زهير: (شاد وليد بالسيف للي كيهلل ويغوت) هنيييينا ابن عمي واش غديرلووووو درك
وليد: غندبح ****** بوه انا يديرني حماااار ويتبوورد علية
زهير: دابا هوما مجوجين خلي زبل يعووم بحرووو
وليد: كفاش ياك كانت مع ولد خووك كفاش صااحبو؟؟ وحسن؟!!!!
(دار يدو على راااسو وقرد غيحماااااق اما زهير كيعض فشناااافتو ندم حيت قاالو ولكن مبغاش صاحبو يزيد يستحمر وهو كيرسم أشرف بطل للي نقذ ختو كما هي تفرشت حتى هو خاص يتفرش… زهير بقا يسايس مع وليد حتى مشاو للدار للي كاري وليد حيت بقات سيمانة ويعطيو سوارت لمولاها.. سد لباب وخلاه فبيت بوحدو وهو مشا جلس فالصالة جبد تيليفونو زااافر وصونا على امال)
زهير: أمال
أمال: فينك ازهير؟!!
زهير: انا فدار وليد للي كان كاري فيها.. حتى نجي لمك نتي غدا نوريك لقهاوي
أمال: غدا!! مغتجيش دابا
زهير: لا والمرة الجاية تمشي لشي قنت مباغيش كمارتي متعاوديش تشوفيها…
أمال: أحااااي ياك ݣلتها ليك؟؟؟
زهير: راني هضرت (جاه الظحك وبعد التيليفون باش يبقى فجديتو.. رجع التيليفون) انا نعس
أمال: واش متجييش (جاتها لبكية)
زهير: اهيا عنداك تبكي (عاد فهمها ولكن باختصااار قطع منين شاف وليد خارج من بيتو صااعر.. بقا كيهدنو حتى رجعو لبيتو… أما أمال بقات غير كدور عينها مكتخيلش زهير ميبقاش معاها…)
~~~~~~~~~~~
أصبحنا وأصبح الملك لله…
أشرف: (مع كيحل المحال حس بشي حد جرو من الكول ضورووو كان وليد وجمع معاه بووونية حتى تقلب.. بصدمة شاف فزهير للي دار إشارة بيدو وملامح وجهو معندي منديرلك عاد فهم وليد وصلو الخبر)
انا نفهمك
وليد: اش تفهمني يا ولد لحراااام (زادو بونية) وااااش تفهم واش تݣووول
أشرف: (مقدرش يدافع على راسو حيت عارف انه معندوش الحق قدام أخ تقهر)
وليد: ضرب على *** اشماااتة (زاد ضربووو.. بقا كيشوووف فيه بكره وحقد) عمركم طفرووووه ولا تهزو الراس… (زاد محرك من القيسارية فين كانو صحابو لبيااعة حتى هوما كيحلو محلاتهم.. تبعو زهير ببطء)
أشرف: لاه ݣلتهالو؟!!!
زهير: كان يعرف يعرف ولكن رد بالك معاه راه كل شوية غينقز يجي عندك يسلخك…
محمد: (دخل للدار كانت مريم كتسناه لابسة غير دوبياس هوما افكار لبنات لبسي شي حاجة سكسي وهي فهمت غلاط.. شاف فيها) روحي ستري رووووحك
مريم: همم علاه ياك اليوم كتغدا وكتجلس فالدار
محمد: لا راجع للخدمة
مريم: محمد عفاك سمحلي..
محمد: كلمة أخرى وقت لغدا ومنجيلوش
مريم: (تنهدت) عفاك
محمد: سيري لبسي حواايجك وحطي الا كان شي غدا ولا نزيد نحلف على ماكلتك..
(حنات راسها ماشية للبيت حشمااانة وفنفس الوقت بقا فيها الحال شحال قدهم يبقاو مكيتهاضروووش… مشات حطات لغدا صونات عليه مو والو مكيجاوبهاش والا جاوب ميطولش معاها…
تغدا فسكات ومريم كتبحلس باش يهضر معاها كمل ناض غسل يدو وخرج…)
~~~~~~~~~~~
وليد: جمعتي حوايجك؟!!!!
هند: اه
وليد: مقلقة؟!!
هند: لا (شافت فيه) نتا للي تتبانلي مفرحانش
وليد: (زفر) عييت اهند عرفتي سمو عرفت (شافت فيه هند باستفسار) اودييييييي… لكلب ديال أشرف هو ولكلبة التانية كانو قبل متجوج
هند: (تصدمت ماشي من الخبر ولكن منين عرف واش عرف قضية الحمل وووو) بالصح!!!
وليد: (حرك راسو مكره) بزاااف بزاااااف واش هادشي كامل طلع منها (زفر..) مهم نسااااي حنا ماشيين نتساراااو ياااك غنساو المشاكل وكولشي غيكون مزيان
هند: انا بغيتك نتا للي ترخااااا وتنسا عليك هاد المشاكل
وليد: (عنقها وهاد المرة بالجهد حيت هو للي كان محتاج هاد الحضن ..)
~~~~~~~
الكاملة: اوا ضرتي عجبك الحال عند الحاجة
ليلى: (مجاوبتهاش شافت فأمال للي مهمومة واخا شرح ليها زهير الا تيقاااتو) أمولة مجاش زهير؟!
الكاملة: حݣا الحاجة شفت واحد لبنت سطاااشية غزيولة جيبووها مرا لزهير
أمال: شنو؟!!
الكاملة: اوا نتي مكتولديش خاصو لمرا للي تولد وهادشي ماشي حرام شرع الله ها عاد عمك لكبير جاب مرا وعادي
أمال: ونتي مالك راجلك جاب اخرى حيت مبقاش حاملك نتي ماشي حيت كيطبق شرع الله
الكاملة: اوا هانتي سمعي الحاجة
ليلى: واش نتي لباس انا من شحال هادي كتبانلي ناقصة فعقلك شوية واش عمرك شفتي شي طبيب؟!!! الحاجة هادي اولا خطار عليكم هنا وحدة مجرمة كتقتل بدم بارد ماشي طبيعي تسكن هنا (شافت بالكاملة مقوسة عينها) بانلي نهضر مع لكبير صعيبة تسكني معانا ونتي (بإشارة زعما حمقة)
راه الصݣعة كيسمع مني…
وليد: (كيهضر مع مو ابيل فيديو حتى دخلت البيت عرفها غتسول على شيماء سدت عليها)
الا غتسولي على بنتك بلاش
نعيمة: عافااك اوليدي ݣولي واش خبارها؟!!!
وليد: تجوجت
نعيمة: شكون؟!!!
وليد: مي (زفر وشاف فهند) ها هي هند تݣوولك (وقف) تبغي شي حاجة؟!!
هند: فية الجوووع
وليد: مزال معوالة تبقاي طيبينا
هند: ههه حتى رجعو
وليد: واخا لالة..
(طل على مو)
مي خوي راسك من ديك لكلبة هي راه عايشة حيااتها طووول وعرض ونتي جلسي تفقسي في روووحك وتمرضي في صحتك
(خرج وهند بقات كتشوف فنعيمة كيتسنااوه يخرج)
نعيمة: هضري ابنتي راه الدار عامرة وخاص رجع لتواليهم
هند: راها تجوجت أشرف وعايشة معاه فالدار ووليد عرف قالهالو زهير زوهير مغيقولها غير الا كانت شي حاجة ضرووورية مهم هاد صباح مشا ضربو فالمحال ديالو ولاخر كما العادة متيهزش الراس فيهم
نعيمة: (بحزن) وهي كيف ماشي مع الحمل؟!!
هند: معرفتش اخالتي للي عرفت عندها بنت ووو أشرف باغيها.. لبنت زعما بنتو ماشي شيماء
نعيمة: (حركت رأسها باه) الله يهدي ما خلق وصااافي
هند: اميين خالتي وليد عندو الحق خوي راسك منها دابا هي مزوجة ووو عايشة حياتها
نعيمة: كيف ندير ابنتي راه كتبقى الكبدة والكبدة صعيييبة مݣلتش نساااامحها ولكن منديرهاش ميتة وهي حية وواحلة فراااسها
هند: منين رجعو من تركيا غنمشي عندها
نعيمة: خليك بعيدة ابنتي وليد ميبغيييش بلا متخلقي لراسك المشاكل خلييييها تعلم منين كانت عيلتها ضااايرة بيها ودايرة ليها ألف حساب هي هزت راسها وتكبرت ومرمدت وجهنا لتراااب
هند: حسن ولد الناس مقالش لعائلتو
نعيمة: براكة غير عاااارف هو راه كان صاااحب ولادي الله يعطيه الخير وصااافي
هند: شوية غتصلح الامور منين تولد
نعيمة: منظنش ابنتي عمك احمد سميتها مكيبغيش سميتها تذكر فالدار
هند: غير حيت مزال مصدووم ومقلق
نعيمة: ياله سيري ابنتي راه عندي حباب سنااا اليوم نحسنو لمصطفى شعروو
هند: (تبسمت) بوسيهلي الخانز توحشتووو بزااف
نعيمة: الله يسهل عليك احبيبتي ونجي نݣااابل بنتي (تنهدت) جيبينا شي حفيد بريحة تركيا
هند: ههههه (خرجت عينها) مكرهتش دابا نغتاصب ولدك حتى نشارجي مزيان
نعيمة: هههههه واخا لمك خاص غير للي يجبدك ياله سيري ابنتي بلاتي الا صلاح ليكم وصوني علية تشوفوووه….
أشرف: (دخل للدار كانت جالسة فالصالة) تحركي ت**** من وجهي
شيماء: (شافت وجهو مزوق وهي اصلا كتر منو عين مكتقدرش حتى تحلها)
مالك؟!!
أشرف: (بعصبية) واش تحركي ولا نجي نحي لمك عينييييك
(ناضت كتعرج دازت للكوزينة هزت عشاها ومشات لبيتها متسائلة شكون هدا للي ضربو!!!!
بغات غير تيليفون تلاها بييه واالو.. ياله بغات تاكل حتى حست بركلة فكرشها تهزت)
شيماء: اويلي شنو هادشي (عاودت حست بركلة خفيفة بحال دغدغة فكرشها حطت الخبز ودارت يدها على كرشها كتسنى ضربة اخرى ووالو شافت كرشها كانت منفوخة جاتها فشكل بحال أول مرة ترد لبال ليها وأنها بالصح حاملة!!!!)
~~~~~~~~~~~
زهير: (دخل للدار مسخسخ كانت ليلى والحاجة وأمال جالسة فقنت غير شافتو وقفت مشات سلمت عليه دار يدو من مور ظهرها) زين
أمال: علاه مجيتش ݣاع اليوم
زهير: الخدمة (مشا باس يد مو وليلى قال السلام من بعيد للي ناضت قداات الجلسة..)
كاين شي عشااا؟!!!
ليلى: (غمزت أمال للي مشات للكوزينة وعيطات على زهير)
زهير: لحݣي اما الا لݣيتيني نغوت راه من صباح وهي تحلف فية وتݣولي حتى تجي
الحاجة: هههه بيناتكم
زهير: واه (مشا عندها كيحك قرفاادتو لقاها فلكوزينة تكا على لبوطاجي مكالي بيه) واشتا!!!
أمال: امم نمشيو لدارنا؟!!!!
زهير: درك؟!!! ماشي نتعشاو معاهم
أمال: لا بغيت نݣولك شي حاجة ولكن انا نسبݣك حتى تلحݣ
زهير: واش وااقع ابنتي؟!!
أمال: وغير تبعني
زهير: أمل والله مسخسخ عياااان
أمال: 10 دقايق واجي (قبل ميهضر مشات بقا متبعها رجع حدا مو كيستفسر كداز نهارها وعلى صحتها جا خوه لكبير هضرو وجبدو مشروع ليلى للي تالفة شنو دير فمشرووعها اما امال لبسات وتقادااات لبيت مقاد مريح وشعلت شميعات من بعد محطات ديسير مشكل فاكية… أما لعشا كانت دارت لازانيا وشي مقبلات خلاتهم فالكوزينة بقات كتسنى كتسنى واالو مجاااش حتى من تيليفونها نسااتو فالدار لوخرا… شحال تسنااات ووالو تعصبت ساعة دازت والو مبااانش لبست بينوارها ولوات شاالها طلعت سطح)
أمال: اووف يا ربي كندير نقز (زادت لوات ببينوار حيت لابسة من تحتو غوب دونوي جابت كورسي طلعت ونقزت وتفك ليها لبينوار لقات زهير ولكبير جالسين فسطح وهي بقات كتشوف والريح كيدي ويجيب لبينوار وكيزيد يتحل)
زهير: (وقف جيهتها) ضرݣي ااااااا… (مشا وقف كيسد ليها لبينوار بالجهد وشاف فيها) واش هبيلة ولا ضربك الله
أمال: كنت نتسناك نتا تعطلت (حشمت من لكبير) محسابليش لقاكم هنا كنت بغيت غير نعيط ليك (مبقات مدير دارت وطلعت فوق الكرسي ورجعت لسطحها كتجري لبيتها 5 دقايق لحق عليها مع دخل لبيت لقاه مزوق ومقاد عاد فهم)
زهير: هاااااااااه ݣوليها من اللول
أمال: سير تبعد مني شحال وانا نتسناك
زهير: احِّيييييي على نبعد منك روااااحي يا غزااالي اليوووم نبووومبيييك ونݣلبك ياااااك جدك…
أمال: زوووهيررر
زهير: (دار ركابيه على الناموسية) مال جدك.. رواحي
أمال: لا
زهير: روااااحي ولا ننن…. روااااحي يا جدك
أمال: ݣلت ليك 10 د… (جبدها من رجليييها حتى غوتت) طلݣني واااا طلݣني
زهير: ههه (تكا عليها وحط رجليه فوق رجليها… شاف فعينيها وكيلعب فشعرها) مالكي؟!!!
أمال: حشمت قدام عمي لكبير شنو غيكون يݣول علية
زهير: غيݣول مرت خويا قرستها الدودة وخرجت تݣلب على لفحل ديالها باش يبردها ليها
أمال: أحاااااااي زوووهيييير
زهير: مال جدك
أمال: انا مفيااش الدودة
زهير: فيك غير ݣميلات هههه
أمال: (خرجت عينها) مااااافيااااااش نييييت
زهير: متنوضيش تشطحيلي
أمال: منعرفش
زهير: انا بية غير تلوااااي شوية (بقا كينوضها حتى ناضت حشمانة هز تيليفونو قلب فيوتيوب على موسيقى الشرقي زاد الصوت وحطو فوق لكوافوز)
ياله وريني نشوف واش فلوسي حلال فيك ولا غير كليت لما على كرشي
أمال: هه وراااه حشمت
زهير: طلݣينا أمال (قاس فحجرو) متعينا ابنت مّا
أمال: (معرفت منين تبدا ممكن الشعبي شوية ولكن الشرقي!!! طلقت شعرها)
زهير: اااح سييييير على الله (تكى على الناموسية)
أمال: (بقات كتلوى وتلوز الموسيقى فجيه وشطيح فجييه كدير بحال شي راقصة استعراضية مخدمة حتى يديها اما هو تبسم متبعها شافت فيه بقات كظحك من شوفتو باينة عجباااتو وقفت وهو هز تيليفوونو نقص الصوت)
عجبك؟!!
زهير: يا خووووتي تزعزعت انا تخلعت!! نحيتي لاستيك من شعرك ݣلت صافي امول غتحيح
أمال: معجبتكش؟!!!
زهير: (وقف) اويييلي على معجبتنيش
أمال: ههه
زهير: (مسح فشعرها وشد على ذقنها) حلفي مساااحرالي
أمال: (خرجت عينها متيقة سؤالو) والله عمرني فحيااتي سحرتلك والله لقساااام
زهير: والو متقتش
أمال: انا نسحر ليك ازهير؟!!!
زهير: حلفي هادشي للي راني فيه معااك ما سحور ما كتبة؟!!
أمال: (حتى تبسم عاد فهمت ظحكو) واه سحرتك بزييني
زهير: بلمااارة ديال السنة للي مكانتش عندك ولا هاد لبزيز***
أمال: ههه بيهم كاملين
زهير: وجااات معاااك (تبسم وحنا باسها فشنااايفها حتى سمع شي حد كيعيط ليه.. رجع كيبوسها وسمع الصونيط)
واش هاد لخصااارة للي راه يعيط؟!!!
مريم: واااا محمد واش صافي موليتش تهضر معايا ݣاع؟!!!
محمد: ياك انا ماشي راااجل وقيليني عليك
مريم: واااسمحلي والله مبغيت نکولك هكاك غير خرجت
محمد: منين مخرجتكش من الدار حمدي الله اما على ديك الكلمة امريم منخلييييكش فعنݣي
مريم: وتسخى بية؟!!!
محمد: نسخى ونفوووتها مرتي للي نتقاااتل عليها متشوفنيييش راجل سمو تبقاالها دير عندي؟؟؟
مريم: (بقات كتبكي) والله مكنت بغيت نݣووولها والله عمرك تعاود تسمع مني شي حاجة خايبة
محمد: (دور وجهو لتلفازة)
مريم: وااعفاااااك امحمد سمعني.. راه اخر مرة نݣووولها انا خفت غير تمشي تجوج علية
محمد: وكان بغيت نتجوج غتمنعيني؟!! غتشديني من رجلي؟!! لا.. انا للي مباغيش نتجوج انا قاااانع غير بيك ولكن نتي امريم خليتي الشيطان يلعب عليك مزيااااااان ورجعتي دخلي وتخرجي فالهضرة ومتحتارمينييييش وباغية غير تحملي لاش الآلة باغية تحملي ياك انا مباغيش لاش؟!!!!!
مريم: (كتبكي) مبغيتكش تفكر فشيماء
محمد: هههه لا حول ولا قوه الا بالله العلي العظيم نتي باغية غير تكفري عدو*** واش انا نهضر عليك ونتي ديما مدخلة دييييك فكلامنا ياك اليوم عرفتي من أمال راها مجوجة
مريم: كنتي عارفها نتا مجوجة؟!!
محمد: واه كنت عارف
مريم: وعلاه مݣلتيلي والو؟!!!
محمد: وفاش يهمنا حنا ولا واش دخلنا فيها وفجواجااااتها واش باغية تخليني نفكر فيها صحة
مريم: لاااا مبغيتكش تفكر فيها
محمد: هي الا سديتي موضوووعها نسااايها عليك هي عايشة حيااااتها عيشيييها حتى نتي ونساي عليك لبشاااار
مريم: سمحلي امحمد
محمد: سيري حطينا لعشا
مريم: سمحتلي؟!!!
محمد: سيري امريم حطي لعشا هاد السااااعة…..
زهير: (كان كيفاااك لكبير وولادو اللي لسقوووه باش يبنييو بوحدهم والمشكل بغاو يبنيو فجنان زهير للي شاري الأرض بفلووسو هو غير كيشوف فيه ما يهضر ويربب عليهم ولكن وجه خوووه كيخلليه غير كيتغدد وكيبرد فخوووه طلعو لدارو وحتى ليلى كلماااتو رجع لدارو لقا أمال نعسات فوق لفوتوي وهي كتسنااااه ملامهااااش فقط معصب مع هاد ولاد خوه للي كيفقصو بااهم…)
~~~~~~~~~~
أصبحنا وأصبح الملك لله..
هند: (ناضت صباح مع 9 خلات وليد ناااعس حيت الليل كامل وهو مفقوووس حيت مبغاااش يقي** ليه…
مشات لكوافورة قدات سوان فيزاج غسلت شعرها وقداااتو اما لاصير عاد كانت محااايدة صونا عليها وليد بقات كتشوف فلابيل ودماغها سااااارح)
😈 “”لمن كتقادي هادشي والراجل عندو موتورو مخدااامش”””
😇 “””غيكون مسكين غير مع ستريييس “””
😈 “””رجال مكيفرقوش بين المشاكل وبين نعاس وكان كنتي كتثيريه كان غيوقف ليه””””
😇 “”””لا لا هومن ديما كان كيبان من السروال غيتفرݣع وفاش كنتو فالحسيمة وشحال من مرة غير من لكسيدة لدابا للي وقع لو هاد المشكل””””
😈 “”””يعني طلعتيلو فراسو مبقاش مهتم بيك يمكن بانتلو فالمحامية””””
😇”””””المحامية!!! لا لا اخر مرة قمعها وزيادون هاد المشية لتركيا راه على ودك نتي “””
😈 “””المشية لتركيا على ودو هو للي باغي يهرب من فضيحة ختو منين عرفها مع اشرف””””
😇 “””هو قال تركيا قبل ميعرف قصتها مع أشرف”””
😈 “”””وشكون قالك مكانش عااارف ياك نتي عارفة هو مكيرضاااش ومكيقولش كولشي وكان مكنتيش عارفة من طرف آخر مكانش هو غااايجي ويعاااود ليك”””
😇 “””نعلي الشيطان وسيري عند راجلك للي كيبغيك وكيتسناااك يمكن هاد المشية غتخليكم تنساو المشاكل وتعيشو حياااتكم للي شحال ونتوما كتمناوها وتسناوها”””
😈 “””””اه سيري عند راجلك للي غير كااادر وعيشي حيااتك مقهوورة حتى من الدخلة مغديريهاش””””
😇 “””وليد ولد الناس وكيبغيييك”””
😈 “”””ولد الناس ولكن ماشي راااجل”””””….
…: ختي تليفونك مسكتش
هند: (تنهضت) هاااا (بحال عاد وعاات من التفكير العمييييق) اه مسمعتوووش واش قربتي اختي
…: جوج دقااايق
هند: اوك (دوزت نمرة وليد وتنهدت جاوب دغيا) وي بيبي… انا لتحت عند لكوافووورة… اوكي.. الطيااارة مزال عليها الحال… اوكي بيبي منتعطلش….. (قطعت وطلقت تنهيدة طويييييلة راخية راسها ومغمضة عينيها)
من بعد موقفو معاهم حتى مشاو رجعو للطموبيل وأمال طايح عليها الضيم
زهير: بغيتي حتى نتي تسافري؟!!!
أمال: لا غنتوحش هند
زهير: سيمانة ويكونو هنا
أمال: ان شاء الله
زهير: أموول كنت بغيت نسولك واش مكتشربيش الكييينة (شافت فيه) منتقلقش منك غير ݣوووولي
أمال: (ديك منتقلقش منك غير ݣولي بحد ذاتها بداية الحرب) لا مكنشربش (بحزن) حتى انا مكرهتش نحمل
زهير: متزعفييش… كولشي يجي فوقتو احبيبي
أمال: بالصح ؟!! (بلعت ريقها للي بحال غصة) متجوجش علية
زهير: وعلاه نتجوج؟!! مفهمتش لاش كتخلطي الهضرة
أمال: حيت زعما الا مكنتش نولد
زهير: (خسر وجهو) واش هاد الهضرة للي مدووووزش من الحلق
أمال: راه خفت
زهير: وااه حتى دابا درتيهالي فراااسي عاد هضرتي على مرت خوك وݣلتي مخاصهاش تفكر هاكا وكدا ولا غير مع الناس
أمال: نتا باغي لولاد محمد مباغيهمش
زهير: (ضار عندها) نتي واقلة مزال متعرفيني انا واااااه باغي لولاد وباغيهم من غدا وباغي بزاااااف ولكن الا مكنتيش نتي مهم واش ندير بيهم نجيب وحدة تولدلي ونتي تقهري في رووووحك اشمن حلاوة عندي ديك السااااع… ونفرضو حاجة الا مكنتش يانا نولد نطلݣو وتمشي تجوجي؟!!!
أمال: لاااااا
زهير: شوف تشووف
أمال: لااا انا اصلا مباغاش لبز
زهير: (قوس عينو) ماباغيااااش تحملي
أمال: (ضورت عينها) باغيا
زهير: ههه حتى تبغي بعدا عاد نهضروووو
أمال: انا باغيا كولشي معااك
زهير: همممم…
أمال: والله واش غضبت
زهير: علاش غنغضب كبيييدة نتي وين تبغي نروووحو؟!!!
أمال: فية الجوووع
زهير: من نهار عرفتك احبيبة ونتي فيك الجوووع (شافها نفخت حنوكها) هههه جويعييين ديالي…
علي: (جالس كيتسنى لغدا جات فتيحة حاطة بيض ومطيشة)
عاود!!!!
فتيحة: بغيت شي حاجة نوض طيبها رااااسك
علي: صافي مشا ولدك لعزيييز
فتيحة: بجوجكم ولادي ولكن راه تقهرت نوض حتى نتا تجوج
علي: اش بغيت بشي كلبة نصرف عليها
فتيحة: نتا غير جيبها وللي كان راه تاكلو
علي: راه عندي ماشي معنديييش ولكن مشفتش هنا شي وحدة تعجب وللي ݣلت ليك معجباتكش بحال نتي للي غتجوجيها
فتيحة: كول كول ورجع لمحااال باك بقالي غير بنات خدامين فلقهاوي ندخلهم عرايس عندي
علي: وانا كانت عاجبااني
فتيحة: (خسرت كمارتها) باش تخليني علكة وظحكة ففمام عباد الله
علي: مزال مهضرتي مع محمد يعاود الكتبة
فتيحة: والله كنت عارفة باك غيديرلك هكاك
علي: يمشي **** الله يجعلو يتحرݣ فين رااااه
فتيحة: (هزت كفوفها مفقوسة من ليلى) امييييييين
علي: من ديما ماشي رااااجل
فتيحة: بزااف على لكلب يكون راجل مخلي ولدو وكاتب الكلبة الدار
علي: مطييييورة مع راسها بين ليلة ونهار باعت الدار المحال وضربتها بتجويجة من تاجر كبير فوجدة
فتيحة: شوووهتها مزال ولدها لحمة وناضت تجوج
علي: نوضي حتى نتي تجوجي من شي تاااجر
فتيحة: لݣيييتو..
علي: وتجوجي؟!!!!
فتيحة: وعاد نجلس نتشاور معاكم هداك دار لمرا وهرب ونتا جالس كل مرة تجيبلي وحدة من قهوة اوا وانا سمو نجلس هنا ندير تواليكم نحسب الشيب للي فشعري؟!!!!!
~~~~~~~~~~
هند: (وصلو لمطار #اسطنبول_تركيا.. خرجو وهند ضورت وجهها كان بارد الحال شوية حيت التالي ديال شهر 9 جا وليد جار باليزة ديالها وهاز شكارتو فظهرو حط يدو تحت ظهرها)
الجو غزااال
وليد: نتي للي غزاالة
هند: (تبسمت) انا عندي غير لفرونسي والاسبانية
وليد: فرونسي ولونݣلي
هند: ههه مهم الا مفهو هادي يفهمو هادشي
وليد: (كيشوف فيها بحب واكتر من إعجاب) مهم نتفاهمو بجووج
هند: ههه ياله باش نمشيو لوطيل نخرجو
وليد: مترتاحيش
هند: منين نمشيو لوجدة ونرتاحو دابا غير وجد صبابطك معايا
وليد: هه واخا لالة جاتك…
دازت 4 أيام أشرف مبانش فالدار وشيماء غير كتفكر فين مشا؟!!! وعلاش مجاش معندها حتى وسيلة تواصل فالدار من غير لانتيرفون للعساس… اما كولشي متوفر هاد صباح ناضت على ركلات خفاف فكرشها للي ولات كتولفهم وقفت اونفاص المرايا كتشوف فراسها وجهها رجع حالتو حواجبها تغووفلو زادت قربت كتشوف لموسطاج حلت فمها سنانها صفارو بعدت هاربة من وجهها هزت تريكو للي حوايجها أغلبية رجعو من ديال أشرف شافت كرشها كاين شراطي بووويض تحت السرة وشعر حدا السرة الكرش بدات كتكبر هزت لصدرها كان الراس كحل وللي داير بيه كحال مكانش فداك اللون رجع غاااامق اشمئزت من راسها ومن هاد المنظر… حلات شعرها للي كان مزيت شحال مغسلاتو قررت تدوش مشات لماريو أشرف وهي كتقلب فكرت تقلب كولشي وخصوصا لفلوس قلبت حوايجو للي مطويين مزيااان.. ملقات والو هزت حوايج ديالو ودخلت للدوش هزت موس لحسانة باش كيحسن وجهو باش تحسن المناطق… شي ساعة وربع تمت خارجة وباين فيها تحممت دازت للكوزينة هزت الليمون فشبكة ومشات للصالة جلست كتنقي وتاكل حتى سمعت لباب تحل خرجت عينها حيت كانت الدنيا مرونة ملقات كيف تنوض دير تجمع… دخل لقاها جالسة اونفاص معاه دور عينو كما توقع زرييييبة وعيا معاها بالهضرة والعصى
أشرف: دخلي احنان (شافت شيماء فلباب كانت وحدة دايرة فولار وجهها زويين بحال شي ملاك عوينات زووورق ودايرة ميكاب ولكن خفيف غوبش وشافت فيه بمعنى شكون هادي) دخلي راني من اللول ݣلت ليك ماشي وحدي
شيماء: شكون دي؟!!!
أشرف: (سد لباب وبيدو شير تمشي تجلس) ولا نجيبلك كرسي بلا متجلسي داير بيك هاد زبل
شيماء: (حست بالتحشيمة حيت قشور بنان حتى عضام ديال فخاض وجناح دجاج فوق لفراش)
حنان: (تبسمت بلباقة وجلست فكرسي هزت عينها فشيماء) سلام عليكم
أشرف: (شاف فشيماء) كتشربي دواك؟!!!!
شيماء: واه (مرضاتش) مكنتش عارفاك تجي اما نجمع الدنيا
أشرف: الدنيا الا جمعتيها غتجمعيها لرااسك ماشي لية
شيماء: راه كانت مجموعة غير تغديت دخلت دوشت وجلست نرتاح باش نعاود نجمعها
أشرف: بأماارة كما خليت داك كاس أتاي (كان خلاه فوق حويطات صغار) من هادشي شغلك نقا الا كنتي نقية غتكوني لروحك ماشي البشار
شيماء: شكون دي للي جايب؟!!
أشرف: مرتي
شيماء: ماشي علية (شيرت بيدها) هاد خيتي
أشرف: (ببرود) راه هضرت معاك مرتي واخر مرة تهضري معاها هاك تأدبي شوية مع الناس ومرتي بالظبط….
أمال: (جالسة كتشوف ليلى كترضع ولدها للي خوها من باها) التربية واعرة؟!!!
ليلى: على حساب انا ولادي كاملين تربيتهم ساااهلة وأكترية عمران
أمال: (تبسمت) مكرهتش حتى انا نولد ولكن خفت انا براسي معقدة عاد نولد مكنقدرش حتى نهز لبز اعساك يكون عندي شي ولد نربيه
ليلى: الا بقيتي تفكري هاكا عمرك تهزي الراس انا عارفة شنو داز عليك
أمال: معرفتش علاش بابا كان مكيحملنيش
ليلى: (تلونت وحاولت متبينش)
هو هكاك مكانش يعرف كفاش يتعامل
أمال: هو كان كيبغي صفاء ومروى (شافت فيها بانكسار)
عفاك ݣوليلي الحقيقة غيكون عاود ليك ماااا تجوج على ماما غير باش يهرب عندمن يرتاح
ليلى: أمااال (دخلت الحاجة جايبة طبسيل ديال الكعك)
الحاجة وكان عيطتيلي ياك شحال من مرة ݣلت ليك متنوضيش
الحاجة: بحال بحال ابنتي أمال نوضي احبيبتي جيبي داك كاس أتاي
أمال: واخا ليلى انا دااابا نجي تكمليلي
الحاجة: وطلعي معاك ابنتي لسطح باش تجيبي لحوايج راه فزݣو بالنو (شتا)
أمال: (تعصبت) وااااا مّا خليها غير تعاودلي شي حاجة
الحاجة: صافي ابنتي نطلع انا (جات نايضة شدت فركابيها) ااااااح اربي
أمال: (نفخت حنوكها)
غير جلسي انا نمشي وعقلي فيها
(مشات جابت ليهم صينية ديال أتاي وطلعت لسطح كانت شتا رقيييقة.. هزت تيليفونها صونات على هند أبريل فيديو لقاتها طافية كونكسيون.. قنطت بزاف عمرت التصبين فالشبكة ومشات حطاتو فلبيت للي فسطح ونقزت لدارها كانو عندها سوارت سطح حلات وهبطت لدارها سدت سراااجم ومشات للبيت للي فيه ماكينة ديال لخياطة هزت توب من اللي شارية وبقات كتفصل فيه بمقص باش تبعد من لقنط…)
ليلى: عتقتيني
الحاجة: مبغيتهاش مسكينة تقهر واخا معارفااش ولكن بااااااين دا سرووو معاه
ليلى: (سهات) خلاه معايا.. الله يسمحلو ويسمح لكولشي…
مّا ها هو يبقى معاك عمران نمشي للدار نشوف بناتي ورجع…
الحاجة: سيري ابنتي وجيبهم معاك
ليلى: واخا امّا….
هند: (4 صباح واخا لبرد كانو مزال مقسرين عاودو تعشاوو عاد رجعو لوطيل وهوما مقشبين هي دخلت الحمام وهو بقا برا بقا تفكيرها منين جاو مكانتش حتى مبادرة من عندو حتى حجرو متنفخش كما موااالف مفهمت وااالو اهتمامو لكبيييييييير وحتى حبو مكافيش مشكل 70٪ وهي محتاجة 30 ٪ مابغاتش تحرجو خلات حتى يرجعو للمغرب…
تبسمت المهم دوزو احسن أياااامهم بمغامرات زوييينة فتحت لباب لقاتو مهبط سروااالو و🍌 واااقف مزياااان تصدمت وشااافت فيه)
هادشي كامل ومخبيه علية
وليد: ههه بحالي بحااالك
هند: (تبسمت) وووووو شنو دابا!!!!
وليد: اليوم ن**** اهند مااافيهااااش
هند: ههه اويلي شنو تتقول
وليد: اممم علية رواااحي روااحي (بقات واقفة حتى ناض هو نصل شنو بقا من سروالو ومشا عندها فرحان من ودنيه.. جارها لعندو كيبوووسها بهيستيرية ممخليهاش فين تنفس ولا ترتاااح خلاها مع الحيط ياله كيعريييها وكيحس بلتحت بدا يفشل طل عليه لقاه بدا يترخى بدا تنفسووو كيصعااااااب وباينة كيتعصب هي وقفت كتشوف ردة الفعل وكترد نفسها ضرب يدو مع الحيط حتى تقشرت صباغة..)
هند: ولييييييييد
وليد: سيري اهند تنعسي (بعصبية ضار هز سروالو معصب لبسو وهو كيتجنن)
نغيب رتاحي درك نجي
هند: فين ماشي نجي معك؟!!!!
وليد: عفاااك اهند…. (هز سوارت الشومبر وبزطامو وخرج مكيقشعش اما هي هبطت تريكو وردت شعر من مور ودنيها كتحاول تفكر فشنو وقع ميمكنش قاستو بيدها حسااات بيه كبير منفوووخ عروق كيضربو.. ميمكنش علاش ترخى شنو المشكل الا كانت مشكل صحية مغيخليهش يوقف وحتى طبيب لي دارلو العملية سولات على مشكل الانتصاب قالها معندوش حتى علاقة ممكن ستريس تعب مشاكل ولكن… بفففف بقات غير كتفكر… وفنفس لوقت بقا فيها وليد وحست بخيبة أمل للي وقعااتلو غيكون تعصب ومرضاااش كما كان الحال راه رجولتو هاديك….
بدلت حوايجها ودخلت النموسية ندمت علاش جربووو ݣاع كانو بيخييير بغات تخلي حتى للمغرب فدارهم…)
هند: بقات هكاك ساهية الليل كامل ووليد مزال مبان.. حست باش غيحس وأول مرة مفكرتش فراسها حيت اللي عاشتو معاه فتركيا فهاد الايام خلاها تشبع حب ضربت 6 دصباح سمعت لباب تحل قفزت حيت كانت ساهية مشعلش الضو حط حوايجو بقا بشورط حيت طالقين الشوفاج تلاح حداها على كرشو حطت يدها على ظهرو…
“”ولييد””
وليييييد حبيبي فااين مشيت؟!!!
وليد: (بصوت غليض) انا جيت
هند: (معرفت متقولو ومبغااتش تجبد الموضووع)
امتى رجعو؟!!!
وليد: غدا
هند: هاء راه باقية يوماين
وليد: هند خليني نرݣد وغدا صباح غنرجعو فحالنا
هند: لا… علاش نضيعو يوماين وليد شوفي وانا تنهضر معاك واش مقلق مني انا؟!!!!
وليد: (غمض عييينو ممصروطالوش ان روجولتو مخدامااااش وهي كتهضر كان معول يجي يلقاها ناااعسة وهارب من سؤااال للي تسمعلو فودنو)
هند: شنو مشكلة ديالك اوليد؟!!!
وليد: (شاف فيها معصب) باينة ياك نتي وانا عارفين المشكل
هند: لا معارفااش!!! علاش غتخرج وتخليني ومنين ترجع تعصب علية؟!!!!..
انا أوليد باغياااك كيف ما كنتي
وليد: كفاش كيف ما كنت علاش مالي؟!!!
هند: متفهمش غلاط (بغات تقادها) انا عارفة ضاير بيك بزاااف دالمشاااكل ولكسيدة راه مسااهلش راه رجعتي من لموووت
وليد: وسمو دابا انا رجعت من لموووت وهو بقا كومة
هند: ههه
وليد: مكنظحكش ومكاين فالهضرة مكيضحك
هند: مظحكتش
وليد: سمعي ابنت الناس
هند: سمع نتا اولد الناس هادشي راه عادي وتيوقع مع كولشي نرجعو المغرب ونمشيو طبيب
وليد: (بقا مخنزر اخر حاجة فكر فيها فحياتو هو يطيح فهاد الموقف مع مرتو.. نزير بزاااف وتخنق)
نعسي
هند: عفاك أوليد تندوزو وقيتة زوينة مضيعهاااش على شي حاجة فحال هاكا
وليد: فحال هاكا!!! انا عارف مزياان نتي سمو باغيا بلا متزوقي الهضرة معايا اهند حيت هاكا عاد كتزيد تعقد علية
هند: اقسم بالله اسيدي الا كنبغيك نتا مق** ولا ممقي** وصافي تهنيييت
وليد؛ والله يا جدك وتعاودي تخسري الهضرة حتى نݣلع لمك سناانك
هند: واخا سيدي
وليد: نعسي
هند: (جات لحداه وتكات على صدروو بقا غير كيشوف حتى تكى فوق الناموسية دار يدو من مور ظهرها هي جبدت عليها بنعسة وهو بقا دماغو خدام كيحلل ويفهم علاش المشكل….)
أصبحنا وأصبح الملك لله…
شيماء: (الليل كامل منعستش من مور مصدمها بالخبر خدا شي حاجة من بيتو وخرج هو وللي عرفها انها مرتو التانية) انا تزوج علية!!!! (حست بالضيم توحشت مها بزااااف
بكات حتى شبعت بحال شي ݣلتة مغيسة طاحت فيها ومكاين للي يجبدها.. بغات غير تهضر مع مها تخوي قلبها طلب سماااحة ترجع تبغيها مها كيف كانت توقف فصفها تعاونها فمشاكلها…
حست باليتم واليديها حيين لا اب لا ام لا أخ كولشي كاارهها كولشي كيتمنى موتها بكااات بكل حرقة وهي كتفكر تابعها الولادة ومن مور لولادة بنتها غتربيها اخرى شدت فكرشها مقهووووورة.. تفكرت وجات فبالها أمال.. أمال للي يمكن كانت كتحس بهاد الاحساس وكتر منين كانت كتشكي عليها هاكا كانت كتحس ومنين تلاقات أنوار بان بصيص أمل فيه وجات هي قطعات هاد الخييييط… فكرت أن كولشي تقلب عليها وكولشي غتعييييشو.. شبعت بكا حتى عيااات وناضت كتجمع الدار وخناينها سايلين ومرة مرة دمعة كتهبط على حنكها.. أول مرة كتجمع الدار مزيان أول مرة كتشطب الدار وكتوثل التشطييبة للكوزينة ماشي كتفرقها تحت زرابي وسدادر أول مرة تجفف بجاڤيل وسانيكروا أول مرة كتمسح الغبرة حتى من لحيووووط.. جمعت كولشي ومشات للكوزينة معندها خااااطر الماكلة حدها قشرت ليمونة كلاتها تماك ورجعت لنموسيتها باغية تعيااا باش تنعس حيت الاحساس بالوحدة رجع كيخنقها نهار على نهار….)
~~~~~~~~
أشرف: (كان خداام حتى صونات عليه حنان قطع ورجع صونا عليها)
واش فكرتي؟!!!
حنان: معرفتش خفت أشرف نربي بنت وامها فالحيااااة ماشي قسوة مني ولكن مكنبغيش الظلم
أشرف: هي الا بقات عندها بنتي مغتعيش مزيان
حنان: علاش؟!!!!
أشرف: حيت هي مباغياهاش وهي باغية طلاق من مور متولد يعني احنان الا مكنتيش نتي غتعاود نتجوج باش نوفر لبنتي شحال من حاجة وانا وياك اصلا كنا مفاهين او لا!!!
حنان: مفاهين منين كنتي عزري ماشي من مور معرفت ديك لفضيحة
لأشرف: ومخبعتش عليك جيت ابنت الناس قصدت داركم وعاودت ليك كولشي
حنان: معرفتش والله انا عزااز علية لوليدات صغار وبنتك نديرها فعيني ولكن منين شفت مرتك لبارح
أشرف: واش!!! متݣوليش لݣيتيها ملااااك ومتستاهلش وانا ظااالم
حنان: واه ظاالم ظلمتيها نهار شديتيها بالسيف عليها ظلمتيها وظلمتي حتى راااسك
أشرف: وصلحت غلطي راه فبلاصتي اي واحد ميعقلش عليها
حنان: كيعطيكش خاطرك تنعس ونتا عارف روحك ظاالم
أشرف: دابا صلحت… انا باغيك تكوني نتي ماين بنتي احنان
حنان: يكون خيير ولكن حتى تعطيهالي مها براسها …
الكاملة: (طلعات لدار ليلى بقات كدق وتزغرت ) لولولووووووووي وحلوووووو دلباب
لكبير: (فتح معصب حيت كان باغي يقضي الغراااض شاف فيها معصب) وااااااشتاااااا!!!!!!!!
الكاملة: (بفرحة كتعوج) غنمشي لفرااانسا عند ولدي
لكبير: وسيري حتى لجهنم لله طاالعة هنا
ليلى: (كتحزم ببينوار كحل ستان مطراسي على التضاريس ديالها) شنو واقع؟!!!!!
الكاملة: خرجووولي لوراق لفرااانسا
ليلى: ومن بعد علاه كتخبطي لباب دقي بشوية كاين تيليفون وزايدون لكبير ݣالك متجيش لعندي كيف انا مكتجيش لعندك
الكاملة: ااااااااه ولاه نسيت عندك تربية ديال راجل للي مات وخلي نوضو ليك
لكبير: (بغا يهد عليها) ياو سك….
ليلى: (خلاتو من موراها وتقدمت ليها) سمعي اديك الناااقصة ولدي قبل متجبديييه دهني قنانفك بلعسل اما للمرحوم الا بقات فيك نتبعك لييييه عار الضرة على ضرتها… اااخر مرة تجي تفرعي علية لباب راجلك الا بغاك غينزل لعندك انا وياااك مكاينش لاش نتلقاااو ولا غتجيبيها فودنيك وفعظااااامك
الكاملة: شتي واش راهي تݣول
لكبير: دخلي اليلى (دخلت وزدح عليها لباب خلاها مفقووسة ومكاين حتى ردة فعل لمشيتها لفرنسا للي كانت كتسنى منو يرفض بحكم غضبان على أنوار… هبطت مشات حدا الحاجة لقات أمال جالسة حداها حداها لابسة بيجامة ببينوار قطن وسروالها وشعر دايراه سفنجة ومعكرة.. سلمت على الحاجة فقط وأمال بقات اصلا حانية راسها مع شي تنبات مديرة لشي كسوة ولا قفطان.. بقات كتسمع الناس غير هضرتهم حتى كتسمع)
الكاملة: (صونا عليها أنوار ابيل فيديو) هاك اوليدي انوار هضر مع حنااااك
أنوار: وااخ (ديك لي عطاتو ضورت الكاميرا بلا قصد وبانت أمال واحد التانية بقا حااافر عينو فالشاااشة.. كيهضر مع الحاجة ومتمني التيليفون يمشي بيد أمال ولا يرجع غير يشوفها.. )
أمال: مّا انا النوض نرد لعشا يتݣاد على متجي ليلى
الحاجة: سيري ابنتي الله يرضي عليك
أنوار: عطيييوني نهضر مع مرت عمي راه عمرني شفتها ولا حتى باااركت ليها
الحاجة: (شافت أمال للي بانت منزاااعجة)
مراهاش لابسة حويجاتها
أنوار: تلبس..
الكاملة: (طيرت التيليفون للحاجة) اش دير بيها اوليدي ولا نسيت واش دارت فية
أنوار: لا لا أمال مرت عمي ظريييفة
الكاملة: (خسرت كمارتها) ومنين تعرفها نتا؟!!!!
أنوار: بقوة معاودتو عليها وليت حافظها
أمال: (حست باستفزاز من كلامو دخلت للكوزينة مبينة انها ممسوقاااش)
الحاجة: ولدي أنوار مرت عمك الا بغيت تشوفها حتى تجي هنا هي خاطيها الهضرة مع ناس متعرفهمش داااخلةوسوق راسها ودرويشة
أنوار: اممم واااه.. ياله نخليكم دابا ما الليل ونعاود نعيط ليك (قطع وبقا كيفكر شحال.. )
واش راك تخربيق ابنادم هي تجوجت عمك للي شحال ونتا تعمر معاه نسااااتك من بااالها ونتا مجوج وحدة بقالها غير تعبدك علاه راك تݣلب!!!! (حس براسو منساااش أمال بحال وقف فنقطة فين شيماء بدات تهضر فيها وتخيب صوورتها.. مخرج من افكارو غير بدخول دعاء للبيرو ديالو بكريشتها للي فرحانة بيها….)
أما أمال كتقاد لعشا بعقل طااااير بغات تمشي وتبرا الكاملة من ولدها وحتى للحاجة باش يبعدها ولكن خدمت عقلها الا تبرات غتبان مقسحة وغيباو أسئلة علاش هاد الانزعاج كااامل وغتوصل لزهير للي مكيتهنى حتى يعرف كفاش وعلاش وفيييين بلا النقطة السوداء للي خلا أنوار عند زهير…
~~~~~~~~~~~~
لكبير: هبلووووني يا ولد مّا
زهير: خليهم يمشيو يبنيو فشي قنت اخر
لكبير: لاااااا نهار نموت للي بغا يروووح يرووح ولكن محد النفس فية بغيت فاميلتي مجموووعة وضااايرة بية
زهير: وعلاه انا يكرهووو فية
لكبير: نتا مول لعقل اخويا
زهير: راه هوما للي كبار علية اخويا
لكبير: لعقل عمرو جا بلعمر.. (ناض مشا للمحال ديالو باش يسدو.. زوهير بقا بوحدووو كيجمع شي حسااب.. حتى جاه ابيل على حساب السلعة للي خاصو يمشي ليها لكازا… حتى هو سد ونيشان لدااارو…)
وليد: (حاول ينسى باش يدير الخاطر لهند باش يكمل يوماين ديالها فتركيا ولكن مقاسهاااش فهاد المدة..
شراو كادويات للأحباب ودازو فوق قانون البݣاج للي مخصص ليهم…
كملو الإجراءات فالمطار وطلعو للطيارة من بعد مخلص الزااايد بقاو كيهضرو على تسافييييرة حتى نعست هند على كتفو..
ضار باش يقاد ليها راسها للي كان معوج حتى كيتصااادف مع أنوار كيشوف فيهم…
طرطق عينو ااااخر واحد يبغي يشوفو)
أنوار: (***** اش جا مفاااكنا مع هاد خووونا قلب بغيتو على زهير للي عارف انه سااافر لكازا ولكن يقدر يكووون وخصوصا خااايف منو)
وليد: (عض على شنافتو معصب وقلب وجهو شاف جيهة ديال السرجم عقلو للي مجموع فيه شحال من بلان مكرهش غير ينوض يخمجلو كمارتو.. رجع يشوف فيه مالقاهش قلب راسو مكاينش..
كملات الرحلة ديالهم وحطو #فمطار_وجدة_انݣاد )
هند: بففف عيييت
وليد: ههه وايلي اهند
هند: هه واا عييت واخا كنت ناعسة عيييت توحشت أمال وكان غير جاو تعرضوو
وليد: تجي وحدها؟!!! (خرجو برا وكينتابه لأنوار فينوو)
هند: اه حقااا با زووهير مسااافر.. (حاااسة بيه مبدل غير كيتصنع.. خرجو برا كان محمد كيتسناااهم ركبو معاه وداهم نيشان لداارهم)
نمشي عند أمال؟!!!
وليد: عاد كنتي عيانة وفيك نعاس وكتماوتي
هند: وليد كتر فيك نݣير
وليد: هند متمشيش عند أمال شفت أنوار فالطيارة للي كنا فيها
هند: واش متيخافش؟ وليد عفاك عنداك تمشي عندو ولا ضااارب معاه
وليد: اش بيني وبينو رواحي نفكرو هاد روييينة
هند: واخ
وليد: (بقا كيردو حوايجهم فبيت نعاس الي عجبهم وفغيابهم زهير دخلو للدار ومونطااااه شوية صونات أمال على هند دارت هوت بارلور)
هند: كبيييييييييييدااااااا توحشتك
أمال: داك زمر ديال أنوار جا
هند: (بغات تحايد هوت بارلور ومنعها وليد) او من بعد نتي بعيدة على دوك المشاكل بينو وبين عمو
أمال: راه حماار هداك ميسوااش
هند: متديهاش فيييه متهضريش معاه بقاي مع الحاجة
أمال: والله معرفت خفت زهير يجي وهاد الكلب ي(صوتها كيتعاود وهند شاافتها مكتجاوبش معاها فالموضوع شكات يكون وليد كيسمعها)
كيف وصلتو؟!!!
هند: لباس الحمدلله هاحنا بجوج كنردو لحوايج
أمال: (ضربها الضو) فين كادوياتي؟!!!!
هند: ههه مكاينينش
وليد: (شك تكون شي لعبة من شحال هادي وأمر أنوار واشرف مشكووك فيه…)
شيماء: (دازت أيام أشرف من داك نهار مولاش بان خااافت ودخل معاها سخووون من مور لولادة لا بنتها لا أشرف لا عائلة لا مأوى لا دار لا دوااار….
دخلات لبيتو للي جبدتلو حوايجو كطوييهم حتى طاحت فألبوم تصاور ديالو هزاتو وجلست كتفرج على تصاورو وهو صغير باين معاه باه ومو كاين بزااف مع أنوار للي مكرهتش تقطعهم..
طاحت فتصاور ديال القبور وهو مصور معاهم كتر من عشرة تصاور بقات كتشووف فيهم وتحلل شوفااتوو وتعابييير وجهووو كفاش باين عليه الحزن جمعات الالبوم وناضت كملت طويله ماريووه للي نظماااتو.. جمعت بيتو حتى من الشيشة للي كانت عندو لاحها صغيرة ولكبيرة.. خرجت جلست بوحدها كما العادة حطت يدها على كرشها وخرجت هضرة من فمها بلا متحس)
فوقاش تجي باش تونسيني ابنتي..
ولكن حتى نتي غيديييوك مني قبل متكرهيني
(شوية طرشت راسها 4 ديال المرات فحنوكها)
انا للي حماارة انا للي ****
(شوية سهاااات بقات كتفكر فمها فوليد وليد للي تمنات وكان سمعت نصيييحتو واخا تكون حاملة يضربها ولكن كان غيلقى حل وغيعاونها.. تفكرت حسن للي عندها فوبيا من. الا شافتو ممكن تمووت غير بالخلعة…
اما أشرف كتشوف الكره واالاشمئزاز فعييينو عاد هادي للي تزوج ولا غيتزوج تنهدت وناضت لبيتها لبلاصة للي كتخبع منها وكتواسيها وتمسح دموووعها…)
~~~~~~~~~~
الكاملة: لولووووووي نهار كبيير هدا بلحبيييب دياااالي
أنوار: (تبسم وعينيه كيضووورو فينها امال؟!!!!!!)
الحاجة: زييد اولدي كووول
أنوار: والله اما الا نتي اكتر وحدة كنتوحشها فديك الغربة
الكاملة: وانا لمك؟!!
أنوار: نتي مي وهي مّا
الحاجة: (فرحت كيتفكرها) الله يردك اوليدي على خير
الكاملة: معندو فين يرجع الحاجة ولدي مستقباالو لهيييه فالخااريج مع مرتو وبنتو
الحاجة: بلحݣ اوليدي عندك بنت؟!
أنوار: واه الا كتاب
الحاجة: الله يكمل عليكم بالخير اوليدي وكان كان عمك يفرح بشووفتك الا تصبر شي يامات ويجي
أنوار: غدا اميمتي خاص نمشيو
الكاملة: راني مخوشة اوليدي من ديك الطيااارة
أنوار: ميوقع والو.. فينها مرت عمي؟!!! أمال ياك؟!!!
الحاجة: اماال أمااااال!!! انشووفها فلكوزييينة..
(ناضت الحاجة وهو كولو شوووق يشووفها كيف ولات وكيف رجعت.. مو كتنغزووو باش تسكتو على هاد أمال للي صدعلها راسها بييه.. اما هو عينو غير على باب لكوزينة حتى خرجت الحاجة)
مراهااااش اوليدي..
أنوار: فين مشات؟!! حم حيت عمي مراهش فالدار
الحاجة: يمكن مشات تجيب صوالحها
أنوار: اممم… اوااا لعشا عندك امّاا
الحاجة: مرحبا وليدي نهار لكبير عندي
الكاملة: وييييييه!!! وداركم أوليدي
أنوار: مّا حسن منكم كاملين
(تبسمت الكاملة مفقوسة اما الحاجة كتفرح بللي يكبر بيها)
انا نمشي نضرب ضويرة
(شاف فلكاملة)
مّا صباح راه نروحو بكري الا بقالك شي حوايج جميعهم غير متكتريش
الكاملة: واااه الحاجة درك نجي نرد لعشا بانلي عريسااتك جداد سمحو فيك
الحاجة: لا بنيتي راه أمال ردت لعشا ودرك تجي ليلى تكملو
الكاملة: اممم خياااااار.. (مشات وحتى أنوار خرج لقاو ليلى فدروج من بعد منعست ولدها وخلاتو مع بنت خالتها.. )
زيييد اولدي زيييييد ومتسلمش
أنوار: (طلعها وهبطها شاف مجاوباااتش مو كتبان زوييينة وفوورمة)
سلام انا أنوار
ليلى: عليكم السلام
أنوار: مرحبا بيك فالعائلة
ليلى: شكرا (مضسراتوش طلعات وهو بقا متبعها كيظحك)
أنوار: هادي هي مرت باين أمال!!!
الكاملة: لاه تجاوبها ݣاااع بانلي كتݣلب نسخط عليك
أنوار: هههه (عنقها) الواليد كان على سبة الواليدة مكاين لا حݣا فݣعان لا واالو السيد مزال باغي يزهى
الكاملة: الله يخليييه بلخلا زيد ݣدااامي زيييد (بقا كيظحك هي مشات لدارها وهو بقا مشا جلس فالنافورة ضار جيهة دار زهير بقا كيشوف…)
أمال: (تخلعت حسابلها شافها قلبها كيضرب شحال هادي مشااافتو وعلاش كيطلب شووفتها..
خافت بزاااف يجي زهير ولا يفرشها ولا يقول شي حاجة مكيناش يكذب كيف ما كذب الكذبة اللولة.. بقات غير ماشية جاية فظلااام.. ومرة كترجع طل شافتو كيكمي وباقي جااالس تماااك.. صونا تيليفونها جاوبتو)
الوووو
زهير: (من بعد نهار طويييل ومسخس)
كبيييدة توحشتك…
أمال: حتى انا
زهير: توحشت ****
أمال: (حاضية لاخر) حتى انا
زهير: (هز حاجبو) زعما!
أمال: واه (شافتو جاي جيهة الدار طرطقت عينها) احااااي
زهير: مالكي ابنتي بانلي راكي تجاوبي بلا عقل
أمال: لا لا انا مزيانة فينك واش متجيش؟!!
زهير: (هز حاجبو وجلس)
مالك!!!
أمال: (سمعت الصونيط فلباب زادت تفافات)
واالو علاش
زهير: شكون راه يصوووني
أمال: مشفتش
زهير: طلي شوفي شكون (قطع وصونا على مو اما هي عارفة شكون كيصوني بقات كتويل خااايفة من شي صداااع ولا حرب تنوووض… اما زهير صونا على مو عرف شكون الزااايد فالدار.. رجع صونا على امال)
ياكما ولد خويا للي صونا؟!!!
أمال: حم شكون فيهم؟!! حيت أنا لدااخل كن..
زهير: (بأمر) سيري حدا مّا
أمال: واه واه انا كنقلب على واحد البيجامة حيت بردت (شافتو مهضرش باش تبعد على صداع)
توحشتك احبيبة
زهير: (لعب بلسانو فوسط فمو وراء كيقولو صافي نساااا المشكل خليك عايش فحيااااتك هاااني..)
اممم
أمال: الدار بلا بيك خاااوية ݣاع مكنعس مزيااان فالليل
زهير: صافي نجي؟!!
أمال: واااه
زهير: وديري واش كنت ݣلت ليك
أمال: أحاااي
زهير: صافي مجاايش
أمال: (نفخت حنووكها) وغير يااجي
زهير: ههه بزعاااف ياااا جدك كااااتݣلبي نضربها على مك بشي تجويييجة
أمال: والله حتى نغربلك بالقرطاااس
زهير: هههه بلحلوووف
أمال: اوووووقسيييم بالله غير جرب
زهير: لا لا نخااااف على روووحي
أمال: متعاودش تݣووولها ولا نغضب
زهير: عرفتي واااش سدي السرجم وشعلي جدها ديك الكونكسيووون…
وليد: (كملو جميع حوايج دومونداو تعشاوو.. قادو مسائلهم وتكاو فبلاصتهم هند كتفرج فتيليفونها الفيديوهات ديالهم وكتصيفط لجداتها.. حتى نطق..)
منين تعرفو انوار؟!!
هند: (بقات فنفس الابتسامه حيت كانت كتفرج ففيديو) شكون أنوار
وليد: للي خافت منو أمال بنت عمي
هند: ااااه راه كان خاطب ختك واش نسيت وهي كانت صاااحبتنا يعني اخبااارهم كتجي تعاودها لينا فالليل
وليد: اممم وكفاش عرفتوه قبل
هند: (عرفاتو شك ومخاصهاش تجاوب بجواب ناااقص)
واقلة تلقاااو حدا لفاااك ااااه حدا لفاااك وماشي بزااف حتى خطبها
وليد: (بقا ساااكت)
واشرف؟!!!
هند: صاحبو؟!!!
وليد: واه
هند: كان معاه سوول هو مبانش داكشي ولكن للي فهمت من التالي أشرف كان حاط العين عليها ولكن كفاش تلااات الأمور بيناتهم معرفتش حيت شفتي مبقيناش نهضرووو
وليد: علاش؟!!
هند: ختك وبنت عمك مبقاوش مفاهين
وليد: جوج بنات كانو كتر من لخووت تعاشرو فالسيتي شوية رجعو بحال شي عدوات وحدة متشوف فالتانية يا كاين مشكل مادي للي هو مكاينش يا مشكل ديال المراهقة
هند: مفهمتش (فهمت)
وليد: (شاف فيها ببروود) علاش تحطي راسك ديما فحاجة ماشي ديالك ممكن يتجبد لينا صداااع وحنا في غنى عليييه
هند: مفهمتش
وليد: فاااهمة اهند وعارفك مطورة وبزاااااف شي حاجة دلماضي اه دازت ولكن حيت راجلك سولتك خاصك تجاوبي حيت ماشي سولتك باش نشد بيهم جموع سولتك حيت باغي نعرف هاد ختي اشمن مصااايب كانت فيهم
هند: نتا راجلي وحبيبي وكل حاجة زوينة ولكن خاصك تفهم انا متنبغيش نخرج أسرار شي واااحد دار فية الثقة هاكا انا دااايرة
وليد: شنو قصة أنوار واشرف اهند؟!!!!
هند: معرفتش أوليد عفاك متسولنيش على شي حاجة معارفهاش
وليد: شيماء شنو حريرتها فدشي؟!!
هند: (زفرت وشافت فيها) محور المشكل… (شدت فيدو وركزت فعينو للي مغوووبشة)
نركزو فحياااتنا شوية!!!
وليد: كفاش محور المشكل
هند: (قربت لشنايفو وباستو) بغيت نعيشو حياااتنا شوية.. شيماء راها مزوجة وفدار راجلها
وليد: (بقا مركز فشنااايفها وكيسمعلها بكل حواااسو حيت باين اسراااااااار هوما للي مخبيين)
هند: غدا نمشيو طبيب؟!!!
وليد: (زعزعاتو) علاه؟!!!
هند: وليد انا مرتك عادي هادشي تيوقع وكان انا للي كنت هاكا شنو كنتي دير تبغي نمشيو لطبيبة يااااك!!!
وليد: (غيطرطق فالداخل ديالو.. قلب وجهو ولحمووورية طالعة مع وجهو.. هي سكتت حتى نطقت)
هند انا راه ديما كنت نورمااال بالصح من مور لاكسيدون ماااااا معرفتش والمشكل حتى كنقرب ليك نتي بالظبط
هند: كفاش انا بالظبط
وليد: يعني تكوني بعيدة علية بشي متر راني غااااية غير نتي تقربي كتر… براسي مفهمتش وتعصبت
هند: (بقات ساكتة) جربتي مع شي وحدة أخرى أو ڤيديو؟!!
وليد: هند.. (عاد طلعت معاه) كفاش فيديو
هند: بورنو
وليد: (بعصبية) واش نتي مرييييضة عرفتي سمو راكي تݣووولي عاد خرجيها من فمك وتكوني ݣاااع عاارفة معااايا ديري راااسك معارفاااش متهضرييييش فدشي
هند: علاش تتغوت!!
وليد: (بقا كيشوف فيها) نعسي اهند..
هند: حنا غير تنهضرو أوليد
وليد: لا ماشي هضرة هادي عارفك عارفة بزاااف دلحوايج للي مباغيكش تعرفييهم وانا عقلي هاك داااير
هند: حنا فوقت للي رجع الراجل ولمرا كيعرفو نفس الحاجة
وليد: انا باقي معقد من هاد الناحية
هند: (معرفت باش تجاوبو)
وليد: هند… (سكت مدة) نعسي غدا ونهضرو.. (شافتو معصب تغطاات وهو تكى حداها حط يدو فوق راسها كيتلمس فشعرها حاس برووحو غطرطق منين مقاااادرش يقييييسها كيف بغا…..)
أمال: (سمعت تقرقيب فالدار جمعت الظحكة) حم زهير براااكة
زهير: كفاش براكة مزال مشفنا واالو
أمال: حم باااك غير رجع من عند مّا ونكملو
زهير: لتعطليش راه غدا عاود تبعاني تمااارة
أمال: واخا
زهير: يا جدك شحال موحش فيك نشدك نطرطݣ لمك الوالدة
أمال: ههه واااخا
زهير: بلعي لباب دلبيت مزيان عليك والا نعس شي حد عند ما روحي لدارك ونعسي
أمال: واخا
زهير: واخا حاافية
امال: واخا احبيبة (فرنست)
زهير: يااالاالي بييك (تبسم وقطع وحتى هي قطعت…
معاوداتش سمعت الحس ناضت من فوق الناموسية كانت لابسة غير دوبياس بدات كتلبس حوايجها دارت شالها طفات الضو وحلت باب بيت نعاس سدااتو جات ضايرة طلع لسطح وتنقز كيف موالفة حتى كتقشع ضو فلكوزينة صغيرة للي فالطبقة التانية.. مشات لتماك طفي الضو حتى نقزت بالخلعة وشهقت دايرة يدها على فمها)
أنوار: (ضار كيشوف فيها من رجليها لراسها استقر فوجهها وباين عليييه عاجباااه)
أمااال صاڤا؟!!
أمال: احااي واش راك دير هنا؟!!
أنوار: (ظحك حتى عض على شنافتو) توحشت منك هاد أحااي
أمال: (بغات تبكي) حرام عليك علاش جيت هنا واش راك باغي مني؟!!!
أنوار: واالو مرت عمي وجيت نشوفها (حنا عينو ورجع شافها وسيفت وجهو تبدلت)
متقبلتش هاد كلمة مرت عمي الدنيا كاملة بانلك غير عمي تجوجيه
أمال: وشكون نتا للي تقبلها ولا لا خرج.. خرج علية من الدار.. خرج ولا والله حتى نغوت
أنوار: من امتى تعرفيه؟!!!
أمال: ونتا مااااالك (بغات تبكي) عفاااك خرج غديرلي المشاكل وانا مدرت واالو فييهم واش نتا مكتوب عليك تعذبني وصااافي شنو درت ليك باش راك دير فية هاااك!!!!
أنوار: (بغا يقرب وهي ترجع اللور بقا وااقف)
كان عليك تسنااي
أمال: واخا تبقى بوحدك فالدنيا مكنتش نتسناااك انا وكان صبت دوك ليام للي كنت معاك فيهم نمحييهم من حياتي عفااك خرج زهير الا عرفك دخلتي لدارو بلا خبارو وعند مرتو يذبحك وهاد المرة واخا تهرب لمعرفت فين يجبدك يجبدك
أنوار: علاش هو مراهش هنا!!!
أمال: نتا عارفو مكاينش هنا داكشي علاش دخلتي.. ياله داابا دااابا خرج علية
أنوار: (قوس عينو فيها) متوحشتينيش؟!!
نعيمة: (الايام كتفوت ومعندها خبار على بنتها لي دخلت ف6 شهوور كلاها قلبها عليها واخا المشاكل والتحرمياات للي دارت والشووهة..
الا مكرهتش تسمع عليها خبار تعرف كيف عايش واش مهتمة براسها وبالولد ولا البنت للي فكرشها وكفاش كيتعامل معاها هاد الراجل….
الكبدة صعيييبة واخا كبدة ديال شيماء خاصها تحرق الا قلب الأم ديما كبيييير ومتسااامح وممكن تسامح ولدها او بنتها قبل حتى متعرف غلط ديالهم… )
“”احمد ݣلبي كلاني على شيماء…
احمد: نعييييمة نوضي طفي الضو ورݣدي
نعيمة: (دموع فعينيها) نعرفها غير واش حية ولا ميتة (لا رد) واش معندكش الكبدة عليها
احمد: كبدتها شوييييتها وخليت ليك شوي ديال الشحمة ديريها بولفااف
نعيمة: مرانيش نظحك
احمد: سمو بغيتي انعيمة فدالليل؟!!!
نعيمة: بغيت نعرف واش بيها شيما؟!!
احمد: بيها الحرية للي عطيتيها وتبعتك فيها بيها الزيييغة وقلت ترااابي..
الا نتي راكي تشواااي عليها هي مراعااتش لدشي
(جلس ولاح لفراش)
نفكرك فراااجلها منين جا يݣووولنا ها بنتك للي مالݣيتهاش بنت هادي مكااافياااش
نعيمة: (كتبكي) عااااارفة ولكن سمو ندير راها حااااملة
احمد: حاملة؟!! (زفر بقا ساااكت تكا وشاف فيها بنبرة هادئة)
نعسي انعيييمة مݣلت صحتك رجعتلك شوي نعسي الله يرضي علييك
نعيمة: خليني نرغب وليد يبغي لهند تمشي تشوفها غير كراها
احمد: نعسي انعيمة
نعيمة: (بغات تبوسلو يدو وخطفها) ها العااار احمد متݣولهاش انا للي صيفطتها غير نعرف كيف راها الله يرحم ميمتك هاد نهار ويخلي ليك باااك
احمد: نعسي انعيمة ويكون خير
نعيمة: (مسحت دموعها وتكاات على الاقل باينة بغا)
لهلا يخطيك علينا احمد (لا رد وبااااينة فيه كيخمم كما هي كتخمم….)
أنوار: (قوس عينو فيها) متوحشتينيش؟!!!!
أمال: نتوحشك؟!!! (كتزيد تعصب) خرج من داااري اصلا معلاباليش بييييك باش نتوحشك خرج خرج علية ولا والله حتى نغوت
أنوار: لدااابا مرانيش نتخيلك كتنعسي مع زهير
أمال: (طرطقت عينها ملقات غير دارت طالعة لسطح هاااربة منو هاربة من حوار منو وخايفة من هادشي والا شي واحد شااافو ويلا زهير عرف غيذبحها طلعت الكرسي ضارت لقاتو طلع ولكن مباينش ملامح وجهو مع ظلام نقزت لسطح الحاجة وهبطت بالزربة مخلية ليلى كتشوف مال هادي!!!!!…
اما هو بقا شحال تماك جلس فالكرسي مكانش باغي يضعاااف قدامها ويسولها ولا حتى يهضرها ولكن شي حاجة لداخل فيه حياااااة شي حاجة كانت كبر من الطاقة ديالو خلاتو يسولها ويشوفها…)
بقات صاقرة حدا الحاجة وغير مصدومة حتى جا أنوار يتعشى ناضت مشات لبيت ديال زهير لقديم وتكاات دخلت عندها ليلى باش تنوض تعشى مبغاتش دايرة السبة براسها كيوجعها خلاوها على خاطرها مخلية ليها حقها دلعشا اما هو بقا كيسول علاش مجاتش حتى شاف راسو عيق وهو يسكت تعشا وخرج.. بقا بالو معاها وهي بقات خااايفة من الماضي يتبعها ويدمر مستقبلها مع زهير….
~~~~~~~~~~~~~
أصبحنا وأصبح الملك لله
هند: (الليل كامل منعستش ناضت من فرااشها وهبطت للتحت متسرطاتش ليها قضية كيوصل حداها وكيفشل سحور او تقاف فطريا مكتٱمنش بيهم حيت عمرها فعائلتها مسمعت هادشي.. علاش هي بالظبط واش مبقاتش كتعجبو واش سحرها عليه مبقاش خدام عيا دماغها كيدي ويجيييب حتى سمعاتو هابط من درووج فين كانت جالسة شاف فيها باستغراب وهي شافت فيه شوفة ديال ذبيحة كارهاااه)
فقت!!
وليد: نوضي من الارض درك تمرضي
هند: خاصك تمشي طبيب
وليد: (صحصحاااتو لعب بلسانو فوسط فمو وهو كيشوف فيها كفاش حنات عينها.. حك حدا عينو)
واااخ بلاتي ونمشي واخا مشيت المرة اللولة وݣالي كولشي عندك مليح
هند: مشيت ياك قلتلي ممشيتش
وليد: مكنتش نعرف خاص نݣولك
هند: اه خاص تقوولي
وليد: الا مبقاش عاجبك الحال معايا وحاسة براسك ممرتاحاااش مغنبززش عليك روووحي
هند: (تصدمت هي فأخر درجة وهو فأول درجة بقات كتشوف فعينيه بصدمة وهو ببرووود)
وليد: ميمكنش نشدك بالسيف عليك اهند….
أنوار: (كان رجع لدار زهير فين قلب على أمال لي ملقاهاش قلب فبيت نعاس ديالها محس غير خدا شي تصاور ديالها من ألبوم تصاور تأزم منين شاف حوايجها بيت نعاس اي حاجة عارف زهير وأمال كيكونو منفاردين فيها… صباح بكري مشا هو ومو للمطار من بعد مهضر مع باه اللي مبغاش يهضرو ولا يسااامحو على شنو دار لعموو….
ركبو فالطيارة متأمل ينسى هاد المشاعر للي مرضوووه ونسبها غير حنين للماضي وانه مقاسهاااش داكشي علاش منساهاااش.. تفكر ديك الليلة (مزال لفلاش باك ديالها جاي من بعد شي أحداث) فييقاتوو غيرى صووت مو للي تخلعت من بعد مقلعت الطيااارة)
رخفي على راااسك الوالدة
الكاملة: (غمضت عينيها عاضة شنافتها) اربيييييي غنموتو غنموتو
أنوار: هههه وصافي متخافيش (رجع شاف فالسرجم وفبالو غير أمال والحوار والشوفة ديال لبارح…)
~~~~~~~~~
هند: (بصدمة) هاكا ساااهلة عندك؟!!
وليد: عييت من أسئلة ديال المحرجة (شافت موسعة عينها) واااه محرجة ولي تبيني ماشي راااجل.. ݣوليلي سمو ندييير ومدرتوش؟!!!
هند: (معرفت متقول)
وليد: واش انا راضي على راااسي هاد الذل للي كل مرة تسولي علاش مكتق*** أوليد علاش مكنعسووش علاش كدا علاش كتجيبو دغيا
هند: (قاستها اللقوة تفكيرها غير كفاش دغيا فكر فلفراق)
وليد: هضري واش حتى حاجة معاجبااك معايا؟!! الادوار تقلبو معاك اهند واخا هكاك داير عيين ميييكة ولكن باش ليييل وصباح نفس الموال بزااااف (كيهضر مأزم) سموو ندير ابنت الناس انا مرضاااش على روحي تبقاي فعنکي ونتي كتشوفيني ماشي رااااجل
هند: انا مقلتش هاكا
وليد: مخرجتكش من فمك عينيك لي ݣالوها
هند: لا لا مترميش علية التهمة انا مقلتش فمرة هاكا الا ناقشت معاك تناقش حيت نتا عارفني كفاش كنفكر وللي فقلبي على لساني
وليد: (زفر) مرمييت عليك واالوو مهم انا قلت ليك الحل
هند: (محست حتى بقات دموعها هوادة)
وليد: (زفر عض على شنافتو ومشا رجع لبيت اما هي تبعاتو بعينيها غير غير بقات كتبكي ودايرة يدها على وجهها كتبكي بحرقة ماشي حيت منعسش معاها ولكن حيت دغيا فكر فالفراااق واول مرة تبكي وكيمسحش دموووعها….
اما هو تفكيروووو غير فيها وفمشكلتو للي تزادت لقائمة مشاكلو….)
هند: (بقات غير مصدووومة كتشوف فالدار للي مكملاش فلفراش ولكن كتبغيها ومرتاحة فيها واش صاافي تسالات قصتهم قبل حتى ما تبدا هو كيفكر فطلاق..
إذا مبقاش عندو الجهد باش يكمل معاها مشات للكوزينة جلست فلكرسي ودارت يدها على وجهها كتبكي وتعاود مقهووووورة مكرهتش تخرج تهز طموبيلتها وتزيد لشي قنت ومتبقاش هنا بووحدها مكرهتش تمشي عند امال.. محست حتى تمت خارجة من لكوزينة تصادفت معاه مبدل وغيسد باب الدار برا بلا حتى ميشوف فيها.. زاد قلبها حرقها لهاد الدرجة رجعت بيناتهم هاد الفجوة لهاد الدرجة حتى هو دااق من العلاقة ديالهم للي بقات كترجع مسموووومة.. طلعت ودموعها على خدها بدلت حوايجها رامية البيجامة فالارض لبست كيطمة جمعت شعرها شافت فلمرايا مسحت دموعها أول مرة حتى ݣلوص مدارتوش هزت سوارتها بزطامها وخرجت جارة لباب ركبت فطموبيلتها ديمارات وخرجت ماشي لعند أمال ولكن بغات غير تصوووݣ وتخمم مزيان….)
~~~~~~~~~~~~~
زهير: (من بعد مجاب السلعة جاي فكاميو مع 2 دراري غير وصلو لوجدة صونا على أمال علمها بوصولو ومشاو للمحال نيشان باش يستفو السلعة لتحت.. لقا المحال مفيهش كليان ووليد خدام فلبيسي للي يشوف وجهو يقول هاد السيد عايش فهدنة وهو معالم بيه غير الله.. تساالمو وبداو كيهبطو السلعة لاكاڤ شي 3 سوايع كملو وجلسو يرتاحو)
زيد نمشيو نتغداو
وليد: لا لا غير سير باقي نݣاد شي حاجة هنا وعاد ندوز للمحال التاني
زهير: وتجلس بلا غدا
وليد: لا لا مزيان
زهير: واااه… (تم خارج تلاقا مع أشرف باغي يدخل)
فين نتا
أشرف: مع عرفتك جيت ݣلت ندوز عندك
زهير: اشمن مشكل عندك عاود
أشرف: لا مزيان درك
زهير: ومرتك
أشرف: شكون فيهم هه؟!
زهير: عاود تجوجت؟؟؟ (جات مع وليد خارج يلحق بزهير يعاودلو حيت حس براسو غيطرطق)
وليد: كفاش تجوجت عاود؟!!!
أشرف: (تلف.. ولكن جاوب) مدرتش لحرام
وليد: والحرام للي درتو فاللول هداك سمو؟!!! ولا باغي دخل شي فشي وختي هاديك للي مجوج سمو تولدلك وتلووحها؟!!!
زهير: ايييييييييي تكلمااااو ونهضرو بشويييي
وليد: (بكل عصبية) مكاااين لا هضرة لا ق**** مݣادش بيها طلݣها انا للي نتبالا بيها وفللي فكرشها
زهير: دابا طلݣووني واش ديرووو نروح لدواااري
أشرف: بنتي مغنسمحش فيها
وليد: وختي؟!!! (شدو من عنقوو شاانق عليه) اش داااك ليها يا ولد **** من نهار اللول؟!!!
أشرف: (معرف ميدير حيت بالصح هو للي تلاح ليها هو للي شدها بالسيف عليها هو للي حملها وتقبها وهي مباغااااش)
وليد: بربي ونسمع تجوجتي عليها قبل مطلݣها حتى نذبحك اقسم بالله حتى نذبحك وللي بغا يطرا يطرااااا طلݣ لخراااااا وانا نهزها
(دفعووو محمر عينو وباينة واصلة ليه لعظم اما زهير متكي على الحيط كيشوف فصاحبو)
المرة جاية منهضرش بفمي.. (تم ماشي وهو يرجع)
هي كانت مع ص..(مخرجتش من فمو بزق فالارض وتم ماشي فحاالو أشرف مكره للي جا كيضربو ومكيقدرش حتى يدافع على راسو بكترة تأنيب الضمير للي فيه..)
زهير: واش هبيل ولا واش نتا ممݣاد حتى مع اللولة باغي تزيد التانية
أشرف: وشكون يربيلي بنتي
زهير: درك نتا باغي تهز لبنت لمها وتعطيها لتانية تربيها ليك
أشرف: ونخليها ليها؟!! مشتيش داك نهار فين لݣيتها تشيش وعاد شي حوااايج حشوومة نعاودهم
زهير: ونتا ملاك اصاحبي ولا واش!!!!!
أشرف: ماشي ملاك ولكن باغي نتݣاد باغي نمشي فطريݣ
زهير: للي باغي يمشي فطريݣ عارف روووحو تاقب وحدة ومخليها تجوج اااخر…
للي باغي يمشي فطريݣ خاصو يتهلى فمرتو ماشي يمشي يجيب مرا أخرى كيف بغيت نفسيتها تكون وهي حاملة بهاد بنتك للي راك تخمم فيها ونتا ممسوقش ليها وهي فكرش مها
أشرف: انا!!! والله وتعرف واش كندير ليها باش تهلى فراسها وفكرشها
زهير: سمع انا من شحال ݣلت لك مباغيش ندخل روحي فدشي دياالكم ولكن.. دير نيتك زيييينة باش ربي يعطيهااالك زيينة متكونش خبيييث زواااج راه بالنية نتوما غلطتو وكان خاص جد بوكم قتييلة ݣااديتو امووركم جلسو وصلحو روووحكم
أشرف: مابغاتش اخويااا… وانا مبقيتش حاامل نشوف كمارتها
زهير: (شاف وليد راجع دخل للمحال) سير درك حتى تولي ترجع بالليل بنااقص منكم بغيت نمشي غير لداري… (أشرف بقا غير كيخمم زوهير تبع وليد للي كان فلكاڤ)
وليد هضر معايا اصاااحبي واش وااقع؟!!
وليد: داك الز*** ماشي كل دقيقة يجي نقز هنا
زهير: واااخ ݣولي نتا مااالك (صونا تيليفونو جبدو كانت أمال قطع عليها) ݣوول
وليد: ندمت يا صاااحبي للي رجعت للمغرب كنت باغي نجي ونرتاح ساااعة لقيت غير المشاااكل فالمشااااكل….
هند: (كانت فسعيدية حدا لبحر بغات تخرج جاها لبرد ورجعت للطموبيل غير كتفكر هضرة وليد كتبكي وقلبها كيضرها…
معرفت مدير بغات غير أمال تهضر وتخوي قلبها ولكن عرفت زهير غيكون جا ومبغااتش تبرزطهم سدت عليها الطموبيل وبقات ساهية كتفكر فخدمتها للي بسبابو ضيعتها وعن طيييب خاااطر حياتها للي كتبدلها على حساابو وفالتالي لفراق جاه سااااهل على فمو مع انه هو الغاااالط.. متنكرش شحال وهي صاااينة راسها باش تمتع فالحلال…
بقات شحال كتشوف فلبحر طلقت موسيقى كااااالم ورخاات راسها مغمضة عييينها وبقوة لعيا ولبكى الليل كامل وبلا نعاس غفاااااات وملامحها كلها حزن…)
~~~~~~~~~~~~
زهير: (وليد كيعاير يسب أشرف وحتى ختو للي خلقت بزاف المشاكل ليها ولحسن والعائلة كاملة وهو غير كيسمع فيه صيفطو على غدا للي تغداوه مع 6 دلعشية بكترة وليد مكان كيعاود)
عندك شي حاجة اخرى!!!!
وليد: (زفر) مع هند
زهير: واشتا!!!
وليد: (كيبغي يهضر ويسكت معارف ميقول ولا باش يبدا ومرضاااش ولكن وحل وحلة خاااايب وخاصو يرد رجوولتو مع المرا للي كيبغي)
مااااا….مممممـ….
زهير: دوي از**
وليد: (بعصبية) مرانيش هو هداااك
زهير: كيف!!!
وليد: (بعصبية) مكنق*** اصاحبي متفهمش!!!!!
زهير: (قرن حواجبو مفاهمش) علاه
وليد: رواح سولو نتا لاااه؟!!!
زهير: من فوكاش!!!
وليد: لدابا مزال مدخلت عليها
زهير: (خرج عينو ووليد تݣرض من ردة فعلو) عادي عادي اصاااحبي نمشيييو لطبيب
وليد: مشيت ل**** كيݣول كولشي عندك هو هداك ومنين نكون حداها نولي بحال شي شروييطة كرهت روووحي معاها ووصلنا دصبااح لخزييييت… هي بنت الوقت وفاهمة وعارفة شحال من حاجة
زهير: امممم ياك غير قبل لكسيدة مك..
وليد: (قاطعو) كنت مزيااان اخويا من موراها وانا اللور اللور نكون بيخير غير نقرب ليها يفشل ويفشلو ركابي
زهير: وهي لاه تنوضها معاها
وليد: مرضييييتش يا خويا وهي فيها تسواال بزااف
زهير: اممم (صونا تيليفونو كان لكبير مجاوبش ورجع يهضر صونات مو جاوب دغيا) ويي… (وقف) واااشتا!!!!!!.. صافي ريض صااافي واااااه حنا درك نجيييو.. (قطع وشاف فوليد)
نوض نمشيو
وليد: واش هند وقعت ليها شي حاجة!!!!
أشرف: (دخل للدار مكره من بعد غياب كتر من 20 يوم عليها… لقاها جالسة شافها لابسة تريكووه وسروالو ضور الشوفة فالدار مجموووعة مقادة والريحة زوينة فيها…
عاد رجع شاف فيها ضعيييفة بزاف تحت عينها كحل زدح لباب حتى تهزت واخا هي كتشوف فيه تخلعت وقفت وهي تبان لكريشة كبيرة على اخر مرة شافها فيها..
حط الساروت فلبلاصة للي كيحطو فيها ودوز صبعو بلا ميحس يعرف واش كاينة الغبرة.. تحسس بصبعو التاني مكاينش تراب شاف فيها ببرووود وغضب كبييير)
علاه لابسة حوايجي
شيماء: (بلعت ريقها رجعت كتخاف منو) ممـ..ملݣيت ملبس
أشرف: (ضور راسو فالدار وفالطبلة للي خاوية)
كتشربي دوا على حساب بنتي
شيماء: (حست بلبكية) مبقاش
أشرف: اممم (دخل لبيتو كان مجموع مقاد حل لماريو لحوايج مطويين ولكن ماشي شي طويان مقاد بدل حوايجو سد لباب صونا تيليفونو جاوب)
وي حبيبة… واه رحت لدار… كفاش واش رجعتلها!! زعما راه دوينا… ضروري نشوف واش خاصها نتقدا ليها ولا عرفتي انا مشغول شوي غندوز ليك شي فلوس الكونت شري ليها شي حوايج… واه راك شفتيها… صافي وااخ… (قطع كيفكر فهاد حنان للي اسم على مسمى حنيينة فيه بزااف تعرف عليها عن طريق ليلى حيت المساعدة ديالها… دوز ليها 2500 درهم وكتب ليها ميساج
“”شري ليها بهاد 2000 درهم حوايج دلتحت وبيجامات و500 شري بيها شي حاجة ليك حتى البلاتي وندوز عندك””
خرج لقاها فلكوزينة ضور عينو كان كولشي نقي شافها كتقطع بطاطا
أشرف: (طول الشوفة وجهها كان حالتو حبوب كحل هلات باينين تحت عينها وضعاافت..)
غدا عندك لكونترول الا مجيتش يانا نديك غتجي حنان
شيماء: (حطت لموسم وشافت فيه) حنان؟!؟ واش بيني وبينها باش تجي هي
أشرف: نعاودها راه هي للي غتربي بنتي
شيماء: (قلبها ضرب) وانا!!!!!
أشرف: على بالي معندك صالح فيها
شيماء: لا بغات ولاد تولدهم هي ولا جايبها عاݣرة!!!
أشرف: (كان كيتسنى منها لا انا نربي بنتي وهضرة ديال شي وحدة غيحايدو ليها بنتها)
ݣادي لعشا انا بلاتي غنجي
شيماء: واش بالصح تجوجتها؟!!!
(لا رد مشا وخلاها مفقوسة مهمومة وديما وجهها باكي… قدات لعشا عبارة عن طوطية وشلاضة ديال الروز.. دازت شي ساعتاين رجع للدار من الخدمة مع دخل صونا تيليفونو حتى كتسمعو)
أشرف: طلعو راني فالدار.. (بقات غير كتشوف شكون هادو للي غيطلعو….)
وليد: (داير يدو على راسو مصدوووم والضو لزرق مرة كيسني فيه ديال الجدارمية بقا غير كيشوووف وخاف على هند للي بقاو الدار للي هرسوووه وللي تشفر ليها اما هي مكيناش وراي كيقولو غير داوها يتكرفسو عليها.. زهير وااقف مع الجدارمية أمال كتبكي وكتواسيها الحاجة كولشي خايف على هند للي تيليفونها طااافي والدار مشفرة…)
زهير: صاااحبي داك نهار فكرتك فالكاميرات تݣادهم
وليد: دابا لݣاااو غير هند (غيتسطى…) الا وقعت ليها شي حاجة نهبل.. (عياو فيه غير باش يدخل ويقولهم شنو مشالو باش يكتبوا فالمحضر ووالو هو كيهتر غير بيها)
ليلى: أمال سكتي ابنتي من لبكى ولد عمك غير كيشووفك هاك كيزيد يتعصب
أمال: (كتمسح عينها وكتحاول تسكت وفكرة هند داوها يتكرفسو ولا يقتلوووها معمرة راااسهااا… أكترية منين كتشوف زهير كيعطي احتمالات بحال هاكا للجدارمية… كولشي كيحاول يتاصل بييها واخا عارفينو مطفي)
زهير: شوف محد طموبيلتها مكيناش تقد تكون هزتها ومشات لشي بلاصة
وليد: (جات فبالو اصلا هي كانت ماشي فحالتها باش تصوݣ وعاد تقدر تكون دارت شي كسيدة ولا تقلبت وماتت..
وقف ومشا نيشان لطموبيلة ديال زهير حيت مزال معندوش طموبيلة.. لحق بيه زهير بغات أمال تلحق وهو يدور فيها زهير)
زهير: روووحي لدااارك
أمال: عفاك نمشي معاكم
زهير: أمل… (تهدن معاها) أمل بقاي نتي هنا باش الا رجعت تݣوليهانا راه بحال والو تكون غير هنا وترجع لدارها
أمال: مصّااااااب
زهير: سيري حدا مّا وجلسي متحركي لفين (ركبو وهو يخرج راسو من السرجم لكبير) خويا كمل معاهم راه عيطت لدراري يجيو باش يݣادو لباب على ميجيو غدا يصلحو شي لاخر…
(زادو كيقلبو فوجدة على طموبيلة ميني كوبر حمرا فيها 3 شراطي بويض لدرجة مشاو حتى للكوميسارية للي علمو باقي الكوميساريات على واش كاينة شي كسيدة بنوع طموبيلتها فالارجاء…. شعلات فوليد العافية فين تكون مشات وفين زااادت فهاد الليل)
وليد: ندمت ݣاع لاش ݣلتلها هكاك ياكما تكون مشات لفاس وتݣلبت فطريݣ
زهير: هنييينا اصاحبي كتهضر غير بلݣلييب **تفائلوا خيرا تجدوووه**
وليد: محاااسش بية ازهير
زهير: (سكت.. قلبو حتى عياااو وتمو راجعين للدار على الله ترجع لتمااك)
وليد: ممشيناش لصبيطارات
زهير: ريݣل غير أمور دارك شدها زباله نݣلبو فين بغيت
وليد: وتمشي ت*** ديك الدار واش محاسش بية
زهير: (مجاوبوووش قلب الدووورة ورجع من الراس فينما كان شي صبيطار دازو كيقلبو فيه…. )
شيماء: (واقفة كتشوف فحنان وحتى احلام للي عقلات عليها مزيان داخلين محملين فيدهم شافت أشرف كيفاش مستقبلهم هاد الظحكة مشاافتها من أيام أنوار كان مصااحب مع أمال حست بالسخفة وهي كتشوف ظحكتو وكفاش كيهضر مرطب معاهم دخلو شافو فيها واقفة فالقنت هازة طباسل فيه عشاااهم..)
حنان: سلام كيف بقيتي مزيان؟!!!
احلام : (منين حنززت فيها مزيان خرجت عينها مصدووومة وكيف تخفى عليها “”اخت وليد”” )
شيماء!!!!
حنان: (ضارت عندها) تعرفيهاا؟!!!
احلام : اممم (شافت فأشرف دار ديك الشوفة ديال من بعد)
أشرف: هزي هادشي دخليه
شيماء: (بكترة الظغط ومرضاااش طاحو طباسل بدون قصد من يدها ضار خنزر فيها.. تفافاااات)
شنو جاو يديرو عندي؟!!!!
احلام : (بانتلها ماشي طبيعية حيت ماشي هاكا كانت.. كانت زوينة بزااف.. معجبهاش الموقف للي تحطات فيه واخا مابينها وبين وليد واالو ولكن مبغاتش ختو تكرهها وهي مدايرة والو هاد المرة)
شيماء اجي جلسي راك مقادرااش توقفي
أشرف: (عاد نتااابه ليها أشرف اما لوخرا مبقاتش كتشوف بزااف واقفة كارمة فبلاصتهم)
زيدي تجلسي انا نجمع زبل للي درتي (بغات تحرك ورجليها خوااو حتى جات مزدوووحة على داك الزاج ومبقاتش كتحرك ناضت احلام كتجري وسبقها أشرف خطفها يهزها كانت زاجة دخلت ليها فوجهها وفيدها وشي جروح خفااف حيت الزاج ياله تهرس وماضي.. )
حنان: اي مسكينة مشالها وجهها!!!! (أشرف حطها فوق السداري وشيماء كتبغي تحل عينها ووالو شنايفها يبسو واخا الدم كيجري فالجنب بشي جرحة جبد الزااجة من حدا جبهتنا وهي تبانلو زاجة كبيرة يعني خاص غراااز وللي تعجب لو مدارت حتى ردة فعل يعني بدات كتغيب عرا كرشها للي كانو فيها بقع قهوية وشراطي حوومر وشي جروح باينة كانت كتحك مكاينش شي ضربة بالزاج..)
احلام : خاص نديوها لصبيطار
أشرف: واه.. دخلي جيبي شاالها من لبيت ولا هزي شي واحد من لحوايج للي شريتو (مشات كتقلب وناضت حنان كتشوف داخلها الغيرة)
حنان: شال!! غرتي عليها؟!!!! (لا رد هو حدو جبد كلنكس من جيبو دارو حدا جبهتها فين كتنزف..)
وناااااري على كرش هاكا غتبقى مشوهاالها حيت حكتها حتى زغب فيها بزاااف
(غطا كرشها وشاف فيها)
أشرف: واشتا!!!!!
حنان: لحمها خاايب
أشرف: (ضار كيشوف فشيماء حس بتأنيب الضمير.. جات احلام جابت الشال هبطها هازها اصلا خفافت وصلو للطموبيل وحنان تابعاهم بشوية)
نعيمة: الله يا ربي فين زادت وفينها يا ربي رجعها ساااالمة لراجلها ولينا… (بقات على اعصااابها رجعت صونات على وليد مكيجاوبش… صونات على أمال للي جاوبااات عطاتها لخبار وللي مهم هو هند مزال مرجعت…)
احمد: وفين تكون زادت دي؟!!!
نعيمة: يا ربي غير متكونش تخطفت
احمد: تخطفت!!! (قلبو تزير عليه) اعوذ بالله لا لا نشاعالله تكون بخير
نعيمة: امين يا ربي… واش يكون فخبر الحاجة
احمد: عنداك نتي تعيطيلها
نعيمة: لا لا اشداني عليها نهولها فهاد الليل..
~~~~~~~~~~~
وليد: (كانو فصطوووب حتى بانلو أشرف وقف حداهم… خنزر فيه وقلب وجهووو اما لاخر مع شعل لخضر كسيييرا قشع لبنات اللور)
تبع هاد الق***
زهير: شكون دا؟!!!!
وليد: أشرف شكون من غيرو
زهير: واش باغي بيه درك
وليد: سير سير ازهير تبعو
زهير: واش نتا مرييض ف*** دابا حنا فمرتك ولا دا؟!!! (شاف راسو يابس تبع لاخر للي كان كيجري وقفو فشي صبيطار وقف وهبط وليد حتى كتبانلو ختو مخرجييينها تبعو زهير كيشوفو جوج بنات مخرجين شيماء عاد
جا هو هزها كيبانلو زهير ووليد كيشوفو فيييه)
وليد: شيما!!!! سموووو مالها؟!!!
أشرف: داخت
وليد: (شاف جبهتها عامرة دم وعاد للي يبس حدا نيفها خرج عينو بلا ملامحها للي باينين ضعااف أشرف دخل بيها دار شاف احلام ولوخرا)
أحلام: ماشي هو للي ضربها هي مسكينة للي طاحت على الزاج
زهير: واش وصلك نتي لتم
حنان: شكون هادو؟!!!!
أحلام: هدا خو شيماء وليد بالصح أشرف ماشي هو للي ضرب شيماء والله طاحت على الزاج
وليد: نتي للي باغي يزيدك عليها؟!!
حنان؛ لا انا
أحلام: لا لا ماشي انا صاحبتي هو وياها مخطووبين
وليد: (دخل كيقلب فليرجونص حتى كيبانلو واقف كيغوت باش يدخلوووها)
لا جايبها لديال الدولة؟!!!
أشرف: (مفكرش.. عيطولو دخلها وجات فرملية كتقلبها) طاحت على شي زاج وسخفت
وليد: (تصدم وهو كيشوف كرش ختو باينة منين حطها فوق لبيااااص)
أشرف: (كيجاوب لفرملية) عندها شي 7 شهور تقريبا…..
زهير: (بقا مبعد) نتي محامية لاش كل مرة منݣزة فحياااتو
أحلام: (هزت كتفها) يمكن ربي كيلاقينا بجوج
زهير: (بقرف جمع الدفلة وبزقها فالارض مخليها كتقلى ومشا لحق بوليد مجا فين يهضر حتى كيسمعو وحدة)
…: راه هاد السيدة طرطقت ليها سݣية شحال عندها من شهر
أشرف: (مفهمش) واشتا!!!!
…: راه هبط لما وغتولد
أشرف: راه عندها غير سبع شهور
وليد: (مصدوووم كانت مزوجة بحسن وهي حاملة!!!!! ودابا غتولد شاف فختو لي مغيبة ورجعت بحال شي كمييشة حس براسو هادي اخر مرة غيشوووفها احساس لداااخل خلاه يتحرك وعينيييه مضببين)
غندييها لشي كلينيك
…: اخويا راه ماشي وقتو السيدة مغيبة وخاصها تولد معرفت هضرو مع طبيب ها هو جااااي (بقات كتركب ليها السيرووم مشا وليد كيقلب على طبيب واشرف بحال شي مصدوووم)
زهير: وتحرك ابنااادم وهادشي للي فوجهها مزال نتفاهمو عليه
أشرف: (شاف فيه ورجع شاف فشيماء حتى كيبانلو وليد جايب طبيب وكيهضر معاه باش يعرف واش كاين شي عناية ولا يديها لشي مصحة خاااصة وصل حدا اشرف)
غير عتقهم وطلب للي بغيت
…: تاتا.. الا سيدي حنا هنا تنديرو خدمتنا (باينة بغا شي تدوييرة.. دخل عند لمريضة ودوزو الريدو وليد على اعصاابو النص كيفكر فهند والنصف فختو للي حس باحساس خااايب… خرج طبيب عندهم)
غنوجدوها دير عملية قيصرية (سيزاريان)
أشرف: لبنت عندها غير سبع اشهر!!!!
…: ان شاء الله كولشي يكون على خير (دخل طبيب مدة حتى كتبان ليهم مخرجينها بالسيروم والاكسجين فنيفها معقمين ليها وجهها من جروح للي كانو فيها…
أشرف ووليد رجليهم يبسو متحركووش كانت ماشية بحال هاد لبنت معندها حتى واحد فالدنيا.. هبطووها لبلاصة العمليات وهوما بقاو غير ساهيين)
حنان: حم (قربت لأشرف) ان شاء الله تفيق مزيان وبنتنا تكون على خير
وليد: (استفزاااتو بهاد بنتنا) سمو هي!! بنتك!!!
زهير: نتي راك تݣلبي على شي حاجة رووحي لدااركم ساالمة ݣبل متلحݣي عليها يخيطوووك
أشرف: (غير كيشوف)
حنان: حتارم راسك الله يخليك انا مكنعرفكش باش تهضر معايا
زهير: روحي ت.. (سكت مخسر كمارتو وقالب وجهو….)
هند: (سمعت الدقان تفافاااات من بلاصتها وعاد حست بلبرد شافت كيبانلها ظلاااام طرطقت عينها كتشوف فجنااابها)
اويييلي نعست!!! اوييييييلي واش نعست قد هاكا… (هزت صاااكها كتقلب على تيليفونها تفكرت انها طفاااتو ياله بغات تشعلو وهي تحبس حسن تمشي برجليها ديمارااات وعاود سمعت الدقان قلبت وجهها مع ظلام مكيبانش شكون هداك الي واقف حتى دار بيل على وجهو وعرفاتو هبطت الزاج شوية)
دكتور فيصل!!!
فيصل: مزال بلاصة هند هي بلاصتها ولا للي كانت بلاصتنا
هند: (تبسمت بالزز) أي واحد تيبغي يجي يصفي باالو هنا حدا لبحر
فيصل: (شاف فيها مطولا) فين غبرتي اهند؟!!
هند: مزال فوجدة ودابا سمحلي مزرووبة
فيصل: تخرجتي
هند: اه
فيصل: وفين خدمتي ولا باقي غديري العيادة ديالك
هند: حم ان شاء الله.. دابا خاص نمشي راجلي تيتسناني
فيصل: راجلك!!!
هند: بسلامة (ياله بغات طلع الزاج وهو يلوح ليها كارت فيزيت) شنو هدا
فيصل: هاد كلينيك طالبين كيني ومكانش حسن منك فهاد الضومين…
هند: اممم (طلعت الزاج ورجعت مشاريال خااايفة من ردة فعل وليد أكترية منين شافت السااعة فالطابلو ديال طموبيلتها كانت 3 ونص ديال صباح…
شدت طريق لوجدة وكتقلب غير على شي عذر يكون مقبوول واخا هي المظلومة وهي للي وكلاها فقلبها الا حست دارت تصرف طااايش…. ساعة ديال طريق كانت فوجدة ياله غدوز من لبراج ديال لبوليس وقفووها مع خاصها توصل جبدت ورااقها عطاتهوملو قبل حتى ما يسول شافتو كيضرب لبيل فلماتريكيل ديالها وأول مرة توقع ليها جا عندها بشوية)
…: نتي هند الادريسي
هند: (كان مزال مشاف وراقها) اه
….: كولشي مݣلوب يسول فيك (هز الصونفيل ديالو كيعلم ان صاحب الماتريكيل موجوود فالنقطة للي فيهم هي عرفت وليد قلب الدنيا)
فين كنتي ومنين جيتي؟!!
هند: شنو واقع؟!!
وليد: (بقا على أعصابو اما أحلام وحنان خرجو لحدا لباب منين عربط عليهم زهير… صونا تيليفونو جاوب دغيا حيت نمرة لبوليسي للي قال يوقف معاه)
وي خويا مجيد… فين!!! واه واه عرفت انا نجي.. بلا متخلعوها ياك هي مليحة!!!! واه نجي داابا (قطع وشاف فزهير)
لݣاو هند!!
زهير: وين!!!
وليد؛ معرفت عاد نمشي نشووف خويا عارف راسي كترت ولكن بقا جاع يخرجولها بنتها ويديييوها
زهير: كون هاني (مشا وليد خاارج ضار شاف من موراه مخلي ختو بين الحياة والموت زفر وفقلبو هم بتقل جبااال..)
أحلام: ولييييد
وليد: (بكترة راسو عامر خرج كيجري مشا لبتي تاكسي لي مستفين تما وركب فوحدة عاطي العنوان ومن قلبو كيدعي تكون هند بيخير!!!!)
~~~~~~~
حنان: دابا شنو يطرا شت هادو غيݣلبو أشرف علية
أحلام: ونتي مريضة السيدة بين لموت ولحيا ونتي كتݣولي بنتي منين جاتك بنتك؟!!
حنان: أشرف للي ديما كيݣولهالي
أحلام: راكي غدخلي راسك فحرب مع هاد العائلة وختو ماشي شي وحدة ساااهلة
حنان: معرفت… (بقاو تماك كتصوني على أشرف يخرج عندها ووالو مكيجاوبش…)
زهير: (تم أشرف جاي عندو) كنت نحسابك ترجلت
أشرف: وكان كنت راجل منوصلش روحي لهاد لمواصل كاملة….
~~~~~~~~~~~
وليد: (وصل عندها كانت فالطموبيل مشا كيجري لطموبيلتها حلت لباب محرجة)
واش بيخير؟!! مزيانة؟!! سمو طراالك؟!! وفين كنتي؟!!!
هند: (شافت الخوف فعينو) كنت غير هنا
وليد: هنا فين منين تسرقت الدار واش هربتي علاه مرحتيش عند امال ولا عيطيلي
هند: الدار تسرقات؟!!!!!!
وليد: (بقا كيشوف فيها) فين كنتي اهند؟!!!!
هند: (بلعت ريقها) فسعيدية
وليد: سمو كنتي ديري تماك كنتي عند باك؟!!!!
هند: حم… لا
وليد: (غمض عينو بحال كيستف افكارو) الله يرحم باك الهند لاتزيدينيش فين كنتي راه من صباح وانا ݣالب عليك الدنيا وروووحي بغات تطلع
هند: ممـمممـ…ـم كنت ف…لبحر معرفت شنو وقع حتى نعست…
وليد: (بقا كيشوف فيها مكيرمشش جا عندو داك لبوليسي)
…: خاص تمشي لبريݣاد للي ديكلاريتي فيه باش المدام تعطي أقوالها
وليد: (شرك حواجبو وشاف فلبوليسي) شكرا اخويا وسمحنا انا غير نسالي شي حاجة عندي هنا ونروحو لتم
….: مرحبا.. وعلى سلامتكم مرة أخرى (مشا لبوليسي وهند معرفت مدير رجع شافيها)
وليد: كنتي ناعسة!! حدا لبحر!!! وانا عقلي بغا يخرج عليك
هند: مـــــ….محسابليش والله… واش الدار تشفرت؟!!!
وليد: (زفر ولكن باينة مكره وبزايد) طلعي (شير بيدو للطموبيل) طلعي
هند: دابا قولي غير شنو تشفر فالدار
وليد: (بعصبية) واااااا طلعي
هند: (قفزت) متهضرش معايا هاكا!! (جاتها لبكية) بسبااابك نتا مشيت حدا لبحر حتى نعست وكان شي واحد جا ݣريساني تماااك ولا قتلني
وليد: انا للي صيفطتك تما؟!!!
هند: كلااامك للي بحال السم وعقليتك للي صيفطاااتني
وليد: (هنا حس براسو عيااااا… بصوت خافت) طلعي
هند: (مشات لطموبيلتها ركبت وجلست اللور وهي كتبكي اما هو طلع ديمارا وزاد مكيهضرش من جهة حمدالله انها بخير ومن جهة كبيرة راسو وقلبو غيطرطقو…
اما هي حبست دموعها وبقات كتشوف فطريق حبسو قدام اوطيل نزل ومشا حل لباب)
شنو جبتيتي هنا باش صافي نتفارقو؟!!!
وليد: هبطي اهند باغا تبعدي وتصفي عقلك انا جيتك لبلاصة مأمنة
هند: (خافت من لفراق وفنفس الوقت مقدرتش تسمحلو بسهولة) انا بغيت نمشي نشوف داري
وليد: دارك تشخشخت هاد الساعة هبطي.. هبط الله يرضي عليك معنديش الوقت للي نزيد نضيعو
هند: ضيعو؟!!! حيت قلبت علية نص ساعة صافي راك ضيعتو
وليد: (عض على شنافتو التحتانية مزال شاد أعصابو)
هودي
هند: (هبطت ودخلت راسها من السرجم هزت بزطاامها اما هو طلع للطموبيل طلع سراجم سكتها وهبط مسورتها للحظة ظنت غيطلع معاها بغات دير عزة نفس)
بغيت نبقى بووحدك
وليد: (مد ليها سوارت شداتهم) واااخ (بعينيه لباب لوطيل)
دخلي
هند: (تصدمت واش هدا هو وليد للي مكيخليهاش تمشي لشي بلاصة بلا بيه دابا تبات فلوطيل بوحدها!!!! بقات كتشوف فيه وقلبها كيزدح من هاد التغيير لي رجع فيه وهاد القسوة الكاملة عليه واخا هي مداايرة وااالو….)
هند: مزيان مزيان أوليد فابسط مشكل عطيتني بظهر ولكن انا للي حمارة متبعاك فمشاكل عائلتك للي متتسلاش ماما عندها الحق انا وياااك مغنتفاهمووش نتا غتشرق بديك العقلية وانا غنغرب
وليد: عرفي سمو راكي تݣولي لدابا مزال مدرت معاك شي حاجة
هند: (بعصبية كبيرة زادت نبرة صوتها) اش عندك مدييير براااكة غير هاد الشووهة شكون هاد الراجل للي يخلي مرتو فلوطيلات مع 4 دصباح وهو يمشي ياك كتقول معندكش عقلية ݣاورية ولا الرجلة كتخ… ( جاتها طرشة الوجه ماشي مجهدة ولكن عندها بحال طرش قلبها وكرامتها و… شدت فحنكها وعينيها عمرو دمووع بعصبية زادت دخلت لوطيل وهو غير كيشوف والنفس بحرا كيطلعها… تبعها خافها تركب فالطموبيل وهاد المرة ميعرف فين تزيد وخصوصا بهاد الحالة لقاها فريسيبشن مبغاش يمشي باش متزيدش الامور تكبر كتر من هاكا حاضيها هزت الساروت ومشات لجهة المصعد… معرف واش يتبعها ولا يمشي يشوف ختو صونا على زهير)
خويا امدرا؟!!!
زهير: مزال اخويا هاني نعاين
وليد: وداك شماتة؟!
زهير: متخممش… ݣولي مرتك كراها؟!!
وليد: من بعد.. (قطع وتكا على الحيط براسو عمرو فكر يضرب شي وحدة وخصوصا هند للي عندها بلاصة كبييييرة فقلبو وحياااتو ولكن استفزاااتو بزاااف بكلامها.. وعارف الا تبعها غتزيد غير تعصب خرج للشاريع كيتسنى تاكسي ربع ساعة بانت وحدة شدها ورجع لصبيطار.. مع هبط وماشي لجهة لباب تعرضات ليه احلام)
روحي من وجهي..
أحلام: غير سمعني انا مكنتش عارفة شيماء هي مرات أشرف
وليد: (ببرود كيشوف فيها)
أحلام: هو من شحال هادي تفاهم مع حنان شوية سمعاتو تزوج تفارقو حتى رجع لعندها وتفاهمو وانا براسي ياله عرفتو اليوم مزوجها
وليد: اومن بعد
أحلام: مبغيتكش تظن فية شي حاجة خااايبة
وليد: شكون نتي باش نظن ولا لا اصلا معلاباليش بيك سوا عايشة ولا ميتة قيليني عليك ابنت الناس ومغنݣولكش قيلو ختي حيت غنخرج فر*** كاملين
أشرف: (واقف على أعصابو اما زهير هاز تيليفونو كيقلب مخاطر الولادة على 7 شهور ف Google حيت مقراش كيبغي يتقف راسو براسو ماشي يجلس بحال شي جااااهل فوسط موضوووع مفاهمووش.. خرج طبيب باللبسة ديالو من بعد سااااعة مشا أشرف كيجري وزوهير دار تيليفونو فجيبو)
امدرااااا!
….: نتا راجلها؟!!! (هنا وليد جا كيجري وااقف خاايف يسمع انها ماااااتت ماتت وهي بووحدها ممن بعد مكووولشي سمح فيها من مور أغلاطها وانانيتها لكبيييرة ولكثيييرة…)
أشرف: واه انا هو راجلها
….: شنو داكشي للي عندها فالجهاز ديالها حيت للحظة توݣضت وكانت غتولد طبيعي ولكن
وليد: ولكن سمو!!! انا خوها سمو كاين
أشرف: (عرفو كيهضر على الإمارة للي خلا فيها حسن)
….: مهم للي استنتجت المريضة تضربات بشي موس ولا شي آلة حادة للمنطقة الحساسة يخليها عمرها تولد طبيعي
زهير: (فلبلاصة شد وليد مهربو حيت بغا يشد اشرف) ماشي هو ماشي هو
وليد: طلݣني على الق**** والله حتى ن*** مك هاد نهار بشي قرعة وربي لكبير منخليها فييك (بدا غير كيعربط)
أشرف: واش وقع لداخل اطبيب واش جاي تݣول على خالتها ولا جاي تجمع بيها
….: مهم لبنت تزاادت هبطوها للقرعة
أشرف: اشمن قرعة؟!
وليد: (هدا من الحركة) وشيما؟!!!
….: حيت النمو ديالها مكملش وفاي لحظة ممكن تمووت
أشرف: واش الق*** عارف واش تݣول الناس تفايل بلمليح ونتا جاي من اللول خاربها وتزيدها تݣولي بنتي تمووت
…: (طبيب مدمدم) حيت خاصكم توقعو اي حاجة عندها النمو ناقص الرية عندها مكملاش هي والجهاز الهضمي والعصبي
أشرف: العصبي هو للي غتخرجو فية يا ر*** خرجلي بنتي داابا نديها لأحسن كلينيييك
زهير: اشريف راه سولماك على للي ولدت
…: اااه (كيهضر بحال مجمع معاهم على شي تبركيكة) راها مزيانة خاصها شوية ديال الراحة والعناااية لكبييرة
زهير: مال *** مدمدم وݣف مݣاد وهضر مسݣم… الناس مخلووعة ونتا كتق*** فهضرتك معاهم
أشرف: ومرتي؟!!!
وليد: عاد كتسول عليها اشماااتة والله يا *** لابقاات فييك وربي حتى نردها فيك
الكاملة: (فرحانة منين وصلت لفرنسا وهي لفوق لفوق خدامات وكولشي متوفر وكتلبس غير لوااعر والكادويات من دعاء وماماها وحتى أنوار مهلي فيها بزاااف.. صونات على لكبير وكانت خطوة كبييييرة…)
الو السلام عليييكم
لكبير: (فاق من نعاس على صونيط تيليفونو اما هي صباح طلع عندهم… عرف صوتها) عليكم السلام
الكاملة: انا الكاملة مرتك اللولة
لكبير: طلݣي الكاملة واش باغية فدصباح
الكاملة: والو بغيت غير نݣولك انا عايشة بيخير وعلى خير
ليلى: (كانت فبيت ولدها لي كان فايق كتبدل ليه ولبنات للي جابتهم عندها.. سمعت تيليفونو بغات تسكتو حتى لقاتو كيهضر)
ياك لباس
لكبير: (كيسمع الكاملة ودارلها إشارة مكاين والو) من بعد
الكاملة؛ واش زايداني كلمة مجوجة بيك وانا عايشة فلعذااب داكشي للي معيشتوليش نتا سنين وعوام جا ولدك صغيير للي كاارهو على ود خوك عيشني فيه
لكبير: الله يزيدك وانا واش مطلوب مني
الكاملة: طلݣني برااااتي توصلني لفرانسا متبغيش نتسمى مجوجة وفعنݣ راجل وهو غير دلدوول مرااااتو
لكبير: واخا من هاد نهار راك حرمتي علية كما حرمت مّا وختي وعلية وطلاݣݣ راه يوصلك لتم
لكاملة: (زغرتت) لولووووولووووووي وااا تهنيييت منك ومن عييييشتك الكحلة سير الله يلݣيها ليك كما ظلمتوني نتا واللفعة ديال مك انا بغيتكم تبقاو اللور اللور الله ياااااخد فيكم الحق الله يجعل مرت لكلب دزوهير هي للي تردكم نعاااااج عندها وتصوووݣكم…
(قبل متكمل سمعت طيط طيط عرفاتو قطع ظحكت وزفرت)
شمااتة مݣدش يسمع على ودنيييه ااااح يا ربي تهنييت ها هي ماين دعا معندها راجل وعايشة مفيكة مع راااسها انا باااااركة نعيش مع ولدي كيف القايدة….
نوض نشوف لفطووور
(ناضت لابسة وجدية موبرة ودايرة مضمة ذهب من للي جابت ليها كاين دعاء كادو… وهبطت لتحت مقريها ولدها السلام السلام تجاوب على قد السؤال متجمع متنمم والابتسامة على وجهها باش تعيش هانية وفوق الراس… لقات طبلة لفطور مقادة وماين دعاء جالسة شادة الجورنال لابسة كلاص وشعر دايرة سفنجة وميكاب خفييييف.. قبل متجلس)
سلام لالة مريم كيف صبحتي
مريم: (بابتسامة) صباح الخير لالة الكاملة نتي لباس مرتاحة؟!!
الكاملة: مرتاااحة اختي مريم الله يزيد فرااحتكم
مريم: امييين تفضلي فطري
الكاملة: يهودو لولاد
مريم: هوما فوقو بكري فكرة ومشاو لطبيب باش تشوف دعاء امتى تولد
الكاملة: الله يفكها مسيكنة على خير
————————
حنان: تكون ولدت ديك خيتي؟!! (لا جواب) تكون ماتت؟! باينة خوها جلاخة واش بنيتك كان عاجبك معندوش حتى المستوى
أحلام: شوفي سكتي هاد الساعة محاملة نسمع من عندك واالو
حنان: دابا واش ندخلو؟!!!
أحلام: لا غنمشيو فحالنا
حنان: نصوني على اشرف
أحلام: أشرف وكان بغاك تكوني حداه وكان شدك من يدك ودافع عليك منين كان داك صاحبهم كيسخسخك بالهضرة
حنان: زعما!!!! مبقاش بغاني
أحلام: ياله نمشيو غدا نهضرو ولا بيناتكم اش دخلني فهاد زبل من نهار اللول
حنان: ويلا غضب وتقلق مني
أحلام: حنااان تمشي ولا نخليك بووحدك انا دقيييقة منزيدهاش هنا
حنان: بففف زيدي….
”~~~~~~~~~~~
ليلى: لا حول ولا قوه الا بالله العلي العظيم متديش عليها الكبير يحسابها صافي مشات لفرنسا قطعت لواد ونشفو رجليها
الكبير: (بقا فيه السبان للي نزل عليه هو من ديما كان كيعاملها مزيان ومهلي فيها ومخلي كولشي على يديها كرهها نهار بغات تقتل أمال واخا هكاك مبغاش يطلقها حيت عارف معندها عائلة تمشي لعندها وشاارط على ليلى تحتارمها…)
ليلى: لكبييير يهديك الله انا جيت غير لبارح ومكنديش عليها
لكبير: الله يعاونها
ليلى: هي محات حتى ولادها للي هنا وحلفت متضرب الضورة عندهم .. راه طبيعي وحدة طماااعة غتشوف الخير تماك وتنسى كولشي
لكبير: (تنهد ووقف) ݣادي فطور الله يرضي. عليك عندي خدمة مزيرة
ليلى: ومتفقسش راسك عفااك
لكبير: ماشي مشكل الله يجعل العمل لله…
ليلى: ونعمة بالله… (مشات للكوزينة كتقاد لفطور جاها ميساج من عند امال بالي لقاو هند فرحت وعاد رتااحت رجعت كتبت ليها ميساج)
إوا دابا مسحي خنونتك وسيري نعسي تسناي راجلك
أمال: مزال مجا اختي وليت ݣاع مكنشوفو بزاااف….
هند: (جالسة مصدووومة كتبكي باغيا تغوت وشي حاجة واحلة ليها فحلقها مخليااها مخنووووقة… مكرهتش تهرب لشي بلاصة عمرها تعاود تشوف وليد كرهاااتو ولكن مزال موصلات درجة الكره للبغيان للي كتبغييه… ممتيقاش من مور فعلتو مشا فحاالو بحال حتى حاجة موقعت لهاد الدرجة برد من جيييهتها وأسئلة كتعاود فنفسها..)
باش زايدني هاد الراجل؟!!
حتى فنعاس ممرتاحاش معاه اصلا مكينوضلوووش؟!!
فيه غير المشاكل هو وعائلتو !!!
عقلي ماشي هو عقلووو طريقتي فكوولشي فحياتي ضدووو!!!
(كل مكتفكر الطرشة للي مكانش اثر على حنكها ولكن كان أثر كبيييييييير على قلبها وكرااامتها وكبريااائها زااائد مشا وخلاها بلا تأنيب ضمير.. هزت صاكها وشعلت تيليفوونها كانت 6 دصباح لقات شي 120 بواط فوكال أغلبية منو من نعيمة من أمال من ليلى مسحت عينها وصونات على أمال.. بقا شحال كيصوني عاد جاوبت… بصوت باكي)
أمال
أمال: هند!! خلعتينا عليك اختي فين مشيتي كولشي بغا يحمااق عليك وولي..
هند: (بصوت باكي) متجبديليش حس داك الز***
أمال: (ناضت من بلاصتها جارة لكاشة لعندها) مالكم؟!!!!
هند: لحماار (كتشهق) ضربني قبيييلة وخلاني فلوطيل مليووحة
أمال: وليد!! ضربك؟!!
هند: اه
أمال: ولكن عرفتي شحال ݣلب عليك كان غيحماق الجدارمية كيݣولولو اجي شوف شنو تشفر ليكم وهو كيݣول بغيت مرتي
هند: واش مكتفهميش ضربني
أمال: دابا فينك نتي
هند: (بعصبية) فاوطييل
أمال: وعلاش مجيتيش عندي
هند: فاش لقاني قلت غنجيو عندكم ولكن هو وصلني لوطيل عطاني سوارت طموبيلتي ومشا
أمال: حتى زهير مراااهش
هند: (كتبكي) عمرني نسمحلووو شحال وقفت معاه وضحيت فكوولشي باش فالتالي يضربني ويلووحني بحال شي كلبة سالا منها
أمال: لا لا راه كيبغيك
هند: كيخرااااا… انا اصلا غدا نجي نشوف الا باقي شي حوايج نجمعهم ونمشي من هنا فمرة…
أشرف: (حيت كانت عناية مزيانة من بعد تضااور ووقفو معاه شحال من وحدين من بعد اتصالات خلا بنتو لتحت فالعناااية هبط هو ووليد وزهير شافوها من مور الزااج… أشرف دمعو عينيييه اما وليد تحركت فيه بزااف دالاحاااسيس راه بنت ختووو بنت ختو للي كان اصلا كيعتابرها بنتو اما زهير بعينييين كولهم اشتياااق امتى يوصل نهار ويهز بين يدو بنت او ولد مهم يكون من صلبوووو كل واحد والمشاااعر ديالو وليد بغا يدووور باش يعاتب أشرف لقاه كيبكي..
واخا هكاك نفسو حااارة باغي يضااارب وهو يتفكر هند.. تفكر الطرشة للي عطااها فلحظة كان هو غضباااان وكاعي مزياااااااااان تفكر أن هند مغدوزهالوش بالساااهل حيت عارف عقلها وكفاش كتفكر)
زهير: الله يجيب الشفا
اشرف: اميين
وليد: الله يعطيييك الغرااااق يا الق*** يحسااابلك غنساهااااا لييك مزال نوري لمك تكرفس على ختي (تم غادي وهو يرجع)
نعرف يا شمااتة هزيت لبنت وديتها عطيتها لدوك الشيخات للي جاي محشي وسطهم نذبح والديييك لكلب وندخل نكمل حياتي فلحباسااات (مشا كيزرب.. زوهير كيمشي بشوية خط يدو على كتف لاخر)
زهير: متوصلناش لمواصل للي تخليني نعاون صاحبي فتݣطاع لحمك ونصدقو بجوج داخلين للحبس.. (بأمر) تهلا فمرتك وبراكة من تبرهيش بغيت طلݣها راه المحكاامة…(زاد فطريييقو عياااان طلع ومشا خرج للباب كيتسنى صاحبو حيت عرفو مشا يطل على ختو)
وليد: (بالصح كان مشا يطل عليها كانت فاقت وغير كتشوف فسقف.. بقات فيه كيف ولات وكفاش حالتها دابا بووحدها دخل عندها متصنع الصراامة دار يدو فجيااايو) كيبقيتي؟!!!
شيماء: خويا (طرطقت كتبكي بحال كتعاولو من داك لبكى شنو كتحس وماقدرتش حتى تحرك حيت مزال لبنج شاد فيها شوية.. دخلت فرملية)
…: اختي راه مخاسكش تبكي غيوجعك راسك بزاف
وليد: (كان موجد 100 درهم عطاها للفرملية) تهلاي فيها مزيان على ماانجي (لوخرا بدات لا ما الا دارها ليها فجيبها وطمرت شاف فشيماء)
غرجع عندك بلاتي متخافي من والو (مشا واجعو قلبو مصلاحلو لا يعنقها لا يبوس جبهتها حاش براسو مزال مقلق منها وفنفس الوقت غاااضتو حاالتها بزاااف… خرج وهو كيزفر وصل للباب لقا زهير كيتسناااه)
خاي زهير سير لدااارك ترتاح شوي
زهير: ونتا؟! وفين هند؟!
وليد: حرييرة اخرى هاديك عاد نمشيييلها لوطيل
زهير: كاين منعاون
وليد: غير الا سمعتيها لاحتني من بالكو ولا شرجم عرفها هي وشهد رݣولهم صاحب حااازقلو لاح راسو برااسو
زهير: ههه غي بشوي (زهير ركب ووليد مشا شد تاكسي… وصل لوطيل مشا سول على رقم غرفتها عطاوهالو وطلع عندها دق مرة جوج تلاتة حلاتلو وباينة كتبكي شافت فيييه بغضب كبير)
هند: شنو جاي دير هنا
وليد: نهضرو اهند انا غلطت بزااف
هند: سير ت*** علية والله ممشيت ندير الشووووهة….
وليد: (خرج عينو) هيييييييند!!!
هند: مكاين لا هند لا سطا حمص صافي بغيت نسااليوها مرحبااااا
وليد: (دخل بقات كدفعوو وتغوت شدلها يدها بالجهد ودخل زادح لباب)
هدااااااي
هند: خرج علية الحمار
وليد: (بقا شاد يدها وكيزير) حمار سير ق** سمو بقاااالك
هند: اااي رخي مني ابنااادم كتستقوااا علية (طلق منها وشدت فيدها) تفووو
وليد: عيقتي عرفت غلطت ولكن
هند: مكاين ما ولكن صافي انا وياك سالينا الا بغيت منفاريوهاش بشي شوووهة طلقني العيشة معاك ما عيشة ما تااااا وزة
وليد: وعلاه نطلݣك!!!
هند: (خرجت عينها) نحسبهم ليك!!!!
وليد: بلاش (بغا يعنقها ودفعاتو) دابا مال مك؟؟!
هند: خرج علية كتفهمها (بلغوات) خرج علية ابنااادم مبقيتش حاملة نشووفك
وليد: لا نتي طالع ليك الدم معارفااش سمو كتݣووولي
هند: عارفة… (بهدوء) وليد انا درت معاك كولشي ونتا كتمسح دنيا بليݣة بحال مدرت والو كولشي نسمح فيه ونغمض همعيني ولكن باش ضربني لا
وليد: محسيتش براسي
هند: لا
وليد: راه مشااااكيل عندي وزدتيني نتي هاد نهار
(دارت راسها ممسوقاش مكتسمعش) نسمع داري تشفرت ومرتي ما مكيناش فيها راه هبلت اهند راه نتي للي كتصبريني على كولشي
هند: منين كنصبرك غضربني؟!
وليد: غلطة والله حتى غلطة.. راه قبل منجي عندك كنت فصبيطار على شيماء ولدت قبل لوقت ولكلب بغا يديلها لبنت باش يعطيه لصاحبتو ولا معرفت مشااااكيل قهراتني
هند: ماشي شغلي فهادشي كلامي قلتو بغيت طلاق
وليد: (بقا شحال كيشوف فيها) راه ضربتك ونتي خصرتي الهضرة وغمضت عيني
هند: الله يعاونك على مشاكلك نهار اللول قلت ليك بغيت نعيش حيااتي انا وياااك
وليد: (عض على شنافتو حاني راسو شحال وهي كتشوف فيه بطرف عينها بقا فيها ولكن كبرياااائها بقا فيها كتر.. تم واقف مقصد لباب بغا يحلو وهو يضور عندها)
بلاتي غنجي نديك عند امال تريحي أعصابك شوية
هند: غنمشي فحالي
وليد: وااخا هند سيري وعطيني شي سبة باش نذبحك ونتهنا من المشاكيل.. متنسايش امدااام راك مرتي بغيتي ترتاحي مني وااخ نعطيك نهار يوماين سيمااانة شي حاجة كتر وجهي هو للي غتلقاي حتى نموت وديك الساعة ديري ما بغيتي… (خرج زااافر وهي بقات غير متبعاااه….)
أصبحنا وأصبح الملك لله….
شيماء: (كانت نعست بمهدئات فاقت كتحل عينها بشوية حيت الراس مع لبنج وكترة لبكى عطاها لحريق بزاااف كانت غير شي وحدة للي كتمسح الزاج بقات غير كتشوف حتى دخلت فرملية)
. .: صباح لخير زيونات شوية دابا؟!
شيماء: (غمضت عينها بشوية زعما شوية)
…: (بقات كتعبر ليها سخانة ودݣت ليها إبرة ديال تختر الدم)
اليوم توقفي
شيماء: (مفاهمة والو) كفاش نوقف
….: من مور سيزاريان رجليك كيتبنجو يعني ضرووري خاص للي يعاونك فالوقفة اللولة فهمتي
شيماء: اممم حم وهاد التيو
….: انا درك نحيه ليك هداك ديال نبوولة (فرقت رجليها) هانتي شهيق زفير باش متحسي بوالو
(دارت شنو تطلب منها وحيداتولها واخا هكاك تقسحت شوية)
لبنيتة ان شاء الله دابا تبرا متخلعيش عليها
شيماء: (بحال وݣضاااتها كانت ناسية انها حاملة وولدت عاد تفكرت انها كانت عندها غير سبع شهووور تفكرت وليد للي جا عندها)
فينها؟!!!
….: فالقرعة… ربييييييعة اجي عاونيني (دخلت وحدة غلييضة غير ضارت شيماء شافتها هي نفسها للي شافت فدار الزوووهرة مولات لݣديرة وللي وهموها راه طيحت ودارولها بكااارة قلبها بقا كيضرب بالجهد وحتى لوخرا عقلت علييها)
ربيعة: حم راه عيطلي طبيب غندخلو لشي عملية اخرى (خرجت وشيماء متبعاها ودمعة حاااارة نزلت من عينها متقدرش حتى تلووومها هنا دخل أشرف باينة عليه لعيا اول مشاافها هي شيماء كتشوف فلباب وكتبكي)
أشرف: ماالها؟!!!
….: يمكن الوقفة اللولة وخافت… شوفي الزين معندك مناش تخافي غتحسي بشوية ديال الدوخة ومن بعد غترجعي عادي
شيماء: (ضورت عينها وبقات غير كتبكي حتى رجع لبكى سيلونص لبكى بصوت عالي بحال شي بنت صغيييرة لفرملية مفهمت والو اما أشرف بكااااها ماشي ضرو فراااسو ولكن كتزيد تأنب ليه الضمييير…
قربلها ووقف على راسها)
….: اختي راه الا بقيتي تبكي غيمشي ليك لحليب وزيد مغتبقرايش دغيا ويبقى حريق الراس تاابعك
أشرف: شيمااااا.. (معرف ميقول اما هي حبست من لبكى حيت عياات من ) روااحي اختي نوݣفوووها (كان ديجا عرف شي معلومات من يوتيوب…)
…: هو قبل راه المدام مجابتش لحوايج خاصها حوايجها للي تلبس وليكوش
أشرف: واه نرووح نجيبو غير ݣوليلي واش… (فتات عليه شنو يجيب وبلا كيفكر خرج نيشان للدار يجيبلها من لحوايج جداد وداز جابلها حتى لماكلة ورجع عندها… لبساتها لفرملية للي عطاها أشرف 400 درهم زادت تهلو فوق تهلو واخا من اللول كانت معاها مزيان عاد تم داخل هبطولها رجليها)
….: ختي متشوفيش فالارض شوفي قدامك باش مدوخيش (وقفووها وهي كترجف فيدييهم بكترة الضعف للي فيها مقدرتش شدو معاها الخاطرة مرة وجوج واشرف غير ساااكت حتى تمشاات 4 دالخطوات ورجعووها تجلس حيت عيات ومقدااتش.. عاد عطااها أشرف تاكل من يدووو…)
أشرف: تبغي تشوفيها؟!!!!
شيماء: (حنات راسها وبقات كتبكي هو غير كيشوف فيها هاد المدة كاملة للي عاشت فدارو كانت غير كتبكي تبع عينيها حتى ضار كيشوف فين كتشوف كان خووها حنا رااسو لاخر كيشوووف فالحيط للي اونفاص ليه)
خويا!!!!
وليد: (شاافهم بجوج… بقا مغوبش) كيفبقيتي؟!!
شيماء: (حنات راسها) الحمدلله اخويا
وليد: وبنتك شفتيها؟!
شيماء: مممـــ….مزال مݣدييتش
وليد: اممم
أشرف: (أشرف غير كيسمع مباغيش شي عدااوة مع وليد عارف راسو غااالط من راسو لرجلييه وعارف وليد من حقو يدييير ماااا كتر ݣاع شاف فشيماء لقاها كتعراق وهي كتهضر مع خوووها حتى سكتو ضار لقاه مشا شاف فيها متعجب مكتسولش على بنتها باش تشوفها… تدق لباب ضار كانت حنان جايبة شي قفة فيدها وشي صاك فلݣرونة كبير فاليد التانية)
حنان: (بابتسامة عريضة) سلااااام علييكم
أشرف: حناان.. دخلي (شاف فشيماء كانت غوبشااات ورجع لعرق فجبهتها بزااف)
حنان: كيف بقااات مريم؟!!
أشرف: (تبسم بتعب) الحمدلله
شيماء: (حست كيهضرو على بنتها) مريم؟؟! مريم للي بنتي زعما؟!!
أشرف: واه (شاف فيها) سميتها مريم
شيماء: لا مكتعحبنيش هاد سمية كنكرهها
أشرف: سميييت مّا الله يرحمها
حنان: تأ حشووومة ختي شيماء نتي عارفة راه سميت لعزيييزة
أشرف: هي اصلا معارفة والو علية
شيماء: (بحرا كتهضر) لا معجباااتنيش مكنحملش هاد سمية وشكون اصلا لي عطاك الحق تسميها (بحرا كتنفس) خرجي علية نتي
أشرف: (شافها كترعد) شيمااا بشوية عليييك
حنان: حشوومة اختي راه سمية ديال مو راه ماشي انا للي ختاريتها باش متعجبكش
أشرف: صافي احنان خرجي
حنان: حم واخا حبيبي انا جبت ليك اختي شيماء شي ماكلة وحتى لويزة باش تعاونك تنفسي وهنا فهاد الصاك حويجات لبنيتة راه كولشي للي تحتاج فيه وليكوش راني عطيتو لفرملية… (بابتسامة بشوشة) انا برا أشرف…..
مريم: (كتنقز بالفرحة) حااااملة حاملة (بابتسااامة عريييضة دارت يدها على جبهتها)
الله يااااا ربي الحمدلله يا ربي الحمدلله (كتبكي) الحمدلله….
(هزت تيليفونها صونات على محمد مجاوبش حيت كان مشغول بزاف ومخلي التيليفون فلبيرو… فكرت وهي تصوني على مها للي قاطعة معاها الهضرة مجاوبتااااش صونات على ختها مجاوباااتش غي حيت مسمعاتوش.. صونات على أمال)
اللووو أمال
أمال: (بصوت نعسااان جاوبات شافت فزهير للي حتى هو عاد كينوض) مريم لباس
مريم: راني حاملة ههههه حاااملة واخيييرا
أمال: ههه مبروووك عليك والله يا ختي حتى فرحت ليييك
مريم: حتى انا فرحت بزااف بزاااف بزااف محمد مزال مفخباارو
أمال: ݣوليهالو غيعجبو الحال
مريم: واه.. كنصوني عليه مكيجاوبش نعاود نصوني داابا
أمال: ههه مشهية شي حاجة
مريم: ههه لا مزال مبديت نتشها عݣبااالك اختي والله يفرحك حتى نتي
أمال: اميييييين ياله سيري عيطيلو حتى لبلاتي ويجيبني زهير عندك (قطعت وضارت عند زهير)
مريم مرت محمد حااااملة
زهير: عݣبالنا
أمال: (بقات غير كتشوف فيه الطريقة باش قالها كانت شبه حزييينة)
نمشي عند طبيبة ونتبع معاها
زهير: واه ان شاء الله
أمال: (حست بقجة ماشي قالها لا فوقما سهل الله كما كيقول ديما حست طلعلو الدم) واااخ
زهير: حبيبي وجديلي الدووووش خاص نصحصح شوية
أمال: (حنات راسها وخرجت مقهووورة واخا هو مقال والو ولكن احساس خااايب كما باقي الأحاسيس من دييما هي اااخر وحدة كتهنى بشي فرحة لدرجة فقدت الأمل واخا زهير عطااااها بصيص أمل الا دابا…. لقات الحاجة وليلى موجودين لغدا سلمت عليهم دخلت للكوزينة قدات قهوة لزهير اما لملاوي غير غتسخنهم قدااتهم وحطااتلو لفطور ومحست غير رجليها داوها لسطح كتبكي …)
شيماء: (بقا قلبها كيضربها مكتحملش سمية مريم اولا حيت سميت مرت محمد للي عايشة حياتها وهي لا وتانيا الاسم ختارتها وحدة بعييدة وعتابرتها عدوة…
جاتها فرملية بقات كتوقفها وتعاونها كان أشرف تماك رجع كيعاون حتى هو واخا مكيهضروووش..
مع هزت عينها لقات حنان متكية على باب الشومبر كتشوف فيها ودوك الشوفااات مخفيااااش عليها)
شي حاجة
أشرف: (برك عليها فيدها بيدو) شييماااااا ركزي فلمشيااان ديالك
شيماء: تخرج علية علاه كل شوي منقزة عندي هنا
أشرف: حنان خرجي عفاك
شيماء: عفاك!!! انا للي والدة ليك بنتك وعمرك ݣلتيلي عفاك
(لفرملية غير كضور عينها وهي كتسمع لهاد الحديث الشيق)
حنان: صافي موقع والو انا مشيت بيناتنا التيليفون ختي شيماء الله يشافي (ختمتها بابتسامة شبه باينة على شنايفها ولكن عينيها بزااف..)
شيماء: سيري الله يعطيك موصيييبة تفو على لسقة (ضارت شافت أشرف للي مخنزر) انا للي عارفة هاد الماركة كفاش كيلصق
أشرف: (ببرود) عاارف… (شافت فيه مخرجة عينها) عارفك عارفااااه مزيان ميخفاااش عليييك
(حنات راسها ورجعووها تكى بلا ميهضر خرج من تماك كانت حنان عارفاهم غيدابزو ويخرجو ولكن توقعاتو يقلب عليها ساااعة نيشان هبط لتحت)
حنان: (بقات كتهضر بوحدها) تبدلتي اسي أشرف ماشي هادشي باش واعدتني من شحال هادي ماشي حتى تخليني نبغيييك وتبقى دفع علية كبيير ماشي شحال ونتا ترغبني وطلب باش نكون معاك وفالتالي تخليني (مشات خرجت وهي مكرهة هي اصلا فاللول مكانتش عارفاه عندو مشكل مع شيماء حتى تخطبو وقررو يعقدو عاد بان هادشي….)
~~~~~~~~~~
هند: (مع خرجت لقات وليد فلباب) مرض عاود نتا!!!!
وليد: جمعي راسك اهند
هند: مجامعاااهش وماعلى فخيييلك ركبو طلااااق غنطلق بغيت ولا كرهت ااااامبوسيييبل نجلس مع واحد بحااالك
وليد: اممم (عض على لسااانو راااد الفقسة) درك زيدي
هند: (هزت حاجبها) لا
وليد: غتزيدي ولا غنتفاهم مع جد بوووك هنا
زهير: (خرج من الطموبيل من بعد مشافهم مخنزرين وصل حداااهم) اماااالكم؟!؟
هند: صاحبك يبعدني انا بغيت نطلق
زهير: هند ختي نعلي الشيطان هاد الكلمة راه صعيييبة مكتجيش وتݣااال
هند: راه ضربني ازهير
زهير: (شاف فصاحبو مݣالوش على الضرب) رواحي عندي للدار ونتفاهمو
هند: لا خويا زهير بغيت نمشي فحاالي نتا شاااهد كيف كنت معاه وهو ضربلي كولشي فالزيييرو
زهير: متفهمك ولكن مجاتش من اول مدابزة تبغي طلاݣ وكان كان طلاݣ سااهل ݣاع متبقى حتى مرا مجوجة شوية دصبر منك ومنو وتفاهمو
هند: يحمد الله مديكلارييتش بيه
زهير: (تبسم) قويييسحة… عنداك تݣولي هادشي ݣدام أمل
هند: (بغا يجيب ليها الضحكة) خويا زهير والله حتى عيييت
زهير: ياو ياله للدار صاحبتك والحاجة ليلى راهم يتسناو فيك وبرديييي مزيان وديك االساااع نشوفو الحل وللي بغيتيييه خوووك يوݣف معاك
وليد: كفاش للي بغيتيه!!!
زهير: سكت لمك من فوكاش حنا نضربو فنسااا!!! (شاف فهند) ياله نوصلوووك
هند: انا نمشي بطموبيلتي
وليد: نيشان للدار
زهير: لعساااك دوزي للمحلبة فطري عاد سيري نوريو لمو لحكام الخاوي
وليد: (بقا كينݣر تبسمت هند وداكشي للي مشات داارت بقا كينݣر ويغوت على زهير) تبغي نتا مرتك نݣولها هادشي
زهير: الرجلة ابن عمي علماتني منضربش لوليااات اعسااا كنضرب مرتي زييد زيييد تحرك ابيبي بقيت فية غنبقى محرووم منها شحاااال…..
محمد: (مع عرف بقا كيضحك عاجبو الحال خلا الدري مقااابل ومشا نيشان عند مرتو كيعنق فيها حتى اندهشااات من كمية هاد الفرحة كاملة)
ݣلتيها لمك؟!!!
مريم: محمد ياك كنتي مباغيش
محمد: ماشي مباغيش ولكن خليتها على الله ودابا منين ربي سهل خاص نݣلبو نشريو شي دويرة
مريم: بالصح؟!!
محمد: بغيتي ولدي يتزاد فديور لكرااا دابا راها الحمد لله ترخفت شوي
مريم: (فرحت) صافي
محمد: ݣلتيها اختي أمال
مريم: واه وفرحتلي مسكينة بزااااف
محمد: الله يسهل عليها حتى هي نهضرو مع مي
مريم: هضر (تسلتت ومشات للكوزينة هاااربة من كلامها…)
محمد: (من بعد مقالها على الخبر وهو ظااحك) واه الحمد لله
فتيحة: فرحت ليك يا وليدي نتا وبنتي مريم
محمد: حتى هي شحال وهي تسنى
فتيحة: اوا وليدي راه لمرا بلا ولاد بحال الخيمة بلا وتاد
محمد: مزالة صغييرة داكشي باش كنت نݣولها متفقسش
فتيحة: اوا الحمد لله منين ربي فرحكم غدا نجيو انا وختي لعندكم دوزهالي
محمد: مرحبا… مريم مرييييم (مشا للكوزينة مكانتش) يمكن دخلت لبيت لما
فتيحة: اييه اوا حتى تسالي اوليدي وتعيطلي غير متنساونيش
محمد: (باستغراب) لا منساوكش…
~~~~~~~~~~~
أنوار: هههه واااايلي ههههههههههه بلاتي ونصوني عليك (قطع وهو يصوني على أشرف شحال مجاوبوووش وهو يصيفطلو ميساج)
“””واش اصاااحبي ڤري واش سمعت!!! تجوجت بشيماء هههههه وكان غير مشفتييييش داكشي بعينييييك نݣولو راك غاااافل ابن عمي ولكن ذنوووبي مشيتي بايعني لزهير ربي بلاك بشيماء هههه”””
(بقا كيموت بالظحك رجع كتبلو ميساج)
“””بيني وبينك كتعرف ضرب م*** بصحتك اعشيييري في خاااطر خبز الدار مياكلووش البرااااني عيييش الحياااة هههه””
أشرف:. (كيقراااهم ودمووو كيفووور داز بين عينو دوك الفيديوهات للي ندم علاش شااافهم بقا غير كاز على سناااانو وعروووقو بغاو يطرطقو فرااسو)
هند: والله مندوزهالو الحاجة
الحاجة: مسكين شوفي هو وفين ونتي فين
هند: يمشي يزمر.. أمال شنو بالكم نمشيو نطلو على شيماء
أمال: معرف واش يبغيلي زهير
ليلى: الا مشيتو نمشي حتى انا نطل عليها بقات فية نعيمة راها غير تبكي عليها عاد منين تعرفها ولدت
هند: صوني صوني عليه (أمال قلبها ضااارها ومحسسة غير بووحدها مشات لبيت وطلت من السرجم صونات عليه جاوب) الو زهير
زهير: احبيبي
أمال: بغيت نمشي انا وهند وليلى نطلو على شيماء
زهير: (كان حداه وليد بقا ساااكت مدة هو باغيها تبعد من طريق ديك لبنت واخا بقات فيه ولكن مابغاش أمال تكون عندها علاقة معاها واخا تكون بنت عمها)
حم واه
أمال: منتعطلوش
زهير: صافي واخ لفلوس راهم تحت حوايجي
أمال: وااخ.. انا ندوز لشي طبيبة باش نتبع معاها
زهير: حتى نكون معاك
أمال: واخ (قطعت تنهدت ومشات لقاتهم كيلبسو) هند شتك ݣاع مسولتي فدارك مشفتي واش ذهبك مشالك
هند: لفلوس حنا للي تنديروهم اختي أمال خلاص غير لواحد يكون زوين معاااك
ليلى: هههه ناقصك غير الروج
هند: ههه والله مكرهت نضرب على مو جوج كاخااات بيرا ونسااااه
ليلى: ههه زيدي ابنتي زيدي الليل طويل واراااي متعاودي أمال بنتي سيري لبسي حوايجك حنا نتسناوك لتحت.. الحاااجة (دخلت عندها لبيتها فين بدات تدوخ بنعاس )
حنا مشينا منتعطلوش
الحاجة: مكرهت ابنتي نمشي معاكم
ليلى: معدك مديري بجو صبيطارات نشاعالله تبرا ونمشيو نطلو عليها فديوانها
الحاجة: الله يرضي عليكم ابنتي وسلمي عليها (خرجت ليلى مشات لداارها طل على ولدها للي مع بنت خالتها وصااتها منحل لحد حتى لكبير راه عندو سواارت مع هاابطة تعرضت ليها جهان)
جهان: دابا نتي عݣوزتنا جديدة؟!!
ليلى: ومالكم عندكم لعدوزة بالانتخابات كل 5 سنين سايرين تبدلو فيها ولاااا!!!!
جهان: هههه يا ختي شحال كتحمقي
ليلى: اممم بدينا فصباااغة
جيهان: لا لا والله مكنصبغك غير عكوزتي الله يهديها مكانتش كتحمل شي حد
ليلى: اوا الله يهدي ما خلق
جيهان: تبقاي تجي عندنا ونيت تعرفي على بشرى بنت عمي لكبير
ليلى: نشاعالله (خرجو لبنات) بسلامة (متسناتهاش تجاوب ركبو فالطموبيل وهند ضاااربة بركلة كولشي كتحاول تنسى باش متزيدش تكره وليد.. وقفات حدا دااارها)
دخلي؟!!
هند: بلااش خفت يجيو عاود (شافت كانو العمال كيقادو فلباب وللي كيلسق لكاميرات) من بعد… (مشاو لصبيطار فين نعت ليها زهير.. وصلو سولو على الشومبر ديالها ورااوهم فين وطلعوو.. لقاو أشرف حدا لباب شافو فيه بجوج)
ليلى: سلام عليكم هنا ناعسة شيما؟!!!
أشرف: حم سلام.. (شاف فلبنت) دخلو اخوتي دخلووو
هند: مبرووك عليكم والله يشافيك لبنيتة
أمال: الله يشافيها اخويا
أشرف: امين اميييين…
هند: (دخلو كانت شيماء كتوقفها لفرملية بغات تدخل طواليط حتى كتصدم بالوجووه للي دخلو عليها محست حتى بدأت كتبكي بكااا للي بقاو غير كيشوفو فيها وفحاالتها للي تبدلت والوجه للي مضروووب….)
أمال: (شافتها كتبكي بقات كدور عينها مشات ليلى كتعنقها بقاو هوما االلور خبرتها)
نمشيو حسن!!!
هند: صبري حتى طردنا باينة مرضاااش نشوفوووها هكا
ليلى: صاافي ابنتي متبكيييش
…: من صباح وهي كتبكي يمكن منين جيتو دابا ياك عائلتها؟؟
ليلى: اممم
…: سكتوها راه هاكا متبراش دغيا.. خليتلكم الراحة
شيماء: (حست باحساس خاااايب منين شافوها هاكا وشحال وهي توعدهم بمستقبل ليها حسن منهم كاملييين حسن من أمال للي كانت حݣراااها ودايرها غير مدلوولة وحسن من هند للي كانت معتابرها غير ق***…
ساعة صدقت هي أكبر ق*** وأكبر مدلوولة شافت بأمال بنص واقفة بعييييدة هي وهند مسحت عينييها)
ليلى: مفخبارش نعيمة راك ولدتي؟!!!
شيماء: (حركت راسها بلا) مفخبارهمش وحتى ويكون شكون مزال بغا يجي يشووفني
ليلى: لا حول ولا قوه الا بالله العلي العظيم مك ابنتي راها ضل تبكي عليك ليل ونهار
شيماء: بالصح!!! (بدات كتبكي)
هند: شيماء خاصك تحبسي لبكى.. لبكى مغينفعك بواالو ديها فصحتك راه هي للي دايمة ليك
أمال: على سلامتك
شيماء: الله يسلمك (مسحت نيفها) سمحووولي (حنات راسها) عارفة كنت خاايبة بزااف معااكم
أمال: (رجعو بين عينيها ݣاع لفلاشات ديال شيماء)
ليلى: اجي طلعي النموسية ترتاحي
هند: واش تنفستي؟!!
شيماء: مزال
هند: خاصكي لويزة ولا النافع انا نهبط نشوف واش كاين هنا شي حاجة الا ملقيتش نخرج
أمال: صبري نمشي معاك
شيماء: علاش محملاش لهاد الدرجة تجلسي معايا
أمال: ها!!! لا غير باش نعاونها (خرجت عاد تبعتها هند اه بقات فيها ولكن باش تسمحلها مقدرتش كتشوف راسها مزال خاصها وقت واخا زهير معوض كووولشي الا غتنااافق راسها الا سامحتها… زادو بجوج هبطو نيشان لطموبيلتها)
مقدرتش نجلس معاها
هند: عادي متبززي على راسك والو اما براسي مغنساش شنو دارت ولكن على وجه .. على وجه خالتي نعيمة وباها غنتعامل معاها
أمال: حتى على وجه وليد
هند: وجهو يمشي **** هاد السااااعة بلا متعاودي تجبديهلي أمال الله يرحم باك انا د.. هداي هداي هادشي آش جابها هنا عااود (تبعاتها بعينيها حتى دخلت لصبيطار هازة شي بواطة فيدها)
ملاحظتيش هاد الاخت فينما كان وليد كتكوون ديك لمرات فلكسيدة ودابا فولادة ختو
أمال: هادي المحامية
هند: هي !! بزااف على هاد الصدف لا؟!!!!
أمال: اوا حضي راجلك
هند: مالو بزطاام باش نحضييه الا محضاش هو ك** الله يعاونو داك تدمديما دواالو مبقاش صالحة معايا….
أنوار: (عض على شنااافتو متبسم وهو عاطيينو لبنت يهزها بين يديييه شاف فعويناتها صغاار وملامح البراءه وبشرتها للي كانت حمراا
الكاملة: ودن اوليدي ليها فودنيها
ام دعاء: تتعرف اولدي تأذن؟!!
الكاملة: اياااااحة على كتعرف راه مكان يخطا لا صلا لا قراان
ام دعاء: اوكي (تبسمت) أذن ليها اولدي وغير بشوية عفاك شدها
أنوار: باسم الله (طلعها بيدو لمستوى وجهو وودينتها اليمنية قريبة لشنايفو بصوت شبه مسموع)
الله أكبر الله أكبر *** الله أكبر الله أكبر أشهد أن لا إله إلا الله *** أشهد أن لا إله إلا الله أشهد أن محمداً رسول الله*** أشهد أن محمداً رسول الله حي على الصلاة*** حي على الصلاة حي على الفلاح*** حي على الفلاح الله أكبر الله أكبر*** لا إله إلا الله…
(شاف فدعاء) كيف بقيتي احبيبة؟!!
دعاء: (بصوت عيان حيت ولدت عادية) الحمد لله احبيبي
أنوار: شنو تبغي نجييبلك ابيبي
دعاء: واالو بغيت غير نعس
ام دعاء: اه داابا احبيبة (وقفت الكاملة حتى هي وقفت واخا مفهمتش كفاش نعس وهوما جايين يفرحو بزياادة)
انا نوصيهم يجيو ياخدو لولا
الكاملة: لولا؟!!!
انواار: زعما ليلا ولكن غنبقاو ندلعووها بلولا (طرطق عينو فأخر كلمة باش متهضرش)
الكاملة: اممم واخ ياله بنتي خلينا ليك راحة الله فوكاش تخرجي؟!!!
أنوار: مزال اما مزااال… بلاتي ونرجع عندك احبيبة
دعاء: اوكي بيبي…
ام دعاء: (خرجت الكاملة وباينة فيها مقرووصة) لالة لكاملة مبرووك علينا لبنيتة اما سمية شفتك بحال معجبكش الحال
أنوار: لا لا عجبها
ام دعاء: خليني نهضر معاها سمية بنتي للي ختارتها من شحال هادي نتي الا بغيتي تعيطيلها عيطي بليلى عارفة الناس لقدام معندهمش مع هاد سميات جداد
الكاملة: لا لا نعرفهم غير ݣولولي باش نعيط
ام دعاء: ههه باشما بغيتي الآلة الكاملة لولا ليلا ليلى
الكاملة: ههه ليلى حسن (تفكرت ضرتها للي سميتها ليلى خرجت عينها) واش هي اللولة
ام دعاء: لولا
الكاملة: لولا حسن….
وليد: (دازت ساعة ونص وصل لتاوريرت نزل من التاكسي وشدها رجل على رجلو بينما فكر كفاش يجبد معاهم الهضرة ولكن عقلو لكبيرر خلاه عند هند.. زفر هند للي رجع كيشوف منها شوفة فشكل وعاد لفرااق للي مصممة عليه.. وصل لدارهم اول متلاقااه هو علي للي مكيتهاضروووش تفكر نهار ضرب بالغلط هند واخا هكاك سمحت على وجهو واخا هو مطلبش منها اصلا تسمح..
طلع كينݣر وصل للدار كان الظهر كان كيأذن دخل الدار عامرة وصوت ولد خووه مونس الدنيا تبسم)
نسييييت مجبت والو معااايا
(كولشي ضار متوقعوووش لمجية ديالو فرحة اكييييد حيت وليد عزيز عند كولشي قلبو من موراه)
نعيمة: فين هند؟!!
وليد: بقات مع شيمااا
نعيمة: شيما؟!! (شافت فاحمد ناض مشا للصالون هاز تسبيح فيدو)
حنان: خويا وليد نحط ليك أتاي
وليد: واه اختي وسمحيلي حيت نوضتك
حنان: لا لا خويا مكاين مشكل
(ناضت حيت عارفة بغاو خصوصية واخا عمرهم بينو انها ماشي وحدة منهم ولكن كتحشم من وليد بقا هاز لولد وشاف فمو للي باينة باغية تعرف اخبار بنتها)
نعيمة: هضر اولدي كفاش هند بقات مع شيماء؟؟!؟
وليد: (بلا ميشوف فمو) ولدت
نعيمة: (طرطقت عينها حيت عارفة كان عندها سبع شهوور)
وليد: كنتي عارفااها اما حاملة؟!!!
نعيمة: (تنهدت وبقات غير ساااكت… بتنهيدة) بلا متجبد الهضرة ݣدام باااك
وليد: شحال تبقاو غير دسو
نعيمة: وهي كيراها؟!!
وليد: حالتها الراجل مكرفس عليها ولكن هي للي تستااااهل
نعيمة: (بقات كتبكي رجع احمد بقا وليد كيهضر معاه فداك السرقة للي وقعت لدارو ومزال معرفو شكون اما هي ناضت لبيتها تبكي وتعاود حتى لحق بيها وليد)
نمشي نشوووفها
وليد: داكشي لاش جييت وبا؟!!!
نعيمة: غنݣولو نمشي معاك
وليد: معرفت اما من نهار رجعت المغرب والمشاكل مبغاوش يحبسو
نعيمة: علاه اوليدي؟!!
وليد: معرفت اما ملݣيتها حتى من جيييه
نعيمة: على هند؟!!
وليد: معرفت اما والله تلفت…
نعيمة: واش بيك ختك
وليد: ومالي غلووحها راه واخا دارتها يزلݣ فيها جمل وعلم الله سمو راها مرونة ولكن غتبقى ختي حتى نموووت
نعيمة: (تبسمت ودموع فعينها على الحنية ديالو) وكان كان عندها غير ݣرام من هاد العقل والمحبة للي عندك
وليد: (شاف فيها) عندي مشاكيل مع هند
نعيمة: علاه؟!!
وليد: (معرف ميݣول ولا يسبق من ديما بيناتهم احترام كيف غيدير ليها داابا هو بينو وبين راااسو ومقاادش)
نعيمة: سمو واقع اوليدي؟!!!
وليد: بففففف…. معرفت شي حاجة موݣفاااني عليها براسي مفهمتش
نعيمة: (خرجت عينها كان تلميييييح كبيير) وفينها هي؟!!
وليد: واش فهمتيني
نعيمة: راني يانا للي والدااك اوليدي ماشي نتا ݣولي فين مرتك
وليد: دابزنا خرجت من الدار نهار تسرقت منين رجعت كلمة مني ومنها محسيت حتى ضربتها
نعيمة: ضربتها؟!!!!
وليد: غير صفݣتها
نعيمة: (طرشاتو ولكن غير بشوية) هاكا
وليد: (شد فحنكو) واا مي!!!!!!
نعيمة: راه هي عندي كيفك نتا لاااه طرشها
وليد: واش عرفتي سموو دارت؟!!
نعيمة: (بعصبية) سمووو؟!!!
لݣيتها مطيحة بقيمتك ݣدام شي حد!!
لݣيتها مخليااك ونتا غارق مشاكيل!!!
لݣيتها هاملااك فمرضك وماشية خدمتها للي قرات وسهرت ليالي!!
سمو لݣيتها فهااادو؟!!!
وليد: (بقا غير صاااقر)
نعيمة: انا باك معرفت سمو كنت نديرو عمرووو فحياااتو هز علية يدووو 35 عام ديال جواج عمرووو ضربني حتى بصبعو صغيير وتجي نتا فأول مشكل وعلم الله واش منها ولا منك وضربها!!!!!
وليد: راه من خوفي عليها
نعيمة: هه زوينة هادي دابا انا نخاف عليك ونجي نضربك نخاف على خوتك ونبقى نضربهم كيف درتي ليها
وليد: (بقا غير صاااقر سمعو سناء كتعيط على حساب لغدا شاف نعيمة خرجت زعفااانة) هانتي الآلة هند ولينا نشدو صفݣ على كبرنا عليييك (زفر وطل على تيليفونو)
بنت لحرام محشاتهاليييش….
مشاو جابو ليها لويزة وشراو ليها بيجامة جديدة ورجعو عندها لقاو المحامية مكيناش.. دخلو كانت شيماء متكية وليلى جالسة فالكرسي
هند: شيماء كيبقيني؟!!
شيماء: (بعياء) الحمدلله اختي
ليلى: عاد جاو دارو ليها سيروم ديال لحريق..
هند: وكيف بقات لبنيتة
شيماء: (ببرود) مشفتهاش
هند: لدابا؟!
شيماء: واه ݣالولي درناها فقرعة (امال بقات كتشوف فيها شيماء هي شيماء قصوحيتها ديما حااضرة واخا يكون طرف منها)
هند: ان شاء الله يكون خير (مفهمتش وليد فين غاابر او هي غضبانة ومكانش للي يرغب ويطلب زادت غير حقدت.. سكاتش كان سيد الموقف كولها وعقلو فين خدام أمال باغية تمشي عند طبيبة تبع معاها مغتسناش حتى يكمل زهير شغلو للي كل مرة كيزيد يتشغل بيه كتر وكتر هند فوائد ومشاكيلهم لكتيرة ليلى فبناتها للي لقراية بدات ومعرفت واش نجيبهم من لمدينة لدار جديدة وتقريهم فمدرسة عادية ولا تسجلهم فمدارس حرة ويبقتو بعاد عليها علما ان فكرة يجيو يعيشو معاها باغيها لكبير اما شيماء مقدرتش تحط عينها فعين هند ولا ليلى ولا اكتر وحدة أمال… تفكرت ايااامهم قبل لفااااك كانو بحال شي جوج توام اما دابا بحال اكتر اغرااااب فالعالم… قطع داك سكات دخول أشرف هند شافتو وشافت لبواطة كان هاز لبواطة للي كانت هازة أحلام فاش دخلت هزت حاجبها)
أشرف: سلام عليكم
…. وعليكم السلام
أشرف: شيما شوية؟!!
شيماء: الحمد لله
أشرف: (حل لبواطة كانو فيها اشهى الحلويات ودار على لبنات)
مزال ندير سبووع لبنتي مݣااد واهم حاجة زهير يجي يديرنا برطيات
أمال: هه ان شاء الله
شيماء: (شافت كفاش كيهضر مع أمال عينو مكيهزهاش فيها باين كيحتارمها زادت تألمت على كلمة الاحترام للي مبقات كتشوفها عند حتى وااااحد)
هند: والله مقااادة
أشرف: هزي اختي متحشميش
هند: لا لا والله محشمت (مبغاتش تحرجو هزت وحدة) شكرا شنو غتسميو لبنيتة
أشرف: مريم الا كتاب
شيماء: انا مكنحملش هاد سمية
أشرف: نسميوها جوج سميات للي تعيطي نتي وللي نعيط انا ياك هاكا معادلين (ضار ظحك مع لبنات خلاها مفقوسة علاه هي مكيظحكش ومكيحتارمهاش)
ليلى: نيشان الله يشافيها ويكبرها بيناتكم
شيماء: هو اصلا غيطلݣني ويدييها
أشرف: (ضار شاف فيها ورجع راسو كيسد لبواطة مخليين للي فالشومبر كيضورو عينيهم خرج هو مشا عند لبنت وهوما بقاو غير ساكتين حتى شافوها نعست منين همد عليها لحريق وتمو ماشيين خارجين)
ليلى: انا البنات غنبقى معاها على متجي نعيمة
هند: راها جاية؟!!!
ليلى: واه
هند: مزيااان.. شنو نديرو امال؟!!
أمال: نمشيو عند هاديك صاحبتك للي ݣالتك نمشيلها لبارح
هند: ولكن زهير قالك حتى يكون معاك
أمال: وغير بعدا تشوفني
هند: واخ (تسالمو مع ليلى وهوما مشاو لطبيبة…)
نعيمة: (خلاتهم كيتغداو وهبطت عند فتيحة لقاتها مع علي) فتيحة رواحي بغيييتك
فتيحة: جلسي بعدا تغداي
علي: هاني نايض غير جلسو نتوما (ناض مشا للكوزينة غسل يدو حيت اصلا كان كمل باش يخلي ادم يطلع يتغدا.. حتى عرفاتو هبط عاد هضرت)
نعيمة: ضرك نمشيو عند ديك عيشة لغمازة
فتيحة: ماشي عوايدك
نعيمة: نوضي ديني عندها افتيحة وبلا متسولي
فتيحة: (نيشان مشا عقلها بغات تسحر لاحمد) وجبتي الخرقة معاك
نعيمة: غير نوضي انا عارفة شغلي
فتيحة: لبس جلابتي (ناضت لبست جلابتها صونا تيليفونها وقطعت بالزربة خرجت عند نعيمة هبطو مشاو من الجهة الأخرى بعيدة على لحوانت شدو تاكسي حيت الحي بعيد.. وصلو وفتيحة كضور تشوف واش شي حد كيشوفها طلعو للدار كانت دار عادية دخلو للصالون كيتسناو كانو جوج عيالات وراجل تسناو نوبتهم فسكات جات نوبة نعيمة ناضو بجوج)
نعيمة: خليك نتي افتيحة
فتيحة: لاه راكي دسي علية؟!!
نعيمة: سمو ندس ونتي جاية معايا حتى لهن
فتيحة: بغيت ندخل حتى انا نشوف لية
نعيمة: نخرج ودخلي نتي (مبغاتش تعطيها راس الخيط خلات فتيحة غير كتنݣر دخلت نعيمة جلست وعاودت للمرا سبب مجيئها باغية تحايد لولدها ثقااف ملقات تعرف شكون ولا علاش ولا ترد. بغات غير يتحااايد (جابت سليب ولدها معاها وتصويرتو تحسبا شنو طلب ليها.. اما نعيمة تأنيب الضمير كيااااكل فيها ولكن خافت على ولدها ونيتها كانت بغات تزول السحر ماشي ديرو وفعلا لامراة أكدت ليها السحر للي كان ماشي ليه فما وااعر مرشوش على شي عتبة تخطااها هو بقات كتقرا قران وتمتم بفمها بكلمات ممفهومينش حتى جبدت ليها حرز من بانيو محطوط حداها من لا شيء عطاتها شنو ديرلو خلصاااتها ولكن بلا متشعر أمرا وصفات ليها لمرا للي دارت ليه هادشي بلا ذكر سمية خلات نعيمة غير كتشووف شكرتها وخرجت دخلت فتيحة جلست شي نص ساعة)
تعطلتي افتيحة بلا وااالي
فتيحة: وحتى نتي تعطلتي
نعيمة: زيدي نمشيييو راه تابعني طريق نمشي مع وليد
فتيحة: حتى يانا راه جاي محمد يدييينا انا وكريمة علاه مݣلت ليك مريم مرتو حملت
نعيمة: بااالصصصح الله يكمل عليها بالخير زيييينة ديك لبنت افتيحة غير ربي يهديك عليها
فتيحة: ييييييه لكبير يهديه الله على صغير واش راكي تݣولي!!
نعيمة: بحال بحال كيف صغير يحتارم كبر منو حتى لكبير يحتارم للي صغر منو
فتيحة: اممم… اوا عݣباال لبنتك شيماااا
نعيمة: عݣبال لاماال
فتيحة: لهلا يعطييييهم ليها كما حرمتني منهم
نعيمة: وكان محشمتش نلووحك من هاد التاكسي ولكن ربي كبييير عارف الظالم من المظلوم
فتيحة: انا للي ظالمة
نعيمة: نتي راك شيطاااان ماشي غير ظااالمة والله مغتسݣاااتدلك حتى تعرفي بحق بنتك (قلبت وجهها مع وصلو هبطت خلصت التاكسي متسناتش فتيحة طلعت نيشان لدارها متجاهلة عياط فتيحة….)
أمال: (وصلو طبيبة شرحت ليها شنو كاين وأنها 9 شهور باش مجوجة ومكاينش حمل طمناتها طبيبة انه عادي ودخلت دارت ليها ليكوݣرافي ملقاتهاش حاملة عطاتها دير شي تحاليل روتينية خرجو من عندها)
ياك منكونننش عاااݣرة
هند: زمرة باش كتفايلي على راسك راه حتى النفسية كتلعب دور
أمال: خفت والله
هند: باااز
أمال: مالكي اهند
هند: معرفتش راس تيقولي نمشي عند مي لالة
أمال: ميبغيش زهير اما والله حتى نمشيو بجووج
هند: والله معرفت هي كانت دايرة تجي عندي السيمانة جاية بغيت نمشي ليها قبل متجي هي وتلقا صداع والمشاكل
أمال: حشومة وهي الا كانت بغات تجي عندك هنا لدارك تجي نااقصة تسبقيها نتي
هند: اختي معنديش لموورال والله
أمال: اوا (صونا تيليفون ها كان وليد) جاوبيه غير فالتيلفون بعدا
هند: بلاتي نبلوكي مو (قطعت عليه بلوكاتو) فية واحد الفقسة موحال واش تبرد
أمال: ههه عجبتني كيف راكي غضباااانة
هند: عندك جوج دقايق فتغضبي صوني على با زهير قوليلي مشيت لطبيبة غيغوت عليك وغضبي ساااهلة
امال: حلفي
هند: واصوني وشوفي ههه
أمال: لا لا زهير راكي عاارفة (جبدت تيليفونها صونات شحال مجاوبهاش ياله تردو الساك وهو يصوني)
حم زهير
زهير: أحبيبي
أمال: لباس
زهير: الحمد لله ونتي؟! فينك رجعتي للدار ولا مزال؟!
أمال: مشيت لطبيبة صاحبت هند داتني عندها
هند: لاااعسااك هي للي قالتلي نمشيو عندها
زهير: ياااا جدك ݣلتلك حتى نمشيو بجوووج
أمال: امممم (هو كيغوت وهي غير اممم وهند كظحك مبغاتش تبين ليها كيغوت عليها حتى طلع ليها الدم)
وشنو فيها الا مشيت ݣاااع نتا ممساايش وانا بغيت نجي
زهير: ݣطعي لمك ودابا سيري للدار
أمال: غنمشي لفاك نتسجل بعدا
زهير: حتى الليل ونتفاهم مع جدك ݣطعيييي
أمال: (قطعت) شوفي فية
هند: هههه متعانديش مع زهير غير حيت ملقيتي مديري والله حتى تيبغيك بزااااف حاولي حتى نتي تبقاي تقوليلو حبيبي ولا بيبي
أمال: لا لا مبغيتش نضسرو
هند: هههههههه اأاويلي واش بنيتك؟!!! ومنين تتهزي رجليك شنو هاديك
أمال: سنة الحيااة هه
هند: هه الحياااتش اختي كتبغي حتى المرطبات حبيبي كبيدة عمري حيااتي ولكن زيدي وكان يمكن لحرووشية للي نافعة هاد الوقت
أمال: ههه شتي واجي نعلمك انا دابا
هند: سييير على الله…
وليد: (جالس هو وباه فسكات) شحال ابا ݣدك تنكرها
احمد: حتى نهار دفنوني
وليد: ديرها بنت معندها عقل
احمد؛ عندها اولدي هاااا بنت خويا مصطفى منين كان مزيرها شووف كيف طلعت واخا كان مشيينو معاها الا خلا عباد الله كيترحمو على تربيتو
وليد؛ خلينا ابا اشمن تربية امال بنت مربية من عند الله مرباها حد ربات راسها براسها وشيمااا ربيتوها ونتوما معلييكم وااالو راه المشكل فيها هي
احمد: ولاه كتݣولي نسامحها منين عارفها متسوى متصلاح
وليد: ربي للي يحاسب ابا ماشي حنا وااااه من حقك يطلع ليك الدم مداااارتش ݣلييل ولكن راه 3 شهور مسولنا فيها مسمعنا عليها خبر
احمد: ياك راك تصيفط مرتك عندها
وليد: ما مابغاتش تمشي ونتا مراضيش نمشيو نطلو عليها جوج دقايق عند راجلها ورجعو
احمد: ضبر راسكم
وليد: با راك عارف نعيمة مغتمشيش الا نتا مبغييتش
احمد: (بقا ساااكت شحال وشاف فولدو وحرك راسو باه) نوض لبس نمشي للزاوية
وليد: وااخا با (ناض مشا لبيتو سمع مو كتعيط ضار عندها كتشير ليه كانت فلكوزينة مداتلو كاس فيه عسل وشي عشوب عرف غيكون دوا لحالتو مسول موالو هبط عليه واخا محملووش شاف سطل دلما) وهدا!!!
نعيمة: دخل دوش بيه
وليد: اممم واه
نعيمة: قرأ القرآن نفسك اوليدي ونوي خير (هز سطل حشمان من مو ودخل للدوش حيد حوايجو كاميلين وهز داك سطل فوق راسو وبقا كيكب شوية بشوية وكيدير داكشي للي قالت ليه مو كمل سطل هابط منو شي تفرتيت محكرش شاف ف🍌 لقاه وااقف بكترة مكيفكر فهند)
وليد: وااايلي فلبلاصة!!! (حط سطل كيشوف فحالتو)
واش غنمشي فطريݣ هاك!!!!
(سمع الدقان…)
هاني جااااي (محس براسو غير هز الرشاشة وريݣلو على لما بااارد ورش على *** حتى تهز)
***** وكان خليت حتى لوجدة (حس براسو برد وحايد افكارو الشهوانية مشا كينشف راسو بلبينوار لبس حوايجو وخرج كيمسح فشعرو كان محمد وفتيحة وكريمة)
محمد: وكان صبرت ابن عمي وكان جينا ݣاااع
وليد: مفخبريش غتجي
نعيمة: مݣلتلكش مريم مرتو حااملة
وليد: مبرووك عليك اخويا (تسالمو) الله يكمل بالخير
محمد: عݣباالك ابن عمي وياااله الا تمشيييو (كولشي ناض نعيمة مشات لبست جلابتها وهزت شحال من حاجة وجدااتها بقا وليد حدا محمد كيهضرو حتى شافو نعيمة حطت شي جوج صيكان كبار وعاد باليزتها صغيرة بقاو غير كيشوفو هبطوهم مع باليزة ديال فتيحة وصاك كريمة شدو طريق ب5 بيهم لوجدة فين كل واحد شنو كيتسنناااااه تماك…….)
شيماء: (فاقت على صوت الفرملية بوجه عااابس) شنووو!!!
….: والو غير بغيت نوضك
شيماء: وعلاش؟!!
….: خاصكي تحركي شوية راه غدا غتخرجي من هنا وداك ليبرا للي كدݣي ديال تختر الدم خاصكي تحركي عليها
شيماء: بففف مݣادااااش
….: ضرووري خاصكي تحركي (ناضت شيماء كتحرك شوية بشوية خرجات للكولوار هازة معاها السيروم ديالها بقات بوحدها كتمشى كتشوف للي والدات بحالها للي جارها راجلها للي مها ولا عدوزتها للي معاها ختها ولا صاحبتها ولا لوستها كل وحدة وشكون معاها الا هي مولات لسان سليط هاكا كيسميها أشرف للي مكاينش وممسوقش ليها… حتى حست بلعيا وتخرج ليها حزقة فرحت حيت واخيرا غتاكل حيت جااعت ولكن لمن تݣوولها وشكون اصلا يجييلها الماكلة حتى من ليلى عيطلها راجلها داها واخا واعداتها ساعة باش تجي… بقات كتجر رجليها باش ترجع لنموسيتها حتى كتلقى ليلى جات)
ليلى: خرجتي تمشيتي؟!!!
شيماء: واه ݣالولي تمشاااي حيت غدا غنخرج
ليلى: اجي تاكلي ياك تنفستي
شيماء: واه غير ݣبيل (شافتها جايبة داكشي من الشواااية كيشهي جلست كتاكل بلا خبز شربت من موراها أتاي بلويزة)
كان فية الجوووع
ليلى: بصحتك
شيماء: شكرا حيت تعاملتي معايا مزيان
ليلى: وكان عاودتيلي نهار اللول فاش شديتك بالهضرة وكان متوصليش لهادشي
شيماء: (شدتها لبكية) مكنتش بغيت نوصل لهادشي والله
ليلى؛ معليييش دابا كولشي يتݣااد
شيماء: حتى حاجة مغتݣاد انا عارفة
ليلى: نعلي الشيطان وݣولي الحمدلله كولشي غيتݣاد… (سمعو الدقان كان أشرف داخل باينة هاز لماكلة)
سلام ولدي
أشرف: لالة ليلى لباس عليك كراه عمي الحاج!!!
ليلى: الحمد لله اولدي
أشرف: الحمدلله شيما بانلي كليتي
شيماء: اممم
أشرف: الله يخلف عليك الآلة ليلى (دخلات هند وأمال) مرحباااا اجييو تغدااو
هند: غير بالصحة ياله كلينا شيماء كيف بقيتي؟!!!!
شيماء: الحمد لله فين مشيتو
هند: تسجلت أمال فلفاك (شافو ردة الفعل فوجهها)
حم مزال موصلات خالتي نعيمة
شيماء: ماما!!!! ماما جاااية؟!! واش جاية عندي؟!!!
ليلى: كنت بغيت نخليها مفاجئة
هند: هههه سمووحات
شيماء: (حست باحساس فشكل بحال شي واحد غتشوفو من مور ماا أعلن عن انسحاابو من حياااتك دموع عمرو عينيها كفاش غتشوف فيها كفاش تهضر معاها بقات متوترة غير بوحدها خارجة من داك العالم كامل ولاغية هضرتهم للي كيهضروووها….)
زهير: احمد صافي سد نتا.. لبيرو لفوݣ راه مسدود جمعو دوزانكم وسدوو.. (خرج من تماك مشا لطموبيلتو ركب ونيشان لصبيطار فين كاينة أمال مع وصل كان وليد كيهز مع مو داكشي للي جايبة باس راس نعيمة للي تبسمت وشحال عزيز عندها)
هارو نهز معاكم..
نعيمة: الله يرضي عليك اوليدي
زهير: فين الوحش (شاف فيه وليد مقروووص حتى ظحك زهير)
وليد: راني يانا حمار نيت
زهير: نتا بيبي ديالنا حشومة تݣوول على روحك هااك
(نعيمة بقات كظحك بحال فهمت شنو الموضووع بقا وليد كينݣر وزهير كيظحك اما نعيمة قلبها كيضرب وصلو فين كاينة بنتها رجليها تنملو عليها بحال هي للي غتواااجه مها… مع دخلو عينين نعيمة مشاو نييشان لوجه بنتها…
كولشي ضار كيرحب ونعيمة غير كتشوف فهاد للوجه صغير الشاااحب وكولو ضرابي متكية فنموسيها أشرف حنا رااسو براسو حس لموقف محرج لراسو حيت هو سببب هاد المشكل….)
هند: خاالتي وااا خالتي (عنقتها وهي تخبرها بهمس) بلا متزيدي عليها اخالتي حيت حالتها ماشي طبيعية
نعيمة: (تنهدت جات أمال كتسلم عليها، ليلى حتى هي.. شافت فبنتها للي دارت الكاشة على وجهها عراتلها وجهها كانت مخبية كتبكي)
شيماء: (طرطقت كتبكي) سمحيييلي اماما سمحيييلي هء هء هء
نعيمة: (بقات كتبكي وكتلمس على شعر بنتها)
كيف بقيتي؟!!
شيماء: (بصوت مخنوق) مكرفسة مبهدلة ماشي بنااادمة
أشرف: ( تمنى الارض تشق تبلعو وتسد)
شيماء: والله اماما حتى ندمت والله حتى ندمت
نعيمة: (حركت رأسها باه وهي تحني باست ليها راسها) الله يهديييك ابنتي على راسك الله يهدييك دابا الا كان شي عقل عندك خدميييه حيت رجعت عندك روووح نتي مسؤوولة عليها
شيماء: مبغيييتش اماما…
(كتبكي حتى كتبان فصوتها سخفاانة)
مبغيييت وااالو بغيت غير رجع نعيش معاك كيف كنت والله منخرج موااالو عمرني نعاود نݣولك الزنقة
نعيمة: وبنتك
شيماء: اصلا غيديها باها غيديها
نعيمة: (شافت فأشرف بقا كيضور عينييه) بنتي واش غتسمحي فطرف منك هو مغيعرفش يربيها خاص تربى عندكم بجووج
شيماء: (حركت راسها بلا وجلست عنقها نعيمة مبغاتش تطلق منها كولشي كيشوووف وكيسمع أشرف حنا راسو وتم غادي فحالو حتى لقا زهير ووليد برا)
وليد: (بقا كيخنزر فيه خلا زهير ومشا لحقو حتى وصلو لبرا) ايييه اييه (ضار أشرف)
دابا نهضرووو فداكشي للي درتي لشيما
أشرف: واشتا!!!!
وليد: حنا غضبنا منها حيت دارتها يزلݣ فيها جمل ولكن نتا يا ولد ****
أشرف: خليك محتارم الميتييين
وليد: واش جهدك دير؟!!
اشرف: سمع أوليد بالصح غلطنا ودرنا حوايج مخاصش يداارو مهم انا وختك مجوجين داابا يعني للي غيحااسبنا هو ربنا وماشي كنقول لا مخاصكش تهضر نتا معذوور كولكم معذوورين ولكن باش تعرف انا خديتها من عند حسن راجلها اللول مكرفسة كانت غتموووت عندو هو بداكشي للي دار ليها والا غتحااسب تحاسب معاه حتى هو على لعذاااب للي عذبها اما انا قاد نتحمل مسؤوليتي وغلطي للي درتو معااااكم ومع ختك….
وليد: (كان غير كيسمع ومغووبش اشمن عالم كان عايش فيه وهو معارفش حتى شنو كيدور بالي قريب ليه..) وعلاش غاالط مع ختي من اللول
أشرف: الغلط انا للي كنتحملو كامل
وليد: بالسيف على مك تحملو متݣولش راه مفظهرها حد لداابا تعاود تمسها بالحݣرة ديالك نذبحك
أشرف: داكشي ديالنا انا وياها كما متبغيش للي يدخل ليك فعلاقتك مع مرتك هكاك أنا
وليد: نخليك تجوج عليها ودير ما بغيت حيت ݣلتي صافي انا راجل غلطت وصلحت الغلط ارا دابا نعاود حيااتي وهي!!!
اشرف: بحال معاارفش ختك سير عندها دابا سولها غير واش كلفت روحها وسولت شي فرملية على بنتها ݣاع منݣووولكش انا تهود تشوفها غير تسول
وليد: (طلع الشوفة فيه وهبطها) لبنت مغتديهاش واخا نعرف انا نربيها
أشرف: هه تحايدهالي انا بااها وتديها نتا للي خاالها
وليد: وااه باش تعرف الحݣرة كدايرة (مشا من حداه خلاه واقف وطلع لفوق لقا زهير شاد كيقرد فأمال)
ما لداخل
أمال: واه اخويا (دخل وليد وزهير صونا تيليفونو كان محمد)
محمد: فينك ابا زهير!!!!
زهير: مع ختك
محمد: أجوبة دلخرا عندك (كيفقسو منين كيقولو هاكا)
زهير: ههه ومالي كذبت
محمد: مهم ما راه جات روااحو تعشاوو معانا
زهير: (شاف فأمال) تبغي تعشاي فدار خوك (قبل متهضر) راه جات مك (امال خرجت عينها) وااااا هضري (حشمها محست حتى حركت رأسها باه) ݣالتلك راها عياانة شوية غدا نشاعالله ونجيبو
محمد: وغير اجيو نݣسرو شوية
زهير: شوف هاد نهار راني عارض على ختك برا خليها لغدا
محمد: اوا الا هكاك بصحتكم (قطع وشاف فمو) حتى لغدا
فتيحة: اييييه الا مجاوش غدا نمشيو حنا ونيت نشوفو الحاجة
كريمة: واه نمشيو ديك السيدة الله يعمرها دار بنتك للي عندها زهر عندها عݣوووزة حلوة
فتيحة: ولاه انا كيجيييتك مع بنتك
كريمة: نتي كنحسبك مها وهي بنتك
فتيحة: اممم مريم مرييييم
محمد: راها فالدوش
فتيحة: هااء دخلت دوش درك؟!!!
محمد: وسمووو تسنى نعطيوها الضو لخضر دارها دخل دوش حتى الفجر
كريمة: ندخل نشوف لعشا
محمد: غا خليك اخالتي راها موجدة كولشي….
~~~~~~~~~~
هند: (مكتشوفش فوليد عكسو هو للي واكلها بعينيييه مقدرش يصبر)
وليد: هند واااا هند واااااا هند
هند: وي!!!
وليد: رواحي نهضر معاك
هند: لا (شافت فليلى) ياكما نوصلك اليلى؟!!!
ليلى: راه جاي عمك الحاج احبيبة
نعيمة: غير سيري ابنتي مع راجلك انا نبات مع شيما (شافت فيها مباغااش) اجي معايا اهند (هند خرجت وعارفة غتجي من ولدها)
ݣااالي وليد سمو وقع
هند: خااالتي…
نعيمة: عنداكي تسمحي الجحش دغيا يولفها قاااعيدة
هند: (تبسمت) ياااك
نعيمة: وسمووو عاد راه عاودتهالو
هند: ههه ربي ربي
نعيمة: والمشكل لاخر بإذن الله راه تحل (خرج وليد مغوووبش وهوما يسكتو) ياله بنتي سيري للدار
هند: انا غنبات مع صاحبتي
وليد: واااخا غير زيدي نوصلك.. ما انا شوية ونجي نجلس حداك حتى تنعسي…
أصبحنا وأصبح الملك لله…
أشرف: (اليوم التالت مفتحش المحال ديالو مع فاق مشا لصبيطار كيهبط عند بنتو للي كيحس من جهتها بالذنب وذنب كبيييير زائد مها مكتسول مكطل عليها شافها صغييييورة ولحيمتها حمرااا بقا كيتبسم كيتسنى غير امتى يهزها فيدووو يلعب معاها يلبسها.. صونات حنان للي معاها فالاعصاب ودباز هاد الايام جاوبها)
وي حنان
حنان: وي حنان!!! دابا هاكا تهضر معايا!!
أشرف: صباااح الله تااااني واش بيك اليوم عااود
حنان؛ فوقاش غنضربو الكاغيط
أشرف: اشمن كاغيط وكتشوفي حالتي كراها وبنتي للي مليوحة فقرعة
حنان: بنتك ياك انا قادة بيها
أشرف: بنتي ݣاد بيها يانا.. سمعي احنان انا نهار اللول مكذبت عليك فواالو …
حنان: انا كنبغيييك نموووت الا مبقيتش معاك
أشرف: (سكت شحال) يكون خير… من بعد ونصوني عليك
حنان: نجي عندك لصبيطار
أشرف: لا
حنان: غتخرج اليوم مرتك واش غتجي عندك لدارك
أشرف: واه (جا طبيب كيهضر معاه وهو يقطع طمنو ان البنت ماشية فالحال الاحسن… وحنان بقات كتصوني كتصوني ودارو صيلونص متبع مع طبيب شنو كيقول)
~~~~~~~~~
هند: (كانت كتفكر فكلام فيصل شافت فالساعة كانت 9 هزت راسها للسرجم مدوزة الريدو بانلها الجو مغيم)
بففف خاصني حوايجي…
(ناضت جمعت فراشها دارتو فلبلاكار قدات السداري وخرجت بانتلها أمال مكيناش فبيتها هبطت مع دروج حلت لباب نيشان مشات لدارها شاافت جوج كاميرات بغا دير الساروت فلباب بانلها لباب كامل مبدل وحديد..
عرفت ساروت مغيحلش ليها هبطت دروج وجلست حتى سمعت لباب تحل ضارت كتشوف…
وليد: دخلي اهند
هند: بغيت حوايجي وصاافي
وليد: دخلي هزيهم وشوفي نيت شنو مشاالك فحوايجك باش نديكلاري
هند: (بتعفر طلعت دروج ودخلت متجاهلاه للي كان واكلها بعينو.. بقات كدور عينها اصلا مكانش عنهم اثاث بزااف شافت الزاج مجموع فقنت ديال سرااجم للي قادهم طلعت دروووج وهو تابعها بالهمس نيشان لبيت نعاس لي كان مرون لحوايج مجبودين نيشان مشات للماريو مخلوعة حلاتو قلبت على بواطة متوسطة على شكل صندوقة مكيناش رجعت كتقلب واالو محست غير وليد لاسق فيها مدور يدو على كرشها وحاني راسو لمستوى وجهها)
مكاينش ذهب ديالي!!
وليد: (كيشم ريحت عنقها شعرها) كولشي نعاود نشريهلك
هند: كان كادو من عند مي لالة
وليد: للي بغيتيه نشريه ليييك (ضورها لعندو شاف بالصح ملامح الحزن على وجهها) متقلقيش احبيبة نعاود نشريلك هو داكشي للي مشالك
هند: (بغات تقلب عينها وكيبانلها داكشي منفووخ حتى هو بيدو دغيا جبد🍌 هزت عينها فيييه محست حتى هو يدها وحطها فوق…)
وليييييد
وليد: (ياله حنا بغا يبوووسها وهي تهرب ليه بقا جامد فبلاصتو وهي عاطياااه بظهر)
هند: ماشي هاكا كيتحلو الامور
وليد: نحلو هادشي بعدا ونمشيو لشي لاخر
هند: (خرجت من لبيت شافت فيدها وقلبها كيضرب)
ولد لحرام بغا يغرييني…
(براسها مكرهتش خرج عندها كان مخبع قشاوشو)
بغيت نهز حوايجي
وليد: بدلي حوايجك هنا
هند: غنديهم لهييه
وليد: لا بغيتي تغضبي من حقك غضبي هنا فدااارك نخرج انا من هاد لبيت ولكن باش تعاودي تباتي فدار اخرى لا
هند: انا غرجع لفاس ونهني راسي
وليد: جربي وديك الساااع
هند: شنو غضربني عاود
وليد: لا غير غنقتلك نيشان سمعي اهند كاين فراق واحد بيناتنا للي هو الموت شي حاجة اخرى متحلميش من نهار سنيتي ديك الورقة معايا صااافي مبقاالك رجووع
هند: غتحبسني
وليد: واه سمييه حبس (حك فحجرو جاي جيهتها وهي متبعة كل حركة منو)
فأي لحظة غنجيليك غير وجدي راسك
(شد وجهها وحنا باسها بالجهد مشا هبط لتحت وهي دخلت للبيت مغزفة)
هند: دابا تشوف واش نبقى ليك فيها (تفكرت نعيمة منين قالت ليها والمشكل التاني راه تحل)
ياكما كان متقف!!!!
(قلبت على حوايجها بغات تلبس وهي تشوف لبيت حااالتو مهانش عليها تخليه هكاك بقات كتجمع فيه وطوي لحوايج حتى رجع طلع لقاها كتجمعو)
وليد: امممم هاكا نبغيك
هند: بيان سييغ غتبغيني هند اي واحد يحمااق يبغيها وتكون ليه غير كاين اللي يقدر وكاين للي لا
وليد:امم كتشوفيني انا منستاهلكش
هند: (شافت فيه) لا
وليد: على ضربة صغيرة
هند: مبقاتش فضربة بقات فالضريبة ديال ديك الضربة!! الاحساس للي كان معاك مبقاتش
وليد: كفاش!!!
هند: كنت كنشوفك سند ظهر نعول عليه راااجل فكتاافي من بعد ديك الضربة ريبتي كولشي
وليد: (استفزااتو) ياااك
هند: سي (رجعت كطوي متصنعة الهدووء وهي كتسنى شي ردة فعل من عندو)
وليد: ضربتك حيت كنت خاايف عليك
هند: لا ضربتي حيت قلتلك هاد المشاكل ديالك طلعاتلي فصحتي
وليد: (معرف ميقول حيت جاتو قاسية بزااف اه هو شاف راسو غالط ولكن ماشي كيف النظرة للي شافتها هي حم حنكو وقلب وجهو ورجع شاف فيها)
تبغي شي حاجة!!!
هند: غنقلب على خدمة باش تكون فبالك
وليد: اصلا عمرني منعتك على خدمتك… انا سولتك واش خاصك شي حاجة
هند: لا
وليد: هند حاولي تنساي سمو وقع داك نهار
هند: وليد هاد الساعة نتا باغي غير تخشيييه ما بيك لا مصالحة لا واالو سير حتى تعرف راسك شنو باغي عاد اجي عندي
وليد: هيييييييند!!!! ااااخر مرة تهضري هااااك
هند: (لا رد خرج حيت كان خاصو يمشي عند مو وهي بقات كطوي وتفكر كفاش وشنو دير….)
شيماء: (واخا جات مها ولكن كلامها قليل كتحس انها مسمحتهاش ناضت بشوية عليها دخلت الدوش باش دوش ولكن هي بقات مقابلة غير لمرايا كتشوف فوجهها شافت فكرشها كانت باقية منفوخة ومشرطة بزاااف لحمها لونو مبدل محملتش راسها شافت موسطاجها كبر وحواجبها مغوفلين بزااف زادت تأزمت كتر وكتر بدلت حوايجها وبقات جالسة فوق لسااااش وسااااااااهية..)
أشرف: خالتي فين شيما؟!!!
نعيمة: دخلت دوش.. كيف بقات لبنت
أشرف: مزيان الحمدلله شي 20 يوم وتخرج
نعيمة: ان شاء الله (عندها بزاف متقولوولكن الحدود مانعينها تهضر)
أشرف: خالتي راه ماشي انا للي ضربت شيماء راه كان طاحلها طبسيل من يدها وسخفت جات على الزاج
نعيمة: (حركت رأسها باه) غير منين غلطتو كان عليكم تصلحو الغلط بالصح ماشي ديرو ديك لفضيحة
أشرف: والله مكنت باغي هادشي يطرا اخالتي.. راه الغلط كولو ديالي
نعيمة: لا حول ولا قوه الا بالله العلي العظيم حنا شحال ݣدنا نعيشو فالدنيا شحال ݣدنا نعميو عينينا على الدار لوخرا للي كتسنانا
أشرف: الله يسمحنا اخالتي
نعيمة: ديرو علاش يسمحلكم اولدي (خلاتو واقف ومشات كتجمع لحوايج معرفت فين تمشي وفين تجي خرجت شيماء لابسة بيجامة جديدة للي شراتلها هند ودايرة شال مخرجة معاها لحوايج لقدام)
شيماء: ياله
نعيمة: كفاش ياله هبطي تشوفي بنتك بعدا
أشرف: هي ما عليها ذنب علاش مهبطتيش تشوفها (سكتت وهبطو بتلاتة دخلوهم للداخل لحدا القرعة فين محطوطة صغييييورة وضايرين شي سلوكة بيها ولكوشة كبر منها كانت ناعسة أشرف محس حتى دمعو عينيه نعيمة بقات كتبكي وكتصبر أشرف عكس شيماء للي غير كتشووووف ساهية متحرك فيها واالو… خرجتهم لفرملية وخرجو)
نعيمة: دابا تبرا وتكبر ݣدام عينيك اولدي
أشرف: (كيمسح دموع وتبسم) راهي تشبهلي
نعيمة: ههه واه من ودنيها
أشرف: هههه (شاف فشيماء للي غير ساهية بحال مهبطينها بالزز عليها زفر وحك جبهتو) ياله نوصلكم للدار
نعيمة: ولدي خليني ندي معايا شيما عند خوها نݣاابلها تم
أشرف: حتى عندي كولشي موجود ديريني بحال ولدك اخالتي
نعيمة: راك بحال ولدي نيت غير خليني على راحتي تخرج لبنيتة ونتجمعو
شيماء: باش تجيب صاحبتك على خااطرك
نعيمة: شيماااا
شيماء: راه غيتجوج إماما ولا راه مجوج علية
أشرف: مكاين جواج..
نعيمة: ولدي حنا كل نهار غنجيو نطلو على لبنت ونتا للي خصاااتك اجي عندنا.. (صونا وليد) ياله راه خوك كيصوني
شيماء: (شافت فأشرف) ها الدار خواتلك كيف كنت باااغي دير ما بغيت دااابا وحتى بنتك شوف واش تبقى حية ولا لا (خرج عينو مكرهش يضربها.. تبعت مها كتزرب طلعو الفوق هزت حوايج من سكات)
وليد: الحاجة ݣاللت واالو نمشيو عندها
نعيمة: حشوومة اوليدي مبغيتش نتقل عليها
وليد: راكي عارفة الحاجة كولشي ولادها… كيف بقات بنتك نتي
شيماء: (حانية راسها) لباس الحمد لله….
أمال: (كتقاد لغدا هي وليلى بلا عقل) ليلى انا نطلع نشوف الخبز
ليلى: اجي نتي بعدا مالكي؟!!
أمال: خفت نكون عاݣرة
ليلى: أعوذ بالله اش كتݣولي ابنتي
أمال: وعلاش مزال محملت زهير من نهار تجوجتو وهو باغي لولاد وحتى الحاجة ديما كنسمعها كتݣول انا نشوف غير ولاد زهير وتجي الموت
ليلى: عادي احبيبة انا كنݣول يا ربي نشوف ولاد بناتي وولادي عادي
أمال: خفت زهير يمشي يتجوج علية
ليلى: هدا هو الوسواس والشك للي كيخرج على الناس واش هو جا كيغوت عليك على لولاد؟!
أمال: لا
ليلى: اوا اش بغيتي ياك دابا راكي متبعة مع شي طبيبة تفائلي ابنتي راه خاص حتى النفسية تكون مزيانة عرفتي من غدا نديك الحمام ونديرلك العرݣ
أمال: حلفي؟!
ليلى: وعلاه شحال عندنا من أموول سيري شوفي الخبز بعدا (مشات أمال طلعت لسطح بقات مقابلة الخبز زهير مبقات كتشوفو غير من الليل الليل وشحال من مرة جا معطل لقا فيها نعاس حتى من التيليفون مبقاوش كيهضرو بزااف وميساجات.. وهي ولفت الاهتمام لكبير منو سمعت الهضرة طلت كان وليد ونعيمة وشيماء رجعت كملت الخبز وهبطت لتحت رحبو بيهم ترحيب كبييير عطاو لشيماء بيت تنعس فيه حيت هي للي طلبت تنعس حتى لغدا مبغاش واخا الحاجة مطيبة دجاج لبلدي لشيماء بززات عليها مها ورجعت دخلت تنعس)
هند: خاصها شي طبيب نفساني
نعيمة: (حركت رأسها باه) بنتها بالسيف باش بغات تمشي معاها
هند: أشرف بعدا مخلاهاش.. (سمعت وليد كيعيط) حم انا جاية (مشات لدرووج لقاتو وااقف هزت حاجبها)
وي!!!
وليد: رواحي نمشيو للدار نشوفو سمو خاص باش يجيو عندنا
هند: وليييد
وليد: (هز يدو) مغنقيسكش
هند: بففف انا عارفة بلا متحتاج نمشيو باين شنو خاص داك لبيت صغير للي بغينا زعما نديرو لدراري
وليد: كفاش زعما واه غيكون اولادنا
هند: مهم هداك سير جيب جوج ناموسيات
وليد: متمشيش معايا!!!
هند: لا (دخلت وخلاتو كينݣر هو ديجا وصا على كولشي وشي ساعة ولا جوج يجي للدار رجع ادراااجو ياله خرج بانلو محمد ياله دخل وقف حداه وهبطت فتيحة وكريمة هبطت سلمو عليه)
فتيحة: راهم لفوݣ عند الحاجة؟!!!!
وليد: واه راه كولشي تما حتى شيما (لدابا مفخبارهمش شيماء ولدات حتى محمد)
فتيحة: اممم حتى مرت لكبير ليلى للي كانت مرت مصطفى هه
وليد: مطلعتش حدا لعيالات
محمد: ولاه كتسولي فيها
فتيحة: ومنسولش فلمرا حشووومة (ضارت كتشوف لدار فين ساكنة ليلى حيت باينة ليطاج للي تبنى على قبلها…)
محمد: ما بلا صداااع الا كنتي جاية دابزي زيدي روحو لديواانا حسن
فتيحة: لواه لوااه نطلو غير على ختك بعدا.. زيدي اختي زيدي طلع ديك الكرطونة اولدي
كريمة: (تبسمت حيت عارفة ختها علاش ناوية.. طلعو لقاو كولشي مجموع) وواحد السلام عليكم
أمال: (كتشوف مها اتوماتيك كتخلع وقفت) سلام
الحاجة: مرحباااا نهار كبير هدا دخلو دخلو (دخلو نعيمة مراهاش فهاد العالم اما هند كتر منها غاارقة وأكترية جداتها علماتها غتجي تشوفها وتشوف وليد.. تسالمو أمال كالعادة هي ومها غير كيتناطحو بحال لمعيز)
فتيحة: لباس نتي؟!
أمال: الحمد لله اماما ونتي لباس عليك؟!!
فتيحة: عليها راكي تهزي تليفونك وتسولي على مك ولا صافي خرجتي من تاوريرت ولحتي كولشي من وراك
أمال: ها لا (تشجعت) اصلا نتي واخا نصوني مكتجاوبيش
فتيحة: جربتي ومجاوبتش وسااااامعي الحاجة بنات اليوم
الحاجة: لا تسول (شافت فأمال زعما سيري للكوزينة) غير مسكينة مدهية هاد لياام
فتيحة: وسمو داهيييها
الحاجة: اوا بنتي كريمة لباس عليك نهار كبير هدا
كريمة: الله يكبر بيك الحاجة
الحاجة: مبرووك على بنيتك والله يفك وحاايلها على خير
كريمة: اميين امين عݣبال لعرووستك
فتيحة: شكون فيهم راه عندها جوج ههه
كريمة: اللي بغا لولاد الله يعطيهملو
الحاجة: امييين الا كتبهم ربي مرحبا بيهم والا منعهم العبد الله ياخد حق كل وحدة فيهم (فتيحة تقرصت اما الحاجة دازت مرور الكرام بحال مقالت والو)
فتيحة: حم فين شيمااا؟!!!
نعيمة: ناعسة شوية
فتيحة: ياكما كتوحم
نعيمة: يا فتيحة يا فتيحة سخني غير مووضعك ونتي منين دخلتي من داك لباب ونتي دايرة لينا تحقيق
فتيحة: ههه (سكتت مخلية هضرتها فحلقها بقاو مجمعين عادي حتى دخلت ليلى بصينية وناضت هند كتعاون مخلاو محطو من ملاوي بغرير (خرينݣو) سفنج خبيزات معمرين حليب قهوة كيكات)
ليلى: مرحبااااا بالي زارنا (سلمت على فتيحة للي مسلمة بنفااخة كتبرݣݣ فداك ذهب والوجدية للي لابسة والوجه الصافي لمقاااد.. جلست مدورة الصينية لنعيمة تكب أتاي)
أمال أمال
أمال: (محملاش تخرج كانت كتصوني على زهير مكيجاوبش) انا جاية
فتيحة: مبرووك عليك اليلى عاود
ليلى: الله يبارك فيك افتيحة عݣباالك حتى نتي عاود ههه
فتيحة: لا لا انا شرفت ويلي لاااه الواحد منين يدير ولادو باقيلو فين يزييد
ليلى: يزيد وعلاش ميزييدش الا ربي حللو يجي بنادم يحرمو ويردو عيب العيب هو نديرو الحرام وحنا مطرطقين عينينا ولا لا الحاجة
الحاجة: كاينة ابنتي الله يكملك بعقلك
ليلى: اميييين الحاجة ويخليك تاج فوق ريووسنا ويطول عمرك
فتيحة: امييين…
زهير: حسن متكون فخبر حد حتى تعرفو وااش ديرو
وليد: واش عرفتي سمو عرفت؟!!
زهير: واش؟!!
وليد: حسن قبل ميطلݣ شيما تكرفس عليها بالضرب وضرب خااايب
زهير: دابا خليييينا من ختك نتا واش درااير فحرييرتك
وليد: (غوبش) والو
زهير: كفاش والو واش نتا باغي نفضحك
وليد: هادشي علاش مكنبغيش نعاود ليك
زهير: والله يا ر** حتى نفضحك نوض اصاحبي فريييها
وليد: واش نشدها بالسيف عليها
زهير: مكاينش بالسيف راه هداك هو زواج نتوما سنيتو على عقد نكااح ماشي على عاودلي نعاوداك الخبيير
وليد: مراهاش تشوف حتى فية
زهير: دير علاه تشوف فيك.. صافي ݣادو امووركم مراكش بز صغيير باش تبقاو تلعبو هنا
وليد: (نسااه فحريرة شيماء وفكر فرااسو)
زهير: شري كادويات خرجو لشي عشا زوق فهضرتك معاها وهانتا قاضي غرااض وااااه شحال ݣدك تصبر
وليد: (حرك راسو باه)
زهير: شتي فهادشي مخااصش يكون عندك يا ماااا رحميني من غير الا كان شي عذر للي يكون نيييت اما نتا مزوج لمرا لي تبغيها وهي هكاك واش معطلكم
وليد: صاافي
زهير: صافي؟!!!
وليد: كون هاني
زهير: انا هاني مع *** كيتك نتا
وليد: ههه مكتسلااااش مهم انا غدا للي نبدا الخدمة فيه معاك دابا نمشي نطل على لبنيتة وربي الا خاطري ضااارني كفاش نخليوها فصبيطار بووحدها
زهير: بالصح قااسحة أشرف يدور دورة ويبكي
وليد: متعاودش تجبدلي حس داك ****
زهير: بيناااااتهم ابنااادم راه راجلها وهي مرتو وهاديك بنتهم نتا واش دخلك
وليد: تعجبك يتجوج عليها وهي فهاد الحالة وباغي يديلها لبنت
زهير: انا جاني باغي يخلعها باش تݣاد معاه
وليد: ݣالهالك؟!!!!
زهير: اممم.. (جاوب هاد المرة) أموول لباس؟!!
أمال: علاش مكتجاوبنيش فالتيلفون
زهير: كنت خدام
أمال: كذااب نتا اصلا مبقيتش مسوقلي كتعرف غير تجي فالليل وتنعس
زهير: اهياااا هنيينا
أمال: غير كتغوت علية وصاافي (قطعت وهي كترجف كتحس براسها معصبة بزااااف رجع صونا دارت التيليفون فجيبها قاطعة ليه الحس وخرجت حدااهم مكدخلش معاهم فالهضرة غير كتسمع ناضو جمعو الطبلة وليلى بدات كترد لعشا وأمال وهند كيهضرو فداكشي ديالها مخليين شيماء غير ساقرة فداك لبيت غير كتبغي تنوض كتشوف فسرجم للي مقابل مع دار أنوار كتبكي ماشي حنين فيه ولكن كتفكر الغباء الي عاشتو عاد العام ونص….)
أنوار: (كل متفكر ان أشرف تزوج بشيماء كيمووت بالظحك )
هههه عمرها جات على لباااال هههه السيد كان طايح فيها بلمزيان!!!!!
وكفاش تجوجها وهي كانت معايا وعارف واش دوزنا…..
(دخلت دعاء بشوية وقف)
علاش تحركتي احبيبة
دعاء: واالو كنت بغيت نقولك عفااك قول لخالتو فتيحة متعاودش تهز لولا وهي ناااعسة وااااه بحرا تتنعس وتجي تهزها
أنوار: دابا نهضر معاها احبيبة هي بقوة المحبة كتهزها
دعاء: عارفة والله حتى عارفة ولكن تخلي واحد المساااحة
أنوار: واخا حبيبة غير هو ما راه ربات 5 وعارفة التربية كفاش دااايرة
دعاء: لا لا انا ماشي قصدت متتعرفش تربي
أنوار: نو عارف شنو قصدتي غير كنعاودهاالك باش تكوني على باال هي جات لفرنسا فرحااانة حشوومة نخليوها مقلقة
دعاء: دابا انا واش قلت شي حاجة خايبة
أنوار: دعاء راني كنشوف كولشي ما درك نهضر معاها متعاودش تقرب لولا مزيان هاكا (ناض خرج وخلاها كتشوف)
خرا طلعاتلي فصحتي…
(خرج من تماااك مشا لبلاصة من ديما كيجلس فيها بووحدو لا صحااب لا حباب يجمع معاااهم…)
~~~~~~~~~
وليد: (صونا على نعيمة من بعد ما صونا على هند للي مكتجاوبوش) مي راه جبت شي فراش ݣولي لبنات يمشيو للدار يݣادو داكشي (قطع بقا كيتسنى هند تجي بووحدها حتى كيبانلو جايين ب3 هند أمال وشيماء… شاف فهند للي مشا حداها غير هي ولوخرين بعدو)
نتوما غير فرشو دوك النموسيات راه كولشي تماك
هند: (كتلعب بلسانها فوسط فمها ومكتشوفش فيه) اوك
وليد: (بصوت خافت) سمحيلي اهند
هند: شنو!!!
وليد: (كيذبل فعينيه) عفاااك ميكونش قلبك قاسح
هند: كما قساح منين ضربتني (ضربت فيه وزادت رجعت من عندو طيراتلو الساروت من يدو ودخلت كتعوج متبعها وكل نظرو على ترمتها… حلو لباب دخلت شيماء كتشوف حيت أول مرة دخل لهنا)
أمال: شنو تسرق ليكم اخر!!!
شيماء: علاه تشفرتو؟!!!
هند: اه دخلو شي شفاارو خداولي ذهب وشي فلوس باقيين تيقلبو عليهم
شيماء: مفخباريش.. هه اصلا انا ماشي من هاد العائلة باش يكون فخباري شي حاجة
هند: دابا يتقاد كولشي (طلعو لفوق شيماء هي التالية حيت بحرا كتقدر تطلع دروج لقات جايب جوج ناموسيات ديال بلاصة وكوافوز فالوسط فوقهم كوفرات فرشتهم هي وأمال ودوزو جفاف جلست شيماء فوق واحد فيهم)
شيماء: دارك زوينة
هند: (بابتسامة) شكرا
أمال: انا نمشي بحرا نعاون ليلى
هند: جلسي جلسي غتصادفي مع ديك مك غتفقسك وصااافي…
يييخ تفو على أمهات بحال هكاك معندهمش شي حاجة سميتها الكبدة على بناتهم
شيماء: (تقرست) بحاالي
هند: مقلتش نتي ولكن الا كنتي ماشية فطريق فتيحة وربااعتها راجعي رااسك
شيماء: (بحرا كتقدر تنفس) انا مبغييتهاش انا من اللول مكنتش باغية لا نحمل لا نولد (بقات كتبكي) انا مكنتش باغية نحمل والله مبغييت نحمل!!!
هند: تقدرت وحملتي شنو ذنب هاديك الملائكة
شيماء: وانا شنو ذنبي نتحاسب عليها وانا مدايرة فيها لا بيد لا رجل براسي غير تبزز علية راه شدني بالسيف علية (بقات كتبكي وشافت فامال) يمكن مك محملاتكش حيت حتى هي دازت بشي عذاب
أمال: ههه بنيتك دابا كديري لماما سباب علاش كتكرهني!!!!!
مريم: (تهنات من فتيحة واخا مقالت ليها والو وكتعامل عادي الا عراضة الحاجة هنااتها منها.. دخل محمد مدخل ميكات ها سقاااطة ها الديسير جاب ليها الشوارما حيت طلبتها تبسمت)
انا ݣلتلك غير الشوارما
محمد: نتي كولي الشوارما وولدي ولا بنتي وكليه الديسير
مريم: هههه غرجع بحال شي دبة الا بقيت متبعاك
محمد: رجعي حتى فيل مهم غير بقاي نتي هي نتي
مريم: وماااانعرف كيݣولو لوحم كيغير الوااحد وكيرجعو عصبي
محمد: هااااه ݣولي نتي موجداااا
مريم: ههه شوية
محمد: (جلس وجرها ليه) وكيݣولو الوحم كيخلي لمرا كتحماق على راجلها
مريم: علاه مݣلتلكش !!!
محمد: سمو
مريم: كاين للي كيطلع لهم الراجل فالراس ومكيبقاوش باغيينو
محمد: علاش كتݣلبي ابنت خالتي
مريم: ههه غير كنظحك معاك وحتى الا درت شي حاجة دير عين ميكة
محمد: اممم الا درت عين ميكة خاصني ندير شلا حوايج
مريم: (باستغراب) شنو هوما!!!
محمد: (تكا عليها باغي يبووسها وهي كتهرب وجهها وكظحك حتى دارها تحتوو مزيااان)
دابا سمو!!!
مريم: هه محمد خليني نتعشى فية الجوووع
محمد: حتى انا فية الجوع ناكلك وكولي حتى تشبعي……
~~~~~~~~~~~
أشرف: (تسالا وقت الزيارة نمرتو فرقها على للي تما باش يعيطولو الا كانت شي حاجة خرج من صبيطار لقا حنان واقفة حدا طموبيلتو زفر ومشا عندها)
اش هاد الوقت احنان
حنان: علاش مكتجاوبنيش فالتيلفون أشرف
أشرف: (بعياء) ݣلت ليك حتى لمن بعد ونهضرو
حنان: داابا
أشرف: يرحم ميمتك دابا عياااان باغي غير نحط راسي على لوسادة
حنان: نمشي معاك للدار
أشرف: واش نتي مريضة فراسك وكان بغيت للي يمشي معايا للدار ݣاع منجي عندك نتي
حنان: (طرطقت كتبكي) ماشي حتى بغيييتك وتجي ديرلي هاكا
أشرف: (غمض عينو بحرا متحملها) حتى نتي مكنتيش هاكا
حنان: راه بزاف علية واليدية كيسولو فوقاش غيجي فوقاش غيجيي
أشرف: ݣولهم واش كاين نيت
حنان: نݣولهم حيت حن لمراتو اللولة
أشرف: دابا بانت ليك حالتي حنيت لمراتي اللولة على اساس كنت باغيها
حنان: وعلاش حملت منك
أشرف: ماشي هي انا للي بززت روحي عليها اما لا انا لا هي كنا نتبغاااو دابا يرحم والديك قيليني عليك
حنان: (بقات كتشوف فيه بعينين دامعين) معنديش مشكل نسكنو كاملين انا بغيتك بزاااف
اشرف: (لطف معاها) حنان من بعد ونهضرو طلعي دابا نوصلك لداركم.. ولكن بلا متهضري خلي للي فية كافيني متهضري معايا حتى نخرج بنتي على خير من هاد الحفرة وعندك الحرية الا بغيتي تروحي ابنت الناس منشدكش (حنات راسها وسكتت طلعو فالطموبيل كما قال وصلها من سكات جات خارجة جبد 300 درهم كان فبزطامو عطهالها حيت مفحالهمش شداتها ومشا فحالو لدارو….)
زهير: (سد بكري هاد نهار مبقاش حتى ل10 ولا 11 لقا وليد برا كيكمي) حايد عليك داك لخرا
وليد: اودي (جبد اخر نترة عفط عليه عاد طلق الدخان) هانتا سديت بكري
زهير: واحد بنت عمك راها محيحة
وليد: واا صراحة شتك شي مرات كتعطل حتى 12 حتى لغدا مبقيتش تمشي تغدا راه منين كتخرج من 8 ولا 9
زهير: راك شفتي الحالة كولشي واقف عليه وكانت الخدمة كتيرة….
~~~~~~~~~~~~~
أمال: بنيتك دابا كديري سبة لماما علاش كتكرهني؟!
هند: راه هادو ماشي اسباب كافيين عارفة مدازش عليك قليل
شيماء: داز علية بزااااف
أمال: لا كفاش كتعذريها داابا كفاش نسيتي شنو كانت كدوز علية ههه مكنبغيش نݣول هاد الجملة ربي مكيعطي الفول غير للي معندو ضروووس
هند: استغفر الله أمال اشهاد الهضرة
أمال: واش كتسمعيها انا كنعذر فتيحة حيت عملاتك هكا والله شي مرات كنݣول يمكن انا بنت خالتي نعيمة حيت الدم للي كيجري فماما وداك الكره فيك حتى نتي وياااااا ربي تكون بالصح
شيماء: (كتمسح دموعها) مغتفهميش هادشي حيت مدوزتي لا وحم لا حمل لا ولادة
أمال: ههه ربي نهار يكتب علية نحمل غنحمل ونجرب هادشي ولكن غنجربهم وانا فرحانة
هند: ماشي هضرة هادي اشيماء حنا مزال كنهضرو على بنتك
شيماء: اه فرحانة حيت نتي تفكيتي من داك أنوار وانا بقا لاسق فية
أمال: سميتها بقيتي لاسقة فيه
شيماء: مكتشوفيش بسبابك نتي دخل هاد أنوار واشرف لحياتنا
امال: بسبابي انا!!! ههه واش بعقلك ولا منين كنتي كتولدي حيدولك حتى لعقل؟!!!
شيماء: واه بسبابك من اللول كنت كنݣوولك بعدي منو راه ممزيانش بعدي
أمال: كنتي كتݣوليها حيت بغيتيه ليك كنتي كتخسري صوورتي باش تعجبيه نتي كنتي تموووتي ويتفارق معايا أنوار
هند: هنيونا من سيرة هاد الكلب
أمال: انا مهنية هادي للي مزوجة والدة ومزال كتفكر فواحد بحالو
شيماء: واه كنت عارفاه كيبغيك ولكن مشفتيش شحال كنت كنبغيه مشفتيش منين كنتي كتخرجي معاه شحال كنت كنتعذب
أمال: وانا مااالي؟!! غي حيت كنتي تبغيه درتيلي شحال من مشكلة عطيتيه لكود هزلي لملاين
شيماء: انا معطيتوش الكود
أمال: عرفتي مبقاوش فية لفلوس حيت كيبقاو سرقناهم من خوتنا بقى فية الحال على بنت عمي للي كنت حاسباااها ختي وباعتني على حساب واحد وكان غير كان يستاهل
هند: (مع كانت مقابلة للباب شافت وليد للي وقف)
وليييد!!!
أمال: (ضارت مخلوعة مقادة الشال كتشوفو مخرج عينو والصدمة باينة عليه)
وليد: أمال هبطي سيري
هند: فين تمشي؟!! واش بنيتك؟!!
شيماء: (حنات راسها مصدومة داكشي للي بقا ها هو زاد تفرش)
وليد: (بانفعاالية ولكن مهبط صوتو) هبطي راه راجلك كيتسناااك
أمال: (جاتها لبكية) ها! (بلعت ريقها) زهير!!!!
ليلى: (شافت فتيحة تعطلت اكتر من ربع ساعة منين قالت غتمشي لطواليط..
ناضت مشات للحمام دقت لا من مجيب فتحاتو كان خاااوي)
هاد ايخااانة علاش راها تقلب عاود!!!
(طلت من السرجم للي تماااك مبانلهاش مزيان حيت صغير وحامم بلاصة ديال لباركينغ.. قلبت فلبيوت بلا متعيق واالو هبطت لتحت حتى كتشوفها جاية من دار الحاج هزت حاجبها)
فين كنتي؟!
فتيحة: مشيت سلمت على لبنات
ليلى: هاد لبنات خلاهم ليك باااك واش نتي مريضة ف*** مزال كتسلمي على للي نواة لغذر فبنتك
فتيحة: ماشي حيت عارفة داكشي غتبقاي كل مرة تهزي علية
ليلى: داكشي للي عارفة نݣولو بطريقتي رقابي يطيرو فيها وللي يدخل الحبس وللي يتيتم وللي يهبل
فتيحة: ههه سيري ݣوليييه مبقا منخسر
ليلى: تفووو نعلة الله وعليك وعلى للي بحالك
فتيحة: بعدي طريقي عليك اليلى
ليلى: ونتي للي قيليني عليك داكشي للي كتقلبي عليه والله لشفتيييه (خواتلها من حدا لباب) المرة جاية مغنصيفطكش ديري الݣبص لرجليك المرة جاية غتسمعي نيشان فودنك من هو ربك وطلعي تحركي جاية الحاجة الحاجة ها داارها وكلمة خرى على أمال بنتك نحطك بوجهك….
(بقات كظحك فتيحة بالفقسة وطلعت ليلى شعلت بيل فتيليفونها وكشوف واش راشة ليها شي حاجة حدا بابها)
هاد الكلبة غتخليني منووغشة عاد الليلة (مشات لدار الحاجة بالت فبانيو ولاحتو حدا بابها ورجعت عندهم)
الحاجة: بنتي صوني على أمال تجي هي ولبنات
نعيمة: انا نصوني على وليد… (كيصونيو حتى واحد مكيجاوب)
انا نشوف نشوف لكبير (مشات مخلية فتيحة غير كتاكلها بعينيها)
فتيحة: الحاجة كيف ماشية معاك ليلى ياكما كتعصبك
الحاجة: لا الله يرضي عليها انا بغيتها فينما حطت رجليها يكون ربح لا هي لأمال
نعيمة: للي زين ربي كيعطيه على قد نيتو
فتيحة: بالصح حتى انا عروستي مريم على مزيناتها دايراالي تامسومانت
نعيمة: اممم حيت دايرها بحال بنتك
فتيحة: وسمووو تربيتي تشهدها الحاجة ولا لا الحاجة!!!
الحاجة: امم واااه تربية أمال مكانش بحالها
كريمة: (فنفسها بداك الوجه تلقاي مولاك على شنو دايرة لبنتها ولكن مطمنة على بنتها مع راجلها للي كانت خايفة منو فاللول….)
امال: (جاتها لبكية) ها!!! (بلعت ريقها) زهييير
وليد: سمو هادشي سمعت
أمال: (بغات تموت ضارت شافت فشيماء) درتيها بلعاني بغيتي تشوهيني مكفاكش شنو درتي شحال دي؟!!!!
وليد: هبطي تكلمي لراجلك (شافت فيه مدور وجهو واول مرة يدير فيها هاد الشوفة حنات راسها حتى كتلقى زهير فدروج واقف)
أمال: زهير!!! (باينة فيها لبكية)
زهير: مال مك عاود؟!!!
أمال: (وكان سمع وكان ضرب ولا تݣنوى) وااالو علاش جيت؟!
زهير: كفاش علاه جيت هودي بعدا (هبطت وكتحس براسها كترجف كما العادة متبعها)
مالك!!!
أمال: واالو غيرر عيت اليوم
زهير: عييتت كتهزي السيمة فوݣ كتاافتك… مالك!!!!
أمال: واالو واالوو يااء
زهير: علاه عينيك باكيين!! وعلاش ݣبيل ديك الحالة دلغوات وتݣطعي
أمال: (لقاتها سبة) وليت كتغبر علية بزااف کاع مبقيتش نشووفك
زهير: خدااام رواحي بعدا نخرجو من هنا (خرجو لبرا) واش كنمشي لقهاوي ولا كنتسارا راه كنكون خدام
أمال: كتخرج من 8 دصباح مكتجي حتى كنعسو
زهير: الخدمة كترت علية أمال زعما راكي عارفة دشي
أمال: (كتشوف فيه بخوف وكان سمع شنو تقال شنو كان غيدير حتى زعزعها منين قاسها) هااا لا كتخدم بزااف
زهير: كنخدم باش نعيشو مزيااان
أمال: انا قااانعة معاك باشما كان
زهير: وااه باماااارة راكي تسرسبيهم غير هكاك.. (غوبشت) هه وصافي اماال ميعجبنيش تغضبي على دشي واش انا نكره 8 ندخل لداري لقا مرتي وما يتسناوني
أمال: شتا دابا المحالات 8 كيسدو
زهير: اممم والا ݣلتلك واخ 8 نسد واش طالعلي معاك!!
أمال: ها!!!
زهير: هو هي انا واش طالعلي منين نروح لعندك واش لݣاااك موجداالي
أمال: (تبسمت) للي بغيت
زهير: من غدا نشوفو هاد اللي بغيت
أمال: وعلاش غدا دابا ݣاع
زهير: ههه وااااه حتى دا كلام… (جمع الظحكة وهد عليها بحال بغا يضربها) تعاودي تݣطعي علية مرة أخرى راسك نݣطعو ليييك
أمال: زووووهييير (سمعو غوات كاين لفووق) ياله نمشيو حنا
زهير: (هز راسو الأصوات كاينة مجهدة ولكن موضحاش) واش بيهم
أمال: هم!! واحد ومرتو وختو حنا واش دخلنا فصواالح لعبااااد
زهير: هانا على الوجدية تاني ههه (درعها بيدو ومشاو حدا الطموبيل)
تعاودي يا جدك تݣطعي علية نݣطع لمك دوك صباااع (مبغااش تسرطلو)
أمال: واخا
زهير: هاد البزة عادي تعلمي تݣطعي
أمال: وصاافي عاد كنا كنظحكو
زهير: وعاودي ݣطعي….
وليد: زييييدووو سمو اخر مخبعين (شاف فشيماء) واش قاااتلة شي حد!!!!
شيماء: (بقات كتبكي وحانية راسها معندهاش الوجه باش تجاوب)
هند: ( واقفة مربعة يدها) هادشي من شحال هادي
وليد: الاخ داااير على كولشي
هند: منسمحش ليك
وليد: (بعصبية) مهااااضرش معاك وكان نعرفو كان معاك ديك الساع هضرة اخرى.. أمال امال ملقات تهضر غير مع داك خينا وكفاش ظحك عليها وكفاش فلوس للي سرق ونتوما سارقين
شيماء: والله اخويا حتى ندمت والله حتى ندمت
هند: أمال كانت هضرت معاه عادي عمرها وصلت معاه لشي حوايج خايبين (شاف فيها مخنزر) كان غيخطبها ݣاع
وليد: وتغالطاتلو الدار وخطب هادي!!!
هند: شوف انا ماشي من حقي نعاود على ماضي ديال شي واحد ولكن أمال بحال اي بنت تعرفت على واحد ومنين لقاها معقولة قلب ستة تسع و..
شيماء: (قلبها ضرها كفاش كتزيد دافع عليها عرفت مخلاتش بلاصتها زوينة باش يتدافع عليها حتى هي بقات عاطياها غير لبكى)
وليد: (كتصوني نعيمة جاوب معصب) اما… لا مجايينش.. بفف صافي ݣولو بلا ميجي حنا نجيييو (قطع)
بزااف هادشي
هند: أمال راه معاودة لزهير كولشي
وليد: (شاف فيها باستغراب) اهاااه واخا اوا والفلوس!!!!
هند: سول ختك انا مكنتش معاهم ولكن فصف أمال فاي حاجة دارتها فخوتها
وليد: كتسناي للي يعرض عليك؛!! هضري!!!
هند: وبلا زيادة اشيماء
شيماء: كتخافي على صاحبتك ياك حتى انا كنت صااحبتك ولا صافي كولكم كرهتوني مالي قااتلة ولا شنو دااايرة
وليد: غدااارة غير لقتيلة فيها الدم والواحد كيموووت مكيبقاش فهاد الدنيا وغدرك اختي صغيرة بووحدو كيبقى كل نهار يذبح فييك
شيماء: (طرطقت كتبكي) هاني كنتعذب واش مكافيييش!!!
وليد: لا
شيماء: وشنو ندييير (بانلها السرجم محلول وكرسي تحتو بكل قوتها ناضت كتجري طلعت فوق الكرسي ولاحت راسها خلاتهم مصدووومين وليد قلبو تهز)
هند: (دارت يدها على فمها شاهقة حيت غفلاتهم) اويييلي شيماااء (شافت وليد طل من السرجم وخرج كيجري هابط حتى هي هبطت وقلبها كيضرب ف100 لدرجة حست بتأنيب الضمييير….)
وليد: (هبط كيجري بلا عقل غواااتها وهي منقزة خلا عينو قربو يخرجو من بلاصتهم ظلام مكيبان والو)
هند: (كتبكي) فينها!!!!!
وليد: (هز عينو كتبانلو يدها وصقيير مستحيل تكون ماتت ولا حتى وقعت ليها شي حاجة طاحت فوق لباش للي خلاو لمعلمين وبعيد على السرجم بشي متر ونص) شيما!!!!
شيماء: (ناعسة على ظهرها وكنشوف فسما) حتى منين بغيت نقتل راسي معرفتش
وليد: حيت حمارة والله يا مك لبقات فيك نوريك يا الكلبة الخلعة للي مركبة فوالديا
هند: (تصدمت وغير كتشوف) موقع ليها واالو
وليد: (جرها عنقها حتى لحمو بغا يدخل فلحمها مزير عليييها وراسو حانيه لفوق كتفها حست بقلبو كيضرب بالجهد بحال كان فشي مراطون ديال 3000 متر محست حتى كملت التعنيقة براسها تخلعت)
شفتي عاود هادي للي بغات تمشي لا دنيا لا اخرة
هند: (بهمس) قلت ليك من لبارح راها ماشي طبيعية ختك خاصها تعاالج نفسيا أوليد
وليد: (وقف وشاف فيها) هاد الساعة انا للي خاصني نتعالج
هند: (تنهدت) اودي…
وليد: (حط يدو فوق حنكها) عمرني نعاود نحط يدي علييك يعطيني لݣرد الا عاودت ضربتك
هند: (هربت وجهها) سكت ازمر دابا تسمعنا وتبقا تعايرني بيها
وليد: (تبسم معاها وشاف لفوق) سمو دابا نخلي مها تبرد تمااك
هند: هه لا حشومة عاد والدة ولبرد محرك وليد بالصح ختك هاد المرة مصدقتش ليها المرة جاية تصدق عاونوها تخرج من هادشي
وليد: نعاونها مثلا نجيبلها أنوار عندها شيماء خاصها لعصا
هند: (جراتو دخلاتو للدار) متكونش بهاد العقلية السيدة راه نافرة بنتها للي ولدتها وممسوقلهاش نقولو داكشي للي دارت لامال من شحال هادي غيييرة وسم وبنتها شنو!!! راه من نهار عرفت راسها حاملة وهي كتبغي طيحها
وليد: (ربع يدو وهو حاجبو) زيدي
هند: ماشي وقت لحساب وحسن انا وياك منتحاسبووش
وليد: عمرني كذبت عليك
هند: عمرني جيت عندك وقلتلك عاودلي على زهير ميمكنش اااه كنت عارفها حاملة ولكن هي كذبت علينا وقالت مشيت طيحتو علاش غنجي انا نقولك هادشي
وليد: تݣوولي على الاقل منخليهاش تجوج بحسن
هند: شيماء حتى تزوجت بحسن عاد عرفنا كولشي عليها الا كان للي يتلام هي صااافي
وليد: وأمال!!!
هند: ماشي شغلك فيها واخا تكون نتا هو خوها لڤري هي خدات منهم لفلوس حيت مكان حتى واحد كيتفكرها بدرهم السيدة نهار جات لفاك كانت كتلبس بيجامات وجلالب مي لالة ومتلبسهمش شتي مها فتيحة ومكانتش كتلبسهم دوك لفلوس من حقها ها باها حتى نهار مات بالخط العريض كااتب هي متاخد حتى ريال من مور موتو… عمرك عمرك تحاسب أمال على شي حاجة (بغا يهضر) وحتى أنوار كان شحال كيتبعها مبغااتش تشدلو حتى وهمها انه معقول وباغيها لزواج عاد بدات تهضر وفحدوود حتى لداك نهار للي قالها نخطبك وجا خطب شيماء (غوبش) تخيل حالتها وكمل محمد عليها منين شاف شيماء تخطبت كان غيقتل ختو بلعصى
وليد: وعلاش
هند: (هزت كتفها) كولشي تفرش.. شيماء كانت كتهضر مع محمد ديك لوقيتة ومواعداه غتقبل يتزوجها…
هند: (شافتو تصدم) ختك راه دوزت على أمال الدكاكة فالحي انا للي كنت كنوقف فصفها دوونك عفاك متحرجهاااش مسكينة دير مسمعت واالو أكترية فموضوع أنوار
وليد: بينها وبين راجلها ياك هو عارف انا واش نݣول
هند: لا هو عارف كانت هضرت مع شي واحد ولكن سمية وشكون هو معارفش
وليد: وعلاش ݣلتي عارف
هند: باش شيماء متهددهاش عاود
وليد: سمو دتخربيق وتبرهيش
هند: هه شيماء راه حتى هي كانت سرقات شي 5 دلمليون واخا هكاك كانت كتهدد أمال تعاود للعائلة على السرقة دوونك ختك خاصها تعرف عليك شي حاجة وتفرشك تفرشك
وليد: (دار يدو على وجهو كيدور فبلاصتو تم هابط لکاڤ ورجع عندها) زهير الا عرف أمال كانت كتعرف ولد خوه غيذبحها
(رجع هبط لكاڤ جايب سلوم مخلي هند غير كدور عينيها فاخر حاجة قالهالها.. داز من حداها سمعاتو كيغوت على شيماء وهي كالعادة غير كتبكي شافتها دااخلة حانية راسها)
لباس!!!
شيماء: (بعينين دامعين) ملباس واالو
وليد: (داخل كيهضر فالتيليفون) زهير والله مصاالح نجيو صافي ݣول شي تخربيقة.. بلا متعذب راسك اصاحبي.. واخا خويا.. (قطع وشاف فشيماء شحال قدو يلوووم وشحال قدو بهضر)
طلعي تنعسي
هند: اجي معايا شيماء (تبعتها وطلعو لبيت لاخر سدت شيماء السرجم جاب الله هداك فيه لݣرياج جبدت جوج كواش طلقتهم غلى النموسية.. قربت حداها وشمت ريحة لغيݣل بحال اولويز 4 أيام وهي فيها)
انا نجيب ليك بيجامة سخوونة تبغي تمشي تبدلي جايبة معاك اوليز ولا ليكوش؟!!
شيماء: مكاين لاش
هند: هانتي دخلي للدوش دوشي بالزربة واجي ترتاحي
شيماء: علاش دابا كتعاملي مزيان معايا
هند: حيت حنا مزيانين اشيماء نتي للي خاصكي تراجعي راسك.. اجي دوشي
شيماء: واش غتبقاي تهضري معايا
هند: اه وفوقما بغيتي…
(ناضت مشات لبيتها جبدت بيجامة عطاتها دوبياس جداد داتها لدوش والريحة فيها كتݣلب غير مابغاتش تبين ليها باينة شحااااااال مدوشت ولا داز لما فوق منها.. بقات حدا الدوش كتفكر فهادشي حتى سمعت صوت زهير كيظحك ويهضر شي 5 دقايق ومبقاش الحس.. دقت)
شيماء!!!!!
شيماء: (واقفة تحت الرشااشة ساااهية شافت فصدرها للي كتحس بيه محجر وعاطيها لحريق قاستو بحال بغات تشدو وهو يسيل منو حليب اوتوماتيك جات بنتها فباالها رجعت عصراتوو سال لحليب ولكن هربت يدها دغيا حيت تقسحت شافت كرشها لي مزال خارجة شوية ومشرطة وبلاصة ديال العملية كاينة فاصمة مقدرتش تشجع تقيس فيها رجعت سمعت الدقان مجهد وكان صوت خوها)
انا قربت نخرج
هند: غير خليك دوشي على خااطرك خووك راه خااف عليك
شيماء: (قلبها زدح خاااف!! هو ديما كيخاف علية انا للي كنت ممزياناااش معااه.. رجعت تنهدت غسلت شعرها دوزت شريط على لحمها للي محتاج جلسة ديال الكييس باش يحايد دوك لوسوخات كملت مسحت راسها بلفوطة للي تماك وبقات كتلبس حوايجها خلات فوطة على راسها ومسحت بيدها لمرايا شافت فوجهها حطت يدها فوق الجرحة للي كانت فحنكها بدات كتبرا ولكن وجها ذبااال بحال شي وحدة عندها 50 عام حلت لباب وخرجت عاد تفكرت ترجع دير الويز رجعت دارتو وهزت داك لمووسخ باش تمشي تلوحو.. بقات كتقلب على كوزينة عرفت تكون لتحت هبطت بشوية حيت حكمتها الدوخة لقات هند فلكوزينة)
حم بغيت لوح هدا
هند: ها هو بوبيل (لاحت وهند حطت عشا للي جاب زهير)
اجي تعشاي
شيماء: فين وليد؟!
هند: حسن بلا متساطحو كولي باش تمشي ترتاحي (جلست تاكل فصمت وهند حتى هي كتاكل كملت شيماء بغات تجمع مخلاتهاش طلعت لبيت دخلت فوق لكواش مغطية حتى راسها وسقرت….)
أصبحنا وأصبح الملك لله…
دازت سيمانة فتيحة فهدنة مع مريم وكريمة غير كطيب وتحط لبنتها واخا مزال مبداها شي وحم من داك نهار ورجعت لدار الحاجة.. وليد عاطيها الخدمة بين المحال ديال زهير والمحال ديالو وغير يلقى وقيتة يمشي لصبيطار فين كيلقى أشرف ما كيرجع فالليل حتى كينعسو باش ميهضر مع حتى واحد حتى من مو أمال وزهير علاقتهم ماشية طبيعية فوتيرة روتينية اما شيماء مكتخرج مكتهضر مكتجمع غير الكاشة وكتاكل لا غير….
~~~~~~’
هند: بزااف اخالتي بحال انا للي تنتعاقب على شي حاجة مديراهاش
نعيمة: صبري ابنتي (هند عاودات ليها كولشي حتى انتحار شيماء) ماشي حيت ولدي كندافع عليه والله ابنتي الا كنحس بيه غيطرطݣ
هند: وانا؟!!
نعيمة: (تنهدت وجرتها معنقاها) مملزوماش ابنتي على هادشي كامل
هند: ماشي مملزوماش ولكن… بغيت نحس برااجل كاين معايا واااه هرمت باش نتزوج ههه
نعيمة: ههه
هند: مهم خالتي اليوم غنمشي لواحد كلينيييك طالبين كينني نشوف حظي اللهم نخدم ولا نبقى مقابلة ولدك ههه (دخلت لبيتها تلبس حوايجها شافت ابيل ديالو قطعت)
لقل**** الا جاوبتك (لبست لبيسة كلاص ومستورة جمعت شعرها كوب شوفال لوات شال على عنقها هزت صاكها وخرجت)
خالتي انا مشيييت خاصك شي حاجة
نعيمة: بنتي هند منشوفوش شي طبيب لشيماا
هند: وااه نشوفو غير نكمل ونقلب ونعيط ليك الا كانت شي حاجة اليوم نجي عندكم ونمشيو
نعيمة: الله يرضي عليك ابنتي (خرجت هند ركبت فطموبيلتها جبدت من لقجر نمرة ديال فيصل للي خلالها وصونات)
هند: الو
فيصل: (تبسم) هند
هند: اه عرفتيني صافا!!!
فيصل: عاد طفات عليك الشمعة المشيشة
هند: عفاك بلا هاد مشيشة ودوك الحيوانات فهمتك قبل شنو الوضعية ديالي دابا… انا بغيت نسولك داك لبوسط للي قلتيلي واش مزال كاين
فيصل: اه جيبي غير السيڤي ديالك واجي محد المدير كاين
هند: اوكي واخا نصدعك تصيفطلي لوكاليزاسيون فلواتس
فيصل: دابا
هند: شكرا… خوويا فيصل
فيصل: (تبسم) العفو اختي هند (قطع وظحك) هه هند ياااا هند (طلع لعند المدير دق عليه ودخل) عبد الرحمان غتجي عندك وحدة فرملية ياله تخرجت دومين كيني
عبد الرحمن: راه خداه هادي 4 أيام واحد
فيصل: نبغيها غدا تبدا الخدمة وداابا الا صلاح
عبد الرحمن: هه فيصل ماشي حيت باك دخل شريك فهاد المصحة عن..
فيصل: بجوجنا باواتنا ديالهم هادشي… هند الادريسي شوية غتكون عندك (خرج ونيشان مشا للبيرو ديالو… ياله غيݣلس يفكر حتى جاتو حاالة يكشف عليها….)
~~~~~~~~
هند: (نص ساعة وصلت دخلت المصحة كانت زوينة ماشي كبيرة بزااف وباينة جديدة يعني مغتكونش خدمة كتيرة مشات للاستقبال سولت على المدير وراتها فين كاين ومشات نيشان مع دخلت عرفت براسها وسبب مجيتها فرحت بلبوسط للي مزال كيتسناها عطاها شنو لوراق للي تحتاج تجيبهم باش يكون تعامل مع البنك ديالها ويقادو ليها لوراق كملت معاه وهي فرحانة وكتشكرو خرجت ياله غتوصل لباب لقات فيصل شاد كاس ديال القهوة وعاطي بظهر كيتفرج فشتا)
حم دكتور فيصل
فيصل: من ديما مكتحمليش شتا
هند: هه وي
فيصل: علاش غبرتي من داك نهار للي جبتي فيه صاحبتك عندي ديك للي تحرقت ف..
هند: هه صافي فهممت وشكرا على داك نهار
فيصل: تسنيتك ترجعي ولا تصوني
هند: دكتور فيصل انا بغيت نخدم هنا والمصحة عجباتني بلييز متخلينيش نترااجع انا جيت هنا باش نخدم صافي مبغيت تجمعني لا معاك لا مع حتى شي واحد علاقة من غير الخدمة ومتقوليش اصدقاء راجلي مكيآمنش بهاد الفلسفة
فيصل: مرحبا ولكن علاقة عمل حتى هي حتى salut اهند!!!
هند: (بابتسامة خفيفة) شكرا بسلامة…. (خرجت فديك شتا لطموبيلتها وهي كتفقس مكتحملش شتا طيح عليها….)
)
مريم: (كانت فالعيادة دخلت عند طبيبة وخلات مها وفتيحة برا كيتسناو بحكم محمد مصلاحلوش يجي مع الخدمة.. باشرات طبيبة فخدمتها كدير ليها الايكوغرافي) ياك حاملة
طبيبة: (كانت متبعة مزيان فالتلفازة للي قدامها) غندير ليك السونار حسن
مريم: (تخلعت) سمو دا؟!!
طبيبة: متخافيش هدا اكتر دقة فشهور لوالة ديال لحمل شاكة فشي حاجة (مريم حواالت منين طبيبة هزت داك السونار للي على شكل قضيب) هزي رجليك امدام (تبعت مع طبيبة حتى دخلاتو فيها شدت الغوتة غير بالسيف ماشي كيضر بزااف ولكن راه شي حاجة دااخلة… )
اممم.. تبارك الله عندك توااام
مريم: حلفي!!!
طبيبة: ههه والله كتشوفي ديك لبيضة للي قداامك مفروقة على جوج ودوك نقيطات للي تماك هوما تواام
مريم: (بقات كظحك حتى جبدت طبيبة داك السونار) اااي هاء سمحيلي
طبيبة: مبرووك عليك غير هو راه خاصك توجدي راسك للمسؤولية
مريم: (غطير بالفرحة) وااه انا وختي توام
طبيبة: تبارك الله شي مرات لبنت كتورث هاد القضية
مريم: ااااو غتولد كولشي توام؟!!!!
طبيبة: ههه لا داكشي بمشيئة الله.. كملي حوايجك واجي معايا باش نعطيك ديري شي تحاليل ونهضرو شوية
مريم: (فرحانة بزااف وكتخيل ردة فعل محمد منين يعرف عندو توام لبست حوايجها وخرجت عند طبيبة جلست كتهضر معاها فشنو تاكل وشنو دير من غير هادشي حالتها الصحية مزيااانة عطاتها شي تحاليل باش تجيبهم فالكونترول التاني وخرجت نيشان خلصت السكرتيرة)
فتيحة: امدرا؟!!! جلستو عام بحال كنتي تولدي
مريم: هم!!!!
كريمة: هضري سمو ݣالت ليك طبيبة ياك حاملة بعدا
فتيحة: ههه شو الا مكانتش حاملة لݣنازة ݣداش والميت فاااار
مريم: (شحال كتكرهها مكرهتش تجاوبها ولكن) جوج فيران غيكونو
كريمة: بالحݣ تواام!!!
مريم: نشاعالله اماما
فتيحة: ومالكي تݣوليها ونتي تعوجي منظحكوش معاك وااقلة هاد لبنت عندك يجيها الوحم علية تجيبو ولا تجيبهم غير انا
مريم: لا مݣلت واالو (مكاين لا مبروك لا ستا حمص ولكن حتى هي نسات راه فتيحة وكريمة هادو صواب عندهم مع لبراني لا غير… خرجو من تماك وهوما كيتوشوشوو هبطو شدو تاكسي نيشان للدار دخلت مريم طيب لغدا وكريمة طرفت الدنيا وفتيحة غير جالسة قدام التلفاازة.. ضربت 1 دخل محمد)
محمد: السلام عليكم (ردو عليه) فين مريم
فتيحة: مبرووك عليك اوليدي راها حاملة
محمد: ههه علاه كنتي تحسبيها تكذب
فتيحة: لا حاسة ولكن هي براسها كانت خايفة متكونش حاملة
محمد: اممم مريم مريم!!!
فتيحة: (ياله جاية مريم كتمسح يدها وعلامة الحشمة والفرحة فيها باغية تهضر وهي تسبقها) ݣالت عندكم توااام
محمد: (تبسم) وايلي!!!
مريم: (محست غير خنزرت ففتيحة كانت هي بغات تقولها التيليفون ومبغااتش تقولها حتى يجي) تأ
محمد: واايلي (خربق فشعرها ووقرس حنكها) هاد لبتيبانة تهز جوج بزااف عليك
مريم: ههه غير نعيا ندوزهم ليك
محمد: نهزك نتي وهوما غير تكونو بيخير وبصحتكم (فتيحة مطبوعة فوجهها ابتسامة صفرا حتى بغات ترجع ليمونية ومخرجة عينها الشوفة فيها تخلعك عاد كملها عنق مريم بيد وجرها دخلو لبيت نعاس شافت فختها) هه فرحانين
كريمة: الله يخليهم ديما هااااك
مريم: (من بعد مباسها بوسة حااارة جبدت لوراق للي عطاتها طبيبة وعطاتهوملو كيقراهم)
محمد: ههه والله الا توااام باش تعرفي راجلك مجهد
مريم: وراه يانا للي مجهدة حيت وارتاها من عند ماما
محمد: ورتاها من عند مك!!! منين كنت ن**** فيك كانت مك كتقري ***** وتݣولهم سيرو جوج جووج
مريم: (حشمها) محممممممد… تأ (خرجت من بيت نعاس وهو كيظحك فرحاااان….)
نعيمة: (جالسة هي وهند كيتسنااو شيماء تخرج من طبيب النفساني للي بدات معاه شي ساعة ونص خرجت شيماء للي بدات كترجع صحتها شوية بشوية ومها مقابلاها باش تنقيها)
شوية داابا!!!
شيماء: (بحزن كيف والفوها) لباس
نعيمة: ݣولي الحمدلله (لاحظوها مبقاتش كتبغي تݣول الحمد لله ولا فاش كتبقا تبكي كتقول ربي عذبها غير هي وشحال من هضرة) کولي الحمد لله ابنتي
شيماء: الحمد لله
هند: ربي راه كيختابرنا اشيماء كوولنا ماشي غير نتي وباش دغيا تفرج عليك تبقاي ديما تحمدي الله وتشركييه (حنات راسها والو مكتبغيش تناقش معاهم)
ياله نمشيو
نعيمة: بنتي ندوزو عند وليد ݣالي باش نتغداو مجموعين
هند: (ياله بغات ترفض ولكن فوجه نعيمة مكتقدش) وااخ (خرجو دازو لعند وليد للي كان مع زهير دخلو هند كتشوف فالاثاااث حتى جا عندهم بعدت من حدااهم حتى شدلها يدها ضارت شافت فيه ببرود)
وليد: مالكي
هند: (بنيتك كتسولني) واالو
وليد: علاش مكنتيش كتجاوبي صباح من كنت نصوني
هند: مكنتش مسالية
وليد: (هز حاجبو) واقفين عليك الشركات!!!
هند: سمع انا جيت هنا على حساب مك لا غير اما مباغية نشووفك ولا نسمعك اصلا مفهمتش لاش صاابرة تانيا انا كنريݣل امووري فالخدمة وغنبداها نهار الاثنين بحال واالو نخدم وندير الشركات
وليد: هند!!
هند: مكاين لا هند لا (عرفها بغات تخصر الهضرة خرج عينو) واا بعدني الا بغيتي تخلينا زوينين وكنمثلو على الناس بأننا فرحانين ومرتاحين مع بعضيااتنا
وليد: (تصدم) هادشي كامل
هند: (تنهدت وشافت فيه بحزن) وكتر أوليد القرار للي ندمت عليك هو زواجي منك
زهير: (جا وكحزت هند مبعدة شوية راسمة ابتسامة فوجهها) هانتي الالة ختاريتي ولا نعاونك ميمكنش ختي منعاونهاش تنقي صواالحها
هند: ههه مفهمتش (وليد مزال مصدوم من هضرتها وكيشوف فيها)
زهير: ياك جايين باش تشوفي شنو عجبك جاو شي فوتويات من داكشي ختاري اغلى حاجة راااجلك يخلص والدييهم
هند: (شافت فوليد ياله غتبغي ترفض وهي تفكر علاش تفكرلو يغرق ولا يدير للي بغا) اهاااه علاش لا نعاونو بذووقي
وليد: كفاش تعاوني بذووقك راه دارك هاديك
هند: (باستفزااز) ااه بالصح وااخا با زوهير اجي وريني (زاد زهير مخليين وليد واقف كانت نعيمة هبطت وشيماء غير تابعاها سااهية بحال شي وحدة منومة مغناطيسيا بقات كتشوف ختارت صالة مونجي ديال 6 دلكراسا غالب عليها ديكور تركي خدات جلسة ديال L كبيرة بالبووفة ديالها ووجوج كراسة كبااار طابلة ديال الزاج وديكورات كلاص حتى تريات ختارت)
زهير: زييييدي
هند: صافي براكة ههه
زهير: زيدي غرقي والديييه
هند: هههه (بهمس) بقى الصالون بغيت نديرو بلدي وبيت غيكون عادي ومزال نمشي عند محمد نشوف الالكترونيات
زهير: مشاااات ههه مهم (نعت ليها شنو بغات) هداك وهداك وهداك وشي لاخر لفوق غدا نشاعالله يوصلوووك
هند: مييرسي
زهير: دووغيا امدام (تحرك من حداهم) خالتي الا عجبااتك شي حاجة هزيها راه وليد مزال حاط الشيك عندي
نعيمة: ههه الله يكبر بيك اولدي
زهير: (ضرب وليد فكرشو) مالك مخلووع
وليد: قيلني عليك ازهير (لاخر ظحك وجات عينو فعين شيماء حرك راسو بمعنى سلام وهي حنات راسها كتفكر منين حݣرااتو ولكن حݣراتو بالصبااغ حيت عجبها وهو عاااود مشا عند امال تفكرت نهار بغا يضربها منين هضرت فأمال بالخايب وشحال من حاجة تمنات وكان تزوجت بشي واحد بحالو كانت غتشد طريق.. تنهدت ورجع صدرها ضرها يعني تحجر وخاص تخوي لحليب للي فيه….)
خرج كما متافقين يمشيو يتغداو ختارو أقرب بلاصة للخدمة جلسو كولها وشنو دوموندا وليد هضرة هند سقمااااتو ومبغاتش تسرط ليه غير متبعها عكسها للي الشوفة مطلعاتهاش فيه ولكن كتحس براسها مجرووحة منو بزااف شيماء نقبت من لماكلة هي وهند للي معندهم منين يدوووز
وليد: ما سيرو شوفو مريم
نعيمة: داكشي للي بغيت نݣول لبنات
مريم: (حسابلها مرت محمد) عفاك الهند انا وصليني للدار
وليد: كفاش وصليني للدار واش متشوفيش بنتك
شيماء: علاه هي سميتها مريم لا لا انا مكنحملش هاد سمية
وليد: نتي بنتك وممسوقالهاش ودرك كتشرطي فسميتها!!! سمعي داك تبوهيل الخااوي ديالك حااايديه وجمعي راسك بنتك بقاتلها سيمانة وتخرج خاصكي توجدي راسك ليييها
هند: (زادت كرهااتو مكتحملش منين كتقولو فيها اكتئاب وهو كيجاوبها هداك تبوهيل خاوي)
وليد: حنا ماشي شرطنا عليك تولدي وتخلي بنتك وتجينا شيما للي كنت نعرف عمرها ترجع وعمري نرجع نشوووفك ككنت فاللول (بقات كتبكي وهند تأفأفت حتى تسمعت) والا بغيتي تݣااادي صوورتك ݣااابلي بنتك للي مليوووحة واش عارفة سمو كنݣول ولا عاطياها غير لبكى
هند: حشوومة تغوت الناس تيشووفو هاد الهضرة ناقشها معاها فالدار وفهمها ليها ونتا حداها ماشي تبقا فالخدمة حتى نعسو ومنين نجيو عندك تبقا تغوت
وليد: (جوج ميساجات جاوه)
نعيمة: سكتوونا ونتا أوليد مرتك عندها الحق اااخر مرة تجي معطل للدار (ياله جا يهضر وقفت نعيمة وقفت هند وشيماء للي كتمسح دموعها) خلص وفاليل اجي تعشا بكري.. ياله البنات
هند: (كتفقسو وهي كتشقلب عينها) ياله اخالتي (شدت شيماء فذراعها جارها وهو جالس متبعهم خرجو وهي تشوف فشيماء للي كتشهق بلبكى)
براكة من لبكى وفكري فكلام خووك بنتك محتجاااك
شيماء: (حنات راسها لا إجابة… مشاو لتماك دخلو كيشوفوها فرحانين حيت بان واحد الاختلاف وهوما كيشوفو)
أشرف: سلام شيما لباس؟!!!
شيماء: لباس (حانية راسها شافت الخاتم فيدو وقلبت وجهها)
أشرف: (كان متبع اخبارها من عند زهير للي عاودلو على الانتحار للي مصدقش وعلى حالتها وشحال من مرة بغا يجي يشوفها ولكن مكيلقاش الوجه باش يقابل عائلتها)
حم سلام خالتي لباس عليك
نعيمة: الحمدلله.. (جاتو نيشان) واش غطلݣ بنتي؟!!!!
أشرف: (فافاااتو) هم.. مممم مݣلتش
نعيمة: بلا متحتاج تݣول بنتي هادي 15 اليوم باش خرجت من صبيطار تيليفون مهزيتوش تسول عليها ولا تجي تشووفها
أشرف: (ما عرف باش يجاوبها)
نعيمة: انا معرفت كدرتو لداك جواج ولكن بخداايمكم بجوج خسرتنا حنا باش تلوحها نهار ولدت وتفكر تجيب مرا أخرى ممقبولاش اولدي طلݣها وتجوج حتى تلاتة حنا مزال ݣادين بيها وبنتها
أشرف: (غير حاني رااسو شاف فشيماء غير كتبكي.. هضر باحترام)
ماشي وقتو اخالتي هاد الهضرة تخرج مريم ونهضروو
شيماء: ياله نمشيو (مشات تبعاتها هند ونعيمة شافت فأشرف)
نعيمة: ها هي عندك بنت دابا حس بية كفاش كنحس (ضارت شافت لبنت ضحكت حنات راسها وخرجت)
هند: (كانت برا كتسنى نعيمة وشيماء دخلت للطموبيل تبكي… هي دوزت نمرة ديال امال) خليييه فقسني والله
أمال: واااوخاي غير عذريه شوية
هند: اش نعذرو عندو مشكل مع ختو وانا لاش جامعني معاها والله كندير راسي ناعسة نشوف واش منين يجي يفيقني واالو كيدخل يبدل حوايجو يعطيني بظهر وينعس يفيق بكري يخرج حتى الليل
أمال: وراكي عارفة باش ميتحاكش مع ختو
هند: بيت نعاس متتكونش ختو كنكون انا مرتو مرتو اعباد الله للي مزال حتى مدخل بيها
أمال: درك تسمعك خالتي نعيمة
هند: اودي هي للي كتبقى فية جاية تفوج ساعة محيلتها لا لوليد للشيماء لا لية (تنهدت) والله على قبلها راني مزالة فالدار (شافت طموبيلة ديال زهير وقفت) زهير جا لهنا
أمال: بالصح عاد ݣبيل هضرنا مݣاليش يمشي صبيطار
هند: راه معاه حتى داك ايخان.. قطعي نشوف شنو جاو يديرو ونولي نصوني عليك…
أمال: واخ عنداك تنساي صوني
هند: بااز خاصك غير فين تبرݣݣي على زوهير.. (قطعت حتى جا وليد عندها.. شافت فيه ببرود) وي!!
وليد: ركبي طموبيلتك وياله
هند: فيين؟! وزايدون غنوصل خالتي وختك للدار (شافت زهير للي مشا عند نعيمة دايها لطموبيلتو مشا وليد عند شيماء خرجها من الطموبيل مصيفطها تلحق بنعيمة ركبو وزاد بيهم زهير وصل حدااهم)
زهير: أديييك شنيييولة (تبسم خللاهاا كتسناه يهضر زادو ومشاو)
وليد: (شد من عندها سواارت وركب فطموبيلتها واخا فكرة الصوݣان كرهها وكيتفادا يصوݣ) ركبي
هند: فييين
وليد: (بهدوء) ركبي اهند وديك الساعة نمشيو فينما بغيتي غير نهضرو شوية ورجعك للدار (بقات مدة كتشوف بتعالي ركبت معاه وزاد كان سقييير شافتو بعد على لمدينة حتى دخل فاوطيل زوييين هبطو دخلو على أساس يمشيو لكافي حتى شافتو كيطلب شوومبر بقات غير ساااكتة حيت بالصح محتاجة تهضر وتفهم فين ماشية هاد العلاقة للي من نهار زواج وقفت من الأحاسيس… طلعو حل لباب ليها دخلت وسدو جلست فكرسي)
علاش معصبة اهند واش بسباب الطرشة؟!!
هند: الطرشة!!! مشفتيش الاهمال ومكاين لا حب لا والو مفهمتش علاش تبدلتي هكا الا عندك مشكل مع ختك انا متدخلنيش فيه
وليد: انا مكنجيش للدار حيت مقاادرش نجلس ونهضر معاها بحال كيف كنا وما تشوف دوك الاعصاب و..
هند: (وقفت معصبة) وانا؟!! وانا أوليد
وليد: (دور يدو على خصرها وهي بغات تفك منو) نتي هي داك الامل للي مزال عندي ان المشاكل غيتسلاو
هند: هه لا منين غتسالي مع ختك انا هي المشاكل اونبيغصوون
وليد: مشاكيلك حلوة (كيشوف فوجهها بهياام) اي حاجة منك كتكون حلوة
هند: بلا متبدل الموضووع
وليد: الموضوع للي عندي مهم هاد الساعة هو نتي احبيبة صاافي مبقيتش غنحمق راسي ونخلييك
هند: (بقات كتشوف فيه وهو كيقرب حتى باسها بشوية رجع مرة أخرى بغات تقلب وجهها المرة التالتة وهو يشد وجهها وهاد المرة كانت شراااسة فلبوسان بغات تهرب حتى لقات راسها كتجاوب معاه غير عطاتو الضو لخضر بدا كيبوسها وهو كيزول ليها حوايجها حتى بقات بسوتيمات وسروال دجين رجع كيبوسها بشوية وكيحايد حوايجو تكاها فوق النموسية كيتلمس فيها كيف بغا وهي منساجمة معاه حتى حايد ليها حوايجها بقات بسليب فهدوووء وهو كيتمتع بشوفة فجسمها وشتا للي بدات كتضرب فالزاج ديال ديال السرجم عاطي نكهة خاصة… بلا ميهضروو كيعبرو غير بعينيهم رجع كيبوس فعنقها حتى حيد ليها سوتيمات حس براسو مغيصبرش حتى سليب حاايدو ياله جا فوقها شاف فعينيها بحال خوووف باس جبهتنا ورجع كيبوسها بشوية وهو شاد🍌 كيقلب على فين يديرو هز رجليها مزيان وهنا هي غمضت عينها بالجهد بغا يبوسها كانت مكنززة على شنايفها نطق بهمس فودنيها
نبغيك بزااف امجنونتي (شافت فيه رجع كيبووسها وكيحاول يدخل*** غير بشوية واخا رجليها كيطاكيو عليها وقف راسو بحال شي حاجة فلباب حتى هي شافت فلباب)
هند: شنو؟!!!
وليد: (شافها كتشوف فلباب بشهوة وبقوتو جارها عندو ودفعو دفعة وحدة وهو كيحس بلحم ديالها كيتمزݣ ويحل المعبر بعصبية غوتت)
هند: لا لا ممعانااااش الغفلة (حست براسها تعدمت خلاها حتى ترخات) متعاودش تغفلني
وليد: (تبسم وباسها فشنايفها وباينة مقلقة عاود حكمها وبقا كيزيد يدخلووو وهي كتغوت فوسط فمو حتى كمل وحط راسو فوق رااسها) كنبغيييك احبيبة….
هند: (غطاها وليد من بعد شحال وهو يسكت فيها ويرغب باش تهدا من لبكى… وهو ناض لبس شورطو وبقا جالس كيشوف فيها وهي قالبة وجهها)
وليد: حبيبة!!! معدمة بزااف
هند: علاش درتيلي هاكا؟!!
وليد: كان تابعنا هادشي احبيبة واش مكنتيش باغية؟!
هند: (شافت فيه معصبة ودموع فعينيها) لا كنت باغية حتى نحل مشكلتي معاك
وليد: (جر يدها وباسها متكي حداها) انا معندي حتى مشكلة معاك
هند: انا عندي
وليد: (رجع باس جبهتها) سمحيلي على كولشي اهند
هند: (قلبت وجهها) انا حسابلي جينا نهضرو نتفاهمو ماشي ديرلي هاكا
وليد: أحسن طريقة باش نساو سمو داز علينا
هند: (كتجخر بنيفها) لا ماشي طريقة وزايدون نتا عارف مزيان كنت نهار بحال هدا باغية نوجد ليه شحال من حاجة تبقى ذكرى زويييينة عندي ولكن معاامن مع واحد مكيسوقش لهادشي وعندو الرومانسيه غير تخربيق
وليد: (بقا كيشوف شحال وهرمون السعادة زايد نغزة) حلوة نتي
هند: (شافت فيه هي فين كتهضر وهو باش كيجاوب) خرج علية
وليد: هند (دخل حداها فلفراش وحط يدو فوق كرشها للي حس بيها تنفضت..) باش نخليوها احسن ذكرى هي المرة التانية منين نعسو ونطولو فالمدة شوية وعلى حسابي انا للي غنقاد الليلة نتي الآلة سيري لشي كوافورة حمام مساج تݣادي راسك كيف بغيتي واجي عندي (شافت فيه) نورمال واحد عندو هاد الخير كامل من الزين ولطاي هو يحل الشكارة ويخسر دراهم على جالها
هند: والمشاكل؟!
وليد: ههه الا على الضربة غير نوضي دابا وديري فية ما بغيتي مسااامح
هند: اوا وسهير؟!!
وليد: هانتي احبيبة وكان كنت كنجي ولقى شيماء فوجهي منݣدش نسكت راه كنشوف الغلاط كيتمشى على رجليه كيف بغيتي نشد راسي وانا كنشوفها لايحة بنتها فصبيطار
هند: ماشي لايحاها ولكن راه داخلة فاكتئاب واكتئاب حاد السيدة راه نتاحرات ماشي غير فكرات راه طبقات(حنا كيبوس شنااايفها وهاد المرة غير بشوية خلا شنايفها محلولين شوية وبقا كيبوس نفسها حنكها عينيها جبهتنا ويدو فوق صدرها كيلعب بدوك لحبيبات.. رجع كيبوس فعنقها ويشمووو)
ولييييد
وليد: هممم
هند: نحلو مشاكلنا بعدا
وليد: (وصل حدا ودنها) انا معندي معاك حتى مشكل ومنين نكون انا وياك العالم احبيبة نسااااوه…
هند: وراك قسحتيني بزاااف
وليد: (شاف فيها) وراه داكشي للي بغينا اكبيدة
هند: ياااك
وليد: ومشفتيش فاش كان شكلاط وغير سايح مسكين داايخ معرف يوݣف ولا يبقى ناعس
هند: ههه (كتبغي تجمع الظحكة باش متمشيش هبة دالتقليقة) معجبنيش الحال زربتي علية ومكانتش رومانسية
وليد: وكان كنتي عارفة كنتي غتبغي؟!
هند: بيان سييغ لا
وليد: شتي صدفة خير من ألف ميعاد
هند: بااز
وليد: (رجع حست وجهو فعنقها ويدو فوق كرشها ورجليه على رجليها) مݣديييتش نووض
هند: نوض بغيت نمشي طواليط والله مقسحة راه غير مكنعرفش نتبوحط
وليد: (قلز راسو شاف فيها) مفيكش تبوحيط وساعة وانا نسكت فيك ونتي علية غتاصبتيني!!!!!
خلا هند ترتاح وخرج عاجبو الحال مباغيش يفكر فواالو واخا مطااارق فراسو اول حاجة فكر يديرها هي هز الطموبيل مشا المحال ديالو مع محمد هز 20000 درهم
محمد: (استغرب واخا من حقو) واش دشي؟!!
وليد: باغيها ياك لفلوس كاينة
محمد: كاينة الا خاصك زييد
وليد: هادو كافيين هاد الساعة قيدها امحمد عندك تنسى (خرج من تما كان بغا يدوز عند زهير ولكن عارف طنيزو وكيشد فالواحد حتى كيندمو داز خدا ليها شي حاجة فكر انها تفرحها…. مشا نيشان لدارو فتح لباب كان الهدوووء طلع لبيتو نيشان هز صاك صغير حل لماريو حتى دخلت مو)
نعيمة: سمعت شي حس وݣلت يمكن غير نتخيل
وليد: ههه الشفار رابح معاكم
نعيمة: فينها هند؟!!
وليد: (بتوتر) راها فواحد لوطيل.. جمعي امّا شي تبديلة ليها هاني جاي (خرج ومو بقات كظحك ولدها كتفهمو غير من عينيه جمعت ليها بيجامة سخونة حتى من الملابس الداخلية وحطت ليها 2 حبات ديال اولويز جمعت ليها كريم وݣلوص.. وحتى هو حطت ليها تبديلة جمعتهم وخرجت من لبيت دخلت لبيت لقاتو مع شيماء)
بنتك راه معندها حد تخيليها تكبر وهي كتكرهك حيت نتي متقبلتيهاش
شيماء: (حشمانة منو) واش نتوما غتبقاو تشوفوها بنت عادية راه كولكم عارفينها بنت لحرام
نعيمة: ويل استغفر الله وسمو خليتي لبراني يݣول (وليد مخرج عينو)
وليد: بالصح نتي ماشي نورمال راه ماشي خاصك طبيب للي يداويك نتي براسك خاصك تنقي داك لݣلب لكحل للي عندك (شاف فمو) ما بلعي لباب عليك مزيان الا بغيتي شي حاجة صوني علية (خرج هز داك الصاك ومشا من تمااك كيحاول ميخليش كلام وأفعال ختو يضيعو ليه لمووود… نيشان عند هند للي ناضت غير بالسيف وهي كتعصر بالحريق شافت فلكوڤر لݣري كاينة نقيطة ديال الدم حيت الدم للي كان يبس بين فخاضها وللي بقا ف🍌 ديالو)
هند: حمار مدارش حتى شي حاجة للي يبقى عندي
(ياله بغات تهز لانجيت تمسح وهي تهدا)
هاد العقلية ماشي ديال نمسحو حتى يجي يشوفو زمرو (مشات فارقة رجليها للحمام دخلت طلقت سخون حتى شافت لبخار عاد دخلت تحت الدوش مقاداش تدير حتى شي حركة غير واقفة وعاطية الرشاشة بظهر كتفكر حركات وليد بوسااتو التحامهمج بجوج بيهم واخا كانت طريقة قااسحة ولكن من ناحية فاهمة انه أول مرة ليه حتى هو يعني بجوجهم كيعيشو شي حاجة جديدة… سمعت لباب تحل بقات كتصنت حتى دخل عليها بيدها غطات صدرها ولتحت)
وليد: (تبسم وهو كيشوفها حورية الجمااال) حبيبة!!
هند: خرج أوليد
وليد: انا نتسناااك (بغمزة وهو كيشوف فيها بعينيه للي بغاو ياكلووها سد لباب وتبسمت سدت لما حيت مابغاتش تغسل شعرها بشي شومبوان من غير للي متبعة لوات فوطة عليها من صدرها وفوطة صغيرة فشعرها جرت فرجليها بنطوفة حاطينها تما لقاتو واقف كيتفرج فشتا وطالق شوفاج مسخن لبيت موسيقى هاااادئة منقوصة دار وتبسم وشافها فين كتشوف كان بوكي ديال ورد حمر فوق النموسية للي قادها فجميع وحاط بواطة فالازرق الملكي وبواطة كبيرة فالاحمر.. مشا عندها شدها فذرااعها وهي كتشوف فيه باس جبهتها بوسة طويييييلة مغمضة عينها بقاو شنايفو على جبهتها وهو كيهضر)
عمرك تعاودي تفكري قيمتك عندي قليلة مكنت كندير هكاك غي حيت حسبتك روووحي واخا غلطت فشي حوايج (بعد شوية وهز راسها بصبعو لقاها مزنݣة) كنت وانا بعيد كنتوحشك بحال بيناتنا بحوور
هند: حتى انا
وليد: (تبسم وعض على شنايفو دار حركة بحال توݣض من شي فكرة فراسو مشا هز الورد وعطاه ليها شدااتو وشمات ريحتو متبسمة) نتي احسن ورييدة
هند: (فرحانة) merci bb
وليد: (فكرة الورد غير زادها فالتالي حيت عارف هي من نوع حساس فالرومانسية وخاصو يرجع الود للي كان بيناتهم هز لبواطة ووقف اونفاص معاها حلها وهي تحل عينها كان طقم ذهب زوييين وفنفس الوقت ممشارجيش براسلي هام سنسلة حلقات وݣورميط ديال اليد وحداهم الروسي شداتو بإعجاب عاجبها)
هند: زوين بزااف
وليد: موااصلش حتى ربع ظفرك صغير
هند: هههه وليد صافا!!!
وليد: والله وكون حسابلي هادشي داير هاكا منزݣل من شحال دي
هند: ههه وصاافي شنو فلبواطة لكبيرة (مشا حلها كانت عامرة شكلاط وبيموات الواعرين (زعما ماشي طاݣير وطونيك ههه) بقات كظحك بالفرحة عرف ينقي كادويات عنقااتو) واخا هكاك مزال مقلقة منك
وليد: نشوفو ليها حل هاد التقليقة..
أمال: (بقات كتفكر حيدت الجلابة لبست كيطمة قطنية مستيلية فلݣري ولبيض سبرديلة طالعة فلبيض شال بين لݣري ولبيض اما ذهب دارت غير ݣرميط فليد وسنسلتها وخاتم دلمرياج وجهها كانت مقاداه ميكاب خفيف رشت ريحة دخل زهير تبسمت وشافت فيه)
سلام
زهير: أموول انا دغيا ندوش ونمشيو الا بغيتي سيري تسناي حدا مّا
أمال: واخ… (حركت راسها باه مطفية الابتسامة ديالها كلمة جيتي زوينة وداك الغزل مبقاش وعاد كملها تمشي تسناه لهيه وهو كان مولفها الا كان هو متخرجش من حداه جاتها لبكية داك الاهتمام لكبير كان عاجبها بزااااف هزت تيليفونها وخرجت كانت شتا كطيح مشات غير من الجنب مخبعة وطلعت كانت الحاجة لبست جلابتها وعاد غنست ليزار من لفوق العادة للي مبغاتش تنحيها وفرحانة بيها)
مّا عنداك تنساي دواك
الحاجة: فكرتيني ابنتي سيري جيبيه لية نديرو فالصاك
أمال: (مشات جابتو وجات جلست حداها) ليلى مشات مع عمي لكبير
الحاجة: واه ابنتي مݣلتلكش صونا علية أنوار سلم عليك
أمال: (شقلبت عينها هدا للي ناقصها..) واش بالصح الكاملة مبقاتش تجي هنا
الحاجة: راك سمعتي ليلى سمو عاودت وحتى لكبير حلف لعاودات دخلت لهاد الدار الله يهديها نسات راه خلات ولادها وحفايدها هنا
أمال: شافت فرنسا
الحاجة: مكاين ما حسن من فاميلتك ابنتي للي تهزك اما هي شحال ݣدها تبقى تم
أمال: متفقسيش راسك بيها
الحاجة: ايييييوا.. عرفتي أنوار تزادت عندو بنية تبارك الله على مزيناتها هههه سماااتها مرتو ليلى
أمال: ههه غتبقى ليلى تابعها فينما مشااات
الحاجة: هههه ويييه معجبها حال ولكن تم متݣدش تهضر وها للي هضرت عليه لبلاصة للي متكونش عندك قيمة فيها حسن ولي منها (أمل حركت رأسها باه حتى شافت زهير دخل عليهم)
زهير: ياله نمشيو راه تعطلنا (خرجو طافيين ضواو سدو لباب ومشاو أمال جالسة اللور كتشوف من لمرايا زهير والو مكيشوفش فيها حتى بغا يشوف من موراه واش كاينة شي طموبيل وشافها) امووول
أمال: (قلبت وجهها زعما راني مقلقة كتسنى منو شي ردة فعل حيت يكرهها ديرلو هاك حتى سمعاتو كيهضر مع مو دازو باتيسري خداو شي حاجة ووقف فكريسة ديال ديسير تقدا ومشاو لدار محمد فين معروضين… وصلو تعرض ليهم محمد للي فرحان رحب بيهم طلعو للدار دخلو كان ترحيب كبير للحاجة اكيد لي عزيزة عند الكل اما امال سلمت او نطحت كما كتسميها ودخلت عند مريم للكوزينة للي بشرتها بحملها لتواام كان وجه أمال متبسمة متفاجئة جمدت على هاد الحركة وبلعت ريقها)
مبرووووووك اااااااا فرحت ليك والله
مريم: حتى انا فرحت بزااف كنت خايفة نݣون عاݣرة مك يا ختي هبلتني وكملتلي ماما
أمال: (حركت رأسها راها حتى هي كتعيش نفس إحساس ديالك) بالصح متديش عليهم
مريم: وحتى محمد ههه كان داير راسو معلابالوش ساعة منين عرفني حاملة والفرحة خارجة من ودنيه تخيلي كنغوت ݣاع ومكيديهاش فية ههههه
أمال: (بغات تغلب شيطانها) فرحت ليك الله يكمل عليك بالخير
مريم: امييييين.. عݣبااالك حتى نتي
أمال: امين اختي (خرجو جمعو محمد وزهير كيهضرو فالسداري للي اونفاص فتيحة كما العادة مكتهضرش مع بنتها غير كتعبرها بالعين تحط لعشا حتى نطق محمد بالخبر للي مفرحو بزااف كولشي فرحلو أمال حاضية تعابير زهير للي تسنات تلقى شي حاجة ولكن شافت ابتسامتو وبارك وكمل عشاه عادي اما هي غير كتنقب واخا عاجبها لعشا ضربت 11 ناضو يمشيو رجعو فحااالهم من سكات حتى نطقت الحاجة)
الحاجة: توام تربيتهم قااسحة
زهير: ولكن زوينة كتباانلي زوينة يكونو عندك جوج فردات
الحاجة: ههه الله يعطيك الخير ويسهل عليكم حتى نتوما
زهير: اميييين (شاف فلمرايا لقا أمال كتشوف من السرجم) أمال مالكي؟!!!
أمال: مماليش (حست بظغط كبييير واحساس خايب) الا باغي توام سير تجوج….
زهير: (جمع الابتسامة وركز فالصوݣان اما الحاجة ضارت عند امال كتلومها بعينيها وعضت على شنافتها خلات لوخرا حانية راسها وباينة معصبة وصلو للدار)
هبطو نتوما درك نلحݣ…..
(امال هبطت حيت باينة معصب عرفاتو غادي يكمي طلعو للدار والحاجة كتخاصم على أمال للي مهضرتش دخلت الحاجة لبيتها شربت دوا وقطعت النعاس أما أمال بقات جالسة فوسط الدار كتفكر كتلوم راسها علاش زربت بالهضرة وفنفس الوقت كتحس بغضب كبييييييييير حتى واحد ممقلقها ولكن طالع ليها الدم… سمعت تحنحين ديالو قلبها ضرب شافتو دخل نيشان للدوش خرج وجا وقف عندها) غنعسو هنا (دخل لبيت ديالهم بدل حوايجو وتكا فالنموسية تبعاتو حتى هي بدلت حوايجها من سكات طفات الضو وتكات حداه ريݣل التيليفون وحطو فوق لكوافوز كتسنى منو شي حركة شي هضرة اي حاجة راه ليلة الجمعة للي ديما معودها كيسهرو حتى لشي وقت مرفقة بباقشطاق ساعة واالو معندهاش الجرئة تكون المبادرة اللولة من عندها بقات شحال كتسنى حتى ضارت تشوف فيه لقاتو مغمض عينو غمضت عينها وهي مأزمة… اما هو غير كيفكر فهاد الافكار للي ولاو عندها مؤخرا مخلينهم قليل فين كيضحكو ولا ينشطو…)
~~~~~~~~~~~~~
أصبحنا وأصبح الملك لله
وليد: (كان فاق قبل من هند للي مولاش قاسها عارف حالتها كيف غتكون بقا كيلعب بصباااعو فوجهها حتى حلت عينها غير شافت فيه باس شنايفها) صباح الخير
هند: صباح الخير
وليد: توحشتك
هند: هه وليييد متكترش بزااف باش ميجيش وقت نݣولك تبدلتي
وليد: (زاد حنا عليها مقرب وجها ليها كتر) نتي غير تشوفيني قندشت راكي عارفة سمو ديري
هند: ههه ونتا منين تعرفني تقلقت راك عارف شنو دير
وليد: اححح تقليقتك وااااعرة غير متعوليش تغضبي مني
هند: على حساب
وليد: على حساب اش؟!!
هند: اممم حقا نهار الاثنين غنبدا الخدمة
وليد: بهاد الزربة انا راه ياله كنحس براسي عريس
هند: هههه نتا للي جيت روطار
وليد: (مبغاش يهضر فهداك الموضوع للي كيحرجو) واش باقية مقسحة
هند: بزاااااف كنمووت
وليد: ههه عارف مك بوحاطية غير متبوحطيش علية
هند: والله (دخلت صبعها فلحم ذراعو) نتا راك درتيلي هاكا وتقبتي الجلدة
وليد: (تبسم) نتي كفرملية شنو الجيل للي كتنصحيني ندير باش مدامتي متقسحش
هند: مكاين حتى شي جيل
وليد: انا نخرج نسول فشي فرماسيان
هند: ههه واش حمق
وليد: ياله نخرجو نفطرو ولا نجيب للأميرة ديالي فطور هنا
هند: اممم نخرجو حسن تيعجبني نفطر والجو مغيم…
زهير: (ناض قبل منها خرج دار روتينو اليومي كانت الحاجة موجدة لفطور وكتبركش باش دير كسكسو فطر من سكات)
الحاجة: ولدي لاتديش على أمال مسكينة حتى هي بغات تفرح بوليداتها وتفرحك
زهير: داكشي ديال الله اما اش راهي ترون وتخربق
الحاجة: مزالة صغييرة
زهير: اممم انا مشيت لجنان (ناض هبط للدار تحتانية لبس بوط ديال لميكة هز لفاس وشي غريسات صغار جايبهم دارهم فبرويطة ومشا لجنان مفقوس من الليلة للي حرماتها عليه أمال من تكشيرتها حيت وكان هضر معاها وكان قربلها معاها… سمع تيليفونو كيصوني كان اشرف للي واقف حدا لباب قالو يدخل.. بقا كيحفر وتم داخل)
اش فيها؟!!
أشرف: غدا غنخرج بنتي رجعت مزيانة الحمد لله
زهير: هادشي خاصو يفرحك
أشرف: اوا ومها؟!!!!.
زهير: واش نتا باغي غير تجوج والسلام
أشرف: داك جواج شحال هادي ساليت مع مولاتو كنهضر على خت صااحبك
زهير: خت صاحبي نهار كنتي تكرفس عليها جيت شاورتني
أشرف: راني شايف كولشي عليها فيديوهات ديالها مزال عندي
زهير: (سكت وبقا كيحفر) مݣاادش تشوفها مرتك طلݣها متعذب لا نتا لا هي طريݣ مزال ݣدامكم هي تشوف روحها وحتى نتا تشوف روحك
أشرف: وبنتي؟!!!
زهير: (زفر وشاف فيه) بنتك الا طلݣتي مها راك عارف عندمن غتمشي (فهم ردة فعل ديالو) زعما بدوك الفيديوهات متخليهاش عندها هه ديك الساع غتكون اكبر ولد لحرام
أشرف: وفنظرك ديك بنادمة هي بروحها ممربياش غتربي بنت
زهير: الا جينا على التربية لا نتا لا هي داكشي باش نعلو الشيطان يمكن لبنت ترد ليكم لعقل متخليهاش فالوسط تعذب والا مݣادينش عليها عطيهالي اخويا انا نربيها ونتهلى فيها
أشرف: بنتي نموت عليها
زهير: اوا بين (جات أمال هازة صينية كيسانها كيتقرقبو كانت عوالة تلقاو بوحدو شاف فيها بغضب وهي كتشوف فأشرف بحال كتسول اش جابو هنا) طرحي عينييييك
أمال: (تحرجت) هااا… حم سلام
زهير: (شد عليها الصينية وشاف فيها مقسح الشوفة) سيري للدار
أمال: بغيت نهضر معاك
زهير: (جرها بشوية مبعدين على اشرف للي كيسرق الشووفة) لبارح فين كنتي بالليل باش متهضريش
أمال: حم علاه لبارح مدرناش داكشي؟!!
زهير: (بعد.وجهو مرمش عينيه كيستوعب هضرتها) واشتاااا!!!
أمال: حم راك سمعتيني بحال والو لبارح تكون فترة الإباضة
زهير: (حتى كان غيفرح وهو يجمعها حك على لحيتو مفقوس) روحي أمال حسن لك
أمال: (معرفت كفاش خرجت ليها الهضرة) زهير لبارح مكنتكش بغيتك تقلق
زهير: (زفر مطولا كيشوف بعيد ورجع شاف فيها) لعشية نخرجو ونهضرو دابا سيري راكي غير كتخوري فهضرتك معايا
أمال: علاه شنو ݣلت
زهير: انا نبغي مرتي توحشني تجبدني حتى هي ماشي غي حيت تكون تݣلب على لحمل الا غنبقاو هاكا بلا متحملي حسن
أمال: (جاتها لبكية وبقات كتشوف فيه حتى عمرو بدموع) نتا مكتبغينييش
زهير: (ببرود) لوكان تعرفي شحال نبغيك ݣاع متخرجي هاد لكلام من فمك (شاف فاشرف) أشرف ضرب دوورة هنا (أشرف مشا وهو تقاد مع امال) يا تمسحي عينيك يا نديرلك علاش تبكي
أمال: (مسحت دموعها) تبدلتي معايا ازهير ماشي هاكا كنتي فاللول
زهير: بحالاش تبدلت
أمال: مبقيتيش كتبغيني كيف كنت
زهير: هاد مبقيتش تبغيني ر*** مفهمتهاش
أمال: (معرفتش تشرح) انا عارفاك باغي لحمل وانا لدابا محملتش
زهير: لبارح درت راسي مسمعتكش ولكن تعاوديها مرة أخرى غندمك عليها أمال
أمال: (قلبها ضرب) نتا كديرلي هاكا حيت عارف معندي فين نمشي
زهير: (بعصبية هز داك لفاس ولاحو مخرج عينو)
اش وصلنا لهاد ***** ݣاااااع واش درت فملك الله
امال: (دارت بغات تمشي وهو يلحق بيها شدها من ذراعها)
زهير: واش درت؟!!!!
أمال: (كتبكي) وليتي باااارد معايا كدخل للدار مكتسوقليش فين مشحال هادي كتبقى غير ظحك معايا وتݣولي نتي زوينة وكدا ومبقيت كتجيبلي واالو معاك ومكنخرجو موالو
زهير: (طلق من يدها) كندخل للدار كنبغي لقاك معرضالي مكتكونيش مّا للي معندها ركابي ديما معرضالي كندخل لبيت قيسارية دلحوايج للي كنبغيك تلبسيهم كتخلي كولشي وتمشي تغلفي عمرك صونيتي علية وݣلتي توحشتك احبيبي ولا كنبغيك ولا هضرنا فالتيليفون وحنا كنتعاشقو لا وكنݣووول راهي تحشم عطيها وقت بخروج الا مبقيناش نخرجو حيت راني غاارق فالخدمة وغااارق فشي كريديات كرجعهم عمرك جيتي هضرتي معايا على خدمتي ولا سولتي واش ندير ولا اشمن سلعة نجيب ولا باغيها تكون عندي؟!! عمرك دخلي راسك معايا فدشي؟!!!!! (غير كتشوف فيه وترمش) كنعطيك فلوس للي بغيتيه دياالك وديما كنݣول هزي شحال ما بغيتي باش شي ليلة رجع مكره من الخدمة لݣاك موجدة شي ݣلييسة نهضرو نظحكو ونشطو فيها (شاف فوليد جاي حك على لحيتو ببرود وبأمر منو)
روحي للدار درك…
(ضارت حانية راسها حاولت تبعد من طريق وليد للي كتفادا تهضر ولا نشوف فيه من داكشي للي سمع عليها غير وصلت الدورة وعطاتها لبكى نيشان مشات لدااارها وهضرتو كتعاود فودنيها….)
هند: (من بعد اتصال جداتها للي جاية عندهم خلاهم يرجعو للدار) فلعشية يجيو هي وماما
نعيمة: مرحبا بيهم خاص نتقدااو راه جا داكشي للي شريتو
هند: اه شفتو منين دخلت وراه شرينا تقدية (شربت كاس دلما) حم خالتي هو الدم محبس لي درت اوويزة التانية
نعيمة: متخافيش ياك ماشي دم بزااف
هند: لا غير نقيطات وصافي
نعيمة: متخافيش ابنتي حتى انا كان وقعلي هكاك (دخلت ليلى) على سلامة
هند: علاه فين كانت (تسالمو)
ليلى: ديما لبنات ومشينا تسارينا شوية راكم عارفين لقراية تبدا لبنات بغيتهم يبدلو الجو شوية
هند: رديتي عمي لكبير شباب هههه
ليلى: ههه وهو علاه بغا صغر غير باش يحيي الماضي ههه وينسى الز****
هند: انا نمشي نطلع ديك تقدية
نعيمة: ليلى واش الكاملة متعاودش تجي
ليلى: حلف ليها لكبير متعاود تزطم عندو وحتى موحال واش بانتلي باغية ترجع..
نعيمة: الله ياااخد فيها الحق فهاد نهار من نهار عرفتها هي سباب تقااف ولدي وانا نرجف عليها
ليلى: الله يعطيها العمى غير ݣوليلي علاه كانت ماشية تقف لوسها هي جات فولدك ولكن علاش ݣااااع
نعيمة: معرفت لكلبة ولكن الا لݣييتها منشدش راسي عليها (سمعت حس هند) من بعد ومذكريش هادشي لهند…
‘~~~~~~~~~~
وليد: واش كدير نتا هنا
أشرف: مليييح منين راك هنا غدا غنخرج بنتي مريم
وليد: غتخرج تمشي عند مها ولا راك ناسي خاصها ترضع
أشرف: انا بغيت بنتي تبقى حدايا غدا ݣول لختك توجد روحها نديها معايا للدار
وليد: لا (تفكر انه حلف ميبقاش يدخل) بيناتكم مهم نعرف لبنت مغتفرقش مها للي غتعامل انها بنااادم
اشرف: راه هاد الهضرة خاص تݣال لختك
وليد: (شاف فزهير للي متكي على لبالة وقالب وجهو مكشر وساااهي) حضرنا ابا زهير
زهير: (شاف فيهم ببرود) خلي ختك تهضر مع راجلها هي تهضر وهو يهضر ويشوفو فين يوصلو
أشرف: انا بنتي منسمحش فيها
وليد: بحال ختي كتسعى فيك تݣلس معاك
زهير: هو عارف الا مكانتش مها مغتكونش لبنت ياك أشرف
أشرف: (زفر وسكتوو) وطبيب للي كتبع معاه
وليد: غتديها عندو كل خميس ولا صعيبة راني مزال نعاودها مراهاش شااايطة غتبقى فدارهم كما كانت
أشرف: انا غدا نجي نديها (مشا من حدااهم ركب فطموبيلتو وزااد)
وليد: شتي دابا هاد لكلب
زهير: خلييهم يضبرو محااينهم ومدخل غير فلوقت للي خاص دخل فييه (كمل كيقاد الزرع ديالو)
وليد: سمو كتزرع؟!!
زهير: لويزة بغاتها مّا…
يتبع
التعليقات 0