة في الهوا تتشوف فيه كيفاش كان يقلبلها بشغف و بحب… جلست على طرف النموسية وناضت قافزة تلفتت ليها كبيرة واسعة وخاوية وهي تحل البيت وخرجات بخطى سريعة حت لبيتو بلا تفكير شدات في البواني على اساس صافي هو فوق منها وغادي يديرو لي تخليها تكرهو وتقدر تاخد قرارات اصعب منو دورات البواني حت تتلقاه هو بلا حوايج غ شورط لي بقا ليه وهي بشميز دو نوي في الدوغي واديه على كتافها وفمو في فمها بالخف تلفتو مشات دفعتو وصدات جيهتو ضربتو لصدرو ..هزات حوايجو

من فوق النموسية

_ لبس حوايجك لبس علاش عريان لبس.. خرجها في ايدو وهي مغزة

تتعرى قدامها وانا تتعايرني مانتعراش قدام شي حد ااا تتبوسها هي وانا مانع عليا.. غادي بيها قدامو وهي تنطر …ودفع فيه ووتهضر بصوت منخفض باش مايفيق حد ….دخلها لبيتها ..مخزز عليها ..شارت ليه بصبعها

_ شنو كنت ناوي دير؟؟ بغيتي تنعس معاها؟؟ مشات عندو كان بغات تنزل عليه ببونية لكرشو وهو يشدها من اديها بجوج وجابها لعندو

صدرو عريان .حلماتو منفوخين مع رسمة لكل وحدة فيهم… صدرها تيطلع وينزل عينيها في عينيه ..دقنو عند جبهتها .. الفاصل الوحيد لي بينهم عصبيتو هو …لاوي ليها ايديها ورى ضهرها والايد الخرى محطوطة على صدرو… لاح شوفات بعاد متجاهل نقاء وجها وخدودها الشهية وشفتيها الوردية.. محافظ على عصبيتو مع عروق بارزة في جبهتو وتقويسة حواجبو.. دور لسانو على فمو مرطبو مع كلمة خارجة من جدر قلبو باينة من عنقرتو لي بانو اعصابها بشكل بارز وهي وتتحرك من شدة الحرج لي تسببت ليه فيه وقال بصعبية في صوتو مع تهديد

_ مابقيتش قاد على هبالك

هبط عينيه لعينيها باش يكمل هضرتو : غدا غدا تقلعي من هنا نت وباك لي مرضني في صحتي وهي ..تحرك صباعها على حلماتو وقالت

_ نت كنت باغي تمارس الجنس فعلا…حركات ليه الحملة بصباعها جابتها وسط من صباعها تتهز فيها بخفة ..حركت ليه الاحاسيس لي مزال مافاقو طلعتو حرارة من صباع رجليه خدرتو بحركتها ربما قبلة هناء ماهزاتوش من ارضو كيف هزاتو شهلة بصباعها .. مررت ايدها على صدرو بلطف ..دموعها الصافية تتنزل من عينها الارض مباشرة حت عمرو عينيها بدموع وغرقت خضرواتها مابقاوش بانو وهبطو كسيل على خدودها المرسومة طلاقات كل دمعة عين مع ختها على دقنها وهبطو مع حنجرتها وهبطو لفرقة صدرها وجها تيترعدو ليه عروقو فمها عامر ريق بغات تزيد تهضر غلبها البكاء وقالت هي تتسرط ريقها

_ فعلا باغيها فعلا ماغاديش تراجع عليها فعلا وضعتي حد بيناتنا ….تنطرت منو باش تبعد عليه لكن من جمودو الي خلاتو فيه بقات ايدو لاوية ليها ايدها .. دفعتو بايدها لي كانت تتحسس بيه صدرو حس بها كانها نار دافية عليه وتتشعل فتيلات تتحي كل خلية فيه … تفكو عروق جبهتو وتبدلو شوفاتو حت ولا تيشوف غي فمها تيتيحرك وعيونها لتنطق بحب ..

_ طلق مني .. صدرها تيتطلع لعند صدرو ولي خلاتو فيه بصباعها على جسمو كملاتو ليه بصوت انفاسها وبياض رقبتها لي ولا تيبري بالدموع . ..رجعت دفتو تفكات ايدها بلا مايحس ..تائرة قدامو وجميلة ..صهدات لاحت القميجة البيضة من عليها ومشات شدات لو في ايدو .. وهزاتها ليه من المعصم تقيلة جامدة .. وحطتها على دراعها وممررتها حت لكفها وحطت ليه كفو على كفها وقالت من بعد مامسحت دموعها بظهر ايدها:

_ انا تنتحرق فاش تنتعصب ونت دابا حرقتي ليا دمي وغدا نرجع نمرض. رفعت كفها من على كفو تتشوف فيها وهي تتعرق وقالت

_ ..لا لا غدا نمرض اوووف ..دارت وسط البيت وكلمت كلاما : لا مابغيتش نمرض مابغيتش… على فمها تتعاود وهي تتدور حداه .. رجعت وقفت قدامو من جديد وقالت

_ وصلنا النهاية…. هزات قميجتها …لبستها عليها وقالت وهي تتدفع فيه كيف الحجرة

_ خرج سير عندها دفعتوو خرجتو من البيت

دفعتوو خرجتو من البيت .. تمشا جوج خطوات .سدات البيت بقوة حت تسمع في الفيرمة وماجوارها … مشات جلسات على طرف النموسية تنادم معاها الحال حطت اديها على فمها ..وخرجت تبعتو شافتو غادي وهي تقلب الدورة وهبطات مع الدروج… دار جوج دورات في الكولوار ورجع بخطواتو لبيت لقاه محلول ..دخل وسد وراه الباب وعينه تيقلبو مدد شوفاتو فيه . . ..مشا لبالكو ماكيناش…رجع لدوش..دق وفتحو ماكين حد … خرج تيقلب في البيوتة…حل بيت ولادو لقا حنين تتبكي وحليم فايق حت واحد مامعهام .اليلة ليلة السبت وكل وحدة في نزاهة مع راجلها….سكتها تينعس فيها حت سمع صهيل دياال الخيول كلها مطلوقة وتتجري مدابزة مع بعضيتها ..حل السرجم تيشوف حت تسعق من الكورس لي في الجنان والجردة .. واحد تابع واحد واحد باغي يعص لاخر ..المعطي تيغوت .. خرجات من الاسبطل من بعد ماحلات على اخر عود وقالت

_ بعد منهم خليهم يعيشو الحرية ماتسدش عليه حت هما بحال كيف درتي لحبي سديتي عليه صافي. ..هابط بكر عريان… ولي كان ناعس مع مرتو جمع الشغل وناض تيجري تبعوهم العيلات الدراري تيبكو الفوق والخيل تتبورد لتحت هنية ايديها فوق راسها…والمعطي تيجري بالجمات …عشرين عاود تيجري ويتعلى فاقوةالخدامة من بعيد سمعو الغوات ولكن ماعندهمش الحق يجيو الا لعيط عليهم بكر ..الي ماعرف منين يبدا هاد المعممة كل ماشد واحد غادي يجري بيه يدخل ويسد عليه كل ماجاوه جوج ولا تلاتة يعضو في بعضياتهم ويركلو …….حسات شهلة بخطورة شنو دارت وهربات مخلوعة بغات ترجع لدار مالقاتش منين دوز والخيل تتدور بيها كل مرة باغي يوطى عليها واحد ولا يخرج فيها. بكر يغوت: شهلة شهلة لصقي مع الحيط وهي مابقات سمعت والو غ الخيل تصهل وتحنحن وتركل وحوافرها تتضرب مع الضس حتى تيبان شرارات من النار …مشا تيجري جيهتها بكر الى جات في طريق شي عود يلوحها بركلة ولا يخرج فيها ويرفسها …فوضى في المكان شدها من دراعها جارها لعندو حت وصلها لباب الدار ورجع دخل وسط خيلو والا غادي يصبح يبكي على شي واحد ولا جوج منهم …شدو النص وبقا ليهم النص ..جوج حارين صعاب عندو ماتيخليهمش بكر يطلاقاو مع الخيل الا لكانو بالجام والنشاشات على عينيهم للاسف ليوم عطاتهم شهلة علاش تيقلبو لقاو حريتهم غلبو بكر وجابو ليه التمام… تلاح ركب على واحد باش يهرب بيه لخلا ولاخر يدخلو المعطي وراجل امينة وسميرة ..تعلا بيه لاخر وجابو طابح جنب عند فم لاخر لي كان ناوي يعض العود جات في كتف بكر حت مشات لو لحمة بين سنينه واالاخر وطا ليه على قدمو حت تسمعت طراق مع غوتة من بكر تهزو فيها اللادين ووقفت فيها العقول ..دخلو العمال تيتجاراو من بعد ماعيط عليهم المعطي . ساعات وساعات والخيل تجارا تابعة بعضياتها وتركل وتعض وتعلى والي جا بغا يقرب ليهم ماعندو كيف يدير بكر مابقاش قاد يوقف على رجل غ غواتو على الدراري من صهيل خيلو . حت ولا شاد غ في راسو…النسا اديهم على فاهم هناء تتبكي بحرقة وشهلة تقطع فيها الدم واقفة مقابلة مع بكر لي كل ساع يجي عود حت لعندو ويمشي يجري وهو لي فيه ماممهنيه واقف على رجل وحدة وفينما قرب منو واحد يلوح ليه اللجام على عنقو …..فكو الروينة ولكن كلاها بكر في رجلو ودراعو

تهدنت الساحة وكل واحد مشا بعود دخلوهم ورجعو دارو ب بكر الي كان تينهج سخفان الدم هابط ليه مع دراعو وتيقطر في الارض …عاد بدا يحس بحر العضة ومع دالك تيسول بقلب ملهوف

_ قلبتوهم الدراري حت واحد مامضروب.؟.. باسى جاوب ابرايهم والمعطي في دقة وحدة

_ خليلو كلاها في فخضو … غمض عينيه بحزن شد في كتف واحد من الدراري باغي يوقف ساعدوه ومشا تيعرج مسند على كتف المعطي وابراهيم دخلوه الاسطبل. .. وقف على عودو بطل المسابقات المحلية والدولية كان تيشرف بكر في كل سباق..معروف عالميا ..

_ جيبو الدوا الدراري عتقوه الله يرحم ليكم الولدين ردو ليه لبال . تيهضر فمو بياض …نطق المعطي

_ لا ماتخافش غ مع جرا وسخن تتشوف الدم هابط منو بزاف ولكن غ جرحة صغيرة ماغرقاش ..هو بطل المقدم مايتخافش عليه….جلس فوق سرج قديم ديال الجلد حضاه حت عقمو ليه جرحو لواو عليه فاصمة ..عاد وقف على رجل مشا باس ليه راسو دوز ايدو على وجهو وقال

_ سمح ليا احبيبي سمح ليا….خرجوه الدراري جلس حدا الخصة …هز المعطي الما وغسل ليه وجهو وايدو لي تتقطر بالدم جات هناء مغطية راسها بزيف كبير نصو طايح على كتافها .. شافت دراعو لحمة منو هابطة..العضة غارقة حت بانت شي حاجة بيضة وقالت مخلوعة تترعد

_ خاصك تمشي لسبيطار….. بوجه حزين وصفر شاحب وبخفوت قال

_ جيب ابراهيم الطموبيل ….طلعات تتجري باش تجيب ليه حوايجو دارو بيه النساء والرجال حت العساس مسكين جا تيجري … شهلة كانت واقفة في البلاصة فين خلاها …شافت كلشي تيجري ويبكي ماشفتش بكر حالتو كيفاش دايرة…تبعت هناء كانو دايرين بيه ..عطاتهم سروالو سيرفيت…بغا يلبسو ليه واحد من الدراري وهو يطلق غوتة لسما رجلو مهرسة ….دفعت الدري وجات قدامو جلست على ركابيها .وعنقتو تتبكي بصوت مسموع وهضرتها بالسويدة

_ عفاك سمح ليا سمح ليا عفاك ايلافيو باستو في خدو…. شد ليها في دراعها بايدو السليمة لاكن مع السخفة ماقدرش يبعدها عليه …لي حشم من دراري تساخر وكلهم تساخرو وقلبو وجاهم عارفينو كيف داير وبحال هاد المواقف ماتيبغي حتى شي واحد يشوفو فيه ..شدات ليه في خدودو بجوج وباستو في فمو قدام خمسين خلق حت لي كان سحاب ليه صافي عنقتو وناضت تلفت ورجع بالخف من شنو قدامو .. ..تتبكي بحرقة وفمها في فمو مع كلمة :

_ اي لافيو اي لافيو. اي لافيو .قبلات كتار ومقطعة . غمض عينيه شدها من عنقها وجاب راسها عند عنقو وودنها عند فمو وقال

_ حشومة قدام الرجال . خليني نمشي لسلبيطار ..طلعاتو عرقة من تصرفاتها …لكن حت واحد مايلومها .. رجعت عنقتو ووقفت .قالت بدريجة معكلة مع شهقات

_ هايمشي السبيطار..

شاف في هنية بعينيه ودور المومو لشهلة وغمضمهم مع تحريكة حاجب..فهمتو عنقتها هنية ولاخرى تتشهق بالبكا دورت اديها عليها تسمع بكاها كتر ما شافو دموع هناء لي مابقا بان ليها والو صدمتها مضوبلة على جوج كفها في فكها ..تطلع النفس بزز تخنقت وحسات براسها مرفوعة ..عينيها مابقاوش بغاو يتحركو من بلاصتهم .. ..رجعو عندو الدراري هزوه بلا حوايج ركبوه في الطموبيل معاهم هناء … دخلت هنينة معنقة شهلة والاخرى بغات تسخف بالبكا وجلسو معاها كاملين دايرين بيها وهي تتهتهت انا السباب .. بسبابي غادي تموت ليه ايدو هضرتها حت واحد مافهمها غ يشوفو في بعضياتهم وماسفين لبكر لي خيرو عليهم فايض كيف تتيقول راجل وحدة من المرضعات

_ والله مايتستهال هاد المصيبة المقدم خيرو علينا كتير وماموفينش دعاوي الخير منا الله يحسن بيه وصافي.. نطقت امينة بحزن يوازي حزن الرجال

_ واش مهرس من رجلو ولا مفدوع؟؟

_ لا مهرس هرسة خايبة القدم داير غ الله يحفظ ليديرو ليه الحديد مصيبة هادي.. تنهدت سميرة تتمسح في عينيها

_ دراعو مدلية ليه اللحمة حت المرفق ياربي السلامة تلفت ليها رجالها وقال باسى

_ عضت العود خايبة وبزاف بغيت نعرف هما كيفاش حت طلقو في خطرة وحدة؟… نطقت شهلة وقالت

_ انا لي حليت الباب على كل واحد .. تتبكي وصوتها عالي هنية تنعق وتبوس في راسها ايدها على شعرها تتسرح فيه …شافو الرجال في بعضياتهم بلا حت كلمة في حين همست سميرة لاامينة

_ كملات وصفات هادشي لي خاصها معاه….ردت عليها الاخرى

_ ياربي يجي الحاج قبل مايجي المقدم من السبيطار ..

_ والزوبية هي لمات ليه شي عود ينحرها قدامنا وحنا شهود

_ سولي سولي راجلك واش تقاص شي عود يارب تحفظ…ولهلا تكتبعها ياربي ..سمع كلامها عبد الرحمن وقال

_ البطل ديالو هو وفهد الاصيل خوت باهم هو روبنسون . مليح هداك العود نحاسي الله يشافيه سولتو عليه واحد المرة قال ليا الروح ديالي وسبحان الله العظيم انا ماتنعشق في خيلو غ هو عندو هبة وفخامة ونخوة من اجود الخيول لي عندو ماتيبغيش يعرقو گاع يدوز عليه يبوسو صباح وعشية مخليه كيف الملك .تنهد وکمل کلامو

_ العين حق فاش خرجهم يتبوردو عليهم الدراري قلتها في خاطري والله اودي الى غ عيني دازت لخليلو تيحمقني انا هداك العود الله يشافيه ويغفر ليا مشا ليه الساق . ..وحدة ضربت في صدرها ولاخرى في فمها وتيشوفو في شهلة لي تتنخصص قدامهم

صباح الحال ورجعو بيه مگبص من رجلو وخمسة عشر غرزة على شكل هلال في دراعو من لفوق .. مع بانضة هاز بيها ايدو …طلعوه لبيت لهناء . كانت شهلة ناعسة وهنية عند راسها متکیة.

*** في دار الحاج عيسى مجموعين على الفطور ماجابو خبار ماداو خبار حت نعس بكر في فراشو ..عاد عيطات هناء على عگوزتها غ قالتها ليها لاحت لاخرى كاس من ايدها ووقفت قالبة الطبلة وضرب في فخاضها

_ وليدي حبيبي ميمتي تهسر ليا من رجلو وتشرگ لیه دراعو ..ناض الكل مخلوع وتيسولو ولكن ماجابو خبار من عند مو عيطو على هناء وعلى المعطي …ورشيد على سليمة لي كانت يله دخلات لدار مها مازال ماحيدت حت جلابتها رجعها هي ومها …ركبو في الطاكسي لاحقين عليهم المزرعة ولي في سليمة ماتيهنيها..

صدعات مول الطاكسي..بنفس الهضرة حت حفظها حفظ وغادي يبقا يعاودها لاي واحد طلع معاه وشاد طريق بعيدة…حطات ايدها على فكها مخاطبة مها لي سمعت منها الهضرة جوج المرات ومع دالك تترجع تسولها

_ ياختي هاد هناء تقول داعي فيها فقيه الجامع صايم سبعيام وموضي تيقيم الفجر وتفكرها بالدعاء اويلي هي مالها على هاد النحس عرسها ماداز كييف العرسات حنا نطلبو فيه باش يطلع ليها داك العرس حلف هو لطلع عينا نكحزو فيه القدام اختي وهو راجع لو عرس ولا هرس تقوول واكلة عزا بوها وهو حي ياختي كاين لي ماعندو زهر ومع دالك تيقشبل في الدنيا وشادة فيه وعطياه يشم ريحتو وهادي وااالو ياختي تقول خاوين عليها غسالة الميت ماسحة سعدها ووعدها بلیگه حرشة وخا تكون ماتصلي ماتصوم يهو**دية مايكون زهرها كحل بحال هكا ويلي ويلي …. نهار برازها جلست حت طابت عاد جا يتخروع ويشالي بكمامو غطا على لي غادي ولي جاي حت ولات تبان حداه ك المشيشة وزاد كملها نسيبو مصبح عليها .

_ ولايني راه سد على مرتو لولا

_ وراه اميمتي ماتحشم… علاه ماقلتش ليك غ سكتو لعبات ومشا كل واحد ينعس دخل العريس لبيتو ..نوضت الروينة طلقت لبيفان ديال التلفزا وجلست تردح حت خرج محيح عليها دخل عليها ضربها وشد من عندها تلفزا .. غ شافها بوها بديك الحالة ومع هو قبييح ..مشا ليه مغزز دق وحل ماقال حشومة الراجل عريس وهادي صباح مرتو ماقال عيب ..فيقو من النعاس لقاه ماشابعش نعاس ولا ماشيفو گاع علاا صوتو عليه قاليه عطيني التيساع غ يقول ليه المقدم عطيني التيساع . وهو يعطيه جاب الله خو العروس وباها مشاو مع الفجر ماحضروش

_ اش قال ليه الحاج ؟؟..وقبيح يابنيتي مايسحابش ليا گاع سي بوشتة صعيب

_ هو غ صعيب وسكتي والله حت حرر عليه نهارو قال ليه دورك رجلي برجلك لمحكمة نفضو هاد الجقلة وصلت بيك تصبح بنتي تهتهت بالسخاين وفمها عند بزازلها…شاف فيها مول طاكسي من المرايا مستمتع بالحديت… كملت كلامها :ياختي فرج فيه البشار قال ليه بايت تبرود عليهم بجوج وحدة عاطيها البونيات والاخر طلع وتنزل عليها ااا عينيك فاضيحنك تقول عاضك النحل بالفقيه لاخر والله بنتي لبقيتي حطيتي عليها ايدك وولادها نديهم وعلى مافي خيلك تبورد عليه.. ياختي قال ليه واحد الكلمة عيت نتفكر فيها مشات لي من بالي .ظحك مول طاكسي وقال

_ الله يخلي ليك ميمتك لمتفكريها ماحد الطريق طويلة..تيضحك عليها وهي عند بالها تيهضر بصح .. ..غ تفكرتها وقالت

_ سمع قاليه بايت مطايف مع القوادس ..بزاف عليك بنتي والله شوفة منها ماتساهلها ولايني الحق يتقال بنتو زينة بزاف وعينيها خضرين مايلين الخزي وعندها واحد الفورمة وواحد والوجه صافي بلارا غ تعدى على راسو لوسي وصافي ..دارت مها عندها دورة كاملة عطات زاج الطاكسي بالظهر وقالت

_ اوى ماتكون غ شد عليها شي جرم لي خايب مابقات حلات ليه بزينها وخضورت عينيها

_ والله اعلم مانقدر نقول فيها هي والو وحت لوسي مازينش وخايب وقبح من الحاج .ياختي مالو طل على المراة ولا شافها مالها وقال مال باها يعرنن وااالو..هزيتي سوارتك وطموبيلتك وقلتي الحاج زيد قدامي نفضو هاد الحريرة .من تما مشا لرباط من بعد صدمتو لمحكمة هنا قالت ليه خاصك تجيب ورقة صراح من السيفارة ولا ماعرفت اش داكشي…دار عندها الشيفور وقال

_ علاه هو منين مزوج؟؟ ..جاوبتو بفقصة

_ خلا دارو بنت السويد اصلها من السويد

_ ولايني سمعتك بحال الى قلتي باها حاج

_ وييه باها حاج ومها سويدية ولايني الزين جابتو من ديك البلاد …تنهدت الام وقالت

_ الحمد لله ماكتابش لاسية كون عشنا معاه الحارة… شافت فيها سليمة مخسرة وجها

_ بنتك خيب من الحاج بالف درجة اما لوسي معقول عمرني نساها ليها وخا نموت خنزرات فيها مها وقالت:.

_ عاد قبل مايتزوج المقدم كنت بغيتيه ليها

_ بغيتو ليها باش يربيها الكافرة بالله بنت الحاج شد منها الدراري وبنتك يعلقها خرسة في الباب لي جا يدقو بيها شفتي بنتك والله لكانت عروسة لشي واحد

_ حنا ما مع فالك. اشيطانة الله يلگيها ليك ..باست ولدها ومسحت لیه حبیبات العرق من جبینو وقالت:

_ طيحت ليا روح من كرشي وعيبتني من ايدي ورجليا ولاو كيف المسخ كون مافلوس المقدم الله يفك جرتو على خير كون وليت نحشم بيهم وكراه جاب عليا رشيد الضرة …. وصلو الفيرمة وهو يدور عندهم مول طاكسي

_ ونتوما داوين على المقدم ولد سي عيسى؟؟ ..شافو في بعضياتهم وغرقو في حوايجهم وهي تقول سليمة بظحكة وخلعة

_ الا اش جابنا ليه تا داوين على المقدم ديال الحومة صاحب الشيخ لي من عندو تتجيب شهادة السكنى

_ والله يجعلني نطيق اما لكنتو نساب المقدم ابو بكر مول الخيل غ الله يسترو مسكين .مالو ياك شي باس ماكين عندو….نزلو عطاوه خلاصو وقالو

_ عضو عود في كتفو.. وترهس من رجلو …سدو الباب وهو يقول من عينيكم يا لطيف..شد الفلوس قرا عليها القرأن عاد حطها مع الصرف دار رجع بحالو تيضحك على عقول النساء همهم في القيل والقال .

بدات تعمر عليه الدار..كل مرة داخل فوج يطل عليه الشي لي خلا لالة خدوج تمشي لبيتو لقديم ..لقاتو خاوي .من بعد ماشبعت فيها معيار على قلة عقلها لي لامت راسها عليها قبل مايلومها شي حد وزادو كملو عليها لي شافها يطيح ليها الما في الركابي بهضرتو خاصة فاش قال ليها المعطي على حكاية شادية وكيفاش انتاقم منها بكر ..خلاها جالسة في بيت باها ولكن همها كتر هو تشوف بكر واقف على رجلو اعتاكفت في بيت باها مسنياه يجي ومسنية لالة خدوج ترجع بحالها..جات لدار ولدها بحرقة عليه وعلى لي تسبب ليه في هاد المصيبة ..حيدت منو حوايج شهلة هطبتهم ليها لبيت لمها وباها .. وتحول ليه بكر لي سول على شهلة فين ..قاليت ليه مو

_ اش بغيتيها ؟؟ حلفت عليها ماتقرب ليك بسبابها كنتي غادي تمشي بين رجلين الخيل..كون الرفسة جا تك في حجرك فين كنت غاي توصل اا مايصلاحش ليها تبقا معاك صافي باها تيجري ليها على وراقيها ..مابقا عندها مادير هنا .. هادي اولدي طايشة بلا قياس .. قاطعها بكر وقال

_ انا سولتك علاش خرجتوها من البيت ونت تتجبدي ليا في ديوان ملكي الالة خدوج ماعاك تنهضر

_ حت تبرى ورجعها ليه راه بيت هناء صغير ونت شي داخل عندك شي خارج اللهم هاد البيت كبير وعريض ومفوه.. وفين يلعبو ولادك حداك وهما مصديعنا عليك….دور راسو في البيت …جابت ليه هناء حوايجها طلبا من لالة خدوج ..وقابلتو كاي زوجة لكن بحشمة عروس مزال مادخل بيها الشي لخلاها تحشم منو وهي تتبدل ليه حوايجو لدرجة تتبدل ليه الفاصمة وداوي ليه الجرح بروس صباعها ..محافضة على مفهوم راها مزال عدراء وان المبادرة في كلشي تتجي من العريس ..عينيه تيراقبو كيفاش تتحشم منو في اي حاجة كانت خاصها تحط فيها اديها. توقفو في الطواليت باش يقضي حاجتو بعيون مغمضة او وجه مقلوب لور.. حت الى كانت غدا تقاد ليه مخدة تحت راسو تقادها ليه وهي مبعدة وجها منو لادار بوجهو او حركو بلا مايشعر وجات قريبة ليه تزنك وتحشم وتنوض من حداه لا عتاب عليها مكسوة بخجل العدروات ولعدراء حياء فريد تغنى بيه الشعراء والفلاسفة …..

شهلة قتلها الفضول تعرف كيف بقا وبغات تشوفو لكن ماقدرتش كل ماخطات خطوة لقدام ترجعها هضرة الالة خدوج وترجع تجلس تم ترجع تنوض حت توصل لباب ديال الدار وترجعها هضرتو قبل الحادت وكلامو معاها والموقف لعلى قبلو قامت القيامة وقعدت .. لكن شعورها بيه خلاها تحس انها بغات تشوفو …دازت تلات ايام وهو ناعس في فراشو …الدنيا عامرة بالرجال شي داخل وشي خارج الشي لي خلا هناء تجلس في الصالة مع النسا فاش يكونو عندو الضياف …ضيف جا لكن سرعان ماخرج. تسللت شهلة على الانضار وبخفة منها وكيف عادتها لمابغاتش دير الحس تتولي حية غادية تزحف …تسلتت وطلعت تتدور عينيها يمين وشمال حت عرفت كل وحدة وفين شداها وهي تحل عليه الباب..ووقفت ..حل عينيه مع سمع البواني دار شافت فيه وشاف فيها مطولا هو في بلاصتو وهي واقفة عند الباب .. بقات واقفة غ عينيها لي تيدرو على جسمو وتيتفحصو صحتو شافت في رجلو لي مهزوزة بالمخاد تحت منها بجبص واصل ليه لحد ركبتو .ودراعو لي نصو فاصمة دارت عليه بعينيها حت وصلت لوجهو شافت فيه وجات العين في العين مرة اخرى ابتاسمت ليه بخوف.

شافت فيه وجات العين في العين مرة اخرى ابتاسمت ليه بخوف ..نطق قبل ماتجر الباب وراها وقال

_ درتي فعلتك وتخبيتي!!

قالت بخفوت وهي غ تتهمس خايفة يسمعها شي واحد

_ خفت .. ماسمعهاش وشار ليها تجي..دخلت وسدت وراها بالساروت مشات عندو وقبل مايهضر باستو في جبهتو وقالت

_ سوري تسببتت ليك في هادشي.. بغات تحيد تهز راسها من على جبينو وهو يشد ليها في شعرها من اللخلف وقال

_ عرفتي شنو درتي؟؟…حطات اديها بجوج على صدرو مغمضة عينيها مقصحها فيه دارت بوجها عند وجهو ظاكحة وفي نفس الوقت مخلوعة وقالت

_ تتبان مختالف وانا تنشوفك بزاوية عينيا بحال هكا رجعت مومو دعينينها جنب حافظ على ملامحو وقال

_ عرفتي اشهلة ..حركت اديها تتطبل من خوفها على صدرو وقالت

_ ماعرفتش خبرني .. قال بصوت خافت مقرب فمو من ودنها ونفسو السخونة تتضرب ليها في وجها..كازر عليها بقبضة ايدو على شعرها وقال

_ اي واحد تيقرب ليا من خيلي تيطيح ليا من عيني هزات راسها بالخف وعينيها خرجو وقالت بسرعة

_ انا طحت من عينك ؟؟

جاوب بتحريكة راسو .. اباتسمت وقالت

_ انا كنت ساكنة هنا..حطت صبعها على عينو غمضتها ليه وهي تتحرك ليه شفارو . حيدت صبعها حت حل عينيه وشاف فيها مقصح شوفتو رجعت ابتاسمت بتغر يديب القلوب وقالت

_ واش ملي طحت تقصحت ؟؟ ماحسيتش بيها ادن باقا لاصقة ليك هنا شدات ليه في شفارو لتتحيتين رمش بالزوبة حت دمعت ليه عينو..مسحتها بطرف صبعها الصغير وكملت هضرتها

_ وخا نطيح نقدر نكون غ هنا ..لعبت ليه في لحيتو: شعر لحيتك كتيف وطويل يليق يكون حبل تسلق وانا عزيز عليا نتسلق جبال… قربت بعينيها لحيتو وقالت

_ نقلب على راسي . بدات تفلي ليه في لحيتو حت لقات شعرة بيضة وهي تنطرها وقالت

_ ها انا راه قلت ليك غادي نكون هنا ولهنا ..ظحكتو بهلا يطريه ليه ..طلقها حركات عنقها وقالت

_ بغيتي تنتاقم خود رجلي هزاتها حطاتها عليه على كرشو ..كانت لابسة كسوة حدها الركبة في الخضر ديال دجين رقيق ورطب بلاستيك من لصدر فوقها بولير خيط بيضة ديال كروشي حد المرفق . شاف في رجلها ..شد فيها بايدو باغي يحيدها عليه وهي تقول

_ هاك رجلي

_ لا مبغيتش رجلك صغيرة ماتهزش تقلي كامل حيدتها وقالت

_ هاك ايدي جابتها ليه لفمو وقالت

_ عضها غ نت بحال الى عضني عودك ..ظحكتو حت بدات كرشو تحرك ..وقال

_ نت خاصني ناخدك كلك نعبرك يله تجي في وزن رجلي المهرسة ..

قالت بضحكة

_ انا عطيتك راسي نت لي مابغيتيش… قالت كلمتها وتفكرت انه خداو منها بيتها وهي تقول

_ الى مارستي فيه الجنس مع عروسك غادي نحرقك نت وهاد لبيت…لبغيتي تنعس معاها سير لبيتك ..بظحكة قال

_ باقي فيا مايتحرك ااا ..هزات كتافها وقالت بامكانها تاخد وضيعات لبغات تمتعك اما انا نسيت امرك فاش قبلتيها وشفتكم… قال وهو ظاحك

_ ونت شنو درتي من بعدها وفي ديك ليلة ؟؟ نسيتي حلفتي حت عيتي وبستيني قدام قيامة ديال البشار ماشي غ قدامها ..

_ نسيت وحسيت بدنب كبير.. عوج راسو فيها وقال

_ دابا تراجعتي عليها

شافت فيه باحباط وقالت

_ ربمى تعادلنا وحت واحد مابقا يسال شي واحد شي حاجة وقبلتي ليك الاخيرة كانت عادية ماحسبتهاش قبلة شغف او بداية علاقة حميمية … ضربها بضفرو طلق صبعو بحال الجباد وقال

_ حت القبل عندك فيهم لي محسوبين ولي لا ؟؟ حركات ليه راسها باه

_ اهاه لي ماحسبوينش عرفناهم ولي محسوبين كيف دايرين؟؟ ظحكات وقالت

_ الى وريتهم ليك غادي تنزال نت على بزاف الحوايج اولهم عروسك وبيتي هدا ومانضنش ليك الوضع ونت رجلك مهزوة لسما وايدك ناعسة في الارض .. عجبو الحديت معاها ..حت هي حسات بالراحة ومدت ايدها لكتفو وقالت.

_ تتضرك بزاف ..حرك راسو بالايجاب مع تنهيدة وعيننيه تيتفحصو وجها تساخرت منو وقالت

حرك راسو بالايجاب مع تنهيدة وعيننيه تيتفحصو وجها تساخرت منو وقالت :

_ بكر ..شاف في عيونها مباشرة ..رجع شاف فيهم البريق لي كان تيشوفو فيهم من قبل . بسرعة لاح شوفاتو بعيد تيرمش بالزربة ..لكن رجع تبت عينيه فيها مسنيها تكمل هضرتها ..حرك راسو مع سؤال بعينيه بلاما يهضر.. تنهدت بحال الى هازة جبل وقالت

_ سمحتي ليا ؟؟..ابتاسم بلا مابين سنينه خلاها ترجع ليه نفس السؤال بلا ماتهضر سكت برهة وقال

_ علاش غادي نسامحك ابنت الناس علاش كترو زبايلك معايا ..باحباط قالت

_ على اخر جرم درتو

_ قولي ليا على اخر روينة درتيها بديتيها بشرف وفجر بدلتي ليهم لونهم وزدتي كملتيها ….سكت برهة وقال: ماغاديش نقلك دابا حت حاجة حت نشوف خليلو كيف بقا..بزربة حركت اديها نافية شي حاجة خايبة وقالت

_ حح خخ خليلو .بيرفكت.. مزيان خليلو مزيان ..ظحكتو بكلامها وبحركاتها ..شار ليها تجلس ..جلست على طرف النموسية جنبو . وهي تتفتف .. عقد حواجبو وقال

مالك مخلوعة؟؟

ردت بخفوت تام

_ قالو لي فاش تتعلق الامر بالخيول ديالك تتولي وهش ..بسط حواجبو وقال:

_ ماشي غ وهش..وماشي غ على الخيول ..اي حاجة داخلة لهاد القلب ..حط ايدو على صدرو..دگ فيها عينيه مع شوفاتها ليه وتركيزها معاه ..قلبها في اوج اشتياق ليه ..محور تفكيرها كلو هو بكر ..من عادتها المتفردة الى حطات شي حاجة في قلبها وحبتها تتلبسها تتحس انه حت هو عندو نفس الاحساس …ودالك من خلال تربيتها للقطط والكلاب فكانت لجابت شي قط صغير وتعلقت بيه تتحس حت هو معلق بيها وتتلمس حبو ليها من خلال تيبقا تابعها ويلعب معاها وكل مارجعت الدار تيتلاقا ليها عند الباب وفاش تتكون ناعسة تيفيقها وهو تيتخشى حداها الى كان قط او تيلحس لیها وچها الى كان كلب ..حبها لطرف الاخر تترجمو بحبو ليها واهتمامو بيها هاد شي عاشتو مع بكر في ايامهم لولا من لقاءهم ..احساسها اليوم بيه واشتياقها ليه خلاها تفكر انه حت هو مشتاق ليها.. لكن وجود مع وجود جدار غلطة .. عرفت بحجمها الكبير السيء من العصا لي خدات منو ومن وجهو لي لبس عليه توب الحقد .. حمارو عيونها وهي تتشوف فيه وبداو يعمرو بالدموع ..سولها بعينيه قالت وهي تتمسح دموعها وقالت

• _ شحال بغيت نعقنك ونبوسك ونحس بالسعادة معاك ..قربت منو بخطوة صغيرة مايلة اتجاهو ايدها على دراعو .. مهبطاها مع لمسات خفاف حت شدت ليه في كفو وخللت صباعها مع صباعو حت شبكتهم وقالت

• _ عارفة انك ماغدييش تسامحني على شنو وقع من قبل يقدر تسمح ليا في هادي وخا تسسبت ليك في هرسة وجرح كبير لكن ماشفتش في عينك غضب كيف شفتهم اول ماجيت….هزات فيه عينيها ..مرجعة شعروها لور باش يشوف في وجها لكن لي شافو شامات سوداء على عنقها متل سلسال ديال العقيق اسود جميل مزينة بيه رقبتها وردية اللون.. كملت كلامها مع تنهيدة: والدليل انك جبتي عروس لبيتك وهي لي عندها حق تبدل ليك حوايجك وهي تحك ليك سنانك وتسرح ليك شعرك وتغسل ليك وجهك..وهادشي كلو تتديرو بهادو…هزات ليه ايدها عند وجهو…بدلت شوفاتها هزات مومو دعينيها لسقف راسها وقالت : اكيد تتحس بيها فاش تتساعدك في روتينك اليومي …طلعاتو ظحكة من رجليه حت لكرشو وخرجات على شكل قهقهة ..وشاف في السقف .راقبتو لبرهة شدات ليه في وجهو دورتو عندها وقالت

• _ علاش تتظحك ؟؟ ماجوبهاش ..حيدت ايدها من وجهو وقفت من حداه وقالت

_ طابت ليلتك .وصلت لباب وقالت :

_ بيتي خط احمر لياليك الجامحة وتاكد ان هدا بيتي .. جاوبها بلا .. خنزرت فيه … بغات تحل وقالت

_ غادي نخليه ليك حيت انا لي تتسببت ليك في هاد المعضلة ولكن نهار توقف على رجليك غادي نرجع ليه ..يله بغات دور الساروت وهي تسمع الدقان.. مع نداء بصوت لالة خدوج

_ هناء ا هناء ..دارت عندو تتشوف فيه مخلوعة ورجعت لور حاطة اديها على فمها ..شاف فيها تيظحك مبسط ايدو السليمة مع تبسيمة في عينه . هزات ايديها تتسول بلا صوت بل بهمس مع تحريك عينيها وراسها بشكل سريع.

_ شنو ندير؟؟

.ظحك وهز كتفو . خنزرت فيه وشارت لباب باش تفتح .. رد ليها بتحريك راسو وعينو بشغلك ..هز ايدو السليمة وحطها ورا راسو مرتاح ..تقطع حس الدقان حطت ودنها على الباب ابتاسمت غمضت عين وحلت عين دورت الساروت وحلت الباب تلفتت ليه خرجت لسانها وسدت وراها غ دارت سالتة حت شداتها الالة خدوج من دراعها وداتها لبيت الدراري

شداتها الالة خدوج من دراعها وداتها لبيت الدراري غ دارو مع الكولوار وهي طلع هناء…حلات الباب لقاتو تيشوف في الباب بوجه مبسم ..رجعت لو الابتسامة ومشات عندو وقفت في جنبو وقالت

_ خصاك شي حاجة ؟؟ ..تنهد سرط ريقو زاح الابتسامة من على وجهو بشكل بطيء وقال

_ شعلي التفازا..واري تلكمونود ديال الكمارات. دارت شنو قال ومشات جلست فوق واحد الكنابي ..تتفرج معاه وهو تيقلب الكاميرات جيهة كل عود حت وصل خليلو لقاه تياكل وتيحرك في رجلو عادي تفكر شهلة وهي هازة ايديها وكلامها *مزيان مزيان خليلو مزيان * . تبدل وجهو ابنتاسم مع راسو..تلفت لهناء كانت تتشوف فيه غ هز فيها عينيه حدرتهم …بقا حاضيها .. وقال

_ اجي اهناء قادي ليا المخدة…قداتها ليه كيف العادة فتاة خجولة بزاف وطيبية حت انه ماجبدت معاه لا علاش تصرفت معاه شهلة ليلة الحادت ولا قالت ليه طابت ولا تحرقت …قال في نفسو الى رجعت شهلة واش هناء تقبل تعيش معاها ..ظحك وقال الى خلاتها شهلة بالاساس.. تنهد وهو يشوف فيها رق قلبو ليها وبقات فيه … تنهد وقال

_ اجي تنعسي ….مشات بدلت عليها حوايجها تعطرت غسلت سنيها وجات حداه قدات المخدة تحت من راسها..وقالت بصوت خافت

_ نطفي عليك الضو ….حرك راسو بالايجاب ..ناضت من بلاصتها ودارت دورة كاملة حت طفات الاباجورة ورجعت لبلاصتها ..ابتاسم تفكر شهلة الي كانت تترفسو رفيس كون كانت هي كون ختاصرت المسافة ودازت ليه فوق راسو مامسوقة لاجرح لا لهرس وتزيد عليها تقول ليه سرك .. فات دارتها ليه من قبل كان عيان ونعس وخلا الضو جيهتو شاعل..صدعها تقلبت عليه مدحرجة طفات الضو ورجعت تتدحرج فوقو خشاتو وسط الفراش ..ندم حت قال ليها نوضي طفيه وهو حداه …نعسات هي وبقا هو فايق مع دكريات شهلاء ووجودها في حياتو بشكل مفاجء للمرة التانية خلق زوبعة في داخلو حار شنو يدير معاها….

**** وقفتها قدام ولادها بتلاتة وشارت ليهم بصبعها وقالت وهي تتجمع كمايم قفطلنها الابيض

_ سمعي ابنت الحاج قالو ليا لبغيتي تفاهمي معاها هضري بشوية …وانا وديك بشوية ماتننتفاهموش وومع دالك نحاول معاك نت الالة ازينت البنات اش باقا باغا عند ولدي ااا حرقتي ليه دارو وعاودها من جديد خسر فيها دم جوفو ديال الفلوس ..ومشيتي وزدتي بحالك سامحة فيه وفي كبدتك ضرتي حت عيتي لقيتي ماكينش بحالو وماولدتو مراة ورجعتي اش درتي ابنت الناس… اااا ماحنيتي في ولادك ماهزيتهم وبكيتي عليهم ماحسينابيك مهم كون ماحضرنا ليك لحمالة نقولو محالش واش ولادك ولا نت مهم.. ااا غ قولي ليا اش بغيتي لاش راجعة ااا تسبتتبي ليه في هرسة كون شتف عليه العود من ظهرو وقسمو كيف غايرجع هاد الراجل شرويطة لمهزيتيه نت ماتيتهز باقي غادا تقبل عليه شي وحدة نت ماقبلتي عليه فاش كان صحيح يتبرود خليتيه وزدتي بحالك ماقلتي راجلي علم الله اش بيه ااااا بين ليلة ونهار جابك لسبيطار وزاد ااا كون ماحرقتيه في قلبو مايزيدش ويخليك في السببطار وهو غ مرات خوه شاف رجليها مسلوتين بالعافية جرا معاها من طبيب لطبيب ااااا راجلها ومادارش عليها كيف دار هو ..اش بغيتي عند ولدي ؟؟؟ وجهت ليها لصبعها عند عينيها وقالت

_ شوفي نقول ليك لي جامعنا معاك هما هاد الدراري.. كنت بغيتك للم ليهم ساع نت شاربة تحرميات باك وعلم الله اشمن عقل قاليك سيري طلقي ليه خيلو يتبوردو ويجي هو تحت منهم باش تصفا ليه وتهزي ولادك وتزيدي بحالك ياك كنت باغاه يموت؟؟هادشي لوصاك عليه باك ديريه ياك ابنت بوشتة لي مسمي راسو حاج ااا هو لي قاليك طلقي لبوه الخيل ورونيها ليه راه يشوفهم مقاتلين يدخل بيناتهم ياك ابنت الحرام ابنت ليه**ود یاک مابقا فيك بكايا لي لبكيتو عليك وعلى ولادك وندور ونحرز حت ولاو هل العروسة يتغامزو عليا ونا ماسوقاش هازاك ونشالي بيك وفرحانة برجوعك قد حقي في الدنيا تقولي انا هي موك ..مابقات فيك هاد الملاك لي بكاات باها في مرضها وفي كلامها لي تتعيط ماما ونت غايبة علم الله اشمن قنت خانز ناعسة فيه ؟؟؟ ااا شوفي يجي باك ندير معاه حل يايهزك ويمشي من هنا ولا طيح روح …..سرطت شهلة ريقها وتمات خارجة ….وهي تسمع حنين قالت ماما.. دارت بالخف شافت فيها وهي تعاود حنين ماما.. شافت فيها الالة خدوج وقالت

_ ماتساهليش هاد الكلمة تقال عليك…كلام الالة خدوج ماحرك فيها حت شعرة ولكن كلمة حنين وهي تتعيط ماما خلق نار كانت هربانة منو وعلى قبلو مابغاتش تشوفم ولا تجلس معاهم …دفعتها الالة خدوج عند بنتها وقالت

_ هزيها يله هزي بنتك وبوسيها وعنقيها وجمعي ولادك عندك وجمعي راسك وديري حل مع باهم ياتبقاي مع ولادك ونت مرتو تسمعي كلامو ودري عقلك ياترجعي من جيتي …..خلاتها مع الدراري وخرجات…باستهم لعبت معاهم وبدات تفكر في علاقتها مع بكر فين خصها توقف

دازت يومين وهي غايبة عليه اتصالاتها مع باها كترو بغات تعرف راسها من رجليها لكن الحاج حاسب حسابو وبغا بنتو تولف الدراري وكل ماهضرت معاه يطلبها ويبوسها مايون بوسة وشهلة من النوع لي جيتها بالهداوة تاكلها هي وحاويجها هادي سداجة منها بالرغم من انها تتحاول تكون اكتر ادراك لكن كيف قال بكر بكر تيعرف يلعب على بنتو الشي لي خلاه يخوي ااساحة ويلعب عليها بالتلفون و بهضرتو جلسي هنا حضي ليا ولادي راهم ولادي وعزاز عليا وتنحماق عليهم وخليتك معاهم نت باش قلبي يكوم مهني قابليهم ليا راهم عويناتي بحالك بحال دانيال عفا بنتي انا راجع ليوم انا راجع غدا نجي ونسيفطك لبلادك ناكر عليها انه في السويد ….مراقبة لالة خدوج خلاتها ترجع كل ماحاولت وقرات طلع عند بكر وترجع خطوات لور وكل ما تفكرت انه مع هناء تهز كتافها وتسد عليها او تخرج دور في الجنان تتحاول تصفي دهنها وتحد علاقتها مع ابو بكر لي اصلا حط حد بيناتهم .كل ماخطر على بالها كل تخطيطاتها مع راسها ضرب بيهم عرض الحائط ..جوج لمرات رحعات من نص الطريق باغا طلع عندو وترجع ادراجها بدون تفكير …..سول عليها مرة وجوج وتلاتة سحاب ليه مريضة لكن قالو ليه غ مع الدراري ..فرح ليهم مع مهم ولكن في نفس الوقت وجدوها معاه تيتعتابرو بمتابة علقم سام دخولها لغرفتو اخر مرة خلق عطش خاص بها لكن تفكيرو وعقلو رافضها رفض تام وجودها بقروبو حياة لجسدو المتعطش لمسات النساء…باغي شنو تتدير ليه وفيه ولكن مابغيهاش هي كانسانة اسمها شهلة عكس هناء باغيها تقرب منو وتحسسو انه راجلها ولا داعي للحشمة لكن هي راسمة في بالها انها عروس حت دوز ليلة الدخلة بقواعدها والمبادرة منو هو .اكيد ..نعاسو في الفراش خلق ليه ملل رهيب … داز اسبوع متلف الوقت مع ولادو وفاش تيكونو ناعسين تيكون مبرزط مع راسو …ماعندوش مع العالم الخارجي لي مبلي بيه العالم كلو وسوشل ميديا..عكس هناء لي التلفون في ايدها تتلف بيه الوقت وكل مرة ظحك مع فيديو في اليوتيوب او الفيس….كره البيت وكره كاع لي تيدخلو عندو بنفس الكلام كيف بقيتي على سلامتك باغي ينوض ويجري ويهضر بصوت عالي مع المعطي.. ويحرك على خيلو وباغي شي حاجة حاس ب فراغ ماشي بكر لتيكون جامد لا… اسبوع داز خلاه يجن جنون شهلة لي بغاات طلع عندو وماعرفتش كيفاش كل القيود محرمةعليها

تكون في بيتو توقف وتقول لا بيتي انا وترجع تجلس وتقول لا بيتو هو…مشتاقة تشوفو وتبوس عينيه وتلعب برموشو وتعنقو وتحط صدرها على صدرو..كل هاتفاصيل تتخيلهم وهي تتحاول طيب نعاسها وصلات معاها العظم حت ولات تتشوف افلام بطلهم بكر اول حب ليها الى ماطفاتش هادشي لي في قلبها ومابعدتش عليها لالة خدوج تتقول غادي ندير مشكيلة .. ..جلساتو مو وهناء على كرسي في البالكو من بعد مادوشو ليه بجوج وحارو معاه خاصة الالة خدوج لي بغات تحك ليه بالكيس جميع المناطق لكن رفض رفض تام وقاليهم حت نبرا وماشغل حد فيا يالخجلو الرهيب…..جالس طالع ليه الزعاف .. لايح شوفاتو بعاد حت تتبان ليه شهلة خالقة جو مع ولادها تتعلمهم الرقص في الجردة متلفة بيهم الزمان والمكان وحت لي في قلبها ..مفرشة ليهم زربية مصافاهم بتلاتة ووتعمل ليهم حركات باديها هما تيضحكو بصوت عالي

جالس طالع ليه الزعاف .. لايح شوفاتو بعاد حت تتبان ليه شهلة خالقة جو مع ولادها تتعلمهم الرقص في الجردة متلفة بيهم الزمان والمكان وحت لي في قلبها ..مفرشة ليهم زربية مصافاهم بتلاتة ووتعمل ليهم حركات باديها هما تيضحكو بصوت عالي عيط عليها

_ شهلة …شافت فيه طولت الشوفة بغات ظحك معاه ورجعتها تتشوف ليمن وليسر لتخرج ليها لالة خدوج ..رجعت شافت فيه وهو يتحلف عليها . قالت بنفس علو الصوت

_ شنو ؟؟ ..شار ليها طلع … شارت ليه لدراري وقالت

_ وهادو؟؟؟..

_ طلعيهم واجي.. شارت ليه بتلات صباع وقالت

_ كتار عليا رد عليها

_ بسم الله ماشاء الله عليهم . طلق حلوقو : هنياااا الوليدااااا… خرجو من الكوزينة تيتجارو ولولو

_ اويلي مالو … وقفو تحت من البالكو وقالت هناء

_ خاصك شي حاجة ؟؟؟

_ طلعو الدراري عندي…..مشاو هزو الدراري بقات شهلة واقفة فاش شافت الالة خدوج .وهو يغوت عليها

_ اجي نت طلعي ..تبعتهم وهما كل وحدة تشوف في الخرة …دخلو بتلاتة مع الدراري وهو يحمر فيهم ..حاط ايدو السليمة علىوجهو وقال

_ عاجبكم شنو دايرة في الدراري؟؟؟ شافو في بعضياتهم هزات الالة خدوج ايديها وقالت

_ ماشغليش في داكشي لقلت شي حاجة نتسمى خيبة ..

قال بزعاف ومخزز

_ فعلا ..شافت فيه عرفتو مدوش وبغات تنفارد بيه وهي تقول ليه

_اولا هاص الهضرة تكون بيني وابينك اولا تانيا ماهخاصش يكونو الدراري ونت تتغوت تالتا ..شارت لنفسها وقالت انا شنو تندير.؟. شاف في مو وهناء وقال خدوهم وكلوهم وشربوهم ونعسوهم …حيت واحد لالهم تتعرف لحاجة وحدة…. تسنا حت خرجو وقال

_ ولادي ماتعلميهمش الشطيح الله يخليك..عوجات فيه فمها وقالت

_ ماشي ولادك بوحدك ..خرجو عينيه من كلامها ..سكت ماعندو مايقول وهي ضربو لكتفو ب بونية فمها مكمش

_ خرجو ليا من بيتي باين درتي الفعل …رجع ليها البونية لفخضها وقال

_درت النم الكحل اما الفعل صايم عليه .. رجعت ليه الضربة لفخضو وقالت

_ باين مدوش وودنيك حمرين .. تساخرت منو قبل ما يرجع ليها الضربة …

_ علاه لي دوش دار الفعل؟ .نت امتى دوشتي؟؟

_ ليوم في صباح

_ ادن درتي الفعل لبارح.. حلات فمها وسدااتو باديها خلاتو تيشوف فيها ظاحك بعينيه.. هزات كتافها وقالت

_ نت عارفني تنعس بوحدي الى كانت عندك نية سيئة اتجاهي شغلك هداك اما انا ماكدة منك حيت عندك فتاة في هاد البيت… دورت عينيها في المكان تتهزهز رجلها ..قال بصوت ملطف الجو

_ بغيت نقتل ليك فضولك ونقول ليك شنو كاين لكن لاأسف ماتنقدرش نكدب ..شافت فيه مسنية ينطق بجملة فيها لي تيدرو في راسها وقالت

_ عديم الحياء .هاد البيت ليوم تخويه ليا ..حرك راسو بلا .. قربت منو ..حطت اديها بجوج على جناب الكرسي مقربة منو وجها ..لابسة جيب دجين مفرفرة مع قامجية بيضة حريير في سومو تيبانو تحتهم ليسوتيان في البيض الى حققتي الشوفة… صديفة وحدة محلولة والتانية ناوية تحل مع شي حركة ..جامعة شعرها بضفرة من ادين هنية ريحتها زوينة ..خدا وقتو في استنشاقو وعينيه شافو الصيدفة لي ناوية تحل هي لي ساترة الفرق بين بزازلها …حركات راسها ليه بتحدي وقالت

_ فيه ريحتي تتدور ماخنقتكش؟؟.. ببرود قال

_ ماتنشمش مريض من جميع الجوايه…. تحركو كتافها تتضحك ..وشافت في حجرو وقالت

_ من ودنيك باين لي فيك سليم. شادتو من ودنو جراتها ليه وقالت:

_ هيوان .. نت اكبر هيوان . دور لسانو في فمو وبظحكة قال

_ نت علاش عقلك تيمشو غي لدوك الافكار .. وقفت مقادة وقالت

_ افكار فتيات جميعا ولكن..حطات ايديها على صدرها وقالت من داخلي فتاة مؤدبة .. طلق ظحكة حت سمعوها لي تيدرو في الجردة وكانت لالهم خدوج وهنية هزو روسهم في التنائي وحدة كمشت فمها ولاخرى دات باش تجمع هي والمعطي …

خلاتو في بلاصتو وخرجات طلاقات مع هناء داخلة ماشفتش فيها بالمرة تلفت ليها هناء ودخلت عندو لقالتو باغي يوقف مضارب مع راسو..جات تتجري عاونتو جلس ساخط على راسو من راسو ..وجودها معاه عكس وجود شهلة نقيض تام . هادية راضية على كلشي حت انها ماعندها غيرة عليه من جمال شهلة يمكن عندها قناعة ان بكر خداها عن رضى من نفسو وحت القصص لي حاكين عليه جدودها من شهامة واحترام لكل وان الحاجة لي هز عليها ايدو صافي ماتبقاش عندو في بالو ..وهدا ماكان عليه قبل ماتغير الاقدار وتغير حالو ..دخل في عزلة على الجميع مابقا باغي يهضر مع حد لي جا عندو يعطيه صوابو ويسكت ويخليه يغادر المكان بلا هواه.. اوراق دكرياتو مع شهلة تتساقط من السما وتيشوفها في كل مكان..حت ان طيفها تيحس بيه داخل مع اي زائر تيبقا يشوف منو لهيه واحيانا تيسمع صوتها في صوت المخاطب حت لو كان رجل ….لكن سرعان مايرجع الادارك ديالو الامر بشوفات عتاب وغضب وكانه تيقول علاش تتهضر بصوت فلانة لدرجة مابقا بغا يدخل عندو حت واحد خايفين من شوفاتو وعصبيتو وحت هو مابقا باغي حد . اصبح شديد الشرود ..وكان فصل الخريف خلق ليحمل برياحه اوراق الاشجار تشهد اسم شهلة وصورها حت ان صفيرها . ترجم كلماتها.بنغمات صوتها…ياله من خريف بارد ودافء برائحة شهلائه على تياب اطفاله…كل ماباس واحد فيهم يغمض عينه من ريحتها لتتجي حت لعندو … عاقبتو بغايبها عليه وعاقبت نفسها بحرمانها من شوفتو اينعم تتبغيه لكن ماعندها مادير كل الفصول تقول ليها عليك بالابتعاد…داز شهر وهي متجنبة وجودو ولبغات تشوفو طلع مع البيقية مجموعين عارفاه ماغديش يقول ليها بقاي توحشتك وحت هي مابغاتش تبقا معاه بوحدها لو كانت بغات كانت دخلت عندو تتسلت كيف كانت دير شحال هادي… حت انها تجنبت شوفاتو الى صادفت عينيه ….بعدت عليه وكل مابعدت عليه تيتجبد الحبل الماطاطي على يقين منها الى تفلت من ايدها غادي يكون قوي بزاف وضربتو قاصحة …ولي خافت منو طيلة هاد الايام حضر قدام عينيها . وهي تتراقب ضو القمر لي كان بدر وزوين بزاف كانت واقفة في البالكو بقفطان خفيف لبستو في العشا تحت وصية هنية نضرا لوجود ضياف وهما خوتو جاو يباركو ليه على وقوفو واستعمالو العكاز . لبستو ليها هنية قفطان في الباج مع صدر عامر عقيق بلوينات براقة كل ماتحركت تيبان انعكاس الوانو في الحيط…مع كميمات عراض وحت هما دايرين بالعقيق عجبها باللوان لي تيشبهو الوان ديسكو لعبت بيه وخرجت تطل كيف عادتها تراقب القمر ونجومو حت تيبان ليها بكر واقف وفي جنبو هناء حاضين حت هما القمر ….دخلت جابت كاس وقرعة ديال زاج حطتهم فوق الحيط ديال البالكو ضنا منها انه لكان غاي يتبادلو القبل قدامها تعلمهم ..لكن شافتهم غ واقفين وهي طيحو بايدها باش تلعمو بوجودها .. شاف فيها من فوق راس هناء لي تلفت ليها حت هي من كبرياء شهلة دورت راسها عليهم ماماسوقاش زعمة ليهم . لكن فضولها خلاها تشوف بنص عين لكن سرعان مادورت راسها فاش شافتو حاط ايدو على كتف هناء ..ضربت القرعة حت تخلغت هناء هزات فيهم شهلة راسها ظحكت معاهم بغل ودخلت تتاكل جنابها تكات في فراشها حت عمر صدرها نار وناضت تتشفت حفيانة طلعت مع الدروج بدون عقل ..وجميع الفصول تضرب ليها في دامغها الا فصل الربيع …

طلعات تتجري .. حفيانة شعرها تيطاير من وراها….عوالة تختم حلقة وجودها في هاد المكان وتسد على حبها لبكر طفح الكيل..معاه ومع راسها مع باها… وقفات قدام باب البيت لي تتقول عليه بيتها هي عارفة انه ماشي بيتها ولا حت المكان كامل برمتو ديالها لكن هي اعتابرت ان بكر ديالها اعتابرت انه لكان فيه فهو ديالها ..ماشي ديال غيرها .. حلات الباب بلا مدق دفعتو حت ضرب مع الحيط ورجع عندها . وقفت في بلاصتها مجمدة …تتشوف في الفراش تترمش بالزربة . ..مقاد مافيه حت واحد…دورت عينيها في البيت ضواو طافيين .. مشات تتجري لبالكو خاوي..رجعت حلات الدوش خاوي… كمشت فمها ومشات جلست على طرف النموسية وهي تنوض حلات البلاكارات خاويين.. غمضت عينيها وحلاتهم ادن البيت خاوي وبكر مافيهش …عمرو عينيها بالدموع وخرجات منو وصوت الطيارة تيتسمع في ودنيها علاش غادي تبقا هنا هو اختار هناء .. وقفت في الكوار خاوي حت صوت مافيه الا صوت صدرها لي تيضرب مودع المكان ..لكن بغات تودعو مع دكرى سيئة لي تخليها تنسى اي حاجة حساتها فيه..مشات بخطوات سراع وكيف حلات بيتها حلات بيت هناء.. كان جالس على طرف النموسية حادر راسو محبط كتر من شهلة هزو وهو يشوفها واقفة في الباب.. البيت مافيه فين تقلب باين كاين غ بوحدو مشات عندو وعوض تعايرو وتسبو وتفرغ لي في قلبها مشات عنقتو تتبكي ورجعت لور وقالت

_ غادي نودعك وكنت باغية منك دكرى سيئة لكن نت حلفتي ماتهلي ليا والو من غير قلبي المريض بيك

تنهد وقال

_ هدا هو بكر ..جمع شوفاتو وقال بالزربة

_ شنو قلتي؟

_ صافي هاصني نمشي بهالي .تفكت عقدت حاجبيه تيشوف فيها.باندهاش وخدو تيتحرك بدموع نازلين قالت

_ نت عزيز النفس وكبرياءك مانعينك تشوف الحقيقة لي تتضرني انا هلقت ليا فوضة ماابقيتش قادرة عليها.. شاف فيها مطول وقال

_ وانا جرحي عنيد اشهلة ..عندي واحد الجيهة خايبة في دماغي مريضة بالحقد ماتتوصل ليها حت حاجة زوينة من بعد …تقوسو ملامحو كلهم بحزن شديد ولمشات حت خرجات يمكن يقلب البيت سفاه على علاه ومايقولش ليها بقاي.. بصوت خافت قالت

_ هانمشي بهالي ..رجعت عنقتو بحرارة طال العناق لهي بغات تبعد منو ولا هو باغيها تبعد .دارت عقارب الساعة على المتصف ..بلا ما يشعر لقا راسو معنقها بنفس الشكل وكارز عليها حت حسات بضلوعها وسط ضلوعو ..بهمس قالت

_ بشوي عليا غادي تهرس ليا ضلوعي..همس قرب من من ودنها وقال:

_ خليني معاك في لحظة سلم حاس بيها .. زيرت عليه …تقلب المكان لعالم مافيه حت واحد من غير عناقهم ..حركات راسها جابتو عند عنقو وجمعت كتافها ميل راسو ليجهة عنقها وطبع قبلة خفيفة خلاتها تبتاسم هزات راسها فكت اديها وشدات ليه في خدودو وطبعت قبلة حارة تبعتها وحدة اخرة حت خلاتو ينساجم معاها تقلب الدور عليه مشتاق لشفايفها بكل مايحمل كل وريد من خلية فقد شعورو وهي بالمتل..وتمرد جسمو واعلن حرب في ساحة الحب طارت فيها كل التياب وغطتهم توب الشهوة والرغبة غابو على عالمهم وان للغرفة صاحب استسلمت ليه ..اديه تيتسارو فوق جسمها..وراسو وسط سلسلة الشمات السوداء في عنقها مرفعين بجوج …

بابتسامة ..غطات هناء كل من حليم وكريم وحنين لي عدبتها ليوم في النعاس .باستهم وسدات من وراهم ومشات خدات دوش ساخن وتعطرت وهي تتظحك لانه رجعت لبيتها وغادي تكمل فيه حياتها مع بكر من النقطة لي توقف فيها قبل الحادت بسويعات.. بخطوات سراع مشات بيتها تتفكر كيفاش غادا تكون ليلتهم وهي شكات ان بكر غادي يدخل بيها …شدات في البواني دوروتو دافعة الباب وراسها معاه…حت تتوقف على اجمل مشهد بالنسبة لجوج باغين يمارسو الحب في اي مكان واي زمان لا الشمس مسنينها تغرب لا الارض مسنيها توقف.. مع اسوء لحظة ممكن يتحط فيها صاحب المكان .رفع بكر راسو من وسط صدر شهلة دور راسو لباب وهو يستد ..وقفت المسكينة برة حاطة اديها بجوج مجموعين على شكل قبضة على خدودوها صدرها تيطلع ويهبط واقفة على الجمر دموعها شلال مسنية يتفتح الباب ويوقع عكس ماشافت وتخرج شهلة من بيتها ..لكن لي ماتوقعتوش انها تسمع ساروت بيتها دار والباب تقفل اي صدمة هادي واي درس هدا درس الخيانة ام درس الحب ام درس التنكر والخدلان واي موت هدا واي حياة بعده .

ايديها على الحيط ..باش ماطيحش الارض ..بقلب مفتور وجسد واخد حقنة ديال البنج ..مابقا ليه والو على اجراء عملية. …ضبابة على عينيها… خطوط العرق تترسم على الحيط البراق وهي تتجر معاه ايدها…خرجاات لالة خدوج من بيتها على صراخ احفادها .تتلوي زيف راسها على عنقها وبينوارها الابيض حزاكو مجرور مع الارض .تتحاول تحل عينيها في لي قدامها.. هي غادية والضواو تيشعلو بوحدهم …طلقات سميرة وامينة طالعات مع الدروج ….ضجيج في المكان لكن ليس كضجيج تلك القلوب المتعطشة لاحضان ولمسات وقبلات بل الى اهات وهمسات وكلام الغزل وظحكات وصراخ فرحة اجساد تجرعت نشوة الحب وارتوت برغبات جامحة جياشة …لم تخلو.. حت من حبيبات عرق ساخنة ..كسخونة الجو ..نار مشتعلة ولهب تتراقص على نغمات غزل بكر في ادن حبيبته

_ تنبغيك …… .شهلائي …..

ردت عليه بنفس متقطعة كنفسو وقالت

_ اي لا فيو …اي لافيو…ايلافيو…

.دخلات سميرة تتجري عند الدراري في حين وقفت الالة خدوج مقابلة مع هناء وهي هابطة الارض جلست رجليها وراها متكية على الحيط …قربت منها مخلوعة وامينة مشات تتقلبها مالها وتسد لیها فی ادیها تتوقفها …..ضربت لالة خدوج على فخاضها وقالت

_ مااال ولدي ؟؟؟؟ فيين ولدي؟؟؟؟ دارت تتجري جلايل بينوارها تيطاير وراها .وادیها تيتلاوحو…..لقات بيتو محلول وخاوي ومضلم …قلبتو في الضلام تتعيط

_ بكر ا بكر . قلبات جميع قناتو دخلت لدوش محلول وخاوي..وخرجات تتجري عند هناء

_ ت فين ولدي؟؟؟ ردت عليها امينة في بيت هناء.. خلفات الخطوة بغات تمشي عندو وهي تشدها امينة من دراعها وقالت

_ مع مرتو .رجعي رجعي ..دارت عندهم بوجه صفر وقالت

_ انا مراة اويلي .. غادية تتتجري تبعتها امينة شدتها من عند الباب

_ مع شهلة ..شافتهم هناء عريانين . فوق الفراش ضربت على حناكها ورجعت بالخف…وقفو هناء وهبطوها لصالة..دخلت لنفس الصالة لي حنات فيها…عنقات امينة تتسكت فيها والخرى في حين لالة خدوج شداات في راسها هبطتو الارض…..

تلاحو على ضهورهم تيشوفو في بعضياتهم ….خداوا وقت باش ترتاح الاجساد لي كانت تتبورد حت تقادت اللانفاس.. مددت شهلة ايدها مسحت ليه عرق جبهتو وعضمت نيفو..مع ابتسامة عريضة على تغرها….تقلب على جنبها..تتشوف فيه في حين هو بقا على نفس الوضعية..مرة مرة تيعض في شفايفو . ويغمض عينيه سولتو

_ مالك؟؟ جاوب ظاحك

_ رجلي ضرتني بحال الى فورصيت عليها فاش بغيت نسد الباب …

_ نقلك حاجة ..قالتها تتجمع في رجليها وتحركهم ..

_ سهاب ليا بغيتي تهرب مني ..طلقت ظحكة في السماء….شافت فيه وكملت كلامها

_ هسيت بقلبي دار بووووووووم ..مد ايدو لخدها قرسو بلطف

وقال

_ عاودي شنو دار ؟… نفخت خدودوها وهو يضربها بوبنية عليه ..تسمع طرطقة بالون وهي تعجبها وقالت من بعد ما رجعت نفختو مرة اخرى

_ عاود عاود ..ظحك وضربها لكن قصحها …طلقات ظحكة عجبتها الحركة بقات تعاود فيها وتكركر .. خشا ايدو تحت من راسها وجابها عندو وقال

_ من نيتك هانخرج قررود مافهمتوش شافت فيه وهو يعاود كلامو

_ قرود يعني قرد انا نخرج من للبييت زبط مالي سميتي شهلة. .قرصتو في حلمة صدرو وجرتها ليه حت هزها بايد وحدة ودفعها كانت غدا طيح مع ضحكات منو ومنها.. شدها من شعرها رجعها عندو وقال

_ مابقا هروب … نزل عليها براسو بلطف : سمعتي..عضات على شفايفها..زادت كحزت عندو تحشات فيه ساد الصمت لبرهة وهي تنوض قافزة شدات ليه في ايدو

_ نوض نمشو من هاد لبيت …شدها من شعرها ورجعها طيحها على صدرو وقال

_ حت لعبنا فيه اجي لهنا…وقفت مزبطة عليه شدات ليه من راسو تتنوض فيه

_ نوض ماهاتبقاش هنا..نت ديالي انا فقط.

وقفت مزبطة عليه شدات ليه من راسو تتنوض فيه

_ نوض ماهاتبقاش هنا..نت ديالي انا فقط…بضحكة وقال

_ اودي كلشي ديالك ماشي غ انا

_ لا هاد بيت دازت فيه لقطة قد هكا. جمعت صباعها جوج بيناتهم مسافة صغيرة وكملت كلامها:ولكن..هي دكرى هايبة قد هكا بسطت اديها بحال مول التواب لي بغا يعبر للشي مراة توب ديال الجلالب …حط ايدو على جبهتو وقال..

يبله لبسي حوايجك…..تسرحت على كرشها عاطيها بالمؤخرة حت جبدت القفطان من فوق زربية ديال القطن رطبة ترابية اللون.. مع لي سيوتيان.. لبساتو بوحدو وهو تيشوف فيها..تلفتت ليه وقالت

_ ولبس ونوض..

_ جاك زوين قفطان هنية ولايني بلاتي عليها…. حمرات فيه عينيها تتعوج فمها

_ علاش؟؟ بلاتي عليها

_ حيت كادو مني ليها شي سبع سنين هادي وهي مخبياه مالبستوش

_ ولبستو انا

_ هنية مراة مزيانة سترتك واقيلة شافتك عريانة وتتدوري حداها بهادو ..قاسها في سيقانها هي راه تتحشم مسكينة

_ قالت ليا هوت المكدم كاينين لبسي وتستري

_ مگدم نيت ماشي مقدم هه اوى درتي ليها خاطرها العجب

_ هيت ماكان فيا مايتجادل مع شي واهد واصلا عجبني ..شوف في الهيط.. حركات صدرها .حاضية ان بلاصة غادي يتراقصو الوانو ظحكاتو وقال

_ حركي غي هاد شد الكمام ..هانتي هاهما .تيهز ليها ايدها ويشالي بيها ..

_ واااو روعة .. رجعت تكات عليه وقالت

_ هوني طيبة .

_ بزاف … تقلبت على كرشها مرجعة رجليها ورا مؤخرتها تتلعب بيهم واديها في لحيتو تتنتفها ليه برفق وقالت

_ واهد المرة كنا في الجنان تنقفطو الفواكه في سليلات كانت تتاخد التمرة لي زوينة تتهطها ليا في السلة ديالي والهايبة في سلة ماماك.. قوس عينيه وهي تشد ليه نيفو جرتو ليه حت حمار

_ ماشغلك فيها.. وهنا راجعين لدار قالو غيطلعو عندك يشوفوك كاملين..ونا كانت فيا بيبي بزاااف وكنت هابساها هت نرجعو لدار وندهل لطواليت..لكن بغيت نشوفوك هيت توهشتك ..تكات عليه .باستو في فمو قبلات حارة ومسترسلة ..كملت هضرتها : بهاااااال هكا .. مد ايدو لراسها هبطها لعندو وبادلها نفس القبلات وقال

_ اوى كملي : .. ايدو في شعرها لي لتصق على وجها تيحيدو زغبة بزغبة ويرجعو لور ..

_ وانا قلت لراسي الى مشيت لطواليت هايمشو عليا ونصدق مانشوفك وتوقف ليا ماماك في الطريق..قلت الى كنت معاهم ماغاديش تهبسني وهبست البيبي فيا وطلعت معاهم شفتك وبقينا بزاف لوقت ..ظحك وقال

_ اوى.. غمضات عينيها بخجل وقالت..

_ صافي فاش هرجنا من عندك كنت هابطة تنجري ساع هبطات لي البيبي وقفت عند هداك الهيط لي لتهت لي بين البيت لي فيه النهاس والصالة لي فيها فراش صفر وبيض حل عينيه مع فمو مسننيها تكمل هضرتها ..

_ وقفت هت ساليتها ..مابقا عندي هل . ومشيت دوشت وبدلت ورجعت نشوف شكون المسكين لي غادي يسيقها وانا نلقى هوني شادة القطة وتتعير فيها.بغوات…. قلدتها خفظت صوتها لكن بحال الى تتغوت وتعاير بصوت عالي

_ يالهماااااارة يالهيوااااااانة…مالقيتيييييي فين تبولييي . الهههخلاوات عطا الله يالكلبة بقات فيا القطة ونقول ليها.. سد فمو زام على ظحكة

_ ولا اهوني راه ماشي همارة راها قطة مياو مياو.. جمع الظحكة حت عيا وطلقها في السماء.. خلاتو حت سالة وقال

_ سحاب ليا غادي تقول ليها انا لي بلت وتعتقي القطة مسكينة ساع نت شريرة يالطيف

_ ونت هيوان اكبر ههيوان.. ..

فين الحاء والخاء سرطيهم ..بهدوء تبدلو شوفاتا وقالت

_ فاش تنتعصب بزاف تيمشو ليا وفاش تنكون فرهانة بزاف تيمشو ليا ..

_ وشنو دابا مانعصبوك مانفرحوك ولا شنو.؟؟..جر ليها ودنها ..ضربتو في ايدو وقالت

_ هاتعصبني هانضربك… تنهد وقال اجي ابنت الحاج نتفاهمو على بزاف الحوايج

_ هنت بيتي تعصبني… ناض جلس وقال

_ ضروري .. ساد الصمت لدقائق وقال

_ شنو هادري دابا ؟؟ شارت ليه بصبعها وقالت

_ شنو هادير نت مع هناء ..قوس حواجبو وتحرك خدو وقال

_ هي عندها حرية الاختيار لبغات ديرو ديرو خللينا فيك نت دابا

_ كيفاش هي عندها هرية الاهتيار..وانا ؟؟

_ نت مابقا عندك والو… ميلت راسها جنب وقالت

_ واااات ؟؟ مافهمش سولها بعينه وترجمت

_ شنوووو؟؟ ..حرك راسو بالايجاب

_ اييه نت الالة شهولة ماضربك حد نهار مشيتي ماضربك حد على ايدك نهار جيتي ماهز عليك حد المكحلة فاش دخلتي عندي

_ شنووو مزال مافهمت

_ اوكي ازوينة ديالي نت جيتي لعندي برجليك الى ظحك عليك الحمار ديال راسك وجبدتي حس ديك البلاد عولي على خزيت ولي غادي نديرو فيك ماعمرني درتو في شواحد وعقابك غادي يكون كتر من عقاب واحد الشيطانة .. حطات اديها على فمها

_ ايييه ازوينة ديالي ..شار لغائب بصبعو لكبير هي هبطتها الحفرة وطلعتها قبل ماتزهق روحها ..قاطعتو وقالت

وانا؟؟

_ رد عليها جايب ايدو لعنقها مزير عليها

_ غادي نهبطك مانطلعك وبهادو ..هز ايدو هاندفنك… ضربتو لصدرو وقالت

_ ..شهولة ديالك وبكورة ديالها..ظحكتو اخر كلمة..باسها في جبهتها وقال.

_ باكورة نيت وليت معاك مشات هيبتي صافي… جلست مربعة رجليها تتفرك في ايدها وقالت

_ نت صعيب بزاف

_ انا ؟؟؟

_ اه

_ لا ؟؟

_ يس

ماشي صعيب انما ..سكت تيشوف فيها ..جر الايزار على نصو شاف فيها بنظرة غارقة مع تقويسة حجاب وقال:

غادي نقلك جوج حوايج هادو هما بكر . اولا الكرامة تانيا العزة ..انا كريم النفس عزيزها .كيف قلتي نت .. الى قال ليك شي واحد كيف داير بكر قولي ليه عزيز النفس..وهاد العزة النفس خالقة ليا مشاكل مع الناس ولكن مرتاح من جيهتي…لدالك ماتنغلطش مع الناس باش ما نظطرش نقولش ليهم سمحو ليا ولحد الان مزال ماغلط مع حت واحد…علات زاوية فمها وقالت

_ غطلي معايا انا… ابتاسم حك حاجبو ومرر صباعو لشعر راسو وقال

_ اولا نت من نهار دخلتي لحياتي اعتابرت نفسك هي نفسي واي حاجة درتها معاك راه تتضرني حت انا ..لانه بيني وبينك ميتاق غليض عند الله وهو نت تحت اسم مرات فلان لي هو انا مرات بكر…نهار وليتي حلالي صافي ولا دمك هو دمي ولحمك هو لحمي ..نقول حليت گسدتي على جوج وخطيتك معايا .. ماغدايش تفهمي هادشي ولكن لي مانتبغيهش لراسي ماتنبغيهش ليك..كوني على يقين..انا ضربت خويا على قبلك … عرفتي علاش؟؟ حسيت براسي تيطل عليا انا . معريني انا في خيالو انا هكا تفكيري مريض الى تضربت تتبقا الضربة تتنگح عندي في دماغي واحد الجيهة خايبة فيا الحقد مغلغل تنحقد بزاف ولكنت غادي ندخل لجهنم فعلى هاد القلب الكحل لي عندي انا حنين مع الناس وخايب مع راسي داكشي علاش تتشوفيني مبعد من لي يقدرو يزعمو عليا ونصدق معاهم في حاجة ماشي تلهيه ضرني وضرهم وليديا وماتنمشيش عندهم بزاف وخوتي وتلفوناتي قلال معاهم حيت لشفت منهم حاجة ناقصة ولا سمعت عليهم هضرة ماشيي هي هديك تتمرضني شهور وخا تنبان الناس عايش مرتاح وماخصني خير لكن هنا…حط ضبعو على قلبو ومررها لدماغو وقال حروب …سلاحها قديم ماشي مكاحل طلقة وحدة وتجيبك كاو لا عندي سيوفة ماضية تجرح وتخلي الدم يسيل.. .. شارت ليه لصبعها وقالت

_ ادن نت مريض….على صوت ظحكتو وقال

_ راه فعلا يمكن لمشيت عند شي طبيب نفسي .. يسمي ليا شي مرض ماسمع حد …هزات ايديها حطتها على خدو بلطف تكا على ظهرو وحت هي تكات عليه وقالت

هاصك تعالج . حرك راسو هزو في السقف : وقال

_اي طبيب غادي يعالجني منك؟؟ قالت بسرعة بعدم تصديق مع عيون مشعة وفي نفس الوقت مندهشة من بعد مادورت ليه وجهو عند وجها وتقلبت على كرشها ….

_ لاااا. حرك راسو بالايجاب بنبرة خشنة وصوت غامق قال

_ يمكن تغيبي الف سنة عليا وفاش ترجعي يحيى نفس المرض

_ الي هو؟؟

_ جرحك . غمضت جفونها ولاحت شوفاتها بعيد وتنهدت وقالت

_ ربمى وجودي معاك هاليا هو دواك ..زمزز

..نزل عليها بكف الراس مع ابتسامة وقال

_ نت ماعندك باش داويني نت فقط دداك المهدء لي تيتعطى تيكون مفعولو ساعة او ساعتين ويمشي ويبقى المريض تيتلوى بنفس الداء. نت فاش تتحضري وتتوقفي قدامي بلسانك تينطق شي كلمات وافعالك .. تنسى …ضرب بصبعو ارنبة نيفها وكمل كلامو نكون معاك صريح تنسى شنو داز من قبل ولكن فاش تتمشي تنتفكرك بجرمك فقط… .بزعاف قالت

_ اوووووف اووف مليت منك شنو نبقا معاك لهظة بلهظة باش ماترجعش تفكر ااا شنو ..فمي وهرقتو قلبي وهرقتيه شنو مزال باغي مني شنوووو عييت ابكر وتنهس براسي ههاوية من لداهل وان عمري قريب يسالي مابقيتش بغيت نهس اني مهاصمة منك ولا من راسي..بكر الى مشيت بهالي وانا هازة هاد الهم كون على يقين غادي تعرف عليا هبار مايفرهش بكر انا تنهس براسي ضعيفة صافي هلينا نساو كلشي مهي من بالك هادشي ..جرها عندو معنقها تيشم في ريحتها ويستنشقها وقال

_ فين مزال هاتمشي صافي جيتي برجليك غار ديال الحنش ….علات راسها فيه وهي مزال معنقاه بل مخشية وسطو وقالت

_ نديرو هل وسط….

_ دابا لي غادي ديري نوضي ..اريا لحوايجي … مزال الهضرة كتيييرة وسكات احسن وكيف جيتي عندي برجليك ومشيت عندك بروحي .حط صبعو على ناضرو وقال: عقلي ضربو المطارق وكلا العصا من عند هدا .. طقطق على قلبو ..ظحك وكمل كلامو

_ انتي القلب وانتي الروح حبي الاول ..عجبها الحال ..بابتاسمت بحب مدورة عليه اديها وحت هو عامل نفس الشي : مجنونة غ قولي ليا كيفاش نساك ..شوفي شحال الفوارق ولكن غادي تفك هاد الحجاية بادن الله غ نت ابنت الناس رطبي معايا مخك وراه ارض الله واسعة وعريضة والناس كتار ولكن بكر غ واحد وحت شهلة غ وحدة وفينما كان بكر تكون شهلة ياك…حركات راسها بالايجاب باسها في خدها وقال

_ ماكينش من احسن المغرب وخا دوري العالم كامل بالنسبة ليا وكدالك ومتال ماكينش بحال السويد بالسبة ليك حركات راسها بالايجاب .. دابا بقات فينا حنا معامن غادي نكونو بغض النضر على ارض الله لكن انا روح غادي نعيشو فيها فهتي ازين ديالي …ظحكتها كلمتو الاخيرة ..

_ ماكينش من احسن المغرب وخا دوري العالم كامل بالنسبة ليا وكدالك ومتال ماكينش بحال السويد بالسبة ليك حركات راسها بالايجاب .. دابا بقات فينا حنا معامن غادي نكونو بغض النضر على ارض الله لكن انا روح غادي نعيشو فيها فهتي الزين ديالي …ظحكتها كلمتو الاخيرة كمل كلامو وقال

_ نت مزال صغيرة وتقدري تأقلمي مع اي بلاد شناهي عشرين عام ولا تسعتاعش مزال يله بحال الى تولدتي ماشي بحالي شارف الشيب حيديتيه ليا من لحيتي ضارب عمرك في جوج ..دابا انا شبت في هاد الارض صعيب عليا نخرج منها فداكشي لي درتيه عليا والبكا لي بكتيه عليا ماختليهش يمشي هباء منتورة وترجعي تجبدي ليا حس السفر ولا زمر…غمضت عينيها وحلتتهم مع تنهيدة

_ شهلة انا عارفك مغاداش تقدري على جو العروبية وحت انا ماغديش نكون اناني معاك مرة مرة نسافرو ولكن الشتا هنا والخريف هنا والربيع هنا ..لوات فمها وقالت

_ شديتي السنة كلها اش بقا ليا؟؟ مهبطة كتافة بحزن

_ بقا ليك الصيف .مع ظحكة عالية ..مع نت سخونة بلا قياس مايصلاحش ليك الصيف ديال المغرب …طالت جماعتهم وحلات بوجود كمياء الحب بيناتهم كل واحد تيسمع الاخر بكل جوارحو . مع مدعابات وقبل حت رجعو لعالم اتحاد الاجساد .لا هو ساخي يخرج من هاد الجو ولا هي ساخية تنوض من تحت دراعو ولكن قريب يادن الفجر وشوية ودب الحركة في الدار…ناض وقف تيعرج وهي تتلبس في قفطانها عاونتو حت لبس حوايجو قادت البيت رجعتو كيف كان لي نساتها هي يوريها ليها هو ..حلات السراجم.. دورات الساروت ..ومشات عطاتو عكازو ماخرجت حت خرجتو قدامها معنقاه جنب قرقب بعكازو فوق راس الي مانعسو ماشافو نعاس مع هناء ..هزات راسها في السقف تتحاول تسمع واش عكازو لي قرقب تتحاول تسمع وتاكد وهي تقول جامعة الوقفة

_ نمشي نعيط على خويا يجي يديني

ردات عليها الالة خدوج وامينة

_ لا ماتعيطي لخوك ولا لبوك حت تهضري معاه هو ..بعيون حمراء ونيف طايب بالمسيح قالت

_ لا مابقا ليا معاه هضرة مايسحابش ليا مزال باغي مرتو ماشفتهاش فيه ولا جاني احساس انه يقدر يرجع ليها.. قلت مستيحل يرجعو…دورات امينة عينيها فيهم بجوج وقالت

_ لا فين المستحيل كنا عارفين غادي يجمعوهم الدراري شي نهار..نطقت هناء

_ لا ماجمعوهش الدراري جمعهم حبهم الدراري عمرهم يجمعو جوج مابغينش بعضياتهم وشحال ديال دراري كبرو مع مرات بووهم ومهم حية الي ماعمرهم يتفاهمو ماعمرهم وخا يكونو والدين عشرين ولد ولي مفاهمين وبيناتهم الحب وخا يكونو عاقرين ما يتفرقو خالتي المراة لي تصبر على مصايب راجلها وتقول على قبل ولادي ماعندهاش الحق ضلم راسها وضلم ولادها …مشا بال لالة خدوج لجيهة اخرى وهي تنوض واقفة اديها فوق راسها

_ والصگعة بنت الصگع غدا تحمل وهياااا ناري محال واش كلات الكينات … لحقت عليهم سميرة وقالت

_ ومين غادي تجيبها كون غ قالتها ليا ولا قالتاها للأمينة نعطوها ليها . مشات وجات لالة خدوج في الصالة وقالت

_ وتتهز تتهز الصگعة كرشها ولادة الله یاربي الله واش هاد المصيبة غادي تحط ليه شي تلاتة خرين اجاي مايفكو مع بوشتة ياربي يامولانا الكريم… نطقت سميرة

_ وراه كان ياكل الدوا محالش واش يولد تيقولو المضاضات الحيوية تتقتل داكشي.. شافو في هناء وتقرصو وتغامزو يسكتو .. ولكن المسكينة جاوبت بخفوت ماقدراش طلع النفس

_ لا غ خرفات تيأترو الى كان الانسان تياخدهم بكشل مستمر لفترة طويلة وكانت مناعتو ضعيفة وهالك راسو بالگارو والشراب بكر ماخداهمش بزاف وماتيكمي ماتيشرب وماكلتو صحية .. ..نطقت لالة خدوج بغصة في حلقها تضرب ايد مع ايد

_ هزتهم هزتهم صااااافي . ليك الله ياوليدي …..ضربت خدها وقالت: ويلي وهو ناوي يطلقها والنية ابلغ من العمل قفرها عليه راه حرامت عليه .. شافو في بعضياتهم مع صدمة هناء …مشات العدوزة تتخلف في رجليها جلايلها مطلوقين..غبرت على الساحة وهي تطنق امينة

_ تتقلب على السبة لي شافها اش دارت عليها ليلة العرس مايقول تقلب عليها قلبة العدو… ردت عليها لاخرى

_ قالت ليك مابغاتش مرتو تحمل ..خرجات هناء لجردة وكملو هضرتهم

_ غادي تحمل يله خمستعشر ليوم خدات من عندني ليكوش ..

_ ومالو لي يمحملها وهو تفطرو مو بالحمام.. وتغديه بالكرعين هاديال الجمال هاديال التيران وبيض السمان .هالعسل الحر..هرسو على جوج ودغيا برى سبحان الله العظيم

_ اجي نقلك واش عيط عليها ولا مشات عندو نموت ونعرف؟؟

_ علاه هو يالفاهمة غادي يعيط عليها في بيت العروس

_ زعمة يكون دخل بي هناء

_ بيني وبينك ماعرفتش ولايني وجها عمرو تبدل و وشهر وسيمانا وهو مهرس

_ ت رجال يتامن ليهم حت نتي عندي داك القافز وخا يكون مگروض من ظهرو متيتفرق على حاجتو….تسمع الادان وناضو يتجراو ..كل وحدة مشات لبيتها رجالهم ماتيفلتوش الفجر بحال بكر لي صلاتو ماخطاتو وخا مريض وخا صحيح…خارج من الدوش يعكز لاوي عليه فوطة لتحت وفوطة على راسو.. تابعاه شهلة بفوطة وحدة شادة فيه من ايدو . جلس في طرف النموسية ونسى حوايجو في بيت هناء.. شافو في بعضياتهم تيضحكو مشات تخشات في بلاصتها جرات الغطا عليها وقالت

_ سرك بقا عريان انا فيا النعاس ..

_ واخا الالة غ نعسي وعندك تبعيني تجري هاني نمشي نلبس حوايجي…ناضت تتجري دورت الساروت وقالت يله طير مع الطيور ولا ولي نميلة خرج من لتحت هيوااان …قهقه… مع تسمع الدقان في الباب …تتلفت لباب شاف.. شار ليها تغطى ..جرات الايز حت بقا غ وجها باين…ناض بتتاقل ..جر عكازو ..لاحت ليه الساروت…تحنى هزو ودورو….عوجت الالة خدوج مع كل طق سمتعها ديال الساروت حت حل واقف في النص مرجع الباب عند كتفو..ضاحك فرحان ماخصو خير مدوش مزنك ودنيه حمرين ونيفو يبري ..وهي تصدمو مو بكلامها :

_ هديك لبايت معاها ..باش حللتيها ونت رميتي عليها نية الطلاق؟؟!

طلعو حواجبو حت تكمشت جبهتو..حبس الظكحة بين شفايفو وقال

_ الوليدة سيري جيبي ليا مانلبس من داك البيت…. تنهدت ومشات تتجري .خايفة عليه من البرد…ايديها في حنكها ..تلفت لشهلة تيضحك..غمزتو وسيفطت ليه بوسة في السماء مع تتشير ليه ب ايدها اجي .

دخلت االبيت . هزات تيشروط بيض وشورط زرق وكاندورة في الگري … حطتهم جنب ومشات فلات الفراش… عينيها دگاهم تتقلب على شي شعرة طايحة ولا شي بقعة ديالو ولا ديالها شي حاجة..المهم تتقلب . ..مابان ليها والو وهي تجمع ليزار على لي زار بمخادو حطتو برة ولمطت المالطة بفراش جديد… وعينيها على الارض..مشات على ركابيها تتحبو وتقلب تحت الزربية … هزاتها ساستها من السرجم ..دوزت ايديها على الاض وتقلب في ايدها… ..هزات حوايجو..وخرجت وهي عينيها مزال تيفلو في البيت ..وسداتو قدام عينيها .. هزات كلشي تحت دراعها ومشانت..دقات عليه…ناض تيعرج..حل عليها . شارت ليه يحيد من الطريق..تيشوف في شنو هازا… حطتو ليه فوق الكنابي ..وقالت

_ مزينك وليد . نعستي فيه وخارج منو ماتتعرفش بنادم وهو الغيرة خوت ااا واابنت حرقتي قلبها في هاد ليل…نطق مبرد السوق وقال

_ ماطرا باس.. تمات خارجة… زلقت شهلة في فراشها وجرت عليها الغطا غطات راسها تتدور في عينيها من تحتو…خرجات وهو وراها وقالت

_ شوف ابو بكر راه معاك تنهضر ..صلي وخرج عندنا

_ لا بغيت نعس

_ والبنت تخليها تنخسس عليا ..صلي وخرج عندنا

_ الوليدة بغيت نعس شي يومين هكاك غ خوي راسك

_ نت غول ااا معرس بهاينة . ظحك وقال

_ لا ولد عمها الله يهديك راني واقف على رجل

_ ايييه ومالك ماتفكرتيها قبل.. خلاها واقفة وبدا يسد الباب حت بقا غ شقيق مخرج منو عينو وقال

_ حرام عليا نسد الباب في وجهك والله ماساخي بيك ولكن ولدك عيان اموي …

__ الحراااام درتيه اوليدي ..حل الباب بزعاف حت قفزو كتافها وقاالت

_ حليلتيها بعدة اا باش حللتيها؟؟

_ قلت الله كبر ودزت عليها صافي

_ ظحك ولييدي عليا الدين مامعاه لعب …. خداها على قد عقلها وقال

_ سيري عفاك سولي ليا الحاج وفاش نبان ليك فتي عليا. … دارت ومشات تتجري ..سد الباب تيتمم.. لبس حوايجو جالس .ووصلى جالس.. . ومشا تخشى في بلاصتو..كانو عينيها تيتلسقو بالنعاس غ تخشا حداها وتقلبت عليه نعست فوقو وحطت ايديه وراها وقالت

نت هو فراشي.الى لقيت راسي خارج من الفراش نعرفك مشيتي تتخوني..هكا بقا نت هكا نعس انا. تتحرك فوقو تتقاد في نعاسها..ظحكتو بصوت عالي ..جر عليها الغطا موسع بين رجليه مهرب رجلو لي ضراه وقال

_ في خبارك الى برات ليا رجلي عوجة غادي ندير عملية وحدة اخرة ويكون فيها الحديد.. هزات راسها تتشوف فيه بعينين ملسقين وقالت

_ اوبس مابقيتيش غادي تقدر تسوق طموبيلتك.؟. تيقاد في جسمو تحت منها وقال

_ علاش ؟؟

رجلك غادا تلسق مع فرانمان….ظحك تيتزعز تحت منها وقال

_ شي افكار عندك غراب . بدات تنعس ولكن لي فيها ماهمنيها .. تتحل عينيها تشوف واش مزال في بلاصتو تتحرك وتقول

_ خليك هكاااااا

_ اجي واش مزال تتقلبي في فراشك بزاف؟؟

_ لا

_ ها حنا غادي نشوفو… نعسات ..تنهد بحب وكرز عليها اديه باسها في راسها ونعس .ماباغي يفكر في حت حاجة لا في هناء ولا في مو ولا في الحاج بوشتة لي غادي يجي يحيح عليه باغي فقط يستمتع بفرحتو برجوع شهلة ليه وساعات رضى على نفسو لا فيها عتاب ولا عقاب ولا الم . هكدا بكر ادا احب تيغمر نفسو بجميع الاحاسيس ويستمتع بيهم بقدر حبو ليها بقدر الكره لي كان هازو جيهتا بقدر التصالح مع نفسو وهو تيقبلها بحب ويعاشرها بحب عندو كلشي واضح ادا كره بكر الكل يشعر بكرهو لداك الشخص وادا كان كريم مع شخص الكل تيلس كرمو وادا احب الكل تيشوف هاد الحب….وهده ضربة لعلاقاتو بهناء ورسالة ليها فادا بغات تبقى فاكيد كزوجة وعندها الحق فيه كزوج وراعي ومسؤول وقوام ولكن كحبيب مستحيل تحلم بيها ولبقات معاه غادي تشوف حبو لشهلة بجميع مراحلو فرحو بيهااشتياقو ليها غرامو وغيرتو عليها كحبيبة ..يمكن يقسم لياليه معاها لكن مايقسمش لحظات العشق معاها.. هناء قالت كلام صحيح ان رجوعو لشهلة ماشي بسباب الولاد وانما بسبب الحب ..

تجمعو اهل هناء ..مها وباها وجدها وجداها الا خوها زهير لي قال ليهم نصحيتي تنعطيها لناس لعزاز مابغاوش تنهز كرامتي في جيابي . سيرو عندو ولي دارو معاكم قبلو بيه هديك مرتو وام ولادو لا تجادلوه ولا وتعاتبوه…ولي تيقلب على الشكارة الكبيرة ..يدير ليها بلاصتها ..ان اللهم لك للحمد قانع وراضي بخدمتي وباش مقسم ليا الله لي ديالي ومكتبو ليا الله تنتصرف فيه ولي ماشي ديالي النسر عينيه قوى من عينيا رزقو عند رجليا ومانشوفوش… قبل مايخرجو وصاهم الى جبدو معاه العار مايلمو الا نفوسهم …العشرة كانو عندو الوحدة خرج عندهم .. وصل عليهم سي عيسى ورشيد وسليمة . كلشي ساكت حت واحد ماقادر يقول شي كلمة..الانه رجع لمرتو قبل مايدخل على بنتهم هادشي عرفو الاب من الام لي عاودت ليها هناء.. فجلسو ساكتين ومربعين اديهم وهو كيف ماكان الحال عمرو ماخصر ليهم خاطرهم ولا طيح منهم ولي بغاوها هو معاهم فيها جايد عليهم بكرمو وعطفو تيعرفوه من سنين ماشي غ هاد شهر وجهو تيغلبهم وحضورو تيسكتهم وكلامو وصوابو تيخلي الانسان مايغلطش معاه.. هابط بعكازو …تلقات ليه مو شدات فيه قال بوجه بشوش كيف ديما فاش تيرحب بضيافو.

_ السلام عليكم ..ومشا عند الجد باس ليه راسو ولاخر باس ليه كتفو مبادلين السلام بكل احترام….مشا عند اب هناء سلم عليه من لوجه لوجه . باس راس باه وسلم علىرشيد ومنصيف بايدو..بالرغم من رجلو العرجة دار عليهم ومشا جلس حدا هناء …وقال

_ لابسة جلابتك فين غادية؟؟….ردت بخفوت وغير مسموع وقالت

_ مابقالي جلاس هنا والله يتهناك مع مرتك.. .شاف في مو وقال

_ كاين شي غدا ؟ …نطق الاب دياا هناء وقال

_ خيرك سابق اسي المقدم .. مجيتنا عندك ماهياش ظيافة وانا نت عارف اش كاين بنتي قالت ليا هضرة ومن فوق كلامها ما عندي هضرة ….شاف فيهم باسى . ورجع حدر راسو وقال

_ النصيب اعمي ويشهد عليا الله ماكنت ناوي شي غدر لهناء .. سرطت ريقها هزات كلينيكس مسحت بيه نيفها وقالت

_ عارفة وماغداش نحاسبك ..كل واحد الله يهنيه في حياتو رد مأن على دعاءها …وقال

_ اللهم امين.. طلبي لبغيتي فوق المؤخر صداق نتوما ناس عزاز وراكم وليتو عايلتي همكم هو همي وفرحكم هو فرحي …خارج الصالة في جيهة مدرقة عليهما واقفة كل من اميمة وسميرة تيسرقو السمع .. شافو الدنيا مهدنة وهي تمشي تجري سميرة عند شهلة حلات االبيت للا مادق جرات عليها الغطى ورجعتو بالزربة…فعفعتها تتعيط عليها شهلة شهلة حت حلات عنينها وقالت

_ نوضي نوضي لبسي حوايجك هبطي باني ليهم غادي يصالحو راجلك مع العروسة.. بقات تتبلق فيها لاخرى عينيها مافهمة والو

_ ونوضي بابات هناء وجدها عندكم وراجلك جالس معاهم.. دورت عينيها في البيت وناضت جلست. مشات اللخرى حلات البلاكارات خاوين..

_ غسلي وجهك نهبط نجيب ليك ماتلبسي سربي هبطات تتجري عيطات على امينة

_ سيري جيبي حليم كريم حنين خليها حت تهزها شهلة ..مشات تجري دخلت لبيت ديال الحاج تتقلب اش تلبسها حارت ماعرفت ماتجبد وهي تخطف جلابة مع سوتياناات وسلبيب … وطلعت تتجري دخلت عليها تتنهج لقاتها حكات فمها لاوية عليها فوطة ساترة راسها بيها..

_ هاكي لبسي نمشيى نجيب ليك حنين هبطيها في ايدك…..لبست جلابتها خضيضر بارد مع طرزة في الجناب خياطة مخزنية عندها الفداقي في الجناب.حت الركبة .سلتت امينة صندالتها عطاتها ليها وهبطو معاها..رجعتهم هنية من لباب .

_ اجي اجي ويلي لبسي سروال تحت منها حركات ليها راسها بلا

_ واحي بدليها ت مالك راسك قاصح عاد تصالحتو . ..جرتها من ايدها وداتها معاها بدلت ليها جلابة بي ديالها جديدة ساع كون غ مابدلاتهاش جمعت شعرها ضفرة عشوائية . ..مشات معاها باش دخل وهي ضرب امينة في خدودها وشافت في سميرة يله بغاو يشدو فيها يرجعوها حت سبقتهم بخطوة ودخلت ..

دخلات هازة بنتها وسط كرشها رجلين حنين مدلين .ولخرى تتلعب ليها بصبعها في خدها لي طبعتو باينة من الطيارة خلا حنين تستغرب شنو داكشي وتخبشها ….غ شافها داخلة تخطف لونو وتجمعو حواجبو في سرعة البرق مخليها ناعسة غ باش ماتفضحوش ساع الزغبي جاب ليه الله الشوهة حت لعندو…. شافت فيه ومشات عندو والصالة كبيرة ماجات فين توصل عندو حت بان عيب الجلابة ولي تحتها . كلشي سكت والعيون عليها هبطت عندو باستو في خدو حطت ليه حنين في حجرو وجلست جنبو …. رجع راسو لعندها بهمس وقال

_ رجعي وريا وتخباي … قوسات حواحبها وقالت.

_ علاش …رجع همس في ودنها

_ لحمك تيبان من جياب الجلابة..وماتنوضيش حت يخرج كلشي… رجعات وراه وتخبات … وجهو تحقن فيه الدم جالس على اعصابو.وحنين تتحرك في حجرو مبرزطاه ومرة مرة تهبط تمشي تجري وترجع تلاح عليه مرة توطى عليه مرة طيح عليه… حت حن عليه الله وناض الجد وقف وقال

_ رمي على بنت ولدي يمين الطلاق المقدم ومن بعد نطلاقاو في المحكمة.. تلفت شاف فيها تتنخصص .. باس ليها راسها وققال

_ سمحي ليا اهناء…راك مطلقة مطلقة مطلقة . وقفت قبل مايكمل التالتة ومشات تبعتها مها وباها وجدها وقفو معاعهم خوتو وباه.. غ خوات الصالة دار عندها معصب من كلشي

_ شكون لبسك هاد الجلابة؟؟ ربعت ايدها مقلقة وقالت

_ ماهنجاوبكش

_ ياااك الالة وعلاش؟؟

_ شوف نت … وقفت بغات تخرج شدها بايدو ورجعها بزعاف حت جات جااسة

_ فين غادية تنهضر معاك !! واش مابانتش ليك الجلابة مهدعة من هنا وهاد النم باين ..شد في سليبها جرو ليها

_ ونت شنو درتي؟؟؟؟؟

_ ندير لي ندير ماشي بحال فضايحك

_ بستي البنت ..بعصبية على وجهو قاال

_ شهلة تتضلمني .وتتعصبيني

_ ونت تتعصبني قلت ليك ماتبوسش البنت ونت بستيها… تسمعت خارج الصالة ولي لبسوها لحوايج يولولو ولي فيقوها يولولو ولالة خدوج جالسة تتفرج ايد هازة بيها بزازلها المدلين وايد على حنكها ..

_ واش ماعندك ماتلبسي ؟؟

_ ماعرفتش هادشي لي عطاتني هنية..غ تقول سمية مول الزبلة ويعيط بسميتو..كانت غ تتسنط مع اللبقية وهي دخل عينيها يدورو… شار ليها تجي حت لعندو وقال

_ اش هادشي اهنية زعمة مولات العقل والرزانة …نطقت شهلة واقفة حداها

_ بلا تعصب عليها هي مابغاتنيش نبين هادو جرات الجلابة حت لركابي

_ جريها مادخليهاش عندي سدو عليها في شي قنت ..مابانتش ليك لحمها تيطل من هنا..جرها لعندو شد في الجيب..غرقت هنية وحمارت وخرجات تتجري ….شارت ليه شهلة بصبعها وقالت ماهنسمحش ليك …خرجات تبعت هنية ..ضربت لالة خدوج ايد مع ايد وقالت

_ غ نت لي شفتيها حيت حضيتيها وما حنا ماشفنا والو خوتك حادرين راسهم ونسابك همهم في بنتهم .. شاف فيها بتخنزيرة ..كملت كلامها

_ وصبر على ماعطاك الله مااالك تغوت على البنت اش دارت مسكينة نت مبارك لبسوها ليك جلابة مشرگه كون دخلت عليك غ بالشورط فين تولي نت ولا انا معاك…بشوية على البنت راه ماكبراش معاك في الزريبة استغفر الله العظيم نوض تهز دبح ليها وعيط على باها علمو خلينا نسدو هاد السوق.. حطو ليه ولادو في باب الصالة ورجعو لور خلاوهم معاه خرجت لالة خدوج تتقلب على هنية لقات معاها شهلة عطاتها جلابتها ولبست لي حيدت ورجعت عندو ..حطت ليه رجلها فوق ركابيه

_ شوف شنو كنت لابسة …قرسها فيها وجلسها حداه

_ واااااشهلة اووووف واش ماغديش تعلمي تستري شوية

_ راه كنت ناعسة وسميرة فيقتني هلعتني .

شنو؟؟؟ شنوووو؟؟ خافت يعاير سميرة بحال هنية وقالت

_ هانمشي نفطر ونت سير بهالك الهيوان …خرجات خلاتو مضارب مع راسو وولادو…جلست على طبلة الماكلة…تبعها من بعد ماتهدن شوية حطو ليهم الفطور..كلشي طبيعي حت حاجة ماعجبتها وهي تقول

_ مابيتش هليب بكر هليبو هليو عندو . سولتها هنية

_ اش قلتي ابتني… عاودت الهضرة تتحاول تقادها..دخل منصيف ورشيد وسي عيسى جلسو معاهم وهي تقول

_ حوي ليا اتاي حليبو مابيتوش.. حويني في اتاي اوف هوي اتاي شافت فيه حادر راسو وشارت ليه بصبعها

_تتعصب الواهد شفتي هاني تعصبت بنبرة خشنة وغامقة وغادي ينوض يحيح نيت قال

_ خوي ليها اتاي .خليها تسكت . صبر سي عيسى حتى عيا وطلق ظحكة في السما وقال

_ وصلو على النبي ..مكمل كلامو تيكركر : لا تعصبهاش عاد تصالحتو والحاج جاي..شاف فيه بكر وقال

_ واش بصح كلام الوليدة صحيح ولا خاصني شي زردة …قهقه رشيد ومنصيف

_ ضروري من الزردة لعندك شي حوالة خوك جزار نطقت لالة خدوج

_ حت يجي باها لتعاود دابح جوج دبايح .. كملات شهلة كاسها وقالت لهنية

_ حويني عاود تاني ..كلشي ناض يجري وبقا بكر عرقو تيتصبب وبنتو تتنتف ليه في لحيتو ماععقلش حت قال بغوات

_ حنيييين زگاي غادي نضربك

طلقتها حنين غوتة وعنقتو ..مابقاتش بغات تسكت .. مرر ايدو على راسها باسها في خدها وقال

_ غ ديريها نت ومك قد روسكم وبكو عليا انا هو ينبوع الاحزان…صافي سكتي الالة سموحات.. باش يقطع عليها البكية خاصو يجبد ليها سمية واحد من خوتها ..

_ سكتي ولا نزلك ونشد كريم ..اجي حليم اجي كريم..ضربت الطم وسكتت ….شهلة غ حاضياهم….سكتها ودار عند شهلة لقاها تتشوف فيه وهو يبدل ملامحو بسرعة البرق عطاها باتسامة ..وقال

_ الغلط ماشي منك نت ماعليك والو بحالك بحال حنين خاصك الوقت معايا.. .سكت برهة وقال

_ شنو بان ليك تركبي على العود..رحبت بالغكرة وقالت

_ ونت؟؟

_ حت انا توحشت ظهر العود …شافت في رجلو وقالت

_ وهاشنو هادير مع الهرس ..

_ نجرب..ضربتو بزيتونة وقالت

_ لا بلا ماتجازف …

_ غ نوضي لبسي سروال وقميجة واجي وقفت وقال : مستورة صافي..لبست سروال توب في الكحل مع قميجة بلو مارين رطبة تحتها ضوني معري من الضهر بسامطي على شكل فراشة ..مع سبادرية بيضة دايرة بالغوز والخضر جمعات شعرها ديل الحصان وخرجات عندو كان خوه والمعطي تيعاونوه يركب على العود جابو ليه اظرف واحد عندو مايمشي الى لخلعو بكر وحت هي بحالو عارف خيلو واحد بواحد وهادو من الي تيديهم باه وخوه في ايام اللاعياد يتصورو عليهم الدرراري والبنات… تسراو في الفدادن ودخلو لجنان كبير وفيه مالد وطاب من الفواكه تتقطف وتاكل بلا غسيل كيف تيدير بكر تيمسحها من الطراب وياكل ..وصلو لدالية العنب وهي تقول

_ واو غادي نصاوب اروع نبيد.. شاف فيها ماقال والو .. شافت فيه مبتسمة وكملت كلامها

_ تتعرف تصاوبو..حرك ليها راسو بلا

_ نعلمك ونصاوبوه ونشربوه وااااو انا غظا نولي ندير بحال هكا ..عملت حركة طيران ….قالتها بظحكة عالية

_ النبيد حرام ..الله سبحانه وتعالى حرمو على عبادو لانه فيه مضرة حيت تيدوخ اللانسان ويقدر يغلط ويعمل شي معاصي خايبين….هو تيهضر وهي تتقول في دماغها شنو خاصني تييو رقيق وقمع وجوج قنينات كبار وطرف ديال توب هزات عينيها لسما تتحسب وتتفكر كيفاش كانو يصيبوه في دار جداها ظحكت وقالت

_ هوني عندها المواد وانا الطريقة.. يس نصاوبو ونشربو انا وياه يس يس شافت فيه وهي تخيلو الى شربو وداخ كيفاش غادي يولي. تخيلتو تيشحط ويلوح حوايجو مخرج لسانو وتيدير حركات متيرة ظحكات حت شاف فيها وهي تحرك راسها زعمة تتسمع ليه .. والمسكين مزال تيشرح

_ كاين حديت شريف تيقول نعل الله عاصرها والمعصورة اليه حاملها والمحمولة اليه وساقيها وشاربها الخمر مصيبة كحلة صافي . تتظحك وتتحسب شحال خاصها من كيلو باش تخرج ايترو.. ولا جوج دارو حت عياو ورجعو غ هبطت من العود مشات تتجري تتقلب عل هنية..قالت ليها بغات تصاوب عصير العنب..الخرة من نيتها فرحت وقالت ايه

_ العنب هدا وقتو يله نجيبوه ..هزو السلسل ومشاو قطفوه وجابوه وقالت وهي تتخبي فيه حت يتغداو وترجع ليه

_ هوني هدا مشروعي ماتقولي حت لواحد شنو تندير اووكي هوني ..هنية لوصاها لواحد غ يسلم وسير …تغدات وهي تتفكر الطريقة خطوة بخطوة وظحك اما الحاج وبكر ورشيد غ ماحلات ليهم على الدين والفقه ولي ماعرفاهاش لالة خدوج تيوريوه ليها ولكن هي حفلت لبغات تفهم ان بكر راه مانطقش على لسانو كلمة مطلقة راه ماديزاش وخا ينويها ماشي بحال الى نطقها ومع دالك دارو ليها خاطرها وغادي يدبح ليها ويعرض على الاهل والحباب

💋نوم الهنا يارب ..

بروح محطمة ونفس مدمرة واحلام شضايها من زجاج على الارض ..دخلات هناء لدارهم …غ شافت حيوطها وفراشها وبيبانها ..طلقات صرخة ورى صرخة الحنقة لي حسات بيها وهي تتشوف بكر عريان وتيتحرك ويقبل شهلة مابغاتش تحيد لا بدموع ولا بعناق امها ولا بنصائح جداها حت خرجتها من صدرها بغواات كانها لي ودعتو ميت على النعش بكفن ابيض… غواتها تسمع عند الجيران لي سمعو بخبار ولكن ماتاكدوش حت شافوها جات مع طموبيلات دهزها لي داتو ولي جاها كدوات مانقص منو بكر ولا فوطة حمام بالعكس عطاهم مؤخر صداقها وزاد عليه حت نسى بوها قرحة بنتو..كان عارف غادي ترجع ليه من نهار وقفهم الحاج بوشتة وشافو مراتو لولا عرفو المستقبل مافيه راحة لبنتهم ولكن هي فضلت دخل تجرب حظها ..حمد الله ان رجعت ليه كيف مشات…خلاوها تبكي حت شافوها مابقاتش قادرة تنفس عاد تجمعو عليها العيلات من جيه والبنات من جيه ولي كانت حاطة عليها العين لولدها جاتها الغرصة وهي تتعنق فيها وتقول

_ ياكيتو يا خلاه كون عرف فاش فرط يندب حنوكو هو لي خاسر وحنا الرابحين..ولدي شاريك غ ماكانش خدام مع ديك المصيبة لي طرات والوقفة لي وقفتي معاه ومعانا حطك في عينيه وقال ليا نرجع نخدم ونجمع باش نكري وناخد هناء ساع حت سمعناك تزوجتي وراه ابنتي الله شاهد عليا الى عينيه شفتهم حمرين فاش شافك خارجة من داركم ب باليزيتك وجلابتك البيضة الى فاتني في ااباب ماخرج من بيتو يومين..وليوم غ سمعنا راه المقدم طلقك ومزال بنت بنوت ومايتبعك ب والو الى فرح وباس ليا راسي وقال ليا كيف وقفت معايا في الكسيدة لي درت نوقف معاها حت ترجع ليها الظحكة وراه صفيطني قالي ليا وقفي معايا ومعاها ورشميها مايبقا يخطبها حد حدى من غيري حت نسمعو كلامها… تعالات الزغاريد في البيت شي فاهم وشي ماعرف والو ..جارتهم العزيزة عنقت مها وبركو يتراضو هي وياها

_ عمر هناء مارجعت بحوايجها هما هدوك لي مادات ليها زيف راسها دي ليها فلايلها ..عمرك ياهناء ماضربتي حد ولا عايرتي حد ولا حقدتي على حد.. عمرك ياهناء مارجعتي من مدراستك بكتوباتك وستيلوياتك ..ديما هناء جاياني تبكي ديما هناء جاياني مقمشمة ديما هناء جياني منتوشة . ديما مسنياها عند الباب ونقول ميمتي ليوم تجيني بلا سرول ليوما تجني مشركة ماتعرف ضرب ودافع على راسها ماتعرف .تاخد حقها باديها نيتها خارجة عليها وقلبها الطيب واكلها ..الله ياربي نت عالم بقلبها وحالو لاتعدبها ولا تمحنها راه بنتي عمرها تكبر ديما حاجتها ماشي ديالها وخا غ مسكة تقسمها وتعطيك نصها .. بكاو حت سمعو هضرة راجل عند الباب…هضر مع باها الي دخل عندهم بوجه مبشور وقال

_ ولدك الزاهية تبعك قاليك الى ماهضرتيش مع ولديها نهضر معاهم انا… تقلب الحزن لفرح ولكن بشرط يصبر عليها حت تفيق من الصدمة .. خوات الدار وبقات هي ومها وجارتهم العزيزة وبداو معاها في البحت …

دورت ليها الجارة العزيزة وجها عندها برفق .. ومسحت ليها دمعة بين الجفن وخوه وقالت

_ كيفاش مادخلش بيك ونت شهر ونص ونت في دارو…نقوولو كان مريض ومهرس والسيمانا لي دازت شفتو صحيح ولا يوقف على رجلو بعكاز وكيفاش رجع لمرتو ….تنهدت هناء من قعر قلبها وجاوبت بعيون مغمضة

_ ماعرفتش كيفاش حت رجعو.. هاد المدة كلها وهما شي مايشوف في شي وخالتي خدوج حبستها طلع لفوق ولا تجي لعندو وحت هو ماسول عليها ولشافها يخنز فيها وعايرها قدامي قال ليها مالك تتعلمي الدراري الشطيح ..ماشكيتيش كاع راهم تيغلو من بعضياتهم حت لبارح قالي يله نخو البیت الموالیه … ونمشو لبيتنا ..وخويتو ليها . سولتها الجارة

_ علاش قاليك نخو ليها بيتها وهي عگوزتک محرمة عليها طلع ..جاوبتها بعدم فهم عینیها فیهم حزن

_ ماعرفتش

_ اوى تما شكي يكما كان باغيها تقرب ليه وتولي داخلة خارجة على عينيه

_ لا محال ..حيت فاش مشينا البيت حسيتو باغي يدخل بيا.. نطقت مها

_ اوى؟؟

_ وصلتو البيت موالف نقاد ليه المخاد و ينعس قالي غ خليني هكا حت تسالي شافني تنهز في الفوطات قالي شنو بغيتي ديري .قلت ليه بغيت غ ندوش الى بغيتي تنعس نطفي عليك الضو قالي غ خليه سيري وماتعطليش .عرفتو ناوي يدخل بيا..وفاش بغيت ندخل لدوش سمعت حنين تتبكي مشيت عندها مابغاتش تنعس غ بزز باش غمضت عينيها ومشيت دوشت بالخف وورجعت ليقتو عليها بلا حوايج ..رجعت تتبكي عنقتها جارتهم وقالت

_ حضاتك ولا عيط عليها ؟؟.. حركات راسها وقالت

_ ربي بغاهم مع بعضياتهم ودخلت عندو حيت نهار كلو وانا معاه وتلفونو ماهزوش بالمرة باش يعيط عليها باش …بكات بحرقة وقالت..: عيط عليها بقلبو وجاتو تتجري هادشي ماكان ويعيط عليها باش ماعيط عليها راه داتو ورجعاتو وخلاتني بقلب مريض اجاي ماينساه ونا ولفتو وولفت حنين وحليم وكريم.. بكاو حت تسمع عند خوها من جديد وجا ليهم

_ شوفي هناء كنت ناوي ليك على طرحة ديال العصا كون بقيتي تما وشديتي الضد والله حت كنت غاظي نجيبك من شعر راسك ..دابا نوضي نسافرو حوايجك مجموعين نوضي الوليدة شحال ماسفرنا وهداك الراجل جمع شملو مع ولادو ماتلوميه نت مانلوموه حنا الخايبة هي كون خلاكم بجوج تناطحو ليه تما..عرفتو فاش قال ليا الوليد جلس معانا مجموعين وهو يله نازل من النعاس عطانا وعطاها جواب . ردت بخفوت

_ قالي علاش لابسة جلابتك

_ حيت باغي يسمع منك لي سمعو كون كان باغي معاك حل يدير مادار قبل ويديك يتفاهم معاك الراس في الراس وغادي يقنعك تبقاي معاه ولكن فاش بغا يفضي الشغل جلس وسط كلشي . تيحيرني داك الراجل عارف اش تيدير قدو قدي في العمر وانا مزال لبغيت غ نسافر نتشاو مع الوليد..تنهد زهير وقال انا تنهرب من كلشي بالگارو وهو ماتيهرب من حت حاجة.

حكاية بكر الجميلة بدات واشتياقو لشهلة شعل خيوط نحاسية متوهجة… غابت عليه النهار كامل … لعب مع ولادو في الصالة حت نعسو ….خرج الجردة ..جلس مقابل مع السراجم والبيبان والحمام تيلعب فوق الدار في السطح ويهبط حت لعندو ويرجع يطير.. ويرجع يلعب حداه موالف بكر تيوكلو ويتجمع عند رجليه… صوتو من صوت قلبو لي تيضرب كل مابان خيال مزيف ويرجع يتنهد عينيه هنا ولهيه.. .جا عندو منصيف مودع هو ورشيد …..لكن جلسو معاه مجمعين على موضوع جديد انضاف ليهم المعطي..بخبار تتفرح واحد النعجة ولدات ليه ربعة ديال الخريفات . بحال هاد الاخبار تتفرحو لكن ما بانتش عليه كيف ديما عقلو خدام فين تكون ..لهفة تواقة لرؤية عيونها ..كانه مراهق على موعد… هما تيهضرو معاه وهو يدور في راسو ليمن وليسير ولخلف وكل مابان واحد خارج من شي باب يهز فيه راسو حت يتاكد انه ماشي المختفي الغائب.. هادي ماشي من عادتو ابدا…لكن اليوم اعلن اشتياقو حت سولو خوه مالك مبرزط ..شاف فيه بعيون فاضحاه ولكن مخبي ورى جدية القول وقال

_ واحد الكبة ديال النحل قال ليا ابراهيم لبارح هربت رجعت ولا لا ؟..نطق المعطي

_ شدينها واخا عدبتنا بنت الهم.. حرك راسو وهبطو الارض . عاق بيه خوه رشيد وقال

_ شي غيران ديال النمل تحولو من بلاصتهم واقيلة …ابتاسم بكر وهو حادر راسو..سرط ريقو ..وقال

_ سعدات سيدنا سليمان عطاه الله حكم عجيب وغريب …تيسمع النمل ويفهم الطيور وسخر ليه الرياح تهزو وتمشي بيه فين بغا .. نطق منصيف

_ مزال تتخاف من الاية(( ولا تقولو لمن يقتل في سليل الله اموات بل احياء ولكن لا تشعرون.)) حك لحيتو وقال

_ واش لي ماتيخافش من الجنون غادي يخاف من ارواح المؤمنين..رد عليه منصيف

_ سعداتك انا لتقرقبت غ شي حاجة في الكوزينة ماكانت مقادة في الحطة تنقول الجنون تيطيبو ماياكلو…الكل قهقه ولكن بكر عينيه فالتين..في اي خيال بان …..

طالت غيبتها …خرج لساحة ديال الخيول كبيرة ودايرو كلها بالكرياج تيطلق فيها الخيول تتجري وتلعب حت تسخف ويخرجها بالدور كل واحد يدخل يحرك رجليه في الرملة وينقي حدوة وهو جالس مقابلهم على كرسي رجلو مسرحة ..الشي الوحيد لي تلفو على شهلاؤو في هاد اللحظة هي مراوغة شرف لرياح ..وحركاتو ومشيتو…شرف الجواد العربي الاصيل لي سلبو تفكيرو وترسمت على وجهو سعادة وفرحة وحب من نوع اخر…وقرر انه يشارك بيه في ملك جمال الخيول في ابو دبي ..نزلت عليه الفكرة وهو تيفكر يسافر بحبيبتو وولادو .

.. داخلة خارجة مع هنية خاشية ايديها في واحد الجفنة ديال النحاس..تتمعص في العنب وتبجغو بصباعها وسط كفها.حت طنحنتو …جامعة شعرها بزيف صغير من عند هنية وماتبقا منو طايح على كتافها.. عاوتنها هنية باديها حت طحنوه مزيان خواتو ليها في برميل كبير تترقد في الزيتون شافتها مدابزة معاه مقاداتش عليه وهي تهزو معاها تحت تعلميات شهلة

_ اوبس اوبس هوني بشوية اووكي برافو.. اوف تقيل ..يس هانصاوب اروع نبيد.. غطاتو بتوب تتغطي بيه هنية العجينة .. وكلامها كلو

_ هوني بليز ماتخليش شي واحد يشوفو . صافي المرحلة الاولة تمت بنجاح نخليوه دور عليه ربعة وعشرين ساعة .

.. واللاخرى لي قالتها ليها تقول ليها كاينة ..ادن عليهم العصر وهما في بيت الفرارن ديال الخبز مصاوبين من الطين.. ماتيدخل ليه حت واحد من غير هنية والمعطي..بعيد على الدار جا في الجيهة التانية بابو من جوج فصايل كبار من الخشب مع مسامير كبار مزيين بيهم زاجهتو…تيحل بساروت كبير لقفل داير …. دخلات البرميل لواحد الفران كان تتشقق ليها من جيهة ….خباتو على الكل. خارجات تيهضرو بيناتهم.. مع الدورة وقفت ليهم الالة خدوج عند الخصة بقفطانها البيض وبلغتها الدهبية مهزوزة من الارض شربيل فاسي حر. وقفت شهلة لوقوف هنية تيشوفو في بعضياتهم وهي تنطق لالة خدوج

_ فين كنتو غابرات من الظهر والعصر هدا؟؟ كون ما سميرة قالت لبكر راها مع هنية كون ناض يجري ويقلب ورجلو مزال معطوبة

_ غ هنا الالة خدوج..تتعلم تجمع البيض ….شافت ليهم في اديهم خاوين وقالت

_ دجاجك الحبشي ليوم غاب مايبيضش ولا شنو ؟؟

_ لالة راه حطيتو لواحد جوج دجاجات قارقات . ومشيينا نكسنا ليهم وهي بغات تلالها اش نديرو ليها نزيدوها تنقي الزرع ؟..

_ دوزي اهنية تكلمي ليه بغيت نهضر مع مرات ولدي ..مشات هنية بغات تبعها شهلة وهي تعرض ليها ايدها حبستها…اجي معايا…. مشاو مسافة بين الحقول هالفلفة خضرا هافلفة حمراء. حقول جميلة تتفتح النفس . تتعزل لالة خدوج وتعطيها

_هادي حارة بزاف عندك دي ايدك لعينك…مشاو لمطيشة ختارو الطيبة الكبيرة حطوها في السلة ..رجعوومطقلا ت ادين شهلة بجوج على قبضة السلة اما لالة خدوج هازة كل سلة بايد حت لنص في طريق وقفت وقالت:

شوفي الزوينة دابا تصالحتي مع بكر ..حركات ليها راسها..

_ ولكن راه كان ناوي يطلقك دابا حرامتي عليه..علات زاوية فمها مافارق معاها لا حلال لا حرام.. ولكن جاراتها في الهضرة

_ خاصك تمنعيه عليك حت يجي باك.. ماتنعيسش معاه ولا ينعس معاك …خرجات عينيها فيها وقالت

_ بابا مزال ليه شي همستاعشر يوم ويجي

_ ومالك خرجتي عينيك خمستاعشر يوم كي الطرشة ..شحال قافزة وفلفة كتر من لي في ايدك.

_ ووو

_ ماكين بو وووو وليتي تمدغي في الهضرة عليا.. شوفي رجعي لبيت بوك وجلسي حت يدبح العجلة ويجمع الطلبة . مافهمتش بانت على عينيها ..زفرت الالة خدوج وقالت: الفقهة لي تيقراو القران ضروري من القران والدبيحة ليك باش تولي ليه . سمعتي..حركاات راسها بالايجاب ..وحاجة اخرى حوايجك سليباتك …ماتبقايش تلبسي وتلوحي في سلة ديال تصبين سمعتي سليباتك صبنيهم بوحدك ماصيبنهم ليك حد حشومة تلوحيهم عامرين حق شهر ..قوست شهلة حواجبها وهي تجاوبها للالة خدوج

_ الدم اا بنت بوشتة الى جاتك الحيضة ..صبني سليباتك عاد حطيهم مع الوسخ حشومة تهزهم هنية ولا سميرة يصبونهم ليك.. قالت بهدوء

_ ماتنصبهمش . تنلوحهم ..عوجات فيها لالة خدوج فمها وقالت

_ شوهتك خاصك ميزانية غ بوحدك تعلمي شوية التتدبير..ماشي يبقا كل سوق يجيب ليك سبعة سليبات كل نهار واحد مالك على حالتك..اويلي اشهلة ناس غ خمسة راهم قاضينهم لي حطوه يصبنوه ونت تلبسي وتفسخي كون ماهبة ديك المرة لي جمعت ليك شوهتك .. شوفي ابنت الحاج جوج وصايا مني ليك سليباتك تم سليباتك مانخليهمش يبانو حيت حشومة وعيب وحيت مصيبة كبيرة وتاني حاجة قادي كلامك ولاكنتي مع الجماعة ماتقولي والو غسكتي نت حركاات ليها راسها بالايجاب

_ وزيدي قدامي دخلي لبيت بوك حت نعيط عليك ولا جا عنندك سيهم الفاهم جري على باباه ..

_ شكون سيهم الفاهم ؟؟

_ ولدي المقدم بو بكر ……..حولات شهلة عينيها وهي تتشوف في الفلفة قالت

_ بغيت بيدزا.. دورات لالة خدوج عينيها في السلات وقالت

_ خاصنا غ الفرماج …سكتو ومن جيهة جناح باها دوزتها وشارت ليها دخل

_ دخلي لبيت نشوف لي يتسخر لينا ونعيط عليك تصاوبيها

_ ماتنعرفش

_ يله انا نصاوبها ليك . دخلت غسلت وجها واديها وفمها وتلاحت على الفراش وهي تفكر درس ان لاين ديال الرقص مع المدرب ناضت تتجري حلات تلفون للقاتو تيتسناها…

_ هاي سمح ليا على التاخر كان عندي شغل

_ ليلي الحفل مابقا ليه والو وديفد ختارك نت باش طلعي معاه لاسين ماخاصكش تغدري بيه معول عليك ….

_ اوكي نبداو . …..طلق ليها المسيقى على حسب الكليب لي غادي تلعب عليه فوق الخشبة وبدا معاها من خلاوها اخر مرة..ساعة وساعتين وتلاتة ضرب المغرب وطاح اليل

بكر مابقا فاهم والو فينما سول عليها فين غابرة تجاوبو وحدة من لي ضايرين بيه هاهي هنا هاهي لهيه ….حت تحط العشا ومزال غابرة عليه وهو يحمر في مو عينيه لانه الكل تيشوف فيها فاش تيسولهم عليها وهي تقول ليه

_ اش بغيتيها فطرت معاك وتغدات معاك العشاءل تعشاه بوحدك ونوض تنعس البنت في بيت باها حت تحلل عليها..تمتم بلا حول ولا قوة الا بالله وناض تيعكز .

_ نيتك خايبة الالة خدوج وشنو فيها لتعشات معانا ودارت في الدار …ابتسام تغر عبد الرحمن وبانت على عينيه …خرج بكر بنتو وولادو طالقين حلوقهم وقفت سميرة ولدها في ظهرها وكريم في ايدها اما امينة .شافت في عبد الرحمن لي بقا مبند وبدور في عينه وقالت

_ هاك ولدك نعسو غادا نبات مع الدراري لبارح نعاسهم كان مبرزط. دارت فيه دورة شيطانية وقالت

_ نوض نعسو تعرفو غ تولدو وتلوحو لينا نربو ..غ ناض مد ليه ولدو اديه داه معاه..هزات حليم وحنين خلاتها تمشي على رجيلاتها بشوي بشوية حت طلع درجة..بقات الالة خدوج وهنية جالسات وحدة ايدها على خدها ولاخرة تننقب من زلافة كبيرة ديال الزاج حبات ديال العنب وتتفكر علاش شهلة ماغسلتش العنب ودارتو بزبلو .. عكازة تيتسمع في ارضية الدار لكن شكون سمعو طالقة الموسيقى وعر رقصة زومبا ..تتبرد رجليها…عرقات لاحت نص في حوايجها بقات غ بضوني على شكل سوتيانات مشبك من الضهر مع كلون حد الركبة . عروقاتتها تياقاطرو. دق ماسعمتوش..حل الباب وهو يضحك ..من شكلها لي على شكل الركوع اديها على ركابيها وتتحرك مؤخرتها بحركة دائرية ..ظحكات معاه ..وقفت مستيقمة عينيها على تلفون لي موقفاه مع طبلة تفازا…بقا حاضيها وهي مرة تحرك رجل وتبت على رجل مرة تحركهم بحوج بهرولة في بلاصتها واديها وفخاضها كلشي تيتحرك..حت سالة المدرب ولولح ليها مودع قاطع لايف.

مشات عنقاتو بعروقاتها ومسحت فيه وجها على صدرو حت علم في الكاندورة الزرقة وجراتو معنقاه بشوية بشوية عليه حت طاحت على ظهرها جاره اد معاها وهو فرحان بشوفتها مبادلها لعناق بايد وايد شاد بيها العكاز… طلق العكاز وجا عليها خباط حت غوتت وقالت

_نووووو طحتي عليا كلك

_ نت لي جريتيني وانا غ بورجيلة وحدة بحال بوقريش واش نعطب رجلي انا ؟؟

_ وتقتلني انا.؟؟.. قبلات خفاف دخلات وسط الجماعة نيفها تيقيس نيفو تتلعب بيه وترجع ليه قبلة خفيفة وحدة ورى الخرى ونيف تيلاعب النيف والعيون مشتاقة لبعضياتهم بين القبلة والقبلة ابتسامة حب تحولو القبلات الى عضيضات وهي دفعو باديها بجوج وقفتو على اديه مكالي بيهم مقابل معاها جسمو على جسمها منزل تقلو كلو عليها وقالت

بغيت نشوفك بلا لحية . رجع قبلها وقال

_ توحشت ليوم بزااف فين كنتي؟؟ دورات عليه ايدها من عنقو وجراتو لعندها

_ حت اناااااااااااا ايلافيو تقلب على ظهرو وقلبها معاه دور اديه عليها شاد كل معصم بقبضة ايدو وقال

_ هربتي عليا ليوم

.جرات ليه شفة بسنيها بخفة وقالت

_ ماماك. قالت ليا ممنوع تنعسي مع السي الفاهم فك اديه حطهم تحت راسو وقال

_ اوى نت شنو قلتي ظحكات …تتعدبو بقبلاتها الديدة الخفيفة ..

_ ماهنعش مع سي الفاهم

_ لا بطبيعة الحال نعسي غ معايا ماتنفهم مانتقشع غ مگدم …ظحك بعيونو .سنيناتو البيضين تيبان من شق سفايفو لي نصهم مغطيهم الموسطاج ..باستو حت قطعت الاشتياق رجع عنقها فكت اديه عليها وناضت وقفت.. وقالت

_ ندوش .. فيا الجوووع …تحلفت..علیه وقالت _ماهتنعش معايا……. قال بهدوء

_ ايبه داكشي لي قالو ليك….هرات فوطه وقالت

_ مزال ماسمحتش ليك على ديك البوسة لي درتي صباح لهديك البنت..بسط شفايفو مستهزا …حرك ايدو تمشي دوش خرجات من اللبيت دخلات الدوش سداتو وهو يسمع خطوات جاين باتجاهو البیت .. وهو يجمع الوقفة وجلس على طرف النموسية عينيه على الباب …

وفعلا كانت لالة خدوج جاياه بعينين داخلين وسط راسها وفي ايديها بيدزا كبيرة على قد دورة صينية صاوبتها هي وسميرة من بعد ماجاب ليهم راجلها الفرمااج والطون.. بحال هادو المواد ممنوع منعا بتا عندو في دارو…وقفت في الباب وايدها الخاوية شارت ليه بيها وقالت

_ اش تتدير هنا ؟؟ .. هز حواحبو وقوس شوفاتو وقال

_ شنو في ايدك..

_ عشا مراتك…ظحك وقال

_ هانتي قلتيها جالس مع مراتي .. حركت ليه راسها يخرج حرك ليها راسو لا .وهي تقول

_ نسيتي ولا نفكرك.. ابتاسم وقال

_ لا

_ اوى ركوب الخيل المقدم تيبغي رضات الولدين هي لولى ..خرجات فيه عينيها ونت اكتر واحد عارف هادشي .. تنهد وقال

_ وحشومة عليك اوليدة راه حلالي حلالي…لوحت ليه بصبعها بلا وقالت

_ نوض تهز ماعرفناكم علاش تخاصمتو ولا كيفاش تصالحتو وبغيتي هادي ندوزها ليك نوض خرج.. تسمع باب الدوش تحل.. تلفتت ليها لاوية فوطة عليها شعرها تيقطر بالما خدود حمرا وعنق تيبري الفرقة ديال صدرها فيه واد تيجري ..شمات ريحة البيدزا ومشات خطفتها منها هزات طرف بین ایدها ومشات جلست تتاکل مامسوقة لشكون تيشوف فيها لا علاش تيهضرو..كلاها بعينيه وخدو تيتحرك بسعادة..من كمية الانوتة والجمال..تلفت لمو اخيرا وهو يلقا عینیها علیه وقالت

_ بالسیف علیک ما تجري على شي وتشد شي ..مد ليها ايدو جات عاونتو وعطاتو عكازو ومشات بيه سدات وراها وعينيها تيشوفو في شهلة لي ماقالت لا بسم الله لا شكرا …وصلتو لوسط الدار وقال

_ جيبي ليا باش نتغطى مافيا لي يطلع مع الدروج.. جابت ليه الغطا دخل لصالة وتكا…..اديه على راسو..وعينيه في السقف ..غطاتو باستو في جبهتو ومسحت ليه على وجهو وباست ايدها …طفات عليه الضو وخرجات..

تكا حت تقطع حسها وقف تيعرج ..مالقاش عكازو ..سلتتوو لالة خدوج خداتو معاها…. بكر هدا والي عارفو حق المعرفه هو المعطي الى بغا الحاجة يفيق ليها مع الفجر وما ماينعس حت تكون بين اديه …غادي يوضحك على راسو ويغني .كسكس النحيلة يشطح ب رجلية وحيدة…غادي ويستارح ..حت وصل عند بابها …دق واقف على رجل ورجل هازها…ناعسة على كرشة اديها عند صدرها …تتسمع الدقان ولكن بعيد…رجع دق حت بدات تحل في عينيها على صوتو ..

_ شهلة .نعستي؟..ابتاسمت وناضت تتجري ..حلات عليه الباب وحطت ايديها مانعاه من الدخول..مد وجو باسها وقال

_ مانخافوش؟… حركت ليه راسها بالايجاب ….شار ليها لرجلو ..هزات كتافها ..

_ وزعمة حبيبك هداااا واش الحبيب تيتعدب ؟؟ حركات ليه راسها بالايجاب ..

_ مابقيتش فيك؟..حركات ليه راسها بلا …ظحك . ضربها لنيفها بصبعو وقال

_ والله حت عيات رجلي ومزال باغيها..غمزها هزات ليه كتافها ..دفعها بايدو مادفعتش ليه وبدات تسد عليه الباب ….خلاها على هواها حت سدتو على وجهو وقالت

_ سير عند هاديك لبستيها ….من ورى الباب

_ اوكي شهلة اوووكي نمشي علاش مانمنشيش وعندك غ تبعني تجري

_ لا غير سير مابقيتيش بغيت نسمح ليك

_ وغ هاد المرة..

_ لا هي لا..

_ اوكي تصبحي على خير.. تنهد ورجع .. دخل لبيت دانيال وجلس وهي تجيه تتضحك..رد لليها تقليقة جلست ليه على حجرو وعنقتو وقالت

_ بصح مابغيتش نسمح ليك.. ابتسام وقال

_ وعلاش جيتي عندي ومنعنقاني وشوفي فين جالسة

_ حيت بغيت…

_ ياااك شنو دابا ؟؟ مخاصمة معايا؟..دور ايدو على خصرها وجرها لعندو ..باسها في دقنها.. وقال

_ وشنو طالبة في الصلح ؟؟

_ هزات كتافها وقالت

_ مزال ماجا في بالي والو….باستو في عينو وهبطت لينفيو ولفمو و لعنقو…شداات ليه في تفاحة ادم بعضيضة..تتقلب بايدها في جسمو تحت حوايجو. تكا على ظهرو وجرها معاه وقال

_ وشنو هادشي.؟؟ عمرات فمها بالريق على شكل فقعات حطتهم ليه في فمو وتتلعب بيهم ولسانها مدابز مع لسانو حت دخلو في قبلات مسترسلة شافت فيه بعيون دايبة موازية لعينيه وقالت

_ ماخصمة معاك ..رد عليها

_ خصومتك زوينة غادي نبقا نقلب ليك على باش تخاصمي معايا..شدات ليه خدودو جراتهم..وقالت

_ نت وسيم بزاف وخدودك صافين لونهم اول مرة نشوفو بهاد لون ..ظحك مقهقه وقال

_ حيت مابيقيتش خرجت لشمس بزاف بان لوني

_ جاك زوين ماتبقاش تخرج ليها او حط واقي شمسي..تيلعب ليها في نيفها بنيفو ويخطف قبلات خفاف وقال

_ قبيلة قلتي بغيتي تشوفيني بلا لحية ودابا نيدر واقي الشمسي واش ماكنتش نعجبك من قبل ولا شنو؟؟

_ تتعجبني وتنحبك ولكن بغيت نشوفك بشكل مغاير

_ الى غيرت وجهي انا مابقاش نحملني. اللحية راها هي وسامة الرجل . كنت حيدتها..شافت فيه مستغربة..حرك راسو بالايجاب وقال

_ فاش خديت التوام السيمانا لولا تعلقت بيهم بزاف وحنين فاش تنبغي نبوسها ماتتحملش لحيتي تتدير هكا..جمع فمو ونيفو وجواجبو ظحكها .كمل كلامو

_ غ تنبوسها تتبدى تبكي ونا نكرطها من جدر وليت بحال هكا..مرر ايدو على خدها بلطف ..ظحكات وقالت

_ عجبك وجهك ؟؟

_ لا ابدا ولكن..حليم وكريم ماعرفونيش مابقاوش بغاوني نقرب ليهم..

_ حيت رجال هما عكس حنين…باسها في خدها رجعت ليه نفس البوسة وقال

_ ولفتيهم؟؟ بحب قالت

_ يس تنفرح فاش تنشوفهم ..تنقول كيفاش هادو كلهم تخلقو عندي

_ سبحان الله قادر على كلشي .. ساد الصمت الا صوت القبلات لي في المكان ..تقلبو في فراش دانيال كيف بغاو حت سخفو وتقابلو مع بغضياتهم مكملين الحديت

_ تتعرفي تشطحي ماعندي مانسالك تقلبت على كرشها وقالت

_ يس حياتي كلها ونا تنحرك هادي ..ضربت مؤخرتها ظحكتو وقال

_ تتعرفي شطيح المغربي ؟؟ دورت راسها مع تقويسة عين تتفكر وقالت

_ ربمى لشفت شي واحد نقل منو ..

_ نوضي نقلي على ظحكتو : باش يجيك هو هداك سيري لبسي شي قفطان ولا دكشيطة..بلا عگز ناضت تتجري قلبت في حوايج مها لقات دكشيطة ..في غوز بيبي مايل لسومو مع قفطان بيض لبستها تتفكر شنو خاصها وهي تعقل على شال حزمات بيه مؤخرتها.. شعرها وراها مطلوق ….جات فنة مع ضحكة عجيبة راسماها على فمها..رجعت عندو لقاتو لبس غ الكاندورة تيقلب في لي القنوات ديال يوتيب على اغنية شعبية مع شيخات لي تقدر تشطح عليها حت خرج في وحدة سمع ليها وهو تيشوف في شهلة لي وقفت عليه وقال

_ نخلي هادي.. بدات تحرك ومخها تترسم الحركات وودنها تتلقط الايقاع قالت

_ صافي…رجع لبلاصتو تكا مسند المخاد نص جلسة وهي تبدا ليه الشيخة الگاوریه ..عمل حركة جيم مع غمزة ..صدماتو وعجباتو وقال

_ مايمكنش . تلوات مع الموسيقى وايقاعها لي دلرتو الشيخة ديرو بل تقنتو وجات غزالة عليها مع ماعندهاش دوك الطروفة الخايبين لي تيقلبو عليهم المكلخين اللحم والشحمة والجلدة مفردكة ..خلاتو حال فمو باعجاب وعلامة الحب على وجهو والدهشة ..كلشي فيها متير طولتها لي بينتها الدكشيطة مع قوام وخصر نحيف ومؤخرة بارزة وصدر هو هداك دك عينيه عليها حت خاف يضربها بالعين وتمتم بسم الله ماشاء الله ..سلات الاغنية وجات عنقاتو وباسها في خدها وقال

_ تنحماق عليك..رجع اليوتيب خدم تلقائي وهي تشد في شعرها تتجدب بيه ناضت كملات على شطيحها ووتشت الارض تتجدب حت ظحكتو

_ تحيرتي.. جاتو فرقت ليه رجليه وقفت على ركابيها تتجدب وضربو بشعرها وريحتو وتحرك في كتافها وصدرها حت سلات الاغنية وتسرحت على ظهرها عند حجرو سخفانة تتنهج مد ايدة مسح ليها العرق وهبط لمستواها باس جبهتها وقال

_ الشيخة ديالي

_ شنو هي الشيحة؟؟..قهقه عاليا وهبط لجبهتها نزل عليها بضريبات خفاف براسو ..هزات فيه عينيها وقال.

_ الشيخة هي الراقصة بشكل عشوائي ..تيضحك عليها. ..بقات ناعسة على ظهرها وسط حجرو وهو وراها تيلعب ليها في فروة شعرها بصباعو وهي مستمتعة بتدليكو فينما حيد صباعو تشدهم وترجعهم ليه ..مسمتمعين بجو رومانسي جميل كل واحد مشتاق لتاني وفرحان بوجود معاه ..مشبكين اديهم تيلعبو بصباعهم …مرة مرة يتبادلو القبل والعناق ويرجعو يجمعو بيناتهم على ابسط الامور لكن حميمة المكان باحتظان قلبين عاشقين كانو تائهين على بعض حت تجمعو في رمشة عين حت واحد ماكان متيق ان بكر يمكن يسمح لشهلة وهو براسو مامتيقش .فاعتابر صلحهم معجزة وكرم من الله خلاه يحمد الله ويشكرو على نعمه الكتيرة لي ماتتحصى ماتتعد وانه طيب خاطرو بتصالح مع نفسو قبل مايتصالح مع شهلاؤ. فكان هادو السويعات بمتابة عيد…مابغاش يطلع عليه النهار ويتشغل بشي حاجة من غيرها..محب وعاشق واغدقها بالحب وكلام الود حت انه ..طالت مداعبتو ليها حت شكات انه ماشي بكر لي ..هاجمها وضربها وسبها وهجرها واتجاهلها حت انه نفى وجودها واكتر من دالك كان ناوي يتزوج ….طولات الشوفة فيه وقالت

_ مخاصمة معاك

….شد خصلات شعرها بين صباعو وقال

_ عاودي ليا على هاد العام والصرف شنو درتي فيه ؟؟

_ ممل جدا…الا المسابقة لي ربحت وو شافت فيه عرفتو غادي يتبدل الجو عندو وهي تقلبها لجيهة اخرة

_ هاد العام اكتشفت اني انسانة تنعرف نحب ..بسطت شفايفها بابتسامة :

_ ايييه الالة وكيفاش عرفتيها ؟؟ امم شكون حبيتي ؟؟

_ ااسؤال ماشي شكون حبيبت

_ ااااااااا .مزيان للالة وشنو السؤال؟

_ كيفاش حبيت هدا هو الاهم ..

_ نتسى منك شرح مفصل ..طلعت عندو شوية ودورت اديها عليه..هزات راسها فيه باش تبادلو.قبلة وقالت

_ في اول علاقة معاك قلت هدا هو الحب ..حسيت اني الحب عندي هي متعة جنسية فقط ..يعني رضي جسمي بلدة ونشوة . ..تحركت تتفيبري وتشقلب عينيها لسماء ..ظكحتو ..مرر صبعو لاهدابها

_ اوى من بعد؟

_ من بعد اكتاشفت ان الحب والممارسة عندهم فرق كبير

_ اوى ؟؟

_ الممارسة تتعملها مع اي شخص بغيتي باش تلبي رغبة جسمك والحب تتمارس الجنس باش ترضي قلبك وتنا باغي الحب ماشي الجنس .. مع دقات من هنا ..حطات ايدها على قلبها وقالت وهي تتعمل حركة نبض القلب قبضته

_ا: بوم بوم بوم بوم تك تك تك ..يس حضورك تيخلي هاد الجزء كامل.دورت اديها على صدرها كلو : فيه حرارة مع انتفاخ بسيط مع دقات .باسها في ارنبة نيفها وقال

_ وفاش نغيب؟

_ اوووبس تتكون هنا.. حطات صبعها على ناضرها من عادات شهلة انها في هضرتها تتحرك جميع حواسها عينيها تيدرو حواجبها تيطلعو ويهبطو لسناها تيدرو يمين وشمال..كملات كلامها

_ .: بزاف ديال الافكار وبزاف ديال التوق ..تنهدت : حقا ايلافيو…جاوب بكل حب وقال بنبرة وعيون دايبة فيها

_ حت انا تنبغيك فوق ماتصوري ….سكتت برهة ورجعت تقلبت على كرشها وقالت

_ بكر.. حرك حجبانو ليها تهضر: . انا حاليا اكتشفت ان الممارسة عندي هي باش نرضي قلبي حاليا..من بعد ماعرفتش…ظحك ممازح

_ ياااك تتنعسي معايا. حيت تتبغيني …عجبو الحال وطلع حاجب

_ يس حبا فيك لانه عرفت اني بلا بيك مانقدرش نعاشر رجل اخر لدالك مضلمنيش وعطيني حقي في جميع الوضعيات والاوقات.. هبط راسو باسها في جبهتها وقال

_ نعطيك كلشي كيف نت تتعطيني كلشي..غ صبري معايا اليوم غ حيت ضراني رجلي وصافي مابغيتش نعطبها كتر ..لعبت في شعريات مرفقو وقالت .

_ لا بغيت حاجة اخرة. بسؤال في عينيه مع ابتسامة مكر منها وشارت ليه لحجرو حرك راسو تيسولها وهي تقلب على كرشها وقالت

_ بغيت نجرب الجنس الفموي ..حرك وجهو بعدم رضى وعيونو وسط راسو تيدرو..مابغاش تجبد معاه هاد الموضوع..عرفتو غادي يرفض ..وقفت تتسلت في قفطانها وقالت

وقفت تتسلت في قفطانها وقالت

_ لاسف مابغيتيش .. تكا على ظهرو وعينيه في السقف ..مشات بدلت حوايجها وجات بشورط وضوني في الگري بسمياطات في الغوز.. هازا تلفونها ..جرها لعندو غ بزز باش جات عنقها وقال

_ شنو باغيا بالضبط .؟

_ صافي نسى

_ لا مايمكنش نسى ونت تقلقتي ليا وايلي وانا ونت نفس وحدة فراه انا لي تقلقت

_ نت مابغيتيش تعمل معايا .

_ ماشي مابغيتش.. شافت فيه تتحاول ظحك : راه ماعرفش الاحكام الشرعية شنو تتقول في داكشي..الله خالق كل عضو ودور ديالو فماجاتش الفم لي ناكل بيه النعمة نحطو في جيهة اخرة

_ وحت المني ديالك تيطلع. شارت ليه من تيطلع حت لفين تويقف وكملت هضرتها: تيوصل ليا هنا ظحك وقال

_ وايلي تتحسي بيه في معدتك مايمكنش ..تحلو عینیها و…. وقفت مخلوعة اديها على فمها وقالت

_ ماتقولش ليا غادة نحمل مرة اخرى ..ظحك وقال

_ يمكن…لبارح ماعقلتش على راسي شنو تندير بغيت ناكلك ماشي غ نبوسك بغيت دخلك هنا حط تیدو على قلبو ونسد عليك انت اسيرة ديالي اشهلة …الصلح لي وقع بيناتنا لبارح ماكنتش متوقعو ولا ضارب ليه حساب ومن رابع المستحيلات عندي فجابك عندي الله لدالك حت لكانتي غدا تولدي راه الله بغاهم يجيو لهاد للدنيا.. دورات عينيها فيه وقالت

_ غ واحد فقط تلاتة عدبوني خشاها وسطو كارز عليها وقال

_ حت تربيتهم صعيبة ولكن زوينين بزاف ..لي جاب الله مرحبا بيه …المهم تصالحنا….باسها في راسها _ نت ليا ديالي…ساد الصمت وبدات العيون تعسل بالنعاس وطلبها تيدرو ليه في راسو ويضحكو …نعسات وبقا هو حاضيها وقال

_ ضريفة وزوينة وبريئة ولي تتحس بيه ترميه ليك قبلو ولا رفضو ..ابتاسم : شنو عندها في هاد الدماغ ..مرة تتكون دكية بزاف ومرة غبية بلا قياس …حضاها حت شافها تتظحك وتتحلم وقال

_ واش نقدر ندخل لحلم ديالها ..بقا مركز .نقيضو التام من الاف الياء ..مشاغبة بغات تجرب كلشي وهو عالي التركيز الحاجة لي ماغديش تنفعو مايقربش ليها … ادن الفجر فيقها بهمسات ..

_ هنطلع ندوش ..نعسي وغدا لسولتك الوليدة عليا غ سكتي ماتقولي ليها والو صافي….ماسخاتش بيه وشداتو من اديه تتجر فيه بزز باش طلقت منو خلاها وخرج…

_ صلى ونعس في بيتو ..جات مو تتقلب عليه شكات فيه من حوايجو لمبدلين ..ماقالت ليه والو..ومشات تتقلب على شهلة لي مالقات ليها اطر عيات تقلب قلبت بيت باها وفلاتو لقاتو عادي .ماشكاتش انه المقابلات الحميمية تعملات في بيت خوها …..رجعت تتقلب عليها ولخرى تتخبى هي وهنية..هربو ودخلو لبيت ديال الفرارن وتحت تعليماات شهلة بدقة طبقو الوصفة بحدافرها ..صفات العصير كيف تتقول هي لهنية بتوب بيض تتصفي بيه هنية الحليب ورجعتو يخمر في قرعة ديال بلاستيك. من بعد ماصوبت ليها غلاقة خارج منها تيو لي قلبو عليه حت حماقو كانت مخبيا هنية تيوات ديال البوطة احطياتين ديما عاندهم من كل حاجة جوج ولا تلاتة ولكن هاد التيو غبر قلبو عليه نهار كامل وهما غابرات .حت لقاتو ..وصاوبوه في الغلاقة سدتو ليها هنية بعجينة لفورس من جناب . ..وحطات نص اللخر من تيو في سطل ديال الما باش يسحب الغاز من القرعة …غطاتو ليها هنية ورجعتو ..وخلاتو مخبي تحت همسات شهلة وخا ماساعهم حت واحد

_ هوني هادي المرحة الاخيرة خاص يبقا مخبي على الضو والهواء لمدة اسبوع هنية جاها داكشي عجب بغات تسول المعطي ..خاصة فيه بزاف ديال تمارة شنو غادي يكون هادشي بغات تقولها ليه وخافت يجي يحل عليه ويخسر كيف تتقول شهلة الى تحل عليه قبل مايكمل الاختمار ديالو يولي غ خل ماشي عصير شافت حت عيات وسكتت….ادن العصر داز النهار من جديد بلا مايشوفها حت بدا يقلب عليها براسو هاد المرة مايسول حد وللبيت باها توجه….

تدور في البيت تحت تعلميات المدرب وحركات راقصة تحت اسم زومبا على نفس الايقاع بشورط قصير وتيشورط رياضي شعرها مجموع ديل حصان… لكن هاد المرة كان ديفيد تيتفرج فيها حت هو باش ينسقو الحركات وبعد اسبوع يطلاقاو يدربو بجوج هو متحمس وهي كتر منو .. سماو الرقصة .#خطايا_رجل تتجسد فديو كليب لرجل سكير مدمن ..تيطلب الغفران من الزوجة والابناء من بعد ما كان سبب في فقدان الابنة وسط عالم المخدرات والمجون حت لقات راسها داخلة وسط مقاتلة وهي تتحاول تهرب تتفكر باها وشنو داير فيها وترجع دخل معاهم حت تجيها دقة لقب وتموت في بلاصتها وعينيها على السما ظاحكة… شهلة غادي تجسد دور البنت والبقية من الراقصين غادي يكونو رفقاء السوء والاب هو المغني لي غادي يختم الااغنية جالس عند راس بنتو تتيبكي……صوت الموسيقى عالي سمعهم بكر وظحك ..غادي بعكازو …حل الباب عليها وهو يطلق ظحكة مع ابتسامة ….شارت ليه يسكت ..لكن هو جا عندها مانتابهش شنو واقع وحت لو شاف في تلفون غادي يقول غ فيديو على اليوتيوب… وهي تتحرك ودور وعينيها مع حركات المدرب ..شدها بكر من ايدها وجرها لعندو باسها وقال

_ هادشي اهم عندك مني ولا شنو؟؟. وقف المدرب تيتفرج وديفيد كدالك..تسلتت منو وقالت

_ نسالي تماريني بعدة..باستو في خدو وشافت في تلفون . شار ليها المدرب تكلم لاخر عينو عليها وتيضحك

_ والله الى انا مسني السيدة تجي تقلب على راجلها راه عرج وماتيقدرش يتحرك غ بزز وهي تتشطح ليا هنا…..شدها من خصرها جرها لعندو قلب ليها وجها وعنقها وقال

_ من الاحسن تغبري . ولكن راني توحشتك ..غ تتدور في عينيها حت نطق ديفيد

_ هناك حب في المكان.. مانتابهش ليه بكر وبقا عينو عليها تيضحك ويمرر ايدو على شفايفها وقال

_ واش غادي نبقا نقلب عليك انا ؟؟ توحشتك بزاااف..ظحكات وقالت

_ نسالي تماريني ونجي عندك ..صفق ديفيد وقال

_ نبدلو سمية الرقصة ونسموها _ عشق رجل ..ظحك هو والمدرب لي تيلوي في لسانو واديه على جنابو وقال ..

_ ليلي ..خاصك تكتفي التداريب معانا ومن الافضل تنسقي الوقت .. رد عليه ديفيد وقال

_ خلي ليها لحظات استراحة مع حبيبها تتسمع وظحك ..وعينيها مرة على تلفون مرة مع بكر لي شاداها من خصرها جارها عندو..تيقلب على شفيفها وهي تتهرب منو …دفعتو تحت نداء المدرب

_ هيه ليلي ممكن نرجعو لتداريب.. سمع بكر اسم ليلي وتلفت لتلفون ..نطقت شهلة

_ يس ايام ساو سوري… تلفت لتلفون وظحك وهو يرجع الظحكة بالعرض البطيء فاش عملو ليه اشارة تحية ..شاف فيها باستغراب وهي كدالك ومتال … مشا بخطوات تقال وهز تلفون تيشوف فيهم وهما تيشوفو فيه .. نطق ديفد

_ هاي مان ….شاف في شهلة تيسولها من بعد ماشاف انعكاس صورتو لفوق وانه طالع ان لاين مع جوج رجال… ماعرفت تظحك ولا تخاف بقا غ خدها تيتحرك .شاف فيهم بغضب حت بداو يدورو في عينيهم بجوج…وهو يضرب تلفون مع الارض. وخرج ..تبعتو تتجري شدات ليه في ايدو وهو يلصقها مع الحيط وقال

_ باش مانضربكش تفرقي عليا دابا وطلقي من ايدي …. زادت كرزت عليه معنقاه من لور

_ بلييز سمعني .. تلفت ليها هز ايدو لعنقها غارس ضفارو في حلقها وقال

_ اش غادي نسمع؟؟ تتشطحي لرجال عريانة اااا .شهلااااااااا وجهو ولا كولو عروق خضرا: الله يحرق جد نهاري ..دفعها حت طاحت الارض …شدات في شعرها وغوت

_ اااااااااااااا .. ضربت رجليها مع الارض ..وقفت مشات وجات في الكولوار اديها ورا عنقها حفيانة وشبه عريانة…تتفكر تتفكر وحت حاجة ماوصلت ليها رجعت جمعت شضايا تلفون حت جمعتو ورجعت ضربتو مع الارض . لبست صندالة قرقابة ومشات تتقلب عليه . مما دازت تتخلي العين عليها.. طلعات لبيت مالقاتوش رجعات هطبات تتدور في الدار تتقلب عليه بلا ماتسول..حت عيات …ومشات تسناتو في بيتهم قبل ماتجري عليها لالة خدوج..جلست في البالكو مراقباه حت شافت الطموبيل ديالو وهبطت تتجري..نسات انه مايقدرش يسوق بوحدو واكيد معاه شي حد..حلات لباب لول وخرجات لتاني مع نزل عبد الرحمن باغي يعاونو حت تصدم في السويد قدامو

. شارات ليه يحيد من الطريق..ركبات بلاصتو ..شاف فيها بكر بغضب دورات الساروت وسدات الباب دورات طموبيل . حت ضربت لاخر بعجاجة…..زادت بيه وهو تيطلع فيها ويهبط خرجو من الفيرما ..زادت نص في الطريق وهو يوقف الطموبيل ..خرجات من الشانطي نزلت منها وقالت

_ماتعاملينش كيف تيعاملني بابا .ماتقيدنيش معاك وماتقتلش احلامي انا تندرب لمهرجان مع مغني مشهور وعطيتو وعد اني نطلع معاه لاسين فما تمعنيش والا غادي نرجع من جيت.

يتبع