زهير: (مع طالع سمع خوتاتو كوشوشو فالقنت وعاطين لدروج بظهر ورجال واقفين بعاد)
مينة: الله يستر الا ماتت ما كولشي غيبقى لداك كحل العفطة
فتيحة: (بفقسة) غير غتفييق وتمشي للدار غنجيبو رجال يهضرو معاااها وااه ياكلونا حقنا
زهير: (طلع كمل ما فيه للي يسمع هاد تخرببق زاد هاز راسو كاره الشوفة فييهم دخل نيشان عند مو لقاها فايقة كتشوف فسقف) الناااس فااقو ومعيطولناش
الحاجة: (تبسمت) ديني اوليدي لداري راني محملتش نبقى هنا
زهير: (باس يدها) غنبقاو أنا وياااك
الحاجة: ولاش اوليدي تعذب
زهير: انا فينما كنتي نتي كنكون بييييخييير
الحاجة: هه الله يرضي عليك اوليدي غير انا لباس علاش نݣعدو هنا؟؟
زهير: نݣعدو ازيينة حتى تبرااي امحاينك وروحو لدوارنا
الحاجة: هههه (شافت فيه) وليدي كمل دييينك
زهير: (ببلادة) وااه داكشي للي فكرت نكمل لمول صبااغة رزقو باش ميترعش علية فمو
الحاجة: (دارت حركة كتمص شنايفها) ومول لݣبص؟؟
زهير: هههه (حك قرفادتو) هداك غناكلو فرزقو
الحاجة: وااا وليدي دير عقلك ونوض نجيبو لمرا
زهير: واش لمرا راها كتسنى فم لباب صبري تبراي وانا نكمل المحال ونمشيو نجيبوها (بغات تهضر وهو يسبقها) مّا منين يسولني باها شنو خدام منرضاش نݣولو عندي محال ياله كنصاوبو ولا نݣولو حݣا ولوااد انا راه جاي من برا مجايااش.. و بنت الناس خاص تجي بشانها باش منكونوش ومتكونش حتى هي علكة ففااام عباد الله
الحاجة: علاه اولدي راك برزقك
زهير: مّا داكشي عندي انا ويااك عند الناس انا ياله كنكون رااسي
الحاجة: (تنهدت) وفوكاش اوليدي
زهير: راه مبقالي واالو وكولشي راه كيتقااد نعمر المحال وندييك تشدي طريݣ على ݣلبك
الحاجة: (قوست عينها فيه مبسمة) هي حاط عينيك
زهير: ݣولي هكاك
الحاجة: وريهالي اوليدي
زهير: ههه راك كتشوفيها
الحاجة: (استغربت كتفكر شكون هادي حتى دخلت هند)
هند: (تبسمت) الحاااجة!!! كبقيتي (مشات عندها هازة ميزان الحرارة وقف زهير خوالها لبلاصة مشات دارتولها تحت بيطانها)
الحاجة: الحمد الله ابنتي انا راني مزيااانة بغيت نروح لداري
زهير: (واقف متكي على الحيط مربع يدو وكيتبسم مع مو للي كتمسكن على هند باش تخرج)
هند: دغيا قنطتي منا الحاجة؟
الحاجة: لا بنتي حاشا غير عييت بركااد هنا
هند: (صفر ميزان الحرارة وهزاتو كانت الحرارة 39.5) حتىىىىىىى لغدا الحاجة ان شاء الله نخرجو ونمشيو نفطرو حدا لبحر (ضارت عند زهير) الحاجة موحشة لبحر كبيلة كانت ناعسة وكتهتر بيه
الحاجة: يءءءءءء الااا (حشمت)
زهير: ههههه غدا نديك أما فين بغيتي غير برااي
هند: (جات خارجة) ها هوما غيجيو لعشا الحاجة
زهير: واش ماكلتهم زينة؟؟
هند: لا لا مزيااانة بلا متنزل عندهم ههه
زهير: بنادم كاموني اختي (الحاجة غير كتشوفهم وتبسم وبالها مشا ولدها عليها حاط العين وحتى هي عاجباها)
هند: وي بزااف منهم (خرجت وتبعها زهير لقا خوه ورجال خوتاتوو مزالين تمااك نسااهم) ختي اختي
هند: (ضارت عندو) نعام!!
زهير: واش هودت ليها سخانة
هند: مزال ولكن ماشي كبحال جات فصباح غتعطيها طبيبة دوا ديالها تنعس وتصبح مزيانة
أب أنوار: (جا حداهم) فاقت ما
زهير: واه (كولشي دخل عندها) ياك معندهاش شي حاجة
هند: لا حتى التحاليل وليكو للي دارت شفتهم قبيلة ما فيها والو الحمد الله وطبيبة غدا صباح غتجي تخضر معاك وتعاود تشوفها
زهير: الحمد الله.. أمل مجاتش معاك؟
هند: (تبسمت) نو هي مكتخرجش فهاد الوقت ولكن تقدر غدا تجي طل على الحاجة
زهير: (حرك راسو باه) ان شاء الله (باغي يهضر ولكن سكت محتارم حدودو) شكرا اختي
هند: (تبسمت) العفو الحاجة راها بحال مي لالة (مشات هبطت وهو دخل عند مو…)
وليد: (كان متكي فجليسة مقادها حدا التلفاازة وعقلو سررررح بيه لبعيييد بقا كيفكر شحاال فكلام زهير كيحاول يمضغو يصرطو راهم صحاب شحاال كتر من لخووت.. كفاش لبنت للي حط عليها عينو غيتزوجها هو ومصصم عليها ماشي حيت كيبغيها حب للي ميقدرش يشوفها مع غييرو ولكن عندو عزيييزة بزااف عزييزة لدرجة اول مرة فكر فزواج فكر فبنت عمو وكان ماشي خووه للي سبقو وكان شحال ضرب لكحل فلبيض.. وحتى كلام صاحبو زعزعو للي قال الا حتى قالت واه نجبدها من وسط 100 راجل.. فيقو من سبااتو تيليفونو للي صونا وكانت طالعة ب ghita مسح على وجهو وفكرة زهير أنسب واحد لبنت عمو كيدخلها لدماغو حتى قطعات عاد هز تيليفونو ودوز نمرتها) الخااايبة مزالة سهراانة؟؟؟
هند: بيرمانونس
وليد: شفتي صاحبي زهير ومو؟؟
هند: (بلعت ريقها) اممم
وليد: (تبسم) ولايني صدقتي عفيرييتة حاااالفة منشووفك شحال قدك تخباي علية
هند: هههه خليها حتى نتشاوفو مبااشرة اوليد
وليد: وشنو فييها الا شفتك اغيثة
هند: خفت نخليك بلا نعااس كيشتي انا زيني لاااا يقاااوم
وليد: هههه شوقتيني…
~~~~~~~~~~~~~~~
أمال: (قلبها ضرها على نهار كامل للي غبر عليها وحتى الليل عاد جاي كيصوني بقات غير كتنهد ومع بقات بوحدها قنطت محست غير بشيماء جاية داخلة كتصوط) على سلامة
شيماء: بفففف عيييت
أمال: فين كنتي
شيماء: مشينا حتى لسعيدية الالة تهشينا وجينا
أمال: بصحتك
شيماء: شوية ميدخل عليك حتى لهنا
أمال: (بخوف مخرجة عينها) علاه؟؟
شيماء: خوك منين وصل هنا صونا عندك فتيليفونك لقديم (جلست) اححح عييت.. اوا ولقاه طافي بقا كيغوت تمااك
أمال: هءء (وقفات بالزربة مشات لبلاكار جبدت تيليفونها كان طافي ودارتو يتشارجا) أحاااي شنو كاالك
شيماء: كلتلو اصلا داك التيليفون عندها ضايع
أمال: تفووو (ياله شعل) صوني عليه اختي كولو راها شعلات عنداك اشيماء تكوني كلتيلو خرجت
شيماء: وزدتي فيه علاش زعما نشريلك صداع
أمال: وااااا غير كلت عفاك صوني
شيماء: وصاافي اصلا راه ممسوقلكش
أمال: عفااك اشيماء اختي غير صوني (صونات شيماء وكالتلو أمال كان تيليفونها مديشارجي وياله شعل) شنو كالك
شيماء: والو كالك تبقاي تردي لبال ليه وصافي (ناضت مسخسخة كتحايد حوايجها وامال خايفة غير كن خوها) مصوناش أنوار؟
أمال: (هزت كتفها) مصوناش نهار كامل حتى لكبيلة وصونا ومجاوبتش
شيماء: وعلاش فين غبر؟؟
أمال: معرفتلو كاع مسوقلي هاد نهار انا خفتو يخوي بية عاود
شيماء: اوا كما كالت هند لي دارها مرة يديرها 100 مرة
أمال: (بخوف) وعلاش خطبني؟
شيماء: فين خطبك نتي عاود حدو عطاك خاتم واش ذهب بعدا ولا غير جالووق
أمال: وا راه انا للي مبغيتوش يمشي يخطبني
شيماء: الله يهديك أماال واش كتشوفي أنوار ديال زواج دابا وبيمن بيك نتوما بيناتكم غرق كبييييير هو كيبغي للي كتلبس مزيان وشعور ولمكيااج ولي تخرج معاه فوقما بغا ونتي عارفة هادشي
أمال: (بحزن) انا هاكا منتبدلش
شيماء: اواااا نتي تعرفي اختي (ناضت كتبدل حوايجها تفكر فهاد شيماء للي باينة عاجبها أنوار وكتبغي تديه لييها)
أمال: اوا هو ختارني انا أما لبنات راه ضيرين بييه ومكيجي حتى لعندي انا وحتى فاش مشيت لتاوريرت جا حتى لعندي
شيماء: (مفقوسة) اممم
أمال: وحتى دابا الا بغا يمشي يمشي
شيماء: غير كتهضري
أمال: والله اختي شيماء حتى بردت من جهتو اه نبغييه ولكن ماشي ككنت وحيت اصلا مسامحتوش هلى شنو دار فية..
شيماء: اوا شوفي مع داك الصباغ ولد الحاجة
أماال: هه بنتليك كنبدل فرجاال ابنت عمي انا دابا راه خاصني نقرا وندير شحال من حاجة وانوار (بحزن) الله يسهل عليه الا كان باغي غير يتفلى علية غير يمشي انا غير درويشة مباغا صدااع باغا غير نتنفس شوية ونحس براسي بنادم
شيماء: (تنهدت بحزن يا ريتها تبعد منو يتعذبو بجوووج وميكونش ليها وترجع علاقتهم كما كانت) نصاوب ليك لعشا ندير ليك بيض ومطيشة
أمال: هاي هاي ديما نرغبك عليك
شيماء: عارفاك كتعجبك للي كنصاوب انا نصاوبو ونجيبو ياك باقي الخبز
أمال: واه باقي خرجت مبيلة للحانوت جبتو حسابلي غتجي ديري كاسكروط وبقى تما…
اصبحنا واصبح الملك لله
فاطمة: (كتفيق هند) اودي يا ودي على للي غتخدم الليل كامل
هند: (كانت ناعسة جالسة وحاطة راسها فوق لبيرو حلت عينها) بففف قية لمووت دنعاس
فاطمة: نوضي راه كملات نوبتك وحتى داك السيد راه وجد وراقو ودازت طبيبة عندو كتبت شي دوا لمو وراه مخرجها
هند: اه بالصح اوا مزيان
فاطمة: ضبري على ختك بنمرتو
هند: ومنين غنجيبهالك
فاطمة: بديا محااينك حتو لوكان مشتكش ضلي تلغي معااه
هند: سيري افاطمة خدمي خدمتك نمشي انا (دايخة) مقاداش حتى نصوك على هاد صباح.. (حطت طابيلة لبست مونطوها ودارت القب ديالها خرجت حتى كتشوف زهير شد فذراع مو ومخرجها وكاين حتى شي رجال معاه معرفاتهمش مزعمتش تمشي مشات لطموبيلتها وبقات كتشوف فيهم حتى ركبو ومشاو فحالهم حتى هي ديمارات مسحت على عينيها للي مضببين بنعاس وصاكت غير بشوية حفظها الله اما كانت غدير كسيدة طلعت لبافيون نيشان لشومبرتها البااردة شعلت شوفاج وبدلت حوايجها كاملين طفات الضو وتخشات فبلاصتها مكمشة شعلت تيليفونخا لقات وليد كما العادة كاتب ليها فلواتس *صباح لخير غيثة مشيتي لدارك ولا مزاال* جاوباتو *ياله شوية وصلت على بونت كنتي غتاكل كسكسو علية* فلبلاصة صونا عليعا وهادشي للي كيزيد يصطيها فيه)
هند: الووو
وليد: شنو وقع ليك؟؟
هند: ماشي شي حاجة غير الدوخة دنعاس
وليد: كان عليك تهلي طموبيلتك وتجي فتاكسي حتى ترتاحي ورجعييلها متبقاايش تصوكي ونتي مقادااش ابنادم
هند: واااخا
وليد: وكولي واخا وعاوديها مرة خرا والله حتى ن..
هند: هههه موقع والو اصاحبي
وليد: لا وقع اصاحبتي ردي لبال لصحتك.. فطرتي ولا مزال؟
هند: مقديييتش فية غير نعاس هاد السااعة
وليد: علاش شنو فيها الا كليتي عاد نعستي
هند: (بدلع) ما فياااااااش
وليد: شتي نتي انا للي غنكاادك والله يا مك مغتنعسي غير الا فطرتي
هند: (تبسمت) انا غير الا شفتك كنحس براسي شبعااانة
وليد: مزيااان.. (كتسكتو وهادشي كيزيد يشعل باش يشوفها) صيفطيلي تصويرتك
هند: هههه وليييد فية نعااس
وليد: وااخا لالة رتاحي منبن تفيقي علميني
هند: اوكييي (قطعت وخشاتو تحت وسادتها وجبدت عليها بنعسة..)
~~~~~~~~~~~
أنوار: (سمع الهرج فالدار فاق هز تيليفونو كانت 9) بفففف صبحنا على الله (حيد فراشو وجلس هاود هز تيليفونو ودوز نمرة ديال أمال للي مجوباتش ردو فوق كوافوز وناض جر رجليه بكلاكيطة نيشان للحمام دار روتينو رجع لبيتو لبس عليه وتأنتك كعادتو عاد هبط ملثى حد) ديرو من كبيلة ماشي حتى تفيقوني (مشا نيشان للكوزينة مكاين واالو كولشي مغسول ومقاد عاد تفكر جداه للي مريضة خرج ضربت فيه شميشة مع نسمات ديال الشرقي دار قبو عاد بانلو البز وطموبيلات ديال عماماتو كشر ومشا طلع دروج مع الدخلة لقا مرت خوه) نزهة فينها مي؟؟
نزهة: راها حدا الحاجة
أنوار: شكون كاين؟
نزهة: غير حنا وعماماتك ورجلاتهم
أنوار: اممم بغيت نفطر
نزهة: دخل راه ياله كيفطرو راه رجال فالصالون
أنوار: (دخل سلم عليهم وجلس حدا زهير للي عينيه دخلو وبغا غير يحط الراس) كبقات ما؟
زهير: الحمد الله
أنوار: فينها؟
زهير: راها فبيتها ناعسة
أنوار: ومالك نتا كتبان ماشي هو هداك
زهير: (بعياء) مناااعسش
أنوار: فطر وياله نمشيو نعسو فدارك
زهير: ههه سير تخدم على *** وقيلني علييك
أنوار: والخدامة شنو درتي فيهم؟
زهير: هضرت مع عبد المجيد لكباص راه بادي فيه وعاد خاصني نقطع لبيي نمشي نجيب شي سلعة وجدات
أنوار: نمشي معاك
زهير: مزال لفيزا مخرجات ليك عاد لبارح سولت السيد عليها وحتى انا مغنتعطلش سيكانة مغنفوتهاش ولا قل
أنوار: عطااتك ابا زهير ولا عندك الخاريج بحال راه هابط لبني درار
زهير: كول كول وسكت (وجد لفطور وبقات الكاملة كدخلو..)
أنوار: (زهير فطر ومشا لدارو ينعس وأنوار ياله خارج لتحت باش يمشي لطموبيلتو وهي تبعو مو)
الكاملة: أنوااار
أنوار: (ضار عندها) ما!!
الكاملة: (وصلت حداه عقدااهم) اشمن بنت باغي تخطب من تاوريرت؟؟
أنوار: كالهالك با؟؟
الكاملة: هضر معايا اشمن بنت غتخطب
أنوار: بنت بحال لبنات عندها يدين ورجلين
الكاملة: باغي تركب فية السكر من نهار تولدت وانا ندير كاع للي بغيتي ونتحدى بااك ودابا كلمتي مبقاتش مسموعة عندك
أنوار: سمو دابا بغيتي اما؟؟
الكاملة: اشكوون هاد لبنت
أنوار: متعرفيهاش اما شتها عجباتني وبغيت نتجوجها ياك مرضتوني بتجوج تجوج هاني باغي نتجوج دابا نتوما ماعليكم غير تمشيو معايا حتى لدارهم وتخطبوهالي
الكاملة: (خسرت كمارتها) والله لكاانت لييك
أنوار: كفاش والله متكون لية واش أما هدا للي ولقف معاك بز رااه رااجل ولبنت عطيتها لكلمة وانا كد كلمتي غنتجوجها وغنجيبها عندي هنا
الكاملة: خليتي بنات ختك وبنات عمااتك وبانلك تمشي غير لبرااني وماشي حتى وجدية
أنوار: شوفي متحمقينيش انا نهار اللول كلت ليك بنات لفاميلة مغندي حتى وحدة فييهم
الكاملة: وانا ملت اوليدي هوما للي غتدي منهم
أموار: هه واش نتي مكديتيش على عبد الله وعبد الوافي وجاية تجوجيني ليهم بالسيف مهم انا هضرت بغيتو تجوجوني راني وريتكم فين وشغلكم هداااك (مشا من حداها)
الكاملة: أنواااار أنواار
أنوار: (طلع مكره لطموبيلتو حتى جات مو هبط السرجم وشاف فيها) نعام أما!! صباح هدا خليني نمشي نخدم
الكاملة: فين شتي هاد لبنت
أنوار: هنا فوجدة
الكاملة: اوليدي راهم هادوك غير بنات لحراام واش غنجوج وحدة عرفتيها
أنوار: ومالي غتجوج وحدة مكنعرفهاش؟؟
الكاملة: باك مغيبغيش
أنوار: با بااغي أمي غير نتي للي باغا تعكسي
الكاملة: اوليدي سمع مني راه جواج هدا خلي ميماك هي للي تحتار ليك تجوج وحدة من عائلتك تعرف شنو مدخل لداارك
أنوار: (ديمارا) ما خاص نمشي
الكاملة: (بقات كدمع) شفتي من دابا تقابتي علية انا نهار تجوج غتلوحني
أنوار: بفففف (سكت الطموبيل وهبط عند مو) أمي واااش نتي مزال حتى مشفتيها ودرتي هااكا
زهرة: تجوج اوليدي من دمك وبعد عليك للي متعرفهمش
أنوار: (باس راس مو) دابا تشوفيها وتعجبك (خلاها كتبلق عينها ركب وزااد غير خرج من باب دارهم حبس الطموبيل وبقا كيفكر.. صونا على أمال والو مكتجاوبش حتى حل لكونيكسيو رجع كيقلب فشحال من حاجة.. ديمارا وزاد نيسان لخدمتو وخلا ميساج لأمال *توحشتك* أما أمال غير قراتو تبسمت بحزن حطات تيليفونها وشافت فشيماء للي كطيب لفطور)
أمال: أنوار كيصوني وكاع مبغيت نجاوبو
شيماء: الا كنتي غتفارقي معاه كوليلهالو نيشان باش يتفرق عليك
أمال: (بتنهيدة) انا مكلتش ننفرق عليه انا بغيت غير نعرف بالصح واش غيمشي بخطبني
شيماء: موحااااال
أمال: لا هو كالي غنمشي نخطبك
شيماء: اوا ككالت هند تبع لكذاب لباب الدار…
أمال: هند هند نوضي تفطري
هند: (فاقت مضهشرة بصوت باح وتقيل) أمال خيتي منعستش الليلك كامل غير فطرو
أمال؛ نخلي ليك حقك
هند: لا لا غير كولو
أمال: انا نصاوب ليك مطيشة ولفكفتة حتى تفيقي وديري فوقهم لبيض
هند: شوووكرا حبيبتي (طيحت راسها وأما خرجت بشوية طفات الضو وسدات عليها لباب ومشات لشومبرتها لقات شيماء كتخرب فتيليفونخا جلست حداها)
شيماء: مبغاتش تفيق
أمال: لا مسكينة مكدتش الليل كامل وهي خدامة
شيماء: عرفتي انا شاكة فيها مصاحبة ومكتبغيش تعاود لينا
أمال: لا الا كانت شي حاجة غتكولها وزيد كل واحد حر فراسو
شيماء: (بقاو كيكالو) اممم واش غنمشيو دابا
أمال: (شافت فالساهة كانت 1) حتى 2 راه غير قريب من هنا نمشيو على رجلينا الجو زويين.. واش غديري بحال لخياطة
شيماء: (هزت كتافها ممسوقاش) للي درتي
أمال: (بفرحة) غنبقاو نخيطو لينا لحوايج ولكساوي فير لفريع
شيماء: كولشي كيتباع فلحوانت أمال
أمال: نخيطو داكشي للي مكلقاوش وحتى نتي تخيطي داك المقزب للي كتشوفي فأنستغرام
شيماء: ههه بنتيلي عاجبك الحال
أمال: واه بزااف
شيماء: اوا نوضي بحرا تلبسي حوايجك
أمال: لبسي نتي للي كتعطلي فشعرك ندي هادشي نݣاد لهند شي حاجة باش مسكينة تفيق تلقى متاكل (كملو شغالهم لبسو وخرجو كانت 2 بقاو كيتمشاو بشوية حتى وصلو تسجلت شيماء دارت للي دارت حتى أمال ودخلو للحصة ديال لفرونسي للي كانو بيهم قلال وبداو ليهم من لالفابي abcd… كمبو مع ديك 4 ونص وخرجو) هادشي بعدا عارفينو
شيماء: هههه واش حسابلهم مكنفهموهاش كاع ندمت علاش دخلت حسيت براسي بحال شي حمارة
أمال: لا راه انا للي تقيدت باش نقراو من اللول باش نفهمو كوولشي
شيماء: معجبنيش هادشي
أمال: دابا يعجبك اصاحبتي عفاااك
شيماء: هه ياله نمشيو ناكلو وكان
أمال: (جات راجعة من نفس طريق حتى شداتها من ذراعها) مغنمشيشو لدار الطالبة؟؟
شيماء: لا ناكلو طاكوس شحال مكليناه
أمال: واه تشهييتو (بقاو كيتمشاو مسااافة وكلامهم كل مرة علاش وصلو لفين كيديها أنوار تاكل واصلا ولفات طاكوس ديالهم دخلو دمونداو شنو بغاو) هنا كيفكرني بأنوار والله توحشتو
شيماء: عيطيلو يجي
أمال: لا (جابلهم لماكلة كلاو بشوية زادو واحد اخر وقسموه بجوج خلصو وتحركو من تمااك كيتمشااو حتى بغات الشمش تغرب) رجعو عيييت بزاف بلمشي
شيماء: حتى انا ولكن شحال متمشينا هاكا غير انا ويااك
أمال: هه وييه نبقاو نخرجو ورجعو كيف كنا (شدو تاكسي ورجعو مع هبطو سمعو كلاكسون ضارت شافت وخرجو من التاكسي) أمال أمال أنوار
أمال: (قلبها تهز وزير علييها ضارت لقتو فوسط طموبيلتو هبط بقات واقفة حتى جا لعندها) حم أنوار
أنوار: علاش مكتجاوبينيش
أمال: (شافت فشيماء) ممعرفت مسمعتوش
أنوار: اجي معايا شوية
أمال: لا
أنوار: (بترجي) أمال جلسي معايا غير شوية نتحركو بالطموبيل هنا ورجعك كانو عندي شي مشاكل هربت وجيت عندك غير نتي باش رتاح
أمال: (بقا فيها) نبقاو هنا
أنوار: ماشي فمجاجي احبيبة باش نبقاو هنا ساعة ونردك
أمال: (شافت فشيماء وصاطت) تمشي معانا؟؟
شيماء: (شافت فأنوار للي قلب وجهو عليها) لا ندخل عييت والله غير سيرو
أنوار: أمال حبيبة مغنتعطلوش ركبي اللور كاع الا بغيتي
أمال: هه منتعطلوش؟؟؟؟
أنوار: وعد نخلي كارت ناسيونال عند العساس الا خفتي مني ههه
أمال: ههه (مشات طلعت ركبت حداه وشيماء غير كتشوف طلع ديمارا) منتعطلوش
أنوار: نجيب القران نحلفلك عليه؟؟
أمال: هه صافي تقتك
أنوار: كداز نهارك
أماال: زوين (بقات كتعاود على نيتها على اللغة ولخيااطة وقف فكشك) علاش وقفنا
أنوار: نجيب عصير شنو تبغي تشربي
أمال: اممم حامض
أنوار: (هبط دموندا عواصر وجاب كنافة معاه عطاها عصير بقات كتشرب منو وتعاود وهو غير كيسمع ويظحك)
أمال: صافي رجعو
أنوار: شوية ورجعو (بقا هو كيهضر) دفعت لفيزا باش نمشي لبرا
أمال: (بخوف) فمرة؟؟
أنوار: لا وكان كان بقى داك عمي للي كلتلك نمشي فمرة ولكن هو رجع وصعييب باش نكون راسي تماك والخدمة كولشي عندي هنا بغيت غير نوصل تمااك وربي كبيير واصلا مزال متخرج (شاف فيها ولقا عينيها كيتقلبو زاد مكسيري خرج على وجدة ودخل فلابيست بلاصة كيوقفو فيها الطموبيلات مفرقين وقف كان ظلام شعل الضو وشاف فيها وعينيه تفيكسااو فييها) غرجعك احبييييبة ديالي ولكن حتى نعلم عليك (فك حزام لمونطو وحلو كانت لابسة تحتو تريكو هز مقص وقطعو فالنص بان ديباردور فلصفر بعد كيشوف فيها ناعسة وراسها عوج وغير لاسانتير للي شاداها طفى الضو….)
شيماء: (دخلت مهمومة وجلست فالجردة رجليها مقدوش يهزوها وهي كتشوف للي بغاه قلبها كيبغي وحدة اخرى وكيعاملها بحال شي أميرة والمصيييبة هاد الوحدة للي مفروض تكرهها وتحقد عليها هي بنت عمها دريويشة ولحنينة وللي فماكنة ديال ختها ندمت على نهار للي فكرت تجي فيه هنا لوجدة كانو عايشين محرومين ولكن إحساس حسن من هادشي باش كتحس 100 مرة (هزت تيليفونها كانت هند) الوو
هند: الووو فينكم؟؟
شيماء: أنا لتحت دابا نطلع دابا (قطعت وهي كتنهد وطلعت جارة رجليها وكتحس بالغمة فقلبها وصلت لشومبر هند دخلات لقات لوخرا عينبها منفوخين بنعاس تسالمو بالوجه وجلست) رتاحيتي شوية
هند: بزاااف بففف راسي ضرني بنعاس فين تعطلتو كنت عوالة عليكم تفيقوني
شيماء: (بحزن) مشينا لداك التكوين قرينا وخرجنا كلينا تمشينا رجعنا لقينا أنوار مشات معاه أمال وانا دخلت
هند: (عوجت وجهها) وعلاش مشات معاه
شيماء: بقا كيحلف ليها ويرغبها غير باش طلع معاه بالسيف باش قبلت
هند: اممم على الله متعطلش
شيماء: (لتنهيدة) كالتلو منتعطلوش
هند: ومالكي نتي؟؟
شيماء: (طرطقت كتبكي) كنبغييييييييه نبغيييه بزاااف اهند
هند: شكوون أنوار؟؟؟
شيماء: (شافت فيها وهي كتبكي) واه
هند: كنت شااكة فيك اشيماء هو راه ختار أمال وحتى أمال بغااتو وكما كتشوفي بغا يخطبها ويتزوجها ولاااسق فيها كتر من اللولو واخا صرااحة مبقيت حملتو يبقى معاها
شيماء: وكان غير تفرق معاها يبعدنا بجووج
هند: شوفي انا حاسة بييك ولكن خاصك تقبليها حيت ممكن شي نهار يكون راجل ختك
شيماء: (كتزيد تنخصص) انا براسي معاجبنيش هادشي ولكن ديما كلقا راسي كنفكر فيه ونحلم بيه ليل وصباااح حتى كرهت نعاس وكرهت نشوفو معاها
هند: (قربت كطبطب عليها) خاصك تحايدي هادشي باش كتفكري من راسك راه غير الشيطان للي مزين ليك عاد الاحساس الغاالط
شيماء: وكندير؟؟
هند: غير يبغي يجيك فبالك شغلي رااسك كرهييه بزااف دلحويج يخليك تكرهيه واهم حاجة أمال بنت عمك للي كتبغييه
شيماء: مكرهتش اختي هند نحايدو من بالي راه شي مرات كنحس بيه كيبغيني انا؟؟
هند: (دخلها الشك) كيتزلل عليك؟؟
شيماء: (بلعت ريقها) كؤشوف فية شوفات زوينة وكيظحك معايا وشحال من مرة كالي الزين
هند: مكافيش هادشي للي كتكولي مكافيش؟؟
شيماء: كنحس بالنار شاعلة فقلبي
هند: معرفت منقوليك من غير هادشي باش كتحسي غلط فحقك وفحق بنت عمك نساايه اشيماء هو عمرو يكون ليك واخا ميكونش لأمال
شيماء: (بقات غير كتنهد وهند كطبطب عليها وكتفهمها هادشي للي كتحس بيه غلط وغلط كبييير وشيكاء غير كتسمع وكتنهد ولقات علامن تخوي قلبها واخا ماشي كولشي المهم الفكرة العامة قالتها ورتاااحت..)
أنوار: (كيقيسها فحنكها بشوية باش تفيق) أماااال أماااااال أموووولة مكنتش عارف نعاسك تقيل (بحرا كتحل عينها وترجع تسدهم داخت بداك المنوم للي دارلها فالعصير)
أمال: امممم
أنوار: ههه فيقي واش مباغاش ترجعي لسيتي ولا تمشي معايا ترتاحي فداري
أنوار: بففف (كمشت عينيها وحلاتهم هزت يدها وحطاتها فوق راسها حتى كتلمس فشعرها توكضات حتى كتحس بيه حدا رجليها شافت فيه وطرطقتت عينها هز راسو متبسم وعينيه نايمين) تقدري تهزي سرواالك بوحدك؟؟ مبغاش يطلعلي هاكا وخفت نقسحك كتر
أمال: (بقات مصدومة وعينها غير كيزيدو يوسااعو وفمها كيبياااض رمشت 5 دلمرااات فيييه وقلبها كيزيد يضرب أما معدتها حسات بيها تكمشاات بالخلعة والخوووف والصدمة.. صدمة كببيييييرة مباغاش تسمع داكشي فاش فكرت بصوت خااااافت) شنو درتيلي؟
أنوار: ***** احبيبة (رجع جلس حداها وشاف فيها) مكنتش عارفك باقا بنت ازين ݣلت غنكوني كتلعبي هاك هاك ولكن لانلي انا اللول ياك!!
أمال: (لسانها تقاال وودنيها تصمكو عينيها للي شعلو روبيني ديال دمووع وكتشوف فيه ممتيقاش شنو قااال) ها
أنوار: هه مفهمتيهاش شوفي كولون ديالك (حنات راسها حتى كيبانلها نقيطات صغار ديال الدم محس بيها حتى غوتاااات بكل جهدها بحال خشا فيها سفوود سخوون كيشرط لحمها خلعااتو متوقعش ردة فعلها هاكا حيت غواتها صمك ليه لودن بقا غير كيشوف غواتها كتبكي وضرب حنكها وتنتف شعرها بغا يشدها مقدرش دار يدو على فمها وحكمها بجسمو الضخم للي نسبيا كان جاي فوقها) سكتييييي واش حماقييتي؟؟
أمال: (كتشوف فيه بعينييين حوومر وكتبكي كتحرك فرااسها مصدوومة فيه والغدر للي جا من جيهتو صعيييب) اممم
أنوار: شنو كنتي تسناي مني نسى الصفݣة للي عطيتيني ولا هاد التعامل دل*** للي كديري معايا ولا كلامك علية للي منݣدش نوصل ليك ولا ولد عمك للي واخد راحتو معاك وانا دايرالي فيها رابعة العدوية وݣاطعة علية لما والضو؟؟
أمال: (غير مصدومة كتبكي حتى بداو عينيها يتقلبو وحس بيها ترخات حيد يدو ممستوعبش واش سخفات ولا ماتت بقا كيزعزع فيها)
أنوار: أمال امااال (بقا كيطرشها والو هز قرعة من اللور حلها وبقا كيرش عليها حتى فاقت مفافية غير شافتو رجعت تبكي) لبسي باش نوصلك
أمال: (كتبكي وتشهق) هءءءءء حشووومة عليك أنوار شنو درت ليك باش ديرلي هاكا
أنوار: (لعب بلسانو فوسط فمو) تسلݣيط ديالك جابك هنا وبين يدي ونهار اللول ݣلت ليك معنديش مع تزيݣزااݣ دابا لبسي وغنفكر واش نسترك ولا لا من بعد
أمال: (كلامو بحال لقرطااس أما فعلتو خنجر ودخل غقلبها محسات غير طارت عليه كضرب فوجهو وفينما جات حتى ناض عطاها طرشة حتى دوخها) علاش أنوار علااااااش انا عمرني ضرييتك ولا قستك فشي حااجة علاش قتلتيني هااكا
أنوار: (كيشوف فلمرايا) بنت الق*** (لقا وجهو شوية مخبش جرها من شعرها) انا ال**** ديري فية هاكا باغا هاد لمرة ن***** من اللور؟!!!
أمال: (دارت يدها على فمها مصدومة فيه كتر من لقيااس معندووش ذرة ديال الندم على شنو دار فيها رجعت كتبكي وفبالها غير تموووت ومتعييش كتر من هااكا)
أنوار: لبسي زمرك نتحركو من هنا ولا غنخلي مك هنا يتحمااو فيك مااا كتر
أمال: (كتحس براسها غتسخف هبطت تهز سروالها للي واصل لركابيها شافت دوك نقيطات ديال الدم صحتها فشلاات ويديها ماتو عليها وغير كتشهق بلبكى بالصووت هزت سروالها مقدرتش تسدو شافت تريكوها للي مقطع لوات لمونطو عليها بحال لاوية بينوار وشالها لواتو مخربق على شعرها وفبالها وداابا شنوووو؟؟؟ شافت فيه) حراااام عليك أنواار
أنوار: (شاف فيها ببرود) عقلتي نهار حلفتي وݣلتي بلكلمة لهلا يحييه باش نخليه يقيسني ولا يحط يدو علية هااا هو حياني الله وغمست يدي فيك مزيان شنووو جهدك دييري؟؟؟
أمال: (ممفكراش كلامو.. رجعت كتويل وتبكي وخبط فرااسها وعارفة هادي هي نهاااايتها أما هو شعل الموسيقى ودارها على الجهد وديمارا من تماااك كيدندن مع الموسيقى وهي كتنوح وتبكي وقلبها كيبكي الدم شافت فيه ممسوقش وسؤال كيتعاود فدماغها واش هدا للي بغيتو؟؟؟ واش بالصح دالي شرفي بكل دم باارد واش انا عندو رخيسة لهاد الدرجة؟) غنديييك لبوليس
أنوار: (ببرود) اوكي
أمال: الله يااخد فيك الحق عمرني نسمحلك
أنوار: ههه عفااك سمحييلي راه منقدرش نعيش الا مسمحتيش لية هههه
أمال: هءءءء الله يعطيك مصييبة الحماار الله ياخد فييك الحق
أنوار: اهيااا مضسرييش متشوفينيش ساكت ليك تݣولي مبغيتي صافي مشيتي معايا بخااطرك ياك مخطفتك مسرقتك طلعتي برجيلاتك للي نيت هوما حليتي مفهمتش شنو معصبك وزايدون خاصك تفرحي راه ݣلت ليك غنحاول نسترك شنو بغيتي كتر!!!!
أمال: (غير كتزيد تصدم فيه سكت ضار كيدندن مع الموسيقى وهي بقات غير كتبكي محسات حتى حلات باب الطموبيل وهو صايك ب120 كلم وكان مشدهاش من يديييها كانت تنتاحر يدوز فيها يعجنها ولا شنو يوقع ليها… خفف السرعة حتى وقفها وهو كارز على يدها للي كتبغي تنتر منو وكتبكي جرها حتى دخلت فيه حيد لاسانتير ديالو وجر بابها ضار بغا يضربها وهي تهز يدها تحامي وهو يوقف)
أنوار: مال دين ر** هاد نهار واش باغا تلسقي فية مونتييف ديال موووتك
أمال: (بعينين دامعين وصوت كيرجف ومزالة دايرة يدها على وجهها) راك تكرفستي علية كاين ما كتر؟؟
أنوار: هانا تكرفست مشاتلك يد ولا رجل ولا عيين باقا نتي هي نتي وزايدون ݣلت ليك غنتزوجك وحدة بلااصتك تزغرت بالفرحة واخا مبقيتيش نافعة مزال غنديييك
أمال: حشووومة عليك أنوار منستاهلش منك هااكا دارنا يقتلووني
أنوار: باش مرة اخرى تفكري
أمال: (خايفة بزاف) حشومة عليك أنوار الله ياخ (ضار خنزر فيها وسكتت خايفة منو ومرعووبة صاك من بعد مبلوكا بابها اوطوماتيك وصل لباب سيتي شافت فيه) عمرني نسمح ليك
أنوار: بلعي فمك وهبطي
أمال: غنمشي لبوليس
أنوار: نديك أنا؟؟؟؟
أمال: (رجعت كتبكي حلت لباب وهزت صاكها للي حدا رجليها مع هابطة شافت فكرسي ديال الطموبيل فيه طبعة كحلة صغيرة زاد قلبها تكمش عليها وهو حاضيها هز كلينيكس ومسح بانلها كلينيكس رجع حمر شوية بلمسيح عرفت الدم ديال عذريتها جمعت لبكية بالسيف وشافت فيه) الله ياخد فيك الحق عمرني نسمح ليك
أنوار: غتهنينا ولا لا؟؟ (لاح داكشي من سرجم ديالو وهز كيمسح يدو حتى شافها هبطت كتعرج شوية دخلت حانية راسها وكتافها طايحين سد لباب وزاد مكسيري لدارهم اما هي ضارت كتشوف طموبيلتو حتى غبرت بقات كتبكي من قلبها وتنهيدات بالصوت دخلت والناس كتشوف فيها ومشات لبلاصة بعيدة على الناس جلست فالارض فوق السيما للي كانت باردة وبقات تبكي وضرب فرااسها كولشي ضااع.. ندمت ندمت بزاااف حتى مقدها حتى سهات فسما كتشوف وعينيها نشفو من دموع اخر حاجة توقعها توقع ليها هي هادي شحال سمعت من وحدة تكرفس عليها شي واحد واللومة كترجع غير للبنت أما الراجل كيقولو كيبقى راجل مخاسر واالو وحتى وتزوج بيه كتولي معلمة انها توسخاات كفاش غتشوف فمها وباها وخوتها وفراسها انا الا عرفو نيشان غيمشي شي واحد للحبس مبغاتوش ليهم حيت هي غتكون سباب باش تشتتهم أما موتها راها ماتت منين أنوار حط يدو علييها رجعت كتبكي منين تفكرت كفاش هضر معاها بديك الحقارة كأنه ماشي هو للي خدا ليها شرفها وغذرها فأعز مكتملك وزيد هو سباب موتها شكون غيقبل عليها واليديها وخوتها وغيقبلوش بيها احرااك ولد الناس كملت بكاها حتى بقات شتا كطيح وقفت وكتحس بالحريق وتزيرت هزت صاكها مسحت وجهها وتمشات تحت شتا غير بشوية طلعت نيشان لشومبرتها كان الضو فيها تنهدت ورجعت مسحت عينيها حلت ودخلت ملقات حتى واحد رجعت سداتو ودوزت الصاقطة بالزربة حطت مونطوها وزادت لبودي للي مشرك على جوج وكل مكتحط قلبها كيزيد يتعصر عليها حطت سروالها وتبعاتو لكولون لبيض للي فيه نقاطي ديال الدم هزاتو وبقات كتبكي بكل حرقة.. سمعت الدقان)
شيماء: أماااال واش نتي للي سديتي لباب
أمال: واه هانا نحل.. (نزلت سليب جمعت داكشي دغيا مباغاش تشوفو دارتو فميكة ومشات لبلاكارها هزت حوايج كتسكع ظحك لبنات وهي قلبها كيقطع لبست بالزربة وداكشي خبعاتو تحت لبلاكار وسدت لباب شافت فلمرايا وجهها صفر قرست حنوكها وحلت)
شيماء: مال مك سادة لباب
أمال: ها.. غير كنت نبدل حوايجي عمرو شتا
هند: عاد دخلتي؟؟
أمال: لا ݣبيييلة كنت نهضر مع ريم ديك للي كتقرا معايا وشدينا الهضرة فداكشي ديال الامتحان
هند: اممم وشنو بغاك أنوار؟
أمال: (بالسيف باش متحملة لوقوف والهضرة) والو بحال ديما
هند: اممم مالك صفرة
أمال: هه مسحت لمكياج
هند: هههه عرفتي درت ليكم طاجين بحقو وطريقو
شيماء: اليوم نباتو فصبيطار
هند: واخا ليمااك
أمال: انا جاية نمشي لطواليط (مشات لطواليط حست بحريق فنبولة وبقات كتبكي تماك حتى سمعت شيماء داخلة كتغني…)
أنوار: (نزل من طموبيبتو كيصفر ومشا نيشان لدار جداه كانت الدنيا عامرة مع هبط مو حاضياه من سطح هبطت كتجري رجع فيها جهد 20 عام ياله طالع تعرضاتلو) مي!!!!
الكاملة: ولدي تعطلتي
أنوار: (حك قرفادتو) كان عندي شي شغل
الكاملة: اممم زيد طلع سلم على عماتك وخولاتك (بغا يعتارض شداتو من يدو وطلعاتو بحال شي بيبي لسطح فين كانو جالسين فلكوزينة للي فيها جليسة ودخلت جارااه فين كانو حتى بناتهم جاي خارج) اجي انوااار
أنوار: (تحت لسانو وكيهضر معاها) راه كاينين لبنات
الكاملة: ماشي غراب اوليدي راه بنات عماتك وخولاتك دخل سلم هه (دخل سلم على عماتو وخولاتو ولبنات حرك غير راسو وحتى هوما حشمانين وخرج)
مينة: اوا الكاملة واقلة خيرنا ميديه غييرنا الولد قااري تبارك الله الزين والطولة منختارو غير هو هههه
عائشة: نيشات ولعزبات عطاهم الله هههه
الكاملة: الله يكبر بيكم كولشي على عينيه وانا ملقااش حسن بناتكم نتوما وبنات خوتاتي ونيت راه كيفكر يتجوج
كريمة: (اخت الكاملة) اوا على مولانا كرانو كاملين مجوجيين وبولادهم اجي شفت ولادك حتى واحد فيهم مزال مولد
الكاملة: علاه مكلت ليك جهان حاملة ونزهة كان طاح ليها وكتبع شي دوا مسكينة
عائشة: اممم اوا الله يكمل بالخير واخا وكان داو منا وكان راه عندك بز يعيطليك بحناا
الكاملة: اوا لمكتااب…
~~~~~~~~~~~
شيماء: الله يعطيك الصحة اهند
هند: بالصح!!!! أمال مكليتيش
أمال: ها.. كليت برا
هند: اممم الناااس يالاااالة شنو كليتي
أمال: (برقو عينيها) معرفت شنو هي ديك الكاملة واصلا معجباتنيش وخرجني وكليت طاكوس
شيماء: مضرووبة اختي على طاكوس انا كليتو كبيلة ومقدرتش نكملو داك التاني
أمال: (تبسمت تبسيمة موصلاش لعينيها بقاو لبنات كيهضرو وهي غير كتشوف لكسيدة معاهم ولعقل طاااااار حتى ناضو جمعت شيماء لمااعن) لبنات انا نعس عييت بزاف طاحت شتا علية ووجعني راسي
هند: نعطيك كينة؟؟
أمال: (ساهية) عطيني دنعاس الا عندك
هند: هههه لهاد.الدرجة كيضرك
أمال: بزااف
هند: انا نجيبلك وحدة ديال ال اس زوينة وكترخي (بلا متغسل يدها ولا فمها تكات ففراشها جات هند عطاتها كينة وكاس ما شرباتها وضارت للحيط)
شيماء: أمال هاحنا مشينا لبيت هند الا مجاكش نعاس اجي سهري معانا
أمال: وااخ (مع طفات الضو مع دموعها دارو طريق كولشي كيتهاود فراسها أسوء نهار داز فحياااتها… لقات لساعات مرة تبكي مرة تسكت وترجع تبكي حتى دخلت شيماء تنعس ولوخرا مغفات حتى ودن لفجر وكان نعاس خفيف غير عينيها للي مغمضين ودماااغها خدام كيفكر فهاد المصيبة والغدر..)
~~~~~~~~~~~~~
أصبحنا اصبح الملك لله
زهير: (واقف مع لكباص كيعطيه لموديل للي بغا فلفوق عاد وراه شنو بغا فلكااف) مهم اعبد المجيد عندك سيمانة ووومغنكونش فيها خويا ولا ولدو غيجيو يبقاو يطلعو عليك
عبد المجيد: علاه راك خاوي عاود
زهير: شي سيمانة ولا قل شي سلعة وجداتلي وخاص ضروري نمشي باش نهز شيك ديالي
عبد المجيد: الله يسخر اسيدي (خرج من تماك نيشان هز طموبيلة ديال أنوار للي خدام ناشط على صباح مسا معاه للمطار قطعو لبيي للي لقاها برومو آلي وروتوور وتمو راجعين)
انوار: نهار تخرجلي لفيزا غتمشي حتى نتا
زهير: لحق عليك على متبقى ليك شي سيمانة اما باش نمشي معاك شهر كامل بزااف
أنوار: اوا زعما نتا غتسارينا وكدا
زهير: كاين وليد
أنوار: (خسر كمارتو) بوحدي حسن
زهير: علاش وليد رجوولة ودروييش غيفرح الا مشيت عندو
أنوار: امعندي مندير بشي زمر صافي حتى تجي
زهير: وبنادم للي غتخسرو فلوطيلات سير بات عندو وظل تالع نهار كامل
أنوار: برزقي اخويا
زهير: اوا بالزعط….
أمال: (حلت عينها كانت 7 دصباح عمرها فاقت فهاد الوقت شافت جهة دشيماء كانت ناعسة تنهدت تنهيدة طوييلة مكرختش تجمع حوايجها وتهرب من هنا حتى واحد ميعرف ليها طريييق ولكن خاافت خافت تلاقا ما كفس وهي معندها شخصية جلست كتفكر فشنو دير وقفت ومشات لطواليط وسدت لباب من موراها كان لبرد ولكن هي محاسااش بييه حيدت سروال ليجامتها تبعاتلو لكولون وسليب وجلست على الجليج للي كان نقي وهزت مراية صغيرة وحطاتها قداامها كانت ياله مقادة المسائل بشي 4 ايام يعني كاين… معرفت متشوف حلت رجليها معارفة شنو تقلب معندهاش فكرة رجعت كتبكي منين تفكرت الدم للي لقات ولحريق منين كتبغي تبول وقفت هازة حوايجها ودموعها ناشفين فعينيها خرجت من تماك ومشات لسرجم الغرام كما كانت مسميااه كان عندها بزااف ديال الأحلام والطمووح كولشي تبخر لبارح كولشي تذمر وكولشي تهرس تفكرت تيليفونها مشات قلبات عليه فبلاصتها مكاينش تفكرت كان فالصاك قلبت عليه لقاتو ولكن ملقات منو حتى ابيل ولا ميساج من عندو.. شنو غدير الا رجعت للدار وخوتها جوجوها لشي حد باشمن وجه غتجوجو وحتى الا هربت خوتها يقلبو عليها وميتهناو حتى يلقاوها حيت التهمة غتلسق مزيااان وهو قالها مزاال يفكر واش يسترها ولا لا بقات كتحك فراسها بحال شي وحدة راسها عامر بقمل كتحك وكتسنى شي حل للي مكاااينش ينزل عليها ندمت علاش مسمعتش كلام هند منين قالتلها للي يديرها مرة يديها ألف مرة شافت فالساعة كانت 9 بقات كتصوني عليه وكيقطع عليها رجعت صونات عليه مجاوبهاش.. ضلت نهار كامل تماك كتهرب من لبنات وحتى لخروج تحججات بحريق فنبولة للي كيخليها دخل لطواليط بزااف أما هو مصونا موالو عايش حياتو عااادي بحال موقع واالو نعاس هاارب عليها غير كتفكر مرة كيجيها خاصها تهرب مرة خاصها تقتلو وتقتل راسها جميع السيناريوهات كيطيحو فبالها وحتى واحد مغتجرأ دييرو.. ولبنات متقدرش تقولهالهم راه شرف للي صاع ماشي تيليفون ولا خلاها فشيقنت راها توسخاات ولعب بيها كبغا شنو غتقول وشنو غتعاود خلت وصمة العار للي دارلها سر بينها وبين راسها حتى تشوف غيداار…)
~~~~~~~~~~~
بعد 2 يومان..
زهير: (غير خرج من المطاار لقى وليد واقف حدا طموبيلتو) يا خويا وسحال فيك ديال لبوزات
وليد: (متبسم حيد نظاظرو) وعلاش كنخدم وندمر فبلادات الناس الناس باش نعيق على ولد بلادي
زهير: (حط صاكو وتسالمو) هههه نتا هو نتا
وليد: عاااش من شافك اخاي زهير خليتي بلاصتك هنا كبييرة رجعت وحداني
زهير: يا لاطييف غتبكيني من ديما كتموت على دراما انووض تجوج وقيلني عليك
وليد: هي الا درتيها نتا
زهير: انا غنكمل المحال غنمشي ندي بنت عمك
وليد: اهياااا راه بنت عمي زعمي
زهير: وبزعطااا ماشي غنهرب بيها راه غنتجوجها زيد زيد راني ميت بالجوع
وليد: مصاوب ليييك باسطا خطييرة
زهير: نوض ت*** نتا ولباسطا ديالك هاديك انا عندي غير كنكاسي بيها الجووع
وليد: وزيد نديك تضرب الحوت على ݣلبك
زهير: سيير عالله والمحال؟؟
وليد: دخلت معايا واحد ولد لبلاد دروييش
زهير: ورد لباال
وليد: كون هاني كولشي بلكاميرات ونييت نعاونو ولاد لبلاد على ميݣادو وريقاتهم.. كولي واحد غيثة
زهير: بففف عاود.. (دار من الجهة الاخرى كينكر ووليد ركب حداه وصاك نيشان للدار للي كاري فين يرتاح زهير شوية عاد.يمشيو يخرجو يتغداو وداك لغدا خلاوه لعشا…)
أنوار: (داير رجل على رجل يد طالقها بكل اريحية على لفوتوي والتانية شاد بيها الشيشة كيشيش على أقل من مهلو وعينيه على كل وحدة دخلت جديدة من باب لبواط حط لعصى وهز تيليفونو للي كيصوني وصدعو فلفيبرور قطع دارو صيلونص وهز من طبسيل ديال شيبس وهو يقرب ليه حمزة لحدا لودنو باش يسمعو)
حمزة: غتبقى فرادي؟؟؟
أنوار: كنتسناك تصيد شي همييزة باش نديهالك
حمزة: هههه رجعتي لعوايدك (بقاو ناشطين حتى وصلت 10 وقف أنوار) صاافي!!!
أنوار: (جبد بزطامو وهز فلوس عطا للسرباي للي سرباهم مع لبورفوار) بحرا نوصل
حمزة: (وقف حتى هو خلص وخرجو بجوج) متماااش هادشي اخااي أنوار رجعنا نعسو معاك بكري
أنوار: وسهر شكون حبسك
حمزة: وعلاه يحلا شي نشاط بلا بيييك (وصلو لبلركينغ) شنو درتي مع صحيبتك؟؟
أنوار: والو
حمزة: (قوس عينو فيه) يا محااينك تا منكونش شااربك
أنوار: هههه (ركب فطموبيلتو خلاه متأكد انه كلا الحلوة أما أنوار قبل كيديماري هز تيليفونو لقا لي زابيل ديالها دازت 4 ايام على داك نهار من تماك مهضر معاها رجعو لجيبو طلق الرااي وزاد مع طريق وصل لقا كولشي كيوجد ينعس طلع لبيتو نيشان ياله كيبدل حوايجو حتى دقت مو بحال ديما باش تأكد راه بايت فالدار.. بعصبية) كدوزو الحضوور؟؟ واا صافي هاني بايت هنا
الكاملة: (من ورا لباب) الله يصبحك على خير اوليدي
أنوار: تصبحي على خير (كمل تبدال ومشا نيشان للدوش توضى ومشا يصلي نهارو كاامل عاد تكى فبلاصتو هز تيليفونو لقا لي زابيل من عندها مشا لواتس ديالو نيشان نمرة شيماء وعاود تفرج ففيديو ديال أمال معرية شعرها فالعرس وباينة ياله كتجمعو سولاتها هند واش باسها وهي جاوبات بكل تكبر ~ *لهلا يحييه باش نخليه يقييسني* ~ هبط شاف تصاور منين كانت راكبة مع وليد القدام وكظحك وتشوف فيه ومنين شد ليها يدها واوديويهات كتهضر تختار بين ولاد عمها ولكن تفضل وليد على خوه وبزااف زيد تصرفييقة كل مكان كيسمعهم وكيشوف تصاورها عكس داكشي للي كتبينلو كيتفقس عاود صونات كانت 12 جاوب) وييييي
أمال: (غير سمعت صوتو قلبها دردك ومشات نيشان للسرجم) الو الو علاش مكتجاوبش
أنوار: ولسقاااااااا صدقتي
أمال: (غرغرو عينيها) تكرفستي علية ولحتيني
أنوار: ومن بعد؟؟
أمال: علاش درتيلي هااكا حراام علييييبك
أنوار: بففف رجعنا لهاد السيناريو دابا اش باغا فهاد الليل غدا خدام وممساليش لهاد تخربيق ديالك
أمال: (كتبكي) صافي خديتي شنو بغيتي مني وبقيت تكول راك خداام شحال هادي كنتي ترغبني نجاوبك على التيليفون
أنوار: وااه عااقل وعاقل نهار حلفت فييك وهانتي كتودي داابا
أمال: (كتشهق بلبكى) حشمة علييك واش معندكش كلب مكتحسش شنو اذيتك باش ديرلي هاكا
أنوار: مفهمتش ياك كتكولي كنبغيك وستخسرتي فية جليدة مزال عاد باغي نتمتع بيك ونتي غير كتهرنني باش نعرف بالصح راك كتبغيني؟؟
أمال: (كل مرة كتصدم وقلبها كيزيد يتعصر) تجوج بية وطلقني
أنوار: نتجوج كااع!!! مزال الحال على هاد الهضرة
أمال: هءءءء عفااك دارنا يقتلوني أنوار الله يرحم مييمتك
أنوار: فية نعاس أمال من بعد ونهضر معاك (ياله غتهضر قطع علييها حط تيليفونو وتقلب جبد عليها بنعسة أما هي بقات تبكي على عينيها طااابو بقات شحاال عاد رجعت لشومبرتها فين لبنات مشاو ينعسو دخلت لبلاصتها عالعادة تخشات وبقات غير تبكي دازت 3 ايام تسنات منو يصوني والو وهي مكتاكل مكتشرب من غير كتصنع قدام لبنات حتى من التكوين مبقاتش مشاتلو وشيماء كانت غير دايرة ليها الخاطر ومنين شافتها مكتمشيش جاتها من الجنة والناس.. )
شيماء: (كانت كتلبس حوايجها وكتشوف فأمال للي مكمشة فقنت ناموسيتها شعرها مخربق وشادة تيليفونها فيدها وساهية كتشوف فسقف) أماال (لا رد.. مشات حداها وجلست جتى فافاتها) باسم الله عليك
أمال: ها…. شنوو!!!!
شيماء: واش متخرجيش من نهار خرجنا داك نهار مبقيتي عتبتي برا كل مرة وباش مريضة؟؟
أمال: مبقيتش حاملة نخرج اشيماء طلعاتلي الزنقة فرااسي
شيماء: ولواااه وداك أنوار مبقيتيش هضرتي معاه
أمال: لا كيهضر وديما كيرغبني نخرج انا للي ما فيااش
شيماء: اممم خاص نمشيو لتاوريرت حتى هند غتمشي لفاس عند جداها
أمال: (بخوف) لا لا منمشييش عندي لقرايا والتكوين لا لا منمشييش غتمشي نتي ياك حتى نتي مكتبغبش تمشي؟
شيماء: ضرووري نمشيو اصاحبتي باش فرمضان ميبقاوش يكولو حكا اجيو متأجييو ندوزووه هنا
أمال: (بلعت ريقها) لا منمشيش
شيماء: ههه اويلي واش هبلتي راه ضروري نمشيو وعاد خوك محمد للي غيجي يدينا ههه نوضي لبسي راه غنخرجو
أمال: (زادت ما بيييها رجعت صونات عليه لقاتو طافي حنا وحل ليها لما فركابي بقات تصوني ووالو مكاينش للي يجاوب ياله بغا تويل دخلت هند عندها وجلست اونفاص ليها)
هند: كنتي تبكي؟؟
أمال: (صرطتها) لا علاش نبكي انا غير كالتلي شيماء نمشيو ومبغيتش
هند: (قوست عينها فيها) مدابزة مع أنوار؟
أمال: لا
هند: امااالكي ازمرة حسابلك مراداش ليك لبال
أمال: (معصبة) شنو غيكون مالي والو راه ملتلك ما فيا للي يخرج واش بالسييف؟؟
هند: (متوقعتهاش منها) اهااه مرحبا (خرجت من تمااك حتى تمت شيماء داخلة)
شيماء: علاش هند مبغاتش تخرج؟؟
أمال: (تأفافت) معرفت
شيماء: مالكلي نتي غير كتعصبي علينا هنا
أمال: (بعصبية) واااا ممعصبة على حد بغيت غير نجلس بووحدي واش نخرج بالسييف (وقفت كتنتر هزت تيليفونها للست بانطوفتها وخرجت برا خلات شيماء غير متبعاها مشات عند هند)
شيماء: يخخ غير معصبة
هند: غتكون دابزات مع أنوار باكما نتي قلتيلها شي حاجة عاود
شيماء: مكلت وااالو
هند: فين مشات؟
شيماء: معرفت لجدها دابا شنو منخرجووش
هند: ونخليوها بوحدها عاود
شيماء: عفاااك اهند قنطت والله
هند: الله يمسخك غير لبارح خرجنا
شيماء: وعفااك علنا ديك الزبلة تعرف غلاطها ونرجعو نهضرو معاها
هند: بفف زيييدي (خرجو خلاو أمال بحال لحمقة غير مقابلة تيليفونو امتى يشعل.. أما لبنات جلسو فقهيوة كيجمعو ويضحكو حتى صونا وليد عليها) انا جااية
شيماء: هضري حدايا
هند: لا ههه (وقفت خرجت) الووو
وليد: فين شدااها
هند: غير خرجت مع لبنات
وليد: فهاد الليل؟؟
هند: (شافت فساعتها) ياله 6
وليد: وااه حتى تفوت لعشا عاد دخلو
هند: ههه لا قبل شوية
وليد: باااز انا نصوني عليك من دابا شي ساعة ولا نص ولا ربع لقاك فدارك
هند: هههه لوااه
وليد: وعيقتي كل شوية كنصوني عليك كلقاك برا تفواج كيكون بلعقل مرة ولا جوج فالسيمانة ماشي كل نهار
هند: (عوجت فمها وهي كتسمع محاضرة من عندو) ها هية ماشية
وليد: هكاااك الله يرضي على بنتي
هند: هههه واخا بابا
وليد: غير توصلي صوني (قطع ومشا حدا زهير للي جالس كيكمي وكيشوف بعييد) شنو مشينا؟؟
زهير: (زاد.نترة حط كاروه فالطفاية ومشاو من تمااك..)
هند: (ياله قطعت ورداتو فجيبها تمشات جهة دلباب حتى كتقشع طموبيلة ديال أنوار نزلو منها شي جوج بنات من اللور عاد نزل حمزة وهو بقات كتشوف حتى تجمعو ووصلو حداها أنوار غير شافها بانت فيه رتابك واخا مبغاش يبين وقف حداها) محسابليش غطلع هاكا
أنوار: (حسابلو أمال غتكون عوداتلها شنو وقع) وكفاش بغيتيني نطلع
هند: أنوار منين نتا مزال عينك تفلى بعد من أمال هاديك راه غير دروييشة وزايد لاسق فيها لزوااج لدرجة سمحات ليك على كاع داكشي للي درتي لييها
أنوار: (يعني مفخبارهمش) هه ايااااو واشتا شتيني ندير باش راك تكولي هاك؟؟
هند: بنيتك! وهاد لبنات؟؟
أنوار: عادي
هند: أنوار الله يخلي ليك مااا عز علييك بعد من أمال هي ماشي ديالهاد تفلية لبنت درويشة وطالبة من هاد الدنيا غير تعاادل متزييدش تمرضها فراسها كتر وااه لبنت كل متبني راسها وتخطط وتحقق شنو كتحلم كتجي نتا ضمرها وطمعها فالأحلام الوردية
أنوار: شو دابا نتي غير كتخربقي انا وأمال مزيانين غير الا بغيتي تمرضيها نتي
هند: (باشمئزاز) مرييض والله
شيماء: (خلصت منين تعطلت عليها هند وخرجت حتى كتلقاها مع أنوار) أنوار!!
أنوار: زين صاافا؟؟؟
شيماء: (كضور عينها) لباس ونتا؟
أنوار: بيييييس
هند: ياله اشيماء (جراتها ومشاو من حداه أما هو دخل عند الشلة) ولد الق*** هو جالس يتسلكط وهي جالسة مفقوسة عليه باينة تفارقو
شيماء: (بقات كتفكر فكلامو كفاش هاد الزين!!!)
هند: (بحال فهماتها) لبنات عندو بحال اللعاب ييييخ كاع لعب علينا دييس ولد لحرام
شيماء: واش شفتيه مع شي وحدة
هند: واه هوما دخلو وهو جا عندي زعما راه مداير واالو مفهمتش معندو غراض فأكال لاش معلقها بييه وشاادها
شيماء: هي تبعد منو.. غتكوليها لأمال
هند: ومالي غنخليها فدار غفلون خاصها توكض ومتبقاش بهلوولة هدا راه يبيعها لعجل وتبقى غير كتشوف يييخ عصبني (صاكت منيرفية لسيتي مع دخلو لقاو أمال جالسة فظلام غير شهلو الضو بانلتهم بشعرها لمنتوف وحنوكها للي بحال مشرطين) ضربك شي حد
أمال: لا كنت نحك وجهي
هند: (ممتيقاهاش) حالتك معاجبانيش هاد ليااام واش دابزتي مع داك زمر
أمال: لا
هند: (جلست حداها) كنا فالقهوة وشفتو داخل مع جوج بنات هو وصاحبو حمزة
أمال: (طرطقت عينها) غيييكون غير كيعرفهم
هند: ههه واش وكلك تقاشرو فييقي ابنتي هداك مصالحش لييك
أمال: (بقات ساكتة شحال كتحس بقلبها كيتعصر) فين شفتيه ديني عندو اهند
هند: حمقة!!! لهلت يحييه ويكمل علييه باش نتي تمشي عندو
أمال: (لعينين مغرغرين) عفااك
شيماء: (غير كتشوف فيها)
هند: لا هي لا ومن غدا غترجعي للتكوين ديالك باش السيمانة جاية غتهبطي لداركم بحرا تهناي منو وتفكري مزياان هو مثالحش ليييك أمااال لا نتي (شافت فشيماء بطرف عينها) لا غيييرك
أمال: فاات لفووت
هند: فاش فات مفاات والو
أمال: (تنهدت وفبالها انا للي عااارفة….)
شيماء: (جلست فركنة كتفكر فأنوار وكفاش كان كيشوف فيها ويظحك معاها عكس كل لمرات أما أمال بين دقيقة ودقيقة كطلق تنهييدة طوييييلة وكتحسر على كواشي للي ضاااع ولمووت للي رجعات قريييبة منها فكرة ان البكرة هي شرف لبنت وهي كوولشي الا تهتكات ليييك بلا راابط ديال زوااج كترجعي بحالك بحال أي جفاف محطوط قدام شس باب قفزها غير صونيط تيليفون شيماء للي تمنات وكان هو لي صوونا..)
شيماء: حم (دارت ابتسامة) ولييد
وليد: شنييولة صافا!!!
شيماء: الحمد الله اخويا ونتا لباس عليك؟؟ كداير مع الغربة
وليد: مزيان جا عندي صاحبي ولد الحااجة
زهير: (كان حال هاز قرعة دلما كيشرب شير علييه بمغطة ديالها)
وليد: ههه داامغك اخويا وفين مشا؟؟
شيماء: اااه سلم عليه تهلا فينا داك نهار اخوويا هو والحااجة
وليد: عادي راكم بحال خوتاتو (دار زهير خسر كمارتو) ههههه
شيماء: ههه مالك غير كظحك
وليد: والو والو خرجو النتائج ولا مزال
شيماء: مزال اخويا يمكن بعد غدا غيبداو يبانو
وليد: نبغي لمونسيو
شيماء: ههه يا ربي غير نجحو
وليد: نعلك مك نوريك غير تنجحي.. شتك مخايفة ما مخلووعة؟؟
شيماء: ههه شوية ولكن أمال بعدا شداها الخلعة ديال بالصح
زهير: (كيتفرج فالتلفازة وطالق ودنييه باغي غير يسمع صوتها)
وليد: متخلع وااالو
شيماء: يااك انا نتخلع وهي لا
وليد: ههه حيت هي باينة كتقرا أما نتي غير الا دزتي فوجه شي حد ولا طحتي فمصحح عور
شيماء: ياااااك اخوويا!!!
أمال: (تبسمت بلا خاطر ونطقت بصوت خافت وباح بكترة لبكى) سلمي عليه
وليد: (قوس عينو) أمال صاافا؟؟
أمال: (معرفتش علاش حسات بلبكى ومكرهتش تعاودلو على لحكرة للي حكرها أنوار وياخدلها حقها منو راه هو للي كيعطيها حنان الاخوة للي مغتلقاش فمحمد وعلي) لباس
شيماء: صبر تلبس فولار وتبان
أمال: (مكان فيها ميهضر وقفت غير كتجر فرجليها دارت شال لواتو مخربق وجات جلست حدا شيماء وميلت راسها) سلام خويا وليد لباس عليك؟؟
زهير: (غير كيسمع شاف فوليد وعرفو كيشوف فيها وزايدها كيتبسم)
وليد: الحمد الله اختي أمال ونتي؟
أمال: (بحزن) الحمد الله
وليد: (وجهها صفر وباين بيهاشي حاجة) مالكي؟؟؟
زهير: دخول الصحة هدا (ضار وليد شاف فيه زعما هنينا)
أمال: (مفهمت والو) والو خويا.. حم بسلامة انا نمشي نݣاد لعشا
وليد: واخا ختي بسلامة وبلاا متخلعي غيكون خييير
أمال: ان شاء الله
زهير: هي ݣالت ماشية تݣاد لعشا ماشي مخلوعة!! وااايلي اوليد مكنعرفكش هاكا
وليد: ههههه شيماء من بعد ونصوني (قطع وشاف فيه) راه بنت عمي هادي اشريف
زهير: بزعطة الا بنت عمك
وليد: هههه لا بالصح حاالتك صعيييبة ابا زهير
زهير: مصعييبة واالو غير متقجرش عليها نتا براسك كتكول عليها حشومية بزااف وكتخرج منها الهضرة بالسيف
وليد: هههه (بقا كيشد فيه وزهير غير كيزيد يتعصب حتى فالتالي قلبوها ظحك وناضو يتعشااو.. أما أمال منين دخلت للكوزينة وهي متكية على لبوطاجي وأكفس الاحتمالات كيطيحو فباالها.. حتى دخلت عليها شيماء قفزتها)
شيماء: أمااال
أمال: (قفزت) زممممر خلعتيني!!
شيماء: هه مالك رجعتي عصبية
أمال: بففف غير سمحولي خايفة منجحش
شيماء: هاااااه وانا كنكول لبنت ماالها انا بعدا كان ممخلوعة داك لمنونخ للي كان قدامي وراني كوولشي بقالو غير يكتبلي فورقتي
أمال: مزيان.. عفاك كادي نتي لعشا انا مفيااش (خرجت خلات شيماء غير كتشوف حتى هي خرجت ماشي نوبتها مطيبش مشات نيشان عند هند ياله بغات دخل وهيتسمعها كتغوت)
هند: ااه مالي غنخااف منك بعد من لبنت
أنوار: (برود) وكان غير مكنتيش عزيزة عندي وكان…
هند: اش عنندك مدير ياكما حسابلك راها سااايبة
أنوار: (كيشيش) دابا غير اش بدلك علية
هند: فعاايلك أنوار نهار اللول قلتيلي بغيتي لبنت وانا عااونتك وبينتلها راك مزيان ودابا بانلي غير كتفلا
أنوار: لا لااا غير كيبان ليك
هند: بعد أمال أنوار
أنوار: نتي مها وانا مفخباريش
هند: انا صاحبتها عارفة خصايل ولاد لق*** داكشي باش مبغيتكش لييها
أنوار: (مكالمي) وشتي دابا كنكول عزيزة عندي ونتي كتخصري الهضرة
هند: (قطعت عليه حيت استفزها بلبرود ديالو بقات فيها أمال ماشي شي وحدة للي خايبة للي تستاهل كلب بحالو جلست وشيماء رجعت اللور مشات لبيت قلبت على أمال مكيناش ومشات لكوزينة تقاد.لعشى حيت مكابن ميدااار ونيت هي للي خاصها تاكل باش تشرب كينة ديال الغلض…..)
فتيحة: اولدي علاش هي شةوف للي بااغيك وغتهز داارك
محمد: وصاافي أمي راه هضرت معااك يجيو لبنات وغنطلعو نرشمو لبنت
فتيحة: لا
محمد: سمو هاد لا!!! راه انا للي باغي نتجوج ماشي نتي
فتيحة: وبانت ليك غير شيما؟؟ راه رداتك نهار المرة اللولة علاش تبغيك هاد المرة
محمد: مي يجيييو غطلعي وهنا سديناها
فتيحة: (دارت يدها فوق راسها) لاااا حولة راه مبغااوكش قلللو منك ومبغاوكش رحال بنتهم راه واخا بنت عمك مداروش بحسااب الدم كما ردوك فاللول يدوك فالتاني هوما مبغاااااوش للي كريب لييهم
محمد: (هضرتها كاع مكيدخلها لراسو باشميديرش بناقص)
فتيحة: هانتا شوف مريم على مزيينها وبااغيااك كتسنى غير تمشي تخطبها متشرط متطلب
محمد: (وقف) تصبحي على خير (خلاها مفقووسة ومشا ينعس)
~~~~~~~~~~~~~
دازت يوماين وكان نهار النتائج فوقو لبنات معطلين وخصوصا أمال للي نعاس رجع بنهار وليلها غير للتخمام ولبكى مع فاقت قلبت تيليفونها واش صونا عليها أنوار وااالو تنهدت ووقفت مسخسخة هزت فوطتها وشيتة دسنان لقات هند خارجة من لحمام مقادة ومأنتكة شافت فيها
هند: مالكي وليتي هاكا هادشي مدرتيهش حتى منين خلاك فالزنقة بوحدك
أمال: والو اهند غير هايفة منجحش
هند: غتكوني دخلتي كوولشي ولكن ديها فرااسك ضعافيتي ووجهك غير صفر
أمال: (شكون باقي سوق لشي وجه)
هند: حتى من لموسطاج ناض ليك غسلي واجي نقاد ليك وجهك
أمال: (معندها نفس تقااد ولكن باش متبينش خاصها دير شنو قالت هند دارت روتينها ومشات عند هند كتسطانع التبسيمة قدات ليها وجهها كامل بالخيط ودارتليها تقشير لوجها وماسك خفيف ديال الألويفيرا وجهها رجع فيه اللون شوية)
هند: اوا عاكا شوية ولكن ضعافيتي الزمرة
أمال: هكا كيوقعلي منين كنتخلع
هند: متخلعي والو وحتى الا بقات ليك شي ماتيير ولا جوج كاين رطربااج وتولي تجيبيهم بنقطة حسن
أمال: ان شاء الله
هند: أماال واش بيك شي حاجة واش داك شماتة دار ليك شي حاجة؟؟؟
أمال: (حركت راسها بلا) اندار واالو
هند: وتفارقتي معاه
أمال: معرفت
هند: مكتهضريش معاه راه داك نهار مكذبتش عليك واالله حتى كانو معاه لبنات ويا عااالم شحال من وحدة مصاحب معاها
أمال: وعلاش ظحك علية انا؟
هند: معرفتش لديلمو نهار اللول عارف مغياخد منك ووالو وبقا لاسق
أمال: (بتنهيدة حركت راسها باه) نمشي لبس باش نمشي لفاك (مشات لبست بالزز منها أما هي مهامااها لا نتيجة لا قرايا خرجو بطموبيلة ديال هند ناشطين معداها للي كتقلب فكل طموبيل بحال ديالو على أنوار وصلو دخلو كان زحام هاد لمرة دخلت معاهم حتى هند مشاو كيقلبو حتى لقاو نتائجهم كانو بجوج دخلو كاع المواد وعاد شيماء فايتة أمال فشي نقاااط بقات غير كتشوف فيها ماشي حسد ولا حقد ولكن هي كاع محفظتش عكس أمال للي عتاكفاات على لقرااايا تبسمت فرحانة ليييها فالاخيير)
شيماء: (غطيير بلفرحة) والله ممتيقة
هند: بالسيف متيقيش راكي غير نااقلة ههههه الالة مبرووك حتى نتي أمال مبرووك عليك
أمال: شكرا حتي هند
شيماء: واش غرتي مني؟؟؟
أمال: انا!!!!
شيماء: كاع مكلتيلي مبروووك كاع متوقعتها منك المسمومة
أمال: تأ زدتي فيييه ياله شفنا نقاااط
شيماء: اممم مفيتاكش ببزاف
أمال: هههه مبرووك عليك والله حتى فرحت ليك
شيماء: حتى نتي مبروووك السوميستر جاي زيري راااسك
أمال: بنقييل ولا لحفاظة هههه
شيماء: ها ها هاااا
هند: كنتي كتقلبي علييها انا يالالة عرضااكم اليوم وبحلاوتكم…
شيماء: ها ها هااا
هند: كنتي كتقلبي علييها أنا يا لالة عرضااكم اليوم وبحلاوتكم
أمال: (كانت مأزمة وعصبية وشيماء زادت عصباتها) بغيت نمشي نسول على هاد لماتييرات للي داخلين ب 10
هند: تعاودييهم ااه عوديهم ودخليهم بنقطة زويينة
أمال: واه نعاودهم
هند: براافو حبيبتي هكا نبغيك
شيماء: هه راه الا مجبتيش نقطة فيهم مويانة غتحسب ليك التانية
أمال: متخافيش علية
شيماء: مزياان (خرجو من تمااك وهند حاسة بامال تقلقاات)
هند: لفااط هي هادي أمال تعياي تحفي دمااغك وتحفضي وتفهمي ونتي وزهرك فالنقااط وانا بالعكس كنحيييك العام اللول ودخلتي كااع للي ماتيير
شيماء: واه صرااحة انا كان معطاني هداك نقل مكنتش غندخل كولشي
أمال: اممم (خرجو ركبو وهي غير كتنهد تعيى تبغي تنسى فضييحتها ومكتقدرش حتى فرحة النجااح مفرحتلهاش وتعاود جوج ماتييرات غير تحدي ديال شيماء للي قللات من نجاحها للي جابتو بذراعها ومنقلاتش حرف منها وصلو لقهوة وخرجو)
شيماء: وااا فكييها
أمال: انا مزياانة
شيماء: غير عكدااهم
أمال: هند واش غنتغظاو هنا
هند: واه ومن بعد نمشيو نتسرااو شوية نشريو حويجااات
أمال: لا غير ديني عفاك لسيتي والله عيييت
هند: اوالله متمشي
أمال: والله ما فيا للي يخرج بغيت ندوش والليل منعستش كاع
هند: لا دخلي (دخلو طلبو لغدا أمال كتعيا تحاول ظحك وكتجي وقيتة تسهى وتمشي لعالم ديالها تحطات لماكلة وبقات غير كتنقب منها.. من شحال هادي كانت كتمووت على شي حاجة سميتها ماكلة ديال الزنقة كتفرح منين تاكل شي حاجة جديدة أما دابا شهوتها غير فوسادتها وكاشتها والدنيا مظلمة علييها..) أمال كولي
أمال: هاني كناكل
شيماء: دابا غير كولي ماالك
أمال: غير منعسااش وصاافي
شيماء: دابا الا عاودتي الامتحان مغتمشيش لتاوريرت
أمال: (بتنهيدة) معرفت
شيماء: (جاتها تبدلات بزاااف حتى سمعت تيليفونها كيصوني ويلي وليد كيصوني ابيل فيديو) ويييلي ولييييييد
هند: (طرطقت عينها) عنداك تجاوبيه مراكش دايرة لفولار شفتي طيراانك والله حتى تحصلي شي نهار
شيماء: أمال معندكش اختي شال
أمال: كاين شي واحد فطموبيبة ديال هند نمشي نجيبو ليك (وقفت هربانة واخيرا لقات وقيتة مع خارحة دوزت نمرة ديال أنوار الي طالعة 15 يوم على داك نهار وقلب علييها قلبة وحدة.. والو مكيجاوبهاش حلت الطموبيل ودخلت جلست متحسرة حتى دموع مبقاوش كيبغيو ينزلو لييها وفكرة انه تكرفس عليها ولاحها بحال شي شرويطة مبغااتش دخل ليها لرااسها خاصو يصلح غلاطووو راه صافي وسخها ومبقاتش ناافعة هزت الشال وجات خرجة حتى كتلقاه كيصووني جازبات بالزربة) الو الو علاش مكتجاوبنييش
أنوار: نتشاوفو اليوم؟؟
أمال: (بارتبااك وخوف وقهر) علاش ياك غتمشي لدارنا
أنوار: لا مغنمشبش لداركم نتي للي غتجي عندي للدار
أمال: انا ماشي شي وحدة للي خارجة طريق باش نجي عندك
أنوار: وصافي احبيبة راه توحشتك اجي نهضرو ونشوفو شنو غنديرو
أمال: (حست بشمتة كبييرة منو) لا منجيش عندك للدار عفااك مضيعنيش كتر من هااكا انا اصلا بغيتك غير تعقد بية وطلقني الا بغييت
أنوار: مزالة معفرة؟ مزاال داك الراس مبغا يتهرس ليك
أمال؛ (بدات تبكي) وعلاش كتنتاقم مني شنو درت ليك
أنوار: مكنتاقمش كنتي غير منخدفوخة وفشييتك
أمال: حرام عليك حراااام عليك الله ياخ(سكتت خايفااه يقطع) هانتا كلتي بغيتي تخطبني صافي غير خطبني
أنوار: (طانز) وقراايتك؟؟ مجاتش تسمحي فيها خلي حتى يكمل العام
أمال: (مدمرة) اصلا مبقات عندي قرااية كولشي ضااع مني (لا رد) عفااك انوار راه غيقتلوني عفاااك انا والله ماذيتك باش دير فية هااكا راه حتى الا هربت مغلقى فين نمشي عفاااك متخليش هضرت ماما تكون بالصح
أنوار: شنو كانت تكول مك
أمال: (بكل ألم) عفاااك أنواار متخليش عائلة تشتت راه غيقتلوني ولي غيدخل الحبس
أنوار: وعلاش نتي غتكوليها ليهم؟؟
أمال: (لدابا مكالش يتزوجها حتى وهضرتو كولها بروود بخال خبشها فصبعها صغير ماشي تكرفس عليها… تعصبت ونفاجراات) نتا كلتيلي غتجوجني نتا للي ضيعتيني صلح شنو درتي.. نتا (كتشجع) نتا شماااتة علاش تشربني داكشي باش تكرفس علية الله يااخد فيك الحق مكديتيش علية وانا فايقة شديتيني بالسيف وانا ناااعسة (سمعت طيط طيط عرفات قطع كانت معصبة بزاف.. شافت فالتيليفون بحال كتشوف فيه) الله يعطييك مصييبة الحماار والله منسمح لييك (شافت الناس كيشوفو فيها حنات راسها وعطاتهم بظهر كتمسح عينيها بداك الشال للي فيدها عاد دخلت عند لبنات مدات الشال لشيماء) انا جااية (دخلت لطواليط وشيماء عودات صونات على خوها…)
أمال: (مشات للحمام شافت فلمرايا بعينين ذابلين وقابها كيزدح ردات داكشي كامل للي كلات غسلت فمها ووجها وبقات كتمسح بوجهها ممسوقات للإيتيكيت شافت عينيها للي مبقاوش حومر ولكن وجهها صفر وناضو حبيبات فيها حيت قطعات تخيتمون للي كانت متبعة خرجت عندهم كدخل زغيبات ودازت من مورا شيماء للي كان وليد داير ابيل فيديو مع ختو وزهير جالس حداها كيحسب فشي فلوس ومن حسن حظو شافها)
شيماء: ها أمال جاات ولكن معجباتهاش النقطة ديالها
وليد: المهم هو نجختو
شيماء: هههه انا كاع مكتكولي هاكا
وليد: (خرج عينو حيت عرفها شنو كتبغي تقصد) برااكة من لبساالة
زهير: (بشوية) منجحاتش؟؟
وليد: دوزيهالي
شيماء: (مرضياش دوزت ليها التيليفون وخصوصا قدام زهير ولبنات) يخ شحال فيه قميع
هند: تستاهلي
أمال: (حشمت) حم سلام
زهير: (حط لفلوس وكيشوف بطرف عينو وكيتصنت)
وليد: اهلا بنت عمي مبرووك النجاح
أمال: (تبسمت) الله يبارك فيك اخويا شكرا
وليد: شنو معجبكش فالنتائج
أمال: انا حفظت بزااف واحد جوج ماتييرات فيهم 10 وانا كتبت فيهم بزاااف
وليد: عاوديهم
أمال: وا داكشي للي بغيت ندير وخفت منجيبش نقط زوينة فيهم
وليد: شنو هوما لي ماتيير.. (بقا مجمع معاها وهي لقات لليي يفهمها حيت كان نفس لبرونش محسات براسها غير كالت)
أمال: كينجحو غير صحاب نقيل ههه
وليد: هههه اودي هااادوك كنا منهم الله يسمحلنا
شيماء: (ميقت فيها) بصحتي
أمال: ههه ماشي علييك والله
وليد: عارفك يا نقيقيييلة
شيماء: (شقلبت عينيها) بذراااااااعي شحال فيكم حسد
وليد: معرفت علاش غنحسدووك هههه
أمال: ههههه
شيماء: يا ختي عاد شفناك كظحكي
هند: (غير كتشووف وكتسنى واش يسول فيها ولا لا)
وليد: متقلقييش رووحك
زهير: (غير كيسمع صوتها ويميل راسو ويعاود يرجعو اللور باش يخطف شوفة فييها)
شيماء: (محملتش راسها) حتى انا راه حفظت
أمال: هههه (شافت فشيماء) راه غير نظحكو معاك اشيماء
شيماء: نتي محملتينيش حيت انا جبت حسن منك وبينتيها
أمال: والله مهكااك (شافت فوليد للي فوج عليها شوية) انا مقصدت واالو
وليد: شيماء متكونيش مبرهشة
شيماء: ياله نمشيو اهند
أمال: بسلامة خويا وليد شكرا بزاف حيت سمعتيني
زهير: (قوس عينو فيها وحس بيها ماشي نورماال واكترية منين قالت شكرا حيت سمعتيلي!! علاش واش مكابنش للي كيسمعلها؟؟؟؟)
وليد: متديش على ديك لهبيلة
شيماء: ياك اخويا انا هبيلة دابا
وليد: ختي أمال تهلاي فرااسك ومبروك النجااح دابا نصيفطلط موضوع حفضيه
شيماء: (حست بخوها مبغاش حتى يشوف فيها)
أمال: شكرا خوبا وليد وسكحلي حيت صدعتك
وليد: حمقة راني خوووك.. بسلامة
أمال: (تبسمت) بسلامة(قطع ومدات لشيماء تيليفونها) شيماء انا عمرني غرت منك زعمري نغير منك هادي غير دخليها لدمااغك انا نيتي ما فيهاش تخلويض من جهتك باش نغير منك ةلا نحسدك على شي حاجة بلعكس كنفرح ليك وديما نفكر الا وحدة فينا لقات شنو بغات هداك هو المهم وفرحتك من فرحتي غير هني رااسك اخر وحدة نفكر نغير منها…
هند: (من بعد مقطع بقى فيها الحال ماشي حيت شد مع أمال الهضرة ولكن حيت مسولش فيها وعارفها جالسة معااهم أما أمال عطاتهم بجوج كلام دخلوه فدماغهم هي كتعتابرهم خوتاتها اخر وحدين ممكن تفكر تغيير منهم شافت فشيماء للي ديما دافعة الجبهة وتعربط على شيماء وفالتالي كتبقى ترغب أمال باش تصاالح معاها) نمشيو؟؟؟
أمال: عفاك ديني لسيتي عييت
هند: لا غنمشي نشريلكم كادووات
شيماء: ياااي شريلي المكياج
هند: الكادو مكيتشرطوش فيه الناس البكرة
أمال: (تبسمت بغير نفس وكلام أنوار كيتعاود منين كالعا نتلقاو فالدار يعني صافي تقبها وسرح طريق ودابا بغا يبقى يعاشرها بحال راجلها بلا زواج غير كتصووط ولبنات مجعدين الشعبي كيتمزكو عليه وقفو فالسونطر ومشات عند واحد ذهايبي وهي ختارت 3 ديال كورميط سامبل وزوينين كيتشابهو تاواات وتشاطرات معاهم وخداتهم ركباتو ليهم فجو الظحك خرجو فرحانين بيهم أمال شافت فيدها وتبسمت)
أمال: شكرا بزاف من ديما كان يعجبني
هند: بصحتك حبيييبتي والا دخلتي هاد جوج ماتييرات بنقطة زوينة غنزيدك كادو
أمال: بالصح؟؟
هند: والله ههه
أمال: لهلا يخطيييك اختي
شيماء: (عنقاتها) نتي لحووووب هادو هوما لكادوات والا فالا
هند: (بقاو كيتمشاو خدات شي حاجة باغاها وحتى شيماء شرات الا أمال للي ىاسها ماشي فهادشي واخا هاد نخار فوجت شوية وعرفت راه مزال لاقي ولاد الناس للي كيعاملوها مزيان ها وليد ها هند شوية طرطقت عينها بحال تفكرت وخبرت هند)
أمال: واش الحقير للي كتهضري معاه هو وليد ولد عمي؟؟
هند: ههه لا
أمال: (تبسمت زعما عابقة بيك) هواااااااااا
شيماء: علامن كتهضرو
هند: والو هاد.بنت عمك راها بدات تخرف
أمال: (لوات راسها) امممم ههه والله انا مكلخة ههه انا مكلخة هادشي علاش كيوقعلي هاكا
شيماء: شنو وقعلك
أمال: (بقةت متبسمة) كولشي مهم ياله نمشيو
شيماء: ولا مزاال الحال ياله نمشيو لشي قهوة ولا نمشيو سعيدية
أمال: (بحزم) لا… الا نتوما بغيتو تمشيو لتماك انا ردوني ل.. (قشعت أنوار جالس مع شي وحدة فالقهوة طرطقت عينها كانت مديراش الزيف ولاينة زعيعرة سرطت ريقها وتمشات بشوية ولبنات متبعينها حتى وقفت حداه شاف فيها وأمال ضارت شافت فلبنت للي كانت زوييينة رجعت شافت فيه) وأنا!!!
أنوار: (زفر وشاف فأمال ببرود) نعام!!!
أمال: واش هادي صاحبتك؟؟
أنوار: (شافت فلبنت للي هازة حاجبها فأمال وكطلعها وتهبطها) أنا جاي (وقف وجر أمال من ذراعها بنتير اللحظة للي هند لاحت الساشيات للي فيدها ومشات نتراتلو يدو)
هند: حااايد يدك على لبنت
أنوار: نتي مدخليش (شاف فأمال) واش نتي مريضة الي واقفة علية هاكا؟؟
هند: (جرت أمال للي غير مطرطقة عينها وجات قدامها) ااااشرييف هضر مقااد مع لبنت ماشي عي مواعدها بزواج وعاطيها الخاتم ودابا لقاتك مع وحدة اخرى وغتجي تزغرت ليييك
أنوار: مكنهضرش معاك نتي
هند: وانا كنهضر معاك نتا وهادي لالااك وتستااهل سيد سييدك
أمال: (بخوف) هند ياله نمشيو
هند: لا مغنمشيوش حتى تقوليهالو فكماارتو باش يفرقك
أنوار: (شاف فأمال) وهضري ݣوولي فرقني!!!
أنوار: (شاف فأمال) وهضري كولي فرقني!!
أمال: (شافت فيه بترجي وهضرت بشوية خايفة يفضحها قدام الناس) هند ياله نمشيو اختي
أنوار: ياله هضري.. هند زعما كنشوفك بنت بعقلك
هند: سمع أنوار فك جرتك مع هاد لبنت وسير قلب على راسك فجيهة اخرى
أنوار: أمال اجي
هند: ههه واش نتا مريض مجايااش متشوفهاش نية وتبقى دير فيها راك رااجل
أنوار: (قربلها) خلييك عزيزة ومتخليتيش نمد يدي عليك
أمال: (كتجرها) ياله اهند نمشيو عفااك
هند: (زادت من نبرة صوتها) هههه قيس لا غير مد يدييك باش نقطعها لييييك ياكما كيحسابلك ساايبة ولا الدنيا كدوور علييك
أنوار: (الناس بداو يشوفو) سير فحاالك حسن ليك ونتي أجي هنا الااااا كنتي باغا شي سترة
هند: بزاااف على مك اشمااتة للي تسترها سير ستر غير **** عاد قلب تستر شي ق*** أما هادي لالللاااك وتاااج على رااسك
أنوار: (عصباااتو ومرضاش قدام الناس محس غير جبدها من لكول ديالها) غتقلبي عل.. (قبل متكمل طارت على وجهو بلقميش وامال كتجبدها دفعها ورجعات لعندو دخلو الناس كيفااكو وحتى أمال كتفك وشيماء حتى هي منين بغا يضرب حتى هو حيت كان غير كيدفعها دخلو رجال شادينو غير بالسيف) وااااا بري حتى نكلع لمك عينييييك نوريييك تهزي يدييك على سياااادك
هند: (شداها أمال وشيماء) مانعك شي واحد زييد ياااله زييد ولا فيك غير الشفوي
أنوار: (كيتنتر باغي يمشي عندها وربي كبييير واكترية منين بدات تعايرو وشافها لبمات كيجرووها) أمااال اجي هنا
أمال: (ضارت شافت فيه بحزن) نتا ما فييك تقة ندمت على نهار للي عرفك فييه
أنوار: (بسعرة) ااااااجي ولا بربي مكاين جواج ونخلي مك هكاااك معلكة ميقبل عليك حد
أمال: (بدمووع خافت يزييد يفرشها شدت فذراع هند للي كيجروها تمشي حتى وقفو لبوليس كيستفسرو وحتى واحد معطاهم جواب من غير مانو مزال كيتسابو)
بوليس: (شاف فلبوليس لوخرين) جمع علية هادو ياااله فرقو علية هاد الجووقة (مشا واحد عند أنوار جارو)
أنوار: (بعصبية) وطلق مني ابنااادم
هند: (جارها واحد) زيييد ولا مقااادش على حبيبييييس
أنوار: (كتزيد تستافزو كيبغي غير يمشي يبرد فيها لغدايد متهنى حتى مينطووه أمال كتندب ومشات كتشد فهند ولبوليسي كيبعدها)
أمال: راه انا معااها عفااك طرملها هي مداارت وااالو
بوليسي: جر حتى هاد خيتنا (كيهضر مع الناس) يااله فرقو علينا هاد جقلة
شيماء: (خافت وبقات مبعدة شافت هند وأمال داوهم لبوليس وأنوار مينط كيعربط غير طلعوهم مشات كتجري حتى هي) راه حتى انا معاهم
لبوليسي: واش حسابلكم غتمشيو تحوسو كل شوية خارجة وحدة
هند: سيري اشيماء جيبي لفلوس
لبوليسي: (ضار عندها) ياااك الالة واليوم غتباتي تكلاصااي
هند: الحبس لرجاال كيت للؤ مقاادش عليييه (أنوار غير كيصوط مراضييش وكااره روووحو عمرها كانت على لبال ومينط مولاش عضر محافظ على أعصابو حتى يشوف شنو غيديرو معاهم أما أمال ميتة بالخوف والخلعة وبانت فيها لدرجة كترجف بووحدها وهند كترجف ولكن عليييه سدو عليهم صطافيط وزادو بيهم للكوميساريا…)
أنوار: (جالس مغدد شاد فمو غير بالسيف يديه اللور مينطين وقدامو لبنات بتلاتة هند كتشوف فيه بتحدي وشيماء كتشوف فأنوار أما امال حانية راسها كتولول على زهرها لعوج الا مشا حتى فرشها مع لبنات تنتاحر ومتبقاش حية تشوف فعينييهم ديك الشوفة ديال الشفقة وهادي صافي راه ولات مرا وبلا جواج هزت راسها منين سمعت صوتو) هادشي لاش باغا توصلي
هند: (كتعوج) شكون نتا للي تهز يديك علية وزايدها كتبوومبا على لبنت كبرنالك الشااان
أنوار: داكشي بيناتنا أنا وياااها
هند: لا نهار اللول دخلتيني حتى انا فهادشي وقلت ليك لبنت ماشي ديال تمرمييد قلتيلي غنتهلا فيها قلت ليك لبنت هاد لمصاحبة راه فوق جهدها قلتيلي عادي مرحلة باغي غير نتعرف عليها ودابا جالس بحالة شاد سماء بصبعك
أنوار: (كيصبر راسو باش ميباتش ويترونجاو) انا وأمال هاد لوقيتة مفارقين علاش مݣالتهالݣمش
أمال: (شافت فيه بحزن) لا ممفارقينش
أنوار: ياك نتي مبغيتينيش نخطبك شنو غندير معاك مشيت كتقلب على راسي فقنت اخر
أمال: (حست بيه كيلوي ليها ذراعها كفاش عطاه خاطرو يكول هاكا واش كيتسنى منها تقولهم راه تكرفس علية ومبقيتش بنت شافت فيها هند)
هند: واش نتوما مفارقين؟؟
أمال: (حسات بالضيقة) ياله نمشيو
هند: فين غنمشيو مزال غنبقاو هنا هضري واش تفارقتي معاه (بانفعال) وحتى وتفاارق شكون نتا للي تجرها هكاك وتحكم ياكما حسابلك الدنيا كضوور عليك راه جاها سيييد سيدك وهي بالوفااء ليك مقبلتش
أمال: هنننند
هند: شنو هند نتي للي مقبلتيش بيه وحتى دابا مزال الحال
أنوار: (عينيه خرجو وشاف فأمال كيخنزر) فهمتي دابا علاش
أمال: (بقات غير كضور عينها وكتدعي يا ربي غير ميفرشنيش)
أنوار: هند مكاين لاش الشووهة انا رااجل غنبات هنا وعندي هانية ولكن نتوما لاش
هند: لا لا هااانية غير متهزش لينا الهم
أنوار: غتوصل لدارهم خوتهم وعائلتهم
أمال: (بخوف) لا لا ياله نمشيييو
هند؛ جلسي راه مغتوصلش
شيماء: لا هند نمشيو اختي راكي عارفااهم كدايرييين
هند: تسني عمرك تقرب ليها
أنوار: راه هي للي جات عندي اما انا كنت جالس مع لبنت طرونكييل
أماال: (حلم باش يسترها تبخر) عفاك اهند تخنقت هنا (حطت يدها فالجعة ليسرية فوق قلبها للي كتحس بيه كيتعصر) ياله نمشيو
أنوار: (شاف فحالتها هكاك بان فيها الضعف وتحت عينيها بقا كيكحال) معندكم مديرو هنا
هند: حايد عينيك عليها ياك تفارقتو
أنوار: (قلب وجهو ورجع شاف فهند وهو جا لبوليسي دخلهم هو ويااه لقاو الظابط فك لأنوار لمينوط وبقاو واقفين بجوج)
….: (قرا علاش جاو وشاف فيهم كانو نقييين ماشي شي وحدين للي مقطعين ولا مشرطين) شنو واقع بيناتكم
أنوار: سوء تفاهم اشاف
هند: لا هو بغا يضربني
أنوار: (مرضاش يقول حتى هي بدات ضرب.. بقا لاخر كيسول على سميات وفين خدامين وشنو سباب علاش جاو)
هند: يسني باش عمرو يتعرضلي انا هنا ساكنة بوحدي بعيدة على عائاتي وخفت على راسي
أنوار: راه شهود ديال القهوة شاهدين نتوما للي جيتو عندي (بقاو مني منك وأنوار مهدن رااسو مفيه للي يجبد على راسو نحل وباينة هند ماشي شي وحدة للي غدوزها بالساهل لاخر ملقى حتى شي مشكل خطا ليكارت ديالهم بجوج كتب شي تقرير وصيفطهم بحالهم حيت ماشي شي وجهوه للي شرانيين وللي يخليهم يباتو خرج وضهس فأمال للي كانت غطيح غير شداتها شيماء وهند كانت ياله خارجة بشوية مقادرة دير واالو..)
هند: أمال هاد شماتة متبقايش تعرفيه خوااف لاخر
أمال: (حركت راسها باه وشيماء غير كتشوف بقات فيها بنت عمها)
شيماء: ياله نمشيو من هنا
هند: لكلب لاخر عصبني (خرجو من تماك قلبوها ظحك من غير أمال للي واكلة الدقة وساكتة شدو تاكسي لبلاصة فين خلاو الطموبيل ركبو فيها وزادو أمال مرة اخرى الا وقف عليك تبقاي تغوتي حتى يتجمعو عليك الناس دي مو فبن يتربا راه خواااف ميغركش صدرو لي كينغخو علينا راه قبيلات بقالو غير يزاوك باش نفضيو داكشي)
شيماء: اصلا منين وصلتو لهاكا مبقات هضرة بيناتكم
هند: معلوووم يمشي ي**** شماتة لاخر عيفة رجااال وميبقاش فيك الحال هانتي عرفتيه دابا على حقيقتو
أمال: (غير كتسمع ويا ريت سمعت وعرفت هادشي من شحال هادي ولكن داابا راه ضيعها ومكاين لل ييسترها من غيرو شككون هاد الراجل للي يقبل على وحدة بحالها عاد.ويعرفو عائلتها راه متزيدش تنفس مرة اخرى ضااقت بيها الدنيا وصلو وهبطت قبل ميهبطو لقاوها كتمشي بالزربة)
شيماء: بقات فية
هند: خليها بوحدها شوية ونتي شفتييه راه ما فييهش الخير هادي راه كنا يبغيها يا حسرة وفالتالي معقلش عليها
شيماء: موحال واش عمرو بغاها
هند: بحاال والو تفو لكلب لاخر عصبني الله عطيييه موصييبة….
دازت سيمانة على داك نهار هي مولاتش صونات ليه وغير بالسيف عليها كتبرك على راسها انه صافي تسلات مسرحية حبو وطلعات لكتابة… وهو اصلا قطع كلامها من ديك الليلة حياتو بين الخدمة وزهو ودارهم كتجييه للبال ولكن داكشي للي دارتو ميتنسااااش واخا العقاب للي عطاها كبيير ومبااااالغ فييه… كانو لبنات واقفين كيتسناوها حتى خرجت من باب لفااك جات عندهم كتجر رجليها
هند: امدرا
أمال: دوزت مزيان
شيماء: اوا ياله بالزربة باش نجمعو لحوايج خوك مبقالو والو ويوصل
هند: حتى انا شوية ونشد طريق غتمشي معايا واخد لبنت غتونسني.. (ركبو مع هند مشاو لسيتي كملو جميع لحوايج غيكشيو يجلسو شي 15 اليوم باش يرجعو ورمضان غيدوزوه فوجدة هاربين من تمارة ونكير ونيت هند دوزو معاهم)
شيماء: هاديك للي قدات لينا لوجه لبارح سرعااتو وامال بان فيها
هند: حيت مكانتش كتهلى فراسها بزااف هاد الأيام
أمال: (ممسوقاش وكان ماشي لبنات للي جروها بالسيف مكانتش تمشي معاهم مبقى عندها خاطر لحتى حاجة مبقات كتجمع مع لبنات حتى من ماكلتها رجعت قليلة وهوما دارو ليها الخاطر على أساس راها تفرقات مع أنوار أما هي همها غير أن شي حاجة ديالها أنوار دار الحيلة باش خداها بالسيف عليها وبلا علمها وهي أغلى حاجة عند كل بنت..)
وليد: (صونا على غيثة للي رجعو كل مرة كيهضرو كتر من للي كانو) شديتي طريق ولا مزال؟؟
هند: مع 3 كنتسنى غير لبنت للي تمشي معايا طلق من الخدمة
وليد: مزيااان حتى ختي كتقرا فوجدة غترجع لدار
هند: (أول مرة يهضر شيكاء للي كانت مستغربة عمرو جبدها) ااه هي كتقرا هنا
وليد: (عيبها) وااه كتقرا تمااك زعما هادي معرفهاااش
هند: هههه لا صراحة عارفة
وليد: بغيتي ترديني برهوش ونمشي عند ختي صغيرة نسولها عليك
هند: لا لا مديرهاش
وليد: شهر ونجي للمغرب
هند: (ضرب قلبها) بالصح؟؟
وليد: مخصووص لييك
هند: (معرفت تفرح ولا تخااف وفبالها كتسائل واش ولفني لدرجة الا عرفني انا هند يبغيني يكمل معايا! يقبل هاد لكدوب؟ )
وليد: تقطع ليك لسان عاود؟
هند: ههه خفت
وليد: وانا ولفت.. ولفتك اغيثة بزاف سمية ديال غيثة وليت كنطقها بحال كنعرف مولاتها شحااال
هند: والا معجبتكش
وليد: فاش متعجبينيش؟؟
هند: معرفت كل واحد وكفاش كيشوف الزين
وليد: وصيفطي تصويرتك باش بلا منتعذب راه رجعت خدام غير على الطيارة ههه
هند: ههه بااز على هاكا غنخلييك تعذب وتجي لعندي
وليد: ونجي على حسااابك ونفووتها علاش لالة غيثة رخيسة عندي
هند: (تبسمت فرحانة وكلامو شحال كيخليها طااايرة وبكترة الفرحة حتى كتبغي تقولو شكون هي وكتحبس خايفة بغات تحكو أمام أمر الواقع تشوف ردة الفعل ديالو تهضر وتبرر ليها التيليفون مكافيش لهادشي) ها لبنت جات
وليد: (تبسم من حشمتها) واها سيري وصوكي غير بشوية وتبقاي توقفي مرة مرة كتبيلي فين وصلتي وانا غنبقى نصوني عليك
هند: واخا.. بسلامة (قطعت وعينيها كيبريو رجعت لشومبر لقات لبنات لبسو حوايجهم وجارين باليزاتهم شافت فأمال للي باينة نحملاش تمشي) منين نكون راجعة غنجي لعندكم
أمال: بالصح؟؟
هند: هه والله
شيماء: احسن حاجة ركبو مع لكار غير يفوت شوية ركبو معاك
هند: اهاااه حتى هادي فكرة ونتي أمال شغلي راسك منين تكوني بوحدك دوك الدروس للي غيفوتوك غيصيفطوهم ليك
أمال: واخ…
زهير: (وقف مربع يدو كيدور عينيه للي فرحانين فالمحتل للي كمل كما بغاه الطبقة اللولة فين غيكون المكتب ديالو كولو مقاد بالزاج وحتى من درووج جايين بشكل زويين رخام وزاج الطبقة فين واقف ديجا كانت مزيانة قاد ليها غير سباغة ديال مرجاانة هبط لكااف كانو دروج غير ديال رخام شعل الضو للي قادو بسيبورات فالكبص وأنتك داكشي فدقادو تقريبا بحال لفوق.. طلع فرحان الخطوة اللولى ها هي كملت بقا يعمر المحال ويجيب الأثاااث للي مزال مكمل حتى ربع فييع وضرووري خاص للي يعاونو فديزاين أما الا جات عليه غينزل كولشي مخربق خاص للي يقادلو داكشي بالتاويل وعاد خاص بلاكارات فين يستف شي ميعنات وخاصو شي لافتة برة تخلي الناس تنتابه طفا ضواو هز لكاسط ديالو وخرج من تماك مطرق لمحال ديالو وفرحان بييه دارو على راسو وركب فوق الموطور للي شرا باش يبقى يديباني راسو على نياخد شي طموبيل.. ياله غيقلع وهو قشع أنوار خارج من لهري للي غير شافو قطع عندو) فيين
أنوار: ماشي للدار؟؟؟
زهير: واه نمشي (بعينين ناعسين) يوماين منعست اخويا مع الصباغ
أنوار: هههه باش تجيب للي يحك ليك الحيط جالس كضرب تمارة
زهير: واش فيها خدمتي وكنعرفها وزيد يا جدك درهم خاص نعرفو فين تحط
أنوار: اممم.. نخرجو لعشية
زهير: نشووف
أنوار: انا شوية ونجي للدار (قربلو) لبارح خليت واحد ختنا ناعسة وجيت للدار وراني مطرق عليها لباب
زهير: سيييير على الله (ديمارا وزاااااد مخلي غير الصوت من موراه أما أنوار ركب ومشا للدار للي كاري هو وحمزة قبل شرا بيتزا وعصير حل لباب لقاها جالسة طالقة رجليه فوق السداري كتفرج وشعرها مكريبي كانت نفس الزعرة للي جات من فرنسا عندو نيشان كان كيهضر معاها شحال لفلفاايس دخل وسد لباب)
أنوار: الزيين جعتي؟؟
آية: (بدلع) شيي شوية وصاافي
أنوار: (حط كرطونة وناضت هي كتعلق فيه وتبووس حتى بدا يعري فيها وهو يصوني تيليفونو حبس وهزو من سرواالو كيمسح فجناب فمو ريقها وفنفس لوقت ملوي يدو على خصرها) وي
الكاملة: ولدي مغتجيش تغدا؟؟؟
أنوار: لا عندي شي غراض
أب أنوار: (خطف ليها التيليفون) أنوار شمن صوالح عندك
أنوار: (لوخرا كتبوس فيه فوجهو وعنقو حتى كيتهر) كارت كيشي تسرطاتلي وكنتسنى نجبدها (لوخرا ضحكت وأنوار حط يدو على فمها ولكن أب أنوار سمع شي حاجة وشك)
أب أنوار: اجي تغدا بااتي ورجع ليها
أنوار: راه مصالحش الا باغيها
أب أنوار: هاحنا نتسناو فيك (قطع ولاخر تكره)
أية: (هضرتها أغلبية بلفرونسي حكم تولدات وعايشة تماااك) متقوليش غتمشي
أنوار: (باسها فحنكها) ضرووري ولكن نعوضوها فلعشية
أية: أنوااار انا باغية نسافر جدة سيمانة وانا فيها بغيت نمشي للأطلس أفران ازرو خنيفرة
أنوار: من اللول كلتلك سفر مصالحليش الخدمة هازها غير أنا ازيين
أية: (بدلع) غيير يوماااين
أنوار: (حيد يدها من خصرو بلبااقة وقرس حنكها) رجع ونهضرو (هز سوارتو) مغنسدش علييك (خرج من تماك مزروب هز طموبيلتو وفبلاصة ميختاصر طريق مشا من جهة ديال دار الطاالبة للي قشع أمال واقفة بشانطة ديالها هي وشيماء للي دايرة الزيف ولابسة طويل عكس كولف يشوفها أما لوخرا غير حانية راسها هز تيليفون ياله غيصوني حتى وقفات حداهم بارتنير غير ضرب الشوفة بانلو محمد خو أمال هز شوانطهم وركبو متبعهم بعينين حاقدييين على أماال للي من نهار عرفها وهو ماشي هو…)
محمد: كالي وليد هاودي شي مواد وكنتي مدخلاهم
أمال: واه
محمد: مزيان
أمال: (خافتو يغوت عليها ساعة صدق العكس بقات كتشوف فالدنيا وجدة جاتلها فرحانة ودابا رجعات منها مكسووورة وأهم حاجة مهتوووكة… شافت فخوها كفاش كيخطف الشوفة فشيماء للي قالبة وجهها وكتشوف فطريق حتى صونا تيليفون خوها)
محمد: وا نعاااام
شيماء: (ضارت كتميق فيه) فففف
محمد: هاااا.. (وقف الطموبيل على جنب) فوكاش دشي عاد كانت لبارح صحة سلام.. لا حولة ولا قوة الا بالله العلي العظييم… هاني فطريك كربت نجي… واه واه معايا.. وفينها مي… صافي كطع انا ساعة ونص تلكاتي وصلت نشاعلله (قطع وضار شاف فأمال) راه ماتت حنا
أمال: (بقات غير كترمش) ماتت!!
شيماء: مسكييينة الله يرحمها
محمد: (زفر كيهضر بصوت غير مسموع أما أمال غير كتشوف وكتحاول تفكر هاد حنااها للي ديما كانت كدير التمييز وهي أكبر محرض لمها منين حيدولها الوالدةكانت كتعيط لأمال غير بالمصيبة وديما كانت تكول لفتيحة وكان مولدتيهاش ةكان راكي باقية مرا كما لعيالات وفتيحة كتجي تفش غدايدها وحكرة مها فبنتها.. واخا هكااك حزنت عليها وتكنات حتى هي تمووت وتهنى من هاد الدنيا للي ديما غتعيش هاكا خواافة فاااشلة معندها حتى دور فالمجتمع وللي جا كيمسح رجليه فيها وزاد أنوار كمل الباهية تقبها وخلاها بحال شي وحدة مكيعرفهاش بقات غير كتنهد.. وصلو للدار)
محمد: صافي طلعو نتوما للدار انا بلاتي ونطلع شوانط
شيماء: واش غتمشيو تعزيو فالدار
محمد: واه بلاتي ونجيبكم حيت يممن كولشي مشا مهم طلعو (دخل للمحال وهوما طلعو بشوية)
شيماء: ختي أمال البراكة فراسك
أمال: (بتنهيدة) ممشا معاك باس اختي
شيماء: اجي طلعي معايا متبقايش بوحدك
أمال: بغيت نعس (حلت لباب كان مفتوح دخلت وخلات شيماء غير كتشوف فيها كان علي تماك دخلت نيشان لبيتها حيدت شالها ومونطوها وتكات فوق النموسية عيااانة كتحس برووحها مسخسخة ماشي هي هادييك…)
~~~~~~~~~~~~~
زهير: معلووم غنمشي ما كنت نبغي نديها ولكن عيااانة
وليد: الله يحفظظظظك ابا زهير
زهير: اودي زهر كنت ماشي نخطب ودابا ماشي نعزي
وليد: ههه عارفك مكطع لورااق عنداك تمشي تخطب لبنت ونتا كتعزي
زهير: اودي بغينا غير رشموها غير دوز وقيتة ونمشي نهبط عندهم
وليد: مزيان اسيدي الله يكمل بالخير خييير مغااا تدي…
~~~~~~~~~~~~
أنوار: (جالس كاااعي خلاهم كملو هضرتهم وشاف فباه) شوف الوقت ابا وياله نمشيو عند لبنت
الكاملة: باغي دير غير لي يفقس مك
أب أنوار: ومنين السيد نوا المعقول نتي تعكسي
الكاملة: مندخلوش برااانية على الدار
أنوار: مهم هاني كلت ونتوما ديرو للي بغيتو نهار تفكرو وتبغيو ياله نشدو طرييق لتاوريييرت….
فتيحة: (داخلة كتبكي لدارها) عللي وااا علي زيد اولدي راه غيصليو على حناك ظهر ومتلحݣش عليهم
علي: (خرج لابس دوك جلالب ديال وزاان سخانين) واه واه هاني نزرب بااركة من لبكا أمي
فتيحة: مشاااات الغالية يا وليييدي (شافت أمال خارجة خلعتها نساتها واش كاينة) جيتي نتي.. وحدك للي مشفتيش حناك ومتسامحتيش معاها
أمال: (بلا نفس تنهدت ومشات تسلم عليها) الله يرحمها اماما
فتيحة: (ميقت فيها) هزي بيجامتك وزيدي راه بنات خلاتك كاملين يبكيو ويشقااو ورينا شقاك للي كنتي ديري عند نعيمة
علي: سمعي نتي والله ونلݣاك خارجة من الدار لهييه حتى نحر جددك
أمال: (بخوف) هاني لحݣ عليك أماما
فتيحة: (شدت فذراع ولدها ومشات كتبكي) مشااات يا وليدي حنااك وبقيينا خلا كانت تبغيييكم بلاوااالي (بزاف)….
أمال: (حتى خرجو عاد رتاحت سمعت تيليفونها كيصوني مشات كتجري على أساس هند حتى كتلقى نمرتو طالعة بلا سمية ولكن حافظااها قلبها ضرب فل100 وكولشي ترون عليها محست غير جوباات) االو
أنوار: مشيتي بلا متعلميني
أمال: (طارت سدت باب بيتها وكتهضر بشوية) شنو
أنوار: مشيتي فحاالك ومعلمتينيش
أمال: (غوبشت) كتفلى علية
أنوار: (جالس فبيتو متكي) السيمانة الجاية وجدي راسك
أمال: (قلبها ضرب) علاش
أنوار: غنجيب دارنا ونجيو عندكم ولا صافي مبقيتيش باغية
أمال: (عينيها دمعو نورمال تكون فرحانة حيت حبيبها للي كانت متبغيه جاي يخطبها أما داابا باغااه غير يسترها أما المشااعر من جيبهتو كاين غير الغضب والشمتة والحكرة حتى كتبغي دعي عليه وكتوقف حيت هي السبب هي للي تاقت فيه مرة اخرى من بعد مدارها بيها..)
أنوار: (هنا كتعصبو كيفهم غير مباغياش) ياكما ݣلبتي الشوفة فقنت ااااخر
أمال: (نزلت دمعة وحدة من عينها) واخا
أنوار: وماالك كتݣوليها مفرحاناش ولا ندير بنااقص!!
أمال: لا عفااك هانتا نديرو الكاغيط ومن بعد طلقني
أنوار: (هنا كتشعلو) ههه ياك باغا ديريني ݣنطرة باش ديري ما علييك
أمال: (مفهمتش) ها
أنوار: خطبتك بعدا باش تفكري فطلاق
أماال: (بحزن) علاش أنوار تكرفستي علية ياك كنا غتجوجو علاش درتي هكاك
أنوار: (زفر) مدرت والو شنو درت؟؟
أمال: تكرفستي علية
أنوار: معمرني قستك والا باغا تجيبي سبتك علية
أمال: (خرجت عينها) مدرتيلي والو؟؟؟
أنوار: شنو درت؟
أمال: حراام عليك أنوار قتلتيني وانا حية كتت نݣول هدا هو للي يفرحني ويخليني عايشة مزيااان صدقتي نتا كفس منهم كاملين
أنوار: كترة الهضرا غتخليني ندير بنااقص يااو السترة وغنسترووك مالك معقدااها ياك انا وقاابل عليك واش باغا؟؟
أمال: (كل مكتبغي تغوت تسبو تدعي فييه كتخااف يمشي وميتجوجهااش خااايفة بزااااف من مها خوووتها من لفضييحة والعااار وحتى ويقتلووها غتبقى سيرتها على كل لسان هي وهائلتها للي غتحني ليهم الرااس) فوكاش تجي؟
أنوار: السيمانة جاية غاالبا سبت ولا حد من هنا نݣولك داك قوة تشرااط مكاينش.. للي تناال ليكم تحنيو الراس وتبغييوها
أمال: (بحزن ولكن نسبيا رتاحت من جهة لفضيحة للي مغتكونش واخا هي مظلومة ولكن شكون يتيقها وأولهم مها للي من ديما كتقولها غتجيبي لينا فضيحة والعار.. بصوت باح ماشي بلغوات ولكن بالانكسار للي فييها) واخ
أنوار: مهم حتى نجيو وغنتفاهمو وحتى العقد غيكون بشي شهر ݣااع الا طولنا
أمال: واخ
أنوار: (زفر وبقا ساكت حتى هضر) شكون هدا للي يظل تابعك
أمال: حتى حد
أنوار: (بعصبية) شكوون هدا واش نتي هاد تق**** مغتساليش منو واش مزال معرفتي علاش درت ليك هاكا انا تبيدقييني راسمة علية وجه ونتي كضبري على *** منين نعطيك بظهر وقبل متلقاي تسولي وديري فيها عيشة دمييعة سولي *** نهار اللول واش انا محتارمتكش قستك شي نهار ݣربت لييك!!! نتي درتيني حماار وانا ورييتك رجال علاش ݣادين
أمال: (بلا متحس) وعلاش هادشي للي درتي يديرو رجال؟؟
أمال: وعلاش داكشي للي درتي يديروه رجال (خرجت عينها ودارت يدها على فمها وتخلعات كتر منين كتسمع غير تنفسو)
أنوار: غندير راسي مسمعتكش باش مندمكش المرة اللولة درتها بيك ونتي ناعسة هاد لمرة غنكتف مك ونخليك كتشوفي شنو ندير فرب* (قطع ولاح تيليفون فوق فراشو وبقا متكي شحااال كيفكر حتى صونا تيليفونو كانت اية جاوبها وناض لبس ساعتو رش بارفان قاد شعرو لبس كويرة ديالو هز سوارتو وخرج كان صقير كولشي كيدير قيلولة ديمارا ومشا عندها…)
~~~~~~~~~~~~~
أمال: (بقات جالسة فوق نموسيتها غير ساهية كتشوووف فين وصلت مع أنوار كتحس بداك لكرام دلكرامة للي كان باقي ليها تبخر جا أنوار زطم عليه بحال شي بونت ديال لكارو وخبزو برجلو مزيااان حتى دموع مبقاوش..حست بقلبها وراسها وصدرها غينفااجر مكرختش غير تخوي قلبها لشي واااحد يسمعها ينورها يقولها شنو دييير متنكرش عند لبوليس فكرت وحاولت تشجع باش تكولهم شنو داار ولكن الرجلين للي يوقفو ولسان للي يهضر تقاااال ديما بين عينيها الشووهة.. ناضت طفات الضو وتكات فنموسيتها مكمشة وغير كتشوف بعويناتها فظلام حتى قفزها صوت محمد)
محمد: أمااال وااااا أماال
أمال: (وقفت فلبلاصة حتى داخت زادت حلت لباب) نعام
محمد: مالك مريضة ولا شنو؟؟
أمال: ها!! غير راسي وفقت بكري دوزت داك الامتحان وجعني راسي
محمد: راه حناك ميتة ابنتي!!!
أمال: لا لا انا غنمشي دابا
محمد: زيدي ندييك وغير شوية ورجعك هنا
أمال: (زادت من موراه خرجو كانت لكنازة غير من مور الدار دخلت هي للدار ومحلاش دخل محاملة تشوف حتى واحد ولا تسلم محست غير دخلت نيشان للكوزينة للي كتغلي لقات لبابو فيه شي كيسان نيشان زادت تغسل فيهم حتى كدخل شي وحدة تسلم عليهم وتكمل شغل سمعت لغوات كتر عرفت راه دايينها لدفينة خرجت حتى هي كتشوف مها كتلوى بالارض هي وحوج خواتاتها ولبنات كيلكيو الا هي بقات فيها حيت ماتت ولكن إحساس الحزن مكاينش شافت خوالها وخوها محمد هازين الصندووق وكيكبرو والناس تابعيينهم مشات القافلة وهي متبعة بعويناتها حيت نسا مكيمشبوش لقبور بقات غير كتشووف دخلت للكوزينا كتغسل فكيسان ديال أتاي تنهدت بعمق كتحايد الافكار الخايبة للي عاشتهم مع حناااها للي كانت صعيييبة وقبييحة معاها) الله يرحمها ويسمح ليييها (بقات كتغسل الماعن حتى دخلت خالتها ومها لقاوها تماااك)
فتيحة: راكي هنا
أماال: خالتي (تسالمات معاها) البراكة فراسك اخالتي
خالة أمالة: ممشا معاك باااس أبنتي عاد وصلتي
أمال: واه
فتيحة: غسلي ابنتي دوك لميعنات مع بنت خالتك
أمال: (غير كتقولها بنتي كتبقى تشوف فيها حيت كلمة كتسمعها من فيييين لفيييين بقات تغسل ومريم كتهضر مكتسكتش)
مريم: بفف تسالا أوني
أمال: شوفي تحت لبوطاجي ولا فبيت لخزين
مريم: هدا للي ختي أمال كوليها لشي حد انا فولاري داتو أحلام ومزال مرداتولي
أمال: لمن نكولها
مريم: شوفي شي واحد من خوتك راهم كيسربيو رجال فالصالون
أمال: نتي حمقة بغيتي نمشي حدا رجال؟؟
مريم: الا راهم فبيت صغير تماك كيديو أتاي للناس راه غير خوتك للي تماك وانا ميصلاحش نمشي حداهم
أمال: حتى انا والله
مريم: عفااك أمال راه يلݣاو هاد لماعن مكملوش يبقاو يغوتو
أمال: (مسحت يدها فزيف وخلات لفواطة مشات مقصدة لبيت نيشان سمعت صوت خوها طلت كانو صواني كبار وكيسان ديال أتاي بقات تعيط ولكن بشوبة مسمعهاش حتى دخلت) خويا محمد راه م.. (شافت زهير جالس وحتى هو هز عينو فييها دغيا خرجت تبعها محمد وبلا ميحس زهير تبسم تبسيمة خفييفة وحك حدا نييفو وفدماغو كيقول والله ومكان هدا عزا حتى الليلة نقرا عليك الفاتحة…)
محمد: سمو بغيتي؟؟
أمال: (تلفت بشوفتو) غير اوني دلماعن تسالا
محمد: واخ سيري انا دُرْكْ نجيبو (هي مشات وهو دخل لبيت) خاي زهير نمشي نجيب شي سخرة
زهير: خود راحتك (صونا على وليد) فيين!!
وليد: وصلتي
زهير: عاد شوية.. ݣولي واش غتجي حشومة بزااف
وليد: هه وصااحبي واش لبنت غطيير راه تأكدت من خوها ممخطوباش ومداوي فيها حد
زهير: اممم زْلَݣْ..
وليد: ههه (قطع ورجع صونا على هند للي جالسة مع جداتها ولكن غير طلعت سميتو خرجت حدا النفورة بحكم ساكنين فرياض كبير) لفاسية
هند: هههه التاوريرتي
وليد: شفتك معزيتيني مواالو
هند: علاش شكون ماااات؟؟
وليد: مكلتلكش!!!
هند: لاا!!!
وليد: ماتت واحد السيدة من العائلة هاد صباح كانت عزييزة عندي بزااف
هند: والله مفخبااري
وليد: عارف مفخباركش مهم نتي بيخير كلقيتي حناك؟؟؟
هند: الحمد الله شي 4 شهور مشفتها
وليد: (سكت ودوز لسانو على سنانو) ماشي عاد شفتيها هادي شهر منين هبطت للمغرب
هند: هاء غير تلفت (عظت على لسانها كتينى ردة الفعل ديالو للي باين فيه مركز معاها) حم ولييد!!!!
وليد: كتكذبي اغييثة؟؟؟
هند: راه نسييت وصاافي مع جلست معاها غير شوية وصاافي غير تلفت
وليد: مكنبغيش لكذووب ابنت الناس
هند: (بلعت ريقها) عارفة
وليد: انا شوية ونصوني عليك
هند: ولييد ممقلقش مني
وليد: لا غير مكنبغيش لكذووب
هند: واخا
وليد: الله يرضي عليك
هند: هه البراكة فراسك
وليد: ممشا معاك باس واحد شوية ونصوني عليك.. (قطعت وفلبلاصة صونات على شيماء للي مزالة ناعسة صونات على أمال تيليفونها طاافي)
~~~~~~~~~~~~~~
أمال: (واقفة وكتحس بعينيها كيتغمضو ويديها طاابو بغسيل لماعن وجافيل من صباح وهي كتخبط كاع لكيسان وطباسل دازو على يديييها عييااات بزااف ومبقات قاادة توقف مع دخلت مريم) اجي كملي نتي لماعن انا عييت بزااف
مريم: سيري تروحي فلبيت
أمال: لا نمشي للدار باقية بحوايجي للي جيت بييهم من صباح وحسيت براسي عراااقيت
مريم: راه متبغيش خالتي..
أمال: (مسوقتش ليها حيدت الطابلية لقات حوايجها فزكو بلما) يخخ رغنو.. (خرجت حانية رااسها وصلت حدا باب الدار ومع مركبين الخزانة حدا باب الدار كانو فيها رجال معرفت مدير دخلت تعيط لخوها هو يوصلها قبل متصدق فشي صداع هي مقدوش واكيد غيفهموها غلط.. بقات تعيط وخافت يدخلو شي رجال ويلقاوها تماك دخلت لبيت لقات زهير حال السرجم وكيكمي غير شاافها لاح لكارو وعفط علييه وقف وهي بغات تهرب حتى سمعاتو كيعيط)
زهير: أمل…
زهير: أمل (وقف وهي ضارت عندو) لبراكة فراسك
أمال: (بخوف حشمانة تعطيه بظهر معرفت ولكن كتحتارمو بزاف مشافت منو غير الخير) ممشا معاك باس اخويا
زهير: بغ.. (طارت من حداه تبسم كيلمس فمسطاجو جلس وهو كيسمع محمد كيحلف فأمال الا ممشاتش للكوزينة يمشي يضربها غوبش وقف ومشا خرج شاف أمال كتبكي وكتوري يدها)
أمال: عفاك اخويا راه تسلخولي يدي وعيييت دي… (غير شافتو حنات راسها ومشات كتزرب للكوزينة شاف فمحمد)
محمد: ياكما عييت اخااي زهير دخل دخل ترتاح
زهير: لا واقع شي حاجة
محمد: لا واالو (دخل ودخل من موراه زهير للي بغا يستفسر على حالة أماال ولكن مجاياااش بقاو مجمعين حتى جابو ليهم لعشا كلاو والدنيا أفرقات وأمال فلكوزينة كتغسل بشنيت للي خلاتو برغوتو للي خلاتو بليدام وغير كتخبط سمعت صوت خوها كيعيط لييها خرجت عندو)
محمد: زيدي
أمال: (لاحت لفواطة فالارض وتبعاتو كتحس بالدوخة والسخفة ديال نعاس) واخ (خرجت لبرا حتى كتلقى زهير واقف تماك تبعاتو وهي حانية الراس حتى شافتو ركب حدا خوها وهي ركبت اللور جلست بهدووء كتشووف فراس زهير زاد بيهم للدار للي قرييبة هبط زهير وبلا ميحس حل لباب لأماال تخرج للي خرجت حانية راسها مسافتش فيه محمد كان كيهضر فالتيليفون مع شي كليان كيعزيه وهو يشوف فيها)
زهير: بغيت نهضر مع خوتك وبااك
أمال: (شافت فيه) لا عفااك
زهير: (ضار عندها) علاش؟؟؟
أمال: (بخوف) لا عفااك
زهير: باغي لمعقول أمل
أمال: (مشات من حداه بالزربة وطلعت للدار مخلياه متبعها بعينييه وتفسييرو لحشوميتها ولكن هو بغا غير تعطيه وقت يفهمها شنو بغا منها.. وصلت للدار وقلبها كيضرب فلمية وخايفة بالصح يديييرها وتفضح راه الا هضر غيقبلو فلبلاصة وبحال والو غدا يدقادو ليها لوراق تعقد بييه عرفااهم باغيين غير يتهنااو منها دخلت لبيتها نيشان وسدت عليها ونيشان مشات لتيليفونها شعلاتو وجاو بواط فوكال ديال هند صونات عليها وجوبات) الو
هند: أمال واش بالصح ماتت جداك؟
أمال: واه واه
هند: البراكة فراسك
أمال: ممشا معاك باس هند عرفتي شكون هنا
هند: متقوليش أنوار؟؟
أمال: لا زهير ولد الحاجة جا باش يعزي وكالي بغيت نخطبك من عند باك وخوتك
هند: احسن خبر ومالك كتقوليها ونتي معصبة
أمال: مبغييياش اهند (بقات كتبكي) غنتفضح اهند
هند: (جات فمسمعها منين أنوار كان كيكول لأمال نسترك) كفاش غتفضحي
أمال: هءءء شكون يقبل يتجوج مرا مبقيييتش بنت اهند تكرفس علية داك لحمااار هءءء غنمووت اهند معرفت مندييير؟؟
هند: (وسااعو عينيها وفهمت حالة أمال للي كانت فالحضييض) كفاااااااش؟؟
أمال: رغبتو كلتلو لا متجييش وخفت يدييرها بالصح
هند: كفاش واش أنوار تكرفس عليك؟؟ امتى؟؟؟
أمال: من شحال هادي (كتمسح دموعها عيات تخبع ولكن مقدرتش تزيد تخبي فقلبها للي غيطرطق ولا يسكت)
هند: (جات تهضر وهي سمعت شي حد كيعيط لختو وهي تسمع طيط طيط عرفتها قطعات بقات شادة التيليفون ممستوعبااش ومصدووومة من كلام أمال أما لوخرا خرجت لقات زهير حتى هو فالصالون للي كان بغا يمشي لوطيل ولكن محمد كيحلف ويرغب شاف فيها باين لبكى فعينيها شاف فيدها للي كانت تشكات لخوها استنتج انهم كيضرووها لدرجة بكات معجبوش الديكووور)
محمد: طلعي عند مرت حنيني شوفي عمي واش فايق
زهير: غير جلسي اختي خااي محمد غير خليني على خااطري غدا صباح ونجي قبل منمشي (تم ماشي ومحمد تابعو يحلف باش يبات عندهم) شووف باش ناخد راحتي حتى انا وحتى ختك حشومة براني وغريب يبات معااكم
محمد: (سكت ولكن واخا هكاك جاتو غييب) حشومة اصاحبي دار خوك وتمشي لوطيل راه كاين دار حنيني لفوق ترتاح تماك راه ساكنين فيها غير عمامي
زهير: معليش غير خليني على خاطري (شاف فأمال) السلام عليكم (خرج وأمال بقات كتشوف فيه حتى شاف فيها خوها)
محمد: صافي دخلي تنعسي نتي…
شيماء: (دخلت نعيمة ومرت خوها) تعطلتو
نعيمة: (كاعية) علاش مجيتيش لعزو
شيماء: والله اماما الا مرييضة كنحس بسخانة لباردة
نعيمة: لبسالة هاديك اجي غير عزي مرت عمك (جات تسلم عليها ودفعتها بشوية) متسلمي علية منسلم علييك بديتي ضسري بزاف اشيماء
شيماء: (كتعنق فيها) وااعفااك اماما والله غير مريضة انا غدا نمشي ونظل تماااك
نعيمة: وكان جيتي متجلسيش مع نسا جلسي غير مع أمال مسكيينة للي يديها طابو بغسيل لمااعن
شيماء: مفياش للي يخدم شغل اماما
نعيمة: طلقي.. سناء بنتي دخلي ترتاحي راكي عيتي هاد نهار
سناء: معليهش ندخل نسخن لشيماء عشاااها
نعيمة: علاه ماالكي خداامتها ولا هي معطووبة سيري لبييتك رتاحي
شيماء: انا اصلا مكلتلهاش تقادلي… (مشات مها ممسوقلهاش وحتى مرت خوها دخلت لبيتها وبقات شيماء مكسلة غير سمعت صوت خوتها طارت للكوزينة سخنت المرقة بلحم وحطات طعام مزال سخون وجلست كتاكل هزت تيليفونها ومشات نيشان لسطاتي للي حاط أنوار كان مصور راسو فقهوة ومعاه حمزة صيفطاتلو) الله يخليك ديما ظاحك (طلعتلعا جوج شراطي ودغيا غبرت تيليفونها غير دخل نبيل خلات لماكلة فوق الطبلة ومشات لبيتها حيت غير كيشوفها كيطلب ليها التيليفون يقلبو.. بقلت واقفة تمااك غير سمعت لحس مشا مشات للكوزينة كتاكل وحتى وتشبع كتزيد تغلق ختماتو ببيرلي وشابيلا غسلت فمها ورجعت لبيتها مطرقة عليها كانت 1 دالليل شعلت تيليفونها لقاتو كاتب ليها..)
أنوار: انا وياك ازين
شيماء: (فرحت حيت من ديما كتكتبلو كيجاوبها مىة مرة وغير بليموتيكون) اميين لهلا يخطيك علية (طلعاتلهاغير شرطة وحدة مشات لانستغرام كتقلب فتصاور ولمكياج شوية كتبات ليها هند)
هند: فييين
شيماء: اهلييييين
هند: (بغات تقلقلها واش عارفة) اش تما
شيماء: لقنننط يا ختي
هند: لبراكة فراسكم على جدة أمال
شيماء: ممشا معاك باس نيت موتها حسن من حيااتها مكانش عندي معاها والله حتى كنازتها مطليتش عليها هههه
هند: حشومة
شيماء: لهلا يوريك شنو كانت مدوزة على أمال هي للي كتحرش بنتها عليها وحتى انا مكانتش تحملني واكترية منين مبغيتش نتجوج داك صكع ديال محمد
هند: اااه اوا واخا هكااك يمكن مشفتيش أمال
شيماء: غير وصلنا دخلت وسدت علية لباب عصباتني من تماك متشاوفنا هي تبدلت وتكبرت علية بزااف
هند: (هنا تأكدت شيماء مفراسعا والو) لا غير كان عقلها مع الامتحان
شيماء: اسييري انا للي كنعرفها
هند: غير كيجيبلك الله مهم انا غنعس حتى لغدا ونتهاضرو بونوي
شيماء: بونوي (قطعت مسات لواتس ديال أنوار لقات غير شرطة) يمكن نعس.. (بقات كتفرج فيديو من مور فيديو حتى نعست..)
أماال: (سمعت شي حد كيعيطلها ناضت مفافية حتى وضاح الصوت وكان ديال مها قفزت وخرجت نيشان حلات لباب) ماما كنتي تعيطيلي
فتيحة: واه انا غنمشي لدار حناك ولحݣي علية مع خوك منين تݣادي ليهم لفطور
أمال: (مزالة مدوخة بنعاس) ماما شوفي يدي راه وجعوني بزااف لبارح (مدت يدها للي بلايص فيهم منبدلين وحوومر بكترة جافيل)
فتيحة: منين تجي متغسليش لماعن (أمال تبسمت) نتي براكة تݣاابلي تشطااب وتجفاف
أمال: (بقات غير كتشوف فمها للي عجبتتها لبارح منين شقات هكاك وشكروها الناس.. عطاتها بظهر ومشات وهي غير كتشوف دخلت لبيتها سدت لباب تكات فنموسيتها جبدت تيليفونها كانت 7 ونص خرجت عينها وفلبلاصة قبل ميخسر نعاسها رداتو وجبدت عليها بنعسة…)
~~~~~~~~~~~~~
كريمة: (اخت فتيحة) فينها بنتك
فتيحة: خليتها تݣاد لمحمد لفطور راكي عارفااه ميخرجش مسيكين بلا فطور وعاد زيد عو للي هاز تقل كاامل
كريمة: اوا يجييب لمرا وتݣادولو تبارك الله راه جامع مزيااان يشري شي دويرة ويدير وليداتو
فتيحة: (بامتناع) وااالو واش نفرق ولدي نهار نموت ويفرق الا بغا محدني فالحياة وليداتو انا للي نربيهوملو
كريمة: اسعدات هاد مرت ولدك
فتيحة: (تبسمت) متكوون بنتي مريم
كريمة: اوا نتوما غير عولو ولبنت راها بنتكم وحتى أمال الا جاها شي حد عطيها راه 25 كبيرة
فتيحة: اييييه هادي فقصتها وحدها من نهار خطبها ولد عمها مطل عليها حد ولا حتى سول عليها.. شتي مرت ذهايبي منين سولتني لبارح مكانتش عارفة عندي لبنت
كريمة: ههه ونتي للي كنتي محجبااها عندك
فتيحة: ولين ندييها خوتها كانو مانعين عليها تدرج مااا راك شفتيها مكانت تحمل الشوفة فييها وباها نهار تخرج كيكفر
كريمة: ونهار خرجتوها صيفطتوها لوجدة نيشان
فتيحة: اوا مشات تقرا قرايتها
كريمة: اوا معليييش بنتي مرييييييييم
مريم: (جات عندهم) نعام اماما
كريمة: كملتي لملاوي؟؟
مريم: واه اماما وجبدت كنستف لعسل والزبدة والزيت فطباسل
فتيحة: (كتغلي بغات بنتها تجي وخدم باش تباهى بيها قدام خواتاتها جبدت تيليفونها وصونات على محمد) ااالو ولدي فقت من نعاس؟؟؟… جيب أمال اوليدي دابا… واه دااابا.. (قطعت ورداتو لجيبو ساااكتين ماشيين مع أجواااااء لكنازة…)
أمال: (تحل عليها لباب بالجهد نسات مسداتوش بالساروت حتى تنخضت حيت كانت ناعسة فايقة) شششنو
محمد: (مكيشوفش فيها زعما راه حتارم خصوصيتها) نوضي تكلمي لمك
أمال: حم واخا (خرج وبقاات كدير شعرها لمخبل من مور ودنيها تأفأفاااات لاحت لكاشة وناضت لبست بيجامة طويلة وبينوار طوييل حتى للرجلين ولوات شالها عاد خرجت حتى من وجهها وسنانها دارت بناقص شافت فالساعة كانت 9) محمد محمد!! يمكن هبط تفوووو على زمر (لبست تقاشر وجرت بنطوفة عاد تفكرت التيليفون للي خلاتو تحت لوسادة جمعاتو من بعد مطفاتو عاد خرجت ومع مقادة سوان لوجها كانت بشرتها زويينة ودايرة تقشير لشنايفها متحتاجش مكياج مع اخر درجة شافت زهير متكي على طموبيل نفسها للي جابهم ديك لمرات من قدام باب دار الطالبة مع كان داير نظاظر عينو غير عليها أما هي حشمت وزادت حشمت كتر من خالوطة للي لابسة بينوار طويل ديال نمر وشال فلغوزي حبت لابسة من لتحت بيحامة غوزية وبنطوفة كحلة حنات راسها مولاتش هزاتو عكسو هو للي مهتمش للباسها بكترة اهتمامو يشوفها كتر.. يا رييت وتعطيه اشاارة وحدة راه باغياااه باش يتقدم ولكن خلاها للوقت وزيد هاد الاجواء مصاالحش… شافعا وقفات بعيد حانية راسها حتى شاف خوها مشا عندها ومشات حانية رااسها حتى كتقرب طييح وخوها متبع ليها العين وبحال مقادرش يخليها تمشي بوحدها حتى ضارت عاد جا لعند زهير.. أما هي أول مرة فحياااتها فتاوريرت تمشي بوحدها جاتها غرييبة وعجيبة واخا كتسارا وجدة الا هنا جاتها فشكل ولمشية تالفة لييها غير ضارت بقات كتمشي بشوية وكتشوف ديور لحوانت حتى وصلت لدار جداتها لقات مها على برا كتسلم على شي عيالات كل وحدة عازة بلاستيكة فيهم جوج قوالب دالسكر.. وقفت مبعدة حتى قشعاتها مها دخلت لعيالات ودارتلها اشارة بعينيها تبعها حنات راسها وزادت تابعة مها حتى دخلت للكوزينة لقات كيسان دأتاي كوسخين عرفت ما منو هروب شافت فمها بغضب)
فتيحة: نبغيهم كيشعلو مريم بنت خالتك لوكان تجوجتي وكان بنتك كدها (أمال كضور عينيها حيت للي عارفة هي فايتة مريم غير 5 سنين) كولشي كداتو وحدها اشمنك يا ملاوي كملي وديري بغرير لعباد الله (مع خرجت تبعاتلها صلع ومن حسن حظها داخلة خالتها حنان لوخرا وشافتها)
حنان: ويلي على لمسخوطة كتبع صبع لمها
فتيحة: (طرطقت عينها وبغضب ضارت عند بنتها مخرجة عينيها بحال شي بوومة أما أمال كتينى شي صقلة لوجه) أمال متعاوديش ديري هاد الظحك ݣدام الناس ولا غنجلد بنتي
حنان: حشووومة من صبع لطرش بنات هاد اليوم محدهم يكبرو وهوما يصعابو اختي ردي باالك وزيري زييييييري تصييبي ما طلقي
فتيحة: (اصلا معندهاش مع هاد ختها) لا انا ولادي كولهم مربيين أمال ݣادي شغلك (خرجت كتغلي خلات أمال واقفة كدووب بلعرق شافت فحنان خالتها للي كطلع وتهبط فيها)
حنان: شتك نتي من دونهم معزيتينيش
أمال: البراكة فراسك اخالتي
حنان: (كتعوجها) ممشا معاك باس ابنت ختي
أماال: (هزت يدها كدعي) لعݣبا لييك اخالتي ونفرحو فييك (لوخرا خرجت عينها) لمرة جاية غتݣولي ممربيااش (هزت مووس مزال فيه الزلدة فجناب كتهد بيه واصل لحتى مستوى وجهها) غنشرط لخالتي حنوكها
حنان: (بقات غير كتشوف فيها ممتيقاش من ديما كتعايرها وتحشي فيه الهضور وتحني الراس ودابا موس كااع) الا بقات فيك..
أمال: الا بقاات فية نيت اجي خشيهلي فز** (لاحت لموس بشنوت) تفوو الله ينعلها سلعة من ديما مكنحملكش الله يغبر ليك شقف ويتبعك لمك خرجو فية لعيب ومنين نهضر ݣولو انا ممزياناش وبعدي سااحتي حسابلك غنبقى ديما ساكتة لييك (لوخرا غير مطرطقة عينها حيت كاسها فااض وزادت كاس اخر ديال صبر ومقالووهاش هاديك مشات كتكمكم وتحلف فيها وهي بقات كتخبط فلماعن متهنات حتى تهرسولها جوج كيسان عاد طلعت معاها وبدات تغسلهم بشوية ومتأكدة اليوم تاكل فلقة من عند مها ولكن فخاطرها مرتاحة نسبيا منين بردات غدايدها فخالتها…)
زهير: (صايك وبقا عقلو معاها مرة يشعل كارو مرة يجغم من قهوة نص نص.. وصل دغيا بحكم مشا مكسيري نيشان للمحال ديالو لقا أنوار تمااك للي وصااه غيجي مول الأليمينيوم باش يقادلو شي شحال من حاجة)
أنوار: مهم انا غنمشي
زهير: الله يعاون
أنوار: (خرج معصب نيشان للمحال عند باه للي كان تمااك تحااسب مع لكليان حيت اليوم كيخلصو للي خداوه هاد سهر كاامل ومنين كيقرب رمضان أب أنوار مكيبغيش يخليشي واحد كيسالو ولا يكون كيساال شي حد.. بقا نهار كامل حتى دماغو بغا بتفركع وظهرو تكوانسا)
اب أنوار: ولدي براكة علييك حتى لغدا ورجع
أنوار: (حرك راسو بلا) حتى نكمل الواليد
أب أنوار: (كيتعجب بولدو) دي لخدمة لدار اوليدي
أنوار: (شاف فباه) باااا خليني نكمل راه الا حبست غنتلف
أب أنوار: (بفخر) الله يرضي عليك اولدي ياك نهار السبت غ
أنوار: (قاطعو) ابااا راه مهاربش لبنت انا للي دايكم تخطبوها غير هو شرط كبغييييت
أب أنوار: هه لبنت اوليدي للي كتشرط
أنوار: حتى حنا غير لقرايا خليوها تكمل هاد العام
أب أنوار: (جلس) لا وليدي معندها مدير بشي علام
أنوار: نهار نجيبها لداار غتخرج أما دابا منضيعش ليها العام وهي كتقرا مزياان هادشي ميبغييه لا ربي لا عبدووو
أب أنوار: اوا للي بانلك اولدي حتى لمن بعد ونذاكرو فهادشسي (وقف) السلام عليكم انا غنمشي مع خووك (خرج من المحال لقا زهير واقف فوق الموطور ديالو للي غير شافو وقف ومشا لعندو باسلو يدو) الله يرضي علييك
زهير: ماشي؟؟
اب أنوار: عييت وداك لولد معيااش مبغى يتكعد حتى يكمل كاع صوااالح
زهير: مزيااان انا ندخل نشووفو ولحك من بعد
أب أنوار: واخا (مشا ركب مع عبد الوافي وزهير دخل عند أنوار للي باين غاارق فشغااالو)
زهير: شي حنار مااات
أنوار: (هز رااسو) باقي هنا!!!!
زهير: سمعت شي خبار باغي تخطب
أنوار: الا كتاااب
زهير: مزياان اسيدي
أنوار: مسولتينيش شكوون هاد سعيدة الحظ
زهير: (شعل كاروووه) علاش انا كنعرفها ياكما نيت من لفاميييلة
أنوار: واش انا هبيل نتجوج منهم انا كاع لبنات كنشوفهم خواتاااتي
زهير: وشكون دي؟؟
أنوار: سولني منين؟؟
زهير: ياااو هضر نيشان ولا نووض نمشي فحاالي
أنوار: تاوريييرت
زهير: (هز حاجبو) شكوون!!!
أنوار: متعرفهاااش ولا يمكن كتعرفها
زهير: هضر ابنااادم شكوون؟؟
أنوار: ماالك تعصبتي راه كلت ليك متعرفهااش
زهير: سميتها؟؟
أنوار: واش دخلك فشي سمية ابن عمي
زهير: (وقف معصب) وهضر شكووون واش من دوك لبنات للي جاو عندنا للدار
أنوار: (باستغراب) كفاش
زهير: نهار طلعتي لفنيدق جبنت خواتات وليد لعند ما
أنوار: ياااااااااك مفخبارريش
زهير: واا هضر
أنوار: نهار العرس كنت شفتها عجباتني….
فتيحة: (فالليل جابهم محمد للدار غير دخلو وهي تصعر فتيحة وطارت كتقرس فأمااال) هااااااااا صبع يا لمسخوووطة
محمد: (دخل كيفك) ااااهاااا سمو وقع!!!
فتيحة: (نترت درتها كتخبط فحنوووكها) فقستنيييييي وطرطكت ليي مرااارتي شوهتني كدام العاااقس ة دخالتك حناان غير عطيتها بظهر وهي تبعلي صبع اوليدي
أب أمال: الله بنزل عليك السخط يا لمسخووطة
أمال: (كتفتف وميتة باخوف ولكن موجدة شنو تقول حيت عارفة مها مغدوزهاش ليها بالساهل) لا وااله مدرت شي حااجة اماما واش انا عمرني درتها حتى نديرها كدام خالتي
فتيحة: (طارت عليهاش صشذذشفبؤلظش شششش جرت ليها الشال وشعر لقدامي) دييريها يا لكاافرة بالله (تم داخل علي)
علي: صداعكم واصل لفين
محمد: (شاف فأمال للي صفارت بلخووف وشاف فمو) واش شفتيها
فتيحة: (مفقوسة) شافتها خاالتك للي الله يكطع ليها جدر (بغات طير على أمال وهو يوقف محمد قدامها)
محمد: اوا منين نشتيهاش مدرتهاش هي العين ومكتهزهاش فييك عاد دير داكشي
أمال: (تصدمت فخوها للي شاف فيها)
محمد: دخلي لبيييتك نتي (معوداتهاش من موراه مشات كتجري وسدات لباب للي دوزت الساروت وبقات واقفة شادة فقلبعا للي شي نهار يسكتش بالخلعة.. وهو دار عند مو للي بغات تبعها) امي الله يهديك شوفي غير يديها كدايرين ومنين جات لبارح وهي تخدم شغل واش نتي معرفاش بنتك عمرها ردات عليك الهضرة كدام شي حد باش دابا تصبعك ومتي عارفة داك خاالتي خاصها غير فين تفقسك
فتيحة: (بصبعها كدير لا) لا لاااا اوليدي خالتي متسواش ولكن متكذبش والله اوليدي وكان مشافتها دارت هكااك متكولها
محمد: مي سيري لبيتك تنعسي مخاصنا صدااع فهاد الليل وعباد الله ناعسيين صافي راك ضربتيها بااركة وغدا مغتمشيش لتماك
فتيحة: وظحك فية العايلة كاع بناتهم كيجو يشقاو وتنهيدة مكيطلعوهاش وهادي تبقى هنا
محمد: راه يديها بقالهم غير يتكطعو واش مشفتيش كدايرين غدا غنديها لصبيطار
فتيحة: رجعتي ضسرها وبسبااابك فتخرج طرييك هانا فين كلتها ليييك (نترت منو ومشات لبيتنا نفقوسة أما هو بقا واقف تمااك عاد تحرك لبيتو.. سد عليه وصونا على شيماء) الو نعستي
شيماء: لا مزال.. شنو هاد صداع للي كان عندكم
محمد: غي الوالدة مع أمال
شيماء: ههه ديال صبع
محمد: هي بالصح؟؟
شيماء: ههه الااا ديك خالتك حنان من ديما معدية عليها مسكينة ودابا لايحة عليها لباطل حشوومة علييها أمال شحال وهي خايفة من مك ديك لبنت مسكينة شي نهار تموت مخلوعة
محمد: معندها لاش تخلع
شيماء: اممم اوا
محمد: اوا نتي مكملتيليش كبيلة دغيا مشيتي
شيماء: واش نتا مصطي وكان جا نبيل ولا ادم
محمد: بحرا يطلكونا نتجوجو خلاص
شيماء: هههه مزرووب
محمد: من واااااااهلي ابنت عمي
شيماء: اوا مزال اولد عمي تصبر
محمد: واا صبر كيضبر
شيماء: لا لا معايا حلووو
محمد: (سكت شوية) نتي كولك حلوة
شيماء: (تبسمت عاجبها الحال يتغزل بيها) امم ياااك
محمد: وبزااف منين كنتي قد صبعي وانا حاط العين علييك واخا رديتيني رجعت باغيك
شيماء: (معرفت متقول)
محمد: الوو الووو
شيماء: كنسمعك
محمد: واقلة فيك نعاس
شيماء: شوية عييت هاد نهار
محمد: اوا سيري تنعسي حتى لغدا ونهضر معاك
شيماء: واااخا
محمد: تصبحي على خير
شيماء: تصبح على خير (قطع وبقات شحال سهرانة حتى قلبتها انستغراام…)
دازت الايام أمال بين دار لكنازة ودارهم شيماء قلييل فين كتلاقااها وشغل كديرو على حساب يديها للي برااو من لبومادة للي شرالها خووها… الجمعة بالليل كانت أمال فبيتها كتهضر مع هند
هند: وكفاش غتقوليها ليهم؟؟
أمال: (بحييرة) منقدرش غيكولو منين كنعرفو والمشكل ماما كظل فدار حنا
هند: راه ضرووري خاص يعرفو
أمال: وااا هند واش نمشي نكولهم غدا راه جايين الخطااب باش من تماك يقتلوني عصا
هند: اوا وشنو المعمول
أمال: والو غنكاد شوية دلمسمن ونصوب جوج مسكوتات
هند: اوا صااافي تقادي لداك مييخي
أمال: هيييند واش حسابلك انا فرحانة راه بالسيف علية
هند: (عوجت شنافتها) كتخربقي مهم انا غنقطع غنخرج انا ومي لالة نتعشاو على برا منين نرجع نصيفط ليك ميساج وردي علية.. (قطعت وناضت أمال للكوزينة كتقاد باش غدا يلقاو ميحطو بعدا مكملت حتى جات مها كما العادة معطلة حيت كولشي كيكون مجموع تمااك جمعت روينة وكولشي دخل لفريكو)
فتيحة: (شمت ريحة ديال طياب) شنو درتي
أمال: ها غير شوية دلملاوي ومسكوتة باش يلقاو باش يفطرو
فتيحة: اممم ديري غدا حساابك لعشا تجيبو خالتك حنان لدار حنااك ويااااا ويلك ديري هااه ولا هااااه
أمال: (بتوتر) وااخ (كلها تفرق ينعس أمال مع دخلات سدات لباب بالساروت ومشات كتلمس فظلام حتى وصلت لوسادتها حلاتها وجبدت تيليفونها شعلاتو دوزت نمرة ديال أنوار للي جاوب) الو
أنوار: ويييي
أمال: حم واش غدا غتجي؟
أنوار: مكتعاود غير الصلاة على النبي علمتي داركم؟
أمال: لا
أنوار: علاش
أمال: منقدرش غيضربوني الا عرفوني كنعرفك
أنوار: تأ وكوليها لهم ابنادم وكفاش غيستقبلو دارنا ولا من دابا بديتييي
أمال: راه كنقدرش عفاااك والله حتى يصربوني هانتا غدا منين تجيو غيكون بابا وخوتي برا غتكولهم علاش جايين ويطلعوكم
أنوار: حتى هوما بانلي على سبة خاصهم غير يلوحووك
أمال: (سكتت كتبرك على راسها شحال) نتا للي درتي هاكا
أنوار: واااه صبري رااسك والله وكان ماشي انا الكلب مينبحش الا دزتي
أمال: علاش كديرلي هااكا
أنوار: غدا مع 12 غنقلعو غنكونو عندكم من مور العصر
أمال: (بحزن) واخا
أنوار: سميتها الله يجييبك على خييير احبيبي
أمال: (سرطت الفقسة) الله يجيبك على خير
أنوار: وفين التكميلة
أمال: أنوار عفاااك
أنوار: راه سراول وطاارو وشفت كولشي فيك علاش باقا كتحشمي وتمثليها علية
أمال: مممكنمثلش
أنوار: الله يعاون غدا ونشوفو هاد لحريرة… (قطع نعس وهي بقات الليل كاامل حالة عينييها كان ممكن تكون فرحانة وكان كملت قصة حبهم بلا حقاارة منو ولكن داابا كتحس براسها كل نهار كتزيد تخنق للي كيبرد عليها هو مغتفضحش.. دازت ليلة العذااب غفات صباح بكري شوية شي 2 سوايع فاقت دارت روتينها وخدمتها وهي كترجف وماشي هي هاديييك خرجت مها من بعد معيطات ليها نعيمة باش يمشيو لدار حناها.. من بعد متغدات خلات امال كتجمع الدنيا للي سيقاتها وجمعاتها مزيااااان وجدت كولشي بقالها غير أتاي توجدو سمعت الاذان حست بقلبها غيسكت بالخلعة مقدرتش تصوني عليه وهو مع دارهم وتفضح راااسها رجعت دقيقة كدوووز عليها بسواايع مشات طارت لبست بيجامة جديدة طويلة قدات وجهها خفيييف ولوات الشال عليها مشات للصالون للي سراجمو كيطلو على برا هزت الريدو وكطل غير بشوية باش ميشوفهاش خوها ومن زهرها جات مع طموبيلة ديال أنوار ياله وقفت خرجت عينها وقابها ضرب ضرب حتى بغا يوقف شافتو هابط أول مرة يكون لابس شوميز وسروال لاطوال شافت باه فتح لباب خرج حتى هو كيطلق رجلو شافت أنوار مشا عند علي هنا رجعت راسها غمضت عينها كتحس بالسخفة وقلبها كيزدح ودمها كتحس بيه تقييل ومواصلش لدماغها الا زادت كتر من هاكا غتشلل ولا تموووت وااقفة دخلت كتجري للكوزيينة باش منين يطلعو ميلقاوهاش تماااك….)
أنوار: طلعي الوالدة
الكاملة: (كتعوج وجهها) يا باسم الله (كدور عينيها فالدخلة ديال الدار دروج وكتسمع راجلها فرحان كان جا غير أنوار ومو وبااه ياله زطمت فدرجة ضارت عند ولدها) كاين دروج بزاف اوليدي؟؟
أنوار: لا غير زيدي امي (طلعو وهو هاز بواطة كبيرة فيها طورطة واليد التانية فيها بوكي دفلووغ مأنتكة فلبيض ولحمر.. وصلو للدار فين ساكنة أمال وكمل دروج ومو سابقااه هنا أمال مفهمتش علاش تعطل كاع هاكا وكبيلة سمعت صداع فدروج طلت برويسها بشوية كيبانلها طلعو لفووق مفهمت واالو يمكن حيت مكاينش باها ومها طلعو لفوق على ميجيييو دخلت للدار ممرتاحاااش خاص تجي مها وبااها.. وحتى خووتها شوية نزلت مها ضارت شافت فيها حشمااانة حيت شافاها دخلت بجرا)
فتيحة: فين داك لملاوي ولمسكوتة للي كاديتي
أمال: (متبسمة) راه جبدتو من التلاجة واش نعمر أتاي
فتيحة: لا عمري نتي ديك القهوة للي مععطرة وطلعيها خالتك كتكاد أتاي
أمال: (باستغراب وبلا متحس) وعلاش طلعو لفوق ومجاوش هنا
فتيحة: (ضارت مبقت فيها) ياااا كيتك يا خلااااك يا لهبيلة تولدتي منحووسة وغتموتي مكلخة اتفووو عليك وعلى نهار للي تولدتي فييه هاا شيما جاابتو على مزيناااتو ولد لمدينة ولباس علييه
أمال: (رمشت عينيها جوج دلمرات كتستوعب) كفاش!!!
فتيحة: (بدات كتسخن لملاوي) كاادي اتاي وخلي كيتك تاكلني حتى من نبيل مبقاش باغييك
أمال: (بقات واقفة مصدووومة) واش أماما شيماء جاوها لخطااب؟؟؟؟
فتيحة: اممم اييه زهر للي عند نعيمة وبنتها مبحالهم حد (ضارت تهضر ملقاتهاش) أمال أماال.. بنت لحراام هربت وخلاتلي تماارة
أمال: (طلعت فدروج مخرجة عينها ممتيقاش مصدوومة ممتيقااش كفاش أنوار وشيماء دخلت لظار عمها بلا عقل ونيشان وقفت للصالون فين كاين لغا وشافت فيهم واحد واخد كتقلب على أنوار حيت ضباابة على عينها بقات كتشوف فيه وكولهم كيشوفو فيها مفاهمييينش حتى جرتها نعيمة)
نعيمة: (تبسمت) بنت عمها وبحال ختها
أمال: (شافت فيها وهي مجرورة حتى وصلو للكوزينة مخلي أنوار كيشوف بتعاالي كأنه كيشفي غلييييلو)
نعيمة: اوييلي أمال ناشي ديالك ابنتي
أمال: (بحرا كتهضر) فين شيماء
نعيمة: (شافت فيها باستغراب وخصوصا دوك دموع للي نزلو شلال) مالكي أمال؟؟
سناء: أمال مالكي اختي؟؟؟
أمال: فين شيماء
نعيمة: سيري ابنتي هبطي لتحت غير يمشيو الناس ونجي عندك متقلقيش منها راه والله مفخبارنا ولا فخبارها
أمال: (كتبكي حااسة بخنجر تغرس فقلبها وكولو سودانية خلعاتهم حتى لحقت فتبحة هازة طباسل فيهم لملاوي ولمساكت للي مقادة أمال)
فتيحة: كلبة خليتيني كنعيط ليك حساب.. (شاقتها كتبكي وهي تخرج عينها) مالكي تبكي
أمال: (مشات وخلاتهم عند بيت شيماء بغات تحلو كان لباب مسدود بصوت باااكي وكتشهق) ش…شييمااا
شيماء: (بتوتر كانت لابسة قفطان خفيف قربت لباب بيتها) أمال سيري هبطي
أمال: (جات تهضر وجراتها فتيحة ونعيمة حداها ودخلوها للبيت) دابا غير طلقو مني
فتيحة: (مرضياش) واش غرتي من بنت عمك يا جيييفة
أمال: (كتبكي مقادااش تهضر) خليوني غير نهضر معاها
نعيمة: (مفهماتهاش موالفة بيها ديما مرزنة) بنتي أمال الناس يتسناو فينا حشوومة ابنتي غير بلاتي ونهضرو
فتيحة: (غتموت بلفقسة قدام نعيمة.. بأمر) هبطي هبطي يا الجيفة وحسابي مزال معاااك نعيمة سيري لاكوزينة هاني لحݣ بيك
شيماء: (خايفة من ردة فعل أمال)
نعيمة: هي غير مسخاتش ببنت عمها راها ختها ياك احبيبتي
أمال: (كتبكي وتخنقت) ختي!!!!!
فتيحة: (عصباتها مزيان.. ودفعتها) خرجيييييييييي (لوخرا دغيا طاحت حيت على سبة اصلا)
نعيمة: اوييلي علييكم فتيحة نعلي الشييطان (مشات كتوقف لبنت) نوضي ابنتي وسيري هبطي للدار ترتاحي (وقفت أمال كتمسح دموعها وماشية بحال شي وحدة مصدوومة ممتيقاش شنو هاد المسرحية للي واااقعة تمشات بخطواات بطيئة وصلت للصالون للي مفتوح وشافت نيشان جيهة ديال أنوار)
الكاملة: عندهم لهبل هنا ولا سمو؟؟؟
أنوار: (شاف فيها ببرود كيلعب بلسانو فوسط فمو)
أب أنوار: (خنزر فمرتو ودار كيكمل مع أب شيماء للي عندهم نفس التجارة وعجبو الحلال وعاد ساامع بيه)
أمال: (حنات راسها وهبطت أول درجة مقدرتش تزيد تنزل وجلست غير دموع كيهبطولها وهي بحال شي جمااد كتشوف فالحيط حتى شافت خوها محمد داخل للدار بحال شي إعصار غير من الزدحة دلباب للي دار برجلو باش دخل وقفت وهبطت بشوية ودخلت نيشان للحمام حيدت فولارها بقات كتشوف فلمراايا وأسوء الاحتمالات دازو فراسها ظحك عليها وشيماء كتر الا هو غذرها مرة او حوج او 3 شيماء 1000 مرة ضربت حنوكها نتفت شعرها بكاات وكتحاول متغوتش واخا لداخل ديالها باغا تغوت ربي للي خلقها غير تنفس على رووحها سمعت الدقان بقات متغيل وجهها رجعت سمعت لخبييط حلات لباب لقاتو هو)
محمد: (عاقد حواجبو) تحركي من هنا
أمال: (بالتلفة جات خارجة من جهة لباب وكتحس براسها بيضة مسلوقة)
محمد: (رجعها من كمها وغوت بالجهد حتى دفعها) تحرمي دخلييييي
أمال: (محسات حتى غوتات حتى هي)وااااا بعد منيبييي انا سيير شووف للي دااارتهااا بيييك متجيييش تخوي فية عصبيتك
محمد: (شدعا من شعرها للي مخربق وبدا عليها بسقل وكيدخلها حتى لوسط الدار كمل عليها بزقل بحال كيضااارب مع شي رااجل ماشي بنت وهي غير كيضوخها بضربة كتنوض كتبغي ترد دقتها وضربو حتى كينزل عليها بضربة للراس كتر من لوخرا مكتعرفش حتى فين هي فالتالي مقدرتش تدافع بقات مكسلة وهو وعى على راسو ووقف شاف فيها عينيها ليسرة مقلوبة حيت عطاها بونية تمااك قاسحة دار يدو على رااسو مصدووم كتر بللي دار فختو على قبل وحدة سمحت فيه وهي جات فطرييق.. حنا لعند راسها) أماال أماال
أمال: (شافت فيه بحقد) بعد مني اخويا ديروني مت بعدني رحمووني وبعدوني عفاااك بعدووني (وقف مكره بغا بقيسها وغوتت هزها وحطها فبيتها وهي مكتشوفش فييه تعمد يقيسها فكل أطرافها يشوف واش هرسها من يديها ولا رجليها وهي بقات كاشوف غير فسقف حتى واحد محااس بييها وكتخيلهم كفاش لفوق مرتاحين وناشطين وهي كتحس بلموت داااخلة معاها…)
اب أنوار: (من بعد محطو الطبلة منوعة ومشكلة جلسو مجموعين من بعد معرف براسو) الله يخلف عليييكم
احمد: نهار كبيير هدا اسي لكبير مرحبا مرحبا
أب أنوار: (تبسم) براكة الله وفييكم (بداو كيديرو كاس كروط نعيمة مرة مرة طير شوفة من أنوار الي غير سااكت أما فتيحة طايرة بلفرحة حيت شيماء غطيير وميديهاش ولدها لحبيب مصطفى مكانش فرحان بزاف حيت هو كان مع فكرة شيماء لمحمد وأمال لنبيل خيرهم ميديه غييرهم كل واحد ككيفكر)
الكاملة: (نغزت أنوار للي جالس فوسطهم.. شاف فيها) اوا هضرو نوضو نمشيو
أب أنوار: (ديجا حاضيها) اوا قصدنااكم ونتوما مالين الدار لكبيرة غرضنا بااين ومكرهناش نتناسبو وتعطيو بنتكم لولدنا أنوار قااري بالاجازة ديالو شاد المحاسبة ديال الخدمة كاملة يعني الا خطانا بقينا خلا ههه (كولشي ظحك وانوار تبسم عاطي صوابو)
احمد: تبارك الله لعلام زيين
أب أنوار: اوا شنو كلتو؟ (عارف ولدو شايف وعارف لبنت)
الكاملة: اوا نشوفوو لعروسة بعدا
نعيمة: (شافت فاحمد زعما واش مقبلول دارلها اشارة بعينيه واها وهادشي على عينيهم) مرحبا (ناضت ومشات لبيت شيماء للي كان مسدود دقات) اويلي مالكي مسورتاه
شيماء: (خافتها تكون أمال حلات) ها
نعيمة: كادي شاالك باش يشوفووك الناس
شيماء: (تاالفة) ناري حشمت
نعيمة: (ميقت فيها) زيدي زيدي مزاال هضرة طوييلة معاك (وقفت عليها حتى قدات شالها ياله بغات دير لعكر طيراتولها مها) اش كديري
شيماء: اويلي أماما واش نخرج بشنايفي هاكا بحال عاضة فتراب
نعيمة: تحركي كداامي
شيماء: بففف (زادت بقفطان موبرة للي كانت كدات ليها مها فعرس خوها جاي سامبل مع شاال طويل دارتو بطريقة زوينة خرجت هي ومها للي شدت فذراعها بشوية دخلاتها للصالون تحت نظراتهم كاملين ولكاملة مقاداش دير شي ردة فعل للي عارفة راجلها قاني علييها)
أب أنوار: تبارك الله تبارك الله
احمد: الله يبارك فيك
الكاملة: (نغزها انوار) تبارك الله والله يحجبها من العين
نعيمة: (بابتسامة) براك الله وفييك
شيماء: حم سلام عليكم (كولشي رد السلام.. جلست بين فتيحة ونعيمة)
أب أنوار: اوا سمو كلتي اسي احمد
احمد: (شاف فبنتو وشاف فيه) ماشي فعوايدنا نصدو لحلال الله يسخر ليكم فلبنية
أب أنوار: نسولو الطفلة؟
احمد: (شاف فيها متبسم عاجبو يتناسب مع تاجر كبيير ماشي طمع ولكن عجبو الحاج) بنتي من ديما تحت جنااحي وعارفاني نبغيلها غير الخير مكيناش كلمة فوك كلمتي ياك اشيما
شيماء: (حشمانة حركت راسها وهي حانية راسها أما أنوار غير كيشوف فيه وغير كيحس براسو عيق كيتببسم كأنه بيناتهم قصة حب عضييييمة..)
اب أنوار: (تبسم) تبارك الله نقراو الفاتحة حتى ديرو وقيتة هاد ليامات وعلمونا نجيو نديرو الخطوبة والعرس حتى يشوفو لولاد بيناتهم
احمد: توكلنا على الله (بقاو كيقراو الفاتحة وشاف لوخرين وقفو) جلسو تعشاو معانا
أب أنوار: حتى لمرا اخرى دابا نمشيو الحاج
احمد: لا غتجلسو تعشااو
مصطفى: الحاج جلسو تعشاو رتاحو وغدا روحو
اب أنوار: (حط يدو فوق صدرو بامتنان) مرة اخرة ان شاء الله (من بعد الودااع خرجو بلبااقة وهبطو فدروج معاهم رجال كان محمد واقف حدا لباب مربع يدو ومغووبش مزياان لدرجة عمو تبسم معاه وقلب وجهو ومشا بعيد منهم توادعو معاهم وبقاو لتحت اما لفوق كاين اجتماع)
فتيحة: وزيييين هاد لوليييد اشيما مبروك عليك ابنتي
شيماء: (تبسمت بغير نفس) الله يبارك فيك اخالتي عكبا لأمال
نعيمة: مال امال كبيلة؟؟
شيماء: حم نمشي نبدل حوايجي
نعيمة: جلسي واش نتي وأمال مدابزين؟؟
شيماء: لا علاش؟؟
نعيمة: ومجاتكش فشكل متكونش معاك دابا راكم خواتات ولا لا
فتيحة: اربي ديك لبنت راها غير هبييلة مشفتيش كبيلة ككتبكي عليها
شيماء: (كتغزز جلدة دشنافتها) بكات!!!
نعيمة: خرݣاتو مسيكينة ماشي بكات بدلي وهودي عندها يحسابلها كانت فخبارنا ومكلنا ليها واالو
شيماء: امم عييت اماما انا نݣولها طلع (ناضت من حداهم وبقاو كيشوفو فيها)
فتيحة: شي يوماين ݣاع ويجيو انعيمة؟؟
نعيمة: (مشا ددماغها بعيد) اممم
فتيحة: الولد على مزيناتو ولكن مو غير كتشوف
نعيمة: راه باينة غير مجروورة
فتيحة: لا لا غير مزالة كتعبر بعينيها وتعرف سمعت ݣالو غير يديرو خطوبة كبيرة تمشيو معروضين باش تشوفو فين تسكن بنتكم
نعيمة: (بتنهيدة) الا كتااب افتييحة نووض نجمع
سناء: انا نجمع اخالتي غير رتاحي
نعيمة: لا ابنتي نعاونك (ناضو كيجمعو وحتى فتيحة جمعات معاهم قادو كولشي خلاو غير لماعن تغسلهم سناء.. فتيحة جمعت الصالون فرحانة غتهنى من سيرة شيماء للي محمد معمر راسو بيها كملت وطلت على نعيمة للي كتنصب لعشا)
فتيحة: هاني هودت انعيمة
نعيمة: غير نطيب نهبط
فتيحة: (هبطت لقات محمد جالس فالصالة دخلت وهي حاضياه كان مغووبش باينة غير من ظلام للي جالس فيه وحواجبو مشروكين) وليدي نعمر ليك اتاي
محمد: (مخنزر) صافي عطاوها؟
فتيحة: وااه كانت طايرة بلفرحة حتى هي لخوينزة باينة كانت تعرفو
محمد: (كتزيد تحك علييه حرك راسو باه) اممم
فتيحة: ميبقاش فيك الحال اوليدي من زمان كلت ليك متصلاحش ليك
محمد: (مكيهضرش غير مخنزر وكيصوط بحال شي لفعة داكشي للي كيحس بيه لظاهل معرفش يوصفو من غير لغذر والشمتة للي تشمت فييها.. زفر) انا مساافر هاد ليامات على قبل شي شغل
فتيحة: (عرفات بيه شيماء) فين تمشي عمرك خويتي اوليدي وخليتينا
محمد: (بعصبية) اش كتخربقي اش خااوي انا مسافر والسلام
فتيحة: (بغات تبدل ساعة باخرى ودخلت لبيتها حطت لعباية ومشات نيشان للكوزينة ملقاتش لعشا كيطيب مشات نيشان لأمال للي متسمعش حسها دخلت وشعلت الضو لقاتها فايقة غير كتشوف تصدمت من منظرها للي واكلة لعصة مزيان شعرها منتوف صباعو مزالين مطراسيين فحنوكها وعينها مسدودة وبدات تزراق) حييييح فيييك اش ديك الشوهة للي درتي ݣبييلة
أمال: (كتشوف فسقف مكتجاوبش)
فتيحة: لالاااك جايبااه على مزيناتو ونتي حدك تبكي وتغييري منها (لا رد منها) علاه مݣاديتيش لعشا (سااكتة.. طلعات ليها الدم وزعزعاتها) ماال مك عاطيااني النخاال وانا نهضر معااك!!! (غوتت) محمد محممممد اجي تكمل على خاد المصيبة راه الا درت يدي فيها ميفكني معاها فكاك (ناض معصب ودخل لداخل لقا ختو غير كتشوف غير فسقف)
محمد: طلقي من لبنت
فتيحة: انا نهضر معاها وهي ممسوقاليش وكان تشوف لبكى للي بكات لفووق بحال غايرة منها علاش هي تخطبت وهادي لا
محمد: بعدي من لبنت امي وخليها ترتاح
فتيحة: تنوض دير لعشا ل..
محمد: (بعصبية وكيغوت حتى تطبعو عروقو فنواظرو) وبعديييها مكتشوفيش كي رااها بربي وتقيسيها ولا تهضري معاها هاد ليام حتى نهزها ونمشي لشي بلاد صاافي براااكة معاها من ديما قاتلها بلعصى وعلم الله واش كدير علاش ولا غير ظاالمها (كحدو كيهضر وهي كتبكي حتى بقات كتبكي بحال شي بنت صغيرة وصوتها مسموع للي كان بحال رصاص فودنيه) خلييها امي عليك (مصدومة من ولدها مطرطقة عينها فييه) خرجي خليها تنعس شوية راه الا زدتي عصبتيتي نتي مغتوليش تلݣاينا هنا لا انا لا هي (خرجت فتيحة غضبانة من ولدها نيشان للكوزينة دير لعشا وتنكر ممسوقاش لصوت بنتها للي كيقطع فقلبها وقلب خووها وفقلب اي بني ادم يسمعها معرفش شنو يدير معرفش شنو يدير فهاد الموقف زفر مكول فييها خرج بشوية وطفى الضو عليها حتى فشت قلبها وبقات كتسكت بشوية وبقاو عينيها منفوخين وحدة مسدودة بلعصى ولوخرا مضببة وذكرياتها مع شيماء كتعاودو منين كانو صغاار
أنوار: (صايك كيسمع غير باه للي شكر فالناس وهو كيخنق وكتجي بين عينو شوفة ديال أمال للي بكاات قداامو بحال كتهضر وتقول شنو هادشي للي درتي؟؟ علاش؟؟ وغير كيتفكر شنو عرف عليها من عند شيماء بالأدلة والصور لفيديو الاديويات كيكفر زيد نهار قبل الخطبة للي..)
#فلاش_باك
هند: (صونات على انوار للي لقات نمرتها مبلوكية بلا عكز خرجت شرات نمرة فيها جوج سوايع ديال الهضرة وطبات نمرتو صونات المرة اللولة والتانية عاد جاوب) انا هند بغيت غير نعرف علاش درتي هكاك لأمال
أنوار: (زفر) اش عااود
هند: نتا برب مرااجل
أنوار: (معصب) هيييييند متخلينيش نحلفها فييك
هند: اش عندك الكلب متحلف مشرب لبنت كينة فالعصير منعسها مكرفس عليها وبقيتي ضرب بيها الجفاف تحت رجليييك
أنوار: (تصدم من أمال كفاش عودات هادشي للي خااص بيناتهم لهند)
هند: ضربتي الطم ولكن حتى هي حمارة مقالتلي والو اما تبات فالحبس اشمااتة تحليلة ديال الدم وديالها تبان وتمشي ضرب 5 سنين دلحبس على قلبك وحتى دابا والله متبقى فييبك
أنوار: سيري ت*** نتي وياااها والا مندمتهاش على كلامك نتي مانيش رااجل
هند: هه نتا اصل اماشي رااجل وعمرك تكوون باغي ترجل على ولية وكان كانت فيك شوية دريحة رجال متنعسهاش وتقضي غرااضك جيها فااص ولا حيت معطاتكش وجه متسرطااتلكش اشمااتتة
أنوار: (قطع كيتحلف فأمال للي عصباتو صونا فتيليفونها لقااه مطفي مجا فبالو غير) اللوو
شيماء: (فرحانة) الو
أنوار: (بعصبية) شوفي غدا غنجيب واليدية وغنجيو نخطبووك
شيماء: (تصدمات) هااا
أنوار: متكوليها حتى لحد
شيماء: اصلا منقدرش واش متأكد انوار ياك نتا باغي أمال وخطبتيها
أنوار: اشمن أمال ولا ق**** واش انا غنتجوج وحدة ق**** ونتي عارفااها مزياان
شيماء: (بتوتر) امم هي خاصها غير للي يفيقها ماشي خارجة طريق كاع
أنوار: واش نجي ولا لا
شيماء: (بلا متفكر) واه
أنوار: ماشي هبيل باش نتجوج وحدة كنت معاها وعارفاها عينها واسعة على رجاال عارفك نتي باغيااني ومن نهار اللول وانا كنت مخليك للمعقول
شيماء: (فرحت ولكن..) وهي فخبارها
أنوار: معندك مديري بيها انا كنعلمك
شيماء: أمال ماشي خايبة أنوار غ..
أنوار: شيماااااء غدا مور لعصر غنكونو عندكم ملقاش ديك السلكووطة تمااك وحتى نتي نسايها نبغي مرتي تكون بعييدة على هاد الاشكال (قطع وخلاها غير كضور عينيها كل ليلة قبل متنعس كتخيل راسها حبيبتو وداكشي الي كيديرو مع أمال كيديرو معاها ياما حلمات بيه رااجلها دخلت داكشي فخيلتها اللعينة حتى بالصح جا وكان قد كلمتو..)
=بااك
الكاملة: عندااك اوليدي غير بشوية
أنوار: ها (عاد نقس السرعة)
أب أنوار: شي يوماين ولا 3 نرجعو عندهم ركبو لخوااتم
الكاملة: زربان الكبير!!
اب أنوار: خير البر عااجله اولدي تخطبو ومن بعد ديرو الكاغيط وغير تخطبو نعرضو على العائلة يجيو كاملين عندنا ونتا خاصك تصلح بيتك وتعاود تفرشو
الكاملة: كنتي تعرفها اولدي
أنوار: لا غير شفتها فالعرس
الكاملة: (مصمصت الحامض مقدراش تهضر حيت غتجبد نحل على راسها وصافي..)
نعيمة: (صونات على فتيحة عرفت رجال مكينينش فالدار مشات عند شيماء) نوضي نهبطو عند أمال
شيماء: (شادة داك الورد وكتشم فيه) كجاك أنوار أماما
نعيمة: (جلست وقوست عينها فيها) كنتي تعرفيه
شيماء: (تبسمت وشافت فيها) كان يحماق يهضر معايا وكنت معفرة عليه (كتشالي بيديها) من ديما يتبعني ولكن والله باحترام راك شفتييه حشومي شوية
نعيمة: مااااااتقتكش ابنتي
شيماء: وغير سمعي كانو لبنات منين يشوفووه تابعني يتفقسو ويمرضو فصحتهم
نعيمة: اوا وامال؟؟
شيماء: (بلعت ريقها ورمشت جوج مرات) مالها أمال
نعيمة: علاش كانت تبكي بحال شي وحدة ميتلها شي حد وعاد كانت واقفة كدام الناس مصدومة
شيماء: (قلبها ضرب) معرفت مشفتهاش
نعيمة: حيت كنتي مطرقة لباب عليك وكانت دق غليك ونتي كطرديها يحسابلك مسمعتكش
شيماء: بفففف ماما دابا نتي فرحانة لي ولا كتقلبي علاش أمال كانت تبكي اصلا امال من نهار تولدت وهي تبكي شنو الجديد زعما؟؟
نعيمة: اطونسيوون اشيماء هااا ودني منك والله ونسمع عليك شي تزكزييك منعتقكش ابنتي ودابا لبسي وياله نهبطو لدار عمك
شيماء: لا أماما ما فيااش غنوض نقاد لعشا
نعيمة: (ناضت خرجات مخلية شيماء غير كتصووط لبست عبايتها ولوات الشال وهبطت لتحت كتحس بشي حاجة متمااش دخلت لقات فتيحة جالسة معاجبها حال اول مرة محمد يغوت عليها وعاد باغي يخوي الدار على قبل أمال لبنت للي حرماتها تزيد وليدات مرة اخرى والوالدة عضو عزيييز بزااف عند كل مراة..) السلام
فتيحة: وعلييكم السلام
نعيمة: مالكي؟؟
فتيحة: ديك لمسخوطة لكيتها واكلة سلخة من عند خوها شو سمو دارتلو وبسباها تزايدنا فالهضرة وبنت لحرام نهضرها وتقلب وجهها
نعيمة: فينها؟
فتيحة: راها ناعسة
نعيمة: شنو ظهر ليك افتيحة فديك الخطبة مو منين جات وهي منخفة وقالبة وجهها حتى كلمة مسكدة مخرجتش من فمها
فتيحة: اوا راه لا كلام فوك كلام رجال او لا؟؟
نعيمة: مرانيش نرضع صبعي راه جاية تخطب لولدها حتى منين دخلت بنتي كالت دوك جوج كلمات بلا خااطر وباااينة لمرا للي تبغي تخطب لولدها غتبقى تسول تجي عندي تجمع شوية تسول عليها وهي والو بحال غير جارينها ولا شنو بان ليك؟
فتيحة: بانلي باغا تخرجي على سعد بنتك وصافي لولد على مزيناتو وقاري بشهادتو وشاد خدمة باه كاملة بعلامو وبنتك تسكن فلمدينة
نعيمة: والله مبغيت بنتي تبعد علية
فتيحة: (طانزة) هه اوا نهار جينا خطبناها لمحمد كان تعطيوهالو
نعيمة: (تبسمت) الله يدير تاويل دلخير وصاافي
فتيحة: اوا نوضي طلعي لدارك ومتخمميش وعلميني فوكاش تعلمو الناس باش نكادو الحلوة ونوجدو دجاج
نعيمة: (وقفت) حتى يجي باها ونشوف شنو غيدير (خرجت مخلية فتيحة حامدة الله لي بعد عليها شيماء.. وناضت كتكمل توجاد لعشا ورجعت لنكيرها على محمد للي غوت عليها وهددها يخوي الدار..)
شيماء: (كتشوف نمرة ديال هند عرفت وصلاتلها امال لخبار تشجعت شحال قدها تخبا) حم ألو
هند: (طانزة) افيين الالة لعرووسة
شيماء: هند نتي صاحبتي خاصك تفهميني
هند: ونتي دايرة حساب الصحبة عادي تقوليلي راه غيخطبني شي واحد مغنزيدك غير الخير ولا نتي من صحابات كولشي جا على غفلة
شيماء: (عرفاتها معرفاتش شكون العريس) والله اختي كولشي جا على غفلة راه جا خطب مكنتش عارفة جااي ياك غير لبارح صباح هضرنا انا وياك وأمال ابيل فيديو والله مكنت نعرف شي حاجة
هند: اممم اوا لالة مبروووك واش تماك نييت ومحمد شنو درتي معاه
شيماء: حم محمد ممكتابينش لبعضيااتنا وماما وخوتي عمرهم يبغيبوه
هند: اوا نهار اللول فاريها معاه ماشي تجرجريه
شيماء: هند والله اختي الا تأنيب الضمير مرضني بلا متزيديني نتي
هند: اوا نتي للي بغيتي اشيماء هاد العذاب قوليلي أمال فينها؟؟
شيماء: (بلعت ريقها) فين
هند: وااا اماال واش مطلعتش عندك ياكما محمد دار شي فضيحة
شيماء: لا غير هي مطلعتش كانت الدار عامرة وراك شفتي كفاش هنا العائلة
هند: هاااء راها بنت عمك وفحكم ختك متقوليش معيطتيلهاش
شيماء: امم مبغاتش مها
هند: يخخخ ديك مها مطتسرطليش تفو مهم غدا منين تكون معاك قولها تشعل تيليفونها غير هو واش مجا اايوم حد خطبها
شيماء: لا.. هند ختي راكي عارفة خوتي غيجيو يمرضوني غدا ونهضرو و.
هند: اممم اوا صافي بسلامة ومبرووك عليك غدا وعاودياي على هاد عريس الغفلة
شيماء: هه واخ (قطعت وهي محملاش رااسها علاش كااع غتكذب انوار هو عريس الغفلة هو للي ختارها من دون لبنات كاااملين…)
~~~~~~~~~~~
اصبحنا واصبح الملك لله
ناضت فتيحة مكرهة ولدها فلليل مجاش رغبها مشات نيشان لبيت أمال مع حلات بالجهد أمال تفافاات من نعاسها للي ياله قدرت تغمض ليها شوية غير تحركت وجعوها جنابها من كتر ما خوها عطاها بزقل فيهم وعين فتحاتها غير بالسيف شافت فمها وكان شعرها مشنتف حتى من نظرة مها للي جاية كلها غضب تبدلت منين شافت كمارتها دراها وعين مسدوودة ومبوقة ولوخرا ياله كتحلها حنط كولو زرق وفمها مشروط ولاينة الجرحة فيه
فتيحة: (شهقت) ويلي على المفضوحة كردها خوووها
أمال: (غير كتشوف بعويناتها ودماغها رجع يخدم ويسول علاش هادشي كامل كيوقعلي)
فتيحة: (جاها لفضول علاش محمد ضربها كاع هاد الضرب وفالتالي رجع يدافع عليها.. تمشات حداها وجلست شدت وججها للي لوخرا غير كتغوت بلحريق بقات كدورولها) اسموو درتي باش ردك هاك؟؟؟
أمال: (بصوت مبحوح) والو
فتيحة: واش حيت شيما تخطبت
أمال: (بركت على جرحها) يمكن
فتيحة: وماا برد راسو غير فييك
أمال: (لحزن جبدت وجهها بشوية باش مها مديرش من الحبة قبة وحناتو مباغاش تبكي باش متسمعهاش دوك جوج كلمات ديال واش غرتي منها وكدا.. شافت مها خرجت من لبيت وسدات لباب طفات الضو من حداها ورجعت تكاات غطرطق محاس بيها غير للي خلقها…)
الكاملة: (جالسة مع الحاجة كتفطر معاها ومفقوسة على ولدها للي تجوج من برا وجدة معندهاش مع البراني عاد كانت طامعة يتزوج بنت ختها ولا وحدة من بنات عمو) اييييييوا ولد وكبر وتعذب وقري وفالتالي يمشي يجيبها من لخلا
الحاجة: والصراحة لكاملة كاع دوك لبنات مزيينهم حتى يانا لسكت ف لووسك يمشي يخطب وحدة منهم وخاطري بغاالو هند الفرملية
الكاملة: كووولهم لفعات يعطيوها لتصاحيب وفالتالي يحنيو الراس بحال مدايرين واالو اويييلي على غداايدي كاع ولادي جابوهم من برا هادي مكانت لا فتقاليدنا لا فعوايدنا
الحاجة: استغفري مولاك ومترفديش دنوب لبنات باااطل
الكاملة: عاارفة ولدي والله ميجي ويخطبها غير الا خرجت معاه
الحاجة: اولدك ربي حللو يخرج كيف بغا؟؟؟ الله يهديك الكاملة راك تكولي كلام تحاسبي عليه
زهير: (عاد فاق من نعاس ودخل للصالة) السلااااام عليكم
الحاجة: وعليكم السلام ولدي رتاحيت
الكاملة: وعليكم السلام
زهير: مزيااااان ونتي كيف بقيتي
الحاجة: الحمد الله اولدي
زهير: الكاملة مبرووك على انواار
الكاملة: الله يبارك فيك
زهير: (عارفها مبغاتش هاد الخطبة وبراسو مكرهش أنوار يبعد من هاد العائلة ويخليه مزيان معاهم) على الله يدير عقلو
الكاملة: ومال ولدي كيضرب الناس بالحجر
زهير: لا حااشا غير مزال برهووش فعقلو ودوك الناس عندي عزاااز من واااهلي منبغيش يحاشمنا معاهم
الكاملة: انا منعدي كاع مبغيتو يتزوج من تماك
زهير: (مجاوبش مبغاش يكتر معاها الهضرة ويصدق كيعرعر تمااك حنا كياكل وحتى لوخرين بدلو الموضووع وقف) الله يعاون ما مع ديك 12 ونص نجي نديك لطبيب
الحاجة: الله يرضي عليك اوليدي….
كولها وفين دوز نهارو وكولها وكيدوزو أنوار مع الخدمة دباه للي مكتسالاش زهير فالمحال للي كيتسنى امتى يحلو باش يمشي واجد يخطب لبنت للي عجبااه هند غير الدار حيت جات مها وباها للي مزال على نفس المعاملة وليد فالمحال ديالو كيقتل الوقت ويجمع لفلوس باش يهبط للمغرب محمد مشا للفيرمة دبااه كيكلب واحد الأرض وكيتلف فيها الشمتة للي شمتااتو بنت عمو شيماء عطياها للوصفات فوجهها وكتخطط هي ومها وفتيحة لشنو يطيبو وشنو يديرو نهار الخطوبة لكبيرة أمال أمال مزالة فبلاصتها لا ماكلة لا ما حدها زيراتها بيبي وناضت مضاربة مع جنابها وعظامها باش تنو ض تقضي غراضها ورجعت لبلاصتها سادة لباب عليها ومتكية فديك الظلمة للي مكانتش تقدر تجلس فيها هكا دازت يوماين عليها حدها شربت فيها لما مخلية ميكات ديال سقاطة للي كان كيحط محمد على رااسها كعربوون للأسف ولكن عندها هي مكافيش وزادت كرهاتو وكرهاات العاالم تفكرت هند هند هي الانسانة الوحيييدة للي باينة كتخاف عليها وهزالها الهم ضربتها الفيقة على زغاارت مفهمت واالو عاد تفكرت اليوم الخطووبة لكبيرة ديال شيمااء قلبها زاد تعصر كتر وكتر جبدت تيليفونها كن لوسادة ودوزت نمرة ديال هند للي دغيا جوباتها
أمال: (بصوت مبحوح) الو
هند: (كتبكي) الوو..
أمال: (نسات راسها) مالكي؟؟؟؟
هند: كرهت ديلمااتهم كااملين الله يعطييهم الغرااق تفو تفوووو (كضرب فلفوولون)
أمال: هند مالكي؟؟
هند: (كتمسح دموعها بكمها وخا كتعكر فحنكها للي فيه طرشة مصورة ديال بااها) والو والو واش مزال مترجعو لوجدة انا شادة طريق لتماك؟؟
أمال: (بحزن) لا مرجعوش
هند: (طرطقت عينها ووزيرت الطموبيل على جنب وهزت التيبيفون للي كانت دايرة سبيكر ودارتو فودنيها) كفااش كفاش مترجعوش؟؟؟ واش حيت شيماء تخطبت
أمال: علاش فخبارك حتى نتي؟؟ (بقات كتبكي) عمرني نسمح ليها
هند: وراه حتى انا مكانش غخبااري شوفي شيماء دابا تصالحو نتي وياها ولكن لمجيان ضرووري باش نتفاعمو مع داك لكلب
أمال: (بانفعال وكتبكي) وراااه خطبها هي أنوار خطب الكلبة هءءءءء
هند: (بقات مصدووومة)
أمال: هاكا شاف فعيني وهو كيخطب فيها تكرفس علية وخطب بنت عمي باش يقتلني وهي للي كانت كتر من ختي دارتلي هااكا حكرووني بجووج اهند عرفوني مفيدي واالو لعبو علية هءءء… وهي كتر ذبحااتني بنت عمي كانت ختي وفيها كوولشي كنت نكوول ماما تسمح فية وشيمااا لا ومنين طلعت سولتها طردتني ردوني جفااف اهند ومسحو فية رجليهم وتشادو ليدييين
هند: (بكاتها ومعرفت متكوول)
أمال: (بقات كتمسح حنومها ونيفها للي كيدير الانطلاقة مع عينيها) الله ياخد حقي منو هو وهي الله يسمح ليها أما انا عمرني نسمح لييها بدلاتني على ود واحد مرحمنيييش
هند: صافي أمال برااكة علييك من لبكى
أمال: كندير حتى نكول ظحكتلي الدنيا ولقى مصيبة كتر من اللولة كنديير اهند حتى من خويا مرحمنيش كان غيقتلني غي حيت شيماء شمتااتو
هند: انا جااية عندك
أمال: (كانت محتاجها) غير اجي اختي راني قربت نقتل راااسي
هند: انا شاادة طريق نوقف على شي جضارمي يوريني طرييق ونجي
أمال: (كتسمع غاريت) اليوم خطبتهم لكبيرة ها هوما كيزغرتو لييهم
هند: (شفااتها بلمزياان) انا جاااية وعنداك طلعي عندها
أمال: (بتنهيدة) غير بشوية عليك اختي فطريييق…
~~~~~~~~~~~~~
زهير: (لبس حتى هو لكلاس ولكن ماشي بحال أنوار للي ضارب كوستيم ديال لفرييع ومقاد رااسو للي شافو يقول راه كيموت على هاد لبنت للي ماشي يخطب ماشي دايرها غير قنطرة باش يعصب ويفقص.. قادلو لكرفاطا) واااجد
أنوار: شوف غير معاهم هوما واش كملو
زهير: هوما كملو ولحوايج ولكادويات شرجاوهم فالطموبيلات.. (دخل خوه) الحولي راه وصيت صاحبي هو غيجيب واحد لحدا لباب
أب أنوار: الله يرضي علييك وكان غير جبتو جوج
أنوار: واحد برااكة راه غير خطبة
أب أنوار: راك كتكبر بنساابك اوليدي واش خلصتيه ازهير
زهير: ضرووري صيفطت لبارح لفلوس وحتى من الدار باش نباتو شديتها (شاف فالساعة) وطلݣو راسكم (كولشي وخرج وشدو طريق كانو 4 الطموبيلات زهير والحاجة وخوه والكاملة وعريساتها وخوتو وعماماتو ورجلاتهم…)
أمال: (جالسة فبينها حتى وقفت وشعلت الضو مجيان هند غيخفف عليها شوية حلت لباب وهي سخفانة بالسيف باش كتمشى الدار خاوية مكاين حد مشات لبيت مها نيشان جاها الفضول تعرف علاش مها تخلعات منين شافت وجهها.. دخلت شعلت الضو نيشان للماريو للي فيه مرايا غمضت عينها وهي مصدوومة فوجهها حطت يدها على عينها للي تفتحت ليها شوية حنكها فيه طاشات فلموف وعينيها منفوخة وجميع الالوان ضايرين بيها وجهها بااهت جمعت شعرها للي طالع لسما واخا هكاك مزال لبروتين داير خدمتو تنهدت على راسها للي كلات لعصى بمسبة شيماء للي مكلفاتش خاطرها تهبط غير طلب سماااحة على الأقل شافت خوها دخل حنات راسها)
علي: هههه اش درتي المسخوطة عاود
أمال: (مدتهاش فيه ودخلت للكوزينة وتبعها جرها من ذراعها) طلق مني
علي: منبن نهضر معاك الحمارة جااوبي ولا نخمج ليك العين لوخرا
أمال: (بلا كتحس غوتت) وااااااا بععععععععد منيييييي (طارت لبوطاجي هزت مو&&س من دوك لكباار وحطاتو حدا عنقها منين شافتو بغا يضربها) تبعد ولا ندبح راسي
علي: (وقف وربع يدو) دبحيه شنو كتسنى
أمال: (قلبها كيزدح وبقات كتشوف فيه) والله إن نديرها
علي: اوا بااالي
أمال: بعد مني شنو درت ليك
علي: ديرييها فين تجيك دابا لقيتينيي ممساليش (خرج من لكوزينة وبقات هازة لموس حتى سمعاتو كيعايرها وينكر حتى خرج وسمعت لباب تسد عاد رتاااحت حطاتو وحلت التلاجة كتشوف شنو تاكل لقات لبنان هزات وحدة كلاتها تعتق راسها وجلسات فلكرسي غير كتخمم فشنو كيوقع ليها بقات شحال بحال شي جماد حتى تنملت ترمتها دخلت مها عليها باغا تدي شي كيسان كانو شراو هي ونعيمة بحال بحال ومكفاوهاش لبكيات للي عندها وبغات تحط بحال بحال لقاتها جالسة)
فتيحة: اوا على سلامة الالة لعروسة منين خرجي من جحرك
أمال: (حكاتلها على الجرح.. شافت فيها) جاو؟
فتيحة: مزال موصلو
أمال: (بعدت عينها كتخبع دموعها غمضت عينها وطلقت زفرة وقفت مغزفة بلحفا خرجت من الدار كتزرب ودروج كتنقز وحدة فجوج حتى وصلت للدار لقات شيماء خارجة من بيتها لابسة قفطان فلبيج منبت جايها مع طايتها للي صحااحت وبلا شال ودايرة ميكاب خفيف وباينة الفرحة كتنقز من عينيها) فرحااانة؟؟
شيماء: (بخوف) أمال سيري فحاالك من بعد ونهضرو مضيعيليش فرحتي
أمال: (ظحكت طانزة) فرحاانة على ظهري وعاااحبك الحال كجااتك هاد الفرحة اشيماء ونتي عارفة شنو كاين
نعيمة: بنتي شنو كااين
فتيحة: (لحقت ببنتها) اش كاين
أمال: هادا للي جاي يخطب راه خطبني انا اللولة وبنتك عمراتو علية مزيان اخالتي نعيمة باش يتجوجها هي
نعيمة: (طرطقت عينيها وكانو شي نسا من العائلة) بنتي أمال اجي معايا
شيماء: (معصبة) لا غتهبط هو راه ختار شكون بغا لجواج وشكون لتفلية
أمال: (محست غير طارت عليها بنتفة وحتى شيماء ممقصراش عياو يفكو وفتيحة كضرب فظهر بنتها وتقرص باش طلق ووالو يديها ماتو فشعر شيماء حتى زعزعااتها مها حلت عينها) هااا
فتيحة: فين سهيتي ابنت لحرام ياكما راك مزبلاها
أمال: (رجعت للوعي ديالها وحلات عينها وشحال محتاجة ضرب شيماء) ها
فتيحة: ابلاتي عليك نݣلبك بلاتي
أمال: (سكتت خاايفة شافت مها هزت لكيسان ومشات ورجعت عندها)
فتيحة: عنداك طلعي بديك الكمارة لمشوهة لفوݣ لالة زينة وزادك خوك السر (طلعت تكمل شغل مع نعيمة للي غير طيب وتحط وبغات دوز خطوبة فايتة لكلام راه غير بنية وحدة وهي عينييها…)
هند: (وصلت لميسور ووقفت ترتاح خرجت جابت قرعة ديال لما ورجعت لطموبيلتها شربت وبقات كتنهد ما حيلتها لراسها ولا لأمال ولا لغذر شيماء تنهدت وتفكرت باها للي حيح عليها منين جاب مرتو وبنات مراتو لدار جداها وطلبو منها سيف عليها تخلي وحدة من بنات مرتو تنعس معاها فشمبرتها للي كيعاملها حسن منها والغريزة ديالها كإبنة غاارت من معاملتو لوخرا ومبغااش كلمة مع كلمة حتى جمع معاها بتصرفيقة سدات بيتها بالسارووت وجرت باليزتها للي خلات نص حوايجها وزادت مع طريق.. جبدت تيليفونها وصونات على جداتها) بلا متقلقي علية اني لالة غير يمشيو من عندك نجي انا… انا بيخير والله متقلقيش احبيبتي… غنمشي عند ديك صاحبتي للي عاودتلك عليها… اه للي فتاوريرت… واخا بسلامة.. (قطعت وشافت فلابليكاسيون ديال ويييز waze وكملت طريق لتاوريرت للي كانت بعيدة شي ساعتاين بحكم مكتعرفش طريق وأول مرة دوز منها وعاد لقات واد ملوية للي دايز من اوطاط الحاج حامل دازت غير بلكشايف مغاامرة براسها… ورجعت الطموبيل حالتها بالغييس بقات 10 كلم وتوصل صومات على أمال كان تيليفونها طافي عرفت راه معاها شي حد صونات على شيماء للي جاوبات) افييين
شيماء: حم هند صافا؟
هند: خليتي فيها شي صافا؟؟
شيماء: مالكي؟
هند: مالكي نتي اشيماء خليتي ز*** دلخلا يدخل بينك وبين أمال (لوخرا ظربت الطم) مهم انا جاااية
شيماء: عفااك اشيماء متنوضيش صد…
هند: وشكون سوق ليك نتي وداك لحمار انا جاية على ود أمال للي غذرتيها مهم كنصوني مكتجاوبش تيليفونها طاافي (سمعتها كتبكي مسوقتش ليها) غنجي وقولي لماماك راني جاية لعندك زعما راك عرضاني باش فتيحة مديرش شي حاجة
شيماء: (كتبكي) والله حتى كنبغيه
هند: (بعصبية) طليييه اختي وشغلك هداك (قطعت وكملت الصوكان كانت لابسة كولون مع بوط ومونطو طويل شوية والشال للي فعنقها غتلويه على راسها وصلت نيشان للدار لوات الشال على شعرها وخرجت مكرهة كان نبيل حدا المحال للي غير شافها خرجت جا حداها) حم سلام شيماء عرضاتني نجي
نبيل: (مكانش عارفها عندها طموبيل) مرحبا طلعي راها لفوك (بغا يطلع وهي تسبق هضرت)
هند: بلا منعذبك معايا انا نطلع (حرك راسو باه براسو معجباهش هاد الخطبة ماشي حيت عينو فأمال لا حيت كان بغا لمحمد.. طلعت هند دقت فدار أمال للي حلات ليها هند شهقات وأمال بقات وااقفة مكرهتش تعنقها ولكن هاد الحركة كتجيها تقيلة حيت معيشاهااش بزااف.. حتى عنقاتها هند) شكون دار فيك هاك
أمال: (ياله بغات دخلها وهي سمعت الضجيج دخلت هند لداخل خايفة يكونو خوتها حتى قشعت أنوار وقف فالدرجة اللولة لابس كوستيم كحل وشاف اونفاص معاه كانت هي بحال شي جرتيلة ووجهها مشوه غير بانو لعيالات للي معاه ردت لباب وعينيها عامرين دموع وقلبها كيبكي الدم شافتها هند)
هند: شكون؟؟
أمال: (حتى تجمعت عائلتو وخوت شيماء للي كيرحبو بيهم طلعو لعيالات كيصليو على نبي وكل وحدة وشنو هاازة فيدها كادويات لشيماء هند عرفت جا أنوار طلت حتى هي لقاتو بكل غروور كيشوف فالشق للي كطل منو أمال.. غير وصل حداهم هند دفعت لباب وتسد بالجهد ودورت أمال للي كتبكي)
هند: شنو كتشووفي وعلاش كتبكي واش على قبل شمااتة دلخلا؟؟ الله يعطييه الغرااق هو ولكلبة للي لفووق
أمال: (شدت فقلبها للي كيزدح) وانا شنو ندير فمصيبتي؟؟
هند: اشمن مصييبة؟؟
أمال: راني حااملة
أمال: راني حاملة
هند: (مع زغارت مسمعاتش وأمال كتهضر غير بشوية) شنو؟؟
أمال: (خايفه) حااملة راني حاملة
هند: (طرطفت عينيها) واش ميقنة؟؟ متأكدة راكي حاملة؟
أمال: (كتبكي وتمسح بكمها) مجاتنيش شي شهر ونص (دخلت) هوما فرحانين وانا نفكر كندير نقتل راسي
هند: حاملة وسااكتة واش هبيلة كاينة السيبا فلبلاد اجي بعدا عاوديلي من اللول شنو وقع
أمال: (سخفانة) ماشي دابا اهند فأي وقيتة يدخل شي حد وماما راها حاطة علية وكل شوية تكولي نقلبك
هند: بففف علاش أمال مهضرتيش من شحال هادي
أمال: (جلست وودنيها مع زغاريت للي مزال كتسمعهم) شفتي شيماء؟
هند: (زفرت) ممتيقاش دارتها كنت عارفاها أمال كتبغيه
أمال: (بتنهيدة) حتى انا كنت نشك فيها ولكن دير هاكا لا (حركت راسها) تربح بيه بجوج بحال بحال غدارين
هند: درتي تيست؟؟
أمال: واش هبيلة تقتلني ماما
هند: انا غنخرج نجيبلك واحد وغدا صباح بكري جربيه وانا نهرسو نغبر باباااه مهم خاصك تقطعي الشك باليقين
أمال: (بخوف) نخاف
هند: من هنا لتماك غلقاو ألف حل وداك لبغل خاص يتحمل مسؤوليتو
أمال: خفت اهند نمووت فييها والله
هند: الله يا ربي فين كان مخبي ليك هادشي الله يعطيه لموووت (سمعت لباب تحل ضربو الطم حتى شافو محمد دخل مع بان ليهم فلكولوار حالتو حتى من اللحية نايضة مخربقة وعينيه ذابلين وحواجبو مشروكين بانت فيه كتر من أمال شاف فأمال وشاف فهند للي مرضاش تشوف ختو هكاك)
محمد: السلام
بجوج: وعليكم السلام
محمد: لباس؟
أمال: (حانية راسها) لباس حم صاحبتي جات عند..
محمد: (مشا للكوزينة) مرحبا
أمال: (مقال هاكا غير مها صافي معطردهاش ولاينة ندم علاش ضربها فنفسها كتقول وكان عرفتي شنو راني دايرة ذبحني وفنفس الوقت كارهااه حيت ضربها على ود غدارة.. شافت فهند) اجي ندخلو لبيت (بقا فيها محمد دخلت وجلست فبيت أمال لي عامر ميكات فيهم سقاطة حتى سمعو باب الدار تزدح عرفوه خرج)
هند: مسكين خوك
أمال: (بحزن) دغيا ينسى ولكن انا عمرني نسا حلف وكان كالي نخلي فيك العلامة
هند: ولد ل*** تفووو
أمال: انا للي حمارة عيتي فية نبعد عليه ومسمعتكش
هند: هو للي حمار لقاك نية وبغا يلعب عليك لكلب وحتى دابا غنفكرو فحل
أمال: انا بغيت غير رجع لوجدة باش حتى الا كنت حاملة نهرب من تماك
هند: بففف متشائميش متعرفي غير تعطلات علييك ولا لبرد
أمال: هو راه تكرفس علية وكاين شك نكون حاملة
هند: (وقفت) غنطلع لفوق
أمال: (بحزن) نطلع معاك باش نشوف فعينيها
هند: حمقة طلعي هاكا تزيدي تخليه يتشفى فيك انا طالعة نقولها جوج كلمات نغصها عليها ونرجع عندك
أمال: شيماء مكيكر فيها واالو (طلعت هند للدار كان الهرج حيت خطوبة كبيرة مسافتش فاالصالون للي عرفت غيكونو تماك مشات نيشان للكوزينة لقات نعيمة لابسة قفطان ودايرة فواطة زوينة غير شافتها عنقاتها)
نعيمة: على سلامتك ابنتي
هند: الله يسلمك اخالتي لباس علييك مبروك على شيماء
نعيمة: الله يبارك فيك ابنتي لعقبة ليك نتي وامولة راها عيانة ما تلقايها هنا
هند: ااه بالصح فينها شيماء فبيتها ههه جابتني كنجري كالتلي واااالوو تكوني هنا
نعيمة: ضرووري تبغي صحباتها وخووتها ضايرين بيها سيري راها فبيتها مخلوعة ههه
هند: امم مسكينة نمشي نشووفها (مع خرجت لقات زهير كيهضر فالتيليفون وكيظحك شافها وتبسم) سلام
زهير: وعليكم السلام اختي (فبالو فين هي أمال) صافا؟؟
هند: الحمد الله اخويا (شوية طلعت معاها منين وليد قالها ختي خطبها ولد خو صااحبي وزهير صاحبو ياكما أنوار هو ولد خووه وزهير عمو!!!!!!!!!)
زهير: (شافها طرطقت عينها فيه مفهم والو تبسم بلبااقة وخرج كيكمل لابيل مع وليد) اوا اش فيها
وليد: حلفتي حتى تناسب معايا البغل
زهير: اسيدي حتى انا مكان فخبري وااالو حتى ناض ݣالو خويا خاصك تزوج ݣالو مرحبا شفت بنت فلعرس للي حضرتلو والعائلة راها باينة كدايرة وبغيت ندي منهم
وليد: اوا الله يسخر غير يحطها فعينييه
زهير: بيناااتهم اخويا
وليد: كفاش زعما!! الا عارف شي لعبة هضر ݣبل
زهير: مغنݣولكش ولد خويا واحد من الصحاابة ولكن مفكر فجواج الا بغا يستقر شي حاجة اخرى منعرف نتا براسك عارف بين جوج مغيعرفو حتى حد
وليد: انا ختي مربية مانبغيش للي يتفلى عليها
زهير: شوف اوليد داكشي ديالنا نهار اللول ݣلنا ميدخل فيه حد وهي راه بعقلها غتفرز المزيان من الخايب خويا غيديرها كتر من بنتو راه ديجا عندو فالدار جوج عيلات ولادو دايرهم بحال بناتو وعاد فالدار هو كولشي ومول لعقل حتى مرتو راه مكتنهنهش ݣدامو للي تخاف على ختك منها ولها وااسع النظر هي غتفرز
وليد: واه عارف غير الولد واش مزيان
زهير: راه ݣلت ليك ماشي من الصحابة الولد ولد خويا ونيت راه صااحبي تربينا بجوج بحال لخووت ولكن فهاد الأمور منقدرش نݣول والو ختك غيبان ليها كولشي
وليد: حتى انا معطيتها ليكم حتى عارف المعدن
زهير: اوا تلاح نهبط نجيب شي كاارو راه واقف عليه
وليد: الله يعفووو
زهير: من للي تلفو أما حنا غير كنتكيفوو.. (قطع وهبط لتحت داز على ظار امال للي بابها مطرق وباينة غتكون مع بنت عمهاا كان ودو يخطبها يعرف شنو تحت راسها ولكن هو باغي غير يقشع شي 10 ولا 20% من قبوولها بيه كان المحال ديالهم مسدود مشا لحانوت اخر..)
هند: (دخلت لبيت شيماء لقاتها لابسة قفطان كولو محجر فغوز بيبي مع شال ففداك اللون مفتوح شوية جاي معاها خطير مع مكياج خفييييف طلعاتها هند وهبطاتها مخلية شيماء مصدومة من مجيتها) وغير عيطي نزغرتو ليييك اختييي ولا خفتي نحسدووك
شيماء: ها..
هند: (دخلت كتلوى) هو..هي.. غير تهناي احبيبتي متمى فاش نحسدوك راك داية غير ز*** دلخلا
شيماء: هند متزيدينيش حتى نتي
هند: اممم غتبكي أمسكييينة على بوونت (قاست بظهفرها قرن صباعها) كنت نتييق ودمووعي يسييلو
شيماء: (وقفت بالزربة سدت لباب) عفااك اهند راه الا سمعوك تنوض فضييحة وحتى أمال تمشي فيها
هند : هه لا ودايرة راسك خايفة عليها صنطييييييحة عندك اختشي
شيماء: أمال مبغاتش تفهم ياك تفارقو كتر من شهر هو بقا تابعني والله مكنت عارفاه جاي يخطب حتى جا
هند: ونفتارضو جا يخطب بلا متعرفي واخا منتيقهاش نتي تقبلي؟؟؟ دزتي على قلب بنت عمك للي كانت دايراك ختها وعلى قلب ولد عمك للي بجوج لتحت بحال ليتامة ونتي فرحانة هنا
شيماء: محمد اصلا عمرني بغيتو وأمال دابا يجيبلها ربي ما حسن
هند: وي جابلها الله ماا حسن وقريبة غتبقاي تعيطيلها مرت عمي ياك منين غتزوجي عمو ولا عمتو غتبقاي تعيطيلهم هااكا باش تخدميهم وتحني الراس
شيماء: مفهمتش
هند: متحتاجيش حيت داكشي دأمال مبقاش كيخصك
شيماء: هي للي ݣالتها ليك
هند: وعندك شي شك بقيتي فية اشيماء فرحانة على واالو ولكن معليش توالمتو مع بعضيااتكم
شيماء: حشومة عليك اهند ياك نتي صاحبتي خاصك تفرحيلي
هند: نتي اصلا معبرتينيش مسولتيني معلمتيني انا جيت هنا غير على قبل أمال أمال للي تموت معاك واخا تكون هي كتمووت نتي شنو! غير ديال حاجتك ومصلاحتك بنت عمك وصقلتيها ومعقلتيش عليها عاد تعقلي علية انا وعقلي على هاد الكلمة غتندمي وبزاااااف خسرتي ناس على ود شمااتة للي نحلف لييك داير هادشي غير باش يفقس أمال للي مزال كيبغيها (خرج تلاقات مع نعييمة) الله يكمل بالخير اخالتي
نعيمة: اميين ابنتي اجي نعطيك شنو تلبسي
هند: نعبط غير عند أمال نشوف كبقات ورجع راها مريضة بزاف
نعيمة: مفهمتش ابنتي مالها مطلعتش ماشي ديالها
هند: غير مريضة وصافي راكي عارفة امال هي للي متفوووتش شيماء راها كتر من ختها (كتسمعلها الهضرة)
نعيمة: انا شوية ونهبط عندها مسيكيينة طاحت فعائلة لا إله إلا الله
هند: وييييه الجهل وميدير (خلات شيماء كتفقس وهي دازت من حدا الصالون قلبت وجهها نيت كان حاضي ولكن للي مستغرب منو هو وجه أمال للي مضروب ضرب خاايب!!! شقلبت عينها ولوات شنايفها وقلبت وجها بحركة مستفزة منين شافتو..)
نعيمة: (دخلت عند شيماء دايخة) هند مجاياش عندك جاية تشوف أمال للي داكنهار كانت بحال لهبيلة وتضربات ونتي بووحدك هنا اش كاين ابنتي واش مخاصمة معاهم؟؟
شيماء: (بعصبية للي خلات فيها هند) أمال حسداااني أماما واش مفهمتيهاش السيدة حاطة لعين على خطيبي وكتعمر حتى هند علية للي مدتهاش فية وجات تباركلي وهبطات عند هاديك للي كدمع شفتي اماما أمال لليكتكولي قلبها زوين وبيض وبغيتيها لوليد
نعيمة: لا أمال مزيااانة شي حاجة اخرى بيها
شيماء: اممم انا للي كنعرفها مبروك مقدرتش تطلع تكولهاالي
نعيمة: معرفتلكم نتووما خاص نجمعكم بتلاتة ونفهم الصحبة بيناتكم زوينة متخسروش بعضيااتكم
شيماء: اممم (شافت راسها فلمرايا والسم طالع معاها واخا هند للي سمعاتها لهضرة ونغصاتها عليها حقدت على أمال ولفاتها ديما مسكينة وهي الوحيدة للي كدافع عليها صدق هند وحتى نعيمة كدافع واخا عيات شيماء متبين راه أمال غيراانة ومحساادة) واش نخرج ولا مزال
نعيمة: حشمي ورزني ابنتي منين يجي وقتك غنجي نخرجك وعينيك فالأرض
شيماء: (عوجت شنايفها) وقراو حتى الفاتحة
نعيمة: الفاتحة غنقراها على رووحك الا متقلتييش وبقاي كتجابهي معايا نخرج نفرتك هادشي
شيماء: علاش اماما واش مفرحانالييش؟؟؟
نعيمة: (ميقت فيها) حسدااك على عكوزتك للي فرحانة وطايرة بيييك سكتي وسدي عليك هاد لباب نشوفو ديك ختنا (شيماء اصلا ممسوقاش لمو لي مشافتخاش داك نهار ومهزتش الراس فيها للي كيهمها هو أنوار صيفطاتلو ميساج) ممايقاش غنتزوجو
أنوار: (قرا لميساج وجاوبها) واعدتك داك نهار ووفيت وداكشي للي درتي عجبني
شيماء: (تبسمت حشمانة) انا كولي لييييك
أنوار: عارف داكشي باش ختاريتك نتي للي تكوني مرتي
شيماء: (فرحتها معرفت لمن تعطيها) كنبغيك بزااااف (حطت تيليفونها وتفكرت نهار العرس منين بيتهم معاه فالدار…
#فلاش_باك
كانت كتصنت علي أمال وأنوار للي مبغاتوش يقربلها عرفاتو تعصب مشات على ريوس صباعها للكوزينة كانت هند فسابع نووومة حيدت تريكو وسروال وبقات فديباردوور مشبك فصدر وشورطو قصيير وطلقت شعرها هزت قرعة وهزت كاس فيدها وبقات فلكوزينة كتسناه حتى حقق مورادها ودخل مع سمعت زطامو ضارت دايرة يدها صدرها حشمانة
شيماء: هااء محسابليش غتجي
أنوار: (طلع الشوفة فيها ونزل) معليش
شيماء: (تبسمت وحيدت يدها من فوق صدرها) نكب ليك تشرب؟؟
أنوار: (تبسم على جنب دخل للكوزينة سد لباب بشوية ودور الساروت وهي قلبها كيضرب وقرب لعندها وحرك راسو كيشوف فصدرها) نشرب من عندك ازين
شيماء: (تبسمت كترجف وهو كيقرب حتى وقف حداها مبينهم واالو دار شد من عندها لكاس وحطو بعيد ودار يديه بجوج فوق لبوطاجي وحنا لمستوى وجهها)
أنوار: شكون هداك للي عطات أمال نمرتها ليه فالعرس ومشات تلݣاتو فطواليط؟
شيماء: (بلعت ريقها) خو لعريس للي كانت تشطح معاه راه وريتك فاش هضرت معاه كولشي عندك بتصاور واخا بنت عمي منبغيش للي يظحك عليك
أنوار: (ديجا صيفطاتلو فيديو كتقول فيه أمال عمرها تخلي أنوار يقيسها حتى يتزوجها وطلعلو الدم بزااف من ديما هو كتصدو وهي دايرة مبغااات) كتبغيني اشيماء؟؟؟
شيماء: (هزت عينيها فعينو) كنمووووت علييييك….
يتبع
شاركنا رأيك في هذا الفصل 🌹