ضربات الجوج دالليل سمعت الباب تحل ديال الدار ونضت تخلعت لقيت زينب حتى هي ناضت من البيت اللي كتنعس فيه كان قريب من الباب تخلعات فاش يمعات الباب تحل حتى هي .. دخل عيسى هز راسو ويدو على السوارت فالباب قالي مزالة فايقة
دورت وجهي دخلت للبيت زدحت الباب وتبعني حل عليا كنت تخشيت فبلاصتي وطلعت الغطا قالي مالكي شنو واقع
قلت ليه عاد تفكرتيني كن بقيتي تما حسن شنو جابك
سمعت تخرشيش فيدو وضرت وراني صاك ديال الصيدلية قالي ساجد مرض هاد الليلة دوزها علينا
بقيت كنشوف فيه باستغراب قلت ليه مالو ياك لاباس ؟؟
قالي مانعرف شنو كان ولا خلط ولا منعرف وخرج زدحو البرد بقا كيرد وتخنق ديناه لمستعجلات عاد عفا الله رديتو للدار وخرجت نشري الدوا قلت ندوز نشوفك
بقيت ساكتة قلت ليه صونيت عليك نشوف واش كولشي. مزيان ساعة ماكنتيش مسالي كنتي كدوش
قالي واش انا كنقول ليك كنا فالمستعجلات ونتي كتقولي ليا كندوش الله يهديك اسارة الله يهدييك عليا
بقيت ساكتة عرفت ديك اللفعة درجاء دوزاتها عليا ونجحات ليها طيحات مني النص مرضاتني على والو وتيقتها بلحق هادي دير ليا الراس عرفتها كضرب من تدف الدف مانعاودش نتيقها كما كتعطيني غنعطيها ديك الضحكة والصواب غير زواق قول هي عايشة المرار هاد الليلة وبغات تعيشو ليا حتى انا والله حتى نردها ليها
سولتو كي بقا قالي شوية نعس يرتاح هانا غنمشي حتى يصبح ويفتح
بقيت كنشوف فيه بنص وعين وقلت ليه فاش توصل عيط ليا
قالي نعسي الله يهديك راه الجوج هادي اتبقاي جالسة كتنسنايني نوصل
قلت ليه صافي اللي بغيتي
قرب عندي باسني وعنقني وخرج مشا رجعت لبلاصتي كنشوف فتيليفون يصوني حتى داني النعاس والصباح صبحت واقفة فالبالكون كنصوني على يسرى تعطيني نمرة رجاء. صونيت عليها جاوباتني
قالت ليا الو وي ؟ شكون معايا
قلت ليها معاك سارة اختي شخبارك لاباس ؟
قالت ليا سارة؟ شكون سارة
قلت ليها سارة ماعرفتينيش!! غير ختك فالاسلام انا
وبقيت كنصحك بقات كضحك قاليت ليا اااه كي دايرة اختي شخبارك لاباس عليك؟؟ مالكي قطعتي لبارح بقيت كنقول الو الو ماجاوبتينيش
قلت ليها غير الريزو ماشي قطعت. المهم مايكون باس عند ساجد مسكين تخلعت عليه البارح عاد قالي عيسى راه الليل كولو ونتوما فالمستعجلات تخلعت فالاول قلت ياكما وقعات ليك نتي شي حاجة … حتى قال ليا باللي ساجد مسيكين مرض ليكم مانعستو ماشفتوه لبارح
قالت ليا امم .. مامشا معاك باس اختي لهلا يوريك باس الدراري هما هادو الام اللي كتجي فيها الدقة
قلت ليها ايوا الله يكون ليك فالعوان ماشي ساهلة الصراحة
قالت ليا ضريبة الامومة هي هادي شغانديرو
قلت ليها ايوا الله يطول ليك فالعمر حتى تشوفيه وصل فين بغيتي
قالت ليا امين الله يعطيك مانويتي فخاطرك
قلت ليها كنضحك اميين للجميع احبيبة تهلاي فخاطرك بسلامة
رجعت ندوز الوقت مع دوك الكادويات واخا ماعندي وقت اللي ندوز الصراحة ياربي يقدني غير الوقت اللي عندي وزادتني عكوزتي قالت ليا فتيليفون واش تمشي معانا نطلو على لبنى قلت ليها واخا وربعت كنحل الكادويات كلهم كانو هدايا عبارة عن ديكورات من الاول حتى اللخر ستفت كولشي. داكشي. وعيط ليا عيسى كيسول فيا قلت ليه غنمشي مع ماماك عند لبنى قالي غنخرج فلعشية نخرجو نجلسو فشي بلاصة قلت ليه واخا وقطعت معاها نضت لبست حوايجي قلدت يسرى فلباسها نشوف واش يخليني عيسى .. لبست سروال الجلد وليبوط قصار بالطالون عاليين تحت منو ليبك موص ومونطو كحل بلحزام ديالو كيتعقد ودرت حجابي وشال اخر على عنقي من البر وليكات ديال الجلد كوحل وخرجت عند عكوزتي ركبت معاهم اللور فسيارة يسرى مشينا عند لبنى كانت كتسكن فبتي فيلا فحي دلفيلات لقينا فالباب سيارة رانج روفر اخر مكاين كحلة باقا دوبلفي قلت ليسرى واش عندها الضياف يمكن قالت ليا رجاء اللي جات
عقدت حجباني جاتني الغيرة والحسد من ديك السيارة قلت ليها واش طموبيلتها هادي قالت ليا اه عاد خرجاتها كانت عندها اودي فالاول
قلت ليه اممم تبارك الله
نزلت طلعنا للدار لقيناها جالسة فوق كنبة بالبينوار وبانطوفة ومعاها رجاء كيشربو القهوى .. حشمت منها وفين ما نشوفها كنحشم وحتى هي قالبة عليا وجهها وداك الحاجب اللي عندها صحيح كتعبر بيه مزيان على احساسها اتجاهي .. سلمت عليها وجلست فالجنب ساكتة كنشوف قدامي وانا على اعصابي كندير الواحب وكلي توثر كنقول فوقاش غير نخرج بحالي .. شفتها كتحرك رجلها ويدها عادي تقول ماعندها والو لاكن النص وجهها باقي طايح وكتهضر قالت. لعكوزتي.
ايوا مكتاب الله الحاجة ماعندنا منديرو الله يجعلها فميزان الحسنات
شدات فيها عكوزتي كتوصيها قالت ليها ماتبقايش تشدي فهاطرك .. وتعصبي راسك .. وتخممي اكثر من القياس هانتي جبتيها فعضيماتك .. وكن مشيتي دابا فمرة يالاه؟؟ ولا بقيتي مشلولة حياتك
ضربات الجوج دالليل سمعت الباب تحل ديال الدار ونضت تخلعت لقيت زينب حتى هي ناضت من البيت اللي كتنعس فيه كان قريب من الباب تخلعات فاش يمعات الباب تحل حتى هي .. دخل عيسى هز راسو ويدو على السوارت فالباب قالي مزالة فايقة
دورت وجهي دخلت للبيت زدحت الباب وتبعني حل عليا كنت تخشيت فبلاصتي وطلعت الغطا قالي مالكي شنو واقع
قلت ليه عاد تفكرتيني كن بقيتي تما حسن شنو جابك
سمعت تخرشيش فيدو وضرت وراني صاك ديال الصيدلية قالي ساجد مرض هاد الليلة دوزها علينا
بقيت كنشوف فيه باستغراب قلت ليه مالو ياك لاباس ؟؟
قالي مانعرف شنو كان ولا خلط ولا منعرف وخرج زدحو البرد بقا كيرد وتخنق ديناه لمستعجلات عاد عفا الله رديتو للدار وخرجت نشري الدوا قلت ندوز نشوفك
بقيت ساكتة قلت ليه صونيت عليك نشوف واش كولشي. مزيان ساعة ماكنتيش مسالي كنتي كدوش
قالي واش انا كنقول ليك كنا فالمستعجلات ونتي كتقولي ليا كندوش الله يهديك اسارة الله يهدييك عليا
بقيت ساكتة عرفت ديك اللفعة درجاء دوزاتها عليا ونجحات ليها طيحات مني النص مرضاتني على والو وتيقتها بلحق هادي دير ليا الراس عرفتها كضرب من تدف الدف مانعاودش نتيقها كما كتعطيني غنعطيها ديك الضحكة والصواب غير زواق قول هي عايشة المرار هاد الليلة وبغات تعيشو ليا حتى انا والله حتى نردها ليها
سولتو كي بقا قالي شوية نعس يرتاح هانا غنمشي حتى يصبح ويفتح
بقيت كنشوف فيه بنص وعين وقلت ليه فاش توصل عيط ليا
قالي نعسي الله يهديك راه الجوج هادي اتبقاي جالسة كتنسنايني نوصل
قلت ليه صافي اللي بغيتي
قرب عندي باسني وعنقني وخرج مشا رجعت لبلاصتي كنشوف فتيليفون يصوني حتى داني النعاس والصباح صبحت واقفة فالبالكون كنصوني على يسرى تعطيني نمرة رجاء. صونيت عليها جاوباتني
قالت ليا الو وي ؟ شكون معايا
قلت ليها معاك سارة اختي شخبارك لاباس ؟
قالت ليا سارة؟ شكون سارة
قلت ليها سارة ماعرفتينيش!! غير ختك فالاسلام انا
وبقيت كنصحك بقات كضحك قاليت ليا اااه كي دايرة اختي شخبارك لاباس عليك؟؟ مالكي قطعتي لبارح بقيت كنقول الو الو ماجاوبتينيش
قلت ليها غير الريزو ماشي قطعت. المهم مايكون باس عند ساجد مسكين تخلعت عليه البارح عاد قالي عيسى راه الليل كولو ونتوما فالمستعجلات تخلعت فالاول قلت ياكما وقعات ليك نتي شي حاجة … حتى قال ليا باللي ساجد مسيكين مرض ليكم مانعستو ماشفتوه لبارح
قالت ليا امم .. مامشا معاك باس اختي لهلا يوريك باس الدراري هما هادو الام اللي كتجي فيها الدقة
قلت ليها ايوا الله يكون ليك فالعوان ماشي ساهلة الصراحة
قالت ليا ضريبة الامومة هي هادي شغانديرو
قلت ليها ايوا الله يطول ليك فالعمر حتى تشوفيه وصل فين بغيتي
قالت ليا امين الله يعطيك مانويتي فخاطرك
قلت ليها كنضحك اميين للجميع احبيبة تهلاي فخاطرك بسلامة
رجعت ندوز الوقت مع دوك الكادويات واخا ماعندي وقت اللي ندوز الصراحة ياربي يقدني غير الوقت اللي عندي وزادتني عكوزتي قالت ليا فتيليفون واش تمشي معانا نطلو على لبنى قلت ليها واخا وربعت كنحل الكادويات كلهم كانو هدايا عبارة عن ديكورات من الاول حتى اللخر ستفت كولشي. داكشي. وعيط ليا عيسى كيسول فيا قلت ليه غنمشي مع ماماك عند لبنى قالي غنخرج فلعشية نخرجو نجلسو فشي بلاصة قلت ليه واخا وقطعت معاها نضت لبست حوايجي قلدت يسرى فلباسها نشوف واش يخليني عيسى .. لبست سروال الجلد وليبوط قصار بالطالون عاليين تحت منو ليبك موص ومونطو كحل بلحزام ديالو كيتعقد ودرت حجابي وشال اخر على عنقي من البر وليكات ديال الجلد كوحل وخرجت عند عكوزتي ركبت معاهم اللور فسيارة يسرى مشينا عند لبنى كانت كتسكن فبتي فيلا فحي دلفيلات لقينا فالباب سيارة رانج روفر اخر مكاين كحلة باقا دوبلفي قلت ليسرى واش عندها الضياف يمكن قالت ليا رجاء اللي جات
عقدت حجباني جاتني الغيرة والحسد من ديك السيارة قلت ليها واش طموبيلتها هادي قالت ليا اه عاد خرجاتها كانت عندها اودي فالاول
قلت ليه اممم تبارك الله
نزلت طلعنا للدار لقيناها جالسة فوق كنبة بالبينوار وبانطوفة ومعاها رجاء كيشربو القهوى .. حشمت منها وفين ما نشوفها كنحشم وحتى هي قالبة عليا وجهها وداك الحاجب اللي عندها صحيح كتعبر بيه مزيان على احساسها اتجاهي .. سلمت عليها وجلست فالجنب ساكتة كنشوف قدامي وانا على اعصابي كندير الواحب وكلي توثر كنقول فوقاش غير نخرج بحالي .. شفتها كتحرك رجلها ويدها عادي تقول ماعندها والو لاكن النص وجهها باقي طايح وكتهضر قالت. لعكوزتي.
ايوا مكتاب الله الحاجة ماعندنا منديرو الله يجعلها فميزان الحسنات
شدات فيها عكوزتي كتوصيها قالت ليها ماتبقايش تشدي فهاطرك .. وتعصبي راسك .. وتخممي اكثر من القياس هانتي جبتيها فعضيماتك .. وكن مشيتي دابا فمرة يالاه؟؟ ولا بقيتي مشلولة حياتك كاملة شنو غينفعك ؟ شنو غتقضي؟ خلي كولشي بين يدين الله عز وجل وعيشي حياتك ها رجاء تبارك الله مكتشدشي فقلبها بحالك نتي
هي كتهضر وانا كنتعصر حداها قالت لينا التعدد حللو مولانا .. نعلو الشيطان خليو اللي بغا يعدد يعدد واللي بغا يجلس يجلس ياك عايشين مزيان واكلين شاربين كولشي كيوصلكم شنو بغيتو ؟. راهم مزوجين واحد وعايشين معاه المرار وسط الزلط. .. راه قالها المثل قالك الله الشهد ناكلو وندوق منو الناس ولا لخرا حاشاكم نطلسو على وجي بوحدي .
تنهدات رجاء وقالت ليها ايوا ماقلناش لا الحاجة غير هوا الحال صعيب. مايعرف بحرو غير اللي دايق منو ..
قالت ليها لبنى الرجا فالله هادا ماكان .. هادا دوا اللي ماكيدخلش فجنابو يا لحاجة
دورت وجهي للجنب بقيت ساكتة وهي تحط الحاجة يدها على رجلي قالت ليهم هاد بنت الناس راه بحالها بحالكم باش فارقة عليكم ؟ جيتو عليها جات عليكم القسمة راه وحدة . ولا يكلف الله نفسا الا وسعها
تنهدات لبنى كتشوف قدامها قالت ليها الزمان كيدور اللي تاق فالراجل تاق فالعافية
يسرى : وا صافي صفيو لخواطر دابا واه! صافي هادشي اللي عطا الله شي مايهز على شي.
غرغرو عينين لبنى قالت ليهم كولشي. درتو بيدي حتى واحد ماضربني ولا دفعني
شافت فيها وجاء بنرفزة وقالت ليها ايوا زدتي فيه مالكي ياختي راه كنتي غير سبب ربي. بغا وربي. كتب مالكي دابا كتغبني لاحولة ولا قوة الا بالله !! ردي الزمان اللور نتي كاع
درت يدي على نيفي ساكتة كنشوف فرجاء اللي تقرصات حساب ليها كتهضر عليها لاكن لبنى كانت كتقصدني انا وتأكدت أنهم مافراسهم ما يتعاود. قالت ليها عكوزتي
عند الاجر الى صبرتي .. بلحق هادي دير ليك الراس ماديريش يدك فالعافية واخا تكون باردة غيدور الزمان وتوط ليك الصبعان
ردت عليها لبنى مربعة يديها كتشوف قدامها قالت ليها شوطاااتهم ليا تشوااط
ربعات وجاء يديها كتشوط قالت ليهم ايوا ردو الزمان اللور انا يدي على راسي
شربنا داك الكاس دالمرار مع الهضرة والجموع وانا غير كنسمع دخل علينا عيسى على غفلة مدخل واحد الكارطونة فيدو لاح السلام علينا وطلع لفوق قال للبنى تتكلم ليه وناضت طلعات بقيت جالسة بحال ليتيمة كنشطح فبلاصتي تقول ماكيعرفنيش . كملو الجموع وقالت ليهم رجاء انا مكنبغيش نهز المسؤولية ديال داكشي كنخاف يتسرق ولا يمشي ونوحل فيه
هزات يسرى راسها قالت ليها شنو ؟!
قالت ليها رجاء وكتشير بعينيها. راه جاب لكارطونة عاوتاني
قالت ليها يسرى اااه يمكن عبد الجبار اللي قاليه ديها خليها عندك اصلا لبنى كترد البال كتحافظ
قربت من يسرى قلت ليها علاياش كتهضرو ؟؟
ميلات راسها ليا قالت ليا عيسى جاب معاه كارطونة فيها دياموند كيخليه هنا عند لبنى حتى كيحتاجوه ويجبدوه يخدمو بيه
قلت ليها اممم. عاد فهمت
تكيت ساكتة ساكتة حتى نزل قالت ليه رجاء اجي تشرب شي كاس ديال اتاي وجا عندنا وقف هزو فيدو وهوا واقف قاليها كيبقا عيسى
قالت ليه راه لفوق ناعس
قاليها مابقاتش كضرو كرشو
قالت ليه باقي مسكين مريض وغير كيعيط. بابا بابا
قاليها وا جلسي من الخدمة واخد السيمانة قابليه حتى يبرى
تنهدات قلبات وجهها قالت ليه لبنى مابغاتش قالت ليا غتشدو ليا توحشاتو
قاليها واردي البال
بقيت ساكتة كنتسناه يقول ليا شي كلمة وكنشوف فيه بنص عين ماقال ليا حتى كي صبحتي وقالينا الله يعاون خرج بقيت كنتحك فبلاصتي ونتكال عاد عيط ليا فتيليفون قالي مافيك اللي يخرج ؟
قلت ليه نتا اللي دخلتي وخرجتي تقول ماجالساش انا
قالي واخرجي خرجي يالاه انا برا كنتسناك
هزيت صاكي ودعتهم بابتسامة بقات رجاء كتشوف فيا حفضت ديك الضحكة ديالها ودرت ليها بحالها وخرجت لقيتو جالس فسيارتو البيضاء طلعت سديت عليا وزدنا قلت ليه دابا انا فين ما نبغي نخرج خاصني اللي يديني ويجيبني
قالي وفين غدخلي وتخرجي ؟
قلت ليه ماتنساش راك واعدتيني بالخدمة
قالي وهانتي كتشوفي الوقت ماساعداتش وصافي عاد غنشوفو. هاد الخدمة اللي بغيتي
قلت ليه امم .. وانا ماعلياش الله حتى انا نخرج وندخل بوحدي وتكون عندي طموبيلتي ؟ الى بغيت غير نتسخر خصني لي يديني ويجيبني
قالي وفين غتسخري انا غنجيب ليك السخرة
بقيت ساكتة كنتنهد قلت ليه مالي انا من دون لبنى ورجاء علاش غير انا .. هادا ماشي عدل انا حابسني وهما داير ليهم الطموبيلات وعاطيهم لحرية
بقا كايشوفًيا باستغراب قالي اشمن حرية ؟؟ بغيتي غير طموبيل هاهيا هادي هزيها كتعرفي تسوقي بعدا
قلت ليه فين غنسوق وانا كنت فدار با مكنطلش من السرجم ! زايدون علاش انا غتعطيني هادي نبقا نهزها ورجاء مخرج ليها طموبيل دربلفي
دور وجهه كيضحك قالي رجاء مخرج ليا طموبيل. دوبلفي؟!
قلت ليه اه
قالي هي خرجاتها راسها ماخرجت ليها ماخرجات ليا
قلت ليه اممم هاديك ساوية فوق ربعين مليون غتخرج هي بوحدها
قالي اااه .. دابا نتي شفتي الرانج روفر قلتي خرج ليها طموبيل. وانا لا !! الله يهديك اهاد البنت واش انا مصباح علاء الدين نبقا نحضر فالحديد والديور والملاكات ونحقق الاماني مضروبين فثلاتة ! ماتجي تقدام طموبيل عند هادي حتى تخرج ليا هادي بوحدة اخرى جديدة غنبقا حاضي الرفاهيات انا ولا شنو!
قلت ليه وشنو يالاه ؟
قالي هي كانت عندها واحد الطموبيل كنت عطيتها ليها شحال هادي وباعتها جات مع لوفر دارتها الرانج روفر وصيداتها .. زدناها شوية كملنا ليها التسبيق وبقا الباقي كتخلصو بالاقتطاع
قلت ليه انمم يام الربة حرام
قالي بلا ليزانتيغي راه قلتا ليك اوفر ماكتيقيش!
دورت وجهي كنفخ سكت زدت تشبت بالخدمة حالفة حتى نخدم وحتى انا نحنتو نشريها راسي يالاه .. قلت ليه ولبنى ؟
قالي مالها لبنى عاوتاني؟
قلت ليه عندها طموبيل.
شار بيدو قالي عندها وحدة قاضية بيها حاجة وصافي
بقيت كتفكر حيت شفت واحد المرسيديس كوبي كحلة حدا باب الفيلا وقلت ليه واش مرسيديس؟
قالي امم
قلت ليه فهاطري هاديك ديال قضيان حاجة هاديك بااز
قاطع تفكيري قالي هاديك كانت عندي وعطيتها ليها غير باش متمشيش بعيد .. انا منقدرشًنخرج ليك طموبيل دوبلفي غالية ونخلي رجاء ولبنى حتى هما خاصني نخرج ليهم طموبيلات بنفس القيمة .. والى مابغيتيش هادي نشري ليك وحدة جهد سطاش لمليون بحالهم وصافي .. بغيتي ما احسن هاهي خوديها. راه نهار خرجات هادي خرجات بستين مليون مزال ماضربات ربع سنين
ربعت يدي ماراضياش فواحد الكافي انا وياه وهوا متكي على ركابيه كيشوف فيها من لتحت قالي وانتي دابا مابغيتي حتى حاجة فهادو يالاه مي غندير معاك؟
قلت ليه مابغيت لا طموبيل لا والو وفي ليا اسيدي بالوعد اللي عطيتيني نهار الاول ولا ماغاديش نتفاهم انا ونتا
هبط راسو قدامو كيلعب بصبعانو مع بعضياتهم فصمت ويفكر ورجع قالي واخا الاللة بغيتي طموبيل جديدة وزوينة ؟. جاتك ختاريها راسك غنجيبها ليك
بغيت نبتاسم وحناكي كيخونوني قلت ليه وابين ليا يالاه
نساي الخدمة وغتجيك الطموبيل. اللي بغيتي شنو قلتي
دورت وجهي درت بناقص قلت ليه بلاش اسيدي مابغيتش ماتعطيني مانعطيك وعصبتيني دابا عييت نصبر كتلعب ليا على اعصابي .. عرفتي شنو .. انا عييت غنمشي شي يامات لدارنا ست شهور ماشفتهم ماشافوني
بقا كيشوف فيا قالي غير بغيتي تمشي وصافي مافيها لاتوحشتهم لا بغيت نشوفهم
قلت ليه لا لا بصح توحشتهم شحال ماشفتهم غنمشي شي يامات نجلس تما نرتاح
مسح على لحيتو قالي صافي صافي بغيتي غير هاد الخدمة ها حنا غنخدموك نشوفو اشنو يوقع
قلت ليه فوقاش؟
قالي هاد الشهر صافي تهنيتي
سكت وربعت يدي قالي ماتوحشتيش داركم ؟
قلت ليه ماتبقاش تشد فيا هاد الشدان كيعصبني .. غيركبني السكر غير معاك نتا محنتيني على هاد الخدمة وشي خدمة ماشفتها
قالي وصافي دابا هاحنا قلنا ليك هاد الشهر يحن الله
قلت ليه وعد ؟
قالي وااعد الاللة تهنيتي .. كملي الحلوى ديالك يالاه نمشيو
سكت كملت حلوتي كليتها ونضت ردني للدار محني خرج مني كاع الخاطر اللي دار ليا وخرج جلست بوحدي فلعشية ومعايا زينب ..ًوصلني مسج فالوتساب دخلت لقيت ختي مسيفطة ليا كونكور ديال الاساتذة الجامعيين وقالت ليها نهار خمسطاش فالشهر كاين هاد الكونكور الى بغيتي دوزي . دخلت كنجري ونقلب ديك الليلة كلها وكنتسنا عيسى يدخل لاكن تعطل فالاخير عيط ليا قالي مابايتش فالدار حتى لغدا
وقفت كنشوف فالحيوط قلت ليه علاش فين غادي ؟
قالي غنبات مع ساجد مزال عيان شوية غدا هانا معاك
كمدتها وسكت وجلست نسيت لكونكور ومايجي منو بردات عليا الدار كل مرة داير ليا سبة بشي حاجة ونبات بوحدي حسيت بالوحدة وعيطت لختي كنبكي ونشكي عليها ونبرد على راسي وهي كتواسيني قالت ليا خليه حاولي تقبليها عادي وشغلي راسك حتى تولفي .. دفعي للكونكور قبل مايوقف التسجيل وتلهاي شوية ماتبقايش كتفكري ..جبدي راجعي شوية وبريباري باش دوزي الله يجعلك ما دوزيه حسي مسي. الى مابغاش يخليك
دعماتني وصبراتني واخا مابقاش عندي لخاطر نجبد شي درسً نراجعو لاكن دفعت لداك لكونكور ونضت كنقلب على الاوراق ديالي وديبلومات جبدتهم شفت فيهم ورجعت خبيتهم بلاصتهم وتكيت عمرني حزمت راسي فحياتي حتى حزمتو ودرت ليه بطاطة فالجناب وجلست على البراد دلويزة كنشرب فيها حتى صلقت مسارني مزيان ونعست بلهلا يطريه ليا صبحت مريضة ونفسي خبيثة معصبة بوحدي كيجيوني افكار خايبة تقول ساكنني شي جن .. مادرت حتى حاجة داك النهار بقيت شادة الفراش حتى دخل عيسى سمعت صوتو ونترت ديك الحزمة وبطاطا لحتهم للجنب الناموسية وسرحت شعري بالزربة دخل عليا قالي مريضة؟
قلت ليه شوية راسي كيضرني وفيا السخفة من لبارح
حط يدو على جبهتي قالي يكونو اعراض الحمل هادو ؟
درت يدي على راسي قلت ليه ماعرفتش
لاح عليا الغطا قالي يالاه نديك ندوز ليك نشوفو شنو كاين
جرني من يدي وقفت وانا ماواكلة والو معدتي لاسقة مع ضهري داني ندوز فحصاتني الطبية قالت لينا ماشي حمل انما غيكون غير الارهاق ولا التعب ولا الامراض النفسية وصافي هي اللي كتعطي عاد الصداع بحال هاكا
شفت وجه عيسى بحال الى خاب ضنه وقال ليها واش عندها مشكل ؟ ست شهور باش تزوجنا مازال ماجاب الله
قالت ليه يقدر يكون البرد ولا لهرمونات مخربقين ليها .. تعمل تحاليل نشوفو اما الوالدة ديالها مشاء الله نقية وصافية مافيها حتى حاجة وماعندهاش ميكروب ولا شي طياب ولا حتى حاجة كلشي هوا هاداك
سولاتني واش كناخد شي حبوب منع العمل وشاف فيا عيسى كان غيهضر يقول لا وسبقتو قلت ليها لا مكناخد حتى حاجة
قالت ليا غنعطيك واحد الكينة تعاونك على الاباضة وديري ليا هاد ليزاناليز ونشوفو شنو كاين ان شاء الله خبار الخير
خرجنا من عندها قالي مافيها باس كولشي من لخير
سكت وردني للدار دوز معايا الليلة وطول الليل وانا هازة فخاطري .. قرب ليا بغا يعاشرني ونفرت قلت ليه عيانة حاسة براسي عيانة
قالي صافي ماشي مشكل خاطرك هوا الاول .. واخا راه الجماع بالخاطر ماشي ضرر ولا تعب ليك
قلت ليه واخا هاكاك مافياش بغيت غير نعس وصافي
تراجع وعنقني من اللور فصمت وحتى كنت غنعس وانا نسمع تيليفون ديالو كيصوني وسديت عيني حسيت بكتافي طاحو ليا كانت ناقصاني غير ديك المكالمة .. ناض من حدايا خرج يهضر وطلعت لغطا على راسي سديت عيني بغيت نخشيهم لداخل وسط راسي ولا نخشي صباعاني وشط ودني حتى يلاقاو وسط مخي ونوقف التخيلات اللي مابغاتش توقف واللي مرضاتني واخا عيت نتجاهل عيت نسكت عييت نرد لداخل حتى مابقيش قادرة كنحس بالطعنات فقلبي وحتى وجهه مابقيتش باغا نشوفو. كنشوفو كنزف ليا قلبي ندمت اللي عرفتو ماحسابش ليا غنتعلق بيه ولا غنبغيه ولا غادي نحب ويوقع ليا هادشي . وحتى لمسة يدو اللي كتهز ليا قلبي مابقيتش باغا نحس بيها رجعات كطلع معايا بحال الموس بقدر مكتحرك مشاعري وجوارحي وتحسسني بالحب بقدر ما كضرني وتألمني وتعدبني فاش كنتخيل لبنى ولا رجاء بلاصتي كنحس بقلبي كيتقطع اربا اربا حتى رجعات داتي كتشنج عليا والنعمة كتوقف ليا فالحلق مكتبغيش دوز
السراط وليت كنعيشو ماشي الزواج .. وليت كنحس بتغييرات فحياتي كتزيد بيا للاسوء ماشي للافضل وكنتعجب لرجاء ولبنى اللي قبلو على بعضياتهم وراضيين بالتعدد..كنت فالاول راسمة مخطط كنقول نقدر لاكن وقع العكس وحسيت براسي وسط قفص من نار ماشي قفص الزوجي .. فاش كنكون بين حضانو كنبغي نشدو ونقجو يبقا معايا مكنسخاش بالهضرة معاه والدلل والدلع ديالو وكنعس على صدرو فرحانة كأنني اسعد انسانة فالدنيا .. اما فاش كيخوي الدار كنبات سهرانة فايقة الى منعستش مريضة مانشوفش النعاس ونجلس ندي ونجيب ونتشوط الليل كامل وهوا ماحاسش بيا ماعارفش باش كنحس ومكنبينش ليه وماعارفش باللي ماشي مسألة زواج ققط. او زوجة. وانما مشاعر واحاسيس وحب قوى مني .. لو عرفت عراسي نهار الاول غنعيش هاد الجانب الروحاني من حياتي الزوجية ولو عرفت راسي غنطل على هاد جهنم ونجي فقاعها لا هربت للثتلت الخالي. منعقل لا على راسي. لا على واليديا .. اما انا حسبتها حسبة فشكل .. قلت زواج كما كان زواج وصافي الاختلاف فالرجال وانا اصلا مكتجمعني بيه لا ريحة ولا نضرة با ش نفرفر من جيهتو ، قلت الراجل زوين مقبول ديال العشرة والزين نتمتع بيه ويمتعني ويبرعني مايخصني حتى خير وداير كي لماما لقليل غادي نعيش مرتاحة المهم الراحة والحب لهلا يجيبو ،. لاكن تصدمت .. ماعرفتش امتى تسللات لقلبي ديك المشاعر اللعينة ورجعت نشوف فيه بنضرة غير النضرة ديال الاعجاب .. رجعت كنحس بيه كنحس بالنبض ديالو والعروق اللي فراسو والدم اللي فعروقو .. رجعت مشاركة معاها الشرايين ديالي فين ما يبعد عليا كنحس بيه جر ليا لعروق وبغا يقلع ليا القلب .. كنحس بيه كيجر ليا جميع اعضائي معاه مكنبقا نقدر لا ناكل لا نعس لا نشرب. ومعجبة لهاد العيالات ماعرفتش واش كيحسو بحالي ولالا .. حتى فكرة انني نتفرق عليه بعدتها بمجرد التفكير فيها كنحس بعروقي تجبدو وقلبي تقلع من بلاصتو والى بعدت غنموت بالقهرة كتر من هادي اللي انا فيها . وحتى تفكيري بشنو كيحسو دوك الجوجات مابقاش كيهمني وليت باغاهم ينقارضو من الوجود مانشوفش خليقهتهم ولا نسمع حسهم ماشركيني فحياتي ومعدبيني بحال السرطان ماكرهتش نقطع ليهم الحبل اللي شاركهم معاه ومعايا ونتهنا لاكن مالقيت ليهم حهدو ومالقيت جهد ونهاريت غلى ناموسيتي بالبكا بحال ديما حتى دخل عندي لقاني مجبدة كنتركل بوحدي وجا عندي قالي مالكي شنو واقع ؟؟
دفعتو بيدي ونضت قلت ليه مانسمعش داك تيليفون كيصوني فداري ولا حس لبنى ورجاء ومايجيشً شي واحد يقول ليا يالاه عند فلانة ولا زمارة عطيوني غير تيساع مابغيتش نشوفهم ولا نسمع حسهم
استغرب قالي واش شي واحد دار ليك شي حاجة ؟. شنو كاين شرحي ليا
عطيتو بهضري كنمسح حنكي قلت ليه مالي فكوووولشي. واللي كاين هاني قلتو ليك خليني نحتارمك
ضرت عندو بصرامة هزيت صبعي فوجهو يالاه جيت نقول ليه خليني نوقرك ونقصح معاه حتى طلعات حرقة مع صدري حشيت بعيني تكمشو خرجت البكية بالزحمة والهضرة بصوتي مبحوح وصبعي كيترعد .. قلت ليه بعدي مني
جرني عندو عنقني وسد عليا بيدي بديت كنترعد بحال الطير وهوا كيواسيني ويبوس راسي.. وانا نفسي نوض مابغيتش نبقا فحضنو مكاينش اللي خرج عليا قدو وفنفس الوقت بغيت ندخل وسط صدور نسد عليا تما ونبقا لداخل مابغيت نشم هوا ولا يضربني برد
حس بيا تطعنت وماقدرتش على التعدد وبغا يخفف عليا ويراضيني وقالي نسافرو بجوج نبدلو الجو شنو بان ليك
تفكرت الكونكور وقلت ليه مافيا اللي يمشي. انا بغيت غير واحد السيمانة لدارنا نرتاح
تنهد وقالي واخا يالاه جمعي جوايجك نديك الصباح
مسح على راسي وعنقني وسمح فشغلاتو خرجني ديك العشية شرا ليا حوايج جداد وسجلني فمدرسة ديال السياقة باش يرد ليا الخاطر ورجعني للدار حسيت براسي شوية دخلت شي حاجة جديدة لراسي شوشات ليا على اعاقة تفكيري وتخيلاتي اللي كانت ممرضاني .. قلي تشها السفة وبغاتي نصاربها ليه انا ودخلت للكوزينة خليتو جالس كيقرا القرآن فصمت من تيليفون شمرت على كمام بينواري القصير الاسود وبديت نفور بليكات باش مانقيسشرالماكلة بدفاري ودخل ليا النعمة وسط لخواتم . وقفت قدام الكسكاس كنطيب وسمعت زينب فالبالكون كتهضر مع شي واحد قالت ليه انا فالخدمة ماتبغيش مولات الدار تعطيني غدا غير سيرو باركو ليا بلاصتي قولو ليها تسمح ليا مامشيتش عندها حتى نجلس نهار العطلة ونمشي نبارك ليها ..الله يعاون
دخلات للكوزينة دازت ورايا ويدي وعيني فلقصرية كنفور قلت ليها واش بغيتي تجلسي غدا ؟
تنهدات كترجاني بطريقة غير مباشرة قالت ليا واحد جارتي ولدات دايرة السبوع ايوا مالقيت كي ندير ليها
قلت ليها غير سيري غدا غنسافر مغنرجعش حتى للحد
قالت ليا واش غنجلس غير غدا ولا السيمانة كلها
قلت ليها خوي الثلاجة دي معاك داكشي اللي فيها وطفيها وداكشي اللي غديري سيمانة كلها زربي عليه هاد الليلة دغيا وسيري حتى لنهار السبت واجي ديك الساعة تقداي للدار قبل منوصل باش نلقا التقدية واجدة ..ديك الساعة غنقول ليك شنو تقداي فتيليفون
تافقنا انا وياها و جبدات ليا الدجاج من الثلاجة فخيدات نصبت ليهم بيدي فالمرقة مع البصلة والزبدة والعطرية ..الله يخلف على ماما علماتني الطياب اكثر من شغل الدار تقول كانت عالمة عليا غنعطي يدي غير فالطياب فزواجي ،. حطيت ديك السفة فالطبسل وحطيت عليها دوك لفخيدات وخويت عليهم من لفوق ديك لبصيلة معسلة زدت عليها شوية دالسكر والقرفة فاللخر جات قهوية وسطرت على جناب السفة اللوز والبيسطاش مهرمشين وسطور القرفة والسكر كلاصي وزوقت البصلة اللي فوق الدجاج باللوز لحلو مقلي وهزيت الطبسيل ديتو للطبلة فالصالون العصري اللي كان متكي فيه كانت زينب عطات الطباسل وتولات الطبلة وخليت ليها حقها دالعشا وحطيت ليه هوا الوسط ماهزش فيا العين عرفتو كيقرا القرآن ماكيشوفش جيهتي حتى كيسالي ، جلست حداه كنشوف فالتلفازة حتى سالا حط تيليفون وتنهد شاف فالطبلة وجلس قالي الاللة شغادي نقوليك. ، تبارك الله عليك وصافي كي غندير بلا بيك هاد السيمانة
دخل فالعشا كياكل ويقول ليا الله يعطيك الصحة حتى شبع ومشا للبيت جمعت الطبلة مع زينب خليتها كتقرقب فاكوزينة ومشيت ننعس ساعة شي نعاس ماشفتو الليل كله كنقول ليه لا كيقول ليا منقدرش غتمشي سيمانة مغاديش نشوفك كاع
درت ليه الخاطر مافيا اللي يتجاحد كنقول غير يجمع يجلسني ننعس لاكن هوا كيزيد يفقصني ويتفنن واخد راحته وعاجبه الحال كيبغي يشعل عليا الضو كنتعصب عليه ماعرفتش اش بغا يشوف وهوا شايف اصلا كولشي بالضوء ديال الفايوز !
صبحت كندوش وشادة الطريق للناضور علمت ماما قلت ليها هانا جايا ووقالت ليا ياك لاباس اش واقع
بقيت غير كنشوف قلت ليها توحشتكم مانجيش!!
لعجب لهاد ماما حتى هي بلاصة ماتفرح قالت ليه اش وقع ياك لاباس!
وصلت للدار طحت عليها بالتعناق والبكا توحشتها تقول كنت فالغربة عشرين عام هادي . بست لبابا يدو ورحب بينا لقينا الغدا واجد تغدينا وجلس عيسى وبابا كيتجمعو فالصالون وانا وماما فاكوزينة
قالت ليا واش مزال كتشربي لكينة ؟
قلت ليها مزال راه كتجيبها ليا زينب بالتخبية .. ولاكن مابقيتش باغاها بغيت الاولاد
قالت ليا صبري ماشي دابا باقي عليك الحال حتى ديري عام ولا عماين مالك زربانة .. الراجل مكيشدوهش الاولاد هاهياك والدة ليه الولد وجاب عليها الضرة
تنهدت وسكت بقات كتشوف فيا بنص عين وقالت ليا واش مرتاحة فهاد الزواج ؟ واش ماواصلينك بصهد ضرايراتك
سكت كنشوف فالطبلة وميزرة على فمي حتى هبطات واحد الدمعة مع نيفي وهبطات لمستوايا قالت ليا مخلوعة ووجهها صفر شنوو؟؟ مالك اش دارو ليك
تفرغت عليها بالبكا وطحت عليها كنشهق حتى تخنقت السوفل مشا ليا كنستنشق بلا منخرج النفس وهي كتشد فيا مخلوعة حلساتني على الكرسي شرباتني الماء وجلسات حدايا بديت كنشكي عليها ونخوي عليها كاع اضرار تفسي وقلبي دخلت ليها الثلوت اللي كنت جامعة فصدري وهزات ليا همي قالت ليا ابنتي راني قلت ليك هادشي. .. نتي الله يهديك .. اما النهار الاول فاش جيتي غضبانة كنتي تجلسي. ماشي. حتى يطيح حبك على حبو وتشابكتو نتي وياه الى جر هوا طيحي نتي والى جريتني نتي يطيح هوا
قلت ليها كيقيل يشكرني ويمدح فيا ويقول ليا زعما منك نخلاق بحالك مكاين .. ولاكن ماعرفتش واش بصح ولا كيراضيني الله واعلم
تنهدات قالت ليا ايوا الراجل فاش كيتزوج كتر من وحدة ضاروري يميل قلبه لواحد الجهة … واخا يكون عادل
قلت ليها عاادل فوق التوقعات .. ولاكن انا مكنحسش بالعدل كنحس بيه ضالمني وفاش كيكون فالدار عندي كيبقا يهضر ويشكر كنقول كيكدب عليا .. والى تصادفنا فشي مجمع كيبقا يضحك مع عيالاتو ويهضر معاهم وانا مكيشوفش كاع جيهتي تقول ماكيعرفنيش
قالت ليا ايوا لا ايوا هادشي ماخصوش يكون حشومة .. قوليها ليه ولا قوليها لباه .. باه راجل كبير وعندو تجربة سيري عندو وقولي ليه هادشي يهضر معاه هوا باش يوصلها ليه للصدر نيشان
قلت ليها داكشي اللي غندير. وبقيت كنتجمع انا وياها عاودت ليها كاع داكشي اللي كيوقع ماخلينا حتى موضوع على حياتي .. لامن الدار اللي شرينا لا من الفراش لا من الحفلة ولا من المشاكل دوزنا العشية كلها جموع وكملنا الحموع مور لعشا اما عيسى غير تغدا شد الطريق رجع خلا ليا لاكارط بونكير وقالي لحساب ديال هاد البنكة حليتو على قبلك صرفي منو راه حطيت ليه فيه الفلوس وها لاكارط
شديتها وخلاني مشا ومن موراه عيط ليا بابا مشيت لاوية الشال عليا تكلمت وقالي واش مهلي فيك هاد الراجل ولا لا
حركت ليه راسي بالايجاب وهوا كيشوف حالتي واش باين عليا لخير ولالا وقالي علا ماكيبان ليا مهلي فيك هاا؟
قلت ليه ايوا قدر المستطاع
ابتسم وقالي اجي ندير ليك شوية دالرقية
نضت من حداه مشيت توضيت ورجعت عندو كيرقيني كما كيرقي خواتاتي كلهم فاش كيجيو حسيت بالراحة والهم انزاح وتبدل ليا الخاطر طلع ليا المورال على الحفاضة ومشيت سديت عليا كنراجل واغمست فالحفاضة باغا نجح فداك الكونكور باي طريقة حيت حلمي نكون استاذة جامعية حيت كنت كنشوف الرقي. ديال الاساتذة اللي كانو كيقريوني و كيفاش دايرين كنت ديما كنتمنا نوقف بلاصة البروف وندرس الطلبة
شديت داك الاسبوع كله كرجة وحدة كنحفض بالليل وبالنهار وماعندي مايدار غير تيليفون عيسى اللي كيشدني بالهضرة اما من غيرو ماعندي حتى تشغلني .
كنت غنجلس اسبوع وصافي صدقت جالسة عشر ايام وعيسى تابعني بالتيليفون حسيت بيه غضبان كيهضر ومنفخ قالي درنا معاك سيمانة صدقنا فعشريام . مابغيتش نمشي ليه حتى صدمني جا النهار العاشر عندنا بالصدفة طليت من السرجم سمعت صوت الحديد حدا باب دارنا ولقيت طموبيلتو وهوا نازل رجعت اللور بقيت كنقول مع راسي وهانتي على الراجل جا بلا شوار داني كنتوادع مع دارنا بالبكا حساب ليا غنمشي نيشان لفاس حتى صدقنا غاديين لداري قالي غندوزو هنا شي يامات عاد نمشيو ! سمعت ايامات وتزاد معايا الزايد الكونكور بقا ليه يوماين وهوا كيقول ليا نجلسو. وخاصني نمشي لفاس حيت دفعت حسب المدينة فين قاطنة رجعت كنرغبو نرجع لفاس وهوا معجب قالي غريب. امرك ابنت الناس .. عاد قلتي ليا توحشتي الناضور دابا كتقولي ليا مليت نرجع لفاس صبري شوية مالك زربانة
انفعلت قلت ليه تخنقت مابغيت نزيد حتى دقيقة هنا صافي درت فبالي غنرجع لفاس واصلا درت مع يسرى نتلاقاها غدا على شي حاجة ضارورية
قالي شنو هاد الحاجة ؟
قلت ليه داكشي ديال العيالات
قالي ومايقدرش هادشي يتسنا
قلت ليه لا عطيتها الكلمة
تنهد وقالي يالاه الاللة الصباح نمشيو
قلت ليه لالا دابا نشدو طريقنا
قالي يا عاد المرى راني عاد واصل شوف شحال ديال الطريق ضربت واش مابقيتش فيك
سكت وربعت يدي وكلت امري لله ودوزت ديك االليلة على السراط بالتوثر وهوا كيدلع فيا ويعبر ليا على الاشتياق فالخلوة ديالنا وكيتسنا مني نعبر ليه وانا حشمانة حتى عبرت ليه قلت ليه توحشتك ونتا عارف هادشي
بدا يشمم فيا وقالي. نقية .. ورائحتها زكية ،، يالاه شي تعبير بحال هادا
بديت كنضحك عليه قلت ليه ماعرفتش
قالي اممم شوفي وكان
دورت وجهي ماجاني فراسي حتى كلام وقلت ليه صافي. راه بااينة توحشتك بلا ماتجبرني نقول شي حاجة اخرى
بقا كيضحك وسكت وفعلا كنت مشتاقة ليه بزاف وماقدرتش نشبع اشتياقي خاصني الوقت والقرب بزاف يالاه نشبع اشتياقي وعويناتي وحواسي كلها .
شدينا الطريق الصباح بكري رجعنا لفاس علمت زينب بقدومي ودخلت لداري ضرباتني ريحة النقا لوجهي حشيت بالراحة .. الصراحة الواحد مكيرتاح غير فدارو واخا ماسخيتش بواليديا لاكن راحتي فالداري ليها طعم اخر .
يالاه وصلت ستفت حوايجي قالي تهيت طيابك اسارة وجدي لينا شي حاجة للعشا،. نضت دخلت للكوزينة عرفتو كيبغي ينعس خفيف جبدت ديسير و العيش والخضرة وقبل مانبدا الشغل تزينت وتعطرت ولبست السوميج بالبينوار محلول وجمعت شعري بمقبط ولبست القفازات الشفافة البلاستيكية وبديت نوجد ليه صاربت ليه سلطة كبيرة مشكلة مقسمة لاجزاء فيها بطاطة مصلوقة. باربك خيزو خيار روز الوسط الطون الماييس ماطيشة بصلة وفرشت الخص وحطيت كاع الخضر اللي كتمشي فشلاضة وزدت لفرق لافوكة والاناناص و طريفات الدجاج مقلي ومحمص ناشف ولعصير مشكل وصاوبت ليهم صوص خويتها على السلطة وديتها ليه عجباتو قالي ودابا نقولو كنتعشاو
بقيت كنشوف فيه قلت ليه سبحان الله كنتي مييت بالجوع
حط يدو على قلبه قالي والله كان طايح عليا الضيم غير رجعتي رجع لي النشاط والحماس
قلت ليه سبحان الله ايوا ماكرهتش نتيقك
جرني حداه قالي عارفاني مكنبغيش الكدوب ومكندبش ومكنحلف بالله حتى كتجيبيني نتي كنلقا راسي مضطر نحلف باش تيقي
بقيت كندور فمي قلت ليه تيقتك الحاااج
بدا كيضحك قالي كولشي نصبر ليه الا تقليقتك .. ماعرفتش علاش .. كتخلعني
قلت ليه نتا راك كترعبني
قالي كنرعبك كاااع ..
حركت ليه راسي كنضحك وجرني قرصني من فخدي. قالي كتقلبي عليا
قلت ليه اعتارف وبلا كدوب
نفس الشيء كديرو مع كولشي
حط يدو على صدرو كيشوف فعينيا قالي الى كنتي كتآمني بالله راه تيقي بيا .. كنمشي معاك بالمشاعر .. المشاعر اللي كيخليو الانسان يدير شي حوايج عمرو دارهم .. حتى الى كان كيعيف مايعيفش واحد كيبغيه
هزيت حاجبي قلت ليه اااامممم تيقتك
ضربني لقزيبتي قالي تكعدي جيبي ليا نشرب نسيتي الماء
خليتو حتى تعشا وحك سنانو وتوضا وصلى جوج ركعات كما موالف قبل ميلزم الفراش وجا عندي كيدور بجنابي لقاني موجدة ليه السهرة واخا كيجيني فشكل ندير فعايل الساقطات حيت ملتزم ماشي شي فاسد كنخاف يقولي استغفر الله العضيم ، لاكن هاد المرة لبست ليه واحد مولاتي دوبياس غير الشبكة ودرت عليها بينوار تحل دغيا فاش كان حدايا كيتغزل فيا وحل يدي كيشوف قالي هايي هااييي هييي اش هادشي ؟؟ اش هاد للللل.. الشهد هادا
غطيت راسي بالزربة كمشت رجلي كنضحك حشمني قلت ليه خليينييي
حل ليا داك البينوار قالي خليييينييييي
بقيت كنضحك ونلعب بشعري يمين وانا متكية بين المخاد كنشوف فيه الرجولة والفحولة والحروشية عشقت داك الموسطاش ودوك الحجبان اللي كيهز ويحط عليا ودوك العينين لكوحل اللي بلا ميحاول يجذب غير نضرة من رسمة عيونو كدوبني .. هبط معايا كيبوس ويلمس فوق دوك دوبياس حتى حسيت بيهم فزكو وحسيت بيه كيكحز سليب للجنب وانا نتجمع قلت ليه نسيييت ..
شاف فيا قالي اش نسيتي
قلت ليه كنت باغا نقول ليك واحد الحاجة
قالي خليها حتى لغدا
تكمشت قلت ليه دابا احبيبي
قرب ليا وجهه قالي حبيبي ! .. واخلي ديك الحاجة احبيبي لمن بعد ماضيعيش ليا التوازن
قلت ليه لالا غير سمعني وقربت ليه عطيتو واحد البوسة مكمدة كما كيدير ليا بقا غير كيشوف فيا قالي غنسمع ليك ولاكن عندي واحد الطلب
قلت ليه شنو هوا ؟ وميلت راسي
قالي بوسة بحال هادي
بقيت كنشوف فيه مافهمت والو وهوا كيشوف فيا ويخرج لينا لسانو تردد يقولها وبدا يغمزني ويشير ليا وانا نهرب قلت ليه ويييلي كتحلم
طيحني قالي ونساي الطلب
بقثت كندور فعيني من جهة لجهة ويدي على فمي قلت ليه غنتقلق. راه منقدرش
قالي غنسد ليك عينيك
بقيت كنتسائل كفاش وهوا كيشرح ليا بعينيه ويضحك وانا كنفكر شنو ندير فاللخر بديت كنضحك قالي طلبي شنو بغيتي
قلت ليه دفعت لكونكور وكنبخيباغي ليه باش ندوز
نهال عليا بالقبل على شفاهي قالي اشمن كونكور
قلت ليه ديال الاساتذة جامعيين .. غير دفعت باغ انترنت وتسجلت واصلا ماحافضاش بغيت ندوز وشوف ندوز ولالا بغيت نحيد غير لياس فمرة من جهتهم
قالي فوقاش هاد لكونكور
قلت ليه غدا
قالي غدااا!! عاد كتقوليها !
قلت ليه مع التسعود .. دير ليا خاطري احبيبي واعدتيني
قالي واخا وعينيه معسلين لاكن خايفة ينكري الصباح يقول ليا ماقلتش وانا نهز تيليفون قلت ليه غنصورك كتقولي غندوز لكونكور غدا
قالي وصافي قلت ليك غدا غنمشيو لهاد لكونكور
سجلتو اوديو ولحت تيليفون ورجعت للسطاج الموالي اللي عطاني غمض بيا عينيا قلت ليه غنلعبو غمايضة
بقا كيضحك و انا كنتسنى شنو يدير علمني مسخ جديد عليا بزز باش تقبلتو وفالاخير تطلقت حبا مني ماشي اجبارا وعاد فهمت معنى الكلام اللي قالي انه كيمشي بالمشاعر مع اللي كيبغي ولقيت راسي منجارفة مع مشاعري الليلة كلها شفتو عجبو الحال بقا كيدير فيا شي شوفات الصباح كيفكروني فالبارح وانا حشمانة زعما حيت فوعيي اما الليلة الماضية تقول كنت سكرانة
لعجب اللي مانساش الكونكور فيقني هوا بنفسو نمشي ليه خاف يمشي عليا يمكن ونغصب قال مافيا اللي يخزر ريبزر اجي نديها دوز هاد الويل وتسقط ونردها نرتاح فمخي حيت شفتو مرتاح مكيتنتاش ليا كاع الناجح متأكد من السقوط. ديالي ، لاكن انا الطريق كلها كنراجع ومستريسية غادية معولة على النجاح واخا نعرف نخرج فيهم عينيا ونقول ليهم قبلوووني دخلوني لتما ،. غندير ليهم قانون الجذب حتى يقبلوني وندخل و داكشي. اللي درت هليت النجاح قدام عيني والفضل محيت ليه الوجود صافث مشيت ومعولة نجح مكاينش نسقط السقوط مكاينش ولا بنسبة واحد فالمية ..اللي كاين هوا النجاح فقط
وصلت ودخلت شادة فيدو بلباسي المحترم كنت لابسة كسوة طويلة راقية بقصة مختلفة بالصدايف فالامام والمول طايور بحزامها ونصها السفلي مطوي بحال الورقة اللي كنديرو منها فراشة ومسرح ناعس فانوازيط وموكاسان باج وفولار باج ومكياج خفيف كانني مدايراش وصاكي فيدي. داخلة وكندعي الله نتأهل فكل وقت وفكل سؤال وفكل خطوة خطيتها حشيت بالوقت داز كأنه شهر وقهرني الستريس والتوثر حتى كنت غنغيب بسبب الخلعة . خرجت عند عيسى لقيتو كيتسناني حل باب الطموبيل طلعت وطلع حدايا واثق من فشلي قالي تهنيتي هانتي دوزتي ويالاه بحالك تشبعي نعاس مع راسك
شفت قدامي ساهية كنفكر قلت ليه اللي عليا درتو. ودرت كثر من داكشي اللي كنت متوقعة من نفسي وجاوبت مزيان ..عندي احساس ماشي اهر مرة نزطم فديك الكلية كنحس بيها بحال دارنا مزال غنرجع وماشي اهر مرة غنشوف فيها دوك الكمامر حاسة براسي غنشوفهم ونعاود
بقا كيضحك عليا مبرد راسو سعداتو اما انا حبدت تيليفون خشيت فيه راسي كنقلب على الاجوبة ديالي واش صحيحة وبقيت نكملي عليه شنو درت ورجعت للكتاب ديالي اللي خدمت عليه الدكتورة كنراجعو ونطابق شي مع شي فدماغي بغيت نتأكد باش نعرف راسي واش ناجحة لقيت راسي مجاوبة نفس الاجوبة ولاكن ماشي بنفس الطريقة وماشي بطريقة الحفاضة جاوبت انطلاقا من شنو عندي فراسي لاكن الجواب نفسه وكنتمنى نجح وغنجح مامشيت لتما الا وغادي نجح ونخشي بلوطي معاهم .
ردني للدار كيطنز عليا قلت ليه دابا نصدمك هاني فين قلتها ليك
قالي واه داك الكونكور كيوجدو ليه شهور. قبل نتي فسيمانة وجدتي يعلم الله شنو درتي ليهم تما
قلت ليه مابقاتش فالحفاضة بقات فشنو شادة حكرتيني ولا !! راه كنت مجتهدة سير سول عليا فالناضور فالكلية فين قريت . اصلا دايرة ليكونوني يعني الى دخلت غندخل على اساس غندرس ليكونومي. وداكشي اللي قريت عليه
قالي لاللة هادشي باش كتعجبيني التشبت والتلسق حتى للنهاية .. المهم هانا مشيت ونتي هانتي فالدار
كايستافزني ويلعب على اعصابي باغي يحطمني وانا عارفة راسي جاوبت مزيان وهضرت مزيان واأكدت فاش راجعت الامتحان لقيت راسي مجاوبة غير الى بغاو يهزو صحاب باك صاحبي والمعارف ديالهم اما انا دايرة اللي عليا وماكرهتش كون توسط ليا مع اللجنة لاكن مايبغيش ومايقبلهاش وهوا اصلا واقف ليا فالطريق كيجرجر فيا الى بقيت معولة عليه بقيت بلا خدمة ،. خلاني فالدار جلست محنية كنعاود فداك الكونكور نهار الكامل والشك قاتلني والمشكلة واخا كولشي ينجح ماغاديش يهزونا كاملين غيهزو غير شي وحدين على رؤوس الاصابع .. مابغيت نخلي حتى حاجة تحبطني تشبت بالنجاح وحطيتو فراسي كنتسنى الشهر يدوز باش يردو علينا . مليت من الجلاس فالدار والماكلة والنعاس بغيت نتحرك وندير شي حاجة تعطيني القيمة حيت فاش كنجلس وسط العائلة كنحس بالنقص وكنحس براسي لا شيء قدامهم وهما تبارك الله كل وحدة فاش خدامة غير المناصب العليا وكيهضرو معايا بالتقة فالنفس وجل كلامه على العمل والشخصيات اللي كيعرفو .. فلان خرجو قرار نا قرار .. حنا عطاونا ماعطاونا .. الدولة ما الدولة وانا وسط منهم بحال الامانة ساكتة .
بديت البيرمي وكنمشي كل يوم نقرا مور لغدا فاش كيجي يتغدا عندي كيدوزني لتما ويخليني مع اللي كتقريني ويرجع فلعشية يردني للدار ويخرج الى كان عندو شي شغل والى مكان عندو والو كيخرجني يدورني شوية ويرجعني للدار. ،. شافني مقابلة الحفاضة والمراجعة وقالي ماعندي مانتسالك من جهة الحفاضة نتي اللولة
بقيت كنضحك وقلت ليه شنو حساب ليك راني كنقرا مزيان ماشي سطلة راه جيت من الأوائل فالناضور
قالي يالاه خودي البيرمي دغيا باش نجيب ليك شي طونوبيل طلقي فيها يدك
قلت ليه اصلا عطاوني غير خمسطاش ليوم وندوز بقات ليا منها سيمانة
قالي واش طالقة يدك شوية
قلت ليه مزال كنترعد
قالي دابا نعيط ليهم يزيدو ليك السوايع فالسياقة باش تطلقي دغيا
ابتسمت ورجعت للفيديوهات كنراجع وانا جالسة فوق واحد الفوطوي طالقة رجلي وشادة طابليط. .. شميت ريحة المسمن كيطيب فالكوزينة وعيطت لزينب قلت ليها سدي الباب خنقاتني ديك الريحة
مشات سدات الباب وكملت الحفاضة ديالي في حين نخرج عيسى مشا لشغالاتو وحطينا كاسكروط قلت ليها تشهيت كسكسو ازينب ديري لينا كسكسو هاد الليلة بالطريقة البلدية وديري فيه الفلفة حاارة بقات كتشوف فيا قالت ليا في الليل بغيتي تاكلي كسكسو !! عاد هاد الجمعة اللي دازت كليتيه غيتقل ليك المعدة
نفرت وقلت ليها لالاا ماعجبنيش بقا كيطلع فيا ويهبط. .. غير ديري لينا كسكسو هاد الليلة
قالت ليا ايوا الخضرة ديالو ماكايناش عاد خصني نتقدا
قلت ليها باقي الحال سيري تقداي واجي
تنهدات مسكينة مافيها اللي يخرج عاد للمارشي .. قلت ليها تجيب ليا اللحم ماشي دجاج وعطيتها ثلت مية درهم ليدها قلت ليها خودي الباقي اصلا غيشيط ليها لهير والبركة غير مللي شفتها عيات مافيها اللي يمشي قلت ليها نشجعها وداكشي اللي كاين مشات تقدات وجات فوراتو ونصبات ليه .. كنشم ريحته من الصالون الله على ريحة بالسمن وسبع خضاري بقيت كنتسناه يوجد على اعصابي ووقفت عليها قلت ليها حكي مطيشة باش تختر المرقة ولوحي دوك لمزاود يرقدو تما يطلقو لحرورة .
وجداتو وقالت ليا نتسناو الحاج عيسى ولا نخطو لعشا .. قلت لقها حطي وخلي ليه ماعرفت يرجع ولالا
مشات حطاتو فالقصرية ديال الطين وجابتو للصالون نضت ليه كنشمشم وريوكي طايحين يالاه غنقول بسم الله تحل الباب ولقا القسرية داير بيها اللبن قالي هااي هااي هاي بلا متعرضي بلا متسناي .. كسكسو نعام اس .. سمعنيي
قلت ليه اجي منقدرش نتسناك
قالي باستغراب وبالليل !
قلت ليه ومالو
قالت ليه زينب والفواطة على كرشها ايوا تشهات كسكسو قالت لك والو بغات كسكسو
صغر واحد الحين شاف فيا بواحد الابتسامة قالي تشهات كسكسكو؟! عاد ول لبارح كليتيه ياك والو باس
قلت ليه تشهيتو بغيت كسكسو درتي ليا محاضرة !!
جلس حدايا شمر على دراعه كيشوف فيا بنص عين قالي مخلوع ااه اه اه اش داك الحار بزااااف عليك اسارة سودانية حارة ماقدرت كاع نقيس فيها كرطتيها
تنهدت قلت ليه خليني مالك حاط عليا
بقا ساكت كيشوف فيا وياكل وقرب عنقني من خصري قالي فودني شي وحم هادا جاك على كسكسو والحار ولا شنو
ضرباتني الفيقة بقيت كنشوف قدامي ونستوعب ،، رمشت واحد جوجو مرات وقلت ليه نتا هاكا ديما .. صبحت ناعسة !!حاملة.. لقيتني الضيم طايح عليا !! حاملة ! .. تشهيت ناكل ولا نخرج. حتى هي حاملة .. غير تهنا راه الدم قريبة تجي
كحز عليا كينفخ قالي وهاد الدم هادي مابغاتش تميك علينا شوية
قلت ليه واش باغي الاولاد
قالي معلوم باغيك تولدي وشنو مانشوفش ولادك
بقيت كنضحك قلت ليه كل حاجة فوقتها زوينة
تنهد وطأطأ راسو كياكل وحاضيني على داك الحار كيجرها ليا ماباغينيش ناكل داك القدر حتى نرفزني قلت ليه واش كرشك ! خليني مني ليه انا بغيتي يولول ليا فمسارني الى ماشعلش فيا العافية ماتهناش
قالي واضراتني كرشي بلاصتك بزااف نقصي شوية .. من الابزار للسودانية ماعندكش ماكلة طبيعية !
هزيت كتفي قلت ليه حمد لله اللي حيدت الابزار ياك كيدير الحجر فلكلاوي ايوا هاني تهنيت منو عوضتو بالحار
قالي عمرني شفت شي واحد كيجلس ياكل ويحط حداه طبسيل ديال الابزار ويجلس يدردر فيه !! شي طبيعة عندك ماشي عادية خاصك تحيدي منك هاد الطبع الخايب
قلت ليه انا كايجيني عادي .. مابان ليا بو طبع خايب وزيني هاد الطبع ؟
سرح صبعو قالي الابزار .. تلفازة كتهضر فالليل بوحدها حتى يصبح الحال انا مكيدينيش النعاس .. ولا داك الراديو اللي كتحطي فوق راسي كنجي نعس كنقول هاهي غتشعلو !! واخا نقولو هاداك هوا تلفازة ولفناه حتى حنا معاك واخا بلكشايف .. ايوا و الهضرة فالحمام بوحدك ؟؟ معامن كتهضري فاش كتكوني بوحدك؟
بقيت كنشوف فيه بتساؤل قلت ليه مع راسي
قالي قلت ليك ماتبقايش تهضري فالحمام بوحدك شخال من مرة حصلتك كتهضري مع المرايا
قلت ليه مكنردش البال وصافي مرة اخرى نرد البال..خليني نعقل على هاد الحار على هاد كسكسو دابا
حرك ليا راسو قالي الحار.
دور راسو كملت العشا دخلت فيه حتى للقنت بيدي كنكور ونعطي لفمي جاتني بنة اليد احسن من المعلقة وخفت ناخدها عادة نرجع نقفقف قدام العائلة نهار الجمعة ونبغي ناكل بيدي. مشكلة هادي عاوتاني الى ولفتها مايبقاش يدوز ليا بالمعلقة . تعشا معايا ورجع خرج قالك حقا ماحقا عندو شي شغل .. عمرو قالي غادي فلانة واخا انا عندي احساس كيمشي عندهم مكاين لا شغل لا والو . لاكن اللهم الشك ولا اليقين على الاقل كناكل نص دقة ماشي دقة كلها وعطيت التيساع للعاىلة كلها حتى لبنى مابقيتش كنمشي عندها وماكاين لاش صافي ولات لاباس اما رجاء كنشوفها غير نهار الجمعة فالموعضة ومكنقرب ليها مكتقرب ليا .
تكيت كنتسنط للراديو كانو كيهضرو على المرأة وداكشي حتى جاني الثيان نضت كنجري تقييت كاع الكسكسو من نيفي وفمي حتى تخنقو ليا الجعابي وناض ليا قلبي بغيت نسخف بقيت كنحس براسي غنرد معدتي ومسارني وزينب شادة فيا وانا قابلة وجهي فلاشاص حتى سكت القلب للقلب ديالي وعاوناتني رداتني للفراش قالت ليا وياك ما حاملة .. شحال ماقلتي لي نجيب ليك لكينة
حركت ليها راسي بالايحاب قلت ليها الصباح بكري جيبي ليا تيست من لفرمسيان .. هادي الموت ماشي العادة مامولفاش دير ليا هاكا قبل ماتجي
غطاتني وصاوبات ليا كاس ديال لويزة شربتو وكنحس بمعدتي كترعد بغات تردو حتى هوا .. حاولت نتلف باش منتقياش ونعست قبل مانطلع النفس.
نضت الصباح على معدتي عاوتاني فيقاتني التقيك مع التمنية مشيت استفرغت .. راس كيقول ليا البرد ضربني على كسكسو ولا موافقنيش ضرني فكرشي ولا داك الحار خرج عليا .. وعقل اخر كيقول ليا الوحم هادا مافيهش الشك ماشي ضربة البرد ولا الحار . غسلت وجهي وحطيت راسي على الباب كنحس بالنعاس مزال شاد فيا ومامولفاش نوض الصباح بكري مولفة نصبح ناعسة حتى للحداش دخلات عندي زينب لقاتني واقفة وحاطة راسي كنرتاح قالت ليا هاهوا داكشي اللي قلتي ليا نجيب ليك
شديتو ودخلت سديت عليا درت تحليلة دالبولة وانا واقفة كنتسناه دوز وقلبي كيضرب كنشوف داك الخط الاحمر الاول داز وكيزيد قلبي يزدح حتى داز الخط اللي حداه غوز بارد ماباينش كاع بمرة وانا كنشوف فيه بدا لونو ينصاع تدريجيا حتى رجع احمر قاتم بحال الدم ودرت يدي على فمي ضربني واحد الاحساس عمرني حسيت بيه فحياتي كلها ولحضك بحال النشوة تمنيت تتكرر وتعاود . غرغرو عيني وبقيت كنشوف فجنابي مصدومة وخرجت عند زينب لقيتها واقفة كتسناني على اعصابها حتى هي بغات تعرف شفت فيها وحركت ليها راسي وعنقتها كنبكي ونضحك فنفس الوقت بقات تمسح على ضهري قالت ليا مبرووك مبروك ابنتي الله يكمل عليك بلخير .. وشحاااال غادي يفرح الحاج فاش يسمع هاد الخبار وشحال تسناه
شفت فيها قلت ليها لالااا لا ماتقولي ليه والو غيخرم عليا الخدمة ويسد عليا مانشوفش الضر غير وهوا معايا .. اش داير ليا وانا بلا حمل اما الى عرف يعلم الله شنو يدير
دارت يدها على فمها قالت ليا صافي كوني هانيا . هاا ودارت ليا حركة سدات فمها . رجعت اللور فرحانة عارفة راسي هازة شي حاجة فكرشي ومابقيتش بوحدي. وحسيت بواحد التميز على كاع النساء و خبيت التيست يبقا ليا ذكرى نرجع نشوفو ونتذكر ديك اللحضة اللي مشات ليا بلا منصورها ونبقا نعيشها كل مرة لاكن ماشي مشكل .
قعت خبار الحمل خليتو بيني وبين زينب اما ماما خفت نقولها ليها ومتقدرتش تستر وتقولها لبابا ويعيط لعيسى ونتفرش.. كانت عندي حصة ديال السياقة والكود ديك العشية وحاسة براسي غنطيح دوزت الوقت كله نعاس حتى جا عندي عيسى دخل بقا معجب قالي شهاد النعاس حتى لهاد الوقت مغتمشيش اوطو ايكول
قلت ليه فيا ليغيكل مافيا اللي يمشي
قالي جاات!
قلت ليه اه هداتني وجاتني بالردان بحال ديما
جلس حدايا قاليا نجيب ليك شي حاجة تاكليها
قلت ليها انا دابا مشهية شي حاجة باردة حاسة بالصهد عندي فداتي خرج مشا جاب ليا واحد لاطارط باردة ديال لاكلاص كليت منها حوج معلقات وحبست بقا عليا كولي كملي ماقدرتش صافي حيدت الشهوة ديالي منها وحسيتها بردات عليا ورجعت نعست ماعرفتو شنو دار . واش خرج ولا دخل. فقت لعشية بديت كنراجع فبلاصتي الكود وزينب غادية جايا قلت ليها كنحس براسي واكلة لعصا وماعندي خاطر . قالت ليا هادا هوا الوحم كاينة اللي كيدوز عليها خايب الله يدوزو على خير وصافي
هزيت تيليفون دخلت كنقرا على الحمل والوحم تقفت راسي شوية وجمعت معلومات وبديت نقلب على شي حاجة طلع ليا الموال طحت فواحد المأثرة شنوية عايشة فالبادية ديالهم .. عندهم البادية بحال الجنة والخضورية كتفتح الشهية شهاتني فالحياة اللي عايشاها وروتيناتها ونضامهم . كتعمل فيديوهات صامتة فقط اصوات الطبيعة والحركات ديالها اللي كنسمع .. شديتها كنتفرج حسيت بالاسترخاء واستمدت منها الطاقة الاجابية والحماس وهي تللي عاوناتني حتى تجبر خاطري المنكسر وكدفعني باش نوض مواضب على اعمالي واخا مكنقدرش وماشي بخاطري لاكن بدلت مجهود باش عيسى ميشكش فيا ويديني يفحصني وبديت كنحاول نكابر ونوض فاش كيجي .
جلست فالبوسط ديالي فمدرسة التعليم ندوز امتحان تجريبي وكنشوف فدوك الاسئلة ونجاوب عليها وراسي دايخ حتى نعست وانا جالسة حسيت بالمرشدة كتفيقني شفت فيها قالت ليا نعستي!! واش ماشبعتيش نعاس
تبسمت ليها بتعب قلت ليا عيانة شوية وصافي
قالت ليا عينيك داخلين
قلت ليها مع العيا والارهاق وصافي
قالت ليا خاصك تزير راسك غدا عندك الامتحان يالاه باش طلقي يدك شوية فالسياقة
نضت خرجت مشيت لواحد تيرا والشمس كتصمك لقيت قدامي شحال من واحد كيدوز وبقيت واقفة كنتمايل. فاللخر بقيت كنرغب فهادوك اللي قدامي قلت ليهم كنتوحم واقفة بزز خلينوني ندوز وخلاوني طلعت بقا المرشد كيوجهني وانا ساهية وكيتعصب عليا واحد اللحضة عصبني هزيت عليه صبعي قلت ليه ماتغوتش عليا وبقيت كنبكي نزلت درت بناقص بقا كيرغبني قالي غتسقطً ماتسقطي ورجعني قالي هانا غنسكت يالاه ديري اللي بغيتي
طلعت كمنسح خنايني عاودت من الاول طلعتها فوق الطروطوار سكتات ليا وشد راسو جا كيجري. عندي. قالي واش مكتشوفيش .. ها اللي قلنا قلت ليك غتسقطي ، تفقصت بوعت ليه فطموبيل فوق لكراسا وهوا شاد راسو و
خرجت ليه طرطقت عليه وعيطت لعيسى جا عندي لقاني كنبكي قلت ليه ماعرفتش ندخلها فلكاراج كتهرب بيا للجنب قالي يالاه نشوف معاك انا
ركبت معاه وقلبي كيترعد داني لواحد الوسعة خاوية ووقف طموبيل قالي هاديك اللي كتعلمي فيها واش مانوييل ولا أوطوماتيك ؟
قلت ليه مانوييل اشمن اوطوماتيك
كنت بغيت نعطيك هاديك هاد لغشية طلقي. فيها يدك ولاكن هادي اوتوماتيك ماتصلاحش ليك ..
قلت ليه اصلا مابقيتش باغا هاد البيرمي طلع ليا فراسي. تقل ليا كتافي .. شوف. كي دير تشريه ليا بلا منمشي
قالي نعطي زعما الرشوة!!! لالااا لا داكشي ديال الحرام لا غير صبري بقات ليك هاد لعشية دربي فيها على لكاراج
شديت راسي قلبت وجهي قلت ليه ماعندي خاطر
قالي صبري. شوية مابقا قد مافات. ياك اكود حافضاه
قلت ليه حافضاااااه دابا السياقة اللي مخلوعة منها
قالي ديريها فيد الله وصافي بلاتي .
داني فالبلاصة كرا ليا ليا طموبيل حال السيارة فاش كنتعلم وردني للساحة جلس حدايا كيوريني وانا فشلانك حتى بدا كيغوت عليا وتعصبت ماقرتش نشد داك الكراج ورجع كيحاول معايا حتى للطناش ديال الليل .. صبرت حتى ضبرني الصبر وردني للدار طحت نعست ماشفتش جيهتو عيا يتحاك وعيا يرغب ماخليتوش لدرجة وليت كنركل بحال البقرة وانا ناعسة باش يبعد مني فاللخر نعس غضبان وصبح عليا بالاحاديث. ديالو الملائكة تبات كتلعنك. مخاصكش ديري ماخصكش تفعلي وهز شوكتو عليا وقلب وجهه وصلني للامتحان ديال لبيرمي وهوا ساكت وانا قالبة وجهي والدوخة فيا بغيت نتقيا وحابساها وغير شادة جبهتي والحيط اللي بان ليا نميل عليه وشريب الماء بكثرة حتى الماكلة قطعتها مابقيتش كاع كنتشهى ماعرفتش شنو وقع ليا كنت فالبداية دالوحم كنتشهى كسكسو بزاف شوية رجعت كنعيفو. عاوتاني رجعت نتشهى .. شوية مابقيتش كاع كنتشهى وحتى زينب مابقاتش كطيب فالدار وليت كنبغي نشم غير ريحة ساني كروك وجافيل وكاع الناس كنشم فيهم ريحة الزفورية ديال الدجاج بدون اسثناء .
جلست ندوز لكود والراس كيميل ليا بديت غير غنشير فالارقام بلا منفكر وماقادراش ندير مجهود. ومن موراها دوزت السياقة ودرت فضيحك بقات كتمخضني وتسكت ليا وانا الوسط بين طموبيلات وكل كنشوف جنب كنلقا عيسى واقف مخلوع حاضي. معايا وانا كنتنخمض وكنت غندخل فواحد قدامي .. بدا فمي كيجري بالماء وسمحت فالطموبيل وخرجت خليت الباب محلول وماهزيتش فران امان بقات زالقة وكاع ليمونيتور كيجريو عندها وعيسى تابعهم ماعرف يرجع عندي انا اللي كنتقيا ولا يشد طموبيل اللي غادية جهة واحد غتزدحو ولا شنو يدير بقيت كنسمع غير عنداك عنداك عنداك ونضت سخفانة رجعت بحالي بقا عليا شنو وقع ليك مالكي قلبت عليه وجهي قلت ليه خليني غير فحالي انا اصلا ماعندي زهر ماعندي زمر وحياتي عداب مابقيت حاملة حت واحد عطيوني غير التيساع ، رجعت كنبكي عيا يهدن فيا حتى للدار .. طحت نعست ماهزيتش الراس وسديت عليا فمرة قلت ليه ماتبقاش تجي عندي مابغيتش نشوفك كرهتيني فحياتي وسديت عليا البيت ماخليتوش يقرب مني ولا يفوت العتبة حتى جا كيتفتف عليا دخلني بالموعضة والآمال و الدعم وقالي سقطتي فالبيرمي ولاكن يتعاود ماشي شي حاجة اللي ماتعاودش مايبقاش فيك الحال
سقطت على سلامتي وكيقولها ليا حشمان حساب ليه غنتقلق مافراسوش باللي مابقيت باغا لا بيرمي لا خدمة اصلا بغيت نبرا كنحس براسي مريضة والمشكلة الى ضرني غير راسي كنكره حياتي ومايبقا ليا خاطر لحتى حاجة .. حسيت براسي فكتآب وحسيت بنعمة الصحة اللي بلا بيها مايبقا لا خدمة لا حديد لا فلوس لا حتى حاجة وليت باغا غير نرتاح كيفي كيف الناس .. رجعت كنحس براسي مريضة فيا الموت وماعارفاش شنو كيضرني لاكن كنحس بألم كبير لا يمكن تحمله .. وشعري مابقيتش كندوز عليه المشطة وكنكره الدوش والماء يتخوى عليا لاكن فاش كندخل فالبانيو ونستحلاها كنسكن فيه مكنبغيش نخرج .. سكت حتى عييت وانا مكمشة فالفراش سادة عليا بالغطا وهوا عند راسي كيقول ليا يالاه نديك للطبيب نشوفو شنو كيضرك مالك وليتي هاكا
نزيت الكاشة على وجهي وجهي قلت ليه الوحم الوحم الوحم كن حسابني هاكا منحملش
رديت الكاشة على وجهي ومابقيتش سمعت حسو ورجعت هزيتها لقيتو باقي بلاصتو كيشوف فيا ورجعت رديتها بنرفزة جا لسق حدايا كيضحك قالي وباش عرفتيه متأكدة ؟
قلت ليه درت تيست طلع ليا بوزيتيف وماجاتنيش الدم هاد الشهر
قالي وشنو هاديك اللي جاتك ديك المرة
قلت ليه ماشي الدم جات نهار ومشات بحالها
عرا ليا على راسي باسني فجبهتي وقالي نديك احبيبة دوزي ونتبعو عليه باش يمشي كلشي فأمان الله صافي ؟ يالاه نوضي
قلت ليه مافيا اللي ينوض خليني
بقا كيرغب فيا نوضني بزز كنخل عيني بالكشيفة وشعري مخبل واحد تخبيلة تقول دعوة خرجات فيه فكاتو ليا زينب بالزيت وانا كنشد فراسي باغا نعس ليها فيديها وعسيى واقف عليا جبد ليا جلابتي وشربيلي ونضت درت درتي ولبست حوايجي وهزيت نضاضري دالشمس دالكوتشي كيغطيو ليا النص فوجهي وهبطت تلاقيت مع حكوزتي جايا عندي هي ولبنى ، مكان عندي خاطر كاع حتى نسلم وكملها الزين الصافي قالهم مريضة غنديها للطبيب ونرجعو تسناونا فالدار
شفت فيه واحد الشوفة بغيت ناكلو وحتى هما قالو ليا مايكون عندك باس غنجلسو شوية على ماتجي
بقيت كنغلي فبلاصتي وزدت خليتو كيهضر معاهم سبقتو للطموبيل عيطت لزينب قلت ليها ها شكون جايا طرقي البيبان حضي الدار وردي عليا باللي كان ماتديهاش فاكوزينة وتنساي الناس راه الضرة غطلع تجلس
طلع عندي شاف فيا مالقيت منقول ليه وحسيت براسي كنترعد وبوحدو بلا سوالات قالي حشومة نردوهم من الباب مدام وصلو نديرو الواجب ياك
بقيت ساكتة قالبة وجهي ويدي على خدي حتى صونا ليه تيليفون سمعتو جاوب قاليها الو رجاء
ضرت عندو بالزعفة قلت ليه واش هاد رجاء ماتعطينيش التيساع سير اسيدي عندها نتوما بغيتو تسكتو ليا القلب واش انا عاطية تيساع لبنادم وهوا كيقلب عليا شنو بغات مني دابا هادي حتى كتجي عندي عاد كتبدا سرررر فرررر الله يفرفر ليها الدماغ
كان قطع فاش يالاه هزيت صوتي وجلس كيشوف فيا حتى ساليت وطاع واحد الحاجب قالي مغنهضرش معاك دابا على هادشي .. ولاكن مغندوزهاش ليك عقلي عليها
قلت ليه كاع لادوزها ليا دوزني عند با .. والله حتى تديني عند بااا مالي انا ومال هاد الزواج الملاوط مرضني ها لبنى ها رجاء نبقا جالسة شادة الصف شنو غتعطيني اسيدي .. رجعني فحالي ولا نقولها لبا يجي عندي .. لالا غنقولها لو يجي بلاش من تجرجير ديالك. . وهزيت تيليفون حتى كنت غنصوني وحيدو ليا من يدي قالي اش وصلنا لهادشي ابنت الناس ياك ما وصلناك بالعيب اش هاد الهضرة كنسمع حشومة كااع وعيب ترفعي صوتك على راجلك ومكنرفعش عليك صوتي كنعاملك بالحسنى راعي للمعاملة ديالي معاك
قلب وجهه شد عينيه كيستغفر ورجع قالي غير الوحم هادا وماتديش عليا تعصبت شوية … يالاه نمشيو فين كنا غاديين
نترت يدي من يدو قلت ليه ماتديني ما نديك نتا اصلا كدير الفرزيات وانا حمقة تابعاك كنبرر ليك … وبقيت كنبكي من القلب ضار عندي كيسكتني ويواسيني لقيت راسي معنقاه وكنبكي حتى تفشيت وبردت وشربت الماء وكملنا الطريق ساكتين كل شوية يدور عندي يقول ليا واش صافا حتى وصلنا عند الطبيبة طلعت وراسي كيميل جات تقلبتي من لتخت بواحد اللقاط ولا شداك العجب حتى خرجو عيني غوت قلتا ليها حبسي ياختي حبسي غتقتليني ماتوسعيش غنموت
قالت ليا صبري شوية غنشوف ليك عنق الرحم
قلت ليا راه كنحس بيه ففم المعدة وغنتقيااا
شديت فمي خرجاتو بالزربة ونضت درت عليا الكاغيط باش كانت مغطياني زلعت وجهي على لافابو عندها تما بقيت نرد حتى سخفت ورجعت تكيت عطاتني واحد لكينة شربتها قالت ليا كولشي كيدوز من هادشي فالاول غير صبري ان شاء الله يفوت دغيا
قلت ليها مابقيتش قادرة العداب هادا معدتي ختخرج وراسي غيطرطق
بقات كتصبرني ودخلات واحد العين طويلة كتوريني من خلالها الجنين فالشاشة كان صغيور وقالت ليا نعيط لراجلك يشوف معاك
قلت ليها ميبغيش راه متدين بزاف
قالت ليا سوليه عنداك يكون عندو رأي اخر
عيطت ليه كان بيني وبينو ريدو قلت ليه واش تشوف البيبي قالي اه ..واش ندخل ولا شنو؟
قلت ليه غير دخل
بعد داك الريدو بحدر وقرب كيشوف فالشاشة بابتسامة لقاني كنضحك وعيني مغرغرين وشد ليا فيدي بقا كيردد ماشاء الله ومابينش ردة فعله لاكن شفت فعينيه الفرحة والضحكة مخبيها وجبدرتيليفونو صور ديك الشاشة فيديو وقالي هانا تسناي برا وخرج حتى لحقت عليه جلست قدامو لقيتو كيشوف فتيليفون وسرعان ما جمعو دارو فجيبو فاش جات الطبيبة جلسات كتقيد ليا الدويات
رجعت للدار رعيس ماقاه فرحة الضرسة دالعقل كتبان ليه الطريق كلها وهوا يوصي فيا ردي بالك لراسك ردي البال لماكلتك.نقصي من الخفة وحاولي على راسك حتى وصلت . حليت الباب لقيت حماتي ولبنى جالسين فالصالون ومشيت ندير الصواب واخا ماعندو منين يدوز ليا . سلمت عليهم وجلست معاهم انا وعيسى سولاتو الحاجة قالت ليه تعطلتو فن مشيتو
قاليها كنت عند الطبيبة
قالت ليه ياك لاباس
تبسم وقاليها سارة حاملة
حلات عينيها وفمها بالفرحة قالت ليا مبروك والله يكمل بلخير. وفرحات ليا جات عندي عنقاتني اما لبنى ماشفت فعينيها الفرحة حسيت بيها تصدمات ماكانتش متوقعة نحمل وبلعات بزز وقالت ليا الله يكمل بلخير . شافت فعيسى كتنهد وقالت ليه مبروك
تبسم كيشوف فيها بتأمل وقال ليها الله يبارك فيك
. بقيت انا غير كنشوف فيهم بجوج كيشوفو فبعضياتهم بخال الى كيهضرو بعينيهم وخلاوني وسطهم بحال البكمة كنشوف . ناضت لبنى واحد اللحضة بغات تمشي للطوالية ونعت ليها بصبعي مشات ليها وبقيت مع الحاجة شاداني بالهضرة كتسولني على صحتي وحالتي وتلهيت معاها حتى ضرت لقيت عيسى ناض من بلاصتو مابقاش فيها .
بقيت كندور عيني جاني الوسواس ونضت قلت ليها غنخيد جلابتي ونرجع عندك ونضت مشيت كنقلب بعينيا مع لكولوار دزت جنب الطواليط كان الباب محلول مايل شوية سمعت شي حس. وميلت راسي. لقيت عيسى تما معنق لينى وكيمسح على ضهرها وهي كتبكي ومعنقاه بيديها . جيت نطيح على طولي من الصدمة حسيت بيهم من تار اخترق قلبي وشديت فالحيط. مشيت وجيت بلاصتي وتوشويشهم واصل حتى لعندي .. خرجات زينب على غفلة لقاتني شادة فلحيط ووجهي صفر وشدات فيا وصلاتني للبيت طحت طايح مني النص طيحتهم حجر وحتى واحد مسايق ليا خبار ، بكيت حتى طاحو يديها ورجليا تقول بخيت العافية حسيت بضلوعي واكلين لعصا والجهد باش نهز صبعي مشا ليا وطحت على المخدة
بقيت بلاصتي حتى دخلات عكوزتي عندي لقاتني ناعسة وحات سلمات عليا قالت ليا جينا نطلو عليك كنا دايزين من منها .. الحمد لله على سلامتك ودابا عطي الراحة لراسك .. بان عليك الوحم وجهك صفار
عيطات لزينب كتوصيها عليا واقول ليها شنو طيب ليا باش نتقوت شوية ودخلات اثنائها لبنى عندي بلامح شاحبة قالت ليا الله يكمل بلخير بسلامة وخرجو مشاو خلاوني بوحدي حتى دخل عيسى كيضحك معايا غير وصل لفراشي وانا نهجرو ليه خرجت فيه كاع الغدايد قلت ليها فداري وكتعنق وانا فديورهم حتى السلام ماكتقراش عليا
قالي راكي عارفة لبنى مكتولدش وكتأثر ولقيتها كتبكي فالطواليط ماقدتش نقرب ليها راه بقات فيا الله يحسن العوان
قلت ليه الله بحسن العون ليا انا سير بعد مني كنشوفك كنمرض!..رعطيني تيساع ماتورينيش وجهك
تقلق قالي حشومة وعيب وعار هادشي اللي كديري عا رجاء. توحمات وولدات مادارتش هادشي اللي درتي نتي .. حشومة كاع السيدة مكتولدش بقا فيها الحال وجابتها الصدفة واسيناها
قلت ليه سير عندها واسيها وعطيني تيساع ندمت اللي تزوجت بيه خرج بعد مني وماتعاودشً تجي عندي لا نتا لاهما
طلع ليه الدم من كلامي قالي واش نسيتي باللي مزوج ؟؟ نفكرك ؟؟ علاش قبلتي على الزاج من الاساس وكنت قدامك قولي ليا مابغيتش نتزوج لعيب ولعار الى زدت معاك خطوة
قلت ليه حتى دابا طلقني وعطيني براتي وعيط لبابا يجي عندي ندمت ندمت ندمت مابقيتش كنحملك بعد مني مابقيتش باغا نشوف وجهك عيط لبابا يجي عندي
خرج بالزعفة من البيت خلاني كنتهز ونتحط بالبكا بغيت نموت وزينب كتشد فيا ومشا بقيت بوحدي شديت تيليفون عيطت لدارنا كنصوني مجاوبني حتى واحد وعيطت لشيخي كنبكي قلت ليه شوفو ليا شي حل غادي نموت الى بقيت هنا بغيت نرجع لدارنا . تخلع بقا كيسول شنو واقع وانا كنهضر بالزربة ونبكي مافهم مني والو وجا عندي هوا وعكوزتي مخلوعين خرجت عندهم ملوية شال على راسي جلست معاهم كنبكي وقلت ليهم شنو شفت بقاو غير ساكتين وعكوزتي كتحاول تشرح ليا انها مرتو وانا مسكينة.. اما شيخي بقا جالس وكايشوف قدامو عيط لعيسى جابو للدار فالبلاصة .دهل هاز شوكتو لقانا جالسين وقالي شيخي ياك لاباس شنو واقع .. جينا نفرحو بالحمل هرجناه فالبلاصة
قلت ليه انا بغيت نمشي بحالي يرجعني لدارنا والله مانبقا هنايا
قالي شيخي نعلي الشيطان ابنتي الله يهديك راه كاع دزتا من هادشي والشيطان الله ينعلو كيحضر ويشتت الشمل ..نعلي الشيطان
قلت ليه الشيطان هوا بنادم
حل فيا عيسى عينيه مصدوم وهز صبعو قالي بغيتي تمشي.. يالاه زيدي. جمعي حوايجك دابا يالاه نوضي
وقف باه ومو تخلعو بقاو علينا نعلو شيطان راه الوحم راه الحمالة.. وقاليهم. هوا. ماوحم ما حمالة عيييت نهز هاد الهبال بلا والو بغات تمشي الله يعاون ماالنا !! شنو ؟؟ اشرهاد قلة الاحترام واش هاد قلة الاداب .. يالاه سربي راسك هانا لتحت يالاه توصلي
تصدمت بقيت حاطة يدي. على فمي ومانويتهاش فيه رجع كايجري عليا ومارضيتش.. مشيت للبيت كنجري بديت كنجمع حوايجي ونبكي وعكوزتي كتشدني وانا كنجمع ماعرفتش شنو جمعت وشنو خليت وهزيت باليزتي خرجت لقتو هوا وباه برا كيهضرو .. تنهد شيخي بقا كيذكر الله وقالينا نعلو الشيطان اما عيسى رجع اللور حل الكوفر وهز ليا الباليزة دارتها تما وسدو قاليهم ماديروش فخاطركم .. كنمشيو بمكتاب الله سوا بغينا ولا كرهنا
بقاو غير كيشوفو فينا وحتا غاديين ماسكتش من البكا حتى نعست ، وفاش فقت حليت عيني لقيت حدايا قرعة دالماء وشي سقاطة قلبت عليهم وجههي وسكت هزيت خنافري كنتسنا نوصل .
وقفات السيارة قدام باب الدار ونزلت سبقتو كندقرخلات ليا ماما الباب لقاتني وحلات يديها بالفرحة بغات تعنقني لاكن طحت عليها بالبكا بقات مخلوعة كتسول شنو واقع وسلمات على عيسى تبسم ليها كيسول على الاحوال وسول غلى بابا قالت ليه راه فالجامع دخل مرحبا
قاليها شكرا انا غنمشي نشوفو تما ورجع خرج ليا الباليزة ومشا بقيت مع ماما كنبكي ونشكي خرجت ما فقلبي كامل .. ماعرفات تفرح ليا ولا تندب عليا .. كتلومني حيت حملت وكترجع تنعل شيطان وانا غير جالسة وكنشوف فنقطة وحدة نشفت من الدموع وطحت على ناموسيتي نعست
فقت على قرار اسود فحياتي من بعد ما صافي قلت تزوجت وبديت حياة اخرى وواليديا راضيين عليا خرج موضوع الطلاق من الجنب فجأة! شكون اللي طلبو ؟ واش انا ولا هوا ولا شنو اللي وقع بالضبط فعاد النقطة بالدات حتى واحد ماقال الطلاق لاكن جا بلا عراضة وتسلل لزواجنا وسكت كولشي ..وبابا وماما والعائلة كلها .. مالاموني ما لاموه ومارضيتش نتراجع واللي سولني كنسكتو بمسألة التعدد وكيسكت .. مشادات وحوارات لا جدوى منها وليت كنمل ندخل فيها وفالاخير النتيجة واضحة .. انا اقتنعت بفكرة الطلاق والفراق وهوا كذلك بقا على قراره نقبل التعدد ومانرفعش عليه صوتي وانا مارضيتش بالدل. وبقينا جبد مني نجبد منك والعاىلة كدخل بخيط ابيض وزدت تشبت بقراري فاش وصلني الرد دالكونكور انني نجحت ومع بداية السنة غنبدا بحال سطاج لاكن بالصالير ديالي مأي استاذ جامعي . شفت ان مليون وستين اللي غدوز ليا كافياني ماتخليني نمد يدي لحتى واحد وقررت نطلق ونخرج من السجن اللي انا فيه .
كانت قدامي ثلاتة اشهر ديال الصيف كلها باش نبدا العمل ديالي اللي جا فوقته خفف عليا شوية من العذاب اللي كنعيشو ومن ضغوطات الحياة وضغط بابا اللي كيطلب مني نتراجع لاكن انا قررت قرار لا رجعة فيه ودرت قدامي طريق واحد .. يا إما نكون كنا بغيت نكون او الموت احسن ليا وحتى قلبي تحجر حسيت براسي ماشي نفس سارة اللي كانت فدار باها قبل الزواج .. مشات سارة وجات وحدة اخرى عندها تجارب قواو من شخصيتها ولو شوية على الاقل رجعت كنقدر نهضر على حقي فحضور بابا وبالصدفة سمعني كنقول لماما وانا على حافة الطلاق
هوا اللي لاحني لداك الزواج بغا يتناسب مع ناس مزيانين وانا خلاني مني للضراير كناكل الدق بلا رضايا .. الى ماسمحتش ليه على هادشي اللي دار فيا عمر ربي يسمح ليه
قلتها فلحضة غضب وميت نعست حتى حسيت بيد تحطات عليا ونضت مخلوعة لقيت بابا حدايا جال وكيبكي !! تصدمت ونضت جلست كنشوف فيه ماقدرتش نتيق حساب ليا غير كنحلم فالاول .. بقا ساكت مطولا وقالي انا عمرني بغيت ليك المضرة ..عمرني بغيت ليك الشر بغيت ليك غير الخير ولاكن كنت كنشوف هاد الخير من الجهة ديالي انا ماشي من الجهة ديالك نتي.
بقيت كنبكي معاه ماقدرتش نشوفو كيبكي وعنقتو طلب مني السماحة وطلبتها منو ودوزنا الليلة فالرقية والقرآن وتسامحنا وخلا ليا الحرية قالي هانتي كبرتي وقريتي مابقيتيش صغيرة نتي تعرفي المصلاحة ديالك
قلت ليه مصلاحتي فالخدمة .. بغيت صالير يبقا ليا مللي نكبر ونشرف والو دار الزمان وما جا لبنتي حتى حاجة فحقها باش غتعيش
قالي نتي تعرفي مصلاحتك غير خافي من الله ماتغلطيش
ناض من حدايا كيتنهد خرج ونضت من موراه غادية للطواليط وسمعتو يقول لماما
بغات تخدم ..
قالت ليه ياك قلتي ليها لا
قاليها خليها تخدم .. قالت لي واحد الهضرة عندها فيها الحق .. الراجل مامضمونش غدا يلوحها هادا وبعدو يلوحها لاخر اش غتلقا من غير الخدمة ديالها تهزها .. الوقت كتصعاب ومابقا لينا فالدنيا قدما فات .. حتى الى مالقاتش راجل يهزها تلقا دراعها
ابتسمت ورجعت لفراشي فرحانة عاد حسيت بالراحة فدار با ومابقيتش مزيرة كما كنت .. نضت بالفرحة كنجبد الاوراق ديالي نوجدهم قدامي واخا باقي عليا الحال وطاحت الورقة ديال الطلاق من بين دوك الاوراق .. هزيتها بقيت كنشوف فيها حسيت بالجرح كيتحل ورجعت طويتها وخشيتها مع الاوراق وبدلت الثلوت اللي قاصني بأوراق الخدمة وصبحت انسانة متفائلة … كن حسابني غندوز من هاد الطريق كلها باش بابا يقبل نخدم كنت غنصبر عليها ومانديرش فيها راسي. لاكن كان سبب والحمد لله كولشي يهون .. ماكيتسد باب حتى كيتحلو ابواب ..
صبحات ماما حتى هي راشقة ليها عاطياني بالضهر فلكوزينة وشادة الضحكة ، قلت ليها غير ضحكي مالكي حابساها
قالت ليا باك خلاك تخدمي
زدت فرحت فاش سمعتها من فمها وعنقتها قالت ليا هادشي. اللي بغيت ليك ابنتي .. ماخلاونيش انا والدينا نقرا تمنيت نشوف بناتي واصلين وناجحين .. بردات كيتي من داك الطلاق بعدا
قلت ليها حتى انا .. تقولي تخوا عليا الماء بارد
قالت ليا مابقيتش حاملة نتفكر داك تحرجير وتمارة والقيل والقال .. يخخ
قلت ليها عادي… الطلاق راه ماشي بالضارورة يكون عندو سبب .. الى ماكانتش المفاهمة صافي اللع يعاون ا
لحت ورايا الاوراق اليابسة وحليت عيني استعدادا لفصل جديد من حياتي.. والاهم ان واليديا راضيين عليا هادا هوا الهدف من كولشي .. ماكنتش نقدر نخدم وواليديا مقلقين وماراضيينش .. لاكن أملي فالله كبير وكندعي الله دائما يخليني تحت طاعتهم ويعاوني عليهم والحمد لله ربي ماخيبنيش وماكنتش كنحلم انه الامام علي شخصيا اللي يتضرب بيه المثل ويتضربً ليه الحساب يخليني نخدم ويحملني مسؤوليتي .. واخا واجهاتو العائلة ووقفو ولاد عمي بغاو زعما يتزوجو بيا باش مانبقاش بايرة وفكرشي بنية لاكن تصدهم بقدرة الله تعالى واخا كنت خايفة يأثرو عليه لاكن الحمد لله ماقصرتش فصلاتي وفدعائي. وربي وقف معايا وصبرني على الوحم اللي دوزت فديك الثلت اشهر كحل وجا فالوقت ديال الفراق وماكانش بابا كيبغي يضغط عليا ويمرضي ومن عند الله نزل عليه البرود سكت حتى لقيت راسي مطلقة !! تقول دازت سحابة نعسات كولشي عاد فقنا على الواقع لقينا كولشي تبدل وكولشي تغير .
دخل مور لعشا كالعادة للدار وجبد ليا ورقة من الجيب ديالو قالي جاتك من الوزارة دالتعليم شوفي ديالاش
حليتها بسرعة لقيت فيها مدينةسلا واسم الكلية اللي غنمشي ليها . تصدمت كنت متوقعة فاس ولا الناضور لاكن صفاريت بقيت كنشوف فيها خفت بابا يرفض ليا وماعندي حتى حل من غير الانتقال ديالي لسلا والعيش تما وانا عندي ثلاتة اشهر كفاش غندير .. حتى ختي اللي تما فالرباط ماتقدرتش تهزني وتبقا مقابلاني وواخا تبغي انا منقبلش .
جلست فوق السداري مصدومة قلتها لبابا وجلس حتى هوا كيشوف قدامو فصمت .. شنو الحل؟؟ ماعندي حتى حل من غير نمشي لسلا بوحدي ..
رفض بابا المشية ديالي وعرفتو غيرفضها ماشي شي حاجة جديدة لاكن طمنني قالي غادي نشوفو كفاش نديرو .. المشكلة لو كنتي بالراجل كنتي ديري الالتحاق بيه ولاكن دابا ماعندك حل بلحق غنشوفو الى لقينا كي نديرو
حسيت بكتافي طاحو وقلت الامل مشا فالخدمة ونص الطريق اللي ضربت كلها غتمشي فالزيرو .
جلست على سجادتي ومعدتي طايبة بالردان باقي خاطري كيتروع وماعندي كانة ومريضة لاكن ماشي كنا الاول خفافو نص المعانات .. هزيت يدي كندعي ونبكي ونطلب ربي يوقف معايا حتى لاخر درج فحياتي ونعست مهلوكة وصبحت عند الطبيبة كنتبع على الحمل ومن تحليلة لتحليلة عيييت سيمانة وانا كنجري وحتى اتصالي بعيسى تقطع فمرة وبدلت النمرة بقا الاتصال بينو وبين بابا .
دداز تقريبا شهر من بعد ما وصلني التعيين وشهر كامل وحنا كنقلبو على حل بلا نتيجة وشهر وانا هازة الهم حتى جاني الفرج ، الفرج اللي جا من عند الله عن طريق الانسان اللي عمرني تخيلتو يعاوني .
انه عيسى …
عيط ليا بابا وانا كنجمع حوايجي نمشي لسلا ونطوي ونرتب ونشوف شنو نديروشنو نخلي وعاد نمشي نبدا الدار فين نسكن حتى كان الرد كالتالي
الو بابا
بابا: راه عاد عيط ليا الحاج عيسى قالي صافي خليها تبقا فالناضرو مغتمشيش لسلا راه هضر مع شي ناس غادي يبدلو بينك وبين واحد المرى نتي تبقاي فالناضور وهي تمشي لسلا ساكنة غير قريب منها
الله على خبر شحال زوين اول مرة نسمع شي خبر كيفرح من بعد ازمة الطلاق اللي كتمر منها اي مطلقة ، رديت حوايجي بلاصتهم فين كانو وخليت بابا يقاد ليا الامور ديالي .. عرفت ان قيمة المعارف فهاد فبلادنا اكثر من قيمة الشواهد او حتى لفلوس .. واخا عندي لفلوس لاكن لمن غنعطي باش يفك ليا حريرتي .. فين غنمشي وفين غنجي ومعامن نهضر وشكون يخليك دوز اصلا باش تهضر !!وصعيبة بزاف ساهلة غير بالهضرة .. تيليفون واحد لمعارفم يهزوك من الكوديفرار يحطو فوزارة المالية حدا الوزير خصك غير الرمز السري وهانتا تما .
اول مرة نفرح بمعرفتي بعيسى ومانندمش عليها حيت واخا الطلاق وجودو فحياتي مهم بزاف ليا ولبنتي فالمستقبل وحتى لعائلتي .. هادشي علاش خليت العلاقة بيناتنا مزيانة ماخرجناش للعيب وطلقنا بالتراضي مابززت عليه مابزز عليا واخا قالي فكري قبل ماتقرري ..هادي هي الكلمة اللي خسر عليا وعطاني حريتي وتفارقنا باللتي هي احسن وحتى علاقته مع بابا بقات كما هي وعلاقتي مع يسرى والعائلة بقات مزيانة لان اسباب الطلاق بعيدة على العائلة وهما حاولو الصلح وحاولو يجمعو بيناتنا لاكن مابغيتش والو رجعت غنمرض ونركب الاعصاب فبنتي ونبقا نرفع صوتي عليه ديما وهوا مكيتافهمش فهاد النقطة . فكرت ولقيت ان الاختيار الانسب هوا الطلاق .
اليوم الاول ليا فالكلية .. وصلني بابا كن لابسة كسوة انيقة ديال الحوامل حيت كرشي بانت ودايرة الحجاب ديالي ومكياج خفيف. فقط باش نخفي التعب والارهاق .. مشيت نتعرف على البروطوكول ديال الخدمة ونتعرف على الدكاترة وتجمعنا فاجتماع كبير افتتحنا السنة الدراسية بحفلة بسيطة واخا تغيبو عليها الكثير من الدكاترة ، تعرفت على البروفيسور اللي غنبدا معاه مسيرتي كان راجل ستيني اببيض الشعر في قمة الرقي والفخامة في الحوار .. بقيتا كنتاقشو عدة مواضيع وانا جد متحمسة وكنعيش احساس من اجمل الاحاسيس .. حسيت بثمار مجهوداتي. وحسيت بالفخر من نفسي وانا وسط شخصيات مهمة كانو حاضرين معانا وفيوم من الايام نتجمعو مع وزير التعليم ونتعرف على ابرز الاسماء اللي كنت كنسمع بيها من بعيد . انتعاش وتجبر بالخاطر حسيت بيه ووصلتو لبنتي حسيت بيها كتركلني مابغاتش تحبس من الحركة وانا جالسة مع الناس ومنهم اللي كيدعي معايا نتفك على خير .. كنت اصغر وحدة من بين النساء والرجال لدرجة انها غلطات فيا وخدة قالت ليا واش طالبة ؟ حتى قالها واحد دكتور لا راه تبارك الله بروف جديدة
الطريقة باش قالها بعتات ليا الفخر غرقت فمداق وحلاوة النجاح اللي خدمت عليه سنين كلها وتمتعت بيه فداك الوقت اللي دوزت معاهم وماسخيتش نرجع بحالي .. خرجت لقيت بابا ولد عمي بالسيارة كايتسناني يردني غير ركبت حداه بقا عليا. واهانتي قريتي وتخرجتي اشنو دابا غاتستافدي ؟؟ تبقاي غادية جايا مع هاد الطريق. وقراناتك معمرين ديورهم ودايرين الدراري
بقيت غير كنشوف فيه بنص عين قلت ليه فخاطري سكت سكت. كن كنتي فين كنت انا وهضرتي معامن هضرت انا ودارو ليك قيمة كما داروها ليا تنحر راسك وماتقولش هاد الهضرة
رجعت للدار حطني ونزلت طلعت بحالي عنقت ماما وجلست كنعاود ليها على الاحداث وهي كتشوف فيا كنحس بالسعادة كتدخل لقلبها .. خليتها ومشيت نرتاح نستاعد لحياتي الجديدة اللي نساتني فهمومي وحزني ولولا خدمتي لاكنت تبخرت بالبكا والهم والكآبة .. كنتخيل اش داز عليا كنمرض. كنت كنقول موحال تشرق الشمس لاكن الحمد لله بفضل الله سبحانه وتعالى تسكدات ايامي واصبحت استاذة جامعية كل همي هوا الوقفة ديالي قدام الطلبة ومكانتي فالمجتمع اللي خلات خواتاتي يفتاخرو بيا وغيرات نضرة بابا للخدمة ديالي لانه محتارمة راسي وفارضة الاحترام على من حولي وطريقي واضحة مكنبدلهاش . من الكلية للدار ومن الدار للكلية وتدريجيا بديت نتعود والاهون انني ماهازاش المسؤولية بوحدي وإنما مساعدة ومتدربة قايمة بواجبها واخا بديت كنتهاون بزاف فالايام الاخيرة مابقيتش كنمشي وكنغيب ونحط فالشواهد الطبية حتى جلست فمرة وخديت عطلة استعدادا ليوم الولادة .
بالفرحة والسرور خرجت انا وماما شادة فيها وكرشي قدامي كنحس بيها غطيح .. شهري هادا وبديت التحضيرات ماخليت ماشريت لبنتي صاوبت ليها بلاصتها حدا ناموسيتي فدار بابا وداري خليتها للكرا بالنهار وجبت بيت النعاس ديالي لبيتي اللي فدارنا وكاع الاتات الغالي حولته لدارنا وخليت غير اللي يختاج الكاري وتهنيت . وجدت البيت وحطيت شانطتي فوق الناموسية استعدادا للولادة القصيرية. لان الفحوصات وضحات انني منقدرش نولد عادي واخا ماكرهتش لاكن الخير فينا اختاره الله .
هزيت باليزتي ومشيت مع ماما وبابا للكلينيك كنت لابسة سروال سورفيت رطب تيشورط وفوقها بوليرو طويل هابط وبانطوفة وكنمشي بزز ولايحة الشال على راسي. ماقادراش نجمعو بكثرة ماتخنقت وما قتلني الصهد .
فاجأني وجود عيسى تما وحسيت بقلبي ضرب بقوة فاش شفتو من بعيد كيسلم على بابا وكيهضر معاه .. قربنا ليه وتلفت عندنا ..كما خليتو باقي ماتبدلات فيه حتى حاجة .. بلعكس كيبان ليا زوين وشخصية ومزال كنحتارمو واخا مدة ما صادفتو من نهار طلقنا ..وفارض عليا الاحترام غير شافنا طأطأ راسو تبسم وقالي السلام .. لباس كولشي مزيان
حركت ليه راسي حشمت قدام بابا ومامديتش ليه يدي وحتى هوا مامدهاش رديت عليه قلت الحمد لله الحاجة والحاجة لباس عليهم
قالي الحمد كيسلمو عليك
تبسمت والفت عند ماما كيسول عليها ويهضر معاها ودخلت للغرفة اللي غنفتح فيها تما شداتني الخلعة لقيت راسي بوحدي
جلست كنعيش لحضاتي الاولى من العملية القيصرية ونعست كنتسنى على احر من الجمر نشوف بنتي .. ماهي الا لحضات حتى حسيت بكرشي كتنفض وسمعت صوت نخصصة وبغيت نهز راسي لاكن قالت ليا الممرضة اللي كانت تتكلم معايا حدا راسي متحركيش
حشيت بالبكية قلت ليها بغين نشوف
قالت ليا هاهما غيجيبوها ليك صبري يقطعو الحبل اللي بيناتكم
جمعت شفاهي وقلبي كيترعد كنتسنى على احر من الجمر نشوفها وكنسمع نخصصة متقطعة بصوت ضعيف قلت مع راسي علاش مكتبكيش واش مكتقدرش تبكي؟؟ واش جهدها ضعيف !!
تخلعت وانا كنفكر حتى جابوها ليا حدا وجهي نشوفها كانت متكتلة فوجهها وفمها ازرق ومطيبزة وبياضها ناصع وعيونها مبطنين خيط واحد طويل وشعرها اشقر مكيبانش بزاف .. حطوها ليا حدا وجهي كنبوسها وهي كتشدني من نيفي والنخصات كيخرجو من فمها وكتفوه وفجأة حلات عيونها لمحت فرمشة عين لونهم الازرق الفاتح وبياضهم الناصع وبسرعة رجعات سداتهم .. احساس ليس له مثيل عطيتها عطيتها حياتي وحبي واحساسي فور نا شفتها حسيت كأنني انا من ولدت من جديد .. كأنني انا اللي يالاه خرجت للدنيا .. واعدتها فودنها من بين نخضات صوتي انني نفذيها بعمري وحياتي ونجتاهد باش تنجح ونتعب باش ترتاح و نسهر باش تنعس ونصبر باش تتهنا وتعيش حياة افضل من اللي عشت انا .. حسيت براسي تعطات ليا فرصة ثانية للحياة وكأن حياتي عاد غتبدا من جديد خصوصا وان ابنتي تشهبني وماشبهات لحتى واحد من غيري .. خدات من شعري وعيوني واصابع اقدامي ولون بشرتي والباقي ان شاء الله غيكون حتى هوا كيشبهني وكأنني انا .
حلمتها بين دراعي من بعد معانات مع ألم ما بعد العملية لاكن فور ما شديتها فغرفتي وانا مجهزة نفسي فأبهى حلتي باش نشدها فيدي .. لابسة ملابس المرضعات فالداخل وبينوار بسروالو وشال على راسي وغرفتي مزينة بالورد واصل حتى للكولوار وبوفي من اطيب الحلويات والديكورات عليه اسم جنة .. جنتي فوق الارض وسميتها بنفسي وحضنتها بين دراعي من بعد ما دخلها ليا عيسى وهوا حاملها فيدو فرحان بيها لابسة انعم الملابس ومحطوطة فانعم غطاء.
نساتني ريحتها فرائحة المستشفى و الجو ديالو ونساني صوتها فاوجاع العملية وضمتها خلاتني ننسا العاىلة المحيطة بيا وركزت فقط مع بنتي . مع الملاك الطاهر اللي نعم عليا بيه الله وواعدتها نحطها فعيوني ونضحي بالغالي والنفيس على قبلها
تهدنت حسيت بالهدنة والسكينة اللي فتاقدتها شحال هادي وشفت بابا و هوا فرحان بيها كيأذن ليها وماما هازاها وتمسح ليها كأنهم هما اللي ولدو ماشي انا .. الرعاية والاهتمام اللي فتو من عندهم عمرني تخيلتو او قلت فخاطري غيهتمو ببنتي بهاد الشكل ويتناوبو على الجلوس حداها. وحاضيين القشة اللي فالهواء لا دوز حداها . اما عيسى من الساعة اللي دخل فيها للبيت وهوا وهوا جالس حداها بابتسامة ساهي فيها وكيقاد ليا الفوطة خدا فمها ومن حين لآخر كنلمحو ساهي كيشوف فيا حتى انا بلا ميحس بيها وكنشوفو غير كيتنهد ويرمش فالارض .
زارتني عائلتي وبنات عائلتي وشحال ضحكت عليهم فاش كيبداو يسلمو ويوصلو حتى لعندو يمدو يديهم وكيحرك ليهم راسو وكيرجعو بوجههم احمر عندي كيتسائلو واش مكيسلمش !! ضحكوني وحشمت نقول ليهم راه حتى انا مكنسلمش عليه باش ماتبقاش كطلع فيهم وتهبط ورجعت درت بناقص ، دخلات عندي فجأة عكوزتي وشيخي ومعاهم يسرى يالاه وصلو من فاس عمرو عليا الغرفة وجاو عنديسلمو عليا وباركو ليا وفرحو ببنتي وحطو ليها اللويز حدا حوايجها وبداو يفرحو وانا ملهية معاهم حتى شفت عيسى ناض دار يدو فجيبو جبد شي حاجة وجا حدايا حط لويزة لبنتي على غطاها وحل علبة حمراء فيها لويزة كبيرة حدا الهدايا الثمينة اللي جاتني واللي محطوطة دا راسي ورجع دار يدو فجيبو مشا قف حدا مو اللي كانت هازة بنتي فيدها وشيخي كيأذن ليها ويقرا ليها القرآن ووقف كيتأمل مطولا وتنهد هز راسو خرج من الغرفة .. هزيت ديك اللويزة فيدي لقيت عليها نقش. واسطر مكتوبة عليهم
اللهم بارك لنا في ذريتنا كما باركت لإبراهيم عليه السلام، وصبر امها عليها ، واجعلها برداً وسلاماً عليها كما جعلت النار برداً وسلاماً على إبراهيم عليه السلام وانزع الشيطان مما بيننا.
بقيت غير كنشوف ونحلل ونناقش مع راسي ين السطور شنو بغا يقصد بالسطر الاخير لاكن مافهمت المعنى وماصدعتش معاه راسي. .. بنتي شغلاتني وخدات ليا وقتي كله وترتيبات السبوع ديالها شطنوني .. واخا بابا رفض ندير عقيقة كبيرة لاكن انا فرحانة ببنتي بغيت نشارك فرحتي مع الناس اللي كيبغيوني ونزيد نتخشع اكثر ونفرح براسي حيت هاد السبوع بالنسبة ليا حفلة لبداية حياة جديدة فعلاش لا منفرحش بيها ؟. فرحت بيها واكثر ودرت السبوع فالقاعة كبير عزلت النسا على الرجال وحضرو اهلي وحبابي وحباب عيسى باستثناء الضرات طبعا وعرضت على بعض الدكاترة اللي مهمين فالكلية وعزلنا الرجال على لعيالات وطلعت فالعمارية وتنكفت بحال الى كنعاود العرس وكنضحك من قلبي وفرحانة ومن العمارية كنشوف شي ناس من عائلتنا ماقدرو حتى يسفقو غير جالسين وكيتنهدو ومعجبين فيا وكل شوية نحسي بيهم كيتنهدو ويقولو لا حولة ولا قوة الا بالله .. ضحكت عليهم حتى شبعت. عرفتهم مساكن هازين الهم بلاصتي يعلم الله اش كيقولو مور ضهري . حشمو يضحكو واقيلا خافو نقول ليهم علاش فرحانين ولا مانعرف مافهمتش شي ناس كفاش كتفكر ولاكن الحمد لله جاب ليا الله علامن نضحك .
جلست فالبرزة وعطيت بنتي لماما داتها وبداو الناس كيجيو يتصورو معايا وخواتاتي كيدورو بيا ودايخين غير مع ولادهم . جلسات حدايا من دوك المنافقات وحدة تتصور وقالت ليا ايوا الله يهدي النفوس راه عندك دابا بنت صبري عليها
قلت ليها شكرا صبري غير نتي عليا حيت مزال غتسناي شحال
مشات وجات جلسات حدايا وحدة حتى هي وقالت ليا الرجال فهاد الوقت قلالو شدي فالراجل
قلت ليها شكرا اختي ..زوجيه بنتك حيت كاين غير هوا ولا تبقا لك بايرة
مشات وجات وحدة اخرى. تصورات. وقالت ليا مبروك هاكا نعاودوها فشي عراسية اخرى
قلت ليها مغنعرضش عليك سمحي ليا
مشات وبقيت كنضحك حتى شبعت وشطحت وتقول وا شي وحدة فيهم شطحات ولا ناضت زعما حازنين ليك الله ينعل اللي مايحشم . وحتى انا مابقيتش كنحشم اللي كنت كنقولو فخاطري ونحشم نخرجو رجعت كنقولو فالوجه . بابات بنتي عليا بالاحترام والوقار وانا عليه بالاحترام والوقار والزواج اخر حاجة كنفكر فيها وباقا صغيرة مازرباناش حتى ندير ربعين عام كاع ونبدا قصة ناضجة علاش لا كيقولو حب الربعينات مكاينش ماحسن منو .. نكون خاترة و نتعرف على شي خاتر كثر مني شكون عرف
سبحان الخالق سبحانه وتعالى .. واخا نعيا نوصف ونعيا نعبر منقدرش نوصف فرحتي واحساسي بعد الولادة .. بين ليلة وضحاها تمحو كل العقد النفسية اللي كنت كنعاني منها .. ماكنتش كنعرف انعا عقد. .. او انه شيء غير طبيعي واخا كان معدبين ليا نفسيتتي من قبل .. لاكن بعد ما شديت بنتي فيدي .. تبدل الحب او مفهوم الحب بالنسبة ليا .. تبدل القلب بصفة عامة وتبدلت بكل ما احمله من مشاعر راحاسيس و توقعات .. عندنا قلت انني ولدت من جديد..فعلا ولدت من جديد. ونسيت واش كانو عندي عقد حتى انا جلست بيني وبين راسي كنتأمل فعزلة عن الناس وفمكان هادئ كيشوف فالطبيعة فمقهى مريح .. تذكرت فجأة المشاعر والعقد اللي كنت كنعاني منها ولقيتها نزاحت من الجدور بالرغم من انها كبرات معايا وكان ليها عليا وقع كبير .. فجاة اصبحت خالية من المشاعر السلبية والعقد النفسية .. لربما ربي. سبحانه وتعالى رأف بيا وبحالي اللي كنت يحسابني انه عادي. .. بغا يحررني ويرحني بلا مندير مجهود .. ونعم عليا بديك البنية اللي جابتني معاها لعاد الدنيا من جديد وخلاتني نشوف الحياة كما هي وعلى حقيقتها بلا اوهام و لاكن نشوفها من الجانب المشرق ،. تزاد عندي خاطر اكثر روجعت مسالمة اكثر من قبل ومتفاهمة وكنمشي مع السياق ومكنبغيش الجدل وكنمشي مع السياق سواء كان على صواب او على خطأ … سهالت حياتي وخليت الجدال والنقاش للناس . مابقيتش كنهتم .. ولا يهمني شيء غير راحة بالي .. ربما نضجت واصحبت اكثر نضجا وكنفهم الحياة بالشكل الصحيح .. وبديت كنحس براسي نضجت وارتاحيت فهاد النضج اللي من غيرو. ماعرفتش كفاش كنت كنسير حياتي من قبل وكفاش كنت عايشة بعقلي وتفكير سابقا !!! لاكن لا يهم .. لا يهم ما عشت فالماضي. او كيف كنت اعيش .. الاهم انني كيف اعيش الحاضر وكيف سأعيش المستقبل..
حطيت كاسي ديال القهوى ورجعت للكلية سايقة سيارتي الصغيرة الجميلة اللي خديت ومابقيتش معولة على شكرن يوصلني وشكون يرجعني.. كانت عندي محاضرة فديك العشية وكالعادة دخلت بكامل اناقتي كنا معروف عليا فالكلية . لابسة سروال توب وحداء بكعب عالي وفيست انيقة بيضاء وسوميجة فالسومو بارد من لداخل والحجاب ديالي طبعا ومكياج خفيف .
لقيت عامرة وبحال ديما بعض الاغبياء اللي عندي كيدخلو غير باش بستافزوني ويضحكو ويعكرو ليا مزاجي . لاكن انا .. كنت سارة اللي كنت باغا .. ماشي اللي صنع المجتمع والتقاليد والاعراف. جلست كنشوف فالقاعة قبل مانبدا المحاضرة وكنسمع بعض الالفاظ وزعامة خاوية من عند واحد كان كيبغي يبين لصحابه انه مكيحشمش ومكيخافش حيت كلهم سكتو فاش بقيت كنحدق فيهم . تسنيتو يحشم وعطيتو فرصة قبل مانبدا لاكن تمادا وهزيت ليه صبعي كلمتو فالميكرو وماعارفاش حتى سميتو شرت ليه بصبعي قلت ليه نتا .. خرج
شاف وراه قالي انا؟
قلت ليه اه نتا !! خرج لبرا
قالي علاش الزين ؟؟ بغيت نقول علاش ادكتورة
قلت ليه مانعاودش معاك الكلمة .. غتخرج ولا نقدم بلاغ بالتحرش يالاه ختار
قالي حيت داك راجلك ولا طليقك يدو طويلة داكشي علاش تايقة فراسك
قلت ليه يبهدوء وبرودة يالاه خرج وسير قوليهم هاد الهضرة
هز حوايجو تم غادي وكيشوف فيا حتى خرج وجلست قلت ليهم اللي مافيه ما يحضر وغيبقا غير يهضر يخرج يالاه .
بقا كولشي كيشوف بانو ليا دارو عقلهم حيت اول مرة فاش بديت دارو ليا حالة وكنت كنجلس ونخليهم يديرو ما بغاو حتى كيسالي وقتي ونخرج وبقاو على داك الحال ماشافو مني حتى رد فعل ورجعو كيقولو واش حنا جينا نقراو ولا نشوفو فيك . كنت جاوبتهم وقلت ليهم. قلت حتى نطلع ليكم فالراس بالشوفان باش تعرفو تركزو معايا
نهار على نهار بديت نتعود على حياتي كاستاذة ماشي طالبة .. فرق كبير جاتني صعوبة فالاول ومع الوقت تعودت وكنمشي نأدي الواجب ديالي ونرجع بحالي وعلاقتي مع زملائي فالكلية محتارمة وعمر شي. واحد تجرأ يتمادا معايا ولو بكلمة .
حتى لواحد النهار من أيامي العادية نهيت الحصة ديالي وخرجت كنتكلم انا وصديقتي على مأثمر كنا حضرتنا فيه ووقف علينا دكتورة من الدكاترة اللي عندهم اقدمية .. كان اربعيني طويل القامة رشعر راسو خفيف شوية لاكن راقي فالتعامل وراقي فالكلام وراقي فالهندام ديالو .. إنه ياسين . رجل ارمل عندو حقو من الزين وعندو ابتسامة لطالما كانت كتعجبني ورجل جد محترم كنت دائما كنلاحظ اهتمامه الزايد ليا من دون البقية وكنلاحظ نضراته المسروقة مني وعمرني بينت ليه انني ملاحضة شي حاجة او فتحت ليه المجال ..
مد لينا يديه باحترام سلم علينا ولقاني غادي نغادر الكلية ووقفني قالي مدام سارة .. الى كان ممكن نهضر معاك فواحد الموضوع
ابتسمت حسيت بيه غيخرج من المواضيع العملية وقلت ليه تفضل كنسمعك
قالي الموضوع شخصي. الى كان ممكن نهضرو فيه على برا
بقيت ساكتة كنفكر ونشوف مع راسي. .. واش نعطي راسي. فرصة ؟ .. واش مستاعدة نعطي راسي فرصة ولا نحدها هنا بلا مانمشي بعيد الى ماكنتش غنكمل .
قلت ليه ياك ماكاين باس
ابتسم وقالي خير ان شاء.
قلت ليه الله يجعله خير
خرجت لسيارتي ركبت فيها وكانت عندو هوا سيارة جاكوار كحلة ركب فيها كان كيبان شخصية وتقيل لدرجة انه كيحرك المقود بواحد الرزانة والتقالة عمرني شفتها .. مهتم بالشكل دياله وريحته زوينة ودواق كان لابس قميجة فالشيبي محررها من اليدين والكول وسروال ازرق بلو مارين بالسمطة وحداء كلاسيكي . دارنضارات شمسية ومشا قدامي تبعتو لمقهى محترمة ونزلت كان كيتسناني دار لبا الطريق وشار ليا بيدو بنعنى تفضلي. ودزت فدامو قلت ليه شكرا ودخلنا للقهوى
جلسنا خدينا قهوى وقالي. بثلعتم كيشوف فيديه فوق البطلة
.. فلحقيقة ماعرفتش باش نبدا ليك .. كنتمنى تفهمي قصدي وقبل ما ندخل فالموضوع بغيت صداتنا فالعمل تبقا كما هي .. شنو ماكان الرد كنتمنى نبقاو كما عرفنا بعضياتنا .. احم .. مدام سارة .. انا قصدي شريف ومعقول.. وكنضن بالل خديتي عليا فكرة فهاد العام اللي دوزتي معانا فالكلية وعرفتيني واخا ماتعمقناش بزاف فالكلام . على اي .. غنعرف براسي بحال الى اول مرة نتعارفو .. ياسين السباعي استاذ جامعي وباحث … وبعين سنة ارمل ماجابش الله لوليدات ناوي معاك المعقول الى قبلتي بطبيعة الحال
بقيت كنشوف قدامي كنت متوقعة هاد الطلب وكنت كنقول مع راسي. فكل مرة نصادفو فجأة هادا شحال ما بقا غيتقدم ليا وكيجر فالوقت غير بزز
قلت ليه علاش مجابش الله الوليدات شنو السبب
قالي ماكتابش .. فاش تزوجت اول مرة المدام جاهل كونسيغ وبقينا متبعين العلاج والادوية لمدة خمس سنين ومكانش عندنا استعداد نديرو الولاد.. كنا كنتمناو غير تبرا وترجع ليها صحتها . لكن مع الاسف تمكن منها ودا مول الامانة امانته .. الله يرحمها ..
تنهدت قلت ليه الله يرحمها ويرحك المسلمين اجمعين … ومافكرتيش تعاود تزوج من جديد ؟
قالي لا كنت كنقول شي وقت .. ولاكن كنت كنلقا راسي ديما فالرقت الحالي رافض الزواج .. جزء من حياتي عشنو اثر عليا وبقيت كنجبد فالوقت ونأجل حتى كتاب فهاد النهار المسعود. وكنتمنا من الله يكمل بلخير
بقيت ساكتة مطولا وقلت ليه واش كتصلي؟
قالي معلوم .. كنصلي وشاد الدين ديالي على قدر المستطاع
قفت لين انا عندي بنت هندها هام ومكنفكرش نتزوج عليها .. لاكن غادي ناخد مهلة للتفكير اللي تكفيني ونرد عليك .. ومن هنا لتما اصدقاء بحال من قبل .
طولات مدة التفكير ديالي وكنحاول نقنع فيها راسي بياسين .. لاكن شيء ما مخوفني من هاد البداية وماقدراش نزعم نعطي فرصة لراسي .. فاش كننعس حدا بنتي بالليل ونبقا نفكر ونشوف فيها وهي ناعسة حدايا ماقدراش تفارقني .. والى نضت من حداها كتخلع وتبدا تبكي .. كنقول ديما مع راسي واش انا مستاعدة نفارقها ؟؟ واش عندي الاستعداد للرحيل لبيت اخر وبناء حياة جديدة وبنتي بعيدة عليا ؟؟. اكيد مغاتمشيش معايا وبالليل نتنعسش حدايا وتعنقني بحال دابا .. ومكنضنش باها يخليني نديها زائد انا خدامة وحتى القانون غيعطي لماما الحق فالحضانة لماما.. بصراحة ماسخيتش ببنتي والعام اللي دوزت معاها كانت بلسم لكل جرحي ومنبع لقوتي وصمودي .. قلت مع راسي نجرب ونشوف رأي عيسى .. منها نعرف شنو كايتسناني ومنها ندخل ليه فكرة الزواج فراسو باش يكون مستاعد ليها فأي وقت مدام كتجمعني بيه بنت .. واخا مكنضنش بتعكس وماشي من النوع المتسلط بلعكس كيمشي بلخاطر ومحايد .. من نهار طلقنا ماجمعاتنا مكالمة ولا حوار غتجيه فشكل نتصال بيه هاد المرة مني ليه حيت كاع الامور المتعلقة بيا ولا ببنتي كيتكلف بيها بابا منو ليه .. لاكن هاد المرة الموضوع متعلق بيا ومابغيتش ندخل بابا بأرائه المعتادة وقررت نتصل بيه فالصباح وداكشي اللي درت .
ركبت فسيارتي وقبل منوصل للكلية تجنبت ووقفت خديت تيليفون تاصلت بيه من بعد تردد وتفكير طول الطريق. كنت كنتسى الرد وقلبي كيضرب وكنجمع الكلمات ففمي وخايفة نتلعثم وكنحاول نتيق فراسي ونبين ليه انني تايقة فراسي . رد عليا قالي بصوت فيه نبرة من الاستغراب او الخوف الو السلام عليكم ..
عرفتو غيتخلع من المكالمة ديالي حيت اول مرة وماعندوش فكرة على اتصالي المفاجأ اللي واضح ان وراه امر مهم جدا ..
قلت ليه عليكم السلام الحاج لاباس عليك لافامي مزيانة
قالي باستغراب اكثر الحمد لله واش كلشي مزيان واش لباس ؟
قلت ليه الحمد لله مكاين باس .. بغيت نهضر معاك فواحد الموضوع مهم
قالي. الله يسمعنا خير ..
بقيت ساكتة مطولا وقلت ليه خير ان شاء .. المهم مانطولش عليك راني غادي نتزوج .. و..
قالي امم بمعنى كملي
قلت ليه وبغيت نهضر معاك على موضوع جنة ومحلها فهاد الزواج
قالي وشنو محلها شنو بغيتي تقصدي؟
قلت ليه غادي نديها معايا
قالي فين غديها!؟
قلت ليه تعيش معايا
قالي شوف اسارة بغيتي تزوجي الله يكمل بلخير ولاكن البنت ماتمشيش تعيش معاك وهاد الموضوع اصلا مكيتناقش فتيليفون
قلت ليه ماعندي فين نناقشو معاك من غير تيليفون
قالي من ياك بغيتي تزوجي ؟ صافي موضوع البنت بيني وبينك باك خاصك تعرفي حاجة وحدة هوا مصلحة هاد البنت اولا مني منك
قلت ليه حاليا اولا مني غير انا نتا راك مزوج وحتى انا عندي حق نتزوج
قالي عندك الحق ماقلعتوش ليك ولاكن فكري فهاد البنت شوية .. باقا عندها عام وباقا كترضع وباقا محتاجة مها علاش هاد الزربة هادي صبري شوية حتى تشد راسها
قلت ليها علاش هاد الحكام عليا غير انا علاش نتا ماشي باها وماشي مسؤول عليها وكنا محتاجة ليا محتاجة ليك !!
قالي ااسارة .. عاد البنت جات لقاتني مزوج ديجا ماجبتهاش ومشيت وخليتها .. كي كنا مزوجين ولا مطلقين يوماين فالاسبوع ديالها راه كنجي عندها كندوزهم ومكنقولش ليك لا واش غنديها و لا غتمشي دوز معايا لقد ولقد حيت عارف البنت خصها الرعاية وخصها مها تبقا حداها وحتى دابا ماحيدناش ليك الحقوق ديالك .. ولاكن فكري شوية واش البنت عندها عام تديها تبات الليل فدار اخرى ومع واجل راجل اخر .. يديك نتي النعاس الى حيدتها ليك وجبتها لهنا متعرفيها فين بايتة؟
بقيت ساكتة مطولا وسكت حتى هوا ورجع قالي خلي هادشي حتى نجي نهضرو فيه فاص .. وفكري فالبنت الزواج مغيهربش
قلت ليه اوك شكرا الله يعاونك
قالي امين الله يعاون
قطعت وحطيت راسب فوق المقود تلفت .. ضارت بيا الدنيا ماعرفتش شنو ندير .. لهاد الدرجة اطلاق صعيب بالنسبة للمرأة !!! كفاش كيديرو المطلقات واللي عندهم اولاد واش مامنحقهمش يعيشو ؟؟ واخا يكون الاب كيصرف وهاز المصاريف كلها ماكيعنيش انه محقق شروط الأبوة كاملة
ضارت بيا الدنيا من اخر مكالمة ليا معاه وضح ليا الامور بطريقة غير مباشرة واخا انا مازال ماقررت شنو ندير فحياتي وبغيت غير نعرف جوابه وردة فعله من هاد الناحية .. جاني فضول نعرف واش خرجني من باله مابقيتش كنهمو كاع ولا مزال كيكن ليا شوية دالمشاعر ، حسب معاملته ليا والكلام اللي كان كيقول ليا فاش كنا مزوجين اي وحدة تسمعو تقول كيموت عليها غير هي .. لاكن من بعد الطلاق مابقيتش شفت منو حتى شي معاملة خاصة وكأن داكشي. اللي عيشني فيه كان غير اهوام وحلم وتبخر .. رجع بيتاتنا واحد الاحترام وواحد الوقار لدرجة مكنقدرش نبقا نحقق فيه وحتى هوا كيهضر وعينيه فالارض. تقول عمرنا تزوجنا ولا ولدنا !! استغربت لهاد الانقلاب اللي وقع كنت كنجلس بيني وبين راسي وكنقول واش انا بصح كنت مزوجة بيه وولدت معاه البنت !! امتى تزوجنا وامتى ولدنا حيت طريقة تعامله معايا كتخليني نشك واش بصح ولا كنت كنتخيل. من داتي راسي ! ومن خلال الحوار ديالنا الاخير فهمت من كلامه انه ماعندوش مشكل نتزوج لاكن عندو مشكل فقضية البنت اللي بيني وبينو فقطً.. وكنضن انه خرجني من حياته صافي ونن تفكيره وهادشي ضرني فخاطري واخا مكنتستاش منو التفاتة ليا لاكن قاس ليا النبض حتى لقيت راسي جالسة كنبكي بوحدي. وماعارفاش علاش ؟. الى حيت نحلل اسباب ردود افعالي انا براسي. مكنلقاش ليها تفسير .. بغيت يهتم لامري ومايهمشنيش وفنفس الوقت مكنفكرش انني نرجع انا وياه او تكون بيناتنا شي حاجة مستقبلا ومتقلبة الرضع ديالنا الحالي .. لاكن اللي ضرني فخاطري هوا انه سحب كاع طرق التعامل دياله معايا وحتى النضرة هي اللخرة مستخسرها فيا مكيشوفش جيهتي كانه عمرو عرفني . مابقاتش عندي قيمة واخا دايرة مجهود مضاعف باش نبقا مخافضة عليا وعلى كبريائي ولايمكن نتنازل قدامه ابدا او نعطيه التفاتة .
خليت الوضع على ماهوا عليه و كنمشي للكلية وكنصادف ياسين اللي رجع كيبين ليا اهتمامه بيا نهار على نهار والوضع مابقاش مريح بالنسبة ليا .. واخا قلت ليه عطيني مهلة للتفكير وخلينا على ماحنا عليه ما دارش بالاتفاق وكانه كيفرش ويمهد ليا باش نقبل وهوا معارفش انه كيقلق راحتي باهتمامه ليا وكنحاول نتفادا اللقائات معاه فالخدمة وعقلي. كيدور فنقطة وحدة هوا اللقاء ديالي مع عيسى اللي غيجي يشوف بنتو وقالي نتقابلو ونهضرو مباشرة .. كيفاش غادي نهضر فعاد الموضوع وشنو نقول وكيفاش نتصرف وغيخطني تخت المجهر هاد المرة ومابغيتش نرتابك .. شنو غيقول وشنو كيوقع !! كل همي هوا هاد اللقاء اللي رجعت كنتدرب عليه فخيالي بلا منشعر
جا داك النهار
ورجعت من الخدمة على غفلة وكان البرد والسم كيقطع الصبعان .. كنت لابسة سروال كحل ومونطو بالحزام مزغب بزاف من العنق والكول ودايرة الفولار ولابسة لبيوط والصاك . داخلة مع الباب و كنسمع صوت بابا كيهر بالجهد .. من البوت ديالو ديال الرجال ديال الدان اللي كان محطوط فالجنب حد الصالة عرفتو هوا عرفت ستيلو واخا مسمعتش حسو .. دخلت كان طريقي. كدوز غلى الصالون تلفت لقيتو جالس مع بابا وجنة جالسة على رجلو وحدا مونطو كحل سمعني فاش قلت السلام عليكم وهز عينيه بالزربة حتى للحد ديال الزربية اللي حدا رجلي رد السلام بعفوية ورجع شاف فبابا اللي كان مخشع فالحوار معاه .. اما بنتي ماعقلاتش عليا قلت ليا جنة !! اجي بوسي مامي. دارت راسها ماسمعاتنيش ولسقات عليه حساب ليها غنديها معايا .
طلعت لبيتي جلست ومابقا لقا فين نخرج .. والى دخلت للدار صافي مكنهرجش وماعنديش مبررات وبابا عمرو صارم معايا فهاد النقطة وحتى انا مكنخليش ليه فرصة يهضر .. لبست بيجامتي وبقيت جالسة كنتسنا واش يعيط ولا يسيفطً مسج. .. راه زعما درنا باش نهضرو ونجلسو !! شفتو ماحاشاهاش ليا وشدو بابا للعشا جلس حتى تعشا وتعشيت انا مع ماما بوحدنا عاد سمعت بنتي لتحت كتبكي وتغوت عرفتو بغا كيمشي وبحال ديما كتلسق فيه وكطلعها ليا ماما كتبكي باش نسكتها ونواسيها حتى تنسا وفالاخير كنعسو فبيتنا انا وبنتي ونعست على انتضار مكالمة ولا مسج حتى للوحدة ديال الليل وقطعت الامل حيت هوا من النوع اللي مكيهزش تيليفون يعيط لشي واحد مور التسعة ديال الليل . قلت مع راسي صافي مشا ولا مابغاش يهضر ولا يكون شاد الطريق لفاس ولا الله وأعلم فين يكون وفقدت الامل رجعت كنفكر ناخد قراري راسي ونجاوب ياسين نقول ليه صافي قابلة ونبين لعيسى انني بديت حياتي وكما هوا مامسوقش حتى انا اكثر منو .. ندمت كاع علاش ستاشرت معاه ولا عيطت ليه حسيت براسي ققلت من نفسي وعطيتو قيمة وكبرت ليه الشان .. بقيت كنتسنا غير فوقاش يصبح الحال نصحح الوضع ديالي معاه نرد اعتباري وصبحت فالكلية دوزت المحاضرة ديالي وخرجت تصادفت مع ياسين قلت ليه واش ممكن نجلسو شوية نهضرو
قالي الله اودي بكل سرور . ومشينا للمقهى اللي كنا جلسنا فيه من قبل وقلت فكرت فالعرض ديالك وقبلت بيه ولاكن حاليا منقدرش نتزوج عندي بنت صغيرة الى كنتي تقدر تصبر عليا حتى تكبر بنتي شوية وتشد فراسها
رحب بالجواب ديالي وقالي نديرو خطوبة وماشي مشكل نصبرو شوية
قلت ليه حنا ماعندناش خطوبة كتفوت العام وبابا امام متعمق فالدين وعندو عقلية متشددة مايقبلش وغنلقا راسي فخصار شديد . من الاحسن نصبرو حتى نزيدو نتعرفو اكثر على بعضياتنا وماتعرف الوقت شنو تجيب
قبل بالرد ديالي وحسيت بالارتياح نوعا ما لانني دخلت لحياتي راجل جديد ومابقيتش وحدانية قدام عيني غير بابات بنتي .
مشيت ركبت سيارتي نرجع للدار حتى فجأة رن الهاتف ديالي طلع ليا الحاج عيسى كما كاتبة عليه .. داكشي رجعي رسمي عندنا فوق القياس هوا يقول ليا مدام سارة وانا نقول عليه السي عيسى ولا الحاج ولا مسيو ولا اللي كان المهم مكنطقهاش حافية .
رديت بواحد التوثر متفاجاة ماكنتش موجدة ليه وقالي واش عندك شي وقت دابا نجلسو نهضرو فيه؟
بقيت كنشوف فجنابي ماعرفت باش نجاوب قلت ليه واخا .. الى كان ممكن تجي عندي فين كاينة الكلية
قبل يجي عندي ودرنا نتلاقاو فمقهى بعيدة على المدينة جهة الكلية فين كنقري ومشيت سبقتو بقيت جالسة كنتسناه فنفس المقهى فالسيارة حتى بان ليا دايز قدامي بسيارته وبلاصاها حدايا شاف فيا بنص. عين ونزل نزلت معاه
ابتسمت قلت ليه السلام قالي عليكم السلام ببرودة كانه كيهضر مع صاحبو وبقا كيشوف فيا . سولتو على العاىلة قالي كيسلمو عليك ورديت ليه الصواب ودخلنا جلسنا بقينا ساكتين كل واحد كيشوف فجهة .. ربعت يدي ودرت رجل على رجل وهوا تكا على الكرسي ودار رجل عل رجل حتى وقف علينا نفس السرباي اللي حط ليا القهوى مع ياسين رجع شاف فيا حشمت منو قلت هادا غيقول عليا مكنضيعش الوقت دايرة النوبة للرجال .. ابتسم قالي واش بحال العادة ؟
حليت عينيه فيه صدمني قالها بعفوية منو خلاني كنشوف فيه وشفت فعيسى كان حاط صبعو حدا راسو هز عينيه فيه ورجع شاف فيا . طلعات ليا الحرارة قدامو ماشعرتش براسي حتى تعصبت قلت للنادل كيفاش؟؟ شنو قلتي ؟
قالي واش نجيب ليك قهوى ؟؟
قلت ليه طلبت ليك قهوى ؟؟ واش قلت ليك بغيت قهوى !!
بقا غير كيشوف فيا ويشوف فعيسى الل يحاول يفهم ولا يمكن فهمها حساب ليه كنضل جالسة فهاد القهوى ومعروفة بحال الدرهم ودار راسو مكيفهمش .. اممم حتى منكونش كنعرفو مزيان .
قالي يجيب ليه براد ديال اتاي وبدل بيه الموضوع حيت عصبني النادل ومابقيتش بغيت حاجة وبدا يعتاذر ومشا جاب لقه اتاي وبقيت انا هازة الباطل مارضيتش ماكرهتش تشق الارض وتبلعني .
بقا قالبة وجهي وعيسى هاز البراد كيعمر الكاس قالي واش تشربي اتاي
بقيت ساكتة وعمر ليا واحد الكاس حطو قدامي هزيتو كنسخن بيه يدي وقلت ليه هاد الناس ماشي بروفيسيونيل .. كنجي نفطر الصباح هنا مور المحاضرة مكنقدرش نفطر مع السبعة وغير كيشوفو الانسان رجع كليان كيضسرو عليه !!
حرك ليا راسو قالي ماشي مشكل كتوقع
جمعت نفسي كنقول كنكمدها باغا نصلحها وهوا كيزيد يأكد ليا انه عاق بيا ومساير الوضعية .. ومن بعد !! يعرف ولا مايعرفش. سوقو فيا ؟. الى طلقتيها ماتوريهاش دار باها علاش جالسة كنبرر ليه !! لالالا ولاكن واخا هاكاك شكون ماكان منحملوش يشوف فيا شوفة ناقصة وانا ماشي من النوع اللي كيضن .. كنكره شي واحد يسوء فيا الضن شكون ماكان ونفسي عزيزة كتبقا طلع فيا وتهبط . نسيت كاع علاش جيت وشنو كنت غنقول ومشا عقلي مع هاد المسخوط بقيت كنفكر فديك الكلمة ديال واش بحال العادة الله يعطيه عادة شهرية تلفني وتلف. لقا التوازن ديالي وسهيت كنفكر غير فشنو قالي عيسى فراسو شنو ماقالش حتى كسر داك الصمت وحط الكاس وقالي كي غادية مع الخدمة مرتاحة؟
قلت ليه الحمد لله مزيان .. شكرا حيت وقفتي معايا نبقا فالناضور
قالي هادا واجب مصلحة البنت اولى من كولشي
بقيت كنشوف فيه بنص عين وهوا كاع ماكيتبت فيا الشوفة كيهضر ويشوف فجوايه اخرى تايق فراسه وقلع ليا التقة فالنفس مابقيتش عارفة كيفاش نتصرف وداك النادل كمل عليا .. سكت مطولا وهزيت تيليفون كتبت لصاحبتي مسج قلت ليها صوني عليا وقطعي باش نوض. من القهوى بشي سبة نمشي بحالي.. مابقاش عندي استعداد نهضر وندمت وماشي باستطاعتي نناقش الموضوع وكاع النقط الي ستفت فراسي تلفو ليا ماعرفت منقول فقدت الذاكرة .. صونات ليا صاحبتي وهزيت تيليفون قطعت عليها درت راسي كنضهر بقيت كنقول الو ماما .. دابا ؟ فين ؟؟ واش ضاروري ؟؟ واخا واخا هانا جايا
قطعت وقلت ليه سمح ليا غنمشي ماما كتسناني ندوز عليها لشي غرض
هز يدو شاف فالساعة وقالي دابا جبتينا حتى لهنا ضاربين الطريق على والو ؟ ماقلتي حتى حاجة ماهضرتي ماسمعناك !!
قلت ليه هانتا كتشوف جا تيليفون على غفلة المهم اللي كاين راني قلتو ليك فتيليفون وصافي خديت القرار ديالي
دار صبعو حدا حنكو قالي خديييتي القرار !! وعلاش جايباني حتى لهنا مللي نتي قررتي وساليتي فاش غنفيدك انا ؟
بقيت كنشوف فيه مطولا حسيت براسي غنتعصب وجلست حطيت الصاك قلت ليه كل واحد كيقرر فحياته ويختار اللي يناسبه
قالي انا ماشي شغلي فالقرارات ديالك كلها .. اللي كيهمني من هادشي كامل هوا البنت اللي بيني وبينك . اما نتي حرة ديري اللي عجبك بغيتي تزوجي تزوجي مابغيتيش شغلك هاداك اللي عجبك ديريه
زيرت على سناني شوطاتني هضرتو .. من جهة عندو الحق ولاكن مايقولهاش ليا بصحيح العبارة شنو زعما بغا يقصد بقا ليه غير يقول ليا راك مكتعني ليا والو الو كان كيحساب ليك راني مزال حاطك فراسي!! ماحملتش هضرتو ضراتني بززاااف وهزيت راسي كنحاول نتخيل شخص تاني بلاصتو كيهضر معايا باش نعرف نجاوبو وبديت كنتخيل عبد الحق اللي جالس كيهضر معايا وقلت ليه انا هادشي عارفاه داكشي علاش قررت راسي حيت حرك ديال راسي. .. عيطت ليك نتا باش نهضر معاك على جنة وماشي عليا انا . اما انا عارفة راسي شنو باغا وشنو قدامي
قالي مزيان الله يكمل عليك شنو دابا اللي بغيتي بالضبط ؟
قلت ليه بغيت جنة تبقا معايا
قالي جنة مغتبقا لا معاك لا معايا غتبقا مع مك وباك هما غيعرفو يربيوها ويديرو بالهم عليها
قلت ليه راه كتهضر على بنتنا هاد البنت عندها امها
قالي امها خدامة واش جالسة؟ واش مسالية ؟ لمن مخلياها دابا ماشي لمك ؟
قلت ليه دابا باغي دير ليا لعصا فالرويضة؟
هز صبعو كيحركو قالي لااالالالاا ماغندير ليك لا عصا لا حديدة كنهضر على البنت .. كما كتخافي نديها لفاس راه كنخاف عليها تعيش معاك نتي وراجلك .. علا ماشي بنتي مانخافش عليها؟
بقيت ساكتة كنشوف فالجنب ونتنهد قلت ليه بخيبة امل نتا عادي عايش حياتك .. مرتاح فيها .. تزوج حتى عشرة وطلق بالعشرة وولد ودير اللي بغيتي ماكاينش اللي يقول ليك لا ماديرش ولا علاش درتي
قاطعني وقرب للطبلة شاف فيا قالي انا واش كنرضع؟؟ دوري كأب نهز المصاريف كلها ودورك كأم مايعوضو حتى واحد.. علاش النبي (ص) وصى على الام ثلاتة عاد الاب وكتقارني راسك بيا انا ! بغيتي النت الناس تزوجي الله يسهل عليك ماوقفتش ليك فطريقك ولاكن عندي معاك بنت ديك البنت يالاه عام باش تزادت محتاجة ليك كتر مني .. اغلب الاباء مغربيين خدامين بعاد ولادهم ماكيعرفروفهمش كاع نعار كيجي الاب كيقول ليه ولدو عمي كاع .. الام هي الاساس فحياة الدرادي !! كنجي كل سيمانة عندها ماشي باش نتي ترضاي ولا باش باك يرضى .. باش بنتي تعرفتي تحس بيا .. اما باش باش تديها نتي تعيش مع راجل اخر وتقولي يعوضها على باها لا هادي مغاديش نقبلها منك
قلت ليه شنو بغيتي دابا نعطيك بنتي تديها ؟ تربيها نتا؟
بقا كيشوف فيا وقالي اريها ليا الى كنتي غاتهناي فحياتك
قلت ليه وشنو غدير ليها نتا غتجلس من الخدمة وتربيها ؟
حسيت بيه تصدم من ردي وقالي اري ليا بنتي وخرجي سوقها نهار تبغي تشوفيها مرحبا بيك اجي عندها شوفيها
بقيت ساكتة مطولا وقلت ليه خاصني نعرف فين غنتمشي وعندمن
قالي غتمشي للأمان غير شوفي نتي حياتك وخلي عليك البنت حيدي ليها الرضاعة واريها نديها
قلت ليه واخا انا غنشوف شنو غادير غنحاول نحيد ليها الرضاعة فالقريب.
بقا ساكت غير كيشوف فيا وناض هز سوارتو قالي السيمانة الجاية فاش نرجع غنديها جمعي ليها حوايجها
نضت قلت ليه ان شاء الله الله يعاونك
هزيت صاكي وخرجت من القهوى قبل منو حسيت بقلبي غيسكت وركبت شفت فيه فالمرايا اللور خرج مشا ركب وزدح الباب بواحد الطريقة ماشي طبيعية ودار واحد الخرجة من تما تقول كان مشدود بسيف ومشا
رجعت للدار راسي مطبوخ قلت غادي ندخل نلقا بابا فالباب ينقي. ليا ودنيا . لاكن مالقيت حتى ردة فعل عرفتهم مازال ماساقو الخبار ومزال عيسى ما قالها ليه .. دخلت شربت كينة دالراس ويالاه جيت نحط راسي عيط ليا ياسين . كانت العشرة ديال الليل شفت لابيل وخليتها كتصوني ماحملتوش يعيط ليا مع داك الوقت حيت قلة الاحترام تصوني على شي واحد بالليل ماتعرفو ناعس ولا جالس مع العائلة ولا شنو كايدير . هادي نقطة حطيتها فاللائحة السوداء واخا كيبان متقف وواعي تقبها فهاد الاتصال ومن موراه سيفط ليا مسج كيسول شنو كندير شنو مكنديرش . خليتو مارديتش عليه ونعست لقيت مسج الصباح ديال الورد والياسمين كيصبح عليا … تفكرت خطوبتي بعيسى عمرو عيط ولا صونا ليا ولا سيفط. ليا حتى مسج حتى لنهار العرس درنا العقد ومشينا .. اما ياسين بدا بالرسائل الغرامية كيصبح عليا ويمسي عليا وفالكلية كنقولو ماتبقاش تعاملني معاملة خاصة غادي تلفت ليا الانتباه لاكن قالي منقدرش داكشي كيجي راسو واخا نعيا نرد البال
خلاني غير كنشوف ونقول يمكن فعلا كيبغيني بصح .. اللي كيبغي شي واحد كيدير تصرفات المراهقين واخا حدا الناس.. أكد ليا ان الحب كيفرض نفسه فكل زمان ومكان ..ونهار على نهار كيزيد يأكد ليا ان عيسى عمرو بغاني .. مكانش داك الحب ولا العشق.. كان مجرد اعجاب وصافي .. انا اللي بغيتو بصح وكان كيبقا فيا الحال فاش كيدير الفرزيات بيني وبين رجاء ولبنى .. وشحال بقا فيا الحال آكثر فاش تأكدت انه عمرو ما كان كيبغيني .. على الاقل من قبل مان عندي شوية دالشك .. لاكن تأكدت وهادشي جرحني بزاف خلا الجروح تنوض عليا فكل مرة كنشوف الفرق الشاسع بين عيسى وبين ياسين .. واحد كان كيغمرني بالكلام المعسول فاش كنكون انا وياه وفاش كيكون الزايد كيدور وجهه كأنه عمرو عرفني .. زائد الغضب دياله كان كيسيطر عليه وكان كيخرج فيا عينيه ومكانش كيواسيني ولدرجة ضربني ليدي من النهار الاول ، وكان كايحساب ليا غيرة عليا وهادشي شفع ليه وتصالحنا .. لاكن فالحقيقة كانت غيرة على عزة نفسه ورجولته وفوق هادشي طلقني من الدقة اللولة .. عارفة راسي غلطت وعايرتو قدام واليديه لاكن ماقصدتش كان مجرد ردة فعل قوية ماقصدتش كاع نقلل منو .. لاكن هوا ماعقلش عليا عز راسو عليا وطلقني من اول جلسة وقلب وجهه كأنه مكيعرفنيش . اما ياسيين نوع اخر مختالف تماما على عيسى .. واخا كنتهرب منو وشي مرات كنبين ليه انني مابقيتش بغيتو كيتبعني ويسولني واش غلط معايا فشي حاجة والى دورت وجهي عليه كيبقا يقلب على الاسباب وكيدير مجهود باش يراضيني ، كتبان عليه انه كيبغيني وماباغيش يخسرني وفضل يصبر عليا لأجل غير مسمى وكيعاملني بحال الاميرة وكيزيد ليا التقة فنفسي فكل مرة كنتلاقاه . اما كن كان عيسى كوراه ضرب الدورة مايصبرش عليا حتى نهار .. هاداك اصلا متدين مايزيدش معايا الهضرة وحتى السلام كيرميه من بعيد تقول غناكلو . شفتو ماجاش هاد السيمانة يشوف بنتو وسولت بابا قلت ليه واش مغاديش يجي يشوف جنة قالي راه مشا للعمرة
استغربت لهاد العمرة اللي جات عل غفلة مالقا زعما فوقاش يمشي غير حتى قلت ليه انا بغيت نتزوج! لعجب . طلعت لبيتي سديت عليا وعيطت ليسرى نسول فيها لقيتها على القرص. قالت ليا يالاه غادي نعيط ليك
بقيت كنضحك ونسول على الاحوال وهي كتسول على جنة ومالين الدار وقالت ليا مرحبا بيك نهار السبت بلا هادا للعرس وعنداك ماتجيش
قلت ليها ديالمن العرس واش ديالك
قالت ليا ديالي وفرحت ليها بزاف بقيت كنبارك ليها قالت ليا راه بابا غاعيط لباباك باش يعرض عليه وانا كنت غنسبقها ليك .. قلت ليها ان شاء الله ولاكن سمعت باللي باباك واقيلا مشا للعمرة !!
قالت ليا مامشاش شكون قالها ليك ؟ هاداك عيسى و لبنى اللي مشاو
قلت ليها ااه ايوا صافي يعني ماغاديش نتلاقاهم حيت مابغيتش نتلاقاه
قالت ليا مغايحضرش. غير اجي مرحبا بيك .. زايدون راه فارقين العيالات على الرجال
بقيت كنهضر ونتجمع وكتعاود ليا حيت علاقتي بيها بقات نقية وعلاقتنا معاهم مزيانة ونقية كنباركو ليهم الاعياد وكيجيو عندنا وكنمشيو عندهم واخا عمرني حطيت رجلي عندهم لاكن بابا وماما كيمشيو فالحج والعمرات والصدقات وفالاعياد كيجيو عندنا وبقينا على هاد الطريق غادين مزيان .
جلست كنفكر لهاد العرس اللي خرج ليا من الجنب والمشية ديالي عندهم اكيد كاع الانضار غتكون عليا ،. عمرني مشيت ولا شافوني من نهار طلقت وغادي نتلاقا برجاء وماكرهتش ندوز قدامها هازة راسي ونحشي ليها شي هضرة حيت حسب ماسمعت دارت الزردة ومات للعمرة فاش طلقني ودارت اللي مايدار عرفت راسي كنت جالسة ليها على قلبها ماتنفسات حتى طلقت وحتى وحملي وولادتي طيحوها بالعضام وماكرهاتش كن ماولدتش ولا كن طرات لبنتي شي حاجة فالولادة باش تهنا مني فمرة .
وصل الخبر لبابا وعرضو عليه وقالها لينا باش نديرو حسابنا ومن ساعتها وانا كنهندس لهاد العرس . شنو نلبس وشنو ندي. وشنو نلبس بنتي وباغا نفقص ليهم العينين لكاع اللي تشفاو فيا وبغيت نطرطق ليهم المرارة وماقالي راسي غير نمشي نشري خاتم المارياج يكون باين ونديرو فصبعي نبين ليهم باللي تخطبت ولا تزوجت وكاع ماشايطة باش نقبل على وضع مزري كما قابلين بيه هما واخا جيت على الضرات ماشي هما اللي جاو عليا وحالي احسن من حالهم ومع ذلك مادليتش راسي بحالهم وبغيت نضرب شي صورة مع يسرى فاعلة تاركة نقوليها وريها لخوك يشوف خاتمي ويشوفني كي منورة وعلى مزيناتي يعرف الدل المدلدل اللي مزوج ويعرف العيالات الحرات اللي لهلا يحيه ويتمناه حتى نكون ليه مرى ثالتة فاللائحة ديالو ويطلقني ويتبوزق عليا يحساب ليه عايشة فالغيس كنبكي ونحط عليه
قلت لياسين غادي نمشي للعرس نحضر وبقا كيبحث فيا قالي ديالمن وجلس كيسول فتيليفون قلت ليه ها ديالمن ها فين .. غير سمع شكون قالي لا ماعندك ماديري تما وبقا يحكم فيا وتعصب عليا قلت ليه غادي نمشي صاحبتي ومنقدرش نخسر ليها .. ضربها بغضبة عليا وخليتو منفوخ بحال الحنش ماهضرتش معاه كاع وفاض مشيت للكلية درت راسي ماشفتوش ودخلت دوزت المحاضرة وخرجت تلاقيتو فالمكتبة درت راسي عورة حتى جا دار ليا واحد الجرة من يدي بقيت كنشوف فجنابي وهوا كيزعف قالي شهاد التصرفات كديري
حشمت بقيت كندور بلاصتي و خرجت من المكتبة وجهي حمر كنسوط بحال التور وهوا تابعني حتى للطموبيل ووقفني قالي كنهضر معاك جاوبيني
هزيت صبعي قلت ليه اااخر مرة تهضرني وسط الكلية ولا تعاود تعتارض طريقي. مرة اخرى صافي سالينا
جيت نطلع وشدني من يدي ومع الشدة وقف واحد البروف اخر بسيارتو ونزل عندنا قالينا ياك لاباس اش كاين نعلو الشيطان
قلت ليه بالادب لالا والو غير سوء تفاهم وصافي
قالي ياسين مغطلعيش حتى نهضر معاك
خرجت فيه عيني وانا كنترعد عليه قلت ليه فاش غتهضر معايا بعد مني
قاليه البروف لاخر نعل الشيطان اش كاين
قاليه ياسين خليك بعيد خلي هادشي بيني وبينها
جاب ليا الساكتة وقلت ليه لزم حدك ولا مغادي يعجبك حال وطلعت هربت من تما مشيت باغا ناكل جنابي ماضنيتش الامور توصل لهاد الحد وماعجبنيش الحال بقا كيعيط ليا شحال ما جاوبتوش وديك السيمانة مامشيتش كاع درت شهادة طبية وتهنبت حتى لنهار الجمعة ومشيت ندرس واحد نص نهار وتلاقيت نفس البروف وقف سلم عليا كيسول على الاحوال وعطيتو صوابو حتى صدمني قالي واش عندك شي وقيتة نديرو فيها شي كافي
بقيت غير كنشوف فيه قلت ليه سمح ليا لا ماعنديش الله يعاون ومشيت مارضيتش بغيت نموت ماعقلتش على المحاضرة كي دازت وخرجت كنترعد كنقول مع راسي الى مشيت حتى تلاقيت ياسين ووقفني غندير ليه الويل حيت هوا اللي تسبب ليا فهاد الاحراج وضسر بنادم عليا ووصلني لهاد النيفو ساعا ماتلاقيتوش مشيت رجعت بحالي حيت كان بابا كيتسناني غير انا باش نشدو الطريق لفاس.
يتبع
التعليقات 0